HERSTORY TAEHYUNG FANFICTION BY Rosy Jefleen Venixx‎ (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: HERSTORY TAEHYUNG FANFICTION BY Rosy Jefleen Venixx‎ (Completed)

Unread post by Ngaia » May 10th, 2020, 2:16 pm

💜 HERSTORY💜

💚 TAEHYUNG FF💚

CHAPTER 19

______________



Engthil emaw hian min lo liak lep lep a, a tham deuh hrut lehnghal, muangchang chuan ka meng a, uite lek lo ni in..

Tho tawh rawh, ti ni awm tak hian ka hmai ah min lo liak lep lep a, nizan khan ka en chiang lova, a duhawm reuh lutuk tlat

A te fel at a, a dum deuh lam a ni a, a hmul lah a nem em em lehnghal..duat tak chuan ka chul a

Taehyung hian engtin nge ui ka duh tih hi a hriat le, a bulah ka sawi awm pawh ka la hre bawk silo a, hepa hian min chhui taktak a mi le..

Khumah tang chuan tho chhuakin bathroom lamah lutin ka intifai a..


Ka intihfai zawh hnu chuan Thelma nen chuan choka lamah kan kal a, Thelma kher a lo ni ve chu ka lawm lo rilru khawp mai, uite ka lei ve anga, Kim Taehyung tiin a hming ka phuah ve khawp ang..

Thelma chu bswnghnute ka pe a, Hara lah hma takah a chhuak tawh a, breakfast chu awlsam chi siamin ka ei mial mial a..

Ka ngaihtuahna ka kawm mawlh mawlh lai chuan ka phone ri chuan min ti harh a

"Hello"

"Mambawih, min rawn be khat ve a" ka nu in a tih chuan ka inthiam lo kher mai

"Nu, ka tihpalh lutuk, in tha zel em"

"Aw..bawihte, i pa pawh a zia tawh lutuk, kan hmu chak lutuk che" a rawn tih chuan ka tah a chhuak nghal em em ringawt..


"Nu, naktuk ah ka lo kal ang"

"Taktak maw, i hna i kal dawn lo a mi"

"Chawlh ka la mai ang, ka ngai lutuk che u"

"Keini pawn kan ngai lutuk che, lo kal ngei² rawh aw, kan makpa pawh kan hmu chak tawh lutuk" a rawn tih chuan ka phu deuh zawk, engtin nge ka nu hian a lo hriat le..

"Nu..engtin nge i hriat a" mak tih hmel tak chuan ka ti a

"Engtin nge ka hriat lo ang, chanchinbu ah kan hmu a, bakah a mah ngei a lo kal alawm.. ngati nge engmah min hrilh lova" a rawn tih chuan ka bo tulh tulh mai, engtik khan nge a lo han hmuh hman le..nitin kan inhmu reng si a, engtik khan nge a lo kal hman bik, ngati nge engmah min hrilh loh, ka lung chu a awi chiah lo..

"Awle..nu, nih naktuk ah kan inhmu dawn nia aw, hna kal ka ngai tawh si a, ka dah tawh ange..lo inenkawl tha rawh u aw"


"Tehreng mai, bawihte, chawhmeh tui tak ka lo siam sak ang che u, ka makpa pawh rawn hruai ngei² ang che"


"Aaa..awle..nia ka lo tum ang"

Tihpah in phone chu ka dah a, thawk chu kan la ham ham a..engtik ah mah ka rualin ka hruai lo tawp ang..


Hna kal tur chuan ka insiam swk sawk a, company ka thlen leh meuh chuan a lo tlai chak kher mai.. elevator ah chuan lutin ka office lam chu ka pan ding nghal a

"Good morning miss thelma"

Secretary naa in min rawn wish chuan ka nui let sak a"morning le.. Taehyung hi a lo thleng tawh em" ka tih chuan "la thleng lo, kan pu chu nizan khan Italy ah a zin a, vawiin chhunah a lo thlen ka ring" a tih chuan Secretary chu ka en tlwk tlawk a "maw, a zin a" mak tih hmel tak chuan ka ti a

Ka thawh hlim atangin thil mak mak deuh deuh hlir ka la hria a, tiangte chuan lungphu chawl ka la nei vat ang mawle..

"A tha e" tihpahin ka office lamah chuan ka lut a, ka chair ah chuan thu vang vangin ka thaw deuh hak a

Engvanga engmah min hrilh lova zin ngawt nge a nih, ka chhungte pawh a lo han tlawh hman bawk a, hepa hian enge a tum chiah le..

"Aaaa..ka ngaihtuah buai peih tawh lo" ka dawhkan ah file awm chu ka en thuak thuak a, ka rilru ah engmah a lut thei mawlh lo..

Ka phone chu ka en deuh sek a, enge ka beisei chiah pawh ka hre lo, Taehyung chu phone tumin ka en deuh vang² a, phone ta ila enge ka sawi chuan ang, phone chu dah thla lehin thildang rilru la peng thei tur thil ka en kual a..


TAEHYUNG P.O.V



"Jennie nangnen kan inkar ah engmah a awm tawh lo, min rawn be tawh lo la, tun hi kan in hmuhnun ber a ni tawh ang" ka hma ah Jennie tap deuh pur chu ka en vang vang a, ka khawngaih ve deuh reuh tho na in, Thelma ka duhna hi a lian em a, ka thinlung in a duh zawng hi ka zawm mai a ngai a ni..

Jennie chu tap deuh faih faihin "i lo nunrawng hle mai" ka awm ah chuan min chum taih taih a, kut min thlakna chu ngawireng chuan ka tuar a, keipawh hi ka dik famkim bik chuang lova..hau turin dikna ka nei bik lo..

A chang chuan Jennie leh Thelma chu ka buk tawn thin a, Jennie mi hausa chhungkua atanga seilian a ni a, engkim ah a tling em em a, a hmel a tha in, a pian a nalh a, tawngkam thiam tak niin nula invawng tak mi a ni..mahse ka thinlung hian Thelma a thlang tlat hi ka hrethiam lo, kawng engkim ah Jennie in a khum em em a, ka rilru pawh a insual nasa thin, mahse a tawp ah Thelma zel tho a ni

He hmeichhia engtik lai pawhah ka thu hnial ziah thin, thinchhe em em, luhlul bawk si, mahni thuduh tlat hi engvanga ngaizawng em em nge ka nih?? A thinlung thianghlim zia ka hriat vang a niang...ni e.. Thelma hi mi rilru tha tak leh mi khawngaihna nghah tak mi a nih tih ka hria, midang a ngaipawimawh thiamin, a mah a in phah hniam a, engtik lai pawn tlawm a hreh ngai lova, hei vang pawh hian niang, ka theihngilh thei lo ni..

