STORY OF MATTHEW BY BabyShy Hnamte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: STORY OF MATTHEW BY BabyShy Hnamte (Completed)

Unread post by Ngaia » January 5th, 2020, 3:41 pm

Story of Matthew
Chapter-7




Matthew Pov



A hming sawi a a rawn au chiam chu ka nuih a za ang reng, humpty dumpty tih chu a duhlo ve ngang aniang! Zing lam a thlamuang tak a ka tlan kual pawh chu a mak viau nge mi mit hi ka chung ah a fu thup in ka hria! E! nizan lam ah thil thleng a awm tak e! Thudik pho lan in a awm lehnghal dawn tho!



Darkar chanve hnu vel ah ka let leh a, ka tlan thei lo sawt riau ta mai! Tang leh zual turin ka in fuih phur a, ka let leh lam ah chuan ka theih tawk ti a ka dah thin chu tih san belh tum in ka in nawr lui a, Mahni theih tawk bak tih tawngkam hi, mi thatchhia leh tum ruh lo te inhnem na hmanrua, tawngkam mawi tak ah kei chuan ka ngai, a huang hi a zauh theih tih ka hria!



Ka tlan chak bawk a, ka thleng hma ang reng khawp mai, ka thiana pawh a chau deuh nge ni, kan thleng chiah a a tui a liak nghal hlep hlep a, thaw dep dep chungin a bawk zawi ve hnawk mai!



Keipawh ka dang chuang lo, kawt a thuthleng te ah chuan thu in ka tui pai chu ka in khawlh khawlh a, ka lu a hai chem chem mai! Thlasik khaw vawh lai laiin thlan tla phung a kan awm chu le! A zia e a zia e!



Inchhung a lut in step a ka chhoh lai in ka in ka jacket chu ka phelh mawlh mawlh a, ka track suit chu thlep tha in thawmhnaw bal ka dah na ah ka dah leh te te a, inbual tur in washroom ah ka lut a, tinge maw shower hnuai a ka din rual rual in humpty dumpty-i chiah ka ngaihtuah thin ni!



Rei fe tui lum nuam tak a ka inphuh tir hnu ah washroom atang ka towel veng chungin ka chhuak a, thlasik lai ani a, vun a ro ve thin bawk nen cream ka in chulh ve thuak thuak a, ka sana bun pah in dar zat ka en nghal zat a, 7:30 chiah chiah ani, ka nu in ka breakfast tur a peih leh diam tawh ang!



Ka pa in ha ve thin rawh min tih fo coat suit ha in smart thei ang ber a inchei chung chuan in hnuai lam ah ka chhuk thla a,



"Wow, nupui zawn i tum ami a?" ka nu chuan nui sangin min lo be vat a,



"Maithei ani, ka nu ang a ei siam thiam, hmeltha leh fel hi ka zawng ve ang, ka pa ang a hmeichhe tha tak tawng a mi vannei tak nih ve ka duh." ka mit ko ka san ak ak a,



"Phakar viau zel suh." min kuk lawlh mai! A na reuh tak tak ani!



Sandwich leh juice chu ka lem duak duak a, ka nu biang a fawp zeuhin ka chhuak nghal vut a,



Pathian hian intawng turin min duh nge pawh ka hre tawh lo! Humpty-i nen hian kan inhmu fuh ziah lehnghal!



"Hey, i va hmanhmawh ve." ka bolero kawngkhar hawng reng chung chuan ka au hram a,



"Nia bus lo thlen hma a lei tur ka nei sia, ka tlai lutuk, ka kal." a sam a dar chen lek a sei chu a tawn kawh teuh a,



"Ni hman nuam le." ka hriat phak tawk lek a inbia in hmanhmawh tak a a tlan vawk vawk lai chu ka en liam a, ka drop chak kher mai!



Ka motor a lut in engine ka ti nung zui a, in her rem in ka tlan chhuak zui a, thui pawh ka la tlan lo tih ah kawng sir a Humpty-i leh Mipa pakhat hlim hmel tak a nui dun ar ar ka hmu a, nichin lawk a hlim em em kha tun ah chuan ka thin a rim tun mai! Khapa ban a beng chung a nui sen sen tur in a tan khapa kha eng tak ni ang maw!




Engvang a thinrim ngawt nge ka nih pawh ka hrelo! Front glass siam tha in an lan theih chhung chu ka en vang vang a, ka kawchhung hi a let but but mai! Ka rilru a awm te sawi chhuak lo hian kumkhua a ka khungbeh ve a ngai dawn tih hi ka ngaihtuah zawng ringawt pawh hian ka kawchhung a ti hrawl phu det det te hi a na ngut ngut mai!




Nileng in ka awm a nawm loh phah a, kan staff te tih tur nei lo awm mai mai te chu hnathawk tur a nawr in an tih fai sa tawh te pawh ka hmuh lai ngeiin ka tih fai nawn tir a, thu tam sawi lo vin tumah an awm awl lai ka hmuh duh lo thu hrilh in ka an khum nghek a, an mitmeng ti dui te chuan min ti thinrim zual dawn in ka hria!



Dar 6 vel ah ka haw a, Hostel gate bul vel a tukin a ka mi hmuh te pahnih hmu tur tlat in ka in hre lehnghal a! Traffic jam hlek te chu ka ngai thei lo sawt khawp mai! Ka din hlek tawh chuan horn chu ka hmet ri tuar tuar a,



Dar 7 pelh hret ah in ka thleng thei hram! Gate bul vel a hmuh tur chu an lo awm ta lem lo a, Buddy chuan ka mood hria ni awm tak in mei khup zul zul in min hmuh rual rual in a in te ka sak sak ah chuan a lut daih!



"I lo haw tawh maw, han in ti fai la, dinner ka lo siam sak dawn che nia." ka nu chuan nidang ang bawk a hmel hlim sar chuan min lo be vat a,




"Ka ei chak rih lo." ka chhang bul hmuk a, ka coat hak lai phelh mawlh mawlh pah chuan ka chho nghal nal nal a,



Ka coat chu khum a theh thla tawp in ka kamis ka phelh nghal mawlh mawlh a, ka sa vut tawh a, ka lu pawh a na ngut ngut mai!



"Teh hrep chuan!" ka phun hluk a,



"Enge a?" kawngka bul ah ka nu chuan min lo en reng a!



"Eng ni lo e, nizan thil kha ka ngaihtuah chhuak thut a, ka rawn chhuk dawn." Towel la in inbual turin ka luh san daih a, chaw ei tur a ka chhuk tur thu ka hrilh loh ila chuan ka inbual pawh phal lo in min hnuk thla leh tho ang chu!



Bang a in nam khalh chung in shower hnuai ah ka ding a, ka in phuh tir ser ser a,



"A ngaihzawng a ni kher lo thei! zawt la, chian rawh." ka in be mawlh mawlh a, ka lu leh taksa sa lutuk a reh thleng thak a in phuh tir in ka ding khawng reng a,




Zawi muang a herh tawp in ka in hru hul nghal a, boxer ha chung in washroom ka chhuah san a, khum ah chuan a hrang thliah thliah a in thlep fel sa diam in ka thuam hak tur a lo inchhawp a, ka nu thin tak hi chu aw!




Ka coat leh kamis vawmthlak lo awm tawh lo te chu almirah hawng in ka en a, a lo in khai fel diam mai! Ka thinrimna te chu an bo duak a, ka nu lak ah ka inthlahrung hle thung! Chaw ei tur in ka chhuk a, ka eitur peih sa diam in dawh kan ah a lo in chhawp a, ka pen ri ngaihsak reng reng lo in tv a en reng a,



"Nu, ka tihpalh." a hnung ah chuan ka ding reng a, ka tawng thawm ah chuan muang chang in a rawn hawi let a,



"I beng pawt rawh." a meng rum ngang mai!



A naupangchhia bawk si, mahse ka nu lak a ka chet mawi loh apiang in ka pa hian ka hnu hma ah beng min pawh tir thin a, zak ru tak chung in ka pawt hna hna zel!



"Ka ti mai mai a nih kha, i thinrim lai a in control tum ang che, chaw va ei rawh." thawk leh khat ah a hmel awmdan in thlak vekin a nui sang a,



"Kan ei teuh ang e." a biang ah ka piai sak zeuh a, ka kut a lo beng per rang nasa mai!




Ka chaw eikham ah tih luih na in balhla min eitir leh a, hmuam pung chung chuan in chung ah ka chho vat a, ka peih lo chung chung thil ei belh ka duh tawh lo! A naute ber ka nau hostel ah a awm rih bawk sia, ka chung ah tuan in naute ang maiin min en reng a, a buaithlak thin!



Khum ah chuan ka thu thla a, nileng a ka ngaihtuahna vang a ka taksa tan ut reng vang nge mawni, ka zawi hnak mai! Ka phone chu ka la a,



"Vawiin khan ka hmu che a, mipa kha i ngaihzawng a ni em?" thu peh hel ka tum hran lo a, thudik tak ka hre chak em em bawk, aih ti se ka duh takzet!



"Ni maithei, lo maithei." rei fe ka nghah hnu ah chhanna ka dawng a, ka lawm lo kher mai! hmelhriat loh lak ah chuan a in hawng lo ve khawp mai! Mahse ka hlim tho mai, tawngkhalh dan tur min siam hlauh e!




"Hmeichhe rinawm tak ang ah i in ngai em?" ka ke pahnih khum ah hlang chho in ka dah tlawn zar a,



"Sure." huh, a inringtawk ve hle mai maw! Ka lawm veng veng tawh!



"A nih chuan khatiang a i ngaihzawng, mipa dang lak a dinhmun chiang tak sawi ngam lo chung khan rinawm i inti em?" ka nui suk a, a chhanna ka hre chak tawh ngei mai!




"F*** off, ka ngaihzawng a ni lo, a nih leh nih loh ah pawh buai na tur i nei lo!"



"Huh, checkmate! thudik sawi hian man a nei hran lo ania, ka ngaina takzet che." ka sir ah phone chu ka theh thla a, ka ban kham chung chuan ka zangthal zui der der a,




An hnam tawng ngei a biak hi a nuam takzet! A tak ah erawh chuan ka inthup a ngai thung si a, Khua te var se, Hostel neitu fapa ang in ka bia ang! Ka mipa hmuh kha a ngaihzawng a ni lo tih ka hre ta phawt a, buaina pakhat a kiang e!




A ngai te bawk in zingkar ah ka naute in min kai tho leh a, a pu chauh leh chauh loh pawh a ngaihtuah thiam ve silo a aw! Zingkar a ka len pui bak hi chu nileng zankhua in an khung bet chawt thin bawk nen, len chhuah pui loh chuan ka khawngaih ve tho zel!



Kan hun hman dan ngai a hun hmang in thlan hluam in in kan thleng a, a tu a ve ve pawh kan in chiau au zui vak peih thin tawh meuh lo! Inbual fai vak in fancy dress in ka inthuam ve thung a, ka thuam in bel duh ber pawh ani! T-shirt var chung ah hoodie dum ha in hnuai lam ah cotton jeans dum ka ha a, air max ka bun bawk a, ka inthuam dan ah chuan lungawi tak ka ni!



Ka kal tur thu ka nu hrilh in phur zetin ka motor chabi ka vai vir chhuak a, buddya lu ah chul thuak in ka motor ah ka lut a, motor chhung atanga hostel lam en vang vang in hmanhmawh zet a corridoor a hmeichhe tereuhte rawn tlan dawr dawr chuan min ti hlim ngei mai!



Ka motor ti nung in ka inkhalh chhuak nghal a, gate pawn a lo ding in ka lo chang reng a,



"Hey humpty i tlai leh tawh ami a?" mi rawn tlan pel thuak mai!



"Aw tlai leh tawh, ka hmanhmawh lutuk, chuan humpty min ti tawh suh." hram chuan a!!



A tlan na lam ah chuan muang chang in ka chhuk thla a, taxi lo tlan apiang a lo phar vei zung zung a,



"Nehu lam ah ka kal dawn a, i kal na lam tur a ni mial em?" a college kal na thleng a hriat vek ka duh!



"Aw Nehu ah chuan alawm ka kal dawn, pawi i tih loh chuan ka lo tel ve thei ang em?" a kut a thing ang nar nar a, a hmanhmawh hmel tet tet khawp mai! College kal rual tur lek ah ka lo ngai a, University a chuang kai pha ve reng tawh mai!



"Lo lut rawh," chhung lam atang a kawngka ka hawn sak a,



A sam huh hniang chuan a dar a vaw pha tawk tawk a, half neck ha in a in bilh lut deuh tat a, a inhmeh takzet, a rimtui chek a, ka nupui hna kal tur thlah ang mai in ka in suangtuah leh hman hial mai!



"Nehu ah eng subject nge i zir a?" a sana tereuhte chu a bih deuh sek a,


"Physics ka la a, anuam ka ti ber a." a chal sam zut thuakin a nui nghal sen sen a, sakhaw dang ho hian a lim siam in hmelthatna dil in Pathian ang in bia pawh nise, ka dem ngai lo ang!



"Hey Humpty, ngaihzawng i nei em?" Traffic a jam lai ani a, kawng en hranpa a ngailo bawk a, a hmel duhawm zet chu ka en vang vang a,



Ka zawhna zawh chu mak a ti deuh nge ni, a mit meng ah chuan mak tih na lang chhuak in a meng bial kelh a,



"Sawi mai harsa i va ti ve, i nei ani maw?" ka nuih suk a, ka chhunglam erawh a mit sulh thung!




"Eng atan nge i tih a?" laih hmel zetin a mit a la sawn daih a,



Engvang a ka duh zia sawi tur a ka ka hi ang thei lo nge ka nih ka hrelo! Ka hriat duh chhan min zawt a, ka duh vang ani tih sawi ka tum a, mahse ka hrawk ah hian a tang tlat! A ngawi zawk ah ka tang a, boruak chu a rit nghal luk mai!



Chhan himin ka awm hram a, an University kan thleng der mai!


"Ka lawm, ka lawm lutuk ania." kawngkhar a khar thuai a, ka ip chawih mai! Ka dim teh lul nen chuan a!



A lan theih loh thleng a en zui vang vang in ka motor ka her rem a, hotel lam ka pan leh nghal a,




"Good Morning sir." an awm a an kut nghat in mi an lo wish sap sap a, an meng kual zek zek hlawm mai!



Chutiang a kei kum lam a la upa bik lutuk lo min hlau a, ti dek a an awm chu hmuh hrehawm ka ti hle a, koh phak a awm ho ka ko khawm zui vat a,



"Nimin a thil thleng kha chu theihnghilh ula, in awm dan pangai in awm rawh u, ka awm lo ang ah in ngai dawn nia, ka tihpalh ani e."


An nui suk hlawm a, boruak a that hmel khawp mai, a ri ve nghal nak nak mai, nimin ah kha chuan tumah an tawng ngam lo kha ania, nichin ka thlen rual rual khan thenkhat nui lai chu an tawp nghal hmak hlawm! Ka lak a inthlahrung leh ti tak a midang an awm hi ka duh ngai lo!



Mi lut chhuak an tlem lai tak ani a, counter a thu in customer feedback ka chhiar pah mai mai a, negative feedback chhiar tur a awm lo a, a nuam veng veng mai! Chu ai a nuam, ka suangtuahna ram a cheng zuiin heti lai hmun ka thlen hma a thil thleng ho chu ka chhui kir a, hna kal tur a in ka chhuah san atang a Nehu University thleng bak thildang engmah ka ngaihtuah lo!



"Humpty Dumpty sat on a wall." ka phun sup a, ka nui zui hak hak a, Manager in mak ti tak a min en chung in min nuih ringawt!



"Manager ka be duh." Hallway atang thinrim hmel zet in patling zet mai hi a rawn pen phei pawk pawk a,



"Eitur hing min hlui a, pawisa min charge bawk a, eng dan nge ni ngai?" kan lo en thup lai chuan hmai sen tawn in kan bul chu a rawn thleng a,



"Ka pu, harsatna i nei em ni?" ka lo buaipui nghal vat a,



A eitur dawn chung chang a a lungawi loh thu chu a tlangau pui chiam a, staff pakhat tir in an eitur hlui sak chu counter a keng tur in ka hrilh vat a,



"Kan thiamloh takzet ani, a dang siam in kan lo pe leh vat dawn che nia, i tips pek nen kan pe let dawn che nia, a thar siam man pawh i chawi a ngai lo ang." A tha thei ang ber in ka dawr hram hram a,



An eitur hlui la tur a ka tirh pawh a rawn let a, ka tem chhin a, thil hing rim reng reng a nam lo! Keimah ngei kitchen lam a kal in Cook chu ka zawt fiah a, vawiin atan a order hlawh ber ani a, tuman an sawisel lo! keipawn sawisel na tur ka hrelo, lunch a ni mai tiin ka ei zo vek a, in ah pawh kan ei zen zen loh thil tui tak a ni!



Kan customer lungawilo chu kitchen ah ka ko lut a, ngaih loh lam ah a lo ngai bik lem lo e! A order siam an buatsaih sak lai chu amah ngeiin mit in hmu se, a thianghlim zia hria se ka duh a, ka duh dan hria niawm takin ngun tak in a en a, engkim a fresh vek hman ani. An peih fel hnu ah ka tem tir a, pawi a tih loh vangin keipawn ka tem sak ve a, danglamna a awm lo! Lungawi tak in a room lam ah chho in a eitur ken sak tur staff ko in ka zui chhoh tir a, hetiang tih ching hi an awm fo a, a thlawn a khawsak tum ni awm tak inti fing tak a che ka tawng fo a, a next order charge ah kan ngaihdam zat ang hu chu ka belh tir leh tho zel! Keimah ngei in a dik na leh dik loh na ka chian thlap hnu ah hma ka la thin a, a diklo zawk a ka tan na ah erawh chuan kan tih dik loh pawm thlapin a chhe lai ka thawmtha nghal thin!



Buaina em em awm zui tawh lo in nimin ai hma hret ah hotel ka chhuah san a, Rohit te pawh nizan hmasa lam a thil thleng vang in an reh zui hmak a, an ni pawh khang hmeichhia te khan an sum ei sak in an ti mualpho hle a, an buai ve nak nak ang chu!




Hotel lam ah buaina tur dang em em a awm tawh lo bawk a, Dar 6 vel ah in lam a haw tur in Hotel ka chhuah san a, kawngpui phei vel ah chuan Humpty hmu tur a inhriatna chuan min zem tlat a, ka melh kual zuk zuk reng a! Ka hmuh tum erawh hmuh tur a awm lo thung! In ka thleng a, pawn ah Buddy chhaih pah in Hostel lam chu ka thlek vang vang reng a, zan thim a ni tawh bawk nen, ka hawi thlawn chiang ang reng!



