KEIDAO BY AMY CCK (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 15546
Joined: April 30th, 2016, 4:07 pm

Re: KEIDAO BY AMY CCK (Completed)

Unread post by Ngaia » June 7th, 2020, 8:36 pm

CHAPTER - 25 πŸ’• by Amy Cck ( Dream Girl)









" Eng thil pawh sawi i la i tan awm zia a nei lo ang maw? " Rilru na lutuk chuan a ti chhuak halh in ka hma a Lawmsangzuala ding ngur chu ka melh tlawk tlawk. Dawt emaw phuah chawp thil engmah Lawmsangzuala khan a sawi miah lo. Ka chanchin ngei, kei mah ngeiin ka tawn leh ka nat pui ngawih ngawih sawi a ka rilru ti na tur hian thu tam pawh a chhak chhuah a ngai lo.









Tu nge pawngsual duh bik ang. Ka nun dan dik lo tak ah chuan ka in dem in mawhphurhna pawh ka la ngam ve . Midang in mawi lo tak a min tawngkhum pawn ka haw lo chu ka ti thei lo mahse ka nihna a nia, ka duh thlan sual vang a nia tuar dan ka zir ve zel. Mahse ti nge ka duh thu ni miah lo thil avang a min hmuhsit.









Mi dang zawng zawng chu dah tha in Lawmsangzuala hnen ngei a tang a hmuhsitna ka dawng hian kha leh chen chak tak a ka lo awm ve tawh na zawng zawng leh ka beiseina neih ve chhun zawng zawng an ti chhe ve. Chu pawh a tawngkam khat let vang chauh in. Chuan chiang tak in Lawmsangzuala hnen a ka lo in nghah natsat zia ka hre chiang thar bawk.









" Chance ka pe tawh che, tun a in sawi thiam kual leh vel tum hian tangkaina a nei tawh hrep lo! " Ti chhuak hmuk in thip leh rum zet a min melh in a in her nghal hmuk a room lam chu a pan nghal khut khut bawk.









" Dawt hrilh che ka duh loh vang chauh a kha tiang a awm kha ka ni a sin. " Room kawngka in khar ri dawp chu melh zui ngawt ngawt in ka ti chhuak tiau. Zingah kha chuan eng mah kha chiang tak in ka hre lo a in sawi fiah tur pawn thil thleng thut khan min thawng a. Mahse tunah chuan engmah ka ti sual lo tih chiang tak in ka hria a mahse a pawi mawh ber leh ngaithla tur a ka duh ber in kha tiang khan min ti a. Ka chau hluah hluah.









Couch sir kil lam pan chuan ka kal chhat chhat a. Ka ke pen a sak in ka taksa chu a zawi ngawih ngawih a ni ber . Lawmsangzuala thu sawi kha hriat loh der hram ka duh a mahse ka thei lo. Chu ti chung chuan naktukah tha tak a biak ka la in beisei fan. Zan in kha chu a rilru ka ti na in min rinna ka tih chhiat sak a vang in ka chungah a lawm lo a, chuan a harhfim loh avang in a thu sawi pawh kha a hre lo mai thei, hei hi ka in hnem ve na awm chhun chu an ni a. Mahse zing a kha tiang bawk a rilru put a nih chuan kei pawn tih theih dang ka nei bik tawh lo ang!





*





Thil ri deuh rawk rawk vang chuan ka zi mar talh talh a, couch ah ka ke hlang kang in ka khup chung a ka lu nghat in ka lo mu thlu reng a nih chu. Tukverh atang chuan ni zung a rawn lut ruih a, in chhung vel chu a chhun eng leh pup tawh. Choka lamah thawm ka hriat avang chuan ding chhuak in ka pan vat a, freezer bul a mipa lo ding chu choka luhna bul a ding chuan ka melh vawng vawng.









A rawn haw hun leh hmai chhan a kan in hmuh leh hun ka nghah hlelh zia hi min hriat pui ve kher lo mai thei. Mahse kan in hmu a enge kan chungah thleng hi ka hre thiam lo. Nimin hma lam zawng kha chuan engkim kha a pangai in a kal tluang em em a mahse rei lo te chhung in thil zawng zawng a buai vek.









Ka awm tih a hre lo a ni chek ang chu a thil tih ngai chu a tih chhun zawm mual mual a. Khawr a ha lo a, joker pants gray chiah ha in a taksa mipa pian dik thlurh leh pa zet chu thlir reng loh chi a ni lo. A sam dum hlap chu a hnawm tih ka hre thei. A eitur siam rim avang chuan tum loh zet in ka uak chhuak tuar chu Lawmsangzuala pawh a rawn hawi nghal vut.









Ka uak nawn leh tuar rual in ka din na atang chuan tlan sawn in bathroom kawngka nem hawng rawk rawk in in sum lek lo chuan ka uak leh vak thin. Mahse ka kaw chhung ruak lutuk vang nge luak chhuah tur erawh ka nei lem lo. Mahse ka pum let bulh bulh leh hrawk za chu a reh thei der bawk si lo.









Thaw chhuak ham ham in bathroom ka chhuah san chu bathroom pawnah Lawmsangzuala lo ding ve run avang chuan ka pen tawp chat. Nizan a a hmel buai nuai kha hmuh tur a awm tawh lo a. A awm phar hlai zet leh a six pack nalh zet chu hmuh hmaih chi A ni lo. A khel atang a a ma ti lang pa leh zual tur in a V shape chu chiang zet in a kekawr in a khuh loh chinah chuan a lang bawk.









" I tha em? " A rawn ti sup chu ka beisei loh lutuk vang nge phawk deuh hra in ka melh chho a. A mitmeng chu nidang ang bawk in a nelawm loh a, mahse nizan ang A hlauhawm leh thinrim hmel kha a pu lo a ka hahdam huai. Tiang a nih chuan thil awm dan ka sawi pui theih mai ka ring, ka pum chhung a naute chung chang thleng hian!









" Umm... Ka tha! " Nui lui sak a ka tih rual in a ngai ang bawk chuan ka pum a rawn let leh nghal bulh a, rang zet in bathroom chhungah chuan ka lut leh nghal. Tiang hian ka awm ngai tawp si lo a, Lawmsangzuala thil siam rim vang vek. Ka uak nasa lutuk taksa zawi bawk si chu bang rin chhan a ka awm a. Ka dul zawnah kut lian leh lum vung vung in a rawn dawm rual in a kut leh lam chuan ka chal a rawn dawm tel nghal hmuk bawk.









Lawmsangzuala taksa leh tha chak zet ka rin chhan takah chuan ka hahdam sawng sawng in ka hre hial. A pangti lum leh a mi khawihna ka thlak hlelh em em a. Tunah chuan ka bulah a awm ngei tih ka chiang ngam ta chiah.









" I pum a nawm loh chuan damdawi ei ang che! " Bathroom a tang a min pawm chhuak in a ti hmuk chu a nghawng a kuah bet in min hmu lo mahse ka nui sak. Tlem chuan min la ngaihtuah tih ka hre miau.









Couch ah min nghat thla dat in ka hma zawnah chuan a ding khawng nghal luah . Eng pawh nise tunah hian biak nawn leh a, vawi khat chiah..... Ni lo. A tawp nan hrilh ka la rilruk fan chu a kal sawn tur chu a banah ka vuan nghal vat.









" Thil hrilh tur che ka nei! " Couch atang chuan ka melh chho vat a. A mit meng thim khup leh dur khup chuan min melh chhuk ve nghal run. A hmel chu a rawn in thlak nghal hlawk a. Tunah chuan nizan ang bawk khan ka chungah a lawm loh na ka hmuh sak bawk. Chu ti chung chuan sawi hram ka la thlang fan.









" Kei hian.... " Ka ti hman chiah tihah Lawmsangzuala thu rawn sawi vang chuan ka ngawi chawt.









" Engmaw i sawi kha? " A thu sawi ka hre sual a nih ring in ka ti nghal sap.









" I bulah hian ka awm thei tawh ka ring lo. Mahse he in hi i chhuah san kher chu a ngai lo ang. Ka sawi tawh kha i duh chen chen I awm thei tih. Kan in lamah ka awm tawh dawn a. Tun hi kan pahnih a kan awm dun tawp berna a nih ka ring! " Lawmsangzuala tawng zawi sup leh thum bul bul chu ka hre sual a nih ring in ka melh tlawk tlawk a mahse ka hre sual lo tih a mit meng tak run leh dur khup ah khian ka hmu.









" Ka bum lo che tih ka sawi chung pawh in maw? " Ka ti chhuak halh. Ka tah rawn chhuak ut ut vang chuan in seh ruh vak in ka kut ka hum tawm nghek .









" Ka thil hriat leh hmuh zo zai vang hian ka ngaihtuahna i ti buai em a ni. Mahni a awm a in ngaihtuah ka mamawh rih! " Lawmsangzuala thawng zawi sup leh khauh ru zet vang chuan sawi mai tur pawh ka hre lo. Min ngaihdan nizan a a sawi zawng zawng kha tun thleng in, a harhfim hnu pawn a la ngai reng a ni tih ka hriat hian ka na lutuk.









" Ihh.... Papuia nen kan chung chang vang a nih chuan midang in... Tu in emaw min tal awh tir tum rem an ruat a ni. Ka hmangaih che a engti kawng mah in ka bum thei lo che! " Mittui kar atang a melh chho in ka ti bah nawk nawk.









" A nih chuan fiahna i nei em? Kha room, kha khum ah khan engmah ha lo leh nghal in ! Lalruatfel bum awl sam hmel viau in min ngai a mi? Hrep che hian! " Ti chhuak hrawk in ka thutna couch nghen chhan chu rawn nem dawt in min hnaih chilh nghal run chu phu chiam in ka thutna nghenchhan chu ka ngheng ve nghal rawk!









" Bum che ka duh lo! Chuan Papuia nen khan engmah kan ti lo. I chungah kha tiang thil kha ka ti lo ang tih ka hria. Nang pawn min ring ti raw? " Hnai zetah a mit meng dur khup a melh chuan ka ti chhuak bah nak. Hrai ruih kan ni tih mai ka duh a mahse chu chu kan chiang chiah em? Papuia nen tui ah engmah an hmuh loh thu kan fiah ve thlap a. Sawi mai tur ka hre ngang lo.









" Rin che chu ka duh mahse ka ring lo thei lo che! A pawi khawp mai! " Khaw dang hawi hauh lo in a rawn ti sup chu ka awm zawn hi vih sawk ang maiin a na! Eng thil pawh ti I la min support a kei mah chiah min en a ka thu sawi chiah ngai thla tu in min rin theih loh thu a sawi a, enge ka tih theih tawh? Lawmsangzuala ber in min rin loh chuan tumah ka tan an awm lo!









" Ti nge? Engmah hre chiang hmasa duh lo a I awm tlat a? " Rilru na lutuk chuan ka ti chhuak chiam chu a rawn thaw chhuak hawk a min awm hnaih bawk nen ka hmai a rawn lum ve hawk.















" Ka hriat leh ka hmuh ang zawng zawng hi hmu la i thu sawi ngei kha i ring bik dawm em ni? Chu lo rengah! I chak loh na a ni miau a chu mi hre chiang tu tan chuan ka ngaihdan hi a dik miau! " Ti sup in a ding mar nghal vut chu thaw chhuak hak in ka nui ro halh. Mahse ka biang rawn lum thla nghal pap ah chuan ka chan chhiat zia ka hre chiang tulh tulh.









" Chak loh na! " Couch a thu ran chuan ka ti chhuak halh. Lawmsangzuala erawh room lamah a pen sawn nghal nul nul. Sex hi ka chak lohnaah a ngai a maw? A awm lo hran lo e, ka naupan laiin pawngsual ka tawk a, chu mai ni lo in a ni nen kan in tawn hma zawng a ka nun dan ben phei chuan sawi theih ka nei lo. Min hre chiang em a ni kha tiang thu sawi tur khan mahse chu tiang hmeichhia ka ni lo tih hre chiang ber tur a ka rin in a ngaihdan chu a sawi zo vek tawh! Chuan nizan a a thu sawi leh tun a a thu sawi zawng zawng kha ka theihnghilh thei tawh kher lo ang!









Room ah va in thlak in ngawi reng in min chhuah san a, kei pawh che sawn lo in ka awm na ngaiah ka thu reng. Ka awm dan tur leh ka hun hman dan tur ka ngaihtuah ringawt pawn ka pik churh thei. Lawmsangzuala chuan min hnung chhawn tawh tih chiang tak in a ti lang a, chuan kei mai ni lo kan naute ve hi eng tin nge?









Lo hrilh pawh ni i la min rin phah kher lo ang. Tun a a tawng dan leh a khawsa zia ah kha chuan a faah pawh a pawn kher lo mai thei. Min hmuh sit leh zual nan hrilh pawh ka duh lo. Hrilh chakna chhe te mah ka nei tawh nek lo bawk.









Rei fe kei mah chauh chuan ka thu tlawk tlawk a, engmah ka ngaihtuah thei lo, ka rilru chu a tawi tup a, a bing deuh chuk a ni ber. Ding chhuak in room lam chu muang chang in ka pan chhat chhat a. Lawmsangzuala an min kal san tawh tih ringawt ka rilru ah a awm chu khum bul chhuatah thu thla hnawk in ka lo in sum ve tang tang na chu a rawn puak hawk a ni ber. Aw rawl chhuah meuh in ka tap chhuak ta hawk.









Room chhung zau leh reh zetah chuan chhuat a thu sawp niai in ka tap a mahse tumah min hnem emaw min thlamuan tu tak ngial pawh an awm tawh lo. Ka tap leh rilru nat chang a piang a ka bul a awm a min ngaihven reng thin tu ber in a tawngkam mai mai hmang in ka theihnghilh tawh lo tur ser min siam sak miau.









Ka hma zawn thawmhnaw dahna a Lawmsangzuala suitcase in hung , a peng a envelope rawn lawr chuan ka mit a la tlat, pan hnai in ka la chhuak ta nghe nghe. Mahse envelope chhung a ka thil hmuh avang chuan mak ti lutuk in ka in seh ruh nghal vak.









" Hahh.... Min lo en thla reng a maw? " Ka kut a kei leh Papuia thlalak tam zet, en vek lo mah i la a chhah dan atang hian a tam thaw khat tih ka hre thei. Eng tik lai mah khan min lo ring ngai miah lo a ni ngei ang! Min zin san atang khan khawi hmunah pawh min zui ang maiin kei leh Papuia thlalak chu a tam. Ka rilru pawh a dang ta hlawk. Min ring ang deuh in a lo awm kual mai mai thinah ka ngai hmiah bawk.









" Sual lutuk! " Ti hlak in thawmhnaw dahna chu ka pawt hawn nghal rawp a. Bag chu la chhuak in Lawmsangzuala thawm hnaw sir leh lam a ka thawmhnaw in khai ve ho chu pawt thla hlawk hlawk in bag ah chuan ka hnawh nghal hmawk hmawk bawk. Min hnaih a duh lo a, ka bulah a cheng duh lo a nih chuan engvang in nge kei mah zawk he hmunah hian ka awm reng ang.









" Bawihte ka tihpalh! I rawn pian chhuah hma hauh atang in tiang thil hi i tawn a ngai a! " Ka pum la thep zei a ka kut nghat chuan ka ti chhuak sap. Thaw hak in ka phone chu ka la chhuak a ka call theih awm chhun a ka hriat Papuia no chu hmet chhuak in ka phone nghal vat.









