♣RAINER BLACK ♣ BY Remruati Bawitlung(Haylor) ( COMPLETED)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ♣RAINER BLACK ♣ BY Remruati Bawitlung(Haylor) ( COMPLETED)

Unread post by Ngaia » April 12th, 2020, 5:12 pm

CHAPTER -36

"she wears Gucci, I wear my smile "


"Derek... ihh... ka ngaihdan chuan ..."

"tunah min chhan kher pawh a ngai lo,i rilru ka ti na tih chu ka hria mahse siam ṭhat leh nan hun min pe rawh ...ka lo nghak reng ang che " tiin min lo pawt chat nghal vat a, keipawhin thil ngaihtuah chiang lova tih tut tut ai chuan tiin ka lo bu nghat a.

"tun aṭang chuan kan inkarah tumah in rawlh tir ka duh tawh lo..."

Ka mit ah tak chiang takin a rawn en a,tih derna leh tih mai mai na a awm hauh lo,tun ṭum bik hi a serious zual in a hnenah let leh turin min duh tak tak in ka hria.

"ka ti ṭap leh tawh ngai lo ang che " a rawn ti sap a ,ka sam tla chham mai ka benga zeh pah chuan muang changin min rawn fawp nghal vawng vawng a mahse ka rin loh dan deuha a chet thut avang chuan inlak hran vat pahin zahzel ah ka hma a lehkhabu chu ka keu ta ringawt a.

A ni pawh a inthiam lo leh deuh aniang a hmui hnuai lam fawh pahin a tukhum chu a hriat nauh nauh a.

" Umm... Derek ka buai deuh a... "ka chil chu ka han lem dak a, ka hawi chhuak duh tawh lo, lehkhabu melh vung vung pahin ka kun tlat a.

"ka... ka hrethiam e, ka nawr lui lo ang che ,ngun takin ilo in ngaihtuah dawn nia "

Nuih suk pahin ka samah a rawn chul zeuh a, a kekawr ipte zen pahin a kal nghal hna hna a.

Kawngka a thlen dawn chuan ka hawi chhuak a, ka hmui khawih pahin a kal liam lai chu ka en zui nghal vawng vawng a.

"engthil nge ka chungah thleng ta hi !" mak ti tak chungin ka ti chhuak hlawl bawk.

Derek an min kuah lai te min fawh lai te khan engtin mah ka awm miah lo.

Khatiang khawpa ka mipa duh leh ka ṭhian ṭha ber tia ka lo chhal ṭhin lakah khan eng feelings mah ka nei tawh miah lo a, thinphu han rang ve eih pawh a awm miah loh avang khan mak ka ti zawk hial.

A kuah te, a engkim mai kha ka ngai takzet tih chu ka hai bik lo.... nilo kei hi Derek lak aṭangin ka move on tawh tih na em ni?!! Ka awih thei lo hetiang em em a rang hian a laka ka rilru put hmang danglam tak kha a bo ang maw!!

Lawm viau tur ka nih laiin mak ka in ti zawk!! Ka hriat ṭhin Sadie kha ka ni tawh tawp lo mai!!

Rainer bulah ve thung chuan ka bula a awm ringawt pawha ka lo mur chuai chuai ṭhin kha chu sawi loh min en hlek pawhin ka awmdan hi a rawn danglam nghal vek a, control theih loh khawpin ka thinphu a rawn rang nghal thin bawk a, mi hran daih ang te hian ka in hre hial ṭhin.

Hetiang hian mihring hi a mihring pui te vêk bulah a awm thei ang tih hi ka ring ngai bik lo ,eng ang pawhin awih duh lo mah ila ka chungah ngei a thleng miau sia!

Ka thil tih tur pawh min ti tui lo zo vek, phur lo deuh chungin ka thil test tur sample chu ka han buaipui vel a, a kar lakah thil dang daih ka lo ngaihtuah leh vung vung zel.

" Sadie... ngaihtuah rawh, i thil tih tur chiah hi ngaihtuah rawh "

Mahni leh mahni in fuih phur chawp in ka ban chu ka han sawizawi vel a, ka lu chu ka han hmet nawk nawk bawk a.

Ka rilru ka sawrbing dawn chiah tih in hmeichhe pahnih hi thil test ve tho turin ṭawng mawlh mawlh pah hian an rawn lut a, pakhat zawkin "vawiin hi Rainer birthday a ni in ka hria " a tih ri ka hriat rual rual chuan ka beng ka lo chhi nghal hra a, mahse an awmna a hlat deuh hlek avangin an ṭawng ri ka va hre pha tawh lo.

Vawiin hi Rainer birthday a ni tih ka hriat takah chuan chhuak tura min rawn sawm dan vel te kha ka hrechhuak leh hnuhnawh a, a birthday amah chauh a hman ai chuan tiin keimah min rawn sawm ve em em a keilah chuan ka lo ti let hrep lehnghal a .

" urghh.... ka â thei takngial dawn "

Rainer mal zia leh a bula awm tura min duh ṭhin zia ka hre ve reng sia engvanga thil hi hre lo ṭhin em em nge maw ka nih le? Tunah pawh kei tih loh chuan vawiin hi a birthday a ni tih an lo hre leh vek tawh ang chu.

Sample ka buaipui zawh a ka label vek hnu chuan fridge ah ka dah ṭha a,ka lab coat ka khai ṭha nghal bawk a, ka gloves bun lai ka paih hnu chuan ka lehkhabu khung fel nghal in class lehpek nang hman tur chuan ka tlan chhuak nghal hlawk hlawk a.

Corridor a ka tlan phei hlawk hlawk lai chuan step ah Rainer niawm tak chhuk thla liam chiah lai ka va hmuh chuan lecture room lam pan ta lo in chupa chu ka zui ta zawk a, ka chungah thinrim viau mahse a piancham lawmpui tal ka duh, amah ka umzui duh reng vang nilo in hetiang mi hi a nih ṭhin avang zawkin.

Ground ka thlen thlak chuan ka rin ang ngeiin Rainer a lo ni tak tak a, hmanhmawh taka parking lot lam a pan avang chuan a tlan chhuah hma a um phak hman tum in kan tlan tak tak mai chu ka chhip aṭang hian a rawn na thei in ka hria.

Car a ti nung chiah tih in ka va nang hman hlauh, min rawn hmuh chuan glass down pahin mak tih hmel tak hian min rawn en haw a, a shades vuah lai inhmeh zet chu a phelh thla nghal bawk.

" eng nge hetah i rawn tih? " hmm... hetah hian ka kal thei lo em ni? ama ta ang ziazâng a.

" khawi.... khawiah nge i kal dawn? " ka la thaw hlawp hlawp reng a, ka sawi tur lah chu ka theihnghilh daih lehnghal.

"rawn lut rawh... "

" maw!! "

"thil kan ei dawn nia... ka thlah leh ang che " a tih chuan ka sana chu ka zuk thlek zeuh a, lunch time a nih ṭep tawh mai bakah ka ril a lo ṭam ve bawk nen class kal ta lo chuan car ah ka lut nghal a, tui in tur min lo pe nghal vat bawk.

Rainer hi chuan awlsam deuh in min thlem thlu zung zung zel mai chu a nih hi!

Sawi tur kan hre lo dun bawka Rainer chuan a ngai te bawkin eng classical hla emaw ni hi a play leh ṭang ṭang tawh a, tukverh ah a ban nghat chhuak leh in hma lam chu a melh ran a, a shades vuah nen zawng zawng mai hian a chhelo in en loh hi a har ṭhin.

Restaurant tam tak kan tlan pel tawh a, ding mai lova kan tlan rei tawh em avangin, " khawiah nge kan kal dawn? " tiin ka zawt ta ringawt a, a hla play lai herh zawi pah chuan ka ril ṭam leh ṭam loh min rawn zawt leh daih a, uar zet hian ka ril a ṭam thu ka hrilh chuan a hmel ngui bam kha nui hmel ah a rawn in thlak leh vat tawh.

Ka sawi uar bawk aniang Starbucks kawtah chuan car a ti ding ta nge nge a.

" min lo nghak rawh "

Car kawngka khar pahin Starbucks ah chuan a lut nghal a ,rei pawh a awm hma in ei tur leh in tur hi a rawn chawi chhuak ṭeuh a ka lawm zia chu han sawi vak dan pawh ka hrelo.

Eitur ho chu ka mal chungah rawn dah in intur ve thung chu a ṭhutna bul ah chuan a dah a, a seatbelt siam ṭhat mawlh mawlh pahin hma lam panin a tlan chhuak lehnghal a.

Let tawh tur kan nih laia a tlan zel avang chuan thil hmuam ṭun chung hian,"khawiah nge kan kal dawn? " ka lo ti ha a,min chhang lovin min rawn nuih ringawt.

" ka thlah leh ang che i tih kha "

" a hun ka sawi hleinem " a lo ti hmak a nih chu!! Lalpa leh!! Hepa han fin zia hi, phakar bawk si.

" a nih khawiah nge min hruai dawn? " min hruai na hmun tur hi ngaihdan pawh ka nei lo.

" i hre mai ang " tih pahin a in tur lei matcha lemonade chu a han in khawlh khawlh a, a hla play bawk chu herh ring leh in kan ngawi dun leh kar tawh.

Tlema car a tlan muan takah chuan ka han meng siar siar a, muhil chiah lo mah ila ka lo ṭhu tui hman lutuk a ka chhuk thla peih lo takzet.

In pakhat nalh deuh mai kan thlen chuan hawi kual hrak hrak pah hian, "hetah hian mi kan kal dawn? " ka lo ti nghal vat a,hnim leh thingkung a tam bawk a a hmun hi a thawveng takzet.

" umm... " tih ringawt in min chhang leh tawh, car a tih din hnu chuan a seat belt phelh pahin," i bag kha car ah hnutchhiah suh " a rawn ti leh ringawt a, iPad seat hnunga a dah chu a la nghal bawk .

Car aṭanga a chhuah rual chuan hmeichhe pakhat chhelo zet mai kum 25 bawr vel , sam var sar a mawng chen vel awihawm loh khawpa ngil hi nui sang chungin a rawn tlan chhuak nghal a, Rainer nen chuan an in kuah nghal chat bawk.

Car aṭangin an awm dan chu ka lo en kar a, an in nel hmel in saw nu sawn a duh hmel takzet, an in kar ah eng thil emawni tak chu a awm chiang alawm.

Car a lo awm bik reng ka duh loh avangin ka chhuak vel nghal a, chunu lah chuan min rawn nuih sang pah hian,"hi! Becky ka nia " a lo ti nghal zung zung a, za lo zeta nuih suk pahin Rainer chu ka va melh zeuh a.

" Sadie.. " tih let pahin kan in chibai nghal a.

Becky inchei dan chu ka lo en chiang leh tawh kher mai, a pheikhawk thlengin Gucci vek a ni a ,a pheikhawk man ringawt pawh hi $1,230 (India pawisa in singriat leh tih vel ) man a ni leh dawrh ang chu , kei ve thung chuan thawmhnaw simple te te chauh ka in bel thung, mahni insit a na duh khawp mai.

Makeup tamtak hmang mahse engkim mai chu a nih dan tur ang thlapin a awm a, a hmelṭha in a chhelo thlawt .

Engvanga Rainer a hmeichhe hmelhriat te hi chhelo em em zel nge maw an nih le? keimah zawk hian nuam ka lo ti lo ve ringawt zel.

" chuan... Kum khat hnuah i hmel i rawn lan leh ta alawm... ka ngai lutuk che "

Becky lah chuan zep nei map lo hian a rilru a awm ang ang chu a hrilh hmiah hmiah a, Rainer lah chuan a lo huat loh hmel ngang mai.

" inchhungah kan lut dawn mi niang ?"
a tih chuan an pahnih chuan an kal nghal daih a, ka awm ve tih pawh an hre tawh lo.

An hnunga zui chhoh hnak hnak pahin thik ru tak si hian ka lo meng rum ve em em ringawt a, ka mood lah chu a off nghal vek a ,ka lo kal kher kher kha ka inchhir leh hnuhnawh .

"i rawn kal khat sia dinner te in ei ang chu " Becky chu Rainer mal chungah a ṭhu lo chauh, ṭhian satliah an ni thei lo hrim hrim.

" khawiah nge i pa? " Rainer chuan a lo ti sap a.

"umm... Singapore ah a kal, a awm hman dawn si lova keimah min rawn hrilh a, chuan hei kan in hmu leh ta alawm... "

A kut Rainer mal chungah a nghah kher avang sawn ka mit alo kham leh hman tawh kher mai,va pawh ṭhen sawk ka chak.

"chuan hei chahbi...tunlai hi i hmel hmuh a nuam khawp mai, i hmelṭha deuh pawh kha a rawn let leh ta alawm "
A sam te chu a han chul sak a, ka mit chet rual ralh pahin lehlam ka hawi hmak!! a ruk chuan ka thik in an awm dan sawn ka rilru a ti na takzet.

Ka hma ah tak, kan mit hmuh lai ngeiin an flirt ngam a nia, Rainer hian ka rilru tih nat hi a duh ve hrim hrim in ka hria.

" i hmanhnawh hmel sia...ka tibuai tawh lo mai ang che, mahse dinner chu kan kil dun ngei angai ang " Becky chuan inla pangchang tak hian a han ti vel a, ka lo ei lo lutuk hi a ruk in ka ner nawng nawng .

"tehreng mai!! Nashville a i awm reng dawn chuan ..."

"reh vung vung tawh suh... min rawn hmu ve zeuh zeuh ṭhin tawh rawh... " tih pahin chahbi chu a pe a.

" Sadie... min rawn zui rawh " Rainer an min rawn koh thut avang chuan ka lo phu deuh zawk !! ka awm ve tih a theihnghilh daih tawh emaw ka lo ti hman alawm.

Min rawn ko hmingchhe ve teh mah se an pahnih in min kalsan leh daih tawh, min rawn zui rawh a tih miau avangin ngawi rengin lungawi lo tak chungin ka zui ve mai bawk a mahse eng nge kan tih dawn erawh ngaihdan pawh ka nei lo.

An pahnih hian ka mit kham zawnga an awm leh a nih vaih chuan ka haw daih ang tih rilru pu ran chungin inhnuai chhuk thlakna step ah chuan ka zui thla zel a, he in to hmel tak hian inhnuai room thukru deuh mai a lo nei ru reng pawh hi a mak hran lo.

Kawngka pakhat kan thlen thlak takah chuan Rainer an a han hawng rak a, light a on chiah chuan ka rin loh lutuk maiin laboratory hi a lo ni a, a zau in khawl a awm kim vek bawk a, mak ti tak chungin ka hawikual nghal ruai ringawt.

"engmah ala danglam lo....engkim a awmna i hriat vek kha... " Becky chuan a lo ti nghal zung zung a.

"ka hriatchhuah theih hram ka beisei " Rainer an fiamthu a thawh ve pawh chuan ka nuih a za thei tawh lo, ka thin a ti rim hlûr zawk.

"Chuck a rawn haw dawn a, ka hruai angai bawk sia, ka kalsan mai ang che u ...Sadie all the best " min rawn nuih sek pahin Rainer lu ah a fawp zeuh a, hmanhmawh takin chhuak nghal bawk.

A ruk tak chuan ka lo lawm in rawn let leh tawh lo mahse pawi pawh ka ti lo, engpawh chu nise Rainer hian engvanga heta min hruai nge a ni tih hi ka zawhna a la ni fan tho.

"hetah hian i duh hun hun ah i project i buaipui thei ang "

Ka rilru hria niawm takin Rainer an a rawn tih chuan mak ka tih em avangin han sawi mai tur pawh ka hre lo.

" tu ta nge? "

"Professor Alan-a mimal laboratory a nih hi... ka pu ṭhianpa a ni a inthlahrung miah lovin i hmang thei ang "

" mahse..."

" mahse ti suh... college ah rei tak tak awm lovin hetah hian i awm thei ang chuan ka pui thei ang che"

Ngatinge pawh ka hrelo ka rilru a khawih tlat a nih chu!! tukin zinga thil ka hmuh ang che a tih kha helai hmun hi maw lo ni a, min puih a duh avangin engkim hi keima tan a buaisaih vek maw lo ni a!!!

" topic tur chu i thlang fel tawh em?" mak ka ti tawp thei lo, Rainer hian min puih a duh tak tak emawni le?

"aih....eng ber ka tih dawn pawh ka la hre lo " ka ti tak tak , ka topic duh ho hi scholarship hmuh nan chuan a ṭha tawk lo,chuvang chuan ka rilru a buai hle.

Chair ah chuan ka han ṭhu dat a, ka lehkhabu ka lak chhuah lai chuan kan piaha file inrem khat dul chu a han en nghal vat vat a ,file pahnih hi a rawn phawrh chhuak hlawl a, ka hma ah tak ka en theih tura rawn dah pahin ka bul a chair ah chuan a rawn thu ve nghal a.

" hemi te pahnih hi kan college ah hian ti an la awm lo ... i duh zawk zawk hi i thlang thei ang "

File pahnih chu kan han en kual vel a 'To analyse a sample of Brass Qualitatively ' tih chuan ka mit chu la zawk mahse an pahnih hian an ṭha ve ve a, thlan mai tur pawh ka hre lo.

" khawi hi nge ṭha ang? " duhzawk a lo neih takin tiin ka han zawt let ve thung a.

"ka check kha chuan Preparation of Cuprammonium Rayon threads lampang hrim hrim hi topic ala awm lo a awlsam in buaipui rei angai lo " a lo ti sam et a, a lo ti chhin vek tawh a ni tih hriat reng reng.

Bakah Rainer hian ka hriat loh hlanin ka en theih ngai loh tur topic ṭha leh ṭha lo a lo en sak vek tawh avang hian a inhmeh lo in mak ka ti takzet, lawmthu han sawi mai dan pawh ka hre lo .

" a nih chuan chu chu ka ti ang "ka tih chuan min rawn nui nghal vur vur a ," i duh duh i ti thei ang? " ka notebook rawn en vung vung pah chuan a rawn ti leh kher a.

" heihi a dik lo a nih hi.... Benzyltrimethylammonium hydroxide ah hian alcohol a awm tur "

tha deuhin ka structure ziah dik loh chu min rawn siamṭhat sak nghal zung zung a,ka hriatthiam theih turin a sawifiah nghal vek bawk.

Nikki in Rainer hian Chemistry a tui in a thiam lutuk a tih kha a tak tak a lo nih dawn hi, amah hi a luhlul in a ti ṭha duh lo mai mai pawh a.

"Rainer ka lawm e " ka ti ta nge nge a, thil dang tih sak theih ka chak takzet.

" engvangin? "

" umm... heng zawng zawng hi min buaipui sak vek a "

" ka pui ang che ka tih tawh kha " a rawn ti sap a, an sawi ang em em in Rainer hi a sual lo a ni tih hi midang hian hre ve se ka ti mahse midang bulah hetiang hian a awm dawn teuh si lo.

" ughh... engpawh chu nise Happy Birthday " ka nui nghal hak hak a.

Mak tih hmel tak hian min rawn en nghal, a mitmeng chu hriatthiam har tak a ni ringawt .Lawm hmel a put mai bakah rilru na hmel a pu tel deuh bawk in ka hria.

"ka birthday hre tu awm chhun i ni.. " a nui tawp riai riai a. Kei chauh nilo mitam takin a birthday an hriat sak a ni tih hi hria se chuan mak a ti ngawt ang.

"tuman an wish ngai lo che mi? " a ṭhiante emaw a nu takngial pawhin an wish em em ang.

" aih... ka pa takngial pawhin a fapa upa ber birthday tuk chiah hi ka birthday a ni tih pawh a hre lo "

A lungngai hmel ka hmuh hian ka lainat lutuk a ka mittui a rawn tla mai dawn in ka hria .Hetiang khawpa mi ṭha hi engvanga mal em em nge maw a nih le?

" umm... games kan khel dawn mi niang? " boruak tih zia awm tum chuan ka ti ta ringawt a,a rawn nui suk bawk .

"eng? "

" Dots and boxes, tic-tac-toe te pawh a tam mai" "

" boring... "

Ngeiawm zet hian a rawn ti kher !mahse tun dinhmun a ka games hriat awmchhun a ni miau sia,nuam lo ti mahse ka khelh pui tho ang .

Ka notebook hnung lam ah chuan games khelh na tur chu ka ziak nghal nauh nauh a,ka ziah lai vel te chuan ka hriatna ṭha tak mai hian min en reng a ni tih a feel thei.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 12th, 2020, 5:12 pm

CHARTER -37

" His mind is somewhere far away
And I don't know how to get there"

Vawiin chu a ni khatna a ni bawka engmah ti ta lem lo chuan games chu kan kher ta char char a, a tir lama a tui loh ang aiin a game kalphung a hriat takah chuan a hlim pui ta phian lehnghal a ,ti fuh ka in ti ru hle.

A nihna takah chuan a birthday ah hian hei aia thil special hi tih sak tur ka nih laiin kan hun tawn in a zir lo bawk nen engmah ka tih sak thei mang bawk si lova ka in thiam lo takzet ,mahse a hlim hmel ka hmuh leh avang hrim hrim pawh hian ka lawm.

"hei... i phakar lutuk ka ti hmasa ve tawh ang "

A chak zel avang chuan fair lo ka ti in ka phun deuh nung nung a min rawn nuih leh ringawt zel.

" kha ti hmasa rawh " a hma anga ka phur tawh lo avang chuan a rawn ti ta nge nge a.

" aw le... mahse eng nge kan in chawi ang ?" phur fahran hian ka lo ti nghal vat a,thil inchawi hi chu boruak siam nan a ṭha ve hrim hrim.

" ka hrelo... "

" ka chak chuan ka duh duh ka ti ang"
ka lo ti nghal zung zung a, a mit hmul tih kân âk pah hian, "i duh duh i tih thei alawm " a lo ti ve sup bawk a.

Ti hmasa zawk tura min tih ang ngei chuan chak ngei tumin paper ah chuan ka han thai hmasa ta cheng a, ka ṭan ve teh reng nen minute5 chhung lekin min hneh nia mawle!! ka ruahmanna zawng zawng a flop vek.

" ka peih tawh lo... "

Tum deuh hmuk pahin pen chu dawhkanah chuan ka dah chawrh a, mipa zawk a nia min chak tir ve tal tur a nia.

"i ril a ṭam leh tawh em? "
a hmui khawih neuh neuh pah hian min rawn zawt a, ka lehkhabu khup hmak pah chuan, "aw... " ka lo ti hmuk a.

"a nih chuan thil ei turin kan chhuak lawk dawn mi? "

A sana bun lai chu a zuk melh zeuh a, a birthday a nih vang nge pawh ka hrelo vawiin bik hi a fel riau in ka hria.

" a ṭha alawm... "

"umm... eng thil nge tih i duh chu?"

"engmaw? !!" ka lo ti deuh hu a.

"nichin khan ka duh duh ka ti ang i ti a ni lawm ni "

Ka lungawi lo hmel hi ka pe chhe thei bawk a alo hmuh hmaih bik lo aniang min rawn zawt ta nge nge alawm.

" mahse i chak kha " ka ti ve tak na in min tih tir se ka ti takzet.

"sawi rawh...chak lo mah la "

Chiang zet hian min rawn melh leh kûr tawh, min ti zâm leh zo vek.

"umm...engtin nge Ig leh Twitter ah i awm? " ka tih chuan nuihza insum tih hriat tak hian min rawn en a, a hmui liah zeuh pahin lehlam a hawi sawn nghal daih ringawt.

Social media a a awmdan ka zawh nachhan chu a chanchin hriat belh ka in beisei avang a ni.A mimal nun erawh zawh ka tum hauh lo thung.

"mawh ?" ka han ti leh ngat a.

" ka awm lo ve ve " a rawn nui leh vur vur tawh, dawt a sawi a nih ka la ring fan tho.

" i ti tak tak em? " keiin ka lo hmang uar em em a, a tel lovin ka awm thei lo a ni ber zawk ang chu.

"engmah ka hmang lo...call a ni mai " a rawn ti liam leh puat a.

Enga!!? Rainer nun hi a boring takzet. Ramhnuai a khawsa ṭhin a ni bawk si lo , Nge early man alo ni reng zawk !!

A dik theihna chin awm tho mahse tun ang laiah chuan eng nge maw tal hmang tur a ni asin.

urgghh!! engpawh chu nise Rainer a ni miau a, a chet classic zia leh thil a duh classic theih zia ngaihtuah chuan a awm ve tho e.Lehlam zawnga ngaihtuah chuan a ngaihsan awm letling zawk.

"i zawh tawh chuan ka chhuak chho thei tawh angem?" ngeiawm zet hian a rawn ti leh kher a, ka lo ner nang ringawt.

Ka ngaihtuah let a zawhna dang tamtak zawt thei ka nih laia khatiang zawhna naupang chhia lutuk ka zawt kha ka ui leh hnuhnawh. Ehe!! taka phone number pawh kan la in pe reng reng hleinem!!

Sadie a phone number tal zawt la ṭha tur.

Inchung lamah chuan kan in zui chho hnak hnak a, nidang aiin Rainer nen hian kan in nel sawt in ka in hnaih sawt ruai in ka hria chu ringawt pawh chu nileng mood ṭhat na tham.

"eng nge kan ei ang? " polite takin kan thil ei tur min rawn zawt ve ngei, a rukin ka lo nui pât pât mai.

" seafood... " ka ti dek dek a, ka sawi chhunzawm leh hma in a phone a rawn rik thut avang chuan min lo hrethiam lawk ti niawm takin a kut chu a rawn vai zeuh a.

" Becky sawi rawh " hawi sawn pah a a tih rual chuan ka sa nghal up up mai!!

Becky bawk chu airport ah a awm a ni lawm ni rawn biak leh kher pawh angai lo.

Lungawi lo zet chunga ka din reng lai chuan sakawr hram thawm ka hriat avangin in hnung lam chu ka melh nghal hru a, ka beng lah chu ka chhi leh ran tawh.

" sakawr a nih chu!! "

An thawm a rawn ring deuh takah chuan Rainer an phone ala hman laklawh em avangin hrilh lem lovin phur tak chungin in hnung lamah chuan ka tlan phei san daih a, pawn ka chhuah meuh chuan sakawr khalh na tur hmun phul zawl zau deuh mai hi a lo awm reng chu niin!!

Mipa pakhat sa nalh deuh mai workout nasa tih hriat tak , kawr pawh ha lo, cowboy lukhum parh khum hian sakawr pahnih hi tui a lo pe mek a ,chupa chuan Tagalog (Philippines ho ṭawng) in sakawr a be ri ka hriat rual chuan hriat chian leh zual tum in ka va pan hnai nghal vat a.

"kamusta, Magandang gabi (hello,good evening)"

Tagalog a thiam a ni tih ka hriat lawk sa tawh avangin ka va ti ve ngat a. Ka sawi tawh angin ka nu hi philipina a ni a, kan awm dun tawh hi chuan Tagalog bakin kan in be ngai lo, chuvang chuan duhthusam in ka thiam.

Chupa chuan mak tih hmel tak hian min rawn en nghal ha a tum loh deuh a Tagalog a ka biak vang pawh a ni mahna ,mahse ka hmel a hmuh rual chuan min lo nuih nghal vat a.

"kamusta... helai hmunah hian ka va hmu ngai lo che ve "

Tagalog bawk chuan min rawn chhang let a, in hmu chiah mah ila hnam khat tih takah kan in nel nghal surh mai.

"laboratory ka hmang lawk a ... sakawr hi i ta em ni? "

" ni love.. ka enkawl sak a engpawh chu nise Marcus ka nia " kum 20 vel lek hmel a put avangin sakawr enkawl tur atan chuan a naupang mah mah in ka hria.

" Sadie ka nia ...ughh an nalh dun hle mai " sakawr hi ui ai pawhin ka ngaihna zawk, nei ve thei phei ila chu ka mutthilh theih pawh ka ring lo.

"Sadie.... ka zawng nasa lutuk che, hetah tehhrep hian a ni maw i lo awm "

Rainer chu thinrim hmel pu leh hmanhmawh tak hian a rawn pen phei hlawk hlawk a, mit chet kual ralh pahin sakawr lam chu ka hawi leh daih.

" i chuang duh em? " Marcus chuan min rawn nuih vur vur pah hian a rawn ti a.

" i ti tak tak em? " ka phur bawka ka za nghal cheng mai.

" kal ang...a tlai tawh " Rainer bawk chuan thupe deuh hian a rawn ti leh sap a, thinrim hmel pu mahse midang an awm ve avangin a awki erawh a hniam vat a, nichin a Becky nen a inbiak avang khan ka ngei ve hrim hrim avangin ka lo hre lo der hmak .

" khawiah zawk ah hian nge i chuan duh? " Marcus pawh chuan alo pehhel ve hmak .

"Ka hre lo... a fel zawk zawk ah a ni mai "

" a uk hi a fel zawk... i chuang thiam em ni? "

" aih...kum10 ka nih laia ka chuan bak kha ka chuang leh tawh lo"

" a nih chuan ka lo chuan pui ang che "

" eng nge maw in sawi phiangsen le"

Tagalog a kan in biak avang chuan Rainer an alo hre thiam lo lehzel bawk nen a hma aiin a thinrim emaw tih mai tur hian a meng rum run tawh a, a hmel phei chu en ngam pawh a ni tawh lo mahse ka run lui ve chak hrim hrim.

" a nih chuan ka chuang nghal thei ang tiraw? "

" aw...lo kal rawh" tih pahin sakawr chu a han chul a, a chungah chuang nghal in min rawn pawh chho tumin a kut chu a rawn dawh a, Marcus kut vawn ka tum lai takin Rainer chuan min rawn pawt hrang nghal dawrh ringawt .

"engthil nge maw i tih le? " hriatthiam loh hmel zet hian a rawn ti nghal ha a.

" sakawr chungah hian ka chuang dawn mawle "

" enga!! " awki sang zet hian a rawn ti vin nghal hluk a ,engvanga thinrim viau nge maw a nih le ?

"sakawr chunga chuan mai mai te chu a pawi hleinem... " tih pahin Marcus kutah chuan ka chelh a, sakawr chungah chuan awlsam deuh hian min pawt chho nghal.

"i kal a nih chuan ka hawsan dawn che "

Enga!! tunah khan Rainer hian hawsan ah min vau em ni? ka awih thei lo, thinrim nachhan tur a nei lo hrim hrim.

"chuan chu i la duh tho em ni? " Marcus pawh in nuam a ti bik lo aniang min rawn zawt nawn leh ngat a.

Rainer lah chu thinrim sa tawh nak alaiin Marcus an Tagalog in min rawn be leh kher bawk nen ,"hreptak chuan " tih vin hluk pahin a in her vut a, a kal ta daih mai!!

" Marcus pawi ka ti lutuk.... nidangah ka chuang mai ang " ka ti ta ringawt a, ka chuang a nih vaih chuan an Rainer thinrim hian min hawsan daih duh tak tak ang.

"hun ala tam alawm... i bialpa thikthu chhe tak saw va thlem phawt rawh " a tih chuan ka lo khi ver ver a ,ka bialpa a tih avang ringawt pawh hian ka hlim.

Tih theih dang ka neih miau loh avangin Marcus chuan an min pawm thla leh ta ringawt a, chuang chak hle mah ila en zui vawng vawng pahin Rainer chu ka umzui ve nghal dawr dawr a.

Ka rin ang ngeiin Rainer chuan a car lam a pan tak tak!! min haw san duh tak tak ang ka tih tawh kha, a thil sawi tawh hi chu a ti ngei ngei zel.

" Rainer... engthil nge maw i tih le? "ka duh aiin ka vin,ka ngei ve bawk em a tin ni .

"i chuang duh a ni lawm ni... khapa bulah khan va chuang ta che " kan in hnial chu a ni nghal der, awmze nei lova a thinrim mai bakah a vin em avang chuan ka lo ngaithei bik lo, rilru lian tih takah "aw... " tih let hmak pahin ka in her nghal a, kal daih tak tak ka tum.

" ding rawh... khawiah nge i kal dawn? " kal ka tum tak tak takah chuan a rawn ti leh lawi sia.

" kal rawh min ti a ni lawm ni "

"hreptak chuan... car ah lut rawh " a sam tuai thuak pahin car ah chuan a lut nghal a, keipawhin ka lo hnial hran lo ka lut ve nghal mai bawk a.

"Rainer... i fiamthu em ni, naupang chhia angin awm suh "

"naupang chhia a... khapa phiangsen khan i kut a vawn kha... kawr a ha lo phiangsen lehnghal " car steering chu a chhum nghal pawp a, ka lo phu zawk mai!!

"sakawr ah min chuan pui ringawt dawn alawm... " tlemin ka awki chu ka han hniam deuh a.

"ka hriat ve loh tur thil in sawi ṭeuh kha, in duh chuan va chuang dun phiangsen ta che u " ṭawngkam a duh tui lo malh malh hle mai, chutia tih em ah te chuan kei zawk hi a ni thinrim tur zawk chu!!

" nangpawh... Becky nen khan va awmdun ta si cheu" ka thik bawk aniang ka mittui a rawn tling nghal pum mai!!

Nichin aṭang tawh a ka rilru kap tu kha a tawp a tawpah ka sawi chhuak ve ta alawm.

" Enga!! " engmah hrelo ni awm fahran in mak tih hmel tak hian a rawn hawi phei a, a awm dan avang chuan ka thinrim zual sauh.

"hre duh lo der vel suh... engkim a hriat vek "

" oh!! c'mon... Morin harh teh " ngeiawm zet hian a rawn ti a,za lo zetin a nui lui suk lehnghal .

"ka harh vang alawm engkim ka la hriat kar ni "

" i thik em ni? " min rawn zawt let leh khauh tawh.

"ai... aih teuh lo, ka tih buai tak cheu in ka ti mai mai " tih pahin lehlam chu ka hawi daih a, an awmdan kha ka ngaihtuah let a ka mittui a tla ṭep ṭep lehnghal.

"Becky hi a hmelṭha in a chhelo takzet chuan a fel hle bawk " hawi pawh ka hawi chhuak duh tawh lo, a in sawifiah ka lo rin nen min chhan dan chuan ka mittui a ti tla nghal sawk mai!

Ka ṭap a ni tih a hriat loh nan lehlam ka hawi tlat a, a sawi leh tur pawh hi ka ngaihthla peih tawh lo.

" min rawn en teh... " Lalpa leh!! Sadie ṭap tawh lo hram teh.

"helam rawn hawi rawh " rawn ti leh pahin amah en thei tur chuan min kuai her a, ka mittui tla niai a hmuh rual chuan," f**k... i ṭap em ni? " a rawn ti nghal hlak bawk a. Hei vang hi lawm Rainer bulah hi chuan ka ṭah duh loh nachhan.

"i duh duh sawi rawh.... engah mah ka ngai lo " ka mittui hruk pah chuan ka han in sut hraih a.

"hey!! ka tihpalh ...tih ṭah che hi ka tum dan a ni lo " dam diaia a rawn tih chuan ka hnuk a ulh zual, Becky a hmangaih thu min hrilh lo hran rawh se. Khawngaih in.

" ka sawi tum tak zawk chu Becky hi ka û ang bakin ka en lo, a ni pawhin nau en in alawm min en " ka dar pahnih ah chuan nghet takin a rawn dawm a, ka la kun ngar tho.

"mahse nichin khan... "

" i ngaih ang kha a ni lo...chuan Becky'n Airport a ava hruai pa Chuck kha a pasal hual a nih kha ....a chiang tawh em? " ka thaw nghal huai mai ,chawlhlehchilhin ka lungngaihna te kha a bo nghal duak in ka hria.

" hetah hian lo ṭhu teh "

Tih pahin rem leh rem lo in a mal chunga ṭhu tur chuan min pawm phei a, inhnial buai zo chiah tih takah a thinrimna zawng zawng inbun ruah nan a hmang emaw tih mai tura duh thawh hian kan in fawp nghal tawn tawn a,an in dim lo kher mai .

"i thik tiraw? Becky hi i thik tiraw? " thawk hak hak pahin Rainer chuan a rawn ti sap sap a.

" umm.. " chiang faka sawi ka duh loh avang chuan ka ti ringawt a, a rawn nui vur vur mai.

" ka awih thei lo... " min rawn fawp leh a.

" engchu maw? " in lak hran deuh pah chuan ka lo ti a.

" hmeichhe dang i thik avangin " ka sam tla chham mai ka benga zeh pah chuan min rawn fawp leh nghal tawn tawn a, ka, lo sen nghal up up ringawt.

Chutia midang pawh ngaihtuah lek lova kan lo infawh tawn tawn lai chuan motor ri ka hriat thut avangin Rainer chu ka nam sawn nghal dawrh a, a mal chung aṭang chuan ka ṭhutna ngaiah rang lutuk in ka insawn lehnghal vat a.

" Becky te an ni maithei "

Ka kawr siam ṭhat sawk sawk paha ka sam ka ṭawn ṭhat lai chuan a hmui a kut a hliah pahin min rawn nuih nghal vur vur a, ka in rin loh lai chuan min rawn fawp leh zeuh a, engmah thleng lo ang maiin car aṭang chuan a chhuak nghal a .

☆treat people with kindness☆

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 12th, 2020, 5:13 pm

CHAPTER -38

"I see it, I like it, I want it, I got it "

Ka lo rin lawk sa ang ngeiin Becky leh a pasal hual Chuck te chu an lo ni ngei a, Rainer'n an pahniha a biak mawlh mawlh lai chuan car aṭangin ka chhuak ve nghal a ,kan awmdan kha an rawn hmuh hman loh hram ka beisei.

" Chuck... Sadie a nih hi Rainer a ṭhiannu " Phur zetin Becky chuan a lo ti nghal vâr a, Chuck lah chuan mak min tih hmel em em lehnghal, ka hmaiah thil a kai a nih te ka ring hman hial.

" Buddy... ṭhian hmeichhia i nei ve ta a ni maw? Hey!! Sadie " ka bianga rawn fawh zeuh pahin min rawn kuah nghal bawrh bawrh a,ka lo in ring hman lo bawk nen kuah let pahin ka nui tawi tap ringawt.

Chuck nen kan inkuah zawh chuan Rainer chuan nuih vur vur pah hian ka kawngah a rawn dawm nghal chawt a ,a ruk in Chuck a lak atang chuan min pawt hrang nghal hrut bawk.

" Guys... kan kal tawh mai ang kan tlai dawn tlat " ka ṭawng ve hma hma in Rainer chuan a lo ti nghal zung zung a, lai zetin ka lo nui liam vel mai mai ringawt.

" rawn kal leh vat ang che u "

Becky chuan hun rei tak min hre tawh ang mai hian min rawn kuah nghal a, Rainer nen an inkarah engmah a awm tak si lovah chuan a nelawm ka ti leh hnuhnawh.

" bye Guys... " engmah sawi loh aiah tiin ka va ti leh hram a.

Kan in mangṭha fel hnu chuan theihnghilh ka neih takin tiin ka han in dap nghal rak rak a, thil theihnghilh nei ang deuha ka lo inhriat na kha a lo dik tak tak, ka phone ka theihnghilh daih.

"theihnghilh i nei em ni? " Rainer chuan ka in dap ruk ruk lai chu min lo hmu fuh aniang min rawn zawt nghal vat a.

" aw... ka phone " ka tih chuan a chek zui tlak , ngeiawm deuh hian a lo awm ve hman ziah .

"ka rei lo ang "

Ka bag car chhunga dah pah chuan let leh nghal mai chu ka han tum a mahse Rainer an min va lak sak tur thu leh car ah lo nghak tura min tlat avang chuan ka hnial lui duh ta lo.

"Sadie.... Rainer kha engtin nge i tih bik ,min pui tura ka dil ngawng ngawng pawhin a duh ngai lo kha a nia, i bulah chuan gentleman ang mai alawm a nih " Becky chuan nuih hak hak pah hian min rawn zawt a, a fiamthu nge a ti tak tak pawh ka hrehrang love.

"a ngeiawm ngaiin ala ngeiawm reng " fiamthu bawkin ka lo ti let ve nghal vat a.

" tak taka a Birthday ah a kianga i awm avang hian ka lawm takzet, a ni hi chuan thil han tih hluai te hi a ngaina ve lova a birthday pawh hi lawm chu sawi loh tumah hian an hriatpui sak ngai lem lo "

" a thinchhe na in midang hi a care teh mai a nia " Chuck pawh chuan a lo ti ve bawk a.

Rainer an hmuh dan leh ka hmuhdan hi a in ang thlawt lo keichuan thu duh ka tiin a ngeiawm thiam ka ti mahse chutichung pawh chuan a bula awm nuam ka ti em em bawk si.

Rainer chu hmanhmawh takin ka phone keng chung chuan step ah a rawn chhuk thla a, ka ngaihbel vang nge pawh ka hre lo a meng rum sawt in a thinrim hmel riau hian ka hria.

Ka zawn a rawn thlen thlak chuan biak tumin ka kâ ka lo ang hman zuau a,min hmu lo ang maiin min rawn kal pel hmak a, ngawi rengin car-a a luh tak daih avang chuan lungawi lohna a nei leh tawh a ni tih ka hre nghal.

Huizz... Rainer hi chu a in thup thiam ve thlawt lo, a rilru ang ang hi a lan chhuahpui phawng phawng zel mai chu a nih hi.

"mangṭha ule " din khawmuan reng na chi a nih tawh lo avangin Becky leh Chuck te bye bye lauh lauh chung chuan car ah ka lut ve nghal a, seat belt ka hreng ṭha hman chiah tih in chak zet hian a tlan chhuak nghal fua ringawt.

" Rainer khawiah nge ka phone chu?" ka tih chuan min chhang lovin hma lam chu a melh ngar ngar a.

" i thinrim em ni? " thil awmzia hriat tumin ka zawt leh ngat a .

" a... aih thinrim lo " min rawn melh zeuh pahin ka phone chu ka malchungah a rawn dah a.

Rainer hi khawvela dawt sawi thiam lo ber te zinga mi a ni hial ang ,a chezia leh a mitmeng aṭangin a thinrim a ni tih nausen pawhin a hria ang chu.

Mahse engvanga hetianga awm thut nge maw a nih le?

Ka thinrim lo a tih miau avangin ngaihṭha lo zet chungin ka phone chu ka han hmet êng a, Derek miscall pathum lai ka hmuh chuan Rainer chu ka va melh zeuh a, heivang hi a ni thei mai angem a thinrim nachhan?

Ngawi renga kan chuan dun vung vung hnu chuan a tawp a tawpah Rainer chuan,"in in zui leh tawh em ni? " thinrimna tel hauh lo hian a rawn ti chhuak hlawl ringawt!!

Engvanga kan in zui leh zui loh chungchang pawh chu min zawt kher nge maw a nih le? ngawi lawk teh u.... Rainer hian Derek hi a thik a ni thei mai angem? !!

A tirah khan thinrim hmasa lovin ṭha deuh in min zawt se nimai tur. Sawi chhuah loh a tum pawh a ni maithei mahse a rilru a kap ve ngang a niang min rawn zawt ta nge nge alawm.

" umm... ughh englo a nia "

" sawi vat ta si che " ka sawi muan em avang chuan vin deuh hlar hian a rawn ti a, a enga mah hma in min rawn tur leh tut tut tawh.

"Derek an rawn let leh a duh a " ka tih rual rual chuan car brake chu a rap thut a, hma lamah kan bu nghal lawp bawk!!

" Enga!!"

" Rainer min ti hlauthawng alawm khatiang khan car ti ding thut tawh suh " ka hlauhthawn hman mai bakah ka thinphu pawh a rawn in thum rawn nghal tluk tluk a, kan accident tawh dawn emaw ka ti hman tawh.

" Engtin nge i chhan? "

Enga?!! ka awih thei lo amah vangin heart attack ka nei lo chau a ni a, Derek a chungchang ah bawk maw a lo la buai a!!

"ka duh duh danin ka chhang ang chu " ka lo ti let ve ngat a, a ni ang thoin ka ngeiawm thiam ve tho a ni tih hi hre ve reng reng rawh se.

"a nih chuan engvangin nge hetah i awm, a bulah va awm ta si che " a sam chu a tuai phawk a, tukverh lam hawi daih pahin a chal chu a dawm lap a.

"maw!! hetah hian ka duh reng vangin ka awm reng reng hleinem"

"ka hrethiam e... i duh lo chung ka bula awm tir reng che hi ka tum dan a ni bik lo "

Min rawn vin let hrep dawn emaw ka tih laiin ka rin loh deuhin inthiam loh hmel zet hian a rawn ti ta zawk a, a bula awm chakna nei lo ang maia ka in sawi avang khan ka inthiam lo leh hnuhnawh. A nihna takah chuan a ni ai ai hian a bula awm hi ka chak zawk daih ang chu.

"ughh...ka lo inngaihtuah tur thu ka hrilh a mahse ...." ka inthiam lo chuan zawi sap hian ka han ti leh a.

"In in hmeh alawm " car tih nun leh pahin engahmah ngai lo ang maiin ngaihsam zet hian min lo chhang fel et a. Derek a thik emaw ka tih laia let leh turin min duh ang maia ṭawngkam a neih avang hian ka rilru a na tlat peka, a thusawi ho te te pawh hian ka rilru a ti na zel mai chu a nih hi.

"nangpawh Amira nen in in hmeh ve tho alawm " ka sawi zawng ringawt pawh hian ka khur der der.

" hahh... nangmah nen kan in hmeh fe zawk " a rawn tih rual chuan phawk fe hian Rainer chu ka va melh nghal kawk a, a ni erawhin a thusawi zawh chiah kha hre tawh lo ang hmak in kawng lam chiah a en leh ngur ngur tawh.

"Engmaw i sawi zawh chiah kha? "rilru buai nuai a min siam reng avang hian ka kham tawh takzet, a thusawi kha hrechiang hle mah ila a sawi ngei a ni tih chian leh hram ka duh.

Mahse ka zawhna chu chhang lo in ka hmuiah a rawn fawp zeuh a, chhanna ka duh avangin ka lo nam sawn nghal vat thung .

"Rainer ka zawhna i chhang lo a nia bakah engvangin nge min fawh? " chhanna pangngai tak min pek hma loh chuan ka fawp tawh lo ang.

" i duh lo em ni? " mit tih zim san pah chuan min rawn nuih nghal vur vur a.

" chutiang lampang pawh a ni lo " ka sawi zawng ringawt pawh hian ka hmai a rawn sen nghal ṭawn ṭawn mai.

Car a tih din avangin kan hma a thil inziak chu chhiar tumin ka dak chhuak nghala, chhiar thiam lo mah ila Japanese emaw Chinese restaurant a ni tih ka hre thei nghal mai.

" seafood i ei duh a ni lawm ni "

Nichin a seafood ka sawi lan zeuh lai kha alo la hre reng a ni maw! ka sawi lai te kha chuan hre lo ang maiin Becky nen phone ah a in be daih kha a ni sia.



"Sashimi (sangha hel) leh sushi " menu kawh neuh neuh paha ka sawi rual chuan waitress chuan notebook te reuh te ah hian a lo ziak zel a, Rainer erawh in menu pawh en lovin keimah chiah min lo en reng thung.

"Octopus i ei duh em? " Ka order ang apiang a ei tur thu leh ka duh duh order turin min ti mahse a hmingin ka va zawt leh hram a, nuih zat hmel zet hian alo bu nghut ringawt.

Kan thil order a rawn thlen meuh chuan ka ei chakna a rei tawh bawka ka chil a put nghal zung zung thei.

"kan lawm e "

Polite takin waitress hnena tih pah chuan disposal chopstick chu ka han nuai nawk nawk a, octopus in zailep sa vek tawh uluk taka rem chu ka zuk chep chhuak a, soy sauce a chhiah zeuh pahin ka ei nghal tam tam a, ka lungawi bawk aniang ka nui nghal ver ver mai lawm.

" i ei ve dawn lo em ni? " khap miah lova min lo en reng avang chuan mit hmul tih kan ak pah chuan ka ti a.

" dawn e "

Huphurh hmel zet hian a hrawk then kharh kharh pahin ka tih dan ang chiahin a chopstick chu a han nuai ve kher a, chopstick a vawn dan aṭang hian a hmang thiam lo a ni tih ka hre nghal.

" a hma in i ei tawh em? "

" aih..."

Rainer tak hi chu aw ...min hrilh ve mai tur a nia, keilah engmah hre lovin Sashimi ka la chah ang deuh deuh a.

" thil dang kan chah belh mai dawn mi? "

"a pawilo "a lo ti ve tum hrang a,in thlahrunna chi pawh a ni lo .

" a nih chuan kha octopus hi ei chhin rawh... " ka tih chuan uluk zetin chopstick chuan cheh beh a han tum a, a beih fe hnu ah pawh a chep fuh hleithei lo.

" he thil tehhrep hi hman tlak pawh a ni lo " a va han thinchhe tak.

"tihian vuan la i kutzungchal hi i ti che dawn nia "

Chopstick hman dan tur chu uluk zet hian ka han zirtir leh rih a,nuih za hle mah ila a thinrim leh ka hlauh avangin ka la in sum ṭang ṭang .

" a te em a nih hi " a phun zui nang nang a, a sawi dik ve reng ,a kut phah lah hi a hlai ve bawk si a atan chuan hetiang pencil tiat lek nghet taka hum chu a har ve ang.

A tawp a tawp ah rem lo zet hian a chep fuh ve thei hlauh, ka tih dan ang chiah khan soy sauce ah chuan a han chiah ve ngei a, a kâ a a dah luh rual chuan a reaction tur ngaichangin ngun takin ka lo en kar a, tui tih loh hmel zet hian a ṭhial niau niau mai.

" engtin nge a awm? "

"ugh... rubber a ang " a tih rual chuan ka lo nui chhuak nghal hak ringawt.

Ni e, octopus hi chu ei ngai lo tan chuan a fei ve bawk em a ni, a awmdan lah chu an sawi thiam em em khawp lehnghal a .

" Sashimi hi chu tui i ti lo maithei mahse ei ve hrim hrim rawh "

" hei pawh hi tui ka ti chuang hleinem " a la ṭhial niau niau reng a, lem hun tur a hre lo aniang.

Sashimi chu ei tura ka tih tlat avangin huphurh deuh chung chuan a ei ta nge nge a, vawikhat a ṭhial rual chuan a uak nghal ṭhawt a, a hmui hruk fai pahin napkin ah a chhak chhuak lehnghal.

" engtin nge a awm? " tih pahin tui in tur ka lo pe nghal vat a, tui lo a ti bawk aniang a beng a sen nghal vut mai.

"Goddamn.... its fucking gross " tih pahin tui chu a in nghal khawlh khawlh, a rukin ka lo nuih char char .

________________________________________

Kan in peng kan thlen meuh chuan dar4:30 alo ri der tawh a kan hmanhmawh loh ang aiin in kan thleng hma.

" naktuk ah eng nge i tih dawn? " car a tih din rual chuan min rawn zawt a, min zawt lo se chuan weekend a ni tawh tih pawh ka lo hre leh tawh lo ang.

"ka.. ka hrelo "

"laboratory ah i duh chuan ka kalpui thei ang che "

Weekend apianga party ṭhin khan laboratory a kal a rawt chu a ni sia, a ning viau ang le.

" aw le " ka ti ve tak nain a rawn kal pawh ka ring chiah lo.

"kal tawh rawh i û in a rawn hmu ang che " min hlauhthawn pui ve deuh aniang, zawi sap hian a rawn ti tham ṭiak a.

Engmah ti miah lova kalsan daih chu ka ui ve deuh avangin a hmuiah chuan ka va fawp leh kher a, mahse ka kal daih chu a lo phal bik awzawng lo. A kut pahniha ka hmai tawn tawn a dawm pah chuan duhtawh zet hian min rawn fawp nghal tawn tawn a ,a hma ang bawkin ka mur leh nghal uai uai tawh a ,theih chu nise a bula awm reng ka chak takzet.

" Rainer kal tawh rawh... " kan tawp theih ngang loh avangin hrehtak chung chuan ka ti ta nge nge a, a tawp nan a hmui liah huh zeuh pah chuan min rawn fawp leh hram a.

" mangtha " nuih ver ver pahin rang takin car aṭang chuan ka chhuahsan nghal a ,min rawn la en zui vawng vawng mai .

Rainer a tlan liam chiah tihin ka hawi let nak chuan ka hnung lamah Kendra chuan mak tih hmel takin min lo en reng chu niin!! phawk fe hian ka lo meng nghal kawk a, buaina ka tawk dawn a ni tih ka in hre nghal.


☆choose love and be kind to others☆

(Chhiar zawh veleh fakna khu theihnghilh loh tur aw )

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 12th, 2020, 5:13 pm

CHAPTER -39

" They saw devil but I see Angel"

"Kendra!! "

Sawi mai tur pawh ka hre lawk lo ,a ni ang tho in keipawhin ka hmuh thut avang hian ka hamhaih nghal vek a mahse ka rilru ah erawh Braydon a rawn lang hmasa ber thung.

" Sadie... kha kha Rainer a ni lawm ni "

"aw... ughh, ka... ka sawifiah thei ang "

" nilo...in in fawh kha" a hmela hlauhthawnna te chuan keimah zawk hi min ti hlauthawng zual a, ka ú a hrilh ang tih mawlh ka hlau.

"khawngaihtak in Braydon hrilh lo hram rawh " a enga mah hma chuan ka ti nghal ringawt a.

"an in huat zia pawh i hre ve veka engtin nge hetiang thil hi i û chungah i tih theih zawk?"

" ka... ka hre bik lo "

Ni e, kei takngial pawhin hetiang thil ka û chunga ka tih nachhan hi ka hre tawh bik lo. Tunah hian ka rilru hi thunun in a awm mek a, Rainer a zûn ah hian chhuah lehna awm tawh lovin ka uai let der a ni tih hi tuman an hrethiam pha kher lovang.

" a hlauhawm lutuk a ni tih i hre ve lo em ni? "

Chu chu tupawn Rainer chanchin an sawi dan a ni. Hnaih lo turin leh a hlauhawm zia min hrilh chamchi thin mahse keichuan a hlauhawmna ka hre ve tlat lo, hlat a hnekin mi rilru ṭha tak a nih zia ka hriat chhuah phah zawk.

"Chhanna pakhat mah ka nei lo, ka û i hnaih na chhan ang chiah kha a ni mahna " ka ti hul hak a.

Kendra pawh hian kei ang chiahin Braydona lerh zia leh a luhlul zia a hre ve vek a chutichung pawh chuan tun thlengin a la chelh ṭang ṭang reng tho.Braydon hnena thil danglam riau a hmuh ang chiah khan keipawhin Rainer ah hian thil ṭha tak ka hmu a ni.

"ni e ...chhuah lehna a awm tawh lo tih erawh hre reng ang che "

Ka awmdan min hriatthiam pui avang leh ka tang ngheh tawh zia a hriat chuan min khawngaih em avangin a mittui chu a rawn tling nghal pam a, a lo tawrh nasat tawh zia leh Braydon avanga a mittui a lo tlak hnem tawh zia a ngaihtuah chhuah leh vang pawh a nia nge.

" engtik ah emaw ka û chu ka la hrilh em em ang mahse hun min pe rawh "

Rainer nena kan chungchang hi ka û hnena zep hlen hi ka tum bik hauh lo mahse tun tut tut a hrilh nghal tur chuan huaisenna ka neih loh mai bakah inngaihtuahna hun ka la mamawh.

" ngun takin inngaihtuah la fimkhur hle ang che " sawi lo tura ka ngen tlat avang chuan a ti ta nge nge a, ka û ang lo tak maiin rilru zau tak a put avang hian ka nihlawh takzet .

" ka lawm e " tih pahin ka kuah nghal thlawp a, kan in hriatna la rei lo hle mahse ka û tak tak angin ka en hmiah tawh.



Thil tisual ang maiin inchhunga ka luh chuan ka zam in ka û hmuh chu ka hreh nghal em em ringawt a, ka hlauhthawn em avang chuan engmah a la hriat ve loh thu ka in hrilh nawn nghal mawlh mawlh bawk .

" vawiin ah class kal lovin khawiah nge i awm? "!!

Braydon an a rawn tih rual chuan in chunga ka cho tur chu ka ding nghal chawt ringawt !! vawilehkhatah ka taksa chu a rawn lum nghal pup pup a ,ka thlan te lah chu a rawn hnam chhuak nghal ṭiam ṭiam bawk.

" ka...ka " ka dang a awk leh tlat tawh! zawhna ni ta chu engtin nge class ka kal lo tih hi a hriat theih ?

"Michael an a rawn zawng che a mahse a hmu lo che, khawiah nge i kal ?" Michael bawk chu!! ka û ṭhianṭha tak leh ka nel ber mah nise ka û hnena min hek reng mai hi chu ka kham tawh takzet.

" ka project buaipui in ka chhuak lawk a nih kha"

Rainer nen kan awmdun tih hrilh tel kher lo mahila dawt ka sawi bik lo, laboratory ah kan kal miau alawm.

" naktuk hi weekend a ni tawh a buaipui na hun a tam lutuk, mahse class kal lo ṭhak khawpa buaipui tur erawh i ni lo " thupe deuhin ka tih tur leh tih loh tur a sawi avang chuan ka lo thaw chhuak deuh hak a.

" C'mon.... naupang ka nih tawh loh hi "

kan ṭan leh dawn ta, ka û strict tak mai leh a nau zalenna duh em em mai hi a chhan ngai bawkah kan in hnial reng mai dawn chu a nih hi.

" kum18 i tling tawh emaw tling lo emaw ka thusawi hi awih ringawt mai rawh, tiam chin awm lo in grounded i ni e "

(grounded chu discipline siam nana school emaw thil pawimawh ah chauh loh chuan chhuah phal lova in hren na )

" Enga!! "

" i room ah chho nghal rawh... i ṭhiante inah pawh kal phal i ni tawh lo " a tih rual chuan ka thinrim lutuk chu ka inhum ruh nghal ṭun a,engmah sawi lovin rum zeta melh pah chuan ka room lamah ka tlan chho nghal hlawk hlawk a, room ka luh rualin kawngka chu ka khar nghal ṭhuai bawk.

"ka haw lutuk che "

Tih vin hlak pahin ka bag chu chair ah ka nghat chawrh a, ka lo tih ṭhin dan ang chiah in khumah ka lawn nghal a ,ka khup bawh chungin ka ṭah chhuak lutuk chu ka in hnit nghal hlawp hlawp bawk .

Ka û duhloh zawng ka tih apianga hetiang zawnga min hrem ziah ṭhin hi chu ka kham tawh takzet ,vawi khat phei kha chu kar khat dawn chhuah min phal sak lo lehnghal tun ṭumah pawh hian a daih rei leh viau ang le.

Dinner pawh ei duh lovin ka titau chu khuma ka mut ngat reng lai chuan ka room kawngkhar chu a rawn kik leh karh karh tawh a, ka û hmel ka hmuh peih thlawt loh avangin blanket a inkhuh ṭhat pahin ka maimichhing nghal daih a, min hrem chhung chu ka be dawn bik lo.

Ka chhan duh miau loh avangin kawngka kalh lo mahila a rawn la kik char char avang chuan ka ning lutuk chuan a tawp a tawpah blanket tlawh hlim pahin ,"keimah chauha awm ka duh " ka va ti nghal tuarh a, ka ṭah na lamah ka mit te lah chu a bui chur lehnghal.

"umm...i thinrim viau em ni? " kawngka a rawn dah dek dek pahin Nolan an a rawn tih chuan ramhuai hmu ang maiin ka mengphawk nghal kawk a,ka mit vai a nih ringin mak ti tak chungin ka ṭhu chhuak nghal zawt bawk!!

"Nolan hetah engtin nge i awm theih?" ka mitvai hmu sual mai mai a nih ka la ring hram.

"vawiinah ka rawn kal ang ka tih tawh kha "

" mahse Braydon kha, nilo i rawn lut ru em lo tiraw? "

A rawn lut ru te anih ngawt loh chuan Braydon hian awlsam takin ka roomah a rawn luh tir hauh lo ang .

"nilove i û nen pawh ka in bia alawm... c'mon tho rawh hun kan ngah lo a nia "

Khum tlanga ṭhut pahin ka hnungzangah a rawn beng thak a, nuih let ver ver pahin phur takin ka sam pheng zet chu ka ṭawn tawm tawp a,ka tho chhuak nghal bawk.

Ka û in chhuah phal lo mahse midang rawn leng a phal tal a, kawm tur ka neih avangin ka lawm takzet.

" dawhkan ah khan lo in rem fel rawh engmah ka la ei lo a ka ril a ṭam lutuk"ka pum tuai nauh nauh pah chuan ka ti a, ka ril a ṭam tawh bawk a ka pum a thip vek tawh.

"aw le...rei lo la ,thinrim avangin chaw nghei tawh suh " nuih vur vur pahin min rawn fiam a ka lo nui tawi tap mai.

Thawm dim thei ang berin leh ka û hmuh hlau tak chungin kitchen lam ka pan chhat chhat a, ka hlauh ang ngeiin ka û chu kitchen ah a lo ṭhu khur mai.

Min rawn hmuh chuan min rawn melh hrak hrak pahin a hrawk chu a han thian nghal kharh kharh a, ka hmu lo der hmak thung.

"oven ah pasta ka dah i duh chuan i ti lum nghal thei ang " a rawn tih pawh chuan chhang lovin fridge a sausage chu la in ka thial chuap chuap a, in tur zawngin cold drinks kan dahna chu ka bih duk duk a.

"beer a awm tawh lo bawnghnute kha in mai rawh " ngeiawm zeta a rawn tih leh rual chuan mit tih chet ralh pahin coke bur lianpui chu ka la chhuak nghal a," ka be peih lo che tih i hriat kha " tih kher pahin fridge chu ka khar nghal chawrh bawk.

"engpawh chu nise Nolan kha mipa fel tak a nih kha " ka thil ei lai ka phuh chhuak ṭep.

Ni dawn tak Nolan'n an inbiak thu kha a sawi tak,engtak chu sawi ang maw ka û in fel a tih ve ngei a nachhan,ughh...Nolan hi chu a fel ve hrim hrim a ,a awm ve tho e .

"ka hria alawm " engah mah ngai lo ang deuh hian ka lo tisam et a, chhungril ah erawh ka mipa ṭhian kawm fel a tih ve ngei avangin ka au vak vak thung.

Ka û hi chuan a rin tawh laklawh hi chu engthil ah pawh nise a ring deuh bur ṭhin chutiang chiah chuan Nolan pawh hi ka room a rawn kal tir ngam khawpin a ring leh bûr tawh a nih hmel.

"han chho tawh rawh zan a rei mai dawn " amah zawk chu a ding nghal uai a, zanin chu a chhuak har emai party na ah kal lovin inah a awm dawn a niin a lang.

" ka putea te nen inkhel kan en dawn a i duh chuan i rawn kal ve thei ang mahse hmun dangah i chhuak thei tihna erawh a ni lo ania " chhuah phal loh ka nih thu chu min rawn hrilh nawn leh kher pahin a kal nghal nal nal a ,lungawi lo zetin ka lo ner nang nang thung.

Braydon a chhuak tawh bawk a rang takin oven a pasta chu ti lum nghal in eitui dang leh coke bur lianpui ka lakchhuah taka kha ka pawm nghal ṭun a, tlaivar tur ang maiin alawm le ka in puahchah ni.



Nolan an lehkhabu a chhiar neuh neuh lai chuan khumah ṭhu in ka eitur lak chhoh ang ang chu ka ei nghal mawlh mawlh a ,ka ṭamchhawl hman lo chauh a nih kha.

"eng nge i nu chu a an? " ka hriatchhuah thut avangin ka zawt hlawl a.

"ṭhat lam a pan zel niin ka hria.... a hmuh chak thu che lo hrilh tur che in min chah nghe nghe asin "

" a ni maw!! keipawhin ka hmu chak takzet " a nu hi ka la hmu lo na in Nolan a mizia aṭang hian nu fel tak a ni dawn tih a hriat mai.


" naktuk ah ka kal dawn asin "

"umm... i hriat kha ka û in min la hreng dawn, weekend boring tak a ni leh dawn a nih hi "

"a nih chuan damdawiin a ka kal zawh veleh ka rawn kal thei ang "

" i ti tak tak em? chuan movie kan en bawk anga " phur takin ka lo ti nghal zung zung a, ṭhian ngaina tih takah mahni in ka awm dawn loh phawt chuan ka hlim leh em em tawh.

"ni e... i duh duh kan ti dawn nia "

Min rawn melh vung vung pah hian ka hmai rawn khawih tum chuan min rawn ban ta thut mai!!! min rawn fawp dawn emaw ka tih avangin chet nachang pawh hre lovin phawk fe hian ka lo melh nghal kawk a, sawi mai tur pawh ka hrelo.

"i ei ṭawp teh mai ania,i hmuiah cheese a kai nuai mai "

Nuih vur vur pahin ka hmuia thil kai a rawn nuai reh takah chuan ka lo thaw nghal huai mai mahse nidanga ka hmuh ngai loh deuh a mitmeng hriatthiam har zet chuan thil awmang lo deuh min ngaihtuah tir phah.

___________________________________________

Braydon an kan in piah lawka ka putea te car silna dawrah awm turin min tih tlat avangin phur lo zet chung hian counter chu ka nghak ran a, a ni erawh Kendra te dawrah a thawk ka tih tawh kha chutah chuan a kal daih thung. Inah awm kher lo mahse ka û hi ka hlau bawka ka chhuak ngam chuang reng reng lo.

Ning hle mah ila Nolan an nizana min lo tiam tawh angin a nu a kân zawhah a rawn kal thei hlauh a, ka û in rawn len a lo phal lehzel bawk nen kan pahnih in dawr kan nghak thei a a nuam phian lehnghal.

"lo ti ve duh tawh suh keimah pawhin ka ti thei reng alawm bakah midang pawh an awm tho a"

Ka car sil lai lehzel min rawn tihpui vek avang chuan ka inthlahrung chuan ka ti deuh chhen a, a ni lah chu a phur sauh emaw tih mai tur hian car bal zet te chu a nawt ang sauh sauh a.

"i chau tawh em kha lo va hahchawl zawk rawh "

" i rawn kal aṭangin i la thawk char char a midang hi tih tir ve tawh rawh "

" Sadie bawihte customer pakhat kan nei leh a saw mi saw i tihfai hnu ah chuan i haw thei tawh ang " ka nutei chuan a rawn ti hlauh a mahse dar2 chiah ala ri a ka hlawh tlem phah dawn avangin haw mai ka tum bik hauh lo.

"ka hmanhmawh hran lo, dar 5 thleng ka lo awm zawk ange " peih tawh lo hle mah ila pawisa hlawh nan chuan ka la ti ve ṭang ṭang .

" hahh... va hahchawl zawk rawh i hlawh pawh a tlem phah dawn chuang hleinem " ka rilru hre lawk niawm tak hian min lo chhang let nghal vat a.

"umm... mahse "

"swimming pool a hnahthel tla min lak chhuahpui avanga lawmthu sawina ah ngai rawh "

Ka lo inthlahrun ve tumhrang ṭhin avangin ka nutei chuan a ti ta ringawt a mahse ka in thlahrung lutuk tur erawh a zia deuh.

Nolan a lo awm ve reng bawk nen ka nutei hian min khawngaiha min ban hma tir a ni tih chu hre tho mah ila vawiin zet zawng ka phur vak lo bawk nen ka hnial ṭha duh lo.

" Nolan lo va inthlak rawh car pakhat chiah a awm tawh bawka keimahin ka ti thei mai ang "

" kan pahniha kan tih chuan kan zo hma zawk ang " a sawi dik viau nangin ka tibuai hreh zozai tawh.

"aw le... engemaw vawt deuh ka in chak "

Sawi chhan nei deuh hian ka han ti kher a, hetianga ka ti te a nih ngawt loh chuan Nolan hian engtikahmah keimawhin min sil tir dawn lo reng reng tih hi ka hre ve kar.

" tahkhan min lo nghak rawh ka va la ange "tih pahin hmanhnawh takin a tlan nghal a, keilah lo nghah chu sawiloh car lo sil ṭan hman tumin ka tlan chuak nghal dawr dawr thung.

Nuih hawr hawr paha car sil tuma ka tlan chhuah nak chuan ka car sil tur chu eng dang nilovin Rainer car classic Mercedes Benz ngei kha lo ni rengin, nuih tawp riai riai pahin ka ding nghal chawt bawk.

"Rainer " ka tih sap rual chuan a glass chu a down nghal a,a Shades vuah lai phelh pah chuan a signature hman uar em em,rum zet hian min rawn melh leh rûn tawh.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 12th, 2020, 5:13 pm

CHAPTER-40

"I'm into him and there is no way out "

"Eng nge hetah i rawn tih? " rubber gloves bun mawlh mawlh pah chuan ka ti nghal vat a, ngeiawm zet hian a mit a lo chet kual ralh ringawt.

A car a fai danah sil tir tum chuan a rawn kal hauh lo ang.

" niminah ka hrilh chiang viau che a ni lawm ni "

hmm.... eng thil nge min hrilh le? E...!! taka laboratory ah kal ang a ti tak, urgghh... ka û vang vek chhuah a phal loh avangin ka lo theihnghilh leh hman alawm.

" Braydon an tiam chin awm lovin chhuah min phalsak tawh lova ka kal theih lo"

"a nih chuan eng nge i tih dawn? "

" i car hi ka sil zo anga ka haw ang bakah engtin nge hetah ka awm tih i hriat theih?"

A khat tawkin Nolan a rawn kal leh kal loh chu ka en deuh reng a, a rawn kal a nih vaih chuan Rainer hian a haw ropui si a buaina a chhuak leh mai ang tih ka hlau.

"i putea ka zawt mawle "

Enga?!! kan inah alo va kal hman amaw! ka û alo awm lo hlauh chu ka vannei takzet chumaibakah ka û in a hua tih a hre ve renga a rawn kal lui leh hram zel, a huai ve ngawt mai.

"i û a awm chuang lo hluathawng duh suh, ka lo pui ang che " ka haw dawn ka tih takah chuan phur zet hian car aṭang chuan a rawn chhuak nghal a, ka hlauthawng lutuk chuan, " a ngai lo " ka lo ti nghal tuarh ringawt, mak min tih hmel em em lehnghal.

"engvangin maw? " chik zet hian min rawn en kher a, a lungawi loh hmel hle bawk.

"car ah lut la ka lo sil vat vat zawk ang "lut tur chuan ka nawr sek a, a lo ṭan ve tlat avangin a che sawn eih lo.

"kan pahnih in ka sil anga kan zo hma zawk ang " a rawn la ti hram,kan inah rawn kal a tum a nih ka lo ring ve ringawt .

"nilo...thil dang tih tur ka la ngah lutuk, kan inah i rawn kal thei lo ang " ka lo ti nghal zung zung ringawt a,kan in a a rawn kal tur thu pawh a sawi tawp si lova ,ka rilru a awm ang ang chu ka sawi chhuak leh ringawt tawh.

" aw le "

Mahni induh tawk ve tak tih takah ka ṭawngkam avang chuan a rawn ti deuh hmak a, min nawr luih pawh a tum lem lo.

Diktak chuan a bulah hian engtik lai pawha awm reng ka chak takzet amaherawhchu buaina ka duh loh avang chauh a hetiang thil hi ti ka ni.

Thuawih takin Rainer chuan car kawngkhar chu a hawng ve mai bawka, luh a tum lai tak chuan Nolan chu rawn chhuak in, "Sadie ka rei i ti em ?" a rawn ti ta mai!! rang taka hawi let pahin ramhuai hmu ang mai hian phawk fe hian Nolan chu ka va melh kawk a,rang takin Rainer lam bawk chu ka hawi leh nghal vat bawk .

Nolan pawh chuan Rainer chu a rawn hmu nghal mai a, hmuh a in ring bik lo aniang nuih tawp hmak pahin a ding chawt a. Rainer pawh lut ta mai lo chuan kawngkhar chu a khar hmak a, rum zeta min rawn melh hnu chuan Nolan chu hnek chak hmel zet hian a melh nghal khai bawk.

Lalpa leh!! engthil nge ka chungah thleng ta hi ?

Nolan leh Rainer te chu inngaithei lo tih hriat zet hian an in melh khai a, keilah sawi tur pawh hre lovin ka lo en tawn zak zak ringawt.

" heihi maw thil dang tih tur i ngah nachhan chu? "

Thinrim hle mahse Rainer chuan pangngai deuh hian a rawn ti hul hak a,ka sawifiah a phut niin ka hria.

A awmdan hi sawi fak thiam lo mah ila a rilru a nat hmel in Nolan hi a thik hmel takzet,tunah hi chuan lawm tur nge lawm loh tur pawh ka hrethiam lo.

"Rainer ka sawi fiah thei ang"mangang takin ka han ti sap a, ka buai tiin chhuanlam ka lo siam tawh miau avangin ka insawifiah ngei angai, a chhan chu tun dinhmun ah chuan Nolan aiin Rainer hi a pawimawh zawk tlat.

"a nih chuan car ah lut rawh "

" maw! "

" tunah... " ka chet lawk loh avang chuan Nolan melh reng pah chuan thupe zet hian a rawn ti vin ta hluk mai, ka insawifiah dawn avanga car a ka luh nachhan tur ka hre lo.

"a duh lo a nih chuan nawr luih tum suh " min rawn vin vak takah chuan Nolan pawh chu a rawn in rawlh ta nge nge a,Rainer nen kan inkar mah nise a ngaithei lo ve ngang aniang a hnunga min din tir pah chuan an in hmachhawn ta ran mai.

" kal sawn rawh "ha seh chilh ran hian a rawn ti ta mai, melh rum ringawt in mihring hi thi thei ni ngat ila chuan Nolan hi a thihna a rei tawh ang.

Rainer a thinrim dan chu pui tak a ni ringawt kei ngei pawh hian ka hlau zawk hial.Nolan atan lehzel pawh hian ka lo hlauhthawnpui, buaina sawi fel hi a thiam loh avangin a lehpek ah chuan kut a thawh leh duh mai ang .

"hetaṭang hian inthiar fihlim la a ṭha zawk in ka hria "

Nolan lah chu a lo zam duh bik ṭhak lo ngeiawm zet hian alo ti let ve kher a, Rainer a in hum ruh ṭalh ṭalh lai ka hmuh takah chuan kut pawh tuar dawn ila ka dan ngei ngei angai tih hrilh chawp ngai lovin ka hre nghal.

"duhtawk rawh u.." rang lutuk in an inkarah chuan ka ding nghal a, keimah vanga intibuai chu ni tho mahse Rainer hi chuan a thil tih a lo inrawlh hrim hrim hi a huat vang a ni pakhat bawk.

" Rainer car ah lut rawh inbia ang " min tih dan ang chiah chuan ka ti ve ngat a,Nolan an hliam a tawrh ai chuan engpawh ka ti mai ang.

" Sadie... engthil nge maw i tih le? " Nolan chuan min kai hrang nghal vat a, ka thil tih lai hi ka hriatchian em avangin ka rilru thlak ka tum hran lo.

" ka kal angai ..." kal nghal daih chu ka tum a mahse ka ban ah vuan in min lo dang hman.

"a thinrim em saw a khawih duh mai ang che ,kal lo la a ṭha zawk " a tih chuan ka lo khi suk ringaw,Rainer hi thinchhe hle mahse engtikah mah kut min thlak dawn lo tih hi inringtawk takin ka sawi ngam .

" hlauthtawng suh engtin mah min ti dawn lo... ka û rawn haw hma in rawn let leh ka lo tum ang "min vawnna chu ka phelh a, Rainer an car ah min lo nghah reng tawh avangin ka lut ve nghal a.

Kan kalna tur lam pawh hre lovin min tlan chhuahpui nghal a, Nolan an engtin pawh min lo ngai dawn mahse ka pawisa lo, tuna ka thil duh ber chu Rainer thinrim tih reh hi a ni.

"thinrim miah lovin a sawifel theih lo em ni ?" thinrim ṭun thil sawipui ka peih loh avangin ka ti dam diai a.

"anih chuan engvangin nge dawt min hrilh?"

"hrilh lo ta che ila Nolan i hmuh hunah i thinrim dawn sia lawm " a chhan diktak zep miah loin ka hrilh ta vek a ,lo thupbo ṭhen deuh ila ṭha tur.

"ka hmu ta tho alawm.. khapa phiangsen avanga dawt min hrilh khan ka thinrim fe zawk,ka hnek thal tawp ṭep a nih kha " hnehsawh zeta a rawn tih chuan ka lo helh leh awk awk tawh,Nolan pawh hian duh se chuan a hnek ve thei tho a ni tih hi a hrelo emawni le ?.

" i thinrim apiangin khatiang khan i awm ziah a, dawt hrilh lo thei lo che in min siam alawm. Nolan ang khan insum ve ṭhin ta che " hrilhfiah ka tum lutuk na lamah Nolan hming ka lam tel palh!! ka kâ chak lutuk avang hian a thinrim lehzual phah viau ang le.

"Enga !! khapa phiangsen nen khan min tehkhin vel amaw? "

"Nolan chu a zaidam in ka chungah a fel em em a, vin pawh min vin ve ngai lo "Nolan hming ka sawi lang ta sa sa thudik tak chu ka lo hrilh let ve nghal ṭhah a, eng dinhmun ah pawh ding ila ṭhiante chu ṭan ve ngang ngang tak ka ni.

Rainer chu a ngaihdan a ni ngang lo aniang car chu kawngsirah a ti ding chawt a, thawk chhuah deuh halh pahin a chhuak nghal daih ringawt.

"thinchhe leh lutuk mai" ka lo ti zui hlak a. Midang nena tehkhin leh a nihna diktak hrilh pawh hian inthlak danglam a hnekin a thinrim phah ziah.

Pawnah min chhuahsan daih avang chuan lungawi lo tak chung hian," hun ka nei tam lo ania... " tih nang nang pahin car aṭang chuan ka chhuak ve nghal a, mahse Rainer awmdan ka hmuh rual chuan ka mengphawk nghal kawk ringawt.

" Rainer... engtin nge i awm? "

Car dawm paha alo thaw chhuak kawk kawk lai ka va hmuh chuan ka va zawt nghal vat a, min chhang lovin a awm dawm pah hian a lungphu rang lutuk ti pangai tumin a lo bei mek a ni tih ka hriat takah chuan panic attack a nei tih ka hre nghal.

Panic attack hi ka pa khan a nei ṭhin a, heart attack nen a nat dan a tehkhin hial ṭhin. A sawi ang tak tak in a na bawk aniang ka pa kha chu mangan thlak khawpin a au ṭhawt ṭhawt ṭhin a Rainer erawh a tawrhchhel takzet aw rawl pawh chhuah lovin ngawi rengin a tuar tlawk tlawk mai ania.

" maimichhing rawh chuan ka thawk chhuah rual in thawk tum rawh aw " chiai miah lovin ka nu in ka pa hnena a sawi ṭhin ang chiah chuan ka han ti ve leh chhawng a,thawk halh halh pah in mitttui tling pam chung hian min rawn melh kalh a,Rainer meuh a mittui a tling tawh chuan a nat dan tur chu in hrethiam mai ang.

"kalsawn rawh " a rawn ti chhuak thei tawk. Chak lo taka a awm lai leh a na tuar lai hmuh a duh lo avangin min hnawt bo a tum a mahse ka kalsan dawn reng reng lo.

"khawiah mah ka kal dawn lo... " tih pahin a kut phah hlai zet chu ka va hum rawk rawk a, "chhimbal leh unicorn chiah ngaihtuah tum rawh " min hrilh dan ang chiah khan ka ti ve ngat a, na tuar e tilo chuan a rawn nui suk ringawt.

Panic attack hi a tlang puiin minute2 chauh te a ni ṭhin a, Rainer erawh chumi aia rei a ni tawh avangin ka mangang ru takzet, mahse rilru thawveng deuh leh ralmuang deuhin awm tir tur an tih thin kha ka hrechhuak thut a, a nu hla sak sâk ṭhin chu ka sa ta ringawt a.

" Angels watching, e'er around thee
All through the night ,
Midnight slumber close surround thee "

A hnung zangah ka beng thek thek pah bawka, a thawk ṭha viau aniang a thawk dan pawh a rawn pangngai tial tial in ka hria.

(he hla hi Rainer leh Sadie te hian an inhmeh riau )

Consequences -Camila Cabello

Loving you was young, and wild, and free
Loving you was cool, and hot, and sweet
Loving you was sunshine, safe and sound
A steady place to let down my defenses
But loving you had consequences

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 12th, 2020, 5:14 pm

CHAPTER -41

"Accidentally on Purpose "

Rainer hian anxiety a nei tih hre tho mah ila panic attack lehzel hi chu a nei ang tih hi ka ring pha lo hrim hrim.Amaherawhchu ka pa avangin ka tan thil thar a ni lo hlauh a, chiai miah lovin ka buaipui theih phah.

"Sleep my love and peace attend thee, All through the night Guardian angels God will send thee, All through the night" ka thiam ang tawkin zawi sap hian ka han sa leh vang vang a, ka zai thiam emaw thiam lo emaw a lungphu a pangngai na tur a nih phawt chuan ka zai char char mai ang.

Tlema a rawn pangngai deuh takah chuan a jacket siam ṭhat pah chuan a rawn ding ngil a, a kut ka vawnna chu ka thlah nghal vat bawk.

" a la na em? " ka ngaihtuah em avang chuan ka han thlek deuh ha a, a lu a thing takah chuan ka thaw nghal huai mai.

"lut rawh "

" maw!! thlifim te hi dawng ve phawt ang " panic attack neih laiin pawn boruak thawveng tak leh thingkung en mai mai te hi a ṭha an tih kha ka hriat ve kar avangin ka lut mai duh bik lo.

" car ah thlifim chu kan dawng dawn nia lut phawt rawh " teh tlat a, ka tlanbo dawn pawh a ni tawp si lova engvanga car a min awmtir chak em em nge maw a nih le?

Ka luh hma loh chu min nawr leh sek dawn tih ka hriat avangin ei loh hmel zet hian ka lut ta nge nge a, min tih hlauhthawn dan ngaihtuah chuan ṭha deuha min be tur hi a ni asin.

Tlan chhuah ka la phal loh avangin car ah kan pahnih chuan kan ṭhu ngawi dun ran a,a ni erawh seat hnung nghen ar ar pahin a maimichhing daih a ,a awm mai mai pawh hi a hmelṭha in amah hrim hrim hi hmuhnawm a tling hranpa ve hrim hrim.

A tuamah in biak hmasak kan tum loh ve ve avangin kan chhehvel te nen lam chuan a reh tlawk tlawk a, chu chu remchangah lah in Rainer a hmel ngun taka en nan ka hmang a nuam ka ti ve em em tho.

"panic attack hi engtik aṭangin nge i neih ṭan? " tia ka zawh chuan a rawn meng nghal siar siar a, a mitmeng dur khup leh natna hlira khat chu en pawh ka en ṭha ngam lo, chhan awm lovin ka lo na ve ringawt zel.

"ka hrelo "

"ka pa pawhin min boral san hma khan a nei ṭhin a,na a ti khawp asin "

" a nih chuan na ka tih hmel ve lo em ni? " min rawn nuih vur vur pah hian min rawn fiam a, ka thutak lai tak alo ni bawk nen ka lo tum khum hmuk ringawt.

" umm.... ni deuh tho " ni e, a mittui te chu han tling ve pam mahse a tawrhchhel em a ka pa ang em em kha chuan a nat hmel ve lo.

Min rawn chhan let tawh loh avang chuan ngawi rengin kan awmdan ngai ang chiah khan kan awm leh a,hahchawlh tir ka duh avangin va biak buai sek ka tum lem lo.

A maimichhin daih avangin min hmu thei lo bawka ,timna nei hauh lovin a khat tawk hian ka lo melh leh vung vung tawh a, a khabe kuh kual vel invuah fuh zet te leh a hmui ro rap te chuan ka mit a la leh tlat peka, ka en zawng ringawt pawh hian ka hrawk te chu a ti ro zo vek a, ka chil ka lo lem leh dak ṭhin.

" Rainer... " thil hrilh duh ka neih avangin ka han ti leh sap a, maimichhing reng chung chuan, "umm... " a rawn ti sup ringawt.

A aw thum dut te leh a engkim mai hian min hip mai bakah mak tak maiin ka thlan te hi a ti tla thei takngial dawn in ka hria, tuna ka awm ang hian hmeichhiate hi mipa lakah an awm thei ang tih hi ka ring pha ngai lo.

"ihh... englo ania, Nolan nen hian in ṭhianṭhat na bak kan inkar ah engmah a awm lo " thil hriat sual a nei ni a ka hriat avangin ka insawifiah ngei hi a ṭul in ka hria, a ni pawhin Amira nen an in kawp loh thu min hrilh ve tho alawm.

"A en dan che kha i lo hmu ve lo em ni, a awmdan kha ka duh lo "a lu thing mat mat pahin a han ṭhu ngil nghal a,lungnih loh hmel zetin tukverh lam a hawi daih ringawt.

" min ring miah lo em ni? " ka tih chuan hmel nelawm loh zet hian a rawn hawi phei a, a hmui a liah huh lai te leh a chil lem zawnga a hrawk bawk che ralh ralh te chu hmuhnawm ti takin leh ngun takin ka lo thlir dauh dauh a,ka fawh chak em avangin ka hmui ro rap chu ka pet ta ringawt a .

" ring e " tih paha a rawn hawi phei chuan kan mit chu a in tawng fuh nghal chat a, ka awmdan a dik tawh loh sa nak alaiin ka ṭek nghal chuai mai!

Second rei lo te mit laksawn nachang pawh lek hrelo a kan in en reng hnu chuan ka insum thei tawh lo chuan ka huaisenna zawng zawng sawm khawmin, " min fawp rawh " tiin ka ngen ta ringawt a, a mak ti lai hmel hmuh ka duh loh avangin ka kun nghal daih bawk.

" sawi ṭha leh rawh "

Rawn kun hniam pah chuan a rawn ti leh kher a,ka ṭawng a hriat loh vang nilo in amah avanga ka awmdan danglam vek hi hmuhnawm a tih vang zawk a ni.

" ka... ka "

Hmai sen ṭawn ṭawn chunga ka hawi chhuah rual chuan duhthawh zet hian min rawn fawp nghal tawn tawn a, beisei lawk ang ngeiin min fawh lai te chuan ka lo mur nghal sung sung a, a fawh zûn ngah zet te hi nikhat chhung lek pawhin ka ngai hman em em a, hetiang anga danglam bik taka min siam apiang hian nuam ka ti.

Vawiin chiah kan dam tawh dawn emaw tih tur khawpa duhthawh a ka fawh let tawn tawn rual chuan a jacket hak lai chu ka phelh sak nghal a ,a tshirt pawh phelh sak tuma ka pawh lai tak chuan ka kutah a rawn hum chawt a,ka kut a rawn lak hran daih avang chuan hriatthiam loh hmel takin ka lo en ha ringawt.

" ka room ah kan kal thei ang car a tih i duh te a nih ngawt loh chuan " a tih chuan ka lo bu nghat a, khua ala eng uarh si a a in a kal chu ngaihdan ṭha tak a niin ka hria.

Ka hmuia a rawn fawh leh zeuh hnu chuan ka ṭhutna lamah ka insawn phei zal zal a, a hmui peh pah chuan min rawn nuih vur vur a a in lam pan chuan min tlan pui nghal a.

Minute 10 dawn kan tlan hnu chuan a in chu kan thleng nghal mai a, rei hle angin lang mahse kan tlan chhung zawng khan rilru dang ka put leh lo nan ka kut chu a dawm char char a, a khat tawkin min biak buai zeuh zeuh bawk avangin ka thil tih hi a dik nge dik lo tih lampang pawh ka ngaihtuah hman lo hrim hrim.

Inchhung kan luh rual rual chuan a t-shirt chu a pawt phelh nghal a chuatah a paih nghal tawp bawk .

"he thil hi tih i duh tak tak maw? "

Ka vawikhatna tur a nih dawn avangin ka inchhir leh a duh avangin min rawn zawt ṭha leh ngat a, chhang buai lovin ka pawt kun pawp a ka fawp nghal tawn tawn ringawt.

A ni pawh in keimah ang tho in a chak ve tho avangin min pawm kan lawp pahin min rawn fawp let ve nghal a, kawngka chu a ke in a tlawh kalh nghal tawp a,kan duh kan chiang dun bawka khum lamah min pawm phei nghal bawk.

Rainer chuan uluk takin khumah chuan min mut a, ka la thianghlim a ni tih a hriat vang nge pawh ka hrelo nidang aiin a nem sawt in min uluk ta riau hian ka hria mahse a hma a Rainer ka hriat ṭhin leh rough taka che ṭhin kha ka duh zawk.

"a hma ang khan awm leh rawh " min khawih nat a hlauh em avang chuan ka ti ta ringawt a, min rawn nuih leh vur vur tawh.

"hmanhmawh suh babe, I'm gonna f*** you hard" a tih rual chuan Rainer ka lo duh ṭhin em em kha a rawn let leh tawh tih ka hria a, ka hlim lo thei lo.

" ka mamawh che " ka han ti leh a.

Rainer hian ka duh zia leh a tan ka in pumpek zia hi hria se ka duh avangin ka mamawh zia ka hrilh nawn leh ngat a, amaherawhchu hmeichhe dangte anga zei ka nih loh avang erawh chuan ka zâm hle thung.

" kha kha a ni ka hriat duh chu "

Ka awm bawr ṭham nawk nawk pahin min rawn fawp leh tawn tawn a,ka kekawr zipper a phelh lai chuan ka kawr ka lo phelh ve nghal zung zung a, ka chet dan avang chuan a lungawi in a rawn khi leh suk zel.

Ka kekawr leh panty min phelh sak hnu chuan ruak ngal ngatin Rainer hma ah chuan ka mu zat a," i mawi takzet " min rawn en vang vang paha a tih chuan ka lo lai nghal ringawt.

Hetiang anga Rainer meuh ina min fak takah chuan ka inrintawkna te chu ka neih let leh phah a, insit miah lovin ka hmachhawn theih phah bawk.

"i hmai a sen vek a nia, zah angai reng reng lo "

Ka zâm em avangin boruak tih zân nan a rawn ti a, ka chung a rawn bawh pah chuan ka awm bawr leh ka dul bawr vel chu a fawp thla dan dan a, ka nghawngah rawn in sawn chho leh in na zet hian a rawn fawp nghal ngawng ngawng a,a sam ṭham chial pahin ka lo rum ham ham ringawt .

"hei aia ringa rum tur hian ka siam dawn che "

Ka beng bula rawn tih sap pahin ka hmeichhiatna chu zei zet hian a rawn nuai a, a sawi ang ngei in a ban ṭham ngawng ngawng pah chuan ka rum nghal kawk kawk mai.

Chutia vanram tlafual ka chen mek lai chuan a kut chu la hrang in a ti tawp thut a, ka hmui rawn fawh zeuh pah chuan a tho nghal daih ringawt!! a thinrim thut emawni le?

" ngatinge i tawpsan? " a awmdan chu ka hriatthiam loh em avangin aw khur dar dar chung hian ka lo zawt leh hmanhmawh a,a ruk tak chuan ka hlauthawng hle.

Ngawi rengin ka zawhna pawh chhang lovin a jacket ipte chu a va zen rawk rawk a, wallet a rawn la chhuak a, a awm dan chu mak ti takin ka lo en reng thung.

"invenna " tih sup pahin a wallet aṭang chuan condom hi a rawn la chhuak a, a thinrim lo a ni tih ka hriat chuan ka lo thaw nghal huai mai.

"i chiang chiah maw ?" a tawp tak tak nan min rawn zawt ṭha leh ngat a, ka duh lo ti ngat ila chuan chak viau mahse min nawr luih ka ring lo.

" min zawt leh a nih chuan ka thawmhnaw hi ka ha ang "

" ka tihpalh, ka zawt tawh lo ang che "ka sam rawn chul paha min rawn fawh leh zeuh hnu chuan a kekawr zipper chu a phelh a, ti ṭhang tih hriat takin awlsam deuh hian condom chu a vuah nghal mai a ,chil thli tla lo chauh in ka lo thlir dauh dauh ringawt.

"a nat viau chuan min hrilh vat dawn nia"

Ka lo buk nghat takah chuan ka mal ah vuan in hnehsawh zet hian khum mawng lamah min pawt thla a,ka ke pahnih inkarah rawn ṭhingthi nghal in min en reng chung chuan ka taksa chhungah chuan muangchang hian a rawn lut zal zal a, a nat em avangin ka lo er nghal ngawng ngawng mai.

" phiangsen chuan a thi ania, a na viau em? " min ngaihtuah em avangin na ka tih leh tih loh chu min zawt chhen a, a bulah sawi kher lo mah ila a nat dan chu ṭawng pawh ka ṭawng ṭhat theih loh danah hian a hriat mai.

Ka hmui pet fan fan pahin bedsheet chu ka ṭham tawn tawn a, ka inrin loh laiin ka mittui chu a rawn luang thla nghal ngiai ngiai bawk.

"f**k ,Sadie...tawp turin min duh em? " a rawn tih rual chuan ka meng nghal kawk a,ka mit ah tak chiang takin min lo en reng chu niin hlauthawng hmel te pawh a pu in ka hria .

" khawngaihin tawp suh " a ban puam ah chuan na zet hian ka han ṭham nghal tawn a, keimah ang chiahin a ni pawh hmeichhe thianghlim a vawikhat mutpui na a nih avangin a hlauthawng pawh a ni mahna.

" ka che dawn ania " chil lem dak pahin ka lo bu nghat a, a nat tawh sa nak alaiin an che leh chiah phei chu maimichhin pahin ka dak nghal awrh a, a ban vun te chu ka ṭham pilh pheng phung mai.

Reiloteah kan zo rual a, a chau bawk aniang min rawn fawh zeuh pahin ka chungah chuan a rawn bawk hle hle a, ka thaw dun hlawp hlawp bawk.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)