AT THE ELEVENTH HOUR BY : Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

AT THE ELEVENTH HOUR BY : Msi Miluhlulnui (Completed)

Unread post by Ngaia » May 10th, 2020, 1:51 pm

6lphahw1.jpg
6lphahw1.jpg (23.51 KiB) Viewed 23241 times


AT THE ELEVENTH HOUR - 1

BY : Msi Miluhlulnui 💜


💜 In chhiar hma in thil pakhat lawk aw, Mizo tawnga tri thumal bet telna ang chi entirnan 'ti dâk' te, 'tín(tui chawina tín)' ang chi ah hian ka keypad ah hian T hi tri angin a chhut theih loh a, tri ang chi telna ka lo ziak anih chuan chhiar dan min lo thiam sak turin ka ngen a che u. Chuan ka keypad hian hawrawppui hmanna tur hi a hre hrang lo a😅, ziah laklawh lai hian alo awm leh thut zela ka thlak theihnghilh ang ho kha a awm chuan min lo hriatthiam sak leh turin ka ngen bawk a che u. A pahnih khian chhiar hreawm intih phah anih chuan tihdan kan ngaihtuah dawn nia aw. Lo sawi ngei ngei ula a hreawm chuan.💜




👇Chhiar tawh ru lem👇


"Ât viau pawh hi ani lo ania" tia ka tukhuma min beng lawl tu chu rum mang kheng hian ka melh lêt a ani erawh chuan a tih thin dan pangngaiin min lo nuih tlawn leh ver ver tawh. "Mâm, amak e.... Ka lu hi ben tura siam ani bik lo ania.Min beng ziah suh, naupang chhia pawh kan nih tawh loh hi" ka ti vín that a a nui lai chu a tawp hmaka min rawn pan hnaia min rawn kuaha "Bawihpuii lu hi ben tura siam ani lo chuvang chuan ben sak tawh suh u" chimawm zet hian a rawn ti ve leh kher a a ban puam laiah chuan ka hnek sak pawp a a nui chhuak nghal hawk bawk.




"Tak tak in, eng emaw hlekah hian ka lu hi I beng ziaha tawng thei phei se chu a ân khum hrep tawh ang che" ka ti tha leh ngat a ka tukhum chu a rawn tuai a "ka ring lo, I tukhum pawh hi nangmah ang tho in a nunnêm tho ang" a rawn ti a a sawi zo chiah chu min rawn beng nawn leh anih chu!




"Mâm.... " ka ti vaka rang zetin inchhungah min tlan luh sana ka zui lut ve nghal zat a "nu.... Mama hi ka tukhumah min beng leh tawh han hrilh teh ka tukhum hi ben tura siam ani lo tih" chokaa ka luh rual rual chuan ka nu bulah chuan ka ti nghal vata a bulah chuan mama chu alo thu leh kur tawh hmelchhe lutuk mai.




"Amak thin emai Bawiha, I nau tukhum hi ben sak ziah suh a hrim hrim in lua in ben hi a thalo ania" ka nu in a tih chuan mama chu lei ka lo chhuah khum zeuh a "nangpawh, bawihpui, Nula ini ve tawh tikhan an au lûng lûng ngailo a mawi lo" a rawn ti ve leh nghal zat a mama chu a lo nui khur char char ringawta melh rum hrep pah chuan roomah ka luhsan nghal nal nal bawk.




Hemi tuk khan ka u te kha hna avangin an zin chhuaka mahse vanduai thlak takin an rawn haw lamah truck nen in su in an chesual hlauh maia tunah coma in a awm meka kum pawh a vei tep tawh.






#Here we go👇

"Mâm ka tukhuma min ben sak thin lai te kha ka ngaihtuah lêt a khatih hunlaia ka melh rum theih zia che kha ila hria em? Ka melh rum chea ka tih tauh khum chea chuan min rawn thlêm nghal vat thina khang te kha ila hria em? Ka nu bulah ka hêk ziah chea mahse kan pahnihin min hauh ziah thin kha. Mahse tunah chuan ka tukhuma beng tu tur pawh an awm tawh lo ania lo harh tawh la" tih pah chuan ka u kut dâng lêp chu ka vawn saka coma in thla tam tak a awm tawha kum khat a tling tep tawh, nitin ka hnathawh ban veleh ka nu ka va chhâwk thina ka nu a hahdam laiin ka u taksa chu ka lo hrukfai sak thina thil tam tak ka tihsak thin bawk.




"Mâm, I muhil rei tawh teh mai ania aw lo harh tawh la bazar dun leh tawh ang pawisa pawh ka khawl teuh tawh ania duh kan ngah dun em kha kan lei teuh dawn nia a daih tawh hrim hrim ang" tiin ka phun mawlh mawlh a a kut phah chu ka chûl saka a ngai te bawkin chhanna a awm lova hmasawnna pawh a awm chuang lo mahse ka beidawng lovang ka u dam chhuah leh na tur anih phawt chuan eng pawh ka ti mai ang.




Ka u te hi vanduai thlak takin an zin an rawn haw na lamah truck nen an insu a chumi hnu chuan hetiang hian a awm zui taa truck in a su tih leh comaa a awm thu kan hriat tirh phei chuan tuar thiam har kan ti a a ngaihna kan hre lova kan hawi â ruaia tih ber tur pawh kan hrelo mahse Pathian hnena tawngtai kan thulh lova Anin kan tawngtaina te chhang in beiseina nung min neih tir zela ka u tan chak takin min awm tir zel bawk.




"Bawihpui, I hah lutuk ange ka lo awmpui ve tawh ang va inthlak rawh intifai la I duh chuan I rawn kal leh dawn nia naktukah hna thawh ila ngai bawk si" tih pahin ka nu chu ka bulah a rawn thu thla ve nghala, ani pawh ka u a enkawlna lamah a cher ve kâwk thei.




"Mahse nu, rei pawh ka la awm hleinem" ka ti vat a ka kutah chuan a rawn vuana b "ka hria alawm, va intifai phawt la I rawn kal leh dawn nia rei ani hleinem" a ti dam dap a ka kut chu nghet zetin a hûm bawka a hmer ngawt ngawt ani ber "nu, mama hi a harh chhuak tawh dawn lo aniang a" ka ti chiah chu "bawihpui, chutiang an sawi ngailo I u chu a tha leh vat dawn alawm Lalpan min enkawl sak dawn alawm a kutah engkim nghat rawh, khatiang thu kha sawi chhuak tawh suh ang che" a rawn ti nghal vat a.




"Mahse nu, a rei tawh em alawm kum a tling tep tawh hi" ka ti a, ka u hmai dâng lêp chu ka en a rilru natna avangin rang zetin ka nu chu ka en lehnghal vat a "Lalpan a harh hi hun ala tilo ania nge, a hunah chuan dam takin a awm tir leh mai ang, a tlai ngailo a hun takah ani chu a rawn che mai ang. Va haw la khatiang thu kha ngaihtuah tawh suh ang che, va haw thuai rawh le" tih pah chuan min rawn kuaha ka bag chu ka la kanga ka u kutah chuan ka fawp zeuh a cabin chu chhuahsanin stepah ka chhuka ground floor lam chu ka pan thla hnak hnak bawk. Lift awm tho mahse a hnaih tho avangin stepah ka chhuk zawk ziah thin.




A chang chuan hlauhthawnna in ka khat thin, tam tak chuan hetianga awm thenkhat hi an damchhungin an awm tlang tawh thin an ti a, ka u pawh hetia a awm na hi kum a tling tep tawh mahse hmasawnna pakhat mah ala awm chuang lo hi ani ka rilru ti hah a tina thin tu chu, kumkhua in a awm ve ang tih mawlh ani ka hlauh ni.




A chang chuan thu lawmawm tak tak te kan hrilh thina mahse a taksa khawi lai mah hian min ngaithla tih an rawn lan tir ngai lo, a taksa kan hru faia amah kan ti faia a birthday pawh kan lawm sak tawh bawka, mahse a ngai reng, hmasawnna a awm lo. Ka beidawn ve deuh lek lek chang pawh a awm bawk.




Chhuah tuma kawngkhar lam ka pan chu rang zeta damlo an rawn nawr luh leh a rawn nawr lut tu te kawr leh kuta thisen kai hnuang chu ka hmu nghal zat a, kawngka atang chuan hmanhmawh zet hian an rawn nawr luta tu pawn an thil tih lai dahin an en ve thup ringawt. Keipawh chuan chhuak ta mai lo chuan ding meuhin ka en zui ve zela "Hmanhmawh rawh u" tia hmeichhe au thawmah te chuan a hmaa mihring kal te chu an tawlhsawn sap sap a chak zetin an nawra an nawr liam thleng chuan ka en ve zel bawk.




"Sir Jezzriela te chu buaina an nei leh tawh amaw ni le" tia min rawn kal pel tute thusawi chuan tullo zetin ka beng a verh zar maia an thusawi hriat chian lehzual ka tuma mahse hla tak an lo kal daih tawh engvanga an thusawi ho mai mai ina ka beng verh tlat hi nge anih ka hrethiam lo.




Ka baga ka phone dah rawn ri chu ka la leh tê tê a ka nu in a kawrlum keng turin min rawn hrilha hmanhmawh lo turin min la hrilh tel ve leh hram bawk, eng ang pawn hmanhmawh suh ti mahse ka hmanhmawh tho ang nilengin ka u a awmpui tawha chau viau mah ila zan lam hi chu keiman chhâwk ve ka duh ani, ka nu hriselna hian a tuar mai ang.




Phone iptea dah luh mawlh mawlh paha ka chhuak tur chu eng emaw nâl zet mai hi ka rap a ka tlu tur chu ka banah hian tu emaw hian min rawn pawt lawp a ka va ding chiang kher em! ka thinphu nasa lutuk chu a chhan ka hre hauh lo, ka thil rah kan en nâk chuan thil sen tling khawm vek ka rap hi alo ni a, ka pheikhawk mawng phah ka en leh a alo sen tuarh bawk. Ngatinge maw kawng hi en nachang ka hriat ngai miah loh le.




"Nula, I tha em? " rawn titu aw ka hriat rual rual chuan rang zet hian ka hawi chhuak nghala chiang zeta min lo en reng tu ka hmuh rual rual chuan ka phu zawka ka phut zawk chhan hi engdang vang ani lo min en chiang em ani!. Kan hnar inkarah hian kut zungtang pakhat chiah a leng hrim hrim ang tih tur khawpin min en hnai .




Phâwk zeta amah chu en in chil ka lem nghal dâwk ringawt v "engthil nge itih hi!? Awm sawn rawh" ti dâk chungin ka ti chhuak bawk! tuna ka din dan position hi a thing dawn lutuk ringawt ka zak zawk "mizo tawng I thiam tih ka chiang, aw, m, s, aw, n, r, aw, h chu chu I hre thiam tiraw? " ka ti leh dâka engvanga hetiang anga hnaia min rawn en hi nge maw anih le lungphu chawla min thihtir a tum chiang mai.




Min melh khui pah chuan muangchang hian a ding chhuak riai riai a ka thaw chhuak nghal ham ham mai hnuailam ka en chuan ka kut a vuan tih chu ka zu hmu nghal chat a! Rang zetin ka la sawn "engthil nge itih hi? Engvangin nge ka kut hi I vawn ve rikngawt a?" Ka ti zui that a ka kut chu rang zetin ka hnung lamah chuan ka dah a ala rawn en zui hram peka! Nghal tha.




"I hmuh ang hian i tlu tep ani a, ka pui mai chauh che ani. Na I nei lo chu a lawmawm e" a ti thâwp sup, thil sen chu en in a chet zui hluka "ka lawm e, na nei tur pawn ka tlu hman reng reng hleinem chuan I hmelhriat loh te ah kei ang em em kha chuan en hnai tawh suh, tu pawn an hlau mai ang che, keimah ni lo phei ila chu aw" ka ti nuah nuaha ngawi reng chuan min melh reng ringawta a nui ri suk lehnghal, ka duh ai in min melh chiang lehnghal, ui, hepa be tur pawh hian hun pawh ka nei hauh lo haw a intihfaia damdawiina kal lehnghal ka ngai.




Pên sawn ka tum chiah chu "che hlek suh" a rawn ti fuk mai ka ding nghal dat a rang zet hian ka hawi let "enge ila duha? Ka hmanhmawh ania" ka ti thata ka thusawi avang lah chuan a kiai suk lehnghal, tlai tawh nak alaiin min lo la be buai leh ta nghala keia pawh chu engvanga kawng en lo nge maw ka nih hrep le.




" i thusawi kha chu kei aia ngaihthlak phu te hnenah I sawi mai dawn nia, tunah erawh chuan ka thusawi ngaithla rawh. I kalsawn anih chuan hmun tinah i rahna thla a lang anga chupawh a sen, chu thil chu I duh lo anih chuan ka sawi ang hian awm mai rawh" a rawn ti nghut, ka pheikhawk chu ka en a a sawi ang tak tak khan ka dinna ah chuan ka rahna avangin thil sen alo kai nuai a muangchangin ka hawi chhuak leh.




"I tan enge a tangkaina? " ka ti leh ta thlawt! Ngeiawm zeta then suk hian a dar a san ak a.




"A tangkai ka ti hran lo, a tawp ka ti mai ani damdawiin thianghlim zet I tibal dawn tlat" tih pah chuan a kut chu a lek kanga a tih chêt zeuh rual chuan sir lam atang chuan hmeichhe pakhat hi a rawn kala "enge ni sir? " a rawn ti nghal sap bawk. Chupa chuan eng emaw hi a hrilha chunu chu bu nghatin ka ke chu a rawn en a rang zetin a kalsawn nghal daih bawk.




Reilote ah bur pakhat leh eng emaw bawm hi pawm in kan lam a rawn pan a kan bul a rawn thlen hma hma chuan "keimah pawn ka inbuaipui ve thei reng ilo buai ve na tur a awm lo, lunngai suh damdawiinah hian rahna thla thil sen ngat lehnghal chu I hmu lo ang" tih pah chuan rang zetin ka bag chu ka zena kan thenawmnu min chah sarang pack khat chu ka hawng ve thuaia sarang chu pahnih ka la chhuak nghal bawk, nakinah ka rul leh mai ang.




Sarang chhungah chuan ka ke chu ka thun lut a ka ke rêkah chuan ka suih bet nghal bawka a pahnih hniha ka tih hnuah chuan ding hluaiin "kha kha ni mai lawm, a harsa lo chuan i buaina ho tê a kiam" tih hlak pah chuan ka melh nghek a inherin kawngkhar lam chu ka pan nal nal a ka hnung hi a za phei mer mer mai, converse var kha lo bun ila chu a fai thei tawh âwm tawp si lova a dum ka bun hlauh chu ka vannei.




Khua pawh chhe lo, chupawh zan lehnghala chutia ka kea sarang ka bun chu a hmu apiang en zui ka hlawha mak an ti tih pawh an hmelah ka hre thei vek, mahse zah pawh alang tawh lo ka pheikhawk ah hian thil sen a kai tih an hriat loh vang mai mai anih hi.




Rang zetin ka scooty ka dahna lam chu ka pan nghala sarang ka bun vang nge maw ni ka kal nâl puat puat bawk, ka thlen chuan motor chu ka ti nung a ka tih lum hnu chuan chak zetin in lam ka pan nghal vang vang bawk.




Ka hming chu Athena Lalrinnungi ani a tam zawk chuan Rinrin tihte, Rinte, tih te in min ko tlangpuia ka nu leh ka u leh nu sangi hian bawihpui min ti mai zela ka sap hminga min ko hi ka hriat âwm ka la hrelo, keimah pawh hian ka duhlo hrim hrim, a chhan chu ka pa min phuahsak ani a ka pa vang hrim hrim pawn ka duh lo, ka best friend tia ka sawi hian vewvew tiin min ko daih thunga ka nu hian thil ka tihsual changa min hauh dawnin ka hmingpuma min koh hi a ching ve leh zeuh thin. Tunah hian kum 20 ka hmang mek a. B. A ka zawh hnu lawk hian ka u te an chesual ta si a chuvang chuan ka kal chhunzawm tawh lova a rem remah hna ka thawk ve mai thina ka nu in thawmhnaw dawr nei tho mahsela ka inrawlh ve vak ngai lo thung.




Ka têt lai atangin eitur siam nuam ka ti a keimaha ina ka awm chang hian ka siam leh neuh neuh zela ka nu leh eirawng min bawl sak thintu nu sangi hian chawhmeh hi ral chak an ti thei hle bawka mahse ka eisiam lo chu ka nu hian a ei tha duh chuang miah lo. Ka nu leh ka u tih loh chu ka thinlungah an riak tak tak theilo, ka pa avangin mipa ka hua a ngaihsak en ah pawh ka en ngai meuh lo min lo duh der ve tute pawh awm mahse fel takin ka hnawl mai thina a chang chuan hreawm ka ti ve thin tho mahse ka pa awmdan ka ngaihtuah let hian ka ten ngawih ngawih zel, tiang hi ka chungah an thlentir ve ka hlauh vang ani pakhat bawk, ka nu in a tuar nat zia leh amaha a nghawng chhuah dan ka hmu ve veka mipa hi a huatin ka haw takzet ani.




In ka thlen chuan Scooty chu ka dah tha leh tê tê phawta nu Rinpuii te inah chuan sarang chu ka va dah leh phawta ka hmandan ka hrilh lah chuan ala nui ang vak vak lehnghala min ti hrilhhai lek lek zawk. Ka u chanchin te min zawta ka chhang tha lutuk lem lo mahse hmasawnna a awm loh thu ka sawia beidawng lo turin min lo hrilha keipawh hian beidawn ka tum bik hauh lo.




"Bawihpui, thil I ei tawh em? " inchhung ka lut chu nu Sangi chuan alo ti vata "ei lo mahse nu sang tlemte ka lo ei ang nangpawh ka rualin ei ve nghal la" ka tih zawm zat a inthlak lo chuan choka ah chuan ka lut nghala a thilsiam rim chuan ka hnar a verh nghal zar bawk.




"Ka duh deuh ang kha i siam leh chiang mai " ka tih chuan nui vur vur in ava chawk a " Mampuia chu enge a an a? " a rawn ti a, thaw hak in chair ah chuan ka thu thlaa dawhkana tui bottle chu ban in no ah chuan ka thli chhuak nghal bawka engmaha chhang lo chuan tui vawt chu ka in nghal khawlh khawlh bawk. " a ngai bawk ami? " a rawn ti leh a tawngkaa chhang lo chuan ka bu nghat nghat a ka u chanchin min zawh hian chhan har ka ti thin keimah hi ka tâwt up up zel, hmasawnna a awm loh thu sawi reng hi ka duhlo.




"Inu pawh a tha zel em? " a rawn ti leh a ka bu leh nghat a "taka nu Sang, ka nu in kawrlum phiar ka khai kha min lo lak rawh a tia a awmna ka hre mai si lova min lo laksak chaw ei ka lo siam ang ka ril a tam tawh bakah kal lehnghal ka duh a" tih pah chuan ka tho tharh a "bawhpui, I vei em em sawi chhuah I hreh zet kha ka bulah chuan I sawi thei reng ania, puih theihna che ka neih takin " a tih chuan ka bu nghat a thleng la tur chuan ka kalsawn nghal daih bawk.




Hman atanga ka vei em em leh ka thil chak thin em em hi tuma hnenah ka la sawi chhuak lo a, nilo, ka sawi chhuak ngam lo ani mah zawk pakhatah chuan ka u dinhmun vang hi ani a ka nu bulah takngial pawh ka sawi chhuak ngam ngai lo, ka têt lai atanga min enkawltute chuan keimah min en hian ka awmdan atangin ka vei te an hre vek thina chuvanga nu Sangi pawh khan min zawt reng ani engtikah emaw chuan ka la sawi chhuak ve em em ang.




Nu Sangi nen chaw kan ei mawlh mawlh lai chuan door bell an rawn hmet ri tlang tlang a "ka va en ange" tih pah chuan a tho tharha a rawn let leh mai dawn emaw ka tia mahse a rei tak em avang chuan a bai min siam sak chu ka hâwp leh hrama kam thuahin ka kut ka sil thuak thuaka thutkhawmna lam chu ka pan ve nghal vat bawk.




Nu Sangi chuan parcel pakhat chu thutchilhin alo hawng mawlh mawlh a "khawi atangin nge a? " tih pah chuan ka pan phei a "ka hre biklo, inu thil tur ani maithei inu kha han call chhin teh" a ti a, ka phone la tur chuan choka lamah ka phei a phone chu la in ka nu chu ka call nghala a dawr atana thil pawimawh anih thu a rawn sawia tu hming emaw pawh a sawi tela chu nena an thawhdunna tur thil anih thu a sawi bawka a dawr lam thil engmah ka hriatpui loh avang chuan ka bo chiang hle bawk.




Damdawiina keng tura min hrilh avang chuan nu Sangi chuan a tuam tha leh tê tê a keipawh chuan a tih chhung chuan chaw eina chu ka lo tifel sawk sawk a ka room ah chuan chho leh in ka han inthlak leha damdawiin lama kal tur chuan ka nu thil rit zet nen chuan ka in khai chhuak leh tham tham a nu Sangi hi kan ina a awm ve avangin in pawh ngaihtuah awm lutuk ani lova nu Sangi pawh kan ring em em bawk.




Damdawiinah chuan ka nu parcel lian zet chu ka khai chhoa rit tak ani ringawt, a vawikhat nan damdawiin lift ah ka chuan ve phah a chhungah hian eng em em nge maw awm le, rapthlak lutuk lung awm ang vel alawm anih le ka kawng te hi a tliak dawnin ka hria.




"Nu, eng em em nge awma a rit lutuk ringawt lung tam deuh in dah ami? Awi! Ka kawng hi a tliak dawnin ka hria" tih pah chuan cabin chhungah chuan ka khai luta dawhkanah chuan ka nghat nghal chawrh bawka parcel chu bawh in ka thaw zui hlawi hlawi bawk.




"Bawihpui" ka nu in a tih chuan ner nâwngin a lam chu ka hawia ka kawng chu ka dawm tai bawk "tah lo la phei la" a tih phei chuan phâwk zet hian ka meng a "enga!?" ka ti nghal tuarh ringawt "amak thin, thawm dim thin rawh" a rawn ti a.




"Nu! In atangin damdawiinah, damdawiin atangin cabin ah chuan cabin chhung atangin I bulah, naaaa..... Nu ka kawng hi ana tawh lutuk a rit si" ka ti vaka inhlat lo mah ila a rih em avang hian ka peih tawh thlawt lo ani, ka tap thei dawnin ka hria "bawihpui, amak vak vak thin mange kan inhlat loh em hi rawn ti vat rawh" a rawn ti leh a.




"Anih leh min chawipui tal rawh, keimah chuan ka peih tawh lo"




"Ava hahthlak thin tak!.Anih khawi keiman ka rawn ti mai ang, I u bulah lo va awm rawh Tims'a pawh a awm kha"




"Tu Tims'a maw? " ka ti hâw a.




" va kal phawt mai rawh keipawh ka rawn kal ang" tih chiahin min chhanga bangbo zet chuan ka u awmna lamah chuan ka pheia ka va thlen nâk chuan hnunglam zawnga dinga phone lo hmang mawlh mawlh chu ka hmu nghal zata a bulah chuan hmeichhe pakhat hi a dinga min hmuh chuan min lo nuih sâng ringawt.




"Zamzam, thu ta che" reilo te ah ka nu aw ri chu ka hriaa ka hawi nghal lêt nghal vat a ka bul chu a rawn thleng chawpchilh nghal vat bawk "aih, a ngailo mai ka lo ding zawk ang thu rawh u" Hawihhâwm tak chuan a rawn ti a a nui sâng renga a fel hmel takzet.




"Nu, tute nge a? " kan thut hnu chuan a beng bulah chuan ka ti zawi sap "kan dawr leh an company hian contract kan sign dawna kei lah ka kal hman bawk si lova an mahni hian min rawn pan ta mai anih hi, an fel tak tak ani" a ti a, hna lampang anih avang chuan engmah hriatthiam a lêm ka nei chuang lo, ka bag ka theihnghilh avang chuan la Turin ka tho chhuak leh a.




Kan cabin luah ah hian ka u awmna pindan hi a hranga chuan a awmpuitute riahna tur pawh hi pindan hrang a awm leh bawka ka u room bulah hian nurse pathum an duty ziah bawka Zanah hian ka nu room dangah a riaka keipawh room dangah ka riak ve leh thin. Ka u rooma lut thei zat hi a tam berah 3 vel chauh kan ni a, chupawh chuan hun ala nei ve zel bawka zanlaiah te chhun ah te chuan nurse bak luh phalsak an ni lova mahse ka nu erawh chu engtik lai pawn a awm thei zan tir lamah hi chuan keini luh chu a thiang vek tho chuti chung pawh chuan ka nu hian awm a chuh tlata room a awm tho a ti mai zela ka riah ve erawh chu a phal zeuh zeuh thung. Ka nu hian Nurse duty te leh Doctor te hi a rin em avangin chhunah pawh vawitam hna a kalsan ve thina, mahse rei tak erawh a kal ngai lo, ka u a biaa thil a sawipuia a taksa te a hru faia mahse ka u erawh a ngai reng tho. Mahse a beidawn thu a sawi hi ka la hre hauh lo thung.




A ke ruh veilam a tliaka a spinal cord a sawh chhe deuh bawka. Doctor in be reng turin min hrilha, thu lawmawm tak tak te leh amah thawng thei turte hrilh thin rawh u a ti a, kan sawi a mahse a taksa takngial pawn min ngaithla tih min rawn hriattir ngai lo.




Nurse in kan awm tam êm avang chuan damlo tan a that loh a ringa awm rei a phal loh avang chuan an rawn chhuaka thut khawmna lamah chuan kan thu ho veka ka nu in zamzami a tih lah kha a ding tlat bawk si a a tir chuan ka hrethiam lo lek leka mahse a sawi fiah hnu chuan ka fiah leh uar uar si. Mahse Assistant mai mai pawh nise mihring ve tho ani a na nei thei te pawh a ni ve tho a ke kham thei te pawh ani ve thei din tlat a tulna hi a awm bik thai lo.




"Tims Bawiha, Jeremy chu a buai viau em ni? " ka nu in file keu pah chuan a ti mawlh mawlh a kei erawh chuan ka phone ka lo khawih mial mial thung. Zamzami ding tlat khian ka awm pawh a ti nuam lo. "Aw buai ani mai ang chu kan rawn kal rual renga mahse damdawiinah vek hian tihtur dang a nei leh a a aiah a assistant zamzami a rawn tir ta mai anih hi" chupa chuan a ti a a hming hi a eng emaw ti nalh riau mai.




"Bawihpui, heihi I putea fapa anih hi, U.S ah a awm char char hei tun kum chu Mizoramah a rawn awm ve tawh dawna eng tak ang maw! " ka nu in min in hmelhriat tir rual chuan a ti zui hluka chupa chu za zet hian a nui chhuak hawk hawk a ka pute'n fapa a nei tih pawh ka lo hre ve reng reng hleinem. Chu pawh tun kuma awm tawh lehnghal. Tunah Octorber ani tawh ania. Mahse ka zêp lo, ka putea pawh hi kum khatah vawikhat ka hmu hman tawk.




Family picnic an tih pawn ka kal ve ngailo, ka hman ngailo, hun awl in siam ve la an tih pawn ka insiam hman thin lo, dawr kan buai lai tak ani ziah. Buai laia lo awm lo bik nih chu a inthlahrun awm emai. Ani erawh ka u nen an inhre tawh ani ngei ang. Mahse ka chhungte pawh hi, a hmingte pawh han sawi rík ve thin âwm, mi â ah min chhuah thei tak ngial dawn.




" Timothy" tih pah chuan a kut a rawn phar chhuaka ka chibai vata "Rinrini" ka ti ve sapa min nuih var var bawk "nute, a chhun che anih hi ala hmeltha lo ang tih pawh a sawi theih loh" tih pahin a nui zui hawk a ka nu pawh chu a nui chhuak hak hak a, a tawng dan mai mai chu leh! Ava lerh hmel phiangsen tak!.




"Hmanni khan ipa hnen atangin mo tih lampang ka hre thawi in ka hria, sawifiah I tum em? " ka nu chuan tih el zet hian a ti chhuaka "nia, palai pawh kan tir hnai tawh. Ka nu hi mo neih a duh thu a sawi renga keilah chuan kan hnial lo nasa mai sia" a rawn ti ve hluka "nia, a âwm ve tawh alawm a mo hmasa ber tur ania a nghakhlel ve tawh anih hi, i nau te erawh hi chuan neih chakna rilru pawh an la put hmel si lova bakah an mo neih chhun tur ani bawka an duat viau ang" ka nu chuan a ti ve leh a an thusawi ho lutuk avang chuan ka ding hluaia "nu ka chhuak lawk dawn, lo inbe rawh u" tih pahin pawnah ka lo va chhuahsan daih ringawt bawk, hetiang thu hi ka hre peih lo, nilo ka hre duhlo ani mah zawk.




Sylvia in min rawn call tih ka hmuh rual rual chuan ka chhang nghal vata ani chu M. A a kal chhunzawm leha kei erawh chu ka kal chhunzawm ve ta lo, class a thil thleng thenkhat leh a star pa chungchang te min hrilh luam thina lo sawi ve tur ka hriat loh êm avang chuan ka lo nuihpui ringawt thina, hetiang thu hi zan tin min hrilh ziaha hei hian college kal min ti chak leh zo vek thin, ka theia a remchang leh hlauh anih chuan ka kal zawm leh tho ang mawle.




"Vew, ihmaw... Vawiin ah basketball an khela tah chuan ka bulah kher khan ball a rawn luma chuan aman a rawn chhara tui in min rawn dil nghal bawka ka lai lutuk kha maw, pek nachang ka hrelo a ka thianten an lo pe ringawta ka zak bawk si, â ka inti bawk si hi maw hreawm tak ani ka lai lutuk kha ka sen vek hrim hrim ang" a rawn ti nui nui a ka nui chhuak hak hak a "nanga pawh chu lai hmasa lo khan lo pe vat ta che" ka tih chuan a rawn chet hluka.




"Nah! Khatiang kha a thleng dawn tih ka hre lawk bik hleinem bakah maw, a khel kha ka lo en tui em ani! nangpawh ni ve la I lai ve tho ang keiphei chu ka lai lutuk kha maw, ka â in ka za cheng ni maiin ka hria. Enteh maw vew, â min ti viau angem le, ka duh lo e... "




"A! Chutiangin ati ngawt bik lovang, sawi tur ka hre miah lo Sylvia, tiang lam hi ka hre ve lutuk bawk si lova. E, ti hian ti rawh naktuka a awmdan min lo hrilh la tah chuan ka thiam ang tawkin ka lo pui ang che" ka ti ve tawpa ngaih that hmel zet chuan a awm ve bawka mahse keimah zawk hi Ka ngaih a thalo daih zawk.




Sylvia nen rei zet kan inbiak hnu chuan ka nu in min koh avangin kan daha inchhung lamah chuan Ka lut a nichina lo kal te pawh kha an lo haw daih tawh "bawihpui, Tims'a kha ka hrilh tawh tho a naktuk hian hna i kal pahin an company ah heihi va pe pah ta che, tah hian Jeremy hian a sign hmaih anih hi" tih pah chuan file ah chuan a sign lut mawlh mawlh a "a hla em? A hlat chuan hnaah Ka tlai vek dawna" tih pah chuan a bulah chuan Ka va thu ve a.




"Hla love i hnathawhna atangin a hla vak lo in Ka hria I kal hman tho ang, thawh hai lo la ani mai" a ti a, a buai hmel em avang chuan ka be chhunzawm tawh lem lo. Ka u bulah ka phei a a kut tin te ka hleh saka min chhang dawn lo mahse ka be renga thil tam tak ka sawia Hetianga a awm hmaa kan pahniha kan tih chak thin te ka sawi chhuaka ka lung a leng vawng vawng mai.





Zingah chuan ka nu in "Bawihpui, file kha theihnghilh lo la aw, a pawimawh ania vawiinah i u hi a zia deuh chuan keipawh ka kal ang, nakina tih ah ka tih hi chuan ka ti lo leh thin sia ka kal ngei chu a ngai ang" ka Insiam mawlh mawlh lai chuan ka nu chu ka sirah lo thu in alo tawng ve niap niap a enga chhang lo chuan a thusawi chu ka ngaithla renga tukin zingah ringawt pawh a tawng hnem tawh mai zia hi.




"Nu, ka lo haw har maithei vawiin chu inrinni ani sia buai ni ania chaw ei turin min lo nghak suh aw kan ei chhuak lehnghal ang ka ring" ka bag ah that pah chuan ka ti a, a bu nghauh nghauh a ka kal hma chuan ka u bulah ka phei leh phawta a chalah fawpin "ni hman nuam aw, ka lo kal leh vat ang, thil kan sawi leh dawn nia" ka ti sapa, a biang chu ka khawih a room atang chuan ka chhuak zui a "ka kal ania" tih pah chuan ka in her a ka pên tur chiah chu "bawihpui" a rawn ti leh a.




"Eih ah"




"File"




"E, ni tak e ka hrechhuak leh chiah ka va theihnghilh teuh ve" tih pah chuan ka nui vur vur a a tarmit kar atang chuan min rawn melha tek a tlak hma hma in rang lutukin cabin chu ka chhuahsan a lift lam pan chuan chak zetin ka tlanphei nghal bawk. Zing atanga ti tura min hrilh ka tih loh hi chuan a tarmit kar atang hian min melh a a tir in a mit ah hian khua a dur phawta chumi zawhah a ka atangin tek a chhuak thina den thei lutuk.




Ka scooty chu ka la chhuaka traffic jam nen ka thlen hman loh ka rin avang chuan Zarkawt lamah ka hêl a ka nu in a company min hrilh hming chu kan dawr piah lawka alo awm avangin pek mai a rema mahse ka lut hreh tlat pek anih chu, a pawn atanga ka en chhoh hian huphurhna ka nei, a len vang nge maw ni, nge mi an tam dawn vang zawk.




Thaw chhuak hak in "a dawt lehah chuan nu, nangmah I kal tawh ang ka kal tawh miah lovang" ka ti hlaka file chu ka kenga ka bana sana ka bih chuan dar 9:30 a lo ni tawh hmanhmawh ka ngai dawrah thlen vat ka ngai.




Muangchangin building lian zet lam chu ka pan a kawngkhar bula smart zeta lo ding te chuan kawngka lian zet chu min lo hawn saka a chhungah chuan thawmhnaw mai bakah tlereuh leh thil dang dang alo awm thup maia mihring chu hmanhmawh zetin an kal suau suau bawka ka nu in a hmasa bera kal tura min tihna ah chuan ka kal nghala.




