AT THE ELEVENTH HOUR BY : Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: AT THE ELEVENTH HOUR BY : Msi Miluhlulnui (Completed)

Unread post by Ngaia » May 10th, 2020, 2:06 pm

AT THE ELEVENTH HOUR - 31

By : Msi Miluhlulnui 🦋





"Duati, engtin nge i awm? I țha em?" Jeremy'n a rawn tih pawh chuan ka chhang loa ngawi reng chuan van lam chu ka melh chho ngawt ngawt a "nu, i thi lo tiraw? Nilo a theih loh, damdawiinah kal ang damdawiinah, ka nu in min kalsan theilo a theih loh kal ang damdawiinah chuan" ka ti nghal țiau a, tha pawh ka nei lo ka ding hleithei loa Jeremy chuan ka ban bulah rawn dawmin min kuaha "kan kal ang, kan kal dawn alawm hahdam hmasa phawt rawh" a rawn ti dam thlupa ka kut chu a rawn hmer zui deuh vang vang bawk.





"Kal ang, vatin, maw... kal ang" tiin ka tha neih zawng zawng chuan a banah chuan ka pawt nghala tha ka neilo lutuka ka duh ang pawhin ka pawt hleithei lo "a țha vek, kan kal dawn e" rawn ti sup in, min pawm kâng zui nghal nawlh a min chhuahpui vang vang in motor ah chuan min dah lut nghal zata amah pawh chu rawn țhu lut in ka kutah chuan a rawn vuana Damdawiin lam pan chuan kan inkhalh chhuak nghal titih bawk.





Damdawiin kan thlen rual chuan rang lutukin motor ațang chuan ka chhuk thla nghala Damdawiin chhungah chuan a tlan in ka tlan lut nghala midang lo awm ve te pawh chuan min lo en țhup bawka zah pawh ka sawi thei tawhlo. Jeremy pawh chuan engmah sawi lo chuan min rawn zui ve zela ka hah lutuk chu ka thaw chhuak hlâwi hlâwi bawk.





Ka nu awmna floor kan thlena lift a din dawt rual leh a rawn inhawn rual chuan ka tlan chhuak lehnghala ka nu cabin awmna lam pan chuan chak zetin ka tlan bawka tlan lak lawh laia ka mittui lo tla pawh chu ka hru hleithei lo, ka nu cabin kawt ka thlen hma chuan ka ding dat a putea te chhung leh nu Sangi leh mi dang dang te an lo awm țhupa mahse rei pawh ding lo chuan ka tlan phei lehnghal titih bawk.





"Ela, putea, nu Sang... engthu nge min hrilh kha... enge awmzia sawi rawh u" an pathum bulah chuan ka va ti nghal vata ka nu cabin chhung phui vek chu ka melh zui nghal vat bawk. "Ka fanu, Bawihte lo kal teh" tiin putea chuan min kuah nghala a ngaihna hrelo zet chuan midang chu ka enkual nghal ti tiha lungngaih hmel zet hian an lo kûn nguai hlawm bawk. "Sawi rawh u, enge thleng chu sawi rawh u in thusawi kha a dik tak tak em?" Ka ti leh tuarh... Putea chuan ka ban bul ve ve ah chuan min dawm in min nawr hla hleka.





"Ka fanu, chhel taka i awm a ngai ania inu chu nichin mai khan a borala tunah hian a ruang chu an postmortem mek bawk. Chhel taka i awm a ngai ka tih kha aw ka fanu" tia pute'n a rawn sawi rual chuan ka tawlh hnung nghal dawt! Ka beng te chu chhêt vek ang hian a awma ka bing nghal mup mup bawk. Ka mit te chu mittui tling avang chuan an phe ruai a ka țap chhuak deuh hawk zel bawk.





"Dawt in sawi tiraw? Dawt sawi a hunlo asin intihderna hun ani lo, dawt sawi hun ani lo ania thudik min hrilh rawh u ka nu chuan min kalsan lo ani tih min hrilh rawh u" ka theih patawpa ring chuan ka au chhuak nghala ka maimichhin rual chuan ka mittui chu ka biangah a rawn luang thlaa ka hmui chu ka pet nghal vang vang bawk. "Rin, dawt ani lo asin... nu Christy chu a kal tawh" tiin Ela chuan a rawn ti lehnghal zata, ka kut chu ka hûm ruh ngawt ngawta Damdawiin chhuatah chuan ka țhu thla zui nghal dawta ka sam chu țhamin a zâwi thei ang ber chuan ka țap chhuak nghal hawk hawk bawk.





"Ngatinge? Ngatinge? Ka mamawh lai tak cheu in min kalsan, nu, u, engvang nge? In fanu tlak tlailo tak hian ka la mamawh cheu asin keimah mai chuan engmah ka nilo, in tello chuan engmah ka ni lo asin. Tinge? Ka theihtawpin i hnenah ka țawngțaia ka nu țhat chhuah leh theih nan ka dil chea ka rilru in ka țawngțai țhin mawlh mawlh kha... ngatinge? Min ngaihthlak sak lo em ni? Ngatinge nasa takin ka dil chea min tih hlawhtlin sak loh, tunah chuan ka mal tawh lutuk asin ka mal tawh... Ka hmangaihte tidam turin ka dil nasa chung che pawn min laksak thoa" tiin ka au chhuak nghala. Jeremy chuan ka sam ka țhamna kut chu min lak thlak sak in a âwmah chuan min kuah bet nghala chutah chiah chuan ka inhnît zui nghal hlawp hlawp bawk.





"Țap rawh, i duh tawkin țap rawh Duati" ti sup in ka samah chuan a chûla ka samah chuan min rawn fawhsak nghal vang vang bawk. A aw ri te leh a chet dan te chuan ka țah an tichhuak zual sauh ni berin ka hria. Ka hmui hnuai na zeta peh pah chuan ka țapa, a kawrah chuan țham in amah chu ka kuah nghet zual sauh bawka. Min pawm kâng nghal nawlhin a malchungah chuan min nghata nghet zetin min kuah nghal bawk.





Ka nu hmai dâng lêp te, engmah a hre tawhlo tih hriat zeta a mit chhing leh a taksa vawt vek te a hmelțha tak chuai raih mai te, ka ngaihtuah chhuah apiangin ka biangin mittui a dawng ziaha ka nu thih ațangin ni thum a liam tawha chaw ka ei mumal ngai lova a hmingin ka ei ve chauh tih tur ani. Pawn ka chhuak lova tumah hmuh ka duh heklo room ah ka tawm chawta ka țawng lova tu min biakna mah ka chhang ngailo, zanah pawh ka nu thlalak kuah ngatin ka muhil țhina mahse zanah mangchhia in min tibuaia ka mu thei lova chhuatah ka u thlalak leh ka nu thlalak pawm in ka meng tlaivar zak zela ka harh leh chuan ni hian van lai zawl alo thleng daih tawh țhin.





Ka room chhung lama ka kalh tlat avangin tumah an lo lut thei lova nu Sangi pawh heti lamah a awm ve renga mahse tumah biak ka chak hlawllo ani. Ka nu leh ka u ka ngaiin an thlalak ka en reng țhin. Chaw ka ei țhat loh avangin ka taksa in a tuara mahse pawi pawh ka ti hranpa lo, ka nu leh ka u bula kal ve daih ka chak ani. An tello chuan engmah ka ni loa dam pawh hi ka chak lo.





"Bawihpui, kawngka hi lo hawng lawk la... Jeremy'a alo kala vawi eng emaw zat rawn biak che a tum tawha mahse a be tlang theilo chea nang lah chuan tumah hmuh i duh bawk si lova... lo hawng ta che Bawihpui" tiin kawngka bula chhuata ka țhut thluang duai lai chuan nu Sangi chuan kawngkhar beng chungin a rawn ti a, a țawng chu ka ngaithla renga mahse ka țawng chhuak hleithei tlat lo, ka kâ ka âng hleithei lo ani mah zawk.





"Jeremy, min ngaidam rawh aw tunah chuan tumah ka hmu duh rihlo ani nakinah heng zawng zawng hi a reh hunah ka rawn be leh ang che... tunah chuan tumah ka be chak lo. Min duh tawh loh phah nana i hman pawn ka dem lovang che tunah chuan kan dinhmun a in thlau tawh êm ani. I chhungte chuan kei fahrah ve mai mai hi chu min duh tawh âwm si lova" ka ti rilrua, nu Sangi pawh a beidawng ta ani ngei ang a thawm a reh hmaka kei pawh chu ka maimichhing zui vang vang bawk. Nangmahni ka ngaihna cheu hi reh thut thei se ka van ti tehlul em!





Ka che tur ka taksa na lutuk avang chuan ka ner deuh sawka ka âwma thlalak frame ka kuah tur chu a awm miahlo bawka, ka dap kual nghal ruai bawk, ka mit men ka tuma a ên êm avang chuan ka chhing lehnghal sak zel bawk. Muangchanga men tum in ka beia ka mit ka men theih rual chiah chuan inchung var vek chu ka hmu hmasa ber bawka rang lutukin ka tho chhuak nghal zawka mahse ka ruh in khak ri țhawt avang chuan ka tâwi leh rih țhin bawk.





Engvangin nge Damdawiinah hian ka awm theih? Tunge min dah, chuan khawnge ka nu leh ka u thlalak te kha.... ti rilrua ka hawi kual ruai lai chuan kawngkhar rawn ri țhawtah chuan ka phu zawka kawngkhar rawn in hawn ruala rawn lut ka hmuh rual chuan ngawi rengin ka lo en renga ka en reng tih a rawn hmuh rual chuan min rawn nuih nghal suka a kuta a thil rawn châwi chu ka en zui leh reng bawk.





"Ilo harh tawha, i ril a țam em?" A rawn ti nghal supa, ka mutna khumah chuan rawn țhu thla in ka chaw ei na tur chu a pawt chhuak nghal zata tah chuan a thil rawn ken chu a nghat nghal zat bawk. "Thil ei phawt la, damdawi i ei lehnghal dawn nia... damdawi ei tur i ngah teh mai ania" dam zet chuan a rawn ti ta thlupa, ka mittui a rawn tling ringawt anih chu! Ka dam loh apiangin ka nu in damdawi eitur ka ngah thu a sawi ziah țhina damdawi chu ka ei duh lo ziah zel bawk.





"Duati, ngatinge?" Ka bianga rawn dawm pah chuan a rawn ti nghal supa, ka mita min rawn en rual chiah chuan a rûm ta nghal nghat bawk. "Tihpalh, ka damloh apiangin anu khan damdawi eitur ka ngah țhin zia thu a sawi ziaha chuan damdawi chu ka ei duhlo ziah zel bawka chung vel chu ka lo ngaihtuah chhuak thuta ka mittui alo tling ringawta, engmah ani lo" ka ti țha ve maia zêp loh chuan ka țah a chhuak ut ut mai.





"Khami hnu khan i aw ka hriat leh vawi khatna ani tih i hria em? Ka ngaih zia che hi i hrethiam phak lovang, khang ni thum chhung lek pawha i tana ka awm theih loh avang khan min ngaidam la mahse heihi hre tel la ka ngai che tih chuanin khatiang khan vawikhat mah awm tawh hauh suh ang" rawn ti sup in, ka chalah chuan a rawn fawp zeuha awm hla hlek in ka mittui tla tur chu min hrûkfai sak nghal bawka ngawi reng chuan amah chu ka lo en reng ringawt bawk.





"Engtin nge hetah hian ka awm theiha? Room kha chhung lamah ka kalh bawk sia" a ngaihna hrelo zet chuan ka ti sepa, nui suk in thlenga chaw awm chu a chawk let a "tukverh ațangin ka rawn luta i tukverh pawh thingfâkin ka vuak chhiat nghe nghe kha mahse tunah a dangin an thlak tawh, kawngkhar bulah inu leh i u thlalak kuah chunga ilo mu ka hmua ka sâwi chea i harh thei bawk si lova lungawi loh tawh sa nen ka pawm nawlh chea damdawiinah ka hruai chea tichuan, i mu rei vet vet khawp mai" a rawn ti hluka, min rawn en rual chuan ka lo nuih ver ver ringawta ka chalah chuan min rawn pen fawk ringawt bawk.





Ner nâwnga ka chal tuai zeuh zeuh pah chuan "ka tihpalh ani, khatiang khan ka awm khum che u a mahse tumah kha biak chakna che u ka neilo a tin ni. Mal ngawih ngawih in ka inhriaa rooma ka awm chhung pawh khan thih daih chakna thinlung te ka pu rum rum țhin, an bula awm ve ka chaka an thlalak ka en rikngawt te pawh khan ka țap zawih zawih thei asin. Engkim kha ka hne veka dam chakna ka neilo Țawngțai ka thlahthlama Pathian kha ka hua ani ber mahse ka nu thu min hrilh țhin avangin ka huatna te pawh ka ti reh ve thei taa chhuatah țhu in album ka en renga zan laiah mangchhia in min ti harha thlan hluam chungin chhuatah hlau ru zeta țhu chungin ka meng tlaivar zak zel bawk.





Mahni ka inhrem tih ka hria rilru thar pua chak tur ka ni tih pawh ka inhria nangni pawh ka ti beidawng che u. Mahse a har takzet ani ka nu ruang awmna lei hnuaia an zalh chiah khan kehchhe vek ang mai hian ka awma dam chakna rilru te kha ka pu ta miahlo bawk kan in reh zet te hi ka hlaua kan pathuma kan nui ri te ka bengah a châm țhin, hmasawn tur chuan tih theih kha ka neilo asin ka nun ram a chau em em a, tih chak te kha engmah ka nei ngailo" ka ti chhuak sepa, ka sawi zawh rual chuan ka thaw chhuak nghal ham ham bawk.





Jeremy chuan ka mal chunga ka kut dah chu rawn lak pah hian a hûm zui vang vang a "i mal lo, engtikah mah i mal ngai lovang i kiangah kan awm Isua ngei pawh i kiangah a awm khatiang hun i tawn lai pawh khan ani chuan a kalsan ve ngailo che, itan engtik lai pawhin ka awm reng ang mahse inu i sûn naah engmah tih sak theih che ka nei si lo. I hria em? Ka pi khan heti hian min hrilh țhin 'thihna avanga Lal Isua kan dema kan mawhpuh chuan thlamuanna kan chang thei ngai lovang ani chuan kan nun dan tur a duang fel sa veka thleng tawh chu a thleng ani maia keini hian pawm thiam dan kan zir a ngai zawk țhin takzet ani. Khatih hunlai tak khan Setana'n chet a rawn la ve leh nghal zat zela tam tak chu sualna khurah an tlu lut țhin' tiin, sualna khurah i tlu lut dawn kher ka ti hauh lo. Chak nan hman zawka rilru neih nan hman zawk țhin tur. Dam ve țawk țawk chhung chuan tuarna a reh thei chuanglo" a rawn ti supa, ka kut chu a hmer zui vang vang bawk.





"Nia.... tiang chu ni thei se ka ti ngawt mai. Reh thut thei se chuanin kan thinlung ațang hian bo nghal vang vang thei se tih keipawn ka duh lutuk mahse a taka han tawn hi chuan alo harsa em a tin ni. Mahse tunah chuan ka âtna avangin Damdawiin khumah hial ka awma ka harh a hun ve tawh ania nge engkim ka hmachhawn a hun ve tawh. Rooma ka inkhung lai khan ka ngaihtuaha ka nu thih dan kha a ni thut mah mah ani khatiang khan a ti thut hauh lovang test an nei zo chauha amah khami ni zing khan a rawn harha thil eng emaw min hrilh a tuma mahse a sawi thei loa ka ringhlel tlat ani" ka ti a, ka ngaihtuah ka ngaihtuah hian a thi ngawt kha awih harsa ka la ti fan.





"I tih awmzia chu thah ani i tihna maw?"





"Ka chiang bik chiahlo ka ring thoa chu mahse thah em em chu ka ngaihtuah pha lo ka nu hian mi pawi a sawi ngai zen zen lo bawka chuti khawpa amah hua an awm âwm pawh ka hre chuang bawk heklo tunge rawn that ve leh ringawt ang, chu chuan min tibuai zawka mahse ka ngaihdan ang ngawt hi alo nilo thei bawka ka ngaihbel pawh ani maithei thah anih chu ka ringlo hul hual tuma pawisawi ngailo hian hremna a tuar hauh dawn si lo chu ai mah chuan ka Doctor te hian zêp an neih ka ring tlat ani, ka nu kha a țhalo tih chiahin an sawi țhina zêp an nei chiang khawp ang" ka ti leh ta zawka.





"Kha lam kha chu ka kutah dah rawh engkim ka lo enfiah dawn nia... mahse tunah chuan chaw i ei phawt a ngai ang min hnial hauh suh ang che anih loh chuan ka barh luih leh che a ngai ngei ang" a mit ko sân ak pah chuan a rawn ti a, ka lu ka lo thing lehnghal vat bawk "ka ril a țamlo" ka ti a, ka sawi zawh rual chuan ka pum a rawn ri nghal rawk rawk anih chu! Rang zet chuan ka hup nghal thawk a tunah hian ka ril a țam nge țamlo pawh ka hre lo miau a.





"Khatianga i awm han hmuh leh kha chu thil thar hlak hmu ang nen ka in tehkhin ngam sak bawk. Chuanin dawt sawi ah hi chuan tumah intihsiak pui lo lang a țha ang i dawt sawi fiahna turin a rawn zui nghal zel bawk si a i chaklo zing lutuk palh ang" chimawm zet chuan a rawn ti lehnghala, ka ner nghal nâng ringawt bawk. A nui hmel ka hmuh hian ka hahdam nghal sawng sawng thei, a lakah hian bat ka ngah tawh takzet ani, engtin nge ka rulh let tak ang.





Muangchangin chaw chu min eitir taa dar zat ka zawh chuan dar 12 a rawn ti a, ka thil ei lai ka hâk nghal bawrh bawrh anih chu, tui ka ina ka la hâk hram lehnghala che mawilo ve tak chu ka ni. Ka mu rei atih pawh kha a âwmlo hranlo ka lo chau tawng khawng takzet anih dawn kha. Doctor pawn ka taksa bung țhenkhat a malformed țep thu a sawi bawka a zialo tak tak a ni. Mahse ka dang thei der bawk si lo a.





Jeremy chuan ka taksa a nat vek avang chuan ka sam min khuih sak ta ringawt bawka a khuih pah lah chuan thur a tih thu ala sawi hluk lehnghala anih ka ring ani ni 4 ngawt ka khuih tawh miau lo "Vew" tia Sylvia min koh ri ka hriat rual chuan rang zet chuan kawngkhar lam chu ka hawi phei nghala min hmuh rual rual chuan rawn nui chhuak hawk in kan lam pan chuan a rawn kal pheia ka bul a rawn thlen rual chuan min kuah zui nghal a, ka hnungah chuan na vaklo hian a beng zui nghal thlawrh bawk.





"Mimawlnu vawikhatmah khatiang khan awm leh tawh ngai suh ang che i hria em? Min tih mangan zia hi, lungphu țhalo min neihtir i tum amaw ka ti hman hial asin min ti â țep ani. Khatianga i awm leh anih chuan i room tukverh zawng zawng kha ka vaw keh anga nangmah ka rawn sawisa ang che i hria maw?" Tiin min hau zui nghal hlak hlak a, engmah sawi ve tur hre heklo a hnunga chûl pah chuan ka nui ringawta.





"Enge i nuih a? Nuihna tur ka sawi miahloh kha aw, tak tak in vew, khatiang khan vawikhat mah awm tawh suh ang che, Nu Christy in a hmu reng chea mawl a ti che anga a ngaihtuah leh ngawt ang che mawle... khatiang khan awm tawh reng reng suh" a rawn ti zui leh hlak bawk. "Ka hria e, ka tih mangan avang cheu in ka tihpalh ani, i duh chuan min hau vak vak rawh a pawi miahlo ania" ka ti a, ka hnung zângah chuan rawn beng leh pawp in min kuahna ațang chuan a awm hrang nghala.





"Ka hau hnem lutuk palha ang che, tunah chuan lo fing tawh la khatiang thil kha ti tawh suh ang che chuanin ka ngai che" a rawn ti lehnghal zat a nuih var var pah chuan "keipawn ka ngai che" ka ti ve ta sep bawka min rawn nuih nghal ver ver bawka min rawn kuah leha â min tih thu ala rawn sawi leh hram bawk.





"Rinrin, i zia deuh tawh maw?...." tia a rawn hruainu Rini'n a rawn tih rual chuan chhang lo chuan ka nuiha ka bu ringawt bawk. Ka ngaina thei thlawtlo Sylvia lah chu kalsan tura ka hrilh hnu pawhin ala kalsan duh chuang loa henu hi engti kawng zawng mahin ka be țha thei pawhin ka ring lo "Nangpa hi, a sam te ilo khuih sak vela khawmaw rawn la teh i khuih thur vek zawk anih kha zeilo leh lutuk mai khawi ka lo khuih ang" tiin Sylvia chuan Jeremy chu a hau zui leh hlaka Jeremy pawh a nui ringawt bawk.





"Chutia i intih thiam viau te chuan khuih la nakinah kan fate sam khuih tu ah ka la chhawr dawn che nia vawikhat khuih ah cheng 5 in" tiin Jeremy chuan chimawm zet chuan a ti ve lehnghal hluka Sylvia chuan a hnungah a beng ri dawt ani ngei ang a thûm deuh dawt bawka ka lo nuih ringawt bawk. Jeremy chu ka hmaah rawn dingin amah ka en theih tur chuan a rawn țhu hniama.





"Sylvia te awm lai hian intur ka zuk laksak lawk ang che aw... hlau lo la pawn lamah duty an awm vek ania a țha tiraw?" A rawn ti supa, ka lo bûk nghat rual chuan ka biangah a rawn fawp nghal zeuha ka biang a sa zui hat hat bawk. Sylvia lah chuan ka hnung zângah ala rawn sik vak lehnghala na tak ani ringawt.





Hetia țhiante leh ka Hmangaih, ni e, Ka Hmangaih te bula ka awm hian chakna ka neia keimah pawn țhat lam ka pan chak hle bawk khatia ka awm lai kha chuan ngaihtuah tur ber ka hreloa ka ngaihtuahna te kha an tawi tupa dam chakna te kha pakhat mah ka nei hlawllo mahse tunah heti hi ani leha rilru thar min pea chakna thar nen khatianga ka awm kha indem viau mah ila ka dang thei bik silo engmah tih chakna kha ka nei miau si lo a tin ni. Ka awmdan kha ka sawifiah thim phak bak baka hreawm ani.





"Enteh vew, rooma i awm tlat lai khan maw ka â lo chauh mawle a thinrim in thunun tum khan a bei nasa thei tawp chuanin a mitmeng ațang leh a che zia a țang khan a ngaih zia che kan hre theia niminah khan a insum zo tawh thlâwt lo aniang room ațang khan a rawn pawm chhuak hlawl che a mak kha kan ti ania aw...." tiin Jeremy'a chhuah hnu chuan Sylvia chuan a rawn ti a, inthiam lohna in ka khat lehnghal bawk. Tu pawh kha ka ti thinrim vek âwm si a mahse ka awmdan kha min hriatthiam pui dawn hauh si lo neih chhun tak meuh meuh te chan nat zia chu.





"Sylvia, rooma ka awm chhung vel khan thil thleng eng emaw a awm em?" Ka ti sepa, ka sam chu a phiar zui nghal mawlh mawlh bawk. "Awm âwm pawh ka van hrelo. Mahse inu râl naah khan mi hausa deuh deuh Jeremy nu leh pa te thleng pawhin an lo kala Zorini thleng pawhin a lo kala chutianga thil thleng lutuk pawh chu a awm hran chuang miahlo mawle ngatinge min zawh thuta?" A rawn ti deuh hû a, ka thaw chhuak ham ham bawk.





