AT THE ELEVENTH HOUR BY : Msi Miluhlulnui (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: AT THE ELEVENTH HOUR BY : Msi Miluhlulnui (Completed)

Unread post by Ngaia » May 10th, 2020, 1:59 pm

AT THE ELEVENTH HOUR - 7

By : Msi Miluhlulnui


💜 Life is Beautiful and precious. Don't take it for granted.💜


👇 note a awm aw, min lo chhiar sak theuh dawn nia aw.👇




"Hruai duhna che ka nei" a rawn ti sup, ka hmai bulah chuan a rawn thaw lum ham ham a, ka thin hi a sawt chhuak dawnin ka hria "ka duhlo, ka kal duh lo ka chhuak duh. Ngatinge a hetiang i awm fo a, hetianga i awm ziah vang hi alawm nizanah pawh khatiang thil kha a thlen, khawngaih takin ka ngen a che ka tan harsatna min siamsak tawh lul suh a hreawm emai" maimichhing reng chung chuan ka ti chhuak sepa, nizan thil thleng ka mithlaah a rawn lang nghal zat bawk.




Ka biangah chuan a kut phah lian zet chuan a rawn dawm a muangchangin ka meng chhuak riai riai, thúk zeta ka mita min melh chung chuan min rawn awm hnaih sauh a "khawngaihin hetiang hian awm tawh suh, ka ngen a che harsatna min thlen tawh suh keipawn ka thlen tawh lo ang che" ka ti chhuak a, a rawn rúm nghut.




"Harsatna min thlen lo, engkim ka siam tha vek ang eng harsatna mah min thlen lo a tha em?" A rawn ti zâwi sup, ka lu ka thing nar nar a "engkim ka siam tha vek ang iti a mahse siam that a hnêkin amah kha ila then zawk ania. Engtin nge i theih zawk? A thiam lohna pakhat mah a awm hleinem, i bulah khatiang khan awm lo ila chu nilo, ka dikna fiah pui tur che khan rawn sawm lo che ila chuan dawr ah te khan khatiang khan amah kha tawngkhum lo ila, dinner ei pui te, a birthday lawmnaah te khan lo kal lo ni ilang chuan hetiang thil hi a thleng hauh lovang, engkim kha ka thiamloh ani in hmangaih tak te inkarah duhreng vang ni lovin ka tla zepa chuan duhreng vang ni lo bawkin keimah vangin an inthen leh a engkim hi ka thiamloh vek ani, ka tihpalh ani, min ngaidam" ka sawi zawh hma hma chuan ka khabe ah dawmin min rawn fawp vang vang a, ka lu ka tih chêt rual chuan nghet zeta ka tukhum dawmin na zet hian ka hmui chu a rawn fawp a, ka bekah ka mittui a luang thla zung zung bawk.




Muangchanga min fawhna thlahin ka chalah a rawn fawp vang vang a, a banah chuan ka hmer chawt ringawt "hetiang hian awm tawh...." ka sawi zawh hma hma chuan ka hmuiah a rawn hup a a mitah chuan chiang zetin ka en lêt ve kalh a a lu alo thing nghut.




"Engmah i thiamlohna a awm lo, chuan ngaihdam min dila thiam lo anga lan kha bansan rawh. I duhreng vang ni lovin i rawn tla zepa mahse keiin ka duh reng vangin ka then bawk, dawra i tawngkhum dan kha engmah a pawina a awm lova i dikna fiah tura min rawn pan pawh a dik lohna a awm lo dinner thleng khan, kan inkarah rawn tla zep lo la chu ka inhmu chhuak hauh lo ang. Kan inkarah Hmangaihna a awm lo Hmangaihna hi sex vanga piang chhuak ani lo bawk" a rawn ti a, ka lu ka lo thing nghut a, mahse rúm nghutin ka khêlah a rawn vuana min chawi kangin a mal chungah min nghat thal dawt anih chu! Ka meng nghal kâwka, ani erawh a nui ri suk mai.




Ka hmui hut bet reng chungin seat belt chu keimah chawpin a hreng a, a âwmah chuan ka bawh rawk a "che miah lo la, tawng bawk suh ka thusawi hi ngaithla la anih loh chuan hetianga pawm chung che hian inchhungah ka luh pui ang che" ka beng bulah chuan a rawn ti zâwi supa, ka íp nghal châwih mai, a car glass chu vawi lehkhatah a rawn thim veka pawn lam engmah a hmuh theih tawh loh.




"Engthil nge maw itih hi le? Min dahthla rawh miin min hmu ang, chuan hetiang hian awm suh" ka ti a, seat belt phelh tum chuan ka zu bana mahse ka banah a rawn hmer chawta kan inkarah a dah nghal tawp anih chu "min thlah rawh, ka haw duh" melh deuh ram ram pah chuan ka ti chhuak that, nui sukin a lu a thing nghut a.




"Ka thusawi i ngaihthlak zawh hma chu i chhuak lovang, chuan hruai duhna che ka nei bawk" a rawn ti thâwp sup, ka ngei êm avang chuan ka melh rawm rawm a, ani erawh a nui suk mai. "Dawra Zorini i tawngkhum dan khan tun thlengin min la ti nui suk thei, khatiang tawngkhum ngam kha nangmah chauh ila ni bawk. Tu vak mah hian an ngam teh chiam lo, chuvang chuan i kawlh reuh ngít ngêt bawk. Kan inkarah rawn tla zep lo la chuan inngaihzawnna kara awm thin hi ka hre hauh lo ang, kan inhriatna ala reilo mahse min hneh em em tawh si engtik lai khan nge tiang thinlung ka lo put hman ka hre hauh lo, khami zan in ina ka pawm luh zan che pawh kha ani maithei" a rawn ti sup a, a sawi lai reng chuan ka lo íp châwih châwih ni maiin ka hria, engvanga hetiang hi sawi chhuak ta vak nge maw anih le.




"Chutiang sawi hun pawh ani lo" ka ti that, ka kut a húm beh chu phawrh chhuah ka tuma mahse ka theilo "ka haw duh ka tih chu" ka ti leh a, ka banah min rawn pawta amah chu ka bawh rawk rawk a a hmuiah ka zu fawp anih chu!. Rang lutukin ka awmsawn nghala "hmela, i zak em? Min chhuk tir rawh" ka ti vaka, ka hmui tuai tur pawn ka kut a man bet bawk ai ka kâ chiahin tan a chhuah thei tawh.




"Nangma duhthu in min fawp ania, ka zak hauh lo" chimawm zet chuan a rawn ti leh, melh rawm rawm pah chuan ka kut chu ka pawt vaka tinge mipa hian tha an ngah bik em em le heihi chu a fair lo deuh ani. "I haw hmain khawiah emaw ka hruai lawk ang che" a ti sup a, ka hmuiah rawn fawp zeuhin seat belt chu a phelha a ka khêlah vuanin ka thutna ah chuan min hlang thla nghal nawlh a, seat belt chu min rawn hren tir nghala ka hmuiah a rawn leh zeuh peka, a zaklo tih bak hian sawi dan tur ka hre thlawt lo.




Motor chu tinungin a tlanchhuak zui nghala hnialin awmzia a nei lo tih ka hriat chian em vangin ka hnial lo mai mai a, ni lo se chuan ka tlawh thal tawp tawh ngei ang. Nizan te khan ka duh hman amaw ka tia mahse duh chu khawiah a huatin ka haw so bawrh bawrh.




Kut inkuangkuahin darthlalang chu ka nghenga ka maimichhing vang vang bawk. A thusawi te kha ka ngaihtuah leta thenkhat kha chu a sawi dik na mauh mai mahse chuti khawpa inkawp rei tawh inneih pawh tum hial tawh chu an inkarah engtin nge hmangaihna a awm loh theih zawk. Nizanah awlsam takin an inthen leh bawka, induhna leh hmangaihna a tel loh chuan engvanga inkawp nge an nih tak ang le.




Ka ngaihtuahna maksak tak tak avang chuan ka lu ka thing vaka tu thiamloh nge ni a, engtia kalpui tur nge pawh ka hre tawh lo chu nih hi hepa leh Sylvia lah hian ka thiamlohna a awm loh thu an sawia mahse kei erawh chuan ka thiamlohna angah ka ngai ve hmiah. Khatia kan awmdun lai a rawn hmu anih chuan tinge rawn kala min rawn hauh mai loh, khatia sawi kher lo khan, chu thil ringawt chuan ka rilru a tibuaia kha zana kan awmdan ka ngaihtuah zawng ringawt pawh hian ka tím nghal châwih thei.




"Bawihi, kan thleng tawh" Jeremy tawng chu ka hre reng, mahse ka meng thei thlawt lo ka mumang nuam zetah ka la cheng mek "khatih pawh khan min ko suh, hming ka nei ve reng" ka ti niah niah a, mumang nen ka la hriatpawlh ni maiin ka hria. Tunah hian mipa chhelo leh hot em em in min awm hnaih meka 'bawihi' tiin min duat hmel takin min ko a, mitmeng zím sunin min melh bawk.




Ka biang a rawn khawih rual chuan ka meng chhuak kâwk! Jeremy hmel chiang zet ka hmuh rual chuan ka au chhuak nghal vak a a âwmah chuan ka nem vak vak a a thutna ah chuan thu thla dawtin a rawn nui rúm hawk mai. Enge ka chungah khan thleng, tuna mi kha ka mumang ani em? Anih loh vaih chuan ka chhe vek ani mai.




"Enge khatia hnai zeta min melh thina" ka ti chhuak nghêk, nui chhuak hawkin min rawn en a a mitmeng te saw ka mumanga ka hmuh nen khan a van in ang tak "i mumangah enge i hmuh zawk? Ka ko chea, i nui ang vur vur a i hmui ila rawn ti pawrh vak lehnghal" a rawn ti a, a mit ko a sân ak, chimawm zet chuan min rawn melh khera.




Ka bula bottle awm chuan ka vawm pawpa " i over lutuk! Engmah ka hmu lo bawk, dâwt hi phuah chawp ziah suh" ka ti hlara, nui chhuak hawk in bottle chu a dah thaa " i awih loh leh i thu, i mumangah chuan i bialpa in alo fawp dawn che ani ngei ang" a rawn ti leh kher anih chu!. Tur zeta melh pah hian "Jeremy Lal..." ka ti chhuak vaka nui rúm hawkin car kawngkhar chu a hawnga a zui nghal zat bawk. Arg.... a hmingpuma koh ka tum.ve ziah, mahse ka hre bawk si lo. Sual lutuk mai, ngatinge a chimawm em em mai le.




Ka awmna lam kawngkhar chu a rawn hawng a, inkuangkuah at in hmun dang ka hawisan hmak. "Lo chhuak la" a rawn ti sup, chhan pawh ka chhang lo "bawihi" a rawn ti leh "imak lutuk. Hming panngai ka nei ve reng" ka ti teu hlara. Hming pangngai ka nei ve renga min koh ve mai thin âwm.




"I hming pangngaia ka koh che in i duh bawk si lo i hming ni loa koh i duh bawk si lo, i mak zawkin ka hria" a rawn ti a, chumi rual deuh thaw chuan ka taksa chu a kang nawlha car kawngkhar chu khar in min pên sawn pui nghal pâwk pâwk anih chu!.




"Hmelchhe pa, min thlah rawh, i mak lutuk emai engtia han tichi hi nge maw inih le? Ka hrethiam thei lo che, ka hua che, min dahthla rawh" tih pah chuan ka leng vak vak a mahse zo zetin min pâwm beta a kal nul nul tho "bawihi, thinrim laia tawng hlâwk lutuk hi a tha ber lo ania" a rawn ti a, melh hrep pah chuan a âwmah chuan ka chúm pawpa, nâ ti âwm ang pawn a lang lo min kalh zawnga a thil sawi te hian ka thin an ti rim hlur ni maiin ka hria.




Hmana ka thil deliver na inah khan min hruaia sofa ah min thuttira ani erawh chuan 'min lo nghak lawh rawh' a ti a, in chunglamah a chho daih thung, awm an awm lo ani ngei ang a reh tlawk tlawk a âu pawn kan âw a khâwk rum rum thei. Inchhung thil vel chu ka enkuala engkim chu a changkang thei ang ber vek ani a a faiin a thianghlim em em bawk.




Jeremy chu enge maw keng chung hian a rawn chhuka ka bulah chuan rawn dingin lehkha hi min pe a, ka en chuan ka hnathawhna I.D alo ni renga engtik lai khan nge ka thlauh anga, chuan tinge a bo tih pawh ka hriat miah loh. Khami ni khan ka keng reng reng amaw ni le.




"Heihi, engtin nge i kawk daih theih a?" Ka ti a, ka bag ah chuan ka khung tha mawlh mawlh bawk "ka office ah alo awma ka hâwn anih kha" thatchhe zeta sofa a thut pah chuan a rawn ti a, engtik lai khan nge maw ka thlauh ang le. A bo tih pawh ka la hrelo zui ania.




"Chuan enge hetah hian kan tih dawna? Thil hmuh tir duh che ka nei iti sia" hawi kual pah chuan ka ti a, "kha chu chhuanlam mai ani e, chuan kha pawh chhuanlam, ka bula awm tura ka duh vang che" a rawn ti leh supa, sofa a thu chung chuan ka che vel chu min lo en ngar ngar a, en duh lovin ka hawisawn vat zel bawk.




"I ho emaia, tihtur a awm loh chuan ka haw duh tawh ania. Ka nu ka ngaihtuah tawh, a dam tha bawk si lo" ka ti a, ka bag ah chu ka siam tha mawlh mawlh a alo inherh vek anih hi mawle, nichina min pawm behna lamah khan a inherh ani ngei ang.




"Haw ang, kal ang" tih hluai paha ka hawichhuak chu ka hmaah hian alo ding kur a rawn kun hniamin chiang zet hian min en nghal bawka, ka chil ka lem dâka, ka mit chu kawngka lam hawi chuan ka ti che zeuh a, a lu a rawn thing nghut.




"Anih chuan keimahin ka haw anga ani mai lawm" tih pah chuan ka pênsawn nghala mahse rei pawh ka pên hmain ka kawngah rawn vuanin min her zawka a lamah chuan min hnúkhnai hrâwkin a taksa si chêt chuan min kuaha ka darah khabe rawn nghatin a thaw chhuak ham ham bawk. A thil rawn tih dan avang chuan ka hamhaih ani ber, chêt mai nachang pawh ka hrelo.




"La kal suh" a rawn ti supa, a hmui chuan ka nghawng a rawn nul thuak thuak a, ka íp nghal châwih bawk. "Ka haw duh tawh alawm" ka ti a, ka tang tung tawh. A kutin min dehna hi a sa hat hat mai. "Keiman, ka thlah haw ang che, tihian awm lawk ang" a rawn ti a ka samah a hmai a phuma ka sam chu a hním vang vang mai.




"Ka,, ih... engthil nge maw itih le?" Ka ti bah ta nawka, ka âw te hi a khur velin ka hria "ka ngai che, Lalrinnung ka duh che ni maiin ka hria khang reilo te chhung khan ka thluakah hian chi i rawn theh darh em ni? Tinge ka ngaihtuah reng che" a rawn ti thâwp sup, a thusawi awihawm loh lutuk avang chuan ka âng phuau a, ka nghawng chu a rawn fâwp zeuh a ka íp nghal châwih bawk.




"Ka... engthil nge maw i sawi le? I â tawh ami?" Ka ti khur deuh ti tiha, he mipa huhâng ngah zet hi a â tawh anih loh vek pawhin tih danglamin a awm chiang mai. "Ka â tawh ani ngei ang, ka hmuh tirh atang che khan i tawngkam ho te avang te leh i chimawm ve ngít ngêt reuhna te khan tullo zetin min ti nui thin, engtik lai khan nge ka thluakah chi i rawn theha nangmah chauh ngaihtuah tura min siam tak?" A rawn ti zâwia sup, ngatinge hetiang thu hi a sawi tak vak vak mai le.




"Min thlah teh, ka haw duh tawh" ka ti a, nem sawn ka tuma mahse ka thei derlo "kan inhriatna la reilo mahse harsatna ka siam ziah che, keimah vangin Zorini kam khat pawh i hlawh ziah ka ta inih hma hauhin ka ti na tâwk tawh che, mahse engkim kha siamtha leh vek ang" a rawn ti a, nghet zetin min kuaha ka thaw theilo lek lek ani.




"Ka thaw tha theilo ania" ka tih rual chuan min thlah dul deuh hleka ka thâwk hawk thei mahse min kuahna ala phelh chuang lo "sorry" a rawn ti leh sup, ngatinge ngaihdam te min dil vak vak le, helai hmun kan thlen hma kha chuan engtin mah a awm si lova chimawm zet zet khan a awm reng ani a mahse tunah lêm ka thinlung kawih her tum ang maiin min thlêma, ka awmdan tur pawh hi ka hrethiam tawh lo e a.




"Ngatinge, hetiang hian i awma? Min ti hrilhhai ania Jeremy" ka ti chhuak sepa ka nghawngah chuan thaw chhuak hawkin ka darah chuan min rawn vuana tlemin min nawr hla hleka ka mitah chuan chiang zeta min en in ka hmuiah chuan a rawn fâwp zeuh a, rang lutukin ka hup a ani erawh a nui ri suk mai.




"Ka duh che Lalrinnung, ka duh che. Engtik laiin nge hetiang hi ka chungah a thlen ka hrelo. Hetiang tawngkam ka hrilh hmasak ber ini bawk" a rawn thâwp sup, ka meng kâwk chu hmu in a nui suka "ka duh che" tih leh supin ka chalah chuan a rawn fawp vang vang a min kuah bet lehnghal hlu hlu a a awmdan maksak lutuk avang chuan sawi mai tur pawh ka hrelo, min tih ang ang chuan ka awm ve tawp ani ber.




Car a kan chuan lai te chuan a thil sawi te chu ka ngaihtuah lêta ka thluak te thleng thleng hian a ti tím vek ni maiin ka hria min biak pawh chuan ka chhang lova ka ngaihtuahna chu a kal ding hle bawk, ngatinge? Engvang nge? Khatiang thu kha a sawi tih ringawt chuan ka rilru a kama, tullo pui pui min ngaihtuah thlen tir chiam bawk.




Min duh turin a lakah engmah tih ka nei lova ka englai hi nge maw a duh niang le? Mipa dang pawn min duh thu min hrilh ve châwk. Mahse hepa thusawi erawh chuan ka thinlung a khawih em em a min hneh bik ngawih ngawih ni maiin ka hria.




Thúk zeta min melhna te kha ngaihtuah let hian ka mur sung sung thei, kei pawh hi ka dik vak tawh lo ani ngei ang. Nizanah Zorini a thena a tukah tunah keima bulah min duh thu a rawn sawi leh a, nizan thil thleng te pawh ka theihnghilh tha fum fe hman reng reng lo, engvanga hetia awm hi nge maw anih ang le. Zorini khatia ka tih avang khan phuba ka lakah a la dawn aniang a. Tih te thleng chuan ka ngaihtuaha mahse ni theiin ka hre ngang lo, enge ngaihtuah tur nia engtia tih chi nge tih lah ka hre bawk si lo, hepa vang hian ka ngaihtuahna te hi an â vek thei dawnin ka hria.




Motor a din dawt rual chuan ka harh chhuak zawka kan in kawtah kan lo awm reng tawh, Jeremy an "Bawihi" a rawn tih leh rual te chuan ka thin te hi an phu dawt dawt a amah pawh en lo chuan "ka lawm e aw ka I.D min lo kawl that saka, ka thlauh lai pawh ka lo hre hleinem, ka kal phawt mai ang, mangtha aw" ka ti zung zung a, motor chu ka hawnga ka chhuaka kan in lam chu tlan meuhin ka pana ka hnung a za phei mer mer mai.




Kawngkhar chu hawngin rang zetin inchhungah chuan ka lut nghala ka âwm dawmin ka thaw chhuak nghal hak bawk. "In va rei em em ve a, enge in tih em em?" Ka sir maiah chuan Sylvia chu aw chiang zet hian ka hriaa ka thinphu rang lutuk pawh a reh fel hma hma chuan ka phu leh hrama. Hemi te pahnih hi ka haw lutuk ringawt.




"Kan duh duh kan ti ang, nangnu hi rawn kal teh. I châk dawnlo" tih pah chuan a banah ka va man chawta thutkhawmna lamah chuan ka kai phei nghala sofa ah chuan ka pawt thu hnawka min la nuih vur vur lehnghal.




"Vawikhatmah dâwt min hrilhin khatiang khan awm tawh suh ka ngei lutuk che i hria em? Phakar reuh lutuk mai, min nuih suh" ka ti that a a kâ hup meuhin a nui khur char char a a chalah ka zu pen fawk!. " Sylvia ka ti tak tak ania khatiang khan vawikhatmah ti tawh suh min ti hrilhhai thei lutuk" ka ti a, a bulah chuan ka zu thla dawt a.




"A nuam ve lawm" a rawn ti sam êt lehnghala ka khawng fawk dawn amaw ni le. "Ka nu enge a an?" Ka ti a, min rawn thut hnaih sauh sauh a "a muhil a. Enge in tiha vew? Min lo hrilh teh" zâwi tê hian a rawn ti a, ka melh nghal rawm rawm mai.
"Engmah kan ti lo, zawh pawh min zawt suh ka ning ka nu bulah ka kal dawn, ka ngei che a ka be rih dawn lo che" tih pah chuan ka tho hmaka ka nu room lamah chuan ka kal nghal daih bawk.




Sylvia pawh kan inah chaw a rawn ei ve leh thawr a, min tih lungawi tumin min thlêm char char a, ka tih tauh khum lui ve ngar ngar bawk, ka nu pawh engmah buaina a nei tawh lova mahse hnathawh erawh chu ka la phallo bur, a hna avang hian a taksa in a tuar phaha hna thawk leh dawn pawh nise a hriselna hi a pawimawh hmasa ber tawh.




Zingah chuan kan tih ngai loh dan deuhin ka nu chu exercise ka lakpuia amah pawh a infit lo em em a, hna ringawa a bura exer lak te pawh a mamawh hle bawka kan la zo chu a tih leh tawh ngai loh tur thu a sawia a chhan pawh kan inkawtah hian vawi 20 ka tlan kual tir miau a, a tlan zawh chuan min melh rum teh asin.




"Nu, hna i thawh pawn ti nasa lutuk suh i taksa khan a tuar leh vaih chuan i hna zawng zawng kha ka paih bo sak vek ang che. A rem hunah chuan show te chu in nei ve mai dawn alawm hmanhmawh chúk chúk pawh a ngailo" ka chhuah hma chuan ka ti leh hrama thuawih takin a bu ve nghut nghut a ka bag chu ah that mawlh mawlh pahin ka chhuaka ka Scooty chu la chhuakin dawr lam pan chuan ka inkhalh chhuak leh nghal bawk.




Dawr parking naah chuan ka motor park in helmet chu seat hnuaiah ka dah a chahbi chu ka bag ah thunin dawr lam pan chuan ka kal chho a, dawr lo reh thup chuan ka ngaih a ti thalo lek lek tun ang hunah te chuan a hma khan an phe suau suau zel si a customer pawh an awm lo te pawh a ang zawk alawm le.




Muangchangin kawngkhar chu ka nam hawnga dawr chhung chu alo reh thuap a ka thawhpui dang te an awm tho si a tinge tumah hian hna an thawh loh le. "Rinrin, madam in a office ah a nghak reng che a keini hnathawh pawh a phal rih loa va kal chhin teh" Sangsangi chuan a rawn ti a, bangbo zetin ka bag chu ka dahtha a madam office lam chu ka pan nghal vut bawk.




Madam kawngkhar hawnga ka luh rual chuan sofa ah chuan hmeichhe pakhat nen an lo inbe meka muangchangin ka pan pheia "madam, min hmu duh em ni?" Ka ti sapa, a biaknu nen chuan an rawn hawi rual nghala a biaknu chu tu dang ni lovin Zorini alo ni reng bawk.




"Hmu duh e, i tan lehkha a vawihnih nan a rawn thlenga he thil hi chu ka chinfel a hun ve tawhin ka hria. I hria anga thawktu te tana lehkha a vawihnih nana a lo thlen tawh chuan zawm loh theih loh ani thin tih. Chuan i tan lehkha a rawn thleng ve leh ta chiaha i chhuah hma in i chhiar hmasa phawt duh em?" A rawn ti a, hrethiamlo zet chuan ka melh kiau a, Zorini erawh chuan min lâwm vak lo tih a hmel atang chuan a hriat theih vek bawk.




"Ka... mahse tunge rawn thawn leh a?" Ka ti a, ka hma zawna lehkha a rawn vawm chu ka la a "keiman" Zorini chuan a rawn ti fak. Muangchangin lehkha chu ka pawt thlera a chhunga awm chu ka pawt pharha a chhunga thu inziak chuan min thawng takzet. A hmaa buaina leh rukru angah min puh anih chu!.




Lehkha chu dawhkanah chuan ka theh thlaa "he thil hi engvanga ti nge inih?" Ka ti let ve sak!. A nui saka madam chu a chhuahtir nghal daiha kan pahnih chiah kan ni tawh. "I hria ang chu a chhan te chu a hma te kha chuan zah lohna ani tawha tunah rukruk leh thil dang dang. I dik ani tih fiah puitu che pawh an awm tawh lo, tlâwm mai rawh min hneh chuang lovang" a rawn ti a, chapo zet chuan a rawn ding chhuak ve lehnghal zat bawk.




"Ka dik ani tih min fiah pui turin tumah ka mamawh lo chuan eng thil nge ka ruka i thil kha ka ru em ni? I bungrua nge ka ruka dawr buangrua zawk. Ka hrilh chiang ve tawh chein ka hria dâwt ai chuan dikna a ding chang ziah thin" ka ti ve leh khera chimawm zet chuan a nui chhuak har har a, dawhkana ka lehkha dahthlak chu a la a.




"Ka bungrua pawh i ru lova dawr bungrua pawh i ru hek lo, i thil rúk kha hre lo der vel suh ka bungrua aia hlu zawk ka hmangaih min ruk saka hriat loh der vel kha tum hlek suh. Chuan he dawrah hian complain vawihnih an dawng anih chuan engmah sawi lova ban nghal tawp theih an ni tih ka hre ve veka. Ka hmangaih min chhuhsaktu lakah phuba chu ka la ve ni mai rawh se" ngeiawm zeta rawn tih pah chuan lehkha chu a pawt thlera a nawi chu ka hmaah a rawn ti tla kher bawk.




"I rapthlak hle mai" tih zawng sawi theih ka nei. Keima lak atangin complain vawihnihna atan a luta sawisel lova zawm nghal ka ngai tih ka chian na chuan min ti na ut ut ani ber tawh. "Aw.... ka rapthlak alawm ilo la hre ve na nge ka tana i hnawksak anih chuan hei ai pawh hian ka la rapthlak thiam ania ka tana hnawksak apiang chu ka kawng atang ka paihbo thin. A tuartute awmdan thin i hria em? Khawngaih min dila an tap thin asin. Mahse boom! Ka tan chuan khatiang mittui te kha engmah ani ve lo" chapo zeta rawn tih let ve sak pah chuan dawhkan chu a kal huala ka hma zawnah chiah chuan a rawn ding vâ bawk.




"I inngai ropui hle mai, vawiin hian i chaka kei hi ka hna atang min ban pawh ani thei, mahse ngaihtuah teh. Eng hlâwkna nge i chan ang le? I hmangaih tak chuan a kalsan tawh si che a, a hmangaih ve lo che aniang a nge ni a nawm chen nan a kawp mai mai che niang le, ka hre chak khawp mai. I hmangaih chu engtin fakau nge ka lo laksak che le. Ama nunna ka la pawh ani lova i tawng chapo mah mah lo maw!? I hmaa mittui ti tla tur chuan min phút kher lo la, nangni ang mi hausa sum hmang chauha thil ti thei te hmaah hian engtikah mah ka mittui hi a tlak ka phal lo ang. I hausakna khan a ei ral vek ngei ang che!" Ka ti let ve sak, a mitmu pâwng zawr khawp chuan a rawn meng a. Ka dar ka lo sân khum ak bawk.




"Ka rin ang ilo ni hauh lo ilo nasa hle mai, mize engzat nge maw i neih ang le, fel ber âwm ang zia zânga lang lo khan tun ang khan awm mai mai la chu tuman an dem lo ang che mawle. I u pawh khan a chhuang zawk ngei ang che" a thusawi chuan ka thin a khei zak mai. Ka u hmer tel a tulna pakhat mah a awm lo.