An buai hmel êm avang chuan biak an huphurh awm lek lek "Ih... Englo" ka ti sep a hmeichhe pakhat chu rawn hawi chhuak in min nuih nghal sânga "puih theihna che ka nei em thiannu? " a rawn ti a "englo, Mr. Tims ka hmu thei angem? Hei file hi pek a ngaia" ka ti a file chu a lamah ka lek pheia "appointment I nei sa em? " tih pah chuan a hmaa computer chu a on nghala.




"Nei sa lo a, mahse ka nu in amah chu a hrilh lawk tawh tho a ka lo kal tur thu hi" ka ti leha.




"Min lo hrethiam la, appointment I neih loh chuan I hmu thei dawn lova, mahse Mr. Tims hi kan call lawk ange aw, a chiang mai ang" a ti a, ka thaw chhuak hak , hmanhmawh se aw ka tlai ang tih ka hlau, engvanga ani mai mai pawh chu hmuh harsa em em nge maw anih le, mi lal uchuak pawh ani tawp si lo.




"Miss, call ka ngai lovang heta hi ka awm e chuan nichin khan ka hrilh lawk tawh che in ka hria min rawn hmu tur an awm tih" ka bula tawng ri avang chuan ka phu zawka ka lehhawi chuan ka sirah Tims Chu alo ding reng tawha hahdam turin min hrilh vat bawk.




"Sir, ka tihpalh ani amah hi ani tih ka hrelo a ka tihpalh ani" tiin ngaihdam a rawn dil nghal mawlh mawlh a "a pawi love I hna thawk leh tawh rawh, chuan Rinrin ka rualin lo kal ta che" a rawn ti a, ka bu nghat a, lawk! A rualin ka kal ngawt thei hleinem hna ka tlai dawn asin.




"Englo, Tims, ngawilawk" ka tichhuak hluaia a kal lai chu a ding chawta a rawn lehhawi a "Jeremy chu ka sign tir thei lovang, englo hna ka tlai dawna minute 20 chiah hun ka nei tawha nangman lo sign tir mai la" inthlahrung zet chuan ka ti a file chu a lamah chuan ka lek phei a.




"Rinrin, keiin ka pe hman hleinem, meeting ka nei tlat nute'in ilo thlen tawh leh tawh lo min zawh avang chauha rawn kal thla mai chauh ka ni nangmah ngeiin I pek a ngai ang" a rawn ti khera "aw.... Chupawh nise midang tirh tur an awm mai lo mi, hna ka tlai dawn asin" ka ti leh nghat a ava han sual thiam em em ve mawle.




"I hmuh ang hian mitin chu an mahni tih turah theuh an buaia nangman I pek mai a ngai ang ka nau" chimawm zet chuan rawn ti leh kher a ka ngei lutuk chu ka melh rum hrepa "e" ka ti hmuka a rawn nui chhuak hawk "min rawn zui la" tih pah chuan a kal nghal daih a zui loh theih hek loh thinrim tun chungin tlan meuhin ka úm a lift inkhar hma chiahin ka va nang hman hrama ka hah lutuk chu ka thaw hlawi hlawi bawk.




"Tah sawn ania, ka hrilh tawha nangmah insawi la an lo luh tir mai ang che. Chuan thil pakhat... " a sawi zawh hma hma chuan ka ngei êm avang in ka kalsawn daiha meeting zawhah pawh a pe thei reng si a engvanga duh lo tlat nge maw anih hrep le, sual reuh lutuk mai.




Alo sawi lawk ang ngei khan min lo luhtir nghala kawngka chu dím zet hian ka hawng a inchhung reh ruih ah chuan muangchangin ka pên lut a a lianin a changkang em em a ramdang nen danglamna a awm lo ramdang tam tak ai pawn a changkangin a nalh zawk maithei ani.




Muangchangin ka pên lut zela ka nu in zamzami atih nu kha ka va hmu hmasa bera buai hmel em em hian a computer chu alo bih ngur a ka khuh kherh kherh tak hnu chuan a rawn hawi chhuaka a ngai ang bawkin min nuih leh ver ver tawh mai, hmelhriat that vak loh te chungah pawh Hetianga a awm anih chuan a fel dawn tih ka chiang ngam sak
.



"Ih... Englo heihi pek a ngaia" ka ti sepa "aw ka hria e min lo zui rawh" a ti sapa a thutna atang chuan a rawn ding chhuaka a kalna lampang ah chuan ka zui ve zela kawngka pakhat chu kan thleng leh der tawh "tah hian sir chu a awm a I sign tir dawn nia mahse theihnghilh lo la vawiin chu a mood a fuh teh chiam lo a biak a hreawm maithei, ka rawn luhpui lo mai ang che tunah rih chuan min hmu duh rih lo a" a rawn ti a ka bu nghata kawngka chu dím zet hian min hawn saka lut turin min mitmei nghal zeuh bawk.




Inchhungah chuan ka lut a muangchangin a awmna âwm ang lamah chuan ka kal pheia a reh em avang chuan ka thin phu ri pawh ka hre thei hialin ka hria a phu rang mah mah bawk. Engvanga Zâm ve viau nge ka nih ka in hrelo, ka vawikhat kalna anih vang nge maw ni, nge a reh em vang zawk hi niang le. Ka rilru hi a buai ve em em ringawt mai ni.




Bungrua lo tla darh nuai chu ka hmu hmasa bera a enga mah hma hmain ka meng phâwk ngha hra a bungrua rap lo thei tur ang ber chuan ka kal phei tham tham a "tunge inih? Engvanga rawn lut nge inih? " ti thûm dut ri ka hriat rual rual chuan ka phu zawka ka kal lai chu ka va han tawp chiang tak em!. Ka thinphu ran hman zia kha.




"Min hmuh theih loh tur thu a hrilh lo che em ni? Engvangin nge I rawn luh? " a rawn ti zui lehnghal dut a ka file ken chu ka hûm nghet sauh a muangchangin ka hawi chhuaka mahse ani erawh chu kekawr ipte zen chungin hnunglam a lo hawi a "chhuak rawh, nangni ang chanchinbu mi hi ka hmu peih rih lo che u" a rawn ti zui leh deuh hrâwk a chanchinbu mi ah!. Hah! Hepa mai mai chuh! Chanchinbumi ka ang viau amaw ni le mai mai chuan.




"Ka pu, chanchinbu mi ka ni lo ang bawkin ka thil tih tum ka tih hma chu ka chhuak lovang" ka ti chhuak ve ta faka ka inthuam danah hian chanchinbu mi ka ang thlawt lo hmuh pawh min hmu lo chuan I. D pawh ka awrh loh bawk, ve lutuka chuan.




"Anih chuan, engthil nge iduh nula dang ang tho in ka fa I pai thu i rawn sawi ve dawn em ni? Mahse maw ka hrilh ang che, sawi lo law law zawk rawh engtikah mah ka fa ani ngai lovang" a rawn ti nghut a tuna a thusawi kha! Rapthlak lutuk! kei hian a fa ka pai ang maw! Rapthlak hian, Tenawm lutuk mai.




"Ka pu, I ngaihdan Tenawm zet kha paihbo rawh mihring hi chutianga Tenawm kan ni vek bik lo ania, chuan kei hian I fa pai hi engtikah mah ka duh ngai lovang, zaktheilo lutuk. Chuan vawiin hian ka nu vanga lo kal ka ni Tims khan ka hrilh lawk tawh a ti chea mahse a hrilh lo che ania nge, vawiin hian ka nu aiah ka lo kala a dawr leh I company in contract in signa tah chuan I signature pakhat a kim lova rawn sign tir tur chea lo kal ve mai ka ni thil hmanhmawh thlak ni lo se chuan ka rawn kal bik hauh lo ang" ka ti ta faka, zaktheilo lutuk a duh duha min puh tur hi a ni thlawt lo. Chhuata bungraw tla hian ka vawm zawk dawn amaw ni le.




Ka sawi zawh rual chuan a rawn lehhawia a hmel ka hmu chiah chu ka phu chiang teh e nizana ka tlúk tep dawna min lo vuan tu pa kha anih hi, mahse enge pawi mi rapthlak lutuk anih hi. "I sign dawn nge, duh duh in min puh leh phawt dawn? " ka ti leh kher a ani hi hriat ka mamawh loa hria anga awm pawh ka mamawh hek lo Tenawm lutuk.




Min chhang lo chuan min en reng ringawta melh hrep pah chuan sofa ah chuan ka thu thla ve tawpa dawhkan ah chuan file chu ka nghat chawrh a ka phone a rawn ri chhunzawm nghal zat bawk ka en chuan Sylvia alo ni reng a. Mahse ka chhang hmanlo "Khawngaihin min lo sign sak vat thei angem? Hna ka tlai dawna" ka ti a, ka tawng pawh ka ti nêm peih chhiava lo, amah chu ka melh a mahse hnunglam alo hawi leh hmanhmawh tawh "ka pu" ka ti nghat, a rawn hawi a "hetah rawn keng rawh, chuan ka pu min ti lo la ka lawm zawk khawp ang" a rawn ti chhuak deuh nghuta.



"Maw!!!!!!? "



"Ka bulah hian lo kal rawh ka lo sign ang chuan ka pu tih tawngkam kha paih bo rawh"



"Hetah rawn kal ve mai la"



"Hna tlai I duh lo ani lawm ni anih chuan hetah hian rawn kal la ka lo sign mai ang" min tih el zet chuan a rawn ti a ka ngei lutuk chu hnunglam atang chuan ka melh rum hrepa file chu la in pen chu ka la kanga a bulah chuan ka pheia "kha" tih pah chuan ka pe a a ban ve mai lehnghal.




Ka phone ken ri reng avang chuan "Call kha chhang rawh" a rawn ti nghut.




"I tan a pawimawh lo, sign vat vat mai rawh" ka ti ve hlaka sign vat vat se helai hmun atanga chhuah vat vat hi ka duh ani ka nileng mood min tihchhiat sak vek thei dawn tûm burin hna ka kal duh hleinem melh hrek hrek ka hlawh leh emaw kha ania nga.




A sign zawh chuan rang zet chuan pen leh file chu ka la a "ka lawm e, ka nu in alo kal tur thu hrilh tur che in min ti bawka mahse tlai lamah chauh aniang" ka ti sapa a bu nghata sawi tur dang awm tawh hek lo rang zetin kawngka awmna lam chu ka pan lehnghala ka chhuak chiah chu ka thaw chhuak nghal hak a huiz, ka hah hman in ka hria.




'Nula dang ang tho in ka fa i pai thu i rawn sawi ve dawn em ni? Mahse maw ka hrilh ang che, sawi lo law law zawk rawh, engtikah mah ka fa ani ngai lovang" mi tenawmpa thusawi te chu tullo zetin ka ngaihtuah let a. Ka lu ka thing vak ringawt. Mai mai chuan eng ang mihring nge maw anih le. Tumah hian a fa an pai châk awm tawp si lo. In ngai ropui vel lutuk. Mi zawng zawng lal pawh ani tawp lo. Ka duh leh ka pu pawh ka ti ang, a sawi tur hi a awm lo hrim hrim. Nge tlangval tih a duh zawk em ni?. Khai! Lalrinnung, thil ho mai mai ngaihtuahin i hun khawhral suh, hna kal i ngai i tlai dawn.




Sylvia'i call let ka tuma mahse a tlang thei der lo min rawn biak leh hun hunah chuan a thinrim leh ngei dawn tih ka chiang sa chhuanlam tur ka zawn char char a ngai, anih loh chuan kar khat hlawm tawp min be lo leh mai ang.




"Englo, thiannu" zamzami thutna ka kal pel tur chu min auhna avang chuan ka ding data a lam chu ka hawi phei a "sir rooma lut leh chhuak hi record vek thin an ni a chuan nangpawh I hming leh kum vel record tel ve a ngai a " inthlahrun hmel zet chuan a rawn ti a. Awi leh! Eng dan nge ni ngai, engtia awm thei nge mihringah hetiang lehzel a ngai em em amaw ni le.




"Rem I tih chuan" a rawn ti leh a "awle" ka ti ta sepa a bulah chuan ka phei nghala. A pawi lo turah ngai ang.



"I hming"



"Athena Lalrinnungi"



"Kum zat" lehzel chuan



"Kum 20"



A dang dang pawh min zawt zela mahse ka tana pawi tur leh an ni tana pawi tur engmah min zawt tel chuang lo thung "ngatinge hetiang hian in tiha? Ka tih awmzia chu lut leh chhuak hming record zel hi" ka ti ta ringawt a a rawn nui a.




"Nia, hetiang hi chu kan tih than dan ania chuan boss duhdan hi ani bawka i hriatthiam dan tur chuan invenna ani mai... " a rawn ti deuh nawk a sawi chhuah chi ani vak lo aniang amah pawh hian khuh mawi dan a thiam lo tlat mahse zawh chhunzawm erawh chu ka tum tawh chuang lo.




"Zamzam tawng mai mai tur in hun I neilo tih inhria la" ti hrâwih ri kan hriat chuan kan pahnih chuan kan hawi rual nghal thawt a kan sirah chuan mi tenawmpa kha alo ding reng tawh kei nge zamzami a melh nat pawh a hriat loh.




"Awle, sir" tih pah chuan zamzami chuan a computer chu a bih leh a chiang fek fawka min rawn en rual chuan tek tla ang mai hian rang lutukin ka hawisawn nghala "ka kal phawt mai ang" tih pah chuan rang zet chuan ka tlan chhuak nghala ka la tawlh thlu tep lehnghal ka thinphu han ran dan em em hi, a rapthlak lutuk.




Building lian zet ka chhuahsan pawh chuan ka thinphu rang lutuk hi a reh hleithei lo ngaih ngam zân lo chuan ka scooty awmna lamah chuan ka pheia dawr lam pan chan chak zet hian ka in khalh chhuak nghala khapa kha engvang fakau a khatianga chianga min melh nge maw anih le, nizanah pawh chiang zetin min melh tawh lehnghala khatianga min melh khan ka thin lah hi a phu rang vak zel lehnghala ka hrethiamlo.




Dawr ka thlen chuan ka rin ang chiahin an lo buai nasa tawh maia inthlak in ka ti ve tan nghal mawlh mawlh a inrinni ah hi chuan kan buai a zuala keini pawh hi kan thu tha hman lo lek lek thin lunch te pawh kan ei ve hman tawk zel bawk. Tullo zetin kha mitenawmpa in thúk zeta min melh na kha ka ngaihtuah ziah lehnghala. Ka thin hi rang fahranin ala phu zui dat dat thei.




Khai leh!. Âwm ang lo lutuk. Khatiang mi tenawm khan ka thluak pawh hi a phu lo hrim hrim.




"Innei lo se ka van ti tak! An inneih vaih chuan engtin nge ka duh theih tawh anga a nupui khan a hauh bur awm sia"



"Keipawh ka ti, Jeremy saw chuan ani aia tha a phu ani sawtiang hmeichhe chapo lutuk saw chu nei lo se ka ti ngawt mai"



"Ni chiah e, Zorini sawn an zar hneh mai mai khawpa engtin tin emaw a kherh thlu ani ngei ang. Mahse kei chu an inhmeh phian ka ti"

and so on.......




Enga tinge mite hi midang nunah hian an lo buai chiam zel le, detective emaw hi an inti reuh thin amaw ni, an mahni pasal tur chu nise thuhran mi innei turte lo sawi chhiat leh zel hi chu a hman thlak ani a sawi tur hriat loh thlak ka ti ngawih ngawih. An duh leh an nei anga an induh miau te chuan. Ka ti rilru ve hlaka.




Mizo te hian mahni nun loa kan lo buai thin hi sim kan ngai a hlawk thlak loh lutuk tih hi kan hriat a ngai tak meuh, a bikin hmeichhia te ngat hi, keipawh ka bang bik chuang lo. Mahse keimah ni kan inhrechiang amaw kan tih hian keini ai chuan min sawitu te hian min lo hriatchian thin zawk chang a awm ve fo. Mahse An sawi chinah erawh 100 a 50 bak adik vak bik chuang lo, a chhan chu kan kâ hian engtik lai pawn dâwt a sawi thei reng miau a, mi nun emaw kan nun pawh nise.




Counter a order pek chhuah tur ka ziah chhuah mawlh mawlh lai chuan " Vew" tia Sylvia min koh ri ka hre chiah chu rang zet chuan kawngkhar lam chu ka hawi phei nghala a thiante nen chuan rawn lut in a thiante chu thu turin a mitmei nghal zeuh a ani erawh chuan min melh khui chungin min rawn pan nghala "engvangin nge ka call I chhan loh? " nghal tawp chuan leh.




"Ka chhang hmanlo alawm"




"Engvangin? Eng thil nge itih, dawr ah pawh ila awm lo tih ka hria. Chumi hre tur ringawt chuan lunch ei turin kan rawn pan vang vang che"




"Ka buai lai tak ania, bakah kha misual zet khan a sign har êm alawm a induh ve khanglang lehnghala" ka ti hlaka thil thleng ka mitthlaah a rawn langa ka thin hi a rim thar leh dawnin ka hria.




"Maw!? Engthil maw I sign tira? " a rawn ti hluaia "ka nu dawr chungchangah Jeremy company ah ka kala chuan Tims kha sign tir turin ka tia mahse ka hman lo a ti tlata keimah ngeiin a roomah kal in ka han sign tir alawm, ala induh ve em em mai lehnghala hmelchhe lutuk mai ni lo lo in min la puh lehnghala a bungrua ho khan ka vawm tep ani" ka ti zui hlaka.




"Aizeeeee! Jeremy office ah I lut amaw!? Chuan Tims pawh I hmu amaw!? Awi! Jeremy office chu engtin nge a awm min lo hrilh ve teh vatin, mawh.... amah a pa em? Vew sawi vat teh" ka ban sâwi in ring zet chuan a au chhuaka a banah chuan ka beng pawp "I au ring lutuk" ka ti nghal hlak bawk.




"Sawi vat mai la Jeremy office chu engtin nge a awm?" A rawn ti leh a "aw, engtin nge a awm vaka I rin office ani tawp mai, film a office chhunglam i hmuh thin ang kha ngaihruat mai rawh engtin mah a awm lo, dawhkan a awma thutna tur thutthleng a awm a, chuan file te, thil dang te pawh" ka ti sam êt a.




" Mawh vew, Jere" a sawi zawh hma hma chuan rang zetin a kâ chu ka hup saka ka kut lak thlak tum chuan ala rawn ban ve leh hram lehnghal "sawi tawh suh" ka ti nghal hlak a zahthlak lutuk, zahthlak lutuk. Tunah sawn Jeremy chu kan dawr kawngka ah a ding meka a hnungah Tims leh Zamzami leh hmeichhe pakhat an ding bawk kan lam chu chiang zet hian a rawn melh a, ka hawi chhuah chuan chiang fahran hian min lo melh lehnghal ka thin hi a phu dawt dawt mai. Sylvia tawng kha a hre hman hrim Hrim ang, ava zahthlak ve le, ka zak lutuk.




Ka kut dahthlak tum chuan ka kut chu a rawn pawt a, mahse nghet zetin a kâ chu ka hup beta, min la melh rum ve hram lehnghal, kawngka lam hawi hian ka her pawp dawn nge maw ni, a thusawi hre hman âwm hrimin mi tenawmpa lah chuan thúk zet hian min la melh vung vung lehnghal, ka biang te hi a sa hat hat mai. Ka awmdan hi a dik lo ka alh dawnin ka hria, ka thin lah a phu rang bawk si. Ngatinge maw tun a taka an rawn kal le, a hun teh chiam lo asin.




👑 It isn't by size that you win or you fail, Be the Best of whatever you are 👑
-- Douglas Malloch



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 1:51 pm

AT THE ELEVENTH HOUR - 2

By : Msi miluhlulnui 💜


💜 Be proud of yourself, hold your head high and love yourself 💜




"Sawi tawh suh, Sylvia I hnungah an awm reng ania aw kan lam an rawn hawi lehnghal bawk si I thusawi kha an hre hman hrim hrim ang" ka ti hlaka ka zak lutuk hi ka hawichhuak ngam tawh thlawt lo, ka Sawi tak avang chuan Sylvia pawh a rawn meng deuh awk a "tawng tawh miah suh" ka ti hlaka ka kut chu ka la thla riai riai bawk.




U manun'in an thutna tur alo kawhhmuh avang chuan ka thaw chhuak hawk a "fimkhur ve thin rawh i thusawi kha a rawn hre hman hrim hrim ang, I tawng ring ropui si midang pawh hian an hre hlawm hrim hrim ang" tih hlak pah chuan a banah chuan ka beng nghal pawp a. "A hre hman lo turah ngai ang, mahse.... A hre hman anih vaih chuan ava zahthlak dawn tak" a ti leh nui nui a "ni reng e" tih pah chuan ka melh ve deuh khai bawk.




"Mahse vew, a office chhung awmdan an sawi fo thina amah dawrtu te hian an sawi changkang thei sia ka hre ve chak alawm engtin chiah nge a awm a? Nanga pawh chu sawi ve mai la a harsa lo e" a rawn ti leh hram anih chu!.




Ka chhan hma hma chuan a thianten an rawn ko a "awi, pawi lo mai nakinah min hrilh tho tho ang che, chuan keimahni ah order rawn la teh, midang hi chu kan ngam teh chiam lova" zâwi tê hian ala rawn ti zui leh hrama mit min siai zeuhin a thiante lam pan chuan a kal nghal daih bawka a dan ngaite in a thiante bulah chuan a tawng hnem ber ava ni leh ngei ang, sawi tur a hre thei bik lutuk hi chu a chang hi chuan a awhawm thlâwt ani.




Nichin khan Sylvia tawng kha an rawn hre hman angem le, an hriat hman vaih chuan a zahthlak dawn lutuk ringawt. Mi tenawmpa hming lah kha ala lam ring em em mai lehnghala, midangte pawh hian an lo hre hial lo maw.




Hrim hrim in engvanga a office chhung awmdan mai mai pawh chu hre chak nge maw anih le, ho lutuk, tangkaina a nei âwm tawp si lo. Mahse ngaihtuah chuan khatiang anga changkang kha kan ramah hian hmuh tur ala awm hauh lo ang.




Sylvia in a bula order la tura min tih angin ka va kal ta ngeia a thiante pawh min in hmelhriat tir luam bawka amah ang pui pui alo kawm leh hmanhmawh tawh. "Ani hi ka best anih hi Vewew'i , mahse nangni ho kha khatiang khan ko ve suh ang che u kha chu keima koh dan bik ania nangni chuan Rinrin in ti ang" ring zet chuan a ti chhuaka a banah chuan ka pawt nghal vak ringawt henu han hahthlak dan hi chuh! Anu sawi ang tak tak kha anih hi. A sawi dik lutuk.




" Tui deuhin in ei dawn nia, mamawh dang in neih chuan min ko hreh lo ula" ka ti sapa an pathum chuan min nuih var var a an ril a tam tawh ngang aniang an thil chah chu an ei zui nghal maia Sylvia erawh chuan a star pa chungchang min lo hrilh char char thunga ka beng han kham tawh mai zia hi.




"Rinrin" ka hminga min ko ri ka hriat avang chuan ka hawi chhuak nghal vat a Tims'a chuan a kut chung lama dahin alo vai lauh lauh a "ninawm lutuk" ka ti zawi hlak. "Engmaw i sawi!?" Sylvia chuan a rawn ti hlaka "engmah, khang kha chu nakinah min hrilh leh dawn nia order dang la tura ka kal a ngaia" ka ti a ka thutna atang chuan ka ding hluaia " um, zanah ka lo leng mai ang" a tih takah chuan thaw chhuak hak in table 4 lam pan chuan ka kala. Ka thu mai mai lai hi min hmu tu awm se chuan madam lakah hian ka mark a chhe vek ani mai.




" Nutei i be thei em?" Ka thlen chuan Tims'a a lo ti nghala "ka hre nang, ka la be lo hrim hrim, ngatan nge ka nu chu itih a?" Ka ti let a, ka veilam pang hi ka hawi tha ngam der lo kha mi tenawmpa kha a thu kura bakah nichin vang hrim hrim pawh khan ka zak tawh. A bialnu âwm ang deuh lah chu ala nui har har lehnghal.




"Ngatan ti lo e, heta lo kal tur hi ania alo la thleng si lova i hriat takin ka ti" a rawn ti leh a . " ka hre biklo ka la be hman lova alo thleng ve tep tawh ang. Chumi hma chuan thil dang te in lo ei duh lo mi?" Hawihhawm tak chuan ka ti a, ka ke veilam pang hi a khur dar dar thei ta tang hian kalsawn vat ka duh.




"Taka, limbu tui a awm chuan min lo lak la, kan pahnih tan hian aw" ka veilama thu thil rawn sawi avang chuan ka bu zui nghat a "a dang duh belh in la nei em?" Tih pah chuan an lam chu muangchangin ka hawi phei a, yes, fuh lutuk! Alo hawi lo hlauh.




"Aw, ngai tawh lo mai rawh se midang hi chuan duh an neih chuan an rawn sawi leh mai dawn nia" a rawn ti a, ka bu nghat a dawhkana menu chu ka la a "Rin, nutei chu lo be dawn chhin la i biak theih chuan kan nghah reng thu lo hrilh la" Tims'a chuan ka kal tur chu min pawt ding meuhin a rawn ti leh a. "Awle" tih pah chuan choka lamah chuan ka phei nghal vut bawk.




Order ka nghah lai chuan ka nu chu ka call a a ring fê hnuah chuan la in "aw, bawihpui" a rawn ti ve ta hram a. "Tims'a ten kan dawrah an nghak reng che a, an rawn be thei si lo che a keiman ka rawn be tawp che" ka ti a, customer dang lo lut chu ka lo nuih nghal sâng a .




Sylvia te pawh ka nu ka biak laiin an chhuah tur thu min rawn hrilha mahse ka thlah hman lo, order pek tur ka nei. Mahse ka bulah rawn kalin 'min hrilh ang che, zanah ka lo leng ru ang' ala rawn ti hrama, min kuah thuakin a thiante chu a úm chhuak zui ve nghal zat bawk. Vanlalthawvengi anih hi.




" e, anih chu mawle, ka rawn thleng har lovang a jam rei lutuk a" a rawn ti a order a pek theih avang chuan call chu ka ti tawpa limbu tui nen chuan hreh zetin table 4 lam chu ka pan a mamawh dang an nei leh anih chuan tun bak chu ka buaipui tawh miah lovang, khami te vang hrep khan ka thinphu hi a normal thei lo.




"Kha u le, limbu tui chu" tih pah chuan pakhat chu ka nghat a hmeichhia zawk chuan ban in tlem chu a in nghal ni ngei tur ani, mipa lama ka dah chiah chu thil hâk bawrh bawrh ri leh dawhkana no dah rik thuai chu ka hre zawm zat a ka phut zawk rual chuan limbu tui chu ka hmaiah a rawn per a,ka ding mar nghal awt!.




"A thlumin rawn siam rawh ka tih che kha engvanga ka sawi ang ni loa rawn la ti talh nge maw inih le? A tui lo lutuk ringawt!" Tih tuarh pah chuan a rawn ding a, a thil hâk avang chuan a mit a sen deuh ram bawka ka hrechiang a thluma siam turin min ti hauh lo, "eng ang dawr nge ni ngai, miin an fak avangin kan rawn pan ve a, customer pakhat lek thil duh pawh chu in ti puitling thei lo chu nia, engtin nge tun thlenga in la hawn ngam zawka?" Zak map loh chuan a rawn ti deuh tuarh a limbu tui per chu ka kawrah a lang chiang hle bawk.




"Ka pi, thil i hre sual ani, a thluma siam turin min ti hauh lo" ka theihtawpa nêm chuan ka ti a, heta thawk ni lo ila chu ka chhang let ve hrep ngei ang, nichin khan a thluma siam turin min ti hauh lo, hetia a duh duha a tawngkhum tur hi ka ni lo bawk. A hmelthat tehlul nen a ti âwmang lo hle mai.




"Oh! Nula, nangmah hi tiraw la tura ka tih che kha, i beng a thalo zawk em ni? Engtin nge ka sawi lo angin i sawi theih zawk? Customer pakhat pawh in enkawl theilo chu ania, ding ve reng tlak pawh in ni lo" a rawn ti leh khera. Awi leh! Eng dâwt thu nge a sawi chiam hi, ka thin in a tuar tawh thlâwt lo.




"Ka pi, i hmeltha in nungchang mawi i hriat âwm tehlul nen iti âwm ang lo hle mai. Nangma sawi ngei pawh ni lo lo in ila sawi chhawng leh ania, nangmah ngei pawn a thluma siam tura min tiha i sawi lai i hre hauh lo ang" cho zeta melh pah chuan ka ti let ve ta fak!. He dawr hi an hawn tirh atangin sawiseltu ala neilo, sawisel ai chuan fak zawk ani thin. Chutiang chiah chuan customer te duh chu a theihtawpa tih puitlin sak a tum thin. Chuan ka chiang hle bawk, he hmeichhe hmeltha zet hian a thlumin siam rawh min ti hauh lo.




"Engtin maw min sawia! tunge ka nih hi i hre hauh lo anih chu! Ka vawikhat thusawi hian i hma hun a tihchhiat sak vek thei che tih hria ang che. Chutiang bawkin i zaklo ham ham hle mai, thil i tisuala nangmahni dawrtute zawk ila dem ania. Nu leh pa enkawl loh tih hriat reng reng awmdan mawi pawh hrelo" min hmuhsit zia zêp hauh loa a rawn sawi chhuah rual chuan ka nui deuh saka, mahse a thusawi thenkhat te erawh chuan ka thin a khei ve zak thung!.




"Tunge inih hriat ka mamawh lo ang bawkin ka tan a tangkai lo hle. Ka bengin a hria a, i hmui phun kha ka mitin a hmu bawk. I thusawi vawikhatin ka hma khua ati chhe thei maw? Hah! I nun ani em ni? I taksa pawh? Mahni nun lo chu engtin nge i kawih her theih ang, chutiang bawkin ka nun ani a, ka thu ber engtin mah i khawih chhe hauh lo ang. Chuan thil pakhat, tuna min puhna ang nihna neitu chu nang zawk hi ini. I thusawi ngei karah pawh tawng dang ila belh ania, chuan ka sawi lo ila tizui, mahni thusawi ngei pawh dâwt ngal ngata chhuah leh tu zawk ngei hi ani tuna min puh ang nihna neitu chu" ngeiawm zet chuan ka ti let ve sak! Midang chuan min en thupa, ka sawi zawh rual deuh thaw chuan.




"Nangnu hi!" Tih deuh tuarh pah chuan no chu la in a chhunga limbu tui awm chuan ka hmaiah a rawn theh thawta ka hmai chu tuai puatin ka thaw chhuak hak "Zorin" mipa aw fiak tha zetin a rawn tih rual chuan chunu banah chuan a rawn vuan deuh chawta. Muangchang chuan ka ding mar a. Chumi rual chuan madam chu ka bulah a rawn ding.



"Engthil nge thleng a?" A rawn ti nghal vat a , thil thleng min zawta mahse chhan pawh ka chhang lo "Duat, a thluma siam tura ka tih lai kha i hre ve tiraw, mahse henu hi en teh, sawi lo ang chiahin a awm ania. Awmdan mawi a hre thlâwt lo" pangchang zeta a tih rual chuan ka ner nghal nak a, chhan lêt tuma ka âng zuai chu madam in ka banah min rawn pawta thaw chhuak hak in ka ngawi chiang hle bawk.




"Mrs. Andria he i hnathawk hi ban ang che, customer te laka tawngkam mawi pawh hmang thiamlo engtin nge i chhawr theih zawka" a rawn ti nawn leh sak a, tu pawn min en thup tawh. Mahse ka dikna ania ka tang ve tlat dawn ani tawp mai.




Ka insúm thei tawh lo lutuk tawng ve leh ka tum chiah chu "duat, thil sawi ve la, nangpawn ka sawi lai chu i hriat vek kha a thluma...." chunu chuan a sawi zawh hma hma chuan "a tawk! Zorin, eng thil mah sawi tawh suh!. Dâwt ka duhloh zia hretu ini, chuan ka hrilh fo bawk che, ka hnena i insawifiah hma in i thusawi ho kha ngaihtuah let ang che" a mipa zawk chuan a ti fiak that!. A aw ri chuan hlauh a hnekin ka thinphu a ti rang dat dat a, ka chhunglam hi a nghawr dar dar mai.




A reh tak em avang chuan ka aw chu ka thian kharh kharh a, a hunlo viau pawh ani mahna mahse ka sawi tum hi chu ka sawi tlang tho ang "Ka tawngkam chhe tak tak te khan i pawi alo sawi anih chuan ka tihpalh ani e. Mahse ngaihdam min dil ve erawh chu ka phút ang. A thluma siam tura min tih loh ang bawkin ka nu min enkawl dan i sawi te leh mahni thusawi ngei dâwta i sawi chhâwn leh avang te in. I duh chuan min ban thei ang, a pawi reng reng lo mahse ngaihdam min dil ve erawh chu ka phút e" ka ti ve leh khera a mitmu chu a rawn pawng zawr mai le.




"Enga!?" A rawn ti tuarh a, a tawng leh tur chiah chu "kan tihpalh ani e, Mrs. Andria, Zorini aiawhin ngaihdam ka dil a che u, chuan nang pawh, thil a tisual chhiava ani. He nula hian thiamlohna a nei lo in duh chuan no keh hi a thar in ka rawn thlak ang rem in tih chuan, khawngaihin media ah chhuah darh lo hram turin ka ngen bawk a che u " thúk zeta min melh pah chuan a rawn ti a, enga chhang lo chuan ka melh let ve ngar a a mit mengah chuan a ti tak zet ani tih ka hmu thei. A hmeichhia lah chu teu hlar in a thaw chhuak hak a, mahse hepa hian a kutah chuan nghet zetin a hmer tih ka hmu ve vek bawk.




"Jeremy, a ngai hleinem ngaihdam in dila a tawk tawh e, he thil hi chu chawi kher a ngai lo engmah tham anih lo hi chuan hahdam takin awm rawh, eng chanchin mah thehdarh ani lovang" madam chuan a rawn ti a, hahdam hmel fê hian a thaw chhuak ta hawk a, thúk ru zeta min melh pah chuan a nui deuh suka.




"Ka lawm e" tih pah chuan no chu ka la khawm sawk sawk a chak zetin choka lam ka pan nghala engvanga khatia en reng nge maw ka nih le, ka â tawh ani ngei ang. Khatia min melh apiang khan ka awmdan a danglam ziah lehnghal. Huiz, engpawh nise intihfai phawt ka duh.




" bawihpui vawiin chu thil ei chhuak lo mai ta che, thil min tih pui lawk la in lama hawn tur te a awm dawna" ka nu chu kan dawr ah rawn kal in ka bulah chuan a awm ve renga Jeremy te nen an inhmu leh dawn lo ani ngei ang tlai lam anih tawh avangin customer te pawh an awm lo tial tial bawk. Ka thawhpui te lah chuan nichina ka chêtdan kha tha an tih thu an sawi renga, ngaihtuah pawh ka ngaihtuah let peih lo. Mahse engvanga a thluma siam tura min ti anga a in ngaih tlat le, a sawi tawp si lova.




