HER RHAPSODY BY NUNUI FRANKY HMAR (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

HER RHAPSODY BY NUNUI FRANKY HMAR (Completed)

Unread post by Ngaia » April 26th, 2020, 4:10 pm

2qj1tchn.jpg
2qj1tchn.jpg (14.99 KiB) Viewed 33594 times


HER RHAPSODY




EPISODE 1



BY: Nunui franky hmar..







( The officer wife kha rawlkhawlhna vangin ka rawn chhunzawm thei tawh dawn lo va, min lo hrethiam hram dawn nia. Chuan tuna ka story thar hi min lo hlutsak a, min lo chhiarsak leh theuh tur in ka rawn ngen a che u. )





Covid-19 laka kan lo him tlan zawk nan in lamah tawm im hram hram ila, Pathian hnaih phah nan i hmang tlang ila, chuan ka Story hi Pathian zarah kan dam anih chuan zantin rawn dah ka lo tum anga, a timing hi dar 7-9 inkar a ni e..








JAMES POV...





"Ka farnu pawh Aizawl lamah lehkha a rawn zir chhunzawm dawn. Bakah a lung lam hi a chiang lutuk lo bawk nen. Damdawiin hnaih ah" Ka thianpa David chuan meizial tan pah chuan a ti sup a, a tawngtam lem lo va, ka doctor pui a ni a , ka pa hospital- ah hian kum 2 kalta atang khan ka thawk ve chauh a, ani pawh chuti tho.




Mahse, kan thiamna a in ang lo thung a, ortho lamah a awm laiin kei erawh pulmonologist , lung lam ka ni daih thung . Specialist ka zir laiin kan inhre tan a, thingtlang mi ani nangin a tumruh em em a, ka hmuhsit phah ngai hauh lo.






" I farnu chu engtik nge alo chhuk dawn? Hetah hian emni a awm ve mai ang? " Hospital quarter ah a awm a, ka haw peih loh viau hian ka riak ve mai thin a, a night chang pawhin a inah keimah ngeiin ka riak thin .





" Kartawp-ah a niang. Ka nu leh pa nen. In checkup an ngai hrim hrim a" Kan ngawi dun vang vang a,




" Nupui neih lam lo sawipui teh I pa in minti asin " A rawn tih chuan ka nui huk . Hmeichhe ngaihsak ngailo pahnih kan inkawm tih ka sawi em aw?






Karkhat zet a liam leh tawh a, hna ah kan tul ve hle a, lung lam specialist keimah chiah ka awm bawk nen a buaithlak ve hle a, Doctor pangngai erawh pahnih an awm a, pulmonologist pathum kan awm ang anih chu .




Ka duhdan tak chuan Shillong hospital a thawh tum kha ka nia, mahse ka pa hospital enkawl pah a thawh ka thlang ta zawk a. Ka la sawi miah lo, ka hming chu Dr James Lalduhzuala , kum 32 mi, nupui nei lo tih kan sawi tel hram ange.





" U kan college-ah thingtlang mi hmeichhe pakhat an lo sawn a, a hmelthat zia chu maw. Mahse a dang vek. Thisen a nei lo aniang, a sam a sei sia. I hmuh ah ka it tawp " Zanriah kil laia ka farnu Estherin a tih chuan ka pa hovin kan nui a,





" Mama, nupui lam te hi. Tu hmel hmu lovin kan thi hlauh ange" Ka pa chuan a rawn ti bauh a, ka nu chu min chhan hope zetin ka melh zauh a,




" Ala nei ve mai ang. Luck lo zawk zawk pawh anih loh hi " Tiin ka nu chuan min lo chhan hluah a, nie nupui nei a fa nei rual chu ka ni ve tawh meuh mai, mahse khuanu ruat antih ang hi ka la tawng ve lo pawh ani mahna.







"David" Kawngka pawh kik lovin ka hawng a, ka kik ngai lem lo. Chhunglama lo chhuak tur nen chuan kan in toh chawrh a, ka awmah min rawn su dawt mai.




" Va che chukchu e aw " Ati zui nang nang chu ka hria, tu hmeichhia nge min lo su tu chu tih en turin ka hawichhuak a, hmeichhe tleirawl ni awm tak ngo ving veng, hmai tai tek hian min lo en kal a, Davida farnu kha a ni ngei ang ka ti rilru a,





" Tu nge i nih a? " Min en reng chung chuan ati a, a aw a nem tehreng nen a thinchhe ve hle anih dawn hi.



" James ka nia, i u thianpa" Tleirawl te mah nise hmuhnawm ka tih viau chhan ka hre lo. Ka en ning thei lo, ka vawikhat hmuhna mah nise, eng zun emaw chu a nei chiang a ni.




" E, lo lut rawh a insiam mek a " Tiin luhna tur kawng min kian a, Mizoram tleirawl atanga nu thlengin min hria asin le, ka bialnu nih duhin min zarbuai laiin henu te hian min hre hauh lo anih dawn hi.





College kal tur ani ngei ang, a in siam fel at tawh a, a te fel ran lehnghal a, a sam sei tak chu a tawn sang vah a, duhawm reuh lutuk.




" Min en reng suh " Atih sup chuan ka harh chhuak zawk a, ka lo en reng tih reng ka hre lo. Ka zak ru chem chem mai. Tleirawl te te si, frank reuh lutuk. Ka ep ah chiah a rawn thu a, a phone phawrh in a khal niap niapa , David pawh chu a va insiam rei ve.






"James, i va hma ve " Room atangin a rawn chhuak a, a nau chu a rawn melh zawk a,



"I thianpa chu I nghak ami " Atih chhunzawm nghal a,



"Aw, U , enge chawhmeh ka lo lei haw ang? Naktuk I birthday ani sia " Nui ver vera a tih chuan ka en ning thei meuh lo. Mak tak a ni. Kei ka ni inti chin ngat ka ni asin.





" I duh duh ni mai, lo haw har lo la aw. "







A farnu chu a thianpa ni awm tak chuan bike in a rawn lam a, ka thik deuh emawni? Ngatinge ka thianpa nau ka lo duh ruk ringawt ni? Ani aia tha an tam emai tiin ka inhnem chawp a.





" Ka farnu I melh dan kha " Tiin fiamthu in min la kap let zui a, nuih a harsa talh mai. A nulat puitlin hunah a hmeltha ang chu.







NORA POV....





"I bialnu emaw minti vek aniang " Kan khua atangin ka insawn a, Aizawl lamah ka u bulah awm in college ka kal chhunzawm dawn a,




"Ila ni maithei asin " Ti sup chuan college lamah kan in zui lut a, kan SU leader a ni a, ka hmelhriat sa pawh a ni lo. Admission kan tih ni a inhria kha kan nia, min puih zui a, class awmna te min hrilh a, a fel reuh zek mai .





"Class ka nei sia, nakin ah kan inhmu dawn nia aw" Tiin ka kalsan a, min en hrek hrek vang chuan nuam ka ti chiah lo. Mi thar ka nih vang pawh a ni mahna.





Class ban chuan ka u present tur lei turin min kalpui leh thlap a, a inpe zo reuh ngawt mai. Min sawi sep sep pawh ka hria, ngaihzawng en in ka en lem lo. Ni hnih chiah kan la inhria hrim hrim a.





Sa vel te leh thlai lam ka duhtawk a, present vel ka en hnu chuan bus a haw mai ka tum chu ka thlah ang che ati tlat a, Zotlangah an awm a, keini erawh Chaltlangah. Kan in hlat tehreng nen.





" A ngai lo asin, min lo lam tawh bawk sia " A hmui a pet sawi zauh a,




" Lo chuang mai mai la " Ka nui suk. Mipa nelawm ve tak chu a ni.




Kan in thlang, gate bulah chuan ka chhuk a,




" Jerry ka lawm lutuk aw. Thingpui te lo in la " Ka tih chuan min hnial nasa mai a,




" I u leh a thianpa mengrum thei zet kha an lo awm palh ang" Fiamthu chuan a ti a, kan in mangtha hnu chuan in lam ka pan chho a, ka u ala bang lo ani maw.





Ka inthlak a, rawng ka bawl a, ka awm chhung hi a na vawng vawng mai. Damdawi zingah ka ei lo tih ka hrechhuak. Ka ei vat a, rawngbawl zawh dawn lamah alo haw a, a thianpa kha alo tel ve leh hram. In a nei lo emawni?





Min en duh viau lehnghal a, nuam pawh ka ti lo . Mahse eng emaw zawng tak chuan pa ka ti. Ngaihzawng ka la nei ngai lova, ka u thianpa ang hi ngaihzawng ka neih dawn pawn ka nei ngei ang. Ka M&B bu chhiara a changtupa ang mizia leh mitmeng zawng zawng, a hawiher zawng zawng, ka lo dream thin ang kha a nei vek a, ka hmuh tirh pawhin mak ka ti anih kha. Mahse a upa mah mah. Bakah bialnu te pawh a nei maithei a.






" Nora, thingpui i nei em? James nen hian kan lo in ang " Ka u in atih chuan ka phu zuk a, James maw? Ka va melh zawk a, min lo melh leh reng tawh. Enge maw a hriat ni?





A haw hnu chuan ka zawh chawp pawh ni miah lovin ka u chuan James chungchang chu a sawi a, an hausak zia leh he hospital neitupa fapa anih thu pawh. Ka hriat rual chuan ka down nghal rawih a, kan tan chuan an sang mah mah ani tih ka hrethiam a, lo star ruk kha a hit lo.







" A upat ve hmel tawh sia, bialnu emaw nupui te ala nei lo ve tho ami? "





" Kum 2 vel kan inkawm ve tawh a, hmeichhe chungchang min sawipui pawh ka hre ngai lo. Nang te hi ilo star emni? " Min chheih zui mai dawna ka hriat vangin choka ah ka luh san vat a, ka damlohna hi a zual thei reng a, ngaihzawng te nei hman ka ni lo. Lehkha zir ka ngai bawk.




Thla khat vel zet Aizawl ah ka awm ve tawh a, thian pawh pahnih lai ka neih belh tawh a, ka u an lo ngaihzawng vang lek tih ka hriat chhuah chuan ka nui vak vak....





Ka u thianpa doctor James kha ka hmu khat viau a, a buai ani maithei ani.





Kan college thlangah bus ka chan lai chuan ka hma zawnah motor dum hi alo ding a, ka phu deuh zuk thei. Glass dum vek chu down in ka ngaihtuah lai mek James , Doctor James chu a lo dak heu mai.




" Lo chuang rawh. Hospital ah ka kal dawn "



" Aih bus... "



" Lo lut vat rawh, traffic tih jam i duh mi? " Ti hluk in kawngkhar a chhunglam atang chuan a rawn hawnga, ka hreh zat in ka chuang chak. Ka hawi kual zuk a, a la awm ve te chuan min en deuh thap lehnghal. Nuam ka va ti chiah lo tak.





Ngaihngam zan lovin ka thu lut a, a tlanchhuak zui nghal a,




" I va tlai ve, last I nei mi? " Atih chuan ka lu ka bu nghat a, mahse min lo en lo tih ka hriat chuan " Aw" Ka ti tha leh a.




Kan ngawi dun vang vang a,
"Nora tiraw i hming kha " A tih chuan ka lu ka bu nghat a,



" Aw " Ka ti tha leh a,




"Khawiah nge i bialpa bike nei kha? " Atih sup chuan ka va melh vat a, min lo en ve reng bawk a,




" Ka bialpa ani lo. Bialpa ka la nei ngai re re lo " Tinge a bulah hian ka insawifiah chhan ka hre lo. Ka sawi tawh laklawh sia. A nui suk a,






" Tha. Ngaihzawng nei rual ila ni lo. Kum engzah nge i nih tawh hrim hrim? 18 i tling tawh em? " A tih chuan ka hnar ka ti var hak a,




"20 ka tling tawh dawn"




" Hmeichhe naupang ila ang viau sia" Nui suk chuan a ti leh a, ka nui ve tho . A hmel a nelawm loh chu thuhran, a mizia a vawh hmel tehreng nen a bula awm nuam ka ti ta viau a, a nuih ngai loh hmel ka tih te kha a nui hmel ka hmu ngun ta viau bawk a, hre lawk ila chu a tir atang hian ka hnaih hauh lovang mawle.






" U James ka lawm lutuk min phur ve a " Quarter thlang gate ah ka chhuk a, ani erawh hospital ah a tlan tlang chho dawn a, a nui leh suk a, min en reng vang chuan nuam ka ti miah lo.




