KA HMEICHHIA BY NUTEI VARTE (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: KA HMEICHHIA BY NUTEI VARTE (Completed)

Unread post by Ngaia » February 3rd, 2020, 12:37 am

KA HMEICHHIA.


BUNG 13



BY; NUTEI VARTE.





"Mipa a nia ka chhang chiah, Mahlim biak ṭhat chi, a chhe lem lo teh a nia," a ti chu phur hmel tawkin, "Yes le ka chan pual tur, tuman min chuh s'u aw, han ti ngawt ila zahthei loh thlakawm," inthiam loh hmel nuihza bawk si a Mahlimi' n a ti chu, Tluangpuia lo ṭawng vatin, "Ka nau pui roh hi a chhe hran lo achu a hmeichhe mi ve deuh a duhtu apiang hi a kawp thei mai zel," a ti dek dek chu, "Eh, inva inang awm ve chû!" Ka lo ti hman hmawh a.



"Inang lo tlat, kei chu ka ni ve lo, kan duh loh tur leh nakina kan hnawl leh mai tur ang hi chu inbeiseih tir loh law law hi ṭha ka ti, mi fate rilru nâ a siam hi ka duh ngai lo, Bawiha pawh hi ka hau ve zauh zauh tawh mawle, asim duh meuh lo leh nghal, 'Tiang te chu game a lawm, play kual mai mai tur, engmah hi lak thu tak vak tur a ni lo,' hi a ti deuh tlat ṭhin a, tiang lamah chuan kan ngaihdan a inang ṭhak lo," a ti vei nauh nauh a.



" Ṭha i tih ang chuan awm mai ta si che, i zawm theih loh tur chu i nau zawm tir i tum chu a nia, ka sawi zawh hma hma chuan, " Ka zâwm thei khawp, kha tiang kha ka ni ve lo, ṭha ti ila ka nau pawh ka zilh kher lovang, nupui tura ka duh loh chu ka kawp kual duh loh bakah ka thei ve lo, ka nau pawh hi a nuipui atan a duh pawh ni lo a kawp thei hi mak ka ti ṭhin asin, a ni lah chuan, 'Nupui tur hi chu ahranin arawn awm mai ang,' hi a ti deuh tlat zel, a duh tak ala tawng lo te pawh a ni mahna, kei ang hian tawng ve se chu abûr ve chat mai ang," inlak rinawm hmel tawka min en zeuh paha ati chu awih loh hmel tawkin ka lo ner khum nâng a.



Lawmawma pawh chuan, "U Tluangpuia ngaihdan chu ka pawm zawng tak a ni, kan duh vak loh pawh eng emaw vang maia kawp te pawh hi ṭha ka ti lo, kan farnu te chunga thleng thei vek a nia, kan hmeichhe hmangaih pawh kan venghim bawk tur a ni, ka ti ve tlat, tunlai chhanah mipat hmeichhiatna hman tamte hi intih theihna chikhatah kan ngai emaw tih mai tur hian kan awm roh a, hei hi chu kan sim a ngai hmeichhia hi an rilru a no in ana hma em em a, kan neih duh loh pui tur kawp kual hi chu apa lo ka ti ve tlat," a ti chu ka pawmpui kher mai.



" I nau chu eng ti turin nge lo chhoh a tum reng reng a," Mahlimi chuan a ti ṭha leh a.



Eng tih tur phei chu a nei hran lo, lo kal hi a sawina arei ve tawh a, duh leh rawn chho ve se la, ka ti deuh mai mai mawle, min la hmuhpui ve mang si lova, in bulahte han awm ve se la nuam a ti leh mai mai ang chu, nula chhe lo deuh bula awmte hi a nuam tih chi a nia," a ti chu, "l nau pawh chu i chhuah chhe reuh emai, lo kal rawh se ka hek khawp ang che," ka lo ti vei hlak a.



" Chhuah chhiat lam vak pawh a ni lo, nangni bâk kawm tur a nei dawn lo a, a mize tlangpui in lo hriat veah ka ti mai mai mawle," tih pah chuan ṭhutthlenga kuhva chu banin min siam tir zui a.



" A buai zawk hi mi tir ziah lo mai teh, ka eitur nen lam lo siam zawk tur che nia," ti nang nang pah chuan ka siam ta tho a.



Eng emaw chen an awm hnu chuan min ṭinsan ta hlawm a, keini pawh rei ṭhui tawh lovin kan mu zui ve nghal mai a.



Mahlimi nen chuan mu dunin, Tluangpuia nena kan chanchin deuh hlir sawiin kan ti ti melh melh a, a bialpa nena an inkar sawi pui ka tum ngial paw'n a sawi ṭha duh ṭhak lo, a ler san zin tawk avang hian ngaia neiin a ngai serios duh vak tawh lo, ahmingin a nihpui ve satliah mai a ni ber. lnṭhenna chiah awm lo mahse an inkar hi ahla ru tlat, sawi chhuah pawh hi aduh vak lo rêng a ni.



"Ophel, nang chu i vannei tak zet, hmangaih em em tu che mipa fel em em innghahna tlak i tawng hi lawma hlim ngawih ngawih tur i nih hi, tihtauh khum tawh lo la, a lawm zawnga awmte hi tum ve la, intih lawm tawnte hi angai ve a nia." tiin min zilh ve melh melh a.



"A dik alawm mahse amahah hian rinna ka nghat bur thei bik lo a ni, lo ring viau ta ila nakina eng nge kan hmalam hunah thleng dawn kan hriat loh hi, Tluangpuia hian khawvel dang a nei em pawh kan hre hleinem, mipa reng reng hi ring bûr lo ila a him ber, inveng râna awm hi kan nat na tur awm thei laka kan fihlim na awm chhun a nih hi," tiin ka lo chhang vat a.



"I ngaihdan aṭang chuan adik ve tho, mahse maw Lalṭhian, tiang bak hi chu phût viau tur a awm tawh chuang hian ka hre lo, atheih ang tawk chuan aduhna che alantir ve chuan ka hria," alan danah chuan a ni tlat si alawm le!



Mahlimi sawi pawh chu a dik khawp mai, hmuh hmaih an nei miau a, ka ṭhiannu ber a nia, engkim ka hrilh anga ngaihdan min siampui thei mai ang, chuan ka ngaihdan pawh min pawmpui ngei ka ring keimah min dem viauna pawh a reh ngei ka beisei.



Aizawla ka hmuhdan vel chu chipchiar deuhin ka hrilh ta vek a, engmah sawi lo a min hawsan ka vui thu thlengin, a tir chuan ngawirengin min ngaihthlak sak ve mai a, ka duhang pawha ka vui thu ka sawi zawh hma hma chuan a rawn nui chhuak ta hawk hawk.



A ngaihna pawh hi ka hre tawh lo, ka vui vena ka sawi na apiangah engahmah min ngaihsak duh lo hlawm vek mai hi, min vuipui ahnekin min nuih zat zawk a, hetiang rinawm loh lutuk hi pawmzam mai mai tur hian min ti a nih hi, min ngaihtuahna an nei thlawt lo.



Sawi tawh lo ang, "Mi rinawm lo kawp vel mai mai tur hian min duh hlawm a nih hi, a nihna chiah in en a, engkim hi in pal zam vek a nih hi, kei erawh chuan ka pawm mai mai dawn lo, i bialpa te chu an nih ang ang hian an lang mai a, a bial nu engamaw zahna i nih pawh i lawm teh chiam bik lo kha a nia, Tluangpuiate ang nihna thup insawi rinawm satliah tlin mang si lo ai chuan i bialpa te ang pawh hi ka la ngaisang zawk fe, ka mut achhuak mu ang," tih leh lehlam hawi ka rual a.



Min chhang zawm ta bik lo chuan a nui ang kur kur ringawt a, ka mut achhuak tawh bawk nen ka muhil zui ta nghal a.



Office an chawl tawh avangin Hmingsanga pawh kan bulah atâp deuh reng a, Tluangpuia lah bâng chuang lo, haw thlak zai pawh arel hek lo, ka zawt duh bik der si lo aleh, a nau lo chhoh a nghak nihmiang ka ti hmiah.



Vawiin chu khua adurin avawt kher mai, han chet vel pawh asak ṭalh mai, kut leh ke nise a hit ang vur mai sia, ṭhui tur nise a la awm dul mai si, peih lo teh mah ila tih tho angai si, sikri chhem vâm hamin angaite te bawk chu kan chhun zawm leh mawlh mawlh a.



Tlailam chawiei hun hma vel chuan inchhung lama ri deuh hluai mikhual inlawm tih hriat zet a inbe thawm kan hriat chu tudang nilovin Tluangpuia te unau ngei an nih ka ring nghal hmiah.



"Awiii, Tluangpui, in va inang em em bawk ve mawle, hmun hranah chuan hmu che u ila tu zawk nge pawh kan hre hrang dawn miah lo che u nih hi," ka nu chuan a ti lawng lawng a.



"Ni e, min hai fo reng asin, min hmu ṭhang lo tan phei chuan kan lo inang ve bawk nen inhai mai pawh a âwm lutuk e," Tluangpuia'n a ti chu ṭhu mai mai chungin an ti ti ka ngaithla reng thei ta lo.



Ka ding thut a ka phei tur chu Mahlimi leh Kimtein min en hu chungin min lo zui ve nghal vat bawk a.



Kawngka ka hawng chiaha ka thil hmuh chu, ka ding khawng reng hi a ni mai, an chhe lo dun em em mai lehnghal engmah sawi lo chuan a ka ding reng a, ka'n en ṭhin, a tu zawk nge Tluangpui pawh hre hrang mai lo chuan ka en tawn chhen a, a tawpah Tluangpuia zawk chu rawn kal hnaiin, "Ophel, hei hi ka nau ka sawi ṭhin Sangzuala chu a nia chibai ve la. Bawiha hei hi ka sawi fo ṭhin 'KA HMEICHHIA' chu a nih hi inchibai r'u," a ti chu ka bân phar chhuakin ṭawng nachang pawh hre lovin ka chibai mawl tawp.



" Ka u, i lo sawi nasat ṭhin viau pawh kha ka thiam lo hran ta miah lo mai che, i awmhmun anghet charh charhin i lo chhuk ṭha duh miah lo te kha, ti hi chuan kan chhung te bulah pawh i thlavang ka hauh ngam sak tawh dawn nih hi," min rawn en zawk paha nui ver ver chuan a tia.



"Ti zahthlak emai a, timaite hi kan nia, i u hian a fiam vel mai mai che u a nih hi, thingtlang hmeichhe satliah ve mai hi, in bulah chuan min rel nasa thei viau hian a nia ka rin ni," ka ti bah vei nak a.



" Ka u zia hi i hrechiang lo a nih chu khawpui nula hmelṭha satliah hi a ngaisang teh vak hleinem, i tan hian thlaphanna tur a awm lo tih ka sawi ngam sak, ni lawm mi ka u, i duh hlerh hlerh ziah hi, ka hrilh vek mai dawn mi?" A u chu enin nui huk huk paha a ti chu lo châng vatin, "Hrilh hrilh mah la i hrilh fing thei ngut ang emaw chu," tih pah chuan mi rawn melh vei zuk a.



Unau inngeih leh chhungkaw inpawh tak an ni tih hai rual a ni lo, an unau inchhaih dante lah hi ṭhian dun ang mai hian inpawh takin an infiam bawrh bawrh a.



Ka ngaihtuahna chu avak thui kher mai, Aizawla ka hmuh kha, awi ka hrechhuak hmela mai mai chu, ka thinrim chhan engkim a hre vek a, engmah min hrilh duh lo velah, chhe reuh lutuk mai, midang ho lah chuan ka thinrimna min ngaihthutak pui lo hlawm em em maite kha, min hrilh ṭhat ve mai âwm, ka thin arimin ka nuih za bawk si chu Tluangpui chum nawk nawk pahin, "Misual pa, hmela leh i van sual thiam tak, rilru hah deuha min awmtir hi maw i lo duh, zankhat rilru hah pawh hreawmin," ka ti hlak hlak chu an lo nui uar uar hlawm a.



" Nangni ho pawh in sual, in vai hian ka ngei che u a nia, hreawm deuha ka awm hmel hi in hmu châk, mi in khawngaih hlawl lo, ka thawk hah em em tih pawh in hre vek, tichung paw'n ka rilru hahna chhan pawh min hrilh fiah duh lo a nia, in sual tak zet," ka la ti zui bawrh bawrh a.



"Kan hrilh mawlh mawlh che alawm i awih duh lo a nih kha, tiraw Mahlim," Tluangpuia'n nui sáwng chunga a ti chu lo chhang vatin, "Kha tiang ringawt ka pawm thei hleinem, 'Ka rinawm,' tih satliah mai maite chu tu paw'n an sawi thei vek alawm, ka hriat fuh loh dan kha min hrilh ṭhat ve mai tur che u alawm," ka ti bawrh bawrh a, ka ngaihtuah chian poh leh ka thin arim zual nimai hian ka hria.



Chawhmehte leiin an lo siam tir daih tawh chu niin, an haw tak mai si loh ah chuan chawei ve nghal tur ten ka'n ti zui ah, engmah hre ve hek lovi.



" Chawei lai chuan eng eng emaw sawi'n an ti ti luam reng a, Sangzuala pawh aṭawng duhin a tlangnel zui ve mai a. A chanchinte zâwtin ka pa chuan a ti ti pui ve luam bawk a. Ka va en leh zawk ṭhin an inang hi ka ti ngawih ngawih, ka hmuhsual pawh a âwm lo hran love, ka thinrim dan vel ka ngaihtuah chhuak thut a ka nui huk avang chuan ka chawei ka hak ṭhelh lehnghal.



Ka khuh zui bawrh bawrh a Thuangpuia'n ka hnunga chum dup dup pahin, "Tui i duh em?" a tih pawh chu chhang mai lo chuan ka thaw ṭawlh ṭawlh a, azia deuh hnu chuan, "Ka duh ka duh thuai vat," ka ti sap, hman hmawh tawk adingin a va thli sawk sawk a, min pek rual chuan ka in nghal bawrh bawrh, azia huai mai.



Engkim hre vek tawh mah ila ka la titau laklawh tlat, hlim ta viau anga lan chu ka duh rih tlat lo, Sangzuala a awm avang erawh chuan han tihlan vak erawh a nuam chiah bawk si lo, Tluangpuia hmuha tihtauh duh viau pawh ni ila arem teh chiam bawk si lo, ka thinlung tak chuan ka lawm viau lawi bawk si, awmdan thiam ahar angreng kher mai.



Sangzuala chu a ṭawng duhin a bula awm a lo nuam kawp a, kan innel nghal hlawm khawp mai.



Thingpuite kan in zawh chuan rei awm lovin vawiina a rawn kalna achauh deuh avangin min haw san a, an haw hnu chuan kan sawi zui nghal mawlh mawlh, Mahlimi chu kan han dem fiam nghal ngawt bawk ah.



Kimtei chuan, "A tih chi viau ang, in han mo dun ngei angah, in neih ni pawh arualin kan han tiang a, nuam dawn lutuk," nui hawr hawr pah chuan min rawn kheuh zeuh a.



Mahlimi lah chu a phur phurah lo ṭangin asawi zui chiam bawk a, "Ka duh chi, ka duh chi, a ler ang tih chu ka hria, mipa ler enkawl dan te chu ka hre hneh ve tawk," phur hmel fahrana a ti chu, "Ka mo pui atan ka duh chiah che em aw, min biak ṭhat viau chu angai ang," nui rah rah chung chuan ka lo fiam zauh a.



Min ei lo hmel zeta mi melh chung chuan, "A ve lutuk chuan, ka sawi bam sak zawk mai tur che a nia, min tlawn huam huam zawk mai tur asin," a ti chu za zet chuan ka nui chiam a.



" I duhthusam a nih mai chu, i duh chuan sawi ṭha ve mai la, ka lo tihpui dawn che nia," ka ti ṭha leh chu a run kher mai.



" Ṭhiante zara tûn thleng ve mai hian, 'Ka tihpui ang che te han tih' ka lung i ti chhe zawk e a, lo inrawlh ve lo law law zawk mai teh," a ti chu amah zawk chu za lutuka rawn nui chiamin, "Awi ka thi ṭhak, kan ngaihtuahna hoh ziah hi, an lo hre ru ang tihte pawh hlauhawm zawk hian," tih pah chuan a nui chiam a, kan pathum chuan zan rei tawh e ti lo chuan kan han nui tak tak a, ka nu paw'n min rawn khak hial, ka nui ring ve bawk êm atin ni.



Mut atui suk suk bawk a niang zing thawh pawh a nuam ta sâr mai, ka hlim ru veng veng hian ka hria, ni chhuakte pawh tuk dang zawng aia mawi bik ta riaua ka'n hriat chu, midang tan chuan angai reng amaw a ni awm sia, ka tan chuan ni thar duhawm tak hi a ni ringawt, ka rilru hahna zawng zawng lâk kian ang duak a ni ta bawk nen. Mahse, hlim ta viau anga awm chu ka tum hrih ṭhak lo, sual thlak hian.



Hmingsanga pawh kan bulah rawn tâl hret hret deuh reng a, naupangtê aṭanga in kawmna na na chu in ngainatna pawh atam ve mai, pasal neih san ngat phei ilang chuan min ngai ve ngawt ang le! chutiang thoin a ni paw'n nei se ka ngai ve ngawt ang.



Ka ṭhian te zarah kan ṭul lutuk zualpui pawh azia ta deuh, Sangzuala awm laia picnic hman loh an hlau bawk a. Vawiin pawh picnic dan tur vel sawiin kan phur tlang kher mai.



A ṭhenin kan huan an rawt a, aṭhenin Dimphai lui lama kal an rawt bawk a, ngaihdan inang lo ta chu 'A tam zawk ngaihdan kan la dawn nia, a hun dawnah kan la sawi ṭha leh mai dawn nia,' kan ti ta ringawt.



Sangzuala leh Mahlimi chu kan dem fiam deuh reng a, Mahlimi lah duai bik hek lo, " Min dem inngaizawng tak tak mai tur a nia, kan ni ta emaw tiin ka lo ṭha awm ve tawp mai tur asin," zâm lo zetin nui ar ar pah chuan a insawisa zui a.



Sangzuala lah chuti bawk, "Min dem zel r'u, dem man kan awm phian maithei asin ti raw Mahlim," ti pah chuan Mahlimi chu a'n melh zuk a.



" Hmingsanga chu lo ṭawng ve in, "Mikhual tlangval hi in lawm riau mai ka ngaihdan a ni lo tawp, khawtual tlangval pawh kan awm ve rengah," nui so chunga a ti chu ka lawm kher mai.



" Hmingsang lungngai mah ta che, sava thlawk lai kan nih hi, a perh thla thiam thiam ta kan ni mai," ka lo tifiam vei zuk chu Tluangpuia lo ner vei nâng a.



" Chu ti chu ka perh thla thiam mai mai ang chu aw, ka veh then then ṭan mai dawn a nia zanin aṭang hian, 'Mahlim i inring maw?' Sangzuala'n a ti chu kan nui leh dar dar a.



" Min perh thla tawh amaw tia chuti chauh maw la ni a," nui hawr hawr paha a ti chu, " ln zak lo dun mang e, dem fiam hran pawh in ngaih loh tawp hi, in induh a nih chuan sawi chiang law law rawh u," melh tawn ve ve pah chuan ka tia, Kimtei lah chuan, "Dik chiah," lo ti ve vat bawk a.



Tluangpuia lah chu ngawi renga kan thusawi ngaithlain akhât tawkin a lo nui leh zauh ṭhin a, Sangzuala ve thung erawh chu a ṭawng duh em em mai bawk sia, unau ve si an inang lo kher mai.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 3rd, 2020, 12:37 am

CHAPTER- 14


KA HMEICHHIA


BY; NUTEI VARTE


Kan ti ti tui bawka inṭhui chak ahar ngei mai, ka nu chu lo dak zuaiin, "Puakzo te in kang mai mai duh lo mi? induh chuan atam a nia," a ti chu an lo duh hlawm kher mai.




Tluangpuia chuan, "Keiman ka'n lo kang ang e," tih pahin a kanna tur leh puakzo la tur chuan akal nghal vut a.




