IVY BY INIROS 16 (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 14893
Joined: April 30th, 2016, 4:07 pm

Re: IVY BY INIROS (Completed)

Unread post by Ngaia » May 3rd, 2020, 4:29 pm

Ivy-19



Ivy's POV:
Ruatpuii pawn fa a nei tawh bawk a, a kiang ah amah hmangaih tu Oliver-a a awm tawh bawk a, ka rilru hahna pawh a nep ve ta deuh.












Carter-a nen chuan Ruatpuii kan a theih tawh rihloh avangin damdawiin bulah chuan kan thudun a
"Ivy, inneih that lam hi enge i ngaih ve dan, zan tin a thlah reng ngai lo hian innei ve tawh ila ka ti"
"Ni e, Carter, i thu thu ni tawh rawh se,tunah chuan Ruatpuii pawn thian tha tak Oliver-a a nei tawh bawk a, bakah fapa duhawm tak a nei bawk a, ka ngaihtuah vak tawh lo"
"Anih chuan, thlaleh lehpek lamah kan ti mai dawn mi"
"Pawi hlei nem, Ruatpuii naute pawh a lo lian ve deuh tawh a nga"
"Mahse a rei ka ti, i tello a awm hi har ka ti si, naktuk tut tut a inneih that hi ka duh dan chu a nia, mahse, project thar kan nei a, tunthla hi chu ruahmanna kan siam lawk nual tawh bawk si a"
"Ni e, i hna hi tha tak in thawk phawt la tih hi ka duh thusam a ni a, inneih te chu hmanhmawh a ngai hleinem, inthlahlel hle mah ila kan in hmu thei reng tho a, hna hi dah pawimawh phawt rawh aw"
"Awle, nang nge nge"
"Ehe, Oli, khawnge ilo kal daih a, Ruatpuii'n khawnge khawnge alo ti che alawm"Carter-a chuan a lo fiam pah zeuh a
"Khawiah emaw ka kal lawk a, kha in haw tawh dawn em ni?"
"Aw, in kan hun a tawp tawh a, bakah kan fa te kan ngaihtuah tawh bawk a, I awm tho a kan hawsan mai ang aw"









Oliver-a hi kan makpa ni turin a tha dawn riauin ka hria, a fel em em a, Ruatpuii fa hi a lo pian ve hma hauh atang pawhin a hmangaih pui nghal thei a, a lo pian hnu phei chuan a fa tak tak angin a hmangaih pui theih hi ka ring tlat bawk a ni.














Ka fa te chu school atangin kan hruai haw a, Kan nufa hnih leh Carter-a, kan chhungkua ka la ti thei lo, kan la innei lo tlat alawm, mi dang hmuh atan chuan chungkua kan ni tawh tho na chu.










Kan fa te ve ve kai chung chuan kan unah chuan kan lut a,
"Apa, hetia thlah ziah ngai lo hian, i bulah awm chak tawh e, bawihpuia chuan a ti reuh a"
"Keipawh apa, i bul ah awm chak tawh" bawihtei chuan a lo ti ve leh vat a, Carter-a nen chuan kan in en a, kan nui tawp,
"Bawihte, apa bulah kan awm tep tawh alawm"
"Ni e, ka in chu maw nuam in ti dawn teh mai nia,A zau bawk sia, in room tur nuam deuhin kan siam a bawk a nga, in fiam na tur te kawt ah kan siam bawk a nga"
"Yes, apa barbie in maw ka duh ve e"
"eipawh, apa, Superman-a te, hulk te, batman te ka duh"
"E... bawihte, in lo awm hunah chuan maw, in duh duh ka lei ang che u"
"Chutin naupang bulah an ti ngai lo, iduat lutuk a nga i duat sual a nge" ka lo ti ve leh a
"Ka fa te hi chuan an duh hi an nei tur a ni tawp mai ni, duat sual theih an nih loh hi an fel em hiii "
"Anih chuan chaw ei ve rawh aw,nopang ho kha lo infiampui la rawng ka'n bawl a nge"
"Ka lo bawlpui ang che"
"A ngai lo, ka bawl thei alawm"
"Pa in thu kan sawi tawh chuan Nu lo in hnial loh tur, ka lo bawlpui ang che"
"I tih tlat chuan le"





















"Bawihte, bawihpui, lo infiam ula, anu rawng ka bawlpui lawk a nge aw"
"Awle, apa"
"Ka fa te hi chu in van fel in in va duhawm tak em, tu nge maw in chhun reuh le"
"An nu hi min chhun em alawm"
"Hahaha, an nu an chhun a an duhawm bawk a, an lian a nga an pa an han chhun ve a nga an fing dawn teh e, duhawm bawk, fing bawk"
"Anih chuan rawng va bawl ang le" choka lamah chuan kan in nawr phei dat dat a.















