Re: 2'3' BY Msi Miluhlulnui (Completed)
Posted: December 23rd, 2019, 11:42 pm
2'3' BY MSI MILUHLULNUI - 31
I beisei leh duh dan angin tu mihring mah hi an awm dawn lo, beiseina hloh phah chuang suh
"Bawihi che miah suh aw" rawn ti sup tu chu thei leh thei lovin ka melh a, ani erawh na tih vangin a lo then tlawk tlawk a. Min kuahna chu ti nghet sauhin "tikhan awm rawh" a ti leh sup bawk a. Ka chet dawn rual rual chuan min rawn kuah nghet lehnghal bawk.
"Min thlah teh hei, I ban a thi alawm. Ka... Ramhlun I ban a thi" ka ti tung a, keimahah hlauhna a rawn awm a, ka hrelo ka chiai vek ani ber. "Bawihi ka hria min kahna lamah I taksa an kap thawi tel a, chuvang chuan che miah suh" a rawn ti nghut a. A bana thi chu rang zet hian ka dawm sak a.
Kei pawh ka pum chu a rawn thip leh zawk thin bawk. Ramhluna sawi ang tak tak khan min kap thawi ani ngei ang. Ka pum atang chuan thisen tak zet mai a rawn luang chhuak ve bawk a. Mahse ngatan mah ka ti lo.
"Kalsawn ang... Ramhlun heta tang hian kalsawn ang, I ban leh ka.. I dar hi" ka ti chûl a, ani erawh chu rûm nghutin ka tukhumah a rawn fawp vang vang a. "Bawihi, I che anih vaih chuan an rawn kap lehnghal dawn che. Che tawh suh" a rawn ti a, mahse chutianga in dan ngawt theih ani lo.
A ban atangin thi chu a rawn luang chhuak zela. "Bawihi, engmah ani lo. Che tawh lo rih lawk la" a rawn ti sup a, ka bekah chuan a rawn fâwp nghal tawk a! "Che tawh suh, min ti tawh suh, I ban atangin thisen a rawn luang chhuak a, chuan engtin mah ti lo turin min ti a. I mawl ami. Damdawiinah kalpui vat a ngai alawm" ka ti nghal hlak a. A ban tuam na tur chu ka zawng nghal ruai bawk a.
Ka chet avang chuan ka pum a rawn thip leh zawk a! A nat em avang chuan ka then nghal tlawk tlawk a. "Malsawmzual, che suh ka tih che kha" rawn ti hrâwih ri ka hriat rual chuan ka îp nghal châwih a, amah zawk zawk in ka pum chu a rawn dawm a.
"Gabriel, tunah sawn pahnih an lo kal belh a, zuah miah suh ang che u" a ti zui leh hrâwih a, chumi rual deuh thaw chuan silai chu a rawn puak nghal thawt thawt a. Ka pu zuk zuk zel bawk. Ramhluna chuan min pawm kang nawlhin car chhungah chuan min nghat a.
"Luhlul lutuk mai, ka ban te hi chu thihna tham pawh ani hleinem, nangmah hi in en zawk ta che. I dâng vek tawh hi. Thisen a chhuak nasa tawh bawk si" thinrim aw ka ni lo mahse lungawi lohna aw ka zawk ani a chhah chhuah ni.
Ka pum ka en thlak chuan thi awmna chu alo val kulh a, thisen tlem tlem a rawn luang chhuak bawk a. Thisen ka hmuh hi chuan ka nu kha ka hrechhuak ziah thin. Chhuata thi hnuang chunga alo let te. Hrilhhai zeta ka bâwihsâwm lai te kha. Thei leh thei lova a rawn meng a, a thu min hrilh te kha. An rawn lang uar uar a.
Ka mittui a rawn hnâm nghal kuar thei. Ka pum rawn thîp zawkah chuan ka mittui a rawn far thla keuh a, Ramhluna banah chuan a far thla nghal keuh bawk. Rang zeta rawn hawi chhuakin "Bawihi, ana ami? Tihpalh lutuk. Hrep chuan engvanga râwn hmasa lo che nge maw ka nih le" ngaihdam min dil a, mahse amah indemna aw ri a chhak chhuak lehnghal tho.
Muangchangin amah chu ka en a, min rawn en ve chiah bawk a. Ka mittui a hmuh rual chuan rûm hrâwihin ka biangah chuan a kut pahnih chuan a rawn khuap bet nghala. Ka mittui chu a kutzungtanga hru zeuhin "Duati, he thil hi natna keimah vanga tla ni tawh lul suh se" a rawn ti sup a, ka mitah chuan a rawn fawp vang vang a. A banah rêkah chuan ka lo vawn sak nghal vat a.
"Ramhlun, ka nu kha, ka nu kha. Thisen tam tak nen chhuatah alo let reng a. Keimah chauhin hrilhhai zetin ka bâwihsâwm asin. Chuan thei leh thei lovin a rawn meng a" ka sawi zawm thei lo. Ka inhnît nghal feih a.
"Bawihte" rawn ti supin a âwmah chuan min kuah bet nghala. Pawn lamah chuan silai ri chu a nasa tual tual a, min kuah beh pah chuan ka beng a rawn hup ve ve a, ka chhipah chuan fawp nghal tâwkin "ka tihpalh" ati leh sup bawk a. Ka tah chhuah loh nan ka hmui ka pet fan fan ringawt.
Ka nu kha thei leh thei lovin a rawn meng chhuak a. A hnen atanga ka la hriat ngai miah lo. Hmangaihna thu min hrilh a, chuan a duhthusam hnuhnung ber pawh thei leh thei lovin, khur hlawk hlawk chungin min hrilh anih kha. Ka hrilhhai lutuk khan ka lo ngaithla mawl tawp a. Engmah tih nachang pawh ka hrelo anih kha.
Khatih hun lai khan lo fing deuh ila chu, ka nu kha ala dam ngei anga. Hlim takin ka pa kan hmu dun anga. Keiin. 'Pa' ka ti anga, ka au anga. Aniin 'bawihi pa, duhtak" a ti ngei awm si a. Tichuan miin a chhungkua an sawi chu kan ni ve mai dawn si.
Ramhluna chuan min nawr hla hlekin ka hnarah chuan a rawn fawp zeuh a. Ka beng ala hup reng bawk. Mahse a aw ka hre thei a. Silai ri erawh chu ka hre zawi tial tial bawk. "Ka venghim tlat tawh ang che. Ka tihsual min ngaidam dawn anih chuan hetiang thil hi a thleng leh tawh ngai lovang, chuan keimah avangin he biangah hian mittui luang tawh lo se ka duh" ti supin ka biang chu a rawn fawp a. Insawn zelin dam zet hian ka hmuiah chuan a rawn fawp vang vang a. Amah ka huatna te kha tunah hian amah ngeiin tidam tan leh mek tawh bawk.
Gabriela chu kan bulah rawn kal in Ramhluna banah chuan eng emaw a rawn hnawih a, a tuamsak nghal bawk a. Enge tiha ka zawh chuan 'ka tana damna dawi pahnihna anih hi, nang hi pakhatna' a rawn ti a. A thusawi mai mai avang chuan ka ner nghal nâng bawk.
Che lo tura min duh avang chuan a malchungah min pawm bet nghal vek a. Ama sawi dan chuan a thi chhuak tur ka dang a, che rih lo la ka duh a ti a. Vawt ka tih avangin a taksa lum zet chu ka ngheng nasa zual sauh bawk a.
Car chuan min tlan chhuahpui a, car hi a chhunglam atang hi chuan pawnlam hi kan hmu vek thei a. Mahse pawn lam atang erawh chuan a dum vek thung a. Engmah a hmuh theih lo.
