KA HMEICHHIA BY NUTEI VARTE (Completed)

[Ngaia]

KA HMEICHHIA


CHAPTER- 19


BY; NUTEI VARTE



A chhuah hnu chuan, "Hmingsang min lo khap ziah suh, a ngaihdan dik lo hi tih danglam angai alawm," ka ti chu nui hukin, "Tum buai duh suh khawvel awm chhung hian i thlak danglam lovang, mipa hian ngaihdan kan siam tawh chuan kawih her hi a har tawh, min ring dik lo laklawh tawh a, min hmuh dun apiang hian eng emaw chuan a ṭhawng reng tho ang, a rilru put hmang kawih danglam tum ai chuan hriathiam tum zawk rawh, lungawi lo deuh a ṭawngkam mei nei deuha a tih che paw'n huatah la duh lo la, ngaithla liam ve mai mai la, chu chuan kan boruak a siamṭha zawk ang," a ti chu ka ngaihdan a ni vak lo.




Chutih rualin ka sawi tam tawk tawh a, hriatthiam erawh a tum si loh ah chuan keimah zawk hian ka ngaihthlak liam mai kha a finthlak zawng ang tih ngaihdan chu ka nei ve ta tho mai, Hmingsanga'n a sawi tak ah chuan, hei erawh ka hria, thin nel vak ka ni lem lo tih hi. Vawihnih thum chu eng thil pawh ka pal zamin ka hrethiam thei, abak erawh ka ri ve pawp zel tawh ṭhin.




Mahlimi chu hah hmel zeta lo lutin a rawn thaw lut hlawp hlawp a, khawiah kal tum nge a nih ka lo zawt vat a. Thawk la hawk hawk pah chuan heta lo kal tum hrim hrim a nih thu sawiin, "Nunzira a lo leng a, Sangzuala a lo kal ka ring bawk nen, kuhva lei lawk chhuanlamin ka rawn tlan chhe tawp," a ti chu ho ti lutukin ka lo nuih tawp, "Thaw hlawp hlawp a tlân nan chuan a va nep si e," ka lo ti sam et.




Min melh hrawk pah chuan, "Ho pawh ka ti lo, mi hi a tibuai reng a tunlai chu ka kham ruk nak lai hian, min phatsan hmasatu a nia, a hunlai chuan lo duh ve viau mah ila min tihdan kha ka lungawi thei lo, tunah lêm midang ka zui nia a hriat vangin a rawn thar thawh leh mai mai a ni hi, ka be ṭha duh tawh bik dawn lo reng reng, a duh duha a hnuh kual thei emaw hi min tia," tiin a âng zui vei hlak hlak a.



"Tun hma kha chuan i ni tlat alawm, induh khum ve deuh tura tih paw'n i thei ṭhak lova, a tan kha chuan i zuamawm ve ṭhin ém a tin ni," ka lo ti ve leh a.




"A dik alawm. Mahse, tunah chuan ka ni tawh loh zia a hre mai dawn alawm le! Dik chiah chuan ka lo hmangaih ve a, mahse midang min neihsan fo a, ka thinrim hian midang ka nih pui ve leh hmiah zel bawk a, rei phei chu ka kawp ngai lem lo, nang paw'n i hre vek, amah ah bawk ka tlu lut leh ṭhin tih hi, a bulṭan hmasak a nia, min ching let kual zing tawh tunah chuan kha tiang kha ka nitawh dawn lo reng reng," a ti vei tan tan a, a ti mai mai lo tih a hmel leh aw aṭang chuan a hriat khawp mai.



"Kan la hria ang chu," tih pah chuan ka lo nui hak hak a.



"Ni e, kan la hria ang," cho hmel zet chuan a ti leh salh.



"E! Takah Ophel Tluangpuia hi ka kuhva leina dawrah sawn a lo awm a, biak pawh min be miah lo, Hmingthani saw kuhvarah a lo thel pui mual mual a, 'Eng nge i tih a, kal ila,' ka ti sam et chu en pawh min en lovin, 'Hei, min hmuh ang hian kuhva ka thel a nih hi, chuan kal mai ka la tum lo nula ka rim tih i hrethiam mai lo em ni?' a tih chuan a fiamthu emaw tiin ka nui mai a 'An inah sawn kal ka tum asin, kal rawh phei ang,' ka tih nawn leh chu, 'Tu i sawina nge ka hre miah lo mai, bakah mi nula rim lai leng turin an sawm ngawt ngai lo,' a'n ti leh kher chu ka run deuh ta khawp a, 'A nih tak chu i hriat ngai loh te inah ka kal dawn a, chah duh i nei mial em? " tih el deuh chuan ka ti leh hram a. Mi pawh hawi chuang lo chuan, 'Va kal duh lo mai rawh chimbuai chi pawh an nih hmel loh, nuam an ti teh a nia,' a ti tâk hmukah chuan chhâng zui duh ta lo chuan ka rawn tlan phei san tawp," tiin Tluangpuia nen an in biak dan vel chu min hrilh mawlh mawlh a.




Za vak lo a nui hakin, "A duh ang chuan awm mai teh se, a thikthu chhe leh lutuk hi ka kham tlawt," ka ti vei hmak a. A ruk tak chuan ka lungawi lo kher mai Hmingthani ber kher ka ti rilru nang nang.




"A ngai te bawk ava nih leh hmel ve," Hmingsanga lo ṭhu ngawi reng lam hawi chuan nui hak a.




A tih dan mai mai chu ka lungawi ta bik lo khawp mai, 'Kal duhna ka nei,' a tih chu Hmingthani rím a duh vang maw lo ni! A ṭha alawm chutah Mahlimi a lo chhandan te kha; Nula chu a duh tawk khan rim tak rawh se, tiang zawnga min ti dawn a nih chuan ka pawiti ṭhak lo. Amah duh em em tu Hmingthani bulah chuan awm zan khua se a nimai alawm, Hmingthani erawh a insawi theihna tur tawk a tling leh awm sia, ka rilru chuan ka phun nuap nuap ringawt, ka lungawi lo tih an hriat hlau zet chuan ka awm ṭun mai.



Rin ang ngeiin, "Hmingthani saw a nghawng a lian leh mai mai ang chu, ka awm laia min melh dan te saw, a meng chapo âl leh nghal, a insawithei lutuk tur ka hriat peih loh vang a Tluangpuia pawh sâwm chhuah tum deuh kher kha ka nia. Chuta ka la sawm chhuak thei lo mai pawhni lovin min chhandan te kha. Awi! Hmingthani chapona tur leh insawitheihna tur hlir, ka tha ana ngat ngat kher mai, " a ti zui leh bawrh bawrh a, tlâwm a inti lutuk leh thana bawk si hmel chuan ka nuih ati za tawp, ka lo khi vei sak, mi hi aṭan thei a nia, "A ho lutuk, lo insawithei ve mai mai ang hmiang," na rilru zet chuan ka ti ve leh mai bawk a.





Ka rilru tak chuan ka na in ka tlawmla ve tawp, sawi vak tur pawh hre lo chuan ka nuih liampui ta vel mai mai.




Hmingsanga tak khan nuam lo a tih hmel tawp, "Keimah vanga in buai fo hi ka duh lo asin le!" hreawm tih hmel zet chuan a lo ti ve nang nang.




"A ṭha ve alawm engah ngai duh suh, tikhan an inhmangaihna a zual daih zawk ang, hmangaihna kawng hi a bumboh poh leh aríl duh daih zawk, thik tur an awmte hian a nghet duh mah zawk a nia," nui ar ar pahin Mahlimi chuan a ti leh daihah. Ka ngaihdan erawh a niṭhak lo, min duh loh chuan min ṭhen mai se la, intihtauh khum nana midang hman hi, chutah Hmingthani te ang lehnghal.




Urlawk zan pawh hmang ho ta lo chu mahni tlatna mual mualah tih ang mai hi kan nidawn nih hi, zanah pawh chuan lo kal lovin, Hmingthani te in ah bawk chuan a awm tih Kan hre leh zel, Sangzuala'n engmah boruak ṭha lo a awm tih hre lo ta chuan a awm thu asawi liam puat chu ka bengah erawh a ri zawi viau lo, 'A theih chen chen ka thei,' tih rilru puin ka insang phek ve nasa mai.




Mahlimi chu chawei sa a lo phei a ni bawk a, haw tawh lovin a awm tlang nghal, Hmingsanga erawh kan inah zanriah ei nghalin a la awm ve bawk a, Sangzuala thawveng zeta lo lut kha ka zo lo lam hret, zan lama Ar kan vel asawi phei chu ka lo peih lo lawk tawp.




Engmah kan phurpui tak lo vang nge kan lo ngawih ṭhap takah chuan hrethiamin, "Tinge in va nguai hlawm ve a, mi lah in uksak lo bawk si, Ar kan chu in ti vak lo tihna em ni?" hrilh hai hmel zet chuan min en kual hai a, "Kan boruak hian a zir vak lova, a ṭhen hlim viau mah ila a ṭhen an lo in ti taurau leh thawm nen, kan phúr tlang lo hlawm nge mawni!" awmze nei deuh chuan mi'n enin Mahlimi chuan a ti a.




" Engmah chutiang a awm miah lo a nia, in duh phawtte chuan kan kang dawn nia," ka châk vak lo tih an hriat hlau deuh chuan ka lo ti vat a.




Thil hrechhuak thut tih hriat tak a meng phawk thutin, "E he, ka hrethiam chiah, eng emaw boruak ṭha lo a awm ka ring deuh rengah, Mama zanriah ei tur lo haw kha a mood a fuh loh hmel ka ti reng a ni, ka pi in a rawn biak pawh khan a chhandan a dik miah lo tak, Opheli a biak châk leh tawh thute kha a rawn sawi luam a, 'Zanah min biak tir rawh,' a ti ningei tur a ni, an in hmuh a rin loh thu khan a chhang awlsam et sia, ka lo nuih vel mai mai a, zanin Ar kan vel ka sawi paw'n min uksak duh miah lo tak, a hman a rin loh thu chiahin min chhâng a, chawei kham rualin a chhuak leh nghal daih zui, ka rawn phei pahin kuhva ka lam kawia Hmingthani te inah a lo awm leh daih tho bawk sia, phei puia ka sawm pawhin a hman loh thu bawkin min chhang leh, eng nge awmziani reng reng a?" a ngaihna hriat loh hmel zeta hawi hai deuh chuan ti hu a.




Hmingsanga chu lo ṭawng vatin, "A ho khawp mawle keimah vang a nih lehpek hi!" hreawm tih hmel tak chuan a ti zawi sap.




"Hei leh chen kan in zui tawh a, thil awmzia pawh ka hrilh fiah zing tawh, a hriatthiam duh loh chuan a thu thu a nitawh mai, inlak hran a duh phawt chuan sawi theih ka nei lo," ka lo ti deuh hmak.





"A va â mai mai e aw, naupang chhia pawh an ni tawh lo asin le!, Hmingsang hreawmte i lo ti mai mai ang e, ka u thiam loh a nih chu," ti bai bai paha a chhauk zui hmak chu, "Hmingsang, i va kal mai mai ang e, engmah va sawi suh a duh ang chuan awmtir phawt rawh," tiin ka au zui ṭawk a, hria ang paw'n awm lovin a kal zui nal nal.




Chek tlak tlakin, "A va kal vaih chuan a chak lo vang," ka ti zui nang nang.




" Kei chu Tluangpuia hi pa ka ti riau mai," Kimtei chuan nui sak pahin lo ti vei sup.





"Ngaihdan a pelh tawh chinah chuan rik ve khap mai tur, a hrim hrimah a huat em em turin in lo awm te hi ni lo maw, kan in kâwm tlâng ziah a, kan awmho dial dial fo, huatah a la ngai der si lo, tun atak a thinrim tâk em em chhan hi eng emaw chu a awm a nih ka ring ta rum rum mai, hetiang hian a hmain a awm ngai lo hrim hrim," tih pahin Kimtei chuan eng emaw hriat chhuah tumni awm takin Hmingsanga nen chuan min en tawn ralh a.




Hmingsanga nen chuan in en in kan nui dun hawk hawk, "Kan inkuah lai min phawk alawm, ti raw Hmingsang," nui pah chuan ka ti vei al al a.




"Dawt pawh va nisuh, dik chiah chuan in thiam ka ti bik lo, naupan tet aṭanga inkawm chu in nina meuh mai, khatiang ringawt ṭan chhan kha puitlin hnu leh bialnu bialpa neih hnuah chuan arem viau tawh lo, Hmingsanga paw'n bialnu nei se, khawi hmunah pawh engtik lai paw'n in inzui reng hi hmuh nuam a ti bik miah lovang, Tluangpuia paw'n chutiang rilru chu putna chin a nei dawn tih hriat sak u la, inkawm dan tawk erawh thiam rawh u," a ti zui leh mawlh mawlh a.




"A dik alawm," Hmingsanga'n lo ti ve vat, hreawm tih hmel zet chuan a meng kun lap chu enin ka nui hak. Nuam lo a ti tih ka hrereng, "Khalam kha chu sawi tawh lovang aho lutuk zana Ar kan tur chu engtin nge kan tih ang, tih lam ngaihtuah zawk teh ang u," thawven hmel zet chuan kan titi thlak tumin thildang ka sawi daih.




"Ar kha chu keiman ka lo buaipui dawn nia," Hmingsanga'n lo tiin "I peih vak loh chuan kan ti lo mai zawk dawn em niang, i phûr súr ta vak lo tlata hriatna ka nei; hlim tlân loh chuan anuam hran chuang lo a nia," Mahlimi'n lo ti ve zawm zat chu ner sungin, "Ka hlim loh chhan tur ka hre miah lo, Amah zawk kha a inti hreawm mai zawk alawm, thilawmzia hre lova thinrim ngawt zel, kei chu ka pangngai reng. Engpawhnise, inkhawm phawt ila inkhawm bánah KṬP Programe te azawh hunah Ar chu kan kang chauh dawn nia," ka ti chu Mahlimi'n, "Ka inkhawm peih vak lo asin!" ti vei nang nag chung chuan ka thawmhnaw ha in a insiam ta tho a.



Kan kal dawn ṭepah Sangzuala pawh lo let lehin inkhawm tur chuan kan hruai let leh nghal, ngawi reng chuan mi'n zui ṭha ve mai bawk a. A hmelah erawh eng emaw tak helhkamtu a awm tih ka hre mai. Engmah pawh zawt tang e kan ti chuang lo, zawt pawhni ila a sawi duh pawh ka ring lo, ṭul a tih erawh chuan zawh lo paw'n a sawi tho ang.




Inkhawm bânah pawh haw ta lovin Fellowship na a kal zui mai kan tia, ṭan hun ala ni lo bawk nen, mas thlen in kawtah chuan kan ṭhu khawmuang hrih a, chutia eng eng emaw sawi a kan nuih ham ham lai chuan Tluangpuia leh Hmingthani te ṭhianho rawn phei chu electric eng aṭang chuan ka hmu chiang kher mai, rei en duh lovin ka hawi sawn nghal vat. Mahlimin min rawn signal zeuh pawh hrethiam mah ila ka haider lui tlat.




A kal thui mah mah chu ka ti khawp mai, he tiang hian kan intihthiam loh châng paw'n ala awm ngai lo, tun ṭum chu eng a tih tehreng nge mawni, a hmeichhe kawp lah insawi thei leh chapo ve tak ber kher, min diriam dan tur ringawt pawh tawrhhlelhawm tham a nidawn sa, kan awmna zâwn an lo thlen chuan hmu lo awm takin leh lam hawi daih mah ila, hmuh loh der reng chu ahar khawp mai.




Min kal pelh dawn ṭepah Tluangpuia'n Hmingthani kut a vawn sak chu ka mit sir chuan ka va hmu hram, "l hmanhmawh vut vut emai, tawi khawmuang ve ila sawlai deuhah sawn," a tih ri chuan ka thin a khei zak, ka va hawi phei chu ka inchhir kher mai, a lama pawh hnaih salh pahin eng emaw sawi chuan phun supin min rawn melh kher ah. Chu zawng ai chuan Hmingthani intitheih hmel fahran leh hnehna inti chang zeta min melh kha tawrh hlelhawm ka la tih mah zawk.



Ngeiawm zeta lo nuihin engahmah ka ngaih loh zia ka hmuh tir lui ve ngat, ka thinlung chhungril erawh ana ve reng, min kal pelh hnu chuan thaw chhuak hakin za lo zet chuan ka nui tawi tak, an hriat phak tawk tur chuan, "Nupa inhmeh tur tak an nih dawn kha!," ka ti zui hram.




Mahlimi lo ṭawng ve vatin, "Mo kan lawm vat hmel khawp mai, ha kan lo tat hriam nghal ang e," tih el tih hriat zetin nui awr awr pah chuan an ti zui ve zat a.




"An pahnih sawn ka hnek châk," Sangzuala lam ka hawi phei vat, "Engvang ngawt chuan maw, an hlim ve hmel em saw, mi hlim hmuh theih loh ngawt thu awm suh," ka lo ti thuai. A hmel ka'n en chiang chu a lungawi lovin a thinrim hle tih ka hmuthiam mai.




"Thîkawm loh ve e mai, a hmeichhe zui ber kher kha, chhungte zara in la lian ve satliah mai mai, thatchhe ropui si, zingthawhna chang pawh hre lo, hmel chang ṭha ringawt," Mahkimi'n lo ti ve bawrh bawrh chu ka nui chhuak hawk; ni lah tak a, a hmel chu a chhe lem lo, a no sut mai bawk a intuai hnum bak tih tur nei vak hek lo, peih chang chang a kuhva rah thel a ni deuh mai a, chu pawh anazawng paw'n a la peih lo zui. Zingah nise duh chen chen mu, chhung te kaih thawh chawp ngai reng ang chi; a awm ve tho e a pa sorkar hnathawk a nimiau a, fanu mal duat a lo ni bawk nen.





Rei pawh awm tawh lovin kan lut zui ve nghal a, ka rinang ngeiin Tluangpuia te pahnih chu an lo la lut ve miah lo, an kalpuite ho chu kan ṭhutna sir maiah sawn an lo ṭhu fel thân tawh.




Programe kan ṭanhnu fe ah an lo lut ve chauh, kan piah hnung kila ṭhuin an ṭawng ang ser ser reng chu hmuh loh der ahar duh khawp mai. Hun hlimawm leh nuam tak hmangin nui ri dur dur karah chuan thinlung tawt tak chuan min uap reng, bân vat vata haw vat kha ka chak ber, ka tihngaihna hre lo chuan a sir bera ṭhu Hmingsanga chu ka bula ṭhu turin ka tive tawp, abak han tih vak ngaihna hrechuang hek lovi.