" Khawngaih in min lo hruai rawh! " Phone a lak rual in ka ti nghal tawng. Min lo hruai thei a ngem pawh ka ti duh lo, a lo kal lo ang tih ka hlau em a ni. Ka nu damdawiinah a awm a, ka nu tel lo chuan in ah khan ka let ngawt thei lo , kha tiang thil thlen hnuah pawh saw in saw ka pahrawn in a la ni miau a. Ka pa in ah va lut tawp tur chuan ka tlawm la ve lak lawk tawh bawk. Chubakah tun din hmun ah, ka rai leh nghal ka pa chu ka pan thei lo. Lalchhani re nufa in min hriat chhuah phei chuan thenawm te pawn an hre vat dawn tih ka chiang a , tunah rih chuan duh chiah lo mah i la Papuia chiah hi biak theih ka nei.









Thil thleng min zawt in Lawmsangzuala chu ka biak theih leh theih loh thleng in min zawt a mahse a thianpa chuan kei mahah riina chhete mah a lo nei ngai reng reng lo tih ka kut a thlalak tam zet hian a ti fiah chiang viau.









Rei lo te ah doorbell a rawn ri rawl rawl a. Sitting room ah ka thawmhnaw nen chuan chhuah in peih at in ka awm tawh. Ka in chhir leh ka hlauh avang in Lawmsangzuala nen kan sul hnu zawng zawng chu ngaihtuah chhuah loh hram tum in ka in hum ruh ngawt ngawt bawk.









" Ti nge? Engkim a fel tawh ka ring a sin. " Inchhung a rawn pen luh rual in Papuia chuan baihvai zet in a rawn ti chhuak hawlh.









" Ni lo... Ruatfel hei chu a tawp khawk mah mah a nia. I sawi a ngai thla duh lo a nih chuan kei mah Lawmsanga chu ka be ve chhin ang, engmah tih sual i nei lo a in tawp ngawt thei lo! " Ka bag khai chu melh in a ti chhuak nghal sup.









" Tum buai duh suh! Ka sawi a..... Engmah a thleng lo tiin mahse min rin loh thu a sawi a sin. Finfiahna a duh a, mahse engmah pek tur ka nei lo. Nang leh kei chiah in thu dik kan hria a mahse Lawmsangzuala chuan min ring lo ve ve! " Ka tawng chhuak tir lam chu pangai viau mahse a tawp lam chu a bah niai a, ka thin thip vin tuk leh thawk pik zet chu nasa zet a thaw chhuak halh in tih reh ka tum a mahse awm zia a awm lo.









" Heii... Heii.... I tha em? " Min rawn pan hnai a ti sup in zawhna mit meng in min melh a. A hma ang bawk in ka mittui chu a sur in a rawn sur zawih zawih a ni ber.









" Ka be ve phawt ang aw? A thianpa ka ni a min ngaithla duh em em ang! " Min ngaihtuah zet a a rawn ti sup chu lu ka thing nawk nawk. Lawmsangzuala tawngkam kha ka theihnghilh thei dawn em ka hre lo. Hmeichhe piangsual hmuh in min hmu a nih kha. Chu mai ni lo in zing a a tawng kam zawng zawng nen khan a tan ka tlin loh zia min hrilh nawn ni maiin ka hria. Khang a rilru a sawi chhuah kha Papuia hian a thlak tir lul lo ang!









" Aii.... Khawngaih in min he ta tang hian min hruai chhuak rawh! Min hmuhsitna tawngkam dang hre leh tur chuan ka chak tawk lo. Ka thian i nih kha.... Ka ngen a che! " Tap tiau chuan ka ti ta ngawt.









"Aw le.... Hahdam la, tap tawh lo la. Heng chiah hi a mi i bungrua? " Tih leh ka bag lian vak lo khai chuan a rawn ban a. Bag chu ka thlah mai loh avang chuan min ko zui sup.









" Hahh.... Heng pawh hi ka ta an ni reng reng lo. He in a ka luh khan engmah ka keng lut lo. Chuvang chuan heng pawh hi ka keng chhuak thei lo! " Nui ro halh in ka ti sap. He in a ka luh te kha chuan ka mut kawr kobah leh chapal pan thler nen chiah Lawmsangzuala khan min hruai lut. He te hi chuan a ma min lei vek an ni. Ka phone.. . Ka phone thleng in neih ka lo nei miah lo tih ka hre chhuak a, heng thil ka lo in bel ve thin vang mai a ka ta emaw ti a ken chhuah ka lo tum ve ngawt chu mawl ka in ti tak zet.









" I phone pawh maw? " Ka phone hnut chhiah ka tum chu a rawn ti sup. Ka nui lui sak ringawt . Thaw chhuak hawk in a in her chu ka zui ve ta chawt. Kawngka bul sir lam deuh a ka zawhte lak luh muhil rawn harh chu a rawn kal hnai a. Hei pawh hi in chhung a khung reng chuan chaw leh eitur pe tu an awm dawn lo. Pawn a pawm chhuak in pangpar ho bula ka hmuh naah chuan ka dah ta tawp.









" Kan inah i lo awm ve rih duh mai em? Kei mah chuan in ka nei hran ve lem lo a mahse ka nu leh pa an awm lo , ka pa hna vang in Lunglei lamah an zin a in thlahrunna na tur i nei lo ang. " Motor khal pah chuan a rawn ti sup chu ka hnial peih lo. Khawiah mah kal na tur ka nei chuang lo. Hotel emaw han awm lawk na tur in tunah tak chuan pawisa pawh ka nei hek lo. Engmah neih ka nei lo!









" Ti teh! I lungngai lutuk a nih kha. Lawmsanga chu ka bia a nga a fel thei dan ka zawng em em ang. Nang hi ka thian bak i ni lo tih ka hrilh ang. Kut tum lek a ngaih pawn ka ti mai ang! " Driver seat a thu in min rawn melh chuan a ti sup.









Engmah Papuia chuan a hre ve miau lo. A hma ang tang daih in min ring lo tih te, kei chuan eng beiseina mah ka nei tawh lo. Ka chung a khang zawng zawng thlen hnu khan Lawmsangzuala vang chauh in beiseina ka nei a mahse chu beiseina a mah ngeiin min siam sak chu a mah bawk in a chhem mit vek miau.









___________________________________________________









* LAWMSANGZUALA POV *









" Eng thil hrep nge ka sawi kha? " Room ka luh rual in ka phun nghal hluk. Lalruatfeli rilruna tih hriat zet a min melh ngawt ngawt pawh kha ka hmuh hmaih lo. Engvang a khang thu kha sawi chhuak nge ka nih hrep hian. Ka nu chuan kha tiang khan ngai mahse kei chuan ka ngai ve lo mahse min ti na em a kha tih lai kha chuan tihna let ve chiah ka rilru ah a awm miau. Mahse a na lai hmel khan a let tam tak in min ti na zual ta zawk.









Nizanah motelah Papuia nen an riak dun tih zingah ka phawk a. Inah kan in hau hrep nghe nghe. Kha tah pawh khan Lalrinpuia khan a ti lui ang in ka la ngaihtuah hram a mahse Lalruatfeli ber in a duh thlanna a ni tih a sawi khan min thawng in sawi thiam phak bak in ka na.









* FLASH BACK *









Ruatfeli chhuat a thu sawp niai leh a kut pot a nem na rawn thi ser ser leh na a tih avang a ner sak chu hre reng mah i la ngaihven duh lo in ka chhuah san a, mahse ka rilru a nuam leh chuang der si lo. Min tih nat viau lai pawn a kut pem te tak te vang in ka la ngaihtuah fan a nih chu! Motor chu her let vut in kan in lam bawk chu ka pan leh a mahse ka thil hmuh chuan thinrimna bak min thlen lo.









Papuia motor kan in atang a tlan chhuak tur chu ka hmu chiang ngang mai. Chiang tak in passenger seat a hmeichhe thu pawh ka hmu bawk. An hnungah chuan ka zui zel a min hmuh loh na tur tawk in kan karan motor an tlan ve bawk nen ka zui tih an hre kher lo ang.











Thinrim leh tawt tun in damdawiin pawnah chuan an lo chhuah hun chang in ka ding a. Ka thian tha ber leh engkim dang zawng zawng ai pawh a ka dah pawimawh in min bum chu tlawm thlak ka ti in ka thinrim tak zet. Mahse keimah hian Ruatfeli ka hmangaihna leh ka thlak hlelh na a bo thei chuang hrep lo.









Rei fe ka nghah hnu chuan an rawn chhuak tak ngei a, ral khat atang in an che tla chu chiang zet in ka hmu thei. Ruatfeli hlim nui var var in Papuia a kuah lai te chuan motor stearing nghet zet a hum in thawk harsa khawp in ka taksa a tang bawk. Motor atang a chhuak a kan mi tenawm pa saw va khawih hrep mai ka duh a mahse a tlawm thlak em avang in ka in sum lui hram.









Ka rinna an ti chhe vek chung pawn an la nui thei chu ka thinrim hluah hluah. Ka nu Ni rei lo te cham a a haw lai a zingah Papuia kan in a riak a va hmuh tum a a thu sawi te chu ka ngaihtuah let kuar kuar a. Kha tih lai khan ka nu kha ka ring duh lo a nih kha . A chhan chu kha mi zing khan Papuian min rawn bia in thil thlen dan a rawn sawi miau a. Ka nu ni lo in ka thianpa kha ka ring ta zawk a.









A thu sawi kha ka hriat duh lam a nih zawk vang a ni mah na. Ka nu kha chuan kan in a a va kal thu leh rin loh zet a Ruatfeli hmu in a hmuh tirh kha chuan a lawm lo ngei mahse a din hmun a hriat sak vang in a en liam a mahse room a tang a Papuia tho phang zet a rawn chhuak a hmuh chiah khan a thinrim a Ruatfeli lah in a lo zah bik lo nge Papuia a hau chu a lo tan ve bawk nen an tawng an in man fuh ta lo ni in ka nu khan a sawi a.









Papuia erawh in engmah zawh emaw sawi hmasak awm lo in ka nu leh Manoin Ruatfeli in atang in hnawh chhuah an tum thu a rawn sawi ve bawk a. Kei chuan Ruatfeli ka tan vang in ka nu thu chu ka ngai thla duh ta lo zawk nghe nghe. Mahse kei mah ngeiin ka hmu dun leh si chu tu nge rin a tu hi nge thiam lo tih ka chiang ngam ta tlat lo. Tunah tak phei chuan Ruatfeli leh Papuia ka rin hlelhna a nasa tulh tulh bawk.









Damdawiin atang a an chhuak chu in lam an la pan lo cheu mahse ka zui duh tawh ta lo thung. Engvang in nge an tel lo a awm thei lo ang maiin ka zui ruk teh hrep ang. Ka tel lo a an awm thei a nih chuan an tel lo pawn ka awm thei em em ang. Kha leh chen ka awm tawh miau a.









Inah let lawk lo chuan kan in pui lamah ka let a. Pawn a Manoi lo ding vang chu be lem lo in in ah ka luh san hmuk. Ka ngaihtuahna tih hahdam nan a ka in tur lei haw chu no a thli chhuak in ka tlak nghal pawp a ka hma chiah a Manoi chu a rawn thu ve ran bawk.









" Ti nge nang mah ngaihsak miah lo ti hmeichhia vang chuan i in tih hreawm viau! " Thaw hak a a rawn ti sap chu ner nawk in ka in tur bawk chu ka tlak leh pawp.









" Ls hetiang hian i awm ngai loh kha. Hmeichhe pakhat khaw lo zet avang in in ti chhe vek tur in ni lo! " A rawn ti nawn leh sap chu thaw ri hrawk in ka glass no ken chu bangah ka vawm keh nghal thuai.









" Ka hrilh tawh che Ruatfeli hi hmeichhe khaw lo zet a ni lo tih! " Ti chhuak chhur chhur in Manoi chu ka melh hrawk.









" Kha tiang thil zawng zawng thlen hnu pawn I la tan a maw? Ka hrethiam lo che, ti nge a ni kher.... " Rilru na zet a ti chhuak tiau in a sam chu a hui chho pap.









Kei ngei pawh ka in hrethiam tawh nek lo. Hmeichhe tenawm tak a ni tih ka hmu ngei a mahse midang in a chung chang an sawi chu ka phal chuang hauh si lo. Dawhkan a in tur chu a bottle chawp chuan la in ka in a, rei lo te ah ka hai nghal chuai.









" A... A thip! " Ti that vang chuan ka hawi nghal vut a Manoi chu ka glass no chhar a Tum na lamah a in ti pem palh tih ka hmu nghal zat. Chhuatah a thi a far fap fap tak ah chuan phun hluk in a bulah chuan ka thu hniam run a, a kut pem lai chu ban vut in chairah chuan ka thut tir nghal zat.









" Haw ang che! " A kut buaipui sak mawlh mawlh chuan ka ti sup chu a ner sak.









" Ka duh lo. Nutei bulah ka ngaihven tir thu ka lo tiam tawh! " A rawn ti sap chu ka thaw chhuak hawk.









" Ka bulah hian in bun ruak la, i harsatna leh hreawm tih te min hrilh la ka thiam dan tawk in tih dam sak che ka duh. I tan hian tih theih loh ka nei lo ! " A raan ti sap chu a mit meng fim kak ah chuan ka melh run. Beisei zet in min en let kiau bawk.









" Tunah hian tu vang a hetiang a awm nge ka nih i hria em? " Ti sup in ka melh run chu a mit a ti che kual ralh.









" Kha nu phiangsen.... Ka tih awm zia chu Ruatfeli vang in... " A rawn ti nghal zat.









" A dik Ruatfeli vang in. Kha hmeichhia ka thinlung zawng zawng nei tu, ka engkim a ni a sin. A mah vang in ka na in ka chhe mek a nang hian engmah tih theih i nei lo! Haw tawh rawh, a tlai tawh! " Ti sup in ka ding nghal vut.









Riah chhuah tum viau mah i la ka rui ta deuh bawk nen kan in, ni lo ka in a riah kha ngai ah ka lo nei hman tawh a ni chek ang chu ka hriat meuh chuan in kawtah ka lo awm reng tawh. Kawngka hawng in ka pen lut chu in chhung chu a eng dul ruih a, ka lam pan a Ruatfeli rawn kal chi fiah lo ruai in ka hmu bawk.









Hmai chhan ngei ah ka hmuh tak ah chuan vawin thil thleng ka ngaihtuah let nghal zawt zawt a. Ka nat ang a na hi tuar ve se tih duh na in min luah hneh em avang in ka sut leh theih tawh miah loh tur thu ka sawi khum a, mahse a tuar Tu chu kei mah bawk! Hrep hian!









* END OF FLASH BACK *








Lu rit bur in khum chungah ka thu chhuak hlawl a. Nizan khan room a ka lut kha ka chat thla nghal a ni chek ang chu. Ni khua loh thlak lutuk. Shower nei zo in room ka chhuah san chu couch a thu kawm ngal a, a kum a a chal nghat a lo mu thlu chu en run in ka thaw chhuak hawk.









Choka lamah lut tlang in ei tur ka siam mawlh mawlh a. Tu tan mah eitur ka siam hi ka ring ngai lo mahse ka inah Ruatfeli a rawn luh chinah erawh a tan tuk thuan siam sak hi nuam ka ti ta viau. Thil ho lam zet pawh siam i la a tan chuan a ropui hmel in a lawm thiam bik ngawih ngawih zel a. Ka nileng mood ati that phah thin bawk.









Hmeichhe uak ri tuar vang chuan ka hawi sawn vat a. Ka hawi rual a rawn uak leh tuar in a tlan sawn nghal chu hman hmawh zet in ka zui a mahse bathroom ka luh dawn tepah thil hre chhuak thut in ka ding ta zawk. A chungah ka thin a rim mek tih ka lo theih nghilh hman chu ka in haw hlur bawk.