Thawm avang khan mipui an lo chhuak ani ngei ang. Feli pawh ka hmu a, thei leh thei lovin garage chhung chu a bih a, min zawng pawh ani maithei. Police ho pawh an duty khat vek tawh. Amah erawh chu police panngai an ni hauh lo bawk.
"Bawihi I mut a chhuak em? " Ramhluna chuan a rawn ti sup a, rang zeta lu thing in a taksa chu ka kuah nghet sauh sauh a. Aniin ka chhipah a rawn fawp vang vang bawk a. "Sir, pakhat kha a tlanchhuak hman a, kan kap ve hman lo" Gabriela chuan driver seat atang chuan a rawn ti a. Ramhluna chu a thaw chhuak hawk a.
"Umzui zel ang che u. Mizoramah a awm anih chuan min rawn bi tum leh dawn" a ti a. "Venhimna kha khauh tha bawk rawh se, hrilh darh nghal rawh. An hna an thawk tha lo anih chuan an chan tur kha hre nawn bawk se" a ti nghet leh churh a. A tawngkam chhuak reng reng chu a nghet churh vek a. Tu tan pawh tih ngei ngei na chi ani.
"He thil hi I hre lawk tiraw" ka ti sap a, na zet hian a thaw chhuak hawk a. "Duati" a rawn ti sup a. "Min hrilh la, he thil hi I hre lawk tiraw?" Ka ti leh sap a, thei leh thei lo chuan ka han en chho a, thaw chhuak ham ham in min rawn en ve a.
"Ka hre lawk, mahse keimah zawk min kap ang tih ka hre lawk hauh lo. An tumdan chuan nang hi kah che an tum a, mahse keimah min kap ta zawk anih kha" a ti sup a.
"Anih tunge chutiang ka chunga thil thlentir duh ve ngawt ang. Tihsual ka nei si lova" ka ti sap a. Thaw chhuak ham ham in ka hnarah chuan a rawn fawp nghal zeuh a. "Bawihi, tihsual I nei lo. Engmah I tisual lo, chuan I chunga hetiang thil thlentir duh chu tam tak an awm. Chu pawh I tihsual ni miah lo ah keimah min kawp avang hian ani. Ka kianga I awm chuan harsatna leh natna, a inchhâwkin I tawk reng dawn a. Tu mai pawh hian keimah tihchhiat nan an hmang vek dawn che ani" a rawn ti sup a.
Chhang let ta lo chuan maimichhing chungin a taksa chu ka kuah nghet leh sauh a. Amah ka huatna zawng zawng te kha amah vek hian min tihdam sak leh a. Ka natna lo pai pawh amah vek hian min tihdam sak leh bawk. Kha thil thleng erawh a sawifiah ka la phût cheu bawk dawn.
Chuan miin eng tawktar ah pawh min hmang mahse, ani hi ka kalsan ngai lovang. Chhan tha tak avanga kalsan a ngaih chauhin ka kalsan ang. Chuti anih loh chuan a lak atang hian ka kal hrang dawn lo. Aman min kalsan anih loh chuan. A chhan pawh, ka nunah hmun thûk tak a luah tawh tlat ani.
Damdawiin kan thlen chuan min pawm lut nghal vat a. Mi mit chu kan pahnihah a fu thap bawk. Duh lo viau mahse a kut entir hmasa turin ka ti a. Ka tih luih tlat avangin lungawi lo tawkin doctor a entira, an lo tuam vûm sak lûng anih kha.
Kei erawh tih neuh neuh ngai a awm avangin a buaithlak deuh hlek a. Hliam kha alo thuk deuh hlek avangin thui hial a ngai a. Ramhluna chuan Doctor te zawk alo tur sek a. A ban chu en in a chet lehnghal hluk zel bawk.
Ramhluna POV (mipa POV hi ziah har ka ti tawp. Ka dik lo aniang)
Bawihi an kahna an thui chhung zawng chuan pawn lamah ka lo awm a, rei ka ti tawh lutuk chu ka lo tei kual sek bawk. Eng em em nge maw an tih le. Darkar 1 chuang an thui tawh. Hun a duh rei loh tehlul nen. Bawihi taksa an la hmu dawn zui lehnghala. Hrep tak chuan enge maw lut rawh min tih lai khan ka lo luh ve mai mai loh le.
Keimah vang bawkin hliam a tuar a, a na bawk thin. Chu chuan keimah ah a vawikhat nan I thiamlohna a awm tira, heng misual ho lah hi ka chêt khalh thei miah loh lehnghal.
Hemi te hi ka pa company ka enkawl hnu a min er em em tu te an ni a. India ram chhunga company awm zinga midang rama company va din thei awmchhun kan nih avangin min er em em thina, mahse hetiang lam thleng thleng hian an tih duh hi ka ring ngai hauh lo.
Bawihi nen kan inkawp tih an hria a, amah hi ka chak lohna ani tih an hriat takah chuan Bawihi tawktar ah hmangin min bi tum a. Mahse hlawhchhamna bak an hmu let hauh lovang. Ka Duati hi tuman engtin mah an tih ka phal dawn hauh lo.
He thil hi chinfel a awl ai dawn lo tawp bawk a. Lalrinkima leh anu an in rawlh miau a, tunah pawh an share hralh hi keimah ngeiin ka lei sak zela. Sum ngah an duh luatah an thil neih an hralh zung zung mai ani. Mahse ka lei tih erawh an hre hauh lo.
Ka pa lah an bum â let der tawh a. Ka pa mah nise puih ka tum hauh lo. Amah ngei hi ani min hmangaihna tibo tu chu, a hmuh chhuah chu a kutah a nghat bawk a. Thil a hrethiama a fapa anga min pawm leh dawn anih chuan engkim huamin ka pui ang. Tunah erawh chuan ka tana mi pawimawh ber chu Bawihi hi ani tlat.
Evelyn'i thu min hrilh leh thlalak min entir ka lo pawm nghal mai kha. A âtthlak takzet bawk. Ka duha ka hmangaih anih chuan amahah rinna nghat tur ka ni. Khatiang mi anilo tih pawh keimah ka inhriat tlukin ka hrechiang, mahse engvanga ring nghal mai nge ka nih ka in hre hauh lo.
Bawihi pawn engpawh min zâwt se, chhan ka inhuam. Evelyn'i sawi ang erawh kha chuan kan mudun hauh lo. Ka hmuia lipstick alo kai Dan kha ka hre hauh lo bawk. Hrep chuan khanu pawh khan hremna a tawk ngei ang.
"Sir, Ols Burac khan zaninah hmuh che a duh a, sawi dun pui tur che a neih thu a sawi bawk a" J'a thusawi avang chuan ka rûm chhuak nghal nghut a. "Min hmu duh anih chuan amah ngeiin min rawn pan rawh se, anih loh chuan a fapa in a tuar ang tih kha hrilh bawk rawh" ka ti chhuak hrawih a.
Tun hunah tak hian ani ka training naa ka thil zir te ka hman tangkai hun tur chu. An chhungkua ka hrechiang bawk a. Enge an chaklohna pawh ka hre ngang mai. Amaherawhchu; muangchanga chêt hian anni pawh ati thlabar zeul deuh mahna.
A nupui erawh tunah hian Gabriela'n a buaipui mek bawk a. Ani hmeichhe tih ki kawi kual vel dan a thiam a, awlsam takin a keuh thlu lehnghal vat mai ang.
Hetiang em em a chet hi ka duh bik hauh lo. A tir kha chuan panngai taka indawra an harsatna laiah puih ka tum kha ani a. Mahse anni zawkin hma an la sual a. Anni aia ka lak sual ve a ngai ta tlat ani. Ka duh dan ni lo mahse, an chêtdan zui zel dan avang hian anni aia hraw zawka ka chet angai a. Ka training sir pawh ka va be pawp fo bawk.
