AT THE ELEVENTH HOUR BY : Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: AT THE ELEVENTH HOUR BY : Msi Miluhlulnui (Completed)

Unread post by Ngaia » May 10th, 2020, 2:04 pm

AT THE ELEVENTH HOUR - 25

By : Msi miluhlulnui 💜



🌝🌚 ka regu par par thei tawh ang aw... min lo chhiar sak leh țheuh dawn nia chuan like & comment te kha min lo peksak ve hram hram dawn nia aw💜🌝🌚







Phone a rawn ên rual chiah chuan thil dang chu ka set țha nghal sawk sawk a ka password te ka lo theihnghilh țep anih chu! A hma daih tawh ațanga ka on loh ani bawka missed call chu 100 chuang ani tawh whatsapp message te lah 1000 a tling vek tawh bawka clear leh pawp ila ani mai. Whatsapp ah read receipts ka off avangin El'n ka message a seen tawh em ka hreloa last seen kan hide ve ve bawk si a, a thleng tawh êm ang chu maw.




A number chu hmet chhuakin ka dial nghal zata net a țhalo nge ni a ri țut țut a a hnuah chuan pangngai takin a rawn ri ve ta hram khuma thil awm te chu ka la kânga hepa hi ka hmuh hunah chuan ka khawng chiang ngawt ang ka khawng lo a tîk a tâkah "hello" zâwi zeta a rawn tih rual chuan ka khi nghal vur vur a ka ngawi renga ani erawh mut chhuak tih hriat zeta a hâm bai bai chuan a chhunzawm nghal zat.




"I țawng dawn nge ka dah dawn? Ka mut a chhuak ania" thatchhiat hmel zet hian a rawn ti a, ka la ngawi renga kan pahniha kan thlalak chu ka la kânga ani erawh a rawn thaw chhuak ham ham mai "ka dah dawn" a rawn ti leh ka la chhang chuang lo "Lalrinnung" a rawn ti ta hrâwk, nui chung chuan "kha kha ka nghaka" ka ti sepa ani pawh a nui ri ve ta suk bawk.




"Ila thleng lo mi?" Tih pah chuan teddy bear leh pangpar te chu ka la kânga hman ațanga ka awh țhin ka sawi kha ala theihnghilh lo ani ngei ang "ka thlenna a rei tawh alawm ka chau lutuka ka mu nghala i țha tawh ami? I zia tawh em?" Pangngai tak chuan a rawn ti a tuna a hmel awmdan hi ka hmu chak takzet ani "ka țha tawh lutuk mahse in enkawl uluk ka la ngai deuha chuan ka tihpalh i chungah khatiang thil..." ka sawi zawh hma hma chuan "engmah sawi suh" a rawn ti ta hrâwka ka ngawi chiang mah mah bawk.




"Ka chungah engthil mah a thlenglo chuan engmah itihsual a awmlo thil nihdan turin ka siam rem mai alawm ka bulah chuan hlim angin lang mahla chhungril takin i hlimlo tih ka hria Jeremy khan kei ai a tihlim zawk chea nangpawn i sawi tawh kha chuan a enkawl țha dawn bawk che chuan a Hmangaih zia che ka hmu tawh bawk" a rawn ti zâwi sup. Teddy bear chu ka hmer ngawt ngawt a "ka hmuh hunah che ka khawng dawn chiang che alawm" ka ti ta ringawt.




Rawn nui chhuak hawk hawk in "ka bula reilote i awm chhung kha ka tan chuan hlimna ropui ber ani awm reng thei la ka duh bawk but... mahni duhdana thil tih hi alo țha ber țhin loa midang duhdan leh hlimna te hi zahsak ve a ngaia sawi vek kher lo mah ila ka sawi awmzia leh thil awmzia tam zawk chu i hrethiam veka sawi vek kher pawh ka tumlo" a rawn ti leha ka thaw chhuak nghal ham ham bawka ka mittui a parawl țung ringawt.




"Ih..englo..hmannia i thinrim chhan te kha ka hre tlai iti em ka hre tlai tiraw mahse tunah chuan a tlai tawh bawk sia kei hi ka â anih hi ka â i thinrim chhan pawh kha ka lo hrethiam loa mahse ka hriatthiam ve hunah meuh chuan hei a lo tlai leh vek tawha i chunga khatiang ka tih avang khan ka tihpalh hlimna tluantling lo ka siamsak chea" ka ti zâwi sapa ka mittui rawn luang tur chu ka hru nghal vat bawk.




"Het! Khatiang thu kha sawi tawh hlek suh mahni kha indem suh ka hrethiam che alawm khatia ka tihchhan pawh kha inhmuhchhuah phah nan hmang la ka duh vang ani kei hi i hlimna tak tak ka nilo tih ka rilru chu ana ve tho mihring ka ni mahse khatia ka tih mai loh chuan tihdan dang a awm si lova nizanah khan Jeremy nen engkim kan sawi dun vek tawh alawm ngaihdam pawh kan indil tawh bawka a țha em? Engmah i indemna âw kâ ri kha hriat leh ka duh tawh lovang" a rawn ti hmuk, țah nuih pah chuan ka mittui chu ka hru a.




"Karleh ah khian ka rawn chho leh dawna kha lamah khan ka awm tawh maithei ka pa in khalam hna kha chinfel a ngai deuh hlek a ti a chumi hunah chuan engkim kan sawifel leh vek ang a țha em? Tunah chuan sawi hun ani lo tlat i taksa a chau leh mai ang inngaihtuah hah lutuk lo la" midang ka duh tih a hriat hnuah pawh min ngaihtuah tih a thup chhin miahloh chuan min ti hlim takzet ani.




"Engtin nge hetiang thil hi i hriat theih a? Ka tih awmzia chu.. Jeremy laka ka feelings te leh.. ih.. englo.... sawi dan pawh ka hrelo" sawi zo lo chuan ka ti nawi nak, ka thaw chhuak vak ringawt bawk "ka hrethiam i sawi tum chu tlang chhip chu thlen tum lo mai rawh. Têt lai ațanga inhre tawh kan ni ka hrechiang che Jeremy chungchang ka laka i sawi ațang khan ka hre daih tawha a prove na ka mamawh belh mai chauh ani a laka i feelings te kha thup tum eng ang mahla i thup hneh chuang lo and so... beiseina nen tawnmangah tal.. tiin chhin zai han rel ve dawn ila a țha ange" a rawn ti kher anih chu!




"Khera che" tih hlak pah chuan ka nui chhuak hak a ani pawh a rawn nui chhuak ve hawk tho "tak takin Rin, i thinglung duhdan leh a thusawi te kha ngaithla la zawm ang che anih loh chuan nangmah ngeiin iti chhe leh theia a tuar tur chu nangmah tho ini leh bawk i rilru ti khauha chimawm leh sual vît vêt te kha a ngai hranlo ania mahni i inti na mai mai chuan zaidamna leh dawhtheihna kha nunpui hram hram tum rawh, a hlu, a hnuah mahni bak kan hlim leh chuanglo ania, ka sawi vek senglo nakinah Jeremy kha ka la be dawn nia chuan i tan ka awm reng anga buaina i tawh chuan engtik lai pawn i kiangah ka awm zel ang chu chu țhiante tihdan tur ani" a rawn ti a, a sawi zawh chuan ka ngawi vang vang a ani pawh a țawng lova a thaw ri pawh hriat tur a awmlo.




"Min kalsan daih tur angin i țawng alawm thi tur ang mai hian i țawnga ka awm iti nuamlo i damlo ami?" Ka ti ta nge nge, chutah rawn nuih pah chuan a chet zui hluk "mi kan mittui a tla țepa thi tur anga i țawng te min lo la tiha ka dam țha lutuk chuan thil pakhat whatsapp ah khan ka chat kha pinned ngei ngei ang che i hria maw" a rawn tia ka nui ringawt bawk message ka hmuh loh țhin zia a hrechiang miau ani.




Ka țawng tur chiah chu phone ah chuan aw dang a rawn ri a "Miss, sir chuan lo dah mai tur che in a hrilh anih chu thil pawimawh a awm ani ngei ang phone min pea a chhuak zui nghala" tiin mipa pakhat chuan a rawn sawia "aw le" tih pah chuan phone chu ka off nghal vata a sawi ang chuan a chat chu ka pinned a Jeremy leh Sylvia an pathum chuan ka pinned thlap bawk.




"I rawn chhoh hunah chuan i chaklo ngawt ang khatiang thil zozai kha sawi mahla ka ngaih ila ti țha chuang lo reng reng chuvang chuan zawh duh ka la ngah chea engvanga hetianga awm ringawt hi nge inih tih pawh ila sawi fumfe lova ka rin ang ringawt pawh hi alo nilo thei buaina te a awm thei bawk, thil lah hi i zêp thei ropui si" teddy bear vel bawma khung pah chuan mahni chuan ka phun mawlh mawlh a a chang leh ka ding chhuaka ka kawng ka dawma ka thaw chhuak leh vak zel bawk thil eng emaw inthup chu a awm chiang alawm ni lo se nizana puak keh tur khawpa thinrim kha hetiang hian a rawn nêm thut lovang a theih loh hrim hrim.




🌈🌈

"Bawihpui, i putea te an lo thleng ania lo chhuk ta che" nu Sangi'n min rawn auh avang chuan ka hmai chu ka hru thuak thuak a ka rimchhe lutuka ka lo inbual hmanhmawh alawm "aw, ka lo chhuk nghal ka sam hi kan khuih lawk ang ka lo inbual zo deuh chiaha" ka ti lûng lûng a ka sam ka tuamna chu ka phelh zui nghal sawk sawk bawk.




"Hmanhmawh lutukin che lo la Jeremy pawh a awm ania" ala rawn ti leh, ka thil tih lai chu ka tawp nghal chawt! Kawngka lam chu ka hawi phei nghala "nu Sang, han sawi țha leh teh Jeremy chu alo kal tak tak ami?" Ka ti vaka mahse min chhang tawh miah lo enge maw awmzia le "nu Sang" ka ti leha a reh tlawk tlawk ringawt lehnghal ngaih țha zan lo chuan darthlalang hmaah chuan ka in en leh "Jeremy'a alo kal tih kha a sawi chiang alawm" ka ti sepa, ka hre sual nge sual lo niang.. ka sam chu tuai thur vakin ka au vak ringawta ka vei lutuka chuvang nge mawni mahse chutiang em em chu ani thei dawn bawk si lo, huiz engmah hi ka hrethiam tawh nei nuai lo e a.




Ka sam chu ka khuih nghal sawk sawk a room chu tifel zuai zuai in inhnuai lam pan chuan muangchangin ka chhuka putea te chhung pawh țhutkhawmna lamah chuan an lo țhu țhup tawh bawka Tims'a lah chuan a bialnu kha a rawn hruai ngei ni tur ani a țhut hnaih leh țat tawh mai. Mahse ka mitin a zawn mipa chu a awm ve hauh lo nu Sangi lah khan a awm thu a sawi bawk si a ka beng chhe ri ani chiang alawm.




"Bawihpui, i nu Sangi kha va pui ta che tihtur a tam ania zan lamah kan sawifel tawh mai dawn nia" ka țhut ve hma hma chuan ka nu chuan a rawn ti lehnghala ka mawng ka hûng teuh tawh asin mawle "aw, pui nghal dawne mahse khawnge putea hi?" Tih pah chuan ka hawikuala nichin khan ka hmu ve miahlo tak e "pawn lamah Jeremy nen an inbe lawk anih kha nakin lamah choka lamah khan ka rawn phei tir dawn nia" a ti a, ka meng ta kâwk ringawt, awi anu leh! Alo kal tak tak anih chu ka hresual lo chiang alawm enge maw a rawn tih dawn le.




"Enge a rawn tih dawn?" Ka la ti leh hram engmah min rawn hrilh lawk miah bawk si lo min ti hrilhhai.




"Ka hre biklo nangmah kha a hmuh duh thu che a rawn sawia engmah ka lo zawt chhunzawm tawh lem hleinem" a ti mai lehnghala rilru an tibuai enge alo tih dawn tih mawlh mai chuan min luahkhat ta ni berin ka hria "pite, tikhan lo awm rawh u aw nu Sangi chu ka va pui ve lawk ang" ka ti a, pitei pawh chu a bu ve ta nghut bawka ka kal phei chu Tims'a leh a bialnu inngheng riala țhu dun chu hnai zetah ka zu biha an phu dun chiang asin aw... nui vur vur chungin ka kalsawn lehnghal daih a min ngei teh ang chu.




Kawngka inhawng sa ah chuan ngawi reng hian ka dâk chhuaka putea leh Jeremy chu an lo la inbe tak tak lehnghal Jeremy chuan kekawr ipte zen chung chuan kawngka hnungchhawn zawngin alo dinga vawiina a thawmhnaw hak kha a ha tawh miahloa suit bawk ani alo hak leh tawh ni enge maw alo tih ve leh rikngawt dawn ni a tlai tawh tawh nen vawiin nilengin kan inhmu tawh bawk.




Choka lamah chuan ka pheia nu Sangi pawh chu alo buai takzet bawk "nu Sang, enge ka lo tih ve tur chu?" Tih pah chuan țhutthleng chu ka pawt chhuaka ka țhu nghal tharh bawk "aw, min lo nghak lawk la taka Jeremy nen sawn in țha leh tawh ami? Hetah te alo kal sia" râwtthlenga thil râwt pah chuan a rawn ti a dawhkanah chuan bawkin ka thaw chhuak hak "aw, țha leh tawh vawiinah khan ania thuthlukna ka siam dik em pawh ka ngaihtuah theilo nu Sang mahse ka siam dik chuan ka hria ka hrethiamlo ka rilru hi a buai nuai mai keimah avang bawkin hmeichhe pakhat a na leh tawha a nat dan kha ka hriatthiam pui" ka ti zâwi sapa Zorini awmdan khan ka rilru a kam tlat anih chu! A tana a hreawm tur zia pawh ka hriatthiam pui vek.




"I duha i kalpui anih chuan ring ngam rawh kei chuan ka ring ngama Ela kha ka sawichhia tihna ani hauh lo ania a chhan chu an pahnih laka i awmdan a danglam ve ve vang ani" a rawn ti a, a sawi dik an pahnih laka ka awmdan a danglam ve ve ka rilru put dan leh thinlung thlengin a danglam vekin ka hre bawk "Vawiinah khan Jeremy'n Zorini bulah an inkar a tawp tawh thu a sawia keipawh ka awm ve renga an lo inkawp tak tak loa Jeremy khan hmanruaah alo hmang mai mai lek alo nia mahse ka khawngaih tho" ka ti leh sap bawk.




"Khang kha chu tlema zawng inu țawngkam ațangin ka hre ve zuai tawh alawm sawi theih ka nei loa sawi tur pawh ka ni chuang loa in pahnih inkar ani a nangmah ni pahnihin chingfel ula keini chuan i hlim kha kan duhbera i nui hmel kan hmuhin kan hahdam ve țhin ania" a rawn ti a, ka nui ta ringawt bawk. Zorini kha ka khawngaih rual rual in Jeremy khan a sawi dik ka hmuh leh hunah chuan a hma ang tho kha ani leha ka chungah pawh engthil mah tih hreh a nei hauh lo ang keipawh ka lo inven ve a ngai takzet.




"Zikhlum kha lo chan la artui hi kan chhum anga kan kan pawlh dawn nia artui lawng ringawt ai chuan a zia deuh ang" a ti a, tho in zikhlum chu ka la chhuaka chemte leh plate nen chuan ka inchhawp ve rûn bawka pawn lama Jeremy awm chuan ka awm a ti nuam hlek lo lehnghal nakinah Sylvia ka bia anga engkim zawh chian a ngai ani nizan thil thleng zawng zawng te kha ka hre ve vek duh.




"Hmarcha muh sa pawh alo zo leh tawh anih hi tunlai chu hmarcha kan ei lo lutuka lo ngaihsak lutuk lemlo bawk nen pawn lamah ka va mut lawk ange" a buai bawk si, a hah chuan a țawng a zawi thei em em lehnghala a chang chuan 'maw?' Tih vak zel a ngai anu nen an in ang chiah chiah anu phei chu hma a thawh hah laia biak phei chuan a țawng zawi bawk si min vîn hrep zel biak pawh a inthlahrun awm lek lek zawk ziah.




"Artui chu i chhum tawh em?" A chhuah hma chuan ka ti leha "chhum tawh e a kan dan i hriat tawh kha lo kang rawh aw chaw ei a hun țep ania" a ti zung zung a artui awmna chu min kawhhmuh nghal zata hmarcha muh hi lawm thil siam vela ka nin theih em em chu ka hahchhiau nasa thei lutuka a hreawm zawk ka hnar a sen vek zel naktuk ațangin eisiam zir leh dawn țan ilang a țha ang ka duh ai chem ka hûm khat mah mah.




Zikhlum ka sil mawlh mawlh lai chuan ka kawnga min rawn vuantu an awm avang chuan ka phu nghal zawka tu tih ka hai lo chiang mawle "tikhan i țangkai ve hmel alawm" ala rawn ti lehnghala ka ban huh lo se chuan ka nghawk pawpin ka ring ani "enge ilo tih dawna? Tlai tlai ah" ka ti a, ka thil tihlai chu dah in ka ding mara ani pawh chuan min rawn kuah nghet nghal zat bawk.




"Ka hmu chak che" tih ringawt in min chhanga ka nui ta ringawt bawk "chutiang lam lo in thildang velah, bakah vawiin nilengin kan inhmuh tawh kha" ka ti zui leh hlaka ani pawh a rawn nui ve ringawt bawk "nileng anih loh kha ni chanve pawh ani lo ang chu chu engtin nge nileng i tih theih a Duati?" A rawn ti hluk, ka tih ngaihna hrelo chu ka nui ta ringawta nileng ani reng mawle.




"Nileng ang tho alawm kha bak baka nileng, chuan enge tlai tlaiah i rawn tih dawna thil pawimawh or thil thleng a awm ami? Nge thil theihnghilh ka nei zawk?" Ka ti a, ka sam chu rawn hnîm vang vangin ka darah khabe a rawn nghata "thildang daih mawle case file chungchang kha ania Mannuela khan nichin khan min rawn call a buaipui a duh thu min hrilha keiin ka pawmpui loa a chhan chu engmah a hriatchian loh vang ani chuan keiin buaipui ka duh bawka" a rawn ti a, a thaw chhuak zui ham ham bawk.




"Chuan, engtin zel?"




"Chu chu nangmah hian thubuai theh luh i duh nge duh lo? Theh lut suh ka ti hauh lo i chunga a thil tih avang khan tuar ngei se ka duh bawk amaherawchu; tun dinhmunah hi chuan a lang a paua tlawm zawka kan țan a ngai tlat ani thil thlen theih dan chu engkim ka sawi tawh kha he thil kan tih avang hian kan dawihzepa kan tlawma kan chaklo tihna ani lo dinhmun țhaa kan din hun nghah a ngaih zawk vang chauh ani engkim bulțanna amah anih chuan a tawpna chu nangmah ini dawna ani chu thu chiahin a mualpho ang" a rawn ti supa, ka thaw chhuak ham ham mai.




Min kuahna chu phelhin a lam chu ka hawia "ka hre biklo ka lo ngaihtuah leh tawh miah loa anu chuan ti hian thehlut lo la muangchangin chet kan la dawn nia a tia mahse kei chuan theh luh nghal ka duh bawk si a ka haw em ani mahse ka hlau tho bawk si engmah hi ka hrethiam tawhlo engtia hmalak tur nge tih pawh ka hrethiam tawh lo a chak bawk si ruahmanna a nei fel bawk si" ka ti chhuak hap ringawt.




Ka biang chu rawn dawmin amah en tur chuan min kuai dâka a mitmeng ațang chuan hahdam turin min hrilha ka thaw chhuak hak ringawt "engmah hlauh tur a awm hauh lo ania i dik zawka a dik lo zawkin chakna chang rih mahsela tawpna hlimawm chu itan chauh ani ang, thinrimna leh huatna avang ringawta thubuai kan thehluh chuan a nghawng a na ang a let leh tur dawn tel a ngaia ruahmanna fel tak engkim neih ve vek a ngai chuvang chuan a lang a paua tlawm anga kan lan a ngai tlat ani anih loh chuan engmah hian awmzia a nei dawn hauh lo ania Duati" a rawn ti sup, ka biang a dawmna kut chu la thla in ka hmer vang vang a.




"Ka hre biklo zan velah tihdan ka lo ngaihtuah anga thil thleng leh khang video te thleng khan ka lo ngaihtuah țha leh anga thuthlûkna ka lo siam ang ka ngaihtuahna ati buaia vawiin avang khan ka khawngaih bawk si a engmah ka hrethiam tawhlo a rilru chu ana ve ngawt ang" ka ti a, tui dehnaa zikhlum awm chu la in gas lamah chuan ka chawi pheia ngaihtuahna a ti tawi leh ta tup tawh mai.




"Duati, khatiang rilru kha pu suh ka tih che kha" rawn tih sup pah chuan ka bulah rawn dingin tel bur ka ken kân chu a rawn dahthlaa a lamah chuan min kuai her nghal zat bawk "mahse a loh theih loh alawm a awmdan ka en khan ka khawngaih em ani a chhan chu khatiang kha ka tawng ve tawh miau a a hreawm lutuk asin amah pawh kha ka haw thoa mahse ka khawngaih tho bawk sia a... ka hrethiam tawh biklo a awmdan kha ka feel pui em ani" ka ti ta ringawt bawka ka awmdan ang ai kha chuan la nêp mahse ka feel pui tho tho.




Hmangaih leh duh em em tena midang an duh thu leh min kalsan thu han hriat tak hi a hreawm chu chu ka zir chhuak bawk mahni kan inngaihtuah nasa a thil ni lo lo kan ngaihtuah bakah ngaihruatna diklo suangtuahna diklo thlengin min neih tira a tuartu tan chuan sawi fiah thiam loh khawpa hreawm ani mi ngaih ang ngawt hi ani ngai hauh lo.




Mi ngaih ah chuan an tuar chhuak leh mai ang a ho lutuk a rei ngailo tih ani a mahse a tuarte chunga a nghawng dan an chhut pui thiam lehloa an ngaih a sam ve leh ringawt țhin an mahni in han tuar leh chiah se 'midang tuarna ka hriatthiam pui ta chiah engtikah mah ngaihzawng ka nei leh tawh ngai lovang mipa pawh ka ring thei tawh lovang' an han ti thla leh ang rawk țhina a insûm zo lo an ni ve leh ziaha heihi lawm Induhna leh Hmangaihna chungchanga thu hi a mak em em na chu tumah hian an hrethiam lova an sawifiah thiam ngai heklo a tak tawngtu thusawi leh a der ti mai ila an thusawi a inang ngailo a thurawn i la duh anih chuan tak tawngtute thurawn ngei la la paltlang an ngah tawha mi chi hrang hrang thusawi ai chuan i hlawkpui zawk ngei ang Hmangaihna tak thurawn chu.




Chuvang chuan a dawngtu nih ai chuan a pe tu nih hi a hlu in a ropui fe zawk Hmangaihna pawh hi dawn phet kan lo tum țhina kan ti diklo ani a dawngtu nih ai chuan a Hmangaih tu nih hi alo fuh zawk Hmangaihna chuan a dawhtheia ngil a neia engthil pawh thleng se a tuar hram hram țhin chung tello Hmangaihna, Hmangaihna dawn phet tumtu Hmangaihna pek chhuah ve erawh a der mai chauh ani




"Duati" a rawn ti supa, a âwmah chuan nghet zetin min kuah bet ta ringawt bawka țullo puiin ka mittui a tling ringawt anih chu! A chi loh tak tak ani "khawi min thlah la chaw ei a hun țep tawha hei siam vat a ngai ania" ka ti a, a âwmah chuan ka nem data a che deuh aih ringawt bawk.




"Zan lamah hna thawh tur ka neia vawiin lamah khan hna ka kal bawk si lova thil hriatthiam loh an nei nuala naktuk lama thlawh thlak pui a ngai tawh bawk si a a zana zanah meeting ka ko ringawta ka va kal ange i taksa kha ti chau lutuk suh ang che" a rawn ti nawn leha ka lo bu ta nghat bawk "kan zawh veleh ka lo kal dawn nia" a ti a, a taksa ațanga min nawr sawn a tum chu a kawngah chuan ka lo kuah bet lehnghal vat.




"Khati khan iti tawha ilo let loa tuna ilo let loh vaih chuan aw... lo kal tak tak ang che ka lo nghak reng dawn che ania" a âwma hmai phum chung chuan ka ti sepa ka chhipah chuan rawn fawp vang vangin ka taksa che awk khawp chuan a thaw a "beidawngin ka siam tawh hauh lo ang che" a ti ta sup bawk.




"Anih chuan kal tawh rawh, i tlai palh ang chuanin... chaw i ei tawh ami?" Awm hran pah chuan ka ti a rawn kun hniamin ka chalah chuan a rawn fawp zeuha ka hnarah nen "office lamah an buatsaiha in lama ei ai chuan sa free chu ka ei zawk mai ang" nuih deuh pah chuan a rawn ti a, ka nui ve leh ringawt bawk "aw... va kal rawh i thlen hunah text emaw call in min lo hrilh dawn nia ilo haw dawnah nen chiang em?" Tih pah chuan ka melh kalh a, kiai sukin a dar a sân ak anih chu!




"I rawn tih loh chuan ka phone hi ka switch off leh anga ka nu phone ațang pawn min rawn be thei tawh lovang a chiang leh em?" Ka ti leh hlaka nui chhuak hawkin "sure" a ti ta sup bawk. Ka kawngah hmer chawtin a lamah chuan min hnukhnai leha min rawn fawp nghal vang vang bawka keipawh chuan a nghawngah kut dahin ka fawp let ve nghal zata ka thaw thei lo leh lek lek țhin.




Jeremy a kal liam hnu chuan chawhmeh chu ka siam mawlh mawlh a zikhlum chawh leh zeuh zeuh pah chuan artui pum 20 vel zet kan tur chauh pawh nilo chu ka kheh mawlh mawlh bawk "ka lo khehpui ang che aw" aw ria ka hriat rual chuan ka hawichhuak nghal vata Tims'a bialnu chu kawngka bulah chuan inthlahrun hmel zet hian alo dinga nuih ver ver pah chuan lo lut turin ka ti nghal zat bawka kei ai ala naupan ka ring tlat.




"Chimawma chuan a rawn tir leh tawh che ani maw in la polite thei bawk sia" ka bula a rawn țhut rual chuan ka lo ti nghal zata a nui ringawt bawk "U Rinrini chu thlalak ai chuan a takah i hmelțha daih zawk a" a ti sepa a thusawi avang chuan ka thil tih lai dah meuhin amah chu ka en ang kâwka "ka hming i hria maw? Chuan ka thlalak te pawh i hmu tawha mahse engtin?" Ka ti ta ringawt, kha pui min hre leh ringawt tawh nia mawle.




"Ig lamah te leh hmun dangah u Jeremy nena in thlalak a tam alawm chuan inu nena in thlalak pawh kan lo hmu ve fo tawha u Jeremy nen hian in inhmrh takzet" a ti a, ka âng ang phuau lehnghal "engtin nge chungah te ka thlalak a awm theih?" Ka ti a, keiman ka khawih ngai bawk si loa ka thlalak te engtin nge a awm theih zawk niang le.




"Vawikhat chu u Jeremy hian a post tawh alawm in pahnih thlalak, a pawm chea chuan nangmah i muhil bawka chuan thil dang te pawh vawiinah hmu lo che ila chu ka la hre miah lo ang che tu vak mahin an hrelo che a chhan chu a tag bawk si lo chea" ala ti zui, engtik laiin nge alo post reng reng a chuan ngatinge chungte chu ka hriat ve miah loa a mak hle mai hre ve tur chu ka ni mawle ka va han news lo bik tak ve.




"Chutiang chu ka hre ve lo reng reng" ka hrilhhai ru lutuk chuan ka ti ta ringawta ani pawh a nui tawp ringawt bawk. Tims'a nen an intawn dan vel ka hrilha phai lamah daih tawh alo ni bawka ka rin ang chiahin kei ai ala naupanga kum a tling awrh chauh bawk mahse a fela biak a nuam reuh takzet chaw ei naah pawh inneih chungchang te an sawi lehnghala a hmai te a sen vek thei ka khawngaih zawk.




"Bawihpui, i rooma i chhoh hma in thil i sawidun lawk teh ang" step ka rap tur chiah chu ka nu thusawi avang chuan ka ding leha putea te pawh an haw tawh "eng lam nge kan sawi dawna?" Tih pah chuan a bulah chuan ka va țhu phei ve nghala thil min zawt leh hrep dawn chiang alawm "sawi dun tur kan ngah alawm" a ti mai lehnghala ka rin ang ngeiin min thil min sawipui leh hrepa min zilh pah bawk a sawi hnem lutuka a rui amaw ni ka ti hial ani hetiang em em a kan inbiaka thil a sawi hnem hi ka la hrelo.




"A thusawi zawng zawng kha ka lo record vek lo ani" khuma mutthlak tawp pah chuan ka ti a a sawi hnem lutuka ka chhinchhiah lutuk hman lo mahse a tawpa sawi erawh ka chhhinchhin chiang viau heihi ani 'mihring reng reng hmai fang țha lo mahse mi inphahhniam thei tak mi anih chuan a zahawm ngei ngei țhin hmelțha fû si chapo ir er indah sang bawk si chuan zahawmna reng reng an nei ngailo" tih ani ka pawmpui takzet bawk.




Ka phone ka en chuan Jeremy chuan a thlen tawh thu text hmangin a rawn sawia chupawh ka chhoh hma chiah kha ani call anilo erawh a vanneih thlak viau. Taka Sylvia ka biak ngei ngei a ngai zawh tur tam tak ka nei min chhan sak vek a ngai ka lakah thil a zêp hnem lutuk takzet ka hriat loh lah a hre hnem bawk si.




A number chu hmet chhuakin ka dial nghal zata anu in a rawn chhanga naktuka an exam tawh tur thu leh a phone a kawl tir thu min hrilha ka be lo law law mai ang a exam tur ka tibuai theilo a ti țha lo palh ang anih chuan chawlhniah pawh keimaha ka kal turh turh a ngai tawh dawn ani maw.. a inti exam anga a inkhawm leh âwm tawp silo a tihdan ve ziah.




Laptopa ei siam ka ena ka lo entui viau aniang ka muthlu ni ngei tur ani ka harh leh meuh chuan pangngai takin ka lo mu leh der tawha parda in zar phui lo kar ațang chuan ni a chhuak tawh tih ka hmu thei, ka mit nuai chat chat pah chuan ka tho chhuak a ka laptop en pawh a awmna pangngaiah alo awm leh diam tawha rizai pawh ka lo sin țha leh diam tawh.




Ka sira ka phone awm chu rang zetin ka ban nghala dar 7 leh chanve alo ri dawn der tawh message chu ka check thuak thuak Jeremy hnen ațang chuan morning wish ka dawnna a rei tawh 'tukchhuah nuam le, ka tho ve chiah😁' tih chu ka thawna a in tick rual chuan a online tih alo lang nghal zata call a rawn lut nghal zat bawk.




