IVY BY INIROS 16 (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 14893
Joined: April 30th, 2016, 4:07 pm

Re: IVY BY INIROS (Completed)

Unread post by Ngaia » May 3rd, 2020, 4:25 pm

IVY-7
IVY

Ziaktu:INIROS 16

IVY-7

Ivy's Pov:

Ka nau pai pawh thla sarihna a ni leh ta der mai, ka pum pawh a puar ve ak tawh, phir ka pai bawk a, raipuar dang ngaihtuah in chuan ka dul chu luan tak a ni.
Vawiin chu ka tho hma ve tlat mai, ka to a khum ka khuh tha a,ka inphihfai vek hnu chuan choka ah ka phei a,Ruati a lo awm,henu hichu a tho tlai ngailo re re,tho hma ve fu emaw in tih pawh hian ka thawh khalh thei meuh lo a nii.








"vy i tho tawh maw kha, hei thingpui ka siam in ve nghal rawh aw" thingpui min pek pah chuan a ti a.










"Ka lawm e"






















"Vawiin i in check-up hun a nih kha, i hria ti raw, vawiin chu ka chawhnu dawn sia,bakah thil tih tur pawimawh ka nei a, ka lo va kal hmasa ang a, nagmah in lo phei mai ta che, damdawiin ah ka lo nghak che a nga, ka kalpui ang che"















"Ngai lo,keimah in ka lo in entir mai ang, min kalpui ziah a, in buai buai nen, ka vawikhat kalna pawh a ni lo a,min ngaihtuah thei lutuk a, i hna kalsan in ilo kal ziah a, ka tan a in thlahrun aw, keimah in ka lo kal mai ang. min ngaihtuah suhhh"











"Kalpui che ka duh a lawm,min hnial reng l la, nang enkawl che hi ka mawhphurhna a ni a, kei ber in ka kalpui loh che ten, inthlahrun a ngai lo,lo kal la nimai, ka lo nghak ang chee.....Aw!! a va tlai tawh ve, chaw ei a hun tep a nih hi mawle, rawng ka bawl zuai zuai a nga, chaw kan ei dawn nia...lo va thu hahdam rawh,i nau pai ringawt pawh kha hah na tham a nih kha....." sitting room thuthleng thleng chuan min nawr phei a,thuthleng ah chuan min nam thu a,












"Kha le, remote hi la la,ti khan Tv lo en rawh,tui tawwwkkk in Anutei hian rawng ka va bawl a nge" henu hi chu aww a chang hian a che naupang chhia thei reuh lutuk a.














Darkar chanve hnu ah chaw ei turin min rawn ko a, kan ei leh teuh kha..ka puar lutuk.











"vy ka lo chang dawn che nia aw,damdawiin i thlen hun ah lo sawi la ka rawn chhuk ang, ka kal dawn nia aw"









"Awle..awlee.pi ber...damdawiin ka then veleh ka lobe dawn che ania....kal tawh rawh le, i tlai ang, byebye" ui a kal thei dawn lo tak ngial.kawngka lamah ka nawr chhuak a.








"Ivy min lo biak loh vaih chuan ka thinrim ang" a ti ve khar khar, min ngaihtuah leh lutuk thin, khawvel ah a thinrim hi ka hlau lo ber, a thinrim hian a duhawm thei reuh lutuk a,









"Awi!! kal mai mai teh, ka lo bo dawn che lawm, boss thu te chu kan hnial ngam nag le, min ngaihtuah vak zel suh naupang chhia pawh ka nih tawh loh hii.... kaltawh rawh lem"... kanin kal tir thei ta hram....








Ka in entir a hun dawn ta reng mai, ka insiam peih vek a, inentir tur chuan ka chhuak ta, Ola book leh mai ang, a him bakah ka tan a awlsam zok, Ola chu ka book a, driver nen kan inbiak fel hnu chuan min 5 hnu ah alo thlen tur thu min hrilh a. Kan kawt ah chuan ka lo nghak mek a.








"Ivy, ivy lalbiakfel " ka dinna sir atang chuan min lo ko ri hi ka hria a.. ka han hawi nak chuan a lo nui sang min lo pan phei pah mek a.









"Ehe, Lalmalsawm, teh hlawl chuan, nang he tah, eng nge i rawn tih dawn a" ka rin loh deuhin min lo ko tlat mai.











"Hei, hna tul ah ka lo kal a, saw lai hotel ah sawn ka thleng a,lo kal tak ah chuan ka lo tlawh zuai cheu nih hi, mahse i chhuak don anih hmel Ruatpuii a awm em?"








"Awm lo, a duty aaa, i va ti lawmawm ve, in nu te an dam maww, i nupui neih te pawh kha kan lo hria a, kan thu dang alai chuan engtin nge kan awmna i hriat zawk a"









"Kan inthen tawh a lawm, Lal awma nen hmanni ah kan inhmu a, ka zawt a , Ruatpuii a dam tha em? "









"Umm, dam tha e, tunah pawh ka in check-up ni a nia, ka in entir pui ang che min ti tlat sia, hei ka va sawm pah dawn nih hi"








"Ka lo kal ve ang chu, Lalruatpuii pawh hmuh a khat a lawm le,bakah kan pathum hian kan inhmuh loh na a rei tawh bawk sia...ka lo kal ve ang aw"










"Ummm, i duh chuan lo kal ve rawh"thian vek kan ni tho a a pawimah lo ang chu maw... ka OLA book poh a lo thleng a, kan kal ta a.











Ruatpuii, sawma leh kei hi tleirawl chhuah laiin kan inkawm ve thin a, mahse sawma pa hi Sipai a ni a, sipai fa te chuan in hria a nga hmung hran hran ah an post a, hmun khat ah an awm rei ngai lo..










Apa an sawn avangin kan in kawm chhunzawm thei ta lo a, Ruatpuii nen erawh an in be zeuh zeuh a, an in ngaina telh telh a, khuanu ruat a ni mahna an lo in ngaizawng chho ta a, a lo kal remchamg tum chuan kan pathum in kan lengchhuak thin. Ruatpuii nen first love ve ve an ni a, an in neih hial kha kei phei chuan ka lo ring hman a.Mahse pawl 12 hnu, Ruatpuii Nurse training tura a kal hnu deuh lawk ah khan Sawma hian nupui a nei ta daih a.








Ruatpuii's POV:


"Ilo kal em, ward ah ka lo nghak ang che, ilo thlen hun ah min lo phone la ka rawn chhuk ang aw"








"Aw, kan lo thleng tep. "









"Awle, ka lo ngaichang che aww....photz" phone ka dah a,ka hre sual nge tunah khan Ivy khan 'kan' a ti tlatin ka hria, tu tak rawn kalpui ang maw.... Min 15 vel ka nghak a ka phone a ri leh.....










"Awle... kalo chhuk nghal.. " ka phone ka dah a, Ivy hruai tur chuan ka chhuk a,









"Ivy, ilo thleng ta maw... " ka ding chawt.... ka thil hmuh hi.... ka mumang em ni... ka insik leh vak anat reuh zia chu... ka mumang a ni hauh lo mai.... Sawma... hetah.... awii!!! ka duh theilo...









"Hei, Sawma hi ka lo kal dawn khan kan in tawk a, ka rawn hruai ve tawp, a pawi viau em? "









"Pawi lo e, keini te chu thian kan ni reng alom, i kal tawh ang u hmiang"










IVY chu ultrasound turin a lut leh ta, Sawma nen chuan ultrasound room pawn ah kan lo nghak a, a tu mah mah kan tawng lo a, kan thu ngawi dak, a khat tawkin kan hrawk kan thian kan thian ringawt mai a ni,boruak chu a rit tup tup hle a ni. IVY lo chhuak vat tawh se ka tih zia mai chu.. A tawp a tawp ah ka tawng hmasa ta nge nge








"Engtin nge kan awmna i hriat a? "

"Lalawma ka zawt a"

"E... eng ti turin maw i lo kal a? "

"Ka hna pawimawh ti fel turin ka lo kal" tawng hmuk hmuk zel bawk siah..


"E... anih chu.... in nu a dam maw? " topic thlak daih teh ang

"Ka hna pawimawh chu min zawt dawn lo em ni? " ti deuh hmak

"Anih chuan eng i hna oawimawh chu eng lam nge "


" Ka thil hloh tawh la lwt leh turin" ka hrethiam lo ngei mai...



"Eng nge i sawi awmzia, ka hrethiam lo"

Chuveleh ka lam a lo hawi a, ka kut chu a rawn vuan a, ka mit ah chiang takin a en kar bawk...



"Ruatpui, ka nupui nen kan inthen tawh"



"Aw, a va pawi ve, nga ti nge in in then a? "


"Ka hmangaih vang che in"



"Mmmaw??? kei min hmangaih vang hian i nupui i then a maw? kei chu i nunhlui ka ni tawh, haw la i nupui chu hruai leh ang che"


" Mahse ka nupui ka hmangaih hlei nem, nangmah hi alawm ka hmangaih chu, "




"I â lutuk, nang leh keia chungchang te chu min phatsan ni khan a tawp vek tawh, haw la i nupui chu hruai leh ang che, bakah Pathian leh Kohhran hma ah meuh thu in tiam a, i duh tawh loh leh i hmangaih loh vang ringawt khan in in then tur a ni chuang hlei nem, i ti ang lo lutuk, han haw la i nupui chu hruai haw leh ang che"








"Lalruatpui, ka hmangaih che ka ti mawlh mawlh a ni lawm ni, ka nupui nei let leh tura min tih talh chu le, nag hi ka hloh tawh che a ka nei let leh khawp ang che" a thin a rim ngang mai, hetiang em em a a thinrim hi ka la hmu ngai lo,min thawh san a, a chhuak ta daih a.













Sawma's POV:

Lalruatpui lo ngai reng rawh, ka hnen ah hian ilo let leh dawn khawp mai, ka hruai kir leh khawp ang che, i thinlung ka nei leh ngei ang.

Hotel ka thleng a, ka inthlak a, ka khum ah chuan ka mu hahdam a, ka mitthla ah chuan Lalruatpuii, ka hmeichhe hmangaih em em thin, ka kianga thlamuang em em thin, ka engkim ni thin kha ka hmu a, kan hun hman tawh te ka ngaihtuah a.









Kha zan kha lo kal lo ila chu hetiang hian kan awm lo tur.






Kan thianpa pa sarih in Rinawma te in ah pass kan lawm a,chaw kan ei khawm a, a chhungte an awm lo a, kan tam ve mai, Rinawma'n a thian hmeichhia pa 5 vel a sawm tel bawk a, hmeichhia ho phei kha chu ka hriat ngai pakhat mah an awm lo.








Zan lam chaw ei kham tawh ah chuan Royal stag um khat chu kan thian pa chuan a rawn phawrh zal zal a, no ah chuan a thli a tui tlem a pawlh a,kan vai chuan min sem a, hmeichhia te pawh chu a pe phawt a, tumah lo hnial an awm lo an vai khan an in vek, a mak ka ti asin awww... Hmeichhe zu in ka la hmu ngai lo bawk nen....








Beer hi chu ka in ve zeuh zeuh tawh a mahse zu tak ang hi chu ka la in ngailo,
mahse zanin ah chuan ka in ang, in lo bik nih a thiante'n 'Pa lo e' min tih ka duh bik lo, bakah ka tlangval ve tawh a, engtin nge a awm ka hre chak ve hrim hrim bawk a.








Zu no chu ka la a, ka tlak ve pap, ka lu a rawn hai muai muai a, ka sa nghal deuh pup pup bawk,chutah ka thianpa chuan
"Party tan ang aww" tih pahin music ring tawkin a han play a, kan thian dang te chu nuam tu zet zetin an lam a, hmeichhe lo kal ve te pawh khan nuam an ti khawp. A hmei a pa in an lam suau suau a, keichu a sir ah ngawi rengin ka awm hmun ah ka lo phur ve em em ringawt.








Ka thutna lam pan in hmeichhe pakhat hian intur a lo kengphei a,
"Hi"
"Hi" tunge maw a nih reuh le a chhelo phian reuh lehnghal
"Hei intur ka lo ken che" a intur ken chu min pe a, ka la ve mai
ka in ve mai, ka lu a hai muai muai a, engmah ka hre zui ta lo.
"Nuam i ti vak lo nge, lam ve tur che nia"
"Ka lam ngai lo alom"
"Keipawh"
"Rinhlui ka nia, nang ve"
"Sawma, lalmalsawma"a nui sen sen lehnghal a,a ngainat awm hmel reuh phian hi, a intur min pek chu ka in a,
" Ka hria a lawm"
"Iiii" tawng leh tuma ka kâ ka an lai tak chuan, ka lu a hai muai muai a, ka zawi vek, engmah ka hre zui ta lo a..










Zing ka harh chu ka mutna bul ah hian hmeichhe pakhat hi a lo in hnit ri feih feih a, nizan a in tur min pe tu kha a ni tih ka enchian deuh chuan ka hre nghal mai.









"Rinhlu, ti nge i tah a? " mit sen rum hian min rawn melh, a make up a pherh nuai zui"
"Eng nga tinge i tah min tia maw?" ka mit ah tak chuan min rawn en kawk, ka zam lek lek
"Aw ti e"
"Sawma, nizana ka chunga i thil tih kha eng mah i hre tawh lo em ni? "
"Maw!!??... Eng nge ka tih a? " ka ti deuh haa a, ka hriat zawng chu Rinhlui'n intur min pe a ka chat thla tih hi ni.
"I hre lo tak tak amaw? "
"Aw hrelo,eng thil nge ka tih min han hrilh teh?"
"Tih luih na in min mutpui" a in hnit leh feih feih
"Maw... kei hian.... engtin maw ka rih che?"
"Ka lo rai anih vaih chuan aww ka chhungten min tuithlar duh mai ang" a tap leh ta, huiz eng tin nge maw ka tih dawn ni, min puh tlat mai bawk sia, lo rai ta se ka fa a nih ngei leh nih ngei loh ka hre bawk silo, ka pa in hria se chuan ka duh emaw duh lo emaw min neih luihtir ngei dawn bawk si.

"Ilo rai anih chuan maw, min rawn hrilh vat ang che" ka ti ta tawp.

"Awle"





Thla khat liam hnu ah, Rinhlu-i chuan min rawn phone a, nau a pai thu min lo hrilh, ka rilru hah zia kha,Mipa ka nih na nagin ka mawhphurhna ka hlen ngei tur a ni, ka nu leh pa te hnenah Rinhlui rai thu ka hrilh a, chu ka hrilh a, biakin a inneih kher pawh ngai ka tih loh thu nen, palai kan tir a, man kan in hlan fel hnu ah, Rinhlui nen chuan kan innei ta.








Rinhlui pawn nau a nei tawh a,kan in dang ve nghe nghe,ka lung a la awi thei lo, DNA test hi ka ti ngei tur a ni, tuma hriat loh in DNA test chu ka tih tir ta a, a result chuan min barakhaih chiang kher mai, Lalrinhlui naute saw ka fa a ni lo maw... minlo bum a maw... in ah ka haw, room ah ka lut tlang nghal a, naute leh ka nupui chu tui takin an lo mu a.








