IVY BY INIROS 16 (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: IVY BY INIROS (Completed)

Unread post by Ngaia » May 3rd, 2020, 4:27 pm

Thupha chawina:Nizan lamah khan thui tak ka ziak theiloa, min hriatthiam zel thin avangin ka lawm khawp mai, ziahloh kha ka hreh ve bawk sia, ziah loh ai ah ka rawn ziak hram hram a ni e..... zaninah chuan a sei thei ang ber turin ka rawn ziak e, ngaihnawmin tih ngei ka beisei😁,in chhiar zawh ah in ngaihdan lo sawi zel turin ka beisei deuh tawp cheu a nia aw.... hehhe.. ngaihdan inlo sawi bawrh bawrh hian a nuam ka tih bakah ka hlawk thei teh mai nia....





Ivy-13

Ivy's POV:

Phone call ka dawn hnu chuan Carter-a awmna hospital lam chu ka pan a, hospital ka thlen meuh chuanin ICU ah a awm tih min hrilh a, ICU ka thlen chuan nurse pakhat hi dawhkan hma ah chuan a lo thu a,
"Khawngaihin, Pu Carter Zothansanga hi a hmuh theih em le?"
"Tunah chuan damlo hi a dinhmun a tha rihlo lutuk a, tuma hmuh phal a ni rih lo a"
"Khawngaihin vawi khat tal min hmuhtir hram rawh" ngenngawl tak chuan ka han dil a
"Ka pi i tawrhna chu ka hriatthiam pui lutuk che, mahse damlo hi tunah chuan a dinhmun a tha lo em a, hmuh theih a la ni rihlo a ni, i hriatthiam hram ka beisei"
"Khawngaih in,vawikhat chauh a hmel min hmuhtir hram rawh" ka mittui chu dan zawh rual loh in a rawn luang zawih zawih a
"Ka pi, i tawrhna chu ka hriatthiam pui lutuk che, mahse ka hmuhtir thei lo che a ni, Leh lawk"
" Aw, enge"
"Ivy i ni ang maw? Heihi Pu Carter-a phone a ni a, a chhungte biak pawh dan tur i hriat takin" phone chu min pe a, a phone wallpaper ah chuan nizana kan thlalak ngei mai kha a lo la hmang zui, ka tap leh ta hawm hawm a.
"Ka pi, ka khawngaih hle mai che, lo kal teh, pu Carter-a i hmuh theih dan tur ka hrilh ru ang che"
"Carter-a ka hmu thei dawn maw?,Eng tin??"
"He thil hi ka ti tih an hriat a, manchhuah ka nih chuan hremna ka tuar ngei dawn a, in manchhuah tir hauh suh ang che"
"Awle"ka tap bang ta, Carter-a ka hmu thei dawn
" Chawhnu dar1 ah shift hi kan inthlak thin a, vawiin chu ka duty inthlakpui tur a lo tlai deuh hlek dawn a, alo kal hma deuh chuan ka thawmhnaw thlak turin ka kal a nga, chutia ka awm bo lai chuan i lut dawn nia, mahse min 10 aia rei lut suh ang che, anihloh chuan an manchhuak che a nga, ka hna ka chan mai thei bawk, kan pu ber hi strict lutuk mai hi a nia, va fimkhur hle ang che aw"
"Awle ka lawm e, enge i hming khah? "
"Sanvi ka ni e"
"Ka lawm e Sanvi, Lalpa'n a let tamtak in malsawm che rawh se.









Tichuan Sanvi min hrilh ang chuan Carter-a mutna pindan ah chuan ka lut a, a lu chu bandage in an lo tuam bur a, a khum bul ah chuan, khawl lian tak tak panga (a ai pawn a tam mai thei) vel hi a in hung ruah bawk a, tichuan a kah ah chuan pipe lian ve lam pang hi a oxygen mask ah chuan a in vuah bawk a, a nghawng chu nghawng cherna in an cher bur bawk, ka mittui chu dan rual loh hian a rawn tla leh, tu nge mahni hmangaih te na lai hmu in hlim thei bik ang ni.









"Carter, ka lo kal asin"min chhang lo
"Hey, a nuih zatthlak miah loh a nia aw"
"Carter, Ivy ka lo kal hi min chhang ta che"
"Carter, khawngaihin harh teh, mawh"
"A tha e, min fiam mai mai tiraw, i fiamthu thawh hian ka nuih pawh a ti za lo, chuvang chuan, lo tho tawh rawh le"









Eng mahin min chhang lo, biak hrelo ang in a mu bam ringawt, ka mittui chu ka dang zo mawlh lo a ni e,rei tawk fang ka tah hnu chuan, ka in ngaihtuah a
"Ni e, ka tap tawh lo ang, Carter-a hian ka hlim lo hmel hi a hmuh duh ka ring lo,ka tap tawh tur a nilo" ka mittui chu ka hru hul a







"Carter ka hlim lutuk a nia aw, lo harh tawh teh mawh" ka sawi vak vak, min chhang lo.
"Ka pi damlo chungah khan eng thil nge tih i tum?" Nurse chuan min rawn ti a
"Engmah tih ka tumlo, min ring rawh"
"Anih chuan damlo dinhmun a that loh avangin hmuh phal a la nilo a,Sanvi hi mi rilru nem tak a ni a, Sanvi'n a khawngaih em che avanga a luh ruk tir che avang chauhin ka ngaidam ang che, tunah chuan lo chhuak tawh rawh le"
"Awle"


















Ti chuan, ka bialpa, khawvel a ka hmangaih em em chu, ka kalsan a ngai ta
"Carter, ilo dam leh hma chu ka nghak ang che, kum 5 emaw kum 10 pawh nghah ngai se ka nghak ang che, ka hmangaih che, dam thuai ang che aw, ka lo kal leh vat ang"
















Carter-a phone chu ka hmet eng a,
"Hello, Pu Harry, Ivy ka nia, Carter-a thiannu"
"Aw, a nih chu, eng nge ni ta le, khawnge Carter-a?" chu zawhna chu kei ang bawka a fa hmangaih tu tan chuan a chhanna dawnsawn har tak a va ni dawn tak em
"Ih, Carter-a...carter-a chu"ka hnuk a ulh tlat ka tawng chhuak tha thei der lo, ka thu sawp ta nuai a
"Aw Bawihi, han sawi teh le, Carter-a chu engtin nge a awm"a aw dam thlap chuan ka tah a ti chhuak zual leh sauh.
"Ih, Car... carter-a chu damdawiin ah"ka sawi chhunzawm thei lo
" Aw, khawi damdawiin ah nge ni Bawihi"
"Apollo Hospital-ah"
"Awle, lo hlauthawng lo la, kan lo thleng nghal ang"phone chu ka hmethlum a.













" Carter" "Carter bawiha" Carter-a pa leh a nu ni awm tak leh nu pakhat nu hleitling zet hi an lo kal a.
"Ivy, Carter bawiha chu eng tin nge a awm?"ka mit ah tak chuan en in min zawt a, chutah tak chuan ka tah a chhuak zual leh ta, Carter-a pa chuan tih ngaihna a hre bik lo, a awm nghengin min kuah a,min tah tir tawp. Ka pa ang maiah ka ngai a, ka thla a muang siai siai thei nia.
"Ivy, bawihi, ka fapa chu engtin nge a awm?" Carter-a nu zawk chuan a han ti leh a,











"Nizan kan in atanga Carter-a haw khan truck nen an insu a, truck khalhtu kha a rui hle an ti nghe nghe, a hmun ah ka pawh chhawn lo in a thi nghal bawk. Carter-a chuan a lu a sawh an tia, nikhaw hrelo in a awm a, damdawiin ah an hruai a, Icu ah an dah mek" ka tap leh,Carter-a nu chuan min kuah leh, kan tap dun hawm hawm a,ka zak ve reng mahni bialpa nu leh pa hma a han tah kha chu, mahse, a na em a ka insum zo thlawt lo a tin ni.
"Carter-a nu,Nu Angela-i,amah hringtunu anih kha" pa Harry-a chuan a ti a.
"Nag hi i ni maaww,Carter-a hmeichhe hmangaih em em chu lo ni, i lo hmeltha in i duhawm em a nih hi ka fapa hian a vei em em che ni, tap tawh suh le,bawihi, bang tawh rawh le, Carter-a chu a rawn harh leh vat dawn alawm"










"Ni e, Carter-a hian kan vai hian min hmangaih em em vek a, he tianga amah avanga kan awm a hmuh chuan a lungawi dawn miah lo a nia" tah insum tih hriat tak hian,Carter-a te lo hruai hmeichhe pakhat chuan a ti a, a ni pawh a tap nasa ve hle tih a mit atangin a hriat.
"Ni e, hawh u, i tap lo teh ang u, Carter-a hmuh atan hmel hlim put hram hram i tum teh ang u" Pa Harry-a chuan a rawn ti ta a.
















Carter-a chu kan turin ni tin ka kal ziah thin a, mahse hma sawn ni reng a neilo, a mut ngaiin a la mu reng,a room kawngkhar pawn atang ringawt pawha ka en thei chu ka tan hian a tawk hle a ni.













Ni khat chu Carter-a kan turin ka kal a, damdawiin ka thlen chuan nu Angela-i a lo awm a,
"Ehe, Ivy bawihi ilo kal ve elaw"
"Aw, i dam em? ,Nu angela"
"Ummm, ka dam e, tun atang chuan Nu Angela ti tawh lo in, Ka Nu tiin min ko tawh ang che aw, Hawh pawn lam ah i va tei chhuak lawk ang hmiang"
"Awle..... ka... ka nu... " ka lai ve deuh mahni bialpa te nu, ka nu tia han koh tawp chu.















Damdawiin kawt a thutna ah chuan kan thu a

"Ka nu, engtin nge ka pa nen hian in in tawn a" a nui a, Carter-a accident atanga hlim hmel ka vawi khat hmuhna a ni nghe nghe
"Thawnthu si tak a nia, i ngaithla duh ang em? "
"Ummm"
"Anih chuan,Carter-a pa nen hian..... "
an thawnthu chu min hrilh a,
"Ivy"
"Umm"
"Khawngaihin Carter-a hi kalsan san suh ang che aw, a tet laiin keiin ka kalsan tawh a,nang leh zel in i kalsan chuan a tuar zo lo ang"
"Awle, ka nu, kumkhua a nghah pawh ngai se ka nghak mai ang"
"Chu ti em em te chu a, i tar hman vek dawn sin" kan nui dun hak hak a, ka naupan laiin ka nu leh pa in min thihsan avangin ka pi in min enkawl a, nu leh pa neih nawm zia ka hrethiam ve hmanlo, Carter-a hi chu a vannei hle a ni, nu pahnih amah hmangaih em em tu leh pa amah hmangaih em em tu a nei bik a, ka thik lek lek a ni.







Nu Angela-i nen chuan damdawiin kawta thutna awm ah chuan kan thu a

"Ti daih ila, Ivy"
"Aw, enge ni ka Nu"
"Engtin nge Carter-a nen hian in intawn ve reng reng a" ka nui a
"Ni khat chu kan dawr ah hian Carter-a hian cake a rawn lei a, chuta tang chuan ni tin a lo kal a, kan in nel chho tan ta a..." kan inngaihzawn dan chu ka hrilh a
"Anih chu mawle,Carter-a hi lo harhchhuak tawh se, innei vat ula ka ti hle, in ngaihzawn rei hi a ngai ka ti hranlo a nia keichuan, innei vat ula fa hmeltha deuh nei vat ula ka tih pui cheu,bakah tu hmel hmuh ka chak tawh a nia " inneih leh fa neih a sawi lai vel chuan ka zak reuh lutuk. Fa ka neih hi hre ta se tiang hian min bia in mo atan min pawn kher nag em le?















Kum khat chhung chu Carter-a chu nikhaw hrelo in a awm tawh a,kum khat chhung khan thil tam tak a thleng a, Ruatpuii leh Sawma pawh an in nei tawh a,an fa hmasa ber an pai bek bawk,Thomasa leh Daisy pawh in nei in Daisy pawh Thomas-a bulah delhi lamah a awm chho tawh a,ka fa te pawh sikul an kal a hun ve dawn ta reng mai, ka hna thawhna lam pawh dawr, hmun dang ah an hawn belh avangin kan pu berin ka dawr nghah lai chu min enkawl tir tawp a, ani chuan hmun dang a mi a enkawl thung a ni.










Vawiin chu ka fa te sikul luhna tur tihfel ka ngaih avangin ka chhuak lawk a, ka tihfel zawh chuan dawrah ka kal zuai a, ka phone a rawn ri ral ral, Sanvi number atangin a ni.









"Hello"
"Aw, Ivy, Pu Carter-a a lo harh tawh asin"
"Tak tak maw!!!....Aw, awle, ka lo kal nghal, ka lawm e, Sanvi"Ka lawm em avangin ka mittui chu a rawn tla leh, ka thahbelh bik ngawt mai.









Damdawiin ka thlen chuan Pa Harry-a, Nu Angela-i leh Nu Emily an lo awm a
" Ivy" nu Angela-i chuan a lo ti vat a, a hlim hmel chu hmuh a nuam kher mai.
"Carter-a chu eng nge a an tawh?"
"Tunah chuan Doctor in a enfiah mek a, a hmuh theih veleh kan lut dawn nia aw"








Doctor chu a lo chhuak a,
"Doctor, enge ka fapa chu a an tawh?" Pa Harry-a chuan a lo ti vat a
"A tha e, accident vang khan,a lu leh a ruh a sawh khawlo deuha,a hriatna a la vai deuh hlek a,a bak chu a tha e"
"Kan lawm e, doctor"pa Harry-a chuan Doctor chu a chibai a.
"Anih, ka pa kan fapa chu kan hmu thei tawh ang em?"
"Aw, hmu thei e, mahse in fimkhur dawn nia aw, thu sawi kha in fimkhur dawn nia."
"Awle, Doctor, kan lawm lutuk e."












Carter-a room ah chuan kan pali chuan kan lut a,
"Aw, ka fapa, Carter bawiha" nu Angela-i chu a i sum zo ngang lo a ni.
"Nu, ti nge i tah a, ka thi bik em hlei nem, tap mah ta che"
"Bawiha, lungai miah suh aw, i dam leh thuai dawn lawm" Nu Emily chuan a lo ti ve bawk a, nu Emily hi a eng zawnga thil thlir thiam mi a ni hlauh hi a zia ngawt mai.
"Bawiha, eng nga ti nge bialnu hmeltha lutuk i nei tih hi kan lak ah i zep tlat a, i lakah hian ka lungawi lo teh a nia aw" pa Harry-a chuan boruak tih zangkhai nan fiamthu te chu a han thawh bawrh bawrh a, kan nui dar dar hlawm a, tak tak ni se ka ti rilru reuh khawp.
"Tunge in rawn hruai hi,ka va hre ngai lo ve "
"Carter,Ivy ka nih hi* " ka lo ti vat.
"Tunge Ivy chu ka pa?"tih ngaihna ka hrelo kher mai.
"Eng thu nge i sawi awmzia chu bawiha, hei i hmeichhe sawi thin, Ivy ngei kha a ni alawm, i hmangaih thin em kha" nu Angela-i chuan a ti a,
"Chutiang Ivy ka hre ngai lo e" ka rilru chu a na kher mai.
"Bawiha, han ngaihtuah chiang leh deuh teh, Ivy hi i hrelo maw, i bialnu, i hmangaih em em thin kha a nih hi"
"Kei hian maw, kei hian bialnu ka nei maw?hmangaih ka nei maw?"ka rilru chu chem a vih sawt sawt ang hian a na, ka mittui chu ka hru zauh zauh a.
"Aw bawiha, hmeichhe pakhat i hmangaih thu min hrilh thin kha, I bula hmeichhe ding ngei kha a ni asin"
"Nu ka va hrethiam lo ve" a ti deuh tlat,
"Ka nu, ka lo va haw phawt mai ang e, Carter-a hian chawlh hahdam a duh ang" ka chhuak nghal hmak a, in lam ka thleng a, khumah ka bawk thlawp, chhuak em em in ka tap a, a na ve thlawt a lawm,ka hmangaih berin min hrelo. Mahse ka beidawng mai tur a nilo, Carter-a hian min hmangaih thin zia ka hriatchhuah tir leh ngei tur a ni.









Carter's POV:


Chutia Nurse in Ivy min hmangaih zia leh kum khat meuh ,ka mut hnu a nitin a lo kal thin thu min hrilh chuan ka hlim lutuk, ka lawm bawk, mahse ka sual a niang, Ivy chu ka fiam leh chak tlat a. Infiam na chi a nilo tih pawh ka hria, mahse min hmangaih zia hmuh zual zel ka duh a tin ni, fiam kher lo pawn min hmangaih zia a hriat theih tih ka hria, mahse ka kianga a awm ringawt ka duhtawk lo, duat taka min enkawl a, a theihna zawng zawng leh a ngaihtuahna zawng zawng min pek ka duh.








Doctor in min check up lai chuan.
"Pu Carter, i tha tawh lutuk e, na engmah a awm tawh lo aw, i ruh hi chu tlemin i sawh deuh a i in dim deuh a ngai ang, damdawi ei tur ka ziak an nga,i zia mai ang,i duh chuan karleh lamah i chhuahna tur lehkha ka ziak a nga i chhuak thei ang aw"
"Ka lawm e, Doctor, khawngaih in ka chhungte bul ah khan ka hriatna tha lo angin i sawi thei ang em?"
"I hriatna a harh tha a,i chhungte chu dawt ka hrilh thei hauh lo ang" a rem ti lo kher mai.
"Anih chuan ka lu ka sawh vangin ni ta se"
"Heiham, enteh pu Carter ka theilo ang" rei tawk fang ka titi pui hnu ah chuan a rem ti ve ta nge nge.










Ivy chhuah hnu chuan
"Bawiha, Ivy kha hrelo tak tak em ni?" ka nu bawk chuan min ti leh a, ka tihpalh ka nu nagni thleng a dawt hrilh in ngai ta mai hi.
"Aw, Ivy tih hmingpu hriat ka nei ngai lo e" ka ti deuh hmak, thildik ka ti em tih erawh ka in zawt ru mawlh mawlh.
"Hawh u, Emi, Angela, Kan fapa hian chawlh hah dam a duh ang, i kal zawk phawt ang u, a thluak kan ti buai palh a nge"
"Ni e, ka nu va haw rih rawh u, in hah tawh awm si a, lo va haw ula, lo va hahdam rawh u, ngaihtuah awm ka nih loh hi" thawven hmel tak chuan ka ti a, ka rilru erawh a nuam chiah lo, ka hmangaih ber rilru ka ti na tlat alawm.
"Anih leh kan kal ang aw, lo in en kawl tha rawh aw, bawiha" ka nu chuan tih pah in ka chal ah chuan a rawn fawp zeuh bawk a, an pathum chuan an inzui chhuak ral ral a.















An chhuah hnu chuan Ivy bawk chu ka ngaihtuah leh vang vang a,Ivy rilru ka ti na hle tih ka hriat in ka thil tih hi a dik chiah em tih ka chiang tawh lo, mahse Ivy hi mi chak a ni a, fa phir pawh mahni a enkawl thei ngat a ni a, he ka fiamna na tak hi dawl turin a chak tawk ang tih ka ring a ni. Naktuk ah pawh a tih dan ngaiin a lo kal leh ngei ang tih ka ring tlat bawk, Sual min ti a ni mai thei e, mahse kei chuan ka hmangaihi hian min hmangaih vanga amah ka hriatchhuah leh nana a hma lak dan hi hriat ka chak tlat a ni. Ivy hma rawn lak dan tur te chu ngaihtuah mel melh chung chuan ka zan lam chu muhil ve ta a.