Mahse ka bulah erawh a mizia hi a mak thei ngawt mai, min cho em em ringawt a, a chanchin chhui lo phei ila chuan ka haw tawh ngawtin ka ring..kan inhmu hmasak ber ni atangin kan inbiakna in a zir miau hek lo

Jennie min chumna kut chu vuanin "a tawk, nupui hual nei lai ka ni a, kan inhmu thei tawh lo ang, min rawn be tawh suh ang che" tihpahin chhuah ka tum chu ka hnunglam atangin min rawn kuah thut a..

"Khawngaih in Tae kalsuh, min kalsan suh" a tap nghal bawrh bawrh a, khawngaih viau mahila, beiseina thlawn pek ai chuan tunah nat hi a tha zawk

Min kuahna kut chu phelhin ka chhuak nghal a...

Car ah chuan lutin ka Phone chu ka pawrh nghal a

Thelma phone ka tum lai mekin call dang a lo luh avangin ka pick up vat a..

"Hello"

"Hello..bawiha, kan va inhmu khat ta ve" ka thianpa Dr Jin chuan a ti a

"Nia..ka buai thei em alawm..hun remchang ah kan la inhmu khwn leh ang chu" nui pah deuh chuan ka ti a..

"A that hlauh chu.. takah ka rawn phone na chhan che chu, hei I pu zawn tur hi a tha tawh lutuk, chuan zawhna a nghah lutuk a, chhandan tur pawh ka hre tawh lo a nia" a rawn tih chuan ka nui deuh hak a

"A va lawmawm ve..ok ka rawn kal ang" ka tih chuan

"Tunah maw" mak tih hmel deuh chuan a rawn ti a

"Aw..ka rawn thleng har lo ang, engkim lo buaipui rawh aw"

"Awle..lo thleng phawt teh" phone chu ka hang up nghal a..

Jeonju ah ka kal dawn tih Thelma pawh ka hrilh lova..engkim ka tifel thei a nih chuan keimah ngeiin ka hruai ang..

Car chu ti nungin a chak thei ang ber chuan ka tlan a, seoul atang darkar 3 leh canve vel bak a ni lova..ka speed a san em avangin darkar 2 ah ka thleng a..


Jeonju hospital ah chuan lut nghalin Jin chuan min lo hmuak a..

"I lo thleng thei maw..i va chuah hmel ve" min thlek vang vang pah chuan a ti a

"Ka chau lo, tiraw kal ang" tihpahin elevator lam chu kan pan a

Jin hi kan thianho zingah chuan doctor awm chhun a ni a, a felin a taima em em a, he damdawiin ah pawh hian share holder lian tak a ni bawk..

Doctor ka hriat tawh ah chuan a la thiam ber ka ti ve ngam tlat..

Reilo te ah Thelma pa awmna cabin chu kan thleng a, Jin chuan hma hruaiin a lut a, a hnungah chuan ka zui lut ve nghal a..

"Enge i an, na te i la nei em" Jin in a zawh chuan "hei ka tha tawh lutuk tlat, naktuk ah chuan min chhuahtir thei tawh ang maw" Thelpa pa Pu Kim chuan a ti a

"Theih tawh e..mahse i la indim a ngai ang, chuan hei Ka thianpa Kim Taehyung a nih hi, i zawhna nei zawng Zwng kha a chhansak theih ang che" tihpahin min rawn en a, ka lu chu bu zauhin "chibai ule..kim Taehyung ka ni e" tiin inhmelhriat tirna ka nei a

"Damlo en tur ka la nei a, tikhan lo inkawm rawh u" tihpahin Jin chu a chhuak nghal a

"Taehyung maw..i hming chu ka hriat tawh hnu a ang kher mai" Pu kima chuan a rawn ti a

"Ngawiteh pa-a, hepa hi ka hria" tihpahin a thutna bul ah drawer chu hawngin a hai nghal sawk sawk a.. chanchinbu chu rawn phawrh chhuakin an pa chu a en tir a... ngawireng chuan an chezia chu ka thlir reng a..

"Ka pu" ka tih chuan an pahnih chuan an rawn hawi nghal thawt a


"Ka pu..kei hi i fanu bialpa ka nia" ka tih chuan an pahnih chuan mak tih hmel deuhin min endun tlawk tlawk a...


"Maw, mahse nupui hual i neih hi" tihpahin chanchinbu chu ka hmuh theih turin a nu chuan a rawn ti a..

"Nia..kha kha I fanu Thelma hi alawm" ka tih chuan an pahnih chuan min thlek vang vang a, enge maw mak tih viauna tur awm le..mipa mah ni ila..min en dun nasa lutuk a, ka lai tep alawm..

"Chuti chu ka fanu nen in² hual maw" mr kim in a rawn tih chuan ka bu zeuh a..

A awm chu dawmin a khuh nghal bawrh bawrh a, an nu chuan buaipui vatin reilo te ah chuan a rawn pangai leh vat a..

"Engtik khan nge in² hual a, chuan ngati nge engmah min hrilh loh" lungawi lo hmel zet chuan a ti a,

Engtin nge ka hrilh ngam ang, a damlo na hmang tangkaiin nupui ah neih ka tum tih hre ngat se chuan min neih tir phal dawn lo lutuk..

"Ka tihpalh lutuk, i dam that hunah kan pahnih ah hrilh che kan tum a" tiin dawt chu ka sawi ta ringawt a..Thelma awm ve ngat se chuan min melhrum leh nasa ang chu, hei vang tak hian nia ka kal tih ka sawi duh lo..

"Ka pu, khawngaih in i malsawmna min pe rwh" tiin ka kun a

"Taehyung, ngati nge khatianga i kun tlat a, lo kal hnai teh"a tih chuan a bul ah chuan ka va kal hnai a, ka kut chu vuanin min en vang vang a

"Nang ang tlangval hmeltha leh zahawm tak hian keia fanu te i duh a nih phawt chuan engvangin nge ka pawm lo ang che, kan fanu hian tlin lohna tamtak a nei a, a a in a thu a duh thin em em a, hriatthiam na nen i enkawl dawn nia aw" a rawn tih chuan ka nui suk a

"Ka lawm lutuk ringawt, ka pu, i sawi ang ngei chuan Thelma chu ka lo enkawl ang" tihpahin chibai chu ka buk zauh a, ka rin loh lam lutuka chhanna ka dawn chuan min ti lawm lutuk a, ka tah a chhuak tep alawm..

"Ka pu, ka.." ka sawizawh hma chuan min lo pawtchat vatin "ka makpa i ni tawh dawn a, ka pa tiin min ko ta che" a tih chuan ka nui suk a

"Ka pa, ka nu, in chungah hian ka lawm takzet a ni, in fanu chu lo ngaihtuah reng² suh ang che u, tha takin ka lo enkawl ang"


"Kan ring che lawm" Mrs kim chuan a rawn ti a..

"A nih ka pa, hna tihfel zawh tur ka nei a, ka kalsan phawt ang che u, remchang hmasa berah Thelma nen kan rawn kal dawn nia" ka tih chuan

"Tehreng mai...rawn kal ngei ngei ang che u"

"Ka pa.. damdawiin bill hi ka pe fel vek tawh a, rilru hah in lo awm reng reng suh aw, tha takin Thelma tan hrisel takin i lo awm dawn nia" chibai buk zauh pah chuan ka ti a..