In chhung ka lut a, ka thawm a hriat vang nge ni ka eitur a lo chhawp fel mek a,



"Ka ril a tam tih engtin nge i hriat a?" ka nu biang ah chuan ka piai zeuh a,



"Lalrinsang, tikhan mi piai ziah suh."


Ka nui huk a, a duhlo hle aniang! Ka hming pakhat zawkin min ko vin thak mai!



"Aw, i fel ka tia, i hmeltha ka tia." chair ah chuan ka thu thla a,


"Ei mai mai rawh," min kuk lawlh a, Living room lam ah pheiin TV a en leh nghal a, enge maw a en thin ni, Tv hi a on ve reng zel!




Ka eikham hnu ah ka chhoh tur thu hrilhin ka room lam ah ka chho zui nghal a, khaw vawt nen, in chhung lum thlen meuh hi chuan mut a chhuak suai suai zel!


Ka inti fai te te a, boxer leh t-shirt nen chauh a awm in ka puanpui hnuai ah chuan ka mu der der a,



"Hey, Duhsak, enge i tih?" ka number pakhat zawk atang chuan text message ka thawn a,



"Engmah, tunge aw?" mi a rawn chhang ve mai!



"Ring chhin la?"



"Ka rilru ah tumah ah lang lo!" a ngaihtuah lo tih hriat lutuk tak in mi a chhang zung zung a,


"Thil ka tih tir lawk thei che ang em?" a mah ka hmu chak takzet!



"Ka hriat miah lo mi tan thil ka ti ang maw?"


Ni tak e! Tu tih hriat loh tan a a in hawn loh zia ka theinghilh hman pek alawm mawle!



"Matt ka nia."


"Ka awih lo!"



"Rooftop ah chho rawh, ka nih zia ka lo finfiah ang." Ka kekawr ha in inchung lam ah ka chho nghal a, Mahse a reh zui daih! Enge maw a hriat le!



"Hey Humpty?" ka call a lo pick up rual chuan a hming huat em em chuan ka ko a!



"Eng a?! Ini tak tak maw?, engtin nge ka number i neih?" mak tih hmel tak in au chiam a!



"A harsa hleinem, register ah a awm vek alawm!" ka mit ka chhing vang vang a, min biak lai a a awm dan tur te chu ka suangtuah a,



"Hmmm, enga tan nge i tih a?" Call ah hian a aw a sin vek! a mak lutuk!



"Roof top ah chuan chho la ka hrilh dawn che nia." khaw vawt vin tuk hnuai ah chuan beisei tak in Hostel inchung kawt zawl lam chu ka en reng a,



A hang up daih! Huh! Enge maw a hriat le! Ka nghak vang vang a, mahse a hmel hmuh tur a awm lo! Ka rilru chhung ril a thu awm te sawi chhuak lo mah ila, a hnen a ka sawi duh hi ani chuan a hriat tawh ka ring!



Ka kut leh ke hmawr vawt vek in ka lut a, puan hnuai ah chuan ka rum nghut nghut a, vawt tak ani vawt tak! Ka khur nasa lutuk a zia deuh hnu ah chuan ka zawi hnawk mai! Ka mut a chhuak zui siai siai a!




Buddy'n min rawn kai tho lova, thawh ka hai chiang ngei mai, ka harh rual rualin darzat ka en nghal a, mut khawmuan leh na chi pawh a ni tawh lo! Ka rizai ka tlawh hlim thla rawk a, ka khum lum nuam tak chu thawhsan zui nghal in ka inti fai sawk sawk a, dress ka buaipui hman tawh lo, Dar 10 a ri tawh! Nimin lam a ka thuam in bel ho ka la khawm zung zung a, in ha mawlh mawlh chung in inhnuai ah ka chhuk a, ka nu a awm miah lo! Khawnge maw a lo awm daih ni! Hotel lam a inhnawhpuar chawp tur chuan ka chhuak nghal vut a, Ka Humpty Dumpty pawh ka hmu hman ta lo!



Nilengin ka ngaihtuah ngut ngut a, min hmuh beisei tak in kan in lam a hawi ang em tih te ka ngaihtuah tlut tlut a, a tet tet nen, ka thinlung ah erawh a lian ber thung si! Chhuanlam fahrah te siam in ka haw hma a, Inchhung ah ka lut a, ka nu alo la awm chuang lo! engtin tak awm ang maw! Mahse a zia hlauh e! Humpty-i Class bang ka nghak mai ang! Sana ka en nghal a, 3:53p.m ani tawh a, a let a hun tawh in ka hria!



In thlak zui ta lem lo chuan pawn ah ka chhuak leh a, kan in area kal pel in Hostel gate bul ah chuan kan Hostller hmeichhia te zing a a teber hotunu dinhmun luah mek chu ka nghak vang vang a,



"Ti hian min hre tawh em?" a nui hmel tha tak, a biang tai tek vang chuan ka nui var var a,



"Ka hria che alawm." a nui ve seih mai!


"Awle a that chu, zan ah roof top ah chho ang che, ka lo nghak dawn che ania."


Ngawi reng in min en run run a, a biang tai tek chu a beng tlet tlet a, a in her daih a, a tlan lut daih nia! A va han buaithlak tak!



"Hey, i chho dawn em?" ka au zui tawk tawk a.


To be cont.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:41 pm

Story of Matthew
Chapter-8



Duhsaki P.o.v



"Ka zak lutuk ka zak lutuk!" hmanhmawh tak a ka room lam a tlan chho chung chuan ka phun chho mawlh mawlh a,



Ka room ah chuan ka tlan lut rawk rawk a, darthlalang hma a in en chung chuan ka thaw hlawp hlawp a, ka biang a sen vek! A mak ka ti reng ani! Midang a be lai ka hmu ngai lo a, mahse keichu min be ziah a, ka class kal tur leh a hna kal tur kan chhuah hun a in rual thin vang in kan in hmu fuh thei hle bawk a, nizan a min rawn be tu kha diktak chuan amah a nih ka ring lo a! A lo ni tak tak bawk si! Lalpa leh!



"A be satliah ve mai mai che, chutin eng vak ani lo." ka bian sen tai tek chu ka beng thlep thlep a,



Ka dawhkan a tui chu la in ka lem nghal khawlh khawlh a, ka tlan na lam a ka hah nen, ka zak bawk nen, ka lungphu pawh a la dik thei lo!



"Zan a roof top a kal pawh chu enge a tul kher na ni ang le!" ka khum a thu thla in ka ngaihtuah zui mawlh mawlh a,



"Haaaa ninawm rilru avan ti buai tak!" ka roommate a awm lo bawk a, ka au nghek nghek mai!



Nimin a university thleng min thlah te kha ka ngaihtuah chhuak thar a, ka lai ru chem chem mai, a nuam bawk si! A rimtui chek a, keimah a lungawina tin reng hmu niawm tak a ngun tak a min en ngawih ngawih lai te khan nuam ka ti chung chung khan ka va zak ru tak! Khatiang kha nitin ka nun ah thleng se, mi te sawi thin vanram tlafual chu ka tem ve ngei ang!




Ka lungphu a pangai leh tan hnu ah chuan nui ver ver chungin ka thawmhnaw hak ka phelh a, Pathianin a duhtak a min siam dan ah hian ka lungawi kher mai! Bathrope ha in washroom lam ka pan a, corridoor atang Ma'am te in lam chu ka melh thla zuk zuk a, hmuh tha hmuh tur an awm lem lo, vawiin atan chuan a tawk tawh aniang!



Inbual fai var in khur hlek hlek chung chuan ka room ah chuan ka lut a, Paleii pawh a lo haw tawh, a tihdan ngaiin inthlak miah lo in note a fair lehnghal mawlh mawlh a, engtin mah min ti miah lo, mahse Paleii ka hmuh te hian ka lai ringawt! Ava'n hrehawm ngat ngat tak!



Ka in hak lum leh hnu ah mut ka tum zet a, ka thei ngang lo! hepa hian a lak a ka rilru put ang pu ve niawm tak in engmah sawi si lo hian min bia a, ka awm dan te hi a ti laklawh vek! Zan lam a kan inbiakna tawi te chu ka en nawn leh vel a, vawi engzat nge ka chhiar nawn tawh pawh ka hrelo! thawnthu tawp thei lo ang mai ani, ka chhiar zo hleithei hlek lo!



Engti berin nge ka hun ka hman liam pawh ka hre lo ve a! Chaw lak a hun der mai! Khua a thim dek dek a, call dawn ka in beisei ru nghal tlat a, ka chaw dawh chhung lek pawh ka phone chu ka kal san phal lo, ka ak reng a, a khat tawk in ka hmet eng zuk zuk a, engmah call ka emaw message ka dawng thei lo! Ka lo titau ve em em ringawt tawh! Khum ah ka phone chu ka vawm thla tawp a, phur lo zet in ka chaw chu ka thial niau niau a.



Ka eikham hnu a ka ei thleng ka sil zawh vek hnu ah pawh engmah chu ka dawn chuang lo a,



"Chho lo tawp ang!" tum bar in ka note ka phawrh zui a,



Vawiin lam a kan thil zir ennawn pahin ka fair note ah ka ziak lut mawlh mawlh a, ka tui thar phian a, a hma a kan tih tawh sa ho zawng zawng nen chuan ka ennawn zui char char a, phone lam reng reng ka ngaihsak tawh lo!



Dar 11 rik dawn ah ka mit in a tlin tak ngang loh ah chuan ka lehkhabu khup in ka chhing zui vang vang a, ka lungchhiat vang ni hauh lo in ka mittui a luang ngiai ngiai mai! Ka mit hi ka entir chuan, tarmit min chawh dawn tih ka chiang bawk si, tarmit vuah ka duh hlek bawk si lo! Eye drop in chawh risk leh tawp mai ang!



Ka hmai te phih in ka mut hma in ka inti fai a, khum a ka phone let bal chu ka la kang a,



"Mawli Mawli Mawli!" ka sam ah chuan ka in kek tawn tawn a,



Ka phone ka lo silent daih alawm! 12 Missed Call!! A pawi lutuk a pawi lutuk! Ka call let dawn chuan ka zak bawk si! Ka tih tur ah ka dah chiah si lo, text message ka en a,




"Tinge i pick up duh loh?"

"I buai ami?"


"Hey Humpty."



A lo awm thla duat duat mai! A la online kur zui! Ka kut hmawr chuan in sawifiah a tum nghal chuk chuk a, ka chhia leh tha hriatna chuan a dang tlat thung a,



"Sorry, ka buai deuh a." ka ti ta hram a! Rang lutuk in a call a rawn lut nghal! Ka thin a phu nghal dawt dawt bawk!



"Chho rawh." a thaw zui ham ham a, ani hi inchung a awm in min nghak char char amawni!



Engvang a hmanhmawh tak a chho ve ngawt nge ka nih ka hrelo! Mipa min thunun tum tu te hi ka hlat zel thin a, mahse chutiang chu engmah ka ngaihtuah lo! Ka hmanhmawh bawk a, ka thaw chho hlawp hlawp mai! A vawt vur lehnghal! Ma'am te in lam chu ka hawi thla nghal vat a, Corridoor atang hian Ma'am te in hi a lang det det ringawt a, roof top atang erawh lang chiang tak ani.




"Matt, ti khan i awm char char ami?" a hmel chu ka hmu thei lo na a, inchung zawl mi pakhat thu tawm hlun chu ka hmu thei!



"Ka hmu chak che a." a aw atang chuan vawt a ti tih ka hria, darkar engzat tak lo awm ang maw!



"Hei min hmuh tawh hi, lut tawh la?" ka awm a ti nuam lo zo vek! ka inthlahrung duk bawk si. A vawh tur zia ka ngaihtuah a, ka chhoh hlim atang a reilo te chhung pawn, ka dar kum vek khawp in ka ban ka dah chip chet a, ka khur nghal hlek hlek thei ania!



"A la reilo emai, vawt i ti em?" chet sawn a tum loh hmel khawp mai!



"Aih, mahse ti tep tawh ang." ka chhang bah niaih a, vawt ka tih thu pawh ka sawi ngam lo!



"Sawi duh ka nei a," amah chu ka en reng a, a thut na atang a tho chhuak in a mawng a beng thak thak a,



"Ka ngaithla Matt." Ka ban bul, mite chum tih leh lawm em em thin chu ka vawt ti lutuk chuan ka tuai vut vut reng a,



"Kha vawt i tih hmel emai, naktuk ah ka lo nghak ang che, motor ah ka hrilh dawn che nia, lut tawh rawh." leh daih si chuan!



"Tunah sawi rawh Matt." Ka khup a in khawng hlek hlek tawh!



"I taksa che der der kha ka hmu thei, lut tawh rawh, keipawh ka lut dawn." engtin nge maw vawt tih loh hmel deuh khuan a awm theih bik ni!



"Nihleh, Matt, damlo suh aw." ka thinlung in min thunun vang hian ka ka pawh ka veng hman lo! a nat hlauhna a ka khat tih lan tir na thu te chu ka chhak chhuak mawlh mawlh mai!



"Chutiang ka sawi theih pawh ani lo, lut vat rawh, nang zawk kha naktuk a nghah chhuah tur i awm lo ang e." Lut tur a min ti ni awm tak a a ban a vai vut chu ka hmu thei.



"Goodnight Matt." ka hmel hmu thei lo mahse ka nui seih tho!



"Goodnight Humpty." a mah en reng chung chuan ka tawlh hnung hret hret a,



A lang thei tawh lo tih ah chuan ka in her a, ka awm ka dawm vang vang a, ka dang te hi a ro vek in ka hria! Mahse a nuam, ka hlim takzet!



"Khawnge i kal daih a, ka lo zawng che alawm." Room chhung ka lut chu mangan hmel tak in ka thianin ka kut a rawn vuan chawt a,



"Ehee, i vawt vek! i tha em?" ka pang te chu a dek kual vel a,



"Ka tha Sis, inchung ah ka chho a." khum ah chuan ka let thla tawp a, puan in ka inkhuh nghal hlun a, ka nui ver ver mai,



"Wow wow wow, i awm dan hi, hey, tunge han sawi teh." ka bul ah a rawn thu thla a, ka kut a rawn vuan leh chawt tawh!



"Aah, nakin ah, ka hmuh tir ang che." ka zak deuh tlat! A hriat hun ah henu hian min thik ang nge min lawmpui ang le! Rilru chhia te pu in min hek ang em ka hrelo! ka la ring ngam chiah lo a, ka la hrilh duh lo! Ka taksa a lum chho tan a, ka hahdam tan bawk nen ka mut a chhuak nghal suai suai mai!



Ka helh hawlh ani ber ang chu! Hma tak ah ka harh a, khaw vawt pawh sawi lo in zing kar kar ah uluk mang kheng in ka inbual fai sar a, bathrope nen darthlalang hma a ding in ka mit hmul ka in pawh mawlh mawlh a, ka tih zawh ah ka mit leh hmai te ka chei leh a, mipa mit lak tum a ka vawikhat incheina a ni hial ang!



Ka zawh meuh chuan zing chaw lak a hun der mai! Mahse ka ei ngam rih lo! Ka dul a lang kiar ang! Tshirt var ha in Jeans jacket ka ha a, cotton jeans dum ka ha leh tawp a, falcon var bun in darkar chanve dawn chu ka thuam in bel dan tur ah ka buai hram pek kha! Sana ka en zeuh a, 8:45a.m chiah chiah, min thlahtu tur an awm dawn bawk a, ka thla a muang ngang mai! Ka chhuah dawn ah Love Potion cream ka nghawng vel ah ka hnawih leh thuak a, inringtawk tak ka ni! Khawthlang lam a Celebrity thenkhat hmachhawn tur pawh ni ila, ka zak map lo ang!



Paleii'n min hmuh loh nan tiin ka chhuak vut a, Ma'am te in lam ka en thuak a, Bolero a awm tawh lo! Mak ka ti ang reng! Min nghaktu hmuh beisei deuhin gate pawn ah chhuak in ka hawi ruai a, min nghak tu awm reng reng ka hmu lo! Hrilh hai zet in bus stop point lam ka pan thla a, peng ka thleng thla chiah a, ka nui var var mai!



"Nidang aiin i tlai hret a, i tlai chhan pawh a awm viau e, i nalh lutuk." a nui suk a, a motor kawngkhar chu min hawn sak zui thlap a, in la zei vel lutuk! Mahse ka vawikhat tawnna a nia, a nuam thlawt.




Ka thu fel at a, a seat lam pan a motor hma lam atang a arawn kal te chu lai ru deuhin ka lo en reng a, a van chhelo chiang tak, ngo puak ni si lo hian a vun a eng mawi tawk lek a, a sam kir chhep pawh kha a in hmeh tho a, tun a a sam tawi lek lek pawh hi a inhmeh tho, a fai vuk mai, inchei dan tur in hrilh lawk ni awm hrim in kan inchei dan, kan thawmhnaw rawng thleng in a in ang thlup mai! A kut tang a sei thlarh lehnghal a, a kut tin hi ka chei chak reuh ngei mai!



A motor engine ti nung in kan tlanchhuak a, uluk tak a kawng en chung a a steering a herh kual vei pap pap te chu hmuhnawm ka ti em em ringawt, hetiang te chu nitin bus driver emaw taxi driver te pawh ka hmu fova, mahse ani hi chu a danglam em ani, mipa thuhnuai a kun tum ngai miah lo pawh, a tawngkam khat vangin pawn khawvawt lam pan in kan tlan dawr dawr mai lawm! A rimtui chek zel bawk si, a khabe kual lai a a khuavang mawlh hi!



"Hmelthapa, min duh tih sawi hram teh." a hmel en vang vang chung chuan ka rilru chuan ka be mawlh mawlh a, ka ka erawh chuan a sawi chhuak ngam lo thung.




"Matt, nizan khan motor ah iti in ka hria, sawi tawh la, ka hrechak ania." ka nuih sen sen a, ani pawh nui suk chung in a thaw zui ham ham a,




"Dar engzat ah nge i hman ang?" Kan university kan thleng der mai! Kan van tlan rei lo bik! kan inkawm dawn chauh amaw ka tia!




"Dar 4 thleng class a awm ang ka ring vawiin chu, tinge?" chhuk ta mai lo chuan motor chhung ah chuan kan thu dun reng a,



"That chu, Dar 4 hma in tah hian ka lo awm ang, i hman hma a nih pawh in khawi ah mah lo kal suh ang che." a thutak kher mai! A hmel ngainat awm deuh kha a bo vek alawm le!




"Awle," motor atang chuan ka chhuk zui nghal a, ka la na lek lek mai! A duh duh dan a min tih kual a tum amawni! chutiang rilru chu a pu a nih vaih chuan a tisual khawp ang!



