IVY BY INIROS 16 (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 14893
Joined: April 30th, 2016, 4:07 pm

IVY BY INIROS 16 (Completed)

Unread post by Ngaia » May 3rd, 2020, 4:13 pm

fsdf.jpg
fsdf.jpg (17.85 KiB) Viewed 10516 times
______________________________________________

A/N: 1) Hei hi ka thawnthu ziah hmasak ber a ni a, thuziah dik lo a awm zeuh zeuh mai thei a, min lo hrethiam hram hram dawn nia aw... 😄

2) Link tel lo in khawiah mah suan chhuah ka phal lo bur.....Heta hi link aw:👇viewtopic.php?f=4&t=12943

3)Nambar 2 hi i tilui palh hlauh a nih chuan FIR hial a thehluh thei a, sum tam tak i chawi palh hlauh thei tihna a nih chu, case awrh i duh loh chuan link nen i suanchhuak hram hram dawn nia😄.....I lo ti palh hlauh a kan mam chhuak che anih chuan hre reng a tisual lui i ni dawn tihna a nia, hre reng a ti sual nih chu hre lo a tisual palh ai chuan a pawi zawk tih hrethiam rual chu i ni tawh ngei ang.... Fim khur ang che engmah hi langchhuak lo tura thuhruk theih a awm lo ania aw.... God Is Watching you(Pathian in a hmu reng che)....

Ka tlak ta duah mai a, min lo hrethiam dawn nia, ngwihnawm ti takin chhiar turin ka duhsakna sang ber ka hlan a che 😊😊😊


________________________________________
IVY


ziaktu:INIROS 16🏹❣️

Ivy-1
"Moonstone hotel, Room no 305" tih pah chuan hotel room chahbi chu min pe a.


"Ka thil tih hi ka duh thlanna ngeia ti ka ni, ka inchhir tur a nilo,he thil hi ka tih zawh chuan ka pi nen nun nuamin kan awm ve thei tawh ang." tia mahni inhrilh mawlh mawlh chung chuan huphurh ru tak si in Moonstone Hotel, room no 305 chu ka pan a.


Zanin hi february ni14 a ni a, midang chuan an hmangaih ber te nen hmun nuam takah te leng dunin,hmangaih biahthu thlum tak tak an in hlan ngei ang a, mahse kei,Ivy lalbiakfeli tan ve hi zawng ka nun pum a ka pasal neih hun atana ka thilpek pek tur atan tia ka lo vawn him ve ngar ngar thin, hriat pawh ka hriat ngai miah loh, mang lam ah pawh vawi khat mah ka la hmuh loh laka ka thianghlimna ka hlauh ni chu a ni.


Room chhung chu ka han lut a, a lo thim vek zui. Ka thin phu in thum rawn tluk2 ri bak chu hriat tur a awm lo.A reh hian a reh ruih mai.Light on tuma Switch ka zawn mek lai chuan,Ka lam pan hian mi pakhat hi muangchangin a thutna atang chuan tho in a rawn kal phei a. A hmel erawh ka hmu thei lo mahse ka bul a lo then phei chuan pa sang lam 6ft bawr vel a ni ang tih ka ring thei mai. Muangchang in min rawn rawn pan hnai a,muangchangin ka hmui ah chuan a rawn fawp ta....a thaw te chu a lum ham ham a...chutah....ka hmui a fawh pawh chu duh tawk mai lo in ka nghawng ah te ka taksa a rem lai lai ah chuan a duh thawh em em hian a han fawp nawk nawk a..keipawh chuan ka lo chhang tha ve kher mai...ka thin phu chu a rang tial tial a...min fawh mawlh mawlh lai chuan a sam buk laih te chu ka lo tham ve thuak thauk a..a nui hak ..... Muangchangin ka kawr hnung zipper chu a phelh a,khum lamah min pawm phei a, min fawp leh a ka taksa peng khawilai pawh hi fawh loh a neih pawh ka hrelo.Ka thin a phu rangin ka thaw lah a sa huam huam a, A rawn na zawk....Awi.....Ka Nu!!! a thip lutuk...ka heh pet fan fan pah chuan bedsheet chu ka tham a, a na eeemmm a ni."Hetiang khawp hian ni maw..."Virgin lost hi a nat ni" ka ti rilru a......Ka mittui a rawn luang ngiai ngiai a,ani lah chuan min dim lo baksak si .Mahse ka duh thlanna a ni a,tap thei ka nilo.Rei lo te hnu ah a rawn zo ta,a chau ve hle a niang ka bul ah chuan a rawn mu a,lehlam ka hawisan daih.Ka chau em bawk a ka muhil vat.Ka thianghlimna ka hlauh ta,chu pawh sum vang in.


Ni e, a dik kei hian sum vangin ka thianghlimna ka hlauh sum vang chauhin. mahse a dinhmun ah hian han ding ve la chuan min dem bikin ka ring lo. mahse keimah i ni tlat lo a tin ni.


Ka harh hlol a, sana ka en chuan zing dar 3 a lo ri tawh, thawh ka tum a mipa kug tih hriat tak tha ngah hnel zet hian min lo kuah reng chu niin, a ka kianga mu chu a en pawh ka en lo,a kut min kuahna chu phelin thawm dim takin ka thawmhnaw ka ha a room chu ka chhuah san ta......


Hotel room ka chhuahsan hnu chuan ka phone chu ka en a, Pa Kima message hi a lo awm a, "I hlawh tur Nuaih 30, chuan bonus atan nuai 10 boss duhzawng tak I nih avangin. I thawk tha e...well done....pawisa chu i account ah ka transfer tawh e" tih hi.



Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:23 pm

Ivy
ziaktu: Iniros16

Ivy-2: "


Hotel atanga chuan ka chhuak a, ka taksa hi na lo lai a awm lo,ka kal tawk tawk a ni, a khat tawkin ka mittui rawn luang chu ka hru zeuh zeuh reng a. Ka pi awmna damdawiin lam pan tur chuan Taxi ka la ta a.

"Pi,i tunu hi min ngaidam ang che aw, tih ngaihna dang ka hre thlawt lo a ni...Ka theih tawpin ka enkawl ang che, i dam leh nan hian engpawh ka ti ang. Pi ka hmangaih lutuk che" tiin ka pi ka hmuh hun a kan awm dan tur te chu ka suangtuah a...

Ka pi awmna damdawiin chu ka va thleng a, Nurse te leh doctor ten an theihtawp chhuahin chhan an lo tum mek .Doctor in-charge in a theih tawp chhuah in CPR a lo pe mek a. A marphu an han zawn ngial pawn a awm hmu zo ta lo.Doctor chuan
"Pi vanlalauvi, Thih ni:15.02.2020, dar 4:30am." a bulah chuan Nurse pakhat in a thil sawi chu a lo ziak mawlh mawlh bawk a,Doctor chuan Nursing station ah ka pi thih dan vel chu report kimchang a ziakfel turin min luh san ta a,Nurse leh a thawhpui Group-D staff chuan ka pi ruang chu an lo buaipui mawlh mawlh a,fimkhur thu hlah ah tiin ka pi hnar leh beng ah chuan lapua an hnawh a, thisen leh tuiril lo chhuak tur veng turin, bandage in a lu an tuam a,a chal atangin a khabe a chet vak loh nan an tuam a, a kut leh ke an phuar bet bawk a, a kut chu a hma lamah an dah a,chu chu ruang a chet a chet loh nana an ti a ni,a thawmhnaw an thlak vek bawka,hetianga mitthi an sawngbawl dan hi sap tawng chuan 'embalming' an ti ,chu chu mithhi kuang chhunga an dah luh hun a a lan mawi nan leh midang tana hmuh hreawm taka a awm loh na tura an tih a ni.
Keichuan ngawi rengin ka pi chu ka lo en reng a,"ka pi a awm ta lo".....tap thei lo tah chhuak bawk si in ka awm a, ka awm hi a tawt up up mai,bang nghengin ka thu sawp a,ngawi rengin ka melh ngai chu ka melh tlawk tlawk reng a...."Vy" ka nu cousin te leh kan thenawm te an rawn lang a,mal ngawih ngawiha ka in hriatna pawh kha a zia ve deuh....chutah chhuak em em in ka tap ta hawm hawm a, ka nutei chuan min lo kuah vat bawk a. Ka pi ruang chu kan hawnpui ta.



Ka va han vanduai chuang bik tak emm,ka nu leh pa in min boral san hnu ah, ka dam chhan, ka neih chhun tak meuh meuh, ka pi in min kalsan ve leh ta.Eng tin nge ka nun zel ang?? He khawvel ah hian chhungkua ka nei ta lo.Ka pi enkawlna tur atana ka sum va thawhchhuah ve pawh chuan hlutna reng an nei ta lo.


Ka pi ruang ni chuan mi an thahnem hle a, ka pi hi thenrual ngaina tak leh mi dang tanpui peih em em mi a ni. A ruang kan phum ta...."Pi,mangtha aw.. ka nu leh pa te kha min lo biak ang che aw..." ka pi thlan chu kan hawsan ta

Cater's Pov:
3:30 am
Ka harh thut, nula kha a lo awm tawh der lo mai,a lo haw daih tawh, Pa kima chu ka message nghal a "Pa kim nula kha bonus lo pe ang che, ka duhzawng tak a ni" tiin. Hmeichhia hi ka mutpui ve fo tawh, kha nula ang em em a zeilo mahse ka rilru min hnehtu kha ka la hmu ngailo..

Kei hi Carter Zothansanga ka ni a,ka pa hi Sumdawng milian leh hausa sap ho in "buisiness tycoon" an tih ang hi a ni. Ka pa hnung zui in sumdawn na khawvel ka luhchilh a, tunah chuan ka pa company lo din chu ka kut ah awm in ka enkawl mek a ni.Zantin ka date ka thlak ziah a, model leh celebrities an ni tlangpui thin.Ka duh min pek chhung chu ka duat hle thin hmangaih erawh a tu mah hi ka hmangaih eih lo, an duh ka hria a, ka duh an hre bawk, kan duh kan in pek tawn chhung chuan a tha a ni mai..Film star leh model te pawh ka sum hmang hian ka promote ve nual tawh bawk a ni.Bialnu nghet leh hmangaih neih hi ka tum ngai lo bawk a,hmangaihna hi a atthlak ka ti,hmangaihna awm hi ka ring ngai lo bawk,min ti chaklo thintu pawh a ni tih ngaihdan nghet tak hi ka nei bawk.Kha nula ka tawn hma thleng kha chuan.