" Thingpui ka rawh in ang nakin ah " Atih chuan aw le tih chiah in ka chhang. In ka thleng a, rawngbawl ka tan a, ka u alo haw har thei a tunlai chu, bakah zai ngai an tam thin thu a sawi a, ka khawngaih thei viau, a chauh hmel thei lutuk a. Bakah ani phei chu ortho lam ani bawk si nen. Mi in entir an tam thei awm si.





To be cont....




Min lo chhiar sak leh theuh ula aw, Episode 2 pawh....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:11 pm

HER RHAPSODY



EPISODE 2




BY: NUNUI FRANKY HMAR






(Min lo chhiarsak leh theuh ula aw... Chuan corona virus laka nang leh i chhungte in lo him theih nan, inchhungah tawm nuam vek u)






NORA POV...




"Nora, i thawk a buai thin in ka hria zanah hian. Min hrilh ngai miah lo va " Zanriah kan ei laiin ka u chuan chaw bar thulh meuhin min en a, nie tunlai chu ka thawk a harsa a, ke a thui deuh ka kal te emaw ka hah deuh hian a zual a, inhaler ka ak ziah thin.





"U, ka hah deuha tunlai chu. Ka dam leh mai ang " Chhungte tihbuai reng hi ka inthlahrung thin.



"Naktuk ah class chawl la, in check up I ngai. Ka thianpa kha lung lam specialist ania, ka lo bia anga, hospital ah khian nia, hlauhawm a awm lo . I dam thatloh vang aniang, I dang bei alawm " Atih chuan ka inthiam lo letling zawk hle a, mahse engmah ka sawi lo.





A thianpa kha a ruk tak chuan hmuh leh ka chak tawh. Ka rualpui loh D daih ni mahse. Ka taksa a khawih ngei a ngai dawn bawk a, ka ngaihtuahna avang chuan ka mit ka chhing sak a.





Lehkha ka bih zuai zuai hnu chuan ka online zuai a, ka u erawh a mu hma hle a, TV en ka tum zet a, ruah a sur ser ser vangin ka thulh leh ta zawk a, ka mu meng kar reng a, Jerry khan min lo bia a, min duh thu a sawi a, mahse ka chhang lo. Ka lo in ngaihtuah ang tiin ka chhang a, ka duh ve em ka hre tlat lo.






Zingah chuan class ka kal lo ngei a, ka u nen hospital ah tukthuan ei zawh ah kan chho a, thla khat leh a chanve vel ka awm ve tawh nangin hospital ah tak hian ka vawikhat chhoh na.





"Sawlai saw a clinic ania, ka hrilh vek tawh a, lo kal tawp rawh se a tih kha. Lo va kal la, ward round lawk ka ngai a, ka zawh velah ka lo kal ve ang. I hreh em? " A tih chuan ka lu ka thing a, keimah chuan ka kal a, mahse ka phur lem lo.





Room kawngkhar Dr James Lalduhzuala Pulmonologist Specialist tih intar kiau chu ka melh zauh a, ka zam chhe lek lek. Ka kik a, nelawm lem lo tak hian lo lut rawh ati sup a.





"E, ilo kal a, lo thu la" Tiin min hmuh chuan a nui suk a, a dawhkan hma ah chair ah chuan ka thu thla a.





"I u khan I natna vel min hrilh a. Tunah khan engtin nge a nat? " Chiang takin min en a, dawhkan ah a kut zum sei thlarh leh fai sarh chu a nghat a, min en reng bawk si nen ka lai lek lek. Ka awmdan te chu ka hrilh a, a ner nak a.




"Karhnih khat ai chuan a rei tawh ani maw? " A tih chuan ka lu ka bu ringawt a, engtin nge a hriat a?




" Aw" Ka ti leh sap, lu buk kha a duh vak lo a ni ngei ang. A ngawi vung vung a, enge a ngaihtuah ka hre lo. A hma a dawhkan ah chuan eng eng emaw a ziak a,





"Nora, test tih a ngai dawn a, a hlauhawm loh a nia " Ati leh te te a,




"Eng test" Lo ti vat in ka lungphu a rang zual. Test kan tih hnuhnung ber khan ka lung a pawp tep anih kha. A pawp tawh a nih ka ring hial a, bakah ka lung thlak a ngaih thu te pawh an sawi rik ka hria anih kha.





"Normal test babe. Hlauh tur a awm lo ania " Babe a? Ka u alo lut ve a, eng eng emaw hming mak deuh deuh chu a hrilh a, an ngawi dun vang vang a,





"James, tunkar ah hian Guwahati ah zin ngei ngei kha ka ngai sia engtin nge ka tih ang aw? Nora hi amaha awm tur chuan ka ngai ngam chiah si lo va" A rawn ti chhuak phawng a,





"Kan inah a rawn riak thei alawm. Damdawi vel ka chawh tur pawh hi a ei dan ka hrilh anga, bakah puih angai dawn a " Dr James chuan alo ti ve leh a, ka riak duh reng reng lo.





"Aih, ka riak sawn duh lo. U keimah pawn ka awm thei alawm " Tiin ka lo hnial vat a, mipa te pahnih chuan min en a, an ngaihdan a nih vak loh hmel em em lehnghal a,






"Ka riak mai ang. I roomah ka mu mai anga, bakah office kalna a hnai " Awlsam zet chuan ati a, ka u chu a nui suk a,





"Nia, ka thianpa i nia, ka nau lo awmpui tur chuan ka ring ber che. Bakah lo buaipui tur pawhin. " Ka u in atih chuan ka lo hreh ru viau. Tuesday chiah ania, tun kar a cham dawn sia , kan riak dun rei dawn lutuk a. Bakah ka hrechiang ve si lo.






Test chu eng eng emaw min tihpui a, a then chu a na em em a, thisel lak te kha ka hreh zual. Thisuk ka nei tlat. Damdawi mak deuh deuh min chawh a, ka u in lei turin min kalsan a, kei erawh ka luhai deuh vangin mu hrih turin minti a.





"Riah dun ka sawi khan i hmel kha hmu la chu i nuih a za ve ngawt ang " A rawn ti chhuak sup a, ka lo nui suk a,



"Ka hmelhriat pawh i ni vak si lova" Ka ti sap a, ka bulah a rawn ding a,




" Kan la inhre chho telh telh dawn alawm " Tiin a nui leh suk a, mi zingah a nui khat viau sia, ka u bulah ngei pawh. Ngatinge ka bulah hian a nuih a nuih mai le.





Ka u zanah ka insiam pui a, keipawh tunkar chu class chawl mai turin min ti a, ka huphurh hle. Internal a hnai tawh si. Mut dawnah min jection a, ana ngei mai. Ka tre that.





A chak deuh nge ka muhil vat a, ka mutui ngei mai. Zingah pawh thawh ka hai pah a, injection kha ka duh tawh hrih loh thu ka hrilh vat a, ka hlau... Ana bawksi. Ka ban pawh a na vek. Ka sawi zawng te chuan ka tap tep a, ka nu leh pa ka ngai ngawih ngawih. Haw leh mai ka duh.





"Nora, i damna tur alawm. I dam vat duh lo ami ? " Zaidam taka a tih chuan ka tah a chhuak zual a, a kal tur chu kawtah ka thlah liam a, a thianpa pakhat doctor nen seminar kal tur an ni a, ni 4 chhung a ni a, Sunday cham in Monday ah an rawn haw dawn a, ka khua a har nghal.





Chhunah in ka tifai a, tihtur ka neih loh em vangin TV ka en a, ka damdawi ei ho a chak bawk a, taksa a ti chau em em nghal a, ka lo muhil daih a, kawngka kik thawm in minti harh a, ka hawi chhuah chuan khua a lo thim ruih tawh . Ka lo muhil rei awm hle mai.




"I muhil hi? " Dr Jerry alo ding kur, aw, alo riak dawn tak. Rawng pawh ka la bawl miah lo tih ka hrechhuak. Mahse chaw a ei tawh angem he mihring hian?



"Aw, ka lo muhil daih a" Ka mit ka nuai a,





Inchhungah a lo lut a, min en reng lehnghal a. Mahse, ka hawi sawn vat thung.



"Zanriah ei tawh ila " Tiin min rawn melh a,




"Ila ei lo mi ? " Ka lo ti hu a,




"Ei nang, hospital atangin ka rawn chhuk tlang alawm. Nge rawngbawl pawh i thiam lo mi? " Min tihdan avang chuan ka melh hrawk a,




"Thiam thiam thiam. Ka lo muhil tui deuh a, chuvang chu alawm." A nui suk a,




"Damdawi kha a chak deuh a, i cher chhe sia, i taksa in a zo vak lo anih kha. Enge kan siam ang aw" Tiin choka lamah a lut zui nghal a. Ka ngaihtuah a, an hausa hle si a, ngatinge keini inah te alo kal a lo kal tih te? Bakah tun thleng thlenga ngaihzawng la neih miah loh mai chu.





"Nora min lo pui dawn nge, tikhan i pending reng dawn? " Ka zui lut vat a, chawhmeh thing a awm lova, bawl thar vek a ngai a, chi hnih chi thum kan siam a, chaw ka chhum a, a heh vak hmel loh.. Keimah hian ka heh zawk daih ang ani ai chuan.






"Upa deuh la chu tha tur " A hriat tawk lek chuan a phun sup a,





" Maw, enga tan maw ka upat ang? Ka upat tawh em hi" Mit ka siai zauh a, mahse ka hawi sawn vat. Ka chaw ei erawh a tui dan ngaiin a ngai reng a, ka u emaw tiin ka lo ei tui leh hle a.







"Hmeichhia si, ei i va thei ve " Ka inrin hma in a darah ka chum tawlh a, a rum hak thung.





"Ngawi trawt teh " Tiin ka kham san daih a, zan li vel kan inhnial dawn ani ngei ang.




"TV en ila " Room a ka lut tur chu min au ding a, mut ka duh tawh tehreng nen.




"Nangmah in en mai rawh " Ka ti zet a, ruah a sur bawk nen ka muhil thei lawkin ka ring lova, a sirah ka va thu a, ka u nen an intawk thawkhat viau bawk a, a thuamhnaw a ha a.





"Zanah the conjuring te chu"



"I hlau a mi? " Ka lu ka thing vat a,



"Aih hlau lo. I hlau zawk ami? " Ka ti let vat a, a vawh deuh avangin roomah ka lut a , puan ka lachhuak a, ka sin a, sin chak ve hmel taka min melh chuan ka ner khum nak a,




"La ve mai rawh " Min ner khum nak a, ka ke lam chu a rawn pawt a,




"Uikawm viau suh " Minti sup a , a sin ve leh hmak. Engtik atang khan nge kan in nel tak ka hre lo. Ka u rual lehnghal hi. A tan feelings ka nei tih hre ta se engtin nge min tih ang ka hre lo..





Ngawi rengin kan en dun a, mood ah chen theih hrep lehnghal. Ruah a sur cher cher bawk nen.





JAMES POV...





Nora ka bula thu chu ka va melh a, a lo muhil daih tawh. Jection a la ngai si a, tih harh ka hreh bawk si . A u khan min lo text leh lo se chu ka lo hre dawn reng reng lo tihna kha a nia.




Ruah a sur a, khua a vawt deuh ruih bawk a, chutah current a rawn thim chiah.. Inverter on na ka hre hauh lo.





"Nora harh teh, khawiah nge inverter on na? " Ka sawi a, a harh thei miah lo. Ka sawi ka sawi a, ka phone ka phawrh a,




"Ngatinge light hi? Sawtah a awm va on rawh " Light in a hmel ka en vang chuan a phun nuah nuah a, ka nui suk. Light ka va on hnu chuan ka pan hnai a,





"Mu tawh mai ila, khawiah nge i damdawi i dah ? Jection na tur kha " Ka tih chuan a lu a thing vat a,





"Ka u a awm silo a"





"Ka awm alawm "a hmui a ti pawrh a, vawh tluka chak ka nei lo. Injection a hlau tih au khan a sawi a, a ban sen vual tut pawh kha a ni ngei ang.





"Damdawi te hi i ei that loh a, chawh ang ang te i injection loh chuan i lung kha a dam thei dawn lo ania " A mitah ka en a, a mittui a tling pam a,




" Thil dam thei tawh lo tur enkawl enkawl a ngai kher ami ? "





"I dam leh dawn alawm. Naupang chhia deuhin awm suh " Ka duhaiin ka lo vin aniang e, a phu deuh dawrh a.




" Min vin suh. Ka engmah pawh i nih loh kha " Tiin a room ah a tlan lut daih a, hrep hian aw, enge maw ka hriat ni? Vin lo tur ka nia sin.