Mahse, ka duh em em tho! Ka nui reng a, break laiin Lalmimi-i hnen ah ka hrilh a, a hmel a phurna lang miah si lo hian min 'aw' pui luam a, mak chu ka ti deuh! Ruatsanga lah in a ruk a ka inthlahrun duk tur thu min hrilh daih bawk a, min tih hnual phah rawih mai! Nia, an thusawi ngaihthlak chuan, hnamdang ani a, hriat chhuah hun te awm in ka chanchin te hi tu emaw misual in min tih mualpho nan thehdarh ta se, ka hnampui, ka chipui te dem rawn ka hlawh ang a, nasa tak a sawi chhiat ka hlawh dawn tih ka hria! Enge ka tih ang le!



Class kan bang a, ka mit sulh mai! Last class kan lak leh tak si loh ah chuan Dar 3 ah kan bang daih a, Kawt vel ah chuan ka hawi kual a, ka thiante tih loh hmel dang min nghaktu ka hmu lo a, a khawi lam zawk pawh ngaihtuah ila, ka inthlahrung ve ve! Ka awm dan a laklawh vek tawh! Ka tah te a chhuak tun mai!




Bus pawh a haw ta lem lo chuan ke in ka chho hnek hnek a, University atang in ka la kal hla lo tih ah chuan ka ban a rawn man in min kuai her sawk a,




"Matt..." engtin nge maw min rawn hmuh ni!



"Ka rei deuh a min hrethiam dawn nia, lut ang." ka ban a min vawn na chu thlah in ka kut ah min chelh a, motor lam ah chuan min kai dawr dawr a, mak ti tak in ka zui tawp bawk! ka mang vek tawh!




Motor ah chuan min thut luh tir a, nui hmel ka pu lui hram hram a, mahse a hmel ka hmuh hian ka na tlat! A tlai reng reng lova, ka sawi hun dar zat ngaihtuah chuan rawn thleng hma tak ani! Mahse hriatthiamna min dil tho! A thu thu a min tih kual tum chu a ni lo phawt! Mahse ka ngaihtuahna a phir laklawh tlat! A hrehawm ka ti!




"Humpty, i rilru tibuai tu thil an awm em le?" chhiar ka awl viau nge mawni! min en ngar ngar bawk si!



"Ka tha Matt, khawnge min hruai i tum? Hostel lam ani miah lo!" ka hma lam ka hawi chu ka bo deuh hu mai!



Parking area ah motor a park fel a, kan hma lam ah chuan phul cham dup hmun a lo awm a, mawi tak ani! thenkhat lai ah thing lian leh buk tha tak tak hmuh tur a awm bawk a, ka rilru tawt lai a ka kal duh na hmun, ka suangtuah thin ang chiah ani!



"Matt, khange kan awmna hi?" a hnung ah chuan ka zui det det a,



"Golfink, a nuam iti em? Ka rilru a tawt deuh chuan ka kal thin a, mahse lehkha zir a ka awm bo tak vang vang hnu ah kha chuan ka haw leh chang pawn ka tlawh vak tawh lo, i awm dan kha a dik lo em a, lo kal rawh." Ka kut ah chuan min chelh leh a, a lum veng veng mai,



Thenkhat a kawp te te a awm te pawh hmuh tur an awm a, thenkhat thian ho in, boruak vawt tak kar a thlifim thaw heuh heuh te chuan min chhem harh sawng sawng mai!



Thingbuk mawi zet hnuai ah chuan min chawlh pui a, thingbul ngheng chuan kan thu thla dun a, mit chhing vang vang chung in ka van va dak a, ka thaw halh halh reng a,



"I rilru tibuai em em tu chu enge a nih ka hre thei ang em?" a khup a a kiu nghat chung chuan min si chat a, a lum veng veng mai,



"Aih Matt, ka tha vek tawh, tah hian kal reng thei ila, ka hlim lo hman miah lo ang." a mit ah chuan ka melh zawk a, ka mit ka la sawn leh nghal daih!



"Ka kalpui thin ang che, i duh em?" a phun sup a,



"I hman dawn ami?" ka mit chhing chung chuan ka nui hul hak a,



"I duh phawt chuan ani mai." ka kut ah a rawn chelh leh a, dan ka tum lo, ka dang phal lo a nih mah zawk ang!



"I bialpa min nih tir rawh." a thaw zui ham ham a,



A mit ah tak ka en a, chhanna beisei takin min melh reng a, chhun lam a ka thiante thu sawi leh min hrilh te ka ngaihtuah a, ka chipui leh hnampui te, ka nu leh pa te thleng in an lo lang zut zut a,



"Ooohh Matt." a hrehawm ka ti! Ka thinlung chuan a zawhna min zawh kha 'aw' tiin a chhang mawlh mawlh tawh. A kut chu ka hmer let salh a,



"A rem lo ami?" beidawn hmel zetin min melh tlawk tlawk a, a thaw ham ham reng bawk!



Ka tuar thei lo! Ka thinlung duhdan ka zui ang! ka hnampui ka chipui zawng zawng hian ka eitur min tum sak lo a, ka mittui an hru hul lo a, ka nuihna leh hlimna min tawm pui vek hek lo!



"Matt.." nghet tak a ka chelh a kut lum ther ther chu ka mit chhhing chung in ka fawh zui sak vawng vawng a,



A hmui vawt thler in ka biang ah dim te in a rawn nawr a, a thaw sa zui ham ham a, a kut atang a ka hmui la hrangin ka biang a fawh na hmui chu dim te in ka biang chuan ka nawr let vang vang a,




"Matt, a rei lutuk, i ti lui a nihkha."


Ka biang si reng chung chuan a nui nghal hak hak a, duhthawh zet in ka biang leh lam a dawm bet chung chuan a fawp ri chek a,



"I duhawm lutuk." ka sam ah a tuai kher a nih chu!




"Hey, naupang pawh ka nih loh hi!" ka sam pheng lai chu ka zut mam nghal thuak thuak a,




"Naupang ang maiin i duhawm sia lawm." a hlim bawk aniang, a nui var var reng mai.



"Hey, hey, Dar 5 pel tawh ania, i rual in ka haw tih midang in min hmuh ka duh miah lo ania," a ban a man in ka sawi det det a,




"Nihchuan kal ila."



A tho uaih a, a kut rawn dawh in nui var var chung chuan ka ban a, min pawt tho nawlh mai, min hneh lap lap tak ani. A ban a chelhin in si rial in motor lam kan pan a, kan awm na hmun in a zir bawk nen, rilru hahna leh natna engmah reng reng ka nei lo! Hepa pui roh hi a che romantic reuh ngei mai!

IMG-20191111-WA0033.jpg
IMG-20191111-WA0033.jpg (21.32 KiB) Viewed 4644 times

Motor a min thut luh tir thlap hnu ah a rawn lut zui ve vat a, engine ti nung in a in her rem a, a tlan chhuah hma hret chuan ka kut rawn vuan in a fawp vang vang a, hmun dang khawi ah mah kal kual na hun a awm tawh lo va, Hostel lam chu kan pan ding nghal chawt a, ka rilru a hmanhmawh tet tet tawh mai! Traffic lah a jam turu nasa mai si, Darkar chanve a liam leh der tawh! Ma'am te in a luh kawi a ngai ang tih te chu ka hlau ngawih ngawih tawh mai!




Mahse kan vanneih tlai ani hlauh nge mawni! vawikhat mah ding nawn leh miah lo in kan tlan zui thei nghal a, Kan Hostel thlen dawn ah ding tur a ka tih ang in tul lo ti zet chung in a ding ta tho a, Deadline ka la pel lo bawk nen gate pangai atang a lut in hmanhmawh tak in ka room lam ka pan chho nghal a,



"Vawiin i hun i hmang nuam em?" Paleii chuan min lo be leh nghal vat a,



"A tluk a awm lo ang." nui sen sen chung in ka bag dawhkan ah ka dah thla a,



"Wow, nang hmeichhe phakar lutuk, ka hmu ve vat duh ania."



Kan nui dun har har a, ka inphelh zui mawlh mawlh a, tlai tawh viau mahse ka inbual loh chuan ka mu thei dawn si lo a! Bathrope ha in washroom lam ah chuan ka tlang phei nghal a,



"Ka lo lak kep nghal mai che." ka inbual zo room a ka lut leh chu ka chaw eitur dawhkan ah alo in chhawp diam a,


"Ooh, ka lawm lutuk ania."



Ka khum a thu in uluk tak in cream te chu ka inhnawih zui nghal mawlh mawlh a, vawt in mi rawn man tan lehnghal a, t shirt crop berkher ka hmuh rem chan hmasa ber ania, ka ha ta tho! Lai a vawh vur bik loh nan sweatshirt lian zet thawl hnakin ka ha leh daih a, kekawr lum nen ha in ka in tuam phui vek hi a ni mai! Zing atangin eitur engmah ka lei in ka ei si lo bawk nen, chawmando ah tang in ka thiani chaw lo dawh chu ka hawp lut nghal mawlh mawlh a, ka chaw lem tawh sa ka pumpui a thleng thla lai te hi ka hre vek thei in ka hria! Ka pum a ruak em ani! Engtin nge maw ka dam khaw chhuah theih zawk ni!




Ka chaw eikham ah hmun te ti fel in thleng ka sil fel nghal vek a, ka ha te nawt leh in hman ver vawr in, ka room ah chuan ka let a, ka phone lo ri ral ral chu rang lutuk tak in ka en nghal a, ka pi ani! Ka nui sak a,



"Aw Pi i dam tha zel em?" chhun lam ah ngui deuh mah a, a bak zawng a ka hun hman chu hlimna hlir hi ani mai!



Ka zirna chungchang te, ka hun hman thin dan te chu ka report zung zung a, ani pawn a mah duattu leh duat lo deuh hlek tu te chung chang a rawn sawi ve tawk tawk a, keimah ngei hian ka va duat chak tak em!



Ka pi nen kan inbiak mawlh mawlh lai chuan kawngka chu pawn lam atangin an rawn sawi dawt dawt a,



"Lo lut rawh.... e, chuan maw Pi..." kawngka chu pawn lam atangin an rawn sawi dawt dawt a, Lut tur a ti a ka au lang lang hnu ah chuan kawngka rawn nam hawng thuaiin thinrim hmel zetin Ma'am chu a rawn lang nghal nawlh mai! A hria amawni le! Ka phone chu ka dahthla nghal a,



"Enge ni ta Ma'am.".....




To be cont..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:41 pm

Story of Matthew
Chapter-9



DUHSAKI P.O.V



"Enge ni ta Ma'am?" ka tawng bah niaih a, ka hlau ru lutuk chu ka ti ril a khur der der mai,



"Paleii tiraw?" ka thiannu zawk a rawn be daih a, a hmel ngainatawm deuh kha hmuh tur a awm miah lo a, a fapa in a chhun na lai tak aniang chu mawle!




"Aw Ma'am enge ni ta?" ka thiani chuan hrilh hai hmel zet leh hlauh thawn hmel deuh chuan a lo chhang bah niaih a,



"Tun thla fee hi ila pe lo a, hmanni khan receipt i lo lam tho bawk si a, enge a awmzia aw?" he khasi nu English thiam zia leh a aw phawi dik zia hi, lehkha a thiam ru reuh ang chu aw!




"Ma'am ka pe alawm, i awm lo a, hei ka thiannu nen hian i fapa bul ah khan kan pe a." a kut a elh ri bap bap a,



"Ok, ka lo zawt chiang leh dawn nia, thil dang daih, enge maw han sawisel duh riau te in nei em? in room piah ami te an bengchheng lehkha zir theih loh tih te?" ka bul ah chuan a rawn thu thla a, a in hawn hmel hle mai! mahse, ka hlau! ka zak tlat!



"Bengchheng tih vel ah chuan engmah awm lo, mahse, vawksa hmeh tlai ah hian a eilo tan mess a chhe thei lutuk a, vawksa hmeh in alu an la tel tho bawk sia, mess a in thlau lutuk a, a theih chuan vawksa ei lo tan a eitur thil dang enge maw siam theih se."



Ka lo nui tut tut a, a sawisel na a rei tawh bawk em ani! A chang chuan vawksa hmeh tlai ah chuan ka alu lak te ka pe then thin.



"Ok a that chu, nih leh chutiang ai a tha chu han rawt duh te i nei em, i duhdan te?" a nui ve leh sen sen tawh!



Nu han ti thut mai ilah! mak ati awm! Haaa, Lalduhsak lo ngaihtuah ho viau suh!!!



"Notice emaw chhuah la, vawksa ei lo ho kha i bul ah in report se, chuan chumi te eitur chu sangha emaw artui tal pawh awm ve ta se." an inkawm lai chu ka lo en mai mai a, a tu a te lak ah pawh hian, ka inthlahrung ve hrim hrim! Pakhat in a a ngawihzawn ruk ve em em mipa ka chhuh sak a, pakhat lah hi ka bialpa nu a ni bawk a, thaw te an ti ipik te a!



"Idea tha tak a nihchu, ka lo ennawn ang a, a tih dan kawng a awm te a nihchuan kan ti dawn nia, Nang sawi duh te i nei ve em?" ka lam a rawn hawi nghal a, ka phu zuk mai!



"Aih aih, engmah awm lo." ngati nge maw ka confi loh em em ringawt mai le!



"Ok that chu, lehkha zir tha ula." a tho a, a chhuak zui ve mai a, ka thaw huai mai!



Khum ah chuan ka ke hlang lem lovin ka thal thla tawp a, ka hahdam suai suai mai! A rawn lan tirh kha chuan a fapa nen a min hmu dun ang a, min rawn zawt fiah dawn maw ka tia! ka lo khur zawih zawih a, rang lutukin ka phone ka dah ringawt kha ania!


"Ehe! Ka phone!" Ka lukham hnuai a ka rawlh luh chu ka la chhuak a, call an lo hang up daih anih hi! Ka call let leh nghal thuai a,




"Aw pi, kan Ma'am alo kal a," phone an pick up rual a min lo chhang tu pawh chu ka ngaihtuah lem lo a,




"Bawihi, i pi phone ka hman sak lawk a, nakin ah ka lo biak tir leh dawn che nia." ka nutei ani in ka hria, a hang up leh nghal daih a,



A lo tlai ve leh deuh tak duai si ah chuan ka pawi ti em em hran lo a, note fair pah a ennawn tum chuan ka lehkhabu phawrhin ka dawhkan hma ah chuan ka thu thla leh chawt a.



Kan hmelthapaa hian min rawn be lawk bik si lo a, mahse ka ngai chang ru reng a, hla ngaihthlak pah in ka lehkhabu bul ah chuan ka phone chu ka dah ve reng tawh thung.



Dar 11p.m a lo ri der tawh, ka ke hmawr, ka beng, ka kut, a vawt thler hlawm mai! Ka lehkhabu khup in inti fai tur in washroom lam ah ka phei a, zan zan a inhmu tur ang mai in uluk zet in ka ha te chu ka nawt a, ka hmai a bawl ve lo hi chu ka van lawm tak! Ka hmeichhepui hmai bawl nasa thei deuh te hi ka khawngaih takzet, vawikhat ka hnar bul ah hian arngeng a awm a, ka buai a ka buai zia kha a! Ka duh tawh lo reng reng!



Kan room zawn ka thleng a, pawn atangin ka phone ri ral ral chu ka hria a, kawngka ka pawt hawng deuh thuai a, cupboard ah ka bungraw ken chhuah ho ka dah sawk sawk a, ka tlan thla vut a! A tawp leh hman daih! Hmet eng in tunge tih ka en a, Matt ani. A pawi thei chiah chiah e! Min lo call leh mai ring in ka thil vawm luh ho chu ka dah tha leh rih a,



Enge maw a tih lehnghal daih le, lo call leh tur ania! Ka nghak tih te a hre ve lo amawni! 12 a ri tep, enge hepa hi a hriat le! Ka la buai ringin ani hi inchung ah alo thu leh reng amawni! Ka tho lawk a, inchung lam ah chuan ka tlan chho leh dawt dawt a, Ma'am te inchung chu ka bih thla dek dek a, tumah ka hmu lo! Min van ngai lo tak!!!



Ka phone hum chu lek kang in Matt chu ka call a, a pick up rang em em tho sia!



"Hey, khawnge i awm a, inchung ah ka nghak che." ka lung hnur lek lek mai!



"Wow, i aw chu va cute reuh e." a nui hak a,


"Chutiang sawi hun pawh a ni lo, chho rawh." a hmel hmu leh thei dawn lo mah ila a mah a awm tih ka hmuh hrim hrim khan ka hlim veng veng thei!



"Aih, a vawt emai, nangpawh chhuk rawh i damlo ang." teh hmak chuan a!



"Ka hmu duh che alawm mawle, min van ngaipawimawh lo tak!" ka vin lek lek mai! Mahse bul kan tan ve chauh a, ka mize chhia la thup ve hram hram ka duh bawk si!




"Humpty, a vawt lutuk, i damlo mai ang." a thaw zui ham ham a, a aw atang lah chuan a mut a chhuah hmel em em lehnghal, a enge mawni sexy phian lawi a!




"Matt, i sual!" ka aw zet chu! ka pi bul ah bak pangchang tak in thil ka ngen ngai lo a sin!



"Naktuk ah kan inhmu dawn nia, ka hmu chak lutuk che." a phun sup sup a,



"Matt, tun ah, tun ah ka duh alawm, naktuk chu a rei." avan induh tak e aw! ka chum chawrh ang mawle a bul a ka awm leh hun hun ah!



"I lut dawn em sawi rawh?"



"Haaa! Mahni thu duh lutuk! Mi chapo pa!" Ka ke ka per dawt dawt a! Naupangchhe thil ngen ang mai! ka thusawi hre thiam ni awm tak in a la nui hak zui a!



"Ka lut, naktuk ah pawh ka hmu dawn bawk lo che." ka dah hmak a, ka chhuk tau thla nghawng nghawng mai!



Hetiang em em ka lak a induh mipa ka la tawng ngai lo reng reng! A tu a te pawh khan min duh huam huam vek a, ka duh loh thil ti lui ngam kha an awm lo ania, hepa ve hi chu! Ka thinrim lai ber pawh hian then tum na ka nei chuang der bawk si lo! Keimah pawh ka ni tawh lo anih hi! Ninawm!