"Engmah ni lo e thil thleng eng emaw a awm ka rin vang mai mai ania ka sawi room ah khan ka awm rei sia in lama thil thleng vel ka hre lo êma" ka ti ta ringawta, eng emaw thleng chu a awm ka ring tlat ani mahse ka ngaihruat ang em em hi chuan tuman an ngaihruat âwm tawp si lova engmah an hrethiam ve dawn si lo, he thil hi keimaha ka chinfel ngei chu a ngai ngei ang midang ka inrawlh tir theilo.





Jeremy'a a rawn let rual chuan Ela leh Putea te leh nu Sangi te an lo lang tel ve nghala min ngaihtuah zia thu an sawi veka â min ti a mawl min ti leh țhin bawka, putea phei chuan min be duh lawk lo lehnghala ka inthiam lohna pawh a pung ta tual tual bawk mahsengi'n a hnuah engkim a hriatthiam vek thu min hrilha in enkawl țha turin min hrilh leh thlap bawka.





Putea pawhin ka nu thihna pawh kha a tuar ve em em a an mahni pahnih chiah hi an unaua dam awmchhun anni tawha mahse tunah chuan putea chiah ani tawh. Anu hi hmeichhe awmchhun ani bawk. A fate enkawl tur mai bakah keimah min enkawl tel ve leh zel a ngaia midang erawh chu nu leh pi leh pu te thla zar hnuaiah an la awm veka kei erawh keimah chauh ka ni tawh. Ka nu damlai pawn tumah ka tlawh pawh ngai loa biak pawh ka be ngailo tluk ani ka ngaina lo ani mah zawk. Putea te hi ka tlawh bera mahse anni pawh a chang zeuh zeuh chauh in a ni thung.





Doctor in ka taksa bung țhenkhat a malformed țep avangin damdawiinah nihnih khat vel awm leh turin min hrilha duh lo viau mah ila Jeremy lah chuan alo pawmpui phian lehnghala midang zawng zawng pawh ka lama țang an awm hauh lo. Ka nu enkawltu Doctor kha biak ka duha zêp rûk a neih ka ring nghet hmiah bawk ka nu kha a țhat loh thu leh a hriatna chuti khati leh rei a daih tawh dawn loh thu chauh a sawia mahse a dam rei tawh dawnloh thu pawh a sawi lang hauh loa a thi a a natna avangah an puh leh bawk si a thil eng emaw chu a awm chiang alawm.





Kan inchhung chhuat ka rap chiah chu khawharna in min rawn luh chilh lehnghala ka nu leh ka u te nena kan nui ri te chuan ka beng a luah khata inchhung ka enkual rual te chuan an hlimthla ka hmu ti tih zel bawk. Kawngkhar bula ka nu in a pangpar khawi a dahte chu ka chûla enkawl loh tih hriat zet hian a hnah te chu an lo ro deuh ti tih vek tawha inchhung chu a reh tlawk tlawk a chhuata kan in um kual lai vel te chu ka mitthlaah an rawn lang zel bawk.





Ka bag chu nghatin pawnah chuan ka chhuak leha inhnung lama huanah chuan lut in ka nu pangpar huanah chuan ka țhua a pangpar enkawl loh tih hriat zeta a hnah ro te chu ka chûla pot bul velah chuan a hnah ro te chu an lo tla phung bawka huan te chu a țawp ru em em bawk. "Nu, min hmu thei ani tiraw? En teh, i pangpar te pawh hian an ngai chea i awm loh chuan kei ang tho in dam chakna an nei bik loa an hnah te pawh a ro ve vek tho asin, he inchhung ami te hian kan ngai vek chea i tello chuan kan khua a hara engmah kan ni lo.... nu, min awmpui reng rawh aw kan mal lo ani tih min hriattir la van ațang pawh khan min lo thlir reng rawh aw" a pangpar vel khawih pah chuan ka ti chhuak sepa.





Huanah chuan țhutthleng a daha tah chuan ka u leh amah nen kan țhu țhin, tah chuan țhu in ka hmaa tlang nalh tak tak chhum in a bawh pâwt chûk chu ka en phei vang vang a helai hmun hi a view a țhat êm avanga huana siam ani a amah phei chuan a hlut lutuk ringawt.... "nu, u, tunah chuan nun bul ka țan țhat leh a ngai tawha kawng engkimah chakna min pe ula ka thil tum ka tih hlawhtlin ngei theih nana chhelna ka neih theih nan min pui rawh u aw... keimah mai chuan ka hneh lovang ka hriat miah loh lai hian hmelma ka ngah asin" tlang lam thlir vang vang pah chuan ka ti chhuak sepa, ka țap dawn takngialin ka hria.





"Nangni ngaih hi ruah sur bang hlim hlawl ang mai hian reh thut thei se ka van ti tak em!" Tih pah chuan ka tho nghal hluaia ka mit chu nuai in in lam chu ka pan lehnghala, Tluangpuii kha thawk rei lo viau mahse ka nu in a thlahnih hlawh alo pek tawh avangin rawn thawh leh a tum hrama mahse keimah chauh ka nih tawh avangin leh an chhungkaw hman atana nei turin ka hrilha ani pawh an khaw lamah a haw chho ve lehnghal daih bawk.





Inchhungah chuan lut in țhutkhawmna lam chu ka pan phei nghala sofaa ka nu thawhpui lo țhu te ka hmuh avang chuan ka meng deuh kâwka ka pên thawm an hria ani ngei ang an rawn hawi rual deuh țhupa mipa pahnih leh hmeichhe pathum anni a an panga zingah hian ka nu assistant bak hi hriat ka nei hauh lo bawk "um..ah... enge in lo tih dawna? Huan lamah ka lo awm daiha" ka ti deuh nawk nawk a, nuih pah chuan an țhutna bula sofaa ah chuan ka țhu thla ve nghala an zahawm khepkhup ka ti lo theilo.





"Englo, Rinrin inu thihna ala rei lo em em a mahse heihi kan tih vat loh chuan kan tla chhe mai dawn si a kan rawn kal tawp mai anih hi min hrethiam dawn nia" tiin ka nu assistant Emily chuan a rawn ti a, a ngaihna hrelo zet chuan an panga chuan ka en nghal hâw a "eng ber nge in sawi tum? Sawi tlang law law ula" ka ti sepa, Emily chuan file pakhat min rawn pek pah hian a țhu țhaa.





"Tah khan inu hnathawh dan kimchang takin a awma chuanin a awm loh hnua i hriattur tam tak a dah bawka. Madam Christy a awm tak loh ah chuan kan dawr hi a tla hniam chak em em a dawr bungrua pawh lo thleng mahse madam a awm loh chuan kan hralh chhuak hleithei lova kan dawr hian hniam lam a pan ta zela la reilo viau mahse kan rawn pan ta tawp che ani, min puih a ngai ani, madam țhutnaa i țhut a ngaia kan dawr min enkawl sak a ngai ani. I ti thei ang tiraw?" Tiin inthlahrun hmel zet chuan a rawn ti a, midang pawh chuan ka thu an ngaichang ani ngei ang min en deuh țhup bawk.





Muangchangin file chu ka keu a, a hmasa berah chuan ka nu hming leh a seal leh a signature alo awm thlapa a dang chu ka keu leh zela a dawr kalpui dan te leh thildang pawimawh hrang hrang alo awm bawka a tawp berah chuan 'Engkim ti thei Pathian a awma ani chu rinchhan la, ani chuan chakna a pe ang che. Amah râwn chung zelin kal la beidawng ngai suh ang che. I kiangah kan awm reng ania' tih hi alo inziaka a ziahna ala reilo tih hriat zetin ala thar vur bawk.





"Heihi engtikah khan nge a ziaha?" Tih pah chuan file chu ka khup nghala "a office rawn kal hnuhnun bera a ziah kha ani a a chungah engpawh lo thleng se nangmah pe ngei ngei tur che in min hrilha mahse hei buaina kan tawk ta si a kan rawn kal ta chûk chûk anih hi" a rawn ti lehnghal zata, an mahni chu ka en reng bawk.





"I theih loh chuan sawi țha mai la keini pawh kan buai ania hotu tur chu midang kan zawng mai ang, sum erawh account ah kan rawn chhung lut tho ang khatia tih vel pawh kha a ngai chuanglo thil hmanhmawh thlak anih hi" Emily bula hmeichhe țhu chuan lungawi loh hmel zet hian a rawn ti hmaka "Dawngi, a mak emai lo vîn hlur zel suh a tan pawn a hreawm ve dawn êm hi thil ngaihtuah ngai fê chu ani ve tho a lawm" tiin Emily chuan a rawn ti ve leha.





"Chu pawh nise mahni nu te hnathawh te chu an awm loh hnuah chuan faten an rochun mai zel alawm ngaihtuah hah vak vak pawh a ngai hleinem a chiang reng alawm" ala rawn ti leh hrama midang chuan an rawn khap ti tih nghal bawk.





Nuih pah chuan file chu dawhkanah chuan ka daha "a pawilo a sawi kha a dik alawm... mahse min zawh ațangin minute 10 pawh ala ral hauh loa ka theih loh thu ka la sawi lang hauhlo ania, hotu tur kha midang zawn i sawi bawk sia ka nu ta anih angin tunge in rawih ang tih vel ka lo ngaihtuah mai mai a, in rawih dawn apiangin ka phalna lak ve zel a ngai dawn bawk si a tihte ka lo ngaihtuah vel mai mai a, mahse i sawi kha diklo a awm miahlo ania nu te hnathawh chu fa ten an rochun tur ani. Chutiang chiah chuan keipawn ka ti ang, ka pawm e ka theihtawp ka chhuah ngei ang ka nu hnathawh sa chuti maia a chhiat ka remti bik hauhlo ania mahse in mi puihna pawh ka mamawh bawk anga, Emi, ka hriat loh zia chu i hriat vek kha" ka ti ve leh khera, a bula țhu chuan min melh no teh chiam lo bawk. Kan inmil dawnlo a ang reng hle mai.





"Kan lawm lutuk e chuanin kha lam kha chu ka kutah i dah thei anga. Heihi, Joseph'a ania bungrua rawn thleng leh a hralh chhuahna lama hotu ania chuanin heihi Mikaela ania Director ani bawk. Heihi Afaki ania hnathawk te vil tu leh model lam engkim buaipuitu ani a, chuan heihi Dawngi, stylish anih hi mi pahnih an lo kal loa chhungkaw thil avangin nakinah ka la rawn inhmelhriat tir dawn che nia" tiin a rawn hruaite nen chuan min inhmelhriat tir nghala keipawh chuan ka chibai ve nghal vat bawk.





"Thawhpui rinawm leh țha tak in nih ka beisei, ka nu ka pha lo ani maithei mahse in mi thlâwpna leh puihna ka mamawh zel ang... țha taka kan thawhdun theih ka beisei naktukah rawn kal in ka rawn enfiah dawn nia" tiin ka chah ve thlapa an ni pawh chuan lawmawm an tih thu sawiin min lo beisei reng tur thu an sawia naktuka inhmu tur chuan kan inthlah fel te te a, file erawh kawl turin ka hrilha an la ve leh mai bawk.





Inchhungah chuan lut in țhutkhawmna lamah bawk chuan ka kal phei leha ka nu leh ka u te nena chawlhnia kan thlalak hmaah chuan ka dinga ka nu chu khawihin "nu, tunah chuan i sumdawnna kha ka kutah a awm tawh sin i thawhrimna a loh thlawn chuan ka kal tir hauh lo ang ka theihtawp ka chhuah anga ka chawisang leh ngei ang che. Le, tunah chuan lungngaih hun ani tawhlo tihtur țul ka tih ve a hun ta e" ka ti chhuak hap a, phar duaiin choka lam ka pan nghal vut bawk.





Jeremy chuan min rawn biaa ka nu sumdawnna ka enkawl dawn thu ka sawi chuan min pawmpui vak lova mahse ka sawifiah takah chuan a pawm ve leh mai bawk. A chhan chu Doctor khan in check-up reng turin min hrilha khatia ka awm avanga ka taksa malformed țep kha tih chak a ngaih vang ani a, damdawi min chawh țeuh na chungin enfiah reng a duh vang bawk ania. Chuvanga Jeremy'n phallo mai chauh ani.





In lama keimaha ka awm tur min ngaihtuah rual rual in a awm loh theih si loa ka rawn insuan lut anga a ti ve tak ngiala a âwm ang loh êm avang chuan ka hau zui hrep kha ani a. Lungawi lo ru zet chungin hna min kalsana a kal dawn thleng pawn min la be țha lutuk chuang lo. Mahse țha taka putea te inah pawh ka awm theih thu ka hrilha a lungawi ve leh ta mai bawk.





Fridge vela chawhmeh chhia ka paih lai chuan thil ka hre chhuak zawka. Vawiin hian damdawiinah kal ilang a țha ang kha Doctor kha engkim ka zawt fiah vek ngei ang. Ela Doctor rawn hruai pa Mark kha chuan engvak a khawihpui loh avangin Damdawiina min rawn kan ve rual khan ka lo zawt nghala min hrilh bawka. Khatah țang khan kha Doctor khan thup a nei tih ka rinna a zual sauha tuma bulah chuan ka sawi lo nângin ka hriatchhuah hunah ka la hrilh ve ngei ang. Ela erawh chuan ka zawh avangin loh theih loh in a hriaa min phur pui leh ta chiam lehnghal. Hepa bulah hi chuan thil te hi a zêp hleihtheih thlâwt loh.





Apron chu phelh in ka room lamah chuan ka chho a ka room hnawk nuai te kha alo fel vek tawha engkim chu a hma ang chiah kha alo ni leh vek bawk a fel dan ațang hian nu Sangi tih ani tih ka chiang ngang bawk, ka thawmhnaw hak tur chu la chhuakin ka insiam fel veka rei tak ka khalh tawh loh ka Scooty khalh tum chuan chahbi leh helmet chu ka la a, ka room chu kalh in inhnuai lamah chuan ka tlan thla nghal ti tih bawk.





Ka Scooty chu la chhuakin ka ti luma ka khalh lohna a rei ve tawh ang reng lutuka a lum har phian lehnghal. A luma ka hriat hnu chuan Damdawiin lam pan chuan ka inkhalh chhuak nghala ala tlai lutuk lo bawka Traffice a jam lemlo bawk nen Zarkawt ațanga kual in Vaivakawn lama putea te in lam pan chuan ka kual thlaa an inah reilo te lut in Damdawiin lam pan chuan ka inkhalh chhuak lehnghal bawk.





Damdawiin kawtah chuan ding in motor chu ka dah fel nghala receptionist ah chuan Doctor hming chu ka zawta a office lama a awm thu min lo hrilha eng dang zawt tawh lemlo chuan a office awmna lam an sawiah chuan ka chho nghala awlsam taka ka hmu thei mai tur hi ka chhan ka hre lo ang reng viau bawka mahse chutiang ngaihtuah lutuk hman pawh ka ni hauh lo.





‍Doctor room kawtah chuan ka ding vâng tawh, a office kawngkhar chu ka kik dat dat a 'lo lut rawh' a tih rual chuan muangchangin kawngkhar chu ka hawnga ka luh rual chuan amah leh a hmaa hmeichhe lo țhu ka hmuh rual chuan pan mai lo chuan ka dinna ah chuan ka ding renga amah zawk chu rawn hawiin "eng thil nge ni ta a? E, Rinrini ni maw... lo kal rawh" a rawn ti leh ta zawka, a hmaa hmeichhe țhu alo hawi ve rual chuan ka meng deuh kâwka, kal nachang pawh ka hre ta chuanglo.





"Rinrin, lo țhu ta che" tia Zorini'n a rawn tih rual chuan harh chhuak deuh zawk ang mai hian ka lu ka thinga an lam pan chuan ka kalphei nghal vata țhutna âwlah chuan ka țhu ve lehnghal tharh bawka "eng thil nge ni taa?" Tiin Zorini zawk chuan min rawn zawta ka nuih ringawta ka kut chu ka malchungah ka daha ka hmer vak ringawt bawk.





"Englo ania Doctor hi ka be duh lawka enge itih ve zawka?" Ka ti țha ve maia, hmannia Jeremy office bula khatianga min tih avang khan ka duh angin ka be hleithei ta hauh lo nia ka țih deuh tlat lehnghal "nia, tunlai chu ka dam sam vak lova ka in check-up tir ve alawm mawle, nangmah kha i țha meuh amaw? Barakhaih thut ang maiin alawm i awm le" a rawn ti a, chhang lo chuan ka bu ringawta ani hi ka biak tum ani hleinem thil sawipui vak chi pawh ani lo.





"Zorin, kan zawh tawh chuan lo va chhuak lawk mai la kan inbiak zawhah kan chhunzawm leh dawn nia" tia Doctor in a rawn tih rual chuan Zorini pawh chu a chhuak zui ve nghal maia Doctor pawh chu a țhut naah chuan let in a tarmit chu a vuah lehnghal zata "Doctor, englo ania ka nu thihdan chungchang kha ania, thil fel lo awm ang tlatin ka hriaa ka nu kha khatiang ringawt khan a thi theilo ani. A natna kha chu zual zel mah sela khati thut thut kha chuan a thi thei bik lo a" tiin bul ka țana, a awmdan ațang chuan min chhan loh hmel em em mai lehnghal.





"Doctor" ka tih leh rual chuan a rawn hawia dawhkanah chuan a kut suih in min rawn en a "ka sawi chian tawh kha, Rinrin, kan thih hun tur kan dang theilo inu pawh kha rawn țha chhuak leh dawnin rawn dam leh dawn pawh nise Pathian a tana hun a ruat anih chuan a kal tho a ngai ani. A ruang kan postmortem hnu pawh khan engmah rinhlelhna tur a awm hauh lo ania" a rawn ti a, a ni thoa chu ka pawm thei silo ani.





"Ani thoa chu maw, mahse ka pawn theilo alawm thil fel lo a awm angin ka hre tlata ka nu natna ah khan zêp i nei ami? I neih chuan sawi la"





"Thil fel lo awm anga i hriat chu heihi ani maithei ani. I hlauhthawn ka hlauh luatah khan ka hrilh duh lo chea inu khan dam nan kar khat vel bak a nei tawh loa mahse kar khat pawh a daih lo anih kha. A natna kha a nasa tawh em em a, a ințanna kha alo rei tawh bawk em ani chu chu aniang i hriat duh chu" a rawn ti a, ka thaw chhuak hak.





"Ani tak tak em? Ka nu khan damna hun a nei lo tak tak em ni? Mahse, mahse, ngatinge a hun hnuhnung lamah chuan engmah min hrilh loha?" Ka ti a, ka țhutna ațang chuan ka ding deuh ti tih bawk. "Kan thiam loh ani, Jeremy khan hrilh lo tur che in min tia" a rawn ti a, Jeremy hming a rawn lam rual chuan ka meng zui deuh kâwka "Jeremy maw?, mah.. mahse ngatinge?" Ka ti bah ta nawk ringawt bawk.





"Aw ni e, mahse a thiam loh ani miahlo ania aw... Jeremy khan a ngaihtuah vang chauh che a ti ani a chuvang chauh chu ani, i dem thei bik lovang.... a Hmangaih zia che a ti lang ani" a rawn ti a, mak ka tih êm avang chuan ka nui chhuak ringawta. Chutiang thil chu ka lakah a zêp amaw? Chupawh min ngaihuah vangin, hah! Min hrilh nise chuan ngaihtuah ka ngai lo zawk ngei ang "ka lawm e, Doctor" tih pah chuan ka tho chhuak zui nghala ka chhuak tur chiah chu "Rinrin" min rawn tih leh avang chuan rilru khingbai deuh chung chuan ka hawi pheia.





"I hriat duh chu i hre vek êm ang chu tiraw?" A rawn ti a, ka bu nghata "aw, kha ng vel kha ka hre duha min hrilh avangin ka lawm e ka kal tawh phawt mai ang" nuih luih pah chuan ka ti a, alo bu nghat bawk. Kawngkhar chu hawng in ka chhuak zui nghala pawnah chuan ka âwm dawmin ka thaw chhuak zui ham ham a . Engtin nge ka lakah khatiang thu kha a zêp theih zawk le? Min hrilh nise chuan keimah pawh ka inthunun ve thei zawk anga chuanin ka tuar dan pawh a nêp deuh ni mai tur. Ka lakah thu lian tham tak alo zêpa ka haw takzet ani.





Ka kal tur chiah chu Zorini rawn kal nen chuan kan intawk leha a pum chu alo dawm deuh rûn bawka "ngatinge a?" Tih pah chuan ka vuan nghal vata "ka pum lam mawle, damdawi ei vat ka ngai anih hi. Result ka nghak meka in va zo hma ve i haw tawh dawn ami?" A rawn ti nghal zata ana hle ani ngei ang a ner zui deuh sak sak bawk.





"Aw nia, alo tlem leh lutuka kan zo vat anih hi, haw ka lo tum chiaha" ka ti țha ve maia "inu thihna kha ka tawrhpui lutuk che ania mahse chhel taka i awm a ngai tih hria la" a rawn ti ve lehnghala nuih pah chuan ka lo bu nghata "taka, Jeremy khan min hrilha inu damdawiina a awm vel lai khan inu a dam rei tawh dawnloh thu vel kha ania, nangmah bulah kha a sawi duh lova nangmah a ngaihtuah vang che ania i hrethiam tiraw? Nangmah ngaihtuah lo che sela chuan a hrilh ngei ngei ang che" a rawn ti a, "a hrilh che maw?" Ka ti hû bawk.





"Aw, hrilh e a rilru a hah lutuka a hna lamah a buai bawk nen min rawn rawn call a ka va kal chuan min lo hrilha ka theih ang tawk khan ka lo hnem ve a mahse tih theih ka nei tak tak lo aniang nangpawn dem suh aw a ngaihtuah vang che ania" a rawn ti a, mak ka ti tulh tulh a pawimawh ber keimah min hrilh lo in midang a hrilha tichuan ka lakah an zêp bawka engtin nge a theih zawk. "Alo call chea chutiang chuan a ti che maw, avan mak em em" ka ti ringawta, mak ka ti tih bak ka sawi theilo.





"Aw ti e, buaina a neih leh a hah deuh chuan min rawn hrilh hmasa ziah alawm chuan ka theihtawpin ka pui thin, lungngai suh țhian kan ni tawh alawm engmah thîkna tur a awmlo ania" a rawn ti țha ve maia "țhian, ni e țhian" tih pah chuan ka nui chhuak hak a. A țhian chu a hrilha chuan kei a Hmangaih tia min hrilh țhin hnenah chuan a sawi ve lova a zêp ta zawka. Ka lakah hian lem alo chang mai mai amaw ni le.





"I țha maw? Rinrin" a rawn tih rual chuan ka lu ka thing nghal vata amah ka vawnna kut chu ka la thlaa "ka kal phawt mai ang" ka ti a, ka kal tur chu a thusawi avang chuan ka ding leh "engmah huat tur a awmlo ania țhian ringawt kan ni alawm" a rawn ti leh hrama. "I hria em? Țha awm taka lang te hi an lo țhalo leh țhina, dawt te an sawi leha midang lakah an nihna ni lo pui pui in an langa mahse an chhungril nun chu a sual tho si mihring hmaah lemchang mahse kan Lalpa hmaah chuan chiang takin an nun a lang si, zêp a awm velo, chhungril lam thlengin alo hmu tlang thei si, kei nin mi dika kan rin em em te hi rinawmna tlachham tak an lo ni ve leh țhin mahni in en let an tum bawk silo țha ber angin an inngaia thudik hai der in midang awh nan thang an kam leh țhin tho si a mahse a tawpah mahni bawk an âwk leh nge nge zel, dik la, rinawm rawh" ka ti let ve saka, a nui ru deuh sak chu hmu mah ila a ngaihna hrelo zet chuan min rawn en ang leh lawi si.





"Ka van hrethiam lo ve. Min sawichhan leh deuh tihna em ni? Ka tana sawi nge inih a? I kâ ațang khan a chhuak ve mai mai"





"Tuna ka thusawi kha chu mahni nun in en leta an dik lohna lai hmu thiam tu leh an thinlung sual hmu thiama in en leta dikna lama țang te chiahin an hrethiam ngei ang, mahse nang erawh chuan engtikah mah i hrethiam ngai lovang" tih hmak pah chuan ka kut a vawnna chu ka la thlaa stepah chuan ka chhuk thla nghal daih bawk. Țhian an ni nge ni lo chu vawiin hian a chiang ngei bawk ang. Kei min buma an lo inkawp leh anih vaih chuan ka inthunun phak bakin thil a thleng anga ka kehchhe ngei ang, chutih rual chuan engtikah mah min hmu leh tawh ngai lovang. Ka Hmangaih țan ve mek asin, engtin nge min bum theih zawk?.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:06 pm

AT THE ELEVENTH HOUR - 32

By : Msi Miluhlulnui 🦋





Scooty chu tinung in Jeremy office lamah chuan ka inkhalh chhuak nghala thinrim nen ka speed ka ti sang ang reng viaua horn pawh ka pe deuh tuarh tuarh bawk ka rin ang hi chu ni lo se ka ti takzet ani. Ka lakah a zêpa mahse a rilru a haha kei aiin Zorini inhnem nan a hmang zawka kei kha khatiang khan awm mah ila a harsatna tinrengah chuan puih ka intiam ve thlap kha ani a chutiang khawpa min hrilh ngam loh a rilru hahna chu enge ni ta ang le.





Building kawtah chuan ka ding data a hnathawk te chuan min lo hre tawh ang reng viaua ka Scooty pawh min dahțhat sak ve thlap bawk. Building sang zet chu ka melh chhoa ka thaw chhuak ham ham bawk. "Ka rin ang hi ni miah suh aw" ti chhuak sep in muangchangin Building chhungah chuan ka luta, Jeremy'n hmu tur chuan kei chu appointment neih sa kher ka ngai tawh loa engtik lai pawha amah ka hmuh theih turin min siamsak bawk.





Ama office bik lift ah chuan ka luta lift ka chuan chhung te chuan a reh êm vang nge ka inngaihtuah mûk vang ka hrelo ka thinphu ri ka hre theia normal taka a phut ka hrelo bawk. Hlauh nei ang mai hian a phu dut dut a vawikhat barakhaih ta se a thi thut ang tih ang velin a awm ni maiin ka hria. A tawpa tawpah chuan ka dawm ringawt bawka ka thâwk te a pawt ti tih hial bawk hetiang em em a ka thinphu normal lo hi ka la hrelo ka hrethiam bawk hek lo.





Lift a rawn inhawn rual chuan ka chhuak nghal vata a Office lam pan chuan chak zetin ka kal phei nghala Zamzami pawh a țhut naah alo țhu lova mahse ama office lam pan chuan ka kal lui leh hram thoa a kawngkhar kawtah chuan Mala a tih leh mipa pakhat hi an lo dinga min hmuh rual chuan min rawn pan nghal vata "Rinrin, enge ilo tih dawna?" Tiin min zawt nghal vata engtia hetia duty ta nge maw an nih le.





"Englo ania, Jeremy'a hmuh ka duha a awm lo mi?" Tih pah chuan a Office lam chu ka thlêka a reh țhup ang lawi bawk si a, a awmlo ani ngei ngei ang "awm a mahse ramdang ațanga lo kal te nen an meeting lawka lo nghak lawk mai la" a rawn ti a, țhutna tur chu min kawhhmuh nghal zat bawk. "A.... a ngailo ang a buai hmel bawk si a ka let leh phawt mai ang ka lo kal tih pawh hrilh a ngai chuanglo ania aw" ka ti țha ve maia vawiin atan chuan ka biak a rem lo ania nge.





"A pawimawh hmel bawk sia bakah i hmai te kha a dâng deuh reuh bawk sia i țha vak lo ami?" A rawn ti a, țha taka nuih pah chuan ka lu ka thing țha ve maia ka hmai a dâng tih pawh ka hre hleinem "engmah nâ ka neilo ania ka kal leh phawt mai ang, chuanin ka lo kal tih hi hrilh kher a ngai chuanglo ania aw ho mai mai ah tihbuai ka duhlo ania hna a ngah thei bawk si" ka ti a, a bu zui ta nghut bawk.





Ka kal tur chu ka hawi let leha "taka Mala" tiin ka au leha a rawn hawi rual chuan "aw, enge ni ta?" A rawn ti a, ka zawh tum hi a hre êm ang chu maw "englo, ka nu damloh lai emaw a thih hunlai ang velah khan Jeremy leh Zorini an inhmu em? I hriat theih chinah.... englo, ka hre duh mai mai a min hrilh theih chuan" ka ti a, min en deuh vang vang a min chhui chhuah vek a tum reuh amaw ni le.





"Aw, vawihnih khat chu an inhmua mahse hna thilah a niin ka hria Zorini kha Hoirfen enkawltu anihna angah khan buaina chungchang velah khan ania chu bak chu ka van hrelo ve, ngatinge min zawt thuta?"





"Englo, ka hre chak mai mai a nizan ka mumang vang te pawh kha aniang. Ka lawm lutuk e, kan kal tawh tak tak ang e" tih pah chuan ka nui luia ka inhera rang lutukin ka kalsawn lehnghal bawk. Lift-ah chuan lut in rang lutukin button chu ka hmet nghal nawk nawk a, ngah nge engmah min hrilh ve loh Mala te chuan hna thil ang in an hriaa mahse Zorini lah in thildangin a sawi bawk si a engmah hi ka hrethiam tawh nei nuai lo e a, mahse an inkarah hian eng emaw chu a awm ani ngei ang midangin an lo zêp thei bawk.





Scooty nen chuan in lam pan in ka inkhalh chhuak lehnghal vang vang a, ka khalh lak lawh lai te chuan eng emaw hian min mawlh tlata duh ang in steering pawh ka control hleithei loa hmun reh laiah chuan ka ding ta dawt ringawt bawk. Thli a thaw vûk vûk a, motor ațang chuan chhukin thingkung tam zet awmna lam pan chuan ka kal phei nghala thli thaw vûk vûk chuan ka sam a chhem leng seng sung bawk.





"Ngatinge? Ka rilru tibuai tur hian in awm țhin, thudik tak min hrilh ni mai ulang chuan keipawn pawm thiam dan ka zir ve mai tur ani a mahse inbumna hmangin in kala chutah chuan enge rin tur nia rin loh tur hriatthiam a har tawh țhin asin. A hma ang chiah khan kei hi infiamnan min lo hmang leh tak tak em ni? Ka nu ka chan lai remchangah hmangin na taka min siam chhunzawm leh in tum tihna em ni? Ka nâ hi a tawk tawh in ti em em lovem ni, hetianga duh duha min tikual tur hian in eng pawi nge ka sawia?" Ka ti chhuak tuarh a, ka thin na lutuk avang chuan duh angin ka thaw hleithei loa ka mittui a ti hnâm sawk sawk zel bawk.





"Thudik chu min hrilh mai ta che u, tunah hian enge thudik nia thudik lo pawh ka hrethiam lo asin ka ngaihtuahna te inti buaia thil reng reng ka tan chuan ngaihtuah a harsa vek asin, a hmaa min tihnat te kha a tawk tawh em em lo em ni? In inkawp leh em ni Jeremy?" Ka ti chhuak sepa, țah chhuah vak ka duh mahse ka thei si lo chhungril lamah hian ka tâwt up up a, enge thudik hriat ka chaka mahse ka rin ang alo nih chuan ka rin phak bak in ka na dawn si.





Min Hmangaih angin a insawia thil engkim sawi dun turin kan intiam veka a hreawmah pawh, mahse ani chuan ka lakah thil lian tham zet zêp in a hmeichhe huat anga a sawi hnenah chuan a sawi leh bawk si, rilru hahna a neia chupawh kei min hrilh lo in Zorini bulah a sawia ka bulah erawh engmah thleng lo angin a awm leh si. Khatiang hun pawh kha tawng mah ila a tan chuan engpawh tih ka huam vek asin mahse ani chuan ka inhuamna chu amah zawkin min rinhlelh tir zawka, a tan hian enge ka nih ve tak tak ang le?





Thingkung chu nghengin chhuatah chuan ka țhu thlaa ka âwm chu ka dawm vang vang a ka thâwk a saka ka khur zui dawt dawt bawk. A hma ang khan ka awm leh ang tih ka hlau takzet. Kut khur dawt dawt pah chuan ka ipte ațang chuan phone chu ka la chhuaka duh ang pawn ka hmet hleithei lo ka tukhum chuan thingkung chu tauh dawtin thlifîm chu ka inchhem tira ka maimichhing zui nghal vang vang bawk.





Ka phone rawn ri chu muangchangin ka ena Jeremy hming ka hmuh rual chuan hmet thimin ka silent zui nghal hmaka rang lutukin bag ah chuan ka thun nghal hmaka thei leh theilo chuan tho in Scooty awmna lam chu ka pan lehnghala chahbi ka rawlh lut turte tur duh angin ka ti hleithei loa ka damdawi kha ka ei leh vat anih loh chuan nikhaw hrelo in ka awm leh ang tih ka hlau takzet ani khawlai maia nikhaw hreloa awm chu a dik vakin ka hre lo ani.





Ka inkhalh chhuak tur chu na zet chuan ka thaw chhuak ham ham a ka thin rawn na zawk avang chuan mit ka chhing nghal sak bawk. Speed chu ti sang in chak zet chuan ka inkhalh chhuak nghala reilo te ah inkawt chu ka thleng nghal vata țhenawm khawveng ten min hmuh ka hlauh avang chuan theihtawp in ka kal lui hram hram a in chu ka hawng nghal sawk sawk a thaw hlawi hlawu chungin ka room lam chu ka pan chhoa ka kal hleithei lo bawk.





Ka room kawngkhar chu nem hawng pawp in ka damdawi awmna dawhkan lam chu ka pan nghala Doctor in a hma ațang daih tawha min chawh chu ka haia ka hai let nei nuai bawk. Ka hmuh rual chuan kheh nghal sawk sawk in tui chu khur dawt dawt chungin no ah chuan ka thli luta damdawi chu ka eia lem ala harsa zek lehnghal. No chu dawhkanah nghat pawpin ka damdawi awmna dawhkan ngheng chuan chhuatah chuan ka țhu thla nghal dawt bawka. Ka âwm chu ka dawma ka maimichhing zui vang vang bawk.





"Awi! Bawihpui, ka fanu, engtin nge i awm?" Nu Sangi aw ka hriat rual chuan ka meng chhuak riai riai a nu Sangi chu ka hmaah chuan alo țhu reng bawk "nu Sang, a hma ang chiah khan ka thin a rawn na leha mahse damdawi ka ei tawha ka zia leh vat mai ang" ka ti a, țawng pawh kan țawng hleih theih lo chu le. "Khawi a hma ang khan i hnung ka lo chûl sak leh ang che ka âwmah hian rawn bei leh rawh le" a rawn ti a, rang lutukin amah chu ka va kuah nghala ka hnung chu dam zet chuan a zût thlaa ka thaw chhuak nghal hawk hawk a ka zia nghal hawk thei.





"Ngatinge mawni le, a awm lohna a rei tawh tehlul nen nangmah țhawng deuh tu thil a awm leh tawh em ni?" A rawn ti a, engmah sawi lo chuan amah chu nghet zetin ka kuaha "nu Sang, bum nawn leh ka ni ang tih ka van hlau tak em! Ka duh tawhlo ani vawikhat ka tuar chhuak tawha anat zia leh a hreawm zia ka hre veka khatiang kha vawikhat mah tuar nawn leh ka duh tawhlo ani mahse chutiang chuan thil a thleng nawn leh dawn tlatin ka hriaa chu chu ka duhlo ani" ka ti chhuak sepa, Zorini thusawi leh Mala thusawi ringawt kha ring tur ka ni lo tih ka hria mahse ka ngaihbel vang nge ni tlatin ka hre bawk si .





"Engthil nge thlenga min hrilh ta che chuti khawpa i chunga hetiang thil thlentir thei khawp chu" a rawn ti a, țhut țhat pah chuan dawhkan chu ka nghenga "engmah ni lo ka ngaihtuahna mai mai aniang tunlai chu ka awmdan hi a dik vaklo thil ni lo lo ngaihtuah ka chîng leh țan tawha tuna ka sawi te pawh kha ka ngaihtuahna vel mai mai anih ka ring ni lo lo ka ngaihtuah leh tawha" ka ti țha ve maia, ka thil tih buak leh thai let nei nuai ruh fel pah chuan a rawn nui a.





"Ngatinge maw dawt sawi hi i thiam loh em em mai le, dawt sawi zirna school hi hawng se tah chuan kal va lang a țha ang i hlawk phian maithei asin" nuih pah chuan a rawn ti a, amah pawh en mang hlei lo chuan a ke ah chuan ka va ben sak pawp a "nu Sang ah! Dawt sawi lam pawh ani lo ka ngaihtuahna diklo vel ka rawn sawi mai mai anih kha nakinah in khuaa i chhoh leh dawn hunah ka lo chho ve ang" ka ti a, ka țhutna ațanga thawh pah chuan ka kawrlum hak chu ka ka phelh a.





"I rawn chho duh dawn em ni? Thingtlang lam chu kut hnathawh a ngai ania aw i tlin dawn em ni? Heti lamah hian awm la a zia zawk ang" a rawn ti a, "mahse a thawveng zawk daih ang chu ka ti ka rawn chho ve dawn tho tho hnathawh a ngaih leh kan thawk ve mai aniang chu thil thiamna ani pah fâwm anga" ka ti a, ani pawh a nui ringawt bawk.





"Nu Sang, ihmaw.... naktuk ațangin anu țhutnaah ka va țhu ve tawh dawna vawiinah Emily te kha an lo kala chung vel chu an rawn buaipuia keipawn ka lo pawm ve maia mahse a ruk chuan ka huphurh ve det, ka nu hnathawh ka tuipui lo ropui lehnghal bawk si eng vak ka hre bawk si loa ka ti tlachhe vek ang tih a hlauhawm"





"Aw... a thawh a hma hma a i beidawn nghal ngawt țhin le, chutiang tur ani ngailo iva thawk anga i theihtawp i chhuah anga i theihtawp bak baka thil thleng chu a thleng ni mai rawh se i theihtawp chhuahna kha a hlu lutuk dawn, thil reng reng chu zir chawp a ngai alawm zir loh chuan engmah a thiam theih loh kan tih zin pauh leh kan bela chu mai zel chu ani. Ila naupanga hma hun thui tak ila neia a țan hma hma a i beidawn ngawt ten i hlawhtling thei lovang"





"Um, nia kan tum phawt aniang chu mahsengi'n tunkar chu min la awmpui la chuan a zualpui ka tih zawh hunah karleh lamah i rualin ka lo chho ve anga reilote ka lo cham ve ang Aizawl khawpui hi chuan ka thaw a ti ipik thingtlang lamah awm ila a zia deuh zawk ang bakah heti lamah chuan intih thawvenna tur a awm fahran lo emai" ka ti a, nuih pah hian ka ban bulah a rawn beng a "i sawi i sawia i awm hunah hreawm iti dawn sa ka hrechiang ania aw" a ti a, nuih vur vur pah chuan chhuah a tuma a chhuak tur chu ka au ding leh.





Iptea ka phone dah chu ka la chhuaka a lamah chuan ka lek pheia "ka phone hi min lo kawl aw ka silent daih a tu call pawh alo kala ilo kal chuan ka mut thu lo hrilh rawh aw tunah chuan tumah ka be peih rih lo chuanin lo kal tum an awm chuan ka mut thu tho in lo chhang rawh aw, mahse ka mu dawn chuang loa hnathawh ka ngaia tumah ka be hmanlo min tihder miah suh ang che" ka ti zui leh hrama ka awmdan a hrethiam lehpek ani tih hriat zet hian phone chu a bag-ah a thuna "i titau reng maia puitling inih tawh kha" tia min fiam pah zeuhin a kalsawn nghala nuih pahin kawngka chu ka khara chhunglam ațang chuan ka kalh zui nghal zat bawk.





Drawer chu hawng in hmannia ka tihtur leh ruahmanna ka ziahna ka diary chu ka la chhuaka ben thek thek pah chuan ka keu a mahse engmah alo inziak miahlo anih chu! Phek dang zawng zawng chu ka keu kual leha ka ziahna thla tak ngial pawh a awm hauh lo, mahse tah hian ka ziak ngei bawk si a ka pawtthla emaw ka paih bawk si lo mahse engtin nge a awm loh theih tumah ka room ah an lut bawk si lo.





Diary chu chhuata theh thlak pah chuan drawer chu ka hai nawn leha a dangah hi chuan ka ziak lo tih ka chiang ka diary neih zawng zawng kâwmah hian ka thil ziah luh țhin chu ka ziak vel zela henghi chu hmanni khan pakhat mah ka khawih hauh lo, ka dah dan engkim a ngai vekin ala awm bawk si. Chuanin tumah ka rooma luta ka thil la emaw khawih tur an awm bawk si lo. Chhuata ka paih tawh chu la in ka keu țha leh ngata engtin nge a awm loh thut theih zawka khang ka ziah ho kha engkim a pawimawh vek asin, ka hre vek seng tawh si lo. Nu Sangi lah zawt ila engmah a hre âwm bawk si loa mahse ka room a tihfel chuan engkim a hre vek anga kan zu zawt chhin hrim hrim teh ang.





"Nu Sang, hmannia ka room i tih fel khan thil a awm lohna turah emaw thil hnawk nuai te awm a awm em? Hei, tah hian thil ka ziaka engmah alo awm miah loa khawih chet chu ani bawk si loa" tiin Diary chu ka kawhhmuha, ka Diary ken chu a rawn laa a keu ve lehnghal zat bawka "ka van hrelo ve aw, hmannia ka tihfel kha chuan i khum hnawk leh thlalak awm kha ka tifela chuan ka tifaia chu zawng chu ania chu bak hnawk avan awm lo ve" a rawn ti a, Diary chu min rawn pe lehnghal bawk.





"Avan mak em em, tumah lut an awm âwm si lova anu damdawiina a awm hma chiaha ka ziah kha ania mahse alo awm tawh miah loa a phek pawh hi a kim chuanglo tunge maw lo lut hman ang le, a pawimawh asin aw..." tih nui nui pah chuan Choka ațang chuan ka chhuaka ka hriat loh hlanin tunge maw lo lut ang le a la tu tan chuan a țangkai viau âwm tawp si lova ka tan khan a țangkai asin mawle, tunge lo la ang?





A ngaihna hrelo zet chuan ka room lam chu ka pan lehnghala ka nu in ka rooma CCTV dah tura min tih lai khan lo dah ila chu tunah te hian thil engkim chu ka hre vek ni mai tur ania, inchhir lah chu an sâwt tawh lo mai bawk si. Ka ziah tawh sa zawng zawng ziak chhuak leh tur khan ka hrechhuak zo tawh hlawm âwm bawk si lo khang ho kha țha ka tih ve hlang ani asin mawle, tu phiangsenin nge lo la ang. Ka hriatchhuah vaih chuan tu pawh nise a chak hauh lo ang.





Ka Diary dang ka phawrh chhuah ka khung let leh mawlh mawlh a Diary dang chu la chhuakin drawer chu ka kalh nghal zata chahbi pawh chhuat hnuaiah ka dah țha leh hmak bawk. Diary pakhat bal zet ka lak chhuah chu ka tifaia dawhkana ka pen bawm lak pah chuan ka room chung chiaha thil hlui vel dah khawmnaah chuan ka room ațangin ka lut chhoa thil uluk zawka tih ka duh chuan hetah hian ka awma ka rilru leh ngaihtuahna zawng zawng ka sawr bing țhin a zia ang reng viau zel bawk.





Phek hmasa berah chuan a hmaa ka ruahmanna siam ho kha ka hriat theih ang ang ka ziak thla leh veka mahse tun țum erawh duh angin ka rilru ka pe hleithei der lo. Ka ziak mawlh mawlh amaw ka tih lai te hian Zorini leh Jeremy'a chungchang bawk chu ka lo ngaihtuah leh țhina enge an awmdan dik tak hriat ka chakna chuan min tur ut ut ani ber. Jeremy'n ka rin dan ang chiah hian min hrilh ta se ka tuar zo ang em le. Ka hriat miah loh lai hian an lo inkawp leh reng em ni ang, tih mai mai te chu ka ngaihtuah kuala thil ni theia ni theilo thlengin leh hmelhriat loh thlengin ka tehkhin kuala mahae thudik tak erawh tu kâ ațangin nge ka hriat ang chutiang chiah chuan a finfiahna pawh.





Ka thil tih duhdan zawng engkim Ela hi hrilh vek ta ila alo sawichhuah leh ka hlau bawk si. Heti lamah hnathawkin a awm dawn tih a sawi chiang tawha vawiin lamah khu lama hnathawh zawh ngai zawng zawng a zu thawk zo anga naktuk lamah a rawn chho lehnghal dawna tah chuan a rem chuan ka ruahmanna nen zawng zawng hian engkim ka hrilh vek chu a ngai ngei ang. Min do tu an awm renga tu emaw thâwk ve țek țek chhung chuan ka hlim phal ve lo tu an awma chumi lak ațang chuan inven ka mamawh ve hle bawk.





Ka thil ziah sa chu dah in inhnuai lamah chuan ka chhuk thla leha ka nu room ah chuan ka lut nghal thawr bawk. Engkim chu ka hmuh tawp ber nia kan kalsan ang chiah khan alo awm țhapa tuman engmah an la khawih che lo tih hriat zetin thil reng reng chu a awmna ah chat chat an awm vek bawk. A thil chhiarna țhin țhutthlengah chuan țhu in a pawh dawh vel chu ka pawt hawnga lehkha pawimawh an lo awm țhup bawk.





Ka keu rual chuan a sumdawnna lam ani tih a hriat veka henghi nakinah chuan keimah ngeiin ka la mamawh vek dawna ka nu hian ka mamawh dawn tih a hre lawk anga engkim alo dah fel sa thlap anih dawn hi. Pawh dawh hnuai ber pawh ka tum chu a inkalh tak tlat avang chuan chahbi a dahna lam chu ka pana a pawhdawn chabi awm khawmna chu la in an vai chuan ka tichhin veka a tawpa mi chuan a mil ta chiah reng bawk.





A chhunga chuan file hlui zet mai hi alo awma a chung bal chu chhem fai in ka beng zui nghal bawka a inphuarhna hrui chu phelhin muangchangin ka hawnga engvanga he thil hi dah țha tlat nge maw anih le. Paper lo awm chu ka keu zela a laihawl lamah chuan thlalak țhenkhat alo awm bawka kan en chian nâk chuan ka nu leh ka pa thlalak alo ni reng bawk. A hnung chu ka en a tun kum tira an lak ani bawk. Thlalak awmna hnuaia paper chu la kângin ka en a contract leh thildang dang alo awm bawka. Ka nu leh ka pa hi an lo thawk dun reng amaw? Chuan engmah kei hian ka hre ve lo bawka. Mahse engtin nge ka nu leh ka pa hi an thawh dun theih zawk le? An in haw viau amaw ka tia.





File chu chhuatah chuan dah in a dang a awm leh awm loh chu ka en zui nghal zata file hlui ve tawh tak hi alo awm leh bawka chu chu ka en hmasak ai pawh khan alo hluia alo bal bawka ka chhem zawng te chuan a khu deuh rum rum thei. File hrui chu muangchangin ka phelha a chhungah chuan lehkha alo awm leh bawka henghi engvanga hetia kalh a dahțha nge maw anih ang le thil awm engkim lah chu a rei tawh hmel hlawm em em mai lehnghal.