Tluangpuia run thei ang bera awm kha ka duh a nitawp, akhât tawkin ho deuh deuh sawiin ka phun pui ve ngei zel a, chuatianga kan phun ser ser lai chuan min en leh en lo chu ka mit sirin ka'n melh ru pah ngei bawk a, min en lo leh hlim hmel zeta an titi ka va hmuh fuh chang lah a tam, min ngaihsak leh thik hmel anga alan miah loh avang chuan ka haw hle bawk. Awmzia a nei tam vak lova ka hriat avang chuan ka inti hreawm mai mai dawn hian ka hria a, haw vat mai kha ka tan a ṭha tiin ka ṭhian te bulah chuan haw ka duh thu ka hrilh ta ngawt, pawi an lo tih bik lem loh avang chuan kan inzui chhuak nghal daih a.




Hmingsanga leh Sangzuala chuan Ar kan tur Hmingsanga hualsa chu lak nghal an tum avang chuan, Mahlimi leh Kimtei nen kan in lam pan chuan kan kal san a, Mahlimi chuan Tluangpuia a ei loh thu a sawi zui char char.



" Zanin angte hi chu hlim takin kan hmang ho ang chu tia, he tiang a in awm hi hreawm ka ti, Nangmah vanga helama mas hmang a ni ve em em a; Tluangpuia pawh thinrimin lungawi lo hle pawh nise hmeichhe dang han in kawp san zâwng khera a che hi ka hrethiam thei lo, a duhzia che leh i laka a dawhtheih ṭhin ziate kha, he tiang zawnga a chet duh hi ka ring chhin ngai eih lo," Mahlimi'n a ti chu a sawi dik ka ti tho mai, ka laka a dawhtheihzia leh min hriatthiam ṭhin ziate kha. Mahse, mipa rilru hi chu hriatthiam an har a nih hi.



"Mahlimi'n mipa hi an lo inang vek a nih hi, a ni pawh engmah a lo nibik lo tawp," min natpui zet chuan a ti ngui lap a, " Rin em em chi a ni lo ka tih fo kha a ho lutuk, kan inhriat hma paw'n zanin ang hi hlim em em in kan hmang liam zing tawh emai, kan hlim loh chhan tur ka hre lo, nuam deuh khan hmang ila a nitawp mai," ka ti chu Kimtei nen za em em in an lo nui leh awr awr a. ka hlim tum inti thawveng lui chu min nuih niber hian ka hria.



Kan in kan thleng zui nghal a, khua avawt ṭha ver ver bawk a meilum âi tur kan buaisaih nghal zung zung, rei vak lovah Sangzualate pahnih pawh an lo thleng zui nghal bawk a. Ar kg 4 bawr vel tur hi Hmingsanga'n rawn khai lut zuarin tuidehna a dah hnawkin bân kham tih hmel tawk chuan a thing vei nawk nawk a.




"A va lian ṭha ve, a tui tham ngawt ang, tute ta nge?" ka lo ti vat a.



"A neitute hriat kher angai mawn le! a Ar ber kan rawn thlen tawhte chuan, dilchhut reuh lutuk mai," nui suk pah a Hmingsanga'n a ti chu ka ngei reuh kher mai, "Chimawm reuh lutuk, ka hre ve chak a nimai alawm," ka ti takna chu a neitute thleng thleng han zawh kha ṭul ka ti vak bik lo, inthiam chiah lo chuan ka nui hui ringawt.



Ar puahna tur tui lum chhuang turin Hmingsanga chu a kal sawn nghal a. Kimte'n "Zanin chu paho chet zan, nuho- in kan lo thlir mai mai ang," tih pahin a nui ar ar a, phone call a dawn avang chuan ani pawh chu 'U Rina a nih hi,' tih pahin a kal sawn zui nghal a, eng tak sawi ve ang maw! An inbe rei phian mai.



Hmingsanga leh Sangzuala chuan Ar an puah a, Mahlimi nen tihpui kan tum paw'n an duh lo ve ngial, an bulah ṭhuin kan lo thlir vel mai mai, a zualpui an tih fel hnu chuan Hmingsanga'n "Khu lamah lo zuk inkawm rawh u, ka lo vil hmin dawn nia," a tih vang chuan Mahlimi te pahnih chuan kuhva lam chhuanlamin min chhuahsan a, Hmingsanga nen chiaha awm chu ahma zawngin nuam lo tihna ka neih pawh ka hre ngai lo, zanin chu Tluangpuia hian min inngaihbel tir zo nge, min rinhlelh vang pawh ka hre lo, eng emaw tak ka ti tlat, ngawi reng chuan kan ṭhu ve tawp.




"Kimtei te pawh chu an va inbe rei tawh ve mawle, eng em em nge maw an sawi ang aw!" ka sawi tur hre lo chuan ka ti thla ngawt.



"Sawi turte chu an ngah ve ang chu le, zanin angahte chuan, hmun khata hman dunte pawh an chak ve ngawt ang chu," a lo ti ve bai bai. "Ni ve tho mai, Rinliana hian a hmangaih ve khawp a, Kimtei chu a vannei khawp mai," ka lawmpui ziate chu ka sawi zui mawlh mawlh a.




"Nangpawh hi vannei tur chu i ni mawle, hmangaihtu tak tak hi i haider lui tlat a," sawi zawm ta lo chuan a ngawi leh daih a.



"Tu chu maw, min hmangaihtu tak tak an awm ve em ni?, chutiang an awm pawh ka hre lo. Amaw ka tih lah chuan hmeichhe dang bulah min awmsan daih hi," ka ti chu ner nang a min en in, "Kha kha a ni reng alawm i en kân daih a," a ti leh hmak.





"I sawi awmzia ka hrethiam lo, eng nge ka en kân chu, ka hriatthiam turin sawi mai la, " a sawiawmzia man lo zet chuan ka zawt hû a.




"A ruh langa sawi kher angai em ni? Duh nila chu i hrethiam ang, i hrethiam lo tak zet a nih chuan ka'n sawi ang e, nangmah duh tak tak lo tu i hmangaih a, i bul hnaiah nangmah hmangaih leh venhim duh tlattu chu i haider lui tlat, chuan i hrethiam tawh em?" chiang fek fawk leh thinrim hmel pu mah zawk chuan min en chungin a ti ta hmak.



A sawi awmzia chu man lutuk lo mah ila ka hrethiam deuh ruakin ka hria. Mak tih hmel zeta enin," Chutiang a awm pawh ka hre ngai lo e a " ka ti leh hram.



"I hrethiam ngai reng nang, i en kân tlat reng alawm, nang chuan 'Ṭhianṭha' tih hi i thupui ber a nia, a bak pelh pui ngam che i ni ngai lo, ka rilru tur hi vawikhat pawh i ngaihtuah chhin ngai lo, mah se a âwm lutuk ka dem lo che a nia," a ti chu mak ka ti kher mai, eng emaw zawnga Hmingsanga'n min en hi ka ring ngai lo hrim hrim, lawm tur nge thinrim tur tih pawh ka hrethiam lo, chhang zui ta lo chuan ka ngawi ta reng a.




"I rilruk lo lutuk ka sawi chhuak a, i ngaihdan a nih loh chuan min ngei thei, ka rilru a awm ka sawichhuak a ni mai a, tun mai a thil thleng pawh a ni lova, sawi duh pawh ni ila sawina hun ṭha pawh ka nei ngai bawk hek lo, chuta ka cho phak loh val i tawng zui bawk nen, ka tan chuan in rawlhna chi a ni lo tih pawh ka hria, he tiang in boruak a nih takah chuan nangmah hmangaihtu i haider thu ka sawi chhuak ve mai a nia, i duh dan leh i ngaihdan a nih loh chuan min haw mah la ka tuar mai ang, i ngaihtuahna tihdanglama ka lam hawitir che pawh ka tum hran lo, i duhthlanna a ni tawp mai, i hlimna kha kei chuan ka duh ber a nia," a tih chhunzawm leh melh melh a.




Engmah ngaihtuahna mumal pawh ka nei lo, ka rin loh leh beiseih loh lutuk a sawi vang chuan ka nuih a za deuh tlat zawk, han nuih chiam ila chu, 'Min tham lo' tiin a thin a rim dawn chiang bawk si, sawi tur reng reng ka hre lo, ka ngawih chhunzawm reng avang chuan, "Eng emaw tal sawi ve la," a ti zawi sap.



"Hmingsang, sawi tur reng ka hre lo. Ni e, he tiang zawnga min en hi ka ring ngai lo êm atin ni, ka ṭhian ṭha leh ka mangan chang pawh a ka bula ding tlat ṭhin i nia, ka harsatna leh rilru hahna zawng zawng ka thlenna i ni, nang tluk a min hrethiam leh dawhthei hi ka tan chuan an awm ngai lo ang, chutih rualin ka mipa ang tur zawng chuan ka la en ngai miah lo che, en che pawh harsa ka ti ang, kei chuan ka dam chhunga ka ṭhianṭha ni reng turin ka duh che," ka ti tawp, ka sawi zawng pawh chuan harsa ka ti, mipa ang a en tur chuan ka rilru ka siam thei ka ring lo.



"A ṭha alawm, i duh ang chuan kan awm reng ang, Sangpuia te pawh an va lo thleng har tawh ve mawle," a ti zui zat a. Engmah thleng lo ang maiin pangngai deuhin a awm zui leh nghal mai a, kei erawh ka ni miah lo, Hmingsanga bula awm chu nuam tih lohna riauin ka khat tawh, tun hma a ka pawh ang leh ka nel ang khan ka en leh thei ang em?

[Ngaia]

KA HMEICHHIA



CHAPTER- 20


BY; NUTEI VARTE



Ka rilru chhungril tak chu a rûm vawng vawng, kha tiang thu kha min hrilh lo se ṭha zawk tur, pang ngai tak leh inpawh taka kan awm ṭhin ang khan ka awmpui theih ka ring tawh lo, biak chhiat erawh ka tum a ni chuang hek lo, awmdan thiam erawh ahar ka ti ngawt tawh dawn a nih hi.



Mahlimi te pahnih pawh lo lutin, " A ei theih tawh em? Tih pah chuan thirbela Ar sa kan chu hawngin a hnim deuh vang vang a, "Umh, a rim pawh a tui ṭha e, a hmin chuan ei tawh mai ang u, zan arei tawh ril pawh a ṭam viau tawh a nia, khawnge Kimtei," tih mawlh mawlh pah chuan a zawng deuh ruai a.




"Ka lo kal," tih al al pahin Kimtei chu Veranda aṭang a rawn au ruai a, "Phone kha ala hmang tihna em ni? Kan kal hma a abiak kha ala be char char amaw?" Sangpuia'n rei tih hmel nuihza bawk si chuan a ti chiam a.



Nangni khaw hmuna awm mah inthang rei êm kha, inkham tih in neih theih loh hi maw! keinite chu phone bak innghahna tur kan neih ve loh hi aw, kan inbe zankhua dawn," lo luh pah chuan a ti vei har har a.



"Kan lo hawna a rei tawh, lo luh ngam nihek lo chuan, pawnah ke mu chur churin eng chen nge kan ṭhut pawh in hre ngawt em ni?" Mahlimi'n min melh dûn zeuh paha a ti chu, rum zeta melh letin, "Hmel phak te pahnih mai mai chu, in la chak lo ang," thinrim ru ṭun chuan ka ti sup, che chukchu dun hi ka ti tawp, kan sawi zawng zawng an hre vekawm sia, ka tan chuan pawi ka ti lo, Hmingsanga min endan engkim an hre ta vek, Hmingsanga lam hawiin ka va thle phei a, eng nge a ngaihtuah ka hrethiam lo, hreawm tih hmel leh nuam lo tih hmel pawh a pu hran lo, a awm pangngaiin a awm tawp, khawngaihthlak hian.




Thingpuite lumin kan Ar kan ve chu kan eiho dar dar a, kan hlim ve khawp mai, a khât tawkin Mahlimi'n Hmingsanga nen min kâp chhen bawk, chutiang bawkin Kimtei pawh.



Hmingsanga nena Mahlimi'n min kah fiam chang chuan Sangzuala a nui ṭha duh ngai meuh lo, kei pawh hian nuam ka ti bik lo, Kimtei paw'n a lo hrethiam ve a ni ang chu "Sangpui, Opheli hi i u a tana i duh chuan ṭan lak viau i ngai dawn ava nih hmel ve," a ti deuh duah chu ka nuih aza kher mai.



Sangzuala lam kan hawi ṭhup a, "A chhuahtu-in a chhuah phal phawt chuan a chân dawn a nimai alawm, Hmingsanga tan a nuam lo palh ang e, sawi tawh lo ang u," tih pah chuan a hma a sa chu banin a keih thla hmawk a.




Thâwm pawh nei lawk miah lovin Lalremtluanga (Tluangpuia)chu kawngka pawh hawn ṭhuai pahin a rawn pen lut thawr, a hmel ka hmu thut chu ka sa zak mai, biak pawh tum lovin ka ngawi tlat, Mahlimi'n lo be vatin, "Lo lut rawh, kan bulahte i lo kal duh pawh kan ring lo a. Hei, a hmingin Ar kan kang ve mai mai a lo ei ve rawh," tih pahin a ṭhutna tur a kawhmuh nghal vat a.



"Ka ei chak lo ei rawh u," tih hluk pahin sitting room lama kal a rual, amah chuan ngawi rengin a zuk ṭhu rûn, naupang luhlut tawk ve tak titaute pawh a ang mah zawk.



Kimtei pawh chuan ei ve tur a tiin a au ve chhen bawk a, 'Ei rawh u,' tih bakin achhang lem hlei lo a.



Sawi tur avang duh khawp mai, ngawi reng chuan kan ei mial mial a, nuam lo a ti deuh nge ni, " Ka lo luh hma a in hlim nen boruak ka rawn tidanglam vek ava ang ve," a'n ti kher ah. 'Chu tiang i hriat chuan haw leh daih ta mai che' ka rilru chuan ka ti sawk sawk a. a ri chuan ka sawi chhuak ngam hlei law. Huata ngeiawm deuh deuh a ṭawng khum ka chak nen ka tithei chuang miah lo, ka zu en leh zeuh ṭhin a, ka lainat ru reng. Mahse, nichin maia an awmdan ka ngaihtuah chhuah chuan ka thin arim ngawih ngawih.




Ka insum theihna in atlin loh ka hlauh vangin pindan lama phei tumin ka tho thurh a ka lut hman lo, ka banah chuan tha chak tawkin min man beh pahin min pawt ding chawt, hawi let duh lovin tal chhuah tum chuan ka ban vai chiam ka tum chu ka thei eih lo, min chelh hneh zia chu Sakei leh Zawhte in chai ang vel kan ni.



Thinrim tawka hawi letin, "Min kal tir raw, i duhang chuan i bialnu thar bulah chuan va awm la, eng nge hetah i rawn tih, kal la ka mu duh tawh," ka ti ram hmak.



"Kal i duh ṭâl chuan kal rawh," tih pahin min vawnna chu a thlah dul nghal, "Mahse, i mu bik lovang," tih paha min nawr lutin a rawn lut zui nghal zat.




"Lo lut ve ngawt suh phalna ka pe lo che," a mah pawh en chuang lo chuan ka ti leh hmak.



"Phalna i pek ka ngai hran hleinem ka thuin alawm ka lo luh," min tham loh zia hi ka thin a rim hluah hluah.



Kan inah chuan i duh hun hunah i lo leng thei alawm, mah se ka pindan ril rawn paltlang leh tur che hi chuan ka phalna i lak a ngai tawh tlat, ka thu lo chuan he pindanah hian tumah an awm ve a theih loh," ka thin arim bawk a ka ṭawng na khawp mai. ka dim duh bik ṭhak lo, a thu thu a a awm theihna chhan tur pakhat mah a awm lo, nichin maia min tihel vel dan zawng zawng kha ka theihnghilh mai a ring amawni le! chuti maia palzam ka tum lo bur.



"I chhuak thei," tih pahin kawngka ka hawng a, ka kutin a chhuahna tur ka kawhhmuh zui zat.



Rum tawka min melhin, "Inbengdai teh, i ti mah mah lo maw!?" Min chelh tum a bân rawn lek chhuak chu rang fahrana lo ben per sak ka rual a, tlawm a tum hmel loh kher mai, ka inher tur chu ka kawngah a kut pahniha rawn chelhin ka dulah a kut suih zawm zatin min pawm bet thlawp, tal chhuah ka tum chu a aia nghet in alamah min pawt nghet sauh, a awm leh dul lum thar thar pawh ka hnungzang chho chuan a hre nghal vek, ka darah a khabe rawn nghat hniamin ka bengah a thawk khum lum ham ham zui, a rimte chu ala ngai reng a ruk tak chuan tawrh har ka van ti em!




Ka thinrim akal laklawh miau avangin a tih ang ang a dawh tawp chu ka tum miah lo.



"Min thlah teh a nuam lo a nia, i duh leh i bialnu chu va kuah la, intih thiam loh leh lungawi loh hleka hmeichhe dang kawp nghal thei mihring hi ka ngaina lo, i duh ang ang a i kawp theih hmuhin min hmu tihna em ni?" tih pah chuan ka tal vei laih laih a, min kuah nghet bawk a ka talna chuan awmzia a nei thui lo kher mai.



Insawi fiah atum eih lo chuan ka thin atirim zual, "Bialnu thar neipa min thlah vat teh," tih pahin ahma aia nasain ka tal leh chiam, a kutahte ka sik thul.




Min thin nawk pahin, "Tu chuan nge bialnu thar ka neih thu sawi?" min kuah behna chu thlah dul hretin ka mitah tak enin a rawn thle phei chu ka hlau ṭep, thinrim mitmeng hai rual loh chuan min melh khui, rei pawh en ngam lovin ka hawi sawn rang kher mai.



"Sawi ta si che, tu chuan nge ti?" dawhtheihna tlakchham hmel zet chuan min thing leh sawk, "Tu sawi nge ngai chuang ang, ka mitin ka hmu a ka hria a ni mai ni," ka ti vei hmak.



