LYING HEART By Floria Laldansangi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

LYING HEART By Floria Laldansangi (Completed)

Unread post by Ngaia » January 5th, 2020, 3:28 pm

srop6vho.jpg
srop6vho.jpg (61.89 KiB) Viewed 41017 times
"I hria em Sangpui? Khang hun chhung zawng zawng a ka beisei awm chhun leh keimah leh keimah ka in fuih fo na chu, 'engtik ni ah emaw chuan' tiin, ni e, i lak a ka beisei awm chhun chu, 'engtik ni ah emaw' tih chauh kha a ni, khawi hmun ah pawh awmla, engpawh ti la, i tan banglo in ka ṭawngṭai ṭhin, 'him tak leh dam tak a i rawn haw let theih nan leh i rilru i thlak ve theih nan' tiin, Pathian hnen ah khian maw....". Ka tawp dat, mittui luang ngiai ngiai in ka en, ka chil ka lem khalh, ka in sût ri hrawih bawk

"Kan inkar ṭhat leh ka beiseina, ka duh na khan maw Pathian hnen ah ka dil satliah a ni lo a sin, a ngen khan ka ngên ṭhin, a chang phei chuan, 'kan inkar kha 'thihna' hian min ṭhen hrang ni ta zawk se, ka pawm thiam zawk angem?' Ka ti ṭhin, dam reng chung leh ka mit hmuh phak a awm, ka kuah phak ni ta miah si lo, 'ka fa te pa, ka pasal a ni' ti a, sawi tur la awm ve reng si in, ka ngaih thu tak ngial pawh ka hrilh theih tawhloh, zantin deuh thaw ka bul a mu, mahse ka ta ni tawh chuang miah si lo, mahse zantin mai ka mittui ti tla fo tu leh chem tel miah lova, ka thin min vih sak fo ai khan, thih na hian min ṭhen hrang ni zawk se la, ring tak a ṭap in, i thlanlung vawt thler tal ka kuah vawng vawng thei zawk tur' ti a ngaihtuah chang kha ka nei fo ṭhin a sin," Ka thusawi tawp lam chu a ri chang chang, keimah pawh in ka hre ṭawk ṭawk chauh a ni, kum 10, kum 10 chhung teh meuh ka pasal lo ni tawh lak a ka rilru zawng zawng chu a tawp a tawp ah a rawn irh chhuak a ni ber



LYING HEART

By floria laldansangi


1

"Ngaihzawng inei em?" Kan hma a ṭhu Doctor hmelṭha zet mai in nui sang a atih chuan ka nu ka melh zawk, ka bu nghat bawk, "eng zawhna nge maw i zawh le doctor?" Ka nu in alo ti vat, ka nu chuan a zawhna chu mak a tih rualin a nui lui hak hak, in entir tur in kan kal a, ka awmdan kan sawi hnu a zawhna min zawh let chu a mak ve viau tho


"Ka zawt satliah mai mai a nia, hei hian i zun i va test dawn em niang?" Atih leh chuan ka mengkawk, chutiang bawk in ka nu pawh, test kit chu enga tan nge ka tih ang? Kei hi!!! Aih, a nilo, a nilo ang, ka thin a rawn phu nghal dawt dawt, "a ni lo ang," Ka rilru in kati nghal mawlh mawlh bawk, ka nui hul hak, enge maw ka ngaihtuah reng reng le

"Doctor ka fanu hi a rai i ring chu a ni em lo maw?" Ka nu in lungawilo tih hriat zet a atih deuh nghat chuan doctor chu ala nui sang reng, a hmel ringawt pawh hi damlo te tan chuan dampui tham a tling hial in ka ring


"Ka pi inbengdai rawh, Doctor ka nihna angin ka rindan a ni, zun hi va test se la, a hriat mai dawn a lawm, hlauhthawn tur a awmlo a nia," Dam dap a atih leh chuan ka la ṭhu ngawi ran, a tan chuan hlauh tur a awmlo a ni mahna, ka tan erawh, ka hlau a ni, ka hlauthawng takzet, ka lungphu ran zia leh ka thawk harsat zia chu an hrethiam hial in ka ring, lo rai ta ila engtin nge niang, kum 17 pawh la pum lo leh class XII zirlai chauh ka ni si a, nilo thil theih a nilo ang


"Tah hian i zun i dawh a nga, ti zawng hian test kit hi i dah dawn nia," Doctor in tihdan Tur a sawi te chu ka ngaithla em tih pawh ka hrelo, "Mambawih va ti ta pauh che," Ka nu in a rawn tih chuan ka harh zawk, rang lutuk a dingin toilet lam ka pan nghal hlawk hlawk

Toilet ah chuan ka tlan lut rawk rawk, toilet a ṭhu hnawk in nghet lutuk in test kit chu ka hum, thaw kawk in mit ka chhing sawk, ka rilru in ka ṭawngṭai mawlh mawlh bawk, ka rai a nih vaih chuan ka tan khawvel hi a tawp dawn tih ka hria, pasal nei tur in ka la naupan mai bakah Sangpuia pawh hian nupui neih ala duh dawnlo tih ka chiang lutuk tlat


Rei tawk fang ka ṭhut hnu ah muangchangin ka zun ka test ta nge nge, hlauhthawn na in a hma ai nasa in min uap, min tuam hlup hlup a ni zawk, boruak hip tur ka tla chham hluah hluah a, ka thlanfim a rawn bawl chhuak lo chauh bawk, ka test kit ken chu muangchang a kut khur der der a en in, despo no a ka zun ken chu ka thlauh(thloh) baw hawk, ka zawi nghal hnawk thei, ka lu ka thing mat mat, "a ni lo ang, thil theih a nilo," Ka phun sep sep, ka hlauh na, thinrim na, mahni in huat na, chawh leh in khawngaih na avangin ka ṭah nuih hak hak, ti ringawt hian ka khawvel a tawp dawn em ni? Teuhlo lutuk, Test kit ah hian buaina a awm a ni ngei ang

Kawngkhar a rawn in chum dat dat rualin, "Mambawih, i hman em? Haw vat kan ngaih kha," Ka nu aw ka hriat phei chuan bo vang vang mai ka duh, tun ah tak hi chuan khawvel hi tawp maise ka ti rum rum, hmanhmawh lutuk in ka phone ah ka phawrh rawk rawk, Sangpuia ka call nghal, ka hlauthawng leh mangang lutuk chu ka taksa thleng in a khur dar dar thei, vawihnih ngawt ka call a ring ral ṭhak ṭhak chu beidawng lutuk ka hmai ka hup thuk, boruak hip kawk ka tum na in, duh ang pawhin boruak ka hip ṭha thei der lo nia, ka hlauhthawn vang nge ka mittui a tla thei derlo bawk, ka chaw mawlh vek a ni ber


Ṭah vak mai ka duh tehlul nen, ka lungphu rang leh thawk harsa lutuk vang nge ka mittui a tla thei miahlo, toilet kawngkhar chu muangchangin ka hawng, "i muang thei lutuk, a tlai tawh si," Ka nu chuan ati hlak hlak, doctor room kan lut leh tur te chu chhuat hi chim se, pil vang vang ila ka duh rum rum, ka tan chuan hremhmun kawngka a lut tur ang mai ka ni


Ka nu pen lut hlawk hlawk chu ṭah chhuak, ṭap thei der silo chuan ka zui dên dên, tlanchhiat na tur ka melh ru zek zek bawk, kawngkhar a ka pen lut tur chu ka ding ren rawn, he room ka pen luhrual in ka rai tih an hre nghal dawn si a, enge ka tih ang? Engtin nge ka sawifiah ang, ka tlan bo mai dawn em ni? Ka â tak ngial dawn in ka hria, ka lu rawn hai lutuk chu ka bek ka dawm vang vang, chhuat ah ka ṭhu thla hnawk, ka khaw hmuh a fiahlo tial tial bawk, ka nu mangang au ri chu hla tak a awm ang mai in ka hre vuai vuai chauh a ni
.
.
.
"Hlauhthawn tur a awmlo a nia, BP hniam vang a nih kha, a naupai pawh thla 2 a hmang ve mek a, naute hrisel tak a ni dawn tih ka chiang a ni," Ka harh leh rualin ka meng zawk, Doctor thusawi ka hriat rualin ka mit ka chhing ṭha leh nghal vat, ka nu rilru hah thaw leh hak ṭhin te chu ka ngaithla reng, nghet lutuk in ka kut ka hum, engtin nge ni ta ang? Ka thinlung ah zawhna tamtak a rawn lut zut zut

Doctor chhuah rualin muangchangin ka meng, ka nu mit sen ram a ṭhu ka hmuh chuan muangchangin ka ṭhu chhuak, "ilo harh ta maw Mambawih," Ka pahrawn in dam dap a a rawn tih chuan ka dang ro lutuk ah ka ṭawng mai theilo, ka chil ka lem khalh, ka pa hi ka pa tak nilo mahse, ka tan chuan patak ai pawh a min hmangaih tu a ni, ka pian na pa in kei leh ka nu min chhuahsan lai khan kum 2 mi chauh ka la ni, a hmel hmang ka hrelo a, vawikhat mah ka nu hian a chanchin a sawi ngailoh avangin a thi nge a dam pawh ka hre heklo


"Engtin nge itheih zawk?" Ka nu chuan ṭah insum tih hriat zet in a rawn ti hrawk, ka mittui tui a rawn hnam ṭiam ṭiam, "duhtak insum rih teh, mambawih tui hi inrawh," Ka pa in, ka nu alo khap vat, tui chu ka lem khawlh khawlh, "tunge a pa? I nau pai na hi tunge?" Ka nu chuan seh chilh deuh nak nak in a rawn ti leh, mittui tling pam in ka melh kiau, "Bawihi nu a mak thei," Ti dam leh thluam in

Ka pa khum tlang a rawn ṭhu chuan ka sam a rawn hui kiang, "Mambawih i nu nen hian kan hmangaih lutuk che tih i hria tiraw? Hethil pawi hi tun ah chuan a pawi zia ila hrelo maithei, nilo, i hria nih pawh in i hmalam hun zawng zawng thleng a nghawng thil a ni tih i hriat thiam ai nasa hian kan hria in kan hmu tlang tih i hriat ka ring," Dam diai in a ti leh sep sep, ka ṭah a chhuak ut ut in, ka hrawk ah hian eng amaw in min hnawh, ka hnungzang ana ut ut bawk, ka ṭap chhuak thei derlo, ka hria a sin, he ka nau pai vang a ka khawvel danglam vek tur hi ka hre chiang lutuk mah mah

Sawn pai tamtak an sawi te, mizo in a sawn pai kan hmuhsih dan te pawh hi ka hre lutuk, kei ngei pawh hian sawn pai hi ka hmusit a nilo, mahse, an nun an uluk loh vang leh mahni nun pawh an thunun zawhloh vang ah ka ngai in, ka sawi fo ṭhin, mahse...tun ah, ka chung ah ngei thlengin, "sawn pai" an tih ngei mai chu ka ni ve ta a

"Engtin nge a nih theih, kum 16 chauh ila ni a, naupang tê en in a sin kan en che, ti chuan nang hian sawn i pai chu a nia, khaw eng kan hmu ngam tawh dawn em ni?" Ka nu chuan rilru na tih hriat ngawih ngawih in a rawn ti leh rawih rawih, ni e, naupang mai ka la ni, ka nu leh pa zahna ko tlang ah ka din tir tih ka hriat thiam ai nasa in ka chung a thil thleng hi a zahthlak zawk bawk


"Naute pa hi sawila ti chuan tihdan kan ngaihtuah dawn alawm, Mambawih i ngawi reng theilo tih i hriat kha," Ka pa bawk in a tih leh chuan ka mittui a rawn baw hawk, ka ṭap chhuak theilo, ka khur dar dar thung, alam a min pawt hnai in min kuahbet, ka ṭap khur dawt dawt chu ka hnungzang ah dim zet a chul hliau hliau in, "Sangpuia a ni em i naute pa hi?" Ka pa in a rawn tih chuan rang lutuk in ka lu ka thing nawk nawk, ka mitthla ah Sangpuia hmel a rawn lang nghal zut zut, ka mittui ka khap per sawk sawk


A thaw hak, ka hnungzang ah ka nu in a rawn chum dawt dawt, "tu fa nge? Engthil pawi nge i tih i hria em? Tu fa nge?" Ka nu in ṭap hawm hawm a min chum dawt dawt chung a au a au chu ka dawh mawl tawp, ka pa in milo chhan ve vat bawk

Ṭap chung chuan ka nu chhuat a ṭhu thla hnawk chu ka en ngawih ngawih, Ka nu rilru na lutuk chu a hmel lan dan zawng zawng te nen hian minti na ve ngawih ngawih

Mitsen ram leh mittui tling pam a damdawiin chhuat a ṭhu chung a min rawn melh chho in, "ti tla angche," Kha lutuk in a rawn ti chhuak hrawih, ka nu thusawi chu ka hresual emaw ka ti hial, ka beng chhe ri zawk a ni ngei ang, "duhtak," Ka pa in mak tizet in alo ti ve bawk, "pai tlang se iti em ni? Engtin nge naupang kum 16 mi chuan naupai in enkawl se itih?" Ka nu chuan a ti leh tuar


Ka mittui a rawn luang zawih zawih, "ka duhlo, aih, ka theilo," Ban nak chuan ka ti ve vat, huatna a khat mitmeng a min melh hrawk in, "kum tlinglo ila nih kha i hria em?" Rawn thawh tum a min ban leh mai a tum chu a in tha zo lo a ni mahna chhuat ah bawk a ṭhu let leh hnak, "ka duhlo, ka ti tla theilo, aih, nu anunrawn thlak mah mah lo maw? Sangpuia ka bia anga, engkim a fel vek ang, tihdan a hre em em ang," Mangang lutuk chuan ka ti chhuak, ni e, Sangpuia chuan a hre em em ang, thinrim tih hriat zet a rawn ding thut a min rawn chum leh a tum chu ka pa in minlo kuah in, ka nu alo dang vat

"A mak bawrh bawrh ṭhin, room lehlam a mi ten an hria ang, damdawiin a nih hi Duhtak, ṭawngkam a sawifel tum tur," Ka pa chuan a ti deuh nghut, ka nu chuan mitsen ram leh mit hnawp chap mai chuan rum lutuk in min melh

"Mambawihi sawi ang khan Sangpuia pawh chu biak hmasak a ṭha, naute pa a ni a," Ka pa in a tih zawm zat, ka nu rilru na lutuk chu awm ngaihna a hrelo ni ber in ka hria, keipawh hi ka â takngial dawn, ka ngaihtuah a tawiin enge tihtur ka hrethiamlo takzet a ni
.
.
.
Damdawiin aṭang kan chhuah na pawh karkhat meuh a ni tawh, ka nu erawh in minbe ngailo hrim hrim ti ila ka sawi sual tawplo ang, ka pa erawh in min ngaihtuah em em reng thung, pawn ka chhuak ngailo a, ka room chu ka khawvel thar, ka engkim tihna hmun a ni, Sangpuia biak ka tum apiangin a buai thu emaw call a pick theilo a ni fo ṭhin, ka rilru hah lutuk vang nge ka naupai vang zawk ka hrelo, ka cher in ka dawl dang takzet bawk


"Naktuk ah ka rawn haw dawn," Sangpuia messages ka hmuh rualin ka ṭhu ngil nghal nghal awt thei, ka lawm zia hi pui tak a ni, hmaichhan ah ngei a fa ka pai thu ka hrilh anga, mipa fel tak a ni a, min kalsan hauhlo ang, ka lawm lutuk chu ka mittui a rawn hnam nghal ṭiam ṭiam thei nia


A lawm a ngem ka hrelo, a lawm ka rin na leh rinloh na chu a in zat chiah, keimah angchiah a zirlai ve mai a ni a, nupui, pasal nei tur in kan la in peihlo ve ve, mahse, tihtlak erawh tum na ka la nei miahlo thung


***Riya***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:29 pm

LYING HEART
By floria laldansangi


2

"Minlo nghak rawh ka rawn zui ve angche," Ka chhuak tur, kawngkhar bul a ka ding chu, choka aṭang a ka nu rawn chhuak in a tih chuan ka en hâ, Sangpuia nen inhmuh kan tum a, enge rawn tih ve a tum? Min ring tawhlo tih ka hria mahse tisual nawn turin tun a ka chung a thil thleng mek pawh hi a rit lutuk mah mah


Awihlo zetin an room lam a pan chu ka en tawp, "a mak Duhtak, an pahnih a inbiak te pawh an duh ang, inbe phawt sela, thil kaldan a zir in ruahman na te kan siam thei ang," Ka pa in room aṭang a rawn chhuak pah a tih chuan ka nu chu kai lawn chanve ah chuan a ding dat, thaw ala kawk, keimah vang a a taksa tlak chak zia pawh hmuh theih khawpin alang, ka pa pawh chuti tho, fanu fel tak chu ka va nilo tak êm..!


"Keizawng engmah hriat tir lo a, tihtlak tho tho a ni ka la duhber ni, kum 16 chauh a la ni a, engtin nge hringnun hmangse itih? Engtin nge i fa nen khan in awm ang? Pasal nei tur pawh in i kum in a la phaklo, tû ma hriat hma in tihtlak a ṭha ka ti ber tho tho ka ti, bakah Biaksangpuia nu leh pa sawn an pawm dawn chuanglo," Ka nu in beidawng leh rilru na tih hriat lutuk a arawn tih chuan chhan tin ah pawh ka tin tawhlo, vawi engzat a tam nge tun kar chhung ringawt pawh hian a sawi tawh, Sangpuia ka hmu anga, ani chuan kawng dik tak zawngin min kalsan hauhlo ang, chu chu ka ring hmiah bawk


"A mak bawrh bawrh ṭhin mambawihi Nu hi chu, tirawh Mambawih ka hruai angche," Ka pa ka lam pan a rawn pen chu za lo zetin ka lo nuihsak, ka nu in mittui tling piau a kan chhuak tur min thlir chu ka melh leh hram, ka chhungril hi ana vawng vawng, mahse tunge ka dem theih, nu leh pa mittui ti tla fo tu hi fa ṭha tak an ni ngailo, ka nilo takzet bawk


"Mambawih he thil chungchang hi a pawi zia i hria ang tiraw?" Ka pa in motor khalh chung a a rawn tih chuan ka bu nghat, ka ṭah a chhuak nghal ut ut, ka pa hi ka pian na pa a ni hauhlo, mahse a fa ka nilo a ni tih hi ṭawngkam emaw chezia pawh in hmuh tur a awmlo, ka nu leh pa chanchin hria tlemte in ka pa tak a nilo tih an hria a ni mai, tunge ka pian na pa tih ka hrelo, hriat lah ka chak heklo, ka hriatdan in ka nu uire san in, mihausa fanu nupui ah anei tih a ni, thudik a nih phei chuan engtik ah mah ka ngaidam ngailo ang, ka nu pawh hian a sawi ngailo, ti ti tlang lawn aṭang a ka hriat chauh a ni, mahse ka pa(pahrawn) hian pa nihna leh pasal nihna a hlen chhuak takzet, ka tan leh ka nu tan ani tluk an awmlo, keipawh hian ka thinlung takin ka pa atan ka pawm hmiah bawk

"I nu rilru hah zia hi hriat thiampui la, engpawh a thusawi reng reng natpui suh angche, a sawi zawng zawng te kha diklo a awmlo a nia, i hmalam hun thui tak mai nilo in, i dam chhung hun chhe vek thei thil a ni tih hria angche," A tih zawm leh zat, mittui tla ṭeu chuan ka khap fak fak, ka pa in thinrim miahlo a zaidam lutuk a thu min hrilh hian ka nu min ân khum hrep a kut minthlak ai pawhin hreawm ka ti zawk


Mittui tling piau a ṭah insum zet chuan ka dul la puar lo tak ah chuan ka kut nghat in ka khap fak fak, ka hrawk ana ut ut, ka hnungzang ah eng amaw hian lian tak maiin min do ûl bawk, "Mambawih i nu leh pa te hian kan hmangaih lutuk che a nia, i tan kan awmreng dawn tih hria angche, i nat kan hlauh vang a ni tih hre bawk la," Motor ti ding dat a ka lam rawn hawi pah a tih chuan mit thip ramin in ka bu nghat, ka ṭawng theilo, ka kâ hi ka âng anih chuan ka ṭap chhuak ngei ngei dawn tih ka hria, ṭap tur in dikna pawh ka nei lo

Ka dul ka dawm na kut chu rawn ban in a hum vang vang, ka pa, pa zaidam leh nun nem em em hmel a rilru nat na te, rilru hah na leh min khawngaih na te hi keimah vang a ni tih mit ngei a ka hmu leh ka thlen tir a ni tih hi ka la awih theilo, engtia pawi nasa nge maw kei hian ka khawih tak ni??


"Lut tawh rawhle, ṭha tak in sawidun ula, keichuan ka fanu inih angin i thu thluk na engpawh ka pawmpui vek che a nia," Nui lui tih hriat lutuk a ṭhen sâng pah a atih chuan hmui pet fan chuan ka bu nghat nghat, ngawi rengin car kawngkhar hawng chuan ka pen chhuak, ka pa lam ka hawi leh, a mittui alo hru zauh ka hmuh chuan rang lutuk in ka inher, ka biang a rawn lum thla pup chu rang zet in ka hru zui tawk, boruak hip vang vang in ka thaw chhuak leh ham ham, ka lungphu hi kut hrawl leh lian tak in, hneh lutuk a a hmer beh ang mai hian a na in thawk a ti harsa


"Mambawih hna ah ka tlang dawn a nia aw, hawlam ah chuan taxi la haw mai la aw," Ka pa in motor chhung aṭang a rawn dak pah a min auh chuan in her vatin ka bu nghat, nui var var a motor ti nung chuan a tlanchhuak nghal, ka pa tlan liam chu ka en zui vawng vawng, ka hnunglam aṭangin, "Tluangi," Rawn ti tu aw ka hriat chuan ka khawng nghal awt, ka lungphu a rawn rang nghal dawt dawt, Sangpuia aw a ni, rei tak chhung chu phone aṭang tak ngial pawh in a aw hriat tur a awmlo, tun ah ka hminglam in ka hnungmai ah a ding tih lah ka hre reng, mahse enge ka sawi ang? Nilo engtin nge bul ka ṭan ang tih lam zawk a ni


Muangchangin ka inher, ka hma a ding tlangval 5'11ft zet a sang, sa ṭha nelh nawlh mai, ngo veng leh nui hmel pawisawilo zet ka hmuh chuan ka ṭah a chhuak et et, he tlangval nun hi ka pum chhung a awm naute thla 2 bawr lek a u hian a thlakthleng ve dawrh dawn si a, engtin nge ni ta ang? Hmalam hun thui tak leh ṭha tak a nei in a lo duan lawk ve awm si a

"Hun ka ngahlo a nia," Sangpuia aw thum dut chuan ka zam na a ti zual, engtin nge bul ka ṭan ang? "I fa ka pai, kan inneih ngei ngei a ngai," Ka ti ang nge, "kan ti tla mai dawn em ni?" Engber nge ka sawi ang, ka lungphu rang lutuk te, ka rilru mangang lutuk te chu ṭah vak mai ka duh rum rum

"In.. Inchhung lam ah kan sawi dawn em niang?" Ka ṭawng chhuah zawng te chuan ka mittui a tla lo chauh, ka hrawk nat zia chu rapthlak tak a ni, a lu a ṭhing, "kalna tur pawimawh ka la nei a, a pawimawh viau loh chuan tah hian sawi mai la," A sana bun lai chu a melh zui zauh, a awmdan ah chuan a hmanhmawh tih sawilo mahse a lang reng, thla tamtak kan in hmulo in, kan inbe mumal tawhlo a, min ngaihna chhe te mah a neilo chu mak ka ti zawk, mahse chu chuan a hmelṭhat na a la hliah khuh chuang huahlo


Ka hma a tlangval hmelṭha zet ding chu mit khap fek fek in ka en, "Sangpui kei hian.....ka...i..nau..." Engtia sawi ṭan tur nge ka hrelo, ka dang rawn awk ta nawk nawk te chuan ṭah a ti chhuak zual, "keiman kan sawi hmasa ange, Tluangte, tah hian tawp ang," A thusawi chu ka hresual em? Enge 'tawp' a tih awmzia chu, ka hresual em ni? A sawi dan teh tawp lah chu, a awlsam em em mai lehnghal


"E...eng...eng maw?"

"Aizawl ah ka let dawn a, he khua ah hian ka rawn let leh tawhlo ang," A thusawi chu ka hresual em tih fiah tum in chiang lutuk in ka en, ka mumang a ni hial lo maw?

"Enge awmzia?" Ka mangang lutuk leh min ṭhawng lutuk chu sawi mai tur pawh ka hrelo

"Van..." A tih laiin ka kut chunglam ah ka phar hluai, ka ngaithla ngamlo, Vani, Vani, bawk

"Keihian i fa ka pai, ka pum chhung ah hian kan pahnih fa a awm tih i hria em?" A tawp lam chu a au in ka au a ni ber tawh


Phawk fe in min rawn en, "a ni lo ang," A aw chu a ringlo mahse ka beng ah erawh ri ring tak a ni, a nui hul hak, "min fiam a ni tiraw? A nuih zahthlak miahlo a nia Tluangi," A thusawi ka awihlo leh mak ka ti lutuk chu mittui khap per sak sak in ka en ngawih ngawih, ka pum chhung a naute hi "a ni lo ang," A ti a nih chu..!! Tu fa tehlul in fiamthu nan nau an pai thu sawi duh ang ni?


"Sangpui," Sawi zawm mai tur pawh ka hrelo, min ti ham haih lutuk, engtin nge chu thu chu a sawi theih, kei min mutpui loh hlau khan thlem na chitin reng hmang khan min thlem a, min thlemthlu ngei bawk a, mahse, tunah..tunah khan engmaw a sawi, ka awih theilo zawk


Ka bag a ṭang a ultrasound thlalak chu phawrh rawk rawk a, a kut la kang chuan ka hmeh bel sawk sawk, ka mittui a rawn far kauh kauh bawk, "ti khan...ti khan ka thusawi i ring tawh em? He thu chungchang hi dawt sawi emaw fiamthu nan a lian mah mah a ni," Harsa ti lutuk chuan ka ti chhuak, muangchangin, mit sen râm in ka en chho


A kut a ultrasound thlalak chu en in a chil a lem ri khawlh, a kut lehlam a a hmai tuai puat chuan min rawn en leh, a thaw ri hrawih, kei erawh in beisei nei lutuk in, "kan enkawl dawn nia," A tih theihloh pawhin, "kawng kan dap dawn nia," A tih beisei na nen ka en chho ngawih ngawih


"Ka fa a ni tih i chiang a maw?" A hmel lan dan zawng zawng te nen chuan chem tel lovin min vit sawk sawk hi a ni ringawt, beiseina a khat ka mitmeng leh ngaihtuahna chu chawp chilh in, hmuh theih khawp in ka danglam ngeiin ka ring, a bân ka vawn na ka kut phih sawk in, "maw? Engmaw min zawh kha, ka thianghlim na i lak a ka hlan dawn a i thusawi zawng zawng te kha i theihnghilh a nge Biaksangpui," Ka aw ki chu sang tak a ni, kan din na hmun hi khawlai a ni ka theihnghilh hmin hmiah bawk


Hawi nghal thuak thuak a min rawn din hnaih chuan, "au kher kha a ngailo, ka fa a ni tih i chiang em ka ti mai a nih kha, engpawh nise lo va haw rawh, ka rawn be leh angche," Ka dar a beng thak thak a tih leh a hawi thuak thuak, "nge ni a, vawiin hian kan ti tla law law zawk dawn, Tluangi tu ma hriat hma in kan ti tla mai dawn em ni?" A rawn phun sar sar, awih lo lutuk in mit thîp râm chuan ka melh, ka dar a kut dah chu ka vai sawn lawp, sawi ve mai tur pawh ka tawh lo

Thaw hak in, "a ṭha e, ka rawn bia angche, haw phawt rawh, keipawh rilru hah na ka ngah ve tho a nia," A sawi zawh rualin vawikhat pawh min melh tawhlo chuan min kal pelh a rual nghal, ka thaw em pawh ka hrelo, ka na vawng vawng, ka mawl ka intih tluk chiah in ka in khawngaih a, tun ah tak phei hi chuan, thih chakna in ka khat nghal hluah hluah, ka lungphu a chet rual a sa vawng vawng zel te hian ka thaw a ti chham dawn hial in ka hre bawk



"Tluang," Ka ṭhiannu, ka kawmngeih ve ber aw ka hriat chuan ka hawi chhuak vat, an in kawngkhar zawn ah ka ding reng a ni tih ka hre chhuak chiah bawk, mit ka chhing sawk, ka biang a rawn lum thla pup, restaurant kawt aṭang khan Sangpuia khan min kalsan a nih kha, "ka rawn bia angche," Chu chu a thusawi tawp ber a ni, a dang zawng kha chu hriatreng pawh ka duhlo, nilo, hriat nawn leh pawh ka duh tawhlo zawk


"Lo lut rawh, i ṭha em?" Inchhung a min pawt lut pah a a tih chuan ka ṭap chhuak hawk, nghet lutuk in ka ṭhiannu chu ka kuahbet, a khawng at, ka awmdan chu mak a ti in, a ṭhawng hle tih ka hre thei, ni e, hmeichhe tleirawl hlim thei tak, nuih duh leh ṭap ngailo kha, ti tak hian ka kehchhia in ka ṭap ang tih tu in nge ring ang ni??


Hlutei'n zaidam deuh a min kuah let chuan ka hnungzang a beng thak thak, chhuak lutuk in ka ṭap hawm hawm, chhuat ah kuah reng chung chuan ka ṭhu thla hnawk, khang kar liam ta zawng zawng khan ṭap duh mah ila ka ṭap chhuak theilo, ka mittui a tla anih pawhin ka ṭap chhuak mai thei ṭhinlo, a hreawm zia chu tuman an hrethiamlo ang


"Engthil chiah in nge maw ti ṭap che le? I nu leh pa te'n an hau che em ni?" Ka hnungzang beng thak thak pah chuan ati sep, inla hrang hlek in mittui nen Hlutei chu ka en, "Hlute, enge ka tih tak ang, engtin nge ka tih ang? Kei leh ka naute hian enge ka tih ang? Naute, ka pum chhung a naute hi engtin nge ka tih ang?" Ṭap hawm hawm chuan ka ti chhuak, a tawp lam chu ka riat nawk nawk



Meng phawk hraw chuan min en, a hmel leh mitmeng zawng zawng ah chuan mak atih zia alang reng, ni e, tu mihring tehlul in nge mak tilo ang ni, a kum rual, a classmate leh ṭhian ṭhaber hian sawn ka pai tlat a lawm, "Tluangi," Mak a tih zia chu, a thi dang lo chauh a ni, mittui nen ka melh, ka kawrawm ka ṭham tawk tawk, ka puak keh tak ngial dawn in ka hria, "engtin nge ka tih ang, a fa a nih pawh ringlo hial tu fa ka pai si a," In hnit hlawp hlawp chuan ka ti chhuak leh, ka keh darh vek a ni, keh chhe leh tur chuang ka awm tawh pawh in ringlo, ka nu leh pa te awm mahse tun ah chuan ka ṭhiannu lakah hian engkim ka chhungril tawt lutuk hi bunruah vek ka duhber


" Sangpuia itih na em ni? Engmah ka hrethiam lo, chuan nau i pai amaw?" Hlui maktih zia leh Sangpuia chungchang mak atih zia chu ka hrethiam, mi zawng zawng in anu rapthlak zia an hria, chapo in hawisang vah reng mi a ni, mahse, Sangpuia erawh, "tlangval fel leh nun nem, chhelo leh ngil nei em em," Tiin, mitin in kan hre thung, mahse ka chung ah hian engthil nge atih hi

"Sangpuia'n a hre tawh em? Hrilh vat tur ini," Hlutei bawk in atih leh chuan harsa ti lutuk in ka chil ka lem khawlh, mittui nen ka hma a ṭhu ka ṭhiannu, ka naupan tet aṭang a ka kawm, class 1 aṭang a tun thleng a dawhkan pakhat ka ṭawm pui reng chu ka en ngawih ngawih


"Tluang ti ringawt chuan a dik dawnlo a nia, nau hi thla engzah nge? Nilo, chu chu a pawimawh berlo, i nun a chhe vek dawn, Sangpuia be vat rawh," Ka dar a vuan in a nawr in min nawr a ni mahzawk, Sangpuia hming alam te chuan min vit sawk sawk hian ka hria, in hnit hlawp hlawp chuan, "engkim a hria a ni, mahse engtin nge min chhan i hria em? A fa a ni em tih min zawt a nih chu..," ka ti chhuak hrawih, harsa ka tih zia chu pui tak a ni, a hmel a mak tihna chu a hma aiin a nasa zawk, rinloh na nen a inpawlh zut zut bawk


"Sangpuia chuan ati tak tak a maw?" Mak atih zia chu a aw chhuak ah pawh chuan a lang reng, ni e, engkim min hriatpui tu chu ka ṭhiannu hi a ni, ka vei ruk em em in minduh thu a sawi lai leh kan inzui dan engkim hre tu anih bakah, a mipa ngaihsan em em in chutiang chu a ti thei dawn em ni tih a ring chiahlo pawh a ni mahna

Ka chau lutuk chu ka zawi tulh tulh, "tho teh room pan ang, ka nu a zin hlauh a, atih zia, chawlh hahdam i mamawh rih anih kha," Hlutei'n atih leh chuan hnial lo tak ka ni, ka ding tur chu mi rawn pui vat, mahni a ding tur pawhin tha ka nei tawh dêr lo


Room a in kuah lut chuan khum ah ka ṭhu hnawk, ka let nghal a ni mahzawk, ka mu kawm ngiai, "i nu leh pa te an mangang lutuk ang, ka'n be hmasa ange," Tih leh a pensawn nghal

Ka chhang buai peihlo, ka nu leh pa ka ngaihtuah phei chuan ka â tak ngial dawn in ka hria, enge ka sawi lehtak ang, "in fanu hi, a fa pai na pa in neih a duhlo emaw naute hi a duhlo a ni," Tiin, maw?? Nge ni a, ka nu thusawi kha zawmin ka ti tla dawn zawk, ka lu bur te tak tê ah hian ka ngaihtuahna chawl thei silo in, ngaihdân siam thei chuang bawk silo chuan thumal tin mai hi a in kal pel nuaih nuaih hi a ni ber

Ka phone a rawn ri ral ral, ka phone phawr chuan message ka en vat, "zanin ah palai an rawn kal ang," Sangpuia message ka chhiar rualin ka ṭhu ngil nghal awt, ka en nawn leh, ka chhiar sual emaw ka ti hial zawk, "Hlu, Hlui," Ka au nghal tuar tuar


Room a Hlutei mangan hmel zet a rawn tlan lut chu khum a ṭang a zuak thla ti tih chuan ka pan hnai nghal rawk rawk, "Sang..Sangpuia, Sangpuia'n palai a rawn tir dawn a nih chu," Ka lawm zia chu ka ṭah nuih nghal uar uar, ka phone en chuan Hlutei chu a rawn nui ve nghal var var, "kha kha a ni mai, i rilru ṭul lo ah i seng vak a, tirawh zanlam ah palai a rawn tirh dawn chuan haw rawh," A tih chuan ka za zek zek, ka lawm lutuk hi ka â zo dawn


Ka khi sûng reng mai nia, "i chhe ver vur e," Hlutei'n a rawn ti leh ṭhin, ka nui hak hak, haw kawng tluan in ka ṭhen ṭhu reng ni mai ti ila ka sawi sual tawp lo ang, "hnar a hlît phawi ang," An tih chu nêp te a ni, ka lawm na hian van a tawng lo chauh, khatiang ṭawngkam a neih hnu a palai a rawn tirh kha ka beisei lo hrim hrim, mahse, Biaksangpuia kha ala ni reng e, ka mipa lo vei ruk em em ṭhin leh ka hmangaih, ka zah em em bawk kha



"Pasal neih pawh chu i ngam tawh rêng em ni?" Nui tut tut a Hlutei'n a rawn tih chuan ka ke pen lai ka tawp chat, ka nui hme chawp chilh in a reh zui bawk, ka thaw chhuak hak, Hlutei lam muangchang a hawiin, "Hlu, nau tih tlak a, nula pangai ang mai a awm ai chuan Sangpuia hi nei ila ka duh zawk vang a lawm, duh thlan tur dang ka neilo a ni," Ka ti chhuak hap, bu nghat nghat a ka thusawi hrethiam tih hriat takin, "ka hrethiam che a lawm, i duhthlan na hi a huaisen thlak lutuk, tirawh a tlai mai dawn kal teh ang," A tih zawmzat chuan ka nuih sak, ka ṭhiannu hian minlo hre chiang ber mai
.
.
.
Inchhung ka luh rualin, "enge chanchin, Sangpuia chuan enge a sawi?" Ka nu in min rawn pan hnai nghal ruak ruak chuan a ti nghal sawk sawk, ka thaw kawk, a mitmeng a hlauhthawn na ni awm tak chu ka hrethiam lutuk, keipawh in hetiang mitmeng chiah in a nih kha Sangpuia ka en ni

"Nu, Pa.." Ka lawm bawk si chu ka nui leh rih, "helam ah rawn kal phawt teh u, kha, Hlui, i ṭhiannu i rawn thlah elaw?" Tih zawm zat a ka pa in a ṭhut na lam a min hui chung a a tih chuan ka nu bân a vuan in ka pensawn pui nghal



"Enge in inbiak na chanchin chu ni ta, i hmel landan ah chuan in sawifel thei ava nih hmel ve," Ka pa bawk in dam thluam a a tih leh chuan ka nu chuan thaw dep dep in mi en ran, ka nuih te pawh a za lek lek, nau ka pai tih ka hriat aṭang a ka vawikhat nuih na a ni hial ang, vawiin ni chu


"A lawm lutuk a, kha, a sawi theilo a nih kha, ṭhiannu pasal nei mai tur ka nei tih hi ka la awih theilo," Hlutei'n nui vur vur a a rawn tih chuan, "sawi vat ta che mawle, enge Hlutei sawi awmzia chu?" Ka nu in a lo ti bak hluk, ka nui suk, "zan in hian Sangpuia'n palai rawn tirh a tum nghal a, a rang lam a inneih a duh thu a sawi bawk a," Ka sawi zawh rualin ka nu chu a thaw hak, mahse a hmel chu ka hriat thiam siloh in a ngui zui riau bawk

"A va lawmawm ve, nau han tih tlak ngawt ai chuan thu lawmawm tak a nih chu, mipa chuan mawhphurh na an la ngam tur a ni rêng a ni," Ka pa in a rawn tih chuan ka nu chu en in, "diklo a awm em ni Mami nu?" A tih zawmzat, ka nu chu chik lutuk in ka en, kawngkhar lam en vang vang in, "pasal nei tur atan chuan ala nau lutuk ka la ti fan a ni, kum tlinglo ngawt a pasal neih chu ṭha ka ti theilo, bakah, Sangpuia nu sawn nun nuam in a dah dawnlo," Zawi si, fiah si a a rawn tih chuan ka ṭah a rawn chhuak leh nghal et et, ka nu rilru tur hi ka hrethiam lutuk, keipawh in duh thlan tur nei ni ila heti ringawt chuan pasal ka nei hauhlo ang


Mahse enge sawi theih ka neih, ka tihsual rah ka seng tur a ni lawm ni? Nau ti tla tur in ka huaisen in ka hre lo a ni, mahse pasal nei a ka pasal nena kan in kar a nau hrin a, midang sawisel na dawng tur erawh in ka huaisen na zawng zawng sawm khawm in ka ngam ngei ang


"Chutiang zawng in ngaihtuah lo teh khai..! Duh thlan tur a awm lo chu a nih hi, Sangpuia te chhungkua chu eng ang mi pawh nise, Sangpuia ber in kan fanu a hmangaih chuan a nu leh pa chuan an pawm mai ang, tumah in fa te kan haw tak tak theilo, Mambawihi pawh pasal ilo nei te a nih chuan, naupang chhia ang a awmlo in, puitlin tum la, i pasal nu leh pa te thu ngai chang in, i pasal lak a i lungawiloh na pawh keini hnen ah ni lo, i pasal nu leh pa hnen ah i thlen ang, nupa inkar phei chu a theih hrâm chuan in nupa pindan bak hi a pel tur a nilo," Ka pa thusawi chu ngun lutuk in ka ngaithla, ka nu erawh in rilru nat hmel lutuk in min la en ngawih ngawih thung


Thaw la kawk a ka nu kut, a mal chung a a dah chu la in ka hum vang vang, a hma a ṭhu thla in ka ṭhingṭhi, ka chil ka lem khalh bawk, muangchang a ka nu mit a en chuan, "nu duh thlan tur dang nei ila ka ti, fanu chhuanawm tak ka ni lo hi pawi ka ti takzet bawk, suangthuah leh tum tamtak ka nei ve ṭhin, mahse tun ah chuan khang te kha engtik ah mah ka puitlin thei tawh dawnlo tih ka hriat avangin..." Ka ngawi dat

Ka mittui a rawn hnam ṭiam ṭiam, "ka naute tan leh ka tan, kan chhungkaw tan ka kalsan a ngai a ni, zahna nasa tak ka thlen tawh che u a, pasal neilo a, sawn pawm satliah tur chuan ka huaisen na in a tlin lo, ka huaisen tawklo a ni," Ka biang ah ka mittui a rawn luang ngiai ngiai, ka nu pawh chu ti tho, ka kut ka vawn na chu phelh in ka bân ah a beng taih taih, "engtin nge ka chung ah hetiang thil hi i tih theih zawk ni? Mumang ah pawh ka hmuh ngam ngailoh thil a ni tih i hria em?" Ka nu rilru na lutuk chu en hreawm ka ti, ni e, tu nu leh pa tehlul nge hlim a, zuang ang ni???
.
.
.
Zan dar 8 awm vel a kan kawngkhar rawn ri kharh kharh chu ka ṭhut na aṭang a tho in ka hawng nghal, kan hma a patling pahnih, kei phei chuan tu te nge an nih pawh ka hriatloh chu an rawn nui sâng


"Tluangtei i ni ang maw? I nu leh pa an awm tiraw?" Pakhat la naupan hmel zawk in a tih chuan ka bu nghat, "lo lut rawh u," Tih leh kawngkhar ka hawng zau nghal vat


"E khai..!! Sir, engtik nge i rawn haw a? Lo leng rawh u," Ka pa in choka aṭang a no dawm chung a rawn ti chuan min rawn melh, ka awm ve na chi ni a ka hriatloh avangin, "ka room lam ah ka lo han chho tawh ange," Ka ti sep, ka pa chu a bu nghat bawk


"E khaih.! LR min ti teh, office a nihloh hi," Ti thum dût tu chu kum 30 vel awrh a upa a ni ngei ang, ka vawikhat hmuh na a ni bawk, kan khaw mi erawh a ni hauhlo tih ka chiang

An hmel ka en khan tu te nge an nih hre lem lo mahila, enge an rawn tih dawn tih erawh ka hrethiam ve mai bawk

Khum a ka phone dah chu la kang in ka en, tlailam a Sangpuia'n message min rawn thawn bak kha minla rawn be miahlo, Hlui message lo awm chu ka open nghal vat


"Palai hmel i hmuh meuh chuan min hre tawh na nge?" Ka nui hak, henu tak hi chu aw..!

Ka call zui nghal, "rawn biak che ka tum chiah a, enge chanchin?" A pickup rual a tih nghal chuan ka nui ri hak, a ṭawngkam chhuak tin ah chuan a hriat chak zia a lang reng


"Ka hre biklo, Hlu, Sangpuia chhungte ah hian LR-a tih hmingpu i hre ngai em?" Tleirawl at ala reh tak tak lo pawh ni lo in, tleirawl kha ka la ni miau a, ka hriat chak tawh hi chu ka za cheng zel, bakah a palian in a hmel rum ûl mai kha engti zawng emaw takin ka hre chiang chak riau


"Ka van hre mailo ve, eng ang hmelpu nge i hria em?" A rawn tih chuan nichin mai a ka hmuh patling pahnih kha ka mitthla let


"Ummm, sang ve deuh, hmelchhia chu a nilo, mahse, a hmel a rum reuh tawp," Ka nui hak, "a palian rapthlak, a thin dîp ka chen vel ṭawk in ka ring, chuan kum 30 chu a pel tawh ang ka ring," Ka ti ngjal zat zat, chutiang em em a ka lo em chian pawh ka hriat loh nen, a ngawih deuh vang vang hnu ah, "Ohhhh, ka hre leh si, kan khua a SP thar awm a nih kha, i pa khan a hria angchu, police outpost ka kal a vawihnih vel chu ka hmu tawh, chhelo rapthlak maw le, nupui a nei tawh tih mailoh chu," A rawn tih zawmzat


Ka nui hak, ka hre chhuak leh si, vawikhat chu kan khua ah SP thar chhelo deuh a awm.tih a sawi rik zauh tawh ka maw..! Tun a kan in a palai rawn kal hi a sawi na a lo nih hrep tak chu a..!!

Ṭawng tum a ka âng zuai tawh tih ang, ka nu thinrim aw ki sang zet mai ka hriat chuan ka hawi dawrh, "bestie, ka rawn be leh angche aw," Tih leh min chhan let na pawh nghaklo chuan ka phone chu off zui nghal in, khum aṭang ka in perh tho nghal zat bawk


Ka room chhuahsan chuan inhnuai pan thlak na tur step tawi te kan siam bul ah chuan ka ding deuh vang vang, kan in hi Assam-Type a nih avangin leh kan choka leh ṭhut khawm na, pin hran na hi plywood chhahlo tak a nih avangin ṭawng engkim a hriat theih vek bawk


"Engpawh nise Sir, kan lo in râwn khawm ve phawt dawn a nia," Ka pa in a ti ri ka hriat chuan ka nu aw ki sang zet mai ka hriat kha, ka hresual a ni ngei ang, palai pangai tak in an rawn tir a, thinrim chhan tur awm in ka hrelo leh hnuhnawh
.
.
.
.
Ril ṭam lutuk in min tih harh chuan ka meng diar diar, ka ril ṭam lutuk chu ka luak te a chhuak lo chauh zawk a lawm maw le, tunlai ka in thlak danglam lutuk hi ka nau pai vang a ni thei mai a ngem?

Sana ka en, zinglam dar 10 a pel thuak tawh, rang lutuk in ka in perh tho nghal zat, engtin nge chutiang chen chen ka mut theih ni? Ka room ah bathroom a awm loh avangin in hnuailam ah ka tlan thla rawk rawk, "aw..a...muangchang te khan han ti ta la," Ka pa inchhung rawn lut in a tih chuan a lam hawi a nui sak chuan bathroom ah ka tlan lut nghal, nizan a palai rawn kal te nen a an in biakna te chu engtin nge ni ta zel tih pawh ka zawh a ngai in ka hria

Ka inti fai zo, bathroom aṭang choka lam ka pan nghal, ka ril ṭam tawh lutuk chu engmah ka rilru ah a awm theilo, ei tur lo in khuh ṭha thlap chu hawng rawk rawk in ka ei nghal sawk sawk bawk, ka nu, thlaihnah eng eng a maw pawm chung a rawn lut chu ka melh zawk


"Muangchang khan ei rawh, i hak a nge?" Ka nu in dawhkan a a thil pawm rawn dah pah a tih chuan ka kâ khat ṭûn a chaw hmuam chung chuan ka bu nghat nghat, ka sir a chair pawt chhuak a ṭhu chuan min rawn en deuh vang vang tih ka hriat in ka en vat, "Sangpuia chu neih i duh takzet a maw?" Leh ta pek chuan, ka thil ei ka lem khawlh, antui hawp pawk chuan, "nu, i rilru...." Ka tih lai mek in, "ka zawt mai mai che a nih kha, in ei puar rawh, zanin tlai ah i pate'a te chhung leh i U Mami an rawn thleng dawn a, in hi mintih fel pui angche," Ti vat chuan thlai hnah chu a thianfai nghal mawlh mawlh


Sawi chhunzawm ka tum ta bik lo, ka chaw ei chu tuilo zet in ka chhunzawm nghal mawlh mawlh, nichin mai a ka ei tui tehlul nen, ka nu rilru hahdam lo lutuk thaw leh hak ṭhin leh min rawn melh leh zawk zawk ṭhin chuan ka chaw ei tui na a hnawt kiang pawh a ni mahna le


Ka ei na thleng chu ngawi reng in ka sil mawlh mawlh, ka nu pawh ngawi reng in a ṭhu in a tih tur a ti mawlh mawlh, nidang ah chuan kan choka, dinning hall a ni ve mai angchu, a tet zia ka hre ngailo, ka naupan lai aṭang tawh ka nu ei rawng bawl ka tihbuai na, Au Mami nen a kan in um kawi zawr zawr na hmun kha a ni a, lian tak ah ka ngai ṭhin, ti em em hian a lo tê in, boruak hip tur a lo vang ang tih ka hre ngailo hrim hrim, kan choka chhung zîm te chu a vawikhat nan hreawm ka ti hluah hluah, ka tawt up up hian ka hria


Ngawi reng a ka thleng sil sa ka rem ṭhat laiin, "Nu," Rawn ti tu aw ka hriat rual chuan rang lutuk in ka in her nghal, nui nghal var var a choka kawngkhar a luggage nen a lo ding Au Mami ka hmuh chuan ka pan nghal vat, ka tlan a ni mah zawk


Kuah thlawp chuan, "ka ngai lutuk che," Ka mittui a rawn hman nghal ringawt nia, mahse, ka ngai em a tin ni, a nu leh pa an boral hian Au Mami hi chu kum 12 mi lek a la ni, kei erawh kum 8 mi ka ni thung, a nu hi ka nu U chiah a ni a, ka nu te unau hi pahnih chauh an ni a, an in hmangaih thiam em em, an unau in hmangaih dan kha keini unau pawh min hrilh fo ṭhin, ka pianpui ni lo mahse tumah in ka pianpui a nilo tih hi an hre lo ang tih tur khawp in kan in hnaih in, kan hmel ah pawh a in ang viau bawk



Min kuahlet a nui ar ar chung in, "vuak hmabak i ni, rilru i tih hah zia hi i hria em?" Min hauh in ringsa mah ila, a lo thleng dek dek a beng chaw ka dawng nghal ringawt a nia..!


Inla hrang pah a nernung in, "ka dawng hnem tawh e beng chaw, min haulo in nute-i ini tur hi min lawmpui mai rawh," Nuih tlawn pah a ka dul melh zauh a ka tih chuan ka chal ah min kawk sawk, ka rak ṭhat, "mawl lutuk mai," A ti zui halh bawk


"Mami tlailam ah i rawn thleng dawn emaw ka tia?" Ka nu in a rawn tih ve tak ah chuan ka nu a awm ve a ni tih ka lo theihnghilh daih, Au Mami'n ka nu lam pan a kut phar duai a kuat thlawp chuan, "ka ngai lutuk che nu," A ṭap ṭep tih ka hre thei, a hna avangin Aizawl lam ah a awm, darkar 5 vel tlan lek ni mahsela, hna ah a buai em avangin duh ang in a rawn haw hman ṭhin lo, ka nu leh Au in kuah vawng vawng ka en chuan ka nu chu kuah ve veng veng a, hahdam ve ka chak tak zet, mahse, he ka naute vang hian ka nu pawh ka kuah ngam ta lo chu a nia


Ka nu in a hnungzang a beng thak thak pah in, "i buai hle a nih pawh in thil ei ṭha tur in ka tih che kha, i cher hle tih i in hria em?" Inla hrang pah a ka U en chho vang vang a a tih chuan Mami chu a nui hak hak, "ka ei ṭha a lawm, tunlai ah te chuan in-diet kan uar a," Ti sam et chuan hawi kual in, "ka pa hi," A tih zawm zat


Kei erawh an thusawi ngaihven zui tawhlo in ngawi reng a ka thil tih lai tih zawm tum a thlengsil na lam pan chuan ka rem zui mawlh mawlh, ka ṭah a rawn chhuak tlat, ka in ngaihtuah lung puam vang nge? Ka chhungte tumah hian min ngaihsak ta miahlo hian ka hria, ni lo, ka awm ve a ni tih an hrelo zawk a ni mah, nge min haider in ngaihsak tlak leh biak tlak loh ah min ngai ta zawk pawh ka hrelo e


A vawikhat nan kan inchhung nuamlo ka ti a, chhuah bo san ka chak ber ṭum a ni hial ang




***Riya***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:29 pm

LYING HEART
By floria laldansangi


3


Ni a kal a, kar a liam ve leh ta, ka chungte leh Sangpuia chhungte pawh an inbe rem thlap ta, mahse, kei leh Sangpuia inkar erawh sawifiah thiam si loh, sawi chhuah chi si loh in, kan inkar a hla em em thung, kan chhungte in biakna ang in thlathar May ni 21 ah man inhlan leh chaw ei khawm na nen in kut suih kan tum chu a nia, tun a kan awmdan erawh inneih chu sawi loh in hmel hriat satliah ai pawh in kan in kar a zau zawk ni hian ka hria

Palai an rawn kal nawn aṭang in kar hnih lai a liam tawh, Sangpuia hmel vawikhat pawh ka hmu tawhlo, kha mi ni, nau ka pai a ni tih ka sawi ni kha ka hmuh hnu hnunber a ni, phone ah erawh kan in be zeuh zeuh thung, chupawh a khat mawi tawk in a ni ber, be duh in, be chak viau mah ila, min biak ṭhat peih miau loh chuan tihluih vak ngaihna ka hre dêr lo, ngaihzawng te han tlawn dem dem thiam chi ka nihloh sa nen, rai no thinchhiat ve deuh nen, kan awmdan, kan boruak rit lutuk hi ka hne leh ngawih ngawih ṭhin
.
.
.
.
Ka bul a ṭhu ka ṭhiannu chuan min melh leh zawk zawk ṭhin, a hmel lan dan ah chuan vei ruk nei leh sawi duh nei, sawi chhuak mai thei si lo hmel a pu

Ka ṭhut dan siam rem sat sat a, ka hma a theihai zai phel phawk phawk, thak zet mai a bawl awm chu ban a seh sawk sawk pah in, "enge ni a? Sawi duh i neih chuan min en zek zek lo khan sawi rawh," Ka theihai ei thial sawk sawk a, si hluam hluam chung a ka tih chuan a thaw hak


Ka lam rawn hawiin, "tunlai Sangpuia leh Vani chungchang hi i hre ve em?" Sangpuia hming a rawn lam rik rualin ka lungphu a che dawt, ka thawk a sak nghal ṭalh bawk, he thingtlang khaw te ve tak in 6000 vel lek awm ah hian thil thleng chhe te pawh hi mitin in an hre nghal zung zung


Sangpuia nen kan inneih tur pawh palai rawn kal nawn hma in a darh lehnghal vek tawh kha a nia, chutiang khawp a thu thang chak ah chuan ka hriatloh hi a ring tak tak em maw ni? Ni e, ka hre lutuk, ka hre mah mah zawk, ka beng ka ti ngawng lui mai zawk a ni, a chhan ka hrelo, chân ka hlauh luat vang pawh a ni mah na


Muangchangin ka hma a theihai chu ka ban leh, ka mitthla ah Sangpuia hmel a rawn lang, hman ah kha chuan tlangval ngilnei leh ka lo chhuan ruk em em ṭhin kha a ni a, mahse, tun ah erawh 'ka en dan a dang ta e' ka tih na ni lo in ka beisei a phalo lutuk erawh in minti na vawng vawng thung


"Tluang," Hlutei aw ka hriat leh chuan ka harh zawk, ka kut a theihai ken ka thlauh nghal zat bawk


"Aa..aw hria e, dawt mai mai a nih kha, Vani sawn a duh zia i hriat kha," Nui lui lutuk a ka tih chuan min ring chiahlo tih hriat tak a ner sawk sawk in, "dawt chu a ni lo deuh a nia, 40mins ago khan hei Facebook ah pawh an in relate a lawm, Biaksangpuia hi ka rin ang a ni lo tawp mai, ka comment nghe nghe dawn amaw ni le?" Ti hlak hlak chuan comment tum a phone a hmet mawlh mawlh chu ka ban vat


"A ngai lo, a mualpho thlak Hlu, keiman ka zawt chiang dawn nia," Ka ṭah chhuah dan chu, a phone ka laksak chu muangchangin ka en zui bawk, Vani pawh hi kan class-mate tho a ni, Sangpuia hi a duh ve a ni tih hre mah ila, kan bul ah erawh duh ang in a awm ngailo, chutih rual in Sangpuia leh mipa dang hrim hrim bul ah kan ṭhian ni a in sawi si in, kan ṭhat na lai pakhat mah a sawi ngailo, kan chhiat na lai sawi nuam ti ber ber te zing a mi a ni, min beih na tur leh ka chaklohna hriase, min bei a, minti mualpho hmasaber duh tu tur a ni tih ka chiang bawk


"Tun ah be rawh, nakin a in sawifel na tur a neih hma in," Hlutei'n a tih chuan ka ner nawng, ka hlauthawng tlat chu ka hrethiamlo, Sangpuia awmdan ah hi chuan a tan engmah ka ni ve lo a ni tih tuma hrilh ngailo in ka in hrethiam, mahse ka naute vang in ka hai der ṭalh ṭalh zel chu a nia, inṭhen lo duh ta se engtin nge ni ang? Ka hlau a ni, ni e, zep rual loh in chu chu ka hlau takzet, ka duhna a nasat ang bawkin ka naute leh Sangpuia chân hi ka hlau takzet


"I mawl si, i dawih si, nakin ah chuan maw...engti khawp pawh in thinrim in inhauh pui mahla, 'ka lo rui deuh a' a tih chuan i awih lehnghal vek dawn, i at dan em em hi," Ka ṭhiannu thinrim in hrosa chu ngawi reng in ka en, ni e, kan in biak khat a, ka vui deuh hian, "ka kai deuh a, ka zah vang che in ka rawn be tam lo che a nih kha," A tih tawh chuan ka nem lehnghal zung zung zel ṭhin



A sawi dik vek, ka kut theihai ka ei na thak chu ka bul a tissue chuan ka hrufai nawk nawk, ka phone ban in Sangpuia number chu ka hmet chhuak, call tum uk uk tak na in, ka hlauh na in min la hneh zawk fê, ka lungphu zawn sa lutuk leh phu rang lutuk hian ka thaw a ti chham dawn hial in ka hria


"Khawi maw," Tih leh ka phone rawn phih sawk a Hlutei'n call a hmeh chuan, "Hlute, ngawi rawh, khawi maw, a mak e, enge maw i tih le," Laklet ka tum rual in ka lam a rawn lek chhuak in, "kha a pickup tawh, Biaksangpuia hi maw keiman ka biak chuan ka nasa dawn lutuk a, in sawifel rawh u, khatiang mai mai a a ti kawi dawn che a nih chuan ṭhen ngam che rawhse," Sangpuia hriat tur a sawi a ni mah zawk, a au chhuak lo chauh, ka kut ah phone a rawn hmeh bel zui zat bawk, ka meng kawk, ka phone melh chuan ka chil ka lem khalh


Muangchang a ka beng a chuk tuah chuan, "hello," Ka ti sep, ka lungphu lah chu a rang tulh tulh, thawk harsa khawp in a rang nia maw le


"Tluangi, enge ni ta?" A aw ri ah chuan a buai leh tawh a ni ngei ang, han sawi mai tur pawh ka hrelo, sawi ṭan dan tur ka hre lo a ni mah zawk angchu, "pawimawh sawi tur i neihloh lehkha zir tur tlem ka la nei a, kan zir lawk a nge aw? Class ka kal loh na a rei deuh tawh si a, hetah tlem tal ka lo zir lawk loh chuan, kan zir lawk aw?" Hmanhmawh tih hriat zet a arawn tih leh zung zung chuan, "aw le," Tih mai ka tum a mahse Hlutei sawi ang khan a hunlai hian engkim sawifel a ṭha in ka hre leh ta zawk a


Ka huaisen na zawng zawng sawm khawm in, "Vani nen in inkar hi sawifiah i tum lo em ni?" Ka aw zet chu, pangai tak a zawh ka tum nen, ka khur dawn lek lek a lawm maw le, thil ti sual tu ka ang mah mah zawk


A rawn nui ri huk, "Tluangi, min chhui tih na em ni?" Ruh lutuk in ka kut ka hum, "ka chhui miah lo che, fb, WhatsApp kan hmang ve a, kan hmu ve bawk a lawm, mi â ni leng ka ni bik lo a nia Sangpuia," Ka theih tawp chhuah in ka aw ki ka thunun


"I â ka ti hleinem," A ning leh tawh tih hriat tak in a rawn ti nghut, ka mit ka chhing sawk, "naute nen a min ngaihsak i duhloh chuan a pawilo a nia, i tel lo pawh in kan awm thei em em ang," Ka sawi tum a ni miahlo, engvang a chutia sawi ngawt nge ka nih pawh ka in hre chuanglo, an awm dan hriat leh hmuh hi ka hne ve lutuk te pawh a ni mah na le..!


"Chu chu maw i duh dan? A ṭha a lawm, tun aṭang chuan i fa pa ka ni tawh lo ang, a ṭha em?" A ṭawngkam hman duh dan kher kher chu min khei ve zak

Ka ha ka seh ruh, "a nih chuan tun aṭang chuan i fa a ni ve tawh lo tihna a nih chu, ka fa, keima fa chauh a ni tih i hriat ka beisei a nia, he fa nen hian in zawmna in nei tawhlo tih na a nih chu," Ka aw a rawn khur ru nghal der der, tlawm hi ka in ti vawng vawng bawk


Ngeiawm lutuk a rawn nui ri hak in, "aw le, ka fa pawh lo ni se, ka ngaihtuah a, ka buaipui na tur a awm tawh hleinem, "he fa nen hian in zawmna in nei lo" min ti tawh a, in zawmna chu kan nei tawh lo e, ka fa angin lo sawi tawh suh u," A ṭawngkam mal tin mai chuan min deng sawk sawk, tun a phone a ka biak mek hi ka lo vei ruk em em ṭhin leh ka duh em em a fa pai hial pawh ka pawi sakloh na mipa kha a ni tak zet em? Nge ni a, keimah zawk khan ka lei ka veng seng lo zawk??


"I lo nun rawng tak zet," A bak sawi tur pawh ka hre tawhlo, "a rui a niang," Ti dawn ila a ṭawngkam leh a aw ri ah chu fiah fak fak tak a ni

"Aw le, chuvang chuan ka fa ang chuan lo sawi tawh suh, mi in, "eng nga tinge, a pa in a va ngaihsak lo ve?" An tih chuan, "in zawmna in nei tawh lo" i tih kha hre reng la, 'nia, a fa a ni hleinem' Tiin, i chhang tawh dawn nia, "in zawmna in nei lo" i tih tawh miau chuan ka fa a ni thei tawh lo tihna a ni mai," Ka kaw chhung a ṭang hian thli chak lutuk in min rawn ṭham vel hian ka hria


Ka ṭawng chhuak dawn a ka ṭawng mai theilo, ka hrawk ah a rawn hnawh bet, ka hnungzang khur thla hi a na em em bawk, chil lem ringawt pawh harsa tak a ni, engtin nge chutiang thu chu awlsam tak a a sawi vek theih zawk pawh ka hrelo, ka mittui a rawn luang thla pup


"I duh dan a nih chuan le, ka fa..." Ka tawp dat, na ka tih zia chu maw ṭawngkam, thumal hian a sawifiah in ka ringlo, "ka fa chauh a ni tawh ang," A tawp lam chu a ri chang chang chauh a ni


"Imm, chuvang chuan i ṭhian te bulah pawh lo hrilh la, "Sangpuia a fa a ni lo, a fa ang in sawi tawh suh u" tiin, i lo hrilh hlawm dawn nia, i duh chuan i ti tla thei bawk ang, i fa a ni tawh a, i thu thu a ni tawh," Thinrimsi lo a, dam dap a tih leh phone off a rual nghal, ka ṭhu zawi hnawk, ka taksa a rawn na in a rawn khur nghal der der, kan inbiak lai a ka ṭan zia ka hre chhuak, ka mittui a rawn far fep fep bawk


"Ka fa a ni tawhlo, in zawmna kan nei tawh lo," A thusawi zawng zawng te chu a mal te te in ka beng ah a rawn khawk rum rum hian ka hria


"I ṭha maw? Enge in sawi a?" Ka ṭhut na lam no keng chung a rawn pan chuan Hlutei chuan a rawn ti vat, mit thîp râm in ka en, ka kâ ka âng zuai zuai, ka ṭawng chhuak thei der lo, ka mittui erawh a rawn baw hrawk, ka taksa a rawn khur nghal der der bawk


A no ken dawhkan a dah rawk rawk chuan, "hei..hei...enge ni a?" Min rawn ṭhut hnaih nghal rawk rawk, ka mittui nen chuan ka lu ka thing mat mat


Ṭawng chhuah chu sawiloh thawk lak ringawt pawh harsa tak a ni


Ka awm dan hreawm lutuk chu a hrethiam a ni mahna, min kuauh in ka hnungzang a chum dat dat, mit chhing sawk in thaw ka la kawk kawk, ka mittui erawh a luang chhuak zung zung, ka U mami'n a fiamthu in, "cartoon ang mai, mittui te hi i ngah lutuk," A tih kha tak tak te pawh a ni mah na


"A ṭha e, ka hrethiam, biak sak che i duh em?" In lak hran pah a Hlutei'n a tih chuan ka chil lem khawlh in ka lu ka thing mat mat, ka kaw chhung tawt lutuk hi ka hah in hreawm ka ti ber zawk rih tlat a ni



"A nih chuan room lam pan mai ang aw, heta kan ṭhut reng chuan i mut theihloh phah mai ang," Tih leh no ka lam a rawn lek kang chuan ka ban vat, tui vawt chu ka lem khawlh khawlh, ni e, in ngaihtuah vak vak thei ka ni lo, ka naute, ka naute tan ka in enkawl a ngai, tu ma min hrilh pawh ngailo in, nau ka pai tih ka hriat aṭang a ka taksa tlak sawt zia chu rapthlak tak a ni
.
.
.
.
Ka mal a nghet zet a min khan a, thaw ri sawk sawk a muhil ka ṭhiannu chu ka en reng, ka thaw leh hak ṭhin, ka beng, ka lu um chhung ah hian Biaksangpuia thusawi kha a khawk rum rum, mit chhing a, muthil ka tum ngial pawh in ka harh tulh tulh ni mai hian ka hria, thaw la kawk a ṭhu chhuak hlawl in ka sir a phone chu la in Biaksangpuia ka call nghal zat


Mut chhuak tih hriat zet in, "ummm, tu nge?" Rum ṭuah ṭuah a rawn tih chuan mit ka chhing sawk, "vawikhat pawh ka naute hi rawn hmuh tum suh angche, nangmah khan i nung dawn nia Biaksangpuia," Eng mah sawi set set lo a ti deuh tuar chuan ka off nghal hmiah bawk


Thinrim zet in ka phone ka dah let sawk chu ka kawng a ka ṭhiannu in rawn kuah sat sat chung a nui nghawr dat dat in, "ti kha chuan i thawl hawk tawh angchu, muhil tawh rawh," Mut chhuak aw lawi rat in a rawn ti chhuak ṭuak, ka melh vak ringawt, ka thawl hawk chu sawiloh ka tawt tulh tulh, engtin nge ka chhungte, midang zawng zawng ka hma chhawn ang tih hian ka lu um hi a luah hneh lutuk mah mah
.
.
.
.

Zawi zet a sofa a ka ṭhu chu Hlutei'n, "hei hi in rawh nizan khan i muhil lo tih ka hria a nia, i rilru ti hah lutuk suh, Sangpuia chuan rilru fim a pu anga a rawn be em em angche, tleirawl hmelṭha deuh hi a kalsan tak tak phal teuhlo mai, " Minfiam zauh pah a arawn tih chuan za lo zetin ka ṭhensak, a thusawi chu a mah ngei pawh in a ring bik chiahlo a ni mahna a nui tawi tak

Sana ka en zauh dar 9 a pel va tawh, "school i kal dawnlo a mi?" Coffee no lak pah a ka tih chuan nuisukin, "rinni a nih hi," Ner nung in a ti sep, ka nui ve sak, nau ka pai tih kan hriat ni aṭang khan school ka kal chhunzawm lo hrim hrim, ka kal loh chhan hriat an chak hlawm tih ka hria, Hlui ngei pawh hian vawi tam a chhan phone aṭangin min rawn zawt ṭhin bawk a nih kha, thlathar mai hi final exam a ni tawh lehnghal, ka zirlai leh ka nun zawng zawng ka ngaihtuah phei chuan ka tawt lutuk hi thih daih mai ka chak rum rum ṭhin


"Ka nu dar 11 hian a rawn thleng dawn a, i duh chuan hetah i awmrih thei tho a nia, i nu leh pa ka be tawh tho a," Hlutei'n a rawn tih chuan ka coffee tem hlek in ka lu ka thing, nizan zankhua a ka ngaihtuah hnu ah nau hi ka nu duhdan a tihtlak chu ka pawm ta in ka hria, Sangpuia ber pawhin ti tla tur a minduh leh a fa ah pawh a pawm tawhloh chuan, engtin nge kei kum 16 lek hian fa ka neih theih ang ni


"Anih ka thlah angche, nge i pa rawn hruai tur che in ka hrilh dawn?" A tih leh chuan thaw hakin, "muangchangin inlam pan ka duh," Ka ti sep, tun ah tak hi chuan khawi emaw, tuma min hriatlohna hmun leh tuma awmlohna, ram ngaw pil ril tak a mahni chauh a awm a, hahdam tak a boruak thianghlim hip veng veng ka chak ber

"A ṭul lo, ka thlah dawn che nia," Ti ṭalh chuan, "ka kawr hi ka han thlak lawk a nge," Tih leh pensawn a rual, ka hnial peih ta lem lo, hnial pawh ni ila min zui dawn tho tih ka hriat vang a ni


Hlutei nen kan in zui chhuak chu thui pawh kan thlen hma in Vani te ṭhian za ho nen kan in tawk nghal zat, ka thaw kawk, an hmel a min hmuhsit na lang chhuak leh nuihsawh na chu tu pafa mah hian an hai tawp lo ang


"Tluangi nau i pai tih te chu sawi ve tur a nia, Sangpuia'n sawi lo phei se la chuan kan hre dawn lo a nia," Feli'n ngeiawm lutuk a a rawn tih chuan midang zawng an nui zui hak hak, ka nuih pawh a za lo, ka ṭah an ti chhuak et et


"I kam tam thei lutuk Lalrinfel," Hlutei'n pan hnaih a tum nghal mai chu a ban a chelh vat in ka lu ka thing mat mat, khawlai a ni lehnghal, heng ho ṭhian za ho hi chuan zah an hre lo nasa mai si, kan mualpho zual ka hlau tak zet


"Kal ang," Tih leh pensawn mai ka tum chu, "Sangpuia'n 'ka fa a nilo' a ti si a, tu fa nge maw i lo pai reng reng le, DNA test ngamlo khawp te hian ilo awm ange aw Tluangi," Ka ding dawt, a ṭawngkam tin mai chuan min khei zak zak, ruh lutuk in ka kut ka hum ngar ngar


"Ti khan pasal pawh neilo in nuthlawi hming i pu der chu a ni si a," A tih zawmzat, a aw ki san dan leh thluk dan ngeiawm lutuk chu ben sawk na tham a ni


“Vani i kâ kha vêng ṭha mai mai teh, enge i in danglam bik na, naupai loh vang a “nuthlawi” hming pu lo mai mai in ni ve tho, kan in hrechiang hlawm mah mah a ni lawm ni, nangni lakah chuan Tluangi naupai chu nep te a ni, nep te,” Hlutei'n ti let fak fak a ka ban a min rawn vawn pahin, "kal ang," Tih leh min pen sawn pui nghal pawk pawk


Ka tlawm ka inti lutuk leh zahna in min tuam nasa lutuk chu ka rilru a mang vek, ka chil lem ringawt pawh harsa leh tawh tak a ni, ti em em hian em ni mihring sawiloh kan hmel hriat leh "ṭhian" ti a kan sawi te pawh hi an lo nunrawn theih ni? Ka âwm zawn na leh ka lungphu zawn sa vawng vawng chuan ka thlanfim a ti chhuak ṭiam ṭiam


"Engah mah ngai suh angche, Biaksangpuia sawi a nihloh chuan khatiang khan an ṭawng huai dawn miahlo, ka rin a anglo takzet," Hluteii chu a phun hmiar hmiar, nimin lam kan inbiak na zawng zawng hre vek pheise chuan an in ah a luhchilh duh hial ka in ring a ni


Kan pensawn tawh chu kan hnunglam aṭang in, "DNA i test dawn ah min rawn hrilh ve la, kan rawn ṭawi awm ve dawn che nia, ohhh, class chat room ah pawh topic hit ber ini tawh a nia," Lalrinfeli'n min rawn au lang lang chu ruh lutuk in ka kut ka hum, ka mit ka khap fak fak


Hlutei'n chhan let tum a in her leh a tum chu a bân ah ka chelh vat, ka kâ ka âng theilo, mittui tla ṭeu chuan ka lu ka thing mat mat, ka mittui tla tur ka khap let sak sak bawk, ka awm zawn nat dan chu, "hetiang khawp hian mihring hi a lo zah theih in a lo nat theih a ni maw??" Tih ka ngaihtuah na ah a rawn lang rum rum thei


MAM-I...POV (Tluangi U)



Ka nu leh Tluangi Aizawl lam ah in entir tur a an kal avangin ka pa nen in kan nghak, vawiin erawh ka pa duty a nih vangin in ah a awmlo, ka chhun ril ṭam chu cup noddles lei in ka chiah sawk sawk, ka ril ṭam te lah hi a ṭam em em zel a, nula pum pa si hi mak tak a ni. Ka ngaihtuah na avangin ka nui suk


Ka mitthla ah ka Tluangi hmel dang bel leh taksa cher lutuk a rawn lang, tunlai fb leh WhatsApp vel a thu post leh comments vel vang a ni tih ka hria, a Sim kan thlak tir leh midang ka block tir chung pawh in a rilru erawh a hah tih hriat tak in a taksa a kaw em em bawk, ka duh dan chuan "cyber bullying" ang a Court thlenpui ka duh rum rum laiin, ka pa in, "Lalnuntluangi nau pai kan ngaihtuah hmasakber a ṭul," A tih miau avangin ka la haider hram hram a ni ber


Ka nu phei chu engmah kan la hrilh ngam lo hrim hrim, Sangpuia chhungte lam a huat zia chu sawi vak ngai pawh in ka hrelo

Ka phone rawn ri chu en pawh en lem lo in ka pickup nghal, ka noddles chiah chu hawng in ka chawk nghal zat




"Lalnuntluangi ka be duh, tun ah Lalnuntluangi ko rawh," Biaksangpuia aw ṭeng zet mai chu ka hre zui zat bawk


Chhan pawh ka chhan hma in, "engvang a ka bialnu Vani lo ti buai reng nge in nih?" Pawr lutuk in a rawn tih zawm hrawk, a aw ri ah chuan a harh fim lo tih ka hre thei, biak rei chi a nilo tih ka hre nghal


"E khai...! Sangpuia min rawn vin reng reng suh," Pangai tak a ti chuan ka noddles chu ka ei nghal zat, a la sa em em zui a..


"Aww..ka duh leh ka vin angche, engvang in nge Vani chu inlo tihbuai reng a, Lalnuntluangi ko rawh, min block khanglang lehnghal em ni? Engvang chuan maw Vani chu in lo tih buai a, Facebook ah te in lo post mualpho a," A ṭawng a fiahlo in a seh chilh deuh nawk nawk


Ka nui suk, kan inbiak na chu ka record nghal zat, "E..! Sangpuia ka hrilh angche aw, a ti buai lova maw, a ṭhian ten an lo ti buai em phei chu ka hrelo, Lalnuntluangi phei chuan a Sim Card pawh a thlak tawh tih ilo hre dawn nia, Sim Card thar kan lei sak thlap tawh e," Ka aw ki a la pangai tlap, zu rui a ni a, thinrim a biak chi a ni lo tih ka hria

"Aw Sim Card chu a thlak a, Vani chu va bia in a va ti buai a ni lawm ni?" A rawn tih leh chuan ka nui hak

"Chu chu enge i buai na."


"Ka buaina chu ka bialnu a ni a, nangni tihbuai phak a ni lo, lo ti buai tawh suh u," A rawn ti ṭhawt


Ka sa ve phat, "Mai mai che chuan Biaksangpuia, min vin reng reng suh aw, min vin phak pawh ka ni lo a nia," Aw Ki sang si lo, lungawi vak lo chuan ka ti ve hlak


"I duhloh chuan lo ti buai tawhlo ula ti nia, ka khing thei che u a nia," A au in a au, "i rui a nih kha, i rui a nih kha, i chung ah thil pawi a thleng palh ange, jail tang thei din hmun ah i ding zawk a nia," Ka ṭawng mawlh mawlh lai pawh chuan enge a sawi pawh hriat theih si loh in a au tuar tuar, ka la nui vur vur

"Police ka ko dawn, engvang in nge ka bialnu chu inloh tihbuai reng a, engvang in nge in hauh a piang in nau tih tlak ah min vau ziah a, DNA test pawh ti ngamlo khan," A rawn tih leh tak ah chuan ka chopstick ken lai chu dawhkan a dah sawk in


"E..! Sangpui, ti khan ti reng reng suh aw, an ko ang, nangpawh police in an ko ang che, tun ah hian chhungkua kan in râwn khawn mek a maw? Nangmah vang a kan chhungkaw buai zia hi i hria em? Tun ah hian Lalnuntluangi hi Aizawl ah in entir tur in kan thawn chho mek a, chuvang in tun a thilpawi tak tih ka tum hi ka ti tlang palh ange, min rawn vin in min rawn vau miah suh," A la au tuar tuar, kan in hnial chu a ni zui nghal der

Ka thusawi a ngaithla lo tih hriat takin, a bialnu Vani kan tih buai chhan chu min zawt nawn sek, a sawi ngai a sawi zing lutuk chu phone off mai ka tum a

"Court ah min thlen ang maw? In ngam a nih chuan thlen ula, tunge hneh na chang kan hria angchu," A rawn ti tuar

"E, ka thlen dawn nge dawnlo chu kan hria ang chu, mai mai che chuan, i bialnu Vani te ho in social media a DNA pawh test ngamlo tih leh ṭawngkam chhe tak tak a an post leh ṭawng khum na hi screenshot in kan nei vek a nia, chuvang in min rawn vau reng reng suh, ka duhloh thleng thleng ka kal palh hlauh ange," Ka ti ram ve hmak

Phone off ka tum laiin, "tunge ni a? Keiman ka lo bia ange?" Hmeichhe aw ka hriat chuan off ta mai lo in ka ngaithla ṭha leh

"Lalnuntluangi U a nih kha," Bak zet a Biaksangpuia'n a tih chu ka hre thuak


"Hello, enge awmzia han sawifiah teh, hei Biaksangpuia ber lah a rui rapthlak si a," Sangpuia U ni ngei tur in a rawn tih chuan, "Lalnuntluangi hi maw a Sim kan thlaksak a, tun ah hian Vansangkimi chu kar hmasa lam aṭang khan, Phai lam ah a awm tawh tih kan hria, a hmel pawh ka la hmuhloh a ni, eng ang a phai a awm in, Mizoram pawn, hmun hla fe fe ah pawh awm rawhse, court kan thlen chuan koh haw vek theih an ni, tunah hian an status a DNA test ngamlo an tih na zawng zawng te hi kan nei vek a nia, Lalnuntluangi naupai hi ngaihtuah lo phei ila zawng, court hi ka thlenpui tawh ang


Lalnuntluangi ber in nau a pai hi a pai tlang duh miau avangin, naute pa hmelma a lo siam ngawt kha ka duh ber pawh a nilo, pa fa an nih na a bo chuanglo, chutih rualin he thiang a Lalnuntluangi an rawn puh a, Biaksangpuia'n a rawn au khum leh nam nul mai mai dawn chuan thubuai thehluh hi ka pawi ti hauhlo bawk tih minlo hriatsak rawh u, tun a kan inbiak na pawh hi ka record vek tih inlo hre tel ve mai mai dawn nia," Ka thin a rim ve tak tak dawn a ka hriat avangin off mai ka duh tawh, ka duhai ka ṭawng tam vang nge boruak ka hip zui kawk bawk


"Tunge Lalnuntluangi chu, hman ni a palai kan rawn tirh na kha em ni?" A rawn tih chuan,"ni e," Ka ti nghat, Biaksangpuia U ṭawngkam chhuak ah pawh chuan eng vak ah mah min ngaihloh zia a lang reng


"Lo hrethiam rawh u, hei, Biaksangpuia ber lah Aizawl ah a chhuk duh si lo, a rui reng bawk si a, a rui ṭawngkam ah minlo ngaihsak dawn nia," Pangai tak a rawn tih leh tak ah chuan, "ni e, a rui a nih kha, khatiang khan Sangpuia'n min vin ngai miahlo, zahlo tak hian min be ngailo, kan nau Tluangi pawh, "a dik fai vek e" pawh ka ti chuanglo, chutih rual in Sangpui pawh mipa a ni a, thudik leh diklo hre tur in Vani te thusawi chauh a ngaithla tur a ni lo, a fapai tu zawk chu Lalnuntluangi a ni a, Biaksangpuia fa pawh ni lo ang mai a, an rawn puh ngawt chhan te leh ṭawngkam turu tak tak, "nuthlawi satliah, nuthlawi sawn pai, a pa pawh hriatloh," an rawn ti fo hi keini tan pawh a lawmawm viauloh a ni tih minlo hriat tel sak dawn nia," Ka sawi zo leh meuh chu ka thaw leh kawk


"Hello, Mami, Biaksangpuia pa ka nia, hei eng nge thil awmzia? Hman ni ah Sangpuia pawh ka hau a, "engvang a i bialnu te chuan Lalnuntluangi chu lo ti buai reng nge an nih," Tiin, ka zawt a, Sangpuia ber lahin, Lalnuntluangi te ho zawk in Vani tibuai ah a sawi bawk si a," Sangpuia pa a ni, an fa te an ṭan zia ka hre chiang



"Aw, kha kha maw Pu, kan sawi ange, Vani te ṭhian za ho hi kan la tibuai hauhlo keini lam chuan, tleirawl an ni a, ka nau te pawh, a ṭhian te ho in Lalnuntluangi chhan nan comments na vel ah an lo hnial a nih chuan le(h), chu chu ka hriatpui tawhlo, Lalnuntluangi hian DNA test ngamlo an tih phei hi chu vawikhat pawh a la chhang let lo, keimah tak pawh hian a haider zawk nge, a hrelo tak tak tih ka zawh phah hial, DNA pawh chu lo test duh tehreng pawh ni ila, tunah hian Mizoram ah hian chhul a hawlh chi ang kha a la awmlo mai pawh a, naute hi rawn piang se la, Biaksangpuia fa a ni em tih chu a chiang mai ang


Chutih rualin, Biaksangpuia ngaihzawng leh a ṭhian te, Sangpuia ngêi pawh in a, Lalnuntluangi hetia an rawn ṭawng khum fo hi ka ngawih pui mai mai dawn lo, court thlenpui ngei ka duh tih leh nangni pawh chutiang tur chuan ruahman na in lo siam dawn nia," Dam dap in ka tih zawm leh parh, thildang zawng ai a ka thin ti rim tu erawh, Vansangkimi ṭhian te ho in pawng a tak a Lalnuntluangi an rawn bei leh kam chhe tleuh nan an rawn hmang ve sek hi ka lawmlo leh zual



"A ṭha a nih chu, Court chu in thlenpui ngei dawn nia," Ti ram hmak chuan phone a off zui nghal hmak, ka phone chu mak ti zet a en in, "kohhran upa leh kohhran a nu ho hruaitu leh MHIP president chu in ni ve sia maw," Ka rilru in Biaksangpuia nu leh pa chu ka ti zui sup, rel zui hrep mai ka duh rum rum


***Riya***


( Chapter 1-3 a an ṭawngkam hman zawng zawng khi ka phuah ni lo in, message leh an in call na record ka ngaihthlak ka rawn copy chawp a ni a, he story, a bik tak in 1-3 a tawngkam in thamloh na, "DNA test ngamlo" tih leh Biaksangpuia ṭawngkam zawng zawng te khi tak tak vek a ni a🙏sawi tel loh ka tum nang in ka'n sawi tel hrâm a ni, kan mi ngaihsan loh zawng te chhiat na kan sawi sep sep duh tawklo a social media leh khawlai a in auh zui hi a pawi takzet, mihring lei hi 6inches lek a sei mahni nise, nun na pakhat la tur hian a chak lutuk tih i hre tlang ang u🤭🤭naktuk zan aṭang chuan thawnthu tak tak kan ni phuah tawh ang🤣muttui vek ule❤️)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:30 pm