Kum tam tak ka zawn tawh CD chu amah hian a kawl tih ka hre bawk a. Chu thil chu neih let ngei ka ngai ani. A chhunga awm an en anih vaih chuan engkim a bul atang khan a tawp vek ani mai. Bawihi thleng hian ka chân ngei bawk dawn chu thil chu ka duh lo ani. Kumkhuaa ka bula awm Turin ka duh. Ka kiangah.
"Sir, va intifai phawt la" Gabriela chuan a rawn ti a. Ka in en chian chuan thisen ka lo kai nuai mai a. Mahse a pawina a awm hauh lo. Bawihi hnenah a mit a rawn men ruala, min hmuh nghal tur thu ka tiam tawh a. Engti kawng mah hian ka kalsan dawn lo reng reng.
"hei chu ka la ti ang, mahse chu ai mah chuan Elizabeth'i kha biak pawh tum rawh u a puihna kan mamawh dawn ania. Ols burac'a hming tak a hria in ka hria" ka ti sup a. Ka sawi tawhin ka hria. Hepa hi mizo ani a, mahse ramdang anga insawiin min bum char char a. Apa pawh Home Minister ani tih ka hre tawh a. Hei chu patea kutah khan ka dah tawh bawk. Mahse apa tunge anih ka hria a, ama hming tak erawh ka la hre thei lo fo.
"Mahse, Elizabeth'i chu LA lamah a kal daih tawh alawm. Ka lo chhoh ni khan ani pawh a kal ve nghala"
"Chuvang tak reng chuan biak pawh dan in zawng dawn reng alawm. Amah atanga direct nghal tawh lo khan a secretary kha be pawp hmasa ulang a that ka ring" ka ti nghut.
Ka hmaa patea hmanhmawh leh hlauhthawn hmel zeta a rawn tlanphei chu ka lo en reng a.
"Tunge patea saw ko? "
"Keiman, ka ko. Ih.... U Zualtei chanchin min zâwt a" Gabriela chuan a rawn ti a. Patea chuan ka bul a rawn thleng chawpchilh nghal der bawk.
"Khawnge ka fanu chu? Engtin nge a awm? A tha em?" A rawn ti nghal zung zung a.
"Pate, a tha vek e, an thui mek alawm. Engtin mah a awm lovang. Ka awm chhung chuan engtin mah a awm lovang" ka ti a. A hnungah chuan Julia in a rawn zui bawk a.
"An zaina a rei tawh em? A ngaihtuah awm loh maw? " a rawn ti ve sap a. Ka bu nghat. Henu hi chu nu chhuanawm tak ava ni chiang em!
Ka phone a rawn rik avangin ka kalsawn nghal vat a. Ka la chiah chu. "Bro... Enge ka babe chu a an a? " Kima chuan a rawn ti a. Ka rûm nghal nghut.
"Lalrinkim I tawngkam kha fimkhur rawh aw" ka ti hrâwih.
"Oooo.. Enge fimkhur na vak tur awm a, ka hnena alo kir hunah hrisel deuhin rawn let se ka duh mai ania" a nui zui hawk hawk bawk a.
"A rawn let hauh lovang" ka ti hrâwih. Ka nau anihna anga zah mai chauh ka ni. Chuti ani loh chuan tuna ka chet dan ang chiah hian a chungah pawh ka che ve ngei ang.
"Let dawn e, ka rawn tirhte khan an rawn hruai haw ngei ang" ring zetin ka nui chhuak hawk a.
"Oh! A pawi khawp mai. I mi tirhte chu an vai khan an muhil tawh tlat" ka ti chhuak hluk a. Phone lehlam atang chuan a rawn au chhuak hrâwih a.
"Lo en rawh, I châk lo ang. Nangmah ngei kha ka la ti chhe vek che anga. Zualtei pawh kha ka la let leh ang" a rawn ti let a.
"Tumna hi a pawimawh. Han tum phawt mai la. Mahse hlawhchhamna bak I hmu let chuang lo ang" ti kha fak in phone chu ka off nghala. Engtikah mah Bawihi hi a hnenah a let duh dawn lo tih ka hria. Mahse hepa hian a duh duh in thil a ti thei tlat. Mahse ka lak atang hian tu man an lak hran ka phal ngai hauh lo ang.
Ka nupui niin ka kiangah hlim takin kumkhuain awm se ka duh a. Ka nupui. Hrep chuan, min ngaidam tawh em tih pawh hriat hma hmaa ka lo suangtuah vak a. Mahse heihi chu ka chiang ani. Ka nupui anih loh chuan tu nupui mah a ni lovang.
"Sir, an lo nawr chhuak dawn asin" J'a chuan a rawn ti a, phone chu ipte ah thun mawlh mawlh in ka tlanphei nghala. Ka va thlen chuan an lo nawr chhuak chiah bawk a. Zawh ngai lovin chhanna min pe leh sa ngei bawk ang.
"Sir, kan thui zo tawh a. Mahse damdawiinah hian ni reilote chu ka awm se, in lamah chuan a intikhawlo palh ang tih a hlauhawm. Englo, ka tang hma ka hai duh vang ani miah lo ania. Damlo dinhmun diktak atanga ka thlir dan ania" min hlauh hmel zet hian a rawn ti a. Ka bu nghat a.
"Ka rawn hmu ang che, chuan nurse leh doctor pawh a tha ber ber ka duh ang. In hna in tlin ngei ka beisei" ka ti sup a. Bawihi awmna lam chu panin a kutah chuan a vuan nghala. Engmah sawi lovin a chalah chuan ka fawp nghal vang vang a.
Reilote pawh min awm bosanin ka awm thei lo chu ania. Kal bo emaw, thihna chungchang emaw phei chu sawi tawh hlek suh ang che. Ka phun nghal sup bawk.
Bawihi chu keima private room ah ka dah a, amah vengtu leh awmpuitu ka dah tel vek bawk. Zanah chhuah ka ngaih avangin ka awm loh chhung hi chuan, buaina engmah thleng lo se ka duh. Chu chu ka duhdan ani.
"Enge Zualtei chu a an a? " Room chhunga Rsa leh Davida rawn lut chu thu turin ka mitmei nghal zeuh a. Bawihi erawh a rawn harh tawh a. Mahse na a tih avangin an jection lehnghala. Heihian darkar 6 a awh dawn bawk a. Chumi zawhah chuan a harh panngai tawh tur thu a sawi bawk a. Tunah hian ka kut vuanin a muhil mek bawk.
"A tha, an jection leh a" ka ti sap.
An rawn thut ve rual chuan "ngatinge le, buaina hi a chungah hian a thlen reng bik le. Keimahni thlen tir te pawh ani rum rum in ka hria" David chuan a rawn ti ve nghala. Bawihi chu ka en a, tui zeta muhilin a thaw siai siai a.
"Nia, kan thil tihsual hi a tuar bik ziah" he thil ah hi chuan sawi tur ka nei ve hauh lo.
"Rs, Gabriela khan Elizabeth'i biak pawh I tum tih a sawi a. Enge chanchin? Kan Mr. Burac lah hi a rawn che turu nasa mai sia. A landan chuan Minister lamah pawh hmelhriat a nei tha viau in a lang" ka ti a. Bawihi rawn inlet tur chu ka pui nghal vat a. Ka ban kham in a rawn thaw chhuak leh nghal siai siai bawk a.
A hmui senno chêk chuan ka mit a la leh chat tawh mai. Ka thiante pahnih hi awm lo se chu engmah ngaihtuah lovin ka thluaka rawn lang ang hian ka che nghal chiang ngei ang.