Lehkha chu a hlui tawh ve deuh avang chuan a eng deuh puak tawh hlawma mahse a thu inziak chu chhiar har fahran pawh ani chuang lo. Lehkhaa thil inziak ka chhiar lawr dan dan hnu chuan ka hrethiam chiah ka nu leh ka pa hi an lo thawkdun reng anih dawn hi. Mahse tinge ka nu hian engmah a sawi ngai miah loh le, a in ziah dan chuan ka nu hian a sumdawnna a din nan hian ka pa pawisa a puka mahse a rulh leh theih vak loh avangin ka pa chuan ka nu sumdawnna chu a neihsak taa ka nu erawh a neitu angin a kala mahse a thawktu mai chauh alo ni reng si. A hlawkna a zat ve deuh thaw ka pa in alo chang vek țhin anih ngei dawn hi mahse engvanga hetiang in remsiamna hi nei nge maw an nih ang le. Ka pa hian ka nu sumdawnna hi a neih tho chuan engvanga ka nu awm loh hnu hian enkawl mai lo nge maw anih le. Taka, ka hria e enkawl thiam hek lo, sum chauh duh mihring ani miau alawm mi thawh hah sa hmanga hlawkna lo tel țhin mihring ani miau alawm. Mahse engti kawng mahin ka thlen tir tawh ngai lovang.





Ka nu nena an buaina leh an inkar an theihnghilh tawh pawh ani thei kei erawh chuan engtikah mah ka theihnghilh ngai lovang, ka nu a tih danah khan heng zawng zawng hi a phu hlawllo ka nu thawh hah sa nawm chen nan mai mai alo hmanga a thleng tawh hauh lo ang, a kut ațangin ka nu thawh hah sa a hman ral zawng zawng ka la let leh vek anga ka nu sumdawnna thlengin ani in nawm chen nan mai mai alo hmanga a tuar a hun ve tawh takzet anih hi. A bula nun a hman chhung zawngin hreawm leh beidawng takin a nun tira ka nu in a hlat hnuah lehzel pawh beidawng leh hreawm takin ala siam ta foa, ka pa tia sawi tlak pawh ani lo ka nu chunga a thil tih avang hian engtikah mah ka ngaidam ngai lovang.





Taka, ka nu khan a rawn harh hmasak ber khan Ka pa leh Zorini hming a rawn lam tak asin, anni inkarah hian eng emaw chu a awm chiang alawm ni lo se ka nu khan an pahnih hming rawn lam kawp nachhan tur a nei hauh lo, khami nia alo harh chhuah khan thil eng emaw min hrilh a tum ani ngei ang. An pathum inkarah hian enge maw awm ta ang le, ka hriatchhuah vat a ngai ani.


-------------------------- 🦋

"Chawhma lamah khan Office ah ilo kal ami?" Tia hnung lam ațanga min rawn kuahtu kut chu ka lo vuan nghal vata ani'n ka darah khabe rawn nghatin ka bekah chuan a fawp nghal vang vang bawka ka ngaihbel nge ka hrelo zanina a awmdan hi a diklo ru riau in ka hria. "Kala mahse i buai hmel lutuka ka rawn be duhlo che anih kha. Engtin nge ka lo kal tih i hriat reng reng a?" Ka ti sepa, Mala te kha hrilh lo turin ka ti reng sia an lo hrilh tho tihna amaw ni le, an va rintlak loh mai mai tak.





"Hmanhmawh zeta i chhuak lai kha Zamzami'n a hmuh thu che a sawia a pawimawh viau em ni?" A rawn ti a, nuih pah chuan ka lu ka thinga ani pawh ka taksa che awk khawpin a rawn nui nghawr dat bawk "vawiin chu Doctor hnenah khan ka kala ka nu thihdan ka rinhlelh vel chungchang kha ka va zawta, chuanin engvak mah min lo hrilh loa Zorini pawh alo in entira a pum lam niin ka hria a sawi" ka ti a, a rawn nui ri suk bawk.





"Doctor chuan eng nge alo sawia?" A rawn ti a.





"Ka nu kha a damrei tawh dawnloh thu kha min lo hrilha kar khat vel chauh a dam dawn tawh thute leh a ai hmaa a thih thute alo sawia chung chu i hriatpui ve em?" Ka ti a, a ruk chuan ka awm a nuam hranpa lo ka insehru nasa hle bawk. Min chhandan tur hriat chakna chuan ka khat hluah hluah ani ber "aw hriatpui e" a rawn ti mauh mai ka awmdan chu thup ka tum lui hram hram a mahse a har țalh mai.





"Nia, Zorini khan min lo hrilha ani chu i hrilh bika chuan i buaina leh i rilru hahna nen chuan kei engmah min hrilh loa ka lakah ilo zêp char char a" ka theihtawpa ka aw inthunun pah chuan ka ti a, ka thinrim lutuk hi au chhuah vak mai duh "Duati, ka ngaihtuah vang zawk chea hrilh lo mai chauh che ka nih kha, huat tur a awm em ni? Hreawm itih ka hlauh lutuk avang mai chauh ani" a rawn ti dam dapa engah vak a ngaih loh hmel takzet bawk.





"Ni e, i tan chuan huat tur a awm ve hleinem tiraw? Mahse khangte kha ka lakah zêp lovin engkim min hrilh ve vek ni la chuan keimah pawn awmdan ka lo thiam ve mai tur ani a mahse engmah min hrilh hauh lo ka lakah i zêp zawka mahse Zorini i hrilh leh tho si" ka ti hmaka a kut ka vawn chu ka thlah zui deuh hmak bawk.





"Chu chu huatna chhan tur a awm hleinem nangmah ka ngaihtuah vang ka tih tawh kha zanin hi enge i hriata thinrimna tur i zawng a ang riau mai" min fiam pah deuh chuan ala rawn ti a, ani tan chuan infiamna mai mai lek alo ni âwm reng si a ngah nge maw ka lo sawi kher kher le, mahse sawi zo law law teh ang, min kuahna ațang chuan awm hrangin amah hmachhawn zawng chuan ka ding ta rûna "huat tur a awm takzet, a awm alawm i hmu thiam ve mai lovem ni, ka nu chungchang thil chu ka lakah i zêpa mahse i hmeichhe huat anga i sawi hnenah i sawi leh tho si. Engpawh tawk ila harsatna pawh buaina kan neiha rilru hahna te kan nei anih chuan inhrilh turin kan inti a, engkima inpui tawn turin. Mahse nang chuan chung te chu engmah min hrilh loa Zorini chu i hrilh leh tho si. I tan hian enge ka niha hetiang mai mai hian min siam, naute lem ka nih loh hi duh duha khai phar theih ka ni lo. Khang hun harsa pawh kha tawk mah la i tan chuan engpawh tih ka huam renga ka nu vanga ka tihbuai luat che kha ka hlau zawk asin mahse i harsatna min hrilh a hnêkin ka lakah i zêpa engtin nge ka ngaih i rin, ngaithla liam mai mai a nui liam mai mai turah min ngai em ni? Chutiang chu a thleng ngailo" ka kut phar chhuak teh meuh chuan ka ti chhuak hliai a ani erawh chuan min en reng ringawt bawk.





"Inu i enkawlna lamah i rilru a hah ka hlauh luata ti mai chauh ka ni, Duati i hriselna ka ngaihtuah vang ani bawk. Chu chu hrethiam lovin ila ngai haw zui bawka enge i hriat a? Ila dam sam meuh lo anih hi mu hahdam leh phawt rawh" tia min rawn ban tumna a kut chu ka lo vai kian sak lâwp! Keimah pawh chu amah hlat thei ang deuh tur chuan ka tawlhhnung nghal zat "ka dam lutuk, ka dam takzet, nangmah zawk kha anih kha damlo khatiang thil hrethiam lo tur khawp kha chuan ka â em em bik lo asin. A hma ang chiah khan in inkara tlakzeh ka hlauh ang chiah khan tunah pawh hian ka hlau leha mahse in inkarah enge awm ka hre silo i thil tih ah ngaihdam min dil a hnêkin min ngaihtuah vangah ila sawia anih chuan i lakah chuan kan thutiam te khan enge awmzia a neih ve țawngkaa sawia ngaihthlak liam satliaha beng leh lama chhuak leh ang chauh em ni anih nangmah ngeiin min tiam hmasa bawka. I harsatna leh rilru hahna te, buaina thlenga hrilh theih loh tur khawpa mi â leh thluak thawl leh mi tlaktlai lo ka lo ni em ni?" Amah en kalh pah chuan ka ti let ve saka, ngatinge a thiam thu pakhat mah sawi a tum miah loh le.





"Thil hi i ngaihdan ang ngawt hian kal pui țhin suh ka tih che kha, chutiang engmah a awmlo hna thilah kan inhmua chumi pah chuan ka sawipui ve mai ani chu chuan ka tan engmah ini ve lo tih a lantir hauh lo" a rawn ti ve ta deuh nghut. "Hnaah chuan i harsatna leh rilru hahna te ilo tel ve ani maw? Avan mak ve, chutiang chu ka la hre ngailo reng reng mahse hei tunah ka hre ta alawm" nuih luih pah chuan ka ti ve tak ngiala mahse a harsa takzet ani.





Ka ban bula rawn dawm ve ve pah chuan min rawn sâwi deuh nawk nawk a "enge maw i hriat le, thil zawng zawng i ngai kawi vek lehnghal i chau anih kha mu hahdam phawt rawh" a rawn ti a, nuih chhuah pah chuan ka ban a vawnna kut chu ka dahthlak saka "ni e, ka chau anih hi ka â bawk dam chakna pawh ka neilo nun thar in bul kan țan anga tuma tih buaina awm tawh lovin hlim takin nun kan hmang ve thei anga tia ka suangtuah laiin ka rinna min tih chhiat saka nang lah chuan insawifiah tum a hnêkin ila pawm thiam em em zuia keimah min ngaihtuah vangah ila sawi zui bawka. I tan hian enge ka nih bika? Engmah hrilh tlakah min ngai ve lovem ni, țawngkam ka thiamlo ami? Nge nia ka mawl zawk i harsatna te ka chhâwk theih loh che i ring ami? Ka theihtawp ka chhuah ve mai dawn alawm mi anga lehkha thiam chu ni lo mah ila" ka țah deuh țep avang chuan ka ti țiau a ka kawngah rawn vuanin min pawm kâng zui nghal nawlh bawk.





Roomah chuan min luh puiin khumah chuan min nghata keipawh chuan dan ka tum lemlo rizai min sin țhat tir pah chuan "mu hahdam phawt rawh i taksa ala chaklo deuh anih kha mu la i zia ve mai ang" a rawn ti supa ka chalah chuan a rawn fawp nghal vang vang bawka ka rilru chuan a der nilo hram se alo ti zui ve mawlh mawlh bawk. "Mu phawt la, inhnuai lamah ka lo zu awm ang aw" a rawn ti a ka chhang loa rizai sin țhat pah chuan ka saisir san hmak bawk.





A kalsawn thawm ka hriat rual rual chuan rizai chuan ka beng ka hupa "min rawn be tawh rih suh aw... ka be duh rihlo che hmuh pawh ka hmu duh rih lo che chuanin nangpawh haw tawh rawh" a hriat theih tur chuan ka ti a a thawm dang engmah ka hre chhunzawm tawhlo rizai chuan ka intuam phui veka ka maimichhing zui vang vang bawk. Eng vanga insawifiah tum miahlo nge maw anih le, insawifiah a hnêkin ala pawm zui ham ham lehnghala, a buaina te leh harsatna te kha hna thil ania te pawh ti se min hrilh se ka theihtawpa țanpui dan ka zawng ve mai tur ani a a lakah chuan mi mawl ang lek ka lo ni anih dawn hi.





Hna thila inhmu chu nise ka hrethiam takzet ang mahse hna thil bak bak an sawia kei chu atan engmah ni ve lo angah min chhuaha Zorini phei kha chu ala in tih theih hmel em em mai lehnghala khang hun chhung zawng khan an inkarah eng emaw chu alo thleng chiang alawm min han bum leh vaih teh se ka hmel hi engtikah mah an hmu leh tawh ngai lovang.





Mutthilh ka tum ngial pawh chuan ka mu theilo au chhuak vakin ka țhu kâng nghal țhuaia, khum ațang chuan tho nghal sawk sawk in inhnuai lamah chuan ka chhuk thla nghala choka lam chu ka pan ding nghal chat bawk nu Sangi alo awm loh avang chuan pawn lamah ka zawng kual leha ala awm chuanglo mahse pangpar awmdan danglam ațang chuan ka nu huanah a awm tih ka hre theia rang lutukin tlan meuhin ka pan phei nghal bawk.





Ka rin ang ngeiin nu Sangi chuan ka nu huan vel chu a tifaia pangpar leh hnim vel chu alo cut țhen bawka ka va barakhaih rual chuan alo phu vaka min melh rum teh asin aw.... "ka lo tihpui ang che, ka muhil thei lova ka lo inti harh leh chhawng ang" tih pah chuan pot pakhat chu ka hûng sawn nghala a hnuaiah chuan lei vel chu alo kawi nei nuai bawka ka nu in a enkawl loh chuan a heti ziah.





"Jeremy nen khan in in hau ami?" A rawn ti a, pot pakhat chu ka hûng sawn leha "hau chuang nang ngatinge a?" Ka ti țha ve maia kha hmelchhe phak pa khan alo hrilh leh pek tawh amaw ni le avan țawngtheih thlak tak.





"A rawn chhuk khan a hmel kha hmuh a nuam tehchiam lova a thinrim hmel ang reng viau bawka chuanin lungawi loh hmel zet khan thil i ei leh ei loh hrilh leh turin min chaha" a ti a, nge chu alo thinrim leh ringawt tawh ami a, ka bulah chuan thinrim lo angin a lang vela an awmdan ka hria chu a thinrim leh ani ngei dawn chu, ngeiawm leh lutuk mai "tlem chuan kan inhau ti ila kan inhau chiah lo keimah vang zawk ania" ka ti a, a rang lama nu Sangi te khuaah chhoh vat ka duh anih loh chuan an hmel ka hmuh apiangin ka na reng anga a hreawm dawn emai.





"In hlim viau amaw ka lo tia"





"Ihmaw... nu Sang ka nu damdawiina a awm lai khan Doctor nen khan thup an lo neia ka nu khan kar khat vel erh awrh chauh damna hun a nei tawha mahse a aia hma in a thi leh ta sia chu chu Jeremy leh Doctor khan an hre renga chuan keima bulah an lo zêpa min hrilh ve ni mai se chuan lo awmdan pawh ka thiam lawk ngei ang. Mahse Jeremy chuan kei min hrilh a hnêkin Zorini bulah alo sawi bika a rilru hahna leh a buaina te a harsatna thlengin alo hrilha ka lungawi lo lutuka ka sawichhuaka amah phei kha chuan insawifiah ala tum lo zui lehnghala ka thinrima ka be duhlo anih kha" ka ti a, pot chu ka chawi sawn lehnghal bawk.





"Ava ti mak ve, enga tinge chutiang thil te chu a zêpa" a rawn ti țha ve maia ka lo bu zui ve nghat nghat bawk. "A vai chuan ka hrilh lo chea mahse min rawn hmu tawh lo turin ka hrilha tunah rih chuan hmuh ka duh rih lo ani an inkarah enge awm ka hre bawk si lo bum nawn leh ka nih ka hlaua kha ka thusawi insawifiah a tum lohna te khan min ti na ngawih ngawih hna lam angah a sawi daiha" ka ti a, ka sawi thar leh avang chuan ka thinrim țha leh ni berin ka hria lei hnip em em mai chu ka hai a a chhungah chuan pangpar țhenkhat chu ka dah bawk.





"Tun țum chu engmah sawipui dan che pawh ka van hrelo ve" a rawn ti a, lei hai mawlh mawlh pah chuan ka nuia "a ngai hleinem amah khan engkim a ti chiang vek tawh alawm sawi zui pawh ka peih tawh lo tunah chuan in tih thawven ka mamawh takzet ani. Naktukah ka nu Office-ah chuan ka va kal anga chuan a tuk tuk leh velah in khuaah chuan kan kal nghal daih dawn nia" ka ti a, ani pawn min chhang tawh lem lo pangpar chu ka dah lut leh mawlh mawlh a ni te pawh a tla deuh thuak tawh bawk.





Zanah chuan chaw ei khamah chuan kan pahnih chuan T.V chu kan en ve teh miala Jeremy chu haw viau mah ila a call ka beisei reng tho si. A khat tawkin ka phone pawh chu ka hmet êng deuh renga mahse a call leh message vel tak ngial pawh ka dawnglo ka thusawi avang khan a thinrim tak tak amaw ni le ka lo ti viau amaw ni le, mahse ka tih viau âwm pawh ka hre bawk si lo. Mahse ka ti viau lo thudik tak vek ka sawia a duh chuan thinrim rawh se ani aia thinrim tur zawk ngei chu ka nih hi. Chuti chung chuan a call leh message te ka la beisei zui amaw, keimah zawk hi ka diklo ani ngei ang.





Sylvia te pawh dar sarih velah an lo lenga mahse kha hmeichhia nen bawk khan an lo kal leh tawh. Kalsan tura ka tih pawn a kalsan thei miahlo anih chu! An inngaihzawn thu ala sawi ta deuh deuh lehnghala nu Sangi awm lo phei se chuan thinrim tawh sa nen ka hau nasa viau ngei ang. Anu leh apa a unau te chenin an ngaihdan tur a dâwn miahlo ani ngei ang. Jeremy nena kan chungchang hrilh duh viau mah ila a thu min hrilh avang chuan ka hrilh leh duh loa nakinah hre leh ta si se min hau leh ngei ngei dawn tih ka hre reng.


---------------------------- 🦋

Zing thleng pawh chuan a call leh message takngial pawh ka la dawnglo nizanah pawh ka dawn in ringin peih leh peihlo chungin ka online ve hram hram a mahse a last seen erawh nimin chhun kha ala ni char char bawk. Țullo ah kan inbiakna te ka chhiar let leh thûl mahse ka thin a rim thar leh thut avangin phone chu kha ka off leh hmak kha ani a mut tum in ka beia ka la mu theilo zui lehnghal. A chungah ka thinrima mahse amah ka ngaihsak reng tho si engmah pawh hi ka hrethiam tawh nei nuai lo e a, ka thinrim tih a hria anga min be duhlo aniang te ka ti leh thûl zel bawk.





‍Mahse a țha e, min be duhlo anih chuan min be lo mai rawh se keipawh hian ka be hmasa bik dawn hauh hleinem, a thiam loh zawk ani a min la thinrim khum anih chuan a thiam lo leh hlei hlei zawk. Țha taka a i sawifiah anih loh chuan kei hian ka ngaidam dawn hauh lo insawifiah a tum loh leh kan inkar chu a tawp angah ka ngai tawh mai ang atan chuan engmah ka ni ve lo tih a ti chiang tawh reng alawm.





Chaw kan ei tawh avangin Office kal tur chuan ka insiam zui nghal mawlh mawlh a, ka nu in a Office-a min hruai apianga ha tura min tih ang chi a hma ațang daih tawha min chah sak chu ka in bela pheikhawk chu sang vak lo ka bun bawka ka sam chu felfai takin ka țawn thlap bawka bag chu la in pawimawh tur ang ang a ka rin chu ka thun risk ve nghal tawp bawk.





Bag chu khai in inhnuai lamah chuan ka chhuk thlaa "ti kha chuan mi fing leh mi pawimawh te pawh i ang ve ta alawm" ka chhuak tur chu alo ti a nuih pah chuan ka melh deuh khûna "nih ka inhmeh em?" Tih pah chuan ka phar chhuak hliai a a bûk nghut nghut takah chuan nuih vur vur pah chuan ka inhera ka chhuak zui nghal bawk. Tunah chuan engmah ngaihtuah hman ka ni lo ka nu hna hi țha taka ka thawh a ngai, a sumdawnna hi a tih hniam sak theilo.





Gate ka chhuak chiah chu kawta lo awm te avang chuan ka ding data ka meng phâwk deuh hrû bawk. "Nga... hetah enge in rawn tih? Office-ah in awm daih tawh ang chu tih nâk alaiin" tiin Emily chu ka pan nghal vata ka kal phei rual chuan car kawngkhar lah chu ala hawng zui ta deuh deuh lehnghal "madam duhdan anih avanga ti mai chauh ka ni khawngaihin țhu lut ta che Office kan tlai mai ange" a rawn ti țha ve maia, a ngaihna hrelo chuan amah chu ka melh nghal hâw bawk.





"Mahse, ka Scooty pawn ka lo kal ve thei reng alawm hetia mi pawimawh hmel tak anga min lo hruai kher a ngai hleinem keimah pawn ka lo kal ve thei reng alawm" ka ti a, lal deuh te pawh ka an reuh hi le. "Madam duhdan anih anga ti mai chauh ka ni. Madam chuan a Office kal tur hruai ziah turin min tia chu chu ka theih tawpa tih chhunzawm zel kan tum ani. Lo lut la Office lamah an lo nghak reng tawh ang che" a rawn ti a, rilru khingbai deuh chung chuan ka țhu luta Driver seat-ah chuan mipa pakhat hi alo țhu vû bawk.





"Emily, hetiang hian rawn ti tawh suh aw ka tih awmzia chu a ngai tawh lo ania Lal pawh ka nih loh hi hruai ka ngai hleinem keimah pawn ka lo kal ve thei reng alawm kalkawng hrelo pawh ka ni loa" a rawn țhut luh ve hnu chuan ka lo ti nghala "ka tihtur anih anga rawn ti ve mai chauh ka ni a ka hna ani a khawngaihin min hnial lo hram rawh.... chuanin Meeting neih nghal tur ania engkim dawhkanah ka lo dah fel sa vek tawhe" a rawn ti a, ka ân phuau rual chuan motor chu tinung in kan tlan chhuak zui nghal titih bawk.





Ka kal ve țan chauha han meeting nghal te chu engthil nge maw sawi se min tih reng reng le, a mik a mah hrelo hi min ring ve em em dawn chu ania sia a le mahse ti ve phawt ila rilrua lo lang ang ang sawi tawp ila an pawm loh leh ngaihtuah țha leh mai ila chu bak bak min rin ngam anih chuan ka thu zawm ve mai rawh se.





Office ka thlen chuan min lo lawm thiam em em a pangpar nen min lo lawm thlap bawka pangngai taka lan tum ve mah ila ka ti hleithei lo, Emily lah chuan hahdam taka awm turin min la hrilh ta deuh deuh lehnghala an lo awmdan hi lawm... hahdam theih hek loh, chuta karah meeting te an la sawi lehnghala vawiin chu rilru hah nen thin thi pawn ka awm dawn tawp lo anih hi.





‍‍‍Rin ai takin thu sawi khawmnaah pawh ka sawi ve theia harsatna eng vak ka nei lemlo bawk a thawk tawh ten min thlâwp țhaa ka hriatthiam loh a awm chuan dawhthei takin min hrilhfiah leh țhin bawk. An rilru a zau hlawm em em a fiamthu an duh hlawm bawk an bula awm chu rin ai takin a hahdam thlaka ka rilru hahna te pawh ka theihnghilh ve hial thei ka vawikhat tihna ni mahse anni avang hian nuam ka tih phah em em bawk.





"An vai khan khang kha an mizia tak tak ami? Pakhat phei kha chu joker chiah chiah a thusawi apiang kha ka lo nuih pui thei zel nia mawle ka rin ai biak an nuam daih mahse an zia an thup a hlauhawm" chu ka ti lehnghal vat tho a chhan chu pawn lam landan hi chu a dang chauh ani țhin si a "khatiang vek kha anni e an vai khan Madam pawh khan a ngaina vek bawka thawhdunna pawh a țha țhin chutiang anga ze thup an neih âwm pawh ka hrelo" a rawn ti a, a hmel chu ka ena a hriat loh hmel tak tak bawk.