Mahse bathroom a tlan luh nawn leh meuh chuan ka en liam thei tawh lo. A chal a vawn sak in ka kuah bet a, chutiang chuan rei fe kan awm bawk. Chuan tun hi Ruatfeli ka hnaih tawp ber na a ni bawk ang! Ka hmangaih in ka duh ngawih ngawih, ni lo.. Ka at chilh mah mah zawk. Mahse rei lo te pawh ka lak a rin awm thei lo hi kei chuan hnaih reng ka tum lo.







πŸ’•πŸ’•a tawi in tih vaih chuan in mumangah ka hran khum ang cheu🀣🀣 kut nuam lo chung chung in ka rawn dah a in cmt loh vaih chuanπŸ–πŸ’¨ πŸ‘ˆ ni mai😌😌



Chuan, zep lo chuan he story hi tih tawp ka chak tawh et etπŸ˜†πŸ˜† a tur hian min tur et et tawh zawk. Ka story dang ho ang lo tak in problem ka nei reng te hi ka in thlahrung zo zai ve tawh a. Min hrethiam viau zel mah u la rawn sawi reng hi nawm loh chin a awm ve reuh aπŸ˜’πŸ˜’



Complete vat a rilru thawveng zet a han chawlh vangvang hi tunlai chu story ka type dawn a piang in ka dream hmasa ziah🀣🀣 rawn dah regu vak loh lah hi nang nin min hauh ka hlau ve leh reuh bawk siaπŸ˜†πŸ˜† in va lal takπŸ€ͺπŸ€ͺ




Eng pawh ni se ka ti tawp thut emaw ka phur thut chuan ka la pawt sei beuh beuh mai thei bawk. He mi story ka ziah zawnah erawh rei ve deuh tak chawlh ka tum tawh aniaπŸ™ŠπŸ™Š chuvang chuan LIKE, COMMENT leh CLICK kha awπŸ’•πŸ’•πŸ’ƒπŸ’ƒ in cmt vang hian ka la kal hram hram a, in cmt atang hian idea ka lo neih belh thin bawk❀❀ in pawi mawh zia chu in hriat mai ka ring ka duat over te u😍😍😍



Link:
BBcode:
HTML:
Hide post links
Show post links

Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 7th, 2020, 8:37 pm

CHAPTER - 26 πŸ’• by Amy Cck ( Dream Girl)









" Vawin chu ka rual in i chhuak dawn em? " Room kawngka rawn kik khauh khauh in pawn lam atang kawngka chu a rawn in nem hawng nghal zat a rawn ti sup tu chu muang fan raih in ka melh a Papuia pawn min hmuh rual in a thaw chhuak hawk.









" Doctor khan kar khat hnuah kal leh tur in a tih che kha. Thil i ei tha bawk si lo, I taksa I en kawl that a ngai tih ka hrilh che kha! " Lawm vak lo a ti sup in ka lam a rawn pan hnai nghal zat chu ka thutna atang chuan ka en mawl tawp.









Kar khat zet Papuia te in ah ka awm tawh. An in a room ruak ah min awm tir ve mai a. Lawmsangzuala in ka chhuah san atang khan ka la awm ngar ngar. Vawi khat ka nu ka tlawh a. Puia hnen atang in ka pa a hna thil a a zin thu ka hria a, ka pa rawn let ve leh kei pawh ka pa inah eng kim huam in ka lut ang!









Lawmsangzuala erawh a reh hmak a. Min rin loh vang in ka thinrim a ka hua a mahse ka ngai em em lawi bawk si. A taksa ngheng a thlamuang tak a mut a, a ban lian zet a min kuah leh hlun tur in ka duh a. A aw pa zet a min duatna leh hmangaihna ri chhuak thin te kha ka ngai! Dik tak chuan a engkim ka ngai vek mahse tunah chuan kan hrang hlawk chu a ni ta mai sia.










" Ka sawi chu i hria em? "









" Haa... Engmaw i sawi? " Papuian ka dar a rawn vawn rual a phawk zet a hawi chho in ka ti ha.









" In siam rawh! Nang mah i in ngaihtuah duh lo a nih pawn I pum a mi vang tal pawh khan. " A rawn ti sup chu ka ner nang. Ni e... He ka pum a nunna rawn in siam ve zel vang pawh hian Lawmsangzuala theihnghilh chu ka theih ka ring lo.









" Awle... " Ka ti ve ta sap. Papuia rual in damdawiin chuan ka kal ve ta nge nge a. Ka nu ka tlawh pah nghal a. Tunlai phei chu ka nu a tha vak lo, ni lo... A tha lo sa a tun hnai te hi that lam ai chuan zual lam a pan a. A thawk a buai zeuh zeuh bawk nen rilru hah a zual ngawih ngawih. Ka la haw reng mahse ka nu a ni a, kei lo chu en kawl tu a nei miau si lo.









Ka hmeichhe lam doctor pan chu chawhnu lamah chiah a thut dawn avang in ka nu hmu tur in ka kal hmasa ta phawt a. Ka tan chuan khawi hmun mai pawh hi a nuam tak tak tawh lo. Khaw lai emaw damdawiin, hmun dang hein hrim ah pawh min melh hrek hrek a, ka chung chang sawi zui tu an awm zel a. Tleirawl atang a kum upa ho pawh an bang chuang lo.









" Hei.. I phone leh i thawmhnaw thenkhat chu. I hak duh chi ka hre si lo a I thawmhnaw bawm a mi ka duh duh ka rawn ken che. " Puia ka nu cabin a rawn lut in a thil khai nen chuan min rawn nui nghal ver ver.









" Ka lawm e. Awm lo la chuan engtin nge ka awm ang? " Ka ti let ve sap. A pa kei mah vang in kum eng emaw zat a tang dawn a kan in kar chhe viau awm tak hi ka nuta tak tak ang maiin ka aiah ka nu a buaipui a. Ka chungah a in thiam lo in eng tik lai pawh hian min fuih ve reng a. Leh lam takah chuan ka thlamuan pui viau.









" Engmah a nih loh hi. Eng harsatna nge i tawh chu ka hre lo a mahse ka puih i mamawh chuan ka awm reng a nia! " Ka bul a rawn thu thla in a rawn ti sup chu ka nui sak.









" I hria em, ka hriat chian hma che kha chuan ka lo ral khat huat ve tawp thin che. Kan in hmuh chang te khan ka ngei ve em em zel che a ka pawi i sawi ngai miah si lo. " Ro deuh halh a nui chuan ka ti sap chu a rawn nui ve tho.









" Ka pa vang a nih ngei ka ring! I lakah hian ka in thiam thei tawh kher lo ang. Kei pawh hi min haw ve mah la ka dem miah lo che! " A rawn ti sup chu lu ka thing nar nar.










" Zep lo chuan i pa kha chu ka tan chuan ramhuai ang mai a ni a. Mahse nang chu i dang lam, ka ngaina che a, i pa fapa ni lo ang mai hian i fel em em bawk a! " Ka ti vat chu a hahdam ve hmel viau. Pafa pawh hi a lo in an loh theih em a sin. Chutiang bawk in kei pawh hian ka nu leh pa ka ang bik hlawl lo.









Ka doctor hmuh a hun dawn avang in ka chhuah san a. Hming ka ziah hma avang in doctor chu la thu chiah lo mahse kal hlat chi a ni tawh lem lo. Ka in entirna bul cafe ah chuan nghah pah in ka chawl a mahse cafe a rawn lut ve ka hmuh rual in ka in hum ruh nghal teuh. Miss Manoi pawh chuan ka lam a rawn pan nghal chat danah min hmu ve tih a chiang reng bawk.









" Woww..... He tiang ang hmun ual au ah mahni chauh a I kal ngam chu i fak awm ka ti dawn nge i mawl ka ti dawn zawk . " Ka hma zawn thutna bul a rawn thu thla a a rawn ti chu rum zet in ka melh nghek.









" Kal bo teh ka hmu peih lo che a nia! " Ti fak a melh let ram in ka hmel atang ringawt pawn ka huat zia a hriat ka ring.









" Kan in ang a nih chu. Eng pawh ni se Lsa nen in in kar pawh a tawp a nih hmel a ka khawngaih che, naupang tih takah dream i lo nei nasa hman viau pawn ka ring . A hma khan ka sawi tawh kha nang ang hmeichhia hian i phu lo tih! " Miss Manoi chuan a rawn ti nawn leh kher chu ka thaw hak.









" In ngaizawng te inkar ah chuan tiang boruak hi chu a awm ve thin a lawm. Kei aiin i upa daih zawk a I hriat thiam zawk ka lo ring a. Chu bakah tu te emaw thangkamah ka awk palh mai chauh a. Chuan chu thil ti tu pawh chu chiang tak in ka hria! " Melh ngar in ka ti let fak chu ngeiawm zet in a nui hak.









" Min puh deuh a hriatna ka nei tlat! " A rawn ti leh kher chu eng sawi set set lo a kei aia upa pawh ni se keh thluk tawp mai ka chak ut ut.









" Ka puh lo che a nang mah i ni tih ka hre chiang. Kha hmunah khan ka hmu miau che! " Ka ti kha fak.









" Ohhh.. . . Kei pawn ka hmu che a lawm. Papuia nen, chuan Lsa hrilh tu kha tu nge ni a I rin? " Ngaihsam zet a rawn tiin a then sak.









" Ti teh, kei chu ka thian te nen kan kal ho a, tihpalh thil in ka hmu che a. Zan em in riah kha chu ka ring lo. Mahse Lsa hmuak tur a ka rawn kal khan i la haw miau si lo a ka hrilh ta mai a nih kha. Eng dang mah sawi leh pawh ngai lo in a rawn kal a, I thil tih thin hre tu tan chuan ngaihtuah na thui tak a neih theih miau.









I in hmeh tawk chiah mipa chi hrang hrang kawp kual a mutpui thin kha i ni miau a! " A tawng dan vang chuan ka in hum ruh ngawt ngawt.









" Thil i hriat ngei ngei tur ka nei bawk. Lsa nen in tawp tawh tih chu hre tho mah i la i lo in dah san lutukna te an bo phah tak in. " Tih leh a phone hme a rual a, rei lo te a a thil zawn ber a hmu ni ngei tur a ni nui sak in ka hma zawnah a rawn lek nghal va va chu min ti hrilh hai let ling zawk. Mahse phone a aw ka hriat rual erawh in thawk harsa ti khawp in ka taksa a tang mar.









" I duh ang chuan kan let ve leh in a chhuah san ang. Keiin pawi tihna chhe te mah ka nei hrep lo. A tir atang in rei tak awm tur in ka hruai lut lo bawk. Buaina a tawk a hun harsa tak a tawh lai a tanpui dan ka hriat tha ber a ni miau! " A hmel hmu kher lo mah i la tu aw nge ni a, Tu nge sawi tu tih ka chiang lutuk chu ka thaw chhuak em pawh ka hre tawh lo.









" Tu sawi nge i hriat ve chu ka ring a. Lsa in a I chen ve chhan hi i ngai kawi deuh a nih chu ka ring. I din hmun in a zir loh em vang a kha hmun a chen tir che kha a ni. A mah sawi dan ngei a nih chu. Nang lah in tenawm tak in a thian tha ber i lo mutpui kual vel a. Zahna chhe te I nei ve a nih chuan pawn chhuak lo in , in inchhung lumah in khung la i tan a tha ber ang! " Miss Manoi thawng zawng zawng chu ka ngai thla chiah em ka hre lo.









A ni tawng mai mai chu ka ngai pawimawh chhe te lo. Mahse Lawmsangzuala thu sawi bawk khan a ni min ti na em em tu chu. Chuan " Kan let hun ah! " Tih chiang tak in a sawi a, a rawn haw hma daih khan kei hi min lo chhuah tir a tum daih tawh. Khang thlalak zawng zawng nen khan chhuan lam tha tak a nei ta a. Papuia nen min hmuh dun hma daih atang in kha tiang rilru kha a lo pu sa reng zawk a nih chu.









" He ta tel lo min hrilh i la hre duh em? Pawngsual tawk tawh hmeichhia i ni tih a lo hre har lutuk a in chhir thu min hrilh! Chu erawh ka zep sak ang che, tun a I mualpho na pawh hi a tawk tawh viau. " Zawi si min elh sen zet a tiin a ding nghal zat chu ka melh ngai ka melh tlawk tlawk.









" Chutiang thil Lawmsangzualan a sawi lo ang! " Dawhkan chung a ka kut hum ruh ngat ngat in ka ti chhuak sap. Mahse hman zan a min tawng khum pawh khan piangsual ang maiin min chhuah a nih kha. Ka thin rawn thip vawng vawng chu harsa zet in ka dawm a. Miss Manoi erawh a kal sawn daih tawh. Ka biangah ka mittui a rawn luang thla pap a. Lawmsangzualan a sawi ring lo viau mah i la voice record a aw kha Lawmsangzuala aw a ni tih ka chiang a.









Ka hmangaih leh ka thlak hlelh ber aw chu ka hai thei lo hrim hrim. Ka mumang thleng a ka mangphan thin a ni miau a. Ka thut na atang chuan khur ru der der in ka ding chhuak a. Ka taksa chak lo sa nen ka kaiza tha thleng in a khur hial.









Rilru chaw mawlh vek chung chuan ka in entir na tur lam chu ka pan a. Doctor in min check mawlh mawlh lai te chuan ka a chhuih a ni ber. Kei ang hmeichhia min hnaih avang in a in chhir tih chu ka rilru ah a ri nawn tluk tluk a. Ka pum chhung a naute thleng hian ka haw ngawih ngawih ta ber in ka in hria.









" Nau tih tlak dawn hian eng thil nge tih ngai? " Doctor ka hma a thu melh chuan ka ti chhuak halh. Doctor pawh chuan mak min tih hmel lutuk in min melh haw nghe nghe chu at hmel zet in ka nui hak. Doctor pawh chuan ka lan dan a tha vak lo a ti nge rei zet min counseling chiam a mahse ngaihtuah pangai ka pu thei lo. A tawpah phei chuan Papuia min phone sak ta tawp.









Kan in entir hmasak khan Papuian min kal pui mai bakah doctor nen hian an in hre deuh bawk a. Papuia rawn thlen thleng chuan doctor bulah ka lo awm a. Lawmsangzualan engtin nge kha tiang thil kha midang a hrilh theih zawk. Tih ringawt ka ngaihtuahna lamah ka a zo hial dawn in ka hria.












Ngawi reng in motor chhungah kan thu a. Papuia min rawn en leh zauh thin tih pawh ka hria. Doctor khan ka thu sawi kha a hrilh ve miau a. Mak min tih loh vek pawn rapthlak chu min ti ve ngawt ang. Kei ngei pawn kha tiang kha ka sawi chhuah ka ring ngai lo. Ka pum chhung a naute pawh hian min haw viau in ka ring.









" Room ah lo han in thlak la drip hi ka rawn khai sak ang che. " In kan thlen rual in Papuia chuan a ti nghal sup a. Ka ban a vawnna thlah a a kal sawn rual in chhuat a thu hnawk in ka tap chhuak nghal hawk. Papuia pawh ka zah zo tawh lo chu ka kaw chhung a awm zawng zawng chhuah tir tum ang mai a nasa in ka tap a Papuia kal sawn tur pawh a sing nghal chawt.









" Nga ti nge ka huat theih miah loh? Ngati nge tawngkam chhe tak tak a min tawng khum hnu pawh hian ka huat theih loh? " Ka mittui luang zawih zawih chuan ka ti chhuak halh. Hmai chhan ngei a min tawng khum dan te Miss Manoi bul a a thu sawi zawng zawng te ngaihtuah chuan ka hmangaihna leh duhna hi huatna a in let daih tawh tur a ni a mahse ka haw thei lo a. Ka hnaih thei tawh si lo hian min ti a zo tak ngial dawn!









