AT THE ELEVENTH HOUR BY : Msi Miluhlulnui (Completed)

[Ngaia]

AT THE ELEVENTH HOUR - 19

By : Msi Miluhlulnui



If it wasn't love, it was a perfect disaster



❤ Ka mit a thîp tawh lutuk ringawt❤





"Bawihte, ngatinge i țaha?" Ka nu aw ka hre chiah chu ka hawi chhuak nghal vata rawn țhu hniamin ka mittui chu a rawn hru faia "ngatinge i țah Bawihi, sawi rawh" a rawn ti a ka insût hraih bawk "nu, a rilru kha a nat hmel tawp. Keipawh nui tur ka nia mahse ka nui thei miah lo nu, ka sual iti em? Ka sual tiraw?" Ka ti a, ka mittui chu a rawn luang thla leh zung zung a ka dang theilo.




"Engemaw i sawi awmzia le? Engthil nge thlenga sawi rawh miin an hau che mi?" A rawn ti a, ka lu chu ka thing nar nar a "chuti si ngatinge i țah sawi ta reng che" a rawn ti a insût hraih hraih in ka melh chho a "a rilru kha a nat hmel tawpa tihsual lian tak nei ang maiin ka inngai inngaihtuah țhat leh ka ngai ani mahse a tlai tawh angem le?" Tiin ka mittui chu ka hru thuak thuak a ka awmdan chu mak tih hmel zet hian min en bawk.




"Lut ang" ka ti a, a ngaihna hrelo zet chuan min zui lut ve nghala chaw eina ah pawh chuan ka țawng mang lova mahse chhungte mak tih khawp khawp na tur chuan ka awm hran lemlo bawk mahse ka che zia leh ka hmel leh awmdan thlenga an hriatthiam ka ringa an sawi chhuak lo mai mai anih ka ring.




"Nu Sang, thleng hi seng zawk rawh ka lo sil zawk ang" ka nu a kal hnu chuan ka ti a min melh vung vung a ka lo en ve kuau bawk si a "ngatinge vei hi i neih renga Bawihpui, i sawi chhuak ngai bawk si lo i hmel ațang kan hre vek țhin ka tih mawlh mawlh kha sawi chhuak la i harsatna chu min hrilh la kan puih theihna che a awm chuan kan pui ang che anih loh chuan chhungkua hi engah nge kan țangkai ang? zawt lo che a en liam mai mai turah che min ngai suh" a rawn ti a, ka chhang lo sawi tur mai pawh ka hriat loh vang ani ka chhunglam hi inthiamlohna in a khat ani ber.




Kalsawn ka tum chu ka banah chuan a rawn pawt a "bawihpui, țhu phawt teh thleng kha chu nakin lamah i tifai mai dawn nia a hmanhmawh thlak rih lo" a ti a, min pawt kala chair chu pawt chhuakin min țhuttira pakhat chu pawt chhuak lehin ka hmaah chuan a rawn țhu ve nghal zat a ka kutah chuan a rawn vuan bawk.




"Hetiang hunlai tak hi ani chhungkua kan pawimawhna chu i hria em? Harsatna kan tawk anih chuan chhungte hrilh hreh loh tur anni aia ngaihthiamna ngah hi an awm lovang engthil pawh nise theihna a awm chuan min pui vata a awm ngang lo anih leh min țawng thlamuan țhin ka nu khan min hrilh țhin 'hetia harsatna neih a inhmuamûp reng hi a sâwt țhin lo mahni bawk kan haha mahni bawkin kan tuar leh țhin keimahni kan inhrem tihna anih ber chu. Chung ai chuan chhungkua emaw țhiante pakhat tal hnenah thlen ila min chhâwk ve țhin in duh ngang lo anih pawn Pathian hnenah thlen ula ani chuan engtik lai pawhin in țawngțaina a ngaithlaa a pui ngei ngei ang che u' ti khan min hrilh țhin nangpawh chhungte bula i sawi hreh anih chuan Pathian hnenah i thlen dawn nia mahse i chhungte pawh hi min hrilh ve la kan lawm ngawt ang hetia i awm reng chuan keini pawh hian nuamlo kan ti ve ania" ka mita min en reng chung chuan a rawn ti a, a hmelah chuan sawi turin min duh hmel takzet bawk.




Kûnin ka thaw chhuak hak a "Jeremy kha i hria tiraw? Mannuela nen?" Ka ti a, a bu nghat nghat a ka ngawi leh vang vang phawta engtin nge ka sawifiah tak ang. "Vanduaina ka tawh hmaa kan inkawp ve zuai khan ka la dawn ngai reng reng loh hlimna min pe a tun hnua ka ngaihtuah let pawh hian kha hlimna kha tuman min la pe ve ngai lo tih ka hrechhuak a, eng hlimna nge ka hrethiamlo mahse ka thinlung kha a hlim asin ka thinlung takin ka nui, a vawikhatnana ngaihzawng ka neih vang anih a tirah kha chuan ka ringa mahse Mannuela nen pawha kan inkawp hnu pawh hian khatiang kha chu ka la dawng hauh lo. Ka thinlung takin ka duh ani ngei ang. Rei lo hle mahse eng hlimna nge min pek bik ang tiin ka inzawt fo țhina mahse keipawn ka hre biklo a chhanna kha keipawn min pe theitu tur ka mamawh. Mahse ka hlimna tawn kha anni tan chuan infiamna alo chang si Zorini nen inkawp rengin keimah kha infiamnan mai mai min lo hmanga chu chu ka hriatchhuah meuh chuan inneih lam an lo hnaih uar thung. Chuan nichin lawk khan infiamnana min hman loh zia a sawia chu chu ka ring lehnghal vek a tirah pawh a sawia keipawn ka ring ngamlo mahse min kap ve renga aloh theih si loh ani pawn eng lak ațang emaw min hruai chhuak a ti a, mahse mak deuh mai chu maw nu Sang, a thusawi ka ring nghal vek țhin hi ani a insawifiahna te pawh.




Amah khan a hma pawh khan min hrilh tawh ka vanduaina tawh dan a chhui tih a chhui chhuak tawh em ka hrelo mahse kei pawh hian tun thlengin tunge anih hriat ka la chaka a chhan chu thil thleng palh anga ka ngaih theih loh vang ani khang ni hnih leh a chanve anih ka ring, khami chhung lek pawha ka thil tawn kha khawvela ka tawn hmasak leh hnuhnung ber ani ang tih hlauhna in ka khat tunah hian a chhan chu a hlu ka ti ani reilo hle mahse enge maw tak a anga chu chuan ngaihtuahna thui zet min siamsak țhin. Ka sawi hnem bawk sia i hrethiamlo maitheia mahse...




Mannuela pawh hi ka duh alawm ka lerh iti em? Mahse Jeremy ka theihnghilh chuang bawk si lo ka tum mahse a hmel ka hmuh chiah hian ka theih loh zia ka inhrechhuak thar leh țhin Mannuela ka țhianpa rilru ngei hi ka la ti na ngeiin ka ring. Nichin pawh khan Jeremy khan ka hmangaih nge hmangaih loh thu min zawta ka chhanna i hre duh em? Hmangaih angin ka insawi asin a chhan chu harsatna ka tawh lai leh ka mangan lai te hreawm ka tih lai tea min awmpui rengtu min kalsan ngailo tu ani hlimna siamsak ve ka thinlung hian a duha mahse ka lo Hmangaih hman em tih ka chianglo mahse amah ka huatna khan min sawi luih tir ka ti ber Jeremy'a rilru kha a nat hmel lutuka lunga den sawk sawk ang mai a ang ngaihtuah a nei pawh khan ka hrelo min melh tlawk tlawk a tah khan a rilru ka pawhsawm sak vek angah ka inngai ka Hmangaih thu ka sawi khum khan ka hlim miahlo ka huatna avanga ka thil tih khan min vaw let ka ti mai ang chu.




A tlanliam hnu khan ka țapa inthiamlohna in ka khat bawk. Hlim tur ka nia mahse ka hlim lo tun thleng hian ka rilru ala nuamloa tihsual lian tak nei anga ka inngaih tlat vang ani ahma pawn tu rilru emaw zawk zawk ka tih nat kha ka lo inring tawha chu chu ka thlentir ta chiaha keimah pawh ka na tel ve ni maiin ka hria enge dika enge dik lo tih pawh hi ka hre tawhlo" ka ti chhuak hap.




"Enge in tawn chu ka hre hauh lo keipawn i hlim tih ka hria alawm inu pawh kha a lawm a chhan chu hmalam i pan ve ta nia i ngaih vang ani mahse khatiang kha alo thleng leh ta si a. Kan mangan lai te harsatna kan tawh laitea min kalsan ngailotu chu an hlu lutuk hlu tak anni kan thinlung hian a theihnghilh leh tawh ngailo nangpawh ini chiah ang a chhan chu Pathianin kan tana a vantirhkoh rawn tirhte anni a engtikah mah i theihnghilh lo ang mahse rilru leh tih tak zetin ngaihtuah la i thinlung duhdan chu zawm rawh tuar dawn mah la chuan harsatna i neih chuan Pathian hnenah thlen la anih loh pawn keini i chhung thlengin" a ti a, ka bu nghat nghat bawk.




"Ka rilru a hah lutuk" ka ti chhuak hap ka kut a vawnna chu la chhuakin ka sam chu ka tuai chho pap a enge ngaihtuah ber tur pawh ka hre tawhlo zanin atan ringawt pawh hian ka hah tawk em em mai ni. "I rilru ti hah lutuk lo la nangma hlimna tura i ngaih kha pan ang che mahse i tisual anga fimkhur rawh vawikhat i tihsual chuan i kumkhaw nun a nghawng ani tih hria la an pahnih in an țha ve ve mahse nakinah pakhat zawk chu ila kalsan tho tho a ngai i kawppui tura i duh kha thlang la ngaihtuah chiang ang che" a rawn ti a, ka bu nghat nghat bawk.




Rilru hah lo tura min hrilhin ka chalah min rawn fawh sak vang vang a choka ațang chuan min chhuahsan nghal bawka ka thaw chhuak nghal haka ka hah ve em em ringawta ka tana țha tur chu engtin nge ka hriat theih ang le? Ka tana mipa țha ve ve anni mahse engtin nge ka thlan theih ang?Hetiang thil Hmangaihna vel hi ka van haw tak em! Țawngkam vawikhat chhah sual mai mai pawh hian nun pum a nghawng theia a huatthlala awm takzet ani.




Hun lo la kal tura kan tawn tur chu kan sawi theih a awmlo a lo thlen chuan lawm taka tuar mai tur ani țawngkam khat lek pawha dan theih ani lo ka pa avanga mipa kawp ka lo duh loh te kha â ka inti ru em em a tam tak chuan an hre ve lovang mahse hetiang thil hi nuna thleng ve tur reng ani min tihlim ve țhin harsatna kan neih lai pawha min ti nui thei tu pakhat ani ve a mahse a sual chuan alo sual em anih hi hetiang thil ka tawn ve hnuah pawh hian zir chhuah tur ka va han ngah tawh tak em!




Thleng chu sil in ka hmai te chu ka tifai leh te te a ka room lama ka chho tur chu ka nu min koh ri avang ka ding dat a ka hawi let a "Bawihpui lo kal teh, thil ka lo sawipui lawk ang che" a ti a a roomah chuan ka lut zui nghala kawngka a khar hman ka hlauh lutuk avang chuan tlan meuhin ka zui lut ve nghal a kawngka a khar hman tawh hi chuan luh a inthlahrun awm thei ania aw. A mood a fuh loh deuh chang pawn.




"Tah hian lo țhu rawh" a ti a, khumah a țhua a bul chu a beng thak thak bawk a tarmit vuah kar ațang chuan min melh kuau a a râpawm lek lek zawk, muangchangin ka pan pheia a bulah chuan ka va țhu a strict hmel tawk hian a tarmit chu a phelh a min ti hlau lek lek hetia a awm tawh hi chuan min hau dawn tih ka chiang takzet bawk.




"I kut kuangkuah rawh" a rawn ti phawng mai. Phâwk lutukin ka en a ani erawh a nui duh miah lo lehnghal "i kut kuangkuah la ka thusawi tur hi ngun takin ngaithla ang che. Huat tur a awmlo nu leh pa zilhna reng reng huat tur a awmlo kan tana țha tura an thusawi ani a de pawh ti lova zawm nghal tawp mai tur ani. Nangmahni in inhriatchian ai hian nu leh pa te hian kan hrechiang che u chuvang chuan kan bulah hian engmah zêp loh tur engtik lai pawn in tan kan awm reng" a rawn ti a, a thusawi leh tur nghak chuan ka țhu renga ka thin te hi a phu rang nasa mai.




"Shillong lama kan chhuk dawn khan Jeremy bulah ka kal hauh lo" a rawn ti a, mak ti lutukin ka en nghala ani erawh alo bu nghat thung a țawng danah pawh khan zêp nei a ang ka ti reng kha ani a Jeremy buai thu a sawia mahse Jeremy kha chuan engmah a sawi lang bawk si lova ka lakah hian thu engzat nge maw a zêp ang le.





"Nu mahse, a buai itih kha enge i sawi awmzia i țawng reng reng kha zêp nei i ang ka ti a mahse i sawi tlat bawk si a ring ngam chiah bawk si lovin ka awih a khang hunlai te khan thudik min hrilh mai ta che" ka ti a, a lu a thing ngut bawk. "Thudik hrilh ta che ila i țap leh anga i mittui a tlak rual khan thisen a tla bawk anga chu chuan i mit a tichhia anga kumkhuaa in ka hmu tawh dawnlo che asin chutiang chu i lakah hian ka thlentir theilo ani a chhan chu maw ka fanu kha video kha ka hmu ve tlat ani Jeremy thinrim em em na chhan chu" a rawn ti a, a thusawi te chu mak ka ti tual tual a engmah hriatthiam a lem ka neilo.




"Mahse engtin, eng video maw?" Ka ti hû a ngatinge an pahnih chauh hian an hriat le? Enge ka hriat ve loh tak chu "Jeremy nen khan inbiakna kan neia video a hmuh thu a sawia keipawn ka hmu ve bawk kan dawn ni dar zat te pawh a inang vek kha video ka hmuh khan ka ring ngamlo che mahse i hmel ngei a awm si i nu min tih beidawn zia hi i hria em? Ka duh ang che pawh khan ka ngaihsak theilo chea i hmu theiloa feelings ațang ringawt chuan i hrethiam lo ang. Mahse a hnuah ani lo tih ka hrechhuaka engmah sawi lovin Shillong lamah ka liam thlak pui chea a chhan chu kha video kha theh darh a min vo vang ani" a ti a, a mittui a tling kuau tawh mai.




"Maw? Eng video maw? Eng video nge in sawi ve ziah chu? Ka hmu ve duh, khawnge awm?" Ka ti a, lu thing ngut ngut in ka kutah a rawn vuana "hmu ve lo zawk la ka duh ani mahse nakinah chuan ila hmu ve mahna Mannuela khan i mit donate tu tur min hmuh saka khami denchhen ni bawk khan kan chhuka kan kal dawna Jeremy'a a buai anga ka sawi chhan chu Sylvia in ti tura min hrilh vang ani. A chhan chu eng ang pawn Jeremy kha hrilh mah ila engah mah a ngaih dawn loh vang ani. Mahse nangmah ngei pawn mak itih tih ka ring mahse khami kha chu bawihte i hriatthiam a ngai ani. Kan pahniha bum kan nia nangin i tuar bawka a chhan chu kha video kha a rapthlak em ani" a rawn ti a, min ti bo telh telh.




"Eng video nge chu chu ka hmu ve duh, min hmuh ve rawh nu eng video nge chu chu ngatinge in pahniha bum rual in nih chiah chiah a ? Sylvia pawn engkim a hriaa mahse tinge keimah kha min hrilh ve loh ka lakah in vaiin in zêpa min huaa mahse a hnuah dâwt ani in ti leha eng video nge chu kei min huattir tu che u chu, ka mit a țhat loh avang khan engmah hrilh tlakah min ngai lo ani maw a chhan chu video kha ka hmu ve thei dawn si lova chuvang ani maw ngatinge ka lakah lem in chana engmah hre ve thei lo turah min ngai ani maw?" Rilru nat lutuk na avang chuan ka ti chhuak nghala ka lakah thil lian tham lutuk an zêpa chuan a rûkin kei min lo haw veka engthil nge ka tihsual le.




"Nu, i fanu hi chu video i en kha min ring miahlo ami eng video pawh nise ngatinge min huata min hrechiang ber ani lawm ni nang chuan ka tih engkim i hriaa ka nun thlengin mahse tinge min huata chu pawh a rûk kherin ka lo tisual palh tak tak anih pawhin tinge a thua min hrilh tal loh tinge a rûka in sawia min huata ka hriatah ngei min haw ta che u" ka ti țiau, eng video nge maw anih le ka hmu ve chak takzet ani.




"Bawihte, kan tihpalh ani i hriat ve a rem lo alawm keipawh kha dawi â ang mai ka nia ka awih nghal mai kha keipawn mak ka inti ve tho alawm a chhan chu a tak a ang êm ani. Nangman i hriat chuan i rilru ana anga i mitin a tuar phah ka hlau bawk si ani mahse nangmah ini lo tih kan fiah hma alawm nangmah ini lo ka fanu hian chutiang thil chu a ti theilo ani" a rawn ti a, ka kut chu a hmer ngawt ngawt a. Na zet chuan ka pawt chhuak.




"Ka hmu ve duh ani, chu video chu ka hmu ve duh chuti taka min huatna siamsak thei tu cheu chu ka hmu ve duh ani, chuti khawpa min huatna siamsak thei cheu chu engthip fakau nge ka lo tihsuala ka mit a chhiat laia remchanga in lo laka a rûka min lo huatna video chu ka hmu ve duh ani. Min hmuh tir ve rawh, nu ka hmu ve duh. Khawnge a awm?" Ka ti tuarh a, ka ding chhuak nghal vat bawk.




"Bawihte, thildang pawh ka la hrilh kimlo chr asin Shillonga kan awm chhung ami te pawh kha" min pawh beh tumin a rawn ti a ka tawlhsawn nghal vata rilru na lutukin ka nu chu ka en nghal tlawk tlawk bawk "aih, engmah ka hre ve duh tawhlo engmah ka hre duh tawhlo nakinah a tawp khâwkah rilru natna reng ka hriat theih loh hunah min hrilh dawn nia tunah chuan video kha ka hmu ve duh ani" ka ti a, ka nu pawh inthiamlo tih hriat zet hian a mittui a tla ve a a mittui min thin khum nghut nghut bawk.




"Bawihte, hmu ve lo la ka ti takzet ani"



"Aih, ka hmu ve duh ka hmu ve duh alawm chuan engmah min hrilh tum tawh suh ka hre duh tawhlo"




"Anih chuan naktukah Jeremy bulah va kal la video chu i en dawn nia aman ala kawl vek alawm. Bawihte ka thusawi tur hi ngaithla leh phawt rawh a pawimawh lutuk ania aw kha vanduaina i tawh..." a sawi zawh hma hma chuan ka kut chuan sawi tawh lo tura tiin ka dang a ka țap chhuak thei lawk lo lehnghal ka thin te hi a tâwt up up mai.




"Aih, engmah sawi tawh suh nakinah rilru natna ka hriat theih loh hunah i sawi dawn nia chuan ka hua che u ka haw lutuk che u. Ka lakah thil in zêpa chu pawh ka mit chhiat laiin ka hriat loh laiin min huaa in pawi ka lo sawia kei ngei pawh min hrechiang lo ani a ka nâ ani ka nâ ka nu takngial pawn a fanu hi min hrechiang lo ania i fanu ka nilo zawk ami? Nu te chuan fate an hrechiang an ti țhina chutiang vang mai mai chuan min huaa ka hmu ve khawp ang" ka ti a, engmah a sawi tawh lo a țap khur nghal ngawt ngawt a mahse kei erawh chu ka țap chhuak hleithei lo.




Kawngka hawn ka tum chiah chu ka hawi let leha "Sylvia leh Mannuel'n min rawn call theih loh thu an sawia min biak duh thu an sawi chuan aih tiin chhang ang che a der pawn min rawn biak tir tum tawh suh, khatiang dawta in bumna kha ka hua ka be duh rih lo che" ka ti a, a room ațang chuan chhuakin ka room lam pan chuan ka tlan chho nghal vang vang bawk.




Ngatinge a hunlaia ka țah theih loha a hnu leh fê a ka țah ziah țhin le, tunah te hian ka țah a chhuak ngawt ngawt a mahse ka țap chhuak thei silo ka tâwt up up mai. Mahse zanin atan chuan ka ngaithla hnem tawk tawha ka thinlung pawh an ti na hnem tawk tawh chung fiahna te chu ka zawn chhuah ve a ngai ani chung video te tunge ka Hmangaih tihte thlengin.




Mahse ka nu in thil min hrilh zawh loh a neih kha enge niang le, ka vanduaina tawh chungchang chu enge ni ang le. Ka hre chak, mahse ka ngaithla ngam tawh si lo, pawilo ka zawng chhuak ve mai ang keiman ka zawng chhuak anga a titu chu hrem lohvin ka chhuah hauh lo ang.




Zingah chuan nu Sangi'n ka nu nen kan inkarah buaina a awm tih a hriaa ka roomah pawh chaw min rawn pe thlap bawk ka nu nen buaina kan neih changin ka room hi ka chhuahsan khat viau zela min be țawng thei mang ngailo chuvang chuan roomah te chaw min rawn pe tawp zel țhin.




Chaw ka ei zawh hnu chuan insiamin ka nu hmuh ka hlau lutuk chu ka tlanchhuak nghala Jeremy te office lam chu chak zetin ka pan nghal vang vang bawk. Engkimah ka nu kha ka hua anu lo mahse ka mit chhiat vanga ka laka an thil zêp kha hre ve lo mahila ka haw em ani, khatianga ka awm vang mai khan engmah ka hre ve theilo tihna ani lova beng ka neia kâ te pawh ka la nei ve bawka a ri in sawi se ka bengin ala hre thei vek bawk. A rûka min haw lo khan ka hriat ngeiah min hua se ka thiamloh ngei anih chuan huat let ngaihna ka hre hauh lo ang mahse ka hriat loha ka tih anga ngaia min haw ru kha ka ngai thiam theilo ani. Ka nu ani a, a fanu chu min hrechiang tur ani bawk. Min hrechiang lo anih chuan min hriatchian tumin a bei tur ani ka tana țhalo a duh lo anih chuan.




Building kawtah chuan dingin Jeremy office awmna lam chu ka en chho vang vang "video chu min hmuh tir khawp ang che" tiin ka phun chhuak sep bawk. Mannuela pawh a hrilhhai tawh ngawt ang mahse nakinah engkim ka hriatchhuah hunah ka hrilhfiah mai ang khang vanduaina ka tawh dan thleng khan.




Building chhungah chuan lutin min hmuh hlau zetin lift lam chu rang zetin ka pan nghala a office awmna floor ka thlen chuan ka pen chhuak nghala a tlanin ka tlan ani zawk mah. Zamzami pawh chu be tawh lemlo chuan office kawngka chu ka nam hawng pawpa zak map lovin ka lut zui nghal pap bawk.




Jeremy leh Zorini chuan thil an lo en meka chu chuan min khawih zak mai "video kha ka hmu duh. Shillong kan kal hmaa ka nu nen in video dawn kha ka hmu ve duh min huatna video chu" an bulah chuan ka va ti a, ka aw hria chuan an hawi chhuak nghala min hmu thut chu mak an ti viau bawk.




"Engemaw i rawn tih le?" Zorini chuan a rawn ti bak deuh nawk a, amah chu melh hrâwkin "engmah lo sawi ve suh ka be lo che i inrawlh peih lutuk" ka ti chhuak țhata min melh dan chu a no lo teh asin "video chu min hmuh rawh ka nu in nangmah pan tur che in min tia ka hmuh ngei a ngai ani" ka ti a, a kekawr ipte zen chungin a rawn ding chhuaka.




"Thil dang pawh i hmuh duh ka ring" a rawn ti sup. Zorini pawh chu a rawn ding chhuak nghal zawk a "Jeremy, a ngailo keiman...ka.. keiman ka sawi ang ngaihdam ka dil ang" a rawn ti bah nawka a awmdan chu mak ti zetin ka en nghala Jeremy erawh chuan Zorini chu en in a nuih suka Zorini erawh a chi âi viau thung.




"Hmu ve phawt se a țha ang, min rawn zui rawh" a ti a, a kal vut chu ka zui ve nghala Zorini inhûmruh leh khur ngawt ngawt kha ka hmuh hmaih hauh lo "Jeremy, a ngailo keiman ngaihdam ka dil ang ka ti tak tak. Ka dil ang hmuh tir suh tunah pawh a ke bulah vuanin ka dil ang" țap țepin Jeremy kutah chuan Zorini chuan a rawn vuana min ti phu zawk mai. "Ka sawi ang, hmuh tir suh chuan tuna min entir pawh kha ka ti nghal ang khawngaihin Rinrini bulah ngaihdam ka dil ang" a țap țeuh tawh mai.




A kutah chuan vuanin ka paih sawn saka chhuatah chuan a bawk thla nghal tawp "engmah sawi suh, ka hmu duh a ka hmu bawk ang min dan tum miah suh chu ai chuan i khur te kha lo tih reh tum rawh a chhan chu keipui ai pawha rapthlak zawk i hmachhawn dawn miau si a " a bula țhut thlak pah chuan ka ti ve sak bawka a hmel chu a hma ai zawngin a hlauthawng nasa takzeta a chi âi a A khur nasa bawk.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

[Ngaia]

AT THE ELEVENTH HOUR - 20

By : Msi miluhlulnui


We all caught feelings for someone we wish we haven't





Ka ding tur chiah chu ka ke ah chuan a rawn vuana min pawt țhu lehnghal hnawk "aih, en suh en lo la ngaihdam ka dil ang che, ka ti tak tak ka dil ang che en miah suh aw ka thiamloh vek ania jail tan ka duhlo" a rawn ti ngawih ngawih a, ka ke rêk a vawnna phelh tir ka tuma mahse nghet tawkin a rawn vuana ka ke pawh a lamah a pawt phei lek lek "min thlah phawt teh, ka en dawn ka tih chuan ka en dawn ani mai min dan theihna i neilo" ka ti a, a kutțang mal te te chuan ka pawt kau zela a hnuah chuan a rawn thlah hnawka min man beh leh hlau chuan ka tawlhsawn nghal vat bawk.




"Khawngaihin, tuna Jeremy min hmuh tir pawh kha ka ti vek ang" a rawn ti țiau a, a mittui chu a luangthla ti tih tawh bawk Jeremy chu ka en chhoa mahse kan lam alo hawi hauh lo min hnungchhawna a kekawr ipte zen chungin alo thaw chhuak hawk hawk zela enge maw tal rawn sawi ve tur ania "ngaihdam chu ka dil chuang hauh lo ang che" chu aw ri ka hriat rual chuan ka lu lei chu a rawn na zawka ka hawi phei rual chuan na zet hian ka sam a pawt tih ka hmu thei.




"Min thlah rawh, ka en tho ang" ka ti țhat, a rawn nui chhuak hak a ka sam a pawh vak chu ana lutuk ringawt, a pawtthla hnem tawh hialin ka ring "en mahla min hneh chuang lo ang heng ka mittui der hi ilo awih hman anih chuan bum i awlsam zia ka hrechiang tulh tulh bawka a zia e" a rawn ti ta fak mai, "min thlah rawh" tih vak pah chuan ka sam a pawhna kut chu ka pawt vaka rawn thlah thutin a kuttin hriam zet chuan ka hmai a rawn ham anih chu!.




Ka țe tuarh rual chuan ka hmai chu a rawn thîp zawk zawk a "Duati" tia min auhna aw ri ka hre chhunzawm zat bawk ka hmai chu a thîp sep sep a na tak ani "khawi maw ka lo en ang" tiin ka hmai ka hupna kut chu a rawn la thlaa min en reng chung chuan a insehru ngawt ngawt a ka biang chu a rawn khawih nghal zat bawk "ana" ka lo ti vak ringawta "a ham pilh che anih, hrep chuan damdawi hnawih nghal vat angai" a rawn ti chang hrâwih a ka kut a vawn beh chu la in ka hawi kual nghal ruai a "khawnge a awm?" Ka ti nghal vat bawk .




"Lungngai suh an umzui mek" a rawn ti a, ka țhut tung rual chuan chhuata ka sam lo tla nuaih chu ka hmu hmasa bera ka sam kha alo pawt țil tak tak anih dawn hi ka sam ho chu muangchangin ka chhar khawma ka hûm ruh nghal ngawt ngawt bawk, ka hmuh hunah che chuan i chak hauh lo ang hei aia tam i sam hi ka pawt tla ngei ang.




