STORY OF MATTHEW BY BabyShy Hnamte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: STORY OF MATTHEW BY BabyShy Hnamte (Completed)

Unread post by Ngaia » January 5th, 2020, 3:43 pm

Story of Matthew
Chapter-13




Matthew P.o.v



Duhsaki lam chu hawiin ka awm hnaih zui nghal vat a, mahse a harh pawn ka hrelo!



"Kha kha enge a awmzia?" a pang te chu ka dek chuk a, han bawihsawm dan erawh ka thiam der lo!




"A thluak hnathawh mai mai a nih kha." engtin a rawn ngaihsak zui lem lo a,



"E, Matt ilo thleng maw, nurse awm lai lai in ka tia female ward a kan thiannu ka lo zu tlawh ve lawk alawm mawle." a bah ah couch a dah in nutei pawh Duhsaki bul ah a rawn kal hnai zui vat a,




Sylvia-i hrilh hai lutuk hmel chu a khawngaihthlak ru phian zawk mai!



"Engkim a tha vek a, a taksa a chak that pauh leh hma a sawn chak ani mai... kan kal ang e, thil eng emaw thleng a awm chuan nurse emaw doctor remchang hmasa ber in ko tawp mai dawn nia." nui var var in a form hak a chul thuak a, room a chhuah san zui a,




"Vawiin chu kha i hming a lam nasa khawp mai, a harh dawn emaw ka ti thin a, mahse i hming a lam bak engmah biak zui theih in a awm chuang lo!" a biang ah chuan a chul sak hliau hliau a,




"Nikhaw hrelo chung pawh hian ka lawmna siam chu i thiam tho a nih hi! Lo harh la, hei ai nasa hian ka lawm ang mawle!" kan damlo dang bei chu ka rilru in ka be mawlh mawlh a,




"Thil te i ei tawh em? kha eng eng emaw ka rawn lei a, i lo awm si lo a ka dah deuh tawp." couch lam a a phei chu ka mawl biak deuh tawp a, nute han tih ve ngawt mai chu a dik in ka hre si lo a!




"Awhaw! Nachang i va hre ve! ka inthlahrung lo ang a kan ei deuh mawlh mawlh ang e, vawiin a a awm dan ah beisei na ka nei sang deuh nen nichin nurse awm lai a ka chhuah bak ka chhuak miah lo a, chhun lam ah engmah ka lo ei lo a."



Ka nuih suk a, Lalduhsaki hian a mah atang hian a nih dawn hi eitur pawh a duh em em ni! In kan hun tawp thak thleng chuan ka awm ve reng a, security'n inkan hun a tawp tih a rawn sawi hnu ah Duhsaki biang chu ka dawm sak vang vang a, tawng ri chhuak che che in dam tur in thu ka pe mawlh mawlh a,



Tha tak a nutei nen in thlah in room ka chhuah san a, inhnuai a chhuk in Hospital ka chhuah san a, ka car chhung a Sylvia-i, a nurse form nen a lo thu khar chu ka va hmu nghal chat a, ka motor ka kalh tha vek amaw ka tia!




Motor chu pan hnaiin kawngkhar ka hawng a, ka thut luh hma in ka en ngar ngar a, ani'n hma lam a en ngar ngar thung, thawk la hak in motor ah chuan ka thu lut a,



"Tun ni reilo te chhung a min ngaihsak miah loh leh min hlat em em na chhan hi ka hre duh? Kha Hmeichhia nen khan enge in zawm na in neih?" a kut kuang kuah in ka lam a rawn hawi a, rum zet in min melh run a,




"He thil hi sawi fo lo teh Sylvia, engkim a tha." ka motor steering chu ka hum ngawt ngawt a,




"Tha se hetiang hian kan awm lo ang Matt, a tha lo, engmah hi a tha lo!" tap tuau in a vin hlak hlak a, a hre phak apiangin mi an rawn en thup mai!




"Sylvia, duhtawk rawh, kha hmeichhia kha ka hmangaih ani! A chiang em?" Ka motor steering dawm chung chuan ka seat ngheng in ka vav va dak vang vang a,




"Aw tikhan sawi mai ta che, kei hi min peh hel a ngai hleinem! Mahse a pawi ka ti, tunah chuan nang leh kei kan ni tawh a, kan ni zel bawk ang." ka kut chung ah a kut a rawn nghat a,




"Kan inkar tih tawp lam kha chu lo ngaihtuah suh ang che, kei hian ka tawp tir dawn lo." ka biang ah a hmui nem thep chuan a rawn nawr de de a,



"I va han a tak!" a chhuk hnu ah chuan ka phun hluk a,


Ka motor engine ti nung in ka in khalh chhuak nghal a, ka taksa hah lutuk tih reh na tur in tur ka lak zawh hnu ah hmundang pan tawh lem lovin in lam ah ka tlang a, a reh duk mai! Ka thawmhnaw hak lai te phelh in ka inbual zui nghal a, ka harh phah ve deuh in ka hria!



Boxer nen chauh a awm in ka room a dawhkan tê hma ah chuan ka whiskey nen a in chhawp in ka character duh em em Sherlock Holmes chu ka chhiar leh a, ka lu a hai riai riai a, ka taksa a lum in a zang haih tawh mai!




Pawn lam atanga kawngka rawn kik thawm a awm vang chuan kawr leh kekawr ha sawk sawk in choka lam chu ka pan phei nghal a,



"I va rei ve, ka ke a kham hman vek alawm le." kawngkhar ka hawn rual rual in Lalropuia chu a rawn lut tlang nghal pawp a,



"Tun ang hun ah te enge i rawn tih dawn a?" kawngkhar ka khar zui a, a haw leh mai ka rin vang chuan ka kalh zui tawh lem lo thung.




"Nia, in ah ka haw kha tih tur a awm lo riau a, ka u pasal nei nen a khawharthlak lutuk a, ka nu leh pa ka dil a chaw ka rawn eidawn nih hi." a thil rawn khai chu dawhkan a nghat in a phawrh zui mawlh mawlh a,




"I va han nep e aw, tlangval nunphung pangai pawh a nih loh chu a!" ka phun hluk a, a thil rawn ken enpui tur chuan ka pan hnai a,



"Inchhung a inkhung, hna thawh, inchhung a inkhung, inkhawm, hnathawh..... a ninawm ve alawm, uisa hi ka siam dawn, i in ti thu ve bir ber sia a." a ri lawng lawng mai!



"In veng lam ah thian te i nei ve eih lo ami a?" a bungbel hman tur chu ka phawrh sak ve mawlh mawlh tho a,



"A neih te chu nei tehreng mai, mahse titi hi a in rual thei thin tawh lo a, enge a ka rawn kal pawh chu i va lawm loh hmel ve a, kei lo midang kawm tur i neih bik chuang chai loh kha." nui suk chung chuan a phun zui hluk a, hmeichhe an cheh zet ang mai!




"Tikhan i duh duh dan khan tal teh, lehkha ka chhiar dawn nia." nui suk chung chuan room ah ka luh san a,




Ka tawng ang a tawng chho ve tan ang ah ka ngai! Thiante pawh nei ve del dul mah ila, hnathawhna leh tuina lam a in an miah loh chuan, a titi ho theih tak tak tawh loh! Kan line lam a kan thiante bawk hi an ngaihawm thin a, tunah ngat phei hi chuan Lalropuia sawi kha a dik, a ni lo chu thian kawm tur ka nei meuh lo!



Ka chhiar tan leh hma in no khat ka in thlit leh a, ka tlak zui pap a, a thlum lut vang vang mai! Ka chhiar bak chhiar in ka bur lehnghal chat a, choka lam a thawm awm reng nen, ka duh ai ka lu a hai ta deuh bawk nen, ka chhiar tui thei der lo mai! Ka tho lawk a, choka lam ah chuan ka phei ve leh ta ringawt a,




"Ve ngei che chuan!" a lo khi suk a!



"Enge a?" chhuata a sa chan lai kal pel in chaw chhum tur ka buatsaih ve mai a,



"Eng ni chek chuk lo ve!" rawn tho chhuak in sil hmun ah rawn in chhawp chho in tui in a herh haw zui nghal sar sar a,




Ka khi suk a, hepa hian keimah tawp hi min zir amaw tih mai tur! Ka tawngkam hman duh dan thleng te hian a hre bel hlei hlui tawh anih hi!



Chaw chhum ber ka chhuang zo a, ani pawn a chawhmeh siam tum ber a chhuang zo fel chiah a,



"I duh ve em te i ti dawn lo ami? e, sorry, chutin i ti dawn lo tih hre tur ka nia, ka va in lak mai ang e." ka dah na hre sa ni awm tak in room lam ah chuan a lut tharh a,



"Khawi ah mah keng chhuak suh tah khan in rawh." Balcony a ken chhuah a tum chu phal lo in ka khap a, thuawih tak chuan dawhkan lam ah chuan a let pui ve leh mai bawk a,




Balcony ah chhuak thla in tlai lam ni tla tur hmu thei lo mah ila a chhun phak chin kawl sen phut chu ka thlir vang vang a, Duhsaki nen shillong peak a kan kal tum te pawh mitthla ah a lang uai uai mai!



"Bethlehem tlai tla eng mawi kan hmuh chu le!" khi thaw chung in a rawn ri chhuak lawng lawng a,



"I a sia aw Lalropui."



Ka tawngkam mai mai ani! A lo tak ani! Mahni in control thei lo khawp in a in bik lo a, a mizia hi a phawk ve hrim hrim!



Mipa leh mipa han in awm chawt mai pawh chu a ho duh thin ang reng! Mahse khawhar a hnem hrim hrim a, a zia viau e!



Dar 6 vel ah zanriah kan ei a, chaw ei hriselna a bo vek zawk ang tih tur khawp a tam kan ei nghek a, ka an zawng hian ka hrawk ah ka chaw ei a la in hnawh tut in a nia ka rin ni!




"Boss, hmun te kan ti fel tawh bawk a, ka haw san dawn che, tikhan nangmah khan i khum ah ulh kawi ulh kawi mai rawh!" a nui chhuak hawk hawk a,



"A hmanna tur i neih bik chai loh kha!" ka fiam zui ve hlak a,




A reh huai mai! Ka lu a na zui fek fek a, ka ha te nawtin ka in ti fai a, reilo te lehkha chhiar leh in ka mit in a tuar ngang lo va, ka hmai phih muttui nan tiin tak ngek ngawk in no khat ka lem leh pawp a, khum ah ka mu zui hmak a.




Ram inchuh thubuai hi Mizoram ah chuan kan rem tam ber ani hial ang tih tur ani! Tun kar chho ah ringawt pawh chhungkaw nga lai ram inchuh thubuai ah an in khing ania! Ropuia nen kan buai deuh zak zak a, Damdawiin lam ah pawh ka kal hman meuh lo! Ka hman hun leh dam lo kan theih hun darkar a in nang lo thin a, Duhsaki pawh kar khat dawn ka hmu lo tawh a! Vawiin hna ban veleh ka tlawh ang ka ti rilru rauh rauh a!



"Boss, a reh tawh ang reng emai haw dawn hnai ila? tih tur ka nei a." bang a sana chu a en chho pah zuk a,


"In ti fel la." keipawh chuan haw mai ka pawi tih vak tawh loh vang chuan ka in siam zui vat a,




Office kan khar fel a, ka motor a chuang in Damdawiin lam ah ka in khalh chhuak nghal a, Parking lot ah ka in hun rem fel hnu ah Duhsaki awmna cabin lam ka pan chho tlang nghal a, kawngka a in khar phui lova, thawm a awm nak nak a, an nui dar dar hlawm mai!



"Lo lut rawh." Ka kawngka kik thawm in chhawntu a neih veleh kawngka hawng in ka pen lut zui nghal a,




Tu te nge awm tih pawh hre lovin khum lu ngheng a Duhsaki lo thu kang a, chauh hmel tak chung nui ve sen sen chu ka en tlawk tlawk a, thawm pawh a reh zui thiap mai!



Engmah ti lo in ka ding reng a, Duhsaki pawn min en ngar ngar a, a nui lai a tawp hmak bawk!



"Awhaw, hlawl mai a, i va rawn lang har ve a," washroom atang a nutei rawn chhuak chuan nui var var chung in min rawn be vat a,



"Ka buai deuh alawm mawle." nutei a awm tak ah chuan tlem chuan ka tlangnel ve leh deuh!



Duhsaki an thut bial laih vang chuan thutna hmun tur dang a awm loh vang in nutei nen chuan couch ah kan thu dun a,



"Engtikin nge a harh a?" khawdang ka hawi thei lo! Duhsaki chu ka melh tlawk tlawk reng a, ani erawh in a thiante chu a chhawn daih tawh thung a,



"Nimin piah daih tawh khan, kan tu a nei zut reng a, zan lam ah a taksa chau a mu hma leh bawk nen i lo kal thin tih pawh ka la hrilh lo!" a phun sep sep a,




"A pawi loh chu, thil te a ei thei em?" ka eitur ken sak chu ka ban nghal vat a,




"Ka ka a tui lo ti chung in a ei nghek nghek mai!" a nui har har a, ka thu hriat vang chuan ka nui ve suk a, dam kawr ei tui loh pawh a nei vak lo a nih hmel!



Ka arsa hem hmin ken chu nutei ka pe a, a khat tawk in Duhsaki pawn mi rawn melh zeuh zeuh reng a, a bul hnai a awm ve chu ka chak takzet!




Ka thleng ve chauh amaw ka tia, in kan hun a tawp leh der tawh! Tawngkam khat pawh in kan inbe thei lo a, kan inbe hman lo! Ka kal dawn thleng kha chuan a harh chhuah ring miah lo in ka awm a, inbe miah lo pawh in ka haw san leh thei ang! mahse a dinhmun ka hriat chian hnu ah erawh heti ringawt a haw leh chu ka tum lo!



A taksa na lai a la nei em tih tal zawhna hun ka neih tak in tiin ka thu lui ngar ngar a, a thiante an tho sang sang a, ka thil hmuh erawh in ka mit a ti kham ngang mai! Inneihna thlalak zawh ah pawn a rawn kai dawr dawr tu mipa chuan hnai tak a kun chung in a sal ah a chul sak nia! Ka tawt nghal up up a, ka thin a so nghal but but thei hial! Ka insum hram hram a, mi hmuh loh tur ah ka kut ka hum ruh ngat ngat a,



"La kal leh ru aw, a khua a har thin ania." Nutei chuan ding chungin kawngka thleng a thlah a,



Ka thut na atang a tho in a lam ka pan hnai a, ka thinrimna thup bo hram ka tum a!



"Tinge i rawn kal a?" a tawng ri che che a, hma lam a en ngar ngar bawk!



"Humpty......"



"Ka pu, in kan hun a tawp." kawngka atang chuan security chuan mi rawn hrilh nawn leh kher a, a chung ah ka thinrimna ka lan chhuah tir chiam zawk dawn mawni!




"Ka rawn kal ang, ka rawn kal ziah ang." ka thaw zui hak a, in her in room chu ka chhuah san zui a, guard la naupan hmel zet chu rum zet a melh chung in ka kal pel a,



Dar 1:35p.m a ni a, 3:30p.m ah a in kan leh theih dawn vang in khawi ah mah kal sawn lo in ka motor ah chuan ka nghak ngat ngat a, a khat tawk in ka ban a ka sana bun chu ka en zeuh zeuh reng a, darkar chanve pawh ka la nghak tling lo! Ka pum a ri ruk ruk a, nutei ka eipui ang ka tih kha engmah kan ei hman lo tih ka hrechhuak chiah! Hun khawhral pah in canteen ah chuan thil eiturin ka chhuk thla leh te te a, order nghah chhung a rei ang hu in eitur lah chu a bei tham em em lehnghal a! A man zat an chhiar nen a in man chiah lo deuh ani!



Ka eizo motor a let tur a ka chho chu motor chhung ah Sylvia-i a lo thu leh khar tawh a! khawi ah nge maw min lo hmuh leh hman ni! Motor kawngkhar hawng in ka thu lut zui vat a, ka coffee sa tha ver vawr tak chu ka chhem hauh hauh a,



"Enge i rawn tih?" a kut a kuangkuah a, a tum leh bur tawh!


"A neitu phalna la lo a mi motor a luh hi dan kalh ani tih i hria em?" ka coffee chu ka lem zui nghal khalh a,



"I phalna la chawp kher tur chuan ka mihrang vak lo in k hria." ngeiawm zetin a nui zui hak a,




A lam pawh hawi lo chuan ka coffee ka in khawlh khawlh reng a,


"Matt, khinu khi neih let leh tumna rilru i put chuan, chhunzawm duh suh aw, i ti lui anih chuan a hnen ah kan inkar engkim ka hrilh ang, i let tawh dawn lo." motor atang chhukin dim lo zetin kawngkhar a khar bur a, engtia han hnawh bo chi nge mawni dawn ni!



Ka hnung a motor horn rawn ri tuar ah chuan ka phu zuk a! Ka lo muthlu hman pek amawni! Nizan ka mu tlem deuh bawk nen! Sana ka en vat a, 3:45p.m a lo ri tawh! Hmanhmawh tak a motor atanga chhuk in damdawiin lam ah ka lut chho lehnghal a, Cabin ah chuan ka lut tlang tawp a, nutein min lo nuih var var a, Duhsaki lam ka hawi nghal vat a,



"A muhil ami?" a mit chhing in a lo mu leh bem tawh a,



"Aniang, thian han kawm vak emaw, han rik hluai hi a la zo meuh lo deuh a, nghak la, a mu rei ngai lo.... pathumna chhuk, pawisa sawina, biang ah a awm thin chu 'SUM'." a crossword thai lai chu a chhunzawm mawlh mawlh a,



"Ka thu phei dawn nia." Duhsaki lam ah chuan ka ban ka vai vut a, mi pawh rawn en lem lo chuan a bu nghut nghut a,



"Lalduhsak, sawi dun tur kan ngah teh lul nen." a bul ah thu thla in ka phun sup a,



A kut cher ruak chu ka vawn sak a, a vun te hi a chuar deuh tap mai! Ka enkawl chak takzet! A duhawmna te, a mawina te kha pek let leh ka duh!



A hmel en reng chung chuan a kut chu dim takin zawi muang in ka la kang a, tih harh hlau tak in dim zet in ka hmui in ka nawr de de a, na zet a boruak hip in a thaw chhuak zui ham ham a,



"Te, lip gloss i ak mial em?" ka lai tut mai! han in mawl biak tawp chu ka hreh ve em ani!



"Teh mial che chuan, lip gloss ak rual ka nih tawh loh hi, lipstick bak ka ak lo, i hmang duh tho em?" a nui var var reng a, Duhsaki nu ni zawk awm tak ani! A nui var var peih reng!




"Aih, a ngai lo mai." ka hman tur ni lo mahse, Duhsaki hmuu hil rap a lipstick meuh han hnawih tur chuan, ka in ringzo ngang lo! Ka tet lai a ka nu lipstick hmang a kan room bang a milem ka ziah bak lipstick hi ka la hum leh lo!



In kan hun nghah chhung a rei teh lul nen, a chhung a awm hun chhung a reilo thei ngei mai! He security ve chhen lah hi, ka mi ngaihsan ber te ang maiin a hna ah a in pumpek in a hna a thawktha em em mai bawk si!



Ka chhuah hma in Duhsaki biang chu dawm in ka nul heuh heuh a,


"Naktuk ah eitur ka lo ken dawn che ania." a harh loh lai hian min lawm zawk! A harh chuan min hua ni awm tak in mi melh leh kawr reuh ang a!



"Te, ka kal mai ang aw, naktuk ah ka lo kal dawn leh dawn nia," kawngka a min nghak run tu security lam chu ka pan zui nghal a,




Hospital ka chhuah san a, ka motor ah ka lut fel chiah a, ka in a haw ka hreh teh tlat nia! Ka lut ang a, a reh leh ruih bawk ang a! Tlangval nun kan hriat chhoh tirh, mahni duhzawng tih theih a chhungte hlat a awm kan chak lai ka ngaihtuah a, ka khi suk ringawt! A lo at thlak thin mang e! Nun khawharna a mahni leh mahni in hnuhluhna hi a ni ringawt!




Ka thut vang vang hnu ah motor engine ti nung in ka hreh em em ka in lam pan chuan ka in khalh haw leh ta nge nge a.




"Aw ka nu." zingkar hma tak a ka nu call chu ka mit pawh meng peih lo in ka chhang hram a,




"I va tho har ve, i dam tha meuh maw?" chauh hmel takin a tawng hliai hliai a,



"Ka tha alawm, i tha zawk amaw?" thatchhe zet a tawng chhuak in la chhang lui tawk tawk ani ber mai!



"Ka tha e, Bawiha, rawn haw ve tawh em em teh, a ni em em tawh lo a nia." chu bawk chu!



"Ka nu, ka theih veleh ka rawn haw dawn alawm, lo lungngai suh, kawngka an rawn kik, nakin ah ka rawn be leh dawn che nia."



Phone ka dah zui daih a, duh lo hle mah ila, ka thinur leh tlat thin! Kha ti tak a buai khan ka pa nen tang dun in Duhsaki la hlat na turin hna min siam sak a, an duhna chu hlawhtling in an fapa hlimna ber an tih chhiat sak a, ka nu ka biak hian ka na thar leh tlat thin!



Tlem lai deuh atang khan physical fitness lam ka ngaihthah deuh a, zing lam ah pawh ka work out peih meuh lo! Ka muhil thei tawh bawk si lo nen chuan Dar 7a.m dawn ah ka tho a, inbual faiin office kal turin ka in siam zui tawp a, office thlen hma in office thlang a restaurant ah eitur ka order a, an ni hi chu nghah an ngaih pawn nghah man a awm deuh thin! Ropuia'n a rawn kal theih loh tur thu a rawn sawi a, ka awmna hmun hrim hrim hi a reh bik ni ber hian ka hria! Chawlh lak a boruak hip ve lawk chu a ngai ani!




Eng eng emaw tiin chawhma chu ka tling tla ve leh hram a, a hma a ka tih theih loh, Duhsaki tan hun insiam in office ka chhuah san hma a, kan office thlang restaurant ah bawk Fried Momo ka pack tir a, Woodland Hospital lam bawk ah chuan ka in khalh thla a,



Cabin a lo in khar phui ap vang chuan ka kik dat dat phawt a, ka ngaihchan vang vang hnu ah luh phalna ka dawng hram e! Cabin chhung ah ka pen lut a, ka thil hmuh chu ka lawm lo ang reng!



"Khawnge midang?" Sylvia-i chu bul hmuk in ka zawt a,



"Canteen ah a chhuk lawk a niang." nui var var in tha tak in min chhang ve mai a,



"I lo tha em?" Duhsaki bul ah chuan ka thu thla a, Sylvia'n rum zet in mi lo melh nghek bawk a,




"Tha lutuk," a tawng ri che che a, a la chauh zia a lang nghal vek!



"Eitur ka rawn ken che ania, tunah i ei duh em?" a rim hmang a tih vir tum in ka hawng thaw lui vel a,



"Matt, infiam ka peih lo, helai hi i awmna tur pawh ani lo!"





To be cont...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:44 pm

Story of Matthew
Chapter-14



Matthew Pov



Haw tur a min ti chu ka nuih a za lek lek a, ka haw loh tur zia lan tir in a bul ah chuan ka thu thla a, ka momo ken sak chu a pum ah ka dah a, ka dah rual rual in a vuan bet nghal chawt tho!



"A daih hma khan eirawh." a biang ki rut ah chuan ka piai sak a, duhloh hmel zet in a lo awm he nghal baih bawk a, ka nuih suk ringawt!



Engmah sawi lovin Sylvia-i a chhuak hmak a, ring zet in kawngkhar a khar bur a, kei tih loh ah chuan midang khatiang a a awm na chhan hria an awm lem lo!




Rei tak nikhaw hrelo a a awm hnu ah a thil ngainat ber ka ken sak chu Duhsaki chuan a hmawm nghal hmawk hmawk a, a hmui hil bul thin pawh a huh vei hlap a, ngawi reng in a hmawm mawlh mawlh a, a sir ah nui suk suk chungin ka thu ve reng bawk a, a mawina leh duhawmna nei let leh tur hian ka enkawl chak tawh takzet! A mawina leh duhawmna chauh nilo, a dinhmun chhiat lai ber pawh hian ka thinlung a amah ka hmangaihna hi khat liam in a baw chhuak zawih zawih ani ber e!




"Hey haw tawh rawh." a eina ruak plastic bag chu a hlum khawm chuar chuar a,



"I va phakar reuh e, i eizawh veleh haw tur a min tih chu le!" ka khi suk a, ka kuk fawk chak reuh lutuk!




"Ka ei hma daih in haw rawh ka ti tawh aw." zawi te in a phun zui sep a,



"E, nimai bik love." ka kutkuang kuah in a ngei thin dan ang tak a chapo hmel takin ka hawi zui lah a,




"I chhe sia aw." a ban a lek kang zui uai a, ka nui suk ringawt!



"Engtin nge maw tukverh atang te i tlak theih reng reng ni! i che leh thet thet ami?" a khum ah ka ban ka nghat thla a, amah ka en zui vang vang a,



Chawp leh chilh in a hmel a ngui nghal rawih a, a kun lap a, zawi muang a insiam rem in a mu thla zui daih a, a mit a chhing nghal daih bawk! A awm dan chu mak ka ti ngei mai!




"Duhsak, i tha em? i chau deuh ami?" a chal ka deh sak zui a, a khua chu a sik chuang lo! Ka lam hawi lo zawngin a thle zui hmak bawk a,



"Tinge ti hian i awm a?" Nutei ka melh phei zawk a, couch ah a lo muthlu daih bawk nen ka phun thum bul bul mai!



"Awle, hahdam phawt mai rawh!" engmah ka zawhna a chhan duh tak loh ah chuan ka nawr lui zui duh bik lova,




Kan inkawm tui leh tan dawn chauh amaw ka tia, a chetsual dan ka zawh avanga a awmdan danglam ta dawrh chu mak ka ti deuh a, ka zawh dan ka ngaihtuah a, a hma pawh a ka chhaih fiam fo thin dan tho ani a! Huat tur a awm in ka hre si lo! Hrilhhai ru zet in ka thu ngawi reng a, ka ngaihtuah zui rauh rauh a,





"Lo lut rawh."


Kawngka kik thawm a awm a, nutei ka en vang vang a, a harh mai tak si lo ah chuan ka chhang ta ringawt a! Lut tur a phalna hmu ta chu kawngkhar rawn hawng in a rawn pen lut a,



"Ehe, an muhil vek alaw?"



Khapa, Duhsaki hnaih tak a hrilh ru su su chung a a lu dawm sak tu kha ani! Hepa hian ka hmangaih hi a lo beisei ve nge an inkar ah hian awm a awm zawk ni! A rawn lang tei vet lehnghal a!



"Vawiin ah a harh tawh hrim hrim em?" ka ep chiah, Duhsaki khum bul ah tho chuan a rawn thu thla ve nghal chat a,



"Ka lo nghak reng che a." Duhsaki chu a rawn phun sep a,



Vawi leh khat ah tih danglam hian ka awm dawrh thei! Ka thisen zam a thisen luang mek te hi an sa nghal up up a, ka lung hi ka kawchhung atang a phu chhuak dawn amaw ka ti hial! Kei min be duh lo in muhil ang maiin lehlam a hawi tlat a, he pa hi a rawn thleng a, rawn tawng chhuak in hepa a nghah thu hi a sawi zui a maw?!



"Nia, Vawiin chu chawhnu lam shift ho ka veng a, ka rei hlek alawm mawle, thil i lo ei tawh em?" nui var var chung in ka hma a mipa thu chuan Duhsaki chu a chhang let nghal a,




"Tlem ka ei, i chau em?"




Kei hian helai ah hian enge ka tih reng! Ka ta la ni reng a ka ngaih hmeichhia hi mipa dang ta ani tawh maw! Khum hnuai ah ka kut ka hum ruh ngat ngat a, Ka lung phu rang lutuk vang a ka kamiz hak che dat dat thup tum in ka tho chhuak hluai a,




"Ka kalsan ang che u." kawngkhar lam pan in ka pen zui nghal a,



Thlahna thu pawh engmah ka dawng lo! Hetiang em em hian ka la thang tlawm chhin lo! Mi a, a awmna tur hai a a hmelhriat loh bul a tlangnel tak a awm ang lek ah min chhuah ani! Ka tlawm kher mai!



Cabin chhuah san in kawngkhar bul ah chuan ka ding dat a, ka kawr awm tham in ka kut ka hum ruh nghek a,



"Shillong ka awm lai a ka kawm thin a nih kha." ka awm lai zawng a chauh hmel tak a tawng dem dem kha, ka chhuah hnu ah chuan ring tak in a tawng thei bawk! Mi run kher mai!



Ka kawr ka tham na thlah in ka kekawr ip te ka zen a, ka ha ka seh ruh na lam ah ka bek na ngut ngut chung chuan in hnuai lam pan thla in hospital ka chhuah san zui nghal a,



Ka Bolero a lutin engine ka ti nung nghal a, ka motor steering nghet tak a hum ngawt ngawt chung chuan tlan chhuah tum in ka rap che hrut a, a brake ka rap leh nghal hrawk!



"I hmu reng lo mi a?" ka hma a bike rawn ding khalh tu chuan pawr zet in mi rawn vin khur khur a,



Engmah sawi lo in motor atang ka chhuk a, bike rawn khalh tu, a hmel en reng reng a la naupang tih hriat tak chu pan hnaiin a kawr awm ah chuan ka zu tham nghal chawt a, ka pawt tho nghal nawk nawk a, a bike a tlu ri nghal rak mai!



"Engtin maw min tih?" helmet full face a rawn khum lo bawk nen a khabe ruh kual ah ka hnek zui nghal chawrh a, a bike tlu a bawh thla zui rak rak a, mi an rawn thelh zui nghal rap rap bawk!



Tunge min rawn man bet pawh hrelo chuan ka tal pit a, ka motor lam a let leh in ka motor chhung ah ka kut thing nar nar chung chuan ka lut zui hmak a,




"Hrep hian!" motor horn ka chum ri zui pawp a,




Ka pan lam pawh hre lo in ka hmazawn ah chuan ka tlan char char tawp a, ka tlawm zia ka ngaihtuah let a, ka thin a so thar but but reng mai! Thlahlel tak leh beisei tak a a muhil emaw ka tih ka nghah ve char char kha, mipa dang tan chuan a harhvang hle si! Khawnge ka awm pawh hre lo chuan tlai thim thet thet ah kawngpui zau lai sir ah chuan ka motor ka ti ding a, in atang a eng rawn chhuak hmu turin in engmah a awm tawh lo! Ka motor seat ti awn in ka thu awn duai a, ka lu na ngut ngut tih zia awm tumin ka bek ka dawm vang vang bawk a,



"A tha e A tha e." Ka hmai ka tuai puat a, ka nui zui hak bawk! Ka seat te siam tha in motor engine ka ti nung a, ka tlanna lam ni a ka hriat ah chuan ka tlan let a, Thuampui ka thleng hlawl mai! Ka in luah lam ah let lovin kan hotel lam ah ka kual thla nghal a, khua a har lo deuh ang!



Hotel ah ka lut a, chibai mi an lo buk sap sap a, Manager hnen ah ka riah tur thu ka hrilh a, kitchen check pah in eng eng emaw eiin ka in hnawh puar a, VIP room ah lut in ka inti fai a, Coat erawh ka ha zui peih tawh rih lem lo a, vawh chu a vawt surh tho! Kan manager nen counter ah kan inkawm a, customer an hip leh hip loh te, negative feedback a awm leh awm loh te zawt in min hrilh ve siam siam a, ngaihthlak nuam lo thil hriat tur a awm hran lo e!



"Kawt zawl nuam deuh te han awm tel thei se chuan kan hotel hi chu a in vawrh zual ang mawle." a ngaihdan te nen chuan a sawi ve suam suam a,



"Room no. 187" chabi rawn lam tu chu ka en a, mak ka ti ngei mai!



Mi a hmu ve lo aniang! Duhsaki pa ani tih ka beng ka hriat chian tluk zet in ka hrechiang! Hmeichhia la naupan hmel zet a rawn hruai bawk a, Duhsakin nau a neih awm ka hre si lo!



"Room no. 187 chu double room ani em?" reception a thu chu ka zawt vat a,



"Aih, nilo, single room!"



Ta deuh deuh chuan! Bak ah heti lai a rawn kal turin Aizawl a khawsa, in leh lo nei thlap ania! Enge helai ah hian a rawn tih ni! He mihring hian a chhungkua thlahthlam in nula ti tuai thar lam a buaipui tih na amawni le! Ka ngaihtuahna a kal thui ngei mai! Lalduhsaki hian hetiang boruak hi hria in amah in tih hlum a tum ani ang em?!



Ka rilru a in hnial a, Duhsaki lam ka ngaihtuahna chhan a a tul lo ti chung in, thil atthlak tak a ti em tih ka hre chak em em lawi a! Heng thil hriat vang a thil atthlak tak ati a nih chuan, rem chang a neih hun hun ah tih a hreh leh hauh lo ang!



"Sir, i tha em?" ka dar a vuan in chiang zetin mi lo melh kalh a,




"Aw..aw... ka tha, ka hmelhriat a ang em a, hriatchhuah ka tum mai mai." hmuh zui tur awm lo mahse an kal na lam chu ka thlir zui vang vang tho a,




"Ka'n chho ange keipawh, wine lo dah tir la aw." a dar a beng thak in ka kal san a, ka room lam chu ka pan zui nghal a,



Ka thlen hnu lawk ah ka wine tur pawh rawn thleng in ka khum lu ngheng in ka in lep lep a, ka taksa hah a ti dam pha ve sawng sawng mai!



Zing ah ka harh hma phah viau a, mut dawn a ka thil in a thawk tha deuh nge ni, ka mutui ngei mai! Dar 7a.m vel ah inbual fai sa thlap in Hotel ka chhuah san a, in lam ah inthlak tur in ka haw a,



"Khawnge i kal daih a?" ka kawngka bul ah Sylvia-i alo ding tum bar a,



Half-neck sen duk nalh zet ha in kekawr dum tight zet a rawn ha a, a kawng fek leh mawng bawr vawng tha zet hi chu a in chawih mawi tawk chiang ve ngawt mai!


Ka chhang lem lo a, Tala te hawng in kawngkhar ka pawt hawng a, inchhung ka luh rual in ka kamiz kawrkilh ka phelh zui mawlh mawlh a, Room a lut felin ka kamiz ka phelh a,




"Matt, hetiang hian awm lo teh." a kut hmawr a ka dul rawn chul thuak in ka hnung lam atang min rawn kuah chawt a, hrep hian! Ka thil tawrh theih loh ber hre turin kan awm dun tam em ani!




"Matt, ka ti hlim thiam ang che, min mamawh tih ka hria." a kut tin sei vak lo chuan ka dul a chul kual sek a, ka rum chhuak hawk! hrep hian!



"Duhtawk rawh." in her in a ban ah ka man bet a,



"Heng hian hlim na min thlen lo, nawm chen na mai ani." zawi te, rum rut si chuan ka phun hluk a,



"Matt, a theih loh." a mittui a biang ah a luang nghal zawih zawih a, mi melh zui kalh bawk si!



"Sylvia, hetiang hian awm suh." a biang huh chep ka nul sak a, ka kut a rawn chelh bet nghal chat bawk a,




"Hetiang hian min awm tir suh." a kun lap a, a in hnit hlawp hlawp a,




"I awm reilo ang."



Vawi tam khum ka chuan kai pui a, ka tih dik loh ani! Mahse a tawp a ngai! A biang ka dawm na thlah in ka T-shirt var ka ha zui a, Hoodie dum nen cotton jeans ka ha a, ka in chei smart reng peih bik lo!



"Ka thlah haw ang che," a ding khawng reng chu a ban ah ka chelh sak a, a tang tun mai!



"Khawi ah mah ka kal dawn lo." ka kut min paih thlak sak a, a mittui hru zeuh in khum ah a thu hmak a!



"I duh dan dan khan lo awm phawt teh."



Ka thiam in a tlin ve lo! Tha rum a beih chiam lah thil tih chi a ani mang bawk si lo! Ka chhuah san tawp a, mi tu emaw in lo hmu pawh ni se, ka in sawi fel tawh mai ang!




Office ka thleng a, Ropuia pawh a lo awm vang tawh mai,



"I tlai fo dawn chuan a tha lo ang aw." a lehkha bih lai a bih ngur ngur a,



"Engmaw han sawi nawn leh teh." a dawhkan a ka kut nghat in ka kun hniam a,



"E, ilo thleng tawh maw? ka lehkhabu chhiar lai ka lo tui lutuk a ilo thlen lai pawh ka hrelo." a thut na atang a tho zui hmak a, min kal pel ang thuak a,




"Kha coffee hi in rawh." min tlawn tih hriat lutuk tak in a nui sawng zui lehnghal a,



"Ka leih pawp zawk dawn che amawni." ka khi suk a, in tih thutak ka tum teh lul nen!



"Chutin duhsakna thil pek an in tih sak ngai lo." a mit ko san ak chung chuan a nui sang a, hepa tak hi chu a!




"Nimin tual thahna kha i bengkhawn zawng te ani em?"



"Eng tualthahna?" Ka coffee in lai lem khalh in Ropuia lam chu ka hawi chho vat a,



"Haa! tinge a i hna hi i ngaihsak loh em em a." a chek zui tlak tlak a, a ner ang nung a, a va han hmelchhe tak!



A sawi chu a dik! Ka mimal nun lam a ka thil tawn vang hian ka hna lam kaihhnawih thil hi ka ngaihsak hman thlawt lo!



"Awmpui pakhat in a awmna te in a rawk tur lai a pi in a man a, a kap hlum a nihchu, an man nghal a, mahse a tih a nih loh thu te chu a pha ve a ni awm e." a zu zi ral daih!




Misual thenkhat hi chu an sual na ngei ah pawh phat an tum talh a, thenkhat erawh engmah pha lo in an pawm thlap a, misual nilo, misual ang a puh an awm nuk bawk a, hriat chian a ngai viau thin!




"Khawi station ah nge an dah?" ka no dawm reng chung in ka kut ka kuangkuah than a,



"Pu Davida te bawk an ni in ka hria, tinge?" a thut na atang a rawn tho chhuak in ka lam a rawn pan a,



"Rawn kal thui belh suh, va kal ang." ka no dawm lai dawhkan a dahin ka tho vut a,




Kan in zui chhuak a, kawng lak ah thu ho pui pui sawiin kan nui phei ve dun hawk hawk a, hepa ai ah hian midang lo kawp ta ila, ani ka pawh ang hian ka pawh thei ang em aw?! Station kan thleng a, Pu Davida te nen kan inbiak fel hnu ah an mi tang hmu tur chuan kan kal a,




"E, hmeichhia alaw?" min thawng deuh hlek! Hmeichhia hian tual an that theilo chu ka ti chiah lo a, mahse a mak ka ti deuh thin!




"Ni e, a kawlh khawp mai, saw kan naute pakhat hmai pawh a ran ruau saw." Pu Davida chu a nui zui hak a,



"Zawhte hi ka ngaina viau lo a sin mawle!" cell chhung ah chuan ka lut zui nghal a, ka hnung ah Ropuia a rawn nui lut kur kur a, kan thil tih tur nen ngaihtuah chuan a zia lo thin ang reng!




"Hey Zawhte, i thawnthu sawi ka va ngaithla chak ve?!" a khup a a chal nghat a lo thu kun lap hmeichhe bul ah chuan ka thu thla a,




"Zawhte ka ni lo, kal bo ru mi tenawm ho!" a rak tuar a, khum atang mi nam thla nawk bawk a! Min khawih zui a tum chu Ropuian a lo man bet hman a,




"Khai a, ti hi chuan mi nunna i lak hreh dawn loh tawp hi!" nui suk chung a tho chhuak in ka thawmhnaw ka beng fai zui thak thak a,




"Ka that lo, tu mihring mah ka that lo." a rak chhuak ang tawn tawn a! a thusawi pawh a hriat that hleihtheih love!



"Tha deuhin i thah loh thu chu han sawi teh, khati ringawt kha chuan ka that lo ti reng chungin Jail bang i zut hliau hliau ani mai." Ka sawi zo chiah Ropuian mi rawn nghawk uk a, nuih ka in sum hram hram! Mi te hi keimah leh Ropuia ang vek tur ah hian ka ngai thin a, tawngkam ngeiawm zet hi ka chhak chhuak leh thin!!



"Chhun ah ka bazar a, ka haw leh a, ka haw leh chuan ka pi an bed room kawt ah thi hnuang a lo tlu ka hmu a, ka mangang lutuk tih ngaihna vak pawh ka hrelo, ka tlanchhuak a midang puih ka dil a, kan thenawmte an lo awm hlauh a, an mahni'n an rawn buaipui a, damdawiin a kan thlen fel vek hnu ah Police in min rawn man a nih kha." a tap zui tuau a,



"Pu David, tu hnen atang nge report in dawn le aw?" Cell pawn a Pu Davida chu ka melh phei nghal zawk a,



"A rawn report dan ah kha chuan a pasal chu anih hmel khawp a, 'ka nupui' a rawn tia lawm." a khabe ruh kual a tuai zui hauh hauh a,



"Tak a, thil ru tur ang khan in sawi em kha?" ka zung chal lek kang va in Davida lam chu ka hawi leh a,




"Aw, rangkachak thi, zungbun, leh pawisa, vel kha kan nau ten an hmu nual a, an room ah, safe a in hawng bawk a." a kut kuangkuah in a ding kak to a,



"Awle awle, thu in zawt fiah vek tawh hlawm tho ang a, an thenawmte pawh chu ka kawm ve duh hle mai a." ka tho kang hluai a,



"Nia, anihna tak ah chuan keipawh ka kal lo a, ka nau te ka ka tir ve mai a tih fel tur ka ngah deuh bawk nen, kan kal dawn nia." a kekawr ipte a zen zui ap a, vai dawih deuh hlek phei chuan an hlau ngawt ang hepa hi!




"E leh lawk, lo va kal ru, thil pakhat zawh lawk duh ka nei a?" Ropuia'n hriat ve chak hmel tak in a lo meng bial kalh a ,




"Kal rawh, nakinah nangchu." ka nam zui deuh nawk a, nui sukin a kal ve mai. Kan nula hma ah chuan ka thu thla zui lehnghal a,




"Hey Zawhte, i pi hi i thah ka ring miah lo, a thi sa tak tak in i zu hmu tiraw?" ka rawmawl phawrh in a mittui ka hruk sak a, a hmai a bal zek lehnghal a! Rawmawl var ka keng kher kher bawk nen, ka ui ang reng! Ka zawhna chhan nan in hnit hlawp hlawp in a lu a bu nghut nghut a,




"An safe chabi awm na pawh i hriat ka ring lo reng reng, i hria em? tu emaw ni in tan tir che an tum a, i pu pawh a ni maithei, i pu kan man theih nan safe chhung a thil awm lak a ngai dawn ania, chabi awmna i hriat chuan kan bum dawn nia." a mittui hruk sak hliau hliau pah chuan ka thlem kual a,




"Ka hrelo, ka pi khan poisa a dah luh dawn chuan room atang min chhuah tir thin, hriat pawh ka tum lo, ka pi nen pawh kan inkawm ngaih lutuk." a tap hlep hlep reng a,



Rin bur tur chu a ni hran lo a, mahse, safe chabi chungchang ah chuan a hriat loh tak tak ka ring!



Ka rawmawl chu ka pe a, a hum zui vei rauh rauh a, station kawt ah Pu Davida chu Gypsy chhung ah a lo thu khar tawh a, driver a nei bawk a,



Ropuia nen ka bolero ah kan lut zui ve nghal a, Pu Davida te chu kan zui tawp a, Chawlhhmun kan thleng a, an in awm na peng ah kan motor dah in kan chhuk a, kawng a chep deuh a, mihring an lo thu ve neuh neuh bawk nen kan tlan thla lui ta bik lo a,



Thenawm tih tur in pen 200 vel a in an in hlat ka ring! An la zai khawm deuh mup mup vang chuan an thenawmte in ah chuan kan lut phawt a, an fapa niawm tak rawlthar tir a lo awm a, midang tumah dang awm hek lo, ani lah zah leh hlauhthawn in pawlh in a thu zum zut a, thenawm a khawhar hla an sak chu Ropuian a zawm rut rut a, chu lo thawm dang reng reng hriat tur a awm lo!




"Bawiha, nimin thil vel chu i hre ve mial em?" ka rilru ah a rawn lang thut pek a!



"Aih, in ah ka awm lo a." a mal kar ah a kut chep in a nuai vat vat a,



"A nihchu a nihchu, khawnge i kal a?" ka thu zawt kual vel chu ka kal pui ten min lo en thap hlawm a,



"Sawtah, Falkland ah ka thiante nen Futsal kan khel a." a aw a khur hlek hlek mai! Ka fiam zui vak chak viau a, mahse a awm ang lo emai tiin ka in khap dai hram!




Dar 2 vel ah kan awmna in nei tu te ni ngei tur a hriat pa valai leh nutling an rawn in zui lut a,



Kei tih loh midang zawng chu an thutna atang an lo ding chhuak hluai a, a tul ka ti ve lem lo! Davida te form nen an awm tup vang in kan kal chhan an hria ani ang chu, an rawn thu thla ve nghal a,



"Ka pu, nimin thil thleng, in hriat chin chin min hrilh leh la kan ti deuh a." Davida chuan puithu zet a in kuangkuah ap chung chuan a lo zawt nghal tawp a,



"E, chumi thu hla chu maw, englo ania, Hmingmawii mangang tak a rawn te chhuak teng tung kha kan nu, a pangpar khawi lo tifai in inchung atang khian a hria a, rawn tlan thla hlawk hlawk in mi a rawn hrilh a, kan tlan chhuak vut a, kan va thlen phei chuan Malawmi chhuatah a lo let reng a, alo thi nuai tawh bawk a, ka thiam ang ang in kan bawihsawm ve a, mahse kha tih hun lai pawh khan a nih tur ang a ni vek tawh in ka hria, an pa ka phone a, an nu in hliam a tawrh thu leh damdawiin ah kan kalpui tur thu te ka hrilh a,.."




"I hrilh dan tak kha i sawi chiang thei em le?" ka lo pawt chat a,



"Aa, han sawi bawl bawl chi ni hek lo, in nu hi a che sual a, a na riau mai hei, damdawiin kan pan pui dawn a, i rawn kal ve mai dawn nia, ka ti mai a." a kutkuangkuahin a ke a thluan zui ar ar a,



"Chuan?" Davida chuan a zawh chhunzawm ve leh thung a, Khua a vawt deuh nge ni, kan kuangkuah hlun hlawm mai!




"Chuan, aa , damdawiin chu kan thleng chho ve ta hrim hrim a, chhan tlak a awm tawh loh thu te kan han hria a a ni deuh mai, kan phili buai a talang ah, silai a kah ani tih pawh Doctor te sawi atang in kan hre ve chauh."



Ngun tak in ka ngaithla a, Davida te pawh an lu an lo bu nghut nghut a, Police lam beng a thlen dan ka ngaihtuah thut a,



"David engtin nge in beng a rawn thlen le? chuan, ka pu, silai ri vel engmah in hre miah lo tihna ami?" zawhna a tam duh khawp mai!




"Aw engmah kan hrelo tak tak, thil puak ri engmah kan hrelo!." a chhip a hiat zui sut sut a, a hriat loh hmel tak tak khawp mai!



"Chuan David, Police beng chu engtin maw a rawn thlen?" Davida chu ka zawt a,



"Alfred?" a nau hruai lam chu a thlek zui a,



"Dar 1:15p.m kha ania, thingpui in kan lo tum lai a nia dar zat chu ka chhin chhiah chiang ang reng, pa pakhat a rawn lut a, a nupui an kah thu te, damdawiin ah an kal pui thu te a rawn report a, a mah a hmanhmawh bawk si, mi a rawn thawng bawk nen, kan ziak lut sawk sawk a, ani pawh a tlan chhuak leh nghal vut a, keini pawh kan chhuak zui ve nghal mai!"




Alfreda thusawi ka ngaithla zo chu ka nui hawk hawk a, mak ti tak in mi an en thup bawk a! Ka nuih a za laklawh tlat!! Ka chan ah ka dah chuan, hmanhmawh bak leng, thu thin thawng lutuk nen chuan ka dem hran lo!!



"Enge chuti tak a nuihzathlak awm a?" Davida chu a phun hluk a.




"Hei kan pu hian a sawi dan kha a dik thlap a nih chuan, a pasal bul ah khan an nu an kap tih a sawi miah lo a, Police ho bul ah khan engtin nge an kap a va tih ngawt theih? Ngaihtuah chiang miah lo in a hmu hmasa ber tu an awmpuini in man khut bawk si!"



Davida pawh a lu a hiat nauh nauh a, a thak tak tak pawh ka ring lo!


"Ka pu, a nupui hliam tawrh dan in hrilh lo tih i chiang em? Chuan Alfred, a rawn report na ah an kap a rawn ti chiang em?" Davida chuan urh sun zet a melh run chung chuan a zawt a, lu an bu nghut ve ve a,




A tho chhuak nghal hluai a, Kawngka lam ngawi reng in a pan nul nul a, kan zui chhuak nghal dam dam a, in chhung em chu kan lut ve ta lem lo a, Police pahnih in inchhung pa ber an rawn hruai a, an man hran lo, thu zawh fiah tur ringawt ala ni bawk a,



"Chanchin kan rawn zawt dawn che nia." motor a an lut tur chu Ropuia chuan a meizial zu khu laih laih chung chuan a vai liam a,




"Kal ve nghal ang." motor ah thu in tukverh atang chuan ka hui zuk a,



A rawn thu lut zui ve mai a, motor engine ti nung in ka tlan chhuah pui ve nghal a, ka thil chik zia te a sawi cham chi a, mi a fak vei luam bawk a, office ah kan bag vel kan la dah vang in kan lut leh lawk a, Ropuia'n a scooty a rawn ken loh vang in ka phur haw a, Woodland Hospital kan tlan pelh dawn ah traffic a jam a, mipui an bawr luih luih bawk a,



"Inti buai an awm a mawni le!" a seat atang chuan eng emaw hmuh tum in a dak zui iak iak a,




"A su chiang lutuk a rapthlak e!" kan motor bul a nutling pahnih, mipui bawr huk na atang a rawn kal te chu an rawn phun phei sap sap a,



"An insu ami a?" ka beng vir chuan kan lo zawt lum lam ve deuh ringawt a,



"Aww, hmeichhe pakhat a rawn tlan chhuak a, a tum ve hrim hrim a ang, motor hma ah a rawn zuang a."




Ka lung phu a rawn rang nghal dawt dawt a, ka motor atang ka tlan chhuak phei nghal vut a,



"Ani lo ang, amah a ni thei lo!"



To be cont.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:44 pm

Story of Matthew
Chapter-15




Matthew Pov



Ka hma a mite pawh zah zo lo chuan ka nek per phei sawk sawk a, Damdawiin lam ah peng thla in ka tlan thla hlawk hlawk a, emergency room ah ka tlan lut rawk a, Doctor leh nurse ten mi an lo dang chung chuan ka nek lui a, damlo che sual hmel chu ka en a, ka ding chawt a, ka hnung atang mi an rawn pawt zui dawr dawr a, mi an nam chhuak nawk nawk a.



Duhsaki ani lo! Ka thaw huai mai! Inchung lam ah ka tlan chho leh vut a, cabin ah ka lut a, Nutei alo phu zuk mai!



"Khawnge Duhsaki?" khum ruak ka hmuh vang chuan ka zawt vat a, boruak lah chu ka mamawh hnem em em lehnghal a!



"Kan tei harh lawk ang e atia a rawn chhuah kha, in in tawk nange?" pawnlam chu a bih zui dak dak a,




"Kan en ang e." ka hlauhthawn a reh thei der lo! Inchung lam ni ngei a ka hriat ah chuan ka tlan chho in ka pen chho pawk pawk a,



"Lalduhsak." ka au thawt a, Lalduhsaki inchung hmawr a lo ding reng chu ka pawt lawp a, ka pawm bet zui tlat a,




"Hetia i awm chhan hi ka hria, duhtawk tawh rawh," a dar a kuah in a lu ka dawm bet tlat a,



Ka kawr awm huh leh lum pap chuan a awm dan a hril chiang hle a, engmah sawi nawn tawh lovin ka kuah nghet sauh a, ka t-shirt tlang a pawt in a tham a, a tap chhuak zui hawm hawm a, a bek ah ka fawh sak vawng vawng a,



Rei fe kan din reng hnu chuan ka kawr a tham na a thlah dul a, a tal zui set set chu ka thlah dul hlek a, a dar ah chuan ka dawm bet zui tlat tho! Naupangchhia zetin a kawr ban in a mittui a hru zui a! A duhawm lutuk! Ka in dang theilo chuan a chal ah ka hmui in ka nawr zui vawng vawng a,




"Tinge i lo kal a?" a kun lap a, a in hnit feih feih a,



"Haw tur che in min nawr lui chawp tih ka hrechhuak a." ka kuah leh thlawp a, a chhip ah ka khabe ka nghat vang vang a,



Ka hoodie zen in ka kawng ah min kuah bet let ve ran a, ka hlim veng veng mai!



"Lalduhsak, ka ngaih zia che hi i hria em?" ka phun sup a, a lu ah chuan ka fawp leh vawng vawng a,




"Keipawn ka ngai che Matt." a theih ang tawk a nghet ni ngei a hriat tur chuan min pawm bet ve tai a, a chak lo ngei mai!



"A vawt si, inhnuai ah chhuk ang aw." ka hoodie phelh in a dar ah ka bat a, ka tuam zui nghal bawk a,



A dar a dawm in muang chang in kan chhuk thla a, Cabin awmna floor kan thleng thla a, a reh ruih mai, tumah vei vak an awm lo a,



"Matt, nichin khan ka pa i sawi tiraw?" a ding dat a, min chhoh en ha a,



Sawi nuam anih loh vang in ka lu ka bu nghut ringawt a, min zawt chik viau nachu tum dang a ka chhan fo thin ang in nakin hun ka nghah tir a, room ah lut phawt rawh se! Apa vanga hetiang a awm hi amaw ka tia, mak tih hmel tak a min zawt in apa chungchang a hriat hmel si loh a, a cabin ah hruai lut in a khum ah ka mut tir a, puan sin tir in a kut ka vawn sak zui vang vang a,




"In lo let tawh bawk a, kan chhuak harh ve lawk ang e aw." Nutei chu nui var var in a chhuak zui daih a,




"Humpty, tukverh atang khan i tla lo tiraw?" nghet tak a a kut tereuhte ria rat chu ka chelh sak a,



A mit a chhing vang vang a, a lu a bu zui nghat nghat a, a kut la kang in ka fawh sak leh vawng vawng a,



"Tinge, ngati nge?" a kut a ka hmui nawr reng chung in ka phun sup a, ka thaw zui ham ham bawk a,



"A tam lutuk Matt! Ka thluakin ka thil hriat zawng zawng chinfel dan a hriat awm chhun ania, ka thluak khan ka taksa a thunun vek tawh a." a bek ah a mittui a luangthla ngiai ngiai chu ka hruk sak a,



"Hahdam phawt rawh Humpty, nakin ah kan la sawi dawn nia." tho kang in a biang ah ka fawp vang vang a, ka biang a lo dawm ve vang vang bawk a.




"Ehe!" ka phone ka la chhuak zui nghal a,



Ropuia phone number hmet chhuak in ka call zui nghal a,



"Engtin nge i awm tak?" ka lu ka hiat zui nauh nauh a,



"I car kha ka hralh a bike thar ka la a ka haw daih." thawven hmel zetin a rawn ri lang lang a,



"Aw, tikhan lo kawl mai rawh, i tih ran chuan ka thai rang ve ang che." ka nui zui hak a, phone ka dah zui nghal a,



"Enge a?" Duhsaki chu a rawn meng siar siar a,



"Ka motor leh ka thianpa ka rawn tlansan daih a." a bul ah chuan ka thu thla leh a, a lo nui sen sen a,




"I va han a mai mai tak, engtin nge chungte i rawn kal san ngawt theih a?" a muhil theilo nge ni a meng fiah kak tawh.




Damdawiin ka thlen chhoh dan leh a chhante ka hrilh a, nui ver ver chung in ka thu sawi a ngaithla a, kan titi melh melh laiin security alo kal a, nutei awm hek lo, keimah chiah tur ah a ngai ani ang chu engmah sawi loin a kal lehnghal daih a,



"Hey, nang hi, nichin te khan min fawp vel vak vak a, i bialnu amaw min ti a mi a?" ner nang chungin a chek zui tlak tlak a, a biang te an nuai leh vel ah!



"Ve tak che hian, ka bialnu i ni lo ami a, i ni duhlo ami?" tho kang in ka awm hnaih sauh a,




"Aw ni chiah lo, ni tep ang!" a nui sen sen a, a hmui a pet zeuh a,



"Het het het, khatiang a chi loh!" a hmui a fawh vang vang ka tum, ka hnaih lai tak in nutei a rawn lut thut a, kan phu dawrh mai! Kan nui zui dar dar a, Duhsaki kut hum tum in ka ban a, ka kut lo beng sawn in a hmai a hup zui hmak bawk a,



"Lo let tlai deuh hlek ila tha tur ania." nutei chuan mi a fiam zui ang hlak lehnghal a, lai ru zet in ka nui suk suk ringawt!



Sana ka en a, Dar 5p.m ani tep tawh! ka ril a tam der lehnghal a! A hmeichhe pahnih lah in eitur lam reng reng an sawi bawk si lo a!



"Zan eitur vel ka zu lei lawk ang e aw, tikhan lo awm hahdam la." ka tho chhuak a, ka chhuak zui nghal a,



Canteen ah chips leh cake ka lei teuh a, juice bur hnih vel ka la bawk a, ka tam hnem na tur rice ka pack tir hram bawk a, in khai bawr teuh chung chuan ka lut chho a, Cabin kawngka in khar phui lo atang chuan nutling dang aw a rawn ri chhuak a, Duhsaki nu niin ka hria!



Ka in ngaihtuah fe hnu ah cabin chhung ah chuan ka lut lui a, mak tih hmel tak in mi alo en zui ha bawk a, cupboard ah eitur ka dah lut a, ka rice pack tir erawh ka dah chhuak a,



"I dam maw ka pi?" nui var var in chibai ka buk a,



"Dam alawm," mak a ti deuh nge ni mit bial kalhin mi en vang vang reng mai!



"In sumdawnna lam te enge a an a?" zah pah lo tak a chet lak ka duh bik lo a, a thut na bul ah chuan ka ding reng a,



"Aa, a tluang ve zel ani mai! Nang, engtin nge i awm tak zel a?" tha tak chuan min chhang ve zel a,



"Matt lo thu phei rawh?" a khum lu ngheng in alo thu kang a, thutna dang awm tawh rih hek lo, ka thu phei lui ta ringawt a,



"Mizoram sawrkar hnuai ah hna chhete ka thawk a, ka awm na a rei leh tawh mai."



Duhsaki'n ka kawr ban a rawn pawt sek a, a lam ka hawi a, a kut a lo pharh duai a,


"Enge?" mak ti ru zet in ka ban chho duk duk a, ka kut a lo vuan chat a, nghet deuh in a hmer nghal vawng vawng a, mak ka ti ngei mai!



"Ti hian lo ei ula, naktuk ah a pa in chaw a rawn pek rual in rawn hawn leh mai rawh se." a savun bag dum tle hlarh chu ak in a chhuak zui nghal daih a,



"Khawi i thil lei, ka ei ve duh?" pangchan hmel zet in mi a melh ran a, ka pen lawlh zawk dawn amawni!



"Kha chaw hi rawn ei ve daih rawh, khanu khan chaw pawh a ei ngai lo, nep nawi hi a ring kual vel mai mai ani!" nutei chuan Duhsaki nu chaw rawn ken chu a lo hawp tun tun a,



"Tinge, chaw pangai ei ta che." a kut min vawn na a thlah zui daih a,



"Aih, ka ei duhlo!" anu leh pa lak ah a lungawi lo tih chu ka hrethiam mai a, nakinah ka la sawipui thei em ang chu!



Ka rice lei chu ka la a, amah ka eitir a, ka ril a tam tawh bawk nen nutei chaw ei lai chu zah pawh sawi lovin ka eipui ve ta ringawt a, ka eitui phian lehnghal!



"Matt, a dang ka duh leh ka ril a la tam." a hmui mawm hmerh in a la hmuam pung pung a, ka nuih suk ringawt.



Cake kheh sak in juice ka thlit chhuah sak a, a bul a thu in a thil ei lai chu ka en dauh dauh a,



"Kha, a changtupa awm lai chuan thil pawh a ei duh khawp alawm." nutei pawn a lo nuih var var a, tui ti tak a a thil eilai hi chu a hmuhnawm ve thlawt!



Zantir lam ah kan titi ho a, kan nui dar dar reng bawk a, zan a rei telh telh a, a vawt vur tawh mai! ka ban vawt thler ka tuai vut vut reng tak ah chuan a hrethiam nge ni, ngawi reng in ka hoodie a bah reng lai chu a la thla a, a mah zawk chuan min tuam nan a rawn hmang a, mu hniam in puan in a dar thleng a inkhuh a, ka lam hawiin a rawn saisir nghal a.



Nutei a muhil bawrh bawrh tawh a, puan chhung a zen in Duhsaki kut ka vuan reng a,



"Chuan, ka pa chungchang chu sawi rawh le?" a mit a chhing zui hmak a,



"I hriat vang a tiang a awm hi amaw i nih ka tia, ka sawi lang tawh sia, nizan ah kan hotel ah i pa leh hmeichhe dang ka hmu a." ka thaw zui hak a, a in thup nge chu ka hrelo a, mak ti hmel a pu lo! A mit a la chhing zui tlat a,



"Matt, thil ka hrilh ang che aw." a rawn meng diar diar a, na zet a boruak hip lut kawkin a thaw chhuak zui leh ham ham a,



"Sawi rawh." rizai pawn ah a kut ka chelh sak a, ka hmui ka nawr bet tlat bawk a,



"Khami ni a ka haw khan ka nu uire lai ka hmu a, ka zak lutuk, a na ka ti bawk si, kan in hau a, tah chuan a thinrim in a tawngsual a, fa lak ka nih thu min hrilh a." a mit a chhing a, a nui hek hek a,



A nui hmel phen ah erawh a na a tih zia chu a awmdan atang hai rual a ni lo! A nu leh pa in an duat vak lo te, a pi boral ta leh a nutein an duat thin zawk te, fahrah a nih vang maw!




"Chung zawng zawng phur chung chuan khawlvel hi ilo hmachhawn maw! Hmeichhe huaisen tak thinglung ti no a, a hma a awm hmachhawn ngam tawh lo awm reng pawh ini!" ka rilru chuan ka kawm mawlh mawlh a,



"Ka hmangaih che." a biang dawm in a hmui vawt thler ah chuan ka fawp zui vang vang a, duhthawh leh uar zet in ka nawr ten ten a,



"Kha thu kha i sawi ka hre ngai miah lo!" a nui seih a, a hmeltha bang dawn lo anih hi!



"Hey Matt," zawi te a phun sar sar chungin a tawlh sut sut a, khum awl zau lai chu a beng thak thak a,


Nutei lam kan melh ru hrek hrek chung in ka lawn kai a, ka ban kham tir in ka awm ah a bei zui kak a, in lukhupin ka kuah zui vang vang a,



"Nimin a mipa lo kal kha tunge?" min hnawh bo tum nan a a hmanrua mai mai tih hre mah ila, a enge a nih ka hre chak ve hrim hrim!



"Sir Fela a nihkha, college a ka thawhpui, min be tha ve deuh a, ka be chhe hran bik lo, dam leh tumna ka nei miah lo a, vawiin khan lo kal lo la chu ka ruang tlaivar pui tur in an in sawm khawm tak tak tawh ang chu, i nat lutuk ka duh lo a, hnawh bo law law che ka tum a nimin ah kha chuan ka sual ka chhuah mai mai a nihkha." a awm zawn ah a phun ser ser a, a thaw lum zui ham ham bawk a,



A lu ah dim te in ka hmui in ka nawr veng veng a, a kut vawt tih lum tum in ka kawr chhung a zen ve vei rak rak a, ka nui hak a. Kan inbiak loh chhan te, ka nu leh pa min tih dan te, ani'n a nu leh pa in an tih dan te, engkim, rei tak hnu a engmah sawi lawk lo a amah hmu tur ka kal in mipa dang a chhuah pui ka hmuh thu te ka hrilh a, a sawifiah zui ve zel a,



"Ehe, Matt, dar 3 a ri tawh ania, naaaa, ka van kham lo tak!" a zi mar zui talh talh a,



"Kan bul tan leh na chauh anih hi, khawi le, muhil rawh le." ka awm a kuah beiin a sam ah ka zen lut a, a lu ka khawih sak zui neuh neuh a, a chhing diar diar mai.




A chau deuh nge ni, a muhil zui har lo a, dim te a a lu dawm kang in ka in la hrang a, khum atanga chhuk thla in thuthleng ah ka thu thla a, Duhsaki kut vuan in khum ka bawh a, mutthilh tum in ka mit ka chhing zui a.




Zing ah nutei washroom kawngkhar hawng thawm in min ti harh a, tunge ka mit ah vut lo tat ni, ka meng ngap chuap mai! Duhsaki ka en a, a la muhil suk suk a, a biang ah ka fawh sak zeuh a, a lo thaw ang sek sek a, kalsan a har ngei mai! Dar 7a.m a ri tawh bawk si nen, hreh tak chung chuan nutei pawh hrilh lo in ngawi rengin ka chhuak a, Taxi la in kan in lam ah intifai turin ka haw a, kawngka a lo in kalh vei thlap a, chabi ka zawn ruai hnu ah kawngka chung metre box chung ah a lo awm a, ka hmeichhe kalsan khan engtin nge maw a ban phak ni! Mak ka ti ang reng!



Inchhung ah lut in ka inbual fai a, thawmhnaw lah chu a lo in thlep fel diam hlawm a, a zia ve reng reng e! Kamiz sen duk chung ah coat ha in smart pant dum ka ha a, ka savun pheikhawk uluk tak a wax ka hnawih tlet hlarh nen in bun chhuak in kawngpui ah ka chhuak chho a, ka taxi hman lai min nghak tur a ka tih vang in a lo la ding ve ran a, office lam ah ka in khalh chhoh tir a, ka pum a ruak lek lek mai!



Office kawt a ka motor ding reng chu ka en thuak thuak a, diklo leh khem mawilo engmah a awm lo hlauh e!



"Ka hriatthiam theih loh chu, mi an accident an tih vang a khatia in tlan chiam mai, i motor pawh ngaihsak lo a in tlan bo zui daih mai kha, a mak ka la ti tawp thei lo, enge hriat i neih?" a bawp khawkherh in pen hmawr a lo seh a, a hawi pir ang vah lehnghal a, a va han zak lo tak!



"Coffee rawn siam rawh." ka coat hak phelh in ka chair ah chuan ka bang a,



"A thu lo zawk chuan siam leh lawp lawp ila ani mai lawm." zuan zan hmel zetin a tho zui tharh a,



"Enge nimin lam tualthahna chu?" ka laptop ka on hnu a ka case khawih tawh ho ka en rual in ka hrechhuak teh thut a,



"E, kha kha, dawp a lo harsa vak lo aniang, an nu nen an intihbuai na thu hla ah thin butut alo nei aniang."



Ka nui suk ringawt a, khapa han mawl dan em em kha aw! inthup a tum luat ah a in hai lang vek zawk alawm mawle!



Client kan nei lem lo bawk nen, a duh duh hun a haw tur a Ropuia hrilh in office ka chhuah san a, restaurant ah Momo ka pack tir a, ka eitur rice leh soup ka pack tir thung a, Hospital lam ah ka inkhalh thla a, tukin ah a harh laiin ka lo awm tawh awm silo a, a lo lungawi lo viau ang em aw?!



Hospital ka thleng a, Cabin lam ah ka lut chho nghal a, rinlawk ang ngeiin a lo thu tum bar mai!


"I momo eichak animaw, ber bur chuan." ka in tawngkhalh zawm zat a,



"Min kai thawh tur che ania." a ti hram e!




"Nizan i menrei em kha, i mamawh ang zat mut hahdam tir che a tha ber, thil ei ang, ka ril atam ania." momo pe inka eitur rice leh soup ka chhawp chhuak ve nghal a,



"Matt, i hawp ri hruih hruih bik a, ka hawp ve chak ania." biang piar pung in a lo meng nur nasa mai!



A hmui mawm hmek ah chuan ka fawp zeuh a,



"Mmmm thil ei lai laiin." a hmui a tuai zui zeuh a,


Naute chaw hrai takin kan in hrai chhunzawm leh ngat ngat a, natna hmangthiam ber award awm se ka pe ang mawle!



"Matt, soup ka kham lo e, amak lutuk ka puar thei lo reng reng." a dul chul vut vut chung chuan a ner nang a,



"Hah, kan pangchang tawp thei dawn lo anih hi!" nui suk chung chuan a chal a fawp in ka tho chhuak nghal a,



"Lo awm rawh,"



A eiduh zawng lam turin ka chhuak zui nghal a, Soup leh beef-roll lak sak in cake leh chocolate tlem a zawng ka lei chho a, Plastic bag pakhat ringawt hi chu a puar hneh thin!




Cabin ah ka lut leh a, Fela alo thu ve leh run tawh! Tei vet hian a!



"I dam tha tawh tho a, class te pawh rawn zawm leh tawh la mawle, naupang ho lah in Miss Duhi Miss Duhi an ti reng hlawm mai." nui hak hak chung in Duhsaki tal hrang chung in a ban lo hmet in a lo ban tawk tawk a,




"Kha, roll leh soup hi ei ve thung rawh aw," ka eitur lei pek pah chuan Duhsaki chal ah ka fawh sak zeuh a,



Engmah sawi chhunzawm lo in ka thutna atang chuan ka tho zui a, cake leh thildang ho chu cupboard ah ka dah lut a, ka let leh lam ah Fela chu mak tih hmel zet in a lo thu ngawi kur a, Duhsaki lahin a soup leh beef roll chiah a lo ngaihsak leh tawh bawk si! Nutei awmlo nen room chhung chu a reh duk mai!



"Miss, ka haw san ang che u, bazar ah te ka kal kawi a la ngai dawn a." nui sang chung a aw zangkhai zet a rawn tawng chhuakin Fela chu a tho chhuak zui nghal a,



"Awle awle, lo kal leh ru aw, Miss Msi pawh kha lo kal ve rawh se." tep chuap chuap chung in Duhsaki chuan a vai liam a,




"I sual ve e, kha a haw daih kha." ka dar ah na lo te in mi nam taih a,



"Mipa in an duh dan dan in an khawih che ang a, ka lo awm mai mai ang maw, teuh lo mai." ka coat phelh chung chuan ka phun hluk a,



"Thikthu te hi i pe chhe ve reuh sia aw." mi rawn piai zuk a nihchu!



"Khang lang che chuan!" a thil ei lai laksak in ka dek zui chiam a, nui ar ar chung in mi beng let taih taih a,




"Anah Anah!" a nak dawm in a te that that a,



"Ka tihder a!" a nui zui uar uar a!



Min ti hlauthawng ve khanglang alawm mawle! Kan in khawih khawlo emaw ka ti hman hial!



"I cher si, i chhe rin ren reuh e." ka kut hum chungin ka khabe ah ka lu ka do khawng a, ka thlek vang vang a,




"I duh cher si, i duh chhe rin ren reuh si." ngeiawm zetin a hmui a ti pawrh kual zui kher lehnghal a! Ka nui chhuak hawk hawk mai!



Henu tak hi chu aw! Hun rei tak chhung khawrhar leh mal ngawih ngawihin ka hmang thin ti pawh ka in hre leh tawh lo!



Nutei leh Security an rawn luh rual avang in haw mai ka tum a, ka kut zungtang ah mi a pawt lui ve teng teng reuh lehnghal a,



"Hey, naktuk ah ka rawn kal lehnghal ang, thil atthlak deuh deuh lo ngaihtuah lo la." a chal ah ka fawh sak zeuh a, nui var var in min thlah a.




"Hi, Matthew!" hlim hmel em em in Sylviai'n min rawn pan hnai a, Ngaihsak lem lo in ka kal pel zui hmak a,




"Tluang deuh in kal rawh aw, helam chu rawn ngaihtuah suh."