"Ka zui avang khan ka bialnu a ni tihna maw? Nangni hi vawi engzat nge in inzui i sawi thei em? I chhiar seng dawn em ni, chuan i bialpa ani tihna a ni em? Ka zawhna zawng kha i chhan theih hunah ka chungah ngaihdan i siam chauh dawn nia," hnehtu chan chang intih hmel zet chuan a hawisawn vei hmak.



"Keini nen chuan intehkhin reng reng suh, zanina i awmdan khan min tih nep zia kha ngaihtuah zawk rawh, engmah kan sawi fel dawn chuang lo min thlah la phei ang midang an awm ve aw mak min ti ang, kan rei mah mah, i chhuah duh loh chuan kan pahnihin phei ang," ka ti leh tan tan.




"Kan phei em em ang, chu mi hmain hei hi ka sawi leh duh, nangmah chiah i inngaihtuah, ka rilru tur leh awmdan tur i ngaihtuah ngai bik em? engtiklai pawha in awmdun leh hnai tak taka in inhnim hnai dun lai hmuh fo hi ka tan hian hmuh anawm i ring bik em? Chu chu ngaihtuah ve rawh, nang chuan vawikhat hmeichhia ka zui ringawt pawh tikhawpin i helh a nia, hriatthiamna thui tak nen ka enliam che hi i hmuh hmaih ve bawk alawm, i inhmuh chhuah ve ka duh vanga kha tia awm ka nih kha, tikhan inngaihtuah let la, ka awmdan tur zawng zawng afiah tawh khawp ang, ka tawrh hi a namai loh zia i duh chuan i hrethiam tawh bawk ang, kan awmzel dan tur pawh i duh angin kan kal dawn nia, Hmingsanga hnim hnai reng chungin min kawp zel dawn nge, hmeichhe dang zui chungin kan inkawp chhumzawm zel dawn i duhthlanna a ni e."



A thusawi dan chuan min ti luhai kher mai, Hmingsanga thlah hmak kha ka thei dawn em ni le! A ni nise hmeichhe dang vawikhat a zui ringawt pawh tikhawp khan ka na chu a ni bawk sia. A, an ni nena teh theih pawh kan ni lo, ṭhian chu ṭhian a ni mai, min tih thinrim duh vang a hmeiche dang a zui leh keini naupan lai aṭang a ṭhian nithawh hi intheihkhin theih a ni lo reng reng.




"Nangni nen chuan tehkhin rual kan ni lo, i duh chuan Hmingthansangi chu va zui daw daw la ti nia," tih pah chuan min vawnna chu tal put thutin kawngka hawn leh tlan chhuah ka rual nghal.



Mahlimi leh Sangzuala chu Christmas hla play-in an lo lam vei dalh dalh, Kimtei'n video- in a lo la nasa mai, min hmu chu thawm nei lo turin zaizir hmui phunin a rawn ti sur sur.



An duhtawk an lam hnu chuan lo hawi chhuakin Kimtei nen kan lo vid tih an hrethiam nghal, "Ṭul lo lutuk delete nghal r'u chimawm dun lutuk mai," Mahlimi'n a ti vei hlak hlak, engahmah kan ngai duh der si lo, "Tihian awm ve mai mai se la in fate kan la thlir tir dawn alawm," nui hawk hawk chunga Kimtei'n a ti chu, "A ngai lo midangin an hmu palh ang, kan lâm zei lo dun ropui si," tih leh rawn pawh thlak a rual, Kimtei lo phal lo nasa an in chuh buai chu nui awr awrin kan lo thlir tawp.



"Sangzuala, min chhan ve eih ta che, midang hmuh tir an tum tih i hrethiam mai lo em ni? Mi nghal pahnih an nih hi," a ti chu Sangzuala lah chuan nuih hmun hmun pahin, "A ho lutuk, a tamthei ang ber hian hmu se ka tia sin, kan lâm zei em kha maw, an ni chu nise mi hmuh atan chuan a sitawm nasa dawn a, pawi ti reng reng suh, man chawiin mi kan la en tir ang a, sum kan la lalut ṭeuh dawn alawm, 'Kimte, eng nge kan lei ang che, kan la lârin hauhsak chiah kan hmabak tawh,' a ni lawmni Mahlim an duh duh kan la lei sak dawn nia, mi an hak viau pawh a ngai ṭan der ang," a ti zawm zat chu kan nui nasa kher mai.




Mahlimi lah pek chuan, "Aa, ngawi rawh lâr chu ka zo lo ang," a lo ti nem vei duai chuan kan nuih a ti za ting mai sia, Kimtei nen chuan kan phur tulh tulh, "Chutia milar in nih dawn takah chuan han lâm leh lawk ula in thla chu kan lo lakbelh leh teh ang," tih pah chuan Mahlimi pawh thawh thut ka rual a, a duh lo nasa mai, Kimtein min lo pui bawk, rang zeta ṭhu leh in, "Kan lâr hunah chuan in va châk dawn lo duh tak," nuih hawr hawr paha a ti chuan kan nuih ti za leh chhawngin ring tak tak chuan kan nui ang uar uar a.




"In va nui nasa teh chiam ve mawle, eng thil nge ni ngai!" aw lo chhuahna lam chu en in kan hawi phei ṭhup.



A, i lo la awm alaw, i haw daih tawh emaw tia. Hei, minghal pahnih chimawm vei lutuk hi kan lo nuihpui mai mai mawle, lo tel ve rawh kan tlaivar ṭhak dawn nia, tute nge lâm thiam zawk pawh hriat a chakawm alawm, Opheli hian min hmusit bawkah kan cho khawp mai che u tiraw Sangzual, ti zawm zatin Sangpzuala chu thle bakin a va en a.



"Cho tehreng e a, kan chak dawn sa," Sangzuala'n a ti chu Kimtei pawh lo phûr ngang mai, "Han ti chiah ula ka lo endik dawn che u nia, Tluangpui i cho ang em?" nui rah rah pah chuan Tluangpuia chu a en a.



"Cho loh pawh ka hre chuang nang, ka coach turi hian apawm leh pawm loh te pawh a niang chu," min rawn melh zeuh paha a ti chu ka lo ner khum nawng.




"Cho loh vang pawh ni lovin ka tlawm mai ang e, duh leh Kimtei nen in coach mai r'u, endiktu ah ka lo ṭang zawk ang e," ka ti chu Kimtei'n apawm lo nasa. Ner nawng a rawn hawi pheiin a fair lo chutiang, kan pa'n a thik palh ang asin, min kuah fet dawn chiang sa bawk nen," tih paha nui ar ar chuan Tluangpuia darah a beng ri dup, Tluangpuia ei loh hmel ner nang chuan ka nuih a ti za kher mai, nui vak ngam chiah si lovin Mahlimi chhuanlama hmangin, "In cho em sawi vat r'u" nui ri dat dat chuan ka ti zui zaih.




"Aih, Kimtei chu cho lo i tel a ngai" ngeiawm hian, "Kei chu ka thei lo, ka tlâwm ka tih kha," ka lo ti vat, "A ṭha alawm, a duh miau loh te chuan kan ngam lo che u nimai rawh se," tih pahin Tluangpui chu a hawi sawn deuh hmak.




Mahlimi nen in enin nui suk pah chuan kutzungpui kan inhmuh zauh, Sangzuala ka va en chu nui so chungin a lo ner vei nawng, kut zungchal hmuiah dah zauh pahin sawi lo turin ka'n signal zui zauh, âtthlak hian. Ka nuihza lutuk nuichhuak hawk hawk chu Tluangpuia'n min rawn melh hrawk. Kan boruak hi eng emaw tak ati sawithiam har si hian a uap deuh khup, zalan lohna riau hian kan khat, beṭha duh chiah si lo han biak ṭhat viau hreh thung si hian ka awm, a haw daih ang tih hlau ru tho si ang hian.




Kan ngawih ṭhup lai chuanTluangpuia phone chu rawn riin a ipte a zen nghal ruk ruk a, a screen en zawkin a phone chu a pic nghal a, tutak nimaw 'Hmingthani a nih vaih chuan phei turin ka nawr chhuak nghal ang,' tiin ka lo inhrosa rilru nasa mai.




"Ka pi zan arei tawh sia ila muhil nange? I chau lutuk ang asin muhil tawh mai rawh, naktuk lamah in inbe zawk mai dawn nia, amah pawh a mut achhuah hmel tawh lutuk a, hrethiam mai la aw i fel kha," a ṭawngkam aṭang chuan ka lo inhrosakna atthlak zia hrethiamin ka nui aza ru kher mai. A pi in min be duh a ni tih ka hrethiam nghal bawk, "Kawmaw ka pi a nih chuan ka lo bia ang e, ka mut ala chhuak reng reng lo," tih pahin a phone ken lai chu ban ka rual a. A ni pawh chuan athlah ve mai bawk a.




Ka pi nen chuan ho te te sawiin kan nui ve kar kar, kan hlim leh hlim lohte, an tel lo a mas hman hreawm a tih thute a rawn sawi nasa, duat hle turin min ti nasa bawk, a sawi ang ang chu ka 'Aw' ve hmiah hmiah, tuna kan boruak tawn mek hria se chu a tupa chu angaihtuah ve ngawt ang, duat chu sawi loh biak pawh ka beṭha peih loh achha chu a ni sia.



"Pi, muhil tawh rawh aw, i chau lutuk ang, keini pawh kan mu dawn tawh helam chu rawn ngaithuah duh suh, an hlim unau khawp a nia," ner nangin Tluangpuia ka va en kher, ngeiawm mit meng thip zetin min lo en chu ka nui chhuak huk.




Kan inbiak zawh chuan phone pawh ka pek let hma hawtin, "Ka pi chu dawt i va fah hnem bawk ve mawle!" nuiza insum hmel tawka a ti chu, "Kha mah mah ka sawi ṭha duh lo mai mai, kan hlim kim lo ti dawn ila riru hah deuhin kan siam dawn asin. Nge, i bialnu thar neih thute kha ka lo hrilh nghal law law lo a i lungawi chiah lo zawk, pawi hle mai," ngeiawm zeta melin ka ti kherah. A run kher e. Chhaih kawlh vel hi chu a nuam a nia, ka duh chuan ka che ngeiawm thiam ve hle bawk.




Tho hlawtin ka bânah min pawt dawr, ka ṭang hman eih lo, rang zeta min pawt tho zui leh nghalin pindan lamah min nawr phei zui nawk nawk, "Eng nge i hriat a, hetia min tih ka duh lo a nia, duhtawk teh," ka tih pawh chu hreawm paw'n a awm lo, min pawh ngaia min pawt ngat ngatin min la chhang duh eih lo zui. Ka thinrim lutuk chu ṭawng ngaihna pawh ka hre lo zawk. Thinrim sehchilh nawk nawk chung chuan, "I eng pawi nge ka sawi a, he tia min pawh chiam," ka ti hman ṭawk, "I awmdan zawng zawng khan ka pawi asawi, ṭang ṭang lo khan min zui ṭha ve mai rawh," lutuk hian. Ka thinrim lutuk chuan a ke ah ka chhîr sak chawrh.



"Thlah mai la a duh lo a nih kha, hmeichhe duh lo chung pawt chiam rual pawh i nih loh hi?" tih pah chuan Hmingsanga chu kan lam panin a rawn phei a, thinrim hmel leh huat hmel pawh a pu hran lo, a ngaihdan a nih loh thu arawn sawi ve satliah maiah ka ngai.




"Lo inrawlh ve duh lo mai rawh, kan pahnih inkar thu a ni, a duh loh vanga pawt alawm ka nih reng, zanin hian tu ta zawk nge a nih kan hria ang chu!" thinrim hmel zet a Hmingsanga en chuan a ti hmak. A ṭawngkam hman duh dan chuan ka thinrim a tirim tak zet.




Pindan kawngka hawngin min nam lut dawr, a kalh ri rak thawmin a zui, he mihring hian eng tia min tih nge a tum, a chetdan râwng lutuk chuan thinrimna leh hlauhnain ka khat.




Ka mangang lutuk chuan Hmingsanga ka au chiam, "Kan pahniha kan awm lai paw'n Hmingsanga tho maw i lam, i tan hian eng ang fakaua pawimawh em nge a nih, kei i bialpa aia i ngaihpawimawh zawk chu i pan kumkhua dawn em ni?" a thinrim lutuk chu a hmaite a sen vek thei, kei aia a thinrim zawngna chhan tur ka hre hauh lo.




" I chet dan hian min tihlauthawng alawm, ko lo thei lo in min siam a nih kha," ka ti zâwi raih. Chhân pawh ka chhang ṭha ngam lo, kut min thlak mai ang tih hlauhawm khawpin a thinrim, a zaidam viai emaw ka ti ṭhin a, zanin ang em a a thinrim hmel hi ka la hmu lo, chhân zel chi-ah pawh ka ngai tawh lo, ngawih mai ṭha in ka hre zawk ka ngawih vang erawhin ka tlawmin a thu thuin ka awm leh dawn tihna a ni chuang lo.





Hmingsanga'n kawngka sawi dawt dawt pahin min rawn au a, "A ṭha rawn ngaihtuah suh," a lo titawi leh hmak. Ka ṭhat leh ṭhat lo sawi tur paw'n ka chhang ve ngam lo, an mahni pahnih an intihbuaite a nia ka hlauh ni.




"I ṭhat chuan ka kal a nia 'Tluangpui chintawh erawh hria ang che, hmeichhia thlabar lutukin an dah ngai l,' Ophel ka kal aw, hlim deuh khan awm rawh u" pen thawm chuan a zui nghal a, Hmingsanga hi ka lainat tak zet, a tana pawimawh ber ka nih thu min hrilh chung paw'n midang kutah hlim taka hun hmang turin min hlân thei a nia, he tiang mipa hi an tam lo ngawt ang.




" Ka ngawih tak reng avang chuan, "A kal tawh i khua a har nghal der tihna em ni? i va nguai ta ve," a thusawi lai chu pawt chatin, "Kha tiang zawng hlir khan min ṭawngkhum tawh suh, kan inkarah engmah a awm loh thu pawh ka sawi zing tawh, i sawi leh chuan min thlaha kalsan min duhna angah ka ngai ve tawh ang, achiang em? Kan inṭhen vang vang bawk ang. Nanga hmangaihna dawrawm lutuk ai chuan ani min ngaihtuahna kha ka tan chuan a ropui fe zawk," ka ti ram hmak, ka thin a rim bawk a, ka ṭawngna kher mai.




"A ropui zawk maw, eng ang chiahin nge a ropui, Hmingsanga nen in inkarah eng thil nge thleng tawh zanin hian fiahin a awm ang, i fihlim a nih chuan ka sawi chhuak tawh ngai lovang a, ka thik tawh ngai bawk lovang, ka rilru nawmna tur chuan ka awm ang a min dang hlek suh ang che," ka hlauthawng lutuk chu sawi ngaihna pawh ka hre lo, a tum tak tak a nih chuan ka dang zo ang em?

[Ngaia]

KA HMEICHHIA



CHAPTER -21



BY ; NUTEI VARTE



"Aih, chutiang chuan min ti thei lovang," ka thu sawi lai chu lo pawt chat hmakin, "Ka thei khawp ang, engkim hi zanin hian kan tichiang vek ang. Rilru hah hian min siam rei tawk tawh, a ni tur ang ang kan nih tir vek ang, engkim hi ka finfiah dawn," thinrim hmai sem ṭalh ṭalha a ti chu ka hlau tak zet, a hmelah lah a tih mai mai loh zia ka hrechiang si, ka mangang lutuk chu ka khûr thei hial.




Ka darah min kuai her sawkin ka kawrawm a pawt tawm chho tawk, "Ti suh, khawngaihin," ka ti thâm ṭiak," Lo ṭang hlek suh nat i duh loh chuan," a tum chu hlen a tum tak zet a ni tih hriat zet chuan a khawsa kual vel a. A chetdan nunrawn thlak zia hi amah a ni ta lo emaw tih mai tur a ni.




Ka kut chuan ka awm ka dawm tawp, ka kawr aphelh fai vek avang chuan inhup tawp bak tih theih ka nei lo.




Dimna tel miah lovin khumah min namtlu dawt, thei leh thei lovin ka inhup ṭawng ṭawng, "Tikhan lo in hup vel suh Hmingsanga bula i awmdan ang khan awm tawp rawh zah kual vel kha a ngai lo aw," ka chunga a chet duh dan pawh chuan min tihnat tawk tehlul nen, chú a ṭawng kam hman duh dan leh zel chuan min va tina tehlul em!! Theih tawpchhuaha talin kan inchai nasa hle bawk.




Dim baksak lo chuan ka dulah min ṭhut betin ka kekawr hak chu apawt thla tawk, ka bawp ka kherh bet ngat ngat, tal chhuah tuma ka bei nasat poh leh ka hah ting a ni mai. Ka chauin ka mangang tawh tak zet. A ni pawh a hah a niang a thaw ve hluam hluam tho.



Hmingsanga chuan kan thâwm lo ngaithla rengni tur a ni, thinrim tih hriat zetin kawngka rawn beng ri dawt dawt pah chuan "Tluangpui, duh tawk teh aw i ti mah mah, i hmangaih takzet a nih chuan i tina tur a ni lo, ala thianghlim a ni tih hi ka sawi ngam sak, i tihnat vaih chuan i chân hlen bawk ang, rawn hawng vat la engkim kan sawi fiah dawn nia, khatiang zawng kha chuan che hlek suh," tih mawlh mawlh pah chuan kawngkhar chu a rawn bengri nawn pawp pawp a.




Tluangpuia lah chu ahma zawng âia thinrim zual sauhin kawngkhar lam en chuan a hawi phei a, "Lo inrawlh ve suh ka tih tawh kha, ngah nge a awm pawh i lo la awm, ṭawng tam lo khan lo inthiar fihlim la i tan aṭha zawk ang, nang nen engmah kan sawi fel lovang i tel vena chi pawh a ni lo, zanin hian engkim ka ti chiang dawn chu chu i hlauh zawk nge?" thinrim hmai sen ṭawn chuan a au zui ngheng a.




" I ngaihdan i kal thuipui mah mah, keimah vanga buai in ni a, ka inrawlhna tur chu a awm alawm, khâ hmeichhia i tihnat mek kha ka kut hmawr paw'n ka la khawih lo tih hria ang che, tuna i khawsak tum dan kha a tenawm fe zawk bawk, duh i thlan sual vaih erawh chuan i damchhunga i inchhirna tur in ka che hreh miah lovang tih lo hre tel bawk la, ka kal san ang che u, i duhthlanna ah ka dah e," thinrim insum tih hriat zeta thawri hakin, a kal sawn ri chuan azui nghal a, a awm tawh lo emaw ka lo ti hman a, min ngaihtuahin kan boruak a ngai changni ngei tur a ni, kha tia thawm a rawn neih leh danah, ka tana ding tlat mipa a ni miau alawm.




