FLOWER BASKET BY BabyShy Hnamte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: FLOWER BASKET BY BabyShy Hnamte (Completed)

Unread post by Ngaia » May 10th, 2020, 2:22 pm

Flower Basket
Chapter-7

Jeremy Pov




"Lo va hahdam rawh ka pa, ka lo ti ang e," a ban chu la in ka dar ah ka in kuah tir a, a kawng a kuahin muang changin room lam ka pan pui a,



"E kha i mutui thei maw? thingpui saw lo buaipui chhunzawm lawk mai teh aw?!" Lalrinsanga rawn tho kawngka rawn hawng chu ka lo tir nghal ngawt pek a,




"Bawiha, tlemte ka tih chu phal rih lawk mai rawh aw?" inthlahrun hmel tak hian a tawng thawp sat a, khum ah chuan khur dar dar a thuin a thawh suk suk a,




"Ni e, i taksa khur nasa lutuk tur tawk lek khan ti la, mahse thingpui in hmasa teh aw, pum ruak a i tih zel chuan i taksa a ngaihtuah awm emai." a kut tang te chu ka hmeh sak a, a khup leh chawn puar nem zawr hnup te chu dim zetin ka hmeh sak den den a,




Ka hlim, ka hlim ngawih ngawih! Hei ai a tûk tha leh tur chuang hi a awmlo! Ka pa hmel chu ka en reng a, a zak a, a inthlahrung tih ka hria, mahse hetianga a awm rei hi ka phal lo ang.




"Min ngaihdam vangin ka lawm e ka pa." a kut chu ka kut pahnih a chelhin nghet takin ka hmer a, a taksain zu a mamawh vangin a chal leh bek bawr vel ah te chuan a thlantui a luang zawih zawih a, a kut a khur nasa lutuk.




"Keimah hi alawm." a vei leh ding lamah a hawi tawn sek a, a taksa hian a mamawh tawh lutuk tlat!



"Kha u, ka pu intur hi a tui bik ania aw," Lalrinsanga chuan thingpui a rawn chawi lui a, a khu vat vat mai, ka pa pawh alo nui ve suk a,



Chhuatah a rawn thu thla ve nghal chawt a, ka pa ke chu a hmet ve leh nghal zung zung a, Ka pa thingpui tur chu chhem dai hauh hauhin a khat tawkin ka tulh zeuh zeuh a, a chanve vel chu a lem ve tawh ang, a taksa a veng zo tawh lo chu a si tel hlarh hlarh tawh.




"Khawiah nge i damdawi chu i dah ka pa, khatiang chuan iti baw vek ang." keimah zawk chuan ka zawn sak ruai a, thawk leh khat a in hrek tawp chi a nilo, a taksa in a zo lo zawk dawn tlat.




"Hetah ka khum mawng, bang kil lamah khan a awm.. huiha." boruak mamawh zetin a hui zui pap pap a,



"Ka pu, inthlahrung duh reng reng suh, i duh leh mamawh chu i sawi zel mai dawn nia." Lalrinsanga'n ka pa kut chelh chungin a lo la hmet zui ve tlauh tlauh bawk a,



Khum mawng a Old Monk plastic bur chu ka zu hmu a, tlemte tak tak, no hnih daih vel lek tur hi a lo la awm a, no hran lak sak sawk sawkin tlemte ka thli chhuak a, tui pawlh sakin da zetin ka intir a, ner nang chungin a lem ve khalh khalh mai, No hnih naah ka tih tak sak hret a, a dar, a ke, a kut, kan hmeh sak pah reng a, minute sawm hnu vel ah a taksa khur a reh tan a, a chal leh bek bawr thlan tui bawl tek tek chu ka hrukfai sak zung zung a, inthlahrun hmel zet hian mi melh leh zuk thin.




Thildang tih nachang reng reng ka hrelo, ka hlim luat ah eirawngbawl ka theihnghilh daih! ka zawhna chhanna ka hmu niin ka inhria a, a chhanna ang chuan ka awm a, a lo dik ngei ani tih ka hre zui zat bawk a, hlim taka mittui parawl tuau chung hian ka nui leh suk thin! Ka lungphu a nghing dat dat a, ka thazam te hi tih nun thar a awm ang mai hian a za mer mer thei hial, ka phur surh mai!




"Bawiha, Dar 8:30a.m." tak run a mi melh chungin Lalrinsanga chu a rawn phun sup a,




"Chuan?" awmze hrelo takin ka ti let hu.



"Hna hi ka kal loh chuan, CL engmah ka ziak si lo." ka meng bial pap ang chu! Ka harh chhuak zawk!




"Eheee! Ka va theihnghilh chiang ve!" Kei hi Doctor ka ni tih ka intheihnghilh thak alawm le!




Hahdam hmel zet a ka pa mu siai siai chu ka en a, ka rilru a in sual buai kher mai! Ka pa hian min mamawh a, keipawn ka mamawh takzet bawk, enkawl a awmpui ka duh a, mahse damlo tam tak min mamawh tu an awm bawk si! Ka hna kal hlan a ka pa a lo tal buai ka hlau bawk si.




"Bawiha, lo kal rawh, hei hi ania Christian te kan vanneihna chu, rintlak Pathian kan nei hi, tikhan awm tir rawh, haw hma i dil ang a, i hna kal chhung lek chu Pathianin a enkawl sak em em ang che, nidang ah pawh a enkawl sak che a, dam takin in a rawn thleng thei ziah alawm." a tho vut a, choka lam a pan phei nul nul a,



"Ni e, eng em kan ti lo chu ka pa." ka pa muhl siai siai chu ka phun khum sup a, inti fai turin choka lamah chuan ka phei zui ve nghal a,




Heti taka ka phur hi ka hre ngailo, ka nu zawng tur a ka kal tur ai nasa hian ka phur a, ka thazam te hi zu za et et tlat pek a! Inbual fai vangin Kamis var ka ha a, smart pant dum leh smart shoe dum ka khuih tlet hlarh chu bunin darthlahlang hmaah ka in en vang vang a, ka sam a buk hret tawh a, sahriak tlemte ka kut a tatin ka samah ka inthih zui a, sam ro lam lek lek hi put a nuam ka ti zawk,




Lalrinsanga pawh ka cotton jeans dum leh a T-shirt var hak lai nen alo in thlawh ve mawlh mawlh a, ka loafers bun min la dil zui, phal loh chi lah ani bawk silo! Ka perfume in kap zo chiah chu a rawn ban rawk a, a inkap ve mawlh mawlh!



"Rim in ang han nam chu a!" nui suk chungin ka phun sup a,



"Ho mai mai, kan tlai dawn kal ang." a tei chhuak nghal vut a,




Ka sam chu ka zut thuak a, chhuah pah a kut silin kawngka pawnah ka hawlh kalh tawp a, ka phur surh reng mai, step ah chuan phur takin ka tlan chho tharh tharh a, Lalrinsangan bike a lo tih rum hlat hlatah chuan ka chuang kai tharh a, kan tlanchhuak zui nghal, canteen kual a va tlanphei kher ngai thin hi a buaithlak! Traffic a jam nasa thin bawk si.

**************



AwmAwmi Pov




"Mal, ka haw mai ang, ka nghak peih tawhlo, amah vangin mut pawh ka mu mumal lo a, ka chau zo tawh."



Canteen-ah intih harh pahin coffee kan in zo chiah a, Dr.Jeremy-a ka hmu chak tlat zel a, nikhat a chawlh hlek pawh kha hrehawm ka ti lutuk, vawiin ka dayoff a, naktuk atang shift inthlakin day lam ka kal ve leh thung dawn a, ka hmu tam leh thei deuh ang! Mahse tun hnai a min biak dan erawh hi chu, ka beisei a bo thlawt, an nu tan hian a rinawm ve khanglang amawni! Min vin hrawk hrawk reng a, min be tha duh hauh lo, nurse leh doctor inkar hi gap tam tak a awm tih ka hria, hetiang hian kan hospital a doctor te hi ka be huam huam ngam biklo, mahse ani chu hmuh theihloh ka thinlung chauh nilo, ka kaw chhung, ka thisen zam a thisen luang zawng zawngte hian hnaih an chak a, min nawr tet tet thin! A bul hnaih a awm thei mihring nih ka chak takzet!




"Saw saw saw, an rawn in phur." Mali chuan a mitmei zeuh a, a mitmeina lam ka hawi nghal vut a,



Annu zawkin a rawn phur a, a hnung ah a rawn lawr thla vuah mai, a san hi chu a sang ve chiang mawle! Ka lo vui rukna zawng zawng ka theihnghilh nghal vek!



"Hey hey, garage ah an chhuk daih ania, Elevator an hmang dawn, lut leh lawk ang." ka tho rawk rawk a, Malin min rawn zui nge zuilo pawh ka hrelo!




Ground floor a counter bulah elevator chu ka nghak ran a,




"I ho sia aw, i awmdan ang lo deuh hian bei zawk la, ti hi chuan a Doctor nihna i zah sak lo si, mi inla chi ani tih a chiang reng a, i hneh thei awmlo, a, hneh chu sawiloh, i thil tih hian awmzia a neilo Awmawm, Gay a nih hi." a thluk fiak raih a, elevator kan zawn a rawn thleng tih hriat takin a rawn ri teng teng a, ka lungphu a lo rang dawt dawt nghal, a rawn in hawng chiah, enge ka thil hmuh hi!




Inkawp an nihzia an rawn tarlang vel nge mawni, kawr var leh kekawr dum ve ve te an rawn ha vel nia! An rimtui chek a, mahse an rim a in ang! Ka duh theilo! Hemi te hi an riak dun vel chiang lutuk! Elevator atanga an rawn pen chhuak chu ka lo en reng a, an nu zawkin Jeremy-a kut zungte ah a vuan tai a, hmuh hmaih harsa tak ani!




Min kal pelh pahin an pahnihin an nui dun suk lehnghal! Jeremy-a nuih mawi zia kha, mahse ka rilru ana! An rawn lan hma chiahin Malin Gay anih thu min hrilh bawk nen, ka thil hmuh zui leh hriat te zawng zawngin Mali thusawi an rawn nem nghet thlap bawk si, elevator chang ve ta ngat ngat ta chu zawi hnakin ka pen lut a, bang ka ngheng dat a,



"Mal, ka tlawm ve e tiraw? Mahse kha mipa kha ka duh takzet." ka suangtuahna chuan a bialnu nen a awmdan tur tenawm zet ah min hruai thleng a, ngaihtuah ka duh lo!




Mahse an rawn inphur a, kawr leh kekawr rawng in ang, rim in ang thlap nen! Mahni tawkah tha ka inti ve ngawih ngawih thin a, ka duhzawng mipa chu ka hmel leh pian vang a nei mai thei turah hian ka in ruat ve tawp, mahse chu ka chapona tlang sang tak atang chuan hnuh hniamin ka awm chiang kher mai! Hmeichhe dang pawh nilo, a anpui lakah lehnghal! Ka van tlawm vawng vawng tak! Hmeichhe mawi leh duhawm, nalh leh hmeltha tak anga mi te hriat hlawh ve thin hi, ka mipa duh ngawih ngawih tan chuan ek lung ai pawhin ka hlu lo zawk si a!




"Ka hrilh ka hrilh che a, i luhlul man a nih kha, a hrim hrimin a var hleng hlung si, a tenawm." a rawn sawi zawh rual rualin ka kuk tawlh!




"A tenawm lo, a hmeltha reng, a pa reng hepa hian min fiah anih hi!" ka vin bak hlar a,



Keimah zawk pawhin a rilru a kawi ni a hriatna ka nei chung pawh hian, amah sawi chhiatna thu chu ka ngaithla leh thei hauh chuang lo reng reng!




"Min fiah a? awih awm loh hian!" za lo zet hian a nui hak hak a,




"Ani lawm, min fiah alawm." ka ti chuai raih a, zawi hnakin bang ka ngheng zui leh dat a,




"I ngaih ngaih khan ngai teh!" kal ang, elevator kawngka a rawn in hawng a, kan chhuak dun nghal a,




Scooty engine ka ti nung a, hman zan a min sutna pawh ka la siamtir hlei theilo reng reng! Mut hahdam hi mihring fanu taksa hian a mamawh ve thin bawk nen, workshop lam reng reng ka ngaihtuah hleithei lo thin! Mali nen kan inzui thla leh det det a, ni a sa bawk nen, mut a lo chhuak a mit a kham nen, ka meng thla suar suarin ka hria, bawngkawn atangin kan veng lamah ka kual lut thla a, in ka thleng thla har lo, chabi spare ka kawl a, kawngka lo in kalh chu hawngin inchhung ka lut a, ka nuin fimkhur tura mi chah fo avangin inchhung lamah ka kalh leh nghal thlap!




Roomah lutin ka inphelh thawl zung zung a, khawlum vang a ka taksa thlan huh chuap chu ka kham tawh lutuk! Washroom ah ka towel bih luh chu a khaina tur kan siamah ka khai a, shower hnuai ah panty nen chiah a ding teuin ka in phuh tir sar sar a, nuam tak ani! Ka chhuan ruk em em ka taksa mawi ka tih ve tawk tak chu fai takin ka bual a, ka zang hawk mai!




Ka taksa ka hru hul a, panty chungah boxer ka ha leh a, bra erawh ka ha peih lem lo, a lum bawk si, ka T-shirt eng lian lam hret, puan hnem thelh mai chu inthawlhin ka sam ka chhem ro zui sang sang a, ka taksa a chau bawk nen ka mut a chhuak nguai nguai tawh! Dar 10a.m a ri tep a, dar 2p.m ah ri turin alarm ka set a, ka tho thei anih chuan scooty ka siam tir ang!




Khumah ka mu thla a, a rang a rangin Jeremy-a ka ngaihtuah zui nghal a, a rawn thawh tir laia a vei nuih suk suk thin bak kha chu a nui hmel hmuh tur a tam zui lo, a meng dul lap reng thin a, min melh thip ngawih ngawih thin, a phone thlauh ka pek let pawn min vin lek lek a, a bul hnai a awm ka tum dan a fuh chiahlo nge pawh ka hre tawhlo! Mahse a hmelthatna a bo thei chuanglo, ka duhna lah chu a zual telh telh bawk si, ngati nge maw mipa a duh kher kher le, a pian chawi fuh tawk tur leka a dar pharh hlai diai leh a taksa phek mawi tawk te, a hmui pan lam hret leh a hnar ngul in vuah dik bik lutuk te chu ka ngaihtuah veng veng a, thip zet a mi melhna thin a mitmu dum khaih te pawh khan amah min hnaih chak zual tir vek. A hmeltha e, a vei nuih suk phei chuan kuah thlawp ka chak thin!




"Maw, Jeremy min duh maw?" ka ding khawng ut a, ka lung a phu dawt dawt, Jeremy'n min duh thu a sawi zo chiah mak ti zetin amah chu ka en reng a, chhan dan tur pawh ka hrelo, ka haihchham vek!




Ka mit a en reng chungin a rawn kun hniam telh telh a, ka hnar phal lo mahse ka zak bawk si, mi in min hmu em tih en tur pawhin ka hawi sawn phal lo! Ka hnung a dawhkan ni ngei a ka hriat chu dap chungin ka awn riai riai a, mahse min hnai tawh lutuk a taksa in ka taksa a nawr si ran tawh, ka kawngah a kut tang sei thlarh a mi vuan in mi hnaih zual sauh sauh a, ka hmui bula a rawn thaw lum vang vang hrethei tur khawpin min hnaih tawh, ka mit ka chhing tawp! Ka hmui bawr vel ah chuan a thaw lum ham ham a,




"Tho rawh i alarm a ri, tho rawh..!!!!!" keima aw ngei uang zet leh ring zet a ka au thler duai duaina chu ka beng bul ah a rawn ri lawng lawng a!




"Hhhaaaa!!!" ka alarm off in khum mawng lamah ka phone ka vawm thla pawp!




Ka mumang nuam zet mang chhunzawm tumin ka chhing lui leh ngar ngar a, awmzia a awm tawh lo! Engkim kha a tak ang vek mai ani, kan awmna hmun pawh kha ka hre chuanglo! Ninawm e! Mumangah tal te chuan min kiss hman ve awm!!




"Ninawm a!" ka puan sin ka tlawh hlim sawk a, ka thin a rim bur tak tak nia! ka van ngei tak!




Tum burin ka tho chhuak nghawng nghawng a, ka alarm ka thlak nghal hmak! Ka hmai te phih ka ha ka nawt leh te te a, ka mumang ka ngaihtuah zui veng veng a, nuam ka ti ru viau a, mahse a tawp danah ka lung a awi thei thlawt lo!




Kekawr dum ka ha, chhuah ka tum avangin bra ka ha leh phawt a, kawr erawh ka care peih lem lo, ka T-shirt hak lai ka ha leh tawp a, ka hmai ah cream hnawihin compact in ka chhilh ve thuak thuak a, lipstick ka in hnawih leh tawp bawk, ka mit mel chu ka chei peih lo!




Scooty agent bulah repairing ka tih tir a, darkar khat dawn chu ka thang! in ka thlen chuan dar 3:30p.m a pel hret a, ka nu chhawk nan tiin chaw ka chhuang a, chair ah thuin dawhkanah phone ka dah tawp a, zawi zetin a ka lu dawm chungin IG page ka scroll kual zut zut a,



"I chaw chhum rim kha i hrelo ami?" kawngkhar atangin ka nu a rawn vin lut hlak hlak a,



Ka hnar ka len vut vut chhungin ka nu vekin chaw bel a rawn suan a, sil hmun ah tuiin a leih nghal zung zung, a ut rim ka hre ve chiah!




"Thil tih lai theihnghilh thak thak a phone in khawih thin hi chu aw!" a ipte pui ah dawhkana a nghah atang chuan chawhmeh eng eng emaw a phawr pah mawlh mawlh a, ngawi dakin ka lo en reng ringawt!




****Time Skip****




Jeremy-a mit lak ngei tum lutukin ka mit bul ka hnawih uk ve riai riai a, ka mithmul chep erin mascara ka chei thlap a, nizan ka mumangah Jeremy-a ka hmu leh bawk nen, ka phur surh mai, ka biang ka hnawih tai ve hlek bawk a, crop top sen ha in kekawr dum ka ha, Mules ka bun leh a, darthlalang kal san ka tum zet a, uluk takin ka kawr leh kekawr vel ka en thlap a, diklo a awm lo, Room ka chhuah san a, ka nuin min lo en hraw a, ka rei alo ti deuh nge ni, a chhang lo chhawp sa chu ka ban zuai a,



"Bawihi, i sam kha." kawngka a ka chhuak tur chu ka nuin min au ding a,




"Enge?" tih leh ka sam dap ka rual a, sam khuih a lo la awm chu niin! A zialo thei! Ka thawmhnaw dik leh dik loh lungkham lutuk deuh ani!




Ka la thla a, ka form khaina bag-ah ka khung thla zui deuh hmak a, ka sam chul zui thuak thuakin kawngka ka pel fel thei hram e!




"Mawli!" ka bek bul velah ka in chum dat a, ka phur hret ani!



"I lo ken daih vang a nihkha." ka lut leh min lo hmuh ruala ka nu in ka hetmet a lo lek kang va chu kan mawhpuh thawr ringawt a, a nui duh thak lo!




"Bye tak tak tawh!" ka nui suk a, kawngkhar nek hawng rawkin inhnuai lamah ka tlan thla zui dat dat a,




Scooty engine ka ti nung a, ka inkhalh chhuak zui nghal a, Traffic a lo thawl ve teh hlauh a, ka thleng chho har lo! Garage ah scooty ka park a, ka ban a ka sana bun ka bih zawk a, Jeremy-a lo thlen pawh a hun ani tawh mai, elevator la lo in kawngpui lam ah ka let chho leh kher a, Jeremy-a tawh ka inring tlat pek a,




"Counter ah ka lo nghak ang che." LalMali rawn thleng ve chiah bawk a ka au zui lang lang a,




Ka hawi ruai a, Jeremy-a hmel hmuh tur reng reng a awm lo, mahse a pawilo, ka hmu dawn chiang hrim hrim tih hi ka chiang! Main door ah ka lut phei a, counter ah Malin min lo nghak reng tawh ka hmuh chuan ka pen phei zui hlawk hlawk a,




"Hmm i va inti thei ve a, enge i rawn tlan san kher a?" nui sang chungin min lo nek salh a,



"Tumaw?" hrethiam lo zetin ka melh a, ka hnung lam ka hawi zui ringawt! Jeremy-a leh a bialnu an rawn phei ve reng chu niin, ka hnungah an lo awm reng amawni!




Rang lutukin ka hawi let nghal a, ka biang a sa het het mai, a tha tih loh hlau a uluk zet a ka hmai chei hi ka entir chak tawh lutuk! Hawrawp uluk lo zetin ka hming ka thai pawp pawp a, ka thai zo chiah tih ah ka hawi let a, kan zawn an rawn thleng a, min kalpel hman!




Auh let tumin ka ang zuau a, mahse ka insum thei hram, a zah loh thlak ve thin chu ka ti ve deuh a, kan inhmu thei dawn tho. Inthlak turin kan phei leh phawt a, rei ka tei theilo, ka inthlak zung zung a, Jeremy-a ka hmu chak lutuk tlat! Nizanah ka mumanga ka hmuh thu te ka hrilh tawp dawn mawni. A mengrum thei ropui si bul tan dan hi ka hre thlawt lo!




Ward lamah kan phei a, Jeremy'n ward alo fang mek a, hman hma ila chuan keiman ka zui thei tur ania. Counter ah mali nen kan thu zui daih a, an pa chungchang min hrilh chiam a, Jeremy-a ward fang zo in min rawn kal pel thuak a, hepa rim fresh zia leh rimtui zia hi aw!




"Doctor?" a hriat phak pawh ka ring lo! phun ser ser chung a ka auh kha a hre phak amawni! A rawn hawi zuk!



Hrelo ang hmiahin Mali ka en vung vung a, dawhkan hnuai lamah a mal ka tham sak hrep!



"Min thlah rawh ana lutuk!" zawi tein thinrim hmel zetin a phun vin hlak!



Ka nuih leh ringawt thin, min dawlzo lutuk hi chintawk ka hrelo lek lek zel, mahse min hau ngailo a, ka bulah a awm ve char char peih tho zel, a ngaih pawh ka ngai thin, kan shift a in an loh chang hian midang chu be tho mah ila, kawm tak taka han kawm ka neih loh vang hian a hrehawm ka ti thei lutuk.




Ka duh angin Jeremy-a ka hnaih theilo reng reng vawiin hi, counter a awm a ngai bawk si




"Hey, ka inchei thlawn duh miahlo ania aw, ninawm e, ka thiannu ini ve a, engtin mawni hma min lakpui ve la." Ka nek zui salh a,



"A buaithlak e, Gay rilru hneh tum chu, i pui ve e!" a chek zui tlak tlak!




"Hmm, hey, Gay tih kha sawi nawn fo suh aw, Gay nilo angin ka ngai lui hmiah dawn." ka hawi pir vah a, ka mumangah ka hmu bawk nen, ka inringtawk ve em em tawp.




"Saw saw saw alo kal." Mali kut chu ka va ben sak nawk nawk a,




Kamis van pawl rawng a ha a, inhmeh tak ani! Doctor ni tur reng a piang ni awm hrimin a coat var fual hak a in hmeh si, a kut tang a sei thlarh a, ka van hum chak reuh tak! A sang tha si, a cher ruak chuang bawk si lo, a mawng a fual pur lo lehnghal a, mipa pian dik tak chu ani ve chiang mawle. A teihawi ringawt pawh hi ka tan hmuhnawm a tling a, lungsi zetin ka en thin tih lah chu a hre der lo, mi pawh a en ve duh ngailo reng reng.




Doctor, keini ai a rank sang fe a nihna ah hian ka zah lutuk! Mahse ka mihring duhna hi ka dang theilo a, hnaih ka duh bawk si nen kan inkar a daidangtu theinghilh thak hian ka khawsa lui tawp zel!




Counter a chhuahsan theihloh bawk si nen canteenah kan kal thei lova, eitur kan order chawp ringawt a, canteen a an bula awm tak ngial pawh ka thei dawnlo! Amah hmuh tuma ka hawi kualna lamah te hian ka ring a kham thum tawh!




Ka inchei parh vel nen, eng hehu ah mah pawh ka chan lo! Night shift tur lam an rawn thleng tan a, counter lam min chhawk tur an rawn thlen hma deuh takah chuan inthlak turin kan kal a, kan let leh lamah Elevator lak tumin an nu nen an lo ding dun zui,




Hmanhmawh lutukin ka pen phei hlawk hlawk a, Malin min rawn um ve dawt dawtin ka hria, a bul ah tak ka va ding chawt a, inla zei lutuk takin ka nuih zui seih, a hawisawn lehnghal hmak! Ka zak tep!




"Vawiin lam i hah em Doctor?" ka chalsam ka zut thuak a,



"Ka tha lawm." rit zet a thawk lain a rum zui nghut a, mi i biak laiin an mahni i en hram hram dawn nia tih nungchang mawi te hi a hre ve lo amawni!




Malin ka mawngah min sik hlawk bawk si nen a na ka ti lutuk ka tuai zui vut vut a, engmah pawh ka sawi thei tawh lo! Elevator a rawn in hawng chiah tihin Jeremy-a pen luh rualin ka pen lut a, elevator chhung ah hian a vang zawng hian mi pathum dinna awm tawk vel lek a zau ani a, a dung zawng erawh chuan mi pali chu a in tlar theih ang, zau tha pangai tak ani, an nu a rawn ding ve leh bawk nen, Mali amah chiahin a hmaah a din angai a, a rawn luh rualin min melh hrawk ringawt!




Kan in nek telh telh a, ka mur chiai chiai nia! A nuam lutuk.



"Bawih, hetah ka ding duh zawk." annu chu a rawn tawng hlawi a, a laiah a rawn ding hmak anih chu! A thikthu a pe chhe khang lang amawni!




A tirah ka kawm ngeih nen, ka ngei phah vek, ha chang thial ru bap bapin rum zetin ka melh chho nghek a, an nu zawk chuan Jeremy-a hmel lang tur min hliah chungin a mit sirin ngeiawm zetin mi rawn melh hraw a nihchu! Ka ham hrep dawn mawni a va'n zak theilo tak!




Ka hmui petin lungawi lo zetin ka hawi sawn a, ka chalsamin ka mit a rawn khuh vangin ka hmui ti pawrh zeuhin ka chhem leng siau a, chet phut a chum tawlh tawlh ka tum lai takin elevator in kan duhna floor min hruai thlengin a chet dat a, kan nghing laih a, nasa phei chu a nilo, kan tuai hmeichhia ang a awm zawk hian na zetin bangah min nek bet kher a nihchu!




Ka tih let chuan thinrim thu hla ah la se ka career a chhe der ve thei tho bawk si! Doctor an nihna ah dinhmun sang taka awm an ni a, zah pah lo taka kan tihn a thiang bawk silo!




"Min ti el ve khang lang a?" ka thinrim lutuk hi ka puak keh vek mai dawn! Ka phun sawr sawr a, min kal pelh hnuah an hnunglam atang ka melh rum hrep ringawt!



"Enge a?" Mal'n min rawn en haw a,



"In nasa si, ka bialpa in star a ka hrethiam ve vek, hmp, kal ang." a rawn hawi let a, a tawng hlawi a, hmui ti pawrh zeuhin inchhuan hmel tak hian a hawi let lawrh nia! a van zaklo tak!




Jeremy'n a kekawr ipte zen chunga a kut lehlama a tukhum hiah nauh nauh paha a zui lai chu mittui tling pamin ka en reng ringawt! A la rwn nui suk zui! Ka thinrim luat ah ka hnungzang chho hi a hik chhoh vek a, ka hmulthi a ding ur ur thei nia! Kha tuai cher chhe zet pa kha ka la ulh ang! Mipa pangai chu nise ka cho teuh lo, mahse ka ham hi chu na ati ve tho ang!



"Kal ang." ka bag chhuata ka dah chu kal pahin thinrim zetin ka khai chho lawp a, kan scooty awm na lam ah ka pen phei hlawk hlawk a, carin an kal a, horn a rawn hmet ri vak vak zui lehnghal a,




"Khapa kha ka ten lutuk, A tih dan che kha ka duh bik miahlo aw!." Mali chuan a rawn ti bak ve hlar a,




"Kan tim hrep dawn nia, Jeremy-a pawh kha, hmeltha viau lo se chuan ka ham hrep ang! Ninawm e enge he scooty pawh hi a nun theih miah lo a!" ka tih ngam ngai loh tur thil thinrim lutukin ka au chhuah phah nghek ringawt, ka thin a chhe vek tawh, Mali scooty start herh rum hlat hlat tawh chungin min nghak reng a,




"Ninawm e!" ka tap tuau tawh, ka thin a rim bawk si!



"Khawi maw ka lo kick chhin."




Malin a scooty a stand tha a, ka scooty a rawn kick zui tlauh tlauh a,



"Ngati nge le! Security ho ka han ko chhin ang aw an siam thiam ang." a thaw zui halh halh a, a hah hmel tawh lutuk,




"Ah, ka on miahlo anih hi!" Chabi chuan ka herh zeuh a, ka self nung nghal.



"Ehe! Hmeli ka hah zia hi!" min vin thawt a, ka hnung a ri nghal pawp! A thip nghal thak!




"Khapa vang vek kha!" ka herh rum zui hlat hlat a, a brake ka thlah thut a, ka la in phih lawp zui! Haw vat ka duh!




"Kal hmasa teh." Mali chuan a scooty lo in off hman chu a start lehnghal a, ka tlan chhuak zui nghal.




**************




Jeremy Pov




"I ti ve deuh mah mah alawm le!" khi suk chungin Lalrinsanga nui huah huah reng chu ka khak a,




"A duh che tih hi a hriat ve sia, a te ropui si runluih a nuam tin ten reuh em alawm!" a nui tawp hleithei lo!




"Min duh pawn ka hrechuang lo, tuai ka nih a rin tak tak vang a tuai ang a min kawm tlangnel a duh vangah bak ka ngai lo! Aw Bawiha, ka pa damdawi tur ka theihnghilh daih alawm, damdawi dawr remchang laiah khan ding teh aw." ka rawl a rin thut phah!




Nimin leh nizan lam pawh kan la mu mumal thei meuh lova, kum engzat chiah nge zu hi a in tawh ni, chuti chung chuan a la dam te hi a vanneih thlak! Kum khatah zu vanga boral hi an tam thin nen, kan vanneihna ti a chhiar tel tur zingah chuan a tel chiang khawp mai! Vawiin lamah haw hma ka dil ngam tawh rih bik si lova, ka pa ka hrilh lawk thlap a, a zu in tur ka dah sak a, a vai vai erawh chuan ka dah lang lo! Ka ngaihtuah ru ang reng khawp mai.




MC parking lot ah motor kan dah lawk a, hmanhmawh zetin damdawi dawr lane-ah ka tlan phei hlawk hlawk a, Naltrexone( Zu chak vang a chiri, kut khur, taksa khur ti zia awm thei.) dawr hmasa ber atangin ka zawng phei a, a vang hrep! Dawr parukna vel ka thleng phei a, ka hmu hlauh e! Thla khat daih tawpin ka lei a, ka savings a zo tep! Mahse a pawilo, thla a thar dawn tawh tho alawm mawle!




Ka phei pahin Apple leh Grape ka lei phei a, ka pa tan hetiang eitur tha hi vawikhat te mah ka la lei ngailo! Mahse a fapa ka nihna angin tun chinah chuan pa vannei ber ani tih a in hriat theihna turin ka nung ang.




Parking lot ka thleng phei a, Lalrinsangan kawngpui rawn kanin arsa a rawn khai ve leh bawk a, intuituah nasa tak kan ni, ka nau ka bia a, ani pawh a hlim hmel khawp mai, sawi tur haihchhamin aw puam tuauin a lawmthu a rawn sawi nasa a, mahse tunlai hnaah an buai deuh a, a rawn chhoh hman loh thu leh a theih anga ranga a rawn chhoh tur thu te a rawn sawi ve luam a, ka sawm ngam chiah loh Lalrinsangan a chhungte a bia a, kan inchungnu a hel chak deuh bawk nen, min puih chu nuam a ti ngang mai!




Keimah chauh chuan ka indaihlo em bawk ani, ka pa vil chawt a ngai a, reilo te chhungin a tui a hal zung zung a, inthiar ngai se a taksa a chaklo em a, hruai zel angai! Eirawngbawlna hun a awm dawnlo tluk ani a, Lalrinsangan phur takin min pui a, he mihring hi chu ka kumkhaw sawi tur zing ami ani chiang khawp.




In kan thleng a, pawnah pawh ka kalh tawh lem lo, khawiah a kal ka ringlo ve tawp a, ka ringlo sual lo khawp mai! Ka pa roomah ka lut hmasa a, kan thawm a hriat rual khan alo intung ve ni ngei tur ani! A chal leh a hnar vel chu thlan fimin khuhin a bawl tak tak a, a lo hui pap pap!



Ka zu dahsak chu a chanve chiah alo in a! Amak ka ti ngei mai! A lo inzawh vek ka rin nen! Mahse a taksa erawhin a tuar phah a, khur nasa tak ani!




"Pu i ril te alo tam em? thingpui kan lum ang aw." Lalrinsanga a rawn au lang lang a, Rum nghut pahin kut khur hlawk hlawk chungin a hmai thlan a hru ve puat puat a,




"Hei damdawi hi ei nghal rawh aw ka pa," ka damdawi hawn chu ka phawrh pah mawlh mawlh a, mum khat hmet chhuakin no ah tui ka thli nghal a,




"I duh chuan mu leh rawh, vawikhat leh khata tih phut phut chi ani dawnlo ania."



Damdawi ka hmuam tir a, muangchangin tui no a hmui ah ka nawr a, a duhkhawp a in chuan a rawn che hrut ve mai zel!



"Mipa ka nia lawm mawle, a nui ve hak a." thlan hian a bual huh dup reng mai ni.




"Kan inthlak phawt ang e, Bawiha, i hman dawn hnai tiraw?" Choka lam hawiin ka au lang lang a, a rawn phei hman nghal thu a min rawn chhan takah chuan ka tho chhuak a, inthlak turin room lamah ka lut nghal a,




Ka thianpa ka hmai zah thin viau na chu, thlan rim nen a han awm chuap reng mai chu ka thei ngang lo! Ka inbual zuai zuai a, balcony ah nizan lama ka kawr suk sengin T-shirt dum leh boxer nen ka awm tlawng a,




Duat fahranin thingpui an lo intulh a, an lo inzo tep tawh! Ka thingpui tur dai luap tawh chu ka tlak zui ve khawlh khawlh a, engmah ka pa hian min sawi pui zui lem lova, mahsela a rilru a awm te a takin a ti lang chhuak a, nakinah chuan a la sawi ve mai ang chu!




Lalrinsangan inthlak tur leh inbual turin min chhuahsan zui a,



"Bawiha, tlem chu kan ti leh hlek ang e aw!" aw thawp satin a rawn tawng chhuak a, a taksa khur nasa lutuk kha chu damdawiin a chhawk a, mahse a reh tawp chuang lo!




Keiman tui ka pawlh sak a, alo inbang zawng chu ka intir a, a lo duh tak viau thin a nihchuan ho a ti ve viau ang! Mahse a tan a tha tur zawk ani! Ani pawn engmah a sawisel duh bik lo!



A in zo a, mut tumin khumah a kiuin a in bengkhalh a, a lu ah leh a khelah ka dawm vat a, a mu fel chiah a, a thaw zui hle hle mai. A taksa rim a tui tawhlo ang reng khawp mai! Han mu hahdam leh phawt sela, tihdan a awm mai ang chu maw!




Hahdam tak leh thlamuang taka a mu hle hle chu ka en thin a, hetiang hian pafa ang tak tak kan awm leh thei hi ka hlim takzet, ka nau lo haw chho se, kan sen tet ata kan hlauh em em thin hi hmangaih taka enkawl dun te ka chak a, inchhung pa ber awpna hnuaia chaw hlui kil ho te ka chak takzet! Kan tan kawl a eng ve tan ani tih ka hria a, ka rilru hah buai let tup tup thin te pawn min kian san a, ka taksa pawh hi ahma zawng aiin a hahdam tawh zawk.




"Bawiha, i nu kha......." a rawn phun sup a, ka thu mar nghal tial tial a, ka beng a verh ngei mai!




To be cont......



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:23 pm

Flower Basket
Chapter-8

Jeremy Pov



Ka thut hnaih sauh a, a thusawi tum ngai changin amah ka en kar a, mahse a muhil zui daih! Ka nuih suk a, a muthilh takah chuan ka thawh san a, eirawngbawl turin choka lamah ka chhuak phei a,




"Lalrinsang, arsa engtia siam nge i duh?" washrooma a zai ul ul lai chu a tawp hmak a,



"Buhfai nen!" a nui zui huah huah. A thing thei ngei mai.



Khik suk pahin polythene atanga la chhuakin ka sil zui sawk sawk a, Lalrinsanga duh dan taka siam nan a sa ka chhum hmasa a, minute sawm panga vel a so bawrh bawrh hnu ah buhfai chu kan thlak nge nge a, a thau tha bawk nen tui hmel tak ani.




"Hey tak takin nanghi i lo gay ru reng ami a? tinge hmeichhia hi i va ngaihsak lo ve a? Hman kuma Rosai nen inlo in din chilh ve deuh reuh bak kha chu hmeichhe hnaih a i awm pawh hi ka la hrelo reng reng!" Room atangin inthlak sa ap a rawn chhuakin a rawn ri phei bawrh bawrh a, chaw chhum tur a rawn siam ve mawlh mawlh mai.




"Ka hrelo, hmeichhe tello pawh hian ka buai tawk viauin ka hria." ka nui zui suk a,




"I ti ve thin a, pangchan ruk riauna hi chu ila nei dawn alawm, hmeichhe mamawh lo ang zet a awm ho hian a ruk hian in mamawh thin alawm." nui suk suk chungin sawi fuh intih hmel zetin a mit ko a san zui ak ak a,





Apple ka phel zui phawk a, lehlam pein lehlam ka keih ri hmuar hmuar zui a, hetiang reng reng a rilru engthawl leh thawveng hian tlai hun ka hmanglo rei asin! Ka ngaihtuah let vang vang thin a, ka hun hman mek ka ngaihtuah thleng a, ka hnuk a ulh lek lek thin a, hnuk ulh teuh hian ka nui chhuak hak thin thung!



"Hey, hmanni a ka hnek ni che a, thian nihna awmzia i hriat hunah i tih kha, enge a awmzia i tih chu han sawi teh." hmawm zawh tham lek apple ka ken chu hmawm tharhin ka thial ri zui hmawrh hmawrh a,




"Ka hre bik chuang nang, a hun khan a zir em a ka rawn sawi ve mai mai a nihkha!" a nui zui tuh tuh lehnghal!




"I ho sia a, enge chwhmeh dang kan siam dawn?" ka tho hluai a, kan chawhmeh bawm en in siam tur ka melh ruai a,




"Ka hrelo, sa a awm a, bai emaw tlak hang siam la, a tawk mai lawm, inchungah ka lo han chho lawk ang aw, hmuhtha hmuh in beiseiin." a fai fuk chhuak rat rat a.




"Rei suh aw, chaw ei a hun vat dawn nia." Nimin lama ka phuihnam lei chu tlak tumin ka sil zui mawlh mawlh a.




Ka chhuang fel a, room lam ka bih phei duk duk a, ka pa pawh alo let alo let leh tawh! A harh takah chuan a taksa rimchhe lutuk ka ngaimawh hlek tawh a, tuilum siamin chawhtawlhin roomah ka chawi lut a, khumah inring fe hian kawr phelhin alo intung ve hlun a, a nakruh leh a vun inkarah hian thau reng reng hi a awmlo tih a hriat ngawih ngawih! A ruh ziarang vel chu a lang chho thawi mai ni!




Puan ti huhin ka pa taksa pan hling hleng tak chu ka hru tawk tawk a, khum leh room chhung ti huh lo thei tur ang berin ka puan tih huh ka chelek ve a ka hriat laiin, ka bul vel chu a huh dup mai! Ka pa ka bual zo a, room chhung huh hru fai lehin ka vir vut vut a, mahse ka hah awm reng reng ka hrelo, ka hlim a, ka thinlung natna tam tak hi tihdamin a awm a, ka thil tih engkim hi ka phur surh vek mai.



"So i say a little prayer,
And hope my dreams will take me there, where the skies are blue, to see you once again my love,
Overseas from coast to coast, to find the place i love the most, where the fields are green, to see you once again my love."



Lalrinsanga ko turin inchungah ka chhova, ka chhuah chhoh tepah step atangin a hla ngaihthlak ka hre phak ruai ruaia, ka lung ati leng reuh ngei mai, ka nu khan kan tape neih ve ah khan ball-pen a cassette a vai vir pap pap hnuah he hla hi a play ve thin.




"Oye, chaw ei ang." a awmna hmun thleng phei lovin step tawp atang ka au lung lung a, ala phu ang zuk lehnghal a,




A rawn phei zui ve mai bawk a, naupang thuawih deuh hi a ang thin, Zualtei te kawngka zawn kan pel fel chiah tihin an kawngkhar a rawn ri rek a, ala rawn in hawng zui nghal ta deuh deuh, kal pah reng chunga Lalrinsanga hawi let rang lutuk chu ka nuih suk a, ka rual a pen thla zel chungin ring fan iak iakin a bih chho ngat ngat a, a beisei ang a hmulo nge ni, a tum hmun mai.




Inchhung kan thleng thla a, Lalrinsangan chaw ei a siam laiin ka pa ka tho a, amah a inhuam em vang leh, keimah hrim hrim pawn ka pa min uapna hnuaia chaw hlui kil ka chak em a, kaih kuah ran chungin dawhkan lam ka pan phei pui dat dat a, Lalrinsangan a thutna tur lo dawh rem sakin a lo che ve zung zung bawk a, ka tan a hepa tangkai zia leh in pek zawh zia hi chu aw!




Hmuhnawm ti takin ka pa chaw ei ve niap niap chu ka en reng a, damdawiin a taksa a thunun lo tan tih hriat takin a khur tan leh hlawk hlawk tawh, a puarna khawp a ei hman ang em tih tur khawp a reiloah a khur leh hlawk hlawk a, kan chawei lai kalsanin kan buaipui leh te tea, a hranpain ka hrai leh mai ang! Reilo te tal dawhkan min kil pui ringawt pawh khan min ti hlim takzet!




Thuthlengah thuin ka ke ka dah tlawn zuar a, ka dul chul hoh hoh chungin ka thle muai muai mai! ka puar lutuk, Lalrinsanga ka en a, ani pawh chuti tho.



"Bawiha, ka ang a ka hrawk ah hian chaw a awm em lo en teh, ka pum a lenglo hi ka hrawkah te hian ala inhnawh vekin ka hria." thle muai chunga nui suk chungin a rawn meng tawk tawk a, a chhe tak tak!



"Bawiha, khawnge ka pu damdawi tha ber ber chi kha a awm, hei tlemte pek a ngai ania." Lalrinsangan min rawn sawi harh dat dat a, muthlu tih pawh hriat miah loh tur khawp a harhfimin ka pa roomah ka lut zui tharh a, engmah sawi lem lovin a racksack chhunga a mut hlan a ka whiskey dah chu ka phawrh chhuak a, tlemte ka in tir lep lep zel.




"Va mu ve tawh rawh Bawiha, ilo hah lutuk ang e," Lalrinsanga lo ham bui bui chu a darah ka ben sak thak a, banga kan sana tar ka en zui zat, Dar 2a.m a lo ri reng tawh.



***Time skip***



"Ka pa, ilo awm thei ang chu tiraw?" tukin ka harh chu enga tih teh reng nge mawni! Ka ngaih a thalo riau a, enge maw tak hian mi mawlh teh tlat a nihchu mawle!




"Mmmm, han kal rawh han kal rawh, lam hla kal thei pawh ka nih loh hi!" a nui ve hek hek mai, khua a lum bawk nen kawr a ha tha peih der lo lehnghal a, a khingkhang ruh te chu a rawn pawng chhuak nasa bik emaw tih mai tur ani! a ruhrel khawi lai pawh hi a lang thawi hlawm mai!




Ngaih tha zan lovin in ka chhuah san a, Lalrinsangan a car duat em em mai, Creta, Hyundai product alo ti nung vut vut tawh a, ka chuan luh rual rual a her kual nghalin kan tlan chhuak a, Traffic jam tur nen a chhut thlapa chhuak thin kan ni bawk a, kan tlai ngai lem lo, Kan naupangi te thian dun nen garage atangin kan intawk lehnghal a, Lalrinsangan a ze ngai a chhuah leh nghal hmiah, an hmuh tur kherin ka banah a rawn kai a, min si chet zui a, amah ka en a, a nui duh thak bawk silo!




An hmel a lawmloh hmel zet, ti lang chhuak ngam tak tak silo hian kan bulah an rawn ding ve ran a, an te dun rin ren bawk si, rukbo tum ila tha pawh seng vak loin kan pu nawl nawlh thei ang chu mawle!




"Teh bawih, tunlai hmeichhe ho hi an te thei e, puan sen a khuh hnu a gas bur ang tur deuh deuh te hi an tam e, kei ang a sang tha veh vawh min nei hi i chu i vannei thlawt, i hriem!" ngeiawm lutuk takin a rawn tawng duai duai! Ka nui huk a, ka hnunga ding hmeichhe tereuhte pahnih te hmel awmdan ka hmu chak ngei mai!




Elevator a rawn in hawng a, kan lut ho dial a, elevator dung zawngin in hmatawnin kan ding far a, Lalrinsanga lah a lem chanah a tui telh telh a, ka darah a lu te a rawn nghat thul! Ka tum loh deuhin ka nui leh suk thin a, kan hma a hmeichhe tereuhte pahnih erawh an tum bar a, elevator chhung hmun kil lai te chu an en kual ruai ruai reng ringawt!




Elevator in ka duhna hmunah min din pui a, hlauh nei ang maiin an tlanchhuak nghal dawr dawr!



"Haha, a nuam thei e! I pa i nei let tawh bawk a, i pa, i inchhung, man i chawi ngai hauh lova enkawl pui tu tur che hi chu i la mamawh dawn nia, sawi chhan neilo tawng chhuak mai mai chi in." a mit ko a san ak ak a, a dar a nam sawn lawp a, nui huah huah chungin kan in kal san a,



Ka cabin lam ka pan a, Lalrinsangan a thutna tur lam, OPD a Ortho section a pan phei ve thung bawk a, Canteen ah pawh kan kal dun hman meuh tawh lo,




Ka cabin chhuah san pahin ka coat ka ha mawlh mawlh a,




"Ka tihpalh." Nurse pakhat hi tap hlawp hlawpin kan chief cabin atangin a rawn chhuak a, kawng en lo tih hriat takin min rawn su chawrh a, a kal lehnghal daih! Mak ti zetin ka en zui vawng vawng ringawt.




Ward a nurse duty ka ko a, naupangi lek chu lo niin! ward ka fang dawn tih hrethiam takin a lo inpeih sa thlap a, Male section lam ka fang hmasa a, Male section leh Female section ah khum 12 ve ve a awm a, khum awl hi a rei berah zanhnih vel bak a awm ngailo, mithar hi an lo mu zung zung zel! Damlo dinhmun derthawng tak an awm lem lova, a tam zawk hi chu minor operation, admit ngai ting tang, discharge mai theih chuang silo te hi an ni fur thin!



"Min lo zui lawk mai rawh aw." ward ka fang zo report en nawn leh ka duh avangin naupangi ka in zui phei tir a, a hnung chiah, mi hnaih set te hian mi zui dat dat a,



"Dawhkan ah khan dah mai rawh," ka coat phelhin couch ah ka theh thla zui a, hawi pawh hawi chhuak ngam lovin a kun lap reng mai!




Ka chiar ah ka thu thla zui a, naupangi chhuak tur kawngka hawng ri chu ka melh zuai a, a rawn hawi let thurh a, a ang zuau hman! Hriatchhuah nei niawm fahranin a kal leh daih! Ka nuih suk ringawt! A chet dan a maksak thin khawp mai! Ngaihzawng hi pakhat chiah ka ka nei a, khawvel mihring mize chi hrang hrang in pawlh nuk karah hian, kan mizo rilru put hmang atang nen, inngaihzawnna thilah hmeichhiain chet an la hmasa ngailo! Chu chu ka rin dan pawh ani. Chet han la hmasa tur lahin hmeichhia angin ka en der lo lehnghal! Hmeichhe hmeltha ving veng tak chu ania, mahse ka hmeichhe duhna thinlung chawk tho turin a tawk lo pawh ani mahna!




"Doctor, casualty ah an mamawh che, emergency thil a awm!" Ka cabin a ka kawl landline phone an rawn forward ka pick up rual rualin mangan hmel zetin nurse pakhatin report a rawn pe a,



Ka chair thawhsanin ka tlan vut a, ka coat ban zuaiin tlanchhuah pahin ka in thawlh mawlh mawlh a, ka thleng phei har lo!




Casualty ah chuan tlangval, tih dawnin, rawlthar lek ala ni ang chu, na tuarin alo tap nghek nghek a, ka en a, a ke dinglam khup atanga a hnuai lam thlengin a ruh a tliak hneh hle tih a hriat a, a ngal ruh te chu a vun rawn tawn tlangin a tha hrui nen lam an rawn pawrh chhuak turh a, nurse thenkhat rawn hmu ngamlo pawh an awm nuk mai, thisenin a bual nasa bawk si, an dem awm hranlo!




"Morphine(Na chhawkna chak ber zinga pakhat) lo la ru, Etomidate(kah hikna) nen." ka bul hnaia nurse awm rem chang chang chu ka tir mawp mawp a,



"Ka pi engtin nge hei hi a chet sual dan?" Mangang taka kan bul hnaih te a nuvalai lo ding chu ka zawt thawr a,



"Kawtah kawngpui ah Bicycle an lo khalh a, 407 rawn tlan kha a rawn tlanchak ani ang, an in hnaih chilh tawh tihah a hlau nge enge ni, a lo tlu a 407 chuan a chil zui ani ang, a au tak chiam chiamah chuan kan tlanchhuak a, anih tur ang alo ni vek tawh!




Lu bu zui nghutin an damdawi rawn lak chuan ka chiu zui mawlh mawlh a, X-ray tihna tur lehkha ka ziah sak vat a, Nurse hoin assistant an ko a, stretcher(hlâng) ah dim zeta hlang thlain hmanhmawh thei ang berin X-Ray roomah an tlan chhoh pui a, assistant pakhat hnenah a rang thei ang bera result min pe tura hrilhin cabin lamah ka chho a,




Minute 10 hnuah result a rawn thleng a, operation neih in ring sa ranin ka inthlak fel diam tawh! X-Ray result ka en vang vang a, mihring ka nihna ang a ka mihring pui ka khawngaih theihna zawng zawng hi a chhuak a, hmun 1 ah emaw, hmun hnih lekah chuan nise, a cher dam theih mai ang a, mahse hmun rukah lai a tliak a, a ruh hi cher khawm ngaihna a awm lo! Naupang thalai chho mai tur ani a, tha za rual lek, infiam ngaina mi a nih ngat phei chuan rilru na tak hian a la kun ve tlawk tlawk fo dawn tih ka hria! Kawng dang ka dap ruai a, hun chep tak karah a ke tan kher lova enkawl dan a awm em tih ka en lui kual chiam a, tih ngaihna a awmlo. A chhungte hrilh pawh ka hreh takzet. Ka damdawi hman khan darkar chanve lai vel chu a daih dawn a, a chhungte ka la be hmanin ka hria! Assistant te ka koh tir vat a, an rawn thleng har lo.




An fapa ke dinglam X-ray result hmuhin thil awmdan engkim an nupain ka hrilh a, mittui luang zawih zawhin an fapa ke tan chu an t tlu a, ka lainat, ka lainat takzet.




Operation team te an inpeih a, kan damlo an nawr lut a, an fapa nunna atan hlauhawm anih loh zia hrilhin ka tawng thlamuan luam a, OT ah ka lut zui nghal a, Anaesthetics an lo ti mek, heart rate a normal a, zawi muangin a chhing zui riai riai a, fimkhur thu hlaah etomidate'n a mal bawr velin na a hriat loh nan ka chiu lut a, ka tan na tur chin ka chhinchhiah zui nghal a, minute nghak leh phawtin minute thum hnu ah ka zai lai a thi put nasa lutuk tur ven nan tranexamic in ka chiu leh te te a, minute nga dang kan nghak leh phawt a,




"Cutter?" ka hmanraw mamawh ka lam tan a, ka kut a rawn thleng nghal vat,



Dim takin muang fan raihin ka nawr lut de de a, thisen a rawn luang ngiai ngiai a,



"Clamp" ka lam rualin ka kut a rawn thleng lehnghal a, lapua chepin a nasa zual lai chu dim tein ka hru den den a,




"Gigli Saw." ka kut a rawn thleng leh nghal zat a, ka hmet nung khep a, a ruh ka tan tlang lai chuan a ri rat a, ri hriat nuamlo tak ani!




Ka piah lawka nurse pakhat a uak that! Ka rilru a la peng tep! Ka thlanin min bual a, ka chal leh ka bek vel nursein alo hru zung zung a,




Darkar chanve dawn ka sawngbawl zui hnuah mawi hnai takin ka thui thei hram a, Ka tawn phak chin a, keimah ngei pawhin a hmuh hrehawm ka tih ber ala ni hial ang!




OT ka chhuahsan hmain cabin pe tur leh damlo a harh hun a morphine injection nghal tur a hrilhin OT ka chhuahsan a, damlo chhungte bulah a that thu hrilhin Lavat'ry lam ka pan ding nghal a, nurse pakhat alo uak tiah tiah! Ni e, a ke han lak hran hlawk kha a rapthlak em ani! Ka mask phelhin ka thaw kawk kawk a, tap ah tui herh hawin ka kawtin ka dawh a, ka hmai chu ka phih zui sawk sawk.




Ka hanky ah lai phawrhin ka hmai huh ka hru ro a,


"I tha em?" ka bula nurse la uak ngat ngat chu a hnung ka zut sak zui hoh hoh a,



A mittui lo tla phung nuai chet chet pahin a lu a rawn bu nghat nghat a, assistant pakhatin tui min rawn pek chu ka pe a, a in zui khawlh khawlh mai,



Team a tel tur an thlang uluk lo deuh nge ni, OT room chhung a concentration tibuai thei zawnga awm reng reng hi chu, ennawn leh theih nise ka ti ang reng khawp mai! Second khat lek vang hian nunna chhan hman loh palh theih ani a, hnuk khawih thil khawih laia thleng atan chuan nichin a thil thleng kha chu duhawm loh tak ani.




Ka cabin ah ka phei zui hnak hnak a, room chhungah lutin couch ah ka thu thla hnawk a, ka chal na ngut ngut chu dawmin ka mit ka chhing vang vang. Engtin chiah nge kha naupang kha a chetsual ni, khati tak a suh tliak sawp hneh tur chuan 407 khan thil rit tak phur chu a nei a ni chek ang a, a ke dinglam chiah chil a, a ke vei lam emaw, a taksa chunglam vel ah engmah hliam a neilo ber kha ka mak tih chu ani! A hringtu nu leh pa ngeiin an sawi chu dik turah ka pawm sak a, mahse kha naupang ka lainatna vang hrim hrim pawh khan ka ngaihtuah zui zel lo theilo!



Taksa hah ru zetin ka dawhkan lam ka pan thla a, zinglama damlo report ka en zawh hman loh ka en chhunzawm zung zung a,




Ka Cabin kawngka a rawn in hawng a, chief chu rawn langin kawngka nghengin a rawn ding sawi deuh baih a, a ipte a zan ve tat thin bawk nen a dul kiar hi pui ve luah luah tak ani,



"OT ah thil thleng a awm em ni?" kuhva a ei nge ni, a ha a hne duk duk reng lehnghal.




"A, thil lian tham ani love, lo lut la chief." zahna lan tir nan ka file khawih lai ka dah thla rih a,




"Aih, ka rawn zawt fiah lawk che, a doctor berin i chhan tlat chuan a tha ah ngai ang, mahse mualphona nasa tak thlen thei ania, ngaihthah loh a tha ania." a nui hak hak a, a kal zui ve leh mai.




Ka duhai a kal hma hret a, a kekawr zipper a zip theihnghilh asin mawle, midangin an hrilh turah ngai ang.



Minor operation ti turin doctor dang an awm rih tho a, intih harh ka duh pah bawk nen canteen-ah ka chhuak thla nge nge a, a doctor ve meuh si canteen a han lawr thlak zut reng pawh hi a nuam lem lo, hna ngaihsaklo nih hlawh a awl e an tia lawm!



Kil khatah keimahin ka thu a, coffee leh dough-nut ka ei a, ka awm ti nuam tawk lek chuan ka puar pui ve mai zel, naupangi te thiandun an rawn lang thla a, an ni pawh hi ward duty an nia, engti tih a rawn chhuak ngawt nge maw an nih le aw! Mi inti vei tak a min ngaih phah chu duhlo hle nilo ilang chuan, ka kam khat hlak tur hi ania, mahse dept. staff te awm dan tur, an duty hrilh nawn chu chief kutah awm rawh se.




"Doctor, ka lawmpui lutuk che aw, iti tha lutuk ania." nui sen sen chungin hlim hmel tak hian pawisa ka pek lai chuan ka sir atang min rawn bia a, nui suk chungin ka lu ka bu ve leh nghat ringawt. Ka kalsan zui a.



"Doctor pawisa kir ila lo!" min rawn au lung lung a, kawngka ka pel awrh chauh si, a rawl tawpin a au emaw tih tur khawpa ringin alawm mawle mi auh le!



A kut pahnih a ka pawisa tur chelh chungin a rawn lek kang va a, a nui sen sen bawk, a hmel hi chu a tha ving veng reuh mawle.




Ka pawisa lak tumin a hnawr ah ka hum a, ka pawt thla maithei lo alo hum nghet ru phian lehnghal! Ka pawh zawngin amah chawpin a nghing dat dat a, ka zak lek lek dawn lawm le! Ka kawng ka dawm a, hnuai lam bih chungin ka thaw halh ringawt, hawi chhuah pahin ka lu ka thing nak nak a, rum zeta melhin ka pawt hrawk a, a thlah zui ve mai. He nu tereuh hi a, taksa lo hah sa nen ka thaw suk suk a, hahdam veng veng theihna tur hmun thawl tawk tak ka mamawh.




Chawhnu lamah buai chhunzawmna tur em em a awm ta lem lova, tlai lamah do minor operation pakhat ka nei a, naktuk lamah erawh chaw hma lama zai turin list a awm tiarh tawh mai. Counter-ah Lalrinsanga ka nghak a. A rawn thleng phei har lo, a ngai te bawkin kan hmeichhiate pahnih pawh, Lalrinsanga sawi ang tak tak hian mi an um zui ru deuh tak tak nge mawni, kan in nang fu thei lutuk hi, tihpalh thil thu chu a nilo chiang khawp.




Mak tak maiin Lalrinsangan chet ala miahlo a, kan hmeichhiate mak tih pawh a tling ve ni tur ani, an meng bial pap mai, Elevator chhung boruak chu rit tak ani, mit leh mit a in tawng fu zuk zuk lehnghal a, Lalrinsangan a zia a chhuah loh chuan kan ni duk hlawm mai. Enge Lalrinsanga pawh hian a hriat reng reng ni.



Kan thleng thla a, motor lam kan pan phei a, ka seat lam ka hawng a, ka thu fel a,



"Khawimaw lawk, ka laptop ka dah alawm." Lalrinsanga a rawn kun lut leh zuk a, ka mawng ka lo kan ve vat a, la chhuak a keng kual ve ta mai lo chuan a seat lamah a theh phei leh te te a,




"Gay anga ka awmin mak an tia, tikhan ka ze ngaiin ka awm a mak an ti tho bawk sia tiraw?" a nuih huk zawngin a chil a rawn phuan chhuak berh lehnghal! Ka nuih phah huk a, chhuah pahin a hmui a nuai zui puat puat a,




Bazar ah chawhmeh kan lei kawi zuai a, abak hmun dangah kan kal lem lo, khua a lo tlai ve duai thin a, in lamah ka pa enkawl angai bawk nen, khaw han hawi hman pawn ka khawsa theilo.




In kawt kan thleng a, step kan chhuk laiin kan inchhung chu a ri deuh nak nakin ka hria, mak ti ru zetin kawngka ka hawng a,




"Hei le hei le, kan doctor hmelthaa alo thleng e." Ni Hruaii chuan nui san sanin min lo lawm chiam a, a sahdah a hmuam pawng ropui si!




Ka pa te lama ka chhungte, ka pi, ka patea nupa, ka ni te nupa, an fate nen an lo zi luih luih a,



"Enge in rawn tih?" ka ti hu a, Lalrinsanga lah inthlahrun hmel zetin ngawi rengin dawhkan bulah chairah a thu ringawt.




"Aw kan rawn tlawh che u enge ni vak ang, inla naupang a ve sia aw." Ni Hruaii chu a nui huah huah a, chhungkaw han awm khawm luih luih ah chuan hlim zawk awm tak hi ani a, mahse anni ho ka hmuh hian lawmna pakhatmah ka nei thei lo nia!




"Hetiang hian ipa hi enkawl daih tawh tur ania, enkawl dan dik a han enkawl chuan hei a dam vat mai ang." inchhungah inti vei takin hian a kal kual chhen lehnghal a, ka pi leh ka patean ka pa an kawm siam siam a,




Ka ni thusawi chuan mi run kher mai! Enkawl dan dik hria te chuan hman hmanah min enkawl pui awm tak hi ania, ngaih chuhin Lalrinsanga ka hui zeuh a, room lamah lutin kan inthlak zui sawk sawk a, sawi tur ber pawh ka hrelo, ka pa chanchin te hi an hre ru zawk a mawni, tuna taka rawn lan teh hlawl hlawm chu a, Doctor ka zirlai a ka pa damdawiin awm lai pawn ni hnih ni thum bak an rawn inlan lo tih ka nauin a hnu ah min hrilh zui bawk nen, thil hluiin ka ngaihtuahna a rawn tuam hlup hlup a, ka tawt up up mai,




Lalrinsanga ka inbual hmasak tir a, a inthlak buai chhung leh indah fel chhung velin ka inbual zo hman ang a, ka chhungte lakah alo in kil tawih hman em lovang, kan inchhung zau ve tak chu naupang lawmah a tla a, an tlan kual pep pep hlawm mai, lung an ti zing lek lek a, an nu leh pate'n khap an tum der bawk silo. Ka thaw sa pup pup mai.




Lalrinsanga inbual zawhah ka inbual ve leh zung zung a, ka inthlak fel a, ka pa roomah ka lut phei a,



"Ka pa, damdawi ilo ei tha em? enge i an a?" ka pi leh patea hmuh kanin ka pa chiah ka bia a,



"Ekhai tha teh reng mai." alo ti chher chher a, a kut a khur eihlo!



Ka hawi kual ruai a, a room chhung chu a hnawk nasa mai, ka hrethiam mai a, ka na vawng vawng mai! Hmeh sawr hrep ang maiin ka lung a tawt up up a, ka kawr chhanah ka awm ka tham nghek a, za lo takin ka nui chhuak hak thung.



"Mamte, in naupan lai khan enkawl tur cheu pawh kan awm lova, mahse hei ka tawngtaina Pathianin a chhang a, kan enkawl ngai miah lovin in han awm thei ania, in va ropui tak." ka pi chuan a lo ti nem thliai a,




"Bal hrit hret deuh hian lo kal lo kal tei vet suh." tia a vawkchaw chan pah a inchhung ka luh hma hauh a mi vin hlawk hlawk kha ka hrechhuak zawk nia.




"Aw kan enkawl ve kha maw, a riltam in hnawh puarna ber alawm kan nih," Ni Hruaiin choka lam atang nui hak chungin a rawn sawi ve tawk tawk a,




Hrep hlawm hian, saw mihring phei saw chuan vawikhat, vawikhat chiah ka chhun riltam pawisa ren nan ti a chhun a ka pi te ina chaw thing ka bar tumin ka kal tur ka hnung lamah, eitur zawng zawng hi a rawn eizo a, ka ning ania ti a phun zui hlak hlak kha ania. Engtin nge maw a rawn tawng ngam zawk ni!




Kun ngar ngar chung a za lo tak a nui hul hakin ka lu ka thing tawp a, choka lamah ka chhuak phei a, Lalrinsangan ngawi rengin thingpui a lo lum a,




"Bawiha keichu a paw hang khan min siam teh aw." Ni Hruaiin a la rawn ti ham ham! Min tih ang chiaha thung rul ve chakna in ka khat tlat.




Tlai Dar 5 a ri tep a, haw an tum lo amawni ka tih hnu ah tin an tum ve hram a, an insiam sang sang. Chaw ka chum phit vut vut tawh a,




"A nih u." tawngkam tha a han thlah luam pawh ka peih lo!




An chhuak fel a, naupang sulhnu chhuiin motor lem atana an hman stool let pheng phung te chu ka rem fel zung zung a,




"Enge i chhungte lo kal chu i va hlim lo ve a." Lalrinsanga chuan kan mai lei haw vel mawlh mawlh chungin a rawn phun chhuak sup a,




"Nia, a lawmawm dan a nep emai." za lo fe hian ka nui lui sak a,




Ka pa roomah pawh ka lut phei peih rih lo, rawng ka bawl chhunzawm char char a, Dar 6 dawnah ei ka peih fel a,




"Pa ber i hruai phei dawnlo ami?" Chaw ei ka siam a thleng pahnih chiah ka la chu a hrethiam lo deuh ani ang!




"A ril atam ka ring lo." ka chhang bul hmuk a, ka chhunzawm mawlh mawlh.




"I va ho tak e aw," a tho hluai a, ka pa room lamah a lut phei a,



An rawn in hruai chhuak ka hmuh rualin thleng ka lak belh a, an rawn in thut fel tir zui ve mai bawk a,




"Mai kan ai tui chawhmeh mi hlui thei nange a?" ngeiawm zet a nui khi sak angin a thle bak bak a,




"Akhai aw ka pu chu, mai i duhlo tih ka lo hre miah lova, naktukah chawhmeh tui deuh kan lo hawn tawh dawn nia." ka ngawih vang vang takah chuan Lalrinsangan aw nem dam thlupin a chhang a,



"Huh, fate tan chuan pate tluk chu har deuh tur ani." a chaw thlengah a hmai a phum lo chauh!




Ka veilam a fianpui hum chungin ka thlenga chaw tlang chu ka kheuh thla hlek a, chu ringawt pawh chu rei ve thial niau niauin hul zetin ka lem awl awl a, vawiin tlaia kan boruak nen, ka kawchhung a so tlat! Ka thaw halh a, Lalrinsangan nuam a tiloh hlauh vang chauhin ka la thu lui hram hram.




"Keichu e bawiha, ti hian zu ruiin awm mai mai mah ila, ram tha zet hausak pui tham ka la nei ve tlat, Aizawl pa hausa tak tak hian min dil nasa a, induh ve larh tur." a au lung lung a, ka zahna vangin ka thaw a tawt up up a, ka thinrim vangin ka hnung zang hi a lum chho up up a, ka kawchhung atangin ka taksa hi a sa chhuak vek a, nghet nghetin ka fian ken lai ka hum nghek a, ka chaw ei a tui hlawl lo!




Ka ti lui thei ngang lova, ka tho nge nge a,


"Ekhai, mipa ini lo ami khatiang lek ei suh." a tawng ring bawk si, ka rilru nat vang a ka aw bawm tawt up up tih reh tumin aw ka thian kharh kharh a.




Ka roomah ka lut a, khumah ka thu thla hnawk. Ka hlimni a tawi mang e! Engkim theihnghilh a ngaihdam vek ka duh a, mahse an mi rawng tawng let dan hi a mak em ani, a dawhtu zawka tang thei hi mi puitling zia an ti a, ngawi reng a dawh ngat ngat a, mahni nghawng a hrui vet a thuthleng chhuih thlu hi an tam phah ngawtin ka ring, mi dawhtheihna hmu ran chunga rem changa laksak a, pawng chintawk hrelo hi an tam awm si.



Choka lam a ri rek rek a, Lalrinsanga alo che surh surh a, kapa a lo awm tawhlo, engtik laiin nge maw an lo inhruai luh ni.




"Lo va thu hahdam rawh, rilru lak penna tur ka duh." buk hmuka tawngin a thleng sil tum chu ka nek per deuh lawp a,




"Hey, i zawhna engkim chhanna chu i hriat kha aw," a phun hluk a, ka darah na lo tein a rawn hnek dat a,




An mahni ka huatna hi an lakah sawiin, ka ngaihdam vek thu ka hrilh leh kher ang maw? Hei lo hi chhanna dang a awm thlawt lo em ni! Ka chunga an awmdan vang a ngaihdam min dil chakna te an neih chuan loh chuan, enge sawtna awm ang! Thil awm dan in buk tawklo lutuk ber hian min ti na.



Ka thleng sil zawhah Apple velin ka chan thlap a, ka thinrimna dah tha hram hramin ka pa roomah ka chawi lut a, Khawiah nge maw Lalrinsanga kha alo kal daih ni.



"Ka pa, kha thei te hi ei la, damdawi i ei dawn nia." a khumah thleng ka nghat thla a,



"Mmmm." a rum nghut a, a che uih ringawt, a lo inhnem lui leh hlak a, a taksa in a zo tha lo ani ngei ang.




Ka pite lo kal hma khan a lo in a ni chek ang a, a nghei ve tan ik ik a, a tih leh nghek vang ani ang, a taksa in a zolo nasa emai, alu dawm kangin a chahthlak tak tak hmain damdawi tuiril eitur ang ang chu ka tulh lui a, tih mawh takin a awm zui bik chuanglo.




"Ka tuar thei tawh lo, tlem tal kan zu te'ng." kawngka atang a rawn ri lut bawrh bawrh a, meizial a rawn zuk put putah chuan, hepa hian meizial a zu ve thin reng alawm mawle!




"Keipawn ka nei reng alawm engah nge maw i han lei kher ni, a zu lo tur ber hi kan ni asin mawle." vaihlo khu rim lah chu ka hnarah a rimtui tlat pek a,




Ka meizial lachhuakin kan tan ve thawr a, bawm thar ka lei lohna a rei tawh khawp mai, keipawh hi insum nasa ve tak ka ni. Ka rilruah hmun thim taka eng rawn lut thut ang mai hian enge maw a rawn lut zawk a, ka pa chunga ka thinrimna pawh a reh hmiah, zu chu ka in lo, mahse meizial hi ka taksa tan a thalo ani, ka sim hmiah theilo, bul hnaiah a awm reng phei chuan ka insum thei bik lo! Ka pa in vawiin tlaia zu alo in leh chiam mai chu ka ngaidam hmiah a, ka nui chhuak hak mai!




**********



AwmAwmi Pov




Kan inhnuai tlangval a rawn leng chho a, ka nu'n inla zei fahranin min mut hahdam san daih lehnghal, Dar 7:30p.m chiah ania, a la hma nasa mai si! A leng rei ang tih te chu ka hlau ru lutuk.




"Tun a Sawrkarin P.W.D a J.E a lak thar tur ah khan ka in ziak tling ve a sin." nui sawngin a meizial a zu khu tulh tulh a, a van polite lo reuh tak, ka rin ang ani lo!




"Ehe, avan lawmawm em em, a harsat awm nen, i inkhung thei ka ti rengah, i zir nasa nimaw?" meizial khu ka lam a rawn phei chu ka kutin ka hmai zawnah ka lo vei vut vut a,




"A, zir nasa lem love, a harsa lo hrim hrim a," a ke thluag duaiin a khawkherh a, a chezia vel chu chapo hmel ka ti rapthlak!




Ninawm e, Jeremy-a ni zawk se ka van ti tak, Jeremy-a chu nise a meizial khu te hi ka hip luh sak duak duak thei ang! Mahse a teuh silo! Tlai kan haw dawn a ka thil hmuh ka hrechhuak zawk!


** Flashback **


Elevator kan chuan tirte atangin nidang anglo deuh hian Gay an nihna lang miah lovin an khawsa a, ka thinlung hmun kil khata Gay atana pawm thei miahlo tu hi a lawm veng veng tawh, a bodyfit hak inhmeh zet phena a taksa in phut mawi tawk tak te hian min hip hliah hliah, a awm a lian in a dar a pharh mawi em em a, a kamis a kilh pum loh vanga a awm tlemte rawn lang hlek te hian a van ti pa zual chiang tak, Elevator chuan chhung reiloh zia kha,




An car awmna lam an pan lai chu ka scooty pawh start lovin ka thlir reng a, Mali pawn mak ati tih ka hria, a scooty start bik lovin a en ve reng, an sir lam hnung deuh atangin kan en reng a, Jeremy-a a thu lut chiah tihin annu zawk a kun lut nghal a, Jeremy-a bawp tlem a lan vangin a lo awm kang euh tih a hmuh theih! Ka rilru a kawi chiang ngei mai, an hmalamah tumah ven thawn tur an nei lova, Mipa chuan an kekawr zipper an phelh tawp a, engkim an ti vek thei! Ka scooty steering ka hum ngat ngat a, mittui tling pam chungin ka enlui ngar ngar!




"A zahthlak e Awmawm kal mai ang!" Mali chu a rawn phun sur sur a, thawk pawh ka thaw ri ngam tawhlo! Lo awm ve hi a zahthlak lutuk!




Ka lung phu dawt dawt ri te chu an hrephak ang tih hlauin ka awm zawn ka vuan bet tawp a, an nu zawk chu motor atang a rawn dak chhuakin din ngil pahin a hmui a nuai zui nak nak a! Ka rilru hi ana ngawih ngawih! An van thleng thui tawh em em! Ka mittui tling vangin kawng pawh ka hmu phe vek, muang changin kan in khalh chhuak zui det det a.





*********




Chutiang zawng zawng ka hmu chung pawh hian, a chezia, a induh em em reng mai te, a hmeltha vur tho bawk si leh a pianphung pa hliah hliah te hian min hip loh phah chuang bawk silo!




"Tinge a awmawm i damlo ami a, ka meizial zuk hi a hrehawm ami?" Ka harh chhuak zawk!




"Aih aih aih, vawiina damdawiin a naupang pakhat ka khawngaih deuh ka lo ngaihtuah chhuak a, naupang pakhat bal hrit hret deuh hi a rawn kal hlawl a, anu abo a rawn tia, a la te ropui sia, staff thenkhatin anu an zawn pui a duty ka ngai sia, ka pui ve theilo a, ka ngaihtuah chhuak thut a,"




"Va han dawthei tak, awihawm loh lutuk!" ka rilru in ka in hrilh zui mawlh mawlh.




"A, chu midangin an puih tho chu, a chang chuan dinhmun a zir hian mi pui thei dinhmun ah hian kan ding reng bik hleinem, i rilru ti hah duh miah suh, inthiamlo duh suh." Mi hnem dan te chu a zei phian reuh a, mahse ka duh phah chuang lo.




A mitkhur a thuk rim rem si, a mithmul a dum chhah si, a hnar hi hei ai zum lo hlek se chu a nalh phian ang, ka thlek vung vung thin a, a hmeltha teuh lutuk, mahse a hmelah hian diklo lai a awm, a ti chul rup mai, ka hmu chhuak thei bawk silo!




Tv en pahin Darkar chanve chu ka thut liam pui ve thei hram, titi pui dan lah chu ka thiam der lo, zirna lam sawi dawnin kan line a in anglo bawk si, ani lah hi a ngawi run run a, a ke a ti che hlurh hlurh reng ringawt bawk si.




Thingpui lumna chang hrelo tia min sawi ka hlau ve bawk nen, huphurh ru zetin thiamlo chung chungin kan lum ve thawr phawt a, hostela awm thang ka ni a, eisiam lamah hi chuan in zir ngai tak ka ni, hna neiin ka thawk chhunzawm ve leh bawk si a, ka zep lo ka zeilo ve thlawt, thingpuife ka thlak tlem deuh nge ni, a sen fim ral a, bawnghnute ka pawlh leh chiah phei chu bawnghnute rawng sen lek lek a ang tawh zawk! A awm tawk vel a ka rin chini pawlhin ka chawk sawk sawk a, mahni chauh a in tir chi ni hek lo, ka in tur nen chuan ka keng thla ve ngei, tea coaster la chhuakin center table ah ka chhawp tawp a, a rawng atang hrim hrim hian ka siam mah nise a tui loh hmel hi ka ti hliah hliah, ka zak ru chem chem mai,




"Mmmm, a thlum dan chu ka duhtawk chiah." a dawt ri zui leh hruih hruih a,




"Hetiang thingpui tui hi alawm ka in chak thin." a tep zui chuap chuap a,



Ka thaw huai mai, ka in phur ve deuh, ka no ka la kang a, a la sa bawk nen tlemte ka lei hnawmna khawp lek ka dawt zeuh a, awi awi awi! A tuilo lep luap lutuk! Bawnghnute thingpuife rim nam lum pep pep a chini ren zet a thlak ang vel ani! Ka zak lutuk! Ngati tikhan dawt a sawi kher le! A hmuh loh laiin ka hmui petin ka ner sawk sawk mai!




"Thingpui kan in zo chiah na chu, ka chhuk thlak san ang che, in hnathawh a hahthlak dawn thin si, mu tawh rawh." a zi mar talh talh a,




"Nia chau ve thin tho." ka tho kang a, kan thingpui inna no ka seng a, a tui tih zia sawi chungin no chanve ai hniam bak a in bik tawp silo!



"A nih muttui aw." No ka sil lai a chhuak tur chu ka au ve tawk tawk a,



"Muttui le." Kawngka a khar a, no ka sil zo ka rem luh laiin ka nu a rawn tho chhuak lehnghal, ka va ngei reuh tak,




"Khatiang khan inleng te thlah ngai pawh ani amawni, a mawiah kawngka atang ten han thlah ve em em la mawle," filter tui a rawn thli zui karh karh a,



"Ah, a ho emai, ka bialpa pawh ani lo a," ka ti liam puat a,



"I ngaih te hi a sam zel reuh bawk sia, inla hmeltha ve deuhin inleng pawh i neih theih tawp loh hi, keite chu zankhatah i pa chhiar telin mi pali vel tal hi chu an rawn kal ngei ngei." a nui zui seih a,



"In sawithei ve thei sia a, ka mu dawn." a hnunglam atanga kuahin a biangah ka nawr vak a, alo nui sen sen mai.



Zing ka tho ka inbual zawhah inchei ka tum uk a, mahse ka taimakna in a tlin ngang lo, khawlum lai ani bawk nen, crop top ka ha chhuak a, jeans ha in sneakers ka bun a, tlaiah Mali nen chhuah kan tum a, inchei ve hlek chu angai.



Hospital ka thleng chho a, counterah hming ka ziak mawlh mawlh a,



"Ehe Jeremy, i dam maw?" ka hnung lam chu ka hawi let vat a,



Grab Some dawr neitu nu, piannalh zet, mizo hmeichhe height atan a awih awmloh lek lek tur khawp a sang, bawp sei nalh zet, sam kir chiai, vun nalh fahran hian Doctor Jeremy-a alo chibai mek a, Jeremy-a hmel ka en a, a meng buai nak nia!




"Ka tha alawm." a chhang bul nghut a, inher vutin a kal zui nghal daih! A rimtui chem chem lutuk.



"Thiannu, Doctor Jeremy-a kha i hria ami a?" ka hma a hmeichhe sang leh piannalh em em chu ka va be ve teh tawl a,



Min rawn en a, a mit hnawih dum dan chu ka hmeichhiatpui mah nise nalh tak ani, a mit hmul a sei thain a er nalh em em a, a mit meng ringawt pawh, hetiang mit meng hi chu nei ila mipa ka melh thlu pawp pawp zel ang ka tih thin ai pawh a nalh zawk ani, cotton jeans var torn a ha a, a mal no lai rawn lang chu ngo tak ani! A kawng a fek rat a, kawr dum hain ahnuai ah vest ha lo se chu lang hnem tur tak ani!




"Hre thin e." a lo nui ver ver a, chiang zetin biangsum pahnih a nei kelh a,



"Engtin nge in inhriat dan?"...





To be cont.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:23 pm

Flower Basket
Chapter-9

AwmiAwmi Pov




"Ka buai deuha min lo hrethiam mai." in herin inchung lamah a chho nghal daih.




"In la reuh hle mai." ka phun sep a, a hmeltha ka tih zawng zawng pawh kha ka sut leh vek!




Mali nen female ward lamah kan duty a, Jeremy'n ward a rawn fan lai a Mali nen an inzui ka en reng a, ka thiannu mah nise ka thik ngawih ngawih! Engvanga kei min thlang lo nge maw anih le? Tum buau chungin ka thiannu leh ka mipa duh em em mai in zui chu ka en reng ringawt. A stethoscope a hmeichhe dang awm bawr vel an nawr kual te chuan ka lo sa ap ap nia mawle! Ngati nge ani mi rilru kawi, a anpui hial ngaizawng duh vanga ka lo thinrim a, a chang leh ka lo lawm ve viau zel le.




Damlo khuma mu nih ve mai te chu ka chak a, a thinlung zawng zawng chuan ani hauhlo ang a, mahse tlemte tal a damlo ang a min ngaihsakna awka leh duatna kut dam tak dawng sawngtu nih ka chak, ka chak takzet.




"Kha, chance ka pe ang che, nakinah i va pe dawn nia." Mali'n damlo report a ziahna sheet chu min pe a, ka nui ver ver! Enge maw a hriat tehreng ni, nidangah min khap char char a, tunah chance te an ti leh vel a,




"Lalzei" ka nui ver ver a, a nui ve tawp.



"A kal liam chiah sia, a thut hahdam awm velah phei ila a tha zawk ang tiraw?" ka za cheng mai,




"I tih dan dan kha chu, i beidawng duh bawk silo a, bakah nizanah Lalhruaian inthen ang ati khang lang a, an thian dun hian ro rum rut turin siam law law ang!" ka nui chhuak thut a, rang lutukin ka hmui ka hup lehnghal! Henu pawh hi a, ani deuhin ka hre rengah, min tuipui lo ru deuh si hian, Jeremy-a bialnu kha a en vung vung zel.




"Va kal tawh rawh, rei alo ti lutuk ang e, Minor operation ti tur ziah luh an awm nualin ka hria, a hman rei vak lo ang." nui tuh tuh chunga Mali'n min hrilh takah chuan harh chhuak zawkin sheet chu ka la vat a, hmanhmawh ru takin Jeremy-a cabin lamah ka pen phei hlawk hlawk a,



Kawngka lo inkhar chu vawithum ka kik dat dat hnuah pawh luh phalna thupek chhung lam atangin a la rawn ri thei chuang lo. A kawngka a inbel, a hming tarna nawr tawlh theihah chuan 'IN' a inti kuau bawk si, Door knob chu herh detin zawitein kawngka chu inthlahrung ru takin ka nam hawng a, ka dak lut dek dek a, a chairah chuan an thu lo a, kawngka hawng zau hretin room chhung ka dai luta, couch-ah a ban lukhamin a lo mu der der a, a thawk lak zawnga a awm in sep dawrh dawrh te chu hmuhnawm ti zetin ka thlir vang vang a, a muhil tak tak anih ringin dimtein dawh kan lam chu ka pan phei dem dem a, report sheet ka dah a, sheet kara pen rawn lir chhuak dawhkana a rawn tla ri fawk ah chuan kezungpui tawm vek khawpin ka ip chawih a, ka mit ka chhing sawk! A harh lo in ka hria, pen chu humin kawngkhar lam chu dim zetin ka ka pan phei a, ka ngaihtuahna a thil rawn lut vang chuan ka ding chawt! Ka hawi let a, nizan a mutha lo deuh nge mawn le, tun angah te han mut te tlat chu, ka thil tih tum chu keimah leh keimah tilo tur a inhrilh mawlh mawlh chung chuan Jeremy-a chu ka pan hnai lui zel tho! A bul hnaite ah chuan ka thu thla a, a thaw ri suk suk a, a thawk zawnga a awm in sep chu ka en reng a, a awm si lek lek khawpin thawm dim zetin ka beng ka dawh a, a lungphu ri dat dat chu ka ngaithla a, thil lawmawm tak phei chu ani hauhlo, mahse enge keihian a lungphu ri ringawt hi ka hlimawm em em si le! A rimtui thei em em lehnghal, a fresh veng veng zel, a hmui chhah tep mai chu ka thlek dauh dauh a, ka seh chak! Mahse ka hmui hi chu ka mipa hmangaih tak chauhin kiss se ka duh.



Ka kut lakang in dimte in pen chu ka nip ka hmet chhuak khep a, ka ip chawih! A harh ang tih ka hlau lutuk, thawk pawh ka thaw tha ngamlo! A hmai chei ran tumin dim em emin kut khur dar dar chungin ka tin hnai a,



"Ahh!" ka meng bial pawp! A rawn harh a, mi melh hrawk!



Ka kut a rawn man rualin ka te zui that a, ka hmui a rawn hup nghal, a rawn tho zawk a, ka hmui a hup chungin ka lu chu couch ah a nam bet a, chhuat ah ka thu sawp nuai bawk si ka tang theilo! Ka hmui a hupna ban chu laksawn tumin ka bei ve fat fat a, ka ke ka leng awrh awrh, ka hnehlo nasa lutuk. Ka pen thlauh ngei mai kha a en vung vung a, ka hmai a thil a rawn ziah lai chuan a kut man sak ka lo tum a, hnehsawh zetin a lo dang sawn zel bawk si, ka hmai a chu pen a thaina vangin a za mer mer a, enge a ziah pawh ka hrelo! A ziak zo aniang chu, min thlah a, cabin atang a chhuak nghal hmak! Ka hlauh lutuk vang ka lung phu dawt dawt chu ka kut pahnihin ka dawm a, ka thaw kawk kawk a, ka hmai vel chu a sa hut hut bawk. Ka thawk dan a pangai a, ka ding chhuak a, ka form chu ka pawt mar kual thuak thuak a, ka hmaiah thil a ziak tih ka hria, ka kut a ka hmai khuhin hnuai lam ka bih ngur ngur a, ward ah ka thleng phei nghal, mak ti zetin min en zui vung vung hlawm tih pawh ka hria, Mali bulah deskboard phenah chuan ka thu hniam a,



"Ka hmai hi engtin nge a awm?" ka kut ka la thla a, a hmui hupin a nui dir nghal char char.




"Ngati nge a?" a nuihza lutuk chu a tawng ri che che thei chauh! ka in hup leh tawp.




"Khawi maw hup lo teh." ka kut lak sawn a tum chu melh chhoin phone a lek tih ka hria!




"A tul miahlo Lalmalsawm." ka vin hluk tawh! Heti taka min han nuihsawh mai! Ka tah te a chhuak.




"Kha en rawh." a la nui dir tlek tlek, a kut man paha ka kut lehlama a phone ka han ban zuai laiin a hmet hman hram a,




A phone chu ka chhuhsak a, ka thlalak chu ka en a, ka zak lutuk hi ka sa pup pup a, ka hnungzang te hi a hik chho chhawk chhawk thei hial! Ka chalah lian lutuk takin hawrawp chhe zetin 666 a ziak a, tarmit lem lianpuiin a ziak bawk! Ka tap vak chak lutuk. Ka thlalak chu ka delete zui nghal hmiah.




"Khawi wipes." keimah vek chuan a bag chu ka hai zui nghal rak rak.



Ka chal leh mit vel chu ka hru nawk nawk a, ka wipes varah pen tui rawng a kai riai takah chuan ka ngaih a ngam deuh. Mi vei vakin min rawn hmu tam lemlo bawk nen, hmai sa het het chungin ka ding chhuak a, ka ke a mu hman lek lek lehnghal. Kan tuaia chak reuh zia kha a, tuai ho hi tha an ngah duh phian tih hi a dik aniang, a chak em em dan kha, rilru sual pu in hmeichhiat mipatna thila min sual tum nise, ka chhe zo der dawn a nihkha!




"Nui tawh suh." zawi sep siin ka vin hluk a, min hlaulo bawk nen a nui hek hek reng tho.




"Ka Awmawm duati chu a hmai a va tai hlur hlur ve, engati nge a?" Kan chief tenawm zet chu kan bulah a rawn ding thla a, a rawn khi ang sawng lehnghal a.




"Engmah," ka lo chhang bul nghut, hepa hi chu ka zah peih hlawl lo, ka hlau lo ve chiang sia e.




"Akhai aw, kan naute neih chhun chu a lo thinrim leh hlur tawh anih hi." ka dar ah rawn manin mi tham salh a, ka tim uai uai mai! ka ten lutuk! Ka dar tisawiin a kut ka theh sawn sak lawp a, rum zetin ka melh nghek ringawt.




"Chief chu, nizanah i nghei chiang mai." Malin min rawn chhan a, verther hmel zet hian a nuih lui sak,




"A khai, mai mai thin a, nghei tak tak hi a awm lo." a kam sir chil phuan chu nui huah huah chungin a nuai puat a, ka ten lutuk.




"Kham tak tak pawh i nei chuang lo ami?" Mali bawkin a ti leh sak a, chief chu za lo fe in a nui hul hak mai.




"In hna thawk leh tawh rawh u." za lo zeta nui hul hak hak chungin a kal daih.



"Ka ning ka ten lutuk." ka phun zui sap a,



"Tih hrep mai tur, a der takngial a zah pawh a phu lo kha pa ve kha, kei aiin tawngkam a rawn duhthawh, hmanzanah a zahmawh thlalak alo thawn ve a, sa tak ani sa tak!




Hna thil em em nilo ah chuan Doctor te hian nurse te hi chu min be em em lo, enge maw thil a intih nelawm nan a infiam zuk hi chu a awm ve, mahse kan chief erawh intih nelawm a tum lutuk naah leh, a chet duh thin dan vang hian a zahawmna a hloh vek tawh! Doctor dangin an sawi ru thin angem chu ka hriat phak anilo, mahse nurse ho hi chuan kan haw vek, kan zah peih vak lo.




Buaina tur thil a awm loh tlem a han awl leh takah chuan ngaihtuahna ka kawm chet chet a, zinga hmeichhia kha ka ngaihtuah hlawl a, Grab Some dawr neitunu a ni tih ka hre chiang a, a dawr ami Boot pawh ka let tawh, Jeremy-a a hria a, Jeremy-a pawn a hria, in hmelhriat pangai nise, Jeremy-a mit meng buai nakna chhan tur enge awm? In ngaizawng thin ti dawn ila, a Gay bawk si, mahse mipa hmangaihna la na ve tak mi pawh a lo ni thei a, an inthen ang a, a rilru nain tuna a bialnu hian a lo hnem thiam bawk nen an inkawp ringawt aniang! Huh! Chutiang khawp a rilru no chu a ni thei lo ang!



Chair a thuin dawhkan ah ka kiu ka nghat a, ka bek a in nam khalhin ka thle nguai a, ka rilru chu a inhnial bap bap a, zeldinna khawvelah thil ni thei awm ang deuh deuh ka hai lut chiam ringawt.




"Hey hey, i va han thing tak, enge khatia sheet ah i thai vak a!" Malin ka ban a rawn beng kawk a, ka harh zawk! Awi! A zialo thei, report sheet ka thai hnawk vek!




****
Tlai ban ahun a, Jeremy-a hmuh in beisei zetin inthlakna room atang Elevator ka pan phei a, ka hawi ruai a, Mali ka en a, ani pawn nghah ruk a nei tih ka hre mai! Elevator a rawn in hawng chiah bawk si nen, kim lo zetin kan lut hna hna a.



"Nghak chhin ila?" phur lo zetin ka scooty deskboard bula thil khaina ah chuan ka bag ah chu ka khai a,



"A ho! a zahthlak, ah saw saw," rang zetin a scooty ah a chuang tharh a.




Elevator atang an rawn chhuak ve leh chiah, ka Jeremy-a, huh, ka zak theilo e! Mahse a suangtuahna ah hi chuan ka ta ania, ka diklohna a awm lo, ka Jeremy-a chu ka lo en reng a, a kamiz bodyfit pawl tak chuan a vun rawng a kap nalh zual a, a kawrkilh chung ber leh a dawttu chiah phelh thawlh thla in a awm bawr a lang det a, avan pa chiang tak a, a sexy bawk si a, a awm lian tak leh a dar pharh mawi tak te hian a hmel nung sawr hi an chawi dik thlap! Min rawn hmuh ruala vei nuih suk paha a zungchal sei thlarha a chal a kheuh zuk te chu ka hmuh hmaihlo chiang kher asin. Ka dinna a rawn kal pelh zawng te chuan a perfume hman rim pa zet chuan ka hnar a rawn verh hawk a, ka mur seng seng thei.



"Kal ang." ka helmet a rawn ri kurh a, khaw dang hawi thei lova min han siam chu le LalJeremy-a mai mai chu! Chawhma lama ka chungah a thil tih ka hrechhuak zawk a, ka ngaidam nghal vek!




Ka nui sak a, ka scooty engine ka ti nung a, a hmai tung lam hret, a mit khur thuk lem lo tak, a mithmul chhah mawi tawk leh a hnar zum mawi tawk lek te, a hmui pan hlung ni si lova pan ve hlek te chu ka ngaihtuah zui vawng vawng a, nui sen sen chungin ka in khalh chhuak zui a.


*****


Zan riah kan eikham a, kan eina hmun leh hma ti felin ka silfai zui a, nizanah khan a sim rap duhna tur khawp thil a hmu nge ni, zanin chu in hnuaipa pawh a reh daih. Ka nu serial enlai reilo te ka enpui a, a tir atanga en loh hi chu 'ngati nge ngati nge' tih chhen zel a ngai a, ka en rei peih thinlo.




"Ka Jeremy-a a hmeltha fe."


LalMali single hman lutuk nen kan Doctora te pahnih in fak siak pahin kan in sawichhiat tawn sak a, keimahin khumah ka nui kur kur reng mai,


"Keichu Gay ah pawh a mipa chan chang zawk ka la duh tal a, nangchu a hmeichhia zawk ania i chan!" ka nui khur char char! A la na ngat ngat ang chu.



A reh zui hmak tak tak nia! Ka van ngei tak, ka whatsapp home page ka thai kual ka thai kual ringawt! Ka ngaihtuah a, Gay han ngaihzawn tlawng mai chu, mipa pangai text message ka dawn ve te pawh rinawm takin ka be let lo hmiah hmiah ve ringawt lehnghal! Kei hian eng rilru nge maw ka put le?! Phone ka khawih lai ani bawk a, ka phone sana ka en a, Dar 11 a pel tawh, choka lam a ka nu tv en thawm pawh alo reh daih tawh! Kan Jeremy-a hian min va luah hneh khat tak!




IG-ah ka lut a, Aizawl news page post siam lo lang hmasa ber chu ka en a, in emaw, dawr emaw kang ani. A hnuai a thu inziak ka chhiar a,



"CC Bakery, Chanmari kawn a awm chu tunah a kang mek a, a chhungah hian awm an awm ni a hriat ani a, a bul hnaia vengchhung mipui ten lak chhuah tumin an bei a, hethu buatsaih lai hi chuan an la chhuak thei tawh tur a beisei ani, Fire Dept......."



A chhiar pawh ka chhiar zo hman tawh lo, crocs inthawlhin ka tlanchhuak nghal vat a, ka nu room inkalh chu ka chum dawt dawt!




"Nu dawr a kang ania." Ka rak chul a, kawngka ka ben na lamah ka kut a thip hman vek, hetiang em em a ka nu kaihthawh a harsat ngai ka hrelo!



Ka mangang bawk si nen chuan ka ke te chu ka per tlet tlet a, kawngka ka sawi dawt dawt a, kanu in kawngka a rawn hawng a, mut kawr pante nen a la rawn chhuak heu!



"Dawr a kang in ha rawh!" ka room lamah tlan let a,



Shorts chiah ka hak avangin pawn chhuak tawp thei pawh ka nilo! Ka kekawr tlawn hmuh rem chang ber chu ka inthawlh tawp a, a kilhna te chu a awm dan a mak em em lehnghal, kut khur hlawk hlawkin ka kilh thei hram a, ka phone ah ka tum a, ipte a lo la awmlo zui, hetiang kekawr ka neih pawh ka hre love! Ka khel ah ka pai thla rawk a, chhuah pahin scooty chabi ka ban a, ka nu pawh a rawn chhuak ve nghal chiah.




"Ka scooty in kal mai ang." ka tlanchhuak vut a, ka hnungah ka nu a rawn tlan ve nghal.




Engine ka start a, ka nu a rawn lawn kai nghal, kan tlan chhuak phei a, industry peng ah kan kual chho a, whistle a ri tuar a,



"Hey, hey, khawnge helmet?" ka hnungah traffic police in min rawn vin tuar a, ka din lawk loh avangin kan lam a rawn pan phei a, ka lu ka dap vut vut a, ka khumlo tih ka hre chiah, a reng reng thu in, ngati nge dar 11 pelh ah helaiah te traffic an la awm ni! Amak ngei mai.




"Haa, ninawm ka pu, chanmari ah kan dawr a kang kal kan ngai, kan haw lamah min lo man mai rawh." ka sawi duah peih lo, rilru hmanhmawh hlauthawng nen, dan bawhchhetu zawkin kan vin hlawih hlawih a!



"A van pawi em aw a van pawi tak, ka phone ka silent tih reng reng ka hre bawk silo." ka nu chuan pawi tih hmel zetin a rawn thluk chuai raih a, rit zetin a thaw leh hawlh thin!




"Dina te an ngaihtuah em loh ang chu maw!" a ti leh hliai thin a, ka speed a sang ve bawk nen min vuan tai mai.




Kawn kan thleng phei a, an lo la zi luih luih a, kang erawh an thelh mit tawh. Ka nu nen chuan mipui karah kan va in rawlh tawk tawk a, Dina leh Ri-tea mangang hmel taka dawr kawt a lo ding ngawt ngawt chu kan pan phei a, Ri-tea hi vai ania, ka nuin a au fiam thin a, amah ber pawn a hming an zawhin Ri-tea ati mai tawh zel.




"Ka pi kan rawn bia che a, i phone ila theilo a." inthiamloh hmel zetin an meng dul raih a, ka nu pawh en tha ngam loin an an hawi zawk zawk a,



"Ni e ka phone ka lo silent pek alawm mawle, in tha em? in na lo tiraw?" ka nu chuan ati zui luam a,




In chhung atang chuan pa lian pui pui an rawn chhuak a, Dina bulah chuan a neitunu lo thlen tawh leh lo la thlen loh chu an zawt nghal a, ka nu chuan amah anih thu a lo sawi ve vat.



"Short circuit vang anih hmel, bungrua a kang chhe nual a, eng a lak luh theih rih bawk siloh nen, naktuk lamah in buaipui chhunzawm mai dawn mi?" aw thum zetin ro a rel zung zung a, a sawi dik viau mai, flashlight vel hmang chawp a han chet chu, a buaithlak piah lamah zan a rei tawh bawk nen.




Ka nu in a chhung en a duh hrim hrim vangin kan lut a, tui tling hmur a, a chhung vel chu ala lum hup thei, flashlight in kan chhun kual a, choka lam kan lut chiah phei chu rim chhe tak ani, a kang dum ruam bawk si.



Ka nu mittui hru zeuh chu ka hmu reng a, choka a an bungraw hman ho chu kang chhe nasa tak ani. A chhung a uap si, a rim chhe bawk si nen ka lu a ti na bur a, ka phone ah mai ka tum a, ka kekawr in ipte a neilo tih ka hre leh hman, a sir te hi a thler amawni, a pawr fup lehnghal a, pawn ah ka chhuak a, chutin mi pawh an awm vak tawh lo, biakin kawt a light an dah engah chuan ka in en chiang a, ka hik chhuak vek! a rang a rangin inchhungah ka tlan lut a, ka then tlawk tlawk ringawt! Ka hnung zang chho te hi a hik chho uai uai mai! A zahthlak thei e, thla la tawk te kha an awm bawk si, ka kekawr letling a hak hi an hmuh chuan, nuihza siam nan miin min hmang ngei ngei ang! Ka ning e! Traffic man hmabak kan la ni zui! Ka ning e, hak that dawnin in phelh kung kung chi ani bawk silo!




Engin a chhun phak loh chin zai zaiah chuan ka kal thla a, mi an tlem tawh, mahse mi pakhat lek pawn min hmu se ka duhlo! Ka sam zut thlain ka hmel ka hliah vek tawp!




"Ui, i va han a mai mai tak enge khatia ramhuai ang mai a ilo awm?!" ka nu chu a au chhuak thawt lehnghal! Dina leh Ri-tean an rawn zui a, a bul hnai vai a tlawmngai motor neiin Dina te an rawn thlah dawn a, mipa hmuh atan ngat phei chuan ka kekawr hak dan hi duhlo tak ka ni.




Ka nu nen bawk kan inphur let a, Scooty khalh tur pawhin ka inring tawk tawh lo, ka thu zum zut tawh. Dar 1a.m a ri thuak tawh a, Traffic pa pawh a lo awm tawh chuang lo, in kan thleng a, a rang a rangin ka tlan lut rawk rawk a, roomah ka tlang nghal, ka kekawr ka hlip sawk sawk a, closet ah ka vawm lut tawp, ka ngei lutuk! Puan ka veng rih tawp a, Dina te mutna tur ka nu nen kan siam zung zung a, engmah hrelo ang maiin ka awm hmiah hmiah, mahse ka zak ru ngawih ngawih tho.



Ka inti fai thuak thuak a, khumah ka let tawp, ka chau ru reuh lutuk, ka phone hmet engin ka hrut kual thuak thuak a, Mali missed call leh message a awm teuh mai, IG ka lut a, ka thlalak nuihza siam nan hmang an awm em tih chu ka en ber ani. Ka hmulo hlauh, ka thaw huai huai thei!




"Bawihi, tho rawh chaw ei a hun ania, i hna i tlai leh dawn." kut vawt zetin ka hmai a rawn beng zui thlerh thlerh a,



Men luih ka tum a, a harsa lutuk, hrim hrimin ka muhil chauh amaw ka tia! Ka room te pawh ka kalh ve in ka hria asin mawle!


"Amak e aw, harh teh, tih tur kan ngah si kan chhuah vat a ngai ania." ka biang ah bawk min beng leh thlerh thlerh a,



Ka inti harh lui a, ka mit erawh thip tak ani, a kham tun mai bawk si. Mut khamlo lutukin ka tho chhuak a, tawng pawh ka tawng peih lo! A tlai tawh a tih vangin hna kal ngai nen ka inbual zui nghal a, ka harh ve deuh huai mai, ka lu erawh a na bur thung. T-shirt pink te lam hret ka ha a, jeans ha in converse ka bun a, chaw chu ka ei peih lo mai, darthlalang ah ka in en a, ka mit chu a bui lak mai, ka thawmhnaw mawlh hi, nilo nuai a ka hak leh mawlh ka hlau, a sir a ding chungten ka in en kual a, diklo a awm tawh lovin ka hria,




Counter a hming ka dah laiin Mali an rawn thleng a,


"Khawnge kan lal ngo-a te?" a rawn phun su su!



"Kan dawr a kang a, ngati nge engmah nizanah min hrilh loh, engtin nge vawiin lam te, itih ve te k ring a?" amah pawh en loin ka phun hrep a, inthlakna lam ka pan nghal nghawng nghawng chu ka ding leh thut! Ka hawi let a, khanu bawk kha, nghah nei ang takin counter bulah a rawn ding a, a ban a sana gold rawng chu a en zeuh zeuh bawk.




Jeremy-a te an rawn thleng a, alo bia tih ka hre thei, mahse ka Jeremya chuan rilru pek loh hmel zetin a kalsan daih a, Lalrinsanga nen zawk an inbe daih, a bialpa a huam hauh leh tawh aniang.

********



Jeremy Pov



Ka cabin-ah ka lut a, Lalbiakdiki tei vet khan enge maw a rawn tih chhen ni! Din hmun tha a din chiah hian ngaihsaktu leh thian hi kan hriat loh hian ngah a lo awl khawp mai! A hmel thatna a la bo lo a, a taksa mawina te pawn an la kalsan lo, nilo, an belh chhah zawk! Ani kha ka ngaihzawng awm chhun a la ni reng a, ani lo kha chu Rosa-i chiah ka la fawp bawk, han hmuh leh tak thutah chuan ka hrechhuak ve uai uai mai! Mahse min ti na hran lo, a rei ve tawh bawk em ani, theihnghilh theih ani lova, ka rilru leh tih takzet a ka lo hmangaih ve thin ani a, mahse a duh zawng tih sakna tur sum ka nei miau lova, a hlimpui ber chu sum ani bawk, a hlimna leh lawmna siam sak theitu lakah min kalsan a, khami chinah kha chuan hmeichhia hi an in ang vek e chu ka ti lo, mahse han buaipui chiam hi ka peih tawh lem lo, bakah ka hman lo, enkawl tur, buaipui tur dang ka ngah lutuk tlat.




Ward fang turin ka coat fual var hain ka chhuak a, Female ward ah ka lut a, naupangi lo meng phar nasa lutuk chuan ka nuih ati za ngei mai, insum hram hramin ka nuih suk ringawt a, a sen tawn tawn mai. Nimin thil thleng kha a la theihnghilh loh hram ka beisei.




Tun hnai bikte ah ka pa enkawl a ngai nen, ka mu tha teh chiam ngailo, niminah ka hna tan hma ka mu chawl hahdam ka lo muthlu suk nge, ka hmai bul vel chu rawn lum hakin a za mer mer a, ka bul hnai a awm an awm tlatin ka hria! Ka harh hlawl a, ka meng chiah tihin naupangin pen nen min lo tin run a! In man bet let ruaiin hmai kan han in chei ran sak a nih kha! A naupangchhia ang reng thin.



Cabin a report rawn thehlut tur a ka tih laia a hmai lo sen tawn tawn te chuan an ti lang naute zual e a! Henu te reuh hi, mi en nasa thei lutuk hi mak ka ti, atirah chuan ka hrethiam lawk lova, ka hmelah emaw, ka inthuam danah emaw diklo a awm amawni tih hial tur khawp a nasain min thlek thin, kan mit a intawn fuh chang lahin dawihzep hmel zetin a mit a la sawn vat zel. Lalrinsangan a sawi a sawi takah chuan, a hmel duhzawng ka lo ni ve tak tak pawh ani mahna. A bul hnai a ka awm hian, a nunphung a hlauh vek zel. Ka ngaihsak ngai hauh lo, Lalrinsanga hian alo runluih thin tih loh ah chuan, ka eng he hu ah a thawk ngai lem lo! Elevator kan lak hun in rual thin lutuk te hi ka ning let ling thin a, nimin tlai a elevator kan lut tur, a hmel hmuh tur awmlo ah khan thawven zawk awm tak hi, engti tiha he hmeichhia tereuh hi zawng ru nge maw ka nih le! In hnuai kan thleng thla a, a scooty bula ding chunga mi lo en reng ka hmuh khan ka thawveng hawk bawk! Hrep hian a! Ka chak lo zo tawh anih hi!


*****

Ka glove thisen kai hnuang chu phelhin ka kut khur hlawk hlawk chu ka sil sawk sawk a, ka mask phelhin boruak ka hip zui kawk kawk a, tui haw lai chu ka kut a khuapin ka hmai ah ka theh zui thawt thawt! Ka bengah hian OT room a "Doctor tih theih a awm tawh lo" ti a nurse te tawng ri luai luai te chu ka bengah a ri nawn tluk tluk.



Ka kut chu a la khur hlawk hlawk a, intern kan tih lai atang tawhin khatiang teh hrep kha ka la tawng ngailo! Tlai khaw hnu ah Naupang inchung atanga tla, a nak ruh vei lam tliakin a lung a chhun pawh, emergency sign chhi chung pawh a traffic tawt lutuk vang a damdawiin rawn thleng tlai, OT a nawr lut tur a thu ka pek lai a chief meuhin i hming ti chhe duh lo law law rawh ti khawp a beisei awm tawh lo kha, ka zai lui a, a heart rate pawh 4 ah a tla hman, bei dawng lovin ka kut ngeiin kha mipa naupang lung tereuhte phu det det khan hna a thawh theih nan ka zu hmer hram hram a, kha naupang nunna kha kan chhan! Nilo, kei a chhan anilo, chunglamin hun ala tih loh vang mai mai zawk ani ang! Ka hlauhthawnna hian min kian san theilo! Ka kut ah hian ka mihringpui tumah hi thi lo se ka duh, ka duh takzet.



"Doctor, tui..?" ka laksak vat a, ka lem khawlh khawlh mai.




"Mi bik i ni Doctor, nang chauh lo pawh Doctor dang tam tak ka lo pui tawh a, khatiang dinhmunah kha chuan an thil tih lai chawlin an beidawng mai zel, awm lo la chu kha naupang khan...."




"Pathian in hun ala tih loh vang chauh anih kha." a thusawi lai pawt chatin ka tawng khalh a,




"Nih pawh aniang, mahse i kut kha Pathian kut ngei chu anih ka ring!" a mask a lakthlak loh avangin a hmel ka hmulo na chu, a mit mengah erawh a thil tawn vangin a hlim takzet tih a hriat.




Lawm veng veng tur ka nia, engah nge maw heti tak a ka hlauhthawn ni! Hmingchhiat leh hmingthat lam ka ngaihtuah lo, kha naupang nunna kha chhan ka duh a, mahse ka zai mawlh mawlh lai a khati taka a heart rate rawn hniam khan min thawng em ani. Ka hanky phawrhin ka hmai ka hru hul a, ka cabin lam a let phei turin ka phei hnak hnak a, ka chau hnawk thei alawm mawle.




"Doctor, kan lawm lutuk, fa kan nei thei dawnlo emaw kan tih hnu a, kum upat tawh lamah kan neih ve chhun ania, kan lawmdan tur hi i hrethiam lo ang." Pa sang tha thler thlawr lian lampang, a bek vel a kel sam to ve hmur tawh chuan hnuk ulh teuh, in sum zetin lawmthu min lo hrilh a,




"Ka pu, Pathian hnenah lawmthu sawi rawh u, Pathian vang chauh ani e." nui lui sakin ka hmaa patling lian zet chu ka lu ka buk khum nghut a, ka kalsan zui nghal a,




Fa mal ani tih hre sa ngat phei ila chu, OT ah khan ka che buai der dawn anih kha! Kei hian tun ai nasa a inrintawkna ka mamawh. Ka cabin ka thleng phei a, couch ah ka thu thla hnawk a, nghen chhan dup nuam tak nghengin ka chal rawn na ngut ngut chu vanva dak chungin ka dawm ngar ngar a.




"I chet tha zia ka lo hria a." aw ri ka hriat rual chuan ka phu zuk a, ka meng phawk hru!




"I lo awm reng ami a?" Ka chair ah Lalrinsanga alo thu reng chu niin. Ka luh khan ka hmu miahlo!



"A rei tawh ang reng, vawiin chu patient an tlem a, i awm danah kha chuan i chet that hmel pawn a lang lo, nurse hoin an rawn sawi nak nak che a." ka chair vir thei ah chuan dawhkan a pen khalh chungin a in then kual chhen lehnghal a,




"Che tha pawh ka inti viau hleinem, ka mihring pui thih leh dam ka kutah a tla a, chu dinhmun khirh khan tak a din chu thil nuam ani reng reng lo." ka chil ka lem khalh a, nghen chhan nghengin ka thu awn zui leh diai a,




"Bialnu dang han nei leh tur chuan a lo awm sa tawh hmeichhia kha a chhelo bawk em a nihkha mawle. Tukin ah khan i inthlahrun thin vang a hrehawm a tih thin zia a sawi a." a nui hul hak a,



"Rawn sawi suh, ka ngaihtuah peih rihlo ania." ka ding chhuak hluai a, haw turin ka in ruahman zui a.



"Bawiha, in lamah ka chhungten min rawn ko ve deuh sek tawh mai sia, vawiin chu ka thlah che ang a, ka riah pui tawh lo mai ang che aw." elevator chhung a kan awm laiin a rawn phun sup a,



Thil tawn dangdai deuh hlek kan nei dun nge mawni, Lalrinsanga pawh tlai dang a ang lo, a tak run reng mai. Taksa hah leh thaw ipik sa nen, tuman min chim buai lem lo chu a zia viau mai, in lamah thil maktak thleng awm lo se ka ti viau bawk.



Khawi hmun dangah mah kal kawi hman ani lova, kan thleng thla har lem lo, ka pa roomah lutin thil thalo a lo tih leh tih loh ka check vat a, a room chu a fel thlup a, damdawi mum pawh a ei ve leh mai. Ka room ka en a, zu zawnna hnu hma vel chu hmuh tur a awm lem lo. Ka thawveng huai mai, inthlak lem lovin Lalrinsanga ka insiam pui a, a hmelah hi chuan diklo chu a awm deuh mawle!




Hawihhawm takin ka pa a han thlah a, kan chhuak chho zui leh nghal a,


"Buaina i neih chuan, min hrilh dawn nia." motora a lut tur a hnungah ka beng thak a, a nui suk a, a bu nghut duh chauh.



Ka let thla a, ka pa lam pawh buaipui tawh chuang lovin ka inbual fai a, inchhung hi a reh hawk mai! Lalrinsanga awm leh awm loh chu hriat tak hi ani.




Ka pa phun bul bul thawm ka hriat rualin a roomah ka tlan lut nghal a, lam fiah tak tak nei lovin a rak nawk nawk mai! Bottle a tui ka thli chhuak a, ka pa chu ka ko zui mawlh mawlh.




"I nu te nufa!" fiah zet hian a rawn au chhuak hlawl a, a ngaihna hrelo zetin ka en hu ringawt. Mang chhe tak a mang ve anih dawn hi.




*****

"Nang nena sawi dun tur kan nei lo, tun bak chu helai hmunah hian ilo kal tawh loh ka beisei."




Lalbiakdiki hian engvang a min rawn zar thar leh tlat nge maw anih ni, Ka bul hnaiah ka tawng hre phak an awm em tih pawh ngaihtuah lem lo chuan ka hming a lam rualin ka chhang chang fak a, inher in ka cabin lam ka pan san nghal. A lawm zawng sum thawk chhuak thei ka nih tak vanga mi zar hi man thiamlo turah mi ngai ngawt lehnghal amawni, a nithumna ani tawh a, ka enliam thei ngang lo. Ka cabin a ka lut tur chief in min zui lut a,




"Doctor, Dar 12 ah meeting tur a nih kha aw." ka chair ah pawh thu hman lovin ding reng chung chuan bang bo zetin ka hawi let hu,




"Ngati nge ka tel ve angaih a? Engthil ah nge?" ka bo lutuk chu ka inthlahrung ru hial thei nia.




"Private Hospitalin Medical imbursement kan tih theih loh vangin Sawrkarin Civil hospital blood bank atang a thisen lei chhuah a phal lo a, serious tak ani, ka ai i awh a ngai dawn. Vawiin a kan thurel hi Private Hospital dang te nen kan sawi ho leh angai bawk ang, nizanah chanchinthar te i en ve lo amawni." a phun zui hluk a,




"Awle, Managing board in an rel mai thei lo em ni chungte chu?"



"In rel dawn reng alawm chu, a va han buaithlak, kan harsatna tawn hi khirh tak ani, i ngaihtuahna i lo seng dawn nia." a chhuak zui nghal vut a.



Board Member ka ni hran lova, he hospital a ka thawh hlawh hi vawikhat pawh ka la la reng reng silo, chutiang khawp a Junior chu Managing board zinga han thut chu, ka zam rum rum mai! Chawhnu lam a zai tur ka nei dawn a, chawhma lam chu emergency a awm a nih loh chuan ward fan a report en fel bak chu tih tur ka nei lem lo, nimin lam report ka check zuai zuai a.




Ward ka fang zo naupangin a report sheet nen min zui lut a, ka chair-ah ka thu a, ka hma a ding hmeichhia chu ka en a, min hlauh hmel leh min zah hmel takin a kun lap a, sheet a dah a, a kal leh mai dawn emaw ka tia, a biang a tai ling hler a, a hmui a pet zeuh zeuh bawk. A lung phu nasa lutuk vangin a a taksa a nghing der der nia!




"Harsatna i nei em?" ka pen hum chungin a report chu ka check nawn mawlh mawlh a,




"Doctor, tuna ka awm dan ang hian ka awm tur ani miahlo tih chu ka hria a, i pawi ka sawi chuan min ngaidam dawn nia." a chawl det a, hlauhthawn hmel takin a thawh halh a, a awm a in sep dawrh dawrh a, a awm bawr bial mawi zet chuan mit a la kher mai! In thunun hram hramin chhiar mang hlei lovin sheet chu ka bih ngur ngur.




"Ih, I Gay tak tak em le?" a ti thawp set a, a thusawi tawp lam phei chu a zuih ral tep!




Ka pen hum lai dahthla in ka chiar nghen chhang ka ngheng thla zui hnak a, chiang takin ka hmaa ding hmeichhe tereuhte ding sai hlak hlak chu ka en a,



"Chhuak rawh!" a phu zuk amawni! a hmai chang nilo, a ngawng thleng in a sen vekin ka hria!




"I pawi ka sawi chuan min ngaidam dawn nia, he thu hi ka sawi leh tawh ngai lo vang, ka tibuai tawh lo ang che." a inher zawngin a mit a khawih zeuh bawk.




A chhuah rual chiah tak tak hian ka ngaihtuahna ah thildang engmah awm thei lovin naupangi a rawn awm zui tlat nia mawle! Hmeichhia hi mamawhin ka in hre lem lo, mahse khawhar chang neiin bangbo takin ka awm thin, mal ngawih ngawih a inhriat lai ka nei a, Pathian a tlu lut chung hian kim lo tlat a inhriatna ka nei thin. Rilru na takin ka awm thin a, eng vanga kei hian a zahna leh hmeichhia anihna anga a inchhuan ve na tur kalsan a mi hnaih tum tu kha ti na nge ka nih?



Nilengin ka awm anuam theilo, meeting naah pawh ka tangkai nep viau! Thildangin ka ngaihtuahna a la peng tlat a, engvang a ka thluakah hian kha hmeichhe nui sen sen lai kha lang tlat nge anih pawh ka hre nek tawhlo! Doctor Jeremy Lalruatdika hi mi a anih hi!




Ka haw tur cabin atang in ka chhuak phei a, Naupangi elevator lut tur chiah ka hmu hman a, ka taksa hi ka thluak ni lovin ka thinlung hian a thunun tlat pek nia! Ka tlan vut a, elevator in khar turah chuan a ka ke ka rawlh hman chiah a, ka lut ve thei hram, amah te chiahin alo awm a, min hmuh rual rualin a tawlh hla nghal hret hret a! Kei hi ka a takzet! Garage ah hian tih tur engmah ka neilo! Mahse he hmeichhe naupang tereuhte vang hian ka chhuk ve ringawt bawk si! A thaw leh halh thin a, elevator boruak chu rit a tih hmel ngei mai.



"Hey." ka kekawr ipte zen chungin a lam ka hawi a, chhuk en du hi a ngai lehnghal a!



"Hey," ka tawng hrelo ang maiin a kun tlat!



"Hey," a dar tawn tawn a manin ka lam ka hawi tir a,



"Min ko anih chuan hming ka nei ve a, Lalmuanawmi ka nia, Awmawm tiin min ko thin." thip zet a min melh chungin a tawng ram hmarh. Ka nuih suk thung!



A dar a nam chungin dim zetin elevator bangah ka nem bet a, a chet theih loh nan ka chelh nghet sauh bawk, ka chet dan avanga mak a ti hmel chu duhawm tak ani!



"Gay ka nilo!" ka thusawi avang chuan a meng a ruai tawh!



"Ini, Dr. Rinsangan duhtawkin i kut a vuan a, i kap bawr vel te pawh a khawih thin, min thlah rawh, ka rilru chawh buai tum suh." ka ban rekah a rawn man a, tal chhuah tumina tal ve nasa.



"Ka thusawi awih lo tur siin enge zawhna mi zawh?" ka rum chhuak hawk a, kun hniamin a hmai bul teah ka phun khum zui sup.



"Nang ang mipa lep lerh, misual hi ka haw lutuk cheu, hmeichhe thinlung hi infiam nana hmangin in chawk buai......."



A hmui phir chhah tep chu ka peh sak dek dek a, a thusawi lai a tawp hmak, min chhang let lovin che miah lovin a ding khawng tawp! Ka inla hrang det a, ka mit chhing chungin a hmai bul ah chuan ka thaw zui ham ham, khatiang teh hrep khan hmeichhe hmui fawh nuam ka la ti ngai lo!




"I zawhna chhanna i hmu em?" Inla hrangin chiang zetin ka en a, a hmai a sen tai tek a, chiang zetin min en tlawk tlawk bawk...




To be cont.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 10th, 2020, 2:23 pm

Flower Basket
Chapter-10

By
Babyshy Hnamte


Awmawmi Pov




Tunah khan hepa hian ka First kiss a ru! Ka hmangaih tak mipa ka hlan ang ti a theihtawp a ka lo hum ve thin chu zah pah lo lutuk in ka inrin loh lai takin min ruk sak! Ka thinrim lutuk hi ka tha te a khur zawih zawih thei! A cabin atang a min hnawh chhuah khan zah leh rilru nat ka fawm a, tunah hetiang hian ka thinlung chhaih buai tumin a rawn che leh vel a, hetiang mai mai tih theih hmeichhia ka nilo! Ka nam pawp a, Elevator a rawn in hawn vang chauhin a awm sawn zui bawk, a nghet churh lehnghal a.



"Mipa nge hmeichhia i duh zawk pawh hre chiang lo a then kual mai mai i nihkha!" ka thinrim ka insum thei ngang lo! Ka nurse pui thenkhatin, Awmawmi te chu mipa tuman an ngam teuhlo an lo tih fiam thin Awmawmi ngei kha a rawn tawng chhuak pawp pawp!



"I ngaih dan dan le." a vei nuih suk a, ka ngei hluah hluah tawp tawh! Min tham lo bawk si. Mali rawn kal ve lo kher kher chu aw!



Elevator chhuah sanin ka scooty park na lamah ka tlan phei zui daih a, ka hmui ka nuai zui nawk nawk! Thinrim tunin ka in khalh chhuak a, ka nu dawr awmna lam chanmari lamah ka in khalh thla a, thli thaw vuk vuk te hian ka taksa an chhem dai thei lo! Ka zep lo, ngaihzawng te neiin han len chhuah pui a han awm fal pui te pawh ka nei ve, mahse mipat hmeichhiatna lam hawi reng reng thil ka tih pui ngai lo! Ka rilru hi a thianghlim reng thei biklo, mahse ka taksa erawh chhunglam atang a thunun theih ania, thianghlim tak a awm reng turin ka thunun lui thin. Mahse nichinah erawh khatiang a tih kha ka ring pha lo lutuk! ka zawhna avangin a thinrim a min hnawt chhuak a, Gay ani tih puanzar a duhloh vang a ka ngai nghet bur tawh, amah bansan ka tum bawk, mak sak takin a rawn che zui a, ka thin a ti rim hluah hluah! Ka ngaihtuah ngut ngut reng bawk si.



Ka nu dawr ka thleng thla a, Bungrua engmah a lo awm lo! A lo ruak hulh a, rawng an lo la hnawih mek a, chupawh an hnawih zo tep tawh lam ani!



"I va tum lian ber bur ve a enge thil thleng awm a,... Dina kha lai hnawih tha leh lawk teh aw." Ka nu chu la buai cher cher tak ani, min hmuh rualin min rawn be zawk a, hna lam thil a kawk kual zuii zat.




Chhan pawh ka chhang peih lo, hmun awl lai zawngin lehkha khawng ka phah a, chhuatah ka thu tum bur ringawt.



"Bawihi, tih tur pawh a awm tawh chuanglo a, lo va haw la, eirawng lo bawl la, hei Dina te hi an rawn ei leh a ngai bawk sia." hmun hawl turh turh pahin ka nu chu hah hmel zetin a rawn tawng hliai hliai a,




A pawi ka tilo zawk, a mut te pawh ka mu leh hman zawk ang ka ring, ka tangkai lo emai. Engmah pawh sawi lovin ka tho nulh a, ka kekawr mawng ka beng thak thak a, ka kal nghal daih, Chabi spare ka kawl tho.




"Fridge ah khan vawksa a awm kha, zikhlum nen khan ilo phit tir dawn nia." Ka hnung atang a rawn au zui tawk tawk.




Chaltlang leh chanmari west pan thlakna lai peng a traffic lo ding ka hmu a, nizan thil ka ngaihtuah chhuak zawk, chaltlang lam atanga tlan leh ka peih tawh bawk silo! Industry penga lo duty pa kha a awm ang tih hlau reng rengin ka in khalh phei a, whistle a lo rik deuh hlek chuan ka lung phu a rang nghal dawt dawt zel! Ka huphurh lai ber industry peng ka thleng phei a, traffic pawh an lo awm chiang, mahse passenger lak tum a taxi ding a lo hau mek! Rang lutukin ka lung a phu dawt dawt a, hmanhmawh zetin ka kual thla a, ka thawveng huai thei!




In ka thleng phei harlo a, dawhkanah ka helmet ka dah tawp a, roomah lutin ka thuam hak lai ka hlip mawlh mawlh a, bathroomah ka towel bih lutin shower ah ka in phuh tir ser ser a, khawlum nen, ka thil tawn boruak vel nen, ka lu na bur leh thaw ipik te a reh sawng sawngin ka hria. Ka hmui chu ka khawih zeuh a, Jeremy hi a hmeltha ka ti, a pian pawh a nalh ka ti takzet, a ruangam zawng zawng hi ka duhthusam mipa ka lo tih thin nen a danglam chuang lo, mahse a rilru put hmang hriatthiam har lutuk erawh ka hua a, min kiss ve ringawt pawh hi ka duh hek lo! Amah ngaihtuah hlek ila, ka tawng mawlh mawlh lai a, ka hmui rawn lum pep ruala chiah ka hmui a hnek dek dek lai chu ka ngaihtuah chhuak zel! Ka hmangaih takin min kiss a, ka first kiss ka pek hunah chuan ka taksa hi min fan ang a, an sawi thin angin khawlvel vir lai pawh hi a tawp emaw ka ti hial tia an lo sawi thin nawmna mak tak kha ka tem ve ang tia ka lo suangtuah thin kha a thlawn vek! Ka first kiss ah in kiss nawmna ka hre hlawl lo!




Ka taksa bawl tek tek khawp a ka mut tak sung sungah chuan ka harh chhuak zawk a, shower offin ka in hru nghal mawlh mawlh, a vawt lutuk! Bathrobe hain towelin ka lu ka tuam bar a, ka phone hmet eng zeuhin dar zat ka en a, dar 5 a ri tep. Cream ka inhnawih zung zung a, t-shirt dum thawl hek hawk hain panty chungah boxer ka ha a, ka nu in vawksa lo siam rawh atih chu hrechhuakin fridge atangin ka la chhuak a, ka sil ve thuak thuak a, zikhlum pawh ka sil vek, an chan thin tih pawh ka hria, ka chan ve thlap, cooker ah vawksa leh zikhlum ka dah lut zui nghal a, a awm tawk ni a hriat tui leihin ngaihtha deuhin ka chhuang ve tawrh.




Vawi 6 vel chu a phit ve tawh ang, ka nu te an rawn thleng a, ka nu in a phit tawh zat min zawt a ka chhan rual rualin a suan nghal rawk rawk mai! Tui a leih zui pawp pawp a, a tih dan zawng zawng chu ngun zetin ka lo en a, enge ka tih dikloh hriat ka tum ve ran, tun tum chu zir thiam duhna tak tak ka nei ve ngei! Cooker chhin a hawng a, ka lo bih ve duk duk.




"Khawnge ka zik hlum thlak ve kha?" a khu chuai bawk nen ka zu hmu mai thei lo.



Fian la in a chawk kual a, zik hlum ang deuh deuh chu ka hmu ve, mahse a nawi vek!



"I thluak te han hmang ve deuh la tha tur aw!" a ang zui hlawih hlawih! Mikhual kan nei bawk si, ka zak chem chem!




Tinge ngaihtuah nachang ka hriat miah loh le! Sa aiin zikhlum te chu a hmin hma zawk daih dawn sia! Ka tah te a chhuak vek! Kan mikhual te hian nula enin min en ve ngei tawh awm bawk si, tlaw min ti ngawt ang. Kimki zetin zanriah kilna ah ka thu kuk a, ka ke dahthla tur a hrilh chawp pawh ka ngai lo!



*****



"Mal, vawiinah Jeremy'n min kiss." ka ngaihtuah reng a, ka ning lutukin chaw eikham a ka mut hnuah Mali ka be tawp.




"Ehe, enge awmzia alo Gay miahlo ami a, engtin nge, khawi ah nge?" a rawn ti nghal vat!


Thil thlen dan zawng zawng ka hrilh a, ka thaw leh hak thin, ka lawm theilo reng reng!




"Ui an che zei em em, a nihchuan Lalrinsanga pawh a gay lo tihna ania, ui anuam e, i van vannei tak, hmui vanneii i nihkha!" awi, teh chiam a, ava han phusa em em!




"Kal teh, thinrim nak laiin, bialpa pawh ni hlei lo." ka bulah awm se chuan ka vin nghek ang!



"Enge i thin te a rim leh vel a, khati khawp khan i duh a, Gay a nih ring chung pawn hnaih tumin i bei tang tang a." a message ka chhiar zo ka thaw hak!




Hei tak hi ka buaina! Tinge Gay ani tih ka rin lai khan ka pan hnai tawk tawk a, tunah heti hian ka awm leh lawi si! Inlaichinna siam miah lova min khawih ngawt hi ka duhlo! Mahse khatiang a min tih chuan, a rilruah ka lo awm ve reng zawk tihna ani ang em le?! A naktuk ni tawh se, engkim tih chian vek ka duh! Khumah ka in let ka in let a, ka muhil theilo, mak tak maiin Jeremy-a min fawh lai ka ngaihtuah ngun telh telh a, ka phur telh telh! Ngati a hmui pan lek lek ka suangtuah thin, ka en ngawih ngawih thin kha ka fawh let loh! Ka hmui fawh dek dek kha nuam a ti ang em? Kei ai a zei zawk hmeichhia a fawp tawh ang em?! Ka ning e, hepa hian a rawn lan tirh atangin rilru mumal min la put tir chhin lo reng reng!




Ka room kawngka in nam hawng ang tak a ri rek chu rang lutukin ka en phei nghal vat a, thla niawm tak phe zuk ka hmu hman ka rap lutuk! Ka hnungzang a hik chho pup a, ka hmul thi a ding nghal ur ur, muang changa tho chhuakin thawm dim zetin kawngka lam ka pan phei dem dem a, kan mikhual te hian min enthla tlatin ka hria! Ka room kawngkhar tlem a in nam hawng hlek chu rang zetin ka khar pawp a, ka kalh zui nghal hmiah, ka lung phu rang lutuk chu ka awm a in sep dawrh dawrh thei nia! Rang lutukin ka khumah ka tlan let phei a, ka inlukhup nghal pawp.




Ka alarm a rawn ri ral ral a, rizai hlimin ka hawi chhuak a, khua a var vek tawh! Chhin khat te pawh ka chhing chhin lo! Ka mit a thip thum a, ka khap ngap hruap hruapin ka hria, ka rizai ka hlim ngam tawh bawk silo thlan hluamin ka inkhuh zan khua thak! Ka tho chhuak a, room kawngkhar pawh ka la hawng duh lo, ka nu thawm ka hriat hma chu ka chhuak lo ang! Ka inbual hmasa te te a, ka zawh meuh chuan dar 7:30a.m a ri thuak a, ka nu thawm ka hrelo na a, a tho daih tawh dawn tih chu ka hre mai, min rawn kaih thawh a tum mek hial mai thei ani.



Mom jeans ha in mules ka bun a, Lavender floral shirt ka ha bawk, ka mit bui luk thup nan ka chei ve hlek bawk, room kawngka ka hawng a, ka nu alo ding run a ban alo lek kang uai bawk si ka phu nasa lutuk ka rak thawt!




"I va han a mai mai tak min ti phu alawm!" min han hau let zek ah!




A tu zawk nge ni ang tih pawh hre lem lovin a hnam dang mi zawk Ri-tea ka melh hrep a, min en tha ngam miah lo! Hepa hian mi bih thla tak tak amawni le! Ka nuin chhangthawp ah jam tatin bawnghnute nen a lo chhawp sa thlap a, an ni erawhin chaw an ei thung, ka bawnghnute in lai thlengin Ri-tea ka melh rum a, mi rawn melh zawk a, a hawi sawn leh zuk thin, a mit a dawih danah ka ringsual lo hle tih ka hre mai!




Ka thil ei zawhah chabi ka la a, ka chhuak zui nghal, amak e! Nizanah chhin khat pawh ka chhing eih lo a, mahse ka harh ru riau, tuk dang zawng zawng aiin Hospital thlen ka chakna a nasa zawk nia! Scooty engine ka ti nung a, a bal paw thuk mai te chu ka hru hliau hliau a, Jeremy-a, aw kha mihring ngei kha, ka hmu chak lutuk. Ka ngaihtuah apiangin elevator ka thleng nghal ziah lehnghal! Hmeichhe tlawm leh awlsam takin min ngai ang em? Zawhna hlir zawhna hlir! Ka inkhalh chhuak a, ka phur luatah ka speed a sang bawk nen ka thleng chho harlo kher mai. Garage atangin ka hawi kual tan a, ka hmel hmuh duh hmuh tur a awm lo.



Visting hour ani bawk nen elevator a rush deuh nge ni, kan nghak thup hlawm mai, Dr. Lalrinsanga a rawn thleng a, nidangah kha chuan an rawn kal rual thin sia, hmuh tur a awm ve miah lo! Lalrinsangan min rawn hmuh rualin eng emaw hria ni awm tak hian a rawn nui suk a, ka hawi sawn nghal. Ka lung phu a rawn rang nghal dawt dawt a, ka hmai a sa het het bawk! Ka hawi chhuak ngam tawh lo. Elevator ah kan lut a, he elevator chhungah ngei hian... Ka hmai a sa het het tawh a hrehawm lutuk ka thaw te hi a chham dawn! Kan floor kan thleng a, rang lutuk ka chhuak a, ka awm a ka kut nghatin rit zetin thawk ka la nghal kawk kawk. Counter ah hming ka ziak a, Mali pawh nghak lem lovin inthlakna lamah ka phei tlang vut a. Ka inthlak lai velin nurse dangin min lo nuih suk sukin ka hria, ka lai kual vel vek tawh, Elevatorah hian cctv an dah lem lo tih chu staff zawng zawngin kan hre vek a, kan mihring pa hian a tlangau pui ka ring chuang bawk silo, mahse mi hian nimin tlai a thil thleng kha an hre turah ka ngai tlat! Ka zak ru chem chem mai. Ka inthlak zo ka chhuak phei a, counter ah Jeremy-a a lo ding a, ka thal tawp thei mai dawn!



"Hey enge mi lo nghah loh a, tah khan lo awm rawh ka rei lo ang." Mali ka hmu ve miah lo nia! Ka mit la tu saw a palian reuh em ani.




A rawn in her a, kan mit leh kan mit a in tawng chiah a, ka sa chhuak pup, niminah ka huat em em kha tunah tak chuan kuah thlawp ka chak leh tawh. Floral Kamiz var a rawn ha ve mawle, a kawrkilh chung ber a kilh lova, a ti pa zual sauh, A kawr ban te chu a ban puam hrawl zetin an nek mar mawi tawk chiah, hepa hi a pianphung atang hrim hrim pawh hian a van Gay lo chiang tak, ka hma lamah ka kut suihin ka en reng a, min en reng chungin a vei nuih suk a, a kal daih! A van chhelo chiang tak. A cabin lam pana a pen thauh thauh lai te saw hmuhnawm a tling vek.




"Hey, milim ang mai, kal ang." ka ban nem laiah mi rawn sik hlawk a, ka harh chiang kher asin.




Male ward lamah kan duty thung a, Jeremy-a ward rawn fan hun ka nghakhlel lutuk, report sheet theh luta a cabin a kal te ka chak et et tawh.




"I tek chhuai chhuai em?" LalMali a rawn phun sur sur a,



"Kal rawh, miin an hria ang e." a mal ah ka sih sak hlawk, a che hrut a, a tuai nghal vut vut.



"Hey engtin maw han sawi leh teh?" a nui tut tut bawk si min ti lai vek!



"A rawn lut ve a elevator ah, bangah min nem bet a, ka thinrim rpthlak a cabin atangin min hnawt chhuak bawk sia, khatia mi rawn ti leh vel kha, hei, mipa lerh deuh, duh deuh reuh duh lo deuh reuh ang chi ho awm dan hi a ang tawp a, ka hau hrep a, ka hauh laklawh lai laiin..."


"Uiiii, a zei e!" ka khup ah alo hmer ngat ngat! a na lutuk a sawi pawh ka sawi zo theilo.




"A nuam hi iti dawn sia." a awmdanah hi chuan kei aiin nuam alo tih hmel zawk!



"A lo kal." a phun sur sur a, ka hawi let nghal zawk.



Sheet ka chuh vat a, ka chet dan chu min en reng, a nui suk zel! Lai zetin ka nui let tawp a, ka zui ve nghal tawp, a bialnu angah ka in ngai tawp tawh!




Damlo a check zawh report pawh ziah luhna chang hre lek lovin a che tla lai vel chu ka lo en leh vung vung thin a, rit zet a boruak hip chungin mi en tlawk tlawk a, ka harh chhuak chauh zel! Ka a vek dawn.




Cabin ah ka zui lut a, a ngawi run zel bawk si, tum dang anga ka bialpate ka tawng khum ang bawrh bawrhin ka tawngkhum ve ngam thlawt lo! A hmel awm dan tur pawh en ngam lovin a dawhkan a ka sheet dah chu ka bih run a,



"Ih, nimin tlai kha.." tih chiah ka sawi hman,



"I zawhna chhanna a nih kha, i kal thei tawh e." a ti hmak a nichu!




Gay a nih loh zia lan tir nan chauh maw a tih?! Ka phurna zawng zawngin min kalsan nghal vek, kal mai nachang pawh hrelo in ka ding reng a, mipa tenawm tak tia ka ko kha ka ko sual lo, mahse ana ka ti lutuk, ka tha a rawn khur ringawt leh nghal.



"Min kalsan thei em?" a rawn ti bul leh hmuk a.



Ka hmui pet fan fan chungin ka lu ka bu nghut a, in herin ka chhuah san nghal, ka tah a chhuak lutuk hi ka aw bawm te hi a phui vek ni maiin ka hria, ka awm a tawt up up. Ka zawhna chhan nan zah pahlo tak a khawih ka nihna hian min ti na lutuk, chu pawh ka mihring lo duh ve em em lak atangin.




"Enge chanchin?" Malin damlo pakhat damdawi pe tura a kal a lo let a, min rawn ngaihven nghal,



Mahse ka tawngchhuak theilo, chhan pawh ka chhang peihlo, ka kun ngur reng ringawt.


"Ngati nge a, engtin nge a lo tih che a?" rawn kun hniamin chiang zetin min rawn la bih zui, ka ning lutuk. Min ti pangchang zual vek.




"Chhuak rawh min ti leh." ka tawng ri chu a ri chhuak che che chauh!



"Hmm, khatia awm ngur ngur na chhan tur pawh a nihloh chu a, nurse pakhat Doctor cabin chhung a va awm reng zel kha thil mawi a ni hleinem." Mali thusawi vang chuan ka tek chhawk!




"Awm rei pawh ka tum hleinem, enge chhuak rawh mi tih zung zung zel!" ka ha thial bap bap chungin zawite hian ka tawng chang fak a,



"A hun leh a hmun a thliar ve a nihchu, ngaihzawng i neilo rei lutuk a, thil nihdan zirtir chawp vek i ngai tawh a nihkha!" engto neihloh hmel zetin a la nui sawng zui a.


*****



Jeremy Pov



Ka taksa enkawlna tur thil ka ngaihthah bawk nen, Hospital lam a ka hna hi ka chauh pui viau zel ta mai. Haw turin ka insiam zo a, cabin ka chhuah san a, elevator lak chhan tur ka nei lo a, Lalrinsanga erawh ka melh deuh thung, ani pui hi a reh hmuk mai a, enge maw thil thleng chu a awm ang. Main door lam ka pan a, ka chhuah dawn a ka hnung lam a min ko tu an awm avangin ka ding dat a, ka in her let nghal.



"Jeremy.., Dr. Jeremy ka ti zawk ang che, vawikhat chiah tal inbiakna hun i nei theilo ami?" Hmeichhe dang anglo takin in ringtawk takin ka mitah chiang zetin min en a, a nih dan ve reng ani, hmeichhe inringtawk tak a nihna khan min hneh thin.




"Hun ka nei lo, sawi dun tur pawh kan neilo, helai hmunah pawh hian lo kal fo suh." ka ti chang fak a, kan bul velah veivak an awm reng a, mahse ka vengthawn hranlo!



"Ka sawi duh min sawi tir la, ka lo kal a ngai tawhlo ani mai alawm." min din hnaih sauh a, a rimtui veng veng lutuk!



"A tha e, sawi la." ka kekawr ipte ka zen a, kan in hmatawnin kan indin chilh run mai.



"Hetah lo Jeremy, a ual au lutuk." a biangsum lang kelhin a nui seih a, a ha var zet a rawn lang det det bawk! A nui hmel ti mawi zualtu vek, hrep hian a!




"Kal rawh." rit zet a boruak hipin ka thaw chhuak zui ham ham a,




"Garage ah scooty ka dah, kan kual thla dawn nge elevator kan la dawn?" elevator lam a thlek zui dek dek a,



"Elevator aw." a inher zui vat a,..huh, mi zawh loh law law tur ania!




A inher zawnga a sam bu chhah leh ngil siau chu a in theh til laih a, ka mit la em em thintu ani. A mal zuih mum nalh em em te hi higher kan kal lai a mipa titi tling pha ani a, a mawng vawng tha zet hi mipa tawngkam ti bawlhhlawh tu ani thin! A pian chawi nalh zuar tur reng ni awm hrim a tight mawi tawk kekawr dum a ha a, a ke tang sin no nalh em em chei mawi turin pheikhawk sang a bun ngei bawk a, kawr sen duk pan lam hret aha a, a vun ngo tak leh no em em te nen hian in chawih mawi tak ani!



Elevator kan lut a, ka hnai chetah rawn dingin a kut ka kut a rawn si pha det det hial a, a vawt thler reuh lehnghal a! Ka vawn thin, kumkhua a ka vawn ka lo beisei ve thin, duat tak a ka fawh ve thin kut han sik leh det chu, ka lungphu a ti rang pha hial! Ka dang ro hulh tih reh tumin ka chil ka lem khalh a.



Kan thleng thla a, pawn kan chhuak chiah tih ah thli rawn thaw hak vang a sam sei zetin a hmai a rawn khuh chu a hui kiang pap a, min rawn melh zawk a, Higher kan kal laia ka kawm thin Victora'n ' I bialnu men h** zia hi chu aw.' a tih kha ka hrechhuak zawk! A mithmul sei er tan leh a mit zim lam lek lek hian, a mit meng hi a ti sexy thlawt, a ti lang nalh zual turin a chei belh kher thin bawk nen, Victora thusawi bawk ka hre chhuak a, 'ka bialnu hlui' tia in sawitheih nan hrim hrim reilo te tal pawh ka nih pui chak ati thin! Fiamthuah ka lak sak a ka nuih liampui mai thin, a hmelthat piah lamah ngaihno a bei em em bawk hi ani mipa te min tibuai thintu chu.




A scooty seat hawngin a helmet a la chhuak a,


"Khawi keiman ka khalh ang." a helmet ka chhuhsak a, a biangsum pahnih lang kelhin a nui zui seih. Scooty a chuan pawh tih tawh sa nak laiin, hmeichhia la in phur tir zui te chu a!



Engine ka start a, a side stand pir chho zeuhin tlan chhuah ka in ring nghal, Biakdiki a rawn chuang kai a, a helmet tereuhte chu tawt chung chungin ka khum lui a, ka beng ati phui mup mai! Kan tlanchhuak a, side glass atangin kan hnungah naupangin min lo en reng. Hmeichhe dang ka phur lai a hmu tih ka hriat vanga thil diklo ti a ka in ngaih ngawt nachhan hi ka hrelo!




Hospital main gate kan pel chiah tihin ka ding chawt a, kalna tur ka hre reng reng hleinem!



"Hey, khawnge kal i tih reng reng a?"



"Chopstyx-ah kal mai rawh." a kut sin thlarhin ka pum ah min rawn kuah a,



Ka tlan chhuak lehnghal, a awmna ka chiang ve chiahlo na chu, New Life Hospital awmna thlang chiahah khan niin ka hria. Ka speed a sang thin hrim hrim a, traffic thawl lai a ni bawk nen, kawng kual laiah te chuan kan kawi thla zawr zawr a, min kuah nghet zual sauh a, ka hnunga rawn beiin a awm bawr lum ther ther leh dup zet chu haider har tak ani! Kan thlengthla harlo khawp mai, kan kal tumna hmun awmna ni a ka hriat pawh a dik thlap e, hmun rem chang laiah scooty ka parkin kan chhuk fel a, a kekawr paw lai alo beng fai chet chet a, ka helmet khum lai tawt zet ka la chhuak vat thung! A lum bawk nen ka bek bawr vel a huh dup mai!



A kal thang zawk hma ka hruai tir a, thlang lampanga hmun kil deuh hlek lai kan chuh a, Ed Sheeran hla Tenerife Sea an rawn play leh kher bawk nen, ka hawi kual a, in ngaizawng ni awm tak tak hlir an awm kher bawk nen, a in rem vel vek mai! Waiter in menu book a rawn dah a, duhthlanna hun min siamin a kal zui ve leh mai.



"Ti khan i sawi tan thei tawh em?" tui an rawn chhawp chu thliin ka in zui nghal khawlh khawlh a,



"Min tur lo la, thil te kan ei phawt ang chu, hmanhmawh a ngai chuang ami?" ngaihno bei zetin a rawn nui seih a, min lem kual tum niawm hrimin duhawm ru zet, tenawm tak siin a hmui a chhah tep a pet zui zeuh bawk. A eitur a ziak thla mawlh mawlh a, en ve turin min ti tak na chu ei tur ka hre vak lo, a chah ang ang ziak turin ka hrilh ringawt!




Naupangi ka ngaihtuahna a rawn lut a, ka inthiamlo hle bawk! A chhan ka hrelo, vawikhat te mah hmeichhe enin ka la en lova, a rilru erawh tih nat ka duhlo thung, hmeichhe dang ka phur a hmuh vanga rilru na tura ka ngaih vang pawh ani mahna.




Waiter in order a rawn la a, a kal leh chiah tihin a mit nalh zet a mi melh ran chungin Biakdiki a zi mar ar ar a, a biangsum pahnih lang kelhin a nui sen sen bawk, a khabe phir nalh zet vang hian a hmel hi tha ka tih zual phah ngawih ngawih thin a, tunah pawh a la danglam chuanglo! Ka nu tih lohah ka hmeichhe hmangaih hmasa ber ani a, kan hun hmasaah khan hetiang tih sak a tih puina tur ka nei ngailo.



"Jeremy...." a chawl leh dat a,


"I hlawhtlinna hi ka lawmpui lutuk che." a nui sen sen a, za lo zetin ka nuih let ringawt.




"I danglam... tawh reuh e, Jeremy-a ka hriat thin kha chuan, a harsatna karah pawh khan min hmuh tawh chuan a nui ve var var thin ania." ka mit leh a phone a melh tawn chhen, chhan vak ngaihna ka hrelo.




"I rilru ana em min hmuh leh hnu hian?" a zawhna vang chuan ka nui hul hak a,



"I ring em?" a lo ner nak.


"Nia, hun hian a dampui ve tak tak thei tho a tiraw?" thawpik hmel zetin a thaw leh hliai thin.



"Han sawi chhuah thar em em phei chu ka tum tawh chuang lo a...." ati hman chiah waiterin kan order a rawn dah a, a chawl zui dat.



"I awih zawng ani kher ang em ka hrelo a, mahse nangmah lo kha chu zah taka min en chung a min ngaizawngtu mipa an la awm leh miah lo, nachang i hriat loh vang nge ka hrelo a, ka taksa min fak sak ngailo a, mipa dangin ka taksa an fak hian nuam ka ti thin, mahse a tawpah chuan ka taksa bak hi an lo duhlo zel, kan hun hmasaah khan nang chuan ka taksa chiah beisei angin i awm ngailo a, i danglam bikna tiin ka ngaihtuah zui ziah." a phun sep sep a, a thusawi vang hian thil hlui ka ngaihtuah phah nasa khawp mai!




Ka danglam hran chuang lo, a taksa mawi zet hian ka ngaihtuahna a hruai sual ve fova, ka ngaihtuahna sual te erawh a taka pui tlin tir tumna ka nei ngailo thung, ka hmangaih a, a hnung lam atanga mite nuihzat leh sawi hlawh tak tur a siam ka duh ngailo, chute mai chauh chu ani!



"Jeremy, i ngawi reng a, eng emaw tal sawi ve la?" a soup chah a chawk kual a chawk kual ringawt,



"Sawi tur ka neilo, bakah inkawm tur ni lovin, i thusawi ngaithla turin a lawm ka zui che." ka ti ram hmarh a, a hmui a pet zeuh a, a nui zui hak.



"Ni tak e, ka lo theihnghilh leh hman alawm, i tan ka pawimawh tawh loh hmel khawp mai, mahse ka sawi tho mai ang, khang hun lai ang a awm leh theih kha ka duh Jeremy." a thutak zia tih lan tumin chiang zetin ka mitah tak min en kal bawk.



"An sawi ka hre thin a, thawnthu ngai chu eng ang a tam pawh chhiar nawn la, a tawp dan a in ang vek ang an ti thin, a dik ka ring." ka thil ei lai ei zoin tui ka in zui nghal khawlh khawlh.




"Lehkhabu thar hlakah, chu thawnthu ang vek chu a thar hlakin, a tawp dan pawh dang vek turin a ziah leh theih bawk!" za lo zetin a chhana zei zet chu ka nuih hak ringawt. Waiterin bill a rawn dah leh chiah a.



"Ka ring lo, kan ei zoin ka hria, ka tlai dawn, in lamah tih tur ka ngah a, i thusawi duh ka ngaithla zo tawh bawk a, damlohna thil nilo ah chuan Hospitala hmuh loh che ka beisei ang, hei bill ilo pe mai dawn nia." 2000 tlang ka theh thla a, ka kalsan nghal.




Ka kal tur chu a thut hmunah a ding ve hluai a, a hmel awmdan hmu tum pawhin ka hawi let peihlo, hmeichhia vanga buai hman ka ni ve lo!



Kawngpui ka thleng thla a, bazar a luh kawi ka ngai bawk nen a hla tawh chuanglo tiin kein ka kal phei a, khua a dur khup bawk nen kawng laklawh a ka tan hlauin chak zetin ka pen phei pawk pawk a, ka pa eitur balhla leh Apple ka lei zuai a, ruah sur hma a inthlen hman tumin ka kal hlawk hlawk mai.




Vawi leh khatah a rawn baw huk a! Ka huh hman hram! Tun hnaiah khua a lum thei up up bawk em atin ni! Zawr hnepin inchhung ka lut a, ka khawilai atang pawh hian tui a far tluk tluk mai! Bathroomah lutin ka in hlip mawlh mawlh a, ka phone ka ak chhuak lo chu a vanneihthlak ang reng, thla lah hi a thar har em em lehnghal a, naktuk chiah alawm mawle ngai tawh le! Boxer nen chiah chhuakin ka room ah towel leh boxer hak thlak ka la lawk a, inbual turin ka let phei lehnghal, ka inbual chhungin ka spin tir a, ka dai sawng sawng mai.



Ka taksa a la huh deuh bawk nen ruah rawn tlain khua a ti vawt surh a, nuam tak ani, ka thawmhnaw hakin ka taksa a ti lum tan a, ka mut a chhuak nguai mai! Ka pa roomah ka lut a, tui takin a lo mu a, a rim erawh a chhe leh lek lek tawh! A damdawi ka check a, thenkhat hi chu a eilo tih a hriat, ka zu thuhruk ka la chhuak a, ka thlek vang vang a, a phai belh lo, thu a awih ve zel turah ngai ang. A mutui lai ka ti harh duh lem lova, ka nu chungchang erawh titi pui ka chak thin.

***Time Skip***



Ka alarmin min kaih thawh hnuah ka inbual fai var a, ka ha ka nawh mawlh mawlh laiin kawngka an rawn kik ri dat dat a, in thuah fai zung zungin kawngka ka va hawng vat a,



"Hei hi Er. Lalsangzuala te in ani tiraw?" a hmel atanga la naupang tih hriat tak mipa alo ding reng a,



"Aw ni e, lo lut rawh enge ni?" ka nau chungah thil thalo a thleng amawni chu aw!



"Aa, lut lo law law ang, Sangzuala u Dr. Jeremy-a ini ang tiraw?" a nui zui var var a,



"Aw ni e, ka nau chungah thil thleng a awm em?" a rawn lut duh bawk silo, a kut hnung a suih ap bawk si! Ka bangbo ngei mai!



"Anih chuan ka pu, khawngaihin min zui lawk thei ang em aw, i nau hnen atang pawisa kan dawng bawk si a, eng emaw tih fel tur a awm tlat, kawngpui ah ka lo nghak ang che." hlim hmel leh phur hmel takin a nui var var a, in herin step ah a tlan chho zui nghal tharh tharh a,




Ka hamhaih ang reng hle mai, ka nau hian engthil chhiah nge maw a tih le! Ka roomah lutin T shirt ka hmuh rem chang ber ka in thawlh a, kekawr bur ha in ka phone ka ban zuk a, chhuah pahin ka nau ka call nghal char char, a la thei thak bawk si lo!




Kawngpui ka chhuak chho a, Tucson, hyundai product, car var nalh zet bulah kan tlangvala kha nui var varin alo ding a.


"Enge ni tih fel tur chu?" a lam ka pan hnai a,



"I nau thupek ka zawm a ngai sia, khawngaihin car ah hian lut rawh ka pu."


A buaithlak man tak e aw! Min pu chhen lehnghal a, kan Lalsangzuala eng thil nge maw tih a tum chu le!


"Driver seat ah zawk hian, khawngaihin!" ka mak tih a zual telh telh mai, car thar min leisak tih dawn in registration a fel sa thlap bawk si.




"Thil awmzia hi min hrilh rawh, ka nau chungah enge thleng a, heng car te hi enge awmzia?" ka vin khur khur tawh! Ka nau vanga hrilh hai taka awm ka duh hauhlo.




"Ka pu, thil hlauhawm a awm lova, thil thalo thleng engmah pawh a awm lo, car chhung ah lut la, engkim i hriat tur chu a awm." kawngka min hawn sak zui thlap a.



"A nih chuan le." ka thu lut nge nge a, kawngka a khar ri dawp a.



Ka thu tawp ringawt a, thil awmzia chu ka hriat phah lem lo khawp mai! Engpawh chu nise, car nalh tak ani a, a chhung pawh nuam tak ani! Ka rual awh ati na ngei mai! Kan tlangvala bawk chuan ka thutna lam glass a rawn kik dat dat a,




"A hnung seatah khan i lehkha tur a awm ka pu." a hnathawh tur a tlin khawp mai, a nui var var reng mai, seat hnung lam ka hawi vut a,



Lehkhaip mawi zet alo awm a, mak ti takin ka hawng a, Birthday card ani! Ka nui chhuak hak a, card kar a lehkha in zep chu la in ka pharh zui a,





"I piancham ka lawmpui che ka u, car kha chu ka hawh ania, i ta tur amaw ilo ti ang e, lehkha hi i chhiar zawhah chhuk la, pawisa i pek tur zat an sawi anga i kal tir dawn nia.



Zanlai dar 12 atang i piancham lawmpui tu che i dawn nual tawh ka ringa, ka rawn lawmpui ve ta lem lo che a nihkha, kha pawnah nghaktu che i nei sia, ka sawi tam vak lo mai ang. Ka chunga i thil tih engkim vang hian ka lawm e ka u, heti hian i zarah hna te ka nei ve a, i zar liau liau ani, ka naupan lai atang tawhin, ka riltam huna eitur ka neih nan mi in kawt leh huan hnim te i sam thin a, zanah pawh mu hman mang lo khawp mi in sakna a hman tur lung i put chang lah atam, ka tel ve i phal ngai lova, min duat tih ka hre thin. Ka tan bazarpui a bawlhhlawh tenawm tak tak paihin pawisa i hlawh chhuak thin a, i dar pahnih vung puam ul khawp a lung i thiar zan phei kha chu ka theihnghilh ngailo! Buhfai leina tur kan neih tawh loh vang ani nghe nghe! Ka u, kei hi i thawhrimna zar zova hlawhtling ve mai chauh ka ni! I chungah hian ka lawm lutuk ania, khita ka sawi khi chu dawt mai mai ania, i lu chungah khan car chabi a awm ang, car kha ita ani e, ka thil pek che hi i pawm hram dawn nia, min rawn biak hunah ' ka lak a ba nei angin in ngai suh ka ti ani lawm ni' rawn ti hlek suh ang che. A tawp nan, ka lawm lutuk engkim vang hian, vawiin ni tal hi chu, nuamsa takin hmang ang che, car ah erawh kha chuan nula phur nasa lutuk lo la."




Ka lehkhapuan ken laiah ka mittui a rawn far a, ka nui chhuak hak thung! engtik laiin nge ka mittui hi a rawn chhuah pawh ka hrelo! Ka car thar neih vang hian ka hlim lova, ka nau min hmangaihna vang zawk hian ka hlim ngawih ngawih! Ka dak chho a, chabi cello tapein a lo in char bet a, ka nui suk ringawt. Engtik atang khan nge ka hre thei tawhlo, ka nau tih loh chuan piancham lawmpuina min hlan ngailo. Tun kumah pawh hian min lawmpuitu awm chhun ani leh hial ang! Ka mittui ka nuai hul zung zung a, Car atangin ka chhuak a, kan tlangvalan dawhthei takin min lo la nghak a, alo nui var var.




"Engzat nge pawisa ngai?" ka aw a la lawi rut zui lehnghal a,




"Engkim kan dawng vek tawh a, mahse hei haw chhohna tur a awm tawh si lova, taxi fare tur ani tawh mai." a tukhum a tuai vut vut a, a zahzel ani ngei ang!



A duh ang zat pein ka kal tir a, ka lehkha dawn hlut zet hum chungin car chu ka thlek vang vang a, lungawi tak ka ni! Ka phone phawrhin ka nau ka call a, a la pick up thei chuanglo, hepa hi enge a hriat chu le, sana ka en a, dar 7:30a.m a pel daih tawh lehnghal a! Han khalh kual chiam chu ka chak viau na a, hun ka nei tawh si lova, in lamah let thlain ka nau lehkha min pek hlu tak chu ka dah tha a, ka pa eitur chaw ka siam zung zung a, ka kamiz var plain hain cotton jeans dum ka ha a, ka bun khat tak deuh ka loafers uk ka inthawlh zui leh a, phur zet a ka car thae chabi ka kut zungchal a then vir pap pap pahin stepah ka tlan chho det det a.



Lungawi zet hian a steering te chu kan dawm vang vang phawt a,


"Lets go!" nui suk chungin ka phun sap a, engine ti nungin ka in her kual a,



"Yes car thar, tlaiah ka chuan ve dawn aw." Inchung zawl atangin zualtein nui var var chungin a rawn tawng lang lang a,



"Teh reng mai." phur sarhin ka chhang let a, nuam tak ani, taxi chang reng reng a hna kal chu ninawm ru ve tak ani!




Hospital ka thleng chho a, tunah chuan keima car ngei la turin garage ka pan ve tawh ang! Car atanga chhukin chabi a an device dah tel hmangin car ka hmet lock khep a, ka kekawr ipte pakhat zen chungin elevator lam ka pan phei ngauh ngauh a, ka zang huih mai! Elevator a rush lo hlauh ani ang chu, inhnuai rawn thleng thlain keimah te chauhin thawl zetin ka chuang chho a,




"Happy Birthday Doctor." Damdawiin a hnathawk, an hming pawh ka hriat chian ngai miah lo ho pawn min lo wish sup sup mai!



Mak ti ru zetin nui var var chungin min lawmpui tu te ka chhang let phei zung zung a, Card te ka dawng nuk mai! Mak tak ani!



Cabin ka lut a, ka thu fel chiah tihin kawngkhar a rawn in hawng leh thuai, Kawngkhar dawm reng chungin Lalrinsanga a rawn lang a, a kun ngur chu muang chang a rawn hawi chhuakin rum lutukin a rawn meng a, ka hrilh ngailoh vangin a lung a awi lem lo ani ang! Mahse a awm dan hi chu a lem hretin ka hre bawk si, a kut dinglamin a tukhum a dawm a, a vei lam muangchangin a rawn phar chhuak,



A kut tang ti che char char chungin kir lutuk tak mai, vai hla thlukin a rawn 'Happyyy ayyaaa Birthdayy yaaa to youuu" lut a, sai sir zawng ngatin a rawn la lut zui!


Lalrinsanga, pui lutuka a rawn lut chu ka lo nuih tiah tiah a, ani lah chu a nui duh reng reng lo lehnghal!




"Kum 8 chhung khan i piancham hi ka hre ngailo ania, mi mak tak chu i ni." ka dawhkan hmaah a rawn ding a, a nui ang vur vur a.




"Kum atam tawh chinah hi chuan, ho tihna riau te hi a awm ve tawh a." ka la nui huk reng mai, ka beisei loh lutuk thil ka hmuh vang vek.




"Khawi card kha hawng ang." ka card dawn dawhkana ka chap darh nuai chu a rawn ban zui zat.



Pa sarih vel lai chu ka dawng ve, khang hnathawk ho zozai khan engtin nge ka piancham an hriat tih hi rin ngaihna reng reng pawh ka hrelo. Card mawi tak tak, a chhunga duhsakna thu tha tak tak inziak vek ani a, a tawp lama kut ziak chu chiang zetin ka en nawn a, ka hawn tawh hnu ho ka en nawn leh a, a ziaktu hi thu hmun vek amaw tih turin a hawrawp hi a in ang hlawm. Ka nau hawrawp chu ani hauh lo a, mahse, mi alo chhawr leh pawh ani thei tho mai.



"Hey, engtin nge nang hian ka piancham i hriat?" Ka card dawn a lo la bih ngar ngar a,



"An lo sawi sap sap a." mi pawh en lem loin card ringawt a buaipui.



"Khawi hnathawh nachang i hre dawnlo, kal tawh rawh, keipawh ka tlai dawn, vawiin phei chu chawhma ka full thak dawn lehnghal." a card ken lai ka chhuh sak a, ka coat ha chungin ka ding chhuak hluai.




"Nia, tlaiah kan leng chhuak dawn nia." a chhuak ve nghal vut a,



Ward lamah ka tlang phei a, discharge an awm nual tawh a, khum ruak rawn luah khat chhunzawm nghal tur hi chu an awm zel, nikhat ah mi thar pakhat hi chu an awm ngei ngei. Nurse lo duty te hmel ka en a, ka hmuh duh ka hmulo engvanga Awmawmi hmel zawng ru ruai nge ka nih ka hrelo.




Female ward lamah a awm lova, counter-ah a awm lo bawk, a day-off ani ngei ang. A laka insawifiah turin ka engmah anilo tiin ka inhrilh a, mahse insawifiah ka duhna a kian phah chuanglo bawk! Niminah ka lamah vawikhat te mah a hawi chhin lo a, a mit mei pawh ka hmu hek lo, nimin piaha Lalbiakdiki nen a min hmuh dun vang ani tih ka hria, he hmeichhe tereuhte hian ka ngaihtuahna a chawk buai vek!



Ward ka fang zo cabin-ah ka let a, ka phone ah lai la chhuakin ka nau bawk ka call a,



"Aw hello, lawmthu rawn sawi i tum ami, ka ngaithla duhlo ka dah leh mai ang." a nui zui hak hak a,



"Naupang, i va inti thei ve a, khawi atang nge khatiang zat zat pawisa te i neih a, sum thianghlimlo hmanga i tih lek te hi alo ni ang e, ka duh dawn hauhlo ania." ka nui var var a, ka chair ngheng ka ngheng awn diai bawk.



"Ni love, sum thianghlim lo la a thil ti thei ber anga awm turin nang hian min zirtir hleinem, ka tih dan sawi vak a ngailo, tikhan nuamsa deuh khan hmang rawh, ka buai tak tak, ka dah dawn." kawnga kal niawm tak hian a pen ri hlawk hlawkin ka hria,




"Leh lawk, hospital lam a hnathawkte thil min pek hi i tih vek tho ani em?" ka theihnghilh hman tep alawm mawle.



"Chu erawh chu ka hre miahlo, duhsaktu dang i tawng a nihchu, anih aw." a dah zui hmak a, a tu thil tih tak chu ni maw?!


****


Tlai ban a hun a, Dar 3:30p.m a pel awrh, Lalrinsanga nen counter bulah kan in tawk a, stepa Lalbiakdiki chho lai ka hmu tlatin ka hria, a chhungte damlo an awm nge mawni, a rawn lang teivet lehnghal a.



"He lamah ka motor ka dah." ka peng kawi vut chu Lalrinsanga chuan mak tih hmel zetin mi au let a,



"Aw, keiin helamah ka dah alawm." ka kekawr ipte zenin ka car chabi ka la chhuak a.




"Hmela leh." ka hnung a rawn ri phei nghal khup khup,




"Khawi lo la teh." ka chabi min lak sak a,

"A khawi ber hi nge." remote hmetin ka motor rawn ri rat rat leh a hnung light de zeuh chu ava hmu nghal chat.



"Yaa, che thei leh si ve, kha ka motor va khalh rawh, ka car thar a nih hi." phur hmel lutukin a au lung lung, a chabi min pe sawk sawk a, ka car-ah zawk a lut thak!



"Ti rang hlek suh ang che." a motor lam pan chungin ka au lang lang a, kan phur bawk ani, garage khawk rum rumin kan au lung lung reng mai!



"Mai mai a che, JCB ka nawr tir nghal loh." engine a ti nung nghal vut vut a.




Lalrinsanga motorah lutin ka khalh ve thung a, a tlan hmasa zawk ka zui ve tawp. Bawngkawn lamah kan in zui thla a, khawiah chuan nge maw kan kal dawn ni, pa-pa hian kan in zui teh thlawt thin a, lem chang chawp miahlo pawh hian tam tak tan chuan rilru diklo put te pawh a awl ta viau ve ang ka ring.



"Khawilai nge?" ka hawi kual a, a hmun a sangin thli a thaw heuh heuh a, nuam tak ani.



"Hangi Lunglen tlang, ngati nge hmun hma i van hrelo em em ve?" kawng chho lo awmah chuan kan in zui chho a,




"Leng chhuak hmanin khawsa ve thei thin hek lo, a nawm reuh hi." midang kal pawh an lo awm nuk mai.



Kawng chhuk lo awm leh hlekah min chhuk thlak phui a, kham pangah mihring kal theihna tur lek a kawng in rin phei riak alo awm a, thli alo thaw heuh heuh bawk nen, a hlauhawm a, a nuam phian bawk, a tawp nia lang, hmun awl zau lai deuh kan thleng phei a,



"Helai tak hi ania a hming put chhan." tih pahin Lalrinsanga a thu thla a, nuam ve tak chu ani.


"Ngati nge a nang hi, tun hnai i reh daih a?" kham pang nghengin ka ding awn der der a, Lalrinsanga pawh thlamuan hmel zetin a thu awn der der,



"Ka pu a damlo nasa deuh a, chuvang mawle, a zia leh tawh, father-a chu enge a an a?" a nui pah suk a,



"Kan tha keini pawh, thu a awih chuan ni tam enkawl rei a ngaih ka ring lo."



"Nang hi, kan chhungkaw chanchin i hre fai zo vek tawh a, i chanchin reng reng ka hre lo, khang kum hun chhung zawng khan ka nu ka pa tia i phone hmang hriattur a awm pawn ka hrelo!" ka thusawi zawh rual chuan a nui zui hawk hawk a,



"Teh thut che chuan, in chhungkaw chanchin zawng zawng te chu hre bik nang, i chanchin hi mumal tak pawn ka hre lova, i piancham tak ngial pawh ka hre ngai hleinem."



"Mipain chutiang in hriatsak si se a tul lo, kan inhriat sak leh a tha ani mai, i nu leh pa te an dam hrim hrim em?" rawn dak chhoin mi rawn melh hu a,



"Ih thla lak ve kan duh a." kan piah atangin tleirawl inngaizawng ni awm tak pahnih an rawn inkai phei a, inthlahrun hmel tak hian min lo nghak reng chu niin!




"E lo la ru lo la ru, kan lo phei ang e," a rawn tho tuih tuih a,



"Ka nu leh pa chu, an dam tha lutuk e." a nuih dan teh hrep chu! Nidanga engthawl zeta a nui hak thin nen danglam tak ani, a mit a dul raih bawk! Hepa hian eng buaina chiah nge maw a tawh ni?! Kan chho chhuak det a, hmun remchang laiah kan thu leh rih te te a,



"Engtin nge maw i rawn than len le aw ka ti, mahni piancham pawh ngai pawimawh lek lovin, midang hnen atanga duhsakna dawn pawh beisei eih loa i rawn khawsak chho theih le Jeremy." a nui zui hak hak a,




"Nia tiraw, ka hun tawn kha khirh ve thin tak ani, ka pa hi chu enkawl vak ngaihna kha a awm lo a, ka nau kha enkawl puitlin ka tum ve em bawk a, hei tunah chuan, amah zawkin car te mi lei sak tawh hi, haw teng, kan awmdan hi a zialo tlat zel!" kan nui dun hawk hawk a, damdawiin hnathawk thenkhat hian lem chang chawp kher lo pawh hian min ringhlelin ka ring.



Kan motor dahna kan thleng thla a, chabi inthlengin ka car ah ka lut zui a, ngaihtuah tam tak ka nei a, mahse ka thawl hawk a, ka dam ve sawng sawngin ka hria, thil tih ngai reng tih ngawt ngawt te, awmna ngai a awm reng te hian rilru a khawih buai kual nasa thin a, lenchhuah a mahni intih thawven hi thil tha mai nilo, thil pawimawh tak ani. Ka phone ka en a, kan awm rei vak pawn ka hre silo va, Dar 4:30pm alo pel vuh tawh. Motor engine ti nungin kan tlanchhuak nghal a, bawgkawnah min pen san a, kei erawh traffic jam-ah ka tang phei ngat ngat thung

Ramhlun Petrol pump ka thleng phei a, khua a thim lek lek tawh lehnghal, ka rilru a hmanhmawh ru lek lek tawh. Ka kut vei lam a car steering vuanin ka ban lehlam erawh tukverh ah ka nghat a, ka mit sirin ka hmuh duh tak hmu tlata in hria in petrol pump lam chu ka hawi chho vat a, ka hmu sual lo! Vawiin nilenga ka zawn ruk, amah ka hmuh loh vang a kim lo riau a ka lo inhriat chhan hmeichhia ka han hmu a, petrol a lo la ve ni ngei tur ani, hlim hmel leh nel hmel em emin a bula mipa ding chu bia in an in en dun sek bawk! An awm dan chuan ka mit a ti kham hle, a chhan ka hrelo, mipa dang bula a awm hi kei hian ka thik maw?
"Thik turin ani khi ka tan engmah a nilo." ka in hrilh mawlh mawlh a, awmzia erawh anei lem lo.



A bula mipa lo awm ve chuan a sam ah tuai sakin an in ngheng chial chial a, ka kawchhung so bulh bulh vangin ka taksa rawn lum vung vung a, ka thaw zui hrawk hrawk.



"Hetiang a awm hman ka nilo." ka rum chhuak hawk a, ka car steering ka tham ngawt ngawt. An awmna lam hawi tawh lova ka mit thunun ka tum a, ka hlawh chham chiang hle! Hrep hian a, hmeichhia vang a buai hman ka nilo!



An lak hun a thleng nge, an in nawr sawn det a, Vector phenah an ding daih a, ka hmu thei tawh lo! Ka hmalam ka en thuak a, traffic hi a la chet hmel mai lo, ka insum thei lo! Ka motor atang chhukin station lam ka pan chho a, insi chetin an lo ding dun zui!



"Kan inbiak a ngai." Awmawmi ban puamah ka va man chawt a, mak ti lutukin min lo en haw,




"Min lo zui rawh." inher a kal pui ka tum a,


"Tunge i nih a thianpa?" ka ban rekah a lo awmpui mipa in min rawn man chawt.



"A chunga hetiang ti thei tur mipa hi ka ni mai, i kut hi la sawn rawh." hawi letin chang fakin ka chhang zui a, min rawn din hnaih sauh!



"Duhtawk ru, Dina scooty hi lo khalh haw mai rawh... Jeremy kal ang." min nam thla ve taih taih, kha mipa min rawn chhan let dan kha ka lawm hauh lo!



A kut tereuhte chu nghet zet a hum sakin kawng ka kan pui a, kawngkhar hawn sakin ka car-ah ka thut luh tir rawk rawk, na zetin kawngka ka khar a, ka seat lam a lut tura motor ka kal hual lai te chuan ka kawchhung ala so bulh bulh!


****

Awmawmi Pov



Ka zak bawk si, ka hlau bawk si! Khawi atangin nge Jeremy-a hi a rawn lan ka hrelo! Mi khan min en thup a, mak min ti ngawt ang, kei hi hmeichhe lep lerh tak, a mipa kawpte in man chhuak te pawh kan ang rum rum kan awm dan kha! Khur ru der der chungin Jeremy a motor kal hual vut vut lai chu ka en kar a, a chak zia chu ka hre tawh, Dina nen an in din chilh khan an insual tak tak ang tih ka hlau lutuk! Kawngkhar a rawn hawng a, a rawn thut luh rualin motor hi a hniam sutin ka hria, na zetin kawngkhar a khar bur a, a car steering vuanin a mit a chhing a, a thaw zui hawm hawm! Ami uapna rit zet chu ka zo lo lek lek hial! Hetianga a awm hi ka ring ngailo, engvang a hetianga awm hi nge maw a nih le?!




"Tunge i mipa awm pui kha, eng vangin nge tlangnel leh ngampa taka a khawih che?" a rawn rum chhuak hawk a, a tawngkam chu hriam ka ti lutuk!



Dina khan min khawih awm ka hrelo, Scooty nawr tu nih kan in chuhna lam a nek te chu kan in nek ve deuh a, i tlawmngai ve sia tih pahin ka sam a rawn tuai kher a, inla hrangin a kut pawh ka lak sawn sak.



"Enge chu chu ilo buaina? ka duh duh mipa ka kal puiin ka awmpui ang a, a biak pawh ka bia ang, nang hian thu neihna......" ka dar tawn tawn ah a rawn tham thut a, ka phu zawk a, ka thusawi lai ka tawp hmak.




"Jeremy, kan hnungah mi an awm ania, min ti zak ania." ka mittui hi ka mita an tlin tlai pawh ka hrelo, ka biangah a rawn luang zawih zawih! Ka hlau tawh lutuk, ka tawng pawh a ri chhuak che che thei chauh tawh!




A mit chhingin a kun lap a, a thaw zui kawk kawk, zawi muangin a rawn hawi chhuak a, a hmelah inthiam lohna lang chhuakin a thinrimna vanga a hmai sen tul te chu a reh duak a, na zeta boruak hipin a thaw chhuak hawk a,




"Ka tihpalh Awmawm," min thlah a, ner nang chunga van va dakin a ner zawnga a chal chuar tep chu a dawm vang vang a,




"Ka haw duh, ka kal dawn." ka sawi zo chiah rang lutukin ka kut a rawn vuan a, kan hma a motor a tlan chiah bawk,



"Ka thlah ang che, khawiah nge in awm?" nichin lawk a vin khur khur kha a tawng dam thlup a,




"Ramhlun North ah." ka ti zawi sap.



Ka kut a thlah a, motor her kual tirin kan tlan let phei a, industry peng ah ka kual thlak tir a, tawite tlan thlain veilamah kan kual phei leh a. A ngawi reng a, ka lung phu pawh a la dik thei lova, ka tha khur pawh a la dik thei chuanglo!




"Tah khan." ka phun sep a, kan kawt, kawngpui zau laiah chuan kan ding dat a,




Kawngkhar haw ka tum lai takin ka kut ah bawk a rawn man leh a, khua a thim fel vek tawh a, kawng kal erawh an la awm nuk mai.



"Jeremy, ka kal duh khawngaihin." min man atanga tal chhuah tumin ka bei ve fat fat a, ka hnehlo lutuk.




"Reilo te, chuan ka kal tir ang che." a sawi duh a sawi zawh hma chu min thlah a tum lo tih ka hria, au chhuakin mi han pun dawn viau ila, mahni duhthu a mipa awmpui a, hlau der leh vel angah hian min ngaih ka hlau tho bawk si, thenawm khawvengte ho hian min lo sawi ve leh hat thin bawk nen!



"Min thlah tal la, ka ban iti na ania." ka sawi zawh rual rualin min thlah a, inthlahrun hmel takin min melh bawk, ka ban a vawnna chu ka tuai zui vat vat a,



"Vawiin hi ka piancham ania, Damdawiina hna thawk thenkhatin min lawm pui sap sap a, i hmel hmuh tur a awm lo a, ka kim lo! mipa dangin ta neih taka an khawih che ka rawn hmuh khan ka na."




A rawn phun thawp sat a, ka hamhaih vek! Hepa hian Dina a thik maw? Kan mi duh em em ten midang an awm pui hmuh hian kan thik thin, keipawn kha hmeichhe chhelo zet nen an inphur ka hmuh khan ka thik a, ka na takzet! Ka lung a phu rang telh telh a, boruak ka mamawh takzet, ami uap ana bawk si.




"I mipat pui ngaizawng thin i nihloh zia lan tir nan chauh a min hmang a, ka rilru...." ka nghawng ah a rawn vuan chawt, ka thusawi lai ka tawp leh chat, ka hlau thei lutuk!



Ka nghawnga vuan chungin ka chal chu a rawn si ngur a, a thu zui kawk kawk,



"Sawi tawh suh, nang hian min tibuai zo vek tawh anih hi!" a kutzungpuiin ka biang tawn tawnin a nul pah heuh heuh a,




"Jeremy, ka duh che." ka phun sep a, ka chalah na zetin a hmuiin a rawn nawr nghal vawng vawng, ka taksa hi a fan chhuak vek, ka lum pup pup mai!



"Ka duh che." ka kawchhung a rawn sa pup a, mahse a nuam veng veng bawk si, ka lungphu a rang tial tial a, he mihring pa lutuk hi tham vak a au chhuah vak ka chak lutuk!



"Jeremy, min thlah suh aw." ka hnaih hret a, tawngkam a min chhang lovin ka hmui a rawn lum pap a, ka sa chhuak vek!




"Ka thil lo neih tawh sa te thlauh thla chuang lo a ka thil neih thar hlu tak hi, a nat, a chhiat, ka phal ngai lo ang." Ka beng bulah a rawn phun sup a, Ka kuah zui vawng vawng a, nghet zet leh am takin min kuah nghal vawng vawng.



Beidawng lova nghak hram hram te hian, a tawp ah hlimna chu an chhar nge nge thin! Kan nghah hun chhung kawng lakah nat belhna tur pawh a tam ang, mahse chhel taka tuar tlang thei chuan, a tawrhna ai nasa a hlimna a chhar ngei ngei thin.




****************
Ka readers hmeltha leh fel multi ultra bestest ho, ka pawi ka ti takzet, he thawnthu ah hian ka thil zir thin tam tak ka thai lang a, keimah ber ber hian ka hlut ve a, mahse hetiang a tih hi a ngai ta sia, min hrethiam hram dawn nia.🙏🙏🙏

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)