SAZUK PASALTHA Ziaktu - Simon da Gunner (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

SAZUK PASALTHA Ziaktu - Simon da Gunner (Completed)

Unread post by Ngaia » May 31st, 2020, 4:23 pm

SAZUK PASALTHA
Bung- 1

Ziaktu - Simon da Gunner

Sabual ngaw dur khup mai ah chuan, in beih na nasa tak a thleng tih hriat tak mai in, thisen a luang zeih zuih mai a, ruang eng emaw zat a awm a ahmun hma te chu a pe sen sun mai bawk a. Chu in beihna chuan engthil chiah nge a hrinchhuah a nga engthil nge lo thleng zel ang le.

Mipa naupang kum 7 mi vel lek tan chuan ramhnuai pilril tak mai a, mahni chauh a kal chu a khawhar thlak ngei mai, an khaw lam a let thei a ni tawh silo. Sihal lian pui pui leh kawlh hmel zet zet, Keipui ai pawn an lian mah ang tih tur khawp a lian ho in, a chhung te an khaw mi te an pawt darh a, an suasam lai kha a mit ngei in a hmu a, apa khan tlan bo vat tur in tilo se an rual khan a thi ngei ang
. Pan lam tur leh kal na tur lam pawh hrelo chuan a theih tawka chak in a kal ve tauh tauh ringawt a. A tui a hal tawh em a vang chuan a chau takzet tawh, engmah ei tur a nei bawk silo. an khua atanga a chhuah a tang in, ani thum na zet a ni tawh a, a chauh lutuk a vang chuan a khaw hmuh a fiahlo ruai tawha, a mit deuh sulh mai in a hria, a chau tawh kal tha thei bawksilo chuan lung rap hrualin, a thlang lam tlem a awih deuh ah chuan a lum thla a. vanneih a siam in a lum thui vaklo chuan a hria, mahse a lu a hai chuai chuai a, ana deuh ngut ngut mai bawk a, a nak vel chu a na ati em em mai bawksi. Thawh kan a han tuma, a tho thei hauhlo, a tlu leh hnawk a, a hnung lam ah chuan mihring tawng ni awm tak ri a hria a, tu emaw chuan an khawih chiang mai. a khaw hmuh a fiahlo a, a lu a tang chuan a rawn lum thla pup pup a engkim chu a thim nghal rup mai bawk a. a tui hal lutuk vang leh dang ro lutuk vawng zawk chuan a harh deuh ruai ruai a, a bul ah chuan tawng ri ni awm tak chu hria in, a mit chu a han meng diar diar a, a bul lawk ah chuan, nu pakhat hi alo thu a,`a rawn harh ta e, Mami pa lo kal vat teh u" ti pah in naupang chu a lo pan hnai a, `Taite ilo harh ta maw, na i nei em? I enge na.?," alo ti nghal zung zung a, midang te pawh chu anlo kal hnai sap sap a mahse tu te mah hi a hre ngai miahlo. `tu te nge in nih, khawi ah nge ka awm?," zawhna chu a zawt nghal tawp mai a. `Taite hlau reng reng suh aw, tuman an ti na dawnlo che a nia, i mu rei tawh lutuk a ilo harh thei dawn tawhlo emaw kan ti hman a lawm," tih pah chuah a bul a Nu pakhat lo thu reng chuan, a sam ah chuan alo chul a, a mit tui chu a hru pah bawk a. Midang te pawh chu anlo tawng ve sap sap bawk a, a bul a Nu chuan`i ril a tam tawh em, chaw ei rawh aw" a tih chuan, a ril a tam hle tawh tih a hrechhuak chiah a, a lu alo bu deuh nghat a. Tui ka duh a ti nghal bawk a. a bul a thu Nu chuan `mami tui chu lo laksak vat tawh a tui a hal lutuk tawh ang, chuan chaw ei chu han siam nghal bawk la" ahan ti zung zung a.

A tuiin chu A hal tawh bawk a niang, a inhnem ngei mai. Chaw ei an siam zawh chuan ei tur in thut chhuah a han tum a, a nak chu a lo na leh zawk mai, a lu a hai em em mai bawk a. `tho duh suh ka lo barh mai ang che" tih pah chuan, a bul a thu Nu chuan a thut awn tir nghal a, Chaw pawh chu a ei hnem ngei mai, a harh deuh hawk in a in hria. Mahse he mi te hi a hre ngai silo engatinge an duat em em mai le. Engtin nge helai hmun ah hian a awm daih theih zawk le, a thil hriat hnuhnun ber kha chu ramhnuai ah khan a lum a, tu emaw khan a rawn khawih chiang a, a bak chu engmah a hrelo, tun hi a ni leh mai a.

Chaw a ei kham chuan Pa pakhat Lalpa ni awm tak chuan, ` mami nu mut tir leh phawt rawh a la chau lutuk ang" a tih chuan an han mut that tir nghal a. Chaw leh tui duh tawka a ei a in zawh chuan a harh hawk thei hial in a hria.
A la chauh deuh a vang chuan a muhil leh nghal mai a. Mumang mak tak mai nei in ramhnuai pilril tak mai ah hian amah chauh in a lo kal a, a hmun hma vel chu a nuam in a thaw veng em em bawk a. Thing te chu an lian in an sang hlawm em em mai bawksi ramngaw chhah tak chu a ni phawt mai. Chutia a kal vel mai mai lai chuan a hma lam hla vaklo, tlang bawk deuh ah hian Sazuk Pachal lian zet mai hi a lo ding vang mai a. A ki te lah chu a zar mawi em em mai bawk a. Chu Sazuk chuan a lo en reng mai chu ni in, a va pan hnaih deuh pawh chuan a tlan chhelo reng reng, chutiang khawp a Sazuk lian leh mawi chu a la hmu ngailo. A sen buang deuh ther a, a ke hrawl tak mai te chu an chak tawk ang tih a hriat em em mai bawk a. Hlam hnih ang vel in a bul a la thleng lo tih ah chuan chiang tak in a mit ah tak chuan a en a, engtin emaw ni tak hian a mawlh tlat, chhung ril ah hian hriat thiam siloh in a bia ni mai in a hria, chutia ngawi renga a en reng lai chuan, Sihal lian zet mai hian khawilam a tang in nge a lo chhuah tih pawh hriat loh in a rawn zuan thut mai a, chu a mumang mak tak mai a tang chuan a harh nghal zawk mai. Alo au chhuak a ni ngei ang, inchhunga awm ho chuan an lo buaipui lehnghal vat a, a thlan a tla nghal bawrh bawrh mai bawk a. Kha Sihal lian lutuk kha a chhungte leh an khaw mi leh sa that tu te zing a mi kha a ni tlat.`mang thalo i mang em ni, hlauh tur a awmlo a nia i bul ah kan reng ania" Nu pakhat amah duat deuh tu khan a rawn ti nghal vat a, a tui a hal thu a sawi chuan rang tak in tui an lo lak nghal vat bawk a. Tui a in zawh chuan Lalpa ni awm tak chuan,`khai le,,, Taite khawilam a tang in nge ilo kal reng reng le. Tunge i hming ni le.?" `ka hming chu Hrangkapa a nia, Aihliap khua a tang in ka lo kal a." `Engati nge nangmah chauh a ramhnuai ah i kal a, chhung te ila nei em." Lalpa bawk chuan a rawn ti leh a. `kan khua ah Sihal lian pui pui anlo kal a, kan khaw mi tam tawk an that a. A nu leh pa pawh an that," a sawi chhunzawm hlei theilo, a mittui chu a parawl kiang mai bawksi. a nu leh pa a ngai tak zet a ni.

Lalpa bawk chuan `umm.. a tawk e, lungngai reng reng suh aw. Engkim a tha leh vek mai ang. Tun a tang chuan kei Nghalbual khaw Lalpa Hniarchhuma hian Hrangkapa hi ka fapa a ni tih ka puang a, a hmingpawh Hrangkapa ni tawhlo in kan nupa hming chawi in Hniarkhuaia a ni tawh ang. Taite chu chu i pawm ang tiraw." Tih pah chuan Lalpa chuan a lo en a. a tan chuan chu ai a lawmawm leh hlu tun dinhmun ah chuan a awmlo a ni. a duh tih hriat tir nan, a lu chu a lo bu deuh nghat ringawt a.`he nau hi a danglam riau mai, a tawngkam lah a fel fai thlap mai a. Mi naran chu a nilo tawp ang." Lal upa ni awm tak pa upa lam tawh pakhat chuan alo ti ve bauh bauh a. an hmuh dan chu a mak khawp mai. Mahse amah pawh hian mak a ti, Sihal chungchang a sawi khan, an mahni ah danglam na a thlen tih hriat tak in an awmdan leh mit meng a danglam tlat. Mibik a ni tih chu a pa khan vawi tam tak hrilh thin mahse, enge mibik a nihna a la hrelo mai chauh a ni.

A pa sawi ang in a hun ah chuan a la hre chhuak ngei ang.
Attachments
8oadomun.jpg
8oadomun.jpg (60.08 KiB) Viewed 8641 times



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:24 pm

SAZUK PASALTHA
Bung-2

By. Simon Da Gunner

Hun leh ni a liam ve zel a, thi chhawnga a awm lai a duat taka enkawltu Nghalbual Lal chhungkaw zinga mi ani chu a ni ta reng mai a. Chhungkaw thar leh nuntharin hun a hmang a, thian a kawm tam lo a. a nitin hun hmanna chu ramhnuai a ni mai, Nghalbual Lalpa Hniarchhuma leh a nupui Dokhuaii te chu a nu leh pa an ni ta reng mai bawk a, fapa an nei lo a, fanu pakhat amah aia nau deuh Darhlawni an nei a, apa duh dan ang chiahin, ani pawh chu an nupa hmingchawiin Hniarkhuaia a ni ta a ni.

Fapa an awh thin em avangin an duat thin khawp mai. Thingdelh loh lung delh loh na na na chu rawlthar alo ni ve uaih tawh mai.

"Ka nu sava ka veh dawn a nia." Tih leh pawna tlanchhuah nghal a rual a, a nu chhanna pawh chu ngaihsak lo in sava rahtlan chan tumin a kal nghal mawp mawp a. Mahse khawi lam nge a pan tak ang aw.. Dai hnai vel mai mai hi chu a hrut chhuak hnem ve tawk tawh a, tunṭum chu a la kal ngai lohna a kal a chak ve tlat.

Engpawh nise mipa fa a lawm ka nih le... "eng buaina mah ka tawk bik awm lo e."tih pah chuan a la kal ngai lohna ram Sihdarh an tih mai thin lam ah chuan a kal ve tauh tauh mai a, sava rahtlan chan tum a kal mai mai si chuan, a rilru-ah sava chan lam reng a lang lo. Eng emaw hian chhung rilah hian a mawlh tlat,

Sihdarh Ngawpui Pasaltha nazawng pawh an kal ngai lohna hmunah chuan eng emaw tak hmuak/nghaktu awm tlatin a hria a. Duh thala, a duhthusam taka a siam a kalna apianga a ken thin a Thal chu a kut vei lamin a keng a, rapchung sanga, a pa rep mau bul chang, uk tha khekkhawk ngei maia a siam thalfang chu a hnung lamah a pai tat bawk a.

A la duhtawk mai lo, tlema tawi deuha a siam ho chu a khel zawn velah a leh tawn tawnin a pai bawk a. Mahni tawkah a inringtawk ve khawp mai,.
Thui fe a kal hnu chuan, Sihdarh ngaw chhah tak mai chu a lut tan a, sa chi hrang hrang hnu pawh a tam khawp mai, eng sa pawh hmu ila, ka thalfang hi chu an dawng khawp ang ti rilru niap niap chunga kal mawp mawpin, tlang lian vak lo a kal chhauh dawn lai tak chuan, chu tlang leh lamah chuan thawm ri deuh rap a hre ta tlat. Chu thawm lo chhuahna lam chu muangchangin a hnaih phei zel a, a han ding deuh dat a. Thawm chuan a rawn pan tlatin a hria, uluk lehzuala a ngaihthlak lai chuan, chu tlang pang lehlam atang chuan tlangchhip zawlah tak mai chuan, Sazuk a mumanga ahmuh ngei mai kha a lo ding chhuak vang mai le.
Mak a ti lutuk chu, ngawirengin a ding a, a en ta reng ringawt mai. Chu sazuk chu A mawi em em mai bawk si. A ki te chu ropui tak a ni ringawt mai.
Sazuk pawh chuan tlanchhiat a tum hmel miah lo lehnghal, tlan a hnekin ahlau miah lo a ang hial zawk mawle! a harhchhuak thut a, a thalfang chu he Sazuk lung zawnah tak hian a thiat chak tlat mai, sa te nau deuh sakhi tih vel chuan an dawl zo meuh bik lo a nih kha, a khauh tha a, a kah a dik bawk a, a hmangtu hian naupan tet atanga hmang a ni bawka, a hmang tu hian thiam ve bawk hrim hrim a, a duh ang tawkin a duhna lai taka a kap thei a nih ngat chuan he Sazuk pawh hian a dawl zo bikin a ring lo.

Rang takin a kut a lek kan rual chuan, a hnunglam a a thalfang chu a phawi nghal zawk a. Kah tum a a kuai kul chiah tih chuan, chu Sazuk chu rang zetin a zuang zawk a, thlanglam hawiin tlangdung zui chuan a tlam liam nghal puat mai, a chet ran zia leh a han tlan chak dan em em mai chu aaa... an khaw Pasaltha leh thi chhawnga a awm lai a rawn chhan chhuak tu, Pasaltha Tlailiana meuh pawn a sai hman bik hauh lo ang. Khatiang khawpa Sazuk lian leh mawi, ropui bawk si kha tuman an kah a la hre lo bawk, hmuh pawh an la hmu bik emaw chu.

Sazuk tlan liam ta chu a thlir dauh dauh ringawt a. Engvang in nge maw kah a lo tum reng reng le aw,, chhungrilah hian engtin emaw ni takin a mawlh deuh tlat, mah se awmzia a awm tawh si lo. Sazuk tlan lohna lam chhak lamah chuan tlangdung zui chuan a chho ve ta ringawt a.

Thui lutuk lo a kal leh hnu chuan sakhi ram tla a hmu fuh hlauh mai le.

A lung pawh hawk khawpa a zakdawha a thalfang a'n thiat vah mai zawng, chu sakhi patuai chu a zuang zawk a, thui vak lo a kal hnak hnak a. Tlin rei chi a ni bik lo aniang nge, a bawk ta rawp a, a zal zui nghal mai bawk a. a lawm ngei mai. A ke leh lam leh lamah a tawn a, ipte pui angin a ak nawlh a, a kalna ngaiah chuan haw tumin a let nghal ta nal nal a.
Mahse a kalna hi a dik hauh lo mai, a kalna ngai chiah kha a niin a hre si, Sazuk a hmuhna hmun pawh kha kma thleng thei reng reng bawk si lo. Ni lah chu a hniam tawh nasa mai bawk si, a rilru a buai ta map mai le.

Engtin nge a tih tak ang, a kal thui telh telh a, a bo thui telh telh maiin a hria. A chau ve tawh bawk si nen, a sakhi kah pawh chu a ning rum rum tawh mai. Khua a thim thet thet tawh avang chuan, hmun rem lai deuh melh pah chuan a kal mawp mawp tawh ringawt a. Bung kung lian zet mai zar awn duai mai a hmu fuh hlauh mai a, a kakpuiah a sakhi kah chu a lawnpui a, a chau ve ngei mai. Thut na tur rem deuhin a siam a, a thu mu diai mai a. a muhil nghal a ni chek ang chu, mumang ngai bawk a mang leh pek, Sazuk bawk kha a hmu leh tlat mai.!

Chhum a lo zing muai muai a, ngaw kar atangin Sazuk chu zawimuangin a lo chhuak chhak chhak a, a chungah chuan tu emaw a chuang tlat! A lo pan hnai zel a, chu pa Sazuk chunga chuang chu a han hmuchiang zet zawng mak a ti ngei mai. Ka pa a ni! A hnunglamah thalfang a pai a, a kutin Thal a keng bawk a. " ka pa. ..a han ti sap a.." Sazuk chung ami chuan lo nuih pah chuan," ka fapa mak ti lutuk suh, hei hi kan nihna a ni. Sazuk te leh kei ni hi kan thlahtute atang tawh a inzawm tlat kan ni a, i Sazuk hmuh thin kha i ta tur a nia, tih nat tum tawh ngai suh. Thil tam tak zir tur leh hriat tur i la nei a, hun inher hian an la hrilhfiah mai ang che. Hei hi hre reng ang che. Mi te-ah rinna nghat ngai lo la, i thinlung khan eng nge a sawi ngaithla zawk rawh. Kan hmelma te leh min tihchhiat duhtute hi tudang ni lo in kan bulhnai maiah an awm thin a, kan thatna duhtu emaw kan tih thin te hi min tihchhiat tumtu an ni fo thin tih hre bawk ang che. Hei hi theihnghilh ngai suh, Mi pakhat a ban vei lam a kutchuk nei chu hnaih ngai suh ang che. Ka kal a hun ta, Mipa takin awm la i hmabak chu hlenchhuak zel ang che." A sawi zawh chuan a bo nghal daih a, "kapa la kal suh.. kapa,, kapa..." a harh hlawl mai a. Eng nge a awmzia ni ngai, a tak ang mai a chiang leh fiah a ni bawk si, a thil sawi te kha a va mak ve!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:24 pm

SAZUK PASALTHA

Bung-3

Ziaktu - Simon Da Gunner
.
.
Zing khua pawh a lo var fel der tawh mai. a lawnna Bung kung atang chuan a chhuk a, "Khawi lam nge a pan tak zel ang aw. ka sakhi kahna hmunah khan let leh ila, ka kalna hnu kha zawng tha leh mai teh ang". tih pah chuan, a mumang chu ngaihtuah chhunzawm neuh neuh bawk a, nimin lama a kalna hnu-ah khan muangchangin a let leh ta hnak hnak a.

Ni pawh a lo sang ve zel a, a ril a tam ve dawn tan tlat mai, a tui a hal huam huam bawk si avang chuan, ka kalna atang chuan pengin kawr lam nia ahriat chu a pan ta tawp mai. a vanneih a siamin thui vak lo ah chuan luite dam dap mai hi a pawh ta hlawl a. a duhtawka luite tui thiang kak mai a in hnu chuan, a han thu thlan dai te te a, kal tuma ading leh chiah tihah chuan, a hnunglam atangin aw a hre tlat mai, chu aw chuan "La kal lo lawk teh" . Chutia a rin loh deuh mai a, hmeichhe aw a han hre thut mai chu a phu chiang ngei mai. Petek deuh dawrh pah chuan a han lehhawi a. Sazuk bawk.! A chungah chuan hmeichhe duhawm em em mai, thatna tinrengin a bawm emaw tih mai tur a mawi, nu hnap mai hi a lo chuang vang mai a! a mumang te pawh a ti hrechhuak rum rum mai! "I va phu nasa ve. Ka tihpalh lutuk aw, tih hlauh che ka tum miah lo a nia," tih pah chuan nula chuan alo nuih sen sen mai a, a ha te lah chu a var rual thah mai a, a nuih zawng chuan a ha ui ngho zum a lang deuh ralh a. A biangsum khuar deuh dak leh a heh vam sen ham mai te chuan a duhawmna leh a hmelthatna an van belhchhah tehreng em ve le.
Chutia chhan mai nachang pawh hre lo a a en ngawih ngawih lai chuan, a lo khuh deuh kharh kharh a. harhchhuak hlawlin . a lo en rei mah mah a ni ngei ang, a zah luat vangin a sen deuh tawn tawn ni berin a hria, hlauh chu khawi lamah a ni ringawt mai.
.
.
Sazuk chung atang chuan intha zo zet maiin a tum thla at a, rawn pan hnaih pah chuan, "Engvangin nge niminah ka Sazuk duat lai kah i lo tum a" meng tur deuh nang chung chuan a lo ti deuh khalh a. a aw lawi lutuk tur ven nan chuan a han khuh deuh kharh kharh phawt a, "I Sazuk a ni tih ka hre lo a ka tihpalh lutuk, ka pi," chu pawh chu a sawi thei tawk a ni.
Nui deuh kar kar pah chuan nula chuan "Ka pi a! Pitar ka ang viau em ni?"zawhna hlir..... He nu hi tu nge a nih pawh a hre lo, a ti lai khaw lo zo dawn tlat. "Ka hming chu Parvuli a nia...chutah nula vek chuan Imm.. i ring dik a lawm Lasi in tih thin chu ka nia". A lo tih chhunzawm zat a. Ehee... ka ngaihtuahna a hre thei mawle. Hmeltha ka ti lutuk tih pawh a hre ngei ang, ava'n zahthlak ve le. Lasi nula, a hmaah a ding ta mai chu a ni si a. a mumang ni lo in, a tak tak a la ni zui. A mak ve thlawt. Aw lawi deuh rut chung chuan," Ka tihpalh. Koh dan tur che ka hre si lo a, ka hming chu...". Ka sawi zawh hma hma chuan, "Ka hria che lawm, chuan he Sazuk hi tun atang chuan i ta a ni tawh ang. I pawm ngei ka beisei". Teh tawl chuan le. engkim mai chuan ati hrilhhai khaw lo zo dawn takngial. "Engvang chuan maw, eng atan nge ka tih ang, i ta a ni lo'm ni?" Tih pah chuan a en deuh hu a. " Ni e. Ka ta ti ila a dik tho ang chu, mahse i ta tur dik tak zawk a ni e, i inpeih hma ka lo enkawl ve mai mai chauh alawm". A awmzia chu he Lasi nu hian a lo hre lawk sa daih tawh a ni maw". Helai ram ngaw-ah hian i lo kal hun nghakin ka lo awm reng thin alawm, chuan hei pawh hi i ta tur a ni e". Tih pah chuan Sazuk dar a puan a tel, thil inkhai chu a va la a, puan a han phelh chu mak a ti ngei mai.
.
.
A lo suangtuah phak ngai loh, Thal lian leh mawi em em mai hi a lo ni a, thing leh hrui khau hmang a siam pawh a ang lo!" Hei hi ka ta tur maw, a van mawi em em, a mmak bawk si. Mahse a va'n khauh hmel ve ka kuai zo dawn a mi?" Tih pah chuan a han thlek deuh that that a". "Aw, i ta tur ngei a ni e. Thir hmanga siam a nih kha, mahse i rin aiin kawih a nuam ang, tun a i thal ai khan a nem zawk mah mai thei a nia. Han enchiang chhin la." Tih pah chuan a kutah chuan arawn hmeh bel nghal chawt a.
a han kuai a, a han perh vel chhin a. "A va mak ve, a khauh hmel tehreng nen, a nem e, a kah pawh a na lo ang". a lo ti deuh nuah nuah a. "Han kap ve chhin phawt la mawle" a tih chuan a thalfang chu ka han phawrh a, a theihtawp a na-in a han kuai kul pawp a. Luite kam lehlam a Tumbu inkhai chu a tin vang vang a, a thal a thlah rual chiah chuan a ri deuh fia a, tumbu balhla tlan Kireuh (sava te ve tak) tak chu fuhin, a thalfang chuan tumbu chawp chuan a phil tlang zawk mai le. a mak ti chu a meng phar awn awn a ni ber e. "A kah a va'n na leh si ve le, a kah a dik bawk si. Ka thal ai pawn a tha a nih hi, hei hi chuan he Sazuk pawh hi ka kaphlum thei ang mawle". ahan tih chuan, nula chu a lo ner deuh nang a. A chal chuar deuh tap pah chuan, he Sazuk hi itan a la pawimawh dawn a nia, chuvang chuan, vawikhatmah tihnat tumna rilru pu tawh ngai suh. I nunna vawi tamtak a la chhanhim ngei ang, chuan kha hei hi la rawh. I thalfang hmawrah khan tlem tlemin i tat thin dawn nia" Tih pahin thil eng emawni bawm ang deuh hi a lo pe a. "Hei hi eng nge ni ngai engati nge ka thalfang hmawrah ka tah kher ang" ahan tih chuan, nula i chu a lungawi hmel vak loh. "Thil sawi reng reng hi zawm ve nghal mai thin teh, tat rawh ka tih chuan tat la a ni mai, Sazuk hi ti na suh ka tih chuan tha takin zawm mai bawk la. Sazuk chungah khan chuang la kal tawh rawh. Inkhaw mi ten an zawng tawh che a nia" He Lasi nu te reuh hi a van kawlh reuh ve mawle thil han zawh vak ngam chi pawh a ni lo tawp mai. "Sazuk chungah ka chuang thiam teuh lo mai, ka tla ang asin. Bakah ka pa ten khawi a mi nge ti se engtin nge ka chhan ang"a han tih chuan, A lungawi vak lo a ni ngei ang. "Chuang vat mai teh" a ti bul deuh nghut a. Han chhan chi pawh a ni tawh lo, Sazuk chungah chuan ngawirengin a thu ve ta tawp a. "Thil reng reng hi a lan danah teh ngai suh ang che, kha i thal thar ang chiah khan an lan dan ang ringawt hi an lo ni lo fo thin a nia. I pa ang chiah i ni, luhlul lutuk mai. Zawhna zawt peih bawk si. Thusawi tha taka zawm tum bawk si lo". Tih pah chuan a inher a, kal mai a tumin a hria. A hmelah chuan lungngaihna nasa tak a lang chhuak hiala a hriat chu ni! Ngawi teh, ka pa a hria tihna em ni. "Ka pa chungchang i sawi em ni?Ka pa chu i hria a mi a?" a va ti leh hram a. Nula chu rawn leh hawi pah chuan, "Kal tawh ru, a tlai mai dawn a nia, indawm nghet la" tih pah chuan tlak zauh pahin Sazuk khelah chuan a han beng thak a. Sazuk chu tlan tur a tih a ni chek ang chu. Vawi lehkhatah ramhnuai pilril zawk lam pan chuan a dawk nghal zawk mai a. a tla hman teuh ngei mai. Mahse a invuan hman hlauh, invuan hman lo sela chuan hnunnglamah a inbin thawk ngei ang.

A vawikhat chuanna chauh si, a mak ngei mai vawi eng emawzat lo chuang tawh thin ang mai a ni.
Sazuk chuan a duhna lam lamah a tlanpui ni berin a hria. A tlan chak bawk a rei vak lo ah chuan hmun zawl nuam ang reng tak maiah chuan a dinpui chawt a. "Thiana i duhtawk der elo, khawi hmun nge maw min hruaina hi le" Tih pah chuan a han chhuk a. a sakhi kah pawh chu sazuk hnung atang chuan a hlang thla nghal bawk a. a ril a tam tawh em a vang chuan Lasi nula kawlh deuhin a pek, ei tur chu a han ei a. A tui ngei mai. Tlem hle mah se a ti puar awk thei mawle! Mahse a thil ei kha thil pangngai a ni lo tawp mai. a taksa chu a za chem chem a, a taksa peng tin mai hi rawn len belh tur ang mai hian a tur deuh ut ut mai bawk a. a mut a rawn chhuak chiai chiai a. a thut hmunah chuan a let tawp a, a muhil zui nghal ni maiin a hria.
.
.
Mumang ang deuh hian tu emaw hian a rawn sawi dawt dawt a. " Lal fapa, Lalfapa.. Hniara, Hniarkhuai" a harh zawk mai, Pasaltha Tlailiana chuan hnai set sawt ah alo melh khui mai, a hmu thut chu a hamhaih ngei mai. an bul velah chuan an khaw tlangval eng emaw zat an lo awm bawk a. Engtin nge an lo zawnhmuh theih zawk le. Chumai a ni lo, nidang ang chu nise Pasaltha Tlailiana hmel bumro zet hnai lutuka a hmuh thut khan a phu leh zawk awm sia. Mahse tun tum chu a phu miah lo mai. Pasaltha Tlailiana'n a dara a vawnna a kut a lakrual chuan a ban veilamah kutchuk chu a hmu ta tlat mai. Nidangah a hmu ngai miah si lo. a mang lama a pa thu rawn hrilh kha a hrechhuak nghal uar uar mai. Mumang mah ni se ngaihzam mai mai chi a ni dawn hlek lo mai. Mahse engmah sawi ta lem lo chuan a han ding a, a han zimar velah chuan, a taksa te chu a hma aiin a hrawl zawkin, a hre tlat. an piah deuh a tlangval pahnih te pawh chu an tawng zawi viau nain, an tawng a hre pha tlat mai. a mak zo vekin a hria.
Lasi Nula hrilh ang ngei khan Sazuk leh a thal thar erawh chu an lo awm tawh lo a. a sakhi kah te chu a lo la awm ve ngei e. a bo dan te leh thil eng eng emaw, helai a a awm dan te chu phuahchawp paha a sawi hnu chuan khawlam panin azawngtute nen chuan an haw ho ta a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:24 pm

Sazuk Pasaltha
Bung 4-na
Ziaktu - Simon Da Gunner


Khua an lut a, Hniara chu an in lam an pan ding pui nghal nal nal a. Engtin nge a pa-in a tih ang aw. a lo hau hrep mai ang em. Nge thinrim lem lo in a zilh zek zawk ang aw. a nu ve thung chuan a hau dawn lo hrim hrim tih a chiang.

A nau Darpuii pawn a lo ngai hman viau ang chu. Pasaltha Tlailiana chuan hma a hruai a. A hnung chiahah chuan hniara chuan zui dat dat a, Pasaltha Tlailiana ban vei-lama kutchuk awm kuau mai chu a melh leh zawk thin a, a manglama a pa thu hrilh kha a ngaihtuah rauh rauh bawk a. A hma zawng pawh khan a hmu ngai hauh si lo, tun ataka a hmuh tak tlat mai le, a mit a la em em mai bawk si. Lasi kawlh deuh ei tur pek a ei atang chiah khan a danglam phah vek ni maiin a hria, a hnung lama kal tlangval ho phun sep sep ri pawh chu a hriat hmaih hauh lo. a taksa danglam deuh chu mak an ti a ni, amah pawhin mak a in ti. a sek deuh talin a hria, mi an tawh te lah chuan mak tih hmel zet zetin, an en ka ho hlawm zel bawk si. Ngaih te lam lam an ti tha lo zawk!
.
.
Lal in an thlen chuan luhkapui-ah apa leh a upa hote chu an lo ding thap mai a, an zahawm duh ngei mai. "In lo thleng ta maw, rinai tak chuan in thang rei lo hlauh a, a lawmawm e. Eng pawh nise in dang te pawh a ro tawh ang e, Tlangau pa ka thla thum zu kha han chawi chhuak tawh. Ka Pasalthate dang ro a hnawn zo emaw chu, ka lo tulh hlawm a nge," a pa(Lalpa) chuan ahan ti a.
Tlangaupa pawh chuan rang takin Zu bel chu a lo pu chhuak nawlh a, a nu leh a nau, in chhunglama awm te pawh chu an lo chhuak nghal vat bawk a. a nu-in a han hmuh chuan, lo kuah nghal nawk nawk pah chuan. "Awiii,,, Taite... ka fapa neihchhun, ka chan ta che emaw ka ti alawm mawle, na i nei em? I eng nge na, khawiah nge i kal reng reng. Tun hnuah chuan nangmah in i ram chhuak tawh lo ang," ati deuh duah a.. Ka nu hi chuan min van ngaihsak thin tak em! Ti rilru sap pah chuan,
.
.
"Na nei lem lo e. Ka nu ka tihpalh ka kal ngailoh na hmun ah ka kal a, tun hnu ah chuan a thleng tawh ngailo ang." a lo ti ve mawlh mawlh a.

Lalpa in a Thla thum zu eng kuk tawh mai Lalnopui a pasaltha te leh hniara zawng tu te a dawm tir hnu chuan thenkhat chu an mahni inlam pan in an liam nghal sang sang, " khai le.. keini pawh inchhung lam ah i lut ve tawh ang u hmiang,. Ka Pasaltha Tlailiana pawh khan min lo zawm ve sela a tha a nge, in chanchin te pawh ngaihthlak a chakawm e a." A tih chuan, an in zui lut nghal diah diah hlawm a..

A bo dan chungchang tlem phuahchawp pah a a sawi zawh hnu chuan Pasaltha Tlailiana`n an hmuh dan vel te arawn sawi ve bawk a. apa chuan a zu no tlak deuh pup pah chuan an rum deuh nghut a, a zilh zek dawnin a hria, apa hi chu a hmel ringawt pawh hi a nelawm fahran lo em a ni. Mahse Pa rilru tha leh zaidam tak, a khua leh tui te hmangaih tak a ni thung. hniara lo melh pah chuan,"Taite,, tun hnuah chuan hetiang hi a thleng tawh tur a nilo. I nu leh i nau pawh i tithlaphang lutuk a lawm, khaw mipuite pawn hria sela chuan an chi-ai khawp ang, Pasaltha Tlailiana ten an lo hmu hma hlauh che a. A lawmawm khawp mai."Kapa thin tak hi chu aw, "i nu leh i nau" an ti deuh kher a`h amah pawn min ngaihtuah hle a ni tih a chiang reng mai sia. Zan khat lek ka awm lo a Pasaltha te hial min zawng tur in alo tir nghal chu a ni sia.tih ngaihtuah pah chuan, "Awle, kapa. Ka tihpalh a ni, sakhi ka kap kha ka lawm lutuk a, kawng chin ngaihtuah lemlo in ka kal na ngai ni a ka hriat ah ka kal tawp tawp ringawt a." Thudik leh a thil tawn zawng zawng chu sawi vek a tum deuh a, mahse a chhungril ah hian a ngai kherlo tihna a nei ta tlat, hrilh lehlo rih phawt mai ang.A ti ta zawk a.

"Mipa fa nih chuan mahni chauha ramhnuai a kal chang te chu a awm thin a lawm, mahse engtik lai mah in fimkhur na hi hlauh tur a nilo a. Thil hmanhmawh thlak takah pawh nise chi-ai lo in rilru fim tak put thin tur a ni ngai," Pasaltha Tlailiana chuan a lo ti ve dut dut bawk a. a pa bawk chuan,"Hei Taite ilo tlangval ve dawn chu a ni der mai a, thil zir tur leh hriat tur pawh tam tak ila nei a, Pasaltha Tlailiana sawi ang khan fimkhur hian chintawk a nei tur a ni lo. Thil pakhat i hriat reng tur chu Ram chhuah ni-khuaah reng reng Sanghal i kapin i that tur a ni lo, tih nat pawh i tina tur a ni lo," a pa thusawi chuan a
ti hrilhhai ang reng hle mai.
Engvangin nge Sanghal tih hlum chu a phal loh ang aw, "Ka pa enga ti nge Sanghal thah chu i phal loh a" A tawng lai pawt chat chuan zawhna a lo zawt vat a.
.
.
"Chu zawng ila hre chawp ve mai ang, tunah rih chuan ila nau deuh emai." i van sual e aw,,, tih sap pah in, nakina ka la hriat tur tho te chu min hrilh ve nghal mai awm a nia, a ngaihtuah chhuak thut. He in a fapa ang a a awm a tang hian vawikhatmah Sanghal sa a la ei miah lo, an ei ngai lo hrim hrim. Thil awm dan vel hi kma hrethiam teh nuaih lo e a, engkim mai hi chik poh leh a mak telh telh vek mai a nih hi, an zilh tliar tliar lai chuan a nau chaw ei siam chu a kilsan ta daih a, an ni pawn thu dang dang te sawiin an nui leh hak thin a.
.
.
Ni li(4) zet ram a kal tawh lo, a nu-in a phal tlat lo a tin ni. Mahse vawiin chu ram kal chakna-in hniara chu ur thlu ngang tawh a ni. Khawchhungah thian a kawm ngai lo a, mahnia han awm deuh chawt mai hi a ning tawh em a ni. Bakah Sazuk leh a Thal thar mawlh mai khan a rilru an luah tlat tawh. Chaw a ei sawk sawk a, hma deuhah a kham nghal vat a. a kam ka'n thuah puat puat a,"Ka pa i kham dawn tawh em. Thil hrilh lawk che ka duh a nia' a pa chaw ei lai chu a tur sek tawh mai, ram kal a chak em avang chuan a pa chu dil a duh a ni, a nu hriat lai a asawi chuan a phal leh dawn lo chiang sa. a nu hriatah chuan a sawi buai peih vel lo e a.

Apa chaw ei kham chu a ruk thei ang berin a hrilh ve em em a, a nu chuan a hre leh tho mai. Kal a phal lo leh ngei e, mahse a pa chuan "Mai mai thin, Dari nu.. i fapa hi mipa fa a nih hi hre ta che. Hei Tlangval a ni ve dawn ta reng mai a, thiante thlawp pha lo lutuk a nih bik te pawh a hlauhawm a lawm. Taite nangpawh ramhnuai ah hian i awm reng zel mai a, a tha ber lo a nia. Rual i pawl lo lutuk leh thenrual i kawm tam lo lutuk te hi thil tha ber a ni lo a nia, zanin atang chuan zawlbuk lamah te pawh kai ve tawh la a tha ang, puanthuah khai rual pawh i nih ve tawh hi. I kalna turah chuan va kal tawh, lo haw tlai lo la, i nu hian a ngaihtuah em em zel mai che sia" A tih chuan phur zetin a insiam sawk sawk a, phur deuhin a chhuak nghal nal nal a.
"Engtin nge kha Sazuk kha a hmuh leh theih ang awww,,, a bo tum a an lo hmuhna hmunah khan kal chhin tawp mai ang." ti in a pen thauh thauh a.
.
Ni chu van lai zawl a thleng tep tawh a, ral leh lam mual pawngah chuan laikingpa-in bel a rawh hlet hlet a. Van dum pawl thiang kak maiah chuan muvanlai nupa pawh an kaw kaw lek lauh lauh mai bawk a, rengchal an hram kiu ral ral mai bawk a. Vawiin khaw awm dan chu eng ti tihin emaw lung a leng riau mai, hniara chu a bo tum a a mutthilhna bul sawntlung pawngah chuan a ding vang a, a bulhnai vel chu a zawl duai mai bawk a. Thing lian ding hmuh tur a awm lo a, han thlir thui ila ngaw dur khup mai chu a ni leh ringawt mai bawk a. Khua a har reuh reuh kher mai.
A lum bawk si, a tui hal bawk si avang chuan, a kal pelh tak luite awmna lam chu a pan ta ngawt a, Ngaw chhung han luh chiah chuan a dai sawng sawng theiin a hria, Ngaw chhung pawh chu a reh em em tho mai, Thehlei khiang rah tlan ri leh deuh tak thawm leh ral leh lam a a khat tawka Tawllawt hram bak hriat tur a awm meuh lo. Lunglen lam pawh a lang chiah tawh lo, ngaih te pawh a tha lo thei rum rum zawk mai. Lui tê-ah chuan a han insil dai te te a, tui te a han in zawh hnu chuan pan lam tur pawh hre lo in, Luite kam lungpui pharh diai maiah chuan a han mu zangthal ar ar a. a chhak lam Luite kam ram lam atang chuan thawm a lo chhuak tlat, a ri leh deuh khat khat thin a, ding chung a ngawi renga a en lai chuan Lasi kawlhte-i kha Sazuk chung a chuang chungjn a lo lang hlawl mai, a hmel that ngaiin a la tha reng, a nui sen sen phei hi chu thlir nin har ve tak a ni. A hnung chiahah chuan hniara Sazuk pawh chu a lo lang ve hlawl bawk a. ngai tawhlutuk awm ang maiin a lo pan nghal chuk chuk mai bawk a, hniara pawh chuan a lo be vel a, a lo chul a. an la inhmu tam lo chungin an innel rang khawp mai.

"Kha nangni pu-tu chu in va'n lo in ngai awm ve," tih pah in Lasi Thinchhete-i chu a Sazuk chuan na atang chuan a lo tum thla leh thak a.
.
.
"Ngai a ni mai ang chu, Nangpawh i ngaihawm khawp mai Lasi thinchhe-nu," a han tih chuan, a lungawi loh hmel ngei mai. "Thinchhia min tih chuan ti khan min ko tawh suh hming ka nei ve," a lo ti deuh hlak a. Eng nge a hming kha aw,, engtin nge ka theihnghilh theih zawk le." I hming pawh ka hre tawh reng renglo e a. Thinchhete tih kha i inhmeh zawk daih," A lungawi lo han thinrim der vel hmel te hlei hlei chu a tha mah mahin hniara chuan a hria, duhawmna leh hmelthatna zawng zawng hi amah atanga chhuak ni mai awm a mawi a ni."Parvuli, Thinchhia min tih chuan ka hming pangngaiin min ko tawh ang che." E, ni dawn tak. Parvuli a ni leh si tak maw, a hmel nen pawh a inhmeh khawp mai. A par mawina hi a vul chek ni berin a hria."I thil ei chu a thawk tha awm hle mai a, kan inhmuh hmasak kha chuan i lai chhe em em mai kha a nia, tunah lem i zam lo tawh reuh hle mai maw. A thawk tha mah mah zawk a nih dawn hi," a lo tih zawm leh zat zat a. A tawng theih hmel reuh phian leh nghal. Dik tak chuan tunah pawh hian han zam lohna chi a ni hlei nem, hetiang ang hmeichhe hmeltha lutuk bulah thian pawh kawm ngai lo kha a awm a nia. Mahse a inthunun thei hram hram a ni e. " Ehee,, ka thil sawi vang kha i zam leh si elo,,, khatiang te chuan i nih tur ang pawh i ni thei nang mawle" Nuih deuh ar ar pah chuan a lo ti leh zet zet reuh a, "hniara chuan rang zet chuan, teuh lo mai. Mipa fa ka nih hi hmeichhe tawnah ka zam ngai lo ang." a lo ti ve hram bawk a, mahse a zam a ni tih chu a hmai mar awp awp danah chuan a lang chhuak tih a hre mai. "Tak takin i beng hriatna pawh a tha ta khawp mai, thawm dim deuhin kan lo kal ve bawk a, kan thawm pawh i lo hre vat mai alawm. A hma kha chuan kan thawm pawh hre lo in auh din chawp kha i ngai a nia" A tih chuan, a beng hriatna chu a chak ta hle tih a hriat thar leh phah a, a tha hrui te hi nitin mai hian an chak thar zel ni mai in a hria.
.
.
"Awle, tunah chuan i zirlai zir tur in inpeih rawh le. A hmasa berah chuan kal i zir ang a, chuan a chawp te tein hmanhmawh lo in aw."hniara chuan, Eng maw,,, kal ka zir ang maw. Hei leh chen ka ke hmang ngeiin ka lo kal ve zawt zawt tawh a. Tunah kal zir tura min han tih mai mai chu le. Ka ngaih dan a ni hauh lo mai. "Kal thiam lo hmuhin min hmu a mi a, nang ai pawn ka kal chak thei daih zawk ang" Lungawi vak lo tih hriat tak mai chuan a lo chhang deuh nang nang a, bakah helai hmunah hian thil zir tur a kal pawh ka ni reng renglo e a" a ngai te bawkin maw, hahthlak dawn ve le. Luhlul ropui mai sia" zawi deuh sap chuan a lo ti a, "Kal ringawt te chu har lo e, i thiam a nih chuan kan piahah sawn ka lo chang ang che ka hmuh loh nan che fimkhur takin i lo kal dawn nia aw, ka hmuh vaih che chuan ka thal fang hi i dawng ngei dawn a nia. I thal kha la rawh le" tih pah chuan amah pawh chuan a sazuk dar a thilin tel chu la thlain a phawrh chhuak nghal a, Thal var vek nalh zet mai leh thal fang sawmhnih (20) bawr vel a paina nalh deuh nen chuan a lo awm a. "Kha kha i ta maw, chuan nang hian thil min zirtir dawn tihna a mi. Hmeichhia thil inzirtir ka duh reng reng lo e aw".
.
.
Mahse a thu tak hmel zet mai chuan a tawng pawh chu a titim deuh. chhang lem lo chuan a ngawi ngal a, a duhnaah chuan luhlul tak tur chu a ni. hniara pawh chuan engmah sawi tawh lem lo in a Sazuk dar a inkhai a Thal chu a la thla ve nghal mai bawk a. "Khatiang tur kha a ni, i nu leh pa phuba i lak duh chuan thuawih takin awm tawp mai rawh, chu ai mah chuan i chi puite chhanchhuak a venghimtu tur i ni tih hi hre reng la chu chu engkimah a pawimawh ber tur a ni" Enge a sawi kha. Ka nu leh pa an thi tawh tih a hria a, min hriat chian hmel viau bawk a" engmaw i sawi a, ka nu leh pa chu i hria a maw. A nih chuan a that tu te pawh kha i hria ang tiraw?" Engmah a sawi lo. Ngawi rengin an thlanglam chu a en reng a. Thawk a han la halh a" Hniara, engkim ila hre dawn alawm, ka hriat chin chin ka hrilh ang che. Mahse tunah ni lo, khai le... min lo zawng ang che aw" A sawi zawh rual chuan in tha zo leh rang zetin kawr kam ram lamah chuan a perkai nelh a, rei vak lo ah Ngaw karah chuan a bo nghal daih mai a, a mak lutuk, a tek zet zet reuh a, a en reng laiin a bo daih thei nia. hniara pawh chuan rang takin a kalna lamah chuan a um nghal vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:25 pm

Sazuk Pasaltha

Bung 5-na

Ziaktu - Simon Da Gunner

Khawi lamah nge a kal ang aw, a hmu hman bawk si lo. Ngaw hnuai chu thelh hun mah se Thing lian pui pui a ding khup mai bawk si, a kalna lam ni a, a rinah chuan a kal ve tawp a. "I thal fang kha ka lam hawiin lo kah chhuah tum rawh, min kap na thei lo". a hma tlang letliam atang chuan Parvuli chuan a lo au lauh lauh a. "Ka ti na palh che ang che" eng chhanna mah a dawng lo, a reh deuh thiap ringawt mai. hniara'n aw a hriatna lamah chuan muangchangin a kal phei ve zel a, tlangah chuan a lawn a, tlangchhip pawngah tak chuan a han ding vang a. a han hawi vel a, thil han che hlek pawh hmuh tur a awm hauh lo mai! Khawilaiah tak awm ang maw. a awmna atang chuan tlangdung zulzui chuan a chhuk a, thui vak lo a kal hman tihah chuan, a dinglam sir etang chuan eng emaw a lo thlawk fur mai a, mahse engtin nge a theih pawh a hre lo. Hetiang em em hian a che rang ang tih amah ngei pawh in, a ring pha lo reng reng, a thle zeuh a, a bek dinglam zawn a thal fang lo thlawk chuan arawn thawi fuau mai le. A teuh ther ther ngei mai, he nu hian eng emaw a hriat reng reng ni, tihnat a hlau miah lo a ni maw. Thal fang lo thlawhna lam chu a hawi phei vat a, thingkung sang vak lo atang chuan Parvuli chu a tum thla chhak a. A tek zeuh zeuh a, a bo leh ta daih mai. A intibo thei emaw ni. Hmeichhia mai mai-in a han chhaihkual hrep mai chu le. a thinrim deuh tlat.
Hniara chu a awmna atang chuan chhak lamah chuan a let chho a, thui vak lo a kal hnu chuan tlang pangah chuan muangchangin a chhuk thla a, a mit chuan thil che hlek pawh hmuh hmaih a tum reng reng lo. Uluk takin a beng a chhi kar mai bawk a. a thlang lamah chuan hmawlhte tliak ri deuh rap a hria a, a hawi thla nghal vat a. Parvuli chu thlanglam hawiin a lo ding vang mai le, muangchangin thlang lamah chuan a chhuk thla them them a, thawm chhe te mah a nei tawh hauh lo.
Engtin nge khutiang a thawm dim khuan a kal theih zawk le, thinghnah ro leh thing tang rah rik tur a tam tehreng nen, muangchang a zuk hnaih chu a tum a. Thawm chhuah miah loh chu har tak a ni. Thawm a dim ve viau chuan a hria, mahse hnah ro a rah ri ah chuan a lo hawi rang ngei mai. Rang fahranin a inher zawk a, hniara lam hawiin a thal rawn lek pah chuan thal fang a rawn thlawk nghal fuau a. Mahse hniara pawh chu rang tak a lum sawn zauh pahin a thal fang chu Parvuli lamhawi chuan a thawn chhuak nghal a, mahse a tum a fuh bik tlat lo.
Parvuli chu a lo rang nangiang mai. A tlan sawn hman deuh a, mahse a bopil leh hma chuan a thal fang chu a thlawh chhuahtir leh hman tlat, Parvuli tlan lai khelah tak chuan hniara thal fang chu a bur ta chat a, Parvuli pawh chu a te deuh that a, a tlu sawp deuh niai a. Ehee..! Ka thal fangin a tihnat theih loh thu kha a sawi ve si a, a na thei reng a ni maw! tih pah chuan,

Rang deuhin Parvuli awmna lamah chuan a tlan thla nghal vat a, Thal fang a phawi rual chuan a te leh deuh that a. "Ti nge dawt min hrilh a, i nat theih reng kha" a bul a thlen rual chuan a ti nghal a. Mahse a mak lutuk a lo ding chhuak a,"En la, a dam nghal mai alawm" a lo ti ve vat bawk a. A mak ngei mai, a sawi ang chiah chiahin hliam hnu hma engmah a awm hauh lo mai. "Inzir i ngaihna chu i hre mai em" a tihzawm nghal zat a, inzir ka ngaihna ka hre miah lo mai. Tunah pawh a chak zawk chu keimah ka ni reng si a, inzir ngai min la ti chu a nia. " Inzir ngai chu kei ni lo in; nangmah zawk i ang viau mai" ngeiawm zet chuan hniara chuan alo ti a.

Parvuli chuan melh deuh ralh pah chuan, a hmui a han ti sawi zauh a. A lakah hian a tuiral mai dawnin a hria, "I inrintawkna hian a tichakzual ang che, mahse i chet dan kha han ngaihtuah let teh. I thawm ka hriat vangin ka lo kap hmasa che a, a vawikhatnaah pawh khan i hriatna tha tak avangin i him mai mai a nih kha. I hmelma te hi khatiang kha chuan engtikah mah i hneh ngai lo ang" tute nge ka hmelmate chu ni le, ti nge he nu hian thil mak pui pui a sawi reng le. Engmah lah hi a sawi ziktluak duh der mai si lo. A ngeiawm thin tak tak a ni. "I hmelma leh i nuna i hmachhawn tur te hi mi naran an ni lo a nia, i rin phak bak leh thil awm thei nia i ngaih loh te thlengin i la hmachhawn dawn. Chuvang chuan theihtawp tak meuh meuh i chhuah a ngai dawn a ni," Parvuli chuan a lo ti leh a. Ni e, a sawi ang chuan a theihtawp a chhuah angai. a nu leh pate, a chhungkaw neih chhun an thiahdarhsak a, an khaw mi tam tak thattute kha a la zawng hmu ang a, an phutawk hremna chu a la pe ve ngei ang.

Nilenga a zirlaite a zir hnu chuan, tlai ni tlak dawn ruaiah khawlam panin a Sazuk chunga chuangin a tlan haw nal nal a.
Ni chu a tla tawh a, mahse khua erawh a la thim chiah lo, an awmna ral lehlamah chuan thawm a hre tlat mai. a Sazuk chu a han din tir te te a, thawm chu uluk takin a ngaithla vang vang a. Vahrit kai thawm a ni tlat mai, kut ruaka haw ringawt ai chuan Vahrit chu kah tum teh ang tiin, Muangchangin Sazuk chu a kaltir a, Vahrit kaina atanga hla ve deuh hlekah chuan Sazuk chu a din tir a, Sazuk chung atanga chhukin muangchangin Vahrit kaina chu a zawng phei hrut hrut a, a vanneih asiamin Thalteh kung sang vak lo ah hian Vahrit nu leh pa an lo kai hlauh mai le. Tlemin a hnaih leh deuh a, eng zawk nge ka kah duh ang aw. An Pahniha ka phir theih ka ring chiah si lo, Silai chu nei ila phir theih tur chuan an inhnaih asin maw le. An kaina hnuai zawnah tak ka awm thei a nih chuan phir ka tum chhin ang ti rilru deuhin thawm dim thei ang berin a pel phei leh dan dan a, khua a la thim chiah loh avang chuan a tithlawk palh ang tih a hlau khawp mai. An kaina thalteh kung hnuaiah chuan a thleng phei thei hram a, an hnuailam atang chuan a phir theih dawn ngei e. a thal chu theihtawpin a kuai kul pan pan a, a tum thelh hlau zetin Vahrit nu-pa lamhawi chuan a thal fang chu a thlawh chhuak fur a, Thal fang chuan a tum tak a fuh lo em mawni a tlang chho fur mai a. Mahse a thelh lo e, Vahrit nu-pa chu an rawn vir thla chawi chawi a, a nu zawk chu a thlang lawkah a tla a, a man nghal mai a, a la tal nasa ngei mai. A nu zawk a buaipui chhungin a pa zawk chu a tal phurh phurh a, hnim zingah a intal bo ta daih mai. Khua lah chu a thim a ni tawh mai si a, a hmu tawh lo mai ang aw. Mahse mak tak maiin a khaw hmuh chu a fiah loh phah hauh lo mai, tun ang thim hnuaiah pawh ka hmuh dan a ngai reng tih a hrechhuak chiah, ngaw hnuaiah phei chuan vahrit riak pawh kha hmuh har tak tur a nih vei nen awlsam tak khan a hmu mai si a, tunah pawh khua a thim thet thet tawh a, a khaw hmuh a lo la ngai reng mai. a danglam chiang a lawm, Parvuli ei tur pek vang kha a ni leh ngei ang, kha thil a ei atang khan a ni telin a danglamna a lang chhuak tam tleh telh mai.

Amah leh amah pawh hi mak a inti zo tawh. Vahrit pa zawk pawh chu rei vak lo a zawn hnuin a hmu leh mai bawk a. Sazuk a dintirna kha a hlat tham deuh avangin Parvuli zirtir angin sava hram dan ang deuhin a aw chu a han chhuah a, rei vak lo ah Sazuk chu a bul a lo thleng nghal mai a. a thil tawn te hi mak viau angin lang mah se a nih dan tur reng ni mai hian a hriat thin bakah lehlam tak ah chuan a nuam lehling phian mai.
Lungdawh an thlen chuan a thal chu puanin a tuam tha a, Sazuk darah chuan nghet takin a tawn a. Sazuk chuan ram lamah chuan a letsan leh ta a.
Engtia rei nge hetia inthup reng hi a ngaih ang aw, thil zep leh thup neih reng mai hi hreawm a ti tlat, a thiam ve lo.

In a thlen chuan a nu chuan a ring a lo fan nasa leh tawh mai a. a vahrit kah phawrh pah chuan,"Vahrit riak ka thlak pah e ka ti a lawm maw le," a han ti a. a nau chuan lo la nghal vatin, a u chu a han fak vei luam a. a nu pawh a lawm thiam hle na chungin; a han hau leh pah thin a. a haw tlai lutuk vak lo asin maw le, a nu hi chuan a ti mah mah thinin a hria. " E khai aw,,, an van thau dawn ve maw le. Vahrit tui hang hawp lohna pawh a rei ta e, Taitea zarah kham hnap khawpin ei ang aw le... A tui khawp ang le," tih pahin a pa pawh chuan a lo en vel vut vut mai bawk a. a pa hi chu a sa kah reng reng hian a lawm thiam ber a ni ziah a, a tiphur thin khawp mai, mahse a la kap tlem em mai pawh a. a insil dai a, a nau chaw ei siam a ei lai chuan a pa chuan Zawlbuk kai bawk chu a lo sawi leh tawh, a hreh khawp mai. Mahse Upa Hrangdawna lo lut chuan "Zawlbuk kai insawi em ni? kan tlangval chu Zawlbuk kai a lo hun ve ta reng a ni maw, ka fapa nen kairual ula a that dawn chu, a ni zawng a hreh na ngiang mai. Kan inturlui thei lo thelh a lawm maw le," a lo ti lut nghal bawrh bawrh a. Chu zet chuan hniara chu a ti thlamuang deuh, amah chauh Zawlbuk kai thar tur a ni dawn lo tih ahan hriat meuh chuan a pa pawh a hnial duh ta lem lo a. " Kunga pa chu, i fapa chu Zawlbuk a kai ve dawn a maw, a tihzia hlauh chu. Hniara nen hian inthurual sela a tha tak ang. Heti reng zawngin an naupanchhiat hi a reh mawlh lo ang." a pa chuan a lo ti ve nghal bawk a. a nu-in a puanthuah tur te siam mawlh mawlh pah chuan a thiam ang tawkin alo fuih ve mawlh mawlh bawk a,"Min ngaihtuah suh ka nu, naupang chhia pawh ka ni tawh nem. Ka pa thu min hrilh te pawh ka vawng reng e." Tih pah chuan a puanthuah chu a ak nawlh a, chhuah nghal mai a tum a."Ngawi teh Taite, Tlangau pa hian Upa Hranga te in-ah chuan a zuk hruai ang che. Kunga nen chuan in kal rual dawn nia, tlangau pa nang han tlawmngai leh mai ta che." a pa-in a lo tih chuan Tlangau pa pawh chu a lo tho vut a, an inzui chhuak ta a. Upa Hrangdawna te in an thlen chuan Tlangkunga pawh chu a lo la awm a, rei vak lo an thut khawmuan leh hnu chuan "kan tlai lutuk ang e, zan khat na tur te a nih hi" ti in Kunga nen chuan an inzuichhuak ve ta hnak hnak a. an hming te an han inhrilh a. an huphurhzia te leh thil dang dang te an han sawi kai a, Kunga chu kawm a nawm hmel khawp mai. A rilru a tluangin mi fel leh inngaitlawm tak a ni tih kma hre nghal mai. Rei vak lo ah chuan Zawlbuk pawh an thleng ve mai bawk a, Zawlbuk kawtah chuan Val Upa leh tlangval thenkhat chuan mei lum an lo kil thap hlawm a. Chutia an khaw Lal fapa leh Upa min fapa puanthuah khai chunga an han hmuh chuan, an lo lawm thiam hle mai,"Eheu.. Kan Lal fapa leh upa min fapa an ni reng mai ka ti, lo kal ru helamah hian," tih pahin Val upa Thangbuaia chuan a lo chiau-au thuai a. Tlangval dang lo awm ve te pawh chuan hmun an lo kian sap sap a, an lo be vei luam a, an puanthuah khaina tur hmun te an kawh hmuhin, an zingah chuan an thu ve ran a. Tlangval dang te pawh lo thlen belh zelin Val-upa Buaia chuan," Khai le. Tlangval te u, zanin chu Zawlbuk kai thar kan nei tlat mai. Kan Lal fapa te hi infiampui in chak em?" A han ti lauh lauh a, Tlangvalho chu an phur ngang mai An ri hlut hlawm a. Zam chu a na duh ngei mai. Kunga lah mi inthlahrung leh mi inngaitlawm chi tih takah a tim deuh dui maiin a hria,

Hniara lah mi zinga awm tam ngai lo. Thian pawh kawm ngai lo a, ramhnuaia awm deuh chawt mai a lo ni ve bawk nen, an han phur ve viau ringawt a, an buan tlak loh dun khawp ang le. Mei pui chheh te chu an han vur belh sauh sauh a, midangho chu an thu bial laih mai bawk a,"Khai le Hniara nang upa zawk chan changah lo chhuak hmasa la. Kan tlangvalte zingah kan Lal fapa buan ngam in awm dawn em le?" A han ti lauh lauh a. Kil khat atangin Tlangval lian thelh thawlh leh sa tha deuh nel nul, a hmel en mai chuan hniara te aiin a u deuh awrh ang tih chu a lo chhuak a,"khaw nge keiman u te ho kan awl a nge, Lal fapa te chu kan bin tak tak ang e aw," tih pah chuan a nui deuh hui mai a. A hmel en chuan a nelawm khawp mai. Hetiang sa tha tawrchhah lutuk a buan peih lo ngei mai, a hneh hi ka ring mawlh lo e a." Lal fapa zawlbuk dan a ni si a, nangni pawn rilru zau tak in pu mai a ni ang chu," Val upa Hranga chuan a lo ti a. "E, ni e a. Mahse nau te dim dan in thiam deuh a ni mai ang chu." Tih pah in a puanven chu a han siam rem ve nghal sauh sauh a." Khai le, Thanchhing i inring em?" Tan ru le. Valupa Hranga'n a han tih zawh chuan an puanven tlangah an han inman chat a.

Thanchhinga pui roh chu a hmel en ang chiahin a chak na ngiang mai, thawhkhatnaah chuan sang zetah achawi kang vawk mai le. Kunga chu hniara chuan ava en a, a lo zam hmel ngei mai. "Kei talin theihtawp ka chhuah a ngai a ni, tlemin kan tlangnel hma ve mah na" tirilru chungin thawhhnihna an tan chu a tang ve nghal phat a. Khawilam atangin nge a tha a lo chhuah pawh a hre lo. Chhinga chuan a tilui a ang a ti hial zawk, tang ve tho mahse la, a rin loh leh beisei loh zetin Chhinga chu a kang vawk mai le. Tlangval ho chu an haw haw hluah hluah a, Kunga a va en chu mak tih hmel zetin a lo ka-ho mai. Amah Thanchhinga ngei mai pawh chu a hrilhhai hmel angreng khawp mai. Thawh thumna an han tan leh a, tu zawk zawk pawh chu an tang khawp mai, mahse an inphawi hlei thei tlat lo, rei fe an inchai hnu chuan val upa Hranga chuan, "Khai le, nau te u, duh tawk phawt mai teh u, in inhneh tawk em a nih kha, zan rei tak tak hmain kan zo hman lo palh ang e, Kan upa min fapa Kunga che tla kan en hman lo palh mai ang tih pawh a hlauhawm e. Kunga lo chhuak ve la, tu nge han cho ngam che an awm dawn em. I lo thlir teh ang." A han ti a. Tlangval zing atang chuan ria lam pang deuh sang deuh zar mai hi a lo chhuak a. Kunga nen chuan an han inchai tak tak mai chu, a hmuhnawm ngei mai. Kunga chu rin ang a nih hmel tlat loh a mizia en mai aiin zuam sual a awl khawp ang tih a hrethiam mai. A tha tak tak hmang lo chung pawn Ppahnih lai a tlawm thei tlat mai.

Vawithum an buannaah zawng a chak zo ta bik ngang lo. Val upa chuan duhtawk turin a han ti a. Mutna te an siam a an mu ta sang sang hlawm a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 4:25 pm

Sazuk Pasaltha
Bung 6-na
Ziaktu - Simon Da Gunner
.
.
A tuk khawvar rual deuh thaw chuan hniara chu tho vin, a bula mu a thian thar Kunga pawh chu a lo tho ve nghal a. Midang tihharh hlau deuhin pawnah an chhuak a.

Nizan lama a buanpui pa Thanchhinga chu a lo zung khawh tur tur mai a. "Kha nangni pahnih chu in va tho hma ve, in mu thei meuhna nge?" A lo ti vat a. Mu thei tuk e a, kan mut tui a ta langah thawh kan hai thelh zawk alawm maw le. Kha, nangpawh kan thawh khalh hman lo che alawm maw le" a lo ti ve thuai a.
Thanchhinga chuan nui deuh sung pahin,"Ka zun chhuakin min tiharh alawm maw le, kal r'u i haw ang u hmiang" A tih chuan an pathum chuan an inzui haw ta hlawm a. Thanchhinga chu a tawng duh bawrh bawrh khawp mai, fiamthu a duhin a phawk phian lehnghal a. In hnira'n a thlen chuan, a nau-in mei a lo nun fel ve chiah a,"i va rawn hma ve, tih tur i nei em ni?" a lo ti a. a nu pawh a lo tho ve chiah bawk a,"ram kal a tum leh tawh aniang chu. Ramnghaka ni law law la a tha ang." A lo ti nghal bawrh bawrh a, zingkar karah a nau nen chuan an han nui leh rih a. Thalfang tur a suih mual mual lai chuan, a pa lo tho chhuak chuan,"Taite, thal ringawt hi i hmang a. Silai nei lo pawh kan ni law, thal ringawt ai chuan silai te pawh hi hmang ve tawh la maw le." A lo ti a.

Ni e, silai nge nge chu a thawk chak zawk mahna, mahse thal hlauhawm zia hi an hre lo mai mai a lawm, "Silai zawng ka hmang thiam ve lo". Tih ringawtin a chhang a.

A thalfang suih lai chu duhtawkin, a indah fel zawh chuan, tuk thuan ei khama ram lama a zirlai te chhunzawm tum rilru chungin a insiam nghal mawlh mawlh a.
.
.
Tuk thuan ei kham veleh chuan sihdarh ngaw lam pan chuan a kal leh nghal nal nal a, Parvuli nen an inhmuhna ngaiah bawk khan an inhmu leh a, nitin thil dang dang a zir a, a zirlaiah rilru a pe bawk a, tumruhna nen a thiam chak ang reng khawp mai.
Thal kah leh han chelek vel pawh a hma ai mahin a nal tawh zawkin a in hria.
Chutiang reng reng chuan hun rei tak chhung chu ramhnuaiah a khawsa a. Nikhat chu Parvuli nen an inhmuhna thinah chuan, a zirlaite zir zawm turin a va kal leh a, Parvuli chu ni dang aiin a lo lang har tlatin a hria.
Rei deuh tak a nghah hnu chuan, hmahhmawh em emin a sazuk chuan a lo tlan puat puat mai . "I va rawn tlai ve"a bul a lo thlen chuan,hniara chuan a lo tinghal vat a.
A chuanna Sazuk atanga chhuk pawh rawn chhuk lo chuan,"Tunah hmanhmawh takin kan chenna ram lamah ka kal nghal a ngai a, min lo nghah ka ring si a, ka lo hrilh lawk che a nih hi, i zirlaite pawh i thiam thawkhat viau tawh a.

Hun eng emaw ti chhung chu ka kalbo a ngaih ka ring," A sawi zawng pawh chuan a hmanhmawh hle mai, "Kan chenna ram lamah" a tih kha eng nge a awmzia ni ang aw. He lai ram ngaw velah hian an chen ve mai a lo ring a, a sawi dan hmangah chuan a mah lo pawh tam tak an ram lamah chuan an awm ngei a ring,"thil dik lo a awm em ni? Ka lo zui ve ang che" a lo ti thuai a.
A hnung ram lam atang chuan Sazuk chung a chuang chungin hmeichhe pakhat a lo lang ve hlawl bawk a. A rual chuan hniara Sazuk pawh chu a lo thleng ve chiah bawk a,"tunah chuan ni rih lo e. Hlen chhuah tur tam tak i la nei a, chu lamah chuan i rilru pe zawk rawh." Parvuli chuan a lo ti leh a.
A hnunga hmeichhe lo kal pawh chu Lasi a ni ngat mai. A hmel lah chu Parvuli tluk hial a hmeltha a ni,"Ka pi, kan hmanhmawh a ngai," chu Lasi chuan a lo ti a, "Ka pi" a ti tlat mai. A nih chuan Parvuli hi Lasi ho hruaitu a ni thei mai ang em?" ka lo kal ve ang, ka hma bak hlenchhuah tur chuan min tlanbosan chuang nang." Tih pah chuan Sazuk chunga chuan chu a han tum a".

A theih loh, i lo kal ve thei rih lo. He lai hmunah hian i zirlai zir zawm zel tur leh i hriat tur tam tak i hriat theih nan i awm rih a la ngai. I thal pawh kha tun ai nasain a hman dan lo zir ang che, kan kal san phawt ang che. Hniara ka ngai dawn khawp mai che. A rang lama inhmuh leh vat kan tum dawn nia" tih pah chuan Ngaw ril zawk lam panin an Sazuk chuan an tlan nghal nal nal a, hniara chu ahrilhhai angreng hle mai. Che chang lo chuan a ding ka ho ringawt mai a. a sazuk chuan lo panin, a lo hnim deuh thut thut a. "Thiana, a va hrilhhaithlak angreng ve maw le. Eng nge kan tih tak ang aw". Sazuk tawng thei hlei lo chu a be mawlh mawlh ringawt a, mahse a tawng chu hrethiam ve ni awm takin a thal a paina lam a dar chuan a rawn nul thuak thuak a. a thal lak pah chuan,"A tha e, kan hahdam a ni mai a lawm." Sa pel tur zawng pahin khua chuan mai mai ila ni mai lawm" tih pah chuan a chungah chuan inthazo zetin a zuang kai tharh a. Sihdarh ngaw dur khupah chuan, a Sazuk chunga chuang chungin a tlan kawi ta zer zer mai le.
.
.
Tlang sang ve ang reng tak, a hmun hma thengthaw nuam tak mai, khua han chuan vel rem zetah chuan, a chhip zawl lai takah chuan an dingta vang mai a.

Ni chu vanlai zawlah a fu vun mai. Diptu leh hliahtu nei hek lo, a sa tha vawl vawl ngei mai." Ti teh thiana, he lai Khiang buk hlim hnuaiah hian i thu chawl teh ang," tih pahin Sazuk chung atang chuan ahan chhuk a, a tuium pai chu phawrhin, a han in a. a sazuk chu a tui a hal ve a ni chek ang, a hmui vel chuan, hniara chu a rawn nul ta thuak thuak mai, he Sazuk hi a danglam takzet a ni. A fin dan em em mai hi a mak zawk. Mau han sah mai tur a awm loh avang chuan tui chu a kutah tlem tlemin a leih a, a kut a mi chu a Sazuk chuan a lo dawt ve kuang kuang a, "A hal bawk a ni maw, in teuh mai teh kan ni lah khi inchhuang zetin a sa vawl vawl mai si a. Engtin nge ka han koh ang che aw, Pabuanga ni mai ta che. Pabuang". a han ti a, a aw rawl a lo chhuah ve ruah ruah bawk a.
Chutia hlim zet a eng dang mah ngaihtuah lek lova an awm lai chuan, an awmna tlang bulthut lamah chuan thawm an hre ta tlat mai le, an ngawi dun nghal kar a. Tlangchhip atang chuan thlang lam a thawm lo chhuahna lamah chuan a zuk dak dek dek a. a thil hmuh chuan a thisen zungzam a phuba lak chakna a chawk tho thar chiang ngei mai. Mahse a va mak ngai ve mawle, Sihal var lian zet mai sairal ai pawn a lian mah ang tih tur vel hi hmanhmawh leh hlauthawng hmel fahran hian a tlan dawk zawk zawk mai a. Engvanga hlauthawng hmel tak a, atlan chiam mai ni ang aw, khutiang Sihal lian lutukin eng nge a la hlauh chuan aw.....ti chungin
.
.
Hmanhmawh deuhin Pabuanga (Sazuk) chungah chuan a per kai a, chu Sihal hrawl zet mai chu tlan khalh tumin a tlanna lamhawiin tlangdungah chuan an tlan ve ta ngat ngat a. Pabuanga chu a lo chak tha na ngiang mai, fei khawh ang maiin an duk phei pur pur ni maiin a hria.
Hmun rem deuh laiah chuan an ding a, an han hawi let vang vang a, uluk takin thawm an ngaithla bawk a. Sihal lian zet chu an tlan khalh hman ngei e, an tlan pelh tak mual let liam atang chuan a rawn dawk phei ve zawk zawk mai a.
Chu Sihal tawk tur zawng chiah chuan hniara te chu an tlan let ve thung a, mahse Pabuanga chuan a hlau mai ang tih erawh a hlauthawng khawp mai. amahah erawh hlauhnain hmun a chang mawlh lo e, phuba lak duhna leh engkim hriatchhuah chakna chuan a hneh lutuk tawh.

Sihal chu a lian hle mai a, engtiang chiaha hlauhawm nge a nih ang tih a ngaihtuah lo, mahse chu Sihal chu a tudawl thei kher ang em le, chu mai ni lo in chu Sihal chuan umtu a nei tih a chiang reng mai a. A umtu te phei chu engtiang chiahin nge an hlauhawm ang tih pawh hriat phak va ni suh. Engtin nge amah chauhin a lo hmachhawn ang le.

Mahse eng pawh lo thleng dawn se he hun remchang hi a bawh pelh tur a ni lo tawp mai a ni. Hun rei tak hnuah a tawng fuh ve leh ta a ni a, khawi hmun ah nge, eng hun ah nge, engtin nge a hmuh theih ang tih pawh a hriat loh, a nu leh pa, an khua suasamtute zing a mi ni ngei tur chu a hma lawkah hian a awm a lawm, engpawh thlengin tawk dawn ila phuba a lak theihnan a hriat duh leh tul hi a hre ngei tur a ni.
.
.
Chu Sihal nen chuan an inhnaih zel tih a thawm hnaih dan atang chuan a hre thei mai. Kham sang lutuk tak mai chung zawl zau lutuk lo ah hian an chhuak hlawl mai a, Chumi rual chiah chuan Sihal var lian zet mai pawh chu a lo chhuak ve hlawl bawk a, arawn hmu thut mai chu a ding chiang ngei mai.

Ralkhat atanga en mai aiin chu Sihal chu a nalh ngei mai, a hmul chu a thianghlim hle a ni tih hriat tak maiin a var tle deuh sar mai a, a mit chu a pawl raih mai bawk a."Min tanpui hram rawh khawngaih takin," tih melh hian arawn melh a, a chhungrilah hian arawn bia ni mai in a hria.

Mahse amah tanpui tur ni lo in, a thil hriat duhte hriat chian tum leh amah dah that tum a ni zawk tih chu hre ngat se zawng inthlahrun hmel tak leh tim deuh dai chung hian a rawn hnaih hauh lo ang le. A hmui chip siin, a aw rawl a chhuah deuh nghar nghar a. A hmelah chuan lungngaihna, hlauhthawnna nasa tak a hmu a, chet thawh mai nachang pawh hre lo a a en reng lai chuan, Sihal hnung lamah chuan thawm a lo ri phei buan buan a, chu Sihal tiat thawthang mai Sanghal Paruk zet an lo lang hlawl mai le. An tuang an din ur mai a, an ngho te lah chu a seiin a zum tha hlawm mai bawk si, vawikhat lek pawh rawn tai fuh zeuh se la zawng a thler nghal duai thei ngei ang. Sanghal zinga lian ber leh lo hmasa ber phei chu hrawl tak hi a ni ringawt, chu Sihal ai pawh chuan a lian zawk mah a, a dum run mai bawk si. A mit te lah chu a sen rum mai a.
Chutia Sanghal an lo lang chiah phei chu Sihal chuan a lo hnaih nghal ruak ruak mai. Khawiah nge a thinlung a phuba lak duhnate kha an awm zawh tak pawh a hre lo, chu Sihal chu, lainatnain a khat a ni ber mai, amah thah tumtu hnenah sahimna a lo zawng chu a ni si a, sanghal ho pawh chuan an han hmu chiah chu an ding ve chawt tho mai. An awm hmunah chuan an in hrosa kuk kuk mai a, an thawm vel ringawt pawh chu hlauhawm tham a ni, Sihal lian tak tan pawh Nghalchang amah tiat thah mai paruk lai chu han tlanchhiat san loh chi zia zang a lo ni mawlh lo e.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)