Room a lut in khum ah chuan ka let thla tawp a, puan lum a ka inkhuh tur rizai ka pawt parh mai thei lo te chuan min ti thinrim zual vek! ka tho lawk a, ka theihtawp a khai kang in ka pawt parh a, ka ke chuan ka hawl zui nawk nawk a,



"Hmelchhe leh lutuk!" vin hluk a phun chung chuan ka mu tha sat sat a,



Ka mut lah chu a chhuak thei der lo! ka ngaihtuah ngut ngut reng mai! Nizan ah a mah vang in hmanhmawh zet in ka tlan chhuak a, zanin ah pawh amah vang tho ani! A rawn la chhuak ve duh lo zui! Mahse Mimi-i bul a ka sawi ang khan, ka tlawm theih zia hre phawt rawh se!



"Ka sawi theihnghilh daih a, tui deuhin mu rawh aw." ka thinrim tih theihnghilh in rang zet in a text message lo thleng chu beisei nei zet in ka en a, ka hnual nawn awn awn mai!



"Nang chu mutui suh." ka lukham bul ah a khup zawng in ka dah hmak a, ka mit ka chhing zui ngar ngar a,




"Hey Sis, chaw i ei dawn em?" Paleiin min rawn sawi nawk nawk a, ka thu chhuak hlawl mai!



Chaw dawh a hun tawh chuan 7:30a.m tih na! Ei hman ka ni tawh lo! Lu na bur mit thip thum chung in ka tho chhuak a, hmanhmawh zet in ka che nghal thuai thuai a, mahni inthiam chawp in inbual tho mah ila ka lu chu ka su ta lo ringawt a!



Nimin lam a ka thuamhnaw hak bawk ha chhuak leh in ka tlan thla leh dawr dawr a, 8:30 a pel thuak tawh mai! Bus stop ah chuan ka thleng thla a, Sana ka en a, 8:43a.m.



"Lo lut vat." ka zawn ah a rawn ding a, mufler a awrh tup a, a pik luk mai! Mak ti tak in ka en a,



"Mi hma a ennawm siam kher a ngai lo ania."




Ka luh duh loh chuan tu mitmei mah veng lo hian min nawr lut lui dawn tih ka hria! Chutiang a han mualpho teh hrep chu ka duh bik si lo a, tum hmawn chung chuan ka lut ve leh ta nge nge a.


Engmah sawi lo in a khuh kharh kharh reng a, a si leh hluam hluam thin a, a tir ah ngaihsak duh lo mah ila, a ri hriat a hrehawm lutuk! Ka tuar thei tawh thlawt lo!



"Matt, i damlo ami?" a lam ka hawi chu khur hlek hlek chung hian a chal vel chu thlan tui in a lo bawl tup mai!



"Ehe Matt!! Tinge engmah i sawi loh a?!" a pang ka deh sak a, a sa vur mai!



"Engmah a nih loh hi." a khuh zui kharh kharh a,


"Aih, tah sawn ding lawk rawh aw, Engtik atang nge ti hian i awm Matt." ka rawmawl phawrh in a thlan chu ka hruk sak mawlh mawlh a,



"Ka tha lawm Humpty." a hmai ka hruk na kut chu rawn man in a hum zui vang vang a,



"Tah khan ding rawh, tah khan, a rei lo ang." damdawi dawr ka hmuh rual rual chuan ka kawk nghal chawt a, a ding ve mai!



"Ka rei lo ang."



Kawngkhar hawng nghal rawk rawk in ka tlanchhuak nghal a, hritlang khawsik ka neih apiang a ka pi damdawi min eitir thin Larkin leh Cold-go strip khat leiin Mineral water ka lei tel nghal a,



"Kha ei nghal rawh," keiman damdawi te chu kheuh chhuak in tui bottle pawh ka hawn sak thlap a, thuawih deuhin a ei ve mai bawk a,



"Ti khan kawl la i khawsik ah ei zel ang che." a chang hi chuan ka duh ang hi sap tawng hian ka sawi chhuak thiam thin lo! Nakinah pawh kan buaina tur a nih ka ring!



A coat ipte ah chuan ka thun sak tat a, min en vang vang a, a nui zui sak a, a engine ti nung in kan tlan chhuak lehnghal a,



"Khawi ah mah in ban hun ah lo kal sawn tawh suh ang che, fimkhur la aw." university kan thleng a, motor a tih din rual rual in ka kut a hum nghal chawt bawk a,



"I zual deuh chuan haw la in ah awm ang che," a mit ah chuan ka en ngawih ngawih a, a kut min vawn na chu ka hmer let salh a, lehlam in a kut phah chung lam ka chul heuh heuh a,



"Kal tawh rawh, i tlai ang e." ka biang chu rawn dawm in a kut tang in a nul zeuh a,



"In enkawl tha ang che." a chal thlan chu ka hruk sak leh thuak a,



Kalsan ka hreh ngei mai! Ani reng reng pawh hi, tha deuh a sawi ve mai tur ania, inti pa leh lutuk mai! ka chum hrep ang ka ti ania, nizan ah pawh khan a hetih vang a nih dawn hi!


"Humpty, enge i ngaihtuah? i tlai dawn ania." ka chal ah chuan na vak lo in min pen kerh a, ka nui suk ringawt.



"I damlo leh a nih chuan min hnial tawp lo in, i damlo tih min hrilh ang che, a nih loh chuan chapo na ang ah ka ngai zel dawn ania, hria em?" hreh tak chung in a kut ka vawnna chu ka thlah a,



"Go, kan inhmu leh vat dawn nia." huiha! Ka thusawi hi a ngaihthlak hram ka beisei!



"Bye."



Ka chhuk san a, a tlan hma ka kal duh tak bik lo ah chuan a kal hmasa zawk ah chuan a tang ve ta nge nge a, hriat tur kan la ngah dun khawp mai!



Ka ngaihzawng chung chang engmah ka sawi lang duh tawh lo a, mahse nuam ti deuh chuan an bul ah chuan ka awm tho a, an ni ho ka hmuh a an bul a ka awm chiah hian, ka rilru a phir ziah! Mahse ka thinlung duh dan in ka kal tawh a, ka na a nih pawh in ka tawrh tur ani. Nileng chu ka tluan ve leh mai a, an mi sawm na hnawl in campus pawn lam ah chuan ka chhuak a, nileng a ka ngaih leh hmuh chak em em chu ka va hmu nghal chat a, ka pan nghal chawt bawk.



"Khawnge i mufler? i zia deuh ami a?" dingdihip iak iak chung chuan a pang ka deh sak a,



"Ka tha tawh lutuk, lut ang." ka kut ah vuan in kawngkhar min hawn sak a, lalfanu te hi ka ang thin hi ka tia! a nuam veng veng zel!


"Vawiin chu Hotel ah ka let leh a ngai dawn a, ka thlah ringawt mai ang che, naktuk ah kan leng chhuak dawn nia aw, khawimaw i kut lo la teh." pek hma hma in a rawn ban lehnghal thawt thawt tho si!



Traffic a jam bawk nen kan tlan hlawk em em lo a, kut pahnih a motor control vak a ngai kher lo nge ni, khingkhat in a tuai kual vel mai mai a, lehlam in ka kut a vuan chawt a, a lum ther ther mai, khua hi vawt tho siin tlem in zia hlek se chu ka ti! A hrehawm ngawt ngawt emai, ha hni thleng thleng hian a vawt thlur zel, nuih pawh ka nui rei ngam tawh lo!




Hostel thlen hma deuh in min drop a, thil ti ru ang mai a mi in min hmu em tih ngai chang reng rengin ka hawi kual hruk hruk zel! A nuam ka tih chiah lo deuh thin, Hosteller dang ten an hriat chuan engtin tin emaw an sawi ang a, Ma'am beng a thleng ang a, ka duh lo! a fapa hi an hosteller te ngaizawng lo tur a a fuih fo thin ka ring, mualpho awlsam tak tur a ni dawn bawk nen, chu chu ka duh lo ani!



A tlan let leh lai chu ka thlir a, a tlan liam hnu ah Momo leh zan eitur noodles ka lei leh zuai a, hostel ah ka lut chho lehnghal a.



Friday a ni bawk nen ka in la free deuh hlek a, lehkha zir lam pawh ka ngaihtuah meuh lo, zan atang in len chhuah hun a hak tur ngaihtuah reng reng in ka buai a, Paleii lah in a lo man chak bawk si nen, ka len chhuah pui tur hre mao lovin phur zet in thawmhnaw min thlan pui vel a, hre ngat se zawng, a phur lo raih raih ang chu!



Ka helh hawlh nen zan ka mu tlem ngang mai! Mahse ka mut pawh a chhuak zui hran lo! Dar 7a.m vel ah ka inbual zo fel a, darthlalang hma a thu in ka hmai uluk zet in ka chei leh nghal char char a, 'Biangnote' tih ringawt ka rilru ah an rawn awm pek a, ka inthlahrung let ling zawk! Kan hmelthapaa vang hian ka a zo vek tawh, ani ang mipa, hmeichhia a mah hmutu apiang deuhthaw in an ngaizawng emaw tih mai tur in min han thlang hi chu, tha hi ka in tih phah hliah hliah!



Jacket dum ha in Cotton jeans ka ha a, Vans Old School ka bun leh tawp bawk a, a bak han tih vak ngaihna pawh ka hrelo, thawmhnaw hi ka lei ve hlek chu a ngai dawn anih hi.



"Ka hman aw." ka chhuah hma hret in text message ka thawn a,




Mi pawh chhang lem hlei lovin a chhiar reng tho, a chhuak leh tawp aniang chu! Ka chhuak thla zui ve mai a, rin ang ngeiin motor pawh a awm tawh lo ngei bawk! Ka nui tet tet a, engtin tak inchei ang maw! Ka hmu chak tawh lutuk chu ka kal vut vut a,



"I rei deuh pawh a awm viau e, i nalh lutuk." lungawi hmel zet a mi en vang vang chungin min fak luam a, ka awih lo phal lo thin!



Kawngkhar min hawn sak leh kher hma in keimah zawk in ka hawng thut a, ka thu lut nghal tharh a, khatiang a hawn sak thlap thlap kha ka phut kher lo, khatiang a ti lo chung pawh hian ka duh zia lan tir ka duh!



Ka thut luh tak ah chuan a ni pawh chu a rawn thu lut ve mai a,



"A nihchuan, khawi ah nge min hruai i tum?" thu awn diai chung chuan a lam ka hawi a, ka nui ver ver reng mai, a hmeltha lutuk hi piai nawk a nia ka duh ni!




"I hre mai ang." a motor engine ti nung in a tlan chhuak nghal a,


Kan kalna hmun tur lah hi i hre mai ang a ti ringawt zel a, ka bo hu zel! Kan tlanna lam erawh hi chu cherapunjee lam ani tih chu ka la hre ve, a bak chu khasi veng ani deuh tawp mai!



"I'm never gonna let you go,
Your love's gonna save my soul.
And after all we've been through fire and smoke,
And through it all we've kept a hold of hope,
While the world let go."



Ka band duh em em mai, A rocket to the moon hla ngei mai a rawn play teh hlawl a, mit chhing siar siar chung chuan sin zet in ka sak pui rat rat a, a hla thu hian kan hmalam hun tur min hruai thleng teh daih a! Kawng a ping ve khawp mai! Mahse eng pawh chu thleng dawn se, bul ka tan tawh!



"Hey Humpty kan thleng tawh ania." ka biang a rawn dawm chung chuan ka biang ah min fawp tih ka hre thei! Engtik laiin nge maw ka lo muthilh hmanhmawh ni!



"Khawi lai nge kan awm na hi?" ka hawi kual ruai a, khaw chhung ah kan awm pawn ka hrelo, a reh ruih mai! mahse kawng chu a awm kual ruih tho a, a view a la tha em em zui bawk!



"Lo kal rawh." ka hawi loh na lam a min kai in kan hma a concrete in chhawng, chhawng khat lek lam chu min pan pui a,



Letter box atang a chabi la chhuak in in chu a hawng zui a, rei tak tlawh tawh loh tih hriat tak in bungrua an khuhna puan ah te chuan maimawm ril a kai nei nuai mai!



"Lo awm lawk rawh," a in her vut a, a chhuak nul nul a, theihnghilh a nei aniang!



In chhung chu ka lo thlithlai mai mai a, hmeichhe dang a kal pui thinna a ni ang em tih te chu ka ngaihtuahna ah a rawn lut zawk a, mahse, engkim hi, rei tak khawih tawh loh a ni tih a hriat vek bawk si!



"Tah hian awm hahdam ila, tlai ah khawi ah emaw ka hruai dawn che nia." a ipte atang eitur eng eng emaw a rawn phawrh chhuak a, a lo lei vek hman a mawni!



"Kha kha eng tur nge?" puan a rawn phawrh chuan mak ka ti ang reng, ka lo zawt vat a,



"Sin tur, lo kal rawh, khum ah kan ei dawn nia." puan chu keng in bed room ni awm tak ah chuan a lut a, ka zui lut ve tawp bawk a,



Khum an khuh na puan chu fimkhur zet in a hlip a, ni thlar ah chuan an beng chhin vel a, an khuh uluk bawk a, a bal hran lo tih a hriat tho na chu, hepa hi mipa khirh ve tak chu a nih ka ring! A puan ken pakhat zawk chu a phah hnan hmak tho.



Ka zam ru ngei mai! A rukin ka chil ka lem khalh khalh a, ka pheikhawk phelh in khum ah chuan ka lawn kai a,



"Nuam lo iti ami Humpty?" min rawn awm hnaih sauh a,



"Nilo, nuam ti lutuk." za vak lo chuan ka nui sak a,



"Hmeichhe dang ka awm pui na ang a i ngai a nihchuan, a ni lo ania, ka pu in a ka pa a rochhiah ve a nih hi, ka pi nen an awm na thin a nia, ka pa hian la dam reng chung in ti hian ka kut ah a dah fel tawh a, a tir ah chuan hetiang hi a ni lo a, nikum hmasa lawk khan kan sa tha a, bungrua te pawh kan thlak vek a." ka mit ah tak min melh kar a,




"Ka ring che Matt, dawt min hrilh ngai lo la ani mai." ka nui sen sen a,


Ka dam deuh huai mai! Khum lu ngheng in a thu awn diai a, a lam a awn tur a min kuah vang chuan a awm ah ka bei thla a, hnai tak ah a bul ah mu in a pum ah ka kuah bet chet a, ka dar ah nghet tak in min lo chelh bawk a,



"Kuah vawng vawng che ka chak thin Humpty." a kut zungpuiin ka biang chu a nul a,



"Ka ngai thei lutuk che Matt, khawi lo mu hniam teh ka awm dan a rem lo." ka in la hrang a, ka chal sam ka tuai puat a,



"Lo kal rawh." a mut that rual chuan ka kut a rawn vuan in min pawt hnai a,



A bul ah mu thla in a ban ka kham a, ka lam hawi a rawn saisir in nghet zet in min kuah nghal vawng vawng a, thei leh thei lova khan ar ar chung chuan nghet tak in ka pawm bet zui a,



"Dar 12 a pel ve chiah, nizan i mut that loh hmel si muhil leh daih rawh." ka sam chu a chul hliau hliau a,



"Nangpawh muhil ve la Matt., i damlo nen i chau dawn si." A hrawk bawk chu ka khawih sual hlau zet chung in ka zung chal in ka khal mai mai a,



"Dawn e, nizan ka mu tha bik lo a, mahse, khawimaw lawk." min pawt tho lawp a! Ka jacket jeeper phelh thla in ka jacket chu min hlih sak nawk nawk a.



"Hlau suh, ka ti na lo ang che." ka chal ah min fawp zui vawng vawng a,



Ka hlau lo, he mihringpa bul ah hian engmah ka hlau lo! Mahni tawng ngei a ka duh zia, a bul a ka thlamuan zia a beng bul ah hrilh sep sep hi ka van chak tak! Ani pawh hian Sap tawng ni lo, an hnam tawng ngei a thil min sawi pui a duh ve hian ka ring!



"Muhil ang aw Humpty." nghet zetin min kuah a, a awm a in phum kek chuan ka chhing nghal vang vang a, a rimtui chek lehnghal a,



"Tui deuhin mu rawh Matt."....



"Hey, i mu ve miah lo ami a?" a rawn men siar siar hnu ah mit chhing chung in a phun sup sup a,



"Ka harh deuh chiah, i mutui si." ka nui nghal ver ver mai! Thawh hlim ah kher kher hi chuan nui hmel hi ka pu khat a sin.



"I ril a tam ani maw?" a nui suk mai,


Ka zak lutuk! Ka pum a rawn ri ruk ruk khanglang a! ka hup nghal vat a sin le!



"Lo nghak rawh aw." tho phang tih pawh a hriat loh! A hmeltha tho!


A va rik ruk ruk hnu ah cup noodles peih sa diamin a rawn chawi lut a, plastic chhung ah coke pahnih a rawn pet phei bawk a, ka nuih a za ang reng ngei mai! Tui lum te hi khawi atang nge maw a neih ni! E, tak a, Flask kha a pai tak e! A plan a ni bawk a, plan felfai tha ve tak chu ani chiang alawm!



Ka nun ah hian hlimna tawk ngai lo ka ni lo a, mipa, ka ngaihzawng te vang pawh in hlim tak a awm chang ka nei fo a, mahse engkim kha ka ngai neih tan vel vek a, thil thar engmah hmachhawn tur a awm lo! Mahse hepa nen hi chuan, ka la tawn ngai loh thil hlir ni in hlauthawng tak a min siam si lo hian a thil tih engkim, a chet dan, a tawng dan te thleng hian, ka hlimna tur leh lawmna tur hian min thawng nawn awn awn reng mai nih hi!



"Humpty, i ei zawh chuan in ha lum la, kal pui duh na che ka nei ania." khum ah chuan ka hnung a thu in ka dul ah min kuah reng a, a awm ngheng in ka thu awn diai a,



"Khawi min thlah la." a kut ah chuan na lo te in ka beng taih a,



A ni pawh a in ha tha mawlh mawlh a, a mak ka ti! Mipa a nih na ang in hmeichhe pangtinem hnai tak a si chet tu a tawng a, a mipatna rilru chu a chhuak ve chiang ang, mahse a insum thei ka ti ngawih ngawih! Ka taksa, ka hmeichhiatna engkim hi min zah sak ngawih ngawih! Hei vang ringawt pawh hian a bul ah chuan ka him hliah hliah a, ka hlim veng veng bawk!