"Heihi i hre ve em? Ka nu leh ka pa an thawhdun thu hi chuanin heihi ka pa ta ani tihte?" Ka tih chuan "aw hria e" tih zawngin min chhanga a dang a sawi chhunzawm leh tawh lo "dik tak chuan a hnathawk te zingah khan keimah bak in ka hrelo ka hriatna pawh a file țhenkhat dah țha tura min hrilh niin ania ka hriat chuan Madam khan engkim min hrilh ta veka ti hian ka zêp ta char char anih hi Madam kha a natna nen a rilru a hah țhin zia ka hmuh pui ve vek țhin" tiin țha tak chuan a sawia a sawi tum takah lut lo mahse ka man thiam tho ka nu leh ka pa indawr nan ka hrethiam miau a.





Ka nu a kalsan dawn khan a tihbuai tawh loh tur thu khan a tiam ngei si a mahse amah dodal zawngin a che leh tho si a thil tih avang hian ka ngaidam dawnlo ka nu chak loh lai remchangah la in a hneha ka nu a kalsan dawna a pawisa a pek te kha pûk angin a lantir leha engkimah ka nu kha alo bum vek anih dawn hi a chêtdan tur zawng zawngah a dang veka mihring pawh ani lo ramsa anih hi ramsa.





"Emily, heihi ka hrilh che anga maw lo buaipui chhunzawm rawh. Ka pa biak pawhna tur i neih chuan min hrilh la midang daih anga min sawiin ka hmuh duh thu hrilh la chuan kan sumdawnna hian hma a sawn zel anih chuan a kut ațang hian ka lei chhawng leh anga tichuan ka nu hmingin kan siam țha leh anga ka nu pawh a hlim ngei ang, phakarna hmanga a tuarna thawktu ni lo in neitu ani tawh dawn si a" ka ti chhuak sepa ani pawn a pawm thu min hrilh ve lehnghal zat bawk tunah chuan pa leh fa indona chu țan ila ani mai alawm a thil tih avanga ka nu pawisawi lo in a tuar ka duh lo.





Ka thiam ang tawkin hna chu kan khawih ve tak nâ in ka rilrua a luh loh êm avang chuan ka dah ta tawpa ka phone lah ka en sek reng bawka ka beisei ang hian min beisei ve ang em tihte chu ka ngaihtuah leh thûl bawk. Ka phone a rawn rîk rual rual chuan rang lutukin ka ban nghala mahse Ela anih avang chuan lungawi lo ru zet chung chuan ka laa Mizoram a rawn thlen tawh thu leh Airport-a min hmuh lohna chhan te sawifiah turin min ti a Vantawng khawhthla anga sâng leh seiin kan sawifiah mai anih kha a hrethiam anih chuan a fing viau ang.





Ka buai deuh thu hrilhin phone chu ka daha Office chhunga Dawngi rawn lut chu ka lo nuih nghal sâng bawka mahse ani erawh chuan hlim hmel engmah min hmuh ve chuang lo "lo kal rawh, call ka lo hmang lawka engthil nge nia?" Tih pah chuan ka țhutnaah chuan ka va țhu leha a hmel chu hmuh a nuam tehchiam loa ka bula a awmdan leh midang bula a awmdan chu in perh san tak ani ringawt, lei leh van ang vel ani.





"Madam chuan a hnathawh buai lai tak pawhin call a hmang ngailo a silent-a tu call mah ala ngailo bawk inzirna tur chu ila ngah khawp mai" min tih el zeta a rawn tih rual chuan amah ka ngaihsakna chu dah țha in ka nui chhuak ta hak, a eng pawi nge maw kan sawi dawn le aw heti taka min hal ta mai chu "i sawi loh tum sawi tur hian a hman pawh i hman reng reng ka ti midang an buai em em laiin hetah nangin i sawi loh tur zet i rawn sawi chhuaka tu pawn mi biak theih leh theih loh turah chuan dikna kan nei vek ani lawm ni, an biak duh loh leh an thu, i sawi tum chu sawi ta che" ka ti let ve khera min melh rum deuh ngang bawk.





"Stylish ka nihna angin model te hi thlak ka duh ani ka duh danin an awm duh si lo mi zahna hi an nei thlâwtlo heti hi chuan engtikah mah kan indah puitling thei lovang" a rawn ti deuh nghat, "sawi chiang la" ka ti a, nin hmel zet hian a thaw chhuak zui ta hak bawk. "Ka duh anga ka tih an duh lo ka sawi awmzia chu kan model lak thar te hian ka thu ai an thu an duh zawk tlat" a rawn ti taa a mizia hi an ei loh ka ring reng ah.





" I duh dana an awm duh loh chhan chu nangmah vang anih chu nangman i zirlo zawk anih chu, a enga mah hma in dah puitlin i tum nghal ringawt anih chu bakah i vîn leh țhuai țhuai anga i hmelah khan nêlawmna reng an hmuh loh chuan engtin nge i duh dana an awm theih ang nangmah zawkin a dawr dan i thiamlo anih chu, i thiam loh midangah puhin țuan suh" ngeiawm zet chuan ka ti let ve leh khera mahse ka sawi kha diklo pakhat mah a awm lo ka laka a awmdan ațang ringawt pawh hian a mizia chu ka hre hneh lutuk takzet hman ani.





"Nang hi! Chutiang lam in ka sawi lo ka duh dan an sawi zela a țhen lah in nasa an ti bawka engtin nge heti te hi chuan walk te pawh an zir theih anga Madam duhthusam pawh an tling lo ang" a rawn ti ve leh țalh bawk.





"Ka sawi hmasak nen khan a inang vek tuna mi pawh kha, engkim i thil tih apiangah nangman i zir a ngai an entawn tur leh an rin tur inih chuan nangman i zir phawt a ngai. Chu bakah model lam reng reng Afaki hnenah sawia ka hnena report leh chauh tur ani. A kuta awm an ni a aman min rawn hrilh ngei tur ani" ka ti a, min melh rum ta hle bawk.





‍‍"Mahse Afaki hrilh kher ngai lovin keipawh hian ka sawi theia ka sawi chu min pawmsak tur ani bawk. Chuanin ka rawtna chu model te hi thlak ka duh ani hemi te hma ami chiahte kha ka duh leh ani" a rawn ti a, a thil ken chu dawhkanah chuan rawn dahin keipawh chuan ka ban ve nghal zata Model hmasa te profile ngei chu niin a lang bawk.





"Anih chuan tuna mi te chu va bel chiang ila a țha ang an profile pawh kha lo keng rawh i sawi ang an ni nge nilo chu keimah ngeiin ka fiah ang, i sawidik anih chuan kan thlak nghal bawk ang chuan thil pakhat, i eng pawi nge maw ka sawia heti tehchiama mi ngeih loh le? Biak țhat ve dawn man pawh i awmlo" tih pah chuan ka chhuak zui nghala niminah chauh kan la inhmua chuan min ngeih lo nghal em em a a ngei zawng ka ni ve hrim hrim aniang.





Model te awmna room lam chu kan pan zela Dawngi pawh chuan țha zet hian an rawn thlen chiah thu min hrilh ve mai bawk, tuna model te profile min rawn pek rual chuan ka keu zui nghal vuta an hmel chu a țha pangngai hlawm ang reng viau bawk pakhat erawh ka hriat hnu a ang fû ani "Afak" tih pah chuan kawngkhar chu nem hawngin ka lut zui nghala Model țhenkhat te pawh chu an lo awm nual bawk.





"Miss Afaki chu Miss Emily nen khan an inbe lawka alo let țep ang lo nghak rawh u" pakhat chuan a rawn ti a, amah ka en rual chuan ka hriat hnu a ang ka ti tual tual bawk. "Englo, nanghi! Felfeltei kha ini em?" Tiin amah chu ka kâwka "aw ni e chuan nangmah hi Rinrini kha tiraw?" A rawn tih rual chuan ka lo bu nghat nghata "i ang kha ka ti renga kan inhmuh lohna rei tawh zia hi" tih hluai pah chuan min rawn kuah nghala keipawh chuan nuih pah chuan ka lo kuah let ve nghal bawk.





College kan kal rual țhin College-ah pawh Queen hial alo ni tawha mahse chhungkaw harsatna avangin kum laihawl ah a chawla mahse hetiang lamah hian alo kal ta daiha ka phone a chhiat avang khan a number pawh ka lo nei tawh loa Sylvia tih lo ah chuan ani hi ka țhin kawm ngeih ber ani. A rilru a sual lova a rilru a zau bawk mi a chhe zawngin a sawi ve ngai loa a rel ve ngailo tluk ani Sylvia nen midang kan rel kan rel lai pawn alo nui liam mai mai zel țhin. Chutiang khawpa hmeichhe zaidam leh nunnêm ani a Proffesor te pawh 'hmeichhe nihna dik tak chu amahah hian a awm' an ti țhin.





"Miss, Felfeltei hi chu a hma ațang daih tawha kan model ani a Madam phei chuan ban a phallo tluk ani keini pawn kan phal chuanglo a chhan chu he sumdawnna chawisangtu hi ani miau a tin ni" a rawn ti a, henu hi ka hrechianga mi duhlo dana awm a duh loa hreawm a tih leh phah țhin chuvang chuan an thu a kawi a ngilin a zawm vek mai țhin ban rawh pawh ti se ani kher kher hi chu ka ban hauh lo ang.





"Khawngaihin chhuak tawh rawh u inbuatsaih kan mamawh tawh... kan madam thar hmuh kan ngaia chumi atan chuan inbuatsaih kan mamawh" hmeichhe pakhat lerh hmel zetin a rawn tih rual chuan an mahni chu ka en nghal vata midang pawh chuan an lo pawmpui ngang bawk, Dawngi ka en rual chuan alo bu nghata a sawidik hi thil engmah an tih hma hauh ațangin duh ai chuan an inchhuang mah mah deuh ani.





"In vaiin ban vek in ni e" ka tih rual chuan an rawn meng phâwk hra hlawma "engvangin maw? Nang hian engmah tih theih i nei hleinem, kan hotunu pawh ini lo duh duh rawn sawi ve ringawt suh" tiin nuih uar uar pah chuan an rawn ti a, ka nuih let ve nghal sak bawk chimawm ka chhuah a hun ve tawh anih dawn hi, muangchangin an mahni chu ka pan pheia an ni erawh an lo nui țiah țiah thung.





"In awmdan ka hnena an rawn report ang chiah kha inni thil engmah in la tih hma hauh in in indah sang ve nghal ringawta khatiang chhawr kha kan duhlo chuvang chuan ban vek inni. Ka ban theihna chhan che u hi inhria em? A chhan chu maw kei hi in hotunu thar chu ka ni Madam Christy fanu ka nih hi kei ngei pawh min zahlo anih chuan engtin nge ka hnathawk te chu in zah theih reng reng ang ni, in bungrua te pack ula chhuak rawh u" an vai hmaah chuan ka va ti khera rawn din chhuah pah hian an rawn meng phâwk deuh hrâw bawk.





"Dawng, an chhuak duhlo anih chuan chhuah tir dan tur i hriat ngei ka beisei an ni ang mi chapo hi kan mamawh reng reng lo, Felfelte nang chu i awm reng ang chuanin nakinah thil kan sawidun lawk dawn nia. Darkar chanve hmaa in chhuak anih loh chuan tharum thawh turin in cho chhuak tihna ani mai" ka ti a, kalsawnin an profile chu Dawngi kutah ka daha ka chhuak zui nghal ti tih bawk. Ka duh hunah chuan ka ngeiawm thiamin ka chimawm ve thiam ka tih tawh kha.





"Dawng, an chhuak lo anih chuan chhuah tir dan i hria ang chuanin ka Office-a nangmah dem zawnga ka thusawi te avang khan ka tihpalh ani engmah hrechiang hmasa lovin ka puh ringawt chea mahse nangpawh thil tlema zawngah chuan i insiam țhat a ngai ve tho ania entirnan ka laka chhan awm lova i thinrim ngawt danah te khan" amah pawh en lo chuan ka ti a, ka Office lam pan chuan ka kal zui nghal daih bawk.





‍‍Ka theih ang tawka hna ka zawh ve hnu chuan tlai lamah Ela hmu turin ka chhuaka mahse Office kawta Zamzami lo awm chuan Jeremy'n min hmuh duh thu alo sawia eng thu mah zawt let lem hleilo chuan Jeremy'a hmu tur chuan ka zui phei ve leh ngawta mahse a ruk tak chuan ka hlau ve tho engthil nge kan sawidun leh ang tih ringawt chuan kan tlan chhung chuan min luahkhata a ngaihna ka hrelo hle bawk. Zamzami ka zawh lah chuan ani pawn a hriat loh thu in min chhang ve bawk.





Building kawtah chuan dingin keipawh chu Jeremy Office lam pan chuan min kal chhoh pui nghala, Zamzami pawh chuan a Office-ah chuan ka luh pui theih loh tur thu min hrilha keimah chuan zâm leh muangchangin Office chhungah chuan ka luta dawhkan chu din hual meuhin Jeremy leh hmeichhe pakhat leh Dinsanga chuan eng emaw an lo en a tih buai ka inthlahrung viau nângin ka khuh chhuak ta kherh kherh bawk.





An vai chuan rawn hawiin min rawn en deuh țhapa "nakinah kan sawi leh dawn nia kan be lawk ang e" tiin Jeremy chuan an pahnih bulah chuan a ti a, Dinsanga leh hmeichhe pakhat chu an chhuak zui nghal bawka Dinsanga lah chuan min la nuih vur vur zui lehnghal "ti kha chuan mi pawimawh tak i an ve kha tiraw?" Țhutthlenga țhut thlak dawt pah chuan a rawn ti a, min nuih deuh suk bawk.





"Eng thilah nge min hmuh i duha sawi vat rawh Ela hmu tura kal ka ngai ania" ka ti țha ve maia rawn din chhuah pah hian min rawn pana kei erawh chu ka dinna ngaiah ka ding reng thung "hetiang mai mai tur hian hun ka neilo ania nang ang em em chuan" ka tih chuan a rawn nui deuh suka kalsawnin a dawhkan lampang chu a pana a rawn hawi let leh rual chuan eng envelop emaw hi a rawn la kânga "he thil hi i sawifiah ka phût e" tih pah chuan envelop chu a pawt thler nghal zat bawk.





"Kei ai chuan nang hian ka lakah zêp i ngah fû lo maw, ni lo lo a min puhin fihlim angin i inngaia kei ai chuan a let zâ in i fihlim lo zawk tlat. He thil hi vawitam awih loh tumin ka bei țhin a chhan chu ka rin che avangin mahse a dik ngei ani tih fiahna alo awm zel si hetiang em em a tenawm hi chu inih ka lo ring pha ngailo asin" tih hrâwih pah chuan envelop chu ka lamah a rawn theh pheia a chhunga awm thlalak chu a rawn tla darh nghal nuai bawk.





A ngaihna hrelo zet chuan muangchangin envelop chu ka la kânga a chhunga thlalak awm ka en rual chiah chuan ka meng zui nghal kâwk ka thlalak leh khanu Sylvia in a rawn hruai ve ziah thlalak kha a awma țhenkhatah chuan kan inkaia kan nui dun bawka. Mahse heihi engtin, henu nen hian vawikhat mah hetiang hian kan la awm lo.





"Henu hi keimah ka nilo, he hmeichhia nen hian vawikhat mah kan la awmdun ngailo he thlalak hi dâwt ani. Heihi keimah ka nilo, mahse engtin nge keimah leh ka thawmhnaw heng zawng zawng hi a awm theih?" Thlalak dang en zui mawlh mawlh pah chuan ka ti a, a ngaihna hrelo zet chuan Jeremy chu ka en chho lehghala ani erawh chuan min lo nuih nghal suk bawk "sawifiah ta reng che. Nangmah ngei chu inih chian kha" tih chang hrâwih pah chuan min rawn melh rum zui nghal chat bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:06 pm

AT THE ELEVENTH HOUR - 33

By : Msi Miluhlulnui 🦋





"Keimah ka ni lo ka tih tawh chu mawle henu nen hian vawikhat mah kan la awmdun lova awmdun pawh ka duh heklo" tih pahin thlalak chu ka hmet khawr nghal ti tih bawk "i duh aniang chu khang thlalak te pawh kha hmanni lawka in lak ani tih a chian em em Duati, engtia rei nge min bum tawh?" A rawn ti a, a ngaihna hrelo zet chuan amah chu ka en leh "ka bum lo chea ka bum ngai bawk hek lovang che henu nen hian vawikhatmah kan inkawp lova ka duh bawk hek lo ka hmeichhiatpui anih hi chutiang em em a mi tenawm chu ka ni bik hauh lo chuan he thlalak pawh hi a lem anih hi a lem" tih pah chuan chhuatah chuan thlalak chu ka paih thlaa ka kut chu ka hûm ruh nghal nghek bawk.





"Keiin ka bum che angin i sawia inu chungchang thil ka zêp avang pawh khan ka inthiamlo reng bawka midang laka ka sawichhuak chu a pawina ka hre hek lo chu chuan nang hi kan tan engmah ini lo tih a sawina ani lo inu avanga i tuarna kha belhchhah ka duh lo mai che ani khatianga i awm pawh kha ka tan chuan hmuh a hreawm hle bawk. Chuan khang thlalak te kha awih duh lo eng ang mah ila a fiahna a awm zel si hetiang mi hi inih ka lo ring ngailo chuvang em ni Damdawiina an lo kal nia amah hrelo anga i lan tlat, inkawp tawh nilo ulang chuan țha taka biak kha a phu" a rawn ti chhuak tuarh "tu in nge he thlalak hi pe che, he thlalak hi tu in nge pe che ka tih chu?" Ka ti let ve tuarh a khanu ka hriatna pawh kha ala reilo chuti chung chuan engtin nge thlalak hi a awm theih zawk?




"Amah ngei khan min pe alawm chuan a fiahtu atan i țhiannu ngei Sylvia alo kal bawk. Tichuan a chiang tawh em? Eng ang fakau nge zêp ila tum? Ka Hmangaih che ka ti ani lawm ni, mahse hetiang em em a hmeichhe tenawm inih hi chu ka lo ring pha ngailo bialpa nei reng chung si a thinrimna avanga mahni hmeichhiatpui kawp ching mahni bialpa te chunga engmah ti lo anga lang leh thei mihring hmuh pawh ka hmu duh tawh lo che " a rawn ti chang hrâwih, a tawp lama a thusawi chuan min deng zui nghal dawt! 'Ka hmu duh tawhlo che' a ti anih chu. Kei ai pawn he lehkha hi a ring zawk amaw?





"Keimah ang chiah an awm ani lawm ni, heihi keimah ka nilo nih pawh ka duh heklo keimah ang tak tura khanu nena an tih ani ngei ang kei min buma nangnena min țhen hran an tumna anih hi Jeremy, engtin nge i awih theih zawk? He thlalaka hmeichhia hi keimah ka ni lo" tih pah chuan ka pan pheia ani erawh alo nui chhuak hawk thung.





"Keipawn nangmah ni lo se ka ti mahse ini ngei si. Nangmah ang hmeichhia kha chu a thi tawh tih pawh i hre ve reng bawk engtin nge hetiang thlalak te a siam theih ang mithi tawh chuan vawi engzat nge la phat i tum? Thlalak kha enchiang ta che kar hmasaa in lak deuh vek anih kha inu dam loh laia in lak pawh a tel bawk kei hi engtia rei nge min lo bum tawh? Hmeichhe rapthlak leh lutuk" a rawn ti chang hrâwih! A mitmeng te chu a sen ve deuh rûma a rilru a nat hmel takzet bawk.





"Keimah ka ni lo ka tih mawlh mawlh chu, khanu nena kan inhriatna pawh kha ala reilo chuan kei hian engtin nge ka hmeichhiatpui chu ka kawp duh ang? Min ring miahlo ami? Min hrechiang angin i insawia engtin nge thlalak ami mai mai i rin theih? Nizana ka thusawi kha chu theihnghilh la chuan khawngaihin thlalaka hmeichhia hi ka nih loh zia fiah rawh" a ban vawn pah chuan ka ti a, mahse rilru nat hmel zet hian ka ban zawk chu a paih thlaa a mitmeng sen vek chung chuan rum zet chuan min melh nghal bawk.





"Fiah a ngai lo, a chiang tawk tawh e i țhiannu nen an inkawp i duh loa mahse nangnen in lo inkawp leh tawh reng si. I ngaihzawn tawh avang em ni i țhiannu tan pawh i phal loh? Nizanah pawh an lo lenga huatna hmel der kara duhna mitmeng kha ka hmuh hmaih i ring em ni? Vawi engzat nge ani thei lo ang tia ka inzawh fo, thlalak ka en apiangin ani tih a infiah nghal vek si. Thlalak pawh ka enfiah tir vek tawh he thil hi khanu phone-ah pawh khan a awma chuanin amah ngeiin a printir ngei bawk. Khang hun reilote kan ințhen chhung zawk khan ngaihzawng tello in i awm theilo em ni? Anih loh pawn engvangin nge hmeichhia kher" thinrim tih hriat zeta ha chang țhial bap bap pah chuan a rawn ti chang hrâwih, min țawngkhum dan a nat êm avang chuan ka mittui a hnâm nghal sawk thei.





"Min hrechiang angin i insawi țhina tiraw? Mahse engtin nge thlalak mai mai ringa khatianga min țawngkhum theih zawk? Kan ințhen lai pawhin kei min en thla tur i dah ziah țhin thu i sawi ani lawm ni he hmeichhia nena kan awmdun loh zia pawh hrechiang ber tu tur inih kha engtin nge khatiang te kha i sawi theih zawk? 'Ka ring che' itih țhin kha, tunah hian min ring lo em ni? He Hmeichhia hi ka nilo asin dawt in min phiar ru anih hi hetiang em em a hmeichhe tenawm hi chu ka ni lo asin thlalak nge keimah zawk hi min rin?" A ban vawn pah chuan ka ti nghal țiau, thil engmah hi ka hrethiam loa chuan heng thlalak te pawh hi engmah ka hrethiam bawk heklo.





"Mahse tunah chuan ka ring tawh lo che ka rin ang ilo ni hauh si lo a rûka chêt lak ilo thiam takzet. Khavang chiah kha ani ngei ang Afeli pawh kha room lama chawl hahdam tura i hrilh ni khami ni pawh khan in inhmu ani lawm ni. Vawi tam ani lo ang tiin ka inhrilh țhin, mahse a aia chiang zawkin Sylvia leh amah ngei khan an rawn sawia tunah chuan engkim a chiang vek tawh min chhuahsan rawh nang ang hmeichhia hi hmuh pawh ka hmu duh tawhlo che" rilru nat hmel zet chuan a rawn ti hrâwih. "Jeremy, keimah ka ni lo ka tih chu khawngaih takin thinrim leh rilru buai lai chuan thu pawt chat suh. Sawi țha ang he hmeichhia hi keimah ka nilo ka nilo tak tak" tiin a banah chuan ka pawt ti tiha mahse ka ban chu pawt in mitmeng thim ruih chung chuan min en a, ka kut chu a hmer ngawt ngawt bawk "ana" ka tih rual chuan thlah in chhuatah chuan ka țhu thla nghal dawta ani pawh a thaw chhuak hawk bawk.





"Engmah sawi dun tur a awm tawhlo i țhiannu rilru ngei pawh tenawmna avangin i tina a kei ngei pawh. Tunah chuan chhuak rawh, nilo ka rawh luh leh hma in lo chhuak ang che anih loh chuan ka thinrimna avang hian kut ka thlak duh mai ang che hmeichhe kutthlak ka duhlo" tih pah chuan a kalsawna a chhuak zui nghal ani ngei ang engkim chu a reh nghal tlawk tlawk bawk. Ka thlalak nem chu muangchangin ka en thlaa tah chuan ka mittui chu a far thla keuh keuh bawk.





Henu hi ka ni lo asin mahse tinge a thinlungah khan awihna a lan tlat si, ka thusawi engmah a hrethiam duh loa a ngaikawi zel bawk si henu hi ka nih loh zia kei tih loh ah chuan hrechiang bertu tur ani asin. Ngatinge, buaina dang alo awm belh zel? Hetiang em em hi chu ka beisei phak bak ani asin, tu in hetiang hian ka chungah thlentir ang? Sylvia maw!? Mahse ani chuan engvangin? Mahse a sawi ngei si ani tih ngei khan a sawi si mahse ka ni lo asin henu hi ka nilo mahse engtin nge ka sawifiah tak ang.





Ka phone rawn ri chu muangchangin ka la chhuaka Ela anih avang chuan ka la a "Hello" ka ti țial ruak bawk. "Rin, lo kal teha inu thihna chungchangah khan hriatchhuah ka nei asin" a rawn ti a, ka nu hming a lam avang chuan ka țhu țha nghal vata ka mittui chu ka hru zui nghal thuak thuak bawk "engthil nge nia?" Pangngai thei ang ber tur chuan ka ti a, ka sawi laklawh lai chuan Jeremy'a chu a rawn lut lehnghal chat bawka mahse en pawh ka en hauh lo.




A thihdan chungchang vela thil mak deuh a hmuh chhuah thu min rawn hrilh avang chuan a bula ka kal vat tur thu ka hrilha "ngatinge i aw chu, i țap ami?" A rawn tih rual chuan ka nui lui hram hrama "engmah ni lo ka rawn kal ang min lo nghak rawh aw" ka ti zung zung a, phone chu off in ka ak țha nghala thlalak tla darh nuai chu chhar khawm in ka khung khawm veka he thil hi keimah ka nih loh zia ka fiah ngei ang. Mahse chutih hunah erawh chuan a ngaihdamna pawh ka pawmsak hauh lo ang, mipa ani a ho te te ah an thinrim hma tih pawh ka hria mahse a lutuk mah mah ani he thil hi chu.





"Ka rawn luh leh hmaa chhuak tur khan ka hrilh che ani lawm ni" Ka din rual chuan a rawn ti nghala ka thil khai chu hûm nghet sauhin ka theihpatawpa inringtawk tak anga lang tur chuan amah chu ka en a mahse ka thinlung na lutuk avang hian ka țah chhuah ka hlau takzet ani "ka ke anih angin ka duh hun hunah ka chhuak thei. Chuan thil pakhat upa ten thinrim laiin thu pawt chat suh an tih țhin kha. He hmeichhia hi ka ni lo tih ka fiah hunah chuan engtikah mah min hmu leh tawh ngai lovang, ngaihdamna a awm lovanga inhriatthiamna pawh a awm hek lovang i thu sawi chu i thusawi ani. He hmeichhia hi ka nilo ka ti mawlh mawlh chung pawha min ring lo anih chuan keipawh hian ka ring thei tawh bik lo ang che" a mita melh let ve kalh pah chuan ka ti let ve saka a mitmeng erawh a danglam phah eih lo.





"Chuan taka, nang anga mihring rinna tlachham leh dawta bum nuam hi ka la hre ngailo. I hmeichhe Hmangaih pawh i ring zo lo anih chuan tumah lakah rinna nghat ve tawh ngai suh ang che" ka ti leh khera inherin ka chhuak zui nghal vang vang bawk. Lift chuan pah te chuan ka mittui a rawn luang thla leh ringawt țhina thlalak leh Jeremy thusawi te chu ka mitthla uar uar theia ka thin na lutuk chu sawi ngaihna pawh ka hrelo. Engtin nge a awih theih? Tih mawlh chuan min luah khata Sylvia phei chu ngaihtuah ka duhlo law law, ka chunga hetiang thil ti duh tur khawp chuan a lakah engthil nge ka tihsual ang? Unau ang chiahin ka en ani si a, kha hmeichhia khan a dâwi â tawh ani ngei ang.





Taxi chu phar in Tlangnuam lama kal tur chuan ka hrilh nghal zata Taxi-ah pawh chuan ka inngaihtuah tluan țhak bawk. Kha thil kha tu tih nge ni ang engvanga khatiang zawnga bei kha nge anih ang le? Jeremy rilru tak ngial pawh a hmin theia hrim hrim in khatiang thlalak kha engtin nge an siam theih zawk le? Kha hmeichhia nen khan vawikhat mah kan la awmdun hauh lo thil reng reng hi a mak lutuk takzet ani engmah hi ka hrethiam teh nuai ta hauh lo thil thleng reng reng hian min țhawng lutuk vek. Engmah ngaihtuah dan ka thiam loa tunge tih ngaihruat tur lah ka hre hek lo.





Ela te in ka thlen rual chuan driver chu pawisa pe in rang lutuk chuan an inah ka lut nghala anu chuan a room-a a awm thu min lo hrilha a room lamah chuan ka tlan chho nghal ti tih bawk. "Engthil nge a? Nimin khan ka zawt vek tawha whatsapp-a ka rawn voice ang chiah kha an sawi dan ania thildang a awm em ni?" A room-a ka luh rual chuan ka ti lut nghala a computer hmaah chuan țhu in eng emaw hi alo chhu lut mek bawk.




"Aw, nichin khan Damdawiinah ka va kala chuan Mark khan thil tlem a zawng min hrilh nuala chumi fiah tur chuan ka va kal mawle" a rawn ti a, a bulah chuan ka țhu thla ve nghal vt bawk. "Rin, ngatinge i mit? I țap ami?" A rawn ti nghal zat, amah chu en in ka lu ka thinga "nakinah thil engkim ka hrilhfiah vek ang che tunah chuan sawi phawt rawh engthil nge iva fiah chu?" Hawisawn pah chuan ka ti a, ka țap tih hi chu ka thup hleithei ngailo ani ber, hepa hian a hre hmasa ziah zel bawk.





"Mark khan, inu khan dam chhuah lehna chance a neih maithei thu min hrilha mahse a hriatna neih sa zawng zawng nen ani lo Doctor pakhat khan engkim a buaipui țhina Mark erawh kha chuan engmah a ti ve ngailo Doctor khan thil zêp a neih hmel a ti ve thoa chumi chhui chiang tur chuan ka va kal alawm chuan Doctor kha engkim min hrilh vek turin ka ti a. Inu Damdawiina a awm chhunga CCTV record zawng zawng an lo dah țha veka chung chu ka ena ipa pawh khan inu alo tlawh ve ani âwma" tih pah chuan computer-ah chuan thil a hmet kual zui nghal thuak thuak a. "Ka pa in maw?!" Ka ti nghal hû bawk.





"Aw, CCTV record kha engkim ka dil veka tlema zawng ka lo en tawh hlawma. Kha i hria em? Hmannia Mark-a inu chungchang thua thil i zawh khan keipawn rinhlelhna ka neia chuvang ania ka rawn chhui ve ni ka rin ang ngeiin alo ni bawka nu Christy chungchang ka zawh te khan a ngai deuh rengin min chhang kha ka ti renga mahae Doctor ani a ka ringhlel ngam lo ber ani mah zawka" a rawn ti a, a sawi dik. Mark kan zawh apiang khan sawitur a neilo ve thei ziaha kha Doctor khan engmah alo tihtir ve ngailo ani ngei dawn anih hi.





"Ka hmu e" tih pah chuan file chu a hawnga a hmasa ber ami chu a play nghal zata ka nu Damdawiina a awm tirah kan cabin chhunga thil thleng leh a pawna thil thleng te chu an lo ni hlawma "mahse tinge an thuhruk tlat le?" Ka biang dawm pah chuan ka ti a, hemi phenah hian thil inthup chu a awm chiang ani "ka va zawh khan an system a chiang loa a chhiat vek thu min hrilha mahse ka awih loh êm avangin Silai nen lam khan ka voa min hrilh ta chauh alawm" a rawn ti a, video țhenkhat chu a forward deuh zung zung bawk.





"Hei en la, inu Damdawiina a awm ațanga ani hnihnaah khan ipa chu alo kala nang chu Jeremy'a thlah turin i chhuaka kei erawh Doctor khan min rawn koa i hriat vek kha, en rawh" a rawn ti a, video chu ka en renga tumah an awmlo, video-a a lan dan chuan ka pa chu ka nu awmna cabin chhungah a luta eng êm chu an ti chuanglo mahse an inbia ani mah zawk mahse a reiloa ka pa chu a rawn chhuak leh vat thung, kum i dawn lai chu ka hmu tawh loa tlemin alo lang tar ve bâwih thei. Chumi hnu chuan keini kan rawn lang leh zar zar thunga video tawpna ka en mek bawk.





"He thil hi chu ka la en miahlo" tih pah chuan ani pawh chu a țhu țhave nghal sat sat a heihi chu Jeremy nena kan chhuah ni kha anih hi. Midang zawng zawng an awm vek avanga chhuak kha ka ni a mahse ka nu thih thu kha ka hre leh ta si. Video chu kan en zela kan chhuah hnu lawkah chuan ka nu cabin piah lawkah khan buaina a thleng ani ngei ang ka nu awmpui tute zawng zawng kha lehlamah an tlan phei veka "tah hian alawm, rawn intibuai an awm ringawta a tir kha chuan tumah kal kan tum lo kan ngaihsak vak lo bawka mahse pakhat kha a thi tih an rawn sawia kan tlan phei țhup alawm' a lo ti ve lehnghal zata a fiah nan khum an nawr phei nghal zat bawk.





Tumah an awm loh lai chuan ka nu cabin chhungah chuan tu emaw chu lut in ka nu oxygen chu phawi in lukham in a hnarah chuan a nem beta ka kâ chu hup in ka nu in a ke a leng âwrh âwrh chu ka en renga ka mittui a rawn tlinga ka kut chungah chuan a luang thla zui nghal bawk "nu" ka ti zâwi sepa computer hmai chu ka khawih ringawt bawk. Ka nu chu mut țhat tir in a ngai ang thlap chuan a dah leha a rawn chhuah ruala a hmai khuhna a hawn rual chuan ka țap lai chu tawp hmakin ka en renga he hmeichhia hian ka nu a that amaw "i chak lo khawp ang, ka nu khan i eng pawi nge a sawia? Ka that ve khawp ang che" ti chang rata thawh ka tum chu Ela chuan min pawt țhu hnawkin min kuah bet nghala "tunah i theilo tunah i kal theilo Rin, tunah chuan i theilo" a rawn ti a, kawr chu nghet zeta țhamin ka țap zui nghal hawk hawk bawk.





"Ani kha ka chhuah dawnlo ka chhuah dawn hauh lo ka nu khan a eng pawh nge a sawi a thah ve ngawta ka chhuah dawn hauh lo" a kawr nghet zeta țham pah chua n ka ti a, ka mittui chu a luang zung zung a Ela pawh chuan nghet zetin min kuah bawk. Nu, ka tihpalh ani ka venghim thei si lo chea hreawm takin ka kal tir chea min ngaidam rawh aw. Nu i phuba chu engti kawng pawn ka laksak ang che nangmah a thah avang che in hremna ka pe khawp ang, engkimah khan min ngaidam rawh aw, ka ti rilru nghal mawlh mawlh bawk.





Video pawh ennawn ka duh tawh loh avang chuan Ela khumah chuan ka mu thla dawta a inchung chu ka melh renga ka țawng lova thil chi hrang hrang ka ngaihtuah bawka ka bek ah chuan ka mittui chu a rawn luang leh ringawt zel bawk "Rin, i bag-a thlalak i enge awmzia? A rawn tla thlaa, henu te hi chu Sylvia englo kha ani lawm ni mahse engtin nge in pahniha in thlalak hi a awm theiha? Damdawiin ami te, he thil vang hi em ni i mittui a tlak" Ela thusawi avang chuan muangchangin saisir zawngin ka inleta thlalak chu keng kângin ka chhanna beisei nghakin min lo en reng bawk.





"Sylvia leh a țhiannu khan kha kha Jeremy'a an pea Jeremy chuan khanu nena kan inkawp kha a ringa a chhan pawh Sylvia in a hrilh tel ve vang ani keipawn engtin nge kha thlalak kha an neih ka hrelo a bulah pawh keimah ka nih loh thu ka sawia mahse a awih chuanglo, hmeichhe tenawm berah min chhuaha min rin tawh dawn loh thu a sawi bawka chhuak turin min ti a min hmuh a duh tawh loh thu min hrilh bawka. Sylvia leh a țhiannu chuan an rilru ka tihnat sak angin a bulah an lo sawi bawka" ka ti zâwi sep. Thil thleng zawng zawng hi ka tan chuan a rapthlak hlawm mah mah ani.





"Kan misualpa chu leh! Engvanga chutianga ti chu nge anih hrep a, ka hmuh hunah chuan a chak lo viau ang Hmangaih ang che in a insawia a tihhlim theih che avanga a hnena kalsan che ka ni a hetiang hian maw atih leh dawn che a, ka hmuh hunah chuan a chak lo khawp ang" a thlalak kenhmeh khawr pah chuan a ti chang hrâwih a, a room-ah chuan a vai tawn ta sek bawk, kei erawh ka chau a engmah tih chakna ka neilo, ka nu lakah ka in thiam loa Sylvia ka haw em em bawka chutih rualin a țhiannu pawh. Chuanin Jeremy'n ka thinlung a ti kehsawm vek bawka enge ka tih leh anga eng ber nge ka ngaihtuah ang ka hrelo ani.





"El, vawiina ka tawn atan chuan a rapthlak hlawm mah mah iti ve em? Enge ngaihtuah tur ka hre loa enge ka tih ber ang ka hre heklo ani eng ațangin nge bul ka țan anga enge ka tih hmasak ber ang ka hrelo ani. Sylvia in engvanga hetiang thil hi ti nge anih ka hre loa ka haw em em a hriat ka chak rual rual in ka hre ngam lo ani. Ka unaunu ang chiaha ka en ani a mahse ka chungah hetiang thil a tih duh hi ka ring ngailo takzet ani. Jeremy chuan min haw em em a ani tan chuan hmeichhe tenawm tak ka ni tawh nghe nghe bawka Zorini lakah phuba lak ka duha mahse eng ațangin nge bul ka țan ang ka hreloa ka ngaihtuahna te hi an â vek bawkin ka hria ka chaua tih chak engmah nei lo ang hiab ka awm a hreawm ka ti takzet ani kha video phei kha chu en nawn leh ka duh tawhlo" ka ti chhuak hapa ka tho chhuak nghal hluai bawk.





"Tuna ka awmdan hi a hreawm lutuk ka hah ngawih ngawih awmdan pawh ka thiam lo naktukah nu Sangi bulah an khuaah ka chho ve anga mahse tumah hrilh miah suh aw ni reilote chhung chauh ani anga karleh ah ka lo chhuk leh chauh ang tah chuan rilru thar te pawh ka pu ve tawh mahna. Hmangaihna in min tina tawh lo anga ka nu phuba ka laksak thei anga thil engkim a pangngai ang vekin a awm leh tawh maithei asin heng zawng zawng hi kalsan vek ka duh tawh ka ning tawh ani. Engkim hi kha Hmangaihna inkara ka tlak zeh ațanga lo kal vek kha ani a tunah chuan pawisawilo thlengin an tuar vek tawh. Ka duhdan kal tlang puiin amah ka pana mahse ka nu in a tuar ta si engkim hi keimah ațanga ințan vek ani. Khami te pahnih inkawp karah khan lo tla zep lo ilang chuan engkim hi hetiang hi ani lo ang. Zorini khan heti hian min hrilha a dam ve țawk țawk chhung chuan kei hi ka hlim ngai dawn loh thu min hrilha tunah chuan a thleng dik ta chiah anih hi. Ka nu in min kalsana Ka țhianțha ber leh ka unaunu ni bawk ka hloh a ka Hmangaihin min huaa amah kalsan turin min hrilh bawka khawi ațangin nge hlimna ka dawn ve tak ang, ka hlimna te chuan min kalsan vek ta si a. Keipawh hian dam chakna ka neilo hial tawh tunah te hian â daih pawh ni ila pawi ka ti hauh lo" ka ti chhuak hap bawk.


---------------------------- 🦋

"Rinrin, vawk chaw kha lo va en la mei kha tuah țhat a ngaih chuan tuah țha nghal rawh aw" tiin nu Sangi chuan phuihnam a mal thla mawlh mawlh a, a sawi ang chiah chuan mei te chu ka chhawm țhaa vawk chaw chu ka chawk let bawk. Tun hi nu Sangi te khuaa a chhoh ațanga kar khatna chiah ani ka sawi ang aia reiin ka cham rei ta phian bawk. Ramah kan awma vawk leh ar an vulha kan riak char char ti ila a dik âwm e, ram hna tam tak min thawhpuia keipawn thiamlo tak chungin ka ti ve zela buh kan tuh naah pawh vaimim kha luang amaw tiin ka lo paih a, luang lah vaimim amaw tiin ka lo zuah ang thluaha nu Sangi pawn min hauh ngaihna a hrelo min nuih ringawt bawk mahse a hnuah min zirtir leha ka thiam chho ve zel bawk. Thil reng reng chu tih than alo ngai takzet anih hi.





Thil thleng ngaihtuah chhuah chang zeuh zeuh chu nei ve mah ila pawm thiam dan ka zir tawh zawk, a chang chuan zan rei ah te thlâm kawtah țhu in thla êng hnuaiah ka țap leh ringawt țhin. Ram lamah signal a awm lova tumah a biak pawh theih loa ka phone te pawh a awm awm in a awm ve ta tawp bawk. Mahse naktuk lamah midang an rawn riak lut anga keini erawh chu in lamah kan chawl hahdam ve tawh dawn thung bawk ani.





"Nu Sang, buh te hi an van țo har em em ve" thlâm namthlaka țhut pah chuan ka ti a, thlifîm lo thaw heuh heuh a ka thlan te chu a rawn chhem hit seng seng a a nuam takzet ani, ram lama awm chu tumah min tibuai tu an awm lova a hahdam thlak takzet bawk " i hmanhmawh lutuka anih kha bakah ruah tui a awm lo lutuka tun kum hi ruah tui a tlem lutuka enge maw awmzia ni thlai te pawh an țha thei lovang, a âwl ang tihte hi a hlauhawm rum rum ania" mei chhawm țhat pah chuan a rawn ti a. Nichinah Maian bai tur kan zu sika Maian sih thar han bai chu ramah chuan tui tak ani in ang mai mai kha chu ani lo, a tui ngawih ngawih bik.





"Vawiin atan chuan a tawk tawh ami? Mahse saw lama a mual lai taka luang vel saw kan la paih loa" tih pah chuan ka kâwka ka bula rawn țhut thlak pah chuan a en ve lehnghal zata "naktukah saw lam ațang sawn an hma dawna an lo ti ve mai ang chu tiraw? A tlai țan tawh si a tui chu chawi lawk la nichin khan ka hai a alo tling hnem leh deuh tawh ang ka ring thingpui ka lo chhuang dawn nia" a ti a, tui thawl chu la in lo mawng lam deuhah chuan ka chhuk thlaa tui ka chawi hmasak berin ka hlau lutuka ka zai thla vak zela kan ri te pawn min nuih ringawt lehnghal ka zai thiamlo tihte chu ka hre ve tho sia.





Tui ka thal khat hnu chuan ka ak chhoa chhoh lam hi chu thing hawl lo chuan ka chho theilo, a kawng a rapthlak lutuka kawng sial mahse rah a har a âwih tel bawk sia hahthlak tak ani thlam ka thleng chho hi chu ka thaw hlawi hlawi a thlam chhuatah ka mu tual zel bawka ka zawi nghal hnawk zel bawk.





Zanah chuan chaw ei khamah chuan namthlakah chuan țhu in kan zai mai mai a, a chang leh ka nu damlaia kan tih ho țhin te kan sawia kan nui dun vak vak zel bawka. T.V leh phone en tur neilo mah ila kan pahnih hi chuan dar 10 hi chu kan thleng veleh ngei ngei zela a chang leh kan ri te thlamah kan pheia kan inkawm hoa a chang leh an ni an rawn pheia fiamthu thawhin kan nui dar dar zel bawk. Ram lama awm chu thaw a venga engmah lungkham tur a awm lova a hahdam thlak takzet ani.





Zingah chuan hma deuh mai ah hian nu Sangi unaunu te nupa chu an lo kala keini pawh zing chaw ei hman turin Scooty chuan khawchhung lam panin kan inkhalh luta nu Sangi unaunu in 'mikhual kan neia ala hmelțha em em lehnghal' a tih khan ka awm a ti nuam loa ka hmuh tum loh deuh ka hmu ang tih ka hlaua tunge ni ang tih chu ka lo ngaihtuah ve sek bawk.






In kan thlen chuan motor chu ka dahfela chaw ei ala hun loh deuh avang chuan naupang pawn lama infiam pawh an lo la awm nuala nu Sangi nu pawn lo lam chu a nuam ka ti nge ti lo tihte min lo zawta a tar tawh ang reng anga mahse a damțha anih chuan a awm mai mai thiam loa upat a hnu lamah meizial te ala zu a a zûk tur te a inzial țhina ala chak țha țhin takzet ani. "Rinrin, room-ah rawn va lut lawk la tunge lo kal va en teh" nu Sangi'n room ațanga a rawn chhuah chuan a rawn ti a, thinphu dup dup chung chuan room-ah chuan ka luta khumah chuan mipa pakhat hi alo țhua a hnunglam ațang chuan tunge anih ka hre reng bawk.





"Ela" ka tih rual chuan a rawn hawia min rawn hmuh rual chuan min lo nuih nghal sânga thaw chhuak ham ham in keipawh chuan ka nuih vur vur a "nang hetah... mahse engtin? Nu Sangi te in hi engtin nge i hriat theiha?" Tih pah chuan khumah chuan țhu thla ve in ka kuah nghal zata "kei te chuan thil ka hre thei alawm, tak tak in ka rawn thlen hnuah naupang dang dang kha ka rawn zawta ka rawn thleng ve hlawl alawm" a rawn ti a, nuih pah chuan kan inkuah țha leh te te phawta ka ngaih tawh zia hi a hrethiam phak lovang.





"Chuan eng ber nge i rawn tih dawna?" Ka tih rual chuan a phone chu a phawrh chhuaka "i biak tlang theih si loa ka rawn kal tawp anih hi nang lah ram lamah ilo awm daih bawk si. Engtikah nge rawn chhuk te i tum reng reng a?" A rawn ti nghal nghuta signal awm loh miau te chua engtin nge maw min biak tlang theih ang ni.





"Tum dan chuan naktuk Sunday ani sia thawhțan lamah lo chhuk ka tuma khu lam boruak enge a an ala thawpik thlak viau em?"





"In tam zet pawh khuan thaw a ti ipik tawh alawm. Sawi tur a tam lutuk va intifai phawt la chhuna len chhuah pahin ka hrilh dawn che nia i rin loh deuh deuh thleng te pawh a awm anga a hmasa berah chuan va inbual phawt la i hmelchhe lulai emai" a rawn ti a, thawh pah chuan a hnungzangah chuan ka beng pawpa towel chu la in bathroom lam chu ka pan nghala in lama han inbual leh chu kan fai sar thei alawm le, dangdai bik lutuk.





Chaw ei khamah chuan nu Sangi bulah chuan kan len thawven tur thu ka hrilha park an siam ve mai mai ah chuan kan kala a ho nângin țhutna tur a tama thli a tam mai bakah a hahdama a thawven thlak takzet bawk. "Ka rin ai thingtlang lam chu alo nuam daih mai a" tih hluai pah chuan Ela pawh chu țhutnaah a rawn țhu thla ve nghala thli a rawn thaw nghal heuh heuh bawk "nuam tak ani a hahdam thlak bawk ram lam phei chu khawchhung lam ai pawhin a hahdam thlak zawk kan la kal leh dawn nia" ka ti a, ka theih veleh ka kal leh ngei bawk ang.





"I putea ten an ngaihtuah lutuk chea i chanchin an hre thei bawk si loa i țhat thu ten ka lo chhang vel ta mai mai a i țha dawn tih pawh ka chianga" a tih chuan ka nui chhuak haka ramah pawh awm lo mah ila khawchhungah pawh signal a chhe hrim hrim Game khelh duh phei chuan signal awmna tlang chhîpah a țhen chu an lawn țhin "ka țha tih an hriat chuan a țha ani mai thildang chungchang hi hrelo se ka duh bera anih loh chuan putea phei hi chu thil ti thawt thawt zel mi hi ani bawk sia a insûm thei lo leh ang tih a hlauhawm takzet ani" ka ti chhuak sepa thlifîm lo thaw chuan min ti hahdam sawng sawng mai.





"Sylvia leh kha hmeichhia kha an ințhen tawha Sylvia sawidan chuan nangmah ang chiah hmeichhia nen khan an lo inkawp țhina khang thlalak te kha edit chawp vek ani a engkim kha Zorini leh khanu ruahmanna vek kha ani. Nangmah ang deuh kha nangmah vanga thi angah khanu khan a ngai a phuba a rawn la ta ani ngei ang Sylvia erawh alo hmang țangkai vel mai mai a mahse Sylvia khan alo duh hman tak tak bawk si a khanu khan alo thlem ani ngei ang Jeremy bulah pawh khatiang khan a sawi, tunah te hian sylvia chu i lakah a inthlahrung lutuk takzet ani" a rawn ti a. "Anih vel ka ring renga mahse Sylvia hi mi mawl ani si lova engtin nge a rin theih reng reng le khanu kha" ka ti a, khatiang laka inveng theilo tur khawpa mawl chu ani bik lo asin mawle.





"Kha lam kha chu Sylvia i zawt mai dawn nia amah zawkin a sawifiah thiam zawk ang. Chuan Emily hnenah i chah ang ngeiin inu sumdawnna chu an la let leh tawha i ruahmanna kha an hmanga ipa pawh jail-ah a tâng vel meka ka duh ai hian thil a kal chak min puitu an an awm ang maiin a lang" a rawn ti a, ni e, a sawidik ruahman ang aiin thil a kal chak lutuk tlat ani chutiang em em chu ka lo beisei hauh lo "Jeremy'a chanchin enge?" Ka ti chhuak hap, a hmel ka hmuh lohna pawh a rei ta hle mai. Han sawi chhuah takah chuan ka ngai nghal veng veng in ka hria.





"Thlalak chungchang vel kha a ngaihdan a dik loh zia pawh ka hrilh loa midangin an hrilh anih loh chuan thil thleng hi a hre hauh lo ang tunah chuan ala haw ngawt che in ka ring ani. Chuan i hriat chaka ka rin chu haw viau mah la hmeichhe dang nena an awmdun hmuh tur a awm ngai lova hnaah a insawrbinga a company pawn hma a sawn chak takzet bawk. Zorini nen pawh an inkarah engmah a awmlo ava nih hmel ve" a rawn ti a, enga chhang zui lo chuan ka țhu âwn duaia Zorini hming hriat ringawt pawh chuan thin a rim țun thei dawn alawm mawle.





"I rawn chhuk hun chuan ngaihdamna in alo hmuah che ka ring ani. Chhuk vat rawh Sylvia khu a inthiamlo teh mai ania Jeremy bulah te khan va sawi hial te kha a tuma mahse sawi lo tur khan ka ti nasa lutuka ava sawi anih chuan thil engkim kha a pawi thui thei dawn êma a hriat tirh phei kha chuan a țap tawp lehnghala i bula rawn kal nghal kha a tuma mahse ilo awm leh si lova a phone te pawh kha a vawm chhiat phah hiala anu leh apa phei chuan an hau nasa viau ani âwme a hmeichhe kawp chungchangah khan" a rawn ti a, Sylvia awmdan chu ka khawngaih rual rual in khatianga min ti kha ka lung ala awi theilo fo, a țhian țha ka nihna angin ka tan chuan a rinawm tur ani a khatiang vang mai mai kha chuan min phatsan tur ani bik lo asin.





"A chang chuan thil engkim mai hi ka ngaihtuah buai nuai zel, thil pakhat chiah ngaihtuah ka neih changin ka hlim ve thunga mahse thil pakhat chiah ngaihtuah theih ani bawk silo. Heti lamah awm mah ila hahdam chang ka neia a chang chuan thlam kawtah te țhu in ka țap leh ringawt zel bawka mahse a tam zawkah chuan ka nui bawk, thil pakhat chiah ngaihtuah theih se ka ti ngawih ngawih a chutah pawh chuan duh la thlan theih ngei se ka ti hle bawk" van thiang kûk en pah chuan ka ti chhuak sepa ngaihtuah tur tam lutuk hian min ti chau zo țhin.





"Beidawn hnuah beiseina thar i nei leha chu bak baka hlu a awm chuanglo chu bak baka khawvela hlauhawm a awm bawk hek lovang i beiseina chuan ngûnhnâm tah hriam ang maiin a ti hriam che anga chu ngûnhnâm i en rual chuan chakna i nei anga tumah i hlau tawh hek lovang, mahse i ngûnhnâm chuan sual ringawt a zawng anga chumi laka inven chu itih mâk mawh ani bawk. Thil reng reng ah i fimkhur a ngaia phuba lak duhna hian i rilru hruai kawiin ni lo lo a tihtir thei bawk che chumi laka inven chu itih mâk mawh ani" ka kuta rawn vawn pah chuan a rawn ti a. Kha video kha ka ngaihtuah chhuak zui nghal zat bawk.





"Ngûnhnâm chuan mi nunna chauh lo pawh ala thei, an rilru leh hlauhna thlengin ala in a thunun theia a hmawr zum tak hian duh ai thil a ti thei mah mah bawk. Ngûnhnâm chu neiin ka duh chuan ka che nghal thei mahse chutiang mi chu ka ni lo thil tisual tu chuan muangchangin a thilsual tih man a hmu tur ani a, mihring nunna ai hian kan hlimna hi a reilo zawk tih a hre ngei bawk tur ani a nun hlut zia hriaiin kan bula awm te ngei pawh an hlut zia hria se ka duh ani. Tharum thawh ka duh lo chu chu a phu bawk hek lo" ti chhuak nghat. Amah ngeiin ka nu a that ngei ani tih a sawi chhuah hunah chauh hrem a phu bawk tur ani.





Tlai lamah chuan Ela nen buhfai kan laa nula țhenkhat chuan an en duh ang reng viau bawka alo inchhuang leh hmanhmawh tawh bawk. Ela hi chhe zawk zawk ani hauh lo amah hi a hmeichhe mi ani a High School ațanga hmeichhe duh rawn ani țhin bawka amah lah hi a inchhuang thei em em mai lehnghala a chang chuan kan tih tauh khuma a chang leh kan kawm țha peih lo der țhin a luck thei bik lutuka High School-ah kha chuan luck lo nih bik kha ava ve êm ani. In tih chhiat loh ve nâk alaiin.





Aizawl kan chhuk hnua tihtur țul tur ang ang te kan sawi duna Sylvia min biak luih tir țalh bawka Sylvia lah chuan țap chungin ngaihdam min rawn dila thil awmzia engkim min hrilh nghal vek bawka. Unau ang chiaha ka en anih avang leh ka Hmangaih avangin ka ngaidam lo theilo, mihring chuan thil kan tisual thei vek tah chuan mihring rilru bawk ani pawimawh leh ta ni rilru in thil sual min tihtira rilru bawkin remna a siam tir leh țhin chuvang tak chuan kan rilru hi vên a ngai reng bawka Ngaihdamna hi thil hlu ani tih kan hrechhuak chho zel bawk ang.





Chawlhni ah chuan kan inkhawma a a tuka chhuk kan tum teh lul nen Emily in min rawn biak avangin a tlai a tlaiah kan chhuk leha El'n car a rawn ken hlauh avangin awlsam takin kan chhuk ve thei maia ka nu ta ani tawh chung pawn engvanga ka pa nupui chuan la rawn chuh ngam nge maw anih hrep le. Ka pa ta anih loh phei chuan ani ta phei chu ani lo rapthlak lutuk dawn takzet. A rapthlak zia ka hmu tawha țawngkam țhaa biak chi ani lo amah anga țawngthei nena an inhnial en phei chu hmuhnawm tak ani.





"Ngatinge, a nupui hian ala rawn chuh ngam le ka ti, zawhna engkim zawt ta ila chhan dan tur a hre âwm tawp bawk si lo a țang ve tlat bawk si, ka pa khan jail-a a luh hma khan ti turin a hrilh ani ngei ang. A rapthlak zia ka hre tawha tihdan chu ka thiam mai ka ring mahse midang an rawn inrawlh ang tih mawlh ka hlau ani" Motor kan chuan lai chuan ka ti a, ka ngaihdan ang hrang hrang chu ka sawi chhuak nghal bawka ka thâwk a ipik leh hlui tawh mai.





Aizawl kan luh hnu chuan kan inah pawh haw tlang lo in Sylvia te inah ka riak phei nghala kan inah chuan awmpui neilo chuan ka awm ngam mang lo zan thimah pawh mahni in ka haw țha ngam meuh ngai lova mahnia awm phei chu in zau lutukah phei chuan ngam lo tak ka ni. Ka hawikual zuk zuk anga ka mu theilo leh anga chutiang anga zan hun hmanral chu ka duh tawhlo ani.





"Aw, Rin min ngaidam tawh tak tak em?" Sylvia room kan lut chu alo ti nghal chûla, nuih pah chuan ka kuaha hahdam hmel zet hian a thaw chhuak zui ham ham bawk "ka ngaidam che mahse khatiang mi ang kha vawikhatmah indâwi ât tir tawh suh a tirah pawh ka hrilh che kha i awih duh loa hetiag thil hi kan thlen tak hi. Engtiang chiahin ngei rilru alo chawh buai ka hre chak takzet ka hmuh hunah chuan a sama ka keh loh a tîk a tâkah ka pêt hram tho ang mawle" ka ti a, kan inhmelhriat tirhte khan a zaklo kha ka ti reng ani.





"Chuan ka tihpalh, Jeremy nen in inkar ka tichhe ta vek si a engkim hrilhfiah vek ka tuma Ela khan a phallo tlat alawm. A thil hriatsual hi hrilhfiah vek ka duh mahse min dang tlag zela engmah ka sawi theilo anih kha. Kan inngaihzawn i phalloh êm avang khan ka ngei hman lutuk chea khanu tih ang khan ka ti tawp chea mahse a hnuah chuan ka inthiam lo leha mahse a tlai tawh mah mah ani. Jeremy'a kan hrilh ni khan a â lo chauh asin keiman ka hrilh leh khang kha lang bawk si a kei kha chu ni lo ila chuan a awih ka ringlo. Engkim kha ka thiam loh vek ani" țap deuh ti tih pah chuan a rawn ti a, ka kuahna ațang chuan awm hrangin a kutah chuan ka vuana.





"A nihtur chu ani zo vek tawh keipawh beiseina nen ka rawn let leh tawha Jeremy nen chuan khuanu ruat kan ni lo aniang kan ni dawn anih chuan hun in engkim ala rawn hril vek mai ang, keipawh hi a thusawi te avang khan ka thinlung ala na țhin asin. Min rin theih tawh loh thu thlengin a sawichhuak hiala hmeichhe tenawm berah min chhuaha amah hmu tawh lo turin min hrilh nghe nghe asin khang zawng zawng hnuah khan ka nu thattu ka hre leha ka tan chuan a hreawm takzet asin ka ngaihtuahna te kha an â veka dam chakna kha a vawihnih nan khan ka neilo leh taa chutiang vel chu" tiin sawi zo lo chuan a khumah chuan ka țhu thla nghal dawta. Khami ni kha ka la hre reng khani bak bak a ka thinlung an pawhsawm vek ni kha a awm leh tawh ngaiin ka ring lo.





"Vew, ka tihpalh tak tak ani tih theih ka neih chuan sawi la engpawh ka ti vek ang" ka bula rawn țhut pah chuan a rawn ti a, ka mal chunga ka kut ka dah chu a rawn hûma ka lo hûm let ve nghal zat bawk "a țha veka tunah chuan țan ho kan mamawh takzet ani. Ka pa an man tawha Zorini nena an țangrual anih chuan Zorini pawh inthup nan chuan engthil pawh a ti ngei ang chung zawng zawng chu kan hriatchhuah vek a ngai ani ka nu a thah hnuah ala nui rei mah mah ani ka tuar thei tawhlo" ka ti chang rata ka kut chu ka hûm ruh zui nghal vat bawk.





‍"El, Jeremy kha min lo va hmuhsak hmana ka mit chhiatna video kha min lo dilsak teha keimah chuan ka hmu ngam hlawllo ka sawi zawng ringawt pawh hian ka tha a khur vel in ka hria" zingah chuan ka insiam mawlh mawlh lai chuan Ela chu ka biaa Sylvia erawh ala mu thung "ka va hman âwm lo ve Rin vawiin chu ka pa in check-up hun ania ka nu te an kal hman bawk si loa keimah ka kal a ngai dawna nangman lo va lam mai la anih loh pawn keiman naktukah ka lo lam mai ang" a rawn ti a, ka thaw chhuak nghal hawk bawk.





"A ngailo mai vawiinah ka mamawh bawk sia keimah ka va kal mai ang theihtawp chhuahin ka kal mai ang a pawilo ania ipa chu a țhat ngei ka beisei chuanin ka insiam meka ka rawn be leh ang che taka chuanin thil pakhat, video chu ka lak zawh hunah Zorini ka hmuh dawnah ka rawn hrilh che anga Police leh a chhungte zawng zawng nen in rawn hruai dawn nia" tiin phone chu ka off zui nghala darthlalang hmaa in en pah chuan dawhkan chu ka nema ka thaw chhuak zui nghal ham ham bawk, aw le, ka ti thei ang ka ti thei ngei ngei ang. Amah pawn ngatan mah min tih loh chuan keipawh hian ka ti bik tur ani lo ka thei ang, ka ti thei ang tih rilru pah chuan ka thaw chhuak hawka ka sam chu ka khuih zui lehnghal mawlh mawlh bawk.





A hmasa berin ka nu Office-ah ka kala a hma zawng aiin an buaia hna an ngah tawh bawk. Ka pa nupui chungchang ka zawh chuan an hriat ang ang min hrilha vawiinah pawh alo kal leh dawn thu an sawia 'engtikah?' Tia Office kawngkhar ka nam hawn rual chuan țhutnaa nu pakhat lo țhu chuan ka mit ala nghal zar a "heihi ania" tiin Emily chuan chu hmeichhia chu min kawhhmuh nghal zat bawk.





Amah chu chhuak turin ka hrilha muangchangin ka pa nupui chu ka pan pheia min rawn hmuh rual chuan a rawn ding chhuak nghal vut bawk "hmuh loh kar in ilo va lian ta ve, i hmel te pawh kha alo țha ve ta alawm" a rawn ti a, nuih pah chuan ka pan hnai lehnghal vut bawk "nangpawh hmuh loh kar in ilo tar chak ta hle mai kha i hmel te pawh a zûr ve ta deuh alawm. In pa awm loh chu a hriat maw.... a hma ang tho khan mipa ila mamawh em?" Chimawm zet chuan ka ti let ve leh ta khera "nang hmeichhia hi!" Tih chang rat pah chuan min rawn pan hnaia kei erawh ka lo tawlhhnung nghal vut bawk.





"Ka awm loh chhunga i thil tih te ka lo hriaa i chang dawnlo tih i inhriat hnu pawn ila bei hram hram ania i ta lo thil chu duh viau mah la engtin nge i neih theih reng ang ni. Mahni ta lo chu tum tum pawn a neih theih chuang loh" ka ti a, kalsawnin ka țhutnaah chuan ka țhu phei nghala ka nu a tihdan ka ngaihtuah leta țha taka biak hi a phu hlawllo nu, tunah chuan nangmah hmusit tute chu ka tichhe ve țan mek asin phuba ka laksak mek zel che ania thlamuang takin i awm thei țep tawh ania, ka ti rilru mawlh mawlh bawk.





"He thil hi ka pasal ta ani a lak let leh ka tum mai ani inu khan he hmun a din theih nan hian ka pasal sum a hmanga a rul leh thei lova ka pasal nen inremsiamna an kal tlangpuia chuta țang chuan ka pasal ta ani ta chiah bawk. Nangni zawk hian thuneihna pakhat mah in neilo" ka lam pana rawn kal pah chuan a rawn ti ve lehnghal chata, kei erawh ka țhutnaah chuan ka țhu thla nghal dawt bawk.





"Ka pa sum nilo, i pasal sum chu a hmang ngei alawm mahse a leitu chu ka nu ani a eng ang inremsiamna pawh hmang mahse lehkhaah ka nu ta tih a inziak ve veka chuhpui theilo in ni zawk. Leh, engvangin nge nangni pawh chuan pawisa chu in lo puk tir reng reng a, dawta puhin pawisa in pea in laksak leha in puktir leh tho si, khang zawng zawng te kha ka hriat loh ring miah suh u ka nu in buma kawng engkimah harsatna in siama khatianga sum hmanga in bum avang khan ka duh chuan ka report thei ve reng che u asin. Ka pa tan rual hian i thil tihsual sawi chhuakin ka tan tir ve mai ang che" ka ti let ve saka a mitmeng chu a pawng zui âwrh mai.





"Engthil nge maw i sawi le?" A rawn ti fiak țhat.





"Engmah ka hriat loh ring hauh suh ka tih che kha ka nu kha dawt hmangin in buma pawisa duh âwm ang zia zângin in lantira ka pa nen țang dunin a chhe thei ang berin in puh bawka in pawisa pek kha in laksak leha ni lo loa hmang angah in puh bawka khata ka nu rilru kha in hriatthiam sak ve em? Khami hnuah lehzelah pawh a hma khua tur in la tihchhiat sak leha tun thleng thlenga la khawih chhiat hi a ngai em ni? A nun in laksak tawha eng fakau nge in la duh? He sumdawnna hi i rawn chuh anih chuan ka hrilh ang che khang zawng zawng hmang khan jail bang ka zût tir ngei ang che? Ka pa contractor te biaa a rûka pawisa i stock țhin te hmangin" ka tih chuan a rawn meng pâwng nghal zawr a, min ben tum chuan a kut a rawn lek kâng nghala, ka lo tawlhsawn rual chuan dawhkan bawh chuan a rawn âwn nghal vat bawk.





"I duh duha midang i tih ang țhina min tih ve i tum anih chuan i tisual chiang ngei ang. Ka hrilh ang che nulat țhat leh ila duh anih chuan ka sawi angin awm mai rawh anih loh chuan thir i zût tlauh tlauh mai ang" ka ti a, thinrim hmel zet chuan a chhuak tau nghawng nghawng bawk. Ka nu chunga khatiang thil an tih hnu khan ka u nen an thil tih vel kan en thlaa chuta țanga khang zawng zawng kha hrechhuak thei mai chauh kan ni, mahse kha hman țangkaina tur alo awm ve phian anih dawn kha.





Ka awm loh chhunga ka thawh tura an lo kalsan chu ka thawk zuai zuaia ka nu ta anih tawh avangin hmelhriat loh tam tak an rawn kal zut zut a eng eng emaw min rawn sawipui ang luama an chhuak leh daih zel lehnghal Emily ka zawh lah in contract lampang ania a ti mai zela anih ka ring ang reng viaua ka nu thawhdun pui duh an lo tam hle anih dawn hi.





‍‍Chuti chuan hreh tak chungin Jeremy Office-ah chuan ka kala ka awm loh chhungin thil alo danglam chak mah mah bawka mahse amah chu awlsam takin ka la hmu thei fo bawk. Muangchangin kawngkhar chu ka kik dat dat a, a aw ka hriat khat tak em em in 'lo lut rawh' a rawn tih rual chuan thaw chhuak hak in ka hawisang nghal vaha ka ti thei ani tiin ka infuih ru nghal mawlh mawlh bawk.





Muangchangin kawngkhar chu ka nam hawnga a office chhung ka luh rual chuan lumna hian min rawn uap up up ani ber, a dawhkanah chuan țhu in tarmit alo vuah leh tawha buai hmel em em hian thil alo ziak mawlh mawlh a, a hmuihmul te alo zuaha a sam pawh alo buk bawka a inenkawl lo tih a hriat ngawih ngawih, ka hmuh khat tak em avang leh ka han hmu leh chiah chu awmdan thiam a har takzet.





Pheikhawk sang ka bun loh avang chuan dîm thei ang ber chuan a dawhkan lam pan chuan ka pên phei nghala ka thawm a hre miahlo ani ngei ang a rawn hawichhuak miahlo bawk "englo" ka tih rual chuan a thil ziah lai chu a tawp zui nghal chawt! Rang zet chuan a rawn hawi chhuak nghala min rawn hmuh rual chuan ding chhuak nghal vut in min rawn pan phei nghal anih chu! Ka bul a rawn thlen ruala min rawn khawih a tum rual chuan ka lo tawlhhnung nghal vata, muangchangin a kut chu a la let riai riai a a kekawr ipte ah chuan a zen lut nghal hmak bawk.





"Engthil nge i duh?" A rawn ti bung hmuk. Muangchangin ka hawichhuaka a hmel pawh en lo chuan a âwm chu ka melh lui ngar ngar a "khang video kha ka duh leh ani Zorini thil tihsual te kha ka laptopa ka dah kha alo bo veka min pe leh turin ka duh che ani. Tunah chuan engkim ka titawp vek tawh ang" ka ti chhuak sepa, ka sawi chhung zawng khan ka kut ka hûm hi ka thlah miah loh nia.





"A fiahna chiang zawk i nei em ni?" Țha tak chuan a rawn ti țha ve maia amah pawh chu a kalsawn nghala ka thaw chhuak zui nghal hawk bawk.





"Ka nei alawm, kha kha chu ka mamawh ve mai mai chauh ani. Video vawikhat ena a tan theihna tur ka nei alawm. I hriat ve duh takin ka nu kha amah thah ani a nangmah nen in huana kan awm lai khan lukhamin alo nem beta tichuan ka nu chu a thi ta ani. Nangpawh kha dawt an hrilh chea a dam rei tawh dawn loh thu in mahse ka nu khan dam chhuah leh theihna chance a nei maitheia mahse hriatna zawng zawng nen ani lo Zorini leh ka pa an țangduna ka nu chu an that ta ani. Nangpawh i thiam loh pakhat mah a awm lova in thiam loh pawh a ngai tawh lo. Chuan Zorini khan i Office kawta buaina a thlen lai khan a dam ve țawk țawk chhung chuan ka hlim ve dawn ngai loh thu thihna hmanga min vo pahin a sawia ka hrilh duh lo che anih kha. Tunah chuan video chu min thun luh sak tawh rawh pendrive pawh ka lo keng e" tih pah chuan pendrive chu ka la chhuaka a dawhkanah chuan ka nghat nghal bawk. Ka ngainat thut avanga sawi ka nilo a thiam loh ani tih hria se rilru nuam zetin awm tawh se ka duh mai chauh ani.





"Engkim ka hre vek tawh. Thlalaka hmeichhia kha ini lo tih ka hre tawh bawk ka hriatna a rei tawh mahse khatianga ka tiha ka țawngkhum che kha a ngai miau si, a chhan min zawt suh. I nunna atan a him dawn vang chauh ani. Min ngaihdam theih ka ring lova inthiamlohna in ka khat mek bawk min ngaihdam pawh ka phut chuang hek lo mahse i dama i nui hmel ka hmuh chuan ka hlim tawk hle ang. Hetiang em em hian mipa hi alo nêp theih ang tih ka ring hauh lo mahni Hmeichhe Hmangaih pawh venghim theilo tur khawpin, mahse kei anga thlan tur neilo ve te chauhin khatiang khan an ti ve tho in ka ring eng ang pawn in ti pâ mahse" a rawn ti ta daiha a ngaihna hrelo zet chuan amah chu ka melh nghala mahse en pawh min en lo chuan pendrive chu a laa a laptop-ah chuan a vit lut zui nghal zat bawk.





"Enge i sawi awmzia chu? Eng ang thlan tur neilo maw? Sawi fiah rawh" Ka ti nghal vata, khatianga min țawngkhum dan khan chhan alo nei amaw! "Tunah chuan sawi mah ila sawtna a awm tawh hlenem tiraw? A changtupa chuan a Hmangaih thinlung a pawhsawm sak veka a ngaihdamna beisei tur pawh ani heklo a hmelma te lakah a Hmangaih pawh a venghim thei lova khawvela mipa nêp ber ai pawha la nêp zual zel mipa ani. Ok, a zo e a bo loh nan fimkhur tawh ang che" tih pah chuan pendrive chu min rawn pea muangchangin ka bana ka kut laksawn ka tum rual chuan ka kut chu alo hûma mahse rei ani lo a thlah leh vat thung.





"Engthil nge sawi rawh ka tih chu, thil engkim sawifiah vek rawh" ka ti nghal tuarh, mahse engmah sawi lo chuan a țhutnaah chuan a țhua "chhuak tawh rawh hna ka ngah teh mai ania min zawt mah la engtikah mah a chhanna chu i hmu ngai lovang kal tawh rawh" a rawn ti hmuka. Pendrive chu nghet zeta hûm in ka chhuak zui nghala ka hrechhuak tho tho ang mawle.





Lift-a ka chuang lut tur chu Zamzami ka hmua let lehin a banah chuan ka pawta hnun phen lai deuhah chuan ka dinpui nghala min hmuh chiah chu a meng phâwk deuh hru bawk "i thil hriat zawng zawng min hrilh rawh" a bana vawn reng pah chuan ka ti a, a hawikuala engmah a hriat loh thu in min chhanga mahse ka awih chuang lo a boss thuruk engkim hre vek tu ani "dawt sawi suh engkim sawi vek rawh" ka ti leh ngata kalsawn a tum rual chuan a banah pawtin ka hnûk lut lehnghal zela a tawpa tawpah chuan a sawi tur thu min hrilh lehnghal zat bawk.





"Boss hian lehkha pakhat a dawnga hna bana in ina rawn kal hnu khan ania a u fate thahah an vo a chumi avanga a tukah pawh la hmu lo fo ini bawk. In in ațanga a rawn let hnu khan a hmel hmuh a nuam loa a u fate chungchang a hre leh ngat phei kha chu biak ngam chi pawh ani lo. A man tu te chuan nangmah hmangin an vo taa khami ni pawh khan kan hmu ve vek asin khanga a mittui te kha hreawm tihna leh inthiamlohna avanga chhuak vek annih kha, khang ho khan sawi tura an tih zawng zawng zingah khan pakhat chauh sawi loh a neia chu thil chu 'ka that mai ang che' tih ani, kha thil kha chu a sawi thei thlawt lo ani ngei ang. Nêp a inti a, nang venhim i ngai bawk si a u fate venhim an ngai bawk si a rilru kha a buai em em a mipa nêp a inti a tlak tlai lo a inti zui bawka i kal hnu pawn a thinrim hrîkthlak nan khan bungrua zawng zawng a hmang vek. Thil hrilhfiah a tum ni che in ilo awm loa a zawng nasa țhin che i awmna a hriat hnu in pangngai takin a awma mahse nangmah ang tho in Boss thinlung pawh hi pawhsawm sak vek ani asin.





A Hmangaih lakah khatiang kha a sawia mahse loh theih loh ani bawk si. Nitin i thlalak en in ngaihdam a dil ziah chea a vawikhatnana a mittui tla chu a hnathawk te hian kan hmu fo bawk a inthiam thei lova hreawm a ti thei lutuk bawk, nang chauh hi thinlung na leh sawm vek ini bik hauh lo. Nang lah in inu chungchang thila a rilru a buai tawh nâk alaiin ila țawngkhuma ila puh zui bawka dawhthei lo phei se chuan a kalsan daih tawh ang. Nangpawh nila iti ve tho ang, Naupang mai anni a nangmah a țan che chuan a u fate kha an thi dawn bawk si a kawng dang a awm nganglo ani nangpawh ni la iti ve tho in ka ring ani. Ngaihtuahna fîm pu hman pawh ani lo. A u hnenah chhanchhuah alo intiam tawha mahse khatiang khan an lo vo leh ta si a, a dinhmun i hriatthiam pui lo anih chuan kalsan rawh Boss pawh hi ana tawk tawh ve tho, nitin inthiamlo in a hun a hmang țhina a mu mang ngailoa hnaah a insawrbinga chutiang reng reng chuan i awm loh laiin hna a thawk țhin a hnathawh na bulah i thlalak a hûng ziaha amahin a phun leh mawlh mawlh țhin. A natna hi hmuh thiam sak rawh engmah hreloa dem mai lovin" a ti a, a ban chu la in a kalsawn zui nghala chutiang thil chu maw alo tawna.





Jeremy'a Office kawngkhar chu a vawihnihna atan chuan ka nam hawng leh ta pawpa a dawhkan lam pan chuan chak zetin ka kal phei nghala min rawn hmuh rual chuan rawn dingin min rawn pan nghala "enge hetah ila tih? Kal turin ka hrilh che kha, inthiamloa min awmtir..." a tih rual chuan nghet zetin amah chu ka kuah nghala "ngatinge a tir ațang khan engmah min hrilh loh? Min hrilh ni lang chuan tun hun te kha kan tawng miah lo tur" ka ti țiau.





"Eng thil nge maw i sawi le?" A ngaihna hrelo zet chuan a rawn ti a, "ngatinge a tir ațang khan i hun tawn min hrilh loh? I u fate chungah khatiang thil kha a thleng tih min hrilh ni lang chuan tun hun hi a thleng miahlo tur, a hreawm asin chuan ka ngai bawk che. Ka Hmangaih che" ka ti a, a vawikhatnan ka Hmangaih thu ka sawi chhuak ve ta e.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:07 pm

Note a awm e.




‍‍‍‍‍‍‍‍AT THE ELEVENTH HOUR - 34(łàșť)

By : Msi Miluhulnui 🦋





"Eng thu nge i sawi kha?" Mak tih hmel zeta a rawn tih chhuah hawk rual chuan ka nui chhuak nghal hak a "Ka Hmangaih che tih ka sawi mawle, chu chu ka thusawi ani" ka ti sepa, amah chu nghet zetin ka kuaha lawm avangin ka biangah mittui a luang thla nghal zung zung bawk. "i thusawi tawh zawng zawnga la hlu ber leh a dawngtu tana hlu ber ani tih i hria em?" A rawn ti nghal sup, nghet zeta min kuahin ka chhipah chuan a rawn fawp nghal vang vang a ka hahdam nghal sawng sawng thei.





"Vawikhatmah khatiang khan awm tawh suh ang che, thil engkim hrilh kan intiam vek tawh kha kan thutiam bawhchhe lo ang, kan in kalsan lo anga engpawh kan intihsak zel ang" a âwma bei reng chung chuan ka ti chhuak sepa, ani pawh a pawm zawng tak alo ni a, thil thlen dan vel ka hriatdan min zawt țala ka sawi duh loh avang chuan min pawm vir hrep lehnghala hetiang em em a a hlim hi ka la hmu ngailo, hmuh reng ka duh takzet bawk.





Kan pahniha kan awmdun laiin meeting neih a ngaih avangin keipawh chu a chhuah rualin ka chhuak ve nghala kan awmdun chhung khan thil tam tak kan sawidun hmana kan hun tawn a hreawm lai leh a hlimawm lai te kan sawi hoa a chang leh kan nuia a chang leh ka țap min thlem thul ka nu thih hnua ka thinlung taka ka nuih lehna hmasa ber ani ngei ang.





Jeremy building pawn ka thlen rual chuan Zorini ka hmuh tur thu hrilhin ka phone location chu an chhui theih turin ka on nghal vata ka bag-a ka thun luh rual chiah chuan ka ban thîp zawk chu țe chhuak țhat pah chuan ka en nghala zau ve deuh hian alo kak a ala thi duh em em mai lehnghala tunge maw hetiang thil hi rawn ti ang le. Ka rawmawl chu la in ka theih ang tawk chuan ka tuam zui nghala a nat em avang chuan ka țhen zui nghal tlawk tlawk bawk.





Taxi lo tlan phar din tuma ka hawichhuah rual chuan ka lu-ah chuan eng emaw hi a rawn ri pawpa ka mitmeng chu a vai nghal ruaia ka âwn riai riai bawk.





Ka hmai hit lutuk avang chuan rang lutukin ka meng chhuak nghala ka thaw chhuak nghal hlawi hlawi bawk. Ka meng chhuak chu tui leh vur inpawlh chuan ka hmaiah chuan an rawn theh lehnghal pawp a, ka boruak hîp luh tum lai tak anih avang chuan boruak ka tlachham deuh ti tiha ka thâwk chu a buai nghal chat bawka, tui chu lem in boruak chu ka hîp zui nghal kâwk kâwk bawk.





"A tawk tawh e" Zorini aw ka hriat rual chuan ka hawi chhuak nghala ka hmaah chuan dingin min lo nuih nghal sâwnga "enge a an? A hit viau lo maw?" Ngeiawm zet chuan a rawn ti ve leh sak bawk. "Min phelh rawh, engvanga hetiang thil hi ti nge maw inih hrep le, min phelh rawh" ka ti vîn tuarh, nuih chhuah ar ar pah chuan a ho te chu min phelh turin a ti nghal zata a ho te pawh an ni lo a chhawr te zawk mawle.





"Ngatinge i mawl viau țhin le, vawikhat sawi hi hrethiam ve mai țhin la chuan hetiang thil hi a thleng lo ang mawle" tiin min rawn pan hnai nghala ka ban in min tur ut ut avang chuan ka awm a nuam tehchiam loa ka khua te hi a sik ni berin ka hria "i thusawi kha pakhat mah ka awih dawn chuanglo, nang ang mi rapthlak hi engtin nge ilo pian theih zawk le? Setana fa diktak inih hi, nun hlutna pawh hrelo mihring hmeichhia ve si rapthlak lutuk" ka ti chhuak ve țhat, min deuh hmel zeta min nuih pah chuan min rawn pan hnai leha "Setana fa" tih deuh sap pah chuan a nui chhuak leh hak bawk.





"Anih chuan he thil hi enge anih enchhin ila tiraw? Ka thusawi i awih loh mana hrem vawikhatna chu" a rawn tih rual chuan ka ban an zai na chu a rawn hmet anih chu! Au chhuah tuarh pah chuan tawlhsawn ka tuma mahse min vuan bet nghal ti tih bawk. "Heihi chu nêp te ani. Hmangaih te laksak natna ai kha chuan nêp te ani, i thusawi te khan chakna min pe ka tih tawh kha, khang ilo sawi tawh te kha i inchhir em?" Kha zeta a rawn tih leh rual chuan a rawn hmer leh vaka ka au chhuak nghal tuarh a, ka mittui a hnâm nghal sawk bawk.





"A nat dan chu avan pui hmel ve le tiraw? Inu lahin a chhan thei tawh si lo chea" min hmusit tih hriat zeta rawn ti leh in na zet chuan a rawn hmer lehnghala ka mittui chu ka biangah chuan a luang thla zui nghal zata ka ban ka en rual chuan thisen chu alo luang nghal zawih zawih bawk. "Aw... i mittui kha lawm ka hmuh duh chu natna avanga mittui chu a mawi takzet ani a tle ver ver alawm" a rawn ti a.





‍‍Ka hmaa hmeichhe ding chu melh pah chuan ka mittui ka bianga luang thla chu ka hru tawk!. "Ka nun zawng zawng min tihchhiat sak veka tiraw, ka nu min thah sak pawh duh tawk lovin Ka Hmangaih lak atangin min la hrang bawka chu pawh la duh tawk lo zelin ka nunna lak I tum lehzela. Tah chuan eng hlawkna nge i neih? I hlim sawt em ni? Nge i zâng hawk zawk? I thil tihah hian i lawm zozai tawh lo em ni? Ka hmangaihte min chhuhsaka eng fakau nge ila duh a?" ka ti chhuak tuarh a. Ka tahna avangin duh angin ka aw chhuak tha theilo mahse ka theihtawpa ring chuan ka au chhuak ve.





"I thih hi ka thil duh ber ani" a thu rawn sawi avang chuan phâwk zet hian ka meng a "chuan ka duh leh pakhat chu i thih hma hian i phu tawk hria la ka duh, hun tawh viau lo mahse. Jeremy ang te chu nang hian i phu reng reng lo, nang chuan kha hmeichhia nangmah duh em em tu che ang kha i phu, lesbian niha hmeichhia te nena awm hi i phu tawk chiah!" a tawngkam na lutuk avang chuan ka thin a rawn na nghal ut ut a.





Lesbian tih tawngkam chuan min deng dawt dawt ani ber, he thu hi ka hua ka haw takzet ani. Khanu kha ka ngaizawng ve miah lo asin. "Khanu nen khan inzawmna engmah kan neilo, kan nei ngai bawk hek lovang engkim kha i ruahmanna vek anih kha" ka âwm dawm pah chuan ka theihtawpa ring chuan ka au chhuaka ani erawh a nuih a za tulh tulh thung.





"A fin pawh ilo fin hi le tiraw? Mahse lungngai suh Jeremy chuan engtikah mah a hre dawn hleinem a hriat hma in i thi daih dawn alawm" a rawn ti a, ka hun a thleng ve tawh ani ngei ang... "aw, thi pawh ni ila Jeremy chuan phuba a rawn la ngei ngei dawn. Engkim a hre vek tawh kei ai pawn thil nihna dik tak a hre hmasa zawk bawka i rin ang em em a mawl chu kan ni bik hauhlo ania aw, fing viau ah ilo in ngai ang e ka duh ai hian thil ka hre hnem ve viau ania ka nu kha nangmah thah ngei ani" ka ti let ve ta sak, a mitmeng chu danglam deuh mahae nui hmelin a rawn thlak leha.





"A fiahna i nei em ni?"





"Neih leh neih loh ah lo buai hauh suh ka nu kha lukham hmangin i thata Doctor chu thamna pe in CCTV record la turin i ti a Jeremy bulah dawt i sawi tir bawka keiin ka awih theihna turin chung zawng zawng chu ka hre vek ani tih hre rawh. Khatianga hmeichhia nena inkawpa min puh mai mai tura piang ka ni bik hleinem" ka ti a, nui hmel chu a inthlak riai riai a min melh na ang reng viau bawk.





"A dik alawm, inu kha ka that alawm. A chhan chu ipa nena kan ruahmanna engkim hre vektu ani miaua khatia ka tih mai loh chuan, a thi tur khawngaihthlak zia kha a ke a leng awrh awrh a a hreawm hmel asin ka feel pui theiin ka hria" zak maplo chuan a rawn ti leh khera ka kut chu ka hûm ruh nghal vak bawk.





"Duhâmna chuan a luhchilh chea phuba lak duhna chuan i kut kha thihna thlengin a hruai luta i thlarau pawh a zalen lo ang i sualna avang hian kumkhua in an khung bet reng ang khawvela dam ve tlak pawh hi ini lo i thil tih zozai te hi a rapthlak takzet ani. Duhâmna chuan a paih thla chea phuba lak duhna chuan mi hnuaihnungah an siam chea engtiang chiahin nge ngaihdamna hi a hlut ila hrechhuak lo fo em? Nangman i tawrh hnuah chauh hriatchhuah i tum em ni?" Ka ti chhuak țhat.





"Ngawi rawh! Jeremy nen kan inkarah rawn tla zep lo ni lang chuan hetiang thil zawng zawng hi a thleng miah lovang kan inkara i rawn tlakzeh ni ațangin Hmangaihna ka dawng tawh loa Ka hmangaih ber chuan min hnungchhawna theihtawp ka chhuah ve chung pawn ka Hmangaihna kha a hmu ve duh tlat lo. Ka tan chuan khang bak baka nâ kha a awm hauh lo, mit te kha lo del hlen ni se lang chuan ka tan chuan engkim a awm leh vek tur khami ni khan ka lo ngaihsam mah mah ani. Ka Hmangaih min laksak lo ni lang chuan inu pawh kha ala dam tur. Mahse hre rawh, tun thleng hian Jeremy hi i phu hlawllo nang ang hmeichhia mi hnuaihnung lutuk hi chuan in phu hlawllo keimah chiahin ka phu ka phu reng bawk ang" a rawn ti let tuarha ka kut hnunglama ka dah ka tih chet zeuh rual chuan Police chuan an vaiin an rawn man nghal veka.





"Tunah chuan ka nu thattu ini tih pawh i inpuang tawha insawifiah leh chuan a ngai tawh lovang, Officer kha laiah khan pendrive a tlaa tah khan finfiahna i hmu bawk ang hruai rawh u" ka tih rual a rawn nui chhuak uar uar a "i mutthilh chhung khan i duat laia chu thi chhawngin a let reng tih hre rawh Darkar 5 i muhila an ni pawn buaina an tawk ve mek bawk" a rawn tih rual chuan amah chu ka pan phei nghal vata.





"Engmaw i sawi? Sawifiah nghal rawh" ka ti nghal tuarh, Officer chuan Silaia tin in sawi turin alo nawr ve lehnghal zata ala nui sâwng anih chu a zâm hauh lo mawle. "Sawi rawh ka tih chu" ka ti leh tuarh.





"Tunah chuan thih leh dam inkarah a leng mekin ka ring ani. Hna an thawk țha e, ka rin ang chiahin thil a thleng bawka ka Hmangaih ka nei theilo anih chuan tuman an nei bik tur ani lo" a rawn ti a,Officer chuan hand-cuff bun turin a chhuah pui nghala ka phone a rawn ri chhunzawm nghal vat bawk.





"Aw, Ela khawnge i awm? Engthil nge thleng?"





"Rin, Civil-ah lo kal vat rawh Jeremy te kawng thlangah an tlanliama tunah an zai mek Doctor khan a dinhmun a țha vaklo a ti a, rawn kal vat rawh" a rawn ti a, a thu rawn sawi avang chuan ka che zui nghal sawk sawk a ka ban chuan min tur ut ut bawka duh ang chuan ka kal hleithei loa a chang leh ka tlu leh tawp țhin. Jeremy engtin mah i awm theilo, Jeremy min kalsan miah suh aw, ka ti rilru mawlh mawlh bawk.





Pawn ka chhuah rual chuan zan ani tih ka hre ve chiaha kan awmna lai hmun pawh ka la hre lawk lo zui lehnghal ka phone sana ka en rual chuan dar 10:30 chiah chiah alo ni a, taxi chu phar ve țhuaiin Damdawiin lam pan tur chuan ka hrilha ka rilru chuan ka țawngțai mawlh mawlh a, Engtin mah a awm loh hram ka beisei.





Damdawiinah chuan a tlanin ka tlan lut nghala ka ban alo thi ve sek bawk nen thisen ma hlauh hnem tawha ka chau tawh bawk nen ka kal hleithei loa mahse Jeremy'a ngaihtuah chungin ka kal hram hrama min kalsan theilo ania hma hun thui tak kan la neih kha. Fa te kan nei anga hlim takin kan cheng ang kan tih kha. Ka hmangaih che asin min la kalsan thei miahlo ania ka ti rilru mawlh mawlh bawk.





El'n an awmna a rawn sawina chu chau zet chuan ka thleng ve thei hrama țhutthlengah chuan ka chauh êm avang chuan ka țhu thla nghal dawta ka ban chu Ela chuan min rawn buaipui nghal sawk sawk bawka ka meng hleithei lo, Ela chuan Jeremy chanchin vel chu a sawia duh ang pawh ka ngaithla țha hleithei lo ka ban chuan min tur ut ut a ka rilru in ka țawngțaia akhat tawkin min kalsan theilo ka ti reng bawk.





Chutia ka awm lai chuan ka rilru ah hla alo langa chu hla chu heihi ani :

'Thim zingah țhu in mangan rit phurin
Hlim ni reng i beisei ngam tawh lo maw?
Chunglam thlir reng la,
Chhandamtu lam chu,
Pathian hmel duhawm chu alo êng ngei dawn e.

I rilru, lungngaia rûm in, mangangin țap țhin mah la,
I beiseina chu bo rih mahse;
Thim chu a kiang ang,
Khua ala var dawn;
Pathian hmel duhawm chu alo êng ngei dawn e.

Tih ani.





Rilru țawngțaina ka nei zui mawlh mawlh a ka chauh êm avang chuan enge ka dil pawh ka hre hleithei tawhlo. "Rin, saw Doctor te an lo kal ania inti harh hram hram rawh aw" Ela aw ri te chu ka hre vuai vuai a ka meng hleithei lo bawk. "Dar engzat nge?" Doctor aw ri ngei ni turin a tih chu ka la hre vuai vuai a "dar 11 a ri chiah e"
"Chu chu ziak lut ang c.............." engmah ka hre zui tawhlo.




I beiseina chu bo rih mah se
Thim chu a kiang ang,
Khua ala var dawn;
Pathian hmel duhawm chu alo êng ngei dawn e.


A TAWP TA!



Note : Harsa tak chungin kan zo ve ta hrama a tawpna hi ka hmanhmawh pawh in ti maithei, in duh thu pawh a sâm lo maithei. Keipawn ka ti, ni tam tak chhunga ka type an nia ka kutzungpui ana tawh lutuka ka duh ang pawh ni chiah lovin ka kal tir puat puat a, a..... engpawh nise a tawp thei hi a lawmawm hle😂 ka type lai te hian a tawp thei dawnlo amaw ka ti hial asin😂.



He story kan regu loh dan em em hi tiraw u? Ka dah lo ngun si mahse heipui kan la zo ve thei zui ania amak ani😂 tak tak in, ka dah loh kar leh harsatna ka neihin nang nin min hrethiam zela engmah sawisel lova min lo nghah țang țang peihna vang chauha zo thei kan ni a. Pathian damna țha leh hriselna țha min pek vang ani bawk. Ka story te min lo hlutsaka min chhiar sak ve duh avangin ka lawm em em a midang ang chu ni lo mahse ka theihtawp ka chhuah ve zela eng story pawh nise ka thiam ang tawk leh ka hriatthiam ang tawkin Pathian thu ka telh ve țhina hei ka duhdan ani bawka a theih hram chuan a tawp kharna pawh hi Pathian thu leh hla hmang ngei nise ka duh leh zual bawk, ka thu ziah te hian mi pawi alo sawi palh ang tihte pawh ka hlau ve thei lutuk, tuna Lesbian ka ziah tel ve zeuh avang hian hetiang mi ka ngaihdan hi ka ziak lang tihna ani miahlo ania, demna ka neiloa sawichhiat ka tum bawk heklo an mahni nihna kha ka va pho chhuak pawh ka ti loa chuvang chuan țhenkhat pawi ka sawi ang tih ka hlau bera ka ziah lai pawn ka uluk ve lutuk ania aw...



Chuanin ka story te min lo chhiarsak peih zel dawn anih chuan keipawn rawn tih zel ka tum anga ka ralthuam inni a ka chakna leh phurna min petu inni bawk. Chuvang chuan next story nen kan inhmu leh vat dawn nia enge anih ka sawi lawk thei loa mahse tun ang em em a regu lo chu ani dawnlo ania aw, a regu dawn em em zawk😂 engpawh nise in zavaia chungah thinlung takin lawmthu ka sawi mawlh mawlh e🖤💜🙏

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)