"Nia biak pawh ka tum a, mahse engmah chanchin ala awm lo. Ols'a hmingpum hi a hria in ka hria a. Chuan bakah amah hi kan hmang tangkai thei dawn a. Ka pa pawn nimina Kima te share hralh kha alo lei a" a ti a. Ka bu nghat a.
"Pawi lo, nangni pawn in duh chuan lei rawh u, mahse hriattir lo ula. Hepa hi chu man ka chak tawh khawp mai" ka ti hrawih a.
"Kei tak hi ania. Mizo alo nih ngat phei chuan tunge ka hre chak takzet ani" Davida chuan a lo ti ve bawk a. Kan pathum hian kan pa te atanga inkawm ho kan ni a. Kan pa te avang hian in tihhlimna hun pawh kan nei ngai meuh lo. Kan awmho pawn hna lam bak kan sawi kai ngai meuh lo a. Party naa kal ho hi kan theih ve chhun ani.
Tunah pawh hna chungchang bawk kan sawi a. Bawihi a rawn chet sek avangin duh angin ka tawng ve hleithei hauh lo. Zan lama Ols Burac'a min hmuhpui turin ka ti a. Eitur order turin an chhuak zui nghal daih bawk.
Bawihi chu rawn zi mar talh talh in min rawn kuah a, a chetna avang chuan a pum chu ana deuh ani maithei. Ner nâwngin a rawn meng riai riai a. Ka en reng tih a hriat rual chuan a nui leh suk a. A pum chu a dawm a. A then leh sak bawk.
"Ana mi? " ka tih chuan a lu a thing nar nar a. "Ka tipalh mai mai anih kha" a rawn ti sap a, a sam rawn uai thla chu a bengah ka zeh sak nghal a. Muangchanga rawn tawlh chhoh a tum rual chuan a zak ah vuanin keimah zawkin ka malchungah ka nghat a. A hmai bul chêtah chuan ka thaw chhuak nghal ham ham a.
"I mut chhung zawng khan, hremna rapthlak tak mai ka lo tawk a. Mahse tunah hei chu hremna chu a ti nep tu tur alo harh tawh a, ka hremna hi min tih nep sak tawh se" a hnarah ka fawp nghal zeuh a. A nui chhuak hak a. He nui ri hian alawm. Keimaha awm ngai lo ka thinlung hmun tina ama natna hrik thehdarh ni.
" I over" a ti hlak a, ka vawn behna atanga tal thlak a tum rual chuan a ke lamah ka kherh bet nghala. A kawng chin chunglam erawh chu amah pawh hian a ti che tha ngam lova. Keiin a ke lam ka lo kherh bet bawk nen, engtikah mah a chhuak hauh lovang.
"Ka ke I kherh bet a, I phakar" a rawn ti hlak a. A tawngkam hman avang chuan ka nui chhuak hawk a.
"Duati, hremna ka tawh hi na ka ti tawh alawm chuvang chuan min tihdam sak tawh mai rawh" ka tih chuan thei leh thei lo hian ka darah a rawn beng ri thlawrh a.
"Over suh, Damlo ka nih hi chutiang tih te chu a! " a ti hlak a, ka hmai zawnah chuan a rawn tûm deuh bâr bawk a. A hnarah chuan fawh sak zeuhin hnuailamah chuan ka fawp thla zela. A hmui bulah chuan thaw chhuak hawkin.
"Chakna ka chang zawk mai ang" ti supin ka fawp nghal vang vang a, nui sukin min chhang let ve nghal vat a. He hmui nêm leh thlum zet hi ka ngai a, amah chawp hian ka ngai vek. Ei zawh vek mai ka duh rum rum.
A hmui hnuai chu pet in ka fawp dek dek a, a ka atang chuan a rawn thaw chhuak leh hawk zel bawk a. A ka atanga lumna rawn chhuak ve chuan phurna min pe sauh thung.
"Chu mi an lo kal" tih pah chuan a inla hrang a mahse a tukhumah dawmin ngen ngawl zetin ka fawp lehnghal ngawng ngawng a, engtikah mah ka kham ngai lovang.
Kawngka ri rak ah chuan rang lutukin min thlah a, a mu tha tur chu ka pui nghal vat a. Hrep chuan Rsa te mai mai chu hun nuam lai hi min chân tir ve ziah. Hemi te pahnih hi eng emaw la sawipui a ngai ani.
Eitur an rawn khai lut teuh a, Bawihi chu an rawn be nghal bawrh bawrh a, kei erawh chuan ka lo melh rum ngang mai. "Zualte, I bialpa hian kan rawn kal atangin min melh rum ania. I lo hau ami" Rsa chuan a rawn ti leh kher a.
"Lalrinsang, tawng tawng lo khan ei mai mai teh" ka ti hluk a. An pahnih chuan an nui dun hawk hawk a. "Ka ei reng alawm, mahse min lo melh kher lo la, min ti lai ve a" a rawn ti leh kher a. Bawihi lah chuan min rawn nghawk zeuh a.
"I hmel kha siam tûm suh, I thiante hian hian an hrethiam vek ania" zawite tak te hian a rawn ti sap a. Ka rûm nghut a. "A ho lutuk. An rawn kal hun a fuh lo thei em anih kha" ka ti nghut a. Min nuih suk ringawt.
Bawihi te nen eng emaw an sawi ho a, an nui leh dar dar thin bawk. Kei erawh hna ka lo thawk mial mial thung. Zanina kan inhmuhna turah hian engkim a fel vek a ngai a. Pakhat te pawha ka che chhia anih chuan kan tuar vek thei.
Ka phone rawn rik avang chuan ka kalsawn deuh hlek a. Bawihi pawh nui tha ngam chiah si lo, nuih duh bawk si avangin, a khi ve sen sen a, duhawm leh lutuk mai.
Kima anih avangin ka lak veleh chhang lo chuan a sawi tum ka ngaithla leh te te phawt a. "Zualtei, kha ka ta ani vat dawn" tih a rawn sawi chuan ka nui chhuak hawk a. "Chu thilah chuan maw ilo la buai" ka ti fak a.
"Buai ang chu le, ka ta ani dawn miau alawm. Ka duh duh hunah ka taah ka Siam thei" a rawn ti a. "Tum Chhin la" ka ti sup. Tukverh atang chuan Bawihi nui sen sen chu ka en pah bawk a.
"Tum Chhin pawh ni lovin, Tunah pawh hian ka ta ani thei tlat. Bro I dâwn thui lo ani. Eng emaw tunah hian ka kawl tlat" a rawn ti a.
Ka chhan ve leh hma hma chuan "Bro.... Nangmah ti chhe vek tu tur che alo awm a, chuan tunah chuan chu CD chu ka kawl mek bawk a. A chhungah enge awm en a chakawm khawp mai" elhsen zetin a ti chhuak a.
"Lalrinkim" ka ti nghal hrâwk a. A rawn nui chhuak hawk hawk a.
"Bro... Hlauthawng suh, a chhunga awm ka la en hleinem, mahse ka en hunah erawh chuan engkim hi ka ta vek ani tawh dawn". Nui chung hian a rawn ti a. Hrep chuan khapa phiangsen khan alo pe ani maw. Lalrinkima'n a kawl vaih chuan Bawihi hi ka chân thei reng. Ni lo, engti kawng zawng pawha ka lak let ngei ngei a ngai. Ka hmangaih hi ka chân thei lo.
Rin ai exam pawh a kal tluang phian mai, mahse kan exam rei tawh lutuka ka hne tawh.... Sel miah lova min lo nghah tang tang peih avangin in chungah lawmthu ka sawi e. Kan exam zo tep tawh ania. Lo nghak fan fan ru aw, ka regu thei tep tawh. Dawhthei takin min lo nghak leh hram hram dawn nia. In vaia chungah ka lawm e.
