BEISEINA IN BY Mpi Hmar Godfrey (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BEISEINA IN BY Mpi Hmar Godfrey (Completed)

Unread post by Ngaia » February 16th, 2020, 4:23 pm

Bena chanchin chu atawp na atan hriat leh ka duh ani.

Ka dawhtheihna zawng zawng sawm khawm in ka nu chu ka call leh a, min chhang duh lo mai ni lo in a switch off ta nghal a.

Ka pazawn fanu vanlali hian min ngei pui viau a, be tawh lo tur leh in duh lah turin min fuih na sa.

Ka pazawn te chu fel hle mahse thisen inzawmna nei lo, pa a ka zawn ve mai an nih avangin inthlahrun a na a, kan chunga an that pauh leh ka inthlahrung zual zawk.

Zankhat chu mu thei lo in ka in ngaihtuah neuh neuh a, ka thiannu te awmna lam chu pan rawih tha in ka hria a, hna ka thawh loh chuan ka fanu zirna ngaihtuah angai a, ei tur ngaihtuah angai bawk a, rilru a buai tak zet.

Ekhai!

Nangni in ni maw?
Lo leng thu rawh u, enge in duh teh mial a?

Ka pazawn chuan inleng anei a, vanlali nen pindan ah mu chungin kan ti ti ve mek a.

Kan inleng te chuan an rawn len chhan te chu an han sawi zung zung a, min ko tura rawn kal an ni.

An duhtawk an sawi zawh hnu chuan ka pazawn chu a tawng chhuak ve a.

Keini nupa hi nu leh pa atan min rawn vuan ani a, alakah pawh mawhphurhna tam tak kan nei niin kan inhria a, tun tum a rawn haw dan hi a lawmawm teh chiam lo tlat mai a, kan fel famkim lo ang tih chu kan hre tho a, pi siampuii pawh thil ngaihtuah chiang hmasa lo in a fa mo chungah tiang hian a che rum rum mai a, kan fanu uire lai emaw, mipa nena mawi lo taka an awmdun lai hmu ni se chuan thiam thu sawi tur kan nei hauh lo, chutiang em a thlen kan hre lo a, chuvang in keini chuan haw rawh, haw suh kan ti dawn lo a, a ma thu tlukna te pawh hre phawt ila atha ang a.

Ka pa thusawi chu kan ngaithla reng a.

Haw reng reng suh, ngaihdam an rawn dil che anih loh chuan, a tlawm thlak lutuk tiin vanlali chuan min lo fuih ve char char bawk a.

Ka pazawn chuan min rawn ko a.

Pindan atang chuan ka chhuak ta vat a, an zingah chuan ka va thu ve a.

Enge i ngaihdan le? Hei i pasal chhung ten palai an rawn tir a, hruai haw che an duh ani awm a tiin ka pa chuan min lo zawt vat a.

Ka rilru a insual tlat, nau lah chu ka pai hram tawh si a, haw mai chu ka tan a tha zawk angem?

Mahse ka nu nen kan inkar boruak a tha lo viau a, ka pasal nen chu ti bawk, min puh dan chu a rapthlak em em bawk si a, chuvang in ka haw anih chuan min hmusit dawn lutuk, hei leh chen kum tam an tello in ka awm ve tawh a, harsatna leh hreawmna pawh ka lo tuar tlang hnem ve tawh, ka tlawm tur ani lo.

Ekhai, ka haw lo ang, uire ang deuhthaw a puh chunga hnawh chhuah ka ni a, mi fel in ah kei misual hi ka awm ve theilo anih hi, ka haw lo ang ka ti chhuak ta phawng a.

Palai te chuan theih tawpin min thlem ve a, kan fa fahrah a siam chu athat loh thu te min fah nual na in ka dinna ngaiah ka ding tlat a, ka haw dawn lo.

Chutia ka chhan beidawn takah chuan thingpui te an in zawh hnu in an haw ta hlawm a.

Hun leh ni aliam a, ka naupai thla sarih anih laiin kan dinhmun siam turin leh bul tan tha leh turin Champhai lam chu kan pan a, Champhai kan chhoh hma hian kan nupa inkar fello tak, sum chhuah silo, in mak ni chiah silo a kan awm chu ka duh loh avangin sum kan va chhuah fel ta nge nge a, rilru erawh a hah ve khawp mai.

Chutia Champhai lama awm ka duh tlat tak ah chuan ka nau neih a hnai tawh si a, ka pa te chuan min ngaihtuah ve em avangin an fanu vanlali chu min awmpui turin ka rualin an chhoh tir ve bawk a, ka lawm tak zet.

Kan ruahman lawk angin ka thiannu chuan ka inluah tur min lo biak fel sak vek tawh bawk a, chu hmun chu kan pan leh ta rawih phawt chu ania, aizawlah pawh a awm theih tho na in, kan nupa kan inthen ta rau rau hla taka awm chu ka duh ani.

A nu, kan insawn zing e, sikul dangah ka lut leh dawn ami?

Sumo chhungah chuan ka fanu chuan zawhna tam tak min zawt a, ka kualpui reng mai chu hreawm pawh ka ti ve khawp mai.

Kan tluang vak lo a, Champhai kan thlen chuan khua a thim tawh a, boruak pawh a vawt deuh vur mai.

Ka la kal ngai loh avangin chinchang ka hre lo a, ka thiannu chuan kan chhukna tur hmun a sawi ah chuan min drop turin driver chu ka hrilh a.

Midang an chhuk vek hnu chuan kan chhukna tur lam ah chuan min hruai ta a, ka thiannu te nufa chuan min kawng sirah min lo chang ran a, kan chhuk ta a, motor chunga kan bungrua lah chu atam ve viau mai si, min lo pui teh u tih tur kan nei silo, kei leh ka thiannu mami, vanlali nen chuan kan thiar ngat ngat a, a chauh thlak ngei mai.

Hemi hnuai hi ani, a piah mai saw ka in luah chu ania, kan in hlat dawn lo bawk a, a nuam dawn lutuk tiin ka in luah tur te chu min kawh hmuh a, zan thim anih avangin a nawm leh nawm loh pawh a hriat theih loh.

Thiannu mami te in ah chuan kan inchhawp hnawk rum mai a, a in luah a lian bik si lo, a in thlahrun awm angreng.

Chau tak chung chuan chaw te kan han ei fel te te a, kan in peih meuh chuan zan alo rei ta reng mai a, chhuatah mutna kan phah nawk nawk a, kan muhil nghal bawrh bawrh a.

Zing kar ah hian kawngka an rawn kik karh karh a.

Thiannu mami chu a tho thuai a, kawngka chu ava hawng a.

Enge in chanchin le?
I thiante chu an rawn chho ta em?

Luah ah min dil reng hlawm si a, a ruak tih an hre ve hlawm si a.

Kan in neitu nu anih ngei dawn chu tiin ka tho chhuak ve nghal a.

Nizan ah an rawn thleng a, chanchin kan la rawn hrilh hman lo che u ani, midang chu lo hnar vek rawh, kan duh chiang ka tih kha, vawiin ah kan rawn insawn lut nghal dawn.

Hei amah pawh a rawn tho alawm tiin min lo in hmelhriat tir nghal a.

Kan han in chibai a, vawiin lamah rawn insuan luh kan tum thu vel te chu ka hrilh bawk a.

Mami, hlawhfa chhawr mai tur an awm angem? Min zawn sak teh, bungraw thiar tu tur hi.

Ekhai, inhlawh duh an tam ang tiin mi a be kual nghal zung zung a, a awrawl rin ang bawkin a mah pawh a tuan a tha vet vet khawp mai, hlawhfa tur pawh chu min hmuhsak ta nghal a.

Tukthuan eikham hnu chuan kan in thar tur ah chuan kan phei ta a.

Building nuam leh thengthaw tak mai ani a, choka leh sitting room hran a awm lo a, a in zawm vek a, bedroom pakhat zau lutuk lo a awm bawk a, kan luah tawk vel viau mai.

Tlangval tha chak tak pahnih in min pui bawk a, bungrua kan ngah em em lo bawk nen kan inpeih thuai mai a, kan inthar ah chuan bul kan tan thar ve leh ta.

Zan khatna kan han mu chu ka khua a har in ka lung a leng vawng vawng mai, bena chu ka ngai em em a, ka inluah a a rawn len lai te, a rawn riah laite chu ka mitthla ah ka hmu a, ka mittui a tla hial a, engvang in nge ka chungah hian he thil hi a thlen bik le?

Beiseina in hmalam hun ka thlir ve a, ka beiseina chu a tham ral a, ka nun ngai bawkah ka let leh ta, mahse ka beidawng tur anilo, ka fate pahnih vang pawh hian, ka thih hnu ah pawh, ka nu chu nu chak leh tuarchhel tak, fate tana in pe zo tak ani min tih theih nan.

Kan in thar ah chuan kan han awm ve ta rawih a, thenawm khawveng te an fel khawp a, an rawn dak lut deuh zut reng a, a nuam phian mai.

Hna thawh mai tur ka hre lo a, ka ngaihtuah nasa hle a, hna rum thawk thei chi ka ni tawh loh avangin eichawp dawr a bul in tan leh mai chu athat ka ring a, kan in bul bawr velah tak phei chuan kuhva han lamna mai tur te a awm loh avangin a tih chi phian in ka ring a, ka thiannu mami chuan min lo phurpui em em mai bawk si nen, eichawp dawr chu kan ruahman ta a.

Engmah chinchang ka la hriat loh avangin mami chuan kawng engkim ah min buaipui vek a, a ma zarah liau liau inchhung ah eichawp dawr chu ka siam ve ta a.

Sum ka nei tam lo bawk a, duh ang in ka in la muk thei lo a, mahse pathian zarah min dawr ve sap sap a, kan buai tawk a tling ve viau mai.

A nu, hostel ah hian ka awm ve duh e, hostel ah chuan lehkha te an zir tha a, ka awm ve chak tiin bawihtei chuan hostel awm chu a ngen leh a, min dil ngun tawh viau mai a.

A duh anih phawt chuan ka dah ang, ka fate tan hian nu tha tak ka ni zel tur ani.

Thlasik boruak a in her chho tan a, nau nei thei dinhmun a ding reng ka nih tawh avangin theih ang ang in naute mamawh te pawh ka lam khawm ve a, rilru erawh a na ani, pa tello a fa pahnih ka enkawl tur chu, pathian hnen ah damna leh chakna ka dil fo thin.

Bena chanchin erawh ka hre zui ta lo, an zai hlawhtling nge hlawhtling lo tih pawh engmah reng reng ka hre tawh lo.

Zankhat chu sangtea hian min rawn call teh nawlh a.