"Ka u hmer tel ziah a ngai lo ang bawkin buainaah hian a tel ve lo tlat, ani chuan a nau mizia eng pawh a pawm a chhan chu min hrechiang miau a mi hausa te anga sum hmanga mi thama a hlâwkna chang thin ka ni ve lo tih. Mahse lunngai suh tuna i thil tih hi tumah ka hrilh lovang, a hma pawh khan madam kha sum hmangin ilo tham tawha a hlâwkna a awm loh zia hre hmasa ber tu inih ka ring bawk" ka ti chhuak leh khera , ka mizia chu ka sawi tawh kha dâwt ka duh lo ang bawkin ka inhnial puiin tawngkam chhia a phuhchhuak hmasa anih chuan ka zui ngei ngei thin.




"Ngawi hmak rawh!" A rawn ti fiak that!. Engah mah ngai lovin ka nui chhuak hak a "ka ngawi e, ka ngawi chiang khawp ang mualpho duh leh si lo hi thil thalo in ti a thudik hre tu kâ hup leh turin sum bawk, sum in theh chhuaka mahse in rilru a hahdam in ka ring miah lo, a chhan chu dâwt pakhat khan dâwt dang a hringa a kal kual zela mahni chungah bawk a let leh thin. Lunngai suh sum in ka kâ i hup lo anga mahse nangma hnenah bawk a lêt i dawng leh ang" ka ti a, chhuah ka tum chu "ding teh!" A rawn ti ta that mai.




Muangchanga dingin ka lehhawi a ka lam pan chuan a rawn kala, a chhelo a hmel pawh a tha mahse a chhungril erawh keipui ani thung keipui ani tih hi tunge hre ve ang "i ka hup chu a har ka ringlo" a rawn ti leh a, nui sukin ka lu ka thing nghuta ka nui chhuak hak bawk.




"Min ngai awlsam mah mah lo maw?" Ka ti a, ka tawngkam hman hi ka thinrim luatah ka inthunun theih loh ka hlau khawp mai, a hnua keima inchhir lehna tur siam ka duh hauh lo. "Lunngai suh, sum te chu tu pawn kan mamawh vek alawm. Heihi la la, ram dangah dawr enkawl tur ka pe ang che, engkim i mamawh a awm vek ang hnathawk thlengin, i lal ngawt ang. Chung zingah chuan i thu ber bawk anga i duh mai lo mi? I nu pawh a hahdam anga nuam pawh in tâwl thei dawn alawm" tih pah chuan a bag ah chuan pawisa tam tham zet awmna chu a rawn la chhuaka flight ticket pathum min pe bawk.




"Henghi kan ta tur vek maw?! Avan tam em em ve, chuan dawr chu min pe tak tak dawn maw?" Ka ti a, a nui chhuak hak hak a "dawn e kha kha nuai 100 ania i duh chuan min dil belh leh thei ang hei en la in dawr tur chu hnathawk pawh an awm sa vek" tih pah chuan a phone chu a rawn phawrh chhuaka thlalak chu min rawn en tira a hmun chu a nalh takzet ani.




"Heihi, kan ta tur maw? Wow! Avan ropui ve tunah chuan mi hausa tak ka ni tawh dawne ka kal nghal ang sumdawnna chu ka tan. Yes! avan nuam dawn tak em!" Ka ti vaka, ani pawh hlim avangin a nui chhuak hak hak a pawisa leh flight ticket chu la in ka húm a "ka tih kha, sum hi chuan thil a ti thei teh mai ania, Jeremy pawn min rawn pan leh mai ang" a rawn ti a, a nui vur vur bawk. "Ka kal dawn aw, i mamawh belh chuan min rawn dil dawn nia" a rawn ti a, nui vur vur chungin ka bu nghat a.




Chhuah a tum chiah chu "lawk aw" ka ti a, a dinga a rawn lehhawi a "kei ang tho hian midang pawn iti ve thin em? I hausak tir thin em?" Ka ti a, nui chhuak hakin a bu nghata "hetia ka tih tuna hausa ta te pawh an tam tawh alawm" a rawn tih rual chuan ka pawisa ken leh flight ticket ken chuan a hmaiah ka vawm pawp. Mak ti lutuk hian min rawn en a.




"Chuan, kei hi chutiang mi chu ka ni lova ka ni ngai bawk hek lovang. Sum hmanga thlêm lungawi theih ka ni ve lova i tawngkam tha leh i thluak tha hmanga mi i hneh lak ang khan min hneh lak theih in ring bawk suh. Khang nuai 100 te kha ngatan mah ka tilo, khatiang dawr te pawh kha ngatan mah ka ti lo. Kei chu Pathian tih mi ka ni a, a duhloh zawng chu ka theihtawpa tih loh ka tum bawk. Kan Lalpa chuan "miin khawvel a pumin nei sela, a nun chan si sela atan eng nge sawt ang?" A tih kha. He Bible thu hi chhinchhiah rawh. Nangpawh sum i neia tlachham lo tak ini, mahse sum in i nunna a laksak che anga a tawpa i chan tur chu nichina i sawi 'boom'! Ang chiah kha ani mai. Sum ngahin thawmhnaw tha ber ber emaw, mi aia thil changkang leh thluak tha pawh nei mahla Pathian i neih si loh chuan i tan engmah sawtna a awm lo. Khawvelah vanram a awm lova khawvel hi chu ala boral dawn tah chuan sum ngah te, thluak tha te leh thawmhnaw nalh te khan awmzia an nei dawn lo. Pathian neitute chauh chawimawi in an awm ang. I sum kha mi tham nana hmang lovin mi harsa te tanpui nan hmang zawk rawh" ka ti a, ka sawi hnem em avang chuan ka thaw chhuak hak a.




Amah chu kal pelin kawngkhar chu ka pawt hawng a ka chhuak dawn chiah tih chuan "anih chuan i tider vek tihna em ni?" A rawn ti a, muangchangin ka hawi lêt "um, engtiang chiahin nge sum chuan a tihhlim che en ka duh vang anih kha. Hmangaih neih pawh i ngaih loh kha, kha sum i nei alawm i hmangaih ber anih kha" ka ti leh khera ka chhuah rual chuan "hmeli!" A tih nghek chu ka hre hman hrama ka nui chhuak bawk.




Ka thawmhnaw chu ka siam mawlh mawlh a, ka thawhpui te min biakna pawh chu ka chhang lo ka ban chhan turte min zawta mahse ka chhang chuang lo an duh chuan madam zawt ve rawh se, a chhan dan ka hre chak fú bawk. Mahse he thamna dawrah hian ka awm ve reng a thiang lo alawm. Hna chu a tam tulh tulh a ka hmu ve leh mai ang.




Jeremy Lalmalsawma POV

"Sir, show hi tan vat anih loh chuan kan dawr hlutna hi a tla hniam thei tlat. Hoirfen hosawn winter brand an pho chhuah hma avang khan an profile check tu an tama tunah sawn enthla tura i dah khan 85% an la lut tawh niin an sawia. Kan tan ve vat anih loh chuan kan hlutna hi 30% in a tla hniam thei tlat ani" Zamzami thu rawn sawi chuan mood a ti fuh lo leh zual kher chu ni. Lalrinnungi avang hrepa mood fuh tawh loh sa nak alaiin.




"Tian ti rawh, nu Christy kha bia la tunkar tawpa buatsaih theih ani em tih zawt ang che" ka ti nghut "sir, Christy kha chuan engkim peihfel anih tawh thu min rawn hrilha mahse phalna min pe si lova" a rawn ti a, ka rúm chhuak nghut.




"Anih chuan buaipui vat ta che u, 30% a a tla hniam thei tih inhriat chuan bawhzui nghal tur che u lawm. Kei min nghak lovin tunah che nghal rawh u, naktukah tan ani ang. Vawiinah inpeih hman tum ang che u meeting cancel la email ah thawn chhuak vek bawk la nangpawn i hna thawk nghal ang che" ka ti chhuak nghut, bu nghatin a kalsawn nghala file check tur chu ka bana dawhkanah chuan ka theh thla pawp.




Hrep chuan! Lalrinnungi zet chu! Engvanga ka message chu seen lo teh fo nge anih? Ka online renga a seen lo anih chuan mipa dang a bia tihna ani ngei ang "mipa dang i bia anih chuan ka chhuah hauh lo vang" ka ti chhuak hrâwk. Ka tukhumah kut nghatin ka rúm chhuak nghuta. Ka chungah hian engthil nge a tiha heti khawpa ka ngaihtuahna a luah tak mai.




"Apute" tia min ko ri ka hriat rual chuan ka u fanu chu ka office ah rawn lutin ka lam pan chuan a rawn tlan ter ter a ka bul a rawn thlen chuan ka lo pawm kang nghal vata "apute, anu in kal a phallo a mahse ka tihdera min lo kalpui a" ka beng bulah chuan a rawn ti ve ser ser a, ka nui chhuak hawk.




"U, sawifiah la" ka ti chhuak sup "aw, sawifiah dawn e, a nghal ve tawh hrim hrim. Apute'n ka inbihruk siak pui ang che a ti a ka kal duh a rawn ti ve khera min pawt char char a, apa in va kal pui mai rawh a rawn ti a, ka rawn kalpui ta anih hi" a rawn ti a, a biangah chuan piai in ka nui chhuak hawk a.




"Ka naute chu alo nghal ve tawh hle mai a aputea hian a inbihruk siak pui dawna tiraw?" Tih pah chuan ka vawrh kânga a khêk raih raih bawk. "A nau enge a an a? Zan tah ala ching em?" Ka ti chhuak nghut. "Ching tak ani, a hahthlak tak tak ani. Dinpuia hi a fel hlauha mi vannei tak ka ni" ka u chuan a rawn tih chhunzawm zat.




"Hmangaih hle la, tihlim la, atan inpumpek la chu chu ani tan chuan a tawk! Lerh san suh ang che" ka ti nghuta "Naupang! Min zilh ve khanglang suh" a rawn ti hlaka, ka nui chhuak hawk a. Angel'i chuan ka dawhkana pen chu la in a tih ziah dan chuan paper âwl ala ve tawpa lem a ziak ve lehnghal tawp.




"Khawi ka lo pawm ang, a putea hi a chhun dawn alawm" tih pah chuan ka pan phei vut an bul ka thlen hma chuan ka office kawngkharah chuan Bawihi chu hah hmel zet hian alo ding a. A thaw hlâwi hlâwi bawk.




"Ka be duh che" a rawn ti a, "sawi la" ka ti nghut, "aih, tah lo hian, pawnah" a hah vang chuan a âw pawh a chhuak hleitheilo, a thâm chhal mai. "Va chhuak rawh, a pawimawh aniang" u mami chun a rawn ti a, Bawihi chhuak chu ka zui ve nghal zat bawk.




"Eng thil nge i sawi duh chu?" Tih pah chuan a bulah ka va dinga ka kekawe ipte chu zen bang chu ka ngheng a rawn hawi chhuakin "inngaizawng ang" a rawn ti chhuang phawng mai. Awih lo lutukin ka nui chhuak hawk. Ani erawh a thutak viau lawi si.





💜❤ Naktukah ka zin dawna a thui em pawh ka hrelo. Chuan ka sawi tum tak chu. Ka u te hian (tawng mawi lo, lo ni lo se) an in quenchiz🙊 lai te emaw thleng tep ang chi hi ziak ve la thawnthua a tel loh chuan a kim zân thinlo a thawnthu ti kim tu pakhat ani ve a tiin min hrilh thina🙊😅. Nih chu a ni ve tho. Ziah ka tum ve thin mahse ka thiam thlâwt lo, ka mitthla thiamlo ani ber, keimah hi ka zak zawk thin😅✋. Kum ka la tling bawk si lova, a mawi lo ka ti bawk sia, kei kum 16 miin chutiang ziak tel tur pawh chuan tawngkauchheh ka thiam loh mai bakah ka dream thiamlo ani ber. Heng inkiss leh a teuh deuh ho🙊😅 ang chi ka ziah lai pawh hian ka íp châwih châwih zel ania. Ka sawi lo ang ka ti tak nâ in😅. Ka readers thenkhat ten inbox lamah min rawn hrilh thin an mahni chuan lo haw lo se, keimah pawn ka hawlo che u ania😘 , pakhat phei chuan a changtupa a pâ sia ti tel ve thin la, a rawn ti a😅 ka story min thlâwp sakna ah ka ngaia min lo tan ani tih ka hriaa ka lawm lutuk, mahse ka thiam thlâwt lo, tam tak chuan tiang a awm te hian chhiar nuam an ti a, mahse kei chu ziak turin ka la sên bawk sia chuan ka ti awm ve thiam si lova😅 in chhiar duhloh phah te anih chuan a pawi lo ania aw. Ka story lah hi a kal purh purh zel bawk sia nakinah. Ka thiam hunah kan ti tel ve mai dawn nia😅😅. Mahse inkiss te, tlêma teuh deuh te🙊 chu ka ziak ve hram hram zel ania aw, íp châwih châwih chungin😅😅😅😅😅.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 1:59 pm

AT THE ELEVENTH HOUR - 8

By : Msi Miluhlulnui 💜



💜 Whatever you want to be or whatever you can be, just be the best one in that field.💜



💜 Dar 11 velah a dang ka dah leh ang aw. Tunlai chu ka buai hi a inchhâwk zut zut a, phone pawh ka khawih hman manglo inneihna lamah ka buai char char a zan thlengin chhun lamah a changin kan in sa tute eitur ka siamsak leha story ziahna hun ka nei meuh lo, ka hman chu zan dar 10 vel chauh alo ni thina. Harsatna sawi hman loha lo dah loh thut ka nei anih chuan in mi hriatthiamna ka ngen nghal bawk e aw🙏. Tuna mi hi nizan leh zanina chau chung chunga ka type ani a, a tawi intih pawn ka hrethiam vek che u, ka taksa hi ana veka ka ti hleithei lo. Click leh comment te pawh ka phût ngam lo che u😞. Engpawh nise han chhiar phawt mai teh u aw.😆😆😆😆





"Bawihi, inngaihzawnna hi thil ho mai mai ani hauh lo ania" ka ti chhuak sup, enge maw ngaihtuah hmel zet hian min melh vung vung a "thil ho mai mai anih loh chuan Zorini kha ngatinge i ngaihzawn si, nangmah zawkin chuti khati iti vela Zorini pawh duh tak tak lovin i nihpuia chu chu thil ho ani lo ami?" A rawn ti that, min melh deuh ram ram a ka nuih suk.




"Kha chu inngaihzawnna inkara awm ka hriatthiam hma ani, mahse nang ka tawng che a thil ngaihtuah neuh neuh a thil chhut neuh neuh ka ching, tiang lam hi tam tak ka nu leh u Mami kha ka zawh phah bawk, ka tih ngai loh ani a mak min ti viau reng bawk. Nang hmu lo che ila chuan kan inkara awm kha a tak amaw ka la ti ngei ang. 'Inngaizawng ang' tiha inngaihzawn theih ngawt ani hauh lo Bawihi" ka ti chhuak nghut, mit zím suna melhin ka pan hnai hruta alo tawlhsawn ve lehnghal vut bawk.




"Ka hria, anih chuan kei chu min duh tak tak lo ani ngei ang ka hrethiam e Zorini ang ka ni loa ka hrethiam e.... ka..." a sawi zawh hma hma chuan pan hnai hrutin a inrin hma chuan a kawngah chuan ka lamah ka pawt hnaia a âng phuau a hmui chu fawp zeuhin "khatiang thu kha sawi tawh miah suh, Zorini nen khan intehkhin tawh suh, ani nen chuan in danglam lutuk tak zet" ka ti chhuak sup, a lu a thing nar nar a ka rúm chhuak nghut bawk.




"Niminah ami khah.... min duhthu min hrilha mak ka ti em em bawk keimah vang mai maiin Zorini i kalsana keimah min hnem tumna âwm ang zia zângin khatiang khan i rawn ti a, ka lo awih hmanhmawha, a chhan chu engkim kha ka thiamloh ani a khatianga ka thiamlohna pawh haider tu, min ringa ka tihsual ni lo anga pawmtu ah ka ngai hman che a, kha thu min hrilh pawh khan ka awih em em bawk. Vawiinah pawh ka huaisenna zawng zawng sawm khawmin ka rawn hrilh che a mahse khang zawng zawng kha a tak ani lo tih ka hrechhuak leh a" a ti a, a nui chhuak hak bawk.




"Bawihi, a tak ani lo tih ka sawi hauh lo thil nih theih dan ka sawi mai ani, i ngai kawi anih kha" ka ti chhuak nghut, a thil ngaihdan chuan min ti lungawi lo ru viau mahse he hmeichhe duhawm zet lakah hian ka thinrimna hi ka hmang chhuak thei thin hauh lo "nia, ka ngai kawi aniang, ka tihpalh ani ka thusawi te kha engah mah lo ngai suh vawiin atan chuan ka zak tawk tawh e ka kal phawt mai ang" min en hauh lo in a ti chhuaka a lungawi chiah lo tih ka man thiam nghal vú bawk.




A kawnga ka vawnna chu ka thlah thâwla chumi rual deuh thaw chuan rawn hawi chhuakin mak tih hmel zet hian min rawn ka hmui hmaiah engmah ka lantir hauh lo, chu chu remchangah la in a awmsawna kalsawn a tum rual chuan pawt lêt leh hrâwkin ka bul maia thutna ah chuan ka thutpuia ka hmalam hawi zawng chuan ka thuttir nghal vut bawka.




"I mawl ami? Nge khatianga i awma? Min thlah rawh ka haw duh" a rawn ti chhuak that nui sukin a kawngah ka vawnna chu ka hmer salh a, a íp nghal châwih bawk. Ka lamah ka pawt hnai hrâwka min rawn bawh deuh rawk rawk a, "hmela" a rawn ti țeu hlar bawk.




"Ka hmel chu engtin nge a awma?" Ka tih chhuah rual chuan ka âwmah a lu rawn tauh datin "chimawm suh, min thlah rawh ka haw duh tihtur ka ngah lutuk" a rawn ti thata, a chhipah chuan fawp vang vangin "hna i kal dawn nange?" Ka ti chhuak sup, min hnial lovin ka âwmah chuan a bei hle hle a chu chuan min ti hlim viau bawk.




"Bawihi" a ngawih vang vang hnu chuan ka ti chhuak nghut, muangchanga rawn hawi chhuakin hnai zetah chuan min rawn en a "dawnlo, ka bang tawh" a rawn ti a, rang zetin ka âwmah chuan a bei lehnghala a chêtdan naupangchhia zet avang chuan ka nui chhuak hawk. A kawngah chuan kuahin ka pawt hnai leh hret.




"I ban chhan chu... ka hriat ve a rem em?" Ka ti a, a samah chuan chûlin ka hnîm nghal vang vang a, he hmeichhia ina hun reilote chhunga min khawih hma hi chu mak ka la ti fo inngaihzawnna inkara thleng tam tak ka nu ka zawh phah bawk. Ka nu leh pa bula hna bak sawi ngai lo khan chutiang ka zawt chu an hlimpui viaua u Mami chenin, an fapa puitlin tawha min ngaih vang ani pah fâwm bawk.




Zorini min duh puilo, amaherawhchu; ka thil duh min sawisel sak ngai hauh lo thung, mahse huat tur awm hauh si lovin min zilh nan an hmanga an fapa hi ka kalsual an hlau ber, Zorini'n kan ina chaw a ei pawhin ama tana nuamlo in an awm ngai hauh lo tawngkam tha hmuhin an mo atana an ît thu sawi hmawr hmuh teh mahse ka thlaha ka haw leh hnu hian thu tha min hrilhin rei zet min men pui leh thin.




"Jeremy" ka hmai zâwna kut rawn vaia ka hminga min au tu ka hriat rual chuan ka harh chhuak nghal vut, Bawihi chuan hnai zet hian min lo ena a meng phâwk hra bawk. "Ka hmuhnawm viau em ni?Khatia mit tla lek lova min lo en tak mai" ka ti sup, a ner nghal nânga pâwt hnai hrâwkin ka fawp zui nghal vang vang bawka a ngai ang bawkin min chhang let lova a awm mâwl leh tawp tawh.




"Bawihi, chhan lêtna ka mamawh" ka ti chhuak sup, a hmuia fawp leh zeuhin a biangah chuan ka fawh saka "ka... ka thiamlo" a rawn ti bah nawk, a biang sen tai têk chu fawh sakin ka nui ri nghal suk "ka zirtir ang che, a harlo" tih pah chuan ka melh chhuk vuta ka hmaiah rawn nawrin "ka duhlo, sawi ve ziah suh ka thiam dawn chuang lo bakah ka duhlo" a rawn ti deuh nawk a, a biang chu dawmin ka kuai dâka.




"A dawt lehah chuan i thiam tawh hrim hrim ang" ti supin ka fawp zui leha a țang tunga "hahdam rawh" ti chhuak supin duhthawh zet chuan ka fawp zuia a tawpa tawpah chuan reilo te min chhang let ve in ka hmuiah a rawn seh, thlah nghal thawkin ka chet zui hluk. "I chimawm thiam dawn tlat" tih hluk pah chuan ka hmui ka tuai zeuh, a thi ve ser ser ni tur ani.




Bawihi erawh nui sun sun in ka pawm beh hlau zetin a tlansawn nghala umzui hman lek lovin a chhuak zui nghal vut bawk, nui chhuak hawkin "a lêtna i tuar har lo khawp ang" ka ti chhuak nghut, ka thutna atang chuan dingin ka rawmawl var zet chu la chhuakin ka hmui ka hru nghal vut. Thi ka hmuh rual chuan ka rûm nghut, a thi ser ser reng bawka "Lalrinnung, i châk hauh lo ang" ti chhuak nghutin office ah chuan ka lut nghala u Mami melh chian ka hlawh viau bawk.




"Tunge anih a? Enge in tih em em a? Ava pawimawh âwm ve? Engthil pawimawh nge in sawia? Nge thil dang zawk?" A rawn ti chhuak zung zung "u, vawikhatah zawhna panga chu chhan har tak ani, a pakhatna chauh kha chhanna dawng mai rawh. Ka u ala ti thuai ang che" ka ti chhuak nghut, ka dawhkan lam chuan ka phei nghal vut a.




"Tak tak maw?! Khai leh! Ka nau hi a puitling ve tawh tihna em ni? Hmeichhe ngaihzawn tur âwm ang pawh a thlang thiam ve tawh ania" a rawn ti hluai, a hmelah chuan a lawm tih hriat reng reng "mami" ka ti chhuak nghut, a rawn nui chhuak hak hak a "enge? Ka lawm ani ve mai lawm. Khanu inla lutuk ai chuan khanu pawh kha a duhawm daih zawk, kha hmeichhia kha chu vawikhatmah kawp leh tawh suh ang che ka ngei teh mai ania ka huat zawng tak ani, ka nu leh pa in min khap lo se chuan ka ân khum ve hrep ngei ang, mo atan pawh ka duhlo" a rawn ti chhuak deuh thata.




"Bengchheng suh, kha a nau kha i ti harh dawn, hlarh hlarh zela che" ka ti nghuta. Angela lem ziak chu chawi sawn lawpin ka thutna ah chuan ka thu thla nghal vut a, ka hmui rawn thi leh ser ser chu ka tuai nghal vut bawka a châk dawnlo alawm.




Ka dawhkan sira mi chu hmet zeuhin "Zamzam, Mala kha rawn luh tir teh" ka ti chhuak nghuta, rei lo têah a rawn thleng nghal bawk. Keimana ka koh reng reng, minute 5 pawn an tlai thiang hauh lo, an tlai anih vaih chuan vawiin puma an hnathawh tur hrênsak an ni thin. "Sir, enge ni ta?" Tiin ka hmaah chuan a rawn dinga.




"Andria Hotel leh an dawr panngaia thawk Athena Lalrinnungi tih kha a bânga a ban chhan tha tak hriat ka duh, chu thil chu zanin hian ka hmu hman ngei bawk tur ani. Kimchang tak leh felfai takin. Zamzami bulah khan a chanchin thenkhat chu i print out tir dawn nia. A chiang em? Zawhna awm tawh suh se"




"Sir, ka chiang e reilotê ah chanchin i hre thuai ang" a ti a, min chhuahsan zui nghal bawk "wow! Athena maw a hming chu, ava dangdai ve, a hming atang reng reng chuan a fel hmel takzet. Ka nu leh pa hrilh ka va han chak tawh tak em! An hlim ve ang chu aw" a ti chhuaka hnute a pek lai a fapa ngei pawh a hrechang tawh lo.




"Mami amak" ka ti chhuak hluk, nuih pah hian min rawn pana "i lai vel anih hi. Awi! Lalmalsawm naupang! I zak chai na nge? I u hian ka beng dawn che mawni le. Nangmaha thleng ngailo a thleng hnem mah mah tawh" a rawn ti chhuak hluk. A sawi dik. Tun hnai chho ah hian keimaha thleng ngailo tam tak a thleng tawh miau, chu pawh he hmeichhe chimawm zet Lalrinnungi vang chauh.




"Nu! Butter a awm tawh lo, an lo la tawh lova chuvang chuan a pum ang khan ka rawn lei tawp. Sawisel awih loh anih loh chuan ka pa nen in va thleng ang. Chiang em?" Ka thil khai rit zet avang chuan ka ti chhuak nghut, ka nu in chaw ei turin mi a sawma hnathawh laklawh loh laiin bazar turin min ti a, nu te nge nge hnial thu awm hek lo. Pathlawi ang mai in ka in khai bawr lûk tak hi!.




"Aw, bawiha hmanhmawh la aw kan siam zo lo ange" a rawn tih chuan ka chet nghal hluk "ala ti, nghak hram hram rawh. Hei, phuihnam chu ka hmu ka dah dawn" tiin phone chu ka off zui hmak. Phuihnam man ka zawh chuan changel hnah angah hian tlemte hi an lo daha chu chu 40 an ti anih chu!. Engle khawle a zuartu an nia, duh miau chuan lei ngei chu a ngai si anih hi.




Engkimah ka nu thu leh hla ka thlâwp fo thin. 'Hna laklawh in neih loh chuan bazar tur hian ka tir fo dawn che u, hna laklawh in nei anih erawh chuan ka tir hauh lo ang che u. Mipa in ni a, nupui neih in rilrûk lo ani emaw, tawngthu chhelo ah in nupui ten an boralsan thei che u. Chungah chuan mahni intun din dan in zir a ngai, tun atang hian. Mipa hi chu nupui sûn hnuah emaw inthen hnu angah te hian rilru puitling lo zawk an ni duh fo. Mipa in nih avang hian chawhmeh lei te hi a thing, a âwm ang lo, hmeichhe tihtur alawm in ti a, a hmeichhia zawk zawk in an zuar anih chuan a mipa te hi chuan lei hliah hliah tur in ni, hmeichhe chêtna chu mo hnuah inchhungkhurah ani, mahse inchhungkhurah pawh che hman lo harsatna avanga bazara zing hma taka seat hauh ngai te an awma chawhmeh te hi ka lei zak ti reng reng suh u, ka kuk fawk ang che u' tiin ka pa nen min hrilh thin. A sawi dik ziah bawk. Amaherawhchu; hna laklawh viau emaw buai hunlai hi chuan amah a kala a buaipui veka kan hman changin keini min kal tir thin thung.




"Ehe! Jeremy chuh! Iva in hmeh love" ka hminga min au ri ka hriat avang chuan inkhai bawr lûk chung chuan ka hawi chhuak vut. Ka sirah chuan nu Christy leh Bawihi an lo ding renga a tâwt êm avang chuan hmun âwl lai deuh kan pana ka lei hnem ang zia zângin chuti lutukin ka sêng hnem lutuk lo.




"Khawia mi tur nge a? Iva lei nasa ve" a rawn ti a, "ka nu in chaw ei ah mi a sâwm aniang bazarah chawhmeh lei turin hei min ti a a duh hnem sia a hahthlak ve ang reng" ka ti chhuak sup, Bawihi erawh a rawn hawi chhuak miah lo thung.