Post leh hma chu... Bye bye ule
I beisei leh duh dan angin tu mihring mah hi an awm dawn lo, beiseina hloh phah chuang suh
"Bawihi che miah suh aw" rawn ti sup tu chu thei leh thei lovin ka melh a, ani erawh na tih vangin a lo then tlawk tlawk a. Min kuahna chu ti nghet sauhin "tikhan awm rawh" a ti leh sup bawk a. Ka chet dawn rual rual chuan min rawn kuah nghet lehnghal bawk.
"Min thlah teh hei, I ban a thi alawm. Ka... Ramhlun I ban a thi" ka ti tung a, keimahah hlauhna a rawn awm a, ka hrelo ka chiai vek ani ber. "Bawihi ka hria min kahna lamah I taksa an kap thawi tel a, chuvang chuan che miah suh" a rawn ti nghut a. A bana thi chu rang zet hian ka dawm sak a.
Kei pawh ka pum chu a rawn thip leh zawk thin bawk. Ramhluna sawi ang tak tak khan min kap thawi ani ngei ang. Ka pum atang chuan thisen tak zet mai a rawn luang chhuak ve bawk a. Mahse ngatan mah ka ti lo.
"Kalsawn ang... Ramhlun heta tang hian kalsawn ang, I ban leh ka.. I dar hi" ka ti chûl a, ani erawh chu rûm nghutin ka tukhumah a rawn fawp vang vang a. "Bawihi, I che anih vaih chuan an rawn kap lehnghal dawn che. Che tawh suh" a rawn ti a, mahse chutianga in dan ngawt theih ani lo.
A ban atangin thi chu a rawn luang chhuak zela. "Bawihi, engmah ani lo. Che tawh lo rih lawk la" a rawn ti sup a, ka bekah chuan a rawn fâwp nghal tawk a! "Che tawh suh, min ti tawh suh, I ban atangin thisen a rawn luang chhuak a, chuan engtin mah ti lo turin min ti a. I mawl ami. Damdawiinah kalpui vat a ngai alawm" ka ti nghal hlak a. A ban tuam na tur chu ka zawng nghal ruai bawk a.
Ka chet avang chuan ka pum a rawn thip leh zawk a! A nat em avang chuan ka then nghal tlawk tlawk a. "Malsawmzual, che suh ka tih che kha" rawn ti hrâwih ri ka hriat rual chuan ka îp nghal châwih a, amah zawk zawk in ka pum chu a rawn dawm a.
"Gabriel, tunah sawn pahnih an lo kal belh a, zuah miah suh ang che u" a ti zui leh hrâwih a, chumi rual deuh thaw chuan silai chu a rawn puak nghal thawt thawt a. Ka pu zuk zuk zel bawk. Ramhluna chuan min pawm kang nawlhin car chhungah chuan min nghat a.
"Luhlul lutuk mai, ka ban te hi chu thihna tham pawh ani hleinem, nangmah hi in en zawk ta che. I dâng vek tawh hi. Thisen a chhuak nasa tawh bawk si" thinrim aw ka ni lo mahse lungawi lohna aw ka zawk ani a chhah chhuah ni.
Ka pum ka en thlak chuan thi awmna chu alo val kulh a, thisen tlem tlem a rawn luang chhuak bawk a. Thisen ka hmuh hi chuan ka nu kha ka hrechhuak ziah thin. Chhuata thi hnuang chunga alo let te. Hrilhhai zeta ka bâwihsâwm lai te kha. Thei leh thei lova a rawn meng a, a thu min hrilh te kha. An rawn lang uar uar a.
Ka mittui a rawn hnâm nghal kuar thei. Ka pum rawn thîp zawkah chuan ka mittui a rawn far thla keuh a, Ramhluna banah chuan a far thla nghal keuh bawk. Rang zeta rawn hawi chhuakin "Bawihi, ana ami? Tihpalh lutuk. Hrep chuan engvanga râwn hmasa lo che nge maw ka nih le" ngaihdam min dil a, mahse amah indemna aw ri a chhak chhuak lehnghal tho.
Muangchangin amah chu ka en a, min rawn en ve chiah bawk a. Ka mittui a hmuh rual chuan rûm hrâwihin ka biangah chuan a kut pahnih chuan a rawn khuap bet nghala. Ka mittui chu a kutzungtanga hru zeuhin "Duati, he thil hi natna keimah vanga tla ni tawh lul suh se" a rawn ti sup a, ka mitah chuan a rawn fawp vang vang a. A banah rêkah chuan ka lo vawn sak nghal vat a.
"Ramhlun, ka nu kha, ka nu kha. Thisen tam tak nen chhuatah alo let reng a. Keimah chauhin hrilhhai zetin ka bâwihsâwm asin. Chuan thei leh thei lovin a rawn meng a" ka sawi zawm thei lo. Ka inhnît nghal feih a.
"Bawihte" rawn ti supin a âwmah chuan min kuah bet nghala. Pawn lamah chuan silai ri chu a nasa tual tual a, min kuah beh pah chuan ka beng a rawn hup ve ve a, ka chhipah chuan fawp nghal tâwkin "ka tihpalh" ati leh sup bawk a. Ka tah chhuah loh nan ka hmui ka pet fan fan ringawt.
Ka nu kha thei leh thei lovin a rawn meng chhuak a. A hnen atanga ka la hriat ngai miah lo. Hmangaihna thu min hrilh a, chuan a duhthusam hnuhnung ber pawh thei leh thei lovin, khur hlawk hlawk chungin min hrilh anih kha. Ka hrilhhai lutuk khan ka lo ngaithla mawl tawp a. Engmah tih nachang pawh ka hrelo anih kha.
Khatih hun lai khan lo fing deuh ila chu, ka nu kha ala dam ngei anga. Hlim takin ka pa kan hmu dun anga. Keiin. 'Pa' ka ti anga, ka au anga. Aniin 'bawihi pa, duhtak" a ti ngei awm si a. Tichuan miin a chhungkua an sawi chu kan ni ve mai dawn si.
Ramhluna chuan min nawr hla hlekin ka hnarah chuan a rawn fawp zeuh a. Ka beng ala hup reng bawk. Mahse a aw ka hre thei a. Silai ri erawh chu ka hre zawi tial tial bawk. "Ka venghim tlat tawh ang che. Ka tihsual min ngaidam dawn anih chuan hetiang thil hi a thleng leh tawh ngai lovang, chuan keimah avangin he biangah hian mittui luang tawh lo se ka duh" ti supin ka biang chu a rawn fawp a. Insawn zelin dam zet hian ka hmuiah chuan a rawn fawp vang vang a. Amah ka huatna te kha tunah hian amah ngeiin tidam tan leh mek tawh bawk.
Gabriela chu kan bulah rawn kal in Ramhluna banah chuan eng emaw a rawn hnawih a, a tuamsak nghal bawk a. Enge tiha ka zawh chuan 'ka tana damna dawi pahnihna anih hi, nang hi pakhatna' a rawn ti a. A thusawi mai mai avang chuan ka ner nghal nâng bawk.
Che lo tura min duh avang chuan a malchungah min pawm bet nghal vek a. Ama sawi dan chuan a thi chhuak tur ka dang a, che rih lo la ka duh a ti a. Vawt ka tih avangin a taksa lum zet chu ka ngheng nasa zual sauh bawk a.
Car chuan min tlan chhuahpui a, car hi a chhunglam atang hi chuan pawnlam hi kan hmu vek thei a. Mahse pawn lam atang erawh chuan a dum vek thung a. Engmah a hmuh theih lo.
Thawm avang khan mipui an lo chhuak ani ngei ang. Feli pawh ka hmu a, thei leh thei lovin garage chhung chu a bih a, min zawng pawh ani maithei. Police ho pawh an duty khat vek tawh. Amah erawh chu police panngai an ni hauh lo bawk.
"Bawihi I mut a chhuak em? " Ramhluna chuan a rawn ti sup a, rang zeta lu thing in a taksa chu ka kuah nghet sauh sauh a. Aniin ka chhipah a rawn fawp vang vang bawk a. "Sir, pakhat kha a tlanchhuak hman a, kan kap ve hman lo" Gabriela chuan driver seat atang chuan a rawn ti a. Ramhluna chu a thaw chhuak hawk a.
"Umzui zel ang che u. Mizoramah a awm anih chuan min rawn bi tum leh dawn" a ti a. "Venhimna kha khauh tha bawk rawh se, hrilh darh nghal rawh. An hna an thawk tha lo anih chuan an chan tur kha hre nawn bawk se" a ti nghet leh churh a. A tawngkam chhuak reng reng chu a nghet churh vek a. Tu tan pawh tih ngei ngei na chi ani.
"He thil hi I hre lawk tiraw" ka ti sap a, na zet hian a thaw chhuak hawk a. "Duati" a rawn ti sup a. "Min hrilh la, he thil hi I hre lawk tiraw?" Ka ti leh sap a, thei leh thei lo chuan ka han en chho a, thaw chhuak ham ham in min rawn en ve a.
"Ka hre lawk, mahse keimah zawk min kap ang tih ka hre lawk hauh lo. An tumdan chuan nang hi kah che an tum a, mahse keimah min kap ta zawk anih kha" a ti sup a.
"Anih tunge chutiang ka chunga thil thlentir duh ve ngawt ang. Tihsual ka nei si lova" ka ti sap a. Thaw chhuak ham ham in ka hnarah chuan a rawn fawp nghal zeuh a. "Bawihi, tihsual I nei lo. Engmah I tisual lo, chuan I chunga hetiang thil thlentir duh chu tam tak an awm. Chu pawh I tihsual ni miah lo ah keimah min kawp avang hian ani. Ka kianga I awm chuan harsatna leh natna, a inchhâwkin I tawk reng dawn a. Tu mai pawh hian keimah tihchhiat nan an hmang vek dawn che ani" a rawn ti sup a.
Chhang let ta lo chuan maimichhing chungin a taksa chu ka kuah nghet leh sauh a. Amah ka huatna zawng zawng te kha amah vek hian min tihdam sak leh a. Ka natna lo pai pawh amah vek hian min tihdam sak leh bawk. Kha thil thleng erawh a sawifiah ka la phût cheu bawk dawn.
Chuan miin eng tawktar ah pawh min hmang mahse, ani hi ka kalsan ngai lovang. Chhan tha tak avanga kalsan a ngaih chauhin ka kalsan ang. Chuti anih loh chuan a lak atang hian ka kal hrang dawn lo. Aman min kalsan anih loh chuan. A chhan pawh, ka nunah hmun thûk tak a luah tawh tlat ani.
Damdawiin kan thlen chuan min pawm lut nghal vat a. Mi mit chu kan pahnihah a fu thap bawk. Duh lo viau mahse a kut entir hmasa turin ka ti a. Ka tih luih tlat avangin lungawi lo tawkin doctor a entira, an lo tuam vûm sak lûng anih kha.
Kei erawh tih neuh neuh ngai a awm avangin a buaithlak deuh hlek a. Hliam kha alo thuk deuh hlek avangin thui hial a ngai a. Ramhluna chuan Doctor te zawk alo tur sek a. A ban chu en in a chet lehnghal hluk zel bawk.
Ramhluna POV (mipa POV hi ziah har ka ti tawp. Ka dik lo aniang)
Bawihi an kahna an thui chhung zawng chuan pawn lamah ka lo awm a, rei ka ti tawh lutuk chu ka lo tei kual sek bawk. Eng em em nge maw an tih le. Darkar 1 chuang an thui tawh. Hun a duh rei loh tehlul nen. Bawihi taksa an la hmu dawn zui lehnghala. Hrep tak chuan enge maw lut rawh min tih lai khan ka lo luh ve mai mai loh le.
Keimah vang bawkin hliam a tuar a, a na bawk thin. Chu chuan keimah ah a vawikhat nan I thiamlohna a awm tira, heng misual ho lah hi ka chêt khalh thei miah loh lehnghal.
Hemi te hi ka pa company ka enkawl hnu a min er em em tu te an ni a. India ram chhunga company awm zinga midang rama company va din thei awmchhun kan nih avangin min er em em thina, mahse hetiang lam thleng thleng hian an tih duh hi ka ring ngai hauh lo.
Bawihi nen kan inkawp tih an hria a, amah hi ka chak lohna ani tih an hriat takah chuan Bawihi tawktar ah hmangin min bi tum a. Mahse hlawhchhamna bak an hmu let hauh lovang. Ka Duati hi tuman engtin mah an tih ka phal dawn hauh lo.
He thil hi chinfel a awl ai dawn lo tawp bawk a. Lalrinkima leh anu an in rawlh miau a, tunah pawh an share hralh hi keimah ngeiin ka lei sak zela. Sum ngah an duh luatah an thil neih an hralh zung zung mai ani. Mahse ka lei tih erawh an hre hauh lo.
Ka pa lah an bum â let der tawh a. Ka pa mah nise puih ka tum hauh lo. Amah ngei hi ani min hmangaihna tibo tu chu, a hmuh chhuah chu a kutah a nghat bawk a. Thil a hrethiama a fapa anga min pawm leh dawn anih chuan engkim huamin ka pui ang. Tunah erawh chuan ka tana mi pawimawh ber chu Bawihi hi ani tlat.
Evelyn'i thu min hrilh leh thlalak min entir ka lo pawm nghal mai kha. A âtthlak takzet bawk. Ka duha ka hmangaih anih chuan amahah rinna nghat tur ka ni. Khatiang mi anilo tih pawh keimah ka inhriat tlukin ka hrechiang, mahse engvanga ring nghal mai nge ka nih ka in hre hauh lo.
Bawihi pawn engpawh min zâwt se, chhan ka inhuam. Evelyn'i sawi ang erawh kha chuan kan mudun hauh lo. Ka hmuia lipstick alo kai Dan kha ka hre hauh lo bawk. Hrep chuan khanu pawh khan hremna a tawk ngei ang.
"Sir, Ols Burac khan zaninah hmuh che a duh a, sawi dun pui tur che a neih thu a sawi bawk a" J'a thusawi avang chuan ka rûm chhuak nghal nghut a. "Min hmu duh anih chuan amah ngeiin min rawn pan rawh se, anih loh chuan a fapa in a tuar ang tih kha hrilh bawk rawh" ka ti chhuak hrawih a.
Tun hunah tak hian ani ka training naa ka thil zir te ka hman tangkai hun tur chu. An chhungkua ka hrechiang bawk a. Enge an chaklohna pawh ka hre ngang mai. Amaherawhchu; muangchanga chêt hian anni pawh ati thlabar zeul deuh mahna.
A nupui erawh tunah hian Gabriela'n a buaipui mek bawk a. Ani hmeichhe tih ki kawi kual vel dan a thiam a, awlsam takin a keuh thlu lehnghal vat mai ang.
Hetiang em em a chet hi ka duh bik hauh lo. A tir kha chuan panngai taka indawra an harsatna laiah puih ka tum kha ani a. Mahse anni zawkin hma an la sual a. Anni aia ka lak sual ve a ngai ta tlat ani. Ka duh dan ni lo mahse, an chêtdan zui zel dan avang hian anni aia hraw zawka ka chet angai a. Ka training sir pawh ka va be pawp fo bawk.
Kum tam tak ka zawn tawh CD chu amah hian a kawl tih ka hre bawk a. Chu thil chu neih let ngei ka ngai ani. A chhunga awm an en anih vaih chuan engkim a bul atang khan a tawp vek ani mai. Bawihi thleng hian ka chân ngei bawk dawn chu thil chu ka duh lo ani. Kumkhuaa ka bula awm Turin ka duh. Ka kiangah.
"Sir, va intifai phawt la" Gabriela chuan a rawn ti a. Ka in en chian chuan thisen ka lo kai nuai mai a. Mahse a pawina a awm hauh lo. Bawihi hnenah a mit a rawn men ruala, min hmuh nghal tur thu ka tiam tawh a. Engti kawng mah hian ka kalsan dawn lo reng reng.
"hei chu ka la ti ang, mahse chu ai mah chuan Elizabeth'i kha biak pawh tum rawh u a puihna kan mamawh dawn ania. Ols burac'a hming tak a hria in ka hria" ka ti sup a. Ka sawi tawhin ka hria. Hepa hi mizo ani a, mahse ramdang anga insawiin min bum char char a. Apa pawh Home Minister ani tih ka hre tawh a. Hei chu patea kutah khan ka dah tawh bawk. Mahse apa tunge anih ka hria a, ama hming tak erawh ka la hre thei lo fo.
"Mahse, Elizabeth'i chu LA lamah a kal daih tawh alawm. Ka lo chhoh ni khan ani pawh a kal ve nghala"
"Chuvang tak reng chuan biak pawh dan in zawng dawn reng alawm. Amah atanga direct nghal tawh lo khan a secretary kha be pawp hmasa ulang a that ka ring" ka ti nghut.
Ka hmaa patea hmanhmawh leh hlauhthawn hmel zeta a rawn tlanphei chu ka lo en reng a.
"Tunge patea saw ko? "
"Keiman, ka ko. Ih.... U Zualtei chanchin min zâwt a" Gabriela chuan a rawn ti a. Patea chuan ka bul a rawn thleng chawpchilh nghal der bawk.
"Khawnge ka fanu chu? Engtin nge a awm? A tha em?" A rawn ti nghal zung zung a.
"Pate, a tha vek e, an thui mek alawm. Engtin mah a awm lovang. Ka awm chhung chuan engtin mah a awm lovang" ka ti a. A hnungah chuan Julia in a rawn zui bawk a.
"An zaina a rei tawh em? A ngaihtuah awm loh maw? " a rawn ti ve sap a. Ka bu nghat. Henu hi chu nu chhuanawm tak ava ni chiang em!
Ka phone a rawn rik avangin ka kalsawn nghal vat a. Ka la chiah chu. "Bro... Enge ka babe chu a an a? " Kima chuan a rawn ti a. Ka rûm nghal nghut.
"Lalrinkim I tawngkam kha fimkhur rawh aw" ka ti hrâwih.
"Oooo.. Enge fimkhur na vak tur awm a, ka hnena alo kir hunah hrisel deuhin rawn let se ka duh mai ania" a nui zui hawk hawk bawk a.
"A rawn let hauh lovang" ka ti hrâwih. Ka nau anihna anga zah mai chauh ka ni. Chuti ani loh chuan tuna ka chet dan ang chiah hian a chungah pawh ka che ve ngei ang.
"Let dawn e, ka rawn tirhte khan an rawn hruai haw ngei ang" ring zetin ka nui chhuak hawk a.
"Oh! A pawi khawp mai. I mi tirhte chu an vai khan an muhil tawh tlat" ka ti chhuak hluk a. Phone lehlam atang chuan a rawn au chhuak hrâwih a.
"Lo en rawh, I châk lo ang. Nangmah ngei kha ka la ti chhe vek che anga. Zualtei pawh kha ka la let leh ang" a rawn ti let a.
"Tumna hi a pawimawh. Han tum phawt mai la. Mahse hlawhchhamna bak I hmu let chuang lo ang" ti kha fak in phone chu ka off nghala. Engtikah mah Bawihi hi a hnenah a let duh dawn lo tih ka hria. Mahse hepa hian a duh duh in thil a ti thei tlat. Mahse ka lak atang hian tu man an lak hran ka phal ngai hauh lo ang.
Ka nupui niin ka kiangah hlim takin kumkhuain awm se ka duh a. Ka nupui. Hrep chuan, min ngaidam tawh em tih pawh hriat hma hmaa ka lo suangtuah vak a. Mahse heihi chu ka chiang ani. Ka nupui anih loh chuan tu nupui mah a ni lovang.
"Sir, an lo nawr chhuak dawn asin" J'a chuan a rawn ti a, phone chu ipte ah thun mawlh mawlh in ka tlanphei nghala. Ka va thlen chuan an lo nawr chhuak chiah bawk a. Zawh ngai lovin chhanna min pe leh sa ngei bawk ang.
"Sir, kan thui zo tawh a. Mahse damdawiinah hian ni reilote chu ka awm se, in lamah chuan a intikhawlo palh ang tih a hlauhawm. Englo, ka tang hma ka hai duh vang ani miah lo ania. Damlo dinhmun diktak atanga ka thlir dan ania" min hlauh hmel zet hian a rawn ti a. Ka bu nghat a.
"Ka rawn hmu ang che, chuan nurse leh doctor pawh a tha ber ber ka duh ang. In hna in tlin ngei ka beisei" ka ti sup a. Bawihi awmna lam chu panin a kutah chuan a vuan nghala. Engmah sawi lovin a chalah chuan ka fawp nghal vang vang a.
Reilote pawh min awm bosanin ka awm thei lo chu ania. Kal bo emaw, thihna chungchang emaw phei chu sawi tawh hlek suh ang che. Ka phun nghal sup bawk.
Bawihi chu keima private room ah ka dah a, amah vengtu leh awmpuitu ka dah tel vek bawk. Zanah chhuah ka ngaih avangin ka awm loh chhung hi chuan, buaina engmah thleng lo se ka duh. Chu chu ka duhdan ani.
"Enge Zualtei chu a an a? " Room chhunga Rsa leh Davida rawn lut chu thu turin ka mitmei nghal zeuh a. Bawihi erawh a rawn harh tawh a. Mahse na a tih avangin an jection lehnghala. Heihian darkar 6 a awh dawn bawk a. Chumi zawhah chuan a harh panngai tawh tur thu a sawi bawk a. Tunah hian ka kut vuanin a muhil mek bawk.
"A tha, an jection leh a" ka ti sap.
An rawn thut ve rual chuan "ngatinge le, buaina hi a chungah hian a thlen reng bik le. Keimahni thlen tir te pawh ani rum rum in ka hria" David chuan a rawn ti ve nghala. Bawihi chu ka en a, tui zeta muhilin a thaw siai siai a.
"Nia, kan thil tihsual hi a tuar bik ziah" he thil ah hi chuan sawi tur ka nei ve hauh lo.
"Rs, Gabriela khan Elizabeth'i biak pawh I tum tih a sawi a. Enge chanchin? Kan Mr. Burac lah hi a rawn che turu nasa mai sia. A landan chuan Minister lamah pawh hmelhriat a nei tha viau in a lang" ka ti a. Bawihi rawn inlet tur chu ka pui nghal vat a. Ka ban kham in a rawn thaw chhuak leh nghal siai siai bawk a.
A hmui senno chêk chuan ka mit a la leh chat tawh mai. Ka thiante pahnih hi awm lo se chu engmah ngaihtuah lovin ka thluaka rawn lang ang hian ka che nghal chiang ngei ang.
"Nia biak pawh ka tum a, mahse engmah chanchin ala awm lo. Ols'a hmingpum hi a hria in ka hria a. Chuan bakah amah hi kan hmang tangkai thei dawn a. Ka pa pawn nimina Kima te share hralh kha alo lei a" a ti a. Ka bu nghat a.
"Pawi lo, nangni pawn in duh chuan lei rawh u, mahse hriattir lo ula. Hepa hi chu man ka chak tawh khawp mai" ka ti hrawih a.
"Kei tak hi ania. Mizo alo nih ngat phei chuan tunge ka hre chak takzet ani" Davida chuan a lo ti ve bawk a. Kan pathum hian kan pa te atanga inkawm ho kan ni a. Kan pa te avang hian in tihhlimna hun pawh kan nei ngai meuh lo. Kan awmho pawn hna lam bak kan sawi kai ngai meuh lo a. Party naa kal ho hi kan theih ve chhun ani.
Tunah pawh hna chungchang bawk kan sawi a. Bawihi a rawn chet sek avangin duh angin ka tawng ve hleithei hauh lo. Zan lama Ols Burac'a min hmuhpui turin ka ti a. Eitur order turin an chhuak zui nghal daih bawk.
Bawihi chu rawn zi mar talh talh in min rawn kuah a, a chetna avang chuan a pum chu ana deuh ani maithei. Ner nâwngin a rawn meng riai riai a. Ka en reng tih a hriat rual chuan a nui leh suk a. A pum chu a dawm a. A then leh sak bawk.
"Ana mi? " ka tih chuan a lu a thing nar nar a. "Ka tipalh mai mai anih kha" a rawn ti sap a, a sam rawn uai thla chu a bengah ka zeh sak nghal a. Muangchanga rawn tawlh chhoh a tum rual chuan a zak ah vuanin keimah zawkin ka malchungah ka nghat a. A hmai bul chêtah chuan ka thaw chhuak nghal ham ham a.
"I mut chhung zawng khan, hremna rapthlak tak mai ka lo tawk a. Mahse tunah hei chu hremna chu a ti nep tu tur alo harh tawh a, ka hremna hi min tih nep sak tawh se" a hnarah ka fawp nghal zeuh a. A nui chhuak hak a. He nui ri hian alawm. Keimaha awm ngai lo ka thinlung hmun tina ama natna hrik thehdarh ni.
" I over" a ti hlak a, ka vawn behna atanga tal thlak a tum rual chuan a ke lamah ka kherh bet nghala. A kawng chin chunglam erawh chu amah pawh hian a ti che tha ngam lova. Keiin a ke lam ka lo kherh bet bawk nen, engtikah mah a chhuak hauh lovang.
"Ka ke I kherh bet a, I phakar" a rawn ti hlak a. A tawngkam hman avang chuan ka nui chhuak hawk a.
"Duati, hremna ka tawh hi na ka ti tawh alawm chuvang chuan min tihdam sak tawh mai rawh" ka tih chuan thei leh thei lo hian ka darah a rawn beng ri thlawrh a.
"Over suh, Damlo ka nih hi chutiang tih te chu a! " a ti hlak a, ka hmai zawnah chuan a rawn tûm deuh bâr bawk a. A hnarah chuan fawh sak zeuhin hnuailamah chuan ka fawp thla zela. A hmui bulah chuan thaw chhuak hawkin.
"Chakna ka chang zawk mai ang" ti supin ka fawp nghal vang vang a, nui sukin min chhang let ve nghal vat a. He hmui nêm leh thlum zet hi ka ngai a, amah chawp hian ka ngai vek. Ei zawh vek mai ka duh rum rum.
A hmui hnuai chu pet in ka fawp dek dek a, a ka atang chuan a rawn thaw chhuak leh hawk zel bawk a. A ka atanga lumna rawn chhuak ve chuan phurna min pe sauh thung.
"Chu mi an lo kal" tih pah chuan a inla hrang a mahse a tukhumah dawmin ngen ngawl zetin ka fawp lehnghal ngawng ngawng a, engtikah mah ka kham ngai lovang.
Kawngka ri rak ah chuan rang lutukin min thlah a, a mu tha tur chu ka pui nghal vat a. Hrep chuan Rsa te mai mai chu hun nuam lai hi min chân tir ve ziah. Hemi te pahnih hi eng emaw la sawipui a ngai ani.
Eitur an rawn khai lut teuh a, Bawihi chu an rawn be nghal bawrh bawrh a, kei erawh chuan ka lo melh rum ngang mai. "Zualte, I bialpa hian kan rawn kal atangin min melh rum ania. I lo hau ami" Rsa chuan a rawn ti leh kher a.
"Lalrinsang, tawng tawng lo khan ei mai mai teh" ka ti hluk a. An pahnih chuan an nui dun hawk hawk a. "Ka ei reng alawm, mahse min lo melh kher lo la, min ti lai ve a" a rawn ti leh kher a. Bawihi lah chuan min rawn nghawk zeuh a.
"I hmel kha siam tûm suh, I thiante hian hian an hrethiam vek ania" zawite tak te hian a rawn ti sap a. Ka rûm nghut a. "A ho lutuk. An rawn kal hun a fuh lo thei em anih kha" ka ti nghut a. Min nuih suk ringawt.
Bawihi te nen eng emaw an sawi ho a, an nui leh dar dar thin bawk. Kei erawh hna ka lo thawk mial mial thung. Zanina kan inhmuhna turah hian engkim a fel vek a ngai a. Pakhat te pawha ka che chhia anih chuan kan tuar vek thei.
Ka phone rawn rik avang chuan ka kalsawn deuh hlek a. Bawihi pawh nui tha ngam chiah si lo, nuih duh bawk si avangin, a khi ve sen sen a, duhawm leh lutuk mai.
Kima anih avangin ka lak veleh chhang lo chuan a sawi tum ka ngaithla leh te te phawt a. "Zualtei, kha ka ta ani vat dawn" tih a rawn sawi chuan ka nui chhuak hawk a. "Chu thilah chuan maw ilo la buai" ka ti fak a.
"Buai ang chu le, ka ta ani dawn miau alawm. Ka duh duh hunah ka taah ka Siam thei" a rawn ti a. "Tum Chhin la" ka ti sup. Tukverh atang chuan Bawihi nui sen sen chu ka en pah bawk a.
"Tum Chhin pawh ni lovin, Tunah pawh hian ka ta ani thei tlat. Bro I dâwn thui lo ani. Eng emaw tunah hian ka kawl tlat" a rawn ti a.
Ka chhan ve leh hma hma chuan "Bro.... Nangmah ti chhe vek tu tur che alo awm a, chuan tunah chuan chu CD chu ka kawl mek bawk a. A chhungah enge awm en a chakawm khawp mai" elhsen zetin a ti chhuak a.
"Lalrinkim" ka ti nghal hrâwk a. A rawn nui chhuak hawk hawk a.
"Bro... Hlauthawng suh, a chhunga awm ka la en hleinem, mahse ka en hunah erawh chuan engkim hi ka ta vek ani tawh dawn". Nui chung hian a rawn ti a. Hrep chuan khapa phiangsen khan alo pe ani maw. Lalrinkima'n a kawl vaih chuan Bawihi hi ka chân thei reng. Ni lo, engti kawng zawng pawha ka lak let ngei ngei a ngai. Ka hmangaih hi ka chân thei lo.
Rin ai exam pawh a kal tluang phian mai, mahse kan exam rei tawh lutuka ka hne tawh.... Sel miah lova min lo nghah tang tang peih avangin in chungah lawmthu ka sawi e. Kan exam zo tep tawh ania. Lo nghak fan fan ru aw, ka regu thei tep tawh. Dawhthei takin min lo nghak leh hram hram dawn nia. In vaia chungah ka lawm e.
Post leh hma chu... Bye bye ule