Pu Tawma In (Uncle Tom's Cabin) (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Pu Tawma In (Uncle Tom's Cabin) (Completed)

Unread post by Ngaia » May 10th, 2020, 2:36 pm

BUNG 19
ZAWRA’N A BAWIHTE A CHHUAH

Zawra chuan a nu lehkha tawi a thawn a, “Ka lo haw dawn e,” ti chauhvin a hrilh a. Pu Tawma chanchin hrilh a tum a, mahse a ziah dawnin a mittui a tla a, a lung a chhia a, a ziak hlei thei lo a ni.


A thlen ni tur chu an lo nghakhlel hle mai a. Pi Khiawii chuan a kawr thar a ha a, engkim a dah fel dim diam a. Pu Tawma hmuh leh a beisei a, a hlim hle mai a, “Kan hotupa chuan kan fate hi a rawn hre tawh lo vang ka ti,” a ti a. Pu Selbia nupui chu a hlim em em na a, Zawra lehkha a hmuh atang khan a hlim lo tan hle tawh reng a, an duh angin thil a awm lo a ni tih a ring a. Pi Khlawii chuan, “Kan naupang ber phei hi chu a hre tawh hauh in ka ring lo. A kalna chin kha kum nga lai a ni tawh si a,” a ti a. Chutih lai tak chuan tawlailir thawm an hria a, Pi Khlawii chu tukverhah a dak thuai a. “Zawra a ni ngei mai,” a ti a. Pu Selbia nupui chu pawnah a chhuak a, a fapa nen chuan an inpavm a, an infawp a.


Pi Khlawii chu an hnungah ngawi rengin a Io ding a. Zawra chuan Pi Khlawii kut a han vuan a. “Pi Khlawi, Pu Tawma han hruai haw theihna tur ni sela chu ka sum zawng zawng pawh ka pe tur a ni a. Ram tha zawk min pansan ta a ni,” a ti ta a. Pu Selbia nupui chu a tap zawih zawih a, Pi Khlawii erawh chu a la ngawi reng a, ngawi ring chungin chawchhum pindanah a Iut ta a. Pi Khlawii chuan, “Ka hlauhthawn ang ngei zawng a ni zo ta a nih hi. An hralh a, an that ta a nih chu!” a ti a, pindan atang chuan a kal chhuak dawn a. Pu Selbia nupui chuan ngawi rengin a zui a. A banah a vuan a, a kai thu a. “Karei maw!! Khlawii!” a ti a. Khlawii chuan a pi chu a ngheng a, “Ka pi, min ngaidam ang che. Ka lung a chhe em a ni e,” a ti a. Pu Selbia nupui chuan, “A lungchhiatthlak a nih hi, Pi Khlawi. Ka hnem thei si lo che a maw!?” a ti a, a tap zawih zawih a. An pahnih chuan an tap dun ta a.


Zawra chu a lo kal ve leh a. Pi Khlawii kut a vuan a. Pu Tawma thuchahte chu a hrilh a. Pi Khlawii pawh a thin a dam deuh huai a.


Chu mi hnu thla khat ral hnuah chuan Zawra’n a bawihte a ko khawm a. “Enge maw hrilh tur che u ka nei e,”’ a ti a. Bawihte chuan ”Eng chu min hrilh dawn ni ang maw?” an ti rilru a. Zawra chuan lehkha a rawn pawm chhuak a, a bawihte chuan mak an ti hle a. Lehkha chu a sem theuh va, "Tun atangin bawihah in chhuak vek tawh a ni,” a ti a. An lawm lutuk chu an tap a, an pu chu lawmthu an hrilh a. Thenkhat chuan an lehkha an rawn pe let a. “Kan awm ang aia zalen leh chuan kan duh lo ve,” an ti a. Thenkhatin, “Kan duh ang chu kan nei thei tho alawm,” an ti a. “Kan in leh lo leh kan pi leh pu kalsan kan duh !o ve,” ti tawk an awm bawk a.


Zawra chuan, “Ka thian duh takte u, tumah kal bo a tul lovang. Rawngbawltu chu kan la duh zel dawn a, in vaiin in la awm thei ang. Zalen mi in ni tawh dawn a ni. In hnathawh hlawhte ka pe ang che u a, ka thihin emaw, lei ka bat vangin emaw hralh theih mai in ni tawh lovang. Chu chu in awm dan pangngai aia a danglamna a ni e, Ka hnenah awm vek ula ka duh a ni. Zalenna awm dante leh nun dan zirtir che u ka duh a ni,” a ti a. A bawih te chu an hlim a, an au dar dar a. Zawra chuan, “Thil pakhat a la awm e. Pu Tawma, mitha tak kha in la hria ang a. A thih dan leh a thih dawna a hriatreng zia che u leh a chibai buk che u pawh in la hria a. Pu Tawma thlanah hian Pathian tanpuina a bawih neih loh ka tiam a ni. Ka thiltih dik loh avangin in zinga mi pakhat mah Pu Tawma anga hralh a, chhungte kalsan a, ram danga hrehawma in thih ka duh lo a ni. “


“Chuti chuan in zalen avangin in lawmin Pu Tawma vanga zalenna hmu in ni tih hre reng ang che u. A nupui leh a fate chungah in lawmna entir ula, an chungah that chhuah theuh rawh u. Pu Tawma In hi in hmuh apiang hian in zalenna hmuh dan hre reng ang che u. Pu Tawma anga tha leh rinawm, Kristian tha nih tum ve rawh u,” a ti ta a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)