ONLY YOU by SJ Kawlni (Completed)

[Ngaia]

ONLY YOU - 32
by JS Kawlni



Rini pov



" MrJayden.. Party nuam tak ni. " Harry chuan ti in Rinmuana lam ah kut phar chhuak chu kan hma a palian leh a hmel a thinrim na khat chu kei mà lam ah bak a mit meng rum leh thip tak chu a fu vung a, Harry biak na pawh hre awm pawn a awm lo hrim hrim.!





Harry-a'n a kut chu nui suk in a la let chu ka khawngaih, Harry pawh hi Rinmuana ang chi. Tawng kam bul hmuk leh nelawm miah lo a nih vang te hian hmeichhe then khat ho pawn an ngaih na theih miah lo. Ka ngaihtuah na vang chuan ka nui suk a, Harry leh Rinfeli te in hnial lai kha ka la mit thla thei.





Ka nui suk suk vang nge ni kan bul a ngawi reng a awm palian ding luah chu a rawn rum hawk chu ka phu zawk, rang tak in a hmel ka en chu ka in chhir ngei mai.! A hmel thim mup leh a chal a thisen zam pawng tawlh tawlh tang chuan a thinrim hle tih ka hre thei, hmu dang en lo in min melh ngur chu ka ip chawih chawih !






" Zuali ka nia, Jaydena seceraty hi ka ni. " Ti in a kut no leh zen thlerh chu a rawn phar chhuak a, Rinmuana lak tang ka mit ka la sawn ve thei hram.






" Harry Roy ka ni e. " Ti hmuk in Zuali chu a chibei ve mai bawk a, ka hma a ding hmel nelawm lo tawh sa nak lai in a khabe leh biang ah hmul to khat ve in rum lutuk hian min melh chhuk run tu chu awm lo seng Harry chhan dan hmuk kha ka nuih leh tawh ngei ang. Hmel sen tawlh tawlh a min en tu awm vang in nuih chu khawi lam hi ni ringawt, ka thawk te a buai vek thei.!





Zuali'n ka lam a kut rawn phar ve leh chu ner nawk in a kut chu ka en ngar a, ka chibei chak thlawt lo he mihring nu hi.! Min hre lo der vel te hian ka huat na ti zual, a kut chu la let leh in za lo deuh hian a nui hak hak chu ka melh ngar a. Tun ah chuan ka hun ni ve tawh ti rilru in in fuih ru mawlh mawlh in ka dak vah a, Harry ban ah vuan leh in Rinmuana te pahnih en ran chuan ka nui sak.





" Harry hei hi ka pa thian fapa Rinmun... Ni leh lo Jayden Watson chu nih hi, ka unaupa thian tha tak ni in ka tan pawn unaupa ang a ni.! " Harry hnen a ti hap in Rinmuana chu en in ka nui kher a a thinrim ngang mai, a bek a thisen zam lang pawng tawlh tawlh in a in seh ruh tung chu hlau duh lo lui in ka en ngar a.





" Unaupa..! " Seh chilh zet hian a rawn ti nghut . !




A thinrim thin thawk hi ka la hmu miah lo a thinrim thin thawk chu na khawp ang tun a awm dan ang hi chuan min vei thlu lawp duh hmel a pu, in ti huai lui in a hma ah hian ka la ding ve tawk tawk chu nih hi.!





" Mammy.. " Ka fanu aw sin rat in a min rawn auh rual in ka hma ah a rawn ding nghal zat a, kun hniam in Rinfeli leh Tim-a rawn phei chu ka mit sir in ka hmu.





" Anna eng nge ni ta.? " Ti sup in a kut ah ka vuan nghal a, men puri hian a lu lo thing nar nar ka hmuh chu a awm zia hre lo deuh hian ka en tawp.






" My Angel.. Mut i duh tawh mi.? " Ti sup a Harry lo thu thla ve chu Anna-i'n Harry nghawng ah lo kuah nghal a ka thaw hawk. Tim-a'n a chheih leh tawh tih ka hre thei mai. Harry-a'n Anna-i pawm a din chhuah pui chu ka ding ve nghal zat, Tim leh Rinfeli te pawh an rawn thleng ve nghal .






" Fa i nei tawh maw.?! " Zuali mak ti lutuk in thup zo lo a min zawh chu ka nuih te pawh a ti za zawk, chhang mai lo hian Rinmuana lam ka en chu a ni pawh bang bik lo a thawng ve hle niang.






" I hmuh ang hian ka nei tawh chu nih hi. Tim leh Anna hi ka fa te an ni.! " Zuali en chuan ka ti sup a.




" Papa mu mu duh tawh e... " Ka fanu pangchang aw tak a Harry lo ti chu ka nuih suk, ka sawi tawh kha Harry awm hi chuan Anna-i hi a in ti naute ngei ngei. Pakhat pa lah hian a duat hlum lo chauh chu nisia, an buai thlak dun khawp mai.






" A nih chuan Mr Harry Roy hi i fa te pa tih na maw.? " Rawn ti leh chu ning lutuk in ka thaw hawk, eng nge ka fa te pa ah chuan a lo buai ve vak ni.






" Anna-i'n papa a tih kha i beng a chhet chuan ka hre lo.! " Ti hmak in Rinfeli'n a rawn ti chu ka nui chhuak teuh sin, a aw tang Zuali hi a ngeina vak lo tih a hriat theih.






" Hon.. Kan kal mai dawn mi.? " Harry-a'n a rawn tih tak ah chuan lu bu nghat in Tim chu ka kai nghal a, Tim lah in Rinmuana ngawr ngawr a lo en ka hmuh in a hring tu pa ni tih a hmel tang ka hre thei. Tim hi la naupang viau mahse thil awm zia hi a man thiam in a hre zung zung nghal mai zel hi a lawmawm ka tih rual in tha ka ti miah lo.






" Hon... Phiang sen hian.! " Ti hrawih in Harry coat hak ah rawn tham chu hlau thawng tak a Rinmuana ban ah vuan in Anna-i ka en nghal, he tiang in tih buai leh ni hut hut hi Anna-i hian a zo ve lo.






" Eng nge i hriat a, thlah nghal rawh..! " Ti vin tuar in Rinmuana ban ah ka chum vak vak chu ngah mah ngai lo hian Harry chu mit meng pawisak nei lo zet hian a melh ngur a.! Ka hlau thawng tak zet ni, ka fanu hlau a Harry nghawng a hmai phum kak chu ka en leh thin.!






" Rinmuana thlah rawh ka fanu in a hlau nia.! " Zawi sap hian ka ti thei tawk, ka fanu ka ngaihtuah tawh bawk si chu ka aw te hi a chhuak zo lo tep . Rum nghut in Harry chu a thlah a, ka lo thaw halh.! Min rawn en a thaw hak in a kal sawn vut chu ka en tawp, kha tiang khan vawi khat mah a awm lai ka la hmu lo.! Zuali'n a zui nghal zat pawh ka mittui kar tang ka hmu phei ruai thei, Tima'n ka kut ah nghet tak a rawn vuan ve tai chu en in ka nui hul hak. Ka mittui a tla nghal zawi bawk, ka rilru mai ni lo ka thinlung thleng in a nâ.!





" Ih... Ka.. Room thleng ka lo thlah ang cheu. Tim lo kal rawh. " Rinfeli'n a rawn tih chuan ka mittui tla ka hru nghal tawk, Tima chu mit mei in Rinfeli zui tur chuan ka ti a. Thuawi tak chuan Rinfeli kut ah kai in Tima zawk in a kal pui nghal chu ka en tawp, ka fapa hi chu aw... Ka ti vawng vawng.





" Hon. Room kan kal vat ngai.! " Harrya'n a rawn ti chu ka hre thiam nghal mai, Annai a tha vak lo tih ka hre mai.! Ka kut ah kai in Annai kut leh lam a pawm chung chuan a bawp sei thurh pen rual a pe chu thil har tak ni, a hnuh hian min hnuk hi ni mai. Ka pheikhawk bun nen phei chuan a ni ang palian um chu hah thlak tak ni, room kan thleng chu Annai damdawi chu ka la in an bul ah ka tlan let leh nghal.





Harrya'n Annai chu sofa lo thut tir in a thawm hnaw leh pheikhawk chu lo phelh zung zung a, a taksa khawng vek tur chu be mawlh mawlh in Annai kut leh ke a lo hmet mawlh mawlh chu pan phei in inhaler chu ka hip tir nghal a.!






Annai hian thawhah ( Asthma ) hi a pian tir tang rawn neih tih ka hriat khan ka hlau thawng in ka chhan mai dawn maw ka ti hman nih kha, in enkawl dam theih tih chu hre tho mah ila a kum la nau deuh vang in kum 8 a tlin hma loh chu eng treatment mah a dawng thei lo a tin ni.! Tima ve thung hi chu a pian tir tang tun thleng hian hritlang khawsik tih loh chu damlo na em em a nei ngai lo, a unaunu a hrisel loh em vang pawh hi niang Tima chu a sa pawh a tha. A kum rual pui ah pawh a lian pawl ni nghe nghe.





" Naupang i kal thei tawh ang.? " Ti nghut in Rinfeli ngawi reng a lo ding Annai mu hil en reng a ti chu Rinfeli lam ah ka hawi nghal a. Rinfeli lo ner sawng ka hmuh in ka nui suk, he mite pahnih awm dun hi chu an nuih zathlak ni.





" Min pui na ah kan lawm lutuk nia, Harry hian a thlah dawn che nia. " Rinfeli en chuan ka ti chu " A ngai lo " " A tul ber lo " an pahnih in an rawn tih rual thawt chu en in ka nui tawp. Ui leh kel thlun pawlh chu nep te, he mi te pahnih lak ah hi chuan.





" Ka tih awm zia chu i buai si thlah kher ka ngai lo, a nih chuan ka kal nghal mai ang. Mangtha phawt u. " Ti sawk sawk in ka biak leh hma in a kal nghal vut chu ka en tawp, a chhuak chiah tih ah Harry lam ah hawi in ka en ngar a ka en ni tih pawh a hre duh thak lo. He pa nger ngur lah hi, a tih loh na ah hi chuan nawr luih lah hi a har thei si. Annai mu hil chu pawm in kan nufa mut na lam a kal chu hah thlak ti zet hian ka thaw hak, eng tik ah mah he pa hian nupui a nei lo tawp ang tih ka chiang ta.!




Harry ngawi reng chuan ka awm a tinuam lo let ling zawk, Rinmuana chet dan kha mawi miah lo tih ka hria chuan a en liam mai thei kha mak ka ti bawk.! Annai tih hlauh vang hrim hrim pawh khan kut a thlak kha ka lo ring a ka ti sual ni, a hun ah chuan a lo in sum thei khawp mai. Mi pawh en lo hian kan nufa room chu a chhuah san chu biak ngei tha in ka hria mahse eng mah sawi tur lah ka hre der mai si lo a, thaw halh in Harry kal chhuak chu ka en liam tawp, naktuk lam ah ka be tawh mai ang.





* 5 year flash back *



Ka harh leh chu room thim leh hnawng chuap ah ka harh a, ka mut na lam ah ka taksa kham thum chu ti zia awm tum in thut chhuah ka tum chu ka che thei lo reng reng.! Ka kut hnung khirh in ka awm ah hrui in min phuar tel bawk chuan ka thawk a ti buai dawn in ka hria, tal chhuah tum a ka che chu ka ke pawh an lo phuar tel tih ka hre chiah.!





Ka che tha thei lo chu ka mittui rawn tla in ka tap tawp, ka rilru in Rinmuana ka ko mawlh mawlh a.! Khawi ah pawh awm i la min rawn zawn hmuh a in tiam chu ka mit thla ah rawn lang in ka rilru in min rawn zawng hmu se ka ti khawp mai, ka awm na lah hi a reh reih ruih si, ka hmuh chin zawng chu hmun thim tak bak hmuh theih ka nei lo chuan ka thaw ti pik leh zual. Ka awm na lah hi a hnawng in a rim chuan ka pum rawn ni nghal nghulh thei.






Eng tia rei nge ka mut ka hriat loh ang bawk in kha mitenawm Alexa biak ka tum kha mawl ka in ti hluah hluah.!





Ka lo mu hil leh hman niang mihring tawng thawm hre tlat in ka in hria, kan ngaithla chiang chu mihring nge a ni.! Ka lawm lutuk chu che sawn thei lo mah i la an aw lo chhuah na ni awm a ka hriat na lam thim zing ah chuan en in ka thaw huai thei, ka au tur chu ka tawp leh nghal. Au na chi ni in ka hre ta lo mi tawng thawm ka hriat kha Alexa aw ni tih ka hre nghal, a bul ah mi dang an awm tih ka hre nghal zat.!





Eng nga tan nge min tih he tia ka chung a ti tur hian an pawi ka sawi awm ka hre lo, ka awm na hmun thim leh hnawng chuap ah lah chuan an rawn lut mai bawk si lo nen ka tui hal in ka ril tam tak zet tawh.! A hma a ka chung a Alexa thil tih rapthlak tak kha tih leh tum ni lo maw le, a ti nawn leh nih ngat chuan ka thih chilh tawh mai ang eng pawh thleng dawn se.!






Thil ri rek ka hriat in chu lam chu thim zing tang ka en a, khawi lam tang nge tih lah ka hmu thei der lo leh nghal. A hnu rei lo te ah ka en loh na lam tang hian light eng chu sin te hian ka awm na hmun thim leh hnawng rim chhe zet ah chuan a rawn lut a, ka en rang khawp mai light eng lo luh na lam chu. A hnu rei lo te ah rawn in hawng zau in mihring ruang awm ka hmu chu ka tha rawn khur nghal, tu nge nih ka hre thei bawk si lo nen. Light in ka mit chhun chu meng tha thei lo in ka chhing sawk nghal, ka lam pan a rawn kal an awm tih ka hria thim zing ah ka awm rei lutuk vang in ka hmu fiah tha thei lo bawk nen ka rilru chiai nghal chu duh lo eng ang mah i la ka chung ah eng thil nge a tih dawn ka hre bawk si lo.!





Thei leh thei lo hian ka meng a, min rawn hnaih tawh hle tih ka hmu phe ruai thei. Chhuat vawt leh hnawng a ka mu chu ka bul lo thlen in min thut tir tum a min rawn khawih chu ka theih tawp a ring in ka au vak a, min dawm kang lak lawh tawh nen chhuat huh a min thlak thla leh chu ka dar ding lam chu a na nghal ngut ngut thei. Ka au pawh ka tawp hmak, ka dar nâ in min rawn tur bawk nen ka awm a min phuar na nen phei chuan ka thaw kawk kawk ringawt.






" Eng thil nge ni ta.? " Tu maw hi hman hmawh deuh a rawn tlan in ka awm na chu thawk leh khat ah a rawn eng nghal pup chu ka mit a vai chu meng thei lo in ka chhing nghal sawk.






"Eng tin mah tih hrih loh tur a tih kha.? An lo thleng tep tawh ang, damdawi khan chiu leh nghal ta che. Tun ah chuan kan hmel pawh a hmuh vek tawh hi, a chhuah hun ah kan chan tur i hria em? Jail bak chan kan nei lo.! " Thinrim tak hian rawn kal hnu hnug zawk chuan syringe keng in a ti vin tur chu ka hlau ngei mai, ngawi reng in an thusawi chu ka en kar ringawt.





" Khawi syringe kha min lo pe rawh hei a taksa pawn a tur loh tan hi, karhnih chhung eng mah a ei loh hi.! Ei tur leh in tur kan pek ve lo ten, thi dawn mahse puar peng pawng in kan thih tir ang chu.! " Nui huah huah in ka bul a rawn kal pa in a tih chuan ka mak ti leh awih loh chu ka thin phu nghal zawih zawih. Karhnih chhung eng mah hre lo in he hmun thim leh hnawng ah hian ka awm tih na maw? Chuan ka chung ah eng thil nge an tih pawh ka hre miah lo bawk, ka ril tam leh tui hal pawh kha eng mah min ei tir lo in karhnih chhung min awm tir vang nih ngei dawn hi.! Ka harh leh khan motor a min phur leh Alexa ka bul ah kun ngul a thu bak kha hriat ka nei lo.






" Eng nge ka chung ah in tih.! " Vin zet a tih tum chu ka aw a chhuak tha thei lo ka phun sep ringawt, nichin a ka auh vak vang kha niang ka hrawk na thip vawt chu chil lem tum in ka chil chu ka sawm khawm a a awm mang lo. An pahnih lah chu min nuih sawh ru tih nen thu hmun reng, min en in an la nui ang hawk hawk a.