A kal sawn takah chuan hlauhna in min tuam leh Tluangpuia lah ahma zawng âia thinrim zual sauh tih hriat zetin min dimna tel miah lo chuan a tum ngai ala tum ngat ngat.





Ka awmbawr ṭhâmin min zut kual vel a, thaw huam huam pah chuan ka nghawng leh beng vel a fawp huam huam bawk, ka hnute ṭham pawh chu duhtawk lovin ka dul lamah zut thlain ka tai bawr velte chu a zut kual vel a, a chêt dan chu sapui rilṭam ka tehkhin ber, q a kut lumina min tawk velna chu nidangni se danglamna tam tak ka nei ngei ang, tunah erawh a ni hauh lo, ka rilruna lutuk chu ka mittui ka dang seng lo, a tum a tihpuitlin vaih chuan ka chhe vek a ni mai, Pathian hma a ka lo intiam vena zawng zawng leh ka lo inchhuan vena chu a thlawn vek dawn, ngaihtuah pawh ka ngaihtuah thui ngam lo, lungchhe lutukin ka inhnit zui hlawp hlawp.





A tum tak zet a nih chuan a duh thalin min tithei lo mah se ka chhiatna tur tawk chuan ka chungah thlen tir turin achak tawk tih ka hria tha-ah ka hneh ngang dawn lo tih ka hre chiang hle bawk. Rilru ṭawngṭaina nen Pathian ka âu mawlh mawlh hi a ni ber.



Ṭap zawih zawih chungin "Tluangpui, kan thutiam kha i hre tawh lo em ni? Thianghlim taka inneih kan tum kha," ka sawi zo hman lo, ka hmuiah rawn hup vatin, "Chutiang sawi ahun tawh lo i tlai tawh, ila thianghlim meuh em pawh ka hre hleinen, i awmdanin zir se chuan he tianga ka tih che angai lovang," tih pahin ka bawp kawih kau a tum chu ka lo kherh bet ngat ngat. Ka kekawr êm chu pawt thla lovin a chhanah a zut kual vel ruai bawk.




'I la thianghlim meuh em pawh ka hre hleinem!' a tih chuan min ti keh sawm tak zet, a ri meuh a ṭap chhuakin ka khur ngat ngat, "Tluangpui heti ang mihring hi maw i lo nih a, eng tin nge ka lo hmangaih theih zawk che le! min ring chhe lutuktu ka lo hmangaih che hi ka thiam loh a ni, i duh phawt chuan min fiah rawh. Ni e, zanin hian engkim kan ti chiang ang i laka ka rinawm leh rinawm loh chu i hrechiang ngawt ang, hei erawh hre tel la engkim i hriat chian hunah chuan kei chu tihchhiatin ka awm tawh dawn a ni tih hi, chuta chiah chuan i lak aṭang mihrang ka ni nghal bawk ang, i thluak fîm kha hmang la, i duhthlanna ah ka innghat e," sawi zawm thei lo chuan ka ṭap zawih zawih. Ka mittui chu hruk sen pawh a ni lo, hruk buai pawh ka tum hek lo.




Chêt zui pawh tum ta lo chuan min ṭhut beh ang ang chuan a ṭhu ngawi ta reng, "Che ta si che, engkim chian vek i duh a ni lawm ni? Ka thianghlimna ai chuan i ngaihṭhatna kha apawimawh zawk a ni lawm ni? che rawh che vat rawh," tih mawlh mawlh pahin ṭap zawih zawih chuan a âwmah chum pawp pawpin ka sâwi nawk nawk bawk a.




Duhtawka ka chum hnu chuan lo dawh tawpin engkim huamin ka awm mâwl tawp, chêt zui tum ta lo chuan insiam rem vatin a ding sâwn hlawl chu hrilhhai letling zetin ka en hau a, "Ti nge i thawh daih si, i duh ang chuan khawsa ta che, engkim tihchian vek ka huam asin," lungchhe tak si chuan ka ti nawn leh a.




Muang changa min rawn panin ka bulah a rawn ṭhu nghing dat a. Dîm zeta min tung tho lehin a âwmah min pawm bet thlawp, "Mate, Ophel, ka bawihte, engtin nge he tiang hian i chungah ka tih theih zawk, eng tin nge ka rinhlelh theih zawk che le, ka thiam loh tak zet a ni. Ka hmangaih leh duat em em hi tu mihring mahin an tih nat ka phal loh lai a keimah ngeiin tihnat ka tum hi ka inngaidam theih tawh dawn em ni!?" Sawi zawm thei tawh lo chuan a âwm nghengin min kuah bet vawng vawng a.




Ka chunga khawsak a tum vang nge tunah a thusawi vang zawk pawh ka hre lo, lungchhe zet chuan ka inhnit hlawp hlawp a "Bawihi, i rilru ka tina tiraw i duh phawt chuan min béng la min chum bawrh bawrh rawh, i lungchhia a nih paw'n insum lo khan ṭap hawk hawk rawh," ka hnungzânga chul heuh heuh pah chuan a ti zawi sap a.




"Min rin lo vang hian ka na tak zet," ka ti thâm ṭiak.




"Ka tihpalh tak zet, engtin nge kha tiang ngaihtuahna kha ka neih theih, lo thinrim viau pawhni ila ring tur che ka ni asin, i thianghlim a ni tih hi," tih pah chuan ka biangah dawmin Mate, mi thianghlim i ni tih hi ka ringhlel tawh ngai lovang, thianghlim takin kan awm dun ang a, nupa kan nih hunah chiah nupa nuna hlimna awm zawng zawng chu kan chen dun dawn nia, chu mi hma chu i lo invawn ve ṭang ṭangna kha ka humhim sak reng ang che, thlamuang deuhin awm tawh ang che aw," tih pah chuan arem lai laiah min chuk mawlh mawlh a.



Ka thawvek hawk achu lungchhe zet chuan ka la thaw hlawp hlawp, ka thianghlimna min tih chhiat sak lovin a rinna ka hlawh leh thei hi ka lawm tak zet, mipa tam tak nise an insum thei hian ka ring lo bur. A ni erawh tisa châkna satliah avang a kha tianga che a nih loh zia ka hrechiangin ka ngaisang letling tak zet. A hma âi khan a let tam takin ka hmangaih zual sauh zawk bawk. Ka thianghlimna min zah sak avang ngawt pawh hian ropuina leh zahawmna tam tak amah ah hian a inphûm ru in a bet tlat tih hi ka hmuh hmaih hauh lo.




"Tluangpui, ka chhuang tak zet che, i ropui ka ti thlawt bawk, nang ang mipa hi khawvelah hian an tam lo ngawt ang, ka duhna che i ti zual sauh, ka zahawmna min vawn him sak thei hi," tih pah chuan a âwmah beiin ka kuah let sak a.





A hma aia nâ in min kuah let ve nghal zat bawk, a âwma ka bei chu min nawr kiang hretin ka biang tawn tawnah a kut chuan a dawm vang vang phawt a, ka mitah tak en in, "Ka duatte, ka tina che a ni tiraw, pawi ka ti tak zet, ka hmangaih tak zet vak che a ni, chan loh che ka hlau bawk nen, " a ti nawn leh sap chu ka lo khi sak.




Rei ka en ve ngam lo, mit lak sawn zauh pah chuan ka maimitchhing zui vang vang, ka hmuiah a kutṭang lum thar thar chu kal kual tirin, "He hmui thianghlim zet hi ka fawp dawn aw," a ti thawp sap.




Meng chuang lo chuan, "A hma zawng paw'n min dil ngai chuang em ni? tun a taka indil ṭhat leh vel," nui sak pah chuan ka lo ti let sep a, fawh cho hmel zet chuan ka lo dawh deuh hâ bawk.





A nuih aza tih chu a thaw lak dan a ṭang ka hre thiam, ka nghawngah kuahin ka bekah a dawm bawk a, a kutzungṭang ka kâ chhungah zawite a rawlh lutin min fawh tir zet, muang changin ka lo fawh sak dek dek, tui tih hmel zet chuan chil ka lem ri khalh.





A kutṭang chu zawitê a la chhuak lehin a hmui lum thar thar chuan ka hmui a rawn sik tir zawm zat chu ka lo fawp leh dek dek,
Insum thei tawh lo tih hriat tak chuan duhthawh zetin min fawp zui bawrh bawrh, ka lo chhâng lêt ve mawlh mawlh bawk a, rilru ngaihngam taka hmangaih ber nena infawh nawmzia chu atakin ka tem mek, a rílin a nuam veng veng bawk, ka thlawk delh delh nimai hian ka hria.



Choka lam aṭang Tluangpuia hming lama ṭawng lâwng lâwng thâwm avang chuan kan infawh lai chu kan tawp chiang kher mai, tu dang nilovin Hmingthani ngei a ni tih ka hre mai, Tluangpuia paw'n a hrenghal chat tih min endan aṭang ka hai lo, "Mate, engahmah lo ngai suh aw, ka va ching fel ang e," ka bianga piai zauh pah chuan min nuih seih a.




Kal nghal mai a tum chu a bânah chelhin ka pawt ding dawt, "Engtin nge i tih dâwn kal suh, a chhuak ve leh mai ang, heta i awm tih pawh a hriat loh kha," kal lo se ti tak chuan ka ngen a.




"Chutiang mi a ni lo, heta bak ka awm a ring dawn lo, a chhuak duh chuang lovang," a ti chu rûm zeta melhin, "Nangma thiam loh a nih kha, a beihseih turin i awm a, he lai thleng thleng a rawn umzui ngam tâk che hi," lungawi lo tih hriat zet chuan leh lam ka hawi zui hmak.




Nui hak pah chuan, "Min la hrem dawn nia, i lungawi ngeina turin," a ti chu, "Chutiang mai mai a lungawi ka tum lo," nui duh
miah lo chuan ka lo ti leh hlak.




"A nih kal rawh kan pahnihin chhuak phei ang," a ti dam diai a, "Ka duh mai mai lo nangmah khan va phei rawh ka titau tlat dawn," ka ti chu ka nâknemah a rawn zen thut a, ka za ti lutuk chu ka nui chuak hak, thinrim tum pawh hian mi tihnuih hram hi a tum tlat ṭhin.




Ka ṭang deuh ṭuinâ chu kawngkhar hawngin ka bânah a chelha min kai phei zui dawt dawt, choka kan thleng phei Hmingthani leh a ṭhiannu kan va hmu chu an lo meng thíp ngei mai. Ruih an nei tih an mit sen râm danah ka hre mai. He tiang mihring zak thei lo bawk si hi ka hmachhawn châk lo asin le!



Rin ang ngei in, " Lalrinfeli nen khan pindan chhungah eng nge in tih dun a, he ta awm tur pawh i ni lo asin, inla fel satliah engmah ni si lo ka ei thlawt lo, i bialnu a nih tawh loh thu pawh i sawi a ni lawm ni! Phei ang kan inah, i Ar lei pawh kan siam zo tawh," tih tawn tawn pah chuan rawn phei in Tluangpuia bâna chelh tum chuan a rawn ban a. Min melh rum em em zui.




Kan thawm hriain Mahlimi te pawh an rawn phei vat a. Sangpuia'n "Mama, engthil nge ni ngai a, helai thleng thleng an rawn umzui ngam che ni?" lawm lo tih hriat zet chuan a zawt a, "A ho lutuk, eng thil teh vak a ni lo," Tluangpuia chuan a lo ti sam ét zui.




Mahlimi paw'n thinrim tih hriat zetin, "In va zakthei lo dun ve, he tahte eng nge rawn tih ve in tum a, kan lo pawh sawm vek nghal loh che u, haw nghal rawh u, zak thei lo lutuk mai," a lo ti tawn tawn bawk. Ka ṭhiani hi chuan min ṭan thei a nia.




"In lo sawi ve tur a awm lo, Tluangpuia hi rawn hruai kan tum mai a nia, kal ang Tluangpui," tih pah chuan rawn ban a tum leh.




Tluangpuia'n ka dara chelhin min tawlh hnun pui dâwr pah chuan, "A nitê hian min duh chhung chu ka bialnu a ni reng ang, kal tawh r'u Arsa pawh kha tui deuh khan lova ei rawh u," a lo ti ṭha ve mai a.




"Kha nu kha tlah la lo pei la a ni mai, i tel lo chuan Arsa pawh kan ei dawn lo," ala ti hrãm, rawn pawh tumin a rawn ban lui leh ngat bawk, zâm lo hi ka va ti tehlul.



Tluangpuia pawh a ngaihdan a pel deuh a niang a kut chu lo ben per sak nawkin, "Hmingthan i ti mah mah aw, 'Kha nu kha' vawikhat pawh ti tawh suh ang che hming a nei ve, ka bialnu hi 'kha nu' tih a koh mai mai atan ka phal hleinem, kal tawh rawh u, ṭha te te a ka sawi lai hian," thinrim insum tih hriat zet chuan a ti ve ta sak a.




A tih ngaihna hre tawh lo chuan thîp zeta min enin "Lalrinfel, eng tin nge i chelh beh em em theih a, i taksate hi i lo phal viau-in thlêm nante i lo hmang ṭhin te hi a ni lo maw? 'Tluangpui a ni ai chuan ka zei zawk daih ang, nawmna tinreng ka pe bawk ang che, i tan engkim ka huam, min kawp hi inchhir lo turin ka siam bawk ang che,' Lalrinfel, min lo chuhpui tawh hlek lovang che," rui tih hriat zet din pawh ding ngil ṭha hleithei lo chuan a ti zawm leh zat chu ka sa ta zak mai.




Chhân tuma ka ang zuau chu Tluangpuia'n min lo khap vat, "I ngaih ang kha ka mamawh ve lo. Tin, ka nupui tur chu hmeichhe thianghlim an nitur a ni, chutiang tur chuan Opheli hi a tling tawk, lo ngai khawlo ve ngawt suh, hmeichhia hi tisa châkna hrikthlak nan ka kawp ve ngai lo, ka zui ve zawk che a vang khan lo inbeisei sâng ngawt suh, tu pawh ka kawm thei vek, ka kawm apiang hi bialnu atan ka duh vek kher lo, i hrethiam em?" A tih fak fak takah chuan beidawn hmel zetin a meng khup ta lap.




Sawi leh tur hre lova an din reng takah chuan a ṭhiannu chuan, "Hmingthan kal ang," tih pahin a in her lawp a.




Hmingthani lah kal mai tum lo chuan ala ding reng, "Tluangpui zanin chiah min hman pui la, ka lo beisei ve em em che a, i duh loh chuan i bialnu chungah khan eng pawh ka ti ang, ka duh ka neih theihna tur a nih phawt chuan tih hreh ka nei dawn miah lo a nia," tih paha kan lam pana a rawn pai phei leh dawt dawt chu ka insum thei tawh lo.




A âwmah namin ka theh phei ṭhuai, ṭawng vak leh hnial buai vak kha ka peih lo, a huang tau lutuk leh min tham loh zia em em kha ka ngaihdan a ni tawh bik lo, Tluangpuia'n min khap ru zauh zauh lo phei se chuan ka keh thlukna a rei tawh viau ang.




A rui bawka a nghet lo ngei mai, ka namna ve bawk nen hnung lamah a vir phei dawt dawt a, a tlu sawp nuai, a ṭhiannu chuan pan hnai vatin, "Haw ang ka tih ka tih kha, tho rawh kal vat ang," tih pah chuan pawh din a tum chu a zo lo kher mai bawk si.



"Rum zeta en in hawpui vat rawh a nih loh chuan ana viau ang, min tham loh dan em em hi ka tuar thei bik lo, na tawrh hrep hnu a haw in duh loh chuan haw nghal vat rawh u, " thinrim zet chuan ka ti zui tawn tawn a.




Khawih zui tum niawm tak chuan ka hnaih phei hrut, Tluangpuia paw'n min dang zui tum eih lo chuan min en tawp, thleng phei ta lo chuan ka ding dat, "Hmingthan, min tihdan ang hi chuan midan ti la chuan i thî haw phung ang tih hre rawh, tho la ṭha deuhin haw rawh u, Tluangpuia nen kan inkawrah tlak zeh erawh tum tawh lovang che, engtin pawh min tih tum la ka hlau bik eih lo che, i ngam a nih chuan i thu thu, mipa vanga intih buai hi ka duh ngai lo, Tluangpuia hian a duh zawk chu kan hriat tawh kha, inrawlh lo tum buai ve tawh suh ang che," thinrim insum ṭeuh chuan ka ti zui mawlh mawlh.




Mahlimi te pawh an thin a lo rim ve ngang a ni ang Hmingthani te chu haw nghal tura tiin an lo hau zui ve bawrh bawrh hlawm a.




Tluangpuia lam hawi lêtin, "Kalsan ang tikhan haw rawh se, buaipui vak an ngai lo, he lai an rawn thlen theih chuan an haw thleng leh thei em em ang kal ang," tih zui hmak pah chuan Tluangpuia kut vuanin ka kal sawnpui nghal a.






Tluangpuia chu kâi phei dat datin pindanah chuan ka pheipui zui nghal hmak,
Mi dangho pawh chuan min lo zui lut ve nghal mai bawk a.




Mahlimi thinrim leh a ngaihdan nilo lutuk chu a rawn âng lut nghal bawrh bawrh, "Hmeichhe zakthei lo leh nasa ve tak chu a ni chiang alawm, he tiang mihring hi an tam lo viau ang, Tluangpui nang pawh ani berkher han kawp reng reng, eng ang paw'n lo inti thiam lovin thinrim pawh nila sawtiang mihring ṭenghneng lutuk ber kher tihtauh nana hman atan chuan a nep mah mah, zahthlak lutuk mai," ti tawn tawn pah chuan ka bulah a rawn ṭhu sat sat a.



"In ngaih ang kha a ni lo, kuhva lam pahin ka lut kawi a min lo be nghal bawrh bawrhin kan titi zui luam a , tum aia rai ka awm phah a nih hi, zanlam thleng khan inkhawm turin min sawm zui ngal a, he lam boruak a ṭhat vak loh bakah kalpui tur dang ka nei lem lo nen ka'n thurualpui ta mai alawm le! chutin min beisei zui chiam ang tih ka ring bik hleinem," a ti vei charh charh chu Mahlimi ngaihdan a ni lo tih hriat zetin a lo ner vei nâng a.