LYING HEART
By floria laldansangi


4


"Mate, Biaksangpuia nen hian in inbe leh tawh em? Hei karkhat chiah in, in inneih na tur a dâl tawh a, engmah an rawn sawi emaw thawm an rawn nei bawk si lo, engtia hmalak chi nge? Ti hian tawo tak tak chu in tum êm lo angchu tiraw?" Ka u mit fing em em chuan min en kar, min en tlang a tum ta emaw tih mai tur in ka ṭawng hun nghak chuan min en ran


Ka phone chu zahzel ah phawrh in, ka online nghal zat, fb ka luh rualin ka inchhir nghal vawng vawng, ka Home page ah hawrawp pui ngat in, "Mahni fa pai na pawh hre lo, DNA test lah ngam bawk si lo, sawn pai mai mai," Tih, lian kelh kawlh a Lalrinfeli status ka hmuh chuan ka awm zawn hi a rawn na vawng vawng, ka mittui a rawn hnam sawk bawk


An mi beihna leh ṭawngkam na tak tak tel lo pawh hian ka nat tawk tawh vei nen, a chang phei chuan, mahni pum chhung a mi ngei ngei pawh hi, hmangaih zawhloh chang chu sawiloh, huat ngawih ngawih chang leh tih hlum duh chang ka neih ngun vei nen


"Mate," Ka U bawkin a rawn ti leh, ka mittui khap let sak sak in, "Mam, kan inti thiamlo a, tunah chuan inneih lam chu la sawi dun thei pawh kan ni lo tih i hriat kha, ka..." Ka sawi zo hmanlo, "ka rin tawk chia?" Min rawn melh, "Lalrinfeli te ho kam tam lutuk saw zirtir na pek an ngai, WhatsApp group ah leh an status, fb ah nen, an rapthlak lutuk, Biaksangpuia lah mi rawn la vin ang deuh deuh a," Ka u thinrim zia chu a mah ang lo tak in, social media vel a thu leng vel a vei ber ṭum a ni hial ang


Ka ṭawng leh hma in ka room kawngkhar lam aṭang in, "enge i sawi awmzia Mami, eng thu leng vel nge i sawi?" Ka nu a rawn pen lut zui nghal


Kei erawh ka nu thinrim belh hlau lutuk in ka U chu ka melh vat, "engmah sawi suh," Tih melh in ka melh a ni ber


"Engmah ni lo e, nau a pai tih an hre deuh fur tawh a, ka ti mai mai, hla zir tur in ka chhuak dawn a nia," Tih leh ka nu chhan let na pawh nghaklo in ka room aṭang chuan hmanhmawh lutuk in a chhuak nghal, ka U pawh hian ka nu hi chu a hlau ve em a tin ni, a mitmeng fiah leh fing zet a min en kawlh tawh hi chuan dawtsawi chu har ve tak a ni ṭhin



Ka nu in ka lam rawn hawi chu zawh duh min nei tih hriat zet a min rawn melh laiin ka phone a rawn ri hlauh, ka lawm lutuk chu ka nui nghal var var thei, Sangpuia nen kan in hauh tuk a ṭang khan ka chhungte ka la hel char char, zawhna min zawh ka hlau a, Sangpuia te chhungkua lah thereng vuak thlak ang hmiah, tumah in, "de" pawh rawn ti heklo, min reh san vung vung mai si a, ka tan chuan ka chhung te hel bak tih theih awm heklo


"Dawr ah ka awm rawn chho la," Hlutei'n ka pickup rual a rawn tih chuan za vaklo a nui suk in, "ka rawn chho dawn nia," Tih leh ka phone off in ka nu ka room chhuahsan chu ka melh zawk, ka thaw hak bawk


Ka pum la thep zet mai chu ka dawm vang vang, tihtlak chu ka ngaihtuah ve a lawm, mahse a tak ram thlen pui tur a ka in ngaihtuah hian ka hlau a, ka pum chhung a naute chân hlen vang vang tur a ka indah hian ka thawk thleng in a buai ṭhin, mahse, ka chhung te hian loh theihloh in Biaksangpuia nen kan inkar an hriat rualin ti tla ngêi tur a min duh thu an sawi ngei ka ring hmiah bawk
.
.
.
.
Nui vur vur a Hlutei nen inchhung kan luh rualin Sangpuia leh a nu, kan ṭhut khawmna lam a ṭhu ran ka hmuh chuan ka ding dat, chawp chilh in ka nui hmel a reh nghal hmiah bawk, Hlutei ka melh vat, "ka hawsan angche, ka nu a rawn haw ṭep tawh ang, in a ka awmloh chuan, Pa Chhuan, ka let leh nghal mai," Ka pa be zawmzat chuan min en zawkin, "kalo be dawn che nia," Tih leh a chhuak zui nghal


A rilru fim a hmang ve ta emaw ni? "Mambawih lo ṭhu teh, hei, Sangpuia te pawh an rawn lut deuh chiah a ni," Ka pa in min hui zauh pah chuan alo ti nghal, ka nu erawh a ṭhu ngawi ran, min rawn melh zawk duh chauh a ni

Ka pa bul a ṭhu thla in, "kan rawn kal chhan in hria ang tiraw Hmachhuan?" Sangpuia nu chuan a ti fak fak, a hmuisen hlar leh mitmu lian dum zet mai chu a rapawm lek lek zawk, a kum rual ang ah chuan, duh aiin makeup a hmang nasa mah mah lo maw tih tur khawp a nasa a ni

"Rawn biak che u kan tum reng a, inneih hun tur sawifel a nih tawh laiin, nangni lam aṭang thawm dang hriat tur a awm leh si lo a. Heihi chungkaw hnih te tan ve ve a mualpho thlak hle a, engpawh nise mipa lam in ni a, Sangpuia pawh Mambawihi aiin i upa zawk a, mipa i nih na ang a mawhphurh na diktak ila hi kan lawm khawp mai," Ka pa chuan a ti dap dap


Sangpuia erawh kâ neilo ang maiin a ṭhu ngawi rân, "chumi sawi tur chuan a nia kan rawn kal ni, in fanu upa zawk khan Court thlen ah te min vau tih in hria angchu tiraw? Chuai mah a pawimawh zawk chu, kan fapa hi nupui nei tur chuan ala naupan mai bakah, in fanu hi mo atan a kan duh hauhlo bawk," Sangpuia nu in chiang fek fawk a atih chuan ka nu leh pa hmel a mak tihna chu, mak ka ti hran tawhlo


"Enge i sawi awmzia, kan fanu hian in fapa hi a phulo itih na em ni?" Ka nu in a rawn ti vat, a fapa kut a vuanin, "ka sawi awmzia chu in fanu hi mo atan ka duhlo, ka pasal pawh in a pawm ngailo ang, kum 16 lek ah sawn a pai a nia," A tih zawm leh chuan ka thaw ka kâ ka ah hian a leng lo, min hnawh awp awp


Kan khua a private hospital lian tak ah hian Sangpuia pa hi director a ni, mimal ta mah nise a neitu te hi an hausa tih hriat takin doctor leh nurse, hna thawk hrim hrim an in daihin, khawl leh hmarua pawh awmkim in, khawpui pan ngai vak a awm lo

Ngam tak mai a Sangpuia nu in ka nu leh pa hma a a ṭawng sak sak dan ah, mi tamtak lo sawi ṭhin, "nu rapthlak ve tak" an tih chu ka hmu ve ta in ka hria


Ka nu leh pa hmel chu ka melh, mak antih zia chu sawi maitur pawh an baihvai tih a lang reng, Sangpuia nu in chiang zet a min rawn en in, "tleirawl pangai tak leh fel tak ini tih ka hria, lehkha i thiam thei hle tih pawh kalo hria a, mahse ka mo atan ka duhlo chhan che chu i hriat ka ring, min hriat thiam ka ring bawk, a ni lawm ni? Tu ve ve mah kan mualpho loh nan i naupai lai kha ti tla mai turin ka râwn duhche, in chhungkua leh kan chhungkaw inkar hlat zia chu, naupang chhia i ni tawhlo, i hriat thiam ka beisei bawk," Ka bialpa, ka rin em em kum khat dawn teh meuh ka lo zui ve tawh, kalo in chhuan pui ve em em hringtu nu ngei maiin ka nu leh pa hmai pawh zah lovin chu thu chu a sawi a nih chu...!!! Rapthlak hian..!! Sawitur pawh ka hrelo ka en tlawk tlawk tawp


Ka tlawm ngawih ngawih bawk, ka zakin ka tlawm vawng vawng mai nilo in ka nu leh pa tlawm hmel te chuan min ti na vawng vawng, mittui kar aṭang chuan ka hma a ṭhu hmeichhia leh a bul a mipa, "ka bialpa," ti a ka sawi fo, ka lo chhuan ve ṭhin em em ṭhu ngawi kur mai chu rilru na ngawih ngawih in ka en tlawk tlawk, sawi tur pakhat mah ka neilo, ka zak a, khuarkhurum thuktak leh thim tak mai a tla vawng vawng ang mai ka ni, a sawi dik vek, tuman mo atan min duhlo ang, kum 16 a sawn pai hmeichhia hi tu mo tehlul nge ka va nih ang le???


Ka thiamloh nge ni a, ka vanduai vang zawk? Ka nu leh pa zahna ko tlang a ka dintir bakah hmusit tak a ṭawngkam anla dawn angai zui a nia

"I sawi awmzia chu ka fanu hian in mo nih hi a tlinlo itihna em ni? Tu in nge i fapa hi makpa atan kan duh ti bik reng reng a?" Ka nu chuan a rawn ti tuar, kei erawh natna nen ka hma a ṭhu Sangpuia chu ka en, "in chhungkua leh kan chhungkaw inkar a hla ka ti mai a ni, naute hi keini chuan kan duhlo bawk, ti tla se la, in fanu tan pawh kawng a awlsam zawk ang, bakah Sangpuia fa a nilo tih thawm a awm bawk a, kan fapa fa a ni ngei em tih chiang tur pawh in DNA test a la ti ngamlo leh zel nen," Sangpuia nu chuan zam map lo in ati leh fak fak, ka kut ruh lutuk in ka hum khur ngat ngat


Bag aṭang a envelope rawn phawrh chuan, "kha kha kan inrem siamna ni rawhse, Mizo in sawn man kan tih aiin atam a nia ," Ati ram hmak, a ṭawngkam mal tin chhuak chu min hmusit ngawih ngawih tih a hriat, ka nu chuan mitsen ramin a melh ngawt ngawt


"I pawisa hi la let rang rawh, kan fanu leh a pai mek fa enkawl tur hian nu leh pa ala nei a ni tih ilo hmuh hmaih palh ange Pi Ropui, nau hi apiang emaw, pianglo emaw, nangni nen inzawmna an neilo ang, ka in aṭang hian chhuak rang rawh u, ka thehchhuah hma che u in," Ka pa in a rawn ti chhuak hrawk, chutiang em em ka pa aw ki sang chu kala hre ngailo, ka nu pawhin a en kawk bawk


"A ṭha a nih chu, ti khan kan chingfel a ni mai lawm ni, ka fapa chauh hi dem suh angche u, lo mutpui a, naupang te a hmeichhiat mipat na hmang ngam fanu in nei a ni tih hre ve rawh u," Ngeiawm leh ten hmel zet a nernawk pah a Sangpuia nu in atih chuan envelope la let sawkin a ding nghal

Ka ṭhut na a ṭang ka ding chhuak zawt, a ti mah mah a ni, "I sawi dik chiah ka pi, i fapa hian, 'ka hmangaih che, hlau suh, i rai anih pawhin mawhphurhna kala ang,' tiin, hmeichhe tleirawl lak ah thutiam in, min thlem a, kalo ring kha ka tihsual lianber a ni, ka hrilh tawh che kha Sangpui, ka pum chhung a naute hi ka fa a ni, in chhungkaw thisen chapo leh midang hmuhsih ching, khawtlang in a "hmeichhe hlauhawm" ti a an sawi thisen a kai hi ka remti lo e," Ka ti chhuak tuar, ka sawi zawh rualin ka thaw kawk kawk bawk, khawi aṭang in nge khang thu te kha a rawn chhuah ka hrelo, ka kum rual ang lek thusawi atan chuan a nasa mah bawk, ka nu leh pa in min en hau


"A ṭha anih chu, i ṭawngkam hman duhdan aṭang reng reng in, sawn pai awm tawk lek i ni, kal ang," Tih leh Sangpuia kut a phih sawk, "Ropui, i hma a ding hi ka fanu anih hi, i lei veng ṭha rawh," Ka pa in a rawn ti ram hmak, "kal teh ang nu," Sangpuia'n ti sup chuan a pensawn nghal, "kan inlam hawi pawh in rawn nui tawh suh angche u, mi sawi ai in inlo rapthlak zawk anih hi," Kawngkhar a an pen chhuak chu ka nu in mittui tla zawih zawih in au lawng lawng

Ṭhutna ah ka ṭhu thla hnawk, ka nu mitsen ram leh mittui tla chu ka melh zawk, "engtin nge khaw eng kan hmuh tak ang? Engtin nhe i pum chhung a naute kha ni ang?" Ka nu chu a awm chum dawt dawt in a ṭap hawm hawm


Mittui luang zawih zawih, ṭap chhuak ngam ve si lo chuan ka en, ka nu chu tho thut in an room lam ah a tlan nghal, ka pa pawh engmah sawilo in ka nu a zui ve nghal zat, ka chung ah an thinrim in keimah vang a hmuhsit na hmai an tawng zo chiah a minbe peih tur an nilo reng a ni, ka dul thep zai mai chu ka zut, ka mittui a rawn baw hawk, ka hmui ka pet bet, ka ṭap khur dar dar, ṭah chhuak si ṭap thei silo, ka hnungzang leh awm ah minhnawh, ka thaw ṭawk ṭawk ni hian ka hria, mit ka chhing sawk, enge ka tih tak ang? Tun ah chuan sawn pai tak tak, sawnpai na pa in a neih duhloh ka ni ta


Enge ka tih ang? LALPA enge ka tih ang? Engvang a ka chung a tiang thil hi thlen tir nge inih? Engkawng nge ka zawh ang? Thi ila ka tân mai ni lo, ka nu leh pa tân hian a ṭha zawk ngei ang tiraw? Ka mittui a rawn luang zawih zawih, ding thut in choka lam ah ka tlan lut rawk rawk

Rawngbawl na chem emaw hmanrua chu ka zawng rawk rawk bawk, hmun tin chu ka dap chhuak a ni ber, chemte ka hmuh rual a ban chuan ka la kang, ka ban a min rawn pawt her sawkin, "engthil nge itih hi?" Ka pa in ati hrawk, mit sen ram leh thîp lutuk in ka melh, ṭah vak mai ka duh, mahse mittui tak ngial pawh ka nei tawhlo, "thih ka duh a ni pa, thi ila ka nu nen pawh hian inhlim zawk ang," Seh chilh nawk nawk chuan ka ti chhuak


Ka hnungzang a ka nu in min rawn chum a min beng pah dawt dawt in, "awiiii, engtin nge ka hrin theih che nangang fanu hi engtin nge ka hrin i nih theih? Thih i duh amaw? I duhai nasa in kan duh, thih i duh a maw, tirawh, thi dun ila a ni mai," Ka nu chuan ṭap hawm hawm in a ti chhuak in ka ban ah min pawt sawk sawk, choka chhuat ah chuan a ṭhu thla hnawk bawk, ka pa pawh a mit a sen ram, ni e, keiang fanu hi eng vang a he khawvel a lo piang ve nge maw ka nih le? Piang lo law law ila ṭha tur hi a nia


Ka pa in ka kut a chemte chu la in alam ah minpawt, min kuahbet thlawp, ka ṭap khur dar dar, kei hian ka nu leh pa hi ka ti na takzet a ni, dam tlak ka ni hlawl lo a sin, engtin nge ka hma chhawn tak ang, tunah chuan engvang in nge ṭhenkhat te hi an mahni leh an mahni nunna anlak fo tih ka hrethiam ta in ka hria


'Mi dawihzep te huaisen na," Ti in, an sawi ṭhin, ni e, a dik chiah a ni, khawvel hmachhawn tur in kan huaisen tawklo a, tuar tur leh bei let hram hram tur in chakna kan sawmkhawm ngam tawhlo a, natna leh hreawmna tlansan kan tumna ah mahni nunna lakah erawh kan huaisen viau lawi si, a tuar tu leh tawng velo tan chuan hriat thiam hi thil harsa a ni ṭhin reng a ni


Mahni fa, ril a rah te ngei thihpui a, ti hlum duh tu te hi ka dem tak zet ṭhin, mahse maw...mahni chung a a thlen meuh chuan, a na ngawng ngawng lutuk, "na, keh chhia" tih hian a sawifiah zo hian ka hrelo, a vawikhat nan, ka nun a a vawikhat nan tak meuh meuh nun bul ṭan ṭhat ka chak a, chu erawh van a rah ang a ni tawh si......


***Riya***

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:31 pm

LYING HEART
By floria laldansangi

5






***.......KUM 10 HNU AH......***


TLUANGI....POV





Khawngaih in, khawngaih takin, inchhung ah em em hi chuan i hmeichhe kawp hi rawn hruai lut lo hram rawh Sangpui, kan fa te mitmei tal hi veng tur ini," Rilru na lutuk in ka ti ngawih ngawih, ṭhut khawmna a ka pasal hmeichhe kawp lai rui chhe zet mai a ṭhu chu choka aṭang mittui nen kut khur dar dar in ka kawk

Kan inneih na pawh kum 10 lai a ni ve tawh, kum 10 hnu a a vawikhat nan teh meuh naupang awmlai emaw a awmdan ka sawisel vawikhat na a ni

Ka thusawi ngai pawimawhlo tih hriat tak a dawhkan a tui inchhawp thli chhuak in a in khawlh khawlh, tun ṭum chu en liam mai mai ka tum tawh hauhlo, ka taksa hi a zat in a za, hneh dawn ngat ila chuan ka in sual pui hreh lo tawp ang, a tui in lai chu ka beng thla ṭhuai, no chhuat ah atla keh chuai bawk, "engthil phiangsen nge itih?" Ti tuar a kut rawn vai thuak chuan min beng sawk, ka mittui a pek chhawk, ka lu a hai nghal muai muai thei, ka biang ka dawm vawng vawng, ka mittui a rawn far kauh kauh, ka hâ ka seh ruh ran bawk

"I hmu theilo a nih chuan ka in hi chhuahsan turin ka ti che a ni lawm ni? Thla 2 lai awmbo i pasal rawn haw hi, tiang khan min dawng sawng miah suh, Ka hne lutuk che, i hmel, i taksa mawina reng reng neilo leh lum na pakhat mah neilo, thinlung vawt lutuk zantin ka bul a i mu ka hmuh leh ka hriat hian khawvel a mipa vanduai ber ah ka in ngai ṭhin tih hre tel angche," A ti hrawk hrawk, mahse, tun ṭum erawh a duh duh a min au khum a, kut minthlak a, dawhmawl tawp ka tum tawh aw zawnglo

A nu leh a unaunu min hmuhsihna, min diriam na ṭawngkam chu ka ngawihpui thei, ni e, ka pasal ngaihzawng leh ka pasal mizia ngei pawh kum 10 lai mai mi â ang maiin ka en liam tawh alawm, mahse ka fapa te vang chauh a mitdel, beng ngawng ang mai a awm ka ni

"Ka hria, ka hre lutuk, keimin neih i inchhir ai nasa in ka inchhir, keimah leh keimah ka in haw hluah hluah bawk, mahse, kan fa te, i fapa damlo avang tal pawh hian i nun tenawm lutuk hi i thup thei lo em ni?" Mittui luang zawih zawih chuan ka ti chhuak, ka fapa naupang zawk choka kawngkhar a, cher zet mai leh hmui hil bam a, mittui tling piau a ding ka hmuh chuan ka keh sawm vek hian ka hria

"I sawi awmzia chu i fapa natna hi ka thlen tir itih na em ni?" Seh chilh nawk nawk a atih chuan min rawn din hnaih, mittui nen rum lutuk in ka melh let, "i kâ veng ṭha rawh Biaksangpui," Ka ti tuar, ka thinrim lutuk chu ka puak keh dawn ni ber hian ka hria, ni lo, ka kawchhung hi a puak keh tawhzawk


Ka kut ka hum ruh ngawt ngawt, thinrim avangin ka tha a khur dar dar bawk, "Honey, khatiang mi rethei, veng va lo lutuk khan engmah hriat an nei tak taklo, ka mut a chhuak a nia, ohhh....heihi i fapa damlo thi ṭep kha em ni?" Ka fapa chemo khai avang a cher dâk, dang bel mai mittui nen a ding chu ban a tum, rang lutuk a ka fapa lam a tlan in, "i kut hmawr pawh in tawk suh," Namsawn dawrh pah chuan ka fapa kuah in ka au ṭhawt