" Eng tin mah kan ti lo i chung ah, he damdawi hian karhnih chhung khan kan jection che ni mai. Tal chhuah chu tum buai duh suh i tha kha khek zawk rawh, a chhan chu rei lo te ah pawn a kan lei laih ah sawn kan phum tawh dawn che tu man an rawn hmu lo tawp ang che.! " Syringe ka hmai zawn a rawn keng hian a ti chu ka hlau tawh ngang mai, Rinmuana'n min rawn zawng hmu thei dawn lo tih na.!





" Ka hmuh phak loh a i awm ka phal lo hrim hrim.. Khawi hmu ah pawh awm la ka rawn zawng ang che khawvel pawh hi hel chhuah ngai mahse ka hmuh hma che chu ka zawng zel ang che! " Ka rilru in Rinmuana chu au mawlh mawlh in min rawn zawn tur thu a sawi te chu ka beng ah hian min hrilh ru ang mai hian a rawn ti hrawih a.!







chapter dawh leh ah chuan flash back hi kan ti zo dawn nia, a chantunu ka tih khan hotel ah mikhual zing ah khan Rini leh a fa te an awm ve vang a chantu nu lo lang ka ti kha. kan misual (Unknown) pawh flash back ah hian kan lan tir nghal dawn nia. Chapter 5 vel bak a awm tawh lo ang. Click click click

[Ngaia]

ONLY YOU - 33
by JS Kawlni


" A nih chuan lo thut that tir la, ei tur leh in tur ka va lak nge. " Ti in rawn kal hnu hnung zawk chu a chhuak nghal chu seisir zawng a mu in ka en zawk, ka bul a awm pa chu rawn che hrut ka hmu chu lo tawp chawih in ka melh ngar a.






" Eng tin vak ka ti dawn lo che, kan phuar na che hi ka lo phelh ang. I dam chhung a thil i ei hnu hnug ber tur i ei dawn sia, kan phuar na che hi ka lo phelh ang.! " A syringe ken chu ak tha in min rawn tung tho lawp pah chuan a ti a, ka lo in ring lo leh ka taksa chau nen ka lu a hai in ka mit a vai nghal chak chu mit chhing in ka rum nghut.!






" Kha le i thil ei hnu hnung ber tur chu ei bawrh bawrh rawh kan ti buai miah lo ang che.! " Ka bul a pa in min phelh mawlh mawlh lai in ka ei tur la a chhuak ta kha rawn let in nui thaw a rawn ti chu ka rilru in Rinmuana chu ka au leh mawlh mawlh a, rawn thlen tih a nei thei lo chuan ka tah te pawh ti chhuak zawk.! Min phelh zo thu thluang duai in ka mal chung ah fast food an rawn dah chu ei chak hle mah i la ka ei ngam lo, a chhan chu ka ei tur ah hian damdawi an pawlh leh pawlh loh ka hre tlat lo.!






" Ei ta che. Kan barh kher che i phut a mi.? " Nuih sawh zet a min ti chu ka lu ka lo bu nghat a, nui hawk hawk in an in en hnu ah min phelh tu zawk chuan ka ei tur chu a rawn ei a. Ka thaw huai, ei tur ah eng mah an pawlh lo tih ka hre tawh chu ka tha khur nen ka ei tha hlei thei lo chu ka ti baw nasa mai.






" Muang chang in ei ta che, i hmel en ang a ni miah lo ka ti.! " Ka ei tur rawn la tu zawk in a ti sup a, ka ril tam ei buan buan chu ka in hmeh vak lo niang.






" Mi dang an lo thlen hma in lo va chhuak i la, a tlan chhuah thei chuan loh hi.! " Ti in ka bul mi zawk chuan a ti a, ka thil ei lai pawh ka tawp chat. Tu te nge lo kal belh tur chu ni ang, Alexa nih ka ring tho na in ' an ' a tih khan ka rilru a ti buai tu nge niang.?





An kal chhuah lai pawh ka hre lo, light an off lo chu ka lawm. Thim zing a awm kha a hre awm e mai, chu lo ah mi dang lo kal leh tur a tih pawh kha ka awm na lo kal dawn chuan a hmel ka hmu fiah thei tawh zawk dawn vang ni.






Ka ei tur an rawn dah pawh ei zo lo in ka sir ah dah in ka awm na chu uluk zet in ka en kual a, tlan chhuah na tur awm ang ka hmu lo. Ventilator tih loh chu.! Chu pawh a awm na sang lutuk ft 15 vel dah a awm chu kei a tha nei lo leh lu hai chhu hian ka han ban pha dawn lo hrim hrim, ka tlan chhuah an ring lo pawh kha awm ka tih pui khawp mai tun ah chuan.!






Ka hawi ka hawi lai in room chu a rawn ri leh khep tawh mah ni in ven nan ti in ka bul a, ka thil ei na plate chu ban vat in min tih nât an tum nih chuan pakhat tal tih nât ve in ring ran in ka awm a. A rawn lut chu ka taksa chhung hi thinrim na leh huat na in a rawn so chhuak nghal bawrh bawrh ,Alexa hmel hnaisai lo zet ka hmu leh ta chu thah hial ka duh tawh.!





" An ti nâ che em.? " Ka bul a rawn kal pah a rawn ti chu ka thinrim leh thah ka chak na in min tur na vang in ka plate ken chuan ka vawm a, lo tle sawn chu rawm tawk a melh vak bak tih theih ka nei lo.!





" Ka thusawi tur hi lo ngai thla rawh.! Beng chheng siam lo in tun chiah ka thusawi ngai thla hram rawh.! " Ka dar a rawn vuan a ti chu ka thinrim na ti belh chhah zual, a kut ka dar a vawn na chu phih thla sawk in rum tawk hian ka melh a.





" Thusawi a...! I thusawi tur ngaih thlak tum in ni lawm ni he lai hmun a ka awm ni. Eng tiang a tam nge sawi tur i neih phiangsen a zawng khaw ro.! " Ti fiah that a ti in ka thaw nghal halh halh.






" A pawi ka ti kha mi ah kha chuan bum a ka awm vang ni.! Vawi khat chiah min ring leh rawh vawi khat chiah.. " Ti sup in ka mit a en chung a ti chu ka theih tawp a nâ in ka lo beng sawk. Ka ring leh a nga maw mi mawl leh tawp ka ni bik lo.!




" I duh tawk in kut min thlak rawh mahse pawn kan chhuah hun ah i ti dawn nia, he lai lo hmun him ah. Police station ah pawh ni rawh se pawi ka ti i lung dam na leh i thinrim na zawng zawng kha ka chung ah i hri thla dawn nia, mahse tun ah chuan kan chhuah phawt a ngai dam i la duh chuan.! " A rawn ti leh chu awi lo lutuk in ka ner khum vak.





" Ka thih leh dam ah i lo buai na tur awm lo.! I rual hian khawi ah mah ka kal tawh dawn bawk hek lo ti hria ang che.! " Ti hrawih in ka melh ngar a, rawn thaw hawk in a hui pap a.





" I pa i ngaihtuah nih chuan min rawn zui rawh a nih loh chuan he hnu tang hian dam in i chhuak leh tawh ngai lo ang, i pa pawh i hmu leh tawh bawk hek lo ang.! " A thusawi ka pawm sak duh loh vang in a rawn ti hrawih a.





Ka pa chung chang a sawi mi tun ah khan, eng tin nge ka pa chu awm ang.? Heng misual ho hian an lo man ve tih na mi.? Ka rilru ah zawh na hlir lo lut chu Alexa en reng in ka ti rilru a.





" Kan chhuah vat ngai a lo thlen hma in.! I pa chu in ah a awm, mahse a tha lo kawp mai i hmuh vat duh chuan kan kal vat ngai.! Min rawn zui dawn em.?! " Ka hmel a zawh na a khat a ka en chu hre thiam in a rawn ti leh hap a, zui ngei tur in min duh tih pawh ka hria. Mahse lo zui i la ka chung ah thil tha lo a ti leh lo ang tih ka hre lo, a hma pawn ka rin vang a hei lai hmun a awm ka ni tih pawh ka hria. Zui duh lo in he tah thi ta ang i la ka pa leh mi dang mai bak ah Rinmuana thleng in ka hmu tawh dawn lo tih na nia, an ni hmu lo a ka awm tur leh tu man ka chin mai bak ah ka ruang pawh an hmu lo tur chu ka ngaingam bawk si lo.!





Ka rilru buai tak zet ni.. " Rinmuana min rawng zawng tur chuan i lo kal tawh ngem le, Alexa hi a tawp nan ka ring leh dawn mi? " Ka rilru a Rinmuana be mawlh mawlh a ti in ka thaw halh a, Alexa chu en vang vang in tun chiah ka ring ang ka ti sual nawn leh nih chuan eng ti kawng zawng pawn a ni thah dan tur ka ngaihtuah tawh mai ang.!






" Tun chiah ka ring ang che.! Ka rin ang a i awm lo emaw min bum leh nih chuan hei hre rawh ka thih pawn ka thla tal in ka ti buai ang che i dam chhung in.! " Ti hrawih a ka ti chu a thaw huai nghal, lu bu nghat in min kai tho nghal a.





Ka kut ah vuan in kawngka ah a dak hmasa te te chu a hnung tang thin phu dep dep in ka lo ngai chang tawp, min lo hmu in min man leh si se min that nghal ang.! Chu chu ka rin dan ni lo in nichin a ei tur min rawn pe tu te awm dan tang khan ka hre nghal.!






Muang chang a misual ho awm na ka ti ah chuan min kal pui a, kan van neih a siam in tu mah an lo awm lo chu ka thaw huai thei. Hman hmawh si thawm dim ngai bawk nen chuan Alexa kut chu vuan in ka kal ve tawk tawk a, ka hlau thawng lutuk hi ka thin te hi a rawn phu chhuak dawn in ka hria. Pawn chhuah na kawngka bul ah kan ding leh chu ngaih na hre lo zet hian Alexa chu ka en a, ka kut a hmui a dah in beng chheng lo tur in min ti chu lu ka bu nghut.






Kawngka zawi te a hawng in a en leh hmasa te te a tu mah a hmu lo niang min rawn en in a bu nghat a, pawn min chhuah pui chu ka thaw huai thei. In chhung kan awm chhung zawng khan min hmu hlauh vang in ka tang kawh lah kha ka taksa pawh a nâ vek thei, pawn chhuak tawh mah i la kan la him chuang lo ka awm lo tih an hriat hun ah min rawn zawng ngei ngei ang.!






Kan awm na chu ka en kual thuak a Alexa te chhungkaw chawlh na in ni tih ka hmu nghal, an kal khat tih hriat reng reng a bul vel chu hnim chi hrang hrang in a khat mung. Chu ti ka ngaihtuah lai chuan tlang lam ah min kal pui in hnim pik kar ah kal na tur in hai kaw chawp a min kal pui chu ka ding thut a, a ngaih na hre lo zet a rawn hawi chu ka en ngar.






" Kawng ni lo lam a kan kal in eng tin nge kan haw theih ang, he lam te chu tlang pan na nih hi.! " Ti hrawih in ka melh vak a, tawng rin na chi ni phei seng chuan ka vin hrep ang.






" Ka hria.. Mahse he lam a kan kal hian kan him zawk ang, kawng pangai a kan kal nih chuan min rawn hmu nghal dawn.? Tlang bul ah khan kawng peng a awm tah chuan kan kal dawn nia. " Thlem ti tih a rawn ti chu zui ngei tur in min duh tih ka hria, thaw halh in ' he chen min hruai a ka zui zel tur ni ' ka rilru a ti in kal tu chuan ka mit mei a.






Tlang kan thleng chho dawn tawh tih ah min dah na in tang in thawm kan hriat in kan ding dat a, Alexa en vat in a kut chu nghet tak in ka vuan a. Min rawn en in tlang lam ah chuan min tlan pui nghal chu ni mai, ka taksa chak lo nen ka tlan tha thei lo chu min rawn pua in a tlan nghal a. Ka hlau thawng lutuk chu ka rilru in Rinmuna ka au mawlh mawlh a, tlang kan tleng chu ni mai.





" Rin.. Lo ngaithla rawh hei bak chu ka hrilh thei tawh dawn lo che.! " Thaw halh halh in lei ah min thut tir in kan tlan na lam chu a en leh zawk a. A ngaih na hre lo zet hian ka en haw ringawt.





" Heng thil ti tur hian min vo vang in i lak ah pawh mawi lo tak in ka khawsa tih ka hria mahse ka tih a ngai tin ni, a chhan chu kan school saw ka ruih at lai in card den na ah ka thap a, ka pa in a hriat chhuah ka hlauh vang in ka tum loh pui leh i chung ah sual rapthlak tak ka tih phah a. Chu mai a la ni lo video kha siam chawp ni kha ta mi kha nang mah ni lo in Eli nih kha, chuan Meri pawh a tel nang mah ka ruk bo theih nan che min pui tu a ni bawk.






Nupari pawh kha Meri nen kan that dun bawk, kha mi ni khan Meri hmu tur in ka rawn kal tu mah an awm lo maw ka ti kha Nupari lo awm reng kan hmu in Meri nen kan dah tha ta ni. A pawi ka ti lutuk Nupari kha thah kha ka duh lo i tan pawimawh zia ka hria, ti lo thei lo din hmun a ka din vang ni.






Meri nen hian i nu fa saw in ni ve lo, i pa sawn in ni.! He tah hian i nu dik tak nih na leh eng kim a awm, he ta tang hian kal vat rawh ka lo ti khaw tlai ang. Chuan a pawimawh ber chu heng vel bul tum tu ber chu Zuali, Rinmuna secretary kha.! " Ti sup in ka kut ah pendrive hi a rawn hmeh bel a, kan kal na lam a thawm rawn awm na lam chu kan en tawp.





Alexa a kut a vuan in tlan chhiat pui ka tum a kan tlai hret ni ka la hmuh ve loh lo kal thar tur an tih ni ngei tur palian leh sek tha zet hi kan hma ah rawn ding luau chu ka phu chiang ngang mai. A hnung lawk ah ei tur min rawn pe tu te kha an rawn thleng ve nghal, Alexa phen ah ka biru nghal zat.





" Nang phatsan tu i hrem na tur chu i hre chiang viau ang chu, kha nu rual khan i thi ve nghal dawn.! " An zing a pakhat in ring zet a rawn ti tur chu phu zawk in Alexa ka kuah nghal thlap, ka taksa te chu an hlauh na vang in an khur nghal zawih zawih





" Man rawh u.! " Aw thum bul a rawn ti leh chu a ai a nghet in Alexa chu ka kuah a, ka hlau lutuk chu ka khawng vek thei.






Eng tik lai in nge lei ah ka thut pawh ka hre lo palian leh ei tur min lo pe tu in Alexa an lo man chu ka hmu nghal, Alexa thil min pek kha ak tha in ka ding chhuak nghal a. Min phuar tu zawk in min rawn man tum a lo kal ka hmuh in ka bul vel chu ka en kual nghal vat a, kut tum tiat vel lung ka hmuh chu char vat in ka ding chiah tih ah ka sam ah a rawn tham salh chu ka lung ken chuan a lu ah ka chhu chawrh a.! Ka sam a tham na pawh a thlah nghal.





A lu tang thisen rawn chhuak ka hmuh in a chal ah ka theih tawp a na in ka chhu leh chu a thal nghal huang a, ka lung ken chu peih lo in hman raw dang ka zawng leh nghal a. Kan paiah lawk a thing tum lian lutuk lo ka hmu chu pan vat in ka la nghal a, Alexa pui tur a ka kal chu an thianpa ka chhut thluk loh zawk in min rawn pan ka hmuh in ka thing chhar hmang a vuak thluk tawp tum chuan ka din hmun ka siam rem sauh sauh a.





Ka bul lo thlen ve leh ka thing tum ken in vuak ka lo tum a a kut pakhat a lo man in a kut leh lam in ka nghawng ah min rek chu ka thing vawn thlah in a kut chu phelh tum in ka tal vak vak a. Ka tal chhuak thei lo thaw tha thei tawh lo chu a tawp nan ti in ka ke in a rem lai lai ka tlawh a, a kap ah tak ka tlawh fuh niang ka nghawng a min reh na chu thlah in a kap a hup nghal chu khuh bawrh bawrh in ka thing thlauh chu chhar leh in ka vaw ta vak a.






