LYING HEART By Floria Laldansangi (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LYING HEART By Floria Laldansangi (Completed)

Unread post by Ngaia » January 5th, 2020, 3:33 pm

LYING HEART
By floria laldansangi



13



TLUANGI....POV


"I phone a rik kha maw le? Hey.. Lalnuntluang, harh teh," Ka harh zawk, Hlutei ka bul a lo ding ran leh lungawilo tih hriat zet a min melh ram ram tu chu ka en kawk



Phawk fe in, "engtin, engtik in nge ilo thlen?" Ka hre chhuak nghal zat, vawiin hi Aizawl a rawn chhoh ni tur a ni, engthil nge maw nileng a ka ngaihtuah le???


"Ahh..ka tihpalh, ka lo.." Ka ṭawng bah nawk nawk laiin dawhkan a ka phone en chuan pickup in loudspeaker ah a dah zui zat



"Hello, Lalnuntluangi a ni em aw?" Hmeichhe aw fiah zet mai in a rawn tih chuan ka chhan hma in, "aw ni e," Hlutei'n chuan a ti nghat, minla melh ram ram, ka inthlahrung lutuk chu bih ruk rih daih mai ka duh, engtin nge ka theihnghilh theih le??


"I interview kha i tling a, naktuk aṭang in hna i rawn zawm dawn nia, zing dar 9 J&CO main building ah i in report hmasa dawn nia," A rawn tih leh chuan Hlutei chu a meng kawk, "tun a ka thu hriat kha ka hre sual em, kan thawhna a in ang dawn a maw?" A mak chung chung thei


"Hello, miss, i la awm em?"



"Ohh, ka tihpalh, ka hria e, kan lawm lutuk," Tih leh a off zui nghal, ka bul a rawn ṭhu thla rawk rawk chuan, "eng department ah nge i awm dawn, marketing, finance, designing, sales and customer service department," A sawi zawt zawt chu nui vur vur a ka kut a zap a, un bengdai tur a ti in, "chutiang lam a ni lo, secretary tur in, J&CO CEO secretary tur in," A nui ar ar, "eng pawh nise hna kan kal tlang thei tawh dawn a ka lawm hrim hrim," Min rawn kuah pah a atih chuan ka nui hak hak



"Mahse, engvang in maw minlo hmuahloh a, i hmel lah chu buaina nei ang maiin a buai nuaih lehnghal," Inla hrang pah chuan a ti leh hlak hlak, hmmmm, a theihnghilh dawn a maw tih lai a



"Engvak mah, ka mang nghilh chiang lutuk a ni," Ka nuih tlawn ver ver, "i luggage hi i room tur ah dah lut ang aw," Tih leh ka tho tharh, min melh ram ram chu ṭhen khum vakin a luggage hnuk chuan a room tur lam ka pan san nal nal, hahthlak hian, nizan hmasa a Hruaizela nu thusawi ka lo ngaihtuah nasa lutuk a tin ni, ka nu lah ka zawt chiang ngam dêr mai silo, thudik lo ni ta se, ka lu ka thing nawk nawk, "a ni lo ang," Ka phun sep sep



"Tluang," Kawngkhar a rawn hawng zui rawk, "a mak, khitah min kal pui lawk la, hei thil min thawn ka han pe lawk dawn," Ka bu nghat


"Ka nu pawh in a thlai rêp ho a rawn thawn ṭeuh mai, zan ah vaimin ro leh betê vel pawh an rawn dah ang," A tih zawmzat, ka nui seih



Room aṭang a ka chhuah rualin ka phone a rawn ri ral ral, "lawk aw," Tih leh ka en nghal, ka number hriat ngai a ni miahlo, vawi 3 lai missed call a awm zui bawk lehnghal, tu nge le?



Ka Pickup rualin, "Tluangi, keimah Sarah-i, reilo te kan in hmu lawm dawn em ni?" A rawn ti zui zat zat chu ka phone dah sawn a en kawk in, "tu.." Ka hre chhuak zui, U Rinsanga nau kha a ni, Hruaizela a nupui hual kha


Hruaizela ka ngaihtuah chhuah chuan tukin a chanchinbu a inhual na an neiloh thu Hruaizela a ngeiin a sawi na an chhuah kha ka hre chhuak zui zat, mit ka chhing sawk, eng ber hi nge awih a awihloh tur pawh ka hre thiamlo



"Kal ila."


"Maw? Aahhh, Hlute, nangmah in i kal mai thei angem? Tih tur ka nei lawk a," Nuam ka ti chiah lo na in Sarah-i pawh hmeichhia ve tho a nia, a tawrh dan tur ka hrethiam, keimah vang a inhualna ṭhulh an nih tak tak phei chuan ka in thiam thei miahlo ang



Ner nung a min melh rawm rawm in, "a pawimawh viau chuan kal mai rawh," A lungawi chiahlo tih ka hria, nek ṭalh ṭalh in, "zanin chu kan mu tlang dawn nia," Ka nui sen sen, a hmui hnuailam ti pawrh tarh a min nam sawn chuan, "kalteh, sawilo mahla ka rawn mu dawn, Nute, kan chhuak lawk dawn a nia," A au zui lang lang



"Aw, rawn haw harlo ula, bawiha tuition kal pawh a bang ṭep ang, zanriah ei a hun mai dawn," Choka aṭang a rawn dak chung a atih chuan kan bu nghat



"Thlanglam ah hian a sin ka kal dawn," A ni in chhak lam a melh, nui hak in, "rawn haw harlo la," Tih zawmzat in ka pen thla nghal




Engthil ah nge min hmuh a duh angle? Chanchinbu a thu chhuah vang khan em maw ni min hmuh duh? A ni ngei ang


A sawi na coffee house ka thlen chuan lut ta mailo in ka ding ren rawn, boruak hip kawk in mit chhing in ka thaw chhuak leh ham ham bawk


Muangchang a kawngkhar hawng chuan ka pen lut, ka hawi kual, kil khat aṭang a a ban rawn vai zauh chu hmu in ka pan vat



"Lo ṭhu rawh, Latte ka lam sak ve tawp che a," A nui var var, a ha var leh rual ṭhap mai chu a nuih phei chuan nalh tak a ni, a mitmeng paw deuh phât mai leh lian ṭha kelh kawlh te chu nalh tak a ni, engtin nge hetiang a hmelṭha leh hleitling, nula lehnghal hi Hruaizela hian a duhloh theih ni



"Ka lawm e," Ka ti sep


"Biak che ka duh chhan i hria em?" Min rawn melh


Ka coffee tem hlek chuan, ka lu thing in, "ka hre hauhlo," A nui suk


"Mizoram ka rawn awm tirh, ka pa bul a ka chen tirh hian tleirawl pakhat hi kan in ah a rawn leng a, ka vawikhat hmuh na ah khan ka duh nghal," A rawn nui sen sen




"Mahse, ka u best friend a nih vang nge ka hmu ngam miahlo a, a rawn kal tawh emaw khawlai a ka hmuh tawh chuan ka biru ngei ngei ṭhin, vawikhat chu ka U bulah, "i nau hmeichhe thar chu ka va hmu ngailo ve, i sawi si a?" Tiin, a zawt a, ka hriat rualin rang lutuk in ka room ah ka in kalh khung nghal," Strawberry shake mix chu a tem hlek


Engvang a chutiang chu min hrilh nge maw a nih le? "Eng thu nge sawi i tum ber?" A rawn nui hak hak



"Ka sawi tleirawl chu Hruaizela hi a nia," Ka meng kawk, a fiamthu em ni? U Rinsanga nen best friend an ni ang maw? Teuhlo emai a..! Inhmel hriat sa an ni pawh ti ila tuman an awih tawp nang


"Mak i ti a ni tiraw? Tun a an awm dan en chuan ka hrethiam tho che," Ka bu nghat;mahse, engvang a chutiang thu chu min hrilh nge a nih ka la hrethiam chuanglo


"I sawi awmzia ka la man chuang hauhlo mai," A nui leh sak, a nui hmelṭhat zia chu..! Ma hmeichhiat pui hi hmelṭha han tih ngawih ngawih hi ka nei ngia meuhlo, ka Mizo hmeichhiat pui ngat phei chu, "ka hmelṭha e", ka tihna phei chu a ni lo, hmelṭha lutuk han tih tur leh sawisel na tur awm miahlo hmeichhia hi ka la hmuh meuhloh vang zawk a ni


"Hruaizela kiang ah, a bul ah, a hriat siloh in ka sei lian a, Delhi ah college a kal khan ka pa bul ah college ka rah rual in kal ka dil ve nghal; mahse, ka tlai hret a," A mittui a rawn hnam ṭiam ṭiam



"Hruaizela erawh hmeichhe hmangaih a lo nei hman tawh, chu hmeichhe hlim thla ah chuan ka nung a, a ruk a zui kual ka bansan thei chuanglo, i hria em? Ka U leh U Siami an inneih a ka lawm zia kha, chuvang in Tluangi ka ngen duh che, khawngaih in Hruaizela hi kalsan rawh," A tawp lam chu a ri chang chang, a mittui tling piau pawh chu a in hmeh tho mai


Mit khap fawk fawk in ka en, "ka ta diktak ni tawhse ka duh, kum tamtak ka nghak tawh a, tunah ka tan kawng a in hawng a, ka bansan theilo," A mittui a hru zui zauh, a in sut ri hrawih bawk, sawi mai tur pawh ka hrelo, a awmzia chu U Rinsanga nupui hi Hruaizela hmeichhe hmangaih chu maw???


Ka ngaihtuah zawngin ka lungphu a rawn thum dup dup, a na sa vawng vawng bawk


"Engkim ka pe thei a, hmalam hun êng tak ka pe thei, ka pe bawk ang ; mahse, nang in eng nge Hruaizela hi i pek theih, nuthlawi fa nei tawh i ni a, i inchhung ah engmah neih i nei heklo, Hruaizela nen in inzui reng a nih chuan nangmah mai pawh ni lo, Hruaizela hmalam hun thleng in a chhe vek thei tih i hria em, chuvang in khawngaih in Hruaizela hi kalsan rawh, engtik ni ah emaw, ni lo, reilo tê ah Hruaizela pawh hian nang ni lo, kei min mamawh zawk thu a hre chhuak thuai dawn tih ka hria, chuvang in i nat hma hian kan pahnih thinlung min hriat sak la, kalsan rawh," Ka te chem chem, khu ral thei ni ila khuk ral chem chem ka duh


A sawi dik, Hruaizela lo duh a, inzawmna lo neih pui tur hian tunge maw ka nih reng reng le? Nuthlawi fa nei tawh, nu chauh nei tawh, inchhung khur ah chhuan tham rohlu nei bawk si lo, mi in luah a khawsa ve mai mai ka ni bawk


Ka ngaihtuahna avangin ka mit a thîp in ka hrawk a rawn na ut ut, ka kut ka hum ruh, mahni tê in tihna in ka khat chem chem


"Tluangi," Ka harh zawk


Ka biang rawn lum thla pup chu hru tawk in, "ka tihpalh," Tih leh ding chhuak in ka kat deuh khut khut, min rawn dawm a tum chu ka kut lo phar chhuak vat in, "ka lawm e," Tih leh ding ngil a Sarah-i en chuan, "lung ngai suh," Harsa lutuk in ka nui, a harsa lutuk chu ka mittui a tla leh lo chauh



Ka pensawn tur te chu ka ke leh chhuat hi thir hîp thei a in hîp bet chat chat ang maiin a sak


"Tluangte," Ka ding dat, ka mittui a tling piau, ka hawi let a nih chuan a hmu dawn a ka hriat avangin tlem a ring ti kawi deuh chuan ka melh zawk, "ka lawm e, min hriat thiam a vangin, ka puihna i mamawh phawt chuan ka pui ve em em angche," A nui sen sen, a nui hmel sawn min vit hlum mai dawn in ka hria, ka bu nghat, puihna maw? Ka ṭah a chhuak ut ut, ka ring te chu a sak mah mah tawh



Kawngkhar lam ka pan chhat chhat, kawngkhar ka pen chhuah rualin ka mittui a rawn baw hawk, ka in sut ri nghal hlawp hlawp



A eng ber kha nge ka ṭah pui a, minti na ber tu pawh ka hre chuanglo ; mahse, Hruaizela tan a ka tlinloh zia ka ngaihtuah in ka na vawng vawng, engkim a pe thei a, kei erawh in engkim ka tih chhiat sak dawn bakah, a hmalam hun ka ti thim dawn tih ka hming ka chian tluk in ka chiang bawk



Ka phone message tone rawn ri ral ral chu mittui leh hnap tui nen in hnit hlawp hlawp chuan ka en, khaw thim ṭan nen, ka mittui vangin ka khaw hmuh fiahlo zual nen chuan ka in chhuih khut khut


"Bawihi, ka thleng chiah aw," Hruaizela a ni, chawhnu lam khan Delhi a kal tur thu a rawn sawi tak kha, message en chuan ka mittui a rawn tla zawih zawih, "mi â pa," Ṭap zawih zawih chuan ka ti chhuak



Engtin nge kei ang, nuthlawi leh atan a ṭhat na pakhat mah neilo hi a nun ah min lakluh a ka kut a vawn duh pawh ka hrelo e... A â takzet a ni, ka phone chu en leh in ka mittui hru hul nawk nawk chuan ka switch off zui nghal, in sût ri hrawih hrawih in, mit ka chhing sawk



Muangchang a in lam ka pan chhat chhat chu Biaksangpuia hmel ka hmuh rualin ka ding dawt, eng nge maw a duh le??



A zawhna min zawh teh hrep nen, Hruaizela hming te chu a la lam ngam zui a, min hmuh ngam pawh ka rinloh vei nen



Sarah-i thu min hrilh nen, Vansangkimi ṭawngkam hman zawng zawng nen ka duh aiin ka ṭawngkam a mawilo tih ka hria, ka nu mai ni lo Biaksangpuia thleng chuan Vansangkimi ka chhan let dan chu meng kawk a, mit khap fak fak in min en hau ringawt



In pan chhoh na step ka thlen dawn chuan, Vansangkimi'n au tuar tuar in, "Lalnuntluang zawng uicho, ka that khawp angche," Car ah Biaksangpuia'n a nawr bet chung pawhin mi rawn la au tuar tuar ka ding leh dawt


Ka bân a ka nu in rawn hmer salh in, a lu a thing mat mat, "luh san rawh, ṭhenawm khaw veng an awm ṭhup tawh saw," A ti sup


Teuhlo lutuk, ani mah in zah a hriatloh chuan zah vak tur ka nei biklo a ni lawm ni? ka hawi let, "Vansangkimi, mihring tu pawh hian ze ṭha lo lai kan nei vek a nia, midang ze chhe lai cho chhuah kher hi tumloh tur, bauh bauh mahla i kut hmawr pawhin min tawk tawh dawnlo," Pangai tak a ti leh chuan in her in step ah ka chhoh pui nghal



A rak tuar tuar, ka hriat tawp ber chu, "Lalnuntluangi thi sâwn rawh," Ṭeng lutuk a a tih chu a ni


Inchhung kan luh rualin ka zawi hnawk, "nu," Jerome-an min rawn dawm pahin a ti vat



"ṭhut na ah sawn kai phei rawh," Ka nu nen chuan min dawm, ka in hum ruh zia leh ka ṭan zia ka hre chhuak, ka mit a hnawm chap, ka mittui erawh a tla thei dêr lo, couch a ka ṭhut rualin mit ka chhing zui hmiah


"I ṭha maw? A khawih hman che em?" Min en kual


"Bawiha, i nu tui rawn lak rawh," A tih zawmzat


Ka lu thing mat mat in, muangchang a meng in ka nu chu ka en, min en ve kar bawk, "diklo a awm em ni? Vansangkimi khan kut a thlak che em ni?" Ka nu mitmeng chu thinrim na in a inthlak zut zut, ka nui luih seih



Ka zawt ang nge zawtlo ang? Hruaizela nu sawi ang khan Hruaizela hi ka unaupa lo ni ta se engtin nge niang? Thudik lo ni ta se? Ka lu ka thing nawk nawk


"Nu, tui," Jerome-a chu ka en zawk, tui no ban pahin, "i nute Hlutei a rawn let ṭep ang zanriah ei tur in in buatsaih ang u, bawihte chaw ei lova siam rawh," Ka tih zawm sup, ka awm chhung ah hian boruak in min hnawh bet leh tawh, ṭawng ka harsat lutuk, Jerome-a bu nghat in a kal ve mai


Tui lem khalh khalh in ka nu chu ke en, "eng nge ni? Sawi chhuak mai teh, minti mangang," Ka awm dan ah sawitur ka nei tih a hria tih alang reng


"Hruaizela nu kha i hria tiraw?" A meng deuh kawk ; mahse, a insiam ṭha zui vat


"Tu Hruaizela a maw? Ka hrelo a nih dawn chu," Tih leh thawh a rual nghal



"Nu, pangai tak a ka zawh che hi," Choka lam a hawi tlat, a awm dan ah chuan ka ringhlel zual, harsa zet in ka chil ka lem khawlh, ka thaw dep dep bawk, a chhan chu thudik a ni ang tih hi ka hlau lutuk a tin ni


"Min hring tupa fapa a ni em?" Muang ban chap in ka ti thawp sup, ka aw ri chu a ring hauhlo, a rawn in her vut, min en kawk


"Engtin.." A sawi zo hmanlo, kawngkhar lam aṭang in Hlutei a rawn lut chiah, a tawp chat, ka nu chu rang lutuk in choka ah a tlan lut nghal



"In ṭha maw?" Choka lam melh a min rawn en leh chung a Hlutei'n a tih chuan ka bu nghat, choka lam chu ka mwlh ngawt ngawt, ka mittui a rawn hnam ṭiam ṭiam, tun a ka nu hmel leh awm dan ah khan a chiang a ni, Hruaizela hi ka unaupa maw??? Engtin nge a nih theih? A nih chuan J&CO nei tupa hi ka pa tih na em ni?



Ka awm na vawng vawng leh thîp sa ham ham chu ka dawm vang vang, "nangmah ni in lo ei mai rawh u," Ti bah nawk nawk a, thaw lak tum a boruak hip kawk kawk in ka room ka pan nghal chawn chawn


Hlutei'n mak tih hmel zet a min en pawh chu ka hmu reng



Ka room ka luh rualin kawngkhar ka kalh rawk rawk, chhuat ah ka ṭhu thla hnawk, ka lu ka thing, ka thawk lak harsa lutuk chu boruak hip tur awmlo ang maiin ka pik vek


"Engtin...engtin nge a nih theih?" Ka mittui a rawn far kauh kauh, ka awm ka chum dat dat, boruak hip tur a awmlo, ka thawk a sak in, ka âwm chhung leh hnungzang ah min hnawh tlat tu awm ang mai hian a na in ka tawt, boruak hip tum in ka âng hlawi hlawi, a harsa lutuk, ka room kawngkhar in chum dawt dawt chu ka hre ruai ruai, ding chhuak tur leh thaw la tur in ka thei dêr lo bawk




RINSANGA....POV


Office aṭang a in ka thlen rualin Jerome-a rawn tlan chho chu ka pan vat, "Apa Lr, anu room kan hawng theilo a," Thaw deuh hlap hlap a a tih chuan ka meng kawk, rang lutuk in ka tlan thla nghal


Nu Rami leh Tluangi ṭhiannu in kawngkhar an chum dawt dawt lam chu ka pan, "engthil nge thleng a?" Kawngkhar chum zui dawt dawt chuan Tluangi ka au nghal


"Ka hrelo, nichin deuh khan Biaksangpuia leh a nupui an rawn kal a, buaina an rawn siam deuh a," Nu Rami chuan a ti bah nawk nawk


"Biaksangpuia phiangsen chu(h)," Tluangi ṭhiannu in a ti ṭhat


"Awm sawn deuh rawh u," Tih leh ka nek sawk sawk


"Ṭhut thleng sei sawn kan sawh mai dawn em ni?" Ka melh zawk, ka bu nghat, kawngkhar bul a thing hlang hmanlai ve tak ṭhut thlengsei an hûn chu Tluangi ṭhiannu nen a in zawn chuan kawngkhar chu kan sawh leh dawt dawt, vawi li vel kan sawh hnu ah a ri ṭhawt, a in hawng nghal



"Lalpa..! Mate, Tluangi," An pan hnai nghal ruak ruak, chhuat a mu zawi hnuang mai chu kal hnaih ve vat a ṭhu thla chuan, "Tluangi," A hmai ah ka beng thak thak, a marphu ka dek, a muang lutuk


Pawm kâng lawp in, "damdawiin pan pui a ngai," Tih leh ka pen sawn pui nghal pawk pawk, Nu Rami lah chu a in sut nghal hlawp hlawp



Car hnunglam a mut lut chuan Nu Rami leh Jerome-a a hnung ah an ṭhu lut ve nghal, Tluangi ṭhiannu front seat a ṭhu chuan ka ṭhu lut ve vat, chak lutuk in ka tlan chhuak zui zat bawk



"Rinsang, hman hmawh deuh rawh, a thaw in ka hrelo," Nu Rami chu a ṭap pur, Jerome-an a nu a au ve mawlh mawlh bawk



Darthlalang aṭang chuan ka melh zawk, "hlauthawng suh u, nikhaw hrelo in a awm mai chauh a ni," Ka ti tak na in ka hlauthawng ru ve reng, nichin mai a marphu ka deh kha chuan a muang lutuk mah mah a ni



Damdawiin ka thlenpui rualin car ka ti ding tuar, ka zuang chhuak nghal, Tluangi pawm chhuak chuan damdawi in chhung lam ah ka tlan pui dawt dawt


"Bawiha, Tluangi hi lo en teh, vat," Ka ṭhianpa Rema ka hmuh rualin ka ti nghal vut vut


"Khum ah sawn lova mut rawh," Tih leh a kawhna lam ah chuan tlan zui in ka mut nghal, "pawn ah lova nghak rawh u," A tih leh chuan ka en vak, "lung ngai suh," A nui suk, thaw hawk in ka pen chhuak ve mai bawk



"Nute, hlauhthawn tur a awm lo ang," Tluangi ṭhiannu chu ka melh zawk, a hnem ve tak na in a mitmeng ah pawh a ṭhiannu a ngaihtuah zia leh hlauh ve zia a lang reng


"A rei tawh e," Nu Rami'n a rawn ti sup, a mittui a la tling piau reng, a tupa awmlai pawhin a insum zo meuhlo chu a ni, nu te nge nge, fa te ngaihtuah hi chu a na a nia nge? Ka nu ka hre chhuak lo theilo, ka damloh hlek oawh in a phi ve cheng zel a nih kha maw..!


Darkar chanve dawnlai kan nghah hnu ah Rema a rawn chhuak, "eng nge a an?" A thaw hak


"A BP hniam chu thu hran nise thisen var a thlachham lutuk a ni, thisen var pe thei emaw pek tur kan zawn a ngaih hmel, kan damdawiin ah lah hian kawlsa kan nei hauh si lo a, Basophils hi chu hmuh a harlo anga; mahse," Min rawn melh, Nu Rami chu a kat nawk nawk, Tluangi ṭhiannu in a dawm vat


"Mahse," chu eng nge awm zia? Kan zawn hmuh mai i ring em?"

Min en deuh vang vang, "damlo blood group hi i hre lo a ang, RH- a nih bakah Neutrophils white blood cells a nia," Ka thaw kawk


"RH- chu," Ka phun sup


Bu nghat nghat in, "correct, blood group vâng tak a nih bakah neutrophils cells a ngai bawk nen, a thisen zawmpui a an awmlo a nih chuan hmuh a har khawp ang," Ka mit ka chhing sawk


Nu Rami lam chu ka en, beidawng tih hriat lutuk leh an blood group a in anglo tih a hmel ah a lang zut zut


"Engtin nge ni ta ang?" A mittui a rawn luang nghal, ka sam tuai puat in, "Bawiha theih tawp chhuah in min zawnpui phawt teh," Ka ti hap, RH- kher chu a vang viau ang le..