"Delh hlum sa ei i tum tihna em ni?" A rawn ti nghal zata ka nui ringawt bawk "tunlai chu ka mutui thei lutuk ringawt chuanin nizanah ilo kal em?" Ka ti a, a rawn nui ri nghal suk bawk "min lo nghak chiang khawp mai i chilthli thlengin" chimawm zet chuan a rawn ti a, rang lutukin ka hmui chu ka khawiha ka kamsir thlengin "indap tawh suh tunah chuan a reh vek tawh ang" a rawn ti a, ka kut chu rang lutukin ka dahthla lehnghal.




"Hmela,zingkar ațangin chimawm miah suh aw chilthli ka thlauh ngailo" ka ti hlara khum ațang chuan ka tho nghala ka phone chu ka bengah chep betin rizai chu ka thlep nghala ani erawh a rawn nui chhuak hawk hawk lehnghala "i thlauh ngai aniang chu nizanah pawh alo luan" a rawn ti leh "awi... i ninawm ka thlauh ngailo aw ka thlauh ngai lo hrim hrim i hmusual anih chu" ka ti hmaka earphone chu ka vuaha bathroomah chuan ka lut phei nghal bawk.




"Ok, i thlauh ngailo i thlauh ngailo" nuih ruh ruh pah chuan a rawn ti a ka chil thli ka thlauh ngailo hrim hrim ka chiang alawm "vawiin enge itih dawna?" A rawn ti a, toothbrush chu ka la chhuaka "ei ka siam ang ka ring anu dawrah pawh ka kal peihlo ei siam ka rilru ah a lang zawka" ka ti nghal vat bawk.




"Anih chuan tlai lamah ka lo lam che anga chhuak lawk ang hmiang" a ti a, ka kam chu ka țhuah nghal thuak thuak bawk "enge kan tih dawn? Khawiah nge kan kal dawn?" Ka ti nghal hû bawk rawn nui zui suk pah chuan "kha chu thuruk la ni rih se, in lamah kan kal hmasak phawt chu a ngai ang" a rawn ti a, bo zet chuan tui chu ka herh haw a.




"Eng awmzia? Enge kan tih dawn sawi țha ve mai la" ka ti hlaka ka hmai chu ka phih zawm zat bawk eng eng emaw a sawia ka hmai ka phih bawk nen tui ri nen a thusawi ka hre hleithei lo reng reng "nakinah ka lo be leh ang che aw... kan intifai zo lawk ang" ka ti a, min chhanna pawh ka hre tawh lemlo phone chu ka off nghal daiha ka sirah chuan ka rawlh lut nghal thak bawk.




Thawmhnaw hak nuam zet ha in inhnuai lamah ka chhuk thlaa anu pawn chanchinbu alo bih leh der tawh "morning nu..." tiin a bulah chuan ka țhu thla ve nghala a tarmit kar ațang chuan min rawn melh nghal kuau bawk "i bialpa neih lai leh neih loh laia i tho hmel chu ava inang lo ve a mihring pawh nise thuhran" a rawn ti a, a bulah lehkha awm chuan ka vawm nghal pawp a avan nghak thei tak aw....




"I ninawm" ka ti hlara min nuih suk suk ringawt lehnghal "hrim hrim in nang chu min chhaih vak zela chhaih rual pawh ka ni tawh bik hleinem" țhut țhat mawlh mawlh pah chan ka ti a "chhaih rual ka ni tawh lo a!" Tih pah chuan a nui zui vak vak anih chu! Amah chu ka en nghal hâwa a tarmit phelhin alo nui khur char char "enge ania lawm chhaih rual pawh ka ni tawh biklo ka upa ve tawh" ka ti leha a chal dawmin a nui khur char char ringawt.




"Nge khatia i nuih vaka? Nuihzatthlak a awm loh kha nu... amak e, i mak tunlai chu" ka ti ta thlâwt.




"Ka fanu leh! Kum 20 pawh la pel lo khan puitling ka ni tawh te chu intia kum 5 mi lek ila nih kha... bialpa i nei ve dek dek a i inla upa nghal ringawta" nuih pah chuan a rawn ti leha "nausen bak ila nih loh kha" a rawn ti zui lehnghal zat bawk.




"Na.... nausen chu ni ilang ka la țawng thei bik tawp nang, ka upa ve tawh alawm mi ai te chuan kei aia naupang an la tam lutuk"




"Kei aia naupang an la tam tih mai mai chu chu i innghahna ami Bawihpui"




"Innghahna lam pawh ani lo ka upa ve tawh alawm chuan kei aia naupang an la tam alawm" ka ti leha țhu țha meuhin min rawn ena a thutak leh ta ran mai "Bawihpui, kei aia naupang an la tam tih ringawt ani lo ania hna pawh ila nei lova mahni inchawm na tur chuan hna nei pawh ni la mipuitling ila ni chuang lo nangmah i enkawl zawh theih loh chuan engmah ani lo ania inngaih upat a hmakhua tur ngaihtuah leh chuan loh chu a tih chi tehchiam loh ania chu chu hre reng rawh" a rawn ti a chiang zetin min melh kal lehnghala zingkar ațangin kan han inzilh chu nia.




"Anih nu, dawr bungrua engtikah nge alo thlen dawn? Tunkar tawpah nge kar tharah hian" ka ti ta daiha min sawi ril pui leh dawn lutuk "Kan thusawi ațang hmun dangah pen tum hlek suh" a rawn ti pauh mai le ka rûm nghata "na... min chhang ve phawt la" ka ti leh.




"Ka hre biklo dawr bungrua pawh alo thleng theilo tunlai chu a phurtu te lem hi an nuar leh tawha sawrkar lam bawk anih leh ka ring dawr bungrua lo thlen hun tur pawh a hriat theih loh" a rawn ti țha veleh mai bawk.




"Nu sangi ka va pui ange" ka ti a, ka ding chiah chu "a ngailo hetah țhu rawh" a rawn ti ta chat.




"Aw... puih alo ngai leh maithei asin ka va enchhin ang" tiin tlan meuhin choka lam ka pana ka lut tur chiah chu ka hmingpumin min rawn ko lawl lehnghala ka phu leh hmanhmawh tawh bawk ngah nge maw ka upa tawh ka lo intih hmanhmawh le thuril lutuk min sawipui leh anga ka chhinchhiah sêng leh âwm tawp bawk si loa a sawi thui leh âwm si.




"Nu Sang puih i ngai em?" Ka ti a, chair-a a țhu chu ka pan pheia a bulah chuan ka țhu ve nghal thak bawk tukin zing chu a hmel hmuh a nuamlo a tho fuhlo ani ngei ang "Bawihpui, ban mai ka va duh ve le nizanah khan ka chhungten min rawn biaa ka nu a damloa a nasa viau aniang inu bulah sawn ka sawi inthlahrung bawk si a" a ti a, a rilu chu a hah hmel takzet bawk.




"Aw... nge chutiang te chu i sawi ngam loh a sawi rawh chutiang thil pawimawh chu pawh damlohna thil lehnghal phei chu sawi ngam loh tur thu awm hleinem va sawi vat rawh a tlai hma in nge rilru hah deuha ilo awma va sawi rawh tunah damlohna thil phei chu a hmanhmawh thlak lehnghal ania aw va kal vat rawh" ka ti a, a banah chuan vuanin ka pawt tho a choka ațang chuan ka nawr chhuak ti tih bawk.




Ngatinge a inthlahrun em em mai le anu in ban a phallo amaw ni le nge a hau zawk niang, mahse ka nu hian a hauh âwm ka la hre bawk si loa ka nu lah kha biak a hreh hmel ropui si ka nu hian engtin emaw alo ti chiang alawm nu Sangi khatiang em em khan ala inthlahrung ngai lo reng reng ka awm pawh a ti nuamlo.




Bel vel chu ka enkuala mahse chawhmeh eng vak mah a awmlo chaw erawh chu alo chhum tawha a rilru a hah hle ani ngei ang fridge chu ka hawnga chawhmeh siam theih ang ang chu ka la chhuaka keiman ka siam tawh mai ang. Anțam țawnna ka phelh chiah chu nu Sangi chu chokaah a rawn luta chanchin ka zawh hma hma chuan "Bawihpui, chawhmeh kha chu lo siam mai rawh aw tunah ka chho nghal dawna thawmhnaw vel ka va tifel lawk ange" hmanhmawh hmel zet chuan a rawn ti zung zung a.




"Engin nge i kal dawn?" a chhuak tur chu ka au ding leha hawi pawh a rawn hawi let lo "inu in taxi min hire sak dawna" a ti a, a hmanhmawh hle aniang a tlanchhuak zui nghala a bang dawn nge a chho ringawt dawn niang le, chuan engvanga thil sawi inthlahrung ta em em nge maw anih ang le tuna a awmdan kha chu a mak ka ti takzet ani.




Anțam chu ka thian mawlh mawlh a a tui tur chhuangin gas chu ka sîma țhutkhawmna lamah chuan ka phei ve nghala nu Sangi pawh chhuak turin alo inring reng tawh bawk "nu Sang" tiin ka pan pheia a bag chu dahin kan inkuah leh te te a ka têt lai ațanga tun thlenga min awmtu ani a ka nu ang maiin ka ngaia ka ngai dawn bawk hle ani.




‍"Ka ngai dawn lutuk che" ka ti sapa, ani pawn ka hnungah chûl hliau hliau in min ngaih dawn thu a sawi ve nghal zata nutling ni mahse a mittui a parawl țung mai "han in enkawl țha rawh aw, ilo chhuk leh vat dawn nia" ka ti a, a mit chu tuai thuak thuak in ka nu nen chuan an inkuah leh te te a, a bag chu a khaia keini pawn kan zui chhuak ve nghal zat bawk.




Kawtah chuan Taxi-in alo nghak reng tawha Taxi-ah chuan lutin an tlanliam lai chu kan thlir renga ka ngai dawn takzet ani "nu mak ka tih deuh chu maw, chokaa ka luh khan nu Sangi rilru kha alo hah hmel lutuka a chhan chu khami chungchang kha i bula sawi a hreha chhan a awm ami? Ilo hau ami? Khatiang em em a thil sawi huphurh a neih âwm pawh kha ka la hrelo" in lam kan pan lai chuan ka ti a, amak êm ani.




"Thil reng reng hi min dil hreh ziah alawm kei ai upa mahse in neitu ka nihna angin min dil hreh ve țhina a bikin an khaw lampanga haw chhoh dil hi a hreh lehzual a chhan pawh keimah hian ka phal tehchiam loa he lamah awm hlen se ka duha anu pawh heta enkawl mai ka ti țhina mahse khi lamin an duh loa chuvang te pawh chu aniang mahse engmah sawi hreh lo turin ka hrilh tawha" a rawn ti ve nghal zata anu damlohna hi a rei tawh ani ngei ngei ang.




"Anih a bang dawn ami? Alo chhuk tawh dawnlo mi?"




"Anu dam țhat hma chu alo chhuk tawhin ka ringlo a tar ve tawha nakin lamah han zin chho ilang a țha ang chuanin inu Sangi a awm loh chhungin hnathawk dang la ilang a țha ang a rawn chhuk leh hunah‍‍tihdan dang kan ngaihtuah anga anih loh chuan hna haw tlai nen inchhung enkawl nen ka indaih dawnlo tlata bungrua lah alo thleng thei bawk si loa dawr lamah kan buai bawk si nen a buaithlak dawn tlat. Inu Sangi pawh alo chhuk lawk loh hmel bawk si a karleh lamah kan han tlawh ve dawn nia" a ti leh.




"Na... awmpui dang ka duhlo nu Sangi bak bak a awm chuanglo bakah keimah pawn ka siam ve thei reng alawm a hahthlak mai mai sum sen a thuahnih bawk keimah ka awm ve reng bakah nu Sangi anga nu fel chu anni tawh kher bik lo ang" lungawi lo ru zet chuan ka ti a, awmpui dang neih ka duh tawh teuhlo.




"Aw... hna dang lo thawk thut ta la a buaithlak tawh alawm rilțam deuhin kan haw țhina eirawngbawl chawp ngai chu a buaithlak alawm vawiinah hna kal pahin ka rawn zawng haw dawn nia"




"A.... ka duh chuanglo la suh keimah pawh ka awm ve renga midang lak lak a ngailo" ka ti hmaka choka lamah chuan ka lut tlang nghal daiha anțam chu ka thlak nghal vata tui pawh ka lo chhuang kang teuh lutuk ringawt. Alu chu ka la chhuak leha hmanhmawh zetin ka vel leha dar 9-ah hna a kal leh a ngaia siam vat vat a ngai.




Chaw einaah pawh kan inbe mumal loa nidanga kan chaw ei ang ani lo min biakin țha takin ka chhanga a dang ka sawi chhunzawm tawh lemlo a duh chuan min hau thei reng awmpui lak leh kha a țul tawhlo hrim hrim chuan ka duhlo bawk nu Sangi bak kha ka duhlo a awmlo anih chuan keimah pawn ka ti mai ang, alo la lui anih chuan ka lawm lo ngawt ang.




Thleng vel chu ka tifel sawk sawk a thleng ka sil mawlh mawlh lai chuan a kal tur thu min rawn hrilha a rawn haw tlai tur thu nen 'aw' tih ringawtin ka chhanga a dangin ka chhang tawhlo ka phone a rawn rik avangin ka la leh tê tê a, Jeremy nen chuan rei zet kan inbe leha inchhung tihfel tur awm ang zawng zawng chu ka tifel leha a tawpah chuan ka mu ta duai bawk.




Laptop chu ka la thlaa nizana ka en siam tur chuan ka inchhawp ve nuaia apron te pawh ka awrh thlap bawk ka siam lai chu video in ka cover zela ka thlan a tla ve hluam bawk ka siamfuh meuh ange maw hetia video en paha ka siam hi chuan duh angin ka siam fuhlo ve ziaha anu phei chuan 'inzir leh rawh' min ti ringawt bawk.




Ka thlan tla chu ka hru faia ka phone a rawn ri nghal zat bawk "ka lo thleng țep" Jeremy chuan a rawn ti a "awi! Ka theihnghilh ka la intifai hleinem eitur ka lo siama siam pawh ka la siam zolo ka berh nuai mai" ka ti nghal vata phone chu la thla in dar zat chu ka ena 12 alo pel daih tawh "kan nghak mai ang che chu" a rawn ti a, ka nui ringawt bawk.




"Hna i zo tawh ami?" Ka nghawnga phone cheh beh pah chuan ka ti a, zikhlum chu ka chan lehnghal mawlh mawlh bawk "ka ai awh zo an tam alawm" a rawn ti ve leha motor a khalh mek ani ngei ang a rawn thlen vat tur thu min hrilha a dah hnu chuan ei chu ka siam chhunzawm leha zingah ka inbuala ka intleuh thuak thuak ringawt tawh mai ang.




A vai chuan ka chawhpawlh veka tui lum chu chhuangin ka thlak veka a rim chu a tui reuh phian lehnghal, fian chu la in ka hawlh a, hâwp chhin tur ka suaka ka hâwp chiah chu ka kawnga rawn kuahtu an awm avang chuan ka hâk nghal bawrh bawrh a ka khuh nghal vak vak ringawt bawk. "Awi! A sa lutuk ka lei a kâng dawnin ka hria tui vawt min lo lak teh" ka kâ ka kuta zah pah chuan ka ti a, a sa lutuk ringawt.




‍"Nge... khatia min lo kuah thuta ka thil siam ka hâk alawm ka lei a kângin ka hria" ka ti a, tui a rawn lak chu ka in nghal khawlh khawlh a ka lei chu ana sa ka ti mai ana bawka a sa bawka "a zia deuh em?" A rawn ti a, ka bu nghat nghat bawk tui chu ka in leha ka thil chhuan liam chu ka kâwk "off rawh, kha a liam ania" ka ti chiama rang lutukin a off veleh nghal zata a hlauhthawn hmel ve em em ringawt.




"I zia deuh em?" A rawn ti leh, ka bu nghat nghat a "min rawn kuah thuta min ti phu bawk si" ka ti hlaka a kekawr ipte zen chung chuan a nui suka tui ka in lai te chu en in min lo nuih char char a ka mit ko sân khum ak pah chuan "enge?" Ka ti hmaka tui bottle ka dah rual chiah chuan min rawn hnaih chilh nghala ka tui hmuam lah chu ka phuh chhuak țep lehnghala van chet chhiat theih tak!




"Min ti phu vak zel suh tunah pawh kha tui ka phuh chhuak țep phuh ila chu i kawr a huh vek dawna min ti phu vak zela ka lungphu te hi a țhalo thei dawn takngialin ka hria" ka ti hlaka, a nui chhuak hawk ringawt. Ka dinna ah chuan rawn innem khalhin chiang zetin min rawn ena ka melh chho ve kiau a, alo nui suk lehnghal "i lei tihdam dan kha ka hria ania aw..." tiin min rawh fawh tum chuan a rawn awm hnaia ka lo dâk sawn vak bawk.




"Engtin? Damdawi hnawih ka duh teuhlo a tuilo thei si" ka ti hlak.




"Damdawi aia țha ka hria" tih leh sup pah chuan min rawn fawp leh deuh thuaka "awi! Nangpa hi! I rilru kha ka hria ka duh teuhlo ania aw ka duhlo ka bal si ka hmui te hi a al vek dawn lehnghal kalsawn rawh ka han intifai lawk ang" ka ti a, ka kalsawn tur chu ka kawngah rawn vuanin a taksa si chet chuan min hnukphei lehnghala ka sam ka chal vela bet chu a rawn huikiang nghal zat bawk.




"Min pehhel i tum chhan hi?" A rawn ti sup.




"Peh hêl pawh ka tum lo che ka bal ka ti mai alawm ka al vek tawhin ka hria bakah i hmanhmawh kha ka han intifai lawk ang chuan kan kal nghal thei kan kal duhna ka hre ve loa chu" ka ti leh sapa, a kut inkara luh ka tum chu min rawn dang lehnghal zata "na.... khawi maw ka intifai duh ania ka bal tawh" ka ti hlara a nui suk suk lehnghal.




"Engtik laiin nge ka hmanhmawh thu ka sawia Duati?" Chimawm zet chuan a rawn ti ve leh kher ka va han ngei ber tak! Min hnial kalh dan lah hi a hre ropui si "i sawi alawm nangmah khan i hre lo mai mai anih kha, khawi maw ka intifai duh ania" ka ti a, ka nem nghal vaka a awmsawn deuh rual chuan ka tlan nghal phuta ka room lamah ka tlan chho nghal ti tih bawk.




Towel chu ban in bathroomah chuan ka lut zui nghala apron pawh ka lo la phelh lo, ka intihfai hnu chuan ka chhuaka ka tukverh bulah phone hmangin alo ding kur anih chu ka chhuak tih a hriat rual chuan a rawn hawi nghal zata rang lutukin ka âwm chu ka hup nghala a nui suk lehnghal.




Zaizirin‍khuma thil awm chu min kawhhmuha ka en rual chuan a thawmhnaw inbel ang chiah chiah alo ni a, a inang hak ati ve ziah thawmhnaw chu la in bathroom lamah chuan ka tlan lut nghala ka thawmhnaw bawm te lah chu alo hawng ve leh țhuaia hauh en ah pawh ka en bawk si loa kei hi ka dik vak tawhlo ani ngei ngei ang.




Ka inthlak fel hnu chuan ka chhuak zui nghala phone alo hmang tawh loa mahse alo khawih tawh thung "ka thawmhnaw bawm te ilo hawng ve leh ringawta" ka ti a, min chhang lo chuan phone chu a hmet zui mawlh mawlh a ka pheikhawk bawm awmna lam chu ka pansana ka hmai te ka chei veleh deuh hnu chuan ka hman thu ka hrilha min en vung vunga min rawn fawp ringawt lehnghal mak deuh deuh hian min rawn țhawnga kei hi in entir ilang a țha ang ka lungphu hi a dik dawnlo tlata hriatna ka nei.




Motora kan țhut luh hnu chuan kan kalna tur ka zawta min la chhang țha duhlo em em mai lehnghala mahse kan tlan zel danah ama in lamah chuan kan kal lo tih a hriat takzet khawiah tak nge maw min hruai a tum le, ka thil siam lah chu kan ei duh ringin ka pack a ka keng ve zel bawk.




Gate lian zet kawtah chuan kan dinga amah chu chhuakin ka awmna lampang chu a rawn hawng ve lehnghal zata a kut chu min pea ka lo vuan nghal vat bawk "khawiah nge kan awma?" Kan hmaa inlian zet en chhoh pah chuan ka ti a, gate bulah chuan duty a lo awm bawka mi hausa lutuk in ani tih chu a hriat ngawih ngawih.




"Kan in anih hi" ka thil pawm rawn lak pah chuan ka ti a, "engtia in in maw?" Ka ti hû ringawt ka rilru chuan in ngah a ti em em mai bawk "ka nu leh ka pa chenna anih hi ka u erawh chuan pasal a nei tawha mahse tunah sawn an leng mek ani ngei ang an motor a awm tlat" a ti a, âng phuau in amah chu ka en chho "enge inu leh pa inah chuan kan tih ve rikngawt anga ka duh teuhlo ka zak e a ka kal duh lo" ka ti vak ringawt bawk.




"Kan kal zawk dawn alawm kan rei lovang" ala ti zui.




"Chupawh nise ka kal duh hleinem inu leh pa pawh ka hre ngai bawk si lo bakah ka duhlo a zahawm hmel si" ka ti leha ka thin te hi an phu rang dut dut mai, ka thlan te hi a tla phungin ka hria tunah hian thla neih a thlawh bo daih ka chak an in ka en zawng ringawt pawh hian luh hreh tak meuhin ka lut hreh.




"Ka nu leh ka pa chu an zahawm lutuk chuan an fel bawk hahdam rawh engtin mah an ti lovang che ka u pawn a hmu tawh che alawm i hming chu kan inchhungah hian a ri fo an hmelhriat thar ini lo, ka nu bengah erawh a ri ngun viau ania kan rei lovang hahdam rawh" a rawn ti a, ka chalah chuan a rawn fawp zui nghal vang vang bawk.




"Na... chupawh nise" ka ti tak nâ in kan inzui lut leh ta thoa inchhung luh hma chiah chuan ka pawt ding leha thâwk ka la vak ringawt bawk min nuih ringawt lehnghal ka huphurh zia a hre ve lo tawp ani ngei ang ka tlan haw daih dawn amaw ni ka thlah thut anga tih te chu ka ngaihtuah chawpchilh nghal rum rum mai.




"Nu, pa kan lo thleng" tia Jeremy'a a au rual chuan țhutkhawmna lama awm te chu a lo hawi rual țhupa min ti lai leh zo vek tawh "lo phei ta che u, lo phei rawh u" apa chuan alo ti a, anu erawh chuan min en chîk ang reng viaua apa erawh chu a panngaia anu hmelțha zet erawh chuan min nuih ver ver ringawt bawka chhuatah chuan hmeichhe naupangte hi alo infiam bawk.




"Țhu rawh u" anu chuan a rawn ti a, sofa dûp zeta kan țhutthlak hnu chuan Jeremy'a hnaih theih ang ber chuan ka țhua a kut chu ka hmer vak ringawt bawk "Rinrin chu i zâm ani maw? Hahdam deuhin awm rawh zâmna chhan tur a awm hleinem" anu chuan a rawn ti a, ka nuih ringawta Jeremy chu ka nghawk zui nghal pawp bawk, ka van zak tak!.




"Inu a office em ni?" A rawn ti leha bûk ka tum zeta chu a mawilo deuhin ka hre bawk si "aw" ka ti ringawta zâm avanga thih tur ni ta se ka thi hmasa ber chiang ngawtin ka ring ani. Hepa lah hi min hrilh hmasak ve mai tur hi ania ni lo se hetiang em em hian ka zâm biklo tur ania awmdan pawh min ti thiamlo vek.




"Inu ai chuan i hmelțha daih zawk anih kha" apa chuan a rawn ti a, ka nuih ringawt bawk.




"Nu,pa kei chu ka hmu tawh asin a che chu a duhawm rap thlan tla phung leh hah hmel zetin Jeremy'a a office ațangin a ko chhuaka kan naua lah hian a zui dul dul mai bawk sia a duhawm ania aw... a hming pawh a nalh Athena Lalrinnungi" au chuan a rawn ti ve nghal zata amah chu ka en nghal vata engtin nge maw ka hmingpum te a hriat theih reng reng le, avan mak tak! Ka hriat loh lai hian mi hian min lo hrechiang thei bik hle mai a zahthlak zawk.




‍"Keipawh.. ka beng hian a hre ngun viau ania" "keipawh" anu leh apa pawh chuan nui pah hian an rawn ti vea ka hmai te hi a sen țawn țawn mai "nangmah vang vek awmdan pawh ka thiamlo" Jeremy bulah chuan ka ti zâwi hlaka a nui ringawt lehnghal ka van ngei tak! Min hrilh lawk ve mai tur hi ania.




"Mampui, i roomah khan parcelah khan eng emaw alo thlenga han en lawk ta che a rawn dah tu pa khan a pawimawh a ti a i han thli thlai vat loh chuan" apa chuan zahawm zet hian a rawn ti a a kal tur thu min hrilha duh lo viau mah ila tihdan dang a awm bawk si loa kal turin ka ti leh ta nge nge a an pathum bulah chuan ka țhu ve kura sawi tur ka hrelo, ka kut chu ka hmaah ka suih a ka hmer vaka a chang leh in te chu ka enkual thûl ka awmdan hi a hahthlak.




"Rinrin, hnathawh lai te i nei em?" Anu chuan a rawn ti a, ka lu ka thinga amah en pah chuan "a hma chuan ka nei țhina mahse dawt hmangin min bana tunah rih chuan ka zawng ve mek zela" pangngai zet chuan ka ti a, an pathum an bu dun nghauh nghauh bawk "ni e, tunlai chu mi hian sân duh avang hian dawt sawi fe hi an hreh tawh loa a hahthlak tak tak ani" a rawn ti zui leh bawk.




"Kei chu thudik chu a ding chang nge nge a dawt phuahchawp hreh miah lo ho hi an mutui tho angem le ka ti țhin, mahse an mutui tho țhin aniang mut khamlo hmel pawh hi an pu ngailo" a u pawh chuan a rawn ti ve lehnghal zat bawk.




Ka sira eitur ka ken chu ka la kânga "heihi ka siam ania lo ei ve chhin rawh u a tui kher lo maitheia" tiin dawhkanah chuan ka nghata anu chuan a ban nghal zat bawk. Diktak chuan an hmel zahawm lutuk hian awmdan min ti thiamlo ani ber min nuih suk suk zel lehnghala rilru a nuamlo rum rum bawk. Jeremy lah a rawn chhuk har tawh bawk si eng em em nge maw a tih ni nuamlo tih tawh sa mah nak alaiin min la awm loh san daih lehnghal.




"A tui hle mai, ei siam i tui hle ani maw?" A rawn ti a, ka nui ringawt "ka lawm e, ei siam chu nuam ka ti keimah pawn ina ka awm chuan ka siam ka siam zela anu leh nu Sangi hian chawhmeh heh min ti thei lutuk" ka ti a, au leh apa chuan an hâwp ve lehnghal zat bawka video en chunga ka siam fuh ve vawikhatna ani ngei ang. Hemi tur ami anih vang te pawh alo ni mahna.




"Ei siam lamah i kal daih alo anih chu!" Au chuan a rawn ti a, "nia" tih pah chuan ka nuih ringawt bawk.




"Diktaka sawi chuan Mizorama zirna awm hi chu keimah chuan țha ka ti vakloa ramdanga anu in awm a phal lo bawk sia ti hian keimahin inah ka inzir chawp ve zela rin ai chuan chem hûm chu ka hnehsawh ve tawh"




"Nu, ka tih reng kha duhawm rûkna a nei ania aw.. kan naua pawh hi a enkawl zo hrim hrim ang khanu chapo zet ai chuan" au chuan a rawn ti a, khanu a tih chu Zorini amaw ni le, mahse a ngaina lo tihna nge niang? Ani te chu ngainat âwm tak inah te leh an mahni lakah te chuan a tlangnel tawh âwm reng sia tihte chu ka ngaihtuah vel mai mai bawk.




Thil dang min zawt chhunzawm zela biak an nuam takzet bawk. Jeremy'a a rawn chhuk chuan kalna tur kan neih thu a sawia heipawh ka hre ve lo leh chiah bawk an pathum chuan kal leh turin min hrilha 'aw' pawhin kan inzui chhuak lehnghal bawk.




"Enge an an? Ka chhungte chu" motor tih nun pah chuan a rawn ti a, ka thaw chhuak hak "an fel lutuk chuan an zau bawk an frank a an bula awm a nuam bawk i vannei tawp nu leh pa țha tak leh u țha tak i nei bika" ka ti sapa, chutia sawi takah chuan ka pa leh ka u ka hrechhuaka ka ngai nghal vawng vawng mai.




Ka pa leh ka u kha la awm se chuan tun ang tho khan chhungkaw inpawh tak leh hlim thei tak kan ni ve ngei âwm si a mahse Pathianin kan tana a remruat hi chu alo mak takzet ani hreawm min tuar tira a hnuah hlimna min pe leha amaha rinna nghattu te chuan hlimna famkim an chang țhin.




Ka nu chuan heti hian min hrilh țhin 'i chunga rinna nghattu chu nangmah a rin che avangin theihtawpa hlimna siamsak i tum anga thlamuanna thlensak i tum țhin bawk tur ani a tan chuan i hlua i chunga rinna a nghah ngam avang khan i lawm tur ani' a ti țhin. Ka nu thu min hrilh te ka theihnghilh ve mai mai ngailo.




‍‍"Khawnge kan kal dawna? Tuna mi hi chu min hrilh ngei ngei a ngai tawh ang aw... min țhawng thut tawh suh awmdan tur min ti thiamlo ziah amia i hria maw?" Kan tlan chhuah hnu chuan ka ti a, a nui suk mai "ok, kan thlen dawnah ka hrilh dawn che nia ka chhungte chanchin kha i hre duh em?" A rawn ti lehnghal zata aw tih nan ka lo bu nghat bawk.




"Ka nu kha fiamthu duh tak mai ania mi fiam a peiha amah pawn fiam a dawl bawk mi a ngaina hmaa mahse a ngainat loh erawh a pe na viau țhin thung amah a indahsang ngailoa a hunah chuan a thutak thei teh mai ania amah i hriatchian hnuah a mizia chu i hre țeuh mai ang, ka pa pawh ka nu ang chiah ani mai ani pawn thutak hun a hre bawk an têt laiin țhianțha tak anni țhin. Mami erawh a mizia chu khang kha ani mai" a rawn ti a, aman min hrilh lo mahse an awmdan ațang khan an mizia tur chu ka ngaihruat thiam nghal vek thei misual an ni loa hriatthiamna pawh an ngah ngei ngei ang ka rinsual loh phawg chuan.




"I u Mami pasal kha ka hmu ve miahlo chuan fa pahnih a nei tawh itia pakhat chauh ka hmu bawk sia" ka ti a, a nui zui suk bawk "Mami khan a pathumna tur a pai leh meka a pasalin a rai chuan a chet tir ngailoa naute hnute a pe anih kha, a pasak chu a inpe zo lutuk pa fel tak ani. Pa nih pawh a tlin ka nu leh pa te pawn an chhuanga an fapa ang maiin an ngai țhin duhsak pawh an duhsak" a rawn ti a, ka lo bu nghat nghat bawk a vannei hle anih chu!.




Thil dang zawh leh ka tum chiah chu a phone a rawn ri a motor a kalh laklawh avangin a ipte ațang chuan la chhuak turin min hrilha ka la chhuaka loudspeaker ah chuan dah in phone chu ka ken saka "sir, ka tibuai chea ka tihpalh amaherawhchu; office ah hian buaina an rawn siam chiam maia i room chhunga luh an tum nghet bur mai rawn kal vat turin ka duh che ni" Zamzami chuan hlauhthawn hmel zet hian a rawn ti a, motor chu a ding nghal dawta Hmalamah chuan ka bu nghal lawp bawk.




"Hrep chuan tu thil tih nge?" Jeremy chuan a ti nghal hrâwk! Ka lo phu zawk bawk "sir, lo kal phawt la nangmah ngeiin rawn hmu rawh i office a lut tur hi kan dang hleithei hauh lo ania" a rawn ti a. "Hreptak chuan, theihtawpin dang rawh u ka office chhung kha an tawk anih chuan in vai khan ka hrem khawp ang che u" a ti zui leh hrâwka motor chu turn pawpin chak zet chuan a khalha a rûm chhuak leh hrâwih zel bawka engmah ka sawi ngam hauhlo.




"Duati, a him laiah lo awm ang che" tia min hrilhin building chhungah chuan a lut zui nghala keipawh chuan a phone ka bag a dah pah chuan ka zui lut ve nghala hnathawk te pawh an lo ți dâk hlawma an hlauh hmel takzet bawk a office kawtah chuan an lo awmkhawm nuaia engthil nge maw thleng ta le.




Zamzami bula ka kal tur chiah chu ka bana min rawn pawt lawptu avang chuan ka phu zawka hmun kil lai deuh ah chuan min pawt pheia "tunge maw inih le?" Ka ti vaka a hmel ka hmu chiah chu ka meng nghal kâwk a Zorini chuan min lo nuih nghal sâwng anih chu! "Engthil nge itih a? Hetah hia engvanga awm nge inih?" Ka ti nghal țhat.




Nui chhuak hak hak in ka samah chuan a rawn chûla "enge ka tih theih lo en rawh" ngeiawm zet chuan rawn ti fak bawk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:04 pm

🦋 A HMASA IN A HNUAIAH KHUAN NOTE KA DAHA A CHHIAR LO LO LEH A CHHIAR ZO LO LO CHU IN CHALAH KHAN KA PEN KAWRH KAWRH CHE U ANG A IN MAWNGAH KHAN KA HLAP BAWK ANG.🦋




‍AT THE ELEVENTH HOUR - 26

By : Msi miluhlulnui💜





"Chu thil chu ka zawhna chhanna ani hauh lo" tih fiak țhat pah chuan ka kut chu ka kuangkuaha amah chu ka melh chho nghal kalh bawk Jeremy'n a sawi ang ngei ngei khan a inthlak danglam leh hman tawh ngei mai "aw nia i zawhna chhanna ani lo mahse kei erawh ka chunga in thil tih ka chhan let ve na che u ani enge thleng dawn lo en ang che" ngeiawm zeta tiin bang chu a ngheng nghal dawt a min nuih lui sak kher bawk.




"Nangnen hian engmah sawi dun tur kan neilo hun khawhral na mai ani" tia kal ka tum chu ka banah rawn pawtin a awmnaah chuan min hnuk let leh "ava mak teh sek tak nangnena inbiak hi ka peih lo" ka ti vîn țhat a, ani erawh a nui mai mai lehnghal "iva hmanhmawh ve lo nghak rawh Jeremy awmdan te saw i hmu ve duh lo em ni?" Tiin Jeremy te awmna lamah chuan min kuai her nghal pawp a ka ring a ti na lek lek.




"En rawh, i Hmangaih tak tawrh saw" a tih rual chiah chuan Jeremy chu mipui phu nuai nuai kara chhîp lawr vah bik chuan a inrin hma tih hriat zet chuan vawihnih lai a hnek nghal pawp pawp anih chu! "Hey!" Tia au chhuak vakin kal nghal ka tuma mahse min pawt let pawp in ka hmuiah chuan a hup nghal thawk anih chu!.




Na zet chuan ka tal a ka kâ a hupna a kut chu na zet chuan ka pawhthlak sak a "min thlah nghal rawh! Anih loh chuan...." ka sawi zawh hma hma chuan "anih loh chuan enge? Min that dawn maw!? Haha i tumna pawh a lawmawm tho tho e" a rawn ti ve lehnghal zat a mahse țawng ve leh ka tum chiah chu ka kut la in ka hnungah chuan min kherh saka a nat êm avang chuan ka țhen nghal sak bawk ka nghawngah chuan thil zum eng emaw rawn dahin ka beng bulah chuan ti hian a rawn sawia




"min khawngaihna aw ri khan min ti chak lutuk takzet asin ka tuarna min hriatthiam pui thu te i sawia khatiang anga hnawlna i tuar ve tawh thu te i sawia tiraw haha... mahse enteh kei chu nang ang ka ni hauh lo ania min en la kha mittui der khan min ti chak zawk asin chuan nangni do theihna tur ralthuam famkim min rawn bel a tlawm taka ka kalsan che u chu ring hauh suh u he khawvela ka dam ve chhung hi chuan i hlim hi ka phal ngai lovang ka tan chuan i hnawksak mah mah ani" a rawn ti zâwi țhata ka nghawngah chuan a thil ken zum zet chuan a rawn chhun a a thîp nghal zak bawk. Hlauh luat avangin ka tiril a khura ka thlan te a tla hluam bawk amah ka hlau ani hauh lo he thil zum hi ka hlau ani mah zawk. A chhan pakhat chiah a awm thih hlauhna ani.




"He thil hi chu hliam thar tir kan inhliam tih pawh kan la hriat loh lai ang vel chauh kha ala ni chi âi nghal lutuk suh anih loh chuan a dawt leh tur i dâwl zo lo mai ang chuvang chuan hahdam la thil thleng hi chu a ni ve tur reng ani tiin ngai rawh" a rawn ti zâwi sapa ka hnungah chuan min nem pawpa mipui phu nuai nuai hnunga ka din chiah rual chuan thaw hlawp hlawp chungin ka bag chu nghet zetin ka vuana ka hawilet nghal vat bawk.




Zorini chuan eng emaw khum pah chuan tarmit chu a vuah nghal zata ka lamah chuan a kutzungpui rawn tipir in a chhuak zui nghal daih bawk a chhuak lai chu ka en zui renga 'ka dam ve chhung chuan i hlim hi ka phal ngai lovang ka tan chuan i hnawksak mah mah' tih a sawi kha ka bengah hian a ri nawn tluk tluk a rilrua pai reng chungin leh ngaih țha zân lo chuan mipui karah chuan lut in Zamzami bulah chuan ka va ding ve ringawta Zorini chhuahna lam chu ka en leh hrama ka awmdan hi a dik chiah pawn ka hre ta hauh lo.




"Rinrin, lo tawlh hnung deuh rawh kha an kalsawn dawn ania" tia Zamzami'n min rawn hrilh chuan ka phu deuh zawka "aw, ka hria e" tih bah nawk pah chuan ka tawlhsawn nghala mihring au thawm leh kal paha an țawng ri mur mur te chu ka beng hian enga tan mah a ti hauh lo thawm engmah awm lo ang mai hi ani ka kut chu ka hmaah chuan suih in ka hmer chawt chawt a mi țhenkhat chuan min rawn su per ang lâwp lâwp bawk.




Zamzami au vak ri ah chuan ka hawi chhuak deuh zawka ka hmaah chuan Jeremy lo dingin mipa khat hi alo danga chu pa chuan chem lo kengin ka lam zawng chuan a lo tin hi alo ni a chutiang thil pawh hrelo tur khawp chuan enge ka lo ngaihtuah hman niang le, han hmuh takah chuan ka thin a phu zui ve dat dat bawk.




"I ngam chuan khawih rawh i hre mai ang" Jeremy chuan chang hrêk hrâwk chuan a rawn ti chhuak nghal hrâwk! Thinrimna avang chuan a ha chang a țhial bap bap bawk chupa chem chu lak sak in chhuak turin a hrilh zui nghala chupa chu a tlan chhuak zui nghal chawn chawn bawk. Jeremy chuan chem chu chhuata dahthlak pah chuan ka lam chu a rawn hawia ka biangah chuan a rawn dawm nghal zat bawk.




An hnekna a biang chu a duk chur a a bul vel chu a sen deuh rum bawka a mit te pawh a sen vek bawk ka ân zuai rual chuan ka chalah chuan a rawn fawp nghal vang vanga engmah sawi lo chuan ka biang a dawmna kut chu ka han dawm hnana "engtin mah i awm ka phal tawh hauh lo ang, ka awm chhung chuan pem pakhat pawh i nei hauh lo ang" a rawn ti zâwi supa ka kawngah rawn vuanin nghet zet chuan min kuah nghala nghet zet chuan ka kuah let ve nghal vat bawk.




Pawn lam taksa mawinaah chuan pem i awmtir phal hauh lo ang tih ka ring ka rin tluk zet che in mahse chhunglam pem awm thei hi dan theih ani hauh si lo a chhungah lut in damdawi hnawiha thu hmanga tihdam theih mai mai ani hauh si lo pem lo thleng tura in ven lawkna a awm thei si lo pawn lam pem ai chuan chhunglam pem hi a thûk zawka Doctor te tihdam mai mai theih ani loa khawvel mi thiam tak te pawh... pem a awm tawh anih chuan kumkhua te a daih țhina a dam ve mai mai ngai lo.




"Lawk.... i biang kha" tih pah chuan min kuahna ațang chuan ka tal hrang nghala amah chu en chho in a biang duk lai chu ka han khawih a alo ner deuh sak bawk "ana viau em?" Ka ti zâwi sapa nui zui sukin a lu a thing zui nghal nghut mahse chhete pawn ka ring hauh lo "dawt sawi tawh a zawnga sawi thiamlo ber ila ni ngei ang, lo kal teh... Zamzam i pu bianga hnawih tur lo laksak ta che" ka ti nghal zung zung a ngeiawm zeta melh pah chuan țhutna lo awm hnai berah chuan ka kai pheia ka țhuttir nghal hmak bawk.




Rawn thawh a tum rual chuan a darah chuan vuanin ka nem țhu lehnghal pawp "lo țhu hle hle rawh i tih ve tur a awmlo hna thil anih loh hi i hliam anih hi khawih tur chu ngawi reng khan naupang angin lo awm hle hle rawh" ka ti hmaka Zamzami chu ka en zui reng bawka a khat tawkin amah chu ka melh leh zeuh țhin naupang ang chiah chiah in alo țhu tûm bar țhin reuh anih chu! Rapthlak hian nasa reuh lutuk mai.




"Ta hi aw damdawi chu chuan thil dang pawh a awm" a rawn ti a, a bawm rawn ken chu la in ka țhutpui nghala "Zamzam, min lo va chhuahsan lawk ta che chuan Dinsanga, Tims, Mala, Fela te kha va ko ang che min rawn hmu nghal tur ani chumi zawhah chuan engkim a felfai tawh em en la engtin nge khathil kha a thlen theih dan record en vek bawk ang che hnathawk te kha hahdam turin hrilh la an hna țha takin thawk rawh se" tiin Jeremy chuan nelawm loh zet chuan a ti a, Zamzami chuan 'aw' pawhin a kalsawn zui nghal bawk.




Tunah hian a rilru a insual buai ngawt ngei ang chuta karah kei erawh aw nêm leh zaidam takin min la biaa ka vannei takzet ani "lo hawi teh...." ka ti a, mahse luhlul zet chuan hmalam a melh ngur a a țhu tûm bar reuh lehnghal "lo hawi teh ka tih chu" ka ti leh ngata mahse alo hawi duh chuang țhak lo.




"Thu i van awih tak em! Naupang angin țhu hle hle rawh ka ti chea i țhu hle hle a mahse thu awih suh ka ti tello ania chuvang chuan lo hawi rawh le" ka ti țha leh, alo hawi duh chuang lo "i têt lai hian i nghal reuh phian ang ka ti ka sawidik chiang bawk ang tuna i awmdan ațang khan ka hre vek thei" nui rah rah pah chuan ka ti a, ka ding chhuak nghal vat bawk.




"Tunah chuan naupang fel chuan damdawi hnawih alo duh ang" tih pah chuan a hmel en tum chuan ka kûn hniama ka nuih nghal sâng bawka mahse engtin mah a awm hauhlo mawle "damdawi hnawih vat anih loh chuan a awm reng dawn ania naupang chhiat a hunlo" ka dawhtheih chin a pelh tawh avang chuan ka ti deuh țhata mahse en pawh min en lo, thaw chhuak hakin a biang chu va khawih ka tuma mahse ka kut chu lo man chawt in min rawn en deuh rên râwna a lamah chuan min pawt pheiin a malchungah chuan min pawt țhu nghal thawk anih chu!




"Amak, damdawi hnawih a ngai i biangah infiamna hun ani lo ania" tal hran tuma chêt aih aih pah chuan ka ti a mahse ka kawnga vuan nghet sauh in min pawt hnai salh a nuih pawh a nui eih lo min en reng ringawt anih chu! "Enge?" Min en reng avang chuan ka ti leh ngat enge maw a hriat reuh ni ka hawsan daih dawn amaw ni le chimawm hun hre leh lutuk mai.




"Tunah hian i lakah ka thinrim tih i hre hauhlo a mahse engah mah min la ngailo zuia keimah zawk insûm rei theilo ka ni leha ka chungah hian eng thil fa kau nge in tih ang aw... sawi teh ka chungah hian eng thil nge itih tak maia min tih ât vek i tum em ni?" Ka mita chiang zeta min melh pah chuan a rawn ti a, dar sân ak in damdawi chu ka kutah ka hmetchhuaka a biangah chuan ka va hnawiha alo ner deuh sak bawk "ana viau em?" Tih pah chuan ka chhem saka a lu a thing zui ve leh mai bawk.




"Lawk aw, hei chiah hi ka hnawih tawh ang pem thar ania dim a ngai bawk sia... khapa kha ka hmuh hunah a chhîp lawr lai takah khan ka khawng ngei ngei ang a inla sang ve dawn anih kha ka la tuk v......." ka sawi zawh hma hma chuan min hnûkhnai hrâwka ka thil tih lai chu ka tawp zui ve nghal chawt! "Min tibuai reng lo la ka awm thiamlo bawk si duh ang pawn ka hnawih theilo" ka ti hlaka engah mah ala ngailo lehnghal, ka âwmah a hmai phumin a thaw chhuak zui ham ham bawka min ti mur sung sung thei.




"Engvanga i biang ka dawm laia dâng vek nge inih min hrilh rawh Duati i biang kha a hit vek bawka thil hlauh i nei em ni? Tunge i hlauh min hrilh rawh tunah chuan engkim kan tuar dun vek tawh ang tuman min țhen hrang tawh lo ang dâwt engmah awm lo in" ka âwma a hmai phûm reng chung chuan zawi hmel zet hian a rawn ti zâwi supa zâwi te chuan ka thaw chhuak ham ham a engkim alo hre leh vek tawh amaw ni le.




"Engmah ani lo nangmah ka ngaihtuah lutuk vang che anih kha chuanin khatiang thil thlen thut dan te kha" ka ti a, dawt ka sawi tih a hre leh tawh ani ngei ang ka nâk ah chuan a rawn hmer chawt a ka îp zui deuh châwih bawk "nang pawh hi dawt sawi tawh ah chuan la sawi thiamlo ber ini ngei ang thudik sawi rawh Duati thil hlauh i nei em ni?" A rawn ti nawn leh, nge maw min hrechiang bik lutuka heihi lawm dawt var han sawi ve dawn pawha ka sawi theih loh reng reng ni.




"Dawt ka sawilo tak tak alawm khapa khan a hnek phei che kha chuan ka au vak alawm engmah zep ka neilo bakah zep nei turin engmah tih ka nei loa a thleng bawk loa nangmah zawk hian min hrilh duh i nei zawk em? Entirnan, kha thil lo thlen thut dan te" ka ti a, tunah rih chuan la hrilh thei ka nilo dawt sawi ka duh biklo amaherawhchu; ka sawi anih chuan chu ringawt chu a ngaihtuah anga min ven reng a tum leh anga chutiang chu ka thlen tir theilo a hma huna êng panna kawng hi ala thui lutuk takzet ani keimah vang mai chuan ka tihchhiat sak theilo ani keimaha chinfel dan ka nei thei tur ani.




"Ni dawn tak e, kha thil thleng kha hriatchian ka mamawh takzet ani khang hi au hla kha a inang hlawm lo pawl pawl an insiam ani ber ang chu eng ber nge an duh ka hre thei hauh lo thil awmzia thlengin chhui chhung a rei loh hram ka beisei tunah hian meeting ka ko nghal dawna inah ka va dah tir dawn che nia chuan i bula awm tur hmeichhia nen" a rawn ti a, țhutthleng chu nghengin a rawn dâk deuh vah bawk.




"Ka hrethiam che, ka hrethiam lutuk che chak taka i awm a ngai ania keimah avang mai mai chuan i hma hun hi tichhe lul suh ang che kei chu awm ve lo ang maiin min ngai la rilru leh tih tak zetin thil ti la nangmana țha itih ang kha ngaihtuah la zawm ang che kei chu min ngaihtuah ve miah suh" a biang khawih pah chuan ka ti a, a hmai ka khawihna kut chu rawn vuanin a âwmah chuan ka nghata nichina Zorini thusawi leh anu leh pa thusawi thâwi deuh zawk khan thil awmdan tur min hriatfiah tir kuar kuar thei Jeremy hi ala pawimawh dawn lutuk tlat ani.




"Engtin nge ka ngaihtuah loh theih ang che... chutiang sawi tawh hauh suh englai pawhin ka ngaihtuah che anga i kiangah ka awm zel bawk ang i chungah engthil mah a thlen ka phal tawh hauh lo anga ka venghim zel ang che Ka Hmangaih chea ka ta chauh ini tawh kan ințhen hrang tawh lo ang" inringtawk zet chuan a rawn ti a rin ngam anih zia a chezia leh mitmengah ka hmu veka ka ring bawk mahse a kar laka mahse tih lo awm hian min tibuai țhin ani.




"Ka hlim phal miahlo tu awm ta se engtin nge itih ang?" A mita en pah chuan ka ti a, țhu țha in keipawh chu min țhut țhat tir ve lehnghala "engvangin nge chutiang thil chu i sawia Duati? Thil thleng a awm em ni? Sawi rawh engthil nge i hlim duhlo tu an awm em ni? Min hrilh rawh, sawi rawh" a rawn ti nghal zat, sawi chhuah ka duh silo mahse ka sawi loh chuan ka chungah enge thleng ang tihte chuan min tibuai em em a ka hah leh ringawt tawh bawk.




"Englo ania...." ka ti sepa ka thusawi tur nghahhlelh hmel zet chuan min lo en renga sawi chhunzawm leh tuma ka ân rual chuan țawng thawm avang chuan rang zet chuan a malchung ațang chuan ka tal thla nghala "Duati" tia min pawh beh leh a tum rual chuan ka tawlhsawn nghal vat bawka amah chu ka en lo nghal hmak bawk. Ka thawm rin ang ngeiin Zamzami te leh midang chu an rawn lang nghal zata kan bul a rawn thlen chuan thil a chingfel ani tih hriat nan a rawn bu nghal zeuh bawk.




"Duati" tia min rawn auh rual chuan muangchangin ka hawi leta sawidun tur tam tak kan la nei mahse tunah chuan a rem țeuh si lo zawh duh pawh ka la ngaha hrilh duh te pawh bul țan thar leh chauh mah ila thil kan hre hnem tawhin a thleng hnem leh tawh mah maha sawi tham chu a tling leh fê tawh bawk.




"Ka hna zawh veleh ka lo kal ang lo in enkawl țha rawh aw chuan kei hi thil min hrilh zawh loh i nei tih in hre reng la sawi zo turin lo inpeih ang che ka lo thlen hunah chuan engkim hriat vek ka duh dawn ania" chiang fek fawk chuan a rawn ti a, chhan dan dang awm heklo midangin min en ve țhup bawk si a "aw" ka ti ta ringawt bawk.




"Zamzam, Afeli kha hrilh la Duati hi awmpui turin a chungah engmah a thleng tur ani lo chuan him takin a thleng tih hriat ka duh bawk ani" thunei tih hriat zet chuan a ti a, a thu hi a hnuaia hnathawk te hian ka hriat chinah pakhat maha an hnial chhin eih ka la hrelo hemi chungchang tak hi chu thil pawh ka hre ve nel nual tawh mai "kal tawh rawh le, thil ngaihtuah vak vak suh ang che i taksa kha a chau leh mai ang chuan biak reng theihin awm ang che" ka ban bula dawm pah chuan a rawn ti a, ka bu ta nghat nghat bawk.




Zamzami nen chuan kan inzui chhuaka Afeli a tih nu nen pawh min min in hmelhriat tira 'ivan pa em em' kha ka ti hman țep ani, a pa dan chu pui tak ani ringawt mipa chiah chiah ani mai, car ah chuan driver bulah chuan a țhua kei erawh a hnungah min țhuttira a khat tawkin min be renga a aw pawh chuti lutuka nu pawh ani vak chuang lo, ti hian ka bulah awm reng dawn ta se chuan ngai ah ka nei thei hauh lo ang.




Nichin khan Jeremy kha engkim hrilh vek ta ila chuan thil a ti leh chûk chûk anga Zorini bia in thil a hrilh leh anga Zorini tan chet a nuam sawt dawn si Hoirfen in an el em em tih kei ai pawn a hrechiang zawk anga mahse Horifen kha Zorini ta ani tih a hria angem le kha thil kha a chhungte sawi kha ka hre uar hmana Hoirfen in an el em em a, an tluk tawh hial pawh a tih theih a chhan chu Zorini ta ani a, a tan chuan a awlsam êm a tin ni chu thilte chu a hre ve angem le.




A chhungten buaina tam zawk a thlen theih dan an sawi te kha hrethiam ve lo mah ila Jeremy lam a kâwk tih a chiang reng reng, Company lam thil anih loh vek pawhin thil hau tak tak chu anih ngei ngei ang engthil chiah nge an zêp chu ka hre chaka Jeremy'a țangkaina tur an sawi te kha ka hre ve chak bawk mahse an chhungkaw buaina ani a pawn lam mi a inrawlh thei si lo mahse ka beng a verh tlat lawi bawk si.




Zorini thusawi te leh thil hrang hrang chu ka ngaihtuah kual zuia khatiang khawpa ka chunga rapthlaka tun ațanga a che anih chuan a dawt lehah chuan engthil nge a tih zel tak ang? A sawi ang khan ka dawl zo lo viau dawn em ni..... min do reng tawh dawna ka chungah engpawh thleng thei reng ani a ka nu leh midangte pawh ka lo inven viau chu a ngai sa ang engkim ka lo ruahman fel sa ve vek loh chuan ka tlawm dawn tlat he thil hmang hian khang ka chunga a thil tih zawng zawng te nen khan ka phih âwk thei anga engkim chu a fel ngei ang.




Tunah chuan engtin nge a tih zel ang a dawt leh tur enge a chet dan tur enge tiha ka lo buai a țul hauh lo chuan ka hlau tur ani bawk hek lo engkim huamin ka hmachhawn anga tu chungah mah engmah a thlen ka phal ngai lovang ka hlim ve min phalsak lo tu chuan hremna a hmu ngei bawk tur ani a chhan chu mihring te hian hlim kan phu vek vang ani.




He thil hi inbeihna satliah ani hauh lo in ka ring ani Zorini hi ka lo ring sual deuh mah mah bawk a duh anih chuan engkim a ti thei a lakah chuan nun hlutna a boa a duh neih theihna anih chuan engmah tih hreh a neilo ka nunah hian hetiang thil hi ka tawng ve ang tih ka ring pha hauh lo chupawh Hmangaihna avangin. Engkim buaina kan tawhte hi keimah avanga ințan vek ani ngei ang anih ka ring bawk Jeremy ka tawn ațang leh kha dawr dawt hmanga min hnawhchhuahna ngei ațang te pawh khan alo ințan daih tawh, ka hriat miah loh laiin indona ka lo hmachhawn daih tawh anih dawn hi.




Kan inkawtah chuan min din pui vâng tawha Afeli lah chuan kawngka min hawn sak thlap bawka kawnga kal te chuan min en duh hlawm tak tak ania a zahthlak ve det a chhan chu mi lal pawh ka ni hauh si lo "ka pi" ka kal tur chiah Afeli țawng ri avang chuan ka ding lehnghal dat kei aia upa in min pi anih chu! Âwm ang lo lutuk, hnathawk pawh nise a chi loh rapthlak lutuk.




"Afel, kei ai i upa ngei ngei dawn saa chuvang chuan ka pi min ti suh ka hmingin min ko rawh ka duh miahlo ania ka nu bulah phei chuan in pi loh reng reng tur zawhna a ngah leh dawn lutuk. Tunah pawh hian ka bula i awm avang hian zawhna a ngah leh tawh ngawtin ka ring" ka ti a, alo bu nghat nghat bawk.




"O Rinrin, Chawlhni ah hian inkhawm a awm dawn em?" Kan biakina naupang pakhat min rawn kal pel tur chiah chuan a rawn ti a "awm âwm tak chu ania ngatinge min zawha?" Ka ti a, nui sâng hian min rawn melh chho kiau reuha a duhawm takzet ani.




"Anu te khan inkhawm a awm dawnlo an tia chuvang ania" a rawn ti țha ve leh mai bawka a nu leh pa te hian enge maw an hriat țhin ang le ka ti rilru neuh neuh a. Naupangte nu leh pa hi an inkhawm ka la hmu ngai miahloa NPSS zirtirtu ka nih lai khan ka zirtir ve zuai tawh țhin unau dangte pawh a neia mahse anni pawh chu an inkhawm ka la hmu hauh lo, ti hian amah te chiah hian a inkhawma thawmhnaw ngai reng a inbela a zahpui lemlo bawka naupangte mah nise ka fak em em a, naupang dang tam tak hian an tluk hauh lo.




"Bawihte, inu te ipa te leh i unau te inkhawm turin lo hruai ve țhin la ka la hmu ve miah loa nangmah i fel bawk sia" tiin a samah chuan ka chul saka a hmai fang ațang ringawt pawh hian chhungkaw harsa tak anni tih hai rual ani lo "hmanah khan sawi rawh min tih ang chiah chiah khan ka sawi chhina maw o Rinrin mahse engtin nge an tih kha aw... engtin nge khah.... e ka hre leh si e 'nakinah hun ala tam alawm' an ti daih zela ka sawi tawh ngai miahloa" a rawn ti ve sapa, ka thaw chhuak ham ham bawk.




"I fel lutuk, i sawi hrim hrim a lo inkhawm zel rawh aw naupang fel tak inih hi Pathianin a țanpui ngei ngei ang che" ka ti a, a bu zui ve nghat nghat bawk, anu in a rawn ko ani ngei ang anu awmna lam pan chuan a tlanphei nghala puitling leh naupang tam tak inkhawm peih tak leh thil sawi peih tak ai chuan saw naupang tlawm tak saw ka ngaisang zawk ani Pathian hnena a inpekna hi a ropui êm ani.




Chawlhni chawhnu leh chawhma te hi kai kim a tum hram hram țhin ka zirtir kum kha chuan, Tumkau ni ah pawh zing kara tumkau chawi turin min rawn sawm vang vang zela Pathianin ala țanpui anga ala hmang ngei ngei ang tih hi ka ring tlat ani. A chhan chu ani chu zahngaihnaa khat ani si a ka thil tih tumah pawh hian amah râwn chung zelin ka ti ngei ang midang nunna in a tuar phah loh nan ani chuan a mite chu engtik lai pawhin a kalsan ngai hauh si lo.




Ka pa chuan ka tleirawl laiin min hrilh țhin heti hian 'Vanah Setana leh a ho te chu an committee a agenda tam tak an thawh khawma chuta țang chuan he thil hi alo chhuak taa 'hun ala tam alawm' tih hi ani. Chu chu tun thlenga mihring bum tu sualnaa min hruai lut tu atana hman ani ta fo maia kha thu mal tlemte lek khan Pathian min hlat tir ta si a' tiin min hrilh țhin a sawi dik chiah bawk.




Sawmna kan dawna 'hun ala tam alawm' tia kan chhan fo hi chu a țhalo takzet ani kha hun ala tam alawm tiha hmalam hun kan thlir vak kha a sawt ber lo ani a chhan chu kan hma hunah hian enge kan tawh dawn kan hre hauh si lo chuvang chuan tun hun kha min sawmna hun ngei kha a pawimawha kumkhuaa kan nunna tur ani ngaihtuah chiang hmasa chungin thil iti țhin ang u a hnua kan inchhir leh mai loh nan Sawmna thu hlu kha kan chan palh hlauh ange tun hun hi a hlua Lal Isua pan tura min sawmna kha i hnar lo ang u keini mihring sual tak min sawm duh avanga lawmthu sawi chungin i pan ang u. Chatuan nunna chu kan chang dawn si a, a hnenah chuan kumkhuaa in kan him reng ang. CHATUAN NUNNA ROHLU KAN CHHAR TA AMAH LAL ISUA NGEI CHU.




Afeli pawh chuan kha naupang chungchang vel chu in lam kan pan lai chuan a sawi phei ve neuh neuh renga ka rin ai kawm a nuam daih a țawngduh thei bawk si. Kawngka ka hawng tur chiah chu a phone chu a rawn ri leh te te a "sir in a be duh chea" tiin ka hmaah chuan a phone chu a rawn lek pheia hepa zet hi chuh! Ka phone ah te pawh min rawn call ve mai tur ania kher kher țhin hian.




"Hello"


"In thleng tawh em?"


"Kawngka ka hawng dawn chiah" ka ti a, a rawn nui chhuak hawk hawk bawk.




"Ok. Anih chuan hawng phawt la lo awm lum rawh aw biak reng theihin awm rawh ka tih che kha Duati" a rawn ti lehnghal zata "aw ka hria e in zo tawh ami meeting chu?" Kawngka hawn pah chuan ka ti a, ka nu a haw tawh ani maw... kawngka pawh kha a inkalh lo tak e.




"Kan țan dawn chiah zawk... ka rawn kal vat ang ka ngai tawh che" a rawn ti a, min ti nui suk bawk.




"I hmelchhe tho lawm chuanin i hna kha thawk mai mai rawh anih loh chuan ka ngai ve palh ang che, ka dah ania" ka ti a phone chu off in Afeli chu ka pe nghala over thei reuh lutuk ringawt mai enge maw a hriat țhin ni che naupang chhia thei leh lutuk ringawt... ngaihna awmlo mahse ka ngai ani.




Choka lama thawm a awm avang chuan ka lut phei ve nghala ka nu leh hmeichhia pakhat chu an lo ding renga min rawn hmuh rual chuan ka nu chuan min nuih nghal sânga heipawh hi a awmdan a diklo min tlawn leh a tum chiang alawm. Vawiin hi enge maw an hriat le maksak deuh deuh hian an awm hlawm mai a ngaihna pawh hi ka hrethiam nel nual tawh lo e a.




"Bawihpui, heihi kan hnathawk thar tur anih hi ala țhalai deuha in inrual maithei bawk Tluangpuii anih hi" tiin ka nu chuan min inhmelhriat tira amah chu ka melh zui nghal kâwk bawk zinga ka thusawi kha a hrelo amaw ni le "chibai le ka hming chu...." a sawi zawh hma hma chuan "a tawk!" Ka ti țhata ka nu chu ka en a "nu, zingah ka sawi tawh kha hetiang thil hi ka duhlo tih keimah pawh ka awm ve renga nu Sangi bak kha tumah hnathawk turin ka duhlo hetiang hmelhriat țha pawh ni lo, a sual hmel reuh si" a tawp lamah chuan ka ti leh hrama min melh dan hi a mawilo nghal em em a ka duh hauh lo.




"Lalrinnung i kâ kha veng fimkhur rawh, he inchhungah hian ka thu bera rorelna pawh ka kutah a awma engkim hi ka duhdana ka kalpui a thiang vek țul ka tiha ka dah anih chuan lawm takin pawm thiam rawh anih loh chuan ka kal dan thlak in chaw i nghei ziah maithei ani" ka nu chuan a rawn ti țhat, a țawngkam leh a vîn avang chuan ka meng nghal kâwk a hetiang hian vawikhattê mah ala țawng ngailoa chaw nghei ah pawh min la vo ngailo.




"Nu... i chungah hian engthil nge thleng taa?" A awmdan maksak zet avang chuan ka ti chhuak ta nge nge a inbengdaih tum tih hriat zet hian a thaw chhuak ham ham a "ka nu ka hriat țhin kha chuan vawikhatmah chaw nghei ah min la vo ngailoa a fanu hi khatiang khawpa na khan ala țawngkhum ngailo thil tisual mahse thu țha leh awmdan mawi nen a zilh zawk țhina tunah pawh khan tihsual ka nei anih chuan min zilh zawk tur ini asin mahse min vo ta daih amaw nu...." ka mak tihna chu ka thup hleithei lo ani ber, ka nu ka hriat ang kha ani tawh hauh lo.




"Bawihpui" nêm zeta a rawn tih rual chuan ka lu ka lo thin khuma ka nu awmdan avang vek hian ka mittui a tling kuau thei "ka nu.... a dik alawm he inchhungah hian i thu bera i sawi apiang chu a awm in a thleng bawk ang i duh ang chuan i kal dan thlak la amah pawh hi hnathawh tir la chuan keiin chaw ka lo nghei ang a țha e, ka duh lo chung ila lui a amah pawh i hrechiang hlei lo a i ring ngam anih chuan i thu thu ka room ah ka chho dawn ania min rawn biak tum hlek suh ang che" ka ti a, amah pawh en lo chuan a bula kûn ngala ding chu ka melh hrepa thinrim zet chuan choka ațang chuan ka chhuak tau nghawng nghawng a ka room lam pan chuan ka tlan chho nghal ti tih bawk.




Mize maksak tak tak tunlaiah a nei țana a awm țhin dan ngai miahlo te hian a awm leh țhina tuna mi pawh kha thil thar vek ani a chungah hian enge maw thleng ta ang le. Khanu hmelhriat țha pawh nilo a lak kha ka duhlo mai chauh ani mahse he inchhunga a thuneihna ka zah sak lo ani lo kan hriatchian ngei chu kan tan a hlu bawka hriatchian loh mi ni lo in misual tak pawh an lo ni theia chu bakah kei engmah hna nei ve tawhlo hian inchhung khawih te chu ka hman ve reng engvanga awmpui lak tum țal nge anih le.




Tun țum hi awmpui lak thua kan inhnial vawikhatna leh a tawpna ani nghal bawk ang engmah ka sawisel tawh lo anga a duh duh dan chuan kalpui rawh se alo fel tak viau leh an pahnih khuan inpawh em em se ani mai kei erawh pawn lamah ka ei chhuak thei reng buaina ka neilo mahse ka rilru kam tu zawk chu thil dang daih ani ngatinge min vo hi a chin tak em em mai le. A chungah hian enge maw thleng ta le.




Ka phone ri chu muangchangin ka la chhuaka nu Sangi anih avang chuan rang zet chuan ka chhang nghala awmpui atan chuan ani chauh hi ka duh kumkhua tawh ang "e, hei Bawihpui ka thleng daih tawh ania tluang takin kan thleng e inu bulah khan lawmthu min lo sawisak ta che" zâng hmel tak chuan a rawn ti nghal bawrh bawrh a ka ngai vawng vawng mai.




"Aw le, ka lo sawi ngei ngei dawn nia in thleng tluang chu a lawmawm lutuk e chuanin inu chu enge alo an a? Ana viau ami?" Ka ti nghal zata khiti lamah enkawlna țha an nei âwm si loa tihte chu ka ngaihtuah nghal neuh neuh bawk "vawiin lam chu zing ațang khan a zia an lo tia ka thleng pawh min lo chhawn chhaih peih a a lawmawm tak tak ani" a aw ațang chuan a hlim tih a hriat ngawig ngawih, kum tam tak a hmu tawh loa amah pawh a hlim ngawt ang.




"I haw dawn tih a hriat vang aniang a lawmawm lutuk e, lo țha ze rawh u chuanin ilo chhuk leh vat dawn em?" Ka ti a, a ngawi vang vang a "ka hre biklo le ka bang hlen dawn nge maw ka hrelo hei pui ti lam hi an ngaihtuahawm lutuka ban hlen pawh a pawi dawn amaw ni ka ti rum rum a mahse kan la ngaihtuah țha ang chu ka nu hi han zia deuh phawt se" a rawn ti țha ve maia ka nui ringawt bawk.




"Taka nu Sang.. ka nu in awm....." ka ti hmana mahse ka ngawi lehnghal vat, nufa buaina ani a midang ka hrilhin ka hnûklut ngawt theilo mahse ka nu chanchin erawh chu ka zawt thei "sawi ta che Bawihpui" a rawn ti a, ka thaw chhuak ham ham bawk.




"Ka nu hian tunlai chu thil chin thar a neia natna dang a nei em ni? Tunlaia a awmdan hi a mak thei lutuka" ka ti a, min hrilh duh loh ka hlau nghal ringawt chu a ngaihna reng ka hrelo.




"Natna lampang chu ka va hriatpui lo ve a hah te leh thil a ngaihtuah reng lai te hian a âwm te hi a dawm leh zeuh zela a hmaa a awmdan chu i hriatpui ve vek tawh kha ka zawh lahin a țhat thu in min hrilh țhina chutiang lam ka lo ngaihtuah lutuk hleinem ngatinge a? Thil thleng a awm em ni?" A rawn ti nghal zat.




"Awmlo e tunlaia a awmdan hi a mak thei êm a a tih ngai miah loh te a rawn ti chhuak vela mak ka ti êma entir chhin ila a țha ang em ka ti mai mai"




"A pawi chuang lo ang a ruk in natna te alo nei reng ang tih a hlauhawm hran lo e chuan taka inu thu kha zawm la țawngkam vîn in be suh ang che thil chin ngai loh tih i sawichhuah takah chuan a vîn let hrep ang che ze thar a neia kha keipawh min vîn let ve kha kha țhin ania mahse khang te khan hun a nei reuh amaw ni nge amah khan a tilui ve hrim hrim zawk niang te ka ti ta mai mai a" a rawn ti a, ka rin ang chiah ani ka nu chungah hian eng emaw a thleng chiang alawm.




"Nih nu Sang ka dah phawt ang aw, lo inenkawl țha la lo dam zel rawh u chuan lo let leh vat ang che, mamawh in neih chuan lo sawi hreh lo ka ti lam ațangin kan lo buaipui vek dawn nia engmah harsa a awmlo ania" ka ti a, a rawn nui a "a lawmawm țhin lutuk e nangnipawh in enkawl țha ula Pathianin min awmpui anga kan inhmu leh vat turah ngai ang aw mangțha ule" tia inthlahin phone chu kan daha ka ngaihtuahna tibuai tu an va tam tak em! A hmasa berin ka nu mawlh mai chu a chungah enge maw thleng ta ang le.




Thil ngaihtuah neuh neuh paha ka idea te ka ziah chhuah lai chuan ka room ah ka nu a rawn lut tih ka hmua mahse ka lo en duh țhak lo ka khum bulah chuan rawn ding in khumah chuan a rawn țhu thlaa "min rawn biak tum suh ka tih che kha" ka lo ti hmaka tlema tawlhsawn ka tum rual chuan ka kutah chuan a rawn pawt bet a.




"Bawihpui, ka thiamlo ani khatianga țawng kha ka tum reng vang pawh ani bik hauh lo ania ka thinrim lutuk kha ka insûm zo thlâwt lo ......" a sawi laklawh lai lai chuan "thinrim laiin thu pawt chat suh an tih țhin kha" ka lo ti ve hmaka ani pawh a bu ta nghut nghut nghut bawk.




"Ka hria alawm, chuvang tak reng chuan ka thiamlo ani, inu hi min ngaidan mawlh teh kum a upa zela kan chaklo tial tial mai anih hi hrisel amaw kan intih vah lai hian chuanin ka fanu Tluangpuii te khu chhungkaw harsa tak mai an ni a mi'n awmpui tur an duh leh duh loh zawt kualin a hun a hmang țhin, a chanchin tam zawk chu amah i zawt anga i hre mai ang a enga mah hma khan haw nghal ringawt lo la inu Sangi lo awm leh hma tih mai chauh ani. A chiang tiraw ka fanu" a rawn ti a, ka biangah chuan a rawn dawma.




"A mizia te pawh alo thup ve thei tho alawm bakah a sual hmel si ka ngaina lo" ka ti a, ka biang dawmin min kuai dâka a hmel ka en rual chiah chuan ka meng zui kâwka ava chauh hmel em em ve mawle "nu, ngatinge a i mitmeng te kha ava dul ta ve engtin nge i awma?" Ka ti chûla a biang vel te chu ka khawih a a ruh te chu ka khawih fuh ti tih tawh...




"Nu... i chungah hian enge thleng han sawi teh nu" ka ti a, thau pawh a nei tawh miahlo "engmah a thleng hleinem hna thawh hah nen ka chau ve deuh mai chauh ani chu zawng chu tunlai chu kan buai a zual deuha ka taksa te pawh hian a tuar anih hi hahdam rawh ka țha alawm engtin mah ka awm lo" min thlamuan zet chuan a rawn ti a, dawt a sawi anih ringin a mitah ka ena mahse a sawi hmel bawk si loh.




"Nu in entir chhin hrim hrim ila i taksa tan te pawh" ka ti a, a lu a thing mai "ka la hrisel lutuk alawm engmah in entir chhan tur ka nei hleinem, ka va mu hahdam lawk ang aw" a rawn ti dam dap a, muangchanga ding chhuakin ka room chu a chhuahsana eng natna emaw chu a nei chiang alawm a zêp chiang lutuk ringawt.




Ngaih țha zanlo chuan thil dang chu ziah chhunzawm leh ka tuma mahse ka rilruah a lut thei hlawllo chhuatah chuan ding in ka vei thauh thauh a ka nu awmdan mawlh mai khan min ti mangang ani, a rang lama Doctor hmuh pui vat a ngai ani anih loh chuan min hrilh a tum leh lo anga a buaithlak mai mai. A hmai te kha a dawldâng em em a chuan a cher em em bawk chhan țha tak a awm ngei ngei tur ani.




"Vew" Sylvia aw ka hriat rual chuan kawngka lam chu ka hawi phei nghala Sylvia rawn nui lut vur vur ka hmuh rual chuan tlanin ka va kuah vata henu te reuh hi ka ngai hman takzet ani "min lo va ngai tawh âwm ve a" tih pah chuan a hnungah chuan a beng thak thak a, ka nui chhuak hak bawk.




"Mahse, in exam dawn ani lawm ni tinge ila rawn chhuaha i rim te chu" ka ti a, zu rim a nam anih chu! "Nia, exam dawn e mahse lehkha zir ka ning lutuka kan chhuak ru a kan party alawm" a sawi zawh rual chuan a banah chuan ka ben sak nghal pawp! A na ti chu a tuai nghal vut vut bawk.




"Sylvia, i mak lutuk emai heti hian engatinge i awm ve ziaha awm tawh suh a țhalo inu in a hriatchhuah hunah phei chuan i na ngawt ang i hria em?" Ka ti hlaka "a ho emai min hau anga ka thih phah êm bik lo ang" a rawn ti sam êt a, a banah chuan ka ben sak lehnghal pawp bawk.




"Taka, i kawngkhar bula awm hi tunge a ava pa rem rem ve kan rawn lut tur te kha min lo dang vela eich.... rorum lutuk" zawi zet chuan a rawn ti a.




"Jeremy'n min veng tura a dah anih kha Afeli ania a fel reuh lutuk ringawt" ka ti sapa "hepa țhin hi chu aw...che over thei leh lulai lutuk mai rapthlak bing bi let tawp tawp em em țhin hian ka khawng chak țhin ania, vew, zep loh chuan maw ka khawng chak țhin tak tak hepa hi chu a hmelțha leh lutuka" a rui chuan a ti nuah nuah a, mahse kei erawh kan pahnih awmdan ngawi renga min lo en rengtu an awm avang chuan ka hlau deuh ti tih.




"Sylvia, henu nge or hepa hi ilo hruai ami?" Tiin sir lam chu ka kâwka a thawmhnaw hak te mai mai chuh! Mit a ti kham "aw ni e, Rini anih hi" a rawn ti lehnghal vaka chunu nge chupa ka ti dawn alo hruai nu or pa awi..... engmah in a dik theilo alo ni ve ringawt lehnghala hmeichhe hmel chu a pu tho sia mahse mipa angin a nung tihna em ni? Awi leh! Vawiin atana thil mak sawmriatna ani tawh hial lo maw.




"Vew, a chhelo tiraw hmeichhia phei chuan an duh hlawm teh mai ania keipawn ka star a mahse tunah chuan bialnu a nei riha mahse kan inkawma ka nihpui ngei ngei dawn ani tawp mai ni a chhelo si a zei hi a hot si" Sylvia awmdan mak lutuk avang chuan a ban bulah chuan ka vuana chiang zet chuan ka bih bawk.




"Enge maw i hriat taka engvangin nge hetiang te i kawm? Sylvia, nih pui te chu ila sawi lehnghala i mawl ami? I hmeuchhiatpui anih hi i mawl lutuk" ka ti zâwi hlaka Sylvia erawh ala nui mai mai zui.
"A ho e... ka duh sia lawm ka nihpui dawn tho tho nangpawn i kawm ve anga i luangliam ve vat mai ang a zei teh mai ania rapthlak khawpin a zei kan inkiss tawh alawm ka hre vek" a rawn ti nui nui a, tunah hian ben hrep ka va han chak tak em!




"Hre reng rawh, ka kawm ngai lo anga chuan ka duh bawk hek lo ang henu nilo hepa zawk, awi a engpawh ni teh se i kawm chhung chuan ka kawm lo ve thei che Sylvia he nun ata hi chhuak teh i danglam tawh lutuk chan che ka duhlo ania Sylvia zu pawh rui khawpa i in ngai miah loh kha, i chungah hian enge maw thleng ta le" mangang zet chuan ka ti chhuak hliai a, a awmdan hi a dik miahlo.




"Ngaithla rawh, ka thu hi zawm mai la a harsa hleinem" tiin ka banah chuan min la pawt ve ta deuh deuh lehnghala "sawi pawh sawi tawh suh" ka ti țhata, "Zorini nen an inkawm țhin alawm ka cousin nen an inkhawm țhin ka hrechiang a ti bawka chuvang chuan kan do thei dawn alawm ngaihtuah chiang rawh, a chhiat lohna hi chu thuhran" a rawn ti a, chunu nge chupa tih pawh ka thiamlo, amah chu ka va ena min lo la en reng lehnghala ka tui hlawl lo ka luak te a pawt in ka hria.




"Ngaithla zawk rawh Sylvia, eng an pawn inhrechiang mahse ka kawm ngai lo ang ka duh bawk hek lo amah do let nan a chanchin hretu kawm kher ka mamawh lo chupawh hetiang lehnghal chuanin nangpawn i kawm chhung chuan ka kawm lo ve thei che sylvia tuna i nundan hi sim la a hma ang khan awm leh rawh" ka ti zâwi hlaka mahse alo muhil daih tawh anih chu! Henu mai mai hi chu aw... a țhianpa saw engtia tih nge a tuma hneawm lutuk ringawt mai.




""Engtiang chiahin nge ka țhiannu hi ilo hruai kawia nang hian" amah en pah chuan ka ti chang rat a, a nui mai lehnghala a zaklo chu zawng chu ka sawi thei a zak hlawllo nia.




Buaina thûk ber leh natna zawnga na ber ințanna zan tur ani tih hriat lawk theih ka va chak em! Kha zanah ngei khan.....





NOTE : Lockdown lai hi ka chhungte ka puih ve theih hunlai ani a, lockdown hi awm lo se chuan Aizawlah haw in Lehkha kan zir leh tawh ngei ang. Lockdown hi ka tan chuan Malsawmna ka ti mai ka chhungte nen hun tam tak min pe a, chuan lockdown chhung zawngin lo lam hna thawh, mang khawh thlai chi tuh, mau chih, thlâm sak, sawhthing lin leh a chawh te, buh tuh thlengin ka thiam ang tawk leh theih tawkin ka pui ve țhina hunâwl ka neih loh tur zia min hriatpui vekin ka ringa lo lam hnathawk țhang tan phei chuan a kar laklawhah ruah alo sur ve țhin bawk nen.



Âwl niin chauh luat avangin engmah tih peih a lêm ka neiloa ka mu tawp țhin a chhan chu ka thawk khat em em a, thawk leh khata ka thawh thut vang ani ngei ang chuta karah damlo enkawl ala ngai ve leha au 12 ala exam zo lo bawk nen lockdown vangin, in lamah chet chhawktu ka nei loa anu âwl ve hram ka duh țhin bawk si a in lakah pawh ka inthlahrunga eirawngbawl lai ten ka ngaihtuah leh neuh neih zel bawk. Chanchin sawi turin rei tak fb ah ka lut thei silo zan lo reia type ka tum lui ve ngial țhina mahse engmah chhiar tlak awm lo in ka chhuah leha mutthlûk nen ka fâwm țhin bawk.



Chutiang khawp chuan hunâwl ka neiloa mahse tunah hei ka nei țan ve pheuh pheuh dawna a zia deuh tawh zawk, ka ziah lo rei avangin ka hul em em akeimah te ka khur vela ka thil ziah te ka ring tawk loa ka chhiar nawn ka chhiar nawn mai zel bawk a ngaihnawm loh viau maithei lehnghal a tawi viau ang ka ring mahse a thawhkhat nan chuan heti hi ni phawt se kan ti thui tial tial dawn nia... chapter a tam vak tawh loa a tawo vat ang.



Dawhthei taka min lo nghak țang țang tute in chungah lawmthu ka sawia chuan in lo sawisel miah lo bawka ka lawm lehzual ani. In tan theihtawp ka chhuah zel anga ka regu theih tawh beisei ula tihlawhtlin ka tum bawk ang.... chuan he story tlawm te leh ho te hi chak taka a awm reng theih nan in mi thlâwpna a mamawha chu chu like te, comment te ani.... min lo pek sak ve ngei ngei dawn nia... in zavaia chungah msi hian thinlung takin lawmthu a sawi e🦋🦋🦋🦋💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:05 pm

AT THE ELEVENTH HOUR - 27

By : Msi Miluhlulnui 🦋




"Khawi ka lo hruai haw ang" ka zawhna chhang lo chuan ala ti ta deuh deuh anih chu! "A ngai lovang zanin chu ka room ah a riak anga keiman ka buaipui bawk ang chuan nangmah zawk kha hruai haw i ngai êm lo ang chu maw" tih el zet chuan ka ti let ve nghal zata a nui mai mai lehnghal.




"Ka hruai chhuah ani a, an ina dah leh chu ka tihtur ani" a rawn ti a, a aw hi mipa nen danglamna pakhat a awm pawh ka hre hlawl lo "i tihtur ani mahse a chhungten in chhuak ru tih an hriat chuan i him bik hauh lo ang tih in hre rawh Sylvia nu leh pa te hi ka hrechianga i ngaih ang ngawta dah haw awlsam ani hauh lo ang" ka ti let ve sak, Sylvia thinlung alo hruai ki kawi kual vela ka be țha âwm hleilo.




"Ka hlau hleinem" a rawn ti nawn leha nuih pah chuan Sylvia chu ka kai sawna khumah chuan ka mut thal tir nghal tawpa ala tep chuap chuap zui lehnghal tunah hian tlai dar 4 bak ala ni loa ngah nge chhun chhunah te zu a in reng reng ni, anu te chuan an zawng nasa leh tawh ang chu aw.... inhmuh loh kar in alo inthlak danglam nasa hman takzet ani.




"I in ti huai ve sia maw....an inkawtah ding la i tha a khur nghal ang tunah pawh hian an zawng tawh ngei anga engvanga chhun chhuna zu in nge maw in nih le? Hrim hrim in Sylvia hi ka hrechianga rui khawpin zu a in ve ngailo a chungah hian eng thil nge maw in tih tak hlawm le" ka ti hlaka, ka au chhuak teuh kher bawk.




"Amah kha i zawt thei ang a duhdan ania min rawn sawma ka lo hnar lo ani mai chu zawng chu ka thiam lohna a awm lo chuan kha ala him pial kha a chungah engmah kan ti hleinem alo harh hunah min rawn be turin min lo hrilh sak dawn nia" luhlul tih hriat zet chuan a rawn ti ve leh kher bawka Sylvia bula rawn kal a tum țalh chu ka lo danga nuih pah chuan a chhuak zui ve leh mai bawka.




"Ka awm chhung chuan a rawn be miah lo ang che" tih zui hram pah chuan Sylvia pheikhawk chu ka phelh saka a thawmhnaw hak țawp lutuk chu ka thawmhnaw in ka thlaksak bawka engvanga hetianga awm ta hi nge maw anih le, ni hnih ang vel chauh kan inhmu loa alo danglam nasa tawh bawk si rui khawpa zu in ngailo kha tunah chuan a rui tawh em em a a hmeichhiatpui ala ngaizawng bawka a ruih vanga a sawi ni hram se ka ti takzet ani.




"Sylvia, ngatinge hetiang hian i awm taka min ti lungawi lo khawp mai rawn harh teh u chak lo ang chu aw.... ka hau hrep ngei ang che" rizai sin țhat tir pah chuan ka ti hlaka anu te ka be lo anih chuan an lo ngaihtuah tawh âwm si a mahse eng dawt nge ka sawt tak ang exam tur an ni bawk si huiham... henu avang hian a chhungte bulah dawt vawi engzah nge ka sawi dawn le, a thlavang hauh sak ngai bawk si ka buaina tham chu a tling ve ani chutih rualin ka mamawh em em tho bawk si.




Anu number chu hmet chhuakin ka call nghal zata a ring rual te chuan ka thin te hi a phu ve dat dat thei nia "E.... ka rilrua i awm lai takin min lo call a i țhiannu alo kal mial em le? Hei pui kan zawng nasa tawh lutuk a room ah a awm bawk silo a hahthlak tak tak ani henu hi engtia tih chi nge maw ni dawn ni" anu chuan a rawn ti zui bawrh bawrh a, ka bulah a fanh rui chungin a muhil tih hria se engtin nge a tih ang ni a vaw hlum duh hialin ka ring.




"Nute, inti hah lutuk duh suh u Sylvia chu ka bulah a awm hei a muthlua a hriatthiam loh vel min rawn zawt pah bawka nangmahni hrilh lo tur che u in min ti a mahse a mutthilh lai ka rawn chuha ka lo bia cheu a" ka ti ta ringawta min chhan dan tur nghak chuan ka ngawi renga "ava lawmawm ve, min ti hah hman alawm engmah sawi lovin a chhuak bawk si a min ti lungngai hman lutuk, rawn haw teh se ka lo hau ange chhungte min ti mangang leh lutuk mai" a rawn ti zui bawrh bawrh a hahdam hmel fê hian a thaw zui leh ham ham zel bawk.




"Nute, nangmah a hlauh vang che ania hrethiam hram hram rawh a harh veleh ka rawn haw tir nghal dawn nia keiman ka rawn thlah ang lo ngaihtuah suh u" ka ti ve tak nâ in a hau leh dawn tih ka hriatchian êm avang chuan Sylvia chu ka lo hlauh pui ve leh ringawt bawk "awle, i rawn haw pui nghal dawn nia apa bulah a insawi thiam viau a ngai ang" a rawn ti zui leh hrama aw pawhin phone chu ka daha.




"I haw peih lo leh ang chu aw.... i harh hunah chuan beng chaw i dawng nasa dawn bawk si" amah en pah chuan ka ti a, anu in a hau dawn tih a hriat hian inah a haw ngam leh tawh ngai lova pawh luih țang țang zel a ngai țhin anu hi chu keipui ang hi ania a thinrim tawh chuan an pa ai pawn a rapthlak tih Sylvia nen hian kan tawng ve tawh alawm rapthlak tak ani.




"Afel, khatia ding reng lo khan helai room hi hmang ka chawl hahdam rawh, inah kan awm tawha engtin mah kan awm tawh lovang" inhnuai lama ka chhuk thla tur ka room kawngkhar bula Afeli lo ding reng ka hmuh avang chuan ka ti a "miss, sir thupek ka zawm mai ani a khawngaihin min tilui suh anih loh chuan ka hlawh min cut sak palh mai ang heihi ka hna ani a țha taka ka thawh a ngai ani" felfai zet leh min zah hmel tak chuan a ti a. Eng dan nge maw ni ngai le.




"A ho lutuk, engmah i chungah a thleng lo ang ka tiam a che, bakah ven reng ka ngailo ania ka țha alawm harsatna ka neih chuan ka lo hrilh mai dawn che alawm a chang chuan phakar ve deuh hlek te a ngai țhin ania dawt var sawi a ngaih chang te pawh a awm alawm tunah va kal la va hahdam rawh" ka ti a, a duh loh hmel em em mai lehnghal.




"Miss, i hrethiam lo...." a sawi zawh hma hma chuan "ka hrethiam alawm in pu pawh chu ka hau ngei ang chuan miss min ti lo in Rinrin min ti rawh khatianga in koh kha chu ka thiamlo va hahdam rawh engkim ka kutah dah la ka chingfel mai ang, kal tawh rawh" ka ti a, ngaih țhat loh hmel zet chuan roomah chuan a lut ve ta nge nge a. Hepa pawh hi enge a hriata khati vaka inve pawh a ngai hleinem midang te pawh hi a khawngaih ve em em lo amaw ni mak thei lutuk, ka la hau dawn alawm.




Inhnuaiah chhuk thla in choka lamah chuan ka kal phei nghala ka nu in Tluangpuii atih chuan eirawng alo bawl mial mial a ka thawm a hria ani ngei ang min rawn hmuh rual chuan "mamawh i nei em ni?" A rawn ti nghal zata ka lu ka thin san maia fridge chu hawng in tui vawt chu ka la chhuaka no nen lam engmah sawi zui tawh lo chuan choka ațang chuan ka chhuak zui nghala ka tih lohnaah hi chuan nasa ve vet vet tak hi ka nia hei tak hi miin ka mizia an hriat țhelh țhin chu ani.




Țhutkhawmna hmun ka chhuak phei ka nu room ațanga a assistant lo chhuak ka hmuh rual rual chuan ka thil ken chu dawhkanah dah in chunu awmna lam chu ka pan phei nghala engmah sawi lo chuan a banah chuan ka vawn sak nghal pawpa pawn lamah chuan ka kai chhuak nghal dawr dawr a ,engvanga a hmaa lo hrechhuak vat lo nge maw ka nih le.




"Rinrin, enge ni taa ka ban i hmer na vek alawm" kan din hnu chuan a rawn ti a, ka kut chu rang zet chuan ka la thlaa alo sen ve tût bawk "ka tihpalh lutuk ka lo hmer na deuh aniang min ngaidam dawn nia thil zawh duh che ka neia ka nu chungchang ania dik taka min chhan vek ka beisei bawk ania" ka ti a, a thil ken chu siam țhat pah chuan a rawn hawichhuaka "min zawt thei ang" a rawn ti ve sep bawk.




"Ka nu hian natna a nei em ni? Ka tih awmzia chu tunlaia a mizia danglam chhan te hi i hre ve tho anga natna a neih ka ringa ka zawhna i man thiam chuvang chuan dik takin min chhang rawh anih loh chuan ka nu ka hrilh anga ka ban tir ang che" inrintawk hmel zet chuan ka ti a mahse a ruk chuan ka hlauthawng deuh tho thu thin țhawng deuh min hrilh ang tih mawlh ka hlau ani.




"Englo, ka hrilh theilo ang che a chhan chu madam hian a phal tlat lo ani ka tihpalh ani"




"Ka nu in phallo mahse sawi rawh a fanu ka ni a ka hriat ngei ngei a ngai ani ka nu damlohna chu engvanga hrelo bik nge ka nih tih hi hriat ka mamawh takzet ani hriat ka mamawh sawi rawh, natna chu a nei tak tak ami?" Hlauthawng zet chuan ka ti a, a ban bulah chuan vuanin ka sâwi deuh ti tih bawk "sawi rawh ka tih chu, a vaiin engkim min hrilh vek rawh anih loh chuan ka ti tak tak dawn ania ka sawi ang khan ka ti tak tak ang" ka ti a, hetianga mi vo hi ka duhdan ani lo mahse ka nu chanchin ani a ka tih ngei a ngai bawk si.




"Ka pi hian hna lo kal ve țhin mahse nitin therapy ala ziaha a țul tê ah lo chuan hna a thawk ve ngailo engkim kan buaipui sak veka tih tur min hrilh țhin therapy hi chu kum tam tak alo la tawha a zia dawn amaw kan ti a mahse tunlai hian zual lam a pana keini pawh chhan awm lovin min vîn leh țhuai țhuai zela mahse keini chuan ngai ah kan nei tawh zawk a natna ințanna hi chu a rei tawh mahse tunlai hian a rawn lang leh deuha therapy pawh a hma ai chuan ala nasaa ala ngun tawh zawk bawk" a rawn ti zâwi sepa a thusawi chuan min deng dawt dawt ani ber.




"Mahse engvang nge? Engvangin nge therapy chu a laka chuan eng natna nge a neih? Ngatinge engmah hi min hrilh ve duh miah loa ngatinge engmah hi ka hriat ve loh" ka ti tuarh a, chunu bânah chuan nasa zet chuan ka sâwi bawk "ka pi hian thluak cancer a veia he thil hi chu pu nen an ințhen hma thil daih tawh ani sum a seng nasaa a natna hi theihtawpa tihdam tir a tuma a beia țan ala nasa bawk in bulah chuan na lo anga langin theihtawpin a thup țhina kan pi hi mi zaidam ani a țullo ah chuan mi a vîn ve vak vak ngailo tih kan hrechianga mahse a rawn vîn ve leh thut țhin. A natna a ziaawm deuh hnuin treatment ala a, hma a sawn viau bawkin kan hriaa chuan nangmahni lakah pawh hlim takin a nui ve thei bawka mahse mi vin vel hi chu ala ching zeuh zeuh țhin.




Tunkum laihawl velah khan a natna a rawn chhuak leh țana therapy ala leha mahse awmzia a nei lutuk tawhlo a zia amaw kan tih lai khan hmun dangah lo ințai darh nasa hman tawh em em a therapy a lak pawh hian awmzia a nei lutuk tawh ngailo mahse nangmahni lakah hi chuan theihtawpa inthunun a tum ve țhina nitin office lo kal ziah mahse therapy lak nan a hmang țhin ani nangmahni hrilh lo tur che u in min ti a mahse hrilh i ngai ta si a a pawi ka ti khawp mai min hrethiam rawh ka kal phawt mai ang e" a ti a, man hman loh chuan a tlanchhuak zui nghal bawk.




Kei erawh ka thu hriat avang chuan awmdan ka thiamloa ka thin chu a rawn na nghal ut ut bawka țhutthlengah chuan țhu thla nghal dawtin ka thaw chhuak hlâwi hlâwi bawka ka nu chuan cancer a veia mahse kan lakah kum tam tak alo zêp tawha therapy a rukin alo la ziah bawka tichuan keini hian a damloh hlek pawn kan zawt ngai loa mahse damlo hmel kha a pu ngai tlat lo ani. Mahse engtin nge heti chen kan lakah a zêp theih zawk natna alo nei reng si.




A hmelah lang chhuak lo mahse a hriselna a țha em tih te tal lo zawt țhin tur ka ni a, mahse ka la ti hauh lo a hmel a êngin a dam var hmela zêp nei hmel pawh a pu ngailo kha ani a ka tan chuan hriat a har êm a tin ni min vin țhin, mahse chu chu thil nih ve tur reng anih avangin engah vak ka lo ngai loa mahse a natna lo lan chhuahna ani daih zawk si ka pa nen a ințhen ațang anih chuan kum tam tak a liam tawha anih chuan ka nu hian natna chu alo pai rei tawh lutuk takzet anih chu.




Rang zeta inchhungah lutin ka nu room lam ka pan ding nghala kawngka chu dîm te in ka kik dat dat a min chhan loh avang chuan "nu" tih zâwi sep pah chuan kawngka chu ka hawnga mahse a khumah chuan chauh hmel zet hian alo mu a a biang te chu a hmu cher veka thisen a nei loh hmel em em mai bawk "nu, heti khawp hian ilo tuar na ani maw? Engvangin nge i fanu hi engmah min hrilh loh? Min hrilh ni la chu ka theihtawpin i damna tur anih chuan ka enkawl mai dawn che asin ngatinge engmah sawi lova ilo tuar tlawk tlawk" tiin ka phun sep sep a, ka mittui a rawn luang thla nghal nguai nguai bawka kum heti zat alo tuar tawha a tan chuan a hreawm ngawtin ka ring ani. Fanu mawl tak a neih avang pawh hian a rilru a hah anga a tan chuan hreawmna hlir ani mai si ka lo van â rei em em ve, nu te tak ngial pawh ka ngaihsak theilo chu ani a fanu mawl tak ka nih hi.




"Nu, a tlai tawh em ka hrelo mahse i fanu hian ka enkawl ang che tunah chuan ka awm tawha keimah ngeiin ka enkawl tawh ang che" tiin ka intichak luia mahse ka țah a chhuak ut ut a ka țap chhuak hlei thei bawk silo ka mittui luang vel chu hru thuak thuak in kawngka chu dîm zet chuan ka khar a choka lamah chuan ka tlanphei nghal ti tih bawk.




"Tluangpui, ka nu lo harh hun atan leh zanriah atan buhhâwp kha lo siamsak rawh aw chana hring kha tam vak lo i thlak dawn nia a hrisel bawk chuan ka nu alo harh veleh min rawn ko thla nghal dawn nia chawhmeh țhing a awm chuan paih vek la a thar siam vek ang che chuan thil uih lampang chi a awm chuan paih bawk la chawhmeh thar țha leh fresh țha tak bak fridge ah hian hmuh tur a awm tur ani lo" fridge chhunga chawhmeh awm en pah chuan ka ti zui mawlh mawlh a, chutia ka awm ta chu mak tih hmel zet hian min lo en a tunah chuan ka nu hi engkimah a pawimawh ber thil dang zawng aiin.




"Zikhlum hi chhum hâng la chuan kan kha mawm lutuk lo in i siam bawk dawn nia a chhan chu ka nu hian mawm a ngaithei loa bai te leh tlak hâng te a duh zawka thil hriat loh i neih chuan min rawn zawt zel dawn nia" ka ti zung zung a, chutia ka awm tak avang leh ka chet zung zung avang chuan âng phuau hian min lo en a.




"Enge khatia min en renga a tlai tawh ti vat vat rawh" ka ti hlaka harh chhuak deuh zawk ang mai hian chawhmeh țhing awm leh awm loh chu a enkual nghala ka awmdan hian a țhawng tih hai rual ani lo nichin lawkah ka melh puak țepa tunah țha takin ka be leha a hrethiam ngei ang hrethiam tur pawn ka phut bawk hek lo.




"Nu, Doctor țha ber ber ka ruai anga ka tidam ang che" tiin ka phun zui mawlh mawlh renga lungngaia indawm kûn reng hman ka ni lo Ela biaka phai pama Doctor țha biak ka ngai ani. Ka tlai hman anih vaih chuan ka inthiam thei leh tawh ngai lovang.





Jeremy Lalmalsawma POV

"Sir, kha thil lo thlen thut dan kha hriat mai ala ni rih loa mahse a ka ngaihdanah ve mai mai chuan ngaihthah ngawt chi ani hauh lo pawl te te in an insiama an au hla leh an duh kha pakhat mah a inang lo engvanga i bial ni miah lo tena an mamawh pe țhalo ang chea an sawi theih zawk le an chhuah hnu khan ka ngaihtuah chianga a mak ka ti takzet ani" Zamzami chuan a ngaimawh tih hriat zet hian a rawn ti a, keipawh chu thil chu ka rin dan chiah ani.




"Ka bial ani hauh loa chu an mahni chunga thuneitu ka nih avangin kei min rawn chhuahchhala an vai khan an hnathawhna lo chhui la tu bial nge an ni tih nen tuna ka lak thar ho hian nge nia a hma ami ho khan an mamawh pe tla lo tih hriat ka duh ani 'ka hlawhchham' tih thu kha hriat ka mamawh hauh lo tih hre sa ang che u" ka ti zui hmuk.




"Bro, engvanga 'min phatsan ani' tia au tlat nge an ni tih chu hriatthiam a har ve ta det chu ani. Venhimna țha tak hnuaia building hi dah ani a khati zozai vengtu awm chung pawha awlsam taka an lo lut thei kha chhui hmasak a pawimawh ngei ang, he buildinga hnathawk te ngeiah hian phatsantu an awm thei bawk" Dinsanga chuan a rawn ti ve ta chiaha midang chuan an pawmpui ngang bawk.




"Chuan thihna a thleng țep bawka ruahman lawk sa ani lo ang tih pawh a sawi theih hauh lo" chu thil sawitu chi Tims'a ani. Duati taksaah khan pem awm ngat phei se chuan kha mihring kha ka that nghal duh hial ang "Sir, he thil thleng vela i ngaihdan sawi i tum miah lo ami? Thil lo thlen theih dan kan sawi mai chauh ani a mahse chet lak dan tur kha kan mamawh hmasa ber ani ruahmanna fel tak, chumi tur chuan kan nghak reng che kan vaiin" tiin Mala chuan inthlahrun hmel zet chuan a rawn ti a.




Ruahmanna, ni e ruahmanna ka siam vat a țul ani mahse ngaihtuah tur a ti tam in eng ngaihdan mah ka la neilo chu anih tak ber hi "sir" an rawn tih rual leh tak țhup hnu chuan chet zui hlukin dawhkan lamah chuan ka tawlh phei nghala dawhkanah chuan ka kut nghatin anmahni chu chiang zet chuan ka en zui nghal zata ka thu an ngaichang reng tih hriat reng reng hian min lo en țhup bawk.




"First, ngaihtuah tur a ti tamin ngaihdan pakhat mah ka la neilo tih ka sawi hmasa ang thil engkim kha thut ani a ruahman lawk sa ni dawn pawh nise ka laka an rawn lungawi lohna kha ni ve thei tho ani mahse.... chumi thu ah chuan hruaitute a mal te te a dâwpna kan siam a ngai ngei ang a tihdan chu train vek inni tawha ka puihna in nghah kher a ngai lo ang an vaiin hruaitu hlui leh hruaitu thar zawng zawng list ka duh nghal bawk ang.




Kha biala cheng mipuite khan a hma ațang daih tawhin ei leh inah an harsat thu an sawi tawha kha bial hrim hrim kha ka pa in a țanpui chak bik awmchhun an ni a a chhan chu he company țhan len nan hian an tha leh zung an sên nasat êm vang ani. Tuna kan hnathawk te hian sawta puan țhui thiam te ațang sawn an zir mai chauh ani bawk 'min phatsan ani' tia țhenkhat an au kha chu sawi dan pawh ka thiam hauhlo ka phatsanna ka hre hauh si loa ka pa ang ni lo mah ila ka theihtawp chuan ka enkawl ve tho chuan ka hre bawka ka hriat loh lai hian thil ka lo tisual amaw ni tih rum rum na tham ani" ka ti zui sup bawka, a rang lama ka pa biak vat ka ngai ani.




"Sir, i thinrim miah lo ami? khatiang thil a thlen hnuah khan hliam an siam sak chea chuan Rinrini chungah khatiang kha an ti bawk ani a i thinrim lo ami? Thinrim hmel pawh i pu lo" Zamzami chuan a rawn ti lehnghal zat bawka ka nui suk.




"Ka thinrim lo tih sawi dawn ila dawt ka sawi tih a chiang reng ka thinrim ti dawn ila ka thinrim chiah em tih pawh kei hian ka hrelo half half angin a ngaih thei ang thinrim lo chu ka ni hauhlo amaherawhchu; thinrim pawh ni ila tih lan hi a fuh ber hauh lo thinrim in hrosa chunga hnathawh a sâwt loh zia hrechiang tu inih kha ipu i hrechiang anih chuan thil i hrethiam ngei ang chuvang chuan tunah chuan enthla hrih phawt ila a phêna awm hi tu chiah nge hriat ka mamawh hmasa ani nangni erawh chuan zanin ațang hna in țan anga ka rawn zawm ve ang che u a chiang em? Zawhna a awm chuan nakin lamah min zawt thei ang tunah chuan rilru fîm put ka ngai ani ka pa ka biak ngei a ngai" ti vut in ka tho chhuak nghala dawhkana ka phone chu ban in ka chhuak zui nghala inlam pan chuan ka inkhalh chhuak zui nghal bawk.




Dinsanga min mitmei na avanga thil engkim zêp mai chauh ka ni tih an hriat loh hram ka beisei a phena awm hi chuti ngawta puangzar thei ka ni tlat lo, ka duh ai thil a ti theia duh duha bei ringawt thei ka nilo bawk ka thinrim lutuk in beng daih kha tun hnua thil harsa ka la tih ber ani ngei ang "hrep chuan, hmeichhia pawh ni mahla i cho hi hrechiang hmasa ang che mipa i cho tih in hria la âwm nêm zawk pawh ni mahla ka dîm dawn hauh lo che tih hria ang che Lalruatsang" ka ti chhuak hrâwk! Speed chu tisang in chak zet chuan ka tlanchhuak nghala a thurualpui hi ka rin ang anih chuan an nasa dun khawp ang le.




"Nu khawnge ka pa hi roomah lehkha a chhiar leh tawh em ni?" Inchhunga ka luh rual chuan ka ti zui nghal vuta ka awmdan chu ka nu in a hrethiam leh ani chêk ang chu rawn tho chhuak nghalin min rawn pan nghal chat a "mama engthil nge thleng leh taka? Chuan ngatinge i biang te kha..." Min ngaihtuah tih hriat zet chuan a rawn ti nghal zata a kutah chuan ka vawn saka "nu hahdam rawh engmah a thleng lo ka pa chu ka hmu duha a roomah a awm em ni?" Dam zawk chuan ka ti nawn leh.




"Aw, a roomah a awm han kal rawh" a ti a, hahdam tura hrilh lehnghal in an nupa room lam pan chuan ka kal nghala ka pa lehkha chhiarna pindanah chuan lut in a bulah chuan ka va țhua "ka pa, engvangin nge saw bial chak taka i puihna hmanga thil ti thei mek te saw ka hming hmanga midangin an enkawl ani tih min hrilh loh? Vawiin khan office ah buaina rawn siamin 'min phatsan ani' tiin an au rual asin ka pa tunah hian a chhunga cheng mipuite chu ka chungah an thinrima an mamawh pe thei lo angin min puh bawk a chhan i hria min hrilh rawh" ka ti chang hrâwih. Muangchanga a tarmit lak thlak pah chuan min rawn en a.




"A chhan chu he thil hi inremsiamna anih vang ani ka kaltlangpui lo anih chuan nang hi ka chan dawn che asin ka fapa, tunah chuan thil awmzia i hrethiam ta uar uar a i duh duh min zawt thei ang he hun hi ka lo nghak reng asin hmanniah i chhui chhuak tih ka lo hre bawka" a rawn ti dam dap.




"Ni e, ka chhui chhuak alawm a chhan chu ka hming hmanga țanpuina pek ani tih ka hriat vang ani kei chuan company hmangin țanpuina an pe amaw ka ti a, ka theihtawpin sum kan thehchhuak amaw ka ti ve bawk mahse ka hming chauh lo hmangin midangin an lo țanpuia a chhia erawh ka chan ani daih thung si vawiinah ngei pawh he thil avang hian ka thawhpuite lakah dawt ka sawi a ngaia engmah hrelo anga ka lan a ngai asin mahse hnathawk hlui leh hnathawk thar zawhna zawt vek turin ka hrilha chutah chuan tu in nge sum kan thehchhuak anga lang tura lo ziak țhin tih kan hre bawk ang" ka ti chang hrâwiha thil engkim hi a inkawkalh vek tawha ka thluak an tibuai ani.




"Hoirfen lama i hnathawhpui saw i unaunu ani inu nen khan i u a pian hnu hian fa kan nei thei tawhlo amaw kan ti a fa atan kan la taa mahse inu in apai che tih kan hriat chiah khan kan sum tam tak la in a tlanchhuak taa tichuan Hoirfen nen sawn inzawmna an neia kan thuruk engkim an hriat vek avang le he bial hi kan chakna ani tih an hriat avangin min vo nan a hmang țan taa tunah chuan ka pa tih pawhin min ko ngai ta hauh lo nangmah hi an ru bo chea saw bial saw neih a duh avangin tichuan inremna kan siam taa a chhan chu i thih ka phalloh vang ani i hminga enkawl tur angin an ziaka mahse anni in sum an pe chhuak thung kan thuruk a hriat hnem em avangin min do dan tur pawh a hre em em a thil a ti thei bawk min tihchhiat vek aduha mahse vawiin ang kha chuan chet a rawn lak ka ring hauh lo"




"Anih chuan saw kan office ah ngei sawn a lam țang an awm tihna em ni?"




"Ka fapa fing tak hian chung ho chu a ban vek tawha mahse kan thuruk hriat a ngah em avangin vawiina thil thleng tur atan khan ruahmanna a lo nei ani ngei ang. Naktukah board meeting ko la keiman engkim ka rawn sawi lang vek dawn nia min tihchhiat vek a duha min el danah hian i hrethiamin ka ring bawk ka fapa Zorini kan duhloh em em chhan kha i hria em? Unau an ni a an țangrual bawka mahse i mit a tidela engmah kan sawi duh ta lo anih kha" a rawn ti dam leh dap maia thil engkim hi a ni nei nuai veka mipa inti fing ve tak tan pawh rilru buaina tham vek ani. Dinsanga min puihna ni lo se chuan tunah hian ka la hre hauh lo ang.




"Ka pa eng thuruk nge a hriat chu chuti khawpa kan chhiatna thlen theitu chu" ka ti zui hluk.




"He hun hi ka lo nghak reng tawh engkim i hriat hun hi a chhan chu i pa hi ka chak vak tawh lova kan thluak te hi a chawl hnem tawk tawh bawka engkim i hriat ve vek a ngai tawh ani" a ti a, a țhutna ațang chuan tho chhuakin lehkhabu awmna lam chu a pana ka zui ve nghal vut bawk.




"Bawiha, khawnge i kal dawn? I biang kha damdawi ka lo hnawih phawt ang chu" ka nu in a tih pawh chu ngaihsak lo chuan ka chhuak zui nghala a rang lamin Hoirfen lam pan chuan ka inkhalh chhuak nghala Tunge ka ni tih an hriat avangin awlsam tak chuan min luhtir nghal maia tunah chuan hmanlai hun theihnghilha thil awmdan thlak danglam a ngai tawh, thil hlui chu engvanga thar thawh leh nge maw anih hrep le.




"Jeremy" tia Zorini min auhna pawh chu ngaihsak lo chuan a bula ding chu ka pawt her nghal lawp a "inbia ang hmiang" ka ti zui sup bawk. "Min lo pan ve tehmiala unaupa chu kha i biang pawh kha ava duk ta em em le an khawihna viau che ani maw?" Min ngaihsak lo tih hriat zeta a rawn tih rual chuan rûm chhuak nghutin a banah chuan ka hmer chawt!. "Ka pa in engkim min hrilh vek tawh thil engkim kan sawidun a ngai min rawn zui rawh" ti chang hrâwihin ka kai chhuak nghala he thil avanga pawisawi lo in nunna an chan nachhan tur a awm hauh lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:05 pm

AT THE ELEVENTH HOUR - 28

By : Msi Miluhlulnui 🦋




"Min thlah teh ka ban i hmer na vek alawm hmeichhe dim na chang pawh hrelo mawl lutuk" kan din hnu chuan a ban pawh thlak pawp pahin a ti zui hlaka "kha thil kha chu pawisawi lo te chunga i thil tih tawhte nena khaikhin chuan ala nêp mah mah iti ve lo maw... kei ai chuan i hrechiang zawk ngei ang" tih el zet chuan ka ti sup, dâk vaha rawn hawi chhuakin "enge i sawi tum?" A rawn ti a, nui zui sukin hnunglamah chuan ka in hera kan building chhawng chung ber lo lang chu ka thlir zui vang vang bawk.




"I thil tihlai hi tawpsan rawh, he thil avanga pawisawi lo in an tuar nachhan tur pakhat mah a awm lo thil hlui ani, engvanga chu thil hlui chu rawn thar thawh leh nge maw inih hrep le i thil tih tawhah hian hlawkna i chang em ni?" A tawp lamah chuan ka ti zui hluk a pen rîk zawnga a thil bun inkhawng ri chu ka sirah chuan a tawp chawt! "Thil engmah i hrechiang lo anih chuan sawi ve ringawt suh, he thil ka tihchhan pawh i hria em ni? Ipa saw misual rapthlak lutuk anih saw" a rawn ti ve ta țhata, a thusawi danah chuan a inrintawk hmel em em bawk.




"Ipa ve tho ani lawm ni, engvanga a chhia zawng zawng puh nge inih? Ka pian hma thil ani a sawi tam vak theih ka neilo amaherawhchu; i hreawm tur kha enkawl che in an theih ang tawkin an neih zawng zawng an pe che chuan ka nu in min pai tih an hriatchhuah veleh nang erawh sum nen i tlanchhuak zui nghala" ka ti a, a rawn nui chhuak nghal hak bawk " pa tih pawh a phu hauh lo, ni e ka hreawm an hlaua ka mamawh engkim min pe vek bawk ka rin phak bak bak min pe mahse ka mamawh chauh min pe Hmangaihna ka dawng tello chu chu ka hre reng mahse ka sawi chhuak ngailo i u saw chu Hmangaihna engkim an pe kei erawh ka mamawh chauh inu in a pai che tih ka hriat rual khan ka hrang dawn tih ka hriat avangin ka chhuak taa chuan ti hian ka nu leh pa te ka zawng hmua an hnen ațang chuan Hmangaihna ka dawnga engtikahmah ka nu, ka pa tiin ka ko leh tawh ngai lovang" rilru na tih hriat zet chuan a tawp lam chu a aw pawh a chhuak țha hleithei tawh hauh lo.




"Chuvang chuan khatiang inremna kha siam a țul em ni?" Ka ti chhuak hrâwk! "I hrethiam lo anih kha engmah i hrethiam lo khatih hunlai kha chuan Hmangaihna kha ka thil mamawh ber ani asin ka mamawh kha chu a peng ve mai chauh ani. Nu leh pa leh chhungkua te ka mamawh em em a ka neih rualin Hmangaihna ka dawng ve nghal dawn amaw kha ka ti a, mahse ka lua tuaia 'a nuam em? I duh duh danin awm rawh aw' Tih chiah kha ka chan tawk ani si an mahni pahnih ka huat em avang khan inremna atan nang ka hmang ta che ani" a rawn ti chhuak țhata, rang zetin amah chu ka en nghala a beng chu na zet chuan alo hup nghal vak bawk.




"Hey! I țha tiraw?" Tih pah chuan a ban chu zâwi te chuan ka lak thlak saka ka âwma rawn nem vak pah chuan "kalsawn rawn i puihna ka mamawh lo i kut tenawm zet khan min khawih suh anni thlah inih chhung kha chuan țawngkam țha min hmuh hauh suh" a rawn ti zui hrâwka. A țha lawm, puih ka tuma a duh loh miau te chuan kan puilo mai aniang chu mahse thil hriat duh tam tak ka la neih avanga zawldawh mai chauh ka la ni.




"Hoirfen hi a hma ațang daih tawha company changtlung leh hlun tak ani a ramdang nen pawh contract tam tak an sign țhin Zoram tan pawh hian țangkai tak ani țhin ka pa hian min hrilha ka pa leh ipa hi a hma chuan țhian inkawm ngeih tak an ni țhin in company hi Hoirfen tih hnuai chiaha awm ani țhin bawk mahse ipa hian ka pa chu a îtsîk thei em em a chuan phiar ru in a hausakna te chu a laksak taa in ina ka awm lai khan chutiang vel an sawi ri chu ka hriaa chuan thildang tam tak pawh... saw bial zîm te rim taka hnathawk țhin te saw thamna in pea chuan anni chuan in mamawh zawng zawng chak tak takin an rawn pe țhin che u a ka pa company hnuai taka in dah avang leh hreawm taka min nun tir avangin phuba ka la mai chauh ani a rem lohna pakhat mah a awmin ka hrelo" a tawp lam chu inringtawk tih hriat zet hian a ri kawh vah bawk.




"Thil i hresual ani khang i sawi zawng zawng te kha ngaihtuah chiang bawk rawh ka pa khan ipa kha a phiar ru hauh lo ka pa khan nangni aia san chu a duh zawk ngei alawm mahse phiarrûkna hmang chuan a ti hauh lo saw bial zîmte te saw thamna kan pe lova ka pa in a țanpui avangin an theihtawpin min puia mahse nangni chuan in hresual kan company in ngeih duhlo tu hi an awm chuvanga hetiang thil hi thleng ani"




"Ani maw? Hah! Anih chuan chu inngeih duhlo tu chu ipa bak ani hauh lo ka pa hausakna hi induha chuvang chuan thamna hmangin in che chhuak taa thil tam tak ka lp hriat avangin leh ka pa a dinhmun ngaia dah let leh ka tuma inremnan kan hmang chea vawiin thil thleng te pawh kha a mawh chu nanga phurh tur ani" a rawn ti a, kalsawn a tum chu a banah chuan ka hmer sak chawt! "Thil ngaihtuah chiang rawh i ngaih ang kha engmah ani lo ka sawi chu awih rawh ka pa hian a phiar ru hauh lo" ka ti sup, rawn hawi letin ka kut chu min dahthlak saka.




"Ka thil tih hi ka hrechianga chuan ka thlak danglam bawk hek lovang ka pa chu a dinhmun ngaiah ka dah let leh anga nangni erawh hnuai takah in awm leh ang min dan in tum anih chuan ka thil hriat zawng zawng hi ka sawichhuak anga in chan chu a nêp bik hauh lo ang" ti chang rat in kawngka lam pan chuan a pên zui pâwk pâwk a, thaw chhuak hawk in ka sam chu ka tuai chho puata ka au chhuak nghal tuarh bawk.




Engtin nge ka hrilhfiah tak ang, hrep chuan kha hmeichhia leh ka pa hi an inhmuh ngei chu a ngai ani keimah mai chuan ka chingfel thei hauh lo ka pian hma thil thleng a awm nual bawk si. A țha e, țan ila ni mai lawm.




"Engthil nge ila duha? Tawp turin min duh em ni? Ka tawp lovang ka tih tawh kha" a office chhung ka lut chu alo ti nghal hlak "i ngaih dan dan le, ngaihtuahna țhalo put pawh i bansan ve a ngai tawh anih kha" tih pah chuan chair ah chuan ka țhu thla dawt dawhkana paper ka lak kân rual chiah chuan min rawn lak sak in dawhkanah chuan a nem bet nghal chawt! "Thu ho mai mai sawi lo khan ka office leh building ațang hian chhuak nghal rawh" a ti chang rat, nui sukin ka tho kânga.




"Ka la chhuahsan dawn alawm i hmanhmawh mah mah lo maw... chuan naktuk zan hian zanriah min kilpui duh ang em?" Amah hnaih chêta țhut pah chuan ka ti sup, rin ang ngeiin a biang a sen nghal veka a tawlhsawn nghal ti tih bawk "nangnena awmdun nan hun ka nei hauh lo hetiang hmanga min thlem i tum anih chuan iti sual ngei ang unaupa" a rawn ti let ve sak.




"I duh duh dan khan lo dream zui mai mai teh, a hlawk thlak loh tih hrechiang tu ber ini ngei ang chuan ilo kal lo anih chuan ipa in ka pa chunga a thil tih kha ka sawi chhuak ve ngei ang i lem channa zawng zawng te pawh kha a chiang em? Tunah hian keimah chauhin ka hria in ka hre bawk nangnen chiah" ka ti sup.




"Min vau tihna em ni?" (Vo/vau a dik zawk min lo hrilh rawh u aw...)




"Vau maw? Ok, tiang pawh chuan i ngai thei ang i thil duh i tih hma hian jail bang i zût hmasa zawk ang tih ka hlauhpui vang che ania ka kal phawt ange a hmun leh hun tur ka rawn hrilh che anga ka lo beisei reng ang che" ti sup in ka chhuak zui nghala, khatiang anga ka chêt lohna pawh a rei ta hle mai a a țulna avang chauha ti ka nih angin tun bak kha chu a thleng tawh hauh lo ang.




"Jeremy" tia Zorini'n min auh avang chuan ka ding zui dat "enge hetah te ilo tih ve miala? Ka tih awmzia tak chu, ilo kal ngai si lova" inthlahrun hmel zet chuan a rawn ti a, eng ang mize thar nge maw a rawn chîn chhuah thar leh dawn ni. Henu hrep hi chu amah pawh hi Movie ani tawh hrim hrim "nang zawk hian enge itih zawk? Ka lo hriatdan chuan ani nen khan unau in lo ni renga i zêp thei fû lo maw" a zawhna chhang lo chuan ka ti ta daiha a nui vur vur bawk.




"Nia.... in hriat atan chuan a țangkai lo em alawm bakah sawi ringawt pawh ni ila engah mah in ngai dawn tawp si lova sawi pawh khan awmzia a nei dawn chuangloa" a rawn ti a, a chhak chhuak dik ve e "anih chuan kan thiltih apiang a hnena thlen zeltu inih na angin i sawi lo kha a țha zawk anih kha sawi veleh zel la chu a dik vak lo ang... enge i ngaih ve dan?" Tih el zet chuan ka ti chhuak sup, a mak ti hmel rawn lang chhuak chu ka nuih nghal suk bawk.




"Ka... engmah ka ti lo i hresual anih kha hetah chuan ka kal țhin ngei alawm mahse engmah ka hrilh ngailo ka ti tak tak. Jeremy kan lo inkawp ve tawhna zawng zawng vang tal pawh khan hetiangah hi chuan min ring hram rawh ka hrilh ngai miahlo tak tak" a rawn ti a, "kan la hria ang chu a tu zawk nge dawt sawi tih chu" ti chhuak fak in ka pênsawn nghala ka hming chuan ring zetin min rawn au in ka hmaah chuan a rawn ding nawn leh.




"Jeremy, ka thusawi hi vawikhat chiah min ngaihthlak sak leh rawh ka mizia, ka awmdan, ka tih theih tawk leh ka nihnaah hian i lungawi theilo em ni? Ka theih ang tawk chu ka chhuah ve asin ngaihawm tawk lekin min be țhina kha kha kei chuan ka khamlo kan inkawp laia min biak ang țhin khan min be leh rawh tuna mi ah hi chuan beiseina min siama mahse ka beisei angin thil a thleng leh ngai silo khawngaih takin ka tan chance vawikhat chiah min siamsak leh rawh ka ngen a che. Rinrini ai chuan hlim takin ka siam zawk ang che ka tiam a che" țap deuh ti tih chuan a rawn ti a, ka kutah chuan a rawn man lehnghal chat bawk.




"Ka tiam a che, ka ti tak tak ka thilsual tihah pawh ngaihdam ka dil vek ang khawngaih takin chance min siamsak leh rawh ka Hmangaih che asin Jeremy ka Hmangaih tak tak che ka Hmangaihna che hi min hmuhsak ve rawh" ka kut hmer chawt chawt pah chuan a rawn ti a, a mittui chu a luang ti tih tawh bawk.




"Ngaihdam dil tumna, a hma pawh khan i sawi tawh mahse enge thleng kha tumna ațang chuan hliamah, hliam ațang chuan thihna thlengin i lut zui leha i thiltih zawng zawngah ngaihdam dil in i sual pawh sim mahla ka kawp thei tawhlo che ani ka tihpalh ani a chhan chu kei hian ka Hmangaih tlat lo che ani ka Hmangaih loh chu ka kawp nachhan tur ka hre hauh lo, tun hma thil kha chu kan tawn anih miau avangin theihnghilh theih ani bik hauh lo mahse kan inkawp dan kha Hmangaihna ani hauhlo kan mamawh kan inpe mai chauh anih kha, min hrethiam rawh tihtur ka nei tlat" tiin a kut chu ka dahthlak saka a lak ațang chuan ka peng hrang nghal vat bawk.




"Hmangaihtu che thawm hi a reh hunah chuan Ka Hmangaihna che hlut zia leh ka hlut zia ila hre chhuak ve ngei ang.... ka thih hnuah chauh em ni hriatthiam i tum Jeremy?" Tiin lift ka luh dawnah chiah chuan a rawn au chhuak nghal tuarh a, enga chhang tawh lemlo chuan lift ah chuan ka luta hnuailam chu ka pan nghal bawk.




Ka tan thil țha tam tak min tihsak tawha chung erawh ka hriatreng sak ang khatiang thil a lutuk kha chu ti lo se chuan ka haw lutuk bik hauh lo ang ka huatna erawh ama cho chhuah ani a reh leh tur chuan hun a duh viau maithei ani Hmeichhia ka tana hnawksak leh ka duhlo zawnga awm te pawh tam zawk ka haw hauh lo huat ka nei khat ang reng viau bawk Zorini erawh chuan aman a cho chhuak ani tih a inhre ngei ang.




Khatiang khawp khan min bum nasa tawha engtia dawt sawi thei nge maw ala nih hrep le rapthlak reuh lutuk.




Motor ah chuan țhu lutin ka pa chu ka call nghal zata ka tih lum rual chuan a rawn la ve ta nghal chat bawk "pa, naktuk zanab zanriah min eipui ta che thil i sawidun lawk teh ang chuan mikhual pakhat kan nei dawna ka lo lam ang che" ka ti a, "tu mikhual nge ni a? Kha hmeichhe duhawm zet kha em ni?" A rawn ti a, Duati a sawina ani tih ka hriat avang chuan ka nui chhuak nghal hawk.




"Ani nen kha chuan nidangah zawk in la inkawm leh vat ang midang zawk ania"




"Anih chu, chaw kan ei dawna hei, inu in kan nghak dawn em tiin alo fân alo fân a"




"Min lo eisan mai rawh u zanin pawh hian ka lo haw lo maithei hna ka duh ai ka ngaha ka dah phawt ang ka chhuak dawna" ka ti a, call chu ti tawpin Duati te in lam pan chuan ka inkhalh chhuak nghala, ka pian hma thil thleng Ruatsangi sawi lan ve zuai Hmangaihna leh mamawhna chungchang vel khan a beng a verh tlat, thil engkim hi an zo fel se tu emaw ber chuan min hrilhfiah tur ani ringawt mai ani. Nunhlui a sawi chhuah khan natna thûk tak a nei tih a hmelah khan a lang veka a huaisen êm avanga mi na zawngin hmu mai ngailo anni tih a lang reng bawk.




Duati te inkawtah chuan motor chu tidingin ka chhuak zui nghala a reh êm avang chuan an awmlo anih ka ring rum rum, door bell ka hmeh rik rual chuan hmeichhe pakhat naupan hmel fê hian muangchangin a rawn hawnga "lo lut rawh... enge i duha?" Hawihhâwm zet chuan a rawn ti nghal zat bawk. "Duati, a awm em?" Ka tih chuan a ngaihna hrelo zet chuan min rawn en a.




"Aw... ka tih Rinrini" ka tih leh tak hnu chuan a bu ta nghut nghut a "anu room ah a awma tunge inih a?" Hnai zetah chuan min rawn thlêka a mitah tak ka en rual chuan rang zet chuan ka tawlhsawn nghala "a bialpa ka nia, nu Christy room awmna chu min kawhhmuh ta che" ka tih chuan a meng deuh kâwk a. Mai mai chuan thil mak ka sawi amaw ni mahni lo maha nuam lo tih rûk ve nâk alaia.




Nu Christy room awmna min kawhhmuh hnu chuan engmah sawi zui tawh lo chuan ka pan zui vuta, kawngka ka kik dat dat rual chuan Duati aw ngei mai chuan "lo lut rawh" a rawn ti a, kawngka chu hawngin roomah chuan ka pen lut nghala Duati'n min rawn hmuh rual chuan min rawn nuih nghal vur vur bawk.




"Ilo kala, stool kha lo la la hetah hian lo țhu lawk mai rawh ka laklawh deuha" a ti țha ve maia, stool pawh la lemlo chuan a lam pan chuan ka kal pheia nu Christy hmai chu alo hru meka drip an lo khai bawk "Duati, inu chungah hian engthil nge thlenga? Engvanga drip te hi khai nge in nih?" A bula țhut thlak pah chuan ka ti zui sup. "Anu hi enkawl a ngaia Jeremy, ka nu hian rei min daih tawh dawnlo ka lo hre har lutuk ani tunah chuan a tlai tawh lutuk" a rawn ti zâwi sep.




"Engthil nge thleng chu sawi ta reng che"




"Anu hian thluak cancer natna a veia tun hi last stage ani tawh kan lakah alo zêp char char a, a rûkin therapy te alo la țhina hna pawh thawk lovin chuan keipawhin vawiin khan ka hre ve chauha pu Zaia kha ka be nghala ka nu awmdan leh nat țhin dan te min hrilha chuanin Ela kha ka biaa naktukah Doctor nen an lo chho dawna kei hian ka hre tlai mah mah ani ka thiamloh vek ani a tlai tawh lutuk" a rawn ti țiau, a ban bulah chuan vuanin ka kuah bet nghal vata ka kawr chu a hmer nghal chawt bawk.




"I thiamloh pakhat mah a awmlo, mahni indem kha bansan rawh mittui leh indemna rilru pu chunga inu enkawl i tum anih chuan i hlawhchham ang, min en teh... ka awm alawm theihtawp kan chhuah ngei ang a țha em? I mittui kha ti tla hauh suh, inu chuan hmu se a duh dawn hauh lo ania" a bianga a mittui luang ka hmuh rual chuan ka hru nghal vata theihtawpa inthunun tum mahse a mittui chu a dang thei thlâwtlo tih hriat zet chuan a rawn luang thla lehnghal zung zung a, ka kuah bet lehnghal chawt bawk.




"In lama enkawl lo hian damdawiin lamah hruai zawk ila thil pawh a awlsam ang Duati, tunah chuan inu hian enkawlna țha ber a mamawh mek ani a in lamah hi chuan engah mah kan inchan lovang damdawi in lamah ka venhimna hnuaiah awm rawh se a țha em? Zanin hian thil chiang zawk kan hre thei dawn alawm" a sama fawh vang vang pah chuan ka ti chhuak sup, min chhang lo chuan nghet zet chuan min kuaha ka âwmah chuan a hmai a phûm kâk bawk.




Ka phone a rawn rîk avang chuan Duati kuah reng chung chuan ipte chu ka zen mawlh mawlh a Dinsanga anih avang chuan ka pick nghal vat bawk "engkim chu peihfel ani tawha nangmah chiah kan nghak tawh che" a rawn ti a, "lo țan rawh u ka rawn thleng vat ang" tiin phone chu ka off zuia, Duati min kuahna kut chu phelh tir in muangchangin ka nem sawna a țahna avang chuan a mit leh biang alo sen veka rang zet chuan ka dawm sak nghal bawk, harsatna a tawh laia a bula ka awm thei dawnlo erawh ka inthiam lo viau.




"Duati, chak taka i awm a ngai tih inhria la. Chuanin zanin hian damdawiin lamah kan insawn lut nghal ang a chiang em? Nu Christy hian enkawl țha ber chu a chang ngei ang tih ka tiam a che, mahse zanin hian hna ka ngah lutuka vawiin thil thleng avang khan chuvang chuan ka awmpui hman dawnlo chea ka theih anga ranga lo kal ka tum ang a țha tiraw?" Ka tih chuan a bu zui nghut nghuta a chalah chuan ka fawhsak nghal vang vang bawk.




Afeli leh an awmpuinu thar chuan nu Christy chu hnunglamah an țhutpuia Duati'n țhutpui duh viau mahse ka bula awm tura ka duh avangin a hmaah ka țhuttira ka kut lehlam chuan steering chu ka herh kuala veilamin Duati kut chu ka hmer vang vang bawk. A țawng lova a kûn renga a maimichhing reng bawk, nuamlo ka tih a hlauh avang ani ngei ang min rawn ena min nuih leh țhin bawka mahse a mitmeng ațang chuan a lungngai tih ka hmuh hmaih hauh lo.




"Ka kut hi thlah tawh la kan accident anga sin i kut lehlam chauh khan i khalh bawk sia" a rawn ti zâwi sepa, a kut lakchhuah a tum chu ka hmer nghet zual sauh a alo pawt lui ve țang țang bawk "ka khawih duh che alawm, lungngai suh Pathian zarah kan accident êm bik lovang" ka ti a, a rawn nui lui veleh hram bawk "tikhan nui reng rawh engtik lai pawhin kha nui hmel ațang khan chakna alo chhuak țhin ania Duati" ka ti a, "aw" a ti zâwi sep bawk.




"Ka lawm e aw..." ka kut rawn hûm let pah chuan a rawn ti a, ka rûm chhuak nghut "lawmthu sawi a ngailo he thil hi chu ka tan chuan a hlu zawk, nang ka nei che chuan a tawk kan bula i awm chhung chuan harsatna i tawk tawh hauh lo ang" ka ti sup, muangchanga rawn dâk chhuaka motor khalh a ngaih avang chuan rei ka en hman hauh lo "ka hlim duh miahlo tu hi awm ta se engtin nge itih ang? Kei chu an awm ka ring asin ka hlim duh miahlo tu hi an awm ka ring a chhan chu engmah ka ti lo chung pawh hian leh ka hriat miahloh lai hian mi pawh ka lo sawi țeuh si a" mawlhtu nei tih hriat zet hian a rawn ti a.




"Duati, i chungah enge thleng? khatiang thil kha i vawihnih sawina ani tawh, engvang nge?" Ka ti chang hrâwih, nui chhuak hak hak in a lu chu a thing zui nghut nghut a "ka sawi mai mai anih kha thu tak vak a ngailo bakah tunlai chu khatiang ngaihtuah vel kha ka ching thar riaua ka â tawh aniang" a rawn ti ta daiha thil thup a nei tih erawh ka chiang viau, hetiang ngaihtuahna nei tirtu hi an awm, a phena awm hi tu chiah nge hriat ka mamawh.




Damdawiin kan thlen hnu chuan nu Christy chu ka pawm kâng zui nghal nawlh a "Dr. Sai, nurse nen khan min rawn zui nghal rawh u" tiin lift lam pan chuan ka pên zui nghala Doctor leh Nurse te chuan min rawn zui nghal thliah thliah bawk.




Ka private room ah chuan lutin khumah chuan nu Christy chu ka mut a "Sir Jeremy, eng thil nge ni ta?" Tiin Dr. Saia chuan chinchang min zawt nghala "test ngai zawng zawng leh scan ngak zawng zawng ti nghal vek ula zai a ngai anih chuan buatsaih nghal bawk ang che u. I patient te erawh Doctor dang kutah dah la anni chiah hi enkawl tawh ang che u țha taka in enkawl lo anih chuan in chan tur hria ang che u." Ka ti zui nghala an vai mai chuan an bu zui nghat nghat bawk.




"Security lam khauh leh zual turin hrilh la control room lam fimkhur turin hrilh nghal bawk ang che, damlo leh a chhungte chungah thil pawi a thleng tur ani lo a chiang em?" Ka ti a, nu Christy chuan an buaipui zui nghal sawk sawk bawka Duati chu ka bulah rawn kal in ka kutah chuan min rawn kaia hahdam turin ka hrilh nghal vat bawk.




"Afel, Zamzami kha hrilh la he rooma duty tur hian mi rawn tir rawh se" ka ti a, an awmpuinu thar chuan kan che vel chu ngun zet hian min lo en a mak a tih hmel takzet bawk "Duati, hna kal ka ngai tawha i hria tiraw? Ka rei lo ang ka lo let leh vat ang chumi chhung chuan an lo venghim tlat ang che u a hmaa Lalrinnungi ang khan awm leh la chak loh duh ngailo ang khan inu tan theihtawp i chhuah a ngai ania" ka ti a, a bu zui nghut nghut bawk.




"Nu Christy hi venhimna țha tak hnuaiah a awm tawh tih hria la ngaih țha takin awm tawh rawh... chuanin ka ngaih em em hian a bialpa hna kal tur chu min thlah a tum hauh lo em ni?" Ka tih rual chuan rawn nui a "anih chuan chhuk ila, chhoh leh vat ka duh ania ka nu hi rei ka kalsan theilo" a ti a, inhnuai lamah chuan kan inzui thla nghal chat bawk.




"Ka rawn kal vat ang..." tiin a hmuiah chuan ka fawp nghal vang vang a, ka tawh lohna pawh a rei ta hle mai "kal tawh rawh i tlai dawn ania" nawr tak te in min nawr ve teh mahse ka kal a phallo tih erawh a mitmeng ațang chuan ka hmu chiang viau si hna neilo ni ilang chuan ka bulah ka awm tir chawt ngei ang.




Kal tura min tihchhen avang chuan office lam pan chuan ka inkhalh chhuak nghala glassa a lan theih chhung chu ka enzui reng bawk. Nu Christy awmdan avanga alo buai ka hlau takzet ani, amah mai ani tawh si a ka awmpui hman loh avang erawh chuan hreawm ka ti hle bawk. Nu Christy hian engtiang chiaha rei nge he natna hi a nei tih hi alo zêp tawh ang.. a faten an hriat a hlauh avangin a rûk tak meuhin therapy alo la țhina inthunun tumin a bei nasa ani ngei ang. Khati khawpa hrisel țhat hmel si kha hetiang hian a awm thuta tu pawh a țhawng ngei ang.




"Engzat nge in kalpui tawh?" Office chhung ka thlen chuan ka ti nghala țhutthlengah chuan pu Hminga chu alo țhu vâ bawk. Keini aia upa te vek anni a zahawm tak leh hawihhâwm takin zawhna kan zawta kutthlak erawh kan tel ve ngai hauh lo kan duh loh danin awm viau țhin mahse... "pu Hminga a pangana chauh ala ni. Pali zingah chuan kan țangkaipui theih tur thil tam tak kan hre tawh bawk rin ai a hlawk thlak viau mai" Tims'a chuan a rawn ti nghal zata chu aia tam chu pu Hminga hnena ațang hian kan hre ngei ang.




"Pu Hminga chîk leh zualin thil zawt ang che u mahse zaidam tak khan ti ang che u zah bawk ula" ka ti a, room te ah chuan lut in laptop ațang chuan kan lo en ve renga Zamzami leh Mala chuan thildang an lo buaipui vel mek bawk. "i thil tih chu enge a an a? Thildang hriatchhuah i nei em?" Ka bula rawn țhut pah Dinsanga chuan a rawn ti a, pu Hminga zawhna an zawh lai chu kan en dun reng bawk.




"Rin ang ngei khan thil alo awma mahse khanu kha tih mai mai theih ani hauh lo mahse naktuk zan hian ka pa nen zanriah ei dun se ka duha ruahmanna ka siam vek tawh ka pa nen thil an sawidun hma chy engmah tih theih ka neilo ka pa sawi ang ngeiin thil tam tak a hriaa mahse a thil hriat țhenkhat te a diklo ani tih a hre hauh si lo a pawm duhlo ani mah zawk.... ka pa ten an enkawl lai khan Hmangaihna a dawn loh thu min hrilha chu thil chu he thil a tih chhan țha tak pakhat pawh ani" ka ti chhuak sup.




"Engtiang chiahin nge nunhluiah chuan thil a lo tawn tih hriat a chakawm khawp mai hetiang khawpa che tur hian" a rawn ti zui ve sup bawk. "Keipawn ka hre chak alawm vawiina thil kan sawidun pawh khan nunhlui lam a sawi deuh renga hriatmang ka neih loh avangin han sawi dan tak pawh ka thiam lutuk lo, engpawh nise ka pa nen an inbiak hunah hriat vek ka duh khawp ang" ka ti chhuak nghut bawk.




"He thil kan tih hian kan kawnga hnawksak tam tak min lak kian sak dawna a țhat rual rual in hengho hian sawi chhuakin thil ni lo lo a thleng leh ang tih a hlauhawm khawp mai" a rawn ti a, an mi zawh tawhte thusawi chu ngaihthlak tur chuan ka hmet chhuak nghal zat bawk "sawi dawn pawh nise an thil tihsual an thai lanh tel ve dawn ani a an ti ngam hauh lo sawi chhuak lo tura vau pawh an ngai hranpa chuang hauhlo ang an mahni an intih mualpho duh ka ring hauh lo" ka ti chhuak sup. He thil hian min pui vek thei se ka ti ngawt mai.




"Nanghi, vei i nei" tih hluk pah chuan ka dar ah a rawn beng nghal chawrh "Duati ania ka ngaihtuah deuh hlek alawm mawle" ka ti supa, a țhat ngei ka beisei "ani hi chu i ngaihtuahna ațang pawha paih chhuah tum mah ila engtikah mah a theihin ka ringlo, rapthlak khawpin a control che, rapthlak khawpin, a thlak danglam vek che alawm" a rawn ti hluk, ka nui chhuak nghal hawka a sawi dik chhiava bawk.




"Sir, tunah hian hnathawk ho kha building kawtah khuan an awm leh mek buaina an rawn siam leh dawn pawh ani maithei" Zamzami thu rawn sawi avang chuan ka dawk chhuak nghal deuh zawk "ka hlauh ang ngeiin a thleng ta, hrep tak chuan chhuk nghal rawh u ka rawn thlen hma chyan engthil mah a thleng tur ani lo" ka ti chhuak hrâwk!.




An thil zawh lai mek chu bansan tura hrilhin inhnuai lamah chuan ka chhukthla ve nghala ka offer a pawmloa ka duh loh dana a chet avang hian ka ngawih mai mai ring hauh suh che a thil tawn tur erawh a rin ang ani hauh lo ang. Thil engkim hrilhfiah dawn pawha hre duhlo tlat tu chuan tunge a cho hi hrechiang rawh se, hmeichhia anih avanga ka dim a ring anih chuan a tisual hle ang a cho sual ani tih hre rawh se.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:05 pm

AT THE ELEVENTH HOUR - 29

By : Msi miluhlulnui 🦋


🦋 Buai tak tak hma in ka rawn dah zuai, a tawi😅 chuanin in chhiar zawhah bo daih tawh su aw.. comment hi ka ss vek țhina eng comment pawh ka hlut takzeta ka ss sa te chu ka dah țha vek țhin chuvang chuan bo daih suh ang che u aw😅🦋





Inhnuai kan thlen thlak chuan an lo ding khawm vek tawha pakhat chuan a lu chunga a kut dah pah in 'inphatsanna hi kan duhlo' tiin alo au lauh lauh a a sawi zawh rual chiah chuan a hnunga mipui ding te chuan an lo sawi chhawng veleh chiah zel bawka vengtu ka dah hnem avangin an rawn tâwn tlang zo lo mai pawha mahse an nawr nâ tih chu chhunglam ațang chuan a hmuh theih vek bawk.





"Sir, engtin nge kan tih ang? Hetiang reng reng hi chuan thil pawi zawk a thleng ang tih a hlauhawm tlat tawh ani, kan ngawi reng thei bik lovang thil eng emaw chu kan tih ve ngei a ngai ang" tiin Zamzami chuan ka bula rawn din pah chuan a rawn ti a, building pawn lama mipui ding en pah chuan ka thaw chhuak hawk "sir lam ațang khan midang pahnih nen lut ula Mala sir lam ațang midang pathum nen lut bawk rawh u, ka signal pek cheu in hmuh hunah in che dawn nia... he thil ka tih avanga min dem anih chuan ka duh ai na in ka che mai ang kal rawh u" ka ti chhuak hrâwih!





"Engvanga hetiang khawpa rawn pungkhawm hnem leh nge maw an nih hrep le, thil diklo chu a awm chiang alawm an mamawh duh anga an hmulo chu thuhran nise nangma hming hmanga sum an pe chhuak hi ani buaina ber chu" Dinsanga chuan a rawn ti chhuak hluk, Zamzami leh Mala chu signal pe in kawngkhar lam chu kan pan ve nghala. Kawngkhar hawng tura ka hrilh rual chuan an hual bet nghal vek tawha, pawn ka chhuah rual chiah chuan silai in load ri chuan a zui nghala an vai chuan an thawm a reh nghal hmak bawk.





"He thil thleng hi nangmahni cho chhuah ani a in zinga pakhat emaw hian hliam in tuar anih chuan ka mawh ani hauh lovang, vawiin khan in vaia hriat atan thu chiang fek fawkin ka sawi tawh mahse in rawn tilui leha min dem bik hauh suh ang che u" ring zet chuan ka ti chhuaka an vai chuan an ngawi dâk hlawma an kûn deuh ngul bawk. "Khawngaih takin kan mamawh min thlensak turin kan ngen a che tunah hian sum kan neiloa sum kan neih loh chuan keini pawh hian kan țanpui reng theilo ang che u i pa hmai kan zah vang chauh ani." Pakhat chuan inringtawk tih hriat zet hian ring zet chuan a rawn au a midang erawh an ngawi dâk hlawm bawk.





"Anih chuan ka pa hmai in zah avang chauha min țanpui maw in lo niha? Ka lo hre har lulai hle mai" ka ti nghut, "Sir, ka sawi tum i man lo ani ipa hmai kan zah avang chauha kan duh anga rawn che chhuak lo mai chauh kan ni" tiin a rawn insawifiah leh nghal zat bawk.





"In duh ang chuan che chhuak ta che u, engthil chiah nge in tih theih ka lo en reng ang chu... che rawh u kan nghak e mahse a hnu leha thil thleng turah erawh chuan min demna aw ri ka hre duh hauh lo ang" ka ti chhuak hrâwih! An vai mai chuan an phun ri mur mur a an in be tawn nghal sep sep bawk. Ka hming hmanga midangin țanpui an ni a ka sum anih miau loh avangin ka duh dana ka chêt a thiang, amaherawhchu; tunge țanpui tih an hriat hunah erawh chuan buaina tam zawk a thleng theia ka theih tawpa ka dan a ngai ngei bawk ang inremsiamna thu kha puan chhuah chi ani hauh lo.





"Tunah chuan let leh tawh rawh u, che tura ka ngen lai cheu in in che ngam lova in ngam leh loh tur chu sawi ve tawh hauh suh ang che u, let ula thil engkim hian ziaawm lam a pan hun lo nghak ula buaina siam tawh suh u nangmahni ngei mualpho in duh loh chuan" ka ti a, ka sawi zo chiah patling pakhat rawn chhuak phei chu Mala chuan kherh thlu pawp in a hnungah chuan silai in a tin nghal chata, ka kut ka phar chhuak nghal vut bawk.





"Ka sawi zo chiah buaina siam suh u tiin, ka kut hi ka ti che anih chuan hepa hi a thi nghal ang mahse he buaina avanga pawisawi lo leh a tu leh fa ten an tuar ka remti ngai lovang, hetiang thil tih hi ka duhdan ani bik hauh lo mahse nangmahni ngeiin in cho chhuaka ti lo theilo dinhmunah min dintir vang ani chuan tuna ka thusawi tur hi ngun takin ngaithla ang che u hei bak chu ka sawi nawn tawh hauh lo ang.





He in buaina tawh hi company pahnih inkar buaina ațanga lo chhuak ani a, thinrimna avanga pawisawi lo ten tuar an ni bawk. He thil chinfel tum hian theihtawp ka chhuah meka nangni pawh hian theihtawp min chhuahpui a ngai ang ka pa hmai in zahna avang tal pawhin, min puih theihna tur chu buaina siam lova ngawi renga lo awm tawp ani. Nakinah thil engkim a fel leh vek hunah in mamawh aia tam in dawng leh vek ang, tunah chuan khawngaihin lo awm ula in mamawh min hrilhna tura email kan siamah khan in rawn sawi anga in zavaia pek in ni ang." Ka ti chhuak nghut.





"Khawngaih takin kan buaina ata hi min chhanchhuak vat rawh u kan nupui leh kan fa ten eitur an nei lo mai ang, khawngaihtakin" tiin kutsuih meuhin min dila ka thaw chhuak nghal ham ham bawk "rei ani tawh lovang ka theihtawp ka chhuah pui ngei ang che u, tunah chuan let tawh rawh u" ka tih chuan phut mur mur pah chuan an kal darh nghal sang sang bawka Mala chu a man beh pa chhuah tur chuan ka hrilh nghal zat bawk. Kha tih hun chhunga ka pa avanga puihna an dawn avang leh kan chunga rinna an nghah avang chauha haw tir thei mai chauh ka ni. Mahse buaina a pun belh loh nan leh pawisawi lo in an tuar loh nan chet ka lak vat a ngai ngei ang, ka duh ai a che na mah mah tawh ani.





"Ava han chauh thlak ngai ve mawle, vawiin atan ringawt pawh buaina vawi engzat nge chhuak tawh... nêm taka ka la țawngkhum thei kha an vanneihna pakhat ani" building chhunga luh pah chuan ka ti chhuak hluk. Ka bengin a hriat chinah pawh hian ka chau hluah hluah tawh, mahse a rang lama he buaina hi ka chingfel lo anih chuan nunau in an tuar nasa ber dawn tlat, ka pian hma thil thleng chu eng teh hrep nge maw ni ang le, heti khawpa buaina thleng tur hian.




"Nang chu ni ila ka tlu tawp tawhin ka ring ani lo hriat ve ringawt pawh a hahthlak tawh sa nak alaiin țawng thlamuan alo ngai ve leh zel bawk nen tunah pawh hian ka tlu lo chauh" Dinsanga chuan a rawn ti nghal hluk, a ban puam laia hnek chawrh pah chuan "over lo mai teh... i sawi ang ai pawh khan ka ning zawk ngei ang mahse ka chan ani a min hmer tel ve tlat bawk si. Hei hian ka pian hma thil min hriat chak tir ngawih ngawih bawk" ka ti chhuak nghuta, midang chu an thil tihlai tih zawm turin ka hrilh lehnghala rilțam pawh ka hre lo lek lek alawm le.





"Zanin atan chuan kan duhtawk tawh mai dawn em ni? Naktukah ti leh zawk ila a țha zawk lo ang maw.... zanin atan chuan a tam tawh lutuk mah mah ani, keini aia upa te vek anni a zan rei thleng thlenga thil tih chu a chi hauh lo ang" Kan bula rawn țhut thlak dawt pah chuan Tims'a chuan a rawn ti nghala, tuna mi kha mi sawmhnih kan zawh zawhna chiah ani a thu tam tak hriat belh kan nei țeuh bawk țhenkhat erawh an thawh laia thudang daih kan buaipui lampang ami daih tawh kha an ni thung.





"Tawk tawh rawh se, naktuk lamah kan țan leh dawn nia zanin atana hriatah chuan a tawk tawh mah mah deuh ani, mi engzat nge ka zawh ngai?"




"Tuna mi te nena belh khawm chuan sawmhnih ang vel chiah chiah tho ala ni naktuk lamah kan zo vatin ka ring buaina a awm loh chuan"





"Thildang in tihfel zawh tawh chuan nangni pawh haw ula chawl hahdam tawh rawh u kei erawh reilo te la awm ka duh tlat, an thusawi te hi ngun taka ngaihthlak ka duh an țan hmun hi a inang vekin a lang tlat" ka ti chhuak sup.





An vaia an kal hnu chuan laptop ațang chuan pakhat te te a an thusawi chu headphone nen uluk takin ka ngaithla diat diat a, ka lakah thuruk an lo zêp nasa khawp mai eng zata tam in nge thamna an dawn hlawm ang... keimah mai pawh nilo ka pa thlengin an phatsana ti hian mi fel tak leh rinawm tak angin an la lang ve chu ania. Kohhran upa leh rawngbawltu hial a țhen chuan nihna an chelh bawk.





Pulpit tlangah Pathian thu a taka nunpui hlawm ang maiin Pathian thu an sawia pulpit te chûm in Pathian an fak dur dur bawk Biakin chhungah chauh nun țha an lan tira pawn lam hnathawhna hmunah erawh a rinawm lo thei ang berin leh Pathian duh loh zawng ngeiin nun an hmang leha ti hian Kristian chu an inti ve ngei âwm si a tenawm hlawm lutuk.




Laptop vel ka dah țhat hnu chuan ka phone chu ka ban nghal zawka dar 10 alo ri țep tawh bawk. Inhnuai lamah chuan chhuk thla in guards te chu haw turin ka hrilh nghala keipawh chu damdawiin lam pan chuan ka inkhalh chhuak ve leh nghala, Duati leh nu Christy an țhat hram ka beisei.





Damdawiin ka thlen rual chuan cabin awmna lamah chuan ka chho nghal vata emergency room kawtah chuan Duati chu alo țhu tawm kâk a, a bul velah Afeli leh an awmpuinu thar kha an lo ding ve reng bawka, Duati chuan a kut chu hûm in a hmer chawt chawt tih ka hmu thei.





Rang lutukin ka pan phei nghal vata "Duati, i țha em?" Tih pah chuan a bulah chuan ka țhu thl nghal vata, a kut ka vawn rual chuan muangchanga rawn hawi chhuakin min rawn en deuh vang vang a, a mit chu a sen ram bawk "enge thil awmzia? Sawi rawh Duati" ka ti sup, a biangah chuan dawmin a chalah chuan ka fawh sak nghal vang vang a, ka kut chu rawn hûm hnan in a thaw chhuak nghal hak bawk.




"An zai meka, darkar 3 an zai tawh... Jeremy ka nu hi a dam leh ang tiraw? Keimah mai chuan min kalsan bik lo ang tiraw? A dam leh ang tiraw?" Beidawn hmel zet chuan a rawn ti țiau, ka âwmah chuan ka kuah bet nghal vata a chhipah chuan fawh sak vang vangin a samah chuan ka chûl saka "chutiang ngaihtuah suh, inu chu a țha leh vat dawn alawm... nangmah chauhin a kalsawn dawnlo che, a awmpui reng dawn che alawm khatiang thil kha ngaihtuah tawh suh... engkim a țha leh vek dawn" ka ti sup.





"Mahse, engkim hi a țha vek dawnlo a ang êm alawm min kalsan dawn tlata hriatna ka nei asin hetiang hriatna neih hi ka duhlo, anu pawh khan ka u thih dawn khan hetiang rilru hi a neia ka u pawh khan min kalsan reng bawka chutiang chu a thlen ka duh lo, Jeremy.... a thleng lo ang tiraw? Min la kalsan theilo" a rawn ti lehnghal țiau, a darah chuan vuanin tlemin ka nawr hla hleka a bek ah chuan dawm in a mitah chuan chiang zet hian ka en a, a mit chu a sen veka țah chhuah vak a chak tih hriat ngawih ngawih hian a kut chu a hûm ruh ve țang țang bawk.




"Engmah a thleng dawnlo, nu Christy chu țha takin an zai anga a rawn dam leh var mai ang khatiang thil kha ngaihtuah suh ka tih che kha... Pathian hnenah țawngțai la i țap duh anih chuan țap rawh, i in paih thawl thei ang theihtawp tak meuh kan chhuah dawn alawm.... a țha tiraw?" Ka tih sup rual chuan thaw chhuak ham ham in a maimichhing zui nghala "thleng se ka ti, mahse tiang ngaihtuahna hi ka nei bawk si keipawn neih ka duhlo ka rilru in ka țawngțai ve mawlh mawlh a mahse ka thla a muang thei chuanglo ka hlauthawng ani" ti sep in min rawn kuah zui nghala a darah chuan vuanin a lu ah chuan ka fawp zeuha "engkim a țha vek ang" ka ti zui sup bawk.





"Jeremy" tia min rawn au tu aw ri ka hriatna lamah chuan ka hawiphei nghal vata Duati erawh a chau ani ngei ang a muhil zui nghal mai bawk "Mannuel, zan zanah" ka ti chhuak hluk, min nuih var var pahin min rawn pana a hnungah chuan mipa kum la upa lo tak leh nupa pahnih in an rawn zui bawk.





"Nia, Rini kha ka ngaihtuah deuha min rawn hrilh rual khan Doctor nen kan rawn thlawk chho nghal alawm, khawnge nu Christy chu?" Tih pah chuan kan bulah chuan a rawn țhu thla ve nghala "an zai mek niin Duati'n a sawia keipawh ka thlenna ala rei lutuk bik lo" ka ti sup.





"Kan tlai hret ani maw...." ti zui hluk in ka âwma Duati muhil chu a rawn bih nghal zata "a taksa in a tuar phah leh ngei dawn anih hi" a ti leh hluk bawk.





Doctor te nen chuan eng eng emaw kan sawi hoa nu Christy nat dan kan la hmuh pui hauh loh avangin thil han rin bak tih theih kan nei hauh lo, Duati pawhin vawiin lamah chauh a hriaa kum tam tak chhung alo tuar tawh niin a sawi bawka rin thu bak sawi theih kan nei hauh lo bawk.




"Rin, hei Rahima te an lo kala" tiin a nupa rawn hruai te chu Ela chuan Duati a kawhhmuha, Duati chuan ding meuhin a kuaha vai țawngin a ngaih thu leh an lo kal na chhan te a zawt bawka, ka bulah chuan rawn țhu thla lehin "heihi, ka mit min donate sak tute kha an nia ka nu chanchin an hriaa an lo chho ve anih hi" tiin min inhmelhriat tir nghal zata kan in chibai hnu chuan min hriat tawh thu te an sawia ka chanchin tlemte pawh an sawi lang nual bawk.





In zaina room ațanga Doctor a rawn chhuah rual chuan rang zet chuan kan pan phei nghala "damlo hi a dinhmun a țhalo khawp mai, a natna hi a rei tawh lutuka a tan hian alo țhalo hman tak tak tawh, Therapy kha la eng ang mah sela a natna hian a țai darh zela tunah chuan tih theih kan nei tlem tawh takzet ani a rang lama tihtur ngai zawng zawng tih vat a ngai ani" a rawn ti a, Duati chuan ka kut a rawn hmer chawt chawt bawk.




"Doctor, ka nu chu a hmuh theih ang em? Tunah hian" Duati chuan a ti chhuak ta sep, pu Sai'n nin rawn en rual chuan ka lo bu nghat "tunah rih chuan ka hmu rih lo la kan duh ani nula, test hrang hrang kan neih hnuah leh a zia deuh hunah chauh hmu ula anih loh chuan damlo hian a tuar theilo palh ang tih a hlauhawm ani, chuan min hrethiam rawh u ka kal phawt mai ang" a kutkawr leh mask phelh pah chuan a ti a, a kal tur chu a banah chuan ka pawt ding nghal chawt!





"Pu Sai, heihi Shillong ațanga lo kal Dr. Mark ania ani nen hian thil chu buaipui ta che u, in chak zawk ka beisei chuan damlo chu hmuh theih vat kan duh tih hria la thil engkim uluk si hmanhmawh siin ti ang che" ka ti zui sup. Doctor Mark'a nen chuan an inhmelhriata a office lam pan chuan an inzui phei nghal ti tih bawk.





"Nu..." tia Duati pensawn chu man beh ka tuma mahse Ela chuan min lo dang nghal chat bawk, Duati chuan anu chu glass ațang chuan en in a mittui a luang thla nghal zawih zawih a, eng emaw sawiin a phun leh sep sep zel bawk. A tan engmah ka tihsak theilo hian min ti thinrim hle bawk. Hnem bak tih theih ka nei hauhlo, a rilrua hlauhthawnna ka ti reh thei bawk si lo, a tan chuan engmah ka ni hauh lo, amaherawhchu; atan hlimna ka siamsak theilo tihna ani lo chu thil chu ka ti hlawhtling ngei bawk ang.




Athena Lalrinnungi POV

"Chaw hi ei la tlaiah pawh khan i ei tawh si lova i chau lutuk ang" tia Tluangpuii'n chaw min eitir a tum pawh chuan ka âng duh tlat loa ka nu awmna cabin kawtah chuan ka țhu renga glass ațang chuan khuma oxygen nena a mu chu ka en renga a taksa velah eng eng emaw an chep bet nual bawk. Pawn lamah leh chhung lamah vengtu an awm veka room sir lawkah nurse an awm bawk.





"Chaw hi ei phawt la, chakna i neih a ngai ania" tiin ka ka zawnah chuan fian ah chaw dahin a rawn lek pheia lo dah sawn sak pah chuan ka țhutna chu ka thlak nghala "ka nu a dam hma chuan engmah ka ei duhlo min tilui tawh suh ka ei dawn chuanglo va dah let leh zawk mai rawh i duh leh nangman ei la" ka ti hmaka, khuma ka nu mu chu ka en reng ringawt bawk. Inthiam lohna in ka khata chutih rual chuan min kalsan ka hlau ani.





Ka u nen khan ka neihchhun tak meuh an ni a mahse ka u in min kalsana tunah ka nu ana leh meka min kalsan ve ka hlau ani.
"Khawi, keiman ka lo ti ang va hahdam rawh" rawn titu chu Jeremy'a ani. Ka bulah rawn țhu thla in ka kutah chuan a rawn vuana a hmer deuh vang vang bawk. Ani pawn hna a ngah em em a, mahse ka tan a hna banah a rawn kal leha a thawmhnaw pawh a thlak hman hauh lo a lakah pawh ka inthlahrung takzet.





Mahse ka bulah awm se ka duha ka bula a awma a taksa leh a aw ri te ka hriat hian ka thla a muanga ka bulah awm reng se pawh ka ti takzet ani. Mahse ka chelh reng thei bik silo lo.





"Chaw chu ei la" a rawn tih rual chuan ka lu ka lo thin khuma thaw chhuak hawkin ka kut lehlam chu a rawn vuan lehnghala "i ei ngei a ngai alawm heti ringawt tur anilo Duati, inu tana chak taka i awm theih nan chaw hi a pawimawh alawm... ei rawh aw i ei zawhah keipawn ka ei ve ang" a rawn ti leha rang lutukin amah chu ka en nghala a țhutna bulah chuan chaw chu alo awm kuau bawk.





"Engmah ila ei miah lo ami?" Ka ti nghal vat bawk "chhun ațanga tun hun thleng coffee bo hnihin puarna min siam i ring em ni? Ei rawh le, chumi zawhah keipawn ka ei ve ang" a rawn ti sup a, a bula chaw awm chu fian in a suak nghal zat bawk. "Ngatinge hetiang hi itih? Inthlak la chaw te ei phawt ta che hna i ngah thei si i chau mai anga sin" ka ti leha, a nui mai mai lehnghal.





"Ka tan chuan i pawimawh ber, chuvang chuan chaw hi ei phawt rawh le chumi zawhah i hahdam dawn nia i bulah ka awm tlat ang" a rawn ti supa, chaw chu fian ah chuan rawn suakin âng turin min hrilh nghal zata ka ka zawna fian a rawn lek kan rual chuan lo lak sak in a ka zawnah chuan ka dah nghala "nangman ei phawt la, chumi zawhah chuan ka ei ve chauh ang keimah avanga hetianga awm hi ini lehnghal ei vat vat rawh" tiin a ka zawnah chuan ka va dah hnaia "Duati" a rawn ti nghal hluk bawk.





"Enge, ei vat vat rawh anih loh chuan keipawh hian ka ei dawnlo ania ei vat vat rawh... keimah avang chuan chaw nghei tawh miah suh ang che" ka ti zui hlaka, a kâ a ân rual chuan chaw chu ka barh nghal zata chawhmeh nen chawpin mahse chu bak a ei tawh hauh lo keimah zawk min pe char char a ei leh tura ka tih pawh chuan a duh leh tawhlo hrim hrim bawk.





"I ril a țam lo tak tak maw?" Ka ti țha leh ngat ka taksa che awk khawpin a rawn thaw chhuaka hnunglam ațanga min kuahin ka kut chu a hmer chawt bawk "i țhat chuan kei chu ka țha tih hria la chuvang chuan nangmah hi in enkawl hmasa ang che buaina i tawk emaw i țhalo anih chuan ka țha lo ve lehnghal angah ngai rawh" a rawn ti leh daih ringawta "ka zawhna pawh i chhang pawn ka hrelo e a" ka ti a, a nui ri suk bawk.





"Inu tan theihtawp ka chhuah zel ang.... chuvang chuan ngaihtuahna țhalo put kha bansan rawh aw.... khati te chuan engtin nge chak takin i awm theih ang... ka pa hian ka pu in a hrilh kha min hrilh chhawng leh țhin 'ngaihtuahna țhalo hi inhneh tir loh tur, min ti chaklo tu ani a ni lo loa min hruai kawi țhintu ani. Thil engkimah a êng lam thlir tum hram hram ila a harsa anih pawhin thimah tal chuan inhnuh luh tir loh tur chhuah leh a har a a hnuah chuan mahni bawk kan indem leh țhin' a ti țhin, ka pa hian ngaihtuahna țhalo neih a chinga a hlauthawng hma țhin bawk chu chu a nih ve dan reng ani a ka pu hian a fuih ve nasa țhin bawk" a rawn ti sup, ka bekah chuan a rawn fawp zui vang vang bawk.





"Mahse, a harsa ka ti amahin alo awma dan lawk theih ani bawk silo alo awm in tih reh a harsa bawk si ka â vek țhin, chuta țang chuan ni lo lo ka ngaihtuah kuala thil hrang hrang, a chhe thei ang zawng ber ten ani bawk hei chu anu pawn au a thih dawn khan a nei vea chu chuan min ti hlauthawng ani mutthilha mit chhin te hi ka duhlo ka mumangah ka nu in a hmuh țhin ang chiah te kha ka hmu ve ang tih ka hlau" ka ti sepa, ka u thih dawna thil thleng leh ka nu in a sawi vel te kha ka hrechhuak uarh uarh bawk.





"Chutiang engmah a thleng dawnlo, engkim a țha leh vek mai ang" rawn ti sup in ka chhipah chuan a rawn fawp nghal vang vang a min thlamuan eng ang mahse a ruk chuan a beidawng ve viauin ka ring tlat ani a chhan chu thlamuanna aw ka in engmah a thleng dawnlo engkim a țha leh vek mai ang a tih ri ang ringawt hi ani țhin lo tih ka hrechiang em em si.





"I hna chu enge a an a? Chuanin, vawiina thil thleng vel te kha" ka ti ta daiha, ani pawh a rawn thaw chhuak ve ham ham bawk "eng kan la ang lo ka duh ai thu a pun lun chaka news ah hian a darh a hlauhawm khawp mai, naktukah engkim tihfel theih ka inbeiseia chawhma lamah hna ka thawk anga chawhnu chu min chhuahpui lawk dawn em ni ang" a rawn ti lehnghal zata ka lo bu ve nghat nghat bawk, boruak thianghlim hîp pawh ka mamawh takzet.





"Buaina a thûk viau ami? Vawiina thil thleng vel bawk kha em ni?" Ka ti a, ka darah chuan a khabe rawn nghatin a bu zui nghat bawk. "Mahni chungah tla se ngawi theilo leh enliam mai mai thei miah lo tur țawngkam na tak tak hmanga ti let leh tura tih kan hriatte ațanga thurawn ang chi deuh emaw ni te fuihna leh fakna țawngkam kan dawn zawng zawng te hi enge i ngaih ve dan?" A rawn ti ta daih, amah ka en deuh rual chiah chuan ka hmuiah a rawn fawp zeuha ka hawisawn lehnghal rang mah mah bawk.





"A țha ka ti, thurawn te, fuihna leh fakna țawngkam tu hnen ațanga kan dawn pawh nise hman țangkaina a awm anih chuan țha ka ti. An mizia hrechiang viau mah ila an thusawi kha kan ngaihtuah chian chuan a țangkai ve thei lutuk ang mahse i sawi ang mize nei ten i buaina ang hi tawk ve ta se mi thurawn an la duh hauh lo anga anmahnia tih an tum ngei bawkin ka ring buai luat avangin an thinchhe ngei ngei bawk ang. Mahse nang chu ka hrechiang che iti ve dawnlo tih... eng mizia pawh nei se thurawn an pek che chuan lawm takin pawm la mahse ngaihtuah chiang hmasa la itan a țha tur chauh la khawm rawh an hnen ațanga thurawn kan lak avang hian kan chaklo tihna ani lo ania" ka ti thla ve ringawta ka sawi khan awmzia pawh a nei pawn ka hre leh nek lo e a, sawi chhawng leh dawn ta ila word pakhat mah a inang lo in ka ring ani.





"I sawi dik a huna huaisen ngamlo a huna thudik tan ngamlo te hi mi tam zawk kan ni dem hlawh mai mai te zawng haider hmiah tur... ka nu min hrilh dan țhin anih kha a chang chuan ka hringnun lehkhabu hi pencil hmanga ziak nise ka ti țhin a chhan chu nawh reh theih tawh reng reng lo nawh reh duh si ka ngah țhin mahse keinu nawh reh ngai hauh lo in a lam lan hawi apianga min nawh reh sak țhintu Pathian kan neia mihring hi kan vannei ani tiraw?" A rawn ti a, zanin chu enge maw a hriat reuh le hetiang thu te hi min sawipui tak vak mai le, a ngaihna pawh min ti hrelo rum rum alawm.





"A chang chuan mumang mai mai pawh nise phatsana tenawm leh rinawm lohna hi nâ ka ti țhin țhan harh thleng hian ana vawng vawng zel" a rawn ti leh ta daih a, "i mak reuh lutuk" ka ti ta ringawt. Rawn nui chhuak hawkin min kuah bet țha lehnghala "ka mak na chhan chu han sawi teh le" tiin min kuah nghet sauh bawka, eng emaw vei chu a nei chiang alawm a sawi duh chiah si lo in thudanga a peng kual char char a zawh luih chu ka duh bik hauh si lo.





"Khatiang kha i sawi ngai bawk si lova i thutak ang reng bawk sia i inhmeh lo ka ti, ti kha chuan patling te pawh i an ve rum rum kha le" ka ti a, a raw nui chhuak nghal hawk hawk bawk. "A chang chuan khatiang te leh thildang pawh ka sawi thiam viau zel ania ila hre zel mai ang... tunah rih chuan lut phawt ang i damlo palh ang khua a vawt țan tawh inthuam lum a ngai tawh" a ti a, ka bûk nghut takah chuan inchhung lamah chuan min kuah luta a taksa ka deh ringawt pawh hian ka lum em em tawh tih a hrelo ani hi.





Zingah chuan a hna kal tur thlah turin min ti a a tlanliam thleng ka en zui reng bawk. Nizanah ka mu duh lo chung min mut luih tira mahse mang țhalo engmah ka nei miahloa zing ka thawh pawn ka thaw chhuak vak vak a ka lawm zia kha... ka chauh ve deuh avang khan ka mutui ani hrim hrim ang mumang ka neih âwm pawh ka hrelo. Leh ka thlamuanna ka bulah a awm miau a.





"I ngai nghal ringawt em ni? A chi vak loh ania aw" rawn titu aw ka hriat rual chuan ka nui chhua nghal hak a, Ela chu bike ațang chuan rawn chhukin ka lam pan chuan a rawn kal nghal zata ka bul a rawn thlen chuan ka mut țhat leh țhat loh min zawt nghal zata ka chhan ve leh hma hma chuan Jeremy'a ka bulah a awma ka muttui thu a sawi leh ang lawi bawk si a ka lo nui ringawt bawk.





"Enge nu Christy chu a an a?" Tiin damdawiin chhungah chuan kan inzui luta lift lam kan pan nghal ti tih bawk "ka hrethiam bik lo test hrang hrang an la ti meka ka hmuh an la phal bawk si loa a bula awm ka chak tawh teh lul nen a room bula glass ațang chiahin ka hmu thei tawha a hreawm tawh" ka ti chhuak sapa, lift rawn inhawn rual chuan kan lut zui nghal ti tih bawk.





"Tuar hram hram la engkim a țha leh vek mai ang... test hrang hrang an tih zawhah chuan a hmuh theih tawh ang ka ring. Vawiin lamah chuan an zawhfel beisei phawt rawh aw lungngai lo la" a rawn ti nghal zata ka thaw chhuak ham ham bawk. Ka inngaihtuah ngut ngut an hlauh avangin min be renga thu ho te te min sawipuia a chhan chu hemi te pahnih hian min hrechianga ka awm dan țhin chu an hrechiang lutuk takzet bawk. Mahse ka nu ka ngaihtuah luat avang hian awm ngaihna ka hre tawh hlawllo.





"Kan thudang alai chuan engvangin nge Sylvia hi ala rawn lan loha? In inti thiamlo leh tawh em ni?" A rawn ti a lift a rawn inhawnga kan inzui chhuak leh te te bawk "chutiang deuh chu ania pakhatah chuan an exam bawk. Niminah khan rui chungin tlai lamah a țhiannu mahse pâ deuh mai nen an rawn kala chu hmeichhia chu a duh thu te leh a vei zia te min hrilha a rui tawp ani mai. Kha hmeichhe chungah khan a luangliam lutuk takzet ani tih a hriat ngawih ngawih chuan alo harh hnu in ka hau a khanu kha a țan zela 'i kawm chhung leh zu i in chhung chuan ka kawm tawh lovang che' kha ka tia, a chhuak zui daiha inhmuh loh kar in a mizia a danglam hman lutuk rapthlak khawpin" ka ti chhuak hap a, ngei ru viau mah ila ka ngai tho.





"Chu hmeichhia nen chuan an inngaizawng ami?"





"Chupawh ka hre biklo mahse an inngaihzawn vat tur thu te kha ala sawi ang deuh deuh lehnghala engmah hi ka hrethiam tawh nei nuai lo e a"





"Tlaiah ka va hmu chhin teh ang. Shock leh hrep a ngai dawn anih hi" a ti zui hluka ka nu cabin awmna kawtah chuan kan dinga a bul velah Doctor leh nurse bak hmuh tur an awm lova Jeremy duhdan vek ani bawk.





Ka nu room ațanga lo chhuak Doctor chu ka pan nghal vata "nula, i nu chu i hmu thei tawh ang mahse reilo la vawikhatah zawhna tam zet zawt lo la va chi âi lutuk suh ang che damlo tan a țhalo ania a hriatna a hloh țan meka a lung thlengin alo khawih thla tawha chu chuan thâwk a ti harsa tawhbawk mahse theihtawp kan chhuah mek zel ania. Chuan Mannuel min lo zui lawk ta che" Doctor in a tih rual rual chuan cabin chhungah chuan rang zet chuan ka lut nghala ka nu chu ka pan phei nghal vat bawk.





"Nu.... keimah Rinrini, nu i țha tiraw?" Tih pah chuan a kutah chuan ka vuan nghal vata ka mittui tla tur chu dan ka tum hram hram bawk. "Bawihte, ka fanu" chau tih hriat zeta zâwi zeta a rawn tih rual chuan rang zet chuan ka awm hnaih nghala "aw, keimah i fanu Rinrini... nu i țha leh vat dawn ania aw nu... i țha leh vat dawn lungngai miah suh aw" ka ti țiau a, ka mittui chu ka dang hleithei lo ani ber.





"Bawihte, ka fanu, ka thusawi hi ngun takin ngaithla rawh aw... i hmelma te inhneh tir lo la chak takin hmachhawn zawk rawh buaina tam zawk ila hmachhawn ngei ngei dawn ania... chak taka i awm a ngai ania beidawng lo la i neihchhun te chu venhim tlat tum ang che, ipa... englo ipa leh Zori....." sawi zo lo chuan a thaw chhuak hlawi hlawi a, a âwm chu a rawn kân nghal awk awk bawk.





"Nu... nu... ngatinge heti hian i awma? Nu... ngatinge?" Ka ti tuarh tuarh a, mahse min chhang lo a kut chu nghet zetin ka hûma a âwm a rawn kân awk awk bawk "nula, lo awmsawn rawh" tiin nurse chuan min pawtsawn nghala Doctor leh Ela chu cabin chhungah chuan an rawn lut ve nghal zat bawka ka kut chu ka hûma ka nu in a âwm a kân awk awk chu ka en a ka mittui a rawn luang zawih zawih a ka tawlhnun rual chuan bang chu ka su nghal dawta Ela chuan min rawn buaipui nghal vat bawk.




"Nu... min kalsan suh aw... min la kalsan theilo" tiin țap zawih zawih chungin ka phun zui mawlh mawlh bawk.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:05 pm

🦋 Ka birthday min wish tu te in zavaia chungah thinlung takin lawmthu ka sawi mawlh mawlh e. Pathianin vengin awmpui zel che u rawh se.....🖤🦋



AT THE ELEVENTH HOUR - 30

By : Msi miluhlulnui 🦋





"Lo kal rawh chhuak phawt ang Doctor ten an buaipui dawn alawm" tiin ka ban bulah min vuana cabin ațang chuan min kuah chhuak nghal bawka pawn kan thlen rual chuan kalsawn nghalin glass ațang chuan ka en leh hrama Doctor leh Nurse ten hual vek mahse an awmdan ațang chuan a dinhmun a țhalo tih chu ka hmu thiam ve vek bawk.





"Rin" tia El'n min rawn kuah rual chuan a kutah chuan ka lo vuan nghal chat a "min hrilh teh, ka nu sawn min la kalsan dawnlo tiraw? Heti mai hi chuan min kalsan dawnlo tiraw? Ala theih loh alawm ka la mamawh dawn chauh asin" ka ti țiau, thaw chhuak hawk in min kuah bet nghal ti tih a, ka samah chuan min fawh sak nghal vang vang bawk.





Ka nu an buaipui chhung chuan Ela kut chu nghet zet chuan ka vuana min biakin ka chhang loa ka mittui a luang thla reng bawka tissue paper nen inchhawpin min hruksak reng bawk, glass ațanga an buaipui vel chu ka en renga ka țap chhuak ngam bawk silo ka hmui chu ka pet ngar ngar a Jeremy'a call a tih pawhin ka lu ka thing maia hna a ngah thu a sawia ka tibuai thei bik lo ani.





Cabin ațanga Doctor a rawn chhuah rual chuan rang zet chuan kan pan phei nghala Ela chuan "Doctor, engkim a țha vek tiraw?" Tiin alo be nghal vata, Doctor chuan muangchanga a tarmit lak thlak pah hian a rawn thaw chhuak deuh hawk a "tih theih kan nei tlem tawh takzeta tunhnai hian a natna hi a rawn zual tulh tulh maia heihi chu kan hriatthiam phak bak ani, a therapy lo lak țhin ringawt khan thil a ti nêp chuang loa a chhan chu a damdawi dik tak a ei ngai loh vang ani, chu chuan a hriatna thazam a khawib tela a hriatna a ti hloh țan mek bawk. Nula, min hrethiam la inu hian țhat lam a pan hlauh anih hma loh chuan a bulah engmah sawi tawh lo la, a bula i kal anih pawhin a taksa chauh tawk ang che" tiin Doctor chuan min chah ta thlap anih chu! Ka nu ka be theilo maw!





"Doctor, khawngaih takin ka nu hi a theihna lai apiangah chuan min enkawl sak rawh aw thil harsa tak tak tih ngai a awm pawn ti tawp rawh pawisa ah chuan buai suh u ka nu hi țha takin min enkawl sak ula ka duh ani Khawngaih takin" ka ti țiau a, a kutah chuan ka va vuan nghal bawk "nula, theihtawp kan lo chhuah dawn nia ka kal phawt ang e" tiin a kalsawn zui nghal bawka cabin chhungah chuan muangchangin ka lut zui nghal bawk.





Ka nu mutna lam pan chuan muangchangin ka pan pheia nurse chuan drip alo khai sak mek bawka a bula khawl ri chauh lo chu thawm dang a awm hauhlo bawk "nula, damlo ti phâwklêk thei zawng hian awm lo hram rawh aw" tiin Nurse chuan a chhuah dawn chuan min la chah hram bawka țawngkâa chhang lo chuan ka lo bu nghat nghat bawk.





Stool chu la in muangchangin a khum bulah chuan ka țhu thlaa ka nu kut zawi zet chu zâwitê in ka la kânga ka hûma ka fawp zui nghal vang vang bawk. "Nu, rei tak min la dampui a ngai asin i fanu hian i enkawlna ala mamawh dawn chauh asin i tello chuan engmah ani dawnlo a neih chhun tak meuh meuh ini tawh asin nu, ka u ang kha chuan mal tak turin min kalsan miah suh aw" tiin zâwi tak si chuan ka phun mawlh mawlh a, a kutah chuan ka mittui chu a far keuh keuh zel bawk.





A hmai dâng lêp te leh a mit bul tlema thûk deuh te chu muangchang leh zâwi thei ang ber chuan ka khawih saka thâwk pah in a âwm chu zâwi te te hian a kân ak ak zel bawk, mittui luang zawih zawih pah chuan a biangah chuan ka fawhsaka "nu" tiin ka phun sep bawk. Ka țawng a hre theilo tih hriat zet chuan a maimichhing tlata a taksaah pawh a rawn lantir chuanglo bawk, ka nu in ka u a damloh lai khan beidawng lo turin min fuih nasa țhina amah avanga chaka beidawng lo țhin mai chauh ka ni.





Mahse tunah chuan khatiang anga min hrilhtu pawh kha a awm tawh loa ka beiseina te pawh hian min kiansan dawn zel thin bawk. He thil hi hreawm ka ti takzet ani, ka nu anga chak taka awma beiseina nung neih zel ka duh ve takzet mahse ka thei hleithei silo nimin mai ah hetiang hian a awm țhin tih ka hre ve chauha mahse a natna chu nasa takin alo ințan daih tawh thung si, min țhawnga a awmdan hmuhin beiseina neih chu a harsa takzet ani.





Muangchanga ka țhutnaa țhu thla leh in ka nu kut chu ka chal ah chuan ka nghata zâwi te chuan Pathian hnenah chuan ka țawngțaia ka țawngțai zawh hnu chuan Lal biakna ka sawi leh thlap bawk. Ka taksa khur leh ka mittui tla chu reh mahse thinlung ațanga hlauhthawnna awm hi a reh ve hauh si lo, min chenchilh renga min kal hual rengin ka hre bawk, ka nu hmel ka en apiangin ka lungngaih a zuala ka țawngțai leh ringawt țhin.





Chhunah pawh Ela tak ngial pawn min be țawng zo loa midang Afeli leh Tluangpuii te leh pu Rahima te takngial pawh ka chhang lova ka nu kut vuanin a bulah ka țhu renga bathrooma ka kal zawk chhung tih loh ah chuan ka kalsan lo tluk ani. Thil ei tura min tih pawn ka ei țha duh lova ka nu kut vuanin zâwi te te in ka be renga El'n coffee min rawn lak saka engmaha be chhunzawm tawh chuang lo in coffee chu ka laa ka in leh ringawt bawk. Ka nu harh hma chuan ka kalsawn lo anga thil ei pawh ka tum chuang bawk heklo.





"Rin, i phone ațangin nu Sangi'n a be duh chea" tiin Ela chuan ka phone chu ka bulah a rawn daha nu Sangi hming a lam rual chuan phone chu ka en zui nghal vata nu Sangi hming ka hmuh rual chuan phone chu ka ban nghal vata ka benga ka dah rual chuan "Hello" ka ti zâwi nghal sep bawk.





"Rin, chanchin ka lo hriaa inu chu enge a an tawha?" A rawn ti nghal zata ka nu kut chu ka hmer deuh vang vang bawk "nichinah khan a rawn harh zuaia mahse a buaia tunah chuan ala mu riha nu Sang a natna hi alo nasa tawh lutuka Doctor pawn rei a daih tawh lo ang te a ti a, nu Sang engtin nge ka tih ang?" Beidawng zet chuan ka ti ringawta tih theih ka nei hauh bawk si loa a ngaihna hi ka hrelo takzet ani.





"Bawihpui, hahdam phawt rawh nangmah kha i inenkawl țhat hmasak phawt a ngai ania. Christy chu a tuarchhela khati zozai alo tuar tawh anih chuan tuna thil thleng te kha chu a hneh thei ngei ngei ang tih ka chiang ani. Pathian hnenah țawngțaiin thlen la ani chuan a awmpui reng ang che" tiin min rawn țawng thlamuana ka țawngțai hnem tawh lutuk asin tia au chhuah vak ka chak takzet bawk ka hlauhna te hi tih reh ka duh ani.





"Um, ka hria alawm mahse ka hlauthawng ani min kalsan mai ang tih ka hlau ani" ka ti zâwi sepa a kut chu ka vuan reng ringawt bawk. "Bawihpui, chutiang lam chu ngaihtuah suh a êng lam zawngin thil thlir tum hram hram rawh anih loh chuan i hlauthawng reng mai ang chuvag chuan thil a êng lam zawngin thlir hram hram rawh" a rawn ti a, na zet chuan ka thaw chhuak ham ham ringawt bawk.





"Ilo chhuk hmanlo ami?"





"Bawihpui, ka tihpalh ani heti lamah tihtur țul a tam ve si a mahse ka theih anga ranga lo chhuk ka tum ang aw lo lungngai lo la ka rawn chhuk vat ang ka nu pawhin dam lam a pan țan tawha, chuanin i putea te Jeremy te an awm lovem ni?"





"Awm e, Ela pawh a awm alawm putea te pawh nizanah khan an lo kal daih tawha vawiinah tlai lamah an rawn kal leh ang, Jeremy chu hna a ngah avangin a chhuaka Ela te chu pawn lamah an awm"





"Thlamuantu leh awmpuitu i ngaha lungngai reng reng suh aw, inu in khatianga lungngaia i awm tih a hmuh chuan a duh dawn miahlo ania ina i tûm rikngawt pawh awm ngaihna a hriat țhin ngai loh kha hre reng rawh hlim hmel put tum hram hram la thil a êng lam zawnga thlir thiam tum bawk rawh țawngțai tam la chuan i hlauhna te kha zâwi zâwiin a rawn reh ve mai ang"





"Um, ka hria alawm keipawn ka tuma mahse au Mama awmdan te leh a thih dawna thil thleng leh ka nu in a awmdan min hrilh ang te khan ka awm vea ka ngaihtuah chhuak leh zeuh zeuh țhin bawk. Mumang neih ka hlauh avangin ka mit pawh ka chhing țha ngamloa a chhan chu ka mumangah ka nu ka hmuh ka hlau ani mahse nizanah kha chuan Jeremy'n min awnpuia mumang ka nei pawn ka hrelo. Ka nu khan a mumangah ka u kha thi in alo hmua chuanin a tukah au Mama kha a thi reng bawka khatiang mang kha ka duh ve lo hlauhthawnna neih pawh hi ka duhlo nu Sang" ka ti a, ka hlauhna hi engtin nge ka tih reh theih ang le...





"Chutiang chu engmah a thleng dawn hleinem engkim a țha leh vek dawn alawm hlauthawng tawh reng reng suh aw a rang lama rawn chhuk vat ka tum ang tunah chuan ka dah rih phawt anga zan lamah ka rawn be leh ang che, nangmah kha in enkawl țha ka aw" tiin min chah thlapa "aw le" tiin phone chu ka off nghala ka bula dawhkanah chuan ka dah phei nghal vat bawk.





"Nu, chak takin awm rawh aw min la kalsan theilo tih i hriat ve vek kha keimaha awm tur chuan ka la puitling tawk lo ania i bulah pawh naupang ka la ni tih te in ka sawi țhin kha naupang deuh ka la nia chuvang chuan min kalsan theilo ang" tiin ka phun sep sep a, a kutah chuan ka fawh saka ka biang chuan ka chûl leh leh țhin bawk,a chang leh ka thinlung tâwt lutuk avang hian ka thaw chhuak leh ringawt țhin bawka ka awmdan hi a hreawm lutuk ringawt.





Miin 'engkim a țha vek dawn alawm' an tihte hi hriat hreawm ka ti la reilo hle mahse a chhan chu ka hlauthawnga engkim a țha dawnlo tlata hriatna ka neih vang te pawh anih ka ring rum rum, a tua pawh hian engkim a țha vek dawn alawm tiin min țawng thlamuana ka lawm lutuk takzet. Mahse keimah hian rin harsa ka ti a, ka hlauthawng êm a tin ni. Hei vang chiah hian alawm ka nu hi ka mamawh țhin em em, engkimah min control hneh veka keimah pawh ka inthunun țhin bawk.





"Duati" tia ka hminga min koa ka dara min rawn khawih rual chuan ka phu deuh zawka ka lo muthlu hman ani ngei ang ka thinphu ran dan chu pui tak ani ringawt, rang zetin sir lam chu ka hawi phei nghala Jeremy chuan mak tih hmel zet hian min lo melh reng bawk "i chil thli i thlauhna nasa lutuk tih hria la" a rawn ti nghal deuh sup bawka ka ner nghal nâng ringawt bawk.





"Khawnge ka nu?" Tih pah chuan ka hawi kual nghal thuaka a khumah pawh alo mu hauh lo "hahdam rawh, test an nei dawna a harh laiin an kalpui anih kha" a rawn ti dam dap a, ka thawh zawk rual chuan ka banah a rawn vuan nghal chawt bawk "chumi bulah chuan min hruai rawh, kal ang ka kal ve a ngai alawm" ka ti nghal vata ka kalpel tur chu min pawt ding leha amah chu ka en lehnghal zawk bawk.





"Min sawm ve em em a, min kalsan leh daih i tuma?" Khawngaihthlak hmel zeta a rawn tih rual chuan a banah chuan ka pawt kat nghal pawpa nui sukin ka kutțang karah chuan a kutțang a rawn rawlh luta min kai chhuak nghal bawk kal pah chuan "thil i ei tawh em?" A rawn ti supa, a kuta vawn beh pah chuan ka ngawi renga engtin nge ka chhan ang, thil ka ei lo tih hre ngat se chuan min barh lui leh ngei ngei ang.





"Ei tawh e, ngatinge a?" Ka ti ta ringawta a rawn nui chhuak daih ringawt anih chu! "Dawt hi sawi tum ve ziah suh i eilo tih midang hnen ațangin ka hre vek tawh. Engvanga eilo nge inih Duati? Thil ei turin ka chah nasat che kha" aw ka vîn ni chuang si lo mahse mar țha lutuk chuan a rawn ti chhuaka, ka chhang loa ka ngawi reng ringawt bawk "Duati, engvang nge? Ka barh luih kher ilo nghak leh tihna em ni?" A rawn ti lehnghal zat.





"Nghak lo, ka ei peih lo alawm min tilui miah suh aw ka nu a harh hma leh a țhat hma chuan chaw ka ei duhlo coffee a tawk, ka ril a țam viau anih loh chuan ka ei duh bik lo" ka ti deuh hmaka, rûm zui nghatin ka kut chu a rawn hmer deuh hleka a thinrim leh tawh tih a hriat ngawih ngawih, ka in thlahrun rual rual in ka ei duh miau si loa chhan dan takngial pawh ka hrelo.





"Inu enkawl tur chuan nangmah u chak țhat hmasak a ngai alawm i chak hmasa anih loh chuan engtin nge i enkawl theih reng ang Duati, a hmun kan thlen hunah thil ei ang che, duhlo mahla ka ei luih tir tho ang che" a rawn ti ta nghut. Ka chhang tawhlo min hruaina lamah chuan ka zui ve zel ringawta a kal chak ang reng bawk si a ka hnial ngam bawk silo ka rilru a hah bawk si ka thla a muang bawk si lo ka hah takzet ani ka hah takzet.





Engtin nge ka nu an lak sawn laiin engmah ka hriat miah loh le, an thawm pawh engvanga hre miah lo nge ka nih ang... ka mutui viau amaw ni le chuanin ka mut chhung pawh chuan mumang ka nei miahlo amaw, Lalpa ka van lawm tak, mumang rapthlak tak ka neih loh avangin.





Ka nu an dahna hmun kawt kan thlen chuan Ela chu a lo vai thauh thauh a "El" ka tih rual chuan a rawn hawi nghala min rawn pan nghal chat bawk "i harh tawh maw? Ilo va phei har em em ve" a rawn ti hluaia Jeremy nen chuan kan in en ringawta Ela chu ka en leh ringawt bawk "ngatinge? Ka nu chu a zual leh em ni? Chuvang ami?" Ka tih rual chuan alu a thing nghal vata.





"An nawr luh hma chiah khan a harh avangin ka biaa mahse ka kutah a vuana i u angin min ngaia ngaihdam te min dila nangmah ko tur che in min ti a min pawt vak vaka ngaihdam te min dila min ti hrilhhai hman lutuk alawm" a ti zung zung a, ka dinna ațang chuan ka che sawn deuh awrh bawka Jeremy chuan min lo dawm nghal vat bawk.





"A ințan tawh ani maw... ka nu chuan a hriatna a hloh țan tawh anih chu keipawh min hre tawh miah lovang... aih, ka duhlo ka nu chuan min theihnghilh theilo a rang mah mah lutuk ka duhlo" ka ti chhuak chiama Jeremy chuan min kuah beta a lu ah chuan a dawm beta ka tal nghek bawk "ka duhlo, min theihnghilh ka duhlo a fanu ka nih hi heti ringawt chuan min theihnghilh bik lovang ka duhlo" tiin a âwm ațang pawh chuan ka au chhuak vaka ka țap chhuak nghal hawk hawk bawk.





"Duati" tiin Jeremy chuan ka tal lai chu nghet zet chuan min kuah bet nghala ka țah avang chuan ka tha a zawi veka ka che hleithei tawhlo, Jeremy chuan min pawm kâng nghal nawlh a țhutthleng awm hmasa berah chuan min pawm țhu nghala "tui vawt va la lawk ta che" tiin Ela bulah chuan a ti nghal sup bawk.




"Duati i țha tiraw?" Tih pah chuan ka chal ah a rawn fawp vang vang a, ka maimichhinga ka mittui chu a rawn luang lehnghal bawk "ka duhlo Jeremy, in theihnghilh tihte, in hriat loh tihte hi ka duhlo ani ka duhlo, ka nu phei chu, tunah chuan keimah chiah ka ni tawh anih chu keimah chiah" tiin ka phun sep sep a, ka biangah chuan a rawn dawma "i mal lo, ka awm alawm engtik lai pawn i kiangah ka awm reng ang ka kalsan ve ngailo che anga ka thlahthlam bawk hek lovang che. A țha vek, hahdam rawh" a rawn ti zâwi supa, a ri lo chuan ka țapa ka maimichhinga ka mittui a rawn luang leh ringawt țhin bawk.





Ela tui vawt rawn ken chu ka in nghal khawlh khawlh a, ka nu an dah luhna cabin chu ka en pheia ka thaw chhuak hak bawk "keiman ka hmuh ve hma chu ka awih dawnlo ka nu hian min theihnghilh mai mai hauh lovang a fanu ka nih hi min theihnghilh loh nan theihtawp ka chhuah ang ka ti ngei bawk ang min theihnghilh theilo" ka ti a, keiman hmuh ve phawt ka duh ani chuti lo chuan ka awih thei lovang.





"Duati, i awmdan avang hian mipa te pahnih hi min ti hrilhhai țhin tih hi hria la, tuna i awmdan chihnih ngawt avang pawh khan min ti âng phuau lo chauh alawm hmeichhiaah min chhuah teuh thei kher bawk" Jeremy chuan a rawn ti hluka, ka tui hmuam lai chu ka phuh chhuak nghal țhawta an pahnih chuan rapthlak ti lutukin ka melha anni erawh chuan mak min tih hmel fahran hian min lo melh lehnghala rilru thar ka pu tih hi an hrelo amaw ni. Hmela te pahnih chu.





"Tunah khan rilru thar ka pu thut, tui vawt vang kha aniang min lo en rawh u ka țap mai mai tawh lovang theihtawp ka chhuah dawn" an mahni pahnih melh tawn zak zak pah chuan ka ti a, Jeremy chuan a khabe tuai zeuh pah chuan "i tider nge i fiamthu ve hrim hrim kan awih duh angem? Țahbelh te" chimawm zet chuan a rawn ti a, a âwmah chuan ka nem sak nghal pawpa an pahnih chuan an nui dun hawk hawk bawk.





"Tak takin maw tuna ka awmdan kha a mak lutuk rilru thar rawn pu thut ang hian ka awm, mahse ka la hlauthawng tho chutianga pangngai tak chu ka ni chuanglo ka thinlung ațang hian hlauhna kha ala reh hleithei chuanglo a awm reng" ka ti ta sepa, bottle chu ka daha ka țhu ngawi ta reng bawk. Ka nu hian engti kawng zawng mahin min theihnghilh lo anga min kalsan bawk hek lovang engtikah mah ka phal lovang ka neih zawng zawng sen ngai pawh nise ka seng mai ang.





"Ka fanu" putea aw ri ka hriat rual chuan ka ding nghal vata, putea leh pitei leh Tims'a chu kan lam pan chuan an rawn tlan phei nghala ka bul a rawn thlen chuan min rawn kuah nghal chat bawka "i țha tiraw? A harsa em? Kan awm tawh ania hahdam rawh aw" a rawn ti nghal zung zung a, ka țhat thu in ka lo chhang ve lehnghal zat bawka pitei pawh chuan an awm tawh thu min hrilhin min rawn kuah ve lehnghala Tims'a erawh a inla pa ve leh tlat tawh thung.





"Khawnge inu chu?" An rawn tih rual chuan room lam chu ka kâwka "test hrang hrang an nei meka kan lo nghaka" ka ti țha ve maia țhutthlengah chuan min țhutpuia an pahnih chuan ka nu vawiin dinhmun vel min sawipuia sawi harsa ka tih deuh avang chuan duh angin ka sawi hleithei loa ka dang te hi a âwk tlatin ka hre bawk.





Jeremy leh Tims'a chu eng emaw an sawia an kalhrang daiha Ela erawh phone call a dawn avangin a kalsawn leh daih bawka pitei leh putea chuan min țhuthnaih ve ve a, kan pathum chuan inbe lo in ka nu lo chhuah hun chu kan nghak renga a khat tawkin putea chuan engvanga zêp nge anih tih min zawt renga chhan dan dang awm heklo 'ka hrelo' tiin ka chhang leh ringawt zel bawk.





Ka nu an lo nawr chhuah hnu chuan kan pan nghal vata Doctor in naktukah result a hriat chauh ang a tih avangin lungawi lo ru zet chung chuan cabin lamah kan pheia ka nu chu a ngai te bawkin engmah a hrelo tih hriat zet chuan a mu leh renga an auh pawhin a chhang chuang miahlo bawk.





Doctor in a bula awm hnem vak a phalloh avangin ka chhungte chuan keimah min awmtira a khat tawkin Jeremy chu rawn lutin ka bulah a rawn țhu ve leh țhina ka duh lo chung chaw min barh lui leh nge nge bawka hna a thawk haha tih thinrim ka duh bik hauh lo chuan tunlai hian chaw a ei țhaloa a cher tih pawh hai rual lovin a hmai kî ațangin a hriat vek bawk. Ka bulah a hna a hahthlak thu a sawi țhina a sawi țhin hmeichhia a rapthlak thu nen a sawi leh țhin bawka khami hnua thil thlen dan kha ka hre chhunzawm tawh lova han sawipui ngaihna vak ka hrelo bawk.





Naktuk chawhnu lamah ka nu a zia chuan chhuahpui min duh thu a sawia mahse ka nu a zia chauhin ani thung El'n keimah tih loh midang an awm vek dawn thu a sawia inti harh turin leh inti thawveng turin min nawr deuh ti tih bawka kal turin min duh zia a lang chiang renga a enga mah hmain ka aw ve ta țhuai bawka ala khi vur vur zui lehnghal.





Zanah dar 9 hnu lamah chuan Jeremy phone chu a rawn ri a a âwma bei ka nih avang chuan a phone ri chu ka hrechiang ngang bawka a mutthilh avang chuan a kekawr ipte chu ka zen saka Zamzami alo intih kuau avang chuan call chu ka chhang nghal vata "e, Rinrin, Sir kha a awm hnai em aw... biak ka van duh" a rawn ti a, a muhil tih ka tum zet nangin a pawimawh ka rin avang chuan Jeremy chu inthlahrung zet chuan ka sâwi harh a phone ka pek rual chuan țhu țha in min kuah bet lehnghal vat bawk.





An sawi hre țha țhum theilo mah ila Jeremy'a chhan dan ațang chuan thil hmanhmawh thlak anih ka ring ve ringawta an inbe rei reuh phian zui bawk "a țha e, ka lo kal dawn nia min lo nghak turin lo hrilh ta che ka thusawi anga a awm duhloh avanga a hremna tawh chu zahthlak a ti deuh ani ngei ang, ka rawn thleng vat ang" a tawpah chuan ti ta sup in a phone chu a kekawr ipte ah chuan a rawlh lut lehnghal zat bawk.





"Hna lam ami?" Ka tih chuan a bu ta nghuta "kha hmeichhia khan min hmuh a duha ka va kal lawk ang e aw Duati, zanin hian engkim chu fel vek tawh rawh se ka hne tawh takzet ani. Ka pa nen an inhmu zo chiah ani maithei a ngaihdan chu a thlak chiang hle ani ngei ang, ka va kal anga chumi hnuah chuan ka rawn kal leh dawn nia iduh chuan lo muhil mai la ka rei ang em tih hi ka chiang lo ani" a rawn ti a, ka kutah chuan hmer vang vang in ka chal ah chuan a rawn fawp nghal vang vang bawk.





"Ka lo thlah ang che aw" a kal tur chu pawt ding meuhin ka ti a, ka kutah chuan vuanin a lamah chuan min pawt phei nghala "duhthusam ani, mahse zan a rei tawh dawna damdawiin a vawt si a hetah hian lo awm rawh aw... ka rei lo ang ka rawn let leh vat ang" a ti a, rei zet min fawp zui vang vang in a kal zui nghala kawngka bulah dingin lift thlenga a chuang chu ka en zui reng bawk.





Muangchangin ka nu bulah ka pheia stool chu la in a bulah chuan ka țhu thla leha a kutah chuan vuanin ka hûm sak leh vang vang bawk. "Nu, ka țawng hi i hrethei tiraw? Min la theihnghilh lo ani tiraw? Ka hria alawm i fanu hi chu engtikah mah min theihnghilh dawnlo tih ka hria alawm chuvang chuan ka beidawng dawnlo mittui hi chu chak lohna tiin min hrilh țhina kha kha ka hrechhuaka chak takin ka awm anga ka theihtawpin ka enkawl ang che, ka tlai tawh angem ka hrelo mahse ka theihtawp ka chhuah dawn ani, rei tak min la dampui a ngai ania" ka ti sepa, a kutah chuan ka fawh sak vang vang bawk.





"Rin, tlawhtu i neia?" Ela aw ka hriat rual chuan kawngka lam chu ka hawi phei nghal vata Sylvia chu inthlahrun hmel zet chuan a rawn lut bawka ka lo nuih nghal ver ver bawk. Mahse a hnunga rawn lut ka hmuh leh rual chiah chuan ka nui lai tawp hmak in ka nu lam chu ka en lehnghala saw hmeichhe zak theilo lutuk sawn eng thil nge a rawn tih ve dawna... khatiang thil thlen hnuah pawh ala rawn kal ngam ka ti, ka hau hrep dawn amaw ni le.





"Vew, inu chu enge a an a?" Tiin Sylvia chuan a rawn ti a, a inthlahrun hmel em em bawk. A bula nu hi rawn kal ve lo se chuan ka ngaidamin a ngai ang chiah kan kan awm leh ngei ang mahse kalsan tura ka tih pawn a kalsan theiloa a chungah hian eng dâwi nge maw alo hman hman le.





"Eng ala ang lo, vawiin khan test an neia naktukah result a chhuak dawn chauha" ka ti țha ve maia ka ngei avanga biak chhiat chu ka tum chuanglo "chanchin ka hriat veleh ka lo kal nghala Ela hian min hrilh bawka" pangngai tak chuan a rawn ti a, ka bu nghat nghat a "in lo kala ka lawm lutuk e" ka ti sap bawk.





"Anih chuan vew, thil sawidun lawk ila i ngaihdan kha engmah a diklo ania lo kal rawh sawi dun lawk ang" a rawn ti leh a. Ka la en duh chuang hauh lo bawk.





"Engmah sawidun tur kan neilo hmanni pawh khan ka hrilh chian viau che kha i tih theih loh chuan ka kawm tawh dawn biklo che ka tih tawh kha ka thusawiah chuan ka ding ngheta ka ti hlawhtling ngei bawk ang. Sylvia, ngaihtuah chiang la i thiltih kha a țhalo tih hrechhuak rawh, chuanin min chhuahsan rawh u ka nu hi tam in an chîm a remloa min chhuahsan tawh rawh u" an mahni pawh en lo chuan ka ti hmaka "vew" a rawn ti zâwp sep bawk.





Ka chhan loh avang chuan thaw chhuak hawk in an chhuak zui nghal ani ngei ang kawngkhar ri bawk ka hriaa ka nu kut chu țullo ah ka chûl ringawt bawk. Amah kha ka haw lutuk ani lo khanu a duh avang leh zu a in avanga hua ka ni mai zawk khatiang nun kha a duh ngailo em em a a tih ngai dawnloh thu in vawi tam tak a hmingchhal ngeiin min tiam țhina mahse a thu tiam chu a bawhchhe ta si a, ka tan chuan khatianga awm mai loh kha chu tih theih ka neilo ani.





Ka țhian satliah ani lova ka unaunu ang maia ka en ani bawk ka hmangaiha a tana țha tur chu theihtawpa tihsak ka duha a tan engpawh tihsak ka huam bawk, hetiaga a awm duh hi ka ring ngai hauh lo. Eng thu nge eng thil emaw zawkin nge a rilru lo ti buai ka hrelo, hmanni ka rooma rui chunga an rawn kal pawh khan alo harh har lova kan inhnial hrep bawka amah zawk zawk a chhuak taua a thil tih a bansan hma loh chuan ka kawm lo thei, mahse ka chân ang tih ka hlau tel tho bawk.





"Rin, thil chu va sawipui lawk la pawnah an awm reng ania i thu hriat pawh kha thudiklo ani ve thei reng ania va kal rawh" tiin Ela chuan ka bulah a rawn sawia ka lu chu ka lo thin khum ngat ngat a "a thil tih a bansan hma loh chuan ka be tawh dawnlo ka duh loh zia pawh a hre veka kan ruih hian thudik tak kan sawi duh zawk an ti lehnghala chuvang chuan a dikloh pawh ka ringlo" ka lo ti hmak, kal ka tumlo bur ani mai.





"Amak țhin, i luhlul ve țhin bawk si. A chang chuan kan thil rindan ang ngawt hi alo ni țhin lo ania chuvang chuan a ngaithlatua țan chang a awm ve țhin. Tunah pawh hian i țhiannu tan chuan țhil țha tak iti dawn mek ani. Kan ngaihdan leh rindan ang ngawt hian thil hi alo ni bik țhinlo tih pawh i hrechhuak ngei ang"





"Nge, kal tir phet chu min tuma ka duh hleinem ka thil duhloh em em a ti tawha amah pawn a kalsan theih tawhlo thu te a sawia a duhzia te pawh a sawi veka enge sawi leh tur la awm chuang dawt anih chu min hrilh anga maw... ka awih dawn chuanglo engtikah mah"





"Induh tawk kha bansan la tunah chuan an thusawi kha va ngaithla phawt ang che chuanin i rawn let leh hunah thil awmdan i hrefiah vek ngei ang ka tiam a che va kal rawh" tih pah chuan min pawt thoa engmah ka sawi ve leh hma hma chuan min nawr kal dawt dawt a. Ka nu hetianga a awm laia tiang thil lo thleng ve leh zel hian ka rilru an ti tâwta awmdan mai ka hrethiam bik țhinlo takzet ani. Tun chiah hi an thusawi ka ngaihthlak sak anga ka awih zawng tak an sawi anih loh chuan engtikah mah ka ngaithla leh tawh lovang.





Pawnah chuan an pahnih chuan țhutnaah chuan an lo țhua muangchang chuan ka pan pheia ka thawm an hriat veleh chuan min rawn ena an țhutna ațang chuan an tho chhuak deuh nghal zawk bawk. "In sawi duh chu sawi hmanhmawh rawh u luh leh vat ka duh dawn ania" an bul ka va thlen chuan kut inkuangkuah hmakin ka va ti a, an mahni chu en pawh ka en duhlo ka tih loh naah hi chuan nasa ve tak ka ni ka tih tawh kha.





"Vew, hetah lo hmundangah inbe zawk ila Rin hetah hian lo awm rawh aw ka rawn let har lovang" tiin Sylvia chuan a chah thlapa a kalna lamah chuam ka zui phei ve leh zel bawka Hospital bathlarah chuan min dinpuia rei tak kan ngawi dun vang vang a, kan indin hlat lutuk lo a chu kan inkar hi 1metre vel tho chu anih ka ring.





"I sawi duh chu sawi hmasa ta che. El'n min tilui lo se chu nang be tur che hian ka rawn kal hauh lo ang" ka ti hmasa ta zawka Aizawl khawpui êng tuarh chu ka en phei deuh vang vang bawk "vew, i ngaih ang kha engmah ani lo ania aw ka duh tih ka sawi ngei alawm mahse kan inngaizawng dawn ka ti miahlo ania aw ka duh tih ka pawm mahse khawngaihin min rin chhiat kha bansan rawh zu ka in chhan chu maw thil ho te chauh ani asin khapa khan min rawn be leha min kawp a duh leh thu te a sawia exam dawn nen ka rilru a buai lutuka zu ka in ta vak anih kha. Vew, i ngaih ang kha engmah ani miahlo ania aw" a rawn ti a, ka thaw chhuak hak.





"Ka ngaih ang kha engmah ani miahlo amaw?! I harh fîm em em hnuah pawh i duh thu in min la hnial kalh zela i theihtawpa nasa in min hnial anih kha. I rilru a nat tawp khâwk pawhin zu chu i in ve țhin tho ka dem chuanglo che mahse rui khawp chuan i in ngai miahlo asin Sylvia, i chungah hian enge thleng ta mai le. Ani kha i duh bawka inhmuh loh karin engtin nge heti em em hian i inthlak danglam theih zawk?" Ka ti chhuak hap, ka lung a awi lo takzet ani.





"Rui khawpa ka in chu chhan dang vang chauh ani asin Vew, khapa khan maw ka kawp duh tawhloh avangin heti hian min ti asin 'Ka hmangaihna i pawm loa mahse tunah chuan tuman an Hmangaih ve tawh lo che midang hnen ațangin Hmangaihna te i beisei ve țhina tiraw? Mahse ka pek tur che pawh i hnawla Hmangaih tlak pawh ini ve lo beisei ve tawh suh Hmangaihna avangin i nunga i phu tawk chiah' tiin min țawngkhum asin, ana ka ti lutuka loh theih loh in ka in taa nangmah ka be pawp thei si lo chea chuan Rini kha min inpui turin ka sawm ta ngawt anih kha a thiamloh pawh ani miahlo ania ka thiamloh ani" a rawn ti țiau a rang lutukin amah chu ka en nghal vata inthiamlo tih hriat zet hian min lo en reng bawk.





"Vew, sawi tur a tam lutuk mahse tunah chuan ka hrilh vek theilo che min hrethiam ani tiraw? Chan che ka duhlo ania a hreawm ka ti lutuk" a rawn ti a, rang lutuk chuan ka va kuah nghala "keipawn hreawm ka ti, chutiang thil chu i tawk tih i sawi bawk si lo alawm ka lo ring chhe ve nghal ringawt chea ka tihpalh khanu nen khan in inngaizawng dawn amaw ka tia chuanin i nundan thlakin i rui țhin amaw ka tia chuvang ani ka tihpalh Sylvia" tiin țap țeuh chung chuan a hnungah chuan ka chûl sak hliau hliau bawk.





Ela sawi ang chiah kha ani. Thil hrechiang hmasa loa awih ngawt hi a fin thlak ber țhin hauh lo engkim finfiaha thudik hriat phawt tum hmasak țhin tur. Vawikhat tihsual chu a dawt leha a nghawng ana leh țhin. Ka sawifiah thiam lo ani ber. Tuna Sylvia nen kan tawng ang chiah hi ani mai kei hi a thiamlo zawk ka ni.





Rini pawh ka rin ang alo nih loh avang chuan țha tak chuan kan inkawma chutiang em em a pa lutuk bik erawh chu ani hauh lo a mizia te thup a tum thu te min hrilha hreawm a tih țhin thu nen min hrilh ve thlap bawka anih ka ring ani.





"Duati, nu Christy chu enge a an a?" Min rawn kuah pah chuan Jeremy chuan a rawn ti a, nizanah alo kal lai kahreloa zingah lah ka harh in a hmel ka hmu hmasa leh bera ka inthiamlo takzet bawk. "Doctor in a zia deuh thu min hrilha nizanah khan reilote a rawn menga mahse a muhil lehnghala alo la harh leh miahlo. Chuanin nangpawh ilo kal lai ka hre miahlo" ka ti chhuak hapa, Doctor ten an check meka engkim a țhat hram ka beisei.





"Kei tr chu thlarau ka nia ka duh hun hunah ka rawn lang tawp zel alawm. Doctor saw alo chhuah hunah kan be dawn nia.. țang țung suh hahdam rawh, engmah a thleng hleinem" dam thlup chuan a rawn ti a, ka lo țan țun pawh ka hre chuang hauh si loa ka inthlahdul nghal riai riai bawk anih chu, na zet chuan ka thaw chhuak ham ham a "ka hlauhthawnna hi reh se ka duh tawh takzet ani" ka ti chhuak hap ringawt bawk.





"I bulah duh angin hun pawh ka hmang thei si lova hunâwl kan neih veleh ka theihtawpin ka duat ang che, a ril viau ang. Ka hna ka zo tawh bawka i bulah ka hun engkim ka hmang thei tawh nu Christy pawh ka enkawl thei tawh ngei ang but... a hmasa in ka inthlakna tur min lak pui phawt a ngai ang" a rawn ti sup, ka nui chhuak nghal hak bawk.





"Jeremy, ka hahdam theih nan leh rilru dik lo lo ka put i hlauh avanga hetianga awm hi ini tiraw? Ka sawidik tiraw?" Ka ti a, a chhan chu a awmdan a țang hian ka hre thei miau ani. "Fing leh lutuk mai. Ka ngaihtuah zia che tih i hriat ngei ka beisei , a dik alawm nangmah țhawng dawttu thil i tawn apianga i awmdan chu ka hrechiang thawkhat tawh alawm a chang chuan a harsa mahse ka theihtawpa i rilru tihhlim ka tum ve țhin bawk chea nang lah hi i rilru a sak țalh lehnghala reuh mai mai a che" rawn tih hluk pah hian min rawn pen nghal kawrh a, ka nui chhuak ringawt bawk.
"Ka tan hian ivan hlu tak em! I hlu takzet ani" ka ti chhuak sapa ka bekah chuan min rawn fawp zui vang vang bawk.





Doctor a rawn chhuah rual chuan rang zet chuan kan pan phei nghala thil kan zawh hma hma chuan ti hian a rawn sawia "damlo chu nimin ai khan tlemin a zia deuha mahse test a paltlang hnem avang leh damdawi hian a taksa a ti chau em em a chuvang chuan biak hleihtheih ani lova i hriatthiam hram hram a ngai ani" a rawn ti taa, ka lo bu nghat bawk.





"Chuanin Doctor, ka nu chuan keini hi min hre tawhlo ami? Min theihnghilh der tawh ami?"





"Chu lam chu ka hre thei mai lo nangmahni in in lan chu a ngaih ka ring ani a natna a zual telh telh a a thil hriatte pawh a tlem tial tial bawka nangmahni ngeiin va fiah ta che u" a rawn ti leha ka thaw chhuak hak ringawt bawk. "Doctor, hma a sawn deuh em le?" Tiin Jeremy chuan a zawt lehnghala "chu chu test result ațangin a hriat chauh ang vawiin chhunah peihfel hman beisei ani a, mahse kan hma dawn talo a ang zan lamah in lo beisei dawn nia ka kal phawt mai ang" a ti a, keini pawh chu cabin chhungah chuan kan lut zui ve nghal bawk.





Ka nu chu kan biaa min la theihnghilh loh avang chuan lawm avangin ka mittui a luanga mahse a țawng țhat theih lutuk loh avang chuan rei kan be lova Nurse ten damdawi an rawn pe leha amah pawh chu a muhil zui ve leh nghal mai bawka. Damdawi a ei renga a mu reng bawka atan chuan a hreawm ngawtin ka ring ani.





Chawhnu lamah chuan ka chhung leh kua te inti harh tura min tur tlat avang chuan Jeremy nen chuan kan inzui chhuaka Chaltlang lama a inah chuan min kal puia ka mit tuamin ka kutah a kaia 'hruai duhna che ka neia" a tih avang chuan țha tak chuan ka zui țha ve mai bawk.





Min dinpui hnu chuan muangchangin ka mit a tuamna chu a phelha ka thil hmuh avang chuan ka nui chhuak haka lei chungah chuan khawnvar dah in a piah deuh lawkah chua rimawi tum tute an awm bawka tui a awm bawka thingkung nalh zet zet a awm bawka a mawi takzet ani. "A mawi lutuk" hawi kual pah chuan ka ti a, khawnvar chuan a ti ênga a nalh lutuk takzet ani.





"A țha lutuk e, Ka Hmagaih che Lalrinnung, tichuan kei hi min lampui duh ang em?" Tiin a kut chu ka hmaah chuan a rawn lek pheia țap țeuh chung chuan nuih pah chuan ka bu nghat nghat a, ka kut chu a kut chungah chuan ka va nghat a, lei chungah chuan ke lawngin min phei puia ka kawnga rawn vuanin a lamah chuan min hnukhnaia chumi rual chuan rimawi rawn ri ang chiah chiah chuan min sûk puia ka nui ringawt bawk.





"I nui hmel kha ațha lutuk, nui reng ang che" tiin lam pah chuan ka chalah chuan a rawn fawp vang vang bawka ka lo maimichhing thuai bawk.





Hunlo lutuka ka phone a rawn rik avang chuan inthlahrung zet chuan phone chu ka la a,mahse ka thu hriat erawh chuan duh ai min țhawng mah mah ani. An thusawi pawh ngaithla zi lo chuan phone chu ka thlauh thla nghala ka dinna ațang chuan ka âwn deuh riai riai bawka Jeremy chuan min rawn dawm vatin ka țha nge țha lo tih thu min zawt nghal zata ka chhang lo.





"Nu.... min la kalsan theilo, engtin nge min kalsan theih ang nu i thi lo tiraw? Min tihder tiraw?" Ka ti chhuak sepa ka bekah chuan ka mittui a rawn luang thla nghal nguai nguai bawk.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)