Ka pheikhawk ka bun mawlh mawlh lai chuan choka lam ah a lo ri leh rawk rawk tawh a, bicycle a khawih tlat in ka hria! Ka chhuak phei vat a, ka ring sual lo e! Bicycle lian lutuk lo a lo hru fai mawlh mawlh a,




"Kal ang." a nawr chhuak nghal daih a, a hnung a zuiin kawngka chu ka hawlh kalh a,



"Chuang rawh." khalh inring zet chuan a pedal chu a ke khingkhat in a rap nghal chat a, a hnung ah chuan hmeichhe thut in ka chuang kai nghal tharh a,




Kan hun tawn lai mek hi nuam ka ti! Nula uai tawh a Bicycle a han chuan leh te, a classic a, mahse a hlimawm em em lawi si! Khawi ah nge maw min phur thlak dawn ni! Kan tlan thla chak ang reng bawk si nen ka rak thla chiam chiam a, Matt-a kawr ah chuan nghet zet in man bet tawk tawk a,



Lui lian zet kan pawh thla a, mawi tak ani! Kir leh ka duh tawh lo! helai hmun ah hian kumkhua a ka mipa duh em em nen hian awm ka chak!



"Hey Humpty, i hlim em?" min en vang vang a,



"Hlim lutuk Matt, ka haw duh tawh lo." ka ban phar in ka van va dak a, boruak thiang tak chu hip lut kawk kawk in ka thaw chhuak ham ham a,



Ka hnung lam atang a ka kawng a rawn vuan in dim te in min kuai her a, ka mipa duh em em mai en tum ka mit ka men rual chiah chuan ka hmui a lum nghal vang vang a! Ka biang a dawm in a leiin ka hmui chu a rawn nawr kau a, dim tak duhthawh zet si in a hne dek dek mai!




"Humpty, i duhawm takzet." ka beng bul ah a rawn thaw lum zui ham ham a,



"Matt ka ta ni reng ang che."...




To be cont.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:42 pm

Story of Matthew
Chapter-10




Duhsaki Pov




Kan awmna hmun nuam zet atang min haw pui a, zirlai ka nih na ang a ka hun hman dan tur diktak ang in ka hun ka hmang leh ren rawn a, Matt pawh a pa pui in hotel lam ah a buai tho bawk nen, kan in hmu zui khat viau mai!



Kan class bang Mimii nen kan bazar a, Guwahati lam ah Matt-a a zin bawk nen bus tawt lutuk piah lam a Traffic jam reng chu kan nghak peih lo a, ke in kan pahnih chuan kan in zui det det a, kan hnungah mizo chu an ni, rui chhe zet in tawngkam mawi lo tak tak hmang in min zui reng a,



"Hey, mizo hmeichhia heti lam a rawn awm ho hi chu hei hi alawm in buaithlakna, inti changkang zet in in hnampui te be tha duh lo in hnamdang in tlawn hiam hiam zel a." ka dar a vuan in mi rawn kuai her sawk a,



Ka thinrim lutuk chu ka sa ap ap a, Lalmimii lah hlauh hmel zetin min man bet reng bawk si!




"Inti mizo deuh hian in hmeichhiate zah pah lo tak in rui chung ten in chheih nawmnah a, mi hriat ah in siam mualpho chiam a, tuman kan be tha peih lo che u." ka vin nghek a,



"Ve khanglang chuan, hmei a kar a chhia." a pai chawn chawn zui lehnghal a,



"Kha kha kha, heti lai hnamdang mipa ho hian, an hmeichhia te khatiang khan an ko ngai lo, i duh leh haw la, i nu kha hmei a kar a chhia i va ti dawn nia." Mimi'n min hnuk dawr dawr a, ka thinrim laklawh tawh kal chungin ka vin let tuar tuar a,




"Khang lang che chuan." min rawn um pha in ka ban ah a rawn man a,



"Thlah rawh." kan sir atanga rawn vin chhur chhur in zu rui pa chu a rawn hnek let tawp a!



"Matt maw?"



Chupa thiante niawm tak chu an rawn thleng vat a, mizo tawng ngei hmang in man tir ah a vau a, an in sa seng ve mai bawk a!



Hepa hian mizo tawng ngei hmang in bahlah miah lo in a tawng thei maw? Khawi atang a thiam nge? Tinge kan tawng a thiam tih a sawi miah loh?!



Zu rui ho a hnawt bo lai chu mak ti tak in a sir atang ka lo en tlawk tlawk a,



"In tha em? an ti na che u em?" ka dar ah chuan min rawn vuan a,



"Kan tawng i thiam Matt?" engmah dang ka rilru ah a awm lo! thiam leh thiam lo in, duh ang pawh sawi thei lo in khawthlang lam tawng hmang in ka be ve tawk tawk a, kan tawng a thiamin a hrethiam reng si!



"Nia ka thiam alawm, motor ah rawn lut ru." ka kut ah vuan in a motor lam ah min kai phei a, Mimii ka kai ve leh chhawng a, kan in zui phei diat diat mai.




"Duhi, enge awm zia ni a?" Lalmimi'n min hrilh ru sur sur a, ka hriat bik loh zia lan tir nan ka lu ka thing ringawt!



"I thiannu kha khawi veng ah nge a awm?" front glass atang chuan min rawn en a,



"Nongthymmai," in si chet in seat hnung ah mimi-i nen chuan kan thu dun a,



Engmah sawi tur ka la hrelo, a mak ka la ti, mizo a ang ka ti thin a, ka ringhlel rum rum tawh! Ani lah chu a ngawi ngul a, Nongthymmai lam pan in a motor a khalh phei vuk vuk a, Mimi-i thlenna in kan thleng a, kan in thlah fel hnu ah Sana ka en thuak a, 7:45p.m a ni tawh, han tih ngaihna vak pawh ka hre tawh lo, hostel atang hian min hnawtchhuak tep tawh ang! Mahse a pawi lo! Hostel dan ah awm ila, hepa nen pawh hian kan in hmu nasa thei zawk ang!



Seat hma a thu lut in ka bul a thu, thu lian tak zep chu ka en ngar ngar a,


"Matt, thil awmzia min hrilh thei em?" hmun dang atang a thiam pawh ni se, hnamdang mizo tawng pai zet a tawng ang a ni lo, mizo diktak ang mai a nal leh thluk dik thlap in a sawi thei tlat ani!




"Nakin ah kan sawi dawn nia." a jacket ha tha in engine a start a, kan tlan chhuak leh nghal a,



"Matt, dar 8 a ri tawh, ka haw lo law law mai ang, Ma'am ka bia ang a, Mimi-i te in ah khan min drop leh mai rawh."



Chhuan lam tur pawh ka hre lo, hmeichhia, nileng a chhuak a zan tlai tak tak a haw in a hun tak ah hostel pawh ka thleng thei lo fo a, ka awm dan ah nung chang mawi lo leh tha lo tak a awm ni lo mah ila, kan thusawi apiang hi chhuanlam leh dawt thu sawi kan ang tawh thin sia, haw loh law law te chu ka duh tawh zawk!



"Ka nu te an awm lo, hlauthawng duh suh." ka kut rawn ban in a hum vang vang a,


A thusawi vang chuan ka thawven hawk awm reng reng ka hrelo! A mizo tawng hmang mawlh hian min ti buai! A tawng fiah fek fawk si! Nakin ni tawh se ka ti ngei mai!




Hostel kan thleng a, Motor atang a hostel lam ka en thlithlai hnu ah chhuk in ngawi reng in gate ka in hawn a, hostel lam chu ka pan ding chho nghal tawp a,



"Tinge a, Ma'am ten an hau che em?" room chhung a ka luh rual rual in Paleii chu a thut hmun atang a rawn tho in ka lam a rawn pan chawt a,




"Aih hau lo e, an awm lo a, kawng ah zu rui in min ti buai a, kan rei phah vek a." za lo tak chuan ka nui lui vel mai mai a,



"Oohh, i na em? i tha em?" ka khum ah ka bul a rawn thu thla in hnai tak a min rawn en a, ka u ni awm a mawi ani! min ngaihtuah dan em em hi!



"Sis, ka tha vek alawm, tlemin ka chau deuh ani mai." thawk la hak chung in ka khap fan diar a,



"Awle a that chu, inti fai la hahdam daih rawh, i duh chuan light kan down dawn nia." khum atang tho in a lehkha lo chap darh ho ati fel zung zung a, ka inthlahhrung letling zawk!



"Sis, chutiang a ngai lo, ka tha lutuk, chutin thil engmah a thleng hleinem, ka va inbual ang e." Perfect roommate hi a ni tawp mai, a polite si min care bawk si. A nun dan vang hrim hrim pawh hian a lak ah hian bat tam tak nei ang maiin ka in ngai thin.



Ka in phelh zui mawlh mawlh a, thawmhnaw hak lum sa phelh hi ka ui vawng vawng thin! Bathrope nen washroom lam ka pan a, tui ka tih lum hnu ah ka zawi na zawng zawng tui in a luan ral pui emaw tih mai tur khawp in ka harh hawk mai! Corridoor ah ka chhuak phei a, thli rawn thaw vang chuan ka mur sung sung mai!



Ka in hak lum leh hnu ah mawza te bun lum in ka khum ah thu chung in puan in ka in tuam hlun a, ka awm awl tak ah chuan rilru la peng tu dang awm hek lo, kan in zep theia ka rilru ah rawn awm in enge a thuruk dik tak ka hre chak ngei mai! ka ngaihtuah ngut ngut a, ka tuar thei ngang lo! Ka call ta nge nge a,



"Hey Humpty." alo chhang rang kher mai,



"Matt, nakin a ni tawh!" a nui zui hak a,


"I va naupang chhia tak!" a la nui tawp thei lo!



Matt ti in ka ko tih ka hrechhuak a, Paleii'n a hria ang tih ka hlau tak zet, mahse, mahni hnam tawng a tawng ta chu, kan Ma'am fapa a nih a ring pha bik lo ang!




"Mawh, sawi rawh." a mah hmu lo pawh hian ka lai tlat! Ka chhuan lam ah ka ke zungpui te chu ka pawt ka pawt a,



"Inchung ah chho ila?" a thaw zui ham ham a,



"Aw, ka chho nghal ania." ka tho nghal a, ka crocs bun in ka chhuak zui nghal vat a,


Inchung ah chho in Matt-a te in lam chu ka hawi thla a, a lo awm ve vung tawh!


"Tikhan i sawi thei, ka lo ngaithla ang." earphone ka hman avang in ka phone ka ak a, in kuangkuah in ka ban ka tuai vut vut a, a vawt lutuk!



Arsi a pe un a, thla a de bawk nen, zan boruak nuam tak ani! Thla bial eng pup hi ka lawm ve tho a, mahse thla de tir te hi a mawi ka ti ber thung.



"He thu hi ka sawi ngai lem lo a, ka nu hi mizo ania, ka tette atangin min zirtir ania, mizo tawng chu ka thiam reng alawm." an inchung zawl ah chuan a thu rem te te a,



"Ma'am hi mizo maw?" ka nui sen sen a, ka ringhlel reng ani! ka luh ni te khan nutei nen a kan titi ah te khan a hrethiam in ka hre reng ani!



"Aw ni e, an sawi vak lo a, hria pawh an tlem, an zawh loh hi chuan a sawi ngai lo a ani pawn."



Ka hlim veng veng mai! Hepa hi thlapawlh ania, kan sakhaw vawn a in ang tho bawk nen, ka rilru a thiam ka in chan tir na ah pawh ka in ngaidam chiang leh zual! Ma'am hi mizo a nihchuan, a fapa in mizo hmeichhia a ngaizawng pawh chu a ngaimawh vak in ka ring lo! Ka lawm ru veng veng mai!



Mizo in rel bawl dan eng chin nge a hriat tih te ka zawt chhunzawm luam a, a nu in a zirtir thin a hriat ang ang te, chumi piah lam a a thiante hnen atang a a hriat te te chu a phun pui ve sup sup a, ka thawl huai huai tawh mai.



"Matt, ti hian kan in be char char thei ang em? buaina a awm em?" khawthlang ho tawng chuan sawi tur haih chham a awl emai!




"Awm lo e, i duh chuan ani mai." ka la fuh leh tlat a,



"Ka duh apiang iti dawn tih na ami?" lei chhuah tut in ka nui hak a, ka hmel a hmu thei dawn emaw ti niawm takin ka in la cute kher ah!



"Ti dawn lo e, i tan a tha tur a nih loh chuan ka ti lo ang."



Ka nui lai ka tawp chiang kher mai! A va han sual thiam tak, ti dawn lo pawh nise, ka lawm nan a 'aw' tih a harsa viau amawni!



"I sual emai a, ka chhuk daih dawn." chhuk a phal leh miah lo ang chu! keipawn ka la tum tak tak bik lo, a nuam ka la ti veng veng mai.



"Okay, keipawh ka chhuk dawn, a vawt si, i damlo ang, lut rawh." a tho hluai a, a kal nghal nul nul nia!



"Hey hey, Matthew!" ka au ring ngam bawk si lo!



Ka zak ru chem chem mai! a phal loh ka rin ve teh lul nen! Ninawm e! a va han chapo tak!


"Naktuk ah kan in hmu dawn nia, Lalduhsak, ka ngai lutuk che ania."


Min chhuk san ngauh ngauh hnu ah min ngaih thu te a rawn sawi leh vel a! Ka awih tawh thlawt lo ve!


"Aih." ka chhang bul hmuk a, in her tau hmuk in step lam chu ka pan a,



"Lo let leh teh, ka ngai che ania." hmmm, a la awm amawni!



"Aih, ka peih tawh lo! a ruk in ka let leh tho a, min hmuh hlau zet in an in lam chu ka hawi thla duk duk a, a awm tawp si lo! Ka zak lutuk ka zak lutuk!


"I awm tawp loh hi!" ka vin nghek a,



"Haha, aih ti chungin i let tho." a nui hawk hawk a,



"I hmelchhia." ka dah hmak a,



Ka tlan thla nghal daih! Hepa han chimawm zia hi aw! ka la kuk tawlh ang!



"Hmelchhe mah ila min duh tho! Naktuk ah i bialpa hmelchhe deuh hian dar 10 ah alo nghak ang che, muttui le."



Text message rawn thawn in ka chhiar vat a, chimawm deuh hian a duhawm tel tho bawk si, min va han tibuai hneh tak!




Matthew Pov



Hmeichhe tam tak zing a ka thinlung in a thlan, ka duh em em, a vawikhat nan tak meuh meuh a khum ka tawmpui hmeichhia an kuah a zah pah lo tak a an khawih lai ka hmuh vang a ka thinrim in sum thei loh vang in ka thuruk zep pho lan in a awm a, mahse ka zep reng thei dawn chuang lo a, chumi piah lam ah a amah pawh a hlim phah zawk in ka hria a, ka thawl huai mai! He hmeichhia vang hian ka la tih ngai reng reng loh suangtuahna ram nuam tak, hmeichhia nen a kan awm na ram te ka din phah a, ka thinlung hmun ruak mai ni lo, ka thinlung zawng zawng hi a luah khat zo vek tawh!


Zing boruak nuam tak ani! Ni chhuak tang at chuan ka hmai chhun in mit zui na chi zia zang ani tawh lo a, ka ke lam a thil rit tak delh tu lak atang tal sawn tum chuan ka leng kual awt a, ka chet dan duh lo ni awm tak in Buddy'n ka ke tang chu na lo te in a seh hlak a, ka nui suk ringawt! Thawh fuh loh hi a awm thei meuh lo!



Nizan ah ka bul riah min dil ve ni awm tak in kawngka bul ah a chik nghawr nghawr reng a, Mat lak sak in ka khum bul ah a mut na tur ka siam sak a, ka mut hnu ah a rawn lawn kai leh tho anih hmel!



Ka len chhuah pui tur ngaihtuah ran chung chuan ka khum lum nuam tak chu ka thawh san a, tui ti lum a shower hnuai a rei tawk fang ka din hnu ah towel veng chung in washroom chu ka chhuah san a,



Ka sana bun pah in dar zat ka en zuai a, 8:30a.m a lo ri thuak mai, ka almirah hawng in ka thawmhnaw chu ka en kual diat diat a, ka T-sirt dum, milem emaw thuziak engmah chhut kai loh chu la chhuak in ka ha nghal a, Hoodie dum, a hma phel in khai mar zar chu la thla in ka in bel leh nghal chawt a, Cotton jeans dum ka la chhuak a, a dum hlir hlir tiin ka t shirt thalk in Maroon color zawk chu ka la thla a, ti hian a zia zawk in ka hria! Ka pheikhawk ngainat em em, Jordan var bun in in hnuai lam ah ka chhuk a, pawn lam ah ka thinlung neitu nen a thil ei chu ka rilruk ta zawk a,



Dar 9:17a.m ah chuan ka hman var var tawh a, nimin lam a ka zinna ka motor ka la tih fai loh chu ka hrechhuak a, ka in chei up tawh bawk si!



"Humpty, lo hmanhmawh lo mai rawh aw," text message hnut chhiah in ka motor sil tir turin ka in khalh chhuak leh te te a,



Darkar khat hnu ah ka let leh a, hostel pawn ah a duhawmna bo thak lo in a lo ding kawi sawi leh nuai tawh mai!



"I rei ve e," an rawn phun lut nghal ringawt ah!



"Nia, ka duh ai an uluk a." a biang ah ka piai sak zeuh a,



"Min hruaina tur chu ka zawt tawh lo mai ang che, i sawi leh awm chuang si lo." a nui var var a,



"Shillong Peak ah aw." ka motor engine ti nung in ka in her rem a,



"I va han chimawm ve tak, kan thlen hun ah ka kuk ang che." a nui zui sen sen a, Pathian them thiam zia lan tir na liau liau ani!




Traffic a thawl bawk nen kan lo thleng chho har lo a, a hmun a reh tha in boruak a theng thaw nuam bawk nen, kan nula tereuhte hian nuam a ti ngang aniang, phone camera nen um reng a ngai!



"Hey Matt, saw lai tlang saw awm lo se engtin nge an tih ang?" nui var var chung chuan ral leh lam tlang in tung ur chu a kawk va a,



Ka zawhna hriat tawh zawng zawng ah chuan a mak ber awm e! A bul a ding reng chung chuan ka ngaihtuah vang vang a,



"Phaizawl a niang." tlang a awm loh chuan phaizawl bak ni thei awm in ka hre lo!



"Nilo, saw lai tlang a awm loh chuan, khi lai tlang a ni leh mai!" thiam lo min tih hmel zet in a nui ar ar a,



A va han naupangchhia tak! A ho ka ti lutuk chu ka nui hawk hawk a,




"Khawi tah khan thu rawh, khi lai tlang lang in thla ka lo la ang." tlak dal nan a concrete bang a an siam ah chuan ka hlang kang a,



"Tikhan enge i nih i hria em?" ka nui tut tut a,


"Hre nang, enge?" ngaihtuah ni awm tak in chung lam a melh ngur ngur a,



"Humpty Dumpty sat on a wall."



"Naaaa," a zuang thla nghal tharh a,



"Tinge Humpty Dumpty min tih kher a, a ai mawi a tam tam nen." a tum bar a, University a kal tawh tih te hi ka ringhlel rum rum thin, heti em em a han naupangchhia mai chu!



"I inhmeh alawm," ka nui suk ringawt!



Ni pawh khawthlang lam a her in chhum zing paw chiai kar ah a eng sen phut tawh a, thil nung ka hmuh tawh a mawi ka tih ber mai ka bul a hmeichhe ding chu ngawi rengin ka kuah vawng vawng a,



"Duhsak, ka bul ah hian i hlim em?" a sam ngil mawi zet, rimtui chek ah chuan ka hmui hmui nghat in dim te in ka nawr a,



"Matt, chutiang min zawh a ngai ami?" ka kawng ah nghet tak in min chelh bet a,


Ni tla tur chu ui tak chungin kan thlir liam a, kan motor dah na hmun ah in kai rial in kan let thla a, a ngaihzawng neih hmasa ber ka nih hi ka ring chhin ngai lo a, a ngaihzawng lo neih tawh zawng zawng ai a tha leh ti hlim tu nih ka duh ber thung.



Khaw thim hma hret in Hostel kan thleng a, a chhuk hma a Hostel atang a a mah hmu tur an awm leh awm loh hriat tum ni awm tak a hostel lam a thlek kual duk duk thin te hian ka nuih a ti za thin!




A duhawmna vang chuan ka mihring dang zo lovin nghet tak in a biang ah ka chelh a, a hmui sen vam ham chu duhthawh zetin ka fawp dawk dawk a, uar zet a min chhan let hnu ah a tal hrang a, nui sen sen chung in motor atang a chhuk thla a, ka chhuk hun pawh nghak lo in gate a in hawn rawk rawk a, hostel lam a pan ding chho nal nal a.



Hnaih tak awm chung si in inthlahlel leh in ngai em em in hun kan hmang dun chho reng a, kum khat a lo liam ve der mai! Ka tih luihna avang in hreh tak chungin kan kum khat in zui tlinna ni ah ka nu nen ka in hmelhriat tir a,



Ka nu pawn mak a ti deuh nge ni sawi tur a hre lawk lo a, mahse hun a duh rei hran lo a, tha tak in kan inkawm ho a, ka nu in tha tak a a biak a a kawm theih tak ah chuan ka thawveng huai mai!



Chaw hnu lam ah kan leng chhuak a, chawhma lam a thil thleng te theihnghilh vek ni awm tak in a nui zui ar ar reng a, he mihring tereuhte hian amah tiat ai a tam daih hi hlimna a pe chhuak tih a in hrethiam ang em le?!!



Gate khar hma a hostel thlen puiin nidang a a tih thin ang bawk in motor atang hostel chhehvel a thli thlai leh duk duk a, mi hmuh loh tur ang ber a motor atang a chhuk in hostel lam ah a tlan lut nghal daih a! A hnung atang ka nuih suk suk ringawt!




Kan gate lam a tlan lut in motor atang ka chhuk fel a, reilo te chhuak hlek pawh ni ila, min hmuh rual rual hian Buddy hian mi lo zuan nghal cheng thin! A lungawi thleng rak a ka infiampui hnu ah inchhung ka lut a,



"Matt, hetah lo kal teh." Living room atang ka nu a rawn au lang lang a,




Bottle a tui dawh in ka in phei khawlh khawlh a, ka nu thutna bul chiah sofa ah chuan ka thu thla a,



"Enge a?" ka nui suk a, Duhsaki chanchin lam min sawi pui tur ah ka ngai a,



"Eng ang in nge i ngaih ang ka hre lo a, ka sawi kual duah lo mai ang, kha hmeichhia kha hmu tawh lo tur in ka duh che." a bawp khawkherh ran chung in min en kar a, Duhsaki chung chang chu a sawi ngei a, mahse ka rin loh lam daih ani!




"Engvang? Hosteller a nih vang in maw?" ka bottle ken chu ka hum ran a, ka nu chu ka melh tlawk tlawk a, a uang lo hle tih a hriat bawk si! A awmzia ka hrelo takzet!




"Eng ang pawh in ngai rawh a pawi lo, hmu tawh lo ang che, i tan a tha tur a nihchu." a tawng ri chang fak fak khawp mai!



"Ka nu, a chhan sawi rawh, hei kher hi chu ka pawm thei lo, nang ngei pawn min hmu ani lawm ni? Kha hmeichhia vang a ka hlim zia hi i hmu a ni lawm ni?" ka aw ri a chang ve lek lek a, ka in sum hram hram ani! Au chhuah nghek ka duh!




"Matthew Lalrinsang, i nu hian kha hmeichhia kha ka pawm ngai dawn lo! i tan mi tha a ni lo."



Huh hrep tak a, a vawikhat hmuhna ah mi tha anih leh nih loh a hre thei nghal a nihchu!



"A pawi ka ti ka nu, he thu hi chu ka zawm theih a ni tlat lo!" ka thutna atang a tho in ka room lam ah ka chho tlang nghal a, ka hoodie phelh in ka thawmhnaw bal dahkhawmna ah chuan ka vawm thla zui tawp a!




Chhun lam ah hlim tak in a kawm thei a, kha kha lem chan lek maw lo ni a! Hosteller hmeichhia ka kawp a remti ngai lo a, mualpho a hlauh vangin! Tunah pawh chutiang tho chu ani ang! A mualpho na tur engmah ka thlen tir lo ang a, a pawm zui ve mai ang!




Ka nuam tih zawng leh duh ang tak a lang chhuak in a bul ah chuan ka khawsa a, a thinrim hluk fova, a dam ve leh mai zel bawk a. A in thuam dan leh chei dan te ka sawisel sak fo va, ka ti tak tak lo tih pawh a hrethiam zui ve vat a, a nui liam ve tawp thei tawh! Thil engmah lei sak tawh lo tur a min ti chungin, tle reuh eng eng emaw a mah nen a in hmeh tur ka rin ka hmuh fuh tawh chuan ka kal pel thei thlawt thin lo! Bakilh tereuh te te vang pawn ka in seng nual tawh mai! A ni lah hian duhlo ti reng chung in a a sam chilh khawm nan a hmang ve zel tho bawk a, ngawi reng a a che tlai thlir vang vang pah a nuih suk suk a awl ngei mai! Ka nu in min khap in ka pa hial hrilh ah min vau a, mahse naupang ka ni tawh tlat lo!



A chang a thikthu chhiat vang a in hauh bap bap te tawng nuk chung in kum 2 lai kan in zui ve der mai! A final exam hmachhawn zo in Duhsaki pawh result a nghak mek a, exam ber a zawh tawh vang in helai hmun ah hian a rawn let leh ang em tih pawh hriat loh in a pian leh mur na Mizoram lam a awm leh tur a a haw tur chu ka pi leh pu te tlawh tur chhuanlam in ka thlah haw a,, Ni khua ka hriat tirh a chhungkua a kan zin atang a ka vawikhat kal leh na chiah ani a, khawpui lian leh tawt tak alo ni ve reng tawh mai!



Kar khat tha zen zawn cham in zingkar hma tak ah haw tur in ka motor chhung ah ka thu ran a, khaw fing a chat awrh chauh ani! Duhsaki nen an in kawt ah motor chhung ah kan thu dun reng a, ka ban a vuan in ka dar ah a bei chawt a,



"Matt, rei lo te chiah awm hrang ang aw, rei tak chu ka thei dawn lo ania." a phun sep sep a, a vawt ti lutuk chu a khur dar dar reng bawk a,



"Ka bul a awm kum khua turin ka rawn hruai vat ang che." a biang vawt thler chu ka chul heuh heuh a, a thaw sek sek reng mai.




"Hey, zu lerh na teh aw, keimah tiat lek hian ka siam ang che." ka ban ah chuan mi sik pah hlawk a, khawvawt nen, a thip rei ngat ngat lutuk!




"Khawi thu tha lawk teh, lehlam hawi la." ka nam sawn hlek a, mak a tih hmel ngei mai.




"Wow Matt, khawi ami nge a nalh lutuk!" silver thi Diamond locket chu ka awrh tir a,




"He thil hi la thla ngai suh ang che, ka ta i nih zia lan tir tu tur a nih hi." a lu a bu nghat nghat a,




"Humpty, khua a var dawn." ka lam a pawt hnai in ka kuah vawng vawng a, engtia rei nge ka hmuh dawn loh ka hre si lova!



"Matt...." ka awm ah a in phum kek a, ka awm zawn ah chuan a thaw sa hem hem reng a,




A khabe a dawm in duhthawh leh uar zet in a hmui vawt thler chu ka fawp vawng vawng a, ani pawn a tawp nan ti ni awm tak in uar zet in min chhang let mawlh mawlh a,



"Humpty.... Matt." kan inthlah thei ngang lo!




Kawl a en ut hnu ah hreh tak chung in kan in thlah a, inhmuh leh vat intiam chung chuan ka tlan zui vat a, Mizoram kha a vawt viau emaw ka tia, Shillong lo vawh zia ka hre chiah! Taksa sil thum in inchhung ka lut a, Buddy pawh ka chhaih peih meuh lo! Ka nu te hi an mu vek tawh amawni! Kawng lak ah ka hmanhmawh hran lo a, Dar 11 dawn ah ka thleng ve chauh mai! Vacation ani bawk nen hostel lam atang a hmeichhe nui thler duai duai ri hriat tur awm lo chuan kan in leh a vel chu a reh phah duk mai!



Tlai tawh hle mahse ka hmai te a ngap chuap a, ka ban chup mai! Shower hnuai a ding in tui lum in ka in tleng fai a, ka taksa sil them thum te pawh a reh sawng sawng in ka hria! A in tan chauh tih hre reng chung in chawlh hun hi zo tawh se ka ti ngei mai!



A taksa huh hru hul velin towel veng chung in ka chhuak a, khum a ka thawmhnaw chhawp sa in bel mawlh mawlh in ka ke ka hru hul leh dap a, khum a lawn in ka rizai lian tha telh tawlh tak chuan ka in khuh hlun a, vawt tak ani vawt tak!



Ka phone ka hmet eng a, silent ah ka lo dah vang in Duhsaki call ka lo hre miah lo! Rang tak in ka call let nghal a, a lo la mu bik lo e!




"Hey Humpty i va mu har ve a," in let ka saisir a.



"Humpty, i tap ami a? min va ngai awm ve." ka nui hak a, a in hnit feih feih mai,



"Min lo hruai leh mai rawh Matt." a tap hlawp hlawp mai! min ngaih thu a sawi fo va, min ngaih vang a a tah ka la hre miah lo!



"Ka ngai lutuk che keipawn Humpty," ka mit chhing chungin ka ngaihtuah zui vang vang a,




Ka ngaihtuah muk deuh nge ni, a reh vung vung tih ka hre chiah a,



"Hello? Humpty? ka tawng i hre thei em?" engthawl tak chuan ka ko zui mawlh mawlh a,


"Bawihi, i tan a tha dawn lo ania!!" a pa niawm tak tawng ri bul bul chu ka hre zui a! ka ngaih a tha lo ngei mai!




"Humpty?"




To be cont.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:42 pm

Story of Matthew
Chapter-11



Duhsaki Pov




Matthew nen kan in hmuh hnuhnun ber atang ka nu leh pa in ka tan a that loh tur thu te, a mualpho thlak tur thu te min fah mawlh mawlh a, keipawh in a tir a ka in fah thin thu chu an chhak chhuak mawlh mawlh a, tawngka vin erawh an hmang bik lo! Mi an nawr lui tet tet lo a, ka ngaithla a, an thu ka zawm bik lo thung!




Kan inbe reng tho a, mahse kan inbe tlem telh telh thung a, a chang in ka mangang in ka tum loh deuh deuh in ka thiante hnen ah ka sawi chiam a, a tu a te mah in min pawm pui bawk si lo! Ka inhnemna thin 'Kan sakhaw vawn a in ang tho' tih thu hmang in ka in ti chak lui hram hram a, ani lah a reh telh telh a, a buai ang tih chu ka hria, mahse hetiang em em tur a ni bik lo chuan ka hria, nikhat a text message vawi 4 chiah te ka hmu a, amah ka mamawh teh lul nen!



Nu leh pa tih awm a mawi lo zetin ka nu leh pa an che a, ka tan mipa an bia a nih chu! An fanu hi bungrua pakhat ang lek a min ngai in min zuar ang maw! A na hi ka ti lutuk! Ka tan a tlawm thlak tur zia engmah an ngaihtuah miah lo amawni le! Hnamdang hnamdang tiin min khap a, an chet dan hi a hnamdang fe zawk! Mihring hmang a sumdawnna nen ang khat a ka lo dah ruk thin, hmeichhe tan a tlawm thlak ti a ka lo ngaihtuah ve rauh rauh thing ang ngei maiin ka nu leh pa in ka chung ah an ti a, ka nun hi ka tan a ka hman a rem ve lo aniang! An fanu ka nia, ka nun pawh hi an nun vek anih hi!




Valpuia an ti amawni! A hming pawh ka nu leh pa titi atanga ka hriat, a hmingpum pawh ka hriat loh chu a rawn kal zut reng a, ka mit mei a chhiar thiam a nih chuan a tan ka in hawn loh zia a hrethiam ang! Tlangval fel tak leh hawih hawm tak chu ani ngei mai! Mi pawh a zah ve lutuk, mahse a hawiher ah hian lem channa ka hmu thin!




Leng chhuak turin ka nu in min nawr lui ngar ngar a, pakhat lah in nui sang in min nghak reng bawk si! Seng sawng a, ka vawm pawp dawn amawni!



Mipa a nihna ka zah sak a, a dinhmun hniam zawk hmeichhia lak a tlawm tak leh zak tak a awm tir ka duh bik lo a, phur lo zet a inbual in ka in siam zui mawlh mawlh a, inchei pawh ka inchei mumal peih meuh lo!




Kan chhuak a, kan in bul ah a bike te pawh dah ve mai tur ania! Bolero chhung lum nuam tak a Matt'n ka kut hum vang vang chung a min phur kual lai ka mitthla ah a lang uai uai mai!



Ka thawl riau, kim lo riau hian ka in hria! Ka dul vel chu ka dap leh thet thet thin a, enge dik lo phei chu ka hre chuang lo!



Chhuan lam siamin haw hma ka rawt a, chu mi tih loh ka biak awm pawh ka hrelo! Ka be maithei bawk! Engmah ka ngaihtuah thei thlawt lo! Ka nun dan hi ka hne, ka hne a ni tawp!



In ka thleng a, ka nu min biakna pawh chhang lo in room ah ka lut tlang pawp a, khum ah ka thal thla tawp a, ka phone phawrh in ka en zui a, nizan atang tawh in ka message mamawh ka la dawng lo! Mipa hian tinge distance hi an zawh loh em em le! A hma pawn hetiang tho hi! Mahse, ani chu a danglam a, ka thlah thei lo!! Beiseina ka nei reng tho! Ka hnung kam run tu chu ka dap ruk ruk a, Matt-a thi min pek alo ni reng a,



"Hei vang hi a nih hi!" ka phun sep a, ka nui hak a, ka awrh leh nghal sawk sawk a,




(Present Year)



"Bawihi lo tho teh, tinge i tlai mut hi i sim theih miah loh ni?!" ka nu chu a rawn ang lut hlak hlak a,



Ka lo ngaihtuah nasa deuh nge ni! ka lo muhil tlang daih! Ka chhia leh tha hriatna ten hna an thawh leh tan rual rual in ka mut hma a ka thil ngaihtuah te chu ka hrechhuak uai uai a, ka lung a leng veng veng mai! Mizoram ah a awm tih chu ka hre reng a, mahse a mah pan hmasa tur ka ni in ka in hre bik si lo! Tun thleng in mipa lam ka ngaihsak loh zia ka chhungten an hriat a, mi an zilh apiangin ani nen kha chuan engtik ah mah kan rem theih loh tur thu an sawi tel ziah!



Ph.D ka zawm leh hnu ah College ah physics lecturer atan ka in ziak tling ve hlauh a, ka thawh na a la rei lo a, ka than belh tawh bawk si lo nen Lecturer cute ber thang ten ka thang thul! Keimah ngeiin ka mamawh lei na tur sum ka thiamna hmang in ka thawk chhuak ve tawh a, ka nun hlimna ve ber pawh ani tawh hial ang chu! Thildang ah chuan ka nun hi a ruak a, engkim hi reilo te ah ninawm a chang zung zung tawh mai!




Zan riah ei kham a hmun ka tih fel hnu ah Miss Msi pasal nei tur kan lecturer mipa ho in an fiam rawn a, ngawi reng a chhiar in ka nui ve suk suk a,



"Hey kan inneih ni ah khan chaw ei zawh in haw vek ringawt ang e, zan thleng a in awm ve ka phut tlat ania, zan a awm ve lo chu ka tui thlar ang che u." ka lo la fuh tlat pek a,



"Mut na ah pawh ka tel dawn."



Ka thusawi chu an rawn la fuh hlawm ngang mai! Miss Msi atang keimah ah an burbun ta vek a, mipa ho tak hi chu aw! Sir Fela, kei ai in a upa hret ang, ani phei chuan min fiam nasa leh zual thin, ka thawh tirh a min lo be lum lam tu ber ania, a hming a pu zo khawp a, student te ka atang ngei pawh in a fel zia, a zirtirna ngaihthlak a nawm zia an sawi nak nak thin! Ka chung ah a tha em em a, ka rilru hmu tlang thei ni awm tak in natna ka neih leh neih loh min zawt leh khut thin a! Mipa dang ka biak dan bakin ka be duh lo thung!




Miss Msi te inneih ni kan thleng der mai! Chawhnu lam dar 2 a innei tur an ni bawk a, hmanhmawh lutuk lo in Dar 12 ah inbual in ka inchei tan a, Blouse sen no ha in puanchei ka bih a, ka pheikhawk heel sang lutuk lo, a var ka bun a, thiante ni ropui ber hmang tur ni ve ta chu tiin ka hmai te pawh hnawih tai tik tek in ka mit pawh uluk tak in ka chei ve a, ka chei zawng a ka mit vun chuar tap ka hmu a, tu te emaw tan chuan nula senior ka ni ve tep tawh dawn nih hi!



"Aahh" ka lipstick a awm miah lo! Ka en kual ruai a, ka hmu mai tlat lo!