"Carter" ka hmangaih-i a ni, duat takin ka sam chu a chul heuh heuh.
"Carter, min hrelo tak tak em ni" a mit chu mak tihna leh zawhna hlir in a khat a
"Aw,hrelo" ka ti hmak
"Cater, min hmangaih thu min hrilh thin kha, min hmangaih tawh lo ami" a mittui chu dan a tum ve hle na a, a dang zo lo, ka hmuh hlau tak hian a mittui rawn luang chu a hru leh zauh zauh thin a,
"Ivy maw i hming i tih kha"
"Aw, ni e"
"Anih chuan thil min tih sak ta che"
"Aw, i duh duh sawi rawh, ka tihsak vek ang che"
"Ka hmangaih thin bawk che i ti tiraw?"
"Aw, min hmangaih thin ngei a lawm"
"Anih chuan chutia kei meuhin ka hmangaih thu che ka hrilh che anih chuan ka hmangaih tak tak che tihna chu a ni ngei dawn a"
"Aw, ni e, min hmangaih thin khawp asin"
"Anih chuan engtin nge kan in tawn" kan in tawn dan a sawi lai chuan a hmel chu ka lo en reng a, a hlim sarh mai, min hmangaih tak tak a ni tih kei ngei pawh hian ka hrethei.
"Chutianga thil chu kei hian ka ti anih si chuan ti nge ka hriatchhuah theih miah si loh le" lemchan hi har ka ti ngawih ngawih, mahse tunah thudik ka hrilh anih chuan min haw ngei dawn si, a mitmenga huatna awm tur hi ka hmu ngam si lo.
"Nia, Doctor khan i accident na lam ah khan i lu i sawh ani tih a sawi a, chuvang pawh chuan a ni maithei a ni"
"Anih chuan min pui rawh"
"Aw, engtun nge ka puih theih ang che, engpawh tih ngai se ka inpeih vek e"
"Anih chuan engpawh tih i inhuam takzet em" kan ti leh kher a
"Aw, engpawh sawi rawh"
"Awle, thil ho te mai, ka kiang ah hian awm la, ka hriatna hloh tawh te chu ka neih let theih nan min pui ta che" a hnial deuh a mahse a hnu ah chuan a remti ve ta nge nge a.











Ivy chu ka duh ang ngeiin, ni tin ka kiang ah a awm a, kan hlim dun kher mai,a a hma a ka Ivy hmuh thin aia Ivy ngainat awm, mi duat thiam tak, mi tih hlim thiam tak mai ka hmu,a hma aiin kan in hmangaih zawkin ka hria, hna min ti buai tu a awm lo bawk nen, Ivy ka kiang ah a awm reng bawk, ka tan chuan vanram tlafual a ni ringawt,damdawiin hi chhuahsan theilo ila ka ti khawp mai,ka thil tih hi ka in chhir lo telh telh mai.












Kar khat meuh ka awm hnu chuan, damdawiin atanga ka chhuah a hun ve ta a, Ivy, ka nu te pahnih leh ka pa chu min rawn hruaichhuak turin an lo kal a,hospital chu kan chhuahsan ta. Damdawiin ka chhuahsan atang khan ka nu te pahnih leh ka pa chuan ka penthouse ah min awm chilh deuh tawp a. Ivy pawh ni tin a lo kal thin, ka nu te leh ka pa chuan Ivy hi ka damloh lai khan monu ah an lo pawn tawh a ni ngei ang, a chung ah an tha em mai, an fanu ang chiah in an en bawk a,chutiang bawkin Ivy pawn a nel ve tawh khawp mai.














Vawiin hi damdawiin ka chhuah atanga kar khatna chiah a ni, Ivy a lo kal a
"Pa Harry"
"Eng nge ni ta, bawihi"
"Ih Carter-a hi khawngaih in khawiah emaw ka hruai lawk thei ang em?"
"Chu te chu min dil a ngai hlei nem, bawihi, Carter-a thu thu a ni mai a lawm, chuan Ka Pa tiin tun achin ah chuan min ko tawh ang che aw"
"Carter,bawiha,eng nge i ngaihdan?
" Ni e, ka pa, chhuah harh te pawh ka mamawh alawm"
"Anih chuan han in thlak la ka lo nghak dawn che nia" Ivy chuan min ti a, awle, ka hmangaih , ka insiam sawk sawk a.










Ivy nen chuan in chu kan chhuahsan a, Ivy pawn car a lo nei tawh a, keima car ken a phal lo tlat,
"Khawiah nge kan kal dawn?"
"Chu erawh thuruk a ni" ka tawngkam hman thin ngei chuan min chhang a, henu hi chu aw ka va duh chiang tak, kan ngawi dun leh vang vang a
"Car i khalh thiam tih ka hre miahlo a"
"Nia, i damloh tak si ah chuan ,ka zir ve e ka tia,nakin ah i dam loh leh pawh a ka chhawk theih nan che ka zir anih hi bakah naupang ho sikul an kal tawh bawk a, ka thlah thei dawn bawk a"
"Fa kan nei amaw? Tinge fa kan neih lai awm pawh ka hriat miah loh? "
"Ni e, keimah hian fa ka nei tawh a lawm, kei ang nu ni tawh i hmangaih vang hian lawm tun hi kan thlen ni" ama thiam loh ni miah lo ah chuan a in mawhpuh vek ringawt chu ka thinlung a na kher mai
"Kan thleng ta"
Kan chhuah dun na hmasa ber, amusement park ah ngei mai chuan min hruai ta. Kahre chiang lutuk, hemi ni a a duhawm zia te kha ka la theihnghilg thei hauh lo, ka mitthla ah hian a cham reng tih reng hi a hre der silo a, mahse thudik ka la hrilh thei lo, engtin nge a tih zel dawn tih ka la hmu chak lutuk mah mah ani.
"He hmun hi eng nge?"
"He hmun hi, amusement park a nih hi, tah hian kan chhuah dun hmasak ber in kan kal a,i hriatna nei let leh tura pui turin min tih kha, helai hmunah hian thil i hre chhuak thei mial mai thei asin, hawh i lut ang hmiang"
"Tah hian ka hruai che a maw?" thudik hi hria se chu min be duh tawh hauh lo ang le
"Aw, hawh le, lut ang hmiang"
A hma a helai hmuna kan thil tih ang zawng zawng kha kan ti kim vek a.Tlai ah ka zanriah eichhuah pui na hmun ngei ah khan min hruai bawk.












"Thil hriatchhuah pakhat tak i nei mial em?" Aw, ka hmangaih, engkim ka hre vek a sin, mahse ka hrilh thei mang bawk silo che, i kianga hun hman hi a nuam ka ti mah mah a ni.
"Nei miah lo"
"Helai hmun ah hian ka hruai che a maw, uai, ka va lo romantic reuh ve" a teh kher chuan aww, a ngawi ta reng a, kan ei zawh chuan kan kal a,
"Enteh, Carter, i hriatna i neih let leh theih nan hian engpawh ka ti ang, khawngaihin min beidawn san suh ang che ka beidawn ngai dawn loh avangin"a thusawi zet hian min ti tuiral chiang hle, a hmel ka hmu tha zual sawt a, ka fawp chak zek zek,. mahse ka lemchan avang hian ka thei bawk si lo
"Awle, ka hriatna nei let leh tura min pui theih na tur zawng zawng chu han ti ta che" a bak chu ngawi rengin inah min thlah haw ta a.







Vawiin chu Ivy'n an dawra leng turin min sawm a, an dawr ah chuan ka kal a, ka thlen veleh chuan
"Carter, ilo kal thei maw,lo thu rawh"nui sangin min lo lawm a
"Hei, Espresso,heta ilo kal apiangin i in thin a"
"Ka lawm e"
"Thil hriatchhuah i nei em?" a tum ruh ve hle mai maw
"Nei lo"
"Engmah i nei lo maw?"
"Aw Hriatchhuah tur a awm em ni?" ka hria a sin, helai hmun ngei hi nangnen hun rei tak hnu a kan in tawn leh na hmun a ni tih hi
"Helai hmun hi kan in tawn hmasak berna hmun a ni asin" ka tan chuan kan in tawn vawi hnihna zawk a ni tih lah i hre der mai silo.
"Anih chu, hmun pawimawh tak a ni chu" ka ti liam puat a.
"Zanin ah eng nge i tih ang?Thil pawimawh tih tur i nei em?" tih tur tul pawh nei ila i kianga ka awm dawn phawt chuan ka thulh vek ang, i zunah ka uai nghet tawh mah mah.
"Eng ti dawn lo ve, Tinge?"
"Anih chuan ka hna ban ah hian khawiah emaw hruai lawk che ka duh a, I rem ti em?" Min zawt lo pawh ni la remtih lohna ka nei hauh lo.
"Khawiah nge min hruai i tum?, Hey,nanghi Min kidnap i tum chu ani em lo maw?" fiamthu ka thawh ve ngei, za vak lo chuan a nui a,
"Tum mai mai lo, ka hruaitumna che chu thuruk a ni" ka tawngkam bawk, minhruai tumna chu ka rin lawk deuh chu ka nei.










Zanah chuan Ivy car keng lo in ka Car var kan keng ve thunga, ka car dum chu accident khan khalh tlak loh in a chhe vek a, thirchhhe hralhna ah an lo nawrliam daih a.










Tichuan Ivy chuan kan kalna tur kawng chu a lo sawi zel a,
"Kan thleng ta" ka rin ang chiah, ka luikam hruai tawhna kawng ngei kha a ni
"Eng nge hetah kan tih dawn, a vawt si, hawh haw leh vat ang" haw ang ti tak tak se chuan ka thin rim zawk ngei ang, mahse a tilo hlauh,
"Lo kal rawh, i hriatna neih let leh i duh a nilawm ni, i hriatna nei let leh turin ka pui dawn che anih hi" ka ban ah min kai dawr dawr a, luikam ah chuan kan thut na ag ngei mai khan min thutpui a
"Enge luikam ah hian kan tih"
"Carter, i hre tawh lo tak tak a maw? ka awih lo zawk, helai hmun hi i hrelo tak tak maw?"
"Aw, hrelo eng hmun nge"
"Helai hmunah ngei ah hian a lawm, kan in hmangaih thu kan in hrilh tawn ni, helai hmun ngei hi a ni, ka thuruk zawng zawng ka hrilh che a, min pawm thu min hrilhna kha, helai hmun ngei hi a sin duat taka min fawhna hmun kha" a mit tui chu a tla leh zawih zawih,ka tuar thei tawhlo, ka hmangaihi mittui tla hi hmuh hi a har ka ti, a tah ka phal tawh hauh lo, ka lemchan pawh duhtawk a hun ta e.











"Ka hria a lawm" ka ti phawng, phawk lutuk in min rawn en a
"I hria maw, Carter, i hrechhuak tawh maw"
"Ummm, ka hre vek a lawm min hmangaihzia leh ka hmangaih zia hi"
"Ka va lawm tak em Carter, ka hmangaih che" min rawn kuah a, a hlim hmel chuan min ti hahdam sawng sawng thei in ka hre hial
"Kei pawh in ka hmangaih che, Diktak chuan Ivy"
"Umm"
"Ka hriatna ka hlauh re re lo"
"Maw?"
"Aw, ka hriatna a hlauh lo, eng tiang takin nge min hmangaih ka hriat duh vang maia hriatna hlauh der ka ni, i rilru ka ti na anih chuan min ngaihdam dawn nia aw"
"Dawt min lo hrilh amaw, khang hun zawng zawng khan i damleh theihnan leh i hriatna ka tawngtai a ka bei bawk asin, i damloh vangin a tir kar khat chhung ngawt hospital ka chhuahsan lo asin, tin i hriatna i neih let leh theih nan ka tih dan tur ngaihtuah in mut mu pawh ka tuah mang lo a sin, i kianga ka awm duh vangin ka fa te takngial pawh nu ka nih angin ka ngaihtuah tha theilo asin,eng ang mihring nge i nih, engtin nge ka chungah tiang thil hi i tih theih zawk?"
"Ivy, khawngaih in min ngaidam rawh, min hmangaihna fiah ka chak em vang a ni, min ngaidam mawlh teh" ka kuah a,
"Misualpa," ka awm ah chuan a chum dat dat a
"I mawl lutuk, engtin nge khawvel a ka hmangaih ber hi ka hriat loh teh lul ang ni, chutiang ka ti a nih chuan ka â khawp a ni mai"
"Nia i â lutuk, vawi khat mah tiang thil kha ti tawh suh ang che"
"Awle, ka ti tawh ngai miah lo ang, mahse a nuam ka ti"
"Ka ti ve lo, ka rilru hah zia kha aw, nang lah chuan i lo ti der reng si, i nu leh pa ten an hre tawh em i thil tih hi?"
"Hre lo, hria se chu an hrilh daih tawh ang che, chuantun ang hun tha hi kan nei thei lo bawk ang"a chal ah ka fawp zauh a, min kuah nghet sauh
"Min kalsan tawh miah suh aw,ka â thei mai ang"
"Ka kalsan ngai lo ang che, ka hmangaih che"
"Kei pawh hian ka hmangaih che"










Luikam ah chuan reilo te chu kan thu leh a, Ivy chuan kha accident thlen zana a mang lama min hmuh thu leh a hlauhthawn thu te chu min hrilh a, ka khawngaih hle mai, keimah vangin alo tuar hle anih tih ka hriat hian ka hmangaihna a ti zual sauh sauh a, ka duhna a pung thur thur bawk









"Ka duhtak, hawh le, tap tawh lo la, inah ka thlah haw ang che"
"Awle"
"Leh lawks, chaw eia min sawm kha ka la hre reng a nia aw"
"Ka sawm che em ni?" a nui hak hak
"Min sawm loh chuan ka lo ei lo mai ang"
"Ka ti mai mai anih kha, ka hre reng alom, tu emawni angin ka hriatna ka hlauh ve zuai anih kha...hehe.....i duh hun hunah ilo ei dawn nia"
"Ummm, ole, ka hmangaih che"








Ivy chu ka thlah a, in a luh fel ah chuan ka in khalh haw a
Ivy nen chuan kan inkar chu ka siam tha leh thei ta hram e, min lo ngaidam duh lo ta se engtin nge ka awm tak ang le? ti te in ka in ngaihtuah haw neuh a, In ka thleng a, ka in thlak fai a, ka mu ta siai siai a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 3rd, 2020, 4:27 pm

Ivy-14

Ivy's Pov:

Zanin chu ka hlim kher mai, Carter-a a harh tawh bawk a,ka fa te sikul kalna tur ka ngaihtuah fel vek tawh bawk a, ka hahdam suai suai thei nia mawle. Naktuk lam hna kal vat ka ngaih avangin ka mu hma a.









Carter-a a dam tawh bawk a, hnathawk tur pawn ni dang ai chuan ka phur ve deuh, hna ka kal a,Carter-a damlo ka enkawl avangin dawr bungrua chhut fel neuh neuh tur ka ngah lutuk tawh tlat.









"Kha i va chhut nasa mawlh mawlh ve"
"Carter, lothu rawh ka zo tep" a thut na thin ah bawk chuan a thu a.
"Kha lem,i espresso tur"
"Ka lawm e, hawh i buai lo chuan lo thu ve lawk teh" a kiang ah chuan ka thu a,
"Ivy, kan in zui rei hman lo viau na a, mahse ka hmangaih che tih i hriat hi ka duh tak zet"
"Umm, ka hria alawm, min hmangaih ang bawk hian keipawh hian ka hmangaih che"
"Anih chuan, Chawlhni tlai ah leng leh ang hmiang, kan fa te hruai ve tawh bawk ila, an pa tur ka ni dawn a, inneih hma a ka fa te nena innel phawt hi a tha in ka hria"
"Awle,a tha alawm,mahse khaw nge kan len ang"
"Kan len dun na hmasa ber ah khan hruai ila ka lo tia, amusement park ah khan, naupang ho pawn nuam an ti khawpin ka ring a ni, lo insiam ula ka lo lam dawn che u nia"
"Awle"
"Ka kal phawt ang aw, min lo ngai lutuk lo la" a khi sak,
"Vel a che"
"Tak tak a na, ka zin dawn a, ka lo haw leh vat ang" ka chal ah a fawp zeuh a
"Awle, tluang deuhin kal la, han fimkhur nasa ang che aw"ti chuan dawr atang chuan a chhuak ta a.




















Carter-a chu sumdawnna vangin a zin bo a, mahse zantin a hun ngaiah chat min rawn be thin a, a hun hman dan te min rawn hrilh thin
"Carter, min ngai pawimawh tih chu ka hre tho a, mahsei hna hi zo fel phawt thin ta la, tichuan min rawn be ta zawk thin la, i tan pawh a hahdam zawk dawn a, mahse i thu thu le" ka ti a
"Hna aiin i pawimawh zawk a lawm, hna te chu kan dam phawt chuan thawh tur a awm zel dawn, mahse kan hmalam ah eng nge lo thleng dawn tih tuman an hre lo, kan dam dawn nge kan thi dawn tih pawh tuman kan sawi lawk thei hek lo, chuvang chuan ka hun tha neih hi ka bawhpelh ka duh hauh lo a nia, nangpawh i hun tha neih hi bawhpelh hauhsuh, min hau ziah dawn mah la ka rawn call ziah tho ang che"min ti ta zek, a sawi dik ve fu tho bawk sia.
" I sawi chu a dik ve tho mai,min rawn call suh ka tihna lam a nilo a nia, minlo call hian a nuam ka ti lutuk,ka hmangaih vang che leh i hahdamna tur ka ngaihtuah vang zawk a nia" ka ti leh ngat a, a ni reng bawk.













"Keipawh,ka hmangaih vang che leh ka thlakhlelh em che avang in hetiang thil rawn ti ka ni tih hi hrethiam la ka duh a ni......Ivy,ka ngai tawh lutuk che, i tello chuan ka awmna hmun hi nuam mahse a kim lo"
"Keipawn ka ngai tawh lutuk che a lawm"
"Helai hmun ah Kan pali in, nang leh kei, kan fate nena kal ka chak ngawt mai, a nuam si a, naupang ho khan nuam an ti dawn lutuk a, ka ngaihtuah fo mai"
"Kan la kal dawn nia" chhan dan tur a vang ve em atin ni
"Awle, i chau tawh ang mu tawh rawh, i hah awm si"
"Hah lo e, i chau ngawt zawk ang"
"Keite chu ka chau thei hlei nem mipa alawm ka nih" a chang hi chuan a naupang chhia ve reuh ka ti thin.
"Haha, anih leh kan mu dawn hnai tawh em ni ang?" ka ham bai bai a.
"Umm, kha i ham bai bai a lawm, i mut a chhuak tawh ang , inrinni ah a rang lama lo haw ka tum ang, muttui aw, ka duhtak" duhtak min tih hian ka la lai tlat zel nia
"Awle, muttui le, ka duhtak"
"Awle, ka hmangaih che"
"Umm, keipawhin ka hmangaih che" kham lo tak chuan phone chu ka dah a.























Inrinni a ni a, dawr ah chuan nizan lama Carter-a nen kan in biak rei deuh avangin
ka mu tha hman lo a, vawiin dawr ah dawrtu an tam lo a, kan awl bawk a tiin dawhkan ah chuan ka thu a,ka kutphah chu dawhkan ah nghatin ka hmai chu ka kutphah ah chuan ka ngat bawk a,mutchhuak in min rawn zem ar ar bawk nen ,ka mutchhuak lutuk chu ka insum zo lo ani ber e, ka lo muthlu siar siar hman a, ka beng bulah hian mi pakhat hi a rawn phun ri ser ser a
















"I va mittui awm ve, kha chilthli i thlauh a nia ti fai vat rawh " chu aw chuan ka mumang ata chu min kai harh vat a,
"Carter" ka hlim lutuk, ka kuah nghal chung a
"I va chau awm ve, i hnar la hnar zui"
"Ka hnâr ngai lo bawk e ah"
"I hnar reng alawm tunah khan"
"Hmmm, engtik ah khan nge ilo haw a"topic thlak vat a ngai, in hnialpui ka peihlo
"Tunah mai khan ka lo thleng chiah a ni, ka office pawh tlawh lo in, tu emawni ka ngaih em avangin ka rawn tlawh hmasa zuai a nih hi, mahse a ni lah chuan min ngaih hmel loh min lo mutthluk san mai mai a"
"Hmm, i sual thiam reuh mang e, ka ngai lutuk che alawm"
"Taktak ana, naktuk chu aw, ka chak tawh teh mai nia"
"Awle"
"Kan fa te ka hmu chak tawh lutuk ringawt, mahse min ngaina ang em?"fate a tih lah hian ka lai ve ziah, kan pahnih a fa tak tak ni ta se a nawm dan tur hi,tiin ka ngaihtuah nasa ve thin khawp mai, mahse an pa ka hre lo a, ka la hmu ngai bawk hek lo, Carter-a chu he dawr a ka mi tawn a ni a, an pa a ni theih dan tur a awm lo hrim hrim tiin ka in hrilh nawn
mawlh mawlh thin.




















"Umm, an ngaina khawp ang che"
"Anih chuan, in kawt ka lo thlen hun ah ka lo phone che nga, in lo chhuk mai dawn a nia"
"Ummm"
"Thil dang daih, ti nge i chauh chuan nizan ah khan ka mu duh i tih mai loh a"
"Ka mu duh lo a lawm, ka ngai ve che sia, ka mu duhlo tak tak"
"Mahse, i hna thawh laiin i muthlu tho sia, rawn hmulo ta phei chuan i chau tih ka hre dawn miahlo a nia"
"A ho lutuk, ka chau hlei nem, ka mut a chhuak mai mai alawm"
"Tun achin ah sawi tawh ang che, eng nge i sawi hreh em em, i bialpa, i pasal la ni mai tur ka nih hi"
"Awle, awle, pu ber, i thu vek a lawm, tun achin ah chuan ka sawi tawh dawn nia, a tha em?"
"Ummm,anih chuan ka hmangaih che min han ti teh le" tullo tak e aw, a hre reng tho sia, ka mit ah tak mai chuan min en a, ka zam ve deuh hlek.
"Ka hmangaih che, tunah chuan rang takin in office lam pan tawh rawh le, midang in min rawn hmuh hma hian" a beng bul ah chuan ka ti sar sar a,
"Min lo hmu pawh eng nge, ka bialnu ka rim ve a nimai lawm, a ho emai a" a bawp a khawkher a, thuthleng hnung ngheng in a thu ar ar a, a thawven hmel ve thlawt, keilah chuan hmuhnawm thlir tak chuan ka lo thlir reng tih pawh ka in hre lo a.














"Min thlir zo tawh em?" ka harh zawk
"Ka thlir re re lo che, ka thlir che em ni?"
"Daw daw lo mai teh, ka hmu reng che a lawm, chilthli far tep tep in min en dauh dauh kha ah" a nui hak hak a
"Chutiang ka tih lai awm ka hrelo" hrelo der ve hmak ila niamai.
"Ka hmu reng che alawm le"
"Ka tilo ka tih chu"
"Duhawm viau thin suh" min ti daih
"Hmm, kal tawh rawh, hna i ngah awm si"
"Eee, ni dawn tak, hna thawh tur ka nei tak e, i bula ka awm hi chuan ka haihawt zo vek thin, i kianga awm hi a nuam ka tihna nih chu"
"Ka hria lawm, ka bula awm tawh nuam tilo ka la hrelo reng a ni" ka nuih sak a,
"Hahahha, tak tak in a, ka kal ang e"min fawp zeuh a.
" Naktuk mawlh chu aw, ka ngakhlel teh mai ania, kan chhungkua in, a va nuam dawn tak em" kan chhungkua te a la ti tak deuh deuh, ni e kan inneih chuan nupa kan ni anga, ka fa te pawh a fate ang tho an la ni dawn a, chhungkua kan la ni ngei dawn tho alawm, chutia a sawi chu a sual vakna awm pawn ka hre hranlo.






















Chawlhni ah chuan kan nu fa chuan kan insiam a, ka fa te pawh kum thum an tling ve ta reng mai,
"Ama, khawnge min hruai dawn?" bawihtei chuan a ti a
"Bawihte, hmun nuam deuh ah kan kal dawn a, nuam in ti ngawt ang"
"Yes, anu, anih, sakawr thlawk thei te awm em?" phur zet hian bawihpuia chuan a lo ti ve vat a,
"Aw, awm é le bawihte,motor khalh chi te, merry-go-round te, rel lem te, a tam mai, nuam in ti viau ang"
"Yeeess, anu,motor ah chuan ka chuang chak e"bawihpuia chuan a lo ti ve vat
"Hehe, bawihte,kan thlen veleh motor ah chuan i chuang dawn nia aw" ka fa te hi chu tu nge maw an chhun ni, an duhawm ngawt mai, hehe
"Anu,keipawh, motor ah chuang ve duh chak" bawihtei chuan a lo ti ve leh vat
"Aw, awle, bawihte in chuang dawn nia"
"Yeees, anu kal tawh ang u"
"Awle" ka phone chu a rawn ri ral ral a,phone chu ka la a, Carter-a chuan kawt ah min lo hmuak reng tawh a.










"Carter min lo nghak rei em?"
"Nghak rei lo e"
"Hlute, bawihpui, hei hi anu thianpa,apa Carter-a ani a, vawiin ah park ah min hruaitu tur anih hi" Bawihtei leh bawihpuia chuan Carter-a chu an han en ha a
"Chibai ule, naupang te u" nelawm deuh hian a han nui sang a,
"Apa Carter min lo pawm" Bawihtei chuan a nel nghal sarh a, carter a lah chuan a lo pawm ve mai bawk a,
"Keipawh min pawm ve rawh" bawihpuia chuan a lo ti ve leh vat a, an pahnih chuan a pawm ve mai, an in ngainat hmel hlawm hle, pa fa te pawh an ang tak tak hial a lawm maw le tiin ka lo ngaihtuah leh hman pek a.
"Bawihte, bawihpui ti ru, apa Carter-a kha a hah tawh ang, hawh u i kal tawh ang u hmiang"
"Ni e, leh lawk Ivy, nakin ah kan la innei vat dawn tho a,bawihte, bawihpui, apa Carter-a ti lo in 'apa' tiin min ko rawh u aww, bawihpuia sam te chu ka tet lai a nga reuh hle mai a" a sam chul thuak thuak pah chuan a ti a, chutia a sawi tak ah chuan an hmel te pawh a in ang reuh phian mai ka ti, Carter-a hi an pa tak tak ni ta se, khami zana mipa kha a ni dawn tihna a ni a, mahse Carter-a lah hian min hriat hmel bawk si lo a.Nilo, khapa kha chu a ni thei lo ang.










Tichuan, Carter-a ho chuan amusement park lam chu kan pan ta zal zal a, kan thlen chuan naupang ho pawh in nuam an ti khawp a, an chuan theihna awm zawnf zawng ah chuan an chuang kim deuh vek ang. Carter-a leh keichuan naupang te chu kan kai a, chhungkua kan ang yeh asin aw, chhungkua ni tawh ila ka ti rilru khawp mai.















Carter's POV:


Ka leh pa inkar pawh a tha chho zel a, mahse thiantha tak angin an awm thung, ka nu min hrilh ang deuh in, in hmangaih na zawng hi an lo innei kher lo ani dawn hi, achang chuan kan hmangaih avangin kan kal bo a tul chang te pawh a awm thin a ni tih hi. Mi pahnih te hi lo inhmangaih reng si in an awmdun a rem tawh silo, mahse an in ngaidam tawn a, anin fuih chak tawn bawk.Emily leh ka Pa chuan ka nu chu an enkawl deuh tawp a, an pathum chuan a hma atanga thian tha tak ang mai an ni, an inkawm ngeihin an nui ho dar dar reng a, hmuh pawh an nuam khawp mai.






Ka nu leh pa te pawh thudik ka hrilh tawh a zilhna pawh ka dawng nual nghe nghe.
"Carter bawiha vawi khat mah khatiang fiamthu kha thawh tawh suh ang che aw, Ivy pawh a khawngaih thlak lutuk a lawm"ka nu chuan a ti a
"Ni e Carter chutiang te chu a fiamthu na chi loh em mai, Ivy hi mi tha tak a ni a, a ngaidam nghal mai thei zawk che a, i vannei hle hi a ni ringawt mai"Emily chuan a lo ti ve leh a,
"Ni e, Ivy ang mi tha hi chu i tawng tawh lo ang, ka ngainat zawng tak a ni reuh a,eng tik ni ah emaw chaw ei turin saqm ang che aw" ka pa chuan a lo ti ve leh
"Awle, Ni e, Ivy hi chu ka tan hian a tha ve thlawt a, ka phu lo ve thlawt a ni"
"Bawiha, chhuah miah suh aw" Emily chuan a lo ti ve vat, ka nui hak a.
"Hna ka kal a hun tlat, ka kalsan phawt mai ang che u" ka chhungte chu ka kalsan ta a










Car chahbi chu ka la a, office lam pan chuan ka tlan dat dat a, thil ka ngaihtuah pah neuh neuh a
"Ivy hi ka chhung te hian fa a nei tawh tih hre ta se tun ang hian an la pawm a ngem le?"tih chu ka inzawt mawlh mawlh a. A fa hmel te kha ka ngaihtuah chhuak leh thut a.
Ka fa te an ni tak tak ang em le, ka hriatchhuah ngei a ngai tawh ang,finfiah hman lo khan ka accident daih ta sia, ka fa te an lo nih hluh chuan ka va lawm dawn tak eemm, mahse, ka fa lo nilo ta se, tufa nge an nih tak ang, ka zawnchhuah ngei a ngai dawn a nih hi. Min pui tur ka mamawh ngei dawn, ka mi rin ngam tak mai.












"Hello, Oliver, i buai em?"
"Ehe, Carter, nang elaw, teh mial che chuan enge ni ta buai lo e"
"Hmana thil ka lo zawh bawk che kha a nia"
"Aw, enge min zawh khah.... e, ka hre lwh si Paternity test(DNA Test)tih i duh maw khah, i rawn sawi leh tawh mang baqk silo a, angai talo a niang chu ka lo tia"
"Anih chuan sample a ngai kha i ti a"
"Aw ti e"
"Engtin nge sample chu ka neih theih ang?"
"A awlsam ber ah chuan Naupang kha rawn hruaiin test kha tih theih tur a nia, mahse, i dinhmun hi naupang emaw a nu hriat i duh hmel silo a, anihchuan naupang chu a samzai rawn neih tum mai rawh a awl ber ang"
" Awle, nang nge nge, sample chu rawn neih ka lo tum vat dawn a nia, ka lawm hle mai thianpa, anih motor ka khalh laklawh bawk si a, ka dah phawt mai ang aw"
"Aw awle"










Tichuan office chu ka thleng a, ka hna ka ti fel vat vat a, tunkar chhung ka zin leh nghal a ngaih dawn avangin Ivy hmulo a kal kha ka duhlo a ni, bakah a fate hi ka fa te an lo nih hlauh phei chuan ka lawmna a kim ngei dawn. Ka duh chuan Ivy chu a fa te pa hi tu nge a nih ka zat thei reng a, mahse, Ivy rilru thar leh tur ka ngaihtuah hian ka ngam thlawt lo a ni. Naute pa chu kei ka lo nih loh hlauh phei chuan kha pa vanga a nat nawn leh kha ka phal dawnlo bawk.









Ivy te dawr chu ka thleng a, a lo buai khawp mai, eng emaw hi a lo ziak mawlh mawlh a, ka kal lai pawh chu hre awm pawn a lang lo, a buai hmel hle, mahse, heta ka awm chhung hi chuan kei lo a ngaihsak ka phal dawn hauh lo, ka awm rei hman dawn lo bawk nen, Ivy chuan ka coffee tur chu min rawn pe a, kan titi nual hnu ah ka kal a hun ta a, tunkar chawlhni lo awm turah hian a fa te nen hruaichhuah ka duh thu ka hrilh a, a lo rem ti ve mai bawk, ka mamawh samzai pakhat leh nwih nana ka thawhrim zia hi aw. Ni e, a awlsam zawngin Ivy chu a fa te samzai khat dil ta ni ila chuan a phal dawn chiang lutuk tih pawh ka hria, mahse a rilru ah zawhna tam tak a awm ngei dawn bawk, bakah thil tha chu harsa taka kan tiha kan hlawhchhuah hian a hlu bik a ni. Ivy min hriatthiam hram ka beisei, ka fa te an lo nilo anih pawhin ka fa te ang chiah in ka en tho ang tih hi ka tiam bawk a che.











Tichuan kar khat dawn meuh ka thang a, ka kalna ah chuan naupang ka hmuh apiangin Ivy fa te chu ka hrechhuak a, helai hmun hi kan pali in kal ila chu a nuam ngawtin ka ring a ni. Ivy chu zantin a hun ngaiah chat ka biak theih nan alarm chu ka set a, hna ka thawh laklawh lai pawh ni se ka hnathawh lai chu ka chawl lailawk a, Ivy chu ka be mai thin a, kan inbiak zawh ah hna chu ka chhunzawm lwh mai thin. Ka tan chuan Ivy hi ka hna aiin a pawimawh zawk miau a tin ni









Ivy chuan min hmangaih em avangin ka hna chu zo phawta amah chu be thin turin min ti a, mahse ka duhlo, keichuan ka hun tha neih bawhpelh mai mai ka tum loh thu in ka chhang a, a ni reng bawk a, kan hmalam hun tu nge hria, kan in hnial hrep hnu ah chuan muttui kan in ti ve thei ta hram a.










Zirtawpni zan ah khan kan in be tlaivar thak a, zing dar 4 ah phone ka dah ve thei ta hram a ni.









Awle, vawiin chu inrinni a ni a, ka hna ka zo ta, ka haw thei ta. Private jet ka nei tawh bawk a, chet pawh a awlsam zung zung tawh mai, min 20 vel kan thlah hnu chuan kan inkawt ka thleng ve ta. Inah chuan hmanhmawh deuhin ka lut a, ka inbual zuai zuai a,ka thawmhnaw ka thlak sawk sawk. Kainpeih ta. Awle, ti hi chuan ka hmangaihi hmu turin ka inpeih ta e.











Car chahbi ka la a, office lam pan chuan ka in khalh chhuak leh ta zal zal mai le.
Office ka thleng a, car ka park a, Ivy
te dawr lam. ka pan phei chhat chhat a, ka thleng chu, kawngkhar pawnlan atamg pawh chuan Ivy mutchhuak indawn bu lawp lawp mai chu ka va hmu a, ka nuih a ti za reuh kher mai, a duhawm zual sawt bawkin ka hria.









Ivy mu chu ka kai harh a, a tho phang hmel te chu a hmuhnawm teh asin aw, a duhawm zia mai chu, mahse ka hmuh ang hian tuma lo hmuh ve erawh ka phal hauh lo thung.
Ka han fiam vel a, a haw deuh lek lek in ka hria, mahse ka tawp dawn teuh lo, a hmel a siam danglam apiang hian a duhawm telh telh leh nghal a, a hmuhnawm ka lo ti ngang mai le.









Kan thu dar dar a, ka hmulo emaw a ti ni ngei tur a ni, min thlir dauh dauh a, a hnua ka sawi lah chuan a pha ve nasa mai lehnghal, henu hi chu a duhawm ve thlawt ani. Ka hmangaih hle bawk. A kianga awm hi ka kham thei mawlh lo bawk, mahse hna nei ka ni a, ka hna thawh a ngai miau si a,ka fawp zeuh, ka khamlo ngei mai, a hmun in zir miau hek lo le, duh thal a pawm vawng vawng a, fawh vawng vawng mai chu ka nap a,mahse ka hna thawk turin ka kalsan leh ta zawk a. Office ka thlen leh meuh chuan ka buai nghal hle, ka zinna report ziah a lo ngai ve lehzel bawk nen, Ivy pawh ka ngaihtuah tha thei meuh lo, mahse keima thinlung ah erawh a reh mai mai dawnlo a ni.















Kan in tiam. ang ngei chuan chawlhni ah chuan Ivy te nu fa thuam leh kei chu amusement park ah chuan kan kal a, kan hlim khawp mai, chhungkua emaw min ko ti tawk lah kha an awm ve nawk bawk, Ivy fapa in min lo ang leh zel bawk nen, chhungkua kan ang ve em bawk alawm le.
Tichuan, Zanriah ka chhung (ti tawh mai ila) chuan chawhlui chu kam kil a, kan nui dar dar, anuam teh asin aw, chhungkaw neih nawm dan tur te chu ka ngaihtuah rauh rauh bawk a.










Zanriah kan eizaqh vek ah chuan Ivy te nu fa chu ka thlah a, Ka en liam thlap a, an room thim hma chu ka ding a, roon a thim tap hnu chuan ka kal chauh.










"Hello, Oliver"
"Aw, Carter"
"I sample duh chu ka nei ta e"
"A that chu, naktuk ah rawn keng la, kan lo en fiah dawn nia"
"Awle, a tha alawm, nih phawt aw"
"Awle nih phawt leee"











Ivy dawr ah chuan ka chuangkai leh ta zeuh zeuh a, ka phone a rawn ri ral ral.








"Hello, Oliver"
"Carter, test chu ka nei ngei a"
"Aw, chuan eng tin zel"
"Naute pa chu ilo ni ngei e"
"Ka lawm e" Ivy a awm ve tlat, a hriat thiam ka la duh rihlo a ni, a. hriat a la hun rihlo tlat. He thu hi a hre ve anih vaih chuan min haw dawn lutuk , ka fa te pawh hruai bo in min kalsan daih ka hlau a ni.Nakinah a remchang ka tih hun ah keimah ngeiin ka hrilh mai ang.








Ka haw hnu chuan, ka room ah ka thu a, Oliver a thu min rawn hrilh te kha ka ngaihtuah neuh neuh a
Ivy fa te chu ka fa te an lo ninreng a maw?Ni e, a ni thei reng, khami zan khan ka ruih lutuk vangin in danna(Condom) kan hmanglo tak e.Eng thil nge ni ka tih tak, Ivy kha a hma khan lo zawng ngawrh zual tur ka ni asin, Ivy tawrh nat dan tur te chu ka ngaihtuah a, nu leh pa a neih tawhlo bakah, a pi in a thihsan leh zel bawk nen, nau a pai tih a han hre chho leh bawk a nga, a rilru hah dan tur zia chu, kei ni ila ka hriatloh fa ka pai puitlin duh dawn loh nen, Ivy chu ka khawngaih in ka ngaisang thar leh em em a, mahni fa a pa pawh hriatloh fa a han pawm tlei ringawt mai ania, chutah lah pakhat mai nilo in pahnih an la ni zui,amah lo enkawl thin tu a unaunu hnenah te pawh khan kei hian lawmthu sawi leh ngaihdam dil mawlh mawlh hi ka ba a ni.Ni e, a hma kha chuan ka tel lo in harsatna zawng zawng a paltlang vek a, mahse tunah chuan hmangiahna nen eng harsatna pawh kan paltlang dun zel tawh ang. Ivy ka thlah tawh hauh lo ang che, minkalsan mahla ka zawng leh zel ang che,kei,Carter Zothansanga hian, ka chhuah mai mai tawh dawn lo che.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 3rd, 2020, 4:28 pm

Ivy's POV:

Carter-a nen kan inkar pawh a la tha tluang ve zel e,chawhnu ah a hun awl apiangin a lo kal thin a, zan lam ah rei tak min lo be ziah bawk, a hna a zawh fel vek hma chu min lo be lo turin ka hrilh ziah bawk a,dik tak chuan min thlahlel ang bawkin ka thlahlel ve lutuk keipawh hian, mahse keimah vanga a hna a thuanawp hi ka duh lo a ni. A tan hian a tha ber ka duh a, keimah vanga a sumdawnna leh a hna in a tuar ka duh lo a ni. Kan hmangaih te chu an tan a tha ber kan duh vek a ni lawm ni, kan hmangaihte hmasawn na tur tu nge duhlo awm ang ni. Mahse, ani lah chuan a hrethiam. duhder lo ka ngaih loh vang ah a ngai tlat thin lehnghal a,kan in hnial phah ziah, mahse a tawp ah topic thlakin muttui mangtha tha deuh chuan kan in ti ve leh ziah tho.










Vawiin chu chawlh kan nei ve ve a, Carter-a nen kan kal na thin luikam ah khan kan thu a,kan in fiam bawrh bawrh a, hlim taka kan nuih har har lai chuan a phone a rawn ri ral ral a,
"Lawkin aw, ka phone a ri tlat, tu tak ni ang maw" a phone chu a en a.
"Aw, hello, Oliver" a thutna atang chuan a tho a,min rawn en zeuh a
"Aw, chuan eng tin zel" a hmel chu ka lo en reng a, mak ti hmel a pu,mahse a hmel pang ngai a pu leh vat a, a hrawk a thian kharh kharh a,
"Awle, ka lawm e" a phone chu a dah a.










"Tihpalh, ka thianpa Oliver-a nih kha,thil eng nge maw pawimawh ka tih tir lawk a"
"A nih chu"
"Tak ana, Ivy, Oliver-a nen hian in la inhmu lo tak maw khah"
"Aw, ka bul ah chuan i vawi khat sawina a niin ka hria, ka hriat sual loh chuan"
"Anih chuan, ka la in hmelhriat tir ngei che u a ngai dawn anih chu, ka thiantha ber leh, ka rin ngam, nangtih loh ah chuan a ni"
"In in nel hle dawn a nih chu mawle"
"Ni e,kan naupan lai pawn kan insual tawh nghe nghe asin"
"Tak tak maw!!... ti nge in insual a,i thian tha ber i ti emaw tia"
"Nia, khatih lai kha thil awmdan hre turin ka la naupang em a, Oliver-a hian dawt min hrilh emaw ka ti a, ka thin a rim lutuk insum zo lo in kut ka thlak hmasa ta anih kha"
"Eng thu nge a hrilh che"
"I nu hi i nu dik tak a nilo min ti a,khatih lai khan kei lah khan Emily hi ka nu tak tak emaw ka lo ti char char bawk nen,a thu sawi chu ka awih lo a,dawt sawi ah puh in kut ka thlak ta chiam alawm mawle"
"Anih chu...."ka ngawi vang vang a, ka fahrah zia ka hrechhuak thut, hnuai lam ka bih ngur a
" Carter, nang chu i vannei bik ngawt mai, nu pahnih i nei a, an pahnih in an la hmangaih em em zui bawk che a, tin, pa nagmah hmangaih em em tu i nei bawk a, ka awt khawp mai che"
"Nga ti maw??Thil dang daih, naupan lai chanchin kan sawi ta sa sa, i naupan lai chanchin min han hrilh ve la, i naupan lai chanchin pawh min la hrilh ngai miah hlei nem" kan boruak ipik tak thlak tum deuh chuan a han ti a
" Ka naupan lai chanchin hi chu nang ang lo takin a hlimawm ve loh, mahse min zawt miaua ka hrilh ang che"min lo en reng a









"Enteh,Ivy, ka naupan lai khan a lan dan ah chuan ka hlim hmel a ni maithei e,. ni e, ka pa pawh a hausa, engthil pawh ka nei thei,naupang dangte angin ka duh harsa taka ngen a ngai lo,mahse maw, ka pa in ka nu ina min kalsan dan chanchin min hrilh ni leh Emily ka nu ani lo tih ka hriat atang khan nun mu leh mal hi ka nei tawh ngailo asin, hmangaihna lah ka ring tawh ngai hek lo a,mahse nang ka tawn ni atang che kha chuan engkim a danglam ta vek a ni, hmangaihna ah hian beiseina ka nei thar leh a, tin ka nun thi tawh, khawro vek tawh hi nangchuan rawn ti nung lehin nunna thar i rawn pe asin,ka hlimna ka hloh tawh te min rawn pe kir leh a, hmangaihna dik tak hi eng nge a nih min hriat nawn tir leh a sin, ka tawng che hi ka lawm takzet a ni" chhan dan tur a va vang thin tak em, kei Ivy Lalbiakfeli hian hetiang khawp hian Carter-a nun hi ka lo ti danglam a maw? Keimah leh keimah chu ka in zawt mawlh mawlh a, ka va hlim si em.













"Keipawh ka tawn atang che hian ka nun tih danglam in a awm alawm" , ani reng bawk a
"Le, i naupan lai chanchin chu min hrilh tawh la"
Ka naupan lai chanchin te chu ka han hrilh ve thuak thuak a. Rei tawk fang kan ti ti hmu chuan haw zai kan rel ve ta.










Ka hlim tak zet, Carter-a thusawi vang te, ka duh ang bawka min duh ve vang te leh a tawp ber ah ka fa te pa ka hrelo chung pawh a, ka fate, an pa pawh hrelo a ka pai tlang ngam hi huaisen min tih zia thu min hrilh chiah phei chu ka huaisen zual sawtin ka in hre nghe nghe. Ni e, ka tawn ang tawng hi ka hmeichhiatpui ah pawh an awm nual ka ring, pai tlang lo a ti tla ta te pawh an awm nual ang, mahse kei chuan ka chhungkua ka chan hnu a ka chhungkua ka din thar leh na hun remchang Pathian in min pe ah ka ngai hmiah kha a ni a, tisual ka in ti lo ve khawp mai, hlimna a hma a ka neih ngai reng reng loh ka neih phah a, nitina beiseina thar min neih tir tu ber an ni thin bawk.












Carter-a chuan min thlah a, kawng ah chuan kan tlan mek a,ka ngaihtuahna ka lo kawm leh melh melh hman tawh, hmeichhia nih hi chu aw, a hma a ka hlim tehreng nen,Carter-a nen hian thuruk tam tak kan inhrilh zo chiah a, hlim pawh kan hlim hle mai,mahse ka lakah hian thuruk zep ala nei tlatin ka la hre tlat anih chu, rinhlelh chu ka duh hauh lo a, mahse Oliver-a khan a lo phone atang khan, ka ngaihbel nge chu ka hre chuang lo nangin a mizia a dang ta thut ni in ka hria, ka lakah a hma aiin a in hawng bawk.











"Kan thleng leh ta" hriat loh kar ah chuan kan kawt ah kan lo ding leh reng tawh a
"Muttui aw" a biang ah chuan ka fawp zeuh a, car atang chuan chhuah mai ka tum a, a lo phal i khaw lo nasa mai,
"Lawkin" tih pah chuan min rawn fawp ta, a hma a ka rilru kal ding lutuk vang khan ka thin a lo rim leh hman pek nge mawni, ka lo tang ve tlat, Carter-a lah chu a beidawng duh bik hauh lo, min fawp na sawt a, ka tang rei thei ta biklo, rei tawk kan infawp a, nidang zawng aia rei, tunah tak hian hun hi tawp mai se ka ti rum rum a ni. Kanin fawh zawh hnu chuan
"I rilru ah enge i ngaihtuah tih chu ka hre lo na a, min ring rawh i rin ang kha a nilo ania" a chang hi chuan a thu sawi awmzia hi ka hrethiam bik lo
"Eng nge i sawi awmzia chu, eng nge ka rin i tih awmzia chu, rinloh tur hian ilo awm zawk nge" ka ti ve hmak, a rinawm tih te chu ka thinlung hian a hre reng si
"Huiha, kan in hnial leh dawn takngial, in hnial ka peihlo a nia"
"Ka peih bik ami" ka lo ti ve salh
"A va mak e aw, i gawih nan ka fawp leh zak dawn che em ni?"
"Anih, ka kal, muttui" car atang chuan rang takin ka chhuak ahepa bulah hi chuan ka thinrim rei tak tak theilo a ni e.








In ka thleng a, Ruatpuii te nupa an lo awm hlauh, ka la. sawilo tak e, Ruatpuii hna zawm leh a ngaih tawh avangin,a lo chhukthla leh tawh a,a pasal Sawma pawh in a nupui a ngaihtuah em avangin hetah a rawn zui thla nghe nghe. Ruatpuii dul pawh a puar lang ve ak tawh. Ka rai lai te kha min hriat chhuah tir rum rum thin.









"Yes, anu a lo haw....anu enge min lo hawn" engmah pawh ka sawi hman lo,
"Bawihte, inu kha ti buai lo in inthlak tir phawt ta che u" Sawma chuan a lo ti a,
"Ni e, bawihte, hawh u ponyo te en ang u le"Ruatpuii chuan a lo ti ve vat a
"Yess, ponyo te kan en dawn" an zuang tawr tawr a, anuteii Ruatpuii leh apate Sawma te bul lam. ah chuan min tlan san daih a. Aww.... ka fate thil ka hawn theihnghilh tlat, eng ang nu nge maw ka nih le.... Sawma leh Ruatpuii an lo awm hlauh zawk a, ni lo se chuan min tah khum leh vak a. nga, an thil tur zawngin dawr ka zawng leh ruai awm sia, ka ti rilru neuh neuh a, room ah chuan ka luh san ta a.














Ka inthlak fel a, ka in bual fai vek hnu chuan, khumah chuan ka mu a. Ruatpuii chu a lo lut a
"Ehe, Ruatpuii lo thu ve rawh,kan inkawm lohna rei tawh zia hiiii" ka lo ti bawrh bawrh a
"Ni e, ka ngai thin khawp mai che"
"Pasal neih te chu enge a an"
"Nuam tak ani, hehe"
"Ka lawmpui khawp mai chee"
"Ivy, Carter-a a tha zel em?"
"Umm, zanin pawn min lo thlah haw a"
"A that hlauh chu, ka ngaihtuah thei lutuk che, innei vat tawh ula ka ti ee" keipawh hian ka ti asin
"A, enge min lo ngaihtuah ve ri ngawt, bakah inneih lam te chu kan la ngaihtuah lo hrim hrim"
"A ni ngawt lo a nia, in inzui rei ve tawh a, inneih lam hi hnaih ula ka ti, naupang te lah an upa zel a nga, pa nei lo a sei len tir i duh bik chu ka ringlo"
"Nia, i sawi dik khawp mai, mahse, Carter-a hi a hna ah a buai thei lutuk a, ka tan hun a insiam ziah tho na chu, kan innei anih chuan a hma aiin ngaihtuah tur a ngah sawt dawn bawk a, inneih lam ani hian a sawi vak lo bawk nen, ka sawi hmasa hreh deuh a lawm mawle"
"Ivy, in ngaihtuah chiang la, i sawipui vat hi a tha ka tih pui che, ka kal phawt ang muttui aw, nopang te chu kan bulah an mu dawn a lo ngaihtuah suh aw"
"A, aw, an tibuai lutuk palh ang che u, ron tir phei daih rawh, riak lo mai rawh se"
"Tibuai lo e, kan khum ah an patea ho in an muhil daih tawh, lo ngaihtuah lo mai rawh, chu ai chuan ka thil sawi kha ngaihtuah tha ang che aw, muttui le" min chhuah san ta.









Ruatpuii thil sawi pawh a dik na lai chen a awm ve tho mai, ka fa te hi pa nei loin ka enkawl thdih ka ring thin a, mahse ka fa te hian pa hmangaihna an dawng lo tur hi ka ngaingam leh si lo a ni, ka tet te ah ka nu leh pa in min kalsan avangin ka fahrah ve hle a, nu leh pa hmangaihna pawh ka dawnglo, chu vangin ka fa te tal hi chuan nu leh pa hmangaih na an dawng tur a ni. Carter-a hian eng tik ah nge le hma a rawn lak ang le, kei chuan ka sawichhuak ngam der mai silo a.















Carter-a chuan kan vaiin an ina chawhlui kil turin min sawm a, kan nu fa thum, ruatpuii leh sawma, anu leh nu Emily leh apa pawh an lo tel ve a.
"Harry, han en ve mah teh, bawihpuia hian Carter-a naupan lai a an zia hi" Nu Emily chuan ka fapa a hmuh rual chuan a lo ti vat a.
"Ni chiah mai, bawihtei pawh hi en ve teh Carter-a mitmeng chiah chiah a nih hi" eng nge maw an hriat hlawm le, mahse an sawi tak ah chuan ka fa te leh Carter-a chu ka han en kawp a, an lo in ang bawk em a.
"Hawh u, chaw i ei dawn tawh ang u, Ivy, Ruatpui, Sawma in lo kal thei chu kan lawm hle mai" Carter-a nu chuan boruak ti danglam tur chuan a rawn ti vat a.










Chaw chu kan han ei a, a tui khawp mai, naupang te pawh an pi leh pu te chuan an ngaina nghal em em a, mak tak a ni, an tu tak ang chiah in an pawm nghal hmiah thei hi.









"Ruatpui, Sawma, ei teuh rawh u aw, in lo ei tha ngam lo vel a nge"nu Emily chuan a ti a, Ruatpuii leh sawma pawh chuan nuam an tih ve hmel hle in ka hria.
" Ivy, nang pawh ei teuh rawh aw" Nu angela-i chuan a lo ti ve leh a
"Naupang lam te in ei tui em?, ei teuh tur aw, in va duhawm dun tak, tunge maw in chhun reuh le" Pa harry-a chuan nui sang hian a han ti a, ka tan chuan a nuam lutuk, ka fa te hi an tu tak tak angin an pawm nghal hmiah thei bawk,mahse, mak tihna hlir in ka khat a ni ber mai.











Carter-a chuan a hrawk a thian kharh kharh a,
"In vaia ka koh khawm chhan che u chu, thil sawi duh ka nei a" a zam hmel tak zet a ni.
"Enge ni bawiha,han sawi ta che" pa harry-a chuan a lonti vat a,kan en thap.
"In vaia in rem tih chuan, ihh,Ivy hi nupui a neih min phalsak ta che u"
"Keini thuthlukna siam chi a ni hlei nem. chutiang, a in nei tur te thu thu ni zawk rawh se" nu Emily chuan a lo ti sam et a
"Anih, Ivy, eng nge i ngaihdan?" ka la chhang hman lo.










Ka lam panin a thutna atang chuan a rawn thochhuak a, ka thin a phu dut dut mai, chutah ka hma ah tak chuan a ke pakhatin a rawn thingthi a, a ipte atang chuan bawm pawl duk te tak te mai hi a rawn phawrh chhuak hlawl mai, chutah bawm chu a hawng a, lunghlu mit nei zungbun mawi deuh mai hi a chhung ah chuan a lo awm a, tichuan zungbun chu a bawm atanga rawn phawrhchhuakin, ka mit ah tak chuan min en a
"Ivy, ka tawn ni atang che a ka nun i tih hlim zia ka hrilh tawh che,ka nun lo awm leh zel tur ah hian hlimna min pe tu tur ni la, nitin ka kiang ah awm tur leh i hahchawlhna leh thlamuanna ka nih theih nan, khawngaihin min nei ta che?" ka phawk ha a, ka beisei loh thil tak a lo ni bawk nen, Ruatpuii chu ka va en a, a nui a,a lo bu nghat,
"Carter.... ihhh.... aw.... ka nei ang che" chutah a kuta a kenlai zungbun mawi tak mai chu min bun tir a
"Ka hmangaih che"
"Keipawh in, ka hmangaih che" min rawn kuah a, ka kuah let ve,chutah kan pahnih in kan awmlo tih kan hre leh thut, a va chi loh e aw, kan chhungte ve ve chu kan en a, nuih insum deuh hian min lo nuih tut tur, min hmusit vang lam nilo in, kan che lai lutuk chu min nuih an ni zawk.












Carter's POV:
Oliver-a'n min rawn phone hnu chuan Ivy chu ka melh zeuh zeuh a, a fa te pa ka ni tih hi hria se hetianga hmangaih leh thlahlel tak hian min la en reng thei ang em le, tih te chu ka ngaihtuah neuh neuh a.









Phone ka dah hnu chuan Ivy kiang ah chuan ka zu thu thla leh a, thil eng eng emaw chu kan sawi dun a, Oliver-a nen kan in kawm chhoh dan te chu ka hrilh a, chuan ka naupan lai chanchin te ka hrilh ve bawk, a naupan lai chanchin te chu ka zawt a
"Keichu ka naupan lai chanchin sawi tur ka nei vak lo, ka nu leh ka pa hi kum hnih bawr vel ka nih motor accident ah an thi a, ka pi in min enkawl a, ka pi khan mi zinga hreawm ka tih hi a hlau thin lutuk chu vang chuan keimah vangin chawhmeh te a zuar kual thin a, langin mi inah te a in hlawh thin, mahse ka pi kha a cancer tih kan hrechhuak a, hna a thawk thei ta lo a, damdawiinah kan lut zak zak bawk, ka nutei ten min chawm a ni deuh ber, Ka pi chuan a nat na tuar loh in min kalsan ta a, tichuan Delhi ah Ruatpuii bulah ka awm thla ta a, ka pi kha ka ngaih thei reuh asin aww" a chanchin a sawi lai chuan a mityui a parawl kiang a, ka khawngaih kher mai, kei aiin a tuar nasa daih mai lehnghal
"Anih leh maw Ivy"
"Umm"
"Ih a hma khan ka zawt chak thei lutuk che a, mahse i rilru ka tih thar leh ka hlau a chuvang chuan ka zawt ngai lo che a"
"I duh duh min zawt rawh, ka chhan theih chi anih phawt chuan ka chhang vek ang che"
"Tak tak maw, anih chuan naute te hi tu nge an pa i hre ngai reng reng em?"
"Hrelo, vawi khat mah a hmel ka la hmulo"
"A fa i pai a, i nei nghal bawk si a, in in hmangaih hle ang chu ka lo ti asin, ka beisei loh lam daih a ni, i chhan na chu"
"Nia, thawnthu sei tak a ni"
"Han sawi la"
"Ih... ka pi chanchin kha chu i hre mai a nga, khatianga ka pi a awm tak ah khan pawisa ka mamawh em em a, kan pawisa puk na thin Pa kima kan ti mai thin a, chumi bulah chuan....... "
"Anih chuan i rai tih i hriat hnu ah chupa chu zawnchhuah i tum miahlo ami?"
"A tir ah kha chuan maw, zawn te kha chu ka rilruk ve a, mahse ka ngaihtuah leh a, ka fa a nilo lo ti tlatin ti tla turin min lo ti ta se, emaw nau hi ka neih hunah min chuh ta tlat se, chu chu ka zuam lo a ni, bakah ka fa te hi Pathianin ka tama hun tha, chhungkua ka din leh theihna tur atana min pek ni ngeiin ka hria a, a pa zawm kha ka ti ta lo a ni"
"Anih chu, i huaisen reuh hle mai a, pa pawh tel lo in phir leh nghal i pawm tlei thak a nia, ka ngaisang hle mai che"
"Ka lawm e"
"Hawh i haw tawh ang hmiang, kan fa te an ngaihtuah awm tawh emai" ka fa te tan hian pa tha tak ka ni ngei ang.
"Ni e"











Ivy chu ka thlah haw dawn a, mahse engtin nge ka awm zel tak ang, henu tel lo hiam minute chu sawiloh second khat pawh hi a tello a awm hi har ka ti ngawih ngawih mai si a, ka neih vat a ngai a ni, bakah a fate lah ka fa te an ni reng tih ka hrechhuak tawh bawk nen.










Ivy thutna lam chu ka va hawi a, nichin lama kan hlim dun tehreng nen, alo tum leh buau tawh, mahse a thinrim hian a duhawm ka ti thin. Tunah pawh hian ka kuah chak tak zet, ka fawp chak bawk.









An in kawt kan thleng a, a la tum buau, kan thlen thu ka hrilh a, mahse ka hmangaihi hian thinrim in he car hi a chhuahsan tur a nilo, car atanga chhuah a tum chu ka pawt a, ka fawp lui ta, a tang kawh ve nasa mai, ka beidawng dawn hauh lo,a tawp a tawp ah chuan min duhna leh ka nawr luihna chuan tang kawh tir rei tak tak thei biklo a ni.











Tichuan rei tawk ka duh thal a ka fawh hnu chuan ka thlah ve ta, enge a ngaihtuah ka hriat miau koh avangin a rin ang in engmah a thlen loh thu kan hrilh ta ringawt, kan in hnial leh ta zek a. Atawp a tawp ah muttui kan in ti ve thei hram.









A tuk khua a lo var chuan, ka nu leh ka pa te chu thudik hrilh a hun ta viau e tiin ka ko khawm a,
"Bawiha, enge ni ta zing zing ah te, ava pawimawh awm ve" Ka nu chuan a ti a
"Ni e, bawiha, eng thu nge ni, zingkar ah meuh min koh khawm tak chu ni" Ka pa chuan a lo ti ve leh a
"Aww, a thusawi tur chu zawt zawt lo hian ngaithla ta ila" Emily chuan a lo ti ve leh a.
An pathum chuan min en thap hlawm a, ka zam ve deuh chu ni.












"Englo a nia, nupui neih ve ka duh tawh a"
"Chu te chu thu lawm awm tak anih chu, tu hmel hmuh te pawh kan chak tawh a lawm, keini chuan rem tih loh na kan nei hauh lo a nia aw, bawiha, a rang lamin innei vat ula kan duh thu sam a ni"ka nu chuan a lo ti ve vat a.
"Ka lawm e, mahse"
"Mahse, enge"Emily chuan a li ti a
"Ih Ivy hi nu leh pa kara seilian a ni lo a"keini ang mi zahkai tam tak hi midang thusawi tur an ngaihtuah avanga in hmangaih ve tak, inthen phah ta te pawh ka hriat nual vang a ni.
"Chutiang buaina tur a nih loh chu, Ivy phei kha chu ka hmuh tirh khan ka ngainat zawng tak a ni reuha, bakah kan chhungkua hi mi zahkai tak ni mah ila, midang thusawi tur ngaihtuah avang ringawta i hmangaih i chan hi ka duh dawn hauh lo a nia aw" ka pa chuan a lo ti ve leh a
"Awle, ka lawm e, chuan thil dang a la awm a"
"Eng thil dang nge nii" Emily chuan a lo ti ve leh vat a
"Ihh,Ivy hian fa a nei tawh a, in pawm theih leh theih loh hi rawn phawt che u ka duh a"
"Kei ni a lo pawm a lo pawm loh theih a ni hlei nem, a neitu tur ber chu nang i nia, nangin i pawm leh pawm loh ah a in nghat ber ang chu, mahse,in ngaihtuah chiang ang che aw, inneihna hi chu in ngaihzawnna anga tih tawp mai mai chi a ni ve lo ania, keini lamah chuan buaina a awm hran lo ang" Ka pa chuan a lo ti vat a,ka hah dam huai mai
"Dik tak chuan, Ivy fa te hi ka fa te an ni"
"Maw!!!?, eng nge i sawi awmzia?"ka nu chuan mak a ti kher mai,a awm lo hran lo e...
"Aw ni e, ka nu"
"Mahse, bawiha, Ivy khan helai hmunah hian in in tawn thu min hrilh bawk sia"
"Ni e ka nu, Ivy chuan dawt a sawi hlei nem, a tan chuan kan intawn vawikhatna a ni miau alawm"
"Chuti si engtin nge Ivy fa te chu i fa te an ni i theih a?"
"Englo ania ka pa Mizorama ka han kal khan...... " Ivy nen kan in tawn dan chu ka hrilh ta vek a.
"Anih chuan Ivy hian a fa te pa chu i ni tih a hria em?"Emily chuan a lo ti ve vat a
"La hre rihlo, kei pawh hian nimin mai khan ka hrechhuak ve chauh ani"
"Anih chuan Ivy chu engtik ah nge hrilh i tum?"Ka nu chuan a lo ti leh a
" Hei tak hi ka buaina chu a nia, Ivy chu hrilh ka duh a lawm, mahse thudik hrilh tur hian huaisen na ka nei miau lo ani, thudik hi hre ta se engtin nge a lo dawnsawn ang tih hi ka ngaihtuah thiam lo a ni"
"Bawiha, Ivy chu a rang lamin hrilh la tha ka ti khawp mai, alo dawnsawn dan tur erawh ka hre lo nangin, a pawmthiam ngei ang tih ka beisei tlat a ni, bakah a fa te ti hi an lian a nga, pa tello a enkawl reng chu a duh bikin ka ring lo"ka nu thusawi chuan beiseina tlem min pe ve deuh.
"Ni e, bawiha, Angela-i sawi ang hian a pawm thiam ka ring tlat, a lo pawm duh loh che chuan i chhai thluk leh ngei a ngai dawn tihna a nimai, bakah, Ivy ang hi chu i tawng mai mai tawhin ka ringlo bawk, chhuah miah suh ang che"ka pa chuan a lo ti ve bawk a
"Awle, Ivy chu a rang lama thudik hrilh chu ka tum a nge"eng tin nge ka hrilh tak ang awww...
"Awleee, anih chuan bawiha Ivy te chu zanriah kil turin sawm ila, kan tu te pawh hmuh vat an chakawm alawm le,Harry, Angela,tha kan ti tlang em?"Emily chuan a rawn ti chhuak hlawl mai a,
"Ni e, Emily nge nge, bawiha,anih chuan Ivy te chu kar tawp ah hian lo sawm nghal mai la" ka nu chuan a lo ti ve leh a
"Awle, kalo sawm dawn nia,ka kal phawt ang e aw".... ka vannei bik ngawt mai ka rualpui dang thenkhat te chu nu leh pa nei tawhlo an awm laiin kei chuan min hmangaihtu nu pahnih ka nei a, chuan pa min hmangaih em em tu ka nei bawk.










Office ka thleng a, hna ka ngah deuh avangin Ivy pawh ka hmu hman meuh lo, hna ka zawh chuan tlai a lo ni ve der tawh a,Ivy chu ka hmu zuai a, kan inah ah chhunga kartawp a chaw ei tur chuan ka sawm a, a lo rem ti ve mai bawk, khawiah emaw ka kal lawk a ngai tih hrilhin ka chhuahsan leh ta a, zungbun dawr ah ka kal a, ka duh ang thala nalhin zungbun ka siamtir a,kar tawpa lam turin ka ti a ni.










Ka hman apiangin Ivy chu ka tlawh ve ziah, zan ah ka thlah ziah bawk, kan hlim dun a, kan inkar pawh a tha chho viau, ka thuruk, a fa te pa ka nih thu hi hrilh ta ila hetiang hian kan awm dun reng thei tho ang em le?lo pawmthiam lo viau ta se engtin nge ni ang..tih chu ka in zawhna lian ber a ni.








Kar tawp ah chuan ka sawm ang ngeiin an chhung in ka in ah chuan an lo kal a, ka nu te pahnih leh ka pa pawn an lo lawm tha kher mai, an tu te chuan keimah a an thu an sawi cham chi a, min ang reng bawk, an mahni thlahtu, an pa ka ni miau a lawm. Ka nu leh pa ten chutiang thusawi an sawi lai chuan Ivy chu ka lo en reng a, mak a tih hmel lutuk,kan boruak pawh chu a hriatthiam loh hmel kher mai, ni e, thudik hi a la hre ve tlat lo alawm le.










Ka nu chuan harhchhuak thut ni awm hian,kan boruak danglam turin chaw ei a rawt vat a, ka lawm teh asin aw...









Chaw chu kan han ei a, ka ei tlem khawp mai, ka nu leh pa chuan ka mikhual te chu an lo be bawrh bawrh a, an tu te hi an ngaina nghal em em. bawk, ka thil tih tum chuan min kap run mai a,engtin nge ni ang aw, ka thin pawh a phu dut dut thei, ka zam ve khawp mai, ka kut a rawn thlan a, a ruk in ka rawmawl ah lai ah chuan ka hru zeuh zeuh reng a.











Ka zah loh theih na zawng zawng sawm khawmin ka thil tih tur lo ruahman lawk ve chu tih ka tum ta, ka hrawk chu ka thian kharh a, an vaia ka kawh khawm chhan chu sawi ka tum ta a, ka nu te pahnih leh ka pa te remruatna mah ni se, an ni chu hrelo ang hmiah in an awm a ngai tlat.










Ka pa chuan hrethiam takin min lo tanpui vat a, ka lawm kher asin aw, tichuan an vaia an remtih chuan Ivy nupuia neih ka duh thu chu ka hrilh ta a, Emily pawh chuan min lo pui ve vat a, anni thutlukna siam tur a nih loh thu leh, kei leh Ivy thu thu ani tih chuan min lo chhang ve vat a, min lo tanpui that em avang chuan ka zam na pawh a nep ve ta deuh.









Ivy chu min nei turin ka sawm ta a,ka thusawi pawh ka sawi bah deuh niai, ka lo in zir lawk sa angin engmah ka sawilo, mahse Ivy chuan hrethiam tak maiin min nei ang tiin ka sawmna chu alo pawm a, ka lawm lutuk chu kan awmna ka theihnghilh thut ka kuah a, ani pawn min lo kuah let ve,fawh ka tum a, mahse, kan pahnih chauhin kan awm lo tih ka hrechhuak leh chiah, hun lo vee..... kan chhungte lah chuan kan lai hmel an hmuh chuan an nuih a lo za em em leh nghal, hlimna leh zahna a in chawpawlh nawk mai a lawm.













Ivy te chu ka thlah haw a, in lam ka haw chu ka in thlak sawk sawk a, Ivy nen kan inneih hun tur ka ngaihtuah rauh rauh a, mahse ka buaina ngai bawk chu ka ngaihtuah chhuak leh ta, Ivy hrilh dan tur chu ka ruahman ta a, Immm, a that dawn hi, tichuan ka muhil ta siai siai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 3rd, 2020, 4:28 pm

Ivy-16

Ivy's POV:
"Awi!!! ka unaunu hmelthat zia hi, pasal i nei ve tak tak tawh dawn nia, amak eee"Ruatpuii chuan min fak bawrh bawrh a.
"Nia, hun hi a kal chak khawp mai ti raw"
"Ummm, Carter-a hian a duat loh vaih che chuan rawn sawi vat zel rawh aw, ka rawn hau hrep ang"
"Aw, lo lut rawh" Ruatpuii chuan kawngkhar kik ri a hriat veleh chuan a ti tlang nghal vat a.
"Ivy i inpeih tawh em, mipui pawh an thu thup tawh a nia....,wow, Ivy i nalh lutuk tlat, mahse kan nu chu ila tluk lo ve deuh a nih kha"khi sak pah chuan sawma chuan a rawn ti a, kan nui hak hak a.
Ruatpuii chuan a bag chu thil eng emaq zawng ang deuh hian a hai a hai a
"Nu-i, eng nge ni i tih, zawn nei i van ang" sawma chuan ruatpuii chu mqk ti deuh chuan a zawt a
"A mak lutuk, ka hmulo re re" engtak ni ang maw
"Eng maw i hmuh loh, eng nge i zawn reng reng a" ka lo ti vat a
"Ka dah ngeia in ka hre sia" thil ngaihtuah ni awm tak chuan a ngawi leh vang vang a.
"Um ka hre ta, haihawt lutuk hi chu aw"
"Eng chu maw"
"Lawkin aw, Pa-a, zungbun kha ka ken theihnghilh daih,i va la lawk hman ang em, room dressing table ah khan ka dah a"Ruatpuii chuan a rawn ti chhuak t
hlawl mai a
" Awle, ka va kal ang e"
"Min lo tan san ula, ka rawn thleng vat ang, Lo in enkawl tha rawh aw" tih pah chuan Ruatpuii biang ah chuan a fawp zeuh a, room atang chuan a chhuak a.










Vawiin hi ka pasal neih ni tur a ni ta der mai, mahse tinge le keimah ah hian thil a kal dik dawn lo a hriatna ka nei tlat pek anih chu.






Biakin kawngkhar ah chuan ka ding vang tawh,
"Nu, Pa in fanu hian pasal ka nei ve tawh dawn asin, ka ngai lutuk che u, pa, la dam ve ni la chu hetiang hun ah te hian min hruailut tur a ni a, nu, pa ka hlim lutuk ania aw,min lo ngaihtuah su aw, ka pasal tur hi mi tha tak a ni a, min hmangaih lutuk bawk, ka fa te pawh hi a fa te ang chiahin a en nghal thei a, a nu leh pa te pawhin fanu ang chiah in min en a,an fel lutuk a nia aw, nu, pa ka ngai lutuk che u" tun ang hunah hi chuan nu leh pa te ngaih a na ngei mai.









Biakin kawngkhar chu a rawn in hawng a, ka lut ta, ka hmalam chu ka pan phei zel a, piano pawh ka kal rem tak mai chuan a in tum rat rat a,ka sir lamah chuan mipui tam tak an thu chu ka hmu, ka hmelhriat erawh ka hmu vak lem lo, Carter-a te hi mi zahkai an ni a, thenrual tha pawh an ngah ngei mai, ka pan phei zel a, thutna hmalam sir a,nu Emily, Pa harry-a leh nu Angela-i lo thu ka hmuh chuan ka thla a muang deuh sawt ka kalna tur apiang ah chuan ka fanu hlutei chuan pangpar nawi chu a lo theh zel a, ani pawh a nalh khawp mai. Ka fapa bawihpuia pawh zungbun hlan tu ah kan hmang dawn a, a pa nen suit inang in a inthuam bawk a, a duhawm lehzual sawt mai.










Ka hmalam chu ka pan phei zel a, ka bialpa, ka pasal nimai tur chuan nghakhlel takin min lo thlir reng,a mittui a hru zeuh, a nui suk suk a,a zam ve hmel khawp mai. A kiang ah chuan ka va ding a, kan in nuih a, ka beng bulah chuan
"I nalh lutuk tlat,khawvel mo zawng zawng ah i mawi ber ang a" ka nui a
"Ka lawm e, nangpawh i nalh lutuk" ka lo ti let ve a.









Pastor chu a thutna atang chuan a lo ding a, bible chang te chhiarin, a tawngtaia
"Awle, vawiin a kan kalkhawm chhan Cater zothansanga leh Ivy lalbiakfeli te inneihna hi a remlohna hria kan awm em le" an ngawi thap 'Awle, kan awm lo a nih hmel a, tunahchuan monu leh moneitu te'n inneih thutiam an lo chham tawh ang"....











"Kei, Ivy Lalbiakfeli hian, Nang,Carter Zothansanga hi a nuam ah pawh, a hreawm ah pawh, hrisel lai leh bawrhsawm lai pawh in i nupui tak ni turin , thih na in min then hma loh chuan, ka pasal tana rinawm zel turin ka intiam tlat e" carter-a chuan a inneih thutiam a chham zawh chuan kan inneih thutiam chu ka rilru, ka thinlung zawng zawng,chuan ka chham ve a.








Zungbun inbuntir a hun, Ruatpuii chu a awmlo tih ka hrechhuak ve chiah, khawnge le....











Ruatpuii's Pov:
Sawma chu a rei ta riau a, ka ngaih a tha theilo, zungbun in buntir a hun tep tawh a, ka phone a, a la thei miah lo. Ka mang ang takzet tawh a ni.





Ka call nawm sek a, a hnu chuan a pick up ve ta, mahse, amah a ni hauh lo,hmeichhe pakhat hian a lo pick up a
"Hello"
"Tunge ka biak aw?"
"Ka pi,Ruatpuii i ni em, khawngaih in hospital ah ilo kal vat thei ang em?"
"Eng nge thil awmzia?Khawiah nge ka pasal?"
"Hospital ilo thlen vat hi a ngai ani, in pa hian thisen a hloh nasa lutuk a, a dinhmun a tha lo lutuk, tunah ilo kal nghal thei ang em?"
"Aw, aw, ka lo kal nghal, khawi hospital nge"
"ILS hospital ah aw"
"Aw, ka rawn zawng hmu thei mai ang" ka thawh na bak hi chu hospital ka hre vak bawk silo, sawma khawngaihin lo tuar hram hram rawh aw, i nupui, i hmangaih, ka lo kal ania, kan naute vang tal pawh hian i tuar chhuak ngei ngei tur a ni.










Carter-a thianpa, Oliver-a chu ka tawk hlauh mai a, ILS hospital awmna chu ka zawt ta tawp mai a, thil awmzia te chu ka hrilh a, Ivy leh Carter-a engmah hrilh lo turin ka ti intiam tir bawk , ka nau hian harsatna pal tlangin a hlim ve thei tan dawn chauh a, keimahni avanga a lungngaih hi ka duhlo ani.










"Oliver, khawngaih in khalh chak deuh teh" oliver-a chuan min kalpui a duh tlat avangin ka hnial duh ta bik lo a,kawng ka hre lo bawk nen.
"Awle, kan hma a motor hi alawm, kan lehpel ang e, min vuan nghet rawh aw" a bike chuan kan leu zuai zuai a.
ILS Hospital chu kan thleng ve ta mai a, bike a din veleh chuan ka chhuk vat a, Emergency room chu ka pan ding nghal chat a, ka thil hmuh chuan min thawng hle a ni.










Ka hmangaih emem, ka pasal chu, natna khum ah mu in, oxygen pek mek a ni a, aoxygen hip pawh chuan a chhan zo loh hmel khawp mai, Nurse ka nih angin ka pasal dinhmun chhiat zia chu ka hre chiang khawp mai, rei a daih tawh dawnlo, boruak a kham khawp tawhlo tih hriat tak chuan a awm a sep dawrh dawrh a, a meng kawk kawk bawk a, Nurse ka ni a, damlo tam tak thi tur ka hmu tawh,kan rilru pawh ve thin, mahse, mahni pasal, mahni duhlai, kan hmangaih em em, chunga a thlen ve meuh chuan khang ka lo natpui ve em em thin te lo nat dan tur kha ka hrethiam chiah, a nat hian a na ngawih ngawih.










Sawma chu ka pan hnai thuai a, a kut ah ka chelh vat a, thei leh thei lo in zungbun chu min pe a, a thaw kawk kawk, a phun sep sep a, ka beng chu ka dawh hnai a
"Ka,,,,,hma,,,,ngaih,,,,che" ka mittui chu dan zawh rual loh hian luang a,
"Keipawn ka hmangaih lutuk che, i dam leh vat dawn alawm, i tuarchhuak thei em em ang, kan naute vang tal pawh hian, i dam leh a ngai a ni"
Chu thu ka sawi zawh chuan, thei leh thei lo in ka pum puar ve ak tawh chu a rawn khawih a" a nui a, a mittui a luang ngiai ngiai a, a thawk a thlah ta...










Doctor te chuan theih tawpin CPR chu an han pe a, eng a ang thei ta lo, Sawma chuan min kalsan ta.
"Ani thei lo, Sawma, kumkhua a ka kianga awm min tiam kha,khawngaihin lo tho leh hram rawh" a awm ah chuan ka bei a, ka tap vak vak, a taksa lah chuan lumna reng a nei tawh lo.
"Sawma, ka kalsan ngai lo ang che min tih kha, ti nge min kalsan leh si"ka tap tawp thei lo. Chutah Oliver-a chuan min rawn kuah a, a awm ngheng chuan ka tap hawm hawm a.











" Ruatpui, Enge thil awmzia hi" Ivy aw a ni. Ivy chu a mo kawr nen ka lam pan chuan a rawn tlan vat a. Ni dawn tak Ivy te an innei dawn tak, ka thil tawn avang chuan ka lo theihnghilh hman daih alawm.
"Ivy, enge hetah... Carter nangpawh maw"
"Ivy hian in chanchin a hriat veleh,lo kal nghal hi a duh a, ka tawrhpui khawp mai che'Carter-a chuan a lo ti vat a.
Ivy nen chuan kan inkuah a, kantap hawm hawm a.
" Eng tin nge hetiang thil hi alo thlen theih zawk?" Carter-a chuan a lo ti a.
Thil awm dan chu ka hrilh a,
"Thianpa, hawh, in be lawk ang hmiang" Oliver-a chuan Carter a chu a ko hrang a.









Carter's POV:



Vawiin hi ka nupui neih ni a ni a, phur pawh a phur tawh hle nghe nghe.
"Thianpa, i nalh tawp, i vannei ngawt mai, Ivy te ang nupui ah i nei dawn a nia"
"Ni e, ka vannei ngawt mai"
"Anih, thianpa, i hrilh tawh em?"
"La hrilh lo, hrilh tur ka ni tawh, mahse, ani chan hi ka hlau em a ka hrilh ngam hlawl lo a ni"
"Ivy chuan a dawnsawn thiam ngei hi ka ring tlat, a fel bakah, mi hriat thiamna a ngah em em bawk a"
"I ring amaw" ka ti hniam raih, ka nupui neih ni a ni a, ka hlim lutuk mahse, he thudik hi a lo dawnsawn dan tur ka hrethiam miau lo ani, Ivy hi hun rei tak hnu ah ka hnenah a lo kir leh a, chan nawn leh hi ka duh tawhlo a ni.
"Aw, ring e, hawh i kal tawh ang hmiang, tan hun a ni tep tawh a nia"
"Awle"










Kan inneih min lawmpui tura lo kal pawh an lo awm nual tawh a,min chibai paha lawmpuina thu min hrilh an awm nual bawk, ka fa te pawh an mawi hle a, ka fapa Lalpekhlua phei chu ka suit hak ang chiah chiah a lo ha a, Carter jr. a ni ringawt, ka fanu pawh lal fanu ang maiin kawrfual puk deuh laih mai a ha a, Ivy lo kal na a theh tur pangpar a keng bawk, ka fa te chu an hmeltha bik hliah hliah hian ka hria a ni.











Ka bialnu, ka nupui nimai tur, ka hmangaih em em ni bawk Ivy chuan, biakin hmalam, ka dinna lam chu a rawn pan phei ve mek bawk a, amawi tak zet, a makeup a mawi tawk chiah in a inhnawih a, a thawmhnaw hak lah a pian nen a inrem thlap mai. Ka hun kal tawh, Ivy nen kan hun kal tawh kan intawn hmasak ber leh kan intawn leh dan te chu ka ngaihtuah a,khuanu ruat dik tak kan ni in ka hria,hmangaihna dik hre tur hian hun a lo duh rei anih hi,ka mittui a rawn tla sawk, rangtakin ka hru nghal vat a, mipa mah ni ila, kan hun tawn tawh te ngaihtuah chuan ka mittui a tla lo thei lo, mahse he mittui hi chu lungngaihna mittui nilo in hlimna mittui a ni.... Tun atang hian Ivy chu ka ta a ni kumkhua tawh ang, ka mittui ka hruk hnu chuan, Ivy chu ka va en, ka hlimna mittui khuh tur chuan ka nui ta zawk a.









Ivy ka kianga a lo thlen chuan a mawi ka tih thu te chu ka lo hrilh vat a, a hriat loh ka hlau em atin ni, a lawm thu te chu min hrilh ve a, ka hlim a ni.









Pastor chuan kan inneihin hriatpui tu te zinga kan inneih a rem leh rem loh hria kan awm leh awm loh chu a han zawt a, tumah hria an awm lo. Tichuan kan inneihna chu kan chhunzawm leh ta, inneih thutiamtiam chu ka chham hmasa a
"Kei Carter Zothansanga hian, nang Ivy Lalbiakfeli hi ka nupui tak ni tur leh, hrisel lai leh bawrh sawm lai pawh in,......, ka intiam e" Ivy ka thusawi hi ka sawi mai mai lo a nia aw, thudik chu i la hre thuai ang, ka kalsan ngai hauh lo ang che. Inneih thutiam ka chham zawh chuan Ivy pawh chuan a chham ve a, tunah chuan thihna in min then hma loh zawng tiin 'Tiam tlat e' kan ti dun ve ta.











Kan inneih thutiam nemnghet turin zungbun kan in buntir hun a lo thleng ve ta, Ka zungbun buntir tur chu kengin
"He inneih zungbun hi kan thutiam nemngheh nan leh ka nei ta che tih entir nan ka buntir a che" zungbun chu ka bun tir ta a, Ivy hun a thleng ve ta.
"Ihh, Carter zungbun kha, in ah kan theihnghilh a, Sawma khan a va la dawn a, engtin nge kan tih ang" min rawn hrilh ru sa sa a, hunlo thin ve aw....










Ivy in chu thu chu a sawi zo hman chiah tih ah chuan, pa josepha chuan min rawn hrilh ru a, a fuh lo vel vek a ni.
"Carter, Oliver-a phone a nia, a pawimawh lutuk a tia" phone chu ka la vat a
"Aw sawi rawh"
"Carter, thianpa, ka tihpalh lutuk,in inneihna tibuai kan duhlo avangin kan hrilh lo che a,Ruatpuii nen ILS Hospital ah kan awm mek,a pasal Sawma kha, zungbun lam turin a kal a, a lo let leh lamah a chesual a, a dinhmun a tha lo lutuk a" tih ngaihna ka va hrelo ve, Ivy chu ka va en vat, a mit chu zawhna hlir hian a khat a
"Aw, khawiah nge a awm....Awle" phone chu ka dah a











"Carter, enge Oliver-a chuan a rawn sawi a?" engtin nge ka hrilh tak ang
" Sawma hospital ah a awm a, a dinhmun a tha lo hle bawk"
"Awi, ka duh thei lo, khaw nge Ruatpuii hi,Ruatpuii'n a hre tawh em"
"Aw, Tunah sawma bulah chuan a awm mek"
"Awi!!!..... ka duh thei lo, Carter, khawngaih takin a hnen ah chuan min hruai hram rawh" a tap pur tawh
"Mahse, Ivy kan inneih na hun kan hman mek hi"
" Pawi ka tilo, inneihna te chu kan la nei leh thei alawm, mahse Ruatpuii hian min mamawh a sin,tumah ka neih loh lai leh ka mamawh lai zawngin ka tan a awm reng thin a, tunah min mamawh hun a lo thleng ve chiah a, ka phatsan mai ang maw?... teuh lo, Carter, ka hmangaih lutuk che, mahse, ka unaunu in min mamawh, Ruatpuii hnem turin ka kal dawn, min ngaidam rawh, tunah chuan a nei thei rihlo che a ni"kal a tum ta mai, amah maiin ka kaltir thei lo ang.
"Lawkin aw Ivy, hawh ka hruai ang che"


















Ivy nen chuan ILS hospital lam pan chuan kan tlan a,hospital chu kan va thleng a,Emergency room lam kan pan tlang nghal a, Sawma a awm ta lo! Ruatpuii chu Oliver-a awm nghengin a lo tap rawih rawih a, ka khawngaih kher mai, Ivy chuan a unaunu chu a va kuah vat a, an tap dun ta hawm hawm a. Oliver-a chuan thil awmzia min hrilh chiang turin min ko hrang a.











"Oliver, enge thil awm zia hi, ka va hrethiam lo ve"
"Report-a a lan dan chuan sawma hian lu na benvawn(migraine) kan tih ang hi a nei a, rin dan in a migraine hi a rawn chhuak thut a, chu chuan a khawhmuh ti fiah lo in a motor khalh a tibuai ta niin a ngaih theih"
"Anih chuan, a motor chu khalh tha theilo in kawngthlang ah a tlanliam ta tihna a ni maw"
"Ni chiah e"
"A van zialo tak aw, Ruatpuii i hrilh tawh em?"
"La hrilh lo"











A hnu ah chuan room ah chuan kan va lut leh a, Ruatpuii chu thil awm dan te chu kan han hrilh a
"Ni e, sawma hian lu na benvawn a nei thin a, mahse damdawi a ei avangin a reh tawhah kan ngai a, kar hmasa vel atang khan a lu na damdawi a ei ta lo a, tha ve tawh mai tur ah kan ngai a, ka thiam loh vek ani, awww...,Sawma, in a kal tur khan tir lo che ila tha tur, ka thiam loh vek a ni, kei hi lo va kal zawk ila a tha tur hi a ni a, tiang hian i awm lo tur" a tap leh rawih rawih a, Ivy chuan a lo kuah vat a, an unau hi chu an in ngaina bik in an in hmangaih bik ngawt mai.















Oliver's POV:


Zung tura ka chhuak zawk, biakin chhung lam pana ka kal chu, Ivy thiannu a unaunu ni bawk, Ruatpuii chu ka tawk a, a hlauhthawn hmel kher mai, min hmu awm pawn a awm lo, min kalpel a,thil awmzia chu ka zawtfiah vat a,
"Ruatpui, i va hmanhmawh ve khawi ah nge i kal dawn" ka aw a hriat veleg chuan a ding chawt a
"Enteh Oliver, khawiah emaw ka kal lawk a ngai a, khawngaih in Ivy-i leh Carter-a
hrilh lo hram rawh aw, min tiam thei ang em?"
"Ka tiam a che, mahse ka zawhna min chhang phawt rawh, enge i tih dawn, i unaunu, i thiantha ber lehnghal pasal neih ni a ni a,programme pawimawh tak i kalsan chhan tur hi a pawimawh hle ani ang maw?"
"Ih, englo ania, ka pasal phone atangin phone call ka dawng a, ka pasal dinhmun a tha lo a,ILS hospital ah lo kal vat turin min hrilh a, khawi ah nge a awm i hria em?" a hlauthawng lutuk, min ti hlauthawng ve vek
"Heta tang hian a hla vak lo, mahse i pasal chu tun ang hunah khawnge a kal re re a"
"Ka thiamloh vek a ni, zungbun kha lo theihnghilh lo ila a tha tur a nia, lo va kal zawk ila tiang hian a awm lo tur"
"Eng zungbun nge i sawi chu, ka va hrethiam lo"
"Ivy te inneih zungbun a nia, ka theihnghilh a, sawma lam turin ka tia, mahse..., Oliver, ka kal phawt ang kawng chu ka hre thei mai ang" kal a tum ta mai a
"Ka hruai ang che, ka bike ka va la chhuak ang"
"A ngai lo, i thianpa te inneih na anih hi"
"Nagpawh i unaunu pasal neih ni a nu ve tho alawm" a ngawi ta hmak
"Hawh, min hnial lo la ka va hruai ang che, tun ang huna mahni kal ai chuan i tan pawn a nuam zawk ang"
"Anih, ka lawm e aw"
"Bike ka va la chhuak a nge"











Bike chu ka la chhuak a, tlan chak tur chuan min ti a, ka theihtawp a speed chakin ka tlan a, kan leu zuai zuai a, damdawiin pawh kan thleng ve ta.










Ruatpuii chu Ivy leh Carter-a inhual ni khan ka hmu tawh a, Nurse a ni tih pawh khami ni khan ka hre nghe nghe, a nelawm a, a hmel pawh a tha,ka duh zawng tak a ni,ka single mek bawk,ngaihzawng ka nei ve nual tawh a,mahse tumah kha Ruatpuii ka hmuh hmasak ber ang a vei leh duh nghal kha ka la nei lo, mahse pasal a lo nei tawh hlauh, an la hlim em em zui, ka chang tawh lo, chuvang chuan ka theihnghilh nghal a ngai ani, mahse khami ka hmuh ni atang khan ka theihnghilh thei tawh lo re re, ka chan lo tur ka duh tlat chu ka in haw rum rum, mahse an inkara tlakzeh erawh ka tum hranlo, hlim taka a awm hmuh hi ka tan chuan a tawk a ni.








Vawiin ah Ruatpuii chu ka hmu leh, a vawihnih nan, ka hmuh hmasak ai khan a hmeltha zual sawt in ka hria, make up te alo in hnawih ve deuh bawk nen, a kawr hak lah chu a in hmeh kher mai, kawr hring duk deuh lampang hi a ha a,ka chan loh tur chu duh tak chuan ka thlir ngawih ngawih a, a hlim hmel ka hmuh hian ka lo hlim ve ringawt thei nia.










Zung tura ka chhuak ka let leh chiah, Ruatpuii hlauthawng hmel lutuk ka hmuh khan ka hlauhthawng ve zo vek, enge a chung ah thleng le, tiin ka ngaihtuah vak vak a, a hnu ah a pasal dinhmun a tha lo tih min hrilh a, kal a tum mai, mahse, amah ringawt in ka kaltir theilo a ni, a hlauthawng hmel khan min ti chi ai ve zo vek lehnghal a. Hospital chu kan va thleng a.










Emergency room lam chu kan pan phei vat a, Sawma chu boruak a kham lo tih hriat tak hian a awm a sep dawrh dawrh a, a meng kawk kawk bawk a,hmuh a hreawm takzet, Ruatpuii nen hian damdawi lam thiam ve ve kan ni a,Sawma dinhmun pawh kan hrechiang ve ve a ni.











Ruatpuii chuan Sawma awmna lam chu a pan phei vat, kei chuan Doctor chu biain enge thil awmzia ka zawt a,
"Doctor enge thil awmzia hi, min hrilh thei ang em?"
"Damlo hi heta an lo hruai veleh khan test neih nghal a ni a, report a a landan chuan Lu na benvawn, migrane kan tih mai hi a nei thin a, chu chuan a khawhmuh ti fiahlo in, a motor khalh a tibuai a, kawng thlang lamah a liam ta mai a nih hmel"
"Ka lawm e, Doctor, beisei awm a awm em?"
"Tunah chuan a beisei awm loh hmel khawp mai, a lu a sawh bakah a, nak ruh a sawh bawk a, damchhuak pawh ni se, mi pangngai ah a chhuak tawh in a rinawm loh a ni, a pawi ka ti khawp mai" chu ti em em chu a, Ruatpuii tawrh atan chuan a na mah mah a ni.










Ivy leh Carter-a hrilh lo turin min ti mahse hrilh chu a tha in ka hria a, inneih programme ka tihbuai chu ka hlau bawk si,Enge ka tih tak ang, room pawn ah chuan ka vei ka vei a, ummm, ka phone ang..... ka phone ta ngei a, chanchin chu ka hrilh a, phone ka dah hnu chuan, room ah chuan ka lut leh nghal a.











Sawma chu chhan tlak alo awm tawhlo a ni. Ruatpuii lah chu chhuak em em hian a lo tap rawih rawih a, ni e, hmangaih tak te nena in then mah a nat laia thihna vanga hmangaih te then chu a na khawp ang le, Ruatpuii tap lai ka hmuh chuan ka thinlung chu a na ve ngawih ngawih, ka pan phei vat a, ka kuah ta tawp a, chhuak em em hian ka awm ngengin a tap a.










Carter-a te pawh ka phone zawh hnu lawk chuan an lo thleng ve ta a, Ivy chuan Ruatpuii lam chu a rawn oan vat a, kei chuan ka thawh san a, Ruatpuii chu Ivy chuan kuah in an tap dun leh ta, a hreawm a ni, hmangaih te chan hi chu, thihna hrim hrim boruak hi chu a hreawm em mai, a tuartu tan lah a na em em bawk.












Carter-a chu thil awmzia leh he thil lung chhiat thlak tak lo thlen dan chu ka hrilh ta a, pawi a ti ve khawp mai, Kan in biak zawh chuan Ruatpuii chu thu kan zawtfiah a, sawma chuan lu na benvawn a lo neih reng thin thu leh a hma kar lawk atanga a damdawi a ei tawh loh thu chuan min chhang a, ka khawngaih reuh asin aw, Sawma thih thu a a thiamloh anih thu a sawi te chuan, ka rilru alo na ve zak zak thei nia mawle.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 3rd, 2020, 4:28 pm

Ivy-17:
Sawma ruang chu Mizoram lamah kan hawpui ta a, Ruatpuii, kei, carter-a leh a thianpa Oliver-a te chuan kan zui haw a,ka fa te erawh Carter-a nu leh pa ten kan lo awmpui ang an tih tlat avangin ka hruai ta lo. Mizoram ka hmuh loh na pawh kum thum dawn lai a lo ni ve ta reng mai.













Airport chu kan thleng ta,Sawma ruang lo hmuaktu pawh an lo thahnem khawp mai a an veng hruaitu te, a thian te leh an chhung thenkhat ten an lo hmuak a. Tah tu pawh a ngah hle. A ruang chu in lam kan pan pui ta a, thenrual kawm thiam tak a nih vang pawh a ni ngei ang tahtu lah a ngah ngei mai.













Sawma ruang chu kan tlaivarpui hnu ah, a tuk chhun dar 12 ah kan vuiliam a, Ruatpuii leh Sawma nu leh pa pawh ka khawngaih khawp mai.













In lama kan haw hnu chuan khawhar hnem tura Sawma te in a lo leng lut pawh an awm nual a,Sawma thih atang khan Ruatpuii chuan chaw a ei duh thak lo a, ka pek luig ngial pawhin a ei duh lo, ka mang a ang khawp mai.











Sawma thih atanga ni thumna chiah a ni, ka hlauh ang ngeiin Ruatpuii chu a chau thut a, Nurse e tilo hian a hrisel lo reuh lutuk a, nau a lo pai ve bawk nen,chaw a ei duh loh bakah a pasal a la sun hlim bawk , zan a mu tha lo bawk nen, ka mang a ang khawp mai, a tap reng bawk si a. An nupa room ah chuan kei leh Carter-a, Oliver-a leh Ruatpuii, kan pali chauha kan awm lai chuan Sawma nu leh pa te an lo lut a,
"Bawihi,i tawrhna hi kan hriatthiam pui lutuk che, mahse hetia i awm chuan i taksa mai nilo in,i pum chhunga naute pawh khan a tuar dawn a nia, eng emaw tal ei hram rawh, hetiang a i awm reng chuan i thi thei mai ang"
"Nu, ka ei chak hlawl lo a ni"
"Mahse, bawihi"
"Nu, khawngaih in" Sawma nu takngial pawh chuan tih ngaihna a hre ta bik lo a.
















Sawma pa chuan chutia Ruatpuii a awm tak tlat si ah chuan tihngaihna a hre bik lo, min ko hrang a
"Ivy, bawihi, Ruatpuii hi engtia tihchi nge ni a i rin"
"Pa Ruat, kei pawh hian ka hrethiam bik lo a ni"
"Ruahmanna chu ka nei a, mahse amah Ruatpuii hian a pawm duh ka ring lo a"
"Han sawi chhin la, alo pawm duh mai thei asin, anih loh pawn ka sawipui thei maithei a nia"
"Anih chuan, Ruatpuii hi an in lamah enkawl ta mai ila, kan fapa ai awh tu tur a nia, a nu nen phei hi chuan kan ngai lutuk, mahse, tuna a awm ang hi chuan nau a pai bawk si, a damchhuak zo lo ang tih hi ka hlau a ni"
"Ni e, Pa Ruat, i rawtna siam chu a that ka ring, amah Ruatpuii pawh heta a awm reng chuan Sawma nen an sulhnu hlir a hmu dawn si a, kalo sawipui chhin dawn nia"










Tichuan Ruatpuii chu an in lama inenkawl tur chuan kan hruai haw ta a, a tah a bang thei chuang lo mahse a kiang ah kei, Oliver-a leh Carter-a,kan pathum chu kan awm reng a, kan kalsan ngai lo. A bikin Oliver-a hian mak tak maiin a ngaihsak zual em em a, a melh dan pawh hi, a duh deuh in ka hria, mahse ka hmusual mai thei a ni.










Kar khat vel lai kan awm ta, Ruatpuii kalsan chu ka la hreh khawp mai mahse nu ka ni a, hna ka nei bawk, ka fa te ka ngaihtuah tawh a ni. Pawn varanda ah chuan ka thu a, ka thil ngaihtuah vang pawh a niang, Carter-a ka bula a lo thut lai pawh chu ka hrelo a, a hrawk a thian kharh ri chuan ka ngaihtuah na atang chuan min kai harh zawk a.
"Ehe, Carter, tihpalh lutuk,i lo thut lai ka lo hre miah lo a"
"Nia, i ngaihtuah muk hmel lutuk a, ka be buai duh ta lo che anih kha"
"Nia, ka fa te ka ngaihtuah tawh deuh hlek a"
"Tun achin ah chuan kan fate tih tawh tur aw, kan inneih tawh kha"a nui sak a,
" Ni dawn tak, mahse, keimah vangin kan innei zo hman ta silo a, a pawi ka ti lutuk"
"A ho lutuk, ka duhtak-i hlimna hi ka hlimna ber a ni, bakah innei ang tho kan ni alawm, thutiam kan chham hman vek tawh a, zungbun pawh ka bun tir vek tawh che , he zungbun hi i bun chhung chuan ka ta i ni tih hi hre reng la ka duh bawk a ni, ka ta i ni ka ta chauh" ka lai lek lek
"Ka lawm e, min hriathiam avangin, ka hmangaih che" a mit ah chuan en in ka nui a,a dar ah ka lu ka nghat bawk a, ka thla a muang hliah hliah a ni.
"Keipawh hian ka hmangaih lutuk che a lawm, bakah inneihna te chu kan nei leh mai a ni ang chu"
"Ni e, ka in thlahrung khawp mai, i chhungte lak ah pawh, mahse, tih theih ka nei mang bawk silo a" ka in thiam lo ve thlawt, inneihna pawinawh lutuk ka kalsan a, mahse ka hlimna aiin ka thiantha ber, ka unaunu, ka engkim, ni bawkin min mamawhna a sang zawk tlat a ni.
"I nei alawm, khawiah emaw min kalpui la"
"Khawiah"
"Hawh, lo kal rawh,i hre mai ang" a nui a














Carter-a nen chuan Taxi ah kan chuang a,
"Carter, khawiah nge kan kal dawn?"
"I hre mai ang, min zawt min zawt suh" a nui sak a, a phur hmel rualin a zam ruk ve hmel khawp mai.
"Sawi ve mai la mawle" a mak ka ti ani, Mizoram ah piang mahse, a naupan lai atangin Bangalore ah an awm awm sia, khawiah tak min hruai ang maw...











Kan chuan na taxi chu a dung chat a, he hmun hi ka hre tawh, enge thil awmzia hi le, Carter-a chuan min kai chhuak a, awmdan tur ka hrelo takzet, Carter-a hian ka thuruk a hre chhuak ta em ni le, mahse a lakah engmah tihsual ka nei hleinem, eng nge ka hlauh ve ringawt.












Hotel Moonstone, he hmun ngei hi a ni, kha zana thil thlenna hmun kha, ka thianghlimna ka hlauhna hmun leh ka nun khawhar tak in tanna kha,mahse ti nge Carter-a hian min hruai si, ngauhtuah dan pawh ka hrethiam lo takzet a ni.













Carter-a chuan hotel ah chuan min hruai lut a,ka lo nghak a, eng nge maw a hriat reuh le,reception counter ah chuan room a book a, chahbi chu la in min kai a, kei chuan ngawi rengin Carter-a chu ka zui a











Room 305....Carter-a chuan ka kut ah chuan kaiin chu room ah chuan min luhpui ta, room kan luh rual chuan, khami zana thil thleng zawng zawng kha nimin lawka thleng ang maiin chiang tak chuan ka ngaihtuah na ah hian a rawn lang zut zut mai a.









"Carter, eng nge he lai ah hian kan tih"
"Ivy, ka tihpalh aw, min haw lo hram rawh khawngaihin, he thu hi hrilh che ka tum nasa tawh mahse chakna ka nei thlawt lo a min ngaidam hram ang che"khum ah chuan a thu hnawk a, a sawi awmzia chu ka hrethiam lo takzet ani, a thutna khumah chuan ka va thu ve vat a
" Carter, eng nge i sawi awmzia hi ka hrethiam miah lo ania aw"
"Ivy, thudik hrilh che hi ka tum nasa tawh lutuk, ka ngam ngailo, min huat ka hlau a, min kalsan ka hlau bawk, kan inneih hunah honeymoon hmang turin helai hmun ngeiah hian, ka hruai che ang a, thudik hi ka hrulh ang che ka ti a, mahse ka ruahman lawk loh dan in thil a thleng ta si a, a hun hian zir lo hle mahse thudik ka hrulh ngei che hi a tul si a ni. Khawngaih in min kalsan suh aw" a mitmeng chu hlauhthawnna in a khat a ni ber mai
"Awle,thudik chu engpawh ni se, ka kalsan lo ang che, min ti hlauthawng a nia, thudik chu min hrilh vat teh"
"Awle, hei hi thudik chu a ni, khami zana helai hmuna i mipa tawn kha keimah, i bialpa Carter-a ngei hi ka ni e, a awmzia chu i fa te pa hi ka ni bawk tihna"
"Maw???, Carter, tuna i thusawi kha i chiang em?"
"Aw, ka chiang khawp mai"
"Engtin nge a nih theih? ka fa te pa hi vawi khat pawh ka la hmulo asin,engtin nge i nih theih ang, bakah nang te chu khutah anih kha kan in tawn" ka thu hriat chuan min thawng takzet, ka awih dawn nge awih dawnlo ka hrethiam lo
"Aw, ni e, Ivy, khami zana mipa he room a i tawn kha kei ngei hi ka ni, khami zan atang khan nang hi ka theihnghilh ngai reng reng lo che,helai hmun i chhuahsan hnu khan ka rawn zawng che a,in in a in kalh a,chin hriatloh in i bo hmak bawk a, kum khat tal tawp ka zawng che asin, mahse, ni khat chu kha chhang dawr ah khan ka hmu leh che a, khami ni a ka lawmzia kha thu in an sawi thiam lo zawk a ni."
"Nia, room ka chhuahsan hnu khan damdawiin ah ka pi hmu turin ka kal a, kapi in min boral san bawk si kha Ruatpuii hian a bula awm turin min sawm a, ka kal ta mai alawm mawle, ka kal hma khan ka nutei te hnenah ka awmna chin tumah hrilh lo turin ka turin ka ti bawk a......" Carter-a hi ka fa te pa alo ni reng amaw











"Enteh, Ivy, nang ka tawn hma che kha chuan mipa lerh tak, hmangaihna awm ringlo ka ni thin, mahse nang ka tawn zan atang che kha chuan mi thar ka ni, i tan hian ka in serh hrang tlat thin, Ivy, tunah chuan thudik i hre ta, thuthlukna pawh i thu thu a ni e, ka pawm vek ang, min nei duh talo anih pawn ka pawm vek ang, mahse khawngaih in min haw lo hram ang che aw" ngenngawl tak chuan min dil a, mak ka ti tak zet zet, mahse Carter-a hi ka haw lo a, min zawn nasat zia a sawi khan ka khawngaih zawk a ni.
"Enteh, Carter, ka haw re re lo che,engtin nge ka huat theih ang che, ka fa te pa dik tak ilo ni tih hriat hian ka hlim zawk asin,mahse thudik min hrilh har lutuk erawh ka dem ve deuh che"
"Ka lawm e,thudik hi hrilh vat tur che ka nia sin, mahse thudik hrilh tur che hian chakna ka nei thlawtlo a tin ni, ka hmangaih lutuk che"
"Keipawn ka hmangaih lutuk che" Min fawp a, keipawn ka lo chhang let ve nghal.













Carter's POV:

Ivy chu kan inneih zawh ah muangchanga honeymoon nei tura Mizoram lama hruai ka tum a ni. Chutah chuan kha zan a thil thlen na hmun Moonstone Hotel ah ngei mai khan ka hruai a nga, thudik hi ka hrilh ang, tia ka lo ruahman lawk ve chu eng mah lo mai an lo ni ta si a, ka hnual ve deuh. Mahse,Ruatpuii pasal, Sawma ruang dah turin Mizoram lama kan kal a ngai tlat mai. Vanduaina kara vanneihna a ni.











Sawma ruang chu kan Mizoram chu kan thlenpui ta ngei mai a, a ruang lo hmuaktu pawh a ngah khawp mai, awle Ivy chu thudik ka hrilh ngei ngei tawh ang.











Ivy chu ka bulah awm reng mahse thudik hrilhna hun tha ka nei tlatlo Ruatpuii a ngaihtuah em em a, a kiang ah a awm chawt a ni ber, chaw lah a ei tawk a, Ruatpuii lah in chaw a ei duh bawk si lo, mang an ti ang takzet a ni. Oliver-a lah hian Ruatpuii hi a duh tlat hian ka hre lehnghal, Ruatpuii kiang ah a awm reng a, a kalsan hla ngailo, a ngaihtuah em em bawk a, a hmangaih ngei pawh ka ring a ni Sawma leh Ruatpuii hi lo innei hman kher lo se chu ka sawu rem pui ngei ang.













Ruatpuii chu kan hlauh ang ngei in a chau ta ngei a Sawma nu leh pa chuan, an fanu, an en dan ah hi chuan mo aiin fanu tih hian a sawi dik zawk ang,chutia awm ta mai chu an khawngaih em em bawk a, Sawma pa chuan Ivy nen ruahmanna siam in Ruatpuii chu an in lama enkawl tur chuan thu an ti tlu ta a.












Ruatpuii pawh a la tap reng a, mahse, ka ngaihtuah na nge chu ka hrelo a, Ruatpuii pawh an in a a awm atang chuan hma a sawn ve hret hretin ka hria.....












Kar khat dawn lai chu Mizoram ah kan cham ta.Vawiin hian Ivy chu thudik ka hrilh ngei tur a ni,thutlukna a siam apiang ka pawn bawk ang, min kalsan a duh tlat pawhin ka pawm vek ang.









Ivy chu ka zawng a, room ah te,huan ah te, Ruatpuii ka zawt a, a lo hmu bik bawk silo, Lalawma, Ruatpuii unaupa chu ka zawt a, varanda a a thut thu min lo hrilh a awle,thudik hi ka hrilh tawh ngei ngei ang ti chuan ka huaisenna sawm khawm in thudik chu hrilh ka tum ta, varanda lam chu ka pan phei a, ka va thlen chuan Ivy chu thil ngaihtuah muk tak niawn tak chuan a melh ngai hi a lo melh reng a, a bul ah chuan ka thu a, a hrelo anih hmel, ka duhtak-i hmel chu ka thlir ngawih ngawih a,henu hi chu ka duh ve thlawt,min kalsan ta se engtin nge ka awm tak ang?..... thudik ka hrilh vat hi a ngai ani.












Ka hrawk chu ka thian kharh kharh a, a hre mai lo, ka thian leh a hre chuang lo, a va hahthlak e aw, a tawp nan ka thian leh ang a, a hriat theih loh chuan ka be chauh ang.











A tawp nan tak tak chuan ka hrawk chu a hma ai mah a ring in ka thian leh kharh kharh a, a rawn hre ve ta, huiha, ka hrawk hi a ro vek thei dawnin ka hria. Eng eng emaw chu kan sawi a, kan sawi zawh hnu chuan thudik hrilh tur chuan ka hruaichhuak thei ta nge nge a.












Taxi ah ka chuanpui a, Moonstone Hotel lam chu ka panpui ta nal nal a, eng nge lo thleng dawn tih lah a hre der mai silo, thudik ka hrilh ngam ta chu ka phur rualin a lo dawnsawn dan tur ka hriat miau loh avangin ka zam ve deuh a ni.












Hotel chu kan thleng a, room chu book in chahbi chu ka la a, ka kai a, room lam chu ka panpui ta a, Lalpa min pui hram ang che Ivy chan hi ka duhlo ani.










Room ah chuan ka luhpui a, thudik chu ka hrilh ta, a tir chuan a awih lo a mahse ka sawi zel khan a awih ve ta.....thudik ka hrilh thei ta kha chu ka thaw huai thei, mahse engtin nge a dawnsawn dawn tih ka la hrelo tlat, ka zam ani.Thudik a hriat vek hnu ah min huat loh thu leh a fa te pa ka ni hi a lawm thu min hrilh meuh chuan ka hlim teh asin, khawvela mi hlim ber ka ni hial ang.












Ka fawp a, min fawp let ve, ka lawm asin, ka duh thawh telh telh a, khum ah chuan ka bawhthlu a,a kawr chu muangchangin ka phelh a, min lo dang vat
"Carter, hetiang chu kan ti thei lo ang"
"Ngati maw?"
"Nupa tak tak nih hma chu"
"A hma pawn kan hmang tawh tho alawm"
"Kha kha chu a thil dang vang a nia"
"Ni tho e"
"Ka hmangaih lutuk che, mahse kan la innei lo tlat, nupa kan la nilo tihna a nia"
"Kan innei tawh alawm, inneih thutiam kan chham vek tawh kha, zungbun pawh ka bun tir thlap tawh che, chu chuan ka nupui i ni tawh tih a nemnghet bawk"
"Mahse"
"Shh,Ka ta i ni tawh ka tih kha, ka nupui i ni tawh, nupa kan ni taw,harsatna a la awm em?"
"Awm lo"
"Anih chuan min lo dang suh" thu pe aw deuh chuan ka ti ve ngat, mipa zawk chu kan thu hle tur a ni...hehe....












Honeymoon nuam tak mai chu kan hmang a, ruahman loh dan in thil kal mahse ka hlim tho mai, ka duhtak, ka hmangaih em em, ka kiang ah a awm a, thudik ka hrilh vek tawh bawk, inneih that chiah kan hmabak ta.















Ruatpuii's POV:
Ka pasal in min kalsan hnu chuan ngai ka awh thei ta reng reng lo a, chaw ka ei theilo a, mut lah ka mu thei hek lo, kangai thei em em a, ka hmangaih hmasa ber leh ka bialpa hmasa ber a ni bawk a, ka tan chuan engkim ah a hmasa a ni.











Ka chaw ei loh vang leh ka mut tlem vang chuan ka taksa chuan a tuar hle nghe nghe, ka chau em em a,Ivy, Carter-a,Oliver -a,ka nu leh pa(Sawma nu leh pa) pawh an mangang hial ani.












Ka pa chuan ka dam nan leh ka tana a that zawk ring in kan in lama min awmpui rih turin ka thiante chu ruahmanna a siampui a, keichuan ka duhlo lutuk ringawt, mahse nau pai lai ka ni a, nu la ni mai tur ka bawk, ka thiante ka ti thlaphang takzet tih ka hre bawk a, a tawp a tawp ah kan ina awm chu ka remti ve ta.












Ivy leh Carter-a te pawhin min ngaihuah em em a, min duat em em bawk. Tin, an thianpa Oliver-a hi a felin ka hlim loh hlau ni awm reng reng hian fiamthu a thawh reng thin a,a nuihzathlak thei phian lehnghal, a hmel en chuan thutak deuh hmel hi a pu a, a lo ho ru zek reuh a, a hmel pawh a tha na ngiang mai, mit meng thip lam deuh, hmai zum lam, sang ve tawk tak a ni,ka vanduaina kar ah hian an ni ang thian ka nei hi ka vannei takzet zet a ni. Bakah Oliver-a hi ti nge mawni ka bulah hian a tap chawt hi a ni ber.... khawnge maw Ivy leh Carter-a pawh chu an bo daih le aww...















Ka Room a ka awm kai chuan Lalawma a rawn lut a,
"U, enge i an tawh?"
"Ka tha tawh lutuk"
"Ka va chhuak harh zawk ang e, lo in be ru" Oliver-a chu room atang chuan a chhuak ta daiha
"U, enteh, U Oliver-a hi a fel ka ti, ka makpa duhzawng tak a ni, a zaidam in a pa reuh sia" hepa hi enge maw a rawn sawi reuh le
"I mawl a mi, kar khat liam ta khan thihna vangin ka pasal ka then chauh a, makpa te i rawn sawi reuh le,i u sawma pawh a lungawi lo ang"
"Aw, u, u sawma kha chu a thi tawh, he khawvel ah hian a awm tawh lo, bakah la dam pawh ni se a lungawi loh ngam ka ringlo, chuan u Oliver-a hian a duh chiang che alawm, a che zia ah hian ka man tlat,mipa leh mipa hi chu kan in man ru tlat zel a nia aw, ka sawisual ka ringlo"
"Lalawmpui, mawl mawl lo khan i lehkha va zir la anih chu"
"U, ka duh sak vang che anih hiiii, in ngaihtuah chiang rawh, lehkha chu ka va zir a nge" a chhuak ta a









Lalawma sawi tak ah chuan Oliver-a min en dan chu ka ngaihtuah rauh rauh a,thian satliah mai mai a nilo in ka hre ve ta deuh a, mahse ka ring ngam chiahlo a ni, bakah tunah ngaihzawng thar nei leh nghal tur chuan a la hma mah mah a ni, kar hmasa lawka pasal sun ka ni a, bul tan thar nghal tur chuan a la hma mah mah, bakah ka hmangaih thei ang em ka in hre rihlo.












Oliver's Pov:

Ruatpuiii pasal sun hlim, chaw pawh a
ei thei lo leh mu tha thei bawk silo ka hmuh hian ka na takzet, ka rilru a hah bawk, naute in a tuar mai ang tih ka hlau a ni.











Ka theih ang tawk chuan a kiang ah ka awm a, ka tih hlim theih beisei in ka fiamthu te ka thawh a, amah pawh ka fiam ka fiam thin, zia lam a pan chho ve hret hret pawh in ka hria a ni.











Lalawma a lo luh avangin Ruatpuii nen chuan ka kalsan a, khawnge maw Ivy leh Carter-a hi an lo kal leh hman le. Kawt ah chuan ka thu a,ka hna eng eng emaw te chu ka phone hmang chuan ka thawk pah a darkar khat vel hnu ah Ivy leh Carter-a pawh an rawn thleng ve ta, an in hmangaih hmel khawp mai, a khat tawkin an in en a, an nui suk suk a, an lawm awm duh reuh, Carter-a hi ka awt khawp mai, a duh tak a nei bik a.











"Oli, i va buai awm veee kha" carter-a chuan nui sang hian min rawn ti a, Ivy chuan chhuan lam siamin inchhung lamah min luhsan a.
"Buai lo e, khaw nge in kal daih a" Carter-a chu ka bulah chuan a lo thu ve nghal a
"Thil te te, puitling hriat ve chi loh" a uang ve reuh lutuk, a inhmehli ve thlawt, Ivy a tawn atang hian ka thianpa hi a danglam sawt khawp mai.
"Sawi tha mai mai la anih chu" ka lo ti ve nghat a
"Tak tak ana, thudik ka hrilh tawh a"
"A that nasat chu"
"Nia, ka lawm asin, ka hlauh angin engmah a thleng lo bawk a"
"Ivy chu a fel ka tih khaaa, a hrethiam che kha ka ring tlat a ni"
"Nia, hawh lut ang hmiang"
"Umm, thianpa ka awt khawp mai che"
"Kei hi maw,eng vang maw, Ivy vang hian mi?"
"Nilo e, i duh tak i nei thei bik a, kaawt khawp mai che"
"Ka thianpa thusawi dan chu, duh i nei ve deuh anilo maw nang hi"
"Nei ve e, mahse ka neih theih ngailoh tur a nia"
"Ka hre tlat in ka hria, ka'n ring chhin Ruatpuii hi a ni chiang mai"
"Hehhe, i sawi dik chiah, in inhual ni kha ka vawikhat hmuhna a ni a, Ivy khan a unaunu tiin min hmelhriattir a, ka duhzawng tak a ni, mahse a hnu ah a pasal nen khan ka hmu leh sia, chanloh tur tiin ka kalsan leh ta nih kha, pasal lo la neilo se chu ka bem hrim hrim ang mawle"
"Chu te chu, tunah a pasal a sun tawh a, a pasal bikah chuan buaina chu a awm dawn lo phawt mai a, mahse amah Ruatpuii zawk hian a duh dawn che em tih ah hian a innghat tawh zawk a"
"Thianpa, min lo duh anih ngat chuan maw, ka duat ngawt ang, ka nei ang a, a puma note pawh saw ka fa ang chiahin ka pawm ang mawle"
"Chutia i inhuam phawt chuan hma la ta che"
Ni e, ka thianpa min hrilh ang ngei chuan hma ka la khawp ang, min duh ngei ngei turin ka siam dawn a ni, kei Oliver Lalrinpuia hian ka intiam e...Lalruatpuii ka ta anih hma loh zawng ka bei char char ang tih hi.












"

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 3rd, 2020, 4:28 pm

Ivy-18


Ivy's POV:
Carter-a thu min hrilh chuan min thawng takzet a, dawnsawn dan pawh ka thiamlo tep hial a ni, a tir ah kha chuan mak ka ti a, han awih vak ngaihna pawh ka hrelo, awih loh dawn lahin Carter-a hian khatiang khawpa lian dawt min hrilh duh in ka ring bawk silo a, bakah kan in ngaihzawn tan tirh atangin dawt hi vawikhat mah min la hrilh ngai miahlo bawk si a.





















Thudik tak min hrilh hnu phei kha chuan ka ka hmangaih zual sawt in ka hria, ka khawngaih bawk, min zawn laia a rilru hah dan tur leh a beidawn dan tur te ka ngauhtuah hian ka khawngaih ngawih ngawih,kei ve te mai hi min nghah rei zia ka ngaihtuah phei hi chuan a laka thinrim thei ka nilo tih hi ka hrechiang em em bawk a ni. A hmeichhe duh duh neithei khawpa chhelo, hmeltha leh hausa bawk si in kei ve te mai min duh tlat hi phulo ka in tih bak ah vannei ka in ti em em bawk. Min kalsan suh tia ngen ngawl taka min dil hnu phei kha chuan ka rilru zawng zawng hian thihna chauh lo chuan min then lo turin Pathian hnen ah ka dil mawlh mawlh mai a ni.




















Ruatpuii te in ah kan let hnu chuan a thianpa, Olivera bula awm turin inchhung ah ka luhsan ta a. Ruatpuii pawh chu a room ah chuan a lo awm a,
"Ruat, enge i an"
"Ka tha tawh lutuk, khawiah nge in bo daih a"
"Ih, englo, Carter-a nen khawiah emaw kan kal zawk alom mawle"
"Ehhh, khawnge in va kal vel a" ka dar ah min nghawk zeuh pah chuan a nui a
"Hmun nuam deuh ah" ka nui ver ver a
"Khawiah, i nuih vel dan ah khan thil tha deuh thleng a awm chiang mai"Lalruatpuii hi chu aw
" Nia, Ka hlim lutuk, Carter-a'n thudik tak min hrilh a" nichin lawka thil thleng kha ka ngaihtuah chhuak a ka lai reuh, ka hmai a sen tawn tawn in ka hria
"Ehhh, a lai vel, eng thudik tak hrilh ang che maw, a hmangaih tih a hrilh che nge" Lalruatpuii dik tak kha a lo let leh tan tawh in ka hria
"Nilo e, englo a nia, thudik chu Carter-a hi ka fa te pa alo ni reng alawm"
"Maw!!!....Carter-a hi u fa te pa alo ni reng a maw? Engtin nge a nuh theih zawk?"Mak ti lutuk chuan a tawng deuh lungn lung a
"Aw, ni e, keipawh in ka hriat tirh chuan a mak ka ti lutuk, mahse a ni miau bawk sia"
"Awle, engpawh chu nise, ka zawhna chu chhang teh, engtin nge..... he.. i pasal....a la ni leh lo tak....i pasal la ni mai tur Carter-a hi i fa te pa a lo nih theih.... Nangman min hrilh dan ah kha chuan Bangalore kha in vawi khat inhnuh na a ni si a" khum atang chuan a tho a, room ah chuan a vei kual thuak thuak a, kei lah chuan tih vak ngaihna hrelo in khum ah chuan ka thu a, Ruatpuii che vel chu ka lo en tawp..






















"Aww, thu phawt la ka hrilh ang che" a rawn thu thla a
"Awle, min hrilh tawh rawh le"
"Ih, englo a nia, Carter-a hi khami zana hotel a ka mipa tawn khami ni alawm, kei pawh hian mak ka ti lutuk, ka la awih thei lo hial.... "
"Aw, chuan engtin zel"
"Tichuan keichuan kha hotel room kha ka chhuahsan vat a, ani erawh chuan a insawi danin a ho te nen min zawng reng ani awm e"
"Chuti anih chuan ti nge a zawn hmuh vat loh che, zawngtu te lah an tha ropui si a"
"Nia, ka lo chhuk dawn khan ka nutei te bulah tumah ka awmna hrilh lo turin ka ngen pek alawm mawle"
"Anih chu, chuan ka la hriatthiam loh chu, bangalore ah daih khan kan in tawng i ti bawk si a"
"Nia, a insawi dan chuan min zawng nasa lutuk kha a beidawng tawh a, airport ah khan ilo haw tur Thomas-a nen a kan hmuah lai che kha min lo hmu bawk si nen, Thonas-a kha ka pasal emaw a tia, ka fa te kha kan pawm ve ve bawk si a, min bansan pawh kha a lo tum ru ve lutuk a, mahse ni khat chu a pa cake tur hi kan dawr ah a lo lei a, chuta tang chuan kan in tawng leh a ni mai a niang chu, ka tan chuan Carter-a ka hmuh hmasak ber ni a ni bawk a"
"Awiii!!!.... Ivy.... khuanu ruat dik tak in ni anih dawn hi, ka lawmpui lutuk che, i tuar nasat zia Pathian hian a hriapui a ni, ka lawmpui tak zet che a nia..... Carter-a pawh chuan a tuar ve hle dawn anih chu"
"Nia, a sawi dan a nia, a dik pawh ka ring, min tawn zan atang khan hmeichhe dang reng reng a tawk lo a tia, ka tan a lo inserh rinawm ve tlat a ti a, ka phulo ka in ti tawp"
"I phu lutuk alawm, sum leh pai ah chuan a hausa in engkim a nei pawh a ni mahna, mahse nagchuan sum in a pek theihloh tur hma hlimna i pe alawm,chhungkaw thar ila pe dawn bawk a nia, sum leh pai ah chuan i phu lo ani mai thei e, mahse i thilpek ah kher hi chuan ani hi i phu thlawt"
"Anih ka phu" kan nui dun hak hak a
"Nia, i phu, hawh chaw ei dawn ang u hmiang, rawng kan bawl a nge"























Rawngbawl tur chuan Ruatpuii chu ka zui chhuak a, Carter-a leh Oliver-a pawh an rawn lut tawh a, kan pali chuan rawng kan bawl ho a, Ruatpuii leh Oliver-a pawh an in fiam deuh reng, Oliver-a hian a fiam peih bawk em a, Ruatpuii tan hian a that ka ring tlat pek, mahse Sawma a sunna a la rei lo bawk nen ka sawipui duh rih lem lo, nakin lamah ka la sawipui ang.

















Kei leh Carter-a pawh kan hlim dun lutuk a, mahse Carter-a mit ah ka en ngamlo tlat, mak tak maiin thudik min hrilh hnu hian Carter-a bula ka awm hian ka lai tlat anih chu.




















Ruatpuii chhungte lah an zin a, kan pali chauh leh lalawma chu kan awm a, Lalawma lah vawiin tlai ber kher hian a thiante ina chaw ei turin a chhuak daih lehnghal a.





















Rawng chu kan bawl zo a, Kei leh Carter-a chu in hawi tawn chiah hian dawhkan ah chuan kan thu a, kan mit leh mit a in tawn chang hian ka tek chhawk zel, ka thin phu a rang em em mai bawk, ka bialpa, ka pasal nimai tur chu a hma a ka duh ai nasa khan ka duh nimaiin ka in hria, tuna ka awm dan tak hi chu ka sawi thiam dan ber ah chuan star(duh) deuh kan neih a mit leh mit a in tawn fuh a kan tek chak ang khan ka awm tlat.











Lalruatpuii te pahnih lah engmah hre ve hek lo, an in hnial char char ringawt. Oliver-a rawngbawl kan ei a, a tui reuh phian mai lehnghal.




















Kan pali inkar pawh chu a tha chho tawh khawp a, Ruatpuii pawh Oliver-a nen an in kawm nel em em tawh bawk. Sawma thih atangin thla hnih a liam ve leh ta, Ruatpuii dul pawh a puar ve tawh khawp, thla leh mai ah hian Doctor te sawi dan chuan nau a neih an ring nghe nghe
















Carter-a nen pawh a remchan apiang in kan inhmu a, Chawlhni ah pawh kan fa te hruaiin hmun nuam deuh deuh ah te kan leng thin a, kan hlim khawp mai. Ti hi chuan chhungkua te pawh kan ang ka ti reuh khawp mai. Inneih that chiah kan hmabak tawh ani.






















Carter's POV:

Ivy nen hun tam zawk kan hman theih nan tiin ka hna te chu a theih ang ang ina khawih turin ka hawn lawk thin a, chhun lamah Ivy ka hmu a, zan lamah Ivy nen kan inbiak zawh hnu in ka hna ka thawk chhunzawm leh mai thin. Ivy aia pawimawh tih dang ka nei tur hi a nilo tawp mai a ni.














Ka fa te pawh ka hmuh ngun poh leh ka ngai zual telh telh nimai hian ka hria, an tana tha leh midang aia sang a an awm theih nan tiiin an school luh na pawh bangalore a school tha ber, Atlas school ah nakum lam atanga kal turin Ivy ka rawn a, a lo remti bawk a, anih chuan Ivy remtih na thlap in nakum atangin an school tharah an kal dawn tihna a nih chu.














Ivy nen chuan kan lui kalna thin ah chuan inkuah rial in kan thu dun a
"Carter, min hmangaih avangin ka lawm e" a rawn ti chhuak phawng mai
"Kei deuh hi a sin lawm, min hmangaih avang leh min kalsan loh avangin ka lawm e" ka ti ve leh a, khami ni khan min kalsan ta se, engtin nge Ivy tello hian ka awm ang tih hi ka ngaihtuah ngam lo zawk a ni.
"Thil dang daih, Carter, Oliver-a hian Ruatpuii hi a duh tlatin ka hria"
"Nia, a duh alawm, mahse a hrilh ngamlo a"
"Ka ring reng ah,Ruatpuii bula a awmdan atang hian ka hre thei mai,ka rin hlelhna hi a rei tawh asin, tinge a hrilh ngam loh"
"Hnawl nih a hlau mawle, bakah Ruatpuii hian a kawm duh tawh loh a hlau bawk a"
"Keichu ka hmuh dan ah hian Ruatpuii pawh hian a duhlo in ka hre lem lo,mahse a mah hian a pawm duhlo alawm, midang mamawh lo ah hian a in ngai a"
"Ni e, mahse kei chu ka buai vak peihlo, ka duh ber ka kiang ah a awm a, a tawk, an mahni in in chingfel teh se, kan lo buai ve vak chuan an inkar kan tibuai zo vek palh ang"
"Ni e, tiraw, keipawh ka duh tak ka bulah a awm a, ka fa te an awm bawk a, ka hlim a ni, mahse Oliver-a chuan Ruatpuii chu hrilh chhin se ka ti ngawt mai, a fa lo la piang tur pawh hian amah ang a hmangaih tu tur pa hi a mamawh a ni,tin, a fa nilo mahse a duatin a hmangaih viau hi ka ring tlat bawk asin"
"Ni e, nauoang a ngainat vangin naupang lam doctor hi a ni ta reng bawk a, Ruatpuii nen an lo innei hlauh anih chuan a fa lo piang tur hi a duat viau ang ka ring, a fa ang chiah in a en theih hi ka ring bawk a ni."
"Hawh, i haw dawn ang hmiang"
"Ni e, kan fa te pawn an ngau tawh ang che, thlah ngai tawh lo tur hian ka bulah awm kumkhua tawh la ka ti ngawt mai"
"Ni e, keipawh hian awmdun vat ka chak tawh asin, mahse Ruatpuii hian min la mamawh tlat si a ni"
"Ka hrethiam che alawm"
"Ka hmangaih che"
"Keipawh in ka hmangaih che" rei tawk tak kan han in fawp leh phawt a, thlah haw tur chuan inkai rialin ka car lam kan pan leh ta, ka kham lo thin ngawt mai a kianga awm hi chu, inneih that leh vat hi a ngai a ni.














Ivy te in kan thlen chuan Oliver-a car hi a lo awm va mai a, a tlai tawh nen ka ti rilru a
"Carter"
"Umm"
"Hawh, lo lut ve la, zanrei tawh viau mahse, kan fa te tal lo mangtha la ti raw" chu sawmna duhawm tak chu ka hnawl phal nang le











Inah chuan kan inzui lut a, Ruatpuii leh Oliver-a hi an lo awm a, Ruatpuii chuan thingpui a lo lum mek a,
"Ehe, Carter, ilo kal elaw, hei thingpui ka siam dawn chiah in ve nghal rawh aw" Ruatpuii chuan a lo ti siam siam a
"Awle, a... hei.... Ivy thlah pahun ka fa te rawn mangtha turin ka lo kal zawk anih hi"
"I va ti tha thin tak aw, an mu deuh chiah a, lo innei zo hman ula chu ti hian i tih a ngai lo tur hi a nia, ka thiamloh vek ani" a hmel ah chuan a inthiam lo tih pawh ka hmuthei, ka khawngaih reuh hle mai
"Nilo e, ka thiamloh alawm, Carter, keiman anih kha lo phone che, Ruatpuii thiamloh hi a ni lo ania, ani te chuan hrilh lo tur che u in min ti lawm lawm a lawm, keimah vang zawk a ni" Oliver-a chuan Ruatpuii thlavang chu a rawn hauh sak vat a
"Nilo e, in thiam loh a awm lo, inneih te chu kan la innei tha leh mai dawn a lawm, bakah thudik hrilhna hun tha ka neih phah bawk a"
"Hawh u, thildang i sawi zawk teh ang u hmiang" Ivy chuan a rawn ti vat a
"Ni e, Inneih that dan tur lam te hi sawi hi ila, a hun tur te"
"Nia, a tha khawp ang chu Ruatpuii nge nge" Oliver-a chuan alo ti ve vat,Oliver-a hi chuan a duh chiang a ni, mahse Ruatpuii lam zawk hi a chiang lo a ni.










Ruatpuii's POV:

Lala awma chhuah hnu chuan Ivy chu a rawn lut a, an lo bo daih avangin an kalna te chu ka zawt a, Carter-a hi mi thatak a ni a, ka nau in thudik min hrilh hnu phei kha chuan ka ngaisang zual sauh mai,mipa thenkhat ang lo takin mipa rinawm tak a ni bawk, ka nau a zawn nasat zia ka hriat phei kha chuan ka khawngaih reuh lutuk a, ka nau nen hian khuanu ruat an ni ngeiin ka hre bawk a ni.












Ivy nen kan inbiak zawh hnu chuan rawngbawl turin choka lamah kan phei a,mahni a awm thang ka ni bawk a rawngbawl chu ka hnehsawh lutuk mahse Ivy chuan min bawlpui a duh tlat avangin ka rem ti ve mai a, Carter-a leh Oliver-a pawh an lo lut chhunzawm ve nghal a
"Carter, Oli lo in lo lut maw, in ril a tam tawh awm si,rawng kan han bawl vat vat ang, kan ei vat dawn ania"
"Kan lo bawl pui ang che, mipa hian kan bawl tui mah zawk ania"Oliver-a chuan min lo chhang vat a
" A ngai kher lo, lo thu ula kan lo bawl a nge, hmeichhe tih tur alawm rawngbawl te chu"
"Awi awm loh loh, 'rawngbawl hi hmeichhe ho tih tur bik ani' tih ziak a awm chuang hlei nem, mipa pawh in an bawl ve thei tho alawm"
"Lo thu mai mai la anih chu" Carter-a leh Ivy chuan min en a, min nuih suh suk reng mai.
"A ngai lo, khawi, chawhmeh leh hmanrua awmna lo sawi la, kan lo bawl zawk ang e"
"I tih tlat chuan maw, chaw ilo chhum thei ang, mahsei chhum ut palh ang e aw" ka fiam ve chak hrim hrim
"A ve lutuk a che, chaw chhum te chu ka hneh mah mah" buhfai chu chhun turin a sil mawlh mawlh a, a tlawm duh bik der lo
"Anih chuan chaw chu chhum la, sawtah sawn lo va thu mai mai rawh aw"
"I ninawm tei vet, khawi sa hi chu keiman ka siam dawn, a bawlhlo tur lo va siam rawh"
"I kang thiam meuh maw" ka ti leh deuh kher
"I ninawm bawlhlo kha siam mai mai rawh, i ei hunah chuan, min fak hluai kher angai lo ang aw"ngeiawm thiam phian lehnghal
" I tih tlat te chuan han siam ta pauh che"















Rawng chu kan bawl zo a, Oliver-a rawngbawl chu ka rin ai daihin a tui reuh phian
"A tui i ti tih ka hre reng, min fak kher a ngailo ka tih tawh kha aw" a khi suk a,tui ti taka a rawngbawl ka ei lai chu min lo en reng
"Hmm....i siam thiam ve tho mai ..A ei ve theih mai hi"
"I va sual thiam reuh tak e aw"
"E nge, a ei theih miau a lawm"
"Tui ka ti ti ve mai la"
"Inhnial reng suh u, naupang chhai ang mai" Ivy chuan nui hak hak pah chuan min rawn thelh ta.












Ka pasal ka sun atanga kar hnih hnu ah Bangalore ah hna zawm turin ka chhukthla leh a,Ivy, Carter-a leh Oliver-a te chuan min lo hmuak a, ka thiante ka hmu chu ka hahdam sawng sawng in ka in hria. Tin, Oliver-a hian ka let thlak leh hnu hian min ngaihtuah em em a, a chhan pawh ka hrelo ka unaupa min hrilh dan ang khan min duh ti dawn ila, a mizia ah hian a ti lang ngai bawk silo, ka tan thian tha tak a ni reng bawk a, ka khawhar hi a hlau thei em em bawk a ni.














Sawma thih atanga thla hnihna chiah a ni, Oliver-a nen pawh kan la inkawm chho ve zel a, thla leh mai ah hian nau ka nei dawn bawk, ka ngaina ve tan tawh, mahse min duh thu min hrilh ngailo a, ka tana thiantha tak ka chân duh ngai hauh loh tur a ni.Eng e maw ka ngaihtuah thin le, kei hi Oliver-a hian min duh ang a maw, a teuh lo, ka ringlo bawk, bakah min lo duh ta pawh ni se, ngaihzaw neih ka la in ring lo, ka pasal thenna pawh a la rei lo bawk.
















Zanin chu Oliver-a a rawn lang hlawl mai, eng eng emaw kan sawi a, Ivy ala haw loh avangin a fa te ka muttir zo chiah bawk ,thingpui lum tura choka lam ka pan phei chiah chu Carter-a te an lo lut chiah, Oliver-a nen hian min ringhlel ang tih mawlh chu ka hlau a ni.










Carter-a te chu thingpui te ka lum a, eng thil thil emaw kan sawi hnu chuan haw an tum ta a, haw tura an insiam mek lai chuan ka pum a rawn na ta thut,damdawiin ah min kalpui nghal a.


















Nau ka lo vei reng chu niin, zankhua in ka vei a, a na ngang mai, Oliver-a chu ka kiang ah a awm reng a, Ivy leh Carter-a erawh nau puan la turin an haw lawk a,an pi leh pu te bulah an fa te dah an tum bawk a.













Zankhua a ka vei hnu chuan fapa duhawm tak ka hring ve ta, ka hlim lutuk, ka pasal pawh kha la dam se chuan a hlim ve ngei hi ka ring tlat a ni.










"Ruat, ka lawmpui lutuk che, tunah chuan, anuteii ka ni ve ta" Ivy chuan phur tawk hian a ti a
"Keipawh a patea ka ni ve tihna a nih chu" Carter-a chuan a lo ti ve leh vat a
"Khawi ah nge Oliver-a hi"
"Ehh, Oliver-a te a ti tawh vel, naghi i lo duh ve tawh a ni hial lo maw" Ivy chuan min fiam pah chuan a han tu zeuh a
"Chutiang awih awm loh loh, thian vek kan nia, a kim lo bik hming ka lam mai mai alawm" ka ti ve zaih
"Tak takin, Ruat, Oli, hian a duh lutuk che a nia" Carter-a chuan a rawn ti chhuak hlawl
"Nia, Ruat, Oliver-a hi hun remchang vawikhat tal pe ve chhin la ka ti khawp mai"
"Uang uang lo mai teh u aw, Oliver-a te chuan thian ang bakin min en hleinem, bakah ka pasal sunna a la rei lo bawk nen, engtinnge ngaihzawng ka neih theih ang a"
Ivy leh Carter-a chu in kan hun a zawh tawh avangin an haw a
















Oliver's POV:



Ruatpuii chu ka tawngkam zeina hmanga nula dang ka chhai thluk thin anga chhai thluk mai mai theih a ni ve lo tih ka hre chiang khawp mai a, chuvang chuan ka chetzia in ka ti lang ta ani.














Ka theih ang tawkin Ruatpuii kiang ah chuan ka hun tam zawk hman hram hram ka tum thin a, hunawlka in siam thin, 'Carter-a te pawh a kum a kum an in nghak thei anilawm ni, enge kei Oliver Lalrinpuia hian ka beidawn bik ang ni, bakah thla nga pawh a la liam em bik hlei nem' tiin ka infuih chak sawt sawt thin a.












Zanin hian Ruatpuii hi ka duh thu hi ka hrilh ngei tur a ni, min duh ve loh leh ngai awh a ni mai, ka duh thu hrilh tum chuan an in chu ka chuang kai ngei a,
"Anu Ruatpui, apate Oliver-a a lo kal a nia" Ivy fapa te chuan min lo hmuh chuan a lo ti reuh a, ka pawm a ngen nghal bawk a
"Ehe, Oli, ilo kal maw, enge ilo tih dawn, min lo hrilh hmasak tur che ania"
"Sawlai lawkah sawn ka kal a, in in hi a hnai a, kal a remchang sia ka rawn kawi zawk anih hi" dawt var muhlum hlak chu ka han sawi ta ngawt a
"Anih chu, tunlai in buai em?"
"Buai lo e, tunlai chu kan awl khawp mai" thil eng eng emaw te chu kan sawi a, naupang ho a muttir a
"Aww, ka va haihawt thin tak, thingpuii duh em"
"Min lum dawn lo anih hi ka lo ti hman asin"
"Anih ka han lum nghal ang e"
"Ummm, a sen hang khan aw"
"Awle, awle" a nui a, a hmel hi chu a tha ve thlawt a ni henu hi chu












Ruatpuii thingpui lum tura a thutna atanga a tho chiah chu Carter-a te pawh an rawn in zui lut ve nghala, zanin a ka thil hrilh tum hi chu ni danga ka khek angaih hmel khawp mai.











Ruatpuii chuan thingpui siam pawh a thiam na ngang mai a, a siam a nih vang pawh a nih ka rung a tui bik hliah hliah hian ka hria, kan titi nual a, khamlo tak chuan haw kan rel dawn ta, Ruatpuii pum a rawn na thut a, damdawiin lamah kan pan pui vat.












A nau vei te chu ka khawngaih lutuk, a thlantui a far zawih zawih a, katih ngaihna hrelo chuan a mut leh a bulah ka thu tawp a, a kal leh ka zui a, chuti reng reng chuan kan zankhua zak, zing khawvar lamah fapa duh awm tak a hring a, Ivy leh Carter-a te pawh an lo let tawh a, ka ngaihtuah vak talo, ka hna ah kal ka ngaih lawk avangin hreh tak chungin ka kalsan a.













Ka let leh meuh chuan an lo awm tawh lo a, Ruatpuii bulah naute chu tui takin a muhil a, an duh awm dun hliah hliah, naute pawh chu a pian hma in ka theihtawp in ka enkawl pui ve nasa a, ka hmuh tirg atang hian ka hmangaih nghal in ka in hria...
"Oli, ti nge i dun reng, lo thu ta che" ka ngaihtuahna ka lo kawm rei lutuk a ni maw
"Eng ilo an le..., naute a tha ti raw" khum bula thutna ah chuan ka thu a
"Ka tha tawh lutuk e, khawiah nge i kal daih a"
"Hna thil ah ka va chhuak lawk anih kha" ka hrilh ngam che ang em aw
"Ruatpui'
" Umm"
"Khawngaih in ka bialnu ni hram rawh"
"Oli, ka theilo tih i hriat kha"
"Engmah ka ngaithla duh lo, khawngaih in vawikhat chiah hun tha min pe rawh"
"Oli"
"Ruatpui, khawngaihin, thla khat chauh min en chhin la, min duh thlawt lo anih pawn i thiantha ber ka ni ang, mahse thlakhat chauh tal ka bialnu ni rawh aw?"
"Oli, ka hrethiam lo, thla khat chauh maw, a tha alawm"
"Ka lawm e, ka bialnu" ka nui a, thla khat chhung hian lalruatpuii hi min duh ngawih ngawih turin ka siam dawn chiang a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)