"Tu fa nge" chang fak hian ka ti
"Eng nge i sawi awmzia chu? "
"Naute hi tu fa nge? " ka ti vin thak
"I fa a nih loh ten"
"Ka fa a nilo, tu fa nge sawi rawh? "
"Maw!!!!..... sawma i fa ngei a ni alawm"
"Dawt min lo hrilh a maw" tih pah chuan DNA test paper chu ka hmuh a,
A hmel ah chuan, thil hrechhuak phut ang mai hian, a hmel a dang nghal vek.
"Ih... ih sawma ka hrilhfiah thei.... "
"Eng dawt dang nge min hrilh leh i tum, naute kha hruai la chhuak nghal rawh, ka mit hmuh ah rawn inlan leh tawh ngai suh ang che"
"Sawma... ka"
"Chhuak nghal rawh tunah, i insawifiahna ka ngaithla peih lo, chhuak nghal ula a ni mai".... ka nupui in min lo bum reng a, ka hmangaih ka chan bawk...









Carter's POV:

Nakum mai ah khian Delhi lamah kan sumdawnna branch thar hawn kan tum a, tunlai chu kan buai ve hle a ni.Inah pawh ka haw khat hle a, ka nu(Emily) leh ka pa te zawk hi min tlawh turin a rawn kal zeuh zeuh thin... Vawiin chu hna a zia bawka ka inah ka haw ve thei dawn nih hi.








Inah ka haw chuan, ka inthlak a, ka inbual fai sar, tu emawni hian ka room a rawn kik dat dat a,
"Lo lut rawh"
"Bawiha, i in be lawk ang hmiang"
"Enge ni ta, ka pa"
"Bawiha, i naupang chhe zawk zawk tawh lo a, nupui neih te hi tum hnai ve tawh la, tu neih te pawh kan chak ve tawh a lawm"
"Ni e, kan la tum ang chu, hna te hi han zo phawt ila"
"Ka thianpa hian makpa atan hian a it khawp che a, a fanu lah a hmeltha, han inhmu ve chhin hrim hrim ula i duh zawng pawh a lo ni mial mai thei a sin"
"Pa, nupui neih te chu ka lo la rilruk vak lo asin"
"Bawiha,nupui nei lo rual i ni tawh lo a,kan sumdawn na ang ah te phei hi chuan kawppui nei loh hi a chi vak loh zawk asin, vawi khat chiah ka thianpa fanu chu han hmu ve chhin la, i duh zawng anih koh erawh chuan ka tur lui leh tawh lo ang che"
"Anih chuan ka pa, i thianpa fanu chu ka hmu a nge, mahse i thusawi hi hre reng ang che aw"









Anita i nena kan inhmuh ni tur chu ka pa te chuan an lo rel fel vek a, ka pa nen kan inbiakna kar khat na chiah a ni.









Date nei tur chuan ka insiam a, armani suit leh kamis dum a chhung ah ka ha a, phur fahran lo chuan ka chhuak ta.









Kan thleng hmasa a, Anita-i chu rei lo te ka nghak a,
"Min lo hrethiam lawk, Mr carter i ni em aw"ka hnung lam atang chuan a rawn ti a.... Ka thutna atang chuan ka ding a.









"Aw, keimah hi carter-a, ka... " ka phawk chiang kher mai, Anita-i chu tu dang nilo in kha nula-i ngei kha a lo ni.









Nelawm deuh hian,"Mak i va ti awm ve? thu turin min sawm dawn lo em ni?" a nui hak hak a
"E... aw.... aw... lothu rawh...." a thu ve mai
"Min lo nghak rei em? "
"Rei lo ve, ka thleng ve chiah"
"Hawh ei tur chah tawh ang hmiang"
"E... aw... awle" Ka zei ve na thin pawh a bo vek thei a lawm....ka hamhaih lutuk a.
Kan eitur chah pawh a lo thleng ta,ka tawng lo re re, eng tin emawni hian ka kei Carter zothansanga hi, he nula lakah hian ka zam ve tlat.








"Tunge ivy chu? i bialnu em ni a..." a rawn ti chhuak hlawl
"Maw.... Aih.... "
"I sawi nasa bawk sia, i bialnu a ni ang chu ka lo ti a"
"Ka sawi maw...Engtikah?"
"Kan in tawn hmasak zan kha i la hre reng em?"
"Aw, la hria e"
"I rui lutuk a,i chat thla a, ithianpa khan a haw san daih bawk che sia, biak pawh ngaihna ka hre bik bawk silo, tih ngaihna ka hre silo a , ka in ah ka hruai haw ta che a nih kha, i rih ziah kha "
"Mahse ka harh khan i khum ah kan pahnih in... "
"Lungngai suh engmah a thleng lo, min tawk lo hrim hrim a lawm, zankhua in 'ivy, ivy, khawngaih in min kalsan suh 'i ti reng a, ivy chu i hmangaih hle a ni ang maw? "
"Engmah a thleng lo maw, mahse ka thawmhnaw ho kha chhuatah"
"I rui â khan, i room ah i om emaw i ti aniang chu, i thawmhnaw pawh mahni in i phelh vek a lawm, zuin ve tawh suh, kei ka lo nih hlauh zawk a, i vannei hlauh a nih kha"...a nui hak hak....
"Ivy chu ko kir leh vat la a that ka ring"
"Ni e, thudik min hrilh avangin ka lawm e"
"Awle, tunah chuan kan pa te ve ve hnen ah kan in neih theihloh nachhan tur hi kan hrilh a hun in ka hria"
"Ni e, ka haw hun ah ka pa chu ka hrilh ang"



Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:25 pm

Ivy-8

Ivy's POV:

Ka nau pai pawh thla kua na a ni ve ta der mai...zan khua in ka mu lo,ka pum a nuam lo a, a na riai riai reng a, a reh leh deuh a, a rawn na leh thin a, Ruatpuii tih harh erawh ka duh lo a,ka tuar chhuah mai theih ka in ring a.









Kar leh lawk hi ka nau neih hun tura Doctor ten min chhut sak dan chu a nia.








Zing lam anih meuh chuan ka pum na chu a zing telh telh a chawl mang tawh lo a, ka pum na ti lutuk chu ka thlan hian min bual bawrh bawrh bawk a, Ruatpuii room lam. chu thei leh thei lo hian ka pan a.








"Ruat... pui... ttthhoo teehh" ka sawi nasa nawk nawk a, va hun lo thin tak, he nu mutui lai hi chu kai thawh a har phian zel lehnghal.

"Ruat... thh...tho... vat... teh" ka pum na lah a chawl lo... tawn pawh ka harsat tawh nak alain a la harh lawk theilo zui a.

Ka sáwi leh a, reivak lo ka sawi leh a, a tawp a tawp ah a rawn harh ve ta, huihaaa, phak fe chuan a rawn thu tho a, a mit a nuai nak nak a. Min rawn hmu ta,



"Ehe, vy, tinge i tha em, i va thlan nasa ve"




"Ruat.... na.... nau ka vei in ka in hria"








Ruati chuan min lo buaipui nghal vat a, an hospital ah min hruai a,









"Aw... aw... i sang thiam lutuk a nia, i tlemin han sang leh teh le, naute lu pawh a lo lang tawh a nia aw...i pum a rawn nat leh veleh maw, na deuh in sang la rawn chhuak thei tawh dawn nia aw" Nurse nu chu a zaidam reuh lutuk, Nurse te hi an thinchhia an ti thin a, an lo ni vek kher lo anih dawn hi.








Nurse nu chu ka zuk hmu viai viai thei a, a dinna sir ah chuan dawhkan nawr lirh theih hi a awma, chu dawhkan chu puan var thianghlim takin a in khuh a, puan var chungah chuan nau neihna atana an hman tur ni awm tak, bandage a chhunga lapua an dah (swab pad an tih mai)ang chi hi tha hnem ve tak mai hi a awm a, a bulah chuan bowl chhungah hian betadine hi a awm bawk a, forcept(tweezer kan tih ang chi hi) lian ve deuh , bakcheh pangngai leh, bakcheh pang ngai ang deuh pakhat mahse a cheh na lai hi bakcheh pangngai ai hian a kawi deuh zawk bawk. Nau lai hrui cheh na tur leh, bakcheh ni chiah silo bakcheh ni silo bakcheh ang deuh pian nei pahnih hi a awm bawk a, pakhat zawk a hmawr a kua a, pakhat leh zawk chu a hmawr a tawi tut thung a.







Ka han san leh vak rual chuan chu Nurse chuan bakcheh kawi zawk chu dawhkan atang chuan a la vat a, ka serh vun chu a sir lam zawng deuh hian a chep pawp a, a na nang mai, a hnu lawk chuan Naute tap ri ngek ngek hi ka hre ta, ka thaw huai thei.








"Awle, hmeichhia i nei eee" Nurse pakhat chuan min
"Ka lawm e," ka thaw halh a, "a kut leh ke a kim em? "
"Aw... a kim e, a hmeltha in a no surh mai, i pum a rawn nat leh veleh sang leh vak rawh aw, pakhat a la chhuah kim ve loh kha" Ka pum a rawn na leh vak a, san a rawn pe leh a, ka sang leh vak a, Naute tap ri ngek ngek dang chu ka hre leh ta a,









" Ka lawmpui a che, mipa i nei aw"
Ka zawh ngai bawk ka zawt leh"A kut leh ke a kim em? " ka ti leh a,
"Aw... ankut leh ke a kim ve ve e"
"Naute te chu ka hmu thei ang em"
"Umm, hei naute kha a nu hian a hmuh duh a, lo hmuh tur lawk ta che u" ka mutna bulah chun Nurse puitu te pahnih chuan naute pahnih duhawm deuh deuh hi an rawn pawm a,
"Ka pawm thei nag em? "
"Aw pawm thei e, i pawm hlanin kan hliamna che hi ka lo thui pah ang, a rei deuh mai thei aw kan hliam bakah che khan a hmasa zawk kha a lian reuh lutuk a, i vun tlem a thler belh deuh a" naute chu ka pawm pah a








" Awle" min thui lai chuan a thip zawk zawk a,mahse ka nau vei lai ang em kha chuan a na lo.








Naute pahnih chu ka pawm dun a, an chal ah chuan ka fawp ve ve a, tui tak leh tlamuang takin an mu a, ka en tawn sek, ka nui leh hak thin,mahni fa te an nih vang nge mawni, an hmeltha bikin an duhawm tak zet a ni.








Fapa leh fanu ka nei ta, ka chhungkua, ka ril a rah ngei mai chu. Lalpa remruat dan te hi kan hrethiam lo thin, mihring in harsatna leh van duaina kan tih te hi a malsawm kan dawn na tur a lo ni reng thin si a. Ka lawm e, Lalpa fanu leh fapa min pek avangin.









"Ka thui zo e, hnute pek dan tur ka zirtir che a nga hnu te i pe dawn a nia aw..."
Hnute pek dan tur dik te chu min zitir a, hnute te chu ka pe a.....










Ruatpuii's POV:
IVY pawh nau a nei ve ta a,damdawiin atangin kan chhuak tawh a, A nau neih atang thla sawm a liam ve leh der tawh, naute te lah a nu an chhun bawk a, a nu angin an hmeltha em em bawk a,an chum dun reuhin mut an duh reuh sia, an duhawm ve thlawt...








Thla leh mai hian kan unaupa (kan cousin) Lalawma'n nupui a nei dawn a, Ivy nen kal kan tum zet nangin naute te an la te bawk sia, kal ve lo mai turin ka ti ta a, boruak a in thlak dawn sia naute lah an la sen si a, an chungah thil eng nge maw a thlen ka hlau a tin ni. Ivy pawh chu ka ngaihdan ka sawipui hnu chuan a in ngaihtuah a, kal loh mai a rel ta a ni. Ngaihtuah viau mah ila Thomas-a a awm tho a, ka rilru a nuam deuh.








Ka la sawi lo tak e, Thomas-a hi kan thenawm ah Ivy nau neih hma deuh lawk khan a rawn insawn a, kan thawhna hmun pawh a in nag nghe nghe, chutah Obstetric &Gynaecologist Specialist a lo ni kher bawk nen, Ivy nau neih khan amah enkawl tu ber Doctor-in-charge a la a ni zui bawk a.








Thomas-a hian Ivy hi a duh tih a chezia leh a mitmeng atangin ka hrethiam a, mahse Ivy hian a a hun kal tawh vang hian mipa tumah hnaih hi a tum loh thu leh a fa te tana nu tha nih hi a tum bur thu min hrilh tawh a, "Ivy han in ngaihtuah chiang la, i fa te hi an lo thanglian zel ang nga, pa an la mamawh dawn a sin, pa tel lo a seilen tir chu i duh tak tak em ni? Bakah Thomas-a hian a duh che tih pawh i hria a, a hmangaih tluk zet che in i fa te pawh a hmangaih pui ngei che pawh ka ring a, inngaihtuah chiang la, hun remchang vawi khat tal te chu han pe ve chhin la mawle, i fa te hma hun tur ngaihtuah la, an mahni vang tal pawn Thomas-a hi hun remchang han pe ve chhin la" ka ti a, amah pawh chuan dik a tih ve hmel hle a, a lo in ngaihtyah that tur thu in min chhang ta a.... ka nau hian amah hmangaih a enkawl tu tur a mamawh a ni, Thomas-a hi a tan hian tha ber turah ka rin vanga hun tha pe tura ti ka ni bawk.
Thomas-a leh Ivy inkar pawh chu a tha chho hle in ka hria a a,Thomas-a hian a duat thiam a, ka hmuh dan ah phei chuan Ivy tan pawh hian pasal tha tak leh a fa te tan pawh a pa tha tak a nih ngei pawh ka ring a ni. Ivy nui hmel te pawh a lo lang leh ta..











Naktuk tukleh mai hi lalawma nupui neih ni tur ani ve ta a, hna atang chawlh ka la a, ticket te la in thlawhna in ka haw a, Ka pa ten min lo hmuak a, in kan thleng a, ka inbual fai a, chawkan ei a.