Madam pawn thil awmzia min zawta engkim ka hrilh veka ani pawn khanu awmdan kha mak a tih thu a sawi ve nghe nghe a, an in hre tha anih hmel. Ka dawh theih tawh loh tawpah chuan ka tawngkam chu a mawilo nge, a zahawm lo tih pawh ka hre tawh ngai lo, ka rilru a awm ang ang ka chhâk chhuak tawp zel thin.




Ka ti mah mah pawh in lo ti maithei, mahse khatiang khawpa thu chiang dâwt ngata sawi chhawn leh mahni tihsual anga lang tur bawkah chuan tunge insúm zo bik ang. Kei chang ka nih ka ring lo. Tawngkam an beih mawiloh emaw an beih nat zawk hmasak chuan ka zui ngei ngei thin bawk.




A bikin dâwt thilah ngat phei chuan, dâwt hi ka hua a, dâwt hmanga thu an sawi chhuah reng reng emaw in leh mi an hêk ang chi te ka hriat chuan ka pa ka hre chhuak ziah thin, ka nu a tiam te leh a tih leh dan zawng zawng te nen, dâwt thilah ngat hi chuan kei aia tawngkam bei mawilo leh zahawm lo hi an awm kher angem ka ti thin. Ka tawngkam mawi loh thin zia chu a hnuah midang kâ atang in ka hre leh chauh zel.




Ka pawnlam landan chu a mawi ani thei, hmeichhe nunnêm, fel tak, hawihhâwm bawk si, zahawm tel bawk, ang pawn min lo hmu ani thei, heihi miin ka nihna anga min hmuh dan min hrilh fo thin ani. Mahse ka chhungril erawh ka pa avangin a nâ a, ka landan ang hi ka chhungril nen a inang lo, ka chhungril hi a sual thei ang ber ani a, ka pawnlam mawina ang leh ka landan zawng zawng mi min hmuh dan hi a lem ka ti ngawih ngawih, mahse tu mai pawh hian midang lakah chuan tha niha fak nih kan chak ber fo si, chumi chuan ropui tak anga inngaih theihna min pe miau a, in hnialna ah reng reng ka tih theih loh tawp tawngtu chu vanduai ka ti thin.




Ka hria, hemi tih reh tum pawh hian ka theihtawpin ka beia, tawngkam mawilo leh maksak te hman loh ka tum hram hram thin. mahse ka thinrim tawh chuan ka pa ka mitthlaah a lo langa thinrimna in ka khata, ka rilrua lang lang ka sawi chhuak mai zel thin ka dang theilo, ka inhnial puiin tawngkam mawilo lamah bu a khuar hmasa anih chuan a dang siamin ka bei let ve nghal zat zel thin, dan ka tum pawn ka thei chuang lo a lo lan hun tur ka hre lawk bawk si lo, a lo lan in ka dang thei silo. Tamtak tan rilru natna a tling thei thin ngei ang.




"Bawhpui" ka nu min auh ri ah chuan ka phu zawka "aw" ka ti bah nawk a "i ngawi vang vang sia ka rawn en che a, i melh ngai ilo melh ngawt ngawt bawk si, hrim hrim in ka sawi ngun tawh, thil hi ngaihtuah leh veng veng zel thin suh, a thalo ka tih kha" a rawn ti hlak a. "tihpalh ka thil lo ngaihtuah lai pawh ka hrelo, mahse nichina mi kha, ka ban min nghak la vawiin chu ka ban hma ka ring ka rei lovang, mahse nu a harsa hlawm lo tiraw?, ka tih awmzia tak chu a rit hlawm em? " ka ti sapa "rit dawn lo ve puanthan tlem a zawng leh thil dang dang chauh ania, zanin chu I u ka awmpui hman dawn lo lehnghala nangmah I awmpui a ngai dawna, tunlai chu hma a sawnin ka hria nurse khan min hrilh thuak bawka" a rawn ti leh a.




"aw, mahse khawiah nge kan kal dawn?"



"Jeremy office ah hian ania vawiin lamah puanthan alo thleng a chumi chu kan sawi ho dawn bawka vawiinah kan inhmu leh hman ta si lo a chuvang" a rawn ti a, a thusawi avang chuan ka meng kâwk! Khai! Kha mi tenawmpa office ah khan maw!? Aih, ka duhlo ka kal tawh dawn reng reng lo.




Vawiin thil thleng ka mitthlaah a rawn langa thúk zeta min melhna te ka ngaihtuah avang chuan ka mur chhuak nghal chuai a. "Nu, ka duhlo ka kal tawh dawn reng reng lo. Nangmahin va kal mai rawh" ka ti hmaka, ka hmu duh tawh teuhlo lutuk ringawt. Mahse ka thusawi chu a bengkhawn lo nasa mai.




"Nu.... Ka lo luh ve kher a ngai ami? Khawiah emaw ka lo nghak mai che anga" ka ti nang nang a, tunah hian Jeremy office kawtah kan awm meka ka lut hreh lutuk hi sawi ngaihna pawh ka hrelo ka nu lah chuan vawiin thil thleng lah kha a hre ve tawp si lova ka huphurh zia a hrethiam pha dawn tawp si lo.




"A rei dawn hleinem, lo lut ve phawt la pawnah chuan awm lovang hritlang I kai hma si" a ti a, a sawi zo chu a phone a rawn ri nghal zata tunge maw a biak ni zâwi te te in a tawng lehnghala hetiang building chhung phui lutukah hian engtin nge maw hritlang ka kai a rin ni, hrim hrim in saw mi chhungah sawn luh hreh tak meuhin ka lut hreh.




"Bawihte, kal ang le" ka nu in a rawn tih chuan ka thaw chhuak hak a "nu..... Ka lut peih lo" ka ti leh talh a "amak mange, rawn kal mai mai rawh darkar chanve pawh kan awm dawnlo" a rawn ti hlak, naupang thuawi thei tak ang maiin min hruai lut leh der tawh, kha mi tenawmpa awmna kan thlen hma ringawt pawh hian ka tha a khur vel in ka hria ngati nge maw ka huphurh em em mai le, a hreawm lutuk ringawt.




Zamzami min biakna pawh chu tha tak pawn ka chhang hleithei lo, ka khur vel in ka hria vawiin thil thleng a sawi lova ka thaw huai thei mahse ka awmdan hi amak lutuk ringawt hetiang hian vawikhatmah ka la awm ngailo ka awmdan lah hi ka hrethiam hek lo, khapa ka hmu hreh lutuk hi ni berin ka hria.




A chhung kan luh chuan zing ang em em kha chu ani tawh lo engkim alo felfai vek tawh a luh pawh a inthlahrun awm lek lek zawk. Buai hmel zeta dawhkan hmaa lo thua thil lo ziak mawlh mawlh chu kan hmu hmasa bera biak pawh a inthlahrun awm lek lek zawk in ka ring.




"Jeremy"



Tia ka nu in a koh chuan a rawn hawi chhuaka chiang zeta min melhna chu ka hmu nghal pang mai, "in lo thleng dera" tih pah chuan a rawn tho chhuaka a kekawr ipte chu zen in kan lam pan chuan a rawn kala en pawh ka en ngam thai lo mahse ka chapona tlemte ka la neih hmang chuan ka hawi chhuak riai riai a "lo thu ula" tih pah chuan chiang zet hian min rawn en a rang lutukin sir lam chu ka hawi nghala a nui ri suk chu ka hre hman hram bawk.




Thu tura min tih hnu chuan kan thu a ka nu hnaih chêtah chuan ka thu a zah zelah ka phone ka khawih mial mial a an thusawi chu ka beng khawn teh chiam lova mahse he mi tenawmpa aw ri erawh hi chuan ka thin hi a ti phu det det mai ka sawi thiamlo a aw thûm leh pa zet hian ka chhunglam hi a nghawr ni maiin ka hria, min fan rawih rawih thei.




"Bawihpui, enge I ngaih ve dan? " ka nu in min rawn nghawk takah chuan ka hawi chhuak deuh zawka "aw.... Ah... Enge? " ka ti bah naka engvanga hetianga awm hi nge maw ka nih le, a hreawm lutuk ringawt hetiang em em a zám hi ka la neilo ka tawng te hi an ban vek ringawt bawk.




"Puanthan hi la in runway show ami tur model thui sak ta ila chu chu a tlangzarhna ni pah bawk ta se, hetia programme dang dang buaipui ngai lo hian, winter brand tuna tlangzarh chu a pawi dawn em ni?" a rawn ti a, ka kut chu ka hûm a "ka hre biklo in tih dan dan kha ani mai in thil tihdan ka hre vek bawk si lova bakah nu... Ka tui loh zia chu I hriat vek kha min zawt lui kher thin lo la" ka ti a, ka tui loh zia hre chungin min râwn lui zela ngaihdan siam dan pakhat mah ka hrelo.




"Ngaihdan pek mai mai te chu a har hleinem a tha lawm, tichuan ti la tih emaw, aw, aih tih te, tichuan a tha zawk lo maw tih ang te, engmah harsa a awm hleinem"




"Nia, a ni tho a chu mahse in thusawi kha pakhat mah ka lo hre lova ngaihdan pek tur pawh ka nei chuang lo a, mahse nichina min hrilh chin kha chu a tha viauin ka hria khami tlangzarh tur khan hun dang in siam leh ta ula chuan in tlai zawk ka ring, thla a rawn sik mai dawna chumi hmaa hmalak pawh chu a tha ka ti ve tho thla a sik ruala in tih nghal chúk chúk chuan a hlutna te leh a brand te sawi zau lutuk hman ani dawn lova, hemi winter brand atana hma in lak zel dan tur a pholang har zawk ang bakah nangmahni el deuh tu che u an lo awm takin khami te tan khan hlawkna a chang daih theia " ka ti a. Ka sawi zawh rual rual chuan ka thusawi awih awm loh lutuk avang chuan lei ka chhuah vak ringawta. Eng eng nge ka sawi pawh ka in hre tawh lo e a.




" kan sawi belh lawk ang aw" tih thûm sup pah chuan mi tenawmpa chuan min rawn melh deuh khera ka lo melh let ve kiau avang chuan a then suka ka mur chuai thei ka nu in darkar chanve pawh kan awm lovang te a ti vela tunah darkar chanve aia rei kan awm tawh ania ka ning tawh lutuk, lum ti mang si lo hian ka thlan dup in ka hria.




A aw thûm zet chuan ka taksa chhunglam hi a nghawr ni maiin ka hria ka sawi thiamlo a tawng lai te chuan ka taksa chhunglam hi engtin emaw an awma ka thin lah hi inthlahrung lek lovin a rawn phu a thaw chhuak hak in ka dawm ta ngat a hetianga ka awm chhan hi ka hre chak takzet ani.




Darkar chanve dang a ral leh tawh ang tihah chuan kan chhuak ve ta hrama eng em em nge maw an sawi ang ni sawi rei lutuk mai "bawihpui, Jeremy khan I thusawi kha a pawm khawp mai chuan show a tel ve turin a sawm che a I kal ngei chu a ngai ang" ka nu thusawi avang chuan amah chu ka en nghal dawr a. "engmaw!? " ka ti ta thlâwt ringawt.




"Show ah khan tel turin a sawm che a kal ngei ngei ang che min tawiawm ani mai, tinung vat rawh I u pawh a ngaihtuah awm tawh ania kan kal vat a ngai ani, rin aiin kan inbe rei leh ta sia, sawi tur alo tam bawk em alawm mawle, scooty hi kan khalh ang e aw" a ti nghal zung zung a. Chahbi chu ka kut atangin a la a a tinung a a chevel chu ka lo en reng ringawt. Tunah khan a tawng zung zung a engmah pawh ka sawi ve hman lo chuan ka ngaihdan pawh min râwn hauh lo. Ka nu awmdan a zawnga la maksak ber aniang.




"Nu!" ka ti nghat, min rawn en a "rawn chuang vat la i u a ngaihtuahawm tawh ania" a rawn ti leh, ani tlan chhuah a inring reng tawh. "Enge i hriata?" Ka ti leh nghata hlauh nei te pawh a ang lek lek zawk. "Engmah hre love, vawiin thil thleng te ka lo hriaa sawipui ka duh ang che, rawn chuang rawh" a rawn ti a melh hrek hrek pah chuan ka chuanga damdawiin lam pan chuan kan kal a. Ka nu erawh cabin ah reilo te a awma hna thawk turin min hawsana ka u bulah chuan keimahin ka thu kâk bawk.




Sylvia lah rawn len ruk a tum tehlul nen, a chhuak tur anu in a man leh ta sia. Thinrim tun chungin roomah ka inkalh khum a rawn ti a ka bulah anu a hêk char char a, a chang leh kha mitenawmpa chungchang kha a rawn sawi leh thin, a chang leh anu a rawn sawisela, mi hman ka ti lo theilo.




A tukah chuan inkhawm turin ka nu in min rawn hrilha ka haw pheia ka nu in ka u enkawl tura private nurse a rawih te kha a thiante fa vek an nih avangin ngaihtuahawm lutuk ah a dah lova chuvanga inkhawm tura min chah haw ani bawk.




Inah chuan ka intifai thuak thuaka ka nu sam chu ka roll sak leh phawt a. Chaw ei kham chuan insiam turin room lamah ka chho hnak hnak bawk.




Ka hmai chei tura darthlalang hmaa ka thu chu ka phone message tone ri avang chuan message lo thleng chu ka en leh tê tê phawta. Sylvia message chu ka open a.


*vew, vawiin chu chawhnu inkhawm lo mai ila, naktuka kan test tur hi min rawn en pui la*


*ka hrelo le, anu dil phawt a ngai ang*


*keiman ka lo dil ang, nu Christy chu ka ngam alawm. Bye phawt ka insiam dawn, ka rawn sawm ang che😉* emoji a rawn dah tela nui chhuak hak in phone chu ka dahthlaa ka lu tuamna chu phelhin ka sam chu ka ti ro hmasa leh phawta.




Ka nu in ka pianchama min thuisak kawr dum chu ka ha a, puan eng tak a tlanga a duma intial chu ka bih bawka ka pianchama ka dawn tho ka pheikhawk dum sang chu ka bun bawka ka sam chu thlah in ka chal hmasam chu ka ti tla a, bakilh pahnih chu ka samah ka chep bet bawka. Bag chu la in inhnuai lamah chuan ka chhuk thla a nu sangi leh ka nu chuan min lo nghak reng tawh bawk.




Ka nu leh nu Sangi chu car in an kala kei erawh chuan Sylvia ka la nghak rân thung. Dar 9:30 ah a rawn thlenga a scooty chuan biakin lam kan pana khalh pahin a tawng zuap zuapa amah avang bawkin zawhte kan sut tep phah.




Biakin lam pan chuan stepah kan chho dun hnak hnak a kan pahnih chuan kan tawng chho dun char char bawk a biakin kan thlen chuan ka hah em avang chuan ka thaw chhuak hak a. "Nu Christy chu zawng ang lo kal rawh inkhawm ban veleh i rawn tlang nghal dawn nia" ka hahdam hma hma in ka nu awmna âwm ang lamah chuan min kai phei nghal ringawt a midangte nena an lo inbia chu kan va hmua a bula mipa ding saw ka hriat hnu avan ang tak.




"Nu Christy" tih pah chuan Sylvia chu an inkarah ava ding thawt thawt a Sylvia tawng ri avang chuan an rawn hawi deuh thup a, oh! Ka hriatnu a ang kha ka ti renga mahse enge hetah hian an rawn tih ve le, an biakin pawh ani tawp si lo. Hrim hrim in tinge maw hepa hi ka hmuh tak fo mai le. A tha dawnlo tlatin ka hria.




A bulah chuan nimina mi nu kha kha a ban vuan chungin alo dinga Jeremy chuan turtle neck ha in coat fual a ha bawka smart pants a ha bawka smart shoe a bun bawka chík zet hian min en a, ka lo melh let ve kiau a ka chal hmasam ka tih tlak avang hian min hai ve ve chiang lutuk! Pawi tawp love min hre lo se ka duh mah zawk.




"Bawihpui, itan a harsa zawk lo maw?" Ka nu chuan a rawn ti a, ka chhan hma hma chuan "nu Christy a harsat loh thu ka bulah a sawi tawh alawm" Sylvia chuan a lo ti nghal zung zung a, ka melh nghal hâw ringawt. Zung zung zela "eh" pawh ka ti ve hman reng reng hleinem.




"Anih chuan lo haw har lo la, i u bulah ka phei dawna" a rawn ti a, ka bu nghata "Sylvia" Jeremy'a kaitu nu rawn tawng avang chuan Sylvia chu a meng rum nghal rap maia keipawh hian nimin vang khan ka la haw hlur mai, amah avangin limbu rim ka nam phah vek lehnghal "vew, kal ang, a hma lamah thu mai ang" tih pah chuan ka banah min rawn kaia chak zetin biakin lam pan chuan min kai pheia.




"Hey, enge maw i hriat le? Ngatinge khati khan i awm ve rikngawta?" Tih pah chuan ka pawt dinga "U Zorini anih kha. Ka cousin, ka ngei teh mai ania sual ropui si, zak theilo ropui si" a rawn ti ta zung zung mai "Khanu kha i cousin maw!?" Ka mak tihna chu ka thup thei thlawt lo. Engtin nge a nih theih zawk.




"Aw, anih kha ka ngaina hrep love lut ang" tih pah chuan min kaia khanu kha a cousin anih si chuan ngatinge min hrilh ngai miah lo le. A chanchin kha a sawi ngai lo reng reng.




Biakinah chuan khuangpu hnungah kan thu a, kan ep chiah upa thutna lampangah chuan inmelh chian theih em em hian Jeremy te an thu bawka confi deuh pawn ka thu thei derlo anih chu! Ka va hawi phei apiang lahin chiang zet hian min lo en thina ka hawisawn rang thei mah mah bawk.




Thusawitu hi apu alo ni renga apu te an pêm dawn avangin he biakina a thusawi tawpna ber turah an rawn tawiawm alo ni a. An chhungkua an han ding chu rual thah thah tak anni, ka hnung ami te lah chuan a chhiatloh zia an sawi bang theilo lehnghala ka hne hman lek lek.




Sylvia in Zorini a tih chu ka en leh thina Sylvia cousin ani hi ka la awi theilo zawk, niminah te khan dawrah khan an lo kal rual deuh thaw a mahse inhre ngai lo ang hmakin an awm anih kha. Sylvia pawh khan a hmu ve reng awm tho sia, a haw hle ani ngei ang. Kum heti zat kan inkawm ve tawha chhete pawn a sawi lang ngailo.




Inkhawm ban chuan thla an lak pui sup sup a keini erawh Sylvia te in lam kan pan nghala a roomah chuan kan inkhung nghal chat bawk. Naktuka an test tur note chu ka ziah chhuak saka a ni pawn alo ziak chhuak ve nual bawk.




"Sylvia, ngatinge i cousin chungchang chu min hrilh ngai miah lo a" thil kan ziah mawlh mawlh lai chuan ka ti chhuak ta nge nge, ka rilru a kap renga bakah amak em ani. Vawikhatmah a sawi ngai miau lo, a unau dangte chanchin pawh min hrilh nasa thei lutuk ringawt.




"Hrilh tlak awm hek lo bakah ka cousin dangte angin ka ngaina ve lo, ani khu chu maw engtikah mah ka ngainat ka ring lo, a sual ropui si" a rawn ti ve hlaka a hmel chu a túm deuh bar a "ngatinge i huat em em a?" Ka ti leh hram.




"Ihmaw.... an hausak em avang sawn thil hre changkang turah a inngai bik tlata, chhungkuaa thil tih ho naah hian a duh ang khera tih a duh thin bawk sia, kei lah in a duh ang ho chu chhete pawn ka duh lo. Chuvang chuan kan inhnial thina ka chhungte pawh hi ama lamah khuan an tang vek zel, thil dang vang pawn ka haw teuh mai. A hausakna a inchhuang lutuk te khu ka hua. Hmanni lawka Mizoram hmeichhe entawn tlaka an thlang te kha awihawm loh ka ti teh mai ania khutiang sual lutuk khu. Jeremy lah khu a inti neitu em em lehnghala ka ngei tlat eng ang pawn a bialpa ni mahse ka star awm tho emai, anin a duh vangin kan duh ve theilo tihna pawh ani lo a kherh nasa ropui si" a rawn ti ta duah, Nimin thil thleng ka mitthlaah an rawn langa Sylvia sawi ang tak kha ani, a inchhuan mai bakah entawn tlaka an thlang chu a awihawm loh zawk alawm le.




Mite hian an pawnlam landan atang ngawtin mi an teh thina chutiang chiah chuan a pawnlam lan dan mawina der te, felna der te hmangin a nun an tehsaka tha chungchuangah an ngai ta a mahse a chhungril nun erawh hling hmun ani tih an hriatpui ve tawp si lo. Heihi keipawh ka nihna chiah ani. Kha thu mal khat 'der' tih mai te pawh hian thalaite hi min la khawih chhe dawn chauh si.




A dera an fak mihringa khan tha tak angin a in ngai ta a, mi aia chungah a indaha, a dik lohna te, a sualna te a hmu pha tawh lo. That belh zel duhna in a khata chu duhna thinlung chuan kawng thalo lam a pan tira, hei pawh hi mi nuna kan buai peih vanga thleng ani châwk.




" a ho emai, ani chanchin hi ka sawi reng peih lo, anu te an lo haw tawh in ka hria,Thil ei ang, chhuk lawk ila chumi zawh chuan kan chawl rih dawn nia" a rawn ti a, vawiina a thusawi tawh zawng zawng ah chuan ka la pawmpui ber ang. Ka ril tam tawh zia hi ka sawi peih lo zawk.




Inhnuaiah chuan kan chhuka thutkhawmna lamah chuan an lo awm deuh thupa chung zingah chuan Jeremy leh Sylvia Cousin pawh an lo awm ve a eng emaw an lo sawi ani ngei ang "nu enge ei tur awm?" Sylvia chuan a ti phei lang lang a.




"Chokaah ka dah kha, Rinrini nen khan va ei rawh u" a rawn ti a, kan pahnih chuan choka lam pan chuan kan inzui phei hnak hnak bawk. Sylvia nu thil siam hi ka ei ve fo tawha mahse ngaiah ka nei thei thlawt lo. Chawhmeh hrim hrim pawh a siam thiam takzet.




"Bawihte, heti lamah lo phei lawk ta che thil i sawiho lawk ang u Rinrin, nangmahin lo awm lawk mai rawh aw" Sylvia nu chuan thil kan ei tan hma hauh chuan a rawn ti a, ka bu nghata "ka rawn let har lovang, Zorini awmna ah ka awm ve reng peih hleinem" Sylvia chuan a rawn ti hrama, anu chu a zui pheia. Engvanga a cousin pawh chu haw em em nge maw anih ang le. Kum heti zozai kan inkawm ve tawha mahse a cousin chungchang hi min hrilh ve ngai lo reng reng, a haw hle ani ngei ang.




Anih chuan nimin thil thleng kha hrilh chi ani dawn lo tawp mai, hrilh ka duh tehlul nen, mahse ka sawi anih vaih chuan a mood ka tihchhiat sak vek awm sia sawi leh lo mai ang.




A rawn let har ve reuh em avang chuan thingpui pawh ka lo in zawh sana a thingpui erawh chu a dâi vek tawha ka paih sak ringawt bawk. Chhang bawm chu ka dahfel a no pawh sil turin ka dah leh veka dawhkan pawh ka hru thlap bawk.




Kan in na no ka sil laia ka beng bula thaw lum ham ham avang chuan ka phu zawka ka thil tih lai chu ka tawp chawt, chumi rual deuh thaw chuan ka hnung chuan pangtilum zet a hre rang kher bawk. Thinphu dat dat in tunge anih en tum in sir lam chu ka en phei a Jeremy hmel chiang zet ka hmuh avang chuan rang lutukin hmalam ka en nghal vat a, ka thin phu ri a rang zawih zawih mai.




"Engthil nge maw itih le, awmsawn nghal rawh. Tenawmpa!" Ka ti zawi thata, midang an rawn kal vaih chuan ka chhe vek ani mai, a bikin kha dâwt thiamnu i kha. "Awmsawn rawh ka tih chu, mi an lo kal ang. Engvangin nge hetiang hian i awm ve rikngawta?" Ka mangang lutuk chuan ka ti chhuak ta ringawt. Khanu kha lo kal ta se, ka chhe vek ani mai. Mi inkara tlakzeh ka duh teuh lo.




"Hahdam rawh, tumah an lo kal lovang" ka beng bulah a rawn ti zâwi sup, chumi rual deuh thaw chuan ka kawngah a rawn vuana íp châwih in a kut chu ka va vawn sak chawt!. "mi tenawmpa khawih pawh min khawih hlek suh, i zak theilo lutuk" ka ti zawi fak! Ani erawh chu ka beng bulah a khi suk ringawta engvanga hetia rawn awm hi nge maw anih hrep le âwm ang lo lutuk.




"Mi tenawmpa" ati ve supa a nui ri deuk suk bawk "aw, mi tenawm inih hi, min thlah nghal rawh" ka ti leh a ka kawnga a vawnna chu na zeta vuan chungin ka phih sawna rang lutukin ka dinna atang chuan ka tawlhsawna choka atanga chhuah ka tum chu ka banah min rawn pawta, a âwmah chuan ka va in tauh deuh chawrh bawk.




"Enge maw i hriat le? Engvangin nge hetiang hian i awm a? I mawl ami? Min thlah rawh" ka ti thata midang an lo kal mawlh ani ka hlauh ni, ni lo lo khan min puh leh anga chutiang chu ka duh teuh lo. Ka kut a vawnna chu ka pawta a thlah ve maia mahse rang lutukin ka kawngah a rawn hmer leh chawt a íp châwih chungin ka bawh rawk rawk ani ber.




"Nimin kha chuan zâm miah lovin i tawng kha ani a tunah lêm i aw a khur leh bawk si a, a chhan min lo hrilh teh. Zawhte note" a rawn ti supa ka mitah chiang zetin min melh a ka thinphu dawt dawt hi a hria nge mawni a nui ri suk lehnghal ka kawng a hmerna te chu a rawn ti nghet sauh bawk a, ka íp châwih rualin a âwmah ka va bawh rawk rawk zel.




"Nimin leh tun hun a inang tlat lo, chuan zawhte note ka nilo min thlah rawh. Kha i dâwt thiamnui kha alo kal vaih chuan nimin ai khan a rawn nasa mai ang, limbu tui mai pawh nilo, chi tuiin min theh duh tawh zawk ang chu" ka ti thata a rawn nui chhuak hawk a a mitah tak chuan en in "a kâ atanga tek a chhuah i duh loh chuan min thlah vat mai rawh" ka ti leh fak!. Ngatinge maw min pawh beh tlat mai le. A uapna na zet avang hian ka thaw a chham thei mai dawnin ka hria.




"Athena" ril zet chuan a rawn ti sup.



"Khatiang khan min ko suh, kha kha ka hming pawh ani lo" ka ti hlak. Ka pa min sak sak anih avang hrim hrim pawh hian ka hua.



"I hming chu ani ngei alawm, Athena Lalrinnungi" a rawn ti zui leh sup, ka mitah chiang zeta min rawn en in a rawn kun hniama rang lutukin a hmaiah ka kutin ka han nawr a, thúk zet hian a rawn nui rúm hawk.



"Mi tenawm inih hi, ka hming chu ani ngei alawm, mahse khatiang khan vawikhat mah min ko suh ka duh ngai lovang, tuman min ko ngai lo. Ka duh lo bawk. Engtikah mah ka duh ngai lovang. Kha hming kha ka hua ani" ka ti thata, ka pa ka mitthlaah a rawn langa thinrimna in ka khat bawk.



"Min thlah rawh!" tih fak pah chuan theih patawpin ka kawnga a vawnna kut chu phih sawn ka tuma mahse ka thei lo a âwmah chuan ka nem vaka tlema a dul rual deuh thaw chuan chêt la in rang zetin choka chu ka chhuahsana, he hming avanga ka pa ka hrechhuak zel dawn anih chuan ka thlak chiang khawp ang.




Ka nu engmah hrilh lova a kalsan tawp dan te ka mitthlaah an rawn lang zut zut a. A hnuah pawisa duh âwm ang zia zânga a chhuaha pawisa tam tham zet a rawn pek lai te, a uire na nu ngeiin a ka nu a tawngkhum lai te leh a ben lai te, ka pa in engmah ti loa a lo en mai mai lai te kha an rawn langa ka thin hi a tâwt up up a, lehlamah ka tah a chhuak ut ut bawk.




"Vew, ngatinge a? I mit a sen vek ania" Sylvia aw ri ka hriat chuan ka hawi chhuak nghal vat a "engmah ani lo, haw ka duha kan zo tawh tiraw?" Nuih luih sâng pah chuan ka ti a, ka kut ka húm ngawt ngawt a, theihtawpa inthunun tumin ka bei a mahse ka tah chhuak lutuk avang chuan in súm zo lovin ka mittui a rawn far thla ta fep mai "aw, mahse ngatinge a? Tinge i tah?" Tih pah chuan min rawn kuaha ka lo insút nghal hraih a. A banah chuan vuanin ka hmer ngawt ngawt a, ka tah chhunzawm loh nan tiin ka hmui ka pet ngar ngar bawk.




"Jeremy, u Zorin'n sawtah a nghak che aw" Sylvia in Jeremy hming a rawn lam rual te chuan a ban chu ka hmer chawt chawt a ka tah rik loh nan ka hmui ka pet fan fan bawk. Ke pên thawm hlat tial tial takah chuan min kuahna atang chuan ka awm hranga.




"Ngatinge? Jeremy khan a hau che mi? Vew, sawi rawh" a rawn ti a, ka lu ka thing nghat a. "Aih, ka lo chhuah khan alo lut ve chiah alawm, ka pa ka ngaihtuaha ka lo tap ringawt anih hi, min thlah tawh la inthlaka damdawiin lamah kal ve ka duh a" ka theihtawpin ka aw chu ka thunun a, ka biang huh te chu ka hru thuak thuak bawk.




"Ka awih lo, thil zep i nei chiang lutuk ringawt,, ipa ngaihtuahin i tap ngawt lovang, kha i mit pawh a sen vek alawm" chiang zeta min en pah chuan a rawn ti leh a, ka nui lui a.




"Ka ti tak tak alawm, engmah zep ka neilo"




"Ka hriat leh si vaih chuan aw i châk lo ngawt ang. Lo awm rawh, i pheikhawk ka han la ang" a rawn ti a, inchung lama a chho chu ka en renga ka thaw chhuak hak "thiani, ka tah chhan te chu a ho lutuk. Tumah hrilh tham pawh ani lo, chutiang bawk in buaina tham a tling lo" ka ti chhuak sapa. An tan chuan thil ho tak ani, mahse ka tan erawh chuan a ho ve hauh si lo.




"Nu, pa, vew'i hi damdawiinah ka va thlah lawk dawn nia, ka rawn let har lovang" Thutkhawmnaa an lo thut thup lai chuan a ti leh thawr a. Jeremy chuan chiang zetin min en tih ka hria mahse kei erawh chu Sylvia phênah ka biru char char thung. Ka tap tih a hre lehnghala ka tah chhan lah kha ani tan chuan a ho hle dawn lehnghal.




"Awle, mahse rei lo la. Rinrin, i u chu ziaawm lam a pan tawh em?" Sylvia pa chuan a rawn ti a. " A tha ve zel e" ka ti sapa. A bu nghat a "anih chu, a lawmawm anih chu, kan lo tawngtai pui reng che u ania. Nangni pawh tawngtai thlahthlam lo ula i u pawh a tha leh vat turah ngai ang" a rawn ti a. "Awle" tih ringawtin ka chhang ringawt bawk.




Sylvia chuan damdawiin thleng min thlaha ka u reilo te a rawn kan ve lawka kan chhungte thenkhat pawh an lo awm nuala Tims'a pawh a tel ve ngei a Sylvia awm ngaihna hrelo lutuk kha ka khawngaih zawk. Engtin nge Tims'a hi a hriat reng reng le, kei lah chu kan chhungte ani chung pawn ka hre lo ania. Tih tak êmah chuan ka phone hi ka hmang tangkai lo ve em ani. Kohhran lampang atang te leh thiante leh chhungte atang pawn hauh ka tawh phahna ani fo, an thusawi hi ka hre ve vak ngai lova. Ka phur thut anih loh chuan ka chhiar peih lova ka seen ringawt zel bawk. Contact leh group ka mute vek avangin message rawn thleng hmuh loh leh chhan loh ka ngaha hei vang hian induh tih ka hlawh phah fo bawk. Sylvia leh ka nu bak ka be ngai meuh lo. Heipawh thatchhiat vang tho.😆




Tims'a chuan a bialnu emaw ni a rawn hruai ve ani ngei ang an chhaih deuh sap sap a, amah ang lo takin a sen ve tawn tawn nia mawle. Ka hmuh laia a in tih pâ theih tehlul nen, a nuihzatthlak reuh lutuk ringawt. A beng te chu a sen vek thei nia mawle.




Tullo zetin khapa min tihdan kha ka ngaihtuah let tlat peka, engvanga khatianga rawn awm kha nge anih ka la hre chak fo bawk. A kut hlai hlup ka vawn rual khan ka kut têt zia ka hre chianga, a âwma ka kut ka nghah khan a thinphu dat dat ri ka hre theia kha khan engtin emaw tak min awm tir bawk. A thaw lum ham ham in ka beng a thâwk khum khan ka hriat ngai lo pui pui feelings mak zet zet ka nei nghala khang kha ka duhlo. Khang thil kha a thleng lo, engkim theihnghilh vek ka duh. Engmah kha hriat ka duh tawh lo. Khatiang feelings neih te kha ka duh hauh lo.




Thaw chhuak hakin ka mal ah ka kiu ka nghata ka sam tham chho vakin ka maimichhing ngawt ngawt a. "Engmah kha ngaihtuah tawh suh, a tha vek. Khatiang kha a thlen tawpna ani tawh dawn alawm. Tu mipa mahin an khawih tawh lo ang che. Hahdam la, theihnghilh tum rawh" tia mahni inbia in ka phun sep sep a, mahse theihnghilh erawh chu harsa tak ani.




Ka nu inkhawm tura a chhuah hnu chuan tihtur a awm lo em avang chuan Sylvia chu ka va text ringawt a.



*i inkhawm lo mi?*



*teuh lo, anu in lehkha zir turin min ti, peih lo tak ka ni*



*peih hram hram rawh*



*u Zorini ten chaw an rawn eia Jeremy leh a chhungte kha inkhawm leh an duh sia chuvang chuan chaw an rawn eia ka ei ve peih loa mahse anu in min tihluih avangin ka chhuk leha ka ei hnem leh ta phian sia😅😅*




Nurse in min rawn koh avang chuan chhang lo chuan ka va pheia damdawi lei tur min pe a ka inthuam lum leh phawta, chumi hnu chuan ka kal chhuak ta tho bawk. Ka nu inkhawm kal tur thlah pahin ka va inthlak ve zuaia mahse damdawiinah ka kal lehnghal a, zanin chu inkhawm ka tum ve tehlul nen, ka nu inkhawm a ngai ngei ngei bawk sia, chuvang vek.