"Kha tiang lek chu a ni lo a ni ang, mipa pawh hmeichhia pawh a tu ve ve mitmei kan inhmuh a nih loh chuan pakhat zawk hian a beiseih viau ngawt theih lo, ka sawi awmzia i hrethiam mai em? A beihseih ngamna turin i awm ve deuh tihna a ni mai, inkhawm kal dawna mi'n kalpelh lai a in awmdante, diriam leh hnehtu chan chang intih hmel zeta min kal pelh dante kha, Opheli tan chuan a thanat thak duh viau ang, keini ila ka kek bulawp duh hial ang maw le," a ti leh bawrh bawrh chu ka lo nuiri hak.




Mahlimi sawi kha a dik reng, nichin mai a kan boruakte kha, a zahthlakin a mualpho thlak tak zet, Tluangpuia puh fai vek mai pawh ka châk tak zet. Hmingthanite ang a'n zui duh ringawt pawh, kan in thleng thlengin an la rawn ûmzui leh ta nghal. Mahse, sawi ṭhat leh kha ṭul pawh ka ti tawh lo. A ni tur ang chu a ni vek tawh.




"Sawi tawh lovang u, a zahthlak khawp mai, zanin kan boruak hi," ka ti tawi tak.




"Mama tiam loh vek a nih kha, nep lutuk mai," Sangzuala chuan a lo ti ve leh hram.




"Ni e, ka pawm e, rahṭha erawh a chhuah tal alawm, kha tiangte kha angaih châng a awm ve a nia," nui hak paha min enin a ti vei charh chu ei lo zetin ka lo ner nâng a.

[Ngaia]

KA HMEICHHIA



CHAPTER - 22



BY; NUTEI VARTE


Kan boruak aṭhat zawm tâk phianah chuan Ar kan leh an rawt a, zanin chu tlaivar kan tum ve khawp mai.




"In nupa khan Ar chu va zawng ve thung rawh u, a puahna tur vel kan lo buaipui ang," Mahlimi'n a ti chu, "A ṭha alawm tute nge nei ang," Tluangpuia'n pawm hmel zetin a lo ti vat.




" I hreawm e mai, Hmingthani te nen pawh in kang a ni lawm ni? Hre lo der kual vel lo khan kal mai mai teh u," nui hak hak pah chuan a fiam zui hlak ah.




"E, nidawn tak, kha ta mi ngei kha kan va lam ang e, kan rawn rei viau ang aw, a hla teh mai a nia," nui hak hak pah chuan a fiam zui ve leh a.




"In leina a mi kha chu ka ei duh lo," ngeiawm zeta melhin ka thinrim der vel a.




"Kal mai mai teh u, in pa'n kal reipui a tum ropui che si, a rei mai mai ril a ṭam leh hman dawn, lo haw leh vat ang che u," a ti chu, "Kan kal rei lovang tih in hlauh vang, a ni lawmni Sangzual, ka sawi dik tiraw?" nui ar ar pah chuan ka lo ti ve a.




"A dik ang. A nite chu a zei em! rawn hman hmawh duh suh u, a ril a lo ṭam tâk leh chawṭhing ka lo fah mawlh mawlh mai dawn nia!" a ti chu kan nui nasa kher mai.




Ar zawng tur chuan Tluangpuia nen kut insuih rîalin kan kal a, a thim ang reng sia nuam ka ti viau lo kher mai.



Ngawi renga kalin Hmingthani te kawmchhak kan thleng chu an lo rideuh laih laih thawmah chuan kan ding dat, an sawi ber kan hriat theih loh avang chuan kan kal hnai leh hret a, Hmingthani rui lungpuam ṭap ṭawng zuah zuah chu kan hrechiang ta kher mai.




A khât tawkin ka hming alam ri deuh reng bawk a, a chang leh Tluangpuia a ko thûl, in enin kan nui tawp.



"I va thlêm lungawi phawt mai dawn em ni? Naute lian kha ti tak maia nang tehlul ngaia ṭap chu," lungawi vak lo a ka ti chu za lo zetin a lo nui hul hak.



"Kal ang, a ho lutuk kan din reng chuan i pawite a sawi leh reu reu ang a, i insum leh thei dawn der si lo, thinchhe ve ropui si," nui hak hak paha a ti chu ka run kher mai.




"Kal ila nimai lawm, min chhan ngam leh dawn chuang si lo, i huai ve ropui sia" ka ti let ve kher a.




An kawtah chuan ngawi rengin kan chhuktla a, ka hming ring tak mai a lamin, 'Mi tenawm, inla nungchangṭha kei aia Tluangpuia'n a thlan bikna chhan tur ka hre lo, chan loh hlauin a bawh huam huam tih hriat reng...' rui sehchilh nawk nawk a a ti chu ka beng a verh ta kher mai.




Tluangpuia ka vawnna chu thlah tumin ka che phat a, lo hrethiamin min vuan nghet sauh, "Insum rawh, khin tlak a nih loh saw, a thusawi tuman an awi dawn chuang lo," tih pah chuan rang takin min kâi phei dawt dawt.




"Eng emaw hlekah inla fel chu ti kha ti min ti ziah mai, eng nge ka inlak felna viau pawh ka hre lo. A ka saw va hnawh sak a nia ka châk ni," ka ti phei hlak hlak a, "A tluk loh vangah che ngai rawh," ka kut hmer sak pah chuan a ti zâwi sap zui.




"A zahthlak alawm kha ti vak vak a ka hming hmer a au chiam chiam, ṭhenawm khawveng paw'n an hre vek ang chu, mipa pakhat inchuh te pawh kan ang alawm ka chuh ve dêr si lo," tih pahin ka va melh zauh chu lawm loh hmel zetin leh lam a'n hawi deuh hmak.




Nui kar kar pah chuan, "I lo ropui khawp mai, 'I duh viau chuan ka pe ang che,' va tih tak a nia ka duh ni," ka ti zui leh kher chu, "I duh leh nangman nei la," thinrim hmel tawka a ti hlâk chu ka nui chhuak hawk hawk.




Ar lei kan tumna pu Rotea te in kan thlen chuan an lo reh ṭhiap tawh, kawngkhar kik kauh kauhin kan ko pah bawk a, a neitu pa pu Rotea chu a rawn tho chhuak hma kher mai, kan in lei fel hnu chuan in lam panin muang chang tawh lovin kan kal nal nal.




In thlen hma lawk chuan Tluanhpuia'n ka dârah min rawn kuahin, "Ophel, zanin hi ka tan chuan hun hlimawm leh hriat reng tlâk a ni, khawhar leh lungleng zetin ka awmdawn emaw ka tih laiin nang nen rilru inpawh takin kan hmang dûn thei a, ka hlim tak zet a ni," tih pah chuan a lamah min pawt hnai hretin min fawp zui mawlh mawlh.




A kawr hnunga vuan ṭai pahin Ka lo chhânglet ṭha kher mai, thawk la dûn hakin kan nui sak, duat deuha min kuah lehin âm zet chuan min fawp zui leh mawlh mawlh, a mipatna in min do ûl takah chuan a châk hle a ni tih hairual a ni lo, kei pawh mihring ve tho ka nia, tisa châkna hi chu a chhuak ve tho, engkim hrethiam mah se a insum thei tlat hi ka fakin ka chhuang tak zet.




Duhtawka kan in fawh hnu chuan thaw hakin, "Kal tawh ila, rei min ti hlawm tawh dawn e mai, kan ngâm leh lovang," nui sak paha ka ti chu, "An rin dân tur tho a nia, kan rei loh viau chuan an ngaih aṭha lo zawk ang," a sawi zo chiah a mah zawk zawk nuihza chu a nui chhuak hak hak a.




Kan lut chiah chu Mahlimi lo nui nghal hawr hawr Sangzuawla leh Kimtei pawh min en dûnin an lo nui ve chiam mai, a ngaihna hre lo zetin hrilhhai tak chuan kan ding dun a, "In rei lutuk tui pawh a dâi zo vek, nangni nuam tâwl kan lo nghak tlawk tlawk che u a nia," a ti leh daih ang lawiah.




Hmingsanga pawh lo lut leh hlawlin rim dang a rawn nam hak zui, hau lem lo chuan ka lo melh rum nasa mai. A ni lah chuan mak tih hmel zeta min en in min thlêk nasa zawk leh ta nghal, "In va nasa dun reuh e," a la ti zui, a ngaihna hre lo zet chuan ka melh ngheng ringawt.




"I nasa ham ham zawk a nih chu a, i rim pui rohte kha," ka lo ti ve hmak.



Mahlimi chuan kan Ar khai chu rawn la-in, "Sangzual, kal rawh hân puah vat vat teh ang kua aruak lutuk hman dawn alawm," ti zui hlak hlakin choka lam pan chuan a kal phei tarh tarh a, Sangzuala paw'n a zui ve nghal mai bawk a. An liam tur chu lo hawi letin an nui leh vur vur zui.




Tluangpuia ka va en chu ka ṭe chhuak thut, za lutuk chuan ka nui ta chiam, a ngaihna hre lo lutuk hrilh hai hmel zeta min en in, "Eng nge ni kha ti chiam chiam a min nuih a!?" a ti deuh hâi chu ka nuih a ti za telh telh, nui bawk bawk pah chuan a bânah kaiin bualin lam ka pan pui vat, "I hmai kha phih nghal rawh, i hmui leh biang vel kha tuai uluk bik la aw," tih pah chuan ka la nui uar uar..




Min en pah chuan Za vak lova nui hakin, "Nang pawh i bâng bik miah lo, i hmui leh hnâr kha," leh lam hawi chuan a nui zui hak hak.




"A ni maw! chuvang a nih chu kan ṭhian te pawh kan luh rual ruala an lo nuih chiam ni, mi hrilh ṭhat ve bawk âwm!" nuihza bawk si vui aw zet chuan a ti zui nang nang a.



Ka lipstic inhnawih kan in kai pherh vel chu lo ni in, kan han nui ṭha leh tak tak a, kan in phih fai hnu chuan chhuakin choka a Ar puah ho awmna lam pan chuan kan phei nghal a, "Hmelho mai mai chu, ti nge engmah mi in hrilh lo," ka va tinghal tâwng chu za lutuk chuan an han nui ta tak tak, ka va chhuah chhal kha ka inchhir lek zawk.




Tluangpuia nen chuan in enin kan nui sun ringawt, "In zah kan hlauh vanga engmah sawi duh lo kan nih kha, kan nuihzat mah naklaia, nui ṭha ngam lovin hah ûrin a sin kan awm, nangmah zawkin i rawn sawi chhuak a kan nui ngam ta chauh a nih hi," nuihza lutuk mittui tla phung a Mahlimi'n a ti chu, "In sual e mai aw," ka lo ti hlak.




"A chiang nge nge alawm, ni lawmni Kimte," nuih hak hak pahaTluangpuia'n a ti chu, "I chhe lutuk," tih pahin a dârah ka va chûm taih.




"Mahlim, I hmui kha sen tawkin va hnawih la kan ti ve dawn nia, kha tiang zâwnga kan che dawn a nih chuan hmai sen luai a chetna tur nei lo kan nibik hlei nei," Sangzuala'n nuihza insum nui duh miah lo tih hriat zet chuan Mahlimi melh zauh pah chuan a'n ti kher chu ka lo run kher mai. Rum tawkin ka lo melh ngheng.




Phûr hmel zetin Mahlimi lah chuan a lo chhâng ve vat, "An chêt dan aia nasa in kan che dawn nia, ṭhiante in thihtheih khum dante chu kan thiam ve tho, Kimtei erawh a lo hawi hil ve dawn a nih hi," nui awr awr paha a ti chu Kimtei lo tûm fiam ve nasa mai.




Chhâng buai vel ta lo chuan, "Ka riang chuang bik em ni leng zawng zingah," tih hla sa rât rât pahin Ar kan chu a chawk vei rak rak a, a sa zo chu inthiam leh loh hmel zetin za em em in a rawn nui chhuak hawk hawk a.




"Nei ve lo tan a hreawm ang insum teh u, keini chuan chutiang engmah kan ti lo a nia, in ngaihbel vang mai mai a nih kha," phat tum phat vak ngaihna hre si lo chuan ka ti zui nang nang chu an awi tawh lo hlawm kher mai.




"Eng ang paw'n phat tum sateh mah la angaihna a awm lo, a chiang êm!" Mahlimin lo ti leh nghal vat chu sawi leh tur hre lovin ka lâi chiang kher mai.




Chhan beisei tawkin Tluangpuia ka ve melh a, a ni pui roh lah chuan phat a hnêkin, "March thla velah chuan engkim a lang chhuak mai ang, engmah zêp theih a ni dawn lo," nui duh miah lo chuan a la rawn ti ta deuh deuh.




"Rum zeta melhin, "Uan chin tawh hre teh, tak tak emaw an ti ang e," ka lo ti zui nang nang.




"Aw, tak tak emaw an ti lovang tih ka hlau asin," nui duh miah lo chuan ala ti ta fo, kan ṭhiante lah chuan awi hmel zetin an lo nui dar dar zui.




"I chhe e mai aw, i châk lovang," ti hlak pah chuan lungawi loh hmel zetin ka kal sawn nghau nghau a.




"Bawihi, fimthu a nih kha, min hrem suh aw," thui pawh ka kal hman lo, Tluangpuia chuan mi zui nghalin a nuiri hak hak chu, "Ka hrem khawp ang che, nge kan awmdan lo pui rinhlelh theih tura i sawi, chhe zek zuk lutuk, i awmdan pui roh hi i virgin pawh ka ring nek love," ka la ti zui hlak hlak, a fiamthu duh lutuk hi ka nuih a tih zat rual rualin ka ngei deuh tlat alawm.




Ka ṭawng khumna vang chuan za em em in a nui chhuak chiam a, "Ka virgin loh chuan ti virgin lo tu i ni tihna nimai a, nangpawh i him bik lovang chu..." sawi pawh a sawi zo hman lo, ka nuih za lutuk chu ka insum thei tawh lo nui hawk hawkin "Ngeiawm thiam pa, uan chintawk hi hreteh, i thusawi kha nang paw'n i awi lo ang," ka ti chu, zo tawka min rawn pawm kâng lawpin min virpui chiam zui.





Tal bat bat pahin, "Min thlah teh, awmawng lo lutuk thuai vat, ṭhian te min hmuh hmain," tih pah chuan a kuta chûm taihin ka tâl zui at at a.





"A ho e, min hmu mai mai ang hmiang, ka pawm châk che a ni ve mai a, ka bialnu ka pawm hi ka tihsual ka hre lo, pawm chung che hian khawlaiah ka la lenpui khawp ang che," min chelh ngheh sauh pah chuan a la ti zui.




"Ka awi lo lutuk, kan kawt thleng pawh min pawm chhuak ngam hlei lo ang e. A nuam lo a nia min chhuk tir mai mai teh, ka rit ropui si mi thlauh reu reu ang ti nia," ka ti chu a run kher mai.




"Ka ngam khawp ang, kan tichhin dawn em ni?" cho hmel zet chuan a ti ham ham a.



"Ka duh lo, min chhuktir vat teh ka hlau a nia min thlauh palh ang," nui ar ar pah chuan ka ti leh a, min thlauh tak tak ang tih hlau chûan a nghawngah ka vuan ṭai bawk a.




"Ka zo ve chiang che e, hlau suh," in ring tawk zeta min en chho in a khi sup a.



"A nih leh min zo tih kan chiang tawk bawk a, min dah thla tawh mai ta che," nui kar kar pah chuan ka ti ve leh a.



A ni pawh chu rawn nui chhuak hak in, "Ngeiawm thiamnu, i chiang chiah maw, i la chian loh takin ka la pawm hret dawn che mi ni ang?" Tih pah chuan min nghat ta tho a.




Hah hmel zet chuan a thaw halh a, za zet chuan ka ti nuih ngheng, "I hah hlu hlu bawk maw? In sawi hawt viau chi pawh nih loh kha, ka zâng zawk zawk vak lo nia," Ka'n ti leh hrâm.




Min pawm leh tumâwm taka mi hnaih leh hrut chu ṭe ṭhatin ka lo tawlsawn rang kher mai, kan lo nuih har har lai chuan Kimtei lo pheiin, "Ava mak zuau zuau ve; a ei theih tawh aw, in lo inti silawng ang e," Tluangpuia'n mi rawn ban deuh zuau zuau chu rawn hmu hmanin, mi rawn fiam vei zuk a.





"Kan lo chho ang, i unaunu hi ka'n sawp deuh phawt teh ang," tih pah chuan min pawm kâng leh lawp a, chak zet chuan choka lam min pan pui dawr dawr, nui awr awr pah chuan ka tâl nasa mai.




Choka kan thlen hma chuan dik datin mi en vung vung a, min pawm kâng leh hret pahin ka hmuiah a rawn fawp zauh, lo khi sakin, "Min thlah tawh la," ka ti sap, ṭha deuh chuan min chhuk tir ve leh mai bawk a.




Choka kan lut chiah chu Mahlimi leh Sangzuala enin kan nui nasa ngei mai, an sawi ang tak tak chuan lipstick an lo inhnawih pherh tak tak chu niin, in fawh vanga kai an ni lo tih lah hai rual va ni suh, Tluangpuia nen chuan in enin kan nui leh ta tak tak, Tluangpuia meuh pawh mittui tla phungin a nui.




"A chiang viau lo maw ti hi chuan," tih pahin Sangzuala chu hmai zangthal hâ in a rawn hawi a.




"In nasa dûn mah mah Kimtei pawh in zah zo lo a ni maw, hei Hmingsanga a awm ve bawk a, ti chung chuan kha ti khawp khan in in kâi pherh thei a nia," an inhnawih pherh satliah tih hre mah ila, ka fiam zui hrâm tho.




Kimtei chuan ei tur chhawp mawlh mawlh pahin, "An zak eih hleinem, kan hmuh lai ngeiin an inkeih mawlh mawlh alawm," a ti chu Mahlimi leh Sangzuala'n, "A dik," an lo ti rual sap, awi loh hmel zet chuan kan lo ner nang a.



He mite pahnih uang lutuk hi chu, mi an tihlimin kan nuihpui nasa thei a nia.




Chawte an lo chhum avang chuan Ar sa nen bai ṭhingho nen chuan puar zetin kan ei a, Hmingsanga kil khata lo mutlu lawp lawp pawh chu eidawn meuh chuan a lo harh ve mai bawk a. A ni pawh chuan a ei hnem ve thawkhat e. Zu rim a nam kher avang chuan ka be ṭha peih lo thung.