Banga sana intar chu ka melh zawk a, dar 10 a lo ri tep tawh. Kawngka ka pawt a, a kalh daih lehnghal.




"Nora ka tihpalh, lo hawng teh " Ka chum a, a hawng duh miah lo. Kalbo turin min ti vin hlar lehnghal. Hrep hian.





"I lo hawn hma chu kawngkhar bulah hian ka ding reng dawn a nia"




"I duh leh ding tlaivar thak rawh. Haw daih rawh. Ka u pawh i ni lo"tiin min vin nghek a, he nau hi a aw a nem nem nen ava thinchhe reuh tak.





Tihngaihna hre lovin ka thu reng a, hmeichhe luhlul leh duhawm tak a ni . Ka ta ah engtik ah emaw chuan ka la siam thei mahna.






Rei fe ka ding a, ka au reng bawk a, mahse min chhang lo, a ngawi vang vang. A reh vang vang hnu chuan mit bui zet hian a rawn hawng a, min rawn chho en ran a, a ban chu a hlim a,





" Na lo thei ang berin ti vat ang che "
Tiin syringe chu min pe a, ka khawngaih ang reng. A roomah kan lut a, a room chu a fai a , bungrua te pawh a felfai thlap bawk a, khumah chuan a thu a, a ban min pe a, a hreh hmel chu hmuh a hreawm hle.




" Aw le. A na rei dawn hleinem" Tiin ka hip chhuak a, a ban chu ka chelh a, vein ah kher a ngai a, hmuh a harsa lo... A lukham a hum vak a, ka vih lai chuan a na ti lutuk chu a tap zawih zawih a, a au chhuak that bawk.......






" A dam leh vat dawn " Tiin ka hnem a, a ban chu ka hum vang vang a, ka tum loh deuhin ka kuah a,.





" Min kuah suh " Tap tiau a atih chuan a romantic na chu a rawn thlak uih vek. Ka nui chhuak huk a, ava zei lo tak em aw.





" Tap mai mai rawh.. " Ka tih chuan a ni pawh a rawn tah nuih a, a inla hrang a, a ban na lo lam chuan a mittui a hru a,..





" Va mu tawh rawh, a tlai tawh si " Ka nui suk a, nie a tlai tawh. A chal ah ka fawp zauh a,



" Tui deuhin i mu dawn nia " Tiin ka chhuahsan a, he feelings hi ka duh lo. Ka thianpa nau ka ngaizawng ta reng chu a nia. Hrep hian. Duhna mai mai anih hram ka beisei a ni .






Davida roomah ka lut a, ka mu nui ver ver mai. Tlangval senior nilovin tleirawl ngaihzawng nei tan tir te pawh ka ang rum rum mai. Hrep a..






To ve cont ......




Episode 3 pawh min lo chhiarsak leh theuh dawn nia aw, likes, comments leh click kha aw...


( hripui laka kan him theih nan inah i tawm im tlang ila, Pathian i au theuh ang u khai)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:11 pm

HER RHAPSODY




EPISODE 3




BY; NUNUI FRANKY HMAR....




(In hmangaih tur chu an intawng mai a, hun leh hmun in a dang ve ngai lo. Hmangaihna ti zual tu ah an chantir thin... NUNUI)






NORA POV...





Zing ka harh chuan ka ban na ut ut pawh kha a zia tawh a, zanah ka phone ka silent vangin ka u missed call chu ka en vat a, ka call back a, chanchin te kan in zawt a, Dr James fel zia ka sawi chuan a nui huk a ,




" A fel ania, a nelawm lo miah lo ania, a landan mai mai anih kha " A tih chuan ka nui ver ver a.




Ka tho chhuak a, Dr James kha a kal daih tawh emaw ka tih kha a lo la awm reng a, thuthlengah thu in a phone a lo bih a, ka phu deuh zuk.




"Good morning, I mu tha em? " Min hmu lo emaw ka ti a! Hnunglamah mit a nei tel a mi?





"Um tha nimai " Tiin ka kalpel a, choka ka pan phei nghal a,



"Zing chaw I ei dawn mi? " Ka ti tawng a, a haw dawn lo ami?




"Aw ei ang. Inthlakna ka lo keng alawm. Ka inbual tawh a, rawngbawl la, hna kal hma deuh ka ngai a " A rawn ti sup a, nupa te pawh kan ang. Rawngbawl ka zo tep a, chaw ka chhum hnuhnung ber a, chaw hmin hun nghak pahin common room lamah ka phei a, a ep chiah ah chuan ka thu a, biak loh chuan a ngawi ngul a, min en leh kur ringawt a, ka zam chhe lek lek thin.





"I ban chu a la na em? " A tih chuan ka lu ka thing vat a, min en reng a, tawngka khera ka chhan a phut leh ta.




"Aih na vak tawh lo. Au Vida chiu ai kha chuan i chiu kha a dam zawk daih " A vei nuih suk a,



"Tahbelh reuh ropui si " Tiin min fiam zui a, ka ner ringawt. A ngawi a, keipawh ka ngawi. A tawngtam lo tih chu au Vida pawh khan min hrilh tawh , mahse mipa chu tawng zawt zawt lo hi an pa ber . Ni lawmni ?





Tukthuan kan ei hnu chuan a inthlak a, hospital lamah a chho a, a chhoh hma chuan min lo thlah la kawngka thleng ati sup a, ngatinge thlah kher a ngai ami?




" Ni hman nuam le " Tiin lo awn hnai in nizana a tih ang tho khan ka chal ah min fawp leh zauh a, ngatinge? Tihian a ti thin emni? A farnute emaw a bialnu thin te pawh? Ka hre bik lo va, mahse hetia min thlah hian ka ngaih a tha veng veng.





In ka tifel zung zung a, text book ka chhiar a, ka thiannu in internal test tur vel te min lo thawn a, ka en thuak thuak a. Hun a kal chak ve zek a, ka inbual a, ka u ka be bawk a, a vawh deuh thu a lo sawi a, ruah sur vang pawh kha anih ngei ka ring.





Tlaiah chuan chhunah engmah ka ei lo bawk nen ka riltam deuh hleka, hospital lama chhoh a, canteen a thil ei chu ka tum a, a bulah dawr a awm a, chutah chuan frozen foods vel emaw en pah tumin ka chho a, Dr James ka hmuh loh hram ka beisei.





Canteen B zawkah ka lut a, mi an tam lo zawk. Tlai lam anih tawh vang te pawh ani maithei. Order ka siam lai chuan ka lo ngaihtuah leh veng veng tawh. A mizia nelawm lo tak leh mitmeng thim ruih te, a vun ngo puak nilo mahse fresh em em mai te, a nui hmel mawi tak leh a hairstyle zawng zawng te. A engkim chuan min hip vek a ni. A nupui tur chu a vannei ngawt ang.






JAMES POV...





Tlai lam dar 4 a ri a, ban a hun chiah. Ka duty zo a, haw tumin cabin atangin ka chhuak a, casualty ah ka lut zuai a, nurse nula leh intern ti mek te chuan min lo en a, a ngai te bawkin an phun leh ser ser a, doctor hmeichhe ho lah bang lo. Ka nuih pawh a za lem lo. Ka in ni miah silo ka thianpa inah ka haw chak tawh tlat anih chu. A farnu hmeltha leh thinchhe tak hmu chak khan. Hrep chuan a.







" Dr Davida nau hmelthat zia saw, canteen ah sawn a thu a, mipa ho in an en sap sap mai " Male nurse lo lut pahnih chuan an ti a, min hmuh chuan an ngawi vat a, Nora chuan enge a rawn tih le?





Senior nurse duty Nurse Sangtei bulah chuan ka haw tur thu ka hrilh a, nui sangin min mangtha a, canteen lamah ka phei a, Nora chu a lo thu a, thil a lo ei mial mial a, pawn atang leh a sir vel atang chuan mipa staff leh damlo kan tu leh thawktu thenkhat chulai hmuna awm ve te chuan an en zuk zuk a. Ka thin alo rim tlat pek.






Pan hnaiin a hma ah ka thu nghal a, a rawn hawi chhuak a, a phu deuh zuk lehnghal.



"Enge i rawn tih dawn? " Tiin min zawt let ha a, thil a eilai chu a ei chhunzawm mawlh mawlh.



"Ka hmu che a, ka lo lut mai mai. A va tam tawh awm ve " Ka nui leh ta. A bulah hian ka nem ta lutuk a ni.




"Kha ei ve chhin rawh a tui reuh tawp " Tih leh a fian chu ka lamah rawn lek a rual a, ka lo ang vat, min en thup tih ka hria, mahse engah ka ngai lo. A nui ver ver a, ka nui ve suk bawk.




"Tui ka tih chi a nilo, masala rim nam chu " Ka tih chuan a ner leh nak a,




"Pawi ve, keimah in ka ei zo mai ang " Tih leh ei a rual a, a ei zo a, a ei man chu a duhloh chung ka pek sak a, a thinrim ngawt ang chu. Dawrah kal kawi a duh thu a sawi chuan ka zui a.




"Kal tawh rawh, dawrah ka kal anga ka haw ang"




"Kan chhuk rual dawn nia" Mak ti zetin min en a,




"Chaw ilo ei leh dawn ami" A tih chuan ka lu ka bu nghat a, ruah hmi a tla tan a, hmanhmawh turin ka hrilh a, dawrah kan in zui phei a.




Chawhmeh tur frozen foods vel a thlang dan dan a, sanitary pads a la tel bawk a, a thinchhe zual dawn ani maw. Min hmuh loh lai chuan chocolate bawm lian chu ka leisak a, ka ak vat a, ala ei duh ngei ang.





Peksak ka tum zet a, a ti lui tlat a, a tap mai ang tih ka hlauh vangin ka pek tir ringawt a. Ka kai a, ka tlan pui vak a , kan hun nasa dawn tlat.




In kan thleng a, kan huh hman tho mai, a muan vang vek. A sam atangin tui a rawn far fep fep a, hrep hian ka insum thei dawn lo. A hmui fawh chakawm zet chu melh lo tur in ka insum tang tang a ni.





" U James, ka hawng thei miah lo" Ti a chahbi min rawn pek chuan ka harh zawk a, a hmui ka lo en reng chu niin. Awlsam zetin ka hawng a, a nui ver ver ringawt. Insum thei lovin inchhung a lut tur chu ka pawt ding a, a inrin hma hauh in ka kuai bet a, ka fawp ta ringawt a.




A vawikhatna ani ngei ang. A ding mawl tawp. Ka fawp tha leh a, ka dream ang chiah, duhawm lutuk. A hmui hnuailam chu na lo te in ka seh sak zauh a, ka inla hrang a, a biang te chu a sen vek thei.






Inchhungah a tlan lut daih a, a lai ani ngei ang, ka fawh chakna kha a rei tawh lutuk. Ka zui lut a, kawngkhar ka khar a, ka inthlak ve a, a roomah a awm rei ka tih vang chuan ka ko a, a rawn chhuak mai lo lehngal.




A room chu a kalh lova, ka hawng a, khumah a lo thu a, min hmuh chuan a hmai a hup vat a, pan hnaiin a bulah ka thu a, min en ngam lo ani ngei ang.





" Nora"




" Aih "




" I vawikhatna tiraw? "




"Um" Zawi sap hian ati a, ka ring sual love, ka lamah ka pawt hnai a, a kut chu ka lakthlak sak a, a maimitchhing tlat a, naupang chhe reuh lutuk.





" Tuna tang chuan tu mipa mah i bia in i kawm thei tawh lo ania" Ka tih chuan rawn mengin a chhan min zawt a,





" Ka ta i ni tawh a, keima ta chiah. James a nupui tur " Tiin a biangah ka dawm a, a vawihnihna atan ka fawp leh vang vang a,




" Min chhang rawh. Ka tih dan ang zel hian ti ve la " Tiin a hmui chunglam chu ka pet a, a zei lem lo. Mahse ka duhna tizualtu a ni. Ka kawngah min kuah a,





" U James mahse kan in upat hleih e " Ati niah niah a, a biangah fawh zeuh pah chuan " Kum te chu number mai mai alawm" Tiin a hmui fawh nuam leh addict awl takah chuan ka fawp leh zauh a, mumang ang mai a ni.





Rawng a bawl a, ka puih a duh lova, TV ka lo en a, engtik ah emaw chuan nupui ah ka la nei ngei ang le. A u Davida hian a phal angem ka hre lo. Phal lo pawh ni se ka ruk sak mai ang.






NORA POV...






Ka first kiss, ka U thianpa la ni zui bawk chu ka melh ngam tawh thlawt lo. Min be reng a, a lai ve lo emawni? . Zanriah kan ei kham a, ka tifel a, ka u nen kan inbia a, thil ka chah deuh teuh a, min chah rawh i duh duh a ti bawk a.






Khua a chhia a, ruah a sur nasa hle a, mahse trek leh khawpui vel erawh engmah a thawk tel lo va. TV kan en a, phone ka khawih a, thuthleng pakhat ah zan hmasa ang bawkin puanlum sin in kan thu a, basketball lampang a en a, ka tui ve tehchiam lo.






Kan college ami Jerry khan min lo bia a, naktuk tlai, class banah lo len a tum thu a sawi a, James ka bula thu hi ka rilru ah a lo lut hmasa ber. Ka reply hma chuan ka phone chu min laksak daih a,





"Enge ka sawi kha? " Ti supin a lamah min pawt hnai a,



"Thian ang bakin ka en lo" Ka ti sap a, a mit a chhing a, a thaw halh a,




"Thian ang chauh chuan a en ve loh che kha " Tiin ka kut a la a, a hum vang vang a, duhdah deuhin a thu a, a ke lehlam chhuatah a dahthla a, lehlam a hlang a, min lo ngheng rawh tih leh a lamah min pawh a rual a,




"Au Vida hian a hriat hunah min hau nasa angem le? "




"Naupang chhia i ni tawh lo va, phal loh thu a awm lo. Makpa atan min duh lo viau te anih loh chuan " Ti supin ka hmui a rawn khawih a, movie en zawk ila ka tih chuan The Proposal chu a hmet chhuak a, insi reng a thu chung chuan kan en a, a awm nghengin ka lo muhil tih ka hre miah lo.






Ka hmai a rawn khawih chuan ka phu deuh zawk a, chiang zet hian min en a, ka lai lek lek. Bakah kei aia upa daih ania, experience a lo ngah ve tawh dawn bawk nen.




"Enge i ngaihtuah a? " Ti supin a insiam rem a, ka sirah chep zet hian a rawn mu ve a,




"Min lo duh ve ngawt hi. Kan inhriat na a la rei lo a. Chubakah kei aia tha leh hmeltha an tam sia, ka la.... " Ka sawi zawh hma in ka hmui ah min rawn fawp leh vang vang a,



"Ka duh che a, ka ta ini tawh a . Ka nupui ila ni dawn bawk a, chutiang ngaihtuah tawh suh. "





"I nupui ka ni duh lo mai thei asin.
Bakah, bialpa tam deuh neih phawt ka duh " Ka tih chuan a ni maw tih pahin a in let thut a, ka chungah a bawk run a,




"A theih loh. I tan a hmasa ber ka ni vek ang. A tawpna nen. Chuan I graduate anga, hna te I nei anga, I duh te I ti anga, chumi hnu ah I hna I bang anga, kan innei ang "





"Oiiii, boss ta vel e" Ka tih chuan nui suk hian min kuah a, ka rin loh deuhin ka hnute a rawn khawih a, ka ip zawk. Tu mipa mahin anla khawih ngai miah lo.




" A va te ve" Ti supin min nuih a, ka zah zia chu khukral daih ka duh.




"I ta ai chuan a lian zawk " Ti supin ka hnute ka hup vat a, a nui hawk thung. Ka kut la sawn in ka kawr chhanah chuan a hup vang vang a, a maimitchhing daih a, a nghawng a kham lo emawni?





A hmel ka en reng a, a mithmul seitak chu ka awt. Malsawm tul lo lo hi mithmul sei tak a pe bik a, a hmai vun mam em em mai leh a sam dum hlap te, uluk taka khuih tih hriat zeta bari lehlama bu siau te. Ngatinge he mihring hi ka lo duh ve ngawt mai le?





Chutiang ai maha ka hlauh zawk chu ka duh lutuk ang tih hi a ni.





Dar 10 dawn velah injection tur in ka roomah kan lut a, ka hreh takzet, ka dam chhuah pawh ka ring tawh meuh lo kha a ni a, damdawi mum lianpui pui pawh ei lovin ka paih thin anih kha.





Ka mittui chu dan beh tum poh leh a lo chhuak chak a, ka taksa chhungah damdawi chu a rawn lut a, minti chau nghal rawih rawih thei. Khum bula table ah chuan ka damdawi, mut dawna eitur chu ban in min pe a, tui bottle nen.





"Ei la, mu tawh rawh. I chau lutuk ang. " Ati sap a,




"Um va mu tawh rawh nangpawh, ka ei anga ka mu ang " Nui lui sangin ka ti a, ka chal ah min fawp zauh a,




"Kha kha ei phawt la" A tih chuan ka hmuam a, ka dang hnuai ah ka dah a, tui chu ka in a, ka lem der a, chhuak tura khawngka a pan chuan ka phawrh vat a, a rawn hawi let thut chuan min hmu hman lo a ni ngei ang, engmah sawi lovin a chhuak zui nghal a.





Ka khumhnuai a bawm ka dah, a chung damdawi leng a ka tih kuak chu phawrh in ka damdawi paih na ah chuan ka thun bo daih a, a tui lo lutuk.





Ka mu a, light ka off a, ruah sur ri chuan min awi muhil a,







JAMES POV....




Nora hian a damdawi kha a ka atangin a rawn phawrh leh chiang a ni. Ka hmu hman lo emaw ati a, mahse ka hmu chiang.






A u Davida a rawn haw tawh a, kan inkar erawh hrilh ala duh lo tlat a, internal test zawh ah kan hrilh dawn nia atih vangin ka remti hram a, a college bang kan in hmu thin a, mahse hun ka neih loh em vangin ka tlawh haw thin a, rinhlelh awm erawh chuan awm a duh miah lo. A u hi a hlau ve em atin ni.





A bula awm a nuam a, a bulah chuan ka nui ka nui ve ta mai. Mipa vawt tak kha min thlak danglam chak viau.




"I awihlo ngawt ang tunge lo awm hi hria la chu " Ka pa cabin ah kan titi a,




"Tu chu maw? Khawiah maw awm a? " Ka hrilhhai hle a, a nui suk a,.





"Tu dang nge ka sawi anga, Dingpuii mawle " Ti sup chuan min nuih tut tut a, hrep hian. Kha hmeichhia, ka rinna tichhe Tu leh ka thinlung ti kehchhe vek tu kha, kan hospital ah hian enge a rawh tih ka hre lo. Kum 3 chhung chu kan inbia in kan inhmu ta miah lo anih kha.






"Hrep chuan a. " Ti hlukin ka ding a,





"A ban ruh a tliak a, tukin zing khan an zai a, a pasal. Pasal ti ila, a pasal hlui khan a sawisa thin a ni awm e, FIR te pawh an thehlut hial aniang apa sawi dan kha chuan " Ka thinlung chhung a rawn na zawk a, nilo ka hmangaih tawh reng reng lo. Ka thil zir hun reilote pawh min nghak thei lovin mipa dang min lo um san anih kha.





"Kei aia a thlan chuan a va siam nuamsa rei nek lo ve" Ti supin ka pa cabin ka chhuahsan a, ka mood ati off vek. Hrep hian a, Nora lahin ka message a la seen hauh si lo, a online har lutuk te chuan ka thin ati rim hlur hial.






Ward ka round zo a, causality ah ka phone ka theihngilh vangin la turin ka chhuk a, ka mi hmuh te hrep chu a. Dingpuii nu leh pa nen chuan kan intawk teh hlawl a,




"James, i dam maw? I va rawn kal khat ve " Anu chuan min lo be teh hawrh a, sum par lawmi hi a, ka ner nak. Apa erawh pa tha tak ani thung.



"Rawn tih tur ka nei si lova. Pa Sang I dam maw? " Tiin apa zawk chu ka bia a, tha takin min chhang a, duty chhuanlamin ka kalsan a, ngaihtuah loh tur dingpuii bawk chu ka rilru ah a rawn lang a, hrep chuan.



To be cont...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:12 pm

HER RHAPSODY




EPISODE 4



BY:NUNUI FRANKY HMAR...





(Awmdun tur chu hun leh ni ten then hrang thin mahse, khuanu khian a suih zawm leh thin.... NUNUI)





NORA POV....





Class ka kal leh tawh a, nuam lo ka tih erawh Jerry a hmuh hi a ni. Keichuan thian angin ka kawm a, ka ngai bawk a, a bulah pawh ka sawi tawh , thian angin min en ve tur thu a sawi a, mahse James khan be tawh lo turin min ti bur mai si.





James nen khan kan in ngaizawng tih ka u ka la hrilh ngam lo va, ngaizawng nei turin naupang min la ti ang tih ka hlau a ni. Min enkawl tu a ni a, bakah ka nu leh pa pawh ka la hrilh si lo.





Zing atanga ka data off chu ka on a, James message chu a lo awm tuar a, a thinchhe si a, a thinrim leh ngei dawn anih hi. College canteen a thut pahin ka reply a, a online reng, mahse min reply lawk lo va, a buai nih ringin ka out San leh a. Ka la pawm pumhlum theih loh chu engtin nge min lo duh a, ngatinge kei ang mai mai min duh hi? Kei aia tha an tam tehlul nen.






" Ka be mawlh mawlh che a, mahse i hre miah lo " Jerry chuan nui sang hian min lo melh a, ka harh zawk. Ka kutah a rawn chelhna chu ka en a, ka hawi chhuak a, college student thenkhat chawl ve te mit chu kan chungah a lo fuh leh vek tawh.





" Ka lo in ngaihtuah tui lutuk a. I zir nasa tawh em? Library kal ka duh a, note te zawnkhawm ka duh " A nui leh suk a,




" Chawhnu ka off a, kan kal dawn nia "




" Chumi hma chuan leave application hi min submit pui lawk la" Ka tih chuan vice principal office lamah kan in zui a, ka submit zo a, kan kal zui nghal a, chawhnu first period kan off a, chawhma lamah ka neih vek vangin class ka nei tawh lo.





Library kan luh dawn chuan ka phone a ranw nghawr dar dar a, James a ni. Jerry bulah chuan lo va lut turin ka ti a, ka phone chu a sirah ka hmang a,





" Thil I ei tawh em? " Tih hi min rawn zawt hmasa ber a,




" Imm ei tawh e. I ei tawh zawk em? " Ka tih chuan a ngawi daih a.




" I class nei loh hunah min lo text la, ka lo hruai ang che" A tih chuan ka rilru ah ka thianpa Jerry a lo lang zawk. Min hmuh dun chuan a thinrim ngei dawn sia.




" Keimah pawh in ka lo haw thei alawm. I buai awm sia"




"Hruaina tur che ka nei alawm. I u ka dil tawh" Enga? Ka u a dil maw? Anih chuan a hre tawh tihna mi?




" Ka fiam che nih kha. I u chu engmah ka la hrilh hauh lo. Ka lo hruai ang che aw"




" Awle, dar 2:30 thleng vel ka nei dawn a, college thlang a dawr te bulah khan ka lo awm ang"




"Okay, mipa bulah awm miah suh" Tiin a off zui nghal a, Jerry nen min hmuh dun loh hram ka beisei.





Library ah ka lut ve a, min lo hui a, ka pan vat a, ka notes tur vel chu ka sawi hma in min lak khawm sak vek a, a fel takzet a ni.


Kan zo hma ta phian sia, min thlah haw a tum chuan ka duhlo nasa mai. Ka u thianpa haw tur ka lo nghah thu ka sawi ta ngawt a, ka u kan lam chho dawn a, kawngah tiin dawt ka sawi zawm a, engtik atang khan nge dawt sawi ka lo thiam tak em em.





Zanah ka lo bia ang che tiin min kalsan a, ka online peih loh chhan mawle.





James chu ka call a, a lo kal mek thu a sawi a, ka lo nghah pah chuan dawr te ah chuan zarda ka siam tir a, a lo thleng rang phian lehnghal.




"I kawr hak chu" Tih chu a thil sawi hmasa ber. Ka nui tawi tak ringawt. Ka kawr awm a zau deuh hlek a, mahse engmah a lang tawp si lo.




Ngawi rengin a khalh a, a rilru ah vei eng emawni nei a ang?




"Khawiah nge kan kal dawn a? " Inthlahrung dekin ka ti a, min lo melh zawk a, a inthlah dul deuhin ka hria.





