AT THE ELEVENTH HOUR BY : Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: AT THE ELEVENTH HOUR BY : Msi Miluhlulnui (Completed)

Unread post by Ngaia » May 10th, 2020, 2:01 pm

AT THE ELEVENTH HOUR - 13

By : Msi Miluhlulnui 💜



💜 Peace of mind is wealth. 💜


💜 Note a awm aw..👇💜




"Bawihte, enge awmzia?" Ka nu chuan a rawn ti nghal vata tunah hian hmu thei ta ila chu melh rum theih patawpin ka melh rum ngei ang "nu... chhuah tir rawh aw ka bulah pawh rawn kal tawh suh se a enkawl ka ngai reng reng lo keimah pawn ka in enkawl ve thei reng. Khang ni hnih chhung leka ka nun infiamnana a hmang te kha ka haw lutuk ka rinna ka lo nghah hman vang erawh chuan ka inchhir hle ani" ka ti chhuak fak a. Engmah ka hmu thei si lova engtin nge an awma enge an sawi ang pawh ka hre hauh lo.




"Nu..." ka ti a, mahse min chhang miah lo, a awmna âwm ang lam ka dap kuala ka hnunglam thlengin mahse a awm miah lo "nu...khawnge i awm?" Ka ti leha mahse min la chhang chuang lo, thawm engmah a awm loh avang leh a reh em avang chuan hlauhna in min rawn fan lehnghala ka khur nghal der der thei.




"Bawihi" tia min au an awm rual chuan ka taksa chuan chiang zet hian a feel nghala min hnaih hle tih pawh ka hai hauh lo "khawnge anu kha?" Ka ti a, a awmna âwm ang ka hriat loh avang chuan han dap rîk vak ngaihna pawh ka hrelo "a chhuak lawk anih kha, hun thawl min pe dawn anih hmel" ka hmai zawna a rawn tih sup takah chuan ka kut ka hûm ruh nghal ngawt ngawt a a hmel hmu phei ila chu ka beng sawk duh hialin ka ring.




"Lo luh tir rawh, nangmah chhuak la" ka ti nghat, ka biangah chuan a rawn dawma hawisawn ka tuma mahse lehlamin a rawn dawm lehnghal "engthil nge ka tihsual sawi rawh le" a ti dam thlup, hetianga a țawng apiang hian alawm khang ni hnih chhung lek khan ka luangliam theih em em, mahse tunah chuan a nihna diktak ka hre tawha ka luangliam tur ani hauh lo.




"Tihsual i neilo, min rawn hmu tawh lo la ani mai ka chunga i thil tih zawng zawng avang erawh chuan lawmthu ka hrilh che" ka ti chhuak nghat a, ka biang a dawmna kut chu han pawhthlak ka tuma mahse ka kut zawk a rawn vuan ta daih bawk. "Tihsual chu ka nei ava nih hmel si ve" a rawn ti leh khera ka kut a hûm beh chu pawh chhuah ka tuma mahse ka theilo a awmna lam ka hrelo mahse hnaih erawh min hnaih hle thung tih ka hria.




"Ka hua che ani tawp mai khang ni hnih chhung lek khan ka nun infiamnan i hmanga mahse keiin ka lo ring hman em em che si, hetia ka awm tak avang hian min iai a hmeichhe dang i bela min iai leh tur si chu engvangin nge a tir khan min duh thu min hrilh min hrilh lo ni la chu keipawn ka duh miah lo ang che. Mahse kei chu, heti hi ka ni tawha engmah ka ni tawhlo i duh chuan min kalsanin hmeichhe dang....." ka sawi zawh hma hma chuan ka hmui a rawn hup nghal hmiaha "sawi tawh suh" a rawn ti sup bawk.




Wheelchair chu adjust in ka khêlah chuan a rawn dawma min pawm kâng nghal nawlh anih chu! "Engmah lo sawi ve lo la, chêt pawh lo che hlek suh. Anih loh chuan i duh lo chung i mitah khan damdawi ka hnawih ang" ka beng bula rawn phun sup pah chuan a rawn ti a ka nghawngah chuan a fawp nghal zeuh bawka ka îp zui nghal châwih bawk.




Ka hmui a hupna a thlah hnu chuan "ilo sual hle mai" ka ti chhuak hlaka, a nui ri suk bak hriattur a awm lo. Tunah hian kan awmdan ka hreloa hre turin ka hmu thei bawk si lo. Amah hi hmu thei ngat ila chuan ka sual duh ngei ngeiin ka ring ani. Ka mit hetia a awm tak avanga remchanga lak a tum anih chuan ka tlawh sak pawp ngei ngei ang.




"Engmah lo sawi ve suh ka tih che kha, anih loh chuan ka seh mai ang che" a rawn ti leh khera ka ngei lutuk chu ka rûm nghata ka sam ka bianga min zar tu chu ka bengah a rawn zep a ka mitah chuan fawp vang vang in "engtin maw ni hnih chhung chuan ka awm?" A rawn ti leh sup. Chhan pawh chhang lo chuan ka inkuangkuah țha sauh sauh a tunah hian tlanchhiat san daih ka chak takzet ani.




"Bawihi" a rawn ti leh hluk. "I ninawm, ti pawh khan min ko tawh suh ka hmuh theih loh avang mai cheu hian khatiang khan min ti kher suh u a hreawm ka ti ve tho" ka ti hlaka a rawn nui chhuak hawk mai. "A țha, nui rawh min nuih rawh i duh leh khanu kha va kawp lehla kei chu ti hian ka lo awm mai mai ang chuan mipa dangin ka nun infiamnan an hman phah tawh lo bawk anga ka na lo ani mai" ka ti a, Zorini thu rawn sawi leh a call na te kha ka ngaihtuah lêta ka rilru ana thar leh thin.




"Tu mipa mahin i nun infiamnan an hmang ngai lovang ka awm chhung chuan tu mipa hian an khawih che ka phal ngai lovang, enge ka tihsual ka hrelo, i thinrim chhan ka hriat loh ang bawkin. Hetia i awm chhan hi hriat ka phu ve iti lo maw?" A rawn ti leha amah hmu thei lo mahila a kut leh taksa in min tawhna chu ka feel theia a sa hat hat thei bawk.




"Phu lo, phu lo, i duh leh khanu kha zawt mai rawh" ka ti hlaka nui rûm hawk in "i thinrim laia i duh duh i sawi țhin hi chu i duhawm ani. I mitmeng han hmu tel thei phei ila chu" a rawn tih chuan ka hnuk a ulh nghal ringawta khua ka hmu thei tawhlo tih han inhriat thar leh hian ka țah a chhuak ut ut a, ka mit ațanga thisen a rawn chhuah leh ka hlauh avanga insûm țhin mai chauh ka ni.




"Ka chhuk duh tawh min chhuk tir tawh rawh, ka mu duh tawh. Nangpawh va haw tawh rawh lo kal tawh suh" ka ti a, ka duh angin ka che thei bawk silo heihi lawm ka duhloh em em chu, amah min muttir hun nghah a ngaia keimah chuan engmah ka ti thei si lo "ka hriat duh ka hriat hma chu i chhuk hauh lo ang" a rawn ti nghut a lamah min pawt hnai hrâwkin a hnar chuan ka hnar chu a rawn si zawm zat a "enge hriat tur awma? Engmah hriat tur a awm lo" ka ti vei hlaka, mahse engah mah a ngai lo tih a rawn chêt leh dan chuan a ti chiang kher lehnghal.




"Khang ni hnih chhung khan engtin maw ka awma?" Ka hmui tawh reng pah chuan a rawn ti sup, a darah chuan theih ang tawka nem in ka nem sawna "ka sawi dawn chuang lo" ka ti hmaka tunah hian keimaha thil engkim tih ka va han chak tak. "Chiah" rawn tih pah chuan ka hmui chu a rawn fawp leha ka hmui hnuailam chu a seh ner ner bawka a thîp zek zek mai.




"Ka nun infiamnan min hmansaka khang ka chunga itih zawng zawng te kha khanu tan khan hlimna mai mai alo ni a, a chhan chu nang hian min duh tak tak loa min fiam mai mai ani, ka mit ka sawh ni pawh khan i message te ka nghak renga min rawn call hun te, message pawh vawi tam ka thawn chea mahse chhan letna pakhat mah ka dawnglo i online tho bawk si. Ke na chung chung khan anu thil rawn pek ka tuma mahse Zorini khan i zin thu min hrilha khata ka hrilhhai zia chu i hrethiam pha lo zawk ang. Chuan khatiang thil kha a thleng ta nuaia vawiinah pawh Zorini alo kala ka bula a awm lai ngeiin alo phone chea i chhan dan kha i hria em? Khang te khan min ti na ngawih ngawih asin. Mahse kei chu heti mai hi ka ni tawha engah mah min ngai duh tawh suh" ka sawi zawng te chuan ka țap țeuh thei. A vawikhatnan ka thinlung leh rilru duhdan ka zawma mahse chu chu natna in a zui ta si. Eng hi nge dika dik lo pawh hi ka hrethiam tawh lo.




Ka kut ve ve a ka biang rawn dawm in ka chalah chuan a rawn fawp vang vang a, ka thin na te kha a tidam suai suai ni maiin ka hria ka hnarah chuan rawn fawp leh zeuhin "sorry! Keipawn i message ka dawng loa ka nghak ve reng tho a hnua i chanchin ka hriat leh erawh hei chauh hi ani. Khang nihnih chhung khan infiamnan ka hmang lo chea chutiang chu a thleng ngai bawk hek lovang. Ka duh chea ka tan chuan i pawimawh ber chuan kalsan tih thu kha sawi tawh suh ang che, engtikah mah ka kalsan ngai lovang che" a sawi zo chu ka biangah chuan a rawn fawp vang vang a, a thusawi chu ka thinlung chuan a ring nghet lehnghal hmiaha ka rilru ka taksa thlengin.




Hepa laka ka luangliam ta em em hi a chhan ka hrelo huat ka tum lahin ka haw thei tak tak lova a insawifiahna dawt nge pawh hriat loh chu ka lo pawm lehnghal hmak si. Hetiang em em hian em ni Hmangaihna te, induhna te hi a zaidama a nunnêm em em, chapona te neiin induhtawkna te, sualna te nei ve se chuan heti em em hian mihring hi kan na lo tur ani.




"Min rawn call naa ka chhan dan erawh chhan dang vang chauh ani. Nangpawn i hriatthiam a ngai hetia i awm chhan hi chhui mek ani a, chhan awm lo chuan i chungah hetiang hi a thleng ngawt theilo tu pawi mah i sawi lova tu mahin an haw heklo che. Ka chhui chhuah huna a bul tumtu chu tupawh nise ka zuah hauh lo ang. Zorini inu in a ringhlel a finfiahna țhenkhat kan hmuh ah pawh alo inrawlh ve thei ziaha chuvanga khatiang thil kha thleng ta ani. Bawihi i hriatthiam a ngai" a rawn ti zâwi sup, a sawi dan ațang chuan hrethiam se min tih hmel takzet bawk.




"Ka hria ka hrethiam mai ang. Mahse heti mai hi ka ni tawh si engmah ka hmu thei lova i hriaa chu chu remchangah pawh i hmang thei in pahniha awmdunin thil engkim in ti anga a chhan chu kei hian engmah ka hmuh theih tawh loh vang ani. Rin che ka duh, mahse ka induhtawkna tlemte la awm hian a hlau asin. In awmdan hre tur pawn engmah ka hmu thei lova nangmah ngaihsak tur che pawn heti... heti hian ngaihngam zan loin ka awm reng anga mahse nang erawh chuan chu chu hre lovin nuam ilo chen anga kei chu... ka ti hian...." sawi zo lo chuan ka lo insûmna ve zawng zawng ka mittui chu a rawn luang chhuaka ka mit chu a thîp nghal vawng vawng mai.




"Bawihi" ril zet chuan a rawn ti zâwi sup. "Ka mit hi ana, ana lutuk a thler dawnin ka hria Jeremy ka mit hi ana lutuk" ka ti chhuaka ana lutuk chu ka țap chhuak nghal hawm hawm bawk "Bawihi, thisen a chhuak anih hi. Lungngai suh aw. Doctor kan ko ange" ati a, min chawi kâng nawlhin min pawm beta "ana, ana lutuk. Damdawi kha hnawih tawh suh u aw ana lutuk ringawt. Jeremy...nu...ana" ka ti a, ka mit chu ka dawm ngar ngar a, ana lutuk chu țah chhuah vak mai ka duh.




"Bawihte, ngatinge? Kha thisen a chhuak ania" ka nu mangang au ri chu kawngka innawr tawlh rual chuan ka hre nghal zata "nu... ka mit hi ana ania, ana lutuk" ka ti a, ka hmui hnuailam chu ka pet ngar ngar a "ana" tiin ka phun chhuak sep sep bawk.




Engemaw dûp zetah hian min nghat thla dawta "Bawihi, i țha leh vat mai ang. Hmanhmawh ta che u" Jeremy ti ri hrâwk chuan a zui nghal zata ka nu pawh chuan ka mit chu a rawn dawm ve bawka a nat em avang chuan Jeremy kut chu ka hmer ngawt ngawt a "nu... ana lutuk" ka ti chhuak vaka ka țap chhuak nghal hawm hawm bawk.




Ka ban a rawn thîp zawk rual chuan ka țe nghal țhata ka lu chu a rawn hai nghal mual mual bawka. Khawl ri țût țût chu ka hriat hnuhnun ber ani tawh.




Țawng ri nuai nuai ka hriat hnu pawh chuan a ngai ang vekin ala thim veka hlauhna in min rawn tuam nghal hlup hlup bawk. Mahse ka kuta rawn vuantu avang chuan ka hlauhna te chu a reh ve leh tial tial a ngatinge ka mit hi ala țhat lova ngatinge tumah ka la hmuh theih loh? Ka rilru chu hreawm tihna avangin a rûm vawng vawng a thimah hian awm ka duh tawhlo. A hlauhawm lutuk.




"Ka pi, i fanu ala harh lova hetah hian kan sawi mai anga a mittui a tlak leh chuan atan a pawi thei tawh dawn tih ka hrilh cheu a mahse a mittui in lo tih tlak tir leha thisen a chhuaka kha kha atan chuan a pawi leh ta chiah ani. A rang lama donate anih vat loh chuan a mit hi a del hlen theia a rang lama inngaihtuah theih chuan ala tlai lutuk lo. Amaherawhchu; a lungngaihna tur a mittui luan ruala a thisen chhuak tel theih tir tur ang chi thu muanawmloh te, thu deng thawng lutuk ang chi leh thil dang hrim hrim a mittui tlak theihna âwm ang chi chu hrilhin sawi ri tawh lo ula ka duh khawp mai. A mit kha a zum laiah tak a sawh bawk si a kha khan a ti pawi lehzuala a zum lo ah sawh sela chuan heti em em chu ani hauh lo ang" Doctor thusawi te chu ngun takin ka ngaithla ve kara ka thin zawn a rawn na nghal ngawt ngawt a. Mahni inkhawngaih na in ka khat nghal bawk.




"Doctor, a rang lamin kan hmu ang. Ka fanu mit hi a del hlen theilo a theih loh hrim hrim ka theihtawp ka chhuah ang ka fanu, ka fanu khawngaihthlak tak hi a mit a del hlen theilo" ka nu beidawng țawng ri te chuan mahni inhuatna min siamsaka mahni inthiamlohna thlengin ka nu ka ti beidawng chu ka inthiamlo ngawih ngawih a keimah leh keimah chu ka in haw hlur ani mai.




"Bawihte.... ilo harh hunah min lo zawng miah suh aw inu hi ka chhuak lawk dawn ania chuan lo țap tawh miah suh aw ka rawn let leh vat ang" tiin ka chalah chuan a rawn fawp vang vang a a mittui te chu ka chalah chuan a rawn far thla keuh keuh a ka țap ve țeuh thei "Jeremy, ka fanu hi lo awmpui lawk rawh aw" a ti a, thil tla ri bung bung ah chuan a che vel chu a hlauthawng ani tih ka hre thei ka chalah rawn fawh leh zeuh pah chuan 'ka hmangaih che' a rawn ti supa kawngka inkhar dawt ri ah chuan "nu..." ka ti chhuak sepa.




Jeremy chuan ka kutah rawn vuanin "Bawihi, i harh tawh mi?" A rawn ti a, ka kut lehlam a vawnna kut chu ka vuana "Jeremy, ka nu kha hrilh rawh hlauthawng lo turin ka țha leh vat dawn alawm, engtin mah ka awm lovang ka țha leh vat dawn ani tih hrilh rawh, ko let leh la hrilh rawh" ka ti țiau a ka biangah chuan rawn dawm in "Bawihi, hahdam rawh i mittui kha i ti tla tur ani miah lo ania aw... anih loh chuan inu iti beidawng mai ang, hahdam la thâwk la rawh" a rawn ti a ka biang chu a chûl heuh heuh bawk a, min dawm kângin ka khur tur chu min kuah beta ka chhipah chuan a rawn fawp nghal vang vang bawk.




"Bawihi, chaw hi ei rawh" tia Jeremy'n min barh luih a tum pawh chuan ka kâ ka âng duh lova "ka nu rualin ka ei dawn. Ngatinge alo la haw loh a?" Ka ti leh țalh a, nichina a chhuak kha alo la haw loa ka ngaihtuah ani. Jeremy takngial pawn min be țawng hleithei loa a chhan pawh ka nu ka ngaihtuah vang ani. Keimah avangin hlauthawng em em in a awma keimah avang bawkin a buai leha hreawm ka ti ani.




"Jeremy, ka nu kha phone la alo haw hma loh chu chaw ka ei dawnlo" ka ti a, zawng tura chhuah te ka duh rum rum ani. "Bawihi, ngaihtuah hah lutuk lo la a phone a keng lova chuvang ania a phone theih theih loh. Ka hruai chhuak ang che aw i duh em?" A rawn ti a, ka lo bu nghat nghat a "pawnah aw, kan lo nghak dawn nia" ka ti a, wheelchair ah chuan min țhuttira min nawr chhuak nghal bawk.




'Cap khum rawh' a tih avangin ka khuma a tih chhan erawh ka hre chiang viau varanda boruak mai mai ai chuan pawn lam boruak hîp chu a dangdaia a thawveng sawt bawk "tunah hian zan ami?" Ka ti chhuak sapa boruak ațang hian enge anih ka feel hleithei tlat lo "dar 6 a ri țep" tih pah chuan min ti ding dat a.




"Ka mit hi țha tawh se ka ti ngawih ngawih" ka ti chhuak hapa a hreawm tih bak hian sawi dan tur ka hrelo. Mit chhin te, current a thim ringawt pawn ka hlaua hetia thim kumkhua tur chuan ka duhlo ani "Bawihi, i mit tuamna hi phelh ila thli kha i mit kan chhemtit dawn em ni?" A rawn ti a, eng khaw sawi set set lovin ka bu nghal tawp bawk.




Ka mit chu dîm zet hian a phelh a a phelh zawh hnu chuan ka mitah chuan a rawn fawp vang vang a chhuk thla zelin ka hmuiah chuan a rawn fawp leha ka nui chhuak nghal hak bawk "enge a an? A zia deuh em?" A rawn ti zâwi sup a nui sukin ka bu nghat nghat bawk.




Thli chuan ka mit a rawn chhema a hit sung sunga a hahdamthlak takzet, khaw êng emaw, zan te pawh ka hmuh chakna a tizual sauh a hetia a thim reng ringawt hi a hreawm ka ti em em tawh beng ringawtin a hriat chu a hreawm enge aniha chu chu enge anih tiha ka mitin a hmuh ve ka chak lehzual sauh bawk.




"Jeremy" ka ti a, mahse min chhang lo ka bul chu ka dap kuala mahse ka dap fuh hauh lo "Jeremy..." tiin ka au leh vaka mahse min chhang chuang lo, hnunglam chu ka hawi vel ruaia mahse engmah ka hmu thei bawk si lo. Ngatinge min kalsan zel le? Ka bula awm tlat turin ka hrilh mawlh mawlh thin sia ngatinge min kalsan ziah zel le. Ka hlau tih an hre ve reng thin si a.





"Bawihi" tia min rawn auh ri ka hriat rual chuan lawm avangin ka țap chhuak lo chauh ani. "Ngatinge min kalsan zela ka hlau tih in hriat ve vek kha. Min kalsan suh u ka tih ziah che u kha. Ka hlau hman lutuk alawm" ka lo ti vaka ka kut rawn vuanin ala kânga a fawp vang vang a "ka tihpalh lutuk i ei duh ka ringa" tih pah chuan ka kâ ah chuan popcorn ani in ka hria a rawn thuna ka țhial nghal tuam tuam bawk. "Sawi hmasa lo chuan min kalsan tawh miah suh u" ka ti leh hlak bawk.




Engmah sawi lova an lo kal chhuaha ka auh a min chhan loh hi chuan ka hlaua ka mangang thin ka khawih theih ah emaw an țawng hre reng ila ka duha anih loh chuan ka hlau thin. An kut khawih tur emaw, an aw hriat tur a awm chuan ka thla a muang ve em em thina a thim pawh tlemin ka hlauh loh phah ve thin bawk.

IMG-20200319-WA0032.jpg
IMG-20200319-WA0032.jpg (7.32 KiB) Viewed 3326 times



"Ka pawm ang che" tih pah chuan wheelchair chu a rawn siam rema min chawi kâng nawlhin țhutthlengah chuan a țhua a hma zawng chuan a malchungah min nghat a, ka dulah kut rawn nghatin ka kut dinglam karah chuan a kutțang a rawn rawlh luta ka kut lehlamin popcorn chu ka hmawm zeuh zeuh a. Ani pawn ka kâah a rawn dah zeuh zeuh bawk.




Ka nghâwng hnunglam chu a rawn fawp leh dek dek țhina azâ ka tih avang chuan ka dâk leh âwrh âwrh țhina a rawn nui chhuak hawk zel bawk "ka hmuh theih loh avang hian remchangah la kher suh aw" ka ti hlaka nui ri sukin ka nghawng a rawn fawp thla leh zel tho bawk. "Bawihi, hetianga siamtu che hi hre ta la engtin nge itih ang?" Ka nghâwng fawh chawk pah chuan a rawn ti zâwi sup, a zawhna chu mak ka tih êm avang chuan ka kut a vawnna kutțang chu ka hmer sak ringawta.