Drower ka pawt hawng a, ka hai rawk rawk a, ka zawn loh zawk ka hai chhuak hlawl mai! Ka tawp chawt a, Matt-a thi min pek, rei tak ka awrh duh tawh loh chu ka la chhuak a, a locket chu ka kutzungpui a nul in ka hum rauh rauh a,



"Ka ta i nih zia lan tir tu pakhat a nih hi." thlasik khawvawt vin tuk hnuaia a motor chhung a min awrh tir zawh a a thusawi te kha ka beng ah a thangkhawk thar a,



"I la hmeltha reng tho Matt!" a Bolero atang a min lo thlir reng ka hmuh lai chu ka mitthla a,



Eng in nge maw mi zem teh reng ni! muang chang a la kual in ka nghawng ah ngei chuan ka vet kual a, darthlalang a in en in a locket chu ka hum rauh rauh a,



"Miss, i hman tawh em?" Sir Fela call ka pick up rual rual in a rawn au lang lang a, motor a khalh pah nge mawni a beng chheng riau lehnghal!



"Aw hman chiah," ka leather bag dum hmanthiam ah chuan ka purse leh ka thil pek tur te ka khung zui mawlh mawlh a,



"Awle awle, ka lo thleng ani mai, kawt ah lo awm la."



A va zei lo reuh e! Inchhung lum atang ngei mi a rawn sawm chhuak ang chu ka tih lai a, kawt ah lo awm la han tih te chu a! Mahse a pawi lo e! A lak a chutiang beisei tur pawh ka nih loh hi a!



In atang chuan ka chhuak a, kan kawt mah nise chhelo inti fahran a han ding reng mai pawh chu ka zak ru chem chem mai! A rawn rei hrep lehnghal a!



"Traffic a jam nasa lutuk a." a car chhung atang a lu a rawn hiat nauh nauh a, chhuan lam tha tak zawng chu a ni ve phawt reng reng e!



"Kal ang kan tlai bik ang e aw." sana ka en thuak a, Dar 1:30p.m a ri tep.



"I va sual ve a, khati teh vak a han inchei, Monu tur i dah nil lutuk ang asin." a nui hak hak a,



"I chhe ve nihchu, Miss Msi te zawng, a pasal neih tur thu a than hnu ah pawh a iai lo tu leh zar buai tu la nei hat hat kha ania, a nulian bik si."



Kan titi luam a, Durtlang Leitan biakin kan thleng a, kan tlai bik lo e! Car atang ka chhuk a, biakin chhung lam pan in kan in zui lut ve vat a,



Hun serh an tan zui vat a, hun kan hmang rei hran lo, pawn lam ah thlalak hun tur nghak in lecturer ho kan thu ve thap a, han sawi tur vak hi a awm lo, student ten an sawi dan sawiin an in kap tawn luai luai a, class a an chet chhiat na te in phawrh sak in an nui hawk hawk hlawm a, a hmei a pa in tumah zah pah bik lo chuan kan nui ri ham ham hlawm a,



"Zirna lam a a thawhpui te, chumi zawh ah anau te thian dun kha lo in ring se."



An rawn au lauh lauh tak ah chuan kan phei khawm tak tak a, kan in rem zui mawlh mawlh a,



Thla kan lak lai a ka mit sir in a ka va hmuh lam chu a det chuai zawh rual rual in ka hawi nghal a, ka nui lai tawp hmak in ka en tlawk tlawk a, ani pawn min en ngur ngur a, enge hetah hian a tih ve?!



"A nau te thian dun kha an in rin chuan lo kal se." an kal darh sang sang a, khawdang hawi lek lovin ka mihring hmuh chu ka en char char thung!



"Miss, lo kal rawh." ka ban a vuan in Fela chuan min rawn pawt a,



Kan kalsawn zui nghal a, pakhat zawk saw Miss Msi nau ania, an inkawm thin tih na! A in met fai vang a, coat suit dak mawi em em nen chuan nupa tuak thar te chu thla a lak pui ve a,



"Enge a rilru ah awm ang le? Matt, i ta ka nih zia lantir na hi i hmu ang tiraw?" ka chhungril hian a au lawm lawm a, ri chhuak ta lo chu chhawn tu tumah reng an awm si lo!




"Fel min hruai haw mai teh a."

Naupang thil thar nei ang maiin ka thi locket chu ka khal niap niap reng a,



Hmeichhe lam buaina thil chhuan lam in ka in hruai haw tir a, awmdan tur ka thiam lo! Kha lai hmun ah khan ka awm rei chuan ka pan rawk rawk duh mai ang!



In kan thleng a, ka kawm zui peih dawn lo tih ka in hria a, lut tur pawh in ka sawm lem lo! A nihna tak ah chuan in ah pawh hian tumah lo awm lo se ka ti!



Inchhung ka lut a, a lo reh duk a, ka lawm ngei mai! Inhnuai ah chhuk nghal in ka thuam hak ka phelh zui mawlh mawlh a, bathrope ha in inbual turin inchung lam ah ka chho leh a, Matt nen a kan hla duh em em thin 'Ever Enough' ka ngaithla pah a, ka inbual zawh hun thlahlel tak a min lo nghak tu awm ang mai a uluk leh fai zet in ka inbual a, ka inbual zo washroom kawngkhar ka hawn rual rual chuan ka ding chawt a, kawngka pui bul a ka thil hmuh chuan min thawng chiang khawp mai! Ka thawm an hriat rual rual a in sa seng nghal in kawngka an hawng rawk rawk a, mipa zawk chu a tlanchhuak nghal vut a!



Ka nu hian ka pa a uire san maw! Hrep hian! Ka nu, min hring tu ka nu hi a uire maw! Ka tha a khur hlawk hlawk mai!



Kawngkhar khar in washroom chhung ah chuan ka thu hnawk a, ka awm dawm in ka thaw kawk kawk a, ka kawchhung a in let but but mai!



Ka nu huatna hlir a khat chung chuan washroom chu ka chhuahsan a, hmuh zui tur an awm lo! In hnit hlawp hlawp in ka room lam ah ka chhuk a,




"Buaina hlir buaina hlir buaina hlir" ka te chhuak nghek a, ka awm hi thil sakhat lian tak in a hnawh khat vek in ka hria!



Ka rilru a na nge ka thin a rim pawh hi ka hrethiam tawh lo! Ka taksa, ka kawchhung zawng zawng hi a chawmawlh zo vek tawh! Ka thluak hian a dawn sawn theih ai tam ngaihtuah tur a dawng sawng a ni ber tawh ang chu!



Inchung a thawm ka hriat leh rual rual in ka tlan chho vut a, ka nu nen chuan kan in hmachhawn siah mai!


"Engtin nge i tih theih? ka pa hian enge pek loh che a neih?" ka nu ti a koh pawh ka duh tawh lo! tenawm lutuk! ka vin nghek nghek a, ka tha a khur zawih zawih mai!




"I ka kha chip hmak ang che, nang hian engmah i hre lo." ka hmai a thip zek a, a sa nghal vung vung bawk!



"Aw min beng rawh, min beng rawh, nang ang a mi tenawm hian ka pa hi i phu lo." mi benna lam chu ka dawm zui vang vang a, ka thinrim lutuk chet ngaihna hre bawk si lo chu ka tap zawih zawih ringawt!




"Nang fa lak mai mai hian engmah i hrelo, zak thei lo lutuk mai!" ka sam a min kek in min phi thlu lawp a, a kut min thlakna ai chuan a tawngkam khan min deng na zawk!


"Engmaw i sawi kha?" chhuat a thu sawp nuaih chung ka en chho ha a, a hmui a hup tlat thung!



Ka melh ngai melh tlawk tlawk in chhuat ah chuan ka thu reng a, fa lak maw ka nih? He hmeichhe tenawm hi ka nu a nilo a, a uire san a pawh hi ka pa a ni lo maw! Ka kawr awm chu ka tham ngawt ngawt a, ka thaw thei lo! Ka awm hi hnawh tu a awm!




Ka tho lawk a, inhnuai a tlan thla in ka khum ah ka thu hnawk a, ka awm dawm in boruak ka hip lut kawk kawk a,



"In ti chak rawh, Lalduhsak." infuih mawlh mawlh chung chuan tha khur hlawk hlawk in ka room thlang lam tukverh ah chuan ka lawn kang a,



Ka ngaihtuahna a ka thil hriat te nen a nun reng hi ka peih tawh lo!




Matthew Pov



"College Lecturer te a lo ni ve tawh ania!" ka nui suk a, ka kut khing khat lukham in ka ngaihtuah zui vang vang a,




Hmanni lawk ah vawitam ka kal fo na ah hun rei tak chhung in tawng fuh thei lo kha kan in hmu fuh ve hlauh a, vawiin ah rin loh lutuk in chiang zetin kan inhmu leh bawk a! Hun thawl ka neih veleh a amah hmu tur a hmanhmawh tak a ka kal tum a, ka ta anih zia lan tir tu ti a ka pek a thi pawh awrh tawh lo a mipa dang kiang a ka hmuh vang a ka thinrimna te a bo vek tawh a, ka taksa chau nen, rei tak kan in be tawh lo bawk nen, thu chiang engmah awm lo khan kan awm dan ang ang a awm kha ka thlang zawk kha ania!




Hun kal tawh chu chelh reng loh tur tih thu te ka chhiar in ka beng hriat ah ngei pawh an sawi fova, Mahse ka hun kal tawh a hlimna ka tawn ang kha, he hmeichhia vang a ka hlimna ang kha ka nei leh thei tawh si lo a, ka hun kal tawh ah hian ka cheng lo thei lo! Tun ah pawh amah ngaihtuah vangin ka nui thei hial ania!




"Kha tih lai a a ka thil pek dah bo si khan, engvang a vawiin a inchei mawi nan a hnang leh nge maw a nih le!" Mi a ang maiin keimah leh keimah ka inkawm mawlh mawlh a,




Ka khum atang a tho chhuak in room thlang lam balcony ah chuan ka chhuak thla a,



Ngaihtuahna kawm a mi nawlpui te nun dan a nung pha ve lo te zing a tel ve tur ni si lo hian, ka ngaihtuahna a buai let der mai! Ka kawngzawh tur pathum hi paih then pawh ni ila, pahnih dang a la awm a, chu kawng pahnih chu suih zawm dan ka thiam lo ani!



Kawr ka hak loh vang chuan a vawt ve er er a, ka ngaipawimawh ber chuang lo! Ka smart pant ka la phelh lo a, ka chapal in thawlh thawt in ka ciggarette ka phawrh zui a, Kan thenawm te inhnuai tleirawl te min lo en char char tu, ka hmuh rual rual a pil zuk chu ka nuih suk a,



In chhung a ka phone ri ral ral chu ngaihsak lem lo in ka meizial zuk lai ka fawp zui vang vang a, ka hmuh theih loh a ni a liam thleng thak in balcony ah ka ding a, ka suangtuahna ram nuam tak ka din chawp pawh ka thleng phak tawh meuh lo! Ka kal chhung in kawng lak ah ka tawp zel!



Inchhung ah lut in ka khum a phone let reng chu ka la kang a,


"Ka hman tawh a, min lo hruai la Please." Sylvia-i messgae hnutchhiah chu chhiar in khum ah ka phone chu ka vawm thla leh tawp a,



Ka inbual zawh a ka inthlak fel hnu ah muang chang in woodland Hospital lam chu ka pan chho a, ka kal lai mek pawh in mi a rawn call chhen a, ka pick up lem lo! Traffic a jam nasat deuh vang in ka thleng chho har ang reng a,




Ka thlen tawh thu hrilh in Hospital parking lot ah chuan ka nghak reng a, an emergency room kawt a mipui zi luih luih te chu ka lo en vel mai mai a, ka motor park na hma ah tak motor rawn thleng in an rawn ri nak nak a,




"Fimkhur ru aw, fimkhur ru." patling ho in motor seat hnung a an damlo rawn phur chu fimkhur tak in an zawn chhuak a, nutling tap hawm hawm ri in a zui nghal zat bawk a!



Thisen kai hnuang, engmah hrelo a an zawn chu ka va hmu a, a hmai chu thisen in a bual vek a, mahse ka hriat hnu ni tlat in ka hria! Ngun fe in ka en zui vang vang a, mipui zing a Duhsaki nu tap hawm hawm chu ka va hmu nghal bawk a! Ka kawchhung a lum nghal pup pup mai!




Ka motor atang a zuang chhuak nghal in hmanhmawh zet in mipui zi nuai nuai kar ah chuan ka in rawlh thla tawk tawk a, a hmel pawh hmuh chian theih loh khawp a thi khar in a pawlh nuaih hmeichhia chu emergency room kawt atang chuan ka melh tawk tawk a, a kiang ah Duhsaki nu leh pa an ding bawk a, a nihchuan saw hmeichhia saw Duhsaki maw!




"Matt, enge ni a?" ka sir a ding in Sylvia chuan min lo en ngur ngur a,



"Ka hmelhriat ka hmu in ka hria a," hmuh chian tum in room chhung lam chu ka melh tawk tawk a,




Min rawn kal pel in Sylvia-i chu room chhung ah chuan a lut a, record book a va en thuak thuak a,



"Lalduhsaki, accident a inti, i hre ngai em?" ka bul a rawn ding in damlo lam chu a hawi ve leh nghal a,




Engtin nge sawti tak a thisen in a bual theih tur sawn a chetsual theih!



"Matt? i tha em?"



To be cont.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:43 pm

Story of Matthew
Chapter-12




Matthew Pov



"Matt?? kal ila?" Sylvia chuan ka kut vuan in a thing det det a,



"Lawk!" min vawn na kut chu lak thlak sak in room chhung ah chuan ka lut a,




"Ka pu, engtia che sual nge?" ka kut ka hum ngawt ngawt a, mi nung pawh a ang tawh lo! Duhsaki pa chuan min melh zawk a, min la hriat ngei ka ring! engtin mah min chhang lo!



Nurse Duty thenkhat in a hmai an hru fai mawlh mawlh tawh a, Dcotor pa lian ve tak chuan a en dik zui nghal vat bawk a,


"Operation Theatre ah luh pui rawh u.... kan chhan thei ang em ka hrelo a, kan theih apiang erawh kan ti ang." Duhsaki pa dar ah chuan a beng thak a, an in hmelhriat tha deuh nge ni!




"Lalduhsak, engtin chiah nge maw i awm le!" an nawr sawn lai chu ka en reng a,



"Matthew? enge awmzia min hrilh thei em?" ka hma ah Sylvia-i a rawn ding a, min en kal mai!



"In in ah ka thlah haw ang che, kal ang." ka in her vut a, ka motor lam chu ka pan ding nghal a,



Min rawn zui ve nghal mai amaw ka tia, nghah leh te te an ngai phawt a! Rei vak lo hnu ah tum bar in motor ah a rawn lut a, ka motor ti nung in ka hmeichhe phur lai chu an in lam ah ka tlan haw pui a,




"I awm dan a dik lo ania, chu chu ka hriat ve a thiang lo ami?" a thaw zui hak a,



"Dik lo a awm lo Sylvia, i ngaihtuahna i kawm nasa deuh a nihkha." ka ban tha phiar tawng tawng khawp a nghet in motor steering chu ka hum ngawt ngawt a,



"A awm alawm Matt! Ka bul a awm hi nuam iti in ka hrelo! Hmeichhe dang an awm tiraw?" ngen ngawl tak min melh chung chuan ka dar ah a rawn vuan a,



"Hetiang chung chang hi chu nakin ah kan sawi dawn nia, chhuk la, i awm hahdam dawn nia." a kut ka lak thlak sak a, a luh lul ve ngang mai, a rawn dah nawn leh ngat!




"Heti ringawt hian maw min kal tir dawn?" min rawn awm hnaih sauh a,



"Hmeichhe khawngaihthlak nu leh!" a biang ah ka dawm in ka chal in a chal ka si det a, thawk ka la kawk kawk a!




"I ngaihtuahna a thil awm zawng zawng hi ka la phawrh vek ang Matt." a phun sep a, min nam sawn in a chhuk zui daih a, inchhung a luh thleng in ka en zui a,



A luh fel leh hnu ah ka motor her rem in Damdawiin lam chu ka pan ding leh chawt a, an fanu bul a ka chanchin an sawi hnuhnun ber ka hriat kha chu an fanu tan a ka that loh tur zia ani a, ka lak a an rilru put hmang chu ka hrethiam mai! Mahse ka pawi ti hran lo, an duh duh in ngai ang hmiang!


Damdawiin ka thleng chho a, darkar 1 vel lai chu ka thang ve avang in ka bo deuh hu mai! Operation an zo tawh ang em tih pawh hre lo chuan ka lut mawl ve tawp a, Theatre lam ni a ka hriat ah chuan ka phei vut vut a, chhun lam a biak in kawt a Duhsaki awm pui te ho an lo awm tak laih laih ah chuan Operation an la zo lo tih chu ka hrethiam mai a, mi an lo en hrek hrek hlawm a, ka ngaipawimawh teh chiam lo!



Ka kekawr ipte zen in bang ah ka tukhum ka sawh dat dat a, Darkar chanve lai a liam leh tawh!



"Lalduhsak, sual let ang che, i dam a ngai ania, engkim kan siamthat dun a ngai." ka boruak hip luh ka kham lo chu ka thaw kawk kawk a,



Light a thim rual chiah in an tho sang sang a, Kawngkhar in hawn rual a doctor lo chhuak chu an bawr tuau tuau a, an thusawi ngaichang in an bul ah ka kal hnai ve a,



"Kan hlawhtling e, mahse a lu ah hian hliam a tuar a, a harh chhuah hun tur hi kei a sawi theih a ni tlat lo, a tha thei ang ber in kan enkawl ang a, a harh chhuak vat tur ah ngai ang." Duhsaki pa chu muangban charh in a hrilh khap khap a,




Nurse leh hnathawh thenkhat in an rawn nawr chhuak zui a, a hmel a dang bui mai! Mi nung hmel reng reng a pu lo! A chanchin ka hriat takah chuan damdawiin ka chhuah san zui a, hnu chhui emaw misual zawn chhuah chu nise chet lak dan kawng tam tak ka ngaihtuah chhuak daih tawh ang! Lang chhuak si lo thisen lam indona ah hian enge ka tih a ka tih loh tur ka hrethiam rih tlat lo!



Ngaihngam lo zet in damdawiin atanga haw in ka in luah lam ka pan a, haw kawng ah arsa hem hmin kawng sir an lo zawrh lei haw in juice ka lei haw bawk a, in ka thlen meuh chuan dar 8p.m a ri thuak tawh mai, Ka pumpuarna tur atan a ka lei arsa leh juice ka ei zawh ah ka inti fai thuak thuak a, khum ah boxer nen ka let thla tawp a,




Ka rilru hah, buai nuaih nuaih hi engtin nge maw ka paih thawl dawn ni! Ka phone hmet eng in Ropuia message in tlar tuarh chu ka en thuak thuak a, case chungchang hlir ani, mi thih leh dam inkar ani a, ka ngaihthah ngawt thei bawk si lo! Ka nun teh hrep hi a! Kawng sir a kutdawh, nitin a eikhawp hmu a hlim tak a awm te hi ka awt rum rum tawh mai! Ka eikhawp ai tam hmu in mi te hmuh ah chuan nun nuam tak ka hmang ve ngei ang! Ka nun retheih zia tuman an hre si lo!