Kha mi zan atang khan kha nula kha ka rilru,ngaihtuahna leh ka thinlung chhung ah hian a riak reng,ka theihnghilh thei hauh lo.Ka hmuh leh ngei a ngai ang,khawiah pawh awm se, ka hmu leh ngei tur a ni..

" Aw Pa kim,nula kha a chanchin kimchang hriat ka duh.... Aw Ivy maw a hming..hming mawi tak a nih chu..... aw awle.." phone chu ka dah a.. Pa kima chuan Ivy chanchin kimchang thei ang ber chuan min lo thawn a,thlalak pakhat nen hian.....Ivy...ka zawng hmu ngei ang che.

"Hello,aw Siama,hnathawh tur kan nei, Moonstone hotel, room no 305 ah lo kal rawh aww, aw aw lo thleng phot la ka hrilh dawn che nia..aw awlee.."
Darkar chanve hnu velah chuan
ka room chu a rawn kik karh karh a
"Lo lut rawh"
siama chu a lo lut a,sofa ah chuan a thu a
"Eng hna lam tak ni ang maw Boss meuhin min koh chuan a pawimawh hle ang maww?"
"Englo a nia, mi min zawn sak la ka duh che. Ahming chu Ivy....., i theih tawp chhuah la sum leh pai ah chuan buaina a awm lo ang,i mamawh zat zat a ni mai , ka hnen ah i rawn hruai tur a ni."
"Awle..i sawi dan hmang ah hi chuan zawn a hau tak vak lo ang"
"I lakah rinna ka nghat a nia aw"
"Awle, ka naute nen kan lo zawng ang .Theih tawp kan lo chhuah dawn nia"

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:24 pm

Ivy
ziaktu: INIROS 16
Ivy-3

Ivy's POV

Ka pi in min boral san tak si ah chuan mal ngawih ngawih hian ka in hria a,ka tap reng a, khawilai pawh hi hawi ila ka pi nena kan sulhnu vek ka hmu a,ka chaw ei a tui lo a,engmah ka ei thei lo, tui ka in tawk a ni mai,ka cher in ka dawldang em en a,ka nutei rilru na chuan an bula awm turin min sawm a, mahse ka hnial tlat,mi inchhunga va awm a "Ei rawh,In rawh" tih ngai renga awm kha ka peih lo a ni, ka pa unaupa fanu, ka cousin Ruatpuii hi Delhi ah hnathawkin a awm a, ka pi thih thu a lo hria a,amah in a awm bawk nen a bula Delhi lama awm turin min rawn sawm a, kei pawhin ka hnial hran
lo,ka awm dan te hi ka ningin hawi khaw thawn ka mamawh ve ka ti deuh bawk a.Ka nutei te ka rawn a, ka thlawhna ticket tur min lo lak fel sak vek tawh bawk a,Delhi ka awm tur chu ka nutei te bak hriat chu ka duh lo tlat a, mak deuh maiin eng emawni hian min mawlh tlat a tin ni...Naktuk chhuak tur chauh ticket a lo awm tawh bawk nen, zanah chuan ka insiam ta chuk chuk a
A tuk, ka kal ni tur chu, a lo thleng der ta mai, nizan lamah ka insiam fel vek tawh a, thawmhnaw ngaina tak ka nih loh avang pawh a niang bungrua pawh ka ngah vak lem lo.Ka Nutei te nupa in "Kan thlah ang che, nula te in ni sia bakah in ngaihtuah awm thin" min tih avang chuan Nutei te lo kal hun tur chu inah chuan ka lo nghak a. Ka nghah lai mek chuan ka phone a rawn ri ral ral a, ka han en chuan Ruatpuii a lo ni a, ka la vat a.

"Aw Ruat,... ummm awww awlee,ka ngaihtuah awm loh aww hei ka nutei te nupa in min lo thlah dawn a, Airport kan thlen hunah ka lo be leh ang che,umm, awle bye" Phone ka dah a, sana ka en a Dar 9 a ri chiah,ka flight kha dar 1 daih a nia. Ka phone a rawn ri leh ral ral a, ka nutei'n min lo phone..." Vy, hei in atang kan lo chhuak phei chiah aw, ilo insiam em? lo in peih la o, kal nghal thei turin, i patea chu i hriat kha, zin dawn phei chuan chhuah hun aia hma hian a hmun thlen tur tih thin kha, kan rawn thleng nghal a ni mai aw..phone ka dah ania" tih pah chuan a dah a, darkar chanve vel hnu chuan an rawn thleng ve mai..Ka bungrua te motor ah kan dahlut a, Airport pan chuan kan kal ta.

Ka cousin Ruatpuii nen hian kan cousin kual hrim hrim ah pawh kan inkawm nasa bik a, thil engkim a chhia a tha kan in hrilh thin. kan naupan lai phei chuan kan in zui nasa thei lutuk hi ka phirpui emaw an lo ti thin.Ka nu lam chhun loin ka pa te lam ka chhun vang hian Ruatpuii nen hian kan in ang ve reuh em bawk a, kan ruang am a lo in ang leh zel bawk nen , a awm lo lem lo e...Pawl 12 thleng sikul kan kal dun a,kei chu college ka kal zawm a.Ruatpuii erawh Bsc Nursing min training san daih thung, a zirna vel vangin kum li chhung chu kan inhmu mumal tawh lo a,haw hi chu a rawn haw ve zeuh zeuh a, a lo haw ve tum hi chuan kan awmdun reng a, zan khat tal kan in ah a rawn riak ziah bawk .A training zawh chuan Delhi ah min chhuk san a, Apollo Cradle Maternity & Children's hospital-ah thawkin, tun thleng hian chutah chuan Ward Superintendent/Ward sister post in a thawk ta a ni.


Darkar khat zet kan tlan hnu chuan,Airport chu kan thleng a, "Flight AI 101 a chuang tur zawng zawng te rang taka in report turin kan in hriattir e" tiin an lo puang dup dup a.
Ka ticket ken chu ka en vat, ka flight chuanna tur a ni,mahse Dar1 chhuak tur an ti sia a va mak ve. Hmanhmawh deuh chuan ka bungrua chu kan unload vat vat a,Nutein thil awmzia a lo va zawt fiah a, mi challang ve tak pakhat in Airport chu a lo tlawh dawn a,thlawhna din na hmun chu clear vek a ngai a chuvang chuan thlawhna dar2 a chhuak tur zawng zawng chu dar 12 ah chhuak turin an lo preponed vek chu niin, kan tlai hman thelh a lawm le,Nutei te chu ka mangtha a, check-in tur chuan ka lut a,check-in zawh vek chuan thlawhna chhunga ka seat ah chuan ka thu lut ta....whewww a tawp a tawp ah chuan. Ka phone a ron ri ral ral "Aw..Ruat,thlawhna ah ka chuang chiah ka thlen ve leh ka rawn hrilh don che nia aw ummmm min lo ngaihtuah suh aww awle bye" phone chu ka dah a.Ruatpuii chuan Delhi-a ka vawi khat kalna a nih vangin,vawin hian keimah avangin a hna buai tak atangin Day-off a lo dil a,Airport ah min lo hmuak thei dawn a ni

Darkar 4 vel thlawhna chuan hnu chuan Delhi Airport chu ka thleng ta....."Hello, aw Ruat... aw hei ka lo thleng a, ka bungrua ka la khawm mek a, maw ...aw pawnah i awm tawh maw...aw hei ka bungrua a kim chiah ka rawn chhuak dawn bye"

Ka bungrua te chu la in ka in nawr chhuak hnak hnak a. "Iiiiivvvvyyyyy" awiii "Ruatpui" tih leh in kuah kan rual nghal a....

Airport bul dawr ah chuan kan han chawl te te a, ei tur kan nghah lai chian Ruatpuii chuan"Awi!! kan in hmuh lohna rei tawh zia hiiii!!..,a nuam eee... i hria em..ka khua a har theih zia chu maw.. mahni in in ka luah bawk sia, ka ngaih theih zia mai che chu, tunlai hi kan buai a ka ngaih che a zia deuh... ka lo be vak hman lo che a...Sorry...o...kan buai ve em bawk a niii...ka nu te takngial pawh hi ka be tha hman lo re re a,ka khua a har thei a sin aw.."a hmel atang chuan a khua a har ve tih chu ka hriatthiam pui,a ngaihtuah muk ve hle ni tur a ni a hmel pawh a ngui riau in ka hria, ngaihtuah chhuah nei ni awm tak hian min rawn melh a, a rawn nui sang a "Tunah chuan ka nang i awm tawh dawn alawm,ka khua a har tawh dawn lo...a va nuam dawn tak...tih chak ka ngah lutuk movien en te,dawr a thil ei te, bazar te...awiii a nuam dawn e..." a ti chul a...Ruatpuii hi chu a thawvengin a tawng duh ve hle a,tawng duh hle e ti lo chuan mi pawi sawi hi a hlau em em a,kawm a nuamin a hmel a tha reuh a, mipa te pawh hian an star ru ve thei lutuk ,mahse a mipa mi vak lo a, bialpa pawh ka hriat ah pakhat chiah a la nei.

Kan thil ei tur chu kan ei zo a, Ruatpuii nen chuan Ola(Uber) kan book a, a in lam chu kan pan ta a..


