SAZUK PASALTHA Ziaktu - Simon da Gunner (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: SAZUK PASALTHA Ziaktu - Simon da Gunner 1 -14

Unread post by Ngaia » June 2nd, 2020, 8:06 pm

Sazuk Pasaltha

Bung 13-na

Ziaktu - Simon Da Gunner
.
.
Pasaltha Nghaka thih a tang in hun tam la liam lo mahse, hun leh ni chu zawi muang in a ral ve bek bek a. Hniara chu a dan pangngai te in, ram lam ah a taptal leh deuh chawt tawh, mahse tun hma ang em em chu a ni tawh bik lo. Pabuanga pawh chu an hmu ngun ta deuh bawk a, khaw mipui te chuan ngai ah an nei chho ve mai bawk a, Naupang ten a chaw tur te lak sak in an pe a, achung ah te chuang in an hlim pui thin viau mai.

Zan lam ah Chhinga nen chuan, Nula in ah te leng in, tlai lam ah Sa chang tur in an chhuak ve leh zeuh zeuh bawk a, Kunga erawh chu ahliam a la dam chiang lo in, a mah a la chakvak loh em a vang chuan athian te pahnih chu zui ngai meuh lo.
Nula rim loh chang te in an Thian thum(3) chuan Kunga te in ah an ti ti ho mai zel a, Pasaltha Tlailiana erawh a Thianpa Pasaltha Nghaka thih na chuan a la nghawng hle a ni tih hriat tak in, an ram vah dun na ah te kal in, an pahniha an lo khawsak na hmun te chu a fang awl lo va. A mah pawh a pawr deuh chap a, tun hma ai in a hmel pawh nelawm loh leh zual in a tawng tlem hle a, a mizia pawh a dang sawt viau mai.
A khat tawk in Lalpa leh a Upa te, Pasaltha Tlailiana te ho chuan ro an rel leh nak nak thin a, eng thu nge an rel ang tih chu hre mah sela, an thu keuhthluk erawh a hre ngai lem lo.
Pasaltha Tlaia leh Tlang val pathum(3) vel hi zan hnih(2) te an han awm lo leh zeuh thin bawk a. Chung te hlei hlei chuan an hma a thil rawn in mung mek chu a hrilh fiah thawkhat in a hria.

'Chhinga naktuk ah enge thawh zai i han rel deuh." Kunga nu vawkchaw chhum hawlh pah chuan hniara chuan han ti a. 'Eng thawh zai rel hran lo e, ka peih leh tukthuan ei kham lam ah, kan kaiten thawm that na tur mau pu pah in Thlawh hma lam ka han kan vel mai mai dawn emaw niang ka ti deuh a. Kan awl rei ve ta deuh a hnuh kawih a lo hun leh tawh reng em tih te en pah ka tum deuh a." Ti in Chhinga chuan Kunga che hlei thei lo mu zawi reng lai, ar-hmul a a beng lo zat sak vel pah chuan a lo chhang a. Kunga lah chuan nin hmel fahran a lo melh rum pah in, 'Chhingkhual i va ninawm tei vet ve mawle. Mi zat chhen suh Ka dam that hun ah i la chak lo khawp ang, kan kawm thlang vawkpui ek nawr tun khawp in ka la vawrh ang che." a lo ti ve bawk a. Chhinga chuan Kunga tawng hre lo ang hmak in, a thil tih ngai chhun zawm pah chuan,' Nang enge i tih dawn." ti in ahan zawt let a. ' Aaa... kei pawh eng tih zai rel hran lo e. Chutia Thlawh hma lam a kal i tum rau rau a nih chuan kal dun i la Tlai lam ah Sa chang haw pah i la." hniara'n a tih chuan a phur ngang mai.
Thanchhinga hi chu ramvah pui a sawm hi a nuam thin khawp mai. 'Sa chan chan a ngai lo, engmah kha in va kap leh lo a nge, kan Chhingkhuala hian Utawk a kap leh a nga chuzawng chu a ni leh mai." ti in Kunga chuan Thanchhinga nen a an Sa chan tum a Chhinga Utawk kah kha a rawn sawi chhuak a. Leng hnar ar a khuan thleng a ti ti in an nui ho dar dar a.
.
.
.
A tuk ah chuan tuk thuan ei kham veleh hniara chuan Chhinga chu sawm in an Thlawh hma lam ah chuan an in zui chhuak a. Ti-ti pah bawrh bawrh in Chhinga te Thlawh hma chu an thleng thuai a, Thlam namthlak ah te thu thlan dai leh te te in, an Lo chu an han fang thuak thuak a, Hnahkhar tuluang a Pasi to iar te chu pawt pah in, Mai-an te an han sik a, chumi hnu ah vau kawr te ah tui chawi pah a an insil thlan daih leh te te hnu in, Thlam ah Bai te an han chhuang leh rih a. Mai-an sih thar hlim Bai a Lengser leh Chingit rim nam chem chem mai chuan ril a ti tam rawih rawih thei mai. Zo-Purun leh Hmarcha tai sen tek mai, an han rawt leh a, Behlawi no tak mai leh Samtawk zai lep nen a duh tawk a chaw an ei zet zawng lo hmu tu chu awm se "Tampui mithi in tawk a ni maw" an ti ngei ang le.
Chutia puar el-euh a chaw an ei hnu chuan, puar te delh rem leh te te in, Chaw hnu her ah Sa chan tur zawng in Chhinga te Vau ah an lut ta a.
Thanchhinga te Vau kawr ah chuan per kai in Tlang dung pakhat vang tan phei leh in, chu Tlang dung rawn chhun leh chiah tu Tlang lian ve ang reng tak ah chuan chho zawng in an kal leh a, chu tlang dung chu an zawh chho zel a nih chuan ram lam a tang a Chawlh hmun hnai ber dawt tu ah an han chhuak chho thei dawn a, chu ta in nghah chu ti in Tlang pang leh lam ve ve ah chuan an peng hrang ta a. Chhuk zawng a Mau tlawn tluk Nga(5) tur ang vel zet a kal hnu chuan chho zawng in Tlang pang per chu a zawh chho leh ta a.

Thui vak lo a kal hnu chuan zan lam a mi ni awm tak Sakhi hnu a hmu ta hlauh mai, a rim a hriat loh nan a hnu hlat deuh pah chuan Sakhi hnu chu a chhui phei zel a, rei pawh chhui ngai lo in Tawitaw rah a hmu ta pheuh pheuh mai "he Sakhi hian a tlan a ni ngei mai" tih pah in Tawitaw kung chu zawng in a'n hawi kual vat vat a. a chhak deuh ah chuan Tawitaw kung lian lutuk lo a lo ding reng chu ni in, thut na tur rem deuh melh pah in Tawitaw kung hnuai chu a bel chiang leh that that a. A tlan hle a ni tih hriat tak in Sakhi hnu chu a lo chiar ve dap mai a. Tawitaw kung sir lam deuh a Thalteh kung ah chuan lawn vat in Sakhi chan chhuah ngei tum chuan a thu ta ran mai le.

TLAI Ni tlak dawn ruai ah pawh chuan a beisei ang in thawm ri-va han bengkhawn deuh tur a awm hauh lo mai. a lawn na kung berkher lah chu Saihmarthur an tam em em mai lehnghal a, Ni lah chu a tla a nih tawh mai a vang in a beisei awm telh telh mai si. A rem lai lai ah Saihmarthur ho lah chuan sn lo seh ve sek mai bawk nen thaw a i-pik dug ngei mai.
.
.
.
Chutia Saihmarthur seh na pawh engahmah a ngai duh lo luia a thut ner nawng nawng lai chuan, Thlanglam a tang in Thawm a lo ri khat khat a, zawi muanga in her rem in, thawm lo chhuah na lam ah chuan a Thal chu kuai kul nghal thei tur in a in ring nghal pan a. Chu Thawm a reh leh vang vang hnu chuan hmawlh tang tliak ri rep in a thlang lawk Tlangsam bawn pik kar a tang chuan Sakhi Patuai a lo chhuak nelh nelh mai a. A hnu a hmuh kha a len teh reng nen chutia Sakhi Patuai a lo chhuak ta mai chu mak a ti angreng viau mai. A hawi valh valh hnu chuan lungmuan hmel fahran in Tawitaw rah tla chu a lo chhar chho mial mial a, hniara pawh in a Thal hrui ah Thalfang hmet bet in, kuai kul pan in a lo tin ran tawh a. Chu Sakhi chu a lo hnai zel a kah nuam tawk vel in a lo hnai ta maw tih ah, a Thalfang a thlah dawn chiah ah chuan Sakhi hnu a chhui phei na ka kal na lam a tang chuan Thawm a lo ri khap a, rei lo te reh in, Sakhi a ni tih hriat tak in a lo ri phei leh chhet chhet thin a. Chu thawm a hriat chuan a thil tum chu a thulh rang ngei mai, thawm lo chhuah tu chu Sakhi Patuai mai zawng a ni lo tih a hriat a vang in, lo nghah rih phawt chu a tum a, thawm awm na lam a beng chhi ran in Sakhi Patuai Tawitaw rah tla tlan a tla melh melh chu a en leh zawk thin bawk a. Thawm chu lo hnai zel in rei vak lo hnu ah chuan a rin leh beisei ang ngei in Sakhi Pachal lian tha zet mai a lo chhuak zan zan mai le.

Ni chu tla tawh mahse khua a la thim chiah loh a vang in chu Sakhi chu a fimkhur ngei mai, hniara pawh in chutiang Sakhi chal chu a fing in a fimkhur hle dawn a ni tih a hriat a vang in, fimkhur tak chunga a Thal hrui ah Thalfang Pahnih(2) hmet bei in, a kuai kul nghal pan pan a. Uluk tak a tin in, kah nuam tawk vel a lo hnaih hnu chuan chu Sakhi hrawk ah tak mai chuan a Thalfang chu a va thiat bur vah mai. A hrawk a Thalfang lut a vang chuan Sakhi chu a zuang zawk a, thlang lam Tlangsam buk hmun ah chuan tla tawp in a tal khur char char a, chumi rual chuan Sakhi Patuai pawh chu a rang a rang in a lo chhuah na lam ah chuan a lim thla nghal puat bawk a. a lawn na a tang a chhuk in a Sakhi kah chu a zuk en a, a ke a la leng at at a vang chuan a hrawk hrui zai chat in, a zal ta maw tih ah chuan a ke leh lam ve ve ah ram hrui a tawn in ipte-pui ang in a ak nawlh a khaw thim chhiat lutuk hma a Chawlh hmun thlen tum in a kal nghal thuai thuai a.
.
.
.
Chawlh hmun a han thlen chuan Thanchhinga pawh a lo thu vuau tawh a. 'kha i va hlawh tling bik ve. I zar ah Kunghnapa lak ah kan hmai pawh a uang ngam ve tawh dawn e." nui sun sun pah a hniaraa Sakhi ah lo chhawk vat pah chuan, Chhinga chuan a lo ti a. 'Eheu.. Kunga hma ah i hmai a lo uang ngam na nge." hah thaw hluam hluam chung a thut na an siam a thut hnawk pah chuan a lo chhawn ve a. 'Teh nang, Sa chan pawh min ti phur lo vek a lawm. Utawk kap-a min ti tei vet a nih kha, hlawh chham chang in min kap zek zel sia." Thanchhinga'n a lo ti chuan Kunga'n "kan Chhingkhuala hian Utawk a kap leh anga chu zawng chu a ni leh mai" a tih kha a beng khawn vak lo emaw a tih lai in a lo hre ru ran a ni tih a hre chhuak a, amah chuan a nui leh tut tut thin a. ' Enge maw lawm loh a i nui tut tut reng mai chu le. Lasi te nen a fan ngai loh ram fang bik ni awm hrim a, ka tih ru riau che." tih pah chuan Thanchhinga chuan an thut hlat ang sur sur a.

Hepa awm dan leh khawsa zia vel hi chu a lawm awm thin mang teh e. 'Khatia i tawlh hlat sur sur le, min hlau suh ka dawlh lo ang che. I kal na lam eng a ang vak lo a mi. I va thleng hma bik ve." a tih chuan a mei chhem lai han vur belh pah chuan, 'Ang lo, Sahnu thar te chu a awm ve bawk a han thut khawmuan na tur reng reng ka hmu lo," ti a Chhinga'n a chhan chuan chhan let tum in ka ang zuau hman tih ah chuan, a mah bawk chuan, 'Tak in Sihal hnu ka hmu tlat mai mahse a thar lem lo, ni hnih(2) liam ta vel a mi a niang." Chhinga'n a lo tih leh chuan a ngaihtuah na a kal ding nghal hle mai. Heng Sihal ho hian an la duh tawk lo a ni, Chumai ni lo in tun ah pawh hian eng Boruak tak emaw chu a in mung ru reng mai thei a sin. Kei nin hmalak tum a kan in puah chah nek nek lai hian kan beisei loh tak thil a thleng leh mai ang tih pawh ka hlau hlel lo e. hniaran chung thil a ngaihtuah neuh neuh lai chuan, 'Enge maw i ngaihtuah leh tak veng veng a. Nang hi Lasi i hmu tak tak a mi, nachin ah lah lawm loh in i nui vun vun a tun ah lah biak pawh hre lek lo in i hawi leh ang vung vung bawk a. Ka hlau ru riau mai che ka ti." Chhinga'n a lo tih chuan harh chhuak thut ni awm hrim in a phu deuh zuk a, thoh hluai pah in, 'Hawh teh i mei chhem kha ti mit la i kal vat vat teh ang, Ril te pawh a tam mai dawn." a tih chuan Chhinga pawh a tho nulh a, a mei chhem ah chuan meichher tur a lo siam lawk diam chu a la kawi sawk sawk a, 'hei hi keng rawh." ti a lo pe in a mei chhem chu a ti mit a Sakhi chu a pu nawlh a hniara hma ah chuan a kal nghal nul nul mai a.