Bu nghat a Tluangi ṭhiannu en zui chuan, "WhatsApp leh Facebook vel ah post lo siam ta che, Bawiha nangpawh, kim chang deuh kha post siam ula, tunlai ah social media a chak tawh a, kan hmu vat mai ang," Rema'n a tih rualin min melh zawk, zui tur in min duh tih ka hre nghal, ka bu zui nghat



Rema pensawn chu zui ve nghal in, "nau a pai emaw ka ti dawn a," A bul ka thlen rualin min rawn melh zawk chuan a ti sup, ka thaw huk


A nui suk, fiamthu na hun pawh a ni lo, "Tak tak a lawm, engtin nge nau pawm ni si lo, naupai bawk si lo, sawti tak a taksa chaklo a a awm theih, rilru hah na te a nei in i hria em? Bawiha, ka fiamthu lo, thisen a nei tlem bawk si, neutrophils cells phei chu ka sawilo zawk ang, kan pe vat a nihloh chuan a awmdan tur ka sawi theilo a nia," A rilru a buai ve tih hriat takin a ti hap

A nu te awmna lam melh chuan, "RH- hi chu pa lam ah hian a tam zawk a, nu te lam ah hi chuan tlem te an ni, a pa.." A tih lai mekin, "a boral tawh," Ka ti vat


A bu ve nghat bawk, "a nih chuan theih tawp chhuah phawt ang aw," Ka dar a beng thak thak a tih leh pensawn a rual nghal


Ka phone phawrh vat in WhatsApp group ah post ka siam ve nghal sawk sawk


Nu Rami'n damdawiin pawnlam a pan hlawk hlawk chu en zui in, "khawi ah nge kal a tum?" Tluangi ṭhiannu chu ka en, "ngaihtuah duh suh, Tluangi thisen pe thei tu tur a hria a lawm," A ti sap, a sawi awmzia phei chu ka hrelo na in, a pasal chhung te lam a be dawn a nih ka ring ve tawp a




HRUAIZELA...POV



"Zingkar ah chuan em ni haw i tum?" Ka melh zawk, ka whisky dawm lai chu ka lem sek bawk


"Tun ni 3 chhung rei zia hi i hria em?" Ka ṭhen zui sak, Lalnuntluangi phiangsen hian eng rilru nge a put hrep ni, a phone a off tlat chhan hi ni??

"I still can't believe it..." A lu a thing mat mat

"Eng chu maw?" Couch hnung ngheng dat in ka bawp ka khawkher zui zat


"Hmeichhe pakhat vang a i chiai hi maw le," An nui zui hak hak


"Ngawi maiteh, ka chiai hauhlo, hmeichhia vang a ni lo bawk," Ti hluk in ka whisky dawm lai chu ka tlak pawt, ka hrawk a sa thla vung vung, kei hi ka chiai a maw?? Teuhlo lutuk



"Wait, something a little strange through...."


"Ngawi mai mai teh u," Virat-a te pahnih chu ka melh zui hrawk, an nui hawk hawk


"I knew it.." Vijay-an lu thing mat mat a a rawn tih leh chuan ka ner sawk, za lutuk in an nui hawk hawk



"Okay, han sawi teh, tu hmeichhia tehlul in nge i mood han thlak kual vel a," Nuihza in sun tih hriat zet a Virat-an a rawn tih leh chuan ka no a whisky thli khat pam chung in, "hmeichhia a ni lo," Ka ti bul leh hmuk


"Seriously, C'mon Dude, i chal ah khan, 'Hruaizela fell in love with someone" tih lian tawk in a in ziak," An nui zui hawk hawk, ka rum nghut


"Hey..guys," Ka dak chhuak vat, "Sarah," Eng nge hetah a rawn tih?


"Wow, Dude, hei hi a ni tih ka chiang," Vijay-an a no rawn lek kâng zauh pah a atih chuan ka melh rum vak


"Zawn hmuh i har hle mai," Ka bul ah a rawn ṭhu thla zui zat bawk

"Eng nge i rawn tih?" Ka melh zawk


A hma a no chu la in a inthlit ve nghal, "ka bialpa ka rawn zui," Huh.. Ka chungchang a sawi na chu ni lul suh se


"Lung ngai suh, duh nei ve ve kan nih kha," A no min lek kân khum zauh a, ka ṭhian te lam nui sawng a en leh in a tlak zui pap, hmeichhe in a tan chuan a sn mah mah ka rin nen


Virat-a leh Vijay-a lah chuan chil thli tla lo chauh in an melh bawk


A bawp sei zet leh khuhtu awm manglo chu khawkher in, a hnute lian ṭha zet mai, lang phir ṭhai mai chu an melh zek zek bawk, hahthlak hian..! Ka bialnu chu nise hetiang thawmhnaw hi a inbel tawplo ang, Lalnuntluangi a ni lo hlauh vanneih thlak in


"Ummmm," Tih leh a lu ti che zauh in kan hma zawn a mipa chu min kawh hmuh zui zauh, Whisky lem chung a a melh na lam ka melh chuan ka nui ta suk


"Lung ngai suh ka tih kha, deal siam pui che ka tum mai a nia," A mit lian kelh kawlh in min rawn en dan dan, Mizoram a a mitmeng leh heta a mitmeng chu danglam tak a ni


"Eng deal mah siam kan ngai in ka hrelo." ka ti bul hmuk


"Ni lo e, inneih na kal tlangpui an tum tih i hrelo ang tiraw? Ni lo, inneih sawmna card an buaipui mek zawk maw le?" Ka meng kawk



"Deal kan neih a ngai tih i hrethiam tawh em? Eng ang pawh a luhlul leh mahni thu a duhthlan na siam thei pawh ni la, i hmeichhe duh i hum him nan kan thawh dun chu a ngai tho a nih hmel," A tih zawm leh zat




"Sawi chiang rawh," Ka no dawmlai dawhkan a dah ri khap chuan ka ti hluk, thu khuh kawi vel hi ka ti thei dêr lo


"Inneih na kaltlang pui vat i duhloh chuan, inhualna kha kalpui leh rawh, ti chauh chuan nang leh kei, Lalnuntluangi leh ka bialpa te nen kan him ang, ka sawi awmzia i hriat kha," A mitmeng leh a ṭawngkam chhuak mal tin mai chu ka nu chiah chiah


Za lo zet in ka nui hul hak hak, "chuan," Ka thle bak

"I chhungte leh ka chhung te, midang hmuh ah inhual ang in kan awm ang," A tawp dat, "A ruh lang rawt a ka hrilhfiah che a ngailo tiraw?" Whisky bawk a lem leh


A bialpa kan lam rawn panin a bul chet ah a rawn ṭhu ve zat bawk, Sarah-i mal ah a kut a nghat zui zat bawk, a hmel ah chuan mizo a nilo tih ka hre nghal, Naga lam a ni mahna



"Ka duh ka neih nan lem ka chan a ngai lo e," Ka nui hul hak


"Mahse, i hmeichhe venhim nan a ngaih hmel tlat si a ni, Hruaizel tunah hian i nu vangin Lalnuntluangi ni 3 lai nikhaw hre lovin damdawiin ah a awm tawh tih i hria angchu tiraw?"


"Eng maw?" Ka ding nghal zawt


"Calm down, Man, Sarah-in i puihna a mamawh ang bawkin, Sarah-i i mamawh ve dawn tih a sawi tum na mai a ni," A bialpa chu a rawn nui huk


"Ka sawi kha, i duhdan in thuthluk na i siam a ni thei Hruaizela ; mahse, kum 10 chhung pasal te nu leh laizawn te hmuhsih na hnuai a lo awm tawh hmeichhia hian rei a vawn theih che ka ringlo a ni, ka sawi awmzia i hria tiraw? Hmuhsit na leh hreawm dang tuar leh tur in i hmeichhe duhlai hi a chak tawk viau in ring duh suh," Sawi ṭha in ti fahran in a no a rawn lek kâng zauh, ruh lutuk in ka kut ka hum


"Virat, Helicopter ka mamawh, tun ah," Ka seh chilh rap rap


"But..."


"Virat, tun ah," Ka ti hrawk


A dar san ak in, "Ok," Tih leh a phone phawrh in tu emaw a be nghal mawlh mawlh


"15mins, inchung ah lo han nghak rawh," A rawn ti sup


Ka bu nghat, Sarah-i lam hawi leh chuan, "ka hmeichhia chu keimah in ka venghim thei," Ti bul hrawih in ka pensawn nghal pawk pawk, ka kaw chhung a sa pup pup bawk, ka nu hmel ka ngaihtuah ringawt pawhin ka puak darh mai dawn in ka hria

Ni 3, ni 3 teh meuh engmah hrelo in a awm amaw? Delhi ka kal zan ah Lalnuntluangi a hmu tih na phiangsen a nia, hreptak hian..!




XXXXXXX



"Ka psal thisen kha a thlawn a ka pek tir ring miah suh," A nui hak, "Hruaizela hi a unaupa a nih thu ka hrilh tawh a, chutiang bawkin nangpawh in unau an nih thu hrilh angche."


"Engvang in nge ka fanu chu dawt ka hrilh ang ni? I pasal fanu chu, ka fanu hi a ni tih i theihnghilh a nge? Kan fanu."


"Lalramtiam," A kut a hum khur dar dar, "dawt ka sawi chuang em ni? I pasal, i fanu pa chu ka pasal a ni a, tunah chuan nu hmunlo pahrang, unau diktak ni si an ni tawh mai lawm ni?" A ṭah nui ar ar


"Lalhmingsang, lawm na chang hrelo mihring diktak chu i ni, inthiamloh na chhe te pawh neilo a hei leh chen i dam hi a mak hial zawk, i pian na pa ngeiin a pet chhuah lai che a, tu nge inih pawh ka hriatloh kha, ka in ah ka la lut che a, ei tur leh silhfen ka pek hnu ah che, i naupai lai he ka kut ngei hian ka chhar bawk, kum 7, kum 7 chhung teh meuh mai ka inchhung ah ka chen tir che a, ram hna ka thawh a, nitin lo a hna thawk a kan chhuah lai pawhin in ah awmtir che in a nuam thei angber in, ka unaunu ang maiin ka enkawl bawk che; mahse, nang hian eng nge min pek let ni, ka pasal min lân a, i fapa kum 7 mi ka enkawl tur in i hnut chhiah bawk," Tluangi nu ṭawng tawp lam chu a riat nawk nawk


"Mahse, i enkawl lo a ni lawm ni? Ka fapa kha fahrah in ah i hnutchhiah a ni lawm ni?" A rawn au chhuak ṭhawt


"A dik, keimah, keimah ka ni fahrah in a dah tu chu, engvang in nge, engvang tehlul in nge ka pasal tlanbo pui tu, ka pum chhung a ka fa pa uire pui tu fapa chu ka enkawl tehlul ang ni?" A ti let ve tuar


"Lalramtiam, nang, nang..." Kut ṭang khur hlawk hlawk in a kawk, a mit a sen râm in mittui a tling piau bawk, "kha i thil tih avang khan ka fapa nen a kan i kar hi engtiang in nge a chhiat i hria em? Fahrah in a hnutchhiah a, kalsan tu emaw minti tih hi i hria em?" A ti zui ṭhawt



Tluangi nu chu a ṭah nuih hak hak, "i kalsan chu a ni lawm ni? A awmna hmun tur diktak ah ka dah zawk a nih kha, chuvang in kan nun dan tur rawn kawk kual lo hian thlawkbo rawh, i pasal hnung lam aṭang a minbei lo hian," Tluangi nu chuan a ti let ve ṭhak


***Riya***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:33 pm

LYING HEART
By floria laldansangi



14

TLUANGI..POV



"Rawn kal tawhlo tur in ka tih che kha," Ka nu aw a ni, an thusawi hria in, tunge a biak a, tunge rawn kal tih hre vek mah ila, ka meng mai theilo


"Ka sawi tawh kha, i fanu kut hi thlah leh mai mai tur in ka vuan lo," Hruaizela a ni, nimin lam pawh khan a rawn kal tawh tih ka hria


"Doctor engvang in nge tun thleng ala harh theihloh ni? Diklo a awm a ni lo maw?" Hlutei aw ka hre zui zat


"Ka sawi tawh ang khan a lung leh chuap thisen in pump hi a muang em em a, a thawkna dawt a zim bawk nen...."


"Chuan, a rawn harh thei dawnlo itih na em ni?" Hruaizela'n a sawi zawh hma in a rawn ti hluk, a aw chhuak ah chuan a dawh theihloh zia a lang


"Hruaia, chu chu ka sawi awmzia a ni lo, ka sawi theih zawng chu a harh hun nghah a ni mai, engtik hun ah pawh harh thei din hmun ah a ding tawh zawk maw le, a taksa ah hian diklo a awm tawhlo," Doctor in a tih leh chuan Hruaizela thawri hrawih chu ring tak a ni


"Lalhruaizel," Hruaizela nu leh bawk, a pen ri khap khap chu a rawn hnai zel, nimin lam ah ka nu a rawn ânkhum hrep tawh kha a duh tawklo emaw ni?


"Chhuak ru, in nufa khan chhuak teh u, ka fanu harh theilo nen, ka dawh theihchin en tum kher suh u," Ka nu aw chhuak ah chuan a ninzia a lang, a aw a chau ngawih ngawih bawk


"Eng nge hetah i rawn tih?" Bung zet a Hruaizela'n a tih zawh rual deuh thaw in, "nupui nei mai tur ini tih theihnghilh suh," A nu in a ti ṭhat



"Ka fapa hma ah hian in lan tawhlo turin ka ti che u, ni lo, Aizawl hi chhuahsan angche u," Hruaizela nu chuan a tih zawmzat


Muangchangin ka meng, ka dang ro lutuk leh hmui hil bam mai te, ka taksa rawl ṭhêm ṭhûm mai, vuak hrep ang mai a na te chuan ka duhang in ka che theilo


"Aizawl chhuahsan turin tihsual kan neilo," Ka aw chu a ri chhuak chang chang, ka dang ro lutuk leh hmui ro lutuk ah boruak ah a thâm ral ta emaw tih tur a ni


"Tluang."

"Mate."

"Bawihi," An vai mai chuan an rawn hawi dual, Hlutei'n ka kut a vuan nghal rawk rawk, ka nu ka lam a rawn pan nghal ruak ruak bawk


"Doctor, doctor ko rawh Hlute," Ka nu in a ti bah nawk nawk


Hlutei tho tur chu min vawn na kut ka hmer salh


Ka lu ka thing zauh bawk, Hruaizela ka lam rawn pan a tum a che hrut chu a nu in a ban ah vuan in rum lutuk in min rawn melh


A nu vawn na phih sawk in, "i ṭha em? Engthil nge i chung ah hian thleng teh hrep ni a?" Hruaizela hmel pawr fer mai, mut kham lo tih hriat zet a mit hnuai lam val kalh te chu en in ka khap fak fak


Ka taksa la na lutuk leh zawi nguai mai ah chuan ṭawng chhuah mai ka harsat, ka awmna te pawh ka hai lek lek zawk


"Tui kha," Hlutei lam ka melh, rang lutuk a tui ban chuan straw nen ka kâ ah a rawn dah vat, ka mutna khum adjust in ka ṭhu chhuak


Ka zûk khawlh khawlh, thla lér a tui leih ang mai a ni, ka hrawk a thîp thla vawng vawng thei nia maw le

"Bawihi.."


"Chhuak tawh rawh u Hruaizel, Tluangi a rawn harh tawh bawk a, hetah tih tur in neilo," Ka nu in a ti leh fak fak


"Ka.." Hruaizela'n a tih rualin ka thaw hak, ka no ken Hlutei pe pahin, "a tawk Hruaizel," A hmel a awmze hriatloh na lang chhuak zut zut chu en hreawm ka ti


"Aizawl chhuahsan turin tihsual kan neilo, i fapa nen hian inzawmna nghet neilah kan ni heklo..." Ka tih lai mekin, "Lalnuntluang," Hruaizela'n a rawn ti ṭhat


Ka ip chawih, ka boruak hip a sak ṭalh, nghet lutuk in blanket ka ṭham khawm, "chhuak tawh rawh u, in nufa buaina chu in inchhung ah chung fel rawh u," Hruaizela mit ah tak en chung a ti chhuak fak fak chuan ka in hum ruh


Ṭawng chhuah ka harsat zia chu, ka thaw a chham mai dawn in ka hria, ka taksa na mai ni lo, ka lungphu zawn hi a na vawng vawng; mahse, engtiang a nasa pawhin sual let mahila, kei leh Hruaizela inkar erawh, tun ah emaw nakin ah emaw a tawp na ala awm dawn tih, ka hming ka chian tluk a ka chian em vang zawk a ni


"Eng maw?" A nui hul hak


Ka mut na adjust a mu ṭha chuan Hruaizela dinloh na lam ka hawi zui hmak bawk, mit ka chhing zui sawk


"Lalnuntluang, sawifiah rawh," Hruaizela'n a ti leh hrawih, ka thaw em pawh ka hre tawhlo


"A rawn harh chauh a, a taksa a la chaklo in, a mah pawh a la in sa seng hlei theilo a ni a, heta buaina rawn siam hi duhtawk teh u," Hlutei'n a ti hlak hlak


"A sawi kha i hrelo em ni Lalhruaizel, ka sawi mawlh mawlh kha, a duh ang zat i pek theiloh chuan ala kalsan vat angche tih," A nu in elhsen leh dik inti fe a a tih zawh rualin, "ngawih rawh," Hruaizela'n a ti hrawk, ka phu nasa lutuk chu ka meng zui kawk bawk


A aw khauh zia leh mar ṭhat zia chu..! A bul hnai ah kan ding anga min vai thlu tawp ang tih hlauhawm tak a ni

"A ṭha e; mahse, in sawifiah na ka mamawh dawn tih hria angche," A seh chilh bap bap, a ṭawngkam chhuak ah chuan beidawn mai mai a tumloh zia alang reng bawk, a thaw ri hrawih hrawih te chu ka hre thei, a thawk lawk anga min rawn thing nawk nawk mai ang tih ka hlau rum rum tawh zawk


Kawngkhar a in khar rik ṭhuai rualin, "kan in hma chhawn tawhloh ka beisei," Ti ram hmak in Hruaizela nu chu a pen chhuak zui zat, ka thaw zui kawk kawk, boruak awmloh na hmun aṭang a chhuak ta hlawl ang maiin boruak ka hip kawk kawk


"A va han nasa pap pap tak, mihring pangai in a, "nungchang," kan tih ang kha a hre ve lo a ni hrim hrim, i ṭha tak tak maw?" Hlutei'n a rawn tih zawm zat, ka bu nghat


Ka nu ka melh chuan uluk lutuk in min lo en, "i ṭha tak tak em?" A phun sep, ka ṭha ka tih chuan dawt hlawp tawp ka sawi ngei ang; mahse, ka ṭhat erawh a ngai thung


"Ka taksa hi ala na deuh a," Ka phun sep, mit ka chhing zui zat bawk, ka ṭah chhuak lutuk hrawk na leh mit rawn thîp sep sep chu ka in hum ruh ngar ngar



"Ka lawm e, ka unaupa inihloh avangin," Ka rilru in ka ti ru mawlh mawlh bawk, ka oawm tak tak bawk, kut in vuan in, hmalam hun sawi dun theilo mahila, thisen ah inzawmna kan neilo tih hriat ringawt pawh hian minti hlim tawk tawh a ni


"Hlute, zanriah ei in kan chhuak dawn em ni? A muhil tawh bawk a," Ka nu chuan a ti vat, ka la muhil aw zawnglo tih an hre ve ve tih ka hria


"Umm," Tih leh Hlutei a ṭhut na aṭang a tho zui vat

An pen ri leh kawngkhar in khar ri ka hriat rualin ka mittui a rawn luang ngiai ngiai, Hruaizela ka mitthla ah a rawn lang, "tawpna hlimawm" an tih ang hi ka nun ah hian a thleng ve ngai dawnlo em ni? Tawpna hlimawm nei tur hian engthil chiah nge maw ka tih ngai le?
.
.
.
.
"I ṭha em?" Hlutei ka melh zawk, nimin mai ah damdawiin kan chhuahsan, Hruaizela emaw a nu pawh khami ni bak ka hmu tawhlo, news vel ah erawh an company chanchin leh Sarah-i nen an chanchin hmuh tur a tam viau thung


"Ṭha e," Ka ti ve tak na in ka kawchhung ruak vek leh ka thinlung khawi emaw lai hian tawpna hlimawm neihpui ala beisei a, kan nei ngai dawnlo a ni tih hre chiang mahila, "mahse" tih erawh khawi emaw lai aṭang hian zawi te in a rawn ri leh ṭhin hian, beiseina hlimawm, beidawn thlak si ah min hnuk lut a, min hmet chau leh ṭhin


"Lung ngai lutuk duh suh, kum 10 chhuang i chenchilh pawh i theihnghilh theih chuan thla thum li lek a i hriat leh duh emaw mai mai chu rei a ni dawnlo," A thusawi chu a mah pawhin a awih chiahlo a ni mahna a nui tawi tak

"Mahse, Biaksangpuia leh Hruaizela i en dan hi a danglam ve em a," A tih zawm leh suep, ka nui tawi ve tak


Ni e, ka thei ang; mahse....ka helai hi, ka lungphu zawn hi, ka ta a nilo tur leh hmeichhe dang min khawihna kut a a khawih tur leh duat tur a, kum khua a midang ta tur a ni tih ka ngaihtuah thlen a piang in, ka âwm hi a sa veng veng a, a na et et ṭhin bawk, mahni inrin tawkna ka din sa kha, a chim leh nge nge ṭhin


"Hlute, hmân ah ka pa tak hmuh ka chak thu ka sawi lai a i thusawi kha ila hria em?" Ka melh zawk


"Hria e, ka ngaihdan a la ni reng, takin a, i hna dil kha i damloh san ta daih sia..." A tih lai mekin ka hma dawhkan a ka fapa computer awm chu la kang a hmet eng chuan, "heihi," Tih leh ka en tir nghal


Meng deuh kawk in, "heng te chu a hahthlak lutuk lo em ni? Bakah i la dam chiang silo a, hnadang zawng zawk la, hlawh tam zawk pawh i hmu em em ang," A chawl dat, "J & CO neitupa pawh khan damlohna vang a nih chuan hnadang pek che pawh a in huam viau kha, Hruaizela hmuh i duhlo pawhin ngaihtuah vaksuh, ka zawt kual vek tawh a, a office ah a awm ngailo, hna pawh inlam ah an pe ṭhin," A ti zawi sup sup, ka nui tawi tak, min ngaihtuah vangin a lo zawt kual leh vak tawh tih ka hre nghal


Computer la let pahin, "ei in siam nuam ka tih zia i hriat kha, mahni nuam tih zawng thawh bak a hlimawm a awm hleinem," Ka nuih let ver ver

J & CO neitupa ka ngaihtuah chhuah chuan ka thawk a ti sak leh ṭawlh ṭawlh thei, Hruaizela nu in a pasal chu ka pa tak a ni tih thu a sawi lai a men chhuah a, "ka thi tawh tih hrilh angche," Tih ka chak zia kha, a thisen minpe pawh a ni mahna, a tih ve tur a ni; mahse, a thisen dil ngai khawp a ka awm tih a hriat hnu ah pawh vawikhat pawh a hmel pawh a rawn inlan lo hi mihrang ah pawh ka ngailo, Tv ah leh chanchinbu phek ah nalh tak tak in a mizia an ziah ka chhiar lai te a pa ṭha tak a nih ka lo rin ve na te kha...! Ka ngaihtuah peihlo zawk, tenawm hian...



"Huizzz, a dik a lawm, keipawh hi pasal neih a house wife nih mai mai a, pasal te hna bang kawngkhar bul a lo nghah mai mai a nia ka chak tak ni, hringnun hi e... A awl ai lo emai," Dawhkan a apple la a keih hmarh chuan thatchhe zet in a ṭhu zawi hnak


Ka nui chhuak hawk thung, Lalhlui berkher in a hringnun hahthlak zia a sawi ve teh mial chu ka nuih a ti za lutuk


"A bialpa pawh hmu zo lo khan khawi a mi nge maw neih i tum reuh le?" Kawngkhar lam kan hawi vat


"Mam," A rawn nui lut vur vur


"I va rawn let rang si ve, i mei hian a pet chhuak che nilo maw?" Hlutei chu a nui zui vur vur

"Kanpa te hi chuan e, khum ah bak min pet ngamlo, i awt in ka hria," Mam'in couch a ṭhu thla pah a a tih chuan Hlutei chu a nui uar uar


"Tak tak a lawm, inneih min sawm a," Nui pah a rawn tih leh tak ah chuan, "tun a mi hi maw?" Duhai ka aw a ring mah mah


"Ummm," A nui tut tut, a lai ve reuh emaw ni?