Vanlali nen meilum ai chungin kuhva kan lo siam mawlh mawlh a, kan tv chhe te ah chuan hindi film lehlin kan lo en pah bawk a, chutia sangtea call ka han dawng nawlh mai chu ka thin a sa phat mai a, he dinhmun a min din tirtu anih avang in ka haw tak zet.

Ka chhang duh lo a, ka ring ral tir ta thak a.

Vanlali phone a rawn ri ve leh a, ka pa nen an inbia ni ngeiin ka hria.

Kan awmna chin hi lo hrilh reng reng suh a tih atang chuan engemaw tak chu a awm tih ka hrethiam mai a.

Ka phone chu a rawn ri nawn leh a, sangtea bawk chu ani.

Hello!
Ka ti vin deuh hlar a.

Maruat, khawnge i awm?

Enga tan nge itih a?

I chanchin ka hre lo em a, ka rawn zawt mai mai che.

Ka chanchin hi i ngaihven zui turin i enge ka nih a?
Nang phiangsen vang in ka nun zawng zawng achhe vek anih hi hre rawh.

Ka thinrim lutuk chu ka dang te a awk titih a.

Ka hria alawm, engkim kha ka thiam loh vek ani, engmah tihsual inei lo, ka zu rui ka che mawilo lutuk ani tih ka inhria a, i hnenah pawh ngaihdam dil che hi ka ba a, I nu leh pa te bulah pawh thil awmdan, nih dan engkim ka hrilh tawh a, ka chet dan avang khan ngaihdam pawh ka dil bawk a.

Chuan enge?

In nupa kar tichhe tu ka nih ang in a siam that pawh ka tih tur niin ka hria a, khawnge i awm?

Hla tak ah, ithiam loh chu ani e, mahse an ni pawh kha an thiam chuang lo, thu dik hre hawt lo in ka chungah an che a, chuvangin engmah hi a ngai ang in akal tawh dawn lo, kan inthen fel tawh a, sum ka chhuah fel tawh, nang pawh tiamin tuman min rawn tibuai tawh suh u tiin phone chu ka dah ta nghal a.

Ka thinrim lutuk vang nge ka tha te chu a khur der der a, vawt tih vanga meilum ai ni si in ka sa pup pup mai bawk si.

Umaruat, kan in ah bena a rawn kal a ni awm e, ka pa khan min rawn hrilh a.

Chuan engtin?
Ka lo zawt let rang khawp mai.

Kan hre lo han tih teh tawp kha chu dikin ka hre lo a, Champhai lamah in awm thu ka hrilh a, thu tam tak ka lo sawipui bawk a a tia..

Awi, ka pa chu aw tinge alo hrilh le?

Lungngai suh, khawi vengah nge kan awm a hre chuang lo a, min zawng hmu teuh lo ang.

Ni e ti raw, boruak a dik lo vek, thingpui in teh ang tih pahin thingpui lum tur chuan ka tho tuih tuih a, nau nei hnai tawh ka ni bawk a, ka na deuh thum tawh mai.

Anu, aizawl kha anuam ka ti daih zawk, tah chuan thian kawm tur pawh ka nei silo a, in ah awm reng angai a, nuam pawh ka ti lo.

Ka naute chu a ma tawk ah a phun leh nang nang thin.

Mamte, thian te chu inei vat mai ang, keini pawh thian kan kawm ngai loh hi, in ah awm mai mai la i teaset te khalh la a tawk chiah.

A ninawm a lawm, in teaset pui tur ka nei silo a.

Ka naute chu ka lainat reuh, pa tello nun khawhar awmzia a tem ve niin ka hria.

November thla ani a, avawt vin tak mai.

Ka fanu leh vanlali chu an mutui viau mai a, rizai pawh an sin uluk ngang mai.

Ka pum a nawm chiah loh avangin ka muhil thei lo a, ka tho a, heater ka on a, a tuk lama siam atan tiin kuhva ka thlel mawlh mawlh a.

Na lutuk silo, mutpui dawna nuam chiah silo hian ka awm ta reng a, chhuat dung ah te chuan ka tei kual a, chutianga ka awm nek nek chhung chuan zan pawh a lo rei ta.

Ka zun sek avangin khum lama mut pawh chu ka peih meuh lo a.

Rizai ka la chhuak a, thutthleng seiah chuan ka mu ta zawk a.

Ka muhil thei lo chuan ka phone chu ka khawih mai mai a, fb ah te chuan ka lut a, chanchin thar te ka bih kual a.

Whatsapp message ka dawng a.

Khawnge i awm le?

Bena message ani.

Ka phu zawk a, ka lung a leng ani, ka ngai ani, mahse ka chhang lo.

Khawngaihin min chhang teh, thil sawi dun tur tam tak kan nei asin.

Ngai tak chung chuan ka block zui ta nghal a, engvang in nge a tlawm zawkah ka tan reng bik teh lul ang?

Ka pum a rawn na zual deuh deuh a, ka si leh vawng vawng thin.

Banga sana inkhai pawh chu chu zan reh leh vawt tak ah chuan achek ring tlak tlak khawp mai, ka han en zauh a, 22:45 chiah ani.

Mut theih bawk si loh, vanlali han kaihthawh chu ka hreh ve deuh si nen, keimah chuan ka tuar tlawk tlawk a.

Zinglam dar thum a rik meuh chuan ana ta lutuk a, loh theih loh in ka kaitho a, ka thiannu mami ka phone tho bawk a.

Muttui hun lai tak mah nise a rawn thawk phei rang viau a, ruahmanna min siam pui zung zung bawk a.

Damdawiin ahlat loh avangin ke in kan phei bek bek a, vawt reuh tak ani.

Bawihtei pawh kan zingah a tel ve a, a in kuah khawr hlat a, ka khawngaih viau mai, a nuam leh a hreawm ah pawh ka kiangah a tel zel angai si a.

Damdawiin kan thleng phei a, min han check vel a, nau nei mai thei ka ni ta.

Nau vei mek pahnih an lo awm ve bawk a, kan pathum chuan kan inthen siak hi a ni deuh ber mai.

Ka thin a rim, nau la vei mek lai pawhin ka kawng na te min zut sak turin ka pasal ka kiangah a awm lo a, riang ka in ti a, ka thin a rim em em a, bena leh a chhungte huatna chuan ka khat ani.

Vartian alo ni a, nau neihna pindan ah chuan nau nei turin ka lut ta.

Zinglam dar 5:10 ah chiah fa duhawm tak ka nei ta.

Mipa nge hmeichhia tiin ka lo zawt vat a.

Mipa a ni e, kg thum chiah chiah an tih chuan ka va han lawm tak em.

Lalpa, fapa duhawm tak min pek avangin ka lawm e tiin ka tawngtai sap a, ka fa hmel chu ka hmu chak tawh lutuk.

Min khawih fel hnu chuan ward lamah min dah lut a, reilo te hnu ah ka fapa pawh chu ka bulah an rawn muttir ta a.

Bena chiah chiah ani, a pa a va han chhun fuh tak em.

Anu, ka nau hi a hmeltha e, ka pawm chak e.

Bawihte, ala pawm theih loh a, in ah kan haw hunah ipawm dawnnia aw.

Bawihtei chuan a nau chu a keu deuh reng a, a lawm thiam ve viau mai.

Khawvawt em em karah tlawmngaiin ka thiannu chuan min buaipui vek a, ning hmel a pu lo a, a phur em em reng a, ka tan chuan vantirkoh ani ringawt.

Vanlali erawh a zeilo viau a, nausen te lutuk a rap thu te a sawi mai mai a, kan nui leh hak thin.

Pathian zarah dam takin damdawiin kan chhuah san a, naute thar nen chuan kan in ah chuan kan awm ta ran mai.

Ka fapa chuan hming phuahtu tur dang a neih lem loh avangin a hming chu keiman ka phuah ta a, lalnunpuia tiin ka phuah a, koh duat nan bawihpui tiin ka phuah bawk a.

Kan nufa thum te chuan kan mu ho ran a, kan va hlim si em, ka fate pahnih ka bula thlamuang taka an awm tluka nuam tih ka nei lo.

Anu, ka nau nen hian kan pa chu ain ang lo tiraw?

Ka tim sawk mai, ka fanu hian zawhna chhan har tak tak hi min zawt fo thin a, hreawm ka ti tak zet.

Vanlali chuan engemaw chen min awmpui a, awmreng thei ani bik silo, chelh duh viau mah ila krismas hma deuh chiahin min haw san ta a, ka khua a har em em a, mal leh vanduai intihna chuan min tuam mup reng a, achang chuan ka fate hriat loh in ka tap ru fo thin.

ka fapa ala sen deuh avangin krismas vel pawh inkhawm lo in in ah kan awm deuh chawt a, kan nufa thum chuan kan buai tawk ve viau a, kan Khawhar hnem turin thiannu mami te an rawn leng thin bawk a, Khawhar pawh ngaiah ka nei ve ta.

Ka fate tui taka an mut laiin zan lamah hna ka thawk mawlh mawlh a, mut mu ka tuah hman meuh lo, mal tan ka nih avangin ka thawk rim hle thin.

Hun leh ni a ral a.

March thla kan lo chuang kai leh ta reng mai.

Ka fanu chuan a ngen na a rei tawh em avangin hostel ah ka dah lut ve ta a, bawihpuia nen chauh chuan kan awm a, kan buai ve thin hle.

Ka fapa a lian ta deuh bawk a, ka eizawnna pawh ka zauh ta deuh a.

Cosmetic ka supply ve a, aizawl dawr hrang hrang ah ka thawn ve a, a tihzia angreng phian a, eichawp dawr ngawt ai chuan sum lut pawh a tam deuh.

Zing Khawvar tirah kan nufa in kan inpaw chhuak a, parcel ka chhip chhuan lawp lawp chang a awm a, zing chhuak tur sumo chang chuan kan buai ve thin hle.

Hah leh buai man erawh a awm deuh ani.

Nileng in ka buai avangin ka chau ve viau a, thim hlim ah chaw pawh ei peih lo in ka mu zal a, ka chhing leh zawk thin a.

Ka fapa awmtu ka neih loh avang in ka muhil ngam chiah silo, ka harh leh zawk thin.

Ka phone a rawn ri ral ral a.

Meng mang hlei lo in ka lukham hnuaia ka phone dah chu ka la chhuak a, ka number hriat ngai loh ani.

Hello....

Khawnge i awm?

In ah ka awm, tunge aw?

A ngawi deuh vang vang a.

Tunge ka nih pawh min hre tawh lo ani maw?

Bena aw ngei ani.

Ka phone chu ka dah ta nghal a.