"Pu Davida lo be rawh, ka rawn chhuak nghal a, lo in ring sa thlap ang che." ka tho lawk a , thawmhnaw ka ha zui mawlh mawlh a,



Zan rei tawh hnu ah ka in khalh chhuak leh hnu hnawh a, naktuk ah pawh a tih theih, mahse ka rilru hruai pen na tur leh tih thawven na tur ka duh vang chuan Police station lam a kal chu ka rawt chuk chuk a, Ropuia chu ka thlen dawn ah bia in kawt ah alo awm a, Jacket a ha hlun bik mai! Thlasik thli a thawt tan avangin boruak a lum zawk zawk lo a, a nuam tawk viau mai!



"Ngati chuk chuk nge tun ang hun ah te, i zawh tur i zawt fel vek tawh amaw ka tia?" car tape ah hla an play chhunzawm zat ah.



"Kan pahnih ah hian tunge thu zawk? i chuanna hi tu motor nge?" ka phun hluk a,



"I motor chu ania, thian inkar ah erawh chuan thu zawk an awm lo hrim hrim." khi thaw chungin a mit ko a san ak ak a,



"I zak thei lo sawt reuh sia aw!" ka nuih hak phah! mi a hrechiang ve tawh bawk a, mi chhang ve fak fak ngam tawh!




Ngeiawm leh tawngkam na zet a ka tih fawk fawk hnu a, ka rilru ah ka thutak lo tih hrechiang a min chhang let fak fak ngam chin tawh hi chuan min ngaina ve hle tih ka hria a, an bul ah pawh zalen takin ka awm theih phah thin,



"Maw(h), enge kan tih ber dawn?" a thutna lam tukverh herh hniam in meizial a pak khu zui talh talh a,




"Zawhna ho te zawh mai mai ka chak, kawm tur an awm lo em a." han biak lumlam tur an awm chu ka thawl ve phah deuh! A bikin he mihring engthawl zet, Duhsaki tih loh a ka mizia hrechiang tu ber bul ah hian!



"Zawt ila ni mai lawm, e, meizial hi i ngai theilo em kha(h)? ka zu ve ringawt a." pawn lam ah a dah chhuak vat a, a khu a rawn lut chum chum tho.




"I chuap cancer thlengin i duh chuan zu rawh." a lam ah chuan nui suk pahin ka hawi zawk a,



"Hmeichhe thenkhat ai pawh hian i tawngkam hi a chhe zawk mawle," kan nui zui hawk hawk a,



Station kan thleng a, Inspector lo duty bul ah Ropuia'n a tawng lam hna a thawk zui nghal a, kan tlangvala hmu turin kan lut a, naktuk a court ni a ni tawh a, ka chhan thei kher ang em ka hre lo le!



"Kan inhmuh hnuhnun ber a i thusawi ah khan kim lo a awm in ka hria?" a bul ah chuan ka thu thla a,



"Kim lo a awm lo, thil thleng ka hriat chin zawng chu ka sawi vek." a khup dawm in a thu tawm tlat a,


"I chiang amaw? i tho nghal nge, thawmhnaw te i ha ve phawt?" ka zawhna vang chuan a rawn hawi chhuak zawk a,



"Engtin nge khatiang khan ka awm ka hre lo!" Ka nui suk a, ka thutna atang ka tho zui a,




"Dawt i sawi lo tih ring tur che hian min hrilh duh dang ila nei em?" ka kekawr ipte zen in ding chung chuan ka melh thla run a,



"Aih dawt ka sawi lo, ruak chuan ka awm a, engmah ka ti lo!"



Khur zawih zawih in a kut a elh ri bap bap a, ka ngaihtuahna ah thil pahnih a rawn lut zawk a, hepa hian a mah in chhan him nan dawt sawi a tum rih emaw, a sawi hi thudik ni in ruahmanna tenawm tak ah thil tisual tu ang a lantir tum tu an awm tih na!



"A hma a i thusawi ah khan, darzat i hrelo a, khua a var tawh leh var tawh loh chu i hre tho ang chu tiraw?" ka khabe ka tuai zui hauh hauh a,




"Ni a chhuak tawh, ni zungin min chhun vang in ka harh a."




"Lehlam thusawi ngaihthla ila, eng emaw dik lo chu kan hre mai ang."




Cell kan chhuah san zui a, Ropuia'n Inspector te a biak leh luam laiin Station kawt ah vanva dak in boruak vawt var chu ka lo hip luk kawk kawk a,



"I inringtawk em?" ka bul a rawn dingin mi rawn nghawk uk a!



"Ka ngaihtuahna i nghawk bo, ka chhang peih lo che, lut ang." motor lam ka pan san daih a,



"I hnungzuitu nih hi chu tawrhchhel a ngai ve ngawt mai!" a rawn phun lut nang nang a,



"Nuam ti ber ila ni hial zawk ang."



Kan nui suk a, an in lam ah ka thlah zui a, rorelna hma a ding tur a ka in rintawk loh ber tum aniang! Lehlam thusawi sual chang in kan dikna hai lan kan tum dawn ania, a hahthlak dawn mang e!




Dar 11p.m dawn ah in ka thleng a, ka intih fai zawh hnu ah thildang ti kawi tawh lovin ka mu zui hmiah a, ka ngaihtuahna vang ringawt pawh hian ka chau zo tawh!




Zing ah boruak thiang hlim hip pah in kan case kal lai a thil thlen na hmun ah keimah in ka kal a, gate keeper a lo awm a, eng eng emaw kan in zawh hnu ah kan tlangvala pawh hian dawt chu a sawi bik lo tih ka hre mai a, thu hretu atan a koh chhuah turin kan in biak fel hnu ah pawngsual thlenna hmun ber room te chu ka en thuak thuak a, a rei leh deuh tawh bawk nen, han hmuh vak tur a awm hran lo!




Court hun te kan in hrilh that leh hnu ah in lam pan a haw mai ka tum zet a, ngaihtuah reng chung pawh a ngaihsak loh luih ka tum chung pawh in, ka thei ngang lo! Damdawiin lam ah ka kual chho a, ka lo mang nghilh na chu inkan hun an lo la hawng hlauh a! Hun erawh ka nei tam tawh hran lo!



Tunge awm ang tih pawh ngaihtuah hran lo in ka lut chho ve rawih a, ka nurse hmuh rem chan hmasa ber hnen ah ka damlo zawn lai awm na ka zawt a, a lo hre ve mai bawk a, Cabin no. 18 lam ah chuan ka pen chho pawk pawk a,



"Lo lut rawh," ka kawngka kik ri chuan chhawn tu a nei nghal vat a,



"Nang maw?" ka luh rual rual chuan mak tih hmel zet in Duhsaki nutei chuan min lo en ha a,



"Nia, i lo dam tha maw?" za vak lo chuan ka nui lui ve hram a,



"Dam tha a lawm, lo thu rawh." couch atang chuan a rawn tho chhuak hluai a, kan in chibai ang lawp lawp a!




"Hei hma kan sawn em le?" Nikhaw hrelo a Duhsaki mu reng lam chu ka hawi phei a, a dang bei bawk si! a heh a ro that a, a mit khur pawh a thuk dak mai!



"Sawn rih lo a nih deuh ber mai hi, Doctor kha chuan a tha vat ang chu a tia, hetah i awm reng reng ami a?" couch a a bag dah te chu a la sawn sawk sawk a,




"Ka awmna a rei leh tawh ang reng, ti fel duh suh ka kal leh nghal ang, a bul a ka kal hnaih hi i remti em?" Duhsaki lam chu ka hawi reng a,



"Chungte in dil a ngai hleinem." a nui zui hak a,



A hmai vawt thler chu ka chul heuh heuh a, a hriam rut mai! Engtin chiah nge a nun hman dan hian a sawisak bik ni! Hmeichhe duhawm tak kha tun dinhmun ah chuan a duhawmna zawng zawng ten an phatsan emaw tih tur khawp in hmuh a nuam lo!



"Engtin chiah nge a chetsual le?" a biang a dawm reng chung chuan nutei lam chu ka hawi a, mit khap miah lo in min lo en tlawk tlawk! Ka ngaih te a tha lo rum rum e a!




"Tukverh atang a tla a, mihring kan in chan kan ring tawh lo zawk a, Mahse hei Pathian zahngaihna kan la chang ve hram hram anih hi." a ham zui deuh bai bai a, zan a mu tha lo deuh nge ni!




"Sawi hun ani em chu ka hrelo a, kan inkawp hi in remti lo tih ka hria a, a harhchhuah hma tal hi chu ka hmuh min rem tih sak thei ang em le?" a bul a kal hnai in ka din chilh run a, min en chho ha bawk a,



"Matt.... Matt ka ti ve mai ang che, ka naui sawi thin dan a ni bawk sia, keimah hian ka awm pui leh chawt ka ring a, i duh a nih phawt chuan rawn hmu rawh, keima lam ah chuan harsatna a awmlo ania. A harh hun ah hlei hlei a hmuh theihin awm la ka ti..... a sawi nasa thin khawp mai che." a nui sen sen a, ka thu hriat chuan ka na min chhawk huai huai mai!




"Awle, tih tur ka la ngah ang reng sia, ka kal phawt ang, lo in enkawl tha ula." Duhsaki lam chu hawi in ka en vang vang a,



"Ka kal ang e." kawngkhar hawngin ka chhuak zui nghal a,



Ka kalna tur diktak ah ka kal ani ang e! Ka thawl huai huai mai, inhnuai lam ah chhuk thla in Ground floor ka thleng thla a, hospital ka chhuah san tur ka hnung atang a min rawn au tu chu hawi let in a lam ka hawi a, Sylvia-i,




"I lo kal dawn tih i sawi miah lo a, keimah min lo kal chhan chiah lo deuh ami?" kut hnung suih at a ka lam pan chungin muang ban charh in chiang zetin mi melh kalh a,



"Ani mai aniang chu, vawiin court lam a ka in lan a ngai sia, ka kal phawt ang." ka in her nghal vut a,



"Awle, tha deuhin aw." ka hnung ah chuan mi au zui lang lang a,



Chhawn zui tawh lem lo in ka motor lam chu ka pan ding chawt a, motor chhung a lutin steering vuan chung chuan thawk ka la a, engine ti nungin in lam pan in ka in khalh chhuak nghal a,




Tun hnai bik te chu chaw pawh ka ei tha mumal peih der lo! Inbual faiin khum a ka thawmhnaw dah chhuah sa chu ka in bel zui mawlh mawlh a, Gown hak leh a ngaih dawn vang in coat ka ha peih lem lo a, Kamiz ban tlawn var leh smart pant ha in smart shoe, uluk tak a wax nen a ka enkawl dum tle hlarh chu ka bun chhuak a,




Office ah court tan hma in eitur ka order ei mawlh mawlh chungin kan lehkha neih ang ang te ka bih nawn leh thuak thuak a, Ropuia pawh a rawn thleng zui ve mai bawk a,



Court tan nan Darkar chanve a la awm tih ah kan in lan a, Kan tlangvala pawh Police ven na hnuai ah a thu ve ran tawh mai!



Court hun an tan a, defence lam in ngawih kan chuh hmasa a, lehlamin an thu hretu neih te leh an finfiahna neih ang ang an pho lang a, lehlam tih sual chiah ka chang a, tun tum chu ka vanduai tum anih hmel tawh khawp mai!




An Party na hmun hma enkawl tur a an dah, Parawl pakhat thu hretu atan an ko chhuak leh a,



"Zing dar 5 rik hma vartian ah ka harh a, hetiang boruak ah hi chhuan bawlhhlawh then tur a tam thin vang in ka tho zui a, an Party na in chhung ka la luh peih loh vangin a in kual bawlhhlawh ka chhar fai a, thawm eng emaw ka la hriat avangin tukverh atang in ka bih thla a, hepa hian hmeichhia hi a lo sual mek a, ka en reng a, a sual zawh ah a kawr ha tha in hmanhmawh tak in a chhuak zui nghal."




Ka nui hak a, awihawm loh zawk hian! Kei ang em em a mi vannei hi an awm dawn chuang amawni! Ka in nghahna ber an rawn ti hlawhtling hi a ni ringawt alawm mawle!



Judge hnen ah zawhna zawh dil in phalsak ka nih hnu ah zawhna ka siam hma in ka client chu a thil hriat leh awm dan ka sawitir hmasa te te a, ka client in dawt a sawi ti in an rawn puh dawn tih ka hria, chumi hma chuan chet ka la vat a,



Ka zawhna zawh tur ang te ka zawt a, tha tak in min chhang ve mai bawk a, ka thu hretu neih chhun ko chhuak in a hriat ang ang te ka sawi tir a, a hma chiah a ding nen an thusawi chu in kalh tak ani!



Kan Parawl-a chu ka ko chhuak leh a,



"Chutiang thil thleng hmu reng chung chuan chhan i tum miah lo em ni? Chuan i sawi dan ah khan hepa hian a zawh fel hnu ah kawr a ha tha a itia, kawr chiah maw a hak that?"




A thil sawi sual a hrechhuak nge ni! A ngawi hmak a, ka zawhna chhang tur a ti in ka aw rawl ka ti ring hlek a,



Patling pui, nichin lawk a zamna nei hauh lo a thil thleng sawi zat zat thei kha a tha a khur tlat!



"Your Honor', ka client hian khami hun lai khan saruak in a awm thu a pha lo a, saruak ngal ngat a awm chung in a thangharh a, a bul a hmeichhia saruak vek a mu a hmuh vang in hlauhthawnna nen a wallet leh phone bo pawh zawng lo in kha lai hmun ata kha a kal chhuak nghal bawk a, a kal chhuah hun leh ka thu hretu, gate keeper in tlangval a hmuh hun kha thuhmun chiah ani."




Dawt chu thupbo rei theih a ni lo! Ka rin aiin a awlsam! Kan chan a chhiat teh lul nen! Thu ho te, awihawm loh zet vang in hnehna kan chang der a, kha parawl tuah zet thil tih vang khan pawisawi lo nunna kan la hman tep hial ania! Ropuian case la tur a min nawr lui te chu ka lawm phah hial mai!



"Ka pu ka lawm lutuk." mittui tling pam in kan tlangvala chuan min kuah thlawrh a,




"I awm lohna hmun tur ah awm tam tawh suh!" namsawn in a dar ah ka bengzui thak thak a,




Ka gown te phelh in ka ban ah ka bat uai hnuang a, pawn lam ah chhuak boruak ka hip vang vang a,



"Mi dawp hi chu i thiam mawle, nizan ah engtin tak nge maw kan haw hnu ah khan i in buatsaih ni, i turu ka ti riau mai, thla min lo lak pui teh a." ka bul a thawven hmel zet a rawn kal sawt euh euh chung chuan a nui hak hak a,




"I zaklo mang e aw, nangte reuh hi chu, tu emaw thil sual tih na ah in hnamhnawih ang a sawi in keimah ngeiin ka la tan tir ang che mawle." ka nui zui hawk hawk a, motor ah kan lut zui nghal a,



"Tak tak in a, tun tum ang em em i inbuatsaih loh hi ka la hre ngai lo! thildang ngaihtuah i nei hian ka hre thin a, hnehna i chan dan hi a lem ka ti lutuk, in lawmpui tlak a ni pawn ka hre lo!"




"Ka hria alawm, mahse vanneihna hian min la duhsak ve rih a nih hi, hrim hrim in, haw na tur i nei lo ami? Office ah ka lut kawi tawh dawn lo ania." Engine pawh start lem lo chuan ka melh run a,



"Hnehna chan man ah min thlah ve ang chu." a thu rem sauh a, a kuangkuah zui at a,



"Kawng thlang ah ka thlawh liam pui dawn che, i thlarau in i thiam channa tur i sawi chhuah theih leh theih loh ka hrechak." engine ka ti nung in ka rap rum zui hlat hlat a,



"Ve tak che hian, hremhmun ah tla la, tui mi rawn dil la ka ti ngei mai, i zawn ah tak khawnvvartui ka rawn leih thla ang mawle." kut zai zir nen zawng zawng tang lutuk tak in mi phun khum hrep a,



"Lalropui, hmeichhia ai pawn i tawngthei zawk." ka nui hawk hawk reng mai! Hepa thil hremak thei lutuk hi chu!



A chuan luih ve tak tlat si ah chuan ka thlah ta nge nge a, sual ka chhuah a, an in peng ah ka chhuk tir a, meizial lei pah ani mai a la ti awlsam et lehnghal a,



Ka sana bun lai ka bih zawk a, Dar 3:30p.m a la ri lo hlek! In lam pan ka tum zet na chu, damdawiin lam in min ko tlat a, ka motor her kualin ka pan ding leh chawt a,



Damdawiin canteen a nutei eitur lei kawiin cabin lam ah ka lut chho a, kawngka lo in hawng sa ah chuan kik lem lo in ka lut tlang tawp a, tumah an awm lo, washroom a rik deuh rak rak vang chuan a chhung ah an awm aniang chu ka ti mai a! Ka eitur ken te couch a dah in Duhsaki chu ka thut hnaih a,



A kut tang chum hmet thin te kha a bo vek a, a lang sei ruak mai! a vun leh a ruh inkar ah hian ti hrawl leh thau engmah awm lo ang mai in a chang fuk mai!




A kut hum vang vang in a hmai dang bei chu ka thlek dauh dauh a, chhung lam atang a washroom kawngka ri rekin a rawn in hawn zui nghal a,




"Matt?!" mak tih hmel zet in washroom chhung ah chuan a ding khawng reng a,



"Enge hetah i tih?" dim te a tawng in washroom atang chuan a rawn pen chhuak a,




Chhanna pe lo chuan ka en reng a, ka bul a rawn kal hnaiin ka kut a rawn vuan a,



"Ka hrethiam Matt, mahse, hmalam min pan pui rawh." khawngaih thla la zet in mi en ngawih ngawih a,



"Aw! Hmeichhia! i va han khawngaihthlak em!" a hriat theih loh tur leh a hmuh tlang theih loh ka rilru chuan a khawngaih thlak zia hrilh in ka au chhuak a, ka thup tumna lam ah ka rum chhuak hawk thung!




"Ka kal a ngai sia, Matt, i rual in ka haw dawn a, min nghah ka phut ania, min nghak ang em?" chhanna a duh tih lantir nan ka kut a vawn lai chu a thing nar nar a, naute ang mai!




"Matt!" Duhsaki lam chu kan hawi thla nghal zawk a!




To be cont.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)