"Ngatinge chungte chu min zawha?" A ngaihna hrelo zet chuan ka ti a, ka darah chuan khabe rawn nghatin "i duh danin kan ti ang chu" a rawn ti a, min chhanna a ho leh êm avang chuan ka nui chhuak ta hak a "ka hre biklo, tu pawh nise hrechhuak phawt ila chumi zawhah chuan tih dan dan ala awm ve mai ang, a tih luih pawh ka ring loa bakah ka intipalh mai mai alawm keimah kha" ka ti a, ka tlûk dan kha ka ngaihtuah ngial chung pawn a ngaihna ka hrelo êm ani.




"Bawihpui, ngatinge pâwnah in awma?" Ka nu aw ka hre chiah chu ka phu nghal zawk a "nu...." ka ti nghal vak ringawt. Ka chalah chuan a rawn fawp nghal vang vang a "ka buai deuha thil i ei tawh em?" A rawn tih zawm zata Jeremy'a "a..." rawn ti hman chu ka nghawk nghal pawp a "ei tawh, mahse ka ril a țam leh tawha i rualin ka ei leh ang" ka ti a, Jeremy chu nui chhuak hawkin ka nghawngah chuan a rawn fawp nghal vang vang bawk.




"Anih chuan chho ila" a rawn ti a, ka bu nghat a "Bawihi, ka pawm chho ang che aw..." Jeremy chuan a rawn ti sup rang lutukin ka lu ka thing nghala "a ngailo, khum beta nâ pawh ka nih loh hi bakah miin min en duh lutuk ang" ka ti a, a rûm nghal nghut. "Inu a kal daih tawh wheelchair pawh a keng tel" a rawn ti a, "naaa" ka ti vak ringawt bawk.




Cap chu min khumtir leh ta nge nge a hma zawng in min pawma min kalpuia ka tan chuan a zahthlak mahse mi min hmuh dan tur ka hmu theilo erawh ka hlim ve êm ani "ka rit iti lo ami?" Ka ti a, a rawn nui chhuak nghal hawk " nang aia rit rit kan phur alawm buhfai te a changin kan pawma" a rawn ti a, a darah chuan ka chum sak pawpa min sâwi țha nawlh a, nghet zetin min kuah bet bawk.




Damdawiin khumah chuan min nghata "khawnge anu?" Ka ti nghal ringawt bawk "Bawihi, amak thin bathroomah ka awm" a rawn ti a, ka nui nghal suk ringawt. "Jeremy hnathawh i ngai lo em ni? Chawhnu pum ang i awmpui tawha zanah nen" a rawn ti a țhuțthleng ri rak rak ah chuan ka bulah maiah a rawn țhu tih ka hre thei.




"Bawihi hi muhil se ka kal ang. Zamzami kutah khan ka daha engkim alo tihfel ka ring" a rawn ti a, "ka mutthilh nghah kher a ngai hleinem in buai viau dawn chuan kal rawh. Min ngaihtuah suh" ka ti a, a rûm ta nghat mai. Mahse anu pawn "ni e, phei rawh i chau lutuk ang hnathawh ila ngaih chuan, kan ngaihtuah awm love phei ngei ngei rawh" a rawn ti a, a lungawilo leh ang chu aw..




"Anih, Bawihi naktuk chu ka lo phei hman lo maitheia meeting kan nei dawna ka lo be dawn che nia" a ti a, chalah fawpin ka hmuiah a fawp leh vang vang , ka bu nghat nghat a ka nu in thlah a tuma mahse a duh loh avangin amahin a haw dawn ani ngei ang. Ka bula a awm loh chuan ka ngai nghal vawng vawng zel.




"Bawihte, lungngai miah suh aw... Pathianin min pui anga i mit donate na tur chu kan hmu vat ang lunngai reng reng suh aw" a rawn ti a, ka biangah chuan a rawn piai zeuha "ka bula i awm chuan ka lungngai lo, ka nu, nu chak tak kha ini miau a i chak chuan ka chak ve nghal ani mai" ka ti a 'chaw ei kan siam ange' a ti a, a tho zui nghal ni ngei tur ani thleng te pawh a ti ri rak rak bawk.




Zingah chuan min bualfaia sylvia a rawn kal tur thu a sawia hna kal turin min chhuahsan leh dawn bawka Sylvia a awm dawn tala a zia dawn hrim hrim. Jeremy call leh message ka chang char char a message ka dawn chuan min chhiar sak thina call ka dawnin ka bengah min zeh sak thin, mahse a enga mah mah ka dawng lo ve ve a buai aniang ka ti zela ka ngai thiam ru zela mahse a ruk chuan ka ngaih a thalo lek lek zawk.




Sylvia alo thlen hnu chuan ka nu pawh a chhuak ve nghala Sylvia nen chuan eng eng emaw kan sawia kan nui char char a, ka sam te min siamsaka thla te min lakpuia mahse ka hmelchhiat thu hlir a sawia ka va han ngei tak aw...




"Bawihpui" ka nu thaw hlawi hlawi chunga min rawn auhna ah chuan ka phu zawka "bawihte, ka fanu ka va han lawm tak em! I mit donate tu tur ka hmu tawh asin mahse khu lamah chhuk a ngaia ticket pawh ka ti fel vek tawh. I thawmhnaw ka pack tir mek ania bill vel kan tifel lawk ange aw Jeremy pawh ka hrilh tawha alawm lutuk ani pawh. Aw Lalpa kan lawm e, kan chunga i țhatna ah hian kan va han lawm tak em! I malsawm kan dawn te hi kan va phu lo tak em!" Tiin ka nu chuan a sawia lawm avangin ka țap ve țeuh thei. Ka mit min donate sak tawh dawn anih chu! Ka lawm ani, ka lawm takzet. Ka rilru in ka țawngțai nghal mawlh mawlh bawk.




Sylvia pawn min rawn kuah pahin a lawmzia thu ngawt a sawia min ngaih tur zia a sawi chhunzawm nghal zat bawka keipawn ka ngai dawn, ka ngai dawn takzet mahse ka rilru kam tu erawh thil dang daih ani. Jeremy an min la be lova ka nu in a rawn hrilh tawha mahse min lo la call lo, a buai lo anih chuan ngatinge min lo call loh niang le.




Sylvia in ka sam a siam chhung leh ka thawmhnaw a thlak chhung te chuan min be țawng thei mang lova ngatinge min lo biak loh niang le? Tih ringawt chuan ka rilru a luaha hlauh rukna in khat vek tawh ani ber.



Kan chhuah dawn thleng pawh chuan min lo la call loa alo la kal hek lo, damdawiin atanga kan chhuah thlengin leh thlawhna chhunga kan luh dawn thlengin a hmel hmuh tur leh a call a awm lova hrilhhai leh zetin thlawhna chhungah chuan min luhpui ta.





Note : Ka kut hi nizan balu kan tih naah khan ka ti sual deuh hleka ka type chak hleithei lova heihi zanin leh vawiina ka type ani a, a tawi viau nangin ka inthlahrrung takzet, mahse ka type chak thei thlawt lo. Tun tum ka story hi ka regu lo em em a chuti chung pawha dawhthei tak leh nghakhlel taka min lo nghak ve hram hram tute chungah ka lawm em em a, ka rul seng lo ang che u. Ka tan in hlu takzet. Ka lawm lutuk vek aw.Muttui vek ule💜💜💜💜



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:01 pm

AT THE ELEVENTH HOUR - 14

By : Msi Miluhlulnui 💜



💜 Tu ti tura min hrilh dan takah maw..

Sorry! Ka rawn dah hma palh 🙊😆

Ka rawn dah hma palh tawh ania aw..
@ Au Mutty da kop Jahau😆💜





"Bawihpui, seat belt kha ka lo hren tir ang che aw" ka nu chuan a rawn ti a, chhang lo chuan ka bu ta nghata. Enga tinge Jeremy chuan min lo biak miah loh le kan kal tur thu pawh a hre tho si a "nu, ngatinge Jeremy kha i hrilh tawh reng si a, min lo la biak miah loh a tunah kan chhuak tawh dawna a thawm pawh hriat tur a awmlo" ka rilru a kam reng avang chuan ka ti chhuak hap a.




"Bawihpui, a buai aniang engmah ngaihtuah tawh suh kan thlawk chhuak țep tawh ania aw thil ho mai mai ngaihtuah tawh suh" thil zêp neih hmel zet chuan a rawn ti bah deuh nawka a hrilh pawh khan a buai loh hmel tehlul nen ngatinge buai anga a sawi tlat le. Nizanah pawh khan ka lo bia ang che a ti a mahse tun thlengin min lo la be lo, ani hian min kalsan tawh tak tak dawn tihna em ni ang?




"Nu... Jeremy'a iva hrilh chuan enge alo tih?" Ka ti leh țalh a, amak ka ti bawk si ka hlauthawng bawk si, ka awmdan hi a hreawm lutuk ringawt. "Aw... Bawihte enge chungte chu i ngaihtuah vak vak a a buai ka tih tawh kha, ngaihtuah tawh suh, a ho lutuk thlamuang deuh khan awm rawh" a aw kî chu tlem in a sân deuha ka nu awmdan pawh hi a mak hrim hrim, thil zêp a nei chiang lutuk ringawt.




"Engtin nge ka mit donate tu tur chu i hmuh vat theih a?" Ka ti a, ka țhu âwn duai a thlawhnaah hi chuan ka vawikhat chuanna ani a a boruak leh a ri hrim hrim hian min râp deuh tlat, min chhan loh avang chuan "nu..." ka ti leh vaka "Bawihpui, kan thlen hunah ka hrilh dawn che nia aw.. tunah chuan hahdam rih rawh" a rawn ti daih a, zêp chu a nei chiang alawm, mahse zawt zawt mah ila min hrilh duh dawn chuang loa ka nu ani miau a.




"Bawihte" tia min rawn sawi nawk nawk takah chuan ka zi mar țiah țiah a "kan thleng tawh mi?" Ka ti hû bawk. "Chhuak ila" a rawn ti a ka bu nghat. Ka mut chhung pawh khan a awmdan alo la danglam miah lova engthil nge min hrilh loh chu niang le hriat ve chakna chuan min tur ut ut a ka zawt hreh deuh bawk si a, hreawm tak ani.




Mizoram boruak nilo ramdang boruak han hîp chu dangdai ruih mai, kan ram pawh min ti ngai nghal vawng vawng thei "in tha maw?" Tia min lo be tu aw chu a thûm ruih a a inrintawk hmel em em bawk. A hmel hmu thei lo mah ila min din hlat vaklo ani tih ka taksa awmdan ațang chuan ka hre thei, ka taksa hi a khur ru dar dar mai.




"Nangmah ilo kal duha?" Ka nu chuan a ti a, a banah chuan ka lo vawn sak char char a ka bul hi a reh lutuka ka hlau zawk "ka lo kal ngei chu a ngai alawm" a tih sup ri te chuan ka chawn tha te hi a ti khur dar dar thei. "Heihi ka fanu chu ania" ka nu chuan a ti leha a ban chu na zet hian ka hmer sak char char a ka tha te hi a khur vel nia mawle.




"A thlalak ka hmu tawh alawm tluang taka in lo thleng chu a lawmawm e, min lo zui ula" a rawn ti thûm sup, a hmel hmuh ka va han chak ber tak em! Heti taka a țawng zawng pawha min ti khur theitu chu a hmel hmuh ka chak takzet ani. Engtin nge ka thlalak te chu alo hmuh tawh reng reng le? Hrim hrim in anu hian engthil tak nge maw a ruahman ang le... a fanu hi min ti hrilhhai lutuk tawh.


IMG-20200321-WA0011.jpg
IMG-20200321-WA0011.jpg (9.31 KiB) Viewed 3083 times

Mannuel💜



"Nu...khawiah nge kan awm?" A beng bul nge maw ka hrelo, ka va sawi ringawta kan biak pa chu alo nui ri suk anih chu! "Sweetheart, Shillong ah i awm mek e" nuih tel deuh hlek pah hian a rawn ti. Nga! Sweetheart ah! Hepa hi!Tunge anih a? Engvanga hetianga min ko ve ringawt hi nge maw anih le.




"Nu... amah hi i hre ngai ami?" Ka ti zâwi leh sap "ka thawhpui anih hi, kal ila i chau lutuk ang i mitah damdawi hnawih ala ngai bawk si a" a rawn ti leh daih a, eng mah hi ka hrethiam tawh nei nuai lo e a.
Car chhung lum nuam zetah chuan kan țhu luta ka hahdam nghal sawng sawng thei. A seat ngheng chuan ka țhu âwn duai a Jeremy ringawt ka rilru ah a awm bawk. Ngatinge min lo la call loh niang le.




"Mannuel, a rang lama donate chu min tihsak theih chuan... khi lamah chhoh leh kan hmanhmawh deuha" ka nu chuan ka kuta rawn vawn pah chuan a rawn ti a, a hming chu Mannuela ani maw. Ok, a hming pawh a nalh lo hran lemlo e.
"Christy, hmanhmawh vak țhin suh, khavang anih kha inelnaah pawh i chak loha min hneh loh" chupa chuan a rawn ti thûm chhaka a aw han thûm a chu maw, ramhuai a rawn hrâna a aw ang hi ani tawp ka ti mai.




"Kha thil kha sawi chhuak ve ziah suh" ka nu chuan a ti leh hlak, chupa chu a nui chhuak hawk a. An innêl viau ani ngei ang
"In thawmhnaw vel hi chu in lamah lo va keng phei se damdawiin lamah kan tlang phei nghal dawn nia naktukah lamah zai lam chu kan ti dawn nia, zaninah chuan ka damdawi sawi kha hnawih phawt se chumi zawhah chuan hahdam se a tha ber ang. Adrian pawh ka be tawha alo inring ang. Juan, damdawiin lamah kual rawh aw" thuneih hmel ve hian a ti nghet churh a, a thu hmel tak tak bawk.




"Kan lawm lutuk ania aw, nang awm lo la chu ka fanu hi engtin nge a awm ang tih pawh ka ngaihtuah ngamlo, kan tan chuan malsawmna ini ringawt" ka nu chuan a rawn ti leha ka kut chung chu a chûl hliau hliau bawk. "I thil min tihsak zawng zawng ka rulh letna che ni mai rawh se mahse hei pawh hian ala hen zo chuangin ka ring lo" chupa chuan a rawn ti leha engthil tak lo intihsak ang maw ka nu hian ka lakah zêp a ngah fu mai. An lo inngaizawng te hi ani lo maw? Awi! Teuh lo lutuk chutiang mizia ka nu in a neilo eng ang ngaihtuahna nge maw ka neih hrep ni.




Damdawiin ni ngei turah chuan min hruai luta khum dûp nuam zetah chuan min dahthla riai riai a, ka nu in ka kut a thlah lo tluktihtur ani. A chhan pawh ka taksa hi dek reng se an țawng pawh hriat theih zel ka duh vang ani, ka bula an awm hian ka thla alo muang ve leh em em thin, a thim ka hlauh lutukna pawh tlemin a kiam ve țhin bawk.




"Christy, chawl hahdam la a awmpuitu turte chu ka rawn dah dawn nia" Mannuela an ti mawni khan a rawn tih rual chuan "aih, ka duhlo midang dah a ngailo ka nu min awnpui chauh ka duh, midang ka duhlo" ka lo ti nghal vata ka nu kutah chuan nghet tawkin ka vuan nghal bawk "ni e, a taksa hi deh reng a ngai si a a hlau țhin si a ka lo awmpui ange" alo ti ve bawka ngah nge maw ka nu chu kalsawn tir a tum phet le.




"Ni lo e Christy, i mit ațang khan hahdam i mamawh zia a hriat vek alawm va hahdam rawh ka lo awmpui mai ang, i harh hun hunah i rawn kal thei ang harsatna a awmlo i fanu pawh a țha ang" a ti nghet churh, ka va han khawng chak mai mai tak "nu, kal lo la tumah hriat ka nei bawk si lo ka duhlo, ka hlau" ka ti leh țalh a, a kut chu nghet zetin ka vuan bawk.




Ramdanga kal pawh hian kan Mizo puite ngeiin min lo bâwihsâwm hi chuan thla a muanga kan hahdam sawt bawk mahse he mizo pa erawh a sual mah mah ani ka nu lak ațanga min lak hran a tum bawk. "Sweetheart, nangmah enkawl tura inu i duh anih chuan inu hi a hrisel țhat phawt a ngai alawm, anih loh chuan engtin nge a enkawl theih ang che" chimawm zet chuan a rawn ti leh ka tûm nghal dat a hmu thei ila chu tuboh hian ka chhu pawp duh ngei ngei ang.




"Va kal mai rawh" ka ti hmaka ka inkuangkuah thân ringawt a, "bawihte, titau lo la, ka rawn kal lehnghal ang ka rei lovang Manu hian alo awmpui dawn che nia" a ti a, ka chalah chuan a rawn fawp vang vang a chhan pawh ka chhang lo, ka i kuangkuah thâna ka awmna pawh hi nuam pawh ka ti hrep love a.




Nurse pakhat ni ngei tur chu vai țawng leh English hman pawlhin a țawng char char a, Mizoram min ti ngai vawng vawng thei tumah ka be lova engmah ka ei hek lo ka rilru ah Jeremy ringawt a awma ngatinge min lo call loh? Tih ringawt chuan min luah khata min kalsan turin engmah tih ka neih âwm ka hre si lo, mahse min rawn hmu tawh suh ka tih avanga min rawn hmulo ani angem le. Ka thusawi kha a ngai hua anga min rawn hmu duh tawhlo ani ngei ang.




Ka kuta min kai tu an awm loh avang chuan ka hlau leh deuh hlek țhina mahse ka inti pachang hram hram thung, ka mita damdawi an hnawih pawhin ka au chhuah loh nan ka hmui ka pet char char a rizai pawh ka țham nek a ka hmui phei chu ka seh na vek bawk.




Jeremy huatna chuan ka khat tawh ani ber, ka mit donate tu tur an hmuh tawh thu ka nu in a hrilh tawh hnu pawn min lo la call chuang loa min lawmpui thu tal te min rawn hrilh ta se rilru khingbai deuhin ka awm lo tur, anih loh pawn min țhen a duh thu chiang taka min hrilhin min țhen se chu ka hrethiam ngei ang, mahse chutiang pawh pakhat mah a awm si lo. A chungah enge ka tihsuala heti khawpa hrilhhai min siam tur hian.




Nimina a insawifiahna ka ngaihthlak hnu khan a engkim kha ka pawm lehnghal veka ka chapona awm khan 'de' pawh a rawn ti ngam hauh lo a insawfiahna kha a hneh dawnloa a inhriat vang ani maithei bawk. A thusawi kha dâwt nge anih a thudik pawh ka ngaihtuah pha tawh hauh lo.




Ka rinna lak kian ka duh kha ka pe let leha mahse ka tawn erawh hei chauh hi ani. Hmangaihna te leh induhna te hi heti em em hian alo tlawm thei takzet anih dawn hi. Rinna ka pek nawn leh chuan beidawng leh hrilhhai zetin min kaltira ngaihtuah tur ber hre lovin min siama ka thluak a ti châwla zawhna ka inzawt renga mahse chhanna erawh dawn theih ani si lo.




Kha chhanna ho te, thu mal khat lek emaw pawh khan ka zawhna zawng zawng leh min siam dan a ti danglam anga chu thil chu min hrilh se ka duha chhan awm lova min kaltir chhan hi ka hre chak hle bawk, zawhna ngai ka inzawt nawn tluk tluk a a chhanna âwm ang chi hrang hrang ka inpea mahse enge dik ber ang? Min kaltir chhan chu ka thiamloh nge ni ta anga a thiam loh?
Ka nun infiamnanana min hmansak zia chu tunah hian a lang chhuaka mahse ka pawm ngam hauh si lo, ani kha ka lo duh hman lutuk ani ngei ang.




Mahze Zorini nen an inkarah ka tla zepa ka țhen hranga keiin ka la ngaizawng zui ham ham a, alo hmangaih tu tana a rilru nat tur zia ka hriatthiam pui lo maithei mahse a hmangaih midang nena an awmdun hmuh chu harsa a ti ve ngawt ang, engkimah khan lo inrawlhin ka duhdan te khan lo kal lo ni ilang chuan tun dinhmun hi kan thleng lo anga mi inhmangaih takte ka ințhentira an thinlung a nat ruala ka nat ve nghal te hi a thleng lo mai tur. Ka thiam loh vek ani.




"Babe" ka bula țawng ri avang chuan ka phu nghal zawka ka kut chu a rawn vuan nghal chawt anih chu! Pawh vak pah chuan "i ninawm i duh duh dan hian min ko ve ringawt zel suh, hming ka nei ve tho" ka ti hlaka a nui ri suk ringawt. "Sylvia tih in alo call chea" a rawn ti a, ka nui chhuak hak.




"Ka bengah hian min lo zehsak anu in bag a dah chuan khatah khan a dahna tur a awm ang, a dah loh chuan loudspeaker ah min lo dahsak mai aw" ka ti a, mahse ka nu in bag alo dah ani ngei ang, phone chu ka bengah a rawn daha ka nghawng a tawhna chu a sa zui hat hat thei nia mawle.




"Sylvia" ka tih rual chuan phone ațang chuan a rawn nui a "Lalrin, ngaih mek ini tih i inhria em? Ka khua a har tawpa ka lo kal ve maithei ani apa te ka dil anga" a rawn ti a, "keipawn ka ngai che lawm, lo kal ngei ngei rawh tah chuan ka kut vuantu an awm lova ka hlau thei tawp" ka ti a, a rawn rûm chhuak nghat a.




"Enge an hriata i hlau tih an hre ve lo amaw ni le. Khawnge nu Christy, a awm lo mi?" A rawn ti zui leh nghat . "A hahdam lawka alo kal leh ang, ka mitah damdawi an hnawih zo chiaha" ka ti chhuak sepa a rawn nui chhuak hak hak bawk "taka, i mit donate tu tur kan hmu vat thei hi a awihawm loh zawk alawm. Mahse Pathian vang liau liau ani e. Thu lawmawm nge thu mak i hre hmasa duh zawk?" A rawn ti a, a ngawi leh vang vang a "thu lawmawm ka lo hre duh hmasa zawk ang" ka ti chhuak sepa mahse min rawn chhang leh tawhlo.