"I ti tha thei hnûp hnûp khawp alawm. Inu thin hi chu a heti ziah alawm. Kan kal nghal dawn Bawihpuii hi a pheikhawk tur kan enpui lawk ange" a rawn ti a, ka bu nghat "A lêt erawh i tuar har lovang" Bawihi melh pah chuan ka ti chhuak sup, muangchanga a rawn hawi chhuah rual chuan ka nuih nghal suk, a biang a sen tan tan a min melh khui khui bawk.




"Keipawh ka kal nghal dawn, office lamah meeting ka la nei sia" Bawihi melh kher pah chuan ka ti chhuak sup, chawhmeh khai chung chuan ka pênsawn nghal vuta zaninah a lêt chu a hmu khawp ang.




Inkawtah chuan car pahnih alo ding vû a, gate duty ka zawh chuan zanriah ei turte an lo thlen thu min hrilha tute tak ni ang maw? Inchhunga ka luh chuan an lo ri deuh laih laih a, hnathawk ho chuan ka thil khai an lo la khawm sap sap a. "Nu" tih pah chuan thutkhawmna lam chu ka pan pheia an lo awm thup bawk.




"Bawiha, ilo thleng tawha i rawn lei kim em?" A tih chuan ka bu nghata, nutling pakhat leh hmeichhe tleirawl hmel pawh chhe vak lo leh nula ngo vah mai chu an lo thu a tute nge an nih tih ka nu ka mitmei zeuh rual chuan min in hmelhriat tira a thiante an nih thu a sawia a hmeichhe upa zawk min melh dan erawh ka lawm viau lo.




"Nu, meeting ka la nei ka han intifai thuak anga ka kal leh ang" ka khabe tuai vut pah chuan ka ti chhuak sup. "Aw, mahse chaw ei hman turin rawn haw la. Hei, Nupuii pawh hian kawm che a chak ang" arawn ti a, ka ner nghal nawk.




"Ka hrelo, meeting zawhah nu Christy te inah ka phei ang Bawihi lam ka ngaia" ka ti chhuak nghut, a hmeichhe upa zawkin min en duh viau chhan erawh hriat va ni suh. "Bawihi? Eh... nang naupang hi" tih pah chuan min rawn benga. Ka nui chhuak nghal hawk. Ka tawngkam hman erawh ka nu lawm zawng a tling tawk viau.




"I mo ala ni thuai ang, nakinah engkim ka hrilhfiah dawn che nia, ka intifai dawn nangni pawh inkawm leh rawh u" ka ti a, ka room lam ka pan chho vuta intifaiin ka chhuak leha ka nu te erawh ka be leh tawh lemlo thung.




Show kan hnaih tawh avangin inbuatsaihna a nasa a kum dang aia tih ropui kan tumna lamah an tang ulh a, an duhthu sam loh thu an sawi chhen bawk. Mahse hun a tep ter tawha an thil buaitsaih engpawh pawm mai loh chu tihtheih dang a awm tehchiam lo.




Dinsanga leh Tims'n an enpui deuh bera kei erawh chutiang ti hmanlo khawpa buaiin ka awm. Mi pawh ka be hman tawk! Call a rawn kal hnem chuan Zamzami ka kawl tir daih thin thluak an ti chawl lek lek thin.




"Sir, Meeting turin an nghak reng tawh chea" ka thlen chuan Zamzami chuan alo ti nghal vat, meeting hall lam pan chuan ka kal nghala an thil buatsaihnaah thil thleng a awm leh awm loh ka zawt nghala buaina a awm loh thu min hrilh chuan board member te hmuh min ti hahdam sawt bawk.




"Khawnge Zorini?" Zorini seat awl melh pah chuan ka ti sup, alo la kal loh thu a sawi zawh rual deuh thaw chuan a rawn thleng chawpchilh nghala a ngai reng, a hmel thain ala chhelo reng bawk, a hma ang kha chuan ka mit ala teh chiam tawh lo. Duhna ni lovin mitin a lâk vang mai ani a, tuiralna tham ani hauh lo.




"Report hrang hrang in pek theih chuan, a lawmawm khawp ang. Hoirfen ho in winter brand keini aia an pho chhuah hma avangin 85% ang hû vel la lut tawh an ni a chu chu an chhût dan ani. Mahse kan nikum rate 92.8% an la tluk lo fo. Mahse tunkum erawh kan țang viau anih loh chuan an rawn sân belh thei tlata tuna kan neih hi khûm nan a tha tawk em? Nge ni duhdan te in la nei? In la neih chuan sawi a rema" meeting tan veleh chuan ka ti chhuak nghal hlut. An vaia ngaihdan pe tura ka tih erawh phun mer mer in a zuia. Ka thaw chhuak hawk.




"Thawhpuite u, tun hi vawikhat ngaihdan pe vek tura ka tih vawikhatna che u ani hauh lo. Tuman an hailo phun mer mer ai chuan kan hmasawnna sawi ava hun tawh ve. Tullo ah i hun khawhral thin suh min ti fo tu innih kha, theihnghilh suh u phun mer mer kha chu a sirah nakina ban leh maitheih turin dah rawh u tunah chuan a chhung thu ah lut rawh u. Anih loh chuan engmah sawifel hma hauhin meeting tih tawp ani anga keima thu in ka kal tlangpui ngei ang tawngkam khat maha min dan theihna in nei hauh lo ang" ka ti chhuak nghut, ka hmelah ka lawm loh zia chu an hrechiang ngei ang.




Pakhat chuan company chungchang en kualin a ngaidan te leh tha a tih dan a rawn sawi diat diat a, company chungchanga hmasawnna tur nia ngaihdan an rawn thawh hi lak khawm vek ani thin, amaherawhchu; keiman ka endik leha pass tur ka pass chauh thin. Hetiang lamah hian ka pa ka râwn chang a tam fo, anin sawisel miah lovin min pui thin bawk.




"Pu Chhan, kha kha han ti let leh lawk teh" screen a kan thil en chu kawh pahin ka ti nghut. "Kha lai tak kha, Building ti zau turin ka hrilh che u a mahse in ti kum leh daih si. Uluk taka ti turin ka hrilh chiang viau che u khilaia insum sen zat khi eng zah nge?" Ka ti chhuak nghut, vawiina an awm dan hian ka lung ati awi lo viau tlema nawr leh deuh hlek an ngai ani.




Meeting neiha ngaihdan sawi chhuaha thil tih dan enkual vela duh loh lai ti tha tura hrilh chauh kha an hnaa an ngai anih chuan heta thawk tlak an ni hauh lo. Mahse heng ho erawh ka pa in a enkawl laia a thawhpuite an ni a, kei ai an upa daih, an thawhna a rei tawh ang hû in an dinhmun an sawn hret hret chauh ani. Heipawh thawh tum lova sum hai luha nawm chen na bak ani hauh lo. Mahse ka dawh rei tawh viau, an thawhna rei tawhin kei ai upa mahse ka company tana thalo chu ka paih chhuak hmak thin. Heng ho erawh chuan ka pa anga min ngai anih chuan an tisual khawp ang.




"Sir, hemi atan hian lehkhaa min pek kha kan hmang zo vek tawha keiman ka thawh belh leh a" inthlahrun hmel zet chuan a rawn ti a, ka rûm chhuak nghut. Ka lehkha ken dawhkana vawm thlak pah chuan ka ding chhuak hluai "ka pu te u, ka pa ang tura min ngai anih chuan in tisual khawp ang, ka en liam mai mai che u ring suh u. Khati zozai kha pe che u a a bak bak chu chuang tura duan ani. A bungrua man zawng zawng nena chhût chuan, chutichung chuan ka thawh belh in la ti ania. Midang report pek pawh kha pakhat mah ka pawm hauh lo. Hna thawk tur kan ni, ei ru a nawm chen ringawt ni lovin. In in sên ral ve na ai chuan in hman chhuah a tam zawk fû ang. Kei aia upa vek ini heta thawkah chuan kei ai in senior tawh bawk mahse ka en liam hauh lo ang che u. In bân hmaa in thawk leh duh anih chuan chhan tha tak leh report fel tak nen naktukah rawn kal ang che u" ka ti chhuak nghut. Meeting na room atang chhuah ka tum chu.




"Sir" an rawn tih leh thup takah chuan ding datin ka in ka hawi leta "ka pu te u, ka tihpalh ani company tana tangkai lo paih chhuah chu ka hna ani a chutiang bawkin nangni ka tihchhan pawh chutiang chiah chu ani. Winter brand show neih thleng hun in nei" ti nghutin ka chhuahsan nghala company than len kan duh anih chuan engpawh tih kan huam mai tur ani. Mahse eirûk zawng ka sawi tel hauh lo.




"Sir, member ho kha an hlauhthawn hmel hlawp tawp ka rin dan chuan an mahni duhdan in an lo kal tlangpui vek anih ka ring" Zamzami chuan min zui dat dat pah chuan a rawn ti a ka bu nghat bawk.




"Show neihna tur i enfel rual khan vawiina sawi tak ho kha lo va en nawn leh la chumi zawhah pakhat te te khan i chhui hlawm dawn nia eng anga insawifiahna tha pawh nei mahse an sualna hmuh anih pawhin bân tho tur ani ang" ka ti chhuak nghut.




Office chhunga ka luh rual chuan Dinsanga lo thu kur chu ka hmu nghal thuaia "bro, i kal na nge vawiin?" Tih pah chuan ka pan phei vut bawk. "Aw, kallo Tims kha a awm thoa ka tia Duhsangi thlem tura kal ka tum" a rawn tih rual chuan ka nui chhuak nghal hawk.




"Enge zanah i chhuahsan ziah. Party naah te kalsan thin tawh suh, i ti hrilhhai thin lutuk anga sin" ka ti sup, a dar a sân ak a. "Amah lawm, kal a phal vela a hnuah thinrim pui nan a hmang leha ka lung a awi chiah lo ni. Mahse a tello hi chuan ka awm theiloa tlâwm zawka ka tan leh a ngai dawn ta anih hi" a rawn ti chhuak hluk, ka nui chhuak hawk.




"In hahthlak duh ve ngawt mai, a hmeichhe kawp tawhah chuan ila buaipui ber ani hial ang" ka ti sup, Zamzami chu coffee la turin ka ti nghal zat a. Ka assistant hi ka ring tawka engkimah kei ai a awh zo vek bawk. Ka nundan, ka duh leh duh loh zawng hre vek tu ani pakhat bawk. Ka buai changin ka ai meeting naah pawh kal turin ka ti fo bawk. Amah ka mamawh na a nasat avangin kei tih loh ah chuan an en sân ber ani.




"Um, i sawi dik. Ani bak baka buaipui ka la nei lo, buaina a ngah a mahse hnial lovin ka pan vat zel. Keimah hi min control tawh anih ber hi" a rawn ti hluk. "Eng thu nge in lo sawia hmeichhe chungchang te in sawi tlatin ka hria" kan bul maia Zorini aw ri kan hriat avang chuan kan hawi chhuak nghal vut a min nuih var var in ka hma zawnah chuan a rawn thu chat bawka. A tih thin dan in a châwn mawi zet chu a dah kâwi ngiai bawk.




"Thuril kan lo sawi anih hi" Dinsanga chuan a ti hluk ani pawn Zorini hi a ngaina teh chiam lo amaherawh chu a be chhe ngai hauh lo thung. Kum heti zat kan inkawp ve tawh min duhpui tu erawh tlemte chauh an ni fo. Ka lakah a mize thenkhat a ti lang ngailo tih min hrilh thin. A mize dang hriat tuma chhaih kawlha tih thinrim erawh a mipa tih chi viau loh.




"Jere, vawiin chu i mood a fuh vak na nge member ho iti thlabar alawm" a rawn ti a, kan inngaihzawn lai ti ve khanglang ila😄 khatih hunlai khan hetia a tawng hi engtin nge ka lo ngaitheih thin em em le, tun hnuah hian ka ti fo thin. Tam takin an hau erawh âwm lo ka ti hran lem lo bawk.




"Thlabâr reng ang chu ka duh loh dana an awm chuan kha kha an chan tawk chu ani mai. Report i pe va hman lo erawh i vannei" ka ti chhuak nghut, a nui har har a "midang ka ang lo ka tih thin kha" a rawn ti a, min beisei tih ka hria amaherawhchu; pawmna ka hmui hmelah ka hmuh tir loh vanga inthup mai ani tih ka hai hauh lo.




"Sir, ti tura min tih kha ka zo tawh e. Mrs. Rinrini ban chhan chu ka hre chhuak tawh e" ka office chhunga rawn luta Mala thusawi avang chuan ka ding chhuak deuh nghal zawk. "Ka... Jere, kan la awm ve reng hi kal mai bik lo la, tu.. englo, tu ban chhan nge maw i chhui chiam le?" Zorini chuan a rawn ti bah ta nawk. A hmel pangngai taka siam danglam a tum tih erawh ka man chiang viau, henu teh hrep hi a inrawlh anih vaih chuan a hma ang kha chuan phone ah mai mai boruak ka chingfel hauh lo ang.




"A pawimawh miau sia, i thlan ami?" Ka ti chhuak sup, ka nuih nghal suka ani pawh ngaihngam zat lo chuan a rawn nui ver ver a "ka kawr hak hian min phuar vang anih ka ring. A lum ka ti deuh a, la kal bik lo la kan inkawm khawm phawt ang chu" a rawn ti leh, a tawng pangngai anga lang a hmel zâm ru tak hi thup a tuma ka man thiamloh a ring anih chuan a tisual der ang.




"Inkawm te chu nakin lamah a chhunzawm theih alawm, hna pawimawh anih hi. Bro, ka va kal lawk ang aw kan chhuak rual dawn nia kalna tur ka neia" ka ti chhuak sup, a bu nghata Mala chu ka private room lam pan chuan min rawn zui turin ka ti nghal nghut bawk.




"Engkim a chiang em? Thudiklo anih chuan i tuar tur hria la" thutthlenga thut pah chuan ka ti chhuak nghut, bu nghatin a file ken chu min rawn pe a ka keu nghal thuak bawk. "Mi hriat loh theih tur ang bera zawhna zawh ani a, min chhan dan erawh an vai chuan inang lo mahse na buaina a inang vek thung. Mrs.Zorini hi a inrawlh niin an sawi veka chuan Mrs. Andria hi tham niin an sawi bawka kan va thlen khan dawr khar an lo tum chiaha ni dang ai an khar hma zawk bawk" a rawn ti a, bûk nghat pah chuan file chu ka keu leh.




"Chuan a dang ala awm em?"



"Aw, Mrs. Rinrini hian buaina a tawk lutuk ngai lo, an dawra thawk te atanga an pi ber sawn complaint vawihnih a dawng anih chuan hnial theih lovin ban hial an ni thin. Chutiang chiah chuan Mrs. Rinrini hian a hmasa khan buaina alo nei tawha tunah a nei leha a bang ta ani. Clip hrang hrang chu pendrive ah khan ka dah"




"Awle, ka lawm lutuk e. I chawl thei tawh ang mahse mamawh inih chuan koh vat theih tura awm tur" ka ti chhuak nghuta bu nghatin a chhuak zui ve nghal zat bawk.




Muangchangin file a inziak chu ka chhiar a Bawihi chanchin leh a hnathawh thin dan tlem a zawng alo inziaka hna a kallo khat hle a thawktu average a lak pawn a sâng fal nalh a amaherawhchu; hriatthiamna a dil zing ber thung.




File a pendrive a zeh tel chu la in ka vawr zeuh a ka iptê ah chuan ak in file chu dawhkan hnuaia drawer ah ka daha a chahbi pawh ak leh thlapin room chu ka chhuahsana. Dar 4 ari tepa Bawihi te ina ka kal vat loh chuan ka tlai lutuk palh ang.




"Bro, kal ila" ipte zen chung chuan pan pheiin ka ti chhuak sup, Zorini erawh a lo awm tawh lo thung. Ka then dawn kha ngaihdam min dil nasa amaherawhchu; a ngaihdam dilna kha pawm harsa ka ti tlat. A tap tuarh tuarh a thlêm ngaihna ka hrelo kha a thusawi dan pakhat kha ani mahna .




A vawikhat nan a lakah tawngkam vîn ka hman phaha ani pawn mak min ti viau reng bawk. Ka insûm theihna kha a chhia ni maiin ka hria. Bawihi a tawngkhum dan te, a tihdan zawng zawng te khan ka thin a ti rim a ka so bulh bulh ni maiin ka hre bawk. Ka engmah ni lo an tawngkhumna in min tih thinrim kha duh lo viau mah ila ka dang thei hauh si lo.


FLASHBACK

"Jere, ka ti tak tak khati em em a tih kha ka tum bik miah lo, a u hmer tel te kha ka tum bik hauh lo mahse khatia in awmdun ka hmuh khan ka thinrim lutuka awm ngaihna ka hrelo" a mittui chu a lung zawih zawih a, a hrûk rual chuan a mit an hnawih a rawn pherh ve lehnghal zat bawk.




"Kan awmdun min hmu anih chuan engvanga lo kal loa khati lam zawnga tan la nge inih? Ka rilru ana iti a, a natna erawh tunah chauh i lan chhuah tir. Hmeichhia min hnaih tu chu thinrim luat avangin i pawt hrang thin, zah pawh hre lek lovin engvanga zanina taka min pawt then ngam lo nge inih?" Ka ti chhuak hrâwk, a phu zawka chumi rual deuh thaw chuan thingthi chung meuhin min rawn pana ka kê ah chuan a vuan bawk. Kei erawh thinrim luat avangin ka thaw ri hrâwih hrâwih thung.




"Jere, keipawn ka awmdan kha ka hrethiam bik lo tak tak. In inkiss tih ka hmuh rual khan ka thinrim lutuk kha puah darh vek ka chak asin, kha hmeichhia huangtau lutuk kha a huatin ka haw takzet bawk asin, mahse rawn pawt then tur cheu in rawn kal ngamna ka nei tlat lo, a chhan chu ani kha i tan ka hlaua ka chunga i thinrim ka hlau bawk chuan amah tih zah theihna tur bera ka hriatin ka ti ta anih kha. Tinge ka tuar nat tur zia min dâwn pui theih miah lo a Jere khawngaih takin min kalsan suh. Ka hmangaih che alawm" tap zawih zawih chungin a rawn ti a, thu thla vutin a mittui chu ka hrukfai saka a chalah chuan ka fawh sak vang vang bawk.




"Jere, Khawngaih takin min kalsan suh, ka duhlo i tello chuan ka awm thei lovang" a rawn ti khur zawih zawih a "Zorin, a ngai miau si pawi ka ti takzet. Kan inkara awm hi hmangaihna leh induhn ani lo in mamawhna satliah ve mai ani chu chu i hrethiam lo ami?"




"Aih, ka hrethiam lo min kalsan suh kei chuan ka hmangih che alawm" a rawn ti tuarh a. Ka banah chuan min pawt bet ti tih nghal bawk.




"Kei chuan ka Hmangaih ve si lo che ani. Kan inkara awm hi a tak tak ani lo chuvang chuan feel buai tum tawh suh, i na mai mai ang. Hmangaih hauh si lo che in ka kawp reng thei tawhlo che ani. A hma kha chuan inngaihzawnna inkara awm te leh thil thleng te ka hrethiam hauh lo, amaherawhchu; tun hnuah chuan ka hrethiam ta ani chêk ang chu. Chuvang chuan kei aia Hmangaih tu che mipa zawng la i hlim zawk ang" tiin ka tho chhuaka tap zawih zawih chungin min au lawm lawm a mahse let tumna pakhat mah ka nei hauh lo thung.




A nu in kan inkara thil thleng min zawta ani pawh chhanna ka pe mumal hauh lo, tuna ka thluaka awm chu ka hmeichhia chauh kha ani, engtin nge a awm ang tih ngaihtuah chungin anu ka call zui nghal zat bawk.


END OF FLASHBACK.



Kan hlimna tura kan ngaih kan pana mahse kan beisei ang hlimna tak tak hmuh tur a awm hauh si lo. Chuvangin Chhungte leh pathian bêl ila kan hlim ani mai.💜



Athena Lalrinnungi POV


"Nu! Min zawt tawh suh ka tih kha ka sawi dawn chuang lo ka bang ve tawp ani mai, ka thawk peih tawh lo a" ka ti nghata pangpar kan phun sawna lei leh tui kan khawih pawlh bawk sia ka berh vek tawh. Anu lah chuan ka bân chhan min zawt sek lehnghala ka sawi âwm chuang lo.




" 'Ka bang mai mai lo ang ka hna hi ka tui' iti thin ani lawm ni, tuna taka bân ngawtna tur thu a awm lo. Andria ka va zawh a ngaih hmel tlat nang ai chuan min hrilh chikim thei zawk ang" tiin a ipte chu a zen nghal zat a.




"Nu,nu,nu, call suh zanah kan sawi dawn nia ani chu be miah suh aw. Be miah suh" tih chûl pah chuan a kekawr chhanah a kut chu ka va man beta ava han la chhuak teuh kher ve mawle. "Engvangin maw ka biak loh anga i bân chhan min hrilh chikim daih zawk ang. Nang thil zawh ve hi chu a hlâwk thlak loh thin emai" a rawn ti a, phone chu phawrh chhuah leh a tum.




"Nu! A ngai lo ka tih kha zanah chuan ka hrilh tak tak ang che ka ti tak tak, ka hrilh ang che, ka hrilh lo leh fo che anih chuan duh leh Andria chu iva zawt leh mai dawn nia" ka ti a, "anih chuan khawmaw teh, pot kha a dang rawn la leh rawh hmanhmawh ka ngai ania" a rawn ti a,nui vur vur in pot dang chu ka va la leha a call hman ang tih ka hlauh zia mai chuh! Call hman se chuan dâwt alo hrilh leh anga ni lo pui puiin ka nihna a sawi leh mai ang ka duh hauh lo.




"Naktukah hna dang zawng lehnghal ang che hetia awm âwl reng tur ani lo,mamawh na a sân chuan thawh ve bawrh bawrh tur engmah zahthlak a awm lo, hna ila hmu lo anih chuan ka bulah i thawk ve rih mai dawn nia ihmuh hma chu" a rawn ti a "awle" ka ti chhuak sep bawk.




"I u thlanah hian kal fo suh ka tih che kha, kal tur chu ani alawm mahse a zing lutuk chu a ngailo" ka nu thu rawn sawi avang chuan ka thil tihlai chy ka chawl nghal dat a.
"Enge, amah ka ngaia a thlan ka zu tlawh ve ani maia a pawina awm hleinem" ka ti let ve nghal vata ka nu erawh a lungawi lo hle tih ka hre thei, mahse engvanga a thlan mai mai a kal phallo nge maw anih le.




"I ngaih a bang thei dawnlo mahse a thlana kala zu tah kha a tul ber thinlo alawm, a thlan ani a amah ani lo a zâlna chauh ani mahse tunah chuan a awm tawh hleinem, awm tawh lo ngai tap tur chuan a hun tawhlo Bawihpui, keipawh ka ngai reng engtik lai pawhin mahse a thlanah ka kal kher lo. A thlana kal chu thil ho mai ani lung hmaa zu tah kha a sawt ber lo tunah chuan hmalam pana i u duh te tih puitlin a ngai tawh alawm" a rawn ti a, chhang lo chuan ka tih lai chu ka tih zawm leh mial mial a. Ani pawn a sawi chhunzawm tawh lemlo.




A sawi hi a dik ve reng mahse a thlana ka kal hian amah hmu tlukah ka inngai thin. A thlan bul te ka tihfai saka a thlanah thu in thil ka sawi ka sawi thin bawka tam tak chuan â min ti thei ngawt ang. Mahse ka u thlana ka kal hian amah hmu tlukin ka inngai thin, thli a rawn thâwt te hian min rawn tlawh amaw tiin ka hawi kual ruai zela mahse alo ni leh ngai si lo.




Thihna hi chu a tâwp chiang takzet ani. Ka u ruang kan kil lai khan tihian ka ngaihtuaha thihna alo hlen hian ngati nge a tuartute rilru leh thinlung atang hian ngaihna a tawp ve nghal mai loh tiin. Kan ngaihna te kha tawp ve nghal nise chuan mihring hian hma kan sawn ngawt ang. Thihna avanga na tak tuar an tam si a. Thihna tuar tawhte chuan awm tawhlo tana mittui sên chu ho in ti tawh maithei, mahse mihring dân ani a ngaihna hi tawp thei ve se chu kan duh lutuk mahse kan damchhungin a awm tawh si.




Awm tawh lo ngaia mittui tih tlâk reng te tu duhdan mah ani lo ang mahse dan theih ani si lo. Pathianin dan theih loh thihna min pek rual hian mihring te chungah rilru thar a hlan tel nghal thina mahse mihringa chuan kan pawm duhlo mai chauh ani. Pathian nen chuan engtikah mah a hlawhchham theih loh.




"Nu Christy"


Jeremy âw ka hre chiah chu harh chhuak zawkin ka mittui ka hru thuak thuak a hre lo âwm anga langin ka thil tihlai chu ka tih zawm mawlh mawlh a, ka bengah earphone ka vuah lut zui nghal daih bawk. Vawiin thil thleng ka mitthlaah a rawn langa zah avangin ka khur ru chem chem mai.




Ka huaisenna zawng zawng sâwm khawmin inngaihzawn ka duh thu ka va hrilha a chhan chu aman min duha ka duh lêt ve anga ka inngaih vang ani bawk. Mahse ka lo sawi kha ka inchhir takzet a ka zahna leh amah ka huatna kha a inchhâwk zut zut bawk.




A vawikhatna atan tak meuha ka huaisenna zawng zawng sâwm khawma ka hrilh chuan kan inkara awm turin engmah alo duh lo a inngihzawnna chungchang engmah ka hriatthiam ve loh avangin a sawi awmzia pawh kha tam tak ka hrelo. Mahse, a vawikhat nan ka thinlung a rûm tir vawng vawng a amah avangin ka mittui a luang zawih zawih thei bawk.




Ka ngaihsak miau loh avangin tam tak ka hrethiamloa mahse ka duh vea ka inhriat avanga kha thu kha hrilh ka ni, mahse ani tan chuan engmah lo mai alo ni si a Zorini ang turah min ngaia mahse ka ni si lo amah angin ka hausa loa ka nalhin ka chhelo ve bawk hek lo. Ani pawh ka pa nen danglamna an nei chuang lo.




Khatiang inkiss tih vel kha chu a tawpna atan tak meuhin ka dawh hram hram a mahse ka rilru na lutuk kha ka inthup hleithei hauh lo. A âwma ka bei khan ka mittui a ko chhuaka hepa hi ka duh ve tak tak anih rinna ka neih phaha mahse ani tan erawh chuan hmeichhe bâwl theih mai mai ka ni. A vawikhatna atan hlat ka duh loha mahse a tul miau si.




Ka earphone rawn pawt thla lawktu avang chuan rûm nghatin ka hawi chhuaka Jeremy chuan chiang zet hian min lo en a ka thinrim hmel a hmuh chuan a nui ri suka "i duhawm lutuk" rawn ti zâwi supin ka hnarah a rawn piai a ka biang te hi a sa hat hat thei nia. "Enge i rawn tiha? I va hman ve" ka ti thata, ka biang sa lai tak chu hriat ni âwm takin a rawn dawma a dâi nghal sawng sawng ni maiin ka hria.




"Ka bialnu rîm turin ka rawn kal" a rawn tih chuan ka ner nghal nânga "i zaklo e a i bialnu pawh ka ni lo ve ringawta che chuan" ka ti hlaka, hawisawn ka tum chu ka biangah nghet zeta dawmin amah en turin min kuai pheia ka melh rum hrep rual deuh thaw chuan nui chhuak hawkin ka kawngah chuan a rawn vuana a lamah chuan min pawt phei nghal hrâwk bawk.




"Hmelchhepa, engthil nge maw itih le? Hetiang hian ngatinge i awm ve ziaha i zaklo emai" ka ti chhuak that a, nui ri sukin ka darah khabe a rawn nghata a taksa si chêt chuan nghet zet hian min pawt hnaia "ka bialnu hi ka ngai em em a ka kuah anih hi, eng thinrimna nge alo neih a? A rawn ti supa ka dar chu a khabe chuan a rawn nul thuaka a zâ ka ti lutuk chu ka îp nghal châwih bawk.




"Eng thinrimna mah ka neilo, min thlah rawh chuan i bialnu ka ni lo bawk. I bialnu ang khan min sawi tawh suh, kal teh.... hna thawh ka ngai ka berh si" ka ti thata ka kut berh loh lai chuan a darah ka nem a mahse a chesawn eih lo. "Mawh... kal teh" ka ti vaka mahse engah mah a ngai lo.




"Nang chauh hi ka bialnu ini, chuan ini reng tawh bawk ang" rawn ti nghutin a awm hranga mahse ka taksa erawh ala si reng tho. "Vawiinah pawh min duh loh thu i sawi kha enge tunah ka bialnu ini de dei dei te ila rawn tih" ka ti hlaka, ka lung a awi thlâwt lo.




"Bawihi" a rawn ti chhuak hluk, ka mit ko sân ak in ka melh chho a "engtik laiin nge ka duh lo che tih ka hrilh che. Ka sawi hauh lo, inngaihzawnna kara awm thei ka sawi mai ani. I ngaithla hnem hle mai" nuih insûm zet hian a rawn ti a, ka ner nghal nânga.




"I sawi alawm, i sawi lai i hrelo zawk anih kha. Ve zawk za mah chuan" ka ti deuh hmaka, ka biangah rawn fawp zeuhin "takzet!" A rawn ti hluk, min rawn awm hnaih rual chuan ka lo awm sawn vaka mahse min kuah beh miau avangin ka âwn thei vak lo.




"Min ti â zo dawn" ti hlukin a kut pakhat chuan ka tukhumah a rawn vuana min pawt hnaiin min fawp nghal vang vang a, nidang ang lo taka ka chhan let ve takah chuan a rawn nui ri suka a lamah min pawt hnai zual sauh bawk.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 1:59 pm

AT THE ELEVENTH HOUR - 9

By : Msi Miluhlulnui 💜


💜 Life is the most precious gifts of God. 💜




"Het!" Ti hluk ri kan hriat rual rual chuan kan inthlah nghal thawk, aw lo chhuahna lam ka en chuan ka nu chuan khîk sûng pah hian min lo melh tawn zak zak a "chhun chhunah" a rawn ti hluka zah avang hian ka thi thei dawnin ka hria. "Nu, ih... englo ania... i rawn hmuh ang kha ani miah lo ania" ka ti nghal vata, ka nui lui thei thak lo.




"Lalbawihpui, engtin nge ka hmuh chu ani lo anga ila sawi theih zawka ka hmuh chian viau kha zak duh suh engkim ka hre vek tawh alawm, i biang sen kha ti reh rawh" a rawn ti hluk, a sawi zawh rual chuan amah pawh a nui chhuak nghal hak hak a a nui te hian min ti zak zual sauh ni maiin ka hria. Ka biang sa lutuk chu ka dawm nghal vuta sa tak ani ringawt.




"Ti khan pangpar ho kha lo phun sawn rawh bazarah ka va kal leh lawk ange nichin khan soda ka lei theihnghilha ka va kal leh lawk ang. Jeremy, ka rawn let hunah show neihna tur kha min en pui hman chuan min va kalpui la naktukah model ho enfiah ka ngai si a a hmunhma ka hmuh lâwk loh chuan" ka nu chuan a rawn ti a, min melh deuh ralh ralh a min ti lai zo vek.




"Ka hman alawm, kan kal dawn nia" Jeremy chuan a ti sup "Nu, naktukah i kal dawn thoa tah chuan en nghal mai la a harsa lo e... hna a thuah hnih lo ani mai lawm" ka lo ti ve vata ka nu erawh a nui chhuak hak a "Ka fanu leh! Bialpa i nei ve ta chênga i hauh nghal hlura nang hi i dik dawnlo riau mai" ka nu chuan min ti el zet hian a rawn ti a, a khi sûng reng ringawt bawk.




"Nu! Chutiang ani lo, naktukah i kal dawna ka tih thu mai alawm nge i ngaih kawih vaka chutiang lam pawh engmah a awm lo, ninawm" ka ti hlak, Jeremy pawh a rawn nui chhuak hawk a ka nu chenin "in chimawm dun hle mai" tih hlak pah chuan kalsawn ka tuma mahse Jeremy chuan ka kawngah rawn vuanin amah hnai chêt chuan min pawt hnaia ka nu pawh a nui ver ver a.




"Ka fanu sawi ang chuan kan ti mai aniang chu, a ngai hle che aniang. Ka tibuai palh ang che u ka va kal ange" a rawn ti a "nu!" Ka ti chhuak that. Tunlai a awmdan hi a mak thei hrim hrim. Hepa nen hian an inbe țha thei em em mai lehnghala. Min fiam lah a hrat, ka hriat loh eng emaw tak chu a hrechiang alawm.




"Inu a awm tawh lo bawka" tih pah chuan Jeremy chuan ka kâwng hmer deuh salhin pot bulah chuan min thutpuia a malchungah chuan min pawmin ka dulah chuan nghet zetin a kuah bawka tuna kan awmdan hi ka hrethiam lo, kan inngaizawng nge heti hian kan awm ve mai mai tih.




"Ka, ih... min thlah tawh la hnathawh ka la ngaia bakah ka berh ropui si ka ti bal vek tawh che" ka ti a, ka darah khabe rawn nghatin min pawt hnai leh salh a ka nghawngah chuan a rawn fawp zeuh a ka îp nghal châwih bawk. "Ka phalna lo chuan hna i thawk hauh lo ang" a rawn ti chhuak sup a, ka nghawng chu a rawn nul thuak zel bawk.




"Ka hna thawhna turah chuan engvangin nge i phalna ka lak hmasak ngawt ang i thu lo emai" tih pah chuan a kutah chuan ka zu vuana pawh chhuah ka tuma mahse ala chhuak duh chuang lo "titeh... min thlah teh ka tih balh vak hma che in" ka ti that. "Inu in min ngaih thu a sawi kha, awm hle hle rawh keipawn ka ngai che alawm ka chau ania tihian awm lawk ang" a rawn ti a, a dul ah chuan ka nghawk sak pawp a nâ ti ang pawn zu awm hauh lo a.




"Anu thusawi kha sawi chhawng suh, ka ning ania ka ngai bawk lo che, min thlah teh" ka ti hlara mahse engah mah a ngai chuang lo, ka samah hmai phumin a rawn thaw chhuak hawk chu chuan min ti îp zawk thei.




"Reilote heti hian awm lawk ang" a rawn ti zâwi supa a chauh hmel takzet. Engmah sawi tawh lem lo chuan min kuah ang ang chuan ka awm tawpa a pangtilum chuan min ur ham ham thei. A thaw ri sêk sêk a, a muhil amaw tia tal chhuah ka tum rual chuan nghet zeta min pawt betin min hnûk hnai leha ka nghawnga a rawn fawh rual chuan ka îp nghal châwih bawk.




"I muhil amaw ka tia" ka ti chhuak sepa, a nui ri suka ka kawr chhungah chuan rawn zen lutin ka dul chhanah rawn min rawn kuaha îp zawkin a kut chu ka zu vuan chawt "engthil nge itih hi?" Ka ti a, ka thu țang țung tawh. "I hmuh ang hian i dulah ka kuah che anih hi, i taksa deka kuah che ka duha. Lunngai suh, engthil pawi mah ka ti hauh lo ang ka tiam a che" a rawn ti supa a enga mah hmain ka ring lehnghal em em tawh.




"Enge kan awmzia hi? Ka tih awmzia chu inngaizawng nge kan niha inngaizawng lo?" Ka ti ban chap, a rawn nui rûm hawk a "enge?" Ka ti nghal hlak bawk. Nui chhuak hawkin ka sam chhanah chuan ka tukhum chu a rawn fawp a "ka bialnu ini mek a ini reng bawk ang, chu chuan a hrilh fiah che em?" Ka tukhuma hmui nghat reng chung chuan a phun chhuak sepa ka thaw chhuak nghal hak a.




Hlauhthawnna in ka khat nghal titih bawk. Ka pa awmdan ka ngaihtuah chhuak nghala Zorini mizia leh ka pa in ka nu a tihdan chi hrang hrang te ka ngaihtuah chhuaka ka hlauthawng ta chiah bawk. Ka pa ang ani angem? Ka pa ang niin ka nu tuar ang natna kha ka tuar ve angem? Hmeichhe dang min pansan in ni lo lo in min puh ve angem? Tih te zawhna te chu ka thluakah chuan an insual buai nuai nuai a chhanna tam tak a awm mahse eng ber nge rin tur ka hre hauh lo. Ka chhanna inpek te hi rin ngam an ni em?




Keima duhthu ngeiin a vawikhatnan ngaihzawng ka nei ve ta!. Mahse, ka hlauthawng lehnghal si, he duhna thinlung ka neih tirh khan hlauhthawn lam reng reng in min chenchilh hman lo mahse tinge? Tinge tuna kan inngaihzawn thu min hrilh chauh hian ka hlauhthawn le, a hma khan hlauhthawnna lo nei ni ilang chuan ka sawi chhuak hauh lo ang mahse tunah chuan a hun tawh si lo.




"Bawihi, i tha em?" Ka beng bula rawn titu avang chuan ka phu zawka "i tha em?" Jeremy chuan a rawn ti a, rilru khingbai ru zet chuan ka bu ta nghata mahse ka rilru erawh a buai em em thung si "J, ihmaw...." ka ti sapa thatchhiat hmel zet hian "um" a rawn ti thûm supa.




"Min kalsan ve miah suh aw, ka tih awmzia chu hmeichhe dang lakah min kalsan miah suh ka pa angin, ka pa pawn ka nu kha Hmangaih leh duh angin a langa mahse hmeichhe dang a awmpuia a hnuah ka nu kha pawisa duh âwm ang zia zângin a rawn chhuah leh a, ka bialpa hmasa ber ini a ka duh hmasak ber leh khang zawng zawng ka sawi chhuah leh tih hmasak berna ini a, ka duhthlanna ani bawka mahse ka pa ang hian awm ve miah suh aw anih loh chuan awmdan tur ka thiamlo mai ang" ka ti chhuak sepa "Bawihi" ril zet chuan a rawn ti sup.




Hetia min kohna chhan te hi hriat ka chaka mahse ka zawt ngam si lo he hming 'Bawihi' tih a lam chhuah rual hian ka chhungril hi a hlim vawng vawng ni maiin ka hria. Ka nu pawn min ko ve thin mahse an pahniha a thawh dan hi a dang ve ve thung.




"Min en teh" a sawi zawh rual deuh thaw chuan ka khêlah min vuanin min chawi kâng nghal nawlh a, a lam hawi zawng chuan a mal chungah bawk chuan min nghat thla leh a, a lakah hi chuan naute lem ang mai ka ni, ka rit ve viau khan ka hre si a mahse ani erawh hi chuan naute lem ang mai maiin min chawi sawn lâwp lâwp thei.




"Heti hian awm tawh lo ang, a mawi lo miin min rawn hmu ang. Nu Sangi pawh inah a awm reng ania" tia tal chhuah ka tum rual chuan ka kut chu a la lawka a kawngah chuan nghatin nichina a tihdan ang chiah khan ka kawr chhungah chuan a zen luta ka taksa khawih ngei chuan min kuah leha ka îp leh hmanhmawh thin bawk.




"Ipa chuan engthil nge a tih?" A rawn ti sup, "aih sawi tawh lo ang ka sawi duh tawh lo engthil mah a ti lo" ka ti a, a rûm nghal nghut. "Bawihi, sawi rawh ipa chuan engthil nge a tiha in chungah engthil nge a tih? Sawi rawh Bawihi ka tiam ang che i chungah engthil mah a thlen ka phal hauh lo ang" a rawn ti zâwi supa ka hmuiah chuan rawn fawp zeuhin a mita ka en rual deuh thaw chuan alo bu nghata ka thaw chhuak nghal ham ham mai.




"Ka pa khan ka nu kha thu a tiam țeuha kumkhuaa awmdun tihte, Hmangaih tihte leh thil dang tak pawh mahse kha a intiamna kha pakhat mah a ti hlawhtling hauh lo ka nu a ngaihsak em em amaw kan tih lai khan ani chuan hna chhuanlamin hmeichhe dang alo awmpui thina chumi kan hriatna pawh ka pa birthday kan lawmnaah ani. Ka pa chuan khanu kha a sawm ve a engkimah ka nu ai a indah lala cake te kha ka pa a barh hmasa thawt thawt a ka nu awmdan kha ka feel pui thei, a zahthlakin hreawm pawh a ti ngawt ang mahse a hmui hmaiah engmah a lan chhuah tir hauh lo.




Khami ni tuk atang khan buaina a intan chho a ka pa chuan haw tlai, hna ngah, chau, buai em em, zin ti tein chhuanlam a siam foa mahse dâwt vek alo ni reng thin ka pa in hmeichhia a rawn hruai luta chu hmeichhia chuan ka nu chu zak map lovin a tawng khuma ka pa nen sum duh âwm ang zia zângin an puh a sum tam tham zetin an vawma mahse ka u thinrim lutukin an pawisa nen chuan pawnah a kai chhuaka a chhuah tir nal nal bawk.




Khami ni khan ka nu khan nuamlo kan tih hlauin hlim hmel a fate min hmuh hram hram asin, min thlamuana an hreawm a hlauh avangin hlauthawng lo turin min tawng thlamuana a rilru nat zia min hriattir ngai lo. Khami tûk ațang khan ka pa chanchin kan hre tawh loa kan hmu zui tawh hek lo. Min tiam rawh. Ka vawikhatna ani ka â viau ang mahse ka pa ang chuan min kalsan ve miah suh aw i duh chuan tha takin min then mai dawn nia" ka ti chhuak sepa, hun kal tawh sawi chhuah leh rual chuan ka mittui a tling kuau thei. Ka khap thla fap a.




Jeremy chu rûm zui nghutin ka mittui chu a rawn hru a ka mittui tlakna lai chu a rawn fawp a "engtikah mah ka kalsan lovang che ka kalsan ngai bawk hek lovang che. Ka tana hmeichhe awmchhun ini tawh, ini reng bawk ang" ti supin min fawp zui vang vang a ka chhang let ve nghal zat bawk. Amah avang bawk hian hetiang tih te hi ka thiam phaha kei hi ka danglam tawh, ka danglam ani tawp mai.




Pangpar vel chu min phun sawn puia a khat tawkin min fawp leh vang vang zela nu Sangi pawn min rawn puive nual bawka ka nu erawh bazarah ava tlak leh duah ani ngei ang, alo har mah mah bawk. Bialpa ka nei hi mak ka la inti, ka nei ngai lovang kha ka ti a mahse ka sawi loh ang chiahin ka awm neih duhna thinlung ka pu ta erawh mak ka inti viau a hepa hi ni lo se chuan ka ner kher angem le?




Jeremy chu a berh tak nuai avang chuan inbual turin ka ti a, hnial viau mahse towel kan la hman loh chu ka pe a ka u thawmhnaw thenkhat a hak turin ka lakchhuah sak bawka a thawmhnaw erawh kan lo su anga ka lo pe ang che ka tia a bu ve mai bawk.




Ka u thawmhnaw chu tlemib a tan tê deuh mahse a inhmeh ani tawp mai a in en vung vung a "ka pangngai hmel viau hi maw" a ti a, ka nui chhuak nghal hak bawk. "Ka roomah hian ka nu leh nu Sangi leh Sylvia tih loh ah chuan i lut hmasa bera ka lo lawm a che" tih pah chuan ka phar duaia a nui chhuak nghal hawk bawk.




"Lo zu chhuk la keipawh ka intifai ve anga ka lo chhuk ve nghal ang ka u in thingpui alo lum sak che a chumi chu i in ngei bawk ang. I thawmhnaw chu kan sûk hunah ka phur thut chuan ka rawn dah ang ka u thawmhnaw erawh kha chu inhmeh i inti bawka tikhan kawl mai rawh kha chu nakin lamah a buaipui theih a" ka thawmhnaw hak tur enkual pah chuan ka tawng mawlh mawlh a, a reh tak em avang chuan hawi let tuma ka lu ka her tur chiah chu ka taksa chuan pangtilum a hre nghal zat a chumi rual deuh thaw chuan kuah beh ka ni nghal chat bawk.




"I chhuk tawh amaw ka tia" ka ti sepa ka beng bulah chuan a rawn nui ri suka ka beng chu a seh ner ner a a zat êm avang chuan ka tawm châwih châwih a, ani erawh a nui chhuak nghal hawk zel bawk. A rim fresh zet chu ka hîp lut nghal vang vang a, ani a fai tawh tawh nen kei bal lutuk engtin nge maw min la kuah theih zawk le.




"Zu chhuk tawh la, ka nu te ngaihdan ani lo ang" ka tih rual chuan ka kawr chhungah a rawn zen lut leha ka taksa ah chuan vuanin ka kawng chu a hmer deuh salh a, a nâkah chuan ka nghawk sak pawp bawk. "Ka duh, ka tih hma chu ka chhuk lovang, ka la inbual ni rih mai rawh se tha em?" Tih pah chuan min pawt her lawpa min chawikâng nghal lawpa ka dawhkanah chuan min nghatin min rawn hnaih nghal zat a.




"Heihi ka mamawh a" tih pah chuan ka hmui hnuailam chu a rawn tuaia thûk zeta min melh pah chuan a rawn nui suka "i hmeltha lutuk" a rawn ti supa ka biang hi a sa hat hat thei. Ka biangaj rawn dawmin min muangchang leh ril zet hian min rawn fawp vang vang a ka ang tawkin ka chhang let ve bawka a thâwk chu thlipui ai pawhin a rang zawk hial ang.




💜❤ Aaaa..... ka mut chhuak lutuk hi a hreawm zawk. Ka chau lutuk leh ka taksa kham lutuk hi ani ber. A tawi ka ti tawha a tawi rawn tih nawn leh tawh awih lo😅 a rawn ti leh chu ka hlap ru ang che u😅 taktak in kan buai zualpui a reh tep tawha a tawi anih pawhin min lo hriatthiam sak ula ka hman vêk vâwk hunah thui thei ang berin kan ti leh dawn nia aw mau sei ber aia thuiin😅 mahse zantin a awm ziah dawn ania harsatna a awm loh chuan. Chuan kei mi tihtam hian thil ka dil dawn che u a😅 inthlahrung deuhin like te, click te comment te min lo pek sak ve dawn nia aw💜. Muttui u, kei chu ka chatthla nghal, ka hnar nghal dawn😅💜

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:00 pm

AT THE ELEVENTH HOUR - 10

By : Msi Miluhlulnui 💜



💜 We should face life with courage and confidence. 💜





Duhthawh zeta min fawpin ka tukhumah chuan a rawn dawma keipawn ka chhang let ve zela ka hmui chu rawn nawr kâu in a lei chu a rawn hawl lut nghala, hetiang thil pawh hi ka vawikhatna vek mahse hepa avang hian ka thiam phah leh vek tawh bawk. Min fawh lai reng chuan a kut a ti che hruta ka kawr chu ka bra thleng lo chiain a hlima a kutin ka taksa a rawn tawh rual chuan ka îp zui nghal châwih a, ani erawh a nui ri suk bawk.




"A zâ" ka hmui a fawh lai reng chuan ka ti chhuak sapa ka taksa che awk in a rawn nui ngawr dat a "Bawihi, i taka mâm zet hi ka ta vek an ni tawh, a zâ kha chu ngaiah i nei mai ang. Mahse ka tiam ang che a pawi chin chu i phalna lo chuan ka khawih hauh lo ang" ka hmui bulah chuan a rawn phun sup, a tawng zawng chuan ka hmui pawh a ti che tel ve zel bawk. Enge a pawi chin a tih chu niang le.




"Min thlah tawh la" ka ti chhuak sepa a darah chuan vuanin ka nawr hla hleka rûm chhuak nghal nghut a " a tawk ka tih hunah chiah ka thlah ang che" a rawn ti sup, ka kawngah chuan vuanin a lamah chuan min pawt hnai leh hrâwka ka chal chu a chal chuan a sîk tir nghala a rawn thaw chhuak ham ham bawk.




"Chupawh nise, vawiin atan chuan min fawp zing mah mah tawha" lai ru zet chung chuan ka ti chhuak sepa a rawn nui chhuak nghal hawk. "Enge?" Ka ti hlara, ka sawi dik chiah vawiinah ringawt pawh vawi engzah nge min fawh tawh ang? Ka hmui hi ana vek thei tawh, inngaihzawn vanga infawh reng tur tihna pawh ani tawp si lo.




"I hmui thlum leh nêm zet hi i bula ka awm hian fawh ka châk reng zela min hrethiam ani ang chu, vawiin ai hian naktukah pawh ala tam anga a pung bawk ang" ka rawn tih rual chuan ka ner nghal vaka "ivan hmelchhe tak! Inngaihzawn tak avanga infawh reng tur pawh ani hleinem ka hmui hi ana vek tawh" ka ti chhuak hlara ka hmui hnuailam chu ka tuai heuh heuh a. A sa hat hat mai.




Ka kawngah chuan vuanin min pawt hnaia ka dah deuh awk rual chuan ka hnarah a rawn fawpa "kha chu hremna ni mai rawh se, ka hmui i seh thi vang ni mai rawh se" ti supin min rawn fawp nawn leha a hma zawng aiin a duhthawh bawka ka hmui hnuai a liak leh zeuh thin. Chu chuan ka awmdan a ti danglama ka hrethiamlo châk zel na in ka khat ni maiin ka hria.


IMG-20200313-WA0034.jpg
IMG-20200313-WA0034.jpg (19.36 KiB) Viewed 6007 times



Ka kut pahnih chu min phar chhoh tirin ka nghawng lamah chuan a fawp thla zela a hmuiin a tawhna chu a sa hat hat thei "bawihpui, lo chhuk lawk teha Sylvia alo kal ania" ka nu aw ri kan hriat avang chuan laklaw deuhin kan tawp chut a Jeremy chu a chet zui hluk bawk.




"Aw, ka lo kal nghal" ka ti vaka, Jeremy chuan innem khalh pahin ka mitah chiang zetin min lo en renga ka biang a sa hat hat bawk. "Jeremy kha a haw tawh em ni?" A rawn ti leh, ka thin hi a phu rang dat dat mai. Jeremy chuan ka chhan dan tur nghahhlelh hmel zet hian thûk zet hian min lo melh vung vunga melh chhoh hrep pah chuan "ka hrelo, ala hawlo aniang, ala intifai ani maithei" ka ti chhuaka Jeremy pawh a rawn nui ri nghal suk bawk.




"Awle, i hmuh chuan in pahnihin rawn chhuk vat ula" a rawn ti leh hram, ka thaw chhuak hak "aw ka hria ka lo kal ang" ka ti a, Jeremy nui suk suk chu ka melh rawm rawm a "nangmah vang vek, i hria em? Anu pawh dâwt ka hrilh leh ringawt tawh" ka ti bak hlara, min nuih suk suk reng avang chuan ka ngei tawp tawp ani mai. Amah avang hian chhuanlam vawi engzah nge ka siam tawh ang le.




"I duhawm tho alawm" chimawm zeta a rawn tih rual chuan a darah chûm tawlhin dawhkan atang chuan ka tawlh thla nghal vata "chhuk tawh rawh, keipawh ka intifai dawn hmeichhe roomah hetiang chen chena rei an awm ngailo mipa inih kha" ka ti leh hlak, kalsawn ka tum chu ka kawngah bawk rawn vuan lehin a lamah chuan min hnukhnai leha ka darah a khabe a rawn nghata ka nghawngah chuan a fawp vang vang bawk.




"Amak emai, chhuk tawh rawh rei an ti tawh ang che. Bakah hetianga rooma awm fala tiang tih hi a mawilo ania nupa pawh kan ni lo lehnghal" ka ti thata, ka nghawnga a hmai phûm chung chuan a rawn nui rûm hawk. Ka taksa te hi an che ve awk thei. "Khawlaiah tih i duh em ni? Nge kan inneia anga inneih hnua tih i duh zawk?" A rawn tih chuan a pumah chuan ka nghawk sak pawp.




"A.... i chimawm leh lutuk aw Jeremy Lal.... Argh... i hmingpuma koh che ka tum ve ziah, mahse ka hre bawk si lo. Ninawm, khawmaw min thlah teh, i chimawm ropui si chhuk tawh rawh anih loh chuan anu bulah ka rêl hrep tawh ang che" ka ti bak hlara nui chhuak hawkin min thlaha thinrim zet chuan ka thawmhnaw dahna lam ka pan nghal vut bawka. Ka hak tur ka la chhuak zo ka hawi let chiah chu Jeremy chu alo la chhuk chuang lo.




Ka khumah chuan thu in ka chevel chu min lo en reng hi alo ni a melh rawm rawm pah chuan ka kal kuala towel la in bathroomah chuan luh ka tuma "ka lo bual dawn che em ni?" A rawn tih sup rual chuan ka melh ngheka eng thu nge maw a sawi le, hepa hi a â tawh tak tak ani ngei ang.




"Ka bual i mamawh anih kha" chimawm zeta a rawn tih leh rual chuan khum bula lukham chu la in amah chu ka vawm nghal pawpa "i sual lutuk. Chimawm si, ka roomah pawh hian lo kal tawh suh, min rawn hmu tawh suh" ka ti that, a nui chhuak hawk hawk a rûm nghatin bathroomah chuan ka luhsan nghal daih bawk.




Ngatinge maw a chimawm theih em em mai le. Ka hnial hneh lo ziah lehnghal, midang laka ka tawng hnem theih tehlul nen hepa lakah hi chuan sawi tur hi ka beihvai thei takzet ka hrawk te hi puar lian takin a hnawh ang mai hian a awm thin lehnghala lum ti mang si lo hian ka thlan ve ziah lehnghal.




Ka intifai zawh hnu chuan cream te chu ka in chulh leh phawta sam tuam chung chuan inhnuai lam ka pana Sylvia in min lo nghakhlel tawh ang tih rilruk nâk alaiin nghakhlel lo tak ani. Chokaah Jeremy nen an lo awmduna Games an lo khel anih chu!




"Sylvia" ka tih chuan an rawn hawi rual nghala Jeremy pawh en lo chuan Sylvia bula thutthleng chu ka pawt chhuaka engah maha ngaih loh hmel zet chuan ka thu thla tharh bawk. "Enteh vew, hepa hi ka hneh thei lo reng reng a thiam rapthlak mawle" Sylvia chuan a rawn ti nghal zata Jeremy'a ka en chuan ani pawh phone en pah chuan alo khi suk suk renga an hlim dun viau hi maw, an pahnih hian kan inkawm teh se, Games hmang hian tih rilruk hlak pah chuan ka tho zui tharha pawn lamah chuan ka chhuak zui nghal vut bawk.




Ka nu chuan a pangpar enkawl sak thintu alo bia ani ngei ang, pangpar kawh pah chuan an han sawfiah ang lâwp lâwpa, nu Sangi pawn kawta hnah thel ro tla chu alo phiat fai ve bawka, hna ka kal thei tawh si lova enge maw ka tih tak ang le. Hnathawk lova nilenga awm chu a hreawm ve det, nitin eitur chawiin kan kal kual nasa thei bawk si a ngaiah ka lo nei chiang chhiava anih hi.




Ka nu sawi ang khan amah hi ka pui ve dawn nge mawni engmah tihtur ka nei ve si lova mahse fashion lam te ka hre ve lutuk bawk si lova ka tibuai zawk mai mai ang tih ka hlau bawk si, mahse hna avâng tawh si a le, ka tih mai loh chuan keimah chauh chuan hna ka zawng hmu leh har âwm emai, amah zawk hian min hau leh daih emaw kha ania nga, a buaithlak mai mai.




Vawiin thil thleng ka mitthlaah a rawn lang nghal zat. Khatianga a tham te, sum leh ramdanga inhmun emaw dawr te emaw a pek ziah chhan hi enge niang le. A tihsual an sawichhuah a hlauh vang zawk? Nge ni a an hmuh theiha lang turin a duh tawh loh zawk niang.




Keipawh khan ka duh chuan kha sum leh dawr tha tak kha engmah sawi lova la in ka pawm nghal tawp thei. Mahse ka duhlo, thamna laka hausak thur thur ka duh ve hauh lo. Rukru ang chauh ka ni dawna chutiang thil chu ka thlentir theilo bakah khatiang tello pawh khan kan pathum te chauh hian kan hlim ve tawk emai.




"Khawnge Jeremy'a chu?" Ka nu in ka bula rawn thut pah chuan a rawn ti a, inchhung lam chu ka kâwk a "Sylvia nen khan Games an khela an khel tui lutuka ka lo chhuahsan daih alawm" ka ti sapa, pawn lam atang pawn an nui thawm a hriat theih lek lek eng Games tak khel dun ang maw.




"Bawihpui, thil kan zawt che anga diktak in min chhang la" a rawn ti leh a, ka bu nghata "ngaihzawng neih loh tur chu ka ti hauh lo, nula hna nei in ni tawha ngaihzawng te chu neih a hun tawh mahse thil hian chintawk a nei ve ania tunlaiah kum naupang te te school kal rual amaw tu pawh pasal la nei lo an nih phawt chuan a huam vek. Pasal neih hma hian ngaihzawng te nena zana chhuah te leh lena hmun fianriala kal te an ching chho tana mi awm lohna ah reng reng mipa hi chu zawhte ni lovin sakei an ni thin.




Hmeichhia chu a âwm nêm zawk kan ni a mipa tha te chu tum buai eng ang mah ila kan khawng thlu tawp anih loh chuan kan hneh lo, hetiang thilah hian tunlai naupang tam tak chuan buaina an tawka an bialpa te an control zo loa sex an hmanpuia kum tlin hma in fa an han pai leh ringawta mipa lamin duh leh si lovin sâwn man an rawn pe leha nu leh pa tan a zahthlak dawn asin, ngaihtuah teh. Saw kan in piah lawka Zonuna te fanu pawh kum tlin hmain a hetih der saw. Mipa chu nau pai tura Pathianin a ruat anni loa hemi avang hian tam tak chuan hmeichhe chan leh tur an dâwn pha tawh ngai lova an insûm zawh loh luatah humsual an dai pui ta thin ani. Mipa thil tihsual hi chu reilo te an han sawi zuia mi thinlung atangin a reh leh vat thin. Hmeichhia erawh ani hauh lo, engpawh lo ti dawn ila humsual kan dai tawh anih chuan sawnu saw chumi khami fa chu apai tawh alawm tihte, a nasa reuh ania tih te in sawi zui kan ni leh thin. Mipa han ngaihzawn nawn leh phei chu khawtlang hian an sawi dan a dang daih ania. Nu leh pa thuawih loh man chu kha chiah kha ani reng ani.




Nangpawh bialpa neih loh tur ka ti reng reng lo, nangmahniin in duh chuan in nei tur ani, keipawn ka dang lo ang che.Mahse inu thusawi hi awih la, ngaihzawngah fimkhur la mipa i duh loh zawng pawm thiam lo leh i nihna ang pawm thiam lo chu duh viau mahla kalsan thin ang che, kha khan i hma hun a tihchhiat sak thei che. Hmangaih an awlsam ang bawk hian kalsan hi an awlsam teh mai ania. Jeremy hi ka ring lo ani lo, ka ring lutuk. Mahse mipa ani, duh chang pawh a nei ve thin ang mahse hnawl ngam ang che. Pasal in neih hma hi chuan humsual hi chu dai hauh suh u. Nu leh pa ten chumi kha chu ti suh, tah chuan kal suh an tih hi chu awih rawh u khawvelah kum heti zozai kan awm tawh thil te pawh kan paltlang ve hnem tawh bawka tha leh thalo chu kan thliar hrang thiam bawk a chuvang chuan kan thusawi hi awih ula in him ani mai. Mahni inveng turin rilru puitlinna tak tak in la nei lo chuvang chuan nu leh pa te leh chhungte zilhna che hi ngai haw reng reng lo la zawm tlat tum zawk ang che." A rawn ti a, ka bu nghat nghat bawka a sawi hi a dik vek. Kan thenawm te fanu pawh kum 17 chauh ala ni a, fa chu a pai der tawha a paina pa ten an sâwn man an rawn pe a pa Zonuna te pawh an zah luat avangin pawn an chhuak tha ngamloa Kohhran leh Khawtlangah pawh an in hmang lutuk tawh lo. An fanu pawn thla leh lawk hian fa a nei tawh dawn bawkin ka hria.




"Ka thusawi te kha hre reng la, khaw nge chawhmeh siam tur ka va en ange Sylvia pawn chaw ka rawn ei dawn atih kha" tih pah chuan a ding hluaia ka lu tuamna chu ka phelh sawk sawk a, "min lo zar" tih pah chuan ka pe a "i sam su ve hi chu towel zar hi chu i peih lo ve thlawt ani" tih pah chuan inchhung lam chu a pan zui vut ringawta ka nui ver ver bawk.




Ka nu thusawi te kha ka ngaihtuah leta nichin khan Jeremy khan ka kawr a hlim khan ka bra thleng lo chiahin a hlima ka phalna lo chuan khawih a tum loh thu min hrilh bawk anih kha, chu chuan min ti nui ver ver thei. A duh chuan khatia kan awm lai khan min tilui in a khawih thei renga mahse min ngaichâng phawt tih a lan tir na khan min ti hlim veng veng mai.




A vawikhatna atan bialpa ka nei ve a, mak ka la inti fo neih ka tum lo rapthlak kha ani a mipa kha chu a huat khan ka haw tak meuh ani a mahse a hun alo thlen ve meuh chuan ka huatna te chu engmah lo mai alo ni leh sia kan hun lo la kal tura kan awmdan tur lo sawilawk hi chu a nuama mahse kan awm leh ngai si lova ngaihtuah let leh hian a zahthlak ta veng veng mai.




Jeremy chuan a haw tur thu min hrilhin ka biangah a fawp zeuha chhan dan dang awm vak heklo chelh lah chu a mawi tawp bawk si lova ka aw ta nge nge a, mahse zanah alo kal leh tur thu min hrilhin a inkhalh chhuaka ka ruak nghal veng veng ni maiin ka hria. Vawikhat min hawsan ve dek deka ka ngaih nghal zel chuan kei hi ka dik dawnlo riau mai.




"Hey! Nangnu hi! Ilo va in zêp thei ve a ka bialpa tur min chhuhsaka ka lawm lo khawp mai" inchhung ka lut chu Sylvia chuan alo ti nghal hlak "Sylvia, ka tum lawk reng vang pawh ani lo ania alo thleng ve tawp alawm" inthlahrung dâk chuan ka ti chhuak sapa, min melh rum nasa mai sia melh rum ah ringawt pawh hian henu hi chu ka cho teuh lo mai.




"Chupawh nise, ka star hmasa lawm" a rawn ti leh a, ka va inthiamlo ber "Sylvia, ka tihpalh, mahse ka tum lawk miah lo tak tak alawm alo awmdan pawh ka hrelo, ka ti tak tak chhuhsak luih che pawh ka tum miah lo ania" ka ti ban chap a ani erawh chuan melh rum theih patawp hian min melh ruma ka hlau lek lek.




Mahse a hnuah a rawn nui ver ver a a ngaihna hrelo zeta ka melh hnu chuan nui chhuak vak vakin "ka ti mai mai anih kha, i inthlahrung lutuk leh inthiamlo lutuk hmel hmuhnawm zia kha" a rawn ti vaka, a nui zui huah huah anih chu! "Min haw lo tak tak ami?" Ka la ti leh hram. Henu hian dâwt a sawi peih em ani.




"Haw lo haw lo, ka haw phal reng reng lo che, ka tihder che anih kha. Kei te chuan bialpa ka nei daih tawh" a rawn ti êt a.




"Maw!!??" Ka ti chhuak vak.




A bulah chuan rang lutukin ka kal phei nghala min lo nuih rah rah lehnghal "bialpa i nei maw!? Lalruattuang engtikah? Chuan ngatinge min hrilh ve miah loh a?" Ka ti thata min chhang lo chuan min nuih khiah khiah lehnghal.




"Nei chiang e, kan college ami ania kan senior ani bawka aman min bêma ka lo star ru ve sia ka chhang tawp alawm" a rawn ti heu a, ka nui chhuak nghal hak. "Engtikah?" Ka ti leh hrama henu hian bialpa a nei ve chu nia ka awih thei lo zawk.




"Hmanni deuh lawk khan"


"Anih si chuan min va hrilh har si ve"



"Aw, i buai ve thin sia bakah tu vak mahin an la hrelo ka chhungte takngial pawn"




"Chupawh nise, min hrilh hmasa ber tur ini. Mahse, awi! A mak e, bialpa kan nei ve tawh chu ania" ka ti chhuak hap a ani pawn min rawn thut hnaih sauh sauh pah chuan min rawn kuaha "chu chiah, mahse kei chu ka nei ve chak tawh hrim hrima ka thiante ho khan an nei veka chuan ka nei tih ka hrilh hmasa ber bawka" a rawn ti a, a banah chuan ka ben sak nghal pawp!.




"Lalruattluang, i thiannu em em ka nih hi min hrilh hmasa ber tur ini asin Plural ka nih loh hi Singular ka nih hi. Plural ho i hrilh hmasaa ka lawm lo khawp mai" ka ti deuh hmaka a rawn nui chhuak ta vak vak ringawta nuih za ve viau mah ila ka nuih duh thak lo, min rawn kuah țha leh tê tê a, "tunah chuan i singular tawh hleinem i plural tawh alawm" a rawn tih rual chuan ka melh nghal nghek a.




"Chutiang lam ka sawilo, i thiantha ber chu keimah chauh ka ni a chuan keimah chauh ka nih avangin Singular ka ni bawk. Min hrilh hmasa ber loa ka lawm lo khawp mai. Adawt leha min hrilh hmasa ber tawh lo anih chuan ka tihtauh khum hmak tawh ang che" ka ti leh hmaka, ka tûm deuh bar a, en pawh ka en tha duh derlo.




Mahse a hnuah chuan eng emaw kan sawi neuh neuh a kan ti ti tha leh phian tho. Kan intih thinrim pawn rei tak kan thinrim theilo, rang lutukin ngaihdam kan indila kan inbe leh vat ngei ngei zel. Ramdangah mn awm bo san ta se chuan awmdan ka thiamlo ngei bawk ang. Tlai lama kan ina alo len tawh hi chuan chaw ei lo hian a haw ngai lo reng reng. Kan in hi chu an in ang chiahin a ngaia anu pawn a fanu ang chiahin a en ve bawka ka ngaina lo ti ta se chuan dâwt a sawi ngei ang.




Ka nu in ka phone rîk thu a rawn sawi avang chuan inchung lamah ka chho a, ka phone hi chu ka ngaihsak lo ve thlâwt chu ni. Ka phone ka en chuan Jeremy'a ka unblock tak chuan min rawn call ta chiaha alo tawp leh hmanhmawh tawh bawk. Ka en chuan missed call 3 alo awm tawh.😁




Ka call lêt nghal zata a lak rual rual chuan "enge in tiha?" A rawn ti nghut, ka inthiamlohna hi a pui mang tara. "Inhnuaiah kan awma ka phone inchungah ka lo dah daih alawm" ți dâk chung chuan ka ti chhuak sepa a rawn thaw chhuak nghal hawk a, rei tak thaw tawh lo, thaw ve leh thei chiah ang mai hian ka thaw chhuak nghal suai suai a "ka tihpalh" ka ti leh sep bawk.




"Ok! Bawihi ngaihdam dil kha chu theihnghilh la ka call anih chuan ila nghal zat thin tur ani. Hlauthawngin min siam tawh hauh suh, anih loh chuan i mipa kawm te khan an hmu ngam tawh lo ang che" a rawn tih chuan ka nui chhuak nghal haka, a rawn rûm nghut takah chuan ka hmui ka hup nghal thawk.




"Nuihzatthlak ka sawi lo Bawihi" a rawn ti nghut, a lungawi lo chiang chhiava anih dawn hi "ih... englo, mipa thian ka neilo Sylvia bak ka kawm ngailo" ka ti sepa a thaw ham ham chu ka ngaithla renga "anih chuan i thiannu chuan a hmu ngam tawh lo ang che" a rawn ti leh, ka nui chhuak hawk.




"Tum chhin la, i cho miah lovang, inhnial ah phei chuan i hneh lo sa" ka ti hlaka, a rawn nui chhuak hawk mai. "A tawngtheih zia chu ka lo hre ve tawh alawm i rin ai kan inhriatna a rei tawh ang" a rawn ti sup. Tullo zetin Zorini ka ngaihtuah chhuaka nia Zorini atang chuan an inhre daih tawh ang.




"Bawihi" a rawn ti leh sup takah chuan "aw... ah.. enge?" Tiin ka chhang lêt bah nawka a rawn nui ri suk mai "naktukah nu Christy rawn zui phei la" a rawn ti zâwi sup, thutthlengah a thu thla dawt nge ni, a taksa che awka a thaw chhuak hawk chu chiang zet hian ka hre thei. Tunah hian a maimichhin mek ka ring.




"Enge ka rawn tih ve ngawt anga?" Ka ti sapa, keipawh chu a sawi leh tur nghak ran chung chuan khumah chuan ka thua "ka bulah i awm ang" a rawn ti zâwi sup. Ka nui chhuak hawk a.




"Chutiang mai mai turin ka chhuak peih lo, hna ka zawng dawn" ka ti hlara, a rawn nui ri suka "ka ngai nghal che" a rawn ti thâwp sup, 'ngai' tih thumal chuan ka thinlung hi a fan rawih rawih thei "i over lutuk" ka ti hlak, a rawn nui chhuak hawk hawk a keipawh ka nui ve tho.




"Tak tak ina anu pawn hna i hmuh rih loh chuan min rawn pui rawh a ti hrim hrim a ka phur thut tak leh ka lo kal ve maithei ani" ka ti a "Good! Inu nge nge ka lam a tanga" a rawn ti a, ka nui chhuak nghal hak bawk. Eng eng emaw sawia kan inbiak hnu chuan zana alo len tur thu a sawia inbiak chu kan ti tawpa ka khua a har nghal rawih rawih ni maiin ka hria.




Chaw ei an peih tawh avang chuan Sylvia nen chuan kan siampuia a bialpa chuan alo be ve sek nge ni chawhmeh a suah laklawh lai ten phone chu a type leh mual mual thina anu in a rawn hmuh phei chuan 'dah rawh' a rawn ti vîn hlar zela an inngam tlak bawka Sylvia chuan a tihchhunzawm leh mial mial bawk.




Keia pawh Jeremy an a call chhang nghal zat thin tura min tih avang khan ka kekawr iptê ah ka ak ta thâna ka ak thiam lo lek lek, a tla dawn tlata hriatna ka nei thina ka zu khawih leh nge nge thin, ti hi chuan phone khawih hrât hmel deuh, mi khawih ve hlau ang hrima ak tlat ang kha ka ang ve deuh alawm😆.




"Vew, enteh tunah ka bialpa Mala hi maw a fel rapthlak mawle, an inah te min hruaia anu leh pa te pawh min inhmelhriat tir veka chuan college ah te hian a thiante bulah hian reilo te hi a awma chuan keima bulah a rawn kal leh thina a thiante hian min ngei ru thei ngawt ang ka ti. Mala hian min zui renga mahse amah zawkin engah mah ngai suh min tia ka ngai lo ve chauh alawm a tirte chuan maw min melh rum thei sia Mala pawh ka be tha ngam ngai reng reng lo" a rawn ti ta duaha chhan dan vak ka hriat loh avang chuan ka ngaithla tih hriat nan ka bûk khum nghauh nghauh a anih loh ka beng bulah hian a bul atangin a sawi leh vek mai ang.




"Anih hmannia i star pa min hrilh thin kha i duh leh tawh lo ami?" Ka ti a, ner nâwng chung hian "teuhlo lutuk rapthlak takzet a luck a bialnu a ngah thei si reilo te te hi anih puia chuan a then leha midang a nihpui leha kan college a hmeichhia zawng zawng hi a nihpui zo vek țep tawh ang ka ring, a hmeichhe bêm te lah hian an lo duh ve thei ziah lehnghala an chikim hlawm hi ka van ti tak! Hepa hi chu nupui pawh a neih theih ka ring lo, a lerh ropui si nupui pawh nei se a lerh san tho ang" a rawn ti ta zung zung a, ka nui ta ringawt bawk.




Tihian a star lai hi chuan tha tawk tawk hian a sawia a star tawh loh veleh chhe thei ang ber hian a puh thina hepa ai pawha puh nat hi a ngah tawh ania aw nuih ringawt loh chu tihtheih a awm bawk si lo. Mahse hetia college chungchang a sawi te hian kal ve ka chak vek zel. Ka nu hi ka la sawipui bawk ang ka kal leh a phal chuan ka kal leh anga a phalloh leh hna kan thawk ani mai ang chu.




Anu ten an rawn phone tawh avangin Sylvia pawn min pheisana an lo hau leh ngei awm sia ka bulah a rawn zualko leh ngei ngei ang. Ka nu leh Nu Sangi an buai em avang chuan ka room lamah chuan ka awmsana ka khumah chuan thu in ka phone chu ka hmaah chuan ka daha nichina min rawn call bak kha min rawn call leh tawh miah lo, a rawn call hlauin ka ak ve char char a kalsan ta ila a rawn call ngei awm sia ho lutuk mai.




"Rawn call pawh ni la ka chhang nghal vat chuang lovang che, i rawn call leh har emai ka iptê ah te ka ah ve phaha rawn call tawp suh ka be peih bik lo che" phone en chung chuan ka phun mawlh mawlh a ka sawi zo chiah chu a rawn ri ta tleng tleng mai..Jeremy chu ani ngeia mahse vawikhat na nâ nâ chu ka ring quit tir țhaka engtin tak rawn ti leh ang maw.




A vawihnihnaah chuan a ring fê hnuah chuan ka la ta chauh a "enge?" Ka ti hlaka, a rawn nui chhuak nghal hawk bawk. "I thinchhe viau zel maia" a rawn ti a, ka nui ve leh ta ringawt bawk. A bul velah chuan awm an awm ni tur ani mipa tawng ri leh hmeichhe tawng ri chu a inpawlh nuaia an la buai hmel em em mai lehnghal.



"Khawnge i awma?" Ka ti sepa, midangin an biakna chu a chhang leh riha a buai viau nge ni "office ah ka lêt leha Bawihi zanin chu ka rawn kal thei lovang hna thilah buaina a awm deuh hleka ka rawn be leh ang che" a rawn ti a, a țawng tawp lam phei chu ka hre hleithei tawh lo "awle, hnathawh nuam le" ka hmui bula phone zu dah pah chuan ka ti a, a ngaithla nge ngaithla lo pawh ka hrelo. An țawng rîk tak nuai nuai avang chuan ka dah ta tawp bawk.




Hna avanga buai awmzia ka hriatchian miau avangin min rawn phone hun chu ka nghak ta tawpa laptop ah chuan Avengers leh Ready Player one movie chu a tir atangin ka en nawn leha movie hi ka en lutuk ngai lo ka nu in ka mit a chhiat a hlauh vang pakhat ani a, mahse hemi te pahnih hi chu ka enkham thei thlâwt lo engtik lai pawn ka en peih. Iron man leh Captain America leh Thor te hi ka star em em mai ani. ( Ka en ning thei lova🙊😆 a ruka ka star te an ni bawka🙊 lo en ve ru🙊😆😆).




Ka en lai chuan ka lo muthlu ani ngei ang ka harh leh meuh chuan ni alo chhuak tawha ar khuang thawm ka hre chhunzawm nghal zat bawk. Ka phone chu rang lutukin ka ban nghala Jeremy call alo awma message nen chu pawh dar 12 ami tawh.
*Muttui le, ka bialnu* tih a rawn thawna ka khi nghal ver ver a a last seen pawh a rawn thawn darkar leh minute leh second chiah chiah ani bawk.




*Morning* tih ka va thawna out ka tum chu Sylvia message lo thleng chu ka ena
*Ngaihzawng neih thar vanga on9 hma nun ang kha message lo awm chhang zo chiah bawka thiante message seen ve leh chiah lawm avanga khi vur nun ang kha😝😝*
Tih a rawn thawna henu han chimawm dan em em chuh!.




*i hmelchhe tho lawm💨😚* tih va thawn nghala a seen rang teh asin aw.




A message rawn thleng chu en tawh lo chuan bathroom lamah ka luhsana ka intihfai hnu chuan ka phone ak in inhnuai lamah ka chhuk thlaa nu Sangi chuan eirawng alo bawl meka a bula thut pah chuan "nu Sang enge i siama?" Ka ti a, ka țawng a hria chu ala phu zawk lehnghal.




"E. Ilo luh lai pawh ka hre hleinem. Anhling ka tlak e ka tia a hâng țha reuh ania aw" tih pah chuan an hâwp zui leh hrama ka nui chhuak hak hak a. "Purunsen hi chan tur ami? Anih chuan ka lo chan ang" ka ti a, ka kut chu ka va sila chemte leh plate chu ka la a, purunsen chan tur chuan ka inring thlap tawh bawk.




"Aw, lo chan la tomato nen khan ka i nu khan siam turin min ti a ka siam hman ka ringlo ania kha ilo awm hlauha" a rawn ti a, purunsen lak pah chuan "i buai te chuan min rawn koh ve mai tur che lawm. Ka pui reng thei che nia min lo ko ziah tawh rawh i indaih lo thei ropui si" ka ti hlaka a rawn nui ringawt bawk.




"Khawnge anu hi?" Ka ti a, hmarcha chu chan tumin ka la a, ka chan tur chu a tui rawn per chuan ka mitah tak a pera thîp tak ani. Ka kut chuan ka hup nghal hmiaha ka phone lah chu alo ri ve sek lehnghala din hluai pah chuan "nu sang ka mitah hmarcha tui a per luta call hi min lo chhan sak mai a thîp lutuk" tih pah chuan phone chu dawhkanah ka theh thlaa tap awmna lam chu ka pan nghal chat bawk.




Tui chu herh haw in ka mit chu ka nuai nghala ka phih nawn leh ringawta ka hmai ka hrûk thuak hnu chuan towel hûm pah chuan "tunge lo call a?" Ka ti a, min chhang lo chuan ka phone chu a mitmei zeuha a ngaihna hrelo zet chuan ka pan pheia ka mit hi ala thîp deuh reuh.




"Hello" tih pah chuan phone chu ka bengah ka daha "I tha em? Bawihi" Jeremy chuan a rawn ti sup. Aw... nu Sangi pawh chu amah ani tih han sawi mai ve mai thin tur ania "aw, tha e ka mitah hmarcha tui a per luta ka hmai ka phih tha leh alawm" ka ti a, a rawn nui chhuak ta hawk bawk.




"Iva tho hma ve, i chau awm si" ka ti leh a, ka mit ala thîp êm avang chuan ka va phih nawn leha Jeremy'a min chhanna pawh chu ka hre lawk lo lehnghal "tihpalh, ka mit ala thîp lutuka" ka ti a, towel chuan ka hru a, ala thîp tho mawle. "Ka lo chhêm dawn che mi?" Choka chhunga aw thûm ruih avang chuan mit siai sâng hian ka hawichhuaka Jeremy chu choka luhna ah chuan kekawr ipte zen chunga lo dingin min lo nui suka.




"Hehe, enge hetah i rawn tiha?" Ka ti sapa, ka mit ka siai bawk sia ka hmu hleithei lo "i hmuh ang hian ka lo kal" a rawn ti a, ka mit siai loh lam chuan ka la melh rum leh hrama Hoodie chungah Denim Jacket a ha leha kekawr amah nena inchawih zet chu a inbel thlupa sneaker pa zet a rawn bun bawka ka mit a ti tla lo chauh alawm.




"Min en reng dawn nge ka chhêm sak dawn che" a rawn tih chuan lu thing nghutin ka harh chhuak zawka ka hmaah chuan alo ding reng tawh. "Ala thîp em?" Tih thûm sup pah chuan rawn kun hniamin chiang zet hian min rawn ena ka mit ka siai vang nge maw ni a nui leh suk suk zel.




"Ka lo chhêm ang" tih pah chuan a kekawr ipte chu a zen rawk rawk a rawmawl var thianghlim zet mai hi a rawn la chhuaka ka mit bula a rawn lek kân rual chuan a kutah chuan ka lo man beh saka "nu Sangi a awm ve reng hi" ka ti chhuak sapa a nui ri nghal suk "lunngai suh, choka ah hian kan pahnih bakin kan awm hauh lo" a rawn ti a, ka hawi kual nghal vata nu Sangi kha engtik laiin nge alo chhuah hman le.




"Chupawh nise ka nu alawm tal alawm" ka tih leh țalh a ka hawiphei rual chuan ka hmuiah chuan a lo fawp nghal zeuha "inu pawh a awm lo pangpar an khawih" a rawn ti leha ka chhan ve leh hma hma chuan ka mitah chuan rawmawl chu a rawn daha "muangchangin meng rawh aw, a thîp deuh pawn meng lui hram la" a rawn ti a, a sawi ang chuan muangchangin ka menga a rawn thîp leh zawk zawk thin.




Rawmawl chhanah chuan muangchangin a rawn chhêm heuh heuh a a chhêm pah chuan "a zia tawh em?" A rawn ti leh sup zela a chhêm avang hian tlem chuan a rawn ti dam deuh. "A zia tawh" ka tih rual chuan muangchangin rawmawl chu a la thlaa a thîp chu tlemin a reh ve deuh hlek bawk.




"Chan tawh suh" a rawn ti nghuta ka nuih ringawta dawhkana ka chan sa awm ho chu a khung tha mawlh mawlh a a chevel chu ka lo en reng ringawt "ngatinge zing kar karah i rawn kala?" ka ti a, ka towel ken lai chu min rawn lak sakin ka kawngah chuan a rawn vêt kuala a lamah chuan min pawt hnai nghal hrâwka.




"Eng thil nge maw i tih le? Nu Sangi leh anu an lo lut ange tihian awm lo ang" ka ti a, ka kut chuan nem sawn ka tumamahse a theih țhak loh! "Hlauthawng suh, inu leh nu Sangi chu an lo lut lovang an buai lutuk ringawt" a rawn ti sup, a kawngah chuan towel chu a suih bet ve a, a kut hlai hlup hlauhawm hmel em em mahse dam raih si chuan ka biang chu a rawn khuapa "nizana min mutthilh san avangin hei hi chu i chan tur ani ve hrim hrim ah ngai rawh" a rawn ti thâwp sup. Ka ner nghal nânga. "I bula awm hi chuan i call chhan vat a ngaia mutthilh san loh i ngaia" ka ti hlaka "Good! Chu chu a tha" a rawn tih rual chuan ka melh nghal rawm rawm a.




"I chimawm emai aw chutiang em em ka thei bik lo ka mut a chhuak ve thei thoa chuan ka buai ve em em thei bawka i hre hleinem" lungawilo ru zet chuan ka ti chhuak hlaka "Bawihi" a rawn tih hluk pa chuan a nui chhuak nghal hawk hawk a, ka va han ngei ber tak. Chutiang em em ka thei âwm bik tawp si lo.




"Ila na nih kha" chimawm zet chuan a rawn ti leh "na e, ka la na a em em êm alawm nangpawn i thei bik âwm tawp si lo" ka ti leh hmaka nui sukin ka hnarah chuan a rawn fawpa "tih thinrim lah hi i awlsam bawk si a" a rawn ti supa, ka tûm deuh hmak a hmuh rual chuan a rawn khi leh suk thina.




"Sorry! Kha chu sawi mai mai anih kha" a rawn ti a, ka la chhang chuang lo "Bawihi" a rawn ti leh a, ka hawisawn san hmak. Ka biangah rawm dawmin a lam hawi zawng chuan min kuai hera ka maimichhing nghal tlat bawka a rawn nui chhuak nghal hawk a , ka biangah chuan fawp in ka hnarah chuan a rawn fawp leha ka hmui bulah chuan a rawn thaw lum hma ham a, chumi ka feel rual chiah chuan "Sorry!" Ti supin min rawn fawp nghal zat a, ka hmui tih chêt tumin min fawp ngar ngar a.




Ka insûm theihna zawng zawng a rawn puak darh vek. Ka chhan let ve tak hnu chuan a rawn nui rûm hawk a min fawp uar zual sauh in ka khêlah chuan a dawma dawhkanah chuan min châwi chho nghal nawlh a ka kap karah chuan a rawn inrawlh nghal zat bawk.




Ka nu in chaw ei a rawt avang chuan chaw ei kan siama Jeremy erawh hna alo va kal daih tawha chaw pawh a ei hman amaw ni. A kal hma in ka thawmhnaw hak tur min lak chhuah sak thlapa ama hâk rawng ang chiah chiah vek min thlanchhuah saka pheikhawk thlengin 'hemi hi rawn ha ngei ngei ang che' a tih tak mawlh kha. Ha lo chhin ta ila engtin tak min ti ang maw.




Anu rual chuan ka chhuak ve nghala Scooty ai chuan car khalh a duh zawka a car ah chuan chuangin show an neihna tur hmun lam chu kan pana engti mang si lo hian ka huphurh ve em em mai ani. Jeremy'a thawmhnaw min thlansak chu ka nu leh nu Sangi chuan ka inhmeh thu min hrilha zêp miah loh chuan ka inhmeh tur a hria ka ti keipawhin.




A hmun tur kan thlen chuan pawn lamah pawh an lo kal suau suau tawha an lo buai hlawm hmel takzet. A chhung luh dawn chuan ka nu chu eng emaw hi an awrh tira ka nu in min kaih tlat avang chuan min hruai luh an phalsaka an va strict mai mai tak! Ka tihchhiat sak nghal hrep lovah.




A chhung chu ka rin aiin an chei nalha a ropui bawk. Model ho chu kal dan an zir nge maw ni hmeichhe pakhat chuan a ke dah dan tur vel alo hrilh luama, a then lahin an chei bawka a thenin thutthleng te an lo buaipui bawka tumah chu biak hman pawn an awm lo reng reng, anu kalna lamah chuan ka zui ve zela thutthleng te chu ka pal kawi ang nawk nawk lehnghala ka che chhe ve thei hrim hrim.




Ka nu chuan Jeremy bulah min dinpuia Jeremy chuan ka kawngah min rawn kuahin ka biangah chuan a fawp zeuha a bulah chuan a taksa si chêtin min dintir ve nghal bawka a bula ding te chuan min en duh tak anni, ka nu pawh kan pahnih min en chung chuan a suk suka Zamzami pawh chuti tho chu enge maw an hriat hlawm ni. Thawmhnaw rawng inang kan hak vang nge mawni.




"Bawihi, a hreawm iti em?" Ka beng bulah chuan a rawn phun supa, ka lu ka lo thing nghal vata ka bekah chuan rawn fawp vang vangin "a rei lo ang" a rawn ti supa, a țawng chhunzawm lehnghal char char bawk. Mi tam lai laiin a tia, min ti zak vek. Hnathawk tam zawk chuan min en zui lawm lawm hlawma an mitmeng chu thîkna hian a khat ni berin ka hria.




Jeremy chuan ka kawngah chuan nghet zetin a vuan tlata phelh thlaksak ka tuma mahse ka kut nen a rawn hûm hmiah. A.zak ve lo reuh amaw ni, kei erawh kan pahnih chunga mit fû a tam lutuk avang hian ka zak tawh. Min keh hrep duh tawh hmel hlawm thei ania aw. Kal pah hian min melh rûm râwm râwm hlawma an mak ka ti hlawm tawp.




Zorini pawh buai hmel zeta kan hma zawna a rawn kal chu ka en renga min rawn hmuh rual chuan min nuih sânga mahse a mitin Jeremy'n ka kawng leh kut a vuan tih a rawn hmuh rual chuan a nui reilo khawp mai midang lakah hlim hmel a pu hram hram hrama ka lakah erawh sakei ang mai ani thung.




"Nu Christy in lo thleng tawha" kan bul a rawn thlen chuan nui chung chuana rawn ti nghal sânga Jeremy'a ka en chhoh rual chuan ngaihsak lo tih hriat zet hian midang nen chuan file chu an en duna thil an sawi dun bawka Zorini a rawn kal tih reng a hriat loh hmel na chuan min ti thlamuang ve hawk thei.




"Rinrin, nangpawh ilo kala?" Tih pah chuan a kut chu a rawn phar chhuaka ka chibai vata mahse ka kut erawh a hmer nghet mah mah deuh chu ni. "Engtin nge ka fanu hming te i hriat theiha?" Ka nu chuan a rawn ti a, Zorin'n ka kut a hmer vakna chu a thlah rual chuan ana nghal zawk thei, a thîp ve tawp.




"Kan inhmu fo tawh alawm, Sylvia hi ka cousin ania a hnen atang khan ka hriaa" Zorini chuan min melh deuh salh pah hian a ti a "anih chu mawle" ka nu pawh chuan a rawn ti leta ka kut ruh hi ana vawng vawng thei. Min va han haw âwm em em ve mawle ka ti rilru hial bawk.




Jeremy'a a biak pawh chuan Jeremy chuan a chhang bung hmawk hmawk a, Zorini erawh chuan thil a zawt lui ngar ngar, ka țim hrep châk ania, Jeremy pawh chuan ka nâk chu ka kut chhanah chuan a rawn hmer ngawt ngawt a, a na ve lek lek thei.




"Nu Christy khiti lam min han enpui lawk la" Zorini'n a tih chuan ka nu nen chuan an in zui chhoa ka thaw chhuak nghal ham ham mai. He hmuna ka lo kal ta kher kher chu ka va han inchhir chiang tak em! Lo kal lo ni ilang chuan tha vek mai tur ania keimah ngeiin keima mood ka ti fuhlo chu ania, ava han hahthlak tak!.




"Bawihi, i chau em?" Rei tâwk fâng kan din hnu chuan Jeremy chuan a rawn ti ve ta hrama ka lu ka thing nghata "nangmah zawk kha" ka ti chhuak sep bawk. Thaw chhuak hawkin hma lam hawi zawng chuan min kuaha midangin min hmuh ka hlauh avang chuan ka tal laih laih a, mahse eng ang pawn min hmuh hlau mah ila min hmu dawn tho tho si, hnunglama min sawina ngaihthlak reng chu a hreawm ve det.




"Bawihi" Jeremy'n a rawn tih leh fuk takah chuan ka hawi chhuak deuh zawka "thil ngaihtuah vung vung zel lo la" a rawn ti zâwi supa, ka nuih vur vur a "tihpalh" ka ti chhuak sepa, a bu nghata "ka la buai deuh dawn sia i ke a kham palh ang hetah hian lo awm rawh" tih pah chuan kan piah deuh hlekah chuan min kai pheia ka khêlah vuanin min chawi kang nghal nawlh a, thutna awmah chuan min thuttira ka kap karah chuan dingin "tah hian lo thu lawk rawh aw, a rei tawh lovang" a rawn ti supa, ka bûk nghat rual chuan min rawn fawp vang vang a, kham loh hmel zeta min thlahin hnunglama an rawn auhna lam chu a hawia ka kut chuan a dulah ka lo kuah ve nghal vata a nui ri nghal suk bawk.




Light vuah dan tur vel an sawiin ka hria a dara khabe nghah pah chuan a nghawngah chuan ka lo fawh saka "Bawihi" a rawn ti ta hluk mai, nuih vur vur chungin ka kuah nghet sauh a, a dara khabe nghah pahin ka phone chu ka lo khawih mial mial a Jeremy erawh kâ pawh chawl hman lo khawpin an rawn be buaia amah ai hian ka lo ning fê zawk.




"Bro, ka lo thleng" rawn titu avang chuan kan bula awm hnai ve te nen chuan kan hawi rual nghal thaha hmannia mi office a ka luh ngam loh ni a thawveng zeta min luhpui tu pa kha alo ni a, ala rawn nui phei vur vur lehnghal. Takah! Khawiah nge Tim'a pawh hi a awm reng reng le.




"Ilo va thleng tlai ve" Jeremy chuan a ti sup, a dar sân ak in "ka hma lai i hre tawh ami?" A rawn ti a, min rawn hmuh chuan mit min rawn siai ngeia ka nui chhuak nghal hak ringawt. "A zualpui kan zo thawkhat tawha nangmah an nghak chea va pui vat rawh" Jeremy chuan a rawn ti leh hluka a thianpa ner nâng chu ka lo nuih ringawt. Hepa hi chuh! Hnathawhnaah tal hi chuan han friendly ve deuh tur hi ania. Thiante pawh thu pe ta hmak hmak mai.




"Nangni pahnih chu, ka mamawh che u" Zorini aw ri ka hriat avang chuan ka thin a phu rang dat dat mai, sir lam atang chuan nui sâng hian a rawn pheia kan bul a rawn thlen chuan "Jere, roomah min lo kalpui lawk teh thawmhnaw thenkhat lak ka ngaia" a rawn ti a, room tih a sawi tel chuan hlauhthawnna in ka khat nghal pup pup a, ka thin pawh hi namên lovin a phu rang bawk.





💜 A... tawp rih phawt mai rawh se aw. Current kan nei chiah a ka battery pawh 5% chiah😆. Mahse in chhiar tur ka type ngah hmana ka lawm, tawi in rawn ti leh hram ange🙊😆 ka hlap ru tawh tak tak ang che u😆 word inmil lo leh mak sak deuh deuh a awm chuan min lo hriatthiam sak mai🙏. Tunah min hriatthiam sak nghal dawn ka hria lawm, ka hre sa,in fel êma🙊😆. Ai..... ka va sawi tha si em!😆🙊. Mangtha muttui vek ule😆👋.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:00 pm

AT THE ELEVENTH HOUR - 11

By : Msi Miluhlulnui 💜


💜 You deserve better, you know to do. 💜





"Midang an awm kha i hmuh ang hian ka buai" Jeremy chuan a ti nghut, tullo puia ka lo insehru ve chu ka duhlo takzet ani. Zorini chuan Jeremy dara a kut rawn nghah pah hian "aw... nangmah ka duh che lawm bakah midang hi chu tirh an har thei ropui si Dinsanga lah a rawn thleng chauh a a buai leh nghal char char dawna mawh..." inti no zet chuan a rawn ti a. A thil sawi lai zawng zawng chuan ka lo en renga a zâm hauh lo mawle.




"I duh chuan i thiante pawh i sawm thei. Ka buai zia i hmu bawk heti zozai hnathawk an awm tirh hnial an ni vek hauh lo, i duh chuan i thiante pawh i ko thei, ka buai zia hi sawi nawn ngai tawh suh se" Jeremy chuan a ti nghut Zorini chu a ner nghal nâwnga "i sual emai ila hre khawp ang" tih hlak pah chuan a pên sawn tau nghawng nghawng a ka en zui reng ringawt.




"A ze ngai a chhuah leh tan dawn ava nih hmel ve" Dinsanga chuan a rawn ti zui hluka an hriatchian hmel hle mai "anih hmel, a chhuah chuan Bawihi tan hian a hlauhawm thei tlata en zui ve deuh chu a ngai ani" Jeremy chuan ati ve nghuta an thusawi ngaithla chhunzawm tawh lemlo chuan hnathawk hi che kual ve chu ka lo en ngar ngar a.




Thenkhat chuan kal pah ten min rawn melh rum țâwk țâwk a ka inthlahrung lek lek zawk. Min huat hmel ngawih ngawih hian min melh a, he hmuna ka lo kal leh ka kal duh kha ka inchhir ngawih ngawih tawh.




"Bawihi" Jeremy'n a rawn tih fuk takah chuan amah chu ka en thla nghal vat a mit zîm sun hian min lo melh a "thil ngaihtuah vak vak zel suh ka tih che kha" a rawn ti a ka nuih ringawta rawn inher in ka âwmah chuan a hmai a rawn phuma nghet zet hian min kuah bet nghal bawka.




"Ti hian awm lo teh miin min en țhup ania a zahthlak" tih hlak pah chuan a darah chuan ka nema mahse chet pawh a chesawn eih lo "a ho lutuk, engah mah ngai suh kan hmuhnawm ani mai" ngaihsam zet hian a rawn ti a, ka thaw chhuak nghal hak a "hmuhnawm lam ani lo min rawn melh rum hlawm lutuk a zahthlak alawm" ka ti deuh nawka a darah chuan ka nem a mahse engah mah a ngailo.




"Awm mai mai rawh, engah mah ngai suh ka duh hunah keiman ka rawn hrilh mai ang. Bawihi" a rawn ti leha, nghet zeta min kuahin a âwmah chuan a hmai chu a phum kâk a, a thaw ri sûk sûk a ka âwm a thâwk khum rual chuan ka za uai uai thei.




Mi min melh dan leh ngaihdan tur hi a ngaihtuah pha ve lo ani ka tan erawh natna thûk tak a chang nghal der si. Amah ka ngaihzawn ve avang leh hetia kan awm avanga min huat hmel an pu hi ka duhlo takzet ani. An pawi engmah ka sawilo mahse hetia an pawi sawi anga awm hi a hreawm nghal lutuk ringawt. Amah ka ngaihzawn ve zel dawn chuan engthil nge ka chungah hian thleng zel ang le.




Kan lam pana Zamzami lo kal chu ka lo en renga kan bul alo thlen chuan min nuih sânga rilru khing bai zet chuan ka nuih let ve a ka âwma Jeremy'a rawn bei chu a rawn biha ding chhuak lehin "sir" a ti chhuak ta sepa. Jeremy chuan mutchhuah hmel zet hian ka âwm atang chuan "um" a ti nghawr dat a. A sam buk karah chuan ka kutțang ka rawlh luta thatchhiat hmel zeta a rawn hawi chhuah rual chuan Zamzami lam chu ka mitmei zeuha a ner nâwng anih chu!.




"Sir, ka tibuai che u a ka tihpalh, mahse Maria alo kala zanin ami tur rawn endik a duh deuha nangmah ngeiin ilo dawngsawng si lova a hrilhhai khawp mai" Zamzami chuan a rawn ti a, Jeremy chuan ka kut rawn vuan chungin a hawi leta "khawiah nge a awma?" Nin hme zet hian a ti chhuak nghut bawk.




"Thutna ka lo kawhhmuha tah chuan coffee an in mek in ka ring, an nghak reng tawh che a" a rawn ti leh a Jeremy chu a rûm chhuak nghal nghuta ka kut a vawnna lam chu ka pawh sak vaka a rawn hawi rual chuan ka lu ka lo thin khum nghut bawk.




"Bawihi, min rawn zui la" a rawn ti zâwi supa rang zet chuan ka lu ka thing "teuhlo mai, i hna thil anih hi nangmahin va kal rawh keiin engmah tih tur ka nei ve lo ka lo hnawksak mai mai ang va kal rawh an nghah reng tawh che chu" ka ti zung zunga min ti zîm suna min melh pah hian a mit ko min sân khum ak a.




"Ka ti tak tak, keimahin ka awm thei alawm. E, nilo, Zamzami ka awmpui mai ang" ka ti a, Zamzami ka en pawh chuan hriatthiam loh hmel zet hian alo bu ve nghauh nghauh a "ok. Anih chuan ka lo let leh vat ang kan chhuak dawn nia" a rawn ti a, aw tih nan ka bu ta nghata nui sukin ka tukhumah chuan rawn dawmin min kuai kuna min fawh a tum chuan ka lo.țang ve ngar ngar a, Zamzami a awm tih a hre ve reng sia hepa han ngeiawm dan em em hi chuh!.




"Tuna ka fawp lo che anih chuan a lai takah ka dinpui che anga ka fawp ngei ngei ang che" a rawn ti zâwi sup "chimawm si, phakar bawk si" ka ti hlaka nui zui sukin min fawp ta vang vang bawk. Min thlah dawn tawhlo emaw tih hnuah chuan min thlah ve ta hrama ka hmui hi a sa hat hat thei. Alo let leh vat tur thu sawiin min kalsana ka mit chuan amah ațang chuan mit ala sawn thei derlo.




"Sir hi hetiang em em a hna a thawh peih loh hmel hi ka la hmu ngailo. Mrs. Zorini nen an awmdun pawn hna ringawt a ngaihtuaha a peihloh thu a sawi lai hi ka hre ngai lo reng reng. Mahse kha, tunah chuan a peih loh zia a hmelah ka hmu va ta a thilmak ani ringawt" Zamzami chuan nuih sâng pah hian a rawn ti a. Jeremy'a che vel chu kan en zui ngar ngar bawk.




"Hnathawh hlir a ngaihtuah țhin em ni?" Ka tih chuan a bu nghat nghat a "a hna ngaihtuah lutuk thin hi alawm a hriselna hian a tuar phah țhina mahse a sim thei lo hei vang hian alawm kan company pawh hian hma a sawn em em ni. Sir thawhrimna hi awm lo se chuan engmah lo mai kan ni tawh ang" Jeremy'a ngaihsan hmel zeta en pah chuan a rawn ti a a nui leh ver ver thin.




"Hnathawk ho hi inchhawr nge? Enge awmzia?" Ka ti a, a rawn nui chhuak hak hak a "hetiang ti bik tur hi ruat hran an ni thina hetiang lam hi an buaipui ber bawk. Rinrin, engah mah ngai suh duh an melh dan che hi ka lo hmu ve vek alawm. Mahse engah mah ngai duh suh" a rawn ti a, ka mak ti lutuk chu amah chu ka en nghal hâw a "min melh dan hi ilo hre ve maw!?" Ka ti zâwi chhuak vaka a lo bu nghat bawk.




"Ka hmu ve vek alawm. Hre tur pawn heng ho hi ka hrechiang ve tawk bawk țhenkhat hi chuan an huat vang che ani a, a chhan pawh i hre mai anga Sir hi a luck bawk sia. Thenkhat erawh chuan mak an tih vang anih khan keipawn a tir chuan mak ka ti ve tho alawm a chhan chu sir hian hetiang em em hian hmeichhia ala hnaih ngailo Zorini nen chuan inkawp rei ve tawh mahse nangmah a hnaih ang em em che hi chuan ala tilo mak an ti anih kha" a rawn ti sam êt a. Zorini nena an inngaihzawn laia an awm thin dan kimchang lutuk ka hre chak takzet.




"Rinrin, sir hian a duh hmel em em chea kha tunah pawh hruai a tum ve leh rikngawt che kha. A hna ai pawhin a dah pawimawh chea engdang zawng aiin vawiin hna sawi hmasa lo in alo thlen khan chhuna i eitur min order tir nghala hetiang em em a hmeichhia ala ngaihsak hi ka hrelo anu ai pawn i sáng maithei ani" a rawn ti a, awih lo lutukin ka nui chhuak nghal hak a.




"Hmeichhe kawppui thar avang chuan anu a thlahthlam hauh lovang nu te chu engtik lai pawn kan tan chuan khawvelah an sâng bera hmeichhe kawppui thar avang mai mai chuan anu chu a thlahthlam lovang" ka ti ve ta sepa a lu a rawn thing nghut nghut bawk.




"I hrelo anih kha. Sir nu tak tak hi chu a thihna a rei tawh chuan tuna mi hi a nuhrawn ani bawk. Mahse anu tak tak chuan a ngaihsak ngailova sir phei hi chuan sawi pawh a sawi lang ngai lo, amah vuinaah pawh apa in a tih luih avang chauha rawn kal ani bawk. Mahse nu Siampuii tuna mi hi chuan fa alo nei thei lova chuvang chuan a fate ang chiah chiah a ngaia Sir pawh hian a sawi chhuak ve ta zeuh zeuh thin. Mahse anu tak chungchang erawh chu sawipui theih ani lo, a thinrim zela bungrua a hai darh vak zel bawka min melh rum thei thin ania aw" a tawp lam chu nuih pah hian a rawn sawia keipawh ka nui ve ta ringawt bawk.




Tuna anu chu a hmangaih hle ani ngei ang. Mahse engvanga anu tak tak chu haw em em nge anih ang le. Amah hringtunu anih na angin a hmangaih tur ani a, eng ang pawn thil lo tisual mahse ngaihdamna leh khawngaihna tlem tal chu a nei tur ani a, chutiang neilo tur khawpa lian thil sual chu eng nge anih ang le. Ka hre chak takzet ani.




Zamzami nen chuan eng emaw kan sawi kan sawia Jeremy chungchang hriat loh ka neih chuan zawt tur te in min ti a, an chet chhiatna te leh thil a tihsual changa tisual lo ang tlata lan a duhna te min hrilha kan pahnih chuan kan nui dun char char bawk. A tih tauh lai a sawi phei kha chuan ka lo nui khur char char a, a sawi kha ka hre mang lo reng reng.




"Engvanga nui reng nge inih Bawihi?" Kan chhuak tur chu ka khîk sûng reng avang chuan Jeremy chuan min zawt ta nge nge "engmah ni love ka nuih a za a ka nui ani mai lawm enge a pawi ami?" Nuih sun sun pah chuan ka ti a, nichina Zamzami thusawi vang vek kha ani ka nuih ala tawp hleithei lo.




"Pawi love, nuih te chu hriselna pêng pakhat alawm. But, i nuih chhan chu hriat ka phu ve in ka hria" seat belt min hrentir pah chuan ka mitah tak min rawn en in a rawn phun supa ka nui lai chu ka tawp riai riai a hetia min en hnaih chang apiang hian ka thinphu hi a normal hleithei thin lo.




"Kal tawh ang" zahzelah ka ti ringawta a mit ko sân ak pah chuan a nui suka ka biang chu a rawn khawih a "nui lehla i nuih a zat em kha" chimawm zet chuan a rawn ti a ka melh nghal nghek ringawt bawk. "Ka nuih aza tawh lo ani mai lawm. Nuih zat loh na nâ nâ chuan engtin nge kan nuih theih anga?" Ka ti hlaka min awm hnaih êm avang hian amah pawh ka en țha ngam lo.




"Thudik lah hi i sawi ve ang reuha" tih sup pah chuan ka biang sa hat hat chu a rawn fawpa "a sa deuh anih kha" a rawn tih phei chuan a darah ka chûm nghal tawlh a, a nui chhuak hawk bawk. Car a rawn kal hual lai chuan ka biang ka dawm renga a sawi ang tak tak khan a sa tak tak anih hi. Ngatinge ka laih hian ka biang hi a sat theih em em mai le, ka zak zawk e a.




"I duh chuan i muhil theia i chauh ka ring" rawn țhut luh pah chuan a rawn ti a ka lo nui chhuak hak a a ngaihna hriat loh hmel zet hian min rawn en a "keia țhu mai mai kha ka chauh i ring anih chuan i ring sual anih chu. Nitin thingpui chawi thin ka nih hi ka chau ve mai mai ngai lo" ka ti hlaka, ka chauh a ring chu ka nuih a ti za zawk chutiang em em a der dêp chu ka ni lo mawle.




"Ok. Kan awih mai aniang chu" tih pah chuan motor chu a tinunga kan tlanchhuak zui nghal bawk. Ka nu bulah alo dil lawk vek tawha engtik laiin nge maw alo dil hman ni a che rang thei vut vut khawp mai.




Kan inngaihzawnna kha nimin chauh ala ni mahse hlimna zawng zawng nei ang hian ka awm tlat ani. A chhan chu hepa vang hian vawiinah hian vawi engzah nge ka nuih tawh ang le. Dawra ka thawh țhin lai kha chuan nui hman lek lo khan kan buaia chauh nen phei chuan a inrem tehchiam thinlo. Mahse a bula ka awm hi chuan ka nuih loh leh ka thinrima hlauhna in ka khat leh thul thin. He nikhat pawh kan inngaihzawn hma hauh hian ka nunah thil thar a thleng hnem tawh em em a kei lah chuan tawng tawh ang mai hian ka lo dawngsawng tha thei em em bawk si.




Keimah pawh ka inthlak nasa hman ka ti ngei mai. Ka tih loh tur pui pui ka ti hnem tawha ti tur pawha ka inruat chhin ngai loh leh tih pawh ka duh ngai loh tura ka sawi kha ka tihnem tawh viau bawk. He nun inthlakna hi ka tan thil tha nge anih anga ka hma hun atana thil țhalo ni ta ang chu thil chuan ka rilru a tibuai leh thin. He inzawmna hi rei pawh la ni lo mahse ka tan chuan zir chhuah tur a tam nghal em em a tih ngailoh tur thlenga ka suangtuah thin pawh ka tih phah ta bawka. Hun lo la kal zel turah hian ka tan hmasawnna ani zel ang le vanduaina anih ang?




Tun hun reilo te chhung pawh khan țawng pawh țawng chhuak lo in leh chêt pawh che sawn eih lovin mi tam zawk thinlungah huatna ka tuh țan dera kei min thîk em em in keimah min huatna chu an tilanga chu chu ka tan chuan hmuh a harsa takzet ani.




Ka nu in 'mipa hi chu Hmangaih an awlsam ang bawk hian kalsan an awlsam leh thin' tih a sawi kha ka hre chhuak uarh uarh a nizanah pawh min kalsan ve ang a tih ringawt khan ka movie en lai min luah khata ngaihtuah pahin ka tlu zala ka muhil zui ta anih kha. Nizan chuan 'keimahah chuan a lungwina tur a zawn a hmu zo lo ngei anga midang min pansan leh hunah engtin nge ka awm ang.' Tih te ka ngaihtuaha ka ngaihtuahna te kha ka duhlo takzet, mahse ngaihtuah lo tura hrilh turin a theih hauh bawk si lo.




Ka hmai za mer mer ah chuan rang lutuk hian ka meng chhuak nghal kâwka hnai zeta min lo en reng tu ka hmuh rual rual chuan ka au chhuak nghal vaka nui chhuak hawk hawk a ka kâ a rawn hup takah chuan ka zal ve riai riai a nuih insûm tih hriat zeta min lo melh reng tu ka hmih rual chuan ka melh nghal rawm rawm a.




"Min ti hlau alawm ka thin phut nasat zia kha i hria em?" Ka ti chhuak hlaka ani erawh a nui chhuak hawk hawk thung "min en hnai tawh miah suh" ka ti thata, thawh ka tum rual chuan amah zawkin ka zak dawhah rawh vuanin min chawi kâng nghal nawlh a a malchungah chuan a lam hawi zawngin min țhut tira min nuih suk suk zel lehnghal.




"Nui tawh suh" ka ti hlara, mahse a nuih a za tulh tulh ani ngei ang a insûm hleithei lo "i nuih leh chuan ka hawsan daih ang che" ka ti leh hlak. "Ok" tih pah chuan ka kawr chhungah chuan a rawn zen luta ka taksa chu a rawn tawk a ka lo îp zui leh châwih bawka. Ka kawngah chuan rawn vuanin min pawt hnai deuh hrâwk bawk.




"I ril a țam tawh em?" A rawn ti zâwi sup, a mita melh kuau pah chuan ka lu ka thinga a rûm nghal nghut bawk "Dar engzah nge ni tawha? Chuan khawi laiah nge kan awma? Kan in chu ani lo chianga" Tiin kan room chu ka thlêk kuala sana pawh ala awmlo mahse a changkang tih bak sawi tur ka hrelo.




"Tlai ani tawh" tih pah chuan min pawm kâng nghal nawlh a "hey! Min dahthla rawh miin min hmu ang a zahthlak" ka ti hlaka mahse ka thusawi awih lo chuan a kal ve zela "mawh.... miin min hmu ang ka tih chu, min dahthla rawh" ka ti leh a, a rûm nghuta "tumah an awmlo, kan pahnih chiahin kan awm hlauthawng suh" a rawn ti a, ka âwm lang laiah chuan a rawn fawp nghal zeuha.




"Chupawh nise a țullo" tih paha tal thlak ka tum rual chuan min lo sawi rem ve dawn chiaha min thlah dul lai tak ani bawk nen ka pût thlaa lei ka rah rual chuan ka ke lek zawk avang chuan ka au nghal vaka ana lutuk chu ka țhen nghal tlawk tlawk ani ber.
"Bawihi" min ngaihtuahna aw ri ina min auhna ri ka hriat rual chuan ka ke chu a rawn khawih nghala "anâ....." tiin ka țe chhuak nghal vak bawk.




"Sorry, ka thiamloh anih kha. Ana viau em?" A rawn ti zung zung a, ana lutuk chu ka mittui te hi a tling kuau thei "Bawihi" inthiamloh hmel zeta a rawn tih rual chuan ka biang chu a kut pahnih chuan a rawn dawma ka meng chhuak nghal riai riai a "ka thiamloh zawk alawm" ka ti leh țalh a, a inthiamlo hmel hmuh chu a hreawm ngawih ngawih.




"Engtin nge niang aw... Doctor kan ko ang aw" a rawn ti a, ka lu ka thing nghal nghat a "engmah ani lovang. Doctor kohna tham pawh ani loh hi min tung tho chhin teh, ka kal thei hrim hrim ang" ka ti a, a rûm nghal nghut. "Doctor kohna tham ani ngei alawm Bawihi, i bilh anih hi" a ti nghuta engmah ka sawi ve leh hma hma chuan min pawm kâng nghal lawp a, nichina kan chhuahna roomah bawk chuan min luhpui leha khumah chuan min nghata ka ke chu tih nat belh hlauh hmel zet hian a dahsawn nghala.




Amah chu kalsawn nghalin phone chu a hmang zuia an sawi ka hre ve thei tawh vaklo a chu a vîn leh thina ka mutna atang chuan ka lo îp nghal châwih châwih zela a biak te chuan a thu an hnial ani ngei ang a rawn phei lam te chuan a rawn chet zui hluka ka lo en reng ringawt.




"Ngatinge a?"



"Dinsanga mawle" a ti zui nghut.



"Ngatinge chu chu" ka ti leh a, a rawn thaw chhuak hawk.




"Ama lam thil ania nakinah kan sawi dawn nia Doctor pawh alo thleng țep ang" a rawn ti daiha, zawh chhunzawm ka tum tawh lemlo a mimal thu leh hla tam takah buai ka tum lo aman a duh chu min hrilh tur ani ringawt mai ani. Zawha nawr luih pawh ka tum chuang lo, a duh chuan min hrilh ve mai ang.




Doctor alo thlen chuan ka ke vel chu a rawn endika Jeremy chu a sirah alo vei ve seka Doctor phei chuan țhu turin a hrilh ringawta kan pahnih chuan kan in ena kan nui leh rih thin. Ka bilh avang chuan a tuam vûm lûka engmah ti lo turin leh kal vak vak lo turin min hrilha chuan naktuka a bula kal leh turin min ti a, a chhuak zui nghal daih bawk.




"Ana em?" A rawn tih rual chuan ka lu ka lo thing vat a "A zia ve leh mai dawn alawm a pawt tawha a rawn zia chho ve zel mai ang i thiam loh ani lo ania" ka ti sapa, ka kut chu rawn vuanin ka chalah chuan a rawn fawp vang vang a "tun bak na i tuar erawh ka phal tawh hauh lovang" ka chala a hmui nghat reng chung chuan a rawn ti zâwi supa ka nui chhuak nghal hak bawk.




Eitur pawh ka awmnaa min rawn pe a, damlo ang maia min cheibawl chu ka duhlo takzet ani "hey! Ka tha ka tih kha khum beta na pawh ka nih loh hi nang chu..." chaw min barh tur chiah chu ka ti chhuaka rûm nghut chung chuan min melh rûna "ei mai mai rawh, anih loh chuan ka fah ang che" a rawn tih rual chuan rang lutuk tak maiin a hmui chu ka hupa a rawn nui chhuak nghal hawk bawk.




Chaw amah ka barh zawh ve hnu chuan haw ka rawt a ka ke chu tihnat belh hlau zet chung chuan min pawm kâng nghal nawlh a, car chhungah te chuan dîm thei ang berin min țhut luh puia seat belt min hren tir hnu vek chuan rawn chuang lut ve in kan in lam pan chuan a khalh chhuak nghal bawka.
Nichina min ngaihtuahna mitmeng leh thinlung a chezia a a tihlan khan min tihlim takzet ani. Zamzami sawi ang chiah kha ani a tih ngai loh pui pui kei ang tho in a ti chho ve tan anih ngei dawn hi.




"I sawh em Motor ah khan" kan inkawta kan din hnu chuan a rawn ti a, ka lu ka thinga "amak, a tha vek" ka ti hlara min nuih sukin min pawm kâng lehnghal nawlh a "awi! Bawihpui ngatinge i ke chu?" Ka nu in min hmuh rual chuan a rawn ti nghal hluiaia kan pahnih chuan chhan kan tum si lova kan inmelh hrek hrek ringawt.




"Ka bilha engmah tham anih loh hi... hlauhthawn vak a ngailo" a tawpa tawpah chuan ka ti chhuak ta nge nge, ka roomah min muta ka ke ka dahna tur te chu min siamsak thlapa chumi hnu chuan hna lampangah an rawn call avangin min pheisana ka khua a har nghal rawih rawih mai.




"Bawihpui, engtin nge itih nat reng reng a?" A thil hriat duh a hriat hma loh chuan a beidawng ngai lo reng reng. "Stepah kan chhuk dawna min pawm tlat sia tal thlak tuma anin min lo sawi rem ve chiah bawk sia chuan ka tla thlaa ka bilh anih hi" ka ti ta ringawta min pawm thu sawi chhuah chu a zahthlak ve ang reng nu te an ni bawk si.




"Nanga pawh chu awm ve hle hle thin mai ta che" a rawn ti leh, zawk zamah thin hian. "Enge a zahthlak alawm, bakah midangin min rawn hmu anga sin khatianga lo inpawm te chu a zahthlak alawm" ka ti a, a bu ve leh nghat nghat tho sia ava han hahthlak tak em!




Ka taksa dang a nat loh nan tuilum in min hrûksak leh veka chumi hnu chuan hna thawk turin min kalsana dar 8 velah Sylvia leh Jeremy leh Sylvia bialpa thar an rawn kala kan ri leh deuh laih laih thina Jeremy erawh chu ka bulah a thu ngawi renga eng emaw ngaihtuah mûk hmel zet hian a melh ngai a melh leh ngawt ngawt thina a thaw chhuak leh hawk thin, chu chuan ka ngaih a ti thalo rum rum.




"Zingah ka lo kal ang, muttui aw ka bialnu nangmaha thil tih tum suh ang che" ka chalah a chal nghah pah chuan a rawn ti sup, ka nui chhuak hak a "ka ngai dawn lutuk che" tih pah chuan min fawp zui vang vanga a chhan letna chu a dawng rang mah mah bawk.




Zanin a awmdan khan ka ngaih a ti thalo takzet ani. Min kalsan daih tur angin alawm a awm le. A tawng dan te lah kha min kalsan tur a ang takzet mahse ka ring sual pawh ani ve thei thoa kan inngaizawng tir chauha min then nghal mai âwm bik lo emai ti rilru in ka inhnêm chawpa ngaih tha zân lo chuan ka mu a, mutthilh chu harsa tak ani. Zanina a thusawi te khan ka ngaihtuahna a kam tlat ani.




Zingah chuan min rawn wish na chauh message ka dawnga ka chhan letna message erawh chaw ei dawn thleng pawn ala seen lo, show an nei dawna a buai ani maithei bawk. A phone a khawih hmanlo ani ngei ang.




Show neihna tura ka kal ve theih dawn loh avang chuan ka nu insiam lai chuan a roomah ka va luta a darthlang hmaah chuan dingin alo kûn ngur ngur a, vawn chhan neih chuan bai auh auh chungin ka kal ve theia a zia takzet ani. Ka nu bul ka thlen chuan a ro bawm tia min hrilh kha alo hai a "enge itih a?" Ka ti nghal sap bawk.




"Hengho hi ka lo enkual mai mai anih hi" ati a, thil hrang hrang chu ala chhuaka pakhat lo tle var var chuan ka mit ala nghal chat a ka lak chhuah rual chuan "heihi enge a?" Ka ti a, zungbun a ang takzet. "Ipa zungbun anih kha" a rawn ti a, ka enchianga mipa zungbun chu ani ngei.




"Ka pa in zungbun a nei ve maw?" Ka ti a, a bun lai âwm kha ka hmu miah lo "nei e, a bun ngailo alawm keiman țul ka tia ka leisak anih kha" a rawn ti a,hriat belh chakna in ka khat "ngatinge i leisak ve khera mipa te chuan zungbun an bun khat e mahse kei cu mipa zungbun bun ve hi ka ngaipawimawh tlat. I lei tho sia tinge a bun loh a" ka ti leh hrama ka pa khan a bun lai âwm reng ka hrelo.




"Engmah ani lo, dah ang" a rawn ti a, zungbun chu ka hûm tlata "ngailo, nu min hrilh rawh" ka ti leh talh, zungbun chu rawn ban a tuma mahse ka lo dahsawn zela "Lalrinnung min rawn pe vat rawh" a rawn ti that, "min hrilh la" ka ti let ve leh talh bawk.




"Min pe la, ka hrilh ang che" a rawn ti a, zungbun chu ka pe a, sarang ah chuan a thun nghal hmak bawk.




"Keipawh ka ngaihdan ani thin, keipawn mipa zungbun bun ve hi ka ngai pawimawh,
hmeichhia chauh in an bun tur tihna ani lo, mipa in zungbun an bun ve hian pawmlai nei an ni tih a ti lang chianga chutiang chiah chuan hmeichhia pawh. Mipa in zungbun an bun loh chuan hmeichhe tam tak tan nupui ala nei lo angah a ngaih theih a ngaizawngin an hêl thina mipa rilru nghet lo na nâ nâ chuan an rilru ngheh loh zia an tilanga nupui nei lo ang hmiahin an awm ta thina, mahse mipa zawng zawng ka ti vek kher lo. Ipa ang nilo mipa rinawm tak tak te pawh an awm ve tho ania.




Hmeichhia in pasal a neih hnuah mipa dang han melh se, an thinrim leha, an chhuah chhal leha mahse enge an nih bik, a nupui tih ang tho kha an ti ve thoa dem thei an ni bik chiah em? Mipa leh hmeichhia kan in an loh ang bawkin an tihsual a hrang ve hlak thung, an tihsual ka tih khan uire na chauh a kâwk lo ania, heihi chu nupa nghet lo tial tial ah a lang chhuak thin. Nangpawn pasal i rawn nei anga i hrethiam ve mai ang.




Mipa chu an chapo a an tihsual an pawm duhloa eng anga finfiahna chiangah pawh mawi takin an pha leh hram thin bawk, a bik takin uire na chungchangah, nupui emaw pasal nei tawh chuan an hre ngei ang, hmeichhia in han tisual zawk ta se, engmah sawi ve hman loh khawpin thil an sawia an tawng ve tur dang betin sawi ngai sawn nawn in an ânga, thudik an sawi ang tih hlau ang hrimin! thil lo sawi ve hman hlek se chu chu thinrim pui nan an hmang leh thina an mittui takngial pawh a then chu a tla hman lo, an kâ pawh an âng zuai hman chauh. An thinrim khaw hmu lo in an thawmhnaw an la chhuaka kumkhuaa an inchhir lehna tur a nupui kuta kai chungin an in kawtah ngei chuan an thlen tir thin.




Nangpawh pasal i neih hunah chuan hria la in lo in hau palh anih chuan ngawih chuh hmasa thin la, thinrim tlak anih chuan thinrim ngei la, i dinna ah khan ding nghet ve tlat rawh mahse thinrim tlak lohah erawh chuan ngawih chuh la, be duhlo la, reilote ah a lungleng hmasa zawk an rawn ni leh tho zel mahse induh khum ve deuh hlak an ngai thin thinrim tlak lohna chi te buaina a awm ve theia mahse Thinrim tlak lohah pawh i thinrim zel anih chuan inhmangaih takin in awm hrang mai ang nula i ni ve tawha thinrim chi leh chi loh chu i thliar hrang thiam tawhin ka ringa.




Zungbun hi thil bial satliah gold leh silver atanga an siam chhuah, mihring kuta leng tura an siam chhuah mai mai ani na in a hlutna hi teh chi ani lo, a siamna chu a hlu ani maithei e, mahse kha kuta rawlh luttu leh a rawlhna ngei kha an hlu zawk. Kha thil bial satliah anga lang hlu tak si khan thil tam tak a siama a thlentir bawk, chung zingah chuan rinawmna a bet chiang hle. Zungbun bun tawh chuan a phuar zia an hriat ve ngei ka ring.




Pathian hmaa kha thil bial kan in bun tir kha thil satliah ani hauh lo, kha thil i kuttanga an rawlh luh chiah khan thil mai mai ani lo tih i chiang ngei ang, an rawlh lut satliah ani hauh lo, i nun kaihruai tu ani tawh dawn nangma duhthlan ngei, nu leh pa tello in. I tihtur leh i thlentur chu i hre chiang hle ang i nupui/pasal tana i tihtur chu sawi ngai lovin pianpui sa ang maiin i thluakah khan i chiang ngei ang. Mahse chu thil i bawhchhe ngam anih chuan inneihna, pumkhata insiamna, hi sawi ve tawh ngai suh bawihi i tiam ngei pawh iti puitling theilo anih chuan nuihza siamna a hmang loin leh, naute lem duh duha khai kual theih angin ngai suh, iti sual chhiava ang.




i thlirna atang chuan dik iti em em anga, thiam lo pawh i inti lo anga thiamlohna phei chu i inchantir phal hauh lo ang. Mahse he inneihna hi i thlirna lampang ai khan a thlirtute ngaihdan hi a pawimawh zawk tlat . Mahni thutiam ngei pawh iti puitling theilo anih chuan nangmah mai pawh nilo, khawvel mi leh Pathian i bum tihna ani. Chuvangin ngaihtuah chiang hmasa lo chuan thu hi tiam ve hauh suh. I tilui anih chuan A nghawng in a zui che anga, hun kal tawh bak i ngaihtuah lo ang, chu pawh inchhirnaa khatin.




Chuvangin kei chuan mipa hian zungbun an bun ve tur ani ka ti tawp thin. Tam tak ngaihdan chu ani kher lo ang, mahse ka ngaihdan hi ka ta ania, keiman ka kaltlang pui bawka, Kha khan a phuar zia hre ve se, nupui ka hmangaih em em ka nei tawha atan chauha nung tur ka ni ti se, an bun satliah lo ani tih in hre ve se ka duha chuan a mawhphurhna nen, chuta tang chuan inneih hnua hmeichhe dinhmun an hre thiam ve mai ang a nupui nen an danglam lo tih hria se, an chanpual leh an hlen chhuah tur a inang reng tih hre ve se ka duh bawka, chuvangin zungbun hian thil a tithei teh mai ania. i pasal tur pawh buntir ngei ngei ang che.




Ipa erawh kha chuan a ngai ho tlata a bun duh lova a rah chhuah chu i hriat mai hi. Beram hi a dum vek awm mahse a ti danglam turin a karah a var an awm ve hin. Chutiang chiah chuan mipa rinawm tak tak karah pawh mipa rinawm lo, nun ho am awm ve thin hi. Chung ho chu ipa ang mai mai kha anni dawn, chuvang chuan pasal tur in thlan hunah pawh fimkhur ang che u" a ti a, a sawi lai chuan a tap teuh thei.




Ka han kuah nghal vat a, ka nu hi ka chhuang ani ka chhuang takzet. Harsatna tam tak karah pawh chhel takin a awma a fanu tan nu tha tak niin thil tha leh thalo ala hrilh theia harsatna karah pawh hlim hmel a put sak hram hram thin chu chu ka tan hian a hlu lutuk, a hlu takzet ani.




Ka nu a kal liam hnu chuan keimah chiahin ka awma thil ka lo ngaihtuah neuh neuh laia ka phone ri chuan min ti phu zawka ka nu anih avangin ka la nghal vata file a theihnghilh thu sawiin Jeremy'a rawn pe turn min rawn hrilha. Jeremy'a a rawn sawi takah chuan ka message pawh ala seen miahlo a on9 tawh reng si a. Chu chuan ka awm a ti nuam ta mang hauh lo.




Nu sangi ka zawn lai te chuan hlauhthawnnain ka khata ka kalmuang bawk si a a hreawm takzet ani. Bazarah a kal ani ngei ang keiman ka va pe mai ang ti rilru in pawn lamah chuan ka bai chhuak auh auh a, vawn chhan tur a awm chuan ka kal ve mai zel theia mahse ka kal sawt vak chuanglo thung.



Taxi phar in show an eihnaa hmun tur lamah ka kal tira a hmun kan thlen chuan muangchangin ka kal chhuaka a show an la tan lo ani ngei ang mahse an inbuatsaihna chu a ropui hlawm takzet. Hnathawk thenkhat an la awm a sâwm te an rawn la thlenglo ani maithei.




"Rinrin, ngatinge i ke chu?" Min au tu an awm avang chuan ka hawi kual nghal vata ka bul lawkah chuan Zorini chu alo dinga ka ke chu a melh vung vung a a ner nghal nâwng bawk. "Ka tisual deuha heihi Jeremy'a pek a ngaia" ka ti sepa, ka file ken chu a rawn en a.




"Khawi keiman ka lo pe dawn em ni?" A rawn tih chuan ka lu ka thing nghal vata "a ngailo mai, keiman ka pe mai ang khawnge amah hi" ka ti a, zawngin ka hawikuala ka nu chenin ka hmulo.




"Ani chu hna pawimawh avangin a zin chhuaka khawi keiman ka lo pe ang" tih pah chuan rawn lak a tuma ka lo pawt bet ve tlat bawka "ka nu ka zawnga anga keiman ka pe ve thei reng lo buai suh. Ngah nge maw pek tal i tum reuh le. Keiman ka pe ve thei reng" tih hlak pah chuan file chu ka pawt pawpa chumi rual deuh thaw chuan ka pai nghal nawk nawk a.




Ka ke in chhuat a rah avang chuan ka ner nghal nak a, ana lutuk chu sawi ngaihna pawh ka hrelo. Mittui tling kuau chunga ka kal sawn tur chu eng emaw hi ka pal nghal nawk a, ka inring hman lo chu thutthleng zum laiah tak chuan ka mit pahnih chu sawhin ka tlu nghal tawpa ana lutuk chu ring zet hian ka țe chhuak nghala ka tap chhuak nghal hawm hawm ani ber. Ana lutuk chu ka khur zui nghal dawt dawt a.




Ka mit ka khawih fuh rual chuan eng emaw hi a luang zawih zawih a, ka mit men ka tuma ka meng theilo engkim chu a thim vek, a thim vek tak tak, engmah ka hmu theilo. Ana lutuk chu ka tap hawm hawm a ana lutuk ana takzet engmah ka hmu thei lo, "min pui ru" tia au in ka tawlh hrut a chumi rual deuh thaw ka tukhum chuan thil a tauh dawta chumi rual chuan ka tukhum chu a hit nghal chem chem a chhuatah chuan ni ngei tur ani, ka bawk thla nghal tawpa engmah ka hre zui tawhlo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:01 pm

AT THE ELEVENTH HOUR - 12

By : Msi Miluhlulnui 💜



💜 Choose people who choose you. 💜





Țawng ri nuai nuai ka hriat rual chuan ka lu chu a rawn na zawk zawk a, ka mit men ka tuma ka meng theilo ka kut ka tih chêt hrut rual chuan ka nu kut ngei chu ka khawih fuha "nu, ka meng theilo ania ngatinge a? Tumah ka hmu theilo che u" mangang zet chuan ka ti chhuak nghala engkim hi a thim vek tumah ka hmu theilo.




"Bawihte" tih pah chuan ka nu chuan ka chalah a rawn fawp vang vang a, "nu" tih pah chuan ka dap kual nghal ruai bawk. "Ngatinge tumah ka hmuh theih loh?Ngatinge? Tinge engkim hi a thim veka?" Ka ti chhuak ruai bawk. Ka nu in sût hraih hraih ri chu ka hre chhunzawm nghal zat a ka țap ve nghal țeuh thei.




"Doctor, Jeremy. Ka fanu hi engtin nge ka hrilhfiah tak ang. Sawi rawh u, ka fanu hi engtin nge ka hrilh fiah tak ang" tia âu a ka nu țap ri te chuan min ti mangang zual sauh a ka nu kut chu ka dap nghal rawk rawk a. "Nu, ngatinge i țaha? Chuan ngatinge tumah hi ka hmuh theih lo che u ka mit hi intuam ami? Infiamna chi anih loh hi phelh vat rawh u" ka ti a, ka mit chu ka han khawih a an lo tuam tak tak bawk.




Țah nuih țeuh pah chuan "nu, phelh rawh u" ka ti a, ka nu țap khur ri chiah ka hre bawk. "Bawihte, thil ka hrilh che anga hlauthawng suh aw i țha leh vat mai ang" tih pah chuan ka beng ve ve ah chuan a rawn dawma a thusawi tur chu ka lo ngaithla renga ka thin a phu ve dawt dawt a. Ka sawi thiamlo hlauh rukna in ka khat ani ber.




"Bawihte, ka fanu tukin zing khan i chesuala nangmah hmu tu ten current hrui i pala chuan i tlu ta niin an sawia chuan i tlukna lamah khan i mit i sawha i mit veilam kha i sawh ve deuh hleka chu chuan a khawi chhe tela thisen tling leh chhuak khan i mit lehlam kha a khawih tel bawka chuan i tukhum nen chuan i mit chu...." a rawn tia sawi zo lo chuan a țap leh ringawta a darah chuan ka va vawn saka "nu, ngatinge ka mit chu?" Ka ti leha hlauhthawnna hian min rawn tuam hlup hlup ani ber.




Current hrui leh eng emaw kha chu ka pal ngeia ka mit kha thutthleng zum laiah khan ka tauha a thi anih kha "nu...." ka ti leha ka nu chu insût hraih hraih chung chuan ka biangah a rawn dawma "i mit chu i sawhna lamah khan a del ta ani, Bawihpui" a sawi zo chiah chu a țap zui nghal hawm hawm a kei erawh ka bing nghal mup mup a engkim chu a reh nghal vek ni maiin ka hria.




Ka beng chuan thli thaw vûk vûk bak a hreloa engkim chu a reh hian a reh dûk ani mai. Ramhnuai lian zeta keimah chiaha awm ang mai ka ni, ka... ka mit a del tih ka nu khan a sawi anih chu! ka kut a dara ka nghah chu ka dahthla riai riai a hreawm tihna avang chuan ka thinlung chu a rûm vawng vawng ani ber.




"Nu.... dawt i sawi tiraw khatianga sawh mai mai te kha chu engmah ani tham lovang, min tihder tawh lo teh ka awih chuang lo ania ka mit in tuamna hi phelh rawh u" awih lo leh hrilhhai zet chuan ka ti a, mahse a chhanna chu "bawihte, a dik alawm. I sawh naah khan i mit i sawh chhia alawm a pahnih hnihin ka tihpalh ani Bawihte, ke na chung chungin ka kal tir chea" tia ka nu in a rawn sawi chuan ka bing nghal mup mup bawk.




"Ka awih lo" ka la ti fan, ka mit tuamna chu phelh ka tuma mahse ka kut chu min vawn beh saka "ka awihlo, khatiang sawh avang mai mai kha chuan ka mit a del theilo, nu min tihder tawh suh u, ka mit a del loh thu min hrilh rawh" ka ti țiau, ka nu ban ka vawn ah chuan ka sâwia ka mittui a rawn luang zawih zawih hi ani ber.




"Bawihte, ka tihpalh ani ka tihpalh takzet. Donate tu tur che ka zawng hmu ang, ka fanu ka tihpalh ani ka tihpalh takzet" ka nu in țap chung chuan a rawn ti a, min rawn kuaha mahse kei erawh ka țap chhuak hleitheilo tunah chuan khua ka hmu thei tawhlo, enge ka tih anga engtin nge ka nu ka châwm ve theih ang. Tunah chuan fanu lak tlak loh ber ka ni tawh anih hi. Fanu lak tlak loh.




"Nu, i lunngai hmel kha ka hmuh hnuhnun ber ani asin i hlim hmel pawh ka hmu thei tawh dawnlo tihna anih chu. Nu, ka duhlo min tihder tiraw, min tihder tih sawi hram rawh, aih... ka duhlo ania, min tihder tawh suh u, ngatinge ka mit a del anga in sawia ka mit a del lo ka sawh mai mai alawm. Nu, phelh rawh u, min tihder tawh suh u" ka ti țiau a, a banah chuan ka sâwi saka. "Nu" țap chung chuan ka ti leh țiau ka mittui chu a rawn luang zawih zawih tawh.




Khum a hniam sawt rual chuan "Bawihi" tia Jeremy'a min auh na chu ka hre chhunzawm nghal zata a awmna âwm ang lam ka dap chuan ka kut chu a rawn vuana nghet zet hian a hûm nghal vang vang a "nang tal chuan sawila tun thlengin ka nu hian min la tihder tih ka mit tuamna hi phelh la ka mit a del lo ani tih min hrilh khawngaihin, Jeremy, khawngaih takin" ka ti a , a thaw chhuak hawk chu ka hriaa a chhanna tur nghak chuan ka awm reng.




"Bawihi" tih pah chuan a âwmah chuan min kuah beta, tah chiah chuan ani ka hriatthiam ta chiah chu kei hi ka mit a del tak tak ani tih. Ka nu hlim hmel te leh Jeremy hmel pâ zet te, Sylvia hlim hmel te, nu Sangi nui hmel te ka hmu thei tawh dawnlo tih min rawn hriattir nghal zata "ka duhlo, dâwt in sawi ani. Min chhuahsan vek ru Sylvia ko rawh u. Khawngaihin nangni chuan dawt min hrilh zel" ka ti chhuak vaka an pahnih hlat thei tur ang ber chuan ka tawlhsawna ka tawlhsawnna lah ka hmu thei hek lo, ka mittui hi a luang thla zawih zawih a.




"Bawihi" " Bawihpui" an pahnih chuan min rawn ko ruala ka lu ka lo thin khuma "khawngaihin" ka ti chhuak sep bawk. Engmah ka hmuh theih tawh loh avang chuan an chhuak nge an la awm tih pawh ka hreloa ka ngaihtuahna te chu an thi dûk ni maiin ka hria. Hawi kual eng ang mah ila engmah ka hmu thei silo. Dâwt min hrilh nge ni a a tak tak zawk.




Ka mitin eng êng mah a hmuh theih loh avang chuan ka rilru a na a ka țap leh rih țhina tunge ka bulah awma tunge min thlir rengtu pawh ka hrelo, ka bul vel chu a reh tlawk tlawk a engkim a thim vek avang chuan hlauhna in ka khat leh thin bawk. Khâwl ri te chuan min ti hlaua ka khum bul chu ka dap rak rak a, tumah an awm si lo.




Mittui luang zawih zawih chungin rizai chu ka dapa ka theih ang ang chuan ka taksa ka khuha a thim veka ka hlau ani. Êng pakhat mah a awmlo ka mit a țha ani tih min hriattir tur pawn êng chhete mah a awm lova ka hlau ani. Ka hlau takzet.




"Nu... a hreawm lutuk a hreawm takzet. Ka hlau ania a thim vek a thim lutuk ka hlau. Tumah ka hmu theilo che u, nu... ka hlau ania min awmpui rawh keimah chauh chuan ka awm duhlo a thim lutuk ania nangmahni ka hmu duh che u, ka hlau nu...." țap zawih zawih chung chuan ka phun chhuak sep sep a, hlauh avangin ka khur dawt dawt a, rizai chu ka theih ang tâwkin ka hûm khawm ve bawk.Ngatinge ka chungah hian vanduaina hi a thlen reng bik mai le




"u, ka țawng i ngaithla tiraw? I nau țawng hi i ngaithla tiraw? I ngaihthlak chuan maw, ka hlau lutuk ania a thim vek tumah ka hmu theilo a thim lutuk ringawt. Min awmpui tiraw? Van ațang khan min awmpui ani tiraw? A thim veka ka hlau lutuk ringawt. Ka mit hi a del lo tiraw? U, min hrilh la min ngaithla anih chuan ka mit hi a del lo ani tih min hrilh rawh" ka phun chhuak sep sep a, ka mittui a rawn luang thla zawih zawih bawk.




"Vew, keimah Sylvia" Sylvia aw ka bula a rawn rîk chuan lawm avangin ka nui chhuak hak a "Sylvia, sawi rawh aw nang chuan thudik i sawi dawn tih ka hria. Ka nu leh Jeremy ang chuan min tihder ve miah suh aw, ka mit hi a del lo tiraw? A del loh thu sawi rawh Sylvia" ka ti a, Sylvia chu a ngawi renga ala awm nge awm lo pawh ka hrelo.




"Sylvia, ila awm em? Sylvia" tiin ka au a, ka mutna bul chu ka dap kual nghal ruaia mahse tumah ka dap fuh lo țap țeuh chung chuan "Sylvia" ka ti leha, ka hlau, min kalsan vek aniang "nu.... nu... ka hlau ania min awmpui rawh u, a thim vek" ka ti chhuak tuarh a, ka țap chhuak nghal hawm hawm a mahse tuman ka tawng an hre theilo ani ngei ang "nu...." tiin ka au leh vaka mahse tumah ka hmu thei silo hlauh avang chuan hnunglamah chuan ka tawlh hrut hrut a, ka tlak țep rual chuan tu emaw hian min rawn vuan bet chawta a âwma min bei tir rual chuan tunge anih ka hre chiah.




"Ka hlau ania, a thim vek, tuman min kalsan tawh su khawngaihin, ka hlau, keimah chauhin ka awm duh tawhlo ka bulah awm ula in aw hriat reng ka duh" nghet zeta kuah pah chuan ka ti a, ka mittui a rawn luang thla zawih zawih bawk. Ka mit chhung te hi ana vek thei.




"Bawihi, ka tihpalh takzet. Keimah avangin hetiang thil i tuar a, mahse ka kalsan ngai lovang che ka tiam a che keiman ka venghim tlat ang chu i dam lehna tur anih phawt chuan engthil pawh ka ti mai ang" Jeremy chuan a rawn ti chang rat, a insehru țeuh tih ka hre thei.




"Bawihpui" ka nu min auh ri ka hriat chuan ka hawi kual nghala mahse tumah ka hmu thei silo. "Nu, nichin khan Sylvia alo kal ani lawm ni? Mahse tinge ka zawhna kha min chhan miah lova" ka ti a, khawiah nge a awm pawh ka hreloa mahse Jeremy'a taksa in min deh avang chuan ka hlauhna te kha tlem tlem in a reh ve tial tial bawk.




"Hmuh hreawm a ti chea a chhuak anih kha. Tunah i bulah hian a awm" a rawn ti a, ka kut chuan ka dapa ka kut chu alo vuan nghal vat bawk "vew, tuar hram hram rawh aw. I țha leh vat dawn alawm, keiman ka enkawl ang che hlau miah suh aw" a rawn ti a, min rawn kuah nghal vang vang bawk.




Ka hlauh avangin Sylvia chuan ka kutah a vuan renga Jeremy erawh hna a thawh a ngaih avangin ka nu in a haw tira, ka bula awm ho te chu an nui ho leh dar dar thina enge an nuih ka hriat ve miau loh avang chuan ka lo nui ve ringawt thina tunah hian ka bulah awm vek mahse an hmel chu ve ka chaka enge an nuih te hriat ve ka chaka an hlim hmel te chu hmuh ve ka chak takzet ani.




A thim lutuk chu hreawm tihna avang bawkin ka mittui a rawn luang thla leh thina , min mut tira ka taksa an dek reng bawka mahse ka thla ala muang hleithei chuang lo. A chhan chu tutu nge ka bula awm ka hre miau loa chu chuan min ti hlau ani.




"A mitah damdawi hnawih a hun tawh e" tih ri ah chuan ka tawm nghal châwih a "bawihi, hahdam rawh Doctor anih kha i mitah damdawi a rawn hnawih anga a zo ani mai" ka nu chuan ka chala rawn fawh pah chuan a rawn ti a "ani tak tak em?" Ka ti leh hrama "aw" a rawn ti leh bawk.




Doctor ni ngei tur chuan ka mit an tuamna chu a rawn phelha ka tukhum lampang te chu ana nghal zawk zawk thei. "Bawihte, engmah hlauh tur a awmlo ania aw, a tha vek" ka nu chuan a rawn ti a, ka tukhum vel a nat zawk zawk avang chuan "nu... min vuan tlat rawh, ana" ka ti a, ka sawi zawh rual deuh thaw chuan min rawn vuan nghal chat bawk.




"Ka pi, i fanu hi țap turin siam tawh hauh suh ang che u, a mit ațanga thisen a rawn chhuah belh zel anih chuan ama tan hian a țhalo thei ani, tuna thisen chhuak pawh hi ka hrûkfai vat anih loh chuan a tana pawi thei ani a, chuvang chuan nuih tir hram hram rawh u. Chuan ama hlatah hian awm lo bawk ula" ka bulah chuan chung thu chu a sawia tuiluma a rawn hrûk rual te chuan ana ka ti lutuk chu ka nu kut chu ka lo hmer ngawt ngawt zel bawk.




"Nula, hlau miah suh aw, damdawi ka hnawih dawn ania" a rawn ti a ka mit chu muangchangin a rawn keu a damdawi a rawn hnawih rual chuan ana lutuk chu ka țe chhuak nghala "nu... ana ania, ana lutuk. Tawp tir rawh ana" ka țiau a, ka țah chhuah loh nan ka insûm char char a "nula, țap miah suh aw. Anih loh chuan a nat belh dawn ania i mittui a tlak rual khan thisen a chhuak ve lehnghal zel a" a rawn ti a, ka hmui chu ka pet ngar ngar ringawt.




"Nu... ana, ana lutuk. A tawk tawh. Hnawih tawh suh u, ana" ka ti a, mahse a rawn hnawih belh zual sauh ani mai "nu..." ka ti țiau a, a kut chu ka hmer nghal ngawt ngawt bawk. "Bawihte, ka fanu ka tihpalh lutuk mahse i mit vun laiah khan hnawih a ngai sia lawm. A rei tawh lovang, ka fanu a rei tawh lovang" țap țeuh chung chuan a rawn ti ve a, ana lutuk hi țah chhuah vak ka duh zawk.




"Nâ atih kha, nâ atih chuan dîm rawh u ka tih che u ani lawm ni" rawn ti chang hrâwih ri ka hriat rual chuan ka hawisawn nghal vata "sir, kan tihpalh ani mahse hnawih ngei ngei a ngai bawk si a kan hnawih zo țep tawh e" Doctor chuan hlauh hmel zet hian a ti a, Jeremy thaw ri hrâwih chu ka hre chhunzawm nghal zat bawk.




"Khawi keiman ka lo ti ang min rawn pe rawh" a ti chang hrâwih a, thil chu a ri deuh nuap nuap bawka enge thleng ka hmuh theih miau loh avang chuan ka lo ngaithla mawl ve tawpa Jeremy chuan a tihdan tur a zawt ni ngei tur ani ka mit bul vel chu tu emaw hian a rawn khawiha ka tukhum lam te hi ana zawk zawk mai.




Ka hmaiah chiang zetin min en tih ka feel rual chiah chuan Jeremy chuan ka chal chu a rawn fawp vang vang a "Bawihi, ka hnawih dawna lo tuar fan fan rawh aw, a rei tawh lovang" a rawn ti a, ka biang chu a rawn dawma "ka tihpalh" a rawn ti zâwi sup bawk. Ka hmuiah rawn fawp vang vang in ka mitah chuan a hnawih leh ta a "nu... ana" ka ti a, ka nu kut chu ka hmer ngawt ngawt bawk.




Ka theihtawpin ka mittui tih tlak loh ka tuma mahse a nat em avang chuan a rawn luang thla leh ta si, mahse Jeremy chuan dam zet hian a rawn hru faia amah hmu theilo mah ila a chetdan zawng zawng te hi a feel theia, ka bula a awm hian ka hahdama ka hlauhna te tlem tlem in an reh bawk.




Ka lu chu tuam lehin min muttir leha a ngai te bawkin ka chalah chuan a rawn fawp vang vang a ka kut chu nghet zet in a hûm bawka ka thla a muang suai suai thei. A rawn nat leh zawk thin avang chuan a kut chu ka hmer sak chawt chawt zela anin ka kut chungah min chûl saka anat em avang chuan ka hmui chu ka pet leh fan fan thin bawk.




Ka thinphu dawt dawt ah chuan ka harh chhuak nghal hlawl a "nu..." ka ti chiam bawk. Tunah hian zan nge zing anih ka hre hauh lo, ka lu chu a hai muai muai a ka mit chu ana deuh riai riai bawk. "Nu... ka hlau" tih pah chuan ka dap kual ngha rawk rawk a ka nu kut ka khawih fuh rual chuan rang zet chuan ka sâwi nghala "nu harh rawh" ka ti a, mahse chêt pawh a che eih lo.




Ka dang ro lutuk avang chuan ka duh duh lam chu ka dap ve tawpa thil te pawh ka dap tla neih nuaih a chumi thawmah chuan alo harh ani maithei "Bawihte, enge i duh?" A rawn ti nghal vata ke pen thawm ațang chuan a rawn kal kual ani ngei ang "ka tui a hal" tih ringawt ka sawia tui a thli chhuak lai chu ka ngaithla kara a hnuah chuan straw nen min rawn pe a, ka in nghal khawlh khawlh bawk.




"Bawihte, mamawh dang ila nei em?" A rawn ti a, ka lu ka thing a "nu, ka mit hi a del hlen dawn ami?" Ka ti chhuak a ka nu chu a rawn thaw chhuak nghal hak a "bawihte, chutiang ngaihtuah reng reng suh, i mit donate tu tur kan zawng reng ania aw. I tha leh vat dawn alawm, engkim a tha leh vat mai ang hlauthawng suh aw" a rawn ti a, ka biang ah chuan dawmin a rawn tuai heuh heuh a.




"Mahse, nu ka hlau alawm, a del hlen ka hlau ka harh apiang hian alo thim vek zela tumah ka hmu thei si lo cheu a ka hlau thin asin. Ka dap kual rawk rawk thin che u a ka auh cheu a min rawn chhan loh te hian ka hlau thin asin a thim hi ka duhlo, ka hlau thin asin nu a hreawm lutuk. Hetiang hian ka awm duhlo" ka ti țiau a, ka biangah chuan dawm nghetin ka mitah chuan a rawn fawp vang vang a "bawihte, ka tihpalh lutuk, țap miah suh aw i țah chuan i mit khan a tuar belh mai ang. Inu thiamlo vek anih hi i tha leh vat mai ang, hlauthawng reng reng suh ka hmuh hma chu ka zawng zel ang" a rawn ti sepa ka mitah chuan a rawn fawp vang vang bawk.




"Mahse, nu ka hlau alawm ka hlau takzet. I hmel hmuh leh te ka chak tawha ni êng hmuh leh te ka chak tawha chuan Sylvia hmel te, Jeremy leh nu Sangi hmel te pawh hmuh leh te ka chak vek tawh asin a thim rei tawh lutuk. Ramhuaiin min man dawn ang tlata hriatna ka nei thina ka hlau bawk. Ka hmaah hian rawn lang thutin min la bo daih ang tihte ka hlau thin" ka ti leh țiau a ka nu chuan min kuah vang vang bawk. "Ka lo țawngțai ang che aw, chuan Lal biakna kan sawi dawn nia" a ti a, ka lu ah kut nghat in min țawngțai saka Lal Biakna kan sawi zawh hnu chuan puan te chu min sin țhat tira.




"Bawihi, i tlǔk dan kha chiang takin ila hria em? Engtin nge i mit i sawh dan te leh thil thleng hrim hrim te kha chiang taka ila hriat chuan min hrilh la" a rawn ti a, amah hmu theilo mah ila a awmna âwm ang lam chu ka hawia "ngatinge?" Ka ti chhuak hû bawk.




"Khatia i tluk tawp dan kha chhui kan duha Jeremy hian mak a ti deuh hleka țhenkhat khan Zorini nen khan an hmuh dun thu cheu an sawia sawi chiang la" a rawn ti leh a thil thleng kha ka ngaihtuah lêta keipawh khan ka tluk dan kha ka hrethiam hauh lo current hrui ang deuh leh thil dang kha ka pal a ka tlu ta kha ani a. Mahse ka pal kha ka hre hauh lo.




"Nu, keipawn ka hrechiang vak biklo. Zorini khan Jeremy kha a zin thu min hrilha mahse nangmah kha rawn pek kher che kha ka tuma chuan lehkha kha min rawn ban puia ka lo chuh ve tlat sia ka pawh pawp rual khan ka pai nawk nawk a ka ke na kha ka rap tel bawka a hnua keiman pek cheu tuma ka rawn kal dawn khan thil kha ka pala ka pal pawh kha ka hrechuang lo, chuan ka mit kha ka sawha ka mit a nat em avang khan ka khawih a thisen kha alo chhuaka chuan min pui tura mi ka auh rual khan ka tawlh hnunga ka tukhum khan eng emaw a tauh dawta chhuatah khan ka tlu nghal nawk a, a dang chu ka hre tawhlo" ka ti chhuak hap a, ngaihtuah chian chuan keipawn ka tluk dan kha mak ka ti pal tur kha a awmin ka hre hauh si lo a.




"A țhat hlauh chu, Jeremy'a hrilh a ngai anih chu. Bawihte, mu tawh rawh le" a rawn ti a, ka hnungah rawn dawmin min kuai mu a "nu, tunah hian zan nge aniha chhun?" Ka ti a, puan min rawn sin țhat tir pah chuan khumah chuan a rawn țhu nge ni, a hniam nghal suih bawk.




"Zan dar 10 ani tawh, mu tawh rawh le" a rawn ti a, ka biangah chuan a rawn fâwp zeuh bawka "ka tan chuan zan ang reng ani. Engtikah nge khaw êng ka hmuh leh theih ang? A hreawm ka ti takzet ani" ka ti chhuak sapa, ka in let nghal thawka ka nu awmdan pawh ka hre zui tawh lemlo.





"Bawihte, hei, i putea leh i nutei te, Tims'a te an rawn kala" ka nu chuan ka bula rawn țhut pah chuan a rawn ti a, khawiah nge an awm ka hriat miau loh avang chuan ka risk nuih a "kan lal chimawmtei chu" tih paha ka lua rawn tuaitu chu tunge anih ka hre nghal zat a, ka nui chhuak nghal hak bawk.




"Khawiah nge i awm?" Ka ti a, ka kut chu ka phar chhuak nghal duai bawka ka dap kuala mahse ka dap fuh chuang lo "sual suh aw Timothy" ka ti chhuak hlak a, nui chhuak hawkin ka kut chu a rawn vuana keipawh ka nui ve nghal suk bawk. Harsatna, manganna leh lungngaihna karah pawh kan bula kan chhungte ngei an awm chuan kan nui leh nge nge thin. An ni hi khawvela kan mamawh hmasak ber te an ni ziah thin eng thilah pawh.




"A hreawm em?" A rawn ti leh khera a banah chuan ka sik pawp a "chimawm suh" ka ti hlak bawk. "Khawnge Jere, in pa hi?" A rawn ti leha "alo kal mek" tih ringawtin ka chhang bawka nichin khan anu khan dar 8 chauh ala ni a ti a, ka mitah damdawi an rawn hnawih leh hun hi ni ka huphurh em em chu.




Putea leh nutei chuan ka intihpalh dan te min zawta ka hriat ang ang chu ka hrilh bawka ka bulah heti zat an awm tih ka hriat hian ka thla a muanga ka hlauhna te kha an reh vek thin bawk. Ka nu in ka kuta vuan reng tura ka hrilh avang chuan țul tê ah lo chuan min thlah lova chu chuan ka hlauhna te a ti kiam ve bawk.




"Bawihi, i mitah damdawi hnawih ang aw" Jeremy'a aw ka hriat rual rual chuan ka veilam chu ka dap nghal vata ka kut chu la in nghet zet chuan a hûm nghal bawka "ngatinge nangmah? Khawnge Doctor te?" Ka ti chhuak sap a engmah sawi lo chuan ka chal ah chuan a rawn fawp vang vang a "tun atang chuan keiman ka ti ziah tawh ang" ka chala a hmui nghah reng pah chuan a rawn phun sup a, ka nui chhuak nghal hak bawk.




"Khawnge midang?" an thawm a reh tak em avang ka ti a, ka bianga dawm pah in "an haw tur inu in a thlah anih kha. Hnawih tawh ang aw?" A rawn tih rual chuan ka lo bu nghata ka mit an tuamna chu muangchangin hian rawn phelh ka mitah chuan rawn fawp vang vang in "i dam leh vat ang, ka tiam a che" a rawn ti supa, ka țah nuih țeuh thei.




"Inring rawh aw" tih pah chuan ka mit vun chu a rawn keu a damdawi a rawn hnawih rual chuan ka kut chu ka lo hûm ruh ngawt ngawt a "ana, ana lutuk. Ti tawh suh ana" ka ti chhuak sepa ana lutuk hi ka sawifiah thiamlo zawk "bawihi a zo țep, reilote chauh lo nghak rawh aw a țha vek mai ang" a rawn ti dam dapa thil a rawn hnawih leh rual chuan ka țe chhuak nghal vaka "ana, ana lutuk. A tawk tawh. Hnawh tawh suh" ka ti a, ka țap deuh ti tih tawh bawk.




"A zo tawh. Lem, a zo tawh ania" tih pah chuan a âwmah chuan min kuah bet nghala ka chhipah chuan a rawn fâwp nghal vang vang bawk "hnawih tawh suh u, kha chu ka duh tawhlo ania ana lutuk" ka phun chhuak sepa thaw chhuak hawkin min kuah nghet sauha ka samah chuan a chûl vang vang bawk.




"Ka venghim tlat ang che, i nat ka phal leh tawh ngai lovang" tiin ka hmuiah chuan a rawn fawp vang vang a ka hmui hnuai pet zeuha min thlahin "ka tan chuan i hmui kiss reng a awlsam dawn anih hi" a rawn ti leh khera ka țah nuih nghal hawk bawk.




A taksa ngheng chêtin min țhuttira ka kut chu a khal nuap nuap a, thawm ri hlek a awm chuan 'enge?' Ka ti nghal vat zela dik takin min hrilh thin bawka ka nu alo let veleh hna kal turin min chhuahsan leh bawka. Ka ngai nghal veng veng ni maiin ka hria.




Ka mit a chhiat tak avang hian min iai phah angem le? Kei hi min duh tawh loh phah angem le? Min duh lo in hmeichhe dang a pan leh angem le? Tihte chuan ka thluak ah in beihna an neia țullo puiin ka hlauthawng bawk. Ani chuan a duh duhin hmeichhia a kawp theia nula pawh a ngaha kei te chu ngatan mah min ti dawn si loa min rawn ngaihtuah der ve mai mai anih te ka ring rum rum a mut pahin chungho chu ka ngaihtuah mai mai a hlauhthawnna in ka khat mup mup ani ber.




"Bawihte, Wheelchair ah hian țhu la boruak țha te i hîp duh em?" Min rawn kaih thawh pah chuan a rawn ti a, hnial pawh hnial chhin eih lo chuan ka lo pawm nghal hmiaha wheelchair ah chuan min țhuttir in min nawra pawn lam boruak thiang lutuk chu ka hîp lut nghal vang vang bawk.




"Bawihte, hlauhawm a awmlo ania i damdawi ka va la lawk ang aw, he room ah hian tu tih hriat loh tumah an lo lut lo ang Jeremy an vengti a dah veka hlau miah suh aw. Sylvia pawh class a neih zawh veleh a lo kal dawn ania i damdawi ka va la lawk ange" a tih chuan ka bu nghata puan pan te chu min sin țhat tir in a kalsawn nghal ani ngei ang, a thawm pawh ka hre zui tawh lemlo.




Hmu theilo mah ila Siamtu'n mihring te tana a siam van te chu a boruak ațang chuan a thiang kûk ani tih ka hre thei a boruak chu hîp a nuam takzet. Ka rilru in ka țawngțaia ka tan chuan hmuh theih loh thil dum vek ni mahse pawn lam boruak chu thianghlim leh fai zet angin ka suangtuaha ka nui ver ver bawk.




Ka mitin khua hmu thei tawhlo mahse ka beng leh kâ leh kut leh ke te leh ka taksa te hian engkim an la ti theia ka beidawng mai tur ani lo. Theihtawp ka chhuah anga mit in khua hmu thei tawhlo mah sela ka tum tihhlawhtling nan chuan engpawh ka ti mai ang. Mahse engmah hmuh theih loh zawng a hreawm takzet ani.




Tukverh nawr tawlh ri ka hriat rual chuan ka nu anih ringin "ilo va lêt hma ve" ka lo ti a, mahse pheikhawk sâng in a kal paha marble chhuat a rah rîk ka hriat chuan ka nu ani lo tih ka hriaa. Tunge anih tak ang? Vengtu an awm a ti si a, vengtu a paltlang thei anih chuan, ka hriat țha tak ani ngei ang.




"Tunge inih?" Ka ti chhuaka a awmna ka hriat loh avang chuan han dap kual mai na tur ka hrelo, ni sa min rawn hliah takah chuan "tunge inih a?" Ka ti chhuak leh a, "min hmu theilo tih ka theihnghilh alawm, keimah Zorini ka ni e, ka lo kan dawn che a" a rawn ti a. "I van fel ve" ka ti let ringawt bawk.




"I vanduaina hi ka tan chuan vanneihnaah a rawn chang anih hi. Tlu lo la chu heng te hi ka tawng hauh lo ang" a rawn ti leh a, a sawi awmzia ka hre hauh lo " i sawi awmzia kha ka hrelo" ka ti chhuak hap a, a rawn nui chhuak hak " i vanduaina ka tih chu, tuna i chan hi ani kei ka vanneihna ka tih chu Jeremy'n min kawp a duh leh thu a sawi hi ani" a rawn tih chuan ka nui chhuak ve nghal hak.




"Dawt sawi hi bansan tawh teh, dawt hmangin ka hna atangin min ban tawha tunah dawt hmang bawk chuan thu sawi tawh suh" ka ti let ve a, nuih zat vang ni hauh lo chuan rapthlak zet hian a rawn nui chhuak a "tun țum erawh dawt ka sawi hauh loh ngaihtuah teh, kei min thlahin nang a kawp chea mahse nang erawh hetiang ini ta si a, tunge hetiang te kawp duh bik anga, a kawp duh chu mipa mawl tak an ni ngei ang. En la, tunah pawh ka bulah a rawn let leh tawh hi. Awih mai rawh, enga tan mah a ti hauh lo che" a rawn ti a, a thusawi chuan ka thinlung a deng dawt dawt a, sawi mai tur pawh ka hrelo. Ka rin dan kha alo dik tihna em ni ang?




"Tinge? Sawi tur i hre tawhlo em ni? A chhan chu maw i dang chiang êm alawm, tu mipa mahin nang ang chu an duh lo ang che. Jeremy phei chu nang hian i phu thlâwt lo, bakah maw... keimah hi min kalsan hleithei lo ani ber. A chhan chu min hmangaih miau a kan pahniha hun hman dun kan ngah tawh em alawm nang hi chu enga tan mah ati lo che" min dêu zia a rawn ti lang a, ka thin zawn hi ana ngut ngut mai.




Ka thin zawn ka dawm rual chuan "dawt sawi suh" ka la ti fana ka ngaihtuahna te kha a thleng dik tak tak tihna em ni ang? A sawi ang tak tak hian kei chu ngatan mah min lo ti lo ani ngei ang "oh! Dâwt ka sawi loh zia kan hriattir ang che" a rawn ti leha, enge a tih ka hmu thei lova mahse ka thin hi ana ngut ngut mai ni, a thusawi te khan min deng dawt dawt ani ber.




Phone call hmang tih hriat zet hian a rawn ri a "babe, ka duat" tiin Zorini chuan lerh hmel zet hian a ti a, phone ațanga rawn chhangtu tur nghak chuan ka beng chu ka chhi renga ka rilru chuan Jeremy'a ni lo se a ti vawn vawn a, mahse phone atanga thu rawn sawitu chu amah ngei ani si a sawi in hre duh em " um, enge itih a?" A rawn ti anih chu!. Ka hriat lai reng chuan țawngkam lerh tak tak in an inbia a ka beng chu rang zet chuan ka hup nghal bawka.




Ani khan min bum ani, ka ngaihtuahna te kha a thleng dik tak tak anih hi. Tunah chuan rual ka ban tawh si lova a tan chuan engmah ka ni tawh lo ngei ang, engvanga chutiang te chu ngaihtuah hmasa lo nge ka nih le. A tan chuan eng mah lo mai ka ni tih hi he dinhmun ka nih tak hnu hian hre hmasa ber tur ka ni asin mahse ka ngaihtuah pha hauh si lo.




Anih chuan a thu min tiamna zawng zawng te kha a der vek alo ni a, a tak chu Zorini hnenah a hlan ngei awm si. Engtin nge atan beieina nung ka neih theih zawk? Engtin nge ka theih zawk? Ani chuan nihnih vel lek kawp atan min duha mahse kei chuan ka rilru leh thinlung zawng zawng ka lo hlan hman tawh si. Kha hun reilote chhung khan ka thinlung zawng zawng ka lo pe hmana mahse ani erawh chuan infiamna atan alo hmang mai mai si.




"Tikhan, i awih tawh em? Nangmah avang khan palai tirh te pawh kha a țhulh paha mahse hei, tunah chuan kan tir leh thei dawn ta anih hi" min tih el zet chuan a rawn ti a "min kalsan rawh u, ka hlatah hian awm rawh u. Ka hmu duhlo che u min kalsan rawh u" ka ti chhuak sepa ka thusawi erawh Zorini lawm zawng ani viau lawi si.




"I chunga hetiang thil a thlen avang hian pawi ka ti takzet. Mahse ka tan chuan vanneihna a chang si ka vannei takzet ani. Ka hmangaih alo let leh ta a mahse i tuar na vakin ka ringlo a chhan chu in inkawp rei hman lo êma Jere khan a kawp rei che ka ringli reng ani... nge nang...." a sawi zawh hma hma chuan "khawngaihin chhuak rawh, hetia ka awm avanga in pahniha min hmusit anih chuan min kalsan rawh u ka tuar tlang ve mai ang. In tello pawn kum heti zat Pathian zarah ka lo dam ve tawh alawm. Khawngaihin chhuak la, i hmangaih nen chuan nuam va tawl rawh u" ka ti a, ka âwm chhung na lutuk avang chuan duh ang pawn ka țawng chhuak hleithei lova, ka țap chhhuak thei bawk hek lo. Kei hian khapa kha ka lo duh hman takzet anih dawn hi.




"Lo inenkawl țha rawh aw, i dam leh vat theih nan ka lo țawngțai pui dawn che nia, chuan ka Hmangaih min pek let leh avangin ka lawm e" tih pah chuan ka lu ah a rawn fawp a, min chhuahsan zui ta ani ngei ang a thawm pawh ka hre chhunzawm tawh lemlo.




Ka thin na ngut ngut chu ka dawma ka țap chhuak theilo chu hreawm ka ti bawk. Ka ring em em a, a thu min tiam zawng zawng te kha engkim kha ka ring veka mahse ani tan chuan infiamna mai mai alo ni si. Ka rinna ka lo nghat hma lutuk ani. A infiamna mai mai ka ni dawn tih inhria ila chu ka kawp hauh lo ang.




Hetiang dinhmun ka thlen tak avanga min bâwihsâwm na te kha a tak tak ani si lo. Min khawngaih derna mai ani si. Engtin nge a theih zawk? Engtin nge khatianga min awmpui theih zawk? Ka rinna min tih chhiat saka ka nun infiamna atan a hmanga hetiang dinhmuna ka thlen pawh ngaihsakna avanga min bâwihsâwm ni lovin hmuhsit vang alo ni si. Ngatinge? Engvang nge? In chungah engthil nge ka tihsuala ka chunga hetiang thil in tih tak mai. Enge tihsual ka neih.




Rilru na in ka rûm vawng vawng a ka țah a chhuak em em a mahse ka țap chhuak thei hauh si lo. An pahnih khan ka hua ani, ka haw takzet ka nun infiamnan min hmansaka ka tuarna te pawh min hriatthiam sak lovin min hmuhsit nan an hmanga engtin nge khatiang khan lem a chan theih zawk a tak ang chiah khan. Ka lo ring ve em em tawh asin.




Ka nu in min biak pawh chuan a rul tawk lek lek in ka chhanga room chhungah chuan min nawr luta chumi rual deuh thaw chuan rawn lut an awm ani ngei ang, kawngka chu a ri dawpa ka nu in "e...Jeremy lo kal rawh, i buai lo em ni?" Alo ti zung zung a, Jeremy hming a lam rual te chuan ka na nghal vawng vawng mai.




"Chhuak rawh, min rawn hmu tawh suh, i ngaihsakna hi ka mamawh lo ka nun infiamna atana i hmang ngam anih chuan keipawn hetia tih che hi chu ka ngam tur ani. Min rawn ngaihsak tawh suh, min ti na tawk tawh e ka lo ring che kha ka tisual takzet ani. Ni hnih khat leka infiamna tur ka ni lo. Toys ka nih loh hi, mihring ka nih hi nunna nei, nâ pawh hre ve thei ka nih hi. Min kalsan rawh khanu nen khan hlim takin awm rawh u" ka theihna zawng zawng sawm khawm chuan ka ti chhuaka an hmel awmdan hmu theilo mah ila mak an tih ve ngei ka ring bawk. Hmeichhe bum awlsam anga min ngai anih chuan an tisual der ang. Mahse khang ni hnih chhung lek khan a tawngkam tha khan min bum chiang em em tawh si. Ka hua ani ka haw takzet.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)