Khawlai pawh chu a reh lo khawp mai, zurui bengchheng zai au ruai ruai thawm leh naupang hlim thawm khawlaia leng vel hriat tur a awm nawk mai, krismas dam taka hmang thleng tan chuan zanin ang hun hi kan nghahhlelh ber a ni bawk nen an demawm hran love.



Kristian ho tana hun pui ber leh kan tana Isua pian chhan hre lo a, ruih kual vel nana hun hman erawh hi ka ngai thiam thei lo, kohhran programme piah lama ṭhian ho kan lo in tui tuah a, thianghlim tak a hun kan hman ho hi chu apawina ka hre hran lo, ruih nan leh nulat tlangval hman khawlohna hun atan chuan a pamhmai lua e. Isuan engtin ngai ang maw! tih hi ka ngaihtuah fo ṭhin.




Kan in ei puar hnu chuan veranda-ah ṭhu chhuakin mi chetla en chuan kan ṭhu hlawm a, mas hla play -in kan zaipui ve nasa mai bawk a.



Hmingsanga chuan ring zeta lo zâipuiin kimtein a part a lo pe ve ngeiah, an thiam lo dun lutuk chu kan nuih pui nasa, an ni pahnih lah chu an nui duh der lo leh nghal.




Sangzuala chuan vawt a ti deuh a ni ang a tho vut a sikri khat thûra mei ling rawn chawi thlain, "Kha in ai ve duh chuan in siam rem r'u," a ti chu âi phak loh hlau chuan kan inchuh nak nak hlawm a, "Vawt tiawm lo takin in awm hlawm a han lak takah chuan âi chak chakah in ṭang leh sia," nui hak hak paha a ti chu, " I lak hlân kha ka nghakhlel reng a ni, i che rang khawp mai i lo fel ber a nih," nui hak pahin Mahlimi chuan a lo ti vat a.




" Vawt i tih ka hlau alawm, ka lakchhan lo te lah hi a chuh hlelh helhah an ṭang lehnghal," nui duh miah lo a ti chu Tluangpuia'n ei loh hmel zetin, " Kan mamawh ve vak hlei nem, saw tah va âi daih r'u, kei chu rizai lum ka nei ṭha alawm," tih pahin ka showl sin lai chu a rawn keu sawt sawt a, sin ve nghalin nghet deuh chuan min pawmbet a, " Che miah suh, lo awm tawp rawh," a ti zawi sup chu ka nuih a ti za kher mai.




Tal chhuah tumawm tak chuan ka che zeuh a, "Che suh ka tih che kha, saw mi te saw tih el ang," zawitê chuan a phun leh sup.




Lo kuah let vein a dar ngheng chuan ka bei vei hnap a, Sangzuala ngaihdan nih hmel loh lutuk ner vei nawng chuan, "In chhe e mai sawtah va in kuah teh u, kuah tur nei ve lo kan chép tlat," kan awmdan ei loh hmel zet chuan a lo ner vei nang a.




Eng eng emaw sawiin rei vak lo kan ṭhut hnu chuan inchhung lamah an insawn chho pheuh pheuh a, Mahlimi kal tur chu rawn hawi letin, "Chance kan pe ang che u, Tluangpuia mitmenga min hnarna ka hmu peih tawh lo, 'Ophel, fimkhur viau ang che,' ka kal tak tak dawn a nia," nui awr awr pah chuan a kal sawn det a, rawn let lehin, Tluangpui, ka kal aw, ka kal tak tak, a nih u aw, chintawk kha hria ula," chutiang ringawt sawi chuan kal hla chiah lovin a rawn let leh ṭhin a, amah lah chu a nui ang uar uar zui. Mahlimi fiamthu duh leh uang ṭhin lutuk hi kan hlimpuiin kan nui nasa thei kher mai, a bula awm a nuam ṭhin tak zet.



" Tluangpuia lah chuan kan bula awm i chak a nih kha lo awm ve mai mai teh, i hnawk hran hlei nem, ka duh chu ka tingam khawp mai, min dîp miah lo a nia," a ti chu Mahlimi lo ner nasa mai, " Ka hmu peih teuh lo che u, i nasa dawn tih ka hrereng, hrat vei hret hrut si, ka kal tak tak tawh ang e," ti hluk pah chuan a chho nal nal a.



Tluangpuia nen chauh kan nih takah chuan sawi mai tur avang kher mai, ani lah chuan sawi mai tur a hre bik lo a niang a ngawi ngal mai bawk si, kan ngawih reng hnu chuan Mahlimi uan thu leh a bula awm a nawm thute ka sawi chu, " I bula awm nuam ka ti fe zawk," nui hak paha min enin ka kawngah a kut a rawn dah nghal zat a, min pawt hnai sat pahin, "Tak takah i mut achhuak tawh em? i bula awm chak viau mahila hreawm deuha i awm ka duh miah lo, naktuk lamah i chau lutuk palh ang a," inthlahrun hmel zet chuan a ti sap a.




" Chhuak hran lova, zanin na na na te chu kan ti tlang ve ang chu, kum khata vawikhat chiah thleng a nia, 'ka mut a chhuak' pawh ti ila haw in tum chuan loh te chuan a mut theih bik ngawt nang," tiin ka fiam zui zat a. Nui hak hak pah chuan, " Ni bawk si, inlengte awm laiin an mu ngai lo tak e," a lo ti ve leh zaih a; a ruk tak chuan mut ka chak, naktuk lam kan hmang nuam lo bûr dawn a nih hi.



Showl- in zâwnin a malpui chu min lukham tir a, vawt ka tih hlau zet chuan min kuah bet tlat bawk, "Muhil rawh, i chau lutuk ang," tih pah chuan ka hmai chu zawite te in a chul kual niap niap a, ka hmûi záwn a khawih lai chuan tawp datin a khawih niap niap lai chuan ka kâ ang zauhin a kut ṭang ka lo seh sak hlak chu, a phu chiang kher mai.




" I muhil tawh emaw tia, naute lian tihmut har tak i nih hi," nui hak paha a ti chu, " Ka seh châk alawm," ka lo ti vei hluk.




"Chutia i seh chakte chuan seh rawh," ti leh a kut zungchal ka kâ chhunga rawlh luh a rual a.



Zawite a seh niap niapin ka fawh sak dek dek a, ten lo tih hriat zetin ka chil ka lem rikhal, " Bawihi min ti zauthau," tih pahin a kut la chhuakin a rawn kun hniam a, duhthawh zet chuan min rawn fawp nghal mawlh mawlh, ka awmdan rem lo chu lo insiam remin ka dawhṭha ve nghal zat a.



Duhthawh zeta min fawpin a lei lum thar thar ka ká chhunga a rawn tih luh rual chuan ka lo fawp let ve tawn tawn a, a kut pawh dah mai mai lovin ka kawr chhanah ka hnute a hmet niap niap a, ka hmui a fawh chu tawpin ka nghawng leh âwm vel chu thawk khum lum ham ham pahin a fawp kual leh dan dan a, nuam ka ti tak zet.




Min fawh kual reng paha ka kawr âwma a kut zen luh tum chu ka lo man bet chat, "Hlauthawng suh, ka tina lovang che Bawihi," a tih meuh chuan ka hnute chu a lo khawih fel der tawh, a kut lum thar thara ka hnute hûm pah chuan, " I hnute khalṭha zet leh lian mawi tawk tak hi ka khawih châk tak zet," tih pahin a ṭhâm niap niap a, leh lam leh lam chu khawih tawnin a zut kual ruai bawk a, lo ṭang deuh ṭuiin a kut ka dang ṭawk ṭawk chu ngaithei lo hmel zeta min en in, "Lo awm tawp rawh, nuam deuhin ka siam dawn che alawm, i tana pawi tur erawh ka hria," tih pah chuan dim zetin ka hnute hmur chu a hrual zui niap niap a, a chang leh duhthawt zetin a hmet leh salh bawk a.




A duhthawh telh telh zui, a malchungah min ṭhut tirin alam hawi chuan min pawt her a, ka kawr chu hlim chhoin, " Mate, maimitchhing rawh, i rilru zawng zawng keimahah chiah dah la," ti záwi sap pah chuan ka hnute chu khawihin leh lam chu a lei lum zet chuan a rawn liak ta mai, dan tum chuan ka tal vei ut a, min kuah bet sakin, "Che suh," a rawn ti chang fak, "Ka hlauthawng alawm," ka ti chu nui ri hakin, "Hlau suh ka tih che kha, min ring tawp la, ka tih ang ang che khan lo awm tawp rawh, i tana pawi tur engmah ka thlen tir dawn lo ka tih kha," tih mawlh mawlh pah chuan ka hnute hmurah tak chuan fawpin dím zet chuan a seh pah bawk a, leh lam pawh chu zei zet chuan a khawih kual vel, ka awmdan danglam lutuk chu ka insum nasa kher mai.




Ka hnute leh lam a khawihna kut chuan ka dul vel chu a zut thla leh a, ka kekawr kawng chhûngah te chuan a kut azen lut thuak thuak bawk, nuam tihna a ka khah vang chuan a dah ang angin ka awm mawl tawp bakah amah ring tawp tura min tih avang chuan a kutah ka innghat tawp, ka tana pawi tur ang chuan min awmpui duh ka ring lo bur.




" I nalh takzet," tih pah chuan ka hnute bawr leh ka dul velte chu a fawp thla dan dan a, a kut chuan ka kekawr kawngah zen lutin ka kekawrte chhanah a khawih zui niap niap chu awm ngaihna ka hre lo, ka ṭek chhuak vek nimai hian ka hria, ka insum zo dawna ka hriat loh vangin a kut chu ka lo man sak chawt a, thaw halh halh pah chuan, "Duhtawk rawh, khawngaihnin," ka ti thâm ṭiak.



Nuih hak pah chuan min kuai hnai satin ka beng bulah, " A nuam em?" a rawn ti záwi sap a, lo nui sak in ka bu nghat ringawt.




" Thlentir che ka chak takzet i nuam tilai hmel ka hmu chak, a ti chu lu lo thingin, "Ka duh lo, a hun tak atan khek zawk ang," ka lo ti vat a. Nuam ti viau mah ila ka hlauthawng tak zet.




" I virginity hlauh miah lo turin tih dan ka hria alawm, mahse i duhthlanna a ni e, i duh lo chung chuan ka ti lui miah lovang che," duat zeta min kuah chung chuan a ti zawi sap.




Ka ti lui lovang che ti reng chung chuan a kut erawh ala dah mai mai lo, ka kekawrte chhanah chuan min nuai sakin a châng leh kutzungṭang hmawr chhete chu zawi te in a rawn ti lut leh zeh ṭhin chuan awm ngaihna mi ti hre lo, ka nuamti lutuk chu ka eu ngat ngat, thawk halh pah chuan, "Duhtawk mai rawh, ka awm thei lo, engtin emaw ka awm, ka sawi thiam lo," ka ti nawk nawk.




" Kangte chu ala nep lutuk, a aia nasain ka la tinuam thei che, keimah chiah ngaituah turin ka siam dawn che, midang i rilruah an leng tawh dawn lo," tih pah chuan ṭhahnem ngai zerin ka nuam tih dantur a a hriat chuan a che nasa zual sauh.




"Tunah pawh nuam tiin ka thi lo chauh a nih hi, abak a awm leh thei chuang dawn en mi?" ka nuam ti lutuk awm ngaihna hre lo chuan ka ti tham ṭiak a.




"Bawihi, nuam i ti tak zet maw, nuam i tih loh hi alawm ka hlauh, i nuam ti hmel hmuh a nuam lutuk," ti zui mawlh mawlh pah chuan a kut chu a chêt nasa zual sauh a.

[Ngaia]

23


Tluangpuia'n nuam tinrenga min siam hnu chuan thlasik lai e ti lo chuan ka thlanin min bual huh chap mai. Min tihdan vel a thiamin a zei tak zet, pawi tur chin tichhe miah lovin nuam vawr tawp min thlen tir thei a nia.




Nui var var pah chuan ka tukkhumah dawmin hnai set sawtah min en a, "Engtin nge i awm, i hmuhnawm tak zet, i lungawi em?" A ti zâwi sap chu ka lâi kher mai, "Ngeiawm reuh lutuk," ka lo ti hlak, "Nuam i ti lo tihna em ni?" A ti leh kher chu, " A bána sih hlak pahin, "Nuam ka ti tih i hriat reng kha, sawi kher angai em ni? Sual reuh lutuk," pangchang aw zeta ti nang nangin a zak hnuaiah chuan ka hmai ka phum zui kâk a.




" Zak mah ta che, nuam i tih kha alawm ka duh," a sawi laklawh lai chu pawt chatin, "A pawi lovang tirawh, ka chhe vek lo tiraw, a hunlai chuan engmah pawisak lohna in min tuam vek a, duhthawh ana tak zet, nang chu ni lo la ka chhe vek ngei ang, i insum thei hi i fak awm ka ti thlawt," tih pah chuan a âwmah beiin ka kuah nghet sauh a.




A mahah ka bet vek nimai hian ka hria, ka ngai nghal ngawih ngawih, ka thahlel tak zet, a hma zawng aiin ka ngaih a zual nia. A maha rilru pe vek tur hian min siam dan athiam êm a tin ni, ka chhiatna lo tur tawka nuam tin reng min thlen thei hi, ka tan hian a hlu tak zet. Châk lo pawh a ni bik lo, ti chunga a insum thei hi a fakawm ka ti hluah hluah.




" I hlauthawng ti raw, engmah hlauhthawnna tur a awm lo a nia, a chhûng kha ka khawih thleng eih lo, i hrethiam mai em?" a ti chu nui sak pahin ka ring tawk che alawm, i sawi a nih chuan ka pawm thlap e," ngaihṭhat hmel zet chuan ka nui sak a.




Inchhung lamah lutin kan ṭhiante an awm leh awm loh en chuan ka hawi kual a, ṭhutthleng seiah an mu kual nuai kan va hmu chu kan nui tawp, " I haw mai dawn nge i mu ve mai dawn, mi dang tih harh hlau zet chuan ka ti sep a.




" Ka hre lo le, engtin nge awm se min tih," tiin min zawt let a, "I tih dan dan a nimai, room âwl pawh a awm tho a," ka ti chu ner nangin, " I bula ka mut dawn loh chuan ka haw zawk mai ang," a ti chu inthiam loh leh hmel deuh chuan, " Tak takah ka haw phei zawk ang e, Bawiha chu tihian muhil mai se, ka phei san mai ang e," Sangzuala en zauh pah chuan a ti leh a.



Phei bik kher a ngai lo, room awlah sawn mu ve mai rawh, naktuk zing ei rel tur paw'n i tho peihawm si lo, hetah in ei nghal mai ang a, a remchang mai alawm, min rawn zui rawh," tih pahin pindan ruak lam pan chuan ka phei pui a.



Khum siamsa vek mah nise bed sheet vel chu thlakin a sin tur pawh ka dahṭhat zinga ṭha ber ka lakchuah sak a, ka che vel chu min lo thlir rengin, "Ka puih che i duh em?," tih pah chuan ka chhanna pawh nghak chuang lovin min pui zui nghal mawlh mawlh a.




A mutna tur kan siam zawh chuan, phei mai tumin ka inher a, rang zeta a kut rawn lek chhuakin, ka bânah a vuan chat a," Kal hrih lo teh," ti thawp sapin a lamah min pawt hnai a.




Ka awm ve reng chuan a chi loh ang, bakah hei muthilhna hun a tam tawh lo, kan chhín ve sak loh chuan kan chau lutuk ang, mu hahdam phawt ila, ka lute ahai deuh bûr tawh," chauh hmel zet chuan ka ti nang nang a.




"A nih leh le, chutia i chauh viau chuan mu hahdam rawh, ka bula awm reng tur a ka duh vang che a nia, ka kham thei lo che a nih ber hi, i chauh tur ka lo ngaihtuah thleng lo a tin ni, min hrethiam dawn nia, i lu chu ahai viau em?" Min ngaihtuah hmel zet chuan ka biang tawna chelhin a ti dam diai a.



" Muthilh mamawh vang zawk a nia, chutia hai lutuk phei chu a ni lo, chhing sek ila a zia leh mai ang," mut chhuak aw zet chuan ka ti thâm ṭiak a.




" Muphei lo mai la aw Bawihi, engtin mah ka ti lovang che, ka kuah lum che ang a, tui deuhin ka timu dawn che nia," ngen ngawl zet chuan a ti leh hram a.




Ka châk ve reng, a pangti lum ngheng a hahdam zeta mut sia sia chu.



" A nih chuan min khawih miah lo turin intiam phawt la," nui sak pah chuan ka en hâi a.



Buk nghauh pahin, " I duh ang chuan nirawh se," lawm hmel zet chuan a lo ti vat a.



Mut kawr ha tur paw'n ka inthlak peih tawh lo, rang zet chuan khumah ka lawn kai a, rizai hlimin ka siamṭha sawt sawt a, Tluangpuia pawh nghak tawh lo chuan ka inthawlh nghal thên.




Ka mu fel rang leh lutuk chu min lawm hmel zet a nui hakin, " I va phûr leh si ve," tih pahin a inphelh zui mawlh mawlh a.




Ka chhâng peih tawh lo, ka mutchhuak lutuk chu ka chhing zui hmak.



Khum hniam satah chuan a rawn lawn kai ve tih ka hre mai, ka zâm ru tak zet, min thlakhlelh ang tho a ka thlakhlelh ve avangin a bula mut ka chak ve tho sia, ka ring tawk bawk nen, ka hnial ta lo mai, a ruk tak chuan ka inthiam chiah lo.



Rizai keu kau in a rawn inthawlh ve sat sat a, ka lo muhil der tlat.




" Mut tui hmel tawh hle mai," ka muthilh rin loh hmel zet chuan nui hak a.




Chhang duh miah lo chuan ka mu ngawi tlat, ka zâm tak zet, a pangti lumin min rawn deh rual chuan ka lo îp chawi thei.




Lehlam ka hawi tlat avang chuan, "Ka lam i lo hawi dawn em? Nge, kha lam hawi kha i duh zawk?" a rawn ti vei sar sar a.




" Tikhan a nuam," ṭawng peih lo zet chuan zawitê in ka lo ti sep.




" I tihdan dan le," tih pahin ka kawngah a rawn kuah a, " Tui deuh khan i muhil dawn nia aw," a ti zui leh sap.



Chhâng zui chuang lo chuan ka lo bu nghauh, ka muthilh hma chuan ka pang khamin ka inlet vei thurh a, rang zet a min lo pawt hnaiin a bân min lukham tir a, a kut leh lam chuan min khuap deuh siin ka bek sam chu a chul niap niap a; naute awih taka min awiin a zai vei rat rat bawk, ka hmai chu a awma phumin thlamuang zet chuan ka muhil zui nghal siai siai.




Ka harh meuh chuan Tluangpuia a lo awm tawh lo, rang zetin banga sana intar chu ka en vat a, dar kua a lo ri kuau tawh. Kan rizai sin chu theh hlim tawkin ka insiamṭha mawlh mawlh a, mutbu vel thlep fel nghalin hmanhmawh zet chuan ka chhuak phei a.




An lo tho vek tawh hlawm ang chu tia, thlutthleng sei tinah chuan an lo la mu thluah hlawm chu niin.



Ka nu chuan eirawng a lo bawl malh malh a, " Mate, i lo tho tawh a nimaw, nizan in meng rei sia, i thawh peih pawh ka lo ring lova, eirawng pawh ka bawl zo a ni deuh mai," a ti chu, Nu, Tluangpuia te kha i bawl kep em? He ta ei nghal mai tur khan ka tia, thawh ka lo hai leh sia, a mah hi a tho tawh hrim hrim em?" Ka hawi kual vela ka hmuh mai loh avang chuan ka nu chu ka zawt nghal zat a.



" Aw, rel kep nghal e, ka tho kha an lo mu dul hlawm sia, tu tu nge an nih pawh ka hre hrang chuang lo a, an vaia ei turin ka rel nghal vek mai, Tluangpuia chu a thawhna ala rei lo, i lo thawh hma lawk khan a rawn tho a, bualinah ala awm a ni ang," tih pah chuan a thil tih lai chu a chhunzawm mawlh mawlh a.



" I van fel tak nu, anachang hi i hre ṭhin, khawi ka lo tihpui ang che," tih pahin a a thil râwt lai chu lak sak ka tum a, " A ngai lo, ka lo rawt ang e, hei arawt pawlh tur vel hi lo thian zawk rawh," tih pahin a dawhkana a thil chhawp rui lam chu a en zawk a.




Purun sen, Sawhthing, Bahkhawr, Bekang leh zawngṭah chu a lo chhawp vei rûi a.



Tluangpuia pawh inbual zo hlim tih hriat zetin ka towel hman lai ngei veng chuan bualin aṭang a lo chhuak a, nui sak pah chuan, "I mutui sia, dil lo chein i towel ka lo hmang leh tawp," inthlahrun hmel pawh lang chuang lo chuan, " Ka thawmhnaw hak tur min lo zawn la, kha chu nakinah ka tihpui dawn che nia," a ti zawm zat a.




Ka nu chu rawn tih tihin ka va en zawk a, " Va zawnsak la," a lo ti ve mai bawk a, ka kut chu sil fai sawk sawkin ka hru hul thuak a, ka pindan lam pan chuan ka kal zui nghal a, Tluangpuia paw'n ka hnungah min rawn zui ve bawk a.




" Eng nge i hak dawn?," tih pahin a thawmhnaw ka dahna chu ka hâi kual a, "Ṭha i tih tih kha a nimai, kekawrbul ho kha kawl i la neih chuan ka lo ha mai dawn em ni? Kawr kha chu a rem rem a ni leh mai, a ti sam et a.




" La kawl ang i la hakawm pawk ka hre lo," tih pahin kekawrbul chu ka zawng a, pahnih lo awmin pakhat zawk chu la chhuakin ka pe a, "Tikhan kawr ha lovin awm la nimai lawm, pawi vak em ni? i nalh zawk daih," tiin ka fiam vei zuk a.



Nuih hak pah chuan, " Min it deuh tihna em ni?"a ti daih chu, hawisawn vatin, "A teuh lo e a, i hak tur ka hriat loh vang alawm, ka kawr hi ka hak tir mai tur che asin a," ka lo ti vei hlak a.




" A pawi chuang hleinem lo la la, ka ha vei ṭêt ang a nimai lawm, naupang kawr hak pawh a khât alawm le!" nui hak hak paha a ti chu ka nuih aza kher mai; dik tak chuan kawr ha lova a awm hi hmuhnawm ka ti ru reng, en erawh ka enṭha ngam chuang lo thung.




A âwm bawr vel chu ka melh zawk a, nalh ka ti tih hi a hre tawh a, min intih theih khum ziah bawk, "Min it tih hi sawiṭha ve mai la, i zût châk tih pawh ka hre reng," nui sak pah chuan mi rawn hnaih hrut a.



Nui hakin, " Chutiang hun pawh a nih lo hi, ka nu'n rei min ti ang; i sawi dik alawm, a mâm han mai bawk sia, i áwm bak chu itna tur che erawh ka hre lo," tih pahin a âwm chu ka zût sak zauh ta tho a, mipa hi an áwmah hian thlamuanna a awm tlat alawm, kan lungngaih chang paw'n an awmah beia min hnem hi alawm kan thlakhlelh.




A inhak fel hnu chuan kan chhuak phei a, kan ṭhinte pawh an lo tho ve chiah hlawm a.



Mahlimi'n kan in zui phei min hmu chu, " In tho ve chiah alaw," nuih sawh hmel zet chuan min lo ti zawk zawmah chu, Tluangpuia ngahdan ni lo tih hriat zetin, "Tho phang hmel kan pu in i hria em? In mut thlurh thlurh chhung khan kan lo inbual fel dim diam tawh aw,' in la tho hma zet chuan a chhang let vat a.




" Ka awi lo e a, in bantlang zawk a ni tal ang," nui ṭhâ chung chuan ala ti hram.




"In tifel vat vat ula chaw kan ei dawn nia, kan thawhna a rei tawh sia, ril aṭam tawh teh a nia," ka ti vei al al chu min ei loh hmel hlawm kher mai, nuiri hak paha min fiam zuina pawh ngaihsak duh tawh lovin kan kal san zui a.




Ka nu chu kan va pui zui leh a, "Eng nge in duh zawng ka hre chiah lova in tih turin ka lo dah tawp, chawhmeh dang chu ka siam vek tawh a, ṭha in tih tih kha pawlh ula," a ti chu, "Tluangpui eng nge i duh, Bahkhawr leh zawngṭha em ni kan siam pawlh ang," keimah zawk chu ka nuih aza tawp, ka nu lah chuan ka ti tak tak emaw tiin, "Awmang lo lutuk, Zawngṭah leh bekang kha rawt pawlh ula a inhmeh zawk ang, purunsen, sawhthing leh bahkhawr kha Ar thin nen pawlh bawk ula, keiman ka lo ti mai lo a ni, in thiam hmel loh e mai," a ti nang nang chu za lutukin ka nui chiam a.




"Nu, ka fiamthu mai mai a nih kha, lo va hahdam tawh rawh, 'Tluangpui zawngṭah kha lo ziat la, heng ho hi ka lo ti dawn nia,' Tluangpuia'n Zawngṭah a ziah thiam chuan aṭha a nimai," Tluangpuia en pah chuan ka nui sak a.




"Engah chuan nge maw ka thiam lovang, min van ngai mawlmang reuh e, khawi a ziahna tur min pe la," tih pahin dawhkana zawngṭah chu a ban zui nghal a.




A ziahna tur ka pek hnu chuan a ziat nghal suah suah a, a ziat thiam phian zui, kei erawh zawngṭah ziah ai chuan ei loh mai thlang chi hi ka nia, ka ziat thiam lo bawk nen, a thlawha thawh fai tum chi hi ka nia, ka thlo khawk nasa thei lutuk a, ka nu phei chuan ka tih hi a phal ngai lo hrim hrim.



Tluangpuia'n a ziah zawh chuan, chanin Bekang leh hmarchamuh nen a lo pawlh nghal bawk a, Ar thin leh a bawlhlo vel ka siam chu ka lo chawh pawlh ve bawk a, kan tih zawh chuan mahni siam ve ve chu inchhuan hmel zetin kan infak hluai a.



" A rim chu ava tui ve, ril ati ṭam rawih thei alawm, in peih chuan ei vat ang u," hnar thum datin Sangzuala chuan a rawn ti ham ham a.



Mahlimi te pawh rawn lut phei zui nghalin, "Eh, thawibawi kan awm alaw, duh berte bulah chuan inlak pa viau a har a nih dawn hi, Officer meuh pawh eirelin avir ruai mai, thawhpuite bulah chuan inla lal ve viau awm siah," nui awr awr pawh chuan a rawn fiam lawng lawng a.




" A ṭuldan azir a nimai, nangni in mu tlat si a, kan tih mai loh nakah; tak takin in eitur siam hi alawm kan châk," a ti zui zat chu kan lo nui hak hak hlawm a.




"Engvakmah pawh kan tih tir lo aw, thaibawi zawng chuan lo ngai lo u la, hengte hi chu a hming lek, nakinah chuan aw..."sawi zawm duh lo chuan ka nui awr awr a.



Ka sawi tum chu hrethiam hlawmin, ka tih retheih an rin thu chuan min kâp zui nak nak hlawm a.




kan chawei kham hnu chuan rei pawh awm lovin inkhawm ve ngei an duh avang chuan insiam turin min hawsan hlawm a.




Kimtei nen pawh chuan kan insiam zui ve nghal mawlh mawlh a; ka nu leh pa leh ka nau erawh chu kan thleng seng fel chhung khan lo insiam fel diamin an kal dêr tawh bawk.




Kan inpeih ṭep tih chuan Tluangpuiate unau pawh an lo thleng fel leh diam tawh, mipa hi chuan insiam vel chu an awlsam teh e.




Mas kawr thar duhthusama kan ṭhui ngei mai chu kan ha ve ve a, Duhtawka kan insiam zawh hnu chuan kan chhuak pei a, Tluangpuiate pahnih nalh lutuk tak maia inthuam lo ṭhudun ral ka hmu chu ka meng phawk hraw thei an inang tak zet, an chhe lovin an inchei nalh tak zet, rang zeta ka phone phawrhin thlâ ka laksak zui a, " Status atan hmang hmak teh ang," nui ar ar paha tiin ka up zui nghal hmiah.




"Ka duh ve tho a nia," Hmingsanga nena rawn in zui lutin Mahlimi chuan arawn ti lut nghal lawng lawng a.




" Kan vaia lang thei turin la law law ang u," Sangzuala chuan a lo ti vat a.




Kal lak zawh chuan Sangzuala leh Mahlimi chu an han in selfie zui nghal zat bawk a, Tluangpuia paw'n, "Tive ila," tih paha min kuahin a hmet zui nghal a, a phone lak sakin ka en chiang chu, "Ka lang chhe emai tiṭha leh ang," lungawi chiah lo chuan ka phun hlak a.




"I lanṭhat ém kha, a bak chu hmelin a zir angai ve bawk," nui hak hak pahin Tluangpuia chuan min fiam zui a.



"A, ka lan dan kha a ṭha chiah lo, tihpahin ka va hnaih hrut, "A nih chuan ka bek hi rawn si rawh, sexy deuhin min en bawk la," uang zeta a ti chu, "Chutiang ka duh kher lo," ka lo ti thuai.




"A nih chuan ka lakpui peih lo che, zei lo deuh chu ka mualpho pui duh lo," nuihza insum tak chuan a ti leh kher ah.



"A duhang chuan lakpui ve mai teh, i zei lo thei emai, hmanhmawh bawk ula. Hei, dâr a rik dêr tawh hi,"Kimtei chuan a lo ti ve bawk a.




Min rawn kuah zui zat pahin a biang chuan ka bek arawn sik tir a, "Min melh rawh le," a tih rual chuan nui hakin ka melh zui ve mai bawk a, a hmeh zawh rual chuan en nghalin, " A fuh lutuk, i langṭha hle bawk," a ti nghal ruai a, a phone ken lai chu pawt thlain ka en ve nghal a, kan lang fuh reuh lutuk chu ka nui chhuak hawk hawk, kan in en dun lai tak a lo click fuh bawk nen, " Tlangzarh chi a ni lo a nia, dahṭhat chi aw," tih pahin a phone chu ka pe zui nghal a.




" Ka thei ang emaw chu, dah mai mai atan chuan a uiawm alawm le," tih paha min melh zeuhin a nuiri hak a.




Inkhawm tur chuan kan in zui chhuak dam dam a, khawlaia kan tawh apiang chuan mit tla lek lovin min en zui dauh dauh hlawm a, tiang hian kan kal ho khât ve êm bawk a, Tluangpuia phei chu hna lamah a buai ṭhin em avang chuan inkhawm hman loh châng a ngah, he tiang hian kan inzui khat ve bawk a, min hmutu apiangin min thlir leh hmuhnawm tih hmel tak a min en pawh aâwm ve tho mai, kan naupan lai paw'n nula tlangval in ngaizawng kal dun hi hmuh nawm ti taka kan tlir doh doh ṭhin ve tho kha maw.




Inkhawm bânah Tluangpuia'n an in lamah phei ve thung a rawt avang chuan kan inthlak min nghak a, Mahlimi pawh ka thawmhnaw ha in a inthlak ve nghal a, Hmingsanga erawh a hak ang ang chuan a lo awm ve tawp, a ni hi chu a awsam a, inkhawm dress pawh lên nana hman zui mai theih chi, a inchei teh vuk ngai lo bawk.




Tluangpuiate in kan thleng chu, rinai takin an chefel tih ka hmu thiam nghal, kan in kawpna a rei ve tawh achu ka leng ngai meuh lo, chawhmeh vel pek paha ka lut kâwi zawk tih loh chu ahranpa hian ka la lut eih lo, bialpa te ina kal daw daw hi ka nu hian a phal tlat lova, keimah pawh hian ka duh lo ve hrim hrim bawk.



Mipa ve ve nisi hian an chhuat leh bungbel velte chu a fai sar vek a, thil reng reng a awmna tur takah a awm vek tih hriat zetin a inrem fel fai em em mai bawk si, ka mak ti chuan, "Tu zawk hian nge inchhung hi enkawl che u? ka rin aiin in che fel phian a," nui sâng pah chuan ka zawt tawp.




Rang zeta rawn ṭawngin Sangzuala chuan, "Keimah hi ka nimai alawm," a âwm beng dat pah chuan a nui hawk hawk a.



Ei loh hmel zeta ner nawngin Tluangpuia chuan " Tuman an awi chuang lovang," a lo ti sup.



An inchhãn dan aṭang chuan a titu turawm chu ka hre mai,Tluangpuia chu emin ka nui ver ver a, "Nupui neih hnuah pawh he tianga chet fel ziah tur," ka ti zui fahran chu Kimtei nuih a lo za ngang mai, "U Tluangpui, Ophel-i hian tih tir che ava tum hmel che ve, kei chu kan pa hi inchhung chet velah chuan ka phût dawn lo hrim hrim," nui ar ar pah chuan a lo ti vei al al a.



Mahlimi pawh lo phûr ngang mai, "Fa an neih hunah pawh nau ek thlengin mawle a sûk dawn ni, ka khawngaih lawk khawp mai mai," tiin Tluangpuia chu a fiam zawm leh zat a.



Tluangpuia lah chuan, "A ṭul phawt chuan ka ti hreh miah lo," min melh zak pah chuan a nui khi sak a.




" In ngaihtuah thui mah mah, hmalam hun an sawi lawk chiam ngai lo, hma hun tur pawh kan hriat loh hi, kan innei kher ang em pawh a hriat miah loh a nia," ka ti zui hlak a.



Hmingsanga pawh lo ṭawng vein, "Mipa nih vanga nupuite rin vek hi aṭha ber chuang lo mawle, hmanlai nun ang kal pui reng leh ngaihdan neih tlat hi chhungkua leh nupa in rem lohna bul mawle, chhungkaw ṭan rual hi a ṭha ber, nupuite thuhnuaia kun ta viaua inngaihna hi chu paih daih tur," a lo tive nasa mai, a ni leh ni lo, a sawiṭha phian hi ka ti khawpah.





" Hmingsang, khawi aṭanga lo chhuak nge ni ngai i van sawi ṭha tehlul e," ka ti nghal thuai.




"Khawi aṭang vak angai hlei nem, engkim hi nangmah aṭanga ka hriat leh ka zir chawp ve mai a nih hi," a ti bei ngial chu ka run kher mai, chhang zui ta lo chuan ka lo ner nâng ringawt; a sawi hi a sikna chen pawh awm, thil nihphung hi ka hrilh hnem ve thawkhat bawk a, hma pawh sawnin a nungchang buluk lutukte kha a paih tawh em asin.




Nizan kan mu tlem hlawm bawk nen ṭhu tung peih apui pawh kan awm lo, ṭhutthleng seiah chuan kan mu zel zul hlawm a.



"I mut a chhuak viau achu Bawihi, thingpui va lum lawk ila, a hmeh tur chu lamsa ka dah ṭeuh, kan in eipuar zawhah kan muhil hlawm zawk dawn nia," Tluangpuia'n a tih takah chuan thoin ka zui nghal a.




Thingpuia'n bêl leh a bawlhlo awmna engkim min hrilh hnu chuan ka che zui nghal mawlh mawlh a, Gas-ah ka chhuang kai chiah, ka kal sawn leh hma chuan ka hnungah min si chêta lo dingin ka kawngah a rawn dawm chat a.

[Ngaia]

KA HMEICHHIA



CHAPTER- 24


BY; NUTEI VARTE



Ka beng bula rawn thaw lum ham hamin, Bawihi, tihian awm hlen tawh mai la, he ta din hi i inhmeh lutuk, i thingpui lum lai ringawt pawh ka en kham thei dawn lo che, kan inchhung hi rawn luah lumin ka rawng min bawlsak tawh la ka ti tak zet," zâwi si ka bengah erawh ring siin min kuah nghet salh pah chuan a rawn ti sar sar a.




A pang tilumin min deh ruala ka zâm nasa thei lutuk leh ka khûr ve ziah hi ka ning thlawt, a hriat hlau zet chuan ka in sum ve nasa ṭhin, awmzia erawh a awm meuh lo.



Ka taksa chhungril khur ru dar dar chu hrethiamin a lam hawi chuan min pawt her hretin a nui sak a, " min thlahlel ve tho tiraw? tih pah chuan a bekin ka biang a nawr nêt nét a, lo nui ve seihin, " Ve tho e," ka ti sap.




" Ve tho ringawt maw? A nih leh min thlahlel ve tho em, i bula awmreng ka chak ang chiah hian?" Pangchang aw zet chuan a rawn ti leh thâm ṭiak a.




" Aw, a vaiin i zawhna zawng kha ka châk vek, hun erawh ka la mamawh belh," ka sawi laklawh lai chu lo pawt chatin, " Hun i tih hi engtik tak ni ang maw, inpeih tak tak hi a awm thei lo a nia, kan innghah rei poh leh hmeichhia hi chuan an huphurh ting mai a nia, nangpawh hian inpeih tih tak tak i nei dawn lo, tih tawp hi a nimai, ka duh dan chuan kum thar lam hi tinzawn ila ka ti a, i rilru pawh lo buatsaih láwk la, ka pi mawlh hian min tur nasa ve tawh bawk nen," a ti chu ka lo nui hak, sawi mai tur pawh hre lo chuan ka ngawi hlek a.




" I ngaihtuahna lo hmang la, tunah chuan min chhâng duh lêm suh, sawi tur pawh i hriat dêr loh kha," a mah zawk chu a nui zui hak hak a.



" In va rei ve kan muthilh san mai dawn che u a nia, lum zawh tih in nei dawn lo," Mahlimi chu rawn auin a arawn ti lawng lawng a.




Kan thingpui lum so bawrh bawrh lam chu enin kan nui tawp.A lo so kang lo deuh chauh, siam zui mawlh mawlhin ka chawi phei a, a hmeh tur kengin Tluangpua'n min rawn zui nghal bawk a.




"In va lum rei em em bawk ve mawle, în tlakah pawh in chhuah meuh emaw ni? Muthilh dawn a nimang si lo mut chhuak ṭeuhin kan nghak ve em em che u a," mut chhuah hmel zeta hâm bai bai pahin minlo ân khum leh hlak hlak a, Tluangpuia nen in enin kan nui hak hak.



" An Gas a lo chak lo lutuk a, in nghakhlel tawh sia, a so hma hmain asin ka rawn ken phei," ka ti chu awi loh hmel zetin Sangzuala chuan, "Kan Gas hi engtik lai aṭang khan nge achak tâk loh, nichin lawk aṭang khan a ni ang a, tiraw Mahlim," tih el tih hriat zet chuan a nui zui hawk hawk bawk a.





Tifuh inti lo zet chuan ka nui hâi a, Tluangpuia lo ṭawng vatin, "A zo dawn tawh te pawh a nimahna," a rawn ti hram chu za zet chuan ka nui chhuak leh hawk hawk.



Mahlimi chuan, "Dawt sawi hi chu i zei lo ve ngawt mai, sawi ve tawh lo mai teh, ngaihna awm lo," tih pah chuan a thingpui ken chu a în zui zat a.




Kan mu sak ang a, tlaiah hetah chaw kan ei vek mai dawn nia, "Tluangpuia chuan a ti zui leh a. Mahlimi pek chuan, " Pawi hleinem, pa hovin ei in rel ve thung bawk ang a," a lo ti sam êt bawk a.





" Kei chuan ka ei ve lo mai ang, haw a inbualte ka duh, tlâiah ka nu u te chhungkuain chaw lo ei phei an tum a, chhungkaw kima chaweite kha an ti leh kherawm si," Hmingsanga chuan a ti zui nang nang a.




" I tel lo paw'n an ei thei tho ang, hetah eiho zawk ang u, kan kim loh ten a nuam nang," ka lo ti vat a.




"Ka tel lovin nuam in ti zawk ang," a lo ti ve leh chu, Sangzuala lo ṭawng vatin, " I tel loh chuan a nuam nang mai mai a, bakah ei relte pawh a ngaih hmel hi, kan hmeichhe ho hian rel an tum hmel si loh," nui zui hak hak pah chuan a lo ti ve bawk a.




Rei lo tê ka muhil emaw ka tia, thawm ri rak rak chuan min tiharhin sana ka'n en chu dar li a lo pel hret, 'Ka va muhil rei e,' ti nang nang pah chuan choka lam ka pan zui nghal a, Tluangpuia eirawng lo bawl mawlh mawlh ka hmu chu ka nui tawp.



"Ti nge min kaihthawh loh, a zia lo emai," a lam pana pheiin ka ti nghal tâwng.




" In mutui êm a, ka kai tho hreh che u, tak takah a harsa lo e mai, hei ka zo a ni deuh der tawh alawm ," hlim hmel zet chuan a lo ti vei sâng a.




"Tiangte chuan kan ei puar ngam nang," ka ti zui leh nang nang chu angaihdan nih hmel loh zeta ner nangin, Lo va mu leh rawh ka peih hunah ka rawn kaitho dawn che u nia," nui zui hak hak pah chuan ala ti hram.



"Min ti duhdah viau suh," tih pah chuan ka pui zui nghal mawlh mawlh a.




Kan peih hma hret chuan kan ṭhiante pawh an rawn tho chuak ve sap sap a, Hmingsanga erawh a lo haw daih tawh chu niin.




"In nupa chiahin alaw ei in lo rel a, min kaihthawh ve mai tur che u a nia, ava nuam chiah lo ve!" inthlahrum hmel pawh pu chuang lovin Mahlimi chuan a rawn ti vei lang lang a.



"Rel tir i hlauh êm kha maw tirawTluangpui," tih pah chuan Tluangpuia chu ka va melh zawk a.




"Ni ngawt mai, mut hnem loh kha a hlau ve êm! kaihthawh kha a ngamawm loh hrim hrim, a'n la hnar nasa em em zui leh ta nghal ah," nui duh miah lo chuan a lo ti zawm zat a.




Mahlimi chu za lutuk a rawn nui chhuak chiamin, "A awiawm loh lutuk, dawt chiang lutuk hi sawi kher suh, Laltluang, vawite khat pawh ka la hnar ri chhin ngai eih lo aw," thinrim deuh nuihza bawk si chuan a ti vei al al a.




" Ania lawm mawle, Ophel-i paw'n a hrechiang khawp ang, kan lo nuih vak vak che mawle, ṭhiante thawh hma a tho vat chi i nih kha, azia lo emai," ala ti zui hram chu Mahlimi ngaihdan ni lo lutuk nuihza bawk si chuan, "Laltluang ek, misualpa i van dawheh tak," tih pahin nui hawr hawr pah chuan a hnungah a ben sak dawm dawm a.




Sangzuala leh Kimtei nen chuan kan lo nui ṭhâ a, " A bul hnaia mu ber paw'n thawm ka hre lo chu a nia," Mahlimi thlavang hauh hmel zetin Sangzuala chuan rawn ti leh hnu hnawh a.




"Nang phei phei hrechi zia zang i ni hleinem, Mahlimi ai mahin i hnar ring a nia, lo inṭan tum reng reng suh u, kan hrechiang lutuk che u," ka lo ti let vat a, an mahni pawh an inringhlel lek lek hial, Tluangpuia nen chuan nui duh miah lovin kan puh lui tlat sia.



Mahlimi chuan Sangzuala enin, "Tak tak amawn le!" inrinhlelh hmel deuh si chuan a zâwt ha a.



Tluangpuia nen chuan za lutuka kan nuih chuah tak hawk hawkah chuan kan bawl mai mai a ni tih hrethiamin a nuih za berah an la ṭang zui, "Tak tak emaw kan tihman alawm in chhe dun lutuk," Mahlimi nuihza bawk si chuan a ti zui hlak hlak a.




" Chawei siam rawh u le, a seng fel leh nen in hna a ni ve thung ang, keini chu kan lo awm mai mai tawh dawn," inti ei rêl zet chuan ka ti vei ngial a.Tluangpuia rêl vek a ni tih an hre tlat lova, ka nuihza chu ka insum nasa mai. An pathum chuan an siam ve mai bawkah.




Kan chawei lai chuan Hmingthani ṭhiannu hmân zana kan ina a rawn kalpui Hlui chu kawngkharah rawn dak zuauin, "In va ei nasa hlawm ve, rawn luh pawh tum chuang lo chuan a rawn ti lang lang a.




Kan ei lo deuh nge tuman chhang tange ti mai lo chuan ngawi ṭhapa kan in en hnuah, Tluangpuia'n "Ni e, rawn ei ve rawh. Hei, kan siam ṭeuh mai," a lo tiṭhave mai bawk a.





" Ka ei lo mai ang e, min sawma ka lawm tho, nuam in ti lo palh ang, thawm reh ṭhiap ṭhin kha in ri laih laih sia tutu nge awm ka rawn en mai mai mawle, nuam in tih hmel sia ka kalsan mai ang che u, remchangah kan la rawn kal leh dawn nia," a ṭawngkam hman duh dan chu ka ei lo kher mai; an inpawh hmel em em leh nghal.





A kal hnu chuan Tluangpuia enin, "In va inpawh hmel ve a, an rawn kal fo tihna em ni?" Ngaihṭhat hmel vak lo chuan ka zawt hâ a.





"Kal fo hran love," a ti duh lek, "Kal fo a niang in inpawh hmel bakah a nel hmel che emai, 'Kan rawn kal leh ang,' a tih danah ahriat mai alawm," ka la ti zui hram, an zaktheih lo ropui sia an kal fo hi ka rin rukna arei tawh, ka zawt duh lem lo mai pawhah.





Min chhân zui tak loh avang chuan ka lungawi lo ru kher mai, ngawi renga chaw ei mial mialin ka khawm san daih.




Kan haw hnu chuan tluangpuiate rawn leng leh mai turah ka ngai a, inkhawm tur paw'n min rawn sawm bawk si lo, Inkhawm bân dar kua a pelh thleng pawh chuan rawn lan tih reng a awm thei chuang lo chu ka thin arim deuh bûr tawh, a chanchin zawh tum chuan ka phone chu ka zawng a, ka hmu mai lo lehnghal, ka bag- ah a awm ringin ka va en leh a ka hmu chuang lo, ka dahna tur âwm ang ka ngaihtuah ngial paw'n ka hrechuak zo lo reng reng.




Kimtei chu auin ka phone a hmuh leh hmuh loh ka zawt a, a ni pawh chuan a hmuh loh thuin min chhâng bawk si, ka che buai tak zet, ka khum velte chu ka zawng kual leh chiam a, hmun hran hran ka zawn hnu pawh chuan ka hmu mai bawk si lo, Kimtei phone aṭang ka call chhin a, a ring char char, picup tu awm lovin a ring ral ṭhak bawk si.



Ka dahna hrechhuak thutin ka ṭe ṭhat a, "Eng ngeni vak a," Kimtei mak ti chuan min en hû a, " Tluangpuiate inah ka theihnghilh daih alawm, ka van hrechhuak har tak, Tluangpuia'n a lo check hrim hrim, thil pawi phei chu a awm miah lo, a huat tur tawk erawh a awm maithei bawk, mangang zet chuan ka ti zuai raih a.



"Kimte, min va lakpui lawk la, a thuhrimah eng nge maw a hriat reng rengni zanin hi rawn kal pawh a tum miah lo, a rawn kal pahin lo keng se nitur a nia, kal ka chak vak lo asin le!" ka ti zui leh nang nang a.





" A vawt emai nangmahin va la mai rawh, ka chhuak peih lo e," Kimtei lah chu peih loh tih hriat zetin a lo ner nang a.




" Inhak belh la min kalpui hram teh, keimah chuan ka kal ngam lo," ngen ngawl zet chuan ka ti nawn leh a.




" Dawi ve bawk sia maw, a nih leh min lo nghak lawk rawh, ka inha lum tho achu puannuam ka la sin tho dawn ka va la lawk ang e," tih pah chuan a kal zui nghal a.




Kimtei lo chhuah ve leh hmanhmawh zetin Tluangpuiate in lam pan chuan kan kal nghal hlawk hlawk, a vawt bawk a kal lum deuh tum chuan kan kal chak kher mai.




Tluangpuiate in kan va thleng chu a lo reh vei ṭhiap, kawngka inkalh loh dan aṭang in chhungah awm an awm tih erawh a hriat, a thim deuh kup a, pindan lam tukverh aṭang eng a rawn chhuak rial bawk a.




Kan luh hma chuan pawn lam hawi kualin Sangzuala Bike a awm lo tih ka hmu a, Tluangpuia Motor erawh a in hûng fel thlap thung.




Kawngka kik dat dat pah chuan ka pawt pah deuh zauh a, chhunglamah a inkalh tih ka hre nghal, "Eng vanga kalh kher nge maw a nih le, Sangzuala leng pawh ala haw der si lo," mak ti zet chuan ka ti hluk a.




Kik nawn leh in ka sâwi zui dat dat bawk a, thawm ngaithla pahin ka chawl dat a, thawm riva ka hriat mai loh avang chuan ka thinrim ru ṭeuh tawh, a muthilh chu ka ring chiah bawk si lo; Kimtei pawh chuan a áu ve mawlh mawl bawk a.




Kik nawn leh ka tum chiah chu Tluangpuia room lam aṭanga thawm rirak ka hriat avang chuan kik nawn leh ta lo chuan ka chawl dat a, thawm ngaithla chuan kan ngawi reng a, eng thawm mah a awm zui leh tak si lovah chuan ka ngaih aṭha lo telh telh, ngaihtuahna mak pui pui ngaihtuah zuiin rinhlelhna ramah ka cheng a ni tawp.




Na zeta kawngka chhir ri dawp dawpin Tluangpuia chu ka au chiam a, "Rawn hawng vat rawh, nangmah chiah i ni lo tih ka hria a nia,' thinrim zet chuan ka ti zui chiam a.




Kawngka bul mai aṭang chuan, "Let leh zawk rawh u, naktuk lamah kan inhmu dawn nia," Tluangpuia ngei mai chuan a rawn ti.




Ka thinrim zual sauh, "Eng chen nge kha tah i awm tawh, kan awm tih hrerengin ngawi rengin i lo ding amaw, engvang chuan nge kan lêt ang a, an haw leh nachhan tur ka hre lo, eng nge hlauhthawn tur i neih, hawng vat mai rawh, i hawn hma chu kan let lovang," ka ti tawn tawn a.



" In lo luh loh aṭha ka tih chuan ṭha tak khan let leh mai rawh u," a rawn ti chang leh fak.




"Eng nge aṭhatna chhan tur ka hre ve lo, hawng vat rawh, ka phone rawn lak kan tum mai a nia, kan rawn luh i phal loh chhan tur ka hre lo, i hawn hma chu kan let chuang lovang, ka ti mai mai lo a nia," luhlul tih hriat zet chuan ka ti nawn leh a.



" I thu thu le, in peih chen chen in awm thei ang," tih hmak pah chuan a kawlsawnri chuan a zui nghal a.



Eng hinge maw a hriat reuh le, thinrim zet chuan ka au zui ngheng a, "Min hawn duh loh chhan ka hre duh, ti ringawt chuan min awm tir thei lovang Tluangpui, rawn hawng rawh, kan inkar tawp i duh chuan i thu, a leh pek a awm tawh lovang, ka luhlul zia pawh i hriat kha, kan kal dawn nge i rawn hawng dawn?" thinrim vanga aw khur hlak hlak chuan ka ti nawn chiam leh a.




Ṭawng zui tawh lovin kal pawh tum chuang lo chuan kan ding ngawi reng a. In chhung lamah pawh thawm hriat zui tur awm tawh lo chuan areh zui tlawk tlawk, Kimtei chuan, "Ophel kal mai ang," a ti zawi sap a, chhang lo chuan ngawi rengin ka ding mawl tawp.




Ka ngaihtuahna a kal thui kher mai, engvanga hawng duh lo nge a nih tih hi, ka phone a lo check ang a, a thinrimna tur a awm ngeni a, inchhungah kan hmuh thiang lo tu emaw a tawm pui zawk, a ni thei lo chutiang a ti thei lovang, ka ngaihtuahna vang chuan ka bing pup pup thei; a khum vawikhat pawh ka la deh lohna ah tu emaw a awmpui tur a ka ngaihtuah ringawt paw'n ka na lutuk hi ka â thei mai dawnin ka hria, nizan maia min tih nawmdan leh min duat anga hmeiche dang a ti kual vel tura ka hisap ringawt paw'n ka thinlung hi vih ang maiin ana, ka lo inkhawih tir ta kha ka inchhir hle bawk, thikthu chhiatna in ka khah phah.




Inti paukhauh luiin, ' Ka tuar chhuak thei khawp ang, a duhdan chuan awm rawh se kal ang Kimte,' ka ti zui nang nang a.




"Kan inkar pawh zanin aṭang a tawp nghal ang, vawikhat pawh ka hmel rawn hmuh tum tawh suh ang che, eng ang paw'n insawifiah tum sateh mah la i thusawi ngaihthlakin awm tawh lovang, tlâwm taka helai hmuna ding reng tur hian ka inphal bik hleinem i in chhung a ni a, lo luh i phal loh chuan ka tilui lul lovang che kawngka min hawnsak duh lo tu inah luh luih ka tum bik lo," a hriat phak tawk tur vela ring chuan ti lehin kal tum chuan ka inher zui a.




Kawngka ri rak thawmah chuan ka ding dat a, hawilet chuang lo chuan kal zui leh tum chuan ka pen zui leh a, "Lo ding teh," tih paha a rawn pen phei pawk pawk chu ka mit sir chuan hmu mah ila din ka tum eih lo, kha leh chen ka nghak tawh, min luh tir turin vawi eng emaw zat ka au, tlâwm leh zak takin pâwn khawvawtah min din tir hnu ah tuna ding tura in tih leh kha, ka thinrim tur angin ka thinrim vek tawh.




Ding duh lo chuan ka kal lui ngat ngat, thui erawh ka kal hman lo, ka bânah vuanin min pawt her làwp, "Eng kawng pawh thlang ila kan inkar tihtawp i tum dawn tho tho, i duh chuan lo lut rawh u," ti chang fak pah chuan min pawt lêt nghal dawr dawr a.




" Ka duh tawh lo, kha leh chen kan nghak che a, luh phal lo tu inah hian ka lut lovang Kimtei kha ka phone pe la kan kal ang, min thlah rang rawh," thinrim zet chuan ka tâl zui chiam a.





Min chhân eih pawh tum chuang lo chuan hneh zetin min pawt kal zawt zawt tho, Kimtei chuan kan hnungah min lo zui ve bawk a.



Kawngka hawn ṭhuai pah chuan, "Engpawh hmu la thinrim thei i ni bik lo tih hria ang che," ti ram hmakin a pindan lamah chuan min pawt phei zui dawt dawt a.