Undefined Love BY Anna Mell Sailo (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Undefined Love BY Anna Mell Sailo (Completed)

Unread post by Ngaia » May 31st, 2020, 4:11 pm

qnnv8vu4.jpg
qnnv8vu4.jpg (39.55 KiB) Viewed 24046 times
Undefined Love

Chapter 1


London’s POV

Thlawhna atanga ka chhuah rual chuan boruak lum tak chuan min rawn chhem nghal huam huam a.
Denim pants loose hain a chunglamah T-shirt var ka ha a, sneakers leh cap ka khum bawk a, ka shades lian tak ka vuah nen chuan tuman England Lalfanu, Grace, Lal lukhum khum thei dinhmuna ding pahnihna ngei ka ni tih an hre kher lo ang.
Ka unaupa Harry, King Philip tia khawvelina a hriat chu ka pu, King Alaric boral hnu atangin a lalna chu hlan a ni a. A fapa ( King Philip fapa), naute cute zet leh duhawm tak Prince Magnus chu lal lukhum khum thei dinhmuna ding ni lehin a dawt leh ah chuan kei, in duh tak Princess ngei hi ka ni e.
England atangin Riyasan-ah commercial flight ka hmangin ka zin a. Kum tam tak hnua a vawi khat nan ka bodyguard engtik lai mai pawha min veng rengtute lak atanga ka zalenna a ni.
Thla kalta khan he thil hi chu thil theih loh tawp a ni. Lal-in Kingdom of Al-Farhinah ah ka security team te tello chuan kal a phal thak lo a, zan khuain he thil vang hian kan inhnial hrep phah nghe nghe.
“Nangmah chauha zin chu a him lo a ni. Hmeichhia I ni a chutah hmeichhia aia mipa tamna ramah I kal dawn a ni a. He I sam buangte hian mipa thalo mit ila ang.”
“Chungchu ka hria lawm, unaupa. Nimin ah khan research ka ti diam tawh alawm. Min ring ve mai thei lo em ni.”
“Engtin nge ka theih ang? Thil thalo a thlen hunah tumah chhantu tur che an awm dawn lo sin. Mahni in ven dan pawh I thiam loh hi!Paparazzis ho in an hmuh hunah che I chet dan enzui chein an ti buai ang che nga. He inchhung ah hian darkar 24 pawh tling lovah hmingchhiatna I thlen thei asin.”
Ka hrawk chu ka thian karh karh a. Ka mitko chu ngeiawm takin kan tiche kual vela chuan ka mit chu a nupui Queen Emerald lamah ka sawn a. Ka chetzia chuan he Royal Family a kum hnih kal ta a an buaina rawn thlen kha ka hriat nawn tir a.
“Kum 20 ka ni tawh, Harry keimahin ka inenkawl ve thei tawh. Ka tiama che ka che fimkhur anga chuan ka inthup tlat bawk ang.”
“Yeah, chu rawtna chu rawn siam ka tum chiah a, sam lem (wig) dum vuah la…anih loh pawn Korea atanga ka rawn hawn che sam dye na kha I hmang thei bawk a. I vawi khat sukah I sam kha a rawng ngai bawk a rawn chhuak leh thei a.” tiin Emerald chuan ka duhdan te chu min lo thlawp a.
“A theih loh, chu chu thupek a ni.” Khauh tak mai chuan Lal chuan a ti a. A mitmenga a nupui thurawn a pawmpui loh zia tilangin a nupui leh kei chu min melh rawm a. “I himna hi ka mawhphurhna a ni. Mi rukbo ching leh hel (terrorist) in man che in tlanna sum tamtak an phut chhuak thei. Pathian, a theih loh! He thilah hian risk kan la thei lo ang.”
“Mahse keima hlimna hi risk thei lo ani. Khapa kha ka zawn hmuh ngei angai.”
“Beidawnsan a hun tawh, London. Eng dang nge ila duh? Biak che emaw hmuh che emaw pawh a duh tawh lo tih hi a chiang reng a lawm. I chungchang hi engahmah a ngai tawh lo. I hun hreawm ber lai khan khawiah nge a awm, huh? Vawi tamtak biak pawh ka tum thin, a ngaihsak ngai lo.”
“Chumi vang chuan lawm hmuh ka ngaih. Chutia ka tih chauh chuan hetia a awmdan mak tak te leh a biruk tlat nachhan te hi ka hrechhuak thei dawn chauh a ni. Khawngaihin Harry, ka hmuh ngei ngei a ngai a ni, ka hmalam hun atan. Hethil hian ka hmalam hun ka siam fel theih nan min pui thei dawn a ni.”
Min en deuh vang vang hnu chuan a thaw chhuak hak a. Ka thusawi awmzia kha a hrethiam ta hram e.
He ka love life a ka hlawhchham anih chuan Norway Lalfapa lallukhum khum thei dinhmuna ding mek, Prince Jakob, pasal anei turin min ti kha a nia.
“Awle, ka pawm e.Mahse, ka remruatna ang a ni tur ani. Ka mi leh sa te zawng turin ka thawn ang.”
“Chuan engtin? Chu I sawmna chu pawmin England a rawn kal a min hmu tur hian a rilru I hmin theih I ring a mi…nge a thiantha ber hian maw? Min ring rawh, ngaihdan tha tak chu a nilo a lawm, chu tianga I tih chuan a tithinur daih thei asin.”
“Lehkha thawn la, chu lehkhathawnah chuan I sawi duh zawng zawng te ziak la. Engkim a hriat hnuah a hmuh duh leh duh loh che kei hian ka lo en dik ang.”
Ka pawm lohna ti langin ka lu chu ka thing a. “No, keimah ngei hian hmaichhana ka hrilh a ngai a ni.” A tul I ti emaw ti lo emaw.
Thlakhat a ral hnu chuan an chhungin kar khat chamin Norway a royal wedding ah chuan an kal vek a. Ka tan ka tlanchhuahna hun tha tak a ni.
Damlo dera lemchangin Norway-a an ruala ka kal tur pawh ka thulh phaha. Prince Jackob chuan kal ve tur chuan min lo beisei em em a, mahse ka va lan te tak si lohah chuan an Lal pawh chu a lungni lo hle a ni awm e. Mahse ni lul lo e. An tan royal wedding dang buatsaihna hun tha ka siam mai mai a ni dawn asin.
An chhuah hnu lawkah chuan airport lam panin ka kal vang vang a, Riyasan, Kingdom of Al-Farhina lam panin commercial flight chuan kan thlawk chhuak ta vang vang a.
Ka leather backpack uk chu akin, a chhungah chuan ka lehkha pawimawh te, shirt pahnih, jeans, underwears, personal care product leh Korean hair dye Emerald-ina min pek te chu ka ak a.
Ka hma hun chu he ka zinnaah hian a innghat thui hle a ni. Tu emaw hun rei tak atanga ka biak pawh tawh loh, kum pawh a ral tawh hial maithei a ni, Prince of Al-Farhinah, Israel Yasin ngei chu ani ka mi zawn tur chu.
Ka call a, email ka thawn bawk a, social media zawng zawng pawh ka hmang kim vek, ani biak pawhna tur khan mahse vawikhat pawh min chhang lo. Vawi leh khatah a bo ringawt a ni mai, a thiante leh a chhungte lak atangin a inla hrang vek.
A cousin Omar hneh atanga ka hriat dan chuan amahin thlalerah kum khat dawn chu in la hrangin a cheng tawh tih thu ka hria a ni. Thlaler hmun ro leh tiavut mual pawng, sanghawngsei hmanga chauha kal pawh theih, darkar sawm atang sawmpahnih ngawt a awmna hmun thleng tur chuan kal a ngai a ni.
Kar khat emaw thla khat emaw pawh kal nan hun ngai se pawi ka ti lo, hmaichhana ka hmu a nih loh chuan ka rilru hi a dam thei ngai lo ang. A tawpna ka mamawh a ni, ka nun a hma lam ka pan theih nan hian.


(Note: Kingdom of El-Farhinah hi phuah chawp mai mai a ni e. Chuan story hi lehlin chawp a ni a, ka thu hman te a dik lo awm palh in hmu anih chuan comment ah hian rawn sawi hreh lo ula, story hi in duh zawng a nih leh nih lo te, inngaihdan te min rawn share theih chuan ka lawm khawp ang.) ;)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:12 pm

Undefined Love

Chapter 2

London’s POV

“He thilah hian risk sang tak ka la a ni, Your Royal Highness. He ka thil tih avang hian a tilungawilo in lal in atangin min paih chhuak duh hial maithei a ni.” Omar chuan mangan hmel takin a sawi a.

Airport atangin min rawn lam hnuin 5 star hotel a ka innghat pawh chu min pui bawk a.

“Omar ka tiam a che, chung thil chu a tih ka phal lo ang.”

“Midang lam tak a ni tawh tunah chuan. A hmaa zuanzang leh thatho tak hlim thei tak leh mi zuanzang tak Izzy ka hriat thin kha chu a ni tawh lo. A luhlul in a thinur hma si, ka hmuh apiang hian tawngkam na deuh deuh in min tawng el khum thin a.”

“Chu thil chu a tha lo hle mai. Mahse I dawhtheihna vang hian ka ngaisang che; A laka tlawm a tihtauh san mai lova chaw leh a mamawh; a dam khaw chhuah theih nana thlaler ramro tak a I va pek thin avang te hian."

"Ka tih a ngai alawm, sawlai hmuna riltama thi tur sawn ka phal hleinem. A thil tih tum saw ka hria lawm." Omar chu an thaw hak a. "A nau Ali thihna avanga khan nun chakna a nei tawh lo a ni. A thih chhanah khan amah thiamloh a inchan a."

“Ngatimaw? A thiam loh a ni hleinem Ali car truck in a sut kha.”

Omar a chu a bu nghauh nghauh a. “Ni chiah e. Mahse khami zan khan a car kha Ali alo hmatir phallo se tih hi a duhthusam chu ala ni reng.”

“Kha chu accident, tuma dan rual a ni lo alawm.”

“Izzy chuan amah zawk kha thi zawk se a ti thin. Ali chu ala naupang a, a fing in a hrisel bawk a….. mi fel tak leh tha tak a ni bawk a. Thih kha ala phu lo a ni. Amah kha mithalo tak nia a inhria laiin. I hria em a hma kha chuan thu duh leh mahni thu thu a awm, a hausakna leh thiltih theihna hmanga a duh duh nei thin kha a ni a….. hmeichhia pawh telin mawle. A rilpui cancer (colon cancer) khan a mit rawn tihvar sakin a nun dan te a rawn thlaksak hlawk a, kawng dik te a zawh hman hial asin. Mahse Ali a thihna khan chungchu rawn chhem darh vekin nun hi a fair lo hluah hluah hian ahria a, a ngaihdanah chuan Ali niloin amah zawk kha feet ruk hnuaia an phum tur zawk kha a ni.”

“Chutiang chuan a ngai tur a nilo asin, a nun leh a thawrimna zawng zawng te a tihchhiat phah tur a nilo asin.”

“Mi rinawm leh taima tak tak thawhpui leh a hnuaia thawk ama sumdawnna hmun Dubai, USA, Germany, Argentina leh ram dangah te tha taka enkawl saktu a neia. Engtikah pawh rawn kir se a sumdawnnaah hi chuan buaina a awm lo vang. Mahse zawhna awm ta chu, ‘Engtikah nge?’ Anih loh pawn ti sawn kumkhuain a awm thei a ni."

Izzy hi mi tuarchhel leh luhlul tak a ni. He a channa hian a tuar theih loh tawp a thleng a ni mahna le.

“Nang chu a lo ngaithla maithei che asin, he a thil tih hian amah chauh niloin a khua leh tui te thleng hian a nghawng a ni tih a hrechhuak mial mahna. He Al-Farhinah rama roreltu tur anih dawn avangin amahah hian thil tam tak kan beisei a ni.” Omar chuan beidawng takin a ti a.

“Ka chiang a ni chu thil chu ala hre reng ang, Omar. Hun tlemte a mamawh mai chauh a ni.”

A hnu deuhah Omar chuan naktuka zing kara kan zinna tur chu min hrilhhre nawn leh a.

“A pawi ka ti khawp mai, Your Royal Highness. Helicopter kan hmang thei dawn lo a, a awmna hmun dik tak hi kan thup angai a ni, ama him zawk nan. Kan venhim angai a ni.”

“Ka hrethiam a lawm Omar. Eng hmang pawn kal ila ka tha vek a nia. Amah ka hmuh hi thil pawimawh ber a ni.”

Omar chu bu nghauh in, “Naktuk zing dar 4 ah kan chhuak anga, darkar sawm atanga darker sawm pahnih kal a ni.Vanneih thlak thakin ni tlak hmain kan thleng hman ang. Sanghawngsei ka lo peih fel ang.”

“Ka lawm e Omar.”

“Keipawh le, Your Royal Highness. Mahse thil zawh duh che ka nei.” Tih pahin ka sam chu an en chiang a “Thlaler pal tlang tur kan ni a, kan kalkawngah khualzin dang te tawk thei kan ni a, a tlangpuiin mipa. A then chu fel tak te pawh an ni anga, a then chu misual , hmeichhia khawih hreh lo te pawh anni thei a. Thlaler ramro tak ah chuan mi tumah in min rawn pui thei dawn lo a chuvang chuan inring renga kan awm angai a ni.”

“Teh reng mai, chuan engtin nge chu chu kan tih ang?”

Tunah chuan he ka thil risk tum hi a hlauhawmzia ka hrechiang ve ta. Mahse chu tah chuan ka awm tawh a, Izzy ka biak pawh hi a pawimawh hle bawk a ni.

“Mipa anga inthuam I ngai ang. Thobe (Thawb - kamis var ban tlawn ngal thlenga sei; Arab mipa thawmhnaw) leh keffiyeh (headdress; Arab mipa in an lu tuam nana an hman a ni a; puan hlai vak lo in an luah an hreng bet thin) I ha anga. I sam kha I tuam bawk anga chuti lo I sam atang khan hmeichhia ini tih an hre thuai ang. Engang mi nge kan tawh dawn kan hre si lova… chuan I hmai pawh tuam la a that ka ring. I hmel hi a nu (feminine) mah mah mipa tur atan chuan; a tha mah mah a ni.”

“Okay, buaina a awm loving. Ka lo hre reng ange.”

Omar chu kun pahin “Mi tu emaw I thobe leh keffiyeh ka rawh dah tir ang zaninah, naktuk vartianah lobby ah kan inhmu dawn nia.”

“Ka lawm e Omar. Chuan, London tiin min ko thei ang.”

Omar chuan min chhuahsan ta a.

Chumi tlai chuan ka inbual pahin ka sam chu Emerald-in min pek Korea hair dye chu hmangin, ka mithmul leh ka sam rangkachak rawng chu rawng dumin ka thlak ta a.


to be continue....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:12 pm

Chapter 3

London’s POV

Vartiana kan zingkawng chu tan kan ni a, thobe leh keffiyeh a in thuamin, ka hmai chanve chu ka tuam a; ka mit leh ka mithmul a duma ka dye chiah chu alang thei a. Heti hi chuan tuman hmeichhia ka ni tih an hrechhuak mai mai lo ang.

Camel chungchuangin vawi khat chu ka thiante nen chuan Morroco thlaler ah chuan kan zin kual ve tawh. Ka vawikhatna a ni a, chutah ka thiante nena kan nih avang leh instagram a post tur selfies kan neih theih avang khan kan phurin, nuam kan titlang hlawm hle anih kha.

Mahse darkar ruk vel Al-Farhinah thlalera kan vah kual hrep hnu chuan ka taksa te chu an na thum tawh mai. Ni te chu sa zual sauhin, boruak te chu an pan sawt hian ka hria a. Ka taksa chu kang ang mai hian ka thlan te chu an rawn luang zung zung a. Ka rilruah chuan tui hleuhna khuanga tui fim, pawl phut a chen paha strawberry ice-cream te, soda hit tha thler thler thlawr te chu a rawn lang uai uai a. He ka sanghawngsei chuanna hi tlemte talin han kal chak deuh se ka va ti em, mahse ka bungrua leh kei thlengin min phur chu a ni si a. Naute khawngaihthlak.

Tiauvut sen mual pawng bak ka hmu thei bawk si lo, a lehlam zawng tak chuan chung mual pawng chu an mawi phian mai, amaherawh chu hlauhawmna tak te pawh an nei ve.

Khawvel atanga bo ve ang mai hian ka inhria. Helai hmun ro taka awm chu a mak duh angreng khawp mai.

Mahse heng zawng zawng hi chu ka hmalam hun atan ka tuar ve angai a ni.

Ka ngaihtuahna zawng zawng te chu ka lu bur ah hian an tlan kual vel nimai hian ka hria; a tlangpuiin ka hun kal tawh te. Thlaler ramro rehna chuan thil chik taka thil ngaihtuah theihna turin min puia, ka hun kal tawhte min chhui kir thei hial a ni.

Izzy ka hmuhna hmasa ber kha ka la hre reng; elementary school kan kal laia kan classroom chhungah a ni. Kan school ah chuan a hmeltha ber a ni a, a hmelthatna chu a kalna hmuna apianga mi zawng zawng mit la tu ber a ni. Sam dum hlap a nei a, a mitmeng chu a naute lem ang maia fiah a ni, a mit hmul leh a mitko hmul te pawh chu an chhah tha hle a, vun uk kharh, mawi nalh tak a nei a, ha var mawi rual nalh tak nen. Field-a thlan hluama a in fiam hnu pawn a landan chu a faiin a fresh sar reng.

Yeah, kum ruk mi ka nih atang tawh khan ka lo vei ru daih tawh alawm. Anihna takah chuan ka mipa duh hmasak ber a ni. He thil intanna chu hote mawle; ka pencil mu bung a hmuh khan a pencil kha min pe a, chuta lo intan chu a ni.

“Aih, ka la thei lo ang.” Mak ti tak chuan a pencil hmawr pahnih chu ka vuan reng a. A pencil chu serthlum rawng tak kakah chuan Izzy hming ‘Izzy Yasin’ tih chu rangkachak hian alo inziak a.

“A pawi hleinem, tha deuhin I enkawl dawn nia.” A ti a. A nui hmel cute tak pa tak si chuan ka thinlung hi a tituiral vek hial a nih kha. Ka awih theilo a ni, ka rindan chuan min duh ve niin ka hria.

Nitina school kala Izzy hmuh chu ka phur hle mai a. Enge ka pek let ve ang tiin ka rilru chuan ka ngaituah reng a. Ka rainbow toy, nge ama lem ka ziah hi, a nih loh pawn unicorn lem chuang thawmhnaw, emaw… ka thlalak ka lan cute na ber. Aw nilo, chu chu ka ti thei lo ang.

Ka phirpui, Harry leh kan thenawm a mi, Zion nena an inkawm te chu ka lo hlim em em a. Reilote hnuah thiantha ah an insiam nghal mai a, chu chuan tlemin amah min hnaih tir thei deuh a.

Zanriak kil laia Harry’n tawp hlei thei lova chhunlama Izzy nen an hun hman dante a sawi chu ka lo ngaithla uluk thei khawp mai, a chang phei chuan ka lo lai thin.

Kar hnih a ral hnu chuan a vawikhat nan rilru natna chu ka tem ve ta. Izzy pencil min pek chu math workbook tih nan ka hman chu ka thiantha ber Claire Olsen chuan a lo hmu a.

“Hey London, I pencil ang chiah kha ka nei ve.”

Ka mit chuan chu pencil Izzy hming ker mawiah chuan a fu ta chat mai. Ka pencil vawn lai chu chhuatah chuan titlain a mu chu a bung ta hlauh mai; ka thinlung keh darh rual tak chuan.

Ni te chu lo liamin kar te hial a lo liam a, thla te pawh veiin kum hial a lo liam ta.…Izzy chu Claire lakah chuan a lo luanliamna chu. Ka tih theih zawng chu keihi a duh zawng ka nilo a, Claire, ka thiantha ber tana a luanliamna chu a tawp mai mai dawn lo a ni tih pawm hi a ni. Amah ka duhna te chu tihreh tumin ei in lamah ka tuan a, ei tur chuan min kalsan lo tal a lawm.

A chang chuan ka chum avang chuan chhaih ka hlawh fo mai, mahse ka nuih liampui mai zel. Tumahin min tinawmnah ngam lo a, anih loh vaih zawngin Harry, Zion leh Izzy an hmachhawn thin. Princess ang main min venghim a, khatih lai khan, chu chu ka tan chuan a tawk em em a ni.

Izzy chu kan inah a rawn chuang kai fo a Harry nen an in kawm thin avangin , chu chuan kan pahnih inkar pawh thian ang chuan kan inhnaih ve phah. Harry leh Zion te nghah pahin computer games te kan khel thin a, lam dan te pawh kan inzirtir tawna , tv series leh show dang te pawh kan en dun thin.

A titi tui lai te chuan a date chungchang te, an in kiss dan leh an relationshsip thleng in min titi pui thin. A hmeichhe date tawh ho- Olivia, Maddie, Julia leh midang te chanchin te min hrilh thin. Hriatthiam theih dan tur chuan, school a nula chhelo apiang te hi an ni mai.

Claire date chu a thil tum ber a ni a. Claire-in a duh lohna a tihlan nasat pauh leh a niin cho naah angai thung a.

Cameron Talbot, kan principal fapa, playboy a kan school a lar chuan zingah hall-ah min lo bia a.

“Hi, London. Han ring chin te, nizanah thuruk ka hrechhuak a nia.”

“Enga?” ka mitko chu ka ti ner nung a. Cameron hi ka ngainat zawng a nilo, principal fapa a nihna hi hmachhuanin school-ah mi tih buai a ching si.

“Ah… in nun a I mi hmangaih chungchang a nia.” A mit chuan ka taksa chu a han melh kual vel a.

“Eng chungchang nge I sawi a, ka nunah hian tumah hmangaih ka nei lo.”

“Nih chuan Maddie chuan dawt a sawi a ni maw, huh? A sawi dan chuan Izzy hi hun rei tawh tak atang khan I lo duh tawh tiin a sawi in ka hria.” A tawng rin em avang chuan corridor-a mi awm zawng zawng chuan an hriat phah.

Maddie-in a hmui a chip thei lo chuan min tihrilhhai kher mai. Mi zawng zawng zingah Cameron hi a hrilh a maw! Nizanah Maddie ina party naah truth or dare kan khel a. Oh!

“Chu chu a dik lo. Izzy chu ka unaupa ang chiah alawm.” Mi zawng zawng hriat theih turin mahni inveng tak chungin ring chuan ka ti a.

“Dawt sawi suh. I hnar rawn eeng kha ka hmu thei alawm.” Ka lamah chuan rawn awn hnaiih zawi sup hian, “I beiseina kha titawp rawh, nangang sai(elephant) sam buang chu a chhuahpui duh hauh lovang.”

Ring taka nuiin chulai hmunah chuan min kalsan a, a thil rawn sawi te khan min thawng hle a ni.

Chu aia chhe zawk chu Izzy chu ka hnungah chuan alo ding reng a, kan thil sawi zawng zawng “sai sam buang" tia ka beng bula a rawn sawi sur sur tih loh kha chu a hre vek tihna.



End of Chapter 3


to be continue……


(note: zanin chu duh aiin ka tlai a, ka readers duhtakte in mi hriatthiamna ka dil e. Tunlai kaw lum nen, net chhe zui bawk nen, website ah hian ka lut lawk thei lo a, ka luh theih hnu pawn ka post dawn hian a bo zel mai si a ka duh aiin ka rawn post hma theih loh phah. Ka story lehlin te hi khawngaihin in thian story chhiar hrat deuh deuh kha lo hrilh hre ve ula, a chhiar hrat loh te pawh pawi chuang lo a maw, a link hin khawngaih takin min lo share sak theih chuan ka lawm khawp ang. Amaherawh chu, a link tello chuan khawngaihin hmun dangah min forward sak lo tur che u in ka rawn ngen hram hram che u a ni e. Ka lawm e 8-) :D )

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:13 pm

Undefined Love


Chapter 4


London POV

*Al-Farhinah Desert*

“I ei tlem lutuk, Your Royal Highness. Darkar thum zet kan zinkawng kan la zawh dawn a nia.” Omar chuan ka Kuboos (chhang chikhat) chanve chauh ka ei a hmuh chuan min ngaihtuah takin a ti a.Hetianga min ko lo tur hian ka hrilh chiang viau tawh sia a theihnghilh zel a nih hmel.

“Ka lawm e Omar, mahse ka puar tawk takzet a ni.” Tia chhangin ka pum chu khan dawm a.

Thil chu ka ei tlem thang hrim hrim a khami ni Cameron-an sais am buang min tih atang khan. Ka rilru kha a na em em a. KA lalndan avang khan ka inrintawkna te chu min tih chhiatsakin mutthilh theih lohna min thlen hial a, khami ni atang khan thil ka ei tlem tan ta a ni.

Ka thian char tharte chuan min phansan niin ka hria a, ka ngaihdan kha chuan Maddie, Collen leh Josie te kha chu an rintlak a amaw ka tia. Khawhar taka ka awm kha an duh ni berin ka hria.

Ka thiannu elementary school kan kal laia mi, Claire kha ka ngai thin khawp mai. Thusawi ngaithlatu tha tak a ni a, mi khawngaih thei tak leh hrethiam thei tak a ni. Chuan thiantha tak a ni bawk.

Mahse kan lo upat hnu kha chuan kan inthianthatna pawh a lo inhlat telh telh a, a chhan tam tak a awm thei ang. A nu thih hnu khan a inla hrang a… a nu thar chuan a thiante hmuh a khap bawk si,…tichuan kan thil duh zawng te pawh alo danglam ta a. Inchhunga awma lehkhabu chhiar te, zai te leh tingtang perh te kha a nuam tih zawng a nih lain kei chuan pawn chhuah vah a bazaar te, tunlai taka inchei te leh zin khaw thawng a mipa inkhelhna chi games khelh te leh ram chhuah te kha nuam ka ti thung a.

Omar thusawi chuan min tiharh zawk ami.

“Mi an lo kal a nia, I hmai kha tuam rawh.”

Chaw kan paina bawm ho chu a khung zung zung a, bag ah chuan a dah lut thuai a.

Ti tura min tih ang chuan ka ti ve nghal vat a. Kan lama mi pathum lo kal te chu kan en a, kawr dum vek an ha a; sanghawngsei chungah chuan an bungrua te nen an chuang a, bungrua an ngah hle mai.

“An rawn kal hun hi a fuh lo kher mai.”

“Tute nge an nih a?” Omar aw a hlauhna ri a hriat theih avang chuan min tihlauthawngin ka thinpui te chu an rang kher mai.

“Thlaler suamhmang an nih hi. Lal in vengtu khan min hrilh lawk tawh a, hemi kawng hi kum khat chhung vel chu ka lo zawh ve tawh a, vawikhat mah ka la tawk lo. Heihi ka vawikhat tawhna a ni a, chuan a thalo hle bawk…ka ruala I rawn kal hi.”

“Engtin nge kan tih tak ang?” Hlauh loh hmel tak chuan ka han zawt a, mahse ka chhungrilah chuan hlauhna in ka khat si.

“Ka va bia anga chutih hlan chuan kan buk hi ilo thlep tha dawn nia. I chetdan kha fimkhur la Your Royal Highness , lo tawng lo la, mipa ang khan lem lo chang suh.”

“Awle Omar, ka theih tawp ka lo chhuah ang.”

Kan buk awmna an rawn thlen chuan Omar nen chuan kan chhuak vat a. Tihdan tur min hrilh ang chuan kan buk chu ka thlep tha vat a.

“Khawi lam nge in pan dawn?” Savawm lian tak, a mit lehlam tuam chuan a rawn zawt a. Thu a neih hmel khawp mai, a rawn kalpui dang te chu ding tura thu a pek danah, an zinga a hotu ber a nih hmel.

“Khawchhak lam ah.” Omar chuan a chhanga.Aw Lalpa, thudik tak a hrilh a nia, khawchhak lam chu kan kalna tur a ni.

Chu pa chu a nui hawk hawk a, ti hian a chhanga “Ths hle mai. Keini khawthlang lamah.” A kut zungtang pahnih phar zeuhin a hnunga mi pahnih te chu kan sanghawngseia kan thil phurh te chu va enchiang turin a signal zeuh a.

Ka hlauthawng hman kher mai. Kan tui leh chaw te chu an lak mai ka lo hlau a. Engtin nge darkar tamtak kan zin theih ang? A chhungah sawn ka lehkha pawimawh leh ka mimal thil a awm lehnghal.

“No…No…no…” Omar chuan chu mi pahnih kawng dang pah chuan a rawn tichhuak a. “Kan sanghawngsei te khi chu khawih su. Pawisa ka nei alawm…ka pe ang che u.”

Omar chu a rilru a buai kher mai. Chu pa va hmachhawn pui chu ka duh lutuk mahse hmeichhia ka ni tih an hriatchhuah ka hlau si. Tun ai hian buaina thuk zawkah kan lut thei tlat.

Pakhat zawk chuan pawisa chu la in an hotupa chu a pe a.

“A tawk lo.” Suamhmang hotu ber chuan sawiselin a hote chu “An thil zawng zawng kha laksak ru.” Tiin thu a pe a.

Omar hmel chu a buai ta nak mai. “Chu chu ti lo hram rawh, khawngaihin. Kan thil neih a chanve leh he kan buk min pawm sak hram rawm, Germany siam chhuak thar hlak a nih hi, a tlo hle bawk ang. Hetiang thil tha hi chu kan ramah leitur pawh I hmu mai mai loving.

“Nah---.” An hotupa chuan lo hnawlin “A vai khan la vek rawh u.” a ti a.

“Mahse an thil zawng zawng hi chu kan laksak thei lovang, kan sanghawngse hian a phur seng tawh lo.” Tiin suamhmang pakhat zawk chuan a rawn sawi a.

Chu thu chuan beiseina tlemte min pe; kan chaw leh tui te chu min laksak lo maithei tih hi.

Kan buk thleh theih chu an lak theih nan an lamah chuan ka va nawr hnaia. Chumi pah chuan ka bag ka sanghawngsei chuanna hnung lama ka dah chu fimkhur takin ka melh ru zeuh a, bag chu an hawn vaih chuan ka passport leh ka lehkha pawimawh ho a awm vek sia, hmeichhia ka ni tih an hrechhuak thuai ang. Chu chuan he thlaler rama ka himna min tihchhiat sak thei tlat a ni.

“Sanghawngsei kha la tel mai ta che, a lutuk mai.” An hotupa chuan tichuan thu a pe a.

“A theih loh.” Tiin Omar chu a au vak a, suamhmang pahnih te chu insual in sual an peih at tawh, kan sanghawngsei thlunna chu an lo chelh reng tawh hi a lo ni a. “Awle-awle, sanghawngsei tih loh kha chu eng pawh inla vek thei ang. He thlaler ah hian ke a kalin engtin nge kan dam khaw chhuah ang.”

“Thi ta mai che. Satan kha min lo biak theihnghilh lo la.” An hotupa chuan a naute pahnih chu hmanhmawh tur chuan a rawn tivat a.

Ka hlaunate chu rehin thinrimna in a rawnthlak a. Heng misual ho hi timaia an kal ka remti thei lovang, kan bungrua leh ka bag zawng zawng nen lek phei chuan. Teuh lo mai!

Ka Gucci savun pheikhawk chu a hmaa ka chuanna sanghawngsei luah natakin ka vawm a. Sanghawngsei ringtaka te thawtin a tlan ta dawr dawr a, suamhmangpa chu a hnuk hrep hman tep a ni, a kaihna kha a thlah ta vat zawk a. Reilote hunah chupa rawn let leh chuan min that mai a rawn tum ta a, min that tur chuan min tin ta ran mai.

“Omar, tlan rawh!” tiin ka au vaka, keipawh chu ka theih tawka rang chuan ka tlanchhia a.

Omar chuan ka sawi ang chuan tiin a tlan chhe ta a. Ka pheikhawk khing suamhmang hotupa sakawr bula lo tla chu min lo char sak bawk a, rin ai daihin a huai zek mai.

“Khamite pahnih vang khan hun khawral suh u. Kal ang u! Midang ho kan nang vat a ngai a nia.” Tia an hotupa thusawi chu ka hrer pha a.

Minute sawmhnih vel kan tlan hnu chuan kan him ta deuhin lan hria a. Tiauvut dup nem takah chuan ka thu hnawk a, ka chauin ka tui a hal hle bawk. Omar chu ka sirah rawh thingthiin ka pheikhawk chu min pe a.

“Ka lawm e.” ka ti sap a.

Omar chu nui hak pahin, “I huaisen kher mai, Your Royal Highness . I vawm nalh khawp mai! I tlan chak phian leh nghal umphak I har reuh zek.”

Ka han nui lui sak a. “Tlan hi nuam ka tia… chuan kha thil vawm fuh kha chu ka vanneih vang mai mai anih kha.”

“He kan thil tawn rapthlak zet avang hian a pawi ka ti hle mai. Vawiin ni kher a kan zin chhuak chu a vanduaithlak khawp mai. Hetiang thil thleng hi vawikhat ka tawnna a ni a, I himna kha ka ngaituah tak zet a ni. I chungah hian thil thalo thleng se chuan Izzy hian min that duh hial ang.

A thusawi chu ka hnial duh lo achhan chu Izzy hian ka chungchang hi ala ngaihven tak tak em ka hre lo a ni.

“Kal ila?” ka pheikhawk ka bun zawh hnu chuan ka zawt a.

“Teh reng mai, kawng thui tak ala ni dawn a nia.”

Minute sawm ke a kan kal hnu chuan ka sanghawngsei ka chuanna thin ngei mai chuan min lo nghak reng mai a. Ka thinlung chu lawman vang in a phu zawih zawih a. Sanghawngsei bulah chuan va tlanin ka va kuah nawk nawk a.

“Oh, ka tihpalh takzet a ni, ka naute khawngaihthlakte, min ngaidam ang che.” A lu ah chuan fawpin ka chul heuh heuh a.


End of Chapter 4

To be continue…

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:13 pm

Undefined Love

Chapter 5

London’s POV

Ka tih luih tlat avangin Omar nen sanghawngseiah kan in chuan chhawk a. Lalnu ang main min chei bawl a, a duhdan chuan kan kalna tur hmun kan thlen hma chu sanghawngseia chuang tur hian min duh a, a chetdan chu mipa diktak chet dan a ni.

Ka hnial lui ve tlat a. A chau-in a ke te chu tiauvutah chuan a pen tawk tawk a ni a. Sanghawngsei atang chuan min nghial hman hma chuan chhuk vatin a rual chuan darkar chanve chu ke in ka kal ve ta a, amah pawh a chauh tawh em avangin sanghawngsei chungah chuan a chuang kai ta a.

“Kan thleng e.” Kan hma lama buk puan senduk inkaih chu ka va hmu thei.

Izzy ka hmu dawn tih ka inhriatna chuan ka thinlungte chu a tiphu zawih zawih thei. Helai hmun thleng thleng a ka umzui avang hian ka a zo tawhah a ngai hial maithei a ni, chu ka thil ngaihtuah chuan ngaihthatlohna min neihtir a. Chutiang chu a lo nih tak tak vaih zawngin a hmel hi ka hmu leh ngam tawh kher lovang.

Izzy nen kan in date tirh lai te ka’n chhui kir a. Zion leh Claire inneihni, kum hnih liam ta ah khan. An inneihni chu a nuamin a ropui takzet a ni, wedding theme thleng khan a romantic-in nupa tuak thar inhmangaih takte inneihna chuan, chu an huntawn chu tawn ve min tichakin; ka mipa hmangaih nena chutiang ang inneihna chu min neih tir chak ve takzet.

Nia, vawikhatmah hmangaih ka la nei ngailo. Ka tana mipa dik tak, Mr. Right ka beiseina te kha chu kun sawmhnih pasarih ka nih khan ka bansan tawh. Ka hnathawh avang hian nitin mipa chi hrang hrang nen kan inhmuh angai fo a, world class model atanga top model te, milar te leh millionaire te’n chhuahpui ( sap tawng tak chuan date ) turin min sawm ve fo mai.

Mipa min beiseitu nazawng lak atang hian ka fimkhur ve viau; a chang hi chuan min duh tak tak em aw? tiin ka inzawt lo thei thin lo. Engtik ni emawah lo innei ta hial ila, chu inneihna avang Lalfapa nihna an lo neih duh vang hi a ni thei mai angem aw tiin ka inzawt ru fo thin.

Chu ka ngaihdan chu ka unaupa, King Harry hian mahni inzawt chiang a, ka mipa chhuahpuite bel chiang hle turin min rawn a. Ani chuan chutiang thil lak atanga ka hin theihnan mi tu emaw, Norway lalfapa Prince Jackob te ang nei turin thu min rawn hial a nih kha.

Ka thinlung atanga lo thi ta ni a ka hriat, Izzy kha, kha inneihna a ka hmuh khan ka thinlung atanga ka hriatnate chu kaitho leh a ni. Ka thinlung chu hmanlai, elementary school kan kallai hun a, amah ka hmuh chak avanga zing hma taka school kal tura ka phur ang mai kha rawn kai harh leh a .

Awiii, ava chhelo the thlawt em; a pa in a incheina te chu a man to ber leh changkang ber chi a ni tih a hriat hluah hluah, a thiltih theihna leh a nihna zawng zawng nen chuan hmeichhia te duh chu amahah hian alang chiang ber mai awm e. Chung zawng zawng aia ka duhna tizualtu chu amaha ka thinlung tituiral zawih zawih theitu chu a ni.

Chung bul intanna chu chibai inbukna ho(simple) te mawle, “Hi”, “Hello”, “Enge I an?” tih vel mai mai hi. Chu thil ho te atang chuan tanin—a tuk zingah chuan , khum chuar tak atanga tho chhuakin lehkha them a “Goodbye” tih min lo hnutchhiahin, chu thil chu tichuan atawp thin.

A changchuan a ngaihna min hriat loh tir thin khawp mai. Ka mumang chauh nia hriatna ka neih phah hial thin mahse rizai var hnua ka taksa lo ruak kang mai chuan a hma zana thil thleng kha a tak a ni tih min rintir leh chauh.

Ka rilru chuan hmeichhe puitling tak, mahni thiltih a mawhphurhna la ngam niturin ka infuih mawlh mawlh a. Izzy nena mut dun chu ka duh vang renga thil thleng a ni. A hnu a rilru na lo a, zan khat chauh (sap ho chuan ‘one night stand’ an ti) atan tiin mahni chuan ka inhnem chawp a.

Mahse keima lakah chuan ka thinrim lo theilo a ni. Engati nge pawisak ka neih loh em em mai le, he pa bulah hian? Engatinge a bula ka awm apiang hian ka inthunun theih miah loh le? Ka rilru, ka taksa leh ka thlarau…. Heng ho hi a bul a ka awm chuan ama tana siam emaw tih mai turin hna an thawk chak a. He ka chaklohna hi ka do in a lakah ka inpumpek thinna hi ka dang tlat tur a ni.

Well, ka thusawi kei ngei hian ni palzam leh chu. Achhan pawh thla hnih a ral leh meuh chuan kha’ng (kha ang/ kha tiang lam tawi) thil bawk kha a ni thleng nawn leh chu. A intanna chu tlai chaw kil puia insawmna mai chauh a ni. Park-ah lengkualin kan sumdawnna chungchang leh Lal chhungkuaa kan mawhphurhna te kan sawi dun a.

Kan rilru put hmang thupin, kha zana thil thleng te kha tu zawk mahin kan sawi chhuak lo a, kan inkar chu tu zawk pawh chuan inhnaih tumna kan neilo…..chuti chung pawh chuan chumi zanah chuan a hma zana thil thleng bawk kha a thleng leh tho. A hotel room-ah chuan wild sex kan hmang a. Mahse a tuk zingah chuan, thil erawh a kal dan a dang ta deuh. Keimah zawk chuan khuma mu Izzy chu ka chhuahsan a, a tih ang chiah khan lehkha themah chuan “Goodbye” tih ziak chuan ka chhuahsan a.

Kan tih dan phung a lo nita, kum khat chhung chu. Thla hnih chhung chu, a lo inlan apiang chuan chu thil bawk chu a lo thleng nawn ziah, kha zan ami ang kha. Kha kan thil tih hnuhnun ber ni lo thleng hma kha chu….thil eng emawni ah kan in tibuaia chuan kan thil tih atthlak tak tak pawh chu kan tih tawp phah ta a.

Tichuan tunah chuan heta hi kan awm leh ta, kum khat lai a lo liam ve tar eng mai, a hmaa ka va inlan lehna chu.

“Kan kham khawp chaw ala awm chu ka lawm khawp mai. Suamhmangte khan kan thil neih zatve chauh an la a. Mahse naktuk hma taka chhuaka, thuneitute hnena va thlen angai a ni. Ka ruala let I duh nih chuan zaninah Lalfapa nen hian in buaina chu insawi fel angai ang.”

He lai thlaler atanga haw tura darkar tamtak thang leh ngai chu ka peihlo kher mai. Ka chauin ka taksa zawng zawng te chu an na them thumin ka hria. Tuna ka thil chak ber chu ka khuma mut a kum enge mawni zat mut chu ka thlakhlelh ber thil a ni. Zaninah Izzy be turin chakna thahrui ka neih loh ka hlau kher mai.

“Ka lo tum ang, ka theih loh chuan min kalsan mai dawn nia. “

Omar chu bu nghauhin kiai suk chungchuan, “Teh reng mai, a bulah chuan I him zawk ngei ang, Your Royal Highness .”

“Oh, khawngaihin, London tiin min ko rawh.” Ka ti a. Mahse ka thu chu a awih lem hlei lo a.


Izzy POV

“Engthil nge I hriata Omar, ngatige nge chhiahhlawh hruaia sanghawngsei pakhat chauhin in rawn kal?” ka lam pana chhiahhlawh pakhat a rawn hruai ka hmuh chuan ka ti fak a. Omar zawk chuan sanghawngsei chungah a chuanga a chhiahhlawh rawn hruai chuan a ke lehlam chu a hrut titih a, a chau hle a nit a ve ang.

Sanghawngsei atanga a rawn chhuk hma chuan Omar chuan a hmel chu chhiahhlawh hmuh tur chuan an han siam chhe vel a. Chhiahhlawh chuan engtin tak nge a lo dawnsawn ka hrelo, a hmai lah chu a chanve lai mai a khuk tlat bawk si a.

“Kan zinkawngah suamhmang kan tawk a, kan sanghawngsei pakhat zawk min laksak alawm le.”

Omar chuan thil thlen dan a sawi chhung chuan ngun takin ka lo ngaithla kar a. Suamhmang nena an intawh chilh dan te chu a sawi a, a pawi ka tiin thil thleng chuan min thawng hle a, an him avang chuan ka lawm kher mai.

“Puanthuah, blanket leh I thawmhnaw thenkhat chu tah hian a awm ang.” Sanghawngsei thlun that mawlh mawlh pahin Omar chuan a rawn ti a. Chhiahhlawh chuan bungrua chu sanghawngsei atang chuan a lak thlakpui mawlh mawlh bawk a.

“Adang kha chu a pawilo mai, hetah chuan ka mamawh vak lem lo.” Ka kut chu kan hui zeuh a, lak thlak a ngai kher lo tih lan tir nan.

“Yeah, Korean ramen min chah kha an la tel.”

“Damn it!” ka ti thawt a, ala nui zui.

“Vanneihthlak takin fried chicken, French bread leh pop-tarts chu ala him e.”

Buk chhungah kan lut a, suamhmang laka an himdante chu a sawi chhunzawm zel a. Thlalera an zinkawng te chu min hrilh chhungzawm zel a.

“I chhiahhlawh chuan a vawm thiam awm kher mai, a ni em? I ruala I rawn hruai chu I vanneih phah anih chu.”

“A dik chiah mai.” A chhiahhlawh rawn hruai lam hawi chuan ka thusawi min pawmpui tak chung chuan a ti sap a. Mahse chupa chu buk kilah chuan thlamuang takin a lo mu kawm ngat a.


End of Chapter 5

To be continue…

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:13 pm

Undefined Love

Chapter 6

London’s POV

Chhuat chu rawn insawi nghingin an chang ta sawt hian ka hria a.

Aw Lalpa, lir a nghing!

Ka harh chhuak hlawl mai, ka mit ka han men chuan mitmu pawl phat, ni in a em zawnga a hringa rawn inthlak, ka mit ina a hriat than em em mai nen chuan kan inhmachhawn ran a. A hmai chu zing ni chhuak chuan a rawn chhun tle ser ser a, a ha; var rual nalh tak chu vun rawng nung sarh chuan a tilangsar kher mai. Hnar zum mawi tak, chal arh phak, a sam dar chen vela sei chu a kawi ngia bawk a, a hmuihmul chu a khabeah chuan a khat luk a. A hmul chuan a hmai chanve dawn chu hliah na a, a hmelthatna chu a hliah bo zo chuang lo. Amahah chuan mi hip theitu chak tak a awm bawk a ni.

“Tho rawh, tlangval. Zing dar sarih a ni tawh a nia.” Izzy chuan a kut chu min sawi vak hnu chuan a la thla ta a. A ding chhuaka , min hlat deuh takah chuan ava ding a. Tunic sei sathin rawng a hak chu a inhmehin, mit a la zual kher mai….chuan a lang sexy hle bawk.

Muangchanga thoin ka hmai khuhna chu ka tinghet a, ka hmel hmuhtira inhriatchhuah tir tur hian ka la inpeih lo a ni. Hun tlem leh chakna ka mamawh a ni. Min hriatchhuah vaih chuan buaina a chhuak ngei dawn a, chutiang hmachhawn tur chuan ka chau mah mah a ni. Zing chaw ei khamah chuan ka taksa leh ka rilru pawh a thawk tha thei deuh tawh mahna.

“Nizanah I mu tlang daiha zanriah ei lovin. Chaw ei rawh, I tamchhawl lo chauh tawh ang.” A kut zaizir chuan a eitur dah khawmna, puanina a khuh lam chu min kawhhmuh a. Apple, serthlum, chhang, dried nuts leh eitur a tin (sap tawng chuan cane an ti a, kan hriatthiam theih dan tur chuan sangha tin ang hi ni mai, sangha nilo thil dang ei tur te pawn a tin hian an siam thin) in a lo awm teuh a. Tui leh coffee pawh a awm bawk.

Ka mit chu buk chhungah chuan ka’n len kual vel a. Meter sawmpanga bial lek a niang, a lian lemlo khawp mai. A sir kil khatah chuan buk zau zawng hmun thuma thena hmun khat lai luah hian mattress hi a in phah duai a, a sirah chuan lehkhabu, lehkha pawimawh hmel tak tak te leh lehkha zial te a awm a. Enge inziak ka hrer chak khawp mai.

Eitur box chi hrang hrang awmna bulah chuan kava thu thla a, eng hi nge ka ei hmasak ang tih te chu khan thlang vel a. Ka pum chu chaw ngen chuan a rumin a rum nimai hian ka hria. Apple chu ka la a, Izzy hnunglam hawia a inthlak lai chuan ka hmai khuhna chu phelhin ka ei a.

A hnungzang hlai mawi tak en thla zelin a maawngtam mawi zet, a cotton boxer varin a khuh bo chu ka’n en a. A hma ai chuan a lo cher deuh tawh mahse a taksa inphiar nalh tak kha chu ala bo chuang lo, a tihrawl te chu a hmun diktakah chuan an la awm vekkk… chung te chuan mit chu a titlai nasa kher mai. ( titlai -- ti hmuhnawm )

A hmai phih lai te chu apple ka keih thlak pah chuan ka lo thlir reng a. A din mar rual a taksa sahbawn leh towel hmanga an sil fai lai chuan hnuai lam bikin ka hmai ka thukru leh a.

“Omar takzet chu leh. Zing hma takah engmah sawiloin a let daih leh nghal. Ka bulah ala hnutchhiah zui che a, engthil teh hrep nge mawni a ngaihtuah ni.” Tiin thinrim tak chuan a phun zui sup a. “Engtin nge sanghawngsei telloin khawpuiah chuan I let theih ang. Helai hmunah hian I tang a nih hi. Omar rawn kal leh hma loh chu letna tur a awm tawh lo, a rawn kal leh hun I nghah mai a ngai ang.” A chawl zeuh a, anchhia lawh zui pah chuan, “ Kar khat lai hun a duh ang.”

Ngawi rengin ka thil ei lai chu ka ei pah mawlh mawlh a, Chhangah chuan coconut cream chu tatin, tui chu ka in kawk a, ka chhang ei bang pawh chu a bawmah ka dah let leh a.”

“I puar tawh maw? I la naupan zia a hriat hle mai, I cher em em danah. Kum engzah nge I nih? Sawmparuk…sawmpariat?”

Chhang lo chuan ka thu ngawi ngal a, ka ka chu ka kut chuan ka han khuh a. A inbual zawh hunah lo chuan ka hrilh thei lo ang.

“Hey, enge I hming?” Ka chhan mai loh avang chuan min rawn zawh chhunzawm zat a. “ I beng a chhet nge enge? Hrep a. Pawnah ka inbual chhunzawm a ngai.” An chhe lawh pah chuan a lu chu an thing ngut a, buk chu a chhuahsan ta a.

Lehkha zial pakhat chu ka la chhuaka, chutiang chu pathum lai a awm. Ka keu fimkhur khawp mai, a hlui tawh hmelin a puan te chu an chuar tawh. Ka hrethiam lemlo a chhunga thu inziak chu. Map niin a thu te chu Arabic tawngin a inziak vek a. Ka enlai chu dah thlain a dang chu ka’an ( ‘ka han’ lam tawi) enkual a, a in ang vek. Lehkhabu pakhat chu ka keu a, bu dang pahnih ang bawkin a sumdawnna chungchang a ziahna tho a ni, ka khup nghal vat a.

Lehkhabu leia ka dah thlak rual chuan ri dangdai deuh bik tak hi a siama. Chhuat phah ka’n keu a,ka thil hmuh chuan min thawng khawp mai. Rangkachak rawng, thir bawm chu leiah hian a lo inphuma, a chhungah enge awm ka hre chak kher mai, ka hmuh chakna chu ka dang thei lo. Bawm ka hawn chuan a chhungah lung dum….nilo… lunghlu hi a lo awm a. Chutiang thil chu ka la hmu ngai lo, a mawiin a nalh kher mai. A landanah chuan to tur zia leh a hlut zia chu a hriat theih.

Ka khawih hman tep tih chuan ka ban chu kut tha chak tak chuan a rawn man chat a. Ban pakhat zawk chuan ka nghawng chu a rawn rek a, thawk harsa hial khawpin a rek na alawm le.

“Tunge I nih? Ka rin hi a dik a ni, thil enge maw tih tum chu I nei chiang alawm. Tunge I thurual pui sawi vat rawh, ka dah bo hma ngei che hian.” A landanin Izzy chuan mi thah a hreh loh hmel khawp mai, a chetzia a zawng zawng te ah pawh chuan a hriat theih.

“Ka…ka…” boruak hip luh tum chuan theih tawp chhuah chuan a ban chu ka ham pilh thei chauh a ni, ani lah chuan min tat mek a nisi a! Thahrui kan in ngah hleih lulai mah mah a ni.

Tunah hian ka thiam thil hmanna hun tak a ni. Ka insual thiamna hmanglo theilo in amah hian min siam a ni.

Aw ni e, Martial arts ka zir thin alawm, Judo leh Karate ah chuan master ka ni, kum tam tak chhung chu. Heng insual dan (fighgting technique) mai bakah hian physical exercise leh mental discipline thlengin ka ti nasa thin hle.

Ka theihpatawpa na chuan a pum chu ka’n nghawk sawk a, a awm chu ka kick bawk a. A balance hlauhin ka ke-ah chuan a man a, ka ke lehlam chuan kick-in ka tal chhuak thei ta e.Chu chu ka ngaihtuah dan chu a ni, mahse…

Ka lu tuamna, shemagh chu a phih thla pawp a, ka sam tawnna chu a tla thla daih bawk, ka sam dye chu ka hnungah chuan a rawn uai thla ta siau mai. Mahse chu chuan ka ban a vawnna leh herhna chu a thlah tir phah chuang hauh lo. Ka kut hnung hmang chuan theihtawpin tha ka’n pe a, a hmai chu ka nghawk ri chawrh, fuh chai chai e.

“St…”

Thil sawi tum chuan ka ang zuau hman a, mahse min vawnna hi a na mah mah. A mah hnung chhawn chuan min din tir in ka hrawk lah chu ala rek bet tlat bawk si. Ka sual leh a, ka theihtawp chhuahin ka chakna te sawr khawmin a lak atanga tal chhuah ka tum nasa lutuk. Inbuan leh insual chu kan chhunzawm a, min keuh thlu zeuh a, a khumah chuan kan pahnihin kan tlu thla dun ta rawih mai. A kut hlai tak chuan ka nghawng chu a man bet a, keiin boruak ka thaw lut kawk kawk bawk a.

Kan hmai chu a inhnaih mah mah; kan mit chuan khaw dang reng a hawi thei lo. A mit chu a meng zau kawk kawk mai; a mitmengah chuan keimah min hmuh ruala awihlohna hlir chu alang chhuak, a thawng hle niin a lang. Chu chu thinrimna nasa takah a rawn inthlak thuai a.

“Hetiang lai hmunah hian engthil phiangsen nge I rawn tih hrep a?” ha chang thial rap rap pah chuan a ti a, a in sehruh nasa bawk.


End of Chapter 6

To be continue….

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)