Lungdawh ah pawh thu khawmuang lo in,hniara te in lam an pan nghal nal nal a, a pa leh a Upa ho te pawh an lo awm thap a, lo chiau-au in an lo lawm thiam hlawm khawp mai. a nau Dari'n a ipte pui leh a Thal te chu la in a bang fel nghal sawk sawk a, an han thu thlan dai te te a Chhinga nen a nau in Chaw ei a siam sak a vang chuan Chhinga pawh a ei ve nghal mai a. Chaw ei kham a Sakhi an puah fel meuh chuan zan a tlai ve rawk mai.
Chhinga chu an in ah hniara chuan azui haw a insil sawk sawk in, an Thianpa Kunga sa tu chu khai in an in lam an pan ta nghal a.
.
.
.
Kunga te in an thlen chuan rin loh tak mai in Pasaltha Tlaia pawh a lo awm a. 'Ekhai Pa.Tlai kan va in hmu khat ve. Tun lai i dam a tha meuh maw i vang riau mai ka ti." Thanchhinga chuan a ti nghal hlut a, 'Tha ni mai e. Kha in va hlawh tling awm ve Sakhi sa emni." Pastha Tlaia chuan lo ti in, 'Nia hei Pasaltha hnung zui chu a nihlawh thlak khawp mai, Utawk emaw kan hawn dawn tih lai in Sakhi Sa kan hawn hlauh mai a." ti a hniara'n a chhan chuan an nui ham ham a. Chhinga erawh in, melh run run pah in, a tum deuh hmuk thung a. Kunga'n a lo kap zui bawk nen Tapchhak ah chuan lehlam hawi in a thu tau deuh hmuk mai a. 'Pa Tlai kan thudang a lai chuan vawiin lam kan Sa chan na lam ah hei Chhinga hian Sihal hnu a hmu a ni awm a. Mahse a thar vak tawh lo Ni hnih khat liam ta vel a mi a ni awm e." ti a Sihal a lam rik rual chuan, Pasaltha Tlaia hmel chu hmuh theih khawp in a lo danglam nghal vek mai. A thinlung a phuba lak duh na in up bet reng mai chuan puah darh a chak tawh hle a ni tih a hriat khawp mai. Chhinga pawh an lam rawn hawi in, 'Nia Patlai, Hniara pa te pawh kan la hrilh lo a. I hnen a thlen hmasak phawt hi a tul in kan hria a. A lan dan chuan a tlem ber ah Pathum(3) vel chu an nih a rinawm. Kei ka lo ngaihdan mai mai chuan min lo thli-thlai ru reng a ni lo maw ka tia sin. Kan ram chhung leh dai vel te hi tun ai a uluk a kan thli-thlai that deuh a ngai ni in ka hria." ti in a ka a tang a chhuak ni awm pawh a mawi lo chuan Chhinga pui chuan a lo tui hnih(2) ve nghal a. 'Nia a dik khawp mai. Keipawh ka dam a tha sawt viau a nia, heng ho an lo hnaih leh hma hian keimah ni lam hian chhawn kan lek vat a ngai ni in ka hria. Chuti lo zawng dawi zawk ni a min ngai in min lo zuam in an lo kawlhrawng lutuk palh ang tih pawh ka hlau hlel lo e." Kunga chuan a lo ti ve nghal zat bawk a.

Pasaltha Tlaia chuan a lu buk deuh nghut nghut pah in mei eng chu a en reng a. 'Aw' a pawh dawn lo emaw tih tawh hnu ah, 'Ni e naute u hma kan lak vat chu a ngai a ni. Hniara i pa te nen pawh kan lo sawi ho tawh tho a fimkhur tak in chet kan lak a ngai dawn a. A chhan chu kan Lalpa hian a khaw mipui nawlpui in a an hriat hi a la rem ti rih lo a ni. Muang chang in chet kan thawh a ngai dawn a, chuvang chuan Kunga hi han dam chiang deuh phawt se kan Pali(4) a kan chet pawh a ngai zeuh zeuh dawn a nia. Ruhman na chu kan nei vek tawh a mahse nangni chuan a hun a lo thlen dawn ah hre mai tur ah in ngai u la. Engtik lai pawh a in sang phek nghal thei tur a kan in rin a ngai a nia.." Pasaltha Tlaia chuan zawi deuh sap in a han ti a. Ni e Kha Thanchhinga sawi ang in Khaw mipui zawng zawng hi Sanghal mihring an ni vek lo a. Sanghal mihring-a te pawh hi Hun rei tak mihring ang chauh a an lo khawsak tawh a vang in Sanghal mihring ni ve lo te hian engmah an hre ve kher lo ang tih chu a rin thiam theih mai a. Pasaltha Nghaka thih dawn zan a "Sihal khan engtin nge Pasaltha Tlaia tawng kha an hriat thiam theih" ti a Chhinga hnen a a zawh na kha Pasaltha Tlaia buk chhung a tang a alo chhuah a vang khan a chhang ta lo kha a nia. "Tun ah hian a zawt mai dawn emaw ni aw" ti in a rilru a in khap buai nasa khawp mai a. Mahse a pa tak tak zawk in, a mang lam a Ban vei lam a Kutchuk nei lak a fimkhur tur a alo hrilh a vang leh Pasaltha Tlaia'n a zawh na chhang lo a thil dang deih a rawn sawi a vang khan a zawt nawn duh lem bik ta lo va, "keimah ngei in ka la hre chhuak ang" ti in rilru a siam ta zawk a.

Pasaltha Tlaia hi patha tak ang in lang mahse, a ban vei lam ah Kutchuk a lo nei kher bawk nen, a chhungril ah hi chuan nel loh ruk na a nei tlat thin.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 2nd, 2020, 8:06 pm

SAZUK PASALTHA

BUNG :14

ZIAKTU : SIMON DA GUNNER

: Chutia Pasalátha Tlaia'n, an Lalpa te nen a ruahman na an neih tawh thu leh tun hun a tan a anau te ho hriat a tan a aduh chin tlangpui a sawi zawh hnu chuan, Hniara leh Chhinga chu rei thu tawh lo in, Zawlbuk kai tur in an chhuak ta a.

Chutia Zawlbuk pan a an kal pah chuan Hniara chuan Chhinga chu han melh zeuh pah hian," Chhinga ka ṭawng huat ah la lo la. Hetia Nghalmi in nih hi Kapa hian a hria chu a ni phawt in ka ring a. Amah pawh hi a ni lo ang tih ka sawi thei chuang lo a. Heng thil zawng zawng hi Khaw Mipui te hian hre ta se engtin nge an ngaih i rin.?; tiin a rilru a zawhna awm reng ṭhin, a sawi chhuah ngai lem loh chu a han zawt phawng mai a. Chutah Chhinga chu ding dat in thawk a han la hak a, muang chang a kal leh chhet chhet pah chuan zawi sap hian, "Ni e, i Pa hian kan nihna engkim a hre vek a. Amah erawh chu i Pa hi chu keini ang hi a ni ve lo. I hriat ang khan Khaw mipui tlem te chauh hi Nghalmi chu kan ni mai a. Hun rei tak Hringmi ang chauh in kan nung ṭhin tih pawh i hriat kha. Tun ah zawng loh theih lohna vang in leh i Pa phal na thlap in kan ze pakhat zawk hi kan chhuah a ngai fo ta si a. A chhan pawh he Khawtlang tan vek hian a nia. He Khua kan venhim theih na a nih a rin vang chauh in i Pa pawn min phal sak reng a. Hetiang boruak hi a awm chho ta zeuh zeuh ta mai si a, Khaw Mipui te hian engkim hriat chhuah hun chu an la nei ngei ang. Mahse hrechhuak hlawm pawh ni se kan pawi ti viau lem lo. Chutiang hun a lo thleng a nih leh chu hun chu Hun bawk in a la hril ang chu; tiin Zawlbuk an hnaih tawh a vang chuan a thusawi tawp lam ah chuan a nui deuh huah huah a.

Hniara pawn thil dang han in zawhna chi a ni tawh lo tih hrethiam in a sawi zawm zel duh ta bik lo a. Tichuan Zawlbuk an thleng a Valupa ten Tlangval te fuihna thu ṭha tak tak an sawi zawh chuan Nula rim tur in an chhuak leh ta diah diah a. Hun leh Ni te a liam zel a, Nghalbual Khua chuan Lo lam Hna ṭul zual pui an zo ta bawk a Tlangval leh Pavalai deuh te chu Ramvah leh Thang kam eng i lo ti in an hman hlel a. Nula te lah Thing phurh leh Puan tah in an ṭul ve em em bawk a. An Khaw ral muan loh zia leh Rún hial an tawk thei reng a ni tih hre ngat se zawng, ngaih ngam tak a awm chu har an ti ve ngawt ang le. Mahse an Lalpa leh a Upa te thu ang in an buaina ruk chu a theih chhung chu puan zar loh a, Indo na a awm a nih pawn an Khua a Hringmi Pasaláṭha te ai awh a kal chhuak tur Nghalmi Pasaláṭha an nei nual bawk a. Chung mi te chu an in nghahna leh an thlamuan pui ber te an ni ngei ang le.

Chu Boruak in mung mek chu a reh mai dawn emaw tih tur in thawm awm lo mahse, thawm a rin loh poh leh a ralmuan loh zia an hai si lo. Chutiang boruak kar ah chuan Nghalmi Pasaláṭha te chuan an Khaw ram valh chin chu an hrut awl lo va.

Hnu hma thar han awm ve ṭhin mahse an Khaw ram chhung chu a rawn lut thuk ngai meuh si lo. An mahni zawk in chet thawh hmasak duh viau mahse an Hmelma Sihal rual ho chu khawi hmun ah nge an in khuar a, engzat chiah nge an nih tih an hre bik bawk si lo lai tak chu an buai na a ni leh lawi si. Chutia inthlahdah hauh lo a Ral veng in dah leh, a khat tawk a an Khaw ram valh chin thli-thlai chu an tih theih awm chhun a ni rih tlat a ni.

:Chutiang Boruak kar ah chuan tuk-khat chu, "Ekhai, keizawng Khuangte kaih mar ang pang a ni leh ta. Darpuii hi zawng Chawhmeh siam a lo thiam ber mai a nih hi; tih pah in Hniara chuan an tukṭhuan kil lai chu thawh san in, Tui dehna lam chu a pan nghal a. A kut te sil a akam te a ṭhuah puat puat hnu chuan A Pa han melh zauh pah in ti hian a han ti a, "Ka Pa, In lam a tawm reng mai zawng ka damloh phah tak ngial dawn in ka hria Zan Hnih-Khat lek riak a han vah harh ka chak hle mai ka ti; tiin a Pa chu rawn ti-tih, dil ti-tih hian a han bia a. A Pa Lal Hniarchhuma chuan chhan tum a, a Kâ âng hman zuau tih ah Lalnu chuan rawn ṭawng khalh in,"Taia ṭhin hi chu a, Ni Hnih-Thum vel i han awm ve dek dek a. A ang lo thei lutuk tun ang Boruak ah lehnghal Ram lam hlir hi i rilru ah dah ṭhin suh; a rawn ti nghal hlak hlak a. Chutah Lalpa Hniarchhuma chuan an Nu ṭawng lai chu, Ka ang phua a lo en in muangchang a a ṭhut hmun thawh san ṭuih ṭuih pah hian, "Ekhai.. Taia, kha'h I Pa in a chhan zawh vek tawh che kha; tih pah in Tui deh na lam chu a pan ve nghal chhut chhut a. Chutia an Pa in a han fiam zauh chu Lalnu Dokhuaii run tawk a lo tling ngang mai a. "Nangni Pa-Fa tak hi chu a. Engpawh han sawi ila Thu-tak Hla-tak a lak tum reng reng lo mai. In Pa-Fa khan riak bo deih rawh u; a han ti leh tawn tawn a.
Lalpa Hniarchhuma pawh chu lo nui suk in,"ti teh tak Taia, Zau-dawh lam ah sawn ṭhu phei i la, Thupui vai in Sai ramchhuah i han rel dun teh ang; tih pah in amah chuan Zau-dawh lam chu Vaibel pak khu tual tual chung in a pan phei nghal a. Hniara pawn chu chu hrethiam tak in A Pa chu a zui ve nghal zat bawk a. ṭhut hmun te an han rem fel chuan Lalpa Hniarchhuma chuan a Vaibel la pak khu hlat hlat chung hian,"Ni e, hei Taia.. tunlai kan Khaw Boruak chu i hre vek a. Hetiang kar ah hian Hnunglam a mit nei ang ran a kan Khawsak a ngai a. Kil tin a ṭang a thil lo thleng thei leh awm thei hi dawn a ngai a. I hriat ang in lehlam ah Khaw Mipui te kan ti phawk-lek lutuk ang tih a hlauhawm bawksi. Engchen nge heng kan Nghal-Pasaláṭha te zia hi kan thup theih ang hriat lah va ni suh. Hetiang teh nuaih kan nih a vang hian Kei leh U Pa te Lu pawh a hai viau reng a ni. Tin, Heng Kan Sihal Koham ho lak ah hian Phuba lak i hmanhmawh hle tawh ang tih pawh ka ring a, chutih rual in i Chipui te dam an la awm mial em tih pawh zawn chhuah i duh ngei in ka ring bawk a. Chumi a nih vang chuan han dan beh viau che pawh thil ni thei a nih lohna lai a awm ve bawksi a. I duh leh han chhuak-vak ta poh la. Mahse rei tak chu pil bo lo la a ṭhat ka ring e a.. I Nu lah hetiang hi a ni bawksi. Nangmah mai a teichhuak lo in ṭhian te pawh nei la a ṭhat hial ka ring e a; tih nuah nuah pah chuan a Vaibel ek chu a han khawng kauh kauh a. Chutah Hniara pawh chuan a Lu lo buk nghauh nghauh pah hian,"Ni e Ka Pa, a dik viau mai. Nangni tan pawh rem han ruat a har viau in ka ring. I sawi ang khan ka Chipui dam an la awm em tih pawh zawn chhuah ka duh khawp mai. Chutih rual in Ka Nu leh Pa, ka Chipui tam tak min thah sak tu te lak a hriam lek lo hian rei ka awm theih ka ring tawh meuh lo. Ka Chipui te Thisen tamtak luang khan an Thisen phuba la tur in min au a sin. Tun ṭum ah pawh hian Zan hnih khat lek riak a chhuah rilruk chu ni tho mah ila a ṭul dan a zir in ka thang rei viau pawh a ni thei tho mai a. Nangpawn rem min tih pui ngei ka beisei khawp mai. Ka Nu bul ah lah hian engmah han sawi ngam zia a ni si lo; tih pah in ral hla tak thlir vang vang in a ngaihtuahna chu hmun hla tak ah a awm tih hai rual a ni lo.
Chutih rual in a mit meng a thinrim na lo lang chhuak leh a Thisen zam lo pawng ṭawlh ṭawlh mai te chuan chu Sazuk Pasaláṭha Thinlung phuba lak chak a tui hal chu a tawrh hlelh awm tur zia a tarlang chiang viau awm e.

Chutah muangchang a rawn ṭawng chhuak leh in,"Mahse Ka Pa. I sawi ang khan he Khaw tan a thil pawi thleng thei tur ang zawng a chet lak loh chu keipawh in a ka duhthusam ber a ni a. Chuvang ania he ka buai na hi mahni a chinfel mai á¹­ha ka tih zawk ni.. Chuan midang han pun pawh ka ti lem lo. Keima buaina a midang hnuh luh ve kher hi a á¹­ul in ka hre lo deuh e a.; a han ti leh a. A Pa, Lal Hniarchhuma pawh chuan Ãw han then khurh pah hian, "Ni e.. i duh ang ang chuan ni rawhse. Mahse engtik lai mah in fimkhurna hlauh ngai suh la, ka sawi ang khan hnunglam a mit nei ang ran in awm ang che. Chuan thil Pakhat ka la sawi chhuah ngai lem loh chu. Hetiang boruak tehnuaih hi kan ni ta si a, Kan Nghal Pasalṭha te lak ah hian fimkhur ru viau ang che. A bik in Pasalṭha Tlailiana lak ah hian i fimkhur ka duh pui khawp mai che; a han ti leh a. Chu thu chuan Hniara Beng chu a verh ta zar mai le. A Pa chu han zawh chian deuh a duh viau na in Khawnbawl Upa te an lo luh tak nak nak a vang chuan zawh zawm zel chi ah ngai lo in Chawhnu lam a a tum ram lam pan tur chuan a insiam san ta zawk a. Tichuan Chawhnu her ah chuan a Sazuk nen chuan Kawtchhuah lam chu an pan dun chhat chhat a. A lo hmu a piang mai chuan lo be sawm luam hlawm in hlawhtling ngei tur in duhsakna an hlan liam liam hlawm a.

A kal chhuah chhan leh enge a tum an hriat loh a vang in, chutia an thlah pawh chu a awm lo hran lo e.

:Muang chang chuan kal beuh beuh in a rilru in thil tam tak ngaihtuah in a suangtuahna te chu an vak thui hlawm ngei mai. Chutia engdang mah ngaihtuah lo a, a hun kal tawh leh hman mek te chhui kir a, a suangtuahna ram a a chen veng veng lai chuan a Sazuk chuan a Ke hnung per dat dat pah hian a Hnar a tum dut dut ta mai le. Chu tah Hniara chu rawn harh chhuak hlawl ni awm tak hian a ngaihtuahna kal ding ngut ngut lai chu tawp chat in a han hawi kual vel chuan Khua chu a hniam ruih tawh a. Ni pawh a tla ṭep tawh a ni tih chu a hmu mai reng a. A Sazuk awm dan ah chuan thil dik lo eng emaw tak zawng a awm ngei a ni tih a hria, mahse thil dik lo leh ngaih ṭhat lohna tur thil engmah chu a hmu lawi bawk si lo. Mahse chu tak chu engtik lai mah a fimkhur na hloh ngai lo Sazuk Pasalṭha Hniarkhuaia tan chuan ngaih ṭhat lohna tur chu a ni zawk tlat si a ni. A Sazuk chu a dar a han ben thak thak pah hian "PaBuang eng emaw chu i hria a ni tiraw; zawi sap in a han ti a. A Sazuk pawh chuan a ṭawng chu a hrethiam a ni tih hriat tak in a Ke hma Dinglam chu Lei ah a han per chhet chhet a. Hniara pawh chuan a Beng te chu ngun zawk a chhi in a mit chuan hmun tin mai chu hmuh hmaih a tum lo tih hriat tak hian a meng zim deuh san bawk a. Chutah an hma lawk a Lui te Tui luang ri karh karh chu eng emaw in a dai a ni tih hriat tak a Ke pen ri deuh chhak chu a Beng fing tak chuan chu Lui te Tui luang ri karh karh kar ah chuan a lo man fuh rang kher mai le. Chumi rual deuh thaw a Huihchhuk Thli rawn thaw heuh heuh chuan rim danglam a keng tel a ni tih a hre nghal zat bawk a. Chu rim chu eng rim nge a nih a hai lo chiang kher mai. A Sazuk nghawng a han ben thak pah hian ,"Tun ah le; a han ti sap a. Chu thil a sawi zawh rual chuan a mah chu rang zet a Sazuk chung a á¹­ang a zuang thla in an bul mai a, Lungpui lian ve ang reng tak phen ah chuan a pil bo nghal zat a. Chu tah Sazuk chuan rang zet in an hma a Luite chu zuan hlen zawk in a hma lam ah chuan a dawk phei ta pur pur mai le. A lo rin lawk leh beisei ang ngei in a awmna chhak lam a thawm a hriat chuan a Sazuk chu a um tih hriat tak in a Sazuk tlan na lam ah chuan thawm chu a ri phei ta buan buan mai le. Chutah Hniara chuan han khik suk pah in 'invan mawl mai mai hlawm Ãw; a han ti sup a. Thawm ri a ṭang chuan Pakhat mai a ni lo tih a hriat bawk a vang in a ṭan hmun chu u luk tak a siam ṭha sauh sauh in, a bihruk na Lung phen a ṭang chuan a hma lam, a awm na a ṭang a thlang lam hret chu u luk tak mai in a en ta kar mai le. Chutia beisei nei tak a a lo thlir reng chuan rei rial lo in thawm a rawn nei ṭan ta, chu thawm lo chhuah tu chu lo hnai zel in rei lo te ah a Sazuk Pabuanga ngei chuan Luite chu a hlat zawng in a rawn zuan kan leh ta zawk mai le. Chutah rang zet in Hniara pawh chuan a Thal fang chu a lo thlawh chhuak ve nghal zat bawk a. A Sazuk hnung a Luite rawn zuan kan tum Sihal lian tak mai chuan a tum ram thleng lo in chu Luite ah chuan a tla ri ta ṭawk mai le. Chu veleh a hnung a rawn tlan mek Sihal Pahnih chu an ding nghal chawt a. Mahse an tan in sa-seng na hman a awm ta lo tih chu Hniara Thal fang rawn thlawk ri leh fur in Sihal rawn hmasa zawk hrawk a kua a hreuh chuan a ti chiang viau awm e. Chumi rual deuh thaw a Thalfang rawn thlawk chhuak leh erawh chu a duhna tak ah a in thiat bik lo tlat. A hnung ber a rawn tlan Sihal chu a lo in her hman hret a vang in Hniara Thalfang a Khel dinglam bawr a in thiat vuh chung chuan a lo tlan na lam ah chuan a bai phei chhut chhut a. Chutih chhung chuan Pabuanga pawn a Pu awm na chu rawn thleng chawp chilh ve nghal in Hniara chu Sazuk chung ah chuan a han per kai nalh a, muang chang a Luite chu kan phei in Sihal taksa a, a Thalfang bur far ho chu kal pah chuan a han phawi pah bawk a. A Sihal kah hliam pawh chu thei leh thei lo a in sa seng tum in a hma lam ah chuan bawk vak ti tih hian a in hnuk phei ve sulh sulh a. Chutih lai in Khua lah chu a thim a ni ruai tawh a, Hniara pawh chuan hmanhmawh a ngai a ni tih hria in Sihal chu pan hnai in hmun leh hmun a kah tum chuan a Thal ngul chu a han kuai bial pawp a, a Thalfang a thlah hman ṭep tih chuan Sihal hrawl zet mai chu muangchang in Mihring ah a lo chang ta deih mai le. Chu thil zet chu Hniara pawn a beisei loh leh a lo rin phak ngai loh a nih vang in mak a ti ngei mai. Chutah chu Sihal Mihring a lo chang ta chuan Hniara chu muangchang a melh pah hian, "i tih tur chu ti vat rawh; a han ti chhuak sap a. Hniara pawn a thil tum chu tih tlang mai a han tum zet na in ngaihtuahna dang a neih leh zawk a vang in a Thal chu la thla in Ram Hrui fei ṭha tak chu chhat zung zung in chu Sihal Mihring a lo chang ta chu kut hnung khirh in a ke nen lam chuan a phuar ta zawk a. Chu Sihal Hringmi pawh chuan Hniara thil tih dan chu hrethiam lo leh a ngaihna hre lo tak hian ngawi reng in a lo en ve tawp mai bawk a. Chutia a duh tawk a nghet a aphuar zawh hnu chuan a Sazuk chung ah chuan a han bÃng hnawk a. A mah chu a Sazuk hma ah chuan kal in Sazuk pawh chuan a zui ve nghal mai bawk a.
Thui lutuk lo an kal leh hnu chuan khua pawh a thim fel chu a ni ta der mai. "Pabuang nang khawi lam ah nge Tui a awm ang. Min han hruai teh mai; ti in a Sazuk chu a han hmasak tir a. A Sazuk pawh chuan a Hnar han len vut vut in Tui rim a hria tih hriat tak in an thlang lam ah chuan a chhuk nulh a. Rei lutuk lo an kal leh hnu chuan Luite Pakhat an pawh nghal mai reng a. Chutah a mi man Pa chu dim baksak lo a han theh thlak nawlh pah hian "i ti ṭha e, zan in chu helai hmun ah hian kan riak mai a niang chu; Hniara chuan a han ti sap a. Tichuan Luite Tui vawt Thiang kak mai chu han dawt khawlh khawlh in hmun zawl rem deuh lai ah chuan Mei te nun in Lui kawr an thlen hma a Vahrit riak a kah thlak chu puah sawk sawk in Mei ah chuan a han hem nghal a. A Vahrit hem chu vil hauh hauh pah in Hniara chuan,"Sihal Pa, Hming te i nei ve em. Nge Mihring ṭawng pawh i thiam miah lo hial zawk; ti in a mi man pa chu en pawh en lem lo hian a han bia a. Chutah a mi man pa chuan a chhan mai loh a vang chuan a lam a han thlek deuh ha pah hian,"I thiam lo maw. Ka ṭawng tal hi i hrethiam em ang chu maw. A nih loh zawng in ka tan i ṭangkai nep khawp ang le; a han ti ram hmak a. A ṭawng chu ring viau lo mahse nel-awmna reng reng a awm hauh lo. Chutah chu a mi man pa pawh chuan muang chang a a Aw han then khurh pah in,"Ka Hming chu i tan hriat a ṭul kher em ni; muang ban chalh in a la rawn ti chheu mai le. Chutah Hniara chu za lo tak a han kiai lui sak in,"ṭul lem lo e. Ka dah ṭhat hma che in i Hming tal kan hre duh deuh mawle. A chhan chu rawng tak a k thah dan che i chipui te hnen a ka sawi theih nan ania.; Ngaihsam hmel zet in a han ti ve leh a. Chutah zet chuan a Mi man pa hmel ah chuan zam na a lang ṭan ta. "A hrim hrim in engvang a min rawn bei ngawt nge maw in nih le. Engtin nge khanglai hmun ah khan ka awm a ni tih pawh in hriat zawk a; Hniara bawk chuan a han ti leh khauh a. "Rawn beih che u tum lawk pawh kan ni lo. Sa pel tur in kan ṭhian Thum khan kan chhuak a. Khatia Sazuk tlan thawm kan hriat hma kha chuan in awm a ni tih pawh kan hre lem lo.; ti in a mi Man pa chuan ṭha tak in a chhang ve a. Hniara chuan a thu sawi ngaihsak lo awm tak a, a Vahrit hem han let leh zauh pah hian,"A nih chuan Nangni ho hi khawi hmun ah nge in khawsak ve reng reng a; chutah ngawi dat pah in a mi man pa chu a melh zawk a. A mi man pa Mit meng danglam deuh hlek chu a hmuh hmaih hauh lo,"Sanghal ho hi chu tihian Hringmi Pangngai te zing ah an Khawsa ve thei mai a. Nangni Sihal ho hi Hringmi zing a khawsa ve pawh in ang lo. A rual rual hian in awm a; a han ti deuh duah a. Chutia ho lam deuh a, ti-ti pangngai ang a aṭawng kam a chheh leh tak ah chuan a mi man pa pawh chuan han ṭhut rem deuh pah hian,"Nia, keini ho hi chu Hringmi zing a khawsa ve thei kan ni hlei nem. Heng Sanghal ho te hi chu an tlem tawh a. Ti hian Hringmi bel in Lal sûtpui vuan nen an lem chuang awm lo e; a han ti ve nuah nuah a. A ṭawng hmang ah chuan Sanghal ho a huat zia leh a ngaih nep zia te chu a chiang viau mai.

Chutih rual in Hniara erawh chuan an Khua a Nghal Mi awm ten a Pa (an Lalpa) an hlauh zia leh a thu a kawi a ngil a an zawm zia te chu a hre fiah deuh uar uar hian a hria a. Mahse a chhan tak erawh a la hre lo mai chauh a ni. A mi man Pa pawh chu a hliam vang chuan a chau deuh a ni tih hriat tak hian a a Mit meng te chu a hniam sawt viau mai. A hliam a ṭang a Thi la chhuak ṭiam ṭiam chu Hniara chuan tih fai sak in Ramhmul Damdawi a hmuh ang ang chu bel sak nghal mawlh mawlh in a theih ang ang chuan a tuam sak nghal mawlh mawlh a. Chutia a che vel chu a mi man pa chuan mak tih hmel zet hian ngawi reng in a lo melh tlawk tlawk ringawt a. Chutah Hniara chu ding hluai in a Vahrit hem chu va pan in a  awm-ti ṭha lai chu a han piai thla hlawk a. Han ṭhial nuau nuau pah hian,"I ril a ṭam ve tho ka ring. Ka Sazuk Sa lah in ei ṭhelh ta bawksi a. Ka phuar na che hi ka zai chat dawn a. Ãt thlak tak a chet lak tum chu a finthlak loh a ni tih i hriat a ṭha ang; tih pah in a mi man pa hnungkhirh a a phuar na Hrui chu a han zai chat hmawk a.
A Ke phuar na pawh chu zai chah leh mai a han tum zet a, "i Ke phuar na hi chu zai chat lo zawk rih mai ang aw. I la tlan chak thei phian in ka ring tlat; ti a han nuih suk pah in Vahrit chu a han phel phawk a, a phel leh lam chu a mi man Pa chu a han pe ve a. A mi man pa lah chuan la mai tang e ti lo hian Hniara chet dan mak a tih luat vang in a mah chu a lo en he-haw mai a. Hniara lah chuan,"Hnam tûr ka telh i ring deuh em ni. Khatia min en he-hu lo khan la vat mai teh; ti in a han nui leh suk a. Chutih pah chuan a mah chuan Vahrit Sa chu a han keih tla leh hlawk a. A mi man pa pawh chuan engmah sawi lo in a chil lem rik deuh khulh pah in Vahrit Sa chu in Thlahrun hmel tak hian a ban ve ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:42 pm

Sazuk Pasalṭha

Bung 15-na

Ziaktu : Simon da gunner

Vahrit Sa ṭhial nuau nuau pah in Hniara chuan,"Ka Hming chu Hniarkhuaia a ni a. Hniara min ti mai ṭhin a. Nang enge i Hming ni ve le. Hming te tal chu han in hrilh tawn ve bawk ila mawle; a han ti a. A mi man Pa pawh chuan,"Ka Hming chu Rualhleia a ni e. Ruala ti in min ko mai ṭhin. Ka chung a i zah ngaihna a vang hian ka lawm hle mai; a lo ti ve vat a. Hniara thung erawh chuan,"Ngawiteh Ruala, zahngaihna lam pawh a ni chiah lo. Naktuk Varṭian ah Kan Khaw lam pan pui che ka tum a. Kawng a thui tham si a, kawng lak ah i ṭam chhawl mai ka hlau a lawm. Ṭul lo ah ka buai phah hrep dawn a sin; Nui deuh suk hian a lo ti a. Chu thu Rualhleia'n a han hriat chuan a thil ei lai chawl dat pah in Hniara chu a en phâwk na sa ta mai le. A awm lo hran lem lo. A chhan chu Hniara'n an Khua Nghawlbual a a hruai haw a nih vaih chuan Nghalmi ho chuan an dim dawn hlek si lo a, a chan tur chu a ropui teh chiam dawn lo tih a hrethiam pha ve tlat a ni. A thil ei te pawh chu a tui lo thei sawt hial ta ve ang. Chutah Hniara chu a ṭhut hmun a ṭang a tho thurh in Luite luang ri karh karh chu a han in kuang kuang a. A rawn let leh chuan Chiâr Hrui fei zet chu rawn keng in,"Ka muthilh hlan a thil ât-thlak tih te i lo tum palh a nge. Min hrethiam dawn nia; tih pah in Rualhleia kut chu hnungkhirh tawh lem lo in nghet zet in a han phuar leh a. A duhtawk a nghet a a phuar zawh hnu chuan an piah deuh a Bûng Kúng lian zet lam chu pan in a kâkpui ah chuan a ṭhu mu nghal mai bawk a. Chutih lai in Nghalbual Khaw lam ah ve thung chuan Pasalṭha Tlailiana, lalkhâwnbáwl ho leh an lalpa Hniarchhuma te ho chuan an lal in ah chuan ro an rel ve mek bawk a. "lalpa, hetia Hniara ber in hma a lak tawh ro ro chuan Kei leh Midang Pali/Nga vel in a hnung dâwl a kan umzui ve mai min phal sak la ka ti khawp mai. Kan Khaw Ram valh chin ah lah Sihal ho hnu a khat tawk in a awm leh zeuh zeuh ṭhin vei bawk nen ngaihtuahawm chu a ni hauh lo anga mahse hetia a mah a kan thlahthlam ngawt hi thil ṭha ber a ni dawn emni; ti in Pasalṭha Tlailiana chu a rawn ṭawng chhuak a. Chutah Khâwnbawl Upa Zamvela pawh chuan rawn tuihnih ve nghal zat in,"Ni e lalpa, kan Pasalṭha sawi ang khan kan lalfapa hi ngaihtuahawm khawp chuan a awm kan ring hauh lo a, a tum chu a puitlin ngei ang tih pawh ka ring a. Chutih rual in a hmachhawn tur te hi engtiang chiah a tam nge an nih lah kan hre si lo. A keiza veng tur tal a a hnung kan dawl chu ṭha viau in ka hria a ni; a lo ti ve chuar chuar a. An lal Hniarchhuma pawh chu a in ngaihtuah nasa ve ngei mai le. A Upa te leh Pasalṭha te thurawn chu han pawm lo ngawt dawn se la a Fapa chu a ngaihtuah in thil thleng thei ni a an sawi te chu dik a ti viau lawi bawksi. Lehlam ah a Fapa lah chuan tumah pawh sawm duh lo in a buaina a midang hnuhluh kher a duh loh zia kha a sawi chiang viau bawksi. Chutia âwn lam tur zawk pawh hre lo a a inkhâp buai viau lai chuan lal in a luh rawn dil thâwm chuan an rilru la peng in Kawngka lam chu an hawi ṭhap a. Chutah lalnu chuan lo chháwn var in Thanchhinga chuan lal In chhung chu a rawn pen lut ve mek bawk a. lalpa Hniarchhuma pawh chuan lo be nghal sawk sawk in,"eekhai.. Chhinga lah ni reng in he lam ah hian lo ṭhu tawh. Enge pawi-hâi a awm ta emni; tih pah in ṭhut na tur chu a lo kawh hmuh nghal bawk a. Thanchhinga pawh chuan ṭhuthmun han rem pah in,"Pawi-hâi zawng a ni mai ang chu lalpa, englo ania. Vawin tlai a Thangirha te rawmvak in eng ramsa emaw inhrosa thawm leh inbei thawm ni awm tak an hriat thu an sawi a. An sawi dan hmang in Hriangmual ngaw ep Lungpher ruam vel khu ni in an hria a. Mahse rei a nih loh vang in an chiang chiah lo a. Kan Sihal ho hi an rawn pawng leh ṭan a ni mai a ngem ti in i hnen ka rawn thlen tawp mai a ni; ti a ahan sawi chuan lal leh upa ho, Pasalṭha Tlailiana te ho chuan ngaihdan an lo nei thiam nghal mai a. Chutah muangchang a a Veibel pak talh talh pah in lal Hniarchhuma chuan,"Awle, chutiang a nih zawng in ka Pasalṭha te in chet chhuah ve mai a ngai a nih chu. Hei Hniara lah a mah in a che chhuak mai si a. Nangnin induh ang in ro nei ta ula, in thu rel leh bawhzui dan tur erawh min han hriat tir ve zel a niang chu; Pasalṭha Tlailiana lam hawi pah chuan a han ti a. Pasalṭha Tlailiana pawh chu lo bu nghut in chhan tum a aKa a ân zuau lai chuan,"Hniara chu a mah in a chhuak a maw. Tinge engmah min hrilh loh a. A rang lam a kan umzui ve vat a ngai a nih chu; Thanchhinga chuan a lo ti hluai a. Chutah Pasalṭha Tlailiana chuan,"Ni e, Lalpa chutia nang ber in i rem ti a nih chuan muang chang lo in Naktuk Varṭian ah Tlangval Pali/Nga vel hruai in kan umzui ve nghal a nga. A ṭul dan a zir in Khawchhung lam pawh hi Val Upa leh Tlangval ten lo veng uluk deuh se a ṭha a nge. Ti teh Chhinga Zawlbuk lam ah kan thu hi i han than vat teh ang khai; a han tih zawm nghal zat a. lalpa Hniarchhuma pawh chuan,"Ni teh tak e. Zuk kal tawh u. Val Upa te nen a in thu chhuak kan lo ngaichang a nge; a lo ti ve bawk a. Tichuan Pasalṭha Tlailiana leh Thanchhinga te chu an inzui chhuak ta nghal a. Chutih mek lai in zan lam a Lungpher ruam luah mawi tu Lei hrik leh Khauchher te chu an hram ve chiah chiah a. Zanlam Ropuina Chhawrhthlapui leh Si-ar te pawh in zawi muang a her liam ṭual ṭual pah in chu Ngawpui chhung a riahrun rem a Mu hnar suk suk Mihrang Val chu an chhuk bih kur ni mai hian a hriat a. Chutia tui hmel em em a Hniara a mut hnar suk suk lai chuan a mi man pa Rualhleia erawh Nghate rep ang kar a ni thung. Zan tir lam a Hniara'n Vahrit Síak zum ṭha zet mai a dahna lung chu zawi muang in a hnaih phei hret hret a. Hniara thaw ri suk suk ri a reh rual chuan a han chawl ve leh det ṭhin a. Mahse a rawn harh lem loh a vang in rei ngial a beih hnu chuan Vahrit siak chu a la thei ta hlauh mai. Hniara khan a Kut hnung khirh lo a a phuar a vang in a tan pawh Vahrit siak zum tak a aphuarna Hrui han tih chah chu a har lutuk lo ngei ang. Chutia fimkhur leh hmanhmawh rilru ang reng tak a abeih fat fat hnu chuan a phuarna Hrui pawh chuan tlin reng bik hek lo le a chat ve ta hlawl mai.
Muangchang a han in siam rem pah in Ram lam ah chuan muang chang in a tawlh lut hret hret a. Chutih lai in ngun tak a amah lo mitmei ru reng tu an awm tih reng a hre lo. Hniara chuan tui tak a mu ang mai in a mi man pa chezia chu a lo thlir reng chu ni in, chutia a mi man pa a tawlh liam hnu chuan rang tak a a awmna a ṭang a chhuk nghal in Sava hram ang deuh in a han hram zauh a. Rei vak lo ah Pa.Buanga pawh a rawn lang ve nghal mai a. Tichuan a mi man pa liam na lam ah chuan thawm dim leh fimkhur tak in an liam ve ta nghal a. Thui fe chu amah hmu phak si lo, a hnu hma a ṭang a amah an hlat lo a ni tih hriat tawk velah an zui zel a. Hniara lo rin sa ang ngei in an hnu chhui chuan Hriangmual Ngaw pui lam pan zel in rei vak lo ah chuan Káwl rawn eng ṭan in Lei lung pawh a hmuh theih ṭan ta. Rei vak lo an chhui leh hnu chuan Hriangmual Ngaw dur khuih ah chuan an in chhui lut ṭan ta.

Chutih mek lai in Nghalbual Khaw lam ah pawh Pasalṭha Tlailiana leh Tlangval dang Pathum te chu Kawtchhuah Lungdawh ah chuan an ṭhu ṭhap a. Chutih lai in an mi nghah Thanchhinga chu rawn thleng in Kunga pawn a rawn zui ve bawk a. Thanchhinga chuan inthiam loh hmel tak hian,"He pa pui rauh hian min zui ve phet a tum a. Awm dam rih deuh tur a ka tih pawn a ti lui ve tlat sia. A han insiam leh rih a, kan rawn tlai phah ta a lawm mawle; a rawn ti nghal luam a. Kunga thung erawh chuan a ṭhat thu leh na a neih tawh loh thu in a lo chhang ve nghal zat bawk a. Chutah Pasalṭha Tlailiana pawh chuan a nau te ho chu an awm dan tur leh an kalna hmun tur te a han hrilh leh thuak thuak hnu chuan Lungpher Ngaw lam pan chuan an in zui ta diah diah a. Hniara te erawh chuan Lungpher ngaw chu chhuah san in Hriangmual Ngaw dur khup chu an lut mek thung a. An mi um pa chu rin ai in a kal thei zek mai a. Lui kawr a Tui in pah a rei lo te a ṭhu tih loh chu mar pát in Hriangmual ngaw ril lam chu a hnu chuan a pan zel a. Hniara te pawh chuan muang lutuk lo an thawm a hriat phak loh deuh tur ang vel ah chuan an zui ve zel bawk a. Hniara chuan an hnu chu Hriangmual Ngaw chhíp lam ah a her chho hret hret a ni tih a hriat vang chuan ngaihdan leh han rin lawk dan deuh chu a nei thiam mai bawk a. Chutia rei fe mai an in zui ngar ngar hnu chuan Ni pawh a lo tlangsang tawh hle mai a Chutah ding dat in. Khua chuan pah a hawi vel in Hniara chuan an awmna lai te chu a han rin zawn chhui vel a, Hriangmual Ngaw ril lai vel chu ni tawh ngei in a ring a. Hman a Sihal ho nen a an in beih chiam na hmun kha khawilai nge ni ang ti a Tlang dung in khawh dan vel a chhui neuh neuh lai chuan a hnung a thil ri deuh khat chu hria in rang tak in a han lehhawi nghal vat a. Mahse a tlai hman hret a ni, a hnung lam ko a ṭang a Sihal rawn zuang dawk chhuak zawk mai chuan a Koki ah rawn hap chat in a Sazuk chung a ṭang chuan a zuan thla tawp mai le. Chutah lei an thlen rual chuan Sihal chuan han thing zui nawk in hlam khat awm vel ah chuan a tla ri dawp mai a. Sazuk pawh chuan in sa seng hman mahse a Pu chu tlansan a tum hauh lo tih hriat tak in a Pu chu pan hnai nghal vat in a din hliah nghal zat a. An lam pan a muangchang a Sihal lian leh hrawl em em Dum run mai lo phei chhat chhat chu lo beih let ve a tum a ni tih hriat tak in a Lu leh a Ki chu Lei hrúl deuh thaw ah kún hniam zuk zuk in a Ke hma lam chuan Lei a phiat tur tur bawk a. Chutia Sazuk a in Hrosak kuk kuk lai chuan a Khél bawr a rawn ben thak thak pah in,"Pa.Buang nang chu lo in sum rih rawh. He Sihal dawihzep hnunglam a ṭang a mi in ring lo lai bei ngam tawk vel lek hi chu keiman kan hmachhawn a nge; ti a a Koki dawm deuh ṭai chung chuan Hniara chuan a la rawn ti chheu chheu mai le. Pa.Buanga pawh chuan a Pu chu a hmui a han nawr deuh thut thut in a lo tawlh kiang thuai a. Chutah Hniara chuan a Sahmim a ṭang a a Chempui hlai hlep hlawp hriam ṭha zet mai chu rawn phawrh chhuak in hliam tuar lo leh na nei lo ang mai chuan Sihal hma ah chuan a ding kak ta hah mai le. A mit meng a thinrimna, phuba lak duh na leh huatna lo lang chu a mah hmachhawn mek tu Sihal tan pawh chuan tawrh hlelhawm tak zawng a ni ngei ang le. Chutih rual in Hniara chuan rilru fim tak pu in chu Sihal chu amah chauh a nih zawng a ring hauh lo. Chumi vang chuan a ngaihtuahna pawh a buai ve deuh nak hman a. Mahse chutiang ngaihtuah hman a nih loh zia chu amah zuan thluk ngei tum a Sihal rawn dawk chhuak zawk chuan a ti chiang viau awm e. Chutia Sihal in a rawn zuan chuan Hniara pawh a awm mai mai bik hauh lo rang tak a chet la ve thei nghal mai tur chuan lo insiam rem in a Chempui chu a lo hum nghet sauh sauh bawk a. Mahse Sihal rawn zuan chhuah rual deuh thaw a an awmna chhak lam a ṭang a Sihal Var lian zet mai rawn zuang chhuak zawk chuan chu Sihal dum Hniara zuan a boruak a kang mek chu rawn zuan thla tawp in a Hrawk ah tak chuan a hap nghal chat bawk a. Chutiang thil zawng zawng thlen nan chuan hun tam a ngai lo kher mai bawk a Hniara pawh chuan mak a ti in a ngaihna a hre lo kher mai. Chutah Sihal dum tal fat fat chu zawi muang a zal riai riai in a Hrawk a seh tu pawh chuan thlah nghal in Hniara lam chu a rawn hawi nghal zat a. Hniara a ngaihna hre lo leh mak ti zet a lo ding ngawi reng chu muangchanga rawn pan phei in zawi muang chuan Hringmi diktak ah a rawn chang ta mai le. Hniara chuan mak a ti lutuk hran lo a chhan chu heng Sihal ho pawh hi Hringmi leh Sihal thlah pawlh an duh hun hun a Hringmi leh Sihal a in thlak thei an ni tih a hre tawh tlat a ni. Mak a tih ber zawk chu, chu Sihal var Hringmi, Nula a rawn in thlak Hmelṭha leh pian thiam em em mai chu a ni. Chutiang reng reng a Hmelṭha chu Hniara chuan Parvuli pawh khan a tluk pha in a hre lo hial mai. Chutah Nula chu rawn ṭawng chhuak in,"Tun ah hmanhmawh tak in i sahimna tur zawng in insa seng nghal rawh. Tun ah hian kan Pasalṭha tamtak helam pan hian an rawn kal mek a ni. Nangmah chauh chuan engti kawng mah in i hneh ngai lo ang. I Nun na in a tuar phah ngei ang; a han ti a. Hniara'n chhan tum a a Kâ a ân zuau lai chuan an chhak Tlang dung a ṭang a Sihal rawn Û chuah chuah chu an hre ta. Chutah Nula bawk chu rawn ṭawng leh in,"Zawhna in zawh hun a ni lo .Ka Nunna Vawikhat min chhanhim sak tawh a ka bâ ka rul ah ngai mai rawh. An rawn thleng ṭep ang min lo zui rawh; tih pah in a mah chu Sihal Var lian tak ah chuan chang leh in an thlanglam Ram lam hret ah chuan a liam nghal a. Hniara pawn in ngaihtuah buai na hun a awm lo tih hria in a Thal a thlauh tak chu rang tak a chhar in Pa.Buanga chung ah chuan a per kai nghal nalh a. Rang tak in Sihal Var chu an umzui ve ta nghal a. Chutih lai chuan khatia Sihal ho Û ruah ruah thawm kha Lungpher ruam a Chaw chhun bar mek Pasalṭha Tlailiana te ho chuan an lo hre pha viau vuai a. "Nau te u, kan tlai palh hlauh a nge i hmanhmawh deuh teh ang u; Pasalṭha Tlailiana'n a tih chuan an Chaw bar lai chu thawhsan sap sap in kal nghal mai thei tur chuan an in peih nghal at hlawm a. Pasalṭha Tlailiana chu rawn ṭawng chhuak leh in,"Hei le, Hriangmual Ngaw kan lut ṭep a. An thawm a ṭang in Sihal ho pawh an hla tawh in a rinawm loh bawk a fimkhurna kan hlauh tur a ni lo ang. Chutih rual in Kan Lalfapa phuahchawp Hniarkhuaia kha dam in Khua ah a kir tawh tur a ni lo ang; a ti ta chheu chheu mai le. Chu thu a sawi lai chuan Kunga leh Chhinga chu an lo in melh dun ralh a, Mahse engmah an sawi chhuak bik lem lo. Tichuan hmanhmawh leh fimkhur ru tak si chuan Hriangmual Ngaw lut tur in hma lam an pan leh ta a. Chutih lai in Hniar pawh chuan Sihal var chu zui zel in rei tawk fang tlan hlir a an in zui hnu chuan Lui lian ve ang reng tak an thleng hlawl mai. Sihal chu ding deuh det in Hniar lam chu a rawn hawi a. Chutah rang tak in Lui mawng lam ah chuan a liam thla leh nghal puat puat a. Hniara pawn zui zel tur in a duh tih hrethiam in ngawi reng chuan a Sazuk chu a tlan tir ve puat puat a. Chutih lai in chu Sihal var chu a zui zel na chhan erawh a mah ngei pawh chuan a hre hauh lo thung. An thang valh a dai lut mek zawk a ngem tih pawh zawhna tling tham a nih lai in chu Sihal var chu a chhungril chuan a ring ngam tlat thung lawi bawksi.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 7th, 2020, 8:43 pm

SAZUK PASALTHA

Bung 16-na

Ziaktu : Simon da gunner

BUNG TAWP BER.....

Hniara ten thui lutuk lo chhuk zawng a Lui an zawh thlak zel lai chuan Lengkir sang vak lo an thleng ta hlawl mai. Chutah Sihal chu ding in Hringmi ah a rawn in thlak nghal a."I Sazuk kha a rawn lut ngam em ang chu maw. A lo lut ngam lo a nih tak leh helai hmun a awm lo in kan him tlan zawk nan h
eta ṭang hian Lui hi zawh thla zel se a ṭha ang; a han ti a. Hniara erawh chuan a ngaihna hre lo zet in a lo en let ang hê-haw a. Chu Sihal Nula pawh chan chhâng tâng e; ti bik hek lo an in en ta ngar mai le. An mit meng chuan thuk tak a thu sawi in ri hau si lo in an Thinlung ah erawh a ring viau n
gei ang. A Koki Sihal in a seh na a ṭang a Thisen lo chhuak ve reng bawksi a vang chuan rei lo te ah a chau mai dawn tih in hria in,"Ngam ang, kal zel rawh ka lo zui ang che; a han ti thla ngawt ang. An kalna lam tur leh khawi ah nge luhpui a tum tih pawh a hre chuang lo. Chutah Sihal Nula chuan,"lo
chhuk rawh. Ti kha chuan in lut thei lo ang; tih pah in amah chuan Lengkir lam chu pan in Hnim leh Hrui zâm hnawk phui lûk chu keu sat sat in rei lo te ah Lengkir Tui khawhthla ah chuan a lut tlang ta daih mai. Hniara chuan a ngaihna hre lo zet in a lo en reng ringawt a, zui mai na chang hre lo a a
din reng tak ah chuan chu Hmeichhia chuan,"tikhan an lo thlen hun in nghak dawn nge, in lo kal zel dawn; ti in a rawn au lang lang a. Chutah Hniar chu harhchhuak hlawl in rang tak a Sazuk chung a ṭang a chhuk nghal vat in chu Hmeichhia kalna lam ah chuan an kal ve ta vat a. Lengkir Tui khawhthla chu
an han su tlang dawn a Sazuk chuan a hreh deuh a ni ngei ang, a tawi deuh hrut hrut a. Hniara chuan,"Hlauh tur a awm lo. Kan kal hmasa anga min rawn zui dawn nia; ti in a mah chuan chu Lengkira Tui khawhthlâ chu a han su tlang a. Mak tak mai in Lungpher lian lutuk lo, lo awm in a bul mai ah chuan P
ûk kua a lo var huau mai chu ni in, Hniara chuan mak ti tak a en pah in,"Lo kal rawh le. Hei ka him e. Hlauh tur a awm lo; a han ti lang lang a. Chutah Sihal Nula chuan, "Khatia kan ṭawng lâwng lâwng zawng in zawn hmuh kan har lo tawp ang. Tikhan Pûk ah khan lo lut ula, kan hnu hi a theih ang ang in
kan thup a nge; tih pah in an kal na lam ah chuan a let leh ta nghal a. Hniara pawh chu lo nui suk in chu Hmeichhia, a ti lui emni chu aw, tih tur khawp a Hmelṭha leh Pian thiam tak han chezia vel chu mak a ti in eng emaw ti tak in a hlimpui riau a ni. Sihal Hmeichhia a chhuak fel chauh tih ah chua
n Sazuk pawh chuan Hniara awmna chu a rawn thleng chawp chilh ve mai bawk a. Tichuan Pûk lam ah chuan an in zui phei ta nghal a. Pûk chhung an han lut chu a lo zau nuam em em mai a. Chen chilh tu awm ang mai in a fai phian lehnghal a. Chutah han hawi kual thuak thuak in ṭhutna rem deuh lai ah chuan
ṭhut hmun rem in a hliam a ṭang a thisen lo hnâm ṭiam ṭiam reng mai chu tih tawp a han tum a. Chutia a in singsak buai lai tak chuan Pûk Kawngka lam ah chuan thawm lo awm in rang tak in a Thal a Thalfang hmeh bel pah chuan a tin nghal zat a. "Ekhai.. Hlauhawm ka ni lo e. Min ti phu a lawm mawle; ti
pah in Sihal Hmeichhia ngei mai kha a rawn lut nghal a. Chutah Hniara pawn a Thal chu dah hniam nghal in,"Ka tihpalh a ni e. Enge chanchin; ti in a lo be nghal var a. Hmeichhia chuan,"tun ah rih chuan kan him rih e. Khawimaw keiman; tih pah a rawn ṭhut chilh in Hniara hliam lai chu a rawn en nghal z
ung zung a. Chutah tho leh tharh in Tui-ûm pawm in Pûk kawngka lam chu a pan nghal a. Lo let leh nghal vat in a Tui rawn lak chuan Hniara Hliam chu a sil sak zung zung a. Pûk bang kil a ṭang chuan eng emaw hi rawn la chhuak in a hliam lai ah chuan a hnawih a. Chutia a che vel chu Hniara chuan mit la
lo lek in a lo en kar thung a. A hliam tuam sak mawlh mawlh pah chuan,"Khatia min en reng khan i hliam hi a dam phah dawn em ni; a han ti khauh mai a. Chutah zet zawng Hniara meuh pawh a zam chhe leh ta der mai. Rang tak a a Mit la sawn nghal vat in khuh chhuak lo pui in a han khuh lui deuh khurh k
hurh a. Han chhan mai ngaihna a hriat loh vang chuan,"Ka lawm e. Min ṭanpui a vang in; a han ti deih mai a. Chutah Nula pawh chu rawn nui chhuak hak in,"Ka sawi tawh kha Vawikhat ka Nunna min chhanhim sak tawh a. Ka bâ ka rul a nih hi lawmthu sawi a ngai lo; a lo ti a. Hniara chuan a ngaihna hre lo
zet a en deuh hô pah in,"Enge i sawi awmzia. Khawi hmun ah nge, engtik ah nge i Nunna ka chhan a; a lo ti let ve vat a. Nula chuan,"I hre tawh lo maw. Inkhaw ram chhung a ka rawn luh ṭum in Sanghal ho nen kan in tawng a. Min thah ngei tum a min úm chiam lai in nang i lo lang hlauh a. Ka bula i din v
ang in ka him phah tak kha; a lo ti a. Chutah Hniar chuan ngaihtuah vang vang in,"Eeee.. Kha Sihal var kha nangmah hi maw lo ni a; a han tih deuh hluai hnu chuan han ngawi dat in,"Eee.. Ni dawn tak e a. Nang hi a Var i ni tak, engtin nge rin dan pawh ka lo neih thiam loh zawk aw; a han ti chhuak leh
phawng a. Chutah Nula chu nuihza in sûm nui ring ṭha ngam bawksi lo a rawn nui chhuak hawk hawk in,"i ṭawng zawi thiam ngang lo a mi. Nge ni a kan awmna hi rawn hmu thuai se i duh zawk; ti in a la nui zui deuh sen sen a. Hniara chu inthiam loh hmel zet a hawi kual hru hru in,"Engtin nge helai hmun
hi a awm tih i hriat theih a. Bakah i Chipui te ngei chuan a awm tih an hre lo tih engtin nge kan hriat ang. Hrim hrim in khawi a ṭang in nge êng hi a lo luh hrim hrim a; a han ti zut zut a. Nula chuan a Hmui ti sawi deuh nâwng chung a amah melh pah in,"Zawhna i va han ngah em em. Hetiang zawhna nga
h deuh Mipa hi chu an lêngtar duh; a lo ti daih a. A zawhna pawh chhang ta lem lo chuan tho tharh in Pûk kawngka chung vel a Hnim zâm chi sei tak tak ho chu Pûk Kawngka ah chuan a uai tir sung a. A phui deuh khup a, a thim deuh nghal rup bawk a. Pâwn lam a ṭang chuan chutiang in Pûka awm a ni tih a
hriat kher awm loh e. Chutah Hniara awmna lam a rawn phei leh in,"Ti khan hahdam rawh. Awlsam tak chuan helai hmun hi an rawn hmu hauh lo ang; tih pah in a mah chu bang kil ah chuan ṭhu in a mit a chhing nghal vang vang a. Chutih mek lai in Pasalṭha Tlailiana te ho chuan a hma Ni a Hniara te inbeihn
a Sulhnu vel chu ngun tak a bih pah in an lo ding khawmuang ve mek bawk a. An hnu chu chhui zel in Zan lam a an riah na hnu hma vel pawh chu an hmu thuai a. An hnu hma vel ah chuan Mi Pahnih an ni ngei tih a chiang a chutak chuan an ngaihtuahna pawh a ti buai khawp mai. A chhan chu an Hnu chhui mek
hi Hniara leh a Sazuk hnu chu a ni ngei si a. Mahse amah mai ni lo midang hnu a awm ve tlat mai si chuan an rilru a chawk buai ve map mai le. Hniara chuan thurualpui a neihawm an hre si lo, lo nei ta tehreng pawh chu nise a tu chu nge ni ang. Pasalṭha Tlailiana chuan a thil lo tum ruk pawh chu eng e
maw thil ah a kal sual ve thei a ni tih hria in fimkhur a ngai dawn hle a ni tih pawh a hrethiam mai a. "Engpawh nise, hei kan Lalfapa hi amah mai a ni lo tih a chiang reng mai a. Khua a ṭang a thurualpui a neih lah kan hre hek lo. Chuvang chuan kan fimkhur a ngai takzet tawh dawn a ni. A theih che
n chen chu kan Zia thup in han chhui zel phawt ila kan Beng leh Kan Hnar kan lên uluk dawn nia; Pasalṭha Tlaia'n a han tih chuan hmanhmawh ang reng tak mahse fimkhur tak si chuan Hniara te liamna lam chu an pan leh ta hlawm a. Chutia thui ve ang reng tak an kal hnu chuan an Hnu chhui chuan Hriangmua
l Ngaw chhip lam a pan hret hret tih chu Pasalṭha Tlaia chuan a hrethiam thuai a. A ngaihṭhat loh ruk na chu a dik ngei in a hre bawk a an fimkhur tawh ngei mai. Rei lutuk lo an kal leh hnu chuan an hma hruai tu Sanghal rim hriatna danglam leh chak tak nei Pasalṭha Tlailiana chu ding chawt in a Hnâr
a tum ta dût dût mai. A hnung a amah zui tu a Nau te ho pawh chu ding nghal ṭhap in an Hnâr chu an lên ve ruai a. Chutah hai rual loh in Thli thâwt zawng a Sihal leh Thisen rim rawn nam leh hak ṭhin chu an hre ve thuai a. Muangchang leh fimkhur tak a an kal leh hlek hnu chuan Hniara te in beihna hm
un chu an thleng ta, chu hmun ah chuan inbeihna tê-nâu a thleng tih hria in Thisen tlem lo awm pawh chu an hmu mai reng a. Hai rual loh in Sihal ho an in rawlh ve a ni tih pawh chu an hrethiam nghal mai bawk a. Hniara rawn bei tu Sihal Var seh hlum tak erawh kha chu a ruang hlâwm tu an awm a ni ngei
ang an rawn hmu ve tlat lo. An hnu hma chu an han bih Ngun leh deuh a, Sihal leh Mihring Hnu inpawlh nuk chuan Hriangmual Ngaw chhîp lam a pan lai in, Sazuk leh Sihal hnu ṭhenkhat erawh chuan an Thlang ruam lam a pan lawi si. Ngaihdan han siam leh hma lak zel dan tur pawh chu an bangbo ta map mai. Chutah Pasalṭha Tlailiana chu rawn ṭawng chhuak in,
"Hei, Nau te u kan hnuchhui hi heti teh nuaih a nih si a vang hian engtia hma han lak zel chi nge ni ang tih pawh hriat thiam har tak a ni a. Heng Sihal ho hnu kar a Hringmi Hnu lo awm leh pheuh ho hi chu ngaihdan a neih thiam theih mai a. Sihal ho
hi Hringmi ah an in let tih a chiang reng a. Mahse engvang nge ni ta ang. Tinge hmun Hnih ah an inṭhen tih hi hriat thiam a har khawp mai. Keini lah Hmun Hnih a han inṭhen tham kan awm meuh hlawm si lo. Engpawh nise kan lalfapa leh a Sazuk Hniak ni a lang hi kan zui leh phawt mai a niang chu. Chutih
rual in heng Sihal ho hian an zui ve a ni tih a chiang reng bawk a. Hmun Hnih a an inṭhen dan ah an leh hual dawn pawh a ni mai thei. Chuvang in fimkhur tawp a kan fimkhur a ngai ang; a han ti dap dap a. Chutah Thanchhinga chu rawn ṭawng chhuak ve in,"Pa Tlai, heng Thisen far hi Sihal Thisen chauh
a ni hauh lo. Hniara pawh hian hliam a tuar a ni ngat mai; tih pah in a kut hmawr a Thisen tlem chu a han hru fai zauh a. Pasalṭha Tlaia pawh chuan Thanchhinga din na bul a Thisen far chu a kut hmawr a khawih zeuh in a han hnim thuak a,"Hringmi diktak Thisen rim ngei a ni. Ti teh u, i hmanhmawh deuh
ang u; ti a tho thurh in Sazuk leh Sihal hnu chiar dup mai chu an zui leh ta a. Chutih mek lai in Lêngkir hnuai Pûk ah thung chuan Nula Hmelṭha tak chuan a piah lawk a Tlangval pian thiam leh hmel pa hrâk mai chu a lo thlir dauh dauh a. Zan lam a mut mu tuah ṭha lo a nih vang leh a thisen chhuak va
ng chuan a chau ve deuh nge ni Hniara chu a lo chhing sek a ni ngei ang. A mu tui lai chu chiang em em a har zawk in fiah tak in a meng nghal a. Chuta a han meng chuan a hma zawn a, lung bang ngheng chung a lo ṭhu Nula Hmelṭha em em mai chu a hmu nghal chat a. Chutah an mit leh mit chu a in tawng ta
chat mai le. Mahse rei a ni lo Nula chuan rang taka a mit la sawn nghal vat in zah a vang in a sen nghal ṭâwn ṭâwn thei hial mai. Chutah Hniara chuan nui suk pah hian "ka phalna la hmasa lo a ka mutui lai min lo thlir reng tu hi a Sakhming tal hriat a va chawkawm em; a han ti khauh mai a. Chutia ṭa
wngkâu a chhep ta mai chu amah zawk chuan mak a ti letling in a lai leh hnuhnawh deuh bawksi chuan âw han then deuh khurh pah in,"Âââ... Hming pawh kan la in hrilh lo a. Han inmawl biak ngawt thu lah awm suh; bah niai in a han ti tlai khawhnu leh rih a. Mahse a sawi tur ang ang chu a sawi zo vek taw
h tho tho mai. Nula pawh chuan bah deuh niai leh zah a vang a hmai la sen deuh ṭan chung hian,"Ni teh tak e mawle. Ka Hming chu Chawngmawizuali ania.. Chawngi emaw Zuali ti in min ko mai ṭhin a. I duh dan dan in min ko thei ang. Nang enge i Hming ni ve le; a han ti a. Hniara pawh chuan,"Hniarkhuaia
ka ni e. Hniara min ti mai dawn nia. Sihal Vârté ti in ka ko mai ang che chu; fiamthu tih hriat tak hian a han ti a. An vawikhat inkawm na chauh mah nise an han inbiak dan leh an mit mei a ṭang chuan chu Sazuk Pasalṭha leh Sihal Hringmi te chu an in haw hauh lo tih hai rual a ni lo. Chutia hlim tak
a an ti-ti melh melh lai chuan Khua pawh lo tlai zel in Nî a tlak meuh chuan Pûk chhung chu a thim ṭha ta kher mai. Mahse chûng Pûk chhung thim chhah tak a awm te tan erawh thim chuan awmzia a awm teh chiam loh a vang in an buai hran lo. Zan a rei deuh deuh a. Zan lam a chaw zawng chi rannung ṭhen k
hat leh Lei hrik te chuan thâwm chhuah chiah chiah in Hringmi ten Zân Lalnu ti a kan lo hrîl fâk ṭhin Chhawrhthlapui pawn a hmun ngai luah in Zan lam ropui na a pho chhuak mek a. Chutih lai in Hriangmual Ngaw chhîp lam a ṭang a Sihal Û ruah ruah thâwm chuan Pûk chhung kil khat a pang insi rial a tui
tak a mu mêk te chu a ti harh chiang kher mai. Chutah Hniara chuan,"an thâwm a ṭang chuan an va hlat loh hmel ve; a han ti a. Chawngi pawh chuan phak chiâla a mit nuai chat chat pah in,"an hla lo tawp a nih chu; a lo ti thâm ve ṭiak a. Chutah Hniara ṭawng a tum leh lai tak in a mah bawk chuan,"Ka a
wm lo tih an hre tawh a ni ngei ang; a han ti leh a. Hniara pawh chuan chulam reng reng a lo ngaihtuah lo tih hria a inthiam lo rilru angreng tak in,"Ni teh tak e a.. Chulam reng reng chu ka lo ngaihtuah thleng lo a. An lo zawng ngei ang che. Ka kiang ah i awm tih an hriat ngat phei chuan i tan a pa
wi thei dawn tlat; a han ti ve a. Chutah thil hriat chhuah thut nei niawm tak hian phâwk zet a in en rual ṭhawt in an han in tawlh kiân san leh rih a. An lái dûn ṭhin kher mai. Âw han thian deuh kharh in Chawngi bawk chuan,"I kiang ah ka awm tih an hriat chuan an lungawi hauh lo ang. Mahse an hre lo
tur ah ngai phawt ila; a han ti leh a. Hniara pawh chuan,"Ni e, min rawn hmu em lo ang chu maw. Mahse helai pûk ah hian kan tawm reng thei hauh dawn lo a nia. Ei tur lah kan nei si lo; a lo ti ve bawk a. Chutah Chawngi chuan,"Heta ṭang hian chhuak ila engtia awm nge i tum; a lo ti ve leh khauh a. C
hu thu zet chu Hniara chuan chhan har a ti ngei mai le. Engmah sawi lo a an ngawih dun vang vang hnu chuan Chawngi bawk chu rawn ṭawng chhuak leh in,"Hmelma a tan ka duh lo che a sin. Engpawh ni se ka Chipui te hi ka phat san thei lo a, mahse i tan a ṭha lo tur zawng a chet lak chu ka tum hauh lo an
g; tih pah in a tho nalh a. Sihal ah in let nghal in Pûk kawngka a chhuah dawn chuan rawn hawi let a khup deuh lap a Hniara rawn en chung chuan pawn lam ah chuan a zuang chhuak ta nghal a. Hniara chuan sawi tur reng a hre lo. An khua rawn rûn a mi tamtak that a, a nu leh pa ngei pawh thah sak tu Sih
al ho lak ah chuan phuba la lo chuan a awm hauh dawn lo a. Chutih rual in Chung a Hmelma te zing a mi ngei nen chuan an inkar ah Hmangaihna a piang mek a ni tih a Thinlung chuan a hai hauh si lo. Sihal liam tâk na lam hawi vang vang chung a a ngaihtuahna a kawm melh melh lai chuan kâr loh ah Khaw fí
ng a chat ṭan der mai. Muang chang a zi mar ṭalh ṭalh chung in a han tho ṭham ṭham a. Mak tak mai in a hliam lai kha ná reng reng a awm tawh hauh lo. Chawngi'n a tuam sakna kha phelh in a han en chuan mak tak mai in Sihal sehna hmuamhmâ te kha a lo hil duâk mai a. Mak a ti hle mai, Chawngi'n eng ema
w a hnawih sak vang kha a nih ngei chu ring in a khi sak a. Chutih rual in a ngaihtuahna leh thinlung te chuan amah Chawngi chu an ngawi vawng vawng ni mai hian a hria. Tichuan a Sazuk nen chuan muang chang in Pûk chu an chhuah san ve ta a. Chu an awmna Lui kawr ruam tawn tawn a Tlâng dung te chu fa
ng thuak thuak in Sihal ho chuan an zawng nasa hle a ni tih hriat tak in an hnu hma vel chu hai rual a ni lo. Chutah an hnu Chhawngi'n a thup ṭan na lai an han thlen chuan mak tak mai in Mihring hnu ngei mai a hmu tel ta tlat mai. Pakhat mai an ni lo tih a hriat mai bawk a. Chu chuan Hniara rilru a
ti buai kher mai. Henglai ram pilril ah Mihring hnu hma a awm a nih pawn Pasalṭha ram chhuak te an ni ngei anga. Mahse Pasalṭha tamtak pawh in a paltlang ringawt pawh an hreh ṭhin he Ngawpui ah hian Sapêl a riak lut duh an awm chu a ring hauh si lo. Sihal ho kha Hringmi ah an inlet a nih han ring de
uh mahse ni thei ngang in a hre bawk si lo. Chung hnu hma te lah chu nizan mai a mi tih hriat tak in a thar viau bawksi. Engpawh nise fiah ngei ṭha a ahriat vang in chung Hringmi te hnu chu a chhui ve leh ṭan ta a. Mahse rei pawh a kal hma chuan a pum chu rawn ri kal ruih ruih in a rilṭam zia chu sa
wi nawn a ngai lo kher mai. A Sazuk a han en chuan a ni pawh chuan kal pah in Hnim hnah nêm deuh chu a lo pet ve zauh zauh a. Chutah a rilru thlak in Kawr lam bawk chu an pan thla dûn leh ta a. A la hma bawk a Lui kawr an thlen thlak chuan a ruam thûk deuh bawk nen a la thim deuh ruih thei a. A vann
eih a siam in Vahrit zing tui tlan tum in an awmna thlang lam hla lutuk lo a Lei a lo thai sûrh sûrh chu a zuk hmu ta hlauh mai. Rang tak a a Thal mu chu thlawh chhuah tir nghal zawk in chu Vahrit thlamuang tak a tla mawlh mawlh lai nghawng ah tak chuan a thil tlang hrawih mai a. Vahrit pawh chu han
tlân tur chuang a awm tawh lo. Rang tak a pan thla nghal in Chulai hmun ah chuan Mei chhem nghal in Vahrit chu puah in a rawh nghal sawk sawk a. Pa.Buanga tla hla deuh tur erawh chu a khap thung a. Sihal ho chuan a Mei rim chu lo hre mahse pawi a tih teh chiam loh a vang in meikhu pawh a thup buai duh lem lo. A Vahrit rawh pah in kawr kam a Tumbu khâi lêng te chu la in a thuk phûm bawk a. Chutiang chuan Chaw tel lo in a inhnawh puar ve le
h thei ta mai bawk a. Hmûam dâ vel zên-zâwn a ṭhut khawmuan leh hnu chuan a hnu chhui lai a tawp san na lam chu an pan leh ta a. Rei lo ah thleng thuai in an
han chhui ṭan leh ta a. Chung Sihal ho hnu zing a Hringmi hnu tel ve tlat chu a ngaihtuah ngial pawn a chhan awm ang a hre thei ngang si lo. A rilru chuan a chhan ni thei awm ang te a han chhui kual vel a, a tawp ah chuan Chawngi bawk a lo lang leh ta. Khatia a chhuah tak hnu khan engtin nge a awm
zel ang tih te a ngaihtuah neuh neuh lai chuan a awmna Tlâng dung piah Mual in khawh thla zui lam ah chuan thawm a hre ta tlat mai. Chu thawm a hriat rual chiah chuan ding nghal chawt in a beng chhi in ngun lehzual in a han ngaithla leh vang vang a. Rei nghah ngai lo in thawm pawh chu a rawn awm le
h ta. Sihal rual in hrosa thawm kar a Mihring inhrosa kûk kûk thawm chuan Hniara beng chu a verh kher mai. Pasalṭha ṭhen khat helai Ngaw rawn lut leh Sihal ho chu an in tawng a nih ngei ring in hman hmawh zet a aSazuk chung a zuan kai pah chuan,"Pa.Buang hmanhmawh kan ngai; a han ti sap a. Chutah Sa
zuk chu chak tak a tlan nghal in fîng khat vel in an la thleng lo tih ah chuan Silai a puak ta ṭhuai ṭhuai mai. Hniara chuan a rin dan chu dik ngei a hria in a hmanhmawh tawh kher mai. A Sazuk chu tur in chak leh zual chuan an tlan fuau fuau tawh mai a. Mahse an thlen dawn ṭep chuan Sihal han beleuh
tuarh thawm rual chiah in Sanghal hawk dut ri a hre ta tlat mai. Chutah rang tak a a Sazuk chu din tir nghal in chutia Sanghal hawk dawt ri a hriat chuan mak a ti ngei mai. A rilru thlak in va pawh nghal mai lo a an che vel thli thlai phawt chu ṭha a ahriat vang in Tlâng dung vêt zawng a in her in
zawi muang in an hnaih hret hret a. Tlem a an hnaih leh deuh hnu chuan an ṭawng pawh a hre pha ta. Pasalṭha Tlailiana âw a hriat chuan a mak tih a zual kher mai le. Chutah a Sazuk chu chulai hmun a awm tur a hrilh in a mah chuan an hma Tlâng pawng lam chu fimkhur tak in a pan phei a. Tlâng dung a ha
n chuan chhuah chuan an mahni pawh a hmu thei ta. Rang tak a Thingbul lian deuh phen nghal zat in ngun tak in an che vel chu a en kar mai a. Chutia a en reng lai chuan Thanchhinga te erawh chuan an mi man Pathum te chu an lo hnungkhirh ve mek bawk a. An bul ah chuan Sihal Pa Li vel hi an lo let ngât
bawk a. Chutih lai a Hniara'n a hriat miah loh chu an mi man zing a Pakhat chuan a rawn hmu hman tih reng a hre hauh lo. Chutah a awmna a ṭang a chhuak a va pawh mai a tum lai tak chuan an mi man zing a Pakhat chuan," Sazuk Pasalṭha chu kan kut ah a awm. Nang hian engtik ah mah hnehna i chang ngai
lo ang. Thu dik engkim a hre vek tawh; ngên hmel zet a atih chuan Pasalṭha Tlailiana thin khei zawng tak a ni ngei ang chupa chu han chhuih zawt pah hian,"Ka zawng hmu tho tho ang. Chuan ka that ngei bawk ang; a lo ti chang ve fak a. Chupa chuan ṭhen deuh chak chak chung a han nuih luih deuh sak pah
in,"Engvang a he i buai na ah hian keini ho min hnûk lut ve ngawt nge i nih hi ka la hrethiam lo a ni; a han ti leh a. Pasalṭha Tlailiana chuan nui huah huah chung hian,"i la hrethiam lo a maw. Sihal mawl tak in nih hi ka hria mahse tiang em em a thil hrethiam lo in nih hi chu ka ring lo a sin.; ti
a ngawi dat in," Tun ah chuan hmabak pakhat chiah ka nei tawh. Nangni hian chu ka hmabak ka tih hlawh tlin nan chuan min pui ang. Khawi ah nge Sazuk Pasalṭha chu a awm; a han tih zawm zat a. Chu thu a sawi zawh rual a, a hnung lam a ṭang a,"i mi duh chu heta hi ka awm e; tih ri an hriat na lam an h
an hawi phei nâk chuan Sazuk Pasalṭha Hniarkhuaia ngei chu a lo ding teu mai le. Chu thil an han hmu zet chu an hamhaih deuh nge ṭawng mai nachang pawh hre lo in an en ṭhap ringawt mai a. Chutah Hniara chu a awmna ko pang a ṭang a rawn ṭum thla chhat in,"Kei hi a ni lawmni in mi duh chu, engvang a k
a Nunna la duh nge in nih tih hre lo mah ila chu thil intih dawn chuan in beih ve fe a ngai ang; chang fak hian a han ti a."A hrim hrim in Pa.Tlai ka nun na la duh si chuan engvang in nge Ram pa-lai-lêng a thichhâwng a ka awm lai khan min chhan him, engvang in nge ka Nunna min zuah sak; Hniara chuan
a han ti leh a. Chutah Pasalṭha Tlailiana chu rawn nui huah huah in,"Naupang engmah i hre lo a ni tiraw. Engmah hi i hrethiam lo. I Nunna ka lak hma in hei hi ka han hrilh ang che. Ka engkim ka in nghahna ka neih chhun ka Hmangaih em em chu nangni ho kut ah hian a thi a sin. Thudik chu maw, Khâng i
nKhua rawn bei tu Sihal ho kha chu ka hmanrua mai an nihkha, an hnung dâwl in ka ho te nen kan rawn thawk chhuak ve a, Nû-Nau leh Tar chung ah pawh zah ngaihna lan tir lo in inkhua kha keimah ngei hian mei vâp ah ka chan tir a ni; ngawi det in diriâm hmel zet a Hniara melh pah chuan a han nui lui l
eh huah huah phawt a. Hniara erawh a lo ngawi ngal thung. Chutah râl hla tak Thlir vang vang pah in tihian a rawn ṭawng chhuak leh a. "Thangpuii kha heng Sihal ho zing a mi hi a ni a. Kan inhmangaih em em a. Mahse he mi lâktlâk loh mahni farnu te thlavâng pawh hauh ngam lo hian (chutia a sawi pah ch
uan an mi man zing Pakhat chu kawk in) a Pa thu hnial ngam lo in a ho te leh in mi leh sa te nen min umzui in kan in nang ching ta si a. Loh theih loh in ṭan kan lo khawh ve ta a ni. Keini Mi Paruk Pasarih vel lek tan chuan han ṭan viau ngaihna awm hek lo le. Thangpuii chuan in mi leh sa te Thalfang
a dawng palh hlauh mai a, chu thil thleng a vang chuan heng Sihal ho te, Keini leh Nangni ho te nen hian kan kâr thu a lo chhiat phah ta a ni; chutia Pasalṭha Tlaia'n thil awmzia leh tûnhma hun a chînchhuak a a sawi dap dap lai chuan an mi man Sihal Hringmi zing a Pakhat chuan rawn pawt chat in,"Ka
Nau Thangpuii kha nangmah vang a thi a ni. Nangnen khan tlân dûn lo ula chuan tun ah pawh hian Ka Nau kha hlim tak a awm in, heng thil zawng zawng pawh hi a thleng lo ang; rilru na tih hriat tak ṭah Âw lek lek hian a rawn ti a. Chutah Pasalṭha Tlailiana chu thinrim tih hriat tak Âw pawr ṭeng chhuai
a rawn au chhuak in,"Ngawi rawh. Nangni ho khan min ûmzui lo in ṭha tak in min awm dun tir ni ula heng thil hi a thleng lo ang; tih pah in chupa Sihal Hringmi zing a mi Tâwnvela chu a tlawh thlu ṭhuai mai a. Hniara chu rawn in rawlh vat in,"Pa.Tlai kei chuan huatna che u ka nei lo. Nangpawn phuba l
â in kan Khua pawh i hâl darh vek tawh a ni lawmni. Chumai ni lo in Ka Nu leh Pa te ngei pawh ka chân a sin. Hun kal tawh chu siam ṭhat theih a ni lo. Mahse tun hun leh hun lo kal zel tur a in hmel mak reng hi enge sawt na awm; chutia Hniara a ṭawng mawlh mawlh lai chuan Pasalṭha Tlailiana chuan," i
n remna lam thu i sawi emni Nau-a, kei hian ka la duh tawk mai hlei nem. I Chipui tlêm te dam an la awm tih ka hria a. Chung ho pawh chu ka Chimang vek dawn. Nang ngei pawh hi an zing a mi i ni tih ka hriat loh vang in ka chhan him che a. Mahse i nihna diktak ka hriat rual khan thah che ka tumna hi
a rei tawh a sin. Hun remchang ka hmuh mai loh vang a tun a ka hma a la ding thei hi i ni tih hre rawh. Chuan nang hi i lo thi a nih pawn i Pa kan lal Hniarchhúma pawn min ringhlel hauh lo ang; tih pah chuan a khi vur vur a. Chung thil a sawi lai chuan Hniara chuan thil awmzia chu a hrethiam ve ruâk
ruâk a. A Pa diktak in a mang lam a athil hrilh te. Lasi Nula Parvuli thil sawi zawng zawng te kha heng thil vang hi a ni tih a man thiam ve ta. Chutih rual in a Sihal man Rualhleia'n Sanghal chuan Hringmi diktak te an hlauh zia leh Lal Sûtpui vuan ang mai an nih thu a sawi te kha a dik ngei a ni t
ih Pasalṭha Tlailiana thu han sawi vel dan a ṭang chuan a hre mai bawk a. Pasalṭha Tlailiana chuan amah chu thah a Sihal ho kut a thi ang a lan tir a tum a ni tih pawh chu a hai lo kher mai. Chutah Tlailiana chu rawn ṭawng chhuak leh in,"Naua in peih rawh le. I hun a thleng ve dawn ta. Ka Sanghal zi
a ni lo in i hriat ṭhin Pasalṭha Tlailiana ngei hi min han hmachhawn teh le; tih pah in a Chempui hlai hlep hlawp hrawl zet mai chu a vi-lik ta fuau fuau mai le. Chutia Pasalṭha Tlailiana a in hrosak khur khur lai chuan Thanchhinga leh Kunga chu in mit mei zauh in muangchang in Hniara lam ah chuan an tawlh phei ta tlat mai. "Pa.Tlai a tawk tawh viau a ni. Pawisawi lo thisen a luang hnem tawk ta. He thil hi i kal tlangpui ṭalh dawn chuan keini chuan kan Ṭhiana hi kan thlawp e; Thanchhinga'n a tih chuan Kunga pawh chuan,"Ni e, Pa.T
lai.. A Nu leh Pa i thah sak a, an Khua hial i hâl sak hnu ah paw
h a ni chuan inrem tak a awm a la thlang zawk a. Keini pawn chu chu kan duh dan zawk a ni. I duh lo a nih erawh zawng in Kan Ṭhianpa Thlavâng hi kan hauh dawn e; a rawn ti ve ta fak fak mai le. Chu thil Pasalṭha Tlailiana'n a hriat meuh chuan a mit meng leh a hmel ah chuan hai rual loh a thinrimna r
awn lang chhuak nghal in,"Eheu.. Mahni Chipui te pawh phatsan duh tawk vel a dâzât chu ka mamawh reng reng hlei nem che u. Tun ah chuan ka chem hian ka Chipui in nihna a hre tawh hauh lo ang.; tih pah chuan a insiam rem sauh sauh bawk a. Chutih lai in Pasalṭha Tlailiana hnung zui ṭhenkhat te pawh ch
uan an chempui phawrh in an lo inring ve pân hlawm a. In pawm chilh mai in peih tak a an in rin lai chuan,"Ekhai a tawk e. Ṭhiante u lo kiang teh u. Hei hi chu keimah ngei hian ka han ching fel a nge. Remna duh lo a thisen ngiât tlat tu chuan i duh chu i hmu khawp ang. Lo inring rawh le. Kha keimah
Sazuk Pasalṭha Hrângkâpa ka ni ngai e; ti a, a Hming Hmasa aLâi-ah Hming ngei chham chung chuan Pasalṭha Tlailiana lam ah chuan a dawk phei zawk mai le. Chutia Hniara a lam pan a rawn dawk phei zawk chu Pasalṭha Tlailiana chuan a lo beisei vak lo a ni ngei ang, Hniara chem a Lu zawn a rawn thlawk fu
r chu a bum hman lo teuh kher mai. Chutah ṭan hmun te siam ṭha in Mihrâng Chi hrang Pahnih te chu an in veh leh ṭhem ṭhem ta. A thawh hnih nan Hniara bawk chuan rawn bawh hmasa leh in Pasalṭha Tlaia Lu zâwn vel ah chuan a chem chu a han vai leh pawp a, chumi rual deuh thaw chuan ṭhu hniam zawt pah a
, a vei lam ah vir zawk in hniam te ah a chem chu a han vai leh fuau mai a. Khatia Hniara'n a Lu zawn a Chem a rawn vai kha lo kûn pah in a vei lam hret ah a in her hret a. Chu tak chu a pawi ta a châwn Chem hriam tak in a vunpui chat ṭhawt khawp a,a rawn tai thler hlaîh rual chuan Pasalṭha Tlaia c
hu a ṭe nghal ṭhat a. An kianga lo awm ve ho leh amah Pasalṭha Tlailiana ngei pawh chuan chuti em em a Hniara che rang leh inmal beih thiam chu mak an ti tlâng kher mai. A Châwn hliam var haih mai chu thlêk zuk in Thisen a lo hnâm nghal ṭiam ṭiam a. Chutah Pasalṭha Tlaia chuan,"Naua rin ai tak in i
laktlak phian dawn e; tih pah chuan a rawn bawh ve thung ta. Rang tak tak a a chem chu vai pawp pawp in Hringmi te ai a danglam leh Sanghal ho zing ah pawh an hruai tu hial ni thei a nihna chu a rawn lang ṭan ta. Chutia Pasalṭha Tlaia chem vai lo dan leh bum fâwm a a tawlh hnun hawn hawn lai chuan a
vânduai na âi nge ni Hniara chuan Thing zung pir a pal ta hlauh mai. Chu hun rei lo te chhung Hniara ke chhah buai lai tak chu Pasalṭha Tlaia chuan bawh pelh a tum hauh lo. A chem a vai leh fuau rual chuan Hniara chu ṭhingṭhi hnawk in a nâk dinglam thler duai mai chu a hum nghal vang vang a. Hup hn
eh mawlh hek lo akut kâr a ṭang chuan Thisen a rawn hnâm chhuak ve ta ṭiam ṭiam mai le. Chutah Pasalṭha Tlaia chuan vei thauh thauh pah hian,"Naua i va awngrawp hma leh si ve mawle. Tha pui pawh kan la chhuah em hlei nem; deuhsawh na ṭawngkam tih hriat tak hian a han ti a. Chuta Hniara rawn hawi chh
uak leh Hmel chu a dang ta daih mai. Phuba lak duhna leh Thisen a tuihâ hmel pu in a mit meng te chu a sen râm mai a. Sawi uâr Pa chuan "Sâr a zâm e; an ti ngei ang. Muangchang a rawn din chhuah pah in,"Awngrawp lah lo e a. Kan Khua, Ka Nu leh Pa ka Chipui te Thisen Phuba ka lak hma chuan tawpsan ka
tum hlei nem; ti a rawn din chhuah chu a rual nghal a. Pasalṭha Tlaia meuh pawn a mit meng chu a en rei ngam hauh lo. Mak tak mai in a tiril te chu a khur der der ni mai in a hria. Mahse inti paukhauh lui in,"Kha, keimah Pasalṭha Tlailiana Nghalmal Pa ka ni ngai e; tih pah in a rawn dawk phei leh
ta fua mai. Hniara lu zawn a chem vai chu a ṭhelh tih hria in an vai let leh pawp a mahse chu pawh chu a hnung a Hniara lum sawn rawn tho leh chuan a ṭhelh a ni tih a ti chiang viau awm e. Chutih lai in maktak mai in Pasalṭha Tlaia erawh Hniara hnungchhawn zawng chuan a din ngai in a la ding reng ma
i thung a. Mahse rei lo te ah ṭhingṭhi rawp in a pum chu a hup nghal a. Chutah a pum a ṭang chuan thisen rawn chhuak nghal ṭuam ṭuam in a dul thler huau a ṭang chuan a ril a rawn baw ta hawk mai le. An in bei lai lo thlir tu te chuan Engtik lai khan nge chutiang khawp a na chuan Hniaran a chem a lo
vai hman an hre hauh lo chu amak lehzual na a ni. Chutia Pasalṭha Tlaia a ṭhingṭhi rup lai chu Hniara chuan rawn pan phei in thei leh thei lo in Pasalṭha Tlaia chuan a lo melh ve ṭawk ṭawk a. Chutah,"I duh a i cho chhuah a ni e. Pialrâl ah i Hmangaih nen chuan hlim tak in leng dun mawlh rawh u. Min
kaih hruai na leh min zirtir na ah ka lawm e.; tih pah a Hniara chem a phêt zawk rual chuan Sanghal Zing a an Pasalṭha rinrâwl leh ho tu en a an lo en ṭhin Pasalṭha Tlailiana Lu chu a per nghal nawlh a. Muangchanga hawi lêt in midang ho chu a han melh kual dan dan a. "In rem na ai a Thisen chhuah du
h zawk in la awm a nih chuan engtik lai pawn ka in peih tih in lo hre dawn nia; Tih pah in a Sazuk chu a han ko a. Chutah A ṭhiante Thanchhinga leh Kunga chu en leh in,"Ka Nu leh Pa te bul ah khan ka Chipui te zawng tur in ka kal a ni tih min lo sawi sak dawn nia. Chutih rual in an mi enkawlna leh m
in duhsakna zawng zawng ah ka lawm a. Engtik ah emaw chuan ka lo kir leh ngei ang; a han ti sap a. A sazuk chung ah chuan a Nâk hliam hup chung chuan a lawn kai nghal a. Ṭhianṭha chu in lo ni ngei e. Engtiklai pawn puih theihna che u ka neih phawt chuan ka inhuam reng ania; tih pah chuan muang chang
in a Sazuk chu a han kal tir a. A ṭhiante Pahnih erawh sawi mai tur pawh hre lo in ngawi reng in an lo ding rân thung a. Chutia Hniara zawi muang a a kal bek bek lai chuan,"ti ringawt khan maw i kal dawn. Zawh fel loh leh hlen tur i la nei tih i inhria em; tih ri a hriat chuan a ding nghal chat a.
Chu Âw ri chuan a dêng dawt a ni ber e. Hawi lêt lêm lo chuan,"Hmangaihna in Chi hrang in kâr a a thil thlen chu i hmuh tâk ang kha a ni e. Ka zawh fel loh leh ka hmabak tih tur la awm chu ka hai hauh lo. Mahse tun a tan chuan ka kal zawk mai a nge. A nih loh zawng in kan Do te hi Dorâl an ni dawn s
i lo. I hmuh leh hriat tak ang kha kan chan tur a ni dawn a tin ni; tih pah in a hma lam Tlâng chhîp ah chuan muangchang in a Nâk hliam hup ṭai chung a aSazuk chung a ṭhu kun lap chung chuan an kal chhat chhat a. A hnung chhawn tãk midang ho pawh chuan Chu Tlâi ni tla tûr sen dul ruih kâr ah chuan n
gawi reng in an thlir ṭhap a. Chutah Tlâng chhip a thlen chuan a tawp nan ti ni awm hrim in a rawn hawi lêt a. Chuta a Hmangaih Hmasak ber leh a awm chhun ni bawk tur Chawngmawizuali biang a mittui luang chu a hmuh hmaih hauh lo. Tichuan chu Tlâng let liam ah chuan kir leh tawh ngai lo tur in Sazuk
Pasalṭha chu a liam ta a.

A TAWP TA.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)