A rui bawk nen chhuat ah a let nghal ṭhuai, a rak tuar tuar bawk, a nat erawh ka ringlo lutuk, zu rui chung pawhin lem chan a thiamna chu a bahlah chuang lo hrim hrim, a rui der zawk em ni? "kut minthlak amaw? Honey, ka hrilh che a ni lawm ni, he i nupui hi a rilru a kimlo ka tih kha, doctor ka ni a, engkim hi ka hria a ni, i fapa, ni lo, i fa lak kha tu fa diktak nge anih tih hria angche," Chhuat a let reng chung chuan a au in a rawn au, maw?? Tun ah khan rilru kimlo minti amaw? Ka fapa hi fa lak a ti amaw? Phiangsen chuan, an ni pahnih hi anih hi rilru kimlo leh zahna pakhat mah neilo te chu

"In pahnih khan chhuak rawh u, kei leh ka fapa hma ah hian rawn in lan tawh lo hram rawh u," Ka fapa beng hup chung chuan a au in ka au ngawih ngawih


Ka bân a na zet a min phih her sawkin, "hre rawh Lalnuntluang, he in hi ka in a ni a, ka duh ti tur in tu thu mah ka lak a, ngaithlak ka mamawh lo," Mitsen ram a ka hmaibul chet a min au khum chuan min nam sawk, ka kat nawk nawk, ka fapa vuan reng chuan choka kawngkhar ka nek pui rawk rawk bawk

Chhuat a mittui tling piau a ṭhu sawp reng Jenny-i chu kai tho pahin, "kalsan teh ang," Tih leh kawngkhar lam a pan pui chu rilru na lutuk leh keh chhe vek in ka en ngawih ngawih, an chhuah rualin ka thaw kawk, ka biang a rawn lum thla pap, ka hmui ka pet fan fan bawk, ka fapa te tan hian chak tak a ka awm a ngai tih ka hria, ka mittui far hi an hmu tur a ni lo



Kevin'a rawn khuh khar kharh ah chuan ka harh zawk, mitsen ram mai dul zetin milo melh kiau, "anu hmun hla deuh ah, apa awmlohna ah, api leh ani te min zawn hmuhloh na tur ah Au Jerome-a te nen kan kal theilo ami?" Ka fapa kum 7 mi engkim hre thiam tawh, hrisel loh na avang a a rual pui te ai a te fal leh cher zet in min khawngaih na mitmeng a min en chung a atih chuan ka ṭah a chhuak ut ut, ka fapa pawh hian a hne hle a ni tih ahriat

Ṭhu hniam in a sam ka tuai a biang kaw dak mai leh dang bel mai a vuanin, "bawihte apa te, api te, ani te pawh hian keimah ang tho in an hmangaih che u a, lantir dan an thiamlo mai chauh a nia, an tel lovin khawimah kan kal thei hleinem, damdawi ṭha deuh in ei la, naktuk ah damdawiin ah kan let leh angaih kha, room ah chho tawh angle, a tlai tawh emai," Ṭah chhuak insum zet a nuilui sang a ti chuan min en deuh vang vang hnu ah bu nghat in a nui sen sen, a nui hmel te hian ka thinlung, nu thinlung hi ava tikeh si em!!! Ka fapa eng damdawi mahin a chhan theihloh, a ni tel a thi riai riai chu beiseina nei ṭawk ṭawk leh beiseina nei ngam silo in ka en ngawih ngawih ṭhin chu a ni si a



"Engtik ah nge Au hi kan hmuh leh theih ang?" Ka dul a min kuah ve ṭai chung a a tih chuan ka fapa upa zawk ka mitthla ah a rawn lang, ka nu(min hringtu) te in lam ah a awm ta rih chu a nia


"Naktuk ah damdawiin kan kal pahin kan tlawh dawn nia, muhil tawh rawh le," Tih leh kuah ve sat sat chuan a hnungzang ah ka beng thak thak, reilo ah a muhil ve nghal mai bawk

Ka fapa muhil thaw sek sek mai chu ka en ran, ka mittui a rawn hnam ṭiam ṭiam, "engtia reichiah nge hun a neih dawn ka hrelo a ni, tun ah rih chuan chemo khai tir bak hi tih theih kan nei tawhlo, a kâl na hian cancer a thlen hman hi a pawi takzet," Doctor thusawi chu ka beng ah a rawn ri nawn tluk tluk, ka thaw ip pik lutuk chu thaw ka la leh kawk kawk ṭhin, khum aṭang a ṭhu chhuak hlawl in ka hmai ka hup vang vang


Ka mittui a rawn hnam sawk, engtin nge hetiang hian ka hringnun a rawn in her ka hrethiamlo a ni, mahse, he kawng, he ka hringnun ngei mai hi tûma nawr luih na tel lova ka thlan ngei chu a ni si a

Ka nu in, "Sangpuia hi inei a nih chuan i hlim rei dawnlo a nia, i naupai chu kan enkawl mai ang, i neih kher angailo a nia, kha zawng zawng i pal tlang leh a nu in kan chung a thil tih zawng zawng theihnghilh khan pasal ah i nei thei tak tak dawn em ni? Engtia rei nge in daih i rin reng reng ni, ka rem ti hauhlo," Ti a, min hrilh kha ka hriat chhuah a piang hian min vit in, keimah leh keimah ka in haw hluah hluah ṭhin, inchhir na, huat na leh mahni leh mahni chawh ngawih ngawih intih na in ka khat a ni ber, mahse, Sangpuia ka nei min in chhir tir lo leh ka in hnem ve na ber chu ka nun ah, ka fapa Kevin-a a rawn hruai lut hi a ni, ka mitthla ah kan inneih hma leh inneih tirh vel a rawn lang zut zut


Ka naupai hlim vel a buaina nasa tak kan tawh leh a chhungte leh ka chhungte in ti thiam theilo, ral khat in khah reng lai khan Jerome-a kha tihtlak mai duh na ka nei rum rum a nih kha

Mahse, Pathian remruat nge ni, Sangpuia khan ngaihdam min dil in, thu tamtak min tiam bawk, kha tih lai a ka hlauhber leh tum ber ni ta chu, ka fa lo piang tur pa tel lova enkawl leh a sei len hnu thleng a "sawn fa" an tih kha ka hlauhber a ni ṭhin, chutiang bawkin Vansangkimi te lak ah hnehtu ka nih zia lan tir a engpawh thlengse Sangpuia kha ka ta a siam ka tumber kha a nia, mahse, kha duhthlan na khan natna, ka dam chhung a ser nung min siamsak tu ka lo thlang lek chu a ni si a


Mittui tlingpam a inchunglam a dakin, "ka tuar theih bak a liam hi Lalpa ka chung ah i thlen tir em ni? Mihringve tho ka ni tih hi i hre lo em ni?" Ṭah aw ṭeu chuan ka ti chhuak

Thla tamtak in a rawn haw tawhlo a, a rawn haw ve chhun ah lah hmeichhia leh zu nen, hringnun hi he tiang tak hian a in her danglam thei a ni tih ka hrefiah zual tulh tulh ni mai hian ka hria, ka hmai hup jn boruak ka hip vang vang, inṭhen ka ngaihtuah ve a piangin ka fa te ka dah hmasa lo theilo a, a bik takin Kevin-a, Kevin-a hi ka tel lovin a awm thei hauhlo ang tih ka hre bawk

Ka bul a muhil ka fapa chu mittui khap let sak sak in ka en ngawih ngawih, a tawp thleng a kut vawn a, a nu ang a awm ka duh vang a tuar ka ni mah tawh zawk
.
.
.
.

"Anu, damdawiin aṭang kan haw hun ah Au leh api te chu kan hmu tak tak dawn em?" Mitkhur thûk leh hmui dang bel chung a min en kiau tu ka fapa chu nuih let sak in, "tehreng mai, i U pawh ka hrilh tawh kha," Ka tih let var var chuan a nui var var


Kan nufa a inkai a kan chhuak tur chu ka nu(Sangpuia nu) a rawn pen lut thak thak, kum 10 chhung chu kan cheng dun ve tawh, ka lam hawi hian vawikhat pawh a la nui chhin eih lo nia maw le...!


"Zanriah peih hman tur in kan rawn haw dawn nia, ka nu.." Ka sawi zo hman lo a rawn nui hak, "i pasal te in hi chu i ngaina lo ve thlawt a ni tiraw? I nu leh pa in hi i tlawh zing mah mah lo maw? Kal teh u," A tih zawmzat, ka ha ka seh ruh, ṭah khum vak mai ka duh rum rum ṭhin, chhang let tawhlo chuan ngawi rengin Kevin-a chu ka kai chhuak


"Mo awm dan tur pawh hi a hrelo," A tih ri chu ka hre hman hrâm
.
.
.
.


"Anu," Jerome-a kan lam pan a rawn tlan chu ka lo kuah vat, a len tawh zia hi, kum 10 chauh la ni mahse, a kum phulo in a lian em em, a nui hmel leh a mitmeng, a ṭawng zawng a hmui che vel zawng zawng ah hian Biaksangpuia siar a ni, a chang chuan Sangpuia a ang leh lutuk hi ka thinrim lek lek ṭhin, "ka da a ni tawhlo," Ti tu kei aiin a chhun zawk a nia


"Kevin nangpawh," Tih leh a nau chu a kuah ve nghal zat, ka nui hak hak, "nimin piah lam ah in rawn kal dawn emaw kan tia," Ka nu in kan lam pan a rawn kal pah a a tih chuan, "nia, kan in en tir hun tur ka lo hriat pawlh palh a, kan chhuak leh ta lo, enge i an deuh tawh a," Ka tih rual in kawngkhar a rawn dak Ka U Mami ka hmuh chuan ka meng zui kawk, rak ṭhat in ka pan hnai vat bawk


"Awiii, Mam, engtik nge in rawn phei, eng mah min hrilh bawk si lo," Ti nghal chul chuan ka pan hnai, nau pawm chung a rawn chhuak ve chuan, "insawn kan pui ve angchu kan lo tia, hei i U Puia hna chawlh lai ni bawk nen kan rawn kal deuh thut, i va han cher em em ve maw le," Ka bul a rawn din pah in a tih zawmzat



Ni e, tleirawl tisa in phut leh mam han ṭhin kha ka cher in, ka thu ta em em hi min hmu tu a piang deuh thaw hian min hrilh fãk a ni ṭhin



"Inchhung ah lut phawt teh u," Ka nu in Jerome-a te unau kai chung a a rawn tih chuan nuih let suk in Ka u nau pawm chu ban pah in, "khawimaw ka'n lo pawm ve ange, lal misuali chu, i ṭah te a la belh viau em?" Tih leh ka fiam zui zat


U Mami rawn nui ar ar in, "ṭahbelh damdawi ṭha deuh hi awmse ka ti nia, hna pawh a thawh theihloh, a U te tiang em em hian an ṭah belh si lo a, tu hi nge maw a chhun ni?" Ka hnunglam aṭang a rawn tih chuan a fanu ka pawm chu en in ka nui ve hak hak


"A chhûn che maw le aw...! Rinrini leh Jacob-a pawh hian an chhun lo che hi a mak zawk ngawt a lawm, i naupan lai a i han ṭahbelh dan em em chu, i nu pawm chauh kha i duh bawk si, i men ang pur pur reng mai a, "Mami, dur dur mahla sur lul suh aw," tih ringawt te kha vanpui awn ṭah tak meuh khan a lawm i ṭah pui ni," Ka nu in a rawm tih tak ah chuan za lutuk in kan nui hawk hawk


"I mawng ek te kha i nu then chiah kha i duh a, i nu nawmsam loh leh buai chang a i mawng han sil sak dawn che pawh khan i duh tlat ṭhin lo kha, ka thinrim hian, "nang a mawng ek mah ka ti fai peih hi lawm viau ta che," Hi ka ti leh ringawt ṭhin," Nui vur vur a a rawn tih chuan mittui tla phung in ka nui hawk hawk


"Chuvang a nih chu kan lal tumtelek-i hi a lo ṭahbelh em em ni, mittui te lah hi an ngah na rawh, cartoon vel a mi ni awm a ni," U Puia'n kan ṭhut na lam rawn pan pah a a tih chuan kan nui hawk hawk, za tak a ka nuih loh na chin rei tawh zia ka hre chhuak nghal vawng vawng bawk



Naupang ho leh midang an ṭawng an rik nuaih nuaih laiin dawhkan a ka pa thlalak leh a ruang thlalak awm ho ka hmuh chuan ka nau pawm lai chu chhuat ah ṭhut tir in ka ban nghal zat, ka pa ruang thlalak ho ka en chuan a boral lai vel boruak kha ka hre chhuak rum rum, kum 2 lai chu a lo liam ve ta reng mai


Ka pa boral lai vel ka hriat chhuah a piang in Biaksangpuia leh a chhung te lak ah hian ka lawm thei thlawt ṭhin lo, ka pa kha chuap a tui awm in thla khat teh meuh damdawiin ah a awm a, siak chhuak(hip chhuak) mahse, a chuap a tui awm kha hnâi ah a lo chan tawh tlat avangin kan in chhan thei ta lo kha a nia


A damloh lai sawiloh a boral ni tak ngial pawh a, ka pasal, Sangpuia sawiloh a laina hnai te pakhat mah hmuh tur an awmlo kha mak ka ti takzet, khata ṭang khan a ni mahna ka rilru a hma ai zawngin a huai a, inṭhen ngam arh arh a ka hnial ve tak zel ni


"Naupang ho chu henghi an lo phawrh leh a ni maw?" Ka kut ka ken thlalak chu ka nu in rawn pawt thla in a khung fel mawlh mawlh, ka mittui ka khap let sak sak, ka chil lem khalh in thaw hak chuan naupang ho room a tlan lut chu melh kual in, "Sangpuia hi ṭhen ta ila..." Ka tawp dat, ka aw a ringlo viau emaw ka tih laiin ka nu chu a thil tih chawl meuh in phawk lutuk in min en


"In in hau em ni Mate?" U mami'n a rawn ti zui zat, ka lu ka thing mat mat, "chutiang engmah a awmlo, ka ngaihtuah a, ṭhen ta ila Kevin-a hi ka chan ka ringlo tih thu sawi ka tum mai a nia, in thar chu engzah nge luahman i tih kha Nu?" Ka tih zawmzat, ka nu chuan chik lutuk in min en, ka mit ah tak a en leh reng chuan ka chhungril hi a hmu tlang leh dawn tih ka hriat avangin ka hawi sawn vat



"Kevin-a hi ka en chian poh leh Biaksangpuia ang ka ti tulh tulh mai a, Sangpuia fa ruk te hi a lo ni lo maw?" Ka nu ṭawng hma in Mami'n thu tak fahran a rawn tih chuan ka en vat, "Mami," Ka nu in a rawn ti zui zat bawk, U Puia'n, "a mak thei, midang hriat ah te i sawi ange, Kevin-a hriatlai phei chuan sawi reng reng suh, naupang fing tak a ni a, a rilru iti na palh hlauh ange," A lo tih zui ve zat chuan ka thaw hak


Ni e, kum 7 liam ta khan Sangpuia'n naute thla 2 mi a rawn pawmlut a nih kha, ka pawmlo a, kha tihlai khan inṭhen hial ka duh rum rum, mahse Sangpuia nu in ka kut ah a dah hmiah a, khawi aṭang a he naupang hi rawn lut nge a nih tumah khan an sawi ri ngam tawhlo, kha tih lai khan Jerome-a pawh kum 3 mi chauh a la ni, phir pawm nen ka danglam na awmlo hrim hrim

Naupang hrisel lo tak a ni a, thla 1 dawn ah chuan "ka hmangaih theilo" ka tih chuan dawt lian lutuk tak ka sawi ngei ang, ka hrin, ka fa nen khan ka hmangaih na a danglam lo hrim hrim



Ka phone rawn ri chu ka en vat, ka nu in ka phone screen a hming rawn lang chu a hmu hman tih hriat zet in, "haw tawh rawh u, Sangpuia nu ân leh tak tak hma in ka ning a nia," Thinrim ti tih deuh a ding hluai chuan a pensawn nghal

Ka ṭhen deuh vak, darkar 1 pawh hi ka nu te in ah hian kan awm hman ngailo reng reng, a chang hi chuan lungawilo dawn viau ṭhin mahila, ka nu leh pa rem ti lo chung a Sangpuia nei lui tlat ka nih avangin a hreawm zia pawh ka sawi ngamlo, ka tawrh ve tur rêng ah ka ngai hmiah ṭhin


"Zanriah in ei ve nghal angchu tih lai a, a mak em em e Pi Ropuii te chhungkua hi chu," U mami'n a rawn tih zui hlak chuan inthiamlo zet a ding chhuak in, "in sawn ni ah ka rawn pui dawn che u nia," Ka ti sep

"A ngailo, rawn kal tum duh suh, i pasal te chhungkaw hmel thûr lutuk ka hmu peihlo," Ka nu in a rawn tih zui leh hlak hlak chuan nuih luih ngial ka tum a, ka thei dêr lo, ka pasal chhungte ka ṭan vang ni hauhlo in, ka nu aw chhuak a rilru natna alan tel vang zawk a ni


Kevin-a room aṭang a rawn tlan chhuak chu ban vat in, "Jerome, i pi thu awih tur aw, i tlangval tawh kha," Ka tih chuan a bu nghat nghat, ka pa boral aṭang in Jerome-a hi ka nu bul ah a awm phei, a tir kha chuan Sangpuia nu khan a'n phal lo nasa viau nang in Sangpuia khan, "awm rawhse," A tih ve mial tak ah chuan a hnial ngam ta lo kha a nia


Kan haw tur ka U te nupa in pawn thleng min thlah chu, tawi khawmuang leh chuan, inchhung a ka nu ṭhu chu ka thlek leh deuh vang vang, a fanu neih chhun ka ni na in, fanu laktlakloh ber ka ni ngei ang, ka naupan lai aṭang a tun thlengin natna bak ka thlen lo chu a nia, ni lo, ka khawngaih in, ka hmangaih tawklo zawk em ni? Keimah ka in hmangaih lutuk luat vang pawh a ni mahna


Kan pensawn tur chu kan hma ah bike a rawn ding ri tuar, Kevin-a kuah bet chuan ka kat dawrh, ka rak ṭhat bawk

"Tluangi."

"Mate," Ka u te nupa in an rawn ti rual ṭhat, ka nu a rawn tlan chhuak zui zat bawk, ka lungphu zet chu...! A rawn phu chhuak mai dawn in ka hria


Thinrim zet a hawi chhuak in, "engthil nge maw itih le? Min rawn sut hlum i tum em ni?" Ka ti chhuak ṭhawt, Kevin-a en zui chuan, "i ṭha em?" Tih leh ka en kual nghal

"Anu ka ṭha," A tih sep tak ah chuan thaw hakin ka hawi chhuak leh, ka hma zawn a mipa lian lutuk bike chung a ṭhu rûn mai chu rum fahran in ka melh hrawk

A kiai suk duh lek lehnghal, a hmel en chuan a pangai hmel teh tuh nen, ruh lutuk a ka kut hum in, "mawl lutuk mai," Ka ti zui leh hlak chu a rawn nui huk, a nui ri zet chu...! Ka â em ni?


"Lalhruaizela tak hi chu aw..! I ti hlau a nih kha, Tluangi a tihpalh ah ngaihsak mai rawh," U Puia'n a rawn tih tak ah chuan mit chhing sawkin, "khalh fimkhur tawh angche," Tih leh hram chuan ka nu te din na lam hawiin, "kan haw phawt ange, in enkawl ṭha la aw nu," Tih leh, "kal ang le," Ti chuan Kevin-a kaiin ka pensawn nghal


Bike a chuang mipa lian leh taksa in phiar ṭha zet mai leh bawpsei zet mai chu ka melh leh hrâm


Kawngpui kan thlen rualin sana ka en zauh, dar 3 a pel tawh, nichin khan Sangpuia nu call kha ka pickup ta si lo a, a lawm lo leh viau tawh in ka ring, taxi phar din mai tur lah chu a vang em em khawp


Taxi phar din tur zawng ka hawi kual laiin, "rawn chuang rawh u," Rawn ti thum bul tu aw ka hriat rualin ka ding khawng nghal at, tu nge a nih phei chu ka hrelo na in a aw thum bul leh fiah si ah chuan ka kaw chhung a fan rawih rawih thei nia maw le


A lam ka hawi vat, Ninja kawasaki bike var bawk kha a ni, ka tih awmzia chu nichin mai a mipa palian em em a kha a ni


"Rawn chuang rawh u," Ka mit ah tak min en, ka kaw chhung hi ka hriat thiam si loh in a khur ru nghal der der nia maw le


"Anu," Ka kut ṭang a Kevin-an min pawt dat dat chung a min auh ka hriah chuan ka harh zawk, ka hma a bike nen a ding mipa chu a nui suk, ka zah dan chu pui tak a ni, engtin nge ka lo en vauh vauh theih zawk le? Fa pahnih ngawt ka nei tawh, pasal nei lai lehnghal, zahpui awm tak ka ni


"A ngai..." Ka tih lai mek in, "Durtlang leitan lam ah a ni lawm ni in haw dawn? Rawn chuang rawh u, tlai i duhloh chuan," A thusawi hnial a duhloh zia a aw chhuak tin mai ah chuan a lang, nichin mai a thil thleng kha hria ang pawh in a awm lo, ngaihdam dil dan a thiamlo te pawh a ni mahna


"Kan lawm e, mahse, bike kan chuang ngailo, ka..." A rawn nui ri huk, nuihza a ni lo, elhsen na a ang mah mah zawk


"Ka sawi nawn tawhlo ang Lalnuntluang rawn chûan pui rawh Kevin-a kha," A aw chhuak chu a ringlo, chuang turin minsawm pawh a ni tawhlo, thu minpe a ni mah zawk, ka ding khawng at, engtin nge kan hming a hriat??? Mak ti lutuk in ka en


"Kevin rawn chuang rawh, i nu kha chu ti khan kan kalsan dawn nia," Naupang a biak chuan a aw ki a dang leh daih tawh, ka lung lah chu awmze neilo in a thum ang dut dut zui a


Ṭawng tum a ka kâ ka âng zuai hman tih ah ka phone bawk a rawn rik nawn leh chuan chhang buai lo in ka phone phawrh in a pickup nghal, "tun ah rawn haw nghal rawh, mahni inchhung khur buai nuaih nuaih kalsan in eng em em nge i tih a?" Ka nu in ṭeng zet a a rawn tih chuan ka mit ka chhing sawk


"Ka rawn haw mek," Tih leh phone dah chuan kuang kuah at a min en tu mipa chu melh zawk in, "Kevin chuang rawh le, kan haw vat a ngai," Tih leh ka hlang zui zat, engthil nge thleng phei chu ka hre lo na'ng in Sangpuia aw ri ka hre vuai vuai, inchhung ah buaina a siam leh te pawh a ni maithei

Ka chuan ve rualin, "min rawn kuah rawh u," A rawn tih leh bul bul chuan a tukkhum lam aṭang ka melh vak, bike chuan lah chu ka'n zeilo em em khawp a, ka zeilo pawh a ni satliahlo, hlauh nen ka kawp zui maw le


Kevin-a bân la chuan a kawng ah ka kuah tir, kei erawh in kuah ka tum aw zawng lo mai, ka tla hlawm tawp bik âwm lo emai


Ka rilru a hria a ni hrep a niang chu a nui ri suk, a tlan chhuak zui zat bawk, chak mang kheng a a tlan ka rin vei nen, tlak hlau miahlo in ka chuang thei chu thil mak tak a ni

Rei pawh kan tlan hman in ka hrelo, kan in kawt a bike a din tir dat chuan ka chhuk vat, mahse, engtin nge kan in a hriat, arghhh...engpawh nise chu chu a pawimawh rihlo

"Kan lawm lutuk," Kevin-a hlang thla pah a ti chuan ka pensawn pui nghal hlawk hlawk, min en reng emaw ni le? Ka tukkhum za mer mer leh ka hnungzang za em em chu, tiang hian ka awm ngai miahlo, miap hu hâng ngah tak a ni ngei ang, a mi uap a na emai


Ka lu thing mat mat in inchhung ah chuan ka lut nghal, ka pen luh rualin ka ding dawt, phawk lutuk in ka meng zui kawk bawk


"Sangpui," Ka phun sup, Sangpuia'n a Vani kut nghet lutuk a vuan chung a a nu leh pa hma a ding ka hmuh chuan mak ti lutuk in ka pan hnai chhat chhat, "anu," Kevin-a aw ka hriat chuan ding dat in, "i room ah lo han chho rawh, damdawi ka rawn pe angche," A sam ka chul zauh, bu nghat nghat in a kal ve mai bawk, Kevin-a a room lam pan chu ka en deuh vawng vawng


"Vani hian ka fa a pai a, ka kalsan thei tawhlo a ni," Sangpuia thusawi chu ka hresual em? Ka hawi nghal dawrh

Tunah khan tu in maw a fa pai a tih a? Vansangkimi hian maw?? Ka beng chhe ri a ni ngei ang


"Eng...eng maw i sawi kha?" Bah nawk nawk a ti chuan Biaksangpuia bul ah chuan ka ding zui, Vani chu ka melh zauh, a hmel a hneh tu intih na lang chhuak chu a rapthlak hial zawk, a hmuissn hlar, tan thar ang mai a sen vm hlar leh mitmu lian tak dum kalh mai chu a rapawm lek lek

Kum 10, kum 10 lai a vei tawh, min tihbuai hi a la bansan thei miahlo em ni?


"Ka sawi chu Vani hian ka fa a pai a ni, ka fa pai chung hian ka kalsan theilo, nangpawh...." A tih lai mekin ka beng sawk, engtik laiin nge ka kut ka lek chhuah ka hre hmanlo hrim hrim

"Lalnuntluang," Sangpuia nu in a rawn ti ṭhawt, ka lam rawn pan a tum chu Sangpuia pa in a pawt bet vat, "i fapa dikloh a nih hi, an nupa in chingfel rawhse," Tih leh a pawt chhuak rawk rawk, "nang kha, nangnu kha, ka fapa i kut hmawr pawh a i dek leh a nih chuan..." Sangpuia nu a rawn ti tuar tuar


"Eng maw i sawi?" Ka aw chu a ri chhuak chang chang chauh a ni, an hre pha em pawh ka hrelo

"Vani hi tun aṭang in kan hnen ah a awm ve tawh dawn, nau a hrin hma chu kan cheng ho ang ka tihna a nih chu," A sawi zawh rualin na lutuk in ka beng leh sawk, "Lalnuntluang, engthil nge i tih?" Vani'n a rawn ti ve ṭhawt


Mittui tliang pam a en chho ar chuan, "engthil nge ka tih maw? I hmu lo em ni? Engmaw? I hmei nen a cheng dun tur hian min duh a maw? I fa pai na pa hi ka pasal a ni," Ti tuar in

"Biaksangpui, ka hnen a i thutiam kha ila hria em, khawngaih min dil a, i hnen a let a, engtik ah mah ka mittui ti tla tawh ngailo tur in i intiam kha, i hre tawhlo em ni? Ni lo, i theihnghilh a nih pawh in ka hrethiam, ka hrethiam lutuk che, mahse, mahse, engtin nge nupui nei chung a sawn i thlak theih," Ka mittui a rawn luang ngiai ngiai


"Lalnuntluang ka fa hi sawn ti hauh suh," Vani'n a rawn ti ṭhat, ka ha pui ka seh ruh, "sawn chu a nih kha," Ka ti chhuak hrawih

Biaksangpuia chu engmah sawi tum tawhlo tih hriat zet a ngawi ngul chuan min melh hrawk in a pensawn nghal pawk pawk, "ding rawh Biaksangpui, ka zawhna che chu chhang rawh," Ka au tuar tuar

Pawn a chhuak chu um zui mai ka tum laiin, ka bân a Vani'n a rawn vawn rualin ka phih let sawk, "engthil rapthlak nge kan chung ah i tih hi i hria em?" Ka âwm zawn na lutuk hi maw hâl ang maiin a sa lutuk mah mah, ka lungphu sawiloh ka thisen hi ka hma a hmeichhe ding khawih mai chak in a za lutuk mah mah bawk



"Engthil nge ka tih theih chiah ila en duh zel em? I pasal khan thla 2 mi nausen a rawn pawm luh kha fahrah, a nu leh pa in an duhloh emaw iti tak tak êm lo angchu maw?" Seh chilh nawk nawk a mit sen ram a min eng chung a atih chuan mittui khap let sak sak in ka en kawk, a mitsen ram phen ah chuan chak zawk nihna a de va va bawk

A thil sawi awmzia hi ka hrethiam tawhlo, engthil chiah nge maw sawi a duh le? "Enge i sawi awmzia?" Mak ti lutuk chuan ka ti chhuak, nui lui hak hak a min rawn pan hnai in chiang lutuk a min en chuan, "I fapa kal (kidney) pe thei tu chu keimah, keimah chauh ka ni, a awmzia i hria angchu maw?" Nuisawng a a tih leh thawk lui deuh hak in, "room a mu mek mipa naupang khi tufa chiah nge anih i hriat ka ring, i pasal nu hian mi hrang, tu tih pawh hriatloh, a inchhung ah a lakluh i ring reng reng emaw ni, mawl lutuk," Ner nawk nawk a tih pah chuan inher in kawngkhar lam a pan nghal vah vah

A kal sawn rualin ka zawi hnawk, thawk lak vak ka tum nang in ka la thaw thei der lo, ding chu ka kat deuh nawk nawk bawk, ka biang a rawn lum thla pup, tun mai a a thusawi kha ka hrethiamlo nge ka hresual zawk? Ka fapa, ka fapa Kevin hi? Aih, ni lo, ni lo, a ni lul lo ang, engvang in nge ka pasal chuan a hmei nu fa chu rawn hruai lut in min enkawl tir ngawt ang ni?

Ni e, ka pasal hi lerh in, sual ṭhin mahse, chutiang thil rapthlak chu a ti hauhlo ang, ni e, ati theilo, ka fapa, kan fapa a ni tlat

Vani chhuak tawh chu harh chhuak thut ang maiin ka um chhuak ve nghal nawk nawk, ka pasal ngei maiin car dum tliang nalh zet mai a alo nghah na lam pan chuan a kal vah vah


Vani tlan pel fua chuan Biaksangpuia hma a mittui nen a ding in, "a dik em?" Ka ti sup, min chhan tum lo tih hriat zet a car kawngkhar a hawng chu a dar ah ka theih tawp in ka kuai her sawk

"Thudik a ni em?" Ka rak chhuak ṭhawt. Ka lungphu te hi ala phu chiah em pawh ka hre tawhlo


Mahse, a ṭawng chhuah hma in ka kut chunglam ah ka vai thuak, "aw ni, thudik a ni," Ti a a kâ ngei aṭang a ka hriat nawn chuan ka na dawn lutuk tih ka hria, ni lo, ka thi thei mai zawk ang


Ka mitthla ah Biaksangpuia'n a kut ngei a Kevin-a a rawn pawm luh lai te, ka kut a min hlan lai te leh khawngaih min dil a, a fate tan pa ṭha tak leh ka tan pasal ṭha tak a nih tur thu min tiam ngawih ngawih chung a Kevin-a pawm tur a min ngen lai te chu a rawn lang zut zut, ka biang a rawn sa thla pup


Ka nui chhuak hak hak, ka nuihzat vang erawh a ni hauhlo, ka mangang lutuk au aw rawl vel a ni zawk, Kevin-a hi Sangpuia fa a nih ka rin na hi ka hmuh tirh aṭang a vawiin ni thleng hian ala reh hauhlo, mahse DNA test sak a, thudik hre tur in ka huaisen tawk lo a, kum 10 liam ta ang mai khan, nuthlawi tih leh pa neilo ti a ka fapa an koh ka hlauh vang bawkin vawiin ni thleng a zawng chhuak ngamlo ka ni

Mahse, mit a hmuh a, beng ngei a hriat chu maw...! A na lutuk mah mah, Kevin-a hmel ka mitthla nghal, ka awm zawn hi a na vawng vawng


"A ṭha e," Ka lu ka bu nghat nghat


"A ṭha e, lung ngai suh, naktuk khawvar hun chuan ka hmel sawiloh, he in lam hawi zawng pawh hian ka chil ka rawn ti per tawh lo ang," Ka mittui vangin ka khaw hmuh a fiah lo em em, mahse, chiang lutuk in Vani leh Biaksangpuia chu ka en, Vani lo ner sawk sawk pawh chiang lutuk in ka hmu thung


"Mahse maw Sangpui," Ka ngawi dat, ka hrawk na lutuk leh thawk lak sak ṭalh chu mit ka'n chhing deuh sawk phawt a


Muangchang a meng in, a mit ah tak en chung chuan, "engtik ni ah emaw, engtik ni ah emaw chuan ka chung a i thil tih te avang hian ila inchhir ang," Vani lam hawiin, "ka hrilh che a ni lo, ka tiam che a nih chu," Fiah lutuk a ti chhuak in muangchangin ka in her chhat chhat, kawngkhar bul a Kevin-a lo ding rân mai mittui kar aṭang a ka hmuh chuan ka ke hi chu arbeh ang maiin ka din na hmun ah hian a nghet a, ka che sawn eih thei lo

Ka mittui a rawn luang nghal zawih zawih, a na lutuk hi maw ka puak darh mai dawn in ka hria, khang kum 10 chhung ka lo tawrh na te kha chu engmah a ni lo, hmeichhia a kawp kual a tih hriat chu maw a nêp lutuk mah mah


Ka hma a ding "ka fapa" ti a ka lo koh, hmangaih na nen a ka enkawl, ka hnute tui ngei mai a ka chawm sei len chu ka pasal fa ruk a lo ni reng tih hriat chu maw ana ngawng ngawng lutuk


Ka din na hmun ah ka ṭhingṭhi thla hnawk, ka kawr awm ka ṭham tawn tawn, ka ṭap chhuak dawn a ka âwm chhung leh ka hrawk, ka hnungzang ah min hnawt tlat tu avangin ṭah chhuah pawh thil har tak a ni, mahse, ka mittui erawh dan rual loh in a luang zawih zawih thung


Kevin-a ka lam rawn lam a ke rawn pen chu mittui kar aṭang in fiahlo lutuk in ka en, ka ṭap khur dar dar bawk, ka hma a rawn ṭhingṭhi thla ve chuan a kut tereuh tê leh vawt thler chuan ka biang a mittui hru hul pahin, "anu ṭap tawh suh," Ṭah aw ṭuai a a rawn tih chuan min hnawh bet tlat tu kha a samu darh ta emaw tih tur in ka ṭap chhuak hawk


Ka hmai a khawihna kut chu la in ka hum vawng vawng, ka lam a pawt hnai a kuah bet thlawp chuan ka ṭap hawm hawm, engtin nge he nau hi ka tih tak ang, hmangaih tak a ka lo enkawl ṭhin hi engtin nge ka tih tak ang???? Ka kawchhung tawt lutuk hian min hnawh hlum tak ngial dawn in ka hria


"Anu, ana a nia," Thaw hlei theilo tih hriat zet a a rawn tih te chuan min ti na vawng vawng, a ṭawng thiam hmasakber pawh, "a ma" tih a nih kha, ka thaw ka kâ ah a lenglo, boruak hip tum in ka kâ ka âng hlawi hlawi, ka kaw chhung ah hian min hmet tu chak lutuk awm hian min hmet hlum dawn tak ngial....



***Riya***

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E* 💝💝

🌸 Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:31 pm

LYING HEART
By floria laldansangi


6

Rinsanga....POV



"Tun ṭum bak hi ka koh nawn tawhloh tur thu hrilh tel angche," Ka ngawi dat


"Ka duhdan chu in hriat kha, hmeichhia zawk lehnghal, ngaihzawng a nei a, mahni duh thu a he in aṭang a pen chhuak tu a nih kha, mahse, ka fanu vang chauh in a tawp nan in thusawi te ka ngaithla leh ang," Ka ti deuh nghut


"A dik a lawm, Mama, kar ah fa te an lo awm tawh chuan in ngaihdam tawn hi a ṭhaber ngai e, Siampuii pawh in a sim ve tawh ngei ngei ang," Ka nu chuan dam dap in a rawn ti leh vat


A englai hi nge maw an duh a, an ṭan em em ni? Kan inneih na kum 12 lai a ni tawh, kan inneih tirh a nau a pai nghal duhlo kha chu ka hrethiam, mahse, kan inneih aṭang a kum 6 na ah tihluihna tak tak leh inṭhen huam a kan in hauh hnu ah nau a pai a duh ve ta chauh a nih kha, nau a hrin aṭang phei chuan kan nupa in kar ah hian HMANGAIHNA an tih ang phei kha chu a awm tawhlo pawh ni lo in, "DUHNA" tak ngial pawh a awm tawhlo


Ni e, ka thiamloh na tam tak a awm ngei a lawm, nupui, rai duh miahlo ka nei kha mipa tan chuan fa lo awh ve nen a beidawn thlak a sin, ka uire, ka pawm e, mahse, kan ti hrâm ange, fa ka awh zia kha, kha tihlai a ka rilru put ang kha tuman an hrethiam lo ang


A tawp nan a, a tlân ko tur a ka pa te kal pawh beidawng ṭhak a lo siam leh in, tun ah kum 1 dawn a liam hnu ah rawn let leh a beisei a maw??? Teuh lo lutuk


"Ka thusawi chu i ngaithla em Rinsang?" Ka pa aw ka hriat chuan ka harh deuh zuk, kan inṭhen dan leh Siampuii nu-ṭa te ho in min lo ṭawng khum dan ka ngaihtuah let phei chuan ka sa deuh pup zel

Ka fian ken dawhkan a dah ri bur chuan ka ding chhuak nghal at, "in duh chuan ko rawh u, mahse, he inchhung a rawn rah luh leh rualin kei leh Katherine-i kan chhuak ve thung ang, engtia nasa in nge Katherine-i a huat in hriat kha," Ti nghut nghut chuan ka pensawn nghal



"A mak e Rinsanga hi chu..! Katherine-i chauh ngaihtuah thei i ni lo tih i in hriat kha, Mercy-i pawh i fanu ve tho...." A tih ri chu ka hre hman hram, a bak a sawi ka hre hman tawhlo, ka ngaithla tawhlo hrim hrim a ni zawk


Ka car, driver in a lo hruk fai mawlh mawlh na lam chu pan in, "Katherine-i school bang ilo va lam mai dawn nia, chawhma bak an kal ka ringlo," Ka tih chuan a bu nghat, karleh lam ah Aizawl lam ah min sawn leh dawn avangin tih tur neuh neuh ka la nei bawk nen, car a ṭhu lut chuan chak lutuk in ka tlan chhuak



Thui pawh ka tlan hma in car dum, ko pang lam a ding ka hmuh chuan an car a chhia a ni tih ka hre nghal, an zawn a ding dat chuan, "khawilam nge in kal dawn a?" Ka tih rual a ka lam rawn hawi vat in, "aaa...hei kan car hi enge awmzia pawh ka hre lo, a nung duh tlat lo mai a," Pangai tak a a rawn tih chuan ka sana ka bih zauh, "ka en pui hman si lo che u a, induh chuan in kalna tur sawi ula, a lo in ang mai thei a sin."


Hmeichhia zawk chu a rawn nui sâng, mipa zawk chu khawi emaw ah hmuh tawhna ka nei in ka in hria, ka hre chhuak mai theilo mai pawh a


"Rendezvous Hotel ah," Hmeichhia zawk in a rawn ti vat, ka nui suk, "lo chuang ula, ka kal na lam tur tho a nia, ti khan in car chu dah ula, Hotel in thlen hun ah, a siam tur in tir mai anga," Ka tih chuan hmeichhia zawk chuan car chhung a a bag chu ban vat in, "ti rawh, kal mai ang," Tih leh a pasal emaw ni chhan na pawh nghak lem lo chuan ka car lam a rawn pan nal nal, an awm dan ah chuan an in ti thiamlo ve te pawh a ni mahna



Mipa pawh chuan a rawn zui ve mai bawk a, an ṭhut luh rual a tlan chhuak in, ka melh leh zauh ṭhin, ka hre chhuak thut, "Dr. Liankhuma fapa i ni em?" Teh phawng chuan, enge maw ka hriat teh hrep ni??

Min rawn en vat, "aw ni e, min hria em ni?" A hmel ah chuan nuam tihloh na a lang nghal, a chhan phei chu ka hrelo


"Aaa, hre hran lo, i pa ka hria a," Zawhna zawh vak chi ni a ka hriatloh avangin ka ngawi ta zawk a, kum 10 vel lai chu a liam ve ta reng mai, kha tleirawl kha, ka mitthla ah a rawn lang zui zat, ka nui suk, ka hna hmasaber ka ṭan na thingtlang ti ila, thingtlang kan tih mai ai chuan a khawpui daih zawk ang, a chhan chu SP in kan ṭhut chilh bakah damdawiin lian tak pawh a awm ve a lawm maw le

Khata ka hmuh tleirawl kha tun thleng hian theihnghilh har ka ti, khawi emaw a ka hmuh ka beisei fo ṭhin nia maw le


****** Kan hma a tleirawl pahnih thil ei chu ka en reng, pakhat chu a nui leh sen sen ṭhin, a sam dul ngil thlap leh a nuih zawng a a biang veilam a biangsum khuar kak mai te chu in hmeh tak a ni


"Tunlai tleirawl han duai tawh loh hlawm zia hi awwww... Nupui ka lo nei hma lutuk hi chu," Nui vur vur a, ka zawn a ṭhu tleirawl ka en vawng vawng lam en chung a Mal-an a rawn tih chuan midang pawh chu an nui huk


"Pakhat saw chu U Chhuana fanu a nihsaw, he khua ka awm tirh a tleirawl hmelṭha ka hmuh hmasakber a ni, a ni tluk a tleirawl hmelṭha leh en nin theihloh ka la nei chuang miah lo nia," Thante'an a rawn tih ve tak ah chuan ka kiai suk


"Sir, nangpawh kha, i chil thli a tla dawn," An rawn nui huk, nui ve hak chuan, "tleirawl mai mai en ngawih ngawih rual pawh ka ni tawh êm loh hi" Ka ti tak na in ka zawn a tleirawl erawh hmuhnawm tham in a hmelṭha, ni lo, a duhawm a ni zawk


Thla 3 dawn chu ka thawk ve ta, ka thawhna khua hi nuam ka ti in ka thawh pui te an fel em em, kha tleirawl pawh kha, Thantea sawi angchiah in, Pu Chhuana fanu duatlai a lo ni tak tak nen, a school kal vel hi ka lo thlir leh veng veng ṭhin, chutih rualin mahni ah in thiamloh na lian lutuk in min deng zui zat zel bawk, kan nupa inkar ṭhat lutuk loh vang pawh a ni mahna


Thla 4 vel ka awm ve ta, kha tleirawl school kal kha ka hmu ngai ta reng reng lo, ka lo ral khat vei ve tawp ka ti dawn nge, a mah hrim hrim kha hmuh nawm ka ti pawh ka in hrelo, nupui nei tawh in tleirawl, school naupang lehnghal chutia ka rilru a awm reng mai chu ka duhlo ru takzet, ka thunun theihlah ni dêr si lo

Vawiin a ka in leng erawh ka rinloh lam tawp a ni, Dr. Liankhuma thusawi chu mak ka ti takzet, kha tleirawl khan a fapa fa a lo pai a nih chu..! Ka mitthla ah a hmel a rawn lang nghal zat, a hmel pawisawilo leh nui hmel mawi zet nen, a hmel en phei chuan naupang te a la ni ngei ang, nau a pai tih chu rin harsa ka lo ti ve tawp a



Min beisei ang ngeiin palai ah ka ṭang ve ngei, heihi ka vawikhat palai kalna a ni, chu pawh kha tleirawl mipa dang tan a dil tur lehnghal in*****




"Khalai ah khan min drop mai rawh," Tih ri ka hriat chuan ka harh deuh zawk, kha tleirawl bawk kha ka lo ngaihtuah leh ta a ni, kum tamtak a liam tawh si a, car chu ka ti ding dat, car a ṭang an chhuah dawn chuan a hmeichhia zawk chuan mi rawn melh leh zauh, ka ner sawk, nupa an ni hauhlo tih ka chiang


Engthil nge maw ka ngaihtuah chiam mai chu le? Thil ṭul lo ka ngaihtuah tam ber ṭum a ni ngei ang.....