"Duati, i hmaiah damdawi hnawih ang" tia ka biang rawn khawih a tum rual chuan a kut chu ka lo dah sawn saka ka biang chu a thîp sep sep mai ,ding chhuakin "video chu ka en duh tunah" ka ti a, ka hmaah chuan a rawn ding ve ta luah mai "i hmaia damdawi kan hnawih hma chu i en lovang" a rawn ti ve hrâwih. Dâk vahin ka en chhoa "keimah pawn ka inbuaipui thei video chu ka en duh" a mita melh kalh pah chuan ka ti a, ka inrin hma in ka kutah chuan a rawn man chawt!




"Damdawi hnawih nghal anih loh chuan a pûn thei chu chu i duh loh chuan ka sawi angin awm rawh anih loh chuan i hmelțha tak hi a chhe mai ange. Kha i Hmangaih khan ka tih amaw a rawn tih hma in insawifiah ka peih hauh lo ania" ka hmai zawnah chuan a rawn ti hrâwih. Hmangaih tih țawngkam chuan thil min hriatchhuah tira mahse a hmelah erawh engmah a lang chhuak lo thung.




Ka chhan tak mai loh avang nge ni thaw chhuak hawk in min kai nghal dawr dawr a sofa ah chuan min nem țhu in Zamzami a ko lut nghal zata a che vel reng reng chu ka lo en renga a inrintawk hmel em em a zâmna pakhat mah a nei hauh lo nizana thil thleng te hrelo ang hmakin a lang theia ka lakah pawh kan inhmelhriat tirh ang mai khan a awmzuia ka mitah tak min en khat viau bawk.




Zamzami a rawn luh chuan min en deuh rên râwna en pawh ka en țha ngam hauh lo chhuak leh nghal turin a ti ani ngei ang hmuh turin a awm zui leh ta lo "mahni thu duh leh lutuk țhin hi a țhalo" en pawh min en lova ti zui nghutin ka bulah chuan a rawn thu thlaa dawhkanah chuan first aid box chu dahin lapua ah chuan damdawi chu a tat zung zung a ka lam a rawn hawi rual chuan engmah a tih chhunzawm tawh lemlo a che lova amah ka en chhoh rual chuan rûm nghutin lapua chu a daha ka ban bul ve ve ah chuan rawn dawmin min țhutțhat tir nghal nawlh bawk.




"Hliam reng reng a theih anga ranga enkawl hmasak tur" a rawn ti leh nghut, sawi ve tur reng ka hrelo ka taksa te hi a khur hialin ka hria ka lam a rawn hawi hnu chuan ka khabe ah chuan rawn dawmin min kuai dâk nghala "hahdam rawh chuan a thîp deuh hlek dawn ania" a rawn ti zui sup bawk. Ka taksa awmdan alo hre leh hmanhmawh tawh ani ngei ang. Mahse amah avang hian ka hahdam hleithei lo chu nih ber hi.




Ka hmai bulah chuan rawn thaw ham ham in ka biangah chuan lapua chu a rawn daha a thîp em avang chuan ka îp zui nghal châwih a țhut sawn ka tum chu ka kut veilamah chuan a rawn chelh a nghet zetin a vuan zui nghal bawk "a thîp alawm" ka ti zâwi nghek ringawta "Ka hria, a thûk deuh hleka a rei dawnlo a damna tur anih hi" a rawn ti hluk ka biangah chuan a rawn hnawih lehnghal zat bawka ka maimichhing rang teh asin aw.




A rawn chhem hauh hauh takah chuan ka meng chhuak riai riai a ka laka a feelings engmah ti lang lovin tunah hian a awma kei erawh ka buai mek chu anih si hi. A mitmeng a thinrim laia tawrhhlelhawm zet țhin chu ka en renga mahse ani mit erawh ka biangah a fu ngar ngar a. Ka laka a awmdan danglam miah lo hian keimah hi min tibuai zawk ni maiin ka hria.




A chhem lai reng chuan a hmuiah chuan ka han khawiha ka hre biklo ka khawih chak tlat miau sia ka kut hi amahin a kal ni maiin ka hria che hruta ka mita a rawn en rual chuan harh chhuak zawk ang mai hian ka awm dawrh a ka ding chhuak nghal zawk ani mai "ka tihpalh, ka khawih chak lutuka ka insûm zo ngang lo mahse ka kut kha amah in a kal aniang" ka ti a, ka zak lutuk kalsawn ka tum chu ka banah chuan rawn pawtin min pawt țhu lehnghal hnawk a hnai sêt sâwtah chuan min rawn en nghal bawka thawh ka tuma mahse a kut lehlamin min rawn dang leha ka lamah chuan a rawn âwn leha ka lo âwn ve leha a kut innemkhalh kara luh ka tum chu min rawn dang leh chhuahna tur dang ka nei tawhlo ngatinge maw ka lo khawih kher kher ni.




"I Hmangaih i phatsan dawn em ni? Kei chuan ka thei reng ania" A rawn ti sup, vura theh țhawt ang mai hian ka hit nghal zawka ka khawng ni maiin ka hria a mitah tak ka en rual chuan sual hmel zet hian min lo nuih suka ka tiril a tikhur der der mai a âwmah chuan theihpatawpin ka nema amah zawk chu zawi muangin a tho chhuak ruai ruai a keia pawh chu rang fahrana tho chhuak ve nghalin ka kalsawn nghal vaka a sir lawka dingin ka kut thlan vek chu tih reh tumin ka bei bawk.




A sawi dik chiah ani vang mai mai khan ka phatsan theilo ani mahse tinge maw khatiang khan ka awm tak mai le. Engvanga a hmui kha khawih chak tlat nge ka nih mai le. Ka â tawh anih loh pawn ka hriatna ka hloh ani ngei ang, Mannuela ka ngaihtuah chhuak nghal zawk zawk a ka inthiamlo ru ania aw, ka theihtawpa ka indan angai ani, ani chuan min theihnghilh tawh alawm keiin ka theihnghilh ve a ngai mahse ava harsat hmel si êm!!




"Lut la" ka beng bula a rawn tih sup rual chuan ka phu zawka ani erawh alo nui ri suk mai. Amah ka en rual chuan a kut chu a rawn lek kânga ka chalah chuan a rawn pen nghal zeuha ka hmai zawna dah phei zelin a kâwka a kawhna lampang chu ka en zui ve zela kawngka pakhat chu a kâwk chiang ani. "I thil en duh chu kan en dawn em ni ang" a rawn ti leh a, a țawng zawng chuan ka beng hi a za mer mer thei nia mawle ka tha te hi a tikhur velin ka hria.




"Aw, kal hmasa rawh" ka ti a, ka hrawkah hian engemaw tâng ang tlatin a awm ka hrethiamlo, chutia ka tih takah chuan min kalpelin kawngka awmna lampang chu a pan pheia a hawng tur chiah chu "englo, nichin thil thleng kha... englo ania... ka tihpalh tak tak ani enge ka rilruah khan awm pawh ka hrelo min hrethiam dawn nia" ka ti chhuak sapa, muangchangin a rawn lehhawia ka kut chu ka hmaah chuan naupang fel ber ang mai hian ka lo suih fel thân lehnghal.




"I rilru ațang khan paih bo tum rawh enga tan mah ka ti love insawifiah ngai thil thlenh a awm lo kha a țha ang reng, a chhan chu buai laia zawhna chhan chiam hi ka peih teh chiam țhin lova chuvang chuan min vengthawng suh khatiang te chu ka tawng ngun alawm thil thar ani lo" a rawn ti a, nichina sual hmel zeta a nuih ang chiah khan a nui leha inher in kawngka chu a hawnga a lut zui vut bawka rei pawh nghak lo chuan ka tlan lut rang ve teh asin.




A chhungah pawh chuan thil changkang tak tak alo awma a chawlh hahdamna ani ngei ang engkim chu a felfai thlupa a thianghlim em em bawk "tah hian lo țhu la" a ti a, sofa chu min kawh hmuha ka hnial lo chiang kher mai. Ka kal dawna kan confi tehlul nen tunah hi chuan pahnih chiah kan ni bawka ka zâm chhe der in ka hria khua te hi a lum zual bik sauh a tui vawta inbual a ti chakawm rum rum lehnghal.




Rei pawh ka nghah hma in "heti lamah lo phei la" a rawn ti leha a hruiin a tlin loh thu a sawi zawm zata ka va kal chuan chair ka țhutna tur min lo pawhchhuah saka thuawih takin ka țhu thla ve mai bawka ka hmaah chuan Laptop a awm kuau bawka video chu play theih rengin a dah bawk "hahdam phawt la i en hunah i buai palh ange thâwk la phawt rawh he thil hi inu nena kan buaipuina a rei tawh ania" a rawn ti supa, ka thaw chhuak hak ka en huphurh ani enge anih ang tih mawlh ka ngaihtuaha ka thil tih tawh te ka ngaihtuah let chiam leh ta nghala a țul ka ti leh viau si lo.




"Ka inring tawh play tawh rawh" ka ti chhuak hapa video chu a rawn play ta ngei bawka a thim ve deuh hleka mahse chuti lutuka hmuh theih loh khawp khawpa thim ani lem chuang lo, video chu uluk takin ka bih ngar ngar a a thawmhnaw te, sam te leh thildang pheikhawk thleng chuan ka ta ang vek anni a chupawh ka hak uar em em an ni țhina mahse he video a hmeichhia hian engtin nge a hak ve theih niang le. "Tunge henu hi?" Ka tih chuan "en zel phawt la, zawhna siam nghal suh" a rawn ti nghut bawk.




Video a mi chu keimah ka ni lo tih ka inhrechiang a chhan chu hetiang ang hian ka awm ngai miau lo mahse engtin nge ka nu khan min hriat miah loh theih zawk le? A mak ka ti takzet ani mahse han en chuan keimah ang deuh chiah chiah ani a a takah hmu ta ila danglamna kan ngah vak ka ringlo ani kei nen pawh hian mahse engtin nge hetiang mihring hi a awm theih le?




Khumah chuan mipa taksa ruak vek chungah mu in ka che kual vel anih chu! Keima lem chu a chêt vel dan reng reng chu a over tih a hriat reng reng "hetiang hian ka awm ngai hauh lo" ka ti chhuak hapa video chu ka ti țha leh ngata hetiang hian vawikhatmah ka la awm ngailo hnathawk ten party te chu kan nei ve tho mahse engmah ti lovin in ka thleng thlap țhin ka nu kha engvanga min hrelo nge maw anih le.




A tenawm zia chu ka sawi lo mai ang keimah pawh ka mittui a tling kuau thei a mipa chêt ngai hauh lo in amah chu a che char char a a hnua a thil tih phei chu ka sawi ngamlo zawk ani ka sawi tawh te kha chu a ho tham lutuk tlat a rapthlak lutuk takzet ani. Ka nu in en lo tura min duh chhan pawh kha heihi ani ngei ang mahse tunge he hmeichhia hi niang le avan rapthlak em em ve, a mihring puite chungah hetiang thil hi a ti ania inthiamlohna te pawh a nei ve lo amaw ni le.




Insût hraih in ka mittui rawn luang chu ka hru a "tunge khanu kha? Keimah ka nilo, engtin nge min hai theih zawka keimah ang pawh nise in an lohna lai chu kan nei ve ve ang mahse a tak ngei pawh in hre hrang theilo anih chuan engtin nge thudik pawh in hriat tehreng ang ni" ka ti a, video pawh en ngam tawhlo chuan laptop chu ka khup a engtin nge khatiang em em khan a nunrâwn theih a.




"Tunge henu hi min hrilh rawh" ka ti leh sapa ka mittui a rawn far ringawt nia avan hunlo țhin tak em! "Khanu nen khan danglamna in nei em em lo mak deuh mai chu in inang em em mai kha ani i thawmhnaw ang te kha chu a chah chawp theih vek alawm an tan thil harsa ani lo in in an avang chiah khan alawm inu nen pawh nangmah amaw kan tih che, mahse a hnua Sylvia sawi ațang ini lo tih ka hrechhuaka chuan inu khan niminah nge kan inhmua tah chuan tunge anih a sawi bawk.




Mi hausa tak an ni chuan danglamna vak in nei lo ka tih kha in mizia leh che zia tih loh chu khawvelah hian inang tak tak an awma nangni chang in ni lo Zamzami sawi dan chuan an rawih anih thu alo sawia a tih tirtu chhui mek anih laiin amah kha thah ani bawk amah khan a tih tirtu min hrilh miau lo eng anga sawisak pawh tuar mahse a kâ am ân tir theilo keimah kal ila chu ka tihlum duh ngei ang amaherawhchu; i hmel ang chiah a neih avang khan ka sawisa hleithei dawnloa ka hriat vang ani" a rawn ti ta duaha ka rilru ah phir tih a rawn lut nghal zat mai.




"Ka phirpui ani em?" Ka ti leh hrama a rawn nui chhuak hawk mai "a rinhlelh awm, an pawh in in an viau kha mahse a nilo tlat" a rawn ti a, mahse ka awih chuang lo "a tihtir tute leh a that tute chu in chhui leh lo mi?" Dil chhut zet chuan ka ti leh a rawn thaw chhuak hawk a "a tihtir tute pawh thah an ni lehzel he thil titu erawh a theuneu lo viau ang a rukin hmelma lian tak kan nei ani ngei ang chuan fimkhur a ngai bawk" a rawn ti leh supa ka thaw chhuak ham ham mai.




Ka mittui tlakna ka hmai chu ka tuai puata "avan rapthlak ve, ka mualpho hman hle mai chuan a rûka huat nih te ka hlawh hmana a rûk bawka ngainat te, kan in ang ka ti keipawn mahse khatiang khawpa rapthlaka che tur ah chuan engtin nge min ngaih theih le? In hria em? Ka mizia chu in hrechiang ve tawk tawhin ka ringa mahse misual rothap tak angah min chhuah ta si khatiang thil ka ti theilo tih te chu ngaihruat thiama hrethiam ve tur inni asin a rapthlak em kha eng rilru nge maw in put ang le" ka ti chhuak hawk a, ka țap vak chak takzet ani.




He video ka en theih loh laia an lo en bika an react dan hmuh ka va han chak tak em! Engtin tak nge min lo ngaih hman ang le, an rilru chu an lo hneh sak hman tak tak anih dawn hi khatiang thil ka ti ngailo ani tihte chu hriat ve âwm, nilo ka ti thei ngailo ang tihte chu hriat ve âwm ania keimah ka an ngawt vang khan keima tih ngei tihna pawh ani tawp si lo hrechiang hmasa lovin ka laka an rinna an hloh a mahse a hnuah keimah ka ni lo tih an hre leha engtiang chiahin nge an inthiamloh ang le, video hi ka hmuh ngei ngei a ngai si mahse hetiang hmu theilo tur hian ka mit te kha lo del hlen daih se țha tur ka tuar pawh a nêp deuh anga tihte chu ka ngaihtuah kual ta rum rum a.




"Video pakhat kha en leh rawh, kha erawh chiang zawka i en a ngai ngei ang" a rawn ti a, laptop pakhat zawk chu muangchangin ka hawng leha play theih rengin alo daha ka play tur chiah chu engmah a lang theilo ka hmeh kual vak vak pawn awmzia a awm chuang lo "engmah a lang theilo" ka ti a, nichina a hmehna ah khan ka hmeta mahse ka khawih thiam si lo.




Ka hnungin pangtilum a hriat rual rual chuan ka chhipah chuan a rawn thaw lum ham ham a ka kut chunga kut rawn innghat chu che lovin ka lo en ngawi renga ka kut chungah a kut rawn nghatin ka kut nen chuan a chêt rual tira min hnaih lutuk avanga ka taksa danglam chu a hriat ka hlau takzet ani, video a play hnu chuan rang zetin ka kut chu ka la sawna a chhip ațang chuan a rawn nui ri suk lehnghal.




Chiang zawka en tura min hrilh avang chuan chiang zet chuan ka ena ka dinna ka ke nat ni winter brand show neih dawna ka nu file pek ka tum ni kha ani tlemin lang phel deuh mah ila kan lu a lan theih miau avangin tunge min sûlpel pawh a hriat theih viau bawk. Min rawn be tu Zorini nena kan inhnial leh thil kan inchuha ka ke ka rah sual te pawh kha a lang chiang lutuk mah mah ani chumi hnua ka kal tur ka thil pal leh ka tlûk dan a rawn lan leh chiah chuan ka meng nghal kâwk mai. Thil hrui ka pal amaw ka tih kha Zorini ke lek maw alo nih a chuan ka tluk nat theih nan ka hnungah alo nem bawka chuan keimah chu ka tlua ka mit ka sawh lai chuan ka mamichhing nghal zawk mai a nat dan kha ka la feel thei.




Ka mit ațanga thisen a chhuaha mangang taka ka awm lai te a lang chiang em em a țanpuitu ka auh laia Zorini leh a bula mite lo nui te chu a lang chiang em em bawk hreawm tihna leh huatna in ka khata ka khur ti tih bawk. Mangang zeta țanpuitu ka auh laia ka tukhumin a thil sawh chu a zum em em a chhuatah chuan ka bawk thla nghal tawpa a hnuah Zorini'n mangan hmel em em hian min rawn buaipui lehnghala ka mit ka chhing nghal sawka ka na vawng vawng mai ka mit thleng hian ana in ka hria.




Ka hriat miah loh laiin ka lo va han tuar hnem em em ve ka mit thlengin mahse engmah hriattir ka ni ve lova a hnuah ka hre leha ka thinlung hi ana vawng vawng mai ni. Kha video keimah ang deuh ina a thil tihte chu ka mitthla zawt zawt ka vanduaina tawh dan thlengin rilru na leh thinlung na lutuk avang chuan awmdan ka thiamlo ka mittui nuangchangin ka chhin hnana a rawn luang zel bawk ka thin na lutuk avang hian țah chhuah hawm hawm ka chak takzet ani mahse ka tâwt lutuka ka thaw hleithei lo țep ani.




Hetiang video rapthlak lutuk ka hmuh theih loh nan hian ka mit te kha lo del hlen se țha tur engmah hre lo ila chuan ka na bawk lo anga khatiang khan hun lo hmang zawk ila natna he video leh nu te vanga natna ni lo Hmangaihna avanga natna pawh ka tuar lo mai tur ka thinlung na te chu inzawm khawm ang mai hian awma min țhawnga ka nâ a mahse tihtheih ka van nei tlem em! Duh thlan theih ni ta se he mipa ka tawn hmaa ka hun kha koh kir ka dil leh ngei ang.




"Zorini chu an man tawh em?" Ka ti zâwi sap, ka âwm chu ka dawm beta ka thaw a chham dawn in ka hria "lungngai suh engkim ka buaipui ang an man em em ang" a rawn ti zâwi sup. "Engtin nge lungngai lo turin min hrilh theih zawk? Ka chungah khatiang thil kha a thlentira chuan lungngai lo turin min hrilha engtin nge i sawi theih zawk nang hi ka ring ang che maw khatiang thil kha ka chungah i thlentir tawha ka ring thei tawhlo che keimahin ka zawng ve mai ang ka buaina ani lo inrawlh tawh suh keiman ka chingfel ngei ang" ka ti țhata ka mittui luanna ka biang chu a thîp sep sep mai.




Ka țhutna chu kuai her lawp niin ka meng chhuak nghal kâwk "nang ve teh mai hian enge i tih theiha i rin? Engmah iti theilo chuvangin keimah min tihtir hremna chu a tuar na khawp ang" ka hma zawnah chuan a rawn au chhuak ani ber ka mittui luanna ka biang thîp lutuk chu a hreawm pha lek lek ani "ka tuarna chu keima zawn a rem lo maw hetiang mai ka nih avang hian chuan midang ka zawn tir anga hremna ka pek tir ang maw? Ka hlim angem? Ka chunga hetiang thil thlentir tu mipa hremna pek tir ta ila ka hlim angem han ngaihtuah teh, tunge awm nuam bik ang?" Ka ti zâwi țhata a mitah pawh en ngam lo chuan a âwm chu ka melh lui ngar ngar bawk.




A hnuah ka khabe ah rawn vuanin min kuai dâka ka mitah tak chuan min rawn en a "a zawn chhuah chu ka kutah i dah ang, hremna erawh nangman i pe ang a chiang em? He thilah hi chuan keimah ka inrawlh ve a ngai hna i banna chhan te ka hre vek tawh a video in ka nei thlap bawk man ringawt la hremna tuar tir tum la finfiahna nei leh si lo la zalen taka chhuah ani leh ang, chuvang chuan tihtur țul ang ang chu min tihtir rawh itan buaina tham a tling lo" a rawn ti a, a mitah tak en in ka melh let ve ngar ngar a ka hawisawn miah lo bawk.




Ka hmui bula a rawn kûn hniam vut rual chuan a darah chuan nem in ka tho chhuak nghal zawka kalsan ka tum chu ka banah rawn chelhin ka kawngah chuan a rawn vuana a lamah min hnûkpheiin a taksa si chêt chuan ka dulah min kuah beta ka kut nen a kuah bet nghal vek bawk ka taksa chunglam chiah ka ti che thei. Ka dara khabe a rawn nghah rual chuan ka îp nghal châwih a awmsawn tir tuma ka tal chu engah mah ngai lovin a awm lui zela "min thlah rawh, hetiang hian awm suh" ka ti țhata engah mah a ngai chuang miahlo.




"I thusawi kha ngaihtuah chiang leh turin ka duh che ni a chhan chu thudik ani lo ani. Khapa kha i Hmangaih lo, adik tiraw?" A rawn ti leha thu hnu a rawn sawi chhuah leh avang chuan ka ngaihtuahna a ko kir leh ni maiin ka hria ka kut a vawn beh chu nghet zetin a rawn hmera ka chhang loa ka ngawi reng hmalam chu ka melh ngawt ngawt a ka chhan loh avang chuan "i Hmangaih tak tak lo tiraw?" A rawn ti leha engvanga rawn sawi chhuak leh nge maw anih le.




"Nizanah ka sawi chian viau kha ka Hmangaih tih, nangpawn i hrechianga engvangin nge min zawh nawn leh khera dawt sawia ka bum che i ring em ni? Ka bum lo che ka Hmangaih alawm a chiang tawh em? Nang chu ka hua che ni ka hua che, min zawt tawh suh" ka ti țhata, a rawn thaw chhuak hawk "a chhan chu, a dik loh vang ani. Khapa kha i Hmangaih loh vang ani" a rawn ti hrâwih.




"Keiin ka sawi chian viau chuan engvangin nge i awih loh a ka sawi tawh kha ka Hmangaih tih, pawm thiam ve mai ta che. Hrilh nawn ngai tawh suh ka sawi nawn duh tawhlo. Tunah chuan i nupui tur kha ka zawn hmuh a ngai ani ka chunga a thil tih zawng zawng avanga hremna tuar turin a thlavanh rawn hauh tum suh ang che. Mannuel'n min pui anga ka man chiang khawp ang hremna chu ka pe na bawk ang rawn chhan i tum anih chuan tum buai lo law law zawk rawh" ka ti chang rat a. Ka sawi zawh rual deuh thaw chuan min thlah nghal thawk a ka thawl nghal hawk thei.




"Ka office ațang hian chhuak la ka hmuh theih ah rawn inlan tawh suh, nge ka thinrim laia ka chetdan hmuh i dawn zawk?" A rawn ti hrâwih rang zet chuan ka hawilet nghala a inhûmruh ngawt ngawt a a mitmeng te chu a lah hluah hluah ani ber. Min pawh sawm vek pawh a pawi ti lo ngei ang a mitmeng te chu sakawlh chiah chiah ani "chhuak rawh" a rawn tih leh rual chuan ka tlanchhuak nghak ti tiha min pawh sawm vek a chak hmel takzet ani.




Inhnuaiah te chuan ka hmai vang nge mi min en duh hlawm em em a, ka inkhuh țhat phah ringawt bawk ka Scooty bulah chuan ka ding rên râwna glass ah chuan ka hmai chu ka en a ka phu zawk thei a lo râng ruaka hmun thum velah hian thûk ve deuh hlekin alo pilh a ka mittui a luh khan ana lutuk ringawt.




"I thil tih man chu i hmu dawn chiang khawp alawm. Hrem lovin ka chhuah hauh lo ang che, tu puihna mah ka mamawh lo keimah pawh ka zawng chhuak ve thei reng chuan ka mit min pe tute chungah hian ngaihdam i dil ngei bawk ang ka hmuh hunah che keipuia aia rapthlak i tawn dawn avangin lo inring ang che" ka ti chang rat a. Scooty chu start in ka intih thawven țhinna hmun lam chu ka pan nghala.




Ka tlan laklawh lai chuan keimah ang chiah ina khuma khapa a tihdan kha ka mithlaah alo langa race vakin chak zet chuan ka tlan nghala ka thluak hi chhuahsan se ka van duh tak em! Mahse a chhuahsan mai mai dawnlo tih ka chiang ropui si hmeichhia ve si engtin nge khatiang thil kha a tih theih tih ka la ngaihtuah fo mai.




A hmun ka thlen chuan Scooty chu dah țha in ka țhut ziahna țhin lam chu ka pana he hmunah hian high School ka kal lai daih tawh ațang khan ka kal țhina chupawh ka pa vangin a hmun hi ka bel chiang thawkhat tawh viaua ka hmaa pangpar leh tuikhur mawi tak awm chuan min ti hahdam sawng sawng țhina chuvanga helaia kal ziah hi ka ni bawk.



Maimichhingin ka thaw chhuak ham ham a "u, i nau hian harsatna tam tak a tawka a paltlang tawh bawka engkim kha harsa ati veka na ati bawk. Hmangaihna ah thleng pawn na ati a i nau hian Hmangaihna lam ka hrefiah tawh ani maithei, mahse u tinge ka thlan loh zawk chu mamawh ang tlata ka inngaiha beiseina te ka la neih. Engmah hi ka hrethiam tawhlo asin ka buai vek tawh ka haha tih ber tur ka hrelo i awm lai kha chuan nangman kan harsatna te min chhawk pui țhina tunah chuan keimah chauh ka ni asin, ka nu lahin a fanu min hre lova min haw bawka i bulah khan kal ve daih ka chak ani, anih loh pawn kha video te kha lo en lo law law ila țha tur ani. Ka ngai che u, ka mal ngawih ngawih ani a hreawm i bulah khan ka awm ve duh ani. Ka hah tawh chawlh hahdam ka duh ve tawh harsatna ka tawk hnem tawh lutuk. Ka mal lutuk asin u...." ka ti chhuak sepa țullo zetin ka mittui a rawn luang ringawt bawk.




"I mal lo, i bulah ka awm chuan ka awm zel bawk ang hmelțhanu" rawn ti sup tu avang chuan ka mengchhuak riai riai Mannuela chuan min lo nuih var var a ka mittui tla te chu muangchangin a rawn hri fai bawka "i mal lo" a rawn ti nawn leh sup bawk. Rang zet chuan ka kuaha ani pawn nghet zetin min kuah let ve nghala "i kiangah ka awm zel ang" a rawn ti zâwi sup bawk.

[Ngaia]

AT THE ELEVENTH HOUR - 21

By : Msi Miluhlulnui



You know you got a good heart when you feel bad for doing what's best for you



note a awm leh keuh ania aw






"Engtin nge hetah hian ka awm tih i hriat theiha?" Ka ti a, ka kuahna ațang chuan awm hrangin a hmel chu ka en a a dar min sân khum ak "ka hre biklo ka hre ve tawp aniang thil tih theihna ka nei ani ngei ngei ang ka lo inhre miah lova" a rawn ti khera ka chhan ve leh hma hma chuan ka biang chu rawn khawihin "he thil hi tu tih nge? Engvang nge?" A rawn ti hrâwih, ka biang na lai chu a chûl hauh hauh a a zawhna ka chhan beisei zetin ka mitah tak min en kar a ka thaw chhua hak.




"Zorini kha i hria tiraw? Hmanni meeting kan neih nia Jeremy bula hmeichhe awm kha" ka ti a, bu nghatin "ani chu enge?" Lungawi loh hmel zet chuan a rawn ti nghal nghut "amah kha ania video kha ka en a phallo a ka sam pawh a pawt țil țeuh hmana chuan ka hmaiah a rawn ham leha Jeremy an damdawi min hnawih sak lo se chu a pûn ka ring" ka ti chhuak sapa ka biang chu a rawn chûl heuh heuh a a thîp ve lek lek "ava han nasa awm em em ve mawle a ham thûk lutuk che ka hmuh hunah a chak lo viau ang" ka biang rawn chhem pah chuan a rawn ti hrâwih.