Cabin atang chuan chhuakin Jin office lam chu ka pan a..

Kawngka ka kik rualin ka lut nghalin " Thiana ka lwm lutuk aw" tihpah ka kuah nghal thlawp a..

"Yeo²..bro..thu lawmawm lam a ni ang maw" a tih chuan ka bu zauh a

"A that hlauh chu, chuan engtik nge inneih in tum a"

"A ni tur kan la ruat lo a, mahse kan ti har lo ang"

"A that chu, a nih zanin i riak dawn nge..i kal nghal mai dawn"

"Kal nghal mai ka duh, tihtur ka nghah lutuk"

"Awle..nih kal rawh, remchang hmasa berah min rawn tlawh leh ang che aw"

"Awle" tihpahin a office atang chuan ka chhuak nghal a..

Hospital pawn ka thlen rual Chuan ka phone rawn ri nghalin Thelma emaw tiin rangtak chuan ka pick nghal a

"Hello The.." ka sawizawh hma chuan

"Sir" a rawn tih chuan caller id chu ka en vat a, Italy ramah ka secretary miss Aria a ni..

"Aria..engthil nge ni ta" bung hmut chuan ka ti a, ka mood a off nghal em em..hna lam pang hrim² hi chu ka hne vek


"Sir..tunah hian emergency thil a thleng a, i theih chuan tunah lo kal rawh"

"Engthil nge thleng"

"Sir..share holder ho in buaina an siam a, market lamah kan tla hniam mai thei, phone ah sawi zawh theih chi a ni lo, lo kal vat rawh" a tih chuan thaw chhuak hakin "awle..ka rawn kal ang, meeting lo ko rawh" phone chu dahin car lam chu ka pan a..

Tlanchhuak nghalin korea ah ka secretary zawk chu call in a lak rual rual chuan "Italy ah ka kal dawn.. tunah private Jet kha lo tifel nghal rawh" ka ti nghal zung zung a

"Mahse sir.." a rawn tih chuan "ka sawi ang chuan ti rawh, naktuk ah ka lo let leh nghal ang" vin that chuan ka ti a

"Awle sir" tihpah in phone chu a dah a..

Ka speed chu ti sangin reilo te ah helipad chu ka thleng a, thlawhna pawh thlawk chhuak thei nghal turin a lo in peihfel vek tawh a, chuang lut nghalin italy ram lam pan chuan kan thlawk nghal a...


Cont

Advertisement Kha khawngaih in min lo click sak ve hram hram ru aw..🥺🥺



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:17 pm

💚 HERSTORY💚

💜 TAEHYUNG FF💜

CHAPTER 20

_______________




Ka vannei nge ka vanduai pawh ka in hre lo, ka hmangaih miah lo nen in khatah nitin kan inhmu dawn a nia, kei berkher hi engvanga inhualna min neihpui nge maw a nih le

Kei hi hmeichhe harhvang leh thian kawma rual pawl ve tak ka ni ve a nia, ka thinchhe hle bawk, mahse ka rilru puthmang hi chu a chhe bik huah lo


Party ri bur bur te, pud a kal te hi ka peih leh miah lo thung a, weekend ah hmun engemaw bikah len te hi nuam ka ti leh daih thung a


"Thelma" min kotu avang chuan ka ngaihtuahna tang ka harhchhuak thut..

"Aw, Hara enge ni"

"Enge i ngaihtuah veng veng a, vawiin office lam boruak a tha vak lo a mi" min ngaihtuah hmel tak chuan a ti a

"Tha e..ka nu leh pa te ka lo ngaihtuah a, ka ngai takzet a ni"


"Kartawp chawlh ah i han tlawh dawn ni lawm ni, a rei tawh nang"

"Nia..ka kal thei em ang chu, kan misualpa hriat lovah kal ka ngai awm si a"

"A phal em em ang, han phal lo na teh se..ka rawn hau hrep ang" nui ver ver chung chuan a ti a, Hara bulah hi chuan a lungngaih thei taktak ngai lo, min ti hlimin min ti nui phet hi a tum thin a..

"Khawinge kan misualpa hi, a ni lo angin a va reh ve" a tih chuan "a zin a" ka ti a

"Umm...that hlauh chu a, a awm loh lai hi remchangah hmang ila, a awm chuan a veng leh char char che nga, ka kawm leh hman lo ang che" a tih chuan ka nui suk...

"Hna i kal dawn lo a mi"

"Dawn e.. emergency thil a awm te a nih lo chuan ka lo haw hma ang, zanin chu pud ah te kal ila, i nula rei tawh dawn silo"

Nui hawk chungin "Nang hi chu min thlem thluk dan i thiam ve ngawt mai, kan kal dawn nia, mahse kan rualin midang an kal ve tur a ni lo, chuan kei hi tunge ka nih tih i sawi chhuak bawk tur a ni lovang" ka ti a

A kawr thleh laia min rawn vawm pahin "hmm..khatin min vau suh, Kim Taehyung nupui hual i nih tih hi ka zep sak tlat ang che" nui sak chungin a rawn ti a

Darkar khat vel zet a in rem fel hnuah Hara chuan min chhuahsan a..

Ka tai lah chu a rawn na em em lehnghal, ka lu te hi a hai muap muap mai, ka luak a chhuak em em bawk

Chian loh rukna ka nei a mi le aw, tunlai rilru hah leh thil ei mumal lovin ka awm a, hei vang hian pum lam harsatna te ka nei aniang a..remchang hmasa berah in entir ila tha ang..


Aw lalpa leh!! Kei hi ka van mawl tak em..engtin nge ka period hun te ka theihngilh theih zwk, kan boruak tawn avangin ka thla tin hunbi neih ka lo chhinchiah hauh lo..

Keichu ka period te hian hmeichhe dang ho ai hian ka nei bik emaw tih mai tur a ni, ka la na em em a, ka khua te ti sikin..zan pawh ka mut thei ngai lo.

Bathroom lamah theih tawpin kawngdawm chungin ka lut a, stayfee leisa kan lo nei tawh lo zui..

Kun ngawih ngawih chungin sitting room lamah ka phei leh a, engtin nge ka tih ang aw..nachhawkna Hara in a dahna ka hre bwk silo..

Ka tai na lutuk chu ka dangte a ro zo vekin ka hria, ka phone a rawn rik chuan ka en a, Kim Taehyung maw!? Ka van ning tak em...!!

"He..hello" ka ti chuai raih a

"I tha em? Thelma" a rawn tih chuan ka chhang thei tawh lo, ka hit mup in ka hria

Ka harh leh chuan ka bulah chuan Taehyung leh mipa pakhat hi an ding a..min ngaihtuah hmel tak hian Taehyung chuan min en a

"I tha em? Engtin nge i awm" na i la nei em, Jin buaipui vat ta che mawle" a bula mipa ding en pahin a rawn ti zung zung a..


Ka mal lam ka en vat, "awi leh engatinge thuthleng ah min mut tir a, chhuatah min mut tur che u lawm" ka ti nghal a, ding nghalin cushion chu ka en vat a, Hreptak chuan ka lo mu tlang a nih hi

"Jin chuan "i thlatin hunbi vangin mi hetia i awm" a rawn tih chuan ka bu nghat

Taehyung ka va en chuan mak tih hmel deuhin a lo meng zim sun a

"Chhul chakna leh vitamin ei tha la" tihpahin lehkha ah a ziak a, nachhawkna eitur min pe nghal bawk a

Jin a'n "engmah i hreng lo a mi" a tih chuan ka bu nghat


Taehyung hnenah lehkha pek pahin"hei hi va lei lawk ta che" a tih chuan "nangman va lei zawk rawh" a lo ti thuai a

"Keite chu a chi nang, engtin emaw in lo awm leh palh ta se, i buaipui theih dawn a mi" a tih chuan Taehyung chu a kal nghal nal nal a

Jin cuan min chibai a" kei hi Kim seok Jin ka nia, Taehyung thianpa ka nia, ka hmu che chu ka lawm khawp mai, nachin lawkah Taehyung in min rawn biak chuan a hlauthawng kher a sin aw, nang hian a chungah engthil nge maw i tih bik le" nui vur vur chung chuan a ti a

"Min buaipui vangin ka lawm e, insilfai lawk ka duh a, khawngaihin pads min leisak theih angem" a thil min zawh pawh chhang lovin ka duh ang ka swi nghal a

"Lungngai suh, Tae khan a rawn lei dawn alawm..eng ang chiahin nge a hmel a awm ka hmu chak tawh kher mai" nui var var chung chuan a ti a


"Awi..engtin tak awm ang maw, Taehyung chu" Jin chu nui let sak pahin "kan insil lawk ange" tihpahin cushion case chu ka hlip nghal mawlh mawlh a

Kawgka lamah thawm kan hriat chuan kan hawi vat a, ner nung chungin Taehyung chu a rawn lut a, Jin nen kan lo nui tih a rawn hmuh chuan stayfee bawm khat chuan Jin chu a rawn vawm a

"A tir khan sawi tha ve mai ta che, hmanmawh taka rawn let leh vat ka tum tehreng nen, dawr nghaktunu nen kan inhnial hrep phah a sin" a phun bul bul a

Jin lah chu a aia nasa in a nui huah huah a, "aw nupui hual i nei tawh a, khatiang thilte kha chu i la tih fo a ngai dawn alawm tirww Thelma" min rawn en a

Nui pahin Taehyung a bula ka va kal a, ka mawng chu cushion case chuan ka khuh a


Paper bag chhunga a thil lei ka hmuh chuan ka thaw hak a. Stayfree bawm pakhat la chhuaka hmuiah ka fawp zeuh a,mak tih hmel taka min rawn en chuan ka lo nuihsak a.
"Ka pasal hual hi chuan min tisak fo dawn alawm"tipahin bathroom lamah ka luhsan nghal a.
Ka inbual zo room atanga ka chhuak chu eitur rim ka hre nghal a.choka lam a ka va kal chuan Taehyung chiah lo awm tawh a.dawhkanah eitur tui hmel zet zet Jeans kekawr a mal phuar deuh tang leh t-shirt pawl ha a lo rem malh malh ka hmuh chuan ka nui sak a.

Min rawn hmuh chuan ka bulah rawn phei vatin ka darah a rawn kuah a.dawhkan lamah min hruai in,min thut tir nghal a.
"A va tam ve,hetiang em em te chu"ka tisap a.
"I taksa tihchak nan i eithat angai lawm,eitawh rawh le?muangchang in"zaidam zetin a rawn ti a.a chang hi chuan a nupui hual hmangaih tak ang in min sawngbawl tlat hian ka hre thin.

Dawhkan chunga ka kut dah chu a rawn hum vang vang a.makti zeta ka en chuan a hum nghet sauh a.
"Ka bulah rawn cheng rawh"thu tak zetin a rawn ti nghat a.
Ka kut a vawnna chu lasawn pahin 'Oh Tae a pawi ka ti khawp mai.i bialnu te nen in lo chengdun thin pawh a ni mahna.kei chu i bialnu pawh ka ni lo a.a lem a i nupui hual mai alawm ka nih'ka tisap a,a hmel ka en ngam thlawt lo.

"Ka bialnu te chu ka chenpui thin ngei alawm,ka nupui hual nen phei chuan kan chengdun ngei ngei tur a ni ringawt.ka nupui hual anga i awm dawn a nih chuan ka kiangah i rawn cheng ngei tur a ni"a ti hrawk a.

Ka thu hriat avang nge ka thil ei pawh a tui tawh lo.ka tho hmak a.tui dehna lamah ka kut sil tura ka kal chu ka banah a rawn chelh a."ngatinge i va ei tlem ve,tlem tal ei lui leh hram la"min ngaihtuah hmel zetin a rawn ti a.
Ka lu thing pahin"ka ei duh tawh lo,ka luak a chhuak deuh tlat"tipahin ka ban a chelhna chu laksawn ka tum a.
A lamah min pawt dawrh a,amah si chetin min kuah bet nghal a.ka darah a lu rawn nghatin"ngatinge engmah hi i hriatthiam loh,tuma hriat lovin,nikhaw hrelo in han awm leh ta ang la,tunge buaipui ang che, Thelma nang hian min ti mangang tak zet a ni" a ti sap a.

Vawin ang kha chuan ka awm tawh lovang.ka period hi a chang chuan ka la na thei lutuk a.ka lo in ngaihthah palh vang a nih kha,a pawi ka ti lutuk, ka tih mangang che avangin min ngaidam dawn nia'ka ti sap a.

"Indangah insawn tal rawh,helai atang hi chuan damdawi in a hla bawk si."a ti leh a.
"Min ngaihtuah lutuk suh,doctor chenpui lai ka nih hi,"nui sakin ka ti a.
Ka hmuaiah chiang zetin a rawn fawp nawk nawk a.ka lo chhing ringawt a.thawk leh khatah min thlah thut a,a darah ka lo kuah hlauh avang chuan ka tluk loh phah ni berin ka hria,khur ru dar dar in ka ding ngil a.
"I duh duh anga awm tum suh ang che,kar leh lamah ka apartment ah insawn turin lo inbuatsaih ang che,tharum hmanga tih kher ngai lovin,thuawih i tum dawn nia" ti hmak pahin min chhuahsan zui a.
Ka awih thei lo zawk hepa awmdan inthlak thut thut hi,amah vang hian lungthalo ka la nei thuai ang tih ka hlau.

Hara rawn haw pawh chu ka be lum lam vel peih lo.ka awmdan avang chuan amah zawkin min rawn ngaihven vat a.

"Oh Thelma engatinge hetia i awm a?i chungah enge thleng?a rawn ti nghal a.
'A kianga cheng turin min ti a'ka ti chuai raih a.

Mak ti hmel takin 'Taehyung'n maw!a rawn tih chuan ka lo bu nghat a.
"Chuti si i va lungngaih hmel ve.a ropui lutuk alawm Thelma a kiangah chuan va cheng rawh"a ti nghal chul a.

"Hara nupa pawh kan nih loh hi inkhata chendun te chu a chi loh,chubakah a bialnu hrang hrangte nena an lo chendun tawhna hmunah sawn ka cheng ve hauh lovang'ka ti vin hlar a.

"I hmanlai rilru kha dahbo vat rawh.tun ang laiah chuan tleirawl inngaizawngte pawh in an inluah tawm tawh a.nangni inhual lai lehnghal in chengdun mah ula enge pawi.a bialnu hmasa ho theihnghilh tir turin a chungah i che anga ni mai lawm"a rawn ti a.
Ka duh lo,a bul hnaiah awm reng ka duh lo.engvang nge a ni hnen atang ber kher hian ka nu leh pa te enkawlnna sum ka hmuh kher le ?ka thinrim takzet a ni.

Hara in "dar8 a ri tawh dawn nia. Pud ah chuan kan kal dawn em?"a rawn ti a.

Thawhchhuah pahin "kan kal dawn nia,insiam vat ang.ka period a ka mood a off tlat.in tiharh nan pawh ka duh alawm"ka ti nghal a.

Pud a kan kal chu music ri nen an lo thle bur bur hlawm hlawm a.kil khatah hara nen lamho thlir pahin whisky no kan dawm dun a.
"Hi Ladies, in bulah ka rawn thu ve thei angem?"chu tawng ri kan hriat chuan kan en vat a.
Mipa pakhat sangtha zet mai,sam buang thak,hmeltha tak mai hi kan kiangah a rawn ding reng a.ka rilru in Kim Taehyungchu a la tluk lo ka lo ti hman a.

Kan bula a rawn thut hnu chuan min rawn en vang vang a."Thelma" a rawn tih chuan makti zetin Hara nen kan en rual a.

Hepa hi tunge maw ni le?engtin nge ka hming a hriat a?Kim Taehyung a nupui hual lai ka ni tih a hrechhuak a mi le?mahse zungbun bun lovin,ka room drawer ah ka kalh hnan si a.

A kut rawn phar chhuakin "Hi Kai ka nia. Lay unaupa kan inah pawh vawikhat chu in rawn kal tawh"a ti a

Ka ngaihtuah ngial pawhin ka hrechhuak thei hauh lo Hara zawk chuan "e ka hre leh si che, helai hmun ah te enge i lo tih ve zawk a"

Nui hak pahin a rawn kun hniam a "Exo club join ka tum a" a tih chuan Hara nen chuan phawk takin kan en a

Hara lah chuan ngaisang tih hriat takin a en vang vang a..

"Ka lawmpui lutuk che, i zaithiam tih reng reng ka hre lo" nui sang cuan ka ti a

"Ka lawm e, keipawh hian ka zai thiam tih ka inhre bik lo" a tih chuan ka nuih a za hle...

"Lay chu a tha zel amaw..a lungleng pawh a zia tawh a ni ngei ang, min rawn chat khat em mai"

Kai an "Thelma ngaihzawng i nei tawh em" min rawn tih chuan chhandan tur ka hre lo kher mai


"Ngati nge min zawh" ka chhandan teh tawp chu a mawi lo tih ka hria..

"Ka hre duh alawm.. ngaihzawng chu i nei em"

Min chhan beisei takin Hara chu ka va melh a, a lo nui sang ringawt..


"Ka nei lo" ka ti sap a, pasal hual lem ka nei ringawt a, chu pawh hun reilote atan chuah, ka damchhung kawppui tur a ni kher lova..ka lo in lak neih vak a ngaiin ka hre lo, bakah a ni pawn Hmeichhe dang a nei ve tho alawm le..


"Anih chuan dinner kan eidun theih angem" a rawn tih chuan ka mit ka chhing a, "theih lo ang, pawi ka ti lutuk" ka ti sap a

Rawn nui hakin "pawi ti duh suh, i rilru i siamfel hun ka nghak thei che lawm" a rawn ti sap a..

Hepa hi a hlauhawm ru riau in ka ring tlat, a tawngkam a nem bawk si a, min hnialbuai chuang lovin a thusawi dan atang chuan beidawn mai a tum lo hmel..

Hara lah chu engmah sawi tum lo zetin whisky no dawm chungin min rawn melh dun leh ralh ralh thin a.

Dawhkan hnuai atang a ngalah ka va pet zeuh a,a la te ring em em zui.kan awmdan chu Kai'an a hriat ka hlau bawk si a.

Kai an lampui ah min sawm chuan ka kut ka pe ve mai bawk a, duh aiin min hnaih mahmah..ka thil in vang kha nge, ka lu chu a rawn hai deuh chem chem a, kai lahin min kuah hnaih sauh sauh a, a changin ka nghawng bulah a rawn thaw deuh ham ham a, a thaw lum chuan engtin emaw takin keimah ah nghawng ka nei..

Min kuahdan lah chu a fat tial tial a, a changin ka beng chu a rwn seh leh zauh zel a, a chetdan chuan ka luak a ti chhuak deuh tlat..

"Kai, ka hah duhtawk ang" ka tih chuan min thlah ve mai bawk a, ka rui tawh lutuk nge Taehyung te chu ka mitthla ah ka hmu vel..

Ka banah na zeta min rawn pawh sawk chuan ka tre deuh that a.. Taehyung taktak a ni


Ka bulah ding kai chu rum theih ang berin a melh a kut thlak a chak hmel hliah hliah..

Hara lam ka va en chuan inthiamlo hmel tak hian min lo en a..

Kai lah chuan "engati nge khatin hmeichhia i tih a, i ti na anga sin" a rawn tih chuan Taehyung bek chu a pawng tial tialin ka hria

"I rawn inrawlh a ngai lo ang, ka nupui hual a nih hi" ramhmak chuan a ti a

Kai chuan min rawn en pahin "a pasal pawh i la ni hleinem tiraw Thelma" tihpahin ka banah a rawn vuan nghal a..

Mi ho lah chuan min en duh em em a, ka bula ding te lah hi an palian dun angreng si a, a ngaihna hre lo in an inkarah chuan ka hawi ka hawi ringawt..

Taehyung chuan kut a thlak mai ang tih hlauh vangin Ka kai chhuak ringawt a..pawn kan thlen chuan "engvanga he hmunah kal nge i nih a, pasal hual nei i nih tih hi i theihngilh a mi" vin that chuan a rawn ti a

"Pasal hual ka neih avangin ka kal thei lo tih dan a awm a mi" ka ti let ve sak a

"Min chhang tawh suh" a rawn tih chuan chhang chak viau mahila, ka ngawi thung, a thinrim a kal tluang laklawh si a, kut min thlak ang tih ka hlau...

"Taehyung" ka tih chuan rawn hawi in "enge" a rawn ti vin hlur a..ngei viau mahila, ka insum hram hram zawk a..

"Englo a nia..tun kartawp chawlh ah hian ka nu leh pa te hmuh ka duh a, ka han thlawh zuai dawn a nia" ka tih chuan "a tha lawm..kan kal dawn nia" a rawn tih chuan a sawisual emaw tiin ka melh deuh hu a..

Takah ka nu khan makpa a nei tawh tih a hre tawh tak e..ka hriat lovin a lo han hmu tawh leh nghal..zawh duh viau mahila,. Amood a off rih si a, nakinah a thin dam hunah ka zawt mai ang..

Cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:17 pm

💜 HERSTORY💜

💚 TAEHYUNG FF💚

LAST EPISODE

_________________



Motor seat ngheng chuan ka maimitchhing vang vang a, ka thaw chhuak hak, engvanga hepa hian a hmanrua ah min hmang nge a nih, engvangin nge kei kher..enge a pawi a sawi..


Nihnih kal ta khan..a office chhungah Jennie nen an inbiakna tum lo deuhin ka hria a..ka chanchin hlir a ni an sawi ni, Taehyung thusawi mwlh kha.."ani te chu ka hmanraw pakhat ve mai chuah a ni" chu thu chu ka bengah hian a ri nawn tlut tlut a..tuar thiam a har ka ti a...

Engvanga Jennie khan ka chanchin chhui nge a nih?? Tin, ngatinge Taehyung sum duh anga min sawi tlat le..

Ka nu leh pate cungchang pawh a sawi tak kha..hemi te pahnih hian kan chhungkua chungah hian game an khel tihna mi, nge ni a, ka nun hmasa lamah an pawi ka lo sawi tawh anga, ka chungah phuba lak an tum...


Taehyung lah ka bulah mi fel ber awm ziazangin a khawsa a, ka ngei takzet, engkim ka hria tih hi hria se chuan hetiang hian lem a chang tawh hauh lo ang mawle..

Ka nu leh pate mit hmuhah in hauh vak vak ka duh lo avangin ka ngawi mai zawk a ni..tunah chuan ka nu leh pate in atangin kan haw tawh a, he mihring ka hlutna engmah hre lo tu bulah hian ka awm rengna chhan tur ka hre lo..

Ka phone chu pawrhin Kai chu ka phone a

"Hello"

"Hello..Kai i buai em"

"Buai lo e..enge ni ta"

"Thlawhna tickets min lo buaipui sak theih angem"

"Ngati tehthut nge" mak tih hmel tak chuan a rawn ti a

"Nakinah ka hrilhfiah ang che, khawngaih in a hma lamah chhuak turin min lo tihsak rawh aw"

"Awle..mahse khawiah chhuak tur in nge"


"A rem chang² a ni mai..dar 1 ah kan inhmu dawn nia"

"Awle" phone chu dahin kan inlam pan chuan kan tlan a..

Inchhungah chuan hmanmawh taka lutin ka thawmhnaw ho chu ka pack mawlh mawlh a, Pawnah taxi ka inghahtir bawn nen ka hmanmawh khawp mai, Taehyung hriat lo in he khawpui hi ka chhuahsan daih ang, min zawn hmuh theih tawh loh na turah...


Room atang chuan hmanmawh zet chuan ka chhuak a..

Taehyung thinrim takah lo ding ka hmuh chuan ka phu zawk thei..tlanchhiat ka tum chuan ka banah rawn hmer nghal vatin taxi ah chuan min nawr luh a tum a, ka theihtawp chuan ka tal ve vak vak na chungin awmzia a nei lo kher mai, Taxi chhungah chuan min thutluh tir a, chhuah ka tum lai takin rawn thu lut ve nghalin, Taxi driver hnenah chuan lehkha them pe in tlan turin a hrilh nghal a...


"Khawngaih in min kaltir rawh" beidawng aw tak chuan ka ti a..


Seh chilh deuh nawk nawk chungin"Ngawi hmak rawh"a rawn ti hrawk a.
Vawi tam tak a tìnrim hi ka hmu tawh thin mahse,Hetiang ang taka a thinrim hi ka la hmu ngailo,a maimichhing vang vang a.engtinmah ka be ngam tawh loh avang chuan ka ban a hmerna hnu tlema sen deuh hlar chu ka chul heuh heuh a,tunah hian motor kawngkhar hawngin chhuak ta ila,engtinnge ka awm ang?tunah kan tlanna lai hi khawi hmun nge tih pawh ka hre si lo, Taehyung hian min man rang leh dawn lutuk tlat.


"Ka lak atang tlanchhuah tum buai duh suh,min chhaih kawlh i duhte a nih ngawt loh chuan"maimichhing pah reng chunga a rawn tih chuan mak ti takin ka en a,engtin nge he ramhnuaipa hian ka ngaihtuahna a hriat theih.

In pakhat kawtah hian taxi chu a ding dat a, Taehyung chuan fare pe in,ka kutah a rawn vuan a,rum zeta melh chungin "min khawih suh,keimahin ka chhuak thei"ka ti hmak a.
Ka tawng ngaipawimawhlo zetin taxi atang chuan zo zetin min pawmchhuak nawlh a,ka thinrim lutuk chu a samah ka kek buan a,ka bag kenlaite chuan ka vaw pah bawk a,taxi driver chu a rawn nui hak a,"thlawkbo rawh"ka ti vak a.

Taehyung chuan inlam pana min pawm phei chungin"hmeichhe luhlul leh timawh zet i ni"a ti hluk a.
"Nang chu ramhuai i ni hi"ka ti let ve nghal a, a sama keh ka tum chuan a lo thle kawi zeuh a,chumipah chuan chhuatah min nghat nghal a.

Kawngka password a hmeh lai chu remchangah lak tumin min vawnna atang chuan tal phelh ka tum a.
"Mawl viau thin suh"tipahin inchhung lamah min pawm lut nghal a,chhunglam atang kawngka chu a kalh nghal hmak a.

Thinrim khur dar dar chunga amah en pahin"engah nge kei mi mawl hi i nupui hual lem mai mai atan min thlan,engthil nge i duh,kan chhungkua hian i pawi sawina kan nei a mi?tipahin dawhkana lehkhabu lo awm chuan ka vawm nghal chuai chuai a.

Ka phone a rawn rik chuan ka phu deuh zawk a,ka number hriat ngailoh atang a ni tlat,phone pick up paha kalsawn ka tum chu Taehyung chuan ka phone min rawn chhuhsakin a ngaithla nghal a,lak let ka tum chuan hnehsawh zetin bangah min nawr bet pahah "post pond rih a ni e"a tipahin phone chu a off nghal a.

Sana ka en chuan dar1 a lo ni reng tawh a.nilo he mihring bula khawsak ai chuan ui nen chauha khawsak pawh ka thlang zawk.

Ka phone message a rawn ri leh a,taehyung an ka phone a en reng hnu chuan thutphaha thu hnawk chungin"engmah sawi lovin,min kalsan i tum a maw?"a rawn ti hrawk a.
"I phal ngai dawn chuang lova,ka hrilhna chhan tur che ka hrelo"pawn lam hawi a,bang la ngheng reng chungin ka ti a.

Ka phone chu a hmet nghal nuap nuap a,engthil nge maw a tih le?chhuhsak tumin a bulah ka tlanphei a,lehlam awri ka hriat rual chuan ka ding chawt a, Kai aw ngei a ni,Taehyung chuan "tunge aw?"a ti thum chhal a.

Ka kalsawn nghal vat a,ka tawt up upin ka hria,he mihring min dangchep dan em em hi ka awih theilo zawk, room pakhat kawngkhar chu hawngin chhuatah chuan ka thu thla nghal hnawk a,ka inhnit hlawp hlawp a,ka awmte chu a tawt up up a,ka mittui chu dan rual lovin a rawn far nghal zawih zawih a,ka hnunglam atanga ka dara Taehyung an a rawn khawih tih ka hriat chuan ka theih tawpin ka insum hram hram a.

"Thelma min ngaidam ang che aw"a rawnti sap a.
Ka tawngchhuak thei lawk lova, ka hrawk chu hnawhtu awm ang maiin a tawt a"min kaltir rawh"ka ti thei hram a.

"Tunah hian i pum chhungah kan pahniha fa a insiam mek mai thei asin, thelma min hrethiam rawh,ka kaltir thei lovang che"a ti sap a.

Ka mittui tla chu hru nawk nawk pahin"ka titla anga ni mai lawm,nang ramhuai mi tenawm fa hi ka hring duh lo"dingchhuak chungin ka ti a.

Chhuata min pawt thu hnawk pahin ka nghawngah a rawn man bet a,ha chang thial rap rapin "engtin nge chutiang thu te i sawi ngam zawk a,hmeichhe rapthlak tak i ni"a rawn ti hrawk a.ka awmdan a hmuh chuan min thlah nghal vat a.

Min rek hlum law law mahse pawi ka ti lo,engtin nge he mihring tuna min thah chak taka awm hi ka lo hmangaih theih zawk le?ka mittui chu chhuatah a luangthla a.

Ri pawp pawp ri ka hriat chuan ka hawivat a, Taehyung a chhuat a kut lawnga a theih tawpin a hnek tih ka hmuh chuan ka buaina zawng zawng theihnghilhin Taehyung a bulah chuan ka tawlh vat a,a hmaah tak va thuin a nghawngah ka va kuah a.
"I inti na anga sin,hetiang hian nang lehzel chu awm lul suh"ka ti nghal a.
Tlema a rawn dah chuan makti zetin ka en nghal a, Taehyung a mit a mittui ka hmuh hi ka awih theilo hial zawk,engvanga hetia awm nge a nih?rilru nat hmel taka min rawn en ka hmuh chuan ka nghing deuh lawih a.

"Thelma,i hlimna tur a nih dawn phawt chuan min kalsan dawn nia,mahse hei hi hria la ka duh,ka hmangaih che a ni"thu tak zeta a rawn tih chuan ka melh nghal kawk a.

"Dawt a ni,ka nu leh pate chunga i thinrim avang leh i bialnu Jennie tih lungawi loh nan hmanrua atan bak min hmanglo"amah enin ka ti a.

Mak tih hmel takin "enge i sawi awmzia chu Thelma chutiang chu ka ti ngai lo ang" a rawn tih chuan ka nui hak "min bum kher a ngai hleinem..nang hian i hlawkna chuah i ngaihtuah,"

"A dik lo.. Thelma kei hian ka hmangaih lutuk che a sin" a tih chuan awih aiin rinhelhna in ka khat zawk, min bum tumna bak a ni leh lo ang..

"Khanwgaihin hetiang hian awm suh, i tan ah hnawksak nih ka duh lo, ka nun hi infiamna a ni lo" ka tih chuan ka bianga rawn vuanin "Thelma kei hian infiam nan ka hmang hauh lo che, chutiang rilru chu pu tawh ngai suh, ni e..nang ka neih theih nan che hian hmanrua tamtak ka hmang ngei alawm..ka kianah i awm reng theih nan chelhbeh dan tur ngawt ka ngaihtuah a sin" thutak hmel zeta a rawn tih chuan ka thaw hak..a mitmeng atang chuan dawt a sawi hmel lo, mahse ka rilru hi a buai laklawh, enge hi nge rin mai tur ka hre lo..

"Thelma min ngaidam ang che, engkim hi siamthat leh vek ka tum ang, i chau a nih kha, hetah hian chawl hahdam la, khawngaihin min kalsan suh, keimah zawk hi ka kal ange..tun atang chuan ka ti buai tawh lo ang che, i nun chu zalen takin i hmang tawh dawn nia" ka chalah a rawn fawp vang vang a..ka maimitchhing vang vang..

Tho chhuakin kawngka lam pan chuan a kal a, chelh din chu ka duh, mahse ka rilru a khingbai laklawh bawk si..

Zalen takin ka nun ka hmang thei tawh, he thu ka hriat hian tinge ka hahdam silo, min kalsan hlen ta se, ka awm thei angem..nilo..ka theih lul lo ang, kei hian ka hmangaih a ni, he thu hi a hma khan lo hrethiam tawh ila chuan tun dinhmun hi ka thleng loh tur a ni, keimah thiamlo a ni..ka kal tir thei lo ang..

"Kalsuh, khawngaihin, min kalsan suh, ka hmangaih che lawm" ka tap chhuak hawk a, a hriat pawh ka ring tawh lo, ka in hmu chhuah leh meuh chuan engkim a lo tlai vek tawh a nih hi, ka lo van a tak em..


Ka biang ah kut lum thar tharin a rawn tawh chuan ka mengchhuak nghal a"engthu nge i sawi kha,Thelma min hmangaih tih i sawi ti raw.nge ni a,ka bengchhe ri zawk,khawngaihin han sawi nawn leh hram teh"ka mita min en vawng vawng chungin a rawn ti a.


"Ka hmangaih takzet che a ni"ka tisap a,tawng leh tuma ka ang chiah chu ka hmui a rawn khar hmak a,duhthaw zetin kan in fawp vawng vawng a,rei fe thawchham dawn khawpa kan infawh hnu chuan "Thelma ka lawm e,kei hian min hmangaih aia nasa in ka hmangaih che a ni "a tisap pahin ka mittui chu min hruk sak a...


Chhuata Taehyung a thu thluang duai ka hmuh chuan ka nui a za deuh thut a."engatinge i nuih a?"a rawn tih chuan "Oh i inhmeh lo tawp,chhuatah i thu tluang duai a,a naupangchhia thlak e"nui pahin ka ti a.

Ka mita rawn fawp zeuh pahin min kuah tho a,"nang chu naute ang maiin a lawm i awm"tiin min pawmkang nawlh a,khum chungah chuan min nghat a.ka sirah rawn mu thla ve nghalin"ka naute duatlai i nih hi engtikah mah ka tina phal ngai lovang che"tiin min rawn fawp leh a,uar fahranin ka lo chhanglet nghal a,rum hawk pahin min nem sawn a,makti taka ka en chuan nui sakin zungbun ka bunlai chu a phawi a,khum bul chhuata thingthi thla in"Thelma,kei kim Taehyung hi i pasal atan min nei duh angem?"thu tak zetin a ti a.

Kun hniamin a biangah ka dawm a"tehreng mai, Taehyung chatuanin ka hmangaih reng ang che"ka tisap a.

Ka kutangah chuan zungbun min bun that tir pahin a fawp vang vang a."Thelma ka lawm e"ti pahin a rawn tho chhuak a,rangtakin a nghawngah kuahin ka hmai ka phum nghal a,tuna ka chunga thil thleng hi ka awih thei lo zawk,ka hnuk a ti ulh hial in ka hria,harsatna ka tawh zawng zawngte kha tunah chuan ka tan malsawmna thlentu an ni in ka hria.

Taehyung chuan ka hnunga chul riak riak pahin"Thelma i kawr nalh tak hi a hnawksak hle mai"nui sak pahin a ti a.ka dul lamah a kut hrawl zet mai chu a rawn phei tir nghal a.

"Tae min tawh hlek apiang hian ka danglam nghal zel mai"ti in ka kawr a phelh chu ban pharin ka lo insiamrem nghal a.

Thaw hak pahin,"nang ka hmuh apiang che hian min tiphur takzet a ni"ka hnute tham tawn tawn pahin a rawn ti a.

A kawr haklai chu hmanhmawh zetin a hlip a,a kekawr a phelh tur chu ka lo pui ve nghal a,min bawhbet pahin"hreawm taka min siam nasat em avangin zanin hian i muhil dawnlo nia"tipahin ka taksa rem laiah chuan fawpin a chul kual ruai a.
Rum hak pahin"Taehyung khawngaihin ka mamawh tawh che"ka ti tham tiak a.ka bawp chu siamremin zawi muangin ka taksa chhungah a rawn lut a.

Tlan deuh chhap chungin ka bulah Chauh hmel zetin a rawn bawk thla a,a ban chu ka kham tura rawn dahin kan inkuah chial a,a kut pakhatin ka hnute a chul neuh neuh a.

"Kai kha i ngaituah em?"a rawn tih chuan amah en pahin"ehe i sawi a,ka hrechhuak leh chiah engtin nge a awm tak le, min lo nghak awm si a, ka va inthlahrung tak"

Ka hnute hmura sik zeuh pahin "lo nghak thlawn mai mai che rawh se, nge tlanbo pui che a tum ve ni"

Nui sak pahin a khabe ah ka chulsak a"chutiang engmah tih a tumlo,ka thian a ni a,keiman airport lama min hruai turin ka ngen zawk a nih kha,i thik a mi?"ka tisap a.

Rum hawk pahin" i hnaihah mipa dang awm chu ka thik vek
"Tae thu mak pui pui hi sawi thin lo teh, kai hi awm lo se chuan ka hmangaih che tih ka hre hauh lo ang" a awm ah chuan ka chul thla heuh heuh a..

Ka hmuiah rawn fawp zauhin "diktak chuan i kiang hnaiah awm zawng² hi ka thik vek, mahse tunah chuan kei chuah min hmangaih tih ka hre tawh bawk a, ka hahdam huai tawh" a biangsum lang kak chuan a nui a, a va han hmeltha tehreng nen..


Kum khat hnuah...




Taehyung nena kan fapa thlaruk mi Kim manju pawm chungin thutphah chungah chuan ka hnute ka hnektir a.ka hnute a seh peh zeuh chuan ka te that a,a pa kim Taehyung chu a laptop khawilai dahin kan bulah a rawn ding a.

"Engatinge a?"a rawnti ha a.

Rum taka amah en pahin"nangmah ang mai,ka hnute a tipilh vek thei takngial dawn alawm"ka ti a.

"Nghei tir vat a ngai nih kha,kei apa hi min ngaituah lovin,amah chauh a inngaihtuah a"tipahin manju hnute hnek lai chu a hmui liak paha it hmel takin a rawn thlir dauh dauh a.

"Tae, i hna saw va thawk rawh,kei leh i fapa hi chu kan tha nia"nui pahin ka ti a.

Ner deuh sawkin ka hmuiah a rawn fawp vang vang a,muangchangin a laptop lamah chuan a phei ve mai a.

Ka rai a ni tih kan hriat atang Taehyung chuan a penthouse kan luahdun chu a Office ah a hmang a,awmpui pahnih kan lak belh bawk a,a office pangngai chu kar khatah vawi2 chauh a thlawh a,chupawh min hruai pahin engtiklai pawn kan inzui chawt a ni ber mai.


Zan khat kan mu tur chu kan fapa tap ri ka hriat avangin tho chhuak lehin ka va en a,kan awmpuinu in a zun huh a lo thlaksak a,pawm chhawkin ka timu leh a.

Kan room chhung ka lut chiah chu Taehyung chuan minlo fawp nghalin"i va han rei em em ve?"a lo ti a.

"Ka timu leh lawk alawm"tipahin ka kuah let a.

"Midang rin nachang hre ve tawh rawh,kan fapa ringawt ngaituah lovin,kei hi min ngaihtuah ve la"lungawilo hmel takin a ti a.

"Um ka ngaihtuah che alawm,khawimaw i tha em,kan check hmasa lawk teh ang che"tipahin boxer nen chauha a awm chu a taksa nalh zet chu ka enkual dan dan a.

"Aw lalpa leh thil thar leh bawk maw?Thelma i awmdan hi i sim vat a ngai,lungphu chawla min siam i duh loh chuan"tipahin min rawn pawn a,khumah chuan min nghat riai riai a.

"Engtikah mah nang hi ka hne thei ngai lovang che, ka hriatna zungzam hi nangmah ngaituah in a awm reng dawn si a"a rawn ti a.

"Nangpawh ka hre reng ang che,he khawvelah hian nunna thar min petu i ni si a"ka tih rualin duhthaw zetin min rawn fawp nghal a.

Nghet zetin inthlah mai mai lo turin kan inkuah a.

Ti chuan hlim takin an chhungkua chuan an awm zel a..

The end...

Induhthusam a ni lo tih ka hria, a hma angin hun awl ka nei tha tawh silo nen, ka post khat si a, ka inthlahrung lutuk ka ti tawp ta mai a ni, min ngaidam mawlh mawlh teh u..hun awl ka neih that leh velah ka lo kir leh ang, lengdang tang min lo belhsan lo ula aw..😘😅

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)