TLUANGI.....POV


Chhuak tur a ka in siam mawlh mawlh laiin room kawngkhar a rawn ri kharh kharh, ka chawl dat


Ka nu leh pa rawn in zui lut chu mitsen ram in ka en kiau, "Tluangte, hetah lo ṭhu teh, lo in be teh ang," Couch a ṭhu thla pah a ka pa in a tih chuan ka thaw hak, ka luggage chu khar ṭha thlap in ka tung ṭha thlap bawk, muangchang a an lam pan chuan an hma ah chuan ka ṭhu


"Inṭhen chu i ti tak tak em ni?" Ka pa bawk in a rawn ti leh, ka melh zawk, ka nu hmel chu ka hre thiamlo, nidang ah hetiang hian min en ngai miahlo, pangai tak a min en leh hmuhsih na leh diriam na mitmeng a lang miahlo chu a mak letling zawk hial


"Sangpuia hi kan ṭan ni hauhlo in, nangpawh in mipa hmuh ṭhin i nei tih ka lo hria a," A tih rualin, ka en kawk, "pa," Ka ti deuh ṭhat bawk, engtin nge chutiang chu a sawi theih zawk, kum 10 teh meuh he in ah hian mo ka lo ni ve tawh a, pawnlam a mipa hmuh duh tur khawp a rinawm ka nih leh nihloh chu hre tur an ni tawh



Ka nui hul hak, ka ṭah chhuak lutuk mangang a ni mah mah zawk, "a tawp thleng in hetiang hian em ni i tih dawn ka nu," Sangpuia nu lehlam hawi tlat chu mittui khap let sak sak in ka en

Muangchang a ka lam rawn hawiin, "ngaihzawng i nei ka ti pawh a ni chiah lo, tunlai i chhuak tam in, bike a rawn thlah tu che an awm..." A tih lai mek chuan ka kut chunglam ah ka vai thuak

"Ngaihzawng a nei," Min ti lo mahse, a ṭawngkam hman dan tur ka hre thiam, "kum 10 chhung teh meuh he in ah hian a hming in mo ka ni ve a, mahse, vawikhat pawh ka nu i mit ah chuan mo ka ni ngailo, mi â ka ni lo, ka hrethiam ve bawk, mahse, ṭhat na a hneh che ka tum hram hram ṭhin, ka pa, ka lak a a rilru a thlak angchiah hian ka beiseina a sâng viau ṭhin


Kum 10 chhung hian vawi 10 pawh ka pian na nu leh pa hi ka tlawh tlin meuh ka ringlo, a ni lawm ni? Ka pa khumbet leh natna khum a a awm lai pawh in, kei an fanu neih chhun hian zankhat pawh ka riahpui theilo, ni lo, ka nu ka riah pui kha rem iti ngailo zawk a nih kha, mahse, vawikhat pawh ka vui thu ka sawi em? Aih, ka sawi ngai miahlo, ka theih tawp, ka theih tawp tak meuh meuh in i thu zawm a, ngaihthlak che ka tum ṭhin, mahse, nang chuan min haider hmiah ṭhin a nih kha," Ka mittui a rawn luang zawih zawih



"Ka pa ruang ni, ka pa thih ni ah tak ngial pawh in, ka pasal chhungte pakhat mah in hmel hmuh tur a awmlo, chuti chung chuan engtin nge rilru chhia a tawp thleng a i la put theih tih hi ka hrethiam theilo a ni," A tawp lam chu ka riat nawk nawk, ka kun lap, ka in hnit zui hlawp hlawp bawk, he inchhung tan a ka theihna zawng zawng ka sawm khawm ṭhin, mahse, a tawp thleng in dawt a puh bak ka chang ta chuanglo chu a nia



Sawi tur an hrelo a ni mahna an ngawi dun vang vang, rei tawk fang hnu ah, “He in i chhuah san dawn a nih chuan cheng khat pawh i hum chhuak dawn lo tih i hria ang chu tiraw? I rawn chhawmluh bak i keng chhuak theilo ka tihna a nih chu, i fapa te pawh tiam in," A sawi zawh rualin ka dak chhuak vat, ka en nghal kawk bawk, he inchhung bungrua sawiloh, an sum leh pai de re pawh hi chhuahpui ka tum hauhlo, ka awt ngailo hrim hrim, min nawrlui hial pawh ni se ka chhuahpui aw zawng lo ang le….mahse, ka fapa maw? Teuhlo lutuk tlat


Mak ti lutuk chuan ka pa chu ka en, mahse ka in siam ṭha vat, hlau ang a lan ka tum teuhlo, ka hlau tih na pawh a ni chuanglo, "dawt a minpuh na hi chu ka hrethiam, ni lo, in fapa ka ṭhen theihna a nih phawt chuan eng pawh nise ka pawm vek, a chhan chu maw ka pa, he inchhung, he chhungkua hi hremhmun ai pawh a hreawm ka tih zawk vang a ni, mahse, ka fapa chu ni lul lo e, Jerome-a ka pai lai pawh a DNA test hial duh tu, 'ka fa a nih tawhlo' ti hial tu chu nangni leh in fapa Biaksangpuia te in ni, khang kum chhung zawng zawng khan a fa thuhruk nen ka enkawl a, ka theih tawp ka chhuah bawk, he ka kut, he ka kut ngei hian in fapa khawlai fa chu ka enkawl a, ka hnute tui in ka chawm sei lian bawk, mahse, Jerome-a erawh ka hrin ka ta a ni


Kevin-a erawh Vani nen a an fa a nih ang in chuhpui ka tum chuang hauhlo, 'ka fapa a ni ve lo e' ka tihna phei chu a ni hauhlo, a sen tet a ṭang a ka hrin ang mai a ka enkawl, ka hnute tui a ka chawm seilen a ni a


Ni e, ka hmangaih a ni, ka hmangaih tak zet, ka hrin ngei ai pawhin ka enkawl nasat zawk zia chu hria a, hmu tu te in ni," Ka mittui ka khap per sak sak, ka ṭah nuih zui hak bawk, mit sen ram leh hnawp chap in ka pa chu ka en ran, "mahse, chuti chung pawh chuan a tawp ah chuan, ni e, a tawp ah chuan ka fa a ni thei ta chuanglo a ni lawm ni? Chuvang in Jerome-a erawh ka ta, ka hrin a ni a, Kevin-a angchiah in a hringtu nu hnen a awm tur a ni bawk," A tawp lam chu a ri chang chang, ka mittui a rawn far fep fep, ka hrawk na ut ut chu chil lem thleng in a ti harsa


In hnit ri hrawih a ding chhuak chuan, "naupang min chuhpui chu in thu thu ni rawhse, mahse, engtik ah mah Biaksangpuia enkawl na hnuai emaw nangni emaw lak ah kalsan ka tum lo tih min hriatsak dawn nia," Tih zawm leh zat chuan min chhan na pawh nghaklo in ka luggage chu la in room ka chhuahsan nghal hlawk hlawk


Ka mittui rawn tla leh chu hru deuh tawk in inhnuai lam ka pan thla bawp bawp, kawngkhar bul a Kevin-a a lo ding a ka lam rawn hawi kiau mai ka hmuh chuan ka luggage chawi chu chhuat ah nghat deuh chawrh in ka ding dawt, "Kevin," Ka phun sap


A mittui a rawn luang ngiai ngiai, kawngkhar lai tak ah a ding zui zat bawk

"Anu, apa i kalsan dawn a mi? Min hruai ve dawnlo tiraw?" Ṭah loh tum in a in seh ruh ve ngar ngar tih mittui kar aṭang in ka hmu reng

Ka kâ ka âng mai dawn a ka hrawk na tur ut ut ah chuan ka ṭawng chhuak thei dêr lo, "anu, ka lo kal ve thei angem?" Ka lam a rawn pan hnai hret hret a mittui a tla pur tawh bawk, keipawh ka dang chuang miahlo, ka mittui a rawn luang ve zawih zawih tho


Ka hma a mittui nen a ding a, beiseina mitmeng a min en tu naupang chu ka en, ka âwm na lutuk chu ka ṭham leh tawk tawk ṭhin, chunglam melh in insûm ngial ka tum nang in a harsa lam pang hret chu a ni


"Bawihte, Kevin," Ka mittui bawk a rawn tla leh, ṭhu hniam a mittui nen a theih tawp chhuah a nui lui chuan, "ka kalsan dawn hleinem che, api, Jerome-a pi a damlo a, ka awmpui lawk dawn a lawm, ka..." Ka ṭah chhuak lutuk ah ka sawi zawm theilo, kun in ka hmui ka petbet ngar ngar


"Lo haw i tum tawhlo tiraw?" A rawn ṭap chhuak hawm hawm, keipawh ka ṭap zui ve hlawp hlawp bawk, "anu, min duh tawhlo a mi?" A va han na tak êm, a na lutuk mah mah, aih, ka duh a lawm, ka duh takzet, ka hmangaih a ni, nu thinlung chhungril ber aṭang in ka hmangaih a, mahse, ka fa a ni miau lo a, ni lo, ka chhung ril ah erawh ka hrin ka fa dik tak a ni, ka lam a pawt bet chuan ka kuah ngawih ngawih

"Mawh, anu min hruai ve rawh, ka awm duhlo keimah in," A ṭap zui hliam hliam, ṭawng chhuah sawiloh ka chil pawh ka lem hleithei tawhlo


Pen ri khep khep ka hriat rualin in hnit hlawp hlawp a ka mittui hrul chuan Kevin-a a nam sawn hlek in a biang tawn tawn a ka vuan, a biang cher lutuk te, a chemo khai vang a taksa duk thliah thliah te chu ka en kual, ka mittui bawk dan zawh rual loh in a rawn luang leh zawih zawih


"Anu," Kevin-an a rawn ti ṭuak te chu mintih nat nan eng hmanrua mah a ngailo, "Nu" a tih ri chuan min vit hlum lo chauh


Muangchangin ka ding chhuak, Kevin-an ka kut ah a chelhbet ran bawk, kawngkhar lam a ri ka hriat chuan mit hnawm chap in ka hawi, luggage keng chung a Biaksangpuia leh Vani lo ding ran mai ka hmuh chuan nghet lutuk in ka kut ka hum ruh, ka sir a luggage chu ka chelh nghal zat bawk


"Anu, ka lo kal ve dawn ti raw?" Kevin-a bawk a ni, ṭap leh mai tur hmel a pu, a mit a sen ve râm bawk


"Tluangi, Kevin-a hi i kalsan tak tak thei dawn em ni? Duh leh Biaksangpuia te pahnih chu he in ah hian awm sela, nangni nufa kan hnen ah awm mai ula, a ṭha mai lawm ni?" Ka pa in a rawn tih chaun beidawn na nen ka ṭah nuih hak, eng ang mihring ah nge min ngaih ka hrelo, hei leh chen hi ka tlawm a, ka tlawm zel a, mahse, hmeichhia chapo na nei ka nih ve zia hi an hrelo mai a ni


"Ni lo e ka pa, tleirawl kum 16 milek kha ka ni tawhlo, Biaksangpuia kut vuan tur khan ka huaisen tawk a, a tel lo leh a khaih hnawih thil awmlo a hmalam pan tur pawh in ka chak tawk a ni tih hi in hrelo palh ange," Ka thusawi chu a ringlo na in an hre chiang viau in ka ring thung


Kevin-a chu mittui khap per sak sak in ka en, a sam a tuai zauhin, ka kâ ka âng zuai tawh, mahse, ka chip leh, chhuanlam siam mai ka tum a, a harsa ka ti, a mittui tling piau leh tle ral ral te chuan ṭawng a ti harsa zual


"I u bul ah reilo te ka kal lawk dawn a, fel deuh in lo awm rawh aw," Tih leh a mit ah pawh en nawn tawhlo in min vawn na chu ka phelh sak nawk nawk, theih leh theilo in min pawt bet ve bawk


Ka luggage hnuk chuan chak lutuk in kawngkhar lam ka pan hlawk hlawk, Sangpuia leh Vani ding ve ran chu vawikhat pawh melh lo in ka kal pel, "anu, min hruai ve rawh, ka awm duhlo keimah in," Kevin-a chu aw thâm chal in a au tuar tuar, ka mittui a rawn tla zawih zawih, kawngkhar ka pelh hnu pawh in Kevin-a aw chu la ring tak a ni


Gate ka pelh dawn chuan ka ding dat, hawi let tum a inher ka tum chu ka in hum ruh, he in lam hi vawikhat pawh ka hawi let tawh tur a nilo, eng vang mahin ka hawi let tawhlo ang, ka rilru in keimah leh keimah ka in hrilh mawlh mawlh


Kevin-an, "anu ka duh, anu chauh ka duh," A ti tuar tuar chu ka hre pha vuai vuai, ka chak na zawng zawng sawmkhawm in ka pen chhuak, ka chuah rualin ka zawi hnawk, ka kat deuh nawk nawk bawk, vawi tamtak ka lo tum tawh, jail ang mai a hreawm, ni lo, jail ai mah a hreawm a ka rin zawk ka pasal in chu ka chhuahsan ta chu a nia, ka thinlung zatve hi a thawl a, a zatve erawh Kevin-a bul ah a awm thung.......

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E* 💝💝

🌸 Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/


HRUAIZELA....POV



Ka hma zawn a tleirawl ni awm tak naupang kai chung a ding chu fiam tum in chak lutuk in ka tlan, an zawn ah ka bike chu ka ti ding tuar bawk, an hlau lutuk chu an kat dawrh, ka inthiamlo leh deuh na in engmah phei chu ka sawilo


Tleirawl emaw ka tih kha a lo ni aw zawnglo, en mai chuan tleirawl a ang mah mah zawk, mahse, zan mut kham lo ang mai in a mitmu lian leh fiah kelh kawlh hnuai lam chu a val dum kalh thung, a naupang kaih lah chu a chawrche em em khawp a


Thinrim si, hlauthawng bawk si a min vin hlak hlak chu ka en ran, a ṭawng zawng a hmui che vel chu a hmuhnawm takzet, tlem in intuai hnum deuh se zawng pasal nei tawh tih chu sawiloh tleirawl kum 18 chho tak tak rual a ang viau in ka ring


"Enge ilo ngaihtuah a?" Ka dar a rawn beng thak chung a ka hma a beer cane ban zat a ṭhu thla chu ka melh zawk


Ka kiai suk, ka beer ken lai lem zauh in, "engmah, khawnge Natie?" Ka hawi kual nghal


A lu ti che zauh in, "pawn ah, kal a hun dawn a lawm, kal ila," Tih leh a ding chhuak nghal, ka beer ken lai lem zo hrâm chuan ka ding zui ve zat


Pawn kan chhuah chuan Natie-i leh midang an lo ding ṭhap tawh


"Zanin chu sure loh pawhin ngei ngei a ngai a nia," Lk-an a rawn tih chuan ka thle bak



Bike a lawn in, "tlan chhuak ru ka rawn zui angche u," Ka phone message rawn thleng en chung a ti chuan ka ner zui sawk bawk

Teuhlo lutuk, nupui neih maw?? An mumang ah pawh a thleng tawplo ang


Ka phone ah mai ka tum chu a rawn ri zui zat, ka nu hming ka hmuh rualin ka phone chu na lutuk in lei char lutuk ah chuan ka vawm phel ṭhuai, ka kiai zui suk bawk, bike ti nung in chak lutuk in ka tlan chhuak
.
.
.
Music leh thawm ri hut hut kar ah chuan tlan lut in, bike intlar ṭhap na ah chuan ka ding ve nghal zat bawk


"I rawn kal dawn ta lo emaw ka ti a?" Kan din na aṭang a pathum na a ding, min haw em em tu Vicky chu en in ka ipte aṭang a cigarette phawrh chuan ka ṭan zui zat


Hip deuh vang vang a ka dar san ak in, "chaklo leh tur bawk in em ni min cho leh a," Ka thle bak


"Nang..." A tawp dat, in seh ruh lutuk a min melh hrawk in, "kan hre dawn a lawm," Tih leh bike ti nung chuan, "ṭan ang," A ti zui ṭhawt, ka nui hak, ka cigarette zuk lai chu fawp leh in lei a paih chuan ka rap zui zat, muangchang in ka bike chu ka ti nung zui ve bawk, Vicky-a ka lam rawn hawi leh in a kut zungpui ti pir vah chuan dislike min pe zui zat bawk, ka nui hak hak



Chak a tum zing tawh bawk a, chak ngei se ka ti ṭhin, mahse, ka nun ah ka duh a piang ka nei ang bawkin, keiai in penkhat pawhin tumah an hma tur a ni lo, engkim ah a ber nih ka duh bawk
.
.
.
.
Ka bike garage ah hung chuan faifuk rat rat in inchhung ka lut, ka ti lui a ni mah zawk, zinglam dar 2 a pelh tawh avangin ka chhung te an mut vek tawh ka rin vang a faifuk lui kher ka ni, thawm dim vak ṭul na ka hre lem lo, enge ka tih a, khawi ah nge ka awm an ngaihsak ngailo hrim hrim


Inchhung ka pen luh rualin, "Lalhruaizel," Ka nu aw ka hre nghal zat, ka ding deuh dat, mahse, hre lo ang a awm chuan ka pensawn lui ngat bawk


Inchung kailawn hmasaber ka rah rualin, "Lalhruaizel, ka koh che chu i hrelo em ni?" Ka nu in a rawn ti leh ṭhak, ding dat in ka dar ka san khum ak


Ngeiawm zet a thle bak chuan ka melh ralh, a bul ah a pasal lo ding ve run bawk


"Ka mut a chhuak tih i hrelo em ni?" Tih sup a kiai suk chuan ke pen chho nghal, ka hnunglam aṭang in, "naktuk zan dar 8 ah Rendezvous Hotel ah rawn kal angche, min ti zak reng reng suh, ka vo lawk che a nih chu," A rawn tih leh chuan ka ding dat, kailawn vawnchhan chu nghet lutuk in ka hmer



"Ka neih tur ni lo in, i neih tur leh i rua hman a ni a, nangmah ni in in kal dawn nia," Tih leh ka room lam ka pan nghal pawk pawk, ka room ka luh rualin kawngkhar khar ri ṭhuai in khum ah ka let thla tawp, kawngkhar a rawn in hawng zui zat bawk



Ka mit chhing hmiah in, ka nu rawn pen lut chu ka haider hmiah


"Engtia rei nge hetiang a nun hi i tum? Naupang chhia ang mai a khawsak hi bansan a hun tawh Lalhruaizel, i pa lak ah pawh a inthlahrun awm zo zai lutuk i khawsak zia hi," A ṭan leh dawn, za lo zet in ka nui suk


Ṭhu chhuak in ka nu kawng dawm a ding at mai chu melh chho zauh in, "Pa," Ka kiai suk, "pa ka nei em ni?"


"Lalhruaizel," Ka sawi zawh rualin ka nu a rak zui ṭhat


"Lalhruaizela, he hming phiangsen hian min ko tawh suh," Ka ti chhuak hrawih, ka nu chu a meng kawk bawk


Ka ṭhut na aṭang a ding chhuak in, "chuan i pasal a ni, ka pa ni lo in," Tih leh ka nu kal pel fua chuan bathroom lam ka pan nghal, ka damloh a vawikhat pawh min tleivar pui sawiloh, ka tan vawikhat pawh a ṭawngṭai ngailo tu Nu hian ka nun ah thu neih a tum khanglang a nih chuan a ti sual chhia va ang, kei a fapa ai a, pawmlai nei mipa um tu hian sawi theih a nei miahlo bawk




***Riya ***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)