"Tak tak in Hlui i hun ve tawh alawm, kum 26 lai ini ve tawh a, kan fa ten, i fa te an la vel, an la vel mai ang aw," Mam'in a rawn tih leh chuan a ner sawng sawng


"Inneih chu duh ta ngawt pawh ni ila, zeplo chuan pasal nu leh pa hrawn hi ka peihlo a, fapa mal a la ni zui," A thaw deuh hak, ka nui sun sun



"Tak tak in, pasal neih hi hmanhmawh suh, kun 30 vel ah nei rawh," Mami tak hi chu a. Kan nui huk


"Tak tak a lawm, pasal i han nei anga, fa in han nei anga, nupa in han in ti thiamlo ve ngei anga maw, tlân tum in i bag ah thawmhnaw in khung turh turh anga, in vawk vulh sûm5 vel a lian tawh in hre chhuak zui anga, engzah man vel nge i chhut leh vek phawt anga, kalsan kha i ui ve laklawh leh si anga, ngawi reng a in dah leh riai riai hi thil awl te a nia aw," Za lutuk in Hlutei nen kan nui uar uar, mittui tla phung leh pum dawm meuh in kan nui uar uar


Ka ngaihtuah a thil nithei ni dawn hian ka hre tlat pek a


"I tum tawh chiang lutuk," Hlutei'n nui hawk hawk pah a Mami en chung a a tih chuan, "tum ve uai uai tawh e vawi 2 vel chu, ka fa te lehkhabu zawng zawng leh an thawmhnaw nen ka keng seng lo a ka indah let leh," Nui vur vur a a sawi phei chuan ka nuih a za tulh tulh, hmeichhia hi chu aw...!


Kevin-a leh Jerome-a vang a Sangpuia chhuahsan ka ṭhulh zin zia ka hre chhuak uar uar thei



Kan nuih uar uar laiin kawngkhar a rawn ri ral ral, "ka va hawng ange?" Hlutei a tho nalh, a mawng hi a zang thei a nia


"Tu.." A ti ṭawk tih ah Biaksangpuia nu leh pa an rawn lut hlawl, ka ṭhu ngil awt


Ṭhut khawm na lam rawn pan chuan, "i damlo tih kan lo hria a, eng nge i an deuh tawh?" Ka khap fak fak, Sangpuia nen kan inṭhen hnu hian inhmuh leh hi a awmlo ang tluk a ni, minti hamhaih zawk a lawm maw le


"A dam tawh viau e, eng nge pawimawh te a awm em ni?" Mami'n a lo ti vat


"Nia, Tluangi kan pahin Jerome-a hmuh kan rawn tum deuh a," Sangpuia pa in a ti sup, la sawi ve mai tur pawh ka hre chuanglo


"A pi nen an chhuak a an rawn la haw lo," A hre tawp si lo, Mami chu ka melh vat




"A nih tak chu a, Tluangi zawk tak hi a nia kan rawn kal chhan," Ka en vat


"Thu khuh kawilo in kan rawn kal chhan sawi mai ila, karkhat ah vawikhat, rinni a piang hian Jerome-a hi kan inlam ah chaw rawn ei se kan tia, a rem chang a ngem? Kan tupa a ni ve a, a ni bak tu kan neilo a, a remloh na em em tur pawh ka hre chuanglo a kan dil ve deuh hrim hrim che," A ṭawngkam chu hmân ang reng kha ala ni, chapo vah reng ang kha


"Chu, in rawn dil in, in rawn râwn der ve nge, in thuthluk na in rawn hrilh hria?" Ka chhan hma in Mami bawkin a rawn ti leh fak fak, a nui lui hak hak bawk


Ka ṭhut dan siam rem a Sangpuia nu leh pa hma chhawn chuan, "Jerome-a ka râwn phawt a ngai angchu," Ka ti sup



"Mami ka thusawi ila kawi a nih kha, a reng thu in Jerome-an a pa a huat dan leh keini min nl loh dan hi a diklo reng reng, fuih tu leh eng amaw zâwng kan chungchang sawi tu an awm a ni tih a chiang," Ka nuih pawh an ti za tawhlo, zaklo ka ti ve lutuk hi ka ṭah an ti chhuak rum rum


Sangpuia nu ṭawngkam ah chuan min dem zia a lang reng



"Naupang a ni a; mahse, naupang fing tak a ni thung, pa fa an nihna a bo loh avangin vawikhat pawh Sangpuia emaw nangni chungchang hi a chhe lam in ka la sawi hauhlo a nia ka nu, sawifiah vak a ngai in ka hrelo, Jerome-a ka lo be ve phawt dawn nia," Pangai tak in ka sawi chhuak, diktak chuan han ân khum ve phiar phiar mai hi ka chak ve rum rum ṭhin; mahse, ka fapa pi leh pu an nih miau avangin a rem chânloh na a tam zawk tlat a, ka fapa tan ka kâ ka chip tluk a awm miau lo a ni



"A ṭhat chu, Jerome-a awm hun âwm vel ah kan rawn kal leh dawn nia," Ti nghut a Sangpuia pa tho nawlh chuan kawngkhar lam a pan zui nul nul


"Jerome-a chuan a duh em em ang," In ring tawkzet a tih leh pensawn a tum rawn hawi let leh chuan, "pasal i neih zui ve mai ka ring kha ka ring sual tawplo, ni lo, ka rin i anglo zawk ka ti ange," A ner zui sawk, eng chungchang nge a sawi pawh ka hre neklo e, an mothar chu an hlimpui viau a ni phawt anga


"Awiii, awiii, ka kek hrep dawn maw ni, mihring hi ti em em hian a ni maw anlo zahlo a, an va han nasa nupa tak, an rahna hnu hi nawhfai zui hial a nia ka duh ni," Mami hlak hlak zel hi chu


Ka nui suk, Vansangkimi ka rilru ah a rawn lang hmasaber, sawi emaw Sangpuia nu leh pa a tlawn lungawi in Jerome-a hnaih a tum tih a hriat reng; mahse, a duh ang mai mai chuan a thleng bik tawplo ang





BIAKSANGPUIA....POV




"Jerome-an nangni leh Sangpuia a huat dan hi a diklo a lawm ka nu, i ti ve lo em ni Pa, helam ah enkawl ve deuh ila, Sangpuia nen an inkar pawh a zia awm chho ve mai lawng maw? Pafa an nia, hetiang tur hi chu a nilo maw le, Tluangi'n enge a hrilh phei chu ka hrelo na in, diklo chu a awm a lawm," Vani ṭawng ri ka hriat chuan luh a khak deuh ka duh voau na in ka bul ah ka ṭhianpa a din ve ran avangin ka pensawn ta zawk a



Ka lehkhabu chhiarna room a lut chuan, "lo ṭhu rawh, whisky i duh em?" Ka bag theh thlak pahin ka ti sup, ka necktie awrh ka pawt thawl zui zat


"Kan nu raino lai hi chuan in vaklo mahila ka pawi tilo," Ka nui huk


"Hmingthan lehh." Hmeichhia vang a chutiang ngaihtuah na a nei chu ka nuih a ti za lutuk


Nui vur vur a whisky dawhkan a chhawp chuan no hnih in ka thli chhuak zat


"In nei thar hlim hlawl in a, in nu in duh duh a a kawk kawi leh ân khum che hi chu aww..." No pek pah chuan ka nuih khum suk suk

Nimin lam a an nu ṭawngkam ka hre chhuak zui zat, "inṭhen ang, ka nei peih tawh lo che."

"Ka hne ngawih ngawih che, in inchhung leh a vel te hi ka hne lutuk." Ti tawn tawn chung khan a melh ram ram a, a la nuih pui mai mai thei a nia


"in nu raino ṭawngkam kha engtin nge i nuih liam pui mai mai theih a, khatiang te chu tlawm thlak i ti ve lo em ni?" Ka ti tak tak


"Ka hmangaih a lawm, chu lovah, nula nițhin taksa ah khan tisa thar a rawn insiam dawn a ni a, a tan dawnsawn a harsat dan tur leh nunna nei a taksa a rawn insiam avang a, a rilru a thunun theih loh dan tur zawng zawng ka hriatthiam pui avang in khang a thusawi zawng zawng kha nau a pai hmain a sawi ngailo tih ka chiang a, ka fa rawn insiam vang a ni tih ka chian em avang in ka haw phal lo."


"Ha! A nep thlak e mai." Ka ti leh hram. Ka țhianpa chuan whiskey thlit belh pah chuan min nuih sak

"Dude, Tluangi a dam maw?"

"Ka hre nek lo ve." A ni daih daih rawn sawi chhuah

"Ka sawi ve tur a nilo nangin, Tluangi tluk a hmeichhe hmangaih tu che leh dawh țang țang peih tu che hi chu an awm tawh miah lovang."


" Sawi tawh lo teh ang, ka hne teh a nia." Mahse, ka rilru chuan dik ka ti reng, kan inneih chhung leh Vani nen a kan in chenchilh chhung reilo te hi kum 10 ai pawh khan ka hne tawh zawk hial in nia ka hriat ni

"Umm, sawi tawh lo ang. Mahse, ka țhianpa ve ber hi ti hian pa tak emaw i inti a, mahse, i nun dan hi a hniam riau tih i inhria em?"


"Tun ah khan eng teh hrep maw i sawi a?" Ka ti hrawk

Engah vak ngailo a nui sun sun chuan whiskey no a awm zawng chu a tlak pap a

"Hmeichhe pakhat 'On' kual theih a i awm hi nep inti hle rawh." Zawi sap si, ngeiawm lutuk si hian a ti leh a, ka ṭhianpa leh ka best ni lo se ka hnek thal tawp duh ngei ngei ang


"Thudang kan sawi thei angem? Ka nupui hlui nen a kan chanchin sawipui tur che in ka sawm hauhlo che," Ka ti bul hmuk

Nui vur vur a, "ok, but, heihi chu ka sawi hrâm ang," Tih leh a no lek kâng zauh in, " Tluangi raino ṭawngkam haw tur a fuih tlat tu che hmeichhe thusawi awi a tun dinhmun i thleng hi i nuihzatthlak a sin, of course, khatih hun lai khan nangpawh i nuhah ve ngei ang ka ring, a chhan chu i fa tir a ni miau a, a hma zawng aiin dawhtheihna i tla chham a, chutiang bawkin ngaihtuahna seng tam peih lo tur tawk lek in i taksa kha a chau ngawih ngawih ang, kha vang tak a Lalnuntluangi raino thinrim ṭawngkam pawh palzam harsa ti i ni a.

Mahse, i hriat miahloh laia i nun a rawn in tah luh tum hmeichhe lakah leh zel i inveng theilo hi chu nep ka ti ve thlawt che, Vani hian khang hunlai khan eng thu teh hrep nge a hrilh che ka hrelo; mahse, Tluangi thusawi țhenkhat kha a hnen ah khan i sawi a ni tiraw?" Nui leh sak pah chuan min rawn melh kar

"Engkim ka sawi vek, uggghh, Tluangi hriat loh lai a ka kawp ve zauh țhin anih vang leh.. khatih lai khan Tluangi kha ka hmu hne deuh tlat a, Vani kiang ah khan hahdamna ka zawng a, min hnar phal lo tih chu i hriat kha, engkim ka sawi, chutiang bawk in khatih lai a ka mamawh dan ber in min hnem thiam ber a." Ka sawi laiin ngeiawm zet in a lo nui sak chu rum zet in ka melh nghek


"A hnem thiam khawp ang che, a țhiannu bialpa i ni tih a hre reng chung pawn a vir hiam hiam zel che a lawm." A rawn ti hluk, sawitur hrelo zet in ka ngawi ngal a.


"I nuhah ve em ni?" Reife hnu ah ka țhianpa chu ka zawt let a, ka țhianpa lah chuan nui sak chungin lu a lo bu nghut a. Ka thaw hawk bawk.

"Ka nuhah em tih vel ka hre sise lo, mahse, khang hun lai khan Tluangi kha ka hne, ka hne a ni tawp mai! Chuta kar ah ka fa a pai hnu ah min ngainep fahran in min la țawngkhum zui bawk nen.."


"Khatiang țawngkam hmanglo thei lo khan i siam zawk a ni lawm ni?" A rawn ti let khauh.

"Sawi tawh lo teh ang." Ka nghat, whiskey chu inthlit belh in ka tlak zui leh pawp, eng a hria nge maw ni ka nunhlui min sawipui chiam ni


"Tluangi nen in inbiakna zawng zawng Vani i hrilh vek tak tak em ni?" Leh ṭalh a

"Hrilh.. i lawm tawh em?" Ti nghek pah chuan a tho chhuak hluai a, tukverh lam a pan zui daih bawk.

Kum 10 liam ta a thil thlen dan vel chu ngaihtuah let in khawpui eng ut chu ka en vung vung reng a. Tluangi kha duh lo ka nilo, ka duh em em, hmeichhe dang ang lo takin min be hmasa ngailo a, a mize nu hnep leh ze zawi raih khan min hip em em reng țhîn. Chutiah laiin a țhîannu Vani lah in min lo beisei ve chhen a, ka tan a inphal in a țhiannu nen kan inkawp nghet tih a hre reng chung pawn remchang a dap kual reng a.


Rawlthar thaza chhuak cho, thisen lum hma hun ni bawk si chu Lalnuntluangi nawr luih ka duh loh avang in Vani lakah khan ka inhrithla ta reng; mahse, ka inthiam thei ngailo, Vani taksa ah duhtawk a ka chet lai reng pawn Lalnuntluangi ka suangtuah fo a, hmeichhe dang suangtuah reng chungin Vani taksa ah khan ka duhkhawp ka hmu zo ngailo bawk.


A tawp ah chuan Lalnuntluangi ka mamawhna a san em avang in ka tan a inhlan turin ka sawm ta reng, a la naupang a, chutiang bawk in min duh ve hle bawk, ka nei ngei ang tih ka tiam miau avangin min hnar ta biklo. A thianghlimna khawih chhiat sak tu ka ni tih ka inhriat țum khan ka hlim rualin inthiam lo rukna ka nei a; mahse, "ka nupui a ni ngei ang" tiin rilru ka siam nghet sauh sauh thung.


Hun a liam a, chhan hriat hleih loin ka thinche thar a, chumai nilo in Tluangi ka thlakhlehna a bo a, min rawn biak chang lahin ka lo hne ngawih ngawih reng a, ka chhungril ah inthiamlohna leh chhan hriat siloh a amah ka hnena khan an insual kual bulh bulh zel.


Tichuan Vani ah bawk ka țuan a, ani lah min chan loh hlau reng reng a hman hlel nibawk nen ka tan chuan engtik lai pawn a inphal a ni tawp!

A rai tih min hrilh hnu lawk ah Vani nen kan inkar pawh Lalnuntluangi'n a lo hre ve leh ta zel a, khatih hun lai khan ka chhunglam a, amah ka hnehna kha dah țha a, țha tak a insawifiah ka chak țhîn tak zet! Mahse, engthil teh hrep nge min mawlh ka hrelo, Lalnuntluangi ka ngaih chang apiang in Vani kiang ah zawk ka tawp leh țhîn.


Vani nen kan inkar a lo hre ve leh zel thinrim leh tlawm thlak ti bawk si in min rawn țawngkhumna țawngkam te, a inluling ve bar bar țhín te kha ka rilru zatve chuan ka cho chhuah a ni tih min hrilh laiin, ka rilru zatve in, amah hne na leh thlakhleh lohna te, Vani te țangkawp chuan 'i fa anilo ang, fiahna a awm loh chuan inpuh thluk tir ringawt suh ' tiin min hmin tlu leh der a.


Lalnuntluangi nen kan inkar a chhiat hlek lah Vani'n a lo hrethei em em a, ka pan hmasak ngailo in min rawn kal chilh thul!

Lalnuntluangi nen kan innei ta reng a, mahse, ani raino taksa cher țhîak leh itawmna neilo ai chuan Vani nula nalh leh ka tan a inphal em em reng bawk si chu hnar harsa ka ti zui ta zel a. Vani lah chuan min duat thiam in Lalnuntluangi min țawngkhumna țawngkam nââ tak tak te leh a taksa mawiloh zia te, Kevin-a leh Jerome-a pian hnu ah pawh naupang bak enkawl a neihloh thu te, ka tan nupui a tlinloh zia te ka theihnghilh palh ang tih hlau in âwm fahran in min hriat thar nawn tir reng a.


Mipa, tlawmna rilru put duh miah loh hun lai chuan Lalnuntluangi te unau min țawngkhumna kha chu pai dam a harsa țalh! Ka zep lo, ka cho chhuah nimahse hmeichhe lam zawk in khatiang a min țawngkhum kha chu theinghilh a harsa țalh ka ti.!


Ka ṭhian-a erawh chuan a nupui raino țawngkam chhia zawng zawng a pawm dam vek thei a, a nupui raino laia a nuhah ve pawh hmeichhe dang kiang ah inbunthawl loin a fa pai tu nen ngei an paltlang dun dawn anih hmel a! Khang hun lai khan lo upa ve tawh niila chuan khatiang teh thlawt lo deuh khan thil thleng kha ka hmawchhawn ve thei ngeiin ka ring.



"Dude, i fa pai tu ngei i thlauhthlak hlen theih nan a fuihtu che hmeichhia khan a hmangaih tak tak che i ring em?" whiskey no hûm ran chung chuan ka inher riai riai a.

Za vak lo hian min lo nuih sak bawk.

"I fa ngei i thlauhthlak loh hlau a fuih reng țhin tu che hmeichhia khan nang leh i chhungkua hi a hmangaih theih tak tak che i ring em? Aih! A țhiannu in dinhmun khirh khan lai ber a paltlang lai a, amah thlauhthla a, a pum chhunga i fa ngei pawh i fa a nih loh i rin theihna tur khawp a thu vaivir kual tu hmeichhia hian a hmangaih ngailo che. A țhiannu pum chhung a nausen rawn insiam mek hma ngai a, a țhiannu raino thinchhe ta chu dawh hram hram rih tur a fuih zawk tur che anih laiin, i rilru mumal loh lai chu remchang ah laiin neih nan che a bei zawk! Nausen rawn insiam țantir pawh hmangaih theilo tu hmeichhia chuan i nu leh ipa hi tarkún a an awm hun ah a hmangaihpui theih che ring miah suh." A tawp dat


Nui suk a, a no a whisky la bang zawng tlak pap in, "nichin mai a a ṭawngkam hman dan ah khan a thu vaivir duhdan chu hrethiam tawh tur i ni," A ti zui sap


Ka thaw hak ringawt, eng chiah nge ka duh a, tunge ka hmangaih zawk pawh ka hrethiam lo chu a niber hi maw???

"Ka nupui a ni tawh a nia?" A ṭawngkam fimkhur deuh tur in ka mitmeng zui hlak

"Kha tak kha i thil tihsual a ni tih i hria em? Lalnuntluangi leh Vani inkawm ve țhin an ni a, mahse, a hnar thei lo che tih i chiang hle bawk, hmeichhia nangmah hnar thei miah lo tu che kiang ah i inbun thawl kha khawvel a i thil tihsual lian ber a ni kumkhua tawh dawn a nih hi. Thiam takin Lalnuntluangi thusawi te kha inchhungkua hmuhsitna ang in a ngaihkual tir che a, i nuhah rilru seng tam peih lo lai leh a ma fa ngei, i nupui a enkawl tir lai a, taksa chawrche leh mahni in duat hmanlo lek a phir pawm ang mai a a buai lai leh thawmhnaw mawi leh pasal te tilawm hman lek lo nausen pahnih a pawmlai kha hun remchang ah a hmang char char ka tihna anih chu." A ti leh fak fak, sawi ve mai tur pawh ka hre tawhlo; mahse, a thusawi khan pakhat mah han hnial eihna tur pawh ka hmu chuanglo, Lalnuntluangi hmel ka mitthla ah a rawn lang zui uar uar


Ka fapa ngeiin phone aṭang a min huat thu leh a nu keimah vanga a damloh thu a rawn sawi te chu ka beng ah a rawn khawk rum rum


Za lo zet in ka ṭhensak sak ringawt


***Riya***

Note : Ka regular lo em em tih ka hria, ka inthiamlo lutuk hi comment leh message chhiar pawh ka ngam lo chu a ni ber🙈🙈Zirtawp ni khan ka pitartei ICU aṭang kan chhuahpui chauh a, kan la dam hleitheilo nen minlo hrethiam hrâm hrâm turin inthlahrung em em chungin ka rawn dil a ni e🙏❤️❤️❤️)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:34 pm

LYING HEART
By floria laldansangi


15


XXXX


"Pasal te a ruk a zui chu i inhmeh viau in ka hrelo," Vani chu a hawi nghal vat a


A hnung a ding, a ṭhiannu, a pasal fa pai mek tu Feli hmel a hmuh rualin a ding ngil awt

"Ka zui ru hauhlo," Pasal zui ru nih chu a duh bik hauhlo tih a hmel ah a ti lang vah bawk


"Khatia an pafa en ru duk duk kha zui ru chu a ni mai lawm ni?"


"Lalrinfeli."


A ṭhiannu chu a nui hak, "i rilru ang kha ka hrethiam, nangmah ang chiah a nupui nei lai lo ngaizawng ṭalh duh an tam em a tin ni," A meng kalh ralh ralh


"I kâ kha veng ṭha rawh," Vansangkimi'n a ti deuh hrawk


"Ka ven vang zawk a ni lawm ni tun thleng a nau i pai tak tak lo tih i pasal pawh in a hriatloh ni," A nui sang, ngeiawm lutuk a meng kalhin, "Ohhhh, i chhiat tak e, opsss, ka tih awmzia chu nau i chhiat der zawk maw le, Vani, Vani, lemchan na khawvel ah hian zuang lut law law teh," A tawp lam chu a seh chilh deuh nak nak


"Ka hna aṭang a min ban tur a hrilh tu ini tih ka hre bawk a nia," Feli chuan a tih zawm hrawk


"Chuan, helai hmun ah hian i thinrim na rawn hri thla in, min rawn vau tihna em ni?" Vani chuan in hum ruh ngar leh mit thîp zet mai, ben mai in huam in a en


"Vau lo e, ka vau zâm ngailo in i zâm sa a lawm," A tawp dat, "a ni lawm ni, nitin, ni lo, darkar tin zawk maw le, i pasal in a uire san che hlau reng reng leh nangmah angchiah a mahni taksa thehchhuak duh an awm ang tih ngaihtuah reng reng in i awm miau a," A ṭawngkam chhuak chu a chang telh telh


"Khum laizawl a i pasal beng bul ah thlum tak tak a i thlem na ṭawngkam te, i taksa hmang a a rilru suk thlek i sawi nghin ṭhin te khan hna an thawk tawhlo tih i hmu tial tial bawk dawn nen," A sawi laiin, "Lalrinfel," Vani'n a rawn ti ṭhawt, ben tum a a kut a lek kân uai chu Feli'n lo man chat in a paih sawk


"I sum hmang a hmeichhe dang i umbo ṭhin angchiah khan nangmah leh nangmah ila in umbo dawn tih hria angche, ohhh, thil pakhat engtik ah mah nang leh kei, hmeichhe dangin Biaksangpuia thinlung hi an luah ngai dawnlo, hmeichhe pakhat chiah a awm tih kan hre ve ve, mahni i inbum a, mahni pawh in hmangaih zo lo leh i hrin i fa ngei pawh hmangaih zo lo khan saw i pasal saw i hmangaih thu sawi tum ngai tawh suh," Ti leh tuarin thaw a la zui kawk kawk


"Chutiang sawi turin enge inih bik le?" Vani chu ngeiawm lutuk in a rawn nui, "ka pasal in a chakna hrikthlak na hmeichhe pakhat, ka pasal sawn pai mai mai inih kha," Ti ṭhawt in a bag aṭang a pawisa phawrh rawk rawk chuan Feli hmai ah a vawm zui sawk bawk


"Kha kha a ni lawm ni i duh, la la, thlawk bo angche, ni lo, khawkhat ah kan awm theilo tih i hrethiam ang tiraw," Vani mittui a tla lek lek


Ṭah nuih hak hak in Vani a en leh, "kan danglamna i hrelo tak tak em ni?" Mittui tlingpam in a en, "keichuan ka fa, ka pum chhung a mi hi tih tlak tum in emaw hmeichhe dang enkawl turin ka phal lo, pawmlai nei fa ka pai a ni mahna, nang ang êm chuan ka nun rawng lo, ramsa te pawhin an fa te chu an hmangaih ṭhin, ka sawi awmzia i hria em? Ramsa pawh i tluklo ka tihna a nih chu," Ti kha fak fak in melh hrawk


"Lalrinfel, helai hmun ah hian min rawn cho hauh suh, ka ṭhian ilo ni tawh ṭhin emaw, khawlai a ni emaw ka pawisa ka ngailo tih i hriat kha, maw, ramsa nen min tehkhin tihna em ni? Ni e, a dik, ramsa aiin ka ṭhat bikan a awmlo, i hrethiam tawh em?" Vansangkimi'n seh chilh deuh rap rap chuan a ti bap bap, a duh ang a ring a a ṭawng a nih vaih chuan Biaksangpuia'n a zui ru a ni tih a hre nghal dawn tih a hriat vangin a ṭawng ring ngamlo in, a in hum ruh ngat ngat, a ha pui a ṭhial deuh bap bap bawk


"Ka cho hauhlo che, ka hrilh zawk che a nih chu, i hnuk chah dawn thlengin hrereng rawh, rilru nuam in zankhat pawh i mit i chhing ngailo ang," Chiang fek fawk a tih leh kalh kalh chuan Feli chu a in her zui zat


A hnunglam ah Vansangkimi thinrim a in per tan tan bawk



BIAKSANGPUIA.....POV


"I nu a dam tawh em?" Rei tawk fang ka fapa nen a kan ṭhut dun hnu ah ka ti sup, ka fapa, kum 11 lek a upa hma ah sawi tur pakhat mah hrelo a kan awm chu maw le


"Dam tawh e," A hmalam a en tlat, ka biak duh thu ka sawi aṭang leh kan ṭhut dun aṭang in vawikhat mah minla en lo, melh pawh minla melh eih lo zawk maw le


"I piancham ah engmah ka tihsak si lo che a, hei hian i mamawh i lei dawn nia," Min rawn melh zawk



Ka pawisa pek chu ka lam a rawn hnawl in, "a ngailo, anu in min hau ang," Tih leh tho nalh in, "tuition kal ka ngai a," A ti leh sup, ka bu nghat nghat, pek luih tum eng ang mahila a la dawnlo tih a mitmeng fiah zet ah chuan a lan avangin ka nawr lui duh ta lo, a mitmeng ah hi chuan Lalnuntluangi chiah chiah a ni


A pensawn tur chu, "Jerome," Ka lam a rawn hawi, "i nu nen kan inkar chhiat chhan ah hian ka thiamloh vek a ni tih hria la, keiai nasa in i nu hmangaih angche," Engvang a sawi ngawt nge ka nih pawh ka hrelo

Bu nghat nghat in, "ka hria a lawm, chuvang in anu nen thu kan tiam a, apa i tel lovin ṭha deuhin hmalam kan pan ang tih," Min nuih ver ver, ka mit ka khap fak fak, Tluangi hian eng chiah nge a zirtir a, a hrilh ka hrelo, ka fapa ṭawngkam leh hmel ka en hian ka te chem chem a, khuk ral chum chum ka duh tih erawh ka hre thung


School lam a pan chu ka en vang vang, ka hmai ka tuai puat, ka lu bur chhung hi eng tih hriat loh in a hnawk nuaih in, thenfai theihloh khawp a khawl la in zam hnawk ang mai a ni, ka fapa mitmeng ah khan min huatna hmulo mahila, natna, ka hriat thiampui siloh natna ka hmu ni maiin ka hria
.
.
.

"Khawnge i kal kawi a," Ka kawrchung hak ka phelh, ka melh zawk


"Ṭhian ho in no kan dawm leh," Couch ah ka ṭhu thla hnawk, mit ka chhing zui hmak bawk

"I chiang maw?" Hreptak a, ka kalna leh ka thil tih engkim hriat a tum chhen hi a bansan theilo em maw ni

"Duh tawk rawh, ka ṭhian te..." Ka tih deuh hrawk chu

"Dawt, Jerome-a i hmu a ni tiraw?" Ka en zawk, thaw la kawk in, mit ka chhing lehnghal


"I hriat chuan engvang a min zawt leh nge i nih?" Ka ti zui hluk bawk


"Sangpui, ṭha tak a ka biak che chuan pangai takin min chhang theilo em ni? Dawt min hrilh fi tih sawi tel miah suh?" Ka tho thurh


"Ka inbual dawn," Tih leh bathroom lam ka pan nghal


"Jerome-a huat tel a, hmu tawhlo tur a hrilh tur che in min nawr lui suh, dawt, dawt min hrilh hi engtik aṭang in nge i chin ka hrelo; mahse, Lalnuntluangi ang a bum kawi theih ka ni lo ka tih tawh kha," A aw a ringlo na in a thinrim zia a lang


Chhanglo in bathroom a ka luhsan chu a ke a per ri tan tan, shower hnuai a ding vang vangin ka mitthla ah Lalnuntluangi a rawn lang, "engtik ni ah emaw ka chung a i thil tih avang hian ila inchhir ang, ka hrilh che a ni lo, ka tiam che a nih chu," A tih kha ring lutuk in ka beng ah a rawn ri khawk rum rum, na lutuk in bathroom bang ka chum dawt, ka nui hul hak hak, "Lalnuntluang, eng ang hmeichhia nge maw i nih hreptak le..?"


"Biaksangpuia kut vuan tur khan ka huaisen tawk a, a tel lova nung tur pawhin ka chak tawk," A tih pawh kha a dik a ni, tun ah phei chuan a chak tawk tawh mah mah a ni, engkim...engkim a sawi kha a mal te te in a rawn thleng dik tih, ka beng awmna ka chian tluk in ka chiang mek hian min pawt pil tial tial hian ka hria

.
.
.
Bathroom aṭang a ka chhuah rualin Vani'n min rawn pan vat, a tihdan ṭhin ang bawkin a mut kawr pan diar mai, a hnuai ah engmah inbel lo, chhing zet mai nen a min rawn din chilh chuan a nui sen sen, a rimtui hman tak lutuk chuan lu a verh in a ti na ngut ngut thei, namsawn ka tum chu ṭang deuh nghat a


Ka âwm rawn chul riak riak in, ka taksa vawt thler mai, inbual na avang a tui fim la bawl sep sep chu fawp dan dan in, ka mal ah zût thla chuan ka towel ven chhan ah ka mipat na a ṭham salh, nidang chu nise ka fawp nawk nawk anga, khum ah ka theh thla zui leh mai tur a nia, tun ah, tunah tak erawh chakna pakhat mah ka nei miahlo


Thaw hak a a kut min chul kual na man chat in ka en chhuk run, rawn nui sen sen a, a kut lehlam a ka hmui tuai zauh a min fawp zauh chuan, "Dear, fa dang neih hi kan tum leh chhin dawn em niang?" Ka thaw kawk, ka vawn na thlah nghut in engmah sawilo a namsawn hret chuan ka towel ven phelh in khum ah ka lawn kai zui zat


"Sangpui," Lungawi chiahlo tih hriat zet a rawn lawn kai ve in ka bul ah a rawn tawlh hrat hrat


"Ka chau lutuk," Ti sup in mit ka chhing zui vat chu thinrim tih hriat zet a ka mitpat na hmer salh in, "min hêl i tum tihna em ni," Tih leh a kut a ti che zui zat, ka thaw chhuak hak, "Ka chau..." A kut a ti che rang zui zawt zawt, ṭhensak sak, ka thaw hak hak bawk


A kut zei zet mai a ka dul zût in a fawp zui dan dan bawk, ka hmui a rawn fawp dam diai chuan, "min hnar rei theilo tih kan hre ve ve," A aw chu tisa chakna in a khat, ka nghawng nul thuak thuak in ka beng ah a sawp zui nawk nawk


Ka mipat na hr**t zawt zawt chung chuan min fawp kual, ka thaw chhuak hak hak, Vani pawh a rum chhuak ham ham, "Sangpui," Aw khur dar dar a tih leh ka mipat na khawng zet mai chu en in, ka chung ah a lawn zui zat a ṭhut tlum chawih in ka rum chhuak hawk, dak deuh arh in a rak ṭhat bawk


Mitmeng phi luai a min rawn chuan, "hmeichhe dang mamawh lovin ka siam thei che ka tih kha," Bah nawk nawk a tih leh a sawh zui chawk chawk, thaw hak hak a nui ve suk chuan duh thawh lutuk in hnuailam aṭang in a hnute ka ṭham tawn tawn


Vansangkimi'n a ka hming a lam ṭhat ṭhat chu, Lalnuntluangi bawk minti hre chhuak, ka mit chhing sawk a Vansangkimi lehthal ṭhuai in ka dep zawt zawt, rak ṭhawt ṭhawt pah a hlim tih hriat zetin a nui ar ar bawk, "ka sawi kha, i mamawh zawng zawng pe thei tu che ka ni," A rawn ti ṭawk ṭawk bawk****



Zawizet a mu thla hnawk chuan thaw ka la halh halh, ka bân khan a thaw ve hak hak chungin, "Sangpui," Min rawn melh chho, ka melh zawk


"Eng nge?" Tih melh a ka melh chu hmai sen hlar leh thlan deuh chap a a hmui liak zeuh in, "fa dang hi nei leh ang, kan pahnih fa," Min en kar, a thawk lak leh lungphu pawh a la pangai biklo


Thaw ri hrawih a namsawn pah a ka mut dan siam rem chungin, "fa neih belh ka tum tawhlo," Ti sup in ka mit ka chhing zui zat, ka tum tawhlo a ni hranlo, ni lo, Lalnuntluangi lak ah bak fa neih ka tum tawhlo a ni mah zawk, Vansangkimi emaw lalrinfeli emaw hmeichhe dang hrim hrim hi, ka tan chuan fa neihna tlak an nilo tih ka chiang mah mah tawh



"Eng nge i sawi awmzia, fa min neihpui i duhlo i tihna em ni? Chuvang em ni a chhung ah itih tlakloh?" Ṭhu chhuak chuan ka puansin a rawn hlip zui sawk, ni e, a vawr tawp kan thlen hma in ka mipat na ka phawi chhuak a nih kha


Blanket pawt chho leh a meng chuang miahlo in, "naktuk hna kal hmat ka ngai a nia," Ka ti sup

Lungawilo tih hriat zet a chik lui ngher ngher chuan, "fa kan neih chuan Kevin-a kan ngaih pawh a zia awm dawn a sin, Duhtak i nu leh pa te pawhin tu hmel dang hmuh an beisei tih i hria tiraw?" Ka nui chhuak hak


Kevin-a hi a ngai ve tak tak emaw ni? Hahthlak hian..! A chang chuan ka hmeichhe kawp, kum 10 tal tawp nupui nei chung a ka kawp leh tun a ka nupui ni ta, ka hriat chian em em mah nise, a chang hi chuan zah a hrelo lutuk hi a mak ka tih chang a awm fo


Lalnuntluangi sawi chu nise "î hê" lo in ka awi anga, ka hnem in, fa dang ka duh ngei ang


"Nuih na tur a awm em ni, i nu leh pa beiseina san zia i hriat kha," A ti leh hlak hlak


Kan in a kan chen dun na hi kum 1 a tling thuak tawh; mahse, ka nu leh pa hi, "ka nu" emaw "ka pa" ti hian a sawi ngailo, "i nu leh pa," A ti kher ṭhin, ka ngaimawh hranlo na in, a duh a dil dawn chauh a, "nu emaw pa" ti a ko diam zel hi en har ka ti tulh tulh thung, a tir a eng ngahmah a ka ngaihloh thil ho te te kha ka ngaitheilo thar ta riau hi ka in hrethiamlo, pawimawh leh duh a nei te a nih ngawtloh chuan ka nu leh pa te in, Mizo ten a, "in pui" kan tih mai hi a kal ngailo hrim hrim, kan in pui aiin a nu leh pa te in ah lawr tam zawk bawk a, Lalnuntluangi nen danglam na tamtak an nei a ni tih ka hre chiang tulh tulh bawk



Meng chhuak a a mit ah tak en chuan, ka thaw leh hak, ka kut la kâng a a biang a dawm chuan, "mahni enkawl theihloh tur neih buai a ngai em ni?"


"Sangpui," Min melh ram ram, ka sawi awmzia a hre chiang mah mah


"Mu tawh rawh," Ti leh sup chuan mit chhing zui zat in ka in her zui hmak



"Lalnuntluangi nen a fa neih dun i rilruka nih chuan theihnghilh angche," Ti ram hmak chuan min hlat thei angber a mu in a thaw sawk sawk

"Lalnuntluangi hming kha lam tel ziah suh," Ka ti hluk, ṭawngloh ka tum viau na in, a kâ leh Lalnuntluangi hming a lam chhen hi ka hne ṭhin, ni lo, lam ri fo lo se ka duh, chhan sawi tur awm silo in ka thinrin urh zel
.
.
.
.
"Sangpui, i nu bul ah khan ka thawmhnaw a nawh mar sa ho kha kan room ah lo dah ngei ngei rawhse aw," Choka a rawn dak zawk a Vani'n a tih chuan mit ka chhing sawk


In her a tlan chhuah nghal a tum chu dawhkan chum ri ṭhuai in, "Vansangkim," A ding dawt

"Ka nu a samlo tih i hria em?" A rawn in her


"Hre nang, a sawi silo a engtin nge ka hriat ang," A hmel landan leh ṭawngkam ah a ngaih pawimawh loh zia lang chhuak chuan ka thin a ti tawp up up


"I thawmhnaw, ni lo, he inchhung khur enkawl tur i ni, ka nu nilo in, he inchhung nuber hi i ni, i pasal nu in thawmhnaw a nawhsak che in, inchhung khur tihfai zawng zawng a tih sak che a, ti chuan "i nu" ila ti fo bawk a, i zak..."


"I nupui hlui ang a house wife satliah, inchhung hna khawih a, pasal nu leh pa te in nitin a tihfai leh eitur siam sak tur chuan min beisei lo tiraw?" A rawn ti let ṭhat


"Ka tihpalh, a damlo tih ka hrelo a tin ni; mahse, Biaksangpui hre rawh, he inchhung ah hian chhiah hlawh ni tur in ka rawn lut lo tih hria angche, ni lo, awmpui ka pawisa in ka la a, vawi hnih khat ka thawmhnaw a nawh leh inchhung mintih fai pui chu eng nge i huat viau a, i nupui hlui ang mai a inchhung a min khung bet a, engmah hrelo ang mai a awmtur in min ti miah suh," A sawi zo chu a thaw deuh kawk kawk


Thawh thut a ka rehbeh mailoh nan ka kut lehlam a fork ka hum chu nghet lutuk in ka hum, Ka ha pui ka seh ri bap bap


"Chuan, i nu a nilo em ni? I nu a lawm, ka sawi sual em ni? Thinrim na tur ringawt hi zawng suh, hna ka tlai dawn," Ti leh zat chuan a tlan chhuak zui zat, thinrim lutuk in ka hma a thleng leh no chu ka hui thla ṭhuai, dawhkan ka chum ri ṭhuai bawk, phiangsen hian..!








TLUANGI.....POV


"Chhuak la sawifel pui teh, zantin mai khutia awmtir chu a fuhlo emai Tluang, tleirawl inngaizawng leh inṭhen pawh in ni lo a, felfai deuh in thu tawp siampui la ṭha ka ti," Phone khawih mawlh mawlh pah a Hlutei'n a rawn tih chuan ngawi ngal in TV ka en ngal


Ka nu leh Jerome-a an mu tawh, Hruaizela pawh luhlul zet in a tihdan ngai te bawkin kan kawmthlang, kawngpui kam ah a ding leh run tawh bawk


"Nutei pawh hian a hrelo a ni miahlo a nia, engpawh chu a chhan lo nise in inkar ah hian in rawlh vak a tumlo tih a hriat reng, chuvang in nangmah kha in zawt la, kar 2, kar 2 chhung khan mut mu pawh i tuah ṭha theilo, i rilru kap tu awm tlat kha chin fel tum rawh," A rawn ti leh hlak hlak


Za lo zet a nui lui sûng chuan a lam ka hawi, "ka tan i sawi nge Hruaizela tan?" A thaw hak


"Ka fiamthu lo tih i hriat kha, engtik thleng nge tlan chhiat i tum? Thla 1, thla 2, nge nupui a neih thleng i biru zawk dawn? In ngaihtuah rawh, naupang chhia in ni tawhlo, engpawh chu a chhan lo nise, felfai tak a tawpna neih hi a ṭha ngai," Tih leh fak fak chuan a ṭhut na a ṭang a tho in min rawn melh a nui lui sûng in a room lam a pan zui zat, ka thaw chhuak hak thung


A sawi dik; mahse, engtin nge Hruaizela ka hma chhawn ang? Eng thu nge ka sawi anga, eng chhuanlam tehlul nge ka siam ang? A hma a ding tur a ka in dah chhin ringawt pawhin ka lungphu a rawn phu chhuaklo chauh a nia

Tukverh aṭang a en dek dek chuan car ngheng a ding ngul mai Hruaizela chu ka en deuh vang vang, mit chhing sawkin kawngkhar lam ka pan thurh
.
.
.
Kawngkhar bul ah ka ding dat, thaw ka la kawk kawk, Hlutei sawi ang khan tlanchhiat san aiin tawpna felfai neih chu a ṭha zawk lawm ni?

Kawngkhar ka hawng riai riai, ka ke pen sak ṭalh mai chu chhuat ah a in chatbet ta emaw tih mai tur a ni

Muangchangin Hruaizela din na lam ka pan, step ka pen thlak chhung ringawt pawh khan vawi engzat nge let leh ka tum pawh ka hre hrep lo e a, ka hnaih tulh tulh a ka lungphu lah a rang tulh tulh bawk

Car ngheng a, kekawr ipte zen chung a kawi sawi zet a ding kun ngal chu en in ka pan hnai


A rawn hawi chhuak, min hmuh rualin a ding ngil zawt, hlim tih hriat zet in a nui zui suk bawk, kei erawh ka thaw dep dep thung


"A tawp a tawp ah," A phun sup, rawn pen hnaih a tum chu ding dat in, "ti khan....ti khan sawi rawh," Ka aw a khur lek lek, kan in din hnaih lutuk chuan ka danglam na leh ka lungphu ri thleng a a hriat ka hlau êm a ni



"Bawihi."


"Sawi tur inei a nih chuan sawi vat rawh," Ka melh zawk, hnuailam ka en lehnghal


A thaw ri hrawih, "Ok," A chhip sam a tuai puat, a hmel mut khamlo tih hriat zet leh pawr fer mai, a hmai leh khabe vel a hmul ṭo siar siar te leh mitsen deuh râm te nen light êng tuar hnuai ah chuan a hlauhawm lek lek



"A chhan, a chhan ka duh ka tih kha," Chiang lutuk in min en


Ka thaw em pawh ka hrelo, ka lungphu zawn erawh a sa ham ham thung


"A chhan sawi turin kan inkar ah engmah a awm hleinem."


"Lalnuntluang," Ka phu zawk, ka thlawk chhuak lo chauh, ka lungphu a ai nasa in a rawn rang zui zawt zawt, ka en kawk bawk, ka thaw chhuak kawk, ka lungphu beng daih tum chuan mit ka chhing deuh sak sak


Thaw dep dep in, "kan pahnih inkar chu tihpalh, tihpalh thil thu a thleng a ni," Ka aw zet chu, a khur lek lek chu sawiloh ṭah chhuak deuh te pawh ka ang a lawm le



"Tihpalh thil thu," A nui zui huk huk, mi rap lek lek, a nui ri chu a rapawm lutuk mah mah


"Thudik, thudik ka duh, dawtsawi i thiamloh zia i hria em?" Min rawn din hnaih zat, ka tawlh hnung tur chu ka dar tawn tawn ah a man chat bawk


"Kut, kut thawh suh Hruaizel," Ka ṭawng a bah nawk nawk


"Ka khawih pawh i duh ta lo i tihna em ni? Lalnuntluang, a chhan ṭha tawk tak minpe rawh, tunge i hlauh, eng nge i hlauh? Ka nu, ni lo, i nu, tunge a i hlauh a engber nge i hlauh?" A tawp lam chu mar fia fia tak a ni, ka dar a hmer na a hit mer mer bawk, ka ṭhen sak sak




"A na a nia," Ka thaw ṭawk ṭawk


"Sawi rawh, sawi ta che," Kan hmai a in dailo chauh tawh, a thaw ri hrawih hrawih te leh min hmer na hit chum chum te chuan minti tliak tak ngial dawn

Mit ka chhing sawk, "nangmah," Min en kawk, "nangmah hi ka hlau che, a tawk em?" Lalpa leh..! Ka aw a khur eihlo, pangai leh mar zet in ka sawi chhuak chu lawmthu ka sawi ru nghal mawlh mawlh; mahse, ka mit a rawn hnâm sawk thung, ka khap fak fak


"Maw?" Min vawn na a thlah dul hret


Ka sawi kha a hrelo a nilo, a ringlo mai zawk a ni; mahse, a rilru a a ngaihtuah dan leh ka ngaihtuahna a awm, ka hlauh chhan erawh a dangdaih thung


"Ka hlau che," A rawn nui hul hak, min vawn na a thlah riai riai, light êng hnuai a a mitmeng sen râm leh hnawm chap mai chu natna in a khat, ka âwm zawn hi a na ve vawng vawng thei, ka thaw a chham mai dawn in ka hria


"A nih chuan engvang in..." A tawp dat, chiang lutuk in min en leh, "i taksa danglam ta ṭhin te, i lungphu danglam ta te," Awihlo lutuk in a nui zui hak hak bawk, a nuihza erawh a ni lo, hliam tuar hrep tawh, vawi tamtak hliam hnu, beidawng lutuk nui a ni mah zawk in ka hria, a mitmeng ah chuan beiseina leh beih hram hram tum na pakhat mah a lang lo bawk

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/


"Tihpalh thil thu ka tih kha," Ka sawi zawh rualin min rawn din chilh nghal run, hnunglam a tawlh ka tum chu ka kawng ah a kut a rawlh zui zat, a taksa si chet in min pawt hnai hrawk bawk


Ka thaw ka hip let kawk, ka hmui ka chip hmak, thaw ka la tawhlo hrim hrim, "ti khan sawi leh rawh, tihpalh thil thu a nih thu sawi leh rawh," A thaw lum ham ham leh pangti lum in min ur er er, vawh tih vang ni silo in ka kawchhung a khur der der a, khawlum em em vang pawh ni chuanglo in ka thlanfim a rawn bawl ṭiam ṭiam thung


"Ka sawi chu, sawi leh rawh," A aw ki a hniam sut, ni chin mai a min vai thluk tawp duh mai tur aw ri leh mitmeng kha a bo hmak thung


Thaw dep dep in ka chil ka lem khalh, "he lai phu rang lutuk hian a ti na ve che em? Nge ni a thawk a ti harsa," A kut lehlam, ka kawng a dawmlohna lam chuan ka lungphu zawn a rawn kawk dat dat, ṭawng ka tum na in ka aw ri a chhuak theilo, heart disease nei ang maiin ka thawk a harsa ka lungphu leh ka thawklak a in rem theilo hrim hrim


"Sawi la," Ka khaw hmuh thleng in a aw ri thawp sût leh taksa lum ham ham mai leh thaw sa ham ham te chuan a ti fiahlo zo


"Tihpalh, tihpalh thil thu tak meuh meuh a ni, a bak a awmlo," Min vawn na a thlah zui dawt, min nam deuh ti tih zawk, ka thaw hawk, ka kat deuh nawk nawk bawk


"Ok, ka hrethiam e, ui â ang mai a zui kawi reng tur ah che min ngai suh," Ti hluk chuan a chhip sam buk laih mai tuai puat in a in her vut, a ṭawngkam chhuak ah chuan vawikhat mah minti buai a tum tawhlo tih a lang chiang lutuk chuan min vit ngut ngut


Ka kaihza tha a zawi hnawk, ka ṭhu sawp mai dawn in ka hria, ka na, ka na lutuk, kal lo yur a tih ka duh;mahse, ka thei dêr bawk si lo

pen hnih vel lek a pensawn hman tih ah a ding dawt, mittui ka khap per sak sak in ka en, rawn in her in a ipte aṭang a eng a maw phawrh chhuak chuan ka kut, ruh zet a ka hum rawn ban in, eng a maw hi a rawn hmehbel nawk nawk


"I duh leh i paih thei," A aw ah chuan engmah a langlo, natna emaw tlawm na emaw pawh a lang chuanglo ; mahse, a hmel leh a ṭawngkam chhuak erawh chang tak a ni thung



Ka kut a vawn na hmer salh a min thlah thut chuan inher in car lam pan in a pen pawk pawk, ka thaw ka hip let kawk, ka bul hnai aṭang a a kal sawn rual a ka taksa vawt nghal huk leh ruak ta duak mai chu ka hrethiamlo


Car chak lutuk a a tlan chhuahpui phei chuan ka thlarau a tlanpui ta daih emaw tih tur in ka ruak in ka na vawng vawng, ka kut lehlam a ka lungphu zawn ṭham chuan mit ka chhing sawk, ka kawchhung hi thil hrîam tak hmang a duh tawk a vih sawk sawk ang maiin a thîp in ana vin tûk mai, ka theih tawp in thaw ka la kawk kawk, mahse, a harsa lam hret chu a ni


Ka mittui a rawn far kauh kauh, kum khua atan a kalbo dawn a ni tih sawilo mahse, vawikhat pawh rawn hawilet lo a a tlan chhuahdan ah kei aiin hmalam a pan hmasa dawn tih lang chiang lutuk chuan min hmet hlum mai dawn in ka hria



"Coke kan dawm dun dawn em niang?" Ka phu zawk

Ka in her vut, rang lutuk in ka kut a ka thil ken chu eng nge a nih pawh enlo in ka pyjama hak ipte ah ka thun zui zat


Ka biang rawn lum thla pup chu hru tawk in, ka thaw hak bawk, U Rinsanga'n coke bur 2 keng a nui vur vur a ka lam a rawn pan chu pangai thei ang ber a lan tum in ka in siam rem sawk sawk


"Eng....engtia rei nge kan hnung ah ilo din?" Phawk fe a ka tih chuan, mi 2 lek ṭhut theihna tur a an siam, kawng thlang lam hawi a an ṭhutna lam chu thle zauh in, "tihpalh, ka tum vang em em a ni lo a nia," A nui suk, a pensawn zui zat bawk, mit chhing sawk a thaw la kawk in ka zui ve chhat chhat


A sir a ṭhu thla hnak chuan thlang lam khawpui lang êng ût mai en chuan boruak ka hip vang vang, November thla laihawl a nih tawh avangin a vawt deuh var tawh, thla a eng in boruak thiang kak nen, tun mai a ka thil tawn nen ṭah kerh kerh na boruak tak a ni


"In rawh, a vawt deuh a, i harh sawng sawng mai ang."


"Ka lawm e," A nui suk


Kan ngawih deuh vang vang hnu ah, min en chuang miahlo in, "Ummm, engti kawng pawh a ka ta a siam che ka tum nen, ka rilru ka thlak a ngai dawn ni in a lang," Ka coke in ka phuh chhuak ṭhawt, ka hnungzang beng dat dat a za zet a rawn nui hawk hawk chuan, "i ṭha maw?" A nuih a za hle tih a hriat



Khuh kharh kharh pahin, "ka ṭha," Ka ti bah nak nak chu nui vur vur a min thlêk vang vang in, "ka bansan dawn che ka tihna a ni chuanglo a nia," A sawi awmzia hi ka hre hauhlo mai, ni lo, ka ngaihtuahna a awm ang hi chu ni lul suh se


Chil lem khalh in thaw ka la hak, kan hma lam khawpui êng ût mai lam hawi chuan mit chhing in boruak hip vang vang in ka thaw chhuak leh ham ham


"U Rinsang."

"Min U tawh suh," A rawn ti zui hluk, ka en zawk, min melh lui ram ram chu nui hak in, "Rinsang tih tawp che hi chu tlem in..aaa..ka inthlahrung deuh," A nui vur vur


"Bansan tur che in emaw hmalam pan turin minti duh suh, chutih rualin nawr luih che ka tum chuanglo," A ngawi dat, ka lam a rawn thle deuh hâ in, "ka nghak angche ka tihna a nih chu," Mit min siai khum zauh, mit khap fak fak in ka en haw chu nui vur vur a ṭhu ṭha in, "Sarah-i i hmu tiraw?" Min melh zawk, thu tak hmel fahran in hmalam a en zui ngur bawk


En kar chuan, "hmu miahlo, tinge?" A rawn nui hak, ka thusawi a rinloh lutuk vang a ni zawk in ka hria


"Hruaizela chuan a hre kherlo thei a, ka unaunu a nia, ka hre chiang thung, " Min rawn en, "Ahhhhh, zan atlai tawh emai naktuk hna thar i lut dawn nen mu hma rawh," Tih zawmzat in a tho tharh chu ka en haw haw ringawt


Min rawn nuih vur vur pahin, "i duh leh hmangaih tan pawh a i sual ngamloh chuan nun hian awmzia a neilo a nia Tluangi, hlimna hi a sual a sual chhuah ve te a ngai a, tlanchhiat san lo in," Dak hau chuan ka en, "muttui le," Tih zawm sup in a pen sawn nghal nul nul, eng nge a sawi awmzia le? Kei hian ka duh nei thei turin ka sual ngamlo a tihna em ni? Mahse, dikloh na a awm chuang miahlo, ka tlanchhia a, buaina leh natna ka tawn leh ka hlauh luat ah ka biru chu a nih ber hi maw
.
.
.
.
Ka ṭhut na aṭang a muangchang a tho chhuak ve chuan kan in lam ka pan chho chhat chhat, kan kawngkhar zawn ka thleng chu hawi chhuak in ka ding dawt, "Sarah," Phawk fe in ka en


Nui vur vur a a paper bag ken lek kâng zauhin, "i mu tawh emaw ka tia, let ka lo tum chiah a," A hmel nui sâng leh nel awm si, pawilo lutuk hian chhan awm si lo in min inti thlahrung ringawt zel


"Ohh, eng nge ni ta?" Ka pan hnai vat, tun ang zan rei tawh ah te engthil in nge maw rawn hruai thleng teh hlawl ni


"Heihi pek che ka duh a," A nui sen sen, a hmelṭha takzet



"Maw?" A nui ri hak, thilpek maw??


"Lawmthu sawina maw le," Ka kut ah a rawn hmehbel zui nawk nawk, eng lawmthu sawina nge ni ngai???


"Tluangte, Hruaizela ka hnen a i rawn tirh avangin ka lawm lutuk a nia," Min en kar, a mitmu lian zet leh fiah kak mai chuan minti zâm lek lek


"Huhh...." A sawi awmzia ka man dêr lo, ka en hâ


"Hruaizela hian a duh che emaw a hmangaih tak tak che emaw chu i tilo ang tih hre tho mahila, mipa, pawnlam a landan ai a ngil nei leh rilru nêm a nih zia i hre tho anga, ilak a a rilru put hmang pawh khawngaih na a ni tih i hrethiam tho ang tiraw?" Ka thaw dep dep



Tunah..tunah tak hi chuan he a hmelṭha tak leh nui hmel hi ka en chian poh leh ka hlau ru tulh tulh in ka hria


"Khawngaihna," Ka phunsep, darkar reilo te liam ta a Hruaizela hmel kha a rawn lang zut zut, kha a hmel leh ṭawngkam kha khawngaih na maw???



"Inneih hun tur ruat vat kan tum a, i malsawmna kan dawn ngei ka beiseina a nia, a tlai tawh si, muttui aw," Ka dar a beng thak thak, ka thawk a har sa ṭalh, ka ṭawng chhuak thei dêr lo, min rawn en a nui suk chuan, "ka U nen khan in inhmeh lutuk a nia," A thle bak, a ṭawngkam leh a hmel landan chu a ngeiawm lutuk mah mah, min hua emaw tih mai tur a ni


****Riya****



Note: Rei tak damloh na avangin ka chawlhsan tih ka hria, chhiar zawm chakawmloh khawp in ka chawl a, ka inthlahrung takzet🙏🙏min hrethiam a minlo chhiar zawm sak zel turin ka rawn ngen in in ngaihdam na ka rawn dil tawp mai❤️❤️❤️

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:34 pm

LYING HEART
By floria laldansangi



16


HRUAIZELA....POV


"Tihpalh thil thu a thleng a ni, kan in karah engmah a awmlo, tihpalh thil thu tak tak a ni," Lalnuntluangi thusawi chu ka beng ah a khawk rum rum, ka whisky dawm lai chu ka tlak pawp pawp


Sawmtea leh Sena in melh zek zek chu melh zawk in, "eng nge? In te che u," Ti hluk in whisky ka no ah ka thli chhuak lehnghal


"Zanriah ei hmasa teh ang u..." Ka nui suk


"Ei ru, ka.." Ka tih lai mekin kawngkhar a rawn ri rak


"Woooww, engthil in nge min koh khawm tir che a?" Thantea thawveng lutuk a rawn lut chu ka melh zawk


"I give up emaw ka tia, a hna i sawipui leh bawk sia," Thantea rawn ṭhu thla chu melh zawk in Sawma'n a rawn ti sup, ka whisky no ken lai chu ka ti che ralh ralh



"1 buy get 1 free chungchang em ni in sawi?" Midang chu an nui huk, melh hrawk in ka no ken dawhkan ah ka nghat ri ṭhak



"Ok, just kidding," A dar a san ak, "anyway, Sarah-i nen in inhualna ka lawmpui che," A no rawn lek kâng in a nui suk


"Thehchhuah i duhloh chuan i kâ âng tam suh Lalthanlian," Ti bung nghut in ka no a bang zawng chu ka tlak leh pap, midang erawh an lo nui tut tut thung


"Ohhhh, heart broken lam hnemdan hi kan thuamlo tlang si a," Sawma chu ka melh zawk, "zanin chu 91 ah kan kal dawn em niang?" Phur fahran a rawn tih zawm zat chuan min rawn en kual


Ka no a whisky thli chhuak leh in, "helai hi a ṭhaber, bengchheng ka ngaitheilo tih in hriat kha," Ka melh kual ralh ralh


"Hmmm, restaurant ah rilru lam diklo ka en a ngai a, hetah lah chutiang bawk, ka vawiin ni hman dan hi a diklo reng reng," Sena'n a rawn tih rualin ka en vat


"Lalnun..." Ka tawp dat, min rawn en vat hlawm chu, ka nuih suk, ka buaina a awm tawhlo, a ni lawm ni?


"Don't worry dude, ka chhawrfe dawnlo tih i hriat kha, ahhhh, rilru enkawl dam tur erawh in min beisei miah suh," An nui zui huk huk


Ṭawng tum a ka kâ ka âng zuai tih ah, "hey guys," Kawngkhar lam kan en vat, Sarah-i rawn pen lut vah vah chu ner sawk a en in ka whisky dawm lai bawk ka tlak pawp, engtin nge hetah lan awm tih a hriat ni??


"Heyy Sarah, long time no see, i chhelo tulh tulh mai a nih hi," Lalthanliana hi chu(h)



"Hi Thantea, congratulations, lawmna party ah ka rawn tel theilo erawh pawi ka ti takzet," A ṭawng no nghalh, ka sir a rawn ṭhu thla in a bawp sei zet mai chu a khawlher zui zat bawk


Sena lam ka hawi chu nui vur vur a mi lo en in a no mi lek kân khum zauh, Sarah-i rimtui hman hian minti rui zawk lek lek in nia ka hriat ni



"Hi Sen, Sawmte," Sarah-in a tih zawm zat, hmeichhe bright tak a nih vangin ka ṭhian te pawh a pawh nghal zung zung, Sena tihloh chu, hepa hi chu tlangnel a har reng a ni, mipangai tan chuan tihna mai a nilo


"Engtik nge weeding invitation card kan hmuh dawn le? Pakhat-a hnen a ṭang hi chuan kan beisei lemlo a," Sawma chu rum lutuk in ka melh


"In hnuailam ah ka chhuk san angche u, hnathawk an la awm si, in thawm dim angche u," Sena'n ti nghut in a tho nulh


"Kumthar February thla lai hawl vel ah kan tu, a ni lawm ni Hruaizel?" Min rawn nek ṭalh ṭalh



"In tum zawk a ni lawm ni?" Ti hluk chuan ka tho ve nulh, Sarah-i za lo zet a nui sawk chu ka melh zawk, Sena thawhsan tak ṭhut na lam pan chuan thatchhe lutuk in ka ṭhu thla



"C'monnn, boruak ti chhe lo teh aw," Thantea'n tih leh a no lek kâng in, "guys heihi Hruaizela leh Sarah-i engagement lawmpui nan aw," Tih leh min rawn melh kual, an no an in tauhrik tir diat diat chuan Sarah-in ka zawn a no a rawn lek kân chu melh zawkin, "a ngailo e," Tih leh ka tlak zui pap, ka kai deuh ṭan emaw tih mai turin ka lu a hai chiai chiai lehnghal; mahse, tunah eraah ruih ka tum tawh aw zawnglo, ka ruih chakna a rawn hnawt ṭiau zo



"Chhunzawm rawh u, ka ril a ṭam deuh, inhnuai ah ei tur ka zu ngaihven ange," Tih leh thawh ka rual, ka lu hai chem chem chu ka kat deuh nak bawk


"Ka rawn zui angche," Sarah-i rawn ding ve vat chu melh zawkin, "a ngai..." Kawngkhar lam a pan nal nal, Sawmtea leh Thantea lo nui vur vur in, chek tlak tlak a lu thing mat mat chuan, "Bawiha, free advice ka pe angche, Sarah-i tluk hi chu an awm dawnlo a nia," Sawmtea'n rawn ti sup in whisky tlak zui zat chuan, "chhuk ang u, dinner ei zawh lam ah kan chhunzawm dawn nia," Tih leh ka dar a rawn beng thak thak in an pen chhuak chu en in, "engmah in hrelo," Ka rilru in ak ti sup, thaw hakin ka zui chhuak ve a





TLUANGI...POV



"Ok, Thari leh Bena tihloh midang zawng kha in haw thei ang aw, nigh shift tur an rawn thleng tawh e," Boss choka a kut beng chung a rawn au lang lang chu en in "aw" kan lo ti rual dual hlawm, he restaurant hi 24/7hrs a nih vangin kan inthlak kual reng, ka ni hmasaber chu a chhe lemlo e



"I ti ṭha e Tluangi, ka rin aiin i che rang bawk," chef zing a thuber in a rawn tih chuan ka nuih var var; mahse, ka ke artui leh chawn na lutuk hi vuak hrep ang mai ka ni, restaurant a waiters hna sawiloh restaurant choka lam a ka vawikhat hna thawhna a nih vang pawh a ni mahna kan ding ni leng zak chu hreawm ka ti lek lek in ka inchhir lek lek a ni


Choka a ṭang a chhuakin, ka hawi kual, Hlutei ka hmuh rualin a ṭhut na lam ka pan vat, "ka rei em? Ka inthlak anga ka haw dawn..."


"Sihhhh, lo ṭhu teh," Min hui zauh zauh



"Eng..." Ka tih lai mek a ka bân a pawt a, "lo ṭhu rawh," A ṭawng sur sur, engthil nge maw a hriat leh tak ni


"Engthil nge maw ni le?" Ti nuah nuah a a hma a ṭhu thla chuan, a kut zungpui a hnung lam min kawh hmuh zuk zuk chu thle ha a en in, "eng nge?" Ka ti bak hluk, chauh nak a laiin




Ka lam a rawn awn chungin, "Vansangkimi nu," Ka melh vak, pawimawh a sawi dawn emaw tih nak alai a


"Busy body," A chal kawk pah a thawh ka tum chu, ka bân ah bawk rawn vuan bet in, "min hnung chhawn zawng a ṭhu zawk hi tunge a nih i rin?" Ava mak ṭalh ṭalh tak


"Lal..."


"Yes, correct, lalrinfeli," A nui vur vur, a hmingpum a koh ka tum a ni reng sia, hahthlak hian..! Mawl vur vur thei a nia



"Chuan...?" Ṭhu ṭha pahin ka kuang kuah at, ka melh lui ram ram bawk


"Chuan, eng nge ni vak ang, an thusawi ngaithla chiang ta che, ṭawng renglo khan," Sawifuh inti fe a mithmul kân ak ak in, hnunglam ah a ring a her zauh


"Hna i chân a, i nu enkawl i ngai bawk a, sum i mamawh viau tih kan hre chiang ve ve, chuvang in ka offer hi a chhe lemlo tih pawh i hriat ka ring," Vansangkimi nu in dak vah a Feli a bia chu hrethiamlo zet a Hlutei en chuan, "engthil nge?" Tih melh in ka melh


"Sihhhh," A hmui a a kut ṭang dah chuan, "lo nghak la," Ka nui ringawt, kan zui ru te pawh a ang mah mah zawk, Lalrinhlui ka kawm rei ta lutuk hi a mizia ka kai ve zo in nia ka hriat ni, thawveng lutuk mai


Feli chu a nui hak, a ṭah nuih zawkin ka hria, "i fanu ang a mahni ril arah hlam chhiah tur chuan min beisei em lo angchu maw? Ka sawi tawh, ka sawi nawn leh ang, heng in pawisa te hi ni e ka mamawh takzet ;mahse, ka fa nun na nen a thleng tur êm chuan ka mamawhlo e, engtikah mah ka fa hi ka pe ngai dawnlo che u, hetiang a min rawn vau emaw min thlem leh a nih chuan i makpa a nia ka biak tawh dawn ni," Ṭah aw lek lek a tih leh a tho tharh, Hlutei ka en haw haw ringawt, Lalrinfeli a rai a maw??? A makpa?? Biaksangpuia a sawi na em ni???



"Kan in hmuh tawpna a nih ka beisei," Tih leh a bag la in kan lam a rawn hawi, chiang lutuk in ka lo en, a phu zawk, a mitmeng a khup nghal zal zal


Kan dawhkan bul a a rawn ding chu, ka en chho hâ


Hlutei erawh ngeiawm zet in pawnlam a hawi hmak thung


"Tluangte," A tawp dat, a aw a khur lek lek, ka nuih lui ver ver


"Ka tihpalh," Ka en kawk


"Maw?? Ngawi lawk teh, tunah khan ngaihdam i dil em ni? Lawk in, nî hi khawchhaklam a tla a ni lo maw?" Lalrinhlui ngeiawm zia hi chu awwwww



Feli sawi awmzia chu ka hria, a mitmeng inthiamloh na a khat chu ka lainat zawk, tihzah belh ka tumlo, a dinhmun ang ah hian ka lo ding ve tawh ṭhin, ni lo, keiai pawhin a dinhmun hi a khirh ka ring zawk, a nu enkawl ngai nen, Vansangkimi nasat zia ka hre bawk nen, a dinhmun chu a harsa ve viau ang, "a ho lutuk, ummm, ka lawmpui che," A dul puar ṭan ek ek chu ka melh zawk


Nui var var a a dul chul pah a mittui tling piau a, mitmeng tle ral ral a min en chuan, "ka lawm e," Ti sepin, "ka kalsan angche u," A tih zawm zat, ka bu nghat nghat



Kawngkhar lam a pan chu ṭhu chung a in her a en in, "ka khawngaih reuh tlat."


"Himm," Hlutei'n a rawn ti bul hmuk chu en in ka nui vur vur, "ka khawngaih hranlo, i chung a a ṭawngkam hman te kha a ma chungah a let a nih sawh, chi chu nei ila a kalna hnu ah sawn theh a nia ka duh ni," A mak hlak hlak ṭhin


"Ti khanlo ṭhu rawh, ka han inthlak anga kan haw dawn nia," Tih leh ka ding zui zat, kawngkhar hnunglam a Hruaizela leh Sarah-i rawn lut ka hmuh rualin ka khawng nghal awt, ka lungphu bawk a rawn rang leh nghal dawt dawt, a eng amah hma hma a ka danglam nghal zel hi ka hua a ni


"Eng..." Ka ding khawng reng chu rawn ding chhuak a, ka en na lam en chung a Hlutei'n a rawn tih chuan a tawp chawt, "OMG, it's such a coincidence," Ka lu ka thing mat mat


Sarah-i kan awmna lam rawn hawi chuan min hmuh thut chu a meng deuh kawk, in siam ṭha vat a nui var var in a tawng zui siam siam, ka mit laksawn ka tum na in Sarah-in a nui var var a Hruaizela a be siam siam leh a ṭhian te dang nen a an nui ar ar chu hawisawn harsa ka ti, chutiang bawkin ka âwm zawn hi a na vawng vawng


A hlim ka duh a, hmeichhe dang bul a a nui hmel hmuh erawh hreawm ka ti bawk si, engthil chiah nge maw ka duh le? Mit ka chhing sawk


"Kalrawh, ka zui angche," Ti vat in Hlutei ka lam a rawn pen hnai chuan min pawt chhuak nawk nawk


"Min en rawh Lalnuntluang, i chakloh na lai saw nu saw hmuh tir reng reng suh, hrethiam em?" Tih leh ka dar tawn tawn a vuan a min en chung a a tih chuan ka nui lui hak


"Eng nge maw i hriat le? Ka hmelma ka hma chhawn dawn emaw an ti ange?" Ka thawk a harsa tulh tulh, ka taksa ṭang tulh tulh ah chuan kan din na lam anrawn pan hnai zel tih ka hre thei



Ka bân a kuah pah a a, ka lam a rawn thle phei chuan ka beng bul ah, "real WAR, hrethiam em," Min pawt kal zui zat, pen thum bak kan pen lo ang tih ah kan ding dat, ka dah chhuah rualin chiang lutuk in Hruaizela nen kan in hma chhawn, ka thaw ka hip let kawk



"Ohhh, Tluangte hetah i thawk ve e law, tinge min hrilhloh a," Sarah-i hmel en chuan ka nur deuh nung, min hmu thut ang mai a hmel danglam leh siam chawp vel chu a mak hial zawk

Hlutei dinloh na lam a rawn ding chuan ka bân a rawn vuan chat bawk, tun a ka rilru a awm erawh, "choak, arâwn chang tawn" an sawi ang mai ni in ka hmu



"Sawila chuan ka lawmpui na thilpek ka pe tur che a nia," Min nek ṭalh ṭalh, "Hruaizel, in inhria tiraw? Ka ṭhiannu a nih hi," Hruaizela lam hawi a nui var var a phur hmel fahran a a tih chuan ka en haw ringawt, Hruaizela hnunglam a ding a ṭhian te pahnih chu hre ve lemlo mahila an hmel landan ah min hria tih a lang reng thung


"1 buy get 1 free," Pakhat in nui vur vur a a rawn tih chuan ka thaw hak, a sawi awmzia hre lemlo mahila min sawina a ni tih ka hre thung, ka fapa an sawi tel tih ka hre zui zat bawk


"I ṭhian a nih ve lai pawh ka lo hrelo a," Hlutei'n ngeiawm zet a rawn tih leh Sarah-i ka sir a ding rawn ban mai a tum chu a kut ka hmer salh


"Nizan ah thilpek min en pek tawh kha, a lawmawm lutuk," Sarah-i lam hawiin ka nui ve sâng


A mitmeng a tal nghal rawk rawk, "ahhh, kha, kha kha maw?" Hruaizela a melh zek zek, Hruaizela lah chuan a en run bawk, midang hriat a hlau viau a ni mahna


"Nizan ah nangpawh kan in ah i rawn kal a maw? Engthil nge a pek che a?" Hlutei chuan min en ran, nui lui sâng a Sarah-i min vawn na phelh sak pahin, "Lawmthu sawina," Ka thle bak


"Aw, lawm, lawmthu sawina," Ti bah nawk nawk a Hruaizela lam hawi a pan hnai chuan, "Hruaizela nen kan inhualna puanzar a a awm ka lawm lutuk a, ka U ṭhiannu te a ni sia, lotion, a vun hian a mamawh in ka hria a, ka pe a nih kha," Mar pât a a rawn tih chuan za lo lutuk in ka nui hak, lawmman dawng tlak a ni


Hruaizela'n mit zim sân min rawn en chu en let kalh in pangai thei angber in lan ka tum, "a mak hle mai," Hlutei bawkin awilo tih hriat zet leh ngeiawm zet a rawn tih leh chuan melh zawkin, "kal ila," Ka ti sep, a bu ve nghat


Kan pensawn tur ka ban bul a Hruaizela'n a rawn hmer chawt chu ka phu nasa lutuk a ka per dawrh, "engthil.."


"Sorry, tih hlauh che ka tumlo," Ngeiawm zet in a kiai suk, Sarah-i mitmeng thim rawih rawih chu ka melh zawk


"February thla hian inneih kan tum a, Sarah-i ṭhiannu inih ang in a bik takin sawm che ka tum mai a nia," A thle bak, ka sawi thiam siloh in ka âwm ah hian boruak in min rawn hnawhbet nghal tup tup, mit ka khap fak fak


"I sâwm dawn a nih pawhin kha tih teh vak a hmer che," Hlutei'n rawn ti hrawk in, "kal ang," Tih leh min pawt chhuak rawk rawk, intih chak a, eng ahmah ngailo ang a lan ka tum vei nen, a tawp ah chuan hneh na chang tu chu a mah bawk a ni, amah bawk




"I ṭha maw?" Inchung kailawn bul a min din pui dat a atih chuan ka bu nghat, mahse, ka âwm chhung thîp veng veng hian ka thawk a ti harsa


"Hruaizela..." A sawi zawh hma in inchunglam, inthlakna na room pan tum in ka pen chho nghal pawk pawk


"Hruaizela nen chuan tihpalh thil, accident tak tak vang chauh a intawng a lawm kan nih," Ka sawi zawh rualin ka na vawng vawng, keimah leh keimah ka in bum tih ka chhungril khawi emaw lai hian min hrilh zui sep sep bawk



"Ahhhh, Bawihte tun a i rilru tur leh awmdan tur kha mawww," Couch a ṭhu thla pah a min rawn melh chung a ti chuan, a tawp dat



Ka kawrkilh phelh mawlh mawlh pahin, ke melh zawk, "i feel ya," Ka nui suk



"Tak tak a lawm, ka single puilo angche tih pawh a sawi theihloh a nia," A rawn ti zui hlak, ka awilo lutuk chu melh pawh ka melh peihlo, ni 2 pawh an inṭhen thei ngailo he mi te hi


"Enrawh, tak tak ka tih chu mawle," Ka awilo lutuk chu lungawi chiahlo a ka lam a a phone rawn lek kâng chung a a tih chuan ka kawr, locker aṭang a la chhuak pahin ka en zauh, "ni 2 bak a ni leh dawnlo," Min melh ram ram, thudik ka sawi a ni ve mai a



"No, no, no, tun ṭum chu a danglam alawm."


"In intih thiamloh a piang in a dang a lawm," Ka nuih vur vur


"Lalnuntluang, ka best i ni em?" A rawn ti hlak chu en zawk a kekawr ha sawk sawk in


"Ka nih vang a lawm ka hriat, kal ang," Tih leh ka bag la in kawngkhar lam ka pan zui zat, kawngkhar ka thlen hma in ka ding dawt


Hruaizela kan lam rawn pen chhat chhat chu thinphu dep dep in ka en


"Excuse me ka pu, helai hi hmeichhe inthlak na room a ni tih i hria...." A sawi zawh hma in ka hma zawn a rawn ding run chuan, "5mins hun min pe thei a ngem?" A hmel ah chuan engmah a langlo, tih el na emaw thinrim na emaw a eng a mah a langlo



"Hey, hey, hey, company ah chuan ka boss ni mahla, pawnlam ah chuan ka hmelma ini, ka ṭhiannu hi a fal in ka biak tir lul lo angche," Ka ṭawng hma in ka bul a Hlutei rawn ding chuan a ti lwh tan tan


Hruaizela chu a thle bak, "mahse, i ṭhiannu chuan ka thusawi tur a ngaithla duh ni in a lang?" Dik inti fe in a kiai suk in, a mit hmul a san ak bawk


"Teuh.."


"Hlute, a pawilo," Engthil nge sawiduh a neih hriat ve te pawh a ṭha a lawm, nizan avang a ala lungawilo a nih chuan ka hrethiam lutuk


"Tluang," Ka melh zawk, "a reilo ang," Ka tih tak ah chuan rilru nuam zân lo tih hriat zet a min melh in Hruaizela chu a melh ram ram

"Nangmah ngawr ngawr hi chu ka haw lo che, i mawl lutuk hi ka hua," Ti leh hrâm chuan kawngkhar lam a pan nal nal, ka nui ringawt, a duh khawp a hmuh hma hi chuan a tawp mai ngailo rêng a ni



Hlutei pen chhuah rualin, "eng nge?" Ka tawlh hnung zui zat, a nui ri huk, a nui ri ringawt pawhin minla fan thei a nia, hahthlak hian..!


"Khatiang mitmeng khan min en suh," A dar a san ak, engtin mah ka en hreplo e a


A rim pa hrâk mai leh whisky rim in chawh pawlh chu mipa dang rim nise chuan ka uak tuar tuar ang, mahse, Hruaizela taksa lian zet leh a hmelṭha zet te nen chuan a in rem hliah hliah, ka chil ka lem khalh, ka kawchhung a fan rawih rawih thei


"Engtin mah ka en lo che, pawimawh a awmloh..." Ka lam ah a rawn pen hnai hrawk, ka phu nasa lutuk chu ka thaw hip let kawk in ka en kawk bawk


"Khatiang khan min en rawh, thinrim leh rilru na hmel khan min en tawh suh," Ka thin a phu dep dep, a ṭawng zawng a whisky rim nam veng veng leh thaw sa ham ham chuan ka thluak a ti nu chiai chiai hian ka hria


Ka hmai zawn a rawn kûn hniam in, "tihpalh thilthu a i tawn, zankhat lek hun i hman pui hi khatiang mitmeng khan min en tawh suh, duhlo leh ti na tu zawk che emaw ka nih an ti ange?" A tawp lam chu elhsen na a lang tel, a seh chilh deuh nawk nawk, ka thaw em pawh ka hre tawhlo, mit ka khap fawk fawk


Ka beng bul a rawn kûn hniam lehzual chuan a nui ri suk, ka tlu tak ngial dawn in ka hria, a nui ri ah chuan elhsen na nasa lutuk leh hneh tu in tihna a lang tel, tawlh sawn duh eng ang mahila, ka taksa, ka ke te hi an che thei dêr mai si lo


"I hna hmasaber i thawk ṭha hle tih ka lo hria a," A phun ser ser, ka kawchhung aṭang ka za mer mer, ka hmul thi a rawn ding sur sur bawk


Ka lungphu ri te hi a hre thei hial in ka ring, mit ka chhing sawk, a pensawn hun ka nghakhlel lutuk chu ka ṭah te a chhuak rum rum, min ur hlum mai dawn in ka hria; mahse, thih dan nuamlo chu a ni chuang miahlo ang


Ka biang ah hmui lum ham ham leh nem zet mai in na zet a rawn fawp chuan a ding ngil zui at, ka rinloh lam lutuk a a chet vang nge ka kaihza tha a zawi hnawk, ka tlu tur ka dar a rawn dawm pahin, "good job stamp a nih kha," Mawi lutuk a nui in mit min siai khum zauh chuan min vawn na thlah in a in her vut, chet mai na chang pawh ka hrelo, a pensawn rualin ka thaw chhuak kawk, tui chhung a rei tak thawlo a awm, lang chhuak nawlh ang maiin ka thaw kawk kawk, ka lungphu rang lutuk chu dawm in, Hruaizela kawngkhar a a pen chhuak chu mittui rawn hnâm ṭiam ṭiam in ka en ṭawk ṭawk, amah ang tal khan ka thinlung awmdan leh a mi uap na te kha thunun ve thei ila ka ti vawng vawng


Reilo te in zawmna mumal lo zet ka neihpui, ka thinlung aṭang a zankhat thil thu a paih bo theilo leh ka danglam ve mai theilo hi keimah leh keimah ka in haw hluah hluah, anu kan chhungkaw ṭhetdarh tu a nih vang ringawt pawhin haw hluah hluah tur ka nih laiin ka haw thei dêr mai si lo a, chuvang ringawt pawhin ka in haw hluah hluah, a bul hnai a ka awm a ka lungphu danglam ta ṭhin te, a hmel hmuh sawiloh a hming an sawi ri ringawt pawhin a ka lungphu leh taksa a ti danglam fo maite hi ka hua a ni, ka haw takzet



****Riya****

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:34 pm

LYING HEART
By floria laldansangi



17


TLUANGI....POV



"Engthu nge a sawi pui che a, i ṭha em? Kut a thawh leh em ni?" Hlutei din na bul ka thlen rualin min zawt nghal chung chung chu nui lui sâng in ka lu ka thing mat mat


"A nih eng nge a sawi?" Tih leh ka bân a kuah in kawngpui lam min pan pui nghal

"Keiman ka sawi zawk," A pen lai tawp meuh in min en kawk


"Ehhhh, fiamthu.."


"Ka fiamthu lo," Ka nuih sen sen

Rawn nui ar ar chung in, "Wowww, i huaisen ve ta tih ka lo hrelo a, hmmm, chhe lem lo e, Sarah-i kâ pawh i chip tir theih kha maw?" Ka nui ringawt



"Heyy," Ka melh zawk, taxi phar din tur zawngin ka hawi kual lehnghal



"Sarah-i kha hnaih miah suh aw, a fing phakar tih hriat reng," Ngei tih hriat zet a rawn ti leh in a hmui a ti sawi nawk bawk, taxi rawn tlan chu ka lo phar ding vat


"Takin, Sunday chu ka zui theilo angche u, tih tur ka nghah lutuk a, ni 2 chhung a ka zawh ngei ngei angai," A kut lehlam a a thil khai rawn lek kâng zauh a a tih leh chuan taxi kawngkhar hawng pahin, "engthil nge ni a?" Tih leh driver bul ah kan in awmna veng ka hrilh nghal


"I hre duh tak tak em?" Min rawn melh

Bu nghat in, "umm."


"Tak tak," Henu tak hi chu..!


"Duhloooo..." A rawn nui chhuak hawk, nui hak hak chungin, "U Rinsanga nupui hlui kawr tur, hman ni khan pakhat ka design sak a, a zawng chhang a, hei ka hman tur puan thân material ka en chhin angchu ka ti zanin ah," Min rawn melh zawk,"i ṭha tak tak maw?" Nui vur vur a arawn tih chuan ka melh vak



"Rinsang nen a kan inkar te chu i hre reng a lawm maw le," Ka sawi zawh rualin, "Euwwwww, U Rinsanga aṭang in Rinsanga," Za lutuk in a nui chhuak


"Engtik lai khan nge i U alo nih takloh," Henu mawl zia hi chu awww...!


"Uang uanglo teh," Ti nghat chuan kuangkuah at in ka ṭhu ngil, min rawn nek ṭalh ṭalh pahin, "duhla chuan aww.."


"Lalrinhlu."


"Ok, ok, ka fiamthu a nih kha, mahse, nimin tlai mai pawh khan ila U sia, nang hi nizan ah i hmu tel ve a ni lo maw?" Ka en hrawk


"Tel lo." Chiang zet in ka ti hlak

A rawn nui hak, "tak tak, tak tak maw?" Ava han ngeiawm tak..!


"I ninawm," Ka nui ve ta vur vur, mi tihluih vel hi a peih tak tak a ni


Taxi a din rualin ka chhuak vat, kan in lam ka pan chu Rinsanga car a a rawn ding ve dat


"Tluangte, lawkin, nizan a kan ṭhut na ah khan plastic dum i hmu em?" Car aṭang a a rawn chhuak en chuan ka lu ka thing mat mat


"Plastic i khai awm ka hrelo a nia, coke chauh i rawn ken ka hmu," Hlutei ka melh zawk, mithmul a lo kân ak ak, hahthlak hian..! Nichin lawk a ka dawtsawi a rawn lang nghal ringawt


"Office aṭang ka rawn khai haw ngei khan ka hre si a," Ti nuah nuah a rawn nui vur vur chuan, "hna in bang chiah em ni?" A tih zawmzat


Bu nghat in, "umm, a nih chaw ei tui aw," Tih leh Lalrinhlui nui vur vur leh dik inti zet a ka bul a ding chu step ah ka pawt tla nawk nawk


"Nizan a kan ṭhut na ah khan plastic dum i hmu em? Plastic i khai awm ka hrelo a nia, coke chauh i rawn ken ka hmu," Ngeiawm lutuk a kan ṭawng dan zir kual chuan a nui ar ar


Kawngkhar hawng sawk in rum lutuk in ka melh, "busy.."


"Body, ka hria lawm, nute zanriah ei kan hman em?" A au lut zui lang lang, ka nui ve hak hak, ka ṭhiannu bul a awm hi chu rilru hah lai phei chuan thaw a ip pik zual na in, natna hre miahlo a min siam thei tu a ni tel bawk si
.
.
.
.
"Lal anu i rei lutuk," Ka fapa mi nghah theilo em em in min rawn au leh lawng lawng, a vawi 4 min auh na a ni tawh


"Aw ka rawn chhuak, taxi a rawn thleng tawh em tih lo zu en rawh," Ka pheikhawk bun sawk sawk chuan ka ti let


"I rei thei bik e," A tih nuah nuah chu ka hre leh hrâm, a chang hi chuan Biaksangpuia a ang lutuk hi ka haw lek lek ṭhin, mi nghah an thei silo, an thinchhe bawk si hahthlak


"Tluang, heihi i rawn haw pahin min rawn lei sak dawn em ni?" Room kawngkhar a bawr chhawr zet a rawn dak chu ka melh zawk, bu nghat a ka bag khum a mi chu la in, kawngkhar lam pan a lehkha them chu ban in, "reilo te tal mu phawt la, zanlam ah i chhunzawm leh dawn a lawm," A mit hnuai val kalh nen, a chauh hmel lutuk chu ka khawngaih, nizan aṭang in mut mu mal a la neilo, ka thiam zawng lah a awm ve dêr si lo a, pui duh ngawt pawh ni ila


Lu thing mat mat in, "naktuk tlai lam ah chuan peihfel a ngai tawh dawn a, kal tawh rawh Jerome-an a nghak rei lutuk angche," A tih zawmzat, bu nghat in, "kan rawn haw har lo ang," Tih leh ka pen chhuak nghal




Kawngpui lam ka pan thla chu taxi chhung aṭang a Jerome-a rawn dak in, "nu, hmanhmawh ve la, zanah lehkha zir ka ngai leh bawk si," A nur nang nang, nui vur vur a ṭhu lut in, "ka hria e, ka hria e," Driver en in kan kalna tur thlanmual awmna ka sawi vat bawk


"Nu, apa hian Kevin-a birthday a hre ve ngem?" Ka thaw hak, nui lui sâng a, a sam a tuai zauh chuan, "hria ang, naktuk lam ah a tlawh ve ka ring, naktuk test tur i thiam tawh em?" A bu nghat nghat


Rawn dak chho ha a min en chuan, "Nu i ṭap leh angem?" Ka en chhuk, ka nui hak, "Kevin-a thlalak mai mai i en pawn i ṭap ziah sia," A tih leh chuan ka thaw chhuak kawk, ni e, ka ngai ṭhin êm a tin ni

"Ṭap dawnlo," ka tih tak ah chuan a rawn nui var var
.
.
.
.
Thlanmual kan thlen rualin Jerome-a chu Kevin-a thlân lam pan in a tlân thla nghal nal nal, muangchang in ka zui ve bawk


"A van hnim chak em em, Kevin happy birthday, naktuk ah test kan nei dawn a, school kal ka ngai a, kan lo kal hman dawnlo a chuvang in tun ah kan rawn tlawh che a," Thlanlung en in a be nghal mawlh mawlh


Thlanlung en vang vang in, "kan ngai lutuk che," Ka phun sep, ka mitthla ah Kevin-a nausen lai, a damloh tirh vel leh ka enkawl dan, a boral dawn thleng a a awmdan zawng zawng ka mitthla ah a rawn lang zut zut, ka biang a rawn lum thla pup, ka hrawk a na ut ut bawk


"Nu, ka ṭap dawnlo itih kha," Rang lutuk a hawisawn in ka mittui ka hru hul vat bawk


"Umm, ka ṭap lo, tirawh i nau thlan bul vel hi ti fai vat vat teh ang," Tih leh in sut hrawih in ka bag lei a dah chuan ka ṭhu hniam nghal zat


Ka mittui bawk a rawn hnai leh ṭiam ṭiam ṭhin


"Apa," Ka en vat, Jerome-a hawina lam hawi ve vat chuan kan chhak lawk a Sangpuia pangpar keng a ding ka hmuh chuan ka kut ti fai nawk nawk in ka mit hnawm chap chu ka hru nghal zung zung


"Naktuk ah in kal ka ring a, chuvang a nia ka rawn kal," Engmah kan sawi hma in inthiamloh hmel zet chuan a ti sup


"Naktuk ah ka kal nawn leh mai ang," Tih leh pangpar pawh dah lemlo a inher a tum chu, "Sangpui, a ho lutuk, a piancham rawn lawmpui tur a rawn kal inih chuan rawn lawmpui rawh," Min rawn en kawk


Lawm tih hriat zet a nui chuan a bu nghat


Ngawi reng a a pangpar ken Thlanlung hma a dah chuan thlan lung chu a thlek vang vang, "pa chhuan awm tak chu ka va ni lo tak êm..!" Kan lam a rawn hawi, Jerome-a nen kan thil tih chawl meuh in kan lo en hau chu nui suk in, "tiraw Jerome?" Za lo tih hriat lutuk in a nui zui vur vur bawk, a mitmeng zawi zet leh hmel landan chu chau hmel hluah hluah a pu


"Ka hrelo," Jerome-an ti zawi sup in hnim a pawt lehnghal mawlh mawlh, a chang hi chuan apa hi nel viaulo mahse ngaih chang a nei hian ka hre ṭhin, mahse vawikhat pawh a sawilang in a ti lang ngailo


"Tluang," Ka en chho zawk, a kun deuh lap, inthlahrung hmel tak te pawh a ang


"Eng nge ni a?" Tih leh ka thil tih ka chhunzawm nghal mawlh mawlh

"Karleh hi ka nu piancham a ni tih ila hria tiraw?" Chhanglo in ka bu nghat, ka hre mah mah, hriat duhloh pawh ni ila kum 10 chhung engtin nhe ka a nu leh pa piancham lawm na ka lo buatsaih ṭhin kha theihnghilh chi ni aw zawnglo chuan



"Jerome-a hi zankhat riak in rawn awm pheise ka ti deuh a," A tawp dat, "aa, i rem tihloh chuan a pawina a awmlo a nia, tlailam ah chaw ei khawm kan ti leh a," A ti bah nawk nawk


Jerome-a melh zawkin, "amah hi sawm la, a duh leh duhloh a niang chu ; mahse, zan riak tur chuan a chi viau ka ringlo, home tuition kan la a," Sangpuia chu ka melh zawk a bu ve nghat nghat


Ka mitthla ah Sangpuia nu leh pa piancham kumtin mai an lawmna ka buatsaih dan a rawn lang zut zut, za lo zet in ka ṭhen zui sawk


Ka chhak deuh a ṭhu a hnim pawt ve zel pah chuan, "ka thil tih te kha ka in chhir ti ila min ring a ngem?" Ka hnim pawh ka tawp chawt, ka chhang let lo a, en pawh ka en heklo, chhan ngai leh en ngai ah ka dah miaulo a tin ni, a aw chhuak ah erawh a inchhir tak tak te pawh a ni mahna ; mahse, a inchhir hian awmzia a nei lemlo mai pawh a



BIAKSANGPUIA....POV


Ka hna bang chu chau lutuk in inlam ka pan, inchhung ka luh rual a ka thil hmuh hmasakber erawh a hahdam thlakloh takzet, chhuat leh kailawn ah chuan thawmhnaw leh pheikhawk a in zam neih nuaih bakah, kekawrte leh bra a tla darh phung bawk, heihi a vawikhat na a ni tawhlo, karkhat ah vawi hnih kan in leh compound ti fai tur in hnathawk tu an rawn kal ṭhin, kan awmpui pangai a nu damloh na avangin thla hmasa khan an khawlam ah min hawsan avangin lâng a rawn kal tur kan la mai kha a nia, ka rilru a rawn lang hmasaber ṭhin erawh Tluangtei a ni


Kum 10 teh meuh mai he inchhung ah hian ka chen dun pui a, vawikhat mah inchhung bal leh hmel hahdam thlakloh ka hmu ngailo, chu mai bakah, he in lian zet piah a ka nu leh pa chen na in thleng khan a enkawl ṭhin kha a nia leh..!!!

"Duhtak ilo haw ta maw?" Vani aw ka hriat chuan ka harh zawk, ka nupui hlui, ka duhloh a ka pet chhuah tawh ngei mai bawk kha a ni ka lo ngaihtuah leh veng veng tak ni, "enge i ngaihtuah a?" A rawn tih leh rualin doorbell a rawn ri ral ral


Ka in her vat, "ohhh, dinner tur ka order kha a nih dawn saw," Tih leh a kawr hak pan em em leh malte thleng lek a khuh, zan mut na ah pawh a hak fo nen chuan gate lam a pan chu ka thlir tlawk tlawk ringawt


Kei hian engvang a engkim a Lalnuntluangi nen a khaikhin ta fo nge ka nih le? Ka duhloh leh ka pet chhuah zawk khan ka rilru a luah tam ang tulh tulh lehnghal a


"Enge i ngaihtuah reng a, Jerome-a han ko rawh, a room ah a awm kha, nangpawh in thlak la, ei tur a daih hma in rawn ei rawh," Tih zawmzat a choka ah ei tur khai chung chuan a lut nghal


Naktuk mai hi ka nu piancham a nih vangin zan in ah Jerome-a helam ah a rawn riak phei dawn, a rawn thleng tawh a ni nge ang, inchunglam ka en zawk



Thaw hakin choka ah chuan ka zui lut ve nghal vat, "i han inthlak dawn emaw tia, tak in, Duhtak naktuk zan kha Sammy birthday party ah kan kal a ngaih kha aw," Ei tur phawrh chhuak mawlh mawlh pah chuan a ti lehnghal

Ka in seh ruh, "naktuk hi ka nu piancham a ni tih i hria a ni lawm ni? Vani engchiah hi nge i ngaihtuah a?" Vin miahlo a biak ka tum ngar ngar, a har hret chu a ni


"Awiiii, Lalpa..! Ka theihnghilh tak tak, sorry Dear, kan cancel mai dawn nia, vawiin nileng in inpam ah hna ka thawk a ka theihnghilh tak tak, zanriah ei ila ka nu thilpek tur en in kan chhuak dawn nia," Ti nem duai a inthiamlo hmel tak tak pawh pu chuanglo in a rawn nui har har, ka thaw ri hrawih

Ka hawi kual thuak thuak, thlengsil na hmun a, thlengsil failoh leh bel in chher chhuan rem rum te chun ka thin anti rim thut a ni mahna, "pasal nei tawh i ni tih i in hria em?" Ka aw chu duh aiin a chang mah mah tawh


"Eng maw?" A rawn hawi dawrh, "thinrim na tur leh in hauh na tur bawk i zawng leh a nih chuan Sangpui ka peihlo, ka chau aw," Zaak za mah chuan, ka mit ka chhing sawk, "heng zawng zawng hi eng nge? Mihring chên na in pawh a ang iti em ni? Rawng i bawl thiamlo tih ka hria, mahse inchhung êm tihfai erawh i thiam tur a ni lawm ni?" Ka laptop ken chu dawhkan ah ka nghat ri bur


A fian ken dah ri bawl a min cho zet a min rawn en in, "inchhung ka enkawl dan hi i sawisel tih na em ni Biaksangpui, keipawh in sum ka thawk chhuak ve bawk, nangmah chiah he inchhung a sum la lut i awmlo, sum thawk chhuak chung in heng inchhung khur chet zawng zawng hi ka tih tel tur a ni tih sawi miah suh," A rawn ti ṭhat


Ka nui hul hak, Lalnuntluangi bawk ka mitthla ah a rawn lang, nausen pahnih pawm chung khan, kan in sawiloh ka nu leh pa te in thleng khan a enkawl a nia, engthil nge maw ka ngaihtuah leh hrep ni??