"Ok. Thu lawmawm chu... naktuk hian anu nen kan lo kal dawn anih chu" a rawn tih chuan ka nui chhuak haka ka lawm ani. Harsatna ka tawh lai apianga min kalsan ngailo tu țhian ka nei hi ani. "Thu mak chu enge?" Ka ti leha, hriat chakna hian min tur et et mai.




"Ihmaw..... i rilru na lo se, ka sawi avanga i nat phah dawn anih chuan ka inthiamlo ngawt ang jeremy leh Zorini kha an inkawp leha tukin zing khan an inneih vat tur thute an puanga nangmah nen khan inngaizawng reng amaw ka tia chuan Jeremy kha ka zawta...." a ti a, a ngawi leh vang vang a rilru natna avang chuan "enge a sawi?" Ka ti zâwi sap bawk.




"A sawi chu maw. A.... Vew, i țap palh ang ka sawi leh lo mai ang" a rawn ti nang nang a "sawi rawh, a pawilo, ka țap lovang keipawn min țhen thut dan ka hre bik hleinem" ka ti chhuak sapa ka rindan kha alo dik dawn chiah anih hi infiamnan chuan min lo hmang ngei anih dawn hi "nangpawn ila hre bik lo maw?!" Mak tih hmel zet chuan a rawn ti a, a au ring lutuk chu ka beng ana vek thei.




"Kan ințhen tih pawh i sawia ka hre ve chiah" ka ti leh ngata ama thu in min țhena a chhan ka hriat ve hauh lo in, eng ang mihring nge maw anih chiah ang le? Hmeichhia engzah nge keimah ang hian beidawnga a siam tawh ang le?




"I hre daih tawh maw ka tia chuvang ania" a rawn ti leha "sawi vat rawh" ka ti zui hlak bawk. "A sawi chu maw.... mipa dangin a.... Vew, amah zawt mai rawh kei chuan ka sawi duhlo i call a nghak renga" a rawn ti a, ka ngawi nghal vang vang ringawt, ka call ang nge call lo ang ka call anih chuan enge alo sawi ang keimah min dem zawngin thil a sawi chhuak anga engmah ka hriat ve loh avangin engtin nge ka sawi ve tak ang.




"Vew, i be dawn em?" Sylvia chuan a rawn ti leha "ka be lo mai ang, a chhan chu maw ka nun infiamnan min hmansaka biak hi chu ka tihtur anilo, a number pawh ka block nghal hmak dawn" ka ti a, ani min ngaihsaklo tu leh ka nun infiamnana hmangtu hi ka biak nachhan tur a awm hauh lo, a tan engmah ka nih loh chuan ka tan chuan engmah ani bik tut ani lo, kha hun reilo te chhunga kan awmdan erawh ka theihnghilh ve vat turah ngai ang, ka theihnghilh thei dawn alawm, ka tum phawt chuan ka thei ngei ngei ang.




Phone chu muangchangin ka off a ka hmaah chuan ka daha ka mittui rawn tla tur ringawt avang chuan ka dâk vaka, ka mittui hi a tla tur ani lo a tla anih vaih chuan ka tan a pawi dawn lutuk takzet ani, mahse ka dang thei silo luan thlak chakna in a khata tunah hian ka rilru ana nge ni a, lawm avanga țap ka ni zawk?




Ka chesawn tur chu ka biang rawn dawm tu avang chuan ka chawl dat a "țah awih loh aw, a pawi thui thei ania hmelțhanu" min ti hlauthawng lo thei tura thu a sawi avang chuan ka nui chhuak nghal hak a "ka mittui ka dang theilo" ka ti chhuak hap bawk "i rilru zawng zawng sawm khawm la lungngaihna lam ngaihtuah lovin i hlim hunlai kha ngaihtuah la nui chhuak ang che, kha khan i mittui luang tur kha a ko let ang" a rawn ti sup, ka mit hnuai deuh ah chuan a rawn dawma "thaw chhuak phawt la" a rawn ti leh sup bawk.




"Ka lawm e" ka ti chhuak sepa a kut ka biang a dawmna lak thlak tir tuma a ban rêka ka vuan chu ka kut chu a rawn vuan chawt a "ka hria alawm" a rawn ti leh khera, nuih pah chuan ka kut chu lak sawn ka tuma mahse ka thei lo "ka kut hi thlah tawh la" ka ti chhuak sepa, midang an awm nge an awmlo pawh ka hre si lova zah avangin ka thlan te hi a tla hialin ka hria.




"I bialpa nen in ințhen em ni?" A rawn ti a, "chutiang sawi ka peihlo, ka mu duh" ka ti hlaka, ka kut lak sawn tuma ka pawh vak pawh chuan a vuan nghet tual tual "min thlah rawh..." ka ti țha leh ngat. A rûm nghata "i mittui ti tla theitu chu ka hriat ve a ngai alawm" a rawn ti nghut. Engemaw a hriat tak le? Ka hriat ngai pawh ani silo, engvanga hetia awm hi nge maw anih le?




"I tan țangkaina engmah a neilo chuvang chuan min zawt tawh suh ka hriat ngai pawh ini loa ka chanchin i hriat nachhan tur pawh a awmlo. Ka nu ko tawh rawh, a bulah ka awm duh tawh. Nangni chu ka hlau cheu" ka ti chhuak sapa, ka hriat ngai pawh nilo lakah min kalsana an mahni ka la hmu theilo zui, ka mit vang nilo se chuan ka awm hauh lo ang a thim bawk si, hlauh avangin thin thi pawn ka awm theilo.




"Kei erawh chuan ka hriatna che a rei tawha i chanchin zawng zawng nen, chuan min hlau duh suh, engtin mah ka awmtir hauh lo ang che. Ka hnuaiah venhim tlat ini ang" a rawn ti nghet charh, ka kut a vawnna te chu a thlan vek tawhin ka hria "chupawh nise, min thlah tawh rawh min vuan reng suh tunge inih pawh ka hreloa i hmel pawh ka hmu thei bawk hek lo, min râp, ka tha te iti khur" ka tih chuan a rawn nui chhuak nghal hawk hawk a.




"God! Lalrinnung misual hmel ka pu viau em ni?" A ti chhuak hawk! "Enge. Ka hming pum te khan min ko lawl lawl suh ka hmu theilo chea engtin nge misual angin ka hmuh theih ang che, min râp ka ti mai alawm" ka ti chhuak hlaka, engtin nge maw ka hmingpum te hi alo hriat daih daih le, mak lutuk mai.




" I inhliam ațanga hlim taka i vawikhat nuihna" a thusawi avang chuan ka kâ chu ka chîp riai riai a, a sawi dik hetianga ka awm hnua hlim taka ka vawikhat nuihna ani "engtin nge ka chanchin te i hriata ka hmingpum thlengin, chuan ka nuih leh nuih loh te pawh" ka ti chhuak sepa, ka chanchin hi alo chhui ru reng tihna amaw ni le. Mahse engvang nge niang?




"Khang kha chu nakin lamah ila hre thuai ang, ka hmel i hmuh hunah tunah chuan thil min hrilh a hun tawhin ka hria" a rawn ti chhuak sup ka lu ka thing nghal vat a "hmelhriat loh laka ka chanchin ka sawi nachhan tur a awmlo" ka ti leh hlak, a rawn nui ri suk mai " min hmuh hunah chuan min hriatchian zia i hria ang, sawi rawh le. In paih thawl i duh takin zan lamah chuan naktuk atana i inbuatsaih a hun tawh dawn ania. I dam leh hunah chuan zawhna min zawh tur i ngah dawn ania ka chhang seng lovang che, zawh letna hun che pawh ka nei dawn hauh lo ania" a rawn ti zâwi sup, tunge maw aniha min hriatchian em em le? Ramdangah thiante awm ka neih âwm ka hre silo, Lalnunfela lah min rawn be ziah si a mak tak ani mak tak.




"Min țhena min țhen chhan lah ka hre hek lo" ka ti chhuak nghat, sawi pawh ka duhlo asin mawle ka rilru ana thar leh dawn tlat "sawifiahna dang a ngai. Bawihi" a rawn ti leh, "Amak e.... i duh duh dan in min ko ve ringawt suh ka tih che kha ka hming pawh i hre thei reng, bakah kha chu... ama min kohna kha ania hriat nawn leh ka duh tawhlo" ka ti chhuak sepa, ka kut chu a rawn hmer vang vang bawk.




"I mizia pawh ila thlah lo anih hi, i thinchhiat ngaiin ila thinchhe reng chupa chuan engtin nge a tih che sawi rawh hmelțhanu" a rawn ti leha, engtin nge ka chanchin chu a hriat chian theih em em le? Tunge maw anih le? "Tunge iniha? Engtin nge ka mizia te i hriat em em theiha kei chuan ka hre ve lo che" ka ti leh ngata Lalnunfela lah nise min rawn be ziaha amah chu ani âwm tawp silo.




"Kha chu i dam hun lamah a niang aw, tunah chuan sawi tawh rawh le. Anih loh chuan sawi tir dan che țha deuh ka hria ania aw" a rawn ti leh deuh khera, Airport vela a țawng danah te kha chuan a țawng duh vak loh hmel tehlul nen mahse ka rin ai a țawng duh leh ta phian si.




"Min duhthu a sawia chuan kan ni ve a, ka vawikhatna ani, engmah a zia râng reng ka hrelo mahse ka thinlung khan theihtawpa tihhlim ve kha a chak thin. A bula ka awm khan ka hlim thei em em a zak chung chung pawh khan min ti nui reng țhin khatih chhung khan ka tan a inpe zo em em a, ka ke a nat pawn a theihtawpin min enkawl țhin, ka tan a awm tawp ani mai keipawh khan ka ring hman em em a mahse ka inhliam ni khan mak deuh mai chu, min rawn be miah lova a zin thu an sawia ka inhliam hnuin a insawifiah veka ka ring lehnghal em em si, a chhan ka hrelo keimah pawh khan ka rin lehnghal dan kha ka inzawt kher asin, mahse ka hre chuang lo ka khawhmuh a thim tak avang khan ka hlau thei em em a tu pawh kha ka bulah awm se an țawng hre reng thei ila emaw ka kut vuan reng se ka duha chu chuan ka thla a timuanga ka hlauhna te pawh a reh ve țhin.




Ka duh reng vang ni lovin mi inkarah ka tla zepa dâwt zawng zawnga puh ka ni a, ka hna thlenga ban vek ka ni tah chuan tih theih engmah ka nei hauh lo. A hmeichhe huat chu ka hlawha tu hmeichhia pawh ani mai. A chhan pawh ka duh reng vang ni lova ka tlakzehna pa kha ka kawp nghal vang ani mahse ka lo duh lutuk hman ani ngei ang, khang ni hnih chhung lek khan min ti hlim em em a mahse engmah sawi lovin min kalsana min țhen chhan ka hre hek lo. Hah? Engvanga i bula hetiang sawi ta vak nge maw ka nih le ka â tawh ani ngei ang" ka ti chhuak hapa.




Ka kut chu a hmer ngawt ngawt a, ana lek lek "ka that ngei ang" a rawn ti chhuak ta hrâwk "i mawl ami? Khatianh țawngkam kha engvanga hmang nge inih a? Hmang tawh reng reng suh, chuan tunge inih chu min hrilh tawh rawh" ka ti leha ka kut chu la kângin a rawn fawp vang vang a ka thaw chhuak nghal hak.




"Naktuk lamah aw niang, tunah chuan hahdam tawh rih rawh" tih pah chuan ka chalah a rawn fawp vang vang anih chu! Engthil nge maw a tih tak hi le "mu rawh le, hmelțhanu naktukah chuan i duh tawkin thil min zawt thei ang. I hriat chak loh thleng pawn ka hrilh ang che" a rawn ti dam dap a ka hnungzângah chuan rawn dawmin min mut tir nghala puan chu min rawn sin tir bawk.




"Muhil la, i rawn harh leh hunah chuan i mit ngeiin min hmu hmasa ber tawh ang chuan tunge ka nih i hria ang?" A rawn ti supa, ka chal ah chuan a rawn fawp nghal vang vang bawka ka thaw chhuak nghal hak bawk. Ka hriat ngai loh ani a, mahse a awmdan te hi ka dang hleithei bawk si lo, amah chuan min hre țha ang reng viau bawk si ka hriat loh lai hian hmelhriat ka lo ngah viau amaw ni le😏




Muhil mai lo chuan ka kut chu ka hûm ngar ngar a Jeremy nena kan awmdan chu ka ngaihtuah let neuh neuh bawk. An eng pawi nge ka sawi fakau anga ka nun infiamnana hmang tur chuan, nge Zorini ruahmanna vek zawk kha niang le? Khang ni hnih chhung lek pawha khatiang khawpa min ti hlim thei anih chuan kum tluanin engtin nge min tih hlim ang tih ve chu ka ngaihtuah vel mai mai bawk.




Amah ka tawn ațanga ka thil tawn mak pui pui te ka ngaihtuah leta, ka țawngkam maksak zet zet te thlengin, amah kha lo tawng lo law law ni ilang chuan ka chungah hetiang thil hi a thleng hauh lo tur, amah pawh ka duh lo anga keimah pawh ka na lo mai tur.




Ka rilru leh tih tak zeta ka ngaihzawn hmasa ber chuan bumna in min kalsan nghala eng mah hriat a ram ka neilo bawk. Induhna mai mai ah pawh hetianga awm phah nana ka hmang anih chuan Hmangaihna ka tawn ve hunah engtin nge ka dawnsawn thiam ang? Tam tak chuan tleirawl in ngaihzawnna hi in zir nan an hmang zo țhin, mahse enge in zirna tur ka neih ve? Engmah ka neilo, bumna hmanga kalsan chauh ka hlawh ta si.




An chunga engmah kan tih loh pawhin mi pawi hi kan lo sawi thei reng si a, tumah kan inveng zo lo, kan nun leh dan tur zel kan hriat miau loh avangin mi kâ ațanga a chhe zawnga kan hming a chhuak tawh anih chuan enge an chungah kan tih tih kan ngaihtuah renga mahse kan tih kan hre hauh si lo, mihring hian kan hriat loh lai hian mi pawi tam tak kan lo sawi țhina kan che zia hian an pawi alo sawi țhin ngei ani. Kan nundan kan fimkhur pawhin tam tak chuan an lo ei lo leh thin. Famkim lohna khawvel ani miau si a.




Zanah chuan ka nu in min awmpuia ka phone a rîk reng avang chuan ava en ni ngei tur ani Jeremy hming a rawn lam rual chuan ka thin chu rang zet hian an phu nghal dup dup a "bawihte, i la dawn em?" Ka nu chuan a rawn ti nghal zat bawk. Ka lu ka thinga.




"Aih, la suh ti khan ring char char rawh se, a rawn rîk leh pawn ngaihsak tawh suh" ka ti hlaka, engti kawng zawng mah hian ka la dawnlo reng reng. Ngatan mah min ti lo chu ka ngaih pawimawh bikna chhan tur a awm hauh lo. Tu zawk nge țawng lo thei kan en ang chu. Ka ti rilru ve hlak bawk.



Ka mitah pawh chuan damdawi an rawn hnawih leha ka banah chuan min jection bawka ka mut a chhuak nghal nguai nguai mai.



Thaw chhuak vak vak in ka meng chhuak hlawl a ka hmu thei tawh, ka nu te pawh ka hmu thei tawh. Ka mit a var tawh tihna, ka va han lawm tak em! Ka nu te pawh ka hmu thei tawh dawn tia hlim taka ka hawi kual lai chuan khum bawha țap te chu ka hmu hmasa bera sawnu chu ka nu ani.




Muangchangin ka pan pheia min hmu theilo nge ni ka au pawh chuan min chhang miahlo "nu..." ka ti a, mahse min chhang chuang miahlo "ka fanu, i chungah hian enge thleng ta. Min kalsan theilo asin" tia ka nu a țah rawng rawng chu ka en renga khum lam pan chuan rang zet hian ka tlanpheia.




Damdawiin khumah chuan ka taksa, keima taksa ngei chu alo mu a, a maimichhing baw. Ka chhungte thenkhat chu ka au a mahse min chhang lo, khawih ka tuma mahsw tuman min hmu thei chuang lo "nu.... ngatinge min hmuh theih loha? Nu heta hi ka awm ania" ka au vaka mahse tuman ka aw an hre thei lo, an țah ngai chuan an țap hawm hawm a.




Nilo, kei hi ka thi em ni? Nilo, ka thi theilo, la thi thei ka ni lo, mahse keima taksa, ka ruang ngei chu khumah hian a mu bawk si. Kei hi ka thi em ni?





Ka hman chang chuan ka ti thui ve țhin tho ania aw... a tawi reng bik lo ania😆. Next ah chuan changtupa POV kan ziak țan tawh dawn nia aw a sual ve phir pher reuh sia a ngêng ve bawk si a,🙊 engmah a sawi ve duh țhin si lova, kan țawng tir hrep dawn nia. Muttui mangțha vek ule. Inenkawl tha ul.😘💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:01 pm

AT THE ELEVENTH HOUR - 15

By : Msi Miluhlulnui 💜



💜 Kan bum ve zeuh che u anih kha chuan a tawi hle nia aw, ka kut ana lutuka a rawn sa leh vek tawha type chungin ka țap țep zel, a puak dawn amaw te ka ti țhin ka type thei tawh ngang lo✋💜



💜 Note a awm keuh ania aw. Chhiar vek ru, chhiar lo ho chu a rukin ka hlap che u anga ka kick back ang che u✋💜






Ka ruang ngei bawha an țah pui rawng rawng chu ding chungin ka en renga khuma mu hi keimah ngei chu ka ni si mahse tinge hetah midang ka hmuh theih a midang hian min hmuh ve theih loh? Ka taksa ngei chu bawha kuah țâwk țâwk in ala hun loh thu an sawi renga, ka nu, ka putea, Sylvia thlengin ka chungah hian enge maw thleng ta le.




Ka pum leh ka mit thi hnuang ka hmuh rual chuan ka kat dawrh a, thil te chu ka ti tla rem rum a mahse tumah pawn an hre hauh lo ka mit te saw engvanga thi nge nia ka pum te pawh. Tunge ka chungah hetiang hian tia ka nunna hial min laksak.




"Nu.... ka hmu thei che u tinge min hmuh ve theih miah loh a?" Ka ti chhuak sepa, ka taksa chu bawhin a țap a, ala hun loh thu ring zeta sawiin a fair loh thu nen lam a sawi veka enge thil awmzia hi ni ta ang le. "Nu, ka thi ami? Mahse tinge ka la hmuh theih che u a, nu hetia awm hi ka duhlo in bulah ka awm leh duh, ka mit pawh kha del hlen mahse in bula ka awm lehna tur anih chuan pawi ka ti lo, hetiang hian ka awm duhlo" tiin ka țap chhuak nghal hawm hawm a, ka lu rawn hai lutuk avang chuan chhuatah chuan ka tlu nghal tawp bawk.





Ka lu na lutuk avang chuan ka kut vuantu kut chu ka hmer zui chawt a rang zetin ka thaw chhuak nghal ham ham bawk "nu...." ring zet chuan ka au chhuak nghala kha thil kha ka mumang em ni? Ka va han lawm tak em, Lalpa ka lawm lutuk e. Ka nu kut chu na zeta hmer pah in ka sâwia "nu...." ka ti vak bawk ka thinphu pawh ala pangngai theilo.




"Bawihte, enge ni ta? Tinge i kut te chu ava thlan nasa ve" ka nu aw ka hre chiah chu ka thaw chhuak nghal huai a "nu, ka bulah lo mu rawh ka hlau" ka ti a, a pawhin ka pawt bawk "aw.. ngatinge? Enge awmzia?" A rawn ti leha a banah chuan ka pawt a "ka hlau alawm, lo mu rawh" ka ti a, ka pawh tak reng avang chuan a rawn mu ve ta nge nge.




A rawn mut rual rual chuan ka lo kuah nghal vata ka chhipah chuan rawn fawp nghal vang vang bawk " ka fanu, enge i hlauh a? I chungah enge thleng min hrilh rawh le" a rawn ti sapa, kuah betin a âwmah chuan ka beia a thin phu dat dat ri pawh ka hre thei "bawihte, sawi rawh le" a rawn ti leha, ka thaw chhuak hak.




"Ka mumang ani nge ni lo ka hrelo mahse a tak a ang bawk si, tah chuan ka mit hi alo var vek tawha nangmah te, Sylvia te, Putea te pawh ka hmu vek thei tawh che u a mahse amak lutuk, in lo țapa ala hun loh thu in sawia a fair loh thu nen lam in awmna lam ka rawn pan phei che u a tah chuan he khumah ngei hian ka taksa chu alo mu a, chumi chu in bawha in lo țap vak vak a tah chuan ka lo thi anih chu! Mahse ka hmu thei vek bawk si che u a.




Ka mit te chu alo thi veka chuan ka pum te nen lam, ka au cheu a ka khawih cheu a mahse nangni chuan ka țawng in hre thei lova min hmu ve thei bawk hek lo ka hlau teh asin ka thil tih tlak te in hmu thei lova ka thawm pawh in hre thei lo, chuan ka lu a hai lutuka chhuatah khan ka tlu tawpa chuan ka lu na lutuk avangin ka rawn harh chhuaka ka lawm lutuk asin. Pathian hnenah pawh lawmthu ka sawi nghala. Nu, ka mit a vara ka thih leh dawn ai chuan ka mit pawh var lo mahse in bula awm ka duh zawk. Chu chu ka duh ber zawk fo ang" ka ti chhuak sapa, ka samah chuan a rawn chûl nghet zetin min kuah ve nghal bawk.




"Bawihte, hlau reng reng suh aw mang țhalo mai mai anih kha hahdam la mutthilh tum leh rawh le zing ani țep tawh ania aw, hlau reng reng suh, Pathian hnenah chuan țawngțai la ani chuan a venghim ang che. I bulah ka awm ania hlau reng reng suh aw naktukah ni thar duhawm takin alo hmuak ang che. Pathian kan chunga a țhatna a zarah khua i hmu leh thei dawna amah fak chiah kan tihtur ani, a duhdan zawnga awma amah rin tlat chauh hi ani kan tihtur chu" a rawn ti a, ka hnungah chuan a chûl hliau hliau a, nghet zetin min kuah bawk.