Ka ding chawt a, a thu sawi dan mai mai chu ka ngaina lo tawp mai! Ka hawi let vut a, nui sang chung a a ban vai kang lauh lauh chung chuan a tawlh hnung hrat hrat a, vertherna ka hmu tel tlat ani!



Security ten luh an phal tawh bawk silo! Motor chhung ah ngaihtha lo zet in ka thu reng a, khua in min thim hnan tawh! Ka ngaih a ngam thei ngang lo! Emergency room a lut te rual in ka in zep lut ru a, hmanhmawh zetin inchung lam cabin ah ka tlan chho nghal a,



"Han chho rawh, a lo nghak reng tawh ang che." nui sang in Sylvia-i'n step a min kal pel ngauh ngauh a,



Ka ding chawt a, hawi let in Sylviaii ka enzui a, ka lam hawi zawng a kual thla in verther zet hian a nui sang a, ka ngaih a tha lo tawp mai! Ka tlan chho nghal vat a!..



To be cont.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:45 pm

Story of Matthew
Chapter-16




Matthew P.o.v



Enge Duhsaki chung ah thleng ang tih ngaihtuah reng reng in ka tlan chho hlawk hlawk a, Cabin kawngka pawh kik lo in ka nam hawng lut thuai a, nutei leh Duhsaki pawh an lo phu zuk mai! Duhsaki lam ah ka pen phei pawk pawk a,



"I tha em? i chung ah engmah a thleng lo tiraw?" a dar a man chung chuan ka melh ran a,



"Tha e, ngatinge a?" muang changin a dar ka man na min lak thlak sak a, mak tih zet in min melh kiau a



Ka hahdam hawk mai! Ka thaw huai a, dim tak in Duhsaki chu ka kuah vawng vawng a, ka chet dan in a thawng deuh nge ni engtin mah pawh min chhang let lo!



"Zan in ah nurse emaw doctor lo kal na chhan tur a la awm em?" peh hel zetin nutei chu ka zawt ta ringawt a,




"Ngaih ka ring lo, mahse a ma dinhmun a zir ani mai ang chu, ngati teh thut nge ni reng reng a?" an hmel ka en hian an hrilhhai zia a lang thei mai!



"Ngati lo e, ka ngaih ti tha lo zet thil ka tawng mawle." ka nui suk a, Duhsaki lam hawiin a sam ah ka chul sak a, chhing diar diar chung in a thaw siai siai a.




"Dam vat ang che." a chal ah ka fawp zui vang vang a, nui ver ver chung in a bu nghat a,




"Ka riah a rem tawh awm si lo a, ka kalsan ang che u, eng emaw a thlen chuan hriat hmasak ber ka duh ania." nutei chu a kiai sak a,




"A lo dawng sawng tha che em?" Sylvia-i bawk chu! a kut tang alo chhem heuh heuh a, bang a ngeng ar ar lehnghal a!




"Duhtawk rawh Sylvia, duhtawk tawh rawh." a hawiher ngeiawm zet hi tawrh daih tum in ka kut ka hum ruh ngat ngat a,



"Nangmah zawk hian duhtawk rawh Matt, nge ni a khinu khi ka dahtha kher dawn."




A sawi zo chiah a dar tawn tawn a man in bang ah ka nam bet rawk a, a lu a sawh tih ka hria, ka ngai pawimawh lo!



"Tlang deuh in ka hrilh ang che hmeichhia, ka tisa chakna phuhrukna mai i ni, lo in rawlh buai tawh suh, ka duh loh thil min tih tir lo ang che." ka thusawi lai chuan mit meng bial kalh in mi en kar a, a mittui a luang zawih zawih bawk!




"Tisa chak na maw?" tal chhuah tumin a tang vei at at a, rum chhuak hawk chung in ka nam bet leh hrawk a,



"Chuan hei hi hre rawh, khi hmeichhia khi hlat ang che."



A khur zawih zawih a, ka vawnna ka thlah rual rual in a thu hnawk a, a tukhum dawm in a tap feih feih a, ka in her vut a, ka kalsan vang vang a, inchhung lam atang a ka chhuak hlawl mak ti tak a security min lo en vung vung tu pawh ngaihsak zui lo in motor lam ka pan ding nghal chat a,




Thlasik thli ro zet hnuai ah ka motor glass ka down vek a, thli ro vawt zet chuan min chhem dai sawng sawng mai! Hmeichhia tha rum hmang a ti na lo tur a zilh hau sei len mah ni ila, ka hmangaih ka ven him nan chuan ka pawi ti hran lo! Dawhthei tak leh dam tak a ka hrilh lai khan duhtawk mai tur hi ania!




Ka in reh ruih ah ka lut a, a thim mup bawk si, in chhung ka pet luh chiah hian khawharna mak tak in min man ziah lehnghal a! Light te on eng in ka eitur hawn dawhkan ah ka dah tawp a, ka thuam hak lai phelh fel in boxer nen chuan steel almirah a darthlalang hma ah chuan ka ding a, ka taksa ka enkawl lo bawk nen, ka tla hlek in ka hria! ka khabe hmul leh hmuihmul a awm chhup bawk a, engtin nge maw heti em em a ka bawrchhawr theih ni!




Washroom ah lut in ka inti fai nghal sar a, ka lu buk deuh tih loh chu ka fai thawkhat tawh in ka hria! T-Shirt chung ah Hoodie sen duk ha in jogy dum ka ha a, khawvawt nen mawza ka bun lum ap bawk a, ka ar bawp hem hmin lei haw oven ah ur lum in french fries nen ka ei a, ka rin ang ngei ngei in pakhat chauh in min puar zo lo a, arbawp pathum ka lei juice nen ka eizo vek a, naktuk zing chu min thlenpui ve thei tawh ang!



Ka ha ka nawhfai zawh hnu ah sana ka en thuak a, Dar 10 a ri thuak tawh mai! Lehkhabu chhiar hma in Duhsaki ka call a, a muhil tawh nge ni, call a lak theih tak si loh ah chuan ka ti harh lui duh bik lo a, ka rilru lehlam ah chuan hlauhthawnna lian tak a awm reng tho! Rilru pe lo zetin lehkhabu ka chhiar a, enge a thawnthu, a bung hian a sawi tum pawh ka hre lo e!



Kawngka rawn kik dawt dawt thawm ah ka harh hlawl a, engtin nge maw zan khawvawt lutuk hnuai ah thu chung a muthlu chung hian zankhua a harh miah lo a ka mut theih ni! ka nghawng na thum dawm vang vang chung chuan kawngka ka va hawng a, K.N.P in inhlawh nan Electric bill an lo khawn chu ni in! Pawisa te kan inpe fel a, ka hmai te phih in ka inti fai zui a, Dar 8:00a.m a damdawiin inkan hun nan hman tum in ka insiam zui vat a, T-shirt var chung ah jacket dum ha in cotton jeans dum ka ha chhuak a, air max var nen a bun in ka chhuak a, a chang hi chuan ka inchei dan atang hian mite tan eng hna thawk nge ka nih ang tih hi rin a harsa thin ngawt ang! Ka Lawyer pui te hian engtin nge kamiz leh coat suit hi an hak up peih reng thin ni! Thenkhat mi fing lo chin hi chuan mi thuam in bel dan atang te hian an han be tha in an han tlawn nghal ngawt a, an han hlau nghal ngawt thin a! Tlem a in chei uluk lo deuh te kan han en hniam ngawt thin te hi, ka khabe dawm a ngaihtuah chet chet in ka nuih pui leh hak thin!




Damdawiin ka thleng chho a, cabin lam ah chho tlang in step ah chuan ka chho dat dat a, cabin ah ka lut a, Duhsaki pa nen kan in hmachhawn nghal run mai! Room chhung boruak chu rit tak ani! Duhsaki lah a lo in khuh tlat a! Duhsaki nen kan in kawp hepa hian a remti lo tih ka hria! Mahse a fanu diktak a nilo tih ka hria a, a thu pek emaw a thu han zawm tumna ka nei tawh hauh lo!



"Enge i tih dawn?" a aw ri ah chuan min lawm hmel lem loh khawp mai!



"Duhsaki ka hmu duh a ka pu." Duhsaki in khuh hlun lam chu ka melh phei zeuh a,



"A la muhil a nih hmel, i duh chuan nghak la." min lawm lo thei hi anilo asin mawle!



"Kan nghak ang e, vawiin chu kan hotel lam ah ka buai dawn a, hmuh ngei ka duh sia." a mah kal pel in Duhsaki khum lam chu ka pan phei a,



"Eng hotel nge ni a?" a chaw kenna chu khaiin mi en ngur ngur a,


"Blueberry." ka nui zui suk a,



Hriat ka nei tih a hrethiam nge, thla ka hria ang tih a hlau zawk! A hmel lan dan a in thlak nghal dawrh mai!


"A nihchu, zo-i ka kal ang aw, tlai ah i u in chaw a rawn pe ang che u." ka lam pawh hawiin lo in hlauh nei ang maiin a chhuak nghal vut a,



A chhuak fel ta maw tih ah Duhsaki'n a inkhuhna rizai rawn hlim in a rawn thuchhuak nghal a,



"Lum lutuk lum lutuk!" thlasik khawvawt ah pawh khatiang ang a rei puanpui a in khuh chuan a lum tho ani ang chu! puan hmawr in a rawn in zap hlep hlep mai!




"Enge khatia i awm kher a?" ka nuih suk a,


"Ka be peih lo, a hming a ka nu leh pa mah ni se, hmangaihna nen a min enkawl sei liantu chu ka pi leh nutei hi an ni." nutei chu a melh nghal a,




Nutei pawn a lo melh ve kiau reng a, a mittui a tling pam mai! A din hmun a inhria a, a nu leh pa diktak zawn chhuah duh na te a nei ang em?! Enge a rilru ka hre chak ngei mai, kan pahnih chauh a inkawm na hun lah kan nei thei rih bawk silo! Damdawiin atang hian han chhuak phawt mai teh se!




"Chuan, hotel ah chuan engmaw i tih dawn vawiin ah chuan?" a pum ri rak rak chu a dawm bet nghal chat a, min melh a, a nui hui mai!




"Ka hrelo, Engineer ka zawng hmu phawt ang a, chuan chumi a zir chuan ani mai, lo awm rawh, thil ka zu lei ang e, chaw pangai ei la i dam daih tawh tur hi ania aw!" na lo te in ka pen zeuh a, a chal dawm pah in an si hluam hluam ah! Awih awm loh hian!



Beef-roll pahnih leh soup ka lei sak a, pakhat a eizawh hnu ah a puar mai ka ring ania! A pahnihna a kheh lehnghal a, a ei leh nghal tun tun mai!



"Ka puar pawh ka hrelo!" a thaw huai a, em em an a!




"Ka lei leh dawn em?" ka en vung vung a,



"Aih aih, ka ti mai mai a nihkha, ka puar lutuk." a nui sen sen a, a puan siam tha in a dar thleng in a bat daih a,



"Ka kalsan ang che aw, ka hna zawh vat a rawn kal leh ka lo tum zawk ang aw." ka tho zui uai a, a lam a kun hnai in a biang ah ka dawm sak a, a chal ah ka fawp zeuh a,




"Mmmm, fimkhur la aw."



A nui hmel duhawm zet nen min thlah hnu ah cabin chhuah san in inhnuai lam ah ka chhuk thla a, hospital ka chhuah san zet a, a eitur ei zo a puar thu a sawi lai a a inthlahrunna mit meng kha ka ngaihzam sak thei ngang lo a! Canteen ah lut in Rice leh Soup ka pack tir a, cake leh juice ka lei teuh bawk a, inkhai bawr tun chung in cabin ka lut leh chiah min lo en hau mai! Ka nuih suk a, nutei kut a dah in ka chhuak lehnghal a,




"Tunlai hi, i tlai thei riau mai, insiam that i ngai ani!" office ka lut chiah a, Lalropuian min lo kam khat leh hlak amawni!



"Lehkha i chhiar em tun ah khan?" ka en thla haw a,



"Chhiar nang, ka bia che." chiang zetin mi en let kalh a,



"Nia tiraw! thildang ka rilru luah tu a awm thin a," ka nuih suk a, ka thutna lam ka pan san a,



"Teh daih che chuan, mi hauh let leh nek ka ring ania, ka lo in puah chah nasat nen, coffee ka siam dawn em?" thawh inrin hmel tak in a dawhkan a a kiu nghat in a thu ngil ut a,




"A ngai love, i duh leh i in tur te chu siam tho la, tak a, engineer hmelhriat tha deuh hlek i nei em?" Ka laptop pawh on zui lem lo in ka vuan reng a,



"Keimah tak hi chuan nei hauh lo a, mahse Pu Davida khan a thianpa Engineer chung chang a sawi ka hre tawh tlat in ka hria, eng atan nge i tih a?" a thutna atang chuan a tho zui ta tho a, coffee a siam zui nghal a,




"Eng emaw tih lawk ka duh mawle, Pu Davida chu biak tur a nihchu." ka laptop ka on a, lehkhabu nen ka in chhawp zui a,




"Kha aw, i awm dan a mak emai, min hrem kher lo mah la ka siam sak tho ang che." nui sun sun chung in a thut na lam a pan zui nghal a,




Dar 1:00p.m thleng office ah ka awm a, ro chung chang thubuai ah client ka nei nuk a, ro chung chang ah hian thenkhat buai fe fe hi an lo tam anih hi!




Ropuia hnen ah Pu Davida hmu tur a ka kal tur thu hrilhin office ka chhuah san a, motor tlem lai ani bawk nen ka thleng har hran lo a, a thianpa chungchang leh a office awm na te min hrilh hriat hnu ah Tuikhuahtlang lam ah ka in khalh chho leh a, ka tlan kual nasa ang reng ngei mai!




Pu Davida sawi ang deuh in office lian tak chu ka hmu nghal mai a, a chhung ah ka lut a, a changkang vei hrep lehnghal a,


"Khawi ah nge Sammy-a office hi le?" hmeichhe ngo ving veng step a lo chhuk thla hnen ah chuan ka zawt chawt a,



"Hei hemi floor ah hian phei la, vei lam ah khan, a hming pawh a lo in tar mai ang." nui sen sen chung chuan min kal pel zui nghal a,



"E leh lawk, Pu Hriata tih a duh zawk thu a sawi nasa thin ania." a file in chher chhuan ur siamtha chung in a nui var var a,



"Awle Awle." ka lu ka bu nghut a, ka kal zui nghal a,



Kawngka ka kik dat dat hnu ah lut tur a phal na chhunglam atang in ka dawng a, kawngkhar hawng in ka lut zui ve mai a,



Laptop hma a sam buk chhep, a tarmit chung atanga rawn meng kawr, ngo ving veng, hmai tung lampang mit khur thuk lek lek lo thu kar chu ka hmu nghal a, Hoodie dum a ha ap bawk a, Pu Davida sawi dan ang chiah chiah ani! A chiang e a chiang e!




"Pu Sammy-a maw?" kut suih tum in ka kut ka lek chhuak a,



"Pu Hriata." ka kut a rawn vuan zui ve chawt a, ka nui suk a, a in chei dan en chuan pa awlsam tak zawng a nih ve dawn hi a!




"Davida'n i chungchang hi min hrilh a, ka rawn pan chawt che a, englo ania, kan hotel tih chantlung nan kawt zawl han siam hi ka duh a, a ram awm dan te nen min en sak la min tih sak la ka duh deuh a." ka thusawi benkhawn loh hmel zet in hnai tak ah a laptop a bih ngur ngur a,




"Davida i hria animaw?" a laptop khup in a thut seat a ngheng awn zui duai a,




"Nia, case thil vel ah kan in hmu zeuh zeuh a kan inkawm ve zeuh zeuh a," a awm dan leh nung chang hi, biak a har hmel ngei mai!



"Davida nen in inkawm chuan, thian kan ni ve reng a nih chu! Ka makpa ania maw Davida hi, a tlangval chhoh tirh hian a buaithlak khawp ah, nula te hi ka ngaihtuah pui nasa thin ania," a nui zui hawk hawk a, keipawh chuan ka lo nuih pui ve mai bawk a,



"Ani saw chu, a ti suk suk riau a, a tlangval lai chanchin hi tun thleng a sawi nuam kan tih ber hi alawm, a che pui thei ania,"



Ka lu ka hiat nauh nauh ringawt! A degree hi engtia a neih nge mawni! A thusawi dan vel lah chu a nuihzathlak ru in a nelawm phian reuh lehnghal a,



"A nihchuan Pu Hriat, engtin nge hotel chung chang chu ni dawn le?" thutak zet in ka melh kal a,



"Nia, chutia Pu Hriat te min tih tak ah chuan, kan tum dawn nia kan tum dawn nia, mahse ka hman hun tur hi ka sawi thei lo a, card te i neih chuan hnut chhiah la, ka lo be mai dawn che ami?"



Pu Hriat tih chin ah chuan a tawng par par mai lawm! Ka business card phawrh in ka pe a,



"Matthew...Lalrinsanga.. awle, awle, kan inbe dawn nia." a tawng ban chap a,



An thiandun chu an chanchin sawi nuam an ti ngei mai! A tu zawk zawk pawh in sawi tur an nghah dan ah an in kawm ngaih phian ani ang chu!


"A nih Pu Sammy, kan kal ang e." ka nui suk a, ka tho zui nghal hluai a,



"Pu Hriata." a tarmit chung atang a rawn meng rang kawr mai!




Pu Davida nen a an tlangval lai hun an hman dan te pawh hriat a chakawm rum rum alawm mawle! Chutia Pu Davida in hmuam up khup leh pa fing ve tak, nula lam a an haihchham riau tur te chu hmuh a chakawm kher mai!



Tuikhuatlang atang in Woodland hospital lam ah ka in khalh thla a, dar 3:30p.m a lo pel dawrh tawh mai, office ban hun vel ani bawk nen, traffic a tam leh ta ngei mai! Traffic police ham rik pawh a ri leh tuar tuar tawh mai!



"A mut na a rei tawh em?" Duhsaki lo muhil bem bul a thu in nutei chu ka bia a,



"Nia, nurse nu khan a damdawi thar tur a tia, a rawn chiu a, a mu zui siai siai mai." crossword a thai chhunzawm mawlh mawlh a! Ka ngaih a tha tawh hauh lo thung!



"Tu nurse nge lo kal? a hma a lo kal thin kha ami?" ka tho hluai a, Duhsaki biang ah kaih thawh tumin ka beng zui thek thek a,




"Aw, hmeltha ving veng te kha, tinge a?" ka awm dan avang chuan a hlauthawng ve deuh nge a crossword thai lai dah thla in a rawn phei ve nghal a,



"Hrep hian!" a mar ka dek kual a, a mar chu a la awm!



"Lalduhsak harh teh." a ban a man in ka sawi nawk nawk a, a harh thei lo!



"Doctor, Doctor in awm em?" cabin atang a chhuak in corridoor ah ka au zui chiam a,




Ka hnung lam corridoor tawp lam atang a min rawn chhang tu lam ah chuan ka tlan phei vut a,


"Cabin no.18 ami hi nangman i en tel em? lo kal teh" ka vin zui khur khur tawh mai!



"Aw en e enge ni ta?" mi a rawn zui ve vat a,



"Damdawi thar chawh in nei em? a mu lai kaihthawh zawh loh tur khawp eng damdawi nge a mamawh a?" ka vin thawt thawt a, hrilhhai hmel zet in a doctor zawk in min en hu bawk si!



"Damdawi thar engmah ka chawh lo, nakin a hrilh ah ka khek e ka lo tia, a chhuak thei tep zawk a, damlo thenkhat hi an chhuah theih hun tur hrilh hian an phur luat ah dam emaw an intia, an damdawi ei lai thlah an ching lutuk a, eng pawh nise in beng dai phawt la, tunge damdawi chu pe reng reng?" Duhsaki mit te chu keu in a en fiah zui nghal vat bawk a,




"Nurse Sylvia-i." ka kawchhung hi a so but but thei hial!



Nurse leh Doctor dang ko in Cabin chhung atang min chhuah tir nghal hmak a! nutei mangang lutuk tha khur zawih zawih in a ding khawng reng a, a melh ngai a melh tlawk tlawk mai!




"David, Woodland Hospital ah in lo kal thei em? tualthah tumna tenawm tak a awm tlat!" Davida call in a pick up rual rual in ka au lawng lawng a,



"Awle awle."



Call ka hang up a, in hnuai lam ah ka tlan thla vut a, Hospital chhung a ward hrang hrang ah ka tlan kual a, Nurse leh doctor duty te hnen ah Sylvia-i chungchang zawt in ka tlan kual zak zak a, Hospital chhung ah hmuh tur a awm tawh lo! Hrep hian!




"Enge thleng a?" Davida chu a nau te panga vel hruaiin a rawn thleng a, mi a rawn zawng hmu ve mai bawk a,



"Nurse pakhat in damlo pakhat damdawi dik lo a pe a, tun ah chhan an tum mek," ka vin hluk hluk reng mai! in bengdaih tumin thawk ka la a, ka thaw chhuak ham ham a,



"Pu Muanpuia han hmu lawk ang," a kal nghal vut a,



Hepa hi hmelhriat a ngah ang reng viau anih hi a! Inchung lam ah kan chho a, U Muanpuia a tih chu Duhsaki nunna chhan tum mek tu kha tih te kan hre ve hnuhnawh leh chauh bawk a, Sammy-a u pasal an ti lehnghal a, an thlah ho hi mi bik chu an ni ve dawn anih hi!



"U Muanpuia ber a hman loh chuan U Tluanga ka zu zawng ange, tikhan lo awm tawh mai rawh, Police lam in kan lo buaipui ang e."



A ni hmelhriat ngah zawk leh misual man lam a thunei ta zawk chu a kut ah ka dah tawp a, Nute zoi awmna lam ah ka tlan chho lehnghal a, Mimi-i alo awm hlawl mai! Nutei nen an lo in kuah chial a,



"Matt, nangmaw, hetah enge i tih a?" Mimi chuan min lo en haw a,



"Ka awm na a rei tawh." ka chhang bul hmuk a, kawngka bul a ding in chhung lam a doctor leh nurse te thawm chu ka ngaithla reng a, an ri nawk nawk hlawm mai!



Duhsaki enkawl tute nupa pawh an rawn lang ve vat a, kan kim sawt khawp mai! Hmeichhe ho in an awm zawn ah an kut an suih far a, mipa pahnih awm chhun in chanchin kan ngaichang kar a,



Darkar khat hnu ah thawm a reh dak a, kawngka a rawn ri rek a, ka nam hawng nghal rawk a,



"A tha tawh e, a chau dawn a, biak chu in be thei ang a, mahse tawng tir char char erawh a fuh lo ang." min kal pel zui a, nurse ho nen an rawn chhuak zui dam dam a, an hah hmel hlawm ngang mai!



A chhungte ho in an kil nghal tuau a, an hnung ah Mimi-i nen kan lo ding ve reng a,



"Bawihte, min va ti hlauthawng tak em!" Nute zoi chu a tap chhuak rawih rawih a, Duhsaki chu a kuah hnawp a,



"Engvang a Nurse chuan hetia ti ringawt hi nge maw a nih le?"



Mimi-i zawhna avang chuan ka kut ka hum ruh a, sawi tur ka haihchham der mai! Keimah vang ani tih hria se, engtin nge mi an tih ang!!?




"Matt, Nurse kha i hmelhriat tiraw?" Nutei chuan in hnit hlawp hlawp in mit sen rum chung chuan min rawn melh run a, Duhsaki nen a kan in hnaih hi a remti lo mai ang em tih zawhna in min deng zui zat bawk si!!



"Aw ni e!" mit zawng zawng ka chung ah a fu nghal thup a,




To be cont.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:45 pm

Story of Matthew
Chapter-17




Matthew Pov



"In inkar ah awm a awm ami? ngatinge kan fanu hi hetiang a atih ringawt a?"



Engpawh chu ni se, dawt sawi a pha ral mai mai tur mipa ka ni tlat lo a, Sylvia-i nen kan inkar, an hriat tul ni a ka hriat chin chu ka hrilh a, Duhsaki nen a kan inkawp a rem lohna engmah, an hlauhthawn leh rilru hah lai ber in an sawi chhuak lo a, ka ngaih a ngam ta deuh!



Buaina thleng a awm avangin in tlawh hun chhung pel a awm min phal sak a, Doctor Muanpuia'n Duhsaki nu leh pa eng emaw sawi pui tur a a koh hran vangin Mimi-i nen Duhsaki kan thut chilh ve thung a, a meng peih tawk a, hmuh a hrehawm ngei mai!



"Matt..." a tawng ri chhuak che che mai!



"Humpty, hahdam rawh, i bul ah ka awm reng tawh dawn alawm." a biang chu ka chul sak heuh heuh a,



"Min koh na kha ka hre reng, mahse hmun sang tawk atang hian ka tla ni mai in ka hria, ka ban tawk tawk che a, min man thei bawk si lo, ka ko let che a, i hre thei bawk si lo." aw sin zet, lawi rut in a phun sep sep a,



Ka chan teuh zia ka hrechhuak uar uar mai!! A dam dawn hnaih ah thih sual in an awm tha leh ania! Kha hmeichhia khan a kalsan mai ka ring kha ka tisual ani!



"Enge chanchin? enge a lo sawi a?" Duhsaki nu te rawn let leh chu nute zoi'n chanchin a lo sawt vat a,



"Thupha a chawi luam a, heng thil thlen vang hian hospitalin thupha chawi nan bill engmah an charge dawn lo a, nurse pawh an ban nghal dawn ani awm e. An damdawiin ti mualpho lo tur te in min ngen chiam a, tumah kha atthlak tak khan social media lam ah in che lo hram dawn nia." couch a a jacket dah chu Duhsaki pa chuan a ha zui pah mawlh mawlh a,



"A that nasat chu a." Nutei pawh a phun hluk a,



Rei fe kan awm hnu ah Security in mi a rawn vil tak chawt ah chuan kan tho sang sang a,



"In rem tih chuan keiman ka awm pui thei ang em?" Ka thusawi vang chuan mi an en thap a,



"Awle, a tha alawm, Zoi nangpawh i chau lutuk tawh ang, zanin chauh te chu rawn hahdam ve la." Nutei chu a ang zuau hman a, mahse a thil tih sual thup tum a ka chung a that chhuah chhungkaw pa ber a tawngchhuah tak ah chuan a hnial lui bik lo va,




"Enkawl tha la, a chung ah engmah thlen tir lo la, engmah ti suh ang che." chiang tak leh chang fak in thu min pe a, an insiam fel a, min tin san zui nghal a,



"David, enge chanchin?" Davida'n call a pick up rual rual in ka zawt ngal chawt a,



"Amah ber hi in ah a la haw lova, kan zawng mek e, news ah te kan chhuah ang a, a bi bo rei lo ang."



A hang up zui daih a, Duhsaki kut chu ka vawn sak reng a, damdawiin a la hneh deuh nge ni, a meng peih meuh lova, a biak reng theih thung a, a aw erawh a lawi rut reng mai!




"Matt, ka ril a tam." muang chang a a ring ti che in ka lam a rawn hawi peih tawk a,



Amah chauh a chhuah san chi ni hek lo, zing lam a ka eitur lei sak ho lak tum in cupboard ka hawng a, a ruak vek! A tam teh lul nen!



"Kha chu ka eizo tawh Matt." chhing diar chung in a phun sep a! Ka nuih suk ringawt!



Engtia han tih chi nge mawni dawn ni! chhuahsan theih a ni bawk si lo! Pawn lam atang a thil min pe thei tur ka ngaihtuah a, Ropuia bak rilru ah an lang meuh lo!



"Bawihte, i nghak lawk thei ang em?" a chal sam ah ka chul sak hliau hliau a, muang leh zawi te in a lu a ti che ve hram a,




Ropuia ka bia a, a tlai tawh ang reng viau na chu a, a bak koh tur ka hre ngang lo! Motor ka kawl tir tur thu te, luh an phaloh chuan chhun lam thil thleng vel sawi lan tur te ka hrilh luam a, Dar 9p.m rik dawn ah eitur lo thlen hun kan nghak run mai!




Darkar khat hnu ah security in eitur min rawn pe a, ka bolero chabi leh pawisa ka thawn let ve leh thung a, momo, soup leh ar bawp hem hmin a rawn lei teuh a, ka pawisa pek khan a daih pawh ka ring chiah lo e!




A lukham kam san sak in momo ka barh a, pakhat a eizawh chhung pawh a rei duh ngat ngat khawp mai! tukin lam ah te an ei theih pung pung teh lul nen! 11:30p.m pelh hret ah kan in hrai zo thei hram a, a khat tawk in kan doctor a lo kal zeuh zeuh a, amah ngeiin mi a vil chawt a, an hospital tih hming chhiat a hlauh luat ah te pawh ani mahna! Duhsaki mit meng pawh a fiah ve telh telh a, a tal ve sek tawh bawk a!




"Matt, ka ril atam leh tawh!"



Dar 1:00 a.m a ri tawh! Ar bawp pakhat a la awm a, eitir chi a ni ang em ka hre chiah lo bawk nen, doctor a lo kal lai a ni hlauh a, ani ber in a phal tak ah chuan a ti nem lai ka zai thlak sak a, tlem te te in ka eitir a, a tha hrui te pawh an chak ve tan tih a hriat theih deuh! a lem ve zung zung tawh mai!



Chhin khat lek pawh chhing lo in kan meng tlang parh a, Zing khawvar hnu ah doctor in a dinhmun te a en fel a, a rem tih hnu ah Duhsaki sam chu ka chul sak heuh heuh a, a lo chhing siar siar bawk a,



"Matt, ka hmangaih che." a phun sep a,



Ka dam deuh huai mai! A tawng tui chhunzawm hlauin tawngka in ka chhang let tawh lem lo a, a biang a dawm in a heh ro rep chu dim te in ka fawh sak vang vang a,



"Muhil rawh aw." a sam ah ka chul sak a, a mit chhing in a thaw sek sek zui a,




Ka mit a thip deuh thup a, ka taksa kham ut ut ti reh tum in ka tho chhuak uai a, ka zi mar zui talh talh a, ka ruh rel leh ti hrawl te hi a in man bet thar sung sung ni mai hian ka hria! Ka tei harh hnu ah Duhsaki kiang ah thu in a kut ka vawn sak a, ka hmui nen a chuk tuah in tui tak a a mu lai chu ka en vang vang a, a heh a ro deuh e tih loh ah chuan, a duhawmna ten a lam an tang leh mek tih a hmuh theih tawh!




"I va tho hma awm ve a." Kawngkhar in hawn rual in nutei'n min rawn be nghal luam a,



"Nia, tho hma a ni mai, nang zawk, mut te i kham meuh maw?" ka bul lam a a lo kal vang chuan leng reng mahse alo thutna tur kian in ka tawlh hlek a,



"Ka tha e, nizan lam enge kan an.. kha heng te hi ei ve rawh, silfai sa vek anih kha." a apple rawn ken thar hmel zet chu min pe a,




Kawruak lai a thei ei hi ka pum in a ngaih viau lo na chu, duhsak tak a min pek han dah that daih chu ni ber in ka hre chiah si lo a, ka eisak ta tho a,




Ni zungin room chhung a rawn chhun lum tan a, ka mut a chhuak er er tawh mai! Ka tang lui thei ngang lo! Nutei ka hrilh a, couch ah a awn thei ang ber a thu in ka hoodie hak in ka hmai ka khuh tawp a, nutei thil tih fel pah a a zai rut rut in min awi bawk nen, meng leh tur pawh hian tha ka nei pawhin ka hre lo ve!




Duhsaki Pov



Nutei hmun ti fel leh washroom kawngkhar hawng ri thawm in min ti harh a, ka mit te ka men hnu ah thawhkan mai ka tum a, ka lu a rit ngei mai! Chutia ka che min hmuh tak ah chuan nutei'n min lo kuah vat a, ka luh lulna sawm khawm in khum atang ka tho chuak lui a, ka hmai ka phih peih hram mai!


"Kha hei eirawh, nichin ah doctor a lo kal a, a harh veleh in eitir ang a, a zia chho mai ang a tia." nutei chuan damdawi mum lian zet, tui nen a rawn la a,




Harsa ti tak chung in ka lem hram a, ka thut hmun siam fel in ka thu awn dar dar a, ka hma zawn a couch ah kawrlum a a hmai khuh chungin Matt-a alo muthlu tih ka hre chiah!



"Te, Matt saw a haw miah maw?" ka la vai deuh ruai mai! ka mit ka chhing leh vang vang a,



"Haw nang, saw, ka mu tha lutuk te a tia, a tha chiah lo a nih saw!" a nui zui hak a,



"A tlaivar in ka hria, tunah dar engzat nge ni reng reng?" ka riltam pum ri rak rak chu ka dawm bet zui nghal a,


"Dar 12 a ri tep, eitur ka zu lei ang, tikhan lo awm la aw." a puan thleh lai dah tha in cabin atang a chhuak nghal a,



Nimin ka awm dan ka ngaihtuah let a, a mak ka ti ngei mai! Min au lawm lawm ri ka hria a, khuarkhurum thuk tak a tla vawng vawng ang mai hian hmun thim tak ah ka pil vawng vawng a, ka bul hnai ah erawh tawng ri nak nak ri a awm reng a, a chang in chiang tak in ka hming in mi an rawn ko a, hawi ka tum a, ka lu hi dawm bet tlat tu awm ang maiin a in cher khawng at a, ka mit men ka tum a, char beh tlat ang in a awm bawk a, min kohna chhan tum a ka ka an ka tum a, thui beh ang maiin a chip tlat bawk a! ka tla rei tial tial a, ka sir vel a tawng ri mur mur ri a reh tial tial a, ka awm zawn ah thil sa tak in a rawn den dawt dawt vang in ka harh leh zawk ani ber mai!



Ka hma a mipa muhil mek hi awm lo nise, tun ah hian engtin nge ka awm ang? Thih hnu lam ram awm dan hrechiang tur a ka ke ka pen mek laiin min dang bet tlat a, ka mamawh em em thlamuanna min pe in beiseina min neih tir tu ani a, Pathian in ka dil thin, hmangaihna leh thlamuanna te a thuamin he mihring hi ka tan a siam anih ka ring hmiah tawh! Kum tam a vei hnu, ka beidawn vek hnu ah a rawn lang leh hlawl a, ka nunna tih tawp duh ut ut khawp a ka ngaihtuahna buai lak ata min chhan chhuak a, ka duhna te hi engtik ah mah ka thup lui ngai lo ang!




Ka lu rit tak chu thawh kan pui luiin ka ke ka hnuk phei hruih hruih a, dim te a thu thla in a hmai khuhna kawrlum chu ka la kang de de a,



Kum 6 liam ta a ka mipa duh leh hmangaih, hmeltha em em kha a la ni reng! Ka ngaimawh ruk em em a hmuihmul leh khabe hmul a lo ti fai vang tawh a, lang chiang vak si lova a khabe ruh phir thai te, meikhu in a ur loh, mipa hmui atan chuan a mawi lo ang a tih tur khawp a sen chek mai te! Hnam hran thisen luan pawlh tih hriatna a hnar ngul sei leh zum vat nalh zet mai te, a mithmul dum hlap leh mit khur thuk lek lek te chu ka thlek vang vang a, mipa vun rawng atan chuan a ngo mah mah lam ni mahse a pa hliah hliah tho bawk si! Hmeichhe tam tak duhthusam ani ang em ka hrelo a, mahse kei a tan chuan duhaisam ani ve chiang ani!




Ka hmui ka liak huh zeuh a, a harh hlau zet in dim te in a biang ah ka nawr de de a, a rawn che hrut a, ka in la hrang vat a, ka chet vut vang nge mawni ka lu a hai nghal chuai mai!



Ka mit ka chhing vang vang a, a zia deuh hnu ah ka khum lam a phei leh ka tum a, Mimi-i a rawn lut hlawl mai! Min rawn kuah nghal chawt a,



"Khawi khum ah min lo hruai teh." kuah let in ka rinchhan tawp a,



Khum ah lawn in ka let thla nghal tawp a, chet pawh che zui lo in ka mu hle hle mai!



"Eki i van bo rei em em!" ka mit pawh meng mang lo chuan Mimi-i chu ka be hram hram a,




"Ka duat, i chanchin ka hria a ka rawn haw nghal aw, a pawi e, nimin ah lah tiang khan thil a thleng leh bawk sia." in thiam loh hmel takin a in sawifiah ve zung zung a,




Nute-i a rawn let a, chow a rawn lei kher kher lehnghal! Tui ti lo zet in ka eizo vek tho a, ka puar bawk si lo! Ka khawngaih ve tho bawk nen ka sawi duh tawh bik lo a, apple leh balhla a khat tawk in ka ei char char ringawt!



Thil te ka ei a thei vel ka ei hnu ah ka lu hai te a zia tan a, damdawiin hna a thawk tan tawh nge ni ka harh deuh sawng sawng tawh mai! Kan in hmu lo rei tawh bawk nen, sawi tur ngah tak kan ni! LalRuata nen inbe zuiin thian ai sang ah te an kai thul! Keiin Matthew nen a kan intawn leh dan te ka hrilh ve chiam bawk a, ka damdawiin awm chhan ber erawh Nutei a awm ve reng vangin ka hrilh chiang duh lem lo a, ka sawi chhuah zuk tak ah chuan damdawiin hi ning viau mah ila, kha uirena in ah khan let leh ka chak hlawl lo!




Kan thawm a tha deuh nge ni, Matt-a muhil pawh lo harh in a hmai khuhna pawt thla in a kut phah hlai phuk in a hmai a hup zui vang vang a,



"I harhna a rei tawh em?" a rawn tho chhuak zui nghal vat a, a mit a sen ram mai!




"Mmm rei ve leh tawh, mut i kham lo em Matt?" ka bul a thu in ka kut a rawn vuan chawt a,




"Eisss, in la changtupa tiah tiah." LalMimi'n a lo chhaih zui zat a, Matt pawh a nui ve suk mai!




"Ka mu rei lutuk alawm hei, i zia deuh tawh ami? Thil te i lo ei tawh em?" a kut hrawl zet, nem thep tho si chuan ka sam ah a rawn chul heuh heuh a, ka lai deuh rum rum mai, midang an awm ve bawk nen!




"Hei ka harh tawh lutuk ringawt, nutein chow min lei a ka lo ei a." a kut ka man sak zui daih a,



"A nihchuan thil dang ka zu lei leh dawn nia, kan in phih fai ve lawk ang e aw." a nui suk a, ka thusawi dan a man lutuk te chu ka nuih a ti za zawk e a!




A in tih fai hnu ah eitur bawk lei turin a chhuak zui leh a, riltam a ka awm hi a phal thlawt lo!



"In mak e ka ti, khati khawp khan chhung lam leh pawn lam ah in in hlat hman a, tun ah heti hian engmah thleng lo ang maiin in inkawp leh chawt thei ania, chhung te lam ah bawk in buai leh ang e aw?" A chhuak fel chiah tihin Mimi-i chu an rawn phun sep sep a,




"Ka hrelo, ka hlat ngai lo chu ka ti ngam lo a, mahse, ka theihnghilh ngai lo alawm, ka ngaihtuah chuan ka thin te a rim lek lek dawn a, mahse mipa ka chhuah pui lai te min hmu a, amah pawn, min hmuh avanga kal bo ringawt lo a i lam lo pan lui tur ka nia chu a ti tho a, mahse ka dem chuang lo, a thlir na atang chuan a hun lai kha chuan keipawn ka ti tho ang!"




"Ti hian kan in hmu leh a, kan tum vang pawh ni miah lo in, ka bawrhsawm lai ber leh ka beidawn lai ber in ka tan hun in siam chawp in min buaipui tawp a, hmeichhia ka nihna ang a ka mipa mamawh ka suangtuah thin hi ani chiang e."



Nichin lawk a cabin a chhuah san lai te chu ka mitthla zui vel a, ka hlim veng veng mai! Thil thlen chhoh dan hi a mak ka ti! In chung atang a zuan thlak ka tum tlai a alo lan hlawl dan te kha! A hun tak ah vek hian a lo lang ani ber mai!



"Nia tiraw, i duh tluk zetin ani lah hian a duh bawk che a, buaina eng pawh tawk leh dawn ula, hmachhawn turin in huaisen tawk tawh ang chu tiraw?" a nui ve var var a,



Ka harh vawk tawh mai! Mahse ka chhiat leh tha hriatna an lo let tam telh telh a, ka rilru a buai ru leh tan der tawh! Ka nu leh pa ti a ka koh thin te fa ka ni lo a, an in uire san ve ve bawk a! Chutiang chhungkua a awm ve reng chu chakna ka nei lo ani! Tunge ka nu leh pa diktak tih lam pawh ka rilru ah a awm rih lo!




Matt-a, inkhai bawr tun chung a lo lut chu ka lo en reng a, a dar hlai phuk ah te hian ka bei leh hnup chak tawh! Ka bul ah a rawn thu thla a, a rawn chhohna lam ah a hah ve deuh nge ni a thaw kawk kawk a, a palian bawk nen a hah loh lai pawh a boruak a mamawh hnem hmel bik teh lul nen, a thaw ri suk suk mai!



"Kan damlo chu ava nula tawh awm ve a kha." Kan doctor paliana pawh a rawn nui lut var var a, ka thil ei lai ka lo la hmuam pawng purh bawk si! Ka lem nghal awl awl mai!




"Ti hian zan in leh naktuk chawhma lam han en leh chhin phawt ila, a result a zir in naktuk tlai lam ah te chuan i room nuam deuh ah te pawh i mu ve thei tawh maithei ani." a nui suk a, a zun a uai tawh laklawh chu an uai kur nasa ve duan duan ang chu aw hepa hi chu! Ka Matt-a a tluk lo hret tih loh ah chuan pa rem rem tak ani!




Damdawiin boruak leh rim ka hne ve tawh hrim hrim bawk nen, chhuah tawrh phawt chu ka chak ve tho mai! Mahse ka awm dan tur hi ka hrethiam thlawt lo, min enkawl sei lenna ah hian ba ka nei in ka in hria a, ka pang lehlam erawh chuan an duh thu a min enkawl an nih vang a bat nei lo ang in ka in hre tlat bawk a! Ka ning, ka ning lutuk!



Security in inkan hun a tawp thu a rawn sawi a, Matt'n intih fai a inthlak pah a duhthu a sawi a, min haw san a, Mimi-i a haw ve bawk a, a reh ruih mai! Ka thluakin a hna thawh tur ang a thawh hian ka buai zawk! Ka ngaihtuah ngut ngut a, enge thil dik leh thil tha pawh ka hre thei lo!




"Te, mahni a in enkawl turin awm hrang tawp ila, thil tha ani ang em?" ka ngaihtuahna buai lutuk awm ngaihna hrelo in nutei crossword thai lai chu ka zawt tawp a, mak tih hmel zet in mi rawn melh nghal zawk mai!



"Ngati nge chutiang teh daih te min zawh a? awm hran i chak ami?" a chanchinbu ken lai dahthla in ka lam ah a rawn phei nghal vat a,



"Ka hrelo, kan ngaihsan em em sap ho te pawh, an mahni a in enkawl tur in apartment te an luah a, an awm hrang tho a?" ka thuruk zep sawi chhuak lo turin ka lei leh ka ka veng ve hram hram ani ber mai!




"Ani viau a, mahse sap kan ni lo a, mizo kan nia, in sawi leh sel hi a tam a, kan society hian a la zo meuh lo, bawihi, ngati nge chutiang te i ngaihtuah daih a?"



Min en ngun nasa mai bawk si! Ka sawi chhuah loh chuan min kam run reng a, ka ngaihtuahna thleng hian a hruai sual nghal vek thei hial bawk si!



"Te, fa lak ka ni tih i hria tiraw?" chiang takin a mit ah ka en kalh a,




Engmah sawi lo in nghet zet in min rawn kuah chawt a, ka hnung a chul heuh heuh a, ka nghawng ah a thaw lum ham ham mai!




"I chhungte zawn i duh ami bawihte? i tan kan tawk lo deuh iti ami?"



A hnen atang a zawhna ka dawn ah chuan mi run ber tu ani hial ang! Fa ang a min la tu te nupa ai pawh a min duat a, hmangaihna thu min fah a min enkawl tu ber ani a, ka tan hian a tawk lutuk mah mah zawk si a!



"Te, ka pi leh nang tih loh ah tunge hmangaihna nen a min enkawl tu awm? fa ang a min la tu te ai hian a let in ka ngai zawk che a, ka mamawh zawk che."



Ka hmeichhe rilru no a chhuak a, ka mittui ka dang thei ngang lo! Nutei pawh a in hnit feih feih a,



"Engtin nge khawvel i hmachhawn duh ka hrelo a, mahse bawihi, ka ngai dawn che emai!"




Kal nghal tur ang mai a min thlahna tawngkam te chuan min chhun a, nu leh pa ang a ka pawm te uirena in min chhun nawn awn awn bawk a, thawk ngaihna pawh ka hre dawn lo hial!



"Te, ka in ngaihtuah ang a, ka thutlukna chu eng pawh lo ni se, nang chuan min pawm pui ang tiraw?" in la hrang in ka mittui ka hru zui mawlh mawlh a,



"Ni e a tha alawm, i puitling tawh a, i duh phawt chuan nangmah in i in enkawl thei em em ang." za lo tak in a nui lui a, a mittui a hru hul ve mawlh mawlh bawk a,



Min chhan dan ah ka rilru ka siam fel a, thil tha ber a ni ang em chu ka hre lo a, mahse, he lei a awm lai leh zel a hremhmun tem lawk leh chu, ka taksa leh rilru hian a tlin ka ring tawh lo!




Nizan lam ah thil hmanhmawh thlak lutuk buaipui tur dang a neih thu a sawi vang in Matthew-a a lo kal lo a, mahse ka pawi ti hran lo, a chau dawn bawk nen mutna hun tha te pawh a mamawh ve tawh tih ka hria a, ka ngaimawh hran lo!



Doctor in phalna min pek tak ah chuan tlai lam ah Matthew alo kal hnu ah kan in la chhuak a, Nutei hmel a ngui ruai reng mai chu hmuh a hrehawm ngei mai! Ka thil tum engmah Matthew hnen a sawina hun a la awm lo a, in kan thleng der mai!



"Matt, tah hian min lo nghak rawh aw, bungrua pawh dah thlak a ngai rih lo, min lo nghak lawk!" motor atang ka chhuk zui nghal a, ani pawh a rawn chhuak ve nghal vut bawk a, a kut hrawl zet in ka ban a rawn man chawt a,



"Enge a awmzia, bungraw dah luh a ngai lo maw?" a hriatthiam loh hmel ngei mai!



"Aw Matt, la ngai dawn e, mahse chumi hma in thil pakhat tih lawk tur ka nei a, min lo nghak rawh." ka nuih sang a, a chhiar theih tur a hmel danglam put ka tum lo bur!



"Awle anih, thiar tur in kan lo siam rem ange, a tam chuang lo!" hepa thu han duh zia hi chu aw!



"Matt please, ka sawi ang chuan awm la ti hian lo awm tawp teh." a kawr tlang ah ka tham a, ngen tak te in ka ngen tawp tawh! A palian bawk si!




"A nihleh le, eng tak chu iti dawn ni maw?" a rum nghut a, a thaw ri suk suk zui lehnghal a, mi boruak hip ai zawng zawng a hip zo vek dawn emaw tih mai tur ani!




Inchhung ah ka lut a, Nutei'n ka tih tum a hria nge ni, a rawn lut ve duh lo a, Matt-a bul ah a lo awm ve daih thung a, inchhung chu a reh ruih a, ka nu erawh a awm leh tho ang! Ka suahsualna rilru a chhuak tlat pek a! An room kawngkhar in kalh chu ka pawt dawt dawt a,



Rei fe hnu ah a rawn ri rak a, mutkawr pan te nen tun ang thlasik khawvawt ah engtin nge maw a nghawng leh awm bawr thlan hluam a a awm theih ni! A ropui e a ropui e!



"Ka tibuai rei lo ang che, heng i thil tih tenawm hi sawi chhuak lo in in hi ka chhuah san dawn a, ka chhuah chhan erawh ka pa bul ah i duh dan dan in i lo sawi mai dawn nia." ka kut kuangkuah in ngeiawm zet in ka din sawih khum a, ka rilru leh taksa erawh a khur ru dar dar thung! Ka thil hmuh leh ngaihdan hian min ti chau nawn awn awn mai!


"Chu te mai chu." rum zet a melhin ka kalsan nghal a, engmah a sawi lo!



Inhnuai lam ah chhuk thla in ka thawmhnaw leh make up ka neih ve ang chhun chhun luggage ah ka khung khawm mawlh mawlh a, mahni intih hlum tum a chet ka lak hma a uluk tak a ka dah that Matt-a thi min pek chu ka awrh nghal a, ka rilru hi a thawveng in a huaisen sawt in ka hria!



Taksa chau ru zet chung chuan ka inkhai chho ve taih taih a, ka tha neih ang chhun chhun hi a zo mai dawn in ka hria!



Luggage nen a ka chhuak chu mak tih hmel tak in Matt'n min lo en reng a, ngawi reng a, kal pel in a bolero hnung ah ka luggage ka vawm lut tawp a,



"Hawh le, i in ah let le?" nui var var in a ban hrawl tha tak chuan ka vuan bet tat a,


"Ka in ah maw?"





To be cont....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 5th, 2020, 3:45 pm

Story of Matthew
Chapter-18



Matthew Pov



In biak mumal na hman pawh kan nei meuh lo a, a thawmhnaw zawng zawng nen a ka in a min zui a tum chu a mak ka ti lek lek mai!



"A chhan i sawi phawt thei ang em?" a dar ah ka vuan a, a lo tang urh mai!



"Matt, khawngaihin, ka la hrilh ang che, mahse min kal pui phawt rawh." a mit pawh khap miah lo in hmalam en in ngur chungin min chhang bul hmuk a,



A awmdan atang ka hrethiam ru tho mai! Fahrah ani a, fa ang a enkawltu a nu leh pa an in uire san ve ve bawk a, a nunna lak hial a duh phah a, chunglamin a remti bawk si lo! Khaweng la hmuh ve zel a, nun a hmachhawn duh dan a siam fel tih ka hrethiam a, nutei kan thlah fel a, mittui tling pam chung a nui sang in min thlah liam a, kan hma hun kan hre lawk lo a, engpawh lo thleng se, kan hlim lai ber thleng in ka theihnghilh ngai lo ang!



Luggage nen, racksack nen kan in pawm lut deuh tun tun a, thenawm khawveng min rawn hmu ho lah in nupui nei reng chung a inthup ang te'n min lo fiam sap sap a, nui suk suk chung in ka 'nia' liam ta vel mai mai ringawt!




"Hrep hian!" ka phun sup a, kawngkhar, kalh fel thlap a ka chhuah san a lo in kalh tawh hauh lo!



Thil diklo a awm tih Duhsaki hriattir ka duh lo a, ka wallet theihnghilh ang a sawiin car ah ka let tir a, a chhoh veleh dim tak a kawngkhar hawng in inchhung ka rap lut a,



Engmah in suam na hnuhma hmuh tur a awm hran lo! Ka luggage khai lai chhuat ah ka nghat dat a,


"Matt ka hmu miah lo," Duhsaki a rawn ri lut lang lang a, inchhung vel chu a hawi kual nghal ruai bawk a,




"In ah i awm khat ami a, a va hnawk lo em em!" nui var var in a rawn hawi let a,



Ka ngaih a la tha chiah lo! Min rawn bei tu tur awm ang a ngaiin kawngka kiang a ding he ran chung chuan Room kawngkhar chu ka hawng a, Duhsaki'n mak ti tak in min lo en reng bawk a,



Tuman min rawn bei lo, mahse ka thil hmuh hi ka haw kher mai! Phur tak a Duhsaki room a lut tur pawh a ding chat a,



"Matt, hmeichhe dang maw?" Sylvia-i chuan lem chang tih hriat tak a ngui hmel pu chung chuan mut kawr pan te nen khum ah alo thu tum bar a,



"Matthew, nupui i nei maw?" a mit a natna lang chhuak chung chuan Duhsaki chuan min melh run a,



"Nilo Duhsak, ka nupui a nilo, ka engmah a ni lo." a ban tawn tawn a vuan in ka hmer ngawt ngawt a,



"Engmaw? ka saruak taksa tih loh a hmuh nuam i tih ber ka mutkawr nangma min hak tir ngei ka la hak hi Matthew min en ta che?" Sylvia-i a rawn rak tuar tuar a, engtin nge a mittui te saw a tlak theih zawk!




"Tenawm pa." Duhsaki'n ka awm ah a kut pahnihin mi chum dawt a, a tlan nghal vut a,



"Nang hi khawi ah mah i kal tawh dawn lo! Lalduhsak, min ring tur in ka duh che." a ban a man in ka pawt let a, ka kuah bet chawt a, chhuah tum in a tla ngat ngat thung!



"Nang hmeichhe tenawm khan min luah lan lo ang."



Sylvia-i chu khum atang a rawn tho in a rawn te chhuak tan tan a, a chem hum a Duhsaki rawn vih a tum chu Duhsaki ka nam sawn dawrh a, a ban ah ka lo man hman hram a, ka kut a rawn seh leh chawt a, na tak ani! A chem hum ka paih thlak sak a, a sam a tham in ka kut lak hran ka tum a, chem a hum tak loh ah chuan a kut in mi man ve leh tlat bawk si! Hmeichhe tawh khirh ve tak chu ani!




Ka mipa tha thaw meuh in ka in la hrang thei hram a, ka ban a thi zaih zaih mai! ka man bet a, ka savun kawnghren hren lai ka phelh mawlh mawlh a, a kut hnungkhirh in thu thleng ah bawh tir in ka phuar hlawm a, Mi a ang mai a chhuat a Duhsaki lo thu sawp niaih hma a thingthi in ka kuah thlawp a,



"Kan la sawi tha ang, mahse min rin a ngai Duhsak, ka nupui a nilo ania." a tukhum sam ah chuan ka chul heuh heuh a,



A thu ngawi reng a, pawm kang in sofa ah ka thut chhoh tir a, a mit pawh a khap chhin eih lo! Ka hoodie hak ka phelh a, Sylvia-i min seh na lai chu ka en a, a vual tut a, thi in a bual vek bawk! Sylvia-i pawh a hmui bawr a sen berh vek a, rawl chhuah meuh in a tap hawm hawm mai! Pawn lam atang a inchhung thawm a hriat lutuk lo chu kan vanneih pui a ni ber e! Ka phone la chhuak in David-a ka call vat a,



"David, ka in ah a awm, a rang lam in rawn la ru." ka hliam rawn tur ut ut chu then sak chung in ka melh pah zawk zawk a,



"Awle, kan rawn kal nghal." a hang up zui nghal a,



Duhsaki chu thawh pui tum in kuah chungin ka nawr deuh a, a tho ve mai a, room a luh puiin khum ah ka mut tir a, thuawih tak a a awmzui thei chu ka lawm ru ngei mai! Ka First aid box la chhuak in dettol leh lapua in ka ban chu ka hru nghal mawlh mawlh a, a thip lutuk vang chuan ka then sak sak mai! Thisen ka hruk fai zawh tak ah chuan a hmuh chian theih kher mai! kak thuk tak ani! Betadine hnawih leh in ka tuam hnan hmiah a, a tur ut ut reng chu hriat loh der theih pawh ani lo!



Duhsaki mu meng kiau chu a sam ah ka chul sak heuh heuh a,



"Hetiang teh nuai a lawm luh che hi ka duh loh teh lul nen." a mah en reng chung chuan ka phun sup a, a mit a bui chak mai!



Darkar chanve hnu vel ah Pu Davida a rawn thleng a, kan misual-i pawh an rawn la fel a, chutia Police lo lang ta rup rup leh, ka in luah lai atang a misual an man te chu thenawm khawveng te mit leh beng ti vir tu a chang zo a, Rawn lut neuh neuh an awm bawk nen room kawngkhar ka kalh hmiah a, thenkhatin kan in hruai lut an hmu tho rualin, a hmu ve lo ten Duhsaki an hmuh ve kher tul ka ti lem lo!



Tlai thim dawn thleng in in leng ka nei zui a, mi min ngaih dan enge ni ang ti in ka ngaihtuah rauh rauh a, ka in luahna te lak ah ka inthlahrung ru rum rum mai! In leng an haw fel tak ah chuan room ah ka lut phei a, Duhsaki a lo muhil sek sek mai! Damdawiin atang a chhuak chiah a, thawnthu mak tak in a deng zui leh a! Engtin nge maw a mi rinna ka hlawhchhuah leh dawn ni!



Ropuia chaw rawn ei tlai bak kha chaw pangai in ah ka ei leh ta miah lo a, bungbel vel erawh ka ti fel sa vek tho a, eitur siam tur reng reng ka lo nei tawh lo! Tla chawp zet in alu leh arsa ka lei chawp a, french fry siam in arsa ka kang tawp a, ka chawhmeh siam rim in a kai tho nge room kawngkhar ri rek lam ka hawi a, Duhsaki'n a mit nuai chet chet chung in ka lam a rawn pan a, a duhawm takzet! Sweatshirt lian zet a rawn ha chhuak zui a, tu kawr nge mawni!




"I mu tha thei em?" ka kut ka sil nghal sawk sawk a, tawngka in min chhang lem lo a, a lu a bu nghut ringawt a,



"I ril a tam em?" ka kut hru hul in a bul ah ka thu thla a,



"Mmmm."



Hnup hnup mai a! Chaw ei tur ka siam a, ngawi reng in kan kil a, chaw a ei zawh a piangin tlem te te in ka pek belh reng a, a eizo zel tho! A puar hnu ah erawh ngawi reng in a tho daih a, ka rilru a thuawm te, a awm dan ang ang a ka sawi chhuah theih hram ka beisei!



Hmun hma engkim kan ti fel dun a, kan tih fel zawh a ha te nawt in ka in phih fai zuai a, khum a a lo thu tum bar lai a ban a kaiin balcony lam ah ka chhuah thlak pui a,



"Kum tir lam ah, nangmah ka tawn leh hma zawng khan, ani kha ka kawp a, thlen pawh kan thleng thui viau mai, mipa dang chhuahpuiin kei min theihnghilh tawh a ka hriat vang in ka khawhar hnem na tur ka lo zawng a, mahse ka thi pek che awrh chung a ka hmuh leh che atang khan engkim a la danglam loh zia ka hre chauh a, kal bo tir ka tum a, anilo lam daih chet a la leh bawk sia, min ngaidam dawn nia."




Ka thaw zui hak a, ngaihdam dil ngai khawp in hun hmasa lam ah pawh a rilru tih nat ka duh ngai lo a, a natna tur ang in ka awm ngai lo bawk! Mahse tun tum chu, boruak chhe tak, a nat ngawih ngawihna tur hmun ah ka hruai lut miau si a!



"Lo mutpui kher loh tur ania Matt, kei hi i nupui ni in lo mu dun dawn ila, kha hmeichhia kha hriatchhuah hun te ila nei ang a, chu chu ka duh lo, ka duh lo takzet!" vanvadak chungin a mit a chhing zui vang vang a, a thaw halh halh reng a,




"Ka hria e, ka ti dik lo ani." chhan ngaihna reng reng ka hrelo!



"Mahse ka hriat reng tir lo ang che," ka lam hawiin a nui seih a, a biangsum a lang kelh a, hmeltha tak ani!



"Lalduhsak, ka haw thin che, mahse kha mi tlai a ka hmuh leh che khan, ka huatna che khan min phatsan in min tlanbo san a, ka ta i nih leh hun hi ka nghak a sin." nghet tak in ka kuah vawng vawng a,



"Matt, kal bo ka duh tawh lo, ka nun retheih zia i hria, min hmachhawn pui tur mipa ni la ka duh, hun kal tawh chu engpawh ni rawh se, tun hun, nang leh kei, chu chauh chu ni rawh se." ka kawng ah a theihtawp a min kuah bet in ka awm zawn ah a phun ve sep sep a,



"Min ngaihdamna tur in enge ka tih ang tih ka lo ngaihtuah a." ka nui suk a, hetiang hian thil a kal tluan zui ka ring lo em ani! Ka awm zawn ah a lo nui nghawr ve dat bawk a!



"Matt, ka tawngtai thin, min enkawl tu, ka pa hming tih loh ah chuan i hming hi Pathian hma a ka lam tam ber aniang, ka dil thin a, i tan, ka tan, zantin Pathian hnen a ka dil thin hi, ka mihring luh lulna leh chapona vang in ka kalbo tir ngawt thei hleinem."




A tan a hrehawm ang em tih pawh ngaihtuah lo in nasa tak a hmer in ka kuah vawng vawng a, dim lo zet in a lu ah ka hmui ka nawr bet vang vang a,


"Ka bul ah awm reng ang che, Lalduhsak, i chung ah engmah ka thlen tir tawh lo ang."



"min thlah rawh,... i thlen tir mek, ana, Matt..." tawng pawh a tawng tha hleithei lo, ka hnung ah a chum zui dat dat a,



Ka thlah a, kan nui dun hawk hawk a, thil pakhat ka hrechhuak zawk thung!


"Le, zanin atan chiah nge ni a, kan dam chhung hun atan hetah hian min zui?" ka kut kuangkuah in ka melh run a, nui lo turin ka in khap lui hram hram!



"Aww, in luah tur ka hmuh hma ani mai, i phal em? phal hram la, thleng te ka sil thiam a, rawng pawh ka bawl thiam a, thiam ka ngah mai, nang ai ka ban phak a tlem ringawt." dingdihlip euh chungin a ban a phar zuk a, a va han naute mai mai tak!



"Khawi ah mah kal a ngai tawh lo, ti hian awm rawh." inchhung ah ka kai lut a,



"Aahh, a vawt lutuk a vawt lutuk, mutbu dang i nei ang tiraw?" khum ah lawn in a mu fel than a, rizai a inkhuh in a tal set set a, a dam ve tawh hle a nih dawn hi a!



"Mutna phah hran kher a ngai ami? ka bul ah, khum ah mu ve mai la?" a bul a thu thla in ka phun hluk a,


"Nangma mutna tur ania ka tih, kei te chu khum ah mu dawn e." a puan rawn hlim tharh in mi rawn melh kalh a,




"Khai khai khai, ka in ah ka mikhual dawn ni maw?" a sir a muthla ve nghal in a dul ah ka kuah bet chat a,



"Hey hey hey, min khawih han tum vaih teh aw, khanu ai khan ka nasa dawn nia, a seh thlak theih loh kha ka seh thla hlawk thei ang." tawlh hrang dawrhin a awm a hup tat a, ka nuih hawk hawk ringawt!




"I chung ah engmah ka thlen tir dawn lo ka tih kha Humpty." a dar a kuah in ka pawt hnai a,



"Hlau suh, ka hmangaih che." a dul ah ka kuah zui chat a,




A mu tha ve then mai bawk a, a ngawi reng a, lehlam a hawi tlat bawk a, kan hun hmasa lam te ka mitthla uai uai a, keimah a hmangaihna zawng zawng hi he hmeichhe tan hian a baw chhuak vek ani ber e!




"Hey, khanu kha a zei viau ami a?" ka lam rawn hawi in a tal set set a,




"Nang leh kei chiah kan ti em kha(h)??" ka phun hluk a,




"Ni tho e, mahse, ka hre chak alawm." ka hrawk bawk khawih niap niap chung in mi melh kiau reng a,




"I na mai mai ang Humpty," ka thaw chhuak zui ham ham a,



"A zei dawn tih na a nihchu, mahse ka sawi kha, ani ai ka zei dawn, ka theihnghilh tir dawn che." in siam rem in a rawn tawlh chho hlek a, ka hmui ah min fawp zeuh a,




"Tlai ah i mu bawk sia zan in chu kan va mengrei duh dawn ngat ngat ve tiraw?" ka nuih suk a,




A nui ve suk ringawt! Sylvia-i min seh na ka tuam vei bar min chul sak heuh heuh pah in eng eng emaw kan sawi a, kan intawn leh hma zawng a ka nun thin dan zawng zawng, a hriat duh engkim ka hrilh a, ani in engkim min hrilh bawk a, kei lang leh lo ila college a a thawh pui sir Fela kawp a duh rum rum thu thleng in min hrilh ve bawk a, zep leh chuan engmah kan nei lo a, kan chanchin diktak hriaiin kan in pawm thlap vek a, a dar a kuah in ka awm ah ka kuah bei tlat a, ani in ka kawng ah min kuah ve tai bawk a,




"Lalduhsak, engtin nge maw i muthilh theih bik ni!?" ka ngaihtuahna a luah khah zia ka sawi mawlh mawlh laiin a lo muhil leh suk suk pek a! Ka nui suk a, nghet tak a kuah zuiin ka mit ka chhing ve vang vang a.




"Hey, Palianpa, hna i kal a ngai ania." ka hnar a rawn hup bet zui a, ka harh chiang ngei mai!




A mut man sak in ka mit pawh la meng peih lem lo chuan ka kuah bet a, a tal zui ve arh arh na chu, a tlawm leh nge nge a! Ka awm ah a bei hle hle mai!




"Hey, muhil tawh suh, a tlai tawh ania." ka hnar bawk a rawn hup leh tawh!




Naupang infiam chak a pa ko buai sek ang mai a min tihbuai sek tak ah chuan ka tho ve nge nge a, hmai te phih in a chaw hlui buatsaih kan ei a, tuk thuan eizawh a inbual in Duhsaki'n ka thawmhaw hak tur min thlan sak a, Kameez var chung ah coat suit pawl duk min hak tir a, ngun tak a min thlek zui vang vang in a nui sak a, ngaih a tha veng veng mai!




"Khawi ah mah lo chhuak suh aw, ka rawn haw har lo ang." a chal ah ka fawp zeuh a, in ka chhuah san zui a,




Office ka thlen dawn ah Davida call dawngin station lam ah min ko a, zawhna chhan tur ka nei nual dawn tih pawh ka hrethiam mai, nizan la la khan min koh ka rin zawk teh lul nen! Kawngpui rem chang lai ah Traffic Police hmuh loh in ka in her pawp a, horn a ri tuar tuar a, zaizirin ngaihdam te kan dil leh lawp lawp a, station lam ah ka in khalh phei lehnghal a,




"E i lo thleng maw, lo kal rawh lo kal rawh." min hmuh rual rual in Davida chuan min lo chhawn nghal luam a,



"Nia, Jam ah ka rawn tang rei deuh a ka rawn thleng lawk thei lo alawm mawle." a thut na min kawh hmuh lam pan chuan ka thu zui a,



"Zawhna chhan tur i nei nual a, a pawi i ti em lo ang chu?" rinhlelhna mit meng nen min melh khar a,



"Ka hrethiam alawm, a pawi lo." ka kut ka kuangkuah zui hlun a,



"Enge he hmeichhia nen hian in inkar? engtin nge i in ah a awm theih?" ka thusawi sual chang ni awm fahran a uluk in ka mit ah a en zui ngar ngar a,




"Kum tir lam deuh a an hospital a in tawng hi kan nia, kan in zui tam ve khawp mai, ka in ah ka riah pui fo bawk, tun a ka hmeichhe kawp hi hun rei tak ka lo kawp leh ka nghah ani a, kan thawnthu hi chu sawi dawn chuan a thui ang reng, a mipa thu hla viau lo na chu, ka nun atan a ka thlan hmeichhia ania, eng eng emaw buaina kan tawh chhoh vang in ka dai sual ani ber e. Kan in kawp leh tih Sylvia hian a hria a, tiang hi a thleng chho zui mai a nih hi." kut zai zir nen meuh ka thiam ang ang in ka sawi zui luam a, Davida chu a lo khi suk thung a,




"I nupui a ni lo tih i chiang amaw?" a kiai zui sak a, a zawhna chuan min thawng ang reng zawk!




"Nupa inkar chauh a thleng tur zawng zawng nen dai dun vek mah ila, aw, ka nupui ani lo." ka aw key san loh tumin ka in khap dai lui hram hram a!




"Police ka nihna zawn atang a ka thlir a ngai a, he hmeichhia hian a pasal ang a sawi che in inneih zungbun pawh a nei thlap a, i zungbun ve thung erawh khawnge a awm ka hre lo! Tun a a lan dan ber ah chuan nang hi uire in i nupui, thil engkim hria hi a nunna lak sak si lova dah bo tum i ang ka ti!" a thutak ngei mai!



"Teh hrep chuan!" ka nui chhuak hawk hawk a,




Chu hmeichhia zet chu le! Ka rin ang in thil a awm dawn lo tawp mai!




"Matthew, thu nuihzatthlak ka sawi hauh lo, i nupui hian i ngaihzawng kawp thah a tum avangin hremna a hmu ngei ang, mahse chutiang nilo, i nupui sawi dan a nang nen a thah tum ang a in sawi a, amah zawk i thang a awh tir a dah bo tum i nih chuan, ka chhuah lo ang che!" a dawhkan nam in a tho kang uai a, min vin khur khur bawk a,



"Awle awle, mi dik, diklo a puh te dikna hai chhuah sak thin tu hian, ka dikna chu ka hai chhuak ang." ka nui lai tawp hmak in cho takin Davida chu ka en let ran a,



"I nupui a nih leh nih loh fiah tur in i in ah ka nau te an kal mek, inneih zungbun drower a i dah thu a sawi a, he hmeichhia hian thudik a sawi a nih chuan dan chung a leng an awm lo tih i hriat a tha ang." a chair ah a thu thla a, a kiai zui sak a, misual melh mi melh tawh!




"Hei erawh i hriat ka ring, drower a zungbun chung chang chu ka vawikhat hriatna ani a, nimin ah ka chhuah hlan a ka in a lut ani a, dah chawp na hun a ngah tih i hriatthiam ka ring." ka thaw zui hak a, thlasik khawvawt ah station chhung boruak rit tak vang chuan ka thlan huh dup mai!




"Engati nge ka beng ah hian, misual fing ver vek tak, in sawi fihlim tum ang mai a i rawl a rik tlat le?!" ngeiawm tak in a kiai zui sak a,



Ka nuih let sak a, eng ang pawh in insawifiah tum ila, mi hian an mi ngaihdan atang bak in thil an thlir tak tak lo tih ka hrethiam chiah! Mi an rinhlelh a thil ti sual ang a min ngaih tlat chuan, engpawh ti in sawi ila, mi an rinhlelhna ti zual tu mai mai ani dawn anih hi! 'Ka tih loh phawt a hnu' ti a mahni lo inhnem ngawt hi a fuh ta ber lo a nih dawn hi! Kan tih ang a ngaihdan siam lui a, midang te hnen a chanchin dik lo hrilh pung hreh lo an awm zel bawk si chuan, lei ah hian a lo mualpho theih dawn khawp e!! Ka dai sual nawn tawh lo ang!



Ka rilru ka siam fel mawlh mawlh a, kum hi a tam telh telh a, hriatchhuah leh zir tur hi alo tam telh telh zawk a nih dawn hi!


"Aw, Awle." a phone hmang chu a nui chhuak hak a,



"A sawi ang ngeiin zungbun pawh a awm ngei e, i in sawi fiah dan tur i sawi lawk vek tawh bawk a, thu chiang hriat hma chu hren theih na che dan leh dik na ka neiin ka hria?!" a dawhkan a nam chung a tho chhuak in mi nuih sak a,



"I sawi dik, i nei alawm, thuneih na neilo ang ka ni dawn a, keipawn ka lawyer biak theih na dan ka nei a, ka tih i rem tih ngei ka beisei." dan hming chhal a min hnuaichhiahna chu ka chapo na in a tuar dai thei ngang lo!



"Awle, a tha e, nang hian thil sual i tih loh hram ka beisei, Matthew Lalrinsang, hmeichhe pakhat nunna lak tumna thubuai leh in phiar rukna tenawm tak a in hnamhnawih a rin i nih vang in Police station ah hian i awm ve rih a ngai ang." ding mar in a kekawr ipte a zen ap a,




Ka tho chhuak a, chiang zet in Davida mit ah ka en khar a, tun ah rih chuan engmah tih theih ka nei lo a, thuneihna neilo mi satliah mai ka ni! Lock up lam ah min hruai phei a, mi run kher mai! ka thin a so but but a, ka kawchhung a lum pup pup bawk!



Phalna min pek ang in ka phone ka phawrh a, kei tih loh a ka mi rin ber number hmet chhuak in ka call nghal a, rei a ring hran lo! Hun rei tak ka be tawh lo a, ka tim lek lek a, tlawm ka inti lutuk hi ka awm zawn a den dawt dawt ang mai hian ka na!



"Ka pa, buaina ka tawk a.".....




To be cont.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)