"I hna bansan duhlo tu inih kha hria angche," Ka ha pui ka seh ri bap bap


"Lung ngai suh, naktuk aṭang in min chen chilh tur awmpui ka la dawn, i nu te in a awm tur pawh a rawn thleng ang," Ti awlsam et chuan fian bawk ban leh a tum chu alam a pan hnai in a bân ah vuan chawt in ka phih tho sawk, inchhung nuber leh nupui, mo a nihna hre tur a hrilh hrawk mai ka duh laiin heng zawng zawng thlen tir tu leh hre reng chung a nupui atan a nei tu erawh keimah ka ni tih a mitmeng bial kalh mai ka hmuh rualin ka hre chiang nghal lutuk mah mah


Ka vawn na phih thla sawk in, "engthil nge ti tur a min duh a Biaksangpui, i nupui hmasa ang a awm a, in duh duh a in kawh kual leh chhiahhlawh ang mai a engkim ti tur a min ngai a nih chuan iti sual khawp ang," A ti tuar tuar, ka hmai tuai puat a in sehruh chung chuan ka in her vut, kan in hma chhawn reng chuan kut ka thlak mai ang tih ka hlau, choka kawngkhar bul a ka nu leh ka fapa Jerome-a lo ding ka hmuh chuan ka ding dat

Ka nu hmel ah chuan in thiamloh na leh rilru na hmel ni awm tak ka hmu zawk; mahse, a rei hauhlo thung, "chaw ei tur in rawn chho rawh u tih ka tum a, in ei dawn mek ni in a lang," A nui lui sak, Vansangkimi mo atan a duh ngawih ngawih ṭhin kha a ni tun a hma a ding hi, mahse tun hnai aṭang hian a hmel ah Vani a ngainatna ṭhin na mitmeng leh hlim hmel te kha hmuh tur a vang ta pharh mai, kei ang bawkin Lalnuntluangi kha ngaihtuah chhuah chang a nei ve te pawh a ni mahna



"Ka ei peihlo, Nu, Jerome-a kha in inlam ah hruai chho rawh," Ti hluk in choka ka chhuahsan pawk pawk chu ka hnunglam aṭang in, "Biaksangpui khawnge kal i tum? Ding rawh," A ti tuar tuar chu ka hre hman hrâm


TLUANGI...POV



"le le le, tumah haw loh tur aw, inchunglam ah Karaoke room ah in inthlak zawh leh inlo han awm dawn nia, Tluangi leh Hmachhuana khan ei tur ho keng chho ula," Boss a rawn au lang lang, staff dang phur lutuk ṭe chel chul chu en kual in ka nui vur vur



1st December a nih ang in sweet December hman kan tum, haw hmat ka duh viau na in an phal tlat si lo a, reilo te chu ka awmpui a ngaih ve hmel


Ka kut sil fai sawk sawk in, "Hma, lo han keng chho la call kan hmang lawk ange," Tih leh ka phone lek lang zauh chuan pawnlam ka pan nghal


Motor ri tamloh na lai deuh, thim deuh lai chu pan in ka nu ka call, "aw mambawih, i va rawn haw har ve?" A pickup rualin a rawn ti nghal


"Nia, zanin chu ka rawn tlai dawn ni in a lang, hei Sweet December lawm ang u an tia, haw minla phal bik si lo."


"A nih tak chu, hmang ve rawh khai...! Intih hlim ve pawh i mamawh ve alawm, Jerome-a a awm chuanglo, mahse fimkhur la, aaaa ka Korean en duh a chhuak dawn, rawn haw tlai lutuk lo la aw," Ti leh zung zung in ka chhan let hma in a off zui zat, ka phone en chuan ka nui hak ringawt, tunlai Korean drama a atchilh lutuk hi a buaithlak lek lek ṭhin


Nui vur vur a ka in her chu Biaksangpuia hmel ka hmuh rualin ka rak ṭhat, "Biaksangpui," Ka phu nasa lutuk chu ka âwm ka dawm nghal vawng vawng



"Tihpalh," Ka melh hrawk, kei a pawh engtin nge ka hnung mai ah mihring an ding tih ka hriatloh theih ni


"Engthil nge ni a, kha ti ren run a ilo din?" Ti bak hlûk chuan tlem a êng lam ka pan nghal



Ngawi reng in ka hnung a min rawn zui chu kuangkuah at a hawi letin, "sawi tur i nei em ni?" Ka en kar


Min rawn en zauh, "ngaihdam dil che ila min ngaidam thei angem?" A nui suk, "theilo ang tiraw?" Ama thusawi pawh chu a ring meuhlo tih hriat reng reng, rin tur awm heklo



Engthil nge maw a rawn sawileh tak ni, Vansangkimi nen an inti thiamlo a ni ngei ang


"In nu nen in inhau a nih chuan....." Ka tih lai mekin ka lam ah a rawn pen hnai hret, tawlh hnung vat in, ka en kawk, a mit chu a sen râm, ṭah na hnu hma ang maiin a mit a hnawm in a hnar a sen hlar bawk

Ṭawng tum in a âng zuai, a chip leh, rilru nat hmel lutuk in min en vang vang bawk, a sawi tur neih sawi hun nghak in ka en kar thung


"Tluang," A kun zui lap, Biaksangpuia ka hriat ṭhin mahni in ngaitlawm leh min duh em em ṭhin tu mitmeng kha ka hmu in ka hria, ka lu ka thing mat mat


"khawngaih in, bul kan ṭan leh theilo em ni?" Ka en kawk, min rawn en ve bawk, " Ka tiam angche, kan fapa, kan pahnih tan, engkim ka thlak danglam ang," Ka hma a ding ka mipa lo hmangaih ṭhin, a tan theih tawp ka chhuah ṭhin na, kum 10....kum 10 teh meuh, ka ṭhatlai hun zawng zawng ka khawhralna; mahse, a hunlai a vawikhat pawh min hriatsak duh ngailo tu khan chu thu chu a sawi a nih chu...!! Zanin hian engthil chiah in nge ṭhawng le..?? Rui hmel leh zu rim a nam bawk si lo


Kan inṭhen na pawh kum a chuang tawh, eng nge tun ah a rawn tih a, a duh diktak ni pawh ka hre tawhlo e, "Sangpui, engthil chungchang nge i sawi leh tak hi i hria em? Nupui nei tawh i ni a, ka bul a i inchhir thu rawn sawi fo tur i nilo," Ka tih zawh rual deuh thaw in ka kut a rawn ban nghal zat


Ka meng kawk, thing thlak mai ka tum chu vuan nghet sauh a ka lam a rawn pen hnai hret chuan, "ka tihpalh, bul kan ṭan ṭha theilo em ni? Ka nun hi i tel lova hmang chhunzawm tur in huaisen na ka nei tawhlo a ni," A hmel a beidawn na thûk tak chu ka hmu fiah lutuk mah mah, ka tleirawl chhuah aṭang a ka vei ruk, kum 10 chhung ngawt a nupui lo ni tawh ka ni a, a mitmeng thîp ram phen a, mihring nun beidawng lutuk leh inchhirna a khat mitmeng hi ka hmufiah mah mah a ni


Mahse, chumi avang ngawt chuan let leh ka tum aw zawnglo thung, ni lo, he ka thinlung ah hian a ni ai a pawimawh an awm tawh tlat a ni, "min thlah teh, Vani'n ngaih dân dik lo a neih ka duh miah lo a nia," Tih leh min vawn na phelh sak mai ka tum chu a hum nghet tulh tulh, Sangpuia luhlul zia ka hria, ti mai chuan ka hneh dawn lo tih ka hre zui zat bawk


Restaurant lam aṭang min rawn au lang lang chu chhang let in, "ka rawn lut ṭep," Tih leh Sangpuia chu ka en chho

"I nun a let leh tur khan min duh a maw?" A mit ah tak ka en chho, kan din na hi light in a chhun na zawn chiah a nih avangin kan in hmu chiang ngang mai, beisei nei lutuk in a bu nghauh nghauh, min vawn na phelh sak deuh sawk chuan, ka din na hmun ka siam rem, dak chho vah a en in, "ka nunhlui kha maw vawikhat te mah ka ngai ngâi miah lo, a chhan i hria em?" A thaw hak, "ka tihpalh Bawihi, mahse ka hmangaih chu nangmah i ni," A sawi zawh rualin ka nui suk, ka nuih erawh a za miah lo, za lo tak a ni

"Engtik ah nge ka pasal a rawn haw a nga, hmeichhe dang a rawn hruai lut a ngem? Pawnlam ah tu nen nge an awm a nga, tu hmeichhia nge a awmpui ang? Rui chung in a rawn haw leh angem?' Tih ngaihtuah a, hlauthawng leh rilru nuam lo reng reng a awm leh tur khan ka rawn let ang maw???" A kun lap, ka khawngaih a lawm, an nupa nun nawmloh leh in nghir ngho fo ṭhin pawh tu thu kam leng vel aṭang in ka hre ve leh zel ṭhin


Ka nunhlui ka ngaihtuah let leh ka sawi chhuah chuan min vit ngut ngut, Biaksangpuia vang ni lo, keimah leh keimah ka in khawngaihna in minti na lutuk mah mah, ka mittui a rawn hnâm ṭiam ṭiam


"I hria em Sangpui? Khang hun chhung zawng zawng a ka beisei awm chhun leh keimah leh keimah ka in fuih fo na chu, 'engtik ni ah emaw chuan' tiin, ni e, i lak a ka beisei awm chhun chu, 'engtik ni ah emaw' tih chauh kha a ni, khawi hmun ah pawh awmla, engpawh ti la, i tan banglo in ka ṭawngṭai ṭhin, 'him tak leh dam tak a i rawn haw let theih nan leh i rilru i thlak ve theih nan' tiin, Pathian hnen ah khian maw....". Ka tawp dat, mittui luang ngiai ngiai in ka en, ka chil ka lem khalh, ka in sût ri hrawih bawk

"Kan inkar ṭhat leh ka beiseina, ka duh na khan maw Pathian hnen ah ka dil satliah a ni lo a sin, a ngen khan ka ngên ṭhin, a chang phei chuan, 'kan inkar kha 'thihna' hian min ṭhen hrang ni ta zawk se, ka pawm thiam zawk angem?' Ka ti ṭhin, dam reng chung leh ka mit hmuh phak a awm, ka kuah phak ni ta miah si lo, 'ka fa te pa, ka pasal a ni' ti a, sawi tur la awm ve reng si in, ka ngaih thu tak ngial pawh ka hrilh theih tawhloh, zantin deuh thaw ka bul a mu, mahse ka ta ni tawh chuang miah si lo, mahse zantin mai ka mittui ti tla fo tu leh chem tel miah lova, ka thin min vih sak fo ai khan, thih na hian min ṭhen hrang ni zawk se la, ring tak a ṭap in, i thlanlung vawt thler tal ka kuah vawng vawng thei zawk tur' ti a ngaihtuah chang kha ka nei fo ṭhin a sin," Ka thusawi tawp lam chu a ri chang chang, keimah pawh in ka hre ṭawk ṭawk chauh a ni, kum 10, kum 10 chhung teh meuh ka pasal lo ni tawh lak a ka rilru zawng zawng chu a tawp a tawp ah a rawn irh chhuak a ni ber


"Bawihi," A hmel en tawhlo mahila a ṭap ve a ni tih ka hre thei, a thaw ri hawk


Ka ṭawng chhuak thei tawhlo a, ka chil ringawt pawh ka lem mai thei lo, ka hrawk na lutuk leh min hnawt tlat tu boruak in a ka hnungzang thla a na tak mai nek bet tlat chuan ka thawk a ti harsa, ka awm dan ka sawifiah thiam dan ber chuan, chhang thâwp khawro zet mai, tui tel miah lo a kâ khat pawk mai a ṭhial ang mai hian min hnawt bet tlat in ka hre ber


"Ka..." A aw chu a thawp sup. Rilru na tih hriat ngawih ngawih a mit hnawm chap a min en chung a rawn pen hnaih a tum chu ka kut chunglam ah ka phar zauh, thawk lak mai ka tum a, a harsa lutuk mah mah, boruak ka hip ṭha thei der lo, kum 1 lai chu liam tawh mahse, he lai....he lai tak mai na leh ser a siam hi a dam be theilo a tin ni


"Sangpui hetah hian tawp ang," Mittui a rawn luang zawih zawih ; mahse, Biaksangpuia ka hmangaih vang leh ka duh vang erawh a ni tawhlo, ka nunhlui khawngaih thlak tak vang khan a ni zawk, ka chan chhiat theih zia te, hmuhsit na, diriam na ka tawn zawng zawng te ka ngaihtuah let na leh mitthla a rawn lang hian minti thinrim in min ti na ngut ngut....




****Riya****

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:34 pm

LYING HEART
By floria laldansangi




18



HRUAIZELA...POV



"February thla lai hawl chu ṭha in ti mai em? Hruaizel, i ngaihdan te rawn thawh ve la," Sarah-i pa in nui ṭhû a arawn tih chuan nui hak a ṭhu ṭha pah chuan dawhkan a apple zai lep chu ban in ka kaih ri hmawrh


"Eng chungchang nge in sawi pawh ka hre si lo a, engtin nge ka ngaihdan ka sawi theih ang ni?"


"Hruaizel," Sarah-i leh ka nu in an rawn ti rual ṭhat


Ngeiawm zet a ka mit hmul kan ak in, "ahhh, inneih chungchang tiraw? Ka pu in fanu hi neih ka tum hleinem, a dik em Sarah?" Ka bul a ṭhu chu nui chung in ka en, a hmui a khur der der


"Lalhruaizel engthil nge maw i sawi leh tak le?" Ka nu chu ka melh zawk, ka nui suk bawk


"Eng nge a sawi awmzia hi? Sarah, Hruaizela thusawi hi eng nge awmzia?" Sarah-i pa in a rawn ti ṭhak, ka dar ka san ak


"Ka nei ang tih ka sawi lai in hre reng reng em maw ni?" Ka ṭhut na aṭang in ka tho zui tharh, thinrim na nen a an vai a min en hraw chu en kual in, "Sarah-i ka neih theihloh chhan chu a mah hi inlo zawt tawh mai dawn nia, ni lawm ni Sarah?" Ka kut chunglam ah ka vai zauh, kawngkhar lam ka pan nghal pawk pawk


"He inneih na chungchang hi ngaihtuah ṭhat leh ka duh," Sarah-i pa aw ah chuan tlawm na alang tel


"Ka duhlo ka pa, Hruaizela chu keiman ka be mai ang," Sarah-in ṭap lek lek a a tih chu ka hman hrâm, ka hma ah ṭhingṭhi mahse ka nei chuang dawnlo tih hre tur a ni a sin maw le


Car a ṭhu lut in chak lutuk in ka tlan chhuak, khawilam nge ka pan dawn pawh hre lovin ka hma zawn ah chuan chak lutuk in ka tlan, ka hawi chhuah meuh chuan Sena restaurant kawt ah ka car ka ti ding tuar, ka thaw chhuak hawk, tunlai he hmun ka thlen zin zia ka hre chhuak nghal rum rum



Restaurant lam hawi chho chuan ka en melh kul, a thim ṭhap, Sweet December kan lawm dawn a tih tak kha maw


Ka phone phawr chhuak in Sena number hmet chhuak in ka call, a lak hma in inchung lam varanda a a rawn chhuak ka hmuh chuan nui suk a phone off in car aṭang in ka chhuak nghal zat


Fai fuk rat rat a inchung kai lawn a pen chho thak thak chuan ka lut a, toilet zawn ka thlen rualin toilet kawngkhar a rawn ri rawk, Lalnuntluangi a rawn kat chhuak nawk nawk chu meng kawk in ka dawm vat bawk, zu rim a nam huk


"Lalnuntluang," Mitmeng sen râm leh phe chiai a min rawn en a nui vur vur chuan, a zai zui niah niah, ka thaw hak


"Tu in nge zu pe che," Ka ṭawng chu a hria em pawh ka hrelo, "min thlah rawh, kan zai leh angchu," Ka thing hrep zawk dawn maw ni?


"Ka hruai haw angche," Tih leh a kawng a kuah ka tum chu ka kut vai sawn lawp in toilet kawngkhar a ngheng ri nghal rawp rawp, rang lutuk in ka dawm lehnghal


"Bawiha," Lalnuntluangi ding bu lawp lawp leh pai khat khat dawm chung a hawi chhuakin, "engtia he tiang a rui a pe nge maw inih le?" Ti hluk in, "ding ṭha rawh," Lalnuntluangi chu ka vin zui hrawk, ama thu ngawt chuan a in hauhlo ang


Nui vur vur a min rawn din hnaih in, "ka pek a ni lo, zantir lam kha chuan haw a duh thu a sawi a, party ṭan hma deuh in tu emaw a bia in ka hria, a rilru ana ni mahna," Min ringhlel deuh ni awm tak a min rawn melh in, "i in hauh pui emaw ka ti zawk a," A nui zui vur vur, ka rum nghut


"A bag ka va la anga hruai haw mai rawh," Tih zawm sup in a pensawn nghal, tu teh hrep nge maw a biak le?


"Hey, Lalnuntluang, i harh em? Ka hruai haw angche," A lu a rawn thing nawk nawk, men pawh meng hlei theilo a min rawn en in a nui vur vur


A mit meng phi liai leh zu vang a hmai sen tai hlar mai te, a hmui sen no suah mai leh zu rim leh a rimtui hman in pawlh chiai mai te chu a in rem mah mah, a rui chhe em em chung pawh hian ala duhawm reng nia, ni lo, a duhawm tulh tulh emaw tih tur a ni


Engthil nge maw ka ngaihtuah hrep le? Ka hnuailam, ka bawiha rawn che ṭulh ṭulh chu melh zawk in Ka lu ka thing nawk nawk, hmeichhe zu rui in ka thisen a ti lum a nia, teh hrep chuan...!


"Hruai haw chu a chi dawn em ni? Hetah riah tir mai la, midang riak tur pawh an awm tho a?" Sena'n bag min rawn pek pah a tih chuan ka lu ka thing, an inlam ah chuan hruai haw chi miahlo, ka in ah ka hruai mai ang...?


"Nang hi..." A rawn nui huk


A bag ken pawt thla sawkin, "nang ang ka ni lo," Ti hluk chuan Lalnuntluangi chu ka pawm kâng lawp, ala tal ang vei vut vut zui a


"Min dah thla rawh, min ruk bo i tum em ni?" Sena nui vur vur chu melh hrawkin, "naktuk hna a rawn kal thei dawn lo a nia," Ka tih chuan uar lutuk in a bu nghat nghat, eng thil tenawm nge maw a ngaihtuah hrep ni a..???


"Hlute, Hlute," A lu a thing mat mat, "Rinsang min chhan rawh," Lalnuntluangi au nuah nuah chu step a ding dawt a thing nawk nawk pahin, "phiangsen a Lalnuntluang, kha mihring hming kha ilam a ngai miahlo," Lei ah ka thlak zui dawt zawk dawn emaw ni? A rui engmah hrelo chung pawhin keiai kha mihring duk daklo lutuk hming kha a lam zawk a nia, hreptak hian.!


Mit tle ral a ngawi hmak a min rawn melh chho kiau chuan, mit ka chhing sawk, thaw ka la kawk, zu rui ṭawng ka khing sawng a nia, phiangsen hian, engvang teh hrep a rui nge maw a nih hrep ni..?


"I sual hle mai," A rawn men zui puai puai, a an ber chu naupang kum 7 bawr vel vin hrawk a, hlau thawng ṭap ṭha ngam silo hi a ang ber


"Ila hre nange?" Ti hluk in ka pen thlak pui pawk pawk


Bu nghauh nghauh in, "hre chiah," Car kawngkhar hawng in ka ṭhut luh tir, ka nui ve hak, a zu rui duhawm zia hi a in hre awm tawp si lo a


Min hlauh hmel zet a inti fel zet a ṭhu fel at chuan a meng diar diar, car a ṭhu lut in ka tlan chhuak nghal


"Engvang a zu in ve ngawt nge i nih?" Ka melh zawk, ka thusawi ngaithla lemlo tih hriat zet in a mal chung a bag ka dah chu a hai rak rak, zawn nei a ang zawk mah


"Engthil nge i zawn??"

"Lo ngawi mai mai rawh," Ka sawi zawh rualin a rawn ti ṭhat, nichin mai a ṭawng fiahloh loh nen, tun a tak a a rawn fiah em em ni..? Ka en kawk, mit melh ve ram ram chungin, "ka fapa ka biak angai," Ti leh bauh chuah phone a rawn phawrh zui chu rang lutuk a phih thlak sak in, "i ruihloh hun ah," Tih leh hnunglam seat ah ka theh zui nghal, "ka ta a nih kha," Ti ve khar khar chuan min melh ram ram, hnunglam a en leh ṭhin

Beidawn hmel zet a a seat hnung ngheng dat chuan mit a chhing zui diar diar, ka mit sir leh zauh ṭhin bawk, a chang leh a rawn phun niah niah, ka hminglam sep sep bawk chu melh zauhin ka nui leh suk ṭhin, a eng hian nge maw minti hlim hrep ni..? A hmui a ṭang a ka hming a lam hmuh chu a mawi em em hian ka hre ringawt lehnghal...
.
.
.
.
Car ti ding dat a Tluangi lam hawi chuan ka nui huk, dâk zet a, kâ âng hau mai a muhil thaw sawk sawk chu ka nuih hak hak, car a ṭang a chhuak in a ṭhut na lam pan chuan in ka pawm chhuak, a rawn rum ṭiah ṭiah, a kam a tep chiao chiap chu insum zo lo in ka fawp vawng vawng, a hmui thlum zet leh nem thep hi a ni ka ngaih em em in, a hmui fawp dawk dawk a, thaw chhuak ham ham a inla hrang a, rawn nui sen sen chu en in ka nui ve suk

"Hruaizel," Ka pensawn tur chu ka ding dat, muangchangin a rawn meng diar diar, a rui a reh emaw ka ti dawn thuak a a rawn nui zui leh sen sen takah chuan ka rum nghut


Kawngkhar lam pan in ka hawng rak rak, room lam ka pan pui chu tlak hlau ve ni awm fahran in min kuah bet ṭai


Khum ah nghah mai ka tum a, ka nghawng a kuah bet chuan, ka hming bawk a rawn lam leh chu chiang lutuk in kan in en, a nui sun sun


"Mu hil rawh, i harh hun ah kan sawi dun dawn ni," Ti sup in ka nghawng a kuahna phelh sak ka tum chu a lu a thing mat mat, thaw hak in khum a ṭhu thla ve chuan, "engthil nge sawi i duh a?" Ka ṭhut tun tir

Kan in hma chhawn ran, a mitmeng buai zet ah chuan a harh fim hlawl lo tih lah hriat reng reng


"Hruaizel," Uluk lutuk in min en


"Ummm," A ṭap dawn emaw tih mai tur in a mit aṭang in mittui a rawn hnâm ṭiam ṭiam, a chil a lem khalh

Naupang an duh zawng kan pe ang mai a hlim hmel a rawn nui vur vur si chuan a mit ah erawh natna a khat thung


"Ka hringnun a ka tawn che a vang hian ka lawm zia i hria em?" A mit a khap ban chap chap


"Ka hria a lawm," A nui sen sen, ka nui ve suk


Lu zo lo zet a bu nghauh in, "kan inkar hla hle mahse," A lu a thing mat mat, "in hlat hle mai ila ka thinlung ah erawh a kil ber thleng in i awm tih i hria em?" A mittui a rawn luang ngiai ngiai



Ka bu nghat, ka nghawng a kuahna kut pakhat chu ka hmai zawn a rawn lek in, dim te in ka hmai a zût riak riak, "engtia rei nge ka thinlung hi ka bum theih i rin? Hetiang a ka mitthla leh ka mumang ka hmuh ṭhin che hi engtik ah nge a tawp ang?" Ka lam a rawn awm hnai chuan dim te in ka awm ah a rawn bei zui chial bawk, "keimah leh keimah ka in bumna ah ka chau zo tawh," A thusawi fiahber ka hriat leh chhun a ni, a dang zawng chu a riat ral niap niap


Mahse, ka hkim veng veng thung, nui suk a a chhip fawp vang vang chuan nghet lutuk in ka kuah, ka hming a rawn lam sep sep chu en chhuk in, "ka kal tir tawhlo angche, i thinlung pawm tur in ka siam angche," A chal ah ka fawp zui vawng vawng



TLUANGI...POV


Ka lu na lutuk leh pum ri rawk rawk ah chuan meng hleilo a ṭhu chhuak in ka bek tawn tawn ah ka dawm vang vang, ka lu hi a puak mai dawn in ka hria


Ka dang lah chu a ro in, ka tui a hal huam huam mai lehnghal a

Meng ṭawk ṭawk a khum sir a tui in hung ban chuan ka in khawlh khawlh


"I harh ta maw?" Ka tui in lai ka phuh chhuak ṭhawt, kawngkhar biang ngheng a, apron awrh chung a ding ka hmuh chuan ka tui in ka hka nghal bawrh bawrh, ka harh kawk bawk, harh chiang tak ka ni


Ka lam rawn pan a ka tui no ken la in, "heihi in rawh, khawizu tui a nih kha," Ka kut ah no a hmeh bel nghal, ka la khuh kharh kharh



"Sawtah sawn i mamawh tur a awm ang, inti fai la, breakfast ei turin rawn chhuk angche," Ti leh bul bul chuan min en zawkin, "nizan a i thawmhnaw kha chu ka paih tawh," Tih leh in her vut in kawngkhar lam a pan lehnghal


A chhuah rual in ka thaw chhuak kawk, ka hawi kual, ka room ah ka awm aw zawnglo tih ka hre chhuak, ka sa pup pup, ka zak lutuk hi hnar leh lu hian ar-bawm a tiat mai dawn in ka hria


Engtin nge helai hmun ah hian ka tawp theih? Hruaizela nen lehnghal..!Arghh...nizan khan Whisky, Beer, Champagne ka in pawh ve ringawt a nih kha, ka ngaihtuah let ngial pawhin engthil nge ka tih ka hre chhuak zo tawhlo, ka pian a hnu lam a ka vawikhat in na a nih vang pawh a ni mahna, chupawh nise engtin nge Hruaizela in ah kher kher ka tawp theih ni..??


