LEHKHATHAWN BY Msi Miluhlulnui‎ (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

LEHKHATHAWN BY Msi Miluhlulnui‎ (Completed)

Unread post by Ngaia » January 26th, 2020, 4:45 pm

LEHKHATHAWN 📄


💜 He story. LEHKHATHAWN hi Episode tlemte tur ani a, min lo chhiar sak leh theuh dawn nia.

Board exam hmaa ka post hnuhnun ber tur ani tawh maithei ( a kar lakah short story ka lo dah maithei bawk a😁), ka dah rih lo ang ka ti tak na in Vawiina ka thil hriat hian min mawlh tlat peka chuvang😁. A episode a tlem dawn avangin zan tin ka dah ang aw. 💜

'LET GO' kha chu exam zawhah kan chhunzawm mai dawn nia.
LEHKHATHAWN 📄 - 1 By : Msi Miluhlulnui




"Bawihi Insiam hmanhmawh la aw, thusawi tur ka nih avang khan tlai a thiang lo ania" tiin ka fanu a rooma insiam mek chu ka au zui a, bell chu a rawn ti ri zeuh a ka nui nghal sak bawk, keipawh chu kan nupa room lam pan chuan ka phei lehnghal vat a.


Ka pasal kawrkilh lo kilh mek chu ka va pui nghal vat a, a kawr nghawng ka siamtha tur chu ka kut a rawn man chat a ka kawngah chuan nghet zeta rawn man chawtin a lamah chuan min hnukhnai nghal vat a ka lo îp hmanhmawh bawk.


"I thei ang tih I Chiang chiah maw.... Ka tih awmzia chu lo buai leh ta la. Bawihi kei chu ka duh dan chuan ti lo law law zawk la ka duh a" a rawn ti sup a ka mitah chuan min rawn en a a hmelah chuan enge lo lang ka hrethiam mai lo mahse min ngaihtuah zet tih ka hre thei.


A biangah chuan han dawmin ka nuih nghal ver vera "ka kiangah I awm dawn alawm ka thei ang tih ka chiang ani, ka kiangah I awm tlat dawn tih ka hria" ka ti sap a keimah che awk in a rawn thaw chhuak deuh hawk a ka kut a man beh chu nghet zet hian a rawn hûm a.


"Chupawh nise a hma ang khan awm leh ta la" a rawn ti a "ka awm lo ang chu ka ti ngawt thei lova mahse ka tih theih ka ring ani I hria em? Hetiang hun thleng tur hian alawm Pathian in chak taka min la awm tira min la damtira chuan nang min pek bawk. He hun a thleng thei hi ka lawm zawk teh asin" ka ti sap a, hun kal tawh ka ngaihtuaha mahse rei ngaihtuah duh lovin ka lu ka thing nghal vat bawk.


"Anih chuan I buai thut chuan min rawn hrilh nghal ang che anih loh chuan engmah I sawi ka phal lovang" a rawn ti deuh nghut a ka nui suka "tehreng mai, ka pasal hi ka hrilh hmasa ber dawn alawm ani chu ka kiangah a awm anga ka buai anih chuan ka buai hma hma in ani chuan alo hre leh nghal vat ang" ka ti deuh khera ka nâkah chuan a rawn tham zeuh a. "Chimawm pah kher suh aw" a rawn ti hluk bawk.


"Anih chuan Insiam la kan kal dawn em ni ang? " a rawn ti a, ka bu nghat a, a kawr nghawng chu siam tha in a thawmhnaw hak chu ka enkual sak leh thuak thuak a tichuan bathroom ah ka luhsana keipawh chu ka intifai ve leh nghal thuak thuak bawk.


Amah ngeiin ka hak tur ala chhuak a ka pheikhawk bun tur thlengin ala chhuak bawk. Thil pawimawha kan chhuak dawn anih chuan ama thawmhnaw thlan bak ka ha chhuak ngai lova, a zin laia ka chhuah dawn pawn ka va call leh hram thin.


Ka insiam fel vek hnu chuan ka pasal chuan ngun fê hian min thlêk leh te te a, a tawpah chuan "perfect" a ti chhuak ve thei hram bawk.


Inhnuaiah chuan kan chhuk a ka pasal kutah chuan nghet zetin ka kai a ani pawn nghet zet hian a rawn hûm let ve bawk a a dawn tak takah chuan ka huphurh ani nizana ka ngaih ang ngawt kha alo ni hauh lo sawi hmasak tura ka suangtuah zawng zawng te kha ka theihnghilh leh vek dawnin hria.


"Cv, ka huphurh leh si" pawn kan chhuah dawn chuan tiin ka pasal chu ka pawt ding a "ka kal leh lo mai ang" ka ti zui leh sap bawk. "Bawihi" tih pah chuan ka ban bul ve ve ah chuan a rawn vuana ka mitah Chiang takin min rawn en bawk a zâm avang hian ka khur der der theiin ka hria.


"Bawihi, min en rawh" a rawn ti a, muangchangin amah chu ka en chho a min lo nuih nghal suk mai "nichina I tih theih tur thu I sawi a, chuan puitlin ngei turin ka duh bawk che he thil hi kan chhungkaw tan anih mai bakah kan ram tana thil chhinchhiah tlak leh tha tak ania sin" a rawn ti a "sawi ngei turin ka duh che" a rawn ti zui leh sup bawk.


"Mahse, mahse kha thil kha ngaihtuaha sawi chhuah leh ka duh tawh lo alawm. Kha thil kha hriat chhuah leh ka duh tawh lo. Cv, ka hlau alawm ka hlau" ka ti bah nawk nawk a kha thil thleng kha ka ngaihtuah zawng ringawt pawh hian ka tha ala khur thei.


"Bawihi, min rinchhan rawh ka tih che kha engmah hlauh tur a awm lo khatiang mi kha an awm tawh hleinem kan tichhe vek tawh chuan hlauh tur pakhat mah a awm tawh lo ania LEHKHATHAWN pawh kha ila kawl tha ani lawm ni kha thil kha a pawimawh ber, Bawihi hlauh tur a awm lo ania" a rawn ti a, nichina ka inhuam ang kha ka ni tawh miah lo, a dawnah chuan ka hlau ani ka sawi thiam lo hlauhna in ka khat.


"Bawihi, I ti thei ang tiraw? " a rawn ti leh a, engmah sawi lo chuan ka bu ve nghut ringawta mahse a ruk tak chuan ka hlau ani hun kal tawh ngihtuaha sawi chhuah leh hi ka huphurh takzet ani kan thil tawn zozai te kha.


"Engmah hlauh tur a awm lo ania I bulah ka awm tlat dawn alawm, ka awm tlat dawn" a rawn ti a ka chalah chuan a rawn fawp nghal vang vang a maimichhing chungin ka thaw chhuak hak bawk.


Ka lehkha ken chu nghet zetin ka hûm a, ka ti thei tur ani ka ti thei tur ani. He thil hi ka fanu tan, kan chhungkaw tan leh kan ram tan ka tih ngei ngei a ngai ani ka tih ngei ngei a ngai.


"Cv, ka bulah I awm tlat ang tiraw? " ka ti tha leh ngat a "engtik lai pawn ka awm reng ang ka tiam a che hlauh tur pakhat mah a awm lo ania" a rawn ti a, ka kut chu la in nghet zetin a hûm a "hahdam la, inring rawh le" tiin ka kut chu a la kanga a fawp nghal zeuh bawk.


Pawnah chuan min kai chhuakin car ah chuan min thut luhpuia, ka fanu erawh motor dangah a rawn kal thung. Tun thlengin kha huna thil thleng khan a nunah nghawng ala nei a a bana nasa taka an jection na pawh a thla ala lang veka chuvang chuan kawr ban bul a ha ta ngai miah lo bawk.


Thil engmah sawi chhuak ve thei lo mahse a nghawng a nat tur zia ka hriatpui vek, kha hun kha ngaihtuah let pawh a duh hauh lo ngei ang le la naupang viau mahsela a hriatna a chak tha em em a, sawi chhuahna tur nei ve lo mahse hreawm a tih zia a hmel atangin ka hmu thiam vek bawk.


Kei ngei pawh kha thil thleng avang khan ka lung a that loh phaha ho te te ah ka thawk a buai a thil hluiin min rawn chênchilh nghala hlauhna in ka khat a ka taksa te hi nasa takin a rawn khur thin bawk.


Tunah hian kha thil thleng sawi tur khan Vanapa Hall kan pan meka thil engkim kha diary ah ka ziak hman veka an thusawi te kha pakhat te te in ka la hre veka ka ziak chhuak vek bawk. Hriat reng ka duh lo, engmah ka hriat reng ka duh lo mahse a theih si lo keimah chauha ka awm veng veng laiin hlauhna avang bawkin ka hre chhuak leh a khavang khan diary ah ka ziak ta tawp kha ani a.


Ka fa thla li mi lek ka pum chhunga awm min thahsak dan te pawh kha engkim ka la hre veka an mahni kha huatna in ka khat a ka fa min thahsak avang leh ka fanu nena khatianga kan chunga an thil tih avang khan ka haw ngawih ngawih a mahse anni zawng aia ka huat chu kha ka pasal hmasa kha ani he LEHKHATHAWN min rawn thawntu ngei kha.


Hall kawt kan thlen chuan Police leh TV station lampang ho chu nasa in an lo pungkhawm tawha he ka thusawi ngaithla tura sawm bikte pawh an lo thleng kim vek tawh nghe nghe. Live a pek chhuah ani dawna kum 5 liam ta mi daih tawh kha ani a, mahse tunah hian kan ram in in venna atan hrim hrim in ngaihthlak an duh a hetiang chiah hi March thla khan Australia rama a thlen vang ani.


"Sir, madam, chhunglamah an lo nghak reng tawh che u" tiin Police Officer pakhat chuan min rawn hrilh a an vai hian Cv'n kal turin alo ti leh tawh ani ngei ang thil ho te te ah pawh min ngaihtuah thin em avang hian Officer ho min zui tir thina ani ang mipa ka tawng leh hi chu mi vannei ka ni takzet ani.


Hall chhungah chuan ka fanu kai chungin kan lut a ka hnungah ka pasal in min zui bawk a ka fanu chuan nghet zetin min kai a a kut zaizirin hreawm a tih thu a rawn sawi a mahse hahdam tur leh hlau miah lo turin ka hrilh a kei leh apa a bula kan awm thu ka hrilh bawk a ngaih ngam hmel fe chuan a awm ve bawk.


Stage a thutna an siamah chuan kan thu a ka bulah ka pasal a awm reng a inches khat pawn min hlat lo tih tur ani. Vawiin hian Chief Minister ngei pawn min rawn tel puia kum tam kan ram in hetiang thil hi kan vei tawha a chhan chu nunau dang hnena a thlen leh an hlauh vang ani. Kan nufa hi a tuar hmasa ber tu kan ni a chu pawh ka pasal hlui vang kha ani bawk.