Sikri ah meihawl vur belhin puakzo kanna tur thirbel chu a chhuangkai a, thirbel chanve dawn chuan a lo chhûng lut chu niin, a rawn puak tak tak mai chu thirbelah leng tawh hek lo, amangang tihgaihna hre lo phi chûk thawmah kan han en chu, a lo liam ten tun mai, a la puak reng mai bawk sia, kan han nuih tak takah. A mangang hawi hâi vel chuan kan nuih a tiza ting bawk si, kan nui thawmah ka nu chu rawn phei vatin, "Eng thil nge nita ngai!" a tih rual chuan Hmingsanga puakzo kan baw liam pheng phung chu a rawn hmu ve nghal a, a nuih za berah a rawn ṭang amaw tih mai turin a nuihpui ve chiam a.




" Thâmkhat lek leka thlâk tur a nia, i duhthawh mah mah nih kha," nui bawk bawk pah chuan a chawithla nghal a.




" Tuman min hrilh lo a nih kha," min dem aw zeta a ti chu kan lo nuih dual a, "Hrilh ngai turah che kan ngaih lo a ni mai lawm, thiamawm fahranin i chuh vei chut bawk nen," ka tih rual chuan, "Thiam turah ka inngai ve tho alawm," nui huk huk pah chuan a ti ve leh a.




Sangzuala chuan, "Engtikah chuan nge picnic chu kan tih dawn tak, kan chhuk hma hian tih angai a nia, a hmun tur nen lo thlang fel ula, abak chu kan lo ngaihtuah vek ang," tih pahin puakzo chu tui tih hmel zetin ei ri rep rep a.





" In chhuk hma ngeia kan tih chu angai alawm, nih loh chuan in tel thei nang," nui rah rah pah chuan Mahlimi'n lo ti zauh a.





" Chimawm ve sia, kan chhuk hnu ah in tih ṭâl duh leh in thu thu alawm," Sangpuia'n a ti chu, "In hau s'u in inkawm leh duh ang," Tluangpuia chuan lo ti vei zuk a.





" Tunkar tawp hi kan tinzawn dawn mi ni ang, keini pawh kan inthawk veng ve hman turah ngai ila, a hmun tur chu in duh na apiangah a ni mai." tiin rawtna chu ka siam ve luam a, kar tawp lam a nih loh chuan kan inṭhui zo hman dawn lo bawk nen.




" In huan kha arem mai alawm bungbel engkim a awmsa a, tui chên in duh paw'n a awm nghal bawk a," tiin Tluangpuia chuan a ngaihdan a sawi ve bawk a.




"Hetah mas hmang se min ti em?" Zawh bik neiawm pawha lang lovin a en ngai a en ngar a.




An ngawih ṭhup si avang chuan ṭawng chhuakin, "Duh pawh ni ila i hmang dawn chuang em ni?. Nula chhe lo deuh kha zu hman pui rawh," Ka sawi zo chiah chu hriatchhuah nei tih hriat zetin ka nuih za thut chu ka nui chuak hawk hawk a, ka hmuh laia ka thinrim zia mai maite kha. A hun lai kha chuan thinrim thlak ve bawk êm asin.




" Thik ṭha leh vel nimaw?" "Hmm. Ka thik ngai reng reng lo, min bum ni a ka hriat vang zawk, dik tak chuan engmah min hrilh fiah duh lo kha ka lawm lo khawp mai, thil sawi har pawh a ni lova, ka lung hi a awi mai mai dawn lo," ka'n ti ṭha leh a.




Hma kan sawn zia ka hmuh hian sawi fiah phal mai mai chi a ni hlei nem," a ti duh lek a, hmasawn azawng chuan, kha tiang thil a then hma leh athlen hnu kha chu inang lo tih kei hian ka hrechiang ber awm e.





" Tak takah Sangzual hmanah Bazara ka hmuh che khan khawi lam nula nge i kal pui reng reng a, sang lam pang sam sei chhe lem lo a nia, ka rawn nuih che kha min hmu ve tho khan ka hre sia, i la ngaihtuah chhuak thei em?" Ka hrechak thut chuan ka'n zawt zui a.





" Nge maw ka ngaihtuah chhuah loh ang, kha mi avang a inbuai thu thlengin ka hre vek alawm le, a takah hmu lo che mah ila ka hmuh che khan ka hre nghal vek che, ka hmeichhe kalpui kha a hman hmawh em a ka be ta lo che a anih kha, insawifiah ngial angai dawn bawk nen, ka be lo che kha a lo ṭha ta phian a nih dawn hi," a u melh zauh paha a ti chu thum dat pahin, "In lo sual thiam dun hle mai," nui duh miah lo chuan ka ti vei hmak a.




Ophel, han ngaihtuah mah teh khatiang boruak a thlen hma leh tuna i rilru kha, ngaihtuah chhuah chu i nei ngei ang, thîkna i neih hma kha chuan i ngaih kha a ṭha mah mah a, a hlawk thlak viau kan tia sin, i ngaihṭha lo tal buai vel kha chu a hmuhnawm narawh e, thup tum viau mahla kan hai dêr mai si lo ah," nui rah rah paha a ti chu ka run kher mai.





"In chhe hlawm ngawt alawm, atthlak lutuk," kan ti hlak hlak a.




"Han thinrim tlang la ka lo tia sin, i daih rei lo mah mah a nih kha, an sawi fiah thei reng a, rilru hah deuhin i awm tih pawh an hmu reng che a, engahmah an ngai tawp lo a nih kha mawle," Hmingsanga'n min fuihpawrh tum zeta a ti chu Tluangpuia ngaihdan a nih hmel loh kher mai.




Tluangpuia hian Hmingsanga a ei vak lo tih chu hre mah ila ka kalsan ngawt theih lo, ka ṭhian ṭha tak a nih avang leh athlavang ka hauh nat zia a hriat avang hian ei lo anga lan a duh lovin min khap ngam chiah lo mai chuah a ni.




Hmingsanga lah chu an haw hma haw atum ngai bawk si lo, duh aia rei an men pha fo lehnghal, an pu mah ni se min tina ni a ahriat hi chuan zahpah teh vak lo hian a ṭawng khum hmiah zel mai bawk si, pakhat lah chuan a chhâng tawk thiamin thinrim hian a chhang let ngai lo hi a puitlingin insum thei tih chang erawh ka nei fo.




Kan picnic dawn tuk chuan hma tawka thoin ka inti fai sawk sawk a, thingpuite ka inzawh chuan room-ah ka lut leh a Kimtei lo la tho lo chu kai thoin, "Va mutui ve tho tawh teh," tih pahin ka sawi nawk nawk a, rawn zi ṭial ṭial pah chuan, "Ala hma lutuk ka mut ala chhuak alawm," tih nang nang pahin l inkhuh ṭhat a rual a, "Hma tawh lo hei, ni pawh achhuak tawh, tho la insiam ang, kan picnic dawn kha," ka ti chu za lutuka rawn nui chhuakin, "Nanga phûr lutuk awmngaihna hre lo, muthei lo hian min kaihthawh ve ngawt chu, kan kal dawn lutuk, za cheng lo khan awm ve mai mai teh, rei lo te ka la mu dawn," tih paha a insiam ṭha sauh chu a rizai sin pawh hlim thut pahin, "A hun tawh lo, atlai tawh em hi, i mut luih chuan tui ka rawn leih che a ni mai, " nui ar ar pah chuan ka ti zui a.




Thinrim nuihza bawk si a min en in, "lnsum ve deuh teh nanga phur vang ngawta mut kham lo a ka awmna chhan tur ka hre lo, min kaihthawh lui chuan ka puan vek che a nimai," a ti chiah chu, "Het... A chi loh ang aw, ka phûr vang pawh a ni lo, a nih i duh chen chen mu ang che, ka kaitho tawh dawn miah lo che a nia, i inpeih hman loh chuan kan kalsan hmiah che a ni mai," tih pahin ka ding a, "Tunang huna la mut vum thûr theih mai chu, mak ve e" tih nuah nuah pahin ka pheisan a.




Helhhawlh an tih ang hian ka awm emawni, chaw pawh ka ei hlei thei miah lo, thawh mai ka tum chu Kimtei'n nuihzat hmel tawkin, "I thlenga awm tal hi chu ei zo teh, tuman an kal khalh dawn lo che, phurthak leh lutuk mai," a ti chu ka lo nuih suk a, "Ni ngawt mai Mate, i ei tlem leh lutuk, in chawei hun tur i ban lo mai ang asin," ka nu chuan a lo ti ve bawk a, "Ka puar alawm, ka ril aṭam lo hrim hrima ka ti ve thei mai ang, ka ei thei thlat lo," tih pahin tui dehna lam ka pan san daih a.





Kan chawei kham rei vak lo ah Tluangpuia te unau pawh an rawn thleng ve nghal a, an chhe lo dun kher mai.





Tluangpuia chu enin ka nuih suk a, a inthuam simple phian a, kha tiang khan ka la hmu ngai lo tlat a, a lo inhmeh vel vek a nih hi.




Inthlak tur chuan pindanah ka luh san a, hak tur hi ka hre lo kher mai, chawlni chu nise inkhawm kawr a ni mai a, hnathawk tur pawh ni ila hnathawh kawr a ni leh maiah, hanin chei vawr chi lah ni si lo, ṭhing lutuk inbelh chi ni chuang bawk si lo, tiang hunah hian alawm inchei thiam hi har ka tih fo.



Simple thei ang bera inthuamin ka chhuak a, Tluangpuia chu pindan kawngka bula lo dingin min lo thleng nghal vat a, min en ral dawn amaw tih tur khawp a mi en kim hnu chuan, "Tiang hian inchei ziah rawh, i nalh lutuk tlat over si lo hian maw," mit min sia zauh pah chuan ka bânah vuanin min kai chhuak a, "Min ti zak a nia min thlah teh," tih pah chuan ka tal aih a, a thlah hmel loh khawp mai, min vawnna chu a vuan nghet sauh zui, a car hunna kan thlen chuan kawngka hawng nghalin ding sawn det pah chuan ka luh theih turin a pawh zau belh leh a, min nawr lutin amah pawh arawn lut nghal vatin, "Itawm reuh lutuk mai," tih pah chuan min fawp nghal mawlh mawlh, lo chhâng let vatin ka lo fawp let mial mial a, rei pawhbkan infawp hman lo, ka ṭhu fel âwr chauh tih chuan midang ho pawh an rawn thleng zui ve nghal a.




Kimtei leh Hmingsanga chu kan hnungah an rawn ṭhu a, Sangzuala leh Mahlimi an inphur thung, kan tlan hmasa a kan hnungah min rawn zui ve nghal.



Sangzuala leh Mahlimi hi nive se tih ka lo ngaihtuah neuh neuh, an awmdan han en chuan an inhuat hmel loh riau chuan ka hria, nge an inkarah eng emaw a lo awm fel dêr tawh zawk!? An mizia en chuan tiang lam hi an harsat hmel loh phian leh nghal, Sangzuala erawh hrechiang viau lo mah ila ngaihzawng nei zûl chi hi a ni ka ring ve tawp, Mahlimi lah chuti bawk ka hrechiang ve khawp a, engmah hi angai serious ve lem lo, nihpui zuta rei lo te ah ṭhen leh mai hi a tihṭhan emaw tih mai tur hi a ni tawh, han in kawp ve chhin se a dân adan ka'n beiseih pui ve ngawt.



Ka ngaihtuahna vang chuan ka nui chhuak huk a, Tluangpuia'n min rawn en kawk pahin, "Eng hi nge maw i ngaihtuah a i nui pût pût reng le? Mi ang lo ang mai," a ti chu nuih bawk bawk pahin, "Kan hnunga tlân te saw maw le, duhthu ka lo sam pui chiam a, han inkawp ve chhin se eng nge a an ang tih mai mai ka lo ngaihtuah a, Mahlimi hi ngaihzawng nghet nei ngai miah lo a nia, Sangzuala hi chutiang mizia tho a nih ka'n ring ve ngawt a," ka ti zo chiah chu Tluangpuia pawh rawn nui ve hawk hawkin, "An inang vel chiah a nih chu, Bawiha pawh hi engmah hi serious tak a alak pawh ka la hre ngai lo, a nih pui reng emaw ka tih chung hian midang a lo nih pui leh a, chu tiang vel chu a ni, han ni ve chhin se an inmil phian tak ang a, an nih ngheh tak hlauh leh a rualin kan ti huk ang a, chi dawn riauin ka hria i sawi takah chuan," phur hmel zeta tih pahin min rawn siai kher ah.




"A, chu tiang thleng thleng phei chu ka lo ngaihtuah thleng miah lo, mumal deuh hian ngaihzawngte hi nei ve tawh se naupang chhe zawk zawk a ni tawh lem lo bawk nen, ka' n ti mai mai maw le, i lo ngaihtuah thui mah mah anih chu," ka'n ti ṭha leh a, ka nuih erawh aza ru phian, pasal neih hi ka la ngaihtuah chhin ngai eih lo, hetia awm mai mai hi a nuam ka la ti.



Kan ṭhenawm naute ṭahbelh zet mai ka ngaihtuah chang phei chuan ka châk hlawl lo, zun leh ek a thlahdah bawk si, ek sukte hi ka peih lo, fa nei ilang chuan ka thli char char ang, ka ngaihtuahna mai mai chu.



" Mahlimi te chu ni ve se ka lo ti tak tak asin, in sawi chhuah takah chuan an in hmeh dawn riauin ka lo hria a," Kimtei pawh chuan a rawn ti ve luam a, Hmingsanga pawh rawn ṭawng ve in, " Kei ve hi mi in ngaihtuah lo e mai tunge ka date ve ang tihte pawh lo ngaihtuah ve teh u, tak takah kei chu mi duh lo ka châng dawn," tih pahin tukverh lam en in páwn lam a thlir zui daih a.




"Mi duh lo chân ai chuan midang zawn ve mai tur, an lo duh reng phei chuan hawihil reng thei a ni ve tlat a nia," Tluangpuia chuan lo ti vei hmuk.




" Kan hawihil reng ang a nimai lawm," thaw hak pahin Hmingsanga chuan a lo ti ve leh a.





" In ho e mai, Pathianin hun a tih hunah chuan ila tawng ve em em ang, lungai mah ta che, kan ta tur hi chu ahranin a awm ve a nia," an in bah sual hlua zet chuan ka lo ṭawng ve vat a.



Kan huan a hla lo bawk a kan thleng zui nghal dér a, Thluangpuia'n motor a ti thih dut rual chuan kan chhuk nghal a, kan buangrua vel kan thiar phei nghal zung zung.




Kan thiar zo thlâma kan ṭhut chawl hnu pawh chuan Sangzuala te an la rawn thleng lo, Kan hnung mai a rawn chhuak si an rei ta lutuk chuan ka ngaih an tiṭha ta lo deuh, ka ngaihtuah ang chu midang paw'n an ngaihtuah ve a ni ang rei an tih tawh thu an sawi nak nak hlawm a, mei te chhémin dekchi lianah tui kan lo chhuang puau hnu pawh chuan an la rawn thleng ta chuang lo.




Tluangpuia ngaih pawh aṭha ta lo deuh a niang vei kual chhen pah chuan tlan let a va thlithlai a rawt hial a, bana chahbi bâwr a khai chu banin a chhuak nghal a, kawngka pawh a kan fel hma chuan thlâm piah muala an rawn in phur phe vawk vawk chu kan hmu rual ṭhawt a, Thluangpui pawh chu rawn pen let lehin, "Hmm. Hmela te mai mai chu, ngaihtuah loh loh tur min ngaihtuah tir hman a lawm le, rawn thleng fel teh se, mawl dun lutuk mai," tih nghut pah chuan chahbi chu khai ṭha lehin ka bul chetah a rawn ṭhu a.




An rawn thleng chawp chih nghal ve bawk a, biak pawh be duh lovin kan lo ngawi ṭhap, Mahlimi chu rawn luh pahin ei tur eng eng emaw an lam belh leh thu sawiin a ri chúl a, kan lo ngawih ṭham avang chuan hawi â deuh huin, "Tinge in ngawih tlat a thil dik lo a awm em ni?" Ngaih ṭhat loh hmel zet chuan a ti zawk zawmah ah, "Kan lak khawm vek tawh kha a tawk in ti em em lo em ni? Eng ang fakauha ei thei nge maw in nih le! In pahnih khan in ei zo vek ang, a ṭha em?" a ngaihtuah lutuk thinrim deuh bawk si chu Tluangpuia chuan a ti vei khauh a.



Mahlimi hreawm ti hmel ka hmuh chuan ka khawngaihin ka nuih a za deuh bawk si, kan lo ngaihtuah zia engmah hre lo ta chu kha tia Tluangpuia' n a lo tih takah chuan a awm viau tho.



" In rawn thleng har lutuk a, kan hnungah mi'n rawn zui ve nghal khan kan hre si a, tu emaw phei chu awm hle hle thei lovin rawn zawn che u a lo tu hman hial a, kan lo thinrim lo zawk hi ka tia sin," tiin Tluangpuia thlavang chu ka'n hauh vei luam a.



Thil awmzia chu hrethiamin Mahlimi pawh a rawn nui chhuak ta hawk hawk, "Sangzuala hi lawm, a ngai lovang ka ti chung paw'n a ti lui tlat a, duh aiin kan rei ta phian sia, a awm ve tho a nih chu," tih leh Tluangpuia bula ṭhut a rual a.




" Ṭul lovah mi hi ngaihtuah viua ṭhin lo teh, nula kan phur ve a kan tawikhawmuang a ni ve mai alawm," Sangzuala pawh chuan a u siai zeuh pah chuan a'n ti sup a.



Thawh hluai pah chuan " Change in duh bawk a kan thlah zalen ang che u, ei tur lo buaipui ula keini chu huan mawng lamah khuan chhuk ang u," tih leh a bag-a chempui lak chhuah chu rualin a chhuak nghal daih a, nui tut tut pah chuan kan in en hlawm a, ṭawng zai rel tawh lo chuan kan in melh hrek hrek a ka chhuah san ta diak a, Mahlimi ngaih dan ni lo lutuk chuan min au letin, " In phakar hlawm lutuk ei rêl ka peih reng reng lo, in bula awm ka duh zawk," a rawn ti chúl a, Sangzuala'n a ka hup lo sak vatin, "Mawina'h a châk vang a nih kha kal san vat r'u, in kal har tawh a lo tiru zek maithei a nia," a ti chu thinrim tawkin a kiu chuan Sangzuala dulah chuan anghawk sak vak a 'an awm awmin awm teh se,' tiin kan kalsan lui ngat a.



Tluangpuia chu a kal daih vangin khawi lamah nge a awm pawh kan hre hman lo, huan mawng sir a sangha dil lam pan chuan kan in zui thla a, a lum bawk a chen hlân ka nghakhlel tawp.



Kan thlen thlak hma chuan a thingtuai sât thawm hriain kan hmu zui nghal a, rawn pu phei luk lukin díl bul hmun zawlah chuan a nghat dawt a, "Eng nge i siam dawn," Hmingsanga chuan a lo ti vat, "Bâwktê ka khawh dawn a nih hi, min en reng lo khan min pui ta la," tih pah chuan a khawih zawm ngat ngat a. Kimtei nen chuan inchiah daih kan duh thu sawiin kan kal san a.



Inthlak sawk sawkin dilah chuan kan zuang lut nghal bâwrh, Kimtei pawh a hleuh thiam ve tawh kher mai, a tir kha chuan a lâng ve thei lo hi zirtirin kan nuihpui chiam ṭhin kha a nia, a thiam hnuah chuan nuam a tiin a inti thei ve pang pang khawp mai.



Tui chu hleuhin kan in chhek khum chiam chiam a, kan nui dun awr awr reng bawk a, Hmingsanga chuan " Lo hleuh vak vak lo teh un, Sangha in ti ṭi zo vang, kan la man duh dawn a nia," a tih pawh chu engah ngaihsak lovin kan hleuh kual zar zar reng tho a, kan hah deuh hnu chuan chhuak ta chuang lovin dil kokam thuk lo laiah chuan inchiah chungin kan ti ti vel mai mai a. Tluangpuia te pahnih paw'n an Bâwngte
sak chu an chhunzawm reng bawk a, a chung turin thing zâr an thlak a, a hnah chu akau a hlawiin an hmang a, adai nuam dawn phian mai.



"Kimte, Rinliana hi eng nge a chanchin, engtikah nge a rawn chhuah chhoh hman ang, engmah lah hi i sawi ngai si lova," ka ti vei nuah nuah a, ka pain hmanni lawk khan phone a lei sak ve a, ka phone aṭang an inbiak ngai tak loh avang hian engah ka lo zawt bawk lo nen an inkar hi a fel turah ka ngai ve tawp a, ani lah hi zawh dawt loh chuan engmah sawina chang a hre lem si lo.