Rang lutuk a khum a ṭang a zuang chhuak in ka no ken chu dawhkan a dah rawk rawk chuan plastic bag couch a a mi chu ban in bathroom ah ka tlan lut nghal, darthlalang a ka hmel ka hmuh phei chuan ka phu zawk lo chauh, darthlalang ka pan hnai rawk rawk, ka hmel bawr chhawr zet mai en chuan ka ner zui nawng bawk


Nizan helai hmun ah ka riak a nih chuan ka nu te ka be lo tih na em ni? Nge ni a Hruaizela hian ka chhungte a be zawk? Ka lu ka thing nawk nawk, "a be lo ang, ka nu in a hria a nih chuan min rawn hruai tur in a rawn kal ngei ngei ang," Mi â ang mai a mahni leh mahni in be mawlh mawlh chuan shower awmna lam ka pan nghal
.
.
.
Kim ki dek a room aṭang a chhuak chuan kawngkhar pan a tlan chhuah mai ka tum chu a hre sa emaw tih mai tur in, choka aṭang a rawn dak in, "hetah rawn phei rawh," Ka ding ngil awt, thaw kawk in, "a tlai..." Ka sawi zo hmanlo ka lam ah a rawn pen pawk pawk


A kamis hak pawl dal leh a bân pawh chhoh dan nen, a taksa lian zet mai, kamis chhan ah pawh a âwm bawr inohiar fat mai te, a sam dum hlarh leh fai sar mai, chhip lam a buk lai mai te chu in hmeh tak a ni, a hmel leh landan ringawt pawh hian thawk a ti buai thei nia maw le


"Pum ruak in i awm rei tawh lutuk," Ti hluk in ka bânrek a vuan chawt chuan choka ah min pawt lut zui rawk rawk


Chair pawt chhuak in min nam ṭhu hnawk, "porridge kha ei zo angche," Tih leh ka hma a bowl awm chu ka hnaih ah a pawt hnai zui zat, a chet dan chu a ngaihna hrelo zet in ka en haw haw ringawt


Ka hma a chair pawt chhuak ve chuan a ṭhu thla zui zat, min rawn melh zawk, Milk thli chhuak a ka lam a rawn nawr hnai leh chuan, "ei vat rawh a dâi hman ang," A hmel ah chuan engmah a langlo, nizan ah engthil pawi mah ka sawi lo a ni chek angchu


A hma a sandwich ei zui chuan coffee a tem zui hlak, ṭawng tum a ka âng zuai tih ah ka pum a rawn ri rawk rawk, a nui ri suk, "ka ril a ṭam lo" tih hrâm ka tum vei nen, ka sa pup thei, ngawi reng in engmah sawi ta lo chuan thuawi zet in porridge chu ka hawp zui




Ka hma a ṭhu mipa hmelṭha zet mai, coffee leh sandwich ei pah mawlh mawlh a, buai hmel zet a paper en mawlh mawlh chu ka melh leh zauh ṭhin, a landan cool lutuk chu a in hria ngem maw ni?? Hahthlak hian..!!


""Hruaizel," Min rawn en vat, zaidam hmelzet in, "eng nge?" Tih en a min en chuan ka thawk a sak leh ringawt in ka sa leh pup pup tawh, engthil nge maw a hriat hrep ni, a mitmeng ah chuan engmah thlenglo ang mai leh duatna mitmeng bak hmuh tur a awmlo, chu chuan minti zâm in, hlauhthawn na min pe, ka in ring tawklo a ni mah zawk


"Sawita che," Mawi lutuk in a nui zui suk, nizan ah engthil nge thleng hriat ka duh, zawh ka duh; mahse, a hmelṭha lutuk leh nui hmel, mitmeng pawisawilo vel lutuk sawn minti zâm chhe mai dawn in ka hria, ka chil ka lem khawlh


Nui sun sun a paper bawk la kang a en leh in, "nizan a i awmdan hriat i duh em ni," Ka porridge hawp lai ka hak lo chauh, ka en kawk


Min rawn melh in a nui vur vur, "eng..engtin nge hetah ka awm theih?" Pangai tak a zawh ka tum nen, zahna awmthei zawng zawng in min bawmbeh vangin ka dang a awk zo


A dar a san ak, "min ngen kha.." Nuihza insum tih hriat lutuk in a hmui hnuailam a pet zauh


Ka en kawk, awiawmloh lutuk, keihian ka ngên lul lo ang

Ka hmel landan chuan a nuih a ti za tih hriat zet a rawn nui chuak hawk hawk chuan, "i ei tur ei rawh," Tih leh paper bawk la kang in a en leh, ka hnar tum dat a ṭawng leh ka tum chu door bell a rawn ri ral ral, min rawn en zawk, a la nui reng tho, rum lutuk in ka lo melh ram ram


Nui deuh tut tut a tho chhuak in, "ei vat rawh," Ala nui ṭhû tho, choka a chhuahsan rualin ka nui ve hak, a nui hmel leh a nui ri khan a ti oa leh zual, ka lu ka thing mat mat



"In biak kan ngai takzet, nizan a...." Choka kawngkhar lam ka hawi nghal vat, Sarah-i ṭawng lai pawh tawp chawt in a ding dawt, zingkar a Hruaizela in a min hmu chu mak atih zia a mitmeng thim nghal khup khup ah chuan a lang reng


Ni e, mak ti leh thinrim awm pawh a ni, mahni pasal hual te in ah, zingkar ah hmeichhe dang hmu ila ka hlim bik tawp nang


Hruaizela rawn lut zui zat in, ka ṭhut na aṭang a thawh ka tum chu ka lam rawn pan a ka dar a vuan in min nam ṭhu zui zat, ka dar a a kut thing thlak mai ka tum a, "ṭhu hle hle rawh," ti hluk in, "engthil nge ni a?" A zui nghut bawk, Sarah-i rawn lut chu a aw chhuak ringawt ah chuan a lawm hmel teh chimloh

Nge ni a lem a chang zawk, nimin mai ah kha chuan an inneih na hriatpui tur in min sawm a nih kha, ka ngaihtuah na ah a thusawi a rawn lang chhuak, ka mawl zia ka hre chhuak nghal rum rum, engtin nge helai ah hian ṭhu in ka la nuihpui theih ni..?


Sarah-i chu ka melh zawk, a rawn nui sen sen tak na in a mitmeng erawh thîp tak a ni, "kâ chu a daw thei, mitmeng erawh a daw ve ngailo," An tih kha maw..


"Tluangi, i awm ve tih ka hre miahlo a," A nui var var na in a mitmeng ah erawh min rawn phih chhuah mai duh tur khawp in a thîp thung


Dawhkan lam a rawn pen hnai in chair la chhuak chuan a ṭhu thla zui zat, "breakfast ka la ei bik lo a, ei ve ila a pawilo angchu maw?" Tih leh Hruaizela ei lai sandwich ban a tum chu Hruaizela'n a plate chawp a ka hma a pawt hnai in, "breakfast ei tur in i rawn kal lo, i sawi tur sawi la chhuak rawh," Nin hmel zet in a ti hluk


Sarah-i mit chu a sen ṭawlh ṭawlh, a alh mai dawn in ka hria


"A hmanhmawh thlak hleihnem," Harsa tih hmel zet in a ner sawk, "ka kal..."Ka tih lai mek in Hruaizela phone a rawn rik tak ah chuan ka ngawi dat



"I porridge kha ei zo angche," Tih leh ka dar a vawn na hmer salh in, "call ka'n chhang lawk ange, Sarah-i sawi tur ineihloh chuan haw angche," A aw chhuak tin mai ah chuan Sarah-i haw tur a a duh zia a lang chiang mah mah ṭhin


Hruaizela'n choka a chhuahsan rual in ka hma a sandwich plate chu a lam a pawt hnai in a keih hmawk, Hruaizela coffee in lai chu lem hlek in a kut a beng fai zui thak thak, ngawi reng in a chetdan chu ka en kar, ka ril ṭam tehlul nen chawp chilh in ka thil ei chakna a bo hmak


A thil ṭhial lem khalh a, chiang lutuk a min rawn en chuan, "Tluangi," A ner zui sawk, ka hming chu bawlhhlawh, tenawm tak a ni emaw a ti ni mai awm a ni, a hmel pek chhiatdan chu, "Hruaizela nen hian awmdun tur in minduh em?" A mitmu lian kelh kawlh a min en chuan ka zâm ve lek lek



"A dik a lawm," Awilo tih hriat zet in a nui zui hak, "a nih chuan i hna hi bansan la Aizawl hi chhuahsan rawh, ni lo, hnadang, hlawh tam zawkna ah ka thawhtir angche," A â tawh a nih hi


A thusawi chu ka hresual emaw tih hial tur in ka en ngawih ngawih, Hruaizela nu ṭawngkam ang chiah leh a hmel ang chiah a ni bawk, engvang in nge Aizawl ka chhuahsan ang ni??


"I thusawi hi ka hrelo ang ah ka ngai dawn nia," Tih leh thawh ka tum chu dawhkan a rawn chum ri ṭhak, ding zui zat a dawhkan nem in ka lam ah a rawn awn, ka eu ve zawk


Chiang lutuk a min en chuan, "thudik min hrilh rawh, ila bansan lo a ni tiraw? Aih, i duh a ni, ila duh a ni," Min bia pawh a ang lo zawk, "sawi rawh," A seh chilh rap rap, a mit a sen râm bawk, min hap mai duh tur hmel a pu


"Thudik sawi tur in min duh takzet em?" A mit a en let kalh chuan ka ṭhut na aṭang in ka ding chhuak ve, ding ngil a ner sawk in, "sawi rawh," A ti nghut


Bu nghat in, "a dik, ka duh a lawm; mahse, ka bansan tawh, ni lo, ka bansan dawn em tih ka ngaihtuah ṭhat leh a ngai zawk in ka hria," A mitmeng a ai nasa in a dur nghal khup khup, ṭo ruah haw tur ang maiin a thim khup


"Lalnuntluang," A seh chilh rap rap, "nang.." A hmui a khur dar dar, ṭawng leh a tum zuai tih ah ka ipte a ka phone a rawn ri ral ral, Hruaizela a rawn lut ve chiah bawk, Sarah-i ka melh zawk, a mit a chhing sawk, a rawn men leh rualin a nui lehnghal sâng thei chuan mi rap lek lek, ka hmul thi a ti ding lo chauh


Ka phone ri ral ral chu la chhuak in ka bul a Hruaizela rawn ding chu ka melh chho zawk, "tunge?" A hmui phun a arawn tih chuan chhang lo in ka pensawn nghal, a rum nghut ri chu ka hre hrâm


"Boss," Ka pickup rualin ka ti sep, Sena'n min rawn call ve teh mial chu mak ka ti ang reng


"Tluangte, restaurant ah i rawn kal lawk mai dawn em ni?" A aw chu a diklo


"Engthil nge ni a, ka rawn kal nghal ang," Ka tih zawh rual deuh thaw in Sarah-i aw ṭeng lutuk ka hre zui zat


"Tunge a nih? Eng nge a nih bik, ka neihloh leh pek theihloh che engthil nge a neih?" A aw ah chuan ṭap mai tur a ang, ka hming sawilo mahse ka chungchang a sawi tih ka hre thei


"Sarah-i em ni?" Lehlam aṭang Sena'n a rawn tih chuan, "umm," Choka lam ka melh zawk


A rawn thaw ri hak, "helam ah buaina eng amaw a awm a, rawn kal phawt teh," Tih leh a off zui nghal, choka lam melh leh zawk a kawngkhar ka hawng tur chu, "Lalnuntluang ding rawh," Hruaizela aw bung zet mai ka hriat rualin ka bulah a rawn ding zui nghal, ka en chho kawk


Choka lam ka en leh Sarah-in mit hnawm chap leh sen râm maiin rum lutuk in min lo en, ka thaw kawk, "ka thlah angche," Ti leh nghut a min rawn vawn mai a tum chu ka tawlh hnung vat


A mit ah tak en chho chuan, "keimah in ka kal thei."


"Lalnuntluang," Ka chhan na vang a lungawilo tih hriat zet chuan min en khur khur


"Nizan avangin pawi ka ti, chutih rualin nangni nun leh infiam na atan hun ka neilo, ka nun pawh hi in telovin ka buaipui tawk viau laiin, nangni buaina a rawn in hnam hnawih turin ka buai lutuk," Ti fak fak in Hruaizela nek deuh salh chuan kawngkhar hawng rawk rawk in ka tlan chhuak ti tih, min rawn um zui ka rin vang nge, ka hnunglam a pen thawm emaw Hruaizela mi uapna ṭhin huhang na tak ka hrelo chu ka chhungril khawi emaw lai ah hian ka lungawilo ru veng veng, ka duhloh tawp thil a ni bawk




Kawngpui ka thlen rualin taxi rawn tlan ka hmu nghal zat, phar ding in, ka hnunglam a ka hmingpum a pawr zet a min au tu ka hriat avangin rang lutuk in ka ṭhu lut, ka kal duhna hrilh sawk sawk chuan tlan chak tur in ka hrilh nghal mawlh mawlh


Ka hnunglam hawi let chuan kawngpui sir a Hruaizela thinrim tih hriatzet a ding kak tau mai chu en vawng vawng in ka thaw chhuak ham han, min nang hmanse chuan kan in chhuah mai mai dawnlo tih hriat reng reng


Sena restaurant kawt ka thlen chuan pawisa ka pe mai dawn a ka bag ka keng reng renglo tih ka hre chhuak, "lawk in aw ka pu," Tih leh ka phone phawrh in, Sena ka call, a lak rual a restaurant kawt a ka awm thu hrilh chuan ka off zui nghal


Reilo ah a rawn lang vat bawk, taxi fare pe a restaurant lam kan pan chu, "engthil nge ni a? Tih diklo ka nei em ni?" Ka melh zawk, a hmel ah chuan eng amaw ka hmu, mahse, engthil chiah nge a nih ka sawi thei biklo


Restaurant kan luh rual in police form ha pathum leh hnathawk zawng zawng lo awm ṭhap chu phawk fe in ka en


"Engthil nge ni a?" A ngaihna hrelo lutuk in ka hawi kual, min en ṭhap, police officer pakhat ka hma a rawn pen hnai chuan, "hei hi i locker aṭang a hmuh a ni a, engtia i neih nge?" A kut a a thil rawn lek chhuah chu ka en vat, ka meng kawk


Hruaizela ṭhi minpek kha a ni, ka bag ah ka dah reng si a, engtin nge ka locker ah a awm theih, ka bag lah Hruaizela in ah a awm daih bawk nen


"Hei chu..." Ban mai ka tum chu a kut la let in, "Matlani ṭhi hi engtin nge i locker ah a awm theih Tluangi?" Maw?? Matlani ṭhi maw??


Sena lam ka hawi vat, a mitmeng ah chuan min rin na leh rinloh na a in zat chiah, ka hawi kual vel, tupawh mai chuan ṭawngkam in sawilo mahse min ringhlel vek tih lah hriat reng reng


Ka kâ ka âng mai dawn a, Hruaizela hming ka lam tel a nih chuan kan inkar ka sawi chhuah a ngai ngei ngei dawn tih ka hre chiang, ka sawi chhuah rualin Mizoram pum ah hian reilo ah a darh zui ka ring hmiah bawk




"Mambawih," Ka hawi vat, kawngkhar a ka nu leh Hlutei rawn lut chu phawk lutuk in ka en, "nu," Ka lam an rawn pan, police leh midang awm ve ṭhap chu mak an ti ve hle tih hriat zet in an hawi ve hu hu bawk

"Engthil nge thleng a?" Hlutei ka beng ah a rawn phun sar sar, ka melh zawk, "eng nge in rawn tih dawn?" Ka nu chu ka en

"Nizan i rawn haw silo a kan ngaihtuah che mawle?" Hlutei bawk ka beng bul ah a rawn phun leh sar sar, midang lah chuan min en ṭhap


Mit chhing sawk in, "Nu lo va haw rawh u, tihtur pawimawh kan la nei," Ka sawi zawh rualin, "Tluangi police station lam ah minzui dawn em niang? He ṭhi hi Rs.. Man lai a ni tih i hria em? Case a sang viau thei bawk," Ka mitmu a pawt chhuaklo chauh in ka ring, ka nu leh Hlutei pawhin min en kawk


"Eng nge i sawi awmzia ka fanu hian he ṭhi hi a ru itih na em ni?" Ka nu chuan police pa chu a en ran, a chho en vah na in a hlauh hmel hran viauloh


"A thusawi kha i beng a ngawng a nihloh chuan hre tur ini?" Kan hawi dawrh, Hruaizela nu leh a pasal rawn lut chu mak ti lutuk in ka en, engkim mai a buai nuaih piahlam ah mi zawng zawng an rawn in ko khawm emaw tih mai tur a ni

Ka nu ka melh zawk, a pasal hlui, uire san tu a hmu thut chu mak a ti ve deuh a ni mahna a meng deuh kawk, rei erawh a ni lo, ka nu mizia ang chanve tal hi nei ila ṭha tur


"Lalnuntluang, nizan ah khawnge i awm?" Hruaizela nu in min en kalh, "ka zawh che chu," A mitmeng fiah kelh kawlh ah chuan dawh theihna pakhat mah a awmlo


"Rami," Hruaizela nu bul a ding, ka nu hming thawp sap leh mak tih hmel zet a min en tu chu tunge a nih hrilh ka ngailo, ni e, ka pa, ni lo, minduhlo a, ka nu nen a min kalsan tu ngei kha a ni, ruh lutuk ka kut ka hum

Hruaizela nu in a pasal chu a melh hrawk, a nghawk zauh bawk, ka nui hul hak, tenawm hian..!


"Ka..." Ka tih laiin


"In buaina chu nakin atan khek rawh u, min rawn zui rawh Tluangi," Police officer bawk chuan rawn ti nghut in ka ban rawn ban in handcuff min rawn bun tir a tum chu, "ti khan hruai mai rawh u, engthil nge thleng engmah kan la hrelo a handcuff bun tir chhan tur a awmlo," Sena'n a rawn tih hluk tak ah chuan a bu ve nghat


Ka nu leh Hlutei chu ka en, "min ngaihtuah suh u," Ka phunsep, staff dang phen a ding Matlani chu ka en leh, a tawlh hnung zal zal, engvang a hetiang a dawt a minpuh nge a nih ka hrelo na in hetiang ti tur khawp erawhin amah chauh chuan a huaisen tawklo tih ka hre bawk


Pawn a police ho nen a kan inzui chhuak chu Hruaizela leh Sarah-i restaurant rawn pan nen kan intawk chat, "engthil nge ni a?" Hruaizela ka bul a rawn din tum nghal chu police in anlo dang vat, "rukru case a nei lai a ni a..." A sawi zawh hma in, "Lalnuntluangi hi maw?" Awilo tih hriat lutuk a nui hul hak, police ho chu a nuihsawh a ni mah zawk



"Lalhruaizel, nizan ah he mihring nu nen hian in awmdun tih rawn sawi suh angche," Pawr zet a rawn ti a, "thi rawh" tih melh a min melh hrawk hrawk tu chu ka en zawk, restaurant chhung aṭang in staff dang an rawn dak huau huau bawk, ka zak lutuk hi ka puak darh mai dawn in ka hria, ka thil tih a nihloh sawiloh ka ta ngei a ni tih chiang mahila ka sawi mai thei der silo


Hruaizela nu bul a ding ngawi rûn mai putar chu ka melh leh ṭhin, ka haw viau na in a hmel hian engvang a ka âwm zawn hi ti na veng veng nge maw a nih hrep ni?? Ka nu nen chuan min en kawp zak zak, natna thûk tak nei ang mai hian a thaw leh hak ṭhin, a rinai in kan dam lutuk chu a lungawilo a ni mahna


"Hruaizel," Ka nu in ka dar a vuan a min namsawn chuan ka hma ah a rawn ding, "ka fanu hi i duh em?" A en chho kalh,"Nu," Engthu nge maw a sawi le? Buai nak alai

"Ka pu, kal ang u," Tih leh inher ka tum chu, "duh e, ka duh takzet, lungngai suh ka pi, a chungah engthil mah ka thlen tir lo ang," Hruaizela aw nghet charh mai chuan ka ke minti pensawn thei dêr lo, char beh ang mai a ni


"Lalhruaizel," A nu in a rawn ti ṭhat


Muangchangin Hruaizela chu ka en, "ka fanu hian ruk a ru ngailo mai pawh nilo, a thlawn pawh in tu thil mah hi a la ngailo, ka zirtir dan a ni heklo, chuvang in ka hlau lo a ka lungngai heklo, darkar 1 pawh hi police station ah hian a awm dawnlo tih ka fanu a ni tih ka chian tluk in ka chiang bawk; mahse," A tawp dat, engchiah nge sawi a tum tih hriat tum chuan kan en ṭhap


Ka nu chu hawi vah in Hruaizela nu leh a pasal lam hawi vah chuan, "ka fanu hi i duh a, bul ṭanpui i duh chuan, i nu leh pa, ineih zawng zawng kalsan la ka fanu kut hi vuan rawh, ka sawi awmzia chu, i nu leh i chhungte i tuithlar theilo anih chuan ka fanu hi rawn ti buai tawh suh," Ka nu chu rapthlak ti lutuk in ka en kawk kawk, a thusawi tin mai chu a fiah fel fai thlap, vawikhat pawh a mit ah zâm na emaw inthlahrun na a lang eihlo


"Lalramtiam, i â em ni?" Hruaizela nu in a rawn ti ṭhawt, ni e, a â em ni? Engtin nge fapa hnen ah a nu leh chhungte tuithlar tur a a tih theih, "Nu," Ka phun sep, sawi mai tur pawh ka hrelo, Hruaizela ka en, mak tihna nen a hmel a buai nuai


"I theilo a nih chuan heihi in tawpna ni rawhse," Ti leh hmak a min rawn en in, "ka fanu hi ka zui thei angem?" Police officer chu en zawk in engmah thlenglo ang maiin police motor lam chu a pan zui vah vah, ka nu hnunglam chu mit khap fak fak in ka en vawng vawng, Hruaizela lam ka hawileh, a hmel buai chuar lutuk chu ka lainat zawk mah mah, engtiang pawhin a nu chu lo haw tawh mahse, kei ang lek vang mai a a nu tuithlar chu thil theihloh tawp tur a ni



****Riya****

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)