"Heihi, min lo pe aw" tih pah chuan nurse min pek lehkha chu ka pe a, tlai lama thil thleng avang hrep khan ka mood hi a fuh hleithei lo, damdawi chu la khawm in min fún sak veka pawisa ka pek hnu chuan inhera kal mai ka tuma mahse damdawiin gate a rawn lut te avang chuan ka ding nghal chawt. Mi tenawmpa leh ka nu maw!? Enge sawpa sawn a rawn tih dawna! Tinge ka hmuh tak fo mai le, ka mit hmuhah hian a tam tlat , a chi dawn loh riau mai. Ka hriat loh lai hian ka lo ngaizawng daih ang tih ka hlau.



Khai! Lalrinnung, ngaihtuah loh tur tur ngaihtuah suh, ngaizawng bawk suh, vawiina a tihdan che kha ngaihtuah rawh, a bialnu emaw in a tihdan che te kha, mipa ah rilru pe suh, ipa ang vek kha an ni dawn tumah rintlak an awm lo. Ngaihtuah tawh suh, ngaihzawn phei kha chu theihnghilh hmak rawh tih rilruk hlak pah chuan ka lu ka thing vak ringawt.




Mahse tullo zetin ka thin a phu rang dat dat a, hahdam tumin thâwk ka la a, mahse awmzia a awm chuang lo. Min rawn hnaih telh telh a, ka awm dan phung a buai tial tial a, ka dinna ah hian charh beh ang maiin ka awm bawka. Ka che reng reng hi a sak talh mai.‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍




"Bawihpui" kal ka tum a, ka nu min koh ri avang chuan ka ding leh dat a ka hawi let leh a an pahnih chuan ka nuih lui hram hram a, ava har tak ani!. "Hetah enge i tih a?" A rawn ti a, ka thil khai lai chu a rawn melh a nuih vur vur pah chuan ka thil khai lai chu ka lek chho a "nurse in damdawi lei tuin min tia" ka ti ban chap a ka thil khai lai chu a la a. A keu a.




"Aw.....ka lo thleng hman lo chu ava pawi e, damdawi hi zawh chian ka ngai tak asin ama tan a tangkai lo tlatin ka hria" a rawn ti a, ka nu chu ka melh lui ngar ngar a, he mi tenawma hi ka en dawn lo hrim hrim, a theih chhung chu a hmel hi ka hmu tawh lovang tun hnuah pawh.




"In va bang hma ve" ka ti ta daih a, ka kut chu suihin hnunglamah chuan ka hmer vaka, tihian ngaihtuah ve teh u, in hmaah mihring pahnih ding ta se, pakhat ngawr ngawr kha en tum ta tlat ula, a hreawm ve tho ang ti rawh u, keipawh ka mitmu hi a che thiang eih lo.




"Nia, zanin chu thu a sawi rei vak lova. Taka ka rawn phei hma khan Andria in a rawn call a a call tlang theilo che a naktukah kal hma turin a duh che a, zing kar atanga order pek chhuah tur a tam a tiin ka hria. Chuvang chuan lo va haw mai la, mu hma la i kal hma dawn nia, rawn riah ve chu a ngai lo ang aw bawihpui" a rawn ti chiah mai chu engdang mah ka ngaihtuah tawh lo. Nui vur vur chungin.




"Yes! Yes! Yes!" Ka ti ta chiama ka kut chu ka húm a ka au vak ringawt bawk. Ka mood te an rawn ti tha vekin ka hria. Mahse chiang zeta min lo en ngur tu ka hmuh rual rual chuan ka nui lai chu ka tawp riai riai a ka nu pawh chuan chiang zet hian min lo en bawka zah avangin ka sen tawn tawn thei.




"Nu, ka tih awmzia tak zawk chu, plate chawi kual vel aiin order pek a nuam zawk dawna chumi vang zawk chu nia yes ka tih nachhan chu..... damdawiina ka riah peih loh vang ani miah lo ania" ka tawng bah ta nawk ringawt.




"Engpawh chu ni teh se, va haw la mu nghal ang che haw lamah fimkhur la, zan a rei dawn tawha khawlaia leng vel an tam dawna fimkhur ang che" ka nu thusawi ah chuan din ngheh hmel zet hian ka bu ta nghat a. Min hau dawn amaw ka ti hman alawm "Ka lo thlah dawn che em ni?" rawn ti thúm sup tu avang chuan ka meng deuh kâwk a mahse ka nu ka la melh lui ngar ngar tho.




"Ni e, bawihte, Jeremy hi va inthlah tir lawk mai la, i scooty chu hetah i riah mai anga" ka nu thu rawn sawi avang chuan ka ner nghal nâwnga alo thlâwp ve hman ziah, mahse hepa min thlah ai chuan keimaha haw pawh ka thlang fê zawk, alak atang hian engmah ti lo mah ila ka inthiar fihlim dawn hi ani tawp mai ni.




"Nu, a ngai hleinem, ka ngaihtuahawm lovang. Ka thlen veleh ka rawn call ang che. Hei, dar 9 chauh alawm ala nih. Ka lo call ang che, anih ka kal ania" ka ti ta zung zung a, min chhan letna pawh nghak tawh lo chuan man beh hlau ni awm fahran hian tlan meuhin ka scooty awmna lampang ka pana ka thlen meuh chuan ka thaw chhuak hlâwi hlâwi bawk.




Ka âwm chu ka dawma "ava rapthlak tak em!. Ka hah lutuk ringawt khapa lak atanga tlanchhiat ka tumna lamah hian ka lung te hi ka ti thalo thei tak ngial dawn. Ngatan mah ka tih loh tehlul nen, mahse ka hmu ngam tlat lo chu nia. Ka dik vaklo aniang, ka â tawh ani ngei ang" keima hriat tawk tur lek chuan ka phun sep sep a.




"Tu lak atangin maw i tlanchhiata?"




"Awi!!!.... anu...." ka phu nasa lutuk chu au chhuak vakin ka kat dawrha, ka âwm dawm chungin rang zet chuan ka hawi let a, pum dawm meuha lo nui khur char char ka hmuh rual chuan "min ti phu alawm, i mawl lutuk, nge khatia i rawn au vaka" Ka ti vak a. Kei hi ka lungphu a thalo thei tak ngial dawnin ka hria.




"Min ti phu lutuk" ka ti zui leh hram a. Ka thinphu nasa lutuk avang chuan ka âwm chu na zet hian ka dawm bawk. "I thusawi zawng zawng kha ka rawn hre hman vek ania aw" nuih za insúm tih hriat reng reng hian khík súng pah hian ala rawn ti leh hram a.




"Engmah ka sawi reng reng lo, chuan engmah i rawn hrelo tihna anih chu" ka ti hlak a ka scooty a chuan tum chuan ka inhera "tu lak atangin maw i tlanchhiata?" A thusawi avang chuan ka ding leh dat a, ka hawi let a a mit lo min lo sân khum ak a, "tu lak atang mahin ka tlanchhe lo" ka ti leh a, ngatan nge maw ka thusawi mai mai pawh chu a tih le.




"Tun mai khan Jeremy leh inu ka hmua an lak atang khan em ni i tlanchhiata nau'i" a rawn ti ta mai. "Engmaw!" Ka ti chhuak vak a, " inu leh Jeremy kha i rawn tlansan tihna em ni?" A rawn ti leh a, rang lutukin ka lu ka thing nghut a "chulam engmah a awm lo. I buai lohna tur tur ah lo buai suh Vanlaltims" ka ti hlak a, ka melh rum hrepa, chahbi phawrh chhuah tum chuan ka iptê ka dap nghal rawk rawk a. An awm miah lo ka phone pawh.




"Cabin ah khan ka theihnghilh ani hrim hrim ang" ka ti sapa, ka hmaa Tims'a ding chu melh leh hrep pah chuan damdawiin lamah bawk chuan ka let chho leh a. Ka va huphurh mai mai tak, a vawikhat na ka paltlang tawha mahse a vawihnihna in an zui lehnghala, mahse pawi lo chahbi leh phone bak ka la dawn chuang lo, en na hun pawh a awm hman dawn chuang hleinem. Bakah amah a awm kher awm lo emai.




Mahse, cabin ka lut tur chu ka thaw chhuak leh hak a, ka thin hi a phu dat dat nia. "A pawilo, ka en hman dawn chuang hleinem lut phawt mai ang alo awm lo maithei asin" ka ti leh hnuhnawha ka hmu hreh lutuk hi ka tah a chhuak hial zawk ka hmuh hreh chhan lah ka hre hek lo, mahse ka huphurh em em mai ani.




Cabin kawngka ka hawn chuan hawi kual thuak thuak in zâwi thei ang ber chuan ka pên luta thut khawmna lamah chuan tumah an lo awm hauh lo a, ka nui nghal ver ver a thut khawmna bula dawhkan chunga ka phone leh chahbi lo awm chu ka hmu nghal zat a, chhuat chu dím zeta rap chungin ka pan phei thâm thâm a.




Chahbi leh phone chu ka la a, thawm siam hlau zeta ka pên phei leh tur chu ka zakdawha vuana min rawn pawt chho lawptu avang chuan ka phu hmanhmawha ka thil ken chu rang zetin ka hnunglamah ka dah nghala mahse ka mi hmuh avang hrep chuan min vawnna atang chuan rang zetin ka tal hrang nghala. Thúk zeta min melh pah chuan min rawn pan hnai sauha kei lah chu ka thil ken húm nghet sauh chung chuan hnunglamah ka pên ve lehzela, engvanga hetia awm hi nge maw ka nih le. Ka tlan chhuak phut mai dawn amaw ni le.




"E..e..engthil nge maw itih le? Lo kal hnai tawh suh, lo kal hnai tawh suh ka tih chu" ka kut phar chhuak meuhin zâwi thei ang ber chuan ka au chhuaka ring zeta ka au anih chuan nurse in min rawn hau dawn bawk si mahse tinge a rawn pên apiang hian hlau ang hrima ka tawlhsawn le, ka ke te hi keiman ka control tawh lo te pawh a ang zawk lek lek alawm le.




Ka thusawi zawm lo tih hriat zet chuan min rawn pan hnai zela a rawn pên leh rual deuh thaw chuan ka tlan phuta mahse reilo tê ah min pawt letin a âwmah chuan ka va intauh lehnghal chawrh a vawiin ni ang bawk khan ka kawngah vuanin amah hnaih chêt tur chuan min hnukhnai leha chahbi leh ka phone húm reng chung chuan ka phar diai ringawta, a rawn chêt thut avang hian ka hamhaih lek lek zawk.




Ka tawng tur chiah chu a kut lehlam chuan ka hmui a rawn hup a, tal ka tum rual chuan hnai zetah hian ka mitah min rawn en a, ka tawp chiang mah mah "tawng miah suh, anih loh chuan nurse duty leh inu an rawn kal mai ang chumi i duh lo anih chuan tawng miah suh" a rawn ti thúm sup a, a mitah ka melh let ve ngar a, a nui suka chil ka lem dâka a kuta ka kâ a hupna chu lak thlak ka tuma mahse a nghet lutuk ringawt.




"Min thlah rawh" ka kâ a hup reng chung chuan ka ti chhuak a mahse ka tawng chu a chiang fahran lo ka riat nawk nawk ani ringawt "thil sawi i nei in ka hria" tih sup pah chuan ka hnarah a hnar rawn nghatin chiang zet hian min en a, ka thaw chhuak hak!. Ka kut chu la thla in ka kawnga a vawnna chu phelh tir ka tuma mahse vawiin ang bawk khan ka kut chu a rawn húm bet leh hmiah anih chu. Min kherh bet hneh lutuk a ka che theilo.




Ka hmui a hupna kut chu a rawn fawp zeuha ka meng nghal kâwk a, chumi a hmuh rual deuh thaw chuan a nui ri suka, muangchangin ka hmui a hupna chu a la thla a, ka thaw chhuak nghal hak a, rum zeta melh chhoh pah chuan "min thlah rawh ka tih chu, engvangin nge hetiang hian ka chungah i awm ve rikngawta?" Ka ti zui nghal that a, ka sawi zo chiah chu ka tawng chhuah avang chuan ka van inchhir chiang em!.




Ka kut chu húm betin a kut pahnih chuan ka kawngah a man bet ve ve a, ka tal deuh laih a, mahse a tha chu hneh lo tak ka ni. Tur zeta melh pah chuan "ivan mak tak! Min thlah teh, hetianga awm tur pawh hi ini lo, tinge hetiang hian min man bet ziaha?" Ka ti ta thlâwt ringawt, ani lakah hi chuan ka thusawi te hi chu engmah lo mai an ni ziah.




Tal deuh laih pah chuan "min chhang ta che zawhna ka zawh che chu, engvangin nge hetiang hian ka lakah i awm ziaha?" Ka ti tha leh ngata, ka ngei lutuk hi ben pawp mai ania ka nâp ni, ka thin a rim hlur ringawt, mahse tawngkam vín pawh a lakah hi chuan engmah ani lo. Tha a ngah bik ropui si.




"Ka hre bik lo le, hetianga awm tur hian min siam anih mahna" a rawn ti ta supa, a ngaihna hrelo zet chuan ka melh nghal hâw a "hetianga awm tur hian ka siam hauh lo che a, chuan nangmah zawkin min man bet ziah a, chuti chung chuan ka siam che amaw ila ti amaw! Hah! Ka hriatna che pawh ala reilo a chutih chhung pawh chuan ka huat tur hlirin ila awma ka hmelhriat tawh zawng zawnga la mak ber ila niang, chuan ka haw em em bawk che. Hetiang hian awm tawh suh" ka mangang lutuk chuan ka ti chhuak a, ka kut hi chêt takngial pawh ka ti che theilo, amah anga tha ngah ve nih ka châk rum rum.




Engmah sawilo chuan ka chalah a chal a rawn nghat ve a, tím dai chungin ka lo melh kiau a, awmsawn tur pawn ka engmah hi ka ti che theilo "khatianga chianga min en leh anih chuan eng emaw a thleng tawh hrim hrim ang, ka thlentir tawh ngei ang" ka thusawi nena inchawih lo zet chuan ril zet hian a rawn ti zâwi supa, daih daih chuan a!... ka hmui chu melhin a hmui chu sexy zetin a liak zeuh a, chumi rual chuan min thlaha ka thâwl hawk thei.




Ka pai zui nghal nawk nawk a, ka din that rual deuh thaw chuan rang zetin amah pawh en tawh lemlo chuan mawng pêt hlau niawm fahran hian ka tlan chhuak nghala. Step bulah chuan ding in ka thaw chhuak ham ham a, engvangin nge khatiang khan a awm ziah le, ka zawhna lah kha pakhat ma .a chhanna ka hmu lo lehnghal.




Engpawh nise, amah kha hnaih tawh lo ila a tha ber ang, inhmelhriat tha pawh kan ni lo a khatiang khan ka lakah a awm ngawt thei lo. Mi tenawm anih kha, hlat ang. Tun atang chuan amah hrelo anga ka awm a ngai tawh. Anih chuan kei hi ka dik dawnlo tlat engtin nge hmanni ami te kha ka theihnghilh theih zawka, theihnghilh thei ka ni lo.




Stepa ka chhuk chu Tims'a thil rawn pawm chho nen chuan kan intawk leh a, ala bâwr em em mai lehnghal. "Puih i ngai anih kha, puitu i zawn nasat hmel hle mai, puih che chu ka chak viaua mahse a tlai tawh sia ka nu in min tir haw sia, ka pui lo mai ang che aw midang lo nghak mai rawh" chimawm zet chuan ka ti chhuaka, min melh rum kher asin. A rit a tih vang nge a hah vang zawk pawh a hriat loh, a hmai te chu a sen vek tawh. A chalah te chuan a thisen zam te a lang kulh thei nia.




"Engmah sawi lo khan haw mai teh" a rawn ti hluka ka nui chhuak hak "Tak tak in khawia mi tur nge a? Damdawiinah tih tur i nei tawp si lo" ka ti leh a, zan zana hetia in khai bâwr vak nachhan tur hi a awm lo reng reng.




"I hriat ve a ngai lo, haw mai teh Chimawm"




"Ti teh.... Timspui, kan inhriatna pawh ala rei lova chimawm chu min ti nghal ngawt thei bik lovang, i chimawm in i sual zawk tih inhria la" ka kut chu ka phar chhuak duai a.




"Haw mai mai teh, nutei ka ko leh mai tur asin" a rawn ti hluka, kan inhriatna pawh la reilo mahse ka nêl tan der tawh, mahse a sualin a chimawm deuh tih mai loh chu "I koh hma in, tu ta tur nge a?" Ka ti leh hrama ka hre chak tlat pek anih chu..



"I tan a tangkai lo mawle"



"Mahse ka hre chak miau sia"



"Jezzriela ta tur anih hi. A tawk tawh em? Haw tawh rawh" a rawn ti ta hluka, parcel chu a chawia step ah chuan a pên pawk pawk in min kalsana, "lift a chuang ve mai ta che" ka ti zui leh hrama, a awmna ala rei loh tehlul nen mi hriat avan ngah tawh tak! Kei nen heti khawpa inchhung pawh hian amah ka hrelo ania, a mihring hriat chanve pawh ka hre miah lova nia ka rin ni.




Ka rin ai ka haw lamah ka hlau loa khawlaia awm vel an vân vang anih ka ring bawk. In ka thlen chuan nu Sangi chu T. V en in alo la meng a a mut a la chhuah loh thu leh ka haw chu mak a tih thu a sawia rei pawh titi lovin ka roomah ka chhoh sana ka bag chu dawhkanah nghatin khumah chuan ka bawk thlawpa, rizai chuan ka inkhuh nghala.




Tullo zetin kha mi tenawmpa kha ka ngaihtuah tlat peka, keia pawh hi tinge a bulah khan ka nêp em em mai le, tang tur te kha ka awm reng reng lo. Ka duhlo thu ka sawi thei ringawta mahse ka tang thei tak tak tawp si lo. Ka tawngtheihna te hi a lakah ka hmang thei lo reng reng. Enge maw ka hriat tak le, ka diklo ta em ni? Mipa in min khawih dêk dêk a tiang khan ka awm nghal ringawt ania. Mahse min khawihna kha a danglam, ka sawi thiamlo. Tu mipa mahin min la khawih loh vang anih ka ring, ka kawnga a vawnna te, ka hmui a hupna te, a âwm leh ka âwm insi rial te leh. A kut in min khawihna dam thlup te kha a danglam ka ti.




"Awi!! Lalrinnung, ngaihtuah tawh suh, theihnghilh rawh, engmah ani lo khatiang te chu engmah ani lo theihnghilh ang che, amah hrelo ang hmakin awm tawh rawh. Mu la naktukah thawh hma i ngai" tiin ka ngaihtuahna maksak zet avang chuan ka in hau leh rih a. Rizaia invial vak chungin ka thluaka awm te chu tih reh ka tuma mahse a va na mai lo tak a har ta talh mai. Hetia ngaihtuahna kawm mai mai te hi ka ching khat viau tawh asin mawle. Khapa vang vek kha ani.



Zingah thingtlang lama order zawng zawng ka sem chhuak veka Aizawl khawchhung erawh chu dar 8 vela sem chhuah ani chauh thin thingtlang lam chu sumo hi zing kar lama a chhuah thin avangin thawn hma an ngaia chuvanga min ko hma an ni reng bawk.




Aizawl khawchhung ah pakhat chiah pek ka ngaih tawh avangin dar 9 dawnah Chaltlang lamah ka chhuak chho a Traffic in min la man tep lehnghal, kei phei chuan ka tlan ni ani lo amaw ka ti hman tawha mahse checking an lo nei lek hi alo ni a, min tih hlauh hman zia chu pawisa engmah ka keng lawk bawk si lo, an bula ka pheiin thupha ka va chawi ringawt lehnghal, lehlamah ka in ti mualpho ani ringawt.




A tawpna ber tur in kawtah chuan ka scooty chu ka húng tha a, ka hma maia gate lian zet leh building lian zet chu en in ka thaw chhuak hak a, muangchangin gate chu ka nam hawng riai riai a, a chhungah chuan lutin in lam chu ka pana, a hmun hi a nalh takzet, phúl a awm veka a bulah pangpar leh thingkung tereuh te te a awm bawka, hmuh a nuam takzet.




Door bell chu ka hmeta mahse tuman min rawn chhang lo, ka hmet nawn leha mahse chhangtu an awm chuang lo pawi lo lut tawp mai ang, a pawi lo turah ngai mai ang ti rilru in inchhungah chuan ka lut a, a lian in a reh ruih a, tumah an awm lo a ang.




"In thil chah a lo thleng e" tiin ka au a, mahse tumah pawn min rawn chhâwn chuang lo, sitting room âwm ang lamah chuan ka lut ve thuaia dawhkanah chuan ka thil khai chu ka dah a "in awm em?" Ka ti leh hrama mahse tuman min chhang lo.




Ka lehkha ah hian an sign a ngai asin mawle, engtin nge maw ka tih ang ni. Tihian lo nghak tawp dawn ila, ka hahdam hman dawn bawk si lo. Ring zet hian ka au dawn zawk amaw ni le, hnathawk takngial pawh an awm lo emaw ni.




Au chhuah tuma ka hawi chhuak ka kâ ka âng chiah chu inchung stepa rawn chhukthla avang hrep chuan ka meng nghal kâwk a, a hnungah kha hmeichhia khan a rawn zui nghal bawka, stepa a rawn chhuk zawnga a taksa awmdan chu ka lo en reng a, a hnunga hmeichhia lah chuan kawr chhing zet ala ha zui.




Aii, enge ka hriata engvanga mipa kawr ha lo rawn chhuk chu en reng nge maw ka nih le. Hawisawn vat rawh, tih rilruk hlak pah chuan rang zet hian ka hawisawna ke pen thawm chuan ka thin phu ati rang dat dat a.




Ngatinge Madam khan mi tenawmpa in ani tih min hrilh loh le, min hrilh se chu ka kal miah lovang mawle, tunah hian tlanchhuak dawn ila, a chi tawh si lo, ka lehkhaah an la sign bawk si lo, an sign loh chuan thil hi ka pe thei bawk si lo. Min pui teh u, mi tenawmpa hi ka hmuh duhlo a hlatah awm ka ngai, ngatinge maw ka lo kal kher kher le.




"Tunge inih?" Rawn ti thúm dut tu avang chuan ka thaw chhuak hak a, awi! Ka hmuh leh ngei chu a ngai dawn anih hi ka van hreh tak em! He thil hi thleng lo se ka duh ngawih ngawih. "Tunge inih? Enge hetah i rawn tih?" A rawn ti leh sup, ka ner nânga ka kut chu hmer vakin "pawilo amah hrelo angin awm ila ni mai, hahdam rawh" Tiin mahni ka inhnêm chawpa ka hawi let tur chu ka thaw chhuak ham ham phawta.




"In thil chah alo thlenga, hetah sign in ngaia" tih sap pah chuan muangchangin ka hawi let a, an pahniha min hmu chu an meng phâwk hra maia, a hmeichhia erawh chuan min melh rum ngang mai. Awi! He thil hi lawm ka duh loh chu, mahse a ngai ngei bawk si, kawr a ha bawk si lo, amah en a ngai bawk si. Ka en lahin thúk zetin min melh thin bawk si. Awi! Helai atanga chhuah vat hi ka duh, ka â thei dawnin ka hria.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 1:51 pm

AT THE ELEVENTH HOUR - 3

By : Msi Miluhlulnui 👆💜


💜 Good relationship depend on respect and trust 💜


💜 Ka edit hman tawh si lova, word mak deuh deuh emaw inmil lo deuh te alo awm takin in hriatthiamna ka dil e. 💜
👇note a awma min lo chhiar sak ru aw 👇




"Min lo pe la" a rawn ti sup, insehru nghek pahin ka pan phei a, a bula ding hmeichhia erawh chuan ka hruai daih hlau ang hrimin a banah alo vuan taia a din hnaih em em mai lehnghal. I bialpa ve hi e, ngatan mah ka ti lo ka tih khum hrep dawn zawk amaw ni, min melh dan lah chu a no lo nasa mai lehnghal.




File leh pen chu ka pe a mahse rang zetin ka tawlhsawn lehnghala, a hming zawn ni ngei turah chuan a sign a amah pawh en lo in lehkhabu chu ka melh ngar ngar a, a sign zo chuan khup in min rawn pe a, ka lo ban vat a "min lo dawr leh zel dawn nia. Kan lawm lutuk e" ka ti sapa, hawi chhuak tawh lo chuan ka inhera ka pên tur chiah chu. Min koh ri avang chuan ka ding dat a, mahse min kohna hming erawh chuan min ti sa phat thei.




"Kha kha ka hming ani lo, min ko tawh suh" ka theihtawpa nêm chuan ka ti chhuaka, a thaw ri hrâwih chu ka hre zawm zat bawk. Engmah sawi zawm leh si lova a ngawih tak reng avang chuan " sawi tur i neih loh chuan ka kal ange, chuan khawngaihin ka ngen a che. 'Athena' tih khan min ko tawh lul suh. I duh chuan ka Mizo hmingpum pawn min ko thei ang, khatianga min koh lohna tur anih phawt chuan" ka ti sapa, hawilet lo chuan in lian leh reh ruih chu ka chhuahsana.




Ka Scooty bulah chuan dingin file chu seat ah chuan ka nghat chawrh a, seat bawhin ka thaw chhuak hak 'Athena Bawihi. Min lo pui lawk la inu hi thlim ang aw ani ai chuan kan chíng tha zawk hrim hrim ang chuan a thar tha bawk anga' tia ka pa in min auh paha pot a lei a dah lai chu ka mitthla nghal uar uar a.




'Pa, anu ai chuan kan thar tha zawk hrim hrim ang tiraw'


'Lutuk e, Bawihi inu ai chuan kan thar tha hrim hrim ang'


'Athena, inu bulah bâwngtuthlawh a awma va la ta che, lei hi lak belh ala ngai anih hi' a tih chuan thuawih takin ka tho chhuaka ka kala 'bawihte, suahdur nen aw' a rawn ti leha, nui var var in ka tlan phei nghala bawngtuthlawh leh suahdur keng chuan a bulah bawk ka let phei leh a.



'Ka fanu duat'i hi a chak tawh ania aw amah pawn suahdur te a keng zo tawh ania. Ka fanu ka hmangaih em em ka Athena Lalrinnungi anih hi. Ka hmangaih che Bawihte'




A thusawi zawng zawng te chu chiang zetin ka bengin ala hria a, seat ah chuan ka kiu nghatin ka beng chu ka hup a "pa, ka haw lutuk che. Ka haw ngawih ngawih che, chutih rualin ka ngai bawk che. He hming pawh hi ka hua a, mahse min kohna ri kha ka ngai bawk. Nikhatah ka hming lam loh i neih ngai loh kha, mahse tunah chuan ka haw tawh che ani. Ka hua che" ka phun sep sep a.



Ka sam ka thamna kut chu la thla in ka hmai chu ka hup a, tap lo turin ka insúm tang tang bawk. He hming hi ka thlak chiang khawp ang, a sulhnu zawng zawng tih reh vek ka duh ani engmah hriat chhuah leh ka duh tawh lo. Ka pa tia ka koh ve thin chu kan nufa za tan a thi tawh. Kan tan engmah ani tawh lo.




"He hming hi ka hua, ka haw takzet ani" ti chhuak hawk. File chu la in seat hnuaiah ka daha Scooty chu ti nung in dawr lam ka pan lehnghala inthlaka damdawiin lama tlang ka duh ani ka hming ka thlak duh thu hi ka nu ka hrilh leh anga, a rem tih hma chu ka sawi char char mai ang.




"Rinrin, i sem zo thei maw?" Dawr ka thlen chuan madam chuan alo ti nghal vat a buai a intan lehnghal zat tawh bawk "aw, sem zo thei e" ka ti a, "ka office min lo zui phei lawk ta che" a rawn ti a, file chu dah pahin a office lama a kal chu ka en zui renga, eng thu nge min hrilh duh niang le.




Min hmuh duh chhan ngaihtuah pah chuan ka zui lut ve nghala a thutna ah chuan thu in pawhdawh chu a pawt hawnga eng emaw hi a rawn phawrh chhuaka "engthilah nge min hmuh duha?" Tiin a hmaah chuan ka va dinga a thil rawn lak chhuah chu dawhkanah dahin ka lamah chuan a rawn nawr pheia.




"Bang tur chea an duhna che lehkha alo thlenga engtia tih nge i duh?" A rawn ti a, a sawi zo chiah chu ka meng nghal kâwk!. Bang tura min duhna lehkha maw! Mahse tu rawn ziah nge ni ta ang "ka... enge awmzia tu rawn ziah nge?" Ka ti bah nawk!. Bang tura min duhna tur khawp khawp chuan tu pawi mah ka sawi ka la hrelo, mahse tu thil tih nge niang.




" A ziaktu hriat hmasak ai chuan engtia tih tur nge tih hriat hmasak tum zawk rawh" madam chuan a rawn ti. Lehkha chu la kangin a kâwm chu ka pawtthlera a chhunga thu inziak chu ka chhiara thaw chhuak hakin dawhkanah chuan ka dahthlaa. Amah tihsual ah pawh mawh min phur tir a tum chu ania. Eng ang mihring nge maw anih le.




"Madam khawngaihin, he thil hi khanu rawn ziah kha ani tih min hrilh hram rawh" ka ti chhuak fak! Hetiang khawpa thui kal tur hian a pawi ka sawi ka hrelo, ka pawi a sawi zawk ani a a duh duh in min ti kual thei turah a in ngai ngei ang. Eng ang pawn hausa in lam tang pawh ngah mahse, ka nunah hian thu pakhat mah a nei lo.




"Engtia tih nge i tum ngaihtuah phawt teh" ngaihsam zet chuan a rawn ti ta nghat. Oh! Madam pawh a lam a tang anih ngei dawn hi mahse engthil mah a ti hlawhtling hauh lo ang "Madam, engkim ka hrilh vek che ka thiamloh anih loh zia te, mahse nang chuan min rin a hnêkin ani kha i ring zawk ania iti mak khawp mai. Kei hian thiam lohna ka nei loh tih ka chianga, chuan he hmeichhia vang hian ka hna hi engti kawng mahin ka chân hauh lo ang" madam pawh zah zo tawh lo chuan ka ti chhuak fak!.




Ka awih theilo zawk, a hausakna chu min hmuh tir a tum chiah maw. Mahse hre rawh se, hausakna sum leh dâwta nunrawnna aiin dikna a nghet zawk tih ka hriattir dawn khawp alawm chuan ka hna hi ka chân dawnlo tih ka hriattir khawp ang.




" I dik zia tar lanna tur i neih te chuan i chân lo thei e" min ti el zeta rawn tih pah chuan min melh let sak a. Ka sam chu tuai chho puatin ka nui chhuak hak. "Ka dik zia hretu pawh kha a bialpa ngei kha ani alawm, leh Tims'a leh Zamzami pawh. Chu bak bak enge awm ang? Anni aia hrechiang tu chu keimah chauh ka ni bawk. Ka dik zia ka hmuh tir ang che, chuan nangpawh i dikloh zia i in hre chhuak ve uar uar mai ang" ka tawngkam chu theihtawpin ka thununa ka duhlo tawngkam ka chhâk chhuak leh mai ang tih ka hlau takzet bawk.




"Jeremy kha hmer tel a ngai lovang, ani inrawlhna tur kha pakhat mah a awm lo hmeichhe buaina anih hi" a rawn ti leh. Eng ang fakau in nge madam hi a lo tham hman ang ni. Mahse he in elna ah hian a chak hauh lo ang. Ka dikna anih angin hmalak chu ka tihtur ani bawk.




"Hmeichhe buaina ani emaw mipa buaina ani emaw, thuhretu dik chu engtik lai pawn a tel thiang. Ani lawm ni? Chuan ani kha ka thuhretu dik ani a, chuan midang pahnih an la awm bawk. Hmeichhe buainaa mipa thuhretu dik a tel thei dawnlo anih chuan court lama kala chinfel a ngai dawn anih chu. In thu ai chuan Court lam thu chu zawm hmasak ani zawk ngei bawk ang"




"Ka lo hrechiang lo hle mai che, ilo mak zawk khawp mai i rapthlak lutuk takzet"



"Nia, min hrechiang lo tu chuan rapthlak min tiin mak min ti fo alawm, ka lawm zawk. Ka dikna zawkah pawh diklo anga puh nih ka duhlo mai ani. I bulah leh khanu bulah ngei khan ka dik zia ka rawn hmuh tir ang che u. Tu zawk nge rapthlaka mak chu in hre mai ang" tih sak pah chuan dawhkana lehkha chu ka la a a office chu ka chhuahsan nghal hmak bawka.




Inthlak lo chuan ka scooty awmna lam pan in ka chhuak zuia. Eng ang fakau nge ka sawi chhuah chutia a huat em em chu ka hre chak takzet. Chuan a thluma siam tura min tih loh zia a hrechiang ve ngei awm si a, min hre sa âwm tawp silo a landan hian min huatna sa nei te pawh a ang zawk alawm le. Mahse ka thusawi te kha ala na anih chuan a ní la la khan ngaihdam ka dil tawha kha kha a tâwk viauin ka hre bawk.




Engpawh nise, khapa office ah khan ka kal ngei chu a ngai ang. A duh emaw duh lo emaw a sawi loh zia hrechiangtu anihna angin ka thuhretu ah ka hmang khawp ang. Ka hmu tawh lo ang tih ka sawi kha chu ka sút leh ni mai rawh se mahse hemi zawh atang chuan ka thusawi ang chat chatin ka awm tawh ang.




Scooty chuan khapa company lam pan in ka inkhalh chhuaka dar 11 a ri hnai thuak tawha dar 1 ah ka vawiin hna tan ka ngaia ka chawl hahdam hman êm ang chu maw! Anih loh pawn thawk tawh lovin vawiin atan chuan ka chawl tlang daih ang hnathawh pawh ka tui tawh hrep lo.




Building lian zetah chuan lutin hmannia kan lift chuan na ah chuan ka lut tlang ve nghal thuaia a office bula palian zet pahnih te kha an awm êm lovang chu. Ah! An awm pawn appointment ka nei sa tiin ka hrilh tawh mai ang.




Lift atanga ka chhuah chuan a office awmna lam chu ka pan ding ve thuaia a kawngkhar bulah chuan palian zet pahnih an lo awm lo hlauh. Rang lutukin office kawngkhar chu ka nam hawng riai riai a, office chhung lian leh reh ruih ah chuan a vawi thum nan ka pên lut leh tham tham a.




Zamzami pawh a thutna ah chuan alo thu miah lova, a la kal lo anih ka ring ve tawpa. Jeremy office lamah chuan kal in a office kawngkhar chu zak miah lo chuan ka nam hawng ve pawpa a dawhkana thil alo ziak mawlh mawlh lai chu ka hmu hmasa bera a dawhkan awmna lam pan chuan ka kal zela.




Ka va thlen chuan ka lehkha ken chu a dawhkanah chuan ka nghat chawrh a chumi ri ah chuan rawn hawi chhuakin min hmuh rual chuan a mit a zím suna chiang zeta melh lêt ve kalh pah chuan "kha i bialnu hmannia limbu tuia min theh nu khan, kan dawrhah ngei bang tura min duhna lehkha alo thehlut a, nangpawn a thluma siam tura min tih lai i hre lo tih ka hria. Chuan ka lungawi lo hle bawk, a thil tih dan hi ani mah mah tawh. Ka tawngkam vang khan ngaihdam ka dil tawha a theihnghilh ve mai ka ringa, mahse hetiang hian hma ala rawn la zui bawk" ka thil sawi hnem lutuk avang chuan ka thaw chhuak hak.




"Engthil nge sawi i tum ber?" A rawn ti zâwi sup.




"Ka thuhretu ah tang turin ka duh che, ka dik zia hi min fiah pui rawh. He hna hi ka tuia hetiang dâwt thu avang mai mai hian chân ka duh lo. Ka dik zia ka fiah lo anih chuan ka bân ngei a ngaia mahse ka dik miau si, a fiah turin min pui rawh" ka ti ta thlâwt ringawt.




Chiang zeta min en pah chuan a thutna chu ti tawlh in a khabe chu a tuai zeuh a "lawmman ka hmuh a ngai lo maw, i thu hretu a ka tan dawn chuan" a rawn ti deuh sup. A mit ko sân ak in min nuih suka.




"Chutiang a ngai lehzel ami?" Ka ti vaka, a tih a van tam tak!




"Ok. Lawmman ka dawng dawn lo anih chuan i dikna chu ka fiah pui lo mai ang che" a rawn ti nghut, thu tha in dawhkan ah chuan thil a ziak lehnghal a. God! Hepa hi engtin nge ka tih dawn? Thu duh lutuk mai.




"Anih, i duh sawi la ka pe ang che. I duh duh, mahse a harsa lampang lo" ka ti chhuak ta nghat a, hetiang zawnga tih vel hi ka peih lo asin mawle. Dik tak chuan buaina awm lo se chuan ka hmu lo chiang kuang tur ania, buaina hi alo awm ve hman ziah alawm.




"Good. Anih chuan dinner min ei chhuah pui thei angem?" A rawn ti sup, "Dinner maw!?" Ka ti chhuak vaka nui ri suk in a bu ta nghut a, mahse dinner ei chhuah pui mai mai chu a pawi dawn amaw ni le pawi lo turah ngai ang, dinner ei chhuah mai mai chu, pawi lo ti tawp ang.




"Fine! Mahse ka dikna hi min fiah pui ang che"



"Sure. Ka kutah dah rawh. Chuan dinner kha nilai zanah aw, tlai suh ang che. A hmuh leh hun chu ka rawn hriattir dawn che nia" a rawn ti supa, ka thaw huai thei. "Theihnghilh suh ang che" ka ti leh hrama, nui chhuak hawk in ka bu ta nghata, rilru khingbai deuh chungin a office chu ka chhuahsana.




Dinner ei pui kha ka ti fuh angem le. Mahse khatia ka pawm mai loh kha chuan tih dan dang a awm bawk si lo, huiham, engpawh nise a pawi pha lo turah ngai ang. Tunah chuan mi hausa thil tithei nge dikna ding chang thin zawk en a hun tawh e. A hausakna hmanga min lei a tum anih chuan a tisual chhiava ang. Ka chaw eina tur chu ka thawk ve reng.




Dawr ah chuan let lehin ka thawmhnaw vel chu ka thlak mawlh mawlh a "Rinrin" tia min rawn ko tu avang chuan ka lehhawi a madam chu ka hnung maiah hian alo ding a "um" ka ti ringawta, a âw a rawn thian kharh khar a. "Vawiin chu chawl la, naktuk atang i rawn tan dawn nia. Zing lamah i kal kual nasa sia i chau lutuk ang" a rawn ti a, enga chhang lo chuan ka nuih sânga. Chupa mai mai pawh chu avan che rang em em ve mawle.




"Madam, ka dikna ah chuan eng ang pawn thil harsa mahse dikna chan tumin theihtawp ka chhuah ang. Hetiang dâwt thu ho tê avanga buaina hi theihnghilh vat ka duh bawk. Ka nihna lo ang tala in puh chu ka duh bik lo. Nangmah pawh khatia ka tih avang che khan min hrethiam dawn nia. Ka lung ani lo êm ani" ka ti sapa, engmah pawh sawi leh tawh lo chuan min chhuahsana ka en zui reng ringawt.




"Madam, he khawvel hausakna sum hmang hian inti buai suh, a tawpah i tuar mai ang, sum hian dâwt a keng tela hetiang thilah hian in hnam hnawih hauh suh. Nu tha tak inih kha, ifate tana nu tha tak. Nu fel tak ini bawk" ka phun chhuak sepa, lu thing nghutin ka inthlak chhunzawm lehnghala.




Khawvel hausakna sum ah hian intibuai lo se ka duh takzet. Ka pa pawh ka sum a hmangaihna khan a ti â veka engmah ngaihtuah thei lovin a siama a hnuah a rah chu a fate leh ka nu ngeiin kan tuar ta si a, a faten hetiang hi tuar ve lo se ka duhpui takzet. A nat zia an hria anga, a theih chhung chu an nun a kuai her ve ngei ang. Rilru nei tak an nih loh chuan an damchhung nun pawh an tihchhiat sak vek thei.




Tu in nge tuara tunge an tih nat pawh an hre ngai lo a an thluaka awm takngial pawh kha an hre lo hial ang, mahse khawvel dan ani tawh miau si. A loh a kan awm theih loh pakhat chu sum hi ani, a hmang thiam tak tan thil tangkai tak a chang thei, mahse a hmang thiamlo tan nun chhiatna a thlen thung. A tel loha kan awm thei lohna hian ram a ti chhe zel chu anih si hi. Ei rúk a punga, waadi thlenga eiru pawh an awm tawh bawk. Ei rúk te hi ngai ah kan nei te pawh a ang tawh rum rum zawk alawm le.



Engpawh nise damdawiin lamah kal phawt ang. Ka hming thlak hi ka dil dawn chiang khawp, engkim theihnghilh vek ka duh, amah avanga ka natna hi a tam tawh lutuk. Nat belh ka duh tawh lo.




"Nu, ka u chu enge a an a?" Cabin ka luh rual chuan ka ti nghal vata min hmuh rual chuan a rawn ding chhuak nghal vat a "bawihte, doctor ten an check meka nichin khan a kut a rawn ti che a i u hi a tha chhuak leh tawh dawn ani ngei ang bawihte, a tha chhuak dawn anih chuan a lawmawm dawn takzet" a rawn ti a.




"Ka u in a kut a rawn ti che amaw!?" Ka ti hliaia, lawm avangin ka mittui a rawn luang thla nghal zat bawk "aw, nichin khan a taksa ka hru faia, a kut kha a rawn che a, doctor ten an en meke" he thu aia thu lawmawm hi a awm leh tawh ngai dawn amaw ni le, ka u in a kut a ti che thei tawh anih chu! A ti che thei tawh.




"Ka lawm e, Lalpa engkim vangin" ka phun chhuak sep a, lawm avanga ka bianga mittui tla chu ka hru a "nu, ka u chu a tha chhuak leh tawh dawn ani ngei ang tiraw?. A lawmawm e, ka lawm takzet" ka ti hliaia, ka nu pawh chu a nui renga a hmelah hlimna kâwl rawn êng ang mai hian a hmel te chu a thar sar a hmuh a nuam takzet bawk.




Kan tawngtaina te chhanin a awm ta anih hi. Beidawng mai lova beiseina nung neih tlat hi alo ropui takzet ani. Pathian ropui zia a takin ka u chungah kan hmu leh a. A hnenah hian lawmthu sawi sen loh kan bâ ani. Lawmthu sawia a hnung zui hi ani keini ina kan tih ve theih chhun chu. Ropui takin kan fak anga, amah chiah kan chawimawi bawk tur ani.




Doctor lo chhuak chu rang zetin ka nu nen kan pan phei nghala Doctor pawh chu a nui sânga "ka pi, i fapa chuan hma a sawn takzet e, ka lawmpui a che u. Mahse chawlh hahdam erawh chu ala ngaia khawngaihin a bulah awm tam vak lo ula a tha ang, a rawn harh leh chuan thil a rawn hre uai uai tawh ang" a rawn ti a,. "Kan lawm lutuk e, Doctor kan lawm e" ka nu chuan a ti sapa, keipawh chuan lawmthu ka hrilh ve nghal vat bawk.




Ka u chu hmu ve chak viau mah ila a bulah tam tak a awm theih loh avangin ka nu ka luhtira a hmela ni êng rawn chhuak kha hmuh a hahdam thlak takzet ani. Khang thla tam tak chhung khan beidawng angin lang lo mahse a rilru a hah zia ka hriatpui ve veka ka u in a taksa a rawn tih chêt avanga a hmela hlim hmel lo chhuak kha engtikah mah ka theihnghilh tawh ngai lovang. A lawm dan tur zia ka hriatthiam puia chumi avang ringawt pawh chuan ka tap teuh thei.




Zanah pawh ala harh loh avang chuan cabin ah chuan kan awm renga ka nu pawh a harh tha sar reng maia, a hmel pawh hmuh a nuam takzet. Sylvia pawh chanchin hriaiin min rawn awmpui ve a, kan chhungte tam zawk pawh an rawn kal nual tawh bawk.




"Enteh, Sylvia ka hrilh lo ang che, ka ti tak nâ in ka hrilh tho mai ang che. Naktuk zanah hian Jeremy khan dinner ei chhuah puiah min sawma ka lo pawm a" ka ti chiah chu a thil in lai chu a hâk nghal bawrh bawrh a, a hnungah chuan ka lo chúm a. A rawn hawi chhuak chu a mit a sen vek thei.




"Engtin maw itih? Jeremy chuan dinner ei chhuah puiah a sawm che a chuan ilo pawm amaw!?" A rawn ti vaka "i tawng ring lutuk" tih hlak pah chuan a malah chuan ka beng pawpa "engtin nge a nih theih zawka?" Zâwitê hian ala rawn ti hram a.




"Nangnu hi! Min phatsan chiang lutuk. Nge ilo duh ru ve reng zawk em ni?" A rawn ti leh vaka ka melh nghal râwm râwm a "i mawl ami? I au ring thei lutuk midangin an hria anga sin. Chuan khapa kha ka duh phiangsen lo bawk, thil dang vang zawkin alawm, kan ei dun dawn" ka ti hlak.




"Engvangin maw in ei duh dawna?"




"Aw, kha i cousin khan a dâwt phuah chhuah ka chhan let ve zatna kha a bawhzuia ka hna atanga min bân tir a tuma mahse ka dikna ania, ka dik zia Jeremy khan min hriatpuia chuan min fiah pui turin ka ti a, chuan a manah dinner ei chhuah puiah min sawma ka pawm alawm. Ka duh vanga aw pawh ka ni lo" ka ti hlaka, min puhna lah hi a âwm ang lo thei em em mai lehnghal.




"Engthil nge Zorini chuan a rawn tih leh hmanhmawh tawha henu han inrawlh peih mai mai zia hi chuh!" Sylvia chuan a rawn ti chang rat a. Hmannia thil thlen dan vel kha ka hrilh lo ang ka ti tak na in ka hrilh leh veka ka hrilh lai zawng zawng chuan an meng rum mai mai khawpa.




"A hausakna bawk alo sawi chhuak leh ta. Saw nu saw engtia han tih chi nge maw anih le. Ti sawn a zak leh chuang miah lo anga. Ala hawi cham leh vah tho ang, ka ngei ania aw" a rawn ti zui hlaka.




"Sylvia, enteh. A pawi viau angem le. Aw tih mai loh kha chu tih theih dang ka nei bawk si lo, aih ka tih chuan ka dikna min fiah pui dawn bawk si lova. Mahse ka ti tak tak, ka châk vak biklo ania aw. Mahse kawng dang a awm si lova" ka ti sapa. Chak lo tak hi ka ni ringawt, buaina chinfel na tur anih dawn avang chauha pawm ka nia. Ni lo se chuan sawi ngai lovin hnawl sa pawp ani mai.




Ka hnungah chuan rawn beng thak thak in "ka hrethiam che alawm, Zorini saw chuan a thil tih chu a tilui ngar ngar zela, ka hrethiam alawm, ei pui rawh, a pawina a awm lo ang. Dinner ei ringawt ania, ngaihtuah la, thil ei, thei tui in chuan haw, chung zawng chu ani mai a pawi reng reng lo" a rawn ti a, mahse ka huphurh tho tho. Ka hreh ti ila a dik zawk mah ang.




A tukah pawh ka u chu ala harh lo a Doctor kan zawh lahin 'in hmanhmawh anih kha' a ti daih zel lehnghala, hmanhmawh reng ang chu. A rawn harh te chu kan nghahhlelh ber ani alawm kha ka ti ve tep ani.




"Bawihpui, Jeremy khan i number min dila ka pe ania aw, thil zawh a duh thu che a sawia" ka nu thil sawi avang mai mai chuan ka awmdan zu han danglam nghal vek a "ngatinge, ilo pek a..." ka ti chúl a, ka awmdan maksak zet avang chuan min en hâw a.




"Aw.... ka pek mai lovin min dil miau sia lawm, lawm hle teh be tu ineih loh theih em kha" ala rawn ti zui. Amak thin mange alo thlâwp ve hman ziah "nu, be tu neih loh lam pawh anih lo, ani kher midang chu nise thuhran ania, ani ber kher" ka ti leh nghat a.




"Aw, midang min rawn dil tu tur pawh awm chuang hleilo, a ho emai" a ti sam êt a, ka va han ngei mai mai tak. Zanin hian kan pahnihin dinner kan ei chhuak dawn tih pawh a hre tawp si lo. Kan ei chhuak dawn tih chiah ka hrilha amah ani tih a ring pha dawn tawp si lo. Huiham, engpawh nise, zan hi lo thleng theilo se ka va ti em! Ka huphurh zia lah hretu an awm ve bawk si lo.




Ka hlauh ang ngeiin dawra ka awm lai laiin min rawn text ta. Seen loh theih loh, muangchangin ka hawng a, zanin hun tur leh a hmun leh min rawn rawn hruai tur thu min rawn hrilha Hotel Floria ala rawn ti zui lehnghala thinphu det det in "awle" tih ka thawn let a, ala seen nghal zat lehnghal.




"Tlai suh ang che" tih ala rawn thawn hram lehnghala ka seen lo chiang teh asin aw ka awm pawh a ti nuam fumfe tawh lo, Feli lah chuan thík a hnêkin min la phur pui em em mai lehnghala, ka kawr hak tur leh ka pheikhawk bun tur thlengin ka thlan sak ang che, a rawn tia. Ka huphurh tih ka va thawn hram bawk.




Tlai anih te chuan ka awm hle hle thei tawhlo, ka awm chu a nuam tawhlo ani ringawt mai ni, Sylvia lah chuan haw tawh turin min rawn ti seka ina haw hi ka huphurh ngawih ngawih chu anih si hi. Ka haw chuan insiam turin min han ti ngei anga, huphurhna a zual leh zual sauh ang.




"Nu, ka u chu ala harh lo cheu em ni?" Ka in khung fel mawlh mawlh pah chuan phone chu loudspeaker ah ka daha ka nu nen kan inbe reng bawk "Doctor khan naktuka a harh loh chuan kan en dawn nia a ti a" a rawn ti a, ka thaw chhuak hak.




"Amak ka ti, thil zêp nei a ang ka ti ngawih ngawih ka u chungchangah khan thil thalo ani hrim hrim ang" ka ti chhuak ta nge nge. Ahma pawh khan ka ringhlel tawha mahse ka sawi chhuak lo mai pawha tun anga harh loh ka hun tawh lo hrim hrim.




"Amak, Lalrinnung. Khatiang kha sawi ziah suh ka tih che kha. Ngatinge sawi leh thin. Sawi tawh suh ang che" a rawn ti that a, "ka ringhlela ka sawi mai mai anih kha. Min vín vak kher lo la, a ang ka ti mai alawm" ka ti ve ta nghat a.




" i haw tawh em?"


"Haw dawn chiah"


"Reilo la aw, zan ani lehnghala haw lam kha i ngaihtuah awm"


"Nu, min lo hruai dawn alawm ka ngaihtuahawm loh ania, ka dah dawn. Scooty ka tinung dawn" ka ti a, ka sawi zawh rual deuh thaw chuan ka off a ka bag ah ka thun hmak bawk. A hnaih tawh tehlil nen, sawi rih lo teh ang.




Scooty ka tih lum hnu chuan in lam pan chuan ka inkhalh chhuak nghala huphurhna avang hian ka ril pawh a tam theilo, ka khur velin ka hria. Sylvia lah chu an phur em em mai lehnghala kan inang lo hle chu ni.




"Rawn kal vat vat rawh, i tlai lutuk. Va intifai la mahse rei suh ang che" inchhung ka lut chu min pawtin ka room lamah min kai chho nghala nu Sangi pawn a chêtdan chu en in alo nuih char char a, ka thlen atang min la hau char char anih chu.




"Darkar chanve bak i intifai theilo, chubak chu ka rawn pawt chhuak ang che, pawn lamah ka kalh ania" tih pahin ka bathroom kawngkhar chu a khar nghala pawnlamah chuan a kalh ri rawk rawk bawka. "Eh" pawh ka ti hman eih lo, a che zung zung a a nu lianin a chak ropui si, a tha pawh ka hneh lo lek lek alawm.




Darkar chanve bak intihfai phal hek lo, keia pawh chu darkar chanve ah chuan ka chhuak ta nalha, min pawt her lawp lawp a, darthlalang hmaah min thuttirin ka sam chu an khawih nghal zat a. Ka hmaiah make up tlem a hnawiha ka sam chu engtin tin emaw a ti kuala kawr hak harsa lo zet min hak tir bawka chu kawr chuan ka pian a ti lang chiangin ka kawng chu a ti fêk rât bawk.




"Khawia mi nge hetiang zozai hi?"




"I liau liau ka lei anih hi a nalh em?"



"Hetiang hi ti tawh suh, a ngailo thil ho mai mai anih hi" ka ti hlaka, a lu a thing nghut a. "A ho lo, a ngai alawm. Perfect! I nalh lutuk, keimah pawn ka ngaizawng thei mai dawn che alawm" a over êm avang chuan a banah chuan ka beng pawpa.




"A dawt lehah chuan hetiang hi ti tawh suh aw, pawisa in sen vak a ngailo" ka ti leh hrama. "A ho emai, chu motor ri ka hria chhuk ang" a rawn ti chûl a, keia pawh chuan motor ri chu ka hre ve nghal chat bawka. Ka thin a phu rang zui dat dat nia.




"E, ngai lehlo nangmahin chhuk rawh i room atang hian ka lo en ang che u, ilo haw hma chu ka lo awm ang" a ti leh zung zung a, ka room atang chuan min nawr chhuak ti tiha, pawp pawp zela.




Muangchangin step lam chu ka pana inhnuai lam ka hawi thla chu Jeremy nu Sangi zu inbia chu ka zu hmua coat suit maroon rawng a ha a, vawiina a inthuamna kha a thlak hman ani ngei ang. Stepah chuan muangchangin ka chhuka, ka ke pen ri ah chuan rawn hawi chhuakin chîk zet hian min en nghala, ka thinphu hi a rang zawih zawih mai.




Inhnuai chhuat ka rap chiah chu min melh ngur chung hian min rawn pan pheia, keipawh chuan muangchangin ka pan phei ve a, zâmna in ka khat ani ringawt. Ka bulah rawn dingin a kut chu a rawn phar chhuaka ka lo ban vata ka kut chu vuanin a hmet chawt a "i nalh lutuk" a rawn ti sup a, ka nui suka. "Ka lawm e, nangpawh i nalh lutuk" ka ti leta a khi ve suk ringawt.




Ka kut chu nghet zeta vuanin nu Sangi awmna lamah chuan min kai pheia, tha tak chuan ka zui ve zel lehnghal. "Bawihpui, i nalh lutuk ania" a rawn ti a, ka nuih vet ver ringawt.




"Keiman ka rawn thlah let leh dawn nia lo ngaihtuah suh u" Jeremy chuan a ti supa, nu Sangi pawh a bu nghata "kal ila" a rawn ti supa, min rawn en rual chuan ka bu nghat a, pawnlamah chuan kan inkai chhuaka, a taksa si chêtin min kaia, a huhâng na zet avang hian ka thaw a chham dawnin ka hria.




Tual zawl kan thleng chu "lawk aw" a rawn ti supa, min pawt dinga ka hmaah chuan rawn dingin ka hmai zawnah hian a rawn kun hniama ka meng nghal kâwk a! Ka tawng tur chiah chu, ka hmuiah kut rawn nghatin "aih, tawng awih loh" ril zet chuan a rawn ti zâwi sup. A sawi zawh rual chuan ka beng bulah rawn thaw lum ham ham in Sylvia in ka sam a zial chu a rawn pawt phelha ka mitah chiang zet hian min rawn en a. A nui ri nghal suka.



"Tihian i inhmeh zawk" a rawn ti zâwi sup, ka thin hi a phu chhuak dawnin ka hria, a kut dahthlak ka tum ka che chiah chu, ka kawngah rawn dawmin ka chalah chuan a rawn fawp vang vang a, ka hamhaih em avang chuan ka ding khawng renga, ani erawh chuan nghet zetin min kuah thung.





💜 Ka type rei nângin a tawia, a chhan pawh ka mit a kham lutuka, phone êng hi ka hmu hleithei lova. Min hrethiam hram hram turin ka ngen che u, naktuk zanah chuan nizan ami ang chiah khan a sei leh tawh ang aw, Tuna mi hi word 5400 vel bak ani lo ania. A ngaihnawm hman pawh ka ring lo. Tihpalh mai u, ka mut a chhuak tawh bawk sia😅😅😅😅💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 1:52 pm

AT THE ELEVENTH HOUR - 4

By : Msi Miluhlulnui 💜


💜 When hope appears to be lost, there is always flicker of light which promises bright future. 💜



💜 In chhiar hma leh lawk aw, dâwt ka sawi leh ta anih hi, ka inthiamlo hle bawk, ka type sa ka paste na turah ka lo thai bo palha, ka zawng hrepa ka hmu zo tawh lo, ka phone hi ka hai let hrep tawh😞. A hmaa ka ziah sa, thui lo tak ka duh siloh trash a ka dah hi ka lo dah tawp ania, a tawia a ngaihnawm loh pawn ka pawm vek ania. In duh chuan lo sel luai luai ula, edit tur pawn ka mood hi😁😁😁😅💜






" Ka... Engthil nge itih hi? Awmsawn nghal rawh" Ka ti bah nawk a, ani erawh chu ka chalah a hmui nghatin a rawn nui ri suka "ka thil tih lai chu i hre chiang viau alawm" A rawn ti zâwi sup. Ka kawng a vawnna a ban rêkah chuan ka zu vuan chawt a, ka chalah a chal nghatin "hahdam la" A rawn ti zâwi sup bawk.




"Hetiang hian awm tawh suh, khawngaihin ka duhlo, hetianga awm hi ka duhlo" Ka ti sapa, a âwmah ka kut ka nghata, ka theihpatawpa na in ka nem a mahse chêt pawh a che eih lo. Ka ban rêkah chuan rawn vuanin a la thla a, rawn kun hniamin ka mitah chuan chiang zetin min rawn en a, mahse rei pawh en lovin ka kun daih a.




Ka khabe ah rawn dawm in min kuai dâka "engtin mah i awm lo. A tha em? Hahdam rawh" A rawn ti sup, maimichhing chungin ka thaw chhuak hak a "kan kal thei tawh em? Anih loh chuan ka let leh duh ania" Ka ti chhuak hap, hetia min hnai chêta a awm avang hian ka thaw theill dawnin ka hria, chuan kal tura thuthlukna ka lo siam kha ka inchhir chiang hle bawk.




"I let hauh lovang, chuan kan kal thei" A rawn ti nghut. Ka kutah kaiin a motor awmna lam pan chuan min kalpuia, ka kut a vawnna thlah tir ka tuma mahse ka theilo, ka pawh vaka min thlah rawh ka tih apiangin "ka pawm zawk i duh loh chuan dahthlak tum tawh suh" A rawn ti nghut zela, a enga mah mah duh ka neilo. Mahse pakhat zawk zawk chu a thlen tho a ngai bawk si. Huiz, ka phur tawh hrep love a.




"Lut la" Tih pahin a car kawngkhar chu min luhtira, thaw chhuak hak in luh ka tuma mahse rang zetin ka hawi let lehnghala "zaninah lo hian ti mai ila, ka tih awmzia chu naktuk zanah te pawh. Zaninah hi chuan a rem teh chiam lovin ka hria" Ka ti chhuak hap. Let leh mai te hi nia ka duh ni, hetiang hi chuan engmah ka ni lo tawp ang.




"No. Zaninah ngei hian ani anga chuan a rem lohna pakhat mah a awm lo bawk. Lut tawh rawh le, engmah buaina tur a awm lo. Kan thlen har chuan kan haw har ani mai" A rawn ti chhuak nghut, tur zeta melh pah chuan ka thu luta, hmelchhe lutuk mai. Naktuk zan te pawh ala awma a tuk leh zan thlengin kan dam chuan zaninah tih kher hi avan ngai lo ve chiang tak. Ka khawng pawp dawn amaw ni le.




Ka room lam ka hawi chho chu Sylvia chuan tukverh atang chuan min lo bye bye a fighting tiin a kutzungpui a ti pir vah a, ka kut tum chu ka hmuha, nui vak chungin inchhungah chuan a lut ta daih bawk. A châklo khawp ang, ka hau dawn chiang alawm. A phur ropui si, kei lah ka phur tehchiam bawk si lo. Huphurhna avang hian ka â thei dawnin ka hria.




"I kut tum kha chu, hmuh a hun viau lo ania" Rawn ti sup tu avang chuan ka ner nghal nâwnga, a lam chu hawiin "i thu awm lo, kut tum hmuh hian hun leh hunlo pawh a neilo" Ka ti vîn hlara, a rawn kiai suka "ni mai rawh se" A rawn ti sup, a hmel chu nuihza insûm hmel ani tih hi ka chiang lutuka, a tukhumah hian ka ben sak pawp dawn zawk nge maw ni.




"I duh chuan i nui thei ang, mahse i nuih chhan hi a ho lam mah mah bawk" Thut that pah chuan ka ti let ve khera, ka sawi zawh rual chuan a rawn nui chhuak ta hawk. Mak ti lutukin ka en nghal hâw a "a tirte khan insûm lo law law zawk la tur" Ka ti nghata, muangchangin min rawn en a, a hmelah chuan nuihza insûm hmel bak hi hmuh tur a awm lo reng reng.




"Ok. Sorry. Kan kal thei tawh angem nula?" Chimawm zet chuan a rawn ti ve leh kher rum zeta melh pah in "Jeremy Lal....." Ka tawp nghal chawt! "Ih...Enge i hmingpum? ka hrelo" Ka zak lutuk chuan ka ti bah ta nawk, tunah khan a hmingpuma koh ka tuma, mahse ka lo hre leh si lova. Lalpa, ka zak lutuk hi ka thi thei hial dawnin ka hria.




"Ka hrethiam che, ka hmingpuma min ko hi ka la hre hauh lo ania, i hrelo pawh a âwm tho e, i biang sen kha hmuh a nuam khawp mai" Chimawm zeta a rawn tih rual chuan rang zet hian ka biang chu ka hupa "hmela, motor kha khalh rawh, anih loh chuan ka chhuk daih mai ang" Ka ti vaka, ka biang hi a sa hut hut mai, ben pawp mai ka duh.




"Ok" Tih sup pah chuan motor chu a ti nunga, ka biang sa lutuk chu ka tuaia mahse awmzia a awm chuang lo. Kan eina hmun tur kan thlen thlengin ka hup a, nui chhuak hawkin ka kut min lak thlak saka, aman a rawn chhêm heuh heuh a, kalsawn rawh tih pawh hian awmzia a nei lo reng reng.




A chhung kan luh chuan mi pawimawh ber ber angin min lo bâwihsâwm nghal vata Jeremy chuan a ban vuan turin min tia, ka duhlo avang chuan keimah in ka kal ve ngat a, engmah sawi tawh lêm hleilo chuan min zui ve zel lehnghala, kan kalna tur hre hek lo a chang leh ka nghak leh rih thina min nuih suk ringawt zel.




Dawhkana eitur lo inchhawp sa vek naah chuan min dinpuia, ka thutna tur lam min pawh chhuah sak ah chuan ka thu a, amah pawh ka hma zawnah rawn thu in a thut rual chuan Zamzami a bulah a rawn ding nghal zat a ka en rual chuan min lo nuih var var bawk.




Jeremy chuan eng emaw a hrilh zeuha a kalsawn lehnghal daih bawk. "Heng hi a ei theih vek ami?" Eitur kawh pah chuan ka ti chhuak sapa, eitur hmuh takah chuan ka pum pawh a ri ve rawk rawk thei. Mahse dawhkanah hian leng lo khawp khawp in a awma eitur ber pawh ka hrelo chu ni.




Jeremy chu rawn nui chhuak hawk in "i duh tawk in i ei thei ang" a rawn ti supa, engdang mah ka nghak tawh lo chuan ka ei nghal deuh ti tiha mahse ka inthlahrung leh deuh, fian hmuam chunga ka hawi chhuak chu chiang zet hian min lo en a, ka thut that vat rual chuan a khi suka "englo, ka ei hnem tawh lutuk, ei ve tawh rawh" ka ti sapa, ka hmui chu ka hru mawlh mawlh a.




Nui sukin a lu a thing nghuta "ka puar tawh alawm" a rawn ti sup bawk. "Awihawm loh lutuk, kha i thleng pawh ala ruak em kha, engmah ei na hnuhma pawh a awm lo, ei rawh. Kei chu ka puar tawh" ka ti vata, amah râwn lêk lova ka lo ei avang hian ka zak chem chem mai. Khawnge kan kal hmaa ka zâmna te kha an awm zawh tak ni.




A no chu la in a chhunga in tur chu a lem zeuha, a hrawk bâwr che thla ralh ralh chu ka lo en renga ka chil ka lem dâka " ka hmuhnawm viau em ni?" A rawn tih rual chuan harh chhuak zawkin ka lu ka thing vaka, "ka en reng reng lo che" ka ti vata, a nui ri suka.




"Kei ai chuan i hmuhnawm zawk" chimawm zeta a rawn tih rual chuan ka melh hrepa "chimawm suh aw. Bakah Khatiang kha ka tum pawh ani lo mahse ka ril a tam ve tawh bawk sia... " ka ti tha thuaia, a bu nghat a "a tha lawm, inthiamlo duh suh, i len ve phah mahna" a rawn ti leh kher anih chu!




"Hmela, i zak em? Sual lutuk mai" tih pah chuan ka puan ken ka la hman miah loh chuan ka vawm pawta alo man chawt rual chuan a kar atang chuan min la rawn nuih hram lehnghal, awle, a tha e ka haw daih anga ni mai lawm "nui rawh ti khan, ka haw dawn" ka ti hmaka, rang zeta ka thutna atanga dingin kawngkhar lam pan chuan ka pên nghal pâwk pâwk bawk.




Ka hre ve tho, chutianga mi anga sa tha ka ni lo, mahse ka phu tâwk chu ka taksa hian a hmu ve vek. Chutianga cher chhe lutuk pawh ka ni hauh lo. Ft. 5.8 ka ni chung pawn ka chhoh en ala ngaia, anin min hmu ve viau erawh a hriatthiam awm mahse chutianga cher chu ka ni bik hauh lo.




Lift bula ka din rual chuan ka hmet nghal nawk nawk a, ka lo kal kha ka inchhir hle mai. Mahse eitur tui tak min hlui avang erawh chuan ka lawm khawp e, ka puar khawp chu ka ei ve tho bawk. A rin ang ngei chuan ka thau phah ve mahna chuan amah anga sâng ka ni bawk anga.




A thusawi ka ngaihtuah zawng ringawt te hian ka thinrim lutuk hi au chhuah vak mai ka duh. Lift a rawn inhawn rual chuan luh nghal ka tuma, mahse ka kawnga rawn vuantu an awm avang chuan ka ding dat a, kut ka khawih fuh rual rual chuan rang zet hian ka kut chu ka lasawn lehnghala chumi rual deuh thaw chuan a lamah min hnúkhnai hrâwk a lift chuan hnuailam min pansan vang vang mai.




"Hmela, min thlah rawh. Lift pawn hnuailamah min chhuk san leh daih tawh. Nangmah vangvek" ka ti that a, ani erawh ka beng bulah a rawn nui ri suka "sorry" a rawn ti supa "min thlah teh, ka haw duh ania" ka ti leh that a, a kut chu vuanin ka pawt vaka mahse thlah chu khawiah.




"Ka thlah ang che" a rawn ti supa ka lu ka thing nghut chumi rual deuh thaw chuan ka kawnga a vawnna chu a rawn ti nghet salh a, íp châwih chungin a kut chu ka vuan chawt a "ti tawh suh" ka ti chhuak hawk. "Ka thlah ang che, keimah ngeiin ka hruai haw tur thu che ka tiam tawha, chuan keimah ngeiin ka hruai haw bawk ang che" a rawn ti a, ka lu ka thing leh nghut a, a rawn hmer leh ka hlauh êm avang chuan ka íp nghal châwih a, mahse ani erawh a rawn nui chhuak hawk thung.




"I tello pawn ka haw thei, keimah pawh ka inbuapui ve thei bawk. Min thlah tawh teh, ka haw duh ania" ka ti that, ka sawi zawh rual deuh thaw chuan ka kawnga a vawnna chu a thlaha, ka thawk hawk thei mahse rei pawh ani hma in ka ban rêkah a rawn vuan chawt a "enge a?" Ka ti vín hlar bawk.




"Ka rualin i haw ang, chu chu thu tâwp ani. Anih loh chuan ka ru bo ang che" a rawn ti ta chiah mai chu ner nâwngin ka en a, a hmelah chuan a tih tak hmel em em mai lehnghal. "Ruk bo maw!?" Ka ti chhuak hap, a búk nghat rual chuan ka thaw chhuak nghal hak a. Engtin nge a sawi chhuah ngam zawka.




"Kalna tur kan la nei" ti hmukin lift lam pan chuan min kai phei nghala "hey, min thlah teh! Ka kal duh tawh reng reng lo, ka haw duh tawh hetiang hi kan intiamna ah pawh khan a awm lo bawk. Min thlah teh" ka ti vín hlara, mahse engah mah a ngailo lift ah chuan min kai luta, ground floor lam pan chuan min kai thla nghala tang eng ang mah ila a tha chu hneh lo tak ka ni, ka thusawi te kha a benga râwngah a lut bawk si lo. Thingfâk awm se ka hêm pawp dawn nge maw ni.




Car bulah chuan min dinpuia, kawngkhar min hawn sak rual chuan "ka lut duhlo" ka ti ngheka, mahse min pawm kang nghal nawlha, seat ah chuan ka thu lut leh ta nge nge, ka ngei lutuk hi sawi ngaihna pawh ka hrelo motor a rawn kal hual lai te chuan ka lo melh râwm râwm a, ka haw so bawrh bawrh ani tawp mai ni.




Car a a rawn thut luh rual te chuan en pawh ka en peih lo, inkuangkuah hmakin darthlalang lam chu ka hawisan daiha, a thaw ri hrâwih chu ka hre chhunzawm nghal zat bawk. "Inah min dah rawh" ka ti nghat "kha chu ka thu" a rawn ti ve nghut.




"Enge i thu anihna ka haw leh haw loh turah thuneihna pakhat mah i nei lo" ka ti vín that. Amah en lo chuan darthlalang chu ka en ngar ngar bawk "thu ka neilo, mahse thlah haw che chu ka tihtur ani" a rawn ti ve hrawih a, chhang pawh ka chhang buai peih tawhlo a duh duh naah chuan min hruai teh se. In ka thleng lo anih erawh chuan jail a tang chiang viau ang.




Jeremy Lalmalsawma POV

Ka bul maia hmeichhia ngawi ngula thu chu steering herh kual pah chuan ka en leh zeuh thin. Min biak a tum lo tih hriat lutuka a a tûm bar te chu a hmuhnawm letling zawk. Glass down ka phal loh avang chuan tùm hmakin seat ah a thu tau anih kha.




A thinrim chhan ka hriat loh ang bawkin ka tawngkamah huat tur a awm ka hrelo bawk. Ka tawngkam hman kha a hua anih chuan a huat thu a chhiat a rinawm bawk ka ngaihtuah leta ka tawngkam khan huatthu a sawi na âwm ka hrelo. Chuan amah ngît ngêt hi biak tawng a har ang reng viau bawk.




Seata a thu tûm hmak melh leh zeuh pah chuan "i thinrim chhan ka hrelo chuan i thinrimna tura tawngkam ka chhah chhuah ka hrelo bawk" ka ti chhuak sup, hawisawn hmakin a thaw chhuak ta hak a, a chêtdan hi lehlamah chuan a lawmawm ang reng viau lawi a ani erawh chuan a lawmawm tih hi a inhre hauh lo ang.




"I thinrimna chhan ka hriat a rem chuan" ka ti nawn leh sup, min chhang dawnlo tih ka hriatna a kâ chîp hmuk chuan ka thin a ti rim viau lawi a mahse a thinrim chhan ka hriat loh avanga insûm mai chauh ka ni keimah avanga thinrim nise chuan ngaihdam ka dil ngei ang.




Min biak a duhloh chuan ka biak bikna chhan tur hi a awm hauh lo, ka ti rilru ve ta nghat. Amaherawhchu; ka hruaina turah chuan ka thlenpui tho ang. Hotel ah khan ka thil buatsaih sa pawh entir hman lovin a chhuak leh ta si a, pawn lama ka tih tal hi chu a hmu chiang viau bawk ang. Ama tana ka buatsaih hi a tel lova a ral nachhan tur a awm hauh lo.




Engvanga hetiang thil hi buatsaih nge ka nih ka inhrelo, a hmel ka suangtuah apiang hian chutiang pek chakna chuan ka khat tel thin. He hmeichhe duhawm zet, thinchhe ve ngil ngel hi ka duh em ka chiang lo. Amaherawhchu; amah hi chuan min hîp chiang viau lawi si. Kan inhriatna ala reilo chumi chhung erawh chuan ka rilru a luah hneh hman tlat si.




A vawikhatnan Zorini lakah tawngkam vîn ka hman phaha ka lakah a lungawi lo chhiava bawk. Ka laka a lungawi loh reng reng in ka theihtawpa tihhlim leh ka tum thin, mahse khami ni erawh kha chuan thlemna khan ka thluak a man pha lo hrim hrim. Tullo zetin khanu tawngkam chhe tak tak kha ngaihtuahin ka khi leh suk zela Tims'a mak tih pawh ka hlawh viau.




Mahse kum heti zat inkawp tawh inneih tum hial tawh chu reilo te ah inngainatna rilru alo lang leha, kan pahniha kan awmduna thil thleng ziah thin chu a thleng leh ta chiah bawk. Ka mamawh min pe hneh, sex lamah phei chuan kei ai a huangtau zawk hial. Min tihphur dan a thiama kei mipa sa tha ngal ngat chuan ka feel chiang viau zel bawk. Amaherawhchu; duhna thinlung ani lo tih ka hre si, kalsan harsa ka ti hle bawk.




Helam chu duhtawk ila ka hruaina hmun tur kan thlen chuan motor ka ti ding dawt a, chumi rual chuan hmalamah a rawn bu lâwpa, min ti nui suk lehnghal, ala titau tih hriat reng reng hian kan awmna pawh min záwt hauh lo a, a awmdan ngai chuan a awm lehnghal hmiaha.




Engmah sawi lo chuan motor kawngkhar chu ka nam hawng pawp a, chhuak zuiin a thutna lam pan chuan ka pên phei pâwk pâwka, car chhunga thu reng chung chuan min la rawn melh rum ve leh hram bawka. A nghal tha ve chu ni.




A thutna lam ka hawn pawh chuan a thutdan ngaiin ala thu renga, a inkuangkuah thân bawka a tûm deuh bar bawk. "Lo chhuak rawh le" ka ti sup, a hawisawn leh hmaka "ka duh bawklo, i duh leh i kalna hmun turah va kl rawh car ah hian ka lo awm ang, mahse rei suh ang che a haw duh tawh" a rawn ti nêm ve ta phiana. Ka nui chhuak hawk.




"Tawng kha chu bansan rih la, min rawn zui rawh i tana thil buatsaih ka neia i tello chuan a mawina a kim lo, anni pawn an nghakhlel tawh ang che" ka ti leh sup, a lu tlemin a rawn hera mahse rei pawh ani lo, a her let leh rang mah mah.




"Tihtauh chu a tawk tawh viau e" tih nghut pah chuan a ban rêkah ka zu vuan chawta, ka kai chhuak nghal ti tiha tawngkam vìn min hman khum char char a ka kut chu lakthlak a tum nghet hle bawk. Vawitam a tum tawh chung pawn a hneh loh tih hi a hre ngai hauh lo.




Ka kut a rawn pawh leh rual chuan a kut chu vuan chawtin ka lamah chuan ka pawt phei hrâwka, a inrin hma hma chuan pu nawlhin ka kalpui nghal nal nal bawka, ka hnungah a chuma a kê a leng bawka "hmela, min dahthla vat rawh. I mawl ami? Min dahthla rawh ka haw duh tawh" a ti tuarh tuarh a, nuih sukin a awmna hmun lam pan chuan ka pên zui pawk pawk a.




A tawpah chuan au in awmzia a neili tih a hre ve pawh ani mahna a ngawi ve ta hle hle a, dahthla chiah ila chu a sa seh tur ka laksak ang mai hian thinrim zetin min pawt sawm duh ngei ang. Ka ngaihtuahna avang hrep chuan ka lu ka thing nghut. Hetiang ngaihtuah hi a tul hauh lo.




A awmna hmun ka thlen chuan muangchang hian ka nghat thla a, min melhna chu no fahran lo, kun hniamin a mit chu ka hup a, a hnarah chuan fâwp zeuhin hmazawng chuan ka kuai hera ka taksa hnaih chêt chuan ka pawt hnai nghala a tang tung a, tal a tum nghek rual chuan ka pawt bet nghet sauh bawk.




Rinhlua awmna lam hawi chuan ka bu nghata, chumi rual deuh thaw chuan light chu rawn êngin engkim chu a nihdan tur angin a rawn awm thlapa "tal tawh rih suh, ka kut ka la thla dawn nia" a beng bulah chuan ka ti supa, "engthil nge maw itih hi le. Nang hi i â tawh ani ngei ang" a rawn ti hlaka, nui ri sukin a mit ka hupna kut chu ka la thla riai riai bawka.




A ngainat zawng ani angem chu ka hre hauh lo, mahse he thil hi amah ka tawn atanga ka rilrua awm tawh ani a, a duh loh leh a thu ni tawh rawh se.




"A mawi lutuk. Teddy bear te, Daisy te leh rose te" a rawn ti sup, a kawngah chuan kut nghatin a darah chuan khabe kha nghata, a bula ka awm tawh hi chuan hetia a taksa dek lo hi chuan awm thiam har ka ti ta talh tawh mai. "Takzet" ka ti zâwi sup.




"Um, a mawi lutuk. Ka rin phak bak ani" tih pah chuan a nui chhuak hawk a, a biang chu a hru nghal zeuha ka rûm nghal nghut, a hmaah chuan dingin a dar tawn tawnah chuan ka vuana a mit sen deuh ram ka hmuh rual chuan ka insehru nghal nghek ringawt.




"Engvangin nge i tah?" Ka ti sup, nui lui sak in a rawn thaw chhuak hak a "Lalrinnung, engvanga tap nge inih ka tih chu?" Ka ti chhuak hrâwih, thil ngaihtuah mûk hmel zet hian hmalam a ena nui lui sak in a lu a thing nghut a, a mittui chu a rawn luang thla lehnghat bawk.




"Ka pa in rose leh daisy ka dah khawmna tur ringawt ka la naupan deuh lai khan min siamsak ve thin, kha huan kha ka theihtawpa faia enkawl ka tum ve thina, a hna ban apiangin ka khawi thar tur min rawn hawn ziah thina inthlak lovin lei te min laih khuar puia, tui kan khawih bawka kan berh luau zela ka nu in kan pahnihin min hau hlawih hlawih zela mahse engah kan ngailo, mahse tunah chuan kha huan kha ka ti chhe vek tawh, khami ni tuk khan ka tichhe nghala ka pa hi a huatin ka haw tawh takzet ani" a sawi lai reng chuan a mittui a rawn luang thla zung zung a chu thil chuan ka taksa chhunglam a nghawr nghal dat a.




Rang zetin ka kuah beta ka âwm chu thâm in a insút hraih hraih a, nghet zeta kuahin a samah chuan ka chûl saka a lu ah chuan ka fawh sak vang vang bawk. "Ka hua ani, ka haw takzet amah hriatrengna tur zawng zawng hi ka dah bo vek dawn, ka hming pawh hi ka thlak ang" a rawn ti leh deuh tiau bawka. Apa a huat chhan hi hriat ka chak viau lawi a mahse zawh erawh ka tum teh chiam lo.




"Ka... ih..englo, ka tihpalh lutuk. I kawr ka ti huh veka" ka kuahna atanga tal hrang hlawk chuan a rawn ti bah nawk nawk a, lu thing nghutin "i tha em?" Ka ti nghal vata nui lui sak in min rawn en a, a mit chu a sen deuh ram bawk.




"Ka tha e, ka tihpalh. Chuan he thil vang hian ka lawm lutuk a nalhin a mawi takzet. Chuan ka haw duh tawha min thlah tawh la motor ah khan ka lo nghak ang che" a ti zung zunga, a sawi zo chu biak hman loh khawpa rang hian a tlan nghal daih bawka ka en zui reng ringawt.




"A nalh ati tho alawm, a lawmawm e" tih deuh sup pah chuan ka zui phei ve nghala a sawi ang tak tak khan car ah chuan a lo thu renga, ka thut luh ve rual chuan "min be miah suh aw, kan in lamah tlang tawp rawh" alo ti nghala, a bawp chu hlâng kangin a khupah a ban a suih beta a hmai a phûm kâk bawka. Thaw chhuak hawkin motor chu ka tinunga an in lam pan chuan ka inkhalh chhuak nghal vat bawk.




Steering herh kual pah chuan ka melh leh zeuh thin, a che loa a thu tha hek lo, a awm ngai chuan a aqm renga, tullo zetin apa chungchang chu ka hre chak ang reng viau bawk? Heti taka a hua anih chuan a chungah eng emaw tak a thlentir ngei ang.
Ka ngaihtuahna avang zet chuan ka rûm chhuak hrâwih, hrep chuan, a chanchin ngaihven tur pawh hian hun ka neilo, ka bialnu pawh ani lova ka chhungkua ani hek lo. Ka zanriah ei pui hmeichhia mai ani. Ka phun zui hluka, rûm chhuak hrâwihin steering chu ka chum pawp, chumi rual chuan horn a rawn ri tuarh a, ka bula hmeichhe thu tawm kâk chu a rawn phu zawka. Ka inthiamlo leh hnuhmawh viau bawk.




An inkawtah ka dinpuia, "Athena" ka tih chuan min chhang lova, a awm ngaiin a awm reng bawk "Bawihi" ka ti chhuak leh nghut, min la chhang chuang lo. Ka thut hnaih rual chuan che thutin ka darah chuan a rawn âwn thlaa, a muhil anih hi. Tehchai chuan engtin nge tlu miah lova a mutthilh theih zawk ni. Hmeichhe maktak zawng anih hi.





Seat ah chuan a lu chu dah tha in ka chhuak zui nghal vuta a thutna lam kawngkhar chu ka hawnga a thaw ri sâk sâk a, pawm tuma ka awm hnaih chu a hmui sen vâm han chuan ka mit a la chiang hle. Sexy zetin a hmui hnuai chu ala phir zui bawka hnawihsen chawp ngai lovin a sen siaha, fawh chakna ka khat.




Hrep chuan ka hmeichhia nilo taksa ka khawih tur ani lo, tia ka thinlungin a sawi chu ka taksa hian zawm lo chiang hle. Chêt hrut paha a hmui tep chiap chiap chu insûm hman lovin ka zu fâwk tawk!. A hmui nawr kau in ka lei chu ka hâwl lut nghal zata ka rin ang chiahin fawh a nuam.




Zi nuah nuah in a hmui chu a rawn ti che ve leh zeuh thina chu chuan phurna min pe a, ka duhthawh telh telh bawk. Hetianga awm tur hi ka ni lo. Ka hmeichhia ani lo, ka khawih thei lo. Tih rilru hrâwkin ka awm hrang hlawk.




A hmui hnuai sexy zet chu tuai zeuhin "ka hmeichhia ni la chuan he i muhil duhawm zet leh i hmui sexy zet fawh nuam em em avang hian ka khawih duh mai ang che" ka ti chhuak sup, rei ngal ngat fawp lehin hma zawng chuan ka pawm kang nawlh a a rawn zi mar nghal tiah tiah bawk.



A sam hmaia hnawk niai chu ka hui kian saka "i hmui taste hi ka hriat reng lo nan min puih ngei chu angai ang" ka ti chhuak sup, pawm tha nawlhin an in lam pan chuan ka kalpuia, ama tawkah a rit ve phian lehnghal.




Door bell ka hmeh chuan kan chhuah hmaa nu Sang a tih khan min lo hawn saka "aw, bawihpuii chu a mihil elaw? Ava zahthlak ve mawle, ka lo pawm dawn em ni? I hah awm si" a rawn ti a, "a ngai love, a roomah ka mut mai ang, a room awmna min lo hrilh la" ka ti sup, a muhil thaw ri sâk sâk chuan ka âwm chhung a nghawr dar dar mai le.




"Aw, anih si chuan min lo zui la, bawihpuii tak hi chuh! A naupang chhia leh lutuk thina min hriatthiam sak hram hram dawn nia" inchung stepa chhoh pah chuan a rawn ti zui leha 'ka hrethiam lutuk che' ka ti rilru sup bawk.




A room kan luh chuan a thiannu Zorini Cousin chu a rawn ding chhuak deuh zawka "Lalvewvew'i mai mai chuh! A muhil alaw?" A rawn ti that a, nuih suk in ka bu nghata nu Sangi chuan a khum a rizai chu alo pawt kau a, a muhil hmel duhawm zet chu en pahin ka nghat thla riai riai a rizai chu ka sin tir leh thlap bawk.




"Kan lawm lutuk ania, a zialo tak tak ani" a rawn tih chuan lu thing nghutin "a pawi love, a chau ve deuh aniang. Ka kal phawt mai ang, mangtha ule" ka ti chhuak supa, khuma mu chu en in a room chu ka chhuahsan zui nghala ka motor awmna lam ka pan zui nghal vut bawk.




Car a ka thut luh rual chuan a thutnaah chuan a bag khai alo la in hûng vâ reuh a, khai kângin ka en a, a phone pawh a awm ngei ang "Good!. Naktukah a rawn lam leh ngei a ngai ang" ti chhuak sup in motor chu ka tinunga, bag chu thlêk zeuhin ka nuih suk bawk.




In ka thlen dawn hnaih chuan ka nu in min rawn call a, Zorinin min nghah reng thu a rawn sawia engkhaw sawi set set lovin motor chu ka turn nghal pawpa, ka tlai tur thu hrilhin leh, min nghak lo tura hrilh turin ka ti a, damdawiin kawng lamah chuan ka inher zui nghal vut bawk. Zanin chu mood ah ka cheng fahran lo, kha hmeichhe thinchhe ve ngìt ngât khan ka rilua awm a chuh tlat, hmeichhe dang an awm thiang rih lo.




Damdawiinah chuan Jezzriela awmna cabin ka book sak ah chuan ka kal zui nghal vut a. He hliam hi keimah vanga tuar ani a, engkimah ka buaipui vek bawk. Thil chhui turin ka hrilha, mahse ani erawh kan mi tum ber ten an lo khawih rawn leh si a, chhui turin midang ruat lehnghal zat a ngai bawk.




Nu Christy bulah pawh ka kawi zuka, show ami tur atan alo inbuatsaih meka, zanin chungchang min zawh lah chuan sawi nuam ka ti phian lawia kei hi ka dik vak tawhlo chu ni.




"Sir, chhui tura i tirh thar khan information hrang hrang a rawn thehluta chhui zui a tlak viauin ka hria endik la, chuan bawhzui leh a ngai dawna" Zamzami thusawi chu ka bengkhawn tehchiam lo ka dawhkana bag awm chu ka melh vung vung a. Rawn lam a tum hrep lo nge maw ni. Hrilh tura min phût anih chuan a ring sual chiang ngawt ang.



"Sir"


"Sir"



"Aw, sawi rawh" ka khabe tuai vut pah chuan ka ti chhuak hawk. "I awmdan hi amak ka ti, helai bag hi i melh leh vung vung thin sia tu bag nge a?" A rawn ti a, "hriat tum lovin i sawi tur sawi rawh" ka ti chhuak nghut. He bag neitu hmel rawn lan har avang hian ka mood a fuh teh chiam lo.



"A tha viauin ka hria, bawhzui ula zanin hian chanchin hriat nghal ka duh ang. Computer atang khan scan ula location engkim, file pawimawh thleng khan pendrive ah thun ula, min rawn thawn ang che u, tlai hauh suh ang che u" ka ti chhuak nghut, a bu nghata.




"A dang ala awm em sir?"



"Vawiin chawhnu meeting a awm chuan cancel la, pawimawh lutuk a awm anih loh chuan ka u fa birthday kan lawm dawna ka hman lo ang, chuan min hmu duh tur an awm anih chuan an hming nen min hriattir ni rawh se" ka ti leh a, file chu pe in "heihi lo en nawn bawk la, zan hmasa lama ka ziah ani a. Duh loh lai i neih chuan i sawi dawn nia kan ziak tha leh dawn nia" ka ti supa, a dang a awm tawh loh thu hrilhin a chhuak zui nghala.




"Jere, thla leh hian Hoirfen ho in winter brand tur an rawn pho chhuak dawna keini lam hi engtik nge? Anni aia kan chêt hmasak loh chuan kan hnufual thei tlat" Tims'a chuan a rawn ti a, hmanni khan meeting naah keimah ai a tel kha ani a, rem an lo la ruat lo ani ngei ang. Mahse Hoirfen ai chuan kan brand chu chhuah hmasak ani zawk ang tih hriattir vat an ngai anih chu.




"Karleh mai hian kan brand pho chhuah ani dawn lawm. Anni ai chuan kan che hmasa ang, hma zawka kan tih loh chuan kan hnufual thei tlat ni e, tunah hian an buaipui meka karleh lamah meeting naah sawi chhuah ni rawh se, a darh hma lutuk chuan keimahni ngei hian kan ruahmanna hi kan ti su kuk thei tlat, board member ho kha chu a dawn hnaihah i hrilh dawn nia" ka ti chhuak nghut a.



Ka sawi zawh rual chuan kawngka ri khepah chuan kan hawi rual nghala "bro" tih paha lo lut ka hmuh chuan ka ding chhuak nghal zawk!. "Dinsang leh, phakar i rawn haw tur thu min hrilh hauh lo. I châklo khawp ang aw" tin nghut pah chuan ka pan pheia, kan han inkuah rih leh te te a.




"Surprise hi chu i nuam ve hrim hrima" a rawn tih chuan a banah chuan ka hnek sak pawpa, nui chhuak dun hawk in kan han inkuah leh rih a. "E taka, he nula duhawm zet hi i kawngkhar bulah alo dinga ka rawn luhpui anih hi. A hmeltha reuh takzet" a rawn tih rual chuan a hnunga hmeichhe ding chu ka en nghal zat a.




Bawihi chu inthlahrun hmel zet hian Dinsanga hnungah chuan a lo dinga. Ka mi nghah chu alo thleng ta lawm. Mahse a kal erawh ka phal mai hauh lovang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 1:52 pm

AT THE ELEVENTH HOUR - 5

By : Msi Miluhlulnui

💜 The life of human may be short and brief but their enjoyments are shorter still 💜
-- William Cowper





"Ka bag ka lo lam dawna ka phone te pawh an awm vek bawka" inthlahrun hmel zet chuan rawn ti a, "Dinsang, inhmuh lohna ava rei tawh ve" Tims'a chuan tih pahin an han inkuah thuak thuak a, kei erawh chuan he hmeichhe duhawm zet, zah tih hriat avanga hmai sen tan tan chu ka melhin ka nuih suka.




"Ka bag kha min lo pe, hna kal ka duh tawha ka tlai vek dawn ka phone te pawh a awm sia" a rawn ti deuh sapa, a kut a hnunga suihin hnuailam a bih tlata "nizan khan i mu tha thei em? I tap nasa bawk si" ka tih sup takah chuan muangchang hian a rawn hawi chhuaka a biang chu a sen têk a "ka mu thei, chuan khawngaihin ka bag chu min lo pe vat ka nu pawh biak ka ngaia" a rawn ti leh a, a biang sen têk chu chhang lo chuan ka reng ringawta.




"Bro, ka va indah fel ve lawk ang, ka rawn tlawh hmasa ber che, Duhsangi pawh hmuh ka duha" Dinsanga chuan a rawn ti a, ka búk nghat rual chuan Bawihi darah chuan beng thak thak in "thiannu i luh ngam loh chuan ring deuhin au la, chuan he mi thinchhe pa hi alo chhuak mai ang" a tih rual chuan a banah chuan hnek pawp in "haw mai teh" ka ti hlaka, nui chhuak hawk in min rawn kuaha a rawn kal leh tur thu sawiin Tims'a nen chuan an inzui chhuak nghal bawk.




"Ka bag chu min pe tawh rawh, ka nu pawh biak ka ngai ania" a rawn ti chhuak ta vak, kekawr ipte zen chunga nuih rík suk pah chuan ka thutna lamah chuan ka pheia, chair a thut thlak dawt pah chuan a bag dawhkana ka dah chu ka la kanga "i hmanhmawh lutuk ani" ka ti chhuak sup.




Tur zeta min melh pah chuan min rawn pana "vatin ka hmanhmawh ania min pe vat rawh khawngaih takin" a rawn ti tuarh a nuih suk pahin a bag chu ama lamah chuan a lek pheia a rawn ban leh rual chuan ka la sawn lehnghala a rúm nghat. "Ivan chimawm tak!. Ka hmanhmawh ka tih mawlh mawlh chu min pe vat rawh" a rawn ti leh that, ka nuih suka, ani erawh thinrim tih hriat reng reng in rum zet hian min melh a, a duhawm letling zawk.




Athena Lalrinnungi POV


"Rawn la la" tih pah chuan ka lamah chuan a rawn lek phei nawn leh rum zeta melh pah chuan ka va bana chumi rual deuh thaw chuan "duat ka lo thleng" tia hmeichhe aw ri ka hre chhunzawm zat bawk, rang zeta ka bag chu banin ka la phei nghala, hnunglama ka inher rual chuan hmeichhe hmeltha zet nen chuan kan in hma chhawn ta siah mai.




"Enge hetah hian i rawn tih leh tawh a?" A rawn ti vín nghal țhah "ka bag theihnghilh lam turin ka rawn kal mai ani" ka ti nghata, ka bag nghet zeta húm pah chuan amah chu ka kalpel nghala "ding lawk teh nula" a rawn ti leh dat rual chuan ka ding nghal dat.




"Ngatinge kan hmaah hian i rawn in lan fo a, i chanchin ka hre zing viau mai. Jeremy hi rawn hnaih ve tawh suh, kan innei vat dawn" a rawn ti a, ka nui ri nghal hak "lunngai suh in hmaah hmuh theihin ka rawn in lan tawh hauh lovang, chuan ka chanchin pawh i hre tawh lo bawk ang, kha i bialpa sual zet kha ngatan mah ka tilo, ka duh vanga hnaih pawh ka ni hek lo. Tikhan hlim takin awm tawh rawh u" ka ti let ve saka ka chhuahsan nghal vat bawk.




Huiz, eng ang hmeichhia nge maw anih hrep le a duh duha min puh tur leh min tawngkhum tur hi ani bik chai lo, kha a bialpa sual zet mai kha ngatan mah ka ti tawp si lo. A duh leh aman nei vek se ni mai lawm. A sual sual nen, chimawm bak a thiamlo.




Lungawi lo ru teuh chung chuan tlan meuhin building chu ka chhuahsana "ka hmuh tawpna che inih hram ka beisei, hun lo kal tur kan hre lawk bawk si lo" building lian leh sang zet en chhoh pah chuan ka ti chhuak sapa, pawimawh tawpkhâwk emaw, thil țul anih loh chuan ka kal leh tawh ngai lovang, chuan kha mihring lah ka hmu tawh hek lovang.




Nizan lah khan ka lo mutthilh lai ka hre hek lo, ka pa ka ngaihtuahna lamah ka lo muhil hman ni ngei tur ani, ka harh chuan ka khumah ka lo mu reng tawha, nu Sangi leh Sylvia in Jeremy an min pawm luh thu an sawi phei chuan ka zak lutuk hi sawi ngaihna pawh ka hrelo hial zawk. Ka bag a kawl tih ka hriat leh lek lek phei chuan ka huatna leh zahna kha a inchen hialin ka hria. Nu Sangi lah chuan kan inhmeh thu alo sawi chhen lehnghala Sylvia lahin a pâ zia kha a ti ve sek lehnghala, mahni lo maha zah tawh sa nak alaiin min tih zah belh vek.




A office chhungah lah ka lut ngam hek lo. Mahse mipa khatin ka duhlo chung min hruai luta khatiang thil kha a thleng ta kha ani a, ka zahna leh ka huatna a in chen reng ang. Chimawm taka tawng a ching hian alawm min ti thinrim thin em em tu chu. Nizan thil thleng phei kha chu, ngaihtuah loh ka duh zawk hial a bulah khan ka tap lehnghal bawk si. Tun thleng hian zah avangin ka la sa pup pup thei.




"Nu, ka u chu enge a an tawha?" Cabin chhung ka lut chu ka ti nghala, tunlai hian ka ngaihsak hman lova ka inthiamlo hle bawk, mahse ka nu bulah chanchin ka zawt reng zela Doctor in a harh chhuak tawh ang a tih kha tun thlengin ala harh chhuak lo bawk. He Doctor hi ka ringhlel tulh tulh mai.




"Tunah khan a rawn zual deuh thut a chuan tunah an check meka ka lo nghak mek anih hi" beidawng aw lek lek chuan a rawn ti a, rang zetin ka pan phei nghala a bulah chuan thu in "nu, min en teh ka u chu engtin mah a awm lovang, hmanniah pawh a kut a tiche itih kha engtin mah a awm lovang hahdam rawh" ka ti vata, ka kutah chuan nghet zet hian a rawn hmer a.




"Bawihpui, ka fanu tunah hian beidawn tak meuh meuhin ka beidawng mek asin ka chhungril hi a ruak takzeta hlauhthawnna in ka khat bawk mampuia hian min kalsan dawn tlata hriatna ka neih hi ka duhlo takzet. Pathian hnenah pawh min lak kian sak turin ka dila mahse ka hlauhna chu a zual tulh tulh mai, nizanah i u hi ka mumangah ka hmua thiin ka lo hmu a ka ngaih a ti thalo takzet ani, ka beidawng ve ngawih ngawih mai" nu tuarchhel tih takah insût hraih pawh awm lovin a beidawn thu a sawia mahse kei erawh chu min ti tap teuh thei. Ka u hetianga a awm hnua ka nu in a vawikhat nana a beidawn thu a sawi ve na ani a, inthiamlohna hlirin ka khat bawk.




"Nu, a tha vek dawn alawm. An endik vang mai mai in i hlauthawng anih kha engmah ani lovang, Doctor te an rawn chhuak anga ka u that thu an rawn sawi leh mai ang engmah ani lo ka nu, theihnghilh rawh" ka thiam ang tawk chuan ka hnêm ve a, mahse kei pawh a thusawi chuan min ti hlau ve takzet ani.




"Bawihpui, i sawi ang chu ni thei se ka ti ka awmdan hi i hrethiam lo anih kha. Ka chhungril hi a khawhar ngawih ngawih a, khawhar hla te ka rilru ah a awm hial asin" a rawn tih leh phei chuan a hma aiin hlauhthawnna ka ngaha ka u awmna room chu ka thlêk leh zeuh thin bawk.




Hetiang thil hi an sawi ka hre ve nual tawh. Tam tak chu an thiante emaw an thih dawn hian hriat lawk theihna an nei thina khawhar hla te an sa a, hlauhna in an khat thin bawka an mumanga hmu tam tak pawh an awm bawk, a then chu hlim em em in an hmua a then chu inchei em em hian an hmu thin bawka, tuna ka nu awmdan pawh hian min ti hlauthawng takzet ani.




Doctor te an lo chhuah rual chuan kan pan phei nghal vata "Doctor ka u chu engtin nge a awm? A tha vek tiraw? Harsatna a awm lo tiraw?" Ka lo ti nghal vat a, ka nu erawh chuan ka ban a hmer chawt chawt ani ber "mami, i u dinhmun hi a thalo tial tial maia ka pi in hmannia a kut chêt thu a sawi khan a taksa khan hma a sawm viaua a tha leh vat turah ka ngaia ngaihtuahawm lutukah ka dah lo kha ani a, mahse hma a sawn amaw kan tih khan zual lam alo pan zel alo ni a, tunah hian ultrasound leh thil dang dang kan ti anga, nurse ten an lo buaipui anga, nangni pawh hlauthawng lo ula keini pawn theihtawp kan lo chhuah dawn nia tunah chuan ka kal phawt ange" a rawn ti a, a sawi zawh rual chuan ka nu chu zawi zet hian chhuatah a thu thla hnawka.




"Nu, i tha em?" Tih pah chuan ka thu thla ve nghal vata, nu tuarchhe tia ka sawi ve thin a mittui tlak lai pawh ka la hmuh loh ka pa in khatianga a tih hnuah pawh vawikhattê mah a mittui ti tla lo khan tunah hlauhna avangin a mittui a luan thlak tira ka thin a ti tâwt ve nghal up up bawk.




"Ka fanu, Mampuia hi a rawn tha leh anih chuan min tih mangan avang hian ka hau hrep ngei ang" beidawng tih hriat ngawih ngawih mahse beiseina tibo duh loa a êng lam zawnga thil thlir tum tlat nu ropui leh chhel em em ka nu chu en in ka tap chhuak hawk a. Amah anga tuarchhel nih ve hi châk takzet ani. Eng ang pawha dinhmun hmawr tawhah pawh beiseina insiamin a êng lam zawngin thil a thlira, ka chhuang ani, ka chhuang takzet.




"Nu, Doctor pawn hlauthawng lo turin min hrilh kha, ka u chu a tha leh em em ang engtin mah a awm lovang. Ani te chuan min kalsan a duh ngai miah loh kha keimahni min ngai tawh anga, a rawn tha leh vat ang" insût hraih pah chuan ka ti a, ka nu mittui chu hrûk sakin a kut chu ka vawn saka.




"Nu, tawngtai ang aw. Pathian hnenah kan tawngtai anga ani chuan min ngaithla mial maithei asin, tawngtai ang aw. Mangan laia tanpui vartu hnai reng ani tiin min hrilh thin kha, tunah chuan i fanu ngei hian ka hrilh let ve tawh che hi lem Pathian hmaah kun in tawngtai ang le" ka tih chuan rawn tho chhuakin bang lam hawi chuan a rawn thingthi a keipawh chu a bulah ka va thingthi ve nghala kut kan suiha, kan maimichhinga.



Ka nu chuan a tawngtai tawpah chuan "i remruat te pawm thiam thei turin min pui ang che" a rawn ti a, kan Amen rual chuan Lalbiakna kan sawia.




"Kan pa, Vana mi,
I hming zahawm rawh se;
I ram lo thleng rawh se,
I duhzawng vana an tih angin;
Leia min ti rawh se,
Nitin kan ei khawpin chaw min pe ang che;
Kan chunga thil tisual tute kan ngaidam angin,
Nangpawhin kan thil tihsual ngaidam ang che;
Sual tura thlêmnaah min hruai lut suh ang che,
Misual lakah chuan min chhandam zawk ang che;
Ram te, thiltihtheihna te, ropuina te,
Chatuana i ta ani si a;
Amen."




Lal biakna kan sawi lai chuan ka mittui a luang thla zawih zawih a, rang zeta hru faiin ka meng chhuaka ka nu chuan "bawihpui, i u bulah kal ang" a rawn ti a, amah chu kai tho in nurse pakhat chhuak tur chu kan zui chhuak nghal bawka. Ka nu erawh a zawi em em a, tha reng a neilo ka darah a beia muhil la ka tih lahin a duh bawk si lova, a men lai reng te hian a mittui a rawn tla leh ringawt zela ka ngaih a ti thalo takzet ani.




Kan chhungte thenkhat pawh chanchin hriaiin an rawn kal nghala chhun lai laiah damdawiinah chuan kan awm hmur bawk. Darkar khat zen zawn kan nghah hnua Doctor lo chhuak chu kan pan nghal vata chanchin engmah kan zawh hma hauhin "ka pi, i fapa hi tunah kan zai nghal a ngai ani. A dinhmun hi a thalo takzet ani, ka pi ka sawi tawp mai anga tuna mi hi a serious em em a, nurse leh Doctor te pawh hi kan beidawng lek lek tawh ani. Mihringah kan inchan thei angem tih kan chiang lo bawk. Mahse hlauthawng lo ula theihtawp tak meuh kan chhuah dawn nia. A chhungte pakhat talin min lo zui theih chuan eng emaw fill up a ngaia" Doctor in a tih chuan ka nghing dawt dawt mai. Mihringah kan inchan thei tawh lo maithei ati amaw!? Aih ka u hi engtin mah a awm dawnlo a tha chhuak leh vat dawn asin, ka u hi a dam leh dawn ka ti rilru mawlh mawlh a, mahse lehlamah hlauhthawnna in ka khat thung.




Pate'n Doctor a zui pheia ka nu chu ka kuahna atanga che hrutin kan thutna lam bangkil lam chu a pana thingthi hnawkin a tawngtai nghal mawlh mawlh a, ka tap chhuak hawk mai. Ka nu beidawng hmel hmuh hreawm tih em avang chuan mittui luang zung zungin varanda lamah ka chhuahsana hetiang em em a ka nu beidawng hi ka la hmu loa hmuh hreawm ka ti bawk.




Ka u chu ka ngaihsak loh vang vekin hetiang hi a chungah a thleng ani. Hna kal lovin lo awmpui ila chu hetiang hi a chungah a thleng miah lovang, ka thiamloh vek ani ka ngaihsak tawk lo ani. Ka nu beidawngin ka siama a biangah mittui ka luanthlak tir bawka engkim hi ka thiamloh vek ani.




Chhuatah chuan hnu thla hnawkin ka hmai chu ka hupa ka tap chhuak nghal hâwm hâwm a, keimah leh keimah pawh hi ka inhaw takzet ani. Nizanah te khan thil ei chhuak lovin damdawi in lamah lo awm zawk ni ilang ka u dinhmun pawh ka hre ngei tur ani a, ka thiamloh vek ani. Engkim hi keimah vanga thleng vek ani.




Khawhar zai ri te, ka chhungte ka u ruang bawh chunga tap hawm hawm ka hmuha ka hriat rual te chuan ka chawmawlh veka enge ngaihtuah ber tur pawh ka hrelo ka â vekin ka hria, ka thluak te hi an thi dûk mai. Ka tap thei lova mahse ka tah chu a chhuak ut ut si.




Ka u hmai vawt vek tawh ka tawh rualin inthiamlohna in ka khata engkim hi ka thiamlohah ka ngai nghet bur bawk. Ka chhungte tapa, ka u ngaia rûm vawng vawng leh, khawhar zai te chuan ka thinlungah thu tam tak an sawia ka u hmel chu ka melh ngawt ngawt bawk.




Ka nu in ka u chanchin a sawi lai phei chuan ka hnuk a ulh teuh a, mahse ka tap thei si lo nunhlui ka ngaihtuah chhuaka lunglenna in ka khata chutih rual chuan inthiamlohna bawkin min rawn luh chilh leha ka u hmel chu en tlawk tlawk in ka rilru in ngaihdam ka dil nghal mawlh mawlh bawk.




Ka u ruang thlan chhung thim taka an khai thlak lai chu ka en renga ka rilru in ka hmu tawh dawnlo tih a ngaihtuah chhuak nghala mahse ka dang thei silo, ka u ruang chu an nghat thla zela ka mit hmuh atangin a hla tial tial a a kuang in lei a tawh rual chuan ka thingthi thla hnawka "u, kal suh min kalsan theilo. Engtin nge ka awm anga?" Ka chhuak sepa, a kuang pangpar in a hliahkhuh bak hmuh tur ka nei tawh si lo.




Kumkhuaa pialleia zâl tura duh âwm ang zia zânga lei an theh luh rual te chuan ka kut ka hûm ruh ngawt ngawt a, ka tap chhuak thei silo. A kuang a lan tawk tawk chhung chu ka en ve zela tunah chuan a bo ta, kumkhua atan min awmbo san tawh dawn, ka hmu tawh dawn lo. Tih ka ngaihtuah nghal zat a, a thlan an vûrna lei chu ka thâm a.




"U, ngatinge, min kalsana kal suh ka tih lawm lawm che kha i nau thusawi pawh hi i awih sak dawnlo amaw? U, min kalsan te chuan engtin nge i nau mawl ve tak hian i telloa nun hman a thiam theih ang, a nun kaihruaitu inih kha, a auh lawm lawm che pawn i kal lui tho ania, ka duhlo. Kumkhuaa hmu tawh lo tur che chuan ka in ngai ngam lo ani. Ka duhlo, u, lo tho leh la thu tha te min hrilh leh tawh rawh. I nau hian amah ke pên a thiamlo" tiin a thlan an vûrna lei chu ka tham a, ka mittui a rawn luang chhuak ve nguai nguai bawka ka u thlan an chhilhna leiah chuan a far thla keuh keuh bawk.




Ka u thih atangin thla a rala ni a ral ve leh zel bawk, ka ngaih a bang lova a thlan ka tlawh âwl lo bawk. Ka nu erawh tuarchhel tih takah reilotê ah nun panngai a tan leh nghal theia mahse kei erawh chuan ka țan ve maithei lo. Ka nun hma hruaitu chu ka u kha ani a, a tello chuan hmalak dan ka thiamlo mahse tunah chuan a awm tawh si lova a telloa ke pên ka zir a ngaia a thu min hrilhte hmanga hmalak ve ka zir a ngai tawh bawk. Heti hi chuan engtikah mah ka puitling lo ang.




"Vew, Zorini birthday ah min lo kalpui teh, kawm tur an vâng leh dawn si nangmah i awm chuan a zia deuh anga" Frooti hîp luh pah chuan a rawn ti a, kan pahnihin kan bazara tunah hian M.C kawtah kan thu meka ka thil tur engmah kan la lei ve lo bawk.




"Enge in chhungkaw thil tihnaah chuan ka rawn tih ve ngawt anga bakah a mawi lo âwm emai" ka ti hlaka ner nâwngin min rawn thuthnaih a "enge a mawi lohna tur awm? Midang pawn an thiante an hruai ve tho alawm, an bialpa te pawh. An bialpa te an hruai ve thei anih chuan ka thian ka hruai theih lohna bik tur hi a awm lo reng reng" a rawn ti leh hlak.




"Aw... i hrethiam lo emai, kei te chu bialpa tih nen kan inang hleinem leh, ka hrang hlak bawk si a, a nuam dawn lo lutuka bakah aman min haw bawk si a, kal ve loh chu ka tan a him ber, buaina a chhuak hnem lo ani mai" ka ti a, ka dar ka sân nghal ak a.




"Hmmm.. nge an bialpa ai chuan i hlu fe zawk. Nangmah vangin vawiin pawh class ka kal loh phaha zanin chu keimah vangin Zorini huatna che theihnghilh thak khawpin i rawn kal ve ang, ani huat te mai mai a ho lulai emai a chhuanlam siam tur hriat loh thlak lutuk" a rawn ti hlak.




"I hrethiam lo anih kha, ka tih awmzia chu..." ka sawi zawh hma hma chuan "enge hriatthiam tur awm vak?. Ka thian ini a ka hruai ve che ani mai lawm, tuman an hre lo ang che bakah, hunserh hman laiin kan awm ve anga a dangah chuan kan awmsawn daih zel dawn nia. A tha em? I rawn kal ve ang hnial awih loh, kan inrul tawk ani mai" a rawn ti leh a, ka thaw chhuak hak.




Sylvia hian engmah a hrethiam ve silo Zorini hnenah khan an hmaa ka inlan tawh loh tur thu ka hrilh tawha ka inlan leh anih chuan buaina ka nih ka hlauh vang zawk ani. An tan ka lo hnawkak viau te pawh ania nge khatia min hrilh fak danah khan. Engtin pawn kal loh ka tum hram hram ang.




"Sylvia" ka tih chuan min rawn en a, "engmah sawi suh, i kal dawn tho tho chuan tho la kal tawh ang i kawr tur kan en a ngai ania zaninah hian enge i hak ang aw? Kawr puk i inhmeh ve silo pawilo ka hria Designer thiam deuh ka hria alawm" tih zung zung pah chuan ka banah a rawn vuana min pawt dinga.




Enge a? Khawnge kan kal dawn? Sylvia sawi rawh? Khawnge kan kal dawn" ka ti vaka engmah sawi lovin M.C ah chuan min kai kuta lift bulah chuan kan dinga "i kawr tur kan en dawn enge?" A rawn ti hmaka, ka kal dawnlo ani tawp mai. Khanu hmel hmuh pawh kha ka châk teh chiam lo.




"Sylvia, ka sawi nawn leh ang. Ka kal dawn miahlo ania, min tilui suh anih loh chuan ka haw daih mai ang. Ka kal duh lo, mi duhlo chung hruai luih hi a thalo ania" ka ti nghat, rum zet hian min rawn melha chiang zet hian ka melh let ve kalh bawk.




Lift a rawn in hawn rual chuan lift chhung lamah chuan min nem lut pawp pawp a "kal mai mai rawh, i rawn kal dawn tho tho, anih loh chuan Zorini bulah hman zana Jeremy an a rawn pawm luh thu che kha ka sawi ang, chuan inkawtah in infawp tih thu te ka hrilh ang, chumi i duhloh chuan ka sawm ang che hian kal mai rawh" a rawn ti a, a banah chuan ka bêng nghal pawp a, "a nâ...." tih pah chuan a tuai vut vut bawk.




"Khami zan ami kha sawi chhuak tawh suh. Chuan kan inkiss lo bawk aw, hre rawh ka sam zial a rawn phelh thla ringawt anih kha. I duh duh phuah chawp ve ringawt suh" ka ti hlaka rum zet hian ka melh let ve kalh bawk. "Chupawh nise, in infawp tho aw ka hre ve vek, zêp thu a chêng lul lo e" a rawn tih chuan "Lalruattluang" ka ti vaka. "Enge?" A rawn ti ve that bawk.




Henu han nghal dan em em hi chu aw... ka hnial hneh lo ve ziah lehnghal nu Sawmpuii sawi ang chiah kha ani. A duhna hmunah chuan a thu hi a lal ber, eng ang pawn duhlo mahila min kal tir dan a hre tho zel. Ka hriatchian ve em em ka thiani hian min vau kha kha lehnghala, ka kal lo ang tih pawh ka sawi theih tak loh hi.




"Sylvia, ka sawi kha ka kal duhlo" ka kawr tur a lei zawh hnu dawra kan chhuah chuan ka ti leh a "Vew, amak e hunserh an tan lai bakin kan awm dawn hleinem, engmah hlauhthawnna tur a awmlo. Ani ve mai mai Jeremy pawh a awm dawn alawm" a rawn ti a, "chu tak reng chu lawm. Zorini bulah an pahnih hmaa inlan tawh lo turin hmanni khan ka intiama ka thutiam ka bawhchhe thei hleinem" ka ti leh talh a, a rawn thaw chhuak hawk.




"I thutiam chu i zawm theilo tihna ani mai alawm, engmah a pawina a awm lo" ngaihsam zet chuan a rawn ti a "Sylvia! Thil i ngaih sam ang zet kha ani lo ania i cousin sual zia pawh ka hre ve tawh. Min hmu leh si se buaina eng emaw a siam leh anga ka zah theihna tur deuh eng emaw a thlentir leh emaw kha ania nga chutiang ka peih hleinem. Thil hi i ngai sam thei lutuka, i ngaih sam ang ngawt hian thil hi a awlsam hleinem" ka ti hlaka, lungawi lo ru tak si chuan ka kalsana thil a ngai awlsam thei lutuk hi a that lohna tak ani.




Mi tana hnawksak nih ka duh ngailo, mahse an pahnih inzawmnaa ka lo lan ve sek avang khan ka hnawksak taa chuvang chuan nuam ka ti miah lo, innei mai tawh tur an ni a, an inkar tibuai anga than ka duhlo, dâwt a sawi thiam zia ka hre ve tawha dâwt hlang hlaka than ka duh bik lo.




Sylvia erawh chuan min ti lui tawh loa chu kal ve tura min duh thu a sawi renga, ka khawngaih ang reng viau a chu ka pawm thei tlat si lo, ka ngaihdan lah min hriatthiam pui si lo, a ngaihdan a kaltlang puia midang ngaih ve dan tur a dâwn tel ve tawh ngai lo.




Ka u rooma ka awm lai chuan ka phone a rawn ri a, Sylvia anih avang chuan la in loudspeaker ah chuan ka daha, ka u thawmhnaw vek chu ka en kual thuak thuak a "aw. Sylvia enge?" Ka ti a, Sylvia a rawn tawng dawn amaw ka tia mahse anu zawng a rawn tawng avang chuan phone chu ka la kang a.




"Rinrin, i hreh viau em chu ka hrelo a zanin hian i thiannu hi Zorini birthday lawmnaah rawn kalpui ta che. Hei, rizaia inkhuh chungin a mu hlûn maia insiam a tum bawk si lo. I kal loh chuan kal a tum bawk si lova, i rawn kal pui thei mai angem?" Nu Sawmpuii thu rawn sawi avang chuan Sylvia chu ka haw ang reng hle bawk. Thil tihdan tur hre kual leh lutuk mai.




"Nu Sawmpui, ka lo kal thei lovang ka buai deuh tlata" ka ti a, henu hi chu a châklo dawn chiang alawm. Ka hmuh leh hmasak ber hunah chuan ka sawisa chiang viau ang. "Hunâwl i insiam thei mai lo ami? Hei pui, i kal loh chuan kal a tum bawk si lo, apa in kal ve ngei se a duh bawk si Zorini nen an inmil lo lutuka apa hian chu chu a duh loa kal ve turin a ti bawk si a. Buai viau mahla i rawn kalpui thei angem?" A rawn ti a, Sylvia mai mai chu aw, ka bulah awm se chuan ka hau hrep ngei ang. Min sawm ve tawh laklawh bawk si, han hnial chu a hreawm bawk si. Engtin nge maw ka tih dawn ni. Sylvia mai mai pawh chu aw...




"Rinrin" nu Sawmpuii'n a rawn tih chuan "aw, ka hria e, ka lo insiam ang amah khan min rawn lam mai rawh se, chuan tiang nen ka lo nghak ang tih thu hrilh bawk rawh aw" ka ti a, phone chu ka off a henu han chimawm dan em em chuh!. Ka khâwng fawk chak takzet ani.




Ka nu chu buai viau mahse ka kal leh tur thu ka hrilha, alo pawm ve leh mai lehnghala vawiina kan lei chu ka khai chhuaka "Sylvia Lalruattluang, i rawn thlen hunah chuan i châklo viau ang aw" ka ti hlaka, khum chungah kawr chu ka theh thlaa intifai turin bathroom ah ka lut nghal zat bawk.




Ka insiam zawh hnu chuan inhnuai lamah ka chhuka ka nu pawh show atan a inbuatsaih ngawrh hle bawk. Ka u thihna avang khan an sawn tlai hreta thawmhnaw hi ka nu kut kawih ngei an duh avangin an sawna ka nu pawh buai namen lovin a buai ani ringawt.




"Nu, ka kal ania" ka ti a, a tarmit vuah tha chung chuan a rawn dâk chhuaka pencil leh paper chu a keng vâ bawk "aw, i nalh lutuk ania hawna tur i neih loh chuan min rawn hrilh la ka rawn hruai dawn che nia" a rawn ti a, ka bu nghata ka haw har loh tur thu hrilhin ka chhuak zui vut bawk.




"Vew" Sylvia min koh ri ka hriat avang chuan ka hawi nghal vat a, Scooty chungah chuang in a kut chu chunglamah alo vai lauh lauh a ka melh rum teh asin "hmelchhenu i châk dawn lo engvangin nge khatia i awm khera ka kal duh lo ka tih mawlh mawlh kha" tih that pah chuan ka pan pheia min lo nuih tlawn ver ver mai.




"Vew, khatia ka tih loh kha chuan i rawn kal duh si lova min ngaidam hram rawh" a kut suihin a rawn ner nâwnga ka bag chuan ka vaw zui pawp a, a ban chu a tuai vung vung a "a nâ" a rawn ti vak bawk.




"I phakar vang anih kha, i phu tawk chiah" ka tih chuan kan thusawi thlak tumin "i nalh lutuk ania, i inhmeh tur chu ka thlang thiam ka tih mawlh mawlh kha" a rawn ti zeuh a, melh rum hrep pah chuan " kal ang, anih loh chuan ka haw san daih dawn che nia, chuan ka la ngaidam bawk lo che" ka ti a, Scooty ah chuan ka chuanga "min ngaidam vat dawn" a rawn ti hrama a zakah chuan ka dêk vak ringawt zel bawk.




In pakhat kawtah chuan kan ding dat a, Scooty a hûn rem chhung chuan ka lo ding renga inchhung lama music ri pawh chu kawt atang hian ka hre phak veka huphurhna chen ka nei ve leh bawk "Vew, kal ang le" a rawn tih chuan a banah ka pawt a, a ding nghal dat a.




"Sylvia, ka haw leh mai dawn ka huphurh" ka ti chhuak hawk. Ka banah chuan vuanin a lamah chuan min kai pheia "vew, a kawt pawh i thleng tawha haw leh chu a chi tawh viau lo ang, lo lut mai mai rawh nuamlo itih chuan duh leh kan haw leh daih dawn nia" a rawn ti a, thaw chhuak hak in kan inzui luta in kawtah te chuan no dawmin an lo ding thup tawh hlawm bawka borua hîp lut vang vang in ka thaw chhuak hak a.




"Sylvia, ka hlatah awm miah suh aw, anih loh chuan ka haw nghal ani mai" inchhung kan luh hma chuan ka ti a, "teuh lo mai, nangmah zawkin nuamlo itih chuan min hrilh rawh aw kan haw daih dawn nia, keipawh apa in min tilui lo se chuan ka kal miah lovang, ka kal chak bik i ring em?" A rawn ti a, ka lu ka lo thing vat ringawt.




Kawngka bulah chuan Zorini chuan alo lut te chu alo lawma, nui sângin alo be bawrh bawrh a, ka rin ai mi an tam tawh. "Happy birthday Zorin" Sylvia chuan dam tak hian a ti chhuaka Zorini pawh chuan lawmthu hrilhin a kuah zuia tunah hian Sylvia hmel awmdan ka hmu châk lutuk ringawt.




"Nangpawh ilo kal ani maw?" Tih pah chuan min nuih sânga, ka lo nuih ve saka min rawn kuaha "i intiamna kha theihnghilh suh" ka beng bulah a rawn ti a, ka ding mar nghal awt thei. Min nuih pah chuan min kuahna atang chuan a awm hranga "nuam deuhin aw" a rawn ti a, a hlim hmel kara min melh dan hi ana lutuk takzet bawk.




Midang hmuhah chuan min ngaina ang zetin a awma mahse a phênah erawh huatna thinglung nasa tak a awm si, engtin nge a chezia zawng zawng khatiang khawp khan a thlak danglam chak theih zawk le. A chhungte hmuhah chuan kei hi a laizawn ang vel ka ni ngei ang mahse an hriat loh ah erawh chuan kei hi a sakei kawlh zet ka ni thung âwm si a.




A thusawi avang khan duh ang pawn ka awm tha ngam lova Sylvia lah chuan nuamlo ka ti em tih min zawt chhena ala awm duh ka rin avangin nuam ka tih thu in ka chhang thina mahse ka chhunglam erawh a nuamlo rawih rawih mai, ka kawchhung hi a khua a sik takngial dawnin ka hria.




Kawngka atanga lo lut inkawp a zawnga inhmeh an tih ber mai Jeremy leh Zorini chu an rawn inzui luta Zorini chuan a banah vuanin a rawn nui lut sanga Jeremy pawh a fresh ngai rengin ala fresh, ka hmuh lohna a rei tawh êm avang chuan ka hai lek lek, a sam a meh dan alo ti danglama chu chuan a ti pâ zual sauh ni maiin ka hria.




Ka u ruang ni ah khan alo kal ve a, mahse hmuh pawh ka hmu duhlo, ka hêl char char a, a tawpa tawpah chuan ka hmu lo reng bawka khami hnu atang khan tun hi ka vawikhat hmuh lehna chauh ani.




"Vew, lo en teh" Sylvia in min auh ri ah chuan ka phu zawka Jeremy'an kan lam a rawn hawi chuan rang zetin Sylvia lam chu ka taksa zawng zawng nena inher in ka en a, ka hnung hi a zâ mer mer mai. "Enteh vew, heihi nge heihi nalh, a eng zawk nge ka chah ang? A nalh ka ti ve ve bawk sia" a rawn ti a, a phone en lai chu ka zu en ve a chapal lek alo en anih chu!.




"I van en ho tak!" Ka ti hlaka "nge, chapal ka nei tha tawh lo êm alawm, enteh heihi ka neih dawn chuan a common ka ring tawh bawk sia, heihi nei leh dawn ta ila ka bun tha peih dawn si lova, ka duh ve ve bawk sia, engtin nge ka tih ang?" A rawn ti a, a phone chu laksak in ka en ve nghala "i khirh êm anih chu!. Iti buaithlak mai mai, duh ve ve si i sawisel leh bawk si a chhan dan tur che pawh ka hrelo" ka ti hap, ka sawi zawh rual rual chuan ka hnung hi a rawn za leh mer mer tawh.




"Nia, chu chu lawm buaithlak ka tihna, duh ve ve si hi ka sawisel leh bawk si a mahse a eng zawk nge i duh han thang hrim hrim teh" a la rawn ti leh hram a, chapal chu uluk zet hian ka en a, ka hnung za mer mer avang hian ka awm pawh a nuam teh fahran lo.




"Heihi, ti dawn ta la a that ka ring i bun tha peih tur hi ani hrim hrim, pakhat kha a common ring anih chuan pakhat hi sawisel reng reng suh, anih loh chuan a dang en leh mai rawh" ka ti hlaka ka sawi zawh rual deuh thaw a ka sir lama "no kha aw" ti thúm sup avang chuan ka ti ril a khur nghal der der mai.




Sylvia lah chuan ka tawn ang tawng ve hek lo "hei en leh chhin ang, ka duh a awm ve tawh hrim hrim ang" a rawn ti leh a, ka bul maiah chuan phone chu a rawn daha nichina kan en aia dang deuh hlek a rawn thlang chhuak ve leh ta a, tuna mi erawh chuan ka mit ala teh chiam lo.




"Sylvia" Jeremy aw chu ka hnung maiah hian a ri chhuaka ka ding khawng nghal awt ani ber ka taksa chu tullo zetin an mur chuai lehnghal. "Oh! Ilo thleng tawha?" Sylvia chuan nuih sâng pah hian a ti a, a awmdan danglam hneh lutuk chu henu hian a duh tawh lo emaw ka ti hman hial ani.




Ka hnung zângin pangtilum a rawn hriat rual chuan Jeremy ban chu ka sirah maiah hian hmuh tur a awma, ka bula eitur awm chu a rawn ban zeuh a ka thin a ran namên loh in a phu rang a phu chhuak dawnin ka hria.




"Thleng tawh chu nih hi" a rawn ti thúm leh supa, ka hnung chuan a pangtilum thar thar chu ala hre reng bawka engtia awm tur nge pawh ka thiamlo, ka kaihza tha te hi a chat thei dawnin ka hria engvanga hetiang fakaua min awm hnaih hi nge maw anih le.




"Tinge a Zorini bulah i awm loh a?" Sylvia chuan ala ti ta deuh deuh lehnghala kei erawh chu ka chesawn ngam der lo, ka awmdan hi a diklo thil thalo thleng tur ang mai hian alawm ka awm le. Ka ngaih a ta miah lo mai le. Zorini an sawi takah chuan helak hmun atanga kalsawn vat ka ngai ani.




"A thiante nen an inbe lawk anih kha" a rawn ti thâwp sup, "Sylvia pawna thutna awmah khan ka va thu lawk ang aw boruak hi ka zo vak lo aniang, ka zia deuh hunah ka lo lut leh ang" ka ti a, ka âw te hi a khur velin ka hria.




"Aw, mahse ka lo kal ve ang aw?" A ti a, ka lu chu ka thing nghal vat a "a ngai hleinem, ka rei lovang, ka rei itih leh i rawn kal mai dawn nia" pangngai tak chuan ka ti a, ka thaw chhuak hak bawk. "Um, mahse cake an zai tep tawh ang" a ti a, bu nghat in ka kalsawn nghala ka hnung te hi a za phei mer mer mai, chuan ka duh ai ka kal hi a sak talh bawk.




Pawna thutna ka hmuh hmasak berah chuan ka thu thla a, ka âwm chu dawm in ka thaw chhuak hawk a, van lam chu ka hawi a "enge maw ka hriat tak le, tinge ka zâm viau tak. Ka kal hi ka ti fuh lo ngei mai, u, i nau khawngaihthlak tak i kalsan hi han en teh midang hmachhawn zirtir ala ngaia a zâm thinna te paihbo sak a ngai asin, i kalsan hma lutuka nun dan a thiam hauh lo" ka ti chhuak sep a, arsi êng phe tuarh chu ka en a, ka u ka ngai vawng vawng mai.




Ani chuan "eng ang pawn chaklo in mi nun ang nei lo mahla anni nun ai chuan kha i nunna kha a hlu fê zawk. Anni chu sum in a lei theih thinlung an nei a nanga thinlung erawh lung aia sak pawisa pawhin a hen loh ani tur ani. Sum in a lei theih reng reng thil hlu a awm ngai lo, thinlung thianghlim tak sum in a leih theih loh thinlung neitu chu mi hlu tak a ni a, midang nun nen in tehkhin suh se" tia a sawi te chu ka hre chhuak uarh uarh a.




Ngaihzawng lamah te, nundan tur lam te leh thil dang dang te min hrilhin thu tha min hrilha a bikin ngaihzawng lam min hrilh nasa aman a tihsual tawh avangin keimah min veng thawng em em thina mipa thlang uluk turin min hrilh thin "ngaihzawng i thlan fuh loh chuan keimah ang hi i rawn ni mai ang, chuvang chuan anmahni i duh anih pawhin enfiah hmasa la, itan enge an tih tawh, i tan mi zawng zawng hmaah a ding ngam em? A rinawmin a ngaihtuah che em?" Tih thleng ten min hrilha, min hrilh nasa thei lutuka hriat pawh ka hre seng meuh tawh lo.




"U, van atang khan i nau hi min rawn enkawl rawh aw, hmalam pan zirtir la puitlin zirtir bawk ang che" ka ti chhuak halh a, ka hma lama thianho dingkhawm nui huah huah chu ka melh zuia nuam an tih hmel viau bawk.




"I tha em?" Rawn ti sup tu avang chuan ka phu nghek a ka âwm dawmin rang zet hian ka hawi chhuaka Jeremy chu ka sirah alo thu kura, rang zetin ka tawlhsawn lehnghala mahse thutthleng hian min daih tawh lo "enge i rawn tiha?" Ka ti hâw a, a nui suka "ka rawn zui ru che" a rawn ti sup.




"Maw!!??" Ka ti chhuak nghek a, a rawn nui hawk ringawt.




"Nula, hmeltha leh duhawm zet amaha thu chu tunge thutpui châk lovang" a tawngkam lerh zet avang chuan ka ner nghal nâwnga "i zak em?" Ka ti that a, min rawn en rual chuan ka thutna lamah chuan a rawn tawlh phei zela "hmela! Min rawn hnaih suh. Min rawn hnaih suh ka tih chu... anih loh chuan ka au vak anga inchhung ami leh te pawna mi te an lo kal khawm vak mai ang" ka ti hap a, a rawn tawlh thlen ka hlauh lutuk avang chuan ka tawm châwiha, ani erawh a nui ri suk duh chauh.




"I duh chuan i au thei ang" a rawn ti sup, thúk ru zeta min melh pah chuan a rawn tawlh leha, ka ke hian ka tlawh pawp dawn amaw ni le. "I rawn tawlh leh chuan ka au tak tak dawn ania, ka au dawn ania" ka ti chhuak chúla nui ri sukin a rawn tawlh lehnghal zat!. "I duh chuan i au thei ang" a rawn ti leh khera min deh lohna hi tlemte chauh ani tawh.




"Lo tawlh tawh suh ka tih che kha" tih vak pah chuan ka tho chhuak hluaia, tumah chuan kan lam an rawn hawi lova an awmna ah chuan an hlim em em hlawm ani ringawt mai ni. "Kal bik lovang" tih leh sup in ka ban rêkah a rawn vuana min pawt deuh zawkin a malchungah min pawt thu nghal chawt a. Ka khawng nghal awt thei.




"Enge maw itih le? Min kaltir rawh! Nangmi tenawmpa" ka ti vaka, mahse ka thusawi ngatan mah a ti lo a darah nem vakin tawlh thlak nghal ka tuma mahse ka kawngah chuan hmer chawtin a âwm si chêt chuan min hnukhnai nghala íp châwih chungin ka bawh rawk rawk ani ber. Ka thin lah chu ala phu rang em em mai lehnghal.




"Engthil nge itih hi? Min dahthla rawh! Miin min hmu ang" ka ti chang rat, "awm mai mai rawh, tumah an lo kal lovang an hlim tlang hlawm tlat" a rawn ti supa chumi rual deuh thaw chuan ka sam ka thlah chu ka bengah a rawn zep a, ka íp nghal châwih bawk.




"Khawngaihin min dahthla rawh, mi an lo kal vaih chuan, nilo, kha i bialnu kha alo kal vaih chuan ka chungah engtin nge a chêt ang ka hre si lo min dahthla rawh" chil lem dâk chuan ka ti a, mahse ani erawh chuan a lu a thing nghut, min pawt hnai leh deuh salh in ka hnar chuan a hnar a zu si ta chat mai, ka meng phâwk hra a talsawn ka tum rual chuan ka tukhumah nghet zetin a rawn man bet a ka tal nghek ringawt bawk.




"Hetianga min melh leh anih chuan eng thil emaw tak ka thlentir ang ka tih kha ila hria anga, chu thil chu zanin hian a thleng ang" ril zet chuan a rawn ti thâwp sup, ka hmui bulah chuan a thaw lum ham ham a "khawngaihin" ka ti sep, a lu min thin khum nghuta.




"Khami zan atanga ka vei leh tih leh ka châk em em chu zanin ngei hian ka ti ngei ang" a rawn ti supa, ka hmui chu a tawk deuh thaw tawh ani mai, "khawngaihin ti suh, ka duhlo" ka ti a, mahse ka thusawi zawm lo zet chuan a rúm nghuta ka tukhuma nghet zeta dawm in ka hmuiah min rawn fawp anih chu!.




Na zetin ka tala mahse ka tukhuma a dawm ngheh em avang chuan ka che hleithei lo, ka hmui chu chawl miah lovin a fawp ngar ngar a, he hmui hi!, he hmui hi! Ka hriat hnu avan ang tak em!. He hmui hian ka hmui hi a tawk tawh anga hriatna ka nei, mahse chutiang tur chuan engmah kan inkarah a thleng bawk si lo.




Ka inthlahdul rual deuh thaw chuan a aia duhthawhin min fawp ngawng ngawng a, ka dawh mawl tawp ringawt a chhan chu ka hriat hnu a ang êm ani. Min thlah thutin ka hmai bulah chuan a rawn thaw chhuak ham ham a "Bawihi, min chhang let rawh" ka hmui tawk reng chung chuan a rawn ti sup.
Tunah khan engtin maw min koh a? Bawihi min ti maw!?




"Bawihi" a rawn ti leh a, ka hmui a fawh nasat em avang chuan ana vawng vawng thei "ka... ka thiamlo ka chhuk duh tawh" ka ti bah nawk a, midangin kan awmdan hi an rawn hmuh vaih chuan a zahthlak dawn takzet, chutiang chu ka duh lo.




"Duhawm lutuk mai, ka zirtir ang che" a rawn ti sup, rang zetin ka lu ka thing nghala a rawn nui ri suka "ka duhlo, ka chhuk dawn ka kal duh tawh. Min dahthla rawh" ka ti ta nawk nawk a ka hlau ni berin ka hria.




"Bawihi, a rei dawnlo reilo te chiah" a rawn ti a, rang zetin ka lu ka thing a "ka duhlo ka chhuk dawn. Bawihi tih pawh khan min ko suh ka duh lo, min thlah teh" ka ti vaka mahse min hmer nghet sauh mai.




"Jeremy" inthlahrung zet chuan ka ti a, thatchhe zet hian "um" a rawn ti a, a kaw chhung hi a nghawr dar dar ni maiin ka hria "ka kal duh ania, ka... min dah" ka sawi zawh hma hma chuan ka hmuiah a rawn fawp lehnghal zat a, zei zet hian ka hmui ti kau in a lei a rawn hâwl lut nghal zat a ka meng kâwk mai.




Ka hmui chu ka tihchêt ni miah lo hian amahin a rawn che ve tawp a, muangchangin ka ti che ani ber, he hmui hi ka tawh tawh hnu a ang takzet ani. Ka hmui ka ti che ani tih a hriat rual chuan rúm nghutin a rawn duhthawh sauh. Ka vawikhatna ni mahse ka hriathnu a ang takzet.




Ka awmdan danglam hneh lutuk avang chuan ka thaw chhuak leh hak zela, ka awmdan hi amak lutuk ringawt, duhthawh zeta ka hmuia fawp chunga ka biang a rawn dawm rual chuan harh chhuak zawkin a malchung atang chuan ka ding chhuak nghal zawk a.




"Ka... ka tihpalh lutuk, thleng lo angah ngai rawh" ka ti bah nawk nawk a, zah avang leh mawl intih lutuk na avang hian ka â thei dawnin ka hria. Rang zeta kalsawnin inchhungah chuan ka lut a.




Kei hian enge maw ka hriat le ka â tawh ani ngei ang, ka hmai chu ka beng deuh pawpa khatianga awm tur kha ka nilo asin mawle ka â tawh anih hi ka â tawh, theihnghilh thei tawh loh tur ka insiam leh ta. Engtin nge ka tih dawn? Miin min hmu angem le? Aaaa.... ka ngaihtuah peih tawhlo ka zak ani tawp mai ni.




"I zia deuh tawh em?" Sylvia aw ka hre chiah chu ka phu zawka ka kat nghal dawrh thei "aw... aa... zia tawh e" ka ti bah nawk nawk a, katawng bah lutuk chu keimah pawn mak ka inti zawk hial alawm.




"I biang kha a tai vek ania, i chungah enge thlenga miin an beng che mi? Mawh vew" a rawn ti a, ka lu ka thing nghal vat a "teuh lo, ka biang a sa ka ti reng a ani, a sen tak tak ami?" Ka ti vaka, a bu nghata ka biang sa lutuk chu ka tuai vak ringawt.




"Um, a reh ve mai ang kal ang cake an zai dawn ania lo koh che ka tum chiaha" a rawn ti a, ka banah min kaiin nichina kan dinna ah khan kan ding leh a, Zorini awmna ka en phei chuan min lo nuih sânga mak ka ti takzet. A piangthar amaw ni le.




Jeremy lo lut pawh chu en pawh ka en tha ngam reng reng lo, ka theihtawpa in thununin amah en loh hram hram chu ka tuma birthday cake chu ka melh ngar ngar ringawt bawk.




Cake an zai hnu chuan thusawi hun an pe a, a thusawi ngaithla tur chuan kan ngawi thap hlawm bawka. Zorini chuan a aw a rawn thian kharh kharh a.




"Zanin hian thil sawi chiam ka tum lo a mahse ka thin a rim em avangin ka sawi chhuak dawna lawmthu sawina lampang kha chu naktukah in dawng theuh turah ngai ila" a rawn ti a, ngun zet chuan ka lo en kar a kan lam a rawn a, chiang fahran hian min rawn en ni maiin ka hria.




"Tunlai chu mi inkara inrawlh peih deuh hi an awma" a tih rual chuan ka lo íp nghal châwih ringawta, min em reng avang hian ka awm a nuam tehchiam lo. "Tunge anih chu ka sawi kher lo ang, mahse hmeichhia ani tih erawh chu ka sawi hram ang" a rawn tih leh lek phei chuan ka thin hi a phu dat dat ringawta ka awm hi a nuamlo lutuk ringawt.




"Mi inngaizawng karah hian alo inrawlh peih lutuka vawikhat kha chu ka tawngkhum ve nghe nghe a mahse awmzia a nei lo ani ngei ang, ala rawn ti zui zel lehnghal. Inhmangaih tak te inkara inrawlh hi engtin nge in ngaih chu ka hrelo. Mahse kei chu ka ngaihdan tlem sawichhuah ka duh a.




Kei chuan mi zaktheilo angah ka ngaia ngam hi ka ti em em bawk. Thil nihdan phung a hrethiam lova, e nilo, a pawm ngam lo zawk awmdan mawi a hre lovin tih âwm leh âwm loh pawh thliar hrangthiamlo ah ka dah a, mi â mahni tanghma chauh hai ah ka puh bawk.




Hetiang hi chu tawngkam hian a ti zal theilo a, sawi tawh reng chung pawn awmzia a neilo, mi bialpa a rúkin an tawmpuia thlem kualin an malchungah te an thua an bawh huam huam zela an zaklo ani ti rawh u, hetiang hmeichhia hi tam tak an awm ania. Mipa ho kha fimkhur hle rawh u.




Ka hmeichhe sawinu pawh hian mi bialpa chu a rúkin alo tawmpuia, alo thlem kuala a malchungah te chuan a thu vela a bawh huam huam bawk, ka zilh ve deuh tawh nghe nghe a mahse awmzia a neilo anih hmel, amah zawk zawk chuan min la vín let hrep thin mawle, tunlai thalai ngaihzawng thar nei te hian zah nachang hi an hre tawh hlawl lo. Nu leh pa thleng thlengin an zah tawh lo.




Tuna ka hmeichhe sawi pawh hi hmanni lawk khan a unaupa a borala mahse khatiang khan a awmzui lehnghal ani a, ka hmu leh thei anih chuan thu tha ka hrilh leh ngei ang." A mi sawi chu ka nih chian em avang chuan zah avangin hnuailam ka biha ka khur chawt chawt ani ber, midangin keimah ka ni tih hrelo mahse kei chuan ka inhrechiang em em thung si. Zahna leh rilru natna avang chuan ka khura ka mittui a tling kuau bawk.




A thusawi leh tur pawh ngaithla ngam tawh lo chuan ka thutna atang chuan ka tho chhuaka Sylvia min auhna pawh chu ka chhang lo, rang zetin kawngkhar lam ka pana ka tlan chhuak nghal ti tih bawka, ka biangah ka mittui a rawn luang thla zung zung mai.




Gate pawnah chuan ka dinga vanva dâkin ka mittui chu dan kir ka tuma mahse ka theilo amah in a rawn luang thla zung zung mai, ka bekah te chuan a luang thla a ka hru leh tawk zel bawk.




"Mami ilo chuang duh em?" Rawn titu avang chuan ka hawi thla ka hmaah taxi chu alo ding reng tawh "aw ka lo chuang" ka ti a, ka mittui chu ka hru thuak thuak a kawngkhar ka hawng tur chiah chu "Vew" tiin Sylvia chuan min rawn pawt dinga "vew, ngatinge i taha?" A rawn ti a, khur ngawt ngawt chungin ka hawi let a.




"Sylvia, khang a sawi zawng zawng nihna neitu kha ka ni tih i hria em? Keimah asin min sawi, engkim kha keimah vek ka ni, a hmeichhe sawi pawh ka kha ka ni bawk. A thusawi lehzel tur ka hriat duh loh vangin ka chhuak lawm. Sylvia keimah vek anih kha a sawi, khang kha ka nihna vek anih kha. Min lo hmuh dan chu ka hrethiam ta chiah. Hetiang party pui lutuka kal tura min sawm avang hian ka lawm lutuk aw, nuam ka ti takzet. Mahse khatiang em ema in lawmna kha chu ka beisei lo takzet asin, a ropui mah mah ani chuan ka na mah mah bawk, ka kal phawt mai ang ka rawn bia ang che" ka ti zung zung a, varanda atanga Jeremy an min lo en reng tih ka hmuh rual chuan rang zetin taxi ah chuan ka lut a.




"Ka pu, Vaivakawn lamah tlan rawh aw, dinna tur chu ka hrilh ang che" ka ti sapa, a tlanchhuah rual chuan ka hmai hupin zâwi thei ang ber chuan ka tap chhuak nghal hawm hawm a, ka thin hi ana ngawih ngawih, ana takzet ani, chuan ka zak bawk. Zanina Jeremy nen kan awmdun kha a lo hmu vek a, mahse tinge khatiang zawnga a tih kher, ka u te kha hmer tel kher a ngailo asin.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 1:52 pm

AT THE ELEVENTH HOUR - 6

💜 All of us cannot be captains because the crew field is also waiting someone. 💜
-- Douglas Malloch


💜 Ka type thin na lamah ka ban hi a rawl vek anih chu! Ka type chak thei miah lo a🐠nge ka delh sual zawk nge ni😅 a kham ut ut a, a nuihzatthlak zawk, a tawia a ngaihnawm hman pawh ka ring lo😆💜





Min rawn hmuh rual khan min rawn hau in tawngkam na tak tak in min tawngkhum se a pawi ka ti lo zawk maithei ani mahse engvanga a sâwm zawng zawng te hriat tura khatia sawi kher kha anih le, ka chhunglam hi ana ngawih ngawih.




Mi inkara tlâkzeh ka duh ngailo, mahse ka dan theih si loh ah chuan ka tla zep ta chu anih si hi Jeremy kha lo dangin, nilo khatia a awm loh nan khan lo dang zawk ni ilang chuan khatiang kha ka chungah a thleng miah lo tur. Mahse ka thinlung duh dan chu ka taksa hian a zawm thei lo chu nih hi. Ka taksa te hi ka control loh ang mai an rawn ni ta si.




Engvanga hetia awm hi nge ka nih? Mipa pakhat chu pawh ka hriatna la rei lo lakah chuan ka tlawm nghal maia maw? A bialnu in hmusit taka min en laiin ka dawh mai mai a, ani erawh chuan a tenawm thei ang ber tur leh ka mualpho theihna tur hlirin min awmpuia, ka hnar zo si lo. An pahnih in thu rual hian min tihnat an tum ni maiin ka hria.




An lakah hian enge ka tihsuala hetiang khawpa ka laka an nun râwn, an inkarah duh reng vangin ka tla zep bik lo asin dinner ei chhuah pui te ka bag ka theihnghilh te kha ka duh reng vang ani lo bawk ka tan a tangkai lova ngatan mah ka ti lo bawk, mahse a chêtdan te kha ka dang thei silo a lakah kha chuan engmah lo mai ang chiah ka ni. Khang ho khan keimah ka ni tih hrelo mahse ka zak ani ka chhungril hi ana ngawih ngawih bawk.




"U, min ngaidam rawh aw" ka ti chhuak sepa, ka u thihna chungchang sawichhuah te kha a tul miah lo asin, ka hria an inkawpna karah duh reng vang ni lovin lungte ai pawha hnawksak ka ni a khangah khan keimah min dem thei, engkim kha ka thiamloh vek ani a mahse ka u chungchang khatiang diriam taka sawichhuah tel ve kha a tul hauh lo, heihi chu a ti mah mah deuh ani.




"Nula, khawiah nge i chhuk dawn?" Driver thu rawn sawi avang chuan ka mittui ka hru thuak thuak a kan in pêng alo lan chiah bawk avang chuan "tah khan ding rawh" ka ti a, motor a tih din dawt rual chuan chuan man ka pe sawk sawk a, rang zetin motor kawngkhar chu ka hawnga ka tlanchhuak nghal ti tih bawk.




Kan in lam chu muangchangin ka pan chhet chhet a, thil hre chhuak zawkin ka bag chu ka zen rawk rawk a ka phone chu ka phawrh chhuaka ka on chuan Sylvia missed call tam zet leh Jeremy missed call chu alo awm ve bawka. Call log ah chuan lutin Jeremy number chu ka delete nghala whatsapp a min rawn biakna zawng zawng chu ka delete veka "Sylvia, lo kal miah suh aw keimaha awm rih ka duha naktukah ilo kal mai dawn nia" tih chu Sylvia chu ka thawna ka phone chu ka switch nghal hmak bawk.




Sylvia hi ka haw lo, mahse keimaha awm ka duh rih ani. Zorini a cousin ani a ka chêtdan kha ani pawn mawilo a ti ve ngei awm si a Zorini hi haw hle mahse a tan chu ka ring bik chuang lo a mahse ka chêtdan kha âwm ang lo a ti ve dawn tih ka hre sa 'lo dan ve mai tur alawm' ati leh ngei dawn si a. Tunah chuan tu thusawi mah ka ngaithla duh rih lo, ka khuma muta inngaihtuah harh ka ngai takzet ani.




Inchhungah chuan muangchangin ka luta ka nu chu buai rem rem tak ani ringawt. "Nu, ka lo haw aw ka mu nghal dawn ania ka chau lutuka" ka theihtawpa ka aw thunun chuan ka ti a, ka tap tih hi a hriat ka duh lo anih loh chuan a chhan min zawt anga hrilh hma chu min zawt leh char char mai ang.




Min chhanna pawh nghak lo chuan inchung lamah chuan ka chho nghala ka bag chu dah tha in inthlak lovin khumah chuan bawk nghak thlawpa rizai chuan ka invial vak ringawt bawk. Ka ngaihtuahna ah hian engmah a lang theilo.




"Bawihpui, i awm em? Hei, Andria in a be duh che a naktuk hna lampang anih ka ring, a call tlang theilo che a" ka nu chuan room a rawn luh pahin a rawn ti a, ka chhang lo "bawihpui" tih pah chuan rizai chhanah chuan ka mawng a rawn beng a, ka in let a.




"Nu, ka be peih rih lo naktukah ka call mai ang" ka ti a, ka sam chuan ka hmai ka hliah tlata, anih loh chuan ka mitmeng atang hian a hre leh vek dawn. A chhan chu ka nu ani miau a, nu te chuan mahni fa te chu mahni an inhriat chian ai an hrechiang miau ani.




"Amak thin mange aw, thil pawimawh pawh ani thei asin, kha be rawh. Hrim hrim in tho rawh inthlak lai intifai la, mu tha rawh" tih pahin phone chu ka kutah a rawn hmeh bel nghala ka room atang chuan a chhuak zui nghala, ka zâwi êm avang chuan khumah chuan ka mu thla leh dawt a.




Phone chu muangchangin ka bengah ka dah a "aw, madam" ka ti a, lehlam atang chuan tuman min rawn chhang lo "hello" ka ti leh a min la rawn chhang chuang lo phone off ka tum chiah chu "bawihi" rawn ti thúm sup tu avang chuan ka khawng nghal at a, phone chu a rawn ênga, tah chuan Jeremy tih chu alo inziak kulh mai.




Rang zetin phone chu off ka tuma mahse off lovin loudspeaker ka lo dah leh khanglang "off suh, bawihi" a rawn ti leh sup chu aw ri chuan ka thinlung a ti rúm vawng vawng ni maiin ka hria muangchangin phone chu ka beng bula khumah chuan ka daha, ka tawng lova ani pawh a tawng bawk hek lo.




" Sorry" a rawn ti zâwi supa, ka mittui hi a hnâm nghal kuar thei nia, chhang lo chuan ka inlet a phone êng chu ka en renga "keimah vang ani tih ka hria khatianga awmpui tur che ka nilo tih pawh ka hria mahse keimah takngial pawh ka indang theilo chu anih kha mahse khatiang thleng thleng a tih ka ringlo mai chauh ani. Engkim ka siam tha leh ang" a rawn ti a, ka mittui chu ka bekah a rawn luang thla zung zung mai.




"A ngailo, a tâwk tawh e in hmaah vawikhat mah ka rawn inlan tawh lovang. Ka tiam a che in buaina thlentu chu ka ni tawh lovang" ka ti tiau a, ka tah chhuah loh nan ka hmui chu ka hup a ka bekah mittui a rawn luang thla zungzung mai.




"Aih, engkim ka siam tha ang ka tiam a che" a rawn ti leh sup, ka lu ka thing a. Nilo, hepa hi ka duh tihna em ni? Aih, ka duh theilo hepa hi ka duh tur ani lo mahse tinge ka chhungril hi a ruak ngawih ngawih mai le, zahna avang leh natna in ka khat tun ani ber.




" thil chu a insiam tha tawk tawh alawm. Ka tihpalh ani, khatiang kha a thleng nawn tawh lovang in mit hmuhah ka rawn inlan tawh ngai lovang, kumkhua in ka awm bosan ang che u" ka ti tiau a, "Bawihi, i tap ami?" A rawn tih rual chuan phone chu ka off nghal hmak a, rizaia inkhuh chung chuan ka tap chhuak nghal hawm hawm bawk.




"Nilo, khapa kha ka duh tur ani lo ka tan a thalo ani ka tan a thalo, mahse tinge ka chhungril hi a ruak rúk em em si" ka phun chhuak sep sep a, a rawn rúm vawng vawng ni maiin ka hria. Engtik lai khan nge duh rúkna thinlung hi alo pian niang le? Ka hrelo, ka hriatna ala rei lova ka haw viau amaw ka ti a mahse ka lo haw tak tak lo tihna em ni ang? Engtik lai khan nge hetiang rilru te hi ka lo put tak niang le.




Ka lo tap muhil ani ngei ang, ka harh meuh chuan ni alo chhuakin ar alo khuang tawha, rang zeta inperh tho in towel chu ka ban zawka bathroomah chuan ka tlan lut zui nghala ka intihfai chuan ka period hun ani tih ka hre chiah, tui lumah chuan ka inchiah nghal vang vang a. Nizan thil ngaihtuah loh tum chuan ka bei ngar ngar a, mahse a harsa lutuk ringawt.




Ka intihfai zawh hnu chuan ka chhuaka ka phone nizan atanga ka on tawhloh chu ka on a Sylvia missed call alo tam ngang mai. Ka clear veka ka call let nghat zat bawk. A in ring rual chuan a rawn la nghala "Vew, nizanah Zorini te an inthen mawle" a rawn ti nghal phawng mai.




"Maw!?..ka.. engvangin" ka ti vaka, engthil nge maw thleng ta le, "Zan rei ah Zorini kan inah a rawn kal a, nangmah vang anih thu sawiin min rawn hau hrepa mahse anu te pawh tun tum chu ka lam an tang ve hlauh, chuan nangmah vang anih loh thu leh, amah zir loh anih thu ka lo sawi khum ve siah" a rawn ti a, phone chu ka bengah ka daha ka thluak hian thil tam tak a ngaihtuah hman anih chu!.




"Sylvia, keimah vang anih chu keimah vang anih chu an inthen. Mahse..." ka ti sapa, "Lalrin, nangmah vang ani lo ka tih mawlh mawlh chu, Jeremy an engkim min hrilh vek tawh in thiam lohna khan khat tawh suh i thiamlohna pakhat mah a awm lo, a tawng hlâwk lutuka a a tawngtheih man a tuar anih hi. Anu pawn 'i kâ veng tha thin ta che' a tih kha" a rawn ti a, a thusawi zawng zawng zingah ka hriatchian em em pakhat chiah a awm, chu thil chu Jeremy tih hming chiah kha.




"Jeremy an a rawn bia che maw?" Ka ti a, "aw, ka lawm zia chu mahse thil thleng vel min hrilha chuan engkim ka hrethiam vek alawm. Vew, i thiamlohma engmah a awm lo ania keipawh ni ila khatiang khan ka awm ve tho ang" a rawn ti a, ka thaw chhua hak a henu thil han ngaihsam theih em em dan hi chu aw...




"Sylvia, kum tam tak an inngaizawng tawh iti tiraw? Chuan an innei tep tawh tih ka hre bawka ngaihtuah teh. In hmangaih tak te ka inthen tir ani ringawt anih chu. Thil hi ngai sam viau zel suh ka tih che kha Zorini sual zia pawh i hriat vek kha. Keimah vangin an inthena min hua anga aih, ka thlentir theilo. An in hmangaihna ka tihchhiat sak theilo ngaihdam ka dil mai ang" ka ti a.




"Lalrin, amak mawl viau zel suh" a rawn ti tuarh a, ka phu zawk mai "an inhmangaih lo, in hmangaih chu hnaih lo tak an ni. Chuan ngaihdam pawh kha dil reng reng suh ang che. Chapo tak khan awm ve rawh hawi sang vah rawh khatianga i in phah hniam reng te chuan enge hlawk anga, miin an zuam sawt mai ang che. Chuan ani chu a sual anih chuan kei chu misual ka ni ang, ka awm alawm i lamah ka tang reng ang" a rawn ti a, ka thaw chhuak hak.




"Ka sawi peih tawh lo, ngaihdam chu ka dil dawn tho" tih pah chuan phone chu ka off hmaka a rawn call nawn leh rual pawh chuan ka la duh tawh lova ka hmet busy hmak zel bawk. Inngaihzawnna lam ka hre ve lutuk lo mahse ka hmelhriat te leh ka lo kawm ve thenkhat te atang an inkara mi an lo tlakzeh reng renga an tuar nat thin zia ka hmuh pui ve veka. Zorini pawh hi haw viau mah ila an inhmangaihna hi ka tihchhiat sak theilo ani.




"Keimah vangin an inthena keimah ngeiin ka siam tha leh tur ani" ka ti chhuak sepa, ka thawmhnaw hak tur chu ka la chhuak mawlh mawlh a ka insiam hnu chuan inhnuaiah ka chhuka chokaah chuan lutin nu Sangi leh ka nu chaw ei chu ka zawm ve nghal zat bawk.




"Nu, ka hming hi ka thlak duh ka tih kha. Min buaipui sak tawh la" ka ti a, ka nu chuan a fian dah meuhin min rawn en a "Lalbawihpui, ka sawi ngun ani lawm ni, kum i tling tawha a harsa ka tih tawh kha" a rawn ti that a, ka fian chu ka dahthlaa ka nu chu ka en ve kalh bawk.




"Ka hria, i sawi ngun tawh mahse miin Athena ti hian min ko leh zeuh thina ka pa ka hrechhuak ziaha a tihdan che kha i hre tawh lovem ni, nunhlui ka ngaihtuah chhuak ziaha ka duhlo alawm ka thlak duh" ka ti ve that a "Lalrinnung" a rawn ti tuarh mai. Mak ti lutukin ka en nghala, inthunun tum chuan thâwk alo la vang vang a, hetiang em em a ka nu thinrim hi ka la hrelo, ka inthlahrung dâwk thei.




"Bawihpui, kum tling tawh tan hming thlak hi a harsa tawh ka tih kha i birth certificate te, leh baptisma certificate leh thil dang dang thlenga thlak a ngaia chanchinbuah te chhuah a ngai hial tawh alawm. Buaipui tham fê chu ani tawh. Ipa phuah ni mahse tikhan pu tlang rawh, ipa ani a engtikah mah i theihnghilh dawn chuang lo, tum tum mah la nangmah hringtu ngei chu i theihnghilh lovang" a aia dam zawk chuan a rawn ti a, a âwm chu a dawm vang vang a a thaw chhuak nghal kâwk kâwk a.




"Nu" tih pah chuan ka pan phei vata a banah chuan ka va vuana nu Sangi chuan "a thâwk a buai leh tawh anih kha. Bawihpui a roomah han hruai rawh Doctor ka lo ko ang, chuan amah kha ilo hmet bawk dawn nia chuan thil pakhat leh amah ti hah thei tur thil sawi tawh miah suh aw" a rawn ti a, ka nu in thâwk lamah buaina a nei amaw!? Engtin nge ka hriat loh theih zawk?




"Bawihpui, hruai vat rawh" a rawn ti a,harh chhuak zawkin ka nu chu ka pua a a room lamah chuan ka kalphei puia, khumah chuan nghatin a kawr hak phui lutuk te chu a phelh thawl saka a biang chu ti huh in a kut te chu ka hmeh saka kawngkhar lam chu ka hawi sek bawka nu Sangi lo kal har tawh lutuk chu ka ngaih a ti thalo ka nu lah a thâwk kâwk kâwk tawh bawk si.




"Bawihpui, Doctor alo thleng e awmsawn rawh le" nu Sangi chuan a rawn ti a, ka nu khum bulah chuan ka thu thlaa kan thenawm lawka Doctor pu Hmingmuana chu ka bulah a rawn ding nghal zat a ka nu kâ ah chuan eng emaw hi a kâp luta ka nu chu rei lo tê ah a rawn zia a, pu Hmingmuana chuan a jection a ka nu chu a muhil nghal vang vang bawk.




"Inu hi inti hlauthawng em ni? Nge a hriat duh loh thil in hriattir zawk? Ka hrilh tawh che u kha hetiang lam hi sawipui tawh suh u" pu Hmingmuana chuan a rawn ti a, ka ding chhuak nghal vat a "pu Hming, ka nu chu engtin nge a awm a?" Ka ti a ka nu chau tih hriat zeta mu bêm chu ka en zui nghal vut bawk.




"Inu hi a hah rimtawng ani ngei ang, a thinphu ti rang thei thil sawi lo hram rawh u. Tlai lamah ka rawn kal leh anga a taksa vel kan endik dawn nia tunah chuan damdawi khan hna a thawk rih a engmah a hre rih lovang. Chuan inu ti hah thei thil sawi tawh suh u" a rawn ti a, a chhuak zui vut a nu Sangi pawh chuan a zui chhuak ve nghal vat bawk.




"Nu, ngatinge engmah min hrilh ve ngai miah loh a? Ngatinge i thâwk a buai thin ani tih min hrilh loh. Hna avangin i hah em em zela, engtik lai atang khan nge i thâwk hi a buai tan? Ka lakah hian engtia rei nge ilo zêp tawh?" Ka nu bula thu thla chung chuan ka phun chhuak sepa a kut zawi zet chu ka vawn saka a sam chu ka chúl sak bawk.




Nu Sangi tui rawn chawi lut chu ka lo en renga ani erawh chuan min en ngam ve hauh lo "nu sang" ka ti nghat, a rawn hawi a, ka lo melh deuh ram bawk ani pawh hian engtia rei nge ka lakah alo zêp tawh ang. "Ka nu hian thâwk lamah engtik atang nge buaina a neih tan? Tinge ka lakah hian i zêp ve ve a?" ka ti a, ka âw chu ka ti zâwi nângin ka lungawi vak lo tih a hre ngei ang.




"Inu hian ipa in a chhuahsan atang khan thâwk lamah buaina a nei tana i u leh nangmah hrilh loh tur che khan min ti char char thin bawk. A tir chuan zêp harsa ka ti a, in bulah sawi chhuah ka tum leh thin bawk. Zan inmut hnuah te kan pahnihin kan inbuaipui foa in hriat loh theih tur ang berin pu Hminga kha kan va ko thin. Inu hian nangmahni hrilh lo tur che u in min ti char char a i u nen in lakah kan zêp a mahse tunah chuan alo lang chhuak ta anih hi.




Ipa kha ala ngaihtuah fo thina, an upa tawha sulhnu an ngah dun tawh bawka hriatchhuahna tur tam tak a awm bawk. Khatia ipa i rawn sawi chhuah tak avang leh i hming thlak i duh avang khan ipa kha a hrechhuak ani ngei ang" a rawn ti a, ka nu kut chu ka chúl heuh heuh a "thil pawi tak kan lakah in zêp ani, in pahnih hian ka haw lutuk che u" ka ti a, ka nu hmai chu ka khawih a.




A fanu hriat loh tur hian thil alo van tuar nasa tak em!. Mahse kan hlauhthawn a hlaua amahin alo tuar tlawk tlawk a chuta karah kei lahin ka hming thlak ka duh thu ka lo sawi ve chhena a tan chuan a hreawm dawn takzet ani.




Nilengin hna pawh kal lovin ka nu a awmpuia damdawi chuan hna a thawk rei ngang mai, chhunah pawh ala harh lova dar 2 velah tui a duh thu a rawn sawi ve ta chauh a a mitmeng atang chuan a chauh zia ka hmu ve vek bawk.




"Bawihpui, min tung tho teh. Hnathawh ka ngai tlat mai karleh mai kha show ani tawh si a" a rawn ti a, thawh chhuah tum chuan a rawn in beng kânga mahse rang zetin ka mut thlak tir leh hmak. "Mu mai mai rawh, hna thawh a ngai lo hna chu nakinah tunah chuan i hriseilna a pawimawh ber i hrisel that chuan hna te chu i thawk leh vat thei ang tunah chuan mu la chawl hahdam rawh, i hah rimtawng anih kha ka lakah thil in zêp lian ropui si, hremna anih kha hna i thawh hun chu keiman ka ruat ang" ka ti hmaka puan chu ka sin that tir mawlh mawlh a.




"Bawihpui, ka tha tawh alawm. Khuma mu turin nâ engmah ka nei hleinem. Hna thawh ka ngai alawm. Hoirfen ho in an winter brand an pho chhuak tawha chêt kan lak ve vat a ngai alawm" a rawn ti leh a, a rawn in beng kâng len. Rang lutukin ka mutthlak tir leh a.




"Nu, hna thawh a ngailo an tih chhuah chuan an ti chhuak ani mai engmah a pawina a awm lo a lar tur chu in lar anga a lar lo tur chu in lar lo mai ang chu chuan kawng ro engmah a suh lo, duh tâwk chu an awm leh dawn tho tho. Hnathawk tur chuan hriselna i neih phawt a ngaia tunah chuan i nei lova keiman ka enkawl che a ngai ang. Hna i thawk dawn reng reng lo thawh han tum leh vaih teh khumah hian ka tawn bet ang che" ka ti a, thuawih tak chuan a mu ve mai bawk.




Chaw chu barh in an tui chu ka hâwp tira a ei hnem ve ngang mai, a phone a rik zin em avang chuan silent saka hna a thawk dawnlo ani tawp mai ni "Nu Christy" Sylvia aw kan hriat rual chuan room ah chuan a rawn lut nghal zat a ka lo nuih sânga mahse a hnunga rawn zuitu avang hrep chuan ka hawisawn rang mah mah.





"E, Sylvia bawihi nangmaw? Jeremy nangpawh" ka nu chuan alo ti hluaia kei erawh an lam ka hawi duh der lo, nge an rawn kal ruala. Ni lo, enge hetah hian an rawn tih zawk? "Aw, vew'i hi ka rawn hruai chhuak dawna chuan nu Sangi khan i damloh thu min rawn hrilha" a ti zung zung a engmaw!? Hruai chhuah maw!? Henu hian eng chu nge maw a hriat leh tak ni.




"Khawiah nge in kal dawna?" Ka nu chuan a ti leh. "Thil hmuh tir lawk tur kan neia mahse nangmah i dam tha si lova kan hruai lo mai ang" Sylvia chuan a rawn ti a, amah chu ka melh zeuh a mahse en pawh min en duh lo reng reng henu han hmelchhiat dan hi chuh!.




"E, hruai rawh u chutianga damlo pawh ka ni hleinem ka chau ve deuh mai ania ngaihtuahawm ka ni hleinem" ka nu lah chuan alo ti sam êt lehnghala "nu!" Ka ti nghat, an vai chuan an rawn hawi thaha ka zak leh hnuhnawh "ka kalsan dawn lo che, buai leh ta la engtin nge nia nga a buaithlak ka awmpui dawn che" ka ti ve ngat a ka nu erawh chuan a lu alo thing nghut.




"Bawihpui, kal rawh thil tihtur thulh thak lovin, hei pui hna i kal lo tawh lehnghal. Ka sawi tawh kha ngaihtuahawm lutuk ka ni lo Sylvia hi zui rawh ka tha leh tawh lutuk alawm" a rawn ti a, Sylvia mai mai hi chu aw.... mi thlêm dan a thiam lutuk hi chuh! A buaithlak ani.




"Kal ang che bawihpui chuan Jeremy bawihpuii a insiam chhungin thil kan sawi lawk dawn em ni ang? A insiam rei leh dawn tho a" ka nu chuan a rawn ti leh a, "tehreng mai" Jeremy chuan a ti zâwi sup a ka lo thaw chhuak hak, ka ding hluaia "Sylvia, ka hlap dawn che nakinah" tih hlak pah chuan ka nu room chu ka chhuahsana ka room lam pan chuan ka chho hnak hnak bawk.




Engtin nge maw hi te hi a thlêm thiam em em mai le, a thlêm thlu leh nge nge zel a rawn kal chuan ka khawng pawp ngei ngei ang mawle. A rawn kala min rawn hruai chhuah dawn pawn Jeremy kha rawn hruai kher kha a tul fahran lo mawle mahni lo maha hmuh peih loh nâk alaiin.




Zinga ka inthuamna tura ka tih ka thlak leh tak chu la chhuakin ka inthawlh lehnghala "vew" tih paha Sylvia rawn lut chu thawmhnaw chuan ka lo vawm pawpa "i chimawm thei mawle" ka ti zui hlak bawk. "Nge, ka chimawm thlâwt lo aw. Ka thil tih hi a tha fe zawk tih hre rawh Zorini hmaa inphah hniam taka ngaihdam i dil tur ka duh loh vang ani tih i hria em? Ngaihdam dil hlek suh ang che, chawhnuah class ka nei lova ka rawn kal vang vang tih hre rawh" a rawn ti ve thata, zawk zamah chuah a!.




"Chupawh nise, Jeremy khu rawn hruai a ngai em ni? Engmah tangkaina a nei lo, Sylvia ka hmuh hreh te i ring lovem ni? Nizanah khatiang thil kha a thleng tawh ania an inkar tichhe tu ka ni a, min haw hlur tawh dawn asin iti mak thei lutuk" ka ti hlaka, khumah chuan lungawi lo zetin ka thu a ka bulah chuan a rawn thu a ka darah chuan a rawn vuana.




"Vew, ka sawi zing tawh. An inkar tichhe tu ini lo Jeremy khan nizanah a thena chu nangman i then pawh ani lova enge i thiam loh anihna khatiang rilru put kha bansan tawh rawh. Zorini ngaihdam dil tih te kha i sawi ania, tum pawh tum tawh hlek suh. A tawng hlâwk man leh sual zia a hmu ani mai" a rawn ti a, "ngaihsam tu lamah nge i tan? Khapa nge keimah? I thiannu hi chu min phatsan thei lovang, min phatsan anih chuan i châk lovang" ka ti nghek a, a dar a sân ak a.




"Ka tan ve ve che u tan bik pawh ka neilo che u, mahse nangmah hi tlêmin a phâi zawk" a rawn ti a, melh rum hrep pah chuan ka pen nghal fawk a, "anâ!" Tih pah chuan a tuai vung vung a, kei erawh chuan ka melh rum nghek ringawt.




A bulah hi chuan engpawh sawi mah ila awlsam zetin a sawi fel leh mai thin, a ngaihsam zia chu ka sawi peih tawh lo zawk mahse a duh lohnaah chuan tih luih chi ani miah lo thung. A thinchhiaa insual te hi a inpeih at reng thina min tibuaitu an awm chuan chung ho chu insual pui ah a cho a an insual lah hian a chak ziah lehnghala a hawi cham thei asin aw.




Ka thian ani lo ang tih mawlh ka hlau thin. Ka mangan lai te, harsatna ka tawh lai ten ka tan a awm reng thina ka unaunu ang maiin ka ngai thin. Ka tan a inpe zo em em a a theih chhung chu ka harsatnaah min puia min tâwiâwm tha thei em em bawk.




Ka tan chuan thian satliah mai ani tawh lo, ka unaunu ang mai ani tawh ka nun pêng pakhat ani a, a tello chuan ka awm thiam tawh lo ngei ang, a chhan chu ka tana mi hlu tak anih vang ani.




"In hman chuan kan kal dawn em ni ang, kan tlai dawn tlat" ka room kawngkhar bula Jeremy an ding chunga a rawn tih rual chuan ka lo insangmar nghal teuh a "aw, kan lo kal" Sylvia chuan a ti zung zung a. Ka banah chuan min rawn kaia.




"Sylvia ka kal lo mai ang, ka huphurh" ka ti a, mahse min pawt tho a,kawngka lam pan chuan min kai pheia ka zui leh ta nge nge ka duhloh thu sawi leh ngat phei ila chuan ka nu bulah a zualko leh ngei ngei ang mawle.




Kawtah chuan Jeremy car kawngkhar hma lam zawk chu min hawn saka "lut rawh, a hnungah ka thu dawn" a rawn ti a, melh hrep pah chuan ka lut a, na zet hian kawngkhar chu a rawn khar nghala.




"Vew, bye aw. Nu Christy bulah ka lo awm tlat ang, ka lo enkawl ang lo haw har lo la chaw ei hma kan duh ania" Sylvia in a rawn tih chuan rang zetin a lam chu ka hawi nghala kan in lam pan chuan a lo tlan vang vang tawh. Kawngka bul a thlen chuan rawn hawiin a kut min vai khuma ka ngei lutuk hi sawi ngaihna pawh ka hrelo, ava han châk dawn lo tak.




Jeremy lam ka hawi chu chiang zet hian min lo en a, chil ka lem dâk. "Car kawngkhar hi hawng rawh" ka ti a, mahe ka thusawi chu ngatan mah ti lo tih hriat zetin a lu a thing nghuta a nui suk "hawng rawh ka tih chu, i bulah hian ka awm duh lo, ka kal duh lo bawk. Ka chhuak duh hawng rawh" ka ti vín tuarh a. Ka sawi zawh rual deuh thaw chuan ka lamah chuan a rawn âwn pheia rang zet chuan kawngkhar chu ka ngheng nghal rawk rawk a. Ka mitah chuan chiang zeta min en in ka sam chu ka bengah a rawn zep a rang zet chuan ka maimichhinga ka thin hi a phu chhuak dawnin ka hria.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)