HER RHAPSODY BY NUNUI FRANKY HMAR (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: HER RHAPSODY BY NUNUI FRANKY HMAR (Completed)

Unread post by Ngaia » April 26th, 2020, 4:20 pm

EPISODE 19




By: nunui franky hmar..






(Lut thei lo inla awm che'u em aw?)






NORA POV....





"James kan lo va haw hmasa mai dawn emni? " James bulah ka thu a, ka pa chu ala awm dawn tih ka hria, keichu heta awm ve reng te hi ka ning. Min melh no tawk lah an bang si lo.




"Kan haw rual dawn nia, ka pa kan hrilh lawk ange " A ding vut a, ka rai thu hrilh nan ala hun lo tih ka hria. Kan boruak a pangngai deuh hunah ka hrilh Mai ang.






Ngawi rengin motor ah kan chuang dun a, traffic jamah kan tang a, min biak hmasak hma chu ka ti rilru a, mahse thil eichak erawh ka ngah lutuk. In thlen hunah ka chhuak leh mai a niang chu.






" Chaw ei min lo siam la, kan in tleuh zuai " Inchhung kan luh rual chuan ati a, chhang lem lovin choka ah ka lut a, awmpui te pahnih in min hmuh chuan an thil tawn min lo hrilh vat a,





"Inah tum ah in awmloh khan hmeichhe pakhat hmeltha deuh hi gateah sawn a rawn lawn liam a, inah hian bihruk a rawn dil a, a pasal in a zawn thu a rawn sawi a, chuan a hnu ah police officer ni awm tak kha in pawn velah a vei a vei a, a lian sia a hlauhawm reuh lutuk a" Anti a,





"Khawnge hmeichhia chu "




"A kal tawh a, a kalna a la rei lo. A ban te kha a duk kual ruih a , pem a ngah bawk sia a khawngaih thlak lutuk. A pasal khan a sawisa thin aniang " An thusawi ngaithla pah chuan chawhmeh ka ti lum pah a, min lo puih bawk a.





James chu inbual zo tih hriat zetin a rawn lut a, min rawn hnaih a, ka chalah a fawp zauh a,





"Lo ei ve leh la" Ka ei tawh thu leh ka riltam rih loh thu in ka chhang a, ngawi rengin chaw a ei a , a ei tam lem lo va.







"I kal leh dawn lo mi? " Living roomah TV en pahin la ka phiar a, ka sirah a rawn thu a, rem lo zet hian ka malchungah a lu rawn nghah a tum a,





"A thih hunah bak kal tawh lovang " Ti supin games a khel mual mual a , leh hmuk thin a, a samah ka tuai a, a nem tha hle a, ka sam ni zawk se ka lo ti hmanhmawh a,





"Eng tur nge I phiar a? " A tih chuan ngaihtuah hman lovin " Naute pheikhawk tur " Tiin ka lo chhang vat a, hrep chuan ka sawi zo hman vek. A games khelh lai dah in, thu meuh in min rawn en a,




"Tute naute ta tur maw? " Tunah hian ka rai thu ka la hrilh thei rih lo. Dawt sawi tur ka ngaihtuah kual a, eng ber nge ka sawi ang, ngaihtuah chhuah mai tur lah ka hre silo. James chuan thutak zet hian min melh run a,





"Ka thiannu pakhat hian naute a nei dawn a, a phiar kher a phut bawk sia " Tiin awlsam lo takin dawt ka sawi a, min manchhuah loh hram ka beisei. Tunah hrih chuan a la hre thei lo.






"I sawi ngai si lova bawihte " Engmah sawi zawm lovin a rawn mu leh mai a, ngawi rengin kan awm a, a ning ta deuh aniang a phone a dah a,




"Naktuk lamah ka zin thut maithei a, ilo kal ve duh em? Inah awm reng chu ka ning I ti si a? "




"Khawiah maw I zin dawn? "




"Champhai lamah a nia, ni hnih thum vel cham turin. Rih dil te kan va tlawh anga, Honeymoon ni leh mai a" Ka nui hak. A nuam dawn lutuk,





"Enge I tih dawn reng reng a, kal te chu ka chak lutuk " A phur ber berah ka lo tang leh tawh. Nui suk in min rawn fawp a,.






"Hna thil eng eng emaw buaipui a ngai a, a rei dawn lova. Bakah inah I inkhung ngawr ngawr zel a" Ati sup a, nie ka thawveng phah deuh ang.





Room lamah ka chho a, ka phone ban in google ah rai laiin motor chuan a that leh that loh vel te ka search a, thla a tlin tawh chuan a pawiloh thu vel a awm nual a, ka thaw huai mai. Phone khumah dah in naktuk lama ken tur thuamhnaw te ka siam a, ni thum vel cham turin ati anih kha. Boruak rit lutuk pawh a ziaawm maithei asin.






Thil thur ka ei chak thut a, rai no lai hian in ei chak ve thin hlawm em? Choka ah ka tlan lut a, fridge ka pawt hawng a, nimin lama ka eitur lei ho kha a lo la awm e. Ka ngaihtuah zawng ringawt pawhin ka chil a put thei nia..








JAMES POV...





Nora mizia hi mak ka ti ru reng. A mizia a thlak thut thut a, a chang leh sakei ang maiin biak a huphurh awm a, a chang leh a ka ah pawh zen ila min seh lovang tih ang velin a fel leh si.





Ka pa kan zin tur thu ka hrilh vek tawh a, a remti viau a, Christina hi a milh lova, apa, a thiantha tak erawh a unau ang maiin a hmangaih thung.





ICU ah kan awm lai pawh khan thil dik lo awmin ka hre tran a, mahse eng ber nge ka hre lo. Ka private investigator chu ka bia a, lo chhui chiang turin.





Kan nupa roomah ka lut a, Nora a lo awm leh tawh miah lo, nichin lawk khan roomah a lut chho si a, khumah chuan a phone a awm a, a kal hla lo tawp ang.




Khuma bawh pahin a phone a games khelh tum chuan ka ban a, mahse ka thil hmuh vang chuan ka phu deuh zawk. Rai laiin motor chuan a tha em maw? Tunge rai, ka nupui hi a rai tihna emni?



Ka ngaihtuah let neuh neuh a, a zia inthlak thut thut te, a thil ei duh ta lutuk leh a mutduh zual te. Naute thil tur a phiar te, a food cravings neih nat dan te kha. Ka nui suk, ngatinge ka lo hriatthiam vat loh? Doctor ka ni meuh maw? Mahni nupui rai no awmdan pawh hrethiam lo chu.






Engtik ah tak min hrilh tum ni maw? Pa ka ni ve tawh dawn tihna emni? Fa ka lo awh ruk ngawih ngawih thin kha. Inhnuai lamah bawk ka chhuk leh a, Nora chu ka au a, choka lam atangin min rawn chhawn a,





Ka va luh phei ve nak chuan nula te pahnih nen thei an lo ei hlap hlap anih chu. Ka nuih a za zawk . Ka chiang ta, Nora hi a rai chiang a ni, a hre tawh nge a la hrethiam lo zawk!






Zanah kan insiam fel vek a, kan mu zui nghal a, mu pahin sawipui ka tum rilru kha a nia, ka pa nen reilote kan titi chhung khan a lo muhil daih. Rooma ka let leh chuan a lo muhil bam tawh, duhawm lutuk






A sirah inthawlh ve in ka kuah zui nghal a, a dul chu ka chul a, a kiar nge a chhungah naute a awm zawk? A damloh laia a cher vak te kha a reh tawh a, tunah chuan a vun a nung in a da lep te kha a reh rawh a, duhawmna hlirin a khat tawh.






Zingah hma takin ka tho a, nizana ka message dawn kha, ka cousin Zosangzuala min rawn thawn chu ka en nawn leh a. Ka workout zo a, inhnuai ah ka chhuk chuan ka pa nen an lo thu dun reng tawh. Ka bawihi bulah ka mut hi chuan thawh ka hai ziah.






"Enge nita boss chu i va hma ve? " An bulah ka thu thla ve nghal a,




"Nimin ah in inah hian kan awmpui a rawn biru tih ka lo hria a? "




"Kan va hre si love , hospital lama kan awm lai ani ang a! " Ka pa in alo ti a, nie engmah kan hre lo.




"Ngatinge in awmpui chu? A thawh peih tawh loh te chuan a bang ani mai a"




" Nilo, kha hmeichhia kha a kal thei lo. Thil a hre hnem lutuk tawh, bakah pawisa a tlanbo pui nual bawk a" Thinrim in hum ruh tak chuan a ti a.





Kan in close em em lova , mahse tet te atanga inhria kan ni a, police line ah a kal a, ka pa te unau hi an khawsa thei hlawm hrim hrim a, tet te atanga thawkrim an ni bawk a, Sangzuala pa hi MLA ani a , anu erawh a naupan laiin a uire san a, nu hmangaih na a dawn ngailoh vang emni ka hre lo, a mizia a vawt em em a, misual lo pawh mi pangngai tan pawh nelawm loh tak a ni.





Mi in an chanchin an sawi dan a tam hle a, a then in drugs an tawlh ru thin tih te a awm a, mahse prove na awm lo. Bakah ka pa te unau ho hi inpawh vak lo mahse an in tran leh them thin.






Kan titi luam a, reilote hnu ah a haw a, Nora kaitho turin roomah ka chho a, tih harh pawh a inthlahrun awm zawk. Tui takin a mu hnar sek sek a, nizanah a mut rei tehlul nen.






Tukthuan kan ei a, muangchang in kan insiam a, ka pa in min thlah a, kan chhuak zui nghal a. Ka pa scorpio zawk kan keng a, zin pui atan chuan a nuam zawk.