Ka haw lohna a rei tawh bawka, mahni in nge nge a nuamin a boruak pawh a dang zar mai. Ka room varanda ah chuan thlifim dawngin ka thu mai mai a, ka phone a rawn ri ral ral a, number hlang hi a lo ni. Tu tak ni ang maw? Phone chu ka la a, screen a a hring lam chu ka hmet a









"Hello" a reh vung vung a
"Hello, tu nge aw? "..... phone chu ka dah hman tep
" Hello" mipa aw a ni... a aw chu ka hriat hnu a ni, mahse ka hriat na ka hre thei mai tawh lo
"Tunge aw? "ka ti leh a
"In in bul ah ka awm. Inhmu lawk ang"
"Tunge i nih? "
"Tu nge ka nih i hriat duh chuan in inbul ah lo chhuak rawh" a off hmak, tu tak ni ang maw









Kan in bulah chuan phur fahran lo chuan ka kal a, ka hma a kawng thim lai deuh ah chuan, mipa sang lam pang jumper lukhum nei chi ha hi min hnungchhawn zawngin a lo ding a, kava pan hnai de de a, ka thawm a hria a ni chek ang chu, ka lam hawi chuan muang changin a lo in her a, a thim em avang chuan a hmel ka hmu chiang theilo a, lava pan hnai nak chuan, awi!! ka mit hi, ka duh thei lo








"Sawma nang maw?"
"I va rei ve"min la ti zek zui, minlo nghahna bula thutna awm ah chuan a thu hmak a, keipawha bulah chuan ka va thu ve a
"Ti nge inah ilo chhoh mai loh a?" engmah thleng lo ang maia pangngai taka biak hram hram chu ka tum a
"Kan pahnih chauh a awm ka duh alawm"
"kan pahnih inkar chu a tawp tawh ka tih kha, i nupui chu i hruai ta em? a dam tha maw?"
"Hruai lo, ka hmangaih lo a,ka hruai bawk hek lo ang" a ti hmuk hmuk a
"I hmangaih lo anih pawn, fa in nei tawh a, i fa vang tal pawn i hruai let tur i nia sin"
"Rinhlui kha ka hmangaih lo,nang hi ka hmangaih chu i ni" chu thu a sawi lai chuan ka kut a rawn vuan a, ka mit ah min en kalh bawk,ka thinphu ran zia mai chu, ka zam bawk
"Rinhlui fa kha ka fa a ni lo"zawi sap chiang fiah kak si hian a ti a
"Maw? "eng thil nge ka hriat hi
"Ka sawi chu Rinhlui khan ka fa a pai lo, minlo bum alawm"
"Eng nge i sawi awmzia?" ka hrethiam lo
"Ruatpui ka hmangaih takzet che asin, khawngaih in bul tan tha leh ang"ka kut a la vuan char char, a hma aiin a vuan nget sauh lehnghal a,dawt a sawi lo tih pawh mitmeng atang pawh chuan ka hre thei mai, ka la hmangaih a, hepa ka la duh ngawih ngawih,mahse ka rilru a hel tlat, a chhan ka hre bik lo
"Enteh Sawma, hun lo la kal tur chu ka sawi theilo,i tawrhna pawh chu ka hriatthiam pui lutuk che, mahse maw, keichuan, i nupui neih ni khan mittui nen hlim taka awm turin ka thlah liam tawh che, min kalsan hnu pawh khan maw lo let lehin ngaihdam min dil rawn ta se,ka hmangaih em che avangin ka ngaidam ang a, ka pawm leh ang ka ti thin, mahse ka ngaihtuahna kha tunah hian a rawn thleng dik meuh mai mahse thuthlukna ka siam mai theilo, hun reilo te ka mamawh ang"
"Awle, i duh chen chen in ngaihtuah la, mahse, i thutlukna a rang lama hriat ka duh ang"








Lalawma nupui neih ni tur chu a lo thleng a, a hma in lal awma nupui tur hi zawh na chang ka lo hre lo a, Ka han hmuh nak chuan Sawma nau hmeichhia lek kha a lo ni, a lo hmeltha tawh kher mai, a hmel a nu hnap reuh a, a mo kawr hak pawh a inhmeh hle, a make up pawh a simple in a inhmeh vel vek, a mo kawr lah chu simple tak si uluk taka thui tih hi a hriat em em bawk, a dak thlarh a.









Lalawma pawh vawiin chu a nupui neih ni a ni bawk a, ama tawk ah a nalh ve hle, suit dum dak hlarh a ha a, a chhungah kamis var a ha bawk, necktie hring duk dak nalh tak a awrh bawk a. A hmel hmuh pawh a nuam hle, vawiin chu a nui sang reng mai.









Inneih an zo a, biakin pawn ah thla an la mek a, ka pheikhawk sang bun in ka ke a tih kham avang chuan thut chawlh lawk na tur ka zawng a, thla lakna atanga hla vak lo mahse midang hmuh vak theih lohna tur bang phen lamah chuan ka va thu a ka pheikhawk chu ka phelha, chu veleh ka lam pana rawn kal thawm ka hi ka hria a, Ka thuna bul chu a rawn thleng a, a ke pakhat in a thingthi a, ka ke chu a mal ah nghatin a hmel malh malh a, ka dam sawng sawngin ka hria









"Ke na leh tur si ti nge tianga pheikhawk sang te i bun" ka ngawi reng a
"Ilo in ngaihtuah zo tawh em? "
"Sawm... ih.... aw" ka ti ringawt.. adik tak chuan Lalmalsawma hi ka la duh, ka hmangaih alawm,min care vanga a min hau thin te, a awma bei a, a angchhunga thlamuang taka ka awm thin anga awm leh te pawh ka chak asin,amah hi ka la thlahlel ngawih ngawih a, a hma anga in hmangaih taka awm leh kha ka chak a sin mahse bul tan tha leh tura min sawm ni khan eng vangin nge ka hnial tlat ka la hrethiam lo a ni.
"Aw, aw tih tawp, aw tih chu enge a awm zia, ilo in ngaihtuah ve i tihna nge bul tan that leh chu i rem ti tihna?"
"A pahnih in"ka thinphu a rang kher mai,ka hmai a sa pup pup, ka zak thar leh vel...
" I chiang chiah maw?Bul tan that leh chu i duh tak tak a maw? " a va mak e aw,min zawh sek le, ka rilru ka thlak daih mai tur a nia.
"Umm"
"Ka van lawm" chu ve leh a rawn hawi chhuak a, kan mit leh mit a in tawng fuh chiah chu ka thinphu a rang takzet, ka hmai a sa hut hut lehnghal, chutah min rawn fawh tum in min rawn hnaih tial tial a, min rawn fawp chiah mai chu kei pawhin ka lo chhang let tha khawp mai. Kan in fawh zawh chuan a hlim a nih tih hriat tak hian a nui sak a, kathutna bul ah chuan a rawn thu chho a
"Bul min tanpui duh tawh lo ang tih ka hlauh hman zia ka"
"Ti maw" ka lai tlat anih chu
"Min pawm leh thei hi a mak ka ti"
"Mak tih tur vak a awm a mi" kan nui dun a
"Ruatpui, kan hun kal tawh te kha theihnghilh ila, hmalam chauh thlir dun tawh ang aw, Ka hmangaih che"
"Ummm, keipawn ka hmangaih che"... abiang ah chuan ka fawp zeuh....
" Ti rawh, kan chhung ten min lo zawng tawh ang"
"Awle" Ka pheikhawk ka bun a, kan chhungte awmna lam chu kan pan dun a.










Kar khat vel ka cham a. Sawma nen pawh kan hlim dun hle a, kan kalna hmun apiangah kan inzui a, khawvela hmeichhe hlim ber ka ni hialin ka in hria. In thla hlelin inngai rih viau mah ila, hna ka nei tlat, ka hna lama ka kir leh a tul tawh....








Naktuk mai hi ka kal hun a ni tawh a, ka hmangaih ber kalsan chu ka hreh hle, phone a inbe ziah tur chuan thu kan thlung a,nileng in hun kan hmang dun a,naktuk ah pawh airport thleng min lo thlah thei dawn.









Awle, ka kal a hun ta, ka nu leh pa ka mangtha a, Sawma nen kan in kawp leh tawh tih ka hrilh bawk a, Sawma min thlah pawh an remti ve mai bawk a. In kan kal san ta.








Sawma nen chuan Lengpui Airpirt lam kan pan a, boruak chu a rit hle, kan hrawk kan thian leh karh thin, kan in ti thiam lo a nilo, mahse kan rilru ah thu tam tak sawi chhuah theih siloh kan nei ve ve a, Lengpui kan thleng ta, ka flight tur in check-in nan darkar chanve a la awm a, Sawma chuan a ipte atang chuan bawm nalh deuh hi a rawn phawrhchhuak a, min pe a bawm chu ka hawng a, rangkachak thi locket mawi deuh nei hi a lo awm a, locket chu ka en a, S+R tih a lo inziak, min awrhtir a,
"Hei hi ka hmangaih che tih lantir nan ka pe che a nih hi, i kiangah ka awm reng thei dawn silo a, min ngaih changin he locket hi en la,i en apiangin ka hmangaih che a, ka duh che a, ka ngai bawk che a,i tan ka rinawm reng a ni tih hi i hrechhuak thin dawn nia" a tawp nan ka hmui ah chuan a rawn fawp leh zauh a.









Ka kal a hun ta, ka ngai ngawt ang che, ka hmangaih.












Sawma's POV:

Ruatpuii chu a chuanna tur vela in check-in tur chuan min luh san ta, ka ngai leh dawn khawp mai, kan inhmu thei tawhlo na a, thlawhna tal thlir liam tur chuan airport chhung building chung lama thlawhna dinna lan theihna laiah chuan ka chho a, Ka hmangaih mangtha aw.... tluang deuhin kal ang che.... Haw kawng chu a reh hian a reh ruih.









In ka thlen chuan, chaw ei a lo hun a, chaw kan ei a, ka in bual fai hnu chuan, ka khum ah ka tluzal mai mai a, ka phone a rawn vibrate a, message pakhat a lo awm, ka hawng nghal vat
"Sawma,ka thleng aw,Ivy leh thomas-a ten min lo hruai a"
"Awle, i chau em? "
"Chau lo e, ka ngai reuh che"
"Kei pawn ka ngai lutuk che"
"Lo rinawm rawh aww" sawi lo mah la ka rinawm bur dawn
"Yes, ka hmangaih che "
"Keipawn, ka hmangaih che" ka nui ver ver
"I chau awm sia mu tawh rawh"
"Umm, muttui aw"
"Awle, muttui le" min chhang tawh lo, he nu hi chu ka hmangaih ve thlawt a ni, Ruatpuii i tan hian ka rinawm tuk dawn, min rawn ngaihtuah suh, ka ham bai bai a ka muhil ve ta...









Carter's POV:

"Aw ka pa, hei, ka thleng e" Delhi airport chu ka thleng a, Nakum lama kan sumdawnna ram zauhna tur hmun en fiah turin ka kal dawn a ni.








Min lo hruai tu tur motor pawh a lo thleng tawh a, ka chuang a, hotel kan pan ding nghal.









Airport atanga hla vak lo atang chuan traffic a jam nghal a, driver te chuan horn an pe tuarh tuarh a, a bengchheng khawp mai, mahse kei chu horn tih vel chuan min tibuai pha ve tlatlo mai. Hotel kan thlen hnu cbuan ka room ah ka lut tlang nghal a, ka inbual fai vat a, mu turin ka inrua hman a, mahse ka mu thei hauh lo.








Ka ngaihtuahna chu a vak vel ruai a, airpirt ah lah khan ka hmu chiang mai si, Ivy ka hmu a, a bulah chuan a pasal ni awm tak mipa a ding bawk, naute thla sawm mi vel hi an pawm ve ve a, Ivy zawk chuan mipa naupang zawk a pawm a, a pasal zawk chuan hmeichhe naupang zawk chu a pawm thung a, an hlim hmel kher mai, ka thik lek lek... Ivy chuan pasal a nei tawh maw...









Awle, ivy pawn pasal nei in hlim takin a awm tawh a, kei pawh hian ka theihnghilh a hun ve tawh.











Ivy pasal i nei a maw.... hlim takin awm ang che aw.... tiin a tana ka lo rinawm ve em em ivy chu ka thlah ta.....

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:26 pm

Ivy-9

Ivy's Pov:
Vawiin hi Ruatpuii lo haw ni a ni a, chhangchhe hle mah ila va hruai ka tum tlat a ni. Thomas-a'n min kalpui tum tlat a, ka hnial hneh dawn lo tih ka hria a, bakah khang thla sawm kal ta zawng khan ka hrechiang ve thawkhat in ka hria, a thil tawh chu ti lui tlat chi ang hi a nia, chuvangchuan ka hnial buai peih lo ka rem ti ta nge nge a.








Thomas-a hian min duh tih hi a chezia atang a ti lang fo a, Ruatpuii pawn min hrilh tawh a,ka tan pawn a that ngei pawh ka ring,mahse ka rilru ka pe tak tak theilo. Amah ngei pawn min duh thu hi min hrilh tawh a, mahse ka chhang lo thung. Min hrethiam a,ka thian a nih reng tur thu leh ka rilru ka thlak anih erawh chuan min nghah theih reng thu min hrilh bawk.










Beiseina thlawn pek ka duh loh avangin, ka theih tawp chuan hlat ka tum ve thin a, mahse, amah zawk hian min hnaih zel a, naute te lah hi a hlawh lak apiangin thil a rawn lei ziah lehnghal, a duat em em bawk. Pasal tha tak leh pa tha tak anih ngei pawh ka ring a ni. Mahse chutiang lam zawng chuan ka en theilo thung, ka tan hian a tha lutuk, ani ang tlangval hnah khat ngat hi phulo ka in ti em a, bakah ka fa te tan hian nu tha tak nih tawp hi ka tum bur bawk, pasal emaw bialpa neih lam ka rilru ah a lang hlawl lo a ni.









Thomas-a hi ka lakah fel hle mahse ka mipa duh chi a nilo tlat, mahse ka tan thiantha tak a ni.









Ruatpuii hruai tur chuan kan nu fa thum in kan chhuak a, kawt kan thlen chuan Thomas-a kan tawk a
"Ivy, inchhuak dawn em ni?,khawnge in kal dawn a"
"Ruatpuii a lo haw dawn a, kan hruai dawn anih hi"
"Ka lo hruai ang che u"
"A ngai lo,kan kal thei tho alawm"
"I duh loh chuan i thian ah min ngailo tihna"
"Anih min va hruai ta che"
"Awle, car ka va la ang, min lo nghak ru aw"









Thomas-a car chuan airport chu kan pan ta a, airport kan thleng a,"i chhangchhe emai, bawihtei hi chu ka lo pawm a nge" a ti a, car atang chuan bawihtei a pawm a, keiin bawihtea ka pawm bawk a, Ruatpuii hmuak tur chaun Airport building chhung ah chuan kan lut a,Ruatpuii pawh rei vak lo hnu ah a lo thleng a.








In kan thleng a, chaw te eiin kan inbual fai hnu chuan ka fa te chu ka muttir a.
"Ivy"
"Umm"
"In be lawk anng, hrilh tur che ka nei"
"Ummm sitting room ah khan min lo nghak rawh ka lo chhuak ang" ka fa te chu an chal ah ka fawp a room atang chuan ka chhuahsan ta rih a,
"Eng nge ni ta? " Ruatpuii chuan sitting room ah chuan min lo nghak a
"Ih maw, Sawma nen kan ni leh"
"Awi!!! a ni maw.... ka lawmpui lutuk che" ka unaunu hian Sawma a hmangaih zia hi kei tluka hrechiang hi an awm kherin ka ring lo.
"Ka lawm e"
"A nupui nen an in then tawh tho a, mahse a nupui hian a rawn ti buai leh vel a nga, i rilru a tih nat hi ka hlau a ni, fimkhur rawh aw" ti chuan Ruatpuii chuan thil awm dan chu min hrilh a,
"Ehe, sawma chu ka khawngaih reuh hle mai a"
"Nia"
"Anih chuan in nei har tawh su, in naupang zawk zawk tawh lo a nia" ka han ti ve ringawt a
"Mahse maw,Bangalore ah Cancer hospital ah hna ka hmu a,tuna ka hna hi nakum ah kan contract a zo tawh dawn a, sawma nen kan in hlat leh dawn lutuk a"
"Huihaa,lungngai mah ta che, phone te pawh a awm a, inin be reng thei alawm" eng eng emaw kan sawi kual hnu ah chuan kan mu ve ta a.








Kum khat hnu ah chuan:









Ruatpuii ho chuan Bangalore lamah kan insawn thla a, a hna thar pawh a zawm fel leh der tawh,kei pawh ka fa te an lian ve tawh tho a tiin hnathawh tur zawn ka rilruk ve a,ka fa te chu nau awmtu lak aia day care centre a dah a that zawk ka rin vangin ka dah thin a.








Ka vannei asiam Bakery lar ve tak pakhat nghaktu turin min la ve tlat mai, he bakery ah hian kum chanve ngawt chu ka thawk ve leh tawh a.Chhang vel rem fel a ka kun lai tak chuan










"Khawngaih in red velevet cake hi pakhat min lo pack sak aw?" a aw pa reuh zia chu, ka han hawichhuak chiah ka hmel chu a phawk hra a, mahse a hmel pangngai a pu leh nghal vat a, mak ka ti deuh
"Awle,ziah duh te i nei em?"
"Happy birthday Dad" pa a la nei bik a, a vannei hle mai
"Awle, ka ziak zo e, kha le, 1500 man aw" ka nui sang a,cake chu ka pack zawh hnu chuan pawisa 2000 tlang hi min pe a,
"A kir chu i nei dawn nia" a kal nghal daih.









Carter's POV:

Vawiin hi ka pa piancham pha a nia, ka tihdan thin in ka pa surprise ka tum a, ka hna pawimawh ang ang chu ka ti zo vat a, kan company bula bakery ah chuan chuan cake lei turi ka va kal a,chu dawr a ka thil hmuh chuan min thawng tak zet a ni. Ivy, kha leh chen ka lo zawn tawh, ka nula-i, ka Ivy, a pasal nen ka hmuh tak avang a hlim taka aqm tura ka thlah, ka Ivy ngei mai kha dawr ah chuan ka va hmu a.








Ka rinloh lutukin Ivy ngei mai chu ka hma ah hian a ding, minla nuih var var zui, a nui hmel mawi zia chu, a hmel a tha in thlalak ai khan a puitling tawh zawk bawk a, a hmeltha tak zet, ka awmdan chu a hriatthiam ka hlau a, ka lawmna chu tih lan loh hram hram ka tum, pangngai takin ka dawr a, dawr chu a rang thei ang berin ka chhuah san nghal.









In ka thleng a, in kawt ah hian, nu pakhat hi a lo ding a, car atanga ka chhuah chuan ka hma a lo ding chuan ka lam a rawn pan a, tu nge anih ka hre thei mai lo, ka hnen alo thlen phei chuan a ka nu, min hringtu nu ngei, kha a lo ni, a cher in a dawl dang em em a, natna eng emaw nei ang mai hmel hi a pu a.
"Eng nge hetah i rawn tih"
"Bawiha,ka fapa ihh" min rawn kuah a tum a,ka thin ter tek a kaichhuak tlat
"Ka fapa min tia maw? min duh lo a min kalsan hnu hian ka fapa min la tia maw? "
"Bawiha"engmah a sawi hman lo in ah chuan ka luh san ta hmak a








Inchhung ka lut a, ka room lamah cake nen chuan ka lut a, ka pa alo awm lo bawk a, ka inbual fai a, Ivy bawk chu ka ngaihtuah leh ta a, zanlam ah ka pa piancham chu kan lawm a, mahse ka pa chu a nui ve tak na a,a fapa ka nih angin ka pa hi ka hrechiang a,ka pa chu a hmel a ngui riau hian ka hria a.










Harry's POV:

Vawiin chu thianpa Joseph-a nen golf khelin kan chhauk a, ka haw kawng ah chuan ka fapa leh hmeichhe pakhat an inbia hi ka hmu a, an hmuh loh turin ka car chu ka park a, ka din na a tang chuan tunge a biak tih hriat tum in ka enthla ta a, a hnu chuan ka fapa chu thinrim takin in lam a pan ka hmu a, chu veleh in lam pan chuan ka tlan phei a, a in hauh pui hmeichhe pakhat chu ka awmna lam zawn rawn pan phei hian a kal hna hna a, hawi pawh a hawi chhuak lo, chunu zawn ah chuan ka ding a, chunu chu a rawn hawi a, Angela-i kha a lo ni, a mit a sen rum a, car atang chuan ka chhuak a












"Ehe Angela nang maw?"
"Harry...harry...khawngaih ka fapa min pe let rawh"
"I kalsan tawh hnu chu ti nge i duh let leh a"
"Ka duh vang renga kalsan ka nilo tih chiang taka hretu chu nagmah i ni" chutah ka thin a rim thut,
"Ka hrilh ang che, Carter-a hi hmuh ilo tum leh emaw, a bul hnai a ka hmu leh che anih chuan, i damchhung in i fapa hi i hmu leh tawh ngai lo ang"
"Harry, lo ngai reng rawh, i fapa hi thudik tak ka la hrilh khawp ang, ala dem hle bawk ang che" min en kalh hnu ah chuan min kal san hmak a.











Ka fapa hi thudik a hrilh a nga maw?... Niloa hrilh thei lo ang... Carter-a hian thudik a hriat chhuah meuh hun chuan min haw dawn si a.








Angela's POV:

"Ehe, ka pi khawnge ilo kal daih a, ka zawng nasa lutuk che a lawm"
"Ka tei hawi vel mai mai a"
"I damdawi ei a hun tawh a, kha damdawi hi ei rawh aw" damdawi chu min pe a
"Naktuk kha i chemo khai ni tur anih kha aw, lo bo daih tawh lo la"
" Awle"








Nurse chuan min chhuahsan a,Ka khum ah chuan ka mu a, saisir in ka hun kaltawh ka ngaihtuah a









Harry-a nen ka pa in innei tura min sawirem avangin ka bialpa chu ka then a, Harry-a nen kan inhmuh hmasak ber ni chuan kan inmil lo nghal hle a, kan mizia a hrangin, minhrang hlak kan ni, kei hi hmeichhe nu hnap an tih ang hi ka lo ni lem lo bawk nen.











"Enteh, nang nen hian kan innei dawn a, mahse ka hmeichhe duh chi erawh i ni hauh lo"ngeiawm reuh e, hepa nen hian kan innei dawn chu a ni sia maw.
"Ka mipa duh chi i ni bik reng reng lo aw"ka ti let ve sak
" Anih chuan kan induh lo ve ve bawk a, inrem siam ang hmiang"
"Eng inremsiamna maw?"
"Nupa kan ni dawn a, dan then khat te kan zam ve loh in"
"A tha alawm"
"Mahse tu man an hre tur a nilo aw, kei leh nang chauh in kan hre tur a ni"
"A tha alawm"
"1-na.Min hmangaih tur a ni lo" van zak lo tak
"Awi!!...nang hian maw khawngaih dilin Min hmangaih rawh tiin thingthi in min ngen mah la ka hmangaih ngai lo ang che"
"A tha anih chu" a sawi chhunzawm leh a
"2-na, khum khatah kan mu tur a nilo, roomhran ah kan awm ve ve tur a ni" van zak lo e, ka mutpui duh che i ring a mawni le
"Aw aw.... eng nge a dang"
"3-na... company vanga innei kan nih angin, company tlakchhiat hun hun kan inthen ni tur a ni bawk ang"
"ka belh ve duh.. "
"Aw sawi la"
"Awmpui lak ka duhlo a nia"
"A tha alawm"










Inneih kan remtih thu kan pa te ve ve kan hrilh chuan an lawm kher mai, kan hrilh ni atanga thla khat ah chuan kan innei nghal a, kan inneih ni chuan min lawmpui tu te pawh an rawn kal tha khawp mai.









Harry-a nen chuan in khat ah chuan kan cheng ngei a, nupa ni ve siin room hranah kan awm ve ve a.








Awm dun na na na chu kan in kawm ngeih chho tan ta hle a, Awmpui lak ka duhloh avangin kan nun pawh a zalen bik hliah hliah, awmpui nei ta ila fimkhur renga awm a ngai dawn a chu chu ka peihlo a ni,Harry-a hi ka pasal nilo in ka thian ni ta zawk se ka ti thin.
Ka hriat loh kar ah a zun ah hian uaiin ka pasal chu a rukin ka lo hmangaih reng ani tih ka in hrechhuak ta a.









Zankhat chu Harry-a a rawn haw tlai a, ka muhil tui lai chu, doobell hmet ri ah ka harh a, darzat ka en a dar 2 bawr vel a ni, kawngkaka va hawn chuan ka pasal Harry-a hi a lo ni a, a ruih hmel hle lehnghal
"Harry,....i va lo haw tlai ve"
Engmah a sawi lo, ka lam a rawn pan hnai a, duhthawh deuh tak hian min fawp a, a tawi zawngin kan chesual ta a, kha zan kha ka pasal nen Nupa nun kan hman hmasak ber leh a tawpna ber a ni...








Nau ka pai tih ka hriat ni khan ka hlim asin, nau ka pai tih a hriat tum khan harry a pawh a hlim a, kan nupa inkar pawh a tha viau in ka hria, Harry-a chuan pasal nih a tlin em em a, min duat thiam em em a, check-up tur pawn min kalpui ziah, Carter-a pian hma deuh hian ka pa(Harry-a pa) in Bangalore lama hna tul thawk turin a tir a.









Harry-a awmbo hlan hian kan chhungkua chuan chhiat kan tawk a, ka pa hi lungphu chawlin a thi a, company in ka pa awm lo chu a tuar hle a, kan company pawh kan tlachhe nghal. Chumi hnu lawk chuan Harry-a phone call ka dawng a, 'ka pasal hian ka nau pai atang min ngaihsak ve deuh in ka hria, tunah pawh hian ka that leh that loh min rawn zawt turin min lo call a ni maithei ' tih rilru phu chuan call chu ka pickup a,









"Harry" hlim deuh chuan ka ti a
"'Angela, tunah chuan inneih chhan tur kan nei ta lo, ka tawrhpui hle che,mahse naute i neih hma thleng kan innei a nga, naute pian hnuah ka rawn haw anga min chhuahsan nghal tur a ni" ka mittui a tla zawih zawih.. ka pasal hian ka hmangaih angin min lo hmangaih ve hauh lo.
"Awle"phone chu a dah a, ka khum ah bawkin ka tap tlaivar thak









Carter-a ka neih hnu thla khat a la ral lo tih ah chuan Harry-a chu Bangalore atangin a lo haw a. Ka fapa ka ril a rah ngei chu chhuahsan a kan in oawh chu chhuahsan turin min ti a,
" Harry, khawngaih in ka fapa nen hian min pawt then lo hram rawh"
"Chhuak vat la a ni mai, inneih chhan tur kan nei tawh lo"
"Harry, ngaihtuah chiang teh, ka fapa hian nu a la mamawh asin, khawngaih in Harry" ka tap a ka ngenngawl takin ka dil a
"Nu a nei dawn reng a lawm, nupui dang ka nei dawn" a ti hmak a
"Aw.... a tha e, kachhuak ang" in chu ka chhuah san a.








In ka chhuahsan atang chuan Carter-a chu ka ngai em em a, tu nge mahni ril a rah, fa te ngai lo bik awm ang ni. Harry-a chu hmuh ka fapa hmuh ka dil thin a mahse a phal ngai lo.








Vawi khat chu carter-a birthday a ni a, Harry-a'n ka fapa hmuh min phalsak hlauh mai
"I fapa i hmuh duh ti raw"
"Aw, min hmuh tir dawn a mi? "
"Naktuk ah lo i hmu thei ang, mahse, a nu i ni tih a hre tur a nilo"
"Eng vangin maw ka fapa a lawm, a nu ka nih hi"
"Ka thusawi i zawm theih dawn anih chuan i hmu malek ang a ni mai lawm"
"Harry, khawngaih in ka fapa nen chuan min inhmuh tur rawh, ka ngen a chw, khawngaih in, i sawi ang ang chu ka pawm vek ang"
"Anih chuan ka nupui ni mai tur Emily-i thiannu angin lo kal ang che,nilengin i fapa nen hun in hmang thei ang, chuan hei hi hria ang che i fapa hmuh hi vawikhat mah min dil tawh tur a nilo"
"Awle" Ka fapa ka hmuh na tur anih phawt chuan engpawh ka ti ang. Mahsea na ka ti ve thlawt kei a nu ngei hian ka fapa chu anu ka ni tih ka hrilh thei silo








A tawp nan Carter-a chu ka hmu a, a duhawmin a hmeltha khawp mai. Hemi ni na na na hi chuan ka hlim khawp mai, ka fapa ka kiang ah, ka bul ngei ah ka pawm thei a, Carter-a pianchampha vawi hnih na a ni nghe nghe,ka fapa hi dahkir lo a tlanbo pui daih mai tak ka nap a, mahse a fapa hi ka tlanbo pui anih vaih chuan min zawngchhuak a nga, min that duh mai ang
tih ka hlau ve tho bawk si a, kei hi ka thi anih vaih chuan ka fapa hian thudik hi a hre thei dawn silo, tichuan tlai lam ah chuan a pa hnen ah ka pe kir leh ta a...





Carter-a chu hla tak atang chuan ka en thin a, a thangtha kher mai.





Ka fapa lo nghak hram hram rawh aw, thudik hi ka la hrilh vat ang che. I nu hian ka thih hma ngei hian thudik ka hrilh vek ang che...

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:26 pm

Ivy-10

Ivy's POV:

Thlakhat chhung Nitin deuh thaw kha pa, a pa ta tur cake rawn lei tupa kha a lo kal thin a, cookies to deub deuh te, a chang chuan cake te, a chang chuan rawn chawl zeuh zeuh tur te in a lo kal thin.Ka thawhpui te saqi dan chuan Carter zothansanga a ni a, kan bakery bul lawk ah hian an company a awm a, mahni mizo pui anih vang te pawh a ni mahna, ka ngaina ve reuh riau mai.










"Ilo kal leh elo? Eng nge i duh ang? " a lo luh rual chuan ka lo ti vat
"Espresso no khat aw"
"Awle"
Nidanga a thut na thin ah chuan a thu leh a,
"Kha le espresso no khat chu le"
"Ivy" ka hming a hria mawle.
"Enge ni"
"Kar tawp(chawlhni) ah i hman ang em?"
"Eng turin?"
"Khawiah emaw min kalpui la,i hman ang em?"
"Ka hrelo le, hman ka lo tum dawn nia aw"
"Awle, ka lo hrilh leh ang che."











Vawiin hi inrinni a ni a, khua pawh a thiang in a nuam ngei mai, tlem in a lum dwuh tih mai loh chu. Vawiin chiah hi tunkar atana ka hna thawh ni tur a ni a, kan dawr hi inrinni thleng kar tin kan hawng a, chawlhniah erawh kan khar thung.
















Ka fa te day care centre a ka dah hnu chuan hna lam pan in ka kal a, mak tak maiin ka ngaihtuahna ah hian tu emawni in min enthla ang hian ka hre tlat a, ka haqi kual a tumah erawh ka hmulo a.















Carter-a chu Kar tluan in a lo kal lo a, a ruk chuan ka hmu chak reuh,
" kei hi ka lo duh ve reng tawh emawni le, a theihloh, fa i nei tawh chutiang ngaihtuah thei i nilo, thian ah bak a duh lo ang che" keimah chuan ka in hrilh mawlh mawlh thin.









Dawr ah thu pahin thil ka chhutfel malh malh lai chuan,
"Kha, i va buai awm ve a" a aw chu ka hriat tawh hnu a ni,ka rin loh lutukin Thomas-a a lo ni
"Thomas!!!, ehe... enge ilo tih dawn?"
"Ka rawn ru haw dawn che" nui suk pahin a ti a,
"Aaa.... uang lo mai teh"
"Ania lawm, tak tak ina, ka rawn zin mai mai anih hi"
"Anih chu, engtia rei nge i cham dawn? "
"Ka cham rei lo ang, in in pawh ka la hmulo a, chaw ka rawn ei dawn nia aw, ka fate pawh ka ngai tawh lawm" a nui hak hak a,
"Mi in an lo ngaikawi a nge, chaw chu I duh hun hun ah ilo ei dawn nia, mahse rawn sawi hma la aw."Kan nui dun hak hak a.
" Ka kal tawh a nge, ka lo call dawn che a nia"
"Awle, anih phawts aw"a kalchhuak ta a.
Hetianga tawng hi Thomas-a mizia ve reng ani tih hrelo tan chuan mit pawh a ti kham mai thei ,Thomas-a nen thian tha tak mih kan thlan zawk ni atang phei kha chuan Thomas-a hi a uang zual a,kan lo.inthenawm bawk nen ,nupa emaw min ti tawk an lo awm ve bawk.













Thomas-a chhuah hnu reilo te ah chuan Carter-a a lo lut a,
"Ehe...Carter...nang maw? i va vang ve a tunlai"
"Ka zin lawk a, ka lo haw leh chiah anih hi, lo hmuh zuai che ka duh a, ka kal leh nghal mai ang, e... chuan... naktuk chu i hman thei ang em? "
"Umm, hman e, khawnge min hruai dawn a?"
"I hre mai ang, dar9 ah lo in peih la, in in kawt ah min lo nghak dawn nia, ka rawn hruai ang che" chhan pawh ka chhang hman lo a kal nghal daih, a mizia hi a dang reuh, thu a duh reuh phian ka ring tlat, bakah engtin nge kan in a hriat hrim hrim le.
















Carter-a nen chhuak tur chuan ka insiam a,Ruatpuii'n ka fa te a lo awm thei dawn bawk a vawiin chu lungmuang deuhin ka chhuak thei dawn a, hak mai tur ka hriatloh avangin ka hmuh hmasak Tee shirt var plane leh cotton jeans dum ka pian tlema ti lang ve deuh tur ka ha a, chuan converse var ka bun bawk a, make-up pawh ni dang aia tlema tak ve deuh hlekin ka in hnawih a,Lipstick pawh a nidanga ka in hnawih thin aia sen deuh ka hnawih a, ka mit chu eyliner in ka line a, ka mit men ti nalh tur leh ka mitmeng lan nalh nan mascara chu ka in tat thuak thuak bawk a,perfume tlem azawng ka in kap a,ka sam chu ka khuih thuak a,mawi ka in ti ve hle, sana ka en a dar 9 a lo ri tep tawh, hmanhmawh takin ka fate ka mangtha a.
















Pawn ka chhuah chuan Foreign car nalh tak, dum tle zar mai, en ringawt pawn a man a to ang tih hriat ngawih ngawih hi a lo ding a, Car ngheng in Carter-a chu hma lam hawi zawng hian a lo ding a,nghah nei niawm tak hian a sana bun chu a thlek sek bawk a, rawn hawi chhuak se, a sir lama tang kal ka ni bawk a, min rawn hmu miah lo.











Vawiin hian Carter-a hi ka hmuh tawh zawng zawng ah ka la hmu tha ber, ni danga ka hmuh kha chuan coat nen a induang zar a, vawiin erawh chuan a chhelo tak zet, T-shirt dum plain, kekawr dum leh Nike var a bun a, Rolex sana nalh zet nen, a sam te pawh chu a nidanga a put thin lo dan deuh in a buk deuh laih a, a pian in a zir bawk a, a thawmhnaw hak leh a sam chu inhmeh tak hi a ni ringawt.













Ka va pan phei a, a bul ka thlen chuan ka hrawk ka thian kharh a, ka din na lam a rawn hawi a, min hmu chiah chu makti deuh hian min en reng a, ka kut chu a mit zawnah ka ti ri a, rawn harh thut ang mai hian a lu a thing a,
"Carter, i tha em? "
"Ahh.... aw.... tihpawlh.... i nalh lutuk a" mak reuh hle mai, make-up tlem chiah ka inhnawih belh a,ka danglam vakna ka hrelo a sin le, mahse ka hlim reuh.
"Ka lawm e"
"Kan kal tawh dawn em ni ang? "
"Awle, mahse khawiah nge kan kal dawn"
"Chu erawh thuruk a ni" sawi ve mai se aww
"Anih chuan kaltawh ang hmiang"
Carter-a chuan ka thutna tur lam a car kawngkhar chu min hawnsak a, car chhung ah chuan min thuttir a, a thutna lam tura a rawn thut hnuin car chu a ti nung a, kan kal na tur lam chu kan pan ta.





















Motor chu a khalh zel a kan hma ah chuan Amusement Park lian lutuk hi a lo ding awm ruah mai a
"Kan thleng e"
Motor a park fel hnu chuan, motor atang chuan a chhuak a, ka thutna lam kawngkhar chu rawn hawngin min rawn kai chhuak a,
"Amusement park ah hian ka naupan lai chuan ka kal chak thei lutuk a, i duhna hmun pawh zawt lo in ka duhna ah ka hruai tawp che a nih hi, min chhuahpui i remtih avangin ka lawm e" awiii ka duh hepa hi ka duh takngial dawnin ka hria....
"A tha alawm, keipawh tiang amusement park ang a lian hi ka vawi khat kalna tur a nia"
"Ka tiam a che, a dawt leh ah chuan i duh na hmun ah kan kal tawh dawn nia" tunah khan a dawtleh a ti em, awiii!!ka lungphu hi, a rang lutuk ringawt.
"Awle"
"Lut ang hmiang"














Nileng in Carter-a nen chuan amusement park ah chuan kan leng a, ferris wheel(mizo in marry-go-round kan tih thin) ah te, roler coaster ah te, carousel(mizo hming in ka hre lo) ah te, chuanna awm zawng zawng, puotling chuanna chi hrim hrimah chuan kan chuang deuh vek,a nuam asin aww.


















Ka ngaihbel nge chu ka hre hauh lo a, ka hmuh dan ah chuan Carter-a pawh a hlim ve hle in ka hria.Tlai lam ah restaurant changkang tawk ah Dinner(zanriah) tui tak kan ei bawk a,hetiang a ni dawn tih hria ila kawr mawi deuh lo hak ve tur hi a nia.Carter-a nen chuan hun nuam tak kan hmang dun a, in thlengin min thlah leh a, in kan thlen chuan kawt ah a car chu a ti ding a.

















"Ivy" a aw mawlh hi aw, hepa hi chu a pa thlawt a ni.
"Umm" chutah ka mit ah tak min en a, ti tak fe hian
"Ivy,Ka hmuh tirh ni phat atang che khan ka duh tawh che, hmangaihna hi a awm ka ring ngai hauh lo a, mahse, an sawi thin hmangaihna hi a awm tak tak anih chuan ka hmuh hmasak ber ni atang che khan ka hmangaih tawh che" ka thinphu ran zia chu, sawitur pawh ka hamhaih ta vek mai, chutah ka kut a rawn vuan a.
"Ivy, ka bialnu ni rawh?" chu sawmna duhawm tak chu tu nula in nge hnawl phal bik ang le, mahse keichu nu ka ni tawh tlat,ka ngaihzaqng vawikhat neihna tur ani a in ngaihtuah fe ka mamawh ang.
"Ihh... Carter... ka... ka... "
"Enteh, Ivy, in ngaihtuahna hun i mamawh a nih chuan ka nghak thei a nia, tunamin chhan kher a ngailo"
"Awle, muttui aw" car atang chuan chhuah ka tum a,
"Lawkin aw, Ivy"
"Umm" ka chal ah min fawp zeuh a
" Muttui aw"
"Awle, muttui le. "










Carter's POV:

Ivy ka hmuh leh hnu hian chhuah ka tum tawh hauh lo,pasal a lo nei tak tak ta anih pawn ka kianga a awm theih nan ka thian ah tal ka siam tur a ni, nitin Ivy hmu turin hunawl ka insiam thin a, office ah buai hle mah ila, hna aia pawimawh tih zawk ka nei tlat, Ivy....









Ivy ka hmuh leh atang khan amah hmulo in nikhat pawh ka hmang thei talo chu a ni ber e, Office hna tul kal san in an dawr ah chuan ka chawl ziah a, a zunzam hian kei Carter Zothansanga hi min phuar nghet em bawk atin ni.








Tlai tinin in lama a haw tur ka zui haw ru ziah a, in ah him takin a haw em tih ka hriatphawt loh chuan thlamuang in ka mu thei ngai lo, zing ah erawh chuan ka hman changin ka zui thin.









Tunkar chu hna thil avangin ka zin kual nasa khawp a,Delhi ah kan sumdawnna ram han zauh tak en thli thlai turin ka kal a ni,thawhtanni a Ivy ka hmuh bak kha ka hmu theilo a, ka ngai reuh khawp mai.








Vawiin chu ka hna pawimawh ka zo vek a, naktuk lamah chuan Bangalore lamah ka haw ve thei tawh dawn a,Ivy ka hmu thei tawh dawn a, phur tak ka ni,private jet hi ngaihtuah ka ngai a ni, thlawhna ticket lak ngai rwng hi a buaithlak em mai.









Bangalore chu a hma lamin ka thleng a, ka tih dan ngai te in ivy chu ka zui haw leh a.







Vawiin hi inrinni a lo ni leh ta der mai, ka Ivy hmu turin ka tih dan ngai bawkin ka inkhalh chhuak leh ta a, mahse vawiin chu Ivy-i'n mipa naupang leh hmeichhe naupang kum khat leh tlem vel rual tur hi a rawn kaichhuak tlat.A pasal erawh kha chu ka hmulo. A nu an chhun bawk a, an la duhawm em em zui. Ka zui zel a day care centre pakhat ah hian a dah a. An dawr lam pan chuan a kal a.








Ka ngaihtuah naah thil a lo lang thut, 'kha mipa naupang zawk te khan min chhun na riau a nei tlat, a sam a kir buk ve leih, ka naupan lai sam ang chiah in.Ka fa te an ni thei ang em le?? kha thil thlen zan atanga ngaihtuah chuan naupang pahnih te rual nen khan a inmil tawk vel chiah chiah bawk si.... Oliver-ahian min pui thei ang a

"Hello Oliver, khawngaihin thil min tih sak lawk hman em? "
"Aw,han sawi ta che"
"Paternity test tih ka duh a"
"A nih chuan, i DNA sample leh naupang sample chu a ngai ang aw"
"Awle"





















Oliver-a ka phone zawh chuan Ivy hmu tur chuan an dawr lam ka pan ta a, an dawr ka thlen chuan a pasal nen an lo in be mek hi ka hmu a, an hlim dun hmel khawp mai,dik tak chuan ka thik a ni,mahse ka beidawng dawn hauh lo, a pasal a ni ngei em tih pawh ka chian hma a beidawn ji ka duh rengnreng lo, dawr pawnah chuan Ivy min hmuh theih loh na tur ah chuan ka ding a.










A pasal in a chhuah hnu chuan ka lut ve chat a, ka zin hmaa ka sawm na te a pawm tih ka hriat hnu ka rilru chhungril taka ka hlim zia kha, min chhan mai avang khan pasal a neih ka rinna pawh a tlahniam ve deuh.








Vawiin hi chawlhni a ni a,Ivy min chhuahpui tura ka sawm ni chiah kha a ni, ka helhawlh nge mawni, ka tho hma khawp mai, ka inbual a,ni dang ah chuan ka inbual hma hian ka hak tur dahchhuak sa vekin ka inbual zawh ah ka in bel mai thin a,mahse vawiin chu Ivy laka chhelo zet a lan ka duh avangin ka thawmhnaw hak tur pawh vawi thum vawi li vel darthlalang ah in en in ka inthlak kual a, a tawp ah tee shirt dum plain ha in, kekawr dum ka inthawlh leh a ka nike var chu ka bun bawk a, tlemin ka sam chu kan tuai thur deuh thuak thuak a, darthlalang ah chuan in en in ka in nuih sak, tunah chuan IVY chhuahpui turin kei Carter Zothansanga hi ka in peih ta, ka car chahbi la in Ivy te in lam chu ka pan a.








Ivy te in kawt ka thlen chuan dar 8:45 chiah a ni a, ka phur awt awt lutuk a ka thleng hma kher mai,ka car hma ah chuan Ivy nghah pah in tiin ka car ngheng in ka thu a, kan kal hun tur ngaihtuah pah in sana chu ka thlek zeuh zeuh bawk a,dar 9 a rik tep ah chuan Ivy chu a lo thleng a.








Ka ngaihtuahna a ka chen em vang pawh chu a ni mahna, Ivy lo thlen lai pawh ka hre lo a, "ehemm" tia a aw a rawn thian karh ri chuan ka ngaihtuahna atang min kai harh chiang khawp mai....Ivy lam ka hawi phei chiah chu.... ka tan chuan khawvel a ka hmeichhe hmuh tawh azawnga hmeltha ber mai ka Ivy ngei mai chu ka hma ah nui sang hian a lo ding a, a thawmhnaw chu a inhmeh tak zet, a pian pawh a nalh ve tawk ani tih vawiin hian ka hre chiah...









Adventure park ah ka hruai a, kan hlim hle, ka tan chuan Ivy hlim hmel bak a hmuhnuam a awm lo a, a aw ngaihno bei tak baka aw mawi a awm chuang lo a ni.
Tlai ah chuan zanriah ei turin ka hotel ngainat ber ah ka hruai a, haw kawng ah an inah ka thlah leh a.... ka bialnu ni turin ka sawm a, mahse min chhang lo, ka rilru chu a hnual ve deuh mahse ka beidawng lo ang, in ngaihtuahna hun a mamawh pawn ka nghak thei tih ka hrilh a, ka car a chhuahsan dawn kha chuan ka ui a ni, ka hmuh theih lohna hmunah min awm bosan daih ka hlau bawk, tichuan a hmui ah nilo in a chal ah ka fawp ta zawk a, a hmui no taka fawh kha ka chaklo bik a nilo, mahse mipa ka ni a, ka insum thei tur a ni, ka angchhunga kuah a, pawm vawng vawng tak hi ka nap asin...








Thawhtan zing office ka kal tur chu ka car bulah hian ka nu(min hringtunu ngei mai kha) nikhaw hrelo in a lo tlu reng mai a.
"Nu, i harh em? " Nu min kalsan lo hram ang che, ilakal theilo.....









Ka nu chu ka car ah rang takin ka pawm a ka muttir a, hospital lam ka panpui ta a















"Doctor, Enge a an tawh? A tha em? "
"Aw a harh tawh e, tunah chuan drip kan khai rih a a zia tawh e"
"Dovtor, engvanga khatia lo tlu ringawt nge ni a hriat theih em le?"
"Hriat theih e,i nu hi bp sang nei a ni a,a damdawi a ei that loh bakah a chuap hi a cancer bawk a, chemoin la vat anih chuan dam leh theihna chance a awm a, in lo in ngaihtuah dawn nia"
"Ka lawm e Doctor, kanlo inrawn khawm dawn nia" ka nu in cancer a vei maww... anithei lo nu ka thih tir thei lo che























Ka nu hmu tur chuan ka va kal a, alo harh tawh a, min lo hmuh ve leh chuan thei leh thei lovin...
"Caaarteer, bawiha" ka nu mutna bula thuthleng ah chuan ka thu a...
"Bawiha, thil hrilh tur che ka nei"
"Aw sawi rawh"
"Doctor khan ka natna hi a hrilh tawh ngei ang che, mahse ka thih hma ngei hian thudik hi hria la ka duh a ni. "
"Eng thudik maw?, ka nu tak i ni a min kalsan thu hi maw?"
"Ni e, i nu tak ka ni ngei a lawm, mahse ka duhthu reng vangin ka kalsan lo che asin"
"I duh reng vang anilo maw?Anih eng vangin nge min kal san?"
"I pa in eng dawt nge a hrilh che chu ka hre lo, mahse hei hi thudik tak chu a ni.... Ipa nen hian...... " thudik zawng zawng chu ka nu chuan min hrilh ta a, ka nu ka lo huat reng thin kha, a tuartu alo mi zaqk reng a.
"Nu, enge ti tura min duh" ka pa lakah ka thin a rim khawp mai
"Bawiha, i pa hi ngaidam turin ka duh che"
"Maw?? ka ngaidam thei lo vang, kumkhuain ka ngaidam ngai hauh lo vang"
"Bawiha, lo ngaithla teh, i pa hian min hmangaih ve lo pawh ani maithei, mahse keichuan i pa leh nang, ka fapa hi ka hmangaih ve ve cheu, bakah phuba eng ang pawhin tum mah la kha hun kha i ko kir thei tawh dawn chuang lo a, chuvang chuan bawiha, i pa lakah hian phuba lak tumin i pa hi bei ngai suh ang che aw.... kei.... inu vang tal pawh hian, khawngaihin min hmangaih vang tal pawn i pa lakah hian phuba lak tum ngai suh ang che"
"Nu, ka hmangaih che,ka pa lakah chuan phuba ka la. hauhlo ang mahse kumkhua in ka nu rilru ti na a, nu leh a fa pawt hrang tu hi ka ngaidam thei ngai hauh lo ang,i nat ka phal tawh dawn lo, i dam leh theih nan hian eng pawh ka ti ang, min kalsan tawh suh aw, khawngaihin nu"









"Doctor, chemolak chu kan remti tlang e, khawngaihin ka nu tan hian theihtawp min chhuah sak ang che aw"

"A tha e, naktuk atanga chemo khai turin in lo inring dawn a ni"
"Ka lawm e Doctor, ka lawm lutuk, i chungah kan in nghat tak meuh meuh a nia aw"










Ka nu chu ka penthouse ah ka hruai haw a.. Naktuk atanga chemo khai a ngaih dawn avangin chawl hahdam turin ka ti a... Nu,theihtawpin ka enkawl ang che, khawngaih in min kalsan lo hram ang che aw

Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:26 pm

Ivy's POV:
Zankhua in Carter-a thusawi chu ka ngaihtuah a, "ka rilru a ti buai khawp mai,thil tam tak ka ngaihtuah a, keiin lo duh mah ve ila, fa ka nei tawh a ani lah tlangval a la ni bawk si, fa ka nei tawh tih hi hre ta se min hnawl mai ang em?, lo in hmangaih cho zelin lo innei ta ila a chhungten min pawm duh ang em?, lo in nei thei ta pawh ni ila,nu ka nih ang in amah Carter-a leh ka fa te in kar ah khi a awm phah ang em? ka hmakhua leh ka fa te hmakhua dawn phawt loh chuan thutlukna ka siam mai ngam lo a tin ni. Carter-a ka hmuh leh remchang hmasak ber ah thudik hi ka hrilh ngei tur a ni. Chutah min lo pawm thei anih chuan ka chhanna, amah ka duh ve thu ka hrilh chauh ang. Min pawm lo anih erawh chuan engmah ka sawi lawk thei biklo. Carter-a min chhan dan ah in nghat rawh se. Tichuan ka muhil ta siai siai a.












Vawiin hian Carter-a ka hmu thei anih chuan thudik ka hrilh ngei ang. Carter-a lo kal hun awm ah chuan dawr kawngka chu a khat tawkin ka thlir zeuh zeuh a. Chhang ka remfel vel mek lai chuan,
"Va buai awm mawlh mawlh ve kha" chu aw chu ka hrechiang khawp.
"Thomas"ka nui lui a,ka hmuh duh zawk a nilo tlat mai.
" I va lungawi loh hmel ve, i hmuh duh zawk ka nilo a nih hmel" ngeiawm thiam reuh, mahse a dik ve tho sia ka haw tak tak ngam lo.
"Chulam pawh a nilo"
"Inthup tum kawi lo mai teh, nanghi chu ka hrechiang mah mah tawh che, dawt i sawi theilo, i hmel ah hian a hriat nghal vek zel" ka nui hak ringawt, a sawi dik phian bawk si, ka sawitur hrelo chu ka ngawi reng a
"Hawh tah sawn mi hmuhtir tur che ka nei a nia, lo phei lawk la" ka zui phei a
"Tu tak ni ang maw"
"Hawh min lo zui rawh" ka zui phei chu dawhkan pakhat ah hian nula hmeltha deuh hi a lo thu a, min hmuh chuan nelawm deuh hian a lo nui sang a.
"Ivy, hei ka bialnu thar a nih hi, Daisy hei Ivy ka thiannu a nih hi" min chibai pah chuan
"Ivy maw.... I hmeltha reuh hle mai, Thomas-a hian a sawi nasa thei lutuk che asin, asawi thin dan ai che in i hmeltha daih ka ti" ka lai dawn lawm le.
"Aa....hehe... ka lawm e,kan thu dang alai chuan, Chawlhni tlai ah chaw lo ei ta che u"
"A tha khawp ang chu, ti rawh Daisy i kal dawn ang hmiang" tichuan an chhuak a.



















Nileng chuan Carter-a lo kal chu ka beisei ru reng a, mahse a buai a ni mahna le, a lo lang miah lo. Tlai lam ah a lo kal ka rin avangin, midang haw hnu vekah ka haw a, dawr ka kalh that mek lai chuan,
"I va haw tlai bik ve" nangmah ka nghah vang che anih hi
"Nia, vawiin chu kan pu haw hma a ngai a, dawr kalh fel turin min ti a"ka lungawi loh na chu thup hram hram ka tum a, ka nuih lui thei hram
"Hawh, anih chuan ka thlah ang che"
"Keimah in ka haw thei tho a lawm"
"Ka thlah ang che ka tih chu" min vin chuang silo thu pe aw deuh chuan a han ti leh a
"Aw, a tha alawm" mahni lo maha lo lungawi loh ruk sa nak alaiin
Car kawngkhar chu min hawn sak a,ka thutfel hnu ah , a thutna tut lam (driver seat) ah chuan a rawn thu a, in lam chu kan pan dun ta...




















Kawng tluanin a tawng miah lo, a lam ka hawi a,ngaihtuah nei ni awm tak hmel hi a pu a,min melh eih bawk si lo, ka lungawi lo thut a,ngawi rengin tukverh lam ka hawisan daih, nizan ah lah khan min hmangaih leh min duhthu kha min hrilh a, tunah lah mihrang ang hmakin a awm leh si hi ka hrethiam thei thlawt lo a ni.











Motor chu kan in hma ah chuan a ding ta chat mai le,
"Min thlah avangin ka lawm e"ka ti deuh hmuk, motor atanga chhuah ka tum lai tak chuan kut nghet zet hian min rawn man chat
"Lawk aw Ivy" tih pah chuan a ipte atangin eng nge maw hi a rawn phawrh a, min pe a, keichuan mak ti ha in ka lo en a,
"Hei hi eng nge" amah en chuan ka ti ha a
"Ka thinlung" a nui sak a,
"bawm kha han hawng chhin teh le" a nui hak nichin a Carter nelawm loh zet-a kha chu awm lo ang maiin a hlim leh sarh tawh.
Bawm chu ka hawng a, rangkachak thi mawi em em mai hi a lo awm a, bawm atang chuan ka khaichhuak a, locket mawi zet a la nei zu, chutah chu locket chu ka hming IVY tih ngein a la ni zui a.
"I tan liau liau a ka siamtir anih kha aw"
"Ka lawm e, a mawi ka ti lutuk"
"Khawi ka lo awrtir ang che" min awrhtir lai te chuan ka thinphu a in thum rawn tluk tluk thei nia, min awrhtir zawh chuan ka mit ah tak min en a, awi!!...ka thin phu pawh a hma aiin a rang zual sawt a,a phu dut dut, arawn kun hniam a, min rawn fawh tuma a lo kin hniam lai mek chuan, eng vang nge ka hre biklo, ka hawi sawn daih.
"Carter ka la in peih lo" ka hlauthawng ani, ka thuruk hre ta se, min kalsan mai ang em tih hi.
"Awle, i duh lo chung khawih lui che ka tum lo, i remtih leh duhna thlapin ka fawp ang che" zaidam deuh hian a ti leh mai a
"Min hriatthiam avangin ka lawm e, ka kal tawh phawt mai a nge, muttui aw"
"Awle, muttui le" car atanga ka chhuah hnu chuan
"Ivy i va lo haw tlai ve"
"Thomas.... nang... hetah... eng... nge"ka fanu a rawn la pawm zui, a va hun lo tak, ka hrechhuak thut Carter-a a la kal liam lo tih. Carter-a chu ka zu en thuak a, a lungawi loh hmel kher mai. A motor a ti nung a a tlan lian daih.
"Hei, bawihtei nen hian kan lo hmuak che anih hi" bawihtei chu ka pawm a
"Hawh i lut tawh ang u hmiang"

















Thomas-a chuan chaw a lo ei a, Ruatpuii nen an lo in hmu a, Ruatpuii'n zanriah ei turin a lo sawm a ni. Ruatpuii hian Thomas-a hi nei se min ti khawp a, mahse i hriat angin ka tan chuan Thomas-a hi ka thian tha a ni. Carter-a nen kan chungchang ka hrilh ngai lo a, hria se chuan tiang hian a ti kher bikin ka ring lo bawk.















Varanda ah chuan Thomas-a nen chuan kan thu a, ka ngawih reng avang chuan Thomas-a zawk chu a rawn tawngchhuak ta nge nge a.
"Ivy"
"Umm"
"Daisy kha eng nge ang i tih"
"A tha ka ti, a fel hmel a, a hmeltha in a nui mawi bawk"
"Chutiang lam nilo in maw, nupui atan ania ka tih, a that i ring em, hmeichhia leh hmeichhia te chu in in hrechiang zawk dawn a"
"Nia, a tha khawp ang chu, innei vat ru aw.... kan thu dang alai chuan engtin nge in in tawn ve reng reng a"
"Thawnthu sei tak a ni... "
"Sawi tha mai mai la nihchu"
"Englo a nia, Daisy nen hian medical college khat ah kan kal thin a,kan junior a ni thin, ka star ru thei reuh lutuk, a hmel a tha in lehkha a thiam thei a, a zaidam em em bawk a, kan college ah kha chuan mipa tawh phawt in an ngainat bakah star ve tu pawh an tam mai, bemtu te pawh a tawng nual a,mahse a tu mah mah a chhang ngai lo, a hnu a ka hriat leh dan chuan star ruk deuh a lo nei a, chu chu chuan a bem hun a lo nghak anih chu, chu pa chu keimah Thomas lalrintluanga ngei mai hi ka lo ni" a tawng vel dan chu ka nuih a ti za lek lek, a lawmawm ru phian a, ka rilru hahna pawh a ti zia deuh,
"chuan in lo ni ta a? "
"Ni lo e, min star ve tih hre hek lo, bem lo chuan ka kumtluan ta a"
"Aw, han bem hlauh la in ni ni mai tur"
"Nia ti raw, kha tih lai kha chuan ka zakzum thei lutuk a, ngaihzawng ka la nei ngai bawk silo nen"
"Chuan tun ah i zakzum ta lo a" ka fiam let leh sak, ka nui hak hak a
"I va sual thiam tak e o,lo uang tawh lo la, ka'n sawi chhunzawm leh ang e, tichuan min star tih hre hek lo, an class ami chuan min bem a, kan ni ta a, bialnu ka nei tih a hriat khan a rilru na in bialpa a nei ve leh nghal a, in hre lo tawn ve ve chuan college chu ka graduate ta a, ka bialnu nen pawh chuan kan inthen a, a chhan chu minlo kawp reng a, ka hrechhuak leh sia "
"Aw...a va pawi ve ...Chuan engtin nge in in tawn leh dan? "
"Nangman Min hnawl hnu khan, Whatsapp ah kan school group atangin ka no a lo nei a, ti chuan min rawn bia a, kan in be chho zel a, a ruka min duh thu te , tun thlenga min la vei thu te min hrilh a, tichuan ka bem a , tun hi kan lo thleng ta a, kan buai dun thin em avangin kan inhmu lawk thei lo a, Kan thla ruk in ngaihzawnna chiah a nia, surprise turin ka rawn zin vang vang anih hi"
"Wow.... in thawnthu chu a romantic reuh hle mai, keipawh chutiang chu ni ve ila ka ti khawp mai"
"Chuan nupuia neih ka duh a, sawm ka tum deuh a, ruahmanna tha zawk te i neih takin tiin ka rawn pah che anih hi, ka rualpui te chuan fa an nei vek tawh, ka naupang zawk zawk tawh lo bawk a, fa neih vat ka chak tawh, ka chhungte lah in nupui nei turin min lo tur ve sek bawk nen"
"Anih chuan, kei nilo in Ruatpuii zawt zawk rawh, kei chu helam ah hi chuan ka hlawhchham thak"
"Ruatpuii ka zawt hleinem, nang ka thian hi ka zawt che alawm, i ngaihdan chu sawi mai la"
"Anih chuan nupui a i duh thu chu hrilh tawp rawh"
"I va hahthlak tak aw, i romantic lo thei ve thei sia" a nui hak hak a "ka va haw tawh a nge, zan a rei tawh em mai"
"Awle, muttui le"

















Thomas-a haw hnu chuan, room ah ka lut a, ka fate chu tui takin an lo mu tawh a, bathroom ah lut in ka in bual a,ka inthlak fel hnu chuan khum ah chuan ka mu a,ka fa te pahnih chu kuahin zanina thil thleng bawk kha ka ngaihtuah a, Carter-a chuan Thomas-a nen kan inkar ah engmah a awm lo tih hi a hre der mai silo, chuta karah ka fanu Malsawmhlui a rawn pawm chhuak leh kher bawk nen, naktuk ah Carter-a chu va hmu ila a tha ang. Thudik hi engtin pawn dawngsawng dawn se ka hrilh tur a ni.













Vawiin hi thawhlehni a ni a, hna kal turin ka insiam zo a, ka fa te ho pawh Day Care centre ah ka thlah fel a, hna lam panin ka kal a, dawr ka thlen chuan kan pu ber a lo thlen chuan kan pu ber a lo thleng tawh a, min dawr tu an lo tam khawp lehnghal, vawiin chu eng nge maw an hriat ni, buai a reh deuh hnu chuan, kan thu hahdam ve a.

















Ka buai em avangin Carter-a pawh ka ngaihtuah tha hman lo, ka thut hahdam lai chuan Carter-a bawk chu ka lo ngaihtuah leh hman a
"I va ngaihtuah nasa awm ve" Thomas-a bawk
"Ehe...Thomas, chibai le Daisy" Daisy hlim hmel pu sang leh Thomas-a hlawhtling in ti tak hmel pu chu ka hma ah an lo ding reng.
"I va ngaihtuah muk awm ve, kan ko vak vak che lawm"
"A eng nilo e, ei tur in duh em, eng nge in duh ang"
"Eng mah kan ei lo ang, kan rawn tlawh zuai che anih hi" tih leh Daisy kut a zungbun simple tak nalh em em si chu min hmuh a
"Ehe... Daisy ka lawmpui a che, in pahnih in ka lawmpui lutuk che u" ka awt bawk che u
"Kan lawm e, enteh Ivy, i awm dan atang hian hmangaih i nei tih ka hria, hrilh vat la a tha ka ti, anih loh chuan keini ang hian in awm ve palh a nge, kha pa kha i hmangaih tih hi kha hrilh vat rawh,i tlai ve palh ang, kan kal a nge" nui suk pah chuan an chhuak a,
Ni e, Thomas-a hian a sawi dik khawpin ka hria, Carter-a hi ka hmangaih a, engpawh thleng dawn se thudik hi ka hrilh ngei tur a ni ang.

















Kan buai a reh deuh avang chuan kan pu chu chhuah lawk ka dil a, ka vawikhat dilna a ni bawk a, a phal ve mai... Carter-aka hmu ngei tur a ni.











Carter-a te company lam pan chuan ka kal phei chhat chhat a, company ka hnaih phei tial tial a ka thin phu pawh a rang tial tial, 'engtin tak min lo chhang ang maw' tiin ka ngaihtuah a, ka kal zel a ka hma ah chuan building lian tak mai hi a lo ding ruah a, DwellSmith Real Estate & Buisiness Building tih hi a lo in tar vang a, Building ah chuan ka lut a, ka hma a hmeichhe lo thu chu ka pan a
"Min lo hrethiam lawk, khawngaih in pu Carter-a hi a hmuh theih em le."
"Appointment siam sa i nei em?"
"Nei sa lo"
"Anih chuan appointment siam la, mahse pu ber chu a awm rih lo a, hna pawimawh ah a chhuak a, a haw tlang nghal ang, naktuk lam atan appointment siam mai i duh em? "
"A ngailo mai, ka lawm e" ka hnual nghal rawih thei nia mawle









Tlai lam hna ka bang ka haw tur chu, ka hma ah hian Carter-a car a rawn in hung ruah mai le, Carter-a car atang chuan alo chhuak a, car chhungah chuan min pawt lui a.
"Khaw nge kan kal dawn?"
"I hre mai ang" engmah kan sawi tawh lo ve ve, a boruak chu a rit ngei mai.
"Kan thleng ta"
Ka han hawi kual chu a reh thup, car atang chuan Carter-a chuan min hruai chhuak a, min kai a, engmah sawi lo chuan min hruaina apiang ah chuan ka zui ta zel a, kan hma ah chuan lui mawi deuh mai hi a luang delh delh a, lui kam ah hian kan lo awm reng chu niin, thla lah chu a eng em em lehngal a, luikam ah chuan kan thu a,
ngawi reng chuan kan thu a, chutia tu a mah mah kan tawng loh tak si ah chuan tang hmasak ka chuh ta a.








"Ih....Carter, i ngaih ang kha engmah a nilo a nia" ka ti chhuak phawng mai a
"Eng chu maw? Pasali nei a, fanu i nei bawk tih hi maw? Ti khan ka hrethiam chiah e, ka fawh pawh i duh loh na chhan chu, engtik ah nge thudik hi min hrilh i tum? Nge min hrilh lo a min kawp ilo tum zawk? Thudik hriat hi ka phu i tilo zawk nge?" a ti ta piap piap mai le
"Ni e, i sawi Carter fa ka nei tawh ngei alom... mahse i ngaihdan ang kha chu a nilo a nia... "
"Enge ka ngaihdan a nilo i tih chu a awmzia, thudik tak min hrilh rawh"
"Thudik chu hei hi a ni, ka pasal emaw i tih kha, ka thianpa a nia, a hming chu Thomas-a a ni, tin naute pa a ni lo bawk,
naute i hmuh kha ka fanu Malsawmhlui a ni a, phir an ni nghe nghe, a nau mipa Lalpekhlua a la awm bawk, min ring rawh dawt hrilh che ka tum hauh lo, i sawmna ka la chhan loh chhan che pawh hei vang hi a ni, fa ka nei hi hrilh phawt che ka duh a, mahse ka hrilh hma che in Thomas-a kha a lo lang a, a buai zo ta vek a nih hi" a ngawi vang vang a,
"Anih chuan min duh ve tho tihna a ni ti raw"
"Ummm"
"Anih chuan ka sawmna chu i pawm tihna a ni em?"
"Ummm...aw... ni e" ka chhan zawh chuanin ka hmui ah chuan dim takin min fawp a, kei pawh in ka lo chhang let ve, rei tawk tak kan in fawh hnu chuan, ka kut vuanin chiang takin ka mit ah min en a
"Ivy, nang ka tawn hma che khan hmangaihna hi ka ring ngai hauh lo tih ka hrilh tawh che kha, mahse ka ring tawh, ka hmangaih che"
"Kei pawh hian ka hmangaih che" kan jn fawp leh a, kan awmna hmun in a zir bawk boruak a nuam takzet a ni,min hmangaih ka tawng ve ta.
"Mahse, min nghah rei tir man hi chu min pek ngei a ngai ang"
"Engtin nge ka rulh ang che"
"Ka kiangah awm kumkhua rawh, chu chu min rulh let nan a tawk chiah ang"
"Ummm, kan hmalam hun chu ka sawi thei lo a, mahse nang kalsan hi ka thil hlauh ber a ni"
"Anih chuan duhtak"a nui sak a, Duhtak min ti, awiii ka biang a sa pap pap thei nia " Chawlhni ah ka fa tur te nen chuan i leng ho ang u hmiang" ka fa te a ti hmak thei bawk, hepa hi chu hmeichhe rilru hneh dan a thiam ngang mai
"Umm, leh lawk chawlhni tlai chu ka hman leh lo, ni dang ah kan ti mai dawn em ni ang? "
"Nga ti maw?, tih tur duan lawk i nei em ni? "
"Umm Thomas-a leh a bialnu chaw rawn ei turin ka sawm a"
"Min sawm ve dawn na nge? Heheka ti mai mai anih kha"
"Umm i duh phawt chuan lo kal rawh"
"Yes ka rawn kal tak tak dawn ania aw"
"Ummm lo kal rawh, i lo kal leh siloh vaih"
"Ka thi anih loh chuan ka lo kal dawn chiang"
"Thi tih tawngkam hi ka bulah sawi tawh suh aw,ka ngaina lo"
"Ka bialnu in a duh loh chu engmah ma ti lo ang,Awle,ka sawi tawh lo vang"
"Ummm, a tha, hawh... ihaw tawh ang hmiang" a sana chu a en a
"Ni e, kan fa ten an lo ngai tawh ang che,la thla hlel viau che mah ila, kan fa te ngaihtuah an ngai ve bawk sia, hawh ka thlah ang che"ka fa te a tih hian ka lai tlat lehnghal










Tichuan inkai rial in Car chu kan pan a, kawng tluan chuan Carter-a chuan min kai a, gear a thlak chhung zawk tih loh chu min thlah duh lo reng reng.
"Muttui aw... "
"Awle, ka duhtak, muttui le" min fawp zeuh a, car atang chuan ka chhuak a,
"Anih aw, kal tawh rawh"
"In i thlen hunah ka kal ang, ka thlir liam duh che"
"Anih ka kal aw, muttui le. " ka va hlim si em, ka nun a ka hlim ber tum a la ni ang.






















Carter's POV:



Vawiin hi thawhtanni a ni a, ka nu chemo lak ni tur chiah a ni, hna atang ka chawl a, ka nu chu hruaiin chemo khai tur chuan damdawiin lam ka panpui a, ka nu chemo khai chu ka nghak a, an khai zawh ah chuan ka penthouse lamah ka hruai haw leh a,
"Nu"
"Enge ni bawiha"
"Nu, hmangaih i nei ve tawh em?"
"I pa hi ka hmangaih chu a ni"
"Nilo, ka pa hma hian"
"Duh chu ka nei ve nual tawh, ka hmangaih emaw ka in ti thin, mahse ka hriatchhuah chu maw i pa chauh hi ka lo hmangaih a ni tih hi"
"Nu, ti nge ka pa hi i hmangaih a, i lak ah a sual teh lul nen"
"Ka hre bik lo bawiha, eng vanga i pa hi hmangaih tlat nge ka nih tih hi, eng ti zia nge ni bawiha, hmangaih deuh i nei em ni? "
"Hmeichhe pakhat a awm a, ka duh lutuk, ka ta ni ngei se pawh ka ti a ni, mahse, ka pa in dawt min hrilh a, nangmah ka nu ngeiin min kalsan thu min hrilh atang khan hmangaihna a awm hi ka ring tawh ngai lo a, mahse henu ka tawn atang hian ka ngaihdan a danglam ta vek a, ka hmangaih em ni ang le?"
"Bawiha, hmangaihna hi in duhna ringawt hi a nilo tih hi hre hmasa la ka duh a ni, I hmangaih a vang ringawt khan i nei dawn tihna a ni kher lo,a chang chuan i hmangaih em avangin i kalsan pawh a ngai thin,i pa hi ka lakah sual mahse a tan a thatna tur ka ngaihtuah tlat reng a, a hlimna tur anih phawt chuan tiin a hlim na turin ka kal san ta a nih kha, mahse ka thinlung ah hian ka kalsan hnu atanga vawiin thleng hian a la thi ngai lo asin, chu chu hmangaihna dik tak ani,tin bawiha i pa nen kan in then hnu khan ka bialpa hlui hian innei turin min sawm a, mahse kan inneih dawn khan i pa hmangaih reng hi ka thlang ta zawk a ni,a chang hi chuan i pa kha ka hmangaih thu lo hrilh ta ila chuan a chuan a rilru a thlak ka ring ve thin, i pa hi misual a nilo a nia, ka pai lai che khan ka lakah a tha em em a, pasal nihna a hlen zo bawk, i pa hian a hmangaih em em che ani tih hi hre bawk la ka duh a ni,"
"Mahse, eng vangin nge dawt min hrilhin min pawh then si"
"Ka hre bik lo bawiha,chu erawh i pa i zawh a tha in ka hria"
"Ka pa chu zawh a tulna ka hre lo, ka hmu tawh ngai hek lo ang"
"Chutiang tur anilo ka fapa, i pa vang chauha tun dinhmun hi thleng thei i nia sin, i pa hian a hmangaih lutuk che asin, hmangaih tak i neih hunah hmangaihna hi i hrethiam mai ang, i hmangaih tak i tawng anih chuan, i hmangaih thu hrilh lo in kalbo tir hau suh ang che aw, ka fapa"
"Awle, ka nu, lo mu hah dam la, kal lawk na tur ka nei a, ka rei lo ang" ka nu chu puan sin tirin ka chhuahsan ta a.

















Car chahbi ka la a, Ivy hi ka hmangaih thu hi amah ka hrilh ngei tur a ni, ka hrilh huna kan awm dan tur te suangtuah chung chuan ka a hnathawhna lam panin ka kn khalh phei a.












Ivy hmu tur chuan an dawr lam ka pan a, Ivy te dawr light chu a lo in off vek tawh a, ka pan hnai zel a, mak tak maiin Ivy ka hmu hlauh mai le, dawra lo khar mek a,fuh chaih chaih lutuk, "I va haw tlai bik ve" ka tih chuan a phu zawk a, kalam chu a rawn hawi a, a lungawi lo hmel kher mai,a tum deuh hmuk a, ti nge le, tunge hetiang hian ka Ivy hi lo siam ngam le, tichuan an pu a haw hma a ngaih thu leh dawr lo khar mai tura a tih thu chu min hrilh a, a nui suk a, mahse ni danga a nui a ang hauh lo, ti lui a ang mah zawk ka ti, tichuan ka thlah ang che ka ti a, alo duh lo zui,amah a a haw theih thu in min la chhang zui a, ka thin a ti rim tep, ni e, amah in a haw thei mahse kei Carter Zothansanga hian ka hmeichhia hi amah a ka haw tir mai mai phal i ring em ni, a teuh lo, ka thlah ang che ka tih luih tak tlat avang chuan min hnial duh ta bik lo a, car kawngkhar chu hawngin ka thuttir a, an in lam chu kan pan ta a, kawng tluan chuan a tu a mah mah kan tawng lo, Ivy chu ka mit sir in ka melh zeuh zeuh a, mahse pawn lam hawiin a tum bar mai lehnghal, biak tawng chu huphurh awm tak hi a ni ringawt.








An in chu kan thleng a, kan boruak chu dang viau mah se, a kianga awm hi ka thlahlel ngawih ngawih, ka car atanga chhuah a tum lai tak chuan amah chelh nan a tan liau liau a ka thi siam chu ka pe a, ka awrhtir a, a mit ah chuan ka en, ahmui no tak chu ka fawp chak takzet, fawh tum chuan ka han kun hniam a, mahse ka rin loh lutuk in min lo dang hlauh mai le, a ruk tak chuan mipa ka nih na angin na ka ti, bakah Ivy ka tawn hma a ka hmeichhe kawp thin te kha chu ka hnen ah an in phalrai mai mai zel bawk nen. A la inpeih loh thu min hrilh a, ka thinlung hi a na ngawih ngawih, tun minute chhung hian vawi hnih ka thinlung a na tawh, tumah hian ka thinlung henu ang hian an la ti na ngai hauh lo, tichuan, a inpeih hma chu ka nghak thei tih ka hrilh a, kan in mangtha a.









Car atangin a chhuak chu ka lo thlir reng a, second rei lo te ka kiang ah a awm lo a ka ngai nghal ringawt, ka nupui anih hunah phei chuan a kalna apiangah,ui in a neitu te a zui thin ang hian , ka zui duh mai te ka ring a ni, chutiang thil ka ngaihtuah mek lai chuan, mipa aw ka hria a, ka han hawi chhuak chu Airport leh an dawra ka hmuh pa bawk kha a lo ni, naute , Ivy fanu ngei mai kha a pawm a, mipa naupang erawh kha chu in ah a awm a nimahna ka hmu tel ve lo. Ivy chuan inthiam loh hmel deuh hian min lo en a, a pasal nen chuan engmah sawi lo in ka thinrim lungni lo lutuk chu ka tlanliam ta daih a.








Tunah chuan ka hrethiam ta, Ivy hian pasal a nei a, fate pawh an nei bawk, chuvangchuan ka chhanna kha a pawm lawk theilo a ni.








In ka thlen chuan ka nu chu a lo mu tawh a, ka room ah lut in ka inbual fai a, ka inthlak a, vawiin lamah hna a ka kal loh avangin ka hna pawimawh ka thawk zuai zuai a, mu turin ka in peih fel ta. Ivy bawk chu ka ngaihtuah leh a,Ivy hian ka rilru chu a ti na ngei mai mahse a hlimna tur hi ka duh ber, 'ka hmangaih tawh em ni le?' keimah leh keimah chu ka inzawt a, ka hmangaih tawh a ni ngei ang, mahse amah hian min hmangaih ve lo ta se ka rilru a va na dawn tak em,Ivy hi ka hmangaih hmasa ber leh a tawp ber na a ni ang, min lo hmangaih ve ta se ka nat a phal lo tur a ni lawm ni?. mahse dawt min hrilh bawk si... naktukah thudik hi hriatchhuah ka tum ngei tur a ni. Min hmangaih ve lo anih chuan a hlim nan ka kal tir ang a, min lo hmangaih ve ngat anih chuan kei Carter Zothansanga hian ka hmeichhe hmangaih venghim turin ka theihtawpin ka bei khawp ang. A hlimna, a thlamuanna ber nih ka tum a nga, a tan ka awm zel dawn a ni...Mutchhuak in min rawn zem a ,ka muhil ve ta nge nge ...









Vawiin hian ka zawt ngei tawh tur a ni. Ka thawh meuh chuan ka nu chu alo tho tawh a, rawng alo bawl mek a, awmpui lak ka ngai dawn anih hi, awmpui lak hi in a ka awm tam vak hmanloh thin avangin a tul ka ti lem lo a, in ti fai tu tur erawh inrinni tin ka ruai thin thung
"Morning nu"
"Morning le, bawiha"
"Nu, awm mai mai ta che, rawngbawl te ilo bawl duh a, ka bawl mai dawn alawm"
"Nilo e bawiha, i nu ka awm reng laiin nangin rawng inbawl a nga maw, teuhlo mai, bakah i tan a ka rawngbawl hmasak ber tur a ni lehnghal a, lo thu rawh ka peih tep, vawiin chu chaw ei sa in hna kal ang che aw"a ti siam siam a,
" Awle" choka thuthleng ah chuan ka thu a, eng mah ka tih ve chu a phal lo, chaw ei chu a siam malh malh a, ka nu hmel pawh hi a eng riauin ka hria,
"Hawh le, ei ang le, ei teuh rawh aw" chaw kan ei lai chuan
"Nu, ka pa hi va hmu ila a tha in ka hria"
"Ni e bawiha, i thu thu a lawm, i pa nen in inkar i chinfel vat hi a tha ber ang, mahse ka hrilh che kha aw, thil tha lo ngaihtuah suh ang che"
"Umm, awle"










Office ka thlen hnu chuan ka pa chu ka phone a
"Aw, hello Carter bawiha,min va lo phone khat ve, i dam maw? ilo haw khat bawk si a"
"Pa,i buai loh chuan coffee in dun lawk ang hmiang, thil sawipui lawk tur che ka nei"
"Buai lo e bawiha....aw....Anih chuanin in ah ilo kal mai dawn em ni?"
"In chhunga sawi chi a nilo a lawm, kan dawr kal na thin ah khan ka lo nghak ang che"










Dawr ah chuan coffe no hnih ka order a, ka pa pawh a lo thleng ve chunzawm nghal mai a,
"Bawiha,min lo nghak rei em"
"Ngak rei lo e"
"A va pawimawh awm ve nang meuh in hna kalsan a helai a min koh chu, eng lam tak ni ang maw.... Nula lam em ni?Nia nupui neih pawh i hun ve tawh a lawm, khawi lam mi nge ni?keichuan eng mi pawh ni se ka fapa in a hmangaih phawt chuan ka pawn vek ania aw" a uang te chuan ka thin a ti rim ut ut,
" Pa ka nu ka hmu tawh" a meng phawk hra a, mahse a hmel pangngai a pu leh nghal
"A that chu, khawnge a awm a"
"Tunah chuan ka inah, ka nu hi a damlo mek" ka ti hnual raih
"A va pawi ve" a ti duh chauh, ka haw lutuk ringawt
"Nia, mahse ti nge dawt min hrilh?ka nu hian a duh remg vangin min kalsan lo,thudik ka hre vek tawh, Pa, ka nu kha i hmangaih ve reng reng em? Vawi khat tal pawh, ka nu chuan a hmangaih lutuk che asin"
"Angela-i'n min hmangaih a maw? " a phawk ha a
"Aw a hmangaih lutuk che, i laka engmah ti lo turin min intiam tir nghe nghe"
"Ka awih thei lo, bawiha thudik tak i hriat a hun tawhin ka hria, thudik chu hei hi a ni, i nun nen kan chanchin tlangpui chu i nu in a hrilh vek tawh che ka ring a, inu kha nu tha tak a ni, inu nen kan inneih hma hian Emily nen hian kan in ngaizawng thin a, inu nen kan inneih hnu khan Emily nen chuan kan in then ta a, ka hmuh hmasak khan ka nula hmuh tawh ah chuan a hmeltha ber hialin ka hria, bakah amah kha a lo nu hnap lo bawk nen, amah khan duhawmna dangdai riau mai hi a nei a, min duh dawn lo tih ka hria, chuvang chuan in duh luih tir loh law law ka tum a, inremsiam na kan nei a kan innei ta a, i nu kiang ah khan ka hlim thei khawp a sin,i nu pawh kha ka ngaina ve hman lutuk, ka insum thei lo tep thin,kan in remsiamna kha ka inchhir tep thin a ni,nupui nei ve a mahni nupui te bulah pawh mut theih loh kha chu,ka thusawi chhuah a ni bawk si nen khan ka thusawi bawhchhe hmasa tu nih ka duh lo a ni,mahse i nu khan min hmangaih ani tih ka hre ngai miau lo a, ka nupui a nih na ang in a nupui nihna a hlen mai ah ka ngai thin, i nu chu a rilru a lo na thei dawn mang e, i nu Kaitlyn leh Emily hi thian tha tak an ni a, Kaitlyn leh Josepha te Inneih na ah Emily chu ka hmu leh a, Ka vei a reh tak tak theilo, i nu kha ka hmangaih hman asin, mahse Emily erawh ka theihnghilh theilo a ni, I nu in a pai che tih ka hriat khan, kan thutiam ka bawhchhe hmasa tu ka ni tih ka hriat avangin i nu lakah ka in thlahrung takzet a, vawikhat mah ka khawih leh tawh lo, min huat ka ring a, mahse pasal ka nih angin ka tihtur erawh tha takin ka hlen thin thung, mahse ka pa in bangalore ah hian kal turin min ti a, tichuan hreh tak chungin i nu chu ka kalsan a, chuta ka awm lai chuan i pu kha (i nu pa) kha lungphu chawlin a thi a,an company pawh a tlachhe nghe nghe, i nu nen kan in tiamkamna ang ngeiin i nu chu ka then ta, ka tihsual liau liau anih avangin naute pawh chu hring a kalsan turin ka ti bawk a,a hlimna tur ka ngaihtuah avanga hetiang thil hi ti ka ni, kahmangaih vangin ka kal tir ta a,khatih lai khan i nu hian min hmangaih thu hi min hrilh ni ta se chuan tun hi kan thleng lo tur.Tichuan i nu nen kan inthen hnu in Emily nen chuan kannin kawp chho leh a, mahse ngai ka awh tak tak theilo, ka hriatchhuah chu i nu kha ka lo hmangaih reng a ni tih hi a ni, i nu chu kan in then hnu khan a bialpa hlui nen khan an in nei dawn tih thawm ka hria a, mahse finfiah turin chakna ka neilo a ni, a hnu ah ka hriat leh dan in a bialpa nen an inneih tur chu i nu hian a thulh an ti nghe nghe asin, Bawiha, thil ka tisual nasa a ni, i nu hian min la ngaihdam theih i ring em?"
"Pa ka nu hian engtin pawn a rilru lo hliam tawh mah la, a hmangaih em avang che in a ngaidam ang che tih hi ka ring tlat a ni"
"Anih chuan a hneah chuan min va hruai ta che"
"Awle, i kal ang hmiang."ka pa chu ka pent house ah chuan ka hruai a, ka nu nen in be tur chuan ka kalsan ta a. Awle, ka nu leh pa pawh an in hmangaih thu an inhrilh tawn har vangin tun hi kan thleng a ni a, ka tlai tur a nilo, Ivy ka hmu ngei ang, tin ka hmangaih thu hi ka hrilh ngei bawk tur a ni.









Ivy hmun tur chuan tlailam ah chuan ka in khalh chhuak leh ta a, Ivy pawh a lo bang chiah, fuh lutuk, car chu ka park a, Ivy chu engmah sawi lovin car ah chuan ka phur a, lui kam ah ka hruai a, thudik ka zawt ngei tur a ni, ka hmangaih thu hi ka hrilh ngei bawk ang....









Tichuan ka chakna zawng zawng sawm khawma ka rilru a insual buai lai tak chuan Ivy chuan tawng a rawn chuh ta a, thudik min hrilh vek a, a pasal emaw ka tih kha a thianpa a lo ni a, a fa neih te pawh min hrilh bawk a, a fa neih thu hi chu hre lawk daih tawh tih reng a hre silo,tin, min hmangaih ve thu min hrilh laia ka hlim chu, khawvela mipa hlim ber ka ni hialin ka hria, tichuan a hma pawh a ka lo tihchak em em chu ka ti ta a, ka duh tawkin ka fawp a, a zeilo ngei mai mahse min fawh let ve khan ka rilru chhungril hi a hlim asin, eng eng emaw kan sawiin chawlhni ah chaw ei tura min sawm tura ka tih tlat avang chuan min sawm a, ka kal ngei ang, tichuan kham lo takin an inah chuan ka thlah ta a...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » May 3rd, 2020, 4:27 pm

Ivy-12:

Ivy's POV:
"Muttui aw ka hmangaih" message tawi te mah ni se ka nui ver ver, ka chhungril a hlim khawp mai,
"Awle, muttui suk suk le, ka hmangaih che, tluang deuhin in i thleng dawn nia"
"Awle, keipawh ka haw a nge"
"Ummm, in i thlen hunah min lo hrilh ang che aw"
"Awle,ka duhtak, ka kal a nge"
Ka inthlak fel hnu chuan dar 11 dawn alo ri tawh a
Carter-a'n min lo la be leh lo, ka call a a chhang thei bawk si lo a, ka ngaih a tha lo ngawih ngawih.










A khat tawkin Carter-a chu ka call a, a ring kuit thak thak. A chau lutuk a nga min rawn be lo mai mai a mih ringin ka mu ve ta, ka mumang chu ka duh lo kher mai.








Kawng reh tak ah hian ka lo kal mek a, ka hma ah chuan mipa pakhat hi thi hnuang hian ka lam alo pan phei a, a hmel ka hmu thei lo mahse min rawn pan hnai zel a,a hmel ka hmu chiang theilo mahse ka thinlung hian tunge a nih a hre chiang khawp mai Carter-a chuan thei leh thei lo min rawn kuah a,
"Iiivvvyy"
"Car carter, Carter i tha em?"
"Iivvvyy" a chathhla ta...









"I harh em, Ivy, Ivy" Ruatpuii'n min lo sawk nawk a, thlan in min lo bual vek
"Ruatpui, ihhh Carter-a"ka vai ruai, ka mumang a ni hlauh chu ka hahdam huai thei, mahse ka ngaih a tha thei thlot lo. Carter-a chu ka phone leh, a la la thei chuang lo.
" Tu nge Carter-a chu, Ivy i tha em?"
"Ruatpui,ihh Carter-a" ka tap ta, Ruatpuii chuan a awm nghengin min kuah a, duat tak chuan min chul heuh heuh a,
"Tunge Carter-a chu ka hre lo na a, i hmangaih hle a nih dawn hi" a ti dam thluam a, Ruatpuii hi chu ka tan van angel ang a ni, harsatna ka tawh lai zawng zawngin ka bulah a awm a.










Ka phone a rawn ri ral ral mai, ka en nak chuan, Carter-a.
"He... hello... "
"Hello, Ivy a ni em aw?"
"Aw ni e, he phone neitu hi i hriat zawng a ni em le?"
"Awww, ka...ka...thianpa a nia"
"He phone hi nizan accident thlen na hmunah phone hi chhar a ni a"
"Maaaww?, accidenti ti em?"
"Aw, nizan ah khan truck leh car insu an awm a,truck driver hi a rui ni a hriat a ni a, a speed a sang hle bawk an tia, car khalh tu zawk hi chu hliam na tak a tuar a, a lu a sawh nat deuh avangin damdawiin ah an dah a"
"Khawwi, khawi damdawiin ah nge Carter-a chu a awm?"
"Apollo hospital ah, ilo kal thei a ngem le, a chhungte biak pawh dan tur kan hrelo a,I number atang hian missed call a lo awm a"
"Aw, awle ka rawn kal nghal ang."phone chu ka off a, ka insiam sawk sawk a.









" Ruatpui, Carter-a a accident a, khawngaihin ka fa te hi lo enkawl lawk rawh aw"
"Awle, a dam leh thuai theih nan ka lo tawngtai pui dawn nia"
"Ka lawm e" ka chhuak a, ola ka buk hman tawh lo, ka taxi ka phar mai ang.









" Taxi" ka hmuh hmasak ber lah chu a la ding duh lo zui, hmanhmawh nen a va inmil lo thin tak em.
"Taxi" ka ti leh an ding duh lo zel. A tawp ah auto-rickshaw hi a lo tlan dat dat a.
"Rickshaw" a ding ve ta, ka hahdam huai, ka chuang a
"Apollo hospital ah aw, khawngaihin i hmanhmawh deuh thei ang em? " Carter ka lo kal mek e,khawngaihin min kalsan suh aw
"Awle"
Traffic a la jam zui,a va hun lo thin tak em, hmanhmawh tawh nak alaiin, hma kan sawn bek bek chauh a,
"Ka pu kan thleng tep tawh em le?"
"Traffic jam nen chuan darkar chanve vel a niang"chu tiang em em a rei te chu a.
Rei tawk kan nghah hnu chuan kan motor poh chu a lor ve leh tan ta a, tlem tlemin hma kan sawn hret hret a, hospital poh chu kan thleng ve thei ta hram a.










Hospital chhungah chuan ka lut a, ka hmuh hmasak ber bulah chuan,
"Khawngaihin nizan lama accident kha, khawiah nge ka an dah min hrilh thei em le? "

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
CLICK KHA THEIHNGHILH LO ANG U AW!!
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 34 guests