Carter's POV:

"Eng a!!!??? A awmlo i tih chu eng nge a awm zia, kar khat pawh liam hma in khaw nge a kal chuan a nga, in va zawng chiang a maw, nge Pa Kima hian adress diklo min pe zawl le....Engpawh ni se zawng ang leh che u"

"Boss, Adress min pek ah khan kan va kal ngei a, mahse kawngkhar chu tala in a lo in kalh a, an thenawmte zawh kan tum lahin an lo awm bawk silo a, midang kan han zawt kual chhin a, a hmu tawp tu ber lah khan a pi thih hnu khan a nutei te'n an bula awm turin carin an rawn hruaia, car vara a bungraw dah lut lai leh an car chhunga a luh lai a hmuh thu a sawi a, k, a nutei te inah chuan kan va kal a, kan va zawh lah chuan a lo awm bawk silo a, khawnge a kal tia kan zawh lahin min hrilh duh bawk silo a...Boss theihtawp kan lo chhuah leh a nge"

"A nutei te in ah a awm bawk siloh chuan khaw nge a awm tak ang aw" a ruk tak chuan ka lungawi lo hle a ni. Ka thil tum leh duh tawh tih hlawhtlin theih loh ka nei ngai lo, ka duh a hlawhtlin loh vawi khat na a nia ka lungawi thei thlot lo.

"Khawvel ram pumpui pawh zawn ngai se in zawng hmu tur a ni...min chhuahsan vek ruu!!!! arghhhhh!!!" ka thin ur chu ka in rin hna chuan ka in hrosa ta buan buan a

Bathroom ah chuan ka lut a, ka hma a darthlalang chu ka hnek keh vek. Ka kut thi zawih zawih pawh chu ka ngaihsak hauh lo.Ka thil tuma ka hlawhchham vawikhatna a ni miau,ka chu pawh hmeichhia vangin....hmeichhia,ka thinlung a ka duh ve hmasak ber....ka bialnu, ka nupui,ka engkim ni tura chanvo pek ka tum ve hmasak ber, ka nuna ka nu tih loh ah chuan seng luh ka tum hmasak ber a ni.

Ivy khawiah nge i awmmm....khawiah pawh awm la, kei, Carter Zothansanga hian ka zawng hmu khawp ang che..tin, hei hi ka in tiam e, ka hmu leh che a, min duh lo te a nih ngawt loh chuan hmeichhia reng reng ka hnaih lo ang, kum 3 emaw kum 5 pawh nghah ngai se ka nghak zel ang che ... chuan in nupui ah ka nei ang che. Hmangaihna hi ka ring lo a ka hrethiam hek lo, mahse hmangaihna in a pek theih tluk zet hlimna pek che ka tum ang.Khawvela hmeichhe hlim ber ah ka siam ang che.

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:24 pm

Ivy
Ziaktu: INIROS 16
Ivy-4

Ivy's Pov:

Vawiin hi Delhi ka thlen thlak atanga thla khatna na chiah a ni. Ruatpuii night duty lai a nih avangin tun zan li chhung hi chu keimah in inah ka awm chawt a.

Zing ka'n harh chu ka lu a na bur a, ka luak a chhuak hlui lehnghal ,ka pum a rawn na riai riai bawk.Khum atang chuan tho chhuakin bathroom ka pan ding nghal chat.

Duhtawk a ka inbun ruah hnu chuan basin ah ka hmai ka phih a, ka harhchhuak thut. Ehee!!!! tun thla hi ka la period miah lo.Thla hmasa february 1 khan ka neih avangin february 28 nei tur ka nia, period mumal loh ka nei ngai lo a, menstrual cycle hi 28 days anih avang, 30 days pawn chhut ta ila, March 2 ah khan ka nei tur a ni sia. Tun thla chu ka awl ta phawt mai le.Nilo..a ni theilo...bathroom atang chuan chhuak vat a Ruatpuii ka phone vat a...



Phone chu vawi hnih a rik hnu chuan Ruati chuan a lo pick up vat a..."Vy, enge ni ta??Ti nge i ngawih vung vung a?I tap a mi ? Hey...min ngai tawh ni maw?" Uang ve deuh chuan a rawn ti a, a nui hak hak a bawk a"Min ngai tawh anih khaaa.. ka hre vek, lo lungai suh ka lo haw thei tep a nia,Hei chawhma duty tur an rawn thleng tawh bawk a,NS(Nursing Superintendent)office ah zan duty report bu hi ka submit a nga ka rawn haw thei a ni mai.Haw kawng ah ka rawn bazar haw pah dawn a, min chah duh te i nei em?Tunlai hi i thil ei a tui bawk sia...Ei tur tui deuh deuh ka lo hawn ang che aw,lo tap tawh lo la..."a nui leh hak hak a,



"Umm...Ihh....Ruat....khawngaihin..ihhh pregnancy... pregnancy test kit leh ice cream family pack,vannila flavour ang chi kha min lo hawn thei a ngem?"tap deuh tuau chuan ka ti a, tun lai chu ka awm dan hi a mak ka ti ka mood a in thlak nasa bawk si, ho te te ah hian ka mittui a tla leh ringawt zel a, a chang leh ka thinrim thut thut bawk a,changin ka nui leh uar uar zel bawk si, bakah ice cream ringawt ka ei chak a,thil ei teuh pawh ni ila ka ril a tam leh zel,chaw te hi ka ka ah hian a thlup dep dep a, tui lutuk mahse ice cream ngawt ka ei chak thin a nih chu...zing lam ah hian ka luna leh luakchhuak in min ti harh ziah bawk.
"yessi, ka theihnghilh loh naann ka lei tur list ah hian kan ziak thla nghal a nge Ice cream i ti maw khah...ummm iiiccee creeeaam, ka ziak ta a, chuan pakhat leh kha enge i tih kha....i unaunu hi ka haihawt lutuk a...han sawi leh lawk mai"
" Ihhh, Pregnancy test kit ka duh a"
"Awle chuan....Pregnancy test kit maww....mawww!! engtin a!!....ka hresual em pregnancy test kit maw? pregnancy test kit i ti chiang chiah em tunah khan" mak a tih hmel khawp mai,a awm ve tho Bialpa ka la nei ngai lo miau alawm, a tan chuan rin a har dawn lutuk.


"ummm khawngaih in min lo hawn rawh aw, In ilo thlen hunah ka hrilhfiah vek ang che" ka aw chu a hniam raih a, phone chu thil dang min zawh leh hma in ka dah san ta daih a...

Khum ah chuan ka thu thla hnawp a,"Aih, Nilo, ani theilo, lo ni ta se apa takngial pawh ka hre silo a,engtin nge ka tih tak ang le" Ka ngaihtuah na muk tak atang chuan Ruatpuii lo haw, min au thawm chuan min rawn kai harh zawk a.

"vy..IVY...ka rawn haw a nia...Vy..lo chhauk la" Ruatpuii chuan choka atang chuan min lo au vak vak a.Min au ri ka hriat ve leh ka thutna khum atang chuan ka tho vat a,choka lam chu ka pan phei nghal a.

Ruatpuii chuan a chawhmeh lei te chu a lo rem lut mawlh mawlh a.."E...vy ilo chhuak maw kha...i thil min chah pawh kha ka lo hawn kha...dawhkan ah sawn ka dah,a hman dan te i thiam em? ice cream erawh chu khua a lum sia a tui palh ang fridge ah hian dah ang aw" tih leh ice cream chu fridge chhunga dah chu a rual a,
"Thiam lo,engtia hman tur nge ni?"
Ruatpuii chuan test kit chu a hawng a, a han phawrh a, thil pahnih hi a phawrh chhuak a "Hei lo en rawh aw,hei hi dropper a nia"tiin a fim zok chu a la a, " ti hian i zun sample kha i la a nga" tih pah chuan a tih dan tur te chu a han zir pah a "chuanin hei hi test kit a nia,helai khuar hi i zun sample i dah na tur chu a nia, tah hian dropper hian i drop ang" test kit a zun sample dah luh dan te chu min zirtir pah zel a, "chuan hei test kit a C leh T hi i hmu em? 'C' hi 'control band' tihna a ni a, test kha a kal tlang leh tlang loh en tir na tur a ni,hei hi chu tui ringawt pawn test la a in rin tur a ngaih a nia, chuan T ve thung hi chu " Test band" tihna a nia, Test a kal tlang ngei a ni tih entir na tur a ni. chuanin i rai lo a nih chuan 'C' emaw 'T' zawnah hian rin pakhat a rawn lang a nga, nau ilo pai hlauh chuan 'C' leh 'T' zawnah hian a rawn in rin ang" test kit chu ka lo en ve zel a, "Chuanin hmanhmawh chuk lo la, test kit result hi minute 3 atanga minute 5 velah a lang chhuak thin ania aw..Le...va test chhin rawh le" room lam pan chuan a nawr in min nawr lut a.
"Ruat ka lawm e" ka tah a chhuak leh tawh.Ruati chuan ka khum ah thu in min lo nghak a kei chuan bathroom ka pan phei nghal a, ka test kit bawm kennchu min hrilh ang chuan dropper leh test kit chu ka phawrh a..dropper chuan ka zun sample chu la in, Ruati min hrilh angin test kit a a khuar lai, zun sample dah na tur ah chuan ka zu far ta a."Ka far hnu lawk minute 1 ah chuan Ruati min hrilh ang vhiah khan 'C' zawnah chuan rin sen a rawn insiam a,minute 5 lai ka nghah tur a tih avangin minute 3 dang ka nghak leh chutah le 'T' zawnah tak chuan rin sen dang a rawn in siam leh Test kit ah chuan rin pahnih a awm ta tlat, a awm zia chu,"Awi,A ni theilo" ka ka ka hup a "ka ruak lo" ka ti chuai raih a. Ka awih lo lutuk mahhse a ni miau bawk si..ani tak e..khami zan khan indanna kan hmang lo..Ka mumang te pawh a ang hial zawk.


He ka fa hi lo thanglian zelin,"Anu, pa hi ka nei ve em?Tu nge apa hi?" tia min zawh hun ah engtin nge ka chhan tak ang? Pa chu a nei ve ngei a lawm,mahse a pa hi eng ang mi nge a nih a, eng ang hmel pu nge a nih tih takngial pawh hi kei ngei pawh hian ka hre tlat lo a tin ni.Pa kima ka biak khan kha thil kha ka ti a nih chuanin sum tam tham tak min pek a tiam a, ka pi rilbawh(pancrease) cancer kan hrechhuak chauh bawk si,Doctor te chuan ka pi chu zai a ngaih thu leh inzai na atan sum thahnem tak a ngai dawn a ni tih min hrilh bawk si a, chuvang chuan ka pi damlo ka enkawl nan tiin Pa Kima ka buaina te chu ka hrilh a,hna engpawh, thawh tura min pek ang ang chu ka thawk ang tiin ka intiam ta a, ani hi pa hausa tak a ni a, ka pi damlai khan a pawisa hi kan tlem te te kan puk zeuh zeuh thin a, a pung awm lo in kan remchan hun hunah kan pe leh mai thin, min duhsak em em thin a, a hausa a, pawisa min puk tur in a pung awmin min puk tir ve ngailo bawk. Engtin nge sum a neih a, eng hna nge a thawh thin ka hre ngai lo, khami ni a hnena hna ka dil ni hma zawng kha chuan.