" Rawn chhuah chu a tum hnai a niang, kar hnih khat vel chu, chumi chhung chuan inneih a duh thute a sawi a, 'ka la inpeih lo ka tia,' a lawm vak lo khawp achu ka dinhmun hi a hrechiang a, 'Engkim ka ngaihtuah ang min ring tawp rawh i buai a ngai lo vang, a awlsam thei ang berin kan ti dawn nia,' a ti tlat a, han hnial vak ngaihna ka hre lo na chu pasal neih hi ka la inhuam lo a ni," a ti niap niap a.



A tihte chuan hnial buai vak duh suh, a kutah engkim dah hmak la, i hahdam a ni mai, rem chu a ruat fel vek mai ang, i tan a ṭha lo turin engmah a ti lovang tih ring la, in inneih pawh a ṭha zawk maithei asin, a awmna lamah in awm daih ang a, a chhungte tih velah chuan harsatna insiam duh suh, amah berin a duh che chuan a tawk mai alawm, hun akal ang a, nangman i zir phawt chuan an la pawm em em ang che, in bula awm chak chak kha an la ni lovang tih asawi theih miah loh a nia; ka nu pawn a ti ṭhin alawm, " Mo a tana kan duh loh loh hi an inneih chuan min chawm tura kan duh duh an ni duh phian ṭhin, chuvangin kan fa tena an duh chu neih tir mai tur, i pu in a ti ṭhin a tia,' a dik ka tih zâwng tak a ni. Puitling kan ni tawh a kan duhthlan chu nu leh pa pawh hian min pawm sak ve mai se, tih sual hlau lo kan ni bik lova, an nunchang engkim kan exam ve vek a, kan neih ngam loh tur chu kan hmangaih bik dawn lo tih min hriatpui ve se, kan lo tisual ta a nih leh ka chawh dawn a nimai lawm tiraw," nui hawr hawr pah chuan ka ti ve luam a.



" Eng nge in lo sawi siam siam a in va hlim hmel ve," rawn ti thawmah chuan ka hawi phei a, Tluangpuia chu kan lam pana rawn pheiin a nui sup a, " Ka rawn inchiah dai ve dawn in phal em?" A ti zawm zat a. Amah pawh en tawh lo chuan an Bawkte sak lam ka va en chu an lo sa zo diam tawh, a nawm hmel reuh phian lehnghal.



Inphel sawt sawtin boxer nen chauh chuan a rawn zuang thla ve nghal a, eng emaw hma hmain ka lo lai nghal ve tawp bawk, ruaka a awm hi chuan hmuh nuam ka ti ngai lo. Eng emaw chen a pil vang vang hnu chuan rawn lâng chhuakin kan awmna lamah chuan a rawn hleuh phei a, kan bulah a atawp chat zui, en ṭha ngam lovin lehlam ka hawi sawn daih, hrethiamin a nui vei suk a, ka gamchha bah lai chu lathlain, "Kha hei bât rawh," en chaung lo chuan ka vai phei a, nui hawk hawk pah chuan a ban ve mai a, "Mi hi it viua ṭhin lo teh," a'n ti vei hluk chu ner nawngin, "Ka it hlawl lo che, kha tiang khan hmeichhe hma-ah an awm ngai lo, i nalh lo ve ropui si," nui sak pah chuan ka ti zui hram, ka it vang pawh a ni der si lo, a pian erawh amawi ka ti, a awmbawr mam han mai hian ka mit erawh a la ve tho, ka en ṭha ngam lo mai zawk a ni.



Ka inrin loh lai chuan ka gamchha pek chuan ka nghawngah rawn batin min pawh phei thut a, min pil pui daih, ka tal chiam achu ka hneh lo kher mai, a rei lo viau na a ka inring lo bawk nen ka thawk achham hman ṭep, kan lân chhuah rual rual chuan a darah ka chum zui bawrh bawrh, ka thinrim bawksi chuan tuite ka ben per khum thul, "Min cho nimaw?" tih leh tui min theh a rual a, ka tive tur chiah chu ka banah pawtin min kuah bet hmak pahin "Heta awm ve ka chak tawh zia kha, ka rawn hawi phei reng a, min en duh mang si lo, nge ka tel lova i lo chen thawt thawt," tih pah chuan min kuahin hnai zet chuan ka mitah a en a, ka lo lâi ṭep.




Lo nui sak pah chuan, " I lo kal har ka tih zia kha ka lo ngai hman takzet che," kanlo ti vei sup chu nuih hak pahin, "Eng maw i sawi a han sawinawn leh lawk teh," lawm hmel zeta a ti chu, nui har har pah chuan, " Ka sawi zawh chiah ang kha a nimai, i beng a ṭhat chuan i hrechiangawm emai," sawi nawn duh tawh lo chuan ka nui hak a.



" Saul reuh lutuk, min ngaih takzet chuan ka biakah rawn chuk rawh," a ti chu ka lo nui sak, ka ti ngam lo turah a ngai a ni ngei ang, a mah zawk chu a nui vei hah hak a, a rin loh deuhin a biakah chuan ka va fawp zeh chu pawk zeta min enin min pawt hnai hrut a, " Mate, ka van lawm, i tih tak tak duh ka lo ring miah lo," lawm tih hriat zet chuan min kuah hlu hlu a.



Ruaka awm a ni bawk a, a taksa lum ham chu ka hre rang kher mai, " Ka duat sawt che," a sawi zawh rual rual chuan min pil pui leh daih, min kuah bet hneh bawk si, tal chhuah ngaihna awm lo tih hriain ka tal buai peih lo, a pangti ngheng hian ka awm khât bawk a nuam lo ka ti ru khawp, ka mawngin a deh thil ruh lung ka la hre zui.



Kan hawi chhuah leh rual chuan ka khuh nghal bawrh bawrh a, ka hnungah chûmin hlauhthawn hmel zetin, "Engtin nge i awm?" a ti zawi sup, a mangang hmel chuan ka nui tiza viau mahse hreawm tih hmel zetin ka awm der lui zui tlat a, min pilpui tawh lo se ka duh, tui hâk ang chuan thaw hlawp hlawpin ka khuh lui chiam chiam a, a mangang lutuk chuan min pawm chhuak nawlhin an Bâwkte sak lamah chuan min phei pui nawl nawl a, ka nuih chhuah loh nana ka insum nasat zia kha.




Mahlimi te rawn chhuk ve chiah bawk nen, kha tia Tluangpuia'n min pawm luk luk an hmu chu mangang zeta rawn tlanin min rawn bâwr nghal hlawm a, "A thaw ṭha thei lo a nia, lo hnaih vak r'u," a la ti zui, an Bâwk sak hnuaiah chuan puan phah vat turin a tia, tuber hian nge phah ta pawh ka hre lo ka meng ngam tawh lo hrim hrim nat hmel lutuk a min sawng bawl chuan ka nuih a ti zat rualin ka na ta viau emaw ka inti ve ṭep, min muttir rual chuan ka thawk nawmnan tiin ka awmah chuan a nem chawt chawt zui.





Mahlimi'n," A ka- ah khan hâm rawh, tui hâk enkawl dan ṭha ber a nih kha, thuai vat," a lo ti chu a ti tak tak ang tih ka hlau bawk nen ka nuih za lutuk chu ka insum zo tawh ngam lo, a lawng tawpa nuih ai chuan tiin khuh lui chiam chiam pah chuan ka nui chhuak ta vak a, min melh rum hrep pah chuan a kut la sawnin leh lam a hawi daih chu ka nuih a ti zual sauh, ka'n nui ta tak tak a.




Min pawm chhuah hma, ka hnunga a chum lai ata tawh ka nuihza insum zawng zawng kha ka bun ta tak tak a nia, duh tawka ka nuih hnu chuan ka ṭhiante angaihna hre lo a lo nui ang phiau ho lam chu en in kan nui ṭha leh chiam a, thil awmzia min zawh sap sap lai chu chhan pawh ka chhân hmain Tluangpuia chu rawn hawi phei vutin min pawm thawh rualin ka hmuiah a rawn fawp thut a, tal chhuah tum chuan ka nam nghal ngat ngat, ka hneh lo nasa, thawchham dawn a min fawh hnu chuan min thlat pahin, 'hremna a nih kha' a ti sum chu ka ngei kher mai, midang awm lai a min tih dan kha, midang awm laia kha tia min ti kha mak ka tih mai bakah a mizia nen a inmil lo lutuk kha thinrim ngaihna pawh ka hre lo zawk, kan ṭhiante lah chu an lo nui ham ham zui, ka lai bawk si chuan ka melh rum ngheng ringawt.



"Khatiang tur kha alawm mipa dik tak chet dan tur chu ṭha lutuk," tih pahin Mahlimi chuan kut a lo beng vel a. Ka zak bawk si chu ka sa chhuak vekin ka hria. Tluangpuia bawk chu melh leh in ka chhiat khum ngheng ringawt, engah mah ngaih loh hmel zet chuan min lo nuih suk zui.




Hmingsanga chu a ngaihdan nih loh hmel zetin, "In fawhna hun leh hmun in duhtui lo khawp mai," nui suk pah chuan a ti vei zauh zui, mahni lo maha zah nak lai hian, Tluangpuia pawh ka ngei phah vek.



" Che pa ve hle mai, engtik aṭang khan nge kha tiangte kha ilo tih ve ngam tak a," nui hmun hmun paha Tluangpuia mel zawk pahin Sangzuala chuan a u chu a'n kâp zauh pek a, "Lutuk che hian a romantic ilo ti viau a nimaw, nangni pawh khatiang tizo khan a ni lawmni in lo chhuk," a ti chu sawi fuh intih hmel zetin a nui zui huk huk roh a.



Mahlimi uan a chhuak pek, " Ṭhian te awmlai êm hi chuan kan insum tlang dawn nia, in duh leh fiamrialah in ti tawh dawn nia, kenite chu kan tih leh tih loh pawh in hre lo, thil hreawm zawk zawk pawh a ni lo bawk a, kan lo infawp ve nawk nawkte pawh a ni mahna tiraw Sangzual," tih pahin Sangzuala hnungah chuan a beng ri thlawrh a.



An Bâwkte sak kawtah chuan pipu kan siam tir a, hmeichhe ho chu uaiin mipa ho in min then a, Kimtei leh Hmingsanga pawh an thawmah chuan an hlim ve hle, Kimtein bialpa a neih thu leh an boruak engkim hriatpuitu ve tho a nia, Hmingsanga erawh tunah hrih chuan bialnu han tih tur a nei lo , nei se chuan min hrilh ka ring ve tawp, hmeichhia hi a ngaihsak teh chiam lo, tihian kan bulah a tal ve kum tluan hi a nimai.



Ka ngaithuahna ka kawm melh melh lai chu Tluangpuia'n min lo be reng niin asawi ka hriat loh vang chuan min lo zawt nawn chhen a, chu pawh ka lo la hre ta chuang lo a thinrim chuan ka uaina pipu chu natawkin a then lawp a, ka tlak ṭep avang chuan ka harh chhuak zawk, "Eng em em nge i ngaihtuah a ka biakna che i hriat theih miah lo, mi â ang mai hian awm ziah suh," tih pahin a vuan ding chawt a, inthiam lo zetin, "Thil dang daih ka lo ngaihtuah a," ka ti heu chu lawm loh hmel zetin, "Ka bula i awm reng chung paw'n i rulru chu hmun dangah i dah daih zel alawm, he tiangte chu i tihdan ṭhang a nia, ngaia nei turin ka inzir angai dawn nih hi," lungawi lo tih hriat zet chuan a tum zui hmak a.



" Chutianga huat tur chi pawh a ni lo, thil hote mai mai alawm ka ngaih tuah, thinrim lo la aw," tih pah chuan, "ka thên ve thung ang che, ṭhu rawh," ka ti nghal zat a.



"Ka zawhna pawh min chhang lo," tih pahin a ṭhu ve mai bawk a, "Han sawi nawn leh keuh mai la," tih pah chuan ka then nghal lawp lawp a, "Sawi nawn chakawm pawh a ni hran lo, ka ngaihtuah thu che leh eng nge i an tih tê mai hi mawle, i rilte a ṭam tawh em?" A ti nghal zat a, "Ṭam ve ṭep tih pah chuan ka phone chu phawrhin sana ka en nghal a, "Rilṭam a lo hun tawh tho a nih hi," " Sana i en hma khan i ril aṭam lo tihna em ni?" ngeiawm ṭha hian a.



" Ṭam ve tho a, sana ka en hma chuan ka inringhlel deuh a, ka rilṭam hi a âwm ka tih tho avangin ka sawi chhuak ngam chuah," 'Ât thlak hian' tih hluk pah chuan kan ṭhian te inthen hlim nui uar uar lai chu ko in chhoh a rawt nghal ruai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 3rd, 2020, 12:38 am

KA HMEICHHIA.



CHAPTER- 15


NUTEI VARTE.

Chawei tur chuan kan in zui chho a, Sangzuala leh Mahlimi pawh tunge thleng hmasa sa tiin an in tlansiak chho tak tak a, ka hmuh mai paw'n ka lo hah ve tawp, kawng achhoh tehlul nen hian, "Tive ila," tih pahin Tluangpuia chuan ka banah kaiin min tlanpui tum awm takin a pên pâwk a, ka lo ṭe ṭhawt hman, "Nghal lutuk mai," ka ti zui hram,



"I hah viau chuan ka lo paw chho ang che hmiang," a ti sup chu enin ka khi sak a," Ka inpuak tir tak tak mai tur che a nia, ṭawngkam ṭha ka hnar theih loh hun tak a nih hi aw," ka thaw tirangin hah hmel tawk chuan ka aw ka tidanglam vel a, "Zei ruphian vel ṭhin hian maw ka paw hreh reng reng hleinem che," tih pah chuan min puak tak tak tum chuan ka hma ah dingin a awm hniam sut a, "A zia lo em mai ka kal thei," ka sawi zo hman lo chiang hle, "I thei lo ka ti lo ka paw châk che," Tih paha rawn ding chhuakin min pu ta daih a, ka leng vak vak rual chuan a darah ka chum awt awt bawk, ka rak chul thawm nen, ka nuih za bawk si chu ka chau zawk mahin ka hria, "Mi dangin min hmuh hma hian min chhuk tir vat teh, kan ngam leh dawn lo lutuk," Pang ngai zawk chuan ka ti leh, min thlah a hnêkin min vuan nghet sauh zui, thlamchhunga min luhpui rual chuan "A chau a, ka rawn pu chho ta mai," tih pah chuan min ngat thla riai riai a, "Dawheh lutuk ka chau awkawng lo, ka duh lo chung min pu lui a nih kha," ka ti vei hmak, a inla zei thar ta lutuk hian ka nuih ati za ve thlawt, vawiin hi ka tawn ngai lo leh Tluangpuia zia ka hriat ngai loh tam tak ka hriat belh hnem ta khawp mai, kan inkawm a, thil tam tak kan titlang fo. Mahse, chhungrilah inpawhna tak tak kan nei ngai lo, kan taksa pawh pangngai takin ngaituah let veng veng ngai chi ang khan a insi tlat.



"Thurawn pek manhla tak leh hlawhtlinpui bertu i ni, i zei sawt riau mai," Sangzuala thusawi ka hriat rual chuan ka nui chhuak huk, a zei loh zia hriain eng eng emaw a lo fah ngei a nih dawn hi, mipa hul lutuk leh tuihna pai lo lutuk hi chu an ngaihawm lutuk ngai lo, zei over kher a ni lo, ngaihawm thei angber leh hmeichhia care thiam deuhte hi a pawimawh ve reng, keimah ah pawh ka chian nghal em hi maw.



" Ve bawk che hian, ahun leh ahmunte chu ka hre ve em!" tih pah chuan nui vun vun chung chuan Sangzuala chu a melh hrawk a.



"Ophel, a ni em nii? ka rawn lan hma hian ka u hian ahun leh ahmun hi a hria em? Tlangval mahni hna chauh ngaihtuah bialnute care nachang hre lo, mahni awm awm a rinawm ve tawp duhawmna pai tel miah lo ang kha," a sawi zawng zawng chu ka ngaihtuah let a adik vel vek lutuk chu ka nui chhuak hawk hawk.



"Kei ai chuan i hrechiang daih zawk a nih chu," Tluangpuia run hmel lutuk chuan ka nuih ati za ngei mai, ngeiawm deuh chuan min rawn thleng bâk a, "Ka zei ka la show lo mai mai ka tih tawh kha, he mi chhungah hian hmeichhe hip theih riauna a inphum ru tih lo hre phawt la," tih pah chuan a âwm a'n beng vei thak thak a.



Mahlimi nuiza lutuk chu a lo khek vei ruai a, "Kha mi i áwm chhung a zei riauna inphum ru chu a puah chhuah meuh chuan kan dawl leh si lovang, mipa hnawng deuh ang a i lang lo chung paw'n heti hi kan nia," min kah zauh pah chuan a nui ang bawk bawk a.


Kimtei, Hmingsanga leh Tluangpuia chawei siam pawh an lo nui ve nasa mai.



" Ka kut silna tur tui min lo suah teh," Ka awi lo zawk Tluangpuia lam chu hawiin ka thle bâk a, "Ka phu ve viau chuan ka hria, ka hah zia kha ka pu thleng zak che a nia," Ṭhen suk pah chuan, "Ka phut lo che, 'min pu rawh' pawh ka ti lo che, nge min put luih tehreng ei," ka lo ti vei hlak, "Va suah ve hle hle rawh ahar loh tawp kha maw," Mahlimi chu enin "Ahar loh chuan nangman suah la," ka nui duh miah lo "E le, kei min tir hleinem, min pu thleng zaktu chu awm se a tirh pawh ngai lovin ka suah chiang viau ang," an va ngeiawm thiam tak e aw, suah sak hreh vang pawh ni lovin ka ṭang laklawh tlat.



"Chutia mi i put let a nih chuan khawi tui awmna thleng ka pu phei ve ang che," put tum tak tak awm tak chuan kunin a malah chuan ka vuan ṭai a, kan ṭhian te nuih zalutuk leh awi lo lutuk chu an lo nui hawm hawm a, "Mawina a pu châk che nih kha tui suah sak che aia put che athlang a nih chuan input tir mawlh teh," Mahlimi lah chuan a lo fuihpawrh nghal zawm zat a.



Ei leh in lam pawh an lo siam hnemin atui nangial mai, chaw puar peng pawng a kan ei zawh chuan rei vak lo ṭhu muang leh der derin chawhmeh hawn tur lam khawm zai kan rel a, Hmingsanga, Sangzuala leh Mahlimi ten zawngṭah khanghu vel veh turin an kal a, keini Kimtei nenTluangpuia kan zui dawn thung.



Sangha manna tur len ka pa dahṭhat chu lachhuakin Tluangpuia chu ka pe a, thlâm kan chhuahsan fel âwr Sangzuala te kal liam tur chuan, "In zu inhnîm hnang leh ang e aw, fimkhur tawh ula, inlak zei lutuk pawh hi chintawk a awm ngai a nia tum loh deuhin kan in zawn haw palh ang e,i" ring fahran a rawn au chu Tlungpuia'n ner nangin "Kal mai mai teh u, patling au lung lung pa rawntlak an awm ngai lo, hawi vual vual lo khan i kalna en rawh i kezungpui ila duh chuan," sawi pawh asawi zo hman lo...



Sangzuala na ti chu a 'Awiah' chiam a, Tluangpuia nuih za lutuk leh chawh tih hmel lutuk chuan ka nuih ati za ve leh chhawng, Sangzuala pawh ngaihsak thei lo chuan kan han nui ta tak tak a, kan han hawi chho ṭhin ana tihmel a ke dawma kun ngawng ngawng chuan kan nuih atiza ting mai bawk si, aza zualpui areh hnu chuan "Engtin nge i awm a, ana viau em?" ka han ti ṭuau a, Mahlimi nuih za pawh chuan a buaipui hlei thei bik lo, za bawk si insum deuh bawk si chuan a bulah a lo ding kun ngat ngat a, Hmingsanga lah chuti bawk, nui khur hluk hluk chung chuan a ke ensak a tum, pakhat lah chuan hup beh tlat pahin "Angai lo ana lutuk lo ti ṭuak, an awmna kan thlen chhoh pawh chuan a la hup bet tlat tho, Mahlim'n ensak a tum pawh chuan a phal chuang lo.



"Min nuih" a'n ti leh ṭuau a, keini lah kan nuih aza ting bawk si, na atih hmel poh leh nuih aza ting mai sia, mi na tawrh laia lo nuih chiam lah tihchi a ni lo tih hre mah ila tumah insum thei kan awm chuang lo, insum poh leh aza ting a nimai, a ri a nui ṭha ngam lo chuan kan nui dîr ngat ngat hlawm a.



Tluangpuia'n nuihza insum zetin, "I kalna en rawh ka tireng che alawm, i rawn rak pawr pawr vei nih kha, ana viau em ni inla zei pa, zei deuh hi chu an heti duh châwk asin," ngeiawm deuha Sangzuala melh pah chuan ake chu a ensak nghal a, ṭhian dun ang mai hian an unau infiam hi an in nelin an inpawh hle tih a hriat, an inkawm ngeihin an inkâp deuh reng mai bawk a, an bula awm anuam tak zet, kan nui deuh reng hi a ni mai.



Tluangpuia'n a ke a ensak lai chuan 'Ana ana, pawh bun i tum tihna em ni?, dim ve deuh la,' ṭhen tlawk tlawk chung chuan a ti ner nung a. Tluangpuia lah chuan awi lo hmel zeta melin "En pawh ka la en lo hi, khaw maw dawh ṭha la maw le, i inla pa ve viau emaw tia, kan pahnih chiah kan nih loh hi insum ve deuh teh, nakinah i ngam lo hlawm lutuk ang asin," tih pah chuan a kut laksawn sakin a ke chu achawi kang eih a.



"Nat hmel hle mai a i va ṭap lo zawk tak ve, hei i ke zungpui a thlawn daih a nih hi, ke zungpui i nei tawh reng reng lo," a ti chu Sangzuala mangan hmel zeta a ke en vatin, "Chutiang vel chu a ni tal ang anat dan em em hi," a la ti zui, nui ṭha duh miah lo chuan "Tlangsam hnah lo zawng r'u, zapan hlo pawh apawi lo," Tluangpuia chuan hmanhmawh hmel zetin a ti chûl a.



Kan han en chian nak chuan a ke zungpui tin kau hawk khawpin a lo chhuih chu niin, Kimtei zapanhlo hnah rawn lak chu Tluangpuia chuan a nuai sawm bawrh bawrh a, a tui chu sawrin a ke tin karah afar chu thip tih hmel zetin a'n ṭre vei ruai a, "Tenawm suh," tih pah chuan atak chu a ke zungpuia dahin ahmet bet rún a, tih ngaihna hriat tawh loh hmel zeta Sangzuala melhin, " Tihian vuan tlat rawh," a vawn reng lai chuan ka gamchha bah chu pawt thlerin ka pe a, "Tuam sak pawh aphu mawn le!" tih hluk pah chuan a vet mawlh mawlh a. A tih zawh chuan, "I ding thei ang em kan zawn haw mai dawn che mi?" Ngeiawm zet amelhin a nui thum hak a.



"Chimawm lutuk hian, i tawrh ve hunah chuan aw!" ti vung vung pah chuan a ding zui nghal a, "In kalna tur lamah kal vat r'u, nge a chhoh pawh in lo chho kher, hetiang mai mai Ar hmai tiat," tih pahin a u darah chuan a'n beng thlawrh a, "Khatia patling rîl tla tur ang maia rák ta chu ngaihven loh chi pawh i nih loh chu, i ke tal a bung a ni ang chu tih nak laia, hetiang lek tih hriat a lo chhoh lék loh tur, nep lutuk mai," nui hak paha tiin akhi sawng a.



An ni pawh an kalna tur lama kalin an ri phei ve nak nak a, sangha man tur chuan kan chhuk zui ve nghal a.



"Ana phian ang maw le, a hawi vual vual zel a, kalna pawh en mang lo hian," Tluangpuia chuan ngaihtuah hmel zetin a ti vei nang nang a.



A hmun kan zu thlen chuan Thlaungpuia chu inphelh sawk sawkin len nen dilah chuan a lut nghal a, sangha mansa dahna tur kan lo keng tel miah lo tih ka hrechhuak, Kimtei iptepui ah chu laksakin Tluangpuia awmna lamah chuan ka phei ve nghal a, a len den chu pawt khawmin a'n chawi kang chiah chu len kar aṭang sangha an rawn phu nghal suau suau, Kimtei pawh rawn tlan phei vatin kan pawt chhuak nghal sawt sawt a, iptepui chanve lai arawn awh chho nghal der, "Ka thâng zo vek dawn a nih hi, atuiin min far tluk tluk bawk si," Tluangpuia lam hawia en zawk pah chuan ka nui phei heu a, lo nui kur kurin, "I kal nam vet vet dawn nimai lawm," ngeiawm aw zet chuan a nui sup a.



Kan duh tawk kan man hnu chuan Sangzuala te nghah pahin an Bâwkte sakah chuan kan ṭhu chawl a, Sangzuala ke anat ka rinthu te ka sawi vei siam siam a, fiamthua la in kan nuihpui bawk bawk tak nain ana phian ang, amah hrim hrim kha a nuih zatthlak ve em a, min tinui lo thei lo a ni mai a, anat ring viau si khan insum ahar em bawk atin ni.



"Intihpalh khut khut hi aching ve hrim hrim, a uang em a tin nih kha, nge a arawn rak vak vak lém ni, aphutawk chiah atuar a nih mai, duh leh kal bâi khut khut ang hmiang, inla zei ve si azei loh zia alang ngal dér alawm le." Tluangpuia'n anau a ṭawngkhum dan vel chuan ka nuih a ti za thar et et.



" A kal ve mai chu a nia, a tihpui ve theih niau pawh ka ring lo e a, lo awm mai mai zawk se ṭha tur a nia, a chhuih palh leh te a nia ka hlauh ni, chhuih palhte hi a awl phian leh nghal," ka ti zui nang nang a.



Eng emaw chen kan chawlh hnu chuan thlám lam panin kan inzui chho a, Mahlimi te an lo la awm loh avangin ei tur kan kente eiin kan lo nghak tawp a.



"Kan ṭhiante nghah pahin phuihnam chawr ka han veh mai mai ang e" tih pahin Kimtei chu a chhuak zui nghal a.



Tluangpuia chu ka bula rawn ṭhut pahin "I thâng deuh hiam lo maw, inbual mang lovin i inthlak ve tawp sia!" min fiam fei zuk chu, lo nui hakin "Maithei, thang min tih chuan min hnaih lo thei tho a nia," ka ti let ve kher.



" Ka uang a nih kha, eng rim pawh nam la ka tan chuan i rimtui ber tho tho, ka pawisa lo," tih pah chuan min nek deuh salh kher bawk, awi lo hmel zeta melhin ka ner khum nâng a,




"Ophel, hetah mas hmang turin min duh em?" a ti leh daih. "Kha lam kha chu i thu thu, hmang rawh hmang suh ka tih theih i ni nang, hmanga hmang lo thei i nihte chuan i duhthlanna a ni mai lawm ni?" ka sawi dikin ka hria, hman dunte chu duh nise chhuk ngei ngei ngai a nih lohte chuan a awm thei tihna a ni mai a, kei min zawhna chhan tur awmin ka hre lo.



Ka sawi tum zawk chu, hna lamah ka buai ṭhin em avangin ka haw ngai mang lo, ka awl zauh chang lahin i bulah ka awm mai, i hriat kha, ka chhungte pawh hi an ngaihdan a ni lo lek lek ṭhin, min an ngaih ve mai bakah ngai ta lo lutukah min ngai a, nang ka tawn aṭang khan an ngaihdan kha a dik lo ka ti thei bik lo, ka chhung te ai mah hian ka thlahlel zawk che a nih hi, haw zawk pawh hi ka hreh tak em em; Ka pi hi kum upa lam a nih tawh avang hian mas hmun hrana hman hi a remti lo tak zet a. Mi hi angai em em mai bawk si, ka chhuk khât lutukte hi a vui lek lek hial ṭhin. Mas zu hmang ta lo ila a phun leh nasat dan tur chu pui tak a ni, helamah lah nangin min hip bet tumhrang bawk si," rilru buai hmel zet chuan a ti charh charh a.



A ngaithuahna chu âwm ka tihpui tho mai, kan khua a a rawn awm tir kum khat bawr vel kha chu rei lo te hunawl an neih chuan karhnih khat dan ang vel hian a chhuk thla deuh ziah, kan inhriat hnu-ah erawh a chhuk ngai ta mang lo kha a nia, kumin hi a kum thum awmna tur a ni ve tawh, kum hnih chhung ang vel kha chu a haw mumal ta miah lo, hmana Aizawl bazara ka hmuh lah chu amah a lo ni mang bawk si lo a. Ka ngaihtuahna vang chuan ka nui chhuak huk.



"Eng nge i nuih, min nuih a ni maw?" Lungawi lo hmel zet a min enin a a ner nung a, "A teuh lo lutuk, thil dang daih," ka ti hman ṭawk, ka darah vuanin alamah min kuai her lawp, "Nangmah vanga ka chhungte ka thlahthlam tawh zia hi, kum hnih tal tawp ka tlawh tawh lo a nia, tichung paw'n mi dang min melh sanin ka bul ai chuan abula awm nuam tih hmel zawk fahranin i hlimin i nuihpui reng thei a, kei chu awm ve lo ang mai hian min ngai ṭhin, ka duh chein ka thlahlel che tih hriain min la nuih sawh zui thei a nia," a lungawi lo lutuk leh a mit menga thikna awm chu ka hmu chiang kher mai.



" I ngaihdan kha a dik lo tak zet, chuan i sawi awmzia pawh ka man lo bawk, tu bulah nge ka hlima ka nuihpui reng theih mihring chu tunge maw ni ang, nangmah lo midang ka rilru luah an awm ka hre lo, chuan an awm lo bawk," ka ti nghal tawk, min ngaihdan hi ka duh lo tak zet, naupang chhia pawh kan ni tawh lo a, aruka mipa kawp kual chi pawh ka ni lo, amah nen kan intawn hma paw'n mipa hi ka kawp kual ngai lo, pakhatah ka lungawi tawk, ṭhian erawh ka ngah kan ṭhiante hi kan bialpa an ni lo, bialpa hi chu ahran daih. Ka lungawi lo lutuk chu lehlam hawiin ka ngawi ngal a.



"Ka sawi awmzia i hria," ala ti hram, "Ka hre lo tak zet, chuan i rilru hi amak ka ti bawk, ka ngaihtuahna lo lutuk min puttir," eng hi nge maw a hriat a khatiang ngaihtuahna arawn neih pawh ka hrethiam lo, a thil sawi laia ka lo nuih vang khan thil ni lo pui pui a ngaihtuah kual phah ni ta berah ka ngai.



"Hmingsanga bula i awm chuan i nui reng a, i hmel a hlim sâr rengin nuam i ti tih a hriat, ka bulah erawh i tak ngal thung," a thusawi zawh chiah avang chuan ka nui chhuak hak, chhan mai ngaihna pawh hre lovin ka en hâ ringawt, "kha phat ngaihna pawh i hriat miah loh kha," ala ti ta deuh deuh deuh. Ka nuih za lutuk chu ka nui chhuak ta vak a, thinrim hmel zetin min la melh khui zui.



"Tluangpui, i ti awmang lo leh lutuk, nang aia Hmingsanga ka duh zawk i lo la ring reng amaw? Ka sawi chiang tawh viau emaw ka tia, kan naupan lai aṭanga inkawm tawh kan nih thu pawh i hre vek tawh a, ka sawi hnem thawkhat viau bawk, ka sawi laklawh lai chu pawt chatin," Ka hria, in lo inkawm nasa tih chu. Mahse, i ngaina tih hai rual a ni hleinem, a bula i awm dan leh ka bula i awm dan hi a danglam ka ti mai a nia!" "Danglam ve bawk ang chu, ani chu ka ṭhian a nia, nangte chu ka bialpa i nia, engtin nge ṭhiante leh bialpate bulah kan awmdan a inan theih tehreng ang ni," a ngaihtuahna mak lutuk leh naupang chhia lutuk chuan ka nuih a ti za tlat, "A bula awm nuam i tih ang khan ka bula awm hi nuam ti ve la ka duh," pangchang aw zawi sat a tiin min kuah thut a.



Kalsan che ila ka hmuh phak lovah awm ta la, ka ngaih angam lo a ni, Hmingsanga hian a duh che tih ka hria, ṭhian ang ngawt hian a en ve lo che, ka lak aṭanga lak hran che hi a tum char char tih ka hmu thiam vek, nang paw'n i haw hran lo bawk, hnaih tawh lo la ka duh, " Ka dara chul hauh hauh pah chuan a ti charh charh a.



"Tluangpuia bân bula khawih da da pah chuan "I ngaihtuahna mai mai a nih kha, Hmingsanga nen kan inkarah chutiang engmah a awm ngai lo, ṭhian ang a ka en hi chu bialpa ang hian ka en thei ngai dawn lo, ka harsatna, hlimna leh lawmna engkim ka thlen ngamna a nia, bialpa angin en ni ila ka harsatna engkim kha ka thlen ngai lovang, ka lungngaih chang pawha min hnem a min ti hlimtu a nia sin, chutiang bawkin atan pawh ka hlu ve tho bawk, kan in pawhdan hi mipa leh hmeichhe inkara thil thleng ang ni lovin, i hrethiam phak lo a ni mai thei, hnaih tawh lo tur chuan min ti ngawt thei lo ang," A rilru tur ang hrethian mah ila, kan inkar hi hrethiam zawk se kan ṭha tlâng a ni mai. Hmingsanga hi ka hlat ngawt thei lo.



"Mipa leh hmeichhe inkarah ṭhian a awm tak tak thei lo, a tawpah chuan inhmangaihna apiang chhuak tho tho, i hriat phak bakin in inkar pawh hi a lo nghet viau tawh maithei asin," lungawi lo leh hlauh thawn hmel inpawlh nuk chuan a ti leh hram.



" A thleng lovang lungngai suh, a nihna takah chuan mi dang hawisan ngam lo tur zawk asin ka nih, ka phu loh zia che pawh ka hria, kei tehlul min duh der ve hi ka lawm asin, midang min neih san ang tih hi ka hlau zawk fe," ka thusawi avang chuan zak deuhin ka kun lap a.



" Keimah ah chuan engmah hlauthawng suh, ka hawisan ngai lovang che, ka zawn fo leh ka duhthusam hmeichhia i nia sin, ka duh ziah che hi ka chhungte pawh hian min hriatpui vek, ka tana i rinawm phawt chuan ka hawisan hmasak che hi ring lo la, min ring tawp rawh," tih pah chuan ka biak tawn tawnah dawmin min fawp zui mawlh mawlh a.



A thusawi zawh chiah vang chuan ka hahdamin ka thla amuang tak zet, lungchim zeta maimitchhingin min fawhna chu ka lo chhang let vat a, zawitea a kâ angin a lei lum thar thar chu ka kâ chhungah arawn rawlh lut a, a lei fai tih hriat zet a nem thep chu ka kâ chhunga arawn luh rual chuan tui tih hmel zetin ka lo hnek sak dek dek, ka tukkhumah rawn dawmin a kul lehlam chuan min zut kual neuh neuh a, duhthawh zeta min fawpin ka âwmbawr vel chu ka kawr chhanah humin a tawp chat a.



Min fawhna hmui chu phawiin, min en zawkin a mit min siai zauh pahin a kut a en leh, a duh chu hrethiamin ka lo nui sak.



Kap kalaka ṭhuin a kap karah chuan sir zawng deuhin min ṭhut tir a, "Ka duh chu i hria tiraw?" duat zeta min kuah chial pah chuan a ti sup a.



Lo nui saihin ka bu lap, duh nise min dil kher lo paw'n a khawi thei reng, min zah derna vang chuan ka ngaisang zual sauh. Ka duhna tizual tura awmdan a thiam em em leh nghal, a duhawm zia hi ka la hredawn chauh niberin ka hria, a ni tel hian ka duhin ka hmangaih telh telh.



" Tluangpui, i thu alawm i ta ka nia, a pawi tur chin chu i hriat kha," ka ti zawi sap.



Lawm hmel zeta nui seihin, " I ropui ṭhin, i fimkhurin i zahawm tak zet, ka duhna che hi ni tin zan tin a pung telh telh asin, i tel lo hian rei tak awm hi ka thei lo. Mahse, inchhuan phah lo la aw," a thusawi avanga ka inchuan phah hlauh hmel zeta a ti chu ka lo nui hak.



Kan ṭawng melh melh pah chuan a kut chu dah mai mai lovin ka áwmbawr vel a lo zut kual niap niap a, ka hnar duh lem lo, ka kawr chhana a khawih tur chu mi dil mitmeng a min enin a nui leh sak a, ka chhanna pawh nghak ta lo chuan a zen lut rial rial a. Thawlak hak pah chuan ka lo dawh tawp.



Ka hnute chu a ngial ngana a kut lum thar thara a khawi tak avang chuan ka danglam chak kher mai, ka taksa chu lumna in arawn tuam niber hian ka hria, ka kawchhungte chu a khur deuh dar dar thei, tiang hian vawikhat pawh ka la awm ngai lo, engkim mai hi a vawikhatna vek a nih vang hian ka hrethiam lo tak zet.



Ka awmdan danglam chu Tluangpuia chuan hrethiamin a kut leh lam chuan min kuah nghet sauh a, leh lam chuan ka hnute chu duhthawh zetin a khawih pah bawk, a hmur a'n hrual niap niap phei chu ka taksa zawng zawng aṭek chhuak vek nimai hian ka hria, ka nghawng leh beng vel chu thawk khum lum ham ham pahin a fawp kual dan dan bawk a, min tihdan vel thiam lutuk chuan mi ti â thei tak ngial dawnin ka hria. Ka nuam ti lutuk chu ka thaw halh halh a.



"Min thlen thuipui lutuk ang e aw," ka insum theih piah lam thlen hlau zet chuan ka ti thawp sep a.



Nuih seih pah chuan, " Hlauthawng suh i duh loh chuan ka tilui lovang che, i nuam ti hmel kha a hmuhnawm tawp," tiin min fiam zui zauh.



Thlâm chhak aṭang Kimtei 'aw' thian kharh vang chuan kan inthlah rang kher mai, min vawna aṭang tal chhuakin kan piah a ei tur let rum lam chu panin ka duh zâwng zawngin ka hâi leh thuak a, jelebi chu lain ka ei nghal mial mial.



Kimtei rawn luh hnu rei vak lovah Mahlimi te pawh an rawn thleng zawm ve nghal a, zawngṭah, khanghu, thingthupui an rawn inpu bawr kher mai. Sangzuala pawh nâ sawi hleithei lovin a duham âmah aṭan thu an sawi bawrh bawrh a, kan huan nuam a ti ngang a niang arawn phúl lut nghal chûl, thlai eng ilo ṭha a tih thu leh kan neih ṭhat thu a sawi nasa, a ram lei lungin azir mai bakah ka pa taihmak zia leh fakawm a tih thu asawi nasa ngang mai, thingtlanga awm a huan neih a chak thu nise hahípin a sawi chul a.



" I peih ve a i neih châk phawt chuan ka pa be ṭha la, saw kan serthlum hmun piah ram ngaw pharh duai te saw a hmun anuamin a lei lung nise aṭha em em a, han zauh thei dinhmunah kan ding chuang lova tuna kan enkawl chin pawh hi a zau tawk a, nakinah kan la zauh duh a nih paw'n sangha dil piah mual lam saw ala awm tho a, dil chhin hrim hrim la a lo phal viau maithei asin," ka ti chu a phur ta lutuk chuan haw vat vat a ka pa biak chakna chuan a khat a, "ka la nei dawn khawp mai phal lo mahse ka nei tho ang, tak takah i pa chu nang paw'n min lo sawi pui va la, a phalna tur a nih dawn phawt chuan puakte pawh ka paw mai ang, haw dawn teh ang u, hmachhawp ṭha lutuk ka nei tlat," phûr zeta nui hauh hauh pah chuan a ti ruai a.



Lutuk che hian, khu ruai lo teh, mi tharsa lak khawm mai mai pawh hah i in ti em kha maw! Eng ang a hahthlak leh hreawm nge an pal tlang pawh ngaihtuah lova atharsa hmuh tak vanga phûr tak viau, i tlin loh tur pui hi phurpui mualpho lo mai teh," Mahlimi'n nui hak hak pahin lo ti ve khap.



Tluangpuia paw'n "khu ruai lo teh, khawpuia nula hrang hrang hmai tlang ṭha tak tak len kualpui leh peih changa dawr nghah bak i thiam zawng va ni suh," Sangzuala ner khum zauh pah chuan lo ti zui ve vat a.



" A tui zawng a nih phawt chuan a hlawhtling lo bik teuh lo, eng emaw hma hmain lo sawi hnawmpui chiam lo ula," Sawngpuia ṭan zawng a ka ṭawng chu, lawmhmel zet a min enin a dik chiah, ka chem kalna tur ka chharah ka inngai, ka thei dawn khawp, hlawhfa te pawh kan chhawr bawk ang a, keiman ka enkawl pui vek ang, ka thei hrim hrim," tumruh hmel tih hriat zet chuan a sawi nasa mai.



"I peih a nihte chuan tihdan kan la ngaihtuah dawn nia, Opheli pa'n a phal a nih te chuan kan la siam dawn nia, kan ti dawn rau rau a nih chuan a piah mual lehlam midang ram nen lam kan lei sak bawk ang a, hlawhfa enkawl tur kan dah tel bawk ang a, kan la tivak dawn nia, Opheli te tui lakna kan siam phui sui deuh ang a, tui hnah aṭha thawkhat bawk nen, i enkawl peih phawt chuan kum hnih thum aliam meuh chuan hmuh nawm deuhah kan chhuah ve mai ang, huan lo ram neih hian nun hi a tihlimin eizawnna atan pawh hian a iaiawm loh, tun ang khawvelah kum tin lo vah a hal chhiat duai duai ai chuan huan hmun nghet neih a ei zawnna ngial nget neihte hi intih hmuhna chang hriat hi a ṭha mawle; keinite chu a hminga hna nei kan nih vang hian ti thei dinhmuhah kan ding lova, Ophel-i te huan ka hmuh hmasak ber ni aṭang khan ka rilruah hian a awm reng a, ka lo chak ru ve khawp a, ka rilru tak chuan ka it khawp maw le," a duhthusam thlen tir chak hmel zetinTluangpuia chuan a ti vei charh charh a.



Sangzuala lawm ta lutuk chu naupang chhia ang maia panin kuah vei thuak thuak pah chuan, "Khawvela u ṭha ber i ni, bul i ṭan chuan a tawp ka khar ang, ka tiam ache," lawm tih hriat zeta a u en chung chuan a tia, "l duh zawngah hi chuan mi hi chu i tlawn thiam teh e" a lo ti sup a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 3rd, 2020, 12:38 am

KA HMEICHHIA



CHAPTER -16



BY; NUTEI VARTE


Tluangpuia'n kan in thleng min rawn thlah a, Mahlimi pawh Sangzuala'n a thlah fel leh thlap, a thlah zo chu kan in lamah rawn tlan let lehin ka pa a rawn be nghal sawt sawt a, ka pa lah chuan fiamthua ngai'n a lo nui ang mai mai ah, "ka pu, ka fiamthu emaw i ti ang e, ka ti tak tak a nia, vawiin in huana kan kal chu in huan lo ram aṭhain aram leilungin azir mai bakah in thawh rim zia leh in taihmak zia ka hmu a, keipawh hian ka theih loh chhan tur ka hre lo, ka tui dawn tih ka hre mai, rilru thar puin asin ka lo haw, neih ve ka chak tak zet," ka pa enin a phal lovang tih hlauh hmel deuh si chuan a ti mawlh mawlh a.



E! I tui zawngte a nih a i chak takzet a nih chuan kan la ngaihtuah dawn nia, tunlai ṭhalai huan lo ram neih a kut hnathawh chakna thinlung pu pha lo leh zah ala ta mai an tam tawh kara hetiang rilru i pu a nihte chuan i fakawm thlawt alawm," a beiseih loh leh rin lo lutuk a ka pa'n a chhan vang nge phawk zet a ka pa en chungin, "Ka pu i ti tak tak ti raw, i phal phawt chuan ka bei nasa viau ang, Mama pawh sawn min tui pui teh a nia, hma min lak sak ang a kei'n ka enkawl vek ang," a'n ti leh hram, a châk ngang a niang a hmelah nen lam ahlim tih alang chhuak, a phûr hmel chu Tluangpuia paw'n hmuh nawm tih hmel zet a en in a lo khi ve suk suk reng a.



"Bawiha'n a peiha achak tak tak a nih chuan ka pa Hming i ram chin bak mual leh lam pang pawh saw tih rau rau chuan a ìtawm dawn khawpin ka hria, an phal ang emaw!" a ti charh charh chu ka pa'n lo chhang vatin, "Ni e, puitlin tuma in ti a nih chuan sum lamah harsatna in nei hran lo bawk a, han bei vak mai ula, a ram a ṭha ropui si a, kawng nise motor thlen theihna vek a ni tawh a, kan ram piah saw pu Lawma ram a nia, an mahni tak hi chuan engtikah mah an neih a rinawm lem loh a, phalṭeh lamah huan zau deuh an enkawl ve a, kan huan lam hi chu an rawn ngaihven lo khawp a, hralh te pawh an phal mai ka ring, kan khua hi chu ram kan nei zau bawk a, mimal huan lo ram nei lo hi an awm vak lo, han inleisak tur chuang kan awm lem loh avang hian lei duh an awm hlauhte chuan an phal mai chu ka va ring e," beisei neihpui taka a ti chu Tluangpuia te unau phûr hmel lutuk hmel chu hmuh a nuam kher mai.



"Pu Lawma pawh han dil phawt ila a lo remtia aphalte a nih chuan ruahmanna nasa zawkte pawh kan siam ang a, kawng engkimah hma min lak pui viau kan ngai dawn a nia, kan tum ang a kan awm thei a nih chuan hlawhfate pawh a hmunah kan dah tawp ang a, eng leh tui lam pawh chang tlung deuha tih kan tum ang a, in tui lakna pawh Opheli hnenah ka lo sawi nel nual tawh a, hei aia changtlung zawkin tihdan ngaihtuah bawk ila, ṭhalah pawh buai lo turin" Tluangpuia chuan ruahmanna thui zawk neih hmel zet chuan a ti charh charh a.



Tluangpuia thu sawi chu ka pa paw'n lo zawm vatin, "Ni e, theihtawp kan chhuah tlâng dawn nia, thlai eng ilo pawh hi kan lo tih tawh aṭang aṭhat dan tur leh chîn chite pawh hual ka ngah khawp mai, keini chuan serthlum, theihai, khanghu, zawngṭah, lakhuihthei, thingthupui tih vel hi sum hrawmna deuh kan chin chu a ni mai a, thlai neuh neuh tih lohah chuan, khang bakah chin châk deuh deuh ka la nei ṭha khawp mai... Ê! han ti deuh tak tak teh u, mahni kut kawih ngei mai arah han seng hi chu a nuamin aphurawm teh mai a nia, kan tui lakna pawh saw ni e, tuihna ṭha lutuk a nia, in duh phawt chuan in la ve dawn nia, in duhkhawp loh deuh leh inchei deuh ang a, ṭha in tih ang angin, khangahte chuan buaina a awm lo, a thei phei chuan mass hma ngei hian vât fel vek hman ula aṭha ang, Pu Lawma pawh keiman ka lo biak sak vat dawn che u a nia, a vât tur te pawh ka lo zawng pah ang, kar hnih bak mas hmain hun a awm tawh lo a, chet sawk sawk angai a nih chu," phurpui tih hriat zet chuan a ti ve zung zung a.



" Ṭha i tih ang angin hma min laksak tawp mai a ni ang chu, senso ngai ang ang kha chu kan lo tum ang a, abak chu i kutah kan in nghat tawp a nia. Engpawh nise, kan haw phei phawt ang e, zan lamah lo phei lehte kan duhawm sia," tih pahin a ding nghal a, Sangzuala pawh ding ve nghalin, "Len leh tho kan tumte chuan haw ting tang angai mawn le, leng tlang mai ila," ngeiawm zeta a u melh pah chuan a fiam hlak a. "Aw, lo awm la ti nia, inbualte pawh ka duh a, ti ringawt a awm tlangte chu a tih chi nang," a mit chung tikangin min rawn melh zawk kher a, "Nang te chu haw pawh ni ila i inbual leh dawn chuang lo a, angai ngai a leng chhuak leh tur thote chu haw kher angai lem nang," nui hmun paha a ti chu Sangzuala'n ner nawnga melhin, "Lutuk che hian a, keiai'n awm tlang i chak zawk tihte chu kan hrechiang tlâng ang, ka awm hma zawng pawha i chen nasat dan zawng zawng pawh ka hre ve tho a, tun atak a han duh loh kual leh vel, sawi ṭha ve mai lai inthlakna tur vel kha chu ka rawn ken sak mai ang che chu," duhthawh zet a fiam zui leh bawrh bawrhin a chhuak zui nghal a, Tluangpuia nuihza leh thanat hmel bawk si chu a hriat tawk leka phun hlakin a nui thum dat a, a zuichhuak ve leh nghal mai bawk a.



An unau in kah peih zia hi chu hre ngai lo tan chuan awiawm loh khawp a ni, an pahnih infiam ringawt pawh hian an bula awm zawng nui khi ṭhuin an siam reng thei, unau inngeih leh awhawm tak hi chu an ni ve chiang alawm, an bula awm anuamin a hahdam thlak tak zet.



An haw hnu chuan ka pa pawh pu Lawmate ina kal atum thu ka nu hrilhin achhuak zui nghal vut a. Inbual turin bualin lam ka pan zui nghal a, inbual pah chuan vawi'n kan hun hman dan vel ka ngaihtuah let neuh neuh.



Tluangpuia inla zei vel lutuk leh a chet vel dan zawng zawng chuan ka nuih ati za deuh tlat, kan inzui nasa viau nain khatiang khan ala che ngai lo, khatiang a ache khan min ṭhawng viau rualin nuam tihna riau ka neih bakah ka ngai deuh sawtin ka hria, ka tui hak der vanga a hlauthawng leh chebuai velte kha, ka ngaihtuahna vang chuan ka nui chhuak hak.



Ka inbual zo ka chhuak chu ka nu'n chaw kan ei peih leh peih lo min zawt a, ka ei chak loh thu leh Kimtei paw'n a eichak ka rin loh thu sawi'n pindanah chuan ka lut tlang nghal a, Kimtei pawh inbual zo tawhin a sam a lo khuih dalh dalh a, "Kimte, chaw i ei leh peih em? Ka nu te sawn ei an duh tawh a nih hmel," ka ti lut nghal a, "Ei peih tawh nang ka puar mai zia, an ei duh tawh chuan ka va siam sak ang e lo inthlak rawh" tih leh chhuah arual nghal a.



Zanriah ei kham chuan Tluangpuia'n len chhuah puiah min rawn sawm a, kan kalna tur pawh zawt lem lo chuan ka nu bulah chhuah kan tum thu ka hrilh, an lo sawi tawh tih hriat zetin ka pa chuan "Tluangpui, a mizia awmang kha chu ka hrilh ang che kha a nimai, i dék thiam chuan sum sen lutuk pawh ngai lovin i neihsak thei em em ang," a ti zui leh mawlh mawlh bawk a.



Thui pawh kan kal hmain ka bânah lain min vuan nghal chat pah chuan min nuih sak a, mak tih hmel zeta enin ka lo khi ve suk bawk, ngawi reng a in kaiin pu Lawmate in lam pan chuan muang changin kan kal a. An In kan thlen hma hret chuan "Ophel, kan thil tih tum hi eng nge i ngaihdan ni reng reng, Bawiha hi a tui rual rualin keimah pawh hi ka phur dawn riau hian ka hria, damtea kan awm a, Pathianin rem a tih chuan kan awm tlan hunte pawh ala awm ve ang a, a hmingin Officer te kan lo ni ve a, Officer nupui mahni a kut hnathawh i ngaih changte pawh a awm dawn a nimai a," inthlahrun hmel zeta mi'n en pah chuan ka bân a vawnna chu a hmerna deuh sak a.



Ka ngawih vang vang hnuah. Amah pawh en chuang lo chuan, "Ka peih loh i ring deuh tihna em ni? Hna thawk ṭhin ve tho ka nia, kha lamah kha chuan harsatna ka nei hran lovang; Tin, tute amaw ang a awmawl leh hahdam duh vang hrim hrim a, hna nei sorkar hnathawk um ngawr ngawr ang chi kha ka ni ve lo, i tuina a nih phawt chuan ngah nge min ven thawn duh mai mai ni, i hnung chu ka zui zo turah ka ngai," ka tih takah chuan. Hmangaihna mit de sawr a min enin, "Hei vang hian alawm ka duh che, i rilru puthmang hi a thianghlimin a puitling ru phian tih hi ka hria asin, khawpui mi tam tak hmelṭha leh no sûr ho aia ka thlan zawkna chhan che chu," tih leh ka kut fawh a rual a. "Mate, damte a kan awm a, kan in neih hunte a thleng ngai a nih chuan maw, kut hnathawk tur chuan ka phal dawn reng reng hleinem che, nangmah zawk hian awm mai mai i thei dawn lo tih ka hrechiang, i thawh hah ber pawh hlawhfa ho enkawl leh an tih tur lo kawh hmuh a ni mai, abak chu ka rawng min bawlsak."



A sawi laklawh lai chuan ka va melh zawk a, a lo nui suk chu ka lai ve ṭep "l rawng bawl ber hi ka harsatna ber tur chu a ni," ka ti fiam zauh a, " Nuam ila ti ber ang, kei min enkawl ṭhat chuan abak engmah ka phut lo che," a ti thawp sat a, mipa hi chuan an mahni ngaihsak leh duat hi an phut khawp a, an mahni enkawl tu tur atan hmeichhia an mamawh tak zet reng a ni.



"Kan sawi thui mah mah i ti lo maw?" In thiam lo leh deuh chuan nui sak pahin Ka'n tiṭha leh a."



" Sawi thui lah love, kan dam chuan a hun ala thleng dawn alawm, inhmakhua ṭante hi a nia ka duh tawh, naupang chhia leh nupui neih hun lo pawh ka ni tawh lova, i inpeih ka rin chiah loh vangin ka la nawr lo mai mai che nih hi," a ti chu ka lâi tak zet, pasal neih a, a nupui nitura ka in ngaihtuah chhin ringawt paw'n ka zâm tak zet.



Engdang sawi hman tawh lovin pu Lawmate in chu kan thleng chawp chilh deuh nghal mai a.



Kawngka kik kauh kauh pah chuan in chhung lam thawm chu ngawi rengin kan ngaithla a, "Lo lut r'u" tih ri kan hriat rual chuan kawngka pawh hawn leh luh kan rual a. Pu Lawma nupui pi Matlani chuan min lo dawng sawng vatin, "E nangni in nimaw, teh hlawl che u chuan, khawi lam thli chhiain nge rawn chhem lut che u a!" tih hluai pah chuan kan ṭhutna tur min kawh hmuh sawk sawk a.



Tluangpuia chu muang ban charh a lo ṭawng chhuakin, " Ni e hei, Pu Lawma hi biak duhna kan nei a, amah hi a awm hrim hrim em le!" hawi kual deuh zauh pah chuan a ti a.



" Aw awm e, pindanah a awm a nih kha 'Mate, i pa chu lo ko phei teh a, hei a inleng turte an nih hi,' lo nghak lawk r'u aw, arei lovang," a ti zawm zat a. Nu ṭawng duh leh fel zet chu a ni chiang mai.



Pu Lawmtea pawh chu pindang aṭang a lo chhuakin arawn phei pah chuan, "Kan Officer pu Tluangpuiate nirengin, eng nge duh in neih tak mial a, keinni inahte in lo chúan kai ve teh mial a!" tih pahin kan ṭhutna ep chiahah chuan a lo ṭhu ve nghal a.



"A, englo a nia pu Lawm, sawi nghal tawng mai ila, sawlai bungmual ramah hei Opheli te huan piah a i ram saw ka it ve khawp a, in enkawl hman vak lo ni'n ka hria a, hetia a awm mai mai aiah i phalna zatin min neih tir mai la tiin ka rawn beisei ve tawp che a nih hi," tiin kan lenchhan chu a sawi nghal charh charh a.



"A nih chu maw le! Ni e, kan enkawl hman lo achha chu a nih hi, hmundang ami pawh hi kan enkawl khawp hi chu a tling ve khawp mai a, bungmual ram saw chu kan hlamchhiah deuh chu a nih ber hi, han tihral dawn em chuan pi leh pu aṭang a kan rochun ve a nih avang hian ka'n ui deuh ṭhin a, nangni meuhina in enkawl duh tak tak a nihte chuan kan ui ngam nang le. Engpawh nise, chhungkuate pawh kan lo inrawn ve ang a, enkawl theih loh dah reng pawh, leh lamah chuan a niber hian ka hre lem lo a, tipuitling tak tak tur laka tihral hi chu ka pawiti lem lo ang, a ram saw a ṭhat em avang hian tipuitling thei ngei tur hian han chang thei hlauh se tih hi ka lo rilruk ve ṭhin a, i kuta dah hi chu ngaihte pawh a ngam ang chu maw le. Kan thil ui leh roh em em enkawl chhunzawm peih lem lo laka tih ral hi chu a lainatawm duh khawp a. Opheli pa paw'n arawn sawi thuak tawh a, harsatna a awm lo turah ngai ila, vah pawh ahun a ni nghal thuak tawh a, ka hman remchan ve leh kan va en chhin dawn nia," min lo phurpuiin kan beisei ai maha chhânna ṭha kan dawn avang chuan kan lawm kher mai.



Karkhat a liam leh meuh chuan kan ram leh pu Lawmtea te ram an duh tawk a zau chu hlawhfa sawm hnih rual vel zet ruaiin an vat zo der a, current leh tui erawh chu lo hâl zawh lama buai pui angai dawn a, a awlsam zawk nan ka pa nen ruahmanna erawh an siam fel khawp mai.



Cristmass pawh a hnai ta Aizawl lama hman thlak ngei an ngaih avang chuan châk lo zeta an chhuk ngei chu angaih hmel.



An chhuk hma tlai chuan chawhmeh khai bawr luah a Sangpuia lo lutin, "Au phel bawihte, hei hi lo siam ila, chaw kan rawn ei dawn, min tihpui peih loh leh keima'n ka ti vek mai ang," tih pah chuan a thil khai bâwr ho chu dawhkanah a nghat dawt a.



Engmah sawi set set lo chuan, "Khawnge i u," ka lo ti nghal tâwng a. An la bân loh thu leh chawhmeh vel lei a, heta eirawng lo bawl tura a tih thu sawiin a che nghal zung zung roh a.



" Kan tidawn rau rau a nih chuan Mahlimi pawh sawm ve ila," ka ti dek dek chu, "Ka hrilh vek tawh kan pahnihin alawm kan bazar, a lo tisam et a.



"Khawnge tunah a awm a, a va inchei leh hrih nimaw?" Nui deuh hak pah chuan ka ti zui a.



"Inchei hran ka ngai lo aw," kawngka lam kan en rual ṭhawt, bawr tawk a lo luh pah chuan min lo rel leh tawh nimaw," lawm loh hmel tak a, ahmai ti sawiin a ner kual vel a.



Nuih awr awr pahin "Hmel chhe sawi chu koh ai'n an hnai tih chu a dik hle mai, tak takah ka ngaih vang zawk che a nih kha, i hming ka lo lam char char a, Sangzuala paw'n min ning hial ta ve ang," ka ti zaih a.



Dar kan uk pahin, "keimah zawk hian asin i hming lam char char chu, i rei ka ti'n ka lo khawhar hman a nih hi, Opheli lah chuan ka awm ve reng chung paw'n a awm lo zawk hi alam reng. Mama hi chu a awhawm teh zawng a nih hi, i hmingte chu e, a thawi paw'n a sawi ri lo hrim hrim," a ti chu ka ngei kher mai. Mahlimi thlâwp zawng tak chu niin, "Ka rinang vel chiah a nih chu, an pa hi chu angai vet vet êm, keite chu min lam dawn lo nasa, min mamawh chang chiahin ka hming alam ang, ka sawi dik viau lo maw," ti fuh intih hmel zet chuan min thlek deuh hâ bawk a.



" I ngaihdan mai mai a nih chu, bakah Sangzuala hian fuihpawrh che hi a chak ve hrim hrim a, tu sawi nge i awi zawk i thu thu a ni mai," in lak rinawm hmel zet chuan nui duh miah lovin ka ti vei hmuk a, Sangzuala nuih za chu a nui chhuak hawk hawk a.



Rawng kan bawl mawlh mawlh lai chuan Tluangpuia pawh inthlak lovin a form nena inthuam chung chuan a lo lut a, ava han inhmeh zeih zaih tak. Ka bula mi nghal pahnih ten min nuih paha min en tlat avang nge ka lai deuh zui, "I lam chhen a ni lawm ni, va ngaih ven ta la, tiraw mahlim," tih pahin Mahlimi chu an siai zauh kher a, Sangzuala chet ngeiawm thiam roh zia hi. Ner khum sawk pah chuan Tluangpuia dinna lam chu ka pan a, "In bang ve chiah em ni? Hna in ngah mi a, in chawl tawh sia," ka zawt laklawh tawh a hna chung chang hi engmah ka zawt ngai lo, ani paw'n min hrilh ngai lo, vawin a akal thut dan kha ka hre chak mai maite pawh a ni ang, inthiam loh hmel deuh a ka en chu hrethiamin, "Nia, hna pawimawh leh hman hmawh thlak deuh mai a awm thut a, a buaithlak dawn khawp mai, naktuk kan awmdan tur pawh engmah a sawi lawk theih ta tlat lo mai," rilru buai hmel deuh chuan a hmai a tuai deuh pâwk a.



" A nih chu maw le, pawi ve aw, ka ti deuh tâwng a, zawh thui deuh chi niin ka hre lem lo, bâkah ka hriat ve chi a nih ka ring lo bawk a, " I inthlak duh em? I thawmhnaw hmânni a ka suk pawh ka la kawl a, nge i inbual phawt dawn?" min chhanna pawh nghak lo chuan pindan lam pan tumin ka inher vut a. "Inbual phawt ka duh ka inthlakna tur chu ṭha i tih tih kha a ni mai aw," min rawn au zui ṭawk a. "I duh zawng ka hre lo, nangman lo thlang mai rawh," tih pah chuan ka kal san zui a.



"Che zei ṭhin," tih ri lo chhuahna lam en chuan ding datin ka hawi let chu, mi nghalite pahnih chuan an kut zungte leh kutzungchal chu ti pîrin nui ṭhen ṭha pah chuan min lo hmuh zauh a, "In eirel lai chiah kha ngaihsak r'u aw, ei tlak lohah in chhuah hlauh ang e, in chimawm dun mai sia," tih pahin ka luh san zui a.



Ka hnungah Tluangpuia'n min lo zui chu ni in kawngka khar ri datah chuan ka hawi let nghal vat a, "An chimawm dun bawk a han tihel ve reng rengah ka tia, ka rawn zui lut che anih hi," tih pahin khum bula chair-ah chuan a ṭhu fel thân a, chimawm tak an ni, i lo thlen hma phei kha chuan mi an kâp reng mai, an ṭangrual dun em em bawk nen, ka ngam lo a nih ber hi maw, an ngeiawm dun reuh nia aw," ka ti nang nang a.



"Innei se aṭha ang," a ti tawl chu nuih huk pahin, "Thla ngawt che chuan," ka sawi zawh hma hma a rawn pawt chatin, "A, an inhmeh ang, hna thawk dun tur tur se la," nuihza thut tih hriat zet chuan a rawn nui chuak hawk hawk a, "An la innei khawp ang lo ngai reng rawh, ka naua hi ka hrechiang ve êm, amah hnaihtu apiang hi a duh thei zel a nia, nakum aṭang phei chuan helamah a awm tam tawh dawn leh nghal," an ni reng tawh tih a hre lo zawk a nih hmel e a, ka sawi duh der si lo a leh.



A inthlakna tur zawng chuan wardrope chu ka hawng a, "Khawi ber hi nge i hâk duh," tih pah chuan ka melh zawk a, "Kekawr bul leh T Shirt kha a nimai," min rawn hnaih chilh hrut avang chuan a lachhuak dawn amaw tiin ka lo kian deuh hrut a, ka hnung lam aṭang ka kawngah min kuah thut chu ka inring lo nen eu deuh zawk pah chuan ka khêk vei ṭhat a.



" Ngawi reng khan ding tawp rawh, arei lovang," min kuah nghet salh a.



Ka nghawngah a rawn thawk lum khum ham ham takah chuan ka awmdan a dik leh ta lo, che lo chuan ka ding mawl tawp, ka biangah min fawh zauh pah chuan, "Hei aia thui hret ka la kal pui khawp ang che," tih pah chuan min thlah dul in ka hma zawnah arawn pen phei hrut a. Rang zeta tawlh hnun pahin, "Chi teh nang, bakah tum loh deuha awm palhte hi a hlauhawm, sual kawng hi a hla lo teh a nia, pen khat bak a ni lo, inven hi a kalsanna kawng ṭha ber a ni," ka sawi zo hman lo chiang e, ka bek tawna dawmin min kuai dak nawlh rual chuan ka hmuiah a hmui arawn chuk tuah nghal zat a, dawn sawn ngaihna hre lo chuan ka lo ang deuh hiau a, ka beka adawmna chu thlahin ka darah amah si deuh chat chuan min kuah hnai salh takah chuan muang changin ka hmui ka lo tiche ve a, dim leh muang changa min fawh dek dek takah chuan, thil nuam lwo zawk zawk a ni lo bawk nen ka awmdan chu a dang lam ve nasa khawp mai. Ani pawh a thawlak dan aṭang a dang lam tih ka hre mai.



A hnungzangah zawi te in ka dap phei da da a, ka kuah hreh deuh vang chuan a kawr hnungah ṭhamin ka vuan ta zawk a, min fawhna chu thlahin "Min kuah rawh Mate," a rawn tih thawp sat takah chuan ka fawnna chu thlahin ka kut dinglam chuan a darah kuahin leh lam pang chuan a awmah ka ṭham pah bawk a, a lei lum thar thar ka kâ chhunga a rawlh luh rual chuan ka lo fawh sak dek dek, ka nghawngah leh ka awmbâwr velah chuan a chul kual ruai bawk a, thawchham tur ang mai hian ka awm, nuam ka ti pah reng. Mahse, rei awm chi a ni dawn lo tih hria-in ka tal hrang ta hret a.



"Inveng tawk thiam ṭhin mang e, Fawh i nuam lutuk Mate, tirawh phei ila kan mi nghalite ngaih kan tiṭha lo palh ang e, ka inthlakna tur chu tihian lo awm se, ka'n intleuh zuai ang e," tih pah chuan ka towel chu banin "Ka hman mai loh chuan" min dil mit meng deuh chuan a mit a kan zauh a, "Hmangta mai che, zanah ka insu dawn tho a, suk tel nghal a ngai dawn nih kha," Ka'n ti kher chu ei lo hmel zet a min enin mi rawn man bet thut a, min chúm chawrh dawn amaw ti'n ka lo íp châwi a, min chum ta lo chuan ka hnung lawm aṭang min pawm betin ka beng bulah zawite tawp salhin "Mate, min ten tihna em ni?" a'n ti sep a, phawk deuh a rem leh rem lova en in "Fiamthu a nih kha," ka ti zawi sap, kha tiang zawng khan a la ang tih rinna ka nei eih lo.



"Kei chuan, ka thil engkim min ṭawmpui hi ka remti vek, a chhan chu ka pang khing leh lam ang tluka ka ngaih che vangin," a la ti hram, ka fiamna vang chuan ka inthiam lo kher mai.



"Ka fiamthu tak tak a nih kha, chutiang zawnga i lak ka lo ring hlei nem, ka tihpalh lutuk, ka ten miah lo che a, ka ten ngai bawk lovang che, hmang rawh hmang rawh," ka ti zui mawlh mawlh a, dik tak chuan towel samkhuih tih angreng hi ka chhungte nen pawh kan inhman ṭawm ngai lo, kan nei hrang vek a, midang min ṭawm hi ka duh vak lo, laklawh thil a ṭhiante leh mikhual hman tur ang chi thlengin ka dah hrang thlap a, ka hman lai kher aban takah chuan kha thil kha ka sawi chhuak ta mai kha a nia. Amah tak hi chu ka ten hran pawh a ni chuang lo; Ni e, dam te a kan awm a nih chuan kan la inṭawm bawrh bawrh hun te pawh a la awm dawn tho alawm.



"In rei mah mah aw" Mahlimi 'Aw' ngei mai chuan a rawn ti ta ngei e.



"Kan rawn chhuak nghal, nge maw kan inthlahlel a ni ve mai a, rei lo te kan awm hran pawh in lo helh hman viau zel le, chance kan pe che u nih hi," ti a au let lawng lawngin kan chhuak zui nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 3rd, 2020, 12:38 am

KA HMEICHHIA


CHAPTER- 17


BY; NUTEI VARTE



"Khawmaw i la him em?" min check tum niawm tak chuan mi rawn ban zuau a, "Lalmahlim nangni ang mai mai ka ni ve lo aw, zankhua paw'n min khung hrang mah u la, check kan ngam sak ang, a fel chiang em!" Tluangpuia kawh zauh pah chuan ka melh zauh a.



"Ka fel chauh hian awmzia a nei thui lo maithei, zir lo viau la chu ka sawi thei lo, nang hian i zir ém atin ni 'Mahlim, i ṭhiani hi atawk a hre vih vah reuh lutuk a,' hetiang thil hi chu pakhat insum ringawt hian awmzia a nei thui lutuk lo, Ophel, tirawh min rawn bual dawn lo em ni?" tizawm zatin mi pawh en chuang lo chuan Mahlimi nuih zauh pah chuan a uang vei ngial a.




" Keimah hian ka bual zawk dawn che em ni? Opheli ai chuan ka bual fai thiam zawk fe ang che, ka phakar thiam zawk bawk ang ah," a thusawi avang chuan amah zawk chu za lutukin a nui chiam a.




" In inchuh dawn tlat, a chi leh loh, keimahin ka va inbual zawk mai ang e," nui hak pah chuan kan pahniha min entawnin bualin lam chu a pan zui nghal a.



" In pa hi chuan a fak thiam thei ngawt mai che, i phu pawh ka ti lo, tak takah vannei hi inti hliah hliah rawh," a ti leh ta, he ṭawngkam hi a hmang zing ve a nia, "A ni hi lawm vannei inti tur chu, kei ang nula virgin min chang hi," inchhuan hmel zet a hawi pir vah chuan Mahlimi ka'n siai khum sak a.



"Tun ang khawvela lo la virgin te chu luck loh vang mai mai maw le," a'n la tihram, "Ka luck leh luck loh chu a hrechiang berte zing ami i ni ang chu, hum him kan duh leh duh loh leh kan ngaih hlut leh hlut lohah a innghat thui zawk, achiang viau em?" a banah piai zauh pah chuan ka nuih hak a.



Min chhâng zui ta lo chuan amawng min sawi khumin akal zui daih a.



Tluangpuia pawh inbual zo ka room aṭang inthlak fel thlapin a lo chhuak a, a perfume inkan rim chu leh; ama min hawn ngei mai, rim nam vet vet chuan a lo phei a, ka hnar thum datin ka'n hip lut zauh chu min enin a nui sup, hrethiam tih hriat zet chuan, " Ka hmuh chhun a ni miau a," hmeiche perfume a inkah vanga nuam lo tih hmel chuan ka nuih a tiza zawk.



"I inthiam lo ve ngei tihna em ni? A ho lutuk, tuman hmeichhe perfume i hmang tih an sawi chhuak kher lovang, a rukin an nuih tet tet ringawt ang che, " tiin ka fiam zui hramah, "A ṭha alawm," a'n ti tawi tak a, lungawi loh hmel zet chuan a ṭhu charh a, nuihza in sum zeta va hawi pheiin, "Tu vak hian nge nuih che se la i tih helaia awmte bak hian tuman an hre nang, nge hmun dangah kal chhuah i tum zawk, nula lam te pawh..." "Ngawi teh Lal Ophel i chimawm thiam emai. Hmun dangah min tirh chhuah phet i tum a nih loh chuan khawiah ka kal lovang, a thu hrimah ka hawnna che a rei tawh nen ava la tam ve, i hmang ngai miah lo tihna ni maw? Ka fiam vanga lungawi lo lam ai mahin a perfume min hawn ka hman mumal loh vanga lungawi lo a ang mah zawk.



"Hmang ve zauh zauh e," ti ringawtin ka chhang " I hmang ngai lo tih a hriat reng alawm, ka thil hawn che hi i hlut vak ngai lo hrim hrim thil dang pawh, a sawi laklawh lai chu lo pawt chatin," Ka roh lutuk vang zawk alawm, a zawh ka hlau a ka ren a nih kha," ka ti zaih, dik tak chuan perfume rim hi ka tih theih vak loh vang hian ka inkap ngai lo ang a ni, " A zawh leh adang kan lei leh mai dawn alawm," ala ti ta deuh deuh, tun ami pawh hman zawh huphurh ruk naklai hian, ngaina vak lo mah ila a thil min hawn ka hmang ngai lo tih a hria erawh a nuam viau lo, "ka lo hmang vak vak tawh dawn nia," a lungawi loh hlau chuan ka ti ve tawp.



Zanriah ei tur chuan kan inbuatsaih a, Mahlimi nen chawei siamin kan vir char char, chawhmeh pawh an lo siam hnem teh e, kan in peih chuan kan ko khawm a, ka nu leh pa an ṭhu dun a, Tluangpuia nen kan zawm, kan dawtah Mahlimi Sangzuala, Kimtei a zawm leh; Hmingsanga erawh tun ṭum chu a lo tel ve lo, engpawh tih khawm kan neih tawh chuan a serh zinga mei ang hi a nia, a tel loh chuan kim lo riau a hriatna ka nei ṭhin, ka rilru erawh sawi chhuah chi miah loh, Tluangpuia hian ka ngainat em avang leh ka sawi hnem tawh avang hian a haw ngam lo mai pawh a, a rilru tak chuan a lawm teh chiam lo tih ka man ru ve reng, 'Naupan lai aṭang a ṭhian leh tunhnua chhar chawp hi a inthlau lutuk,' tih ṭan hian ka ṭang ve ngar ngar.



An chawhmeh siamin a zir bawk a, kan puar tlang ngei mai, ka pa chuan, "Puia Mass chu helamah in hmang dawn ta lo tihna em ni? Tluangpuia en chuan a zawt a.



" Ngaihtuahna pawh ka la siam fel thei lo chu a nih hi, kum tin ka chhungte nen chuan kan hmang ho tho a, kumin chu helama hman pawh ka inthiam lo lutuk lem lo viau a, chutih rualin ka pi mawlh hian min beisei ve em em mai bawk si, awmdan tur pawh ka la chiang hlei thei lo," tih pah chuan Sangzuala a melh vei zauh a.




Sangzuala lah chuan lo hrethiamin "A, helama hman i chak zawk a nih kha, ka pi bulah chuan ka lo sawi fel vek mai dawn nia, kumin chu helamah hmang mai rawh keimahin ka zu chhuk ang a, kum thar ve leh ka lo chho leh nghal mai dawn nia, ngaihngam deuh khan helamah lo hmang phawt mai teh," a u in helama hman achak a ni tih hrethiam zet chuan ruahmanna a siam pui ve luam a.



"Chu pawh chu a ṭha viau tho mai. Mahse, kan hlim kim dawn chuang lo a nih chu" Mahlimi'n lo ti ve zauh a.




Kan han nui leh dar dar a, "Helamah hmang ve ve u la a nimai lawm, chutia in hlim kim leh si loh chuan a hlimate tan pawh a nuam chuang nang, nilawm ni Mahlim," ka nu chuan Mahlimi chu lo kâp ve zauh bawk a.



"A dik chiah, nu Hlimpuii a fing ber, lungleng kan awm laia a ṭhen inti thei bik lutuk tur hi ka hmu peih dawn lo chiang, a nih loh leh Tluangpuia hi chhuk zawk rawh se," Mahlimi'n min melh raw raw paha nuih in sûm sia a ti chu ka lo melh ngheng. Tluangpuia ka va en nghal zawk chu a lo ner ve nasa mai.



Kimtei'n thingpui hâng a rawn chawi phei chu in in kan titi reng bawk a. Chutia tui taka kan nuih bawk bawk lai chuan Tluangpuia phone a rawn ri ral ral a, a kekawr ipte chu zenin aphawrh chhuak a, "Ka pi a nih hi Hello!" Tih pah chuan a tho zui vat a. Sangzuala chuan loud-speaker-ah khan dah rawh ka pi a nih chuan kan chhaih deuh dawn nia, kan sawi thiam phei chuan fuh dawn lutuk," phûr hmel zet chuan a lo ti vat a.



Tluangpuia room lama lut chu kan zui phei ve nghal a. Khum bula dawnkanah chuan a phone chu dahin loud-speaker-ah chuan a dah ve mai bawk a.




"Bawiha, naktuk chuan em ni lo chhuk in tum? I pa leh i nu chuan an ngai vak lo che u, kei chuan in tel lo a mass hman hi ka zuam lo a nia, ka kum te hi atam ve tawh si a, nakum lamah dam takin ka hman thlen pui thei che u ang em tih hi ka hre lo a ni, i nu khan kha lama mass hman mai in duh thu i sawi kha min hrilh a, Bawiha, chutiang ringawt te chu a ni thei lo. Hei, kum tluanin ka hmuh phak loh a min awmbo san a, i nau lah a lo kal ve ringawt bawk si, ka khua a hat tak tak a ni," a lunglen thu ringawt sawi chuan a ṭawng char char mai sia, Tluangpuia paw'n hnial chu hreawm a tih hmel khawp mai.



"Pi kei tak hian asin ngai che ni. Engpawhnise, kumin chiah chu helamah..." A ti dek dek a. Lehlam aṭang chuan "Mi in ngai ve lo tawp a nih chu, in lo puitling ve ta a ni e, tun hma in naupan lai zawng kha chuan ka bulah hlir in mu a, zankhat riah sawn pawh in hreh em em kha a nia," a pi vui lutuk chu han hnial leh ngaihna vak hre lo chuan a ngawi tawp a.




Sangzuala chu lo ṭawng vatin, "Api, ka duat ka ngaih em em keima pi bik," a ṭawng dan teh hluak chu kan lo nui nghal ṭha hlawm a, a kut chuan mi'n lo zãp in a pi chu a biak chhun zawm leh a, "Pi enteh, nupuite hi nei vat vat r'u ka tu hmel tur te hi hmu hman lovin ka boral palh ang i ti em ni kha?" Amah zawk chu nuih za insum zet chuan lehlam hawi'n a khuh vei kharh kharh a, chu chuan kan nuih a ti za zual sauh, a tih vel dan han zei zia kha.




"Ti ang chu maw le! nupui turte hi in hmu ve lo em mawni, tu hmel hmuhte hi ka chak tawh tak zet asin," a sawi lai chu pawt chat vatin, "Ka pi, chuvang tak chuan alawm helama mass hman kan tum, i tu tur hringtu tur hi kan zawng mek a, 'Ka pi hi a hman hmawh tawh sia kan tia,' zawn ve deuh loh chuan maw hmeichhia hian min zawng ngawt bik si lova," nui deuh hmun chung chuan a hawi kual vel a, keini lah nuih za insum tawk chuan kan lo ṭhen ṭha hlawm a.




Chutia a ti chu a pi phur ta lutuk chuan, "Aw, Mambawih, chu hual deuh leh duh zawng deuhte in nei tihna maw, i u khan duh zawng a hmu ve em? Nang hi chuan khawpui nula nalh tak tak hi i rawn hruai fova, i u hi chu nang ang a ni ve lova, a hmeichhe duh zawng a hmuh ve pawh hi ka ring lo, khawpui nula ah pawh a duh zawk a hmu lo a nia, thingtlangah phei chuan a mit han tlung zo tur hi an awm âwm si lo, a duh zawkte a hmuh ve hlauh a nih chuan ka thlah zalen chiang ngawt ang. Âw Ka Bawihpuia hi chu ka ngaihtuah mang e, nang hi chu hmeichhe lamah hi chuan i ngaihtuahawm loh a, in fate hmel hi ka hmu hman lovang tih hi ka hlau ber mai," a ti chu tifuh intih hmel fahranin a kut hûm ruh paha chunglamah lek chhoh pah chuan a chhíng sawk a.




"Ka pi em em a che, min sawi chhe bik lutuk, keite chu ka luck loh em hi, ka u te chu duhtu a ngah vet vet a nia, a ngaihtuahawm loh fe zawk," phur si insum hrih si chuan a ti nem dap a.



"Chu rawn haw in hrehna chhan chu hmeichhia vang a ni tak zet maw? " a pi thusawi pawh ngaithla hleithei lova hlim insum bawk si chu íp châwi khawpa nuih insum si chuan a taksa erawh a nui khur hluk hluk thung.



A pi han tih velah chuan Tluangpuia chuan khan lo tak a ni. A ni ve kha chuan chhuk mai kha a pass hman titih kha a nia, Sangzuala a'n chet meuh chuan boruak a dang ta zar mai.



"Aw ni e, tunah pawh kan bialnute bulah a nia kan awm ni, ka u phei chuan a duhthusam hmeichhia a tawng asin, hmu ve la chu hmelṭha i ti ve ngawt ang, i duh zawng tak tur a ni tih ka chiang mai. Kei erawh chu ka duh zawng chu ka hmu ve a,a hmeichhia zawk hian min duh ve em ka la chiang chiah lo," Mahlimi melh ralh pah chuan a nui suk a.



"I thusawi chu tak tak a ni em? Khawmaw i u chu ka lo be leh teh ang," a ti zawm zat a, a phur ta lutuk chu kan lo nui ṭha hlawm a.




Sangzual chuan a u pek pahin, "Mahlim ti teh i chhuah san daih teh ang, an duh tawkin han inbe hlawm teh se, an inhâi kaw ve thei tawh turah ngai ang," tih pah chuan min rawn nuih deuh kher a. "Chhuah kher a ngai lo aw," ka tih pawh chu hre awm paw'n an awm lo, an chhuak zui nghal hmak.




" Aw, pi keimah," tih pahin Tluangpuia chuan dawnkana phone chu a hnaih hrut a.



" Bawiha, i nau thusawi chu tak tak a ni em?" a ti nghal tawl chu nuih deuh suk pah chuan "Umh... A nia lawm pi, ka hmeichhe duhthusam ka tawng asin ka duhin ka hmangaih tak zet, chan loh ka hlau bawk. Ka rawn chhuk san chuan i hrethiam mai em pi," a thu sawi chhung zawng chuan hmun dang en miah lovin mi en char char, ka lo lâi leh der tawh, ka biangte chu asen ṭawn ṭawnin ka hria, a sat pup pup dan aṭang; chu a thusawi tawite ka beiseih aia ṭha si avang chuan lawmin ka nui sak bawk a.




" I ti mah mah aw, ka lawm achu ka va phu lo si em!" lawm tih hriat zet chuan ka lo tizawi sap.




A pi nen chuan inbiak zawm zelin, "Pi amah chu i be ve duh em?" a la ti ta deuh deuh.



Duh ang chu maw le, ngawi lawk aw, i pa te bulah ka va kal ang a, a tih rinna kha ka va tih tir ang a, kan vaia hriat theih turin kan inbe dawn nia, i nu leh pa te paw'n an hre ve chak ang chu," a la ti ta deuh deuh ṭul tih loh hmel zetin Tluangpuia dârah ṭawng ring ngam chiah si lo chuan phun hlak pahin ka chúm taih a.




" Be rawh a ho lutuk, i rin aiin an fel ang, zahna tur a awm miah lo," mit siai zauh pah chuan a ti sep a.



A pi chu a nu leh pa bulah a awm tawh tih hriat zet chuan a rawn ṭawng al al a, "Bawiha, i ṭhiannu chu kan lo be tawh ang e, eng nge a hming ni hrim hrim a, tinge engmah min hrilh lo reng reng le?" tih pah chuan a'n vui leh hnu hnawh a.




"Ka la khek alawm pi, kha be rawh aw 'Ophel,' i ti mai dawn nia," tih pah chuan min rawn signal zauhin phone chu a melh leh a, hreh zet chuan phone chu ka hnaih hrut ve mai bawk a.




"Aw, Opheli maw. E khai!! A hming pawh a nalh khawp mai," a ṭawng laklawh lai chuan Tluangpuia lo inrawlh leh zauhin, "Ka pi a hming hi sap hming a ni lo a nia, a hming pum hi Vanlalnunfeli a nia; A pi dam lai khan ṭawng fiah vak lo khan 'Ophel' ti'n a ko ṭhin a, a puhlen ta a nih hi," a rawn ti leh hram.




"Aw, a nih chu mawle. Ophel i hming a mawi bakah i put zawh ngei pawh ka ring, Bawiha duh zawng i nih chuan kei pawh hian ka pawm ve thlap che, a duh zawng hi a hmu har ka ti khawp a, nang a tawng che hi ka lawm khawp mai, ka hmu châk khawp mai che, a nu leh pa te pawh hian an hmu ve châk khawp ang che," a bulah an awm ve tih hriat zet chuan 'Mampuia ṭhiannu chu hmuh kan va châk ve aw,' an ti riah cguan Tluangpuia nen in enin kan nui sak a, ka lai in ka zam tak zet, sawi mai tur pawh hre lo chuan Tluangpuia chu a sik ngat ngat.




Ka bul ami lah chuan zak lo turin min lo fuih ru sar sar reng bawk a.



Zawi sap chuan "Nia, kei pawh hian hmuh che u ka chak khawp mai," ka ti ve tawp.




A pi bawk chuan Ophel, Bawite, Mampuia chu hriatthiam angai khawp a nia aw, a thlang tawh che a nih chuan a kal san ngai lovang che tih hria la, a rilru zawng zawng nangmahah a awm vek dawn a, a thikthu pawh a chhe dawn tih ka chiang, a rilru lo leh a duh loh dan hian awm san miah suh aw," a pi thusawi chu a dik hmel ka tih kher mai, tam pui sawi lo mahse, a mizia tur ang chu akim khat viau chuan ka hria.




"Aw le ka pi, ka lo hre reng dawn nia" a ti leh sep.





A pi chuan, "Kan vawikhawt inbiaknate a ni bawk a, kan duhtawk phawt dawn em ni ang! nuam lo i lo ti lutuk palh ang e, ni dangah ka la rawn be fo dawn che nia," a tih zawh chuan inmangṭha in kan in biakna chu kan ti tawp zui a.



Hah lutuk thawk kham loh hmel zet a thawchhuak hawkin Tluangpuia chu ka melh zeuh a, lo hrethiamin a bul cheta ṭhu tur chuan mi pawt hnai a, "I lâi viau a nimaw chû. A ho lutuk in la inbe dawn chauh ka chhungte hi chuan an duh dawn che tih ka chiang, an ngaina nghal em em bawk ang che zak duh reng reng suh,"min ṭawng thlamuan mawlh mawlhin ka bân bulah a hmér salh a.




"Ni e, a vawikhatnate a ni bawk a ka lâi ve deuh a ni, sawi tur reng reng ka hre lo mai, ka thluakah eng nge awm pawh ka hre lo, a chawmawlh vek mai hian ka hria," nuih sen sen pah chuan ka ti a.



" I lai ve tih chu ka hria ka khawngaih lutuk che a nia aw Bawihi. Mahse, i tâwntlang kha ka duh sia, i sawi tur hre lo lâi lutuk i hmai sen ṭawn ṭawn pawh ka hmuh hmaih miah lo, i fel ka ti tak zet, ka chhuang tak zet che, min tilawm tak zet a nia aw," tih mawlh mawlh pahin a biangah a fawh sak zauh a.




A lamah kuai her zuiin a heh no sen vâm ham chu a kut chuan a khawih sak neuh nauh a, Opheli pawh a awmdan danglamin a tiril khur deuh der der chu thup tum zetin thawk a la hak a.




A inthup tumna chu a pang depa awm tan chuan hai chi ni hek lo, nuih sak pah a a dar kan ak in Opheli biang tawn tawnah chuan a dawm nghal vat a, Opheli zak chuan en pawh en ngam lovin hnuai lam a melh zui daih, "Min en teh Bawihi" zak tih hriat zeta hawi chhoin Tluangpuia mita en in a nui hak, a hawi chho fel awr chu a hmuiah tak zawite in a ma hmui chuan a lo deh tir nghal chat a, che lo a dah vang vangin an in kuah chial a, Tluangpuia dawh theihna in tlin tawh hek lo "Bawihi, min hrethiam rawh," tih pahin a fawp zui bawrh bawrh a, fawh mai duh tawk lo tih hriat zetin a Opheli a kuahna aṭang tawlh hla hretin a kawrawmah chuan a zen lut rial rial a, Opheli paw'n nuam chu a ti ve reng, lo dan mai pawh tum lo chuan a dawh ve tawp, a fawhna pawh chhang letin in thlahlel tih hriat zet chuan an infawp pah mial mial a, an boruak tawnin a zir bawk a, Opheli pawh chuan inlak hran mai tum lo chuan Tluangpuia khawih ang ang chuan a dawh ve tawp; rilru fim erawh a pu tlat thung. A ni paw'n a hmangaih tih a hrechiang tawh, inkhawih leh eng amaw vel pawh duh lovin hei leh chen a lo in veng ve tawh, Tluangpuia pawh a tihreawm rei ve hle tih a hria, pawi lutuk lo tur chinah chuan tlema inphal ve pawh a pawiti vak tawh lo emawni tih tur khawpin zanin chu a inphal ve tlat.



Tluangpuia insum har ti zet chuan "Ophel, ava harsa ve i thianghlimna erawh ka tih chhiat sak thei lo che, ka hmangaih ka nupui tur hi ka humhin loh chuan, mah se... ava har si ém!" Aw khur deuh dar dar chuan a tichhuak phawng, chu chuan Opheli rilru a hneh kher mai, engmah sawi lo chuan Tluangpuia chu kuahin a awma bei thlawpin, "Tluangpui, sawi tur pawh ka hre lo, ka hmangaih zual sauh che, zanin hian ka tan a i hlut zia leh innghahna tlak i nih zia ka hrethar zual sauh, duh nila zanin hian ka indang zo a ngem ka hre lo, mahse ka beiseih leh ka duhthusam mipa i nihzia i tih lan avangin ka lawm zia hi ka sawi chhuak thiam lo," Lawm a vanga a mittui tling pam chu a hru zauh a.




"Keiin ka humin loh che in tuin nge hum him ang che, kan intawn hma zawng pawha i lo hum him chu ka tih chhiat sak ngawt thei lo che a ni, hmeichhe virgin ka duh a ka nei ngei bawk ang. In sum hi harsa ka ti lo a ni bik miah lo a nia, mipa tam tak hi chuan hmeichhe virgin nupuia duh si hian a ti chhetu ah an ṭang leh ṭhin a hei hi ṭha ka ti ve lo, neih duh loh tur tih hriat reng pawh ti duh ṭal te, an neih duh ngei tur pawh tem hmasak ṭal tum ang te, Pathian leh kohhran hma ah, 'Tiam tlat e' kan tih hma chu kan tem lawk hi a thiang lo hrim hrim tih hi mipa zawng zawng hian vawng tlat ila hmeichhia te chu virgin vek nupuiah kan nei mai dawn alawm," a rilru dik tak a sawi tih hriat tak chuan ati charh charh a.



Ka ngaihsan phah kher mai, hmeichhe zir lo fal hi chu an awm ngei ang, " Nang ang hi khawvel mipa ni vek se aw," tih pah chuan a biangah ka chual sak hauh hauh a. Ka kuta vuanin, "Nang ang hi khawvel hmeichhia zawng zawng nivek zawk se chuan mipa ho hian vannei kan inti vek ang, kan inneih vat a ngai rei ka tlin lo tawp ang," a ti zui daih chu phawk zet a enin ka nui hâi a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 3rd, 2020, 12:38 am

KA HMEICHHIA


CHAPTER- 18



BY; NUTEI VARTE

"Ka fiamthu amaw ti suh, thianghlim taka inneih kan duh a nih chuan rei rial thei ka ni tawh lo aharsa ve a nia, duhtawka hmangaihna chen pui che hi ka thlahlel ve tawh, kum thum chhung kan inzui ve tawh a, a âwm ve tawh khawp a lawm le! Nang châk reng reng a hun hman reng hi thil awlâi a ni miah lo a nia aw," nui thawp sat chuan min en in a khi zui sak.



Chhan mai dan tur hre lo chuan ka lo nui leh tawp chu lawm lo tih hriat zeta min enin beiseih nei deuh mit mena meng chuan min en lui ngat ngat, ka ṭawng mai si loh takah chuan, "Ka thlakhlelh ang em che hi chuan min thlahlel ve lo tiraw, " a ti chuai raih.




" Chutiang pawh a ni lo, nulat tlangval kham raih khapin kan leng ang chu, kan vanglaite hi a rei loh em hi maw, inneih hnu chuan nun hi a zalen tawh dawn lo a, nu dinhmun leh pa dinhmun hi chelh a, mawhphurna hlen tur hian zir tur kan la ngah lutuk, kei ngat phei chu ka la inpeih lo nasa a nia, kan puitlin deuh phawt loh chuan ho te te ah tlânte ka tum emaw a niang ah, nang lah chuan min chelh chu sawi loh, 'Hmeichhia zawkin i ngamte chuan,' tiin min kal tir nal nal emaw a niang a, kha tiangte kha kan la hma chhawn ngei ngei dawn a nia, rilru a puitlin loh chuan inṭhen leh mai hi asam dawn lutuk tlat," ka ti ta deuh duah chu sawi ṭha min ti nge ka thusawiah nuih zat tur a awm zawk, a rawn nui chhuak hawk hawk chu hrilh hai deuha enin lungawi loh hmel tawkin ka meng phawk hraw a.




"I dawn thui reuh lutuk hi ka nuih aza deuh tlat, i duhthusam leh i hlauhthawn ang kha chu a thleng miah lovang, hlauthawng suh, haw i tum paw'n ka chelh tlat dawn che nia," ngeiawm reuh hian, "Haw ka tum min chelh tur ngawr ngawrin ka duh che tihna lam a nih loh kha, zir tur kan la ngah," ka tinawn leh kher; ka la in huam ngang lo a ni ber mai, sawi thui pui pawh ka duh lo. Thlahlelin ngai ve viau mah ila pasal neih hi ka la zuam thlawt lo.




Kimtei pawh mu turin a a rawn phei chhat chhat a, sana kan han en chu dar a lo kal thui hman hle mai, kan in en a kan nui tawp, a bula ka awm hi chuan rei lo riau a hriatna ka nei ṭhin.




Haw tuma a tho chu chelh zui pawh tum hran lo chuan ka ding zui ve nghal mai a Kimtei chuan inthlahrun hmel zetin, "Ka lo phei vang hian haw tum ngawt lo la, ala hma lutuk, ka kawng hi a kham deuh a mut zâl mai mai ka duh mai a nia, la inkawm r'u, " inthlahrun hmel zet chuan a lo ti mawlh mawlh a.



" Haw a hun tawh alawm, naktuk herchhuak tawh lo tur pawh a ni lova, ka len rei lutuk chuan min lo hne palh ang," nui sak paha tiin a kal zui nghal chu a hnungah ka zui chhuak ve nghal a, inthlahlel viau e ti lo chuan a leng rei ngai lo hrim hrim, a tawk hi a hre ve em! Hengte hi a nia ka duhna ti zualtu.




Mahlimi te pahnih pawh hmuh tur an awm tawh lo "An lo haw tawh a ni maw, mi pawh koh ve tur a nia," tih niah niah pah chuan kawngka lam a pan zui nghal a, kawngka biangah dingin ka mangṭha nghal vat chu ei loh hmel tawk a min melhin, "I va hmanhmawh thawt thawt ve maw le!" Tih leh min chuk a rual. Nui har har pah chuan ka chuk let ve zauh.




Kan inthlah fel hnu chuan in hnawk velte ti felin ka vir leh zak zak a, hmunte ka phiah fel hnu chuan mu turin pindan ka lut zui nghal a, Kimtei pawh chu a lo meng kar, ngaihtuah nei tih hriat tak chuan a en ngai a lo en ngar ngar chu ka va be thut a, a phu chiang lutuk chu kan nuina sa kher mai. "Eng nge maw i ngaihtuah a kha ti teh vak a i phut chu le," ka nuih za lutuk chu ka sawi hlei thei lo, "Nge mi thil ngaihtuah lai lai a ngawi renga i lo luh, ṭhing reuh lutuk mai," min la ti zâwk mah.




"Nanga lungleng inngaihtuah lung run kha i lo phuzuk dawn tih ka hre bik hleinem ka hrethiam lutuk che," ka'n ti deuh kher chu arun kher mai.




" Leng ve bawk ang chu, nangni mah rei lo te in hawsan mah in thei lo a nih chuan keini a kum a kum dawn awmhrang tawhte chu kan leng ve em em loh ten," a ni leh ni lo chutiang a a rawn ṭawng chhuak ve chuan ka nuih a ti za sauh. Ka nuih khum awr awr takah chuan inthiam leh lo âwm fahran chuan a nui leh sen sen a.



"A eng ber kha maw i lo ngaihtuah chu, i la sawi miah lo," ka'n tiṭha leh a.



" A tam lutuk, khawi aṭang hian nge ka ṭan ang," min zawt leh hû pah chuan a rawn thle sawi bâi a.




" Ṭha i tih tihna aṭang a ni mai ang chu," ka lo ti vat.



Ngawi vang vangin "Umh... Karleh khian rawn chhoh a tum asin. Mahse maw, inneih bawk chu asawi leh," a sawi zawh hma hma chuan, "A ṭha, hnial tawh reng reng suh ang che," A ni ai paw'n ka lo phur mah zawk awm e.




" An khua-ah christmas a hmang phawt ang a, eng eng emaw a buaipui nghal ang a, kumthar hmang turin helama lo chho a rilruk deuh a," a tih zawm leh chu ka lo phûr ngei mai.




" A ṭha nasa a nih chu, lungleng falbik awm lovin kum thar kan hmangho thei dawn a nia, a hnu lam erawh phurawm viau mahse ka huphur lawk deuh tlat," va melh ralh pah chuan ka tia.



" Eng vang teh ngawt chuan maw," " Chû pasal min neihsan mai dawn a nih hmel sia, i tana ṭha tur mah nise ka lo huphurh lawk a ni tawp," ka ti zuai raih. Ka rilru tak tak, Kimtei hi a hmalam hun ngaihtuah chuan a tana ṭha tur a ni nameuh mai. Mahse, kan awm dun rei ve tawh a, engkim kan ti dun a, han awm hrang tur chuan chhel a ngai dawn hlein ka hria. Ka ngai lawk nghal em em ringawt.




" A eng emaw hma hma a chuatiang lo sawi... Tak takah ni e. A tum dan a kal tluangte a nih chuan hnial leh hnar thei dinhmunah pawh ka ding lo bawk nen, ka pawm mai pawh a ngai dawn sia, kei pawh hian ka ngai khawp ang che... sawi zui thei lo chuan a kun lap a.




" Chutiang lam chu sawi tawh lovang, kan sawi a piangin kan invel hi a ni ringawt zel a," ka ti nghal thuai; rilru lakpen tumin thildang ka sawi pui zawm zat pawh chu min zawm hran lo chuan a ngawi reng a.



"Kimte mu tawh mai ang hmiang, naktuk lamte mas thingphurna lamah kan kal duh ve awm sia, kan chau lutuk palh ang, tui deuhin kan mu dawn nia," tih pahin ka khum lam ka pan san a "Ni e, aw mut tui le," a lo ti ve sep a, kan mu zui ve nghal a.




Tumah a hrang a kal awm lo in mas thing phur tur a chhuak zawng chu Biakin kawtah innghak khawmin a huho chuan kan kal tlâng vek a, hla deuh mah se thing tamna mual sekah mual lam pan chuan kan inzui dam dam hlawm chu kan ṭhanhnem tham bawk a, hmun nawm tham kan ni chek a ni ang chu naupang leh kum upa lam khawlaia lo awmho chuan hmuhnawm thlir takin mi'n lo thlir doh doh hlawm a.




Kan ṭhianho pawh midang karah in zuiin kan hlim ve dar dar khawp mai, a ṭhen hawt tak tak leh fiamthu duh fe fe an lo a ni hlawm bawk nen. U Chhuantea lah chuan Tluangpuia chu kâp zauhin "Pu Tluangpuia pawh chu Aizawl a thleng ṭep tawh ang chu maw, lungleng fe fe chu kan awm dawn a nih," tih zawm zat paha lo hawi phei hâ in "Aw, ka tih palh in lo awm reng a nimaw, tu emaw insawi dan kha chuan vawiin hi a chhuk tum ni kha a nimiau a," thiam inchan hmel taka a ti vei hah hak chu, "Min pawttu hian min hneh ve bawk ém a tin ni," min zahpui lo leh inchhuan hmel zawk tih hriat zet a min en zauhin a chhanglet ve thuai chu ka lo sik zauh a, ring tawkin a'n 'Awiah' vak kher chu ngeiawm zetin ka va melh râwm a, min lo nuih sak pawh chu ngaihsak duh lovin nuiṭha duh miah lo chuan titau derin leh lam ka hawi hmak.




U Chhuantea chuan, "Hmeichhe thinrim miah lo thinrim ang a awm der vel hi an duhawm duh a nia," a ti nawn leh kher chu ka va chhiat khum hrep. A lo nuih ve hak takah chuan leh lam hawi chuan ka nui zui kar kar.



A ni hi kan KṬP secretary nimek a nia, hawt zet mai nui tam lem lo a fiamthu thawh peih ru phian si, hmel nena inhmeh lo an tih ang chi hi a nia, a nelawmin a fel em em mai bawk sia. Member han tih hlim leh chawh phur dan tawk lah a thiam, a bula awm a nuamin kan nui deuh reng hi a ni mai.



Thing phur kan tumna lai kan thlen chuan kan in nghat sap sap hlawm a, thleng kim lo te an la awm avangin innghah khawm pahin hruaitute thu kan ngai chang pah bawk a, rei pawh innghah ngai lovin kan tleng kim zui nghal mai bawk a.




Leader pu Thankima chuan kan thawhna lam tur sem kual zung zungin kan ṭhianho pawh a tihna lam tlâk lam mual panin U Chhuantea ho chuan kan kal nghal vat a.



Sekah mual hi a ram aṭhain thing tluro pawh a tamna ngiang mai, hmun tinah thing chék ri chu a inchhawn tluk tluk a, mipa ho in an lo tan a hmeichhia pawh awl bik nih duh lovin an tansa chu lo thiar khawm zung zungin kan lo ek ve bawk a, an tan zawk chuan kan thingeh chu mi'n chhawk ve leh a; hetiang nikhua ah hi chuan hmeichhia te hi kan hahdam thei khawp mai, a hming lekin kan thawk ve a ni deuh ber.



Tluangpuia pawh hah tih hriat zet chuan a hmai chu thlan karah asen ve tâk a. A hnathawk hah hmel tak hi ka la hmu lova inhmeh ka tiin ka lo en leh dauh dauh zel, tiṭhak lo tih hriar zeta a'n chék ṭhel vei thuakte phei chuan ka lo nuih leh tut tut ṭhin.



" Lalrinfel, lo nuih lo nuih mah ta che i ti zak ang asin, a ṭap anga i thlem leh ngamawm der si lo," U Chhuantea chuan nui duh miah lovin Tluangpuia thlavang chu a lo hauh vel a.



"Nuih loh ahar ve e, nang pek i nuih azat ve ém kha maw!" 'Tluangpui ek duh tawk suh hei a nuih sawh teh mai che a nia,' ka'n ti deuh kher chu run hmel tawk a min en in, "Ka nuih sawh miah lo bawk, nang khan a nih kha nuih sawh, i insum zo lo i nuih awr awr kha maw, a nuih sawh zawk chu a hriat mai lawm ni?" hnehna inti chang zet chuan a hawi vei al al zui.




Sangzuala leh Mahlimi pawh kan sirah chuan an lo bei ve nasa mai, ka va hawi phei chu Sangzuala hlap ṭhelh ve chiang lutuk ka va hmu fuh leh kher, Mahlimi ka va en chu nuihza insum tawka lo khur ngat ngat chu ni in, kan in en chiah chu insum thei tawh bik hek lo, za lutuk chuan kan nui ta tak takah. A ni phei chu a thing eh hmawr zawng kha a ner hian a ner sung mai ah. Mahlimi'n "Ka lo eh chhawk ang che," a tih pawh chuan a phal bik der lo leh nghal. Huiham!! Biang kham úr hian kan nui ngat ngat, an unau nau chuan hah tawh si ti hleithei si lo chawlh dawna tlawm la tawh si tih hriat zet a an han chai kual vel chu nui ṭhain kan lo thlir ṭhap a.




Tih bik pawh nei chuang lo chuan, " Inla beidawng chiah lo em ni? Ka lo eh chhawk ve tawh ang che u chu," U Chhuantea'n a lo ti chhen bawk a.



Tluangpuia chuan a thingtum lianpui eh lai chu tih vak ngaihna hretawh lo tih hriat zet chuan a tuai kual chen a, U chhuante'n eh chhawk a tum pawh chu aphal chuang nahek lo,




Kimtei leh Hmingsanga erawh chuan ngawi rengin an chai mial mial a, kimtei phur khawp chu an lo ngah der tawh.



A tawpah chuan a beidawng ve ta a niang U Chhuantea chuan Tluangpuia chu a eh chhawk ta nge nge a, ka phur khawp pawh chu an ngah ve thuai a, an put haw tur pawh an la fel nghal vek bawk a.




Sangzualate pahnih mawlh hi, tumah lah chuan 'Chhawk tang e,' ti lovin kan lo en ṭhap a, a chevel enin kan lo nui kan lo nui ringawt.




Chhuantea lah chuan lo kâp chhenin, "Sangzual ṭang ta che, a hnawiha hnawih lo khan, chék ta mai la, a phel mai dawn alawm, kha fawh kai atan i ti deuh em ni? ava ner seng sung bawk ve maw le!" tiin a lo fiam ve chhen ah. A mah lah chu a nui duh der mai bawk si lo, huat theih si loh hian a lo ti ve sek a.



"Ve bawk chuan engmah i nih bik der loh kha inen teh, Chhuantea'n a chhawk che vanga mualpho lo mai i nih kha aw, ti khan lo awm mai mai u la min lo nuih mai mai dawn nia" hah hmel zeta a ti zawm zet chu, za lutuk chuan kan lo nui hak hak hlawm a.



A hmelah hah tih hriat zet thlan tla phunga a ṭang chu Mahlimi nen phei chuan kan lo nuih chhen a, hah thikula a beih hnu chuan Mahlimi phur khawp chu a ek zo ve ta mai, inti thei fahran chuan, "Ka hnehsah ve em!" a la ti zui.




U Chhuantea chuan, "Sangzual lo hah chawl la i put haw tur chu kei man ka lo lak sak dawn che nia," tih pahin kan thlang lawk a ṭhilro tlu zur chu a zu tan mawlh mawlhin hneh zet chuan a rawn pu chho vuk vuk a. Sangzuala bula nghatin, "A zâng vei khawp a i duh khawp a ngem aw!!" a tih rual chuan kan awmna lam hawi chuan a rawn nui khi suk a, en ai ngawt chuan a rit dawn tih lah Sangzuala chuan a hre der mai si lo.



"He tiang tiah lek chu khaw chhuang kan pu lut ngam dawn em ni? I ti ta rau rau a thlanga pum lian zawk khu rawn lak tur che alawm," a la ti zui, in man zet chuan kan in en hlawm a kan nui ham ham, Tluangpuia nen erawh an nuih a za ve miah lo, engmah hre ve hek lo le.




Kan ṭhiante ho pawh an thawm ri a reh hret hret takah chuan haw lam zai rel kan tum ve ta a.




Hmeichheho chuan kan phur tur ṭheuh mahni émah thing kan thawn mawlh mawlh a.




Tluangpuia chuan, " In inthawn chhung khan kan vak zual zawk aw, ka rei lovang, a boruak a nuamin han hawi khawthawn lawk ka chak riau mai," tih pahin hawi kual ruai chung chuan a kal zui nghal a.




"I rei ang e, haw vat ka duh a nia, kal hla lo bawk la aw, i bo palh ang," ka lo ti chu nui hakin, "Ka bo i hlauh leh min hruai la," rang zeta min chhângin a ti hmiah.




U Chhuangtea'n in la zei zetin, "Lalrinfel, va hruai la han hawi khawthawn pui ta che, rei erawh atheih loh, he lai mual hi a zau in bo te pawh a awl teh a nia, a hmun a nuamin han hawi khawthawnte hi a nuam khawp ang, i phur tur chu i ṭhian ten an lo thawn sak mai dawn che nia, va hruai rawh," nui sak pah chuan a lo ti ve mai bawk a.



Sangzuala lah chuan, "Keipawh fankual vel chu ka chak ve tho alawm, Mahlim, mi hruai ve la," nui hak pah chuan a lo ti ve khauh bawk a.



Hmingsanga chuan ṭul tih loh hmel zetin, " Kan rei mai mai, mi pawh an haw rem deuh vek tawh hi," a lo ti nang nang a.




" Rei lo ula hemi mual hi zawh chho ula, a tawpah tlang chhip zawl nuam deuh a lo awm mai ang, hmun dangah chuan kal kual vak suh u, in bo palh ang,," u Chhuantea'n a tih takah chuan phûr zetin Mahlimi nen chuan Tluangpuia awmna lam pan chuan kan tlân a, Sangzuala pawh lo kal ve vatin kan kal zui nghal a.




Kimtei rawn au zuiin, " Kan lo hawsan dawn che u, in phur pawh tihian ka dah tawp dawn, a thawn thiam lo ber min kal san aiah," a rawn ti vei ruai chu ding datin ka hawi phei a, ka va nuih chiam ringawt, a thiam dawn lo tih ka lo ngaihtuah miah lo, vawikhat pawh la ti lo kutah kan dah tawp kha ka inthiam lovin ka nuih a za tawp.




" Hmingsanga leh u Chhuantea an awm kha," ka ti hram, hmingsanga ka va en chu min lo melh rum ngei mai, lungawih loh hmel zet chuan a phun hluk zui.




Hmanhmawh zet chuan ṭhiante kalna lam pan chuan ka tlan chho a, tlangchhip zâwl an thlen hma chuan ka han umphak a, " Min lo nghak ve bawk ula mawle," hah zeta thaw hlawp hlawp chuan ka ti ṭawk a.




" Min zui reng emaw tia," rawn hawi letin Tluangpuia chuan din dat pahin a ti a.





" Kimtein min bia a, in lo kal daih a nih kha, ka kalpui lo tawp mai tur che u a nia, ka hah lutuk," thaw hlawi hlawi chung chuan ka ti hlak a.




" Hmanhmawh suh, ka lo nghak che alawm," a tih raul chuan, In nghak teh u kan lo han kal ang," Mahlimi chuan tiin an kal zui nghal a.



Tluangpuia awmna ka thlen rual chuan a kut min lo pe vatin ka lo ban nghal a, min pawh chhoh rual chuan, "Hahawm hlu hlu ve," a lo ti sup, chhan pawh chhâng peih lo chuan ka nui khi sup ringawt.



Ka bánah kaiin min kal chhoh pui a, thui pawh kan kal hmain tlâng chhip zawl raih kan han chuang chho dêr, kan thlen rual rual chuan Tluangpuia min vawnna aṭang chuan tal chhuakin ka tlan kual ruai a.




Kan ram chhung mah nise he lai thleng thleng ka la kal ngai miah lo, ka vawikhat kalna ve tho, a tlang asangin a thengthaw nuam tak zet, han hawi kual vel nan duhthusam a ni ringawt, râl leh lam ka thlir kual a, romei leh ṭiau chhumin a bawh pawt pheute chuan lung hi a ti leng veng veng thei nia.




Tluangpuia chu ka bulah lo pheiin, " Va hawi nasa veuh veuh ve," a rawn ti chu ka phu deuh zuk, nui hak pahin , "Nia, hei amawi zia hi, tlang leh mual reng alang hnem si, boruak a thiang nuam em em mai bawk nen, hetiang hmun nuam leh thawveng a awm tih hriata lo kal fo tur, râl leh lamte saw thlir ve teh, 'Ngaihbik awm lo lunglen,' an tih ang hian a awm veng veng theih asin," nuam tih hmel zet chuan ka ti vei siam siam a.




" A nuam khawp mai, a hmun a zawl phian leh nghal, hetiang hmun nuam a awm tih pawh lo la hriat loh reng reng, nuam i tih viau chuan kan inneih hunah hetah hian in lian tawk kan sa ang a kan la awm dawn nia," min enin nui sak pah chuan a ti vei sup a.




" Awi, chutiang chen chen ka nghak thei lovang, tunah ka duh," nui rah pah chuan ka ti fiam vei zauh a.




"I duh phawt chuan kan la sa khawp ang," tum tih hriat zet chuan a ti awldam et a.




Hawi khawthawn nan leh rilru tih thawven nan ka duh tak zet.




Sangzualate pahnih pawh nuam tih hmel zetin an hawi kual ve nasa mai.



" Mahlim, hetiang hmun nuam hi engtin nge a awm tih kan lo hriat loh thei le tiraw," tiin ka va au ruai a.




" Ni ngawt mai, chu chu alawm ka lo ngaihtuah, awmhlen nan a nia ka duh ni, Bawktê sa ila riak mai ang u," nui har har pah chuan a lo ti ve bawk a.




"Kan la sa dawn nia, in duh ang tih sak che u alawm kan châk, engpaw nise chhuk phawt teh ang u, ṭhian ten rei min lo ti palh ang, in duh aia rei ka la awmtir dawn khawp che u," a tih chiah chu, Mahlimi lawm lutuk chu ring zeta khekin a au chiam a, "Ophel, a sawi zawh chiah kha i lo hria em? chhinchhiah tlat ang aw," a ti nghal vat a.




" Ka ngen vang a nih kha, nilawm ni?," Tluangpuia en chuan nui har har pahin intihtheih hmel zet chuan ka lo ti sam et.



Tluangpuia pawh chuan, "A dik alawm," a mit min siai zauh pah chuan a lo ti ve vat.




Min ei loh hmel zetin Mahlimi chuan, "Kan nupa -in kan la tuak ve ang, nuihza insum vui aw zet si chuan ti sup a.




Sangzula nui za lutuk chu nui chhuak hawk hawk pahin, " Ni e, kan la tuak dawn khawp, nakum aṭang huan neih ka tum alawm, ka hausa vat dawn khawp Mahlim, lungngaihna tur a awm lo a nia," tihsak ve thei lo anga lan chu thanat hmel leh uan fawm bawk si chuan nuihza bera ṭangin Mahlimi chu a thlamuan ve ngei a.



A eng emaw hma hauh a Mahlimi a ṭawng thlamuanna chuan ka nuih tizain ka lawm tak zet, Tluangpuia pawh za zetin a rawn nui chuak ve hawk hawk.




Rei mawi tawk kan awm hnu chuan kham lo zetin kan chhuk thla a. Kimtei te pawh inpeih tawh tih hriat zetin an lo mu der der a.



Kan thlen thlak rual chuan U Chhuantea'n, "A nuam bawk maw? In rawn riak tawh dawn emaw kan lo tia," rei min tih hmel zet chuan a lo ti hlut a.




" Kan hmeichhe ho hian awmhlem an tum deuh a, eng tin tin emaw ka inthlem haw thei hlauh a nih hi," Tluangpuia chuan lo ti vei luam a.




Rei chawl tawh lovin kan inphur nghal sap sap a, kan kal ṭan dawn chauh tihin Sangzuala chuan a thingput chu nuam tih loh hmel zetin a sâwi che chhen a, a tirah chuan a'n pu ve mai kha a nia, kawng chanve pawh kan kal hma-in a thing putna dâr chu sawn tawn chhenin, "Ka zuam ang ngawt chu a nih loh hi le!" a ti chhen, rem leh rem lova lo hawi letin, "Chhuan ek, i rilru mai mai chu(h) i thing put aiin lian lo mah se a rit zawk tur min lo thlan sak hi ka lawm lo, pawn lam lan dan ringawt i en tih a chiang mai lian pui zâng si nangni hian in pu a, ka put turin lianlo rit si min thlan sak a," lungawi lo tih hriat fahran chuan a la phun char char.




"Aw!! A thlanga kha aia lian zawk kha a ni lawm ni i duh zawk kha, khangte chu a té i tih ém kha maw!! I duh zawk pu phei la chu i va phun chiar dawn tak, ti chung paw'n i kâ chu a âwl meuh lo a nih ber hi maw, rit ila ti tawk lo a nih hi i phun peih emai, keni chu phun pawh kan phun peih miah lo hi, ngawi renga kan kal pui mial mial mai hi maw!" a'n ti zet chu kan va nui nasa tak, kawng chho kal lai leh nghal, hah nen chuan ava in rem lo ber.



" A nih chuan in put thleng ila," a la ti hram, an han in chhang tawk em em mai bawk si, pakhat lah chuan a duh dér bawk si lo, "I put thlen zawh loh leh ka la chhawk zawk dawn che nia" lo ti sam et sia, "Chhawk ém chu ka duh bik lo, khawchhung luh hunah i put aia ka put a rih zawk thu ka sawi phei char char ang," a ti phei chu Tluangpuia meuh pawh za zetin a rawn nui chhuak hawk hawk. Chhuantea ngei pawh nui nasa sa ah ṭangin hnial leh ngaihna pawh hre lo chuan a nui khek ve chiam mai.





"Sangzual, lungngai suh i sawi buai ngai lovin Mahlimi nen kan sawi sak char char dawn che nia," nui awr awr pah chuan ka lo ti ve bawk a.




Khawchhung kan luh pawh chuan engmah sawi ta ém lovin kan in nghat fel thei ta hram. Thingpui te in in kan chawl khawmuang a, Sangzuala hah lutuk chu a dâr hmet tawn chhenin a lo thle ngawih ngawih, Mahlimi'n, "Kan lo hmeh pui dawn che em ni?" tih pah chuan a nui rah rah a. "Nangman i hmeh chuan a tawk mai, mi dang chu ka phut lo," a lo ti vei hmak. U Chhuantea pek chuan "Keimah zawkin le!" lo ti zawm zatin hmeh sak tum chuan ava kal hnaih hrut a, a lo duh lo nasa mai, mi dang lo awm ve te pawh an lo khi vei ṭhaw hlawm a.




Ka inbualfai hnu chuan ka thil ṭhui laklawh lai chu khawih zawm nghalin ka búr nghal chat a, rei khawih phei chu a ni tawh lo, Kimtei leh ka nu'n eirawng an bawl a, Hmingsanga pawh in bualzo tih hriat zeta lu la hnawng chap chuan a lo lut a, a ṭhut fela hma hma chuan, "Hmingsang min lo vawnpui lawk, hei a nghawng kual hi chei ka duh a," ka lo ti nghal vat chu nui sukin, " Ava mak thawt thawt e, in pa lo kal hun nghak ta mai che, min hmuh chuan ka ngam leh dawn lo nasa mai sia," ngeiawm fahrana lo hawi'n a'n thle vei bak ah.




"Chimawm viau lo la nih chu, ka chhan ziah tho che alawm," ka ti sam et chu run tawk a min en in, " I chhan kha ka ngai lo, min chhan anga i lan hian a thinrim zawk tih i hrereng, lo ngawi ve mai ṭhin rawh, a thu hrimah hmeichhe chhan nih kha a tlawm thlak," a ti vei hmak chu ka lo nuih tawp.



Sawi leh viau tur ka hre hlek lo, ka chhan em em pawh a ni lo, Tluangpuia'n angai kawi tur ka duh lo vang mai a, ni lo se kan inkawm pawh a remti dawn lo a, "Ka chhan tawh miah lovang che" lungawi lo zet chuan ka ti zui nang nang.




Ka sawi zo chiah ka hawi phei chu Tluangpuia ngawi renga lo dingin min lo en reng chu ka va hmu thut a, be tang e ti lo chuan ka en reng ringawt. Amah zawk chuan, "Ka lo kal hun hi a fuh viau lo ava ang ve," Ngeiawm hian. Chhán tuma ka ang zuau chu Hmingsanga'n a mit menga min lo khap zauhin amah zawk chuan, "Fuh lo lo e, ka ṭhutna hi ka kian thei che a nia. Hei ka luh rual rualin min lo tir nghal a, chung vel vang chuan kan lo inhnial fiam mai mai atin ni," pângngai deuh chuan a ti ṭha ve mai a.




"Kal lawkna tur ka nei a tikhan lo in kawm zawk r'u sawi duh dangte pawh in la nei thei a, ka kalsan zawk ang che u," lungawi lo tih hriat zeta a ti leh kher chu ka run kher mai.




Hmingsanga min mitmei pawh haider luiin, "Kal duhna i neih chuan kal ṭha ve mai la, thu awmze nei lo sawi hian râk kher suh, naupang â kan nih loh hi," ka lo ti bak hlak ah. En pawh en zui lo chuan ka thil tih lai chu ka chhunzawm mial mial a; a ṭawng kam hman dan kha ka helh ve deuh tlat, ṭha tete hian kan awm emaw tia, hetiang zawng a min ti ziah hi ka ngaithei bik tawh lo.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)