Choka lamah chuan ei tur siam tur chuan kan inzui lut a, nupa ni tawh ang mai kan ni, a khat tawkin kan in nuih a kan infawp leh zauh zel bawk a, nuam ti hian a sawi fiah phak lo, vanram tlafual a ang ber mai. Carter-a ang mipa ka tawng hi chu ka vannei ngawt mai, amah ah hian hmeichhia te'n an mipa duhthusam(dream guy) an tih hi a kim vek a ni, hmelthatna, hausakna,rinawmna, bakah rawngbawl a la thiam cheu bawk, pasal tha tak a ni dawn tih hi a chiang ngawih ngawih, ka vannei ve thlawt a ni.













A tha nghah nan chuan hun a duh thin an tih kha mawle. Carter-a ka tawn hma a ka hun tawn te kha ka ngauhtuah let hian Carter-a te ang mi tha ka tawn dawn vang alo nih dawn hi te ka ti thin.










Carter-a chuan egg curry(artui chhum leh alu chawhpawlh) a siam a, hotel changkang a to tak tak a kan ei ang deuh hian a siam a, keiin chaw ka chhum a, antam tlak ka lo siam ve bawk. Vai ram ah awm mah ila tui tih zawng kan thlak thei miau lo alawm le. Tui tih zawng hi mahni ah hian a bet tlat tawh a.











Rawng kan bawl zo a, kan pali chuan chaw kan ei a, chhungkua kan ang takzet a ni, kan la ni thuai dawn bawk a. Carter-a pawh chaw ei kham chuan a thukhawmuang a, a haw ve ta nge nge.













Thla hnih hnu ah chuan:
"Ivy, i mawi thlawt, i inhmeh lutuk, tun tun chu tluang taka in inneih tawh ngei hi ka beisei tlat a ni"
"Ni e, ka lawm e, a hma khan mak tak maiin keimah ah hian min mawlh tu a awm tlat a,kan inneihna kha a tluang thei dawn lo in ka hria a vawiin chuan engmah min mawlhtu a awm ta lo bawk a, a tluang dawn a nih ka ring"
"Ni e, Ivy min ngaidam rawh aw,a hma khan Sawma vangin in inneih ka ti buai vek sia"
"I aa emai, i thiamloh pawh anih koh kha, hei kan innei tha leh tawh dawn alawm, inthiamlo tawh suh aw"
"Ni e, hawh le i inpeih tawh chuan i chhuak tawh ang hmiang"












A vawi hnih nan, history ah pawh thleng khat ve tak ,Inneihna tak tak chu kan nei leh ta a, ka hmangaih tak nen kan awm dun kumkhua tawh dawn.A hma ang bawkin biakin kawngkhar ah chuan ka ding leh a
"Nu,pa, in fanu hi min hmu tiraw, vawiin hian ka hmangaih tak ka nei tak tak tawh dawn asin, min lawmpui ve ngei pawh ka ring, ka ngai lutuk che u"










A hma ang chiah khan biakin kawngkhar chu an rawn hawng a, ka fate pawn a hma ang chiah in ka kalna tur laiah chuan pangpar an lo theh leh a, Ruatpuii pawh mo thian ah a tang a, Oliver-a pawh mo neitu thian ah a tang bawk a. Inneih thu tiam pawh a hma aia urhdun zawkin kan chham bawk a. A tawp a tawp ah chuan kumkhua a awm dun turin, thihna in min then hna loh zawng "Tiam tlat e" kan ti ve ta nge nge. Zungbun kan in bun tir a, tunah chuan nupa tak tak kan ni ta, ka va hlim si em.












Carter's POV:

Vawiin hian Ivy nen kan inneih ni a lo thleng ve ta, ava nuam si em, a kiang ah kumkhua in,tarkun thleng in, thihna in min then hma loh zawng, ka ta a ni ta.









A hma a ka in ni thin, kan in thar lo ni ta ah chuan kan lawithat zan kan hmang dun a, a nuam dangdai hi a ni tawp mai, engkim hi a vawikhatna ang vek ni mai hian ka hre hial, mipa mah ni ila, magni hmangaih ber, kan nupui ni bawk nen a nupa nun hman chu a dan a dang zar hian ka hria, ka hlim phah em em a, ka hmangaih zual phah sauh bawk.












Kan inneih tuk zing ah chuan, ka kianga ka nupui mu chu ka en reng a, a duhawm in a hmeltha takzet ani.
"Min thlir zo tawh em"nui pahin a rawn meng siar siar a
" I lo harh tawh reng elaw"
"Umm, ka harh a, ka muhil leh" an muthlu der leh ngei ah, a la nui vur vur zui
"Nu-i, I muhil chiang em, khawi maw, ka lo en chhin" a che duh thak lo
"Anih chuan ei tur ka va siam ang che, nizan lam vang khan i chau awm sia,la mu rawh"
"Hey,ka zak ania, khatia sawi kher a ngailo aw, eitur chu keiman ka siam ang e, lo mu zawk rawh"
"Anih chuan eitur chu siam dun ang aw" khum atang chuan ka pawm tho a, choka lam ka pan phei pui ta nal nal a.