"Thil ei ang. Ka riltam " Ti supin khawpawn lamah kan tlan a, hlauh en ah ka en hran lo. A sir rem lai, reh ve takah chuan a ti ding a, ka lamah a rawn awn thut a, ka biangah chelh in min pawt hnai a, duhthaw zetin min fawp vang vang a,





"Min chhang let teh please" Tiin min fawp leh a, tuna a awmdan hi ka hre thiam lo. A thinrim te pawh a ang.




"Nora, Nora... " Ti a phun sap sap in min fawp leh vang vang a, ka thiam ang tawkin ka chhang let a, chu chuan ati phur zual sauh emawni? A duhthaw tial tial a, ka hnute a kut lehlam in a chelh a, ka ip chawih chawih mai.






"Hei aia thui kan kal lovang Nora, hei chiah aw" Tiin ka hnute chu a hup vang vang a, ka mit ka chhing a, feeling ka neih ngailoh ang kha ka nei, tun hma a ka neih ngai reng reng loh.





"U James"





"Ka duh che " Ti sup hian ka nghawng ah a fawp zauh a, a inla hrang hlak a, min rawn en a, a nui vur vur a, a hmelthat zia chu. Bialpa te hmeltha ti hle kan awm ve em ka hre lo.




"Keipawn ka duh che u James" Ka chal ah a rawn fawp leh zauh a,





"Ka riltam pawh a reh vek in ka hria" Atih chuan kan nui dun a, kan piah a restaurant changkang ve hmel takah chuan kan in kai phei a, tiang a changkang ah hian ka ei ngai lo va, nuam ka ti chiah lo.





"Helai lo hi a awm lo mi? A to hmel ropui sia " Min rawn chhuk en vang vang a,




"Ka hmeichhia i ni tih hre reng la. I tan chuan engkim ka ti ang " Ka biang ah min piai zauh chuan ati leh sup a. Mi changkang hmel tak tak leh nalh tak tak an tam hle a, ka in cheina ka en a, ka zak lek lek. T-shirt leh jeans, vans ka bun leh tawp a, James erawh a smart em em reng thung a.






Nula hmeltha deuh deuh ho chuan an lo en duh hle a, a ni erawh engah ngaihloh hmel zet hian ka kutah kai in a kil lam deuh, dawhkan awmna lamah chuan min kai phei a, menu min rawn pe a, eitur ho man te ka en chuan James chu ka melh vat a, ka inthlahrung e.





"I duh duh chah la, I bialpa hian hlawh ka la a" Mit min siai zauh pah chuan a ti a,





"I pawisa tih hek ka duh lo alawm " Tiin a mantlawm ber tur awm ang chu ka ziak a, eitur ka duhzawng dang a chah belh teuh vak chuan ka inthlahrung zual.






"U james, kan ei zo seng dawn mi? " Ka kutah a rawn chelh a,




" I pumpui kha a fan thei tih ka hria. I eizawh loh chuan I mawngah ka hnawh lut anga" A bula awm hi a nuam takzet. Min ngaipawimawh a, min dah hmasa ber niin ka hria. Midang ho en tu te chu engahmah ngaihloh hmel tak hian a awm a.





"Kan first date " Ti supin bakilh nalh zet, mawi deuh mai hi ka kutah a rawn dah a,





"Thil pek ve tur che pawh ka nei lo. Bakah hetiang te chu a to awm si " Thilpek manto hmel tak min pek vang chuan ka inthlahrung takzet.





"I thinlung kha min pe a, duh dang ka nei lo "





"Zarda ka nei asin, I duh mai em? " A nui chhuak huk a, midang ho pawh an lo hawi a,





"Nora, hmeichhe dangdai tak I ni. Ka ta chauh I ni bawk ... Kan thil ei zawhah min pe dawn nia " Atih chuan ka nui ve a, a clip min pek chu min kilh tir a,










JAMES POV..



"Thil manto deuh min pe tawh suh aw, chuan hetiang hmun changkang deuh deuhah hian nuam pawh ka ti chiah lo. Kawng sira dawr mai mai ah pawh a puar theih tho a, pawisa kan save ani mai a " A thusawi lai chu ngaihnawm ti zetin ka ngaithla a , hmeichhe dang ang a ni ve lo. Ka sum vang chauha min duh ve a ni lo tih ka hre bawk a, chhuah ka tum tawh lo.






A thil ei lai chu ka en leh zauh zauh thin a, eiteuh turin ka ti a, ka puar khawp mai. Nora erawh a ui vangin ka ei zo vek dawn ati a, naupang chhia lutuk.






A hriat loh hlanin ka phone phawrh in thla ka laksak a, a nalh reuh phian lehnghal. Kan ei zo a, kan first date a gift min pek ve, zarda chu kan ei a, ka thilpek dawn tawhah chuan ka la lawm ber ang.





Ei man ka pe a, kan chhuak zui a, a kawta thlalakna ah chuan ka kai a, staff pakhat bulah thla min laksak turin ka ti a, min hmehsak a, ka phone in a ni a, nakin ah thlalak chu ka thawn ve mai ang.




"Haw tawh ang, a tlai tawh sia, ka u in min lo ngaihtuah palh ang " Ati sep a, a kutah kai in ka motor dahna lamah kan in zui a. An college chungchang ka zawt a, nuam a tih vak loh thu a sawi a, ka farnu luh ve thu ka sawi tep a, mahse nakina sawi ah ka khek ta zawk a.





An quarter thlang thleng ka thlah a, hospital ah ka kal leh a ngaih thu ka hrilh chuan aw le tiin min mangtha a,





"Nora, zanah kan inbe dawn nia" Duhthaw zetin a hmui ah ka fawp leh a, henu hi ka ta chauh a ni.






Hospital ah ka tlang chho a, ka tihtum miah lo ka ti a, Dingpuii awmna cabin lam chu ka pan a, Davida nen cabin ka thlen tep chuan kan intawk a,



"Ila haw lo va, ka haw dawn chiah asin " A sana bun chu a en zauh a,




"Keipawh ka haw tep. Damlo kan kan lawk ange " Tiin cabin chu ka kik a, Dingpuii aw ngei mai chuan lut turin min lo chhawn a,





"James " Khumah a thu a, min hmu chu a phu deuh zuk a, engmah ala inthlak lo. A ban chu ka en a, karkhat vel a awm a ngai dawn a nih hi a. Engmah ka kensak lova, ka ding reng a,




"Ngatinge kan hospital ah kher i rawn awm? In vengah poh hospital a awm reng si a" A mitmengah chuan ana ani tih ka hria, mahse ka na fe zawk ang , kum tamtak hnu ah alo let leh a,





"James, i chunga ka thiltih vang khan min ngaidam hram rawh. Ka inchhir takzet. Ka thinlung ah hian i awm reng a, theihngilh ni che ka nei lo. Ka la hmangaih reng che asin " Ka ner nak. Mipa chu nise ka beng her sawk ang mawle.





"A tawk. Pasal i nei tawh. I pasal nen hlimtakin awm rawh u. Min rawn tihbuai tum hauh suh. I dam vat dawn nia " Tiin ka chhuahsan leh vat a, D hlui hi an theihngilh ngai lo, zawi zawiin an hriatreng na ata an thai bo tial tial tihna a ni.







Zanah chuan Nora video call ka tum a, mahse a pick duh miah lo. A last seen lah minute 3 Kal ta leke kha a ni si a. Call pangngai pawh a la duh lo. Message ka hnutchhuah ta ringawt a. Dar 8 velah ka call leh chuan a phone a switch off daih a, hrep hian . Ka lakah lungawi lohna a nei emni?








A tukah lah class a kal daih a, a phone a switch off char char chhan chu kavhrei lo. Davida casualty ah lo lut chu Nora that leh that loh ka lo zawt vat a,




"Nora chu a tha e, college a kal a. Tinge I va ngaihven ve! Naupang mai a la nih hi James " Tiin min melh zawk a, kan inkar hi a hrechhuak ta tihna emni?





"David "





"Infiamna tih vel atan hman ka phal reng reng lo ania ka farnu hi. In kal thui hma in kalsan rawh. I ngaihzawng damlo khi buaipui bawk la, khitiang hmeichhe nasat hmel zet khian ka farnu an tihnat ka phal hauh lo ania" David thusawi chu mak ka ti hle. Dingpuii khian enge David bulah a sawi? Tin, engtin nge alo hriat?





Heng zawng zawng hi a plan emni? Min rawn ti buai turin emni kan hospital kherah a rawn kal, hrep hian. Davida chu ka umzui a,





"David, kum 2 chuang kan inhriat tawh kha. I farnu hi ka duh takzet. Engtikah mah ka tina ngai lovang tih ka tiam a che. Dingpuii chuan enge a sawi ka hre lo mahse a ni nen chuan kum 3 kal ta khan kan tawp vek tawh. Duh dang ka nei lo "





"Dingpuii thusawi chu ngaithla ve phawt la. Ka farnu hi hnaih tawh lo la ka duh. A tawpah I ti tap leh dawn tih ka hria. "





"Ka ti hlim reng thei ang tih ka tiam thei lo che, mahse a lungngaih chang pawn a bulah hnem turin ka awm reng ang. Mipa ka nihna angin ka tiam a che " A mitah ka en a, min melh vang vang a,




" A natna hi I hre ve tho a, thut awmthei a ni tih pawh. Khawngaihin tina suh ang che. "





"Aw le, ka tiam a che " Tiin ka kalsan a, dingpuii cabin lam chu ka pan a, ka hawng a, anu chuan a lo awmpui a, an lo nui dun hak hak a.





"Min lo chhuahsan lawk thei angem? I fanu hi biak lawk ka duh a? " Anu chu a chhuak zal zal a.





"Doctor David bulah khan eng thu teh hrep nge I lo sawi? I lo nasa hle mai. "





" Ka hmangaih zia che chu I thianpa bulah ka sawi thei lovemni ? "




"Awki vin in min be ve reng reng suh, hmeichhia te te si. Ka tana mi pawimawh te bakin min vin thei lo. Ka thianpa bulah leh midang tuma bulah ka chungchang te, min hmangaih thu vel te kha lo sawi vel a ngai lo. Pasal nei lai I nih kha , I nun leh I duhthlanna ah khan lawm la, pawm thiam rawh. I duhthlanna ngei a nih kha mawle " A biangah mittui a luang zawih zawih a,




"James ka tihpalh lutuk ka... "





"I awle mittui kha ti tla fo lo teh "




"Kha hmeichhia khan kei aiin enge thatna a neih? James, naupang mai a nih kha. Ani ai chuan ka siam nuamsa zawk daih dawn che asin "




"Ngawi tawh teh. Dam vat la, chhuak vat ang che " Tiin ka chhuahsan a, Nora bak ka rilru ah an awm lo...




"Pa, chawhnu lam hi ka off mai dawn emawni? Tihtur pawimawh deuh ka nei a, emergency a awm lo bawk nen "




"Mama, i thu thu alawm. Eng lam nge ni reng reng a? "




"Private thil ania, ka pa min zawt lui lo la" A mui suk a, ka car dahna lam panin ka kal a, hmeichhe dang min lo melh dan chu engah ka ngai lo. Engatan mah ka ti hek lo.







Nora phone switch off tlat chhan chu ka hre lo. An college a kal chilh bak. A rem laiah car ka dah a, naupang antam si a, khawiah nge maw a awm ni? Min en duh hle hlawm lehnghal a.







"Nora " Canteen ka kalpelh dawn chuan a chhungah Nora mipa pakhat min hnungchhawn zawnga thu nen chuan... Hrep hian. Min rawn melh a, a phu deuh zawk nge nge.







NORA POV...






"Jerry buaina kan tawk dawn anih hi " Ti sapin ka phone dawhkan a ka dah chu ka bagah ka dan zal zal a. Ngatinge kan college ah alo kal? Engemaw a rawn tih dawn ni?






"Tunge saw saw? " Jerry chu a leh hawi a, James chu kan lam a rawn pan mek a, student ho chuan an en thap bawk. A lar zia leh hmeichhia a hip nasat zia ka hre ve bawk. Nizan atang khan ka ignore char char a, phone ka switch off tawp a nih kha.





Ka u in a bialnu hlui hospital ah a rawn awm thu a sawi khan ka na zawk.





Ka bul ah a rawn thu a, Jerry chu a melh no teh chiam lo.




"Ka phone call i pick lova, ka message lah seen lovin a awm a, i phone i switch off zui bawk a? " Ka en ngam lo.





"Enge i rawn tih James, class ka nei tep ania "





"Ka rawn hruai dawn che. I u in hruai tur che in minti alawm " Ehe, ka u khan a hrilh tihna emni? Hrep hian a.





"Nora tan hian tunge I nih a? Thu I rawn pek reng " Jerry chu ngawi turin ka signal a, James hian tihtheih loh a neih loh zia ka hrilh lovemni?






" Naupang, ka bialnu hi lo kawm tam lo la, a lawmawm viau ang. " Tiin ka bag chu a khai a,




" Nora, helai chhungah hian sawi dun i duh loh chuan min lo zui la " Tiin a ding a, min chhuk en run a.







To be cont...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:12 pm

HER RHAPSODY




EPISODE 5




BY: NUNUI FRANKY HMAR..




(Likes, comments leh ads click kha aw hmeltha ho)






NORA POV...






James chu ka zui chhuak a, Jerry chungah insawifiahna hun ka nei lo. Mahse, naktuk ah emaw ka hrilh vek mai ang. James chu ka hma ah ka bag keng chungin a kal zel a, a thinrim ngawt chhan ka hre lo.





Keimah hi thinrim tur kha ka ni reng si a, a bialnu hlui ala hmu thin reng a, chutah kan unau in sum duh vanga James hnaih ang ten min la puh zui a. Chutianga a hmuhsit lutuk chu ka ni bik lo.





"I kal chak lutuk, ka hah ania " Thil hrechhuak ni awm takin a ding thut a, a hnungah ka intauh chawrh. Ka kut a rawn chelh a, min en vung vung a,





"Nora, ka thin I tirim a nia, kan sawifel hma chu ka thlah haw dawn lo che "



"Ngatinge ka tih rim a? Ka phone ka switch off vangin maw? " Hlau tak chung siin ka ti sep a,




"Aih, aw, kal phawt ang " Tiin min kai a, a car kawngka a hawng a, ka lut a, ka bag chu ka malchungah a rawn dah a, a driver seat ah a rawn lut ve nghal a. Khawilam ah nge min hruai dawn ka hre lo. Ka thu ngawi reng a,





Traffic a la jam nasa lova, tlema khaw pawn deuhah min hruai a, building lian pangngai ve tak, hlui tawh lampang mahse an sak dan erawh changkang tak si, a bang vel hnim zam chi in a bawh luk , gate thir tui ek lo awm chu a va hawng a, rawn let leh in a tlan lut a,






"Lut ila "




"Tu in nge? " Ka bag chu ka pawm nghet sauh a,





"Keimah" Tiin a chhuk a, ka thutna lamah lo phei in min hawnsak a, min pawngsual te lo tum ta se, a hmun a fal ropui si. Ka chhuk a, ka kutah min kai in inchhungah min luh pui a, inchhung chu a zau in bungrua te chu thing hmanga siam ani hlawm nangin a fai a, a hnum hlarh a, enkawltu an awm a ni ngei ang.





"I riltam em? "



"Tam e, thil ei dawn lai takin min rawn hruai daih a" A tih chuan a nui suk a, ka lamah a kut a rawn phar a,





"Eitur siam ila " A tih chuan phur lo deuh in ka kut ka phar a, choka ah kan inzui a, ka in nise ka ti ngawt mai.




"Ngatinge min biak duhloh a? " Chu zawhna leh bawk chu. A chhan a hre tawh ngei ang chu.




"A chhan I hriat ve tho kha " Ka phone phawrh in ka on a, message a lo lut zut zut a, missed call pawh a tam hle.





" Nora, naupang chhia deuha thutlukna siam mai lovin min hrilh ve phawt la, tichuan thutlukna kan siam dun dawn alawm "




"Ka naupang chhia alawm. In ngaihzawnna tih velah hian engmah experience ka la nei ve lova, nula puitling tak angin ka awm ve thiam lo "





"Ka hria e " Tiin a ngawi a, noodles eng eng emaw a chhum a, artui te a kang a, sausage te, kei erawh ka thu reng a, ka tihpui lo.





"Thil ei phawt ila kan sawi dawn nia aw" Engtin mah ka chhang lova, plate leh fian leh fork min lo pe a, dawhkan ah chuan a lo chhawp a, a thil siam ho chu. Amah pawh ngaichang lo chuan ka suak nghal vat a, ka ril alo tam hle a ni ang, ka ei teuh mai.




Ka tihfai pui a, thleng chu ka sil a, ani in hmun a phiat a,



Kan tih zawh chuan living roomah kan in zui phei a, thing sofa hnum hlarh ah chuan kan thu a, inhnaih takin.





"Kha hmeichhia khan eng vangin nge khatiang khan I u bulah alo sawi ka hre lo. Ka tihpalh takzet, I u bulah pawh ka sawi tawh a, ka hun kal tawh ami ania, ka tan engmah a ni tawh lo. A bulah ngei pawh nangmah ka duh thu che chiang takin ka hrilh bawk.Nora, nang lo chu duh ka nei lo... Ka nei ngai tawh lo bawk ang " Thutak zetin, ka mitah min en chung chuan ati a, ka biangah mittui a luang a,





"Ka tihpalh u James. Kan khawsak hi a inthlau a, a thusawi thenkhat te kha chu a dik alawm. Bakah ka phu lo che" Min rawn kuah a,





"Chutiang sawi suh, kei hian ka phu lo zawk che Nora, mahse ka kaltir thei lo che. Kaltir che ka phal lo. Engtik ah mah. Mahni hmasialna ni mahse pawi ka ti lo " Ka kuah let ta nge nge. Nghet zetin ka kuah a,






"In ngaihzawnna hi hetiang hian a hreawm vek emni ? "





"Ni love, tun atang chuan hlim takin ka siam theih nan che theihtawp ka chhuah ang. " Ka bianga mittui luang min hruk sak a, min fawp vang vang a, ka chhang let a, ka thiam ang tawkin.





"Ruah hian min dang leh dawn anih hi " Kan nui dun a, khua lah chu a vawt sung lehnghal.





"Ruah sur chhung mu ila, ka chau deuh a " Mut dun maw?




"Nora, hlauthawng suh. Engmah kan ti dawn lo, infawh ani mai " Nui sukin ati a, roomah kan in zui lut a, khum dup hmel tak leh lian takah chuan kan mu a, a ban min khan tir a, insi chial in kan mu a,





" I rimtui lutuk Nora " Ka nghawngah a lu a phum a,




" Nangpawh i rimtui " Tiin ka kuah a, a sam rim te chu a tui ngawih ngawih. Ka thinrimna leh rilru lo nat ve na zawng zawngte kha a reh duak hian ka hria.




Ruah sur chu a zual telh telh a, dar 1:30 vel chauh a ni a, dar 4 velah haw ila a tawk chauh ka ring. A chau ngang aniang , a muhil zui nghal a, keipawh ka muthilh ka hre lo.





Phone ri chuan ruahsur karah min ti harh ve a, mahse ka meng chuang lo. Jamesa phone a ni. Lehlam ka hawi vangin min hmu lo ani ngei ang, lo phone tu chu a chhang a,




"Engvanga min lo bia nge i nih ka hre lo. Zahna i tlachham emni? " Min tih harh hlau tak chuan ati sap a,




"Ruah sur hi ka hlauh theih zia i hriat kha. Ka nu leh pa an awm silo a, keimah chiahin cabin ah ka awm a" Tiin line lehlama mi chuan a rawn ti a, a aw no tak chu.



" Nurse emaw ko mai rawh. " James chuan ati deuh hmuk a, ka lo ip chawih.




"James, min haw mahla min la hmangaih ve tih ka hria alawm. Naupang mai mai bulah khan i hlim rei dawn lo tih i hriatchian kha " Ka mittui rawn luang tur chu ka mit ka chhing vat a,




"I hresual anih chu. Ka hmangaih a, nupui ah ka nei dawn tih lo hria la, min lo ti buai tawh suh. A muhil a harh ang, ka dah ange " Tiin a phone a off zui nghal a, min rawn kuah nghet sauh a,





"Nang lo chu hmeichhe dang an awm lo. An awm ngai lovang " A lam ka hawi a, ka kuah a, a awmah ka bei hle hle a, ka hnute zawnah a kut a nghat a,



" Nora "



"A te ti ziah suh " Ka lo ti vat a, nui sukin ka chal ah a fawp vawng vawng a.




" Muhil leh ila, ruah a han velah kan haw dawn nia aw "




"Aw le " A hmai ka chul a, a nui leh suk zel. A hmui chu ka en reng a, fawh ka chak reng hi sual a ni. Hetianga ka vei chuan ka chhiatpui ngei dawn tih ka hrechiang si.




" Min kalsan miah suh " Tiin ka kuah nghet sauh a, ka muhil ve zui nghal a.







JAMES POV...





Nora nen kan inkar a tha leh tawh a, AU David-a nen pawh pangngai takin kan Inkawm leh tawh a, Dingpuii rawn inlan chhen erawh ka thin a rim thin.




" I bialnu te college ah assistant professor in ka thawk dawn a" Cabin ah a rawn lut a, a ban a awrh a, a inchei thei tho anih hi.




"Hmeli leh "



"James, ka neih let leh theihna che a nih phawt chuan engpawh ka ti ang " Tiin min rawn pan hnai a,



" James, i hmu thiam lovemni? I hausakna bak an duh lo. A u doctor pawh kha sum duh tak ani tih i hre lovemni? " Hmeichhia chu nilo se ka hnek chawrh tawh ang.






DAVID POV...




Jamesa cabin pan in ka kal a, mahse ka ding chat. Kawngka phui lo atanga aw lo chhuak chu ka ngaithla a, hmeichhe nasa lutuk. Min hmuhsit em em tur hian enge a lakah tihsual kan neih ni?





"Dingpuii, mipa chu nila ka hnek hrep tawh ang che. Ka thianpa David hi ka hrechiang, i ka bawlhhlawh tak khan engmah lo sawi ve tawh suh. Chuan Nora hi ka bialnu a nia, i ti na anih chuan i pa sumdawnna hi ka kutah a awm ang. Kawngka chu ilo luhna tho kha a nia, chhuak rang teh " James chuan a ti hluk a, hetiang ang mipa tha tak hi ka farnu tan chuan a tawk a ni.







Min hmuh hma in ka kalsawn a, tunah chuan a ngaihzawn tur ah ka buai tawh lo ang. Nui suk in ka duty chhunzawm a, Nora class kal ka bia a, na a neih leh neih loh thu te ka zawt a, thil ei tha turin ka hrilh bawk a.





NORA POV...





Saturday a ni a, ka insu a, in ka tifai bawk a, ka nu leh pa ka video call a, ka u erawh a thiante nen an chhuak a, min sawm ve zet nangin ka peih lo va, ina lo awm ka duh zawk.





Chhunah ka riltam deuh vangin canteen lamah ka chho a,ina mi ka siam peih lo. Ka inchei lem lova, ka awm hmun dress tawp in ka chho a, ka sam ka tawn tawm tawp a, makeup ka hmang lo.





"U James ka lo chho a, thil i ei tawh em? " Tiin ka text a, a online reng si a, minute 10 vel hnu ah pawh a seen lo a, a buai anih ringin ka out a, thildang ka en daih a.





Ka thil eitur chah a lo thleng a, ka ei nghal vat a, mi an lo kalbelh zel a, nuam ka ti lo. Ka ei zawh dawn lam chuan kawngkhar a mi pahnih lo in zui lut ka hmuh chuan ka thil ei a tawp chat. James kutah sawn a phone a hum reng si a, mahse min reply miah si lo. A bula damlo lo kal saw tunge? A bialnu hlui ban tliak chu a ni ngei ang.






Min hmu lo ni tur ani nge a hawi chhuak lo zawk, a sir deuhah an thu a, an in huat vak hmel si loh.



Ka ei zo vat a, ka ei man pe turin counter lamah ka phei a, min hmu a ni ngei ang, James chuan min lo ko vat a, hawi lovin ka phone chu ka hmang der a, ka chhuak zui nghal a.






"Nora, lo ding teh " A au ring mah mah. Apa hospital emaw ati emni? Oops, apa hospital a ni leh si.




"Enge? "





"Enge i rawn tih a? Min hrilh tur che lawm " Ka ner ru nak.



"I kuta phone i hum kha en la, ka lo hrilh reng che alawm. Min thlah teh ka thianten min nghak tawh ania ", ka tih chuan a nur nang a,




"Tu i thiante maw? Thian i nei si lo a"



"Ka ex zawk mawle. Thingpui a lo in dawn a " Nui lui sakin a mi vawnna chu ka thing thla a, ka tan engmah a ni tawh lo ti zuah zuah siin thil an ei dun leh dawn tho amaw?





"I hmuh ang kha engmah a ni lo" Misual chu dawp ngai lovin an inpuang thin antih kha.




"A that hlauh chu "






"Nora"





"Min vin suh " Ka ti let hlar a, a mitah ka en chho ha bawk .





"Ka tihpalh, mahse Dingpuii nen min hmuh dun chhan chu... "



"Ka hrilh tawh che em ka hre lo. Mahse, mipa insawifel ching lutuk leh in sawifiah ching hi ka ngai na lo. Chuan let rawh rawh, i ex khan a nghak rei lutuk palh ang che " Tiin ka inher a, a insawifiahna ka ngaithla peih hauh lo.






Ka rin loh deuhin kan quarter lama ka penthlak dawn chuan Jerry a bike a ka lam pana lo tlan mek chu ka hmu a, enge a lo tih dawn ni?




"Enge i lo tih dawn a? " Ka lo nui ver ver a,




"Ka thianpa a awm a, min lo kalpui teh. Ka rei lovang. Chuan Rasmalai ka lei ang che " Ka nui hak. Rawngbawl ala hun chuang
lo bawk nen ka zui ta ngawt a, ka rilru a nuam thei reng reng lo. James ka insawifiah tir thei lo kha ka inchhir deuh a, mahse a pawi lo.






"Nora, inbe teh ang " Ka kutah tu emaw in min rawn chelh thut a, ka te that. Coridoor thui takah chuan min zui reng tihna emni?





"Ka hman lo. Jerry hi a hmanhmawh a " Tiin Jerry chu ka signal a, James chu min en tawn zak zak a,




"Anih chuan kal hmasa mai rawh se, a hmanhmawh chuan " Tiin kan let tawhna lamah min kai let a,





"Min thlah teh. Ka be peih lo che. Jerry min chhan teh " Ka te chel chul a, ding meuh chuan min en a,




"Chhan awm lova titau rual pawh i nih tawh loh kha "





"Ka tihtauh chuan chhan a awm ani mai lawm '





"Anih chuan I thinrim chhan chu kan sawi fel dawn alawm " Jerry chuan min en reng a, a che hrut a,




"Naupang rawn umzui hauh suh. Ka hmeichhia a nih hi " Ti supin James chuan nghet zetin min kai a, min hnuk ni berin ka hria.






A cabin ni awm takah khan min kai lut a, kawngka a kalh zui nghal hmak bawk.





"I thilhmuh kha ka sawifiah thei ka tih kha " Thuthlengah ka thu a, ka mizia ka nu leh pa leh ka unaupa in an huat em em thin a rawn chhuak leh dawn ta. Ka kekawr ipte a earphone ka ah chu phawrh in ka bengah ka hnawh a, a thusawi ka ngaithla peih reng reng lo.






Tih ngaihna hriat loh hmel takin min en reng a, ka benga ka hnawh leh ka phone chawp chuan min laksak a, a ak zui daih a, hrep hian.





"Naupangchhia takin awm suh " Atih hluk chuan ka ding a,




"Naupangchhia lo i duh chuan Dingpuii bulah khan va kal la ti nia".





"Nora Lalduhzual " Ka hmingpuma min koh vang chuan ka ip chawih a, hrep a.






"I duh emaw duh lo emaw I ngaithla ang. Pakhatna, I message ka reply lawk loh chhan kha chu ka phone kha ka silent a, a vibrate ri pawh ka hre lo hrim hrim. Pahnihna, Dingpuii khan min ngen ngawih ngawih a, tihbuai loh che min tiam avang chauhin ani lunch ei pui ka tum. " A chawl dat a, enge kha hmeichhia damlo chung pawha makeup hmang reng nu khan min lo tihbuai a tum ve ngawt ?




"Chu zawng chu mi? " Tiin ka en chho ha a, ka phone min pe turin ka hrilh bawk a ,




" Aih , i thinrim reh hma i kal dawn lo"





" Ka thinrim tawh lova, ka kal thei tawh angem? '




" Nora, hetiang hian awm suh, ka nunphung i ti buai ania" Ka en vang vang a, ka inthlahrung a, ka inthiam lo leh bawk. A thinchhiat a, a dawhtheih loh nen ka bulah erawh a dang viau sia, a zaidam a, a dawhthei a, a insum thei bawk a. Mahse, ka thik a, ka na bawk .






"Inthen mai ila tha in ka hria " Ka tih chuan a nui suk a, ka lo sawi ta kha ka inchhir ngei mai a.





"Ni love, bul kan tan dawn chauh alawm. Ka kalsan thei lo che, chutiang bawkin nangpawhin tum suh. " Min lo pan hnai leh a,




"Ka thikthu a chhia a, ka thinrim hma bawk a, chuan ka mood hi a inthlak zung zung a, rilru nghet ka pu thei lo bawk a. Ka naupang chhiatna a reh thei lova, puitling takin ka awm thei lo. Chuti chung chuan minla duh emni ! Nakinah zahna bak ka thlen lovang che "






"Engtiang pawhin awm rawh, mahse min kalsan tum buai duh suh. I thei dawn chuang lo " Tiin nghet zetin min kuah a,








"Rawngbawl ka ngai a, ka haw duh tawh "




"Aw le, ka lo tlawh haw ang che. Min fawp la, ka kaltir ang che " A tih rual chuan ka ding sang ak a, a hmui ah ka fawp zauh a, a phone ah chu min pe a,





"Kha Jerome kha hmu tawh suh ang che, a meng ang ker a" Ka nui suk. A thik chiang.




"Jerry alawm, ka kal ania "





"Ka hnek hreh hauh lo ania " Ka hawi let a,




"A hnek hreh bik miah lo ang che" Min pawh din leh hma in ka tlan vat a, ka thinrim kha a reh leh daih tawh.






A birthday a hnai a, enge ka pek ang ka hre lo. Engkim a nei lawk vek tawh si a. Chocolate pe ngawt ila, a naupangchhia a ti leh viau dawn si a. Ka ngaihtuah buai lai chuan kan in kawngka kik ri chuan minti phu zuk a,




"Hello Nora" Ka ip chawih, ka hmuh duh a ni hauh lo.




"Enge i duh? " Ti sapin ka kut ka kuangkuah a, enge James bialnu hlui nasat hmel tak hian a rawn tih? Ka u kha chuan tumahin an ngai loh thu a sawi anih kha, a chapo lutuk leh a indahsanh bawk si kha. A pasal pawhin a milh rei lo anih kha...




To be cont....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:14 pm

HER RHAPSODY




EPISODE 6





By: nunui franky hmar.






JAMES POV...






" Hello" Nora class a bang tawh anga, ka ngai tawh riau kan buai vangin ka hmu khat tlat tiin ka call a, a la thei lawk lo lehnghal a, a vawihnihna ah a rawn pick a,





" Ka buai a, ka lo call back leh ang che aw" Ring vak lo hian ati a,




" I haw tawh em? " Ka tih chuan umm tiin min chhang a, rawng a bawl laklawh pawh ani maithei. Dawrah kal in a ei duh zawng ka en kual a, eiduh a ngah si a, a thau thei si lo. Test hnuhnung ber a neih ah khan hma a sawn lova, diktak chuan beisei a awm lo viau . A lung pawp kha a zual telh telh a, cm 1 in a pawh belh a, a unaupa ka hrilh vat a, a rilru a hah ve hle a, mahse tihtheih lah a awm thei si lo.






"David ka lo zu chhuk hmasa anga, car hi min lo khalh thlak sak mai aw I ban dawnah " Mit siai zauhin ka chahbi chu ka pe a, eitur khai bawr tun chung chuan ka chhuk a, ka bialnu ka ngai tawh takzet.





An in ka thleng thla vat a, kawngka a inkhar phui lova, kik lova luh ka tum chu ka ding chawt a, inleng a nei ani maw? Chu a inleng hrep lah chu. Ka hrilh chiang viau si a.





Dingpuii thusawi vang chuan ka ke pen a tawp chat a, mahse Nora in a chhan dan avang chuan mak ka ti ngei mai.





" Hun kal tawh ah chuan a duh duh a lo hmu anga, a lo bia ang. A hun kaltawh ani a, lo sawitheih ka nei tawh hleinem. Mahse, a tun hunah chuan a bulah ka awm tawh dawn a, a buaina ah ka buai anga, a lungawi lohna ah te ka lungawi lo ve anga, a hlimna ah ka hlim pui bawk ang . Ka bialpa a ni tawh a, i bialpa ani tawh lo. Nangpawhin hmalam pan ve tawh rawh, a ni pawhin a pan san tawh che " Kut inkuangkuah deuh at chuan a ti a, Dingpuii hi hmeichhe nasa tak a ni tih ka hrechiang viau, kut thlak a hreh dawn lo tih ka hria. Ka en reng a,






"Huh, nang ang naupang hi a duh tak tak che i ring emni? "



" Aw ring e, hmeichhe tamtak zingah min thlang tlat" Confi zet chuan ati a,




" I zak lo hle mai. I rilru na takin siam in ala kalsan ang che. Ka ta ah ka la siam leh khawp ang lo en reng rawh "




" Siam chu lo tum chhin la, I siam theih chuan I nei zui nghal daih dawn nia. Teh, rawngbawl ka la zo lova, ka u a lo haw tep tawh bawk sia, haw tawh mai la, I lo luhna lamah bawk khan chhuahna ania " Ka nui suk. Hmeichhe mak tak zawng a ni chiang.





Inrawlh hun chiah ani tiin ka lut a, min rawn en dun hra a, engmah sawi lovin Dingpuii chuan thip zet hian min rawn melh leh a, a chhuak zui nghal a, Nora erawh ka kuta ka khai chu a en thung.





" Enge a rawn tih? " Eitur pek pah chuan ka ti a,



" Sermon pate a rawn thlak . Thingpui i duh em? " A tih zawm zat a, a thinrim miah lo chu mak ka ti. A bulah thu in ka en reng a,




" James min duh tak tak em? "




" Ka duh zia che i hria alawm " A kun daih a,




" Ka hre lo le, hetiang thil ah hian tawnhriat ka la nei ve lo tih pawh i hriat kha. Min kalsan ngai lovang tih min tiam thei angem? "




" Engtik ah mah ka kalsan ngai lovang che Nora, kan lo inhau emaw kan lo inti thiam lo deuh anih pawhin ka kalsan ngai lovang che. Ka tiam a che " Min rawn kuah thut a, ka malchungah a rawn thu a,




" Gentleman promise never fails antih kha aw " Tiin min fawp zauha ,




" Duhawm viau suh " Ti supin min piai a, min kuah vang vanga,




" Naktuk hi ka... "



" Ka hria, mahse Sunday ania i birthday. Engtin nge ni ang? Monday ah thil ka pe mai ang che " Ka nui suk. Nula emaw ka ngaihzawn ka tih laiin naupang anih hi ka lo ngaihzawn ni. Mahse pawi ka ti lo.





David a rawn haw a, a rawn lai haw deuh tut nia. Kan nui a, thingpui ka in hnu chuan ka haw San a, naktuk hi ka piancham a ni a, mahse lawm ka tum lem lo. Lawm tur in ka upa tawh lutuk .





In ka thleng a, ka nu kawtah kan awmpui pakhat nen pangpar vel an lo khawih a, min hmuh chuan min lo nuih var a,




" I pa a nuam sam lo thut a, i lo haw velah min lo hmu rawh se atih kha " Tiin ka nu chuan min lo hrilh vat a, ka nu leh pa roomah ka lut nghal a,





Ka pa chu khumah a lo mu bam a, a chauh hmel viau lehnghal a,a bulah ka thu a, ka pa chu ka sawi a, a lo meng a.





" Ka pa na i nei em? " Ka pa hi pa harh vang ve tak a ni a, zingah pawh a dam viau si a.




" Nei tawh love, ka thil thlum ei nasat ka tuar lo anih hi. I nu hrilh miah suh " A tih chuan ka nui a,



" Ka pa, naktukah hian ka thiannu chaw ei tur in ka rawn hruai thei angem? " Ka pa chu a nui suk a,





" Dingpuii a nih loh phawt chuan lo hruai rawh " Tiin a nui a,





" Aw le. Ka room lamah kan inthlak ange, lo hahdam rawh ka pa "





Room ka pansan a, ka inthlak a, Nora message chu ka reply a, a nu leh pa an lo chhuk thut thu te a lo sawi a, mark score na chance a awm dawn anih hi tiin ka nui suk a . Engtik atang khan nge ka lo nuih leh tak ni? Nora ka tawn atang chiah hian a ni.







NORA POV...





Ka nu leh pa an lo chhuk thut chhan ka u ka zawh chuan min chhang miah lo. Ka u pawh hian ka lakah zep nei a ang ka ti bawk.




Ngatinge tlai tlai ah an lo chhuk thut ni, darkar 6 vel kal a ni si a, inbe mang lovin zanriah kan kil dun a, ka tifel a, roomah ka luh san a, thil diklo engemaw a awm emni?





James nen kan inbia a, ka be tui tehchiam lo ani. Ka nu leh pa lo chhuk tur thu ka hrilh a, mahse engmah dang ka hrilh lo.





Ka lo muhil sek ani ang chu, ka room kawngka a rawn kik dawt dawt a, minti hlau hman alawm. Ka u chu mitmeng buai nak a min melh pah hian thil sawi tum a nei a, a sawi thei mai lo lehnghal.




" Ka u enge thleng? I tha em? " Ka ngaih a ti tha lo letling a, ngatinge ti hian a rawn awm thut?




" U enge thleng? " Ka zawt tha leh a,




" Nora ka pate chuanna sumo kha truck nen an insu a, tunah hian aizawl lam anlo pan pui mek " Ka mit sulh a, a ni thei lo.




" Nilo, an tha em ka nu leh pa te chu? " Khumah kan thu a,




" Sumo driver chu a hmunah a boral nghal a, ka nu leh pa pawh beisei an awm lo viau anti, chuang ve pakhat pawh a mar an hmu lo bawk a " Ka tap pur tawh. Ani thei lo. Ka nu leh pa te thi tura ka ngaihtuah ringawt pawhin.





Ka u chuan min kuah a, ani pawh a tap ve tih ka hria. Lo nghah tawp bak tihtheih kan nei si lo.




Ka pa nen kan inhmuh hnuhnun ber khan kan inhmuh leh hunah chuan tiin thil eng eng emaw kan sawi dun a, upa lam annih tawh vangin thil ho te ah pawh a lawm hma em em a nih kha.





"U khawi hospital ah nge an dah dawn? " Ka mittui ka hru hul a,




" Civil an rawn pan pui dawn. Nora, insiam la, kan chhuk ve tawh dawn nia " Tiin ka u chuan pangngai taka awm a tum a, a mumal vak bik lo tih ka hria.








Taxi kan hmang a, kan pan thla vat a, ka rilru a buai a, tih ber tur ka hre lo. James an ka inrin loh lai tak in min lo call a, mahse tun ang dinhmun ah chuan ka be thei hrih lo, ka reject ta ngawt a, a lo call nawn leh vang chuan ka dah busy ta ngawt a, tihbuai ka duh lo.





Hospital kan thleng a, reilote kan awm hnu ah ka nu leh pa phur ambulance chu a rawn thleng a, ka ti ril a khur a, awmdan ka thiam lo.




Ka u chuan a thian doctor hmelhriat ho chu a be nghal vat a, ka nu leh pa chu ka hmu zawk a, thisen hmun tinrengah an kai a, mit an chhing tlat bawk si.




" Ka nu, ka pa " Au vida chuan min lo kai a, ICU lamah kan zui vat a, mahse beisei tur lah a awm tawh lo tih kan hre dun viau si.





" Pu Nunsanga leh Pi Rinkimi fate emaw chhung hnai kan awm em? " Doctor rawn chhuak chuan a ti a, kan ding vat a, doctor hmel ah chuan beiseina a awm lo.



" Doctor ka nu leh pa chu engtin nge an awm? "




"Pawi ka ti khawp mai. Minute 30 kalta khan i pa chu a boral tawh a, i nu erawh tun mai khan a chatthla chiah " Chhuatah chuan ka thu hnawk a, a ni thei lo. Ka nu leh pa pawh kan mangtha hman lo. Fahrah tiin miin tunah chuan min sawi tawh dawn si a.





"Nu, pa harh rawh u " An rawn nawr chhuak a, nu leh pa neih loh hreawm zia chu a chan ve tawh te bakin in hriatthiam ka ring lo.





Ka u chuan Tu Tu emaw a bia a, khawiah nge ka nu leh pa hi kan haw pui ang tih a ni zawhna chu? Kan khua ah kan let dawn nge he lamah?




Kan khua ah haw pui chu anti thlu ta a, ka u chuan inah haw in lo han insiam la, ruang hi kan khaw lamah ka chhoh pui anga " Ka mittui tla a reh thei lo. Kan khua atanga rawn zui Tu te kha ka hmu miah lo va, an lo awm nual a, ka khawvel hi a tawp ni ber hian ka hria.





"Nora, chanchin min hrilh tur i ni asin " Phili taka ka awm lai chuan James ka hma ah a rawn lang a, tih ngaihna hre lovin ka pan hnai a, ka kuah a, ka tah khum ta vak a,





"In inah haw ila, thuamhnaw siam ila tichuan in khaw lamah kan chho dawn nia aw, Nora puitling i nih tawh kha, chhel takin aw " A mitah ka en a, a lungngai ve a ni tih ka hre ve tho.




Rilru mumal lo zetin kan haw a, engmah ka rilru ah a lut thei lova, ngaihtuah lah har ka ti. Ka nu nen kan feh dun thin lai te ka mitthla ah a lo lang a, engtik ah mah kan feh dun thei tawh dawn si lo. Ngaihzawng ka neih thu takngial pawh ka la hrilh lo asin. Ka pa pawh kha pheikhawk ka leisak tur takngial pawh ka la leisak lo. Mittui ka biangah a rawn luang a, hrukfai lah ka tum lo.






James chuan min insiam pui a, engkim min tihsak vek. Kan khua thleng a lo kal ve leh bawk a, engtin nge ka rulh sen ang? Pathian in leiah vantirhkoh kan unau tana a rawn tirh a ni ngei ang.






1MONTH LATER....






Thla khat a liam tawh, kan in ah chuan tumah an awm tawh lova, kan kalh ta ringawt a, mahse engtikah mah tihral ka phal ngai lo ang. Ka u hna lamah a buai leh tawh viau a, mahse a lungleng ve thei lutuk tih erawh a mitah ka hmu thei vek si.





Eng tih mah a nuam lova, test ka neih lah ka chhan dan pawh ka hre mumal tawh lo. Ni lo, ka zir lai pawh khan ka thiam nge thiam lo pawh ka hre lo. A eng zawngin thil thlir hram hram ka tum a, mahse a harsa a ni.







James erawh a rawn kal ngun a, ka ngai thin hle bawk. Kan inhmu ngun viau nangin ka ngai in ka thlahlel reng tho a, ka tan chuan ka engkim a ni.





" Len I duh em? " Ka class bang min lo nghak a, last leh last second period ka nei lova, ka haw hma thei a, mahse tinge ani pawhin hnathawh tur a nei ve awm tho si a.



" Ngatinge i lo kal? Hna i nei lovemni? I buai awm ropui si a" A nui a, ka kutah a rawn chelh a,




" Thil lei lawk ka ngai a , min leipui hman angem? " In lamah tihtur ka nei chuang lova tiin ka kalpui a, min ti hlim hle a, a tawngtam loh nen ka bulah chuan a tawngtam in a nelawm em em a.




"Ka bulah hian i mizia a dang vek a, mahse midang bulah chuan biak pawh hlauhawm khawpin i awm leh si a " Ka nui tut tut a, a ni erawh a nui miah lo.





"Nangma bulah bak nelawm taka awm ka tum lo. Ka chhungte bulah nen. Ka mizia hi a vawt mah mah em? " A biangah ka piai zauh a,



"Vawt lutuk. I thinchhe sia, I mengrum sia, I thikthu chhia in thu I duh bawk si. Mahse chu zawng zawng chuan ka duhna che anti zual . Zarda saw lei ila " A motor park tur na thlang deuhah chuan vaipa hi a lo thu a,



"Ka lo siamtir ang aw " Tiin chhuk ka tum chu ka banah min rawn chelh a,



"Min kiss phawt la " He mihring hi. A hmui ah ka fawp zauh a, ka chhuk nghal vat a. Ka zarda siamtir lai chuan ka ngaihtuah a, a ha a var em em a, kuhva a ei ve zeuh zeuh sia a sen ve miah lo. A nuam awm bik tih hi.




Motor a park a, ka sirah a rawn ding ve a, ka darah kut a nghat a, lehlamin ka kawng a chelh bawk a, a rem chiah lo.




" Miin min en duh viau ania " Tiin ka hrilh ru sa sa a,




" Chu vang alawm ka ta i ni a, midang in an lo en hlek che pawh ka phal lo "




" Thikthu i pek chhiat zia hi" Tiin a dulah ka piai a, a ip zawk mai.






Pheikhawk dawr lian takah kan kal a, an lo hre hle a, a nghaktu hmeltha tak tak chuan an lo be sup sup a, mahse ka kutah a rawn chelh a, min kai dawr a,





" A in ang a awm em heihi " Adidas pheikhawk nalh tak , a senduk leh a var inpawlh chu a kawk a, thil min leisak lo Turin ka hrilh fo si a,





" James " Min lo dang vat a,.




" Min u leh tawh lo ania, bakah thilpek che hi nuam ka ti. Ka hmangaihna che ka tihlan ve danah min ngaihsak la " Ka en vang vang a,






" Mi min sawi dan pawh tih tawh nak laiin. I sum vang chauha ngaizawng ah che min ngai tawh a, chutah nang lahin thil manto tak tak min lei a, min pe reng bawk si a, heihi ka duh ber a ni hleinem. Nangmah tawp hi ka duh che a, thildanv ka mamawh hleinem" Ka chalah a rawn fawp zauh a, hrep hian, an phun sep sep mai dawr chhunga awm ho chu. Min en duh hlawm hle bawk a





"Heihi ka bialnu buntawk hi hmeichhe bunah a awm chuan kan lo la tel ang aw " Tiin vans eng nalh zet chu a kawk a, a banah ka sik vat.




"James"




"Nora, min hnial suh khawngaihin "





"Nuam lo ka ti alawm "




"Aih Nora, nuam ti takin awm rawh. I bulah hun tamzawk ka awm thei silo a, hei tal hi chu min tihsak hram la, pawm hram rawh " Pheikhawk chu an rawn la a, ka en vang vang a,





"Hei bak chu min tihsak tawh lovang " Tiin ka thaw hak a. Mi hausa tak ngaihzawn chu a va hahthlak dawn em!




Thil eng eng emaw a lei kual a, a duhtawk hnu chuan thil ei ang aw tiin restaurant lamah kan in zui a,






"Changkang lo deuh ah i ei thei tho em? " Ka tih chuan min en a, a nui suk a, a lu a bu nghat.




"Anih chuan a tui deuh na ka hria " Tiin ka kai a, kan bazaar a kan ei thin na ah ka hruai a, mi anlo tam hle a, mahse thutna awl kan chang hlauh a,





Eitur ka chah a, James chu nuam lo ti hmel a pu lova ka thaw huai mai. A thinrim mai ka hlau a, mahse a thinrim lo hlauh.




Kan ei a, a ei zo ve vek chu mak ka ti deuh a, a nui suk duh chauh a, ka hrechiang a, ka duh telh telh. A man chu ka pe lui talh a, a thinrim lek lek a, mahse pawi ka ti lo.





Chawhmeh ka en kual a, lei ve i tum em ka tih chuan a lu a thing a, duhawm lutuk.





"Senior, in bazaar elaw? " Hmeichhe hmeltha leh ngo tak, sang thlerh thlawrh hi kan tawk a, a nui sang a, James a melh dan ah chuan a duh tih mi à ber pawhin a hre hial ang.




"Aw bazaar ve zawk. Enge i tih a? "An inhriat that hmel hle a, hmeichhia chuan min rawn melh zawk a, a hawi sawn leh vat a,




"Ka nu an zai a, ka tlawh dawn a, nangpawh i hman hunah lo kal ve rawh " Ka ner nak. Ka bialpa hi a lo hre mah mah a ni. Ka thikthu chhiat a rawn chhuak dawn.





"Aw le, lo dam vat rawh se " Kan kal mai dawn emaw ka ti a, an la inbe ta fo. An bulah ka ding ve reng tih an hre lo emawni?




A hnu ah kan kal ta hram a, engmah James in a sawi zui lova, keipawh in zawh zui ka tum lem lo.





College a kan assistant professor thar ka hmuh chuan ka ner nak. James bialnu hlui kha, ka core subject a la nita zel lehnghal. Mark ka score tha dawn lo tawp mai.







To be cont....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)