" Lo kal teh! " Papuia chuan ti sup in min rawn kuah din rual in couch lam pan chuan min kal pui nghal zat chu a tih ang ang chuan ka awm mawl ve tawp.









" Ka thianpa hi ka hre chiang a , i natna tur a ti duh dawn lo. Nang ang a ngaihtuah hi a la nei ngai lo tih ka hre bawk. Chuvang chuan tun chiah hi ngaihtuah tha leh la. Engkim zawng zawng dah tha in biak tum leh chhin rawh. Chuan naute chung chang pawh hi hrilh tur in ka duh che! Mipa pui tling tak a ni a hriat fuh loh a nei palh a, duh aiin he thil vang hrep hian in tuar nasa tawh mah mah bawk! " Ka kut vuan in Papuia chuan a rawn ti sup chu chhan ngaihna ka hre lo.









" Fin fiahna! Chu Chu a duh a sin. Min rin nan chu chu a ngai a. Mahse kei chuan ka sawi bak hi engmah fiahna ka nei lo. I hriat reng kha nang pawh a thian atang in a thlauh thla tawh che a. A mah ngeiin ka chung chang a ngaih dan a sawi i hre ve lo a. Mahse a mah chu ka ngai em em bawk si hi kei ngei pawh hian a ka in ti! " rilru na lutuk in ka ti chhuak vak.









" Awle... Mahse ka thian te ve ve in ni a, he buainaah hian ka tel ve bawk a. I thian a mi ngai a nih chuan kei mah vang tal pawh in vawi khat chiah! A nih loh pawn I pum a naute vang tal pawh hian vawi khat chiah biak tum leh la. " Ti sup in a mit meng atang chuan a ngen in min ngen a ni ber.









" Min ngaithla duh leh chuang lo ang! " Ka ti sap chu rum nghut in a kut lum nuam zet chuan ka biang a mittui chu min hruk sak nghal zat.









" Tum chhin chu a pawi hlei nem? Ti raw? " A rawn tih leh sup takah chuan thaw chhuak hak in lu ka bu ta nghat chu Papuia pawh a rawn nui suk. Ni e... Ka beidawn nan hrim hrim pawh vawi khat chiah chu chakna ka la nei em em ang!









" Chuan thil ei tha rawh ka ti che a ka thu i awi lo vel a drip khai hial i ngai a nia. Tunah chuan duh lo mah la kan pahnih ei tur ka siam ang a I ei zo vek bawk tur a ni. " Ding thawk in a rawn ti hluai chu ner nang in ka mittui ka hru nghal vat.









Thil ka ei thei lo, ka ei pawn ka luak a chhuak leh vat zel a ka ti lui thei lo . Chu bakah nikhaw hre lo a tluk zeuh ka ching hi ka taksa chak tawk loh vangah ka puh thla ngawt bawk. Hmeichhe cher lam ka ni lo ka tih tawh kha mahse tun hnai te atang hian ka rihna ka hlauh nasa in ka taksa pawh a cher sawt viau.









Puia thawmhnaw min rawn ken ka hak tawk chiah thin te kha ka thawl zo tawh. Ka biang pawh tlem in a ki ve deuh. Ka cher ka hmaiah a lan tawh chuan ka taksa tlak nasa dan tur chu ka ring thiam lo zawk. Papuia ei tur siam chu hnung lam atang in ka thlir reng a ka hma zawn dawnkanah a rawn chhawp phei rual in min nuih nghal suk. Tiang chiah hian Lawmsangzuala pawh in min siam sak thin.









A nin kei aiin ei siam a thiam zawk miau avang in a siam a keiin kan eina hnu ti faiin thleng te ka sil a. Ka thlengsil laiin hnung lam atang a ka kawngah min kuah in min ti buai ziah bawk. Mahse khang kha ka ngai tak zet, ka thinrim pauh leh min run luih thiam thin miau a.




*



*



" Papui! Heii... Mut duhpa tho teh! " Zing dar 5 chiah la ni mahse thawh phan nei lo in ka harfim lutuk tlat. Damdawiin lam atang a call ka dawn avang in rang lutuk in Papuia a room ah tlan lut in ka sawi nawk nawk chu a rawn rum tuah tuah a, a muhil leh nghal hmak a nih chu!









" A mak e tho rawh emergency ka tih chu! " Tih leh a puan siam ka pawt hlim thuai chu ka in chhir nghal. Boxer nen chiah mu in a boxer hma lah chu a puar deih luah bawk nen rang lutuk in ka hawi sawn nghal chu a rawh thu chhuak ve tuah tuah.









" Enge? I muhil thei leh tawh na nge? " A sam thur zet hiat nauh nauh chuan tho phang aw lutuk hian a rawn ti sup a. Phak deuh chuap a min rawn en chu lai deuh tak hian ka lo nuih tawi tak.









" Hrep che hian! I va hur ve! " Tih leh a lukham ban in a kap zawnah a nghat nghal hmuk chu tum loh lutuk in ka nui chhuak hak. Upa tawh viau si a lai ve khang lang nge a beng chu a rawn sen nghal tawn tawn leh nghal.









" Enge zingkarah leh nghal . Ka khua a har i tih leh chuan i chak lo ang! " A rawn ti hmuk chu a tukhum che dawt in ka beng nghal lawl. Mahse tunlai chu zing lam hi kei leh kei lo ang in ka harh hma thei lutuk a kei mah vang hian Papuia pawh a thawh hma phah fo miau.









" Tho la damdawiin ah kal vat ang. Emergency ka tih chu! " Ka ti nawn leh vak chu a rawn hawi ve haw.









" Ka nu din hmun a tha vak lo a! " Ka tih leh takah chuan lukham a in khuh tut in bathroom lam a pan nghal nul nul chu nui zui hak in a khum ka tih fel sak nghal.









Rei lo te ah a rawn in peih ve mai a. Motor khalh chung chuan hla play hian a zai rut rut chu ka nuih leh hak thin. A zai lai rut rut bawk si chu ka nuih lo thei lo a ni tawp.









" Min nuih reng lo khan zai ve la i zai lai ve tho ang! " A rawn ti hmuk chu lei chhuah vak in hma lam ka hawi daih a. A ngai ang bawk chuan a zai leh nghal zat chu nuih ka in sum ta ngar ngar.









" Lawmsangzuala min ti ngai hle mai! " Ka ti chhuak hap chu a music play off pah in min rawn melh nghal zat. Kan in hriat tirh a a in a ka riah hmasak ber a min thlah haw kha ka mitthla nghal zat. Tun ang zing karah hian a motor chhungah thawveng zet in ka zai a, a chang a min lo zawm in a changin min nuih leh suk thin te kha ka mitthla let kuar kuar a. Kan in kawt atang in ka room tukverh a ka lawn chho lai min thlir vung vung thleng khan ka ngaihtuah let thei vek a nih chu.









" Takah nimin khan a rawn haw a nih chu! I hmu ang tih min tiam tawh kha! " Papuian a rawn ti sup chu ka nui reh nghal tial tial.









" Kha tiang khan hreh hmel pu suh. College in tan leh hun ah i hmuh a la ngai dawn tho tho " A rawn ti leh sup chu ka thaw hak. A hma khan hmuh ka tum a mahse a pa te awmna lamah a let leh hman avang in tun thleng hian engmah kan la saai dun lo. Ka hmuh hnu hnun ber chu kan pahnih a kan chen dunna in ah zing a na zet a min tawng khum a a chhuah daih kha a ni mai.









Damdawiin kan thleng a ka nu erawh ICU ah an lo dah lut hman tawh. Tunlai chu kan lut chhuak reng a ni ber. Zan 3 chu ka riah pui ve a mahse tunlai ka dawl dang leh taksa chhe lutuk vang in Puia tak ngial pawn min khawngaih a min riah chhawk ta zia. A ruk chuan zan tin riah pui chu ka zuam bik chiah lo, kei ngei pawh tluk thut thut ka ching a, damlo en kawl leh chhawng tur chuan ka in ring tawk bik lo. College chawlh lai a ni hlauh a tlem in Puia chungah pawh ka in thlahrung nep deuh.









Dar 8 velah kan let a, doctor in awm teuh a phal loh avang in. Chu bakah ka nu hmel pawh kan hmu thei chuang lo. In lam a in thlak a chhun a kal leh tur in kan in thlah ta ringawt. Haw tlang mai lo in Lawmsangzuala te in lamah kal ka rawt ta ng nge. Vawi khat mah an inpui ah ka la kal loh avang in ka in thlahrung ru viau leh nghal.









Papuia pawn a min lo nghak tur in ka hrilh a. Kawngka lian zet hma ah chuan ding in doorbell chu ka hmet nghal vat a. A tir atang in engkim sawi fiah nawn leh vek in huam in ka pan a ni ber. Ka rilru leh lam chuan min tih dan zawng zawng ngaihtuah khan tlawm thlak ka ti a mahse leh lam erawh chuan Lawmsangzuala bul a ka awm theih nan chuan hniam tak a in phah hniam pawh a pawi ti lo thung, chu ka rilru zawk chu ka kal pui mek bawk.








Kawngka rawn in hawng har lutuk chu beidawng in ka let leh hman tep thaw hak a ka in her rual in a rawn in hawng tak hlauh chu rang lutuk in ka vir let zawk. Ka huat em em leh ngaih bawk si hmaah ka ding ta ran chu tthil sual ti ang mai in ka ding zum za a, ka mit pawh ka khap eih lo.








" I awm a? " Mawl hmel lutuk chu ka ti heu chu mit ti zim sun in min melh run a nih chu. A mutui lai ka ti harh a nih ka ring. A sam chu tho hlim tih hriat lutuk in a hnawk a, kawr pawh a ha lem lo kekawr bul dum chiah ha in a awm sek phiar fat te chuan a hma ang bawk in mit an la leh tawh. Tlem in a cher ve deuh tih ka hre bawk.







" Lo lut dawn em? " A rawn ti sup chu lu bu nghat in a hnung lamah chuan ka zui ve dat dat a. He in chu chhungkaw in pui tih takah dang lam na riau a nei ka ti ve tlat. In chhungah chuan min kal pui zui zel a ka zui mawl ve tawp chu dining room lian zetah min luh pui chu ka ham haih hial.








" Thil sawi duh ka nei a! " A hnung lam hla deuh tak a ding chuan ka ti sap. Engvang a in hre ngai lo leh in nel lo tak ang a awm nge kan nih pawh ka hre lo. Tunah tak chuan zirtirtu hma a ding ang maiin ka zam.








" Sawi dun tur chu kan nei chiang khawp! " Ti sup in glass no ah tui chu a thli ri khurh khurh a, ka lam rawn hawiin a hnung lam chu thatchhe zet a ngheng in a thu ken chu a lem nghal khawlh.








" Nang hian min lo hmangaih ve ngai reng reng em? " A rawn ti sup chu phawk zet in ka melh haw.






" Kan in kar a thil thleng zawng zawng te kha tlem te tal kha nang hian i ngai pawimawh ve ngai em tih zawh che ka duh a? " A rawn ti nawn leh sup.










" Ka.. Ka hmangaih che a lawm! Chuvang chuan.. . ."









" A nih chuan engvang teh hrep nge tiang hian i awm a? " Ti chhuak thawt in a glass no ken chu chhuatah a vawm keh nghal thuai chu ka phu nghal chiam.









" Ka in atanga chhuak in Lalrinpuia i luh khung nghal a. Chu ti chung chuan kei hi min hmangaih a maw? Nang ang hmeichhia hi eng tin nge in awm theih zawk? " Ka lam pan a rawn pen pawk pawk in ka darah min sawi nawk chuan a rawn ti hrawk chu ka in rin hma in ka mittui a luang chhuak pap.









" Tunah ka bul a rawn kal in min hmangaih thu i rawn sawi a maw? " Ngei awm lutuk a khi suk in ka hmai bul chetah chuan a rawn ti chhuak hrawk.









" Nang mah a nih kha! Lawmsangzuala nang mah a nih kha min chhuah san hma sa zawk tu. Kha in a ka awm chhan ber chu nang i ni a, I awm loh chuan enge ka tih reng ang? Ka bum lo che a sin, i zin a min kal bo san chhung zawng khan nang mah vang chiah in, i lo let leh dawn a ni tih beisei in ka lo awm a mahse engkim kha a rawn thleng nghal thut a.









Min ring emaw ring lo mah la kei hian ka bum lo che. " Ti chhuak nghek in Lawmsangzuala mit meng rum zetah chuan ka melh let ve nghek.









" Ka tan hian i pawimawh zia hi i hria em. Nang mah vang in ka nu beidawng ngawih ngawih kha beiseina ka nei a, i bul a ka awm chuan hmeichhe pangai tak, hmeichhe hlutna nei ni in ka in hre ve a. Nang mah vang liau liau in hma lam ka pan ve a. Chu ti chung chuan kei hian ka bum theih che i ring em?









Nang mah ngeiin a nih kha min hmuh duh tawh loh thu min hrilh a, ka hmai chhan a hmeichhe tenawm leh piangsual chhuah a min chhuah tu chu. Ka din hmun i hre chiang a nang lo pan tur ka neih loh zia pawh mahse min ring duh chuang miah lo a nih kha. Chu ti chung chuan kal san che hi harsa ka la ti fan a sin. " Kan awm na khawk rum rum chuan ka au ve nghek. Ka lo up beh ve zawng zawng kha a rawn puak chhuak a ni ber.









" Kha thil thlen hnu pawh khan engvang in nge kha pa kha i zui reng si. Rin che ka duh a mahse ka thil hmuh leh hriat zawng zawng hian nang mah dem na tur bak min pe thin si lo a ni! " A rawn ti zuai ruih chu a beidawn thlak ngawih ngawih.









" A tha e mahse thil hrilh tur che ka la nei. Kei nen in zawmna neih duh tawh lo mah la he thil i chu i hriat ngei ngaiin ka hria! " Thaw hak in min vawnna atang chuan ka tal pit ta hlak. Ni e kan tha thei tawh lo a nih pawn a fa ka pai chung chang tal hi chu hria se ka duh.









Hnung lam a pen ri ka hriat avang chuan thawk la halh in ka biang a ka mittui hrui thak in ka hawi let a mahse Miss Manoi hmel ka hmuh takah chuan min thawng lutuk chu sawi ngaihna pawh ka hre lo. Pawn lam atang a rawn lut a ni lo tih a thil hak atang chuan a hriat viau leh nghal. Bathrobe ha in a sam chu a hnawm deuh bawk.









" Eng thil nge min hrilh tur chu? " Lawmsangzuala tawng ri sup vang chuan a lam hawiin ngei lutuk in ka melh nghal nghek. Lawmsangzuala hmelah chuan engmah dang lam eih a awm lo chuan min ti thinrim zual. He nu nen hian an riak dun tih hre hauh lo in a bulah ka lo in puang vak chu a nia.









" Mawl min ti viau ang ti raw? He hmun a lo kal lo tawp tur hi ka ni! " Ti chhuak halh in ka tawlh hnung dat a Lawmsangzuala min rawn pan hnai hrut chu in her ka kal sawn nghal hlak hlak. Engvang in nge engmah ka hriat thiam loh, min kal san a lo duh hrim hrim a ni thei tih ngaihtuah hmasa tur ka ni a sin.









Kawngka lam pan chuan ka kal zui hlak hlak a, hnung lamah pen ri ka hriat rual in ka ke pen ka ti chak zual sauh bawk. Mahse kawngka ka thleng tep tihah ban tha chak zet in min pawt her nghal nawk chu ka tha zawng zawng sawng khawm in ka kut ka vai nghal vak!









Lawmsangzuala rum ri nghut ka hriat rual in ka kut chu a mu nghal chum chum. Hnung lamah Miss Manoi a au that ri pawh ka hria.