Eitur kan eizawh chuan, kan inbual dun a, Office kal tur chuan ka insiam mek a
"Pa-a, hei hi awrh rawh aw, nupui te chuan an pasal te necktie awrh tur hi an thlansak thin ani lawm ni" nectie Pawl dak nalh deuh mai hi a rawn phawrh chhuak a.
"Awle, vawiin atang chuan ka necktie awrhtur hi i thlang ziah tawh dawn nia" a kawng ah chuan ka dawm a, ani pawn ka dar ah a rawn dawm ve bawk a, kan in en a kan nui leh ngawt thin,am takin ka nupui chu ka fawp a, Office kal turin ka chhuahsan ta a.











Tlai ah ka haw hma khawp a, Ivy erawh a lo haw der tawh
"Duhtak, ilo haw tawh maw, vawiin chu ka haw hma a, zanriah lo siam sak che ka duh a, khawi i coat te hi ka lo la ang, i chau em vawiin lam te"
"Chau lutuk, mahse ka nupui ka hmu a ka dam hmak, mak tawp"
"Hmmm, naupang ho pawh a pu ten an la phei leh tawh a, vain thlak la zanriah kan ei vat dawn nia aw"
"Awle"











Ivy ka nei hi chu ka vannnei ngawt mai, a hmeltha in a zaidam bawk a, nupui tha tak a ni, ka tan a in pe zo em em bawk, kan intawn leh hnu atang hian beidawng tak leh thinrim tak hian min la siam ngai miah lo lehnghal a. Mipa vannei tak zang chu ka ni e.






















Zanriah chu kan ei dun a, kan ei zawh ah chuan kan in bathlar(balcony) ah ngei mai chuan kan ngheng chialin kan thu dun a.
"Duhtak, ka duh dan chuan"
"Enge ni duhtak"
"I hna hi chawlhsan tawh la ka ti, ka chawm zo tho che sia, in ah hian lo awm mai mai la, haw hian a nuam ve a bakah i hna vang hian kan fa te i enkawl that hman loh hi ka hlau a ni"
"Chutia, ka pasal ber in thawk lo tura min ti anih chuan ka thu a awm hlei nem, pasal te thu thu a awm tur kan nia lawm, mahse, tun thla chiah hi chu a laklawh rih em a, kal min phalsak rih hram la, kan pu te tan pawh ka ai awh tur lak nghal tut tut a harsa thei bawk a"
"Ni, e, DwellSmith Real Estate business company nei tunu tur i ni tawh dawn a, chhang dawr mai mai a i hun i hman reng hi a rem tawh teh nuai lo ani"
"Nia, kan pu bulah ban dan tur chu ka lo sawipui dawn a nia"
"Awle, ka hmangaih, naktuk thawh hma kan ngaih kha, i mu tawh ang hmiang"












Ruatpuii's POV:

Oliver-a'n a bialnu ni tura min sawmna chu eng vanga chhang ve ringawt nge ka in hrelo, mahse, thil dik ka tih ngei chu ka ring a ni. Oliver-a te ang in keini ang hmeithai pasal sun tawh lehnghal min duh hi chu vannei ka in ti ve thlawt a ni. Ka fa hian pa a la mamawh dawn a, Oliver-a hi ka fa tan a pa tha tak ni tur atan chuan a tha tawk em em a ni.














Oliver-a hian ka fapa hi a fa tak ang maiin a en a, thlakhat chhung teh meuh khan kei hian ka lo ngaina ve deuh hnan tawh emaw ni ang aw, Thla khat chauh kha hun pe turin min dil anih kha, tunah hian thla chanve a ni ta der a, a mizia pawh ka hriat chin ah chuan a tha khawp mai.Oli hian kumkhua a a kianga awm turin tunah hian mim sawm ta se, ka duh theih mai ka ring hial a ni"











Inah chuan ka awm a, khum ah mu pahin naute hnute ka hnektir a, Oliver-a a lo lut phut, ka phuchiang lutuk,
"Aw!!!...min tu phu chiang lutuk..... Oli... enge ilo tih dawn"
"Ka bialnu leh kan naute ka rawn tlawh dawn"kan mutna khum bulah thuthleng hniamah chuan a thu a
" Lo sawi lawk lang chu thingpui tr ka lo lun tur a nia, bawihtea lah hi hnute a hne reng a tunlai chu maw
"A ngai hlei nem, tlawh zuai tur cheu in ka lo kal alawm, ka kal hnai dawn a nge"
"Chuti mai tur em ni"
"Mahse, ka kal hma in....Ruatpui"
"Thla khat chauh tal ka ti a, hei eng vak mah ti hman lo in thla chanve kan hmang ral leh ringawt tawh a nia, a fair ka ti hlawl lo, i kiang a awm hun ka nei tlem thei si"
"Tih theih ka nei bik chuang hlei nem, Nagman Thla khat ti miau hek che"
"Anih chuan, thlakhat dang leh chiah chance min pe leh la" kumkhua pawn chance min dil se ka pe dawn chiang, ka hnial phal bik teuhlo mai, tlem chuan ka lo duh ve tawh bawk a, bakah Oliver-a hi bialpa atan chuan a tha thlawt, a dam rai lehnghal.
"A tha alawm"
"Deal"
"Deal"














Vawiin chu Ivy te an innei ve tawh dawn, a vawi hnih nan. A hma khan kei leh sawma vangin an inneihna kha an thulh phah a, ka in thiamlo lutuk, tunah chuan an in nei tha leh tawh dawn bawk a, kain thiam lohna pawh a nep ve deuh.












Ivy te an inneih zawh chuan, Ivy leh Carter-a chu Carter-a in lamah an awm nghal daih bawk si a, ka lung a leng thei lutuk, mahse Ka bialpa ni ta, thla hnih chhung tur chauh mah ni se, Oliver-a chu kan in ah a rawn chuangkai fo va, ka lunglen a hnem ve deuh,
"Ruat, naktuk zanah khawiah emaw min kalpui la"
"Ummm, khawiah nge?"
"Chu erawh ka hrilh thei rihlo ang che, naktuk ah i hre mai ang"
"Sawi tha ve mai la mawle"
"Sawi chi loh,nakin ah a awmna hmun chu message in ka lo hrilh ang che " a nui var var leh nghal.
Reilo te a len hnu chuan a haw nghal a.













Oliver's POV:
Vawiin hian, ka nula, ka hmeichhia, ka hmangaih, khawvela ka hmeichhe duh ber Lalruatpuii ngei mai chu ka nupui tak tak ni tura sawm thuai ka tum ani. Ka duh hel kual hel kual hi ka thiam zawng a ni ve lo bawk nen, thlakhat er awr chauh kan la in ngaizawng a, nupui a sawm nghal chu a, in lo ti a ni maithei, mahse, kei chuan min duh ve in ka hria a, chuvang chuan hel rei ka tum lem lo.












Ruatpuii in atanga ka haw hnu, a tuk zing ah chuan, kan chaw ei laiin, ka nu leh pu te chu Ruatpuii neih ka dil ruai a
"Nu, pa, ka upa ve tawh a, nupui neih hi ka duh tawh ve ani"
"Ehe, bawiha, thu lawmawm anih chu, tu hmeichhe vannei tak ni ang maw aw"
"Ivy unaunu Ruatpuii kha a nia"
"Mahse bawiha, inngaihtuah chiang teh aw, a fa nen sawn i pawm thei tak tak ang em tih hi"
"pa, ka ngaihtuah fel vek tawh, ka pawm thei ngei ang"
"Anih chuan, i nu nen chuan i hmangaih tak neila kan duh thin a, tunah i tawng ta a, keini lamah chuan harsat na a awm lo e"
"Nu, pa, ka lawm e"
"Bawiha, hmanhmawh ang che, tu neih vat te kan duh ve tawh a nia"








Phur zetin ka room lam ka pan a, Lalruatpuii ka sawm dan tur vel chu internet ah chuan ka han en kual thuak thuak a, ummm, hetiang hian a that dawn hi.










Min chhan dan tur hre chak si, huphurh ru tak si chuan nileng in ka awm a, zan lam ah chuan Lalruatpuii leh a naute chu hruaiin zan thlifim dawng tur chua kan leng chhuak a,kan hma ah chuan lam thiam ho hi an lo lam nasa mai, "Marry you" tih hla Bruno Mars sak ngei mai kha an play a an lamthiam ve khawp mai. Lam hi chu ka naupan laiin ka lam thin a, step ho te te hi chu ka man ve zung zung thei mai.












Lam ho chuan Ruatpuii te nufa leh kei chu mipui hma atang in min kai hrang a, chumi velah kei chu lam ho zawm turin anni ho chuan min kai hrang a, music a rawn in thlak ta "Marry me" tih hla Jason Derulo sak kha an rawn play a, lam ho rual chuan ka lam ve ta. Ruatpuii chuan min lo lawn lutuk, a fapa nen chuan kan lam chhung zawng chu an kut an lo beng char char a, min lo chiau au hneh khawp.











Music a tawp a Ruatpuii lam chu ka pan phei a, ka ke pakhat chuan ka han thingthi a, Ruatpuii chuan mak a ti ngei mai, tichuan a tan liau liau a ka siam tir zungbun chu ka ipte atang chuan ka phawrh a
"Ruatpuii, khawngaih in min nei rawh"
"Oli, i uang anih chuan tho rawh, miin an en thup che a nia" tho tur chuan min rawn signal a, kei lah tho duh bik der li, ka ti der emaw a la ti tlat zui
"Min chhan hma chu ka tho dawnlo, 'Aw' nge 'Aih'?"
"Aw, ka nei ang che, tho tawh rawh le"
ka tho a zungbun chu ka bun tir a kan inkuah a. Inneih chiah kan hmabak ve ta.



Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:29 pm

Ivy-20(last)

Ivy's POV:



Hun hi a kal chak mang e, Carter-a nen pawh kum 7 kan lo innei ve dawn ta reng mai.Ruatpuii leh Oliver-a pawh an innei tawh a, Carter-a min rawn ang ngeiin ka hna ka bansan tawh bawk a, ka fa te tana nu thatak leh ka pasal tana nupui tha tak nih ka thlang ta zawk a ni. Kar khat ah vawi thum tal gym ah exercise la tur in ka kal thin a, exercise lak loh ni chuan tawng hrang hrang zir turin ka kal thin a, a chhan chu Carter-a hi sumdawng lian tak a ni tawh a, party na ah min hruai ve thin a, tawng hrang hrang hmang an nih avangin an tawng te hriat vek ka duh a, ka pasal pawn ka rawtna chu tha a ti bawk nen, phur takin ka kal thin.











Kan fa te pawh an lian ve tawh khawp mai, Bangalore-a school tha ber ah chuan kan luhtir tawh bawk a, hma pawh an sawn viauin ka hria.









Vawiin hi nilaini ani a ka gym kal ni a ni a,ka lo insiam mek a, kan fa te pahnih leh Carter-a te pawh an lo haw ve ta a, Carter-a hian an school bang hi a rawn hruai haw mai zel bawk a, kei atan chuan inlam tha taka lo en kawl hi ka hna a ni deuh mai
"E, Pa-a in lo haw tawh maw kha, vawiin ah school ah in fel em?In va bang hma ve"
"Aw, Kan miss pasal a thi a, min haw hma tir a"
"Anih chuan, lo inthlak ula gym ka kal a ngai a, apa thu lo awih rawh u aw, ka lo haw har lo ang"
"Awle, anu"










"Hawh u, nu-i vawiin chu gym lo mai la, i nalh tawk tawh tho alawm,kan lenna thin park ah leng ang u"
"Kar hmasa lawk ah kan kal tawh kha"
"Ni tak, anih khawi ah emaw chaw ei chhuak ila"
"Chupawh thawhtan zing ah kan ei tawh kha, ka tlai dawn ka kal dawn nia"
"Anih leh chhungkua in movie en ho ila"
"Carter, enge maw i hriat le, ka tlai dawn, nih phawts" kal tum chuan ka insiam mawlh mawlh a










Tunlai chu Carter-a awm dan hi a mak riauin ka hria, gym ka kal dawn apiang in ka kal lohna tur chhuanlam a siam ziah,
Kar hmasa pawhin ka nu leh pa in min hmu duh a ti tlat a, min hruaichhuak tawh bawk a.









"Ehe, OLI, teh hlawl che u chuan, lo leng ru" kawngka chu hawn pah chuan Carter-a chuan a lo ti zung zung a,gym ah ka kal leh theih loh hmel khawp mai.
"Ehe, in vai in in lo kal elaw, lo lut ula" Oli te chhung chu lut tur chuan ka sawm a.
"Chaw ei ve ru aw" carter-a chuan a lo ti vat a.










Carter-a leh Oliver-a chu varanda ah an inkawm a, Ruatpuii chu a lungawi loh hmel kher mai.
"Ruat, i tha em?, I va lungawi loh hmel"
"Vy, Carter-a hi tunlai a chiang lo em ni?"
"Eng ati maw?"
"Kan chhung in len pah a thil ei chhuah kan tum ve a, chhungkua a hun hman kan tum ve tihna nih chu"
"Aw, chuan in kal ta em?"
"Kan la kal hman lo,Chhuak turin kan insiam mek a, Carter-a hian kan pa a rawn phone a, i dam tha vaklo tih thu a rawn sawi a, hmanhmawh tawkin kan pa bulah min hruai turin ka ti a,mahse hei i dam that hmel fu si a"
"Aww, a va zialo tak ve ka dam that lai ber zawk a ni asin le, tunlai chu maw, Carter-a hian a mizia a thlak lutuk, keipawh hian mak ka ti alawn, gym ka kal dawn apaingin kar hmasa atang tawh khan ka kal loh nan engthil emaw a ti zel a, eng rilru pu hian nge maw a tih le"
"Enteh, Vy, Carter-a hian thik deuh reuh a nei a ni thei mai lo maw, gym ah te chuan tlangval chhelo ve pangai tak tak an awm teuh thin sia"
"A ni dawn mawni le, amah chauh ka duh tih a hre tho si a, aa, ka hrethiam lo"
"Carter-a chu titi pui chhin teh, a hahthlak em mai, tiang te chuan chhungkaw hun pawh kan nei thei nang a vawi khatna mai pawh a ni tawhlo"

"Ni e, ka lo titi pui dawn ania, chaw chu ei ve nghal mai ru aw"
"Ni e, bawl hma ila, bawihtea hi naktuk atang school a kal ve tawh dawn a, mut hma tir te ka duh a"
"Ni e, ni e, chaw kan ei ho lohna pawh a rei tawh alawm ti raw"
"Ni e, hawh bawl tan mai ila"












Rawng chu kan han bawl a, kan bawl zawh chuan chaw kan ei a, kan nunhlui te kan sawi nual a, kan hlim dar dar khawp mai, kan fa te pawh hian nuam an ti khawp mai, an unaupa hi an duat thiam em em bawk a, Chaw an ei kham chuan an chhung pawh an haw ve ta a.











kan fa te pawh an mut a hun leh der tawh, an khum ah chuan ka mutpui a, thaawnthu ka chhiarsak a,
"Bawihte, muttui u aw"
"A nu" bawihpuia chuan a lo ti a
"Aw, bawihpui enge ni"
"A nu, mi hi an in hmangaih chuan an in ring tawn thin i ti sia, apa hian a hmangaih tawh lo che tihna ami ring lo che tihna ami"
"Eng thu nge maw i sawi le, bawihpui, i pa nen chuan kan in hmangaih lutuk alawm, nga ti nge i pa in min ring lo a i rin tlqt chhan le"
"Apa hi a awmdan a mak em a, i chhuah dawn apiangin a damlo ve ziah a, a chang leh api te in ah min kalpui a, a chang leh park ah te, thil min ei chhuah pui bawk a" naupang ho pawh hian mak an lo ti ve tho anih hi.
"Bawihte, i pa te chuan min ring lutuk alawm, kan in hmangaih lutuk, mu tawh rawh le, naktukah school kal in ngaih kha, a u pawh a mut tawh hi"Room light chu ka off sak a, kan room lam ka pan phei a.











Carter-a chu alo inthlak fel tawh a, khumah chuan lehkhabu chhiarin a lo mu a,
" An mu tawh maw"
"Ummm, mu tawh e"
"Anih chuan, mu ve tawh ang aw"
"Ummm..... lawkin aw Pa-a"
"Aw, enge ni"
"I fa te hian an chhun che a, an fing hle bawk"
"Nia chhun tur hi ka tha em alawm" tifuh in ti deuh chuan a nui vur vur a. A beng bulah chuan
"Vawi khat pawh maw, ka gym kal tur min dan nana engthil emaw i ti leh anih chuan, eng thil emaw tawng turin lo inring ang che" dam thlap zawi sap chuan ka ti a.
"Awle, awle, ka ti tawh lo ang"
"Anih chuan mu tawh ang le"

















Carter's POV:
Ivy gym kalna ah hian trainer thar an nei tih thawm ka hria a, an sawi dan phei chuan a luck lutuk tlat, a lerh zek an ti bawk, kan nu hi a lo melh tai ang tih hi ka hlau thlawt a ni, a hmuh theihloh na turin a gym kal ni tur apiangin chhuanlam ka siam ziah a,ka damlo der a, a chang leh chhungkua a chhuah te ka rawt a, a chang leh ka nu leh pa bula kal te ka rawt thin.










Ka thikthu hi Ivy lakah kher hi chuan a chhe ve thlawt ani. Midang in ka duh ang leh ka hmangaih ang hian an lo duh leh hmangaih ve hi ka phal lo, a mah a thatna ka hmuh hi an lo hmuh ve ka phal lo a ni. Min phatsan dawn lo tih hre reng mah ila, ka chan hi ka hlau ngawih ngawih bawk sia, ka lo hmangaih hle anih dawn hi.














Vawiin pawh Ivy gym kal ni a ni leh tawh, Office hna kan ngah lutuk, mahse mipa dangin ka hmuh ang hi an lo hmuh ve ka phal lo, hna ka thawk vat vat a, ka fa te an lo bang hma bawk nen school atangin ka hruai haw bawk a, alo chhuah hman chuan ka chhe vek ani mai.










In kan thleng a, a lo la chhuak lo hlauh, tih chi lutuk, eng method nge ka hman leh ang aw, ka hre ta,Oliver-aka phone vat a
"Hi, thianpa"
"Aw, hi, Carter, enge ni ta"
"Ivy gym kal ni a nia, method dang hman tur ka hre tawh thlawt lo, min hnial fithla thak, kal a tum ruh khawp mai, in chhungin inlo kal thei ang em?"
"A va hahthlak e aw, hei chhungkua a len ho kan lo tum chiah asin"
"Tun chiah, thianpa, pliss"
"Huiham...., awle"
"Chuan Ruatpuii kha hrilh rih suh aw, Ivy a damlo nasa lutuk a ti mai rawh aw" Ruatpuii leh Ivy in ngaihsak tawn zia hi ka hrechiang ve tawh em a ni, an lo kal ngei ang.
"Awle, ka dah a nia"
"Awle, lo thleng vat ru aw, keichuan ka dang theilo a, ka beiseina awmchhun in ni"
phone chu ka dah a.












Min 5 hnu velah an rawn thleng ve nghal, kawngka kik ri ka hriat veleh rang lutuk in ka tho a, Ruatpuii hlauthawng hmel lutuk Oliver-a hmel dam thlap, eng thil nge thleng tih hrethiam tak hmel leh an fapa kawngka ah chuan an lo ding vang mai a.










Oliver-a nen chuan engmah thleng lo ang hmakin kan awm a, Ruatpuii'n Ivy hmel dam var a hmuh meuh chuan makti bawk, lungawi lo bawk hmel hi a pu in ka hria, Ruatpui min hriatthiam hram ka beisei,ka thikthu chhiat vang vek a ni e.. ... Iunau nu hi ka hmangaih luat vang vekin ka thikthu pawh a chhia tih hi i hriatthiam hram ka beisei bawk a ni.












"Thianpa, kalawm lutuk aw"
"Tun bak hi chu ka pui thei tawh lo ang che, chhungkaw pa ka nei ve tho a, i buaina ka chinfel pui reng thei bik tawh lo che a ni aw"
"Nia, tun bak hi chu ka ngen tawhlo ang che, ka lawm takzet a ni"
"Thiante tan chuan engpawh kan ti mai aniang chu, thiante baka pawimawh an awm hlei nem tiraw, in thianthatna hi a pawimawh ber"
"Ni e, ilo awm hi chu ka lawn takzet a ni"













Thikthu chhia hi chu a suangtuah thiam thiam ah a tla na an tih ang deuh khan, Ivy hi mipa dangin kei aia an hmangaih a an duat tura ka dah hian ka thin a rim tet tet zel, mahse ka ti lang vak ngai lem lo...










Hun a va kal chak thin tak em, Ivy pawn kan fa thar tur a pai leh mek tawh, gym pawh a kal ka phalsak tawh,mahse a rai miau a, a kal thei chuanglo....Kha gym trainer hmuh kher kha chu ka phal dawnlo hi a ni tawp mai.






Ivy kiangah hian a tam zawk hun hman ka duh avangin office lam hna zawng zawng pawh ka secretary kut ah ka dah deuh vek a, a rinawm tawk tih ka hre bawk. Ivy naupai hmasak khan amah in a tuar tlawk tlawk a, tunah chuan ka awm tawh bawk a, a naupai lai hian a theih tawka tam a kianga awm hi ka duh ani.





Ruatpuii's POV:

Oliver-a nen kan inneih ni atang khan a rintlak zia leh pa tha tak a ni tih hi ka hmuchiang em em a ni. Sawma nen khan ka thehkhin lo thei lo thin a, mahse mak tak maiin Oliver-a buk hi a rit zel zawk si thin. Oliver-a hi lo tawng hma deuh ila a tha tur a nia, a chang chuan a lakah hian ka inthlahrung thin, tin, ama fa ni miah lo a fa tak ang chiah a a hmangaih thei hi a mak ka ti, kei ni ila, a hmangaih ang tak kher hi chuan ka theih ka in ring lo.A nu leh pa te lah ka lakah an tha em em a, ka phu lo hi a ni ber mai. Chuan Oliver-a hian min hmangaih hle bawkin ka hria, ka vanduaina karah hian ka vannei takzet a ni.












Vawiin chu Oliver-a nen chawlh kan nei rual ve tlat mai, chhungkua a len ho a chaw ei chhuah nghal chu kan tum a, kan insiam lai mek chuan Oliver-a chuan Carter-a phone call a dawng ta tlat mai, room pawn ah chuan a va bia a, a lo let leh hnu chuan
"In in peih tawh em, hei Cater-a'n min lo bia a, Ivy a dam tha lo lutuk a rawn ti a"
"Awii, ka duh theilo,Ivy bulah chuan khawngaih in min hruai la, ummm,Oli hawh ni dang ah leng mai ang u, ka nau damlo chu ka ngaihtuah em mai"
"Awle, motor ka lo va lachhuak ang aw"










Traffic a la jam zui, hahthlak mang e aw, ka nau lo tuar hram hram rawh aw,i, u hi enkawl tur chein ka lo kal mek a nia.











Carter-a te in chu kan thleng a, Ivy ka hmu chiah , Lalpa ka lawm e, ka thaw deuh huai, ka nau chuan dam him pial in min lo lawm a, Carter-a hian Ivy a damlo nasa tiin min lo bum a ni maw? Engvanga ti nge niang le,Carter-a lakah khan ka lungawi thlawt lo a ni, ani lah chu engmah hrelo ang hmiah in a awm bawk si. Eng thil nge maw tih a tum le aw ka naua hian.









Carter-a leh Oliver-a chu an in zui hrang a, Ivy nen chuan kan titi a, tunlai Carter-a awm dan vel a sawi chuan, a thikthu chhiat vang ah ka puh lo theilo, ka man thiam nghal vek,ka hrethiam ta uar uar mai, Carter-a hian Ivy hnen ah hian chhuak suh ti duh miah si lo in a chhuah loh nan chhuanlam chi hrang hrang a siam thin a ni tih hi. Ka nau hi a lo duh ve hle a chan a tum lo bawk anih dawn hi, ka nuih te a za lek lek... Duhawm reuh lutuk mai.














Ivy nen chuan nau kan pai rual ta chiah, ka fa pahnih na tur leh ani tan chuan fa pathum na tur a ni mai ang chu.













Oliver's POV:



Carter-a nen chuan kan fa lo piang tur chu kan nghak ve ve a, kan phur tawh khawp mai, 'Pa' tia min ko tu tur kan neih belh leh dawn a. Nau te tap ri ngek ngek chu kan hre ta, kan thutna atang chuan kan ding vat a, kan phawk ha mai, tu fa zawk tak ni ang maw









"Pu Oliver, ka lawm pui a che mipa in nei e aw" ka fa chu a piang hmasa zawk.
"Ka lawm lutuk aw, Nurse"


Min 5 hnu vel ah chuan naute tap ri ngek ngek dang hi kan hre leh ta, Carter-a fa ani tawh ngei ang.

"Pu Carter, ka lawmpui a che mipa in nei aw"
"Ka lawm e, Nurse"
"Kan hmu thei ang em?"
"Aw, hmu thei e, tunah chuan naute dah mut khawm tirna room ah kan dah rih a"







Naute an dahna room pawn ah chuan kan ding a, darthlalang atang chuan kan fa te chu kan en a

"Enteh Carter, ka fapa duhawm zia saw, i ti ve em"
"Ka fapa saw a duhawm daih zawk"
"Anih an duhawm ve ve"kan nui a, fapa kan nei ta ve ve, kan hun tawn vang chuan kan hlim a ni..










A tha ngah nan chuan hun a lo va duh rei tak em, tunah chuan fapa pahnih leh nupui hmeltha tak ka nei tawh a, Chutiang bawkin Carter-a pawn chhungkaw tha tak a hmangaih em em leh amah hmangaih em em tu a nei bawk a. Kan hmangaihna nun kawng mam lo ve tak kha tuar chhuak ko in lo nghak peih lo ta ilang chuan tiang hlimna hi kan tawng awm silo a, ti te chuan ka ngaihtuah a.










Carter-a rinawm zia leh Ivy a hmangaih zia ka hriat khan hmangaih min neih tir ve chak a, ka tawn awmchhun lah kha ka chan loh tur a lo la ni zui bawk si, ka duh awmchhun leh hmangaih ka duh awmchhun chu mak tak maiin ka ta a lo ni ta der mai, kumkhuain ka hmangaih ang a, ka chelh reng tawh ang.













Carter a pawh a hma aiin a sumdawnna a zau a, India ram ah chuan an company hian din loh na a nei tawh lo,Ivy hi tawng lo ta se ti hian a awm kher in ka ring lo bawk, Ivy a tawn hma kha chuan party reng, mi ho ve tak, hmeichhia duh duh mutpui thei mai ani thin, mahse Ivy a tawn atang khan a inthlak danglam vek a,Ivy hmangaihna kha a lo chak ngang aniang ka ring, a hna lam ah hma a sawn a, a lar chak a, branch neih loh na pawh an neihloh tak hi.










Damdawiin atang chuan kan chhuak vek tawh bawk a, naute te pawh kum khat an tling ve leh tawh, hun hi a kal duak duak mai.
"Happy birthday to you" kan fa te pahnih kum khat an tlin lawmna piancham pawh kan lawm rual a, a nuam teh asin aw,
"Carter, Ruatpuii hi lo tawng lo ta ila tun ang hian ka hlim hi ka ring lo, i ring ve em?"
"Ni e,keipawh Ivy hi tawng lo ila, tun dinhmun hi ka thleng tawp lo vang,ka nun pum hi Ivy hian min thlak danglam sak a, eng nge hmangaihna dik chu min hrilhfiah chiang em em bawk asin,
"Kan vannei e, tiraw"
"Ni e, kan vannei ngawt mai, hmangaihna hi nghah peih alo ngai anih hi tiraw"
"Ni chiah mai"







Ivy khan Carter-a hmangaihna kha lo hmangtangkai in nawmchennan lo hmang ta mai mai se chuan ka thiana hi a kehchhe vek ang, tun hi a thleng hauh lo bawk ang, mahse, hmangaihna dik in Ivy khan a hmangaih a,hlimna tam tak a pe bawk a, chhungkua duhawn tak a dinpui bawk, amah ah hmasawn zel turin a chakna a pe bawk a, Ivy leh Carter-a chanchin atang hian kei ngei pawh hian hmangaihna dik chak zia ka hmu thei a ni.
























Hmangaih diklo i tawng anihpawn zam suh,hmangaihna ka ring tawhlo tilo la, hmangaihna dik hi a awm chiang a,chu chu rinawm na nen nghak fan fan zawk ang che......










A tawp ta.....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
CLICK KHA THEIHNGHILH LO ANG U AW!!
Post Reply
  • Similar Topics
    Replies
    Views
    Last post

Who is online

Users browsing this forum: Google Adsense [Bot] and 31 guests