Mutthilh tumin ka beia mahse ka thei țhak lo, ka mumang nge kha kha a tak tak tih ka ngaihtuah renga ka rilru a tibuai ani, a tak tak anih chuan kei chu ka thi zawk tihna ani mai anga mahse ka pum leh ka mit thi kha enge awmzia ni ta ang le, mi hian min thah an lo tum reng tihna zawk em ni ang? Mahse min that duh turin an chungah enge maw ka tihsual ang le?




Ka rilru ah Jeremy leh Zorini an lo lang nghal ringawta, ka tal țha nghal sawt sawt bawka engvanga anni pahnih pawh chu ngaihtuah chhuak nge maw ka nih le, an pahnih inkara ka tlakzeh tak avang khan min that turin an lo kal dawn te hi ani ang a.




Lu thing nghutin ka nu chu ka kuah nghet sauh sauh a "nu, min kuah nghet rawh ka hlau an lo kal ania" ka ti țiau a ngatinge anni pahnih kher kha ka ngaihtuah chhuah le, ka duhlo takzet ani "aw... bawihi, ila muhil na nge, hlau suh ka tih che kha i bulah ka awm reng alawm, mutthilh tum rawh le Engmah buaina tur a awmlo ania tumah an lo kal dawnlo mutthilh tum rawh zing ani țep tawh" a rawn ti a, ka chhipah chuan a rawn fawp nghal vang vang a mahse ka muhil thei chuang lo.




"Awi! Vew, ka ngai tawh lutuk che in luh hmaa rawn nan hman cheu kan tum lutuka hma tawkah ka rawn chhuak alawm. Hmelchhenu, ka ngaih zia che hi i hria em?" Sylvia aw ka hre zet chu ka au chhuak nghal vaka damdawiinah chhung pawh a khâwk ve rum rum thei nia.




"Awi! Sylvia lo kal rawh ka bulah" hlim avangin ka au chhuak chêl chûla ka nu te nui ri pawh a hriat theih vek bawk. Sylvia in min rawn kuah rual chuan ka lo kuah let ve nghal vata. Harsatna ka tawh chang pawha ani ka bula a awm thei hi chu ka lawm in ka vannei takzet ani. Harsatna karah pawh min kalsan ngailo tu thian ka nei hi ka vannei takzet ani.




"Vew, Damdawiin kawr hi I inhmeh tawp I kut tep tawh em? " a rawn tih zawm nghal zata ka bulah chuan rawn thu in ka kut chu a rawn vuan nghal chat bawk. "Doctor in min lo ko anga chumi hunah chuan ani mai, kei chu private liau liau in min tihsak dawna mi pakhat ka nu thian a inti in ka hria chu chuan min buaipui veka, enteh, a mak rap ka chanchin a hre ropui sia ka nuih leh nuih loh te thlengin mahse amah chu ka hre ve ngai tawp si loa ka hmingpum te pawh a hria asin" ka ti a, nimin bakah khan alo kal leh tawp si lova eng ang mihring nge maw anih le?




"Chutiang mihring, avan mak âwm ve, Lalnunfela lah hetah a awm tawp si lova ani bak ramdanga awm thiante kan nei bawk si lova avan mak âwm ve. A... Vew, khawvel hi alo mak anih hi, kan thiandun erawh kan mak ve lovang" A rawn ti a, kan nui nghal vak vak bawk.




"Chuan maw, khua ka hmuh theih hunah chuan amah ka hmuh hmasak ber tur thu a sawia chuan zawhna tam tak ka zawh tur thute a sawi bawka zawh ka tum loh thlenga min hrilh te a tum mawle. A mak lutuk, Jeremy bula ka awm ang chiah khan ama min tawhna te chu a sa ve hut hut thoa maw chuan hmelthanu te min ti mawle, amak lutuk" ka nu te hriat hlau zet chuan ka ti zâwi sapa, Sylvia pawn mak a tih thu min hrilh ve nghal zat bawk.




"Rinrini chu enge ilo an a? " Sylvia nu aw kan hria chu kan thusawi lai kan tawp hmaka "ka zia lutuk e, in lo kal duha ka lawm lutuk ania aw" ka ti chhuak sapa, nui chhuak hak in ka samah a rawn chûl a ka chhipah chuan a rawn fawp vang vang bawk "a loh theih loh mawle, I thiannu hian tap chung meuhin min dila ka rawn kalpui anih hi. Engmah tham anih loh hi, kan tih ve theih tawk ania hlau miah suh aw I vawikhatna tur ani a I zâm lutuk ange a tha chiah lo ania" a rawn ti a, ka nui tawi tak ringawt.




Zêp miah loh chuan huphurh tak ka ni, ka vawikhatna ani a a boruak hrim hrim pawh hian min râp bawk, ka ril a tam bawk si engmah ei an phal bawk si lova ka tha te an ti khur vel vek bawk. Ka nu lah chuan 'rei ani dawn lo, a ho lutuk huphurh vak duh suh' a ti sam êt lehnghala melh rum ka chak teh asin aw.




Reiloteah Doctor a rawn kala an inpeih tawh thu min hrilha keipawh chu min nawr chhuak nghal zat bawk. Min zaina tur room kan luh hma chuan ka nu in ka lu chunga kut nghatin min tawngtaia Sylvia in ka kutah a vuan reng bawka Putea te nupa pawh an awm ve bawka min awmpuitute tam viau mahse keimah chiahin ka lut dawna ka thau ah min man a, ka khur nghal ti tih bawk.




In zaina chhung rim te chuan ka luak an ti chhuaka ka mit an khawih hma in ka taksa peng dang dang an en leh phawt dawna chumi zawhah chuan ka mit an khawih dawn chauha chu chu ka nu duhdan ani bawka, an test tawh nge maw chu ka hreloa in zaina room ah min nawr lut nghal zat bawk si.





"Muangchangin phelh rawh u aw, anih loh chuan nâ a rawn ti leh mai ange, kha kha kha fimkhur rawh u" ka nu lawm bawk si, tawng ri te avang chuan kan nui chhuak hak hak hlawma Doctor in ka mit an tuamna a phelh meka ka nu leh Sylvia in ka kut ve ve ah an vuana ka thaw chhuak nghal hak bawk.




A phelh zo ani ngei ang "mami, muangchangin meng chhuak rawh le" a rawn ti a, a sawi ang chuan muangchang chuan ka meng chhuak nghal riai riai a, ka thil hmuh chu ala phê vek nângin ka meng lian telh telh a ka hmu chiang telh telh bawk. Mahse ala vai em avang chuan ka maimichhing leh zawka ka men chhuah leh ruala ka nu hlim hmel ka hmuh nghal avang chuan ka tah nuih nghal hawk.




"Nu.. I hmel ka hmu leh thei tawh ania, nu I hlim hmel kha a tha lutuk" ka ti tiau a, ka mittui a rawn luang nghal ringawt bawk "Bawihte, ava han lawmawm em! Lalpa chu fakin awm rawh se. Amah avang chauha ka fanu hian khua hmu leh thei ani a, kan lawm e Lalpa. Ka fanu Bawihte, men a harsa em? A hreawm em? Aw... Ka va han lawm tak em! Ka fanu ka hlim takzet ani" a rawn tu zui mawlh mawlh a ka bianga ka mittui rawn luang chu a rawn hru a, min kuah bet nghal vang vang bawk.




Ka nu hnunga Sylvia leh anu leh putea te nupa lo inhru thuak thuak ka hmuh chuan ka nui chhuak nghal hawk a Sylvia pawh a mittui a tla zawih zawih a an hlim hmel hmuh hi ava han hahdam thlak tak em! Kha hmun thim tak tuma awm ve lohna hmuna awm kha chu a hreawm takzet ani tunah anni hlim hmel leh mittui thlengin ka hmu leh thei tawha Lalpa I chungah hian lawmthu sawi sen loh kan bâ ani.




"Vew, I hmeltha leh sawt ania aw I hmeltha lutuk. Avan lawmawm tak lawm avanga I mittui luang kha hmuh a nuam lutuk ania aw " Sylvia chuan tah aw tiau hian a rawn ti a anu pawn lawmthu a sawi ve nghal zat bawka ka mittui chu lawm avang hian a luang thla zung zung ni berin ka hria, ka mit min pe tute hi engti kawng zawng pawhin ka zawng chhuak anga lawmthu ka hrilh ngei ang, an tana tih theih ka nei anih chuan ka tihsak ngei bawk ang. An chhungkua Pathianin vengin awmpui zel rawh se.




"Ka fanu chu kha I tah avangin I hmelchhe leh vek tawh ania tap tawh suh le I hmelthat ngaiin ila rawn hmeltha reng ania aw I hmel hmuh a nuam lutuk ka fanu, a lawmawm takzet ani. I u leh I unau te pawh an hlim ngei ang" Putea chuan a rawn ti a, lawm avanga mittui luang karah chuan ka nuih a, nutei pawn min rawn kuah pahin lawmthu a sawi nghal zat bawk.




"Khawnge Pathian hmaah lawmthu sawi tawngtaina kan nei ange aw. Kan kut suih zawmin kan za vaiin kun ila kan țawngțai ange ka tawngtai zawhah Lal biakna kan sawi rual dawn nia" putea chuan a rawn ti a khuma ka la awm avangin ka awmna lam an rawn pana kan kuta inkai chhawng leh theuhin kan ding kuala kan kûn nghal vek bawk.




Putea chu a tawngtaia ka hming lamin Pathian hnenah lawmthu a sawi nghala ka mit min pe tute pawh awmpuia veng zel turin a ngen a a țawngțai zawh chuan Lal biakna kan sawi ruala kan sawi zawh chuan min chibai kual lehnghal vek bawk.




Lalbiakna kan sawi dawn hian kan chhungkua chuan kuta inkaihkuah kualin kan ding kuala ti chuan Lalbiakna kan sawi thin. Nangni pawn ti ve ula ka duha, he kan inkaihkuah kual hian ka thinlungah danglamna tam tak min siamsaka mimala thuta Lalbiakna kan sawi ang ngawt nen a inang lo Lalbiakna kan sawi lai khan ka chhungril lam a hlim tlat thina Pathian hnaih zual zel ka duh phah thin. Ka Pathian chu a ropui ber ani tih ka thinlung hian a chiang em em a, engkimah he khawvela aia kan thlan hmasak tur chu kan Lal Isua hi ani tih ka thinlungah min hriattir thin bawk. Chuvang chuan heihi ka chah duh che u a Lalbiakna in sawi dawnin a remchang hlauh anih chuan kuta inkaihkuah kualin kûn chungin Lalbiakna sawi ve turin ka duh che u a chhungtin te ka chah nghal bawk che u ani. 🙏, a rem lohna a awm lo anih chuan.




Ka nu in kan ei tur atana Apple a vel mawlh mawlh laia Damdawiin kawngkhara rawn luta min nuih vur vur tu ka hmuh avang chuan ka âng nghal phuau a. Amah maw? Mahse engtin nge anih theih zawk? "Nangmah maw?! Mahse.. " ka tih rual chuan pâ zet hian a rawn nui ri suka tunah hian â pawh ni ila a âwm lo hran lo ka ti khawp ang. A chhan pawh he mihring vang hi ani.





Jeremy Lalmalsawma POV

"Bro, I thil tih hi I chiang amaw? Itih hma in han ngaihtuah tha leh teh. Ngaihtuah chiang rawh a hnua I inchhir lehna tur ani palh hlauh ange, chumi hunah chuan ka tanpui hauh lo ang che" Dinsanga lungawi lo lutuk chuan a rawn ti chhuak ta nghut. Min ngaina ang pawn a lang thei tawh lo chu ani ber e chu pawh he ka thu thlûkna siam vang hi ani.




"Nizan lamah ka ngaihtuah fel vek tawh. A rem lohna a awm hranlo bakah he thil ka tih hian a tuar phah ngei chu a rinawm alawm a hun te lo thleng phawt se thil engkim chu alo lang chhuak vek mahna" ka ti chhuak nghut, a rawn rûm ta nghata "chupawh nise Zorini ber kher amah lo pawh hmeichhe dang an tam alawm bakah he hmeichhia hi chu kan ngaina lo tih I hriat vek kha inu leh pa leh I u te thleng pawhin, engvanga tih luih tum tal nge maw inih le" a lungawi lohna a thup zo lo erawh ka hrethiam viau, he thil ka tih chhan erawh thil dang daih ani thung.




"Ka tihchhan I hriat chuan ka neih tumna chhan hi min zawt kher duh tawh suh, a sâwt lovang ka sawi chiang viau tawhin ka hria bakah he thil hian vuak let tam tam chu a nei dawn. Zawhna chhan sen loh ka dawng bawk ang mahse chung zawng zawng chhanna chu nakin lamah pek ani ang ka thil tum ka zawh hunah" ka ti chhuak sup. A melh rum ka hlawh ang reng viau bawk.




"Anih chuan Rinrini engtin nge ni dawn? Na takin I kalsana nakinah a pawm leh duh kher che ngem? A duh tawh ka ring hauh lo hrilhhai takin I siama nangmah avanga a mit pawh hlauhawma awm ani. A lakah engtin nge I insawifiah tak ang Bro? A rinna a pe che tih thu min hrilh a mahse nangmah vekin a rinna che I tihchhiat sak leha hrilhhai leh beidawngin I siama I chan tur erawh a theu neu lo viau ang" a rawn ti kha fak mai. Ka chunga a thinrimna chhan erawh ka pawm viau a duh tawk chuan min tawng khum thei e mahse ka thil tum ka sawh sawn hauh lo ang.




Bawihi hming a rawn sawi chhuah tak erawh chuan a nui hmel ka mitthla nghal zat, a hmel hmuh chakna in ka khat hluah hluah ani ber chutichung chuan engmah ka hriattir thei hauh si lo thla khat chuang ka hmu tawh lo, Shillong lama a kal hnu pawn a call ka chang reng mahse min rawn call hauh lo mipa inti ve tak tana hmeichhia ûm buai renga insawifiah tum phêt erawh a tul ka ti fahran lo.




Min rawn call in chanchin min rawn zawt nise thil awmdan ka hrilhfiah vek mahna mahse min rawn call lo nafam chu hrilh dan awm hek lo a thiannu pawn chanchin min rawn zawt ngei ani erawh ka hrilh ta tho. Alo hrilh angem tih erawh ka hre hauh lo




Nakin lama insawifiahna hun alo thlen hunah hrethiam se ka duha a hrethiam lo anih erawh chuan neih let tuma ka beih ngei erawh chu a ngai anih hmel ta viau bawk. Luhlul ve tak, a thinrim tawh chuan tawngkam pawh duh tui fahran lo luhlul ve tak leh a tih loh chu ti lo ngam hmiah hmiah hmeichhia ani tih ka chiang viau bawk.




A mit pawh a tha tawhin khua a hmu thei tawh tih ka hriat in ka lawmpui viau, amaherawhchu; Harsatna leh hlimna a tawn laia a bula ka awm lo erawh ka inthiamlo viau, he ka thil tih avang hian ka inchhir tan mek chu anih si hi. A sâwt tawh viau lo tih erawh ka hrechiang fû si.




"Bro, Bawihi min lo thli thlai sak teh aw. Thil thleng hi a hre tur ani lo, a bik takin inneihna thil hi" ka khabe tuai vut pah chuan ka ti chhuak ta nghut, sofa hnung nghen paha bu zeuh in. "Nupui I nei dawn ani a, chutih lai pawh chuan hmeichhe dang ila buaipui ngam ania inngaihtuah chiang teh he thil hi I duh tak tak em tih? Kei chuan I duh pawn ka hrelo, a chhan chu Rinrini'n I thluak kha a chhuahsan miau lo" a rawn ti ta fuk mai le. Ka sam tuai chho puatin ka ding chhuak nghal vut tukverh lam chu ka pan nghal zat.




"A tul miau si anih hi. Mahse lehkha zawng zawng erawh a lem tih hretu awmchhun ini, inneih certificate thlengin a lem vek, a hnua in then a awlsam leh nan chu chu ka duhdan ani. Zorini erawh chhuah mai mai phalsak ani hauh lo thung ang. Chanchin kimchang zawk ka rawn hriattir leh ang che" sawi zo lo chuan ka ti chhuak nghut.




Pawn lama ka thil hmuh vang chuan ka insehru nghal teuh, tukverha ka kut ka nghah chu hûm vakin tukverh chu ka chum ri thuai bawk. Thinrim luat avang chuan ka thaw ri nghal hrawih. An rawn let tawh ani ngei ang. Building kawta a Scooty bula Bawihi hlim hmel zeta a nuih ruala a hmuia rawn fawptu mipa avang chuan ka rûm chhuak nghal hrawih. Ka thin hi a so bulh bulh ni maiin ka hria.




Tu mipa nge anih zawn chhuah nghal ani anga Bawihi taksa khu aia pawia a khawih leh anih chuan ka that duh hial ang.






💜 Poll siam ang aw...
Changtupa turin tunge in duh? Lo sawi vek ula chutih rual chuan an la rawn che rawl rum dun zel dawna😆 an pâ ru viau maithei ani. Keipawn ka la hrechiang bik chiah lo😆 ka ngaihtuaha thil chu siam danglam leh theih ani thu a awm chhung chuan kei chuan ka duh ve ve a mahse nangmahni pawn thlang ve hrim hrim ula. An pahnih mizia ka la ziak lutuk si lo bawk nen, thlang ve hrim hrim teh u😂


#Jeremy Lalmalsawma

or

#Mannuel (hei chu ka la hrelo a duh tan a thlan theih aw. 😆)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:02 pm

AT THE ELEVENTH HOUR - 16

By : Msi Miluhlulnui


💜 When he comes back don't you dare forget how you broke when he left. 💜



💜 Ka kut a sa leh vek tawh, ana bawk si, damdawi kan hnawih dawn chiah😔💜






Ka building lam inkai chunga an rawn pan chu ka melh ngawt ngawt inhûm ruh vakin ka insehru nghal ngawt ngawt. Ka sam tuai chho puatin ka dinna ațang chuan ka kalsawn nghal vut "Bro, lo țhu lawk rawh aw kan chhuak lawk ange" ka ti chhuak nghut, dawhkana ka phone chu la in min biakna pawh chhang ta lemlo chuan ka chhuak zui nghal vuta tunge anih ka hrechhuak har lo viau ang.




"Sir, mamawh i nei em ni?" Tia Zamzami lo ding nghal zat chu ka kut chuan țhu turin ka ti nghal zat "vawiin ka programme sawi nawn leh teh" ka ti chhuak nghut, ka awmdan mak a tih hmel êm avang chuan min en deuh hâw a mahse rei pawh min en lo chuan file chu a keu zui nghal mawlh mawlh a "chawhnu ah Mrs. Zorini nen in chhuak dawna chuan tun ațanga reilotêah hian meeting i nei dawn bawka Shillong lampang ațangin mi pahnih an lo kal dawn bawka chu zawng chu ani mai" a ti chhuak sepa, ka thaw chhuak nghal hawk.




"Lo kal tur list min lo pe phei ta che, chuan meeting hmaa min rawn hmu tur chu lo dang ang che u min hmuh theih loh tur thu in sawi dawn nia chuan chawhnu lama Zorini nena kan chhuah tur kha rokhawlhna awm angin a bulah sawi la lo cancel ang che zawhna a nei anih chuan ka buai thu i hrilh dawn nia chu zawng chu" ka ti chhuak sup, a bu nghat nghat a ka thusawi ho chu a laptop ah chuan a chhu lut zela "chuan chhui tura ka tih che kha zaninah a kimchangin ka hre duh ang aw, vawiin chu hna i ngah deuh hlek dawn anih kha" ka ti chhuak sup, lu thing nghutin a rawn nui a.




"I tan ka tih theih ve tawk alawm anih, a pawi reng reng lo thil min tihsak hnem tawh lutuk ka rul seng chuang lovang che, mahse thil pakhat chiah ka ngen duh chea" inthlahrun hmel zeta rawn tiin a rawn dinga "khawngaihin Zorini hi nei lo la ka duh ka sawi theih chu a awmlo takzeta mahse ka sawi chak tlat bawk si, i tana a țhaloa ka hriat vang ania heti zozai i hnuaiah ka thawk ve tawha engmah ka lam ngam ngailoa mahse nang chuan engkim kan hnianghnar theih nan min puia kan lawm lutuk. I chanchin te leh i mizia tam tak ka hre ve nual tawha itan Zorini hi a țhalo in ka hria ani. Hetiang lo hian thil tihdan a awm mai lo em ni, Rinrini tan pawh khan a hreawm ngawt ang" a rawn ti a, a thusawi chu sawi fuhlo inti zet chuan a kûn nghal lap bawk.




"I thu min hrilh avangin lawmthu ka hrilh che, mahse zawm ani ang tih erawh ka sawi thei hauh lo" ka ti chhuak nghut, ka kal tur chiah chu "sir, ngaihtuah țha leh hram rawh aw. I rilru leh tih tak zetin, Rinrini kha ngaihtuah tel la" a rawn ti leh hrama chhang ta lemlo chuan office lamah ka luh sana ka rilru erawh an chawk buai viau thung.




Ka nu leh pa bulah ngei pawh palai tirh ka duh thu ka sawi tawh nghe nghe chu erawh min pawmpui uchuak hauh lo, u Mami'n a hriat erawh chuan a zilhna ka dawng hnem viau, Zorini hian ama lam ka chhui tih a hriat ka duh hauh loh avanga ti mai chauh ka ni, kha thil thleng khan ama lam chu kâwk vû teh mahse a finfiahna tak erawh ala awm chuang hauh lo, mahse a hnu lehzela atana thil dang pawh a lem veka ti ka ni bawk.




Chutichung pawn chhungte thlâwpna leh țhiante thlâwpna leh thawhpuitr thlâwpna pawh ka dawng hauh lo, an duh lo viau tih erawh ka hrechiang amaherawhchu; ka thil tum an hriat loh vangah ka ngai nghet hmiah thung. Duati'n a hria ang tih erawh ka hlau viau a chu Mizorama a rawn awm leh tawh anih chuan chanchin a hre thuai bawk ang.




Hrep chuan, a bula mipa kha tu phiangsen nge anih hrep ni. Engvanga Duati hmuia kiss ngam kha nge maw anih phiangsen le kha mihring kha ka hre chhuak anih ngat chuan a chak lo khawp ang. Ka hmeichhia alo khawih ngam anih chuan ka rapthlak zia a hre ngei bawk ang.




Rûm chhuak hrâwihin ka sam chu ka tuai chho puata chair ah chuan ka țhu thla nghal hnawk bawk "tu emaw chuan i thinrimna an chawk chhuak chiang ani." Nui sâwnga rawn titu chu ka melh nghal hrâwk "titeh.. bro, fiamthu ah pawh hian min melh dan zir ve tawh teh a ropuiin a rapthlak mah mah" a rawn ti chhuak ta nghut, ka thaw chhuak nghal hawk bawk.




"I va so bulh bulh hmel ve, enge a? Engthil nge thleng? Kha pui i alh hluah hluah alawm" chimawm zeta a rawn tih rual chuan pen chuan ka vawm zui nghal pawp "Laldinsang, i țawng hnem tawh lutuk chhuak vat mai teh hnathawh ka ngai" ka ti chang hrâwih. A rawn nui chhuak nghal hawk hawk bawk.




"Ka hmingpum ten min han ko vel ania i chhuak kha iva piangthar ani lo maw? I rawn lut dangdai hle mai" a rawn ti leh. "I chimawm phian mai bawk sia" ka ti nghut. Duati hmui khapa'n a fawh lai ka mitthla nghal zut a, ka thin hi a so bulh bulh ni maiin ka hria.




"Duati bula mipa kha min lo chhui sak teh" ka ti chhuak ta nge nge min rawn melh deuh kâwk "Rinrini alo haw tawh amaw?" A rawn ti hû, ka khabe tuai vut pah chuan ka bu nghal nghut bawka "Lalpa leh! Ka rin ang chiahin a thleng ta, eng ang insawifiahna tak nei ang che maw? Hmuh dun che u a chakawm hle mai, a mit chu a țha tawh ani ngei ang" a rawn ti a, a thusawi avang chuan ka melh deuh hrâwk.




"Enge ania lawm. Ani chuan a ring duh dawn tawp tawh si lo che anga nang lah insawifiah i tum reng bawk anga ka hmu dun chak khawp mai che u" a rawn ti leh khet, ding chhuah vut pah chuan a lam ka pan phei nghala "chhuak mai teh, thâwk ipik tawh sa nâk alaia khatiang lo sawi a țul hauh lo. Ka rawn bia ang che, zanin chu kan chhuak dawn nia i bialnu va rîm rawh" amah nawr kal pah chuan ka ti chhuak sup.




Nuih hawk hawk pah chuan kawngkhar chu a hawnga pawnlama Zorini aw ri chu kan hre nghal chiang viau bawk. Engtin nge ka tih ang tih min rawn zawh nan a mit ko min sân khum ak "ka awm loh thu hrilh la, hna lama ka buai thu hrilh bawk la chawhnu kan chhuahna tur kha ka cancel thu hrilh bawk la hruai chhuak nghal rawh" ka ti chhuak nghut, a âw ka vîn ațang chuan min zawng ani tih ka hrechiang viau bawk.




"Sawi tur ka va ngah ve le" thawveng zeta tih pah chuan a chhuak zui vuta ka dawhkan lam chu ka lehnghal vut bawk. Ka mitah khami te pahnih awmdan ringawt kha ka mitthlaa a țul lo ti ru viau mah ila min kalsan lo ani ber "Duati, ka thluak chawk buai tur chauha rawn let nge iniha phuba la turin?" Ka sam țham pah chuan ka ti chhuak tuarh a rûm chhuak hrâwihin dawhkan chu ka chûm nghal pawp bawk.




"Sir, meeting turin an nghak reng tawh chea chuan Zorini kha a chhuak tau nghawng nghawng a keiman ka tuar tur thu te a sawi vaka Sir Dinsanga khan engah mah ngai lo turin min ti a" Zamzami ka office a a rawn luh rual chuan a rawn ti a min hmu duh anih chuan a bansan hauh lo ang mahse ka thawhpui tuar erawh a tihtur ni lovin ka tihtur ani thung.




"Ok, Shillong lama mite kha an lo thleng tawh em?" Ka ti chhuak nghut. 'Aw' tih pah chuan file chu min rawn pe a meeting naa rawn tel turte hming list chu ka en thla zela a tawp bera 'Athena Lalrinnungi' tih inziak chuan min barakhaih chiang viau bawk a chunga hming 'Mannuel Lalrindika' tih inziak chu ka melh nghal vuta an pahnih chiah hi Shillong lam ațanga meeting tura lo kal an ni bawk.




Seat nghen pah chuan file chu ka lek kânga aw... hepa hi ani maw, ka duati hmuia ka phalna la lova lo kiss ve ringawt tu chu "Mannuel Lalrindika, tih Shillong lama mi hi lo chhui ta che u ka mamawh khawp ang, zanin lama min rawn pek tur nen khan ka mamawh nghal bawk ang" a hming en pah chuan ka phun chhuak nghal sup, dawhkana file thehthlak pah chuan chair nen chuan ka tawlh hma nghal vut.




Ka coat hak hma siam țhat pah chuan ka ding chhuak nghal vut "meeting tur chuan kal ta poh ila a phurawm tawh khawp mai" ka ti chhuak sup, Duati hmel hmuh ka chak rual rual in huphurhna chen ka nei ve bawk. Khapa nena an lo inkawp anih erawh chuan an ințhen chiang viau thung ang. A țul leh ka thil tih tum ka thlak anga ani mai lawm a harsa hauh lo.




"Sir, vawiin chu in concentrate deuh hlek a ngai aw. Company economy a tla hniam bawk si a kan țang hle anih loh chuan Hoirfen ho sawn keini ai ram an nei chungnung dawn tlata chutiang thil chu a thleng theilo" meeting hall kan pan phei laia Zamzami thusawi chuan min ti nui suk. "Kha chu ka kutah dah rawh engkim chinfel vek ani ang. Chuan vawiina board member thar ho kha an chanchin kimchang ka mamawh ngei bawk ang" kal pah chuan ka ti chhuak sup.




"Sir, i dawhkanah peihfel sa vekin a awm tawhe" a rawn tih chuan ka bu nghut. Meeting hall kawta Duati leh khapa lo ding chu ka hmu nghal zat an hlim hmel ang reng viau bawk, Duati hlim hmel taka a nui chuan min ti nui ve suk thei. Duati'n "Zamzam" a rawn tih rual chuan kan ding nghal dat. Zamzami chuan a chhang let nghal zat bawk.




Muangchangin a hmel țha zet chu ka en a, ka mita min rawn en ve rual chuan a nui hmel mawi tak chu a tawp nghal riai riai a hnunglamah chuan tawlhin a bula mipa ding kutah chuan a vuan nghal chat bawk. Aw... an pahnih inkarah hian eng emaw chu a awm chiang anih dawn hi. A mitah tak en chung chuan ka nuih nghal suka min hmuha a thlabar hmel hmuh sawn min ti lungawi lo ang reng viau bawk.




"Mr. Jeremy Shillong lam ațangin Dansy ațanga meeting tura lo kal ni a, kan hmu thei che chu kan lawm e" a mipa zawk chuan a rawn ti a, min chibai tura a kut a rawn lek phei chu ban lovin ka bûk khum nghuta hrilhhai zet chuan a la sawn lehnghal riai riai bawk "Athena, nangpawh dam taka ka hmu leh thei che chu ka lawm hle mai, i țhat ngaiin ilo la țha reng anih hi" a mita en reng chung chuan ka ti chhuak sup, min hlauh hmel zet chuan a tawlh hnung hruta chu thil chuan min ti thinrim viau bawk. A kaih pa erawh chuan min melh tawn zak zak thung.




"Ok. Engpawh nise keini pawn kan hmu thei cheu chu kan lawm e tluang taka meeting kan neih ho ngei ka beisei bawk. Zamzam kan kal thei tawh em? Chuan nangni pawh meeting naah hian tlai a thiang hauh lo tih hria ula min rawn zawm nghal vat turin ka beisei nghal bawk che u" Duati melh reng pah chuan ka ti chhuak sup, melh pawh min melh țha ngam hauh lo.




"Kal ila" tih pah chuan ka pen zui nghal vuta, a nuam dawne, game chu țan ila ani mai alawm. Duati'n tu zawk nge a thlan tih chu kan la hria ang chu. Ka ngaihtuahna avang chuan ka nui zui nghal suk. Zamzami mak tih erawh ka hlawh chiang ang reng viau.




Hall chhunga ka luh rual chuan min zah tih lantirnan an lo ding nghal țhuau a ka kut chuan țhu turin ka ti nghal zata Zorini chuan a mitmeng ațangin zawhna min zâwt nghal zat bawka ka chhang lo chiang hle bawk. Meeting țan hma chiaha Duati te rawn lut chu ka lo melh zui reng, min hlauh hmel zeta a ngaihzawng pa phêna a kal chuan ka thin a ti sa phata ka ep chiaha țhu in Zorini tih loh ah chuan hmeichhia ah min hnaih ber tu ani. A țhutna tur hming an bel na erawh țha ka ti ang reng viau bawk.




"Meeting țan rawh le" Zamzami chu ka signal nghal zeuh bawk Duati erawh chu a kûn ngula a che zia reng reng chîk zetin ka en renga a rawn țhut ațangin ala hawi chhuak hauh lo bawk.




Winter brand show anih hmaa board member ho zingah khan pakhat chiah lak nawn leh ka neia a dang erawh a thar vek an ni thung. Report an han pek mawlh mawlh thawhdunna chungchang an han sawi te chu a hma te ami ai chuan a in danglam hneh viau bawk. Tuna ka thlan te erawh ka thlang fuh chiang viau.




"Mrs. Athena nangmahni ho nena kan thawhdunna chungchang han sawi ve ta che u. Hmasawnna a awm em? Tihte emaw in duhdan te pawh" ka ti chhuak sup, ka thusawi hre lo ang hmak chuan a kûn ngula "Mrs. Athena" ka tih leh rual chuan "aw.. ah.. enge ni ta?" Tih bah nawk pah chuan a rawn hawi chhuak nghal vuta amah ka lo en reng tih a hmuh rual chuan a hawisawn nghal vat bawk.




"Mr. Jeremy ani hi chu a thawhna ala rei vaj lova heti lama kan company supplier hna lampang thawk tur ani a, ala hre lutuk loa keiman ka sawi rem itih chuan" a bula țhu pa chuan din pah hian a rawn ti a, lu thing nghutin ka kut chuan țhu turin ka ti nghal zat "engtin nge hnathawktu reilo chu helai a changtlun na zawka dah tum nge in nih? Helaia awm te chuan thil engkim an hre fiah vek tur ani. Kan indawrna chen in hetia thawktu thar rawn dah in tum tawp hian ka remtihna lak hmasak in tumlo tih a langchiang viau bawk" Duati melh reng pah chuan ka ti chhuak nghal vut.




A awmdan ațang chuan a lungawi lo ani tih a chiang viau a a malchunga a kut a dah chu a hûm ruh ngawt ngawt tih ka hmu chiang hle bawk "Jeremy, tilui kher lo la" Zorini rawn tih sap chu ka kut chuan țawng tawh lo tur ani tih hriattir nan ka dang nghal zata titau tih hriat zet chuan a rûm zui nghal nghat bawk.




"Sir, rem itih chuan keiman..." abula mi pa in a rawn tih leh rual chuan ka lu ka thin khum nghut "helam supplier a enkawl dawn anih chuan report a pek a ngai alawm. Hei chu min râwn loh manah in ngai thei ang nang erawh chuan a kimchang zawkin nakinah ila sawi dawn nia. Tunah erawh thawktu thar report pek hriat a chakawm alawm. Ka sawi dik ani ti rawh u" board member melh kual pah chuan ka ti chhuak sup, min hlau tih hriat zet hian an lo bu nghat nghat hlawma ka nui ri nghal suk bawk.




A bula mipa țhu pawh a lungawi lo ani tih hriat zet hian in hûm ruh pah chuan a țhu thlaa "Athena" ka tih leh sup takah chuan a rawn hawi chhuaka min rawn melh deuh hrâwk rual chuan ka lo nuih nghal suk bawk. Ka mita chiang zeta min rawn en pah chuan "keimah ngeiin ka sawi ang" inrintâwk hmel zet chuan a rawn ti ta fak mai. Ka Duati ngei alo let tih ka hriat rual erawh chuan ka khi nghal suka ka khabe tuai vut pah chuan a kalna lam tur chu a kawhhmuh nghal zat bawk.




Zorini min rawn biakna pawh chhang lo chuan Duati che vel chu ka en ngar ngar. Zorini erawh Duati a rawn lan leh avanga awm thiamlo ani tih ka chiang viau bawk inrintâwk hmel tak anga lang mahse a chhunglam khur ru chu ka lo hmuhmaih hauh lo, ka lak ațanga a awmdan țhenkhat thup a tum sawn a ti duhawm zual takzet bawk.




Kei min melh lovin midang a melh lui ngar ngar a a nui lui sâng zel bawk. Kei erawh chuan mit tla lek lovin ka lo melh ngar ngar thung. A taksa khur ru pawh ka hmu thei viau bawk. Chutih rual erawh chuan a report pek erawh a țha ang reng viau a heti lama a thawh erawh engmah sawi ngai lovin ka pawm zui nghal hmiah bawk.




Meeting a zawh fel meuh chuan an chhuak nghal sap sap hlawma Duati leh a bula mi erawh chuan eng emaw an sawi dun leh rih bawka eng emaw ka ti kawi ve nghal zut bawk. "Babe, chawhnu chhuah chu engtin nge kan tih ang? Nichin khan i buai thu an sawia mahse i buai leh lo ami? Engtin nge palai te chu" Zorini chuan ka dara rawn vawn pah chuan a rawn ti nghal zat.




"Babe, ka buai zualpui a reh tawha chhuah chu ka hman ka ring. Palai tirh erawh hmanhmawh suh inneih bak kan hmabak teh chiam lo hmanhmawh a ngailo ka nupui tur inih chian sa kha" ti sup pah chuan ka fawp nghal zata, min rawn chhan let ve leh hma hma chuan ka inlahrang lehnghal vuta ani lawm ah erawh a tla viau bawk.




"Sir, zanin lamah zanriah min kilpui theih chuan vawiin khan sawi rem ka ti chiah lova chuvang ania Dansy lam thil tum hi sawipui deuh hlek ka duh che a rem itih chuan" Duati bula mi pa rawn țawng avang chuan an lam en nghal vatin Zorini kawngah chuan ka vuan nghal chata ka taksa ngheng chuan ka pawt nghal hrâwk a. A rawn nui chhuak hak hak mai.




Bawihi erawh chuan ka kut awmna lam chu a melh ngar ngar a a hnua min rawn en leh rual chuan ka mit ko ka sân khum ngata a lu min thin khum nghal nghuta, a mittui tling erawh ka hmu chiang nghal viau a, ka kut veilam chu ka hûm ruh zui ngawt ngawt bawk.




"Rem tih lohna a awm hranlo a hmun tur vel chu email ah min rawn thawn mai dawn nia. Ka lo kal ngei ang" ka ti chhuak sup, Duati'n a kut a hûm ruh ngawt ngawt chu ka melh zui renga chu chuan min ti tâwt ve ang reng viau bawk "keini pawh kan pahnihin kan lo kal ang, nangnena inbiakna hun kan nei thei chu ka lawm hle mai, nangmah vangin kan company pawn hma kan sawn zel ania kan lawm lutuk e" a rawn ti a, ka lo bu nghat bawk. Duati pawh a rawn nui lui hak bawka a mittui tling erawh ka hmuh hmaih hauh lo thung.




"Sweetheart, kal ila inu hmuh kan la ngaih kha" chupa chuan Duati kawnga vawn pah chuan a ti sup, Duati pawh a bu ve nghata an pahnih awmdan chuan min ti so bulh bulh ni maiin ka hria. Duati kuah chunga an chhuak zui chu ka en renga ka rilru chuan ka ta ini leh vat ang tiin a chah thlap bawk.




"Babe, tunlai i awmdan hi a sweet thei riau mai" tih pahin Zorini chuan min rawn bawh nghala min rawn fawh a tum rual chuan a kawnga ka vawnna chu ka thlah deuh thuta a pai zui nghal nawk bawk. "Ka.. engthil nge maw itih le?" A rawn ti vîn hrâwk. A kawnga vuan in ka pawt chho a "ka fiam che anih kha" ka ti zui sup bawk.




"Chimawm viau zel suh aw" a rawn ti hlaka "chimawm ve hi a ngai alawm chuan vawiin chu tihpalh ani ka hman ngang lo ani. I hmuh ang khan member thar file check ka ngai tlat chuan zan lamah tihtur ka nei ve leh zel bawk ka rawn bia ang che" tih pah chuan a sam chu a bengah chuan ka zeh saka alo maimichhing nghal duar duar a.




"Ka kal phawt ange" tih pah chuan a hmui bulah chuan ka thaw lum ham ham a a rawn nui ri suk suka a hmui ka fawh beisei zet chuan a rawn ti pawrh tarh a. A maimichhing hmel chu en in "thil engkim hi a inthlak leh vek dawn anih hmel, chutih hunah erawh chuan kan inthlak danglam ve ve in ka ring ani. A hmel khan riruatna thar min pe tlat" ka ti zâwi sup. A kawng ka vawnna chu thlah in hall ațang chuan ka tlan chhuak zui nghal vut.




Ka office bula tukverh ah chuan Duati te awmna chu ka en nghal zat. An motor bulah chuan ding in a mipa rawn hruai chuan a mittui a hruksak tih ka hmu nghal zata ka insehru nghal țeuh ringawt. "Duati, thil engkim a inthlak danglam vek dawn anih hmel" ka ti chhuak sup, chupa chuan a chalah a fawh sak vang vang a chu chuan min ti so bulh bulh bawk.




"A rei lovang" tih zui sup pah chuan office lam ka pan nghal vuta thaw chhuak hawka ka sam tuai chho puatin ka dawhkan lam ka pana hnaa rilru sawrbing ka tum erawh ka hlawhchham chiang hle. An pahnih awmdanin ka ngaihtuahna an luaha thinrimna in ka khat zo ani ber.




"Mala, he thil hi i chiang chiah maw? Khami ni khan CCTV a awm hauh lo, mahse engtin nge he video hi a awm theih siam chawp ani lo em ni?" Laptop kawh pah chuan ka ti chhuak nghut. "Sir, i hre tawhlo ani maitheia nangman inven nan pakhat tal dah rawh u min ti anih kha chuan luhna kawngka bulah khan kan daha khami kha hmannia check tu te khan an lo enfiah lo deuh nge ni keimah khan ka en nawn leha chuan khami tlem alo rin record tela ka rawn copy ta anih kha" a rawn ti a, laptop chu ka bih lehnghal vut a engmah danglamna ka hmu hauh lo.




"Sawifiahna dang ila nei em?" Ka ti chhuak sup, ka khabe tuai vut pah chuan amah chu ka melh a "khami atana inpuahchahna kan neih ni, Mrs. Rinrini nena in awmdun ni khan Mrs. Zorini hian in pahniha a hmuh dun theih loh cheu thu kha a sawia a sawidan cheu kha chuan a huat hmel takzet che u. Chuan Christy in i file endik tur a theihnghilh kha Rinrini khan a rawn keng a ke na chung chung khan a rawn kala a ke a thi hnuang tih pawh a hmutute ka zawha an sawi dan ani chuan Zorini khan i zin thu alo sawia khatah khan file kha an inchuh ni tur ani. Mrs, Rinrini khan nangmah ngei pek che a tuma kal a tum kha khatiang kha a chungah a thleng taa khami kha video a a lan dan kha a dik bawk ani.




He thil hi thla khat chuang kan chhui tawha a titu kan hmu theilo hi mak ka la ti fo amaherawhchu; Zorini hi ka ringhlel ang reng viau a i nupui tur pawh ni mahse khami ni khan amah chiah kha Rinrini be tu leh thil sawipuitu awmchhun ani a tiang hi a thlentir ani ang tih te pawh ka ring rum rum a mahse ka chiang chiah bik lo. Sir, diktaka sawi chuan kan chhui chhuak har lutuk hi ka beidawng ve lek lek a mahse ka theihtawp chu ka chhuah ania aw" a rawn ti a, a thusawi chuan ngaihtuah a ti thui ang reng viau bawk. Nih pawh ani thei lutuk ang.




"Khami nia report i dawn zawng zawng en ka duha zaninah min rawn pe dawn nia. Tunah chuan dinner ei tura chhuah ka ngai tlat min va dah lawk hman ang chu maw" ka ti a, ka hnathawk te hi keimah ang thoa buai an nih ve avangin chhuak tur pawh hian sawm țawk țawk zel an ngai thin.




Ka coat chu inbel thlupin email a a hmun min rawn hrilhna lam pan chuan kan kala A hmun erawh anni ai chuan ka thleng hmasa zawk tho bawk. Ka hman țhin fo Hotel anih avangin min lo dawngsawng thiama zui reng ka ni lehzel bawk.




Tukverh ațang chuan ipte zen chung chuan an rawn thleng chu ka en renga Duati chuan a kawr hak chu a inhmehin a ti lang nalh lehzual sauh a, a ngai te bawkin bakilh chu a samah a chep bet leh hmiaha chu chuan a ti lang naupang hle bawk. Mannuela chuan kal hmasa turin a ti ni ngei tur ani. A kawr hak pawh chhin pah chuan a kal tau nghawng nghawng a ka nui chhuak nghal hawk bawk. Mannuela erawh hmeichhe pakhat leh mipa pakhat nen an inbe daih thung. Ti khuan Duati ka ngaihsak ati anih chuan ka hnek duh khawp ang.




Muangchanga Duati rawn lut chu ka en reng, a kawr hak chuan a pian a ti lang nalh zual sauha a hmui leh a hnute chuan ka mit ala nghal chat a "Khawnge i țhianpa chu?" Ka bul a rawn thlen hma chuan a ti chhuak nghal vut "a țhian hlui te nen an inhmua thil an sawi lawk dawna ka lo chhoh san" a rawn ti țha ve maia ka hun a thleng ve ta chiah e.




A lam pan chuan ka pen chhuak zui nghal vuta a hmaah chuan ding in "i nalh lutuk Duati" ka ti chhuak sup, muangchanga min rawn en chho in a ngaihna hrelo zet chuan min melh nghal hâw a, a hmui chu fawh chakna in ka khat ani ber. "Thil kan ti hmasa lawk dawn em ni?" A hmai zawnah chuan kun hniamin ka ti sup. Ka lak ațanga kalsawn a tum rual chuan a banah chuan ka vuan bet nghal chawt a. Ka lamah chuan ka pawt hnai nghal hrâwk bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:02 pm

AT THE ELEVENTH HOUR - 17

By : Msi miluhlulnui 💜






"Engthil nge maw itih le? Min thlah nghal rawh, I zak theilo emai aw hetiang hian min ti ringawt zel suh" a rawn ti that rum zeta min rawn melh rual chuan ka lo nuih suka ani erawh a ner nghal nâng bawk. "Ka tih loh dan thin pawh ani hleinem I theihnghilh tawh em ni?
" a mita chiang zeta melh pah chuan ka ti chhuak sup, tur zeta min melh pah chuan a rûm nghal nghat.




"Ka tih nawn leh I duhna angah ka ngai mai ang e" tih pah chuan a hmai zawnah chuan ka kûn hniam nghal vut ka hmaiah chuan a kut a rawn nawr beta "kalsawn la, min thlah bawk rawh" a rawn ti leh that, ka nui chhuak nghal hawk a a kut ka hmai a nawrna chu la thla in a hnungah chuan ka vuan beta a tal zawk rual chuan ka hmer nghal chawt bawk.




"I mak emai min thlah teh, awmdan mawi pawh I hrelo I nihna hi ka lo hrechiang lo hle mai I tenawm lutuk, I sual bawk si" tal nawk nawk pah chuan a rawn ti chhuak leh that "Duati ka nihna I hrechiang tulh tulh ang chu erawh hun in ala hril dawn chauh. Hmuh loh karin ilo hmeltha zual anih hi. I duhawm lutuk" tih pah chuan a biang chu ka zût thla a, a hawisawn nghal hmak bawk.




"Hun lo la kal turah pawh ka la dam zel anih chuan nang hi chu ka kawp tawh lovang che, bum hmang leh misual lutuk inih hi, hmeichhe hlutna pawh hrethiam lo mihring ini, hmeichhe nun pawh infiamnan chauha hmang duh tu mihring hrilhhaia siam thintu mihring ini bawk. Tun thlengin khang te kha ka la hrethiam lova hriatthiam pawh ka duh bawk hek lo. Min thlah tawh rawh, engtikah mah ka rawn kir leh tawh dawnlo nang ang mihring ni lo ka harsat tawh lai pawha chawl miah lova min buaipuitu ka nei tawha ani chauh chu ka kawp tawh ang, nang... Nang chu. Ka... " sawi zo theilo chuan min melh ngawt ngawt chungin a mittui a tling nghal pam a thinrimna avangin a hmai chu a sen vek tawh bawk.




"Duati" Tia ka koh rual chuan alu min lo thin khum nghuta "ka duh tawh lo khatiang khan min ko tawh suh khatiang thil kha ka duh tawh lo chuan a thleng leh tawh ngai lo bawk ang. Mannuela kha I hmu tiraw? Ka thiantha ber ani a ani reng bawk ang chuan min Hmangaih bawk nang ang lo taka buna hmanga min ngaizawng ani lova hmeichhe kawp lai reng nei chunga min ngaizawng ani lo bawk. Amah khu entawn rawh a nun khu... Chuan nupui... " sawi zo lo chuan a mittui a rawn luang thla nghala a kâ ân a tum leh chiah chu a rawn tap chhuak nghal hawk bawk.




"Duati" Tih pah ka kuah bet nghal thlawp, tal nghek a tum rual chuan a tukhumah vuanin nghet zet chuan ka kuah bet nghala ka coat a rawn tham in a pawt vak vak a "min thlah rawh, hetiang thil hi thleng tawh suh se, nupui I nei dawn tih ka lo hriaa in tan ka hnawksak leh palh ange min thlah rawh" ka âwm atang chuan a rawn ti leh tiau a "tap rawh, I duh chuan I tap thei ang min haw viau anih chuan I tap thei ang" ka ti chhuak sup, a chhipah chuan ka fawp nghal vang vang a a rawn tal nghal nghek bawk.




"Min thlah rawh ka tih chu hetianga awm tur hi ka ni lo asin. Mahse tinge? Tinge? Ka in dan theih loh tinge hetiang hian ka awm taka? Nangmah vang ani, nangmah vang bawkin ka mittui a tla leha ka hmuh leh thin hma che kha chuan ka mittui a tla ngailo ngatinge ka hmu leh chiah chea ka tah hi a chhuah em em a? Tihsual ka nei ami? Min thlah rawh" ka kawr tham pah chuan a rawn ti chhuak vaka, enga chhang lo chuan ka kuah bet lui zual sauha ani pawh insûm zo lovin a rawn tap chhuak nghal hawk hawk bawk. Ka inthiamlohna chu a rawn pung tual tual ani ber.




"Duati, tap rawh I duh tawkin min tawng khum thei ang amaherawhchu; ka thusawi I ngaihthlak ve a ngai ang. Chumi hnuah chuan ka bulah I awm anga ka bulah chiah khapa bulah khan ni lovin a chiang em? " a dara vawn pah chuan ka nawr hla hleka a mittui luanna a biang chu a sen veka make up a hmang lo erawh a tih chi ang reng viau.




Muangchanga a mittui rawn luang thla leh tur chu hru in a mitah chuan ka fawh sak vang vang a min dang lova a che hek lo a din ngaiin a ding renga a insût hraih hraih bawk, khang hun chhunga a telloa ka lo awm theih dan ka ngaihtuaha ka thuthlukna siam thlengin âtthlak ti zetin ka rûm chhuak nghal nghut.




"Ka thusawi I ngaithla dawn em? " a mita chiang zeta en pah chuan ka ti chhuak sup, muangchanga rawn meng chhuakin min melh ve kalh a a mit a sen rûm bawk. A ngawih vang vang hnu chuan muangchanga a lu rawn thing in "ka duhlo, ka ngaithla duh tawhlo dâwt bak ani leh chuang lo ang bakah ka ring thei tawhlo che ani. Engkim kha dâwt ani leh anga ka ring che anga chuan min bum leh anga, chutiang chu ka duhlo. Aih, engmah ka ngaithla dawnlo ka awih dawn chuang lo" a rawn ti chhuak that. Ka pawh beh leh hlau niawm fahran hian a tlan chhuak nghala umzui tuma ka pen zet tawh chu ka ding lehnghal dat.




Ka sam tuai chho puatin ka rûm chhuak nghal tuarh. Thaw chhuak hawk in kawngka lam chu ka melh nghal ngawt ngawt "min huatna tur ka siam hnem takzet che ani. Ka pawm amaherawhchu; ka bulah I rawn let ngei ang min huatna erawh ka theihtawpa tih reh ka tum anga khang hun ai kha chuan hlimna ka siam hnem zawk ngei ang che mahse tunah rih chuan ka thil tih tum ka lo zo fel si lova I rawn let tih a hriat chuan I tuar lehnghal thei si, kan inkarah mipa dang an rawn tla zep bawka. Mahse a rei lovang ka kiangah I awm leh ngei ang" kawngka melh reng pah chuan ka phun chhuak sup.




Ka sam tuai chho puatin ka thaw chhuak nghal hawk a tukverh lam chu ka pan nghal vut bawk. Ka bula natna avanga tap chu Mannuela lakah chuan hlim takin a nui leh si chu thil hmuh ringawt pawh chuan min ti so bulh bulh thei. In ngeih hmel zeta inkaiin building lam chu an rawn pan leha thaw chhuak hawk in ka thutna tur lam chu ka pan nghala ka thutna turah chuan thu in thil thleng vel chu ka ngaihtuah neuh neuh bawk.




'Amah chu entawh rawh, a nun khu' tih a sawi chuan min luh chilh ni berin ka hria, ka thluakah chuan a thusawi chu a ri nawn tluk tluka sem darh tum ni âwm fahran hian a tal kual vel ni maiin ka hria, duh loa tal kual vel pawh a ang reng viau bawk. Hrep chuan, eng nun phiangsen nge a neih bika chutiang taka ka entawn tur a awm chu. "Duati, ani kha I Hmangaih tawh em ni?" Ka ti chhuak sup.




Hrep chuan, eng ang ngaihtuahna phiangsen nge ni. A hmangaih lo, a hmangaih ngai lovang kei chauh hi a hmangaih tur chu ka ni. Khapa kha a hmangaih ngai lovang engtikah mah. Hrep chuan, kha a thusawi khan engvangin nge ka thluak a chhuahsan theih hauh loh.




Rûm chhuak nghutin ka ding chhuak nghal zawk zanin hian engkim ka chingfel ngei ang. Ka ti ngei bawk ang. Ka coat siam that pah chuan dawhkana tui awm chu ka in nghal khawlh khawlh a kawngka awmna lam chu ka pan nghal vut bawk. Duati leh Mannuela rawn lut tur nen chuan kan intawk nghal chat.




"Mr. Jeremy, I lo thleng daih tawh ani maw? avan pawi ve le. Ka thian hluite ka hmua kan han inbe kawi leh lawk alawm mawle, lut ila" a rawn ti a, ka ban veilam chu lek kâng vutin sana chu ka bih zeuh. Dar sarih minute 15 in ala ri lo ka la thleng hman êm ang chu maw. "Hna thil pawimawh ka nei leh thuta in remchan chuan naktukah lo kal leh mai ta che u, a pawi khawp mai zanin chuan ka hman lo ani min hrethiam dawn nia Mr. Mannuel, naktukah ka lo beisei reng dawn che u nia" tih pah chuan a darah chuan ka beng thak thak a.




An pahnih hrilhhai hmel pawh chu en tawh lemlo chuan ka pen sawn nghal vut phone chu la chhuakin Mala chu ka call nghal zata "Mala, inring rawh a hmunah khan min rawn hmu ang che, tumah in hmuh tir lo la" phone ah chuan ka ti chhuak nghal sup. Lift ah chuan chuanin Duati te awmna lam chu ka hawipheia ngawi reng chuan min lo en reng bawka. Hawisawn vutin phonea min rawn biakna chu ka chhang let nghal zat bawk.




Car ah chuan lut in call chu ka connect lehnghal zat a "Bro, ka office pakhat zawkah khan min rawn hmu ta che tumah in zui tir lo la Mala pawh ka hrilh tawha zanin hian engkim chinfel vek ka duh tawh ani. Ka chân dawn tlata inhriatna ka nei a rei tawh mah mah ani. Thleng tur chu thleng law law rawh se a tuar loh leh a tuar lo ani mai. Mahse a nakin nun erawh a nghawng ve fû maithei ani" ka ti chhuak sup, engine chu tinung in ka in khalh chhuak nghala Zarkawt lama kualin Bawngkawnah ka chhuak pheia Durtlang lam ka pan nghal vut bawk.




Ka thlen chuan an pahnihin an lo awm tawha "enge ni ta rum rum a zan zanah min rawn biak lah khan signal a chhe lutuka engmah ka hre hleithei lo lehnghal" Dinsanga chuan a rawn ti a, sofaa thut thlak pah chuan laptop chu dawhkanah chuan ka hûng nghal zat a "lo thu phawt mai teh u" ka ti chhuak nghal sup bawk. Thuawih tak chuan an rawn thu ve leh mai lehnghal bawk.




"Zanin hian finfiahna awm ang zawng zawng ka khaikhawm duha engkim hi zawh fel vek ka duh tawh. Zanin atang khan ka chân hlen dawn tlata inhriatna ka neia chu ngaihtuahna neih chu ka duh hauh lo. Khapa kha a Hmangaih ang tih mawlh ani hlauh ni, a Hmangaih hman tur ani lo" laptop bih ngur pah chuan ka ti chhuak supa "ka rin ang chiah ani" Dinsanga chuan a rawn ti ve sup bawk, ka password ah chu chhu lutin file hrang hrang ah chuan lut kualin hmannia Duati hna a ban na chhan file ka dahna chu ka zawng nghal zat. Ka hmu hauh lo.




"Hrep chuan, khawihah nge a awm? " ka ti chhuak tuarh laptop hmeh nawk nawk pah chuan ka rûm chhuak nghal nghut bawk "hrep chuan he laptop hi tunge khawih? " ka thinrim inbengdaih tum zet chuan ka ti chhuak nghal nghut. "Engmaw bo? Khawi maw ka lo en ve chhin ange rawn la teh" Dinsanga chuan rawn tiin Laptop chu a rawn la nghal zata ka sam chu ka tuai chho nghal puat bawk.




"Sir, enge bo a? " Mala chuan a rawn ti a, ka khupa ka kiu nghah pah chuan Dinsanga chu ka melh vut "Hmannia Duati hna banna chhan min pek kha hetah hian ka daha mahse a awm hauh lo. Password erawh kei chauhin ka hre bawk si" ka thinrim lutuk ka insûm zawh loh ka hlauh luat avang chuan ka inhûmruh ngawt ngawt a ka tawng pawh tlemin ka bei nêm deuh bawk.




"Ka van hmu lo ve I delete ani lo maw? " Dinsanga chuan min rawn melh pah chuan a rawn ti a, lu thing nghutin "khatiang thil pawimawh ka delete ring hauh suh ka â anih loh chuan ka delete hauh lo ang" ka ti chhuak nghut. "Khawi maw ka lo en ve teh ang. File awmnaah ka dah khawm vek kha tuman an khawih bawk si lova" Mala chuan a rawn ti ve nghala Laptop chu la kângin a bih ve nghal vut bawk.




"Avan mak ve, engkim ka enkual vek tawh document hrang hrang pawh mahse a awm hauh lo" a rawn ti a, Laptop chu min rawn pe a wallpaper chu ka en nghal vung vung bawk "ka hria e" tih pah chuan ka iptea ka phone chu ka la chhuak nghala Zamzami chu ka call nghal zat bawk. Ka khabe tuai vut pah chuan laptop chu ka hmet kual lehnghala a danglam hi ka hriat loh a ring ani ngei ang.




"Aw, sir enge ni ta? " a rawn tih rual chuan file pakhat chu ka hawng nghal zat a "Ka laptop I en hnuhnun ber khan eng eng nge ti tura ka hrilh che kha. Chuan I dah nghal bawk em? " ka ti chhuak sup. File chu ka scroll thla zelin ni leh dar zat chu ka en nghal zat bawk. "U. S. lama kan hnathawh hmannia kan en nawn leh tak kha file ah dah Turin min ti a chuan ka dah nghal bawka file hlui a paih tur awm zawng zawng recycle bin thlengin leh documents hlui tawh tangkai lo ho kha paih tura min tih kha ka paih nghal bawka ngatinge a thil thleng a awm em ni? " a rawn ti nghal zata ka nui nghal nghal suk bawk.




"Hmannia ah khan ka office ah engkim I daha ka rawn let hma chu tumah luh tur lo turin ka hrilh chea mahse lut chu an awm ngei anih hi. File thar a awm tlat" ka ti chhuak sup, file awm chu hawn ka tuma mahse a lem vek a ni thung, a copy na lamah a lo paste palh ani ngei ang. "Sir, keimah ka ni lo ania tihsual ka nei em sir? " hlauhthawn hmel zet chuan a rawn ti ve lehnghala.




"Hahdam rawh, I thiam lohna pakhat mah a awm lo ania khami ni khan ka ko leh che tih theihnghilh suh, he thil ti tu chu a fing hle ani ngei ang ka awm lo tih a hriaa I kalsawn hun a chang ve lehnghal zat bawk si a ka duh ai chuan a che rang mah mah ani. Chuan ka password a hriat theih dan erawh ka chhui chhuak ang" ka ti chhuak nghut.




"Sir, engmah ka ti miah lo ania aw min ring rawh" a rawn ti leha "hahdam rawh ka ring che engmah iti lo tih ka hria chuan naktukah ka office a lut leh chhuak hming leh chanchin vel record kha ka en duh bawk anga control room ah lut la CCTV record ka en duh bawk ang chu naktukah chuan kal hma I ngai anih chu aw. Tlai lo la ka rawn thlen veleh en ka duh nghal bawk ang chuan hahdam rawh I thiamloh a awmlo ka ring che ania, mangtha aw" tih pah chuan phone chu ka off zui zata dawhkanah chuan dahin file dang a awm leh awm loh ka check nghal vut bawk.




"Enge thlenga? "



"File thar ka phalna lo chuan engmah dah luh a awm rih lova chuan file kha delete bawk ani leh bawka chuan tunah file thar chu a rawn awm leh chiah bawk. Hawn theih ani lo bawk a chhan chu an copy na lamah an paste palh ania nga engmah a lut hmanlo ani ngei ang. Ka password risk theitu hi tlemte chauh anni chung zingah chuan biak loh pakhat chiah ka nei bawk Zorini ani, ngaihruat mai rawh u" ka ti chhuak sup.




"Nangni pahnih pawn in hriat kha Duati banna chhan Mala'n min rawn hrilh ni khan Bro leh Zorini an awm ve bawka Zorini thil min zawh kha ngaihtuah let ula a awmzia in hre uar uar mai ang. Kha thil kha tun thlengin ka la en lo mahse a titu chuan man chhuah a hlauh avangin alo delete emaw alo copy taa chumi a tih chhung chuan alo paste hman ani ngei ang. A hmanhmawh viau nge mawni thil landan ah hian che zung zung a ang reng viau ani" ka ti chhuak supa ka khabe ka tuai leh vut zel bawk.




"Anih chuan ka lo chhui dawn tihna mi? " Mala chuan a rawn ti a ka kut tih rîk tlak pah chuan "Good! I sawi tha lutuk I tihtur I hria e" ka ti chhuak supa sofa nghenchhan chu ka ngheng thla nghal dawt bawk "Bro, Winter show neihna tur kan buatsaih ni khan Duati an melh dan kha ilo hmu ve em? " ka ti chhuak supa kha thil khan tun thlengin ka rilru ala kap reng.




"Hmu ve e, an melh puak lo chauh alawm"



"Anih ka ring, kha thil kha engvang nge anih hriat ka chak khawp mai. Zamzami khan min hrilha Duati phei kha chuan nuamlo a lo tih phaha mahse ka lo hre ve hauh bawk si lova"



"I hawikual lo em alawm. Zorini che zia te kha chîk ve ta che I be tha hlur ringawta khatiang tur ani lo. Bro, a reng reng thu in tumah duh pui tu che an awm lova engvanga neih luih tal tum nge maw inih le I mak ka ti, I duh chuan nei lovin I chhui chhuak thei reng si a Palai tirh te chu ila tum ta deuh deuh lehnghala mahse Rinrini I hmuh takah khan I harh chhuak ta chauh tihna em ni? A tlai mah mah tawh lo maw? "




"A tlai hman em chu ka hrelo, ka inhmuchhuak tih pawh a dik chiah em ka la hre chuang lo. Khatih hunlai erawh kha chuan ka rilru te kha a tâwi tupa ka ngaihtuahna khan ram ril tak pawh a thleng pha hauh lo, hmalakna awm hmasa tur ang ang kha ka pawm nghal hmiaha Zorini sawi thlengin a tha vek turah ka ngai bawka thil thleng leh ka chêt thut dan te, Duati awmdan te leh a thusawi hrang hrang te khan ka ngaihtuahna an ti tâwi tupa ka nun te kha an ti tâwt ni maiin ka hria. A tâwp khâwk tak meuhah chuan engpawh thil tihdan awlsam hmasa sa chu kan ti pawp mai zel thin anih kha sumdawnna thlengin, khatih hunlai khan keipawh khan a tâwp khâwk amaw kha ka ti hman hial ani a chhan chu Duati khan min hmuh duh tawh loh thu alo sawia Zorini kawm ka duh avanga ka biak dan kha alo hre hman a alo ngai thutak ani ngei ang. Ka insawifiah fê hnuah chuan min pawm ve leh ta hrama a harsa asin.




Khami zan khan Zorini chu ka kawm ta ngei eng video emaw kha min entira kha khan Duati min huattir ni maiin ka hria a video kha a rapthlak ema ka sawi nawn duh tawh hauh lo, chuvanga Duati hmu lo pawh ka ni reng ani. Mahse a hnuah a thiannu atang khan ka hre ve leh ta chauha ka ring diklo tih mahse alo tlai tawh si chuan Duati khatia a tlûk dan kha kan chhui chho ta zela Zorini awh nan ti ka ni bawk. A dâwihzep thlak pawh in ti maithei, mahse ka ngaihtuahna tawi tup khan thil tihtur min hriat tir lova min ti â vek ka ti mai chuan thil theih dan hrang hrang an sawi leh tih hmasak tur an sawi kha ka pawm hmiaha inneih erawh kha chu rilru khingbai taka ka ngaihtuah ve chhun ani" ka sawi zawh rual chuan ka nui nghal suka ka thusawi chu an ngaithla reng bawk.




"Ok, ka thusawi kha a inzawm hlawm em pawh ka hrelo nakin lamah kan sawi leh dawn nia Bro, Duati bula mipa kha i chhui tawh em?" Tih pah chuan ka țhu țha nghal vut bawk "chhui hman nang min rawn ko leh daih anih kha. I thîk tih sawi miah suh. Haha, nangpa hi i inchhir hun hi a sâwt viau lo ania aw" a rawn ti hluk, ka melh nghal hrâwk bawk.




"Chungte chu sawi ngai lovin i hre reng alawm zanin khan Duati'n amah entawn turin min hrilh nghe nghe eng anga nun țha nge a neih ka hre chak viau bawk chuti taka entawn tura min hrilh tak mai chu. An inhriat țhat hmel mai bakah an in Hmangaih hmel viau bawk. Mahse Duati'n a Hmangaih ve erawh ka phal ngai lovang" ka ti nghut, an pahnih tan erawh nuihzatthlak ala chang fo.




"Bro chu a... pâ rem rem thei ve mawle" Dinsanga chuan a rawn ti chhuak hawk. Melh hrâwk pah chuan "nui mai mai teh, ka nuih pawh a za ve hauh lo, ila naupang anih kha... i lawm a ho thei lutuk" ka ti chhuak ve ta nghat, min melh rum teh asin aw... kei ai kum tam takin ala napang mahse kan inkawm ngeih ang viau lawi a kan inmil ti hian a sawifiah ber ang chu kan pahnih bak lo chu kawm kan nei lutuk ngai lo thung. A chang chuan a naupan chhiatna a rawn lang leh thut țhin, țhenkhatah erawh kei aia puitlin zawk chang a nei fo bawk.




"Mala, finfiahna chi hrang hrang kha ka mamawh ang aw zanin hian ka dahkhawm anga chumi zawhah chuan a file kha siam leh a ngai dawna naktuk pawh i buai viau maithei ani ka bulah i tâp chawt a ngai maithei. Kha video kha a awm tih an hre hauh tur ani lo tumah hriattir tur ani hauh lo chuan a bo thiang tawhlo bawk chuan Duati hna ban chhan video kha khawiah emaw tal copy na i nei lovem ni? Tiang chuan ti turin ka hrilh țhin bawk che u ani" ka ti chhuak nghut.Dinsanga erawh Duhsangi'n a rawn call ani ngei ang a chhuak zui nghal vut bawk.




Ka sawi hmaih Duhsangi hi Mizorama company lian ber neitu Pu Lalramhluna leh Pi Malsawmzuali te fanu ani a amah avanga hian Pu Ramhluna nen pawh kan thawhdun phah bawka ka lawm ang reng viau bawk. "Sir, copy na chu ka neiin ka hria ka lo en nawn leh dawn nia kha video kha chu kan lakna lamah khan tlem a zawng chu ka en ve a a landan chuan ka sawi tawh ang khan Zorini a inrawlh tih a chiang viau bawka mahse nangmah ngeiin en ve la ka duh vangin ka sawi țha ngam lutuk lova chuan Rinrini inhliamna video kha sawi leh lawk ka duha tilui te pawh a ang ka ti a ni lo se khatiang kha tihpalh thil thua thleng thei ngawt ani lo ani ka chîk leh neuh neuh țhina hemi chungchanga thil chhuichhuah a harsat dan em em hi thil dang kan chhui nen a inang tlat lo tum lawk reng a ang ka ti a finfiahna âwm ang tur a awm loh nan"




"Ka hria alawm CCTV en tur a awm loh tih an hria anga ti an ni tih pawh a lang reng chuan ka zin thu alo sawi bawka khangte kha a mak ang reng viau bawk. Kan chhui chhuah loh nan alo inveng ve zel pawh ani mahse ala chiang hauh chuang lo a chhan chu kan inhnaih em em a alo inven dan tur chu a hre dawn lutuk amaherawchu; pawisawilo anga a awm theih hmiah hi chu a fakawm ani ti raw? Acting lamah te hian lut se ati țha phian ngei ang" ka ti a, kan pahnih chuan rilru hah e ti lo chuan kan nui dun leh hawk zel bawk.




"Thu a awm chuan thil chu a thlak danglam theiha a thu ringawta kan sawia a hlawhtlinnain a ûm lo erawh chuan a thu ringawt kha ala ni a tih hlawhtlin ala ni lo, a takah ala chan loh avangin engtik lai pawha thlak danglam theih ani a kei ngei pawn ka thlak danglam dawn anih hmel. Finfiahna awm zawng zawng nen naktuk zanah kan en ho leh anga engkim chu a chiang mai. A nih nih ni tawh se" ka ti chhuak sup bawk.




"Bro, ka pa in naktukah a hmu duh chea sumdawnna lam sawipui che a duh ani maithei" Dinsanga chuan a rawn ti a, "tu ipa zawk?" Ka tih chuan min rawn melh rum kher lehnghal "Duhsangi pa, Pa Ramhluna mawle" a rawn ti ta nghut.
"Inneih pawh in la innei lo ania ipa ve țhuai ringawta" ka tih chuan a dar a sân ak a.




"Aw.... ka pa ve mai loh in engtin nge ka koh anga Apa Ramhlun, ka ti dawn mi? Nge ni a bro chu, i fanu nen kan innei țep tawh bawka ka lo pa ve mai che ka ti dawn mi? Ngaihtuah rawh, keini ai a upat daih tawh khi. I dâwn chiang lo thei emai" a rawn ti nghak hluk "kei chu sir sawi kha a dik ve tho ka ti" Mala chuan a rawn ti ve lehnghala ka nuih suk ringawt.




"Nangni ho hi chu aw... in pu hian a dâwi â tawh che u anih hi. In pu bulah hi chuan thi dawn pawh ni ila min chhan ngam miah lovang mawle" a thusawi avang chuan ka nui chhuak nghal hawk. A thinrim tawh hi chuan a naupan chhiat zia a lang ngei ngei zel, zêp rual ani lo.




"Pu Ramhluna chu naktukah lamah ka hmu mai ang, le hna thawk tawh ila Mala video kha check leh la file ah dah lut la chuan thil dang ho pawh kha dahkhawm bawk rawh. Bro, nang phone lamah khan min lo pui ta che, ka number rawn sawi apiang hi ilo cal zel dawn nia" ka ti a rei zet kan thawh hnu chuan kan haw ve ta hram bawk. U mami te ka tlawha beng chaw ka dawng hnem viau bawk. Lehlamah chiang zetin a luta lehlama thawveng zet hian a chhuak leh ni maiin ka hria.




Dinsanga lah chuan a haw dawnin ka ngaihtuah hria ni âwm takin "amah avanga zan mu i chhin theih loh chuan engvangin nge chhunah i mut mai lovang bro" a ti zui leh kher anih kha. Ka khawng chak țhin ania.





"Duati a rei tawh lovang min lo nghak hram hram rawh, ka zo fel țepe" in lama inkhalh haw pah chuan ka ti chhuak sup bawk.




Athena Lalrinnungi POV

"Mutthilh tum rawh aw, meng vak țhin tawh suh anih loh chuan i taksa in a tuar leh mai ang. Anih loh pawn i mutthilh theih loh chua min rawn call la ka lo kal dawn nia" ka bianga dawma ka mita chiang zeta min melh paha thusawitu chu melhin ka nuih suka a ngaihna hrelo zetin min melh a "sawi tawh lo mai teh, hmanzanah pawh ka rawn call chea ila thei lova zingah ka mu tawh iti anih kha" ka ti a, a rawn nui ve suk mai.




"Thil te hi i hre rei leh thei lutuka a chi loh tlat, le lut tawh rawh le. A tlai tawh ania" a ti a, ka chalah chuan fawp in ka hmuiah chuan a rawn fawp nghal zata ka nui chhuak nghal hak bawk. "Lut tawh rawh anih loh chuan ka hruai haw ang che" a rawn ti leh a "ka la lut duh tlat si lova i kal liam hnu ka nghak mai ang kal hmasa rawh i chau awm si" a kawnga kuah pah chuan ka ti a, a pangtilum hriat hi ka khamlo țhin.




"Nangmah avang hian ka chauhna a reh țhin lut tawh rawh Hmelțhanu, naktukah kalna tur kan neih kha" a rawn ti leh sup "nangmah kal hmasa zawk rawh kei chu ka thleng nghal ani maia harsatna a awmlo kal hmasa rawh" ka ti leh țalh a.




"I kal hmasak loh chuan ka ding tlat ang, nge ka nawr lut dawn zawk che. I duh em? Nang ai ka chak ania lut rawh ka nawr luh hma che in" ka ti a, nui chhuak hawk in min kuah bet vang vang a "i thu kan zawm mai aniang chu" a rawn ti a, ka nui nghal sak bawk.




"Mutthilh tum rawh aw, ka rawn bia ang che. Engmah sawi hreh lo la aw i tan ka awm reng ania chuan muttui le. Hmelțhanu" nuih deuh sak pah hian a rawn ti a, ka bu nghata a motor awmna lam chu ka kawhhmuha ka hnara rawn fawp leh zeuhin a kala a tlanliam chu ka thlir renga ka ngai nghal veng veng mai.




Hmanhmawh zetin Nu Rinpuii te in lam ka pana ka tan parcel ah thil alo thlenga kan awm loh avangin nu Rinpuiin alo la a, chumi la tur chuan ka kal mek bawk. Inchhung luh dawn chuan ka kik dat dat a Nu Rinpuii chuan a fanu alo hau mek ani ngei ang " tinge maw tirh te hi in hnial em em mai zel le ka ti, in hahthlak emai zingaj lah in tho har thei si tirh theih loh lêkin in awma zana phone in khawih rei bawk si. Tirh lahin thinrim chungin in kala. In hahthlak emai, ka bei in ti dawng ngawih ngawih ani" tiin nu Rinpuii chu alo âng hlawih hlawih a.




Inthlahrung lutuk chuan ka luta mahse țha takin min lo be leh tho a fanu Tetei hi kohhran ah a inhmang ve em em a, a țhalipuite tam tak aiin a taimaa a inhmang zawk țhin KȚP thil tihnaah reng reng a fel fal ani ziah bawk. Mahse zanina nu rinpuii thusawi avang chuan ka rilru heihi alo lang a.




"Chhungte tirha thinrim chunga kala KȚP thil tih ho nikhuaa a taima ber emaw tih tur ho hi an lo va tam tak em!"




"KȚP a inhmang tho tlai leh KȚP a inhmang lo tho tlai chu kan hmuhdan a dang daih mai asin" tih hi ani, ngaihtuah ati thui viau bawk.




Parcel pawm chunga in lam ka pan chu inkawta lo ding ka hmuh avang chuan pên sawn tawh lo chuan ka ding nghal dat ka thin chu namen lovin a phu rang nghal dawt dawt a Jeremy saw! Engthil nge maw alo tih dawn le?




💜 Ka kut ana tawh lutuk ringawt, ka type belh thei tawh thlâwt lo, tih zawng hi ni mai rawh se aw ka tihpalh ani. Muttui vek ule. In enkawl țha rawh u aw.😘💜

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:02 pm

AT THE ELEVENTH HOUR - 18

By : Msi Miluhlulnui 💜





A motor nghen paha a sana a bih leh zeuh țhin chu ka en ngar ngar a, parcel chu nghet lutukin ka vuan nghal bawk, engemaw alo tih dawn le? Zaninah khan ka hmuh duh tawh loh thu ka sawi si a engvanga rawn kal lui țal nge maw anih le. A hmel ka en chang apiang hian hun kal tawh ka hre chhuak ve ziah lehnghal.




Muangchangin a hmuh loh theih tur ang ber chuan ka kal țham țham a hnim ro te chu rah rîk hlau zetin ka zâwi thei ang ber chuan ka pena parcel ka pawm bawk si a kawng lah chu ka en țha hleithei der lo lehnghal a chang leh ka kalna tura hnim ro te chu ka dahsawn ve leh riha nu Rinpuii te in ațanga kan in a hnaih tehlul nen ka va han thleng har tawh ber mai tak em!




"Min pehhel i tum tih avan lang chiang viau ve" ka bula aw thûm sup ka hriat rual rual chuan ka pen tur chiah chu ka ding nghal chawt! Min hmu hman ka ti, ka va han kal muang âwm em em ve mawle. Ka thin phu chauh ka hre thei ni maiin ka hria "i thawm kha ka hriat loh ring hauh suh Duati" a rawn tih leh rual chuan ka zak dawhah chuan rawn vuanin ka kûn lai chu min pawt ding nghal lawp a en pawh en lo chuan parcel chu ka hûm nghet sauh a, ka zak a vawnna phelh tir tum chuan ka tal nghek bawk.




"Engvanga min pehhel tum nge inih?" A rawn ti zâwi sup, chhang lo chuan hmalam chu ka melh ngawt ngawt a ka hmui chu ka chîp chiang mah mah bawk. "Min chhang rawh" a rawn ti leh hrâwk. Ka ban a hmerna chu ana ve lek lek thei engvanga hetianga awm hi nge maw anih le? Zanin khan ka sawi chiang viau tawh si a, a ngaithla lo nge maw ni. Ka hrilh nawn leh a ngai dawn anih hi.




Ka kâ ka âng tur chiah chu a lam hawi zawng chuan min pawt her lawp a, ka parcel ken ka thlauh teuh lutuk avang chuan ka pawm țha nghal rawk rawk a a rit ve ang reng si a hreawm lutuk ringawt. "Ka hrilh chian viau tawh che kha min rawn hmu tawh suh tih kha keipawn ka hmu duh tawh biklo che zanin pawh khan chiang takin ka sawi tawh bawk. Ngatinge ila rawn kal fo a lo kal tawh suh. Kha misualnu kha ilo hruai em? Ilo hruai chuan in pahnih in let nghal rawh u" a mita melh kalh pah chuan ka ti chhuak fak mahse ani tan erawh ka thusawi chu nuihzatthlak ani.




"I duh duh hi i sawi ve leh ringawt țhina midang thusawi tur te hi ngaichang ve phawt țhin la mahnia țawng vak vak hian kan in hai kaw lo ania. Chuan he inah hian nangmah chauh i awm lova nang chauh hmu turin ka rawn kal lo pawh ani theia ngaihdan i siam hma fû lo maw, nakin lamah i thusawi avang bawk khan i inchhir leh ange" min hrechiang lutuk hi alawm ka ngei em em na țhin, thu ka sawi vak vak a hnuah ka inchhir leh țhin tih a hre khanglang bawk si.




"Anih chu, i hmuh tur chu hmu ta che nge hetah kei min tihbuai i hun khawhral mai mai suh" ka ti țhata, ka ban a vawnna kut chu la thla in ka pensawn nghala min auhna pawh hrelo ang hmaka langin in lam chu ka pan nghal hmawk hmawk a hawi let tawh lo chuan kawngka chu ka hawnga inchhungah chuan ka lut zui hmak a khawngkhar chu na zet hian ka khar nghal chawrh bawk.




"Bawihte, parcel chu ilo la em?" Ka nu aw ri avang chuan ka phu zawka rang zetin ka hawi let nghal bawk "aw la e, min ti phu lutuk" ka ti a, parcel nen chuan a awmna lam chu ka pan pheia min kuah pah chuan "min ti phu hi iti renga i lung hi entir a ngai anih hi. Khawi min lo pe rawh, han en dawn ila engthil chiah nge awm?" Tiin parcel chu a rawn laa sitting room lamah chuan a luhpui nghala ka zui lut ve nghal zat.




Parcel a hawn chuan eng eng emaw ka lo ngaihtuah neuh neuh a zanin kha engvanga khatia awm kha nge maw anih ang le. Min thlakhlelh hmel zetin min en a a hnu lehah min hre ngai lo ang hmakin a awm leha chuan nichin mai khan khatiang khan a awm leh si a , enge maw a hriat tak le.




Vawiin kha ka mit țhat hnu ațanga amah ka vawikhat hmuh lehna ani a ka zâm ani mahse ani erawh kha chu chimawm leh sual thei ang ber khan ka lakah a awma a hmel ka hmuh leh chiah khan ka awmdan phung ka hloh nghal hmiah engtia awm tur nge nia enge tihtur pawh kha ka hrelo. A mitmeng ka hmuh te khan thil tam tak min ngaihtuah tira chu pawh nun hlui. Mannuela khan ka awmdan kha a hria ang tih mawlh ka hlau țhina mahse ka awmdan kha ka thup hleithei si lo.




Meeting naah te khan țullo puiin ka thlana a mitmenga thûk zeta min melhna kha ka dawngsawng thiamlo ani ber ka hmuh thut vang khan awmdan tur ber ka hreloa ka taksa te kha ka control hleithei lo ka awmdan kha mak ka ti keipawn. Zorini nen an awmdan ka hmuh khan țullo puiin ka țah a chhuaka kha roomah khan ka țap chhuak ang tih mawlh ani ka hlauh ni.




Inhmangaihtaka an inpawm velna leh a kawnga a kuahna te ka hmuh khan min tihdan ka hrechhuaka ka rilru kha ana ngawt ngawt ani ber. Infiamnan chuan min lo hmang tak tak ani tih ka hrechiang lehzuala hlim hmel taka a nuiha a biak dan te khan na zet hian min chhun zawk zawk ani ber. Ka bulah Mannuela kha awm ta lo se chuan an pahnih khan min nuihzat ngei bawk anga ka mualpho nawn leh ngei ang.




Nun thar, rilru thar leh suangtuahna thar, ka engkim a thar vekin ka ram ngei ah chuan harsa tak chungin ka pen lut leha a tello pawn ka nun theih zia lan tir ka duha ka bulah Mannuela a awm bawk. Mahse ka tumna chu a enga mah hmain a hmel ka hmua a tlawm nghal der chu anih si hi. Nunhlui min ngaihtuah chhuah tir leha chu chuan rilru natna min thlen leha ka na țha leh ni maiin ka hria.




Khang ni hnih chhung leka ka awmdan leh ka tawn te, hlimna ka tawn zozai te kha ka vawikhatna vek ani a ka tawng nawn leh kher angem? Khatiang kha tawn nawn leh ka duh, mahse amah nen ni lo amah avangin inngaihzawnna khura tlu lut duh ngailo kha ka tlu luta hetihthleng hi ka thleng ta ani a, zir chhuah ka ngah hman em em bawk mahse ama hnena ka awm laia ka dawn ang kha ka dawng tawh hauh lo.




Aman inngaihzawnna thilah ke min pen tira khawvel thar ah min hruai lut ni mai khan ka hre țhina reilo hle mahse ka hlim em em si a taksa min tawhna te kha a dam thlupa min tih pilh te kha a hlauh hmel ngawih ngawih a bulah khan ka indang zo loa ka engkim hi min control sak vek ni mai khan ka hre bawk. A thusawi ho te te avang khan ka hlim thei em em a mahse ani tan chuan khang zawng zawng kha infiamna mai alo ni si.




Ka pa avanga mipa hua bialpa pawh neih tum ngailo kha amah avangin khang te kha ka theihnghilh zo ta a ka pha lo tun thleng hian ka la duh, ka thinlung pawh hian ala mamawh in ka hre bawk. Mahse rin a harsa tawh êm ani. Khatianga tih mai mai tur mihring kha chu ka ni bik hauh lo ka hnena insawifiaha min duh âwm ang zia zânga langa ahnua engmah sawi lova kalsan leh mai mai turin ka piang chhuak bik lo mi hausa te hi ngati nge maw an nunrawng em em mai le.




"Bawihte, engmah anih loh hi han mu tawh rawh naktukah Mannuela nen tihtur in neih kha i chau lutuk ang" ka nu thusawi avang chuan ka phu leh zawka "aw.. ah.. ka mu ang muttui aw" ka ti bah nawka ka rilru ala khingbai ka ti mai enge ka ngaihtuah pawh ka hre lawk hleinem roomah pawh muangchangin ka chhoa ka ngaihtuahna te hi â vek ang hian an awm.




Khumah chuan ka mu thla dawta ka phone a rawn ri nghal zata Mannuela anih avangin rang lutukin ka la nghala "ila mu na nge?" A rawn ti sup bawk "mu lo, ka nu nen parcel kan buaipui leh lawka khumah ka mu fel chiah i thleng tawh mi?" ka ti a khumah a mu ve chiah ani hmel a taksa che awk ri chu phone ațang chuan a hriat theih nghal vek bawk.




"Ka mu chiah keipawh" a rawn ti a, in let thawk in phone chu ka bengah ka daha rizai chu ka pawt chho nghal zat bawk "i chhungte bula awm chu enge a an? A thlamuan thlak fû lo maw?" Ka ti a, a rawn nui ri suk bawk "a nuam dangdai ani tawp mai ka hahdam. Mahse khu lama ka pa khan min rawn call a chhuk vat tura min duh thu a sawia an buai deuh ani maithei" a rawn ti leha. Ka rûm nghal nghat.




"Chupawh nise chhuk rih a ngailo i awm rei dawnlo si a ngailo bawk ka dang tlat dawn che" ka ti hmaka a rawn nui chhuak nghal hawk hawk bawk "ka chhuk mai lovang hetah hian rei tâwk fâng awm ve phawt ka duh, bakah nangmah vên che ka ngai mipa dang ilo melh palh ang" a tih chuan ka mutna ațang chuan ka inperh tho nghal zawk.




"Awi! Over suh, chutiang em em a lerh ka ni lo ve lutuka che high school velah pawh i lerh zia kha i inhria em?" Ka ti ve deuh khera high school kan kal laia an lerh mai zia chu maw a luck bawk si kan school hmeichhia te kha a ngaizawng kim hman vek ania kan rin ni "tunah ka lerh tihna ani hleinem" a rawn ti a, ka țhu tung nghal ut bawk.




"I lerh ka ti kher hleinem mahse kei ai inven i ngai daih zawk alawm. I lucka hmeichhia in an rawn hel che anga nang lah ilo insûm theilo vel emaw kha ania ang kei ai chuan inven i ngai daih zawk" ka ti hlak bawk a rawn nui chhuak hawk hawk a "ka inveng ang mahse ka lerh kherlo aw" a rawn ti a, ka nui vur vur bawk.




"Mutthilh tum rawh aw naktukah hna kan ngah bawk si a i chau lutuk ang ang, chuan Sweetheart ka ngai che" a rawn ti zâwi supa khumah chuan mu thla dawtin "um, mut ka tum ang nangpawh muhil rawh, muttui le chuan keipawn ka ngai che" ka ti a, phone chu ka off nghal hmaka ka nui vur vur ringawt bawk. A rawn rîk leh rual chuan lukham hnuaiah chuan ka nawr luta rizai chuan ka invial vak ringawt.




Ka thian ni mahse ka zak ani. Mannuela hi ka thianpa Lalnunfela ka tih kha alo ni a Sap hming a nei tih pawh ka lo hrelo reng reng ka chanchin a hria kha ka ti renga amah ka hmuj tirh phei kha chuan mak ka ti lutuk kha amah pawh a nui tawp Sylvia phei chuan a beng pawp a High School kan kal laia a sawisak ang thin khan a sawisaa kan nui ho leh ringawt thin bawk.




A sawi ang tak tak khan zawh duh ka ngaha mahse aman ka zawh hma hma in ka hriat loh tur thlengin min hrilh ta vek ringawta ka âng phuau zel ringawt khang harsatna ka tawh chhung khan ka tan a inpe zo em em a min kalsan ngailo tluk ani ka nu nen pawh an thawhdunna alo rei tawha mahse engmah ka lo hre ve leh chuang lo reng reng.




High School kan kal vel lai khan min duh thin tih ka hria mahse mipa ka ngaihsak loh lutuk avang khan thian angin kan inkawm zui taa ramdangah min awmsan ta bawk ani. Mahse tun thlenga min lo la ngaihvena min lo la duh hi ka ring theiloa amah ngeiin a sawi phei chuan ka awih lo lek lek zawk. Mahse a che zia ah a tilang fû bawk si.




Ka dam chian hma in a inah min awm tira inhmu reng na nâ nâ chu feelings ka lo nei chho ve tial tial a a tir ah phei chuan kei chuan ka duhlo, nilo ka pawm ngamlo zawk ani a chhan chu ka thian anih mai bakah Jeremy kha ka la theihnghilh miau lo, min ngaihsak em em a ka tan engpawh a ti a min kalsan ngai lo tluk ani ka intihpalh a hlau em em a High School kan kal lai vela a awmdan ang kha chu ani tawh hauh lo.




Ka thian anih avangin ka pawm ngam lova Jeremy ang khan min tih ve ka hlauh vang pakhat ani bawk mahse ka duhna chu alo pung tual tual ani ngei ang. Jeremy nen kan chungchang ka hrilh veka a thinrim em avang chuan a hmai a sen veka a insehru ngawt ngawt bawk anih kha. Ka tana inpe zo em em min kalsan ngailo tu nen chuan kan inkawp chho ve taa a tir chuan ka awm thiamlo ka thian ani miau si a ka nu lah chuan alo pawm hmiaha Sylvia pawn mak ti viau mahse Jeremy'a a huat em avangin min pawmpui ve ta Mai bawk. A kimchang lutuk chuan ka sawi lo mai ang.




Mannuela hian Jeremy hi min ti na tu ani tih ala hreloa amah hi chu hna avanga a thawhpui mai chauha a ngaia a chhan chu Jeremy tih hming hi pakhat chauh a awm loh vang ani tuna mi hi ani tih hria se chu buaina a chawk chhuak duh ngei ang engmah hrilh ka tum lo a chhan chu amah hi hrelo law law se ka duh ani hrelo law law se ka duh buaina a tam mai mai dawn.




Ka tana inpe zo em em harsatna leh buaina hreawmna ka tawh pawha min kalsan ngailo tu hlimna chu siamsak ve ka duh tana ka theihtawp ka chhuah ve mek zel bawk mahse he mihring pa avang hian ka hnual leh rih thin ka thei ang ka ti ve tak na in a hmel ka hmuh chiah khan ka buai zo leh veka Mannuela tan hian a hreawm ang tih mawlh ka hlau thin. Jeremy tello pawn khang Chen kha ka lo nung ve tawha mahse tuna ataka amah ka hmuh avanga ka buai chiam chhan hi ka hre hauh lo ani. Thil a inthlak danglam ka hlau takzet bawk. An pahnih rilru hi tu emaw zawk zawk ka tina ang tih hlauhna in ka khat bawk si a hetiang thil hi ka duhlo takzet ani ka duhlo takzet bawk.




Zingah chuan ka phone ri ah ka harh zawka Mannuela anih avangin tep chuap chuap chung chuan ka chhang a ani erawh a work zo chiah ani maithei a thaw hlawi hlawi chu ka hre bawk "ila mu ani maw? Tho tawh rawh". A rawn ti a ka sam hui that pah chuan ka bawkkhup chu ka inlet thawk a "ka mut ala chhuak alawm dar engzat nge ni tawha? Iva tho hma ve". Ka ti nghala ka la hâm bai bai bawk.




"Dar 7 ani tawh. Tho tawh rawh a tlai tawh ania ti kha chuan ka nu in mo atan a duh lo ang che. Zing hma taka thingpui pe tu tur a duh ania" a rawn ti a, ka ner nghal nâng ringawt. "I ninawm, khatiang kha ka thawh theih nan sawi tawh reng reng suh fiamthuna chi pawh ani lo ania iti ve ziah lehnghal ka tho dawn" ka ti a, a rawn nui chhuak nghal hawk hawk bawk.




"Ivan tho hma ve" ham bai bai pah chuan ka ti a, a rawn nui ri suk bawk.



"Ka tih dan ziah thin anih kha. Intifai rawh lo kal hma la aw hna kan ngah kha chuan ka bulah awm hma rawh ka ngai tawh che" a rawn ti a ka nui chhuak hak "I tho hma ziah lo aw ve che I insawi tha thei bik lutuk mi zingah khatianga I sawi anih chuan ka puang Chiang khawp ang che mawle" ka ti hlaka a rawn nui chhuak hawk bawk.




"Ka kaihthawh ziah che kha chuvang chuan nang ai chuan ka tho hma hrim hrim intifai rawh le keipawh kan intifai tawh ange" a rawn ti a "awle" tiin phone ka daha intifai turin bathroom ah chuan ka lut nghal zat bawk. Rei zet ka intihfai hnu chuan insiamin chaw ei Turin ka chhuk thlaa ka nu chu ka mit min donate saktute nen an lo inbe mek bawka kan theihtawpin kan tanpuia anni pawn harsatna an neih chuan min rawn hrilh hreh ngai lo kan tih theih tawk a awm anih phawt chuan hnial lovin kan pui thin. Pathian kaltlangin anni atangin damna ka changa ka lawm ani. Ka lawm takzet.




"Bawihte vawiin chu in buai viau dawn em le? In rawn haw tlai dawn em? Mannuela kha chaw eia sawm ka va duh ve" chaw ei lai chuan ka nu chuan a rawn ti a, ka thil ei lai chu chawlin fian chu ka dahthlaa nu Sangi pawn ka nu chu alo en ve char char bawk. "Nu, chaw eia mi i sawm lohna rei tawh zia hi i hria em?" Ka ti chhuak phawng nu Sangi pawh chuan ka hmaah a kutzungpui a rawn ti pir vah bawk.




"Nia, khatiang dan te kha kan bansan a ngai tawhin ka hria mahni kan inhrem mai mai ani ka thiante dang pawh rawn ei an chak fo țhina ka lo hnawl zel mai sia mak an ti thei ania aw" a ti a, chaw a bar lehnghal zat bawk "i sût har kha ka ti reng ani hrim hrim in i dan lek kawh hi a țhing thei emai a tunlai tawhlo mi chawi eia sawm han khap te chu" ka ti a, nu Sangi nen chuan ka nu chu kan nuih khiah khiah bawk.




"Nangni pahnih kha, chaw ei rawh u nuih hunpawh ani lo hna in ngah dun lutuk" ka nu chuan a rawn ti hlak, kan nui lai chu tawp hmakin chaw chu kan ei nghala ka nu hi chu hlau dun tak kan ni. Țawngkam vîn min hman khum tawh chuan kan tlawm chiang hle bawk inhnial pui chi ani lo reng reng a ngaihna a awmlo.




"Nu ka kal, ka tlai dawn" tih pah chuan ka sam chu ka țawn țha mawlh mawlh a, min chhanna pawh nghak tawh lemlo chuan ka tlanchhuak nghala eng em em nge maw bathroomah khan ka tih em em le hetiang khawpa tlai tur hian Lalnunfela'n min lo hau leh ngei ang mawle chuan thil pakhat Company pana kal tur ka ni a ka huphurh.




Traffice jam pawh ngaihtuah lêk lovin ka tlana min man hial ang tih te pawh ka hlau zawk alawm le Building kawtah chuan ding dawtin ka Scooty chu ka dah țhaa inghahna tur kan sawi ah chuan ka lo țhu kur bawk. Ve lutuka chuan amah aia tlai ka hlau em em a alo la thleng tawp si lo ka lo hau ve hrep dawn alawm. Ropui tak khan zuitu neiin a rawn kal leh bik dawna lo melh rum ila a tawk chiah.




Ka sawi tawh angin reilote ah ropui tawkin alo thlenga min la rawn hmulo zui ka khawng chak ania ani chu zuitu a nei bika a lal bik hem hem ania kei erawh jam pawh ngaihtuah lovin vung fe fe in ka tlana min man pawh ka pawisa lo ania ani erawh saltute an pe țhuai țhuai a, mihring hi alo in an loh theih ngei mai.




"Nang ai ka thleng hmasa ania aw, tun țum chu inchawinaah i chaklo nghal pang a lo inring rawh kei chu ka chak char char ang nang i chaklo char char anga ka duh duh ka tih tir ang che" ka bul a rawn thlen chuan ka ti nghal vata engmah sawi lo chuan min nuih suka min rawn din hnaihin ka kawngah chuan a rawn vuana ka khabe ah vuanin min kuai daka min rawn fawp nghak vang vang bawk.




Ka kawnga nghet zeta min kuah pahin ka hnarah a rawn fawp leha "i hmelțha lutuk" a rawn ti sup bawk, a kawngah chuan kuahin a âwmah chuan ka bei a "zah pawh i i neilo" ka ti hlak bawk. Ka samah rawn chûlin ka chhipah chuan a rawn fawp vang vang a "High School ang em em kha chu ka ni tawhlo zak miah lova dawhkana zai ngam ang kha chu ka ni tawhlo ania" a rawn ti a, kan pahnih chuan kan nui chhuak hak hak bawk.




Kut inkai rialin kan luta hetah hian a chhuk hunah hna ka thawk dawn chu ani si a mahse ama tan ani bawk si. Jeremy'a hmuh reng tur nen chuan ka thei ange maw. Mahse ka in control anga ka theihtawp ka chhuah mai ang hna neih loh ai chuan a țha hrim hrim.




Jeremy office ah chuan kan luta an lo buai rem rem khawp mai dawhkanah te chuan an lo inchhawp hnawk ruih a Mannuel'n a biak pawh chuan kei min en lovin a chhang char char a a awmdan chuan ka awm pawh a ti nuam hauh lo Zorini a awm ve vang pawh ani maithei Zorini'n min thîk a hlauh leh vang ani ngei ang.




"Ka hman țep aw min lo nghak lawk mai ta che u khatah khan lo țhu lawk ula ka rei tawh lovang Mr. Mannuel" a rawn ti a, a țhutna min kawhhmuh lam chu kan pana an thil tih chhung zawng chuan kan lo titi char char a a chang leh kan nui leh huk zela ka hmui ka hup chiang thei mah mah bawk.




"Ka hman tawh e le, in sawi duh chu sawi ula" Jeremy chuan tih pah chuan kan hmaah chuan a rawn țhua chhete pawn min en miah lo mawle "kan company lampang hi ania kan sumdawn dun hnu hian kan hlawkpui takzeta i chungah pawh kan lawm mahse tunhnai hian mamawh seng luhnaah hian kan hnufual tlata heihi kan thiamloh nge nia heti lam thiamloh ni ta ang? Mahse, khuti lamah chuan kan theihtawp chu kan chhuah ve tak meuha" tiin Mannuela chuan a sawi țan taa Jeremy chhanna chu a ropui ka ti lo theilo.




Kan pahnih hmaah a thiamna a show ni maiin ka hria an sawi tak tak mai chu ka âng phuau thei mawle a hmuh ka hlau țhin si a mahse a thiam em ani. Thil engkim tih dan tur leh kalpui zel dan tur te leh tih leh tur hmabak thlengin a hrilhfiah kêlh a an hlawkpui loh a tik a takah a mak viau ang.




"I hman tawh em? I sawina hmuah chuan kan kal dawn em ni? Sawng ho saw chu Zamzami leh Mala sawn lo buaipui se kan tlai mai ang tih a hlauhawm" Zorini thu rawn sawi avang chuan Jeremy chu a bu nghata ding chhuak nghal vutin "puih theihna che u ka nei anih chuan sawi hreh suh ang che u aw" a rawn ti a, vawiin atana a vawikhat min melhna ani hial ang.




Zamzami te thil a hrilh hnu chuan kan chhuak ho diala "ka nu in chaw ei ah a sawm chea ilo ei hman angem?" Motora kan chuan hma chuan ka ti a "ka hrelo le ka buai hmel viau mai Jeremy min hrilh ho kha khuti lama thawn thlaka buaipui nghal ka duh bawk sia ka hman angem ka hrelo. Chuan inah ka dah phawt che nga ka lo hrilh dawn che nia vawiin chu ka buai dawn sia ka inthiamlo khawp mai ka bulah i awm dawn mang si lova" a rawn ti a, nuih var var in ka lu ka thing a.




"Ka hria lawm, mahse hna lam thil ani a ka hrethiam che thawk hah lutuk suh aw i taksa in a tuar mai ang" ka ti a, Ka scooty chu khalh in in thleng min daha a hmanhmawh em avang chuan luh kawi tir lovin ka tlangtir lehnghala office ah khan kan awm rei tawp dar 1 a kâwk va va tawh mai.




Ka mut hrep hnu chuan ka phone ri avang chuan ka harh hlawl a tu dang ni lovin Mannuela ani a chaw a ei hman loh thu a rawn sawia a buai viau ani ngei ang an țawng ri nuai nuai a phone chu a dah lehnghal daih bawk. Ka phone chu ka en a "awle, hna avanga buai theih zia chu ka hre tawh alawm hriatthiam ini e" ka ti chhuak sepa sana ka en chuan dar 6 ani dawn tawh mawle, ka va han mu hnem em em ve mawle chaw ka ei vang kha ani ngei ang.




Ka nu alo awm lova tlai tawkah hna a kal leh ani ngei ang, nu Sangi lah huan lamah a awm daih bawk si a pawn lamah chuan ka chhuak ve ta ringawta mahse Jeremy car lo awm va chuan min ti phu chiang kher mai, alo thleng chiah nge ni motor ațang chuan a rawn chhuka ka lam pana a rawn kal chu ka lo en reng ringawt bawk. Enge maw a rawn tih dawn le?




"Enge i rawn tih dawna?" Ka bul a rawn thlen hma chiah chuan ka ti a, "in be lawk ang thil sawi dun tur kan nei" a rawn ti sup, a kekawr ipte chu a zen hluna a hmel tawrhhlelh awm zet chu en pawh ka en ngam lo "nangnen hian sawidun tur pakhat mah kan neilo chuan lo kal tawh suh ka tih che kha nge ilo kal leha" ka ti a, lu thing nghutin a nui suk lehnghal.




"Sawi dun tur kan neih avanga lo kal i chauh ka ni chuan thil zawh ka duh bawk chea chhanna min pek ngei ka beisei chu pawh thudik tak" a rawn ti a, a rawn pen hnai lehzual sauh bawk. "Nangnen hian engmah sawi dun tur kan nei loa chuan zawh tur min nei bawk hek lo min kalsan rawh ka hmu duh tawhlo che" ka ti hmaka ka inher ruala varanda ka rap tur chiah chu a thu rawn sawi avang chuan ka ding dat a, a thusawi mai mai chuan ka tha a tikhura ka ngaihtuahna a ti tawi nghal tup mai.




"Min chhang rawh Duati, ani kha i Hmangaih em? I hmangaih anih chuan min hrilh la ka tibuai tawh lovang che" a rawn ti nawn leha engkim chu a reh nghal tlawk tlawk ani ber a thusawi chu ka bengah a ri nawn tluk tluk a ka thin te chu a phu rang dawt dawt bawk. Hnah thel ro tla a rawn rah rîk te chuan ka lam a rawn pan tih ka hre thei.




"Min chhang rawh, i Hmangaih chuan ka tibuai tawh lovang che. I hmangaih lo anih erawh chuan ka neih let theih nan che ka theihtawp ka chhuah ngei ang" a țawng ri te chuan min rawn hnaih tial tial a ka hnung chuan pangtilum a hre nghal zat bawk "Duati" ka hnung ațang chuan a rawn ti zâwi sup, ka mittui a ko chhuak ringawt nia ka mittui a tling kuau mai engvanga ka mittui rawn tling ringawt nge maw anih ang le.




Ka țah chhuah ka hlauh em avang chuan ka hmui ka pet ngar ngar a ka biang te hi a kham urh thei ka kut te chu a khur dawt dawt a ka hmer nghal vak ringawt bawk "ka hria Duati, engkim vang khan ka tihpalh ka thiamloh ani ka ring lo che a chuan i nun kha infiamnan ka hmang hauh lo, hmang ni ilang chuan engvangin Zorini kha ka țhen duh kher ang? Khang ni hnih chhung lek pawh khan thil tam tak ka zir chhuah phaha thil tam tak i hrethiam pha kher angem ka hrelo buaina ata min hnûkchhuak ka ti mai ang chu. I mit i donate dawn tih pawh kha ka hre hmasa ber ngei ang mahse khami zana video min entir khan i chungah ka thinrim em em a huatna che khan ka khat ani ber chuvanga rawn be lo chea rawn thlah lo che ka ni bawk. Mahse Sylvia hnen ațang khan engkim ka hre leh veka mahse alo tlai tawh si. Vanduaina i tawh chhan ka chhuia engkim khan ka ngaihtuahna an ti tawi tupa tih ber tur pawh kha ka hreloa an sawi ang ang kha ka zawm tawp ani ber" inthiamloh hmel zet chuan a rawn ti a. Chhang lo chuan ka ngawi renga ka hmui pawh ka pet na vek tawh.




"I mit a țha leh tih ka hriat pawh khan ka lawm asin. Mahse harsatna leh vanduaina i tawh lai pawha i bula ka awm lo kha ka inthiamloa ka call che pawn i chhang thei lova i țhiannu Sylvia pawh kha ka chah kha nangman min rawn be tur che in mahse min rawn be lo khang te khan ka ngaihtuahna an ti tawi tupa tih ber tur pawh min ti hrelo. I hria em? Ka ngai che Duati, ka ngai che" a rawn ti zâwi sup. Ka ngai che tih a sawi chuan ka thinlung a ti rûm vawng vawng a ka mittui chu ka kutah chuan a far thla ta keuh bawk.




"Min chhang rawh, khapa kha i Hmangaih em?" A rawn ti nawn leha a aw ah chuan a inthiamloh hmel ngawih ngawih bawk. A zawhna te chu chhang tura min duh zia a aw ațang chuan a lang vek bawk "Min chhang rawh ka tih chu" rawn ti leh hrâwkin min pawt her nghal lawp a ka mittui a hmuh rual chuan a hmel awmdan chu chawp leh chilhin a danglam nghal vek bawk. "Ngatinge i țah? Engvanga țap nge inih?" Ka hmel leh taksa en kual pah chuan a rawn ti nghala ka biangah chua a rawn dawm nghal ti tih bawk.




"Dâwt i sawi leh em? Dâwt i sawi leh em? Min chhang rawh" ka ti țiau a ka mittui ka bianga luang chu a rawn hru nghal bawka "min chhang rawh" ka ti lehnghal țiau, a lu a thinga "engmah dawt a awmlo dawt ka hrilh lo che ka hrilh ngai bawk lovang che. Khang dâwta ka rinna che ah erawh kha chuan ka tihpalh ani. Duati, min ring leh dawn ani tiraw? Khapa kha i Hmangaih loh thu han sawi teh" ka bianga nghet zeta dawm pah chuan a rawn ti a insût hraih in ka lu ka thing a.




"Ka hmangaihin ka hria ani... a chhan chu ka tan a awm renga chuan ka..." a hmel awmdan ka hmuh avang chuan sawi zo lo chuan ka ngawi leh data a hmel te chu mak tihna in a khata ka mitah chuan min en ngawt ngawt a ka biang a dawmna chu a thlaha vawn beh leh ka tum rual chuan a tawlh hnung nghal dat a a hmel te chu hrilhhaina in a khat ani ber. Keimah chu min en tlawk tlawk a "i țha em?" Ka ti chhuak sep bawk.




"A theih loh, i Hmangaih thei lo dâwt ani tiraw? Dâwt ani tih min hrilh rawh. Hrep chuan i Hnangaih lo ani tiraw? Nilo, a theih loh" a ti chhuak tuarh a thinrimna avang nge rilru natna avang chuan a thaw chhuak hawk hawk a "dawt ani tih min hrilh rawh Duati" a rawn ti tuarh, ka ban bul ve ve ah chuan dawmin min sâwia ka ban a hmerna chu a na ngawt ngawt mai.




"Dawt ka sawilo, ka Hmangaihin ka hria ani chuan a dik ngei pawh ka ring. Harsatna te leh manganna ka tawh laiin ka bulah a awma chuan min nuih tira ka tan a awm renga min kalsan ve ngailo bawka nang angin infiamnan min hmang ve lo bawka min ti hlim asin hlimna min thlena chuan ka thinlung hian a pawm ve bawka chu chu Hmangaihna a niin ka hriaa chuan ani kha ka Hmangaihin ka hre bawk ka tihsual ka ring lo ka Hmangaih ani, a chiang tawh em? Dawt ani lo" ka ti ve tuarh a min vawnna chu a thlah nghal dawt rilru nat hmel zet hian a kat nghal dawrh bawk.




"Ka... mahse" tia ka ban ka phar chhuak chu a kut chuan min lo dang a "ka hria e, ka tlai mah mah tawh anih hi. Ani khan a tihlim thei zawk che anga nangmah pawn nuam iti daih zawk ang ka hria e ka thiamloh ani engkim vang khan min ngaidam dawn nia ka puihna in mamawh anih chuan engtik lai pawhin ka pui reng ang che u. Mahse heihi hria la ka duh Ka Hmangaih che" a rawn ti chhuak sup, min nuih sukin a inhera a motor awmna lam chu a pan nghal vuta.




Chak zeta a tlan liam chu ka en renga varanda chhuatah chuan ka țhu thla hnawka ka mittui a rawn luang thla zung zung mai. Engvang nge? He mittui hi engvanga luang nge anih? Ani ai khan Mannuela ka thlang tawh zawk ani lawm ni? Mahse tinge rilru nat vanga a rawn luan hlim tur zawk ka ni si a mahse tinge ka țah si. Engvang nge? He zawhna chhanna hi tunge min pe thei ang?.Ka hmangaih nia ka rin ka thlang zawka mahse ka mittui leh taksa te te hian min pawmpui angin an lang hauh si lo "Jeremy" tia phun chhuak supin ka țap chhuak nghal hawm hawm bawk, pakhat rilru chu ka ti na ta.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)