BEISEINA IN BY Mpi Hmar Godfrey (Completed)

[Ngaia]

A ninawm emai, thudang sawi tawh ang tiin kan thupui chu thlak ka tum a.

Rei tak ka leng hman lo, ka zawhna chu min chhang phawt rawh ati deuh tlat a.

Eng chu maw?

Bialpa chu inei lo tak tak em?

Nei lo ka tih chu, ka thianpa anih kha.

Anih leh min duh ve em?

Ka ngawi vang vang a, min zawh dan tehtawp avang chuan han chhan mai ngaihna ka hre lo.

A har deuh ani maw? Ka dem hauh lo che ania ati sap a.

Ben, diktak chuan ka hlau thawng tawh ani, ka tawn sual leh hi ka hlau tawh ani.

Ka hrethiam lutuk che, mahse ka tiam ang che, Pathian hming erawh chuan ka ti ngam lo, lei leh van chhal in ka tiam ang che, itan ka rinawm tlat ang.

Nakina nat leh kha ka duh miah lo ania aw.

I na hauh lo ang, maruat mipa lepchiah tak ka ni reng reng lo.

Athat nasat chu.

Min rawn kuah a, muangchang in min rawn fawp a, ka mit ka lo chhing a, ka duh ani tih lan nan ka lo chhang let ve bawk a, engtin mawni tak hian ka awm a, ka sawithiam lo, ka thlawk delh delh ni ber hian ka hria.

Ka kutah a chelh ran a.

Min tiam ve rawh bawihte, kei chu ka hna ah ka kir leh vat dawn a, englai pawhin ka tana rinawm turin.

Ben, ka tiam ang che, khuanu hriatpuia inupui ka nih hma loh chuan itan rinawm reng turin.

Duat takin min fawp leh a, tichuan a haw ta nghal a.

Kei pawh chu ka mu leh ta nghal a, dar 12 a lo pel reng tawh mai bawk nen ka muhil ta nghal a.

Zan ka menrei deuh avangin thawh ka hai hial a, ka harh meuh chuan dar kua alo hnai thuak tawh mai.

Bena thu thawn te ka dawn takin tiin ka phone chu kan check te te a.

Morning le ka duat.

Hma takah ka tho a, ka walk a, anuam khawp mai,

Ila tho lo ami?

Ka hmuh veleh ka reply nghal a.

Morning leh bawiha, thawh ka hai a, nizan min men hrep a, ka harh ve chiah alawm.

Min rawn chhang leh nghal a.

Ka men hlawhtling khawp che alawm tiraw?

Chaw kan ei dawn chiah a, hnathawh nuam aw.

Awle, nang pawh le.

Ka tho vat a, rawng pawh ka bawl hman tawh lo, thingpui ka in a, ka intifai sawk sawk a, ka insiam ta nghal vat a.

Nileng mai chuan ka mood a on hliah hliah mai, engkim mai chu a nuam in chet vel pawh a zangkhai riau mai.

Nuthlawi hmeltha zun phurh chu ana ngei mai, ka awm hle hle thei lo, ka ngai che.

A msg chu ka chhiar a, ka nui tak ver ver a.

Nuthlawi ka ni tih chu ka hria, mahse sawilan leh min koh nan tak hmang suh aw, iduh chuan nula pangai an tam ania.

Sorry bawihte, ka sawi leh tawh lo ang.

Tlai ah chuan min thlah haw leh a, an in a haw ta lo chuan kan in ah chaw a ei nghal a, chawhmeh leisa lah chu ka lo nei lo viau a, a awm ang ang chu ka eipui a, a chawlak lah chu a tha phian.

ka hmai ka phih a, ka hruk mawlh mawlh lai chuan Pindan ah a rawn lut ve a.

Ka kawngah min rawn kuah chawt a, ka nghawng ah a rawn chuk zauh a.

Bawihte, make up tello hian i duhawm zawk mah mai, make up hi hmang tawhlo zawk rawh, hman zan te khan ilang chhe lo lutuk ania.

Hmm.. Make up tello te chuan a confi theih loh lawm, min duh lo vat palh ang tiin ka lo fiam let zauh a.

Khumah chuan min kai phei a, kan mu hahchawl ta a, ka khan ar ar a.

Mi khan ihrat dawn ani maw?

Kan inneih hun ah chuan ka rethei dawn mange.

Khan nei lo chuan ka mu thei lo, i palian bawk a, ka khan ar ar mai dawn che ni.

A hmui sen no chek ah chuan ka kiss zauh a, ava han chhe lo chiang tak em

Bawiha, engtin nge kei nuthlawi mai mai hi min duh zawk a?

Nula hmeltha tam tak ihmu awm tho sia.

Hmu e, ka zep lo, min ngaizawng tu te pawh ka nei ve alawm, mahse mihring hian duhzawng kan nei theuh a, ka duhthlanna a lawm.

Thil pakhat ka sawi anga, thinrim suh aw.

Ka lu ka lo bu nghat a.

Hman ah chuan heti hian ka ti thin, eng anga hmeltha leh duhawm pawh ni se nuthlawi kher hi chu ka ngaizawng ngai lo ang, nupui ah phei chuan ka nei lo ang ka ti thin, nuthlawi hi ngaihzawn ka la tum ngai lo, mahse nang ka tawng che a, ka rilru zawng zawng chu a danglam ta vek ani.

Min iai miah lo maw?

iai ahnekin chan che hi ka hlau asin.

Ka Duata chu ka kuah vawng vawng a, a awm ah ka bei hle hle a.

Ka lung a chhia a, hmangaihtu leh pangchanna nei ve ngai lo ka nih avang chuan ka hnuk a ulh a, ka in sut hlap hlap a.

Tinge a bawihte?

Tinge itah a?

Ben, min hrethiam hram teh aw, ka tah a chhuak em ani, enteh kum tam chu hmangaihtu hmel tawnglo leh duat hlawh lo in hun ka lo hmang tawh a, hetiang hun hi ka tawng ngai lo a, ka tap lo thei lo ani.

Ka lam alo hawi thuai a, ka mittui luang te chu a kut in min hruk fai sak a, kei erawh chu lungchhiat avangin ka la insut hlap hlap a.

Ka naute, ka khawngaih lutuk che, tunah chuan tuman an tina leh tawh ngai lo ang che, ka venghim tlat tawh ang che tiin min hnem mawlh mawlh a.

Ka lungchhe zualpui te a reh hnu chuan ka chanchin tam tak ala hriat loh zawng zawng chu ka hrilh fai ta vek a.

A chek leh tlak tlak thin, a van pawi tak em, ifanu nen rethei taka in awm lai chuan lo inhre hman ila tiraw, ka bialnu pawh nilo mahla ka pui ngei ngei ang che.

Ben, ka rilru hi adam thei lo, ka fanu ka ti rethei lutuk kha, ka mittui ti tla tu ala ni reng thin.

Ka hrethiam lutuk che bawihte, nakin ah kan bulah thlamuang takin ala awm dawn alawm, lungngai miah suh tiin min hnem ve a.

Inkuah rialin kan mu a, kulmuk em em hian kan ti ti dun a, ka inphawrh fai ta vek a.

Bawihi, nupa kan nih hma chuan kan zahawmna hi vawng him tlat ang aw, chu chu Pathian duh dan pawh ani, sex hmang miah lo ang aw.

Bawiha, kei chuan zahawmna ka nei ve tawh hleinem tiin inthlahrung takin ka sawi a.

Nei e le, iduh vanga nuthlawi ini lo a, nuthlawi tam tak te hi chu mipa an kawp a, ho takin an khawsa zui mai thin a, Chung lak atang chuan inthiarfihlim tlat la, izahawmna i humhim ani mai.

Ka rin aiin a puitling phian a, a mizia avang leh a tawngkam chhuak avang chuan ka ring ngam telh telh ta bawk a.

Sana a en zauh a, ekhai ava tlai tawh ve, haw a hun tawh anih hi.

Bawiha, riak ve mai rawh, keimah chauhin ka awm sia, ka khua a har alawm tiin riak ve tur chuan ka sawm a.

Ka chhungte kan hrilh ange tiin a nu chu a call a, a thianpa te in a riak tur angin a insawi thung a.

A puansin tur chu khum lehlam ah ka dah a, tah hian mu mai rawh aw tiin ka hrilh bawk a.

A han mu renrawn na a, ka bulah a rawn insawn phei thak a.

Ibulah ka mu dawn tih pahin ka puan sin chu min rawn tawm ve nghal a.

Ka lo khan leh nghal that a, thlamuang em em in ka mu siai siai a.

A tuk chu sunday anih avangin thawh hma angailo bawk a, zan men rei pawh a zia deuh.

Bawihi, kan la leng chhuak dun ve lo reng reng, hna ah ibuai lutuk a, hun awl pawh kan nei lo a ti raw?

Ni ngawt mai, mahse zanah irawn leng thei tho a, a tawk viau tho alawm.

Ni tho mai, mahse lenchhuah ve te pawh a chakawm a lawm, ka Chhuk thlak hma in chawei khawm kan nei dawn a, ilo tel ve ngei chu angai ang.

Ka zak e a, mi Hausa ho kara kei lo tel ve te chu a.

Tumah mi Hausa kan awm lo, tikhan ti tlat zel thin suh.

Tukverh ah chuan thla eng nuam tak chu a rawn lut riai riai a, tukverh chu a hawng a, a phone a hla chu a play a, a nuam takzet.

Ka van kal peih tawhlo tak em, ka ngai dawn lutuk che a ti sap a.

Kei tak hi ania lunglen tur chu ni, ilo haw leh har tawh awm si ka lo ti vat a.

Bawihi, ka kal hma in la lo riak leh ang aw, thianghlim takin hlim takin kan awm dawnnia.

Tehreng mai, itan te chuan phal loh ka nei hleinem.

Ka phone chu ala a, ka inrin hman hma chuan ka fb ah chuan a lut a.

Inbox vel te chu a check a,

Ani nen kan intawn hma a sangtea nen kan in chat na chu ka lo la delete hauh lo mai.

A bul atang chuan a chhiar ta vek a, nuam lo ka tih mai zia.

Tunge sangtea hi?
I bialpa hlui ani maw?

A ho e, thil hlui ah let leh ka duh tawh lo ania

I hmangaih hle ani maw?
I theihnghilh theih loh thu pawh ihrilh hial ania.

A thikthu a chhe viau mai a, thudanga pakai pui ka tum pawh chuan a theih meuh loh.

Ben, a ho lutuk, kum tam tak liam ta a mi tawh anih kha, ka theihnghilh vek tawh, nang pawh bialnu hlui te chu inei ve tho ang chu, kan tun hun chiah hi a pawimawh, tun hun ah hian nang ka hmangaih che a, a tawk viau ani tiin ka thlem heuh heuh a.

A ngawi deuh hmak a, phone chu min pe a, a titau deuh ani tih ka hre thiam a.

Tlawm takin ka awm a, ka kuah a, a kutte chu ka hmet niap niap a...

Bawiha, thinrim lo la, hlim takin awm zawk ang, hmanlai thil ani tawh a, aliam tawh, tunah chuan nang chauh hi ka nunah i pawimawh ber tawh tiin ka thlem heuh heuh a.

A lung a awi ve mai bawk a.

In la inbe ngai em?

A teuh lo, nupui a nei tawh a lawm la tih hnu chuan a lungawi ve ta a.

Duati, ka thikthu a chhia ania kei chu, hre reng rawh.

Thla eng tak hnuaia a hmel tha lutuk chuan ka lung hi a dum hliah hliah, ka tawng lo ang tih mawlh chu ka hlau tawh zawk.

Bawihi ka ril atam deuh tlat, thingpui va in lawk teh ang a tih avangin kan tho a.

Thingpui tui tak ka lum a, chhangthawp leh butter nen chuan kan ei ta teuh a, zan a rei tawh bawk nen kan ril alo tam viau alo ni.

Kekawr bul chauh aha a, kawr aha lo thung a, a taksa mawi lutuk chu ka en kham thei lo.

Kei erawh chu boxer ka ha a, kawr bah chauh ka ha bawk a, nupa tak tak kan ang tawh viau mai.

Thingpui kan inzawh hnu chuan cigarette a zu vang vang a, kan mu leh ta a.

Dar khat leh a chanve alo pek vang tawh mai a, in ngai leh inthlahlel tak kan nih avangin muthilh mai erawh kan la tum lo.

Hla lunglen thlak tak tak te chu kan ngaithla pah zel a, kut leh ban tih zat vel nuam ka tih em avangin ka ban te chu a ti za pah a, ka lo muthlu ta mai a.

Tui deuhin mu rawh aw ka duat tih pahin ka hmuiah a rawn fawp zauh a, ka lo muhil zui ta nghal a.

Engemaw ni thawm hian min tiharh hlawl a, Choka lam chu a ri deuh rak rak a.

Ka han meng siar siar a, mut ka la kham lo takzet.

Ka bulah chuan bena chu alo mu tawh lo a, ala hma teh lul nen a lo tho tawh a.

Muthilh leh tumin leh lam ka hawi a, ka muhil hman tep tihah chuan a rawn lut a.

Tho tawh rawh bawihi, thingpui ka lum vek tawh ania tiin min rawn kaitho a.

Peih lo tak chung chuan ka tho a, sana ka han en a dar ruk chauh alo la ri a.

Tinge ivan tho hma em em ve, mut ikham hman ami?

Ka murei thei lo, eng anga tlaiah pawh mu ila dar nga ah chuan ka tho ngei ngei a ti sam et a.

Nang pawh thawh hma zir rawh, imu thau lutuk dawn, zingah te hian exer la thin rawh, a hrisel a, bakah nun a harh bik ania tiin min zilh mawlh mawlh a.

Peih lo tak chung chuan ka tho tawih tawih a, ka mit chu ka nuai nawk nawk a, ka ham bai bai bawk a.

Dawhkan ah chuan thingpui siam sa diamin alo dah a, avan tui lem lo tak em.

Ka zah avangin ka in sak ve bawk a, tui lo tak ani.

Tukthuan atan arsa te kan kang a, tukthuan ei zawh hnu inkhawm reh lai tak chuan a haw ta a.

A haw hnu chuan ka ngai em em nghal a, ka lung a leng ngawih ngawih nghal bawk a, zan lama kan hun hman dun te chu ka mitthla ah alo lang a, ka lung a leng vawng vawng mai.

Tiang chuan thla li vel zet chu kan han awm hnu chuan akal alo hun leh dawn ta a.

A kal nan ni li vel chiah a awm tawh tih ah chuan chawei khawm na ah chuan min sawm ve ta tlat a, ka hreh em em a, ka zak bawk si

Mahse min phut tlat si avang chuan telpui chu ka tum ve ta a.

Kan hman tlan theih hun tiin sunday tlai ah ei khawm an rel ta a.

A phur em em a, min lo hruai a tum bawk a.

Inrinni ah chuan ka sam te ka buaipui ve a, facial te nen lam ka inpuahchah ve nasa hle mai.

Midang mithmuh a lan nalh loh chu ka hlau ve deuh a, ka tang ve khawp mai.

Inrinni zan pawh chuan a rawn leng reng a, thulh lo turin min ti na sa viau.

A tuk alo ni a, chawhma ka inkhawm phawt a, inkhawm banah chuan fai takin ka inbual bawk a.

Darthlalang hma ah chuan uluk em em in ka in chei a, nidang zawng aiin ka in uluk a.

Ka sam erawh, ka pianpui sam, ka chhuan em em ani a, dawra siam tir ngai lo in a in roll nalh em em a, ka colour tih loh chu ka khawih danglam lo.

Enge ka hak ang aw tiin ka thawmhnaw vel chu ka sam ka sam kual a.

Kawr chhing, taksa lang silo, top nalh ti taka ka lei chu ka ha a, jeans kekawr, body fit ka ha bawk a, boot flat ka bun bawk a, ka han inthlek kual vela, nalh ka inti ve ngang mai.

Feet nga leh inches nga a sang ka ni a, inchei pawh ka mawipui ve viau mai, ka sam ka chhuan em em chu ka thlah siau a, ka kawng thleng a sei ani nghe nghe.

Ka perfume thulkhung, ka hman phak tawk, Avon ami little red dress ngei mai chu ka han in kap rimtui vawng vawng a, nalh ka va inti kher em.

Bena chu ka lo nghak vang vang a, ka helhhawlh vang nge ka zun te chu a chhuak sek mai a.

Kawngka a rawn pawt hawng a, a rawn lang ta hlawl mai a.

Simple tak chu ani ta bik lo, analh leh takzet ani ber mai.

I nalh lutuk bawihi, i inhmeh lutuk tiin min han fak der chiam phawt a.

Ka bag ka la a, kan chhuak ta a, kan inphur chhuak ve ta a.

Kan chawei khawm na tur chu in ni lo in reiek ah daih alo ni a.

Ka hre lawk lem lo, ka zawt bawk hek lo a.

A thian ten an rawn call ni ngei tur ani.

Kan lo kal mek e tiin a chhang a.

Bawiha, ithiante chuan an bialnu te an hruai ve dawn ami tiin mawlmang takin zawhna ka zawt a.

Dawn e le, hmeichhia ho pawh in an hruai vek dawn.

Ka ngawi leh mai a, kan tlan vang vang a, kan thleng ta a.

Kawng Sirah a bike chu a dahtha a, athiante lo awmna lam chu kan pan ta a.

Ka rin aiin an lo tam a, an lo awm deuh laih a, ka zam angreng hle.

Hei mi? Isawi chhen chu tiin athiante chuan min chibai a, pakhat nen khan an va in ang silo ve tiin an fiam bawrh bawrh a.

Min care em em a, an fiamthu anih kha aw bawihi, fiamthu an duh ania a rawn ti sap a, nui chungin ka lu ka bu nghat a, phul ah chuan kan thu a.

Athiante chuan zu an in a, ahmei apa in an in vek a, tape an play a, an phur hlawm viau mai.

Bawiha, tlem chu in ve la tiin an sawm sek a, ka mitmei aven avangin ahnar zel thung, athiante chuan sawm tak te in an sawm a, ka bulah te chuan an dil sak hial a.

Ani tak alawm le, tiang nikhua te chuan khap bur kha ka tan pawh a chi ber loh tiin rilru zau tak ka pu a, ka phalsak ta a, zu ain ngai lo tih ka hria, chumi ni pawh chuan no hnih lek a in a, a tha tawk ve viau mai.

Hmeichhe ho chuan min pek an tum ve sek a, ka hnial zel a, bena chuan aphal lo bawk a, Chuvangin ka hnial tlat a.

Mahse an boruak chu anawm hmel em avangin han in ve chhin pawh chu ka chak ve ta deuh a.

Kan in kawm tlangnel hnu chuan mipa leh hmeichhia ho chu kan awm hrang a, tah chuan arukin beer min pe ve ta a, bena hmuh loh lai chuan ka in ta a, ka in ngai loh avangin ka lu ahai hle.

Ka awmdan chu ka hloh ve hial a, ka tawngduh in ka phur em em mai a, bena chuan a hrethiam ta vek a.

Ani lu hai ve deuh bawk si kan in hnial ta a.

Tinge i in ve a?

Ka phallo ani lawm ni?

Ben, a zahthlak, beer alawm ka in, thian ten an in vek sia, tlem te chauh alawm ka in ka tih pawh chuan min hau char char a.

A thiante chuan an lo khap bet vat a, ani thinrim laklawh tawh si chu kan inhau ta zel a.

Ka thin a rim ta a, nang pawhin i in tho a, tinge min hauh vak kher a, ka haw dawn tih pahin kawngpui lamah chuan ka tlan thla ta nghal a.

Min rawn um nghal a, chak takin ka tlan zel a, min rawn umpha ta a.

Min man bet a, ka au tuar tuar bawk a, a thin a rim takzet.

Bawihi, a zahthlak, ngawi rawh tiin min pawt bet a.

Hmeichhe fel tak ini a, tiang khan awm lo tura ka duh vang zawk che ani, zahawm takin awm reng la ka duh vang ani, ka thiam loh ani tih ka hria, kei pawh in miah lo tur ka ni a, ka tihpalh takzet tiin thupha a chawi mawlh mawlh a.

Min ti zak lutuk emai, haw ang ka ti deuh tlat tawh a.

Mahse eng tin tin emaw kan inthlem lungawi hnu chuan kan thiante awmna lamah chuan kan chho leh ta a.

Mi a tak an ni lo bawk a, engmah thil thleng awm lo ang mai chuan kan awm ho leh nghal a, bena chu an hau deuh laih laih a, hetiang nikhua ah chuan inhriatthiamna sang tak neih tur tih te pawh an hrilh bawk a.

Boruak chu apangai chho leh mai a, rawngbawl tu lamin rawng an bawl mawlh mawlh a, athen lah an mu dar dar bawk a.

Tumah zurui buai leh bengchheng zawngin an awm lo a, an changkang viau hlawm mai, keini pahnih chu buai awmchhun kan ni deuh mai.

Bawiha, rawng te saw va bawlpui ve la tiin ka hrilh sar sar a.

Angai lo, an bawl thei alawm ati sam et zel a.

Ka bulah a tap chawt a, ka kal sawn deuh lahin min zawng zel mai bawk si, kalhran theih pawh ani lo.

[Ngaia]

A kap karah ka thu a, ka ngheng dar dar a, ka sam te chu a chul a chul a.

Nakin a en atan tiin thla kan la dun deuh reng bawk a.

Kan thiante ho rawngbawl pawh chu an in peih fel ve ta a, chawei nan ala hma deuh avangin kan han thukhawm deuh laih a, an in leh ta hlawm a.

Keini erawh chuan kan in tawh lo, zu tello pawh hian a in hmangaih theih a, ahlim theih viau bawk.

A kawp te te chuan an thu fur a, an inkuah a, an hlim hlawm khawp mai.

Ka banah min kai a, keini pahnih chu kan kal hrang ta a, kan fangkual vel a, inkai rialin hmun hrang hrang ah thla kan la dun ta zawk a.

Achang chuan min han paw leh lawp lawp thin a, kan van hlim kher em!

Zanriah kan ei zawh hnu chuan kan inphur haw ta hlawm a, an tlan chak vuk vuk hlawm khawp mai, keini erawh muangchang in hahdam takin kan tlan a, ahun ah chuan in kan thleng ve tho.

Kan in kan thlen chuan ala hma angreng viau mai a, khua ala eng vek a.

Ka in thlak mawlh mawlh lai chuan ka phone a rawn ri teh mial a.

Ka rin loh tak maiin sangtea thianpa chhana chu lo ni reng in!

Ka pickup thuai a.

Maruat, idam thin maw? Kan va inbe khat ve tiraw?

Ni ngawt mai, ka dam alawm, nangni in dam zawk maw?

Aw kan dam tlang e,
Ka rawn biak na chhan che chu thalai khawmpui invengah khan kan nei dawn a, palai turin min ruat leh a, sangtea nen i in luahah rawn riak mai ila kan ti deuh mawle.

Awwle nia, muang ban deuh chat hian ka chhang a, rawn riak rawh u, in duh phawt chuan, mahse in lian tak ani lo a, thutthleng ah te in mut nawk nawk angai maithei ania tiin ka hrilh a.

Nihnih chauh ania, palai kalkhawm ni chauh, langa kal kha liethei kan nei silo a, ain hlat ve angreng si a, Aizawl hmun leh hmun mah nise a buaithlak deuh a, chuvang chu mawle.

Tehreng e, ka phal lutuk alawm.

Thiana te chanchin kha ilo hria em?

Hre miah lo, tinge a?

An nu kha a tlanchhuak daih alawm.

Awi ani maw!
Tinge a?

Hna an ngah deuh sia, anu in lo lamah te a hruai kat ve dawr dawr a, a peih chiah lo aniang.

An ko lo ami?

Koh hman pawh ani lo, Singapore ah akal daih alawm.

Avan zia lo ve aw.

Ni e, a Zialo khawp mai, Thiana pawh a khawngaih thlak angreng, a hrilh hai ve lutuk a.

Ani viau ang, nia engpawh ni se, in lo kal hun tur lo sawi ula, ka lo inrin theih nan aw.

Awle, ka rawn hrilh dawn che nia,

Bena bulah chuan ka va thu ve leh nghal a.

Tunge a tiin min lo zawt vat a.

Ka thiante an nia, khawmpui palai tur an nia, kan in ah rawn riah an tum a tiin ka hrilh a.

Anih chu mawle a ti ve mai bawk a.

Bawiha, zanin chu riak ve mai la, ka thiante khawmpui kal tur an rawn riah dawn phei chuan anuam miah dawn lo a, ka thiannu zin pawh a rawn haw tep tawh ang tiin ka sawm a.

Min hnial lo khawp mai, in ah ahaw phawt a, a inthlak fel hnu in dan dar riat velah a rawn let leh a.

Hun engemaw chen hnu ah sangtea chanchin tha lo tak ka han hre leh chu ka ngaihtuah zui vawng vawng mai, ka khawngaih em em mai bawk si, kan vanduai dun kher mai tih te chu ka ngaihtuah zui neuh neuh a.

Bena a rawn let leh hnu chuan tv en pahin kan thu dun deuh reng a.

Ka rilru ah sangtea a awm vang nge ka mood a off ta riau mai, a rawn riah hmasak zan nen kha chuan a in ang lo deuh.

Tinge i ngawih reng a?

Chutia min rawn biak thut avang chuan ka harh deuh zawk a.

Za lo fahran hian ka nui hawk a, ka chau alawm tiin ka chhang a.

Lo kal teh tih pahin min rawn kuah a, a malchungah chuan ka mu ar ar a.

Maruat, harh rawh, sangtea ngaihtuah tur ini tawh lo, i hmangaih na pawh venghim zo lo in a kaltir che anih kha, hre reng rawh, bena tluk a mipa tha hi ihmu tawh dawn lo tiin ka rilru chuan ka infuih mawlh mawlh a.

Dar sawm vel thleng tv en paha kan thut hnu chuan khum lamah kan insawn phei ta a.

Bawihi, vawiin kha chu a hit lo tiraw?

Ka ngaihtuah let hian ka zak ngawih ngawih.

I che thing em alawm, kei pawh ka zah zia chu a tiin ka chhang thuai a.

A nui hawk hawk a, mi ang hian zu hi in nasa ila chuan ka sual ngawt ang, ka thinchhe viauin ka ring, chuvangin zu in chi ka ni ve lo reng reng.

Zu in mi pasal ah ka duh tawh teuh lo mai ka lo ti thuai a.

In ta ila, min then dawn tihna mi?

Then nghal vang vang ang, ka duh tawh lo bur.

Tak tak a, ka pa hi tun hma kan naupan lai chuan zu a in nasa lutuk thin a, a hlawh hi kan hmu ngai mang lo, naupang kan la ni si a, ka nu kut a thlak te kha hlau takin kan lo kuah ve lawp lawp kha ania, kan tawng nasa bawk a, ka pa anga awm kha chu ka tum lo bur tiin an chhungkaw chanchin te chu min hrilh ve mawlh mawlh a.

I mut a chhuak ami?

Chhuak tep a, ka chau ve tep a,

Kan muhil mai dawn mi?

Kan in tiharh ange, ikal tep tawh si a tiin ka tho a, tukverh ah chuan ka dak a, thlifim te chu ka han dawng a, ka harh ta huai mai.

Phur zetin khumah chuan ka lawn kai a, bena chungah chuan ka mu ar ar a, a rim fresh tak mai te, a taksa nalh lutuk tak maite chuan min hip ngawih ngawih.

a hmui no chek ah chuan ka kiss vawng vawng a, duhthawh takin min lo chhang let a.

Engmah kan karah thil thleng a awm ngai lo, kan inkawp dan chu a thianghlim ve khawp mai, min hmangaih tak tak ani ka ring khawp mai.

Ni aliam a, akal dawn ni ah chuan thlah tura min beisei tlat avangin kei pawh chuan thlah ve ngei ka tum bawk a.

Tlai lama chhuak tur an nih avangin ka pu bulah chuan ban hma ka dil a, min lo phalsak bawk a, an chhuahna tur lam chu ka pan nghal vang vang a.

Min lo nghah tawh avangin ka hmanhmawh kher mai, taxi ka hmang phei ta tawp bawk a, chumi tlai chu chhana leh sangtea rawn thlen hun tur ani ve bawk si nen rilru a hmanhmawh viau mai.

Ka va thlen chuan alo awm ran tawh a, guwahati ah thil tih tur aneih avangin thlawhna a akal thei lo chu ka ngei angreng hle, ka buai phah hrep zawk ani.

Ivan rawn thleng har ve.

Lungawi hmel loh zet hian min lo bia a.

Ka hman hun chiah alawm, ka rawn kal nghal vang vang alawm.

Hei chhuah a hun tep a, rei pawh i awm hman tawh dawn hleinem.

In hnial ka peih lo ania, kal dawn a inhnial kha angai lo, aninawm tiin ka hau hial a.

Minutes sawmhnih pawh kan awm dun hman lo, an chhuah ahun a, motor ah chuan an lawnkai dawn ta a.

Kan inchibai a, min hmer vawng vawng bawk a.

Bawihi, ka ngai viau ang che, a remchan apiang in ka rawn be zel dawn che nia, kan thutiam kha hre reng rawh aw tiin min chah ve mawlh mawlh a.

Kan in bye bye lawp lawp a, an tlan liam tur chu ka thlir reng a, alunglen thlak angreng khawp mai.

Kei pawh hmanhmawh takin in lam chu ka pan ta nghal vang vang a, chawhmeh ka lei zuai a, ka haw nghal a.

Mikhual ka neih dawn avang chuan in vel chu ka tifai sawk sawk a, rawng te ka lo bawl zung zung a.

Tlai dar li leh a chanve pelh hret ah an rawn thleng a, kan awmna lai vel chu min rawn zawt a, kawngpui ah ka lo nghak a, an rawn thlen hnu chuan kan in lamah kan chhuak ho ta a.

Kan in hi alian lem lo a, mahse in riak ve nawk nawk thei ang, lo thu hahdam ula, thingpui kan lum ang che u aw.

Angai lo, lum lo mai rawh, kan in peih lo an tih avang chuan ka lum sak ta lo a.

Rawng ka bawl peih meuh chuan ala hma viau mai a, an thutna ah chuan ka va thu ve a.

Kum rei tak hnu ah sangte a nen kan han inhmu leh ta hlawl chu ania, a mi den dan a dang kher mai.

I van dang ta ve!

Sangtea chuan min rawn be teh nawlh a.

Engtia dang in?

I lang nula lutuk a.

Ka nui suk a, nuthlawi nih te chuan kan tang ve deuh alawm tiin ka fiam let a.

Zanriah kan ei hnu chuan an ni pahnih chu inkhawm turin an insiam nghal a.

Pindan ah insiam rawh u ka tih avangin pindan ah an insiam mawlh mawlh a.

Maruat, lo kal lawk teh, ka kawr hak tur hi a kilh a lo tla daih anih hi, min lo chilh sak lawk teh tiin chhana chuan min rawn au a.

Hriau vel te ka thil nghal a, chumi chhung chuan chhana chu bathroom lamah alut bawk a.

Chhana kawr chu ka chilh mawlh mawlh a.

Sangte, innu nen in chanchin te ka lo hria a, azia lo khawp mai, engtia tih zel nge itum?

Tih vak ngaihna pawh a awm lo, amah ber lah chu a kal bo daih mai si a.

han zawh leh vak tur ka hre tawh lo a, ka ngawih san mai a.

Chhana kawr chu ka chilh zo a, khum tlangah chuan ka bang a.

Maruat ka kawr nghawng hnunglam kha adik em?

A dik chiah loh avang chuan siam sak turin ka ding chhuak a.

Chutia ka siam sak lai mek chuan kan room kawngkhar chu a rawn in pawt hawng pawp a.

Chhana emaw ka tih laiin bena chu a rawn lang hlawl mai.

Sangtea kawr nghawng ka lo siam sak lai tak alo ni bawk nen, ka phu nasa kher mai.

Awi bena!

Min en reng a, muang changin a chhuak leh a.

Ka umzui nghal a, sitting room thutthleng ah chuan a thu a, a bag ah chu abul ah a dah bawk a.

Rum zet hian min melh a, engmah han sawifiahna hun lah chu ala awm silo

Buaina a siam ang tih ka hlau hle a, ka phu dep dep thei.

Rei vaklo hnu ah an insiam zo a, kan kal aw Maruat tiin an kal dawn chuan min hrilh a, hnara hlit phawi ang huai a ni.

Ben, tinge in rawn let leh a?

A tum bur a.
A bag chu a chum pawp a.

Awi!
Tinge tikhan i awm a?

Min van bum chiang ve le maruat, ka lo let lo ang tih a hlauhawm kher mai, i nihna diktak ka rawn hmu ta alawm ti raw!

Eng ka nihna maw ihmuh a?

I theihnghilh theih loh nen chuan in awmdun leh ta alawm, ahmel kha ka hrechiang lutuk tlat.

I ngaihdan hi a diklo thei emai, kan inkarah engmah a awm lo, a kawr nghawng diklo ka siam sak mai anih kha.

I pindan ah zalen takin tikhan i awm tir a, i buaipui vel a maw?

Pindan ah an insiam lohin khawnge an insiam anga?

Tinge mi hi i rinhlelh em em reng le, ahahthlak emai ka ti vin hlak a.

A bag chu a hnek leh pawp a, a tho a, a bag ala a, rum zet hian min melh bawk a, a palian angreng si a, ka hlau khawp mai.

Chhuah tumin kawngka lam apan a, ka umzui thuai a.

Bawiha, la ding teh, thil sawifel ang tiin ka pawt ve na in, min nam leng lawp a, chak zetin akal ta hlawk hlawk a.

Hreawm ka ti em em a, engvanga rawn let leh kher kher nge maw anih le?

Ka thinrim lutuk chu ka te thawt a, thutthleng ah chuan ka thu tum bur a.

Ka va biak lah chuan min chhang duh der lo, ka call a pickup duh bawk silo, ka rilru ahah em em a, thil thalo alo tih te chu ka hlau ani.

Chhana te thian dun chu zan dar kua velah an rawn haw a, thingpui hangte ka lo lum a, mutna kan indaih loh avangin thutthleng seiah chuan mutna tur ka siam sak mawlh mawlh bawk a.

Mu hahdam rawh u tiin kei pawh chu ka khum lam ah ka mu ta nghal a.

Ka rilru anuam lo khawp mai, bena lah chu a reh vang vang mai bawk si nen.

Biak theih anih tak siloh ah chuan muthilh mai chu tha zawkin ka hria a, muthilh chu ka tum ta a.

Zan dar sawmpahnih vel ah chuan ka phone ri chuan min kai harh a.

Chutiang hunah call ka dawn ngai loh avangin ka phu zawk hial a.

Ka mit ka han nuai deuh nawk nawk a, ka phone chu ka han en ta nghal a, bena chu lo ni rengin.

Rang fahran in ka chhang nghal a.

Min elhsen zet hian a rawn nui hak a.

Ibulah i muttir em? I khan ar ar em?

Bum hmang, mi rinawm loh tak mai ilo nih hi mawle a rawn ti nghal ngawt mai a, a tawng ri ah chuan a rui hle ani tih a hriat theih.

Ka rilru na lutuk chu ka ngawi reng a, sawi tur reng reng ka hre lo.

I tawng ngam na nge?

Benjamin, min va han hmusit em em ve mawle, i ngaih ang em em hmeichhia chu ka ni lo tih hre rawh, ka kham lutuk emai, min rawn be tawh ngai suh tiin ka phone chu ka off ta hmak a.

Ka thinrim lutuk chu ka so bulh bulh a, ka sa pap pap bawk, ti khawp hian alakah ka tlawm em em a, dawhthei takin ka awm zel a, tiang em em a min ring chhe lutuk mai kha ka ti thei thak lo.

Ka mutchhuak pawh chu a reh ta vek a, muhil thei lo chuan ka let ka let ta ringawt a, ka phone chu ka switch off tlat a, min rawn biak pawp chu ka duh lo ani.

A tuk zingah chuan mood a off takzet, ka thiante hmuha tum bur chu nuam ka ti bik chiah silo, nui hmel ka pu lui hram hram a, a tuk atang chuan bena chanchin engmah ka hre zui lo a, akal ta nge kal ta lo pawh ka hre zui ta lo.

Zankhat chiah riak tur an nih tawh avangin chhana te thian dun nen chuan zanrei tak thleng kan titi a, ka han ti ti ve na in ka rilru erawh a buai viau thung si.

An ni thian dun pawh chu atuk chaw ei kham rual chuan an haw ta nghal a, kei pawh dawr lam panin ka kal ta nghal bawk a.

Biak hmasak emaw, tlawm zawka tan hmasak chu ka tum lo bur mai.

Min bia anih loh chuan ka be dawn biklo, ani pawh a luhlul khawp mai, a reh vang vang mai.

Ni li lai aliam a, tu mah mah chu kan la inbe lo, a mizia chu hahthlak ka tih riau avangin inthen daih mah ila pawi ka ti lem lo.

Ka thiannu zin pawh a rawn haw tawh a, bena nen kan chanchin te chu ka hrilh a, kan inkar that loh zia te ka hrilh bawk a.

Thiani, ngawi teh, nizan hmasa a thi chhawnga an chhar tlangval kha tih pahin a whatsapp chu a han hawng thuai a.

News group chu a hai let thuak thuak a, hei hi en teh, bena kha a ang ka lo ti lutuk a, news a an post lai hian a mah hi tunge tih an la hre silo a tiin a hmel chu min hmuh vat a.

Ka khur nghal hlawk hlawk a, chanchin engmah ka hre ve der silo, a hmel chu Benjamin a ngei ani si.

Hmuh hreawm tak ani tawp.

Awi, amah anih ngei hi, engtin nge a awm? A thi nge a dam tiin ka thiannu chu ka zawt vat a.

Ka hre bik lo, kan ngaihven dawnnia a lo ti vat a.

Mu leh mal ka nei lo a, ka vai deuh ruai ani ber mai, a thian te ho lah han biak mai tur ka hre der silo.

Ka thaw kawk kawk a, boruak tha te ka dawng a, ka dang a ro hulh hulh avangin tui ka in khawlh khawlh a.

Ka hahdam deuh ta maw tih ah chuan fb ah ka lut thuai a, bena wall te chu ka check ta zung zung a.

Freddy ms sailo tih hian thiana dam leh thuai ang che aw, iharh chhuah hun kan nghak reng ania tiin bena damdawiin a amu lai, khawl leh eng eng emaw hrui in vuah tuka a awm lai thlalak chu a lo dah a, hmuh hreawm ka ti hle mai.

Freddy ms sailo in ti chu biak ngei ka duh avangin ka va inbox ta nghal a, a hmu har em em mai si, hmanhmawh nen a inmil hlawl lo.

Bawiha, a pawi lutuk, ka thiam loh ani, min ngaidam rawh ka ti sap a, ka hui pap pap a, ka mangang ani.

Zan dar sawm ah pawh chuan min la chhang lo,nghah chhung a rei ngar ngar khawp mai,

Ka bei a dawng a, ka phone ka dah a, ka tawngtai ta a, bena tan theih tawpin ka dil ani.

Ka muhil mai thei silo chu sawm leh a chanve bawrah chuan ka phone bawk chu ka khawih leh a.

Freddy chuan min lo chhang ta hlauh mai.

Maruati, bena bialnu kha ini ti raw? Min hria em?

Ka van hre mai lo che ve.

Min han enchiang teh, picnic ni kha ngaihtuah la, min hrechhuak maithei asin.

Chiang deuhin ka han en a, thlalak ah alo lang danglam em a, ka lo hre mai lo ani.

Ka hriat chhuah hnu chuan kan ti ti dun ta a.

[Ngaia]

Bena nen enge in boruak?

Apangai ani mai e, eng tin chiah nge a chetsual?

A che sual nge, min kut a tuar tih pawh ala hriat loh, a bike lah chu a him pial mai bawk si a.

A chetsual zan khan thim hlimah kan in ah a rawn kal a, zu min dil a, vawikhat mah min la dil ngai silo a, mak ka ti khawp mai a, kei chu ka zep lo, ka duh ve avang hian kawl loh lai ka nei lo, ka room ah kan indun a, haw pawh a haw har lo.

Dar khat velah anu in min rawn call a, bena ka bulah a awm leh awm loh min zawt a, a awm loh thu in ka lo chhang a, a nu phei kha chu a mangan hmel viau.

A tuk a, tikhan thichhawng in an chhar ta mai sia, hrilh a hai angreng khawp mai.

Enteh, kan in tithiam lo a, kan in be ngai miah lo a, a chanchin ka lo hre miah lo a.

Chuvang anih dawn chu, zu te a in ve ni, anih chiah chu.

Anih a dinhmun diktak min hrilh teh.

Ka hrethiam chiah lo a, ICU ah a awm reng a, nikhua chu a hre tawha, ward ah an sawn tawh a, a la harh chiang vak lo a, mahse dam tha leh tura ngaih ani, lo lungngai lutuk lo la aw.

Ka van lawm tak, ti kha chuan ka hahdam huai mai.

Mahse kal ve duh ta ila, anu leh pa te an awm ngei dawn si a, ka tan Kal a va nuam dawn lo ve, engemaw tak in rem min ruat pui rawh.

A zahthlak loh, tunge inih pawh an hre dawn lo a, lo hria pawh ni se an lawm daih zawk ang.

Freddy chuan min hriatchian miau loh avangin ka rilru a hre lo ani, an ni anga mi hausa pawh ka ni lo a, chhungkaw pangai tak atanga chawr chhuak pawh ka ni ve lo a, chutah nuthlawi ka la ni zui, ka insit zia a hre lo em ani.

Vanneih thlak takin nikhat chu ka va awmpui ve ang, a nu leh pa te an buai ve si a, a u te lah pasal nei an ni tawh hlawm si a, a dinhmun a zia deuh hunah ka va awmpui ang a tih zauh chu remchang ah kq lo hmang vat a.

I awmpui ni ah min hrilh rawh aw, tah chuan ka lo kal ang tiin kan in remsiam ta a.

Bawiha, lo dam vat ang che, ithih hi ka la phal reng reng lo ania ka ti sap a, lehlam ka hawi thawk a, ka mit ka chhing vang vang a.

Freddy hman hun chu ka ngaichang deuh reng a, akhat tawkin chanchin te pawh chu ka zawt reng bawk a.

A harh chhuak tawh a, mahse tumah a la hre tlat lo mai a, a lu lam a sawh khawloh deuh avang ani maithei, mahse doctor te chuan tha leh turah an ngai tih thu te chu min hrilh a.

Zirtawp ni ani a, zing ka harh hlawl chuan ka phone chu ka han en ta nghal a.

Vawiin chu ka awmpui dawn a, ka rawn hrilh che aw, ilo kal duh takin tiin.

Ka hre lawk silo a, ka pu chawlh dil chu ka hreh tak zet, dik tak chuan min duhsak em em a, sum leh paiah rinawm min tih avangin a awm loh chang pawha sum khawih tu ber ka ni thin.

Dam loh thil te anih loh chuan chawlh vak a remti lo thung.

Ka han in ngaihtuah deuh vang vang a, kal ngei chu ka duh bawk si, alo phal tak mialin tiin ka pu chu biak ka tum ta a.

Ka huphurh ngang mai, engtin nge chhuanlam ka siam ang tih mawlh chu ani.

Inthlahrung dekin ka pu chu ka va call ta a.

Hello Maruat a rawn ti dam diai a.

Ka pu, vawiin chu ka lo kal thei dawn lo a, kan chhungte damlo na deuh hlek an awm a, va awmpui ve ka duh deuh a, iphal leh phal loh ka rawn zawt hmasa che a.

Khawilam ami nge ni ta?

Aaa Lunglei lam an nia tiin dawt ka hrilh ta ngawt chu ka inthiam chiah lo hle.

Anih tak chu mawle, ni e damlohna te ani bawk a, chawl mai ta che a tih tak ah chuan ka lawm lutuk chu ka kut ka hum ruh a, au vak ka chak zawk.

Freddy chu ka be leh nghal thuai a, ka kal tur thu chu ka hrilh nghal bawk a.

Hun khawhral tam lo in ka insiam nghal mawlh mawlh a, in atangin dar sawm velah ka chhuak a, damdawiin lam ka pan nghal a.

Rei lo te hnu ah damdawiin pawh ka thleng thuai a, Freddy chu an awmna lai te ka zawt zung zung a, male ward lam chu ka pan ta nghal a.

Freddy chuan kawngka bulah min lo chang a, kan in chibai lawp lawp a.

Cabin a ruah mai loh avangin ward pangai a an awm thu te min lo hrilh a, bena mutna lam chu kan pan phei nghal a, akil berah hian alo mu a, a lo harh bawk a.

Min hmu thut chu phawk tak hian a meng a.

Nu, ilo kal leh tawh a law?

Ka phu zawk a, ka hamhaih lutuk tlat.

Ka kut ah avuan a, nu tiin min ko anih chu.

Nu, ka ke hi ana lutuk, min lo hmeh sak teh a rawn ti leh a.

A ke chu ngawireng in ka hmet a, hrilh a hai duh khawp mai.

Freddy chu pa tiin a ko thung.

Pa atih apiang chuan anui tut tut reng bawk a, ahnu ah chuan kei pawh ka nui ve ta tawp zel a, tihngaihna a awm ngang silo.

A tawng duh em em ringawt a, a ti ti a chawl lo, mu leh mal awm lo zet hian a tawng reng mai ani.

a bula mu te leh awmpui tu te ho chu an nui leh dar dar thin a, min tihlim thei ania an ti mai a.

Chhun ah chuan tui takin a muhil bawrh bawrh a, a sir ah chuan kan lo thu ngawi reng a, tihngaihna vak a awm silo, a mah awmpui tu leh buaipui tu te apiang chu nu, pa tiin alo ko vek zel chu niin.

Doctor in ward afan pawhin pa tiin alo be luam zel ani tih te pawh ka hre belh zel a, a thluak ala buai viau ani.

Nileng in ka awm a, tlai thim hma in a nu leh pa te an rawn thleng leh a.

Freddy hei tunge ni?

Anu chuan nui sang chungin tunge ka nih thu a zawt a.

Kan thiannu anih hi, a fel khawp mai, vawiin chu nilengin hei min rawn awmpui a tiin alo chhang vat a.

Bena nu leh pa te chuan min chibai a, lawmthu te min hrilh mawlh mawlh bawk a.

Kan haw hma deuh chuan bena chu alo harh leh a.

Bena, kan hawsan phawt ang che aw, lo dam zel la, ka hman veleh ka rawn kal leh vat ang tiin ka bia a.

Min en vung vung a, ka hre tawh che nang hi, ka hmuh hnu ini chiang mai tiin a nui tak uar uar a, rilru erawh a tihlim phian, rilru na takin ka awm loh phah zawk tlat.

Freddy nen chuan kan chhuak dun ta a, thil engemaw ei ang a tih tlat avangin canteen ah kan lut dun a, kan in ei puar ta a, bena chanchin te pawh kan sawi bawk a.

Mi hnuaia thawk ka nih avangin duh hun hun ah ka kan thei lo a, ka tlawh khat khawp mai, mahse q chanchin erawh ka ngaihven zui reng thin.

Kar hnih hnu ah pawh chuan hma a sawn em em lo a, in lamah an awm tawh a, an buai viau mai bawk a.

Nikhat chu Freddy an min rawn be leh a.

Bena enkawl tu tur awmpui an mamawh em em a, mi nazawng an duh silo a, keimah chu min beisei thu chu min rawn hrilh a, hlawh pawh a chhe lo ang an lo ti bawk a.

Ka rilru a buai map mai, hna nei ka ni bawk si nen, ka lo in ngaihtuah ang ka ti ta ngawt a.

An buai em avang chuan min rawn nawr na sa viau a, anu chuan min rawn be hial a, a tawpah chuan loh theih loh in min nawr chhuak ani ber mai.

Ka thiannu chauh chuan in chu alo nghak dawn a, akhat tawkin ka rawn kal ang tiin kan in be fel ta tawp bawk a, ka hna atang chuan ka chawl ta a, ka pu chuan min uider ve ngang mai.

Ka inthlakna tlem nen bena te in ah chuan ka lut ta rawih mai a, awmpui dang an neih tho avangin inchhung chet erawh ka ti dawn lo thung.

Bena awmpui leh enkawl tawp chu ka hna tur ani ber.

Ka thlen zan chuan Freddy an min hruai nghe nghe a.

Kan va thlen chuan sitting room ah an lo awm deuh laih a.

Anu leh pa chuan ding meuh in min chibai a, an fel ngang mai.

Kan va lawm dawn tak em, thlamuang takin kan hna kan thawk thei dawn ani, kan lawm tak zet ani tiin min lo chhawn a.

Choka lamah chuan an awmpui niawm tak chuan chawthleng a sengfel mek a.

Marin, thingpui tui tak han lum teh aw, maruati te nen hian kan lo in ho ange tiin bena nu chuan a hrilh lauh lauh a.

Rei vaklo hnu ah chuan thingpui tuihnai tak leh kurtai chu a rawn chhawp a, kan in ho ta a.

Maruat, kei hi nu siampui tiin min ko mai anga, bena pa hi pa rinawm tiin i ko mai dawnnia aw.

Awle, tehreng mai, theihtawpin bena chu ka lo enkawl dawnnia, lungngai reng reng suh u tiin ka hnem ve mawlh mawlh a.

Zun, ek hrehrang lo anih avangin a enkawl a hautak a, mi nazawng tih theih ani lo a, hlawh pawh a chhe lo ang, in chanchin tlem azawng ka lo hre tawh bawk nen nang lo chu min pui tu tur ka hre ngang lo ani tih thu a sawi zauh avangin ka zak angreng hle.

An fapa nen kan in ngaizawng tih an hre thawi ani ngei mai.

Freddy an min hawsan hnu chuan ka room tur te min kawhhmuh a, bena nen room intawm kan ngai a, a loh theih si loh.

Chumi zan atang chuan bena chu ka enkawl tan ta a.

A zan khatna chu ka mu mang lo, a tih a tam em em a, a tawng reng mai bawk si, diaper lian kan hak tir a, akhat tawka check reng angai bawk a.

A chang leh a tap a, a tap hluah hluah thin, hmangaih takin ka enkawl angai si a.

Zingah chuan bathroom ah ka hruai a, a hmai ka phih sak a, ha te ka nawh tir bawk a, chumi zawh ah thingpui leh chhang ka pe a, damdawi ka pe thin bawk a.

Kan zingah chaw ka eitir thin a, barh a phut deuh kher thin, ka barh kher loh lah chu a duh der silo, kan nui leh dar dar thin.

Ka bualfai a, inthiar te pawh ka zirtir chho zel bawk thin,

A u tiin min ko leh tawh a, a bula ka awm loh hlek chuan ring mang khengin min ko ta thin a, khawdang hi ka hawi hman meuh lo.

Tlai khat chu a khum ah ka mutpui a, lehkha bu ka chhiar sak a, ngaihnawm a ti ngang mai, zawhna min zawt deuh sek bawk a.

Chutia rilru pe deuha ka awm lai chuan room kawngka chu a rawn inhawng thut a, ka phu deuh zawk a.

Nu siampuii leh pa rinawma chu lo ni reng in.

Ka tho kang zawk a.

Bena chuan min lo pawt let vat thung a.

Ekhai, maruat, mu rawh mu rawh, inthlahrun na tur a awm lo ania tiin pa rinawm a chuan ka zah hlau takin min lo thlamuan vat a.

Vawiin lam te in lo tha em? Enge in chanchin tih hriat duhin kan lo kal mai ania a tih zawm nghal a.

Kan tha lutuk, a tlangval lutuk a, mahse ka kal san hlek chuan min ko vak vak a, atap zel a.

Iva hah dawn ve aw, ihrethiam hram zel aniang chu tiraw.

Hah lo ve, engmah hahthlak a awm reng reng lo ania.

Bena chu a nui tak vur vur a, alandan ah chuan mi a diktak ani ringawt, ka beisei a sanglo hle mai a, ka rilru ahah khawp mai.

Nu siampuii leh pa rinawma chuan min chhuahsan leh thuai a, bena chu lehkhabu ka chhiar sak leh melh melh a.

Bawiha, chaw ei ang aw, ka hruai ang che aw.

A lu a bu nghat a, anui vur vur a.

Chawei dawhkan an lo kil thap tawh a, keini pahnih chu min lo nghak a.

Ka bulah ka thuttir a, chaw barh a phut tlat avangin ka barh pah zel a, kan kham hnuhnung ber ziah thin.

Zanriah eikham ah chuan sitting room ah kan thu ve a, chawthleng han seng te pawh duh thin mah ila ben a chuan aphal tlat thin lo a, ka inthlahrung viau thin.

Maruat, hei i hlawh aw tiin envelope a khung fel sa thlapin nu siampuii chuan min pe a.

Ka lawm lutuk ka ti sap a.

Bawiha i enkawl dan nen chuan a in phu miah lo, mahse tlawm min ngaihsak hram hram aniang chu tiraw.

Tehreng mai, atam lutuk alawm, ka phu lo zawk ka ti let vat a.

Dar kua velah kan room ah kan lut a, ka hlawh chu engzat nge tih ka hriat duh avangin ka ipte atang chuan ka phawrh vat a, ka chhiar ta a, singthum zet ani.

Mak ka ti em em a, tam ka ti lutuk tlat, lawm takin ka lukham hnuaiah chuan ka dah ta a.

Thla li hnu ah chuan.

A vawt em em a, thlasik vanglai tak ani tawh a.

Bena pawh hma a sawn tawh khawp mai, mi a ang mai kha chuan a awm tawh lo a, a hriatna pawh a pangai chho viau.

Mahni a inthiar nachang a hre tawh a, thil zawng zawng la hrechhuak lo mahse engemaw chen chu a hre tawh.

Tiang chuan kan inenkawl chho zel a, khawlai ah te ka lenpui thin a, inkhawm na ah ka hruai bawk thin, damdawi a ei tha bawk a, pangai tawh tak ani.

Nikhat chu almirah vel ka tifel mawlh mawlh a, kan room chu ka tifai vel a.

Min en vung vung a, engemaw ni ngaihtuah ni awm tak hian a ngawi vung vung a, a meng kual ralh ralh a.

Hei.

Ka en vat a, min kawk a, ka hre tawh che.

Ani maw, min hria maw?

Hlim takin ka pan phei nghal a, a bulah chuan ka thu a.

Ngun em em in min en a, a mit atangin mittui arawn luang a.

Maruat, ini tiraw?

Lawm avangin ka mittui a parawl kiau a, ka lu ka bu nghat a.

Ben, ilo harh chhuak ta maw? Ka van lawm tak em.

Ka harh lo ami? Engtin nge ka awm a?

Khawnge ka awm a tiin a hawi kual hrak hrak a.

A la fim lutuk lo ani tih ka hre thei, mahse a zia chhoh zel erawh ka beisei

Engmaw changa thil a hrechhuak theilo tih loh chu a pangai tawh lutuk tlat.

Thil hlui te ahriat chhuah theih nan tiin thil kal tawh leh thil hlui te ka sawi chhuak fo thin a, hriat tam tak anei a, hriat loh pawh anei tho mai.

Ka awmpui atanga kum khat hnu ah chuan.

Engkim a pangai tawh a, a hriatna te pawh a tha tawh a, doctor in an en pawhin atha tawh tih an confirm bawk a.

Lalpa, ka van lawm tak em, chak lo chunga ka tawngtaina min chhan avangin, lawmthu ka hrilh a che tiin chumi ni chuan damdawiin bathroom ah ka tawngtai hial ani.

Anu leh pa te lah chuan min fak chamchi bawk a, keimah avanga tha chho thei leh ngai awh thei anih thu an sawi reng a, ka enkawl dan ah lawmthu min hrilh na sa viau.

Chutiang anih avang chuan in lama haw tawh mai chu tha in ka hria a.

Zanriah ei lai chuan nu siampuii te bulah chuan ka sawi ta a.

Min uider viau na in, min hnial ngam chiah bik lo a.

Bena chu a rawn inrawlh vat a, reilote la awm rawh, engemaw chang hian harsatna ka la nei deuh thin a, abuaithlak alo ti vat a.

An fapa duatin chutianga atih tak ah chuan tlawmngai turin min ngen leh a.

Diktak chuan harsatna anei miah lo, a pangai vek, ka melh kawk a, a nui deuh sak a.

Zanriah eikham ah chuan maruat, zanin chu ka taksa hi oil in min zut teh aw, ka insawhna vel hi ala dam chiah lo nge mawni, ana lutuk a ti zauh a.

Maruati hi chu kan va han tihah tak em, keiman kq zut mai dawn che mi tiin anu chu alo inrawlh thuai a.

Angai lo, in tha a chak tawh lo tiin a hnial vat a.

Anih leh le, i u maruatin q zut leh che nga ni mai lawm.

Ka melh ralh a, a khi suk ringawt a.

A tho tuah tuah a, a kawng te chu ahan dawm kual vel bawk a.

Tirawh, keini pawh mu ang hmiang, maruat nang pawh rei tak zut suh aw, mu hahdam rawh.

Awle nu siampui, min ngaihtuah suh tiin room ah chuan ka lut ta nghal a

Pindan ka lut chiah chu alo nui vur vur a,

Dawheh lutuk tiin ka chum tawk a.

Min lo pawt bet vat a, ka ngai che alawm, min hawsan daih chuan ka khua a har dawn lutuk a ti sap a.

Ka bulah hian lo mu teh tiin abulah chuan min kuai mu vat a.

Thawm dim takin kan ti ti melh melh a, a awmdan zawng zawng te chu ka hrilh fai vek a, a nuihza ber ah ala tang zui a.

Kan hlim phian a, kan nui dun leh bawk bawk thin.

A chetsual dan te pawh min hrilh bawk a.

Nangmah vangin tum loh deuhin zu ka in a, ka rui ta lutuk bawk nen, bike khalh thei ka nilo tih ka inhria a, ka dahfel chiah tihah motor rawn tlan lai ka su pawp mai a, a tir ah chuan ka na lem lo, tha takin kan inthlah hnu ah ka lu ahai thut a, ka vir vek a, ka awmdan ka hre zui tawh lo tih thu te chu min hrilh a.

Ka chek tlak tlak a, mi mawl awmdan anih chu, thudik engmah hre lo a chet vak zel hi mimawl tihdan ani tiin ka lim zek a.

A ho lutuk, thil kal tawh ania, tun hun hi hlim takin hmang zawk ang tiin min kuah hle hle a.

Kum khat hnu zet a ka hmangaih ben an min han kuah leh ta vang vang mai chu a nawmdan a danglam viau mai.

Ka va mu phei tawh ange tiin thawh ka tum a, min pawt bet tlat a.

Ka bulah mu rawh a tih tlat avang chuan abulah chuan ka mu ve ta a.

Zanlaiah mangchhia a mang ani mahna, a au chhuak leh thut thin,

Khanwgaihin advertisement kha click hram ang u aw, pu ngaia sawi ang khan a rei lo a, website akal reng theih nan kan click hram dawnnia.

[Ngaia]

Bawiha, itha em?

Ka sawi nawk nawk a, a rawn thu chhuak hlawl a.

Athlan chu a hru fai mawlh mawlh a, khum sira tui ka chhawp chu a in khawlh khawlh a, a mu leh ta a.

Ka ti hlau viau che em?

Mangchhia in min tibuai alawm le.

A inthlahrung angreng khawp a.

Hlau love, tui deuhin muhil leh rawh, ka lo kuah tlat ang che tiin ka kuah ta hle hle a.

Kan muhil mai thei ta silo,

Bawihi, ka nu te bulah ka sawi anga, haw tawh lo in ti hian innei nghal mai i la atha lo maw?

Inngaihzawn rei lutuk pawh hi karah buaina neuh neuh a tam zel a, tum loh deuha inthen palh te hi thil awmthei a nia, haw tawh lo mai la atha ang.

Teh ngawt a!

Ka la inpeih lo hrim hrim, ngaihtuah tur ka nghah lutuk, ka fanu ngaihtuah ka ngai bawk nen, chuti maia pasal nei thei ka ni reng reng lo.

I fanu chu kan hruai anga, kan bulah kan awmtir dawn alawm, ka nu te pawhin min hnial dawn lo.

Chutiang ngawt a ni thei lo, inpeih thlap angai alawm, fel fai tak leh ruahmanna fel tak nen kan la sawi dun dawn nia.

Nia, i tih tlat chuan le.

Ben, i hna hi chhunzawm i tum em? Kal leh te i rilruk em?

Kal tawh lo ang, ka tangkhang rei tawh lutuk a, Kal thei ka ni tawh lo, in lamah ka nu leh pa te ka pui anga, dawr te ka nghahpui anga atawk a ni mai.

A nih nang zawk, i thawk chhun zawm dawn em?

Ka thei tawh bik nang, nangmah enkawlin kum khat zet hun ka hmang tawh a, midang an la daih tawh ang, thawhna tur dang ka zawn mai a ngai dawn ani.

Bawihi, lungngai reng reng suh, kan dawrah pawh a thawh theih reng a nia, ka nu leh pa te ka lo sawipui anga, engkim a fel nghal a ni mai.

Tunah chuan min enkawl tu leh min awmpuitu i nia, he chhungkaw mo nu i nih hun chuan kan hlimtlang viau ang, chu hun chu ka nghakhlel tawh em mai a ti ve vawng vawng a.

Bawiha, kei chu engmah hi chak ka nei tawh lo, ka dinhmun diktak hi i chhung ten hria se min duh dawn silo a, ka huphurh em mai.

Lungngai suh, ka nu leh pa te hian an duh dawn lutuk che tih ka hria, i rin phak bakin an duh ang che.

A taksa lum ther ther chu ka kuah vawng vawng a, a taksa mawi tak thin erawh a danglam zo tawh a, a cher ve ta dak bawk a.

Bawiha, insum rawh.

Pathian leh kan pahnih inkarah thu kan tiam tawh kha, kan thutiam kha a zahawm a, kan bawhchhe tur a nilo tiin fet deuh taka a kut a dah chu ka nam sawn thuai a.

Ka thiam lo a ni, ni e mihring te hi chuan thutiam han bawhchhiat mai te hi kan lo harsat lo em a ni, bawihte, kan inneih hnuah chauh hlim takin aw.

Ka lu ka bu nghat a, a kut tang chu ka khalh melh melh a, a dar zawnah chuan ka thaw sak sak a, reilo te ah ka lo muhil zui ta a.

Hei, harh teh!

Min sawi nawk nawk a, ka harh chiang hle ani.

I khum ah va mu phei vat rawh, kawngka an rawn kik ania.

Thin phu dep dep chung chuan ka inperh tho nghal a, ka khum ah chuan ka lawnkai thak a, blanket in ka inkhuh ta nghal a.

Bawiha!

I harh em?

Nu siampuii chu a rawn au lauh lauh a.

Bena chu muangchangin a tho a, kawngka chu ava hawng a.

Eng thil nge ni ta nu, zing kar ah min rawn kaihthawh a?

Englo ania, phone call ka dawng a, i nutei a boral a ni awm e, khawvar dawn khan min rawn call a, tih theih kan neih chuan loh avangin ka rawn kaitho mai duh lo che a.

A ni maw!!? Ava mak teh thut ve a, a ziaawm lai tak amaw ka tia.

Tawng ring lutuk suh bawiha, maruati a harh hlauh ange, kan ti hah thei si a, mu bawrh bawrh rawh se tiin thawm a dim ngang mai.

Chuan nu, kan kal ve dawn tihna mi?

Aw, kan kal loh in, chuvang ania ka rawn rawn che, i inhuam angem?

Bena chu a ngawi deuh vang vang a, kal ve ngei chu ka duh, mahse buaipui ka ngai ang tih ka hlau viau mai, mi ka tibuai mai mai ang tih chu ka hlau angreng.

Nu siampuii bawk chuan.

Maruati hi kan hruai leh mai dawn em ni ang?

Inutei huntawp ah chuan chhungkima kal ngei chu atha bawk si a, maruati kan han rawn ve chhin anga, a hman leh hman loh te pawh.

An tawng chu ka ngaithla reng a, benjamina mai mai thin hi aw, harsatna em em a nei tawh lo, a daw mai mai ani, an chhungkaw chhiat tawhna ah leh zel chuan ka kal duh teuh lo.

Anu achhuah hnu chuan ka inperh tho nghal a.

Bena, iti em em lutuk, ka kal duh teuh lo mai, harsatna engmah inei tawh lo, inu bulah thil awmdan ka sawi mai angai dawn ani, a chi loh lutuk emai tiin ka hau nghal a.

Anui tut tut a, ka ngai che alawm ati sap a.

Thil awm leh mawi te hi ngaihtuah ve rawh, ka kal dawn teuh lo tiin ka thinrim khum hial.

Dar ruk lai ari tawh a, ka tho ta nghal a.

An nula chuan rawng bawl alo tan mek tawh a, a tul ang ang ka va tihpui nghal sawk sawk a.

Nu siampuii bathroom a tanga rawn chhuak chuan min rawn pan nghal a.

An chhungkua in chhiat an tawh dan vel te, bena hruai a duh thu te a sawi a.

Ekhai, hruai ngei ngei rawh, atha tawh lutuk tlat, zanah pawh buaina, harsatna engmah anei tawh lo, a pangai tawh lutuk ka lo ti vat a.

Ka intawng khalh vat avang chuan min sawm zui ngam lem lo.

Tukthuan eikham ah chuan bena nutei te awmna khua ah chuan kal tur chuan an insiam ta nghal zung zung a.

Bena chuan kal ve turin min thlem reng a, ka duh loh bur avang erawh chuan min tilui lutuk ngam lo.

Nu siampuii bulah chuan kan in lamah ka lo va haw tur thu chu ka hrilh bawk a, min mamawhna inneih chuan min rawn hrilh mai dawnnia tiin kan inthlah ta a.

An kal tur chu ka thlah liam a, kei pawh kan in lama haw tur chuan ka insiam ve ta nghal a.

Umaruat, lo kal leh rawh aw, rawn leng ziah rawh aw, i awm chuan anuam emai tiin an nula pawh chuan min uider ve viau mai.

Kan in lam pan chuan ka haw ta nghal vat a, tlai chawhmeh siam turte leikawi ka duh avang in bazarah ka kal kawi nghal a, mahni in luah ah ngei, engmah nilo mahse han mut chawlh vang vang chu ka chak in ka thlahlel ngawih ngawih.

Hmanhmawh lem lo takin ka haw a, kan in chu ka thleng ta a.

Kawngka alo inhawng deuh hiau a, kawngkhar ah chuan mipa naupang te hi alo ding vang a.

Ka thiannu te chhungte emaw an lo leng anih dawn hi tiin ngaihthat lohna pawh ka nei lo.

Step ah chuan ka lawn chho a, in chu ka thleng ta a.

Inchhung ka han lut chu hmelhriat loh midang an lo awm a, bungrua lah chu kan ta ani hauh silo.

Phawk takin ka hawi kual a, anni pawh chuan angaihna an hriat loh hmel viau.

Enge awmzia?

Tu te nge in nih?

Min en deuh ha a, hemi in luah tu te hi kan nia.

Enga? Kan luah lai ani sia.

A ruak a, kan insawn lut deuh chauh a, enge awmzia ni a tiin min zawt let ha a.

Innei tu te lam ka zawh angai ani tih ka hria.

In atang chuan ka chhuak thuai a, innei tu te in lam chu ka pan ta nghal a.

Kawngka ka kik karh karh a.

An fanu chuan a rawn hawng a.

Anu leh pa te an awm leh awm loh ka zawt nghal a.

A nu a awm thu in min chhang a, a nu chu ako nghal bawk a.

Min hmuh veleh, lo thu vat teh, thil sawi tur atam lutuk tiin min lo kai phei nghal nawk nawk a.

Thuthmun te kan han rem fel hnu chuan thil awmdan chu min hrilh ta a.

I thiannu kha maw, nikhua lo lutuk, mipa a hruai lut a, zu te an in a, an rui a, amipa hruai luh nen an inhau a, an au chiam chiam mai bawk a, kan pa ahan chho vat a, chumi zan chuan warning a pe nghal bawk a, mahse a sim duh chuang lo a, mipa hrang hrang an lawi lut zut a, zu an in reng mai bawk si, kan pa thinrim in a hnawtchhuak ta anih kha.

Awi, ani maw?

Avan zia lo tak em aw, engmah lah chu min rawn hrilh silo a, tha takin in alo nghak ang chu ka tia, ngaihtha takin ka awm mai a, chutiang anih te chuan chanchin te pawh min rawn hrilh ve awm tak ania, avan timak ve mawle.

Anih ka bungrua te kha?

Inhnuai ruak ah khuan kan dah khawm tawp mai a, ilo haw huna buaipui ah kan ti mai.

Angaihna a awm lo ani, a khawsak dan kha a dik lo em a, tuman inluah ah an duh lo ang.

Ka rilru ahah tak zet, engtin nge ka awm tak ang?

Ka thiannu chu ka call a, mahse switch off a in ti tlat bawk si, khawiah tak awm ang maw?

A bialpa chu a um ta daih anih ka ring a, min tibuai takzet ani.

Khawiah nge ka awm tak ang, khawiah nge ka kal tak ang le?

Pan mai tur lah chu ka hre silo, Inruak hmuh mai tur lah chu vana rah ang mai ani bawk si.

Ka phone chu ka han enkual a, ka thiante number ka han hmet kual a, tu nge pan tur ber ka hre silo.

Rilru hah zet chuan pan tur ber pawh hrelo chuan ka vak chhuak ta tawp a,

Ka bungrua erawh in luah tur ka hmuh hma chu lo awm rih turin kan inbe fel tawh a.

Ka inthlakna thawmhnaw tlem te chu ka ak a, bazar velah te chuan ka tei ka tei ringawt a.

Tlai alo ni a, zanah khawnge ka riah ang tih ah chuan ka buai ani.

Khua athim dawn takngial mai, lunghahna tur ka la hre silo.

Engpawh nise, pawisa engemaw zat ka nei a, hotel ah riak phawt mai ila tiin ka rilru ka siam a.

Hotel man tlawm deuh chu ka zawng kual a, vai hotel, hotel pangai ve tak ka hmu a, zankhatah 900 ani a, chu chu ka book ta tawp a.

Ka hlau angreng khawp mai, awm ve ho dang chu vai an ni deuh vek mai si a.

Ka hawi hrek hrek reng a, chu vai hotel a zan han riah chu ka huphurh tak zet ani.

Chaw ei kham hnu chuan mahni chauha room a awm chu nuam ka tih loh em avangin inhnuai thutkhawmna ah chuan ka chhuk thla ve a.

Mizo ka hmu hlauh mai, nula leh tlangval ni ngeiin an lang bawk.

An hmel en chuan an rui deuh ani tih a hriat theih.

Chutia ka zu thu thla ve chu min lo be deuh luam a.

Nupa an nih thu te an sawi bawk a, an room number te pawh min hrilh a.

Reivak lo hnu ah chuan an ni chu an room lam panin an chho ta nghal a.

Vaiho nen chauh chuan kan awm ta a.

A hmel en pawha mi hausa tih hriat tak, dulkiar angreng tak mai hi kan zingah chuan a awm ve a.

Min en leh deuh vung vung thin a.

Ka awmna hnaih lamah chuan a rawn insawn phei hret hret a.

Min rawn be ta a, mizo tawng lah chu apai mang der lo mai.

Enge itih ve a? Khaw dang atanga rawn kal ami inih?

Aw ni e, ka tlai deuh tawh a, chuvanga rawn thleng chu ka nia.

Nangmah chauhin ami?

Ka lu ka thing a, mahni mai ka ni tih kha hriat angai lem lo.

Rei deuh tak hnu ah chuan min ngam ta riau mai.

Zankhatah singkhat, iduh em tiin.

Ka melh kawk a, ks ka ni lo, engvanga khatiang a min sawm nge inih?

Vai dang ho chuan min rawn en thap hlawm a,

Chu mi hur pa chu a thinrim hmel ngang mai, min melh kuau mai a.

Thinrim em em in ka room lam pan chuan ka tlanchho a, hlauhna in ka khat ta nghal a.

Ka awm anuam lo, ka room number hi alo zawt anga, zanlaiah a rawn kal ang tih te chu ka hlau em em a, thlamuang takin ka awm thei lo.

Bena ka ngai ngawih ngawih, ani kha awm sela chuan min rawn hruai tawh ngei awm si a.

Mu turin ka inruahman a, kawngka kalh ka tum lai tak chuan ka room piah lawk ah chuan chu pa kawngka hawng tur chu ka hmu leh ta, ka hlau lutuk chu ka kut te akhur a, ka thin aphu dup dup a.

Kawngka chu ka kalh thuai a, khumah chuan ka thu vang vang a, ka muhil ngam dawn lo reng reng mai, tihngaihna lah chu ka hre silo.

Ka mizo pui te room number kha ka la hre reng a, anni bulah khan awm ta ila atha anga tiin zawn mai chu ka rilruk ta a.

Thawm dim takin ka chhuak a, an room awmna chu ka rin zawn ta a, ka va hmu ngei a, mahse pawn lamah tala in alo inkalh bawk si.

Beidawng takin ka let leh a, ka room ah chuan thawm dim em em in ka lut leh a, bena ka call lah in min chhang thei der silo.

Sana ka en a, zan dar sawm leh a chanve a pel tawh a, a tlai telh telh a, ka mang a ang telh telh mai si, chu hmun atang chuan chhuak ta ila khawnge ka kal chuan ang?

Bena chu ka call leh a, min chhang thei silo.

Enge maw itih em em le?
Ka haw lutuk che tiin Athla chu ka hau mawlh mawlh a.

Pawn lamah pen ri khep khep ka hria a, thawk pawh ka thaw tha ngam lo, ka hlau ngawih ngawih.

Ka mangang lutuk chuan Freddy chu ka be ta tawp mai a, ka chanchin leh ka tangkhan dan zawng zawng chu ka hrilh vek a.

Ka awmna hotel ah chuan lo awm reng turin min ti a, min rawn hruai tur thu a sawi bawk a.

Ka lawm em em a, ka thaw huai mai.

A rawn thleng har ka ti lutuk, ka vei tawn deuh sek bawk a.

Nakin deuh ah chuan ka room kawngka chu a rawn inkik ta a, ka ding chawt a.

Ka tawi hrat hrat bawk a,

Maruat, keimah Freddy aw a rawn tih tak ah chuan ka thaw hawk a, kawngka chu ka hawng ta a.

Ka lawm lutuk avangin ka lo kuah cheng a, ka zuang vak vak bawk a.

Itha em? Ivan hlauh hmel em em ve.

Ka tha lo, ka hlau takzet tiin ka hlauh chhan te chu ka hrilh ta vek a.

Maruat kan chhuak thei tawh lo ang, an khirh reuh lutuk a, ka rawn luh pawh an phal lo tep a, ipasal angin ka insawi a, ka rawn lut thei hram alawm tiin thil awmdan chu min hrilh a.

Khum lah chu pakhat chiah a awm bawk si, chulai hmunah chuan kan riah mai angai dawn ani.

Kei chuan pawi ka ti hauh lo, ka thlamuan na anih chuan Freddy bula mut nawk nawk pawh chu pawi ka ti lo zawk.

Chuan naktuk ah kan chhuak dawn nia atih lai tak chuan ka hmel a danglam nghal a.

Khawnge ka kal ang? Kalna tur ka nei lo ka lo ti zuai raih a.

Hahdam deuhin awm phawt rawh, engkim a tha vek mai ang.

Bena lah chu a reh hian a reh vawng vawng mai si a,

Mu rawh maruat, kei chu ka mut ala chhuak lo, tikhan amawng lamah khan nakin ah ka rawn mu zal ve ang.

Ka mut pawh ala chhuak bik lo tiin ka mu peih bik lo a.

Zan riltam te a awm takin tia eitur leh intur vel ka lo lam khawm chu kan ei a, tv en pahin games te akhel mawlh mawlh a.

Kei chu ka lo muhil ta a, ka harh ta reng reng lo.

Ka harh leh meuh chuan ni alo tlangsang tawh khawp mai.

Ka mawng lamah Freddy chu tui em em in alo la muhil a, inthlahrun hmel zet hian a saisir kak a, puan pawh a lo sin mang lo a.

Tihharh hlau takin ka tho a, puan chu ka sin that tir a, kei pawh intifai turin bathroom lam ka pan zui nghal bawk a.

Kawngka ka hawng a, eitur vel lam ka duh avangin.

Ka chhuak chiah a, nizan lama ka hmuh, mizo te kha ka hmu leh nawlh a, polythene khatin eitur niawm tak hi an rawn keng a.

Chutia min rawn hmuh takah chuan kan han inbe luam a, kan room ah chuan an rawn leng lut ve a.

An tawngri ah chuan Freddy chu a rawn harh a.

Awi, kan rawn tiharh ringawt che ani maw?

Nizan lamah innu te nen hian kan lo in hmu tawh a, kan rawn leng lut ve mai mai tiin a hmeichhia zawk chu a tawng char char a.

Freddy chu akawr aha mawlh mawlh a, bathroom lamah alut ta nghal a.

In pa chu avan tawng tlem hmel em em, a hmelchhe lo lutuk tiin anui suk a, an chhuak leh ta vat a.

Tum loh leh beisei loh lutuk in nupa angin kan lan phah tak chu.

Bena erawh ala reh vang vang, ka ngaih atha zan tawh miah lo mai.

Kei pawh chu eitur vel lam khawm tur chuan ka chhuak ta nghal a, coffee no hnih leh ahmeh tur vel te chu ka zu lam a.

[Ngaia]

Maruat, min awmpui tu tur nula kan mamawh lai tak ani tho a, kan nula an khaw lamah a haw a, mahse a rawn let leh dawn tho a, chumi chhung chu kan bulah lo awm mai ta che, thla khat vel anih ka ring a, chumi chhung chuan inluah tur kan zawng char char anga, ka thiante ho pawh ka lo zawntir bawk anga, tiang chuan atha mai anga.

Ka van zak angreng tak, vakvai han nih tawp mai chuh.

Vakvai ini reng reng lo, mi tupawh hi tum loh ang deuh hian kan awm chang a awm fo thin a, i rilru ti hreawm duh reng reng suh, engpawh nise kan chhuak anga, kei in lamah ka tlang nghal anga, khawilai ah emaw ilo awm anga, ka nu te bulah ka va sawi anga, chuan ka rawn hruai leh dawn che nia.

Hreh angreng tak chung chuan ka lu ka bu nghat a.

Kan in ei puar fel hnu chuan hotel bill te ka pe fel a, kan chhuak ta a.

Ani chu in lam panin a haw ta nghal vang vang a, kei erawh bazar ah ka lo awm a, ka tei vel mai mai a.

Darkar hnih vel zet liam hnu ah chuan min rawn call a, engkim a that thu a rawn sawi a, min rawn hruai tur thu te min hrilh bawk a.

Diktak chuan hmeichhia mahni intodelh ve tak, hausa lemlo mah ila rim taka hna thawk a, mahni thawh ei ve thin ka ni a, nikhat thil thu a ka nundan inthlak ta thut leh mi awmpui a ka han tang mai tur chu ka lai ana ve viau mai, mahse tun dinhmun ah chuan duhthlang thei ka ni lo a, vahvaih ai chuan ka tan atha zawk si a.

Freddy chu ka lo nghak reng a, rei ngial hnu ah a rawn thleng ta a.

Taxi kan la a, an in lam pan chuan kan kal ta a.

A landan ah chuan mi hausa lutuk chu anni lo a, mahse atak ram erawh ka hre chuang lo, in lian ve pangai tak ah an cheng a, an kawtah chuan two wheeler leh car pakhat a awm a, an in chu chhawng thum niin ka hria.

Inchhung ah kan lut a, inhmelhriat tirna te kan han nei a, kan in chibai bawk a.

Tlai rawngbawl alo hun deuh der a, eirel dan tur te chu ka zawt zung zung a, naupang chhia kan ni tawh lo bawk a, zah em em ka tum lo.

Ni hnih hnu ah chuan number hriat loh atangin call ka dawng a.

Maruat, bena aw.

Hmela, engvang in nge call ilak theih loh? Harsatna nasa tak ka tawk a, i biak theih reng reng loh mai tiin ka ankhum chiam a.

Khawkar kawng an chawlhna ah a phone a tih bo thu leh a tih bo na lai a hriat loh thu chu a sawi a, vawiin ah a thar a lei chauh thu te chu min hrilh a, anutei te khua ah an la awm a, tun kar an cham dawn ani tih te chu min rawn hrilh luam a.

Eng harsatna nge i tawh tih min zawhna chu whatsapp lam ah ka hrilh ang che tiin ka chhang a, mi in a awm ka nih avangin phone hman reng a mawi loh avangin kan inbiakna chu ka ti tawp ta thuai a.

Whatsapp ah chuan vawi tam min rawn zawt a, ka la chhang chuang lo a.

Zan alo ni a, dar kua velah ka mu a, tah chuan ka chanchin chu ka hrilh ta a.

Bawiha, ka vakvai der tawh mai.

Tinge a? Eng thil nge thleng a?

In in atanga ka haw khan kan in lam ka pan nghal a, ka thiannu kha alo awm tawh lo a, kan in pawh kha midang in an lo luah tawh a, ka hrilhai tak tak asin aw.

Khawnge ithiannu chu?
Tinge a chhuah chhan?

A bialpa a um anih ka ring, zu leh mipa nen an lo khawsa deuh a, an duh lo ani awm e.

Avan zialo ve aw, chuan engtin nge i awm tak zel?

Hotela ka riah thu chu ka hrilh a, Freddy a tel thu erawh ka sawi lo, thian mah nise min ngaih khawloh ka hlau ani.

Vaipa min biak dan zawng zawng te pawh chu ka hrilh a, ka thlaphan zia leh ka hlauh zia te pawh ka hrilh a.

Avan pawi tak em aw, tunah engtin nge i awm?

Freddy te in ah ka awm tawp rih.

Ka rawn haw veleh ka rawn hruai ang che aw.

Hruai chi ka ni rih lo, an nula a haw a, chumi chhung chu an awmpui ang in ka awm a, chuan inluah tur min zawnpui bawk a.

Bawihi, avan pawi tak, mi awmpui a itan hi ka phal lo asin le, ka lo kal ve kher kher hi a pawi ani, ka rawn haw mai dawn mi?

Angai lo, chhungkua in chhiat in tawk a, inu leh pa te thu ang zel khan awm rih rawh, tunah chuan hei kei pawh ka ngaihtuah awm tawh loh a, in luah tur ka hmuh veleh ka chhuak mai dawn a.

Awle, a hreawm em?

Hreawm love, an fel lutuk tlat.

Ka rawn haw veleh ka rawn leng dawnnia.

Zing thawh hma ka duh avangin rei tak kan inbe lo a, phone ka dah hnu chuan bena leh Freddy chu an inbe zui tih ka hre bawk a.

Tiang chuan ka awm chho ve nawk nawk zel a, ka tlangnel hnu chuan Freddy nu bulah chuan an in a ka awmchhan te pawh chu ka hrilh vek a, bena nen kan inkar te pawh an hre vek bawk a, achhan chu bena a rawn len fo vang ani.

Hriat loh Karin thla chu alo ral ve ta reng mai a.

Freddy thiante zarah Inruak tha tak mai, ka luah tawk lek te, sak thar lehnghal chu kan hmu ta a, tah chuan insuan lut turin kan inpuahchah ve a.

Freddy nu chuan min ui ve khawp mai, a duh zawng tak ka nih thu te, ka chet vel dan te chu a duh chi ka nih thu te chu a sawi ve nasa thin.

Mahse mi awmpui a tang reng thei ka ni silo, chumi thla ka awm hlawh pawh chu ka laksak duh lo a, min pek luih an tum ngial a, ka vahvai laia ka tluk luhna anih avangin hlawh ka duh lo bur.

Chhungkhat ah kan insiam ta zawk a, ka duh hun hun ah ka rawn riah dawn thu te, chaw te ka rawn ei fo tur thu te ka sawi ta zawk a, chhungkhat siam thar zelah ka in ngai ani.

Ka inthar tur ah chuan kan inseng lut dawn ta a.

Bena, Freddy leh Freddy te nula chuan min pui a, bungrua ka ngah lem lo a, midang pun an ngai tehchiam lo ani.

Kan inluah hlui atang chuan bungrua chu motor in kan va thiar a, ka inthar tur lamah chuan kan thiar phei a.

Kawng lakah kan ril atam deuh avangin in ei puar lawk teh ang u tiin kan chawl khawmuang a.

Thingpui dawr pakhat ah hian kan lut a.

Mi an lo awm nual a, tu te nge an nih pawh ka hre lo a, ka en lem lo.

Awii, hemi te nupa hi!

Ava mak tehhlawl ve,

Kan inhmu thei angreng mange, teh tlat chuan
tunah hetah kan inhmu leh nawlh bawk a, khami ni khan tlai lamah kan pa in va tei lut leh teh ang atih avangin kan rawn kal a, in lo chhuak daih a,in pa kha kawm achak deuh tlat mawle, hemi veng ah hian in awm ve ami?

Kan hrilh hai tlang angreng khawp a, bena phei chu a meng phawk viau a.

A tawng ring angreng ropui si nen a zahthlak takzet.

Awm lo ve, kan in ei puar lawk anih hi.

In pa chu ala tawngduh chuang lo viau ani maw,
Anui hak hak a, kan chhuak mai ang aw, kan la inhmu leh dawnnia tiin thawveng zet hian an chhuak zui a.

Bena hmel landan zawng zawng chu a diklo nghal a, mahse engmah ati lang lo thung.

Min melh dan te chu a rapawm tak tak, Freddy erawh ngaihthat lohna nei awm pawhin alang lo, bena ka hrilh vek aring tawh ani mahna.

Kan in ei puar zawh hnu chuan tha takin kan chhuak ho leh mai a, bena erawh a ngawi deuh ngal tawh a, kan boruak zel tur ka ngaihtuah a, ka huphurh lutuk.

Kan inthar turah chuan bungrua te chu kan seng lut a, rei pawh angai lo, kan inrem fel zung zung a,

Zanriah ei nghal turin ka sawm na in Freddy leh an nula chuan min hnial tlat a, thim thet thet ah chuan min hawsan ta a.

An chhuak chiah tih ah chuan bena chuan min pawt phar nawk a.

enge ka lakah hian zep ineih?

Min chhuk en ran a.

Keiin ka chhoh en bawk a.

Enge ka zep a? Zep tur engmah ka nei lo.

Ka thil hriat loh kha alawm ka zawh che, tunge in pa chu?

Thil engmah hre lo hian ka chungah hian thinrim ziah suh, ka hne lutuk tawh ania.

Ka hriat loh vang tak chuan alawm ka zawh che, sawi ta che.

Freddy a min tanpui turin ka ko a, nang lah biak theih ini bawk silo.

Chuan hotel ah a rawn kal a, chhuah leh nan zan a rei tawh bakah chhuak pawh ni ila kal na tur ka nei lo, chuan a riak ve nghal a, khami te nupa kha kan piahah an awm ve a, an hriatah nupa angin kan insawi mai anih kha.

Ka thianpa nen hotel ah in riak dun a maw?

Aw riak e, inhawi tawnin kan mu, chu zawng chu ani e.

Min elhsen tih hriat zet hian a nui hak a, a kawng a dawm ran a, ka rin che iring em?

Ka thianpa leh ka bialnu hotel a riak dun hi tunah ka hre chauh ania tiraw, kha mi te kha kha thingpui dawrah khan rawn kal ta lo se, ka hre ngai dawn lo ania, zep ruk angai ami?

Nge zep tlat angai zawk?

Nang emaw, ka thianpa ka atang pawh hian ka la hre miah lo, chu chuan awmzia thui tak anei ani, mai mai che chuan, min bum khanglan le tih pahin thinrim zetin a chhuak nghal a.

Ka chau hnawk thei, ka thu hnawk a, hreawm hi ka va han ti thin tak em.

Bena lah chu thinrim thut nei ani bawk si, hetiang reng reng a awm ai chuan inthen fel law law ila ka tan atha zawk ang, a hahdam thlak loh emai.

Zan mut na atang chuan kan inkar chu ka va ti tawp ta a, ka tlin tawh loh thu leh inkawp tura khuanu ruat kan ni lo aniange tiin, inrintawnna awmlohna hmun ah chuan a in hmangaih theih loh thu nen chuan ka then fel ta zawk a.

Min chhang lem lo a, a ni pawhin a duh zawk te pawh ani mahna.

A tukah Freddy ka va call nghal a, bena nen kan boruak chu ka va hrilh a.

Nizanah min rawn ko chhuak a, kan insual alawm le, mawl lutuk a, ahahthlak lutuk, thiante an nia, ani damkawr chaklo lutuk lehnghal, ka khawih na duh lo a avannei khawp mai, thil awmdan te ka hrilh fiah a, kha tukin zing khan ngaihdam te min rawn dil kha.

Ka thiannu alo va hrilh zung zung a, keini pawh kan boruak a chhe viau rih mai tih thu te chu a sawi a.

Freddy, keimah vang ani, heng thil zawng zawng hi keimah vang vek ani, hreawm ka ti lutuk emai tiin ka inthiam loh zia thu chu ka hrilh a.

Maruat, aho lutuk, engmah ithiam loh a awm lo, ka tih tur diktak, thian te tan ka ti a, in thiam lo duh suh, hun akal anga, an hrethiam ve mai ang tiin min hnem let zawk a.

Chumi ni atang chuan bena nen chuan kan in break ve leh ta a, min ring lo tu chu engah nge maw ka insawifiah reng fo nachhan tur ka hre bik lo ani.

Kei pawh hna zawngin ka buai leh viau tawh mai.

Hna lah chu avang em em mai a, ka hmuh Chhun lah chu hlawh a tlem viau zel a, ka duh chiah bawk silo..

Ka tum ka thlak ta zawk a, ka inluah chu kawng kam ani a, aneitu te hi in chungah an awm a, keini ho in chuan kawngpui a an zawk a, ka in lehlam chiah chu ala ruak tho a, dawr siam a tha viau ang a tih chu ka ngaihtuah ta a.

Pawisa engemaw zat ka la nei a, bena nu khan hlawh kha min pe tha viau a, nuai chuang fe chu ka khawl tha ve tho bawk nen dawr atan ka dil ta rawih a.

Aneitu te lah chuan an lo remti na sa, dawr chu an duhthusam alo ni zawk, tichuan a kawngkhar awmdan te pawh an siam danglam leh a, ni thum hnu velah chuan luah theihin an peih ta der a.

Eichawp dawr lian deuh hlek chu ka siam va dawn ta a, mahni mai ka nih avangin ka buai ve thin viau mai.

Nitin mai chuan wholesale dawrah ka kal a, zawi zawiin ka in la muk chho ve ta zel a, mahni in bul mai te anih avangin thil a awlsam em em a, mahni in ngeiah ei chu ka zawng ve tan ta a.

A hmun a rem em avangin pawn ah chuan chawhmeh tlem a zawng ka zuar tel a, atih chi viau mai, secondhand lam te pawh ka ti chho ve zel ang ka rilru bawk a.

Thlakhat dawn chu bena nen chuan kan inbe tawh lo a, inthen hlen turin ka rilru ka siam tawh bawk a, ka ngaihven duh thak bik lo.

Ni khat chu kan pa hlui msa te khua a ka thian nu ve ngawih ngawih hian min rawn call hlawl mai a.

Mahni buai buai in kan buai tawh avangin kan inbiak lohna a rei tawh khawp mai.

Maruat idam thin maw?
Mi rawn biak nachang pawh hi ihre lo, i tlei lutuk aniang maw.

Awi, sente, chulam pawh ani lo, keima tawkah hian ka buai ve thin lutuk a, chuvang chu mawle, min rawn be teh nawlh a,

Nia a pawimawh lutuk a, enteh thil ka hrilh ang che nga, tu hnenah mah ka hrilh che ani tih hi sawi chhuak miah suh aw.

Awi, sawi chhuak teuh lo ang, enge ni ta?

Ms an nupui aneih kha ihria em?

Awi hrelo reng reng, a chanchin hi ka ngaihven ngai lo hrim hrim a.

Thlahmasa khan anei a, ifanu hi amil lo lutuk a, ifanu lah api leh pu te duat sual, mi hnial peih deuh hi ania, amil hlawl lo a, thawk khat lai pawh khan atlan phah tawh alawm, chung vel chu ila hriat loh chuan ifanu hi hruai dan ngaihtuah rawh.

A ti nasa thei lutuk ania, nakin ah api leh pu te hian zankhat mitchhin te pawh lo tawk ta se, ifanu chan hi a chhe dawn lutuk ania, chuvangin hruai dan ngaihtuah rawh, chu chu ka rawn hrilh duh che mawle.

Anih chu a, lak vat angai anih chu, nia mahni hrin loh te hmangaih hi chu thil awlsam ani dawn lo a, ka hrethiam tho mai, ka lo ngaihven ange tiin kan in thlah ta a.

[Ngaia]

Ka rilru ngaihtuahna zawng zawng chu a buai nghal vek


Ka fanu ka ngaihtuah a, a naupan laia ka retheihpui zia te, kan in thlah dan zawng zawng te chu ka mitthla ah alo lang nghal zut zut a, a ranglama ka buaipui vat angai a ni.

Chumi tur chuan anu chu ka biak thiam hmasak phawt atha ang, a pawng a takin zu la ngawt dawn ila afuh ber lo a, anuhrawn a sual emai zu ti ngawt dawn ila afuh ber chiah silo, ka rilru chu a insual buai ta deuh nuai a.

Engpawh ni se, ka dawr kalsanin ka chhuk thlak rawih angai ani, sum leh pai tam tak aiin ka fanu hlimna ka tan a pawimawh zawk tlat, tun ah tut tut chuan ka hruai nghal thei hauh lo ang tih chu ka hria, engemaw tak ka tih angai si.

Tum lawk em em pawh awm lo chuan zin thlak chu ka rawt ta chung chung a, a tuk maia kal tum chuan ka inbuatsaih fel der mai.

Zanah chuan msa chu ka zu call a, a harh fim tha khawp mai, mahse ani biak kha a tul ber lo a, fin ka chhuah angai ani.

Annu hming chu ka zawt a.

Muantei anih thu chu min hrilh a, ka lo be lawk ange ka tih takah chuan an nu chu phone a pe ta a.

Hello, muantei maw?

Aw ni e, tunge aw?

Bawihtei nu ka nia, kan fanu intawm nu tiin ka nui deuh ar ar a.

Aw, ani maw?

Enge iduh teh mial a?

Engdang ni lo ve, in khua ah thil pawimawh tiin rawn kal ka ngai a, pasal ka nei mai tawh dawn si a, bawihtei kan na hun ka nei mai tawh dawn lo a, rawn kan ve ila ka ti deuh a, a nu i nih ang in ka rawn hrilh hre hmasa che mawle.

Anih tak chu mawle, khawi lam mi nge ineih dawn?

Bawngkawn ami ania, afel ve khawp mai tiin ka chhang a.

A lawmawm nasat chu, ni e, rawn kal rawh, kei a phal loh theih a ni hleinem, mahni rila rah te hi chu an hlut zia ka hriatthiam pui che alawm, chawte pawh rawn ei ngei ngei rawh aw alo ti luam a.

Ka plan chu a fuh cher cher teh e, ka nui sak a, in lak atang hian ka fanu ka hmangaih em em hi ka la dawn ani tawp tiin ka insehruh na sa hle.

Zanah chuan thawmhnaw tlem ka in pack a, chamrei tum ka ni lem lo bawk nen bag te reuh te ah ka in rem leng der a.

A tuk zinga chhuak tur ka nih avangin hma tak ah ka mu a, mahni teh tlawnga han mut chu ahreawm riau a, a khawhar thlak piah lam ah hlauh deuh chang te pawh ka nei ve thin.

Thawh hi ka hriat loh ve thin em avangin alarm ka set lawk sa diam a.

Ka alarm set chu a ri tleng tleng a, ka tho ta nghal a, ka inphih fai sawk sawk a, thingpui te ka in in puar hnu chuan in atang chuan ka chhuak ta a.

Ala hma em avangin ke in muang changin sumo stand lam chu ka pan phei zel a, zingkar boruak a nuam ngang mai.

Zing exer la pawh an kat nuk hlawm bawk a.

Tumah en lem lo chuan ka kal zel a, zarkawt ka thlen phei hma deuhin nula leh tlangval ni awm tak rawn tlan lauh lauh chu ka hmu a.

Tu te nge an nih ka hre lo a, ka phek en mai a, mahse an rawn hnai zel a, anmahni ka hmuh chian takah chuan bena te an ni tih ka hre ta a.

Peh helna dang awm hek lo, kan in tawh mai chu angaih hmel.

Ear phone a vuah a, truck suit a ha a, a bula tlan ve nula pawh chu a lian tha ngei mai, ear phone an vuah ve ve a, in hnaih tak in an tlan lem lo.

Kan han in tawk ta hlawl mai a, a ding deuh chawt a, min biak tum niawm tak hian a hmui chu ahan kau deuh a, hmu reng mah ila tlawm mai mai tum chi ka nih ve loh avangin kei chuan ka kalpel ta hmak a.

Enge?

Tinge i din daih a?

Hmeichhia zawkin a biakna ri te chu ka hre pha reng a, chak takin ka pen zel a, ka kalsan ta a.

Ka hawi let lo a, biak pawh ka tum hek lo, ani nen khan khuanu samsuih kan nilo te pawh ani mahna, ka rilru ah ka then fel hmak tawh.

Sumo stand ka thleng phei a, kal tur ho pawh an lo awm deuh thap tawh a, counter ah chuan seat ruak la awm ang ang te ka zawt kual a, vanneih thlak takin seat ruak alo la awm nual a, ka kalna tur ticket vel te chu ka tifel ve ta nghal a.

Ka thu lut fel deuh chiah a.

Msg ka dawng nghal a.

Bena lo ni rengin!

Khawnge ikal dawn?

Ka chhang duh hauh lo a.

In pa hlui bulah ikir leh dawn ami?

Ihriat angai lem lo tiin ngeiawm zet hian ka chhang a.

Lo hawi phei teh tih a rawn thawn leh a.

Tukverh atang chuan kawngpui lam chu ka hawiphei a, kawngsir ah kan sumo chuanna opposite ah hian alo ding ran a.

Min rawn pan atum lai mek chuan driver chuan motor a tinung a, a rawn thlen phei hma in kan kal hman chiah.

Ka thaw huai mai, ani kha ka hmangaih em em a, kan inhmu leh emaw, kan inbe leh anih chuan ka rilru a thar ve leh emaw te kha ani awm sia.

Ka earphone ka phawrh nghal a, hahdam takin ka thu a, hla ka ngaithla veng veng a, tumah ka be lo a, biak emaw titi pawh ka peih lem lo

Ka lo muhil a, ka mutui angreng khawp mai.

Motor ding deuh dat ah chuan ka harh a, ka han intiharh a, zing chaw ei alo hun der mai, ka lo mutui nasa ani, ka harh lo reng reng, ka hla play pawh alo la zai ngat ngat mai.

Tukthuan ei tur chuan kan chhuak ta sap sap a, ka taksa rawl thum tih zia awm nan ka han zi mar kual vel a, hotel ah chuan luh tumin ka pan ve ta a.

Ka hnung lam atangin min rawn man chawt a, ka lehhawi rang kher mai.

Tunge min man ve ngawt chu tiin.

Ka phu na sa lutuk, mumang a ang hial zawk, bena lo ni rengin!

A exer lak na thawmhnaw nen chuan min lo umzui alo ni, tawng mai nachang pawh hrelo chuan ka ding ngawi reng a, ka en deuh hau bawk a.

Nang maw!

Engvanga rawn kal ve ngawt nge inih a? Tinge min zui ve ngawt a?

Shhhh.... A zahthlak, tawng zawi rawh tih pahin ka banah min kai a, midang awm loh na lai deuh ah chuan min hnuk phei nawk nawk a.

Khawnge kal itum a?

Ka duh duh na ah ka kal ang chu, ihriat ve zel angai ami?

Tha deuhin min chhang rawh, in pa hlui bulah kir leh itum ami?

Lo kir ta ila enge ni vak chuang, buaina inei ami?

Buaina nei e, ikir leh na tur chhan a awm lo, lo kal rawh, ka phur chho ang che tih leh ka banah chuan min pawt a.

A kut chu ka thing thla nawk a, hotel ah chuan hmanhmawh zetin ka lut ta nghal a.

Min rawn umzui a, mi an tam avangin engtin mah chuan min ti lem lo, chaw ei tur ka lam a, ka ei nghal mawlh mawlh a.

Ka bulah ngawi rengin alo thu a, mi a veng ta ran reng mai a.

Chawei kham hnu chuan mahni chuanna motor ah theuh kan lut leh ta sap sap hlawm a, ani pawh chuan min en reng chung chuan min umzui ve zel bawk a.

Ka tum loh lutuk in ka awm ta chu awm anuam duhlo khawp mai, min tibuai takzet ani.

Chawhnu her ah kan thleng a, kan hnung ah zel atlan ani tih pawh a hriat theih mai a, kan chhuk chiah a, min rawn umpha ve nghal a.

Chutia min um tak zel avang chuan tihngaihna dang awm hek lo, ka kal chhan chu tha takin ka hrilh ve ta a, hmelhriat pakhat mah aneih loh thu leh ka thlenna a rawn thlen ve atum tak avang chuan ka mangang hle.

Ka cousin te bula thlen tum ka ni a, mahse ani a tel dawn chuan a chi dawn siloh, a ipte a ATM card chu a phawrh a, ATM awmna lai zawng ang atih avang chuan tum loh lutuk in kan inphur chhuak leh ta, khua hi avan var lo tak em, ka tum loh deuhin ka awm phah ta bawk.

Atm chu kan hmu a, amah vanga ka plan te flop anih avangin in senso ngai a awm chuan sen ka tum lo, a tum vek tur ani.

Tichuan hotel bawk chu kan zawng leh ta a, a vang angreng khawp mai, akhua alian lutuk lo bawk a, chutianga hotel han hmuh mai tur chu a vang angreng.

Vanneih thlak takin atawpah chuan kan hmu ta hlauh a, duhthu chu a sam lo viau na in kan hmuh chhun anih avangin kan invawm lut ta rawih a.

Ka be duh miah lo a, min biak chuan a rul tawk chauhin ka chhang thung.

Ka thinrim chu ka tum deuh bar reng a, nuam chu a tih hmel vak bik loh.

Room khata thlen ka duh loh avangin room hrang ve ve ah kan awm a, min hnial ngam chiah silo.

Kawngka a rawn kik dat dat a, a rawn lut nghal a.

Maruat, khawnge bazar hi a awm le? Thawmhnaw hakthlak ka keng silo a, hakthlak tal ka lei loh chuan tiin inthlahrung zet hian min rawn zawt a.

Bazar awmna lai chu ka lo hrilh a, bathroom ah inbual turin ka luhsan ta nghal a.

A chhuak leh nghal mai a, a kawngka a kalh ri rak rak lai pawh chu ka hria.

Ka inbual fai zawh hnu chuan ka Insiam ta nghal a.

Bawihtei nu muantei chu ka call phawt a, alo in hawng viau a, a fel angreng khawp mai.

An in emaw, an veng emaw zawn chawp ngai ka nilo bawk a, taxi ka la a, ka pan ta nghal a.

Bena erawh ka kalna tur ka hrilh lo thung, ani rawn tel ve zel kha ngai ka ti lo ani.

Minutes 20 hnu velah chuan ka lo mo ve tawhna in, hreawm tam tak ka lo tawrh ve tawhna in ngei chu ka hmu ta vang mai.

Kawng peng ah chuan ka in drop tir a, ka luh chhoh hma chuan ka thlir vang vang phawt a.

Engkim mai chu ala pangai reng a, ala danglam lo khawp mai, in vel erawh rawng te an lo hnawih thar vek tawh a, ka mitthla ah thil tam tak alo lang nghal zut zut bawk a.

Muangchangin ka kal chho a, in chu ka thleng ta a.

Kawngka chu ka han kik deuh dat dat a.

Tuman min chhang lo, a rawn in nam hawng rawp a, ka fanu ngei mai chuan a rawn hawng ani.

Min hmuh chuan tunge ka nih a hre mai lo, chu chauh pawh chu ka tan chuan ana ngawih ngawih.

Bawihte, khawnge i chhung te?

Anu chu a mu a, apa chu bathroom ah, a pi leh a pu te an feh a tiin felfai takin min lo chhang a.

Inchhung ah chuan ka lut a, sitting room thutthleng ah chuan ka lo thu a.

Ka fanu in anu ako lai chu ka ngaithla reng a, a koh dan atang chuan an inpawhna athuk fahran lo ani tih ka hrethiam.

Pindan atang chuan muantei chu a rawn phei a, a rawn nui var var a, min rawn chibai a.

A senior tawh viau a, amitmeng athip ram bawk, a sual ve thawkhat ang tih chu ka ring.

Ka fanu hmu tur leh aizawla khawsa ka nih avang chuan thing taka kal ka duh bik lo a, theih tawpin ka in uluk ve a, han inchei tak ah chuan muantei ai chuan ka lang naupang viau mai.

Nui sang chung chuan min be zel a, reivak lo hnu ah msa pawh chu a rawn chhuak ve a, min rawn chibai ve bawk a.

Bawihtei chu anu ka nih thu te chu muantei chuan ahrilh ve mawlh mawlh a, anu bulah sawn va thu rawh le tiin duat hmel tak hian a be siam siam a.

Hringtu nu ka ni bawk a, min nel rang ngang mai, a titi nghal thei tlat.

Bawihte, a nu leh apa te, a pi leh a pu ten an duat awm che sia, anuam iti em?

Anu chu a melh vat a, amitmeng a khup zal zal a, aw nuam e tih pahin a lu a bu nghat a.

Anu te, apa te, api leh apu te thuawih zel rawh aw ka tih chuan alu abu nghat ringawt a.

Msa pawh chuan min be ve luam na in chhuahna tur an lo neih avangin min kalsan ta a, kei leh bawihtei, muantei te nen chuan kan awm ho a.

In han in hmu leh chu rilru athar ve viau lo maw?

Nui pah chung si chuan min han zawt a.

Awi, teuh lo lutuk, engah mah athawk eih lo, kan pa turah hian ka lung hi a awi tawk viau mai tiin ka lo chhang daih a.

A nui hmel phen a inthup tam tak chu ka hmuh hmaih bik lo.

Tha takin ka be zel a, ka haw dawn ah chuan a phone number chu ka dil ta a, ka kal chhan, ka mission chu a hlawhtling chiang ngei mai.

Muante, ka haw phei phawt ang, remchangah kan la inbe zel dawnnia aw, thil sawi dun te pawh a chakawm alawm le, hei hi bawihtei thil lei vel nan lo kawl la tiin sangthum chu a kutah ka pe a, a nui var var mai a.

Ka haw dawn a ka fanu mitmeng, thlaphang leh min thlahlel ngawih ngawih mitmeng mawlh kha, tawrh avan har si em, kuah vawng vawng ka chak a, ala rem silo, kawt thleng min thlah hnu chuan ka haw san ta a.

Mamte, lo lungngai miah suh, hreawm ituar rei dawn lo, ka bulah thlamuang takin i awm thuai dawn alawm ka ti sap a.

Hotel lam chu ka pan nghal a, ka va thlen chuan bena room kawngka chu alo in hawng huai a.

Dah pawh ka dak lut lo, ka room kawngka chu ka hawng nghal a, chhung lamah ka kalh nghal bawk a, khumah ka let nghal tawp a, rilru ngaihtuahna akal thui ngang mai.


A tuk zingah kan haw leh nghal a, kei chu sumo bawkin ka chho a, kan hnungah min rawn zui leh a, kan inbe tlem khawp mai a, min zui ve ani deuh tawp mai, ka fanu ka hmuh dan chanchin pawh engmah ka hrilh lo.

Tluang takin aizawl kan thleng a, min zui zel tawhlo turin ka tih hnu ah an in lam panin a haw ve mai bawk a.

Chawhnu lamah chuan ka dawr te chu ka hawng ta nghal a.

Muantei chu biak chakna in ka khat a, ka nghak thei hlawl lo, ka zu WhatsApp ta nghal a.

Muante, maruati aw, kan thleng fel deuh chiah e.

Aw, ava lawmawm ve, in kal tluang maw?

Chaw lah i ei hman ta silo a, irawn kal leh hunah chuan i ei ngei ngei angai tawh ang.

Tehreng mai, ka rawn ei ngei tawh ang, Mahse keimah mai ka ni tawh dawn lo a, kan pa a rawn tel ve tawh dawn asin.

A pawi hleinem, in nupain in rawn ei anga ni mai lawm.

Tehreng mai, ka lawm takzet ani, ka fanu tan nu tha tak i nih avangin tiin lawmthu chu ka zu hrilh ta vel a.

A dera nun leh lemchan chu kan thiam dun khawp mai.