A rawn call nawn leh a, ka chhang lo a, a rawn ti nawn tluk tluk a.

Min rawn be tawh suh, biakna chhan tur che ka nei tawh lo tiin ka vin tuarh a.

Lo ngaithla lawk teh, Champhai ah ka lo kal a, khawnge i awm?

Mak ka tih em avangin ka ngawi deuh vang vang a.

Min rawn zawng buai duh suh, min hmu lo ang.

Bawihi, tumah hmelhriat ka neilo ania, khawlaiah ka riak mai dawn asin.

Riak la ni mai lawm, iphu tawk chiah tih pahin ka phone chu ka off ta nghal a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2020, 4:23 pm

Min rawn call nawn tluk tluk a, ka chhang duh lo, min rawn ngaihven na chhan tur engmah ka hre lo ani.

Chutia call ka lak duh tak siloh ah chuan msg min rawn thawn zui nghal a.

Bawihi, ka chau tak zet, kawngaihin min rawn hruai rawh, zan a rei dawn ania, min khawngaihna chhe te mah inei lo ami?

Ka nui hak a, ka lak ah khan khawngaihna chhete tal lo nei ni se vawiin ah hian ka fapa hian pa a nei ve ni mai tur.

Duh duh hun a hnawl a, duh hun a pawm leh mai tura khuanu duan ka ni bik hauh lo, engvang mah in ka inchhung hi a rawn rap tur ani lo.

Darkar aliam a, bena nu call pawh ka dawng ta nge nge a.

Ani erawh chu chhan ve hrim hrim ka duh avangin mahni inring tawk tak chuan ka chhang ta a.

Maruat, in dam tha maw?

Aw, pathian zarah kan dam alawm.

A va lawmawm ve, bawiha kha alo chho a, naute hmuh te pawh ka duh atia, in awmna a rawn zawng hmu zo lo a, min rawn call a.

A aw chu a dam diai a, kei erawh ka so bulh bulh thung.

Eng ti turin maw a rawn kal a?

Hre reng chung chuan ka zawt lui leh ngat a.

Naute rawn hmuh a chak deuh ani mah na.

Uire nu fa hmu tura a rawn kal chu a tisual der anih chu, hrilh la, ko haw leh rawh, ka in chhung hi pen khat pawh a rap dawn ulo ka ti ve ta hmiah mai a.

Ka tum lawk reng ani lo a, thil liam tawh mah ni se ka thinlung na hi ala dam lo ani.

Maruat, thinrim lo in engemaw sawi dun teh ang.

Sawi tur engmah ka nei lo, kei leh ka fa te hi min rawn tibuai nawn tawh suh u ka tih rual chuan ka phone chu ka off hmak a, thinrim in thunun hi har ka van ti thin tak em.

Ka fa pi a ni a, kei aia upa zawk ani a, zah taka be tur chu ka ni, mahse ka thinrim lutuk avang in ka insum zo si lo.

Bena chu ka ngaihven duh lo a, ka mu ta hmak a, rilru erawh a nuam lutuk lo, muthilh chu har tak ani.

Zing lam dar khat ah pawh chuan ka la meng kar a, ka in ngaihtuah nasa mai a.

Thinrimna chuan min bual khat a, bena damloh laia ka lo enkawl tawh dan zawng zawng te, ahnu a min tih dan te ka ngaihtuah phei chuan anchhe lawh bawrh bawrh mai chu ka chak ani.

Chutianga rilru ka kawm neuh neuh lai chuan kei pawh chu ka lo muhil ve ta hial a.

bawihtea a tap a.


Tui taka mu in mumang nen ka lo in chiah piah lai tak ani, mut kham lo zet chung chuan bawihtea chu hnute ka pe a, ka muhil leh ta nghal a.

reivak lo hnu ah chuan kawngka an rawn kik leh ta dat dat a.

Peihlo zet chuan ka tho chhuak a, a lo hma tawh awzawng lo mai, zing lam dar riat a lo kawk va tawh mai.

Kawngka chu ka va hawng a, thiannu mami alo ni reng mai.

Awii!
In van rapthlak tak, tunah in tho chauh a maw?

Awrawl ring zet chuan min be lauh lauh a, mamawh eng eng emaw rawn lam tuma lo kal an ni.

Thiannu, thil hrilh tur che ka nei a, ka rawn kal thei thlawt lo a.

Thingpui no dawm chung chuan ka pasal in min rawn zawn thu te chu ka hrilh ve a.

Awi, kir hlek suh, tiang mipa hi ka ten ania, hetiang leh tur si chuan enge an hnawhchhuah che, a rawn kal anih chuan tuikawhna in lo vaw chhuak rawh, lo pet hrep rawh a ti ta tawn tawn mai a.

Ka thingpui hmuam lai chu ka phuh thawt a.

Awi, i nasa emai a, ka ngam teuh lo chutianga lo hlap te chu a.

Kan pa pawh min rawn luhkhung a tum vei a, ka hlap chhuak alawm, ka duh lo reng reng, an duh tawh loh avanga an chhuahtir kan nih chuan min duhlo hlen tur ani, kei chu ka pa teh mai ania, kawnga kan inhmuh pawh ka fa hi a biak pawh ka phal lo.

Ka ngawi reng a, ka thiannu nen chuan kan rilru chu a in ang lutuk lo deuh ani.

Ka pasal hi ka hmangaih em em a, then hi ka duh lo, kan fapa a fahrah tur pawh hi ka ngaingam lo ani, mahse chuti maia ngaihdam chu har ka ti ve bawk si.

Kan kal dawn, chawhmeh a rawn thleng dawn a, k hralh ban tak leh ka rawn pe ve dawn che u nia tih pah chuan a tho vut a, an chhuak ta nghal a.

Ka thawh tlai em avangin hmanhmawh takin rawng ka bawl nghal sawk sawk a, rei lo te ah ka peih ta nghal a.

Ka phone chu a rawn ri leh a.

Ka hriat ngai loh number anih avangin ka chhang ta a.

Pi maruati ini em aw?

Aw ni e, khawi atang in nge? Tunge aw?

Vensang atangin ania, muantea ka nia, min hre lo maithei a, in pa cousin ka nia.

A nih tak chu mawle.

Khawi ah nge in awm le, rawn kal kan duh deuh a, bena pawh haw leh nghal mai a tum avangin hun a ngah lo a, naute rawn hmuh zuai aduh ani awm e.

Min hrethiam la, bena hmu tur emaw, ka fa hmu tur hian ka duh lo ani, ka dah phawt mai ang.

Chawei ka siam sawk sawk a, hmanhmawh takin kan ei a, min rawn zawng hmu dawn tlata hriatna ka neih avangin ka thla a muang tawh lo, len bo daih chu ka tan a tha in ka hria.

Engtin mawni tak hian ka thau ah min man tlat a, ka thin a phu dup dup mai a, thin thawk thut nei ani si a, min rawn zawn hmuh vaih chuan kan buai ngei dawn ani, chuvang chuan in a ka awm hi a him lo, chawei thleng ka ti fel sawk sawk a, in atang chuan ka chhuak ta vat a.

Kawnga ka kal te chu ka hawi zawk zawk a, bena chu hmu mai turah ka in ngai deuh tlat mai a, awm anuam lo tak zet.

Nileng chuan ka leng bo a, eng em chu kan ti lem lo a, nilenga min rawn biak tak loh ah chuan tlai thim thet thet ah chuan thlamuang takin ka haw ve ta a, ka thaw huai mai.

Ka fapa chu naute tih takah muhil reng mai a ni si a, keimah chauh chuan ka awm thin a, ka khua a har thin hle.

Bena pawhin min rawn be tawh lo bawk a, a beidawng haw thla ta ah ka ngai a, thlamuang takin ka awm tawh a.

A rawn kal atanga ni li na zan ah chuan.

Ka fapa mut lawk hlanin hmanhmawh zetin ka inbual a, chhung lam ah kawngka ka kalh bawk a.

Ka inbual zo ka inthlak fel hman tawk a.

Kal tha ta che, ikalna hi en thin rawh.

Kan in lam pana lo kal anni a, an rawn in vin nasa khawp a, tudang ni lo in thiannu mami te nufa an ni.

Ka khua a har bawk a, inleng ka nei tur chu ka hlim hle a, kawngka ka va hawng thuai a.

Nui sen sen chung chuan ka lo bia a, mahse thawk leh khatah ka nui chu ka tawp hmak a, ka mitvai chu ani silo, thiannu mamin bena a rawn hruai maw?

Tawng nachang hre map lo chuan ka ding reng ringawt a.

Lo luh iphal lo mi? Enge idin reng?

Ka harh zawk a, bedroom ah ka lut nghal a, tui taka mu mek ka naute chu ka paw ta vat a, min ruksak ka hlau em ani.

Sitting room ah chuan an thu a, tumah phei chu kan tawng lem lo

Thiani, mak iti em? In pa ka rawn hruai hlawl mai a,

Anui uar uar a, angaihna lah chu ka hre lo tak zet.

Bena chuan min en tha ngam meuh lo, a kun deuh tlat reng a, mahni inthiam lohna in akhat ni ngeiin ka hria.

Kei chu ka thil tawn chuan min thawn em avangin sawi tur ka hre lo, ka haihchham chiang hle ani.

Enge idin reng, lo thu teh, thil sawi ho tur kan nei ania.

Thiani bawk chuan min rawn ko leh a, kei pawh chu an bulah chuan ka zu thu thla ve ta bawk a.

Thiani, inpa hi ka Khawngaih lutuk a, chuvangin ka thusawi zawng zawng te kha ka sut vek a, ka rawn hruai anih hi, a zawng nasa lutuk che u a, a rawn zawn chhuah dan che phei chu mak tak ani, tu mipa mah hian an peih lo ang.

Ka tho thut a, kum tam pawh min zawng rawh se, he in chhunga rawn luh hi a phu lo, engvang phiangsen a rawn hruai nge inih?

Imak tawn tawn emai, thu tha deuhin sawi ve ila, lo thu teh tiin min kuai thu nawk a.

Ka tha akhur der der a, ka lungphu pawh a rang viau mai a, ka thinrim lutuk chu ka puak keh lo chauh ani.

Mami chuan thil awmdan te chu ahan sawi par par a, a tawngthei angreng bawk a, thil sawi vel chu hneh tak ani.

Ka tawng chhuak tur chu ka tawng thei lo, ka lungchhe lutuk chu ka tap ta tawp a.

Damlo, nikhua pawh hrelo a i awm lai khan duat takin ka enkawl che a, i zun leh ek, i luak zawng zawng thleng in ka tifai a, imitin khua ahmuh loh hnu ah pawh hmangaih takin ka nei che a, chauh leh hah ka sawi ngai lo, duat takin ka theih tawk in ka enkawl che a ti raw, chuan nang leh inu hian engtin nge min thungrulh ve le?

Uire ang hial in ni lawm ni min chhuah a, tunah engvanga min rawn zawng leh si nge inih a?

I mitin khua ahmu tawh a, mi pangai ini tawh, nupui tha deuh nei rawh, in hmanrua mai mai hi ka ni reng tawh dawn lo, tunah min chhuahsan nghal rawh.

Ka bianga mittui luang zawih zawih chung chuan ka natna rei tak inthup tawh chu ka sawi chhuak ta vek a, ka veng ta hawk mai.

Maruat, iduh tawkin min an khum rawh, thiam thu sawi tur engmah kan nei lo, atul anih chuan bawkkhup pawhin ngaihdam ka dil mai ang che, mahse ka thusawi te min ngaihthlak sak ve phawt ta che.

Ka insut hrawih hrawih a, ka mittui chu ka hru hul seng lo ani ber.
D
Bawihtea chu a rawn tal hrat hrat a, ka awi lauh lauh a, a rawn tap chhuak a.

Thutthleng seiah chuan ka pawm a, hnute ka pe nghal a.

Ka fapa te hi min ruksak itum khanglang ange, hre rawh, apa angah pawh ka ngai tawh lo che, ka haw lutuk che.

Maruat, ruksak dawn lo ve, ka fa hi nu hmangaihna tello a seilen tir ka phal hleinem, ilak atanga lak hran hi ka tum lo a ti dam diai a.

Thiannu, kan va haw phawt ange, tiang chuan boruak a dik dawn chuang lo a, engpawh nise bena chu kan in ah a riak mai anga, naktuk lamah tha takin kan sawi ho zawk dawnnia aw, hahdam deuhin lo mu la, i rilru te pawh lo siam ve la aw.

Ka dar ah min beng thak a, atho ta uaih a.

Ka fapa chu vawi khat chiah ka lo en ve aw, ahmel hmuh chak in hla tak atang in ka rawn kal si a.

A in thlahrung em em a, ka mitmei chu a en kar reng a, fate pa ani bawk a, phal lo bur thei ka ni bik lo.

Bawihtea chu a biangah a rawn khawih a, a en vawng vawng a, a fawp zauh a, tichuan min chhuahsan ta a.

Kawngka ka kalh sawk sawk a, pindan ah chuan ka lut a, lukham ah hmai phum in ka tap tlawk tlawk, a chhan chu bena hmel ka hmuh leh vang chu ani, min tina thar ngawih ngawih a, thil hlui min hriatchhuah tir a, ka na em ani.

Mut hmun ah chuan eng eng emaw ka ngaihtuah neuh neuh reng a, helai thleng thleng min rawn umzui chu ania, afa vang nge kei mah vang ni ang?

Zawhna tam tak ka in zawt a, chhanna erawh ka inpe thei meuh lo ani.

Msg a rawn thleng a.

Bawihi, engkim ah ka thiam lo ani, ka thil tihsual ah hian insawi thiamna tur engmah ka nei lo, min ngaidam hram la, bul tan tha leh ang hmiang khawngaihin.

Tehreng mai han tih chu ka chak ve viau na in,

Theihnghilh rawh, ka tawrh na hi tawk tawh rawh se, ka tha a, ka hlim e ti in ka chhang a, min rawn be zui ta lo.

Zan thum vel a rawn leng a, kan inbe tam lo khawp mai, hmaichhan ah ngei chuan ngaihdam te min dil bawk a.

Sangtea kha ka nu rawn call tir che ania, thudik leh zual hriat a duh a, in in biak na ngei kha angaithla duh a, ani pawh a thil tih sual ah a inchhir khawp mai a, kan vaiin lo haw leh turin kan duh che ani.

Chu thu ka hriat phei chuan sa tak ka ni, bena nu chet vel dan chu ka haw tak zet.

Chuan enge in hriat chhuah tak?

Sangtea nen chuan kan lo khawlo reng em?

a meng khup lap a.

Kan lo ring sual che ani, i bialpa hlui te alo ni bawk nen kan tisual ani.

Chuan, mualpho tak leh zak takin min chhuahtir ta kha ania, ka rawn haw leh duh iring a maw?

A teuh lo mai, in in a let leh tur hian ka tlawm ngawih ngawih lo, rawn let leh hi a tlawm thlak ka ti, chuvang chuan min theihnghilh daih rawh bena.

A tuka haw a tum tawh thu te chu a sawi a, min hruai haw a chak tak zet.

Kan ti ti hlek chuan in hauhna a chhuak nghal zel bawk nen, zan rei tak thleng pawh a leng ta lo a,a haw ta thuai a.

A tuk zing chhuak sumo ah a haw ta a, an chhuah dawn tep ah an chhuah dawn thu min rawn hrilh a, ka chhang zui lem lo.

Min hawsan ta chu ka thaw hi a veng ta huai a, ngai tho si, ahmel ka hmuh apianga ka thinrim em em reng kha mak ka ti.

Tichuan aizawl a thlen hnu chuan min rawn be fo a, pasal te chu lo huat reng te a har ve a, tlawm taka min rawn biak phei chuan tha takin ka lo be ve thin a, haw tumna erawh ka nei lo.

Ni a ral a, thla a ral a, bena
Chuan min rawn be reng a, a fapa pawh a rawn ngaihtuah khawp mai.

Thla a eng em em mai a, khua alum bawk si a.

Kan room tukverh chu ka hawng a, thla eng nuam tak chu a rawn lut raih bawk a.

Kan room tukverh atang chuan hla taka ram hring dup leh thingkung ding sung te chu a hmuh theih a, thla eng ah phei chuan mawi tak ani, keimah chauh chuan tukverh ah chuan ka dak reng a, ka lung a leng tak zet ani.

Hman ah khan bena nen khan chu thla eng chu kan lo thlir dun tawh a, hla lunglen thlak tak tak te ngaithla dun in in khan rial khan kan lo awm dun tawh kha ania, tunah zawng engkim a danglam zo ta.

Ka lung a leng em em a, mut lam reng reng a lang lo, zan a rei telh telh a, thla lah chu a eng nuam telh telh mai si a, ka thlir reng a, ka lung a van leng tak em.

Ka phone a rawn ri thut a, rang takin ka la vat a.

Hello!

Bawihi, in mu tawh em?

Kei chu la mu chiah lo e, nang zawk?

Mu bik lo ve, en teh thla eng khi ilo thlir ve em?
Ka lung a leng lutuk, ka ngai tak zet che ani.

A in sut hraih a, a tap ni ngeiin ka hria.

Ka lo thlir ve alawm, a eng nuam khawp mai tiraw?

Engemaw hriat chhuah inei em?

Ka thaw hak a, ni e ka hrechhuak ngei alawm, mahse engmah kha koh kir leh theih a ni tawh silo.

Bawihi, engkim siam tha leh turin min ngaidam tawh rawh, a rei tawh lutuk, a tawk tawh em em lo em ni?

A in sut leh hraih thin a.

Chu zan zet chu aw, bawiha ka ngaidam vek tawh che alawm, han tih mai chu ka chak ani.

Mahse.....

Mahse hian min tibuai leh fo thin si a.

Hello!

I muhil ami?

Muhil lo e.

Tinge ingawih reng a?

Ben, sawi tur ka hre lo ani, mu tawh mai ang hmiang.

Anih a tawp nan, min duh tawhlo tak tak anih chuan ka hmangaih lo che min han ti teh.

Ka hmangaih tawh lo che tiin rang zetin ka sawi nghal a.

Tak tak maw bawihi?

Aw, tak tak e.

Ani maw, anih leh le, tui deuhin imu dawnnia.

A phone chu a dah ta nghal a.

Engvang nge maw kei hi ka mawl em em reng le?

Ka hmangaih reng chu ka hmangaih lo che ka ti leh ta ngawt mai a, ka va han chapo em em ve le tiin keimah leh keimah chu ka indem let a, awmzia a awm tawh der silo.

Chumi zan atang chuan min rawn be ta ngai lo a, ka khua ahar letling zawk a, ka tih hnawk ah ka buai leh si.

Zantin msg min rawn thawn em tih chu ka chang reng a, a reh ta vang vang mai si a, athla athla a reh ta.

Tuk khat chu aizawl lamah cosmetic engemaw zat thawn ka ngaih avangin zingkar hma takah ka tho a, sumo stand lam chu ka pan nal nal a, ka va thawn fel a, ka haw mek lai chuan ka nu chuan min rawn bia a.

Kawnga ka kal mek thu leh in ka thlen hnu ah min rawn call leh mai tur chuan ka hrilh a.

In ka thleng fel awrh a, min rawn be leh ta nghal a.

Afapa awmdan a mangan thu leh, tun hma zawnga zu in ngai lo, zu a in tak thu te chu min rawn hrilh a, an nupa a an mangan thu te chu min rawn hrilh bawk a, tin a natna hi a chhuah leh zauh thu te chu min rawn hrilh a.

Kei pawh chuan tha takin ka lo chhang a, bena chu ka lo biak tur thu ka hrilh bawk a.

Chutia zu te hial a in ta chu tha ka ti lo a, ka biak angai ani.

A phone ah chuan ka zu call ta a.

A la dawn tawhlo emaw ka tih hnu ah a rawn la ta nawlh a.

Eheu, min be ve duh mial alaw?

A aw atang chuan a rui deuh ani tih ka hria a.

Midang an awm ve nual niin ka hria, an ri deuh nak nak hlawm a.

Bena, khawnge i awm a?

Hlimna ka zawng a.

Za lo fahran hian a nui bawk a.

Pawnah chhuak la inbe lawk teh ang aw.

Ngawi rawh, zanah ka rawn bia ang che, ka rilru nawm ve lai tak ani a, hlim takin kan awm ve phawt ang aw.

A awmdan chu atha lo tak zet tih ka hria, engemaw ka tih angai ani.

Rilru nuamlo zet chuan ka awm reng a, ka zu call lah in min chhang thei der silo.

Tlai lam dar thum bawr velah ka nu chu ka zu be leh ta hlawl a.

A rawn tap deuh pur a, afapa chu a chahthlak thu leh a awmdan avanga an mangan thu chu a rawn sawi bawk a.

Tihdan ka lo ngaihtuah dawnnia tiin tha tak in ka hrilh a, ka nu pawh chuan ka lakah beiseina sang tak aneih thu min hrilh bawk a.

Mahse bena chu kar khat lai mai biak tlak loh leh biak theih loh in a awm a, kan inbe ta reng reng lo.

A nu erawh chuan a chanchin min rawn hrilh fo a, a rilru hreawm thu nen.

A tawpah hi chuan chhungkua chu chhungkua kan lo ni leh fo thin, bena nun siam that chu kan hna alo ni leh ta.

Pa hrang ve ve fa apawm a, anikhua vak lo anih hmel ti a min sawi fo thin chu ana ngawih ngawih, khawi hmunah pawh awm ila mi pawi kan sawi loh pawh hian kan hnung lam a min lo sawi tu hi an lo awm ve zel thin alo ni.

Rilru hreawm taka ka awm ve tlawk tlawk chang a tam khawp mai, ka khawloh vanga pa hrang ve ve fa pawm ka ni bik silo, ka duh vang reng ani bik lo.

Chung avang te chuan ka pasal nena kan inkar siam that leh chu ka duh ani.

Engemaw chen hnu ah chuan bena nen chuan kan inbe pawp leh a.

A zu in bak bak te chu a duh vang anih loh thu leh a khawhar hnem tu anih thu te, a tan leh anu leh pa tan a that loh thu te sawiin, ka sim hmak tih thu min rawn hrilh chu ngaihthlak nuam tak ani.

Ka nuamsam vak lo a, ka mu a a ti fo mai a, ngaihthat lohna em em ka nei hran lo.

Hun a ral a, ka beisei ang erawh chu athleng ta tlat lo mai.

Bena chuan inneih leh chu a sawi ri ngai ta reng reng lo mai a.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2020, 4:23 pm

Ka fapa kum khat a tlin na chu ka theih tawka lawm ve ka tum hle a, sum leh pai pawh ka in khawl ve tauh tauh a.

Tunah chuan ka bei a dawng tawh a, bena nen chuan inbe reng tho mah ila inneih leh reng reng a sawi rik tak loh avang chuan ka rilru pawh ka sawh nghet ta law law zawk ani.

Ka fapa birthday ah erawh chuan lo tel ve ngei se ka duh avang in ka sawm na sa hle a.

A kal theih loh tur a min chhan avang chuan mak ka ti in ka hrilh a hai viau mai.

A fapa thlalak thawn turin min ti cham chi a, angai em em bawk si, engvanga a piancham lawmna ah chuan tel duh lo nge anih ang le?

Ka nu pawhin min rawn be ngai tawh meuh lo a, haw leh turin min duh lo anih ka ring a, anih loh pawhin nupui dang neih tir an tum te pawh ani mahna.

Rilru na angreng tak chung chuan ka fapa piancham chu thenrual tha te nen chuan kan lawm ve a, kan hlim tlang viau na in kei erawh chu ka lawm a kim meuh lo ani.

Min lawmpui tu te an tin hnu ah chuan ka chau ve deuh bawk nen mu turin ka in buatsaih nghal a.

Mut hma chuan ka phone ka han en zawk a.

Bawihte birthday hlim thla te chu thawn ve tura min dilna msg alo awm tuar mai a.

Ka ngaihdan ani lo, a fapa piancham ah pawh a rawn kal duh lo bawk a, ka thawn na chhan tur ka hre bik lo ani.

Thinrim tak chung chuan ka lukham hnuaiah chuan ka phone chu ka thawlh thak a, ka mu ta a.

Pa, mahni fapa neih Chhun pawh hmu duhlo ta mai chu mak ka tih em avangin ka ngaihtuah zui na sa kher mai, thin a rim em em ringawt mai ani.

Min rawn call a, ka pick up duh thak lo.

Vawi tam a rawn call a, biak ka tum lo.

A reh vang vang a, msg erawh a rawn thleng zut zut reng a.

Rilru na tak leh thinrim tak ka nih avangin ka en lo a, ka mutsan ta zawk a.

A tuk ah pawh chuan a msg chu engmah open lo in ka delete nghal vek a, in biak reng a tulna pawh ka hre ta lo ve.

A number chu ka block ta nghal bawk a, enge maw ka hriat a, ka la beisei fo le?

A fa leh a fa nu min duhlo tu hi ka beisei fo na chhan tur a awm lo, theih tawpin kan inneih leh theih nan tiin tan ka la a, a rilru a dang lam tawh si a, awmzia a awm tawh lo.

Kan in biak theih loh tak ah chuan ka ngai em em a, ka lung a leng kher mai.

Ka fanu duat hi tha takin ka enkawl anga, lehkha te a zir puitling anga, duat takin min la enkawl ve ang chu tih ah ka in nghat ber tawh.

Thla hnih hnu ah chuan.

Bena nen kan in biak lohna pawh chu ngai ah ka nei tawh a, ka lo theihnghilh ti tih tawh a.

Ka fapa chu wadi ah ka hruai a, naupang dang zinga awm nuam ti rual ani ve tawh bawk a, chhuat laia toys an dah chu khalh in a hlim ve em em a.

Thian leh hmelhriat pawh ka ngah thawkhat viau tawh a, sumdawnna chanchin te sawiin nu ho nen chuan kan ti ti hlawm a.

I phone a ri ni lo maw?

Ka bula thu mabiaki chuan min lo hrilh vat a.

Ka ti ti tui luatah engmah ka lo hre lo ani.

Company anih hi, an ninawm emai tih pahin ka off vat a.

A rawn call nawn ta lem lo.

Rei fe hnu ah chu number atang bawk chuan msg pangai hi ka dawng leh a, ka han en liam thuak na in eng thu nge ni ta tiin ka han chhiar chiang ta a.

Duh tak, ka hun tawp tep tawh ah hian ka lakah hla takah i awm a, i aw ri takngial pawh ka hriat iphal silo ti raw?
Ka ngai em em che a, tih theih ka nei tawh si lo, ka chau ani, in nufa khan ka hmangaih reng fo ang che u.

Chu thu ka han chhiar chu bena ani tih ka hre thei nghal a, a thu rawn thawn dan vel chu mi engtin emaw rawn tih thaih tum ni hian ka hria a, a chet lak dan ve reng ah ka ngai mai a.

Zanah chuan chu number atang bawk chuan min rawn be leh a, ka lo chhang ta a.

Hello.

Bawihi,

A thaw hak a, tinge min biak duh miah loh a?

Enge kan in biak fo hi a tul na?

Nupa pawh kan ni tawh lo a, in ngaizawng pawh kan ni lo a, enge sawi tur kan neih?

Vin deuh hlak hian ka lo chhang a.

Ni e ti raw, mahse ka ngai che a, ka fapa nen khan ka ngai em che u ani.

Anih tak chu!

I fapa piancham ah pawh i rawn lang duh lo ania, ti chung khan ka ngai che u engtin nge ila tih theih zawk?

Ngeiawm zet hian ka nuih khum a.

Bawihi, khawngaih in min block tawh lo teh, thil pawimawh tak hrilh tur che ka nei ania, tun chiah, chu mi hnu ah chuan min block duh anih chuan ka ti lui lo ang che.

Eng thil tak chu ni ang maw?

Ka unblock vat a.

Minute nga hnu velah chuan min rawn be nghal a.

Bawihi, ka ngai che tih chauh chu min rawn thawn a.

Ben, min ngai tak tak nila inneih hi iduh leh ngei ang, mahse inneih leh pawh iduh tawh lo a, ifapa pawh i ngai pawimawh hek lo, dawt hi chu in hrilh tawh lo teh ang.

A reh deuh vang vang a, a thlalak hi min rawn thawn leh ta a.

ka phu deuh zawk mai.

ruhkawl hi a ni ringawt.

awi Ben,engti zia nge?

bawihi, hun tam ka nei tawh lo asin, ka nupui ni a ikianga hlim taka awm leh hi ka chak asin, mahse maw reilo te ah ka thi tawh dawn a, pasal sun inih a inun hreawm lutuk tur ka ngaingam lo a, in nufa in ka hmangaih em vang che u in in awmdan ang Khan awm zawk ula, ka thih hnu ah pawh in tawrh dan a ziaawm zawk ka rin vang ani.

ka fapa piancham lawmpui tura rawn kal kha ka chak asin, ka chakna in a tlin tawh silo, bawihi ka thi mek ani

chu thu ka han chhiar zet chu chemte a vih ang mai hian ka thinlung a na a, ka mittui a luang ngiai ngiai a.

bawiha, i thih hi ka la phal hleinem, min kal san thei lo.

min rawn call ta nghal a.

ka kut chu a khur dat dat a.

hello!

bawihi, khawngaihin ka thih hma ngei hian i hmel hmuh hi ka duh ani, i rawn kal ang ti raw?

tinge i ngawih reng? i rawn kal ngei ang ti raw?

ka insum thei tawh lo ,
bawiha, min kalsan thei lo, ka phal lo, hlim takin kan fapa te nen kan awm ho leh dawn alawm ti raw, thihna chungchang kan sawi tawh lo ang .

theih ni se ka va ti em, ka duat te u, ka ngai ngawih ngawih che u, vawikhat tal ka fapa kha fawh theih ka chak a, i kutah chelh in atawp nan ka hmangaih thu che u hi hrilh che u ka duh ani.

bawihi, hun ka ngah tawh lo ,ka chau lutuk ani, min hmu turin rawn kal hram ang che aw.

ka awm ka dawm vawng vawng a, ana ka ti lutuk .

Chutiang thu chu ka ngaithla duh tawh lo bena, dam takin i awm anga, chhungkaw hlim tak in kan la awm ho leh dawn a lawm, bawihtea pawh hian pa a mamawh em em a, i thihsan thei lo.

sawi nawn tawh suh aw khawngaih in

I sawi leh dawn anih chuan kan inbe tawh lo ang.

a thaw ri hrak hrak a, a awm te chu a tham chhalh a, engemaw riaua ngaihawm na leh mi hipna riau a nei leh nghal a.

bawihi, ka chau riau a, mut hahdam ka duh ani, min lo tawngtai sak la, kei pawh in nufa tan ka lo tawngtai dawnnia aw, tui takin in mu dawnnia.

awle , teh reng mai ,ka lo tawngtai sak dawn che nia.

bawihi, ka hmangaih che, ka hmangaih lutuk che aw.

Ben, kei pawhin ka hmangaih che, tui deuhin imu dawnnia aw.

kan inbiak zawh hnu chuan ngaihtuahna a kal ding ngat ngat hle mai.

bena chu thi ta se tih vel te chu ka suangtuah zui a,ka phal lo ani, innei tawh lo pawh ni ila ka fa hian pa anei lo tur hi ka ngaingam mawlh lo ani e.

ka tap deuh reng a, ka lung a chhe em em mai a, tukverh ah chuan ka dak reng a.

eng vang nge?

tinge ka chungah hian hetiang thil hi a thlen bik?

lalpa vanduai reng reng tur hian tinge min duan bik le? enge i lakah ka tih sual a, hetiang em em a hreawm hi ka chungah ithlen tir bik le?

Pathian te pawh chu ka dem lek lek zawk hial a, ka fapa chu ka en ngawih ngawih a, a pa a chhun em em mai bawk si, awmngaihna reng reng ka hre lo.

He thil zawng zawng thlen na chhan chu sangtea a ni, ka haw tak zet.

Zan ala rei em em lo bawk a, sangtea chu ka zu call ve leh ta a.

Eng rilru pu a zu bia nge ka nih chiah ka in hre lo.

Maruat ve teh mial che chuan!

mak a lo ti viau mai a.

en teh, ka haw ngawih ngawih che tiin bul ka han tan ta rawih mai a.

ka tihpalh ani, ka tihpalh takzet.

a in thiam lo ve hle ani tih chu ka hria.

tu nge a? tu nge ilo biak a?

an ri deuh rum rum a, phone an in chuh ni ngeiin ka hria.

tunge inih a?

hmeichhe aw hian min rawn vin deuh hlak a.

maruati ka nia.

engvanga ka pasal hi rawn bia nge inih? in chanchin hlui engkim ka hria, nang pawh nu ini tawh a,a ni pawh pa ani tawh, i nuthlawi hnu ah rawn zar buai leh itum ani maw?

a nasa pap pap ngei mai, tawngna hun pawh ka Chang lo, ka ngaithla deuh tawp a, chhan ngaihna lah ka hre lo.

a duhtawk a tawng hnu chuan a off ta hmak a, an in hauh zui ve ngei ka ring.

hawina lam apiang mai ah chuan thaw a pik hluah hluah mai, thih ve daih mai te chu ka chak rum rum mai.

mut a chhuak hauh lo, ka harh telh telh mai a.

bena nen kan nunhlui te ka ngaihtuah let a, bul kan tan lai te, kan hlim lai te chu hmanlai an chang zo tawh si a , ka khua a har ngawih ngawih.

hun engemaw chen hnu ah chuan damdawiin ah an luh thu chu ka hre leh ta a, chau tak chungin amah vek chuan min rawn hrilh leh a.

tunah zet chuan ka kal angai tawh ani tih ka in hria.

ka fanu te hostel ah ka kal a, hruai chhuah an remtih loh avangin thil pawimawh a ka zin lawk tur thu te va sawiin bawihtei chu ka va hmu lawk a, hruai ve theih chu ka chak tak zet.

Tuesday zing a chhuak tur chuan ka in ruahman ta a.

Monday zan ah chuan bena nu chu ka bia a, a chauh viau thu min lo hrilh a, thlaphang em em in ka awm zankhua a, khua lah chu a var har em em mai leh nghal

vartian ah ka tho a, ka naute chu ka paw sawk sawk a, sumo counter lam ka pan nghal sawk sawk a.

lalpa, bena kha min ven sak ang che aw,
bawiha, ka lo kal ania, nangmah hmu turin ka lo kal ania aw.

kawng te chu avan thui teh lul em!

tlai thim tawh hnu ah aizawl chu kan lut ta .

taxi ruak ka chang a, kan thawmhnaw pawh chu kan keng tlang zel a, damdawiin lam chu kan pan ta nghal a, bawihte lah chu a tlei lo viau a, a zin chau te pawh a ni ve mahna.

bena nu chu ka call a, gate bulah min lo chang a.

kan han inhmu chiah chu min tah khum hawm hawm mai a, duat takin ka lo kuah a, mittui erawh Dan a har.

bawihtea chu a pawm nghal vat a, mak tak maiin a pi chu a duh nghal teh tlat a, la in hmu miah silo ,mak ka ti kher mai.

cabin ah an lo awm a, an awmna lam ah chuan min hruai lut ta a.

mi an lo awm nual mai a, an lo thu deuh thap a.

bena pa chu alo tho thuai a, min lo chibai vat a, bawihtea chu an pawm liam liam a, ei tur eng eng emaw an pe bawk a.

ka hmangaih bena ka hmuh Dan zet zawng a lungawi thlak loh ani.

ni e, ruh kawl ani deuh ber tawh a, a natna chu a na em ani, thisen an pekna chu a la inkhai a, drip bur ruak pawh a tam viau.

peih leh peih lo hian a rawn meng hram hram a.

ngawi rengin min en reng a, duh tawk a tawng peih nise chuan min ngaih thu a sawi nasat ka ring ve ani.

a bulah chuan ka thu a, sawi tur ka haihchham.

tlangval anih lai a sa tha leh pian nalh, hmeltha zet mai ni si, ruhkawl ang mai ani ta chu a mak em ani.

akut ka vuan a, a theih tawk a na in min hmer ve vawng vawng a, a mit a chhing diar diar a, a mit sir atang chuan mittui alo luang chhuak bawk a.

bawiha, ka lo thleng tawh a sin, en teh ifapa pawh alo thleng tawh ania.

a lu a bu nghat ringawt a, a fapa pawh a chiau au peih si lo.

bei a dawng in hrilh a hai emai, bena awm dan chu a hreawm ani tawp.

tui takin a muhil a, a bulah ka thu reng a ,bawihte chu a pi in alo paw muhil teh mial a, rin ai takin an duatin an lawm viau mai.

maruat, in chau awm si a, in lam ah chawl hahdam turin kan phei dawn em ni ang?

inu in riahpui se, naktuk lamah tha thar in kan kal leh anga.

bena pa chuan haw tur chuan min sawm a.

ni lo ve, ka kal san thei lo, ka awmpui angai ani, amah pawhin ka kalsan hi a duh lo ang tiin ka hnar tlat a.

pa a, bawihtea chu ka mutpui thei mai anga, an duh chuan riak ve mai rawh se tiin ka nu chuan awm ve tur chuan min lo duh khawp mai.

ka pa leh midang ho chu dar sawm bawr velah chuan an haw ta hlawm a.

ka nu nen chauh chuan kan awm ta ran mai a.

hun tam liam hnu ah a fa mo, a hnawhchhuah tak nen a han awm dun leh chu atan pawh a hreawm khawp in ka ring.

mahse engmah a chhe zawng a tih lan emaw, hriat reng erawh ka tum bik lo.

maruat, bawihtea chu ka mutpui thei mai ang, hnute a duh hun ah ipe zawk anga, bawiha bulah Khan mu hahdam ve mai la ti raw?

I mutpui thei lo ang,mu hrang thei ala nilo a, thutthleng sei ah hian kan mu mai ang ka tih lah chuan a phal meuh lo a, a mah zawk chu thutthleng ah chuan a mu than a, keini nufa chu khum chu min kian ta zawk a .

bawihtea leh a pi chu an muhil bawrh bawrh tawh a

ka chau viau na in bena chu ka mutsan ngam chiah lo ani.

ka mutna atang chuan ka tho a.

ka hmangaih bena hmai cher tak mai chu ka khawih a, rilru ana.

a rawn meng diar diar a, a nui deuh sak a.

ka kun hniam a, a thusawi hriat tum chuan .

bawihi, tunah chuan thlamuang takin ka chawl thei tawh ang, ka lo nghak hram hram che a sin

a aw chu a zawi em em a,a thi mek ni ber hian ka hria.

thei leh thei lo in bawihtea lam chu a hawi ve tawk tawk a.

ka tih tur Chiang tak in ka hre nghal vat.

ka fapa tui taka mu lai chu ka pawm phei a,a pa bulah chuan ka muttir ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 16th, 2020, 4:24 pm

Thei leh thei lo hian a fapa lam chu a rawn hawi ve a, ka lo pui thuai a, ka mut saisir tir ta a.

A kut cher chhe zet chu muang chang in a rawn lek kang va va a.

A vawi hnih na atan afa pa biang chu dim te in q khawih ve ta.

Hahdam ta ni awm fahran hian a chhing siai siai bawk a.

A kut pawh chu a zawi deuh hnak bawk a.

Ka ngaih a tha lo hle mai, a hnar zawn ah chuan ka kut chu ka dah a, a thawk leh thawk loh ka hriat duh avang in.

Alo la thaw sak sak a, ka hahdam huai mai.

Zan a rei deuh tawh a, mutchhuak chuan min zem chiai chiai a.

Khum bawh chung chuan ka lo muthlu ve hial a.

Engemaw ni vawt thler hian min khawih avang in ka harh kawk mai a.

Ka lu chu ka han kang deuh a, bena chuan min lo khawih chu ni in!

A ka chu a ang zauh zauh a, thil sawi duh nei a ang ber

Ka tho a, a mutna sir lehlam ah chuan ka pan hnai vat a.

Tui ka duh a ti sap chu ka hria a.

No ah ka thlit sak chu a in thei meuh silo, fiante chuan tlem te te in ka pe a, a lu a thin tak avang chuan ka pe zawm ta lo a.

Tui taka mu leh mai turah ka ngaih laiin a thaw chu a dik ta lo tlat mai.

Ka sawi nawk nawk a, a mit meng a dul telh telh bawk a, a leng awrh awrh bawk a.

Ka nu, ka nu....

Bena hi!

Ka au thawm ah chuan ka nu chu a rawn tho thuai a.

Mama, bawiha!

Eng ti zia nge?

Rang takin a tlan chhuak a, nurse te chu ava ko nghal vat a.

A awmdan chu a dik loh avang chuan doctor pawh an ko nghal vat a, kei chu kil khat ah Thlaphang em em hian ka ding khawng reng a.

Doctor rawn thlen hnu chuan a awm ah te chuan an nem sawk sawk ta mai a, bena nu lah chu alo tap char char tawh bawk si.

Ka fapa chu ka pua a, kei chu tah emaw lam alang lo, ka thla aphang em em mai a, ka chawmawlh ani ber in ka hria.

A mar a rawn awm leh ta e.

Chu thu ka han hriat chuan ka thaw hawk a.

Mahse nikhua a hriat loh avang in ICU lamah an dah lut leh ta a.

Chu zan chu a thi tep, a zia awm deuh tih chu kan thu hriat ani deuh ber.

An chhung leh khat, thenrual tha te pawh an rawn pung khawm chak viau mai.

Doctor chuan bena nu leh pa te chu ako a.

Eng thil tak ni ang maw tiin kan ngaichang thap hlawm a.

Engemaw chen hnu ah chuan bena nu leh pa chu an rawn kir leh a.

beisei awm anih tawh loh thu leh in lam pawh lo in singsa deuh tur in an hrilh alo ni.

He khawvel a ka thil hriat duh loh ber, ka hmangaih bena chu a thi mek ani, a nu nen chuan kan tap karh karh reng a, kan vei tawn sek reng bawk a.

Bena pa chuan min rawn pan hnai a.

Bawihi, engpawh nise mihring kan in chan tawh loh hmel a, bawihpuia nen hian in lam ah lo va phei ula, In lo va nghak ta che u, hruaitea te ho nen hian lo va haw ula, a tul ang ang buaipui ngai te an lo buaipui anga, nang pawh lo va phei rawh a tih avang chuan athuawih tak chung chuan ka haw ve ta a.

Ka lo chen thinna in ah ngei chuan ka lut leh ta, ka luhdan erawh a lungchhiat thlak em em si.

Inchhung chu a theih ang ang chuan an singsa nghal a, mumang lah chu Ani der silo.

Darkar chanve hnu ah chuan hruaitea phone chu a rawn ri ral ral a.

Kan tho nghal suau a.

A ni maw!
Avan pawi tak em atih tak avang chuan inchhung chu tap thawmin akhat nghal a.

Ka thu hnawk a, ka awm ka chum a.

Bawiha, ani thei lo, ka enkawl hman hma che in min kalsan thei lo, ka duh lo, engtin nge itello in kan fapa hi ka enkawl tak ang?

Lungchhe vankaiin ka tap a, ka enkawl hman loh avang chuan ka inthiam lo a, ka na ngawih ngawih.

Tinge ka lakah izep tlat?
Min hrilh vat la chuan hmangaih takin ka enkawl tur che ania, bena ala hun lo ani, ka phal lo.

Van angel te u, ka hmangaih bena kha lo kuang kuah ang che u aw, a rawn kal ania..a natna zawng zawng kha lo chhawk ang che u.

Mi tu emaw hian min kuah a, ka fapa pawh chu ka lo paw tawh reng reng lo mai.

Ka vai ruai a, ka lu ahai a, nikhaw hrelo in ka awm ta der mai.

Enge thleng ta zel ka hre tawh lo.

An tawng nuai nuai a, ka beng ah chuan aw ri akhat vek niin ka hria.

Hla taka tawng thawm ni hian ka hria a, ka ngaihtuah dan ber chuan, kan in, champhai niin ka hria a, inrinni bazar thawm ni ber in ka hria.

Ka mit ka han meng a, khawiah emaw ni ka mu a,ka bulah mi an awm bawk.

khawnge ka awm?

ka awmna chu ka la hre thei lo.

maruat, itha em?

ka han hawi kual a, ka harh chhuak ta e.

ka tho chhuak a, an lo thleng tawh em?

maruat, ala boral lo,a mar an hmu leh ani awm a, tunah phei chuan a ziaawm lutuk ani awm e.

min hrilh mawlh mawlh tu chu tunge anih pawh ka hre chuanglo, ka tahchhuak te pawh chu a reh vek tawh a, ka sun zo tawh ni ber in ka hria a, ka zang huai mai.

khua avar lek lek tawh a, ka fapa chu a harh tawh avang in min zawng chu alo tap a, thenawm te in atang chuan an rawn hruai chhuak a.

tiang chuan boral lek lek, boral silo chuan ni thum ngawt mai chu a awm a.

a hniam em em lai leh lungchhia a an mittui a tlak pawh chuan kei chu ka hul tlat a, ka tah hi a chhuak ta reng reng lo mai.

chutia a awm tak reng si ah chuan phai lam kalpui leh chu an han rawt chawp chilh leh a.

doctor te chuan beisei an neih loh em avang in an support viau lo a, phaiah an zuk in tihhlum tho an ring ber a.

bena nu leh pa chuan beiseina an neih tlat avang chuan hun khawhral loin an in buatsaih zung zung a.

kan nufa chuan airport thleng kan thlah ve nghe nghe a, hetih lai hian nikhua a hre lo a,tui taka muhil ang maiin a awm reng a.

ka nu bulah chuan .

ka nu, engpawh nise ka haw chhoh angai a, ka fanu kalsan reng theih ani silo, bena chu ka sun zo ta, a chungah engpawh lo thleng se ka sun zo vek tawh.

ka tawngtaina ah ka lo hre reng dawn che u nia tiin ka thlah a, keini ho pawh chu kan let leh ta a.

chumi zan chuan ka pazawn te in ah kan riak leh a, a tuk zing ah kan in lam pan chuan kan haw leh ta a

mak tak maiin ka thawl hawk maia, engpawh lo thleng se ka tuar thiam ka ring viau tawh ani.

sumo ah chuan ka chuanpui te nen chuan kan titi chho a, ka pasal awmdan leh a chanchin te chu ka hrilh ve a.

pa upa lam deuh pakhat hian.

a boral dawn lo anih chu,lo ngai reng rawh, ka thusawi hi a dik zia ila hria ang, a damchhuak ngei ngei ang a rawn ti khauh mai a, ka awih lem lo na in ka chhang chuang lo a, ani aia mithiam zawkte pawhin beiseina an neih tawh loh kar a ,a dam chhuak ang lo tih ve ngawt chu ka awih lem lo khawp mai.

engpawh nise kan chan tur a pathian ruat chu kan chungah alo thleng dawn tho a, engmah hi kan dang thei lo, chuvangin lungngaih chiam pawh in awmzia a nei lo a, a nih tur ang chu ani dawn tho si a.

rilru kawm melh melh chung chuan champhai pawh tluang takin kan thleng chho leh ta reng mai a.

zanah chuan ka thiannu Mami pawh chu a rawn leng a, bena chanchin vel te chu kan sawi dun a.

en teh thiani, atir ah kha chuan ka huatpui viau mai che a, mahse maw a chanchin han hriat chian meuh kha chuan ka lainat lutuk ani ber .

min rawn zawn chhuah dan te kha ka la hrilh miah lo che a, tiang mipa kha chu an vang ve viau ang mawle.

ni e , kha thil kha min la hrilh miah lo.

Ama sawi dan chuan, maruatin a awmna min hrilh duh silo a, ka call ngial pawhin min hrilh duh lo a, han zawn ngaihna reng reng ka hre silo, chumi zan chuan hotel awmna takngial pawh ka hre silo, zan a rei tawh si a, ka nu ka zu call a, kan chhungte hla ve angreng tak an awm thu min hrilh na in an number alo nei mai bik silo a, mi in ah riah ka dil ta ngawt a, ka riahna te lah chuan misual awm tha duh vak lo ah min ngai nge an ngaih a that loh hmel viau a, mahse ka tan tih ngaihna a awm tawh silo.

atuk ah chuan ka nu chuan kan chhung te number chu a rawn nei thei ta a, alo be pawp bawk a, an in lamah chuan ka thleng ta a, an number atang pawh chuan kan call a, an awmna min hrilh duh chuang lo a.

nitin counter ah ka kal a, driver zawng zawng ka be kual a, nufa, pem lut thar an phurh leh phurh loh zawtin nitin hun ka hmang ani ber, tuman an hre mai silo a, atawp ah chuan ka vannei a, sumo driver chuan alo la hre hlauh mai a, nangma chenna in kawta a drop thu chu min hrilh a, a man min rawn hruai nghe nghe a, khatiang khawpa in tana inpe zo kha ka lainat ta lutuk a, chuvang in ka rawn hruai ta anih kha tih thu vel chu a sawi ta vak mai a.

kan ti ti rei khawp mai a, bena chungchang hlir mai chu kan sawi a.

thiani, a dam chhuah ka ring tawh lo a, doctor te pawhin an beisei tawh meuh lo, ti hian ka fapa chu pa nei lo in a seilian leh dawn chu ani sia, ka fanu lah pa neilo ang vel ani tawh bawk a ,vanduai na hi ka ta ani ringawt.

maruat, thi lek lek in vawi tam a awm tawh a, tun thleng in ala boral bik lo a, adam chhuak leh dawn pawh ani mai thei asin, adam chhuak leh anih ngat chuan innei leh ula ka duh khawp mai.

ni e ti raw!
a pawi ka ti ngawih ngawih, a damlo te hi enkawl ka duh teh lul nen, amah ain thlahrung tawh bawk nen, enkawl tho mahse nupui te tluk an awm ngai lo a, ka ti thei der silo.

awi, dar zat pawh ka lo en hauh lo a, atlai tawh emai, mu hahdam tawh rawh u, kan va haw tawh ange tiin a tho uaih a.

thiani, zanin chu min riahpui teh u, engemaw ti tak hian nuam lo tihna riau ka nei mai a.

chuti maw!
anih chuan kan riak anga ni mai lawm.

chhuat ah chuan mutna kan phah duai a, naupang an mut hnu chuan thingpui te in in kan la ti ti mawlh mawlh a.

ka thiannu bulah chuan ka chanchin zawng zawng, ala hriat ngai loh zawng zawng te chu ka hrilh vek a, a ni pawh chuan a hun lo hman tawh leh a thil tawn tawh te chu min hrilh ve bawk a.

dar khat a pelh ta.

mutchhuak chuan min zem ta bawk a, bena tan leh kan tan tih tak zeta ka tawngtai hnu chuan kan muhil ta a.

keini pawh dan pangai te in ka hna chu ka thawh angai a, nitin mai chuan ka hna thawkin ka buai ve leh hle thin a.

bena nu nen kan inbe reng a, bena chu ala harh chhuah loh thu bak chanchin dang kan la hre rih lo.

zan khat kan inbia phei chu anu chu a beidawng ve deuh ani, mihring ah kan inchan hmel chuang lo a, ama in lum ngeiah hian thlah ila tih te ka ngaihtuah rum rum tawh mai a rawn ti ve hial a, beisei a bo khawp mai.

engtik ah nge akal ang tih chu kan thlir ani ber.

kar hnih hnu ah erawh chuan beiseina sang tak kan nei ve ta.

a kut te a rawn che a, a mit pawh a khap zauh zauh e tih thu ka dawng a, ka lawm em em a, lawm avang in biangah mittui aluang hial anih kha.

hma a sawn chho hret hret a, akar thumna ah chuan a rawn harh ve ta

a harh chhuah hnu chuan investigation uluk leh zualin an ti nawn leh a.

a brain tumour kha an zai hlawhtling a, mahse a thluak ah chuan tui alo tling a, a khang hman lo chu an vanneih zia te pawh doctor te chuan an lo hrilh bawk a.

zai hmabak chuan a awm leh ta , kan vai mai chuan beiseina thar kan nei a, kei phei chu ka awm hle hle thei lo, chu thu ka hriat ni phei chuan ka thiannu Mami te in ah ka tlan phei thuai a, hlim takin bena chanchin chu ka va hrilh hial a.

thlakhat zen zawn an awm hnu ah hlawhtling tak in an zai a, amah pawh a harh tha a, hma a sawn viau e.

kan innei leh emaw, nei tawh lo emaw, ka fapa in pa ala nei tur ringawt pawh chu ka tan chuan thu lawmawm tak ani .

enkawlna atha bawk a, an zai zawh atang chuan a tha chak viau a, athlalak te pawh ka lo hmu ve zel a, a taksa pawh a tha sawt viau e.

thla thum deuh thaw an awm hnu chuan dam takin an rawn let leh ta a, thi mai tura an ngaih vek avang in dam taka a rawn haw leh chu lo hmuak a lo lawm tu pawh a ngah viau ka ring a , ral khat atang chuan ka lo suangtuah ve vak vak reng a.

ka tan chuan zu kal leh kher kha thil mawi ani lo a, dam taka a rawn let leh tih ka hriat avang chuan ka hahdam huai huai mai.

an ni lam pawh an reh ta deuh vang vang a, rilru hahna te a zia tlang deuh bawk ani mah na.

thiannu, ithawk rim lutuk a, in en teh, nu kum upa tawh tak ang maiin i lang tawh ania, khawvel ah chuan eng ang pawhin thawk rim mah ila keini ang tan chuan kan neih belh ve vak vak chuang lo, hahdam deuh hlekin hna hi thawk ve rawh.

ka cosmetic thawn tur chu min pack pui mawlh mawlh chung chuan ka lang upa ta viau chu a vei ngang aniang, min hrilh mawlh mawlh a.

awi!
ka ngei lutuk che, ka thil chhiar lai min ti buai vek.

I ho e , a rilru chak loh thlak lutuk emai.

ka thil pack tawh sa chu a bul atang chuan ka chhiar nawn leh tlauh tlauh a, hnung lam ah nau ka paw bawk a, kawng a kham duh thin kher mai.

kan in peih fel hnu chuan taxi ah ka thiannu chu counter lamah akal dawn tho avang chuan ka thil thawn tur vel chu ka kentir nghal a.

a kal hnu chuan pindan ah ka lut nghal a.

darthlalang hma ah chuan ka ding a.

ka Sam te chu a hil bul mai a, ka hmai te lah chu a ro in a duk thleh thluah mai alo ni, ka in tuai hman lo a, hman pawh ni ila ka tan a tul ber lo ani, ka fate ei leh in tur ngaihtuah angai a, ka taksa nalhna tur ai a pawimawh alo tam em ani.

chauh te pawh ka chau ve thin, ka fapa lah chu lakchhawk tu neilo tih takah ka pang ah hian a bet chawt reng mai si a, ka hah ve thin tak zet ani.

ka fanu tlawh pawh alo hun leh ta reng mai.

zingkar atang chuan ka inpuahchah a, tiang hun ah chuan eitur tui tha tinreng nen an fate an tlawh thin ani tih ka hria a, ka fate ,mi anga pa nei ve lo te tan hian ka tha leh zung zawng zawng ka pe a, nuam taka an khawsak ve chu ka duh avangin hemi ni pawh hian ka theih ang tawk a tui leh tha tinreng ka ken sak ve a.

Anu...bawihtea ka ngai tawh lutuk a.

hlim tak in min lo chhawn a, ka fanu hmeltha leh duhawm chu ngai takin ka kuah vang vang a.

awi!
a tui dawn lutuk ,nu ka lawm e aw.

ka thil ken sak vel te chu hlim takin a hawng a, a enkual a, a van lawm thiam tak em.

ka naute chu alo lian ve ta kher mai , nakin lawk ah chuan a nu hi duat takin min la enkawl let ve ngei ang, engtik ni ah emaw chuan ka tha te lo thum in ka chak loh ni alo la thleng ang, ka fate hi lalpa min hualhim sak tlat ang che.

nu, enge i ngawih vang vang a?

ka ngaihtuahna ram atang chuan ka harh zawk a.

ei rawh bawihte, puar deuhin ei rawh aw.

tui ti taka ka thil ken sak a ei tluka hmuh nuam chu a awm bik kher lo ang.

a nau nen chuan thla te chu an la na sa khawp mai a, nikhat chhung a reilo thin khawp mai, in ngai tak chunga kan in then a tul leh fo thin .

a dam hnu ah meuh chuan min ngaihven zui lo Chiang kher mai, engvang in nge ka mawl em em le?

enge ka beisei fo thin le?

an haw atang pawhin hun tam aliam leh ta, vawiin thleng in biak pawh min la be lo chu ania.

hun aliam a, buai nek nek chhung in thlasik rim pawh alo nam ve leh tan ta reng mai.

pathian zar ah kan hriselna a tha a, ka fapa pawh hritlang khawsik in aman ve zauh thin tih loh ah chuan harsatna em em tawk lo in hun kan hmang ve zel a.

vawiin chu ka awm awl ni a ni bawk a, thian te in lamah va leng harh ve teh ang tiin chawhnu her ah chuan kan in paw chhuak hnak hnak a.

thiannu Mami ka sawm phei a, vengchhak a kan thianu, nau nei thar hlim te in ah chuan leng turin kan kal ani.

naute thar lawmna ni pah fawmin chaw te ei nghal ila tiin kan phur viau mai a.

October thla chawhnu chauh mah nise khua chu a ti deuh vur tawh mai.

kan han thleng chho a, an nupa chuan an fanu thar chu an lo kil hneh hle mai a.

khawvela naute hmeltha ber ni awm fahran hian an lo en ngawih ngawih a.

ekhai!
lo leng rawh u, in van rawn kal har em em, kan thin a rim tep tawh ani, naute en na tur enge in rawn ken?

sawmpuia chuan fiamthu titak deuh hian min lo fiam bawrh bawrh a.

ngawi mai teh, in fanu chhe deuh en tura kan lo kal duh hi lawm hle rawh.

thiannu Mami fiamthu hi ka zo lo tep thin, a tawng uar thei angreng bawk reng a.

a hmelchhe hlawl lo, khawvela naupiang tawh ah ani tluka tha an awm lo.

chaw ei nghal ang che u, rawng te bawl ula .

min sawm lo mah la ei kan tum tho tho, sawm hran kan ngai lem lo tiin kan phul ta hlut hlawm a.

pa a, lo kal lawk teh, bawihtei hi hnute a hak ania .

maveni chuan an pa chu a rawn ko chul a, sawmpuia pawh chu rang takin a tlan lut nghal a, an nupa chuan naute chu an buaipui sawk sawk a.

engkim ka mit hmuh leh ka benga ka hriat thin te hian pa neih min chak tir ve thin a, ngaihtuah tum loh pawh hian ka lo ngaihtuah leh vung vung thin zel.

keini thian dun erawh chuan nu leh pa nih kan fawm chawt a, Mami pawh hian a Chang chuan pasal tel lo a fa enkawl chu har a tih thu a sawi ve fo thin reng ani.

sawmpuia chuan tlai hmeh atan tiin vawksa rep tuihnai zet hi ava lam a, Mami nen chuan rawng bawl pah chuan kan ti ti mawlh mawlh a.

an ni nupa hi Mami atanga ka hriat an ni a, an fel hle mai a, kei nen pawh chuan kan inkawm chho ve zel a ,thian ang tak tak in min en ve a, len pawh kan leng ve zauh zauh thin reng ani.

khua a thim thet thet tawh a, chaw ei kan siam a, kan ril atam tawh bawk nen kan ei nghal mawlh mawlh hlawm a.

zanin chu riak ve mai rawh u, mut bu kan ngah tho a, chhuatah mutna kan phah hluai anga.

sawmpuia chuan riak tur chuan min sawm na a,mi tawngkam tha um zel chu a mawi lo, ka lo hnar thuai a, Mami chuan riah mai pawh chu a hnial lem lo.

zanriah eikham hnu chuan kan han thu khawmuang leh te te a, naute en na tura kan thil ken te kan pek hnu chuan haw chu kan tum ta a.

a lo tlai angreng tawh a, kan haw meuh chuan dar kua a pel duai tawh mai.

ka bag chhung ah chuan ka phone ka dah a, kawng chu a thim angreng a, ka phone light chu on ka duh avang in ka bag chu ka dap rawk rawk a.

ka han on chu call ka lo dawng hnem ngei mai , ka lo silent avang in engmah ka lo hre lo a, kan len na ah lah ka phone ka khawih loh tum tak alo ni bawk si.

bena call chu vawi sawm hnih ngawt alo awm a, mak ka ti em em mai a, in atanga call let mai chu ka tum ta zawk a.

hmanhmawh angreng tak chuan ka kal hlawk hlawk a.

I van kal chak em em, ihah em em lo mi?

a chhan a hre ve silo a, ka nuih a za angreng hle .

an in peng kan thleng a,

thlah ingai em?

ngai lo ve , i naute a muhil tawh bawk si, zan ala rei chuang lo a, min thlah lo mai rawh.

kan in mangtha hnu chuan kan in lam chu ka pan ta sawk sawk a.

in ka thleng a, bawihtea chu ka mut fel te te a, kei pawh chu ka mu nghal a.

mut hmun atang chuan bena chu ka call back ta a.

rei tak inbe tawh lo kan nih vang nge ka phur viau a, ka khur deuh in ka hria.

a in ring ta tlang tlang mai a, rei fe hnu ah a rawn la ta a.

bawihi, khawnge i awm?

in ah ka awm ,ti nge?

ka call ila thei bawk silo a, in ah i awm bawk silo a,

eng maw?

in ah ka lo kal a, in awm lo a, ka nghak rei lutuk che lawm.

mumang ang mai niin ka hria, hetah alo kal maw?

chuan khawnge i awm? ilo kal maw? ka van awih lo ve.

lo kal e, ka cousin te in ah ka phei leh ringawt alawm, tunah in ah i awm tawh em?

aw, awm tawh e.

ka lo kal dawn aw.

awi, tak tak Ami? ilo kal tak tak Ami?

avan mak tak, ka lo kal ka tih chu, ka rawn phei ang.

kan inbiak zawh hnu chuan ka tho chhuak hlawl a, ka awih chiah silo, dawt a sawi ka ring bawk silo.

avan mak em em, bena alo kal , ka hlim tak zet ani, keimah chauh chuan ka nui sang reng a.

thiannu Mami ka va call nghal a.

thiannu, bena alo kal, awi amak lutuk, tunah in ah alo kal dawn a, ka nghak mek.

ani maw? awi ka lo phei ve nghal dawn.

angai lo, naktuk ah lo kal rawh, min tibuai ang.

kan nui dun bawk bawk a, ka hlimna chu eng mah hian a lei zo lo hial ang.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)