" Ti khan kan tawp chiang viau in ka hria. Min thlah teh! " Ti hlak in ka kut ka lek leh iai chu a ban leh lam in a rawn vuan nghal chawt.









" Vawi khat kha a tawk viau in ka hria! " Then suk a tiin ka kut chu a hnung khirh nghal hmuk a. A taksa ka hnaih lutuk chu kawr a ha lo bawk nen a pangti lum ham ham ka hre tel thei. A biangah ka kut thla a lang sen ruah a, mahse pawi ka ti lo ka hahdam phah miau.









" Hmela thlah nghal rawh! " Ti ri hrawk ka hriat rual in Lawmsangzuala biang a ri nghal chawrh a kei pawh ka pai ve nawk mahse Lawmsangzualan min vawn ngheh em vang in ka tlu ta bik lo. Chu chu rem changah la in ka tal pit nghal vat a. Miss Manoi pawh a rawn tlan phei nghal rawk rawk.









" Ka awm loh hlan a ka hmeichhia lo khawih in min bum a kut min la thlak zui a maw? " Lawmsangzuala chuan ti hrawk in Papuia chu a hnek let ve chawrh a kan in sual chu a ni ta ber mai. An palian dun in an kut vai ri fua fua atang chuan an kut thlak a na thaw khat tih lah chiang reng.









Miss Manoi chuan tawp tur a tiin a rak tuar tuar a mahse mipa pahnih chuan an ngaithla hlawl lo. Lawmsangzualan Papuia a hnek thluk tawp chu rem changah la in rang lutuk in an in karah tlan pheiin ka va ding nghal.









" A tawk! Khawngaih in kan kal dawn! Khawngaih in duh tawk tawh ru! " Lawmsangzuala melh chuan ka ti bah nawk nawk. Papuia pawh a rawn ding chhuak ve nghal. Rang zet a in her in eng sawi set set lo in Papuia banah vuan ka kal pui nghal hlak hlak. Hnung lam a Lawmsangzuala in hrosa thawm chuan ka tha a la ti khur thei hial.









" Sorry! I thisen chak loh lai a kha tiang i hmu kha! " Motor bul kan thlen rual in Papuia chuan a ti nghal sup. A hmui sir kak tawk zeuh in a ner nghal sawk chu thip tih hmel lutuk in ka lo ner pui nghal vak bawk chu min nuih suk.









" I hrilh em? I hrilh lo tih sawi hauh suh! " Motor chhung a kan luh rual in a ti sup chu mit ka chhing sawk.









" Ka thei lo. Tunah rih chuan ka hrilh theih ka ring lo. Kal ang i pem kha en kawl vat a ngai! " Ti sap in ka thu tha nghal vat. Chiang tak in min rin loh thu a vawi hnih nan a sawi a. A lak a beh duh tlat ang mai a a fa ka pai tih sawi leh kha ka ngam ngang lo. Kha hmeichhe hmaah ngat phei chuan ka thei lo.









" A ni pawh kha kei mah ang tho in a na dawn a nia! " Papuia rawn tawng sup chu ngei lutuk in ka melh hrep.









" I hmu lo a mi a mah buaipui tur a bulah a awm reng a kha! " Ka ti let vang chu a ner nghal nawk.









" Manoi buaipui chu i phal meuh maw? " A rawn ti leh kher chu ka kut ka tin nghal iai.









" Lalrinpui min fiam reng lo teh! " Ka ti zui hlak .









" Kei aia nau zet in kha ti bawl bawl khan min ko chu a nia. " Ti bui buiin a tlan chhuak a. Motor tukverh chu down in thlifim chu ka inchhem tir hauh hauh a. Ti kha chuan Lawmsangzuala lak a ka beiseina chu a bo ta duak mai. A mah ka tawn atang in ka nun bul a mah nen ka tan tha leh a tunah chuan Lawmsangzuala tel lo in kei leh ka naute tan hian nun bul ka tan ve thung tawh ang!







πŸ’•πŸ’•πŸ’• an in then fel taπŸ˜†πŸ˜†πŸ˜† a va thui em Lawmsangzuala pov ziah hram ka tum a mahse ka chhingmit kawp za a rul tawh lutuk a dah hman ngang loπŸ€£πŸ€£πŸ€£πŸ’•πŸ’•πŸ’•

Link:
BBcode:
HTML:
Hide post links
Show post links

Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 7th, 2020, 8:37 pm

CHAPTER - 27 πŸ’• by Amy Cck ( Dream Girl)









* LAWMSANGZUALA pov *









" I tha em? Ls i kam sir kha a thi a nia! " Hlau thawng lutuk in Manoi chuan min rawn pan hnai in a ti nghal chul chu ka kut zungpui chuan tuai zauh in ka ner nghal sawk. Kawngka a mi pahnih in kai chhuak te chu eng sawi set set lo in ka um zui nghal pawk pawk a mahse kawngka bul ka thleng chu ka pen lai ka tawp chawt.









" Va um zui i tum loh hram ka beisei! " Ka bulah Manoi rawn ding ve nghal vat in a rawn ti nghal zat chu kawngka chu ka hmer ngawt ngawt. Motor bulah Lalrinpuia ding in min hnung chhawn zawng in Lalruatfeli a ding a, a hma a mipa hmai chu ngaihtuah hmel lutuk in a khawih vel a nih hrep chu!









" Enge he tah i tih? " Kawngka khar ri dawp in Manoi chu ka melh nghal ngur a. Thaw hak a ka hmai pem rawn khawih a tum chu a kut ka lo vai thlak sak nghal hlawk.









" Ni zan kha a tlai tawh sia motor ka hmuh ka ring tawh chiah si lo a ka riak ve tawp. " In thla hrun hmel lutuk chuan a rawn ti sup chu ka thaw hawk. Kei ngei pawn zingah khan a riak tih ka hre ve chiah miau a. Chutiang bawk in Ruatfeli rawn lang thut pawh khan min thawng ve tho bawk.









" In thlak la haw ang che! " Ti hmuk in ka pen sawn nghal pawk pawk. Mak tih tur pawh a awm lem lo. Kan in chhungah hian ngampa tur khawp in ka nu leh ka pa in an vulh lian miau a. Kei pawh in ka ngai mawh lem lo, room khatah kan mu pawh a ni hek lo. Ka room lam pan in step ah chuan ka pen chho nghal pawk pawk a ka room a lut in na zet in kawngka chu ka khar nghal bur.









Engkim hre ve chung in, chiang tak in min bum tih hre chung in mipa dang in a thlavang an hauh sak chuan ka thinrim in ka na em em lawi bawk si chu tlaw ka in ti ngawih ngawih. Mipa ah pawh pa in ti ve tak in a hmeichhe pakhat tiang tak a ka vei hi ka in hrethiam bik hrep lo.









Engkim ka hriat hnu lawkah a mipa min phatsanna ngei pa chu luh khung in kei nen a sul hnu tam tak kan lo neihna in chu a chhuah san hmak a. A lo nun dan zawng zawng kha chu kei nen kan in tawn hma a ni a harsa tih chang chu nei ve thin mah i la ngaih thiam hram ka duh a ka en liam hram zel bawk.









Lalruatfeli ka duh luatna in min hnen bawk nen ka buai lo. Mahse ka thianpa ngei lakah kha tiang a a awm kha ka theihnghilh thei tawh dawn lo tih ka chiang lutuk leh kal san ka theih mai loh avang hian thinrimna leh huatna in pawlh nuk in ka kaw chhung hi a so bulh bulh thung.









Chu ti chung chuan min kal hlat san hi engvang a la rem ti lo nge ka nih. Ka a tak zet a nih hi. Thaw chhuak hawk in shower hnuaiah chuan ka taksa tih daih tum chuan ka ding run a mahse ka ngaihtuah nasat pauh leh ka thin a rim zual tulh tulh a nih hrep chu. Chuan eng thil nge ka bulah sawi a tum kha ka ngaihtuah let ngial pawn rin ngaihna ka hre lo.









Room ka chhuah san chu ka room pawnah Manoi a lo ding ve reng chu ni in. Ni zan tlai tawh takah ka zin ka thleng a, inah lo awm in eitur vel a lo siam a, ka sawi buai peih lem lo, ka nu phalna a la vek dawn tih ka chiang a. Ka in a ka kal dawn lah in huphurhna riau ka nei bawk. A chhan chu min lo nghak tu a awm tawh dawn lo tih ka chian vang in.









In chhung kil tinah Lalruatfeli sul hnu a awm zut a. A thawmhnaw engmah keng lo in, ka lak atang engmah duh lo tih hriat zet in a hnut chhiah vek miau a. Vawi tam tak Lalrinpuia in a va luh khung a kan pahnih inah hruai let leh duh na ka nei a mahse kha tiang hrep a in phat san na ka tawh hnu a tlawm zawk erawh ka tha a na ve viau bawk si.









Khum zau zetah a taksa nalh zet leh vun mam han kuah tur ka nei tawh lo a, a hmel hmu lo mah i la in chhungah chuan a hlim nui ri chu ka hre leh thin bawk si chu kei mah chauh a awm ka zuam ta ngang lo ka rilru a tih nat zual phah avang in ka cheng theih tawh rih lo a ni ber tunah rih chuan!









Min tih nat ang a ti na let ve tur in a chungah chet ka thawh ngam hek lo! A nat chuan a let in ka na ve miau zel a. A mittui tla ka hmuh chuan hruk hul sak a ka awm ngheng a thlamuan duhna ka nei thin. Chu vang chuan kha ti chen kha ka mit hmuh ata hla tak ah awm tir hram ka tum a nih kha. A tel lo a awm harsa ka tih ang hian ka tel lo in awm harsa ti ve se ka duh a mahse a nun a tang awl sam tak a min paih chhuak theih mai bik avang hian ka thin rim in ka na ngawih ngawih.









" An ni kha i um zui dawn lo ti raw? Ls ti nge nang mah bum tu te chu i theihnghilh ve mai lo a. Zah pah nei lek lo in i hmaah ngei an rawn kal ngam a. Tlawm la a hnung chhawn daih tawh tur i ni a sin. " Step a ka pen chhuk tur chu ka ban a min rawn pawt ding in Manoi chuan a rawn ti vak chu thaw hawk in a lam ka hawi ta vut.









" Ka num ah hian rawn in rawlh buai ve lo teh! Ti pawh hian ka buai tawk tawh viau. " Ti hluk a in her in pen sawn leh ka tum chu ka hnung lam atang min rawn kuah nghal chawt.









" A ni chuan a kal san tawh che kha. Ka hmangaihna leh ka duhna che hi pawm ve tawh mai rawh! " Hnung lam atang a min pawn bet chung chuan a rawn ti tiau chu hah thlak ti zet a thaw chhuak hawk in a kut phelh sak ka tum chu a tal ve laih.









" Nang hi chu.... Ka tan a ruat i ni lo! " Ka ti sup. Ruatfeli hi lo hre lo in lo hmu ta lo i la chuan ka hmangaih vang ni kher lo mahse Manoi hi ka nupui atan ka pawm mai thei. Mahse tunah chuan thil thleng zawng zawng nen Ruatfeli ka nei emaw neih loh pawn Manoi kher hi chu hnaih chakna ka nei tawh thak lo. A mizia ka hriat chian tak vang a nih ngei pawh ka ring. Mahse engvang a Ruatfeli erawh a thil tih tenawm tak hre chung a la ngaihtuah nge ka nih hrep hian.









" I natna bak a thlen dawn lo che! " A rawn ti vin that chu ka nui ro hawk.









" Ka hria! " Ti sup in min kuahna ka pawt phelh a step a ka pen hman chiah chu ka ban a rawn vawn leh avang chuan ka lo thing sawn nawk a. Mahse a ke a chhep sual nge rak that in step ah chuan a lum thla nghal rawk rawk a nih chu.









" Hrep chuan! " Ti hrawk in ka um zui nghal hlawk hlawk a. Rang zet in chhuat a Manoi ni khaw hre lo a let thal reng chu buai pui nghal a, a step lumna a thui ve bakah a lu atang in thisen a rawn hnam nghal tiam tiam vang chuan ka hlau thawng ta viau. Hman hmawh zet a pawm kang lawp in in atang chuan ka chhuah pui nghal pawk pawk a. Motor hnung lam a dim zet a mut in damdawiin lamah ka in khalh chhuak nghal vut.









Damdawiin kan thleng a rang zet in doctor leh staff ho pawh chuan min lo buai pui chhun zawm a. A lu ah hliam neiin thui a ngaih thu an sawi phei chuan ka in thiam lo viau. Engvang a kha tiang a na a lo vai sawn nge ka nih hrep hian!









Cabin ruak ah kan in dah lut a Manoi erawh ni khaw hre lo in a la awm thung. A nu leh pa ka be tawh bawk a an ni pawh an rawn thlen vat ka ring. Khum bul dawh kan a Manoi phone chu message rawn thleng in a screen rawn en deuh pap atang chuan message erawh chu chhiar thei thung.









Rang zet in phone chu ka ban a. Engvang a Ruatfeli nau Chhani hian Manoi hi rawn bia nge a nih? Chiang tak in in nel tak a an in biak na chhan tur hi ka hre hauh lo. A phone a lock loh avang chuan a rawn harh hma in rang zet in a message chu ka check kual nghal thuak thuak a. A bik in Chhani nen a an in biakna tam zet chu chhiar chhuak vek in ka thawk a sak nghal tawlh tawlh. Chung message zingah chuan ka nu message a dawn. Kei mah nen kan in biakna record tawi te pawh ka hmu tel bawk.









Manoi nu leh pa te an rawn thlen chawp chilh avang chuan phone chu ka ak nghal hmuk a. Eng thil chiah nge thleng tih hriat chakna chuan min luah khat mup mup a ni ber. Manoi rawn harh chhuah hma chu kei mah vang a tiang a awm a nih vang in kal san a mawi bawk lo nen ka nghak ve ta chawt a.









Ruatfeli nen kan in karah buaina awm hi an ni thiam loh a nih chuan ka en liam hauh lo ang. Ka nu ngei pawh a in rawlh a nih chuan ka nu a nihna hi theihnghilh thak ka huam! Chaw hnu lamah Manoi pawh a rawn harh a, rei lo te awm leh in ka chhuah san a. Thil eng emaw chhui chian tur ka nei miau.









Rang zet in Papuia leh Ruatfeli te ka va hmuhna Motel lam kha pan in Manoi phone atang chuan Chhani chu hmuh ka duh thu ka hrilh a. Kha motel leh kha room ah ngei khan. A rawn kal nghal tur thu message a rawn luh rual in ti fuh in ti zet in ka then suk.





*




Motel ka thleng a mahse lut nghal mai lo in Chhani lo kal hun chu in hnuai lam cafe ah ka lo nghak a. Rei lo te ah ka mi nghah ngei mai chu a rawn lut a, tawi khaw muang lo in in chung lam room chhauh na lam chu a pan bing nghal bawk. Ka thutna atang a ding chhuak in a kal na lamah chuan ka zui chho ve nghal pawk pawk a. In hmuhna tur a room kan sawi ah a lut tih ka hmu chuan ka zui nghal zat.









Room kawngka nem hawng a ka pen luh rual in min hnung chhawn a hmeichhe ding chu a rawn in her vat a mahse min hmuh rual in a hmel a mak tih na rawn lang in a nui hmel chu a reh nghal tial tial bawk. Kawngka chu nem khar dawp in lock chu ka hmet ri nghal khup.










" Nang! Sir... E ...enge he tah i lo tih? " Bah nawk nawk a ti in a mit meng chu a mang ang nghal ruai a. Kei erawh then lui suk in room chhung zau lutuk lo a single sofa ah chuan ka thu thla nghal hmuk.









" Enge he tah i tih zawk? " Ti hmuk in ka hma zawn min hlat deuh tak a hmeichhe ding chu ka melh nghal khui.









" Ih... Kei maw? Eng lo a nia. Ka thian..... Ka thian nen kan in hmu dawn a . " Bah nawk nawk a tiin a nui lui sak a kei erawh a thu sawi awi lo lutuk chu ka khi suk.









" Eng tik atang in nge Manoi nen hian thian in lo nih a. Nang aiin a u pa fe a, thian chu a awm ang lo mah mah i ti ve em? " Ti chhuak sup in ka bawp chu ka khaw kherh nghal run.









" Maw? Ka... Eng lo.... Kan in hmuh chhan tur chu ka zirlai thil ah min pui a tum a, chu vang chuan.... "








" Hrep che chuan! Eng zir lai mah sawi dun in tum lo. He hmun a ko tu che kha kei mah ka nih kha. Chuan nang leh Manoin eng thil nge a ruk a in tih tih pawh hi ka hre ve tawh. " Ti chhuak hrawk in ka thut na atang chuan ka ding nghal vut a. Chhani din na lam pan chuan ka pen zui nghal pawk pawk. Chhani pawh chuan tlan chhiatna a melh nghal ruai a mahse he room chhung zim ang reng takah hian a tlan chhe dawn hauh lo.









" Le..... Tha tak a ka zawh lai che hian eng thil tak nge i tih chu sawi mai rawh! " A hma zawn a ding ngur a melh chhuk run chuan ka ti sup chu hlau thawng lutuk a min melh in ka sir lam a kal sawn a tum chu a ban a vuan in ka pawt let nghal nawk.









" Min kal tir rawh! Miss Manoi khan min vo a lawm. " Tal fat fat a a rawn ti chu rum nghut in khum ah ka theh thu hnawk.









" I kal theih ka tih hma chu che hlek suh. Kut thlak che ka duh lo a nia! " Thawh a tum rual chuan ka ti nghal thawt chu hlau thawng lutuk in min rawn melh nghal.









" Eng vang in nge a vo che? Sawi chhun zawm rawh! " Ti hmuk in a hma zawnah ka ding nghal khui chu a sam chu a rawn hui chho pap a a thaw nghal hak.









" Ih.... Eng lo... Ruatfeli video kha kei mah tih dar a lawm. Miss nen khan college canteen a an thu sawi kha ka hria a, chuan rem chang la in miss phone atang khan video kha kei man la chhawng in ka tih darh a nih kha! " A rawn ti chu hmeichhia mah ni se ben chawrh mai chu ka chak ut ut.









" Sawi zel rawh! " In sum zet chuan ka ti hmuk.










" Miss khan a hnu in min hre chhuak a mahse ka pui a nih chuan ka thil tih chu min zep sak tur thu a sawi a. Hmanni khan min rawn bia a, ih... Engmah ka hre lo damdawi pakhat kha pa leh Ruatfeli kha ei tir tur in min hrilh a. In hnuaiah khan an lasi chah ah khan ka pawlh a mahse engmah a bak ka hre lo. Hnung lam chhuahna atang ka haw nghal a lawm. " Tap deuh pur chuan a rawn ti a. Engvang a tah belh viau nge a nih, hah thlak hian.









A nih chuan Ruatfeli leh Papuia kha an duh vang reng a ni lo tihna. Engvang a min hrilh loh phiangsen nge an nih? Ni lo... Min hrilh ngei a lawm, min bum lo a min phatsan loh thu tap chung in a sawi a mahse kei chuan ka rin loh thu ka sawi khum a nih kha!









" Hrep chuan! " Ti hrawk in ka ding vut a kawngka lam pan in ka chhuak zui nghal hlawk hlawk. Engkimah khan ka thu in thu thlukna ka lo siam a mahse ka dik loh zia ka hria, a la tlai loh hram ka beisei.









Papuia in lam pan chuan ka in khalh chhuak a. Ruatfeli no hlui chu hmet chhuak in ka call zui nghal zat mahse min chhang duh thak lo. Papuia te in ka thlen meuh chuan khua a thim vek tawh. An in kawt a motor ti ding in rang zet in motor atang chuan ka chhuak a, in lam chu ka pan zui nghal pawk pawk.









Doorbell hmeh mai duh tawk lo chuan kawngka chu na zet in ka chum nghal dawp dawp a, kawngka a rawn in hawn rual in Papuia nen kan in melh nghal run.









" Enge i lo tih? " A aw atang chuan a lawm hmel teh chiam loh.









" Khaw nge a awm? " Ka ti let hmuk chu ner sawk in kawngka min khar khum a tum nghal hmuk. Rang zet a nem let rawk in in chhung ah chuan ka lut tlang nghal a. Ruatfeli hmel hmuh tur a awm mai loh avang chuan rilru buai zet in ka thaw chhuak hawk.









" Engvang a min hrilh lo nge i nih? " Ti hrawk in Papuia kawr awmah chuan ka tham nghal chawrh a, a rawn then suk chu na lutuk in ka hnek nghal chawrh. Chhuat a pai nawk in a rawn in her rual in min hnek let ve nghal chawrh.









" Thiam loh mi chan tum buai suh. Nang mah vang hian vawi engzat nge ka hmaah a tah i hria em? Rilru mu mal lo zet in a chang in a in thiam lo a bang erawh a dem phal ngai miah lo che. A thiam loh a ngai mahse enge a tih dik loh ber a sawi thei si lo. A tuar hnem tawk tawh, tawngkam na dang dawng leh tur chuan kei hian ka hmuh tir dawn lo che! " Lalrinpuia chu rawn vin thawt in vawi khat dang na zet in min hnek leh chawrh chu chhuatah ka thal thlawp.









" Nang tal chuan ngawi reng lo in min hrilh tur i ni! " Ka ti sup chu a nui ro hawk.










" Enge ka hrilh bik ang che. Ka hriat chin hi a chhum bung ve tho. Ruatfelin engmah a ti sual lo tih a hrilh che khan i awi sak lo a. Kei in i bulah rawn kal in kan mu dun lo ka rawn ti tawng ang maw? A viau loh teh. Mipa ve tho ka nih hi i din hmunah khan ding I la chuan ka awi bik lo ang. Kha tthil ah kha chuan i lam ka tang a sin.









Ka theih tawp leh ka thiam dan chuan ka chhuah ve bawk. Mahse eng tin nge kha tiang ang tawngkam na khan kha hmeichhe khawngaih thlak lutuk kha i tih nat theih? Chuan hmeichhe dang i lo chen pui hman a! " Ner nawk a ti chu lu thing ngut in ka ding ve nghal vut.









" Khaw nge a awm? Ka biak ngei a ngai! " Ka ti nawn leh sup.









" A awm tawh lo. Vawin khan a chhuak. A pa zin rawn haw thleng awm a tum kha a nia. Zing lam a a hmuh dan che vang nge i lakah a bei dawng tawh tih a sawi a. Damdawiin lamah zan in chu a riak dawn! " Pangai tak chuan a rawn ti ve mai chu ka bu ta nghut.









" A kut i vuan hlen dawn a nih loh chuan hnaih buai suh! " Ka pen sawn tur chu ka darah min rawn vuan in a ti nghal sup.









" I tan enge a nih? " Ka ti hmuk chu ka then suk.









" Ka thianpa bialnu ka thian lo ni ve ta. I zin dawn khan lo en kawl tur in min tih kha, ka thu tiam ka hlen. I ai chu awh zo chiah lo mah i la ka theih tawp chu ka chhuah. " A rawn ti sup chu thaw hawk in ka nui ve ta suk.









Zan pawh ni se Ruatfeli hmuh ka duh vang chuan a nu awmna damdawiin lam chu ka pan a. Eng tin nge ka lo tih nat na zawng zawng kha ka sawi fiah a nga ngaihdam ka dil ang ka hre lo. Mahse a hmasa in hmuh phawt ka duh.




*




A nu cabin ka lut chu a reh thiap a. A nu tak ngial pawh hmuh tur a awm lo. An chhuak tawh ti dawn I la Papuian an awm a ti ve mauh mai sia. Nge ni a Lalrinpuia hian a phu ba lak nan min lo tih der reng zawk!









" An awm loh hi! Min han tih der teh i chak lo ang! " Papuia call in call a lak rual in ka ti nghal tawng.









" An awm a lawm le. In tih der rual kan nih tawh loh hi! " A rawn ti ve bui bui chu dawt sawi a ang bawk si lo.









" A nih chuan khaw nge? " Ka ti leh sup.









" Eng tin nge ka hriat ang? In ah ka awm daih hi! " A rawn tih chuan sawi tur ka hre tawh der lo. Mahse cabin kawngka rawn in hawng a hmeichhe rawn pen lut ka hmuh takah chuan ka thaw hawk. A ni pawh chuan min rawn hmu ve chiah chu min beisei loh lutuk vang nge a thil khai lai a thlauh dar nghal nuai.









" Ka hmu e! Ka rawn be leh ang che! " Ti sup in phone chu ka off nghal hmuk.









" Enge i lo tih dawn? " Ti hmak a thu hniam in chhuat a ei tur a tih thlak ho chu a chhar nghal malh malh. A chhar zo A khum bul dawhkan chung a dah in thil dang min tih kual san char char chu ngawi ngul in ka thlir ta tawp.









" Khaw nge i nu? " Ka ti sup chu a thil tih lai tawp dat in min rawn en vat.









" ICU ah zan in chu a riak dawn a. Ti nge i lo kal? " Kha deuh fak a tiin min en nghal ram. A mu tha lo nge a dark circle a kual deuh raih a. A taksa pawh a cher deuh riak. A mah hi lang cher chi a nih loh avang in tiang khawp a a taksa a tla chak chu mak ka ti hial.









" Be tur che in! " Ti sup a a lam ka pan hnai chu a mit meng a buai nghal nak a. A taksa chu a in sang mar nghal vek tih pawh ka hmu.









" Ka be ve duh lo che! Haw rawh ! " Ti hmak a a bul ka thlen rual a kal sawn a tum a min hnung chhawn chu a hnung lam atang ka kuah bet nghal hlun.









" Enge i tih hi? Min thlah vat rawh! " Vin zet a ti chhuak hlak a tal sawn a tum chu a aia nghet a kuah bet in a tukhum ah chuan ka chal in ka nawr bet nghal run a, pik zet in ka thaw chhuak hawk.









_____________________________________________________










* LALRUATFELI POV *









Puia hospital kawt thleng ka thlah a. Zanah ka nu ICU ah a riah a ngai rih dawn bawk nen. Ka ril tam palh tak ah tiin dawr ah ka ei duh zawng ka en kual a. Zanah damdawiin gate an kalh chuan thil a lei theih dawn der si lo.









Lawmsangzuala erawh ngaihtuah tawh loh hram ka duh a. Ka ngaihtuah a nih chuan ka na zual mai mai miau a. A lakah ka in thiam lo em em a mahse a ni chuan ka hmeichhe huat em em nen an lo cheng dun ti tih reng a. A ni leh a kaih hnawih hrim hrim chu hriat ka duh tawh loh avang in Papuia in pawh ka chhuah san a. Kan in ah erawh ka la let lo. Ka pa naktuk tuk lehah a rawn haw dawn a, zan hnih chu damdawiin ah riah ka tum ta thung.









Mahse ka ngaihtuah na leh ka thil tum ve chuan a daih rei lo ngei mai. Ka nu cabin ka luh rual a ka mi hmuh avang chuan ka eitur khai ho chu ka thlauh nghal vek. Ngaihtuah tawh lo a ka rilru ti buai tur pawh a hmuh ka duh tawh loh thu ka ngaihtuah mek laiin ka hmaah a rawn lang leh nawlh chuan min thawng tak zet.









Ka rilru na leh a mah vang a hreawm ka ti tih hriat tir ka duh loh vang in ka theih tawp a peh hel tum in thil tul lo pui pui chu ka ti san a mahse ka hlawh chhan ta tho! Ka lam pan a a rawn kal chu tlan chhiat san tum in ka in her a mahse a ban lian leh tha chak zet chuan ka kawng a rawn zen lut in a taksa chi chet chuan ka hnung lam atang chuan min kuah bet nghal hlun chu ka taksa a tang mar nghal at.









" Ka tihpalh! I thu sawi ka ngaihthlak loh avang khan! " Ti thawp sup in a hmai chu tukhum a rawn nawr a, ka nghawng zawnah a thaw chhuak nghal ham ham , kei erawh thawk pawh ka thaw tawh lo hrim hrim.









" Ka thiam loh a ni, na tak a ka siam che a vang in! " A rawn ti nawn leh sup chu ka biangah ka mittui a rawn luang thla pap. Ka tah chhuah hlau lutuk chuan ka hmuh hnuai ka pet fan fan a. Engkim.... Thil thleng zawng zawng kha ka hre chhuak leh nghal kuar kuar a, ka na thar leh ngawih ngawih bawk.









" I mittui ka tih tlak avang pawh khan ka tihpalh! " A aw thum leh cool ruih chuan a rawn ti leh sup chu in sum hman lo in ka in sut ri faih. A aw ah a na tak zet tih ka hria a , a in thiam loh tih pawh ka hre chiang mahse.... Mahse a awm tlat tawh.








" Ka bum lo che! " Tah in sum zet leh aw lawi rat chuan ka ti chhuak tiau. He thu rin tir tum hian vawi eng zat nge ka sawi tawh. Kha tih lai khan a ring duh der si lo. Sual thiam lutuk!









" Ka hria! Ka hre vek! " A rawn ti thawp sup chu ka tal nghal phat. Mahse nghet lutuk a min kuah avang in a mi kuahna atang chuan ka tal sawn thei chuang lo.









" Aii.... Min ring lo. Ka sawi a, vawi tam tak mahse i ngaithla duh lo a nih kha. Enge ka bul a I sawi kha.... Khang zawng zawng kha ka theih nghilh theih i ring em? Lawmsangzual min thlah teh! " Beidawng lutuk chuan ti nghal vak in ka tal vak chu min thlah thawl ve hram.









" Eng thil nge min ngaihdan nan ka tih ang? Ka bul a I rawn let leh theih nan enge ka tih dawn? " A mit meng thim khup chu a zuai ruih a. A aw ri in thiam loh na a khat pawh khan ka taksa hi a ti mur ur ur thei. Mahse tunah rih chuan ka let mai thei lo.









" Engmah! Kan awm hran hnu a ka thil hriat chhuah i hria em? Tu mah hi beisei loh tawp tur kan beisei ang a an awm loh chuan tuar dan thiam a har thin. I lakah beisei ka lo nei lian lutuk a. I tel lo a awm ka lo harsat zia ka hre thar a.









Ka chhungkua i ni lo a, nang nen a kan in zawmna chhiat hma theih dan ka lo ngaihtuah ngai miah lo a. Tunah rih chuan in ngaihtuah ka duh! Min hmu tur in lo kal lo la, min rawn be bawk suh. Kei mah chauh a awm a in ngaihtuah ka duh! " Ka ti zuai raih.









" "Ka thei lo! " A rawn ti sup chu ka thaw chhuak hak.









" I duh duh hremna min pe rawh, ka tuar vek ang mahse nang hlat tur che chuan min ti suh! " A rawn ti chhuak hrawk in min melh run chu a bul atang chuan ka tawlh sawn dat.









" I ti lo a nih chuan kei man ka ti ang. Ka chhungte tlan bo san a I bul a ka biru ang khan, i thei lo a nih chuan kei mah zawk hi ka bo ang! " Zawi si chang fak chuan ka ti chhuak nghek. Tunah rih chuan ka chau tak zet. Ka pum chhung a naute chung chang hi ka ngaihtuah a ngai a. Lawmsangzuala lakah pawh thup rih ka duh.









" A tha e! In ngaihtuah i duh a, hun chu i nei thei a lawm. Mahse ka lak atang a kal bo chu ngaihtuah buai suh. Khawi hmunah pawh ka zawng chhuak zel tho ang che! " Ti chhuak hmuk in a kal sawn nghal nulh chu chet pawh che lo in ka ding khawng at.









Kawngka a in khar rik dawp rual in ka thaw hak. Ka thinlung chhung a mi hi chuan a thiam loh a ni lo tiin min hrilh a. Ka tihpalh tih vawi khat a sawi khan a ngai dam fel vek tawh bawk. Mahse ka hlau a ni.... Lawmsangzuala ka hnaih leh a nih chuan kei mah ka in rin aia nasa in ka ring leh dawn a. Min ti na leh a nih chuan ka tuar thei in ka ring tawh lo. Ka hlat hlen ang nge engkim huam in ka hnaih leh zawk ang tih ah ka rilru a buai.









Kan awm dun thei lo a nih pawn ka tan chuan a special kum khua tawh dawn a. A ni lo midang hmangaih ka neih tawh dawn lo tih ka chiang. Chuan hriat rengna tur in ka naute hi ka nei dawn bawk a.



*



*



"Vawinah i pa a lo haw dawn I ti em kha! " Damdawiin chung zawlah thlifim dawn phah in Papuia nen kan in kawm a. Ice cream ka ei chak avang in a bur lian lawih min rawn lei chu ka ei bawk.









" Umm..... " Ka ti sap chu a thaw hawk.









" Eng tikah nge ngaih dam I tum a? " A rawn ti sup chu ka ner nang.









" Tu chu maw! " Ka ti sap chu a ngaih dan a nih loh hmel ngang mai.









" Hre lo der lo teh. Ka thianpa a nia ka khawngaih a nia. Chu bakah naute chung chang hi hrilh vat rawh. A hriat hun ah chuan duh lo eng ang mah la a zar buai reng che ka ring! " Nui ttuh tuh a a ti sup chu za lo zet in ka then sak.









" Ka hrem ve a ni mai! Kha ti chen a mah vang in ka tuar a;" Ka ti sap chu a lu a bunch leh nghauh nghauh si chu ner nang in ka melh.









" Ok! Hrem rawh, hrem mawlh mawlh rawh mahse a tawp na erawh in then hlenna a nih ka phal lo. Chuan I pa chu Lawmsangan biak a duh dawn a emergency a ni chu! A rawn thlen hun ah Lawmsanga i be hreh a nih pawn kei mah min rawn hrilh hram la, chuan thu thawn chhawng tu ang deuh hian ka lo hrilh mai ang! "









" Maw? Ti nge Lawmsangzuala chuan ka pa biak a duh a.? Hei... Ka hre ve duh a nia! " Phawk lutuk a melh chuan ka ti nghal vak.









" A hriat duh chuan ngaihdam a dil che kha pawm la a mah i zawt dawn nia! " Ngaihsam zet chuan a ti sup chu a ngal ah ka chhuih nghal tawk.









In hnuai ah kan chhuk a, Dawr a kal ka ngaih tho vang in ka thlah thui viau leh nghal. Lawmsangzuala erawh a in sawi ang in a reh hmak a. Mahse ka ngaihtuahna erawh chuan chawl hauh loh in a hre thung.









Kawngpui ka kan tur chu chak zet a motor rawn tlan vang chuan ka ding leh dat a mahse motor rawn tlan chuan ka din na chu rawn tum bik ang mai hian ving zet in a rawn tlan a nih chu! Hlau thawng lutuk a ka din na atang a kal sawn ka tum chu ka tlai hret a nih hmel. Ka taksa per nawk rual in motor in na lutuk a mi a su chawrh riin a zawm nghal!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 7th, 2020, 8:37 pm

CHAPTER - 28 πŸ’• by Amy Cck ( Dream Girl)









" Mami i tha em? I na em? "








" Tu nge motor kha khalh a, rui chung in a ni maw a khalh! " Mipui zi tuau tuau leh tawng deuh nawk nawk karah chuan rum tiah tiah in ka in beng kang a. Ka ban leh kiu vel chu a mu nghal chum chum. Chuan ka lu pawh a rit deuh luk.









" I na lo maw? A va tih zia ve! " Pa valai lam pang hian min rawn vuan ding in a ti sup chu chu pa rin chhan chuan ka ding a. Motor atang traffic police mipa leh hmeichhia in Miss Manoi an hruai chhuak lai chu ka hmu phe ruai bawk mahse na em em ka nei lo hlauh.









" Damdawiin lamah zawn phei ru! "









" Ni khua a hre lo a nia! " Motor lam a midang la awm khawm chuan an ti thawm ka hria chu ka bul a min vuan tu pa rin chhan chuan mi thenkhat awm khawmna chu ka pan phei a, thei leh thei lo in mipui kar a ka in hnawh phei takah chuan ka thil hmuh vang chuan ka ni nghulh.









" Ni lo.... Hmingtei maw? Lo awm sawn teu! Hmingte.... Hming.... " Ti chul a mipa pathum in damdawiin pan a kawng an kan pui chu ka um zui a. A ni khan motor in min su tur kha min lo nam sawn tihna a mi? Chuan motor khalh tu kha miss Manoi a ni bawk a. A awm zia chu tum vang reng in min sut a tum a mahse Hmingtei hian min chhan him in ka ai a tuar maw?









" Naute! Nau a pai a sin! " Phi li ruai a tiin ka zui nghal rawk rawk a, kei mah mai chuan kal tha thei lo ang mai hian ka pai nawk nawk chu min vuan tu pa khan min rawn pui ve nghal.









" Muangchang in nang pawh i hliam a nia! Kha tiang kawng zau ah eng tin nge mi a sut theih! Mami hman hmawh lo la! " Min kal pui pah chuan a ti leh thin. Kei erawh miss Manoi lam pawh ka rilruah a lang lo. Hmingtei ringawt, kei mah vang a naute a chan a nih chuan ka in thiam thei miah lo ang.









Hmingtei zawn tu te zui ve zel ka tum chu ka bul a pa leh nurse pakhat chuan min dang in ka hliam vel min en sak tur chuan min hruai hrang a. Duh lo viau mah i la kei tak ngial pawh ka bai ve auh auh miau. Khum a min thut tir in ka hliam min buaipui lai pawh chuan ka hahdam thei lo.









" I kal sawn thei rih lo ang. " Ka hliam min tuam sak zo kal sawn ka tum chu nurse chuan a rawn ti vat.









" Ih.... Ka thiannu kha ka hmuh a ngai a. Motor in a sut hmeichhia kha! β€œ tih leh khum atang a ka chhuk chu ka kap zawn a rawn lum nghal pup!









" I tha em? " Nurse bawk chuan a rawn ti nawn leh chu che ngam tawh lo in ka posi rem lo zet chuan ka ding a. Ka ngaihtuahna chu hlauhthawnna in a rawn luh chilh nghal mup mup. Ti nge kha tiang khan ka awm. Miin eng tin nge nau an chhiat thin ka hre lo mahse tun a thil thleng kha chuan min thawng tak zet.









" Khawngaih in.... Khawngaih in doctor min koh sak rawh. Tunah khan ka taksa ah hian eng emaw a thleng. Khawngaih in! " Nurse nu chu ngen ngawl lutuk a melh in tap deuh tiau chuan ka ti bah nawk nawk. Nurse nu hrilh hai hmel lutuk chuan ka mang anna a hre thiam a ni mahna hman hmawh zet chuan a kal sawn a. Kei erawh ka che ngam tawh lo.









Nau chhiat tur khawp chuan ka tlu na in ka hre si lo. Mahse flim ka en ah pawh ho deuh deuh a nau an chhiat fo tih erawh ka hre ve bawk si chu hlauthawng tak ka ni. Doctor leh nurse chu an rawn lut vat a, ka awmna hi cabin ni lo in ward a ni a, midang tam lutuk lo an awm ve bawk mahse zah lam chu a lang tawh lo hrim hrim, ka hlau thawng lutuk zawk.









Doctor hnenah chuan nau ka pai chung chang leh tun a ka awm dan kha bah nuai chuan ka sawi a. Doctor in hahdam tur a min hrilh pawh chuan ka hahdam thei meuh lo. Tang deuh tung chuan khumah min mut tir a, damlo awm ve dang in min hmuh theih loh nan ka khum awmna chin zawn chu parda zar tur in nurse a ti nghal zat.









Doctor chuan min en dik nghal vat a, ka thawmhnaw phelh in damlo kawr hak thin ang kha ka ha a, ka pian a hnu lamah hetiang kawr hi ka vawi khat hak na a ni bawk nen ka ni hui leh nghal. Min check kual lai te chuan ka mittui ka bekah a luang leh pap thin. Thawk pangai pawn ka thaw lo a ni ber. Ti nge ka fimkhur lo em em thin le?









" I naupai chu a tha e! Mahse tun ang din hmunah hi chuan la fim khur hram hram tur. Accident khan i marphu a ti dik lo a, naute rawn in siam mek nen hian in thisen a in zawm tlat avang in hahdam in mamawh. Mutthilhna in ka chiu dawn che a, i tha leh mai ang! " Doctor chuan a rawn tih tak ah chuan ka thaw huai thei.









Damdawi a min jection in rei lo te ah ka taksa chu a hahdam riai riai a, Hmingtei ngaihtuah viau mah i la ka mut rawn chhuak lutuk vang chuan ka ngaihtuahna thleng chuan an ral riai riai ni ber in ka hria. Ka bul a doctor leh nurse in be ri te chu hla tak ang mai hian ka hria a. A chang a mipa awm thum bul bul tawng leh thin chu ka hriat than tak a ni bawk.




*




Ka ban na deuh ngut ngut vang chuan ka kut chu chet mai ka tum a mahse tu emaw hian a vuan bet tlat ang mai hian ka la sawn emaw ka ti che thei lo. Ka lu chet in ka mut na khum sir lam chu ka en a ka tha tang tung chu zawi muang in ka thlah dul nghal riai riai.









Ka kut chu Lawmsangzualan vuan bet in a kun deuh ngur a , a muhil nge a kun ve mai mai lah ka hre der lo. Kan awmna ward chu rem lo zet in ka hawi kual a, midang damlo awm ve ho chuan min en ve hrek hrek bawk.









Ka naute, engtin nge Lawmsangzuala hi tah hian a awm ve ngawt theih ? Ka thil ngaihtuah avang chuan ka theih ang a rang in ka kut a vawn beh chu ka pawt nghal vak a, Lawmsangzuala pawh a rawn haai chhuak ve ta hram.









" I lo harh tawh maw! " Ti sup in a thu tha a ka kut a vawn erawh a la thlah chuang miah lo. A ni pui hian ka rai tih te hi a lo hria a ni hial lo maw?









" Enge? Ti nge ta hian i awm ve ngawt? " Ka ti thla ta ngawt chu lawm lo tih hriat zet a rum nghut in a thaw chhuak nghal ham ham. Kei erawh in a thu sawi tur chu a chan in ka chang a ni ber.









" Accident tawk i nih hi! Min hua a min be duh lo a nih pawn midang awmpui tur tal che chu ko ve ta che. " A rawn ti hmuk chu ka ner ta nang. Kha tih lai khan ka chi ai nasa lutuk a chutiang lam chu ka ngaihtuah lo hrim hrim a ni ber.









" Eng lo.... Thil eng emaw hriat i nei em? " In thlahrung ru deuh tak chuan ring ngam chiah lo hian ka zawt chu mit ti zim sun in min melh a nih chu.









" Eng lam? " A rawn ti sup chu chhan let dan mai ka hre lo. Ka ngawi deuh vang vang a Lawmsangzuala lah chuan min en chik tulh tulh leh nghal.









" A... Ih.... Hmingtei.... Hmingtei motor in a su a, a chan chin a nia ka sawi! Hetah hian ka awm nghal daih a. Chuan motor a su tu kha tu nge a nih i hria em.... "









" Ka hria! Chuan Manoi pawh lockup ah an dah a, naktuk lamah kan va hmuh a ngai! " A rawn ti zuai ruih chu phawk deuh hra in ka melh nghal. Ni e.. A hmel atang hian ka thu sawi tur khan a thawn loh hmel e mai a hria a ni chek ang.









" I hriat chuan A that chu! " Ti hlak in ka ngawi leh nghal daih.









" Thil dang min hrilh tur i la nei em? " A rawn ti sup chu chik zet in ka melh leh nghal vat. Mahse doctor leh nurse pahnih an rawn kal tak ah chuan a biak chhun zawm nghal ta daih.









Doctor chuan min check nghal zung zung a, zan riah ngai khawp a na ka ni lo bawk a ka haw theih thu min hrilh tak ah chuan ka thaw huai thei. Na em em chu nei lo mah i la ka kal bai ve salh salh vang chuan damdawiin bang rin chhan chuan ka kal ve zel a. Ka hnung a ka pen rual a lo pen ri ve khup khup pa vang hian ka awm lah chu a nuam thei der lo.









" Ka thlah ang che! " Sir lam a thu thleng lo awm a ka thut thlak halh rual chuan ka hma a rawn ding chuan a rawn ti sup chu hre lo der hmak in ka phone chu ka hmet San nghal mial mial. Ka pa no chu ka call nghal zat. Rei pawh a in ring hman chuan ka pa pawn a rawn la ve nghal .









" Pa... Inah i awm tawh em? " Lawmsangzuala melh ram chuan ka ti sap. Ka haw dawn a nih chuan ka pa zin a thlen leh thlen lo hriat hmasak phawt ka duh. Ka pa pawh chuan a thlen tawh thu a rawn sawi chuan kei pawh ka haw tur thu sawiin phone chu ka off a.









Na sil ru deuh thum chuan ka ding a ka kal chhun zawm leh nghal rual in ka bul a mipa ding thaw ri hawk ka hre zawm zat. A hma a Hmingtei an zawn luhna ni a ka hriat lam pan chuan ka theih tawk a chak chuan ka kal a mahse midang kal ve ho chuan min kal pel fua fua danah ka kal muan zia chu in rin thiam mai ka ring.









" Enge i tih dawn? Ka thlah haw ang che ka tih chu! " Ka ban a rawn vawn rual a a rawn ti sup chu na lutuk in a kut chu ka thing per nawk. Mahse kei mah zawk ding nghet thei lo a ka pai deuh khat khat chu ka dul zawn a min rawn vuan in nuih za in sum hmel zet in min melh nghal run chu ka thin a ti rim zual.









" Min nuih suh! " Ka ti nghal hlak chu a nuih a zat hmel deuh deuh leh nghal.









" Ka thlah haw ang che! " A rawn ti nawn leh sup.









" Ka la haw dawn lo! I ninawm lutuk. Khawnge Hmingduli pawh chu! " Ti hlak in ka hawi kual nghal ruai.









" An awmna room an sawn! Emergency room lamah a la harh chhuak lo! " Lawmsangzuala tawng thum dut vang chuan ka hawi phawk nghal hra.









" Maw? A la harh lo maw? Ti nge i sawi vat lo! " Ka ti nghal chul chu a ner ve sawk.









" Min zawt hlei nem! " Awl sam lutuk a a rawn ti sup chu dam tha pangai chu ni i la a chak lo viau ang.









In kan hun a nih tawh loh vang nge midang awm ve an awm mang tawh lo. Hmingtei an sawnna lam pan chuan ka kal a. Step kal ngai bawk nen ka kal chak thei lo chu chhan awm lo in kei mah leh kei mah ka in ti thinrim hlur tawh. Step a ka ding hah chawl chu Lawmsangzuala thaw ri hawk ka hriat rual in ka taksa a kang nghal nawlh a. Ka khek nghal that chu kan kalna step ah chuan a ring duh ngei mai.










" Hmela min dah thla rang rawh! Min dah thla rawh ka tih chu! " Ka ti vin that chu engah mah ngai lo in step ah chuan min pen chhoh pui nghal pawk pawk leh nghal.









" Tal sek lo teh! Ka ke ka chheh sual a kan lum chuan tun ai hian i na ang! " A rawn ti hluk chu ka melh nghal ram. Mahse ka tal ta em bik lo.









" Kei mah in ka kal thei reng si! " Ka la ti hram chu min rawn melh nghal ngur. Zam duh bik thak lo in ka melh let ngar.









" Ka hria! Mahse a loh berah i kal duhna thleng tur in darkar fe i hmang mahna. Chu vang chuan awm tha hle hle teh! " A rawn ti hmuk chu hnial let ngial ka tum a mahse a sawi dik miau bawk si avang chuan ner nak in ka hawi sawn hmak.









Hmingtei an dahna kan thlen chuan a din hmun a that vak loh avang chuan room a luh pawh an phal rih lo. Kawngkhar pawn lam atang chuan ka en ngawih ngawih ringawt. Doctor ka hmuh rual in a nau pai chungchang ka zawt a naute an hmuh loh thu a sawi chu ka nghil nghal dup.









Ka hua a mahse kei mah vang a tiang din hmun a tawng hi ka in thiam thei tawh kher lo ang. Ka taksa chau sa bawk nen ka zawi ngawih ngawih a ni ber. A nu te an biak tawh thu leh an khua atang an rawn chhuk mek thu chu Lawmsangzuala chuan a sawi sup sup a mahse eng tia lo hma chhawn tur nge pawh ka hre lo.









" Hello! " Ka phone rawn ri chu la in ka ti sap.









" Khaw nge i awm char char a. I haw tawh zawk a mi? " Puian a rawn ti lawng lawng chu chhan mai ngaihna hre lo zet in ka ngawi dat. Zan in ka haw dawn avang in ka ai ka nu a riah pui ve thung dawn. A mah hringtu a nu a boral tawh vang nge ka nu hi a nu ang in a bel ve chawt ka ti mai. A pi leh pu te bulah awm a ni a, ka in thlahrung viau nan mahse an ni pawn min hre thiam viau chu ka lawm leh zual.









" Ih.... La haw lo mahse haw ka tum chiah min thlah haw hman..... " Ka ti chiah chu ka phone chu min rawn phih thlak sak hlawk a nih chu!









" Eng thil nge i hriat a? " Vin hlar a ka tih rual in Lawmsangzuala hmel chang tawlh tawlh nen kan in hma chhawn nghal siah.









" Vawi engzat nge kei man ka thlah haw ang che ka tih? Chuan ka ti ngei bawk ang. " Dawh theihna tla chham zet a a rawn ti chhuak hrawk chu za lo zet in ka nui chhuak hak.









" I rual a let ka duh hlei nem! " Ka ti deuh ngat chu a thin a rim zual hmel ngang mai.









" Tak zet che hian! Nang mah ngeiin tha te te in i kal dawn nge ka pawm chhuah kher i phut! " A ti chhum hmuk chu ka melh nghek.









" A tha e! " Tih leh min rawn hnaih chilh in ka taksa chu rihna nei lo ang mai hian a pawm kang nghal nawlh a. Nasa lutuk a ka tal ve pawh chu awm zia a awm der lo leh nghal. Au vak dawn lah in kan awmna nen a in mil bawk si lo chu tang deuh tung chung in a motor bul thleng min pawm tluan ta thak.









" I chungah ka la lawm miah lo a nia! " Kan in kawt a motor a din rual a ti fak in chhuk ka tum chu ka ban a rawn vuan nghal chawt.









" Ka hria, mahse ka beidawng dawn lo! " A rawn ti sup chu ka ner khum vak.









" Ti nge? I nupui hual in motor a min sut a tum vang in i in thiam lo maw? Ohhh..... In neih hma atang tawh in in cheng dun a ni tak! " Ka ti chhuak nghek chu a rawn meng rum nghal ngur a nih chu. Hmanni zing a Miss Manoi an in a ka hmu kha ka sawi chhan tih a hre thiam chiang viau bawk.









" Hmanni tuk kha i sawi a nih chuan i ngaihdan ang kha a ni lo! " A rawn ti sup chu awi lo lutuk vang chuan ka nui chhuak hak.









" Kei pawn kha chiah kha i bulah ka sawi! Chuan min ring lo a nih kha, kei pawn ka rinna chhan tur che ka hre lo! " Ti ngat in ka chhuak zui nghal a kan in lam ka pan nghal hlak hlak chu ka hnungah min la rawn zui zel a nih chu!









" Lo kal tawh suh! " Kan in varanda a ding chuan ka ti ta vak. Enge min lo zui zel hi ka hre thiam hrep lo.









" Nang mah vang in ka lo kal lo, i pa zawk ka be dawn! " Ti hmuk a min kal pelh a tum chu a hma zawnah ka ding nghal chawt.









" Ti nge? Ti nge ka pa chu i hmuh dawn? Ka accident chung chang a nih chuan ka sawi ve thei! " Ka ti nghal chiam chu ner nawk in min hel deuh hmuk leh nghal.









A kal chak in kan kawngka bul a ding in doorbell chu a hmet nghal zat a, kawngka an rawn hawn rual in a bul ka thleng ve hman chiah leh nghal. Ka nuhrawn chuan min hmu chu mak a tih hmel ngang mai. Mahse ka pa a rawn lang ve thuai a, ka taksa khem deuh nuau nen min rawn pan nghal vat a, Lawmsangzuala pawh lut tur in an sawm nghal zat.









" Ngati nge ? Accident I tawk em ni? " Ka pa in min kuah lut chuan a ti nghal sup. Chu mi rual in Lawmsangzuala pawh thu tur in a hrilh ve nghal.









" ka tha! Nakinah ka hrilh ang che pa! Hei in leng i nei a, ka room ah ka hah chawl duh zawk. " Lawmsangzuala melh deuh rawm a ka ti chu min lo melh let run vang chuan ka hawi sawn leh hmak.









" Ole... Fimkhur la! Sir Lawmsang lo thu rawh aw! Nui thingpui te lo pe la! " In chhung lam a min hruai chhoh pah in ka pa chuan a ti nghal zat chu Lawmsangzuala pawh a bu nghut. Enge ka pa bulah sawi a tum ang tih mawlh ka ngaihtuahna zu han awm pek a!









Ka room ah min hruai lut a, in leng an awm bawk nen thil han sawi dun vak na hun a nih loh avang in ka pa chu a chhuak thuai a. Ka taksa nuam lo bawk nen shower nei in khumah chuan ka mu dar dar a. Mahse ka awm hle hle thei lo. Lawmsangzuala khan enge ka pa a biak duh chhan tih mawlh ka ngaihtuah. Chuan inah khan Lalchhani ka la hmu ve miah lo.









Ka thil ngaihtuah kual nasa lutuk chu khum atang chuan ka thu chhuak hlawl. Ka nau pai chung chang ve te hi eng tin nge. Ka pa ka hrilh dawn nge ka la zep dawn. Lawmsangzuala pawh in a la hre lo tih lah a lang reng bawk a.









" Ti nge ka vanduai bik em em le! " Ti vak in ka per nghal awt awt.









" Nang mah ka tih chhan lo che a nia! " Ka pum dawm chuan ka ti leh ngawt bawk. Ka room tukverh atang chuan hawi chhuak in Lawmsangzuala kan gate atang a a chhuak chu ka hmu hman hram. Ka ngai in a bul a awm ka chak mahse eng tin emaw tak huphurh na ka nei tawh.









A bulah awm ta i la engtik lai pawn ka in ngeih reng thei dawn lo. Chuan ka awm dan engkim min hre chiang em em a nakinah ka nun hlui vang in min ti na leh ta se. Ka thil ngaihtuah avang chuan ka thaw chhuak hak. Motor a a lut tur rawn hawi let in ka room lam chiang zet a a rawn melh chu rang lutuk in ka room parda ka pawt nghal vat. Tunah rih chuan ka ngaihtuahna a buai rih em a, ka hnaih thei lo a mahse ka hlat kum khua thei a ngem pawh ka hre chuang lo.




*




Ka muhil chu hmeichhe rak deuh tuar vang chuan ka harh nghal hlawl. Ka room chu a lo thim khup tawh. Ka hriat loh lai in ka lo mu thlu a ni mai thei. Hmeichhe au thawm ka hriat kha ka mang phan a nih ring in khum a mu thla leh dat chuan in chung chu mit khap fak fak in ka melh a mahse ka mumang a ni lo tih ka thawm hriat nawn leh avang chuan ka chiang ngam ta chiah. Chuan kan in a ni bawk in ka hria.









" Tu te nge a? " Tih leh khum atang a thawh chhuah ka rual a. Ka lu hai deuh chum chum vang chuan mit ka chhing nghal vang vang. Ka ke vei lam lah chu ka rap tha ngam mang lo. Ka kut pawh a hma ai daih khan a na in ka taksa chu a sil thum a nih chu! Muang chang chuan in hnuai lamah ka chhuk a choka lam chu a lo reh thiap leh nghal.









Thawm chu sitting room lam atang a rawn chhuak a nih vang chuan ka pan zui vat a ka thil hmuh vang chuan ka ding deuh chawt. Ka pa in tiang sei vak lo hlam chen vel keng in Lalchhani vuak tum in a lo tih uai a nih chu! Ni lo.... A vaw mek zawk chuan a nu in lo dang in tap pur chung in ngaihdam an dil chu ka mumang te pawh a ang mah zawk.









" Hnunglam a mahni chhungkua ngei tih chhiat i tum a ka en liam mai che i ring a maw! " Ka pa aw ri khauh leh fiak tha zet ka hriat rual in a tiang ken chuan Chhani chu a hlap ri nghal thlawr. A nu in ka pa ban a vuan in duh tawk tur in a ngen mawlh mawlh bawk. Kei erawh che sawn tur chuan ka thil hmuh hian min thawng mah mah.









" Pa.... Ka tirpalh, ka dik lo a ni. Hetiang em em hian kha thil khan nghawng a neih ka ring lo a lawm. " Lalchhani tap tuai a ka pa melh chung a a ti chu ka pa thinrimna ti zia awm a bengdai hmel pawh a pu lo. Engvang a vua nge a nih lah ka hre ve der lo leh nghal.









" Paa..... Vaw tawh suh! A thiam loh thu a sawi chu. Dawt thehdarh pawh a ni lo a. Lalruatfeli chu a ruk in KS a ni tho a lawm! " Ka nu hrawn tawng chu ka bengah hla tak a tawng ang mai hian a ri a nih chu.









" A nih chuan kha video a theh darh kha a ti dik i tihna maw? Tenawm nufa lutuk! " Ka pa chuan ti thawt in a nupui in lo dan a tum chu a nem per nghal nawk. Enge ka hriat hi, video kha Lalchhani tih hi maw? Ni lo... Ka ring hlel deuh a mahse tiang ti tur khawp chuan ka ring lo a sin.









" Hahh.... Pa... " Ti sap in ka lu rawn hai deuh chuai vang chuan ka din na atang chuan ka awn nghal riai riai. Fiah lo riai a ka pa ka lam rawn pan chu ka hmu a mahse a bak ka hre zawm tawh lo.









Ka harh leh meuh chuan ka room ah ka lo mu a. Ka khum sirah ka pa a lo thu dawl ruai bawk. Ka khum bul ah chuan drip min lo khai sak bawk. Ka pa chu ka ko sap a min ngaihtuah lutuk chuan a rawn hawi nghal vat. A hmel a natna leh in thiam lohna rawn lang zawt zawt chu hmuh hreawm ka ti.









" Ka thiam loh a ni! Bawihte.... I pa hi ka lo mawl em a ni! Ka fanu nun ngei chu kei hian ka tih chhiat sak vek a nia. " Na lutuk tuar hrep ang mai hian a aw ah chuan natna leh in thiam lohna bak a lang chhuak lo. A mit atang chuan mittui a rawn luang chhuak a. I hmaah ngei in thiam loh lutuk na avang in i pa mittui tla se eng tin nge i tih ang? Kei chuan ka tih theih awm chhun ni a ka hriat ang in tho chhuak in ka pa chu ka kuah ta vat.








" Ka thiam loh vek a ni. A tir atang in tun thleng hian ka fanu i tuar chhan chu ka thiam loh a ni! A pawi e mai, kei mah vang in i nun a chhe vek a sin! " Min kuah chung chuan ka pa chuan A ti khur dur dur. Ni e..... I thiam loh a ni lo ti emaw tawngkam dang a han hnem tur in kei ngei pawn kha leh chen ka pa ka thiam lo miau.









Tunah pawh ka la thiam loh reng. Ka nu kha then lo se pawngsual ka tawk kher lo ang. Nupui dang nei leh lo se chuan tun ang mualphona pawh hi kan tawng baw hek lo ang. Tlem tal in min ngaihsak in min ngaihven ve deuh se la chuan ka nun hi a sual zawng in ka hmang bik kher lo mai thei. Mahse engkim a thleng vek tawh a. Ka pa a in chhir in ka chungah a in thiam lo em em a, ka tih tur chu a dam zawng a thlir a ni. Huatna leh khakna thinlung a vawn reng hian eng rah tha mah a chhuah dawn lo miau.



*



*


" Min lo nghak rei tawh em? " Damdawiin atang a hla vak lo cafe a lut in ka mi hmuh tur lo thutna bul a ding chuan ka ti sap.









" I tha chiang maw? " Lawmsangzuala chuan min melh run in a ti sup. Engtia rei nge kan in hmuh tawh lo, a ni zawng chuan rei lutuk ni oo mahse ka ngaih em vang nge rei tak ang mai a ni tawh.









Kha mi ni khan ka pa in Chhani te nu fa in atang a hnawt chhuak a. Video Lalchhanin a theh darh avang khan ka pa in thu buai theh lut in an man nghal a. Miss Manoi pawh man a la ni a, rilru buai ang mai police in thu an zawh fiahnaah kei mah zawk min sut a tum thu leh min la tha a thum thu a sawi chiam bawk. Police te pawn rilru buai ah ngaiin doctor te nen an buai pui bawk.









" Ti nge ka that lo ang! " Ka ti sap chu a khi suk.








" A nih chuan min be duh tawh tihna? " Mit hmul san uk a a rawn ti chu ka ner nang.









" Thil sawi pui duh che.... Ni lo.... Hrilh duh che a ni mah zawk ang chu ka nei a! " Thu tak deuh chuan ka ti let sap. A hma a intur chu tem hlak in a mit mei chuan sawi tur in min ti nghal zat.









" Ka lawm e! I la beidawn loh avang kha. Kha video kha ka thiannu thil tih emaw tiin a tuar ka duh loh luatah ngawih bo pui ka lo rilruk hman tawh a mahse thu dik tak i rawn chhui chhuak a. " Ka ti chhuak aap chu ngawi ngul in lu a bu nghauh nghauh.









Kha mi ni khan ka pa engkim a hrilh a, ka pa chuan tumah ven thawn nei lo in report a pe nghal mai kha a ni. Pawngsual ka ni tih a hriat tirh a ka pahrawn lak a thubuai a theh luh ang chiah khan. Ka pa man tir ni mahse a bul ber chu Lawmsangzuala a ni miau a lawmthu erawh ka sawi har deuh mai pawh a.









" I lawmthu chu ka hre zo a, a dang sawi tur nei hmel i la pu! " A rawn ti sup chu tawi te in ka nui sak. Lawmsangzuala kha a ni miau a min hre chiang tu, ka mit meng leh hmel atang in ka ngaihtuahna hmu tlang vek ang mai hian a awm thin.









" Ummm..... Eng lo..... Hmun dangah ka zirna chhun zawm tur in ka kal dawn a. Ih... Dik tak chuