BEISEINA IN BY Mpi Hmar Godfrey (Completed)

[Ngaia]

Bena chuan kan inkar khi chat mek chu chhem alh leh tumin tan ala na sa hle mai a, in ah tak chuan a rawn leng lo na in min rawn be deuh reng thin a, ka hmangaih tawh loh vang lam nilo in a mizia ah huat em em ka nei a, thu dik engmah hre hmasa lo a thinrimna a zawng chiam thin hi ani, chuvang chuan han in hlat deuh pawh chu pawi tihna ka nei lo.

Mahse a mawi tawk chuan ka chhang ve zel a, beiseina sang tak erawh chu ka siam sak duh lem lo a.

Chutia nuthlawi dawr kai te ka lo nih takah chuan ka dawra rawn leng lut ve thin, kuhva te, panhnah roll min han pui bawrh bawrh tu tlangval inleng te pawh ka nei ve a, ka Khawhar te pawh an hnem viau thin mai.

Chutianga kan awm ve mek zel lai chuan bena chu a awm thei tawh lo ani mahna, zankhat chu a rawn lang ta hlawl mai a.

Ka dawr ah chuan ka thian tlangval fel tak tak te nen kan lo thu a, titi bawrh bawrh pah chuan kuhva te min thel pui bawk a, sertawk tui em em in kan bawl a, kan lo ei dawn chiah a.

Ka dawr kawtah chuan a bike a dah a, a rawn lut ve ta a, ka bulah chuan Ngawirengin a rawn thu a, ka thiante erawh an titi ngaiin an ti ti reng thung a.

Bena chuan min be ru deuh sap reng a, min treat dan leh min biak dan velah chuan mi a nileng lo tan chuan han awm ve reng a nuam chiah lo ani mah na, bena rawn lan atang a reivak lo ah chuan chhuan lam fahrah te te siamin an chhuak bo ta hlawm a.

Fiamthu deuh, mei nei tak si hian.

Inleng inei chhe lo bawk a, biak har awm reng ilo ni.

Bena, ka hne ania kei chu, thil reng reng a lawk zawng leh engemaw zawnga lak zel hi ka kham a, zalen taka hlim taka awm hi ka duh ber, min phuar tlat tu awm hi ka peih lo, i mizia ila sim lo hle mai, ka ti thei lo teh ania aw.

A ngawi reng a, min chhang eih lo, chutia ka hrilh tak hnu chuan pangai takin a awm chhun zawm ve mai a.

Zan dar kua velah dawr ka khar a, a haw ve mai turah ka ngai a, in lamah chuan min zui lut leh ta zel zawk a.

Ka in tifai a, thawmhnaw te ka in thlak fel zawh hnu chuan thingpui ka lum a, kan pahnih a in tur chu ka chawi phei a, sitting room ah chuan tv en pahin kan thu dun a.

Avan lunglen thlak ve aw, tianga thingpui kan in dunna loh na pawh a rei ta hle mai ti raw.

A rei vak ami, hun hi aliam duak duak a, rei pawh ka lo ti hleinem tiin ka chhang daih a.

Ivan sual thiam reuh tak aw a ti vawng vawng a.

Misual lakah chuan ka sual thiam ve alawm, mifel laka fel dan pawh ka thiam.

Maruat, tha deuhin thil sawi teh ang, a thinrim ang zawngin lo la kawi zel lo la aw.

Ka lakawi pawh ani lo, i mize mil ang tawk zelin nia ka chhan che.

A hmel ah chuan hreawm tihna leh inthlahrunna nasa tak ka hmu a, mahse zirtirna tam tak hi pek a, hrilh hriat hi angai em ani.

Kan ngawi deuh vang vang a.

A ipte a dap rak rak a.

Enge atih dawn le tiin ka lo ngaichang ve reng a.

Bawm te reuh te mai hi a rawn phawrh chhuak a.

Bawihi, kan inkar hi tih that leh ka duh a, hreawm nasa tak ka thlen che ani tih ka hria, tul lo ah ka ringhlel fo che a, ka thinrim ka insum hman lo fo thin, mahse vawiin thlengin ka tan rinawm takin i awm ani tih hi ka hrechiang zel a, ka nun dan tha lo zawng zawng pawh sim turin ka in tiam ani, khawngaih in min ngaidam hram rawh, tun chinah chuan harsatna engmah ka siam tawh lo ang che a ti zuai raih a.

Ka ngawih deuh dat a.

Maruat khawngaih in.

I rilru thlak lo hram ang che aw, nang chan ai chuan khawvel chhuahsan pawh ka duh zawk hial ang, i duh dan ang zelin ka awm tawh ang.

A thutak em em a, ka chhan duh lawk loh avang chuan a mangang a, a tap lo chauh ani ber.

Ka khaawngaih viau mai, ni e, min hmangaih em vanga ka laka thikthu chhia a ni alawm, ka dem hran bik lo e.

A kut ah ka chelh a, ben ngaihdam na chhan tur che engmah ka nei hleinem, englai pawhin ka ngaidam reng che a, ka hmangaih ber ini reng fo alawm ka tih rual chuan nghet fahranin min kuah nghal vawng vawng a, kei pawh chuan ka lo kuah let ve vawng vawng bawk a.

Engemaw chen hnu ah chuan insi deuh rialin kan thu a, a bawmte hum lai chu a hawng a.

Bawihi, he zungbun hi kan inkar a hmangaihna azual zel theih nan leh ka nupui hual ini tih lantir nan aw tiin ka kut tang chu ala a, min buntir ta a.

Zungbun nalh tak ani, a man pawh a tlawm lem lo khawp ang.

Kan boruak te ahan that leh tak ah chuan tha takin thil kan sawi dun a, a awmdana ka duh loh em em te, sim tura ka duh em em te pawh ka hrilh vek a, keimaha a duh khawp loh laite pawh chu min hrilh ve bawk a, engkimah inrintawnna nen insiam tha tur chuan kan intiam ta bawk a.


Ka fanu chungchang engkim ka hrilh a, hruai ka tum dan te, thil ka ruahman mek dan te pawh ka hrilh bawk a, min phurpui ve viau a, theih tawp min chhuahpui a tum bawk.

Maruat, inneih lam te hi ngaihtuah ve tan tawh ila atha ang a, inneih har lutuk pawh hi karah buaina neuh neuh atam thin a, tianga awm reng hi ka duh vak tawh lo.

Nia tiraw, a that rualin ka fanu ka lak kir theih hma chu ka thei lo ani, ka fanu ka hnena a awm hunah chuan innei pawh ni ila a pawi lo a, ka hruai hma a ka neih chuan hruai an phal dawn lo a.

Nia tiraw, hruai phawt ila, kan la ngaihtuah dawnnia aw.

Tehreng mai, anih kan inneih hnu ah ka fanu hi hnawk iti angem?

Teuh lo mai, ka duat viau ang.

Iduat meuh ang maw? Mahni hrin loh te hi sawi ang mai hi a ni dawn miah lo ania.

Bawihi, lungngai suh, naupang rilru thianghlim chungah ka sual thei lo, chu mi kawngah chuan harsatna engmah ka siam lo tawp ang.

Rin aiin alo tlai leh tawh viau mai a, dar sawm leh a chanve alo ri leh ta kuau mai.

Ka chau deuh a, ka ham ka ham a, nuam ati chiah lo ani mahna, min haw san ta a, kei pawh chu ka muhil ta nghal bawk a.

Thla thum hnu ah chuan.

Zankhat chu ka fanu nu nen chuan kan in chat leh a.

Zan dangah pawh kan inbe fo a, thil pawh kan sawidun na sa viau a, mahse ka inveng na sa em em a, a chhungte ka relpui duh hauh lo.

Chumi zan chuan ka fanu chu a hrin loh fa anih avanga a hauh hlek an huat thu te, hmangaih lo anga an ngaih thu te chu min hrilh a.

Maruat, hreawm ka ti ngawih ngawih, ka haw mai dawn em ni tiin ka in ngaihtuah nasa mai.

Bawihtei hi ka hrin chu ani lo ngei a, mahse theihtawpin ka enkawl ve a, dem bak ka hlawh chuang silo, a hreawm ka ti emai.

A nih chu mawle, avan zialo ve aw, ni e mi ngaihdan ah chuan ihauh hlek emaw, ilo buak chang pawhin i sual vangah an puh fo ang che, hei hi nuhrawn chan ani ve tlat a, engtin nge ni ang aw?

Ka lo awmpui mai dawn em ni ang?

Chu chu atha ber a, ka tan pawh a hreawm ve lutuk a, hringtu nu ngei bula awm tluk chu a awmlo mawle.

Ka game a hlawhtling dawn niin ka hria a, ka hlim kher mai.

Engtin nge ni ang Maruat, ruahmanna min han siam pui teh.

Awle, tihian iti dawnnia aw, in pa bulah, i fanu hi engtin pawh enkawl ila fak ka hlawh chuang lo a, demna bak hmuh let ka nei lo, chuvangin a nu bulah dah ang, a nu ala dam reng a, anu pawhin q ngai em em a, awmpui a duh ngawih ngawih a, kan nupa kar achhiat phah mai dawn, ral atang hian in buaipui ila, fak ka hlawh zawk ang, anih loh chuan keimah zawk ka chhuak mai ang tiin in pa ikar dawnnia.

Awle, tehreng mai, ka lawm lutuk, chanchin kan inhrilh zel dawnnia aw, mahse ka rawn biak hmasak loh che chuan min rawn be miah lo la aw.

Kan in mangtha hnu chuan lawm avangin ka awm hle hle thei lo, ka phi cheng a, ka fanu ka hruai theih hunah chuan khawvel ah engdang mah ka mamawh tawh bik lo ang.

Kar khat hnu ah pawh chuan ala reh vang vang a, chanchin min rawn hrilh mai siloh avang chuan ka bei a dawng angreng hle mai.

Zantin Pathian hnenah ka dil a, ka fanu alo let theih nan tih tak zetin ka dil fo thin.

Beiseina teh chiam ka neih tawh loh hnu ah zankhat chu msa chuan min rawn bia a.

Maruat, idam tha maw?

Aw dam tha e, nangni zawk in dam em?

Kan dam tlang ani mai e.

Ka rawn biak chhan che chu thildang ani lo a, kan nu hian nau akeng ve a, a chak vak lo em em a, bawihtei enkawl kawngah pawh a ti hleithei meuh lo a, nuhrawn chan te a han chan takah chuan demna neuh neuh alo tawng a, hreawm a ti em, bawihtei hi ilo awmpui tawh mai dawn em ni ang?

Chu thu avang chuan ka hlim em em a, ka kut ka hum ruh a, ka then tlawk tlawk bawk a.

Anih tak chu mawle, ni e ka lo enkawl ve tawh dawnnia, anu ka la dam ve a, ka enkawl pawh ahun ve tawh alawm,

Mahse hei a school a laklawh viau mai a, karleh hi an exam ania, han zo law law se, chuan atul leh transfer certificate te kan la anga, ka rawn dah mai dawnnia.


Awle amah hi a awm hrim hrim em? Ka lo be teh ang.

Reilo te hnu ah chuan ka fanu duat aw ngei chuan hello a rawn ti lauh lauh a.

Bawihte, idam em? Enge itih a?

Anu lu ka hmet a, anu lu ana a.

Ka fanu chu lainatna in ka khat vat a, naupang mai ala ni a, anu in ti rawh a tih chu a ti lo ngam dawn silo, pangchan na tur anei lo tih ka ngaihtuah chuan ka hnuk a ulh nghal tun mai a.

Bawihte, ka bulah i awm duh em? Ka bulah lo awm daih rawh aw.

Aw duh e, anu ibulah ka awm duh, min lo hruai rawh.

Bawihte, exam in zo tep a, i zawh veleh ka lo hruai ang che aw.

Ava rei awm a ti chuai raih a.

Rei tawh dawnlo e mamte, exam i zawh veleh ka bulah i awm char char tawh dawn alawm, anu lu chu va hmet leh phawt la aw tiin ka mangtha ta a.

Ka na ngawih ngawih, ka fanu naupang te hian pangchanna tur nu a nei lo, ka lo dawn ngai lo a, ka hriat chhuah a tlai hle mai, mahse engkim hi ala tha leh vek mai ang.

Anu chu a fing khawp mai, akhat tawk hian min rawn biaktir fo a, min nel se a duh vang ani tih ka hria, inti fing viau mahse ani pawh hmanrua ah ka hmang ani tih a in hre bik lo.

Ni chu akal muang ka ti a, ka nghakhlel lutuk zawk ani mahna, hun hi liam vat vat se tih chu ka duhthusam ber ani.

Pathian venna in exam pawh tha takin an zo ta.
An zawh tukah chuan apa chuan tc vel pawh a buaipui nghal zung zung a, school kal chhunzawm leh tur anih avangin rei rial thei kan nilo a, buaipui ngai ang ang te a buaipui fel hnu chuan aizawl lam panin a rawn chhoh pui ta a.

Chumi ni chuan bena nen sumo counter ah kan lo chang ran mai a.

Ka awm hle hle thei lo, ka tho a, ka vei kual leh sek thin.

Akhat tawkin sana ka bih leh zauh thin bawk a, ka thin te pawh a phu deuh dawp dawp reng a.

Tlai dar thum vel atang chuan sumo a rawn thleng ta tak tak a, ka lo thlir reng a, atawpah chuan Emanuel tih sumo hma ber ah chuan msa chu ka hmu ta a, an lo Thleng ta.

Ka thuthmun atangin ka tho vat a, phur em em in ka pan nghal a, sumo atang chuan an pafa chuan an rawn chhuk hnak hnak a.

Ka rilru tina em em tu thil chu, ka fanu thawmhnaw Rambo polythene a an rawn pack mawlh chu ani.

Suitcase ah pawh an dahsak lo a, polythene in an rawn fun amaw?

Sawrkar hna thawk pa anei ve a, ka fanu hian thil tam tak atuar dawn ani tih ahma zawng aiin ka hre chiang leh zual ta.

Awi, ka naute tiin ka lo pawm chawt a, inhmu tam lo chung pawha ka awm a abei hle hle dan atang chuan sawilo mahse thil tam tak ka hre si a.

Sumo counter kawta thutthleng ah chuan ka thu a, ka pawm vawng vawng a.

Bena chuan a thawmhnaw polythene a infun chu alo khai bawk a, counter lehlama dawrah chuan ice cream man to chi hi alo va leisak thuai a.

Msa nen chuan kan inbe tam lo a, tlai chhuak ah chhuk leh nghal a tum thu chu a sawi a.

Bena chuan taxi ruak alo phar a, kan haw dawn ta, ka fanu chu ka kai a, taxi lam kan pan dawn ta a.

Bawihte, mangtha aw, bye bye aw tiin apa chuan a rawn ko a, ka naute chuan lehhawi zawk pahin a bye bye a, ngai awm hmel pawh a pu eih lo, a leh hawi zui tawh lo.

Keini ho pawh chu kan in lam pan chuan kan haw ta a, khawvela ka hlimni ber ala ni hial ngei ang.

Ka naute chu angawichawi ta riau a, a tawng duh reuh lutuk an tih thin nen khan.

A thawmhnaw te chu ka thlak zung zung a, a thawmhnaw te reng reng chu a thing in a nalh lo tak zet.

Hmangaih leh duat taka enkawl anilo chu ka rilru ana ngawih ngawih mai.

Ka bualfai vel a, a thawmhnaw te ka thlak sak bawk a, alo haw hma daih khan a in tih hlimna tur toys leh teaset ta ka lo leisak tawh a, chungte chu a khal mawlh mawlh a.

Ei tur ka siam chhung chuan bena chuan alo be ve siam siam a, rin ai takin nau chhaih vel pawh a thiam viau mai.

Chumi zan chuan ka fanu lo haw lawm nan zanriah tuihnai tak kan kil ho a, ka va han hlim tak em.

Dar kua vel thleng bena a rawn leng a, a nawmsam vak loh thu a sawi a, mut hma a duh avangin min hawsan ta a.

Ka fanu tui taka amu lai chu ka thlir ngawih ngawih a, tihian kuah tu nei lem lo in zantin amu ve awm chu ani sia, ka rilru no a rawn chhuak a, hlim viau awm tak ka nih laiin ka mittui a luang zung zung zawk a.

Khum dup nuam takah chuan ka mutpui a, ka kuah hle hle a, thlamuang takin amu siai siai bawk a.

Zing khua ala var chiang lo, kawl a eng tan tih ah chuan ka harh a.

Thawh dawnin ala hma si, mut mai a harsa tawh si a, ka phone chu ka on a.

Zan rei tawh lam ah bena chuan min rawn bia a.

Ka hmangaih te u.
In mutui bawk em?
In kianga mut ve ka va han chak tak em, in hlimna kha tawmpui ve che u ka chak ani, tui tak leh hlim takin, thlamuang takin mu ang che u, ka hmangaih che u tiin.

Ka nui sak a, ka chhang let lem lo a.

Ka tho tharh a, thingpui ka lum a, ka fanu in atan tiin bwnghnute ka siam bawk a.

Ani pawh rei vak lo hnu ah a rawn harh a, a rawn tho chhuak a.

Good morning mamte, imu tui em?..

A lu a bu deuh nghat a, a awmdan leh a mizia ka hmuh dan chu ka lawm lo, a inthlahrung a, a ti dei reng mai, thutthleng ah ngawi rengin a thu a, hauh tuar thang tih hriat takin min en leh deuh zawk zawk thin.

Bawnghnu te leh chhang ka chawi phei a, ka pe a, a in duh hauh lo.

A nu in zingkarah naupang in thingpui in loh tur atia.

A tawng chhuak reng reng chu a awri hi a chhuak kim lo a, a zawi viau a.

Anu bulah i awm leh chak em tih ka zawh chuan alu a thing rang kher mai.

Mamte, inu ka nia, khuta mi kha chu inu tak tak ani lo a, chuvangin ka thu ang zelin awm tur aw, ka hau dawn lo che a, anu hian aduat em em dawn che nia aw.

Bawnghnute leh chhang chu tui ti takin a ei a, ka thlir kham thei lo

A awmdan mak tak avang chuan sikul kal zawm tir rih loh chu tha zawkin ka hria a, a rilru tih hahdam phawt angai ani, chu chu bena duhdan pawh ani bawk a, a awmdan leh a rilru putdan zawng zawng chu thlak a, tihdam phawt a mamawh tlat mai.

Kan nufa chuan nitin dawr kan nghak dun thin a, alo thlen tirh ai chuan a mizia pawh a zia chho a, naupang harh tak ani lo leh a cool em em chu bena duh chhan pakhat ani ve tlat.

Theihtawpin ei tur ah ka duat a, ka hau phal lo ani, nun nuam leh zalen a mamawh zia ka hria a, chu chu ka duh ani.

Bena nen pawh an innel viau tawh mai a, mahse tunhma a kan awm dan, engemaw changa han riah mai ang te kha a rem tawh bik lo a, naupang mithmuh ah chuan fimkhur angai hle si.

Patling tak tak ang in ka awm ta der chu ania.

A nui kur kur a, ngawirenga thut bak tih theih a awm tawh silo, kan in en a kan nui leh tawp thin a, bawihtei a mut hma chu han inkuah emaw, romantic deuh taka awm vel chu a rem tawh lo.

Tiang chuan pangai takin hun kan hmang chho ve zel a.

Thlasik boruak a rawn inher chhuak a, kan nghah krismas pawh a lo hnai leh ta reng mai.

Mahni tawkah thahnem ka ngai em em a, ka tan mai ni tawh lo in ka fanu tan tiin ka thawk rim hle, zankhat mitchhin pawh lo tawk ila rethei taka a awm ka phal hauh lo.

Ka naute chu afel em em a, inchhung ah aphak tawk a thawk na sa tih hriat takin hmun te hi a phiat dalh dalh reng a, thil hnawk te hi a thianfai reng thin, dawr ah pawh hmunphiat faitu a ni reng tawh mai.

Tlai khat chu bena nu leh pa te chuan chawei ah min sawm teh mial a, ben an min rawn hruai dawn bawk a.

Ka hamhaih ve deuh, mak ka ti ve deuh bawk, mahse ka zak lo, an fel bawk a, ka lo awmpui reng tawh bawk nen.

Tlai lamah chuan dawr kan khar sawk sawk a, kan inbual fai sar bawk a.

Ka fanu chu nalh takin ka chei a, kei pawh theihtawpin ka in uluk ve a, khua lah chu a vawt viau mai.

[Ngaia]

Chu mi zan chu ka muhil lo chiang kher mai.

A tlin ta lo tiin thu thinthawng tak dawng mai tur ah ka in ngai a, achang chuan ka tap a, achang chuan dam chhuak leh in kan inneih hun tur te ka suangtuah bawk thin.

La lu ahai bur a, a rit luk mai bawk a, mutchhuak in min zem chiai chiai a, mahse ka rilru erawh a harh tulh tulh mai bawk si.

Ka Khuma a mu lai, natna in a tihbuai loh lai a hlim tak maia thla eng lawma kan awm lai te chu mitthla ah alo lang zung zung a, khatih lai kha chuan natna neih a in hmeh hlawl lo.

Room tukverh ka hawng a, chair ka la a, boruak vawt tak chu ka dawng a, ka mit ka chhing vang vang a, bena chuan min kalsan ta se, ka hringnun khawhar dan tur leh ka mal dan tur te chu ka suangtuah neuh neuh reng a.

Thim chhah mup karah chuan arsi te chu an lang eng em em mai a, ka thlir chho a, ka lung an ti leng a, ka tah an ti chhuak ani.

Aw, ka Pathian, engkim siam tu leh engkim chunga thunei tu, natna leh thihna pawh do hnehtu ini tih ka hria e, ka van mamawh tak che em, engkim tithei ka pa, khawngaihin he natna hi tidam la, kan lungngaihna mittui hi min hrukhul sak ang che tiin van lam hawi chuan ka tawngtai mawlh mawlh a, thinphu a rang em em ringawt a, naktuk khawvar hi ka hmangaih em em hian a hmu ve thei angem?

Sana chek ri chu a ring tlak tlak tawh viau a, banga sana in khai chu ka bih zauh a, zinglam dar khat alo kawk vah tawh mai a.

Engmah ka tih danglam theih a awm silo, muthilh phawt chu ka tan atha ani tiin khumah chuan ka lawn kai a, ka mit ka chhing vang vang a, thil ngaihtuah loh luih chu ka tum a.

Darkar engemaw zat hnu ah chuan ka lo muhil ve ta mai bawk a.

Anu, i phone a ri.

Ka mang hriat ruai ruai a,

Anu, i phone a ri ti a ka fanu in min rawn sawi tak nawk nawk ah chuan ka inperh tho ta at a.

A tlin ta lo niang maw tiin ka phun sap a.

Kut khur der der Chung chuan bena nu call chu ka chhang a.

Hello... Ka aw te pawh a lawi zo ta vek mai.

Maruat, vawiin enge itih dawn?

Dawr nghah ani deuh mai tiin ka chhang a.

Bawiha hian alam deuh reng che a, i rawn phei hman angem le?

Ani maw, enge a an tawh a?

A zia deuh e, a lu anat hian a buai deuh a, chuti tih loh ah chuan a tha e.

Ka thaw ta huai mai, ala dam e.

Awle, ka lo phei dawnnia.

Bawihte, vawiin chu apa bena bulah va kal leh ang aw, a damlo na sa lutuk a, va awmpui leh ang aw.

Ka fanu chuan a peihlo hle mai a, atan chuan damdawiin a nileng a awm chu a ninawm ve em bawk ani.

Anu, in ah ka lo awm mai anga, kawngka ka kalh tlat anga, tumah an lo kal lo ang.

Ka ngaihtuah vang vang a, kan thenawm nula ah tlawng awl deuh mai a awm a, ni rate angin chhawr ta ila atha zawk anga tih te ka ngaihtuah a.

An in ah chuan ka va nghal a, ka fanu lo awmpui a dawr lo nghak tur chuan ka va sawm a.

Anu leh pa te chuan an lo remti ngang mai, thawh tur a mamawh thu te a phak tawk thawh tur an duh thu te an lo sawi a, pathian remruat te pawh a ni mahna alo remchang em em a, zing chaw eikham veleh a rawn phei nghal a.

Bawihtei nen chuan dawr lamah an inzui chhuak ta nghal a, kei pawh chu ka insiam sawk sawk bawk a.

Damdawiin ka va thlen chuan bena chhungte ho hi an lo awm thap a, an cousin te ho pawh.

ICU a awm anih avangin duh duh hunah a luh theih loh a, pawnah kan nghak thap a.

Luh an phal veleh kei leh bena nu chu kan lut ta a, a rapawm em em mai, mithi mai tur dahna ni awm tak ani.

Bena chu alo harh a, kan luh rual chuan thei leh thei lo hian min lo melh tawk tawk a.

Hmuh hreawm ka ti tak zet, sawi tur pawh ka hre lo.

Bawiha, hei maruati chu alo kal tawh e aw tiin a nu chuan a hrilh a.

A lu a bu nghat a, min rawn en pah chuan a nui sak a.

Maruat,

A aw chu a zawih em avangin ka hre tha thei lo a, ka kun hniam a, ka beng ka zu dawh a.

Bawihi, min thlah rawh, ka kal hi phal tawh rawh, tichuan thlamuang takin ka kal thei ang, ka kut ah vuan la, min thlah tawh rawh le a ti ta mai.

Ka khur nghal zawih zawih a, ka mittui ka dang zo lo, ana lutuk tlat.

Ni love bawiha, idam leh dawn alawm, ka thlah phal reng reng lo che, chutiang sawi suh, en teh idam anga, kan inneih dawn kha tiraw, chhungkaw hlim tak kan din dawn anih kha.

A mit a chhing a.

Maruat, Kan savun lehkha hian dawt tlem a sawi ve anih hi.

Inu leh ipa chawimawi la, lei ah hian i dam rei ang a ti si a, ka nu leh pa thu hi ka awih lo ngai lo asin, k damrei dawn chuang silo a tiraw.

Sawi leh tur chuang engmah ka hre tawh lo, anu chuan min kuah a, ka tap tlawk tlawk ringawt a.

Rei tak hmuh theih anih loh avangin kan chhuah ahun leh ta.

Akut ka vuan a, atheih chhung chu min thlir a, kei pawh chuan ka melh tawk tawk bawk a.

Lalpa, i duh loh zawng a sawi anih chuan ngaidam hram ang che tiin ka tawngtai mawlh mawlh bawk a.

A cousin te ni awm tak hian coffee an rawn sem diat diat a, tumah lah chu hriat ka nei ve der silo, an zingah chuan ka thu ngawi ve ta reng ringawt a.

Maruata nu bawk chuan keimah min beisei thu chu a sawi chhuak leh a, dik tak chuan a buaithlak ve tak zet ani, dawr ka lo siam ve tawh bawk nen.

Thi silo, dam si lo chuan engemaw chen chu a awm ta reng a, a taksa a cher a, a mit a fiah lo hle bawk a, phai lama thlawh thlak pui turin a taksa a fit loh em avangin aizawlah enge maw chen chu an enkawl phawt a.

Beiseina ka la nei fan a, thi turin ka la phallo, ka ring chhin phal lo bawk ani.

Kan dam anga, hmachhawp leh tih tur tam tak kan la neih kha tiraw bawiha, dam takin lo haw leh ngei ang che.

Vellore an phurh thlak hma in an in ah ka va kal a.

A room ah hian alo mu a, a lu chu lukham sang takin an lo kam a, a meng chuan ka hria, mahse min hre mai thei lo.

Dim te in ka lut a, a kut zawi tak, cher tak chu ka vuan a.

Bawiha, ka lo thleng asin, min hmu thei em?

Ka aw lo chhuahna lam chu a rawn hawi ve vat a, chiang em em hian min rawn en a, a mit chu anuai nawk nawk a.

Ka hmu thei lo, ka hmu thei tawh lo che bawihi, i hmeltha tak leh i nui hmel pawh ka hmu thei tawh lo, hmu thei che ni ila vawiin hian i nalh zia ka hmu leh mai tur.

A in sut hlawp hlawp a.

Ben, a thim zawngin engmah thlir suh aw, Mihring te chuan nat chang te, dam loh changte kan nei fo thin alawm, pathian zarah dam takin ilo haw leh ngei dawnnia.

A biang ah chuan ka fawp zauh a, tap khur ngat ngat chuan nghet takin min lo kuah a, insum a van har si em.

Han thlah chu duh viau mah ila ka dinhmun in azir loh em avangin an in atang chuan ka thlah liam ve ta zawk a.

An kal liam hnu chuan kei pawh haw ta mai lo chuan ka thu khawmuang ve a.

An nula te, hmuh nuam tak, nui sen sen reng thin chuan min nel ve tawh em em a, chumi ni pawh chuan ka bulah rawn thu in bena chungchang chu a sawi ve melh melh a.

Umaruat, kei pawh hman ah ka bialpa hi cancer avangin ka chan ve tawh a, ta tang khan tumah ka la nei leh lo, neih ka tum pawh hian ka thei thlawt lo ani, ka thinlung ah hian nimin ang mai khan engkim hi ala cham vek maiin ka hria.

Aw, ani maw, avan zialo ve aw, ka van khawngaih reuh tak che, mahse maw ani chu eng ang pawhin ngai la a rawn kir leh tawh dawn lo, hma lam pan itum hram hram angai anih chu.

Ni e, a dik alawm, mi pawhin min ti fo thin, ka thinlung hi ani lo kha chuan anei thei lo ani.

U bena hi a dam chhuah iring em?

Ka han ngaihtuah vang vang a.

Ka hre lo le, pathian thu thu a ni tawh ang chu, tha tak leh hlawhtling tak in an zai thei bawk a, pathian thu ani tawh, kei chuan beisei emaw, beisei loh emaw awmdan tur ka hrethiam lo ani.

ka pi phei hi chu zan pawh a mu mang lo, a tap keuh keuh reng zel.

A ni khawp ang, kan fate chunga tla nise chuan keini pawh kan tap ve fo ang.

Kan ti ti mawlh mawlh lai chuan sitting room lama awm, bena chhungte chuan call an dawng a.

Engtin maw?

Chu thu tawite, awmze nei tak si chuan min nghawr dawt a, ka thutna atang chuan ka tho kang nghal zawt a.

Midang ho pawh chu an phusa nghal deuh suau vek a.

An thusawi tur chu ka lo ngaichang deuh tawp ani ber e.

A boral, a mar ala phu e tih thawm chu kan inhriat chhawk ani deuh ber a, aizawl lam rawn let pui leh te an sawi thul, lu a hai em em a, awmngaihna hriat a har kher mai.

Mahse rawn let pui ta em lo chuan an kalpui ta a, chanchin han zawh mai tur ka hre lo a, rilru hah taka awm bena nu zu call sek lah chu ka inthlahrung em em mai si a.

Chanchin chhe lam an neih tak leh ka hre ve ngei dawn tho a tiin rilru hreawm tak si chuan ka lo awm ve ta nawk nawk phawt a.

Bang lo in atan ka tawngtai fo thin a, tawrh thiam dan te pawh pathian hnen ah ka dil fo thin.

Ka fanu pawh school thar zawm turin ka admit fel ve ta a, dawr lam ah ka buai ve em em reng a.

Bena chanchin ka hriat hnuhnun ber chu, an zai a, an hlawhtling viau in an hria a, mahse enkawl zui ala ngaih avangin hun engemaw chen chu an awm dawn tih thu chu ani.

Amit erawh a tha leh kher angem tih an hre thei lo a, theihtawp an chhuah mek ani, chung chu bena nu ka zu call a min hrilh dan ani a, tlem chuan thla amuang ta deuh.

Ehe!
Maruat, teh hlawl che chuan.

Ka dar ah min rawn beng thawk a, a hmel hmu lo mah ila a aw atang chuan tunge tih ka hre thei nghal.

Vakvai taka min siam tu ka thiannu, ka in luah tawm puinu ngei kha alo ni.

Ka leh hawi thuai a, alo nui sen sen a.

Nau alo paw bawk a, a inthuam dan leh a hmel zawng zawng nen chuan a pawr ve hle mai a.

Hun tam liam tawh mahse ka ngei riau mai a, tha tak chuan chhang tho mah ila ka be tui hlawl lo.

Khawnge i la awm tak zel tiin min zawt a.

In ka luah thu te, ka fanu nen kan awmdun tawh thu te chu ka hrilh a.

Anih nang engtin zel nge i awm?

fa pakhat kan nei a, kan inthen a, nimin khan aizawl ka lo thleng chiah, ka u te ka fin a.

Anih chu mawle, ka paltlang hnu i rawn dai ve dawn chauh anih chu tiin ka in tawng khalh nghal vek a.

Anih kan kal phawt aw ti a kal ka tum lai chuan ka number min dil leh a, tha tak chuan ka pe ve mai bawk a.

Khatih lai khan tha tak khan lo awm mai se chuan vawiin hun hi a thleng lo tur.

Lengpui airport ah chuan pangpar nalh tak kengin kan nufa chuan kan lo awm ve ran a, a cousin te ho pawhin min hre tawh hle mai a, ka mikhual em em tawh lo ve.

Phurna leh huphurhna chu a in chen hial zawk ang.

Anu, a pa bena te chu an lo va thleng har tawh em em, ka ril atam tawh e.

Chu thu chu hria in bena cousin, Mary, nu satha nelh nawlh tak mai chuan ka fanu chu restaurant a chawlhpui ah alo sawm vat a.

Ka naute chuan ka phal leh phal loh hriat nan ka mitmei a rawn en vat a.

Ka lu ka bu nghat a, ka nuih tak ah chuan ngaihngam takin Mary chu a zui ta a, nakin lawka a ni la ni mai tur ani bawk nen.

Kan awmrei thawkhat viau tawh a, ninawm lama akal hnu chuan an rawn thleng ve ta.

Ka phur a, ka hmu chak em em a, ka huphurh em em bawk si.

Wheelchair in an rawn nawr a, a lu a kawlh mat mai a, chaw ei mang lo tih hriat takin a cherin a dawldang em em mai a.

An lo bawr laih laih hlawm a, an lo chibai hlawm bawk a.

Kil khat atang chuan ka hun lo thleng tur chu ka lo nghak ve ta ran mai a.

Mary chu a felin a polite em em a, mi kar atang chuan min rawn hui zauh a, midang ho chu kal kiang Turin a hrilh hlawm a.

Ka bawiha lam chu ka pan a, ka pangpar ken, atan liau liau a ka siamtir chu ka pe a, han kuah vawng vawng chu ka chak na in a rem silo, a kut ah ka chelh vawng vawng a, thlah har tak ani.

A mit erawh khua a hmu tha vak lo thung a, chiang leh uluk em em a a en loh chuan mi hi a hre mai thei lo.

An motor ken ah chuan kan leng ve lo a, a nuam lo duh angreng viau mai.

An cousin Mary bawk chuan ka zah hlau takin taxi in ka chhoh pui mai ang che u tiin kan rual chuan a rawn kal ve ta zawk a, a polite ka tiin a zahawm tak zet.

Tluang takin an in kan thleng a, bena chu a pindan ah an nawr lut ta nghal a.

Midang kha chu lo va thu rawh u, maruati chan a ni tawh e tiin nu siampui chuan fiamthu titih deuh hian min kap zauh a.

Lai angreng tak in ni e tiin room lam chu ka pan ta nghal a.

Maruati i ni em?

Min en ngun viau na in min hmu chiang chiah lo ani ngei ang.

A kutah ka vuan a,

Bawiha, keimah ka ni e, hahdam takin awm rawh aw, dam takin ilo haw leh ang ka tih kha.

I chau em? I thawmhnaw te thlak ang aw.

A hreawm emai, tinge ka thih zawk mai loh?

A beidawng tawngkam chuan min ti na lutuk.

Shh, chutiang an sawi ngai lo bawiha, ila dam leh dawn asin.

Bawihi, ka dam tawh lo ang, tunah chuan mitdel, hmantlak loh mai ka ni tawh, ka damchhung in midang tan a hnawk sak ka ni tawh dawn a, ti nge ka lo thih zawk mai loh?

Bawiha, thi ta la kei hi engtin nge ka awm ang tih hi i ngaihtuah miah lo a mi?

Lungleng leh Khawhar, mal ngawih ngawih in ka awm dawn asin.

Maruat, itan engmah ka ni tawh lo, pasal a neih tlak pawh ka ni tawh lo, i hlimna tur lam pan tawh zawk rawh, ka hmangaih vang zawk che in itan phurrit nih ka duh lo ani.

Chu thu chu tap zawih zawih chungin a sawi ani.

Kei pawh chu ka mittui tla tur dan tumin ka mit ka khap sak sak a, theih nise kuah vawng vawng paha ka kalsan dawn loh thu hi hrilh ka chak.

A rilru a Beidawn laiin kei tal chhel taka ka awm angai si a.

Ka thaw hak a, ka han in ti harh vel a.

A bulah ka thu a, a kut ka vuan a, ben, ka tan hian beidawnna ini lo a, eng dinhmun ah pawh ding la, ka kalsan dawn lo che a, ka chelh reng fo thin ang che, ka hriatah Khatiang kha chu sawi tawh ngai suh aw.

Enge min hmangaih chhan?

Ben, a chhan leh vang a awm lo, ka hmangaih chhan che chu ka hmangaih che avangin.

A khur ngat ngat a, tap insum tih hriat tak in, a mittui tla te chu ka hruk hul sak a.

Anu, ka lo lut ve dawn aw.

Ka fanu chuan inthlahrung takin kawngkhar bul atang chuan min rawn ko a.

Lo kal rawh bawihte, ka bulah hian lo thu ve rawh tiin bena chuan a hui zauh a, a hui na lam pawh chu a dik hauh silo.

Rei vaklo hnu ah chuan nu siampuii a rawn lut a.

Thingpui leh a hmeh tui tak mai min rawn chhawp a.

Kal leh mai a tum lai chuan ka lo au ding chawt a, ka tum lawk leh ruahman lawk ni miah silo chuan engemaw hian min mawlh ani.

Nu siampui, kan ti ti lawk thei angem?

Room dang ah chuan kan lut dun ta a.

Maruat, eng Thil nge ni ta? Ava pawimawh awm ve.

Nu siampui, bena hi kalsan ka duh lo, enkawl ka duh a, pasal ah ka nei duh ani.

Min en reng a, amak ti hmel avang chuan kei pawh chu ka zam deuh lek lek zawk mai.

[Ngaia]

Chu mi zan chu ka muhil lo chiang kher mai.

A tlin ta lo tiin thu thinthawng tak dawng mai tur ah ka in ngai a, achang chuan ka tap a, achang chuan dam chhuak leh in kan inneih hun tur te ka suangtuah bawk thin.

La lu ahai bur a, a rit luk mai bawk a, mutchhuak in min zem chiai chiai a, mahse ka rilru erawh a harh tulh tulh mai bawk si.

Ka Khuma a mu lai, natna in a tihbuai loh lai a hlim tak maia thla eng lawma kan awm lai te chu mitthla ah alo lang zung zung a, khatih lai kha chuan natna neih a in hmeh hlawl lo.

Room tukverh ka hawng a, chair ka la a, boruak vawt tak chu ka dawng a, ka mit ka chhing vang vang a, bena chuan min kalsan ta se, ka hringnun khawhar dan tur leh ka mal dan tur te chu ka suangtuah neuh neuh reng a.

Thim chhah mup karah chuan arsi te chu an lang eng em em mai a, ka thlir chho a, ka lung an ti leng a, ka tah an ti chhuak ani.

Aw, ka Pathian, engkim siam tu leh engkim chunga thunei tu, natna leh thihna pawh do hnehtu ini tih ka hria e, ka van mamawh tak che em, engkim tithei ka pa, khawngaihin he natna hi tidam la, kan lungngaihna mittui hi min hrukhul sak ang che tiin van lam hawi chuan ka tawngtai mawlh mawlh a, thinphu a rang em em ringawt a, naktuk khawvar hi ka hmangaih em em hian a hmu ve thei angem?

Sana chek ri chu a ring tlak tlak tawh viau a, banga sana in khai chu ka bih zauh a, zinglam dar khat alo kawk vah tawh mai a.

Engmah ka tih danglam theih a awm silo, muthilh phawt chu ka tan atha ani tiin khumah chuan ka lawn kai a, ka mit ka chhing vang vang a, thil ngaihtuah loh luih chu ka tum a.

Darkar engemaw zat hnu ah chuan ka lo muhil ve ta mai bawk a.

Anu, i phone a ri.

Ka mang hriat ruai ruai a,

Anu, i phone a ri ti a ka fanu in min rawn sawi tak nawk nawk ah chuan ka inperh tho ta at a.

A tlin ta lo niang maw tiin ka phun sap a.

Kut khur der der Chung chuan bena nu call chu ka chhang a.

Hello... Ka aw te pawh a lawi zo ta vek mai.

Maruat, vawiin enge itih dawn?

Dawr nghah ani deuh mai tiin ka chhang a.

Bawiha hian alam deuh reng che a, i rawn phei hman angem le?

Ani maw, enge a an tawh a?

A zia deuh e, a lu anat hian a buai deuh a, chuti tih loh ah chuan a tha e.

Ka thaw ta huai mai, ala dam e.

Awle, ka lo phei dawnnia.

Bawihte, vawiin chu apa bena bulah va kal leh ang aw, a damlo na sa lutuk a, va awmpui leh ang aw.

Ka fanu chuan a peihlo hle mai a, atan chuan damdawiin a nileng a awm chu a ninawm ve em bawk ani.

Anu, in ah ka lo awm mai anga, kawngka ka kalh tlat anga, tumah an lo kal lo ang.

Ka ngaihtuah vang vang a, kan thenawm nula ah tlawng awl deuh mai a awm a, ni rate angin chhawr ta ila atha zawk anga tih te ka ngaihtuah a.

An in ah chuan ka va nghal a, ka fanu lo awmpui a dawr lo nghak tur chuan ka va sawm a.

Anu leh pa te chuan an lo remti ngang mai, thawh tur a mamawh thu te a phak tawk thawh tur an duh thu te an lo sawi a, pathian remruat te pawh a ni mahna alo remchang em em a, zing chaw eikham veleh a rawn phei nghal a.

Bawihtei nen chuan dawr lamah an inzui chhuak ta nghal a, kei pawh chu ka insiam sawk sawk bawk a.

Damdawiin ka va thlen chuan bena chhungte ho hi an lo awm thap a, an cousin te ho pawh.

ICU a awm anih avangin duh duh hunah a luh theih loh a, pawnah kan nghak thap a.

Luh an phal veleh kei leh bena nu chu kan lut ta a, a rapawm em em mai, mithi mai tur dahna ni awm tak ani.

Bena chu alo harh a, kan luh rual chuan thei leh thei lo hian min lo melh tawk tawk a.

Hmuh hreawm ka ti tak zet, sawi tur pawh ka hre lo.

Bawiha, hei maruati chu alo kal tawh e aw tiin a nu chuan a hrilh a.

A lu a bu nghat a, min rawn en pah chuan a nui sak a.

Maruat,

A aw chu a zawih em avangin ka hre tha thei lo a, ka kun hniam a, ka beng ka zu dawh a.

Bawihi, min thlah rawh, ka kal hi phal tawh rawh, tichuan thlamuang takin ka kal thei ang, ka kut ah vuan la, min thlah tawh rawh le a ti ta mai.

Ka khur nghal zawih zawih a, ka mittui ka dang zo lo, ana lutuk tlat.

Ni love bawiha, idam leh dawn alawm, ka thlah phal reng reng lo che, chutiang sawi suh, en teh idam anga, kan inneih dawn kha tiraw, chhungkaw hlim tak kan din dawn anih kha.

A mit a chhing a.

Maruat, Kan savun lehkha hian dawt tlem a sawi ve anih hi.

Inu leh ipa chawimawi la, lei ah hian i dam rei ang a ti si a, ka nu leh pa thu hi ka awih lo ngai lo asin, k damrei dawn chuang silo a tiraw.

Sawi leh tur chuang engmah ka hre tawh lo, anu chuan min kuah a, ka tap tlawk tlawk ringawt a.

Rei tak hmuh theih anih loh avangin kan chhuah ahun leh ta.

Akut ka vuan a, atheih chhung chu min thlir a, kei pawh chuan ka melh tawk tawk bawk a.

Lalpa, i duh loh zawng a sawi anih chuan ngaidam hram ang che tiin ka tawngtai mawlh mawlh bawk a.

A cousin te ni awm tak hian coffee an rawn sem diat diat a, tumah lah chu hriat ka nei ve der silo, an zingah chuan ka thu ngawi ve ta reng ringawt a.

Maruata nu bawk chuan keimah min beisei thu chu a sawi chhuak leh a, dik tak chuan a buaithlak ve tak zet ani, dawr ka lo siam ve tawh bawk nen.

Thi silo, dam si lo chuan engemaw chen chu a awm ta reng a, a taksa a cher a, a mit a fiah lo hle bawk a, phai lama thlawh thlak pui turin a taksa a fit loh em avangin aizawlah enge maw chen chu an enkawl phawt a.

Beiseina ka la nei fan a, thi turin ka la phallo, ka ring chhin phal lo bawk ani.

Kan dam anga, hmachhawp leh tih tur tam tak kan la neih kha tiraw bawiha, dam takin lo haw leh ngei ang che.

Vellore an phurh thlak hma in an in ah ka va kal a.

A room ah hian alo mu a, a lu chu lukham sang takin an lo kam a, a meng chuan ka hria, mahse min hre mai thei lo.

Dim te in ka lut a, a kut zawi tak, cher tak chu ka vuan a.

Bawiha, ka lo thleng asin, min hmu thei em?

Ka aw lo chhuahna lam chu a rawn hawi ve vat a, chiang em em hian min rawn en a, a mit chu anuai nawk nawk a.

Ka hmu thei lo, ka hmu thei tawh lo che bawihi, i hmeltha tak leh i nui hmel pawh ka hmu thei tawh lo, hmu thei che ni ila vawiin hian i nalh zia ka hmu leh mai tur.

A in sut hlawp hlawp a.

Ben, a thim zawngin engmah thlir suh aw, Mihring te chuan nat chang te, dam loh changte kan nei fo thin alawm, pathian zarah dam takin ilo haw leh ngei dawnnia.

A biang ah chuan ka fawp zauh a, tap khur ngat ngat chuan nghet takin min lo kuah a, insum a van har si em.

Han thlah chu duh viau mah ila ka dinhmun in azir loh em avangin an in atang chuan ka thlah liam ve ta zawk a.

An kal liam hnu chuan kei pawh haw ta mai lo chuan ka thu khawmuang ve a.

An nula te, hmuh nuam tak, nui sen sen reng thin chuan min nel ve tawh em em a, chumi ni pawh chuan ka bulah rawn thu in bena chungchang chu a sawi ve melh melh a.

Umaruat, kei pawh hman ah ka bialpa hi cancer avangin ka chan ve tawh a, ta tang khan tumah ka la nei leh lo, neih ka tum pawh hian ka thei thlawt lo ani, ka thinlung ah hian nimin ang mai khan engkim hi ala cham vek maiin ka hria.

Aw, ani maw, avan zialo ve aw, ka van khawngaih reuh tak che, mahse maw ani chu eng ang pawhin ngai la a rawn kir leh tawh dawn lo, hma lam pan itum hram hram angai anih chu.

Ni e, a dik alawm, mi pawhin min ti fo thin, ka thinlung hi ani lo kha chuan anei thei lo ani.

U bena hi a dam chhuah iring em?

Ka han ngaihtuah vang vang a.

Ka hre lo le, pathian thu thu a ni tawh ang chu, tha tak leh hlawhtling tak in an zai thei bawk a, pathian thu ani tawh, kei chuan beisei emaw, beisei loh emaw awmdan tur ka hrethiam lo ani.

ka pi phei hi chu zan pawh a mu mang lo, a tap keuh keuh reng zel.

A ni khawp ang, kan fate chunga tla nise chuan keini pawh kan tap ve fo ang.

Kan ti ti mawlh mawlh lai chuan sitting room lama awm, bena chhungte chuan call an dawng a.

Engtin maw?

Chu thu tawite, awmze nei tak si chuan min nghawr dawt a, ka thutna atang chuan ka tho kang nghal zawt a.

Midang ho pawh chu an phusa nghal deuh suau vek a.

An thusawi tur chu ka lo ngaichang deuh tawp ani ber e.

A boral, a mar ala phu e tih thawm chu kan inhriat chhawk ani deuh ber a, aizawl lam rawn let pui leh te an sawi thul, lu a hai em em a, awmngaihna hriat a har kher mai.

Mahse rawn let pui ta em lo chuan an kalpui ta a, chanchin han zawh mai tur ka hre lo a, rilru hah taka awm bena nu zu call sek lah chu ka inthlahrung em em mai si a.

Chanchin chhe lam an neih tak leh ka hre ve ngei dawn tho a tiin rilru hreawm tak si chuan ka lo awm ve ta nawk nawk phawt a.

Bang lo in atan ka tawngtai fo thin a, tawrh thiam dan te pawh pathian hnen ah ka dil fo thin.

Ka fanu pawh school thar zawm turin ka admit fel ve ta a, dawr lam ah ka buai ve em em reng a.

Bena chanchin ka hriat hnuhnun ber chu, an zai a, an hlawhtling viau in an hria a, mahse enkawl zui ala ngaih avangin hun engemaw chen chu an awm dawn tih thu chu ani.

Amit erawh a tha leh kher angem tih an hre thei lo a, theihtawp an chhuah mek ani, chung chu bena nu ka zu call a min hrilh dan ani a, tlem chuan thla amuang ta deuh.

Ehe!
Maruat, teh hlawl che chuan.

Ka dar ah min rawn beng thawk a, a hmel hmu lo mah ila a aw atang chuan tunge tih ka hre thei nghal.

Vakvai taka min siam tu ka thiannu, ka in luah tawm puinu ngei kha alo ni.

Ka leh hawi thuai a, alo nui sen sen a.

Nau alo paw bawk a, a inthuam dan leh a hmel zawng zawng nen chuan a pawr ve hle mai a.

Hun tam liam tawh mahse ka ngei riau mai a, tha tak chuan chhang tho mah ila ka be tui hlawl lo.

Khawnge i la awm tak zel tiin min zawt a.

In ka luah thu te, ka fanu nen kan awmdun tawh thu te chu ka hrilh a.

Anih nang engtin zel nge i awm?

fa pakhat kan nei a, kan inthen a, nimin khan aizawl ka lo thleng chiah, ka u te ka fin a.

Anih chu mawle, ka paltlang hnu i rawn dai ve dawn chauh anih chu tiin ka in tawng khalh nghal vek a.

Anih kan kal phawt aw ti a kal ka tum lai chuan ka number min dil leh a, tha tak chuan ka pe ve mai bawk a.

Khatih lai khan tha tak khan lo awm mai se chuan vawiin hun hi a thleng lo tur.

Lengpui airport ah chuan pangpar nalh tak kengin kan nufa chuan kan lo awm ve ran a, a cousin te ho pawhin min hre tawh hle mai a, ka mikhual em em tawh lo ve.

Phurna leh huphurhna chu a in chen hial zawk ang.

Anu, a pa bena te chu an lo va thleng har tawh em em, ka ril atam tawh e.

Chu thu chu hria in bena cousin, Mary, nu satha nelh nawlh tak mai chuan ka fanu chu restaurant a chawlhpui ah alo sawm vat a.

Ka naute chuan ka phal leh phal loh hriat nan ka mitmei a rawn en vat a.

Ka lu ka bu nghat a, ka nuih tak ah chuan ngaihngam takin Mary chu a zui ta a, nakin lawka a ni la ni mai tur ani bawk nen.

Kan awmrei thawkhat viau tawh a, ninawm lama akal hnu chuan an rawn thleng ve ta.

Ka phur a, ka hmu chak em em a, ka huphurh em em bawk si.

Wheelchair in an rawn nawr a, a lu a kawlh mat mai a, chaw ei mang lo tih hriat takin a cherin a dawldang em em mai a.

An lo bawr laih laih hlawm a, an lo chibai hlawm bawk a.

Kil khat atang chuan ka hun lo thleng tur chu ka lo nghak ve ta ran mai a.

Mary chu a felin a polite em em a, mi kar atang chuan min rawn hui zauh a, midang ho chu kal kiang Turin a hrilh hlawm a.

Ka bawiha lam chu ka pan a, ka pangpar ken, atan liau liau a ka siamtir chu ka pe a, han kuah vawng vawng chu ka chak na in a rem silo, a kut ah ka chelh vawng vawng a, thlah har tak ani.

A mit erawh khua a hmu tha vak lo thung a, chiang leh uluk em em a a en loh chuan mi hi a hre mai thei lo.

An motor ken ah chuan kan leng ve lo a, a nuam lo duh angreng viau mai.

An cousin Mary bawk chuan ka zah hlau takin taxi in ka chhoh pui mai ang che u tiin kan rual chuan a rawn kal ve ta zawk a, a polite ka tiin a zahawm tak zet.

Tluang takin an in kan thleng a, bena chu a pindan ah an nawr lut ta nghal a.

Midang kha chu lo va thu rawh u, maruati chan a ni tawh e tiin nu siampui chuan fiamthu titih deuh hian min kap zauh a.

Lai angreng tak in ni e tiin room lam chu ka pan ta nghal a.

Maruati i ni em?

Min en ngun viau na in min hmu chiang chiah lo ani ngei ang.

A kutah ka vuan a,

Bawiha, keimah ka ni e, hahdam takin awm rawh aw, dam takin ilo haw leh ang ka tih kha.

I chau em? I thawmhnaw te thlak ang aw.

A hreawm emai, tinge ka thih zawk mai loh?

A beidawng tawngkam chuan min ti na lutuk.

Shh, chutiang an sawi ngai lo bawiha, ila dam leh dawn asin.

Bawihi, ka dam tawh lo ang, tunah chuan mitdel, hmantlak loh mai ka ni tawh, ka damchhung in midang tan a hnawk sak ka ni tawh dawn a, ti nge ka lo thih zawk mai loh?

Bawiha, thi ta la kei hi engtin nge ka awm ang tih hi i ngaihtuah miah lo a mi?

Lungleng leh Khawhar, mal ngawih ngawih in ka awm dawn asin.

Maruat, itan engmah ka ni tawh lo, pasal a neih tlak pawh ka ni tawh lo, i hlimna tur lam pan tawh zawk rawh, ka hmangaih vang zawk che in itan phurrit nih ka duh lo ani.

Chu thu chu tap zawih zawih chungin a sawi ani.

Kei pawh chu ka mittui tla tur dan tumin ka mit ka khap sak sak a, theih nise kuah vawng vawng paha ka kalsan dawn loh thu hi hrilh ka chak.

A rilru a Beidawn laiin kei tal chhel taka ka awm angai si a.

Ka thaw hak a, ka han in ti harh vel a.

A bulah ka thu a, a kut ka vuan a, ben, ka tan hian beidawnna ini lo a, eng dinhmun ah pawh ding la, ka kalsan dawn lo che a, ka chelh reng fo thin ang che, ka hriatah Khatiang kha chu sawi tawh ngai suh aw.

Enge min hmangaih chhan?

Ben, a chhan leh vang a awm lo, ka hmangaih chhan che chu ka hmangaih che avangin.

A khur ngat ngat a, tap insum tih hriat tak in, a mittui tla te chu ka hruk hul sak a.

Anu, ka lo lut ve dawn aw.

Ka fanu chuan inthlahrung takin kawngkhar bul atang chuan min rawn ko a.

Lo kal rawh bawihte, ka bulah hian lo thu ve rawh tiin bena chuan a hui zauh a, a hui na lam pawh chu a dik hauh silo.

Rei vaklo hnu ah chuan nu siampuii a rawn lut a.

Thingpui leh a hmeh tui tak mai min rawn chhawp a.

Kal leh mai a tum lai chuan ka lo au ding chawt a, ka tum lawk leh ruahman lawk ni miah silo chuan engemaw hian min mawlh ani.

Nu siampui, kan ti ti lawk thei angem?

Room dang ah chuan kan lut dun ta a.

Maruat, eng Thil nge ni ta? Ava pawimawh awm ve.

Nu siampui, bena hi kalsan ka duh lo, enkawl ka duh a, pasal ah ka nei duh ani.

Min en reng a, amak ti hmel avang chuan kei pawh chu ka zam deuh lek lek zawk mai.

[Ngaia]

Maruat, chutiang a ni thei dawn em ni?
Ka fapa hi pasala neih tlak pawh a ni tawh lo a, buaipui ngai leh enkawl ngai mai ani tawh si a.

Nu siampui, ka hria a lawm, ka mitin ka hmu a, a dinhmun engkim ka hria asin, ifapa enkawl tu nih hi min phalsak hram rawh, mahse hei erawh min pawm sak ve thung ula ka duh ani, ka fanu neih chhun hi ka lak ata kal hran tir ka phal ngai dawn lo a, ka kianga awm min phalsak turin ka duh che u ani.

Bena nu chu mi a ang mai in a ka hau ringawt a.

Min chhan mai nachang pawh a hre lo.

Nu siampui, i ngaihdan anih chiah loh chuan min hrilh hreh miah suh aw.

Chu veleh chuan lungchhe tak hian a in sut hlawp hlawp a, min rawn kuah thlawp bawk a.

Engdang sawi lo mahse a pawm a ni tih ka hre thei.

Min chhuahsan hnu chuan Bena bulah chuan ka kir leh a.

Tinge ka thih zawk mai loh?
Ka tan dam hian enge awmzia a neih?
Ka hmu thei lo tiin beidawng tak hian alo phun mawlh mawlh reng a.

Ka zai rat rat a, a rilru lak pen chu ka tum reng a, mahse a beidawng lutuk em ani.

Bawiha, tha takin in enkawl la, chaw leh damdawi tha takin ei la, kan inneih ahnai tawh ania aw tiin hlim takin ka be ser ser reng a.

Ani erawh hmalam hun eng nei tawh lo ang mai hian a lungngai in a ning em em ani.

Tui takin a muhil niin ka hria a, room atang chuan ka chhuak a, ka chhuah rual chiah chuan bena ni te, an chhungte awm ve ho chu an lo ding teh thap hlawm a.

Angaihna ka hre lo in mak ti em em hian ka ding deuh dat a.

Nu upa tawh lam, ngo zet leh hmel changkang tak mai hian min rawn chibai mawlh mawlh a.

Vantirhkoh ini, keini chhungkaw tan chuan vantirhkoh, pathian in a rawn tirh che ini e tiin lungchhe deuh tak chung hian min rawn chibai a.

Ka pi, chutiang em em chu ni lo ve, engmah ka ni hleinem tiin ka lo chhang thuai a.

Bena pasala neih ka duh thu chu an lo hre vek tawh chu niin.

Min mo chei nghal riau mai a, min treat dan chu a dang ta vek hian ka hria.

Keima lamah chuan ka chhungte rawn tur emaw, rem min ruatpui tu ka nei lo, chhung leh khat te chu ka nei ve ngei a, kum tam tak chhung hian enge ka an? Eng dinhmun ah nge ka din tih leh kan dam em tih pawh hi vawikhat mah min zawt lo a, min ngaihven hek lo.

Pasal pawh nei dawn ila riang tak leh mawlmang taka ka kal mai angaih tur thu chu bena nu leh pate pawh tlang takin ka hrilh fai vek a, min hrethiam em em a, an mahniin ro pawh min rel fel pui ta vek zawk a.

Ka hrilh hriat ve ka cousin te leh ka unau dangte ho lah chuan nakin ah ila inchhir ang, hmangaih na vang pawh ani lo ange, in tih maksak tumna mai ani tiin min hau let zek zel a, tumah reng in a eng zawngin min thlir pui lo, chuvang in ka chhungte awm ve Chhun te ho pawh hrilh hriat kher ka tum lo, ka thu in ka kal tlang dawn ani

Inneih ni atan may ni 22 chu an ruat fel ta nghal a, rei rial thei kan ni silo.

Pasal ka neih hma zawng chu induhthawh takin hna ka thawk reng a, ka pasal enkawl chu ka hna ber anih tawh dawn si avangin ka fanu mamawh leh a zirna engemaw zat ka in khawl a tul tih ka hria, fa chhawm neih hnu a an mahni tih buai leh zel chu ka hreh ani.

Bena ka tlawh lohna pawh a rei ta, vawiin chu ka va tlawh teh ang tiin chawhnu lam ah chuan chhuah ka rilruk a.

Nula ka neih tawh avangin chhuah vel pawh a awlsam tawh bawk nen.

Chawhnu dar hnih bawr vel ah chuan kan in atangin ka chhuak a, phur tak ka ni, hmangaih ber te hnena kal tur ka ni bawk a, ka hlim em em a.

An in pawh ka thleng phei thuai a.

An lo reh deuh thap a.

An nula chuan buh alo thlei mek thung a.

Awi, umaruat ilo kal ani maw? ka pi in ilo kal khat a tih thu a sawi deuh reng a, a lawm ngawt ang, ka va kaitho ang aw.

A ngai lo, kaitho duh suh, mu hahdam rawh se, bena bulah ka va kal zawk ange tiin room ah chuan ka lut tlang nghal a.

Thawm rikna lam chu chiang zet hian a rawn melh a.

Ilo kal leh ta maw?
Tinge ilo kal reng a?

Ka beisei loh lutuk a min biak avang chuan ka ke pen chu a tawp deuh chat a.

Reilo te ka ding dat a, a khum bulah chuan ka thu a.

Maruat, lo kal tawh suh, min hmu turin rawn kal tawh suh, inneih ka duh lo, ipasal nih ka duh lo.

A tawngkam chu a nelawm loh em em a, mahni inthiam lohna in ka khat nghal a, ka inhuam teh lul nen engvanga chutianga min ti nge maw anih le?

Bena, ithusawi chu ichiang chiah maw?

Ka pasal ni turin ka duh che a, tinge min duh loh a? Min hmangaih tawh lo tihna mi?

Alu a bu nghat a, hmangaih tawh lo, fa nei tawh ini a, nupui ah ka nei thei lo ang che, min rawn ngaihven tawh suh aw, hlim takin in nun bul tan tha leh zawk rawh u.

Kei chu mak tihna avang chuan ka ka hau reng a, dawt a ni silo, a ka atanga thu rawn chhuak chuan min ti na a, mumang mai mai ni se ka ti takzet.

Bawiha, enkawl che ka duh a sin, i tawrhna hi tawrhpui che ka duh a, hnem tur che leh ikianga damchhung hun hman hi ka duh a sin, khawngaih in ngaihtuah nawn leh la, ithu hi sut leh rawh.

Ka chelhna kut chu a paih kiang a, maruat engmah sawi tur ka nei lo, inneih na athleng dawn lo, ka thei lo, nang pawh in min theihnghilh tawh rawh, lo kal tawh suh.

Ka kut chu a khur der der a, mak ka ti.

Lehlam hawiin a mu ngawi ta reng a.

A dar ah ka vuan a, bena enge a awmzia le? Tinge tianga i awm?

Ka vawnna kut chu a thing thla leh thuai a, min be tawh suh, i aw hriat ka duh tawh lo, min kalsan rawh.

Ka nu, ka nu.....

Ring deuh takin a nu chu a ko vak vak a.

Reivak lo hnu ah nu siampuii chu a rawn tlan lut thuai a.

Enge ni ta bawiha?

He nu hi chhuahtir rawh, lo kal tir tawh suh.

Nu siampuii chuan khap daih hram a tum a, a han thlem ngial thin a, awmzia a awm der silo.

Min kalsan rawh u keimah a awm ka duh a tih avangin nu siampuii chu a chhuak ta vat a.

Kei erawh ka la awm khawmuang ta deuh a.

Bawiha, in enkawl tha ang che aw, lo dam vat ang che, ka hmangaih em vang che in ithutlukna chu ka pawm sak ang che tiin a biangah ka fawp zauh a.

Dim te in muangchang in ka chhuak ta a.

Kawngka bul atang chuan ka va en phei leh a.

A tap khur ngat ngat a, akut a hum ruh a, a in seh ruh ta tlawk tlawk mai a.

Ka thlir reng a, bawiha tanpui ingai asin le, ka kalsan thei lo che, ka kal dawn lo.

I that lai chauha hmangaih tur che ka ni lo asin tiin a bulah bawk chuan ka kir leh a.

Ka kuah bet a, a duh lo ngang mai.

Chhuak rawh, min kalsan rawh a ti tuarh a.

Bawiha, ka hria alawm, kal turin min duh tak tak lo tih ka hria asin, ikianga awm turin min duh a, i inthlahrun vang nih kha.

Ka kal dawn lo bawiha, ka kalsan ngai dawn lo che, keiin ka enkawl loh che in tunge enkawl ang che?

Kei pawh chu lungchhiat avangin ka tawng chhuak hleithei lo, ka kuah ngawih ngawih a, ka van lainat tak em.

Maruat, i inchhir loh nan kal zawk mai rawh.

Shhh.... A hmui chu ka hup vat a, sawi nawn tawh suh.

A hmui ah chuan dim te in ka fawp vawng vawng, a mittui chu a biang ah a luang thla ngiai ngiai bawk a.

Chutianga kan lo inkuah lai tak chuan anu chu a rawn lut zuk a, a inthiam lo deuh nge engmah sawi zui lo chuan a chhuak leh ta nghal a.

Hun akal a, kan inneih ni tura kan ruat pawh alo thleng dawn hnai ta.

Kei pawh ka in peih ve tawh viau mai a, ka dawr pawh mi ka kharchhawn tir tawh a, ka bungraw neih ang ang te pawh ka tiral ve nual a, thuam chhawm tur pawh ka theih ang ang in ka in lei ve a, pasal nei tur ah chuan khawvela mi riang ber ka la ni ngei ang.

A dinhmun in a zir loh em avang chuan awlsam te in man kan inhlan a, ka man dawngtu pawh pa atana ka siam chawp ani nghe nghe bawk a.

Ni 22 ni ah chuan kei mothar leh ka fa chhawm nen chuan ka pasal te in ah chuan kan lawi lut ve ta reng mai, a ho lam viau na in ka luh chhan erawh a hlut zia chu bena pa chuan a sawi tawp thei lo.

Hlimna ni mah nise lungchhiat na akeng tel a, khawvel danah chuan piangsual ang a ni tawh a, chutih lai kara ka nei duh mai chu an chhungkaw ho mittui titla tu ani ve tlat.

Zanriah tuihnai tak kan kil ho a, mi pawh an thahnem ve viau mai, tun atang chuan ka in tharah chuan dinhmun pawimawh tak ka chelh tawh dawn ani.

Zan a rei ta, mu hahchawl tawh rawh u maruat, sengfel ngai leh buaipui ngai dang hi chu naktuk lamah in tih zawm dawnnia tiin ka pa chuan mu hahchawl turin min lo ti ve sek reng a.

Inleng te an tin zo ta bawk a, kan room hnawk nuaih leh ka thuam chhawm pawh la rem mumal loh awm nuai karah chuan kan khum lam chu ka pan nghal a.

Ka fanu tan khum te, nuam leh felfai zet hi an lo dah sa vek a, ka naute pawh a mutui khawp mai.

Mamte, tui takin mu rawh aw, nu leh pa, pi leh pu inei ve ta, thlamuang deuhin imu dawnnia tiin ka fawp zauh a, puan ka sin that tir a, ka mu ve ta a.

Ka pasal duh tak chu ka kuah that a.

Ka lam a rawn hawi a, hmai insi lek lek khawp hian min rawn en a,

Ka hmu ruai ruai che asin, ila danglam lo, chiang taka hmuh theih che ka van chak em a rawn ti zuai raih a.

Bawiha, engtik ni ah emaw Chuan min la hmu dawn alawm, a rei tawh lo ang.

Min rawn kuah a, a khur deuh der der a, kan lo intiam tawh ang in thianghlim takin, kan thutiam te hre reng in chu zan hlimawm tak chu kan hmang dun ta a, mahse a lawm a kim thei lo, min hmu thei silo.

Bawiha, tui takin mu ang che aw, ka hmangaih che.

Kei pawh chu reilote hnu ah chuan ka lo muhil ve ta nghal a.

Anu.... Min rawn sawi dat dat a.

Ka meng vat a, bawihte enge ni ta?

Lo tho tawh la.

Apu bena nu in rawng a bawl vek tawh a arawn tih takah chuan thawh ka hai ani tih ka hre chiah.

Ekhai aw, avan zia lo em tih pah chuan ka tho nghal at a.

Bawihte, a pu bena tih tawh loh tur aw, tun atang chuan apa tiin iko tawh anga, a pi leh a pu te pawh tha takin biak tur aw.

A bu nghat nghat a, ka fanu duat hi ka van chhuang thin tak em.

Awi, ka nu ka tihpalh lutuk tak zet, thawh ka hai chiang lutuk.

Ka pa chuan thingpui no dawm chungin chanchin bu alo chhiar a.

Ekhai bawihi, hreawm ti reng reng suh, ihah lutuk tih kan hria alawm, mo ang ah in ngai suh, kan fanu ini tawh a, tuk khat thawh hai mai mai inthlahrun na chhan tur a awm lo tiin ka nu chuan min lo hnem vat a.

Ni e maruat, kan fapa tha tak a i enkawl hi kan duh ber a, thil dang chu lungkham reng reng suh tiin ka pa pawh chuan min lo hnem ve vat a, a inthlahrun awm rualin avan nuam si em.

Ka nu rawngbawl chu ka pui ve nghal sawk sawk a.

bawihtei hi engtin nge ni dawn?
Naktuk atangin school hi tan mai se tiraw?
Vawiin chu alai laklawh tawh si a.

Ni e ka nu, naktuk atang chuan pangai deuhin akal leh thei tawh ang, vawiin chu thawh ka hai bawk nen chawl mai rawh se.

In mamawh leh pawimawh in neih chu sawi hreh miah suh u aw, thil hi kan hre seng thin lo a, in sawi zel dawnnia.

Ka fanu chuan varanda hmun hnawk vel chu a thiam ang tawkin a phiat fai ve a.

A pu chuan alo thlir reng a.

Ivan fel tak em aw bawihte, ka bulah hian lo kal teh, ilo inkawm teh ang tiin a ko vat a.

Eng eng emaw sawiin an nui dun leh bak bak thin a, kan ni hmasa ber atang pawh chuan engkim mai chu a dik vel vek.

Maruat, vawiin tlai kha bena u te chhungkaw ho kha chaw an rawn ei dawn a, chhungkaw chaw ei khawm pahin, in lo in buatsaih hma deuh dawnnia aw, chawlh ka duh viau na in bawiha check up hun ahnai tawh si a, chawlh ka la ngam chiah lo.

Awle, nia kan lo in buatsaih hma dawnnia, va kal rawh, bena pawh chu ala harh lo nge ni ka va en chhin ange tiin room lam chu ka pan a.

[Ngaia]

Hun aliam ve zel a, hmelhriat leh thian neuh neuh te pawh ka nei ve tawh a, ka hna ber chu ka pasal awm nilen tawp chu ani deuh ber.

Nikhat chu kan thenawm a ka thian nu thar, mi mo ve tho lalmami hi a rawn leng a, nau hring tep tawh niin a puar luah mai a.

A chhungte hna thawk a an chhuah vek hlan hian a rawn leng thin a, chumi ni pawh chuan dan ngai te bawkin a rawn tei lut leh a.

Maruat, en teh henglai mi ho hian an sawi na sa thei khawp mai che, ka beng hriat ah pawh an sawi lai ka hre fo mai tih thu chu min hrilh a.

Awi, engtin nge min sawi a?

Bena nen in chungchang hi mawle, lo ngai haw lo la, ti hian bena chu enkawl ngai tawp ani tawh a, hmangaih vanga nei ani lo ang, an fapa, ro khawm tu tur ania, ro a duh anih saw te an tia.

Ka nui chhuak hawk a, lalmam avan hahthlak thin hlawm tak, khawvel ah hian tumah damhlen tur kan awm lo a, eng anga ro sang tam pawh nei ila kan thih hnu ah kan chhawm thei dawn lo a, chutiang lamah chuan ka buai lo reng reng.

Chu chu lawm, kei pawh thian ka kawm ngai lo, in rel neuh neuh an peih lutuk avang hian kan pa hian tumah kawm a phal lo tawp, in ah ka awm deuh chawt ani mai.

Nia, thian kawm tam loh hi a him ber mai, tihian kan pahnih in kan inkawm anga a tha ni mai.

Ka chanchin chu an sawi peih riaua, fa chhawm ka lo nei bawk nen, min hrilh tu ka tawng nawlh zel mai a, chu chuan min ti hreawm em em a, min nuihzat tu pawh ka tawng ta zel a.

Zan khat chu kan chhungkua in kan thu thap a, bawihtei homework vel chu ka enpui pah a.

Ka pa, henglai mi ho hian min sawi na sa lutuk a, bena ka neih chhan chu ro ka duh vang ah min puh a, fa chhawm ka lo nei bawk nen, hreawm ka ti ngawih ngawih a, kan indang mai dawn mawni le?

Ro vanga bena ka neih loh zia te hi an mit ngeiin hmu ve hlawm se ka duh ani tiin tap lek lek hian ka pa chu ka hrilh a.

Leh ta mai mai thin a, sawi loh tur hi an sawi peih hle mai, tu te nge ni chutianga lo ti tu che chu?

Ka pa chu a thinrim viau mai a, hreawm ka tih loh nan min hnem char char a.

Vawi khat pawh chutiang a tawng leh an awm chuan min hrilh rawh, ka hau hreh dawn miah lo ania tiin ka thlavang ahauh na hle mai.

Ka pasal nu leh pa te hi an fel em avangin ka pangchang ve thin viau a, ka thil sawi te hi an ngai pawimawh ve thin viau bawk.

Bena pawh in checkup tura kal a lo hun leh ta reng mai a, kei erawh chu ka tel thei lo a, ka nu nen kal leh turin an in buatsaih leh tawh a.

An kal hma zan ah chuan bena thawmhnaw ken tur vel te chu ka siam fel mawlh mawlh a.

Bawihi, nang hi awm lo ta la chu mi beidawng ka ni tawh ngei ang, nang hian chakna leh beiseina tam tak min pe a, ka dam chhuah leh ngei pawh hi ka ring tlat ani.

Ben, idam chhuak leh ngei ngei dawn, kei tak hi ania lawm, nang hi lo nei lo ta ila hringnun ah hian midang tan malsawmna ka ni ngai dawn silo.

Ka pasal ini hi ka lawm, ka hmangaih lutuk che tiin a biang cher dak ah chuan ka fawp zauh a.

Bawihi, min kalsan lo ang tih min tiam rawh?

Awi, tinge a bena?

Kalsan turin ka nei reng reng lo che ania.

Ka hlauthawng thin a sin, mihring hmangaihna te hi chu tawp chin nei ani a, nang pawh hian min kalsan daih dawn ni te hian ka hre fo thin a.

Bawiha, i ngaihtuahna tha lo tak kha dah bo daih rawh, thil ho mai mai hi ngaihtuah vak vak thin suh.

Tluang takin in zu kal anga, dam takin in lo haw leh dawnnia, ka ngai dawn lutuk che, i chanchin ka rawn ngaihven reng dawnnia.

Ka van peih lo tak em, zankhat lek i aw ri leh i hlim nui ri hre lo a awm pawh hi ka huphurh tak zet ani.

Bawiha, I damna tur anih chuan kum tam pawh awm hran ngai se chhel takin kan tuar hram zel dawnnia aw, zan a rei tawh a, mu hahdam la, tui deuhin imu dawn nia aw.

Ka pasal chu a landan pawh a chhe tawh em em a, tun hma a tlangval sa tha leh mawi em em kha a cher dak a, a rilru hah leh chaw ei thei lo lutuk vangin putar a ang lek lek tawh mai.

Miten ro sum it vanga nei ah min lo ngai pawh ni tehreng se, a awm ve viau tho anih hi.

Mahse ani chu hman a ka hmangaih bena tho kha ala ni reng a, a danglam ngai dawn silo.

Apu, hostel ah ka awm ve duh e, ka thiante pawh hostel ah an awm asin.

Ka mang hriat deuh ruai ruai a.

Muhil thei ka nih tawh lo, ka thawh angai ani ka tih lai reng chuan ka lo muhil leh sek a.

Bawihi!

In rawn tho peih tawh em?
Insiam nghal zung zung ava tha ve tiin ka nu chuan kan room kawngka chu a rawn kik karh karh a.

Msa nu nen chuan an va han in anglo chiang tak em, lei leh van ang ani.

Mumang nen a in chawh pawlh deuh niai chung chuan ka tho chhuak a.

Ka lo mu leh sek chuan thawh min haitir der mai.

Mahse mak tak maiin ka pasal te inchhung ah chuan inthlahrun ngawih ngawih na emaw, han zah viau na ka nei lo, chhungkua ang tak tak in min en vang te pawh ani mahna.

Tukthuan pawh hma tak ah kan ei a, ka pasal chuan thil chiang taka a hmuh theih loh avangin chaw ei thleng chuan ka puih vek angai thin.

Tukthuan kan ei kham hnu chuan hmanhmawh tak in kan in puahchah nghal zung zung a.

Ka pa chuan tawngtaina in a thlah a, motor an dahna thleng ka kai a, min vuan nghet viau mai a.

Bena, tha tak leh dam takin ilo haw leh dawnnia aw ka ti sap a, motor ah chuan an thut tir a, an tlanliam ta vang vang a.

Ka pa chuan huan puitling zau tak mai hi a nei a, tah chuan thei leh thlai chi tinreng puitling sa a nei a, ka la kal ve lo na in an sawi dan atang hi chuan ei tling chu a ni ngei mai.

Bawihi, vawiin chu inleng ka nei dawn a, dawr ka khar dawn a, nang lo va kal rawh ti dawn ila, awm ve la ka duh bawk si a, zankhat mitchhin tawk thut thei kan ni a, thil tihdan te pawh hria la ka duh bawk si.

Anih chu, eng in leng nge ni hrim hrim a?

Huan leh ram enkawl kawnga mithiam ka zawng a, ka thianpa in min kawhhmuh hlauh mai a, vawiin ah leng turin ka sawm a, a tul ang zelin a hmun hma te pawh min la tlawhpui ang chu.

A that chu, ngaithla tura min duh leh ka lo awm ve anga ani mai lawm.

Ka fanu chu school an chawlh avangin a theih tawk te te tih tirin kan room te chu ka tihfai tir a.

Anu, apa thawmhnaw hi ka su dawn aw, alo haw hun a ahak tur in.

Bawihte, insuk chu ila thiam lo a, ithiam hun ah ila su dawn alawm, hmun te phiat fai la, thawmhnaw te hi thlep fel la a tawk rih aw.

Thil tih tur te ka lo hrilh mek lai chuan ka pa chuan min rawn ko a.

Awle, ka hman tep, lo thu dun rawh u tiin ka chhang a.

Minutes 15 hnu velah chuan room atang chuan ka chhuak a.

Ka pa leh a in leng pa chu an lo thudun a, min hnung chhawn zawnga thu an nih avang in a hmel erawh ka hmu mai lo a.

An thutna lam chu ka pan a, an hmel pawh ka hmu ta.

Ka ding chawt a, ka melh ngai chu ka melh tlawk tlawk reng a.

Hei hi ka monu ania, ka mo nu pawh ka ti phallo, ka fanu maruati hi anih hi.

Bawihi, lo thu ta che, hei hi ka hna te min ensak tu tur sangtea anih hi tiin min han inhmel hriat tir ta phawt a.

Lungphu a rang duh ngei mai, khawvel hi a zau viau emaw ka tih laiin tum loh deuha kan in tawn leh tak chu le.

Sangtea pawh chuan min en deuh kawk a, mak kan ti dun viau, mahse kan in thunun leh ta thuai zawk a.

La inhre ngai lo ang mai chuan kan han in chibai te te a, kan han thu ho ta phawt a.

Anu, ka ti zo tawh aw, ka leng dawn aw tiin ka fanu chuan len min rawn dil a.

Sangtea chuan ka fanu emaw, keimah pawh chu mak ti tak hian min en ani ber mai.

Huan thlai enkawl dan te, thil tha ni a an hriat te chu ka pa nen chuan an sawi dun melh melh a, kei erawh ka ngawi reng thung.

Ka mitthla ah alo lang a, hmana a thil sawi thin, cocoon khawi vel a chak thu a sawi thin te kha.


Kum tam alo liam ta reng mai a, ani hi engtin tak hringnun hmang ve zel ang maw?

An ti ti rei ka ti em em a, nuam tih lohna in ka khat deuh tlat mai.

Lo thu rawh aw, bathroom ah ka va kal lawk ange tiin ka pa chu atho tuah tuah a.

Ka ngawi reng a, hnuai lam ka melh tlat a.

Maruat, pasal ilo nei leh daih tih ka lo hre miah lo a, in pa khawnge?

Nia, in hre lo ang, kan han ti deuh thut alawm le,
In checkup in phai lam an kal a, tukin khan an chhuak chiah a.

Anih chu mawle, iva cher ve, hna i thawk na sa ami?

Ka pa chu a rawn let leh tak avang chuan kan ti ti chu kan tawp ta nghal vat a.

Thingpui te kan han in te te a, an duhtawk an sawi hnu chuan sangtea pawh haw tumin a ding ta hluai a, ka thaw a veng hawk mai.

Pawn thleng kan va thlah a, kei chu in chhung lamah ka lut leh nghal thuai a.

A tha dawn khawp mai, a tul anih tak leh awmchilh ang pawhin ka chhawr mai ang tiin ka pa lah chuan ala ti tak deuh deuh a.

Fuh ka van ti lo tak em, kan karah engmah awm tawh lo mahse ka pasal ka veng thawng em em a, ani ber kher engvanga lo kawh hmuh nge maw an nih le?

Tluang takin an thleng a, a tuk ah in check up vel pawh an ti nghal zung zung a.

Ka nu chuan akhat tawkin chanchin min rawn hrilh ve reng a, zai ala hmabak dawn ani tih te chu min hrilh bawk a, amit pawh in khua ahmuh that leh theih an beisei thu te min hrilh bawk a, ka hlim tak zet.

Kar khat hnu ah chuan!

Apa te an lo thleng ta e.

Pawn ah ka fanu chuan apa leh a pi lo haw chu hlim tak in alo hmuak a.

Api, i bag hi ka lo khai lut ang aw.

A pi bag chu thei leh thei lo hian a ak ve a, a kat deuh nawk nawk a.

Ekhai, bawihte a rit lutuk anih kha, keiman ka lo khai ange tiin a pu chuan alo laksak vat a.

ka chau lutuk, mut hahdam ka duh.

Ka pasal chu ka kai a, room lam chu ka pan pui ta nghal a.

Khumah chuan a let thla tawp a, tawng pawh a tawng peih meuh lo.

Puan ka sin that tir a, ka kalsan ta vat a.

Ka nu bungrua leh pawimawh vel te chu ka dahfel sawk sawk a, tui te lum sakin ka inbual fai tir vel a.

Ka pum chu a ti deuh nghulh mai a, luakchhuak in min man ta a, ka in ring hman meuh lo, bathroom ah tlan luh ka tum a, ka nu alo awm bawk si, tui dehna ah chuan ka uak ta vak mai a, ka chau nghal nghulh mai.

Eng ti zia nge ni ta bawihi?

Ka pa chuan ngaih that loh hmel zet hian min en a.

Ka lu ka thing ringawt a.

I hah lutuk aniang e, mu hahdam teh khai.

Ka hah hran lo, ka pum hi a dik vak lo niin ka hria.

Ka sawi zawh rual chuan ka luak leh ta vak mai a, ka pa leh ka fanu chu an lo mangang hman viau mai.

Eng ti zia nge ni ta bawihi?

Ka nu inbual zo chuan min rawn zawt ve ta nghal a.

Ka hre lo, ka pum a dik lo ani maithei tiin ka lo chhang a.

Va mu hahdam teh, nang hi idamlo hlauh ange, idam loh chuan kan khawsak a buai vek dawn ania, va mu teh a rawn ti chul a.

Kei pawh chu pindan lam ah chuan ka phei vat a.

Bena bulah chuan ka bawk thla thlawp a, ka muhil lem lo na in ka lu te chu a hai a.

Ka pasal chuan a kut in min rawn dap a, khum mawng lama mu ka nih avang in min hmu mai thei silo.

A kut in min rawn dap den den a, ka rilru a ti na takzet, mahni nupuite pawh han hmuh theih loh tawp mai chuh, ka ngaihtuah lungpuam a, ka mittui a far zung zung mai a.


Bawiha, min zawng a mi?

A mit a nuai a, a van hreawm tak em, a thim emai, ka thaw a pik lutuk a rawn ti chhuak hlawl a.

Ka kuah vat a, bawiha, tuar hram hram rawh aw, a rei tawh dawn lo, an zai che anga, imit hi atha leh ngei ngei dawn ania, tuar fan fan rawh aw.

A kut in ka hmai vel chu a rawn dap a.

Ka nupui hian eng hmel nge a put pawh ka hmu thei silo, tiang reng reng a dam ai chuan tinge ka thih zawk mai loh? Harsatna te tawk la, damlo buaipui ngai ten awm ta la, itan tangkaina ka nei thei dawn silo, tinge min neih kher?

Ka pasal beidawng tawngkam chu ka dem lo ve, pian tirh atanga khaw hmulo ni bawk silo tan chuan bei a dawng dawn lutuk tih ka hrethiam vek.

Ka mittui tla hian a ti chak lo zual dawn si a, ka tap ri a hriat chuan beiseina a nei lo ang tih ka hlau a, ka insum a, ka in pet fan fan thin ani.

Zanriah kan peih ta e, bawihi rawn kal ru le.

Ka nu chuan kan room kawngka pawn lam atang chuan min rawn ko a.

Bena chu muangchang in ka kai phei a, dawhkan chu kan kil ta a.

Thil rim eng eng emaw in pawlh nuk chu ka ti thei der lo mai, chaw reng reng ka ei thei lo.

Bawihi, i ruak lo ani lo maw?

I awmdan hi ka ringhlel riau mai.

Zah avangin ka sen deuh ap ap a, ka lo inringhlel der silo.

Api enge ruak lo chu?

Ka fanu chuan api chu alo zawt vat a.

Bawihte, ruak lo chu anu pum ah hian naute a awm maithei a.

Yes, ka van lawm tak, nau ka nei dawn ani maw?

Engmah thu chiang awm hlei lo chu an phulpui hlut ta mai a, ka zak angreng khawp mai.

Bena chaw ka ei tir hnu chuan sitting room ah ka thut hahdam pui a.

A hui leh dap dap thin, ka lainat ngawih ngawih a, hun leh ni te hi ral thuai thuai se, a mit chu zai vat se ka ti ngei mai.

Zan kan han mu a, ka luak ngat ngat reng mai a, ka mu tam lo kher mai, ka nu chuan ka thawm a lo hria a, zanlai ah te chuan a rawn tho a, a mangang hle mai.

A tuk ah chuan in entir tur chuan min hruai ta nghal a, ka nu rinhlelh ang ngei chuan ka lo ruak lo ngei mai.

Chu thu chuan chhungkua a ti hlim em em a, bena fa lo piang tur avang chuan an lawm a, an hlim em em a, bena tak pawh a hlim khawp mai.

va mu hahdam teh bawihi, inchhung chet vel hi chu engmah tih tum suh, nula fel tak kan nei a, thla thum hma chu mu hahdam tawp ang che.

Ka mu reng peih bik lo, a ninawm ve alawm.

I mut loh pawhin in pa bulah khan awm la, hahdam takin awm rawh, chaw i ei peih loh pawhin fridge ah apple te, thei tui te ka dah a, i ei lui hram hram dawnnia aw, i tan leh naute tan a tha dawn a, in enkawl tha ang che.

Ka nu chuan min duat em em ringawt a, ka ngaihtuah neuh neuh thin a, msa nu nen ka khaikhin vel thin a, an va in ang lo teh lul em.

Kan pa nen chuan khumah kan mu zal a, nghet takin a kutah ka chelh a.

Bawihi, pa ka ni ve tawh dawn a, ka hlim lutuk, mahse ka fa hi lo piang ta se a hmel pawh ka hmu thei dawn lo tihna ania.

A ngawi chawt a, bena beidawng lutuk hian ka nun a van ti hreawm thin teh lul em.

Bawiha eng tik ni ah emaw chuan khua ila hmu anga, ifa hmel pawh ila hmu ngei ngei dawn, ani chuan hlim takin a lo nuih ver ver ngei ang che.

Duhthusam anih chu!

Beisei na ka neih nan i tawng mai mai ani, kei chu damchhung in piangsual ka ni tawh dawn, eng hremna nge maw ka tawrh tak le?

hetianga i awm reng chuan ka kal bo san daih ang che.

Kal bo rawh, ka bul a awm hian awmzia a nei lo, inun iti hreawm mai mai ani.

[Ngaia]

Chhan zui tlak ah ka ngai lem lo, kei pawh ni ila ka bei a dawng ve viau in ka ring.

Lo thu rawh khai, ka lo beisei reng tawh che a, i hman hun ka lo nghak ve deuh chawt mai a.

Ka pa chuan inleng a nei a, tu nge anih pawh ka hrechiang viau.

Chhungkaw mo ka nih angin ka tih tur ka hria a, thingpui no hnih ka siam a, ka pa leh a in leng pa chu ka va chhawp a.

Zu rim nam deuh tlata hriatna ka nei a, ka hriat sual nge ka hre thiam lo.

Ka hnar ka han len deuh a, a nam ngei mai si a.

Sangtean zu a in thei dawn em ni?

Mak ka ti hle a, eng thil nge a chungah thleng ta ni?

A ri dawp a, thil a ri deuh rum rum a, kan room ah engemaw ni thil thleng q awm ani.

Kan phawk tlang hle mai, bena a chesual palh a nih ngei ka ring a, rang takin ka tlan phei nghal a.

Ka pa, sangte lo tlan teh u tiin ka au nghal tuar tuar a, kei chu mu leh mal ka nei tawh mang meuh lo.

Khum banah chuan puan suih khawm hmang in alo in khai a, a ni khaw hmu silo chu a in awk buai a, khum mawng lama ka thil rem te chu a tlawh darh na sa alo ni.

Sangtea pawh chu a rawn tlan lut thuai a, a nghawnga puan in valh te chu an han hlip zung zung a.

Thinrimna in ka khat nghal a, ka tha te pawh a khur zung zung a.

Ka nu erawh office lama akal tawh avangin engmah a hre lo, ka pa chuan hrilh lo turin min ti nghe nghe a.

Bawiha, engti zia nge?
Hetiang thil te tih itum tak mai a? I chhung te hi min va ngaihtuah lo ve.

Hlauthawng, thinrim bawk si chu ka pa aw pawh chu a khur deuh dar dar bawk a.

Khumah chuan kan thut hahdam tir a, sangtea chuan tui no ah tui a thli a, a pe bawk a.

Bena, eng rilru pu in nge tianga i awm le? Khatianga itih khan enge hlawkna i hmuh?

Ka vin tuarh a, ka insum thei thlawt lo, min ti hlauthawng lutuk.

Ka tana hlawkna tur chu maw, in tan hnawksak ka ni tawh lo anga, mitdel ka ni reng tawh bik lo ang, he dinhmun ah hian ka nun hi a hreawm a, ka ning ani.

Tu nge hnawksak ti che a?
Vawikhat pawh tiang zawng chuan kan tawng chhuak tawh em? Theih tawp kan chhuah vek ani lo a mi? Manganga min siam iva chak awm ve?

Lukham chu a chum dawt a, a kun a, a tukhum ah a kut a suih a, a chek tlawk tlawk a.

Bawihi, zaidam tak khan le, I dawhtheih angai hle dawn ani tiin ka pa chuan min lo khap vat a.

An pahnih chuan min chhuahsan leh ta a, boruak a rit em em a, ka tha khur pawh ala reh chiang thei meuh lo.

A zuau ka ti dawn nge englai pawh hian a thim lam hlir mai hi a thlir reng a, a chang chuan enkawl harsa ka ti ve fo thin, a thin achhe em em mai bawk si.

Chumi ni atang chuan ka veng deuh chawt hi a ni ber mai, zan ah tui takin ka mu thei lo a, thin thi in ka mu mang lo, ka naupai nen ka hah thin tak zet.

Ka nau pai thla li na a hman mek laiin ni khat chu ka chungah thil duhawm loh tak alo thleng ta tlat mai.

Bena mit zai tura an kal hma kar chiah ani a.

Ka nu leh ka pa an awm lo a, inrinni a nih avangin ka nu leh kan nula chu bazarin an chhuak a.

Ka fanu pawh a thiante kawm in a leng chhuak bawk a.

Bena ka bualfai a, tui takin a muhil a, ka chauh deuh em avangin sitting room thutthleng ah ka mu zal a.

Ka lo muhil hman tep tih ah chuan sangtea chu a rawn lang hlawl mai a, ka pa hmuh tuma rawn kal a nih thu a sawi a.

An awm loh thu leh tlai lama lo kal leh mai tur in ka lo ti a, mahse haw ta mai lo chuan a thu ve ta reng a.

Zu rim a rawn nam leh thar thar bawk a, mak ka ti em em ringawt mai ani, khati khawpa tlangval fel leh invawng, sakhaw mi si kha zu a in ta mai chu mak ka ti ngawih ngawih.

Ani zu in nam, zah na bo tawh si chuan ka mutna lam ah chuan a rawn insawn phei that a, ka mutna atang chuan ka tho thuai a.

A tawng duh in a ti ti a tui hle a, kan nunhlui te pawh a sawi chhuak zauh zauh a.

Pangai takin ka chhang zel a, ka titi pui ve zel a.

Thingpui ka va lum ang che aw, lo thu rawh tiin thawh ka tum lai tak chuan min lo man bet a, ila chhe lo reng mai tiin min han fiam vel a.

I mawl emai a, tawng fimkhur rawh ka tih vel lai tak te, min lo man Beh lai tak chuan ka nu te bazar chu an rawn lut thut mai si a, min rawn hmuh dan avang chuan ka nu hmel chu a dur nghal khup mai bawk a.

Ka nu in lo haw ta ani maw?

Haw a nih hi tih bakin min chhang lo.

An thil hawn vel chu va dah fel pui ka tum a, ngawireng chuan a dah fel a, a rem fel ta zel a.

Hreawm ka ti hle a, engtin nge min ngaih ang ka hre lo.

Sangtea chu a melh deuh ralh ralh thin a, min ringhlel ni ber in ka hria.

Thingpui pawh chu ka lumsak tawh lem lo a, ka ip zek zek tawh mai.

Ipu i nghak ami?

A tawngkam chu a no tehchiam lo.

Nia, ka lo nghak anih hi, alo haw dawn tawh angemaw?

A lo haw hun ah lo kal leh mai ta che, hetia nghah reng te chu awmzia a awm hleinem.

Sangtea lah chuan enge thleng mek tih a hre lo nge a hre lo der zawk.

Kan nghak tlang law law ange, ka lo kal laklawh tawh si a, in monu nen kan lo ti ti a, hun chu a kal ve duak duak mai a la ti tak deuh deuh a.

Ka va signal thin na in min hawi der silo.

Ka nu hmel lan dan zawng zawng chu a in thlak vek tawh a, hreawm ka ti takzet.

Sangtea lah chuan min be deuh sek reng mai si a, kei erawh chuan a rul tawk bakin ka chhang lo.

A thuhrim ah zu te i in a mawni?

Zu in mi hi hnathawk ah kan duh ngai lo a sin, zu nam chung ten i rawn kal mai mai a, ka duh vak lo ania.

Pi, nia ka tihpalh ani, ka zu in chhan chu hria la chuan min dem bik lo ang, ka duh reng vang ani lo a, mihring hi chu alo danglam theih khawp mai a ti nuah nuah a, a tawng thui ka hlau em em a, ka ip zawk zawk ani ber mai.

Kan room ah ka lut a, bena chu alo la mutui viau mai a, ka hreawm ti lutuk chu ka vei tawn sek reng ringawt a.

Sangtea lah chu haw mai lo chuan ka pa lo haw hun chu a nghak ta reng bawk si, room atang chuan chhuah pawh ka chhuak ngam tawh lo.

Ka pa chu chawhnu her tawh lam ah a rawn haw a, ka thaw huai mai.

Ekhai, ilo leng a ni maw?

Kei lah kohhran thil ah ka lo chhuak ve daih mai a, thingpui te ilo in tawh em?

Aw, in tawh e, nia ka lo nghak che a, lei tha kha alo thleng der tawh a, silchar ah bungrua a tangkhang tlat mai si a, kan zu lam mai angaih hmel a, chung thil velah chuan rawn biak che ka duh mawle.

A nih tak chu mawle, kan inthlak phawt ange, lo thu rawh tiin ka pa chu an room ah chuan a lut a.

Hun chu ral vat vat se, haw tawh se ka ti ngei mai.

Ka pa nen chuan engemaw chen an ti ti hnu chuan a haw ta a.

Zanriah kan han kil te chu ka nu chu a hlim lo hle a, ti lang em em lo mahse ka hrethiam vek tlat.

A ni hnih na vel ah erawh chuan pangai takin kan awm chho ve leh mai a.

Ka vanduaina chu a kal tluang nge ka hre tawh lo.

Ka nu te an kal hma ni tlai lam ah chuan sangtea chu a rawn kal leh a.

Ka nu leh pa leh bena chu pindan ah an awm a, kei pawh kan room ah ka awm a.

Kan room kawngka chu a rawn in hawng riai riai a, ka phu nasa kher mai.

Chhuak nghal rawh tiin ka nem nawk a, a rui viau bawk a.

Maruat, eng pawi mah ka khawih dawn lo, Vawikhat chiah ka lo kuah che anga a tawk, hun rei tak hnu ah ka hmu leh che a, ka lung a leng em ani, ka ta ini thei ngai dawn lo tih chu ka hria, Vawikhat chiah ka kuah che min phalsak rawh.

Chhuak nghal rawh, ka nu leh ka pa te an awm a, itan a pawi zawk ang tiin room atang chuan ka nam chhuak a.

Ka nam chhuah lai tak chuan thawm vel hria in ka nu leh ka pa chu an rawn chhuak a.

Kan pindan chhung ah sangtea chu an hmu ta si a, engkim a chhe zo ta vek mai.

Bawiha, pawn boruak thianghlim saw lo va dawng teh aw.

Kan nula chu ako a, i u bena hi pawn ah lo va awmpui teh.

Kei chu hlauin ka khur a, ka mit chuan hnuailam a melh reng a.

Ka pa chuan dam tak hian min bia a.

Bawihi, eng thil nge ni ta?

He tlangval hi in nupa room ah a rawn luh tak mai?

Ka pa, engmah tih sual ka nei lo, zu a rui a, a thil tih hi a hre lo ani.

Daw lo mai rawh, ka mit khamna hi a rei tawh lutuk, Hmanni ka bazar haw ni pawh khan in haw lo takin in lo awm dun tawh bawk a, tunah kan awm lai ngei pawhin in nupa room ah a lut ngam bawk a, mitmei hmuh lo la tihian a awm tawp lo ang.

Ka nu, eng thil mah a awm lo, dawt ka sawi lo.

I pasal, mitdel tawh hi ibum der chu ania, kan tan chuan uire ini, in siam ula, min chhuahsan rawh u.

Ka pi, min ngaidam rawh, maruati tih sual engmah a awm lo, ka thiam loh ani, kei pawh ka lo kal tawh lo ang tiin sangtea chu a in thiam lo hle a.

Nangmah vang vek anih hi hre rawh, ka haw lutuk che, ka nun iti chhe vek anih hi, chhuak nghal rawh tiin ka kawk sawk sawk a.

A mah chauh ani lo, tianga a awm ngamna tur in izir lo ani mai.

Ka nu chuan min ringhlel zo laklawh tawh bawk si, avan hreawm teh lul em.

Nang pawh vawikhat mah rawn lang tawh suh ang che, mi nupui ani tih ihre lo em ni?

Hria e ka pi, ka tihpalh ani, ka ruih vang ani, hmana ka thiannu thin ania, ka lo ngam tlak ve deuh ani, maruatin tih sual engmah a nei lo tiin thupha a chawi nasa hle a.

Ka nu chuan a nem chhuak dawt dawt a, kei pawh chu chhuak turin min ti nghal bawk a.

Ngawi teh mama nu, ti rum rum lo teh, thudik hriat hmasak phawt te hi atha ngai tiin ka pa chuan ka thlavang alo hauh a.

Hetiang hi kan inchhunga thleng ah ka duh lo, ka mit hmuh laiin vawi hnih a thleng tawh, thudik dang hriat ka mamawh tawh lo.

Ka nu, nau ka pai mek ani a, eng thil sual mah ka ti lo, min ngaidam hram rawh tiin ka ngen lawm lawm a, min ngaithla duh lo

Ka va han chhuak awm bik lo em, ka nu pawh a thinrim a reh mai ang, eng thil mah ka tisual hleinem tiin ka thinlung chu ka ti paukhauh lui ve ta tlat a.

Kan boruak a reh deuh hnu chuan ka nu chuan bena chu a rawn nawr lut a, an pindan ah chuan a luhpui ta daih a.

Kan room ah chuan ka awm reng a, ka fanu leng lo haw pawh chu ka bulah ka ko lut nghal a.

Khua a thim thet thet tawh a.

In la insiam na nge? In siam rawh ka tih che kha.

Kan pindan kawngka ah chuan a rawn dak a.

Ka tho that a, ka thin a rim ve ta khawp mai.

Engvang chuan nge ka insiam anga?

Enge ka tih sual a? Ka tihsual lai chu min hmu em ni?

Kan hmu mah mah che a lawm, kan hmuh loh ah hian engtiang in nge i khawsak ang pawh kan hre hleinem.

Ka nu, tiang zawng kha chuan min puh suh, ka nihna chu ifapa hian a hrechiang ber ang, he in atanga min nawr chhuak duh hrim hrim anih chuan tlang takin min hrilh mai rawh, mahse ifapa phatsan anga min puh dawn anih chuan ka chhuak lo ang ka ti ve ta hmak a.

Chumi zan chuan chaw pawh ka ei lo, a tuk mai chu an kal hun a ni tawh si a, bena lah chu an room ah an awmtir tlat mai si.

Ka pasal in zai pui a tawk dawn a, a kal tur chutia a khung bo chu ka ngaihdan ani tawh lo.

An room kawngka chu ka hawng a, an khum ah chuan bena chu a lo mu a.

Bawiha, lo tho rawh, i thawmhnaw te siam ang tiin a banah chuan ka kai a.

Ka kut chu a lo nem kiang vat a, phatsan tu inih kha, ibuaipui ka ngai lo, hman a itheihnghilh theih loh sangtea kha vawiin thleng pawh hian ilo la theihnghilh lo chu anih hi, va umzui ve law law zawk rawh.

Bena, nang leh zel pawh maw? Enge in hriat em em a? Min mamawh lai zawng zawng khan ka pui che u a, I zun ek zawng zawng ka thiar a, tun ah tiang mai mai hian maw min tih a? In la hre dawn khawp mai.

Eng insawifiah na mah kan mamawh lo, dam pangai ni ila chu i bialpa te in thleng thak ka hnuk phei ang che, ivannei khawp mai, inaupai pawh kha ka fa anih apawh ka ring nek lo ve.

Ka na em em a, ramhuai in nih hi, misual in nih hi, in la hre khawp ang.

Ka thinrim lutuk chu ka alh lo chauh ani ber mai, eng mah ka ngaihtuah hman tawh lo, kan thawmhnaw ka siam sawk sawk a, ka ang vak vak bawk a.

Anu khawnge kan kal dawn a?

Hla tak ah kan kal ang.

He in hi kan chhuahsan vang vang ang, an la inchhir dawn khawp tiin ka thinrim lutuk chu ka ang chiam a.

Ka pa chuan min lo dang a, khawvar hun ah thil kan sawi tha dawnnia tiin min dang na in ka thin a rim em avangin ka chhuak lui ta a.

Hneichhia hi kan lo sual zia ka hrechiang ta hle mai, mahni hmeichhiat puite dinhmun hrethiam ber tu tur kan nih laiin kan lo sual zia ka chiang khawp mai.

Ka pawisa neih sa hmang lo a ka lo khawl tha tlat te chu ka vanneih pui hle mai.

Kalna mai tur kan hre lo a, ka fanu nen chuan ka pa zawnte in ah chu zan chu kan riak ta phawt a, zankhua in ka in ngaihtuah a, ka rilru a na in ka thin arim em em a, in tu, in fa lo piang tur hi a hmel pawh in va han hmu dawn lo rua em tiin ka insawh na sa hle.

A tuk chawhnu lam ah chuan in ah chuan kan va kal a, bena te chu an lo awm tawh lo a, kan nula chauh alo awm a.

U maruat, ahreawm ka ti lutuk, kei chuan i dik dawn ani tih ka hre reng, ka pi khan a ringhlel tlat che a, tukin ah pawh ka pu nen an inhauh phah na sa a tih thu chu min lo hrilh a.

Ka thinrim em avang chuan ka bungrua te chu ka thiar chhuak vek a, kan thenawm tlangval te ho leh ka pa zawn fa te ho chu min pui turin ka sawm bawk a.

Thuam chhawm ka ngah lo bawk a, nizan lamah ka biak fel tawh angin ka in luahna hlui neitu te in ah ka bungrua chu kan dah dawn ani, ka thin a rim bawk a, thenawm te ho bulah pawh ka nu min puhna leh ka chhuah chhan chu ka sawi ta vek a.

Kalna tur dang kan nei mai lo bawk a, ka pazawn ve te in ah chuan kan tlan lut ve ta rawih chu ania, ka fanu sikul kal a laklawh avangin kan awmchilh rawih angai si a, an lo fel ngang mai a, min hnem ve mawlh mawlh reng a.

Ka pasal chanchin chu hriat ve ka duh avangin ka nu chu vawi tam ka call a, vawikhat mah min chhang duh lo a, na ka ti ve khawp mai.

Ka rilru ka siam fel ve ta a, tiang khawpa min puh chhia a, min hnawt chhuak tu te hi ka ngaihven tawh bik lo ang tiin.

Kan nufa chuan ka pazawn te in ah chuan kan han awm ve ren rawn a, ka naupai pawh a hram ve ta viau mai.

Ka fanu te exam an zawh hun ah Champhai lama awm chu ka rilruk a. an zo ve tep bawk a, ka tlanbo vang vang dawn ani.

Ka thiannu, a fa tulpui ve tho hi a awm a, in luah in an khawsa ve a, chu chuan champhaia awm chu athat thu leh sumdawnna a awlsam thu te min hrilh avangin awm ka tum ruh hle.