Programme an tan hnu chuan rei vak lovah thu sawi tura sawm ka ni nghal maia Lecturn hmaa ka ding chu ka hmaa mipui thu khat vek chu ka hmu hmasa bera ka zâm ani. Ka pasal ka va en a ani chuan hahdam hmel tak hian min lo melh a "I ti thei ang" tiin hmui phunin a rawn sawi sup bawk a inrintawkna min pe ve hle bawk.


"Chibai ule. Ka hming chu Jessica Lalnunfeli ani a vawiina ka thusawi ngaithla tura sawm bikte in lo kal avang leh mi heti zat in min lo tawiawm avang te leh tv lama min lo thlir tute in chungah lawmthu ka sawi mawlh mawlh e.


Ka thusawi tur hi khawngaihin ngaithla zo vek ula ka duh a in awih emaw awih lo emaw ka sawi lai hian kha huna awm ve ang khan in chan ula emaw Keimah ang khan in chan ta ula chutiang zawnga ngaithlain min lo feel pui ula ka duh a kha thil thleng kha kum 5 liam tawh mahse kan ram tan ala him chuang lova khawngaiha dawh thei taka min ngaihthlak sak turin ka ngen a che u.


March thla khan Australia ramah a thleng ve a keimahni ang chiahin a tuartu te khan an feel ve ngei ang, a titu te kha Mizo ngei an ni si a mizo hming an tihchhiat mai bakah ram hmel an tichhia ani. Awle, ka sawi thui vak lo mai ang khatiang lampang kha chu conclusion ah kan sawi mai dawn nia. Ka sawi tan nghal mai ang aw" tiin ka thaw chhuak leh hak phawt a.


Ka diary ken chu ka keu a ka ziahni leh dar zat te nen lam chuan ka hmu hmasa ber bawk.


"Ka pasal hlui Mikah Malsawmhlua... " tiha ka sawi chhuak ka hawi chhuak leh chiah chu mipui kara ka pasal hlui ngei mai lo thu chu ka va hmu thut a ka phu zawk a, ka dinna atang chuan ka nghing nghal dawt thei. Engtin nge sawpa saw hetah hian alo kal theih zawk?.



🍀 He story hi short story tura ka tih ania mahse ngaihtuahna dang ka nei leh a hetiang hian ka rawn phuah chhuak ta mai a, a boring anih pawn min lo hrethiam dawn nia chuan a kal zung zung maithei bawk ka duhdan takin ka ti duh bawk sia😁😁😁.


He story hi kan nau boral ta kum 4 leh thla 8 mi lekin a thih dawna tap tunga "ama, ama" atih atanga lo chhuak ta ania, amak pawh in ti maithei. Keipawn mak ka ti a a inmi lo ka ti bawk, mahse alo lang miau sia alo chhuahdan hi keipawn ka hre bik miah lo😁😁😁😆🍀
Attachments
8ft5q7g1.jpg
8ft5q7g1.jpg (19.31 KiB) Viewed 17983 times



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 4:46 pm

LEHKHATHAWN 📄 - 2 By : Msi miluhlulnui

🌼 A tuar chhuak tawhte au aw hi in-enfiah nan hmang rawh, bul tantu leh hlen chhuak tawhte thawnthu a inang ngai lo. 🌼




Engmah sawi chhunzawm tawh lo chuan ka pasal hlui chu ka melh reng a ani pawh chuan min cho hmel zet hian min lo en lêt ve kiau a sawm bikte zingah khan a tel ve hauh si lova saw mihring saw engtin nge hetah hian a awm theih zawk?.


Ka ngawih tak reng avang chuan Cva chuan "Bawihi, I tha em? " tih pah chuan min rawn dawm nghal vat a ka lo phu zawk hman. "Bawihi engtin mah I awm lo tiraw? " min ngaihtuah hmel zet chuan a rawn ti leh a mahse chhang lo chuan hmalam chu ka melh reng a.


"Cv, alo kal ania saw, sawtah sawn a thu, englo Mikah kha alo kal. Cv alo kal ania" ka ti tung a min dawmna kut chu rang zet hian ka vuan nghal vat a "khawngaihin min hrethiam ula, ka nupui hi hahdam ala ngai rih anih hi programme dang ang khan lo kal chhunzawm phawt mai ta che u nakin lamah kan ti leh zawk dawn nia" tiin Cva chuan a rawn sawi a nghet zeta min kaiin pawn lamah chuan min chhuahpui nghala chhung lama mipui phun ri pawh chu ka la hre thei vek bawk.


"Bawihi engthil nge thleng sawi rawh le" a rawn ti dam dap a ka biangah a rawn dawma a mitah chuan chiang zet hian ka han melh a hahdamna leh thlamuanna bak ka hmu lo. Ka biang a dawmna ban rêkah chuan ka vuan a "englo, Mikah kha alo kal a chuan min lo en kur a engmah kha ka sawi thei lo" ka ti khur deuh nawk nawk a ka huat lutuk avang nge ka hlauh vang ka hrethiam ta hauh lo.


"Misuala alo kal maw!? Mahse ka va hmu si lo ve" a ti zo chiah ke pên thawm rawn awm ah chuan chhak lam chu a en chho a min rawn en leh a "Ka hmangaih, hawisawn miah suh ang che, ka hmu e" tih pah chuan ka inrin hma hma in min rawn fawp nghal thut a ka beisei loh em avang chuan chhan mai nachang pawh ka hrelo.


Khuh kherh kherh ri ah chuan muangchangin min thlah a ka hnarah chuan a hnar a rawn nghat a Chiang zet hian ka mitah chuan min en nghal bawk a "Mikah I hnungah a awm ania mahse engtin mah awm suh ang che, inringtawk rawh anih loh chuan a ngainêp dawn che ania I bulah ka awm reng hi" chiang zet chuan a rawn ti a ka mit ka khap fak fak a ke pên thawm avang chuan ka ke te hi an khur hialin ka hria.


Cva chuan ka hnarah fawp zeuhin ka kawngah chuan a rawn vuana min pawt herin amah si chêt chuan min dinpui nghala ka hawi chhuak chiah chu ka hmaah tak chuan Mikah chu alo ding luau a chiang zet hian min lo melh nghal hrâwk bawk.


"Ka rawn tibuai che u a ka tihpalh ani, mahse Jessi hi biak lawk ka duh a rem itih chuan" tiin ka pasal chu a rawn dil ve thlap bawk a Cva chuan ka kawng chu nghet zet hian a rawn hmer a a in sehru nghal teuh tih ka hre thei "ka hnial ni mai rawh se, I thusawi duh chu ka nupui hriatah chauh ni lovin ka hriatah pawh hian I sawi dawn nia pawi iti zawk em lovang chu" a ti let ve deuh kher a alo huat tawh sa em avang hian a in thunun hleihtheih loh ka hlau zawk ani.


"In tih tlat te chuan kan ti mai aniang chu, englo. Jessi ilo dam em? " tiin bul a rawn tana tawngkaa chhang lovin ka bu nghat a " I sawi tumah lut rawh" Cva chuan a rawn ti zui deuh hrâwih a a aw chu a fiak tha takzet mahse Mikah erawh chuan hlau hmel pu hauh lovin a then khum suka.


"Lutuk e" tih pah chuan a nui zui deuh suka . "He thil hi iti tak tak dawn em ni? Ka tih awmzia chu ti lo la ka duh ka hming tichhe lo la ka duh bakah khatiang thu kha i sawi anih chuan nangmah pawh I inti hmingchhe dawn tih hre bawk la ka duh. Kum 5 a liam tawh ani lawm ni hun kal tawha buai a hun tawhlo" a rawn ti a, a thusawi lai reng chuan han ben sawk mai ka nâp ani, engtin nge khatiang thu kha a sawi ngam zawk? Zaktheilo lutuk.


"Keimah ka inti hmingchhia ang maw!?" Tih pah chuan ka nui chhuak hak a zahna hi a neilo ka va han ti tak em! "I hmingchhiatna tur anih mai bakah khatiang thil sawi Chhen pawh kha a tullo miin an khawngaih phah chuang lo ang che nge pawisa dawn I duh zawk em ni? Lungngai suh ka ngah alawm ka châwm ang che u" a rawn ti a, a sawi zawh rual deuh thaw chuan ka lo nui chhuak hak a.


"Misual tih leh rapthlak tih pawh hian I nihdan hi a sawifiah hauh lovang le. Chutiang khawpa I nihna ang tura min lo ngai chu iti sual der ani nang anga sum ûm duai duai mi kan ni ve lo sum tello pawh hian ka pasal leh ka fanu nen kan hlim tawk ani nang angin sum hmangin hlimna kan zawng ve lo. Chuan I hria em? He thu ka sawi avang hian ka inti mualpho dawn hleinem mualpho na lam ni lovin ka fanu tan ka ti dawn asin leh kan ram tan, kan ram chhunga nu leh a fanu in I thiltih ang an tuar ve tawh lo nan" ka ti kha faka keimaha inrintawkna alo awm hi ka lawm takzet ani.



"Khawngaihin Mr. Mikah, kan nupa hian min kalsan thei tawh angem? Ka nupui thusawi I hre tawh bawka engkim I hrethiam tawh ang chu tiraw. Eng ang pawn dan tum mahla ka nupui hian engti kawng zawng pawhin a sawi khawp ang. Chuan lawk! Nang hi mipaa vuah tlak pawh ini hauh lo hmeichhiaa ilo piang zawk lo hi a vanduai thlak hle mai nang ang mipa titu hi chu in entir an ngai khawp ang. Hmangaihna pawh hrethiamlo mihring, pawisawilo that duhtu leh mipa leh hmeichhia pawh thliar thiamlo mihring, nâ tih awmzia pawh hrethiamlo..... " Cva chuan a rawn ti chhuak hrâwk a va pan phei a tum chu rang zetin a banah ka vawn sak a.


"Cv, kal a ngailo he mihring biak leh a bula thusawi vak vak hian awmzia a nei lo eng ang pawn min dan tum mahse ka sawi tho ang ka sawi dawn hrim hrim, kal tawh ang hun kan khawhral hnem tawk tawh" tiin a kuttang karah chuan ka kuttang ka rawlh lut nghala nghet zetin ka hûm nghal vat bawk.


Mikah chuan rum zet hian min melh a "Bawihi I tha tiraw? " Cva chuan a rawn ti deuh supa, ka bu nghat a "kal ila" ka ti a, hall chhung lam pan chuan min kaiphei nghal bawka Cv'n a huat zia ka hre veka kan chanchin zawng zawng a hriat tirh phei kha chuan zawn chhuah nghal kha a tuma mahse ti lo turin ka hrilh a a thinrim in bengdaih tum khan nasa takin a bei bawk.


"Bawihi, I sawi thei ang tiraw? " Cva chuan a rawn ti leh ngat a ka bu nghat a "ka ti thei ang, mualpho a hlauhna ang ngei chuan ka ti mualpho bawk ang a thiltih man kha a tuar ve dawn khawp alawm. Rapthlak lutuk eng ang mihring nge maw anih le ka lo hrechiang tawk lo hle mai" ka ti zui leh faka khapa ka haw lutuk kha sawi ngaihna pawh ka hrelo engtin nge khatiang em em a nunrawng kha anih theih zawk le.


"Bawihi, ka hrechiang che I tithei ang tih pawh ka hria hetiang zozai ilo tuar chhuak tawha Bawihtei pawh tha takin ila enkawl theia I tuarchhel tih ka hria nu a zawnga nu ropui ber leh nupui a zawnga nupui tha ber ini chuan Ka hmangaih bawk che" Cva thu rawn sawi avang chuan amah chu ka en chho deuh hê hâw a mit khap lek lo hian min lo melh reng a "kan fanu nena kan nu chak tak inih kha Bawihi" a rawn ti leh sup a ngawi reng chuan ka melh chho ve renga ka kut chu a rawn hûm a a âwmah chuan a dah a.


"Ka hmangaih che Bawihi" a rawn ti leh sup bawk a, ka tah nuih nghal hawk a "ka lawm e, keipawn ka hmangaih che" ka ti sap a ka kuah nghal vat a ani pawh nghet zetin min kuah let ve nghal vat bawk. Ka nunna chu amah leh kan fanu chungah a innghat a an tello chuan engmah ka ni lo, ka pasal tello hi chuan ka nun hi a famkim tawh lo ani, Khawvela hmeichhe vannei ber ka ni ngei ang.


K. Hminga a zai lai tak chuan lut in thutna ah chuan kan va thu nghala ka fanu chuan apa chu enge in tiha tiin zawhna a lo zawt nghal vat a Cva chuan pawm kang in a malchungah chuan a thuttira a bengah chuan a hrilhru zeuha ka fanu chuan a banah a beng nghal pawp bawk a apa nen hi chuan an mizia hi chu a in man tawh takzet.


Apa laka a lungawi lohna a lanchhuah tir dan thin ang bawkin a tûm bara apa biakna pawh chu a chhang duh lo nghe nghe. A tawpa tawpah chuan zai zirin boruak thianghlim kan dawn thu a hrilh ta nge nge a ka fanu chu a rawn nui chhuak leh ver ver a apa bula a lawmthu sawi thin dan angin a biangah chuan a fawh sak zeuha Cva erawh chuan a chhipah alo fawh sak ve vang vang thung.


A vawihnihna atan thusawi tur chuan ka ding chhuak leh a tun tum erawh chu chakna thar ka neih belh ni maiin ka hria, sawi chakna in ka khat a ka phur a Mikah chu dah nîl duhna lakin ka khat bawk.


Ani pawh chu haw mai lovin a rawn thu ve leha a landan chuan a nupui thar pawh chu a rawn hruai ni ngei tur ani.


Ka LEHKHATHAWN ken leh Diary chu ka phawrh chhuak nghala diary chu ka keu a a hmasa bera ka pasal hlui hming lo lang ka hmuh rual chuan thinrimna leh rilru natna in ka khat a nunhluia ka let leh tur hi huphurhna Chen ka nei ve leh bawk.


"Khawngaihin nichin vang khan min ngaidam ula ka taksa hi ala chak tha tawk lo em em a boruak pawh hi ka zo lo ani maithei, in mi hriatthiamna ka dil mawlh mawlh e, ka sawi hmasak anga ka ngen ang che u khan ka sawi chhung zawng hian Khawngaihin keimah angin lo in chan ula ka duh ani" ka ti sap a, ka thaw chhuak nghal hak bawk.


"Ka pasal hlui Mikah Malsawmhlua nena kan inneih hian ka fanu hi ka pai daih tawh a, ka pasal hlui ngei mai chuan vawiin hian min rawn telpui bawk ani. Kei hi chhungkaw hausa taka piang chhuak chu ka ni lo mahse kan chhungkua hi chhungkaw zahawm tak ka ti ngam ve hial ani.


Ka pasal hlui nen kan inneih rual khan a chhungte hian an tuithlar nghala a chhan chu kei min neih vang ani, an duh dan chuan an fapa khan mi hausa leh chhuantlak tak nei se an duh a mahse kei kha min nei ta si a an hrin ngei an fapa pawh chu sum avangin an thlahthlam ta ani.


Ka pasal khan min hmangaih hle ah ka lo ngai a mahse ka lo hre sual ani, ka lak atang khan tlanchhiatna tur alo zawng char char a chuan a hmu ta reng bawka engkim kha kha Lehkhathawnah a ziak vek bawka engkim kha ka la kawl tha vek bawk ani. Hemi hi chu ka sawi thui vak lo mai ang, kan sawi tum lampang ani hlawm lo tlat a.




Ka fanu na tih avanga tap chhuak tuar tuar kha mittui tla chung khan ka en reng ringawt a anu hian engmah tihsak theih ka nei hauh lo. Ka fanu hmaah tak chuan min thuttira ka kut leh ke ah an phuar beta ka tawng theih loh nan ka kâ kha an hnawhphui vek bawk. Ka sirah chuan ka nuna thuneitu chu dawh theihna tlakchham hmel zet hian a ding bawk a.


Ka fanu damdawiin khuma a mu kha en reng bak tih theih ka neilo theih nise a na kha tuarsak ka duh ka duh takzet mahse chêt pawh ka che thei hauh si lo. Ka fanu kha khang misual ho khan an jectiona a taksa chhungah khan eng damdawi nge pawh hriat loh chu an kâp lut bawk a nu tan chuan fate na tuar lai lo en rik ngawt kha chu ana takzet ani.


"Duhtawk rih phawt ula minute 10 hnuah pakhat kha in chiu lut leh dawn nia" tia rawn sawitu chu rapthlak ti lutuk khan ka en chho nghala khawngaihna nei miah lo mihring chuan ti chhunzawm turin ala hrilh ta deuh deuh anih chu! Khapa kha Mizo chu a inti ve ngei si a mahse kha thu sawi tur pawh khan dikna pakhat mah a nei lo.


"Sir, a tawk tawh mai lo em ni, naupang kum 3 mi tawrh atan chuan ana tawh mah mah ani, pa tihsual chu engvanga pawisawi lo hian tuar ve nge anih ka hrethiam thei lo ani" a jection tunu ngei chuan a rawn ti chhuaka beisei nei zet khan amah chu ka va melh nghala ani pawh kha a mit alo sen ve rûm tawh.


"Wow! Melody!. Nang hian min challenge deuh tihna em ni? I chak lovang hre rawh. Hetiang tur hian em ni ka train che ni hauh lo, I tihtur hria la ti mai rawh anih loh chuan I fate hian an tuar ve hlauh ange aw" khawngaihna neilo mihring chuan a rawn ti chhuak leh hrâwih a tih theih ka nei lo. Ka fanu zawi tih hriat zeta Damdawiin khuma mu leh chhing diar diar chu mittui tla chungin ka en ngawih ngawih a ka fanu kha ka khawngaih takzet asin. Kum 3 chauh ala ni mahse khatiang khawpa na kha a tuar ta si a anu hi nêp ka inti takzet asin.


"Sir, ka challenge che tih thu ka sawi tel hauh lo. Thil nih dan tur ka sawi mai chauh ani. Keipawh nu ka ni a, nu tan pawh a hreawm asin a jection tu nih ringawt pawh hi a rapthlak lutuk tawh ani, sir, ka thei tawh lovang. Ka fate pawh kha kum 1 an nih thleng chauh kawl phalsak ka ni a min laksak pawh khan ka tap tawp anih kha. I hre tawh lo em ni Nu tan a harsat tur zia. Nangpawh I fate hetiang hian ti ve ta se I pal zam mai mai dawn em ni? " chunu chuan a rawn ti leh fak mai a ka fanu banah khan a vuan deuh chawt bawka a thusawi te kha ka ngaihtuah let a atana a hreawm tur zia ka hriatthiam pui vek bawk.


"A tha e, ka tan tangkai em em lo la chu I chhungte thlengin ka that vek duh ang che u. Chuan thil nihdan tur te I rawn sawi a tiraw. Hetiang hi a nihdan tur chu ani, I tithei tawh lo anih chuan Midang ka ruai mai ang, duhtawk phawt rawh u" a ti vin hrâwk a, a rawn inhera "mi vannei tak ini" min rawn ti a, ka ke ah rawn chhir zawtin an chhuak zui nghal daih bawk a. Ka ke na lutuk kha ka sawi thiamlo zawk, khatih hunlai khan ka mittui khan ana tih pawh a hrilhfiah zo lo ngei ang.


"Ka pi I tha em? " tih pah in khanu khan min rawn buaipui vat a, ka ke bulah thingthiin ka kekawr kha a rawn hlim a "a duk anih hi" a rawn ti deuh sap bawk a, ka tahna avang khan ka taksa kha a che deuh awk awk a chutih rual chuan rawn hawi chhuakin ka hmui an hnawhna chu a rawn pawt chhuak nghal vat a. Ka tana a thil tih te kha kha hunah khan rulh let nghal ka duh, mahse engmah tih theih ka nei si lo.


"Ka lawm lutuk e, mahse khawngaihin ka ngen a che ka fanu hi min khawih tir rawh. Ka tiam ang che I tana thalo tur engmah ka ti miah lovang ka fanu chauh ka khawih ang ka tiam a che. Nu ka ni itih kha ka awmdan tur ngaihtuah la khawngaihin ka fanu saw min khawih tir rawh en ta che, in thil tih avang khan a chau a men pawh a men theih lo saw" tiin khawngaihna mittui tla zawih zawih chung khan ka dila chunu chuan min en ngawih ngawih a.


"Khawngaihin ka ngen a che, buaina ka siamsak lo ang che chuan ka fanu saw min khawih tir rawh ka fanu saw ka khawih duh ani. Na a tih zia kha I hmuh ve vek kha I hmu tiraw khawngaihin ka fanu saw min khawih tir rawh" tiin tap chungin khawngaihna kha ka dil mawlh mawlh a mahse min chhang miah lo. Ka beidawng lutuk takzet ani. Ka fanu kha a thaw tha hleithei tawh lo ani a a meng siar siar tawh si a mahse ka dilna chu chhan in a awm hmel hauh si loh. Ka mittui kha a luang zung zung a mahse chu chuan pakhat mahin min hnêm si lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 4:47 pm

LEHKHATHAWN 📄 - 3 By : Msi Miluhlulnui

🌼 Hnah hian a kung atanga a tlâk dawnin phalna a dil ngai lo, chuti ang chiah chuan hlim turin hringnun hi i dil phawt ngai lo. 🌼




"Awle, mahse rei lo la boss in min vil reng tih hria ang che" a rawn ti a ka bu nghat a lawm avangin ka biangah khan mittui a rawn luang a. "Ka lawm e" ka ti nawn leh sep bawk. Min phuarna vel a rawn phelh hnu khan rang zetin ka tho kanga kal mai kha ka han tuma mahse ka ke khan chhuat kha a rap hleithei tlat lo min chhirna lam zawk khan min tur ut ut a mahse khanu thatna zarah khan ka fanu hnen ka thleng leh thei ta ani.


Khanu thatna kha tun thleng hian rulh let ka la duh a mahse amah kha vawikhat mah ka hmu leh tawh lo khatianga kan chunga thil a thlen chhung zawng khan khami ni bak kha a rawn lang leh tawh lova a aiah hmeichhe dang an rawn lang daih thung.


Ka fanu hnen ka thlen chuan a taksa zawi zet chu ka pawm kang nghala "bawihte, inu ka lo thleng tawh ania. Bawihte engkim a tha leh vek dawn alawm ana ngawt ang tiraw? Bawihte ka tihpalh ani, anu hian alo chhan thei si lo che a" tiin ka phun zui mawlh mawlh a ka fanu hmel chu ka en a alo duk ve deuh thluah bawk a a bana an jection na atang chuan thi a rawn luang chhuak nguai nguai a kut khur zawih zawih chungin ka hrûkfai sak nghal bawk a kha thisen luang chhuak ringawt pawh khan ka fanu kha a ti chau tawh a a thi mai ang tih hlauhna khan ka khat a.


"Bawihte, ama hian maw ngaihdam a dil mawlh mawlh che ania ama thiamloh vek ani, bawihte ka tihpalh takzet. Engkim a tha leh vek mai ang he hun ata hi min rawn chhan chhuak tu an awm ngei ang Bawihte ana lutuk tiraw? Mahse inu hian tihsak theih che ka va nei tlem em! " tiin khur zawih zawih chung khan a thisen luang kha ka hrûkfai sak a a taksa zawi zet kha ka pawm bet vawng vawng bawk.


Ka fanu na tuar kha chhe te pawh a ka chhâwk theilo kha ka indem a tih theih chu nei ila jection hi keiman ka tuar zawk mai tur ti te khan ka ngaihtuah a mahse khatih hunlai khan thu ka lo sawi ve anih chuan ka fanu chungah khan a ai nasa in a che dawn si a chuan kei ngei pawh min zuah dawn hauh si lo. Han ngaihtuah teh u nu tana a harsat tur zia leh hreawm tur zia chu nu leh pa te ngei pawh khan han ngaihtuah chhin teh u mahni fa te ngei kan mit hmuh ngeia an han sawisa tur chu!.


"Ka pi, a tawk tawh e. Boss alo kal tep tawh ang" tia khanu in a rawn sawi rual khan rang zetin ka fanu kha ka pawm bet nghala "aih ka duh lo, ih.. Ka tih awmzia chu ka fanu hi ka la khawih duh ani khawngaihin min la khawih tir hram rawh na tak a tuar mek ani a anu hian awmpui ka mamawh asin I hremna tur nen zawng zawng pawh ka tuar vek mai ang khawngaihin min la khawih tir hram rawh" ka ti nghal vat a khanu khan min chhang har thei lutuk kha beidawnna in ka lo khat hman thin.


"Chutiang ka ti thei ngawt bik hleinem boss alo kal chuan engmah tih theih kan nei leh dawn lo ka pi khawngaih takin ka thu hi zawm hram teh chuan I fanu leh nangma tan pawh a tha zawk ang" a rawn ti a ka â ruai maiin ka inhria a ka fanu taksa kha ka kuah bet tawk tawk a rawn ban a tum pawhin phal lovin ka awmsawn pui leh hram thin.


"Anih chuan khawngaihin in boss chu hrilh la ka fanu hi jection tawh suh se, a tuar zo lo ang. Ka fanu hi ka chân mai ang a sin khawngaihin ti tawh lo turin hrilh hram teh ka fanu hian a tuar zo lo ang, hei a taksa pawh a zawi vek tawha a sen vek tawh bawka in thiltih vang anih hi. Ka pi khawngaihin ka ngen a che tih tir tawh lul suh kum, kum 4 chauh ala ni a, ana sawi turin a tawng thei ve bawk si lo khawngaihin tih tir tawh lul suh" ka sawi zo kha ka mittui a rawn luang zung zung a kut suih meuhin khawngaihna ka dil bawk.


A boss a ngen tur thu in min chhanga keipawh chu ka thutna ngaiah chuan a ngai te bawkin min thuttir leh a, ka fanu chu ka thlir ngawih ngawih a tih theih ka neih tlem zia ka ngaihtuaha ani chuan ana sawi chhuak ve thei lovin a tuar leh tlawk tlawk anga chung hunte chu anu hian ka hriatsak awm tawp si lo.


Khatih hunlai khan Pathian kha ka dem em em a, engvang khera kan nufa chunga hetiang thil thlen tir nge anih tiin ka zawt fo thina mahse chhanna ka dawng ngai lo. A chang chuan 'chawlhni tin I biak bûk in thianghlimah kan inkhawma nangmah kan fak che a mahse tinge kan chungah hetiang thil hi I thlentir bik. Enge tihsual kan neih? ' ti te in ka tawng chhuak hial thin. Ka rinna kha ka hlauh veka a hnen atangin khawngaihna te ka dila kha hun ata min la chhuak tur te khan ka dila mahse chhanna pakhat mah ka dawng ngai lo. Amah kha engkim ah ka dem a khatiang thil kan tawn chhanah khan ka puh a chhanna min pe turin ka ti Chhen thin bawk. Ka rinna ka hlauh a tawngtai peihna ka nei tawh lova min chhang dawn lo tih ngaihtuahna thlengin ka pu vek tawh.


Mahse tuna ka hriat chhuah chu Biakina Kala zaia, bible te chhiara, inkhawm ve ringawt hi ani tawh lo. Pianthar emaw nia inngaih rikngawt hi ani tawh lo. A taka kan nunpui a tul tawh zawk tih hi ani.


Ka nun kha a beidawng tawha kha khawvel chhuahsan kha ka duh tawh a anih loh pawn ka fanu nen tlanboa hmun hla taka kal daih te kha ka duh rum rum thin. Ka pum ka khawih changin ka fa lo piang tur kha ka ngaihtuaha hreawm tiin ka kûn tlawk tlawk thin.


Thla 4 ani ve tawh mahse khang khawngaihna neilo mihring khan min thahsak ta ani, kha ka fa khan enge an chungah tihsual a neih tiin ka zawt fo a Khatiang khawpa mihring nunrawng kha piang leh tawh ngai lo se tiin duh thu ka sam chhunzawm lehnghal thin bawk.


Chaw kan hmu tawka chawhmeh nen, a dang chu ni êng pawh hmuh phalsak kan ni lova mihring phei chu sawi loh pawn min chhuahtir ngai lo, eng ni nge, eng thla nge, eng zat pawh kan hre lova â tak leh hreawm takin ni kha kan hmang liam thina khua alo thim chuan zan ani tih kan hre chauh zel thin.


Ka pasal hlui thil tihsual a nupui leh a fa in kan tuar a mahse amah chu hmuh tur pakhat mah a awm ve lo ka hua a ka haw ngawih ngawih ani a hmangaihna te kha hmangaihna lem vek alo ni a ani kha chuan sum chauh a zawnga sum hmangin in tih hlimna a zawng a keini kha atan engmah kan lo ni lo.


Kan nitin nun hman a ngai renga ka fanu erawh a chau tawlh tawlh a mahse tih theih ka nei chuang hauh si lo ka neihchhun ani a min kalsan ka hlau a mahse a tawrh kha ana em em bawk si.


Nun kha a fair lo ka ti a thih daih te ka chak rum rum thin bawk ka rin phak miah loh kan tawnga tanpuitu pawh kan hmu lova nitin hmel ngai kan hmu a natna ngai bawk leh mittui ngai bawk kan hmu leh thin bawk. Kha thil kan tuar chhan kha ka hrethiamlo em em a Pathian mai bakah kha ka pasal hlui ngei kha ka dem a ka nâ a mahse huat bak tih theih ka nei silo.


Ka kut rawn dap rawk rawk tu an awm avang chuan chiang lo ruaiin ka meng chhuaka ka mit te kha an na vek thei. Min rawn khawihtu kut ka vawn rual chuan ka fanu ani tih ka hre nghala rang zet chuan ka inperh tho a mahse ka kawng na lutuk avangin ka ner lehnghal sak bawk. Ka taksa te kha na lo lai reng a awm lo, ka hmai te an duk a ka bal in ka rimchhe tawh em em bawk.


Ka fanu kut nghet zeta vuan chung chuan amah chu ka en nghala engmah a sawi theih loh avangin meng diar diar chungin a ka a rawn dawh kang a ka kut chu a kut zawi ve zet chuan a rawn sawi che ve det det a.


"Bawihte, ka fanu, enge I duh?" Tiin a biang chu ka zu dawm sak nghal vat a alu thing in a kâ bawk chu a rawn dawh kang leh a ka kut kha a rawn sawi ve det det a "bawihte, tui I duh maw? " ka ti a, a bu ve ta nghauh nghauh bawk.


Rang zetin dawhkana tui chu ka thlit chhuahsaka dîm zetin tui chu ka tulh a ka khur ve dawt dawt thei, ka tah a rawn chhuak tlat peka ka inrin hma in ka tap chhuak hawk a ka fanu âwmah chuan tui a baw deuh hlek bawk. "Bawihte, ka tihpalh lutuk ania ka tihpalh takzet, inu hi ka insûm thei thlawt lo ani" tih pah khan ka hru mawlh mawlh a ka mittui tla kha dan tumna ka nei lova dan in awmzia a nei lo tih ka hre hneh hle bawk.


"Aw... Ka pi tap mah ta che I tah khan awmzia a nei hleinem I tawrh chu a ngai reng dawn alawm I thih hma chu I tuar dawn anih loh pawn I pasal kan hmuh hunah chauh I zalen theih ang chumi hma chu thih hma ani mai, thih I duh em? Nge ni a ila dam duh zawk? Mahse a hreawm ngawt ang tiraw? Mahse Lungngai suh I pasal hi duh duh a tih theih mihring ani tawh si lova chuvang chuan I thi vat dawna I tuar rei tawh lovang" khur dat dat chungin a thusawi kha ka ngaithla a ka mittui a rawn luang zung zung bawk.


Ka bulah rawn kal in ka ban ruh pelh laiah khan a rawn vuan chat a ka thutna atang khan min pawt her lawp a ka ban na lutuk avang khan ka mittui a tla zawih zawih a "oh! I ban ruh a pelh tak e pawi lutuk, a tliak hrim hrim ang" tih pah khan ka kut chu ten hmel zetin a thing thla a ana kha a zual sauh bawk.


"Damdawi hnawih chu a ngai lo ang tiraw? A ngai lo turah ngai ang midang pawn an thih thlengin an tuar mai a, lunngai suh I chhungte hnenah chuan ramdangah pasal dang I ûm tiin kan sawi alawm hlauhthawng reng reng suh, heihi I in ani tawh. I pasal kha thih thleng awm tur ania mahse amah ber a awm ta si lova a ai in awh mai aniang chu" tiin ka samah chuan a rawn zût a ka chesawn eih ngam reng reng lo. Ka kut na kha ka dawm ngawih ngawih a ana asin, ana takzet.


Ka nu leh pate leh ka unaute ka ngaihtuaha an hrilhhai tur zia leh an rilru nat tur zia ka ngaihtuah thleng hman veka ka nu hmel hrilhhai lutuk tur te, ka pa rilru na leh mangang lutuk tur te ka nau te tih ngaihna hrelo melh ngai melh ngawt ngawt tur te kha ka ngaihtuaha ka khawngaiha thil engkim kha hrilh vek ka duh takzet a ka ngaih em avang khan ka mittui a luang zawih zawih a mahse tah rik pawh phalsak ka ni lo asin. Thawm ka siam anih chuan ka chunga thleng tur kha ka hrechiang em ani. Enge anih in rin? Han ring chhin teh u. Mahse in vaia rin hi pakhat mah a dik ka ring hauh lo.


Khami te hming kha pakhat mah ka hrelo a a chhan chu an hmingin an in ko ngai miau lo. Kha hmeichhe hming chiah kha ka hria a mahse a rawn kal chhunzawm leh tawh hauh si lo.


"Sir, naupang mar hi a zawi tial tial ania" tih thu khan min den nat zia chu in hrethiam pha lovang. Ka kut na pawh theihnghilh thak khawpin ka fanu kha ka en nghal dawrh a monitor kha a rawn ti nghal trêt trêt bawk.


"Bawihte" ka ti a, mahse men pawh a rawn meng lo "Bawihte" ka ti leh a mahse chet pawh a che eih lova a mit pawh a meng hek lo "sir, naupang hi a dam rei tawh dawn lo anih hmel tlat" tih thu te khan min deng dawt dawt a kha â veka enge ka tih ber tur pawh kha ka hrelo ka fanu taksa mu thluang duai kha ât hmel zetin ka melh hau ringawt.


"Hrep chuan, ala thi theilo ka la hman tangkai tur anih kha. Ti dam rawh u tunah ti nghal rawh u" rawn ti vîn hrâwktu thusawi rual chuan an vai chuan amah chu an en nghal veka hmeichhia khan. "Sir doctor te lo chuan tih theih an nei lo damdawi kha keini thah ve theih ngawt ani lo alawm. Doctor koh I duh loh chuan a thih mai a ngai ang damdawiin a fan hneh tawh ani maithei" a rawn ti a ka taksa kha a rawn khur dawt dawt a engmah pawh sawi set set lo chuan ka thingthi thla rawp a ka kut na ve sek kha ka dawm leh rih thin bawk.


"Ka pu ka ngen a che khawngaihin ka fanu hi min chhanhim sak hram rawh ka neihchhun tak meuh ani tawh asin khawngaih takin min chhanhim sak rawh. Ka ngen a che ka pu khawngaihin, en ta che a thi mek anih hi" tiin tap chungin khawngaihna ka dil mawlh mawlh a a ke ah khan ka vuan bet a ka mittui a far thla nghal zawih zawih bawk.


"Ka pu, ka fanu min chhanhim sak chuan I duh engkim ka ti vek ang. I duh chuan thih thlengin min sawisa dawn nia mahse ka fanu hi khawngaihin min tih damsak hram rawh. Doctor chu min koh sak rawh" tiin ka ngen ngawih ngawih mai a vawi leh khatah khan ka samah rawn kêkin min phih chho dawrh a "ngawi hmak rawh! Ngawi rawh! Tihdan tur ka ngaihtuah mek anih hi ilo sawi ve tur pakhat mah a awm lo ngawi la lo awm hle hle rawh! I tawng leh anih chuan I lei kha ka tan sak ang che I hria em! Ngawi rengin lo awm rawh. Tawngthei lutuk mai" min ti vîn hrâwihin chhuatah khan min theh thla lawp a ka ban ruh pelh kha ka delh zui bawka na tih avangin ka tre nghal tuarh a, ana asin ana takzet.


"Ka pu" ka ti leh chiah kha rawn thu hniamin ka khabe ah chuan a rawn vuan a min kuai dâk nghal dawrh a "ngawi rawh ka ti ani lawm ni! Hmeichhia ve si tawngthei lutuk! Ka ngaihtuahna I tibuai buai vek! Lo tawng ve hlek tawh suh ang che! " min ti zui leh hrâwihin ka biangah a rawn beng sawk a ka tap chhuak hawk hawk a min theh sawn leh deuh dawrh bawk, ka ka atang khan thi a rawn luang chhuaka thei leh thei lovin ka han hru tawk tawk bawk.


" Hospital neitu kha ko la chuan doctor tha ber ka duh bawk tih hrilh ang che, chuan amah kha ka hmu duha mahse tunge ka nih a hre tur ani lo, che rawh u. Vatin! " a au tuarh a ka phu zawk nghe nghe. Thei leh thei lova inbeng kangin ka fanu awmna lamah khan ka vâk chho a ka fanu bul ka thlen chuan a hmai vel chu ka chûl sak a, ka au a mahse a che lova min chhang eih lo. Tanpuitu kha ka mamawh takzet asin.


Ka fanu taksa kha ka khawih a mahse vawh lam a pan telh telh a ka mangang asin, ka mangang takzet. Tanpuitu auh ka duh, mahse tuman min rawn pui dawn lo tih kha ka hria a a tawpa tawpah chuan ka kalsan tak Pathian hnenah ngei min chhan loh chuan a tawp nan tiin ka dil leh a, min chhan beisei lo zet chuan rilru tawngtai na in ka dil leh a. Ka beidawng lutuk kha a hreawm takzet asin.


Min chhan ve tawh ringin ka beisei a mahse chhanna kha ka la dawng lo fo a, ka tawngtai tawh ngai lovang ti khan thuthlukna ka siam nghal ringawt bawk. "Bawihte, min kalsan theilo, min kalsan chuan inu hi engtin nge ka awm anga, bawihte ka neihchhun inih kha. Inu hi min kalsan suh aw" tap chungin ka fanu taksa vawt tan deuh lek lek tawh kha ka khawih a thil ka sawi mawlh mawlh bawk.


Chuan thâwk leh khatah doctor pakhat leh tuna ka pasal ka engkima ka engkima ni ta, ka hmangaih em em, ka nunna ni ta bawk hi an lo lut a. Alo luh rual khan min rawn en nghal chat a, min khap lêk lovin min rawn en nghala a mitah khan zawhna tam tak ka hmu nghala a hrilhhai tih pawh kha ka hre nghal bawk a.


Mihring hmel ka hmuh vawikhatna ang mai ani a, awmdan ka thiamlo a ka ni hû bawkin ka hria. Doctor pawh khan ngun fê in min thlêk a, ani chu tuna kan chhungkaw Doctor hi ani. Ka pasal hmel ka hmuh khan awmdan ka thiamlo a mihring hmel ka hmuh lohna an rei tawh em avang ani ngei turah ka ngai bawk.


"Mr. CVL. Hmangaihsang, min rawn be lawk thei angem? " khawngaihna neilo mihringa khan in ti thu zet khan a rawn ti a keimah kha ka ban ruh pelh ah khan min rawn vuana ana lutuk kha ka tre chhuak nghal tuarh bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 4:47 pm

LEHKHATHAWN 📄 - 4 By : Msi Miluhlulnui

🌼 I hmel chu alo chhe deuh anih pawhin I rilru tha se, an hmu hmeltha chawp mai ang che. 🌼




"I ban ruh a pelh tak e, ka theihnghilh ziah alawm" a aw kha a dam hran lova mahse nidanga min biak dan nen chuan a in perh san daih thung. Ka ban na lo lamah min vuanin "thil engmah lo sawi ve suh ang che, anih loh chuan i fanu hi an chhuah hnuah hian ka thah sak ang che" min ti zui leh hrawih a ka fanu kha thei leh thei lovin ka en thla a doctor khan alo check mek a ka fanu bulah khan awm ka duh mahse khapa khan min pawt bet tlata kei lah kha ka chesawn ngam eih lo.


"Ka damdawiinah hian nangmahni hi in awm ve tih reng ka hrelo" chupa chuan a rawn ti a "nia, ka nupui leh ka fanu hi enkawl an ngai sia kan chhuak vak ngai lo bawk alawm le" tih ri ka hriat chuan ka en nghal hâw a ka nupui tiin min sawi a, chuan min duat hmel zet khan min melh bawk a ka ten ani ka ten takzet.


"Anih dawn chu mawle, chuan enge in an zela? " tih zawhna alo kal khan min vuan bet tu pa kha a nui chhuak deuh hawk a tal hran ka tum rual chuan nghet zetin min vuan bet leh a min rawn en a a mitmengah chuan min warning na ka hmu nghal pang bawk. Muangchangin ka che chu ka chawl riai riai a ka fanu taksa zawi tih hriat zeta mu chu ka en leh dauh dauh ringawt.


"Kan zia ve tawh lutuk e, hei ka nupui hi a ka atangin thisen chhuah ala ching a chu te mai chu ani e" lem a chang thiam lutuk kha awih loh na in ka khat a a thusawi pakhat mah kha dik a awm loa mahse damdawiin neitu pa khan awih hmel fe in a melh a. Doctor in ka fanu a en lai khan zawhna zawh ka duh takzeta mahse tawng phalsak ka ni bawk si lo.


Doctor in "ka pu" a rawn tih rual khan ka en nghal vat a "Doctor khawngaihin ka fanu hi engtin nge a awm min hrilh hram rawh ka fanu hi ala thi lo tiraw, ka fanu hi ala dam ani tih min hrilh rawh" ka lo ti zung zung a ka fanu taksa kha a ngai renga ala awm avang khan hlauhthawnna in ka khat a khatih lai khan a thi tawh emaw ka ti hial bawk.


"Nu'i vak vak thina engmah lo sawi ve thin suh ka tih che kha" rawn ti dam thluam in ka kut kha a rawn hmer vaka mahse ka theihna zawng zawng sawm khawm in "min thlah rawh, ka duh chu ka sawi ve ang nang hian lo sawi ve lo zawk rawh ka fanu anih hi! " ka ti vaka min vawnna kut chu ka theh sawn deuh lawpa ka fanu bulah chuan bai auh auh chungin ka phei a.


"Doctor ka fanu hi a tha tiraw? Khawngaih takin ala dam tih min hrilh hram rawh. Ka neihchhun ania sin min kalsan theilo" ka ti tiau a, doctor kha khawngaihna mitmengin ka melh a ka biangah mittui a rawn luang thla nghal nguai nguai bawk. Ka fanu taksa kha ka khawih a mahse a ngai ang vek ala ni tho. Ka fanu kha a lum tha miah lo.


"Doctor ka fanu hi han en leh teh, a lum tha miah lo ania doctor khawngaihin ka ngen a che tidam hram rawh" ka ti a, ka chiâi lutuk kha awmdan tur ka hrelo ani ber, "Pu Hming" aw ri ka hriat rual chuan doctor chuan a aw a thian kharh kharh a "a tha veka ka pi I fanu chu a dam leh vat mai ang. Damdawi in pek khan a thisen kal tur alo dang a chuan khavang khan a lung lam in hna a thawk tha thei lova mahse ka chiu tawha a tha vat mai ang. Hlauthawng suh" a rawn ti a ka thaw huai thei. Kha hun chhung zawnga ka hahdamna chan Vawikhat na chiah ani.


"Ka lawm e" ka ti sep a, ka mittui chu ka hru thuak thuak a, bai auh auh chungin ka fanu bulah khan ka phei a ka malchungah a lu nghatin a sam chu ka chûl a "bawihte, I dam leh vat dawn ania aw. Chumi hunah chuan ama hian I chungah engmah a thlen ka phal tawh ngai lovang" ka ti mawlh mawlh a ka rilru kha a rawn no thut a, ka tah a chhuak tlat peka ka tap chhuak nghal hawk bawk.


"Ka pu kan inbe thei angem? " tia an sawmna kha a hnar lo chiang teh asin! A chhan pawh ka hre chiang viau khapa kha a tham dawn tih pawh ka hria mahse ka ngaihsak duh lo ve tlata ka fanu chauh kha ka rilru ah ka dah a, a that chhuah leh tur thu ka hria kha ka hlim takzet asin. Khang hun chhung zawnga ka nuih Vawikhat na pawh ani hial maithei.


Ni tam tak a liam tawh ngei anga khami ni atang khan ka hmelah nui hmel a lang ngai lova ka fanu tan khan ka inti chaka atan ka awm hram hram thin khami ni atang khan ni engzah nge liam tawh tih ka hre lova ka nun ho taka a awm tur kha ka duh lo em em a hreawm takin ka thi dawn tih pawh ka hai lo teh asin. Beiseina reng ka nei thei tawh lova a hmaa ka suangtuah thin kan chhuah hun tur ang te pawh kha ka suangtuah peih tawh lo a ka mal ngawih ngawih a puitu ka ngai em em bawk.


Ka chhungril kha ana in ka ruak em em a tanpuitu hmel hmuh chakna in ka khat thina mahse chu chu beiseina mai chauh ani. Beiseina neih pawh kha ka duh tawh lo a a thleng dawn lo tih ka hriat chian em vang ani. Han ngaihtuah chhin ve teh u, ka awmdan ang khan awm ve ula enge in tih ve ang? Nitin sawisak I tuar anga hliam I neih belh ziah bawk anga Mahni fate ngei na tuar lai thlir leh tlawk tlawk te khawsik sâng tak neih lai pawha tuar chhuah ngai te, i mit te duka na em em mai te leh nitin sawisak tawh ziah avanga taksa na lo lai reng awm lo angah khan han in chan ve chhin teh u. Kei ang tho khan in beidawng ve angem?.


Kei ang tho khan in beidawng ve angem? Min hrilh teh u. Kha hun hreawm tak leh kan thil tawn te kha hriat reng ka duh bik lo a mahse ka thluak hian a paih bo thei silo khatih hunlaia ka nun beidawng lutuk leh thih daih ka chak zia kha hria ulang chuan ka awmdan ang tho in in awm ve ka ring ani. A hreawm asin, a hreawm takzet.


Mal ngawih ngawih in ka inhriaa puitu chu sawi loh mihring hmel tak ngial pawh kha hmuh tur kan nei lo asin eng hun nge kan hman meka enge dar zat tih pawh kan hre ngai lo. Khua a thima a ên kha chuan zing ani a, zan ani tih ka hre ve leh chauh bawk. Pathian ngei pawn min kalsan tawh anih rinna te kha ka nei hiala ka rinna zawng zawng ka hlauh tak avang khan thil engkim thlen chhanah khan ka puh veka chhe thei ang ber ber in ka sawi a ânchhia tinreng ka lawh bawk. Kha nun leh kha hun ata kha min la chhuak tu tur ka duha a hreawm zia leh a nat zia chu tuman min hriatthiam puiin ka ring lo.


Ka fanu damdawia an chiu tak hnu phei kha chuan Keimah chauhin hun ka hmang a a chang leh ka maimichhinga a chang leh ka meng a ngaihtuahna engmah ka nei lo ka â veka. Ka Chhungte ka ngaih lutuk na lamah khan ka tap chhuak vak zel bawk.


Ngaihtuah tur ber hre lovin nitin ka hun kha ka hmang thina ka nâ kha anat em avang khan hreawm ka ti a, ka khawsik a sân tum phei chuan ka tlun nasa em em a keimahin chhuatah bang nghengin ka thu a ka tlun avangin ka khur dawt dawt bawka a hreawm lutuk asin.


Khatia mipa pakhat nen an inbiak chhung khan ka fanu bulah khan ka awm renga mahse a hnua thil thleng erawh a rapthlak takzet ani.


"Tawng suh ka ti che a, I tawng ngama tiraw? Doctor te kha zawhna te I zawta ila tap ngama tiraw? En rawh I thu awih loh man chu I hmu khawp ang" tiin ka ban na laiah kher khan a rawn vuana anat em avangin ka mittui a luang zawih zawih a ka fanu bula min awm tir turin ka ngen a mahse ka ngenna chu a thlâwn mai ani thung si.


Mittui tla zawih zawih in chair ah chuan min phuar beta ka kut na lam chu ka pum zawnah a dah a khawngaihna ka dila ngaihdam ka dil bawka mahse thinrimna avang khan khua a hmu mai pawh ni lo ramsa ang chiah ani.


"I thuawih loh man chu en rawh! " tih pah khan ka kut na laiah tak na zeta rawn tlawhin min tlawh thlu nghal tawpa ka au chhuah loh nan ka hmui an hnawh avangin na tih avangin ka au chhuak thei lova ka mittui a luang zawih zawih mai. Ka kut na kha, tun thleng hian ka la feel thei vek, ana takzet asin.


Ka samah min kêk in Thutthleng chawp khan min pawt tho a ka hmaiah beng sawk in "nangmah avangin min ringhlel tih hre rawh! Nang hmeichhe zak theilo lutuk" min ti vin hrâwk a, a ngai te bawkin ka kut na laiah tak a rap a ka hmui an hnawh chung pawh khan ka tre chhuak tuarh a ana lutuk kha tapin ka mittui a luang zawih zawih a vawi leh khatah min tlawh thlu tawpa ana lutuk kha ka mittui khan luan a chawl reng reng lo.


"Sir, a tawk tawh mai lo em ni? A kut kha a tliak mai anga sin" an rawn tih pawh khan "duh leh tliak se ani mai alawm a thuawih loh man a hmu ani mai" min ti a, a ngaiin a rawn che chhunzawm zat zel bawk.


A thusawi tenawm leh rapthlak tak tak te kha ka bengah hian an la châm reng asin. Ka kut na te kha ka la feel thei vek ka benga a pawhna te leh ka hmai a ben na te, ka kut na lai taka rapa min tlawh thlûk tawp tawp te kha ka la hre vek asin" sawi zawm theilo chuan ka tap chhuak hawk a. Ka beng ka hup a ka mittui a rawn luang zawih zawih bawk.


"Bawihi, I tha em? " tih paha ka pasalin min rawn koh pawh chuan awmzia ka neilo ka tap chhuaka thil thleng te kha ka hmaah hian an rawn lang zut zut a "ka duh tawh lo, aih. Ka duh tawh lo ka kut ana min tlawh tawh suh khawngaihin " ka phun chhuak mawlh mawlh a thil thleng rawn lang zut zut avang chuan awm ngaihna ka hrelo.


"Hrep chuan ka thiamloh vek ani. Bawihi ka tihpalh avan pawi tak em! " Cva chuan a ti zui mawlh mawlh a a âwmah chuan min kuah beta ka tap chhuak nghal hâwm hâwm bawk. "Cv, ana lutuk ana takzet asin. Tinge min lo chhan vat loh" ka ti tiau a, Cva chu thaw chhuak hawkin min kuah nghet sauh a ka chhipah chuan a rawn fawp vang vang a. Ka beng ka hupna kut chu a rawn la thla a aman ka beng chu a rawn hup a "maimichhing rawh le" a ti sup bawk.


"Aih ka duh lo, khawngaihin ti suh. Alo lang zel dawn asin ka duh tawh lo" ka ti a, ka mittui tla chu a rawn hru a "ka awm alawm, engtin mah I awm hauh lovang. Maimichhing rawh le" a ti a, ka lu ka thing a "Bawihi, vawikhat chauh" a rawn ti leh a ka lu ka thing a "cv, min ti lui lo la, ka duh tawh lo na kha ka tuar nawn duh tawh lo alawm. Ana lutuk asin" ka ti a, ka mittui a luang zung zung bawk.


"Bawihi" tih pahin ka mittui a rawn hru a muangchangin ka mit chu min chhin tira ka mit chu na lo te in a dawm bet a ka chalah a rawn fawp vang vang a "thaw chhuak rawh le chuan engkim kha thleng lo ang maiin ngaihtuah rawh le" a rawn ti dam thlup a a sawi ang chuan ka thaw chhuak hak a chumi hnu chuan min men tira chiang zetin ka mitah chuan min lo en a. "I tha em? " a rawn ti sup bawk.


"Ana" ka ti sep a ka hmuiah a rawn fawp zeuh a "ka tihpalh ani, mahse sawi chhunzawm tawh lo la duh Bawihi" a rawn ti a, ka lu ka thing a "aih, ka sawi zawm ang a tawp thlengin ka sawi dawn khawngaihin phal rawh LEHKHATHAWN pawh kha ka la chhiar hleinem. Khawngaihin Cv saw mihring saw ka tina ve duh ani" ka ti a, "Bawihi, mahse... " a ti chauh a.


"Lo va thu la kan sawi zo law law ange, en rawh saw a inchhir zia saw I hmu em? Saw aia na sawn ka la siam duh ani" ka ti a, ka mittui ka hru thuak thuak a lecturn hmaah chuan ka dinga mipui lam chu ka hawi leh a ka thaw chhuak hak a, an mittui an lo hru thuak thuak hlawm bawk.



Khami hnu atang khan kan nun hman kha chu nitin a ngai reng ani mai nitin nidang ang lo takin sawisak kan dawng nasa a ka kut erawh kha chu an tuam ve thunga min khawih sak ta ngai miah lo bawk.


Vawikhat kha ka pasal hi roomah khan alo lut thuta mak ka tih em avang khan sawi mai tur pawh ka hrelo, thil awmdan min rawn zawt a a ngaih a that loh thu te kha min hrilha kei erawh chuan engkim ka lo hrilh ta phawng phawng a min tanpuitu tur ka neih tak avang khan ka hlim em em a ka nun bul ka tan that leh theih dawn avang leh ka Chhungte ka hmu leh thei tur kha ka lawm em em a lawmthu ka hrilh mawlh mawlh bawk.


Mahse khami hun chhung kha ala rei tho, kan tuar chu a ngai renga nitin khan natna kan tuar asin. Chhanchhuah kan nih har em avang khan ka beidawng hmana dawt min hrilhah ka ngaia ka haw em em bawk. A chhan pawh min rawn chhanchhuak vat se kha nun hreawm lutuk atang khan min rawn chhanchhuak vat se ka duh vang ani.


A hreawm asin a hreawm takzet, kha nun hreawm tak atanga chhuah kha ka nghakhlel em ani, nangni pawh han indah ve chhin ula rawn sawi ûka mahse hun duh rei em em leh si kha beidawnna in in khat ve tho ang.


Min rawn chhanchhuaka khami te kha engtin nge a tih zel ka hriatpui ka ta lo. Kan nufa in min enkawla min venga hmangaihna leh dawhtheihna in min tuama kan phulo ka ti takzet ani.


Pathian min hmuh tira mahse a tir chuan harsa ka ti lutuk rinna ka hlauh a Pathian kha rin ngaihna reng ka hre tawh lo, ka dil zawng zawng min tih hlawhtlin sak loh vang ani, rin harsa ka ti tawha min pui leh lovang tiin ka tawi khawmuang leh thina ka hlau bawk.


Mahse ani chuan engtik lai pawhin min awmpuia min la dam tira tun thlengin, khatiang sawisak ka tuar na zawng zawng leh ka fanu in na a tuar na zawng zawng ah te khan a tello chuan thi tawh tur ka ni a, mahse ani chuan min la damtira khati khawpa ânchhia ka lawh a ka sawisel pawh khan dawhthei takin a fa angin min la ngaia ka kiangah khan alo awm reng thina mahse kei erawh kha chu ka nat em avang leh chhanna ka dawn loh avang khan ka â veka rin ngaihna reng ka hrelo anih kha.


Danglam ngai lo Krista ani a, misual ber te tan pawh a awm renga kan tan Kross ah a tuara min chhandama kan sual te theihnghilhin min ngaihdam sak thin. Mahse a fate anga inngai hian a tan engmah kan tihsak ve lova kan inkhawma, Bible kan chhiara, amah chu kan ring amaw kan ti a kan piangthar amaw kan ti a Pathian thu kan hril dur dur a mahse khang kha engmah lo mai ani. Kan Pathian thu hi a taka kan nunpui a ngai tawh zawk ani. Amah lam belh tlata engtik laia maha kan phatsan loh a ngai ani. Eng ang hun hreawm pawh lo tawng mah ila, kan tan a awm renga min awmpui reng ani. A tana nung tur leh awm turin I inpeih em? Tih zawhna hi ka zawt duh che u ani. Kei ang kha chuan ti ve lul suh u.


Ka pasal in min chhan chhuah dan leh a hnua thil thleng te kha chu ka sawi chhunzawm vak tawh lo mai ang.


Kha Lehkha, kha LEHKHATHAWN kan dawn ni tuk atang khan kan chungah khatiang thil kha alo thleng ta a. Khami hun chhung kha thla 5 lai alo ani a, ka pasal hlui â leh nêp tak leh misual lutuk kha a chanchin leh hmuh tur pawh a awm lova. Mahse hei vawiinah ngei ka thusawi ngaithla turin a rawn kala a tihsual te inhriata a inthiamloha a indem ngei pawh ka beisei. A inhmuh chhuah ngei pawh ka ring bawk.


Hmangaihna neilo mihring, hmeichhe leh mipa, naupang pawh thliar thiamlo, nâ leh hreawm tih awmzia pawh hrelo mihring anih saw. Kumkhua in ka haw tawh ang. Ka ngaidam thei ngai lovang.


Tun thlengin kha LEHKHAWTHAWN kha ka la kawl tha renga tunah pawh hian ka lo kenga helai hmunah ngei hian ka rawn chhiar chhuak dawn ani. Min lo ngaihthlak sak theuh dawn nia.


Ka sawi zawh rual chuan Mikah chu a thutna atang chuan a rawn ding nghal zawk a, ka nuih sak bawk a beisei loh lam ani ngei ang le.


LEHKHATHAWN ah chuan ti hian alo inziaka.




🌼 Naktuk zanah kan LAST EPISODE dawn nia aw. 🌼

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 4:47 pm

LEHKHATHAWN 📄 - LAST (5) By : Msi Miluhlulnui

🌼 I hmangaih nih in beiseiin I hnenah ka rawn tlu lut lo, ka hmangaih vang zawk che in ka rawn inbarh lut zawk ani. 🌼




To,

Ka nupui Jessica


He thil ka tih avang hian I ngaihdamna ka dil hmasa che a mahse he thil ka tih hian chhan a nei tih hre tel bawk la ka duh, thil engmah hi chhan neilo in ka ti ngai lo chuan ka thil tih avang hian ka inchhir lo a ka hlim zawk ani a chhan chu ka dinhmun ngaiah ka let leh theih vang ani ka dinhmun aia sang zawkah ka awm tawh bawk. Ka thil rawn sawi ho pawh hi ka rilru diktak leh hman atang tawha thil nihdan tur diktak ani bawk.

Nang ka lo neih avang che khan ka nu leh pa te tuithlâr hial ka tawk a engkimah khan ka dem che, kan inneih hnu khan kalsan nghal che ka tuma mahse nau ilo pai avang khan ka thulh leh rih a ka fa anih miau avangin engmah ka la ti lo mai chauh ani. Mahse ka fa I pai chhung zawng pawh khan tlanbo dan tur ka dap renga ka hmu theilo lutuk kha hreawm ka ti asin. A chhan chu vawikhat mah hna rum thawk ngailo khan nangmah leh ka fa avangin hna rum ka thawh a ngai ta a a hreawm asin ka taksa pawh khan a tuar phah thina mahse I hre ngai hauh lo a chhan chu I lakah khan lemchanna bak ka thlen miau hek lo. Ka sum lak atang leh ka hausakna atangin nang hian min la hrang a hna rum min thawh tira khatiang te kha ka inhmeh lo bakah ka thiante hmuhsit ka dawng bawk.

Ka hmangaih angah che i in ngaia tiraw? Mahse, keipawn ka hmangaih che em tih hi ka hre bik lo ka lo hmangaih lo che ania nge, ka fa I hrin hnu khan tlemin ka ngaihtuahna kha ka thlak deuh hleka mahse rei ani lo nitin hna rum thawh kha ka peih lova thiante hmuhsita awm reng te kha ka duh lo, Chhungte hausakna belh tur pawh ka nei tawh lova ka chan zawng chu hna hahthlak tak tak thawha ina rethei taka awm zui leh ani. Khatiang kha ka peihna in a tlin lova ka thei bawk hek lo engkim kha ka hnê vek mai ani.

Vawikhat Rk'n hna min sawihmuh rual khan engmah zawt chiang lovin ka pawm nghal tawpa mahse kha hna kha hna satliah alo ani lo eng misual pawl nge mawni a sawi kha ka hre tawh lo, nitin thil harsa tak tak kan zira kan zir that loh chuan hrem nih kan hlawha mahse hlawh kha a tha em em thung si ka rawn pem haw ziahna chhan pawh kha khavang kha ani bawk. Kha hna atang khan ban ka tuma mahse alo theih loh thih thleng thawh tur ani a kan thih hmaa kan tlanbo emaw kan thawk duh tawh lo anih chuan kan Chhungte zawng zawng in an tuar anga kei ngei pawh kha thah ka ni bawk dawn tih ani a. Rka lah kha zawh fiah turin hmuh tur a awm leh tawh silo. Mahse ngaihtuahna thar ka nei ta a ka tlanbo taa thil zawng zawng tuar turin ka kalsan ta che u ani.

Mahse ka thu thlûkna kha tha ka ti a ka pawm thlap bawk ka hah man chu lo tuar ve mai rawh u in chan tawk ani mai, keiin hna hah tak taka ka thawh laiin nangni erawh chu inah nuamsa zetin in awma kha kha chu in chan turah ka dah ve hmiah. Ka hausakna leh ka nu leh pa lak atangin min la hranga ka sum leh ka nawm Chenna lak atangin min la hranga ka tawrh ai chuan kha thil kha chu a nêp ka ring ani, ka awmdan kha mi hausa fapa awmdan tur ani lo hrim hrim bawk. Hmeichhia in ni a nangni chu an chhuah leh vat mai ang che u, rei anih ka ring lo.

Ka tlanchhuah hnu khan ka thiante leh ka patea te puihna a zarah ram hla takah ka awm theia sum ka thawk chhuaka ka hausakna ngaiah bawk ka let leh a tunah chuan hausa tak ka ni tawh, hausa tak ka ni tawh. Tunah chuan Min care em em tu nupui hmeltha leh chhelo tak leh sum ngah tak ka nei tawha ani chuan nang ai khan min hmangaiha min siam nuam zawk bawk. Tunah chuan ram tam takin thawh dunpuiah min sawm tawh bawk, ka nun chu a ngai ang vek ani leh tawh.

Rei lutuk in tawrh chu ka ring bik lo mahse kha hun reilo te kha chu lo tuar ve rih mai rawh u, chuan ka fa pahnihna tur kha alo piang anih chuan tha takin min lo enkawl sak dawn nia. In chhuah hunah enkawlna pawisa I nei lo anih chuan min rawn bia la ka fate an nih manah a enkawlna man chu ka lo tum dawn nia mahse ro chu rawn chuh tum suh se ka hausakna hian ka lo châwm ang che u. Chuan in chunga hetiang thil thlen tir tu ka nihna angin polite takin ngaihdam ka dil mawlh mawlh a che.

I pasal
Mikah Malsawmhlua

Tiin.



Kha mihring khan hmeichhia kan nih avang mai khan kan tuar nêp alo ringa tiraw, mahse a nêp hauh lo tuar na zawnga rapthlak ber ani ngei ang. Hmeichhia leh mipa pawh thliar thiamlo mihring anih saw engtikah mah ka ngaidam leh tawh ngai lovang.


Khatih lai khan a kalbo tih pawh ka hriat hma khan chanchin engmah a rawn sawi si lova a hnathawk zo a rawn haw loh avang khan ka ngaih a thalo em em a a tuk zing thleng pawha a rawn haw loh avang leh a chanchin ka hriat loh avang khan ka hlauthawng em em bawk.


Nitin vanranda ah alo haw ringin ka nghak ziaha ka fanu school bang pawh khan apa a rawn zawng haw ziaha kut zaizirin a hmuh tawh ngai loh thu te a sawi thina chhan ngaihna ka hre ngailo keipawh khan a chanchin ka hre ngai loa nitin ka nghak ve thin tho. Mahse ani chuan hmun hla takah min lo kalsan daih tawh si.


Kan fa lo piang tur kha ngaihtuaha alo pian chhuah huna pa a hmu lo turte kha ka ngaihtuaha hreawm ka ti em em thin bawk phone rawn ri hlekah te khan amah anih ringin ka la nghal vat zela mahse ka beiseina chu a thlâwn mai chauh ani si.


Vawikhat kha ka hmingin LEHKHATHAWN kha alo thlenga ka pasal hming a in ziah tel avang khan ka hlim em em a hmanhmawh zetin ka hawnga mahse a Chhunga thu inziak erawh kha chuan min vit sawk sawk ni maiin ka hria enge ka ngaihtuah ber pawh kha ka hrelo a LEHKHAWTHAWN kha ka en a, ka chhiara ka chhiar nawn leh thin bawk. A tir chuan ka awih lova miin min bum aniang tiin ka ngaihtuah a mahse kutziak kha ka pasal kutziak ngei ani si a rilru natna avang bawkin ka tap leh thin.


Ka fanu in min sawi dat data enge thleng tih min zawh pawh khan ka chhang thei lova ka melh ngai kha ka melh ngawt ngawt a Lehkha kha ka hûm khâwr a ka mittui kha biangah a luang thla nguai nguai bawk. Khatih laia ka mangan zia kha min hriatthiam pui ve angem le? Ka fa lo piang tur kha ka ngaihtuaha hreawm ka ti a, ka fanu lo thang lian zel tur ka ngaihtuah leha hreawm tihna hlirin ka khat a bum kan nihte, hmangaihna der te avang khan ka rilru ana em em bawk.


Mihring nunna ai pawhin sum kha a lakah kha chuan an hlu zawka mihring kut leh ke nei tawh phawt chuan ina an tih thinte kha tih a zaka a tihturah a dah lo ve hmiah bawk mihring pawh ani lo setana ani. Eng anga Hausa pawh lo nise a tihtur chu a ngai reng, mi hausa anih avang khan a pianna ram ngeiin hman atang tawha an lo tih thin ti lo bik tur pawh ani lo. Mi sang tak ani bik lo kan nihna a inchen vek.


Mahse ani lakah chuan sum kha a sang zawka mihring nunna ai pawhin a hlu zawk, thil engkim a tehna hmanrua kha sum vek ani a chuvangin mihring nunna hlutzia pawh a hre fiah theilo a sum khan a mit a tidel tawha a hruai â veka khua a hmuh tir tawh lo. Tunah chuan a sum khan a pumpui a tichhia in a ti hrisel tawh lo ngei ang le.


A tawrh tur chu tuar se, a thil tih man hi chu a thih hnuah ala hmu ve mai ang, rinna pawh neilo mihring. Pathian pawh hrelo ani a sum bak hriat a neilo, mi hausa nula nalh tak tak ten a mit an ti tlê a chu zawng chu ani. A thil tih man hi chu Pathianin phuba min laksak mai ang a kutah engkim ka nghat vek ani.


Khang thil zawng zawng leh ka nunhluia thil thleng zawng zawng te laka ka zir chhuah tak chu. Hmangaihna chuan a dawh theia a hmanhmawh lova sum chu enga tan mah ati lo bawk. A mamawh chu rinawmna chauh ani. Chuan eng thil pawh kan tawk anih chuan beidawng lova beiseina nung neih renga kan chak loh lai ber pawha Pathian rinchhan chunga kal zel a, kan tan a tuara nunna kan neih theih nan kan tan a tuara atan chuan eng thil pawh tuar kan huam ve tur ani, sum aia kan nuna pawimawh tam tak a awm bawk. Sum chu a tello in kan nung thei tawh lova mahse kan ngah pauh leh min ti â tu mai ani. Sum nei lo mah ila Pathian kan neia, ani nen chuan kan lengdun anga hlimna tak tak chu kan hmu bawk ang. Kan nuna thil thleng turte hi kan her danglam ve ngawt theilo bawk. Eng ang harsatna pawh kan chungah thleng mahse min siamtu amah chu dem mai lo ila amah rinchhanin chak takin kal zel ila ani chuan kan harsatnaah min chhanchhuak anga ani chu a hun takah a rawn che mai thin.


Ka lawm e".


Ka sawi zawh rual chuan kut an beng dur dura ka thaw chhuak hak a ding chunga Mikah lo insehru ngawt ngawt chu ka en a ka nuih saka, a thilsual tih man chu a hmu khawp ang le.


"Bawihi, I tha maw? Engtin mah I awm lo tiraw?" Cva bula ka thu chu min ngaihtuah zia tilangin a rawn ti zui mawlh mawlh a, ka âwm ka dawma ka thaw chhuak hak a "ka tithei, ka ti thei" ka ti sap a, ka pasal chu ka nuih var var a. Ka fanu chu ka en leh a, kuahin a chhipah chuan ka fawh sak vang vang bawk.


"I titha lutuk ania, I sawi tha lutuk" a rawn ti sup a, ka bekah rawn fawp zeuhin min rawn kuaha nghet zetin ka kuah let ve nghal bawka Pathian hnenah lawmthu ka sawi nghal sap bawk.


Ka pa in Malsawm tawngtainain kan programme chu a khar a, kan chhuah rual chuan min rawn chibai deuh sap sap bawka min tuar pui thute leh ka chak zia thute min hrilha Chief Minister ngei pawhin min faka a Tul anga hma a lak vat tur thu leh hetiang thil kan rama a thlen tawh loh tur thu min hrilhin min tiama, ngaihdam min dil nghal zat bawk.


"Jessi" ka hming an lam ri ka hriat rual chuan rang zetin ka hawilet nghala ka hnungah chuan Mikah leh a nupui ni ngei tur chu an lo dinga min rawn pan nghal chat a Keimah pawn ka hmachhawn ngam tawh ani, hepa hi Keimah pawn ka hmachhawn ngam tawh.


"Enge ni ta?" Ka ti dam dap a, "engtin nge LEHKHATHAWN kha ila neih theih zawka? Chuan tinge in thil tawrh te kha engmah min hrilh loh? " a thu sawi avang chuan nui zat vang ni miah lovin ka nui chhuak nghal hak a. Mi rapthlak lutuk.


"Ka hrilh lohna chhan che maw? Hah! Hrilh pawh kha chhete pawn I phu eih lo mihring nunna pawn I lakah nghawng a neilo ani lawm ni, hmeichhia leh mipa pawh thliar thiamlo ini lehnghal chuan I fanu leh I nupui chungah I thlentir bawka. Tichuan hrilh ila phût cheu amaw, in entir rawh. Sum in a ti â vek tawh che anih kha. Chuan LEHKHATHAWN hi chu ka la nei ani tawp mai, a bak a awm lo ka la nei tih I hria a a tawk mai, ka fa that tu inih kha" ka ti faka biak that pawh hi a phu eih lo.


"Lo en rawh! Ka tichhe vek dawn che u. I pasal thleng hian ka tichhe dawn che u" a rawn ti hrawih a, nui pahin kut ka beng a "tum Chhin rawh, tum te chu a pawi hleinem tumna hi a hlu alawm, tum rawh. Mahse I theihna zawng zawng leh i sum hmang pawn tum mahla I thei chuang lovang. A chhan chu maw Pathian kan nei tlat ani" ka ti a, a nupui chu ei loh hmel zeta melhin bawihtei chu ka kai a, ka pasal awmna lam pan chuan kan kal nghal bawk.


"Cv, saw mihring saw man nghal ka duh" ka ti a, ka thinrim lutuk hi sawi ngaihna pawh ka hre tawh lo "Bawihi, kan man ang mahse hmanhmawh lutuk lo la, mi hausa ani tawha a hming a ti tha tawha man mai mai theih ani tawh lo. Mahse lunngai suh kan man vat ang, hlauthawng lo la aw" a rawn ti sup a, ka bu nghat a lo nghak lawk turin min hrilh leha Police Officer ho nen chuan an titi leh phawta. Chumi hnu chuan venhimna tha tak hnuaiah in chu him takin kan thleng leh bawk.



LEHKHATHAWN ka lo ken lai chuan Cva chu roomah a rawn lut a ka zawh tum hriaiin "a muhil tawh" a rawn ti sup a, ka nuih nghal ver ver bawk. Ka lam rawn panin ka bul a rawn thlen chuan ka kawngah rawn kuahin a taksa si chêt chuan min kuah beta ka darah khabe rawn nghatin ka nghawngah chuan a fawp zeuh a.


"Engtia tih nge I duh? " a rawn ti sup a, ka thaw chhuak hak a "ka hre lo le, nunhlui zawng zawng hriat theihna chu dah bo vek ka duh. Mahse ka thluak atang hian ka dah bo thei dawn lo" ka ti a, lehkha chu ka hûm khâwr nghal vak bawk.


Vawi leh khatah ka lehkha ken lai chu rawn la in hnawmbawmah chuan a rawn paih a, ka kâ ka âng zuai hman tihah chuan min kuai her a, ka nâkah chuan dawmin "keiman I thluak te reuh tê a awm chu tihreh dan ka thiam alawm lo en rawh keimah chiah ka awm dawn" tih pah chuan ka hnarah chuan a rawn fawp zeuha. Min pawm kang nghal lawp a.


"Naute pahnihna tur siam a hun, engmah ngaihtuah suh ang che" a ti sup a, min rawn fawp vang vang in khum lam chu min panpuia a hnua thil thleng erawh sawi zawm a ngailo.


Ka nun a famkim ta. Pathian ka nei tawha min hmangaih em em tu pasal leh ka fate pahnih ka nei tawh bawka engdang nge ka la ngaih? Sum tello in kan hlim theia ka nun ah Pathian ka kawl tlat avangin ka hlima nitin ka pasal leh ka fate ka hmangaihna chu a zual sauh sauh bawka. Kan nitin hun hman tur Pathian kutah kan hlan ziaha kan thil tih tur apiang amah hnenah hlanin kan kawl tir bawk. Heihi in vaia ka chah duh che u chu ani. IN NUNAH ISUA LALBER RAWH SE. ANI CHU ENGTIK LAI PAWHIN I HNENAH KHAN A AWM RENGA A KALSAN NGAILO CHE, A VENGHIM RENG CHE. LAWMTHU HRILH MAWLH MAWLH TUR KAN NI.




🌼 LEHKHATHAWN min chhiar saktute leh like&comment te, click min tihsak tute in vaia chungah thinlung takin lawmthu ka sawi mawlh mawlh e. March thlaah story thar nen kan inhmu leh theuh dawn nia, min lo chhiarsak leh theuh turin ka ngen nghal bawk che u a. Chuan Khawngaihin Board te tha taka ka exam theih nan min lo tawngtaipui theuh dawn Nia. In enkawl tha ula, kan inhmu leh vat dawn Nia. Dam takin le, muttui mangtha vek u. 💜🌼

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)