"Ka hmai a ham hnuah a tlan chhuaka mahse Jeremy khan an umzui a ti a mahse keimah ngeiin hrem ka duh ani ka chungah thil a ti hnem tawh lutuk ka pal zam mai mai lovang" ka ti ve faka ka biang na laiah chuan rawn fawp vang vang a "ka chhuah hauh lo ang" a rawn ti ve hrâwih bawk a darah chuan ka ka hmer sak vaka a sa huat lai ani tih ka hriat vang ania ka tih a rawn eu ta ngâwng ngâwng maia ka nuih suk suk ringawt.




"Thil hi i hre rei thei lutuk" rawn ti hlukin a rawn tho kânga ka bulah chuan rawn țhuin a taksa si chêt chuan min pawt phei nghala ka kut chu la in a chûl heuh heuh bawk "zawhna min zawt dawn lovem ni?" Amah en chhoh hâ pah chuan ka ti a ka darah rawn vuanin a darah chuan ka lu min nghah tira ka chhipah chuan a rawn fawp vang vang bawk.




"Ka hrechiang che lawm i thinrim anih chuan tumah i be duh ngailo tih thlengin nang angin thil ka hre rei ve țhin tho ania. Nizanah inu in a sawi vek tawh alawm vawiina i tihtur thlengin min hrilha i phone i off leh dawn tih ka hriat avangin ka rawn call duh lo chea Sylvia pawn a message leh call i chhan theih loh avangin min rawn call a engmah chu ka hrilh lem chuang lo" a rawn ti sup bawk, ka sam chu a chûl heuh heuh a ka kut chu a hûm vang vang bawk.




"Ka tihpalh ani, Sylvia pawh khan ka laka zêp a neih vang ania ka biak duh loh a chhan chu a țhian ka nihna ang pawhin engmah min hrilh ve duh loa ka hua ani vawiina ka thil hmuh phei kha chuan engtin nge khatiang rilru kha an put theih ka ti hial zawk. Min hrechiang viau hlawm amaw ka lo ti a mahse min lo hrechiang lo tak tak ani ngei ang" ka ti chhuak hap, kha thil kha ngaihtuahzawm ka duhlo mahse ka mitthlaah an rawn lang leh țhina hreawm ka ti ani.




"Video ah chuan enge i hmuha? Chuan thil dang te pawh" a rawn ti a, ka biang chu a kut lehlamin a rawn tuai leh zeuh țhina a thinrim thu a sawi leh țhin bawk "a rapthlak lutuk en nawn leh pawh ka duh tawhlo keimah ang chiah hmeichhia a awma chuan khuma mipa a chêt kual pui vela a hnuah a sawisa leha chutiang vel chu sawi pawh ka duh chiahlo Jeremy khan an thah daih thu a sawia khami chungchanga inhnamhnawih te pawh an thah thu a sawi bawka a rapthlak lutuk ani keimah ang chiah, ka thawmhnaw anh chiah a ha bawk. Chuan video pakhat min en tir leha ka vanduaina tawh dan kha ania, hrui ka pal amaw ka tih kha Zorini ke alo ni a chuan ka tlûk theih nan tlemin min lo nem leh bawka ka mit ka sawh hnu te pawn min lo nuih char char a chungte chu Sylvia leh ka nu in ka lakah an lo zêp char char bawka engtia tih tur ber nge pawh ka hre tawhlo an pahnih hian ka haw takzet ani.




Ka hriat miah loh laiin min lo huaa chuan keimah ka ni lo tih an hriat veleh min huatna a reha damlo na tâwk ang maiin min enkawl leha mahse engkim ka chungah an zêpa ka mit a chhiat avang khan engmah hrilh tlakah min ngai ve lova a rûkin min lo haw char char tihna anih chu" ka ti chhuak hapa ka samah chuan a rawn chûl leh hliau hliau zel bawk.




"Ti hian i ngaihtuah tawh em? Inu te pawh khan kha video kha an vawikhat hmuhna ani nangmah ang chiah leh i thawmhnaw ang chiah hâ mihring an hmua nangmah nen in in an viau chuan an ringhlel ve thei alawm a chhan chu kha video kha siamchawp ani nge nilo tih an la hriat loh vang ani"




"Chupawh nise ka mizia leh nunphung an hre veka khatiang thil kha ka ti theilo ani tih hre tur anni. Video i hmuh ve loh vang anih kha hmu ve la chu nangpawn mak iti ve tho ang a rapthlak lutuk ka sawi thiamlo ka nu pawn nu leh pa te chuan fate chu kan hrechiang țhin ati a mahse min hrechiang lova khatiang thil ka ti ani tih ring khan min lo huaa ka ngaihdan tur i hrethiam em? Ka nâ, ka thinlung hi ana a chhan chu min rin zawh loh vang ani"




"Ka hrethiam che, video ah chuan enge awm ka hre hauh lo ka en ve hunah ala hriat ang chu. Mahse inu te i huat dawnin ngaihtuah hmasa rawh nangpawh inu i hrechiang angin in sawi ta la khatiang video kha hmu leh ta si la inu rin dan ang tho khan nangpawn i ring ngei ang, a chhan i hre duh em? Kha video an en khan an rilru a luah khatah kha video a nangmah ang chiah an hmuh khan enge an ngaihtuaha i rin? Nangmah ang chiah chu pawh i thawmhnaw hâk țhin ang chiah chiah anih chuan nangmah bak rinhlelh tur a awm hleinem, Rin, inu thiamloh ani vek bik lo ania" a rawn ti a , min țhutțhat tirin ka biang chu a rawn dawma.




"Thil hi ngaihtuah chiang hmasa lo chuan ring ve tawp tawp tawh suh. I ring diklo ziah tih i hriat kha, inu tawn leh ngaihtuah ang kha i chungah pawh a thleng thei reng inu ang chiah lo awm ve ta se rilru khingbai deuhin i awm ve thei tihna anih chu ka huat vang chea sawi ka ni lova thil awm ve theih dan ka sawi mai chauh ani. Engkimah inu dem loa ka duha ani pawh a inthiamlo ngawt ang nu Christy chuan tunah pawh hian hreawm a ti em em mai thei ania. A fanu luhlul ve tak hian a be duh lova a hua ani tih a hriat vang in chuvang chuan inu nen in inkar boruak ti chhe lovin thil pangngai takin sawipui rawh aw. In inkar a chhiat chuan siam țhat leh a har dawn ania" a rawn ti a, ka mitah chuan chiang zeta min en in ka chhanna chu a nghak reng tih a mitmeng ațang chuan ka hmu thei.




Thaw chhuak hak in ka bu ta nghata nui sukin min rawn fawp a "khati tur kha ani i chunga hetiang thil thlentirtu chu keimah ngeiin hremna ka pe anga a chunga thleng tur chu a rin phak bak ani ngei ang" a rawn ti zui sup bawk ka chalah chuan rawn fawp vang vangin a thaw chhuak ham ham "i bulah khan lo awm ila chu i chungah hetiang thil hi a thleng hauh lo ang" a rawn ti zâwi sup bawk.




Khuh kherh kherh chungin "Jeremy'a ka tih kha i hria em? Tuna Jeremy'a ka sawi kha ani asin company neitu meeting naa kaihruaitu kha ania ka hrilh duh lo chea a chhan chu buaina a thlen ka hlauh vang ania mahse i hriat a ngai bawk si ani" ka ti sapa muangchanga rawn âwn thlain ka hnarah a rawn fawp zui lehnghal zat "min chhang rawh" min chhan loh avang chuan ka ti țha leh ngata.




Awmsawnin ka mitah tak chuan min rawn en a "ka hre daih tawh alawm engmah ka sawi lo zawk anih kha. Buaina em chuba thlenglo ani lawm ni mahse ka insûm theihna ka hloh teuh țhin kher bawk a chang chuan va kala hnek pawp mai te ka chak rum rum țhin mahse ka insûm hram hram zel ani" a rawn ti nghut. Alo hre daih tawha mahse hria ang pawhin a lang lova "engtin nge i hriat theih a?" Mak ka tih em avang chuan ka ti hâ bawk.




"Ka chhui nghal loh i ring ani ngei ang. I chunga khatiang thil a thleng tih min hrilh khan ka zawng nghal alawm mahse thawhdunna kan neih miau avang khan ka duh anga ka awm a rem lova a chhan chu pu in min hauh ka hlauh vang ani pakhat bawk. Kan inremna ka tichhia anih chuan a pawi thui theia chuvanga insûm mai chauh ka ni. Mahse hunin a liampui anga ka hun chu a thleng ve ngei ang" a rawn ti ta hrâwih.




"Min hrilh miah loa" ka ti hâ.




"Hrilh che pawh ni ila awmzia a awm dawn chuang hleinem engmah ka ti thei chuang loa" a rawn ti a ka bu ta nghat ringawt bawk "engtiang chiahin nge hun in lo hman duh țhin ka hreloa amah i hmuh pawh khan hriatchhuah tam tak i neih ngei ka ring. Mahse ka mit tikham tur leh ka rilru tina tur chuan awm hauh suh ang che" a rawn ti a, chhang lo chuan amah chu ka melh reng ringawt.




Ni e, amah ka hmuhin hriatchhuah tam tak ka nei ngei alawm ka hriat duh loh bak bak thlengin ka hria ni maiin ka hria amah ka hmuhin awmdan ka thiamloa keimah ngei pawh ka in control zo lo lek lek in ka hre bawk ka chungah engmah ti lo mahse ka awmdan a danglam chak em em a ka inthunun theih piahlam ani tih pawh vawiin khan a chiang viau bawk. Ka awmdan te ka thup hleithei ngai lova hreawm ka ti ani keipawn. Nakinah buaina a thlen leh ka hlau hle bawk.




"Engthil nge i ngaihtuaha?" Ka hnara rawn piai zawk tu avang chuan ka hawi chhuak deuh zawka a ngaihna hriat loh hmel zet chuan min lo melh renga ka nui tawi tak ringawt "i bula ka awm ve lai renga i ngaihtuahna luahtu chu ka hriat ve a rem em?" A rawn ti zâwi sup nuih tlawn pah chuan ka ding hluaia "engvak mah ka ngaihtuah lo thil thleng vel khan tlemin ka rilru a kam deuh hleka" ka ti ta ringawta a rawn rûm nghut.




"Engthil in maw i rilru kam a?" Rawn ti nghutin ka banah bulah chuan a rawn vuan chawta amah ka en rual chuan a lamah min pawt phei lawp in a malchungah chuan min hlang nghal nawlh a "a khawlai em hi" ka ti sep ringawt "engmah ka la tih em loh hi" a rawn ti let ve nghala ka nui ta ringawt bawk.




"I rilru kam tu te, i thil vei leh thil dang dang nangmah tibuai tu che an awm chuan min hrilh rawh ka țangkai ve anih chuan ka theihtawpin ka pui ang che ka bula i awma ngaihtuah neuh neuh i neih hi ka phallo, hrim hrim in hetianga awm hi i ching ngailo ngatinge i len hnu hian i chîn tak fo a" a rawn ti a, chhan ngaihna ka hrelo. Thil ngaihtuah neuh neuh hi ka chînna pawh ala reilo Jeremy nen kan inkawp hma amah ka tawn vel ațang khan ka ching chho țana ka nu pawn min hau fo tawh.




"Rin, i mizia i thlak chak lutuk engvang nge? High School kan kal laia i awmdan te kha pakhat mah i chhawm tawhlo nunnêm tak ni țhin kha i inthlak vek i danglam lutuk. I chungah hian enge thlenga?" A rawn ti a, amah chu ka en nghal dawrh a heipawh a sawi dik leh chiah "ka hre biklo keipawn ka awmdan hi mak ka ti a chhan chu maw țawngkam chhe tak tak hman te ka ching chho em em a ka țawngkam hman țhin hria la chu mak iti ve tho ang nangpawn.




Miin țawngkam chhiaa min biakna țhin hi ka dawngsawng thiamlo ka ti ber, ngaih zam mai mai ka tum pawn ka theilo ka chhang let chak ve et et țhina nangchu ka pa in min kalsan hma khan hmundangah i awm tawha thil thleng i hre ve chiah lovanga ka pa thil tih vanga min nghawngah pawh a puh ve theih tho mi pawn mak min ti țhin mahse ka indang zo țha mang lo ka tum ve țhin mahse a harsa ka ti lutuk ringawt. Miin țawngkam chhe tak tak min hman khuma min kâp tih ka hriat chuan an țawngkam hman ai khan ka bei let na țhina tam tak tan chuan a huatthlaa awm thei ngawtin ka ring bawk.




High School kan kal lai nen kha chuan ka mizia kha chu a inthlak hneh chiang lutuk. Hun a rala kan lo upa ve tial tial a kan țhan ang chiah hian kan mizia pawh a țhang tel ve anga a inthlak danglam pawh ani mahna ka batchmate pui te kan hmuh thut pawn mak min ti ve tho ania nang chang ini lo an sawi te pawh ngai ah ka nei tawh hialin ka hria" ka ti chhua hap a ka thaw chhuak nghal hak bawk.




"I inthlakdanglam lutuka ka hmuh hmasak ber che pawh khan keipawn mak ka ti a, mahse ngaiah ka nei ve tawh ani maithei. Mahse hmana i mizia kha chu ka la duhpui tho mai che. Nangmah a chawi chea i mizia khan nangmah a tinung ngawih ngawih che chuvang ania i zûnah pawh khan ka uai theih em em kei chang ka nih ka ringlo mipa dang pawh an ni ve tho ang" a rawn ti rual chuan ka dar ah chuan ka chum sak pawp "over suh aw, nangmah avangin kan School hmeichhia te pawh kha ka hriat hnem ve phah ania aw i kawp vek hmanin ka hria" ka ti a, ka nâkah a rawn țham ta pawp mai.




"Ka haw ve vak lo tih i hriat kha" ka ti a, a nui suk mai "vawiin chu ka bulah hun i hmang ang, ka awmna apiangah i awm ve zel anga ka hnathawhnaah pawh nin awih loh phone theih loha i awm avanga hremna ani ang ka kut i vuan anga ilo awm ve char char ang" a ti a min chawi kang nawlhin leiah chuan min nghat thlaa.




"Khawiah nge kan kal dawn?" Ka ti sep bawk ka kutah chuan min kaiin ka kutțang karah chuan a kutțang a rawn rawlh lut ve nghal zat a "heti lamah kan company in bengbelna hmunah kan kal phawt anga hmannia Jeremy nena kan sawi kha bawhzui tur tlem ala awm bawka chumi zawhah chuan a confirm nan amah kan hmuhtir anga zanriah kan ei chhuak bawk anga zanah ka lo leng bawk anga ka haw tur min thlah leh ang" a rawn ti a, ka ner nghal nâng ringawt bawk.




"Ka vawiin hun hman dan tur i duh duh danin ilo fix ve ringawt ani maw ka hman dawn em tih pawh min zawh i tum hauh lo bawka ka lo buai ve viau maithei ani. Entirnan, in lamah tihtur lo ngah ta thut ila emaw thil dang dang te pawh" ka tih chuan min nuih suka "i biang na avang hian engmah iti dawnlo tih ka hriaa chuan vawiinah engmah tih tur i nei lo tih ka hre bawk i biang kha doctor kan entir anga damdawi kan hnawih nawn leh dawn nia, a thûk deuha a na deuh maithei kan kal thei tawh ang chu maw ka tlai dawn tlat" a ti a, engmah ka sawi ve leh hman hma hma chuan a motor awmna lamah min kaiphei nghal dawr dawr a, ui ang maiah ka inchan tlat pek anih chu! A chi tehchiam lo.




Ka chunga khatiang thil thlen tirtu Zorini lakah ngei thubuai ka theh lut anga finfiahna awm zawng zawng ka theihtawpa lakkhawm ka tum bawk anga keimah ngeiin ka bei let anga ka chunga a thil tih man chu ka hmuh tir dawn khawp. Mahse chumi ti tur chuan a awmna hriat phawt ka mamawha chumi hnuah chuan ruahmanna fel tak neih a chumi zui zela ka chet chu a ngai ang anih loh chuan thil a ti thei si a keimah zawk pawn ka tuar ve thei tlat.




Mannuela nen chuan office lamah kan inzui pheia a țhiante nen an inbiak chhung chuan doctor min koh saka țullo ka ti char char a mahse a ko lui tlat, Doctor in band-aid min bel saka a damdawi a hnawih khan a thîp ania aw a dîm lo nasa mai sia țawng zuap zuap chungin min bel saka a țawngduh si min buaipui chhung zawng chuan a țawng te chu ka rui ni maiin ka hria a hreawm lutuk khaw lum nen.




Tuna kan awmnaah hian in-charge in ka awm dawn chu ani si a thawktu an tam ve ang reng si a ka huphurh ru ang reng viau bawk. Mahse Shillong lamah khan an hna țhenkhatah khan ka lo chhawk ve em em a chuvanh chuan thawktu ang maiin min la taa chuan ka nu heti lama a awm a ngaih tawh avangin heti lama duty tur hian min ruat bawka a tirah phei chuan Mannuela kha a lungawi lo hman ania aw an pu kha a hnial ngam si lova a melh rum leh hrâwk zel țhina an pu chu ni lo se chuan a che rorum ngawt ania ka rin.




A sawi ang tak tak khan ka nu ka ngaihdan pawh kha alo diklo ve thei tho. Keimah pawn khatiang chiah khan ka nu awmdan hmu ve ta ila ka nu rilru thleng khan ka chhawm ve ka ring tho mahse khatiang em em a rapthlak kha chu ka beisei phalo ani hmeichhe tih atan chuan a mawilo mai ni lovin a rapthlak ani a sawi pawh ka ngamlo a chhan chu ka hmu chiang em a hmuh nawn leh pawh ka duh tawhlo. Mahse finfiahna atan khatiang thil te kha ka hman a ngai ngei âwm si a engtin nge ka neih theih tak ang le. Jeremy kha dil a ngai ngei awm si a ka huphurh nghal ringawt nia.




"A zia deuhin i hria em?" Mannuela chuan ka bula rawn țhut pah chuan a rawn ti a bu nghat nghatin ka biang chu ka khawiha "a damdawi hnawih khan a tina tih mai loh chu tunah rih chuan a ziaawm in ka hria a țawng duh si a țawng te kha ka rui hmanin ka hria" ka ti zui hlaka a nui chhuak hawk hawk bawk. "Ani pawh khan a rawn chhuah khan i țawngduhloh thu leh i ngei anih a rin thu a rawn sawi ve bawka engtin tak lo indawr ang cheu maw hmuh ve a va chakawm ve mawle" a rawn ti khera ka melh nghal rawm rawm bawk.




"Nangpawh ni la i rui ve tho ang khatiang em em a țawng nasat te chu a a rapthlak em alawm sawia nuih ringawt hi ani lo" ka tih khum hlaka a mit ko sânin " hmelțha an thinrim ngailo ania" a rawn ti a, min nuih sun sun lehnghala ka beng chak ania chuan ka khawng chak bawk a chimawm leh lutuk mah mah țhin kan inhrechiang dun bawk si inkahna tur kan hre thei ve ve zel lehnghal.




"E taka, Sylvia alo kala pawnah a nghak chea" a tih chuan ka meng zui nghal kâwk. "Enge alo tih dawn?" Ka ti hû a class a nei lo amaw ni le "keiman ka ko ani zawk mai i nin ka ring deuha. Rin, tun hi induh hun leh mi huat hun ani lo in pahnihin engkim in sawi dun ang thil thleng zawng zawng te ani tan pawh khan nuamlo a tling ve thei ka sawi tawh kha inkar chhe tawh chu beih fe hnuah pawh siam țhat a har tawh țhin chuvang chuan a chhiat tak tak hma hian sawidun ula a finthlak zawk a chhe dawn kher ka tihna ani loa thil awm thei dan ka sawi mai ani" a rawn ti a, chhang lo chuan ka ngawi renga ka hmu hreh ka ti mai a chhan pawh ka hrelo.




"Class a neilo mi?" Ka ti a, a dar min sân khum nghal ak "ka hre bik nang ka va call a ka hman nghal ani mai atia an neilo anih ka ring ve tawp. Ka rawn luhtir ang tah hian lo inkawm rawh u ka rei angem ka hre si lova ninawm ilo tipalh ang" a ti a, a kal dawn chuan min fawp a, a chhuak zui nghal mai bawka room zau zet reh em em ah chuan Sylvia alo luh hun ka nghak renga ka țhiani ka vawikhat hmuh hrehna ani ngei ang amah zawkin min hmu hreh tur ania mahse keimah zawkin ka hreh tlat anih chu.




Kawngka ri khepah chuan ka phu zawka "vew, keimah" a rawn ti a hawi pawh hawi let lo chuan "um" ka ti ringawta ka lam a rawn pan tih a ke pen thawm ațang chuan ka hre thei. Reiloteah ka hmaa țhutthlengah chuan a rawn țhu a a kut chu a mal chungah a hûm bet râna kan in en chiah chu a mitmeng a buai nghal nak bawk "ngatinge i biang kha" a rawn ti nghal chat.




Rawn thawh uaih tumin a ding ve fû tawha mahse a țhu thla lehnghal riai riai ringawt "Zorini min hamna anih hi" ka ti chhuak sap a a meng zui deuh kâwk! "Maw?! Engvangin in insual ami?" A rawn ti a, Zorini hming han lam reng reng hi chuan insual hi a inpeih nghal zat zel ka ti mai. A ngei lutuk avang hiana hmelhriat loh te Zorini lakah pawh a chhan duh hrim hrim tihtur ani.




"Insual lo, video kha en a phalloa chuan ka sam a rawn pawt țil hmasa a ka hawi let a kut dahthlak tir ka tum rualin a rawn hama a tlanchhuak zui nghala" ka ti chhuak sapa a meng rum ve deuh ram bawk si a tunah hian lo kal thut se a sual duh hrim hrim ang tihtur ani. "Ka hmuh hunah ka ham ve dawn alawm. Anu te pawn thu țha tak tak an hrilh țhina anu leh pa te ai pawn anu te a rawn bel hnem zawka mahse a sawt chuang lo reng reng zawm ang hian a lang ve țhin tak nâa ka lakah hi chuan a zawm lo rapthlak si a ka hrechiang ania" a rawn ti khera ka ngei lutuk hi sawi ngaihna a hrelo zawk țhinin ka hria.




"Video i en khan engtin nge i awm?" Ka ti chhuak sapa a țhu țha nghal sawk sawk a a rawn khuh nghal kherh kherh bawk "vew, kan thiamlo takzet ani mahse nangpawn hmu ve thut la i awih ve tho ang nangmah ang chiah chiah ani a hmuh theih tawk chiah turin video lah kha a êng bawk si i thawmhnaw hâk uar deuh țhin kha a ha bawk si a nang tak tak amaw tih a awl lutuk asin keini tan chuan inu pawh khan a kâ hup tawp ringawta keipawn mak ka ti ve tho khatiang itih theih kha ka ring loa mahse video ami kha nangmah ini nilo nangmah ang chiah chiah kha ani bawk si a in in an miau chuan rin loh ngaihna a awmlo. Ka hrechiang chea i tih ka la ring lo foa mahse video kha siamchawp na reng reng a awm bawk si lova kan inhmuh loh karah iti anih ka ringa a tir chuan hreawm ka ti ve tho a chhan chu khatiang itih kha ka ring ngamlo char char a mahse video mi kha nangmah ini bawk si a hreawm ka ti ve tho asin




Nu.Christy pawh awih ngam chiah bawk si lo ringhlel tho bawk si ang khan a awma khuma i mu kha a rawn en țhin chea i tih theih a ring loa mahse nangmah ang chiah ani bawk si a rilru kha a buai ve lutuk. A fanu i nihna anga ring phal si lo mahse engtin nge a tih theih? Tih zawhna ang reng a inzawt ri renga a rûk te khan kan haw leh hman lek lek chea a chhan chu kan Hmangaih em em in khatiang thil a ti nia rinna kan neih vang kha ani.




Mahse nu Christy in a chhui tir nghala nangmah ini lo tih kan hre chhuaka kan rinna che alo diklo tih kan hriaa kan inthiamlo keini pawh mahse rin lo kha chu kan tan thlan tur a awm miah si lova siamchawp ani bawk si lo video mi kha nangmah ang chiah ani bawk si nangpawh hrilh che ila hmu thei lo mahla inih loh zia i rawn sawi leh anga mahse video ang chuan nangmah i che char char bawk si a tir chuan rapthlak ka ti lutuk che" a rawn ti a, a inthiamloh zia a țawng zawng te chuan a hriat theih veka a hmelah pawh a lang chhuak vek.




"Keipawn ka hria alawm a rapthlak tih bak sawi tur ka hrelo ka mihring pui chu pawh hmeichhia keimah ang chiahin khatiang kha a ti ania en pawh ka en zo duhlo țullo puiin ka ngaihtuah ziaha ka râp lutuk hi sawi ngaihna pawh ka hrelo" ka ti chhuak hap a ka kut chu a rawn vuana nghet zetin a hûm vang vang a "vew, kan tihpalh ani mahse nangmah inih loh zia kan hrechiang tawha min ngaidam ve tawh la a rualin kan bei zawk dawn alawm. Video te kha hmu ve lo la kan duha mahse i hmuh ala ngai ngei ngei dawn thoa engtikah nge niang tiin nu Christy nen an zai lai che pawh khan kan ngaihtuah hial ani a chhan chu insawifiah na tur kan hriat loh vang ania" a rawn ti leh a.




A kut chungah chuan ka kut chu ka nghat leha "i insawifiah tawh alawm chuan a fiah mah mah bawka ka ngaidam che u keipawh ni ila nangmahni ang tho khan ka awm ve ka ring keipawn thiam thu sawi tur ka nei biklo inthiamlo tawh suh engkim a țha vek. Zorini lakah thubuai ka theh lut anga finfiahna awm ang zawng zawng ka la khawm vek duha min pui theih chuan" ka ti a, bu nghat nghat in min nuih ta ver ver a "englai pawhin ka pui ang che" a rawn ti ve bawk.




"Ka vanduaina tawh chhan kha amah ani tih i hria em?" Ka tih chua meng deuh kâwk in a lu a thing zui nghuta ka nuih nghal sak "ka mit chhiat chhan kha amah vang ania winter brand show neihni khan ka nu in a file theihnghilh pe turin min tia ke na chung chung khan ka kala chuan Jeremy kha ka zawng hmasaa file kha pek ka tum bawk mahse Zorini'n min lo dangin a zin thu min hrilha file chu kan inchuha ka pawh lawp rual in ka pai nawk nawk a ka ke kha a rap sual leh bawk mahse ka harh hnu khan alo dam daih bawk sia ka hrethiamlo chuan amah kalpel ka tum kha hrui ka pal amaw ka tih kha a ke alo nia chuan ka tlûk theih nan tlemin min lo nem bawka ka mit ka sawh hnua țanpuitu ka auh lai te khan a bula mi te nen min lo nuih vak vak va chupawh chu Jeremy'n a kawl veka kha ka hna ka banna chhan video thleng thleng khan a nei bawka" ka ti a, a meng rum rap mai.




"I laka thil ava han tisual hnem tawh em em ve mawle ka hmuh hunah chuan a chaklo khawp ang khawi hmun pawh nise ka beng anga a sam pawh ka pawt țil hmasa ve ngei ngei ang a hmaiah ka ham bawk anga jail tang tlak anih chu zak theilo lutuk ringawt mai. Awi!.... ava han nasa em em ve mawle ti hian mihringah a inngai ve âwm si a mihring pawh a tluk lo sakawlh anh chiah chiah ani engtin nge engmah tisuala lo ang maia ala nun ve theih zawka l, awi.... ka thin hi a so bulh bulh mai ka va han beng chak lulai tak em! Ka beng chak lutuk" a rawn ti deuh nawk nawk a ka kut chu a hmer ngawt ngawt tho.




"Tunah hian a awmna chin hriat ani loa a tlanchhuak daih sia Jeremy khan an umzui thu a sawia mahse ka ringlo a nupui turte a ni si a khatiang pawh khan a sawi ani maithei chuvang chuan keimah ngeia chhui ka duha keimah ngeiin hremna ka pe chak bawk court in ni lovin keimah ngeiin ka chak" ka ti a, Sylvia chuan ka ban bul ve ve ah chuan rawn dawmin min sâwia.




"Vew, an innei dawnlo kha chu lemchanna mai anih kha thil an hriatchhuah theih nana ti mai chauh an lo ni Jeremy sawn neih a tum tak tak reng reng lo Zorini lakah game a khel zawk alawm ilo haw hnu khan a thil chhui dan pawh a kalhmang a thlaka nangmah khan i rawn thlak tir ani ber an chhui chhuah theih loh avanga neih tum mai chauh kha ani a a tum tak tak hleinem " a rawn ti a, a thusawi chu mak ka ti lutuka ka âng phuau bawk.