Pa kima hi nula hmangin a lo sumdawng thin tih hi hnathawh tur ka dil ni khan ka hre ve chauh a ni, Ram hrang hranga mi hausa tak tak ten an lo zin chang hian an dawr nasa a, nula man pawh a to ngang mai zan khat ah nuai tel a hlawh thin, an boss te an tih lawm thiam dan azirin bonus tam tham tak an hmu bawk.Chutiang chu Pa Kima'n min hrilh tirh kha chuan ka duhlo a, mahse ka han in ngaihtuah a, "sum tam tham tak ka hlawh thei dawn, chu pawh zan khat ah lehnghal, he thil hi ka ti a nih chuan ka in chhir ngei dawn a, mahse ka hmangaih, ka neihchhun,ka pi,ka enkawl thei dawn thung, Pa kima pawisa puk a ngai tawh lo bawk a nga, ba kan rul vek thei tawh a nga, ka pi pawh a hahdam ve tawh ang....anih chuan kei chuan tuar dawn mah ila ka pi damna tur anih dawn phawt chuan ka nun hial pawh chan ngai dawn mahse, ka pi tan chuan ka ti zel ang" a tawp a tawp ah chuan Pa kima hna min pek chu ka pawm ve ta....

"Vyyy,,, ivy, i tha em?" Ruatpuii chuan bathroom kawngkhar chu a rawn kik dat dat a,ka awm rei lutuk a a mang ang ni ngei tur a ni...Darkar 1 dawn lai engmah tilo in bathroom ah chuan ka lo in khung reng a lawm.

Bathroom kawnkhar chu ka hawnga a, Ruati chu ka kuah a ka tap ta .Ani lah chuan duat em em in ka sam chu a chul hliau hliau a chutia a tih veleh chuan ka tah a chhuak leh zual sauh, chhuak fahran in ka tap hlawp hlawp a.

Ka tap bang ve ta.
Ka khum ah chuan kan thu a, Ruati chuan
"Vy,enge thil awmzia hi ka hrethiam lo re re" zaidam deuh chuan thil thleng chu min zawt a.

"Ihh...englo a nia Ruat.. ka pi enkawl nan khan pawisa ka mamawh sia......" thil thlen dan chu engmah zep awm lo in ka hrilh fai ta vek a.

Ruati chu a ngawi vang vang a.
"Vy, lungngai reng reng suh aw....ka awm a lawm,mahse naute pa hi chutiang khawp pawisa seng ngam a nih chuan a hausa dawn tih chu a chiang phot mai a,mizo nge sap nge vai a nih tih hre turin in in be tawng mang bawk silo a, zawnchhuah chu a har ve deuh ang..naute pa zawnchhuah hi i tum chiah lo zawk nge?"

"Ruat, zawn chhuah te chu ka duh a lawm, ka fa hi a lo len hunah a pa chu eng ang mi nge a nih a, eng ang hmel pu nge a nih tih min zawt ta se,chhan ngaihna ka hre dawn lo,a hmel takngial pawh ka hmu bawk silo,mahse a pa hi lo zawngchhuak ta pawh ni ila nupui nei lai te lo ni ta sela mi chhungkaw in kara khi va siam sak tu nih ka duh bawk si lo a, nih loh pawn 'ka fa a ni lo' tiin lo pawm duh lo tlat ta se, Ruat, Engtin nge ka tih ang?"

"chutia a pa ber kan hriat theih si loh chuan tih ngaihna a awm lo chu ni mai a, mahse ti zawng hian ngaihtuah ta la, a pa i hre lo a, a lo chuh thei dawn lo che a, i ta liau liau, i tana chhungkua i din theih na hun tha a ni mai lo ang maw?"



Carter's POV

Ivy bo hnu thla khat na chiah a ni ta. Ani kha, kha zan,ka nuna a lo lan zan leh min kalsan hnu atanga tun thleng hian ka la thihnghilh chhin eih lo. Kha nula thianghlim,pawisawilo leh khawngaihthlak em em bawk si kha khawiah tak awm ang maw?Engtin nge a awm chhoh zel ang le? Ka nun pum pawh hian zawn ngai dawn mahsela ka zawng zel mai ang, ka hmuh hma zawng khawvel pumpui ah zawn pawh ngai se ka zawng hmu khawp ang che.

Ivy chanchin chu min kalsan ni a Pa kima ka zawh atang khan ka hre tawh, Ivy hi fanu mal niin a nu leh pa te hi car accident ah kum 2 chauh a nih in an thi a, a pi (a nu nu) in a enkawl ta a ni.Thian a kawm tam lo a, a pi nen an awm deuh chawt a, Nula fel tak a ni a,a pi hi a hmangaih em em bakah a huaisen bawk a ni tih a thutlukna siam dan atang hian ka ring thiam nghal mai, a hmel pawh a chhe hran lo a, model leh film star hmeltha kan tih ang em em a tha hi chu a nilo, mahse a hmel ah hian duhawm ruk na riau a nei tlat a ni.Tlangval te pahin an star ruk ve viau ka ring.Ka ngaihtuahna chu a kal thui zel a midang nei tura ka suangtuah ringawt pawh chuan ka thin a ti rim tun thei nia mawle..

A mak a ni, kei, Carter Zothansanga,
hi hmeichhe pakhat zunah ka uai ta mai chu a ni si a, hmeichhe duh duh thlang thei khan hmeichhe pakhat tana rinawm bur ka tum chu a ni ta reng mai si..

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:25 pm

Ivy
ziaktu: INIROS 16
Ivy-5
Ivy's pov:

Nau ka pai tih ka hriat atanga thla thum na chiah a nia, ka in check-up hun chiah a ni.Ka in entir a, Ultrasound mi lo chawh a.


Ruatpuii thawhna a ni bawk a, min kalpui vek a, Ultrasound pawh chu a thiante an nih avangin book lawk kher ngai lo in min tih sak a,tuna pakhat luh zawh ah hian ka lut ve nghal thei dawn tih min hrilh a.
Hospital a thawk chhungte neih chu a lo nuam ngei mai, thil a awlsam phah bawk a, thawk ho na na na chu an induhsak theih na lai leh an in puih tawn theihna lai ah chuan an induhsak ve thei khawp mai.

Ruatpuii chuan "Vy, tuna mi luh zawh hian i lut nghal thei dawn a, tui kha in teuh teuh rawh aw, zun chhuak deuh a i awm a ngai a nia, i phing kha a puar that pauh leh maw ultrasound a chiang a, in teuh teuh rawh le.." tui chu ka theih anga tam ka in, ka in hnem lutuk chu ka luak a chhuak hlui thei, ka zun a chhuak up up bawk..

"Ivy Lalbiakfeli kan awm em aw" technician assistant pakhat chuan ka hming a rawn lam lauh lauh a

"Aw, keimah" min ko tu lam hawi chuan ka lo ti vat

"I lut thei tawh aw, chuan tui ilo in tha em" min nuih var var a, a felin a nelawm hmel reuh lutuk, ka zam na te pawh tlem in a ti reh deuh

"Aw....ka lo in teuh mai" ka nuih let ve var var a
"Anih chuan minlo zui lut rawh le"hmeichhia chu ultrasound room ah chuan ka zui lut a.
Ruatpuii chuan pawn ah min lo nghak thung.

Ultrasound room kan luh chuan, khum pakhat hi a lo in hung a, a bulah chuan computer ang deuh mai, ultrasound khawl hi an in hung bawk a, ultrasound machine bulah chuan coat fual var ha hmeichhe pakhat,ultrasound ti tu ber,technician ni awm tak chu a lo thu bawk a,min hmuh veleh chuan

"Ivy lalbiakfeli maw, hetah hian lo mu rawh aw" tih pah chuan a thutna bula khum chu a kawk a, a sawi ang chiah chuan khum ah chuan ka mu a,
A assistant chuan ka kawr chu ka awm theng a rawn hlim chho a,puan var pan te hi a dah a, ka dul hnuai lam zawng chu puan in minnkhuh bawk a,technician ka dul ah chuan jelly ang deuh vawt thlar mai hi a tat a, 'ultrasound transducer' an tih mai chuan ka tai chung deuh naute awm na ni tur lai chu a thai kual a, monitor chu a en pah a.

Monitor chu ka en ve tak a mahse ka hrethiam hran lo. Thil dum leh a sir a thil emgemaw inziak bak ka hmu lo a.

" Doctor naute chu a tha em?Enge a an"technician chu en pah chuan ka zawt a
"Aw an tha e"
"An a!!..."
"Aw phir i lo pai reng a lawm,khi han en la,hei hi pakhat zawk lu chu a nia, chuan hei hi naute pakhat dang lu a nih hi, i hmu thiam em," tih pah chuan monitor a lem lo lang chu min han hrilhfiah pah a.
"Ummm, awi an duhawm reuh lutuk" monitor chu ka en a ka hrethiam ve ta, nau bawm hran ve ve bang ang deuh hian a daidan a
"An lungphu chu i hre thei em? tui ri berh berh ang deuh chu an lungphu a nih chu, ka herh ring a nga i hre thiam mai ang" tih pah chuan sound chu a herh ring a.

A sawi ang chiah chuan naute lung phu chu ka hre ta.Ka lawm lutuk a ka mittui a rawn hnam leh...Aw ka va tahbelh bik thei tak em...

"Tikhan ultrasound examination chu kan zo e, examination report hi kan ziak lut lok a nge" a assisstant chuan ka dul a jelly te chu puan hmang in a rawn hru faia, khum atang chuan min kai tho a.

"Ka lawm e,Doctor"

"In enkawl tha la, a hun tak ah rawn in check-up thin tur aw. Phir i pai avangin naupai dang aia i in check-up ngun a ngai bawk dawn nia...kha hei i result aw" result chu min pe a.

"Aw awle" Doctor room atanga ka chhuah hnu chuan Ruatpuii chuan pawn ah min lo la nghak a, min hmuh veleh chuan, a thutna atanga dingin ka lam a rawn pan a

"Eng nge chanchin,naute chu a tha em?Enge a an?..." a lo ti var a..

"Aw naute chu an tha e" Doctor min hrilh dan ang chuan ka ti a

"An aa!!!...an i ti em tunah khan" phawk deuh ha hian min en a

"Umm, doctor chuan phir i pai min tia,mipa leh hmeichhia a ti nghe nghe a sin"nui deuh var var chuan ka ti a, ka nau pai vang hian ka hlim mai ni lo in, nun thar, beiseina thar te ka neih leh phah a,ka hlim tak zet a ni...

" Awi, tak tak maw....awi ka lawmpui lutuk che nia aw" Ruatpuii chuan min kuah nawk nawk pah chuan a ti a.

Ka nau pai ka hriat chhuah ni leh engkim a hnena ka hrilh ni atang khan Ruatpuii hian ka hlim loh hi a hlau em em a,min duat em em bawk,ka lam ah a tang tlat tih ka hriat hian chakna min pe thar leh in beiseina thar min pe leh a, min fuih nasa em em bawk,hmel hlim lo min put khum ngai lo,a hna ah a buai tehreng nen hian, ka tan chuan hman loh te a nei ngailo, ka mamawh lai in a awm reng thin.ka unau mai nilo in ka thian tha tak a ni bawk a ni pawhin chutiang bawkin, ani nen hian chhungkaw fanu mal ve ve kan ni bawk.


Ruatpuii erawh hi chuan unau mipa naupang pahnih a nei thung.Nau pai lai chuan thil ei a tui duh tih hi a hria a,hna atang a rawn ban hian kalkawnga eitur an lo zawrh te chu min lo lei ziah a, a ngaih dan ah "Naupai lai chuan ei tih that tur,ei teuh teuh tur,mi pakhat tan ei lo in mi pahnih tan i ei tih hre reng la,ei teuh teuh rawh aw,ei chak i neih chuan min hrilh zel dawn nia." min ti thin, chuvang chuan hlawh a lak ve te hian eitur tui tak tak hrisel bawk si min rawn hawn thin a. ka tan chuan ka thian leh laizawn tha tak a ni.





Carter's POV:
Kha zan atang khan thla li lai a ni ta.Ivy chanchin engmah ka hre ta lo.

Siama te pawh an beidawng tawh a, a hnuhma leh a chanchin tu man an hre bawk lo a, keipawh ka nun ngaiah let leh in hmun hrang hrang ah te sumdawnna avangin ka zin kual leh nasa hle a, India ram chhung state hrang hrang tlawh loh ka neih pawh ka hre tawhlo.

Khawiah mai pawh hian kal ila, kha nu, IVY bak kha ka rilru ah a awm lo a, ram hrang hranga ka zin na ah pawh, a hmel leh pian ang deuh hmeichhia ka hmuh chuan ka lo melh leh vung vung zel.

Vawi khat pawh dawr ah ka chawl a,hmeichhe pakhatin amah ka lo melh rei deuh nge mawni, ka hmai ah min beng sawk tawh,ka zak teh asin aww.....

Ivy khawiah chuan nge maw i awm le????....


Ka chanchin tlem azawng kan sawi ve a nge, kei hi Carter zothasanga ka ni a,ka nu leh pa hi hmangaihna vanga innei an nilo,an pa te ve ve hi sumdawng mi lian ve ve an ni a,company lian tak neitu ve ve an ni, ka nu leh ka pa pawh hi an pa ten an in thianthatna leh an thawh hona tih nghah na turin an inneih tir lui a ni.

An pahnih hian ngaihzawng nghet an nei ve ve a.
An in duh lo tawn ve ve bawk, in hmangaih te chu khawi lam,an pa te company venhim ve ve an ngaih avanga chauh a la awm dun mai chauh an ni,chutia an inneih hnu chuan ka pa lama ka pu zawkin bangalore lama a company enkawl turin ka pa chu a tir thla a, ka nu erawh min pai lai anih vangin Mizoramah a awm thung a, ka pian lai pawh hian ka pa a awm hman lo bawk a.

Thla khat ka tlin hma in Ka nu lama ka pu chu a thi a, a company pawh chu tla chhe ta a, ka nu leh pa pawh an inthen ve nghal, ka pa chuan ka nu in min hruai ve a phal tlat lo a, nu hnute tui a chawm lo in Nestrogen leh damdawi tha dang a chawm len ka ni a, nu hmangaihna dawng lo in ka thanglian bawk.
Ka pa a buai avangin min awm hman meuh lo, min awm tu tur nula a la tawp a, chu nula chuan a fa ang chiahin min enin enkawl sei lian thak a,a fa tak tak ang in min enkawl a,mahse chu nula chu tu nge i hria em, ka pa leh ka nu an inneih hma a, ka pa bialnu kha a ni.


Kum nga ka tlin hnu ah ka pa nen an innei a.Ka pu company enkawl a ngaih avangin Bangalore ah kan pathum chuan chhuk thla in tun thleng hian kan awm ta a ni.

Ka nuhrawn chuan min duat lutuk,keipawn ka ngaina,mahse ka nu tak lo na na na hi chu ka nu tak tak anga ngaih hi a harsa ka ti,

Ka nu in min kalsan tih ka hriat atang khan hmangaihna hi ka ring leh tawh ngai lo a ni, min hmangaih in min duh tak tak ni sela chuan ka pa kha hnial in engtin emaw min lak let theih dan a zawng ngei ang, mahse a tilo, hmangaihna vanga lo piang ka ni miau lo a lawm.

Ka nu pawh chuan min kalsan hnu kum hnih na ah pasal a nei a, chu chu pawh chu ka pa nen an inneih hma a a bialpa kha a ni.

Ka nu chuan kum hnih ka nih in, ka piancham ah vawi khat min rawn tlawh a, birthday present a rawn dah a,chu chu ka nu ka hmuh hmasak leh a tawp ni ber a ni.Chutah pawh chuan ka nu tih ka hrelo a, ka nu(Emily) thian nu pakhat angin ka pa chuan min in hmelhriattir a ni.

Duhthu te ka sam ve thin hmangaihna hi a awm a,ka tan hmangaihna hi a awm ve a hmanggaih ka tawng ve tak tak anih ngai chuan ka theihtawp chhuah in ka hmangaih chu ka humhim a nga ka chelh tlat ngei ang.

Ka pu te thil tihsual avang hian chhungkua kan kehdarh vek ta chu a ni a, hmingthatna,sum leh duhamna hi chuan nun pum a nghawng thei dawn a nih hi, ka pu te kha ka dem vek a nilo, thuthlukna lian tham an siam hma khan vawi khat chiah ka nu leh ka pa kha han rawn ve eih se hetiang kan thleng lo tur hi a ni a.


Ka hrisel lo thei em em a, Emily lakah hian pangchang thei em em bawk,ka nu tak tak amo ka ti miau a lawm,ani pawhin a fa tak ang chiah in min en,ka nun engkim ah ka nu ai a awh zo em em a.kei phei chuan ka nu tak tak emaw ka ti a,'Nu' tiin ka ko thin, primary school ka luh hma zawng kha chuan he thu dik hi ka hre ngai lo.

Vawi khat chu sikul ah ka thianpa in "carter, i nu saw a nu tak tak a ni lo" min ti a,
"Dawt sawi suh" ka awih thei lo
"Dawt ka sawi lo, anu in Carter-a nu saw a nu tak tak a nilo a ti a lom"
"Dawt i sawi" kan in hnial chiam a
kan insual phah nghe nghe...kan principal in kan nu(ka nu emaw tia 'Nu' ka lo tih ve thin kha leh pa te theuh chu office ah a ko a,
Kan thian dun chuan principal office chhunga thutna awm ah chuan kan nu leh pa te ve ve kan nghak a, Ka nu leh pa te an lo thleng ta,
Ka nu chu office a lo luh veleh chuan min rawn kuah nghal a,"Aw!! carter,bawihte, enga ti nge in insual a,school ah insual loh tur ka ti lo em ni?"

"Ni e, bawiha,insual hi chu a tha lo a sin,min han hrilh teh le...eng nge thleng?...chhan awm lo ka fapa hian mi a sual hmasa hauh lo ang...min han hrilh teh le.." ka pa chuan ka darah a kut pahnih nghatin, ka mit a en kar chung chuan a ti a

Chutih lai mek chuan ka thianpa nu leh pa pawh an lo thleng ve nghal.

Ka pa bulah chuan, " Ka thianpa hian,I nu hi i nu tak a ni lo" min ti anih kha, tap tuau chung chuan ka ti a.

Ka thianpa Oliver-a chuan, "I nu tak a nilo, anu pawn a sawi vek, ti raw anu" a la tang kawh nasa mai, nu leh pa angchhung ve ve a awm kan ni bawk a kan tanhmuh ah chuan pawr vet vet tak kan ni.

"Dawt,dawt i sawi, Dawt sawi suh" kan insual leh hman tep a, kan nu leh pa te ve ve in min lo pawt then hman

chutah Kan Principal chuan,"A tawk, in insual leh chuan school atang hian thla khat chhung suspend in ni ang"

Kan pa te ve ve lam chu han melh a,"Pu Harry, Pu Joseph, vawiin atan chuan in fa te hi haw pui hrih phawt mai rawh u,an buaina hi keini lam chinfel chi a ni lo ve,Tun ah chuan lo va haw phawt rawh se, school chhung in sual leh a nih erawh chuan thlakhat suspend an ni tawh ang, in fa te buaina hi chu nangmahni chinfel chi a ni e"kan vai chuan Principal Office atang chuan kan chhuak hna hna a.

Oliver-a pa te pawh hi ka pa te ang chiah a sumdawng lian ve tho an ni a,a pa leh ka pa hi an in kawm ngeih khawp a, bangalore ah chuan ka pa thian rin ngam ber te zing ami ani.

Oliver-a nu leh pa pawh hi sumdawnna vang bawk a innei ve tho an ni a, mahse an ni chu ngaihzawng nghet neilo ve ve an ni thung, an inneih atang in an mizia a in mil hle tih an hre chhuak a, an lo in hmangaih ta,Oliver-a hi an nei a, Oliver-a nen hian kum khat chhuak kan ni nghe nghe.

Ka pa leh pa joseph-a hi college khat ah an kal thin a,Pa joseph-a nupui Kaitlyn-i hi an senior most laiin an junior most an ni thin a, nu kaitlyn-i pawh ka pa bialnu, tuna ka "NU" tia ka koh tak Emily nen hian lo in classmate leh chiah chiah a.

Emily nen hian, Ka pa hi college an kal dun atangin an in kawp deuh chawt a,nu Kaitlyn-i nen hian college atanga inhria bestfriend an ni nghe nghe a, thu a chhia, a tha an in hrilh tawn thin..Ka pa pawh hian a bialnu tana mi pawimawh a ni tih hria in a be tha ve hle thin, bakah nu kaitlyn-i hi chu a ngainatawm ve hrim hrim bawk a.

School pawna kan motor ah chuan kan chuang lut a, ka nu leh kei kan luh zawh chuan Pa Joseph-a chuan " Hawh harry, thiana, ka lo be lawk ang che chu, thil sawidun tur kan nei thal in ka hria, min lo zui lawk teh"

School bang phen ah chuan, an inzui phei a...Eng emaw dik lo chu a awm a nii... rei tawk fang an va titi hnu chuan ka pa leh pa joseph-a chu an lo let leh a, ka pa chu car ah chuan a rawn lut a,in kan thlen thleng chuan tawngkam khat mah a chhakchhuak lo..kan ngawi vai chuan kan ngawi thap...In kn thleng ta....ka room ah ka lut nghal a

Harry's POV:

Balcony ah chuan thlifim dawng turin ka thu a, thil dik hi ka ti chiah em tih ka in ngaihtuah mek

"Harry, i fapa hi thudik hrilh a hun i ti ve lo em ni, a la naupan lai hian thudik hi hrilh la tha ka ti khawp mai, a lo lian zel a nga, engtik ah emaw thu dik a hriat hi a la ngai tho tho dawn a, a hma lam a a hriat hian a tha zawk i ti ve deuh lo em ni." Joseph-a thil sawi oawh pawh chu dik ka ti ve hle, mahse hrilh ta ila a rilru na kehchhe lai tur hi ka hmu thei thlawt lo a tin ni.
Emily pawh ka hnung ah chuan a lo ding reng a, ka lo hre lo re re,min rawn kuah a, "Harry, bawiha hi thudik hrilh a hun tawh in ka hria,mahse a pa i nia i thu thu, a rilru pawh a na ang, mahse thudik hi a hma lam hian hria se,hun a lo kal zel a nga a hrethiam ve mai ang"

"Emi, keima thiamloh vek a ni, ka pa khan
Angela-i nei tura min tih khan,ka pa bula nupuia nei tur a dil che ka tum a mahse engmah ka sawi hman lo,engtin maw takin ka lo hnial tur a nia sin, khatih lai khan ka pa company kha a rukin a lo buai lutuk a, ka pa company kha a tlachhe tep a, Angela-i pa chuan ka pa bulah Angela-i nen kan inneih phawt chuan ka pa chu a company venghim turin i puih tur thu a lo hrilha, ka pa hian a company hi retheihna atanga a din a ni a,a tan a hlut zia ka hria, chuvang chuan kan in hmangaihna dah tha in ka pa tana ka tih theih sang ber leh a company venhim nan Angela-i kha nupui ah ka nei ta a ni."
"Mahse maw, Angela-i kha ka kiang ah awm reng mahse nang hi ka theihnghilh ngai lo che asin. Hun tha pek ve pawh ka tum thin mahse ka theilo, ka tum poh leh ka ngaihtuahna i luah si.
Kan inneih hma khan inremsiam na kan siam a chutah chuan 'kan nun ah kan in rawlh lo ve ve ang kan ti a, kan pa te company ve ve a din chhung chuan kan inthen lo ang a, khum khat ah kan mu tur anilo bawk ang,tuman an hriat ve a rem lo a,kan pahnih inkar ah chauh a awm bawk ang'tih hi... A rilru a chhelo a, nupui a nihna pawh a hlen hneh khawp mai.

Zan khat chu Joseph-a te nen, kan thianpa birthday kan lawm a, zu kan in ho a, ka lo rui deuh bawk nen,zing dar 2 velah ka haw a,doorbell ka hmet ri a, ka nupui in a lo hawng a, ka nupui chu ka,nangmah ang hian ka hmu tlat a, chu zana thil thleng avang chuan Carter-a hi a lo pai ta a, kha mi zan bak kha chu nupa nun vawi khat mah kan hmang leh tawh lo. Pasal ka nih na angin ka tihtur chu ka hlen ve ngei a, clinic ah check-up tur pawhin ka hruai ve ziah, pa ka ni dawn a ka hlim lutuk, mahse, ka hlimna a kim lo,'Angela-i hi Emily kha ni ta se, ka hlim a kim ngei ang le' tiin ka ngaihtuah ziah thin che,
Emily pawh a rai lian ve tawh hle a, ka pa in company enkawl turin min tih avangin Bangalore lamah ka chhuk thlak san ta a ni...Carter-a pian lai pawh hian Mizoram ah ka awm lo. Bangalore ka awm hlan hian ka pu zawn chu a lungphu chawl avangin thi, a company pawh chuan a tuar hle a,a tlachhe ta a....

Chutah Angela-i chu ka bia a, 'Angela, tunah chuan inneih chhan tur kan nei ta lo, ka tawrhpui hle che,mahse naute i neih hma thleng kan innei a nga, naute pian hnuah ka rawn haw anga min chhuahsan nghal tur a ni'tiin, tun hnu a Angela-i tana a lo nat dan tur kha, a pa a chan a, kan company an tlachhe bawk a, kei lah in ka lo then a, chhuak turin ka lo ti bawk , ka khawngaih leh hnuhnawh khawp mai, mahse a sawt tawh bawk silo a,...

Carter-a chu a lo pianga, a pian hnu thlakhat la tlin loh deuh ah chuan chuan ka haw ve thei chiah bawk a,Angela-i chuan min chhuah san ta, chuta tang chuan Carter-a hi a hmuh ka phalsak lo a, vawi tam min dil a, ka phalsak ngai lo, vawi tam a fa hmuh min dil a a tawp nan tiin a fapa piancham vawi 2 ma kan lawm niin hmuh tir ka phal ve chauh a, chupawh nang a nu Emily thian ang in, khata tang khan vawi khat mah a nun a lo lang tawh lo turin ka intiam tir bawk a. Mahse he thu hi ka fapa hrilh turin chakna ka neilo a ni" tiin Emily chu ka hrilh a.
"Carter-a chu va bia la a that ka ring" a nui sen sen a henu hi chu ka va hmangaih chiang tak, ka pa bulah khan ka thil sawi tum kha lo sawi hman ta ila tun hi kan thleng awm silo a.

"Carter, bawiha" a rum chu ka kik a, a rawn hawn mai loh avang chuan ka hawng a.

"Carter, bawiha, in be lawk ang hmiang" khumah chuan in lukhup hian a mu a,

"A pa...anu a ni ti raw, Oliver a khan dawt a sawi mai mai ti raw" tap tuai chung chuan a lo ti a.

"Bawihte, khawngaih takin i pa min ngaidam rawh aw, Oliver-a nu khan a sawi dik chiah a ni, Emily hi i nu tak tak a nilo a lawm"

"Dawt i sawi" a la ti fan a, ka kuah a, ni e ani ang rual tan chuan he thu dik hi hriatthiam a har khawp ang.

"Sawi lo e bawihte,Emily hi i nu tak nilo.mahse i nu tluk zetin a hmangaih che a sin, hei hi thudik chu a ni, nakin ah ilo puitling a nga i hre thiam ve zel mai ang, Emily hian a hmangaih lutuk che a lawm"

Thudik zawng zawng hrilh che ka chak asin ka fapa, ka ngam thlot lo a ni, thudik kim chang i hriat hunah chuan i pa hi mjn va haw ngawih ngawih dawn tak em, mahse i pa hi min ngaidam rawh aw, khawngaih in min ngaidam hram ang che.Ilo puitlin hun ah engkim a bo a bang awm lo in ka hrilh vek ang che.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:25 pm

Ivy-6

IVY's POV:

Ka nau pai pawh thla 5 a tling ve der tawh mai,ka chaq ei pawh a la tui tluang zel a, unau nu Nurse ka nei bawk a, helam field ah ro ro hi chuan Ruatpuii chuan min enkawl hneh khawp mai.
Iron tablet leh folic acid pawh nau pai tana ei tan hun tur diktah a ka ei.....







Check-up tur pawhin, phir pai ka nih avangin nau pai dang te aiin kan kal ngun bik a, ultrasound pawh kan ti zing vet vet khawp mai, naute lamah harsatna a awm lem lo....Ka nurse hian min enkawl tha em a lawm...







Ruatpuii's POV:

Tunlai chu ka buai ve vet vet khawp mai,ka unaunu nau pai hi ka lo phur lutuk a, awm lo pawh in ti maithei, unau te chhiattawh kara lo phur tlat chu, mahse keichuan chhiat a tawk ka ti ve thei lo, Pathian in a khawhar hnem tu tur a pe ah ka ngai hmiah.







Ka pa te unau hi an rual ve hle a,an vaiin pasarih an nia, an fate zawng zawng zingah hian,hmeichhia pahnih chiah kan awm a, a bak chu mipa vek an ni. Kum khat chhuak hi pathum kan awm a, Lalawma, kei leh Ivy te kan nia,Lalawma hi January thla ah a piang a, kei June chuan Ivy chu november ah a piang thung...Ka nu te lam ah pawh mipa vek an ni.







Ti khan ka phur ruk em em chhan chu in hrethiam in ka ring..."Anuteii" ka ni ve tawh dawn, pakhat mai nilo pahnih laiin 'anute' tiin min ko dawn a, nangpawh ni la i phur ve tho ang ka ring tlat.








Ka unaunu enkawl hi ka mawhphurhna ah hian ka dah deuh chawt bawk a, a thla in ka lo upa zawk khanglang nen, pianpui unaunu ka nei lo bawk nen,ka nau tak tak ang hian ka en a, ka theih tawp in ka duat ve chuan ka hria.







"Ehe tun thla hi june a lo ni reng" calendar ka en vat...."yes naktuk ka birthday,Vy,naktuk ka birthday, khawiah emaw leng ang aw,cinema en ka chak ,min enpui rawh aw,cinema en hi ka chak thei lutuk,kalpui tur an awm loh bakah hun awl ka nei meuh lo a,ei tur te kan ei a nga, tui deuh deuh,i duh zat zat i ei dawn nia, ka chawi vek ang" Ivy nen a tv kan en lai mek chuan ka ti chhuak hlol a.










"Aa chutiang a ni thei lo,i birthday a nia, nangman i chawi vek in, a dik thei lo, keiman ka lo chawi vek ang, aww,.. hrilh ngai lo a hre tur ka nia sin le, present te ka pe tur che nia, naktuk chu i duh duh kan ti dawn nia, mu tawh ang hmiang" nuih hak hak pah chuan a tho a.










Tv chu a off daih a " mu hma rawh naktuk, i tana ni special ni turah hian i hmeltha lo palh ang,zanin ang ah te chuan mut hma hi a tha ngai" tih pah chuan ka room lam panin min nawr phei nawk nawk a...zan dar 12 a ri chiah, ka room a rawn in hawng de de a,
" Happy birthday to you,Happy birthday to you,Happy birthday dear Ruatpui, Happy birthday to you" ivy chu cake nen chuan a rawn lut a. Ka khum ah chuan a rawn thu a.










"Wish siam la, bati kha chhem hlum rawh le" nui sang hian a ti a,bati chu ka chhem hlum a, ring deuhin kut a lo beng a, a chang hi chuan a che naupang chhia ve thei reuh lutuk,mahse hei tak hi a mizia ti ngainat awm tu a ni lawi si.











"Engtinnn nge ccaake..." ka sawi zo hman lo, a nui a ,min lo chhang nghal











"Mawllian" ka hnar ah rawn pia pah chuan a ti a, " I birthday ka theihnghilh hi i ring tak tak em ni?..I birthday ka theihnghilh ngai loh khaaa....I birthday ah ka wish loh che i hre ngai reng reng em? Phone tal pawn dar 12 ah ka lo wish ziah che kha, ka unaunu leh ka thiantha ber birthday ka hriatloh chuan ka mawl hle tihna a ni mai"












"I theihnghilh tak tak emaw ka lo tia, ka lung kha chu a awi vak lo...ka hrilh che khan...mahse naktuk ah min treat dawn tho a ka tia ka in hnem lungawi leh a,hetianga min lo surprise hi chu ka ring pha lo re re....ti hian ka hrethiam chiah mu tura min nawr luih chhan kha....Min lo surprise i duh vang hi nimaww"












"Yasi....tunah chuan muu leh tawh rawh le, naktuka ah kan chhuah dawn kha, i hmeltha lo palh ang, keipawh ka mu a nge"...ivy chuan min chhuah san leh ta.












Ka mu chu ka muhil leh ngal a,mumang hi ka lo nei a.









Hmana ka bialpa hlui,ka first love ve ngat Sawma ngei mai kha ka mumang ah ka hmu a, kan lo in ngaizawng tha leh a,hmun nuam deuh ah kan kal a,park ah te kan lo leng ka hawi kual a tuipui kam a lo ni daih ka hawi vel chuan ka hma ah chuan light house mawi zet hi a lo ding a,awii!!! ka duh thei lo tuipui kam ah kan lo awm reng ka mumang emoni le,a tak a ni thei lo hrim hrim, mahse a tak a ang bawk sia.
Ka han insik vak a na erawh ka hre thei miah lo, ka hnung lam atang chuan Sawma chuan min rawn kuah a, a lam hawiin min kuai her a, chuata ka hma ah tak ah chuan a a ke pakhatin a thingthi a, a ipte a zen a...sap movie en nasa chuan enge thleng dawn kan hresa vek...Awiii!!! ka mumang nilo hram se...tichuan Sawma chuan a ipte atang hian bawm sen,a kawm pawh a rawng sen a puan pawh a suede ngat, chu a rawn phawrh a, a han hawng chiah mai chu...awii!! ka thil hmuh hi ka mumang ni lo hlauh rawh see...sap ho in diamond ring an tih ang ngei mai hi, a lo awm a nih chu....Sap film en tam loh ka ngai dawn anih hi....ka ti rilru a















"Ruat, ka hun kal tawh zawng zawng leh tun thleng hian ka hmangaih awm chhun leh a tawp na i ni, kan intawn ni atang khan ka hmangaih nghal che a, nang anga hmeichhe danglam hi ka la tawng ngai lo, ka ta a siam che hi ka duh tak zet a ni, ka hmangaih ang che hian min hmangaih ve a nih chuan, Ruat, min nei ta che?Kumkhua a awm duh turin..Min nei duh ang ngem?"



















Awiii!!! ka beisei loh thil a ni,mak ka ti bawk,ka hlim bawk, ka mittui te a tla hial,Chhang tura ka ka ka an lai mek chuan








"Ruati tho rawh,Lalruatpui zing a ni tawh tho rawh,murei lutuk mai, nula tiang chen chen mut te chu a awm lo lutuk" ivy in ka khum ah min lo sawi nawk nawk....ka mumang kha, ka ui ve thlot!!










"Dar engzat nge?" ka la ham bai bai,ka lu thak lo pui chu ka hiat pah nuah nuah a,









"Dar 8,i duty don lo em ni, Eng nge i mumang ah i hmuh a, i la khi vur vur lehnghal a, i tlai ka hlau sia ka lo inthlahrung tak chungin ka lo kai harh tawp che nih kha...i mumang chuu??? tu emawni sipicial deuh i hmu ni chiang mai" a dar in min nghawk pah zeuh, a nui vur vur bawk...











"Ka duty dawn lo vawiin chu ka day off a lawm, bakah ka birthday a nia, kan lawm dawn kha, chawlh ka la a,ka inbual fai a nga, chhuak nghal ang awww, lo va insiam rawh, chhuah naah thil kan ei mai dawn a nia" Ivy chuan insiam turin a room ah phei san a,khum atang ka tho a, ka puan sin lai ka thlep fela, ka khum chu ka pawt mar thuak thuak a, towel ka la a inbual turin bathroom ah ka lut a.











Ka mumang mawlh mai khaaaa,ka lo ngaihtuah leh vung vung zel.. ka ui ve thlot a lawm!!












Ka lo insiam mek a, ka room ah ivy a lo lut " Ruati,enteh, hei naute hi an mak lutuk, an che in ka hria, ka insiam lai khan ka pum an rawn pet a" ivy naupai pawh thla 5 a tlung tawh tak, naute che naute nuin a hriat theih hun chiah a ni,












"Ruat, kha an lo pet leh tawh" kan pahnih chuan darthlalang ah ivy-i dul chu kan en a, ivy dulah chuan ke thla pahnih hi a rawn lang tiak a,a duhawm reuh lutuk,an te si a,kan pahnih chuan kan in en a nui dun kar kar a, ka unaunu hlim hmel hi chu a hmuhnawm a ni, a duhawm thei lutuk.











Ivy nen chuan eitur kan ei hmasa ber a, kan ril a tam bawk a, kan han chah tak tak mai kha chu,waiter pawh 'hetiang zawng zawng hi in ei thei tak tak dawn emaw ni le' ti awm tak hmel hi a pu, kan dawhkan khat vekin kan eitur kan chah a, kan ei zo vek.Delhi ka awm atanga thil ka ei hnem ber ni a ni awm e....
Bill te kan pek fel hnu chuan dawr chu kan chhuahsan a.












Cinema hall lam pan turin kan in ruahman a,Ola(Uber) ka book a, min 5 hnu vel ah a lo thleng a, kan chuang a, kan tum ram kan thleng ta...ticket booth ah chuan Ticket kan va la a, FROZEN 2 kan en dawn a ni.









Theatre chhungah chuan kan lut a, rei lo te ah movie a chhuak tan ta, cinema kan vawi khat enna a ni bawk a,nuam kan ti khawp











Movie a kal zel, a tawp lampampang Kristoff-a'n Anna-i nupui atana sawm a tum lai scene kha a lo lang chiah a,












Kristoff-a'n a ke pakhata a thingthi chunga, Anna- i hnenah a hmangaih thu leh "will you marry me?" "min nei rawh" a tih lai chiah khan ka mumang min hriatchhuah tir leh zawk a,film pawh chu ka en zo lo, ka rilru a lak pen in a awm miau a lawm.Ka mumang bawk chu ka lo ngaihtuah leh vung vuang tawh a.











Ivy chuan "Ruat, Lalruatpui" min rawn nghawk zeuh. Ka suangtuahna ram atanga kaih thawh in ka awm leh ta...











"Enge i ngaihtuah a,film ngaihsak lo lekin lo in, khap lek lo in i melh ngai i melh run bawk sia. eng hi nge maw ilo ngaihtuah bik thin, film a zo tawh bawka, hawh i chhuak ang...mak thei vung vung emai a"











Theatre chu kan chhuahsan a, park a len kual vel mai mai ka chak leh tlat,
"Hawh vy, park ah leng ang, hawh kan awmna atang hian Nehru Park a hla lo, Ola(Uber) book ila kan kal thei, ilo chhuk thlak atangin, park ah pawh kan la leng hman lo a, nuam i ti ngawt ang, ola pawh ka book tawh e,minute 2 hnu ah a lo thleng ang"











Kan motor nghah pawh a lo thleng ve ta a lawm,ola(uber) app hi chu aw a van tha tak,khualzin tan te hian a van tangkai dawn tak,kan motor hman tur kan book zung zung theih bakah,motor awmna kan hre zung zung thei a,motor a chuan lah in kan awmna lai kan track vek thei bawk.Chutah kan motor hman man hi driver ten an thu thu in an san theilo, phone screen ah a man zat tur a lang vek miau a lawm.Rickshaw-a chuan aiin a la him zui bawk si...a tha ve thlott ani.








Darkar chanve vel kan tlan hnu chuan kan tum ram Nehru Park pawh kan thleng ve ta. Nehru Park hi kan(India) prime minister hmasa ber Pandit Jawaharlal Nehru-a hming chawiia an phuah a ni a, kum 1969 ah khan he park hi an siam tan a ni... Delhi ah chuan Park hming thang pawl tak a ni a, a hming vang ringawt pawh hian tlawh tu a ngah ve hle thin.A boruak ber hian mi a hip a, vai ho te pawn chawlhni velah chuan chhungkua a len khawthawn nan an hmang thin,park dang angin a lian em em lo a, square kilometer khat a tling lo deuh chiah chiah bawk.










"Hawh vy thla la ila kan chhungkaw group ah kan post don nia" kan la teuh, ivy hian thlalak a lo thiam reuh lutuk a, kan chhungte lo hmuh ve atan whatsapp a kan chhungkaw group ah chuan ka post bawk a.











Chutia whatsapp a ka online mai mai lai chuan message ka dawng a
"Happy birthday Ruatpui🎂" tih zawng te hi, number hlang a nia, a dp(display picture) ah engmah a hmang lo a, a display name ah chuan ~keimah tih a ni bawk si












"Ka lawm e" tiin ka chhang a, a deliver nghal a, a blue tick nghal, typing.... a in ti mek.









"Keipawh le..Nuam deuhin hmang ru aw.." a type rei ang hu chuan sawi tlem leh fu,









"Awle ka, lawm e" ka reply ve nghal, ka thawn rual chuan a blue tick leh nghal a....min chhang tawh lo, tu tak chu ni ang maw..









Park ah chuan tlai thim thlengin kan awm a,haw kawng ah kan in hnawh puar te te a in kan thlen meuh chuan Zan a lo ni der tawh a, kan lenna lamah kan chau ve deuh bawk a, kan room ve ve ah kan in luh san nghal a.








Ka in thlak a, bathroom ah inbual turin ka lut a, ka inbual zawh chuan ka khum lam ka pan a, mu tur a ka in buatsaih lai mek chuan, ka phone a rawn ri ral ral mai le...."Tun ang hunah te....tunge le" phun nuah nuah pah chuan ka phone ka chu ka la a.









Ka phone ka en, number hlang hian min lo call a,lak loh ka tum hmasa zet a, mahse a a pawimawh takin tiin ka la a,








"Hello" min lo phone tu chu a ngawi vung vung
"Tunge aw?" engmah a la sawi chuang lo, a ngawih tak vung vung si ah chuan line k cut a, alarm ka set a,ka phone erawh silent ah ka dah a, ka khum sir dawh kan ah chuan ka dah a,ka mutsan, ka chau bawk a ka mutui ngang mai.








Mumang ka lo nei leh, amak e, tunlai chu mangnei-i ka ni ringawt a lawm.



Hospital ah ka lo duty a,zan lam a ni,ka thawhna hmun nilo hmun dang daih hi a lo ni a, sana ka en a zan dar 10, damdawi pek hun a ni chiah,khum nambar 1-na,2-na, ka phei zel a, khum nambar 3-na ka thlen chuan ka ding chawt, a damlo nilo in, damlo awmpui tu vang zawkin in,midangin an hriat thiam ka hlau a ....ngawi reng chuan ka tih tur chu ka zo...kan ward ah chuan khum 14 a awm a, ka pek zawh vek ah chuan nursing station ah ka let phei a.Report ka ziak nghal a.









Ka hawi chhuak chu, khum nambar 3 na damlo awmpui tu kha ka thutna station lam pan chuan a lo phei mek a.Tunge a nih ka hre chiang khawp mai, ka bialpa hlui Sawma a ni.Ka duty pui te bulah chuan "Bathroom ah ka kal lawk dawn nia" ka tho a bathroom lam ka pan nghal, bathroom kal ka mamawh tak tak vang a nilo tih chu i hriatthiam mai ka ring.






Step ka thlen chuan ka hnung a kal thawm ka hria, ka ding thut a, thawm pawh chu a reh ve nghal.Ka kal leh a min zui thawm a awm leh nghal a. ka din leh a ding a, ka kal leh a kal a.Ka leh hawi ta....Tunge in rin le???









"Tinge min lo zui reng a" ka leh hawia, ka hma ah chuan, sawma chu a lo ding reng a.

"Hawh inbe lawk ang.."
"Nang nen hian sawi dun tur kan neih ka hre lo e" ka ti ve hmak.
"Mahse ka nei a lawm" fiah deuh chang fak hian a ti
"Mahse keichuan ka nei ve lo a lawm, min rawn zui tawh suh," ka luhlul chhuah in ka kal san hmak a.








Ka alarm rawn ri tlang tlang a, alarm ka off, ka tho a, ka inbual a duty turin ka insiam nghal a, morning duty hi dar 7:30 ah kan tan thin a,mahse dar 7 ah kan thleng thin.
Zan lam duty in hand-over bu ah a lo ziak a, a thil ziah kan hriat thiam loh takin a tawi thei ang berin damlo a mal te te dinhmun, an natna te an khum ah kal kualin kan in hrilh thin a ngai thin a.








Kan awmna hi ka thawhna damdawiin atangin a hlat deuh avangin zing dar 6:30 ah in atang ka chhuak tawh thin.









Ka inbual lai chuan ka mumang kha ka ngaihtuah chhuak leh a, a mak hle mai zan hnih a zawn in ka hmu tawh a, ka mumang kha a tak lo ni ta se engtin nge ka chhan ang....








Ni e, sawma hi ka la duh ngei mai, mahse mi pa a ni tawh a, chance a awm tawh lo...a nupui neih ni a ka rilru nat zia te kha....ka training lai a a la ni zui, ka kal hma khan in then lo turin kan in tiam a, mahse, a lo rinawm lo, kan inthen a, kan inthen atanga thla hnih ah nupui a nei nghal.








Ka insiam zo, kal turin ka inpeih ta, room atanga ka chhuak chu
"Ruati, hei i tiffin tur ka lo siam che a ,zing lam i duty chang hian chaw ei lo hian i kal tawp thin sia, i pum in a tuar palh ang, in buai ve thei sia, i thiante nen in ei dawn nia, kha ka dah teuh mai..."









"Ka lawm e" tiffin chu ka la a, ka mizia in thlak chu IVy chuan a hrethiam a niang...





"Ruat, thil thleng a awm em ni?, ti nge i mizia dang tlat a ka hriat ni?,i tha em?"



"Umm ka tha a lawm, ka kal phawt ang aw...bye" keimah ang lo deuh kn ka tawng deuh hmuk hmuk, a mak tawp ka mumang vang pawh kha niang ka mizia a in thlak thut hi..








Carter's POV:
Bar ah in ti hlim turin kan thian ho chuan kan kal a, ka thutna atang chuan nula pakhat chhelo ve deuhin min melh reng tih pawh ka hmu thei,min melh dan pawh in melh mai mai ani lo tih ka hria,
min melh dan ah chu mi pangai tan chuan a kianga va kal tura sawmna a ni tih pawh a hriat theih, min rawn nuih sak a, a nui mawi kher mai.A hmel pawh a chhe hran lo.








"Bawiha,eng ti zia nge ni, i hlim loh hmel riau mai, tunlai hi ka Carter-a hriat kha i ni tawh miah lo, Mizoram-a i han kal atang khan i mizia a dang"Oliver a chuan ka dar a ben thak thak pah chuan a rawn ti a...



Oliver-a chu in hriat kha, kan naupan laiin kan insual tawh, mahse ngaihdam kan in dil tawn kan pa te angin a thian tha tak mai kan ni ta.Tun thleng in ka rin ngam awmchhun a ni. Doctor(MBBS) a zir a, Paediatric surgeon hna a thawk mek a ni.









"A leh mai mai thin a,hmana i thianpa Carter-a kha tuna i hmaa thu Carter-a hi ka la ni reng alom, engmah a nilo"ka ti thuak a, ka no dawm lai chu ka tlak pap a.








Oliver-a phone chu a ri aaa.
" Kan chhang lawk,Aw sawi rawh....Maw!! aw ka lo kal nghal'









"Thianpa hei mi zai tur ka nei thut mai....ka kalsan phawt ang che aw"








"Doctor ho tak hi chu aww...Awle va kal ta che, keipawh ka haw har lo ang."min kalsan ta.









Nichin a min melh tu nula hmeltha-i lam chu ka melh a,ka melh leh melh lo rawn en zuk, ka lo hmu reng, nui sak pah hian a thiante lam chu a hawi a, min ngaihsak awm lo deuh hian a ti ti mawlh mawlh a,a va pan phei hma chuan no khat dang ka tlak leh pap.











"Hi"kaw aw key te chu ka han ti hniam vel a, zei fahran in ka vei nuih sak,
"Hi!"min lo nuih let ve nghal...kan in be zel....Kan in pa a kan titi pawh a tui dun khawp mai....Hetianga ka awm loh na hi a rei tawh a,nuam ka ti.











Eng thil nge thleng a i rin leee?...hehe.....ngaihtuah peih te tan 🙃

















Zing ka harh chiah chu, ka room a ni lo tih ka hre nghal, ka bulah chuan nizan lamah ka hmuh nula-i kha tui takin a lo mu zui.'Eng thil nge ka tih tak!!!'boxer nen chauh ka la mu zui ...Ka tho vat a, ka thawmhnaw chhuata awm chu ka in thawlh sawt sawt a, room chu rang fe in ka chhuahsan ta a......

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
CLICK KHA THEIHNGHILH LO ANG U AW!!
Post Reply
  • Similar Topics
    Replies
    Views
    Last post

Who is online

Users browsing this forum: Google Adsense [Bot] and 31 guests