Lei a let thla tawp rual in kei pawh ka thingthi hnawk, ka chau lutuk tawh. Alexa te lam ka en a paliana khan Alexa lo thut bet in a lo hnek siah siah ka va hmu. Puih ka duh mahse ka taksa hi ka control thei hrih lo ka chau mah mah, mahse ka puih loh in Alexa thi dawn tih ka hria.! Thaw halh halh in ka thing tum ken chuan ka ding thei tawk, na deuh in thawk la hawk in mit ka chhing a ' in ti chak rawh i zalen thei tep ' ti sap in Alexa te lam chu ka pan phei a.





An bul ka thleng fel awr tih ah Alexa'n paliana chu lung in a hmai ah chhu chu rem chang ah la in a lu ah ka thing tum ken in ka vaw pawp a, Alexa chung tang a thal thla nghal tawp. Kei pawh ding zui thei ka ni lo ka ke tha a rawn khur vang in ka thu sawp nuai. Kan kal na lam tang thawm a awm tih ka hria ka che sawn thei tawh lo, Alexa pawh a che tha thei biak lo.





Mit chhing in lei ah ka mu tawp ka theih tawp ka chhuah tal lawm ka ti thei chu ka lawm tawk tho tho min rawn man leh pawh nise, Alexa chu rawn tho chhuak in min rawn tung tho lawp in min kuah chung in khan lam pan na ah min kal pui nghal a. Kan hnung ah mihring thawm ka hre bawk nen chauh nen ka thi tawh ngei dawn nih hi ka rilru in ka ti a.





" He tah hian kan zuan thlak a ngai...! A nih loh chuan thih a ni mai...! " Alexa hmai pilh phang leh bawr chhawr em em chu ka melh kawk, ka mu mang kha ka hre chhuak zawk.! Kan hma lam ka en in ka mu mang kha a thleng dik tih ka hre chiah, kham sang, leng kir, chuan kan hnung ah min man tum a min um tu te an awm bawk.!





" Ka hmangaih che..! Min ngaidam dawn nia..! " Min kuah tawh lo in ka biang ah rawn vuan in min fawp vawng vawng chu silai a rawn puak nghal thuai leh kham tang Alexa'n min nam thlak a rual nghal.!
Tui ah ka tla ri bur chu ka hriat hnu hnung ber ni Mumbai a ka harh leh tih loh chu.!





Mumbai hospital ah thla 4 chhung nikhaw hre lo a ka awm hnu in ka harh ve hlawl a, doctor ten min check zung zung pawh ka hria mahse ka che tha thei lo ka na thum.! Ka awm na room chu ka en kual nghal thuak thuak hnu ah ka mu hil leh nghal.





" Harry.. Kan puih ngai lawm en la a khawngaih thlak em hi? Tu te nge a chhungte tih pawh kan hriat loh mai bak ah rawn ngaih ven tu pawh an awm miah loh. " Nu tling in a tih ri chu ka hre reruai, mit ka meng ruai ruai a chu ve leh nu thau hmai bial tak hian ka hmai zawn ah min rawn en nghal vat chu phu zawk in khum sir ah ka tawlh nghal a.






" Min hlau suh eng tin mah ka ti na lo ang che, i bul ah ka awm reng dawn lawm. " Ti sup in ka kut ah rawn vuan a, a ngaih na hre lo zet hian ka en haw ringawt. A hmel tang chuan vai mihausa kan tih ang chi hmel a pu, chu lo ah a english hman dan tang lehkha thiam tih a hriat ngawih ngawih.





" Harry doctor va ko rawh. " A hnung a ding palian leh nelawm miah lo chu a ti sup a, nichin khan biak a nei tih ka hria kha pa kha nih dawn kha. A chhuak chu ka zang hawk Rinmuna min hriat chhuah tir kha pa khan, ka mut dan ka siam rem chu nuthaui chuan min rawn pui vat a.





Ka thu tha thei lo ka dul in min kam deuh vang in ka dul chu ka khawih a, ka thil khawih vang chuan ka che lai ka tawp chiang ngei mai. Ka puan sin lai chu theh hlim in damdawin kawr ka hak chu keu leh in ka dul ka en a, ka dul puar chu mak ti tak hian ka en tawp.! A ngaih na ka hre lo tak zet eng vang a ka pum puar vak nge a nih?






" Kan dam lo chu a harh tha tawh maw? " Doctor leh nelawm lo kha rawn kal ka hmuh nghal zat, ka dul ka hlim lai lo ni bawk nen ka hmel ah chuan zawh na hlir a khat ang chu.





" I tha deuh tawh nih hmel, nau i pai thih i hre hrim hrim em.!? " Doctor in a rawn ti chu Rinmuna ka rilru ah rawn lang nghal zat, ka lawm nau ka pai hi. Mahse eng tin nge ka hrilh tak ang ka awm na pawh a hre awm si lo a, nau ka pai tih hre ta se a lawm ve ngem? Tih ringawt ka in zawt, doctor in thil dang min zawh pawh ka chhang thei lo ka hrawk ah min hnawh tlat tu awm ang hian ka tawng chhuak thei lo.





" Doctor naute leh a nu chu an tha ti raw? " Ka bul a awm hmeichhia in rawn ti chu ka mittui tla hru hul in ka thu chhuak ve ta a. Doctor pawn kan that thu min hrilh hnu ah min chhuah san nghal.





Hospital ah thla khat vel ka awm leh hnu in an in lam ah min hruai haw a, ka hospital awm chhung zawng khan an chhung in min ngaihtuah in min ngaihsak em em chu lawm viau mah i la tih theih ka nei chuang si lo chu in thla hrun ah ka tlak ringawt.




Ka chanchin leh hming min zawh khan chhan har ka ti khawp mai mahse ka tan an in pum pek mai mak ah an eng mah ni lo min buai pui vang pawn ka hrilh ta vek a, buai na ka tawh dan thleng in ka hrilh fai ta vek a. A ni pawn a hming leh an chhungkaw ei zawn na nen thleng min hrilh ve bawk a, Harry a tih kha an fa nih thu min hrilh tel bawk.






Ka nau neih min buai pui in eng kim min tih sak vek mai pawh ni lo an fanu ang hial a min ngai chu ka tap tawp, kei eng mah nei lo mah bak ah mizoram a haw na tur tak ngial pawh nei lo hi an fanu ang ah min pawn thei chu mak ka tih mai bak ah ka lawm ni.!





Mumbai ah ka fa te pahnih nen kum 5 kan awm hnu in mizoram ah ka let ve leh thei dawn chu pawh Harry idea vang in, vawi khat chu ka haw tawh mahse ka haw chhan ber in min phatsan lai hmu tur a ka haw kha ka nâ vawng vawng.! Kha ta tang khan mizoram a haw leh chak na ka nei tawh lo hrim hrim, mahse Harry min tih luih tlat vang leh ka fa ten an hring tu pa hmuh an duh vang a haw tum chauh ka ni.


* End of flash back *



Harry chanchin ka type loh chhan chu next story tur a chantupa tur nih vang a type lang lo ka ni . Click click click

[Ngaia]

ONLY YOU - 34
by JS Kawlni





" Mammy... Wake up.. Papa said today we can't play .. " Khum a rawn zuang ter ter a ka fanu harh leh tawng duh ve tak in a rawn ti chu mut leh na chi a ni tawh lo tih hria in ka thu chhuak ve ta hram, nizan khan ka tlei var deuh thaw nih kha.!





Nui sei in ka fanu khum a zuang chu man in " Morning Anna " Ti sup in a biang ah ka fawh sak zeh a, a hmel en in ka nui leh ver ver tawh. Eng ang pawn rilru hah leh nâ mah i la ka fa te hmuh ah hi chuan tih lan ka tum lo, an kum phu lo hian an thluak hi a tha reuh zek leh nghal.






" Anna mizoram ah kan awm tawh chu vang chuan mizo chauh hman tur ka ti em kha.? " Min melh ve kiau a ka fanu ka hma a awm chu a sam a chul pah a ka ti chu lei rawn chhuah tet in a lu bu nghat nghat a.






" Sorry mammy... Next ah chuan ka hmang tawh ang. " A kut khalh niap niap a ti chu ka khawngaih leh zawk, mizo tawng hi Anna hian a hnag lutuk ngai lo kan awm na in a zir lo bawk nen. Tima ve thung chu hrilh chawp hi a ngai lo, a awm na hmun a zir in a in siam rem zung zung thei a tha phian.






" A pawi lo tun tang chuan i hmang ziah tawh dawn lawm ti raw. " Nui hak hak ka ti chu uar tak a lu bu ngat ngat in khum ah a zuang leh tan der tawh, naupang dang ang in a in fiam hah vak thei lo tih te hi a theihnghilh leh thin a bul ah mipakhat tal awm reng a ngai.






" Tu nge ka in ti fai min pui dawn le, Tim leh papa awm bawk si lo a kei mah chuan ka thiam ve si lo. " Ka fanu zuang hah lutuk tur ven nan ka in ti fai tur chu ka ti sap a, in tih fai chu a phur zawng tih ka hriat vang a sawi ka ni bawk.






" Mammy kei mah.. Kei mah. " Sin rat a rawn khek in khum tang a chhuk chu a kut ah kai in washroom ka pan pui a.






" Anna khaw nge papa leh Tim.? " Bathtub a kan nufa a awm in Annai chu ka zawt a.




" Papa nen chhuak niang, ka men in ka hmu miah lo. " Ti sep in ka hnung chu sahbawn a hnawih mawlh mawlh a.





Harry awm hi chuan ka fa te hi ka ngaihtuah lutuk lo, Harry lah hian a fa hrin ang mai hian a buai pui vek zel. Ka fa te lah in kei ai Harry bul a awm nuam an ti zawk bawk, buai thlak na lai ber chu Anna hi ni. Harry hi a in ti ta tu bik lutuk hi Tim nen an in ti thiam lo fo an ah thlak hlawm nia.






Kan in bual zo room a kan lut leh chu Tim pawh lo awm tawh, a walk na track suit chu lo phelh mawh mawlh in a nui ver ver a. A biang tai tek leh thlan vang a ban chap chu in tih fai duh tawh tih hriat tak in towel la in kan chhuah na washroom ah chuan a rawn lut ve nghal zat chu nuih hak in ka en tawp, he tiang em em a Rinmuna chhun hi ka ring ngai lo.





" Hon. Vawin chu naupang ka len chhuah pui dawn nia, nang chu i lo mu thei ang. " Harrya'n kan breakfast ei lai a rawn ti sup chu ka en haw.



" In pathhum chauh chuan a tha dawn mi, khaw awm dan leh hmun hma eng mah i hre bawk si lo a in bo ang. Ka lo kal ve dawn nia. " Lo hnial vat a kal ve ka tum chu an duh vak lo niang, Annai tih loh kan mipa te pahnih in min en nghal vut chu ka ngaih tha lo lawm mah tawh zawk.





" Tu in nge kan pathum in kan kal dawn ti. He lai naupang hi ka hruai dawn lawm, min ngaihtuah suh kan bo lo ang. " Ti leh nghut in Rinfreli lam chu a hawi vut a, Rinfeli lah kan tawng eng mah hre lo tih hriat reng reng naupang ho toys a lo rem khawm mawlh mawlh a. Harry chu en leh vut in thil awm zia zawt in ka en reng, a nih lah chuan a thil ei lai chauh a ngaihtuah leh tawh tih hriat reng min la en duh thak lo zui.






" Harry i hmai kha nga ti nge.? " Ka thil ei lai pawh ei chhun zawm lo hian Harry lam ah ka thu phei vat a, a biang ki ding lam pem leh a kam sir pem pawh ka hmu ve chiah. Ka thusawi lah ngah mah ngai lo hian khawih zeuh in a ner sawk duh chauh.





" Eng mah nih loh hi, naupang i ti phawk lek mai mai. " Ti nghut in a hmai ka khawih tur ka kut ah lo man in naupang ho chu min mit mei zeuh. Thaw hak in naupang lam chu en in " Tim i unaunu nen hian Rinfeli bul ah in siam tur in va kal tawh ru. " Ti hap in ka fapa chu ka ti a, lu bu nghat in Annai chu a kai tho nghal in Rinfreli kan piah lawk a tih tur zawng a lo hawi kual lam chu an pan a.






Ka fate kal liam ka en chu Harrya chu a rawn rum nghut a, a ngaih na hre lo zet hian Harry chu ka en a. A ni lah chuan a vawi khat min hmuh na maw tih mai tur hian min lo melh ngar chu ka tim sawk thei, he tiang hian vawi khat chu min en tawh chu pawh Annai te unau kum 2 an tlin na party kan neih ni in. Kha ta rawn kal ho khan nupa tur ah min ngai vek nih kha, ka sawi fiah lah chuan Harrya'n ' a ho mai mai ' a ti ringawt nih kha.






" Eng nge kha tia min en vak a.? Eng tin maw i hmai chu i tih a, Tima hmuh lai in i lo in la pa vel mi.? " First aid la a ka kal san pah chuan ka ti a, tawi khaw muang lo in Harry bul ah ka let leh nghal. Chu tah pawh chuan min lo la en reng chu ka awm ti nuam lo vek, a bul ah thu thla in a hmai leh kam sir chu damdawi ka hnawih sak chu a dawh tawp.






" Jeyden hi i hmangaih em.? " Ti thum dut in ka mit ah tak a mit meng rum leh uk fiah kharh a min en a ti chu ka chil ka lem khawlh, ka hmangaih chuan ka hria. Kang kum chhung zawng a ka nghah dan ah hian ka hmangaih nih ka ring.!





Harry hmel chu ngun tak a en vang vang in ka thaw hawk, a hmel tang eng mah ka hre thei lo eng vang a tun ah teh thut a min zawt nge a nih tih ka hre lo tak zet ni.






" Min chhang hmasa la." Ti sep in ka nui hak hak a, boruak tih zia awm ka tum mah zawk vang a nui ka ni. A ni lah a hmel a thu tak ropui si, ka zawh na lah min chhang dawn lo tih ka hre chiang tawh khawp mai.!






" Ka va in siam nge naupang ho in min rawn tur leh hma in. " Ti sup in a thut na tang a tho vut a, ka thaw huai thei. Rinmuana tih loh chu tu mipa mah hnaih tak ah bia in ka awm pui ngai lo.! A mi uap nat vang nge a zawh na min zawh vang pawh kha ka hre thiam tawh bik lo, ka taksa hi a tang khawng ur nih kha. Hah thlak zawk hian kei a pawh hi a, eng vang a he tia awm thut hi nge maw ka nih le.





Harry teri kal chu a reh khawp mai mut chu ka tum ka thei thlawt lo ni, Rinmuana hi kan room ah rawn kal thut ang tih pawh ka hlau vang pawh niang ka mut theih miah loh. A lo kal tak tak hma in ka pa hmu tur in kal i la tha ang ti rilru neuh neuh in ka in siam a, Ûtluanga pawh Aizawl ah awm tih ka hria kei mah vang in a nuam tih ber Pathian rawng a bawl ve theih na ka tih chhiat sak hi tun thleng in kei mah leh kei mah hi ka in dem reng chu nih hi.





Ka pa lah kei mah vang in a rilru buai tih pawh ka hria mahse ka hre lo der tlat thung, a chhan chu a sawn ka nih leh min hringtu nu chung a chet dan vang khan ka ngaidam thei lo ni.! Dawt hmang in ka nun min hman tir mai pawh duh tawk lo in min hringtu nu nun nen lam a tih chhiat vang in ka hmu duh lo, Meri leh ka nu pawh ka dem lo ka chung a that an chhuah theih loh vang khan. Ka pa thiam loh vek a ni tih ka hria, chu tih rual in Rinmuana pa lo tel ve leh zel nen.!





" Khawi a kal nge i tum a.? " Thum dut a rawn ti tu awm vang in ka ngaihtuah na tang ka harh zawk, chuan ka la phu chiam zui bawk. Ka awm dawm a min rawn be tu ka en chu ka ding khawng luah. Rinmuana hmel thim hmuk leh mit mu hring nghulh a min en ngur a lo ding chu misual pawl a an hotupa hi a ang hluah hluah.!





A hmel nelawm loh tawh sa nak lai in a in zuah buk lutuk chuan misual tak hmel a put tir, ni dang ang bawk in coat suit nen a in thuam leh zuah tawh. A coat hak hnuai a taksa phiar fat leh taksa nalh tak neih tih ka hre chiang hle, ka ngaihtuah mai mai chu a hun lo hle mai.!






" Eng nge i rawn tih. Chhuak nghal rawh.! " Ti hrawih in ka en ngar a, lo ner nawng kan room chu a en kual thuak hnu ah ka mit a rawn en leh in a thaw hak.





" In be lawk ang. " Rawn che hrut a ti sup chu eng tik lai in nge ka kut hi ka hnung lam ah ka dah ka hre hman lo reng reng. Rum nghut in a ding dat a, ka chet dan vang chuan hre awm a ti ni tih ka hria a mit hring nghalh tang ka hmu thei.





Duh leh hre awm lo ti mai mai rawh se min tih nât ai thlawt ai kha chuan a hre awm tih na hi nep ka ti fe zawk.! Min rawn pan leh in ka hnung a ka kut dah chu rawn vuan in room tang min kai chhuak nghal a, eng ang pawn kal duh lo in tang mah i la he palian leh tihmawh hian a duh a hmuh hma chu min vawn na hi a thlah dawn lo tih ka chian em vang a zui mai ka ni.





" I sawi duh chu sawi la min chhuah san nghal ang che..! I staff ten ka fate awm loh lai a I rawn kal ni tih an hriat ka duh lo, nang pawn an hriat i duh bik lo tih ka hria. " Thut kham na pindan kan thlen in min vawn na phelh a single sofa thu thla chuan ka ti hmak.






" I in thlak dang lam tawh hle mai.? Staff ho in min lo hmu pawh nise eng nge pawi. " Ti hmuk in ka bul a sofa ah chuan a thu ve nghal zat a, min en reng leh nghal. Ka hmul thi rawn ding nghal sung sung leh ka lung rawn phu rang ta lutuk chu ka duh miah lo, he pa hma a zam chhe mai mai tur in hei leh chen mizoram ah ka fa te nen kan kal lo.! Ka rilru in ti mah i la ka taksa chuan min phatsan chiang hle.






" Fa nei tawh ka nih hi a ngai reng a awm thei ka ni hleihnem.. I staff ten min hmu chu ka duh miah lo nang in pawi ti mah la. " Ti sak in ka taksa khur tur chu a hriat loh in ka in hum ruh ngawt ngawt.






" Fa..! Kha pa nen a in fa nih thu kha sawi tum miah suh.! Ka that a ni mai..! " Rum lutuk a min en a rawn ti hrawih chu rapthlak ti tak hian ka en ngawt ngawt.







" I sawi tur I sawi zawh tawh chuan i kal thei tawh ngem.? I hmuh ang hian chhuah ka lo tum a. " Ngahmah ngai lo ang a lam tum in ka nui lui kher a, a ruk tak chuan min rap a thil sawi vang khian. A fa te an ni tih a hre lo chu ka lawm let ling zawk, a hria nih vaih chuan ka hnen tang lak hran a tum ang tih ka hlau.!






" Chhuak duh lo i la.! " Ngai awm rawng kai a rawn ti chu ka thin a sa phat mai, eng tin nge he tiang hian a awm theih. Min hmangaih ang te khan a in sawi ni lawm ni, min hmangaih dan chu a lo dang hle mai. Hmeichhe dang nei reng chung hian ka bul ah eng tih tur mah a nei miah lo.






" A nih chuan ka kal san mai ang che chhuah i tum si loh chuan. " Ti fiah thak in ka thut na tang ka tho chhuak chu ka mawng in sofa a delh leh rang khawp mai.





" Hey..! Eng nge i hriat a.. ?" Ka vin nghek, che thei miah lo in min siam nih chu.! Kan in en hnai bawk nen a mit meng rum ulh pawh ka hmu chiang khawp mai.






" Kha leh chen i bo a. Mi pawh rawn biak i tum miah lo a, min ngaihtuah ve miah lo tih la chiang reng.! " Ti hmuk in ka ban sofa a nem beh chu a rawn nem nâ zual sauh, ka ban chu nâ tih mah i la nâ ti awm ang pawn ka awm duh lo he pa hma ah hian ka nât na te ka hmuh dawn lo reng reng hi ni tawp mai ni.






" Eng vang in nge ka rawn biak ang che, ka thian leh ka chhungte lah i ni bawk hek lo. Ka hmel hriat satliah mai chauh i ni.! " A mit a melh ngar a ti fiah that in ka nui hak a, rapthlak khawp in a hmel a rawn dur khup khup chu hlau ang a lan ka tum reng reng lo.






" Eng vang nge.? Ka neih loh eng nge a neih bik.! " Ka hmai zawn a rawn au that a ti chu ka ip chawih thei, a aw tang chuan nâ tuar hrep a ang.






" Ka zawng che a hmun tin ah hmuh tur i awm miah lo, chu ti chung pawn ka la bei dawng duh chuang lo eng tik ni ah maw chuan hmuh leh ngei che beisei in ka la nghak fan che.! Eng nge ka nghah chhuah hi , nang chuan mipa dang min pan san in fa hial i hrinsak a.! " Hnaih chet chawt ah min rawn awm hnaih in thinrim in sum tih hriat zet hian a rawn ti nawk nawk, Harry chanchin a sawi lai phei chu min ten hmel hian a ner zui sawk.





A thil sawi vang chuan ka sa zak a thiam loh ah min puh fai vek chu ka thin a khei zar, ka let lai khan nau ka la pai a mah hmu tur in ka kal nih kha. Mahse eng nge ka tawn kha, a ni chuan a office chhung ah a secretary nen an nuam tawl lai ka hmu nih kha.! Kha ta tang khan kal san hlen ka tum bawk, a fa ka pai pawh hrilh lo a mumbai a bi bo leh ka ni bawk.






" Kha tin Harry chung chang sawi reng reng suh i tih theih loh tam tak min tih sak tih hre rawh, nang in he tah i secretary nen nuam in lo tawl lai khan eng tin nge ka awm pawh i hre tawp nang.! Khang misual ho in min man lai pawh khan min rawn zawn hmuh i in tiam ni lawm ni? Eng vang a min zawng hmu thei lo nge i nih, dawt min hrilh tum miah suh.! " A au in ka au khum tawn tawn a, ka sawi hnem bawk a ka thaw halh halh thei.






Ka rin loh leh beisei loh lutuk in a awm hlai hlup ka thlamuan thin na a min kuah beth thlap chu chet na chang pawh ka hre lo, min thawng hi ni tawp.! A lung phu ri ka ngaih thlak te chuan ka hah dam sawng sawng thei, at thlak khawp in he pa hi ka lo hmangaih tih ka hre chiah.!






" Bawihi.. Kha chu ka sawi fiah thei. " Ti sup in ka chhip a hmui lum thar thar rawn nawr vang vang chu ka mittui a rawn baw hawk, a awm a nem in ka in la hrang a. Ka hma a thing thi nih vang in a hmel chu chiang tak a en in ka mittui tla ka hru hul nghal in ka lu ka thin khum a, a ngaih na hre lo a min en ngawt ngawt te chuan ka thinlung chhung hi a ti nâ.!






" In sawi fiah ngai a awm hi ka duh lo, tun ah chuan ka tha tih i hre tawh tho a... "




" Ai.. Kha pa bul a i awm tur thu sawi tum reng reng suh.! " Ka tawng lai lo pawt chat in a ti hmuk. Ka kal san hlau ang hrim in ka kut chu a vuan nghet mah mah ni.






" Ka ngaidam thei lo che.! Nakin hun chu ka sawi thei lo, tun ah hrih chuan he lai i hliam hi a nâ mah mah ni.! " Ka awm a kut nghat a ka ti chu a hmel rawn buai nghal vek.






" Ai... A theih loh ka ta i nih hi, tu mipa mah hian min tawm pui chu sawi loh a melh pawh an melh che ka phal lo. Eng pawh thleng dawn se ka kal tir ngai lo ang che.! " Ti hrawih in a thaw halh chu mittui kar tang ka en tawp.





" Min kal tir a ngai, i fa te hmuh ah bawraw tak a i chet duh ka ring lo. " Ka ti sap, eng vang a naupang chung chang sawi nge ka nih pawh ka in hre lo. A hmel a mak tih na chu a thup seng lo ni ber mai.





" Eng maw tun a i sawi kha.. Ka.. Kei hian fa ka nei maw.! " A vawi khat nan a tawng bah ve nawk ka hriat ve na, fa a nei tih a hriat chuan a thawng ve hle niang. Ka kà ka ven loh vang in a hun hma in fa nei tih a hria chu pawi ka ti, tawng kà a chhang lo in ka bu nghat chu a rawn nui hawk hawk a. A ngaih na hre lo zet hian mi â ang mai in a nui chu ka en tawp, nuih na lai tur ka hre miah lo.






" Pa ka ni tawh.. Kei hi pa ka ni tawh, tun tang chuan nang leh ka fa chu ka bul ah in awm kum khua tawh ang ka lawm e bawihi. Chuan ka hmangaih bawk che . " Ti in ka hmui ah a rawn fawp vawng vawng chu ka thu ngil awt, ka lung phu a rawn rang leh nghal dawt dawt tawh.





" Kan thei lo hriat thiam tum rawh. " Min fawh na tang in la hrang in a chal ah ka chal nghat in ka ti sep, rawn rum nghut in ka dar ah a kut hlai hlup a rawn vuan in a mit hring nghalh a min en vang vang chu ka lungphu dik lo sa nen ka khur der der thei.





" Kha thu kha sawi leh sawh suh ang che.! Kha pa nen a in fa pawh kha ka en kawl pui thei ang che, ka bul a i awm dawn phawt chuan. A nih loh a kei ai kha pa i thlang nih chuan ka fa i thuh ruk chu lak sak che in a ni kha ka ti chhe vek ang tih hre rawh.! " Ka mit ah chiang tak a en in a rawn ti halh, a tawng ka tang chuan a thusawi ang in a awm dawn tih lah chiang reng.





" Mipa naupang kha ni ti raw kan fa chu, ka hmuh tir tang khan ka fa nih ka ring reng ah. " Nichin a hmel a pawisak nei lo hmel kha chu a bo leh vek tawh, tun a awm dan leh hmel tang chuan naupang thil thar nei tur ang mai hi a ang.






" An pahnih in " Ka ti sep. Tim hi a unaunu ai in a len zawk vang hian a upa zawk ah an ngai vek, dik tak chuan Anna hi a piang hmasa zawk Tim ai in second 8 in a upa tih na nih chu.





" Maw.? Tun ah khan pahnih i tia mi.? " A thawng tih ka hria, a awm ve tho.





" Anna hi second 8 in Tim ai a piang hmasa. " Ka ti tha ve mai.





Ka thut na tang min pawt tho lawp in ka hmui ah min rawn fawp leh vawng vawng chu rum hak in a nghawng ah kut suih zawm in ka fawp let ve chu a lei them thiam tak in ka ká chhung rawn hawl kual tak ah chuan eng tin nge ka awm pawh ka hre tawh lo, ka hriat zawng chu he pa hi khang kum chhung zawng khan ka thlahlel hle tih zawng ka hria.






Zan hmasa ai a tawi, ka hun neih in a tlin lo em a tin ni. Ka mit lah lo nâ ve reng nen ka chhungten ka phone pawh min lak sak tep tawh ang, chu vang chuan kan kal zung zung tawh dawn nia. Click click click

[Ngaia]

ONLY YOU - 35
by JS Kawlni



" Bawihi.. Ka fa te nen ka bul ah in awm ang ti raw.? " Ka biang a kut lum leh hlai hlup a vuan a ti chu ka harh zawk in ka hria, eng tin nge awlsam tak in ka in khawih tir theih. A lak tang in la hrang in kawngka lam chu pan in kawngka chu ka hawng a, chhuak tur in ka duh. Ka bul a awm reng chuan ka rilru ka thlak mai ang tih ka hlau, kha nu nen a an khawsa lai ka hmuh chian nen ka la in khawih tir in ka in fawh tir thei nia. Ka in ten zawk, a thleng nawn leh tawh lo ang.!





" Chhuak la ka duh.! Ka fa te an lo haw hma in, ka ngai dam thei lo che ka tih tawh kha.! " En pawh en lo hian ka ti sep, rawn thaw ri hrawih in ka lam a rawn pan tih ka hria. Eng tin nge min tih ang tih lah ngaihdan ka nei lo, a lo thlen hun a min tih ang ang awm tawp tur in ka in sang mar vak ringawt.




" Naupang ho hmu tur in ka rawn kal leh ang, chuan nang pawh ka nupui ni tur in ka rawn hruai bawk ang che.! " Rawn ti hluk chu ka en nghal vat, a mit a chiang tak a ka en chuan a thusawi te kha a ti ngei dawn tih chiang tak in ka hria. Ka hlau thawng nghal der, ka fa te hi min laksak ang tih mawlh ka hlau.






Min en tawh loh hian a kal chhuak vut chu ka en tawp, mi â ang mai in ka awm. Tun a sawi zawh chiah kha eng maw naupang chu a hmu thei ang a fa te nih na lai ah hmuh theih na dan a nei mahse a nupui maw ka nih nga? Awih awm loh hian.! Zuali thlah chuang lo a min neih a tum nih chuan a ti sual khawp ang, chuan Zuali pawh a sual man ka la hmuh tir dawn khawp mai.!





Kawngka chu khar in ka thaw halh a, ka pa hmu tur a chhuah ka ngai tih ka in hre chhuak leh chiah. Room a ka bag la in kan awm na suit chu ka chhuah san a, pawn a taxi nghak in ka ding vang vang chu ka bul lawk ah motor horn an rawn pe tuar chu ka phu chiang ngei mai.





Scorpio var ka hmu chu taxi lo tlan ka hmuh chu ka phar nghal a an la ding duh lo zui, scorpio tang rawn chhuk in ka lam ah rawn kal tih pawh ka hre reng ka ngaih ven lo mai ni. Ka bul rawn thleng chu ka thaw tawh pawn ka hre lo, a mi uap nat dan em em hi eng tia tih chi nge maw a nih ni.





" Khawi a nge i kal dawn ka lo hruai ang che. " Ti thum dut a min melh chhuk run chu thaw hak in a hmel chu ka en ve ta nge nge a, kan awm na motor kawng pui ep chiah awm kan nih vang in mi veivak pawh awn tam ang reng. Ni lo seng chuan vin hrep in min kal san tur in ka ti tawh ngei ang, ka chhan loh vang niang rawn nui suk in ka kut ah a kut tang hralpui chu a rawn rawlh lut chu ka melh rum vak.





" Min zui rawh. " Ti sup in a hnuh in min hnuk kal nghal dawt dawt , kawng kal leh hotel a lut chhuak ho in min en thup vang in ka tan tanbuai chi ni nghal lo chuan. He palian leh tih mawh lutuk vang hian mi dang lak a ennawm ah tan ka tum lo bur.!






" Min thlah rawh... ! Rinmuan ka kut hi thlah rawh.! " Ka ti vin tuar , ding dawt in a rum nghut a. Min rawn en in hriat thiam har zet hian min en a, thinrim leh rum lutuk in ka lo melh ve thung a. A scorpio bul ah kan din tawh vang a ti ngam chauh ka ni.





" Lut rawh ka thlah ang che.. Tih luih na pawh ka hmang hreh lo nia.! " Ti nghut in a scorpio ah chuan a nam in min nam lut nghal rawk rawk, rawn khar phui in a nui leh suk tawh. Nuih na chhan tur ka hre lo chiang é mai.! Scorpio chu rawn kal hual in driver seat ah a rawn thu chu ka lo melh rawm rawm a, ngah mah ngai lo tih hriat tak hian a chal ti chuar tap hian min en a.





" Khawi a kal nge i tum reng reng. " A aw thum leh cool rui a rawn ti damthlup chu ka chhang lo ka melh rum em em tawp.





" Ok.. Ka duh na ah ka hruai mai ang che. " Ti sup in motor chu a ti nung a, a aw tang chuan a nuih a za tih ka hre thei. Ka la chhang duh chuang lo, seat nghen chhan nghen in ka in kuangkuah at a. Ka awm dan chu ka nuih te pawh a za zawk, ka fa te tihtau ang chiah ka ni. Ka tawng tak si loh ah chuan tlan chhuah a tum tak tak chu ka mang ang leh lawi bawk nen, driver seat a thu ka en chu nui suk suk in hma lam a lo en ngar ka hmu chu chhut thluk pawp mai ka duh.!





" Hmela..! I duh duh na ah min hruai tum ngawt suh, tun ah ka pa te in ah kal nghal rawh.! " Ti thawt in ka thaw nghal sawk sawk, ka thin hi a ti rim em ni. Tlan ta mai lo chuan min rawn en a, a hmel tang chuan ka pa chanchin ka hre lo tur ah ngai nih hmel a, a awm dan leh hmel tang hian ka hre thei.





" Bawihi.. Kal i duh tak zet maw.? " Ti sup in min en ngur a.





" Kal duh lo i lang ka sawi dawn mi? Min hruai dawn nge taxi in ka kal dawn.? " Ka ti hmak. A taksa che awk in a thaw hawk, ka luhlul zia a hriat vang pawh niang min dan pawh a tum lo. Min en leh vang vang in vawikhat nâ deuh in a thaw leh halh a, a thut dan siam rem in kan in lam chu a pan ve hram lawm.





Ka thlen hun ah eng nge ka sawi ang, ka pa leh Ûtluanga te chhung tih lo chuan min lo lawm dawn lo tih ka hre chiang sa.! Ka bo khan ka pa chu a rilru hah leh min ngaihtuah nasat lutuk na lam ah rilru a chiang lo tih ka hre tawh, heng zawng zawng ka hriat na hi Harry vang ni. Ka chanchin eng kim a te ber tang lian ber thleng , khang kum 2 chhung zawng khan mizoram ah mi ruai in a lo han chhui chhuak vek nih kha, Tim leh Anna te birthday kan lawm in min hrilh chauh bawk.





Scorpio ding dat ah ka ngaihtuah na tang harh chhuak in kan awm na lai ka en chu kan in kawt ah kan lo ding tawh ni in, motor body hniam sulh tang Rinmuana motor tang a chhuk tih ka hre thei mai en lo pawh ni i la motor kawng khar ri dat tang a hriat. Kan in chu a la ngai reng kum 5 hnu ah pawh, ka awm leh awm loh chu a hriat loh khawp mai.! Thaw halh in ka thut na kawngka rawn in hawng chu en in ka nui suk, a ni pawh hian min lai nat tih hre mai a hmel tang.





" Eng pawh thleng se i bul ah ka awm reng ang, kan kal dawn mi.? " Ka kut ah vuan in ka chal ah rawn fawp vang vang in a ti sup a. In la hrang leh in ka chhuk theih nan a tawlh hla deuh a, thu awih tak chuan ka chhuk ve mai bawk a. In lam pan a ka kal te chu ka chhung ril hi a khur deuh in ka hria, chu chu hre thiam in Rinmuana'n ka kut a vawn na chu a rawn ti nghet sauh.





" Na... Nang... I ni.... Nang maw.!? " In chhung kan lut sitting room a ka nu leh Meri te lo awm in min hmu chu thlarau hmu ang mai hian an meng phawk hru chu ka nuih suk, a hmel tang sawn min beisei tawh lo tih a hriat ngawih ngawih.





" Nu i lo tha maw.? Khaw nge ka pa leh midang hi.? " Ti pah in ka hawi kual a, tu mah hmuh tur lah an awm lo chu mak ka ti zawk. Ûtluanga chu hna lo thawk pawh nise ka pa leh Ûnutei te nufa awm lo chuan min ti hrilh hei.




" I pa chu room ah awm ang, Nutei te nufa pawh an in ah an awm ka ring. " Ka hawi kual chu Rinmuana'n a rawn ti sup, a ngaih na hre lo zet hian ka cho haw. Nga ti nge Ûtluanga te chu an awm ve loh?





Tun ah zawh na in zawh chiam na hun ni lo tih hria in ka pa te room lam chu ka pan a, chu ve leh ka nu in min rawn kal khalh in min pawt let nawk.






" Tu phal na in nge kan room ah kal i tum ve ngawt a.? He chhungkaw zing mi i ni tawh lo, kan tan chuan kum 5 liam ta ah khan i thi tawh.! " A mit meng a rui tih hriat reng reng hian min an khum that a, a thusawi chuan min ti nâ zawk. Mahse nâ ang a lan ka tum lo bur he mi te nufa lak ah hian, ka nu chu melh let ve ngar in kal tlang luih ka tum chu ka sam ah min rawn tham salh in chhuat ah min phih thlu lawm.





" Eng thil nge i tih phiangsen a.! Bawihi i tha em? " Ti hrawih in Rinmuana chu ka tluk na ah rawn thu thla vat in ka that leh that loh min en dik a, thaw halh in min kaih thawh a rual nghal. Ka nu lam a kal tur chu a ban a lo vuan in ka lu ka thin khum a, he buai na ah hian a tel ve ka duh lo kan nufa in kar thil a nih vang in a lo tel ve hi a mawi ber lo bawk.





" Ka pa hmu tur in ka rawn kal, min dan tum buai duh suh ka hmu dawn tho tho.! In tan ka thi tawh pawh a ni mai thei mahse ka pa leh Ûtluanga te chhung tan chuan ka la thi bik lo a nia ka nu.! " A mit a en ngar in thu mal tin chu ka lam dap dap a, a hmel chu a hma ai in a rapthlak tawh zawk. Kut min thlak hrep duh mai ang tih tur khawp in a hmel chu a rawn sen chhuak vek, nu hmeltha tak leh in vawng fel tak ni thin kha a ang tawh lo hrim hrim.




" Lalrinchhan he in chhung hi i va rawn la ram ngam ve, a zah pawh i zak lo mi.! Chu lo ah kha tin ka nu rawn tawng khum reng reng suh nang hi ka nu... " A tih lai mek in ka lo nui hak a, sawi zo lo in ka nu bul ah a wheelchair nen a awm in min en tawp. A sawi tum chu ka hre chiang khawp mai, in hum ruh in ka nu leh Meri chu en in ka nui leh kher a.




" Kei hi ka nu fa ka ni lo tih sawi i tum mi? Ka nu fa ka nih ve loh chuan nang pawh i ni bik lo tih na, kan in ang reng. He in a ka rawn kal ngam hi mak i ti mi khah, nang pawh tlang nel tak a i awm theih phawt chuan eng vang in nge ka awm loh bik ang.? " Ka tih khum hmak, sawi dik loh eng mah ka nei lo. A ni kal thei lo nen hian duh lo hle mah i la phir kan ni miau sia.





" Nang hmeichhe zak thei lo, i nu siar i nu siar i nih hi.! Tun ah a rang thei ang ber in ka in hi chhuah san nghal rawh. " Seh chilh nawk nawk in min kawk chung chuan ka nu in a rawn ti a.






" Kha tin min hringtu nu chung chang sawi suh, i bul a mi pawh kha i tih na ah a ngaih theih ang chu kan in ang ropui si a. I sawi vang pawh ni lo in tun ah hrih chuan ka kal phawt ang, nakin ah ka rawn kal leh ang chu mi hun ah chuan chhungkaw kim in kan ni tawh bawk ang chu. " Tham lo zet hian ka tih khum salh.






" Rawn kal leh pawh a ngai lo ang, kha i hmel kha kan hmu peih tawh lo.! " Ti vin tur in ka nu chuan pawn lam ka pan chu a rawn ti phiar a, ding dat in ka nu leh Meri te thinrim in hum ruh chu en in ka nui sak.




" Meri.. Ka pa clinic kha eng tik ah nge i khul leh dawn, an phal tawh lo mai thei nia i sum puk na ten. " Ti hap a kut vei zeuh in pawn ah ka chhuak nghal hmak, ka thaw hawk thei. Ka bul ah Rinmuana chu rawn ding in huai sar min tih hmel tak a min en chu ka nuih sen sen.





" Bawihi.. Ka.. Min thawng a ni tawp mai chuan ka chhuang lutuk che. " A ti ve hap, a ni leh ni lo ang tak a awm te hlei hlei chuan ka nuih ti za ting mai hian ka hria. Ka nu leh Meri te kha huaisen tak in ka tawng khum theih pawh ka ring lo kha nia, an mi tih dan in a zir lo em a tin nih kha.





" Bawihi eng tin nge i nu fa i ni lo tih i in hriat theih zawk a. Chuan thil dang hriat belh i nei em? " Ti sup in ka mit ah min en chhuk run a ti chu ka nuih zat pawh a reh nghal hmak, minhring tu nu chung a thil thleng kha a hre ve tawh tih na nih hmel min zawh dan tang. Chuan a pa pawh tel tih a hre bawk ngei ang chu.!






Scorpio lan chu ka pan hmak chhan ka tum lo, a hun ka tih ah a hre mai ang. Hrem na pawh Paduhawma' n a tuar ve ngei bawk ang, ka pa pawh tiam in. Ngawi ngal a motor a ka thu chu min en vung vung in van lam hawi in a hrawk bawk che ralh in chil a lem chu ka en ngar, rei ding lo in motor lam rawn pan ve mai bawk a.






" I pa pawh ka ngaidam thei chuang lo, i sawi tum ka hria sawi lo zawk mai rawh.! " Ti hmak in tukverh lam chu ka hawi san daih, rawn thaw halh in a tlan chhuak a. Ka tan a hreawm dan tur hi min ngaihtuah pui miah lo tu te mah hian, ka duh vang a piang ka ni bik lo tih te hi hre thiam seng chuan tun a ka rilru put ang hi chu an hre thiam ni mai tur.





Hotel kan thlen in Rinmuana pawh be lo in kan room lam ka pan san daih, a duh dan in lo awm mai mai teh se. Room ka lut chu an lo ri leh chel chul tawh, ka fa te hmuh a hmel hlim lo put hi ka duh ngai lo a theih hram chuan in thup char char pawh ka duh ka fa te hmuh ah.





" Mammy... En mah teh ka kawr hi a nalh i ti em? Aurinfeli min thlan sak nia, Tim pawh a thlan sak lo en mah la. Papa khaw nge Tim kawr kha. " Ka fanu in min hmuh in a kawr thar neih in ti thei tak a min hmuh in a rak teng tung chu ka nui hak, Harry au pah a an awm na lam a min kaih pa tawng te chu ka rilru hah na leh buai na te kha an bo vek tawh.





" I lo mut mai mai ka ring a. " Ti hmuk a Harrya'n a ti chu ka in thiam lo ve deuh, min ngaihtuah tih ka hria mahse ka pa ka ngaihtuah em a ka awm mai mai thei lo tin ni.





" Sorry... I hriat kha ka awm mai mai thiam lo tih chu, vawin in kal na chu a nuam em.? " Tlawn ti tih a ka biak chu a rum nghut, a vawin hman a nuam vak lo tih ka hre mai a hmel rawn in thlak tang. Rinfeli lam ka hawi chu rang tak in naupang ho bualh a lo tum chu ni in, he mi te pahnih hi khawlai ah an in bauh leh em lo ang chu maw.





" Eng nge thleng a Harry.? " Ka ti sap a



" Saw naupang saw ka hruai chhuak leh tawh lo ang.! " Ti zawng a sawi, eng tak chu thleng ang maw.? Ka biak leh hma in a room bik ah min kal san vut leh nghal. Bei hi chu a ti dawng ve chiang ngawt mai he pa ve hi chuan, ti rilru neuh neuh in naupang ho bul ah ka kal a.





Jeyden pov


Ka awih thei lo bawihi'n ka fa a pai mai ni lo in khang kum 5 chhung zawng khan a mah in a lo enkawl hi mak ka ti, pa tel lo a nupang enkawl hreawm dan tur chu hriat thiam pui lo mah i la tlem a zawng chu ka chhawk zang khai tawh ang tun a tang chuan. A duh maw duh lo maw ka nupui hi a ni ringawt mai dawn, tu mah kan in kar ah tlak zeh tir ka tum tawh lo bur.! Kha Harry phawh kha tiam in.





Ka fa ten kei ni pa an neih ka rem ti ngai lo ang, ka chet vat vat loh chuan bawihi rilru a in thlak leh ang. Kha pa kha zui in ka hmuh phak loh ah ka fa te nen an kal loh nan ka chelh bet tur ni.






In chhung ka lu chu ka nu leh pa hi thut khawm na pindan a lo thu ka hmu chu mak ka ti, tun ang hun ah chuan an room ah nih loh pawn movie te an en mai mai tawh tur ah ka ngai.




" Nu.. Eng kim a tha maw.? " Ka room a chhoh tlang ka tum zet a mahse ka nu hmel a lung nih loh hmel ka hmuh in kal tlang thei lo in ka pan ta zawk a




" Mama lo thu teh.. Thil zawh duh che ka nei nia. " Ni dang ang lo tak in a hmel ha nui hmel hmuh tur a awm lo




" Eng thil nge min zawh duh chu. Ka hman hmawh nia nu, rawn in thlak tur a rawn kal mai ka ni e. " Ti sup in an ep ah ka thu ve nghal a, kan in ah hian ka awm tam lo ka tih tawh kha





" Mambawihi lo kir tawh ni maw? Nga ti nge eng mah mih hrilh ve loh a.? " Ka nu in a rawn ti chu ka thaw hak, Numawii sawi bak a hre lo tawp ang ka nu hian.





" Kei pawn ka hriat na la rei lo, hna nen ka buai em a tin ni ka nu min hre thiam mai teh. Nakin ah ka la rawn hruai ang, chuan surprise na tur cheu ka nei nia. " Nui suk a ka ti chu a ngaih na hriat loh hmel khawp mai, ka pa nen in en in min rawn en leh in zawh na zawt mit meng a khat hian min en reng chu lu thin khum in ka thut na tang ka tho chhuak a.






" A rei tawh lo ang, lo la nghak hram hram rawh u. " Ti sup in ka room ah ka kal san a. Kei pawh hi a ka â tawh nih hi bawihi vang vek, vawin a nu te a tawng khum dan te kha ka duh zawng tak. Ka hmuh loh kar in a lo puitling sawt tih ka hre mai, a rilru mai pawh ni lo a taksa thleng in a puitling vek tawh bawk.






Last chapter kan hnaih tawh nia lo nghak hram hram ru, tu lai chu ka mit hi ka hmang rim deuh a phone pawh ka khawih tha thei lo. Rei lo te ka en te hian ka mittui te hi a rawn tla leh ngawt zel, a sei lutuk thei lo hi pawi ka ti. Click click click

[Ngaia]

ONLY YOU - 36
by JS Kawlni



Rini pov

" I la rawn zin leh ang chu ti raw.? " Ka ti sep. Vawin hian Harrya mumbai ah let leh dawn a hna vang in hman hmawh thil thu ah a haw ngai, lengpui airport ah thlah tur in kan vai in kan kal. Ka tih awm zia chu Rinfeli, Rinmuana, kei leh ka fate nen kan thlah chu a ngaihdan ni lo nasa mai, Rinfeli hi chu ka hruai ve hrim hrim kha leh chen an lo in hrawn ve hman a a ngaih te pawh an in ngaih ka ring.





" Ka rawn call ang che. " Ti nghut in Anna lo men pur pur chu en in a thaw hawk, Anna hi chu buai thlak dawn chauh Harry awm lo tur chu kei pawn ka huphurh. Tim hi chu a zia awm deuh mipa na na chu, Anna hma a thingthi thla in a en vang vang a. Anna lah in en duh lo in ka ke kuah bet in a maimit chhing tlat chu a sam ah ka chul sak ringawt, ka thlem nih chuan he lai hmun ah hian a tap vak dawn tih ka hria.






" My Angel, look at me.? " Dam thlup a ti in Annai'n ka ke kuah beh chu a rawn phelh a





" Nula i nih tawh kha, ka awm rei dawn hleihnem i hriat loh kar in ka lo kir leh ang. Chu tih chhung chu mammy leh Tim thu awih tur aw. " Ti sup in Anna biang chu a piai zeuh a, Anna in a nghawng a kuah thlawp in a tap ta tak tak chu a buai thlak duh khawp mai. A kal hun tawh nen, Rinmuana lah ngawi reng in a fanu awm dan chu a lo en ngur ringawt. A chang leh a lo rum leh nghut zel, in buai pui chu khawi lam hi ni mai.





" Harry i kal a hun tawh nia, an thlawh san ang che. Anna lo kal rawh le, daddy te nen park ah kan kal dawn kha. " Anna lung chhe tak a tap chu Harry lak tang lak hran ka tum a, a lo vuan nghet phian leh nghal.






" Baby... Lo kal rawh le.. " Damdap a ti sup in Anna lam ah kut a phar chu Annai'n a pan nghal vat a, ka thaw huai thei. Rinmuana hi khang karkhat chhung zawng khan a beidawng duh thak lo, kan awm na suit ah rawn kal in a fa te a in fiam pui loh leh a len chhuah pui thin. A lo kal tawh hi chuan naupang ho pawn nuam an ti, a pa dik tak tih ka hrilh ni khan an khek tur nih kha. " Tun ah chuan daddy tak tak ka nei ve dawn ta. " Annai'n a tih khan ka in thiam lo nghal rawih thei.





Tima pawh a nih leh ni lo ang tak a Rinmuana a pa ni tih a hriat khan a hlim in a phu sa ve nasat khawp mai, kha tiang em em a ka fa ten pa an lo duh tih ka hre ngai miah lo. Harrya'n an duh leh mamawh eng kim mai bak ah pa din hmun a luah hneh em vang hian an lo mamawh tih ka hre ngai lo, ka ti sual let der ni. Harry lah a fa hrin ni miah lo hian a fa tak en hi ka lawm takzet, unaupa dang ka neih belh leh ah ka ngai hmak.





" Tim papa chu i thlah ve dawn lo mi? " Tim ngawi reng chu ti sap in a lam ka hawi a, a mit meng tang chuan Harry kal tur chu a phal bik lo tih ka hmuh sak thei. Ka fa te tan hian Rinmuana ai pawn Harry hian hmun a chang hnem zawk tih ka hria, kei tak hian nia ngai dawn ni.




" Papa min lo be ziah dawn nia, mammy leh Anna chu ka lo en kawl ang. " A ti ve reuh nih chu, ka fapa puitlin chak zia hi. Rinmuana lah lung nih loh hmel hian a lo rum leh nghut thin, ka ngaih ven peih vel lo a duh leh lo lungawi lo vel mai mai teh se. Ka la ngaidam thei chuan lo, tun thleng in kha nu nen khan an la in zui mai bak ah hna an la thawk dun reng bawk.





" I ti ngei ang tih ka hria e. " Ti sup in Harrya'n Tim chu a kuah a, Tim kuah zawh a rawn ding chhuak in min nuih suk hian a ban a phar duai chu ka nui ve tawp. Kan bul a awm palian leh hmel nelawm miah lo a ding kan run luih bawk, Harry awm a hmai phum kak in nghet tak in ka kuah a.





" Tun a tang chuan naupang 3 awm tur ka nei tawh dawn lo tlem chuan ka khua a har ve deuh ang. " Min fiam pah a ti chu a nak ah ka piai sak zeuh a, thaw halh in min kuah nghet sawt. A sawi dik ka fa te mai bak ah kei ngei pawh hian ka tih buai zia ka hria, ka tan mi hrang a nih loh vang a ti buai lui ka ni.





" Bawihi.! " Bul hmuk a rawn ti thum dut chu ngaih thlak a hre awm lam hret, Rinmuana hian Harry hi a thik tlat nih chu. Unaupa ang in ka en tih lah ka hrilh duh thak lo, ka hrilh na chhan tur lah awm bawk hek lo. Harry ka kuah na chu phelh in en chho vah in ka nuih sen sen a, rawn kun hniam in ka chal ah rawn fawp in a in la hrang a. Rinfeli lam hawi leh in hriat thiam har deuh hian a en vang vang in a thaw halh, min rawn en leh in a nui suk. Mi pawh en tawh lo in check gate ah kan vai in min kal san vut, vawikhat pawh rawn hawi let tawh lo hrim hrim.





" A lut tawh kal ang. " Ti hmuk in ka ban ah rawn kai chu ka ban phih let dawr ka tum a, lo vuan nghet nasa mai.




" Eng nge i hriat a min thlah rawh.. Kei mah pawn ka kal ve thei reng.! " Ti vin hlar in a tukhum chu ka rum lutuk in ka melh hrep, Annai la pawm reng chung a min kai chu chhungkua kan an duh hmel. Eng thil phiangsen nge ka ngaihtuah hrep hi.! A ni nen a chhungkaw din maw hnaisai lo mai, a ni thang ah hian ka awk tawh lul lo ang.!





" Min ti thinrim suh.! " Ka kal tha duh lo chu ding in min rawn en ngur in bul hmuk hian a ti sup, min vuan lo seng chuan a hmai ah hian ka ham hrep tawh ang.! In her in a kal pangai reng a kal in a hnuh hian min hnuk kal hi ni mai, ka fa te ngaihtuah lo i lang chuan ka au khum leh vak tawh ang. Naupang hmuh lai a in hauh ka duh loh vang chauh a ngawi ka ni, a tih ang ang a ka tum chuang lo.





" Rinfeli naupang hi a hnung ah i thut pui dawn nia, bawihi nang chu ka bul ah. " Order tak a ti chu ka haw hluah hluah, a sawi vang hrim hrim in seat hnung ah ka thu ang.





" Bawihi eng nge ka sawi kha. " Ti nghut in a seat hnung ka lut tur min lo dang in a rum nghut.




" I thu thu a awm tur ka ni lo tih hria ang che.! " Naupang in kan in hnial thawm an hriat ka duh loh vang in sawi sap hian ka ti fiah thak. A in zuah buk chhup pawh tun ah chuan a in met fai vang tawh, a lang naupang sawt bawk.




" Ûrin ka hman hmawh sia a hma ah i thu mai dawn mi.? " Seat hnung tukverh a rawn dak chhuak in Rinfeli'n a rawn ti chu ka thaw halh. Ngawi reng in a hma ah chuan ka thu kak a, a chang in ka thaw leh halh thin. He pa pui lah hian min kal san a tum loh hmel ropui, a ni lo pawh hi buai pui tur ka ngah lutuk ka fa te chu thuhran. Ka chhung a thil ti sual tu te leh min hringtu nu chung a thil tisual tu te zawng zawng ho hrem na ka pek hma loh chuan ka hah dam tak tak thei lo ang, naktuk hian Ûtluanga'n ka pa te in ah kal tur a min tih vang in ka kal ang. Eng kim ka hai lang vek bawk ang, misual ho pawh an sual man hmu tur in ka hruai tel bawk ang.!






" Mammy papa bul ah eng tik ah nge kan kal ve ang, Daddy te nen kal ve i la.? " Ka fanu in a rawn ti chu ka ngaihtuah na tang ka harh in Anna lam chu ka hawi a, in thla hrung tak a Rinmuana nen a min en tawn a ti chu ka khawngaih reuh tak tak ni. Thaw hak in Rinmuana chu ka mit sir zeuh a, a ni lah ngawi ngul in motor lo khalh a.





" Anna Harry i ngaihtuah tih ka hria, Harry pawn a ngaihtuah ve ang che mahse he tah Tim leh kei kan la awm hrih ngai a, i hre thiam ti rawh. " Thil tih zawh loh ka la nei a tin ni, hre thiam nge se ka tih vang in a mit ah ka en a lo bu ve ngat in Rinfeli mal chung ah a lu nghat in a mu chu ka khawngaih reuh khawp mai. Mumbai ah kan kal leh lo ang tih pawh ka sawi thei lo kan awm dan a zir in ni tawh mai, chu lo ah ka pa hi eng tin chiah nge a awm tih pawh ka la hre tlat lo tin ni.





Aizawl kan luh in duh ai a tlai tawh vang in park ah kan kal leh ta lo, chu lo ah naupang motor an chuang chau nen ka ngaihtuah vang a ni pakhat. Rinfeli'n haw hma a ngaih vang in thlah nghal law law ka ti chu lo duh lo nasa mai, thil dang tih tur a neih thu a min chhang in hotel tang kan biak leh na pawh nghak lo hian a kal nghal hlawk hlawk.






" Kan in ti fai nga rei lo te naupang ho hi ka mut pui ang, Harry thlah na ah i rawn kal vang leh hotel thleng min hruai leh vang in a lawm awm e. Nang pawn hna thawh tur i la nei ang, tu maw ni in a lo nghak reng ang che. " Room kan thlen a min zui ve zel vang a ti ka ni, a tawp lam phei chu ner nawk in ka sawi nghe nghe.






" Bawihi... Nang lo tu mah he lai ah hian an awm lo. " A awm khawih in a lung zawn a thum dut a ti chu ka awih lo nasa lutuk chu ka lo ner sawk sawk a, ka awm dan a hmuh in a rawn rum nghut. Sofa ah naupang ho nen kan thu a, Rinmuana chu single sofa hnung a ding in kan nufa in min en ngur chu kan lam ah a bawp sei thlurh chu a rawn pen pawk pawk chu ka en tawp.





" Ka thil tih sual ah mawh ka phur ngam mahse min kal san suh, ka fa te nen hian ka bul ah in awm theih nan theih tawp ka chhuah ang. " Ka hma a rawn thing thi a ka kut vuan chung a ti chu ka awih sak ve teuh hle, a mit hring nghal a min en tawh hi chuan ka duh maw duh lo maw ka zam nghal vek zel. Thaw hak in naupang ka en zawk a, min ngaih sak lo hian ka phone a games an lo khel melh melh a. Ka kut chu la in rum mang kheng hian ka melh rawm rawm a.






" Dawt thu ring mai mai rual ka nih tawh loh hi, chu lo ah eng tik lai pawn i office ah rawn kal reng mai bak ah hna in thawk dun ni lawm ni.! " Zawi si fiah that a ka ti chu min en vung vung in a nui suk nih chu, ka va han ngei mai mai tak.






" I thik nih kha.. " Nui suk a ti chu a hmai ah hian ka ham nek lo chauh, nangpang awm lo phei seng chuan ka ti ngei ngei ang.





" Ka thik thlawt lo aw..! " Vin zet a tih ka tum nen ka aw chhuak tha thei lo reng reng, thawp sut a ka ti chu ka thinrim a belh chhah.





" A tha thik duh suh.. Tu nge ka rual a in bual duh.? " Min en reng a thum dut a ti in naupang ho a be leh daih, sawi chhun zawm a duh lo tih ka hre mai. A tha lawm kan sawi lo ang mahse naktuk ah chuan ka sawi thei lo, an awm kim vek a ngai.




" Tim i daddy nen in bual dun ru, Anna nen kan lo in bual ang. " Rinmuana en ran a ti sap a ka ti chu, an naaa nasa mai.





" Naupang fel chu mammy leh daddy thu an awih thin, Anna mammy bul ah in bual mai rawh aw. A dawh leh ah chuan kan vai in kan inbual ho tawh dawn nia. " Ti sap in a fa te chu a en a, ka rilru te te chuan ' a dawh leh awm ngai lo ang ' ka ti neuh neuh a.





Kan in bual zo room a kan luh leh chuan khum ah Tim leh Rinmuana an lo in fiam ka hmuh in ka ner nawk, Annai'n an awm dan a hmuh in tel ve duh vang in an lam ah tlan phei nghal vat. Tima'n a pa chu a lo bawh bet a Anna pawn khum a lawm pawh in a tel ve duh thu a sawi chul mai lawm, an thawm a tha ngang mai. Naupang ho chu thu hran ni se Rinmuana aw rawl chhuah meuh a nui nih vang in a rik hian a ri hum hum mai in ka hria, aw rawl chhuah meuh a nuih ngai ka hre lo.





" Anna in fiam hah lutuk thei i nih loh kha, duh tawk ru le. " Ka biak na pawh hre awm pawn an awm lo, an in fiam dan ngai reng a in fiam ka hmuh in ka thinrim hlur tawh.





" Annabell... Timothy..! " Ka tih fiah that tak ah chuan an tawp hmak lawm, min rawm en in nuam lo tih hriat tak in khum ah an thu kun lam chu thaw hak in ka en a. Ka thinrim in sum deuh ka ngai ni tih ka hria, ka fa te awm dan vang chuan nuam lo ka ti let ling tawh zawk.




" Bawihi.. " Ti sup in min melh ngur a


" Kal tawh rawh rei lo te naupang kan mut tir lawk nge. " Ti hap in khum ah ka lawn nghal a, naupang ho chu mu tur in ka mit mei nghal zat. Rinmuana rawn thaw hawk chu ka kaw chhung a fan thla nghal rawih thei, he tia ka awm hi a chhan pawh ka hre lo. Ka bul hnaih a awm hian ka thaw tha thei lo, khum ah a taksa hrawl pui a mu duai in, a bathrobe ah tang a awm hlai hlup leh phiar fat lang ka hmu chu ka thawk a sak tung nghal.!



" In ha la haw tawh rawh. " Ka en reng vang niang nui suk in a mut na tang rawn tho chhuak ka hmuh in ka lo ti nghal vat a.





" An mu hil tawh. " Ka ti leh sap. Khum rawn kal hual in ka mut na lam sir a rawn ding in min melh chhuk run chu chil ka lem dawk, ka awm dan hi dik dawn lo tawp mai. A mi en dan lah hi ka duh miah lo, he tia min en tawh hi chuan ka nem leh vek mai ang.! Rinmuana en duh tawh lo in ka fa te mu hil lam chu hawi in mit ka chhing ringawt, Rinmuana nui ri suk ka hre zawm nghal zat.





" Mumbai ah chuan in kal tawh dawn lo, he tah ka bul ah hian in awm reng tawh ang.! " A rawn ti thum dut a, ka mut na hnung hniam zui awk tang a ban hrawl zet in ka mut na rawn nem tih ka hre thei. Ka chhang awm lo e mai, ka muhil der char char dawn. Chu lo ah mumbai kan kal leh kal loh ah thu neih na a nei lo hrim hrim, kan duh leh kan awm kum khua nga ni lo sawi tur hi awm lo chiang e mai.!









" Bawihi... I la muhil lo tih ka hria nia. " Ka ngawih reng vang in rawn rum nghut in ka dar ah rawn hmer salh a tih chuan mut hilh der theih ni tawh nghal lo chuan, vin hrem in peih sa at in ka in her chu min lo nuih suk nih chu.! Ka thinrim na te hi eng ah mah zu han ngai duh thak lo a, he tiang em em a mihring luhlul hi ka la hmu lo.





" I sawi tur awm lo, naktuk ah ka pa te ka hmu nga karleh ah mumbai ah kan kal ang. " Zawi sep hian ka ti hlak, ka mut na sir ah rawn thu thla vut in ka dar a vawn na chu a ti nghet sawt. A kut leh lam in a fanu nen a kan in kar ah a ban a in nem khalh in ka hmai bul chet ah rawn kun hniam nghal run in, ka mit ah chiang tak a en in " Kha pa bul ah khan in nufa a awlsam tak a ka kal tir che u i ring nih chuan chu ngaih dan chu paih bo hmak ang che. " Ka hmai bul chet a rawn ti chu ka thaw pawn ka hre lo, min awm hnaih em a ka lung phu ri pawh a hriat theih ka ring.





" Ka thu thu. " Ka ti sep, ka tawng tha thei lo reng reng sawi tur chu ka ngah mai mahse ka hmai si deuh thaw a min en tu palian pui vang hian ka kà a chih vek.





" Kan hria ang chu. ! " Ti sup in a hmui hnuai a pet sawi zeuh, chil ka lem dawk bawk.! Rinmuana chu rawn rum nghut in ka hmui ah rawn fawp zui ta ngawng ngawng a, current man ang mai hian ka tek chhawk.! Min fawp reng chung a a kut pakhat a ka awm a rawn khawih chu tui vawt a in theh thawt ang hian ka harh kawk, a awm ah ka nem nghal vak.! Hreh zet hian ka hmui hnuai a rawn pet a, ka kà chhung ah rawn thaw lum zui hak bawk.!




" Haw tawh rawh.! " Ka ti sep, ka chal a chal rawn nghat in a thaw halh halh a, a awm ah ka la nem ve tang tang bawk. Ka chung ah taksa lian lutuk in min delh ti tih a awm vang in ka thawk a pangai thei lo, ka hnar a rawn fawp zeuh in a awm hrang ve mai bawk a. Ka thaw huai thei, nui suk in min lo la en ngur nih chu.






Lock down zawh hun ah ka chhungte hi ka van ti buai ve dawn tak em.! An mah ni vang in story pawh ka type tha thei lo min rawn ti buai zel hlawm mai, next ah chuan thui tawk ka lo dah tawh ang ngei ngei. Click click click

[Ngaia]

ONLY YOU - 37
by JS Kawlni




" Bawihi.. Eng mah thil chiang kuang in min la hrilh lo, i bo dan leh eng tia mumbai a awm dawih nge i nih.? " Rawn ti sup in chik zet hian min en a, ka chanchin eng mah ka la hrilh lo tih ka hre chiah. Hrilh lah ka tum hek lo, a hmeichhe kawp vang a tiang a awm ka ni tih a hriat hun ah eng tin nge a ngaih ang.






" Kal tawh rawh. " Ka ti sep, khang kum chhung zawng a ka tawrh na te kha an rawn let leh ni mai in ka hria, ka taksa te chu thinrim na vang in an rawn khur der der thei. Ka fa te lam ka hawi tur chu rang vut hian min nem zangthal leh nghal chu ka thin a sa phat nghal.!






" Ka sawi i hre lo mi haw tawh rawh." Ka ti vin tur a, ka vin vak vang in a fa te mu lai chu a melh nghal vat a.




" Ai... I sawi hma loh chu ka haw dawn lo.! " Ti sup in a rum nghut , a mit meng tang chuan eng kim sawi vek tur in min duh tih ka hria. Mahse hrilh hi ka tum hlawl lo hi ni mai, kha a hmeichhe kawp a tan kual vel tur kha ka hre peih lo.






" Lalrinchhan.! " Seh chilh zet hian a rawn ti chhuak hrawih a, ka chhan duh loh vang a ni tih ka hria. Ka la ngawi ngal, rum em em hian ka en ngawt ngawt ringawt.




" Nawr luih che hi ka duh lo mahse zan in hian min hrilh lo nih chuan nawr luih che pawh pawi ka ti lo nia. " Ti sup in a rum nghut a.





" A hma ang mai mai khan i lak ah hian awm ka tum tawh lo tih hria ang che. " Ka ti hrawih



" Bawihi.. " A rawn thaw ri nghut , luhlul min tih zia pawh ka hmu thei a mit tang.




" Ka mu duh tawh haw tawh rawh. " Ka ti leh ngat, ka sawi zawh rual deuh thaw in ka mut na tang ka kang nghal nawlh. Min rawn chawi lawp in khum ah thu reng in a mah hma chhawn zawng in a mal chung ah min nghat a, rum lutuk hian Rinmuana chu ka melh nghek.





" I secretary ka nih loh hi.! " Ti hlak in a mal tang chhuk ka tum chu ka kawng ah rawn man bet nghal hmiah, ka tih ngaih na hre lo chu ka melh hrep ringawt.




" Eng nge ka sawi kha. Nawr luih ngai lo in tha tak in min hrilh ve mai tur nia. " Ti sup in ka tal chu min man nghet sawt.




" Ka rawn zawng ang che i ti ni lawm ni? Khawi ah pawh awm i la min zawn tur thu i sawi ni lawm ni.! Eng vang a min rawn zawng hmu lo nge i nih, min rawn hmu em em ang ti in Mumbai ah ka nghak che.! I rawn kal miah lo, raipuar in nang mah hmu tur a ka rawn kal khan eng nge ka hmuh i hria em.? " Mit tui parawl kiang a en in ka nui hak a.






" Kha nu hrem hmun ang mai a ka nun min thlak sak tu ngei mai kha i office chhung ah nuam i lo chen pui a, eng tiang chiah in nge ka nât i hre thiam pha ngai lo ang.! " Thinrim leh rilru na lutuk chu ka aw a khur hlak hlak thei, ka kaw chhung te hi nât na leh thinrim na in a let kual bulh bulh bawk.






" I fa te tan pa tha ni la an mamawh hun ah che awm la tawk, ka nun ah rawn in rawlh tum tawh suh ang che.! " Ka kawng a vawn na chu ka vuan a, phelh ka tum chu a lo la vuan nghet nasa mai. Ka thin in a tur ta lo a rem lai lai ah ka chum a ka ham bawk, eng tin mah min ti lo ngawi ngul in a in dawh tawp.






" Eng vang a ngai dam thei lo che nge ka nih i hria em.? Ka hmuh a piang che hian kha nu nen a in nuam tawl lai kha ka mit thla ah hian a rawn lan ziah vang ni, ka haw lutuk che, i rin phak bak in ka hua ang che.! " Naupang pawh ka veng zo tawh lo ka chhung a awm hi ka au chhuah pui a ni ber, ka thinrim leh rilru na lutuk hi ka puak darh mai dawn in ka hria.






A mal tang ka tal hrang nghal min dal tawh lo chu rang lutuk tak mai in khum ah ka mu zui kak a, Rinmuana chu a thut na ngai ah a thu ngawi reng. Kei chauh min hmangaih leh duh ber ang a awm vel te kha ka ngei hluah hluah, kan misualnu nen a an nuam tawl lai ka hmuh thu ka sawi khan a thawng a ni ngei ang.! Tenawm leh lutuk.!






Rinmuana lam ngaihtuah tawh lo in khum ah mu in khang kum kal ta chhung zawng a ka nun hah thlak zia leh thawk leh khat a ka nun rawn buai chuar zia ka chhui kir a, tun thleng hian hah dam na ka la hmu lo chu nih hi.! Ka fa te hi awm lo seng chuan ka nun na pawh hi ka la leh duh mai ang.!






" Mammy.. A pu kan hmu dawn maw.? " Ka pa te in lam kan pan chu Tima'n a rawn ti ve ngei a, ka sawi tawh kha ka fapa hian a pa chhun ka tih tawh kha. Mipa naupang dang ang in a ri ve bawrh bawrh lo, Anna ve thung chu a zia a zawi khawp mai vawin chu khua ka en lah in a pangai vek bawk si a. A ngaih na hre lo zet hian ka en leh thin, a ni lah chu ni dang zawng ai in a ngawi chawi in a tawng tlem lutuk chu ka ngaih a ti tha lo.






" Anna eng ti zia nge i pu te i hmu tur chu i phur vak lo mi.? " Tima zawh na min zawh pawh chhang lo hian Anna ngawi reng chu ka ti a.





" Mammy.. A pu te chuan min lo duh lo ta se, a nih loh pawn papa bul ah kal ru an lo tih chuan i rilru a nâ dawn sia. Tap miah suh aw, papa leh daddy in i tap a ni tih an hriat chuan nang mah chhan tur in an lo kal vat tur thu an sawi a. " Mak ti lutuk in ka fanu kum 4 mi chu ka en ngawt ngawt, chu tiang thu te eng tin nge a sawi chhuah ve theih. Tima chu nise ka hre thiam Annai ber kher in a rawn sawi chu ka ham haih, tawng lawk na chang pawh hre lo in Anna chu ka en tawp.





" Anna papa in thuawih tur a tih kha. " Tima'n rawn ti vat in ka kut ah a rawn vuan a, ni e.. Kan kal na ah hian min lo lawm dawn lo tih ka hria Ûtluanga awm dawn vang chauh a ka fa te pawh hruai ka ni , ni lo seng chuan ka hruai miah lo ang ka nu leh Meri te tawng kan chhe tak tak a ka fa te an biak ka phal teuh lo mai. Ka ngawih tak reng ah chuan Anna pawh a tawng zui bik tawh lo, a tawng tlem ka tih pawh kha hei vang hi nih dawn hi.







Ka pa te in kan thlen in kan taxi chuan man ka pe a, gate bul tang in ka fa te nen ka pa te in chu kan thlir a.
" Mammy.. Tah hian a pu te chu an awm maw.? " In en reng in Annai'n a rawn ti chu a lu ah tuai sak in " Aw awm e. Nuam i ti ngawt ang i pipi leh i unau te i hmu nga nuam chu i ti mai ang. " Ka ti sep. Lu rawn bu ve nghut in a nui sen sen a, Tim lam ka hawi a a ni pawh a lo nui seih chu ka thaw hawk. In lam pan chuan ka fa te chu ka kal pui a, ka huphurh a ni dik tak chuan eng tiang in nge min lo tih ang tih ka hre lo tak zet.!






" Mate.. Ka.. I.. I ni tak tak em.? " Setting room a ka chhungte ni thin lo thu khawm lam a kan kal in Ûtluanga'n min hmu chu a ti nghal a, a thawng ve hle niang a awm dan tang. Phone ah chuan in be tawh mah i la a tak a kan in hmuh leh na hmasa ber ni, ka pa pawh in mit khap miah lo in min lo en a. Min rawn pan in min kuah vawng vawng a lo kuah let ve in ka ngaih thu ka sawi sep, ka ngai tak tak Ûtluanga hi chu eng kim a min thla muan tu leh min tawiawm tu nih vang pawn.





" Mate ka la awih thei lo i la dam hi, Nutei'n hmu che seng a lawm ve ngawt ang. Dam tak a i lo kir leh vang in Pathian hnen ah lawm thu awm rawh se. " Ûtluanga'n min en vang vang a ti in min nuih suk suk a.





" Mate hei tu nau nge.? " Ka bul a ka fa te ngawi reng a lo ding a hmuh in min en tawn hian a ti a, nuih ver ver in " Timothy leh Annabell an nih hi, ka fa te an ni e. " Ti in ka in hmel hriat tir a, mak ti si zawh na tam tak a hmel a rawn lang pawh ka hmu thei mahse tun ah hrih chuan ka la hrilh vek thei hrih lo.





" Mambawih ka fanu.. Ka hmu leh che hi ka lawm lutuk, kan bul ah awm reng tawh rawh aw. " Ka pa in min kuah a rawn ti chu ka tang teuh nghal, ka kuah ve thei lo min hringtu nu chung a chet dan vang khan ka pa ngei pawh hi ka ngai dam thei ngem ka hre lo. Ka kuah loh vang a in la hrang in hriat thiam loh hmel hian min en vang vang a, ka pa hman a doctor mi te zah kai leh pa hrisel tha tak kha an na pakhat mah a nei tawh lo.





Ka hma a ding ka pa ti a ka auh thin hi mi dang daih a ang tawh, a taksa te chu a cher in a dawl dang hle, a sam pawh met khat tih hriat tak in an buk ve laih hlawm a. A khabe leh biang ah te chuan hmul a to khat deuh vek, a tar sawt hle bawk. He tia ka hmuh vang hian ka thinlung a tih nât kha a reh phah chuang lo, ka khawngaih tih bak ka rilru ah hian a awm lo.




" Sawn i rawn pawm haw tih na mi.! " Ka nu in ring leh fiah thak a rawn ti chu ka thin a sà zak, ka fa te hi sawn an ni reng reng lo.! Chu tiang a koh pawh ka phal bawk hek lo ang, ka nu lam chu en in ka in seh ruh ngat ngat a.





" Nu duh tawk teh matei kan hmu chauh a kha tin buai na lo chawk chhuak suh.! Lo kal ru mate ka nu hi chu ngaih khat ah i ngai tawh dawn nia. " Ûtluanga'n ka thla vang hauh a lo tawng chu ka lawm zawk, a nih loh chuan in sum buai lo in ka tawng khum ve hrep duh mai ang. Kan thu fel awr tih ah Meri a room tang rawn chhuak in min rawn melh rum nghal ngawt chu ka ner nawk, he nu pawh hi ka nu ang chiah.





Naupang ho an tlang nel theih nan ti in Ûtluanga'n a nupui fanau te phone in lo kal ve tur in a chah nghal, ka pa lah chuan min en vung vung zel bawk si. Ka nu leh Meri te lah bang lo in melh a thi thei chu ni i la, kan nufa hian ka nu leh Meri te melh na vang hian kan thi daih tawh ang. Kan rik lai lai hnu rei vak lo ah Paduhawma te nupa an rawn thleng ve nghal a, Nudiana phei chu a ri hlut leh tawh min hmuh vang in a chang leh min kuah in a tap leh rih thin. Vawin zet chu kan nawi tlang nih hi, tun ah chuan Rinmuana chiah ka nghak ta a ni hi rawn tlai lo tur ah ngai ang.






" Mambawih hei i fa te maw.? " Nudianai'n Tim leh Anna en vang vang in a ti sep a.



" Kan fa nih kha ka nu " Thum dut a rawn ti chu an vai in aw lo chhuah na lam chu an hawi rual thawt a, a la hun lo ti rilru neuh neuh in ka thaw halh a. Nudianai'n zawh na mit meng a min en chu chhan ka huphurh khawp mai, Nudianai mai ni lo in chhung a awm zawng zawng ho mit chu ka chung ah fu thup, Zualsanghari pawh tiam in.!




" Tim leh Anna hi Rinmuana nen a kan fa ni. " Ka ti sep chu an thum hak.




" Ka ring reng ni.! Duhawm han en ve chhin teh hei hi mama naupang lai chiah chiah a nih hi, ka vawikhat hmuh na ah khan ka ring nghal. Lo kal teh bawiha tu maw i hming.? " Tima pawm a Nudianai'n a ti chu " Timothy Watson leh Annabell Watson an nih hi. " Ka lo ti vat a



" Phir i tih na mi.? "

" Aw.. Anna hi a piang hmasa. " Ka ti ve mai bawk a, Rinmuana lah ngawi ngul in kan misual nu nen sofa pakhat ah an thu dun vel nih chu.!



" Dawt i sawi ti raw, i naupang rawn hruai te hi an ruk bo lai che a an pawngsual che tang a i rawn hrin chhuah a nih chiang lutuk.! Pa sawi tur i neih loh vang in Jeydena i rawn puh mai mai nih kha.! " Meri'n a rawn ti vin tuar chu ka sà pup pup in ka hria.






" Meri i kà kha veng tha rawh.! " Fiah leh khauh thak a Rinmuana'n a rawn ti a.




" Tim.. Anna.. Mammy room hlui ah lo han in fiam ula, a pu te nen thil sawi tur kan nei a. " Ka fa te hnen a ka ti chu thu awih tak in lu an lo bu ve nghat a, ka pa te awmpui in ka room hlui a hruai chho chu ka thlir liam thak.






" Meri goa a kan bo kha i la hria ti raw. " Ti sup in Meri chu ka melh ngar a.




" Ka hre mumal tawh lo, a rei tawh e mai.! " A rawn ti sawk sawk a, eng kim kha a la hria tih ka chiang lutuk ringawt.! Kei in eng mah hre chhuak tawh lo mah ila Harry khan ka chanchin eng kim lo chhui vang in kei pawn goa thil thleng ka hre ve thei chauh.





" A ni maw.? A nih chuan eng tin nge hmeichhe naupang kum 8 mi lek kha goa 5star hotel ah thla 2 chhung a mah in a awm ngawt theih, chu lo ah i in hliam a en kawl na dawn i ngai a ni lawm ni.?! " Ka ti leh sup chu a hmel a rawn in thlak thawk, hlauh thawn na in a hmel a rawn in thlak nghal.! Nui suk in ' i la chawh dawn khawp. ' ka rilru sap.






" I... I... Ka. .. H... Eng hotel maw i sawi.? Ch.. Chu... Chu tiang eng mah ka hre lo, in hriat ang in kha lui kam ah khan kan pahnih in kan bo a, nang chu i van neih vang in lui ah an paih che nih kha. Kei chu motor in min sut vang in ke a kal thei tawh ngai lo tur ka nih hi.! " A tir lam a tih bah nawk mahse a tawp lam chu a rawn au ring khawp mai, a hmel tang a thinrim tih pawh a hriat.





" I kal theih loh chhan kha chu kum 17 i nih lai in, in school festival ah i ruih lutuk na lam ah kum tling lo a motor i khalh vang a acciden i nih kha.! " Ka ti hrawih a, dawt a sawi hi a em em tawh lutuk.






" A finfiah na i nei mi.? Kha tin dawt hmang in rawn puh ngawt suh.! " Ka nu in a rawn ti vin thawt a, mi dang ho chuan mak ti tak in min en tawp. Eng mah sawi ve na chang an hre lo, eng nge a dawh leh ah lo thleng ang ti hrim hian an lo hawi kà ho hlawm ringawt.






" Nei e... Hei i awih lo chuan i en thei ang, a video nen lam thleng in. " Ka bag tang Meri damdawin awm na leh police ho in kum tling lo a motor a khalh vang a case leh video thleng in dawhkan ah chuan ka phawrh a.





" Daw... Dawt vek.. He nu hian dawt bak a sawi lo min ring ru.! " Meri'n mi dang awm ve ho en kual a ti chiam chu dawhkan a ka lehkha dah ho an lo en thap a.




" Ka nu eng tin nge i tih theih zawk.? Kei leh Meri hi chhul khat chhuak kan nih hi, Meri ka nu hian a hmangaih miah lo che.! " Meri hlau thawng thla bar tak a awm chu ka ti a, ka nu pawh mit sen rum in min rawn en ve bawk.





" Nang hmeichhe bawlh hlawh dawt sawi hmang thusawi mai mai awi tur hian min ring hlawm em ni.!? " Kut khur hlak hlak a min kawk a rawn ti that a.






" Mate ka nu hian Meri'n dawt min hrilh leh min bum na ah hian tel ve na a nei mi.? " Ûtluanga'n lehkha ka phawrh keng chung a rawn ti sep chu en in ka lu ka bu nghat, Ûtluanga hmel ah chuan a nu he tiang mi a nih hi a ring miah lo ni tih a hriat.





" Meri nen kan bo kha ka nu tih vek a nih kha.! Meri rawn lan hma zawng khan thla tin karkhat a zin bo ziah, kha tah khan Meri hi a hmu thin.! "




" Ka duh tawk kei chu.! He mi daw heh lutuk thusawi ngai thla tur hi ka ni miah lo, chuan kan in hi chhuah san rawh a nih loh chuan police ka man tir ang che.! " Ka nu rawn ding chhuak in a rawn ti tuar a.




" Mambawih i chiang chiah a maw.? I nu nih hi, nang mah enkawl a chawm sei lian tu che i nu ngei kha a ni. I nu dik tak kha hre ve lo mah i la tun a i nu bak a hmangaih tu che hi i tawng dawn mi.? " Nudianai'n dam dap a rawn ti chu ka nui hak, he ka nu hian min lo hmangaih a maw.? Thu awih awm loh nih chu ka pa a hlauh vang leh ka hriat na lo let leh a hlauh vang a min enkawl mai mai tu bak a ni lo.





" Ka nu thu dik chu i sawi dawn nge kei man ka sawi dawn.? Nge ni a Meri lo mi dang i thuh ruk kha ka sawi tel law law dawn.! ? " Ka nu ding khur hlak hlak chu en in ka nuih sak, hlau thawng tih hriat tak hian a meng kual nghal zak zak.






" Ka nu Matei sawi hi eng nge awm zia.? Tu nge i thuh ruk chu ni a.! " Vin tur a Ûtluanga'n rawn ti chu ka nu a te thawt, Ûtluanga thinrim hi kan hmu zen zen lo a thinrim tawh hi chuan beng daih hi a har tawh thin. Chu chu ka nu pawh hian a hre chiang ngawt ang, a awm dan tang sawn Ûtluanga thinrim chu a hlau ve hle tih a hriat.





" Aw... Eng kim kha ka tih nih kha.! He mi te unau ka hmuh piang hian ka nât na kha a rawn thar leh thin, chu vang chuan dah that dan tur ka ngaihtuah ta nih kha eng nge ka tih sual vak.! Ka pasal lak tlak lo tak hian hmeichhe dang a lo mutpui ang tih ka hre bik hleihnem, Meri'n eng kim a hriat vang khan ka dah bo a, thla tin ka tlawh in a mamawh eng kim ka pe ziah bawk. He nu ke a kal thei tawh lo nu hian goa a awm duh tawh lo in he tah rawn awm duh tlat lo seng chuan eng thil mah in hre chhuak miah lo ang.! " Meri lam chu hawi in a ti phiar phiar a, Meri'n mittui tla zawih zawih in ka nu chu a en ngawih ngawih bawk.





" E.. Eng.. I thil tih rapthlak zia hi i hria em ka nu, tun tang hian i fapa ang pawn min ngai tawh suh ang che.! " Ûtluanga'n a rawn ti hluk, a aw tang chuan a rilru nâ tih a hriat. Tu mah tawng zai kan rel lo ka nu chu kan en tawp, Rinmuana pawh a hmai a sen tawn tawn thei. A thinrim zi lah a hriat a kut a hum ruh ngawt ngawt dan ah leh a chang a rawn thaw leh hak thin ah, ka nu te pawh hi kut a thlak mai ang tih pawh a hlauh awm zawk mah tawh a awm dan tang sawn rei a in sum thei dawn lo nih hmel.





Nizan khan ka sawi lawk vek, kha ti a thut tlat khan Zuali ka pa te in a rawn hruai tur leh eng tin mah ti lo tur in ka hrilh lawk vek tawh, mahse ka ngaidam tih na ni chuang lo a tih ve theih tawk a ti ah ka ngai mai.





Ka pa pawh a awm ngai in a awm reng, a che lo a a tawng bawk hek lo mahse a rilru a fim vek tih ka hre tho. Ka pa pawh hi ka chhuah dawn chuang lo eng kim kan sawi ta sa sa, eng mah zep leh thup hi a awm tawh tur a ni lo. Ûtluanga leh Nudianai pawh ka khawngaih tawh mahse an hriat ve vek a ngai miau sia, mahse eng tin nge ka sawi tan tak ang tih hi ni ka buai na chu.!






" Kei pawn sawi tur ka nei, ka thil tih dik loh leh tih sual hi ka puan chhuah loh chuan ka dam chhung hian in thiam lo reng reng in ka nun ka hmang tawh ang. Mambawihi leh Meri te nu lak a ka ngaihdam dil na ah ka ngai mai ang. " Muang ban chap a ka pa'n a rawn ti chu ka thaw huai thei, ka sawi hreh em em a rawn sawi dawn vang in.






" Tluanga kum 8 vel a ni tawh ang tih ah thintlang pakhat ah sawrkar in min sawn a, chu tih lai chuan Mawii pawh a hna ah la kal. Aizawl ah ka nupui leh fapa dah in thintlang ah ka awm ren rawn a, chu tah chuan Mambawihi nu hi ka tawng ta ni. Ka vawi khat hmuh na tang khan ka duh in ka mit a la nghal em em a, kha tiang khan ka awm ngai miah lo Mawii lah ah pawh tiam in.





Thla thum vel chu ka in thup hram hram mahse in thup sen a ni tak loh ah khan ka in sum zo lo in ka duh thu leh ka vei thu ka hrilh fai vek a, nupui leh fa ka nei tih a lo hre leh zel chu mak ka ti zawk. Beidawng duh lo in ka duh zia chu ka ti lang ta fo a, an in ah te kal chilh in ka nupui ka then thu dawt ka hrilh ta ni.






Chu ta tang kar rei lo te ah kan in kawp rem nghal mai, zan khat ka rui in ka mutpui a chu tah chuan Meri te hi an lo awm ve ta. A chhungte kha thintlang mi mawl mang an ni ve bawk nen kei a nupui pawm lai nei ka nih kha an ring pha lo hrim hrim, kan chet sual tang thla 4 vel a liam tih ah a ruak loh thu min hrilh khan ka mangang kha tih ber tur hre lo in Aizawl ah ka haw san ta tawp a.





Lehkha te min rawn thawn in kan awm dan tur min rawn zawt awl lo bawk, kha tia ka nun a buai tak ah chuan Mawii'n eng kim a lo hriat phah a, ka hna thawh na a han kal in thil awm dan a han sawi chung pawn mambawihi nu kha a la bei dawng duh chuang lo. Ka hria mipa tenawm leh mahni tih sual pawh phur ngam lo ka ni tih pawh, sawn man pek ka tum pawn a la duh chuang lo.





Aizawl a rawn kal in a naupai chu enkawl tur a min ti in min ngaihdam thu a sawi tel bawk, nau a hrin hma zawng mi in luah in a awm ve naw naw a. A mamawh eng kim pe in ka tlawh zeuh zeuh bawk, a naupai thla 8 a nih in Duhawma nen hian a in luah ah zu in pah in kan leng lut a. Kan lo in nual tawh vang in pawisak kan nei vak tawh lo kha mi zan khan, eng kan hria nge pawh ka hre lo.





Kan nupa a kan in hauh reng vang pawh kha niang, kha mi zan a mambawihi nu chung a rawng tak a kan chet ni.! Kan rui tawh bawk a Mambawihi nu in haw tur a min tih khan ka thinrim thut in kut ka thlak kha ka lo thlak nâ deuh a tin ni, chhuat ah kan zu in na bottle bawh in a tlu chu kan en tawp tih ngeih na ka hre lo ka hlau thawng leh police in tual ka thah vang a min man ka hlau bawk si.





Tih dan kawng khat chiah a awm tih hria in a pum chhung a naute chu zei chhuah sak in a ruang chu Duhawma hnen ah hlan in eng kim ti tur in ka ngen ta tawp, Duhawma'n in hal a rawt chu pawm pui in kan hal ta a, naute nen chuan a rang thei ang ber in chu lai hmun chu kan chhuah san ta ni. Tun thleng in tu man kan thil tih kha an hre lo, kan nupui fanau te pawn. " Ti sap in a in dawm kun tlawk tlawk chu ka nuih hak, Ûtluanga phei chu en pawh min en ngam tawh lo a nu leh pa ten kan chung a thil tih sual vang in a in thiam loh tih ka hria.






Ûtluanga thiam loh pakhat mah awm lo tih ka hria kan lo pain chhuah dawn in kan pian na nu leh pa kan thlang thei lo tu man, chu vang in Ûtluanga thiam loh eng mah a awm ve lo a nu leh pa thiam loh vek a ni.!





" Duhawm.. Eng... Ka ring che... Ka duh thei lo... Mama i pa leh a thianpa mi tenawm pahnih hi police hnen ah hlan nghal rawh.! " In hnit hlawp hlawp in Nudianai'n Rinmuana chu a ti hrawih a.!







Paduhawma pawh ngawi reng in a in dawm kun ve tlawk tlawk, an thil tih sual kha a tir in police hnen ah in pe seng tun ah te hian kan zing ah he tiang teh nuai hi an tawng lo tur hi nia.





Nudianai pawh ka khawngaih a pasal a hmangaih zia ka hria, a dam chhung zawng in a rilru dam leh pawh ka ring tawh lo. Kei tak hian nia hreawm la ti dawn chauh ni, ka fa te pu ve ve in thil sual rapthlak an tih hi an puitlin hun ah an rawn hre awm sia. Eng tin nge ka chhan tak ang, Rinmuana an pa a ni tih an hriat khan an lawm em em kha nia tun ah an pu ten til sual mai bak ah thih na hial an thlen tih an hriat chhuah phei chuan ka ngaihtuah ngam lo zawk.!





" I duh i hmu tawh bawk a kan in tang hian chhuak tawh rawh.! " Ka nu in rawn tih thawt chu ka en nghal vat, ka nu ang em em a zah na chang hre lo hi he khawvel ah hian ka la hmu ngai lo.





Lu lo thin khum in ka chhuah dawn loh thu ka sawi sep, min rawn pan nghal in ka sam ah min tham tho lawm chu ka te that. A hming a ka nu a la nih vang in kut ka thlak ve lo mai chauh ni lo seng chuan kut ka thlak ve tawh ang.





" Ka nu thlah rawh, eng tin nge kut te i la thawh ngam zawk.! " Ti hrawih in Ûtluanga'n ka nu a rawn vuan bet a, ka nu lah in ka sam a tham na chu a thlah duh thak lo leh nghal.





" Numawi thlah rang rawh." Ka nu in chhuat a min ti tlu tur Rinmuana'n min rawn dawm in a ti nghut a, a aw tang kut pawh thawh a hreh tawh loh zi a lang chiang khawp.!





" Ka thlah lo ang he nawhchizuar fanu hi.! A nu ang a mi bawlhhlawh a nih hi, ka that nghal law law dawn kan chhungkua an nufa a tih chhiat vang pawh hian ka ngaidam dawn lo reng reng.! " Ti tuar tuar in ka sam a vawn na chu ti nghet sawt in min thing nghal nawk. Ka lu lei chu nâ tak a ni ka mittui a paral kiang thei, tun a ka nu awm dan hi mi â tur chiah chiah.






Thawk leh khat ah ka sam a tham chu rawn phelh in Rinmuana chu ka nek nawk, ka nu ka en chu ka sam tlem a zawng a pawh thlak chu en in a lo nui hawk hawk nih chu.! A á tak tak tawh nih dawn hi, a awm dan chuan min rap zawk.!





" Mammy...! " Kan thawm ah ka fa te in chung tang an rawn tlan thla hlawk hlawk in ka bul a lo kal chu ka lo kuah nghal a, an pi awm dan chuan an awm a ti nuam lo niang ka nghawng ah hmai phum in min kuah dun a, Anna phei chu a thaw kawk kawk. Ka ngaih tha lo in Anna min kuah na phelh ka tum chu min kuah nghet sawt " Rinmuan Tim hi lo pawm teh Anna awm dan hi a tha miah lo vat in.! " Ti vin tuar in Tima pawh in la hrang in Rinmuana a in pawm tir nghal vat.





Annai pawm chung in sofa ah ka thu a, thla muan pah in eng mah hlauh tur awm loh thu sawi sep sep in min kuah na chu ka phelh thei hram. Ka en chiang chu ka hlauh ang ngei ngei in Anna thawk a buai nghal vek, thaw tha thei lo hian a awm a lo sep dawr dawr chu sofa ah mut in ka bag ka zawng nghal ruai, ka la hmu zo lo leh nghal.! Ka thut na ah hian ka dah reng sia a ngaih na ka hre lo reng reng, ka thil zawn chhung in Anna hi hei ai hian rawn buai ta seng.!




" Hei a mi i thil zawn chu.? I duh chuan rawn la ta che mahse thil pakhat ka phut, eng kim i hriat zawng zawng min hrilh vek a ngai ang nih loh chuan.. " Ti sup in Anna inhaler keng in Zuali chu a nui sawng a, va pan a lak sak ka tum chu silai a min tin in min melh ngur , mit mei in Anna sofa a ka mut chu ' a ni kha ngaihtuah rawh ' ti ang hrim hian min en reng chung in a nui suk a.




Anna bul a kal nghal in a taksa khawng tur chu ka hmet mawlh mawlh a, hlauh thawn na, thlabar na in min tuam nghal hlup hlup tawh, ka chiai zo vek tun ah tak chuan eng nge tih hmasak ber tur pawh ka hre tawh lo.!



" Zuali kha thil kha min rawn pe rawh vat in.! " Rinmuana'n a rawn ti thawt chu a rik hian a ri hum hum in ka hri a aw thum tha ropui si.!




" Shii... Kha tin i fa te awm lai in au chiam suh an hlau ang che.. Le... Ka thil duh chu i sawi dawn nge i fanu kha boruak tlachham in i thih tir zawk dawn.! " Nui suk in a rawn ti a.





Tu mah reng che chang zai kan rel lo kei tih loh chu Annai'n inhaler a hip vat loh chuan rei lo te ah nikhaw hre lo in a awm dawn, ka rilru a phir nuaih tawh leh lam ah ka fanu a awm a, leh lam ah misual ka chung a thil rapthlak tak mai piah lam ah min thah hial duh tu awm. Eng zawk nge ka thlan ang ka hre thiam lo, Anna ka en thin harsa ti tak hian a awm pawh sep tawh lo in a thawk muang tan leh mit meng tha thei lo a min en tawk tawk bawk.





" I thil tih ah hian i la in chhir khawp ang hre rawh Zuali.! " Sehchilh zet hian Tim la pawm reng chung in Rinmuana'n a ti sup a.






" Ha.. A ni maw.? Ka taksa i chen lai kha chuan kha thu kha i sawi ngai miah loh kha, tun ah he nu kan mihring hnaisai lo hi he i fa lubawk te nen hian rawn lang miah tawh lo seng chuan kan in nei tawh mah na. He nu phiangsen vang leh saw a nu hrep vang hian goa ah khan ka pasal hual khan a nun na chan miah lo tur, he hmeichhe hnaisai lo zet chhan a tum na lam ah saw lai nutling mahni pasal te pawh kham khawp lo nu sawn a that phiangsen lo bawk ang.! " Rawn ti tuar in a silai ken lai chuan ka nu nen min tin tawn chhen a, Nudianai lo te thawt bawk.





" I silai kha peih nghal rawh nih loh chuan kah i ni ang.! " Zuali hnung ah ding in a lu ah silai a chuktuak in police in a rawn ti a, a hun tak ah an rawn thleng ka lawm lutuk chu ka mittui a tla sawk thei. Hman hmawh tak in ka bul ah Rinmuana chu rawn thing thi in Anna kà ah inhaler a kap lut a, Tima'n min lo ban vang in Rinmuana pawh ka pui thei lo.




Anna tlem a thawk a zia awm deuh tawh tih hriat tak in a mu hil nghal siai siai, ka lawm lutuk chu ka tah nuih hak thei. Rinmuana'n a fanu pawm a min rawn melh ngur in a thaw ve hawk, police ho zing tang Rinfeli rawn kal chu ka lo nuih ver ver. A ni hi awm lo seng vawin hian nun na chan kan awm ngei ang, a mah vang chauh a him dam kan ni.! A lak ah bat tam tak ka nei bak ah ka fanu nun na a chhan him vang in eng pawh min dil seng ka tih sak ngei ngei ang, ka nun na pawh min dil mahse ka pe mai ang ka lawm thusawi na leh a lak a ka ba ka rul na ah ka ngai ang.






A thu tha bawk a nikhat ah vawi 2 theuh kan click dawn nia aw in fel kha. Click click click