"Mahse palai tirh tih vel kha"




"I hriat kha Mizo chuan social media kan hmang thiamlo tih thu thar a awm rual rual in a hnungzuitu ang maiin thil an lo siam danglama tam takin an lo ring ve leh țhina sawi chhuah a ni ta țhin ani mahse palai ala tir hauh lo palai tir anga a lan zawk vang anih kha. Ani pawh khan a haw lutuk chea mahse ka hrilhfiah fê hnuah a hrethiam leh ta chauh a chhui zuina a kaltlangpui bawka a hmawr bawkna tur berah a fu nghal chat a mahse amah chu dan alo ni zela a thil chhui kha an phal saklo ani mah zawk"




"Chu pawh nise thil i hriat hnem tehlul nen enge engmah hi min hrilh ve duh ngai miah loh a chungte chu min hrilh ve vek tur ini asin chuan keipawn ka hrethiam ve mai tur ania" ka ti a, a thaw chhuak hak "engmah hrilh che ka duh loh vang alawm i haw em em a a chanchin takngial pawh hriat i duhlo kha ani a tunah lem min hrilh ve lo a iti leha khatih hunlai khan hrilh ta che ila min beng pawp anga min hau leh ang chu mawle min dem miah suh nangma thiamloh zawk anih kha min mawhpuh thei lo ang thil hrilh ngam emaw hrilh tlakin in hawng la chu a zavai chikim lutukin ka hrilh ngei ngei ngei ang che nangmah khan i zir lo zawk anih kha ve lutuka che" a rawn ti a , kan pahnih chuan kan nui dun țiah țiah a a hriat hrang hrang te min hrilha min țhawng tu pakhat mah an awm lemlo.




Mannuela sawi ang chiah khan kan inkar alo chhe thui hman ang tih a hlauhawm khawp mai a chhan chu an tello chuan ka awm thei dawn si lova tunah pawh khan an tello chuan nuih pawh ka nui hleithei lo anih kha ka nunah a rawn bet tel leh chiaha hlim takin ka nui leh thei ta chauha ka tan chuan mi pawimawh tak vek anni min ti hlimtu an telloa ka awm theih loh harsatna leh buaina ka tawha ka kianga awm reng țhin min kalsan ngailo tu anni a an tello chuan nun hi a ho dawn lutuk tlat.




"Taka, kha hman tawha dawra ka lo hruai ka țhiannu pakhat hmelțha deuh itih kha vawiin a birthday ania zanah an lawm sak dawna nangmah a sawm ve chea kal ve turin chuan kan pahnihin kan kal anga cake kan han ei ang" a ti a, ka țawng tur chu ka kâ ka âng chu ka sawi tur hre âwm ang zia zângin "a hnial theih loh, kan awm rei dawnlo bakah anni pawn tih rei vak an tumlo an hausa si an eitur a tui ngawt ang ka ring ka ei chak tawh" a rawn ti leh zung zung a hnial pawh ni ila min hruai lui leh dawn tho tih ava han chiang tak. Henu zet hi zawng engtikah mah țawng lamah hi chuan ka hneh ka ring lo e a.




"Rin, kan kal tawh dawn em ni?" Mannuela aw kan hriat chuan kawngka lam kan hawi phei nghala ring leng lawng hian "khawiah nge in kal dawn?" Sylvia chuan a rawn ti ngheka bengchheng lo tura min ti tih hriat nan a kut chu a hmuiah a nghata Sylvia lah chu a ner nâwng lehnghal "Jeremy office ah a thil ken saw daha ngai dawna" ka ti chiah chu "ka lo kal ve dawn, kal ang u ka tello chuan khawiah mah in kal dawnlo ka zui ve reng dawn che u awm fâlna hun pawh innei dawnlo in inkara kei ka awm chhung chu" a ti a, ka beng bulah "a office ka hmu ve chaka" ala rawn ti zui hram bawk.




"Anih chuan hmanhmawh ula chuan Rin ka pa in min lo call a rang lama chhuk turin min ti a thil hmanhmawh thlak a awm ani maithei a hmasa khan ka hnial tawh bawk si a tun ami erawh hi chu hnial chi zia zâng ani in ka hrelo khuti lamah buaina a awm ani maithei chuan zanin hian khu lama hnathawk heti lama dahtur biak ka ngaia dinner ei kha ka hman angem ka hre chiahlo ani" a bula kan thlen chuan a rawn ti supa ka bu nghat nghat bawk. Ngatinge an rawn call reng le eng buaina nge maw an neih ni.




"A pawilo zanin chu birthday lawmnaah kan kal dawn tho" Sylvia chuan intihtheih hmel zet hian a ti a Ela chuan min rawn melh deuh zawka Sylvia banah chuan ka nghawk nghal pawp "aw... engdang ani lo ka țhiannu birthday ani Rini hi a sawm ve ani mai lawm an inhmu tawha alo ngaina hman aniang han phallo vaih teh i chaklo ang chu aw ka sawisa leh ngei ngei ang che" Sylvia chuan a ti zui leh zung zung a "Engtin nge ka phallo dawn tih i hriat?" Ela chuan a ti zui leh supa an țan leh dawn ta e.




"I tihdan ziah alawm tak tak in thil pawi em em pawh ani lova miin birthday lawmnaah an sawm ve ani maia awm rei pawh kan tumlo a chhan chu Durtlang lamah an awma a hla lutuka zanah lehnghal chuan kan ngaihtuahawm dawn lutuka apa kan inthlah tir anga kam inhruai tir leh mai ang" a ti ta thlapa Ela pawh a thlem lungawi leh ta hram alawm l, a zei reuh ber bur ania.




"Nakin lamah rorel țhat leh anih ang tunah chuan a kal thei tih ka la confirm lo tunah chuan kal phawt ang u hna ka ngah dawn tlat" a ti a, a ka chu kan zui ve nghala Sylvia lah chuan hnunglam ațangin a rel char char a a chang leh a kuttum a lek ang awr awr a kan High School zia leh tuna kan zia hi a danglam hlawka High School ah kha chuan naupang thuawih thei ang ber khan kan awma mahse bunk kan hrat thei ber kei ai pawn hemi te pahnih hian an hrat tawh zawk.




Office chhung kan luh hma hauhin a ropui thu a sawi renga chhuah hnua in ziahfe ngai țhin kha tunah chuan luh dawnah a ngai țhina chuan Jeremy'a hrilhin kan luh theih leh theih loh a zawt leh phawta chuan a nin rem a tih chuan kan lut mai zel țhin a remtih loh erawh chuan a nghak peih peih tan nghah ani mai a dang tih theih a awmlo.




Zamzami'n kan lut thei atih avang chuan kan inzui lut hlawma Jeremy chu a buai tih hriat reng a dawhkanah chuan alo inchhawp hnawk rupa tarmit alo vuah bawk anih chu! A hmel ka hmu leh chiah chu aman 'ka hmuh theih ah rawn inlan tawh suh' a tih kha ka hrechhuak zawka a hmuh loh tur chuan Ela phenah chuan ka awm ngar ngar a an inbiakna chu ka ngaithla ve kar bawk.




Țhu tura min tiha Ela hnial dan thlengin uluk leh kimchang takin ka ngaithla ve kar a min hmu thei angem ka hrelo min hmuh theih loh hram beisei phawt ang anih loh chuan a mitmeng tawrhlelhawm zet khan min melh leh emaw kha ania nga chutiang chu ka duhloa ka thlentir dawnlo bawk Sylvia lah chuan ropui leh nalh tih thu a rawn sawi leh sep sep țhina kei erawh thing tlawng ang maiin ka ding mar awt thung .





"Rinte" tia min rawn auh rual chuan ka îp nghal zawka min lo hmu thei hram anih dawn hi mit panga a nei zawk amaw ni le Ela sirah chuan ka dâk heu a "Zorini awmna chin hriat ani tawha chuan case file i duh anih chuan i buaipui nghal vat dawn nia" a rawn ti a, hmeichhe pangngai biak ang chiahin min biaa min ngaihsak lo ti ila a dik ber ang chu "aw... a theih anga ranga tih ka tum alawm chuan khang videos ho kha ka mamawh dawna min pe thei ang tiraw?" Ka ti a, a tarmit siam țhat pah chuan a bu zui nghuta a rûk tak meuhin ka thaw chhuak nghal hak bawk.




"Mahse case i file hma in ruahmanna fel tak nei ang che, a thil tih theih zia i hmuh tawh kha lawyer țha tak a ruai anga a sum neih a ui hauh lo bawk ang chuan thil thlengah kha chuan a thiamloh ani meuh mai mahse i thi si lova jail bang zût tur em chuan a case a sang lo maithei mahse nangmah ang chiah hmeichhia video vel kha chu ama tih ngei ani tih chian ani bawka mahse khang inbelhkhawm khan jail bang zût tur em chuan a case a sn ka ringloa thamna alo la thei bawka apa saw mi lal ani tih hria la chuvang chuan ruahmanna fel tak neiin che ang che. Anih loh chuan ka puihna i mamawh ngei anga min la rawn dil ngei bawk ang" a rawn ti a, a nui zui suk bawk.




Mak deuh maiin hlauh rûkna ka nei thil an tih theih vang chu thuhran nise a tuar loh ka hlaua tuar lovin pawisa chauh a chawi a ka hlau ani chuan thil pakhat a puihna ka mamawh ngei dawn tia a sawi leh ka dil ngei dawn tia a sawi kha ani.





A tawi viau țhin tih ka hriaa lockdown vang hian a thui in duh ang tih pawh ka ringa mahse dik taka sawi chuan tunlai chu thu lamah hian ka hul tlata ziah tur ka hre mang ngailo ka ziah sa te hi a clear hnem hman țhin ania duh loh lutuk avangin virus vang pawh hi ani tehchiam lo ka thluak te hi an chawl dûk mai. Chhunah te hian ka rilru ah engmah lut theilo type lawk ve dawn pawn Mahse ka theihtawpa thui chuan ka ti ve tho ania mahse alo thui lo leh țhina tawi in tih pawn ka sel lo reng reng a ngaihna ka bre biklo keipawn a inkawkalh nuai te pawn ka ringa min hrethiam dawn nia. Tukchhuah nuam ule ka mu nawn tawh lo mai ang Pathianni nilen nuam vek ule.

[Ngaia]

AT THE ELEVENTH HOUR - 22

By : Msi miluhlulnui




"Mahse ka chungah khatiang kha a ti ani tih video ah khan engkima chiang veka engvangin nge jail bang chu ala ala zût loh fo ang" ka ti chhuak hap a, rawn ding chhuakin a kekawr ipte chu a zena kan awmna lam a rawn pan phei bawk "nichin khan ka sawi chiang viau, i thih miau loh avangin finfiahna nei mahla jail tang tur em chuan a case hi a sang tlat lo ani. Entirnan, lo tang dawn ta tehreng pawh nise judge emaw lawyer te kha thamna a pe anga an nin tan tir loh dan ngawt an zawnpui bawk ang" a ti a, a dawhkan hmaah chuan a țhu tharh bawk.




"Mahse..." ka ti chiah chu Ela chu ka bulah rawn dingin ka kut chu a rawn vuana "finfiahna chiang tak a awma engvangin nge jail a tan theih loh ang. A duh lo anih chuan keiman ka tan tir khawp ang eng ang pawn thamna lo pe pawh nise ka tan tir khawp ang" a ti chang hrâwih, a hmel chu ka ena Jeremy lam chu hawiin a insehru tih ka hre bawk.




Sylvia chuan hnai chêtah min rawn dinchilh a Ela chuan ka kut a hmer ngawt ngawt bawk Jeremy chu a nui suk mai "aw... a thlavang chu i hauh na maw mahse heihi ngaihtuah tel rawh u in rin ang ngawt ani dawnlo tih hria ula court thu vawikhat a chhuaha a khawn rîk lel lel tawh chuan engmah sawibuai a theih loh. Ka sawi awmzia in hria ang an puh let thei zawk cheu tih hre rawh u case hi thinrimna avanga file ngawt tur ani lo ngaihtuahna fing neih a ngai" Ela melh kalh pah chuan a rawn ti sup.




"I nupui tur anih avang mai khan a lang a pau in kan lakah chuan i țan duh lo der vela mahse a thlavang hauh nan engmah kan tih theih loh na turin min sawi țhaih mai mai ani Court ah chuan eng ang pawha sum ngah ai chuan dikna ngaina mi te hian hnehna an chang țhin a chhan chu sumin a lei ve thei miau loa sum in a lei theih erawh thinlung sual anni i nupui ani dawna a thlavang pawh i hauh ang mahse a thil sual tih man chu a hmu tho ang jail a tang ngei ang" Ela chuan a ti leh hrâwih. Engmah lo sawi ve tur ka hre hauh lo.




Jeremy chu nui sukin kut a rawn benga a rawn tho nghal zat bawk "ka chanchin i hriatchian loh chuan sawi ve tawh hauh suh ang che i inchhir mai ang e. Chuan ka nupui ani dawn emaw ni dawn lo emaw a thlavang ka hauh nge hauh lo chu hunin ala hril ang chu. Ka hrilh chiang tawh che u a sawi tur pawh ala tam mahse min hnial kalh zel si a sawi a rem ta chiahlo anih hmel. Thil a tih theih zia ka sawi tawh ngaihtuahna fing neiloa hma in lak chuan a vaw let thei che u chupawh ka sawi tawh bawk. Jail chauh tan tir tuma case file in duh anih chuan file ta mawlh che u a let erawh in dawn ngei ka ring" tiin Ela chu a dinchilh ta rûn mai. Ela chu Jeremy lakah chuan tê tak ani ringawt.




"I nupui tur ani dawn tih pawh hriat vek ani i thusawi hmang khan min thlem tum hauh suh anih loh chuan ka khawih palh mai ang che" Ela chuan din hnaih ve sauh pah chuan a ti chang hrâwih. Aw Lalpa, engtin nge ka tih ang eng buaina nge maw ka chawh chhuah tak le. Engtin nge ka chinfel ang.




"I thusawi ah chuan ding nghet hle rawh a dik nge diklo i hriat hunah ngaihtuah chhunzawm lo in ngaihdam min dil dawn nia chuan i duh chuan min khawih ta che min khawih thei ang a let i tuar na fû maithei ni" Jeremy chuan a ti chang fak. Thinrim tih hriat zeta hnai lutuka indinchilha an inmelh chu melh tawn zak zak in ka theihpatawpa na chuan an pahnih chuan ka nem sawna.




"A tawk! Engmah sawi tawh suh u, ka buaina ani hmeichhe buainaah mipa inrawlh suh u chuan keimah ngeiin ka duh chuan ka chingfel ve vek mai ang engmah lo buaina tur in nei lo ka duh leh case ka file anga ka duh leh ka file lo ang kha chu ka thu ani tih theih in nei lo. Khatia in tih pâ hmel tak taka in țawngkhuma insual tih vel kha sawi a ngailo" ka ti tuarh a, ka țawng zo chiah chu a reh tlawk tlawk ani ber tuman thawm an nei hauh lo.




"I bialpa i Hmangaih em em kha țawngkam zirtir la thil ngaihtuah chiang phawta sawi turin i hrilh tawh dawn nia buaina ka nei love, in sawi duh in sawi zawh chuan in kal thei tawh ang" min dêu hmel zeta rawn tiin Jeremy chu a pên sawn vuta a țhutnaah chuan a țhu lehnghal tharh bawk min haw tawh takzet anih hi "Vew, haw tawh ang" Sylvia chuan inthlahrun hmel zet chuan a rawn ti a, ka bu nghat bawk.




Ela chu ka en chhoa thinrimna avangin a hmai a sen vek tawh bawka "haw ang, kan sawi țha dawn nia" ka ti a, thaw chhuak hawkin rilru hah hmel zet hian min rawn en a a bûk nghut nghut takah chuan ka thaw chhuak nghal ham ham bawk, a kutah chuan kaiin kawngka lam pan chuan ka kai pheia kan chhuak tur chiah chu "Duati" tia Jeremy'n a rawn tih leh sup avang chuan ka ding leh dat, Ela chuan ka kut chu na zet hian a rawn hmer ngawt ngawt a ana lek lek ani.




"Rilru fîm tak nen ngaihtuah la i ngaihtuahna kha hman țangkai tum rawh. Video i mamawh hunah i rawn lam thei ang chuan theihnghilh suh thil a tih theih zia i hriat kha" a rawn ti sup, Ela chuan ka kut a hmer tak ngawt ngawt avang chuan chhang lo chuan ka chhuahpuia lift panna lamah te chuan min kalpui hlawk hlawk a engmah ka sawi ngam bawk si lo Sylvia pawn inthlahrun hmel zet hian min ûm ve dawt dawt a ani pawh hian hreawm a ti tih ka hre thei.




Scooty awmna kan thlen țep rual chuan ka hah em avang chuan ka pawt dinga "a tawk! Ka hah, enge i hriata? Ka lakah thinrimna i nei ami? Ngatinge khatiang khawpa chak khan min kalpuia" ka ti a, engmah sawi lo chuan ka kut chu ala vuan reng "mawh sawi rawh ka lakah thinrimna i nei ami? I nei anih chuan chezia ah tilang lo in min hrilh zawk ta che" ka ti tuarh a ka kut chu thlahin ka lam a rawn hawi a a mitmeng chu thinrimna hian a khat ani ber.




"Engmah buaipui sak lo tur che in min ti a, nangmaha i buaipui theih i inring amaw? Nang ve teh mai hian enge i tihtheiha i rin engmah iti theilo chuan kei buaipui lo tur chea min hrilhin ani puihna kha i dil zawk anga. I tan hian enge ka niha engkimah ka pui ang che ka ti ani lawm ni. Ani min țawngkhum dan kha i hria ani tiraw? Ka hnena sawi tura a tih che te. Tunah hian sawi rawh ka chuan Tu lamah nge i țan zawk ani nge kei? Tih sawi nghal bawk rawh" A rawn ti tuarh, ka phu zawk thei thinrimna avang chuan a hmai a sen veka a thusawi leh a awmdan avang chuan ka âng phuau ringawt bawk.




"Engtik laiin nge a puihna ka dil dawn thu ka sawia engmah tih ve lo tura ka hrilh bik che. In pahnihin anih kha ka hrilh che u nangmah chauh i inhmeh bel em ni? Keima buaina ani a keimaha tih ka duh mai ani chu chuan ka tan enge inih tih a sawi lang lo keimah chauha ka ti theilo anih leh ka ti lo mai anga ani mai alawm enge thinrimna tur awma?" Ka ti a, amah chu ka melh tlawk tlawk ringawt Sylvia erawh alo inthiar fihlim daih tawh.




"Thinrimna tur a awmlo iti maw? A awm chian viau kha amah i hmua i duh thar leh tihna em ni? I thinlung a thara i duh leh tihna em ni? Chuan kei itan engmah lo mai ka lo ni taa ka puihna pawh i mamawh tawh loa ani chiah kha i mamawh tawha, hah! ka hrethiam e kei ai chuan ani kha i thlanga a koh dan che kha i hria em, Duat takin ala ko che anih kha. Kha thil kha engtin nge ka ngaih i rin?" nat hmel zet chuan a rawn ti tuarh, ka ban bul ve ve ah chuan dawmin thinrimna avangin min sâwi ani ber.




"I duh duh danin min ngai ringawt suh duh leh ni ilang chuan heti chen engvangin nge ka zui ngawt ang che min pui lo tura ka hrilh cheu avang khan i lakah rilru tenawm ka pu tihna ani lo keimaha tih ka duh vang mai ani i duh duh ngai kawi ringawt zel suh keipawn engvanga khatianga min ko kha nge anih ka hrethiam biklo min ko dawn tih pawh ka hre lawk bik loa a chhan ka hre bik hleinem" ka ti sapa thaw chhuak hawkin min thlah a ka thawl hawk mai.




"I hriatthiam hunah min rawn be dawn nia" a ti nghut, a kalsawn tur chu a banah chuan ka pawt beta "hetah hian sawifel ang, ani kha enga tan mah ka tilo chuan khatianga min koh chhan kha ka hre biklo tak tak alawm" ka ti a, min chhang lo chuan a thaw chhuak hawk "i hriatthiam hunah kan sawifel dawn nia chuan a laka i awmdan kha thup tum suh lan chhuah tir rawh tuman an hai lo" a ti a, a kal sawn nghal daih bawk. Dan tumna ka neiloa a kal chu ka en ngawt ngawt ani ber a chhan chu sawi tur ka hrelo ani khatianga min koh lehna chhan te kha ka hre biklo chuan hriatthiam ka duh bawk heklo, engah fakau nge a thinrim ka hrelo min pui lo tura ka hrilh ve ve naah anih kha chuan ngaihdam ka dil thei reng a chhan chu keimah chiaha tih ka duh vang ani a an insual ka hlauh vang pakhat ani bawk buaina thleng lo se ka duha chuan khatiang thil kha a thlen ka ring bawkloa engkim kha ani thut ni maiin ka hria.




Ni e, Jeremy laka ka feelings te kha ka thup hleitheilo chu ani a, ka thup ve viau amaw ka tia mahse ani chuan alo hre daih tawha anih chuan engvanga min zawt lo nge anih ang le. Duati tia min koh khan Ela khan ka kut kha a hmer ngawt ngawt kha ani a,a hmer thêp țep khan ka hre bawk engvanga khatianga min la ko nge anih ka hre bik hauh si lova thinrim pui nana a hmang dawn anih chuan a tih ngaihna ka hre bik hauh lo a chhan ka hre miau si lo tlat ani.




"Awi vew, enge khapa kha a awmzia ni a khatiang em em a a thinrim kha ka la hmu ngai miah lo" Sylvia aw ka hre chiah chu amah chu ka en zui nghal vata "khawnge a awm daiha?" A rawn tih zawm lehnghal zat bawk lu thing nghutin "a kal tawh" ka lo ti sapa a kal liamna kawng chu ka en zui leh ringawt bawk.




"Avan mak ve, ngatinge khati khan a awma i lakah thinrimna a nei ami?" A rawn ti leh, ka thaw chhuak hak "aniang, Jeremy lama ka țang angin a ngai tlata khatia an pahniha min pui lo tura ka hrilh kha amah chiah ka ti angah a inngai a chuan Jeremy'n 'Duati' tia min koh kha a duhloa kha chu ka hrethiam lutuk amah kha ka la duh angah ala ngaia chuan amah engmah lo maia ngai angah min puh bawka ka hrethiamlo a thinrim chhan ber ka hre thei bawk si loa aman a sawi duh a bawk si lo thil ka hriatthiam huna amah pan leh turin min hrilha chu zawng chu" ka kut ka phar chhuak hluai a zawi muanga dah thla in ka sam ka tuai chho puata ka thaw chhuak hak bawk.




"A thinrim chhan a sawi bawk si loa vew, kei chu ka ngaihdan chuan khatianga Jeremy'n dêu leh hmuhsit hmel taka a țawngkhum kha a hua anga chuan kan chhuah dawn khan ti khan a ko leh chea chu chu a thinrim pui leh anih ka ring chuan khang zawng zawng kha thinrimna chhan turah vek a ngaia chuvang chu aniang, ngaihtuah la chu bak thinrim chhan tur a awm hleinem" a rawn ti a, chhang lo chuan tawlh hnungin nghen theih hmasak ber ka taksa in a deh chu ka ngheng nghal dawt bawk.




"Ka hrethiam biklo keipawn aman a chhan sawi sela chuan ka thiamloh anih leh phei chuan ngaihdam ka dil chiang ngawt ang mahse engmah a sawi bawk silo khatia a chhan ka hriat si loh aman engmah a sawi bawk si loh avang hian ka hah ani a chhan sawi tal sela chuan kan sawifel nghal anga a țha mai tur ania mahse engmah a sawi bawk si lo tihdan ka hrelo ani ka zawh lah khan min țawngkhum chiam bawk si a enge ngaihtuah tur ber pawh ka hre tawhlo" ka ti zâwi sap, rang zeta min rawn pan in ka banah a rawn vuana.




"Vew, ti hian i ngaihtuah ve tawh em? Jeremy khan ala duh che tih? Kei chuan ka ring asin ala duh che aniang ni lo se khati khan a ko tawp lovang che a hma pawh khan khatianga i awmdan kan sawidun khan a inchhir hmel ngawih ngawih a eng eng emaw hi zãwi te te khan a sawi leh sep sep zel bawka a rawn thaw chhuak leh hawk zela i ring ve lo mi ala duh che tih" a rawn ti a, ka lu thingin ka ban a vawnna a kut chu ka dahthlak saka ka ding chhuak nghal hluai bawk.




"Enge rin tur pawh ka hrelo min la duh nge duh lo tih lah ka hrelo mahse min haw tawhin ka hria Sylvia ka hah vawiin atan ringawt pawh hian ka hah tawh ani video rapthlak lutuk ka ena ka biang a pilh bawka Zorini chetdan te leh thil thleng Ela nena thleng zawng zawng te, nangmah nena kan thu sawidun te chuan nichin maia thil thleng te khavang khan ka hah tawh ani a chhan chu vawiin atan chuan ngaihtuah tur a tam tawh lutuk a chuvang chuan engmah rilru fîm tak pawn ka ngaihtuah theiloa rin tur thlengin ka hrelo ka thâwk te hi an tibuai dawn hialin ka hria ani" ka ti chhuak vak, ka kawng ka dawma ka sam chu ka tuai chho leh puat țhin bawk.




"Hmun thawveng leh ka hahdamna tur ka pana chuan Ela'n min hruai chhuak leha chuan tiang thil kha a thleng ta a tunah te hian ka rilru a hah nge pawh ka hrelo ngaihtuah tur a tam lutuk hi ka ruak vek ni berin ka hria video leh case file thlengin mi hausa an lo ni bawk si" ka tih chuan ka thusawi lai chu ngawi reng hian min lo en renga rang zet chuan ka ding țha.




"Ka haw duh, inah hahdam ka duh chuan ka zia ve leh mai ang ka mu anga ka zia leh vatin ka ring ani chuan ka harh veleh engmah ngaihtuah tur a awmlo anga chutiang chu ka duh ani" amah en reng pah chuan ka ti a "ka haw duh" ka ti leh sep bawk, bu nghatin min rawn kuaha ka hnungah chuan a beng thak thak bawk.




"Aw, kan haw ang chuan engkimah ka pui anh che i bulah ka awm zel ang" a rawn ti a, nghet zet chuan ka kuah let ve bawk ka Scooty aman a khalh pheiah chuan kan inphura tlan chhuah kan inring reng tawh "i phone kha" a rawn ti leh ka ipte chu ka dap nghal rawk rawk a "a awm" ka ti sep bawk.




"Aw... ka tih awmzia chu i on tawh em? Nge ila off char char" ring zet chuan a rawn ti leh a.




"Ka la on leh miahlo ngatinge?" Ka ti hû.




"Țha, Mannuel Larindika mai mai chuh! Engmah a sawi duhlo bawka tikhan rawn biak che a tum ngei bawk anga a be tlang theilo che anga a beidawng ngei ngei bawk ang. Chuan i on hunah pawh message alo thawn che anih chuan read receipts kha off la chuan seen ringawt rawh engmah sawi duh lo chhan kan hriat loha thinrim vak ringawt khan chhan a phu hauh lo, a mizia chu kan hriatchian kha" a rawn ti hlak, engmah sawi zui tawh lemlo chuan kan inkhalh chhuak nghala rilru tâwt nen traffice jam hi ka haw lutuk takzet ani, rilru a ti zîm zual.




In kawtah chuan kan dinga pawnah chuan ka nu chuan buh alo țhap meka hna a kal lo amaw ni le zingah khan ka be bawk si lova khawiah nge nu Sangi pawh hi a awm le? "Vew, in in awmdan hi in lo van thlak leh nasa tawh ve mahse ti hian hmuh a nuam fê zawk nu Christy hi chuan nalh a hre mah mah ani a awhawm rum rum ka rawn cheng ve mai dawn" enghelh neih loh hmel zet chuan kan inkawt en kual pah chuan a ti a kei erawh chuan ka nu buh țhap chu ka lo en ngar ngar thung.




"Anu hi lawm a ngai reng hmuh hreawm a ti țhina tunah pawh pangpar awmdan a danglam vek tawh hi mahse hetia a thlak reng hian hmuh a ti nuam ve a min ti hahdam ka tia" ka ti a, thli thaw chuan thingkung te chu a chhem bu suau suau a vawiin khaw awmdan chu a thiang tho nangin thli a tama a hahdam thlak reuh takzet bawk.




In lam pan chuan kan inzui pheia engmah ti em em lo mah ila ka chau ve hle chu ni "nu Christy kan lo kal" tia Sylvia a au lûng lûng chuan ka nu chu a rawn hawi nghal vata keimah ani min rawn en leh hmasak ber tawh ni ka biangah chuan a mit a fu nghal chat bawk "e...lo kal rawh u thil in ei tawh em?" Ka nu chuan a ti nghal vata chhan ve ka tum rual chuan Sylvia chuan "ei nang, ei hman pawn kan awmlo aniang keiman class ka nei tawhloa bakah engmah ka la eilo hrim hrim" a tih zawm zata engmah hrelo ang hmaka a awm leh thei hi amak ani hetiang hian awm ve thei ila ka ti ngawt mai mahse thil thleng khan ka thluak hi a chhuahsan hleitheilo ni maiin ka hria.




"Inchhungah eitur a awm kha inu Sangi khan a siam țeuha kan ei mang si lova a bang pawh a tam ang va ei rawh u soup pawh kha a awm ang"




"Soup hi chu Lalrini siam bak baka tui ka ei âwm pawh ka la hrelo, henu lêu luau hi chu thil a siam thiam reuh ania inzir zel sela chuan hei ai hian a thiam lehzual daih ang mawle bai siam pawh a thiam chawhmeh engkim siam a thiam vek ni maiin ka hria keima țhiannu bik bik ania" tih pah chuan min rawn kuaha ka sam ah chuan a chûl heuh heuh bawk.




"Va ei mai teh" ti hlak in ka nem sawna nui hak hak chungin anu bulah chuan a țhu thlaa eng emaw ala sawi sap sap lehnghala ka khawng chak țhin ania henu hi chu "i rawn ei ve dawnlo ami?" A luh hma chuan a rawn ti leh hram "ka rawn lut ang anu hi thil kan sawipui lawk ange" ka ti a, a hrethiam tih hriat zet hian a bu nghat nghat a thil ei turin a lut zui nghal daih bawk.




Zâwi muangin a bulah chuan ka țhu thlaa "ka lo țhap pui ang che" tih pah chuan thlangra chu ka laksaka ka bul maia țhutthleng hniam awm chu la in ka țhu nghal zata rei pawh ka țhap hma chuan ka biangah chuan rawn vuanin a rawn țhu hnai nghal zata "ngatinge i biang hi?" Tih pah chuan a rawn chûl heuh heuh a ana pawh a zia tawh lutuk anih hi. "Bawihte, tu in nge hetiang hian ti che sawi rawh le" a rawn ti a, ka thaw chhuak nghal ham ham.




"Zorini min hamna anih hi" ka ti sepa ka biang chu a chûla min rawn en leh țhin bawk "engtin nge a ham che?" A rawn ti leh "video kha ka en a phalloa mahse en ka tum lui țal sia ngaihdam min dil te kha a intiama mahse amah ka en tur kha ka samah a rawn pawt a tlem a zawng chu a pawt țil bawk thlah tir tuma nem sawn ma tum rual khan a rawn hama chuan a tlan chhuak zui nghal daih bawk"




"Kan misualnu mai mai chuh! Eng ang mihring nge maw anih le, ava han rapthlak tak em! Ana viau ang damdawi hnawih ang aw" a rawn ti a, lu thing nghutin a kut chu ka dah thlak saka "damdawi min hnawih sak nghal alawm a zia tawh nâ pawh a awm tawhlo ka țha e buaina tham pawh a awm vak hleinem" ka ti a, thlangra chu ka chawi kânga buh chu ka țhap zui nghal bawk "khatiang khan tuman an țhap ngailo i thlangra ken dan pawh hi a diklo chuan a buh tak i sawi thla nasa lutuk a hûm te a awm em tih te kha en la" a rawn ti a, ding zawm nghal zatin ka hnungah chuan a rawn țhua ka kut ve ve ah chuan min dawm puia a tihdan chu min zirtir bawk.




"Hmeichhia nih chuan buh țhap te, inchhung thil khawih hi chu thiam ngei ngei tur khawpuiah awm mah ula khawpui mi pasalah in nei kher dawn ani lo thingtlang lamah pawh in lâwi daih maithei chuvang chuan hetiang te hi thiam ngei ngei tur engmah harsa a awmlo thil te chu ti ngun ila kan thiam ani mai tih ngun loh chuan kan thiam theilo chuan zir tel ve pawh a ngai nangpawh ti ti la i thiam ve mai ang" a rawn ti a, reilote min tihpuia chumi hnu chuan a țhutna ngaiah bawk chuan min lêt san leh bawk.




"Video chu iva en ta em?" A rawn ti a, thlangra chu chhuatah dah thla in ka bu nghat nghat a "enge i ngaihtuah? En lo tura ka duh chhan che kha i hrethiam tawh mai em? A rapthlak ka tih mawlh mawlh kha" a rawn ti leha, ka kut chu beng fai thuak thuak in ka hawi chhuaka "ka hria lawm a rapthlak tih ka hria mahse ka en ngei chu a ngai sia lawm chuti lo te chuan thil tisual tute chu hrem lovin kan chhuah ani dawn asin keimah ngei khan ka en ve a ngai tlat sia lawm ka en loh chuan ka rilru a nuamlo leh reng dawn asin" ka ti a, min en ngawih ngawih bawk.




"Anih chuan enge i ngaihtuah?"




"Ka hrelo enge ngaihtuah tur pawh ka hrelo thil ti chûk chûk ila buaina dang pawh ka in thlen thei si tih ber tur ka hrelo ngaihtuah tur a tam si Jeremy khan thil ngaihtuah chiang hmasa phawta thu thlûkna siam turin min hrilha a chhan chu thil a tih theih zia kan hre tawh miau a case kha file nghal thawt thawt ka tuma mahse amah bawk khan jail tan nan chuan a case a sang lo a ti leh bawk si a enge tihtur pawh ka hre tawhlo" ka ti chhuak hapa alo bu nghat bawk.




"Ka hre daih tawh alawm nizanah khan hrilh che ka tuma mahse engmah kha i ngaithla duh tawh loa ka hrilh ta lo che anih kha he thil pawh hi kan sawidun daih tawh alawm. Jail tang tur khawp chuan a case a sang lo tlata ni e, i thihpui miau lo ani i mit a țha leh tawh zawk si a thihpui ta ang ni la chu a case a sang phian anga pawisa chauh pawh ni lovin a tâng ngei ang bawihte, jail tan tir tum ngawr ngawra case i file chuan engkim a buai a hlauhawm zawk tlat ani a chhan chu thil a ti thei si a sum a ngaha a neih chen em em chu kan neilo chuvang chuan sum chawi lo pawn case kha tih tawp ani leh theia thil ngaihtuah chian hmasak a ngai reng ani" a rawn ti ve leh chiah bawk.




"Mahse a finfiahna chiang takin kan neia engvangin nge finfiahna theihnghilha an chhuah tir theih ang? A video pawh chiang zetin ka en zawh chiah kha" ka ti a, a thaw chhuak nghal ham ham "kha tak kha lawm, video kha remchangah la in amah a inveng ve thei tlat ani siam chawp emaw anga sawiin a chhan chu tunlaiah thiamna a sâng tawha engkim tih theih vek ani, chutiang lo pawn dawt thu dang sawiin nangmah a puh let thei chea sum hmanga alo tham tawhte khan an rawn kâp leh chiah che anga i hlauh phei chuan remchangah an la anga an chhuak zui mai dawn asin" a rawn ti a, engmah hi ka hrethiam tawh nei nuai lo e a enge ngaihtuah tura enge tih ber tur pawh ka hre tawhlo ka hah tawh.




"Videoa hmeichhia kha nangmah ang chiah i thawmhnaw pawh a inan chiah kha phei kha chu thehluh ve theih ani lo a chhan chu anni chuan a lem ani tih an hre ve lova kei nin a lem tih a prove na kan neilo an hmuh rualin nangmah angah an ngai che anga buaina thuah hnih a rawn thleng mai ang kha thil kha a case a sang zawka an âwk che anga i tuar na thei zawk he thil hi an ruahman lawk sa ani ngei ang engkim hian a vaw let thei vek chea i tih chung chung chuan a tawpna chu nangmah ini chuvang aia Jeremy pawh khan thil ngaihtuah chiang hmasa tura a hrilh hial che ni" a rawn ti a, ka rilru a rawn tih buai belh chhah ta nuai mai.




A sawi dik chiah, kha video kha thehluh tel ka lo tum ve ngawta han ti tel chiah ila chuan ka nu sawi ang khan keimah zawk ka tal âwk dawn chiang ani a chhan chu a lem tih prove na kan neilo keimah ang chiah ani bawk keimah chiah a nihna kha remchangah an la anga keimah zawk ka buai thei tihna anih chu! Chuan keimah ang chiah nu kha a thi tawh bawk si a mahse a ruang hmu tal ila an endik anga keimah ka nih loh zia an hre thei ngei ang.




"Nu... khanu ruang kha zawng ila chuan enfiah ani anga engkim chu a chiang vek mai dawn alawm keima tih ani lo tih"




"Bawihpui, a mak țhin emai thil hi chhût chiang hmasa țhin rawh ruang pawh hmu ta tehreng pawh ni ila a thi tawh a an enfiah anga i tih ani lo tih an hrechhuak bawk ang mahse kha thil kha a tihtir tih prove na a awm tlat lo a chhan chu a ti tu ber a thi tawh miau si ani a thih tawh avang tak khan i nghawngah kha hrui ngai bawk kha phih awh an rawn tum leh ang nangma tihtir angin emaw bumna fel tak hmanga iti angin chuan kha hmeichhia kha i thah anga sawi theih ani bawka court ah chuan kha i nun zâwi em em mai te leh nungchang țha te khan kawng ro a su kiang dawn miah lo ania thu kâ ațanga vawikhat a chhuaha a khawn rîk tawh chuan engkim a danglam vek mai ang chuvang chuan ngaihtuah chiang hmasa țhin tawh rawh" a rawn ti a, ka thaw chhuak hak. Engtin nge ka tih zel ang?




Engkimah a tawpna ka ni zel dawn si min awhna tur thang an lo kam lawk sa vek si a eng ang ruahmanna leh eng ang ngaihtuah chianna nge maw la ngai fo ang le? Engkim in keimah min nghawng thei dawna finfiahna video nei ngawt mah ila sawi ve tu tur ka nei bawk si lo enge ka tih anga? Ka tih loh ang? Case hi file lo in heti hian ka kal tlangpui leh tawp dawn amaw ni le mahse ka rilru a dam thei dawn si lo ka hah takzet ani hetiang thil ngaihtuah avang hian ka hah ani.




"Nu, enge ka tih tak ang? Tih ber tur pawh ka hrelo ka rilru a buai ani ka hah a ngaihtuah zawng ringawt pawh hian ka hah case hi ka file lo anga ti hian ka awm awm in ka awm mai ang Pathian zarah eng êm ani lo anga ka ngaidam ve thei mai ang harsa dawn viau mahsela nakinah hremna chu ala tuar tho ang engpawh sawi ila ka tlawm zawk zel a ngai anga chuan a tawpah chuan keimah bawkin ka tuar zui leh anga sum kan insêng nasa mai mai mass a hnai tawh si in hna lamah in indaih lo palh ang tih a hlauhawm ka theihnghilh ve mai turah ngai ang" ka ti a, buh țhap tuma ka kûn leh tur chiah chu ka kutah chuan rawn vuan lehin min țhut țhat tira.




"Heti mai hi chuan kan tawpsan bik lo ang muangchangin chet kan la anga theihnghilh tawh anga min ngaih hunah leh amah a thla a muan hunah kan bei leh chauh dawn nia buaina kan chinfel dawn reng reng in hmanhmawha tih tur ani lo ngaihtuahna fel tak leh a tak fel tak neih hunah chauh chet chhuah tur ani ngai ka fanu i tawrhna hi heti mai mai hian ka tham ral tir dawn hauh lo keimah ngeiin ka tuar tir ang jail bang zût kher lo mahse inchhir ngawih ngawih turin ka siam dawn khawp alawm" a ti chang rat a, ka kut chu a hûm nghet sauh bawk.




A buh țhap lai chu ka en renga thil tam tak ka ngaihtuah hman bawk vawiin ringawta ka thil tawn leh hriat zo zai te hi a tam tawh em em a hahna tham chu a tling tawh takzet ani rilru an tih zîm belha ka thâwk te hi an tibuai dawn hialin ka hria Ela thinrim chhan ringawt te kha ka ngaihruat hnem tawh ania a Jeremy'n 'Duati' tia min kohna kha chu ani ngei anga mahse a dang leh ka hre silo aman sawifiah sela chuan ngaihdam ka dil nghal chiang ngawt ang mahse engmah a sawi bawk si lova chu tak chuan min ti hah ani.




"Awi.... ka puar lutuk ringawt" tia a pum chûl hauh hauh chunga Sylvia rawn chhuak chu ka en renga a puar hmel tak tak ania a hmel thleng hian a mawm hlur thei "i puar chu a lawmawm e" tiin ka nu chuan alo chhang let ve nghal zata a nuih vur vur ringawta a bulah chuan țhu thla nghal tharh in buh te chu a en pui vela a tlawn leh dawn tih ka hrechiang sa thlap bawk.




"Nu Christy, ihmaw... zanin hian birthday lawmnaah Lalrini hi an sawm ve a ka țhiannu in an veng pawh a hla lo Zarkawtah chauh ania chu chu an sawm ve sia lo kal ve se ka tia chuvang chu ania keimah chauh chuan ka kal peih lo êma kan rei pawh ka ring loa kan rawn haw lehnghal vat ang" a ti ta nge nge, he thil a sawi kha ka ring sa reng ani.




"Tute birthday lawmnaah maw?" Ka nu chuan hriat loh hmel zet chuan a ti ta hû a, Sylvia erawh a ner nasa mak a rilrh in a rel lehnghal daih tawh ang chu "ka țhiannu Duhsangi kha ania nangpawn i hre maithei a pa chu maw Mizorama sumdawnna lian ber neitu Pu Lalramhluna ania hausa deuh mai Durtlang ațang khan Zarkawt lamah an rawn insawn thlaa in tan pawn a hnai sawt tihna anih chu" a ti lehnghal zung zung a.




"Ramhluna maw? Ka hre lutuk alawm kan hunlai khan kan duh ve thei teh mai ania a luck bawka mahse tuna a nupui Zualtei ringawt kha a duha beiseina pawh kha kan nei chau ve thei ania hmeichhia kha a zûnah kan uai vek amaw tihtur khawp khan a lar ania a chawlhna restaurent a chawlh ve țhin ringawt te kha a hunlai chuan a man hla ania" ka nu chuan a ti ta daiha Sylvia lawm zawng ani lo leh pek ang chu.




"Aw... pa anih hnu pawh hian kan la star luai luai alawm a chhelo bawk si mahse khati lam kha nu Christy ka sawi tum lam ani lo ania Lalrini kal chu i phal nge phallo tih lam daih zawk" Sylvia chuan a ti leha a peih zawng ani lo tih chu a hriat sa reng "aw... khang te chu engah nge kei mi râwn amah râwn ta che an sawm leh a kal tur pawh ka ni ve hleinem ama thu alawm i hmin theih dawn phawt te chuan in kal em em ang chu...." ka nu chuan a rawn ti leha Sylvia erawh a nui ta var var mai.




"Awi... Henu hi chu eng ang pawn min hnial mahse ka rawn hruai chhuak leh tho ang ka them thiam alawm tiang lamah hi chuan han peihlo nah teh se a chaklo ang ka rawn khawng fawk anga thawmhnaw ka hâk luih tir anga ka kal luih tur tho ang. Chuan nu Christy ka la dil zo lo che" a la ti leh ta hram.




"Sawi rawh" ka nu lah hian biak dan lah hi a thiam thei sia maw Sylvia titau te hi a thlem thiam thei ania kei ai pawn a hnehsawh zawk.




"I kawr țhui sa pho chhuah loh tuma la hmuh loh min hawh tir ve thei ka ha ve duha chhelo tawka kala cake han eia haw leh daih ani dawna a bal hman lo ang" a ti leha ka nu erawh a nui ta sun sun mai "i ha em em dawn nia chaw ei kham lamah i rawn phei anga heti lam ațang hian in kal dawn nia a awlsam zawk ang" ka nu chuan a ti a.




"Chaw ei a rawn tum leh tho ang nu..." ka tih rual chuan a kut a rawn ti ri nghal keuh min rawn kâwka "a sawi dik, chaw ka ei nghal anga hetah ka insiam nghal dawn bawk harsatna a awmlo anu pawn a phal sa vek kan phone nghal anga a chiang mai ang" a ti a, a phone chu a phawrh nghala anu pawh call ta lo chuan phone chu a bih ngur ngur a a tho nghal tharh ringawt ka en chho nghal hû a "ka rawn let leh nghal ang" a ti a, a kalsawn nghal daih bawk.




A kalna lampangah chuan ka zui ve lehnghal zela kan in huan tlema kil lai deuha chuan a țhua a phone chu a en reng ringawt bawk. Zâwi tea pênin a bulah chuan ka va țhu ve a "ngatinge a?" Tih pah chuan a phone a bih lai chu ka en lehnghal zata thlalak alo en reng alo ni.




"Heihi, ka bialpa ka hrilh che bialnu kha ania kan ințhen daiha chuan ti hian ka țhiannu kan college ami zawkin an thlalak min lo thawn țhin a ka rilru ana thuta ka kalsawn daih anih kha" a ti a, phone chu a hmet thima a ak nghal daih bawk "dik tak chuan keiman ka țhen zawk ani mai a lerh lutuka hmeichhe dang a bia a bia a chuvang chu ania ka rilru ana hma sia ka thîk hlawm țhin sia a țhiante thlengin mahse tun thleng pawn ka la theihnghilh thei loa engtin nge maw ka tih dawn ni" a ti leha ral lehlam chu a thlir dauh dauh bawk.




"Engtikah khan nge i țhena?"




"Shillonga kan lo chhuk hma khan ania engmah ka hrilh duhlo che anih kha i rilru a tibuai mai mai a bakah a bialnu chu hmannia dawra ka lo hruai pakhat kha ania chalhmasam nei kha engtik laiin nge mitmei an lo inhmuh hman ni kan inkawm ve reng sia ka hrelo reng reng mawle" a rawn ti leha a rilru a nat ve hmel ta tak tak hle mai.




"A ho e Sylvia engah mai ngai duh suh an thlalak te chu nge ila inthawn tir, inthawn tir tawh suh a ho emai theihnghilh daih rawh ani chauh mipa an awm hleinem an tam lutuk ringawt" ka ti a, a rawn nui chhuak ta hak hak a "keini pahnih hi kan inhnem tawn leh ve ve a chu pawh ngaihzawng lamah tho kan neih ve a rem lo aniang keini chu ti hian awm ila kan inhmeh daih zawk kei chu bialpa pawh ka nei peih tawhlo a ho emai tlema min nuih tirtu pawh ni mahse rilru natna a keng tel zel thoa ka tlin ve lo palh ang" a rawn ti a, thil dang dang kan sawia kan nui ta vak vak ringawt bawk.




Zanah chuan a nu te a phonea a nu te lah chuan an lo phal ve leh zela kan inah hi chuan Lal ang chiah hi ania a duh duh danin a awm theia anu hian a fanu ang chiahin a en bawka kan inah hi chuan tlangnel tawh tak ani ringawt. Anu te pawn kan ina a awm leh keimah nena kan inkawm chuan a ring ngam a an ngaihtuah lutuk ngai lo chuan kan pahnih chauha kan awm pawh hian kan hlim em em mai ni țhian dang reng kan ngai lo.




"Nu Christy, eng nge ka hak ang min lo en pui ve teh hak tur ka hrelo ania a nalh hlawm bawk si over lutuk si lo hak nuam tur deuh mahse nalh tho si keimah min chawi thei tu tur, ka bag ken tur nena inmil tur, min lo en pui teh" Sylvia chuan a rawn ti ta vak vak mai. Ka nu pawh a nui ringawt nichin ațang tawh khan a hâk turah ala buai char char ka nu drawer hmaah sawn a ding rei tawh ania.




"Khawi, ka rawn en pui ang che. Ngah nge maw mahni inhmeh tur pawh chu i thlan thiamloh tlat mai le" ka ni chuan a ti hluaia Sylvia bulah chuan kal in an pahnih chuan an ding dun ta rûna en tawh lemlo chuan dawhkana ka phone nizan ațanga ka la on miahloh chu ka en renga tunah sawn missed call a tam tawh ngawt ang message nen lam chung zingah pawh chuan Ela a tel ve ngei ka ringa ka on duh angem tiha ani ka la buai ni.




Mahse min be duh si loa keiman va be dawn ta ila min chhang âwm tawp si lova anih chuan on lo ila be lo mai ang midangin thil pawimawh lutukah min rawn call êm lo turah ngai phawt ila a pawimawh viau chuan ka nu ațangin min rawn be leh tho ang anu number an nei fur hlawm thoa a pawi lovang ka ring.




Kan inpeih hnu chuan dar 7 alo ni tawha dar 7:30 ah țan tur ani a, ka biang pawh ka nu in make up hmangin min hliahsaka tlemin a zia deuh chuan a car in Zarkawt lam min pan pui mek bawk chhan awm lovin ka huphurh ru em em a Car chhunga ngawi renga țhu ta na nâ nâ chu vawiin thil thleng bawk kha ka ngaihtuah chhuak leh ta peka ka thaw chhuak nghal hak a ka maimichhing ringawt bawk zêp loh chuan ka theihnghilh theilo ani engkim kha thil thleng leh ka hmuh zawng zawng ka bengin a hriat thleng khan ka mitthlaah hian a hmu theia ka ngaihtuah chhuah apiang hian ka hah ani.




"Kan thleng tawh ania" ka nu in a rawn tih chuan ka țhu tha nghal vata in lian zet kawtah chuan kan lo ding reng tawh kan chhuk nghal vata ka nu in kan haw dawna min rawn hrilh leh turin min ti a a tlanliam hnu chuan gate lian zet hmaah chuan kan ding vânga an in chu pawn lam ațang ringawt pawn a nawmhmel, mi hausa an ni tih a hriat ngawih ngawih. Gate ah chuan Police an lo duty thlapa tah chuan kan lehkha ken chu kan pe a tualzawl lam pan chuan gate chhungah chuan kan lut nghal bawk.




A kawtah chuan a țhen an lo ding tawha a țhen chu inchhung lamah an ri hut hut tawh bawka pawn lam ațang pawn chhunglam boruak chu ka feel thei chuan zâm vang nge hlauh vang zawk ka kaihza tha hi a khur der der mai ti hi chuan Party pawh ka hman nawm ka ring ta hauh lo mai heti anih chuan ka tlu tawp theiin ka ring ani.




Inchhung luhnaah chuan Sylvia țhiannu leh anu leh pa ni ngei tur chu an lo dinga min lo nuih sâng hlawma a enga mah hma in an nêlawm nghal apa chu a lian tih bak sawitur ka hrelo a lian ani tawp mai chuan ka nu sawi ang chiah kha ani bawk hmeichhia an lo luangliam kha a âwm ngawih ngawih mai nj an nu lah a duat hmel ropui si a a taksa a si reng tluk ani. Sylvia țhiannu chuan nuam deuha hmang tur leh kan bula a rawn kal vat tur thu a sawia inchhung lamah kan luhsana inchhung pawh a changkanga a nuam bawk.




Tlema mi awm lohna deuh leh hmun fâl deuh chu kan pana intur min rawn pe nghal zat bawka a rim ațang ringawt pawh chuan ka luak a ti chhuak nghala mahse mi min pek ve ta na nâ nâ chu vawikhat ka in zeuha chu bak ka in tawh lo ka keng char char ani ringawt, an in chei dan vel leh bungrua vel ena ka hawi kual a hnunglam ka hawi tur chiah chu Sylvia chuan min pawt her nghal lawp a ka thil tui ken pawh a baw teuh lutuk ringawt.




"Hnunglam hawi miah suh anih loh chuan i inchhir ang i hria maw?" A rawn ti nghal zata ka ban bul ve ve ah chuan a rawn dawm nghal zat bawk "enge ka hnunglamah chuan awma mihring bak an awm hleinem" tih pah chuan hawi let leh ka tum țala ka biangah rawn dawmin amah en tur chuan min kuai her nghal sawk!




"Ka sawi tawh kha, hawi let suh i inchhir ang" a rawn ti leh ka biang leh ka ban chu a dawm tlata "tute awm min hrilh la ka en i phal bawk si lo anih chuan sawi ta reng che" ka ti zâwi hlak bawk. "Anih chuan ka sawi anga hawi let miah lo la mak tih hmel tak pawh khan awm suh hawisang vah la engah mah ngai lo angin awm hmiah ang che, in control rawh" a rawn ti leh phawt.




"Aw... ka hria sawi phawt teh"




"I hnung hla vak lo ah Jeremy'a a dinga chuan Jeremy hnung daih a Mannuela a ding bawk an bulah hmeichhia leh mipa an ding ve ve a an enge annih ka hre biklo kan lam an lo hawi leh zeuh țhina nangmah an en che ni in ka hria an en duh rap mai che chuvang chuan engtin mah awm lo la an mahni awm lo anga i ngaih ang khan ngai tawp rawh ngatan mah ti suh hria ang pawha awm pawh a ngailo engmah an ni lo, a chiang em?" A rawn ti a, ka bu ta nghat ringawt bawk.




Sylvia thusawi avang vek chuan ka awm a nuam tawh mang lo chet pawh ka chesawn lo tluk ani keima hnaih te te lo chu ka en lo tluk ani midang awm khawmna lampang phei chu ka hawilo hrim hrim Sylvia in pangngai deuha awm turin min ti a pangngai chu khawihah ani ringawt ka awm a nuamlo ka thin a phu rang bawka ka khur vel ni maiin ka hria chuan lum ka ti em em bawk.




"Nuamlo in lo ti hman em?" Sylvia țhiannu Duhsangin kan bula a rawn tih pawh chuan ka nuih tawi tak ringawta ka awm a nuam țhailo tuna ka awmdan hi hreawm tih piahlam ani "mikhual an tam lutuka ka rawn kal vat theilo alawm" a tih zawm leh zata a nui sâng renga a fel dawn tih pawh ka chiang ngam sak "U Rinrini chu i nalh lutuk ringawt i inchei hian i hmelțha daih zawk nangmah star tu deuh che pawh ka hria ania aw" a rawn tih zawm zata "awihawm loh lutuk" ka ti nghal hlak ringawt.




"Ania lawm, i luck ngawt ang ka ring au hian maw a star teh mai che nia mahse bialnu a nei renga a star tho che mawle a phone ah pawh i thlalak a awm ve kuau mai ka hria che tih ka hrilh chea i chanchin min zawt nghal char char a bialnu pawn i thlalak chu a hmu ngailo amaw ni" a rawn ti leha a nui zui hak hak bawk.




"I u chu a upa tawh ami?" Sylvia lah chuan lo tihpui ve nghal zat.




"Upa loa mahse kei nen chua nkan inthlau lutuk U Jeremy nen sawn an inruala apa te pawh an la naupang lutuk kum 30 leh tih vel bak an la ni lo" a rawn tih zawm lehnghal zata au awmna chu min kawhhmuha a bialnu ni ngei tur nen chuan an lo awmdun bawka apa an chhun aniang an pâ a, an hmelțha bawk apa ang chiah chiah anni bawk, a hmel ka hmuh khan ka rilru hian lerh tih a ngaihtuah chhuak hmasa ber anih chu kei min duha ka lawm tho nângin mahse bialnu a nei reng bawk si a a rilru chu hmun hnihah a awm anih chian chu.




"Ava lawmawm ve mahse a bialnu in ka thlalak te chu a hmu lo ami? Nge a phone ah te chuan a dah reng reng a bialnu nei reng si engtin nge ka thlalak te a neih theih a?" Ka ti a, ka thlalak nei turin whatsapp vel bak ka khawih si lova khawi ațangin nge maw alo neih reng reng le "engtia a neih nge ka hre biklo mahse pakhat chiah a awm, college velah khan in kal rual țhin ani maithei tah chuan alo la aniang tunah pawh sawn a be chak ngawt ang che" ala ti zui leh ta nghala chhan dan ka hrelo lutuk chu ka nuih vel ringawt bawk.




"Anu khan i hmelțha a ti chea a mak tawp kan chhungkua hian țha kan ti vek che anih hi i hmelțha e lawm" a rawn tih zawm lehnghal zat "ava lawmawm ve..." ka ti zâwi raih a ka hawi chhuak ngam tawh thlawt lo a chhan chu kan lam pana rawn kal sawn ka awmdan min tih danglam sak vek vang ani ka inrintawkna hi a chhe vek dawnin ka hria.




"Kan naui chu min rawn biak pawh a tum loa lungawi lo chu kan tam ania" a aw ri te chuan ka thau ah min man ang mai hian ka kaihza thlengin a khur thla in ka hria Sylvia ka hnaih rawk rawk phah ringawt bawk "hei, U Rinrini leh Sylvia ka lo biaa ka țhian dangte an lo kal si lova ka pa te bulah leh nangni bula hna chungchang sawia upa ho nuih suk suk ang kha ka peih ve lo" Duhsangi chuan a ti a, a bulah Dinsanga a awm ve bawka inngaizawng e ti lo chuan an inhlat thei phian lehnghal.




"Sylvia kalsawn lawk ang, boruak thianghlim min lo dawn pui ka thaw a chham dawnin ka hria" a beng bulah chuan ka va ti zâwi sapa ka awmdan chu a man thiam nghal ani ngei ang ka kutah chuan min rawn kai a "Ds, pawn lamah call kan va hmang lawk ang aw a hmanhmawh thlak lutuka" tiin Sylvia chuan a sawia ka lo hlauthawng ve em em ringawt nia , 'aw' an inpawh hnu chuan min kai chungin balcony lamah chuan min hruai pheia an in pawh a bel hmel tawh viau hi le.




"I țha em? Boruak hîp rawh" kan din hnu chuan sylvia chuan a rawn ti a thlifîm lo thaw chuan ka sam te chu a chhem leng sem sem a boruak chu ka hîp lut nghal kâwk zel bawka ka thaw chhuak ham ham bawk ka awmdan pangngai lo lutuk hi ka ning ngawih ngawih ka awmdan maksak zet lah hi ka hrethiam hek lo ka thinphu a rang em em a duh angin boruak ka hîp lut hleithei lo bawk.




"Vew, Jeremy khan i awmdan phung a rawn ti danglam vek anih kha alo lan chiah khan heti hian i awma ngatinge mawni le avan mak awm em em ve" ka awmdan avang chuan Sylvia pawh chuan mak a ti tih a hriat keipawh hian ka awmdan kha mak ka ti alawm ka hlau ni berin ka hria "Sylvia reilote min awmpui leh lawk rawh aw ka zia deuh hunah chauh kan lut dawn nia" ka ti a, a bu ve nghat ngat bawk.




Ela khan ka awm ve tih hre reng siin engah mah min ngai loa a bula awm te erawh hlim hmel a hmuh tho si a ke erawh min ei zawh vek duh hmel zet hian min melh țhin bawka ani min melhna leh jeremy min melhna kha chu a dang daih ani pakhatin dam zet mahse a ruaka huatna awm ang maiin min melh a pakhat erawh chuan min sawisak chak hmel zet hian min melh bawka an pahnih awmdan khan min ti danglam ve ni maiin ka hria ka awmdan zawng zawng an ti danglam vek.




"Sylvia kei chu haw mai ka duh, ka awmdan hi a dik dawnlo hman nawm ve ka duh tehlul nen khami te pahnih khan an tichhe vek ka awmdan hi ka hrethiamlo an pahnih khan ka hlau ni maiin ka hria min melh na dun bawk si min huat hmel ngawih ngawih" ka ti chhuak hap a, ngatinge maw hetiang hian ka awm le? Ka awmdan hi a dik hauh lo.




"Mahse programme pawh kan la țan em si lova han haw ngawt chu a nuamlo ve alawm reilo te awm leh lawk ila kan haw dawn nia aw kan thlenna ala rei si loa mak min ti lutuk palh ang " a rawn ti a, ka sam chu tuai țha puatin ka hmai chu ka hupa ka thaw chhuak ham ham bawk "hemi te awmnaa ka kal ve hi chuan ka inchhir ngei ngei a chhan chu a hreawm thei êma hun nuam deuh ka hman duh ve chang pawn anni avang bawk hian ka hah leh țhina chuan tun zanah pawh hian ka kal hi ka inchhir ngawih ngawih mai inah khan lo awm hle hle ila țha zawk tur" ka ti chhuak sapa ka biang te hi a sa vek thei nia mawle.




"Aw... vew, a hreawm ngawtin ka ring mahse reilote chauh awm leh lawk ila chuan kan haw dawn nia, Zorini pawh alo la kal loa amah an nghak pawh ani mathei" a rawn tih leh lek phei chuan ka hlauhna te hi a zual ni maiin ka hria ngatinge natna min siam tute hi ka hmuh fo ala ngaih le, thil tih khawmnaah reng reng an lo kala kei min ti zak țhin turin zanin pawh hian enge lo thleng leh dawn ka hre lawk loa hriat lawk theih ka chak ani a chhan chu ka huphurh lawk takzet ani thil rapthlak deuh thleng tur ang mai hian alawm ka awm le.




"Ka thâwk a ipik zual leh sauh‍ dawn anih chu" ka ti chhuak sapa min rawn kuaha ka hnungah chuan a chûl hliau hliau bawk "ngatinge ka awmna apiangah an lo awm ve zel niang le? Nge kei hi an awmna apiangah ka awm ve zawk kei nge anni hnawksak zawk niang le? Engmah hi ka hrethiam tawhlo heng ho nena inzawmna neih pawh hi ka duh tawhlo takzet ani an hmel hmuh ringawt pawh hi a hreawm tawk tawh lutuk ringawt keimah thlengin ka buai vek zela" ka ti chhuak sapa ka țap thei dawn hialin ka hria.




"An vai hian an tina tawk tawh em em chea vew, i tuar chhel zawk lutuk a chhan i hre duh em? Mi pathumin natna an thlensak vek chea mahse an mahni chu i hmachhawn ngama tlanchhe lo in i hlau ringawt ania tam tak chu nise a tlanchhiatna a rei tawh ang mahse nang erawh hlau chung chung in theihtawp i chhuah zela i bei let ve zela mahse tuman an hrelo tunah pawh hian i ti thei ngei ang khang i natna tawh tawh te kha in tih chak nan hmang zawk la anni chu awm ve lo ang maia ngaiin hmalam pan rawh i hma dal tu anni tiin ngai la hnawksak a ni tiin an awm ve tih i hriat renga i rilru itih no zel chuan engmah a ni dawnlo" ka hnunga beng thak thak pah chuan a rawn ti a ka thaw chhuak hak bawk.




"Mahse, an hmel han hmuh na nâ nâ chuan awm lo anga ngaih an har êm asin Sylvia Ela takngial pawh a danglam tawh takzet zanin ringawtah pawh khan min sawisak a chak hmel em em a Jeremy'a kan bula a rawn din te khan a so hluah hluah ni maiin ka hria buaina a thlen te ka hlaua a chhan chu keimah vang anih dawn vang ani keimah avanga buaina a thlen ka duhlo mahse a thleng dawn ang tlata hriatna ka nei bawk si" ka ti a, ka țap lo chauh tawh ka mittui a tling kuau tawha ka țap anih vaih chuan ka mit a pherh vek dawn tih ka hre bawk si a mahni leh mahni intihzah chu ka duh hauh lo.




"Lungngai suh ka awm chhung chuan eng buaina mah a thleng hauh lo ang anni pahnih pawh sawn an rawn be dawn hauh lo che. Mannuela pawh saw High School țhianpa leh bialpa ani lo angin ngai la sakawlh angin ngai rawh chutiang chiahin Jeremy leh Zorini pawh. Sakawlh hneh tur chuan mahni kan hriam a ngai alawm. A thua sawi hi chuan a awlsam lutuk chuvang ania theihpatawpa thu hmanga ka hrilh che mahse han tum teh, i tum tak meuh anih chuan i thei ang i thinlung te kha inhneh tir lo la chakna hmanga in hneh tir tum zawk rawh" a rawn ti a, ka hnungah chuan beng thak thak in min kuahna ațang chuan a awm hranga.




"Ka țhianțha em em hian a thei dawn tih ka hria alawm a thei ngei bawk ang, a chhan chu a hmelhma te hneh tur hian a huaisen tawka‍ harsatna tam tak a paltlang tawha chu chu intihchaknan a hmang dawn ani a ti thei ngei bawk ang, a kiangah ka awm reng anga a buaina apiangah ka theih tawpin ka pui zel anga a bula ka awm chhung chu zanin atan engtin mah a awm hauh lo ang" a rawn ti a, dingdihlip akin salute min pe zeuh a ka nui chhuak nghal hak bawk "ka lawm e" ka ti chhuak sep bawk.




Ka tana mi hlu em em harsatnaka tawh lai pawha bang lova min țanpuitu leh min kalsan ngailo tu țhian țha ka nei thei hi ka lawm takzet ani Pathian vang chauha nei ka ni a, ka lawm takzeg ani kei ve teh meuh hetiang khawpa țhianțha ka tana inpe zo em em mai min pe a ka tan chuan malsawmna ani a ka nunna peng ani bawk, a tan chuan engmah lo mai ka ni a ka chhungleh kua ka tana Malsawmna ni tura Lalpa min pek ani.




Inchhung lamah chuan kan luta Sylvia chuan heta a kal fo țhin thu hi min hrilha anih ka ring sa reng bawk an inchhung awmdan kha a hrechiang lutuk êm ani kei erawh kha chu ka bo nghal hû mai. "In va rei ve, cake kan zai țep tawh asin" Duhsangi te awmna kan thleng chu alo ti nghal vata a bulah Dinsanga a awm ve renga Jeremy te erawh an lo awm tawh lo thung.




"Nia, boruak țha kan hîp pah lawk alawm kan rei viau pawh ka lo hreloa" Sylvia chuan a ti a thil dang sawiin an nui zui leh hak hak bawk cake an zai dawn chuan kan kal hnaia kan ep chiah ka hma zawnah chuan Ela leh hmeichhe pakhat an dinga mipa dangte nen chuan an nui leh țhina min rawn melh leh zeuh zeuh țhin bawka a țhain hluite a hmu pawh ani mahna mahse kei erawh, ka awmdan a pangngai hleithei tlat lo.




Cake an zai dawn tawh avang chuan light an off veka Duhsangi te awmna lai tak chiah a ênga a bul hnaia awm țhenkhat ho pawh min ên ve deuh chiai bawka mahse a êng lutuk em em lo Birthday hla an sak laia chuan kut kan benga ka hnung chuan pangtilum a hriaa keimah pawh ka lum ve nghal ham ham mai.




"I hmelțha lutuk Duati" ka beng bula rawn ti sup tu avang chuan ka phu nghal zawk! Ka tawm nghal châwiha ka taksa chu a khur ti tih bawk "tu mipa mah hian an melh che ka phallo zanin ah ngat phei hi chuan" a rawn ti leh supa ka beng chu a za mer mer a ka awmdan chu ka thup hleitheilo Sylvia lah chuan ka awmdan hrelo ang ami hian nui sângin a zai vea tumah chuan min ngaihsak lo ni maiin ka hria.




"Ngaih mek ini" tia ka kawnga rawn vuantu kut chu ka hmer chawt! Mahse ka beng bula nui ri sukin a taksa si chêt chuan min pawt hnai nghal hrâwk! Ka meng zui nghal kâwk a! A kut chu nghet zet chuan ka hup beta ka darah khabe nghatin min kuah nghet zual sauh bawk. "Reilote chauh a thim dawn, heti hian awm lawk ang ka ngai tawh che Duati" ka beng bulah chuan a rawn phun supa ka beng a rawn fawh zeuh rual chuan ka îp zui nghal châwih a, ani erawh chuan min kuah nghet sauh thung.




"Jeremy!" Ka tih zâwi hlak rual chuan ka hawi chhuak nghala "um" thatchhiat hmel zet hian a rawn ti bawka kei erawh ka mi hmuh avang chuan ka thinphu a ranga a mitmeng thinrimnaa khat chuan hlauhna min siamsak ani ber min sawisak a chak hmel ngawih ngawih a Mannuela chuan Jeremy an min kuahna chu rum zeta rawn melh pah in ka mitah tak chuan min rawn melh leh hrâwka ka thinphu rang lutuk chu a hreawm lutuk takzet ani.

[Ngaia]

AT THE ELEVENTH HOUR - 23

By : Msi Miluhlulnui





"Min thlah teh! Heti hian awm suh" ka ti zâwi hlaka min pawt bet nghet lutuka ka che hleitheilo Ela lam ka hawi phei leha hmundang alo hawi tawh mahse a hmel erawh a thim veka a thinrim tih ka hrechiang fû bawk "min thlah rawh ka tih chu, mi an tam si bakah hetiang hian awm suh ka duhlo" ka ti hlara a nuihna tur chauh ka sawi amaw tih mai turin a nui ri suka "i Hmangaih hmel saw en la a puak lo chauh anih saw" a la rawn ti leh hram.




A kutțang chu ka pawt kâu vaka mahse min kuah nghet leh sauh tho current a rawn êng thut ang tih ka hlau takzet ani "khawngaih takin min thlah rawh, hetianga awm hi ka duhlo ania aw miin min hmu reng ang tih a hlauhawm chuvang chuan hetiang hian awm suh min thlah rawh" ka ti zâwi sapa tumah hian min ngaihsak angin lang lo mahse kei erawh ka hlauthawng ru thung, a hma ang bawk khan thil țhalo a thleng leh dawn tlata hriatna ka neia chu chuan min tur ut ut bawk.




"Vawiin avang khan buaina in nei em ni? Engvanga zanin pawha la inbe lo nge in nih?" Ka beng bulah chuan a rawn ti a, ka thaw chhuak hak "chutiang sawi hun pawh ani lo min thlah la i awmna turah va awm rawh hetianga awm pawh a țha berlo va kal rawh" ka ti a, ka nghawng ala rawn fawp zui. Îp châwih chungin ka nghawng chu ka chîpa a rawn nui ri suk lehnghal "engkim min hrilh vek erawh chu a ngai ang zanin ngei ah" tiin ka beng bulah chuan a rawn phun supa ka thaw chhuak nghal ham ham mai.




Ka samah rawn fawp leh zeuhin min thlaha ka thawl hawk thei, a kalsawn ta ni ngei tur ka hnunglam chu a ruak ang huai hian ka hriaa miin min en nge en lo tih ka thli thlai nghal vata chutia ka hawichhuak chu Ela chuan min lo en reng tih ka hmua min melh dan chu a no lo ve chiang ani tunah sawn a bulah awm ta ila min pawt sawm vek duh hialin ka ring ani. A hmel ka hmuh sawn keimaha inthiamlohna a lo pianga amah pawh ka en țha ngam hauh lo tuna kan awmdan chiah vang kha ani ngei ang.




Mahse ka dan hman hma in alo che hman ziaha dang turin ka tha in a hneh leh țhin si lo ka rilru leh thinlungin dan a duh mahse ka taksa chuan a zawm silo a hma pawn engvang nge tih ka inzawt fo tawh a taksa in min deh chiah khan ka awmdan a danglama keimah kha ka kim țhin, Ela nena kan inkuaha kuta inkaih ang ngawt chu ani lo ani nena kan awmdan kha chu a danglam lutuk ringawt enge anih ka hrethiamlo bawk.




Reilotê ah light chu a rawn êng pupa ka mit a vai nghal ruai ruai bawk cake chu a hran an rawn sem diat diat ka hmaa an rawn lek kâng chuan a lak en ah pawh ka en loh avang chuan Sylvia chuan min rawn nghawk pawpa ka lo phu zawk hmanhmawha min laksak leh ta nge nge tuna ka awmdan hi a mak lutuk ringawt ka lu a hai em em a ka luak a chhuak hlui bawk engmah eisual ka neih âwm ka hre silo.




"Vew, kal ila nichina kan dinna ah khan va ding leh ang" Sylvia chuan a rawn ti a, ka lu hai lutuk chu a ngaihna hrelo chuan ka dawm nghal zata "Sylvia ka lu hi a hai lutuk ka luak a chhuak hlui bawk" ka ti zâwi sapa ka mitmeng te chu a phê ruaia thil te chu ka hmu fiah lo lutuk takzet bawk "zanin i awmdan hi avan mak ve" tih pah chuan ka banah chuan min rawn kaia amah chu ka rinchhan tak meuh ani ber.




"Eisual ka neih âwm pawh ka hre bawk si lova mahse ka luak a chhuak lutuk ringawt ka lu a hai bawk si ka mitmeng te hi a fiahlo light a rawn êng chiah khan ti hian ka awma" kan din hnu chuan ka ti a, ka pang chu a rawn dek a "i pang chu a sa ve deuh hlek anih hi i khua a sik dawn ani lo maw? Mahse ava ni teh thut âwm ve zan tirah pawh i awm mang silo" a rawn ti a, ka sam ka thlah chu rawn la khawmin hnunglamah chuan a vial tawma a kut ka vawn chu ka hmer chawt chawt ani ber.




"Ka haw duh, ka awmdan hi amak lutuk" ka ti leha ka chal chu a rawn dek nawn leha ka sa pup pup ni maiin ka hria ngatinge maw heti hian ka awm thut mai le ka luak thut dawnin ka hria.




"Lawk aw, Duhsangi kan hrilh lawk ange" a ti a, meng phî riai chung chuan ka lo nghak ve char char a a tawpa tawpah chuan kan haw theih thu a rawn sawi ve ta hrama an pahnih chuan min kai chhuaka pawn boruak ka hîp chiah chuan ka thaw chhuak hawk! Ka mitmeng phî ruai hian kal a ti hreawm ngawih ngawih engmah ka hmu hleitheilo ka lu lah a hai bawk si.




"Vew, inu kan call ang aw min lo hruai turin kan ti ange" Sylvia chuan a rawn ti a "ngatinge?" Tia zawhna dangin a rawn chhunzawm zata chu aw erawh chu ka hrechiang viau bawk "a lu a haia chuan a luak a chhuaka a mitmeng a fiahlo a ti bawka a khua a sik deuh ani maithei" Sylvia lah chuan alo ti leh hmanhmawh tawh kei erawh ka ngaihdan chuan Party boruak kha ka zo lo ni berin ka hria.




"Khawi maw ka lo en chhin" tia țawng ri chuan a rawn zawm lehnghal zat chumi rual chiah chuan ka banah chuan mipa kut tih hriat zet hian a rawn vuan nghal chawt! Che sawn tur pawn tha reng ka neilo anih chu! "Rin, engtin chiah nge i awm?" Ela chuan a rawn ti a, chhan tuma ka kâ ka âng chiah chu ka uak nghal tuarh anih chu! Mahse luak erawh ka luak chhuak em lo thung.




"Vew, U Rinrin, Rin" tih chuan min rawn ko rual nghal veka ka uak zui lehnghal tuarh bawk "a rai ani lo maw?" Chu thu chuan min deng nghal dawtin ka hria, kei hi ka rai ang maw? Engtin nge ka rai a rin tumah tenawm takin ka la awmpui lo chuan ani hian ka mipa kawp tawh te nen sex kan hmang angin a ring amaw?! Eng ang rinna nge ni ngai.




"Chutiang khawpa tenawm chuan min lo ngai ani maw?" Tih halh pah chuan min vawnna ațang chuan ka chakna zawng zawng sâwm khawm chuan ka tal sawna ka la tlu țep zui lehnghal mahse tha chak tih hriat zetin min lo dawm zui nghal zata tunge anih pawh ka ngaihtuah theilo ngatinge mite hian chhe tak taka min rin kher bik țhin le chutiang em em a nun sual leh dâwng daha nun hmang țhin chu ka ni bik hauh si lo. Eng ang ngaihtuahna nge maw an put ziah hman țhin le.




Kei hi ka hriat loh in eng ang mihring nge maw ka lo nih le? Mihring sual tak nun pawh țawp tak leh dâwngdah taka hmang țhin ka lo ni a, ka theihtawpa ka nundan ka uluk amaw ka tih ve chung pawn mi ngaihdan leh ka chhungte chena ngaihdanah pawh tenawm leh sual tak ka lo la ni fo a engtin nge ka nun chu ka lo hman bik niang le, ka hriat loh laiin ka lo rapthlak țhin âwm hle mai.




"Duati, i țha em? Meng rawh" tia ka bianga zâwi tê tê a rawn bengtu aw chu ka hre vuai vuai a ka mitmeng te chu an phê ruai tawh mai țawng ri nuai nuai te ka hriaa mahse enge an sawi ka hre theilo a lan dan chuan an inhnial a ang takzet ani, ka taksa a chêt zui ve awk rual chuan tu emaw chuan min pawm kâng nghal nawlh tih ka hriaa mahse a hnu leh ka hre zui tawhlo ti hian khaw êng hmu lovin hlim takin awm theih se ka va han ti tak em!




Ka mit nî in a rawn chhun ser ser avang chuan muangchangin ka meng chhuak riai riai a ka rizai sin nêm lutuk chu ka pawt chhoa ka âwmah chuan ka kuah bet vak bawka zîng ani tawh anih dawn hi. Ka rizai hi tiang em em a sin nuam ani tih hi ka lo hrelo reng reng, lawk! Mahse, inah kha chuan pan te chauh ka sin țhin kha ani si a engvanga tuna taka chhah tak sin ta nge ka nih.




Ka tho chhuak chiah ka thil hmuh avang chuan ka meng kâwk ka au chhuak nghal vaka kei hi khawnge ka awm? Khawiah nge ka awm chuan tu khumah nge ka mut ve ngawta ka khum kha a ang lo ka ti reng ani, rizai ka keu chiah chu t-shirt var lian zet ka lo ha lehnghal rizai chu ka pawt khawm vaka khawnge ka thawmhnaw te hi? Tunge hetia ka thawmhnaw te lo thlaka kawr lian zet min hak tir tu hi? Sylvia lah chu ani theilo kei hi min ru bo ta amaw ni le.




Nizan thil thleng ngaihtuah let ka tuma mahse ka lu a rawn na nghal ut ut anih chu! Ngatinge engmah ka ngaihtuah hleihtheih loh a nilo se helai hmuna ka awm daih dan hi ka hre dawn asin mawle, ka lu a hai tih leh ka luak a chhuak ka mitmeng a phî riai tihte chu ka hre ruai ruai a mahse a hnu leha engtin nge ka awm zel tih lah ka hrechhuak hleithei lo lehnghal ka va han ngei tak!




Room chhung chu ka en kuala engkim chu a thianghlimin a felfai em em a ka hriat ngai room lah ani bawk si lo engtin nge hetah hian ka awm ve ngawt theih? Tunge min hruai? Kawngka rawn ri khep ah chuan ka phu zui dâwrh a rizai chu ka âwmah pawh khawm vak pah chuan khum lu lamah chuan rang lutuk chuan ka tawlh chho nghala ka thin chu a phubl rang dat dat lutuk ringawt. Kawngka a rawn inhawng rual chuan tumah an lo la lan loh avang chuan ai turin ka inring reng tawha ka kâ chu ka âng sa vek tawh bawk.




Mahse t-shirt var chunga apron ha a thil rawn chawi lut mektu avang chuan ka âng zau zual sauha au tumna aiin mak tihna in ka khat zawk ani ber. Ka lam a rawn hawi leh lek phei chuan ka lo âng phuau bawk si a a nui suk bawk zingkar thawhlima hmuh a tan chuan a hmel khi chu a țha mah mah ani, khum lam a rawn pan lai te chu ka en renga khum bula dawhkanah chuan a thil chawi chu a daha khumah chuan a rawn țhu ve nghal zat bawka ka lo la âng phuau bawk. Engtin nge a inah hian ka awm daih daih theih a?




Ka khabe chu rawn dawmin ka kâ chu min chîp tira amah ka en reng tih ka inhre chhuak leh hnuhnawha ka țhu țha nghal vut vut bawk "i khabe kha a bal mai anga sin" min ti el zet chuan a rawn ti ve lehnghala he a nghalna hi lawm ka ngei em em țhin chu inzawmna nei tawhlo mah ila tun thleng pawh hian ka la ngei hluah hluah "engtin hetah i bulah daih daih ka awm theiha nizanah engthil nge thleng? Min hrilh rawh, chuan khawiah nge ka thawmhnaw te hi? Engtin heng kawr te hi ka hak theiha? Nangmah hian min phelhsak ve leh ringawt ami a?" Ka ti a, zawhna hlir chuan ka khat ani ber.




"Vawikhata zawhna panga chhanna chu ka pe thei lo ang che min zawh duh zawng zawng a mal te te in chhan dan che ka hriat loh pawh aw leh aih in ka chhang vek ang che nge keiman ka sawi vek zawk dawn heta i awm theih dan, kha kawr te i hak theih dan kha" a rawn ti a, rizai chu pawt khawm sauh sauh in ka tawlh hnung leh hrama "nangman sawi mai rawh engmah ka ngaihtuah hleithei loa" ka ti ta ringawt bawk.




"Nizana i thil in kha tlemin a thawk ve a i taksa chau nen boruak kha i zo chiah bawk si lova chuvanga khatianga luak chhuak, mitmeng phî ruai leh lu hai te nei inih kha iti ngai zen zen lo ani ngei ang tiin Doctor khan a sawia keipawn anih ka ring chuan inu kan call tlang thei loa keiman ka hruai haw ta chea and so... i thawmhnaw i luak khum veka an su nghala tunah chuan ro țep tawhin ka ring i thawmhnaw kha ka thlak ani loa ka thlak angin i ngai tlat bawk si heta hnathawk hmeichhia ten an thlaksak che anih kha chuan lungngai lo la inu pawh kan hrilh tawha ngaihtuah awm ini lo tih ka bula i awm thu ka sawi zat bawka i thawmhnaw a ro hunah i haw phei dawn nia chuan ti khan i zawhna zawng zawng ka chhang vek em?" a ti a, aw tih nan ka bu ta nghat nghat bawk.




"Thil chiang zawk i hriat duh chuan Sylvia kha i zawt thei ang mita hmu tu ani a engkim a hre vek bawk ang. Mahse tunah chuan breakfast i ei phawt a ngai ang nizan ațang engmah ila ei mang lo tih thu ka dawnga a țhalo dawn tlat" tih leh pah chuan a ding hluaia nichina a thil chawi bawk kha a rawn la leha sawi ve tur reng ka hrelo ka mal chungah chuan a rawn nghata a rim ka hre chiah chu ka pum a ri rawk rawk thei nia.




Chaw chu fian chuan a rawn suaka ka ka
zawnah chuan a rawn daha a kutah chuan vuanin ka dahthlak sak leh "damlo ka ni loa keimah pawn fian ka keng theia ka ei ve thei min eitir kher a ngailo lungngai suh ka ei lo phal lo ang a chhan chu ka ril a țam tawh êma" ka ti a, fian chu laksak ka tuma mahse a vuan nghet lutuk ringawt "khawi min lo pe rawh keimahin ka ei mai dawn alawm chuan ka ei zawhah ka haw nghal ang" ka ti a, a rûm ta nghut ringawt.




" i damlo loa chuan nangmah pawn i ei thei tih ka hria mahse keimah ngeiin pek che ka duha min hnial i tuma chaw i ei duh dawn lo anih chuan a aia pawi a thleng ani mai" a rawn ti leh khera hnial nghal ka tum lehnghal panga ka țawng tur âng chiah chu remchangah rawn la in ka kâ ah chuan fian chu chaw chawp nen chuan a rawn thun! Ka ha pawh fian nen a inchhek rîk tir chiang bawk.




"Kha kha ni mai lawm harsatna a awmlo" tih pah chuan maian bai tui chu min rawn hâwp tir lehnghal zat! Vawikhatah min hâwp hnem tir a tum lutuka ka țhial theilo "engvanga hetianga awm hi nge inih? I inah min riahtira min hruai haw a danlo khum beta mu ang maiin chaw min barh lehnghala i laka ba neih ka duh hleinem nge ba nei tura min siam i duh zawk? chuan hetia i awm hian ka hrethimlo ngatinge dawt hmanga thil i tih khera?" Chaw ka lem deuh duak hnu chuan ka ti chhuaka ka kâa rawn dah leh a tum chiah chu a kut chu muangchangin ka dahsawna ka țhut hlat nghal vat bawk.




"He thilah hian dawt a tel ka hre hauh lo" fian dah pah chuan a rawn ti nghut "a tel alawm hengte hi lemchan ania dâwt ani leh vek bawk anga engmah hi a tak ani chuang lo anga ka thinlungah a tak nih tir in tum leh anga keiin ka awih veleh in kalsawn leh anga. In thil tih tum dan hi ka man loh ring suh u in lakah hian enge maw ka tihsuala hetianga fakaua ka chunga hetianga in chêt tak mai" ka ti chhuak hap ka sawi zawh rual deuh thaw chuan a rawn thaw chhuak ve nghal hawk!




"Thil thleng zawng zawng kha a lem pakhat mah a awmlo a awm ka duh bawk heklo khang thil kha thinlung taka ka tih ani engvanga dawt anga ngai tlat nge inih hi ka hrethiam theilo engtiang fakau in nge anilo tih hi ka la prove zel dawn? I ring lo chhunzawm zel dawn em ni, i rin lo chhunzawm zel dawn chuan ka bansan ang" a rawn ti chang hrâwih.




"A chhan chu ka beng hian a hre chiang em ani kan ințhen hma daih khan ka mit a chhiat tirh lai khan duat taka Zorini i bia tih leh ko tih ka hrechianga chuan amah pawh khan a sawi bawka chuan a hnu leha chhan awm lovin min kalsan leh tawpa in inneih tur thu ka hre chhunzawm lehnghal zat bawka engtianga ka awm nge irin? Rin tur nge rin tur ani tih pawh kha ka chiang ngamloa ka thuthlûkna siamah te khan ka inringhlel fo bawka a chhan chu ka ngaih ngam loh vang ani bawk a chhan pawh ka lo duh lutuk tawh êm chea pawm thiam har ka ti êm ani mahse heta ka rawn chhoh hnuah engkim a chiang veka Ela nen kan inkawpa ka hlim em em a mahse nangmana khang ni reilotê hlimna min thlen ang kha ka la zawng foa tun thleng pawn ka hmu leh tawhlo a chhan chu a hlu em em a keimah takngial pawn ka dawng nawn leh thei tawhlo anih kha"




"Theihnghilh che tumin ka bei țhina a chhan chu harsatna leh buaina ka tawh lai pawha ka bula awm reng țhin kha hlimna siamsak ka chak ve vang ani mahse khati chung pawn khan ka rilru i chhuahsan ngailo tluk ani ka tum ve țhin mahse a harsa keipawh khan a chhan ka hre biklo ka lo duh lutuk hman tawh che ani ngei ang tun hnu thleng pawha ka la theihnghilh theih loh che" ka ti leh sep.




"Ka tihpalh mahse engmah kha a lem ani hauh lo a lem leh dawt ni tur phei chuan ka phalloa ngaihtuah tur pawn ka duh heklo ka tan pawh a hlu ve thoa ka hrilh tawh che kha khatia ka biak chhan chu i vanduaina tawh ka chhui duh vang chauh ani Zorini kha a inhnamhnawih ka rin ve vang ani a alo chiang ta ngei bawka chuvang chuan engkim ka hrilhfiah nghal vek chea mahse nang chuan i ring duh hauhlo bawk anih kha kan thiamlo ve ve tisual ve ve ah kan inngai a mahse engmah kan tisual lo a chiang em?" Ka kut rawn vuan meuhin a rawn ti a khumah chuan rawn lawn in min rawn hnaih nghal em em bawk.




"Duati, bul kan țan țha leh ang engkim kan siamțha anga hlim takin kan awm tawh ang tuman min tibuai thei tawhlo nangpawn min la duha kei chuan ka Hmangaih tawh che min Hmangaih ve kher pawh a ngai lo ang ka kianga i nui hmel ka hmuh chuan engkim a țha vek ani mai" ka kut hmer pah chuan a rawn ti a, amah chu muangchangin ka melh chhoa a mitah tak chuan ka melh nghal kuau bawk zing zinga hetiang sawi chu ka duh chiahlo mahse a chhungah kan lut laklawh tawh si a chaw ei pawh ka rilru ah a lang tawh hauh lo.




"Mahse hetiang thil hi a thleng theilo a theilo ani tawp mai, keipawn ka la duh che tih ka pha lo thup pawh ka thup hleithei lo renga mahse bialpa nei lai mek ka ni a amah nen chuan buaina kan nei mek bawka ka chinfel a ngai bawk chuan nangpawh nupui nei mai tur ini a engmah ka thlentir tawh dawnlo thil engkim chu a tluang parh tawh anga keimahni pahnih kan tel loh chuan engkim a țha vek tawh mai ang" ka ti a, ka sawi zawh rual chuan ka biangah a rawn dawm nghal zata min kuai dâk deuh hlekin chiang zet chuan min en nghal rên râwna ka hmuiah chuan a rawn fawp nghal vang vang bawk keimah hi ka thar vek ni maiin ka hria ka awm thiamlo.




"Kan pahnih inkarah chuan theih loh a awmlo chuan kei hian nupui ka nei dawn anih chuan nangmah chiah ini ang midang reng an ngailo chuan kha mi tenawma nen kha chuan in inkar a tawp fel tawh anga ngai rawh amah i hmuh leh hmasak ber hunah i chiang ngei bawk ang thil in la sawidun duh leh ngei ka beisei a thinrim viau maithei bawka nizan lama a chetsan hmutu tan kha chuan hlauh loh chi a ni hauh lo ang" tiin ka hmui bulah chuan a rawn phun sup.




"Enge i sawi awmzia? Engtin maw Ela chu a awma?" Ka ti hû, ngatinge thil thleng te ka hriat chhuah theih miah loh le a ngaihna ka hrelo takzet ani "amah i hmuh hunah amah ngei i zawt dawn nia ani chuan țha takin a chhang che angem tih pawh a hriat loh, a mizia hrechiang hmasa la țha tur ania sin" a ti ta nghut, awm hrangin ka mal chunga tray awm chu a chawi sawn nghal nawlh a min ti bangbo tual tual.




"A awmdan chu sawi ve mai la a harsa hleinem engtin nge Ela chu a awm? E, pawilo sawi lo mai rawh tunah ka hmuh nghal a ngai ani engkim a chiang vek mai ang" tiin rizai chu ka thehhlim sawk sawk a ka ke in chhuat a rap chiah chu a hit nghal vawng vawng bawk "ka thawmhnaw" tih sep pah chuan a hawi kuala e, an zar a ti tak e tih rilru pah chuan ka pen țham țham a kawngka ka hawng tur chiah chu ka vir let nghal nawk a bang chu ka si nghal dawt ringawt bawk.




"Engemaw i hriat le? Ngatinge heti hian i awma ka kal dawn alawm min kaltir rawh ka thawmhnaw ka ha tawh dawn" ka ti hlara a innemkhalhna kut chu na zet chuan ka nem a a che hrut chauh ringawt anih chu! "Min kaltir rawh, Ela bulah chuan ka kal a ngai alawm ka thawmhnaw ka la anga thil sawifel a ngai i in min hawh tir avang leh ka awmdan avanga min lo buaipui avangin ka lawm lutuk mahse tunah chuan ka kal a ngai tawh min dang lo teh" a ban nem vak vak pah chuan ka ti a, a ban hnuaia luh ka tum chiah chu ka kawr hnungah chuan a rawn țham ka au chhuak nghal vaka ding chhuak zawkin kawr ka kap zawn thlenga lo inpawt chho chu ka pawt thla nghal vata "khawiah mah i kal lovang" a rawn ti zui nghut bawk




"I mawl ami? Khati khan ti tawh suh , chuan min kaltir teh ka hmanhmawh ania thil i hrethiam lo ani sawi dun tur kan ngah alawm i ina ka awm avang mai hian i duh duh danin min dang thei ngawt bik lovang ka duhnaah chuan ka kal dawn tho tho" ka ti țhata a ban chu na zet chuan ka nema a rawn thlah thut anih chu! Hmalamah chuan ka awm phei dâwrh a din pawh ding țha hmanlo chuan pai dawt dawt chungin kawngka lam chu ka hawia hawn ka tum chiah chu keimah chu ka kâng lehnghal nawlh a min pawm leh ringawt tawh.




"Amak, nge a? Min kaltir mai la itan buaina tham pawh a awm lo min kaltir rawh ka kal ngei ngei a ngai. Awi! Nilo, vawiin khan khu lamah a chhuk leh tawh dawn asin ka nang hman ngei ngei a ngai engmah sawi lovin a kal ngawt thei lovang. Nilo, min dahthla teh ka kal a ngai thlawhna a chhuak țep tawh ang" tiin ka tal vaka ka tal thla țep țep ringawta mahse lei ka tawk hleithei si lo hlauthawnh thinrim leh mangang awmdan ang chiah hian tunah hian ka awm thinrim chak em em mah ila duh angin ka thinrim theilo lehnghal.




"Khawngaihin min kaltir rawh ka kal ngei ngei a ngai engmah kan la sawifel lo kan sawifela thil engkim ka chinfel ngei ngei a ngai min lo nghak tawh ngei ngei anga a beidawng duh hauh dawn silo chuvang chuan Airport ka thlen vat a ngai ani. Ka phone ka keng bawk si lo, khawngaihin min kaltir rawh" ka ti a, thaw chhuak hrâwihin min dahthlaa min kaltir dawn amaw tih nak alaiin a âwmah chuan min la kuah bet ang ta deuh deuh lehnghala ka tal nghek rual chuan nghet zetin min kuah leh țhina a chhipah chuan a rawn fawp zui vang vang zel bawk.




"Thil sawifel tur kan ngah asin a thinrim chhan pawh kha engkim ka hrethiam vek tawh min kaltir rawh engmah sawi lo chuan ka kaltir ngawt theilo ani ka theilo ani kha ka țhian țha ber ber zinga mi ani a ka tan a awm reng țhina beidawngin min siam ngailo beidawnga min siam ai chuan hlimna min siamsak a tum zawk țhina a lakah chutiang chu ka tih ve a ngai beidawng loa ka siam ve a ngai ani min kaltir rawh" ka ti țiau a, nimin thil thleng vel ka ngaihtuah zui nghal chata engvanga lo hrethiam lo nge ka nih le. Avan tlai tawh tak! Nilo se engkim a țha vek mai tur ani a kei hi ka lo mawl takzet anih hi.




"Duati, hahdam rawh engmah sawi tawh suh ila țha chiang lutuk loa nisat laiin Doctor in chhuak lo turin ati bawk chea i luak chhuak khan ala hnawh reng dawn bawk chea chuvang chuan hahdam ila ngai. Mannuela nen chuan nizan lamah engkim kan sawifel tawh a hmai pawh tlem a zawng chu a pem ve luau maithei vawiina a chhuk thlak tur thu min hrilha nangmah enkawl țha tur che in min hrilh bawka thil awmdan i zawt fiah dawn nia tunah chuan engmah sawi tawh lo la hahdam rawh, i taksa khan a chauh phah ang" a rawn ti dam thlupa ka samah chuan chûl in a rawn fawp leh vang vang bawka a âwmah chuan ka thaw chhuak nghal ham ham bawk.




Jeremy bulah kei min enkawl țha turin alo hrilh amaw!? Engvang nge? Kei hi min kalsan tawh tak tak dawn tihna mi? "Nilo, a theihloh, anih chuan call tal min hman tir rawh sawtah chuan ka nang hman tawhlo ang call tal min hman tir rawh engkim ka zawh fiah ngei ngei a ngai ti ngawt chuan min kalsan thei lovang" chiâi zet chuan ka ti a, min kuana ațang chuan ka awmsawn nghala ka mittui alo tla hman ani ngei ang a âwm chu a huh deuh thluap bawk.




"I taksa hah theih zawngin awm tawh miah suh ang che" a rawn ti a, ka biang chu rawn ti faiin ka chalah chuan a fawp zeuha phone a lak tur thu min hrilhin a chhuak zui nghal zat bawk khum chu rang lutukin ka pan pheia ka țhut hnu chuan ka thaw chhuak nghal ham ham bawka nizanah chuan eng thil nge maw thleng chiah le, engmah lah chu ka hrechhuak thei bawk si lo a hreawm takzet ani.




"Be rawh le" tia ka hmaa phone a rawn lek rual chuan ka ban zui ve nghal vata Mannuela tih chu alo in call sa thlapa call duration pawh ala rei lutuk lo, muangchangin phone chu ka bengah ka daha "El" ka ti zâwi sap bawk. Mahse chhanna a awmlo "Mannuel Lalrindik" ka ti țhata phone ațang chuan a rawn nui chhuak ta hawk hawk bawka ka nui ve nghal suk bawk.




"Khati khan i kal ngawt thei lovang sawidun tur tam tak kan nei ngaihdam pawh ka la dil lo chea khati kha chuan min kalsan ngawt thei bik lovang" ka ti țiau a, a rawn nui ri deuh pah suk bawka a thaw chhuak nghal ham ham bawk "Lalrin, thi tur em pawh ka la ni lova nge țah i tum rikngawta țap suh aw țah i tum tawhloh thu i sawi kha i inhmeh lo ngawtin ka ring ani chuan thil pakhat in enkawl țha rawh aw hriselna kha a pawimawh ber ania tunah pawh khan i chau ngawtin ka ring ani khatianga i awm te chuan engtin nge i hmelma te i hneh theih anga" a rawn ti zawm zata.




"Ka țap hleinem ka mittui a tling ringawt anih kha" ka ti zâwi sapa a rawn thaw chhuak nghal ham ham bawk.




"Nizanah Jeremy nen khan kan lo sawi daih tawha i chungchang thlengin Rin, min duhin ka bulah pawh awm mahla i hlim chuan si loh chuan awm ve satliah ringawt kha a țhalo ani ka bulah chuan hlim la ka duha mahse a ngaihzawng ang kha chuan i hlim lo ani i nui liam satliah ve ringawta chu chu nangpawn i hrelo hlim anga i inngaih vang anih kha. Hlimna tak tak chu tuna i bula awm khan a pe thei che kei erawh i harsatna apiangah ka pui che anga buaina i neih chuan min rawn hrilh ziah ang che Jeremy kha i Hmangaih anih chuan hrilh tawp la zêp buai vel kha a ngailo ania chuan nimin thil thleng leh zan lama mi kha chu theihnghilh rawh engmah hriattur a awmlo i hriatthiam tawh chuan a țha ani mai kan inbe leh dawn nia" a rawn ti ta zung zung a phone chu a rawn tût tût nghal daih anih chu!.




"A off nghal daih ania ngatinge a?" A ngaihna hrelo zet chuan ka ti nghala "an thlawk chhuak dawn chiaha a hun reilote neih kha a rawn hmang lawk anih kha" a rawn ti a, thaw chhuak hawk in ka sam chu ka tuai chho puata engtin nge khatiang em em khan a inthlakdanglam chak theih zawk? Nimin leh nizanah sakawlh ang mai ani a tunah erawh kha chuan engkim theihnghilh ang vek alawm anih le. Engkim a hrethiam tawh anih chiah chu mahse tinge kei hian ka hriatthiam har țhin bik em em le. Tunah pawh a tlai vek tawh anih hi.




Amah kha ka tluk lo hle mai ka harsatna lai apiangah min dinpuia kei erawh chuan natna bak ka thlen âwm tawp si lova ka tana țhianțha nih chu avan tlin bik tak em! Țhianțha tih tur chu ka lakah a ti veka kei erawh chuan natna chauh ka hnutchhiaha a pawm thiam em em mai bawk si a ngatinge ka mawl em em țhina engmah ka hriatthiam ve hmasak ngai loh tunah chuan inchhir in awmzia a nei tawp si lova zawh duh pawh ka la ngah asin le. Tunah hian ka bulah awm se ka ti ngawt mai.




"Inu hi be leh phawt ta che chumi zawhah i biangah khan damdawi kan hnawih leh dawn nia" Jeremy'n a rawn tih leh rual chuan ka biang chu ka hru thuak thuak a ka mittui alo tla hman anih dawn hi! "Hello" tiin phone chu kAa bengah ka dah nghal bawka ka țhu tawm kâk ringawt.




"Bawihpui, i țha maw? Na te ila nei em? I luak te ala chhuak em?" Ka nu chuan a rawn ti nghal vata min ngaihtuah zia ka hai lo "ka țha lawm engmah na ka nei tawhlo ka lo haw vat ang ka țha lutuk min ngaihtuah suh" ka ti a, hahdam hmel fê hian a thaw chhuak nghal suai suai bawka alo buai leh hman ngei ngei ang.




"Haw lam kha chu hmanhmawh lo la ni tlema a hniam hunah i rawn haw dawn nia chhun ni sat laia rawn haw phet tum lo la in lamah Ela'n hei bawm lian tawk a rawn daha chungte chu i e a ngai. Mahse! He thil avang hian rawn hmanhmawh suh ang che i taksa chak loh nen a țhalo chuan Jeremy kham ka file a kawla ka kawr awmna vel kha chumi chu i rawn hawn nghal dawn nia ala en lo maitheia i nghah a ngai ang" a rawn ti a, a thusawi zawng zawnga ka benga ri chiang ber chu 'bawm' tih chu ani a chhungah enge awm ang tih ka ngaihtuah nghal ringawt bawk.




Ka nu nen kan inbiak zawh chuan ka biangah chuan damdawi min hnawih sak leha chaw min eipui leh bawka hnathawk hmuh tur an awm si lova in chu a lian bawk si a a reh tlawk tlawk ani ber ka phone lah a awm bawk si lo Jeremy lahin hna min thawsana ka tibuai ngam bawk si lo keimah chauhin awm mah ila ka thil hâk chhing lutuk chu ka pawt thla deuh renga in chhungah chuan ka tei kual sek bawk.




A chang leh tukverh chu ka hawnga ni sa zet hnuaia ka thawmhnaw inzar leh kawt zawl te chu ka en leh țhina pawn chhuah a phal bawk si lo huiz, awmdan tur pawh ka hre tawhlo tuna kan pahnih inkar a hriat loh ang bawk hian kam inngaizawng nge ni a inngaizawng lo tih ka hrelo Ela lah ka be thei bawk si lova zawh duh ka ngah takzet ani.




A..... ninawm lutuk hetia tei kuala sofa dûp zeta mut leh rikngawt țhin hi chu a hneawm lutuk ringawt, tihbuai duh viau lo mahse ka tibuai âwm tho emai inngaihtuah hah ka peih si lo chu ai chuan inngaihtuah harh ka ngai ani.




A kalna lampang roomah lam pan chuan ka kal ve nghala kawngka chu ka kik a, lut tura min tih rual chuan ka lut nghal zata a chhung chu library ang chiah ani tawp mai lehkhabu hlir ani bawk. "I ril a țam ami?" A rawn ti a, tarmit alo vuah leh tawh bawk ka hai ziah lehnghal "țam lo tihtur a awm bawk si lo pawn chhuah i phal bawk si lova sitting rooma tei ruk ruk ka peih lo chuan lehkhabu chhiar tur ka duh" ka ti a, room chhung chu ka mit sir chuan ka melh kual zal zal bawk.




"I duh lo en kual mai rawh chuan i ril a țam hunah min rawn hrilh dawn nia" a rawn ti lehnghal zat a bu nghatin ka kalkual nghala eng ber nge ka chhiar ang ni. Ka chhiar duh a awm êm ang chu maw dar 1 a pel tawha ka haw thei țep tawha chhiar zawh vat theih tur ngaihtuah a ngai ani.




Lehkhabu pakhat chu ka ban thawka a thu inziak avang chuan ka khi nghal vur vur a pakhat chu ka hmu ve ta alawm. Leihlawn ațang chuan chhukin kawngka lam ka pan nghal zata "hei ka la" tiin lehkhabu chu ka lek kânga ka chhuak zui nghal daih bawk. Heipawh hi ka chhiar zo peih angem tih ani.




Ka țhu tur chiah chu doorbell a rawn rîk avang chuan ka tho lehnghala "tunge aw..." tiin kawngka chu ka hawnga ka mi hmuh avang chuan ka meng nghal kâwk a ka tawlh hnung lehnghal vat bawk.




"He inah hian enge itih ve ngawta chuan kha kawr kha engvanga ha nge inih Jeremy kawr ani tih i hria em? Nangnu hi iva huangtau em em ve mawle zirtir deuh hlek i ngai anih hi mipa inah pawh zak miah lova kal ngam thawmhnaw lah chu ila ha chhing em em mai lehnghal kha kawr kha engvangin nge i hak ve ngawta?" Zorini chuan a rawn ti chang rat. Ka lam pan chuan a rawn pen nghal zata rum zet chuan min melh nghal hrâwk bawk.




A tawi lehpek nghal a nimin khan kan feh daih sia sawhthing a chi tur kan cho a kan haw in current a lo thim leh sia battery neih loh nen mutthlûk nen tihchi vak loh awi! Engpawh ni teh se vawiin ni hman nuam ule ka mu nawn tawh lo mai ang chuan inenkawl țha rawh u aw Țawngtai chunga Pathian râwn zelin

MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni

[Ngaia]

AT THE ELEVENTH HOUR - 24

By : Msi miluhlulnui




"Hetah enge itih dawna?" Ka lo ti ringawta chhan dan dang awm heklo "chupawh min zawh a ngai lovang kei hian zawt zawk tur che ka ni a chhan chu ka bialpa inah i awma a kawr pawh i ha bawka zawhna zawt zawk tur che ka ni hetah hian enge itih?" A rawn ti leh țhata ka lam pan chuan a rawn kal lehnghal zat a ka dinna ah chuan ka lo ding ve rân ringawt bawk.




"I hmuh ang hian ka awm, a chhanna chu a tawk em?" Ka ti ve leh khera nui chhuak hak in ka hmaah tak chuan a rawn dinga kut inkuangkuahin ka taksa chu a en thla diat diat a "kawr pawh chu i ha zo lo anih kha mawle engtin nge maw i hak theih reng reng ni. Jeremy chuan i kawr a pawh thler sak ve vek che em ni? Ka thawmhnaw pawh a pawtthler țeuh tawh alawm chuan a thar min leisak leh vek țhin bawka nizanah chuan hun in hmang nuam ngawt lo maw?" A ngaihdan tenawm zet a rawn phuh chhuak rual chuan ka lo nui chhuak hak a.




"Chu hun in lo va hmang hnem tawh âwm ve a ti ila a âwm ve khawp alawm mahse tuna i ngaihdan tenawm zet ang kha chu ka ti ve hauh lo a chhan chu rilru ka nei ve tlat ani nangni anga hmuh hmuh ti huam huam mi ka mi ve lo" ka ti let ve khera he kawr ka hak avang hian thil tenawm zet ka ti tihna ani hauh lo a ngaihtuahna chu a tenawm hle mai. "Ka ngaihdan ka sawi lang em ni? Thil ni thei ka sawi mai chauh alawm chuan hmuh hmuh ti huam huam mi erawh kha chu ka ni tehchiam lo a chhan chu Jeremy nen bak hian hun kan la hmang dun loa ani chauh hi ani zel bawk ang" a rawn ti ve leh kher bawk.




"Zorin, ngatinge hetia i awma? Hmeichhia i nih kha i thianghlimna venghim thei tur khawpa chak inih kha hmeichhia i nih chhung chuan kha thil kha itan a hlu ber asin pasal pawh ila nei anga nupa nun in hman hunah chuta a ngaihdan tur che chu ngaihtuah tel ta che eng ang pawha nun fel ni mahla a ngaisual thei che asin i thianghlimna kha chu i thâwk ve țêk țêk chhung chuan venghim tur ini i nunna tluk zeta hlu ani ve tho asin" ka ti a, ani erawh a nuih a za hle ani ngei ang alo nui char char bawk.




"Ka tihtur leh awmdan tur min hrilh tur hian tunge maw inih le? Ka duh duh danin ka awm anga ka duh leh mipa tam tak ka mutpui anga duh leh pasal ka nei lo mai anga kha chu ka thu ani engmah sawi theih i neilo ve leh ringawt che chuan i nun kha a țha vak bik amaw ni le tunah pawh mi bialpa ngei chu i tawmpui ania min zilh tur hi chuan ila sên lutuk tlat mate..." tih pah chuan ka sam chu a rawn chul khera ka thle sawn chiang kher bawk.




"Ka nun a țha bik ka tilo thil awm theih dan ka sawi mai ani chutia i ngaih pawimawh vak loh leh ka thu ani tawh loa nakinah chuan nang baka inchhir hi an awm leh tawh chuang kher lo ang tuna i thusawi hmang ngei khan i inchhir thu ila sawi chhuah ania ka rin ni. Chuan tunah hian tu bialpa mah ka tawmpui loa i bialpa phei chu ani lo lehzual in ințhen chian viau tawh kha" ka ti let ve khera ngah nge maw ka awmna apiangah hian alo awm ve hman ziah le rilru a ti zîm zual.




"I nasa reuh mai sia maw... kha i biang pawh a hil duak alawm ka duh ai ka la ham na lo zawk che anih kha mahse a țha zawk i nasa lutuk palh ang chuan video te kha enge i ngaihdan nia?" Ava han rapthlak zo zai tak em!




"A hmuhnawm viau kha i kut țang te pawh a hmanna i hre na rawh nangmah avangin nunna pakhatin a chan phawta a dawt lehah tunge chan ang khanu khan i pawi a sawi ka hrelo mahse engvanga that kher nge inih? Pawisawi lo te chungah thleng pawh i nunrâwng ania mifel nun chu la hlat tak ini" ka ti let ve saka zahna a nei miah lo hi a mak ka la ti ani.




"Aw... anih chu mawle ka nundan pawh chu ilo va han vei âwm em em ve mahse duhtawk tawh rawh i nun chiah kha ngaihtuah la a dawt lehah chuan nangmah te pawh hi ilo ni tawh maitheia haha, case file i tum loh thu te ka lo hriaa file turin ka ti lui leh kher dawn che amaw ni le, game khel ve hrim hrim ila ka duh ve viau ania" a rawn ti a, min rawn din hnaih leh zual sauh bawk.




"I eng pawi fakau nge ka sawia heti em em a ka laka i nunrâwn dawr ațanga dawt hmanga min ban tir pawh duh tawk lo in ka mit min tih chhiat sak leh khera chumi zawhah ka file case tur min dangchêp leha ka lakah i sualna zawng zawng i leih baw bawk hetiang thil zozai ti tur hian i lakah engthil nge ka tihsual?" Ka ti țhat, nui sukin ka tukhumah chuan a rawn dawma a kut lehlam chuan ka hmai a rawn chûla hnai zetah min rawn en bawk.




"Ka hre biklo ka lakah enge i tihsual mahse ka tan ka hmalam hunah i hnawksak mai sia bitum i ngai bik alawm, khang te kha chu ala nêp lutuk engah mah ngai duh suh i paltlanga tun thlenga ila dam hi lawm zawk ta che ka hmelma him rei ber ila ngei ang mahse i him rei dawn hauh lo ania ka kawng sialna tur i dal zel dawn anih chuan i mit ațang hian thisen chhuak tur pawh a awm tawh lovang a chiang em?" Ka hmai bulah chuan a rawn ti chang hrâwih a, a hmelțha sual zet chu en in ka tukhum a vawnna kut chu ka han vuana a kutțang chu ka elh rîk sak pawpa a meng pawng chiang teh asin.




"I kawng sialna tur ka dalna ka hrelo nangnen inzawmna kan nei loa chuan i tan eng hnawksakna mah ka neilo bawk kan inhmelhriat hma pawn duh duh in i awm theia kan inhmelhriat ta chenga ka hmelma ini ka kawng i dal iti leha. Hah! I over zozai tawh lo maw? Chuan heihi hre rawh min vo in ka chunga i tih tur sawi tawh suh a chhan chu ka thâwk ve țêk țêk chhung chuan engmah a thlen ka remti tawh dawn lo ani. Țawngka hmanga chapo leh rapthlak kha bansan rang rawh" ka ti let ve saka a kut chu kawih her pahin a hnungah chuan ka kherh saka nâ tih avangin a țe tuarh tuarh ringawt bawk, kâ ringawt in a chapoa no leh em em si engtin nge maw hlawhtling anga a inngai zawk le.




"Engthil nge thlenga?" Jeremy aw ka hriat rual pawh chuan ka la thlah duh chuang lo "J, henu hi en rawh a nasat zia hi ka kut pawh min kherh sak ania a na teh mai ania duhtawk tir rawh" țap deuh lek lek chuan a ti a, lem a chang leh tawh dawn ani ngei ngei ang "Duati, thlah phawt la" Jeremy chuan a rawn ti a, amah chu ka en phei zawka a lu min lo bûk khum nghat bawk.




A kutțang chu ka thlah dawn chuan ka herh sak leh vaka a ding chhuak chiah chu a kut chu a tuai vut vut a a mittui alo tling tak tak bawk. Khingte khi chuan ka mittui far khat pawh kha a tluk hauh lo mittui lem sualna avanga mittui ti tla der mai mai anih khi "J, henu hian i inah engthil nge a ranw tih ve ngawta? A nasat zia hi ila hre na nge mipa ang chiah ani a rapthlak lutuk ringawt" țap deuh lek lek chuan a ti leha ka lo nuih sak ringawt.




"Nangmah zawk hian engthil nge i rawn tih dawn zawk? Ka buai lai hian min tibuai fo suh ka tih che kha" Jeremy chuan amah en ngur pah chuan a ti ta nghut. Chutia a rin loh deuha alo chhang ta chu mak a tih hmel kher bawka a âng phuau ringawta mak a ti tih hai rual ani lo "ka lo kal chhan chu i hriat vek kha ngatinge ka chungah khatiang khan i awma ka nu te pawn palai te an lo beisei reng tawha inneih chungchang sawpui tur che in ka lo kal dawn ka tih mawlh mawlh kha" a ti deuh sap bawk.




"Kha thil kha ka sawi chiang viau tawh ani lawm ni eng inneihna mah a awm lovang chuan nangnen hian eng inzawmna mah kan neilo nimina khatiang thil iti chung pawh khan engtin nge engmah hrelo anga i la rawn inlan ngam zawka zahna te hi i nei ve em em lo em maw ni le. Inu te chu hrilh rawh palai beisei kha bansan turin a chhan chu nangnena inneihna kha a lem vek mai mai chauh ani" Jeremy chuan a ti hrâwih.




"Mahse... nangman min neih dawn thu i sawi vek kha chuan nimina offer pawh ka thlang tawh bawka ngatinge dawt min hrilh leh si a kan inneih tur thu i sawi vek tawh ani lawm ni, i sût leh thei lovang lehkhaah pawh a inziah vek kha i signature pawh a awm vek i sût thei tawhlo" mangan hmel zet chuan Zorini chuan a ti a, a hlauhthawn hmel em em mai lehnghal lehlamah a awmdan chu a hmuhnawm phian lehnghal bawk si.




"Lehkha kha a lem mai mai chauh anih kha inneihna tur lehkha kan sign zawng zawng kha a lem vek ka ruahmanna a kal fuh loh avanga ti mai chauh ka ni, tin, a tak pawh lo ni ta tehreng se thuthlûkna kha ka siam ani a keimah ngei pawn ka thlak danglam thei chuan offer pawh kha ila thlang hauh lo engkim theihnghilh ang vek khan awm hauh suh Zorinsang" a ti chang rat a Zorini hmel awmdan chu kehsawm vek ang mai hi ani.




"Engtin nge min bum theiha? Engtin nge i theih zawk? Kei hi in plan ti hlawhtling tu mai chauh ka lo ni amaw? Kei chuan min lo duh ve tak tak amaw ka tia kan innei anga fa kan hring anga chuan Rinrini pawh hi i theihnghilh ve mai turah ka lo ngaia mahse chutiang chu engmah alo ni si loa engtin nge ka chungah hetiang thil hi i tihtheih zawk? Ngatinge ka duhna che chu bumnaa i siam theih zawka ka thinlung zawng zawngin ka Hmangaih che asin" a ti țiau a, a mittui chu a rawn luangthla zung zung mai.




Nichinah khan inhnial vakin haw hman viau mah ila tuna a awmdan avang hi chuan ka khawngaih leh hnuhnawh a chhan chu ka chan ang chiah kha ani a ani pawn a tawng veleh chiaha a nat dan tur ka hrethiam a chhan chu duhna chu bumna hmanga a dawn let ve vang ani a nat dan tur chu ka hrethiam.




"Ka tihpalh ani khatianga tih loh chu kawng dang a awm hauh lo chuan min Hmangaih avangin ka lawm mahse kei chuan i bul maia hmeichhe ding kha ka Hmangaih ani chuan ani chu ka kalsan hauh lovang a chunga i thil tih tawhte kha ngaihtuah let rawh" min en pah chuan Jeremy chuan a ti leh supa Zorini mittui chu a tla zawih zawih ringawt bawk. Engtin nge he mihringpa hian hmeichhe pahnih a inang chiah chiaha a hliam theih zawk, chu pawh bumna ve ve hmangin.




"Zorin, i awmdan kha ka hrethiam keipawn i tawn ang chiah kha ka tawng ve a nat dan tur ka hriatthiam pui lutuk che" ka ti.a, va kuah ka tum chu a tawlhsawn dawrh a Jeremy nen chuan min melh tawn zak zak bawka "in pahniha in thil tih hi ka rul let ngei ang che ang che u ka tlawm dawn hauh lo chuan khatia min țawng thlamuan vel kha a ngailo khatiang kha ka mamawh lo phuba ka la ve ngei ang ka Hmangaihna bumna hmangin min chhang leta ka tlawm dawn hauh lo tih hria ang che u" a mittui hrûk nawk nawk pah chuan a rawn ti fiak țhata a aw chu a zâwi hle bawk. Rûm nghatin min chhuahsan zui taa kawngka chu a rawn khar ri nghal bur bawk.




"Va umzui ta che, ani te kha chuan a Hmangaih che alawm ti beidawng suh va umzui rawh ngatinge hmeichhe pahnih a inang chiah chiaha min hliam theih zawka a nat zia ka hriatthiam pui chuvang chuan va umzui vat rawh" tih pah chuan Jeremy bulah chuan ka pheia ani erawh chuan ka ban bulah rawn dawmin na zet hian min ti dinga.




"Duati, engah mah ngai suh a tuarchhel alawm a reh ve leh mai ang chuan kei hian ka duh miah loh leh ka Hmangaih miah loh chu ka kawp thei hleinem eng hlimna nge ka hmuh ang? Khang hun chhunga ka lo kawp thei kha keipawn mak ka la inti zawk asin hlimna tak tak awm lo kha" a rawn ti zâwi supa engmah a hrethiam ve dawnlo anih hi.




"Chupawh nise ngaihdam va dil tal rawh khatiang ringawt te chu a țha hleinem ani kha chuan a Hmangaih em chea kum tam tak in lo inkawp tawha khati ringawt kha chuan i kaltir thei ngawt hleinem" ka ti leh hram. A rawn rûm ta nghat ka biangah chuan a rawn dawm nghal zat bawk.




"I chunga a thil tihte kha ngaihtuah rawh ka ngaihdam mai mai ring hauh suh a awmdan chu a rawn thlak danglam lehnghal ani mai Legend anih saw lemchan thiam a duhna lamah chuan engpawh ti thei" a rawn ti chang hrâwih bawka ka tukhumah chuan dawmin a âwmah chuan min kuah bet nghal vang vang a ka samah chuan a rawn fawp leh zeuh țhin bawk "a awmdan kha ngaihtuah zui lo la engah mah ngai suh ang che i hmuh leh hun hunah chuan a nihna ngai bawk kha a rawn nei lehnghal ang" a rawn ti supa min kuah nghet nghal zual sauh bawk.




"Engtin nge ani leh kei kha natna inang chiah chiah min pek theih zawka chupawh bumna ve ve hmangin" a kawr țham pah chuan ka ti zâwi sapa a ângchhunga ka awm chiah hian ka him ani tih ka in hre thei tunah tak hian ka him chuan kan inkar hre lo mah ila ka hnial ngamlo ani a chhan chu ka mamawh ve tho nia ka hriat vang ani bawk mahse Ela ka ngaihtuah leh zeuh țhina zawh tur tam tak ka nei.




"A țan leh dawne kha thil ka tihchhan chu ka sawi chian viau kha chuan kei hi bum ka ni tel bawka Duati, vawi engzah nge ka sawi dawn i hriatthiam theih nan hian min hmer tel nan leh min kah nana i hmang zel dawn anih chuan ka lungawi hauh lo ang. Duati, engmah hrilhfiah hman loh che avang khan Sorry! Amaherawhchu; tun thleng hian kan inkar ala tawp lo" a rawn tih rual chuan amah chu ka en chho nghal vata a ngaihna hrelo zet chuan ka mit ko ka sân khum ak.




"Kan inkar tawpna kan siam miau si lo tawpna siam tur chuan thu a ngai 'kan tawp tawh' tih a ngai mahse inhmu hauh si lovin kan inkar kan ti tawp ve ringawta a âwm ang lo chu iti ve deuh lo maw?" Kiai suk pah chuan a rawn ti ve leh khera a ngaihdan maksak zet avang chuan ka lo nui suk suk "Duati" a rawn ti fuk, ka nuih ala za zual sauh thung "nuihna tur pakhat mah ka sawi hauh lo and so.. engvanga nui nge inih?" Tiin a mit ko min rawn sân khum ve ak.




"A thu phuah chawp thiam leh thlak lutuk khatiangah te chuan tu inkar nge chhe lo se itih reng reng a...." ka sawi zawh hma hma chuan "keimahni" a rawn ti ve leh khera melh rawm rawm pah chuan "ka la sawi zo reng reng lo" ka ti hlak bawka nui suka min kuah nghet sauh in a bu ta nghat bawk.




"Tu inkar pawh a chhia ang a chhan chu inngaihsakna reng a awmlo phone call tal pawh a karah huatna leh bumna a awm bawk chumi inkarah chuan tute nge hlim taka inringtawk taka awm se itih keini pawh kan nih hauh loh kha thu hmang kher lo pawh hian a ințhen tih a chianna anih kha a chhan chu couples te hian an inkar țha zel tura an duh chuan inngaihsak tawnna inrintawnna an nei ngei ngei tur ani. Am I Clear?" Ka ti sapa a mitah chuan ka melh nghal kalh bawk.




"Thu hmanga ințhen hi thil chiang ber chu ani engkim a tawp tih chianna ani lehzel bawka anih chuan kan in țha țhena tunlai tleirawl dan takah kan in renew leh ang vawi hnih pawh ințhenin a vawithumna tur atan pawh inkawp leh dawn mah ila kan in Hmangaih chuan engkim chu Perfect ani mai chu chuan kawh tum a nei kan pahnihin kan nui dun leh ang hun hlimawm a hmaa kan hman loh kan hmang dun leh anga nihnih leh a chanve chauh ni lovin kumkhua leh chatuan atan ani tawh ang" a ti a, ka lo bu ta nghat nghat bawk.




"Mahse, min râwn ve hauh lo min râwn ve tur ini ka duh nge duh lo tih min zawh a ngai a chhan chu ka duhloh thu pawn ka chhang thei chea a engamah hriat hma ngawtin thu sawi vak loh tur i sawn dan takin kan inchhir leh ange" ka ti ve leh khera a nui chhuak ta hawk hawk bawk. "Zawhna chu kan zawt lovang che a chhanna tur kei aia hria an awm hauhin ka ringlo ani nang ai pawh hian ka chiang ngei bawkin ka ring, i ril a țam tawh em?" A rawn tih zawm zat min hrechiang leh ta hle bawk ka lu thing nar nar in ka kawnga min kuahna kut chu ka dahthlak saka "haw ka duh hei, ni pawh a tlang sang vak tawhlo lehkhabu pawh hi ka va dah lawk ang chuan anu file ka hawn tur pawh kha aw" ka ti a, sofaa lehkhabu let reng chu la in ka khup nghal thak a nichina ka luhna roomah chuan ka tlan phei nghal bawka ka khi phei ver ver thei nia ât ka so chu a hun teh chiam lo.




Leihlawnah chuan lawn in lehkhabu chu ka dah țha leha ka chhuk thla tur chu tu emaw hian ka kawngah chuan rawn dawmin min pawm thla nghal nawlha ka au chhuak chiam lehnghala tunge ani tih ka en chiah chuan ka kâ ka chîp riai riai a ani erawh chuan min lo nuih khiah khiah lehnghal "nangni ho avang hian ka lungphu hi a țhalo thei takngial dawn tunah te hian a phu rang lutuk, rawn che thut zel tawh suh u" ka ti hlaka ka hahdam nan ti awm ang hrimin ka chalah chuan min rawn fawp vang vang bawk.




Min pawm pheiin eng emaw chungah chuan min nghata ka kap karah chuan a rawn inzep nghal zat bawk "ka haw duh tawh ania a tlai tawh anu in min ngaihtuah tawh ang bakah i hnathawk ka tibuai lutuk palh ang che a chi loh keimah avangin hna i kal loh hmel sia a inthlahrun awm tawh" ka ti a, chhuk thlak tuma ka tawlhsawn rual chuan a rawn che ve zela a pumah chuan nem in ka nui ta ringawt lehnghal a lakah hi chuan maian ni in a ên zawr tawh ang vel ka ni.




"Ka lakah inthlahrung lo turin ka duh che inthlahrunna chhan tur pakhat mah a awm lo thil chu a thleng tawh sawi buai leha inthlahrun leh khan awmzia a nei thui tawh lo viau chuan ka thlah haw ang che tun ațang chuan ka hlatah zana i mu leh zinga i tho tih loh hi chu ka hlatah i awm tawh tur ani lo" a rawn ti a, nui hak hak in ka lu chu ka thin khum ngar ngar a a huat zawng a tling leh ta pauh aniang chu ka khabe ah rawn vuanin min kuai dâk leh salh tawh.
"Chutiang ka peih mai mai lo nilenga mi buai tak bula awm reng ka peihlo hna ka ngah ve thoa tihtur tam tak te pawh chuvang chuan ka hmanlo" ka ti let ve leh kher bawk.




"Aw... Duati, nang hian hna ila nei lo tih i theihnghilh leh tawh em ni? I lu te tak te chhunga awm hi entir a ngai dawn anih hi thil i theihnghilh hma tlat" chimawm zet chuan a rawn ti a pumah chuan ka hmer sak vaka ner pawh a ner chhin eih lo "ka hriatna ka hloh ani ngei ngei ang nangmahni min tihphut ziah țhin avang hian ka thluak thleng hian a han khawih tawh anih hi" ka ti a, keimah ngei pawh ka thusawi avang chuan ka nui leh ringawt bawk.




"I nui hmel ka hmuh lohna pawh a rei ta mahse tun ațang chuan i nui hmel bak hmuh tur a awm tawh lovang thima ta êngah i rawn zuang luta hlim chu i phu ani, i phu ber ang" a rawn ti supa a lamah min pawt hnaiin ka chalah chuan a fawp vang vang a kei pawh chu maichhingin ka lo thaw chhuak ham ham bawka vawiin hian ka thinlung takin ka țapa ka nui bawk ni a zawnga ni mak ber ani ngei ang thinlung taka thil tih ve ve ka nei miau a chuan ka hlimna zawn țhin ngei kha alo let leh ta in ka hre bawk a chhan chu ka thinlung takin ka nui leh miau ani.




Ka kawp tawh lovang ka ti tak nâ in ka indang zo lo ani ber ka rilru duhdan hi tu mah mah hian an pawmpui thlawt lo ngaihtuahna satliah ve mai mai chauh ani ka tisual leh angem ka hrelo mahse ka tuar ngam ve a ngai tawhin ka hria engkim huamin a chhan chu chan leh ka duh tawhlo ani a telloa ka nun hman ka ngaihtuah leta ha langa nuihna satliah ve ringawt hmel inthup a chhunga natna awm lek ka ni si a engtianga rei nge ka lo awm theih reng reng ni tihte ka ngaihtuah leh hnuhnawh, ka ngaihzawng hmasa ber chu pawh ni reilote leka ka kawppui hian ka thinlung zawng zawng a luah hman veka min control ani ber ang chu midang bulah pawh nui mahse a der mai alo ni reng si, eng mihring chiah nge maw anih le.




Kan inkawt thleng chuan min thlaha naktuka thil min sawipui a duh avangin a office ah kal turin min ti a eng thil nge tih zawh kha ka tum țepa mahse min hrilh țha leh duh dawn chuang si loh avangin in lam chu tlan meuhin ka pana hawilet leh tawh miah lo chuan inchhungah chuan ka lut tlang nghal daih bawka choka chu ka pan leh hmasa ber tawh bawk.




"Nu Sang khawng ka nu?" Nu sangi eirawng lo bawl mawlh mawlh lai bulah chuan dingin ka va ti thawr a a thil siam rim chuan ka pum a ti ri rawk rawk thei "a room lam a tifel in ka hria va kal rawh a be duh tawh lutuk chea. E chuan, vawiinah i putea ten chaw an lo ei dawna han intifai vat la min rawn pui rawh aw tihtur a tam ania" a rawn ti nghal zata bu nghatin choka ațang chuan ka chhuk zui nghala anu room lam pan chuan ka kal nghal bawk hun lo deuh deuh a putea ten chaw an lo ei dawn chuan thil pawimawh a awm tihna, an awmdan hi ka hrechiang tawk ve viau.




"Nu" tiin a kawngkhar chu ka kik a 'lo lut rawh' a tih rual chuan kawngka chu hawngin ka lut nghala chhuatah chuan thawmhnaw tê zet zet mai hi alo phawrh chhuak vaka "ngatinge heihi i phawrh chhuah vaka?" Tih hluai pah chuan thawmhnaw chungah chuan ka țhu thla ve nghala kawr tereuhtê chu la kângin ka khai nel nel bawk "saw, ipa Zonuna ta tur saw mawle naute a nei țep tawh si a thla a sik țan tawh bawk si a thawmhnaw lum kan pe ve ang chu ka tia i têt laia i thawmhnaw te hi ka lo la dahțha veka a țha țha ka thlang hlawm anih hi" a rawn ti a, kawr chu pharh in chiang zet chuan ka ena ka va han tê âwm hi ka ti he thil pawh hi ka la thawl ngei âwm si a.




"I ngaihsak vak lo amaw ka tia, ka tih awmzia chu pek te kha i tumlo in ka hre sia" ka ti a, thawmhnaw chu ka enkual sak ve lehnghal zat bawk "nia a hunlai te chuan kan lo sawi pawh ani theia mahse kan ngei tak tak pawh ani lova puih theihna lai kan neih apianga puih hi a țha ngai mi tana Malsawmna nih hi a țha ngai thlang zo ila iva pe dawn nia" a rawn ti lehnghal zat bawk.




"Ti daih ila ka hrechhuak zawk mai, hmanah khan K.T.P lama ka țhiante leng turin ka sawma mahse 'inu ka hlau' an ti ta tlata chuan kan veng naupang pawh hian an hlau thei teh mai che ania aw amak ka ti i hlauhawmna hi ka hre ve lo reng reng" ka ti a, ani pawh a nui ringawt bawk ka țhian dangte ah chuan Sylvia hian hlau lo sihsah tak ani a duh duh danin a ti kual thei.




"Nia, amak teh asin i u țhiante pawh khan kan ina thil tihkhawm an duh ngai hleinem i u bulah pawh khan keimah min hlauh thu an sawi țhina mahse zahawm rukna kan neia chuvang chuan mite hian min zah ta ani engmah ti lo mah ila zahawmna chu alo piang thi ani tam tak chu damdawi an ti a, khavang kha ani a chham chu sual hian zahawmna a hneh lova a lakah a inthlahrunga chuvang chu ani nangpawn hria la khawthlanga inhmang hle la Kohhran lamah pawh zahawmna i neih chuan si loh chuan mi te endan che kha a dang daih thei ania zahawmna nei tur hian thawh vak vak kher a ngailo i nitin nun hman ațang khan alo lang chhuak mai ang i nun kha a pawimawh ber zahawmna nei tur chuan" a rawn ti a Kohhran lam min ti hrechhuak zawk mai.




Thawmhnaw chu a peihfel tawh ani ngei ang bag ah chuan khungin min ah tira "rawn haw lehnghal la thil sawidun tur kan nei ania a pawimawh ang reng viaua i putea ten chaw an rawn ei dawna an rawn thlen hmaa intihfel a ngai bawka leng nghal daih suh ang che" a rawn ti a, nui vur vur in ka chhuaka ka chhuah tawh chuan len nghal ka hrat theih em vang chauh ani.




Pa Zonuna te in kawngkhar chu ka kik dat dat a lut tura min rawn tih hnu chuan ka luta inleng an lo nei deuh ani ang an lo ri deuh rum rum a an nu ber chu naute thawmhnaw ka ken thu ka hrilha min hrethiam tih hriat zetin sitting room lamah amah zui phei turin min hrilha an fanu chu a țhiante an lo leng ani ngei ang an lo awmkhawm deuh nak nak hlawma min hmu thut chu an inhrilhru hlawm sep sep lehnghala ka khawng diat diat dawn reuh amaw ni mi rel hrat hlawm reuh lutuk mai.




"Madin, hei naute thawmhnaw kan rawn pe chea thlaa sik tawh dawna i nei țep tawh bawk sia ka tet lai kawr anu in a thlang chhuaka ka rawn pe che anih hi" tiin a malchungah chuan bag chu ka daha min nuih var var pah chuan lawmthu a rawn sawi nghal zata rai a ngeih ani ngei ang amah a no sûka a a chum biang lehnghala a hmel a tih țhat belh ka ti mai "Madin, thil ka zawt che anga dik takin min chhang rawh aw hlauh tur a awmlo ania ka sual miahlo min ring thei ang" ka ti a, 'aw' a rawn ti zâwi sep bawk.




"Naute pa hi khawiah nge?" Ka ti a, a hrelo tihna nge a lu a thing ringawta engmah a sawi bawk si loa a hrelo tihna ani ngei ang "an in lamah a awma" min chhang dawn tawhlo amaw ka tih hnuah chuan a rawn ti ve leh ta hrama a țhiante lah chu an bengchheng phian lehnghal "anih neih i tum hrim hrim em?" Ka ti leh, ka hre chak lutuka ka zawt ringawt anih hi.




"Ka hrelo, ani Hmuaki kha chuan nei rawh paltlang tur zawng zawng i paltlang vek tawh thoa zah lehna tur chuang a awm tawhloa a tia mahse kei chuan neih ka duh thoa a... ka hrethiamlo neih loh tawp ai chuan neih ka duh tho" a rawn ti leh sepa a dul puar lian tawh zet chu a kuah ve tai a a rilru a hreawm ve ngawt ngei ang "anih naute pa chuan a rawn ngaihsak ve țhin tho em?" Ka ti leha , a bu nghat nghat bawk.




"A chanchin pawh min rawn zawt fo țhina amah pawn inneih chu a duha mahse a rem ve țeuh tawh si lova sual chu a sual bîk em lo a nu te saw an ni mai an hlauawm lutuk" a rawn ti a, a mipa thlalak te chu min hmuh thûla an induh hmel phian lehnghal hetia min ring tih hriat zeta ngaihngam zeta thil min hrilh hi lawmawm ka ti ani.




"Englo maw ka lo sawi ve tur chu a awm lemlo nangin mahse i thinlung duhdan kha zawm ang che i neih duh leh duh loh chu i thu thu mahse i hmakhua ngaihtuah tel tawh ang che tunah chuan nangmah chauh ini tawh dawnlo pakhatin a belh che anga ani chu engtik lai pawha i ngaihtuah tel ve a ngai tawha chuvang chuan rilru nei rân rawh kum 17 chauh ila nih hi i hmakhua ila siam thei chuvang chuan inngaihtuah chiang ang che" ka ti a, a bu ta nghat nghat bawk.




" U rinrin ka lawm lutuk e min hmusit lovin thurâwn țha deuh deuh min pe a țhenkhat chuan ka lepchiah thu ngawt an sawi țhina min rel char char a ka chanchin țha lai pawh an sawi tawh mang ngai lo mahse nang chuan min fuiha thu țha in ka lawm lutuk e" ipik ru riau mahse hlim hmel put luih hram hram pah chuan a rawn ti a, a rilru a ipik ngei ngei dawn sa ka chiang.




"Kei deuh ka lawm tlang deuhin min hrilha chuan thil pakhat khang zawng zawng bakah khan Hmangaina a pawimawh tel em em bawk theihnghilh suh ang che" ka ti s, ka bu nghat nghat bawk "ka zak ngawih ngawih ani miin chhe deuh deuh in min sawia ka țhiante heng bak lo hi chuan min kawm peih lo min hmusit vek tawh rai tur chuan ka la naupang bawk si a a hreawm thei lutuk ringawt" a rawn ti a a mittui chu a luang ringawt bawk.




"Hey, țap lo la i țhiante pawh an awm ve vek hi a mawilo ania nau i pai tih an hriat tirh khan mite chuan an sawi reng zel che alawm an theihnghilh mai maiin ka ringlo naute a rawn piang chiah anga an rawn en leh anga hei aia nasa hian sawi zui ani leh dawn chuvang chuan i paltlang tawha chak taka hmachhawn i zir a ngai tawh zak alawm i zahna te in hneh tir lo la rilru nei zawk rawh.




A hreawm iti ngawt ang ka ring kawm tur i neih loh chuan min rawn be ziah dawn nia ka lo chhang ziah ang che" ka ti a, a bu ta nghat nghat bawka a țhiante pawh hi leng ve satliah mahse an ngaihsak loh hmel hlawm hi ka ti ngawih ngawih "anu leh apa thu ka awih loh vang ania hetia ka awm mahse a nih tur chu ani vek tawha ka sual rah ka seng anih hi zanah te ka chhuaka nang chu min hriatchian kha i hna bang te pawh kan inhmuh fo kha h/w tih chhuanlam ten ti khan kan leng țhina anu hian a phal ngailo diktak chuan mahse a rah chhuah chu heihi alo ni taa ka inhmuchhuak har mah mah ani" a rawn ti leh sapa a tawp lamah chuan a nui tel deuh khera ka lainat ru angreng khawp mai.




A țhiante hi chuan tih loh aia ti ve mai anni an ngaihsak thlâwt lo a mawi lo ang tih an hlauh vang chauh anih dawn hi tuarpui nachang pawh an hrelo ka chhuah dawnah te chuan min la chheih hram lehnghala naupang nghal hlawm leh lutuk mai an nu leh pa rilru ti hah tu mai mai an ni ngei ngei ang an hmel ațang reng reng khan a hriat. Tikhan a lawm ve em em anga mahse a țhiantr khan an hmuhsit dawn zia a hrethiam pha dawn tawp si lo naupang mai ala ni a mi sawi dan hi a tuar chhuak thei chiah angem? A rilru a hah ve țhin ngawtin ka ring ani ka lainat em em bawk a hma te chuan sual viau țhin mahse heti hi alo ni taa nu leh pa thusawi awih loh rah chhuah entirna diktak ani tam tak tan a insiam țhat theih a tlai hma in.




"Iva rei leh em em ve" inchhung ka lut chu anu chuan alo ti leh hlar tawh "nah! Nu... tun țum te chu leng pawh ka ni chiahlo ka khawngaih ema thil ka zawt ve mai alawm harsatna a awm hleinem hei darkar 1 êm pawh ka awm loa" tih pah chuan a bulah chuan ka va țhu nghal tharh a "engthil nge i zawha?" A rawn ti a, țhut țhat pah chuan "ka zawt țeuh mai in hriat ve zel a ngailo sawi darh tura zawt pawh ka ni lo" ka ti a, min en reng ringawt.




Ania lawm sawi darh tura zawt pawh ka ni loa ka duh te chuan ka sawi darh nghal char char thei mahse chutiang em em a sual chu ka ni bik hauh lo hetiang tuarte thuruk kan hre ro ro anih chuan kan zêp sak zawk tur ani ngai sawi chhuah vak vak kha kan tan a hlawkthlak ber chuang loh engmah ani lo.




"I phone te kha han la phawt la, han on tawh rawh i off rei tawh lutuk i putea te pawn an rawn be theilo chea a hahthlak thei lutuk i phone lah hi i hmang țangkai lo ve ropui si news en nan che hmang ve ta che" a ti a, ka kal peih lo leh dawn tih a hriat avang ani chiang bawk nawr kal tak meuhin min nawr kala "news te chu T.V ah pawh an puang tho alawm phone a en ai te chuan a țha zawk hrim hrim an puang chikim daih zawk" tih nang nang pah chuan ka room lamah chuan ka chhoa ka on lohna rei tawh zia ka hrechhuak uar uar.




Room chhung ka luh chuan khum chungah hian parcel lian zet leh a chungah chuan ka pangpar mawi tih em em kha alo awma engdang mah sawi tawh lovin kawngka chu ka kalh nghal sawk sawk a rang lutukin ka tlan pheia he thil hi tu dah nge tih ka chiang ani a chhan chu pangpar rimtui ka tih awmchhun a dah tel miau a.




Pangpar chu la kângin ka hnîm vang vang a a hnah pakhat chu ka pawt thlaa ka khi ver ver bawk parcel lam ka hawi thla chu a chunga lehkha lo awm chu ka la a pangpar chu khumah chuan ka nghat bawka a kawmah chuan ka hmingpum hi nalh em em hian alo inziak a a hnungah chuan Ela hmingpum alo chuang kuau bawka. Rang lutukin parcel chu ka hawng nghal mawlh mawlh a a chhungah chuan teddy bear te, sweet te leh pangpar tam deuh chuan chawlhnia ka kilh ziah țhin bakilh mawi ang chi te chuan a dang tam tak te pawh a hnuaia thil rawn tle vet vet chu ka la a box pakhat leh bawk.




Ka hawnga ka bunna lamah chuan lehkha nawi hi alo tla vaka a chhung ka en chuan thlalak hi alo awma ka hawn chiah chuan kan pahnihna thlalak hi alo awma chupawh kan lak hnuhnun ber kha ka nui chhuak nghal hawk bawk thlalak chu ka chûla hepa hian enge a hriat taka, thlalak hnunglam chu ka en leha 'lehkhaah khan number pek vek ani a remkhawm rawh' tih alo awm leha lehkhaah chuan number one tih ațang chuan ka remkhawm ta a.




A tawpah chuan heihi alo chhuak bawk
'LALRINNUNG KA HMANGAIH CHE' tih alo chhuak ka țah nuih nghal hawk bawk. Hepa hian min velh țah dan chauh a thiam tihna em ni ngatinge hetiang thil hi a tiha ka biak a ngai zawh tur tam tak ka nei.




Ka phone dawhkana awm ka on khat em em chu la in switch off chu ka on a ka khuma thil awm zawng zawng hian thil entir pakhat chiah a nei chu pawh chu natna avanga kumkhua leh chatuana tana a tih ani min hmuh leh tawh ngai loh a tum tihna ani.


MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni