Re: AT THE ELEVENTH HOUR BY : Msi Miluhlulnui (Completed)
Posted: May 10th, 2020, 1:59 pm
AT THE ELEVENTH HOUR - 7
By : Msi Miluhlulnui
Life is Beautiful and precious. Don't take it for granted.
note a awm aw, min lo chhiar sak theuh dawn nia aw.
"Hruai duhna che ka nei" a rawn ti sup, ka hmai bulah chuan a rawn thaw lum ham ham a, ka thin hi a sawt chhuak dawnin ka hria "ka duhlo, ka kal duh lo ka chhuak duh. Ngatinge a hetiang i awm fo a, hetianga i awm ziah vang hi alawm nizanah pawh khatiang thil kha a thlen, khawngaih takin ka ngen a che ka tan harsatna min siamsak tawh lul suh a hreawm emai" maimichhing reng chung chuan ka ti chhuak sepa, nizan thil thleng ka mithlaah a rawn lang nghal zat bawk.
Ka biangah chuan a kut phah lian zet chuan a rawn dawm a muangchangin ka meng chhuak riai riai, thúk zeta ka mita min melh chung chuan min rawn awm hnaih sauh a "khawngaihin hetiang hian awm tawh suh, ka ngen a che harsatna min thlen tawh suh keipawn ka thlen tawh lo ang che" ka ti chhuak a, a rawn rúm nghut.
"Harsatna min thlen lo, engkim ka siam tha vek ang eng harsatna mah min thlen lo a tha em?" A rawn ti zâwi sup, ka lu ka thing nar nar a "engkim ka siam tha vek ang iti a mahse siam that a hnêkin amah kha ila then zawk ania. Engtin nge i theih zawk? A thiam lohna pakhat mah a awm hleinem, i bulah khatiang khan awm lo ila chu nilo, ka dikna fiah pui tur che khan rawn sawm lo che ila chuan dawr ah te khan khatiang khan amah kha tawngkhum lo ila, dinner ei pui te, a birthday lawmnaah te khan lo kal lo ni ilang chuan hetiang thil hi a thleng hauh lovang, engkim kha ka thiamloh ani in hmangaih tak te inkarah duhreng vang ni lovin ka tla zepa chuan duhreng vang ni lo bawkin keimah vangin an inthen leh a engkim hi ka thiamloh vek ani, ka tihpalh ani, min ngaidam" ka sawi zawh hma hma chuan ka khabe ah dawmin min rawn fawp vang vang a, ka lu ka tih chêt rual chuan nghet zeta ka tukhum dawmin na zet hian ka hmui chu a rawn fawp a, ka bekah ka mittui a luang thla zung zung bawk.
Muangchanga min fawhna thlahin ka chalah a rawn fawp vang vang a, a banah chuan ka hmer chawt ringawt "hetiang hian awm tawh...." ka sawi zawh hma hma chuan ka hmuiah a rawn hup a a mitah chuan chiang zetin ka en lêt ve kalh a a lu alo thing nghut.
"Engmah i thiamlohna a awm lo, chuan ngaihdam min dila thiam lo anga lan kha bansan rawh. I duhreng vang ni lovin i rawn tla zepa mahse keiin ka duh reng vangin ka then bawk, dawra i tawngkhum dan kha engmah a pawina a awm lova i dikna fiah tura min rawn pan pawh a dik lohna a awm lo dinner thleng khan, kan inkarah rawn tla zep lo la chu ka inhmu chhuak hauh lo ang. Kan inkarah Hmangaihna a awm lo Hmangaihna hi sex vanga piang chhuak ani lo bawk" a rawn ti a, ka lu ka lo thing nghut a, mahse rúm nghutin ka khêlah a rawn vuana min chawi kangin a mal chungah min nghat thal dawt anih chu! Ka meng nghal kâwka, ani erawh a nui ri suk mai.
Ka hmui hut bet reng chungin seat belt chu keimah chawpin a hreng a, a âwmah chuan ka bawh rawk a "che miah lo la, tawng bawk suh ka thusawi hi ngaithla la anih loh chuan hetianga pawm chung che hian inchhungah ka luh pui ang che" ka beng bulah chuan a rawn ti zâwi supa, ka íp nghal châwih mai, a car glass chu vawi lehkhatah a rawn thim veka pawn lam engmah a hmuh theih tawh loh.
"Engthil nge maw itih hi le? Min dahthla rawh miin min hmu ang, chuan hetiang hian awm suh" ka ti a, seat belt phelh tum chuan ka zu bana mahse ka banah a rawn hmer chawta kan inkarah a dah nghal tawp anih chu "min thlah rawh, ka haw duh" melh deuh ram ram pah chuan ka ti chhuak that, nui sukin a lu a thing nghut a.
"Ka thusawi i ngaihthlak zawh hma chu i chhuak lovang, chuan hruai duhna che ka nei bawk" a rawn ti thâwp sup, ka ngei êm avang chuan ka melh rawm rawm a, ani erawh a nui suk mai. "Dawra Zorini i tawngkhum dan khan tun thlengin min la ti nui suk thei, khatiang tawngkhum ngam kha nangmah chauh ila ni bawk. Tu vak mah hian an ngam teh chiam lo, chuvang chuan i kawlh reuh ngít ngêt bawk. Kan inkarah rawn tla zep lo la chuan inngaihzawnna kara awm thin hi ka hre hauh lo ang, kan inhriatna ala reilo mahse min hneh em em tawh si engtik lai khan nge tiang thinlung ka lo put hman ka hre hauh lo, khami zan in ina ka pawm luh zan che pawh kha ani maithei" a rawn ti sup a, a sawi lai reng chuan ka lo íp châwih châwih ni maiin ka hria, engvanga hetiang hi sawi chhuak ta vak nge maw anih le.
"Chutiang sawi hun pawh ani lo" ka ti that, ka kut a húm beh chu phawrh chhuah ka tuma mahse ka theilo "ka haw duh ka tih chu" ka ti leh a, ka banah min rawn pawta amah chu ka bawh rawk rawk a a hmuiah ka zu fawp anih chu!. Rang lutukin ka awmsawn nghala "hmela, i zak em? Min chhuk tir rawh" ka ti vaka, ka hmui tuai tur pawn ka kut a man bet bawk ai ka kâ chiahin tan a chhuah thei tawh.
"Nangma duhthu in min fawp ania, ka zak hauh lo" chimawm zet chuan a rawn ti leh, melh rawm rawm pah chuan ka kut chu ka pawt vaka tinge mipa hian tha an ngah bik em em le heihi chu a fair lo deuh ani. "I haw hmain khawiah emaw ka hruai lawk ang che" a ti sup a, ka hmuiah rawn fawp zeuhin seat belt chu a phelha a ka khêlah vuanin ka thutna ah chuan min hlang thla nghal nawlh a, seat belt chu min rawn hren tir nghala ka hmuiah a rawn leh zeuh peka, a zaklo tih bak hian sawi dan tur ka hre thlawt lo.
Motor chu tinungin a tlanchhuak zui nghala hnialin awmzia a nei lo tih ka hriat chian em vangin ka hnial lo mai mai a, ni lo se chuan ka tlawh thal tawp tawh ngei ang. Nizan te khan ka duh hman amaw ka tia mahse duh chu khawiah a huatin ka haw so bawrh bawrh.
Kut inkuangkuahin darthlalang chu ka nghenga ka maimichhing vang vang bawk. A thusawi te kha ka ngaihtuah leta thenkhat kha chu a sawi dik na mauh mai mahse chuti khawpa inkawp rei tawh inneih pawh tum hial tawh chu an inkarah engtin nge hmangaihna a awm loh theih zawk. Nizanah awlsam takin an inthen leh bawka, induhna leh hmangaihna a tel loh chuan engvanga inkawp nge an nih tak ang le.
Ka ngaihtuahna maksak tak tak avang chuan ka lu ka thing vaka tu thiamloh nge ni a, engtia kalpui tur nge pawh ka hre tawh lo chu nih hi hepa leh Sylvia lah hian ka thiamlohna a awm loh thu an sawia mahse kei erawh chuan ka thiamlohna angah ka ngai ve hmiah. Khatia kan awmdun lai a rawn hmu anih chuan tinge rawn kala min rawn hauh mai loh, khatia sawi kher lo khan, chu thil ringawt chuan ka rilru a tibuaia kha zana kan awmdan ka ngaihtuah zawng ringawt pawh hian ka tím nghal châwih thei.
"Bawihi, kan thleng tawh" Jeremy tawng chu ka hre reng, mahse ka meng thei thlawt lo ka mumang nuam zetah ka la cheng mek "khatih pawh khan min ko suh, hming ka nei ve reng" ka ti niah niah a, mumang nen ka la hriatpawlh ni maiin ka hria. Tunah hian mipa chhelo leh hot em em in min awm hnaih meka 'bawihi' tiin min duat hmel takin min ko a, mitmeng zím sunin min melh bawk.
Ka biang a rawn khawih rual chuan ka meng chhuak kâwk! Jeremy hmel chiang zet ka hmuh rual chuan ka au chhuak nghal vak a a âwmah chuan ka nem vak vak a a thutna ah chuan thu thla dawtin a rawn nui rúm hawk mai. Enge ka chungah khan thleng, tuna mi kha ka mumang ani em? Anih loh vaih chuan ka chhe vek ani mai.
"Enge khatia hnai zeta min melh thina" ka ti chhuak nghêk, nui chhuak hawkin min rawn en a a mitmeng te saw ka mumanga ka hmuh nen khan a van in ang tak "i mumangah enge i hmuh zawk? Ka ko chea, i nui ang vur vur a i hmui ila rawn ti pawrh vak lehnghal" a rawn ti a, a mit ko a sân ak, chimawm zet chuan min rawn melh khera.
Ka bula bottle awm chuan ka vawm pawpa " i over lutuk! Engmah ka hmu lo bawk, dâwt hi phuah chawp ziah suh" ka ti hlara, nui chhuak hawk in bottle chu a dah thaa " i awih loh leh i thu, i mumangah chuan i bialpa in alo fawp dawn che ani ngei ang" a rawn ti leh kher anih chu!. Tur zeta melh pah hian "Jeremy Lal..." ka ti chhuak vaka nui rúm hawkin car kawngkhar chu a hawnga a zui nghal zat bawk. Arg.... a hmingpuma koh ka tum.ve ziah, mahse ka hre bawk si lo. Sual lutuk mai, ngatinge a chimawm em em mai le.
Ka awmna lam kawngkhar chu a rawn hawng a, inkuangkuah at in hmun dang ka hawisan hmak. "Lo chhuak la" a rawn ti sup, chhan pawh ka chhang lo "bawihi" a rawn ti leh "imak lutuk. Hming panngai ka nei ve reng" ka ti teu hlara. Hming pangngai ka nei ve renga min koh ve mai thin âwm.
"I hming pangngaia ka koh che in i duh bawk si lo i hming ni loa koh i duh bawk si lo, i mak zawkin ka hria" a rawn ti a, chumi rual deuh thaw chuan ka taksa chu a kang nawlha car kawngkhar chu khar in min pên sawn pui nghal pâwk pâwk anih chu!.
"Hmelchhe pa, min thlah rawh, i mak lutuk emai engtia han tichi hi nge maw inih le? Ka hrethiam thei lo che, ka hua che, min dahthla rawh" tih pah chuan ka leng vak vak a mahse zo zetin min pâwm beta a kal nul nul tho "bawihi, thinrim laia tawng hlâwk lutuk hi a tha ber lo ania" a rawn ti a, melh hrep pah chuan a âwmah chuan ka chúm pawpa, nâ ti âwm ang pawn a lang lo min kalh zawnga a thil sawi te hian ka thin an ti rim hlur ni maiin ka hria.
Hmana ka thil deliver na inah khan min hruaia sofa ah min thuttira ani erawh chuan 'min lo nghak lawh rawh' a ti a, in chunglamah a chho daih thung, awm an awm lo ani ngei ang a reh tlawk tlawk a âu pawn kan âw a khâwk rum rum thei. Inchhung thil vel chu ka enkuala engkim chu a changkang thei ang ber vek ani a a faiin a thianghlim em em bawk.
Jeremy chu enge maw keng chung hian a rawn chhuka ka bulah chuan rawn dingin lehkha hi min pe a, ka en chuan ka hnathawhna I.D alo ni renga engtik lai khan nge ka thlauh anga, chuan tinge a bo tih pawh ka hriat miah loh. Khami ni khan ka keng reng reng amaw ni le.
"Heihi, engtin nge i kawk daih theih a?" Ka ti a, ka bag ah chuan ka khung tha mawlh mawlh bawk "ka office ah alo awma ka hâwn anih kha" thatchhe zeta sofa a thut pah chuan a rawn ti a, engtik lai khan nge maw ka thlauh ang le. A bo tih pawh ka la hrelo zui ania.
"Chuan enge hetah hian kan tih dawna? Thil hmuh tir duh che ka nei iti sia" hawi kual pah chuan ka ti a, "kha chu chhuanlam mai ani e, chuan kha pawh chhuanlam, ka bula awm tura ka duh vang che" a rawn ti leh supa, sofa a thu chung chuan ka che vel chu min lo en ngar ngar a, en duh lovin ka hawisawn vat zel bawk.
"I ho emaia, tihtur a awm loh chuan ka haw duh tawh ania. Ka nu ka ngaihtuah tawh, a dam tha bawk si lo" ka ti a, ka bag ah chu ka siam tha mawlh mawlh a alo inherh vek anih hi mawle, nichina min pawm behna lamah khan a inherh ani ngei ang.
"Haw ang, kal ang" tih hluai paha ka hawichhuak chu ka hmaah hian alo ding kur a rawn kun hniamin chiang zet hian min en nghal bawka, ka chil ka lem dâka, ka mit chu kawngka lam hawi chuan ka ti che zeuh a, a lu a rawn thing nghut.
"Anih chuan keimahin ka haw anga ani mai lawm" tih pah chuan ka pênsawn nghala mahse rei pawh ka pên hmain ka kawngah rawn vuanin min her zawka a lamah chuan min hnúkhnai hrâwkin a taksa si chêt chuan min kuaha ka darah khabe rawn nghatin a thaw chhuak ham ham bawk. A thil rawn tih dan avang chuan ka hamhaih ani ber, chêt mai nachang pawh ka hrelo.
"La kal suh" a rawn ti supa, a hmui chuan ka nghawng a rawn nul thuak thuak a, ka íp nghal châwih bawk. "Ka haw duh tawh alawm" ka ti a, ka tang tung tawh. A kutin min dehna hi a sa hat hat mai. "Keiman, ka thlah haw ang che, tihian awm lawk ang" a rawn ti a ka samah a hmai a phuma ka sam chu a hním vang vang mai.
"Ka,, ih... engthil nge maw itih le?" Ka ti bah ta nawka, ka âw te hi a khur velin ka hria "ka ngai che, Lalrinnung ka duh che ni maiin ka hria khang reilo te chhung khan ka thluakah hian chi i rawn theh darh em ni? Tinge ka ngaihtuah reng che" a rawn ti thâwp sup, a thusawi awihawm loh lutuk avang chuan ka âng phuau a, ka nghawng chu a rawn fâwp zeuh a ka íp nghal châwih bawk.
"Ka... engthil nge maw i sawi le? I â tawh ami?" Ka ti khur deuh ti tiha, he mipa huhâng ngah zet hi a â tawh anih loh vek pawhin tih danglamin a awm chiang mai. "Ka â tawh ani ngei ang, ka hmuh tirh atang che khan i tawngkam ho te avang te leh i chimawm ve ngít ngêt reuhna te khan tullo zetin min ti nui thin, engtik lai khan nge ka thluakah chi i rawn theha nangmah chauh ngaihtuah tura min siam tak?" A rawn ti zâwia sup, ngatinge hetiang thu hi a sawi tak vak vak mai le.
"Min thlah teh, ka haw duh tawh" ka ti a, nem sawn ka tuma mahse ka thei derlo "kan inhriatna la reilo mahse harsatna ka siam ziah che, keimah vangin Zorini kam khat pawh i hlawh ziah ka ta inih hma hauhin ka ti na tâwk tawh che, mahse engkim kha siamtha leh vek ang" a rawn ti a, nghet zetin min kuaha ka thaw theilo lek lek ani.
"Ka thaw tha theilo ania" ka tih rual chuan min thlah dul deuh hleka ka thâwk hawk thei mahse min kuahna ala phelh chuang lo "sorry" a rawn ti leh sup, ngatinge ngaihdam te min dil vak vak le, helai hmun kan thlen hma kha chuan engtin mah a awm si lova chimawm zet zet khan a awm reng ani a mahse tunah lêm ka thinlung kawih her tum ang maiin min thlêma, ka awmdan tur pawh hi ka hrethiam tawh lo e a.
"Ngatinge, hetiang hian i awma? Min ti hrilhhai ania Jeremy" ka ti chhuak sepa ka nghawngah chuan thaw chhuak hawkin ka darah chuan min rawn vuana tlemin min nawr hla hleka ka mitah chuan chiang zeta min en in ka hmuiah chuan a rawn fâwp zeuh a, rang lutukin ka hup a ani erawh a nui ri suk mai.
"Ka duh che Lalrinnung, ka duh che. Engtik laiin nge hetiang hi ka chungah a thlen ka hrelo. Hetiang tawngkam ka hrilh hmasak ber ini bawk" a rawn thâwp sup, ka meng kâwk chu hmu in a nui suka "ka duh che" tih leh supin ka chalah chuan a rawn fawp vang vang a min kuah bet lehnghal hlu hlu a a awmdan maksak lutuk avang chuan sawi mai tur pawh ka hrelo, min tih ang ang chuan ka awm ve tawp ani ber.
Car a kan chuan lai te chuan a thil sawi te chu ka ngaihtuah lêta ka thluak te thleng thleng hian a ti tím vek ni maiin ka hria min biak pawh chuan ka chhang lova ka ngaihtuahna chu a kal ding hle bawk, ngatinge? Engvang nge? Khatiang thu kha a sawi tih ringawt chuan ka rilru a kama, tullo pui pui min ngaihtuah thlen tir chiam bawk.
Min duh turin a lakah engmah tih ka nei lova ka englai hi nge maw a duh niang le? Mipa dang pawn min duh thu min hrilh ve châwk. Mahse hepa thusawi erawh chuan ka thinlung a khawih em em a min hneh bik ngawih ngawih ni maiin ka hria.
Thúk zeta min melhna te kha ngaihtuah let hian ka mur sung sung thei, kei pawh hi ka dik vak tawh lo ani ngei ang. Nizanah Zorini a thena a tukah tunah keima bulah min duh thu a rawn sawi leh a, nizan thil thleng te pawh ka theihnghilh tha fum fe hman reng reng lo, engvanga hetia awm hi nge maw anih ang le. Zorini khatia ka tih avang khan phuba ka lakah a la dawn aniang a. Tih te thleng chuan ka ngaihtuaha mahse ni theiin ka hre ngang lo, enge ngaihtuah tur nia engtia tih chi nge tih lah ka hre bawk si lo, hepa vang hian ka ngaihtuahna te hi an â vek thei dawnin ka hria.
Motor a din dawt rual chuan ka harh chhuak zawka kan in kawtah kan lo awm reng tawh, Jeremy an "Bawihi" a rawn tih leh rual te chuan ka thin te hi an phu dawt dawt a amah pawh en lo chuan "ka lawm e aw ka I.D min lo kawl that saka, ka thlauh lai pawh ka lo hre hleinem, ka kal phawt mai ang, mangtha aw" ka ti zung zung a, motor chu ka hawnga ka chhuaka kan in lam chu tlan meuhin ka pana ka hnung a za phei mer mer mai.
Kawngkhar chu hawngin rang zetin inchhungah chuan ka lut nghala ka âwm dawmin ka thaw chhuak nghal hak bawk. "In va rei em em ve a, enge in tih em em?" Ka sir maiah chuan Sylvia chu aw chiang zet hian ka hriaa ka thinphu rang lutuk pawh a reh fel hma hma chuan ka phu leh hrama. Hemi te pahnih hi ka haw lutuk ringawt.
"Kan duh duh kan ti ang, nangnu hi rawn kal teh. I châk dawnlo" tih pah chuan a banah ka va man chawta thutkhawmna lamah chuan ka kai phei nghala sofa ah chuan ka pawt thu hnawka min la nuih vur vur lehnghal.
"Vawikhatmah dâwt min hrilhin khatiang khan awm tawh suh ka ngei lutuk che i hria em? Phakar reuh lutuk mai, min nuih suh" ka ti that a a kâ hup meuhin a nui khur char char a a chalah ka zu pen fawk!. " Sylvia ka ti tak tak ania khatiang khan vawikhatmah ti tawh suh min ti hrilhhai thei lutuk" ka ti a, a bulah chuan ka zu thla dawt a.
"A nuam ve lawm" a rawn ti sam êt lehnghala ka khawng fawk dawn amaw ni le. "Ka nu enge a an?" Ka ti a, min rawn thut hnaih sauh sauh a "a muhil a. Enge in tiha vew? Min lo hrilh teh" zâwi tê hian a rawn ti a, ka melh nghal rawm rawm mai.
"Engmah kan ti lo, zawh pawh min zawt suh ka ning ka nu bulah ka kal dawn, ka ngei che a ka be rih dawn lo che" tih pah chuan ka tho hmaka ka nu room lamah chuan ka kal nghal daih bawk.
Sylvia pawh kan inah chaw a rawn ei ve leh thawr a, min tih lungawi tumin min thlêm char char a, ka tih tauh khum lui ve ngar ngar bawk, ka nu pawh engmah buaina a nei tawh lova mahse hnathawh erawh chu ka la phallo bur, a hna avang hian a taksa in a tuar phaha hna thawk leh dawn pawh nise a hriselna hi a pawimawh hmasa ber tawh.
Zingah chuan kan tih ngai loh dan deuhin ka nu chu exercise ka lakpuia amah pawh a infit lo em em a, hna ringawa a bura exer lak te pawh a mamawh hle bawka kan la zo chu a tih leh tawh ngai loh tur thu a sawia a chhan pawh kan inkawtah hian vawi 20 ka tlan kual tir miau a, a tlan zawh chuan min melh rum teh asin.
"Nu, hna i thawh pawn ti nasa lutuk suh i taksa khan a tuar leh vaih chuan i hna zawng zawng kha ka paih bo sak vek ang che. A rem hunah chuan show te chu in nei ve mai dawn alawm hmanhmawh chúk chúk pawh a ngailo" ka chhuah hma chuan ka ti leh hrama thuawih takin a bu ve nghut nghut a ka bag chu ah that mawlh mawlh pahin ka chhuaka ka Scooty chu la chhuakin dawr lam pan chuan ka inkhalh chhuak leh nghal bawk.
Dawr parking naah chuan ka motor park in helmet chu seat hnuaiah ka dah a chahbi chu ka bag ah thunin dawr lam pan chuan ka kal chho a, dawr lo reh thup chuan ka ngaih a ti thalo lek lek tun ang hunah te chuan a hma khan an phe suau suau zel si a customer pawh an awm lo te pawh a ang zawk alawm le.
Muangchangin kawngkhar chu ka nam hawnga dawr chhung chu alo reh thuap a ka thawhpui dang te an awm tho si a tinge tumah hian hna an thawh loh le. "Rinrin, madam in a office ah a nghak reng che a keini hnathawh pawh a phal rih loa va kal chhin teh" Sangsangi chuan a rawn ti a, bangbo zetin ka bag chu ka dahtha a madam office lam chu ka pan nghal vut bawk.
Madam kawngkhar hawnga ka luh rual chuan sofa ah chuan hmeichhe pakhat nen an lo inbe meka muangchangin ka pan pheia "madam, min hmu duh em ni?" Ka ti sapa, a biaknu nen chuan an rawn hawi rual nghala a biaknu chu tu dang ni lovin Zorini alo ni reng bawk.
"Hmu duh e, i tan lehkha a vawihnih nan a rawn thlenga he thil hi chu ka chinfel a hun ve tawhin ka hria. I hria anga thawktu te tana lehkha a vawihnih nana a lo thlen tawh chuan zawm loh theih loh ani thin tih. Chuan i tan lehkha a rawn thleng ve leh ta chiaha i chhuah hma in i chhiar hmasa phawt duh em?" A rawn ti a, hrethiamlo zet chuan ka melh kiau a, Zorini erawh chuan min lâwm vak lo tih a hmel atang chuan a hriat theih vek bawk.
"Ka... mahse tunge rawn thawn leh a?" Ka ti a, ka hma zawna lehkha a rawn vawm chu ka la a "keiman" Zorini chuan a rawn ti fak. Muangchangin lehkha chu ka pawt thlera a chhunga awm chu ka pawt pharha a chhunga thu inziak chuan min thawng takzet. A hmaa buaina leh rukru angah min puh anih chu!.
Lehkha chu dawhkanah chuan ka theh thlaa "he thil hi engvanga ti nge inih?" Ka ti let ve sak!. A nui saka madam chu a chhuahtir nghal daiha kan pahnih chiah kan ni tawh. "I hria ang chu a chhan te chu a hma te kha chuan zah lohna ani tawha tunah rukruk leh thil dang dang. I dik ani tih fiah puitu che pawh an awm tawh lo, tlâwm mai rawh min hneh chuang lovang" a rawn ti a, chapo zet chuan a rawn ding chhuak ve lehnghal zat bawk.
"Ka dik ani tih min fiah pui turin tumah ka mamawh lo chuan eng thil nge ka ruka i thil kha ka ru em ni? I bungrua nge ka ruka dawr buangrua zawk. Ka hrilh chiang ve tawh chein ka hria dâwt ai chuan dikna a ding chang ziah thin" ka ti ve leh khera chimawm zet chuan a nui chhuak har har a, dawhkana ka lehkha dahthlak chu a la a.
"Ka bungrua pawh i ru lova dawr bungrua pawh i ru hek lo, i thil rúk kha hre lo der vel suh ka bungrua aia hlu zawk ka hmangaih min ruk saka hriat loh der vel kha tum hlek suh. Chuan he dawrah hian complain vawihnih an dawng anih chuan engmah sawi lova ban nghal tawp theih an ni tih ka hre ve veka. Ka hmangaih min chhuhsaktu lakah phuba chu ka la ve ni mai rawh se" ngeiawm zeta rawn tih pah chuan lehkha chu a pawt thlera a nawi chu ka hmaah a rawn ti tla kher bawk.
"I rapthlak hle mai" tih zawng sawi theih ka nei. Keima lak atangin complain vawihnihna atan a luta sawisel lova zawm nghal ka ngai tih ka chian na chuan min ti na ut ut ani ber tawh. "Aw.... ka rapthlak alawm ilo la hre ve na nge ka tana i hnawksak anih chuan hei ai pawh hian ka la rapthlak thiam ania ka tana hnawksak apiang chu ka kawng atang ka paihbo thin. A tuartute awmdan thin i hria em? Khawngaih min dila an tap thin asin. Mahse boom! Ka tan chuan khatiang mittui te kha engmah ani ve lo" chapo zeta rawn tih let ve sak pah chuan dawhkan chu a kal huala ka hma zawnah chiah chuan a rawn ding vâ bawk.
"I inngai ropui hle mai, vawiin hian i chaka kei hi ka hna atang min ban pawh ani thei, mahse ngaihtuah teh. Eng hlâwkna nge i chan ang le? I hmangaih tak chuan a kalsan tawh si che a, a hmangaih ve lo che aniang a nge ni a nawm chen nan a kawp mai mai che niang le, ka hre chak khawp mai. I hmangaih chu engtin fakau nge ka lo laksak che le. Ama nunna ka la pawh ani lova i tawng chapo mah mah lo maw!? I hmaa mittui ti tla tur chuan min phút kher lo la, nangni ang mi hausa sum hmang chauha thil ti thei te hmaah hian engtikah mah ka mittui hi a tlak ka phal lo ang. I hausakna khan a ei ral vek ngei ang che!" Ka ti let ve sak, a mitmu pâwng zawr khawp chuan a rawn meng a. Ka dar ka lo sân khum ak bawk.
"Ka rin ang ilo ni hauh lo ilo nasa hle mai, mize engzat nge maw i neih ang le, fel ber âwm ang zia zânga lang lo khan tun ang khan awm mai mai la chu tuman an dem lo ang che mawle. I u pawh khan a chhuang zawk ngei ang che" a thusawi chuan ka thin a khei zak mai. Ka u hmer tel a tulna pakhat mah a awm lo.
"Ka u hmer tel ziah a ngai lo ang bawkin buainaah hian a tel ve lo tlat, ani chuan a nau mizia eng pawh a pawm a chhan chu min hrechiang miau a mi hausa te anga sum hmanga mi thama a hlâwkna chang thin ka ni ve lo tih. Mahse lunngai suh tuna i thil tih hi tumah ka hrilh lovang, a hma pawh khan madam kha sum hmangin ilo tham tawha a hlâwkna a awm loh zia hre hmasa ber tu inih ka ring bawk" ka ti chhuak leh khera , ka mizia chu ka sawi tawh kha dâwt ka duh lo ang bawkin ka inhnial puiin tawngkam chhia a phuhchhuak hmasa anih chuan ka zui ngei ngei thin.
"Ngawi hmak rawh!" A rawn ti fiak that!. Engah mah ngai lovin ka nui chhuak hak a "ka ngawi e, ka ngawi chiang khawp ang mualpho duh leh si lo hi thil thalo in ti a thudik hre tu kâ hup leh turin sum bawk, sum in theh chhuaka mahse in rilru a hahdam in ka ring miah lo, a chhan chu dâwt pakhat khan dâwt dang a hringa a kal kual zela mahni chungah bawk a let leh thin. Lunngai suh sum in ka kâ i hup lo anga mahse nangma hnenah bawk a lêt i dawng leh ang" ka ti a, chhuah ka tum chu "ding teh!" A rawn ti ta that mai.
Muangchanga dingin ka lehhawi a ka lam pan chuan a rawn kala, a chhelo a hmel pawh a tha mahse a chhungril erawh keipui ani thung keipui ani tih hi tunge hre ve ang "i ka hup chu a har ka ringlo" a rawn ti leh a, nui sukin ka lu ka thing nghuta ka nui chhuak hak bawk.
"Min ngai awlsam mah mah lo maw?" Ka ti a, ka tawngkam hman hi ka thinrim luatah ka inthunun theih loh ka hlau khawp mai, a hnua keima inchhir lehna tur siam ka duh hauh lo. "Lunngai suh, sum te chu tu pawn kan mamawh vek alawm. Heihi la la, ram dangah dawr enkawl tur ka pe ang che, engkim i mamawh a awm vek ang hnathawk thlengin, i lal ngawt ang. Chung zingah chuan i thu ber bawk anga i duh mai lo mi? I nu pawh a hahdam anga nuam pawh in tâwl thei dawn alawm" tih pah chuan a bag ah chuan pawisa tam tham zet awmna chu a rawn la chhuaka flight ticket pathum min pe bawk.
"Henghi kan ta tur vek maw?! Avan tam em em ve, chuan dawr chu min pe tak tak dawn maw?" Ka ti a, a nui chhuak hak hak a "dawn e kha kha nuai 100 ania i duh chuan min dil belh leh thei ang hei en la in dawr tur chu hnathawk pawh an awm sa vek" tih pah chuan a phone chu a rawn phawrh chhuaka thlalak chu min rawn en tira a hmun chu a nalh takzet ani.
"Heihi, kan ta tur maw? Wow! Avan ropui ve tunah chuan mi hausa tak ka ni tawh dawne ka kal nghal ang sumdawnna chu ka tan. Yes! avan nuam dawn tak em!" Ka ti vaka, ani pawh hlim avangin a nui chhuak hak hak a pawisa leh flight ticket chu la in ka húm a "ka tih kha, sum hi chuan thil a ti thei teh mai ania, Jeremy pawn min rawn pan leh mai ang" a rawn ti a, a nui vur vur bawk. "Ka kal dawn aw, i mamawh belh chuan min rawn dil dawn nia" a rawn ti a, nui vur vur chungin ka bu nghat a.
Chhuah a tum chiah chu "lawk aw" ka ti a, a dinga a rawn lehhawi a "kei ang tho hian midang pawn iti ve thin em? I hausak tir thin em?" Ka ti a, nui chhuak hakin a bu nghata "hetia ka tih tuna hausa ta te pawh an tam tawh alawm" a rawn tih rual chuan ka pawisa ken leh flight ticket ken chuan a hmaiah ka vawm pawp. Mak ti lutuk hian min rawn en a.
"Chuan, kei hi chutiang mi chu ka ni lova ka ni ngai bawk hek lovang. Sum hmanga thlêm lungawi theih ka ni ve lova i tawngkam tha leh i thluak tha hmanga mi i hneh lak ang khan min hneh lak theih in ring bawk suh. Khang nuai 100 te kha ngatan mah ka tilo, khatiang dawr te pawh kha ngatan mah ka ti lo. Kei chu Pathian tih mi ka ni a, a duhloh zawng chu ka theihtawpa tih loh ka tum bawk. Kan Lalpa chuan "miin khawvel a pumin nei sela, a nun chan si sela atan eng nge sawt ang?" A tih kha. He Bible thu hi chhinchhiah rawh. Nangpawh sum i neia tlachham lo tak ini, mahse sum in i nunna a laksak che anga a tawpa i chan tur chu nichina i sawi 'boom'! Ang chiah kha ani mai. Sum ngahin thawmhnaw tha ber ber emaw, mi aia thil changkang leh thluak tha pawh nei mahla Pathian i neih si loh chuan i tan engmah sawtna a awm lo. Khawvelah vanram a awm lova khawvel hi chu ala boral dawn tah chuan sum ngah te, thluak tha te leh thawmhnaw nalh te khan awmzia an nei dawn lo. Pathian neitute chauh chawimawi in an awm ang. I sum kha mi tham nana hmang lovin mi harsa te tanpui nan hmang zawk rawh" ka ti a, ka sawi hnem em avang chuan ka thaw chhuak hak a.
Amah chu kal pelin kawngkhar chu ka pawt hawng a ka chhuak dawn chiah tih chuan "anih chuan i tider vek tihna em ni?" A rawn ti a, muangchangin ka hawi lêt "um, engtiang chiahin nge sum chuan a tihhlim che en ka duh vang anih kha. Hmangaih neih pawh i ngaih loh kha, kha sum i nei alawm i hmangaih ber anih kha" ka ti leh khera ka chhuah rual chuan "hmeli!" A tih nghek chu ka hre hman hrama ka nui chhuak bawk.
Ka thawmhnaw chu ka siam mawlh mawlh a, ka thawhpui te min biakna pawh chu ka chhang lo ka ban chhan turte min zawta mahse ka chhang chuang lo an duh chuan madam zawt ve rawh se, a chhan dan ka hre chak fú bawk. Mahse he thamna dawrah hian ka awm ve reng a thiang lo alawm. Hna chu a tam tulh tulh a ka hmu ve leh mai ang.
Jeremy Lalmalsawma POV
"Sir, show hi tan vat anih loh chuan kan dawr hlutna hi a tla hniam thei tlat. Hoirfen hosawn winter brand an pho chhuah hma avang khan an profile check tu an tama tunah sawn enthla tura i dah khan 85% an la lut tawh niin an sawia. Kan tan ve vat anih loh chuan kan hlutna hi 30% in a tla hniam thei tlat ani" Zamzami thu rawn sawi chuan mood a ti fuh lo leh zual kher chu ni. Lalrinnungi avang hrepa mood fuh tawh loh sa nak alaiin.
"Tian ti rawh, nu Christy kha bia la tunkar tawpa buatsaih theih ani em tih zawt ang che" ka ti nghut "sir, Christy kha chuan engkim peihfel anih tawh thu min rawn hrilha mahse phalna min pe si lova" a rawn ti a, ka rúm chhuak nghut.
"Anih chuan buaipui vat ta che u, 30% a a tla hniam thei tih inhriat chuan bawhzui nghal tur che u lawm. Kei min nghak lovin tunah che nghal rawh u, naktukah tan ani ang. Vawiinah inpeih hman tum ang che u meeting cancel la email ah thawn chhuak vek bawk la nangpawn i hna thawk nghal ang che" ka ti chhuak nghut, bu nghatin a kalsawn nghala file check tur chu ka bana dawhkanah chuan ka theh thla pawp.
Hrep chuan! Lalrinnungi zet chu! Engvanga ka message chu seen lo teh fo nge anih? Ka online renga a seen lo anih chuan mipa dang a bia tihna ani ngei ang "mipa dang i bia anih chuan ka chhuah hauh lo vang" ka ti chhuak hrâwk. Ka tukhumah kut nghatin ka rúm chhuak nghuta. Ka chungah hian engthil nge a tiha heti khawpa ka ngaihtuahna a luah tak mai.
"Apute" tia min ko ri ka hriat rual chuan ka u fanu chu ka office ah rawn lutin ka lam pan chuan a rawn tlan ter ter a ka bul a rawn thlen chuan ka lo pawm kang nghal vata "apute, anu in kal a phallo a mahse ka tihdera min lo kalpui a" ka beng bulah chuan a rawn ti ve ser ser a, ka nui chhuak hawk.
"U, sawifiah la" ka ti chhuak sup "aw, sawifiah dawn e, a nghal ve tawh hrim hrim. Apute'n ka inbihruk siak pui ang che a ti a ka kal duh a rawn ti ve khera min pawt char char a, apa in va kal pui mai rawh a rawn ti a, ka rawn kalpui ta anih hi" a rawn ti a, a biangah chuan piai in ka nui chhuak hawk a.
"Ka naute chu alo nghal ve tawh hle mai a aputea hian a inbihruk siak pui dawna tiraw?" Tih pah chuan ka vawrh kânga a khêk raih raih bawk. "A nau enge a an a? Zan tah ala ching em?" Ka ti chhuak nghut. "Ching tak ani, a hahthlak tak tak ani. Dinpuia hi a fel hlauha mi vannei tak ka ni" ka u chuan a rawn tih chhunzawm zat.
"Hmangaih hle la, tihlim la, atan inpumpek la chu chu ani tan chuan a tawk! Lerh san suh ang che" ka ti nghuta "Naupang! Min zilh ve khanglang suh" a rawn ti hlaka, ka nui chhuak hawk a. Angel'i chuan ka dawhkana pen chu la in a tih ziah dan chuan paper âwl ala ve tawpa lem a ziak ve lehnghal tawp.
"Khawi ka lo pawm ang, a putea hi a chhun dawn alawm" tih pah chuan ka pan phei vut an bul ka thlen hma chuan ka office kawngkharah chuan Bawihi chu hah hmel zet hian alo ding a. A thaw hlâwi hlâwi bawk.
"Ka be duh che" a rawn ti a, "sawi la" ka ti nghut, "aih, tah lo hian, pawnah" a hah vang chuan a âw pawh a chhuak hleitheilo, a thâm chhal mai. "Va chhuak rawh, a pawimawh aniang" u mami chun a rawn ti a, Bawihi chhuak chu ka zui ve nghal zat bawk.
"Eng thil nge i sawi duh chu?" Tih pah chuan a bulah ka va dinga ka kekawe ipte chu zen bang chu ka ngheng a rawn hawi chhuakin "inngaizawng ang" a rawn ti chhuang phawng mai. Awih lo lutukin ka nui chhuak hawk. Ani erawh a thutak viau lawi si.
❤ Naktukah ka zin dawna a thui em pawh ka hrelo. Chuan ka sawi tum tak chu. Ka u te hian (tawng mawi lo, lo ni lo se) an in quenchiz lai te emaw thleng tep ang chi hi ziak ve la thawnthua a tel loh chuan a kim zân thinlo a thawnthu ti kim tu pakhat ani ve a tiin min hrilh thina. Nih chu a ni ve tho. Ziah ka tum ve thin mahse ka thiam thlâwt lo, ka mitthla thiamlo ani ber, keimah hi ka zak zawk thin. Kum ka la tling bawk si lova, a mawi lo ka ti bawk sia, kei kum 16 miin chutiang ziak tel tur pawh chuan tawngkauchheh ka thiam loh mai bakah ka dream thiamlo ani ber. Heng inkiss leh a teuh deuh ho ang chi ka ziah lai pawh hian ka íp châwih châwih zel ania. Ka sawi lo ang ka ti tak nâ in. Ka readers thenkhat ten inbox lamah min rawn hrilh thin an mahni chuan lo haw lo se, keimah pawn ka hawlo che u ania , pakhat phei chuan a changtupa a pâ sia ti tel ve thin la, a rawn ti a ka story min thlâwp sakna ah ka ngaia min lo tan ani tih ka hriaa ka lawm lutuk, mahse ka thiam thlâwt lo, tam tak chuan tiang a awm te hian chhiar nuam an ti a, mahse kei chu ziak turin ka la sên bawk sia chuan ka ti awm ve thiam si lova in chhiar duhloh phah te anih chuan a pawi lo ania aw. Ka story lah hi a kal purh purh zel bawk sia nakinah. Ka thiam hunah kan ti tel ve mai dawn nia. Mahse inkiss te, tlêma teuh deuh te chu ka ziak ve hram hram zel ania aw, íp châwih châwih chungin.
By : Msi Miluhlulnui
Life is Beautiful and precious. Don't take it for granted.
note a awm aw, min lo chhiar sak theuh dawn nia aw.
"Hruai duhna che ka nei" a rawn ti sup, ka hmai bulah chuan a rawn thaw lum ham ham a, ka thin hi a sawt chhuak dawnin ka hria "ka duhlo, ka kal duh lo ka chhuak duh. Ngatinge a hetiang i awm fo a, hetianga i awm ziah vang hi alawm nizanah pawh khatiang thil kha a thlen, khawngaih takin ka ngen a che ka tan harsatna min siamsak tawh lul suh a hreawm emai" maimichhing reng chung chuan ka ti chhuak sepa, nizan thil thleng ka mithlaah a rawn lang nghal zat bawk.
Ka biangah chuan a kut phah lian zet chuan a rawn dawm a muangchangin ka meng chhuak riai riai, thúk zeta ka mita min melh chung chuan min rawn awm hnaih sauh a "khawngaihin hetiang hian awm tawh suh, ka ngen a che harsatna min thlen tawh suh keipawn ka thlen tawh lo ang che" ka ti chhuak a, a rawn rúm nghut.
"Harsatna min thlen lo, engkim ka siam tha vek ang eng harsatna mah min thlen lo a tha em?" A rawn ti zâwi sup, ka lu ka thing nar nar a "engkim ka siam tha vek ang iti a mahse siam that a hnêkin amah kha ila then zawk ania. Engtin nge i theih zawk? A thiam lohna pakhat mah a awm hleinem, i bulah khatiang khan awm lo ila chu nilo, ka dikna fiah pui tur che khan rawn sawm lo che ila chuan dawr ah te khan khatiang khan amah kha tawngkhum lo ila, dinner ei pui te, a birthday lawmnaah te khan lo kal lo ni ilang chuan hetiang thil hi a thleng hauh lovang, engkim kha ka thiamloh ani in hmangaih tak te inkarah duhreng vang ni lovin ka tla zepa chuan duhreng vang ni lo bawkin keimah vangin an inthen leh a engkim hi ka thiamloh vek ani, ka tihpalh ani, min ngaidam" ka sawi zawh hma hma chuan ka khabe ah dawmin min rawn fawp vang vang a, ka lu ka tih chêt rual chuan nghet zeta ka tukhum dawmin na zet hian ka hmui chu a rawn fawp a, ka bekah ka mittui a luang thla zung zung bawk.
Muangchanga min fawhna thlahin ka chalah a rawn fawp vang vang a, a banah chuan ka hmer chawt ringawt "hetiang hian awm tawh...." ka sawi zawh hma hma chuan ka hmuiah a rawn hup a a mitah chuan chiang zetin ka en lêt ve kalh a a lu alo thing nghut.
"Engmah i thiamlohna a awm lo, chuan ngaihdam min dila thiam lo anga lan kha bansan rawh. I duhreng vang ni lovin i rawn tla zepa mahse keiin ka duh reng vangin ka then bawk, dawra i tawngkhum dan kha engmah a pawina a awm lova i dikna fiah tura min rawn pan pawh a dik lohna a awm lo dinner thleng khan, kan inkarah rawn tla zep lo la chu ka inhmu chhuak hauh lo ang. Kan inkarah Hmangaihna a awm lo Hmangaihna hi sex vanga piang chhuak ani lo bawk" a rawn ti a, ka lu ka lo thing nghut a, mahse rúm nghutin ka khêlah a rawn vuana min chawi kangin a mal chungah min nghat thal dawt anih chu! Ka meng nghal kâwka, ani erawh a nui ri suk mai.
Ka hmui hut bet reng chungin seat belt chu keimah chawpin a hreng a, a âwmah chuan ka bawh rawk a "che miah lo la, tawng bawk suh ka thusawi hi ngaithla la anih loh chuan hetianga pawm chung che hian inchhungah ka luh pui ang che" ka beng bulah chuan a rawn ti zâwi supa, ka íp nghal châwih mai, a car glass chu vawi lehkhatah a rawn thim veka pawn lam engmah a hmuh theih tawh loh.
"Engthil nge maw itih hi le? Min dahthla rawh miin min hmu ang, chuan hetiang hian awm suh" ka ti a, seat belt phelh tum chuan ka zu bana mahse ka banah a rawn hmer chawta kan inkarah a dah nghal tawp anih chu "min thlah rawh, ka haw duh" melh deuh ram ram pah chuan ka ti chhuak that, nui sukin a lu a thing nghut a.
"Ka thusawi i ngaihthlak zawh hma chu i chhuak lovang, chuan hruai duhna che ka nei bawk" a rawn ti thâwp sup, ka ngei êm avang chuan ka melh rawm rawm a, ani erawh a nui suk mai. "Dawra Zorini i tawngkhum dan khan tun thlengin min la ti nui suk thei, khatiang tawngkhum ngam kha nangmah chauh ila ni bawk. Tu vak mah hian an ngam teh chiam lo, chuvang chuan i kawlh reuh ngít ngêt bawk. Kan inkarah rawn tla zep lo la chuan inngaihzawnna kara awm thin hi ka hre hauh lo ang, kan inhriatna ala reilo mahse min hneh em em tawh si engtik lai khan nge tiang thinlung ka lo put hman ka hre hauh lo, khami zan in ina ka pawm luh zan che pawh kha ani maithei" a rawn ti sup a, a sawi lai reng chuan ka lo íp châwih châwih ni maiin ka hria, engvanga hetiang hi sawi chhuak ta vak nge maw anih le.
"Chutiang sawi hun pawh ani lo" ka ti that, ka kut a húm beh chu phawrh chhuah ka tuma mahse ka theilo "ka haw duh ka tih chu" ka ti leh a, ka banah min rawn pawta amah chu ka bawh rawk rawk a a hmuiah ka zu fawp anih chu!. Rang lutukin ka awmsawn nghala "hmela, i zak em? Min chhuk tir rawh" ka ti vaka, ka hmui tuai tur pawn ka kut a man bet bawk ai ka kâ chiahin tan a chhuah thei tawh.
"Nangma duhthu in min fawp ania, ka zak hauh lo" chimawm zet chuan a rawn ti leh, melh rawm rawm pah chuan ka kut chu ka pawt vaka tinge mipa hian tha an ngah bik em em le heihi chu a fair lo deuh ani. "I haw hmain khawiah emaw ka hruai lawk ang che" a ti sup a, ka hmuiah rawn fawp zeuhin seat belt chu a phelha a ka khêlah vuanin ka thutna ah chuan min hlang thla nghal nawlh a, seat belt chu min rawn hren tir nghala ka hmuiah a rawn leh zeuh peka, a zaklo tih bak hian sawi dan tur ka hre thlawt lo.
Motor chu tinungin a tlanchhuak zui nghala hnialin awmzia a nei lo tih ka hriat chian em vangin ka hnial lo mai mai a, ni lo se chuan ka tlawh thal tawp tawh ngei ang. Nizan te khan ka duh hman amaw ka tia mahse duh chu khawiah a huatin ka haw so bawrh bawrh.
Kut inkuangkuahin darthlalang chu ka nghenga ka maimichhing vang vang bawk. A thusawi te kha ka ngaihtuah leta thenkhat kha chu a sawi dik na mauh mai mahse chuti khawpa inkawp rei tawh inneih pawh tum hial tawh chu an inkarah engtin nge hmangaihna a awm loh theih zawk. Nizanah awlsam takin an inthen leh bawka, induhna leh hmangaihna a tel loh chuan engvanga inkawp nge an nih tak ang le.
Ka ngaihtuahna maksak tak tak avang chuan ka lu ka thing vaka tu thiamloh nge ni a, engtia kalpui tur nge pawh ka hre tawh lo chu nih hi hepa leh Sylvia lah hian ka thiamlohna a awm loh thu an sawia mahse kei erawh chuan ka thiamlohna angah ka ngai ve hmiah. Khatia kan awmdun lai a rawn hmu anih chuan tinge rawn kala min rawn hauh mai loh, khatia sawi kher lo khan, chu thil ringawt chuan ka rilru a tibuaia kha zana kan awmdan ka ngaihtuah zawng ringawt pawh hian ka tím nghal châwih thei.
"Bawihi, kan thleng tawh" Jeremy tawng chu ka hre reng, mahse ka meng thei thlawt lo ka mumang nuam zetah ka la cheng mek "khatih pawh khan min ko suh, hming ka nei ve reng" ka ti niah niah a, mumang nen ka la hriatpawlh ni maiin ka hria. Tunah hian mipa chhelo leh hot em em in min awm hnaih meka 'bawihi' tiin min duat hmel takin min ko a, mitmeng zím sunin min melh bawk.
Ka biang a rawn khawih rual chuan ka meng chhuak kâwk! Jeremy hmel chiang zet ka hmuh rual chuan ka au chhuak nghal vak a a âwmah chuan ka nem vak vak a a thutna ah chuan thu thla dawtin a rawn nui rúm hawk mai. Enge ka chungah khan thleng, tuna mi kha ka mumang ani em? Anih loh vaih chuan ka chhe vek ani mai.
"Enge khatia hnai zeta min melh thina" ka ti chhuak nghêk, nui chhuak hawkin min rawn en a a mitmeng te saw ka mumanga ka hmuh nen khan a van in ang tak "i mumangah enge i hmuh zawk? Ka ko chea, i nui ang vur vur a i hmui ila rawn ti pawrh vak lehnghal" a rawn ti a, a mit ko a sân ak, chimawm zet chuan min rawn melh khera.
Ka bula bottle awm chuan ka vawm pawpa " i over lutuk! Engmah ka hmu lo bawk, dâwt hi phuah chawp ziah suh" ka ti hlara, nui chhuak hawk in bottle chu a dah thaa " i awih loh leh i thu, i mumangah chuan i bialpa in alo fawp dawn che ani ngei ang" a rawn ti leh kher anih chu!. Tur zeta melh pah hian "Jeremy Lal..." ka ti chhuak vaka nui rúm hawkin car kawngkhar chu a hawnga a zui nghal zat bawk. Arg.... a hmingpuma koh ka tum.ve ziah, mahse ka hre bawk si lo. Sual lutuk mai, ngatinge a chimawm em em mai le.
Ka awmna lam kawngkhar chu a rawn hawng a, inkuangkuah at in hmun dang ka hawisan hmak. "Lo chhuak la" a rawn ti sup, chhan pawh ka chhang lo "bawihi" a rawn ti leh "imak lutuk. Hming panngai ka nei ve reng" ka ti teu hlara. Hming pangngai ka nei ve renga min koh ve mai thin âwm.
"I hming pangngaia ka koh che in i duh bawk si lo i hming ni loa koh i duh bawk si lo, i mak zawkin ka hria" a rawn ti a, chumi rual deuh thaw chuan ka taksa chu a kang nawlha car kawngkhar chu khar in min pên sawn pui nghal pâwk pâwk anih chu!.
"Hmelchhe pa, min thlah rawh, i mak lutuk emai engtia han tichi hi nge maw inih le? Ka hrethiam thei lo che, ka hua che, min dahthla rawh" tih pah chuan ka leng vak vak a mahse zo zetin min pâwm beta a kal nul nul tho "bawihi, thinrim laia tawng hlâwk lutuk hi a tha ber lo ania" a rawn ti a, melh hrep pah chuan a âwmah chuan ka chúm pawpa, nâ ti âwm ang pawn a lang lo min kalh zawnga a thil sawi te hian ka thin an ti rim hlur ni maiin ka hria.
Hmana ka thil deliver na inah khan min hruaia sofa ah min thuttira ani erawh chuan 'min lo nghak lawh rawh' a ti a, in chunglamah a chho daih thung, awm an awm lo ani ngei ang a reh tlawk tlawk a âu pawn kan âw a khâwk rum rum thei. Inchhung thil vel chu ka enkuala engkim chu a changkang thei ang ber vek ani a a faiin a thianghlim em em bawk.
Jeremy chu enge maw keng chung hian a rawn chhuka ka bulah chuan rawn dingin lehkha hi min pe a, ka en chuan ka hnathawhna I.D alo ni renga engtik lai khan nge ka thlauh anga, chuan tinge a bo tih pawh ka hriat miah loh. Khami ni khan ka keng reng reng amaw ni le.
"Heihi, engtin nge i kawk daih theih a?" Ka ti a, ka bag ah chuan ka khung tha mawlh mawlh bawk "ka office ah alo awma ka hâwn anih kha" thatchhe zeta sofa a thut pah chuan a rawn ti a, engtik lai khan nge maw ka thlauh ang le. A bo tih pawh ka la hrelo zui ania.
"Chuan enge hetah hian kan tih dawna? Thil hmuh tir duh che ka nei iti sia" hawi kual pah chuan ka ti a, "kha chu chhuanlam mai ani e, chuan kha pawh chhuanlam, ka bula awm tura ka duh vang che" a rawn ti leh supa, sofa a thu chung chuan ka che vel chu min lo en ngar ngar a, en duh lovin ka hawisawn vat zel bawk.
"I ho emaia, tihtur a awm loh chuan ka haw duh tawh ania. Ka nu ka ngaihtuah tawh, a dam tha bawk si lo" ka ti a, ka bag ah chu ka siam tha mawlh mawlh a alo inherh vek anih hi mawle, nichina min pawm behna lamah khan a inherh ani ngei ang.
"Haw ang, kal ang" tih hluai paha ka hawichhuak chu ka hmaah hian alo ding kur a rawn kun hniamin chiang zet hian min en nghal bawka, ka chil ka lem dâka, ka mit chu kawngka lam hawi chuan ka ti che zeuh a, a lu a rawn thing nghut.
"Anih chuan keimahin ka haw anga ani mai lawm" tih pah chuan ka pênsawn nghala mahse rei pawh ka pên hmain ka kawngah rawn vuanin min her zawka a lamah chuan min hnúkhnai hrâwkin a taksa si chêt chuan min kuaha ka darah khabe rawn nghatin a thaw chhuak ham ham bawk. A thil rawn tih dan avang chuan ka hamhaih ani ber, chêt mai nachang pawh ka hrelo.
"La kal suh" a rawn ti supa, a hmui chuan ka nghawng a rawn nul thuak thuak a, ka íp nghal châwih bawk. "Ka haw duh tawh alawm" ka ti a, ka tang tung tawh. A kutin min dehna hi a sa hat hat mai. "Keiman, ka thlah haw ang che, tihian awm lawk ang" a rawn ti a ka samah a hmai a phuma ka sam chu a hním vang vang mai.
"Ka,, ih... engthil nge maw itih le?" Ka ti bah ta nawka, ka âw te hi a khur velin ka hria "ka ngai che, Lalrinnung ka duh che ni maiin ka hria khang reilo te chhung khan ka thluakah hian chi i rawn theh darh em ni? Tinge ka ngaihtuah reng che" a rawn ti thâwp sup, a thusawi awihawm loh lutuk avang chuan ka âng phuau a, ka nghawng chu a rawn fâwp zeuh a ka íp nghal châwih bawk.
"Ka... engthil nge maw i sawi le? I â tawh ami?" Ka ti khur deuh ti tiha, he mipa huhâng ngah zet hi a â tawh anih loh vek pawhin tih danglamin a awm chiang mai. "Ka â tawh ani ngei ang, ka hmuh tirh atang che khan i tawngkam ho te avang te leh i chimawm ve ngít ngêt reuhna te khan tullo zetin min ti nui thin, engtik lai khan nge ka thluakah chi i rawn theha nangmah chauh ngaihtuah tura min siam tak?" A rawn ti zâwia sup, ngatinge hetiang thu hi a sawi tak vak vak mai le.
"Min thlah teh, ka haw duh tawh" ka ti a, nem sawn ka tuma mahse ka thei derlo "kan inhriatna la reilo mahse harsatna ka siam ziah che, keimah vangin Zorini kam khat pawh i hlawh ziah ka ta inih hma hauhin ka ti na tâwk tawh che, mahse engkim kha siamtha leh vek ang" a rawn ti a, nghet zetin min kuaha ka thaw theilo lek lek ani.
"Ka thaw tha theilo ania" ka tih rual chuan min thlah dul deuh hleka ka thâwk hawk thei mahse min kuahna ala phelh chuang lo "sorry" a rawn ti leh sup, ngatinge ngaihdam te min dil vak vak le, helai hmun kan thlen hma kha chuan engtin mah a awm si lova chimawm zet zet khan a awm reng ani a mahse tunah lêm ka thinlung kawih her tum ang maiin min thlêma, ka awmdan tur pawh hi ka hrethiam tawh lo e a.
"Ngatinge, hetiang hian i awma? Min ti hrilhhai ania Jeremy" ka ti chhuak sepa ka nghawngah chuan thaw chhuak hawkin ka darah chuan min rawn vuana tlemin min nawr hla hleka ka mitah chuan chiang zeta min en in ka hmuiah chuan a rawn fâwp zeuh a, rang lutukin ka hup a ani erawh a nui ri suk mai.
"Ka duh che Lalrinnung, ka duh che. Engtik laiin nge hetiang hi ka chungah a thlen ka hrelo. Hetiang tawngkam ka hrilh hmasak ber ini bawk" a rawn thâwp sup, ka meng kâwk chu hmu in a nui suka "ka duh che" tih leh supin ka chalah chuan a rawn fawp vang vang a min kuah bet lehnghal hlu hlu a a awmdan maksak lutuk avang chuan sawi mai tur pawh ka hrelo, min tih ang ang chuan ka awm ve tawp ani ber.
Car a kan chuan lai te chuan a thil sawi te chu ka ngaihtuah lêta ka thluak te thleng thleng hian a ti tím vek ni maiin ka hria min biak pawh chuan ka chhang lova ka ngaihtuahna chu a kal ding hle bawk, ngatinge? Engvang nge? Khatiang thu kha a sawi tih ringawt chuan ka rilru a kama, tullo pui pui min ngaihtuah thlen tir chiam bawk.
Min duh turin a lakah engmah tih ka nei lova ka englai hi nge maw a duh niang le? Mipa dang pawn min duh thu min hrilh ve châwk. Mahse hepa thusawi erawh chuan ka thinlung a khawih em em a min hneh bik ngawih ngawih ni maiin ka hria.
Thúk zeta min melhna te kha ngaihtuah let hian ka mur sung sung thei, kei pawh hi ka dik vak tawh lo ani ngei ang. Nizanah Zorini a thena a tukah tunah keima bulah min duh thu a rawn sawi leh a, nizan thil thleng te pawh ka theihnghilh tha fum fe hman reng reng lo, engvanga hetia awm hi nge maw anih ang le. Zorini khatia ka tih avang khan phuba ka lakah a la dawn aniang a. Tih te thleng chuan ka ngaihtuaha mahse ni theiin ka hre ngang lo, enge ngaihtuah tur nia engtia tih chi nge tih lah ka hre bawk si lo, hepa vang hian ka ngaihtuahna te hi an â vek thei dawnin ka hria.
Motor a din dawt rual chuan ka harh chhuak zawka kan in kawtah kan lo awm reng tawh, Jeremy an "Bawihi" a rawn tih leh rual te chuan ka thin te hi an phu dawt dawt a amah pawh en lo chuan "ka lawm e aw ka I.D min lo kawl that saka, ka thlauh lai pawh ka lo hre hleinem, ka kal phawt mai ang, mangtha aw" ka ti zung zung a, motor chu ka hawnga ka chhuaka kan in lam chu tlan meuhin ka pana ka hnung a za phei mer mer mai.
Kawngkhar chu hawngin rang zetin inchhungah chuan ka lut nghala ka âwm dawmin ka thaw chhuak nghal hak bawk. "In va rei em em ve a, enge in tih em em?" Ka sir maiah chuan Sylvia chu aw chiang zet hian ka hriaa ka thinphu rang lutuk pawh a reh fel hma hma chuan ka phu leh hrama. Hemi te pahnih hi ka haw lutuk ringawt.
"Kan duh duh kan ti ang, nangnu hi rawn kal teh. I châk dawnlo" tih pah chuan a banah ka va man chawta thutkhawmna lamah chuan ka kai phei nghala sofa ah chuan ka pawt thu hnawka min la nuih vur vur lehnghal.
"Vawikhatmah dâwt min hrilhin khatiang khan awm tawh suh ka ngei lutuk che i hria em? Phakar reuh lutuk mai, min nuih suh" ka ti that a a kâ hup meuhin a nui khur char char a a chalah ka zu pen fawk!. " Sylvia ka ti tak tak ania khatiang khan vawikhatmah ti tawh suh min ti hrilhhai thei lutuk" ka ti a, a bulah chuan ka zu thla dawt a.
"A nuam ve lawm" a rawn ti sam êt lehnghala ka khawng fawk dawn amaw ni le. "Ka nu enge a an?" Ka ti a, min rawn thut hnaih sauh sauh a "a muhil a. Enge in tiha vew? Min lo hrilh teh" zâwi tê hian a rawn ti a, ka melh nghal rawm rawm mai.
"Engmah kan ti lo, zawh pawh min zawt suh ka ning ka nu bulah ka kal dawn, ka ngei che a ka be rih dawn lo che" tih pah chuan ka tho hmaka ka nu room lamah chuan ka kal nghal daih bawk.
Sylvia pawh kan inah chaw a rawn ei ve leh thawr a, min tih lungawi tumin min thlêm char char a, ka tih tauh khum lui ve ngar ngar bawk, ka nu pawh engmah buaina a nei tawh lova mahse hnathawh erawh chu ka la phallo bur, a hna avang hian a taksa in a tuar phaha hna thawk leh dawn pawh nise a hriselna hi a pawimawh hmasa ber tawh.
Zingah chuan kan tih ngai loh dan deuhin ka nu chu exercise ka lakpuia amah pawh a infit lo em em a, hna ringawa a bura exer lak te pawh a mamawh hle bawka kan la zo chu a tih leh tawh ngai loh tur thu a sawia a chhan pawh kan inkawtah hian vawi 20 ka tlan kual tir miau a, a tlan zawh chuan min melh rum teh asin.
"Nu, hna i thawh pawn ti nasa lutuk suh i taksa khan a tuar leh vaih chuan i hna zawng zawng kha ka paih bo sak vek ang che. A rem hunah chuan show te chu in nei ve mai dawn alawm hmanhmawh chúk chúk pawh a ngailo" ka chhuah hma chuan ka ti leh hrama thuawih takin a bu ve nghut nghut a ka bag chu ah that mawlh mawlh pahin ka chhuaka ka Scooty chu la chhuakin dawr lam pan chuan ka inkhalh chhuak leh nghal bawk.
Dawr parking naah chuan ka motor park in helmet chu seat hnuaiah ka dah a chahbi chu ka bag ah thunin dawr lam pan chuan ka kal chho a, dawr lo reh thup chuan ka ngaih a ti thalo lek lek tun ang hunah te chuan a hma khan an phe suau suau zel si a customer pawh an awm lo te pawh a ang zawk alawm le.
Muangchangin kawngkhar chu ka nam hawnga dawr chhung chu alo reh thuap a ka thawhpui dang te an awm tho si a tinge tumah hian hna an thawh loh le. "Rinrin, madam in a office ah a nghak reng che a keini hnathawh pawh a phal rih loa va kal chhin teh" Sangsangi chuan a rawn ti a, bangbo zetin ka bag chu ka dahtha a madam office lam chu ka pan nghal vut bawk.
Madam kawngkhar hawnga ka luh rual chuan sofa ah chuan hmeichhe pakhat nen an lo inbe meka muangchangin ka pan pheia "madam, min hmu duh em ni?" Ka ti sapa, a biaknu nen chuan an rawn hawi rual nghala a biaknu chu tu dang ni lovin Zorini alo ni reng bawk.
"Hmu duh e, i tan lehkha a vawihnih nan a rawn thlenga he thil hi chu ka chinfel a hun ve tawhin ka hria. I hria anga thawktu te tana lehkha a vawihnih nana a lo thlen tawh chuan zawm loh theih loh ani thin tih. Chuan i tan lehkha a rawn thleng ve leh ta chiaha i chhuah hma in i chhiar hmasa phawt duh em?" A rawn ti a, hrethiamlo zet chuan ka melh kiau a, Zorini erawh chuan min lâwm vak lo tih a hmel atang chuan a hriat theih vek bawk.
"Ka... mahse tunge rawn thawn leh a?" Ka ti a, ka hma zawna lehkha a rawn vawm chu ka la a "keiman" Zorini chuan a rawn ti fak. Muangchangin lehkha chu ka pawt thlera a chhunga awm chu ka pawt pharha a chhunga thu inziak chuan min thawng takzet. A hmaa buaina leh rukru angah min puh anih chu!.
Lehkha chu dawhkanah chuan ka theh thlaa "he thil hi engvanga ti nge inih?" Ka ti let ve sak!. A nui saka madam chu a chhuahtir nghal daiha kan pahnih chiah kan ni tawh. "I hria ang chu a chhan te chu a hma te kha chuan zah lohna ani tawha tunah rukruk leh thil dang dang. I dik ani tih fiah puitu che pawh an awm tawh lo, tlâwm mai rawh min hneh chuang lovang" a rawn ti a, chapo zet chuan a rawn ding chhuak ve lehnghal zat bawk.
"Ka dik ani tih min fiah pui turin tumah ka mamawh lo chuan eng thil nge ka ruka i thil kha ka ru em ni? I bungrua nge ka ruka dawr buangrua zawk. Ka hrilh chiang ve tawh chein ka hria dâwt ai chuan dikna a ding chang ziah thin" ka ti ve leh khera chimawm zet chuan a nui chhuak har har a, dawhkana ka lehkha dahthlak chu a la a.
"Ka bungrua pawh i ru lova dawr bungrua pawh i ru hek lo, i thil rúk kha hre lo der vel suh ka bungrua aia hlu zawk ka hmangaih min ruk saka hriat loh der vel kha tum hlek suh. Chuan he dawrah hian complain vawihnih an dawng anih chuan engmah sawi lova ban nghal tawp theih an ni tih ka hre ve veka. Ka hmangaih min chhuhsaktu lakah phuba chu ka la ve ni mai rawh se" ngeiawm zeta rawn tih pah chuan lehkha chu a pawt thlera a nawi chu ka hmaah a rawn ti tla kher bawk.
"I rapthlak hle mai" tih zawng sawi theih ka nei. Keima lak atangin complain vawihnihna atan a luta sawisel lova zawm nghal ka ngai tih ka chian na chuan min ti na ut ut ani ber tawh. "Aw.... ka rapthlak alawm ilo la hre ve na nge ka tana i hnawksak anih chuan hei ai pawh hian ka la rapthlak thiam ania ka tana hnawksak apiang chu ka kawng atang ka paihbo thin. A tuartute awmdan thin i hria em? Khawngaih min dila an tap thin asin. Mahse boom! Ka tan chuan khatiang mittui te kha engmah ani ve lo" chapo zeta rawn tih let ve sak pah chuan dawhkan chu a kal huala ka hma zawnah chiah chuan a rawn ding vâ bawk.
"I inngai ropui hle mai, vawiin hian i chaka kei hi ka hna atang min ban pawh ani thei, mahse ngaihtuah teh. Eng hlâwkna nge i chan ang le? I hmangaih tak chuan a kalsan tawh si che a, a hmangaih ve lo che aniang a nge ni a nawm chen nan a kawp mai mai che niang le, ka hre chak khawp mai. I hmangaih chu engtin fakau nge ka lo laksak che le. Ama nunna ka la pawh ani lova i tawng chapo mah mah lo maw!? I hmaa mittui ti tla tur chuan min phút kher lo la, nangni ang mi hausa sum hmang chauha thil ti thei te hmaah hian engtikah mah ka mittui hi a tlak ka phal lo ang. I hausakna khan a ei ral vek ngei ang che!" Ka ti let ve sak, a mitmu pâwng zawr khawp chuan a rawn meng a. Ka dar ka lo sân khum ak bawk.
"Ka rin ang ilo ni hauh lo ilo nasa hle mai, mize engzat nge maw i neih ang le, fel ber âwm ang zia zânga lang lo khan tun ang khan awm mai mai la chu tuman an dem lo ang che mawle. I u pawh khan a chhuang zawk ngei ang che" a thusawi chuan ka thin a khei zak mai. Ka u hmer tel a tulna pakhat mah a awm lo.
"Ka u hmer tel ziah a ngai lo ang bawkin buainaah hian a tel ve lo tlat, ani chuan a nau mizia eng pawh a pawm a chhan chu min hrechiang miau a mi hausa te anga sum hmanga mi thama a hlâwkna chang thin ka ni ve lo tih. Mahse lunngai suh tuna i thil tih hi tumah ka hrilh lovang, a hma pawh khan madam kha sum hmangin ilo tham tawha a hlâwkna a awm loh zia hre hmasa ber tu inih ka ring bawk" ka ti chhuak leh khera , ka mizia chu ka sawi tawh kha dâwt ka duh lo ang bawkin ka inhnial puiin tawngkam chhia a phuhchhuak hmasa anih chuan ka zui ngei ngei thin.
"Ngawi hmak rawh!" A rawn ti fiak that!. Engah mah ngai lovin ka nui chhuak hak a "ka ngawi e, ka ngawi chiang khawp ang mualpho duh leh si lo hi thil thalo in ti a thudik hre tu kâ hup leh turin sum bawk, sum in theh chhuaka mahse in rilru a hahdam in ka ring miah lo, a chhan chu dâwt pakhat khan dâwt dang a hringa a kal kual zela mahni chungah bawk a let leh thin. Lunngai suh sum in ka kâ i hup lo anga mahse nangma hnenah bawk a lêt i dawng leh ang" ka ti a, chhuah ka tum chu "ding teh!" A rawn ti ta that mai.
Muangchanga dingin ka lehhawi a ka lam pan chuan a rawn kala, a chhelo a hmel pawh a tha mahse a chhungril erawh keipui ani thung keipui ani tih hi tunge hre ve ang "i ka hup chu a har ka ringlo" a rawn ti leh a, nui sukin ka lu ka thing nghuta ka nui chhuak hak bawk.
"Min ngai awlsam mah mah lo maw?" Ka ti a, ka tawngkam hman hi ka thinrim luatah ka inthunun theih loh ka hlau khawp mai, a hnua keima inchhir lehna tur siam ka duh hauh lo. "Lunngai suh, sum te chu tu pawn kan mamawh vek alawm. Heihi la la, ram dangah dawr enkawl tur ka pe ang che, engkim i mamawh a awm vek ang hnathawk thlengin, i lal ngawt ang. Chung zingah chuan i thu ber bawk anga i duh mai lo mi? I nu pawh a hahdam anga nuam pawh in tâwl thei dawn alawm" tih pah chuan a bag ah chuan pawisa tam tham zet awmna chu a rawn la chhuaka flight ticket pathum min pe bawk.
"Henghi kan ta tur vek maw?! Avan tam em em ve, chuan dawr chu min pe tak tak dawn maw?" Ka ti a, a nui chhuak hak hak a "dawn e kha kha nuai 100 ania i duh chuan min dil belh leh thei ang hei en la in dawr tur chu hnathawk pawh an awm sa vek" tih pah chuan a phone chu a rawn phawrh chhuaka thlalak chu min rawn en tira a hmun chu a nalh takzet ani.
"Heihi, kan ta tur maw? Wow! Avan ropui ve tunah chuan mi hausa tak ka ni tawh dawne ka kal nghal ang sumdawnna chu ka tan. Yes! avan nuam dawn tak em!" Ka ti vaka, ani pawh hlim avangin a nui chhuak hak hak a pawisa leh flight ticket chu la in ka húm a "ka tih kha, sum hi chuan thil a ti thei teh mai ania, Jeremy pawn min rawn pan leh mai ang" a rawn ti a, a nui vur vur bawk. "Ka kal dawn aw, i mamawh belh chuan min rawn dil dawn nia" a rawn ti a, nui vur vur chungin ka bu nghat a.
Chhuah a tum chiah chu "lawk aw" ka ti a, a dinga a rawn lehhawi a "kei ang tho hian midang pawn iti ve thin em? I hausak tir thin em?" Ka ti a, nui chhuak hakin a bu nghata "hetia ka tih tuna hausa ta te pawh an tam tawh alawm" a rawn tih rual chuan ka pawisa ken leh flight ticket ken chuan a hmaiah ka vawm pawp. Mak ti lutuk hian min rawn en a.
"Chuan, kei hi chutiang mi chu ka ni lova ka ni ngai bawk hek lovang. Sum hmanga thlêm lungawi theih ka ni ve lova i tawngkam tha leh i thluak tha hmanga mi i hneh lak ang khan min hneh lak theih in ring bawk suh. Khang nuai 100 te kha ngatan mah ka tilo, khatiang dawr te pawh kha ngatan mah ka ti lo. Kei chu Pathian tih mi ka ni a, a duhloh zawng chu ka theihtawpa tih loh ka tum bawk. Kan Lalpa chuan "miin khawvel a pumin nei sela, a nun chan si sela atan eng nge sawt ang?" A tih kha. He Bible thu hi chhinchhiah rawh. Nangpawh sum i neia tlachham lo tak ini, mahse sum in i nunna a laksak che anga a tawpa i chan tur chu nichina i sawi 'boom'! Ang chiah kha ani mai. Sum ngahin thawmhnaw tha ber ber emaw, mi aia thil changkang leh thluak tha pawh nei mahla Pathian i neih si loh chuan i tan engmah sawtna a awm lo. Khawvelah vanram a awm lova khawvel hi chu ala boral dawn tah chuan sum ngah te, thluak tha te leh thawmhnaw nalh te khan awmzia an nei dawn lo. Pathian neitute chauh chawimawi in an awm ang. I sum kha mi tham nana hmang lovin mi harsa te tanpui nan hmang zawk rawh" ka ti a, ka sawi hnem em avang chuan ka thaw chhuak hak a.
Amah chu kal pelin kawngkhar chu ka pawt hawng a ka chhuak dawn chiah tih chuan "anih chuan i tider vek tihna em ni?" A rawn ti a, muangchangin ka hawi lêt "um, engtiang chiahin nge sum chuan a tihhlim che en ka duh vang anih kha. Hmangaih neih pawh i ngaih loh kha, kha sum i nei alawm i hmangaih ber anih kha" ka ti leh khera ka chhuah rual chuan "hmeli!" A tih nghek chu ka hre hman hrama ka nui chhuak bawk.
Ka thawmhnaw chu ka siam mawlh mawlh a, ka thawhpui te min biakna pawh chu ka chhang lo ka ban chhan turte min zawta mahse ka chhang chuang lo an duh chuan madam zawt ve rawh se, a chhan dan ka hre chak fú bawk. Mahse he thamna dawrah hian ka awm ve reng a thiang lo alawm. Hna chu a tam tulh tulh a ka hmu ve leh mai ang.
Jeremy Lalmalsawma POV
"Sir, show hi tan vat anih loh chuan kan dawr hlutna hi a tla hniam thei tlat. Hoirfen hosawn winter brand an pho chhuah hma avang khan an profile check tu an tama tunah sawn enthla tura i dah khan 85% an la lut tawh niin an sawia. Kan tan ve vat anih loh chuan kan hlutna hi 30% in a tla hniam thei tlat ani" Zamzami thu rawn sawi chuan mood a ti fuh lo leh zual kher chu ni. Lalrinnungi avang hrepa mood fuh tawh loh sa nak alaiin.
"Tian ti rawh, nu Christy kha bia la tunkar tawpa buatsaih theih ani em tih zawt ang che" ka ti nghut "sir, Christy kha chuan engkim peihfel anih tawh thu min rawn hrilha mahse phalna min pe si lova" a rawn ti a, ka rúm chhuak nghut.
"Anih chuan buaipui vat ta che u, 30% a a tla hniam thei tih inhriat chuan bawhzui nghal tur che u lawm. Kei min nghak lovin tunah che nghal rawh u, naktukah tan ani ang. Vawiinah inpeih hman tum ang che u meeting cancel la email ah thawn chhuak vek bawk la nangpawn i hna thawk nghal ang che" ka ti chhuak nghut, bu nghatin a kalsawn nghala file check tur chu ka bana dawhkanah chuan ka theh thla pawp.
Hrep chuan! Lalrinnungi zet chu! Engvanga ka message chu seen lo teh fo nge anih? Ka online renga a seen lo anih chuan mipa dang a bia tihna ani ngei ang "mipa dang i bia anih chuan ka chhuah hauh lo vang" ka ti chhuak hrâwk. Ka tukhumah kut nghatin ka rúm chhuak nghuta. Ka chungah hian engthil nge a tiha heti khawpa ka ngaihtuahna a luah tak mai.
"Apute" tia min ko ri ka hriat rual chuan ka u fanu chu ka office ah rawn lutin ka lam pan chuan a rawn tlan ter ter a ka bul a rawn thlen chuan ka lo pawm kang nghal vata "apute, anu in kal a phallo a mahse ka tihdera min lo kalpui a" ka beng bulah chuan a rawn ti ve ser ser a, ka nui chhuak hawk.
"U, sawifiah la" ka ti chhuak sup "aw, sawifiah dawn e, a nghal ve tawh hrim hrim. Apute'n ka inbihruk siak pui ang che a ti a ka kal duh a rawn ti ve khera min pawt char char a, apa in va kal pui mai rawh a rawn ti a, ka rawn kalpui ta anih hi" a rawn ti a, a biangah chuan piai in ka nui chhuak hawk a.
"Ka naute chu alo nghal ve tawh hle mai a aputea hian a inbihruk siak pui dawna tiraw?" Tih pah chuan ka vawrh kânga a khêk raih raih bawk. "A nau enge a an a? Zan tah ala ching em?" Ka ti chhuak nghut. "Ching tak ani, a hahthlak tak tak ani. Dinpuia hi a fel hlauha mi vannei tak ka ni" ka u chuan a rawn tih chhunzawm zat.
"Hmangaih hle la, tihlim la, atan inpumpek la chu chu ani tan chuan a tawk! Lerh san suh ang che" ka ti nghuta "Naupang! Min zilh ve khanglang suh" a rawn ti hlaka, ka nui chhuak hawk a. Angel'i chuan ka dawhkana pen chu la in a tih ziah dan chuan paper âwl ala ve tawpa lem a ziak ve lehnghal tawp.
"Khawi ka lo pawm ang, a putea hi a chhun dawn alawm" tih pah chuan ka pan phei vut an bul ka thlen hma chuan ka office kawngkharah chuan Bawihi chu hah hmel zet hian alo ding a. A thaw hlâwi hlâwi bawk.
"Ka be duh che" a rawn ti a, "sawi la" ka ti nghut, "aih, tah lo hian, pawnah" a hah vang chuan a âw pawh a chhuak hleitheilo, a thâm chhal mai. "Va chhuak rawh, a pawimawh aniang" u mami chun a rawn ti a, Bawihi chhuak chu ka zui ve nghal zat bawk.
"Eng thil nge i sawi duh chu?" Tih pah chuan a bulah ka va dinga ka kekawe ipte chu zen bang chu ka ngheng a rawn hawi chhuakin "inngaizawng ang" a rawn ti chhuang phawng mai. Awih lo lutukin ka nui chhuak hawk. Ani erawh a thutak viau lawi si.
❤ Naktukah ka zin dawna a thui em pawh ka hrelo. Chuan ka sawi tum tak chu. Ka u te hian (tawng mawi lo, lo ni lo se) an in quenchiz lai te emaw thleng tep ang chi hi ziak ve la thawnthua a tel loh chuan a kim zân thinlo a thawnthu ti kim tu pakhat ani ve a tiin min hrilh thina. Nih chu a ni ve tho. Ziah ka tum ve thin mahse ka thiam thlâwt lo, ka mitthla thiamlo ani ber, keimah hi ka zak zawk thin. Kum ka la tling bawk si lova, a mawi lo ka ti bawk sia, kei kum 16 miin chutiang ziak tel tur pawh chuan tawngkauchheh ka thiam loh mai bakah ka dream thiamlo ani ber. Heng inkiss leh a teuh deuh ho ang chi ka ziah lai pawh hian ka íp châwih châwih zel ania. Ka sawi lo ang ka ti tak nâ in. Ka readers thenkhat ten inbox lamah min rawn hrilh thin an mahni chuan lo haw lo se, keimah pawn ka hawlo che u ania , pakhat phei chuan a changtupa a pâ sia ti tel ve thin la, a rawn ti a ka story min thlâwp sakna ah ka ngaia min lo tan ani tih ka hriaa ka lawm lutuk, mahse ka thiam thlâwt lo, tam tak chuan tiang a awm te hian chhiar nuam an ti a, mahse kei chu ziak turin ka la sên bawk sia chuan ka ti awm ve thiam si lova in chhiar duhloh phah te anih chuan a pawi lo ania aw. Ka story lah hi a kal purh purh zel bawk sia nakinah. Ka thiam hunah kan ti tel ve mai dawn nia. Mahse inkiss te, tlêma teuh deuh te chu ka ziak ve hram hram zel ania aw, íp châwih châwih chungin.