Nora chu a titi melh melh a, Zemabawk kan pelh dawn tep chuan bawihtei chuan ding turin min ti a,




"Ngatinge i tha maw? " Hlauthawng takin ka ti a, min rawn melh zawk a, a hawi sawn leh vat a, a thutna lam glass chu a down a,




" Lawks aw" Tiin a chhuk a, side glass atang chuan ka en reng a, a sir deuhah chuan hmeichhia hi a lo thu a, hlauh nei ni awm tak hian a hawi hruk hruk a, bag lian lutuk lo a ak a, a ngo reuh phian bawk .




"Bawiha, phur ve ang. Seling ah a kal dawn a, mahse phur tu tur a nei silo a" Nora chu a rawn let a, hmelhriat loh phurh ngawt chu. Nora tih thinrim ka duhloh vangin kan phur ve ta a, a ngawi chawi hle a, a dawldang a, a chauh hmel em em bawk a,





Kan nu nen an inbe reng a, a aw a no teh hrep lehnghal. Glass atangin ka en zauh zauh a, ka en tih a hriat chuan a kun leh daih thin a,




"Tunge i hming ni re re thiannu, heihi ka pasal James ania, chuan keihi Nora ka nia. Aizawl ah i awm thin nge? "





"Ka hming chu Ngurdingpuii ania, Seling ah kan awm a, aizawl ah hian inhlawh in ka awm a, ka nu dam thatloh vangin ka haw dawn a" Ati sep a, hlauh nei a ni tih a aw ah a hriat hle a, ka nupui chuan a hre leh pek miah lovang chu. A pasal min titi pui ai chuan a thian chhar thar kawm chu a duh zawk a ang... (Story thar tur ami te, Zosangzuala leh Ngurdingpuii te thawnthu) .








Kan thleng a, lawmthu min hrilh mawlh mawlh chungin a chhuk a, a bag ah ah chuan thuamhnaw a awm chiahin ka ring lo.





"Enge i en vung vung a? I khawngaih ve tho ami? A duk nasa bawk sia " Bawihtei ka melh zawk a,






NORA POV..





'"I rilru a tha lutuk a, miin an zuam mai ang che " Tiin min rawn piai a,






Kan titi dun reng a, thlen ka chak tawh lutuk ringawt . Kan thlenna hmun tur te pawh a be fel tawh a, a bulah hian hun hman ka chak tawh lutuk.





"James? "



"Yes? "




"Ka ril a tam" Ka ti sap a,





"A tam leh tawh maw? " Mak mintih hmel zeta min en chung chuan a ti a, ka thin a tirim tawk em em.





"Theihngilh daih rawh. Tram chhawl pawn thi ila pawi i ti tawp nang " Tiin ka tum bar a, ka mizia hi aw ka ning keipawh hian.




Mittui rawn tla hma lutuk te leh rilru kawi te, engkim pregnancy hormones te hi... Hrep chuan a...


To be cont...


(Ka tengtere ei ka tuar lova, ka tlan ngun tlut tlut bawk a, ka kulcho tep...)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:20 pm

EPISODE 20




By: Nunui franky hmar...






Reitawk fang kan tlan hnu ah champhai kan lut a, boruak a nuam khawp mai. Ka muthlu kuit deuh thak a, James ka khawngaih letling zawk.





Hun remchang leh kan hlim hun lai berin nau ka pai thu ka hrilh ang ka ti rilru a, nie ka pasal hi ka rai thu hrilh vat ka ngai alawm. Kan thlenna tur hotel chu a lian vak lo nangin a fai a, a changkang bawk a, eitur tamtak ka ken chu ka keng tel zel a.






"I chau em? I ril te tam em bawihte" Suitcase a rawn khai lut a, zanriah ei a hun titih daih tawh. Mahse kalkawngah thil ka ei mawlh mawlh bawk a, ka ril a la tam chiah lova mahse ei dawn ila chu ka ei leh teuh thei in ka ring .




Kan inti fai a, James chu a chauh hmel hle a, motor a khalh tluan parh a, a chau ve ngawtin ka ring a,





" Lo hahdam la, eitur ka rawn lei anga, hemi hotel piah hi restaurant ani in ka hria, hetah kan ei mai anga, I chau sia "




" A ngai lo, keimah ka kal mai ang, nangmah in chhuak lovang" A ti sup a, ka kal awm tho e,




" Naupang pawh ka nih tawh loh hi. Tikhan hahdam deuhin lo awm la, ka lo let leh vat ang. Ei chak deuh te i nei em? " Mit ti zim sanin min en a,





"Kha kha" Tih paha ka hnute a rawn kawh chuan nui hak chungin ka kalsan a, ka tawng lovang tih hi ka va hlau thin em.





Hotel atangin ka chhuak a, an khawsak a pangngai hlawh hle a, restaurant ka thlen phei chuan mi an lo tam lem lo va, pack tir tur in ka order teuh a, ka nghah chhungin theitui ka lo in a , restaurant thar a nih ngei ka ring a nuam dangdai emai.






A thawk te chuan min lo en leh zuk thin a, ka hmuh fuh chang chuan ka nuih mai a, an phin deuh sep sep a, enge maw an hriat hlawm ni?






"Doctor James-a nupui aniin ka hria "



"Nia, keipawn a ang ka ti. A hmeltha e, khawnge doctor james hi le? "





"An nupa in an lo kal aniang, keichu a nupui saw ka thik e, a pasal hi a pa sia, hausa bawk si chutah doctor ala ni leh zel zui "





"A nupui tuna mi saw an inneih hma in a tlanbo a, doctor kha a à tep te antih kha" An thusawi chu ka hriat tura an sawi ni berin ka hria. Engah mah ngai lovin ka hre lo der a, ka thil order an siam zo a, pawisa pe in ka chhuak zui nghal a,






Hotel panin ka let a, naktuk chu James hman hunah fan kual tur anih hi, a nuam reuh emai. Bakah kan thlenna lai vel hi tlema mi khawsa thei chin chenna lai bawr a lo ni bawk nen.







Room ah ka luh chuan alo muttui hle a, a chau tawngkhawng pawh a ni mahna. Ka thil lei ho chu phawrh in dawhkanah ka khuh tha a, a bulah phei in ka mu ve zui nghal a, a awmah ka bei a, ka kuah zui nghal bawk a,






"Ka hmangaih che" A hmui ah ka fawp zauh a, nui ver ver in ka kuah nghet sauh a, ka lo muthilh ve lai reng reng ka hre lo. Min sawitu an awm vangin ka mu tha sauh, ka mutui dawn chauh asin..





"Bawihte, lo tho tawh la, thil kan ei zawh ah i mu leh anga" Nui rulh rulh paha min melh tu chu ka melh ve reng a,




" Umm.. Ka riltam tawh " Tiin a kut lo phar chu ka ban a, eitur awmna lamah kan in zui phei a, ka duh aia tam ka ei leh ta. Ka puar hle mai.







A laptop ah thil a type lut a, chumi pah chuan a sirah lo mu in phone ka khal a, tih tur a vang reuh hle mai.




"James, ka rai a" Ka ti chhuak phawng a, a reh vang vang avang chuan ka ngaih a tha lo va, ka en chhoh chuan nui ver ver chungin min lo en a,






"Ka beiseina kha a dik ani maw? " Min pawm nawlh a, a malchungah min thuttir a,





"I hre tawh mi"




"Hre deuh reuh. Engtia rei nge ni tawh? " Ati sup a , ka dul a kut lehlamin a khawih a,





"Thla khat leh kar 3" Nui sukin ka ti a, a hmelah hlimna nasa tak a lo lang chhuak a , a lawm thu te, min hmangaih thu te a sawi chamchi a, hna ka thawh tir thei dawn lo anih hi zanin chu.






Dar 9 vel ah kan chau deuh bawka mut zai kan rel a, James chu a nui deuh reng a, min ti nui ve suk zel.






Ni 4 kan cham hnu ah Aizawl ah kan let a, James chuan ka pa a hrilh a, a farnu kha chu inah a awm khat viau. Ka hmu ngai mang lo.





"A va lawmawm em em ve , tu hmel ka hmu ve hman dawn anih chu " Ka pa leh James chu an phur hle a, ka u te nupa pawh ka hrilh a , min rawn lawmpui aiin indim turin min rawn hrilh hmasa ber a, nie indim chu ka ngai viauin ka ring.






Christina chungchang kha kan haw leh hnu hian inchhungah a ri leh ta miah lo va, karkhat a liam tawh a, naute pawh thla 2 a tling ta, ala puar pawhin ka hre lo thung.





" Chu chu a trul ber lo, in a nei a, haw sela awm ve mai rawh se, heta rawn kal vel pawh a ngai lo" Inhnuai pan thlakna kailawn ka zawh thla mek a , min rawn hmu phak lo va, keipawhin an thusawi bak ka hre thei chuang lo va.





" Mahse u, a khawngaih thlakawm alawm. Ka room ah ka awm tir dawn tho a, a haw leh vat dawn a, a nu in a riah pui a, amah in inah awm a ngam lo alawm" An sawi hmang atang chuan Christina hetah a rawn awm dawn tihna a ni em?




" A trul ber lo. Ka nupui hlui ani a, ka nupui ni lai mek in engtin nge a ngaih ang? Tunah phei chuan a rai lehnghala, rawn hruai haw angai lo. I duhleh an inah va riahpui mai rawh "





" U I sual hle mai, tuna i nupui ai khi chan Christina a let za in a tha fe... " A ri chawrh a, Juliet chu a tap zui nghal a, ka pa pawh a rum ri nghut chu ka hria. Ring zetin juliet chu a au vak a





" Khitiang hneichhia khi ka hua nia, kan hausakna bak a duh lo. Lerh hmel ropui si"




" Juliet Ramdinsang, i room ah chho nghal rawh. I zahpuiawm hle mai, ka ben ve hma che in chho rawh " Ka pa in ati treng chuai a, thinrim leh tap pur chungin a rawn tlan chho a, room lamah ka let vat thung,






Rei fe ka ngah hnu ah inhnuai ah ka chhuk a, James amahin alo thu a, phone a bih a, message a type ni awm tak ani. Ala thinrim hmel em avangin be lovin choka lam ka pan zui nghal a, tumah an awm miah lo, nula te pahnih pawh hi khawnge a kal daih ni.





Theitui ka siam a, sausage ka siam a, omelette nen. Rawngbawl hun vel hian ka riltam ve ziah mai, ngatinge pawh ka hre lo, naute vang pawh ani mai thei.






Keimahin ka ei mawlh mawlh a, ka siam hnem a, midang pawhin an ei duh ringin, mahse tumah an lo kal loh chuan keimah pawhin ka ei zo vek thei tho.





Thil ngaihtuah neuh neuh chungin ka ei a, James rawn luh lai reng reng ka hre lo. Ka bulah a rawn thu a,




" I riltam leh tawh ami bawihte" Ka chalah a rawn fawp zauh a, a hma ang khan a thinrim leh tawh miah lo, ka bulah chuan a zaidam em em a, engmah a thleng tih a hriat hauh loh.




" Imm... Ei ve la, plate ka lo lak ang che, theitui nge coffee i duh? " Min en reng a, ka lai lek lek.




" Tui a ni mai, ka ril pawh ala tam lo bawihte, i ei lai ka lo en ang che" Ka plate ah ka suah belh teuh a, theitui ka siamsa chu ka no ah ka thli zo vek a, dawnfawh leh nimbu tui tlem leh kiwi ka her sawm a, a tui chu ka in a, tui danglam lutuk.





Ka sirah a thu a, min en reng a, sausage chu ka barh a, a ei ve mai a, artui barh leh ka tum chuan a lu a thing a, ka theitui chu in chhin tur in ka ti a, a rawng chu a sen vek a, a tui hmel lutuk. A lem a, min rawn en a, tui a tih vak hmel loh .





"Bawihte, tui i ti emni? " Nuihza lek leka atih chuan ka lo en let ha a,





"A tui em hi, tui i ti lovemni? " Ti chungin ka in leh nghal a, a lu a thing a, a nui suk a,





"I duhzawng a danglam anih kha. Kan fa lo piang tur hian i duhzawng thenkhat a rawn thlak pawh ani mahna " Ka lo nui ringawt.




Engemaw sawi tuma a ka a ang zuau chu a phone a rawn rik vangin a chip leh a , min rawn melh zawk a, a hmel a nui hmel kha a bo leh daih tawh. Nui hmel hmuh tur a awm lo va a dur khup a ni ber.





"Hello "




"Awle, kan lo kal ang " Muangchangin phone a dah a, min rawn en vang vang a, ka ngaih ati tha lo hial.



"Ngatinge James? Tunge lo call tu che kha? "




"Christina pa a boral chiah a nih chu. Ka pa in min rawn phone a" Ati sap a, rilru hah hmel pawh a pu lo. Sawitur mai pawh ka hre lo va, a kal ve ngei a ngai anga, mahse kei erawh ka kal ka ring lo.





To be cont...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:20 pm

EPISODE 21


BY: NUNUI FRANKY HMAR





"Anih chuan i kal ve a ngai anih chu " Ring vak lovin ka ti sap a, ka lu ka bu nghut thung.





"I lo kal ve duh ka ring chiah lova bawihte, ka va lang ve zuai anga, ka rawn haw leh vang ang " Ka lu ka bu nghat a, ka lo thinrim ve ngawt chhan tur a awm lo.






Ka tih tur hre lo lutuk chu ka u te ka phone a, inah u dindini a lo awm hlauh a, thil chi hrang hrang kan sawi a, kan inbe rei phian a, kimkima preschool kal pawh a lo haw tiin phone chu a bia a, min ngaih thu sawiin thil thar a neih te leh a thian thar chungchang zawng zawng te a rawn sawi a, ka khawhar ka lo theihngilh daih a ni.






JAMES POV.





"Engatinge? " Zing lama boral anih vangin chawhnu lamah vui tur a ni a, sun tu a ngah a, mak ka tih erawh christina kuang bula inchei taka thu, tap ve miah lo leh a hmela lungngaihna engmah lang lo chu a ni. A nu erawh a khawngaih thlak viau a, keipawhin ka nu ka sun tawh a, a nat dan ka hria a ni.







Pastor in a vui a, a rei phian. An chhungte pawh an tam hle bawk a, mipui leh amah ui tu te ho pawh. Thlalak hunah chuan haw ka tum a, mahse yma mic a ka hming an rawn lam avang chuan ka ding chawt.




"A fanu te nupa nen " Nupa a, ka kal mai lo mahse ka hming in min rawn ko leh ta si a, Christina tihtir a ni tih ka chiang ta, hrep hian . Kan inthen tawh tih a theihngilh emni?






" A pasal ka nilo, a pasal hlui zawk. " Mic keng tupa chu nui lui sukin ka hrilh ru a, in lamah ka haw zui nal nal. Apa kha fel viau mahse a fanu erawh rilru chhe tak a ni tih ka hria.






In thlen vat vat a, ka nupui bulah awm a, thu ho mai mai sawipui tluka chak ka nei lo. Ka lo upa ve ta deuh a niang e.





Gate ah ka tlan lut a, kan garage zawna bolero var lo ding avang chuan chhuk vat in inchhungah ka tlan lut a, Nora hian inleng a lo nei tihna emni? Pawna nula pakhat hmun lo phiat chu ka zawt a, ka cousin a nih thu a sawi chuan ka thaw deuh huai mai.






Living room ah an lo inkawm a, Nora chuan a theitui mix tui vak lo kha a lo chhawp leh a ni nghei ang le. Nui sukin ka pan hnai a, min hmuh chuan min lo pan vat a, ka duh ve leh duh ve loh min zawt a, mahse ka lu ka thing vat, a tui tih zawng mak tak kha, naute tan hrisel lohna a awm loh chuan pawi ka ti lo.







"Enge i rawn tih ve mial a" Tiin Sangzuala chu ka melh a,





"Hmanni in zin khan ka awmpuinu tlanbo kha in lo phur niin ka hria a"




"Enga? Kha hmeichhe khawngaih thlak tak kha in awmpuinu maw" Noraw chuan a lo ti vat a, mahse khanu kha chuan hlauh a neih hmel hle anih si kha..






"Aw, a bum che u anih hmel hle mai, ka man hunah chuan a chak lovang " Nora sirah ka thu a, thildang ka sawipui daih a, Champhai lama an bamboo factory kan tlawh thu te ka sawi chuan ner nak hian bawp a khawkherh a,





" Ka pa ta alawm. A sumdawnna lamah hian ka tui pui lo tih i hriat kha "





" Mahse mipa awmchhun i nia, i pa theihloh hunah chuan i enkawl tho a ngai dawn lawm "





" Ka kuta a awm hunah pawh ka hralh mai ang " Ati sam et a, Nora nen hian awmdun ta se, an luhlul dun ropui si a, an in vaw hlum lo chauhin ka ring a ni.






A haw hnu chuan ka nupui nen hun thawl kan nei ta, roomah kan chho a, naktuk ah ultrasound kan ti dawn a, hospital a gynaecologist tha ber ka be fel tawh bawk a, ka naute nu leh naute hi a tha ber ber chuahin an enkawl ka phal a ni.










"James, hna kal lovin inah i awm reng zel a, keipawh ka kal i phal lo va, inah awm reng te chu a ninawm zia i hre ve tho a" Ka malchungah a mu a, a hmai ka khawih chuan ka kut a beng thla vat. Thinchhe lutuk hian.






"Khawih du du suh. Ka hmai hi a rawn bawl nasa lutuk, ngatinge pawh ka hre lo "





"Nakin ah a reh mai ang bawihte. I ngo em a, a langsar anih kha " A biangah ka piai zauh a, chumi hnu chuan kan inbual dun a, a taksa a mam in zut a nuam hle a, minti zauthau thei hial.





A hnute kawh lah mai te, a dul pawh a rawn puar tan in ka hria. Nupui te kan it ngawih ngawih ang tih rinna reng reng ka hre lo.





A tukah chuan tukthuan ei zawhah kan chhuak a, ka pa leh ka nau erawh mitthi in lamah an kal leh a, va lan ve kha ka peih tawh lo. Miin min lo sawi sep sep a, Nora hriat atan pawh a mawi lo.





Kawng tluanin a titi kuit thak a, hospital campus ah kan tlan lut a, ka motor dahna thin ah ka dah a, ka kal khat viau tawh a, chu ai chuan Nora ala kal khat zawkin ka hria.





Min lo wish sap sap a, Nora banah ka kai a, ka office lamah kan chho a, midang incharge ah ka dah tawh ka tih kha, kan hmu zawk a, eng eng emaw ka en fel a, Nora checkup turin gynae ward lamah kan kal leh a, hospital pakhat mah nise building hrang pa 7 a awm a, chhawng 7 deuh theuh a ni bawk a, ka pa duhdan taka sak leh kaihhruai thin kha a ni a, mizoram private hospital ah chuan a lian ber leh changtlung ber a ni tih kan sawi tel leh hram ange .







"Nakinah thil kan ei dawn nia, card hi la ve hrim hrim ang " Ka tih chuan phur zetin min rawn zui a, naupang chhia reuh lutuk. Kan fa lo piang tur hian a nu mize naupang chhia tak te, a luhlulna leh a thinchhiatna te hi an chhun loh hram ka beisei. Anu chauh pawh hi tawrh a harsa lutuk..





NORA POV...





Kum tamtak hnu ah James te hospital, tunah chuan kan hospital ni ta ah in checkup turin kan kal a, engkim a la pangngai vek nangin thil tamtak min hriatchhuah tir a ni.





Card la turin kan inline a, mi an tam deuh a, James chu a in line ve ngei a, a nin tawh hmel hle mai. A rawn hawi deuh zuk zel a, thutna an siamah chuan thu chungin ka lo nghak a, raipuar an tam hle mai.




"Thla engzah nge ni ve tawh a? " Ka bula thu chuan min zawt a , a ni chu a dul a puar deuh lah tawh a, a hmeltha deuh zek lehnghal a,






" Thla hnihna tur ania" Nui sangin ka ti a, ani chu thla 7 na ani tawh a, pasal nei lovin nau a pawm thu min hrilh chuan ka khawngaih reuh hle a, mahse a ti tha takzet, a titla mai lo pawh kha a fakawm lutuk..






"Saw saw ka pasal ania, James anih saw " James kan lam pana lo kal mek chu ka en vang vang a,




"Doctor James, hemi hospital neitu hi maw? I vannei hle mai "





"I hria elaw? "





"Aw, mi zawng zawngin kan hria ang chu. Hmeichhe duh rawn a ni thin alawm. Tunah chuan nupui a nei tawh a, mahse zar buai tu hi ala ngah ania aw, veng tha hle rawh " Nui vur vur chungin ati a, nie a luck tih te chu ka hria lawm.







" Ka lo veng tha dawn nia " Tiin mit ka siai zauh a, kan kalsana, James chuan ka lo biak nu chu tunge a nih min zawt nghal vat, he mihring hi chu aw.







"James, mipa doctor ani lovang tiraw? " Nui suk hian a lamah min pawt hnai a,





"Um... Mipa dangin an en che ka duh reng reng lo bawihte, ka ta chauh i ni ka tih kha"





Kan in entir zo a, engkim a tha a, ka hrisel tha a , ka naute pawh . Haw mai lovin thil kan ei a, canteen kha alo awm tawh miah lo va, restaurant pangngai in an lo thlak tawh a , a hma a pahnih awm thin kha tunah chuan a in tlar phei duat tawh a,




" Ehe, khawi hi nge tui hmel deuh ber ang? "




" A tui dan a in ang lo vek ang ka ring. Ka eitur chu helai sira mi hlir hi ka chah thin a , a dang chu ka hre lo" Canteen ah a neitute an ei ve vak ka hre ngai lo nangin James kha chuan a ei fo anih kha, kan ei dun zeuh zeuh thin bawk kha ania.






" Um... Ei teuh ang aw, ka riltam tawh lutuk a" Tiin ka lut vat a, min rawn zui lut a, eitur hming chi hrang hrang chu ka ziak teuh a, i duh zat zat ei rawh minti bawk a,






Kan titi mai mai a, titi ti ila hmeichhia ka duh lai in ani ve thung chuan ama hnungzui tu tur mipa a duh thung a, doctor form ha ho chuan an rawn bia a, zah takin an rawn bia a , a junior te an nih ngei ka ring, anih loh pawn an in hre hnai vai ani ngei ang.





Kan table piah ah an rawn thu a , ka ngaihbel nge min en duh hlawm riau hian ka hria a, nuam ka ti chiah lo.






" Sir, heihi innu thar chu mi a? Kan va hmu ngai lo ve" James chu ka melh zawk a,






" Christy kha, a daih rei viau dawn emaw ka ti a, a chhe lo reuh sia, mahse tuna i nupui pawh.... "





" Ka nupui chungchang sawi turin in rawn lut anih chuan chhuak leh nghal rawh u. " A ti vin that a, ka lo phu zawk.




" Ka tihpalh sir englo ania... "





" Hospital dangah insawn i duhloh chuan tawng tawh suh. " Ti hmuk in ka lam a rawn hawi a, kan eitur chah a rawn thleng chawpchilh ngal a, mood off zetin kan ei teuh kha .





In lama ei tur chips vel ka lei nual a, raj malai pawh. James hriat lohim thil thak lam deuh ka lei tel hram a, ka ei leh inah hian a inrawlh tawh a, doctor a ni bawk a, chuvang chuan thil tha leh hrisel a hre phian.








" Sir, I nupui hlui pa kha a boral ta thut sia, hospital a an share neih ve zawng zawng hi a fanu khan a rawn nei vek dawn a, shareholders tehnkhat hnen atangin share a lo lei ru bawk a, hnunglam atangin beih che a tum tih a hriat reng" A director dah thar chuan motor bulah min rawn pan chungin a ti a, James chu a thinrim hmel hle a, a bekah thisen zam a pawng tawn tawn.




"Engzah nge share a neih a vaiin? "





"Midang share a lei nen 30%"




"Hrep a, hmeichhia leh " Motor ke a pet thuai a, a thinrim pawh hi a awm tho e,




"Tute share nge a lei tih lo zawng chhuak la, ban nghal vek ang che eng anga nihna pawimawh pawh chelh mahse. Naktuk ah chuan an bang vek tur a ni. Thildang chu ka kutah i dah dawn nia, ka nupui hi kan haw pui tawh ange " Ka luhna turin kawngka min hawn sak a, in lam panin ngawi rengin kan chuanga,






Kan in be lo kuit thak nia. In kan thleng a, a seat hnunga ka thil lei ho chu a la a, inchhungah min kai lut in roomah kan chho tlanga,





"Ka duat engkim hi a tha leh vek ang tih ka tiam a che" Hnunglam atangin ka kuah a, a ding ngawi reng a, a hnungah ka bei hle hle a,




Reilote hnu ah ka lam a rawn hawi a, min kuah chawt q, nghet takin ka kuah let a, ka darah a khabe a nghat a, a thaw leh hak thin.






"I bulah ka awm reng ang, nangmah chiahin i tuar bik dawn lo tih hria la" A tukhum ah ka chul hliau hliau a, nui ri suk in a inla hrang a, duhthaw zetin min rawn fawp a,







"Ka tih chakna rei tawh zia i hria em? He thil hi kan tih chuan ka hahdam sawt in ka ring " Mitmeng de sawr sawra min en pah chuan ati leh a,






" Eng thil maw tih i chak a" A awmah ka chul a, a rum chhuak hak. Min kalpel in kawngka a va kalh a, vung zetin a rawn let a,






18+






" Naute siam dan process tho kha ania " Ka nui hak. Ka kawrfual hak hmalam chu a kilhna a phelh mawlh mawlh a, ka nghawngah a fawp pah reng a, ka ding khur zawih zawih nia.






Khumah min nghat a, ka kekawrte a pawt thla a, ka bra pawh. Ka pasal hma ah chuan ruak ngalngat in ka mu a, ka dul pawh ka ngaihbel nge a puar ve deuh tawhin ka hria.





A inphelh zo chu ka sirah a rawn lawn a, ka hnute a fawp nghal chat, ka lo ip chawih a, a kut lehlam in ka hmeichhiatna chu thiam zetin a sawngbawl a, ka er ngawng ngawng mai .




"Ka tan i in peih tawh lutuk " Tiin min nuih seih a, ka bawp chu a ti kak a a thingthi a, engtin nge a zang khu a len ka hre lo a ni, a tir kha chuan a na viau a tunah chuan nawmna nasa tak min thlen thin anih kha.






Ka meng phal tawh meuh lo, a zang hmawr chu a rawn lut riai riai a, ka phu zuk a, zawi te te in min dep a, ka hnute a tham tawn tawn a, ka nghawngah a fawp dawk dawk reng a, min ti zauthau takzet. A duk leh thluah dawn anih hi.






A bei rang tial tial a, khum chu a che dat dat mai. Ka tre ri tuar a, ka hmui hup nan min rawn fawp zui nghal a, ka zo dawn ka awmdan chu ka sawifiah thiam lo. James samah ka tham tawn tawn a, min dep rang si a, ka zo ta der mai. Ka zawi hnawk a, James erawh a la zo ve hauh lo tih hriat zetin ka chhungah a la in sawh tlum a.






Vawilehkhatah phawi thut in khumah a mu thla a, ka chungah rawn lawn rawh tih pahin min rawn chelh a, a chungah chuan ka thu a, a zang chu ka hmeichhiatna ah ka nawr lut a, ka rum hak, aluh dawn hian a la na tho mai. Mahse tawrh hreawm erawh a ni lo thung.






" Ka zo dawn ania bawihte, a aia rangin" Hnuailam atangin min rawn dep chho zawt zawt a , ka za chuai chuai mai, miin an hria ang tih pawh ngaihtuah thei lovin ka rak chel chul a,





"Ka zo, ka zo ta" A zang a rawn lian tual tual a, a hma aiin, a phu uih uih a, a mu ta hle hle a, ka chhu chhung a lum pum a, a zang chu phawi in a sirah ka let thla a, min lo kuah nghal vat a,.






"Bawihte, kha zet chu... "





"A thip vek " Ti sepin a hmui ah ka fawp a, ka pasal hi ka hmangaih takzet. Ka tawng lovang tih ka hlau hle.





Kan inbual leh a, chumi hnu chuan inhnuai lamah kan chhuk a, ka pa leh Juliet an rawn haw a, ka pa chuan kan in entir chanchin vel min zawt a, juliet erawh a meng no lem lo khawp mai. Ka be chak bik reng reng lo.






"Ka pa, thil sawipui tur che ka nei a"




"Roomah chho ila"



"Aw le. Bawihte lo awm lawk la aw" Ka Chal ah a fawp zauh a, inchungah ka pa nen an in zui chho a, juliet nen chuan kan thu ngawi reng a, ka biak hmasak chhan tur ka hre lo ka tih tawh kha. Min melh rawm rawm a, engah mah ngai lo tih hriat zetin chips ei pahin phone ka khawih a,






"Ka u hi i phu hlawl lo mawle. I zak lo ka ti bawk "




" E nih chu " Ngeiawm zeta ka tih chuan a thinrim zual sauhin ka hria, ka ngeiawm ve thiam viau alawm...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:21 pm

EPISODE 22




BY: NUNUI FRANKY HMAR..







( hemi episode hi chu a dang deuhin nunrawngna lam thil leh thawngkam bawlhhlawh a tam dawn a, chhiar peih lo chu chhuah leh nghal theih aw🤪)






NORA POV...







James alo let thla thuai a, engahmah ngaih loh hmel taka Christina ka lo awm pui chu a ngaih a tha vak lo pawh a ni mai thei a ni.




"Ei chak i nei em? " Ka sam chhawl leng tla chu ka bengah a zep a , ei loh hmel leh thinrim zeta min melh tu lam chu ka va melh zawk a, a mitmu a rawn pawng chhuak lo chauh.




" Umm ka ei chak deuh vek thil hi . Mahse tu emaw rim na zet hian ka luak a rawn ti chhuak tlat pek a, bakah zana ka ei tur chu lei angai tho." Nui suk hian a lu a thing a,





" Bawihte, pawnah thu ila" Inchhung boruak tang tha tak chu a hrethiam ve deuh pawh a ni mahna le.






"Kal ila James, inchhung a hmanchi perfume hi lei a ngai nih hi " Ka tih chuan a nui chhuak huk. Christina erawh a ngawi kar reng thung a, a tawng ngam vak lo pawh a ni mai thei... James awmloh lai a a tawng nasat tehreng nen a,






Nula te pangpar tui pe chu kan en dun reng a, insi rial in kan thu a, ka dul zawnah ka kut a nghat a,






" Hospital share vel kha engtin nge i tih ang? " Ka en chho ha a, rawn kun hniam in ka hmui ah min fawp zauh.




" Bawihte, i rilru lo ti hah suh ka tih kha. Ka tifel vek mai ang, hun ka mamawh deuh hrih a" Ka lu ka bu nghat a,






" Puih theihna che ka neih chuan sawi hreh reng reng suh aw "





" Aw le. Min puih theih dan tha ber chu thil hrisel deuh deuh ei tha la, mu tha la, in enkawl tha la, chu chu ni mai... Ka tan awm reng bawk la" Ka mit ka chhing sak a, ka hmangaih takzet a ni, ka lo tawng lovang tih hi ka hlau ngawih ngawih. Pathian hnen atanga ka thilpek dawn a ni .






Zanriah ei a hun a, min rawn koh chuan kan lut a, ka pa nen chuan eng eng emaw an sawi a, Christina rawn awm ve ngawt chhan ka hre lo. Ka thin a ti rim leh tlat pek tawh. Ka tawngkam mei nei kha a rawn let a,




" Ka pa ngatinge Christina hi chaw arawn ei ve ngawt a? " Ka pa leh james chuan min rawn en rual that a,





" Mami hian chaw ei turin a sawm alawm mawle " Ei loh hmel zetin Juliet nen min rawn en rawm rawm a, ka la duhtawk mai lo.




" Anih chu mawle. Riah nghal i tum em Christina? "





" A lo riak dawn " Juliet chuan a lo ti nghut a,





" A nu amah in a awm dawn a, bakah a pasal hlui te ina chaw ei chu thuhran nita se, han riah leh zel chu. Chupawh a pasal hlui nupui thar awm ve reng laiin " Nui lui sakin ka kham ta daih a, reilote hnu ah James in min rawn zui a, min hau mahse pawi ka ti lo.





" Bawihte i tha em? "





" Aw tha e, i puar ami? "




" Immm... I puar zawk ami? I kham daih a, ngatinge Christina vang mai mai a chaw tlemte chiah i ei? "





" A hmel ka hmuh chu thuhran, a rim khan ka chaw ei tuina a ti bo vek alawm. A awmloh hunah ka ei mai ang, chips ka nei tho " Ka phone ka phawrh a, awmzia a awm lo , ka u te ka biak leh Jerry nen a eng eng emaw kan sawi bak hi chu mi biak ka nei lem lo.







Ka sirah ngawi rengin a rawn thu a, ka pa te pawh an rawn kham a, a hmel ka hmuh chuan ka ding a,




" Roomah ka han awm ange, thil rim na hi tunlai chu ka ngai thei lo" Tiin ka chhoh san daih a, ka sualthiam viau chhan ka hre lo.





Ngatinge a nunhlui ami chu ka lo thik ve chhen reng le? Ka intih nat phah fo reng mai te hi. Ka thinrim a, ka tawt up up zel a, keimah bak a tawpah ka na leh lo. Thik tur awm lo mahse ka thik tlat a, a hmel ka hmuh khan ben hrep mai a, dah that daih mai ka duh. Mi hmuha inla fel vel lutuk te kha ka ei lo. Ka la ti leh zek ang heta ka awm chhung hian.







JAMES POV....





" Ka pa ka thiannu anih hi " Kan pali in kan thu thap a , Nora erawh roomah a awm thung.




" Juliet awka vin in tawng hauh suh. Christina eng rilru pu a heta rawn riak hi nge i nih? "





" Ka rawn riak thei lovemni? Ka in alo ni tawh thin bawk a" Hnek chawrh tluka chak ka nei lo.



" Zanin bak i riak lovang, Christina Juliet roomah lo han awm la, kan chhungkua te a thusawi kan duh a" A tih chuan ka lo nui suk, zah hre map chuang lovin inchungah a chho a,





" Juliet kar tharah mumbai ah i hnathawh tur zu en ang che , ka be vek tawh. Henu hi kawm tam suh i u nen kan tih tawh kha. A pa nen inthiantha viau mah ila kha hmeichhia kha ka ring zo lo"





" Enge in huat em em a? Engmah thil sual pawh a tih loh kha. Kha Nora ai kha chuan ka duh fe "





" Ka nupui kha khati khan i tih leh chuan enge ka tih ang ka tih kha? " Hlauh hmel takin min en a, ka farnu hi a tulna ah chuan kut thlak ka hreh hauh lo ania.






" Kan hospital a share te a lo lei ru tih i hre ve vekin ka ring a, chung share holder ho pawh chu nangmah nen in hmu duh tih ka hre leh zel bawk nen. Ka fanu mah nila rim taka ka enkawl seilen ka hospital saw I u nena in ta tura ka din a ni a, heng thil hi a thleng leh anih chuan in ka tuithlar ang che... Min kalh zawngin chet la tawh suh . Insiam tan ang che, Mizoram ah hian awm hrih lo la a tha ang" Ka pa in a tih chuan thinrim zetin a tho a, room lamah a tlan chho a,





" Pa, naktuk hi share holder metting neih ka ko a, Ilo tel ve tha ka ti khawp mai"





" Aw le, ka rawn tel ang. Sawi duh ka ngah khawp mai. Nangpawh director thar dah ngawt lovin I theih anga tam i enfel pui dawn nia, chuan i nupui hi duat a ngaih hunlai tak ania, a rilru natna tur lam engmah ti in sawi suh ang che "






Kan nupa roomah ka lut a, Nora chu khumah thu in ka laptop a malchungah a pawm a, thil eng eng emaw eitur a inchhawp teuh a, he hneichhia hi ka hre thiam lo. A lo tap hlep hlep a, a movie en in a vel leh tawh ani mahna.






Nui sukin ka pan hnai a, a bulah ka mu ve nghal a, ka kuah a, min rawn ngheng nghal a, phakar reuh lutuk. Zawhte ang chiah, pangtilum a ngaina lutuk...








Hun a ral bek bek a, Juliet hnathawk turin a awm bo a, thla hnih lai a liam ta, mahse kan share te erawh Christina in neih tumin a phe sek mai si. Hospital ah lah a rawn lang ngun em em a, miin ani nena min sawi zawm ka duh reng reng lo.





" Ei tur ka rawn keng a " Director roomah ka thu a , engtin nge ka awm tih a rawn hriat ngawt ka hre lo. Kawngka a rawn kik hauh lo lehnghal.





" Ka ei tawh. Keng let leh mai rawh" Ka melh lo va, ka phone ringawt ka en, nilengin ka nupui a la online miah lo, call lah a pick thei silo a, a mu nge mawni? Naute pawh thla 5 lai a tling tawh a, a dul a puar lian tawh in a rit sawt em em a, ultra sound tih hnuhnun ber khan doctor ni ta na na chu mipa ani tih ka hriat phei kha chuan ka lawm takzet a ni.





Mahse Nora erawh ka hrilh hrih lo, hmeichhia ni turin a duh em em a, mahse a leh pekah a ni tawh mai.





" Anih chuan hetah hian ka ei mai thei angem? Han ken let leh kha chu miin min rawn hmu dawn sia ka zak deuh a" Hrep chuan a, i ei zawh ah chhuak nghal ang che tiin ka hnathawh laklawh lai chu ka thawh zawm mawlh mawlh a,






Nurse pakhat a rawn lut a, eng eng
emaw sign tur a rawn keng a, hawi zuk zuk chungin a chhuak zui nghal a, dik lo a awm emawni?






Hna laklawh a awm avangin ka haw thin aia tlaiah ka haw a, kan nu eitur ka hawn bawk a, chips lampang ei tam ka phal tawh lo va, thei leh thei tui lampang ka in tir nasa a, eitur tha nen. Chaw erawh a ei thei lutuk tawh lo va, dan pangngai ania, ka en liam mai mai a,





In ka thleng a, motor garage ah ka dah hnu ah ka lut vat a, rum zeta min lo melh Tu ka nupui chu ka hmuh hmasak ber a ni.





A phone hmet mual mual in min rawn hmuh a, hrep a, kha hmeichhia kha, chuan nurse nu khan thla a lo la tihna a ni. Hrep tak chuan , ka ban vat ang le.





" Hei vang hi mi i rawn haw har a" Ner nak chungin ati a, insawifiah ka va ngai nasa leh dawn em!




NORA POV...





Ka dul a lian tawh hle a, ka duh duh danin ka che zung zung thei tawh lo va, ka pasal in min pui nasa em em a, mahse hospital a kal chang hian ka lo ngai veng veng thin. A bula awm ka thlahlel ngawih ngawih zel.






Tlai exer pah tiin dawrah ka kal a, hmana hmeichhia kan phurh nu kha ka hmu hlawl a , a hma ai chuan hmuh anuam deuh ta, a ngo bawk a, a hmai bawlna hnu chu hmuh tur a awm a, mahse a inhmeh zawk mahin ka hria .






" I dam maw? Enge i tiha? " Ka ti vat a, nui suk hian ka dul a en a, min rawn en leh a,




" Ah, dawrah hian ka kal lawk dawn a, i dam zawk em? "





" Aw, ka dam alawm. Kan inhmu khat vang vang hle mai.. I nu chu a tha zel maw? " Ka tih chuan a mitmeng a buai nak a, min chhan leh hma chuan a bulah kha police officer hlauhawm zet kha a rawn ding a,




" I lei tawh em? " A rawn ti sup a, min hmuh chuan a inthlahdul tih hriat takin lu min buk khum zauh a,




" Aih ka lei dawn chiah a, U Nora kan in hmuh leh dawn nia. Naute tha deuh in i nei dawn nia" Tiin dawrah a lut a , kan pa cousin nen chuan kan ding dun a,



" Inpa a office mi? " Min biak loh aiah ti ni awm tak chuan a rawn ti a,




" Aw, tunlai chu hna lamah a tul thei lutuk a, tuna lut saw i hmeichhe zawn kha mi" Ka tih chuan a nui suk a,






" Zawn hmuh a harsa phian a nia " A ti leh a, hepa hian a duh chiang alawm. James an min en thin dan ang chiah khan a en ve ni. Nuihzatthlak reuh lutuk.






In ka thleng a, gate ka hawng chu ka pa leh James an rawn tlanchhuak a, hlauhthawn hmel deuh hian min la melh zui a, enge maw thleng ni?





" Ngatinge engmah sawi lovin i chhuah daih? I phone lah i keng silo a, ka hlauhthawn hman zia hi i hria em? I chungh eng emaw thleng ta se... Ka rawn call che a, phone i lak theihloh vangin ka pa ka be leh a, i awm loh thu leh i kalna a hre bawk silo. Ti tawh reng reng suh " Nghet zetin min kuah a, ka inthiam lo letling zawk. Awmpui te tal kha ka walk tur thu hrilh tur kha ka nia. Ngaihdam ka dil a, James chu a la lungawi chiah lo.






Ka pa pawh a lo mangan hman hle a, phone ah James an min rawn vin vak vak ringawt atih chuan ka nuih a za leh hle a, nuih chi lah ni silo.






Zanah mut hma kan inbual dun a, min bual ani zawk mah ang chu.




" Ka nghei rei tawh khawp mai. Ni 4 ka nghei tawh nia" Beisei nei taka min melh chung chuan a ti a, sex hman hi a harsa deuh tawh a, mahse rem hi a hre em a,




" Heihi dawm la aw" Mit min siai zauhin towel ban na chu min vawn tir a, he mihring pa hi chu....






To be cont...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:21 pm

EPISODE 23




By; nunui franky hmar..






(Nizan ka chawl a,zanin chu tlemin a sei deuh aw, a tawi tih tawh awih loh . Chuan, comments te, likes te, ads click te ngai pawimawh thar leh ila aw.... )






NORA POV...






Naute neih a hun ta, ka dul chu dawnfawh lian tak dawlh ang maiin a kiar luah a, ka che thei tawh mang lo, ka ke a vung reng bawk a, ka thil ei pawh a tui lem lo.






Hospital ah ka awm tawh a, ka u te nupa chawlh la in helamah an rawn awm a, u dindinin min awmpui a, James ai chuan a awmpui ka duh hrih. Ka pasal kha chu a phi cheng a , min ngaihsak over lutuk a, ka hne deuh lek lek thin. Mahse ka bulah a awmloh chuan ka ngai viau lawi si.







Zan kan mu tur chu ka pum a rawn na vak a, ka in control hman lo ka tre that a, u dindini pawh a rawn harh a,



"Nora, i tui bawm a keh anih hi, doctor lan ko vat ang, inpa pawh " Tiin room atangin a tlanchhuak a,




"Theatre ah .. " James chu chiai zetin a rawn lut a, doctor in a rawn zui a, kei ajun alo hlauhthawng zawk daih.







Minute 20 hnu ah naute tap ri in theatre chu a rawn luah khat a, ka zawi hnawk thei. James chuan naute a pawm a,





"Mipa a ni e " Tiin ka sirah a rawn mut a, engpawh nise kan fa anih phawt chuan ka hmangaih vek a, ka pum chhunga a awm lai pawh khan.





" I ring dik zawk anih hmel " Tiin ka nuih suk a, ka hmui ah min rawn fawp zauh a, naute neih mai mai hi tih chi vak a ni lo anih hi. Mahse, na viau mahse neih hnu ah erawh chuan na zawng zawng a reh vek mai si.






Cabin lamah kan insawn a, naute hming tur kha hmeichhe hming chiah ka phuah a, mipa a nih ka ring miah lo kha nia.





"Aw le, I pa I chhun viau loh nan Zohmingzuala , Zualtea " James chuan ner nuk chung hian min nuih a,





" Alvin Zohmingzuala apa hnung zui tu tur " Ti sapin kan fapa chu a rawn fawp zauh a, a duat sual ngei dawn ani tih ka sawi sak ngam.






THLA 3 HNU AH..






Zualtea thla 3 a ni tawh dawn a, cake rawn hawn in a thawhpui thenkhat, doctor rawn inla thu zual ho chuan an rawn zui haw a, kan fapa hian lawm a hlawh a, apu leh apa hian an chang rawt a, zing ka harh hma hian an lo la daih a, hnute a ngen hunah hian an rawn dah leh mai thin a, ka awl thin khawp mai.







" Kg 10 vel ani tawh ania, a rit dawn hle mai a " Ka pa chuan a tupa duhtak lawm nuih suk suk pahin a ti a, nie a chum reuh hle a, min chhun ve na. A dang zawng ah chuan apa vek a chhun a, a mitmeng, thinchhe tek leh a hmui leh hnar ah te, a kut zungtangah erawh chiang takin min chhun dawn anih hi. Mipa e ti lo chuan a kuttin a sei sang a, a la nalh ngawt ang.









Nula te rawngbawl na ah ka awm ve a, naute chu apa in a pawm a, pawn lamah a thawhpui te nen an awm a, ngo viau mahse nisa a awmpui hi ka phal lutuk lova, mahse James an " Mipa ngo deuh chu a thing, a len hunah a duh lovang, pa hrak tur " Hi a tia, zing nisa te hi a do pui thin a, naute thla 3 mi lek ala nia , a chei mipa naupang mah mah thin..





" Ama, zualtea hian tete a hne duh tawh a" Tiin ka ngaihtuah lai mekin a rawn pawn lut a, a tap ring teh asin.a hnute chak thawm hi a pe na ania, a pa ang mai.





" Chaw ei kan peih tawh aw" Naute ka pawm a, hnute ka pe zui nghal a, a lehlam a hum tel tlat thin chu a kut dahsawn sak mah ila a dah leh nge nge zel a, lehlam hi a khawih tel ve ziah.





" Kan la titi tui deuh a bawihte, i riltam tawh em ? " Ka sam chu hnunglamah a hui phei a, engtin tin emaw a tawn tawm a, ka nghawng ah a fawp zauh a,







" Tam vak lo. A mut a chhuak tawh anih hi" Tiin ka fapa mutthlu diar diar chu ka en a, ka khawvel, ka beiseina leh ka engkim a ni.





" Immm...ka va chhuak leh lawk ange aw, chaw kan ei har dawn lo ania" Ka samah rawn fawp leh zauh in tihluih tih hriat zet hian a fapa hnute hne lai chu a phawi sak a, zualtea lah lo pet na bawk nen chuan ka hnute hmur a na vawt mai.






" James " Ka ti that.






JAMES POV...






Kan fapa thla 3 tlin lawmna ani a, ka thawhpui leh ka pa thian hnai te mahni in bengvar chawpin chaw an rawn ei dawn a, a nuam phian.





Thil eng eng emaw sawi pahin beer um ka dawm far a , chaw ei tui nan tiin. Kan nu in a hriat leh chuan a thinrim ngei ang le.




Bawihpuia anu in hnute pe in ati muhil a, inchhunglam a awmpui a, ka pa te thianho pawh living room lamah an nui leh hak thin.





Kan in gate a rawn inhawng a, kan compound a car var rawn tlanlut chu kan thlir thap a, hmeichhe pahnih rawn chhuak te avang chuan ka tawng tawp chat. Pakhat zawk saw sawm ve ani si lova,






" U ka thiannu ka rawn sawm ve a, Alvina pawh a hmu ve chak a, pawi i ti em lovang chu " Hrep chuan a, ka nupui a lungawi hauh lovang le.






Kan bul an rawn thleng a, ka thawhpui te hi nupui nei tawh vek an ni a, Christina hi a chhelo viau in a hmeltha a, mahse a nungchang a mawilovin a chapo em vang hian a hrechiang tu tan chuan engmah a ni lo.





" Sawm ve loh mikhual kan nei elaw" Ka hawi let vat, Nora chu bawihpuia paw chungin khawngkhar pui ah chuan a rawn daka, an in melh ta ran mai. Hrep a,







" Ka rawn sawm a" Tiin Juliet chuan a lo chhan a,





" Enge a rawn tih ve dawn a? Party tih vel kan nei dawn pawh ani si lova, a dress vel atang kha chuan lam bu suau suau tur te pawh a ang alawm " An lo nui hak a, keipawh ka nui suk.





" Ka fiamthu anih kha, mikhual a tha emaw a chhia emaw a sual emaw a fel emaw lo hnar loh tur antih kha. Kan fapa thla thum tlin lawmpui tura i rawn kal chuan kan lawm lutuk tho ania " Tiin min rawn melh a, Christina chu a dah nil chiang teh e,







" Zanriah ei turin ka rawn ko dawn che u a, ka pa in va ko rawh minti a" Kan thil in na bur te dahbo in inchhunah kan lut a, Nora chu kawngkhar bulah nui sangin a lo ding a , ka lut hnuhnung ber a, min hnim titih a,






" Min be suh " Ti supin inchhungah min luh san daih a, ka rim a hre chiang a ni. Ka nui suk a, ka zui lut ve nghal a, zu in min tihchhiat zia kha a hre ve hman a, zu nilo beer mai mai pawh ka in a khap tlat a, ka in zen zen ngai lo.






Zanriah kan ei kham a, kan thu khawmuang a, a hmanhmawh zual chu an haw tan a, Bawihpuia a rawn harh tawh a, ka pawm a, tawngri lo chhuahna lam apiang chu a en kual a, a nui leh vur vur thin a, hnute a ngen bakin a tap nasa ngai lo. A tlei ve khawp mai.






Nora in thingpui a rawn sem a, nula te chuan eina hmun hnawk vel anti fel a, Juliet leh Christina erawh phone khawih in eng eng emaw an sawi sep sep reng a, mit a ti kham tep.





" Ka lo pawm ve " Christian chu a rawn ding hluai a, a pai deuh khat a, an rui emawni? Chaw ei lai atang tawh khan ka pa in a melh leh vung vung thin kha ka hmu a, hmeichhe rui leh zel hi chu ka tithei lo. Ka bulah a rawn ding a, han ui tung lah mi hmuhah a mawi si lo. Bawihpuia chu ka pawm tir a, ka sirah remlo zetin min rawn thut hnaih a,






" Ava rit reuh ve a, a chhun bawk che a, a hmeltha hle mai, anu chhun se chu tiraw Juliet? " A nui deuh ham ham a, a rim mai mai chuh. Ka pa nen kan mit a in tawng zawk a, ani pawhin a hrethiam a ni ngei ang le.





" Kan inneih lai khan naute kha lo pai duh ila chu... " A tawnglai ka lo pawt chat vat a,




" A thleng dawn lo chutiang, ka kut hmawr pawhin ka deh loh che kha " Fiah tak chuan ka ti a, chutia ka biak lai tak chuan camera flash eng zawk ka hria a, Juliet chuan a rukin thla a lo la chu ni in. Bawihpuia a pawm chu ka laksak a,




" Juliet delete nghal ang che, kha i thlalak kha socialmedia emaw khawiah emaw Nora rilru natna tur zawnga post a awm anih chuan in thian dun hian ka zuah dawn lo che u nia. Christina hi thlah haw tawh rawh, a rui mah mah anih hi " Ti hlukin ka dinga , vanneih thlak takin an haw rem titih tawh hlauh zawk a.









Nora a rawn phei a, serthlum hi a rawn ei phei a, bawihpuia chu a rawn ko a, hmu miah lo mahse a nu awm a hriat chuan a tal ve nasa mai, fing reuh lutuk.





Ka sirah rawn thu ve in naute chu a rawn ban nghal a, a serthlum eilai chu min pe a,



" Ei zo rawh a thlum tui lutuk " Tiin a nui suk a, kan fapa nen chuan an in chheih nui leh ver ver tawh.







Hun a kal ve telh telh a, Nora chuan bawihpuia a tlei tawh tho a tiin hnathawh min dil tluk tluk reng a, idea nei ran chungin ka remti ta ringawt a,





A rukin college leh higher ho ka be kual vek a , ka nupui lo chhawr lo tur in. Hria se chu a thinrim ngawt ang le, mahse inah awma , hahdam taka bawihpuia enkawl tur in ka duh zawk. Hna a thawh ve a ngai reng reng lo. Kan pahnih leh kan fa tan ka thawkchhuak .








" James, bawihpuia " Zanlai ah hian tinge hnute hne chaka a tah ziah mai le? Ka hne ve chak tho asin. Ka fapa pawh ka thik lek lek tawh chu anih hi. Nora chuan nuisukin min rawn fawp vang vanga,





" I fapa thik hauh suh aw " Lehlam hawiin naute hnute a pe a, reilote hnuah bawihpuia pawh a muhil zui nghal a , ka lam a rawn hawi a, thawm dim takin min kuah a,




" Naktuk ah hna chu ka zawng tan dawn a, I phal tawh kha aw " Min tlawn zetin a ti a, a hmui ah ka fawh sak vang vang a , ka tihpalh mahse hna erawh i thawh ka remti lo bawihte.







Zingah ka harh chuan bawihte tui ti takin ala muhil a , ka inbeng kang a, zualtea ka va en a, alo harh reng tawh a, mahse a tap miah lo . Min hmuh chuan a lo nui ver ver a, ka nui suk a, Nora tih harh hlau takin ka la a, kan inkarah ka mut tir a,






" Ama hi tih harh loh tur aw, ala mutui lutuk a, nakin ah tete i hne dawn nia aw " A biang ah ka piai a, ka phone phawrh in oggy ka tichhuak a, ka en tir a, a ngawi vang vang a, a ke a leng leh vut thin a, a kut in rawn khawih a tum thin bawk a , fa neih hian nun a ti hlim takzet.





" Ama ti harh tawh ang aw " Tiin bawihpuia a rawn tap tan, hnute hne chak tawh bawk nen ka kai tho a, a rawn leh hawi a, bawihpuia a hmuh chuan a nui ver ver a,





" In va tho hma ve a " Ka hmui ah a rawn fawp vang vang a,




" Good morning, chuan nangpawh little one " Ti sepin bawihpuia hmui ah a fawp zauh a, hnute a pe zui nghal a,






A phur hle a, hna zawng tur in a chhuak dawn a, beidawng zeta a rawn haw tur ka hriat chuan ka khawngaih letling zawk a.





To be cont....

MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2020, 4:21 pm

HER RHAPSODY




EPISODE 24




BY: NUNUI FRANKY HMAR




NORA POV....




"Tinge min duh loh vek a? " Tiin ka phun sep a, naktuk lamah ka chhunzawm leh tawh mai ang ka ti a, ka hnute a tang tung tawh. Bawihpuia ka ngai tawh lutuk.





Taxi in ka haw a , in ka luh rual rual chuan nula pakhat in bawihpuia tap chu a lo thlem a, a hnute hne chak tawh lutuk tap leh mutchhuak a ni ngei ang. Ka aw ri a hriat chuan a ngawi hmak a, naute chiah la ni si a fing reuh ngei mai.





Ka pawm a, ka be mawlh mawlh a, thutpui in hnute ka pe zui nghal a, a ngawi ta hmak mai. A duhtawk a hnek hnu chuan a muhil zui nghal a, a inbual fai tawh anih hi a thuamhnaw pawh an lo thlak vek tawh.






" Zualtea hi a hmeltha e, a duhawm sia. Fa neih minti chak ve vek " Kan nula chu ka nuih a,



"I la nei ve dawn lawm. Pasal tha deuh ila nei mai ang " Bawihpuia lukhum khum that tir pahin ka ti a,




" Zualtea hi min pe daih mai la" Ka nui hak a, ka fapa a nih na vang vang hian hmeltha ka ti a,





" Jamesa a bauh nasa lutuk ang ka pek daih che chuan " Ka ti a, khumah ka pawm chho a, ka mut tir a, ka inthlak hnu chuan a sirah ka thu a,





"Ama hian hna ka la hmu bawk si lo va" Ka ti sap a.








James ka bia a , ka hna zawn chungchang te min rawn zawt a , ka hmuh hrih loh thu ka sawi a, pawi a tih thu a rawn sawi a, a rawn haw vat tur thu a rawn sawi a.







Hun a kal zel a, hna neilo in ka awm ta reng ringawt. Mahse, bawihpuia ka awmpui tam thei a, a zia phian mai.






A thang chak a, a lian tawh in a rit tawh hle a, duhloh a hre ve tan a,kan chhungkua tihloh chu duh a nei ta mang lo.





"Lunglei lamah karlen hian kan zin dawn a, bawihpuia nen ka hruai ve ang che u "




"Min tlawn suh, ka mu duh nia" Bawihpuia ka kuah a, nilengin ka hah lutuk. In hnunglamah purun hnah leh sawhthing ka ching e ka tia, bawihpuia tlei lo bawk nen ka buai nileng hle.






" Tui deuhin mu la aw'" Min rawn hnaih a, ka kawngah min kuah a, ka hmangaih takzet mahse a mood ah ka cheng rih lo. Engtik lai in nge ka lo muthilh ka hre lo.






Ruah a sur a, a vawt deuh surh a, khua a la thim ruih a, bawihpuia chu a lo harh tawh a, min lo en reng a, apa ang mai. Ka fawp zauh a, hnute ka pe zui nghal a, dar 5 pawh a la ri lo a, mut a nuam bawk nen reilote chiah mu leh ang ka ti rilru a, James pawh a la mutui hle.







Ka fapa hnute ka pe zo a, a muhil leh mai lo va, kei erawh ka mut a chhuak a, ka muhil zui leh nghal daih a. Ka harh leh chuan keimah chiahin ka lo mu tawh. An pafa in an lo tho leh daih tawh.





Inti fai in inhnuai lamah ka chhuk a, mipa aw ri dang ka hria a, ka pa aw pawh, zing zing ah eng inleng nge mawni ka ti rilru a.






Kha Police office kha a lo ni a, min hmuh chuan a mithmul a ti sang zawk a, a hawi sawn leh vat a, apu in bawihpuia a pawm a, min hmuh chuan a lo nui ver ver a, min lo ban vat a,






"Tinge min kaithawh loh a? " Tiin James bulah ka thu a,




"I mutui em a, tihharh che ka duh lo alawm " Ka nui suk.





.......



4 year later...






"Alvin, ruah do tawh lo tur in ka hrilh che sia " Pawnah ruah a lo do leh chu niin. A thuamhnaw atangin ruah tui a far fep fep a, apa rawn haw hma a ka thlak loh chuan a thinrim leh dawn chiang a ni.





A room lamah ka kai chho a, engmah sawi lovin a lo chho ve mai a,




" Ama, rial tla ka ei a, a tui lutuk "




"Ei tawh loh tur, i kua thalo mai ang " Tiin ka hru hul a, ka thlak a, thuamhnaw lum ka hak tir a, inhnuai ah kan in zui thla leh a. Tunlai hian a luhlul riau a, a thinchhe reuh hle bawk a, apa mizia a chhun ka hlauh ho kha a rawn chhawm zel anih hi.





"Ka riltam ama " Ka phone ah games a khel a, choka dawhkanah ka thut tir a, nula ten rawng an bawl a, kan bulah hian an awm ta reng a, an haw mang ngai lo va, nuam anti viau a,






Nula pakhat zawk sangi nen an in chheih nui leh har har thin a, a tawng a fiah tawh reuh hle a, ka duhaiin a mipa naupang hma dawn tlat.






" Ama, Apa in a lo call " Tiin phone a rawn lek a,




"Ka kut a berh sia, han pick la", speaker ah a dah a, an inbe thawm chu ka lo ngaithla reng a, eng eng emaw an sawi a, ice cream a chah hram pek a, a rawn hawn leh tho ang chu ei phal lo mah ila.





"Ice cream ei loh tur ka tih kha"





"Apa in a phal alawm "




"Mahse keiman ka phal hleinem. Ka thu hi i awih lo riau mai a, i putea te awmna ah ka zin san daih ang che, i u kimkima ka duat daih ang " Ka tih fiamthu chuan min rawn hnaih nghal rawk rawk a,




"Ama anih leh one spoon chiah ka ei ang, min hruai ve rawh aw" He naupang tereuhte bulah hi chuan a thinrim theih chu sawiloh reitak a thinrim der theih loh a ni.






James a rawn haw a, ka pa ka ko a, a hma tawh vak loh avangin zanriah kan ei zui nghal a, bawihpuia pawh a ei leh teuh tawh.






Zualtea a lian tawh a, pre- school a kal ve tan tawh a, mahse zingah hian a tho duh ngai lo va, kan inti tap leh nge nge thin. Apa aiin min hlau a, apa in kal lo mai rawh se a tih hnu pawn ka melh rum deuh chuan a insiam hna hna zel a, apa hian a duat sual tawh lutuk a, ka hlauh ang ngei ngei in. A duh a sawi apiang hi leisak a tum bawk a, a tha ka ti lo.




" Vawiin chu bazaar ka lo tum a, zualtea hruai pahin " A school bang ka lam nghal mai ang ka ti rilru a, James chu a la insiam miah lo, hospital lamah kal a tum lo emawni?





" Anih chuan min lo nghak la, ka lo kal ve ang " Tih leh room lama chhoh a rual a, reilote hnu ah insiam peih diam in a rawn chhuk a, ka en ning thei mawlh lo a ni.




" I mit khap la" Ka beng bulah a rawn ti sup a, ka chum vak ringawt. Motor ah kan luh rual in min fawp zui nghal a, ka lipstick inhnawih a ti chhe leh vek dawn anih hi.






Zualtea te an bang a, min hmuh chuan nui ver ver chungin kan lam panin a rawn tlan a,





" Ama, apa hi office ah a kal dawn lo mi? " A seat hnungah a thu a, a karah a rawn inzep a, a tawng leh zat zat tawh. An miss in a hauh thu leh apa ka hrilh mai ang tia a chhan thu a sawi chuan james nen kan inmelh a,





" A hauh leh che chuan apa in school a sawn daih anga, chuan in fees tamdeuh a pe tawh lo mai ang i ti dawn nia " Ati a, ka nui hak. An inzirtir dan hi ka duh lo.






MC ah motor kan dah a, zualtea kekawr tur leh kamis vel te en ka duh a, undergarments lei ka ngai bawk nen. Kan in zui hnak hnaka, James an Zualtea a pawm a, toys awmna lai an in zawt char char,






" Alvin, toys I ngah tawh lutuk lei belh a ngai tawh lo ania"




" Apa in a pawisa in min lei dawn ama"James chu rum zetin ka melh a,





Kan lei tur ang kan lei fel vek hnu ah toys kan en chauh ang ka tia, mipa pahnih te chuan an pawm ve mai a, ka kalna apiangah zui ve mai a, an ning ru tawh tih an hmel ah a lang reng.




" Nora Lalduhzual" Ka phu zuk a, Jerry chu kan hma ah a rawn ding a, kan inhmuh lohna a rei ta hle mai.





" Ehe, i dam maw Jerry " Kan in chibai a, ka pasal leh fapa pawh ka bulah an rawn ding zui nghala, James hmel erawh hmuh a nuam lem lo. Mipa hi biak a phal loh ngai khan a la phal lo reng a, a thikthu hi a chhe em em reng mai ani.




" In fapa chu van lian tawh ve, a chhun vak lo che nimaw? " James melh pahin fiamthu titih chuan a ti a,kan nui hak a,




" Enge nangmahin i tih a, nupui te nei ve tawh ta che " Ka tih chuan a ner nak a,






" Kan nu ka nghak alawm. A rei lutuk a, ka lo Kalsan a, min lo hmu tep tawh ang " A sawi zawh rual deuh thaw chuan Christina chu dawr pakhat atang hian a rawn chhuaka , kan awmna lam a rawn pan zui nghal a,





" Heimaw i bialnu chu? " Zawite chuan ka ti a, a lu a bu nghat a, ka hre thiam love a, James pawh chu a ding ngawi reng a, alvin erawh apa hrilh ru in thil a sawi niap niap a,






" Hello guys. In chhungkuain in chhuak a " Ka la be tha peih miah lo hi ka sualna pakhat pawh ani mahna. Ka milh thei der lo henu hi.





" Jerry kan kal ange, bawihtea hian a ning tan tawh a, nakin ah kan inbe dawn nia" Tiin james chu ka kai a , ka kalpui dawn lai tak chuan " Jameson ka message kha seen la , ka thil lo thawn che kha i ngaihdan rawn sawi ang che" Christina in a tih chuan ka melh hrawk a, henu hi buaina bak a nilo, a lo lan tawh hi chuan engkim hi a buai thin.






Zualtea ka kai a, restaurant ah kan chawl a, James chuan message chungchang chu ka zawh ngai miah lovin a sawi a,





" Ka ning riau tawh henu hi" A ti sup a, ka ngawi reng thung. Ka mood a ti off laklawh tawh.







Zualtea kekawr ka haktir chhin lai chuan James chu ka bag leh kan thil lei sa vel keng chungin dawr pawnah a lo ding a,amah hretu a ngah hle a, Mizoram a hausa pawl leh lar pawla ni miau a, hmeichhe ho lahin an en zui haw haw a, an inhrilhru sep sep a, ka dem hran lo ve.







JAMES POV...





"Heihi hmanhmawh deuh in min lo pack sak rawh " Ka nupui ka pek tur pheikhawk flat nalh tak chu an luhna dawr bulah ka hmu duh a, a buntawk tur thlangin ka pack tir vat a, a thawktu ho lah hrep chuan min en duh viau a,







An nufa in buaipui lai chu ka thlir reng a, ka khawvel ti famkim tu te anni. Ka engkim, ka dam chhan.






Nora mizia hi ka chik ka chik a, nau a pai leh tawh anih ka ring ringawt a, a hun leh tawh viau. Alvin pawh kum 4 a tling tawh a, fa tamtak ka duh ka tih khan ka ti mai mai lo.






Ka nupui hmeltha tak chu ka thlir reng a, a hmeltha in a hlim hmel hmuh a nuam a, mipa dang hovin it hmel zeta an en te chuan ka thinrim hlur a,



" Ih thla kan lo lakpui thei che ngem? " Tleirawl zahtheih loh hmel tak 4 hi ka bulah an rawn ding a, kei ang an pa te rual deuh thaw hi min rawn be ngam amaw? Vin zek mai ka duh a.






" Thei lovang." Ka ti hmuk a, phun nak nak chungin an kalsawn a, min en zui reng tih ka hria, engah mah ka ngai lo.





Nora te an rawn chhuaka , ka necktie tur a lei tel thu a sawi a, a ta tur engmah hi a lei mang ngai lo va, ka kawr duh duh a ha leh anga.








Hmeichhe thil zawrhna ah luh puiin a duh lo thleng thleng ka thlansak a, mut kawr leh bra leh underpants te pawh. A sexy deuh deuh chu ka pawt thla zung zung a, Nora lai hmel chu hmuh nuam tak a ni. Ka fapa pawhin lingerie sen a lo hum va a,





" Ama ta tur " A tih chuan ka nui haka , Nora biang chu a sen chhuak vek thei nia. Ka fapa hian min chhun lutuk loh ka beisei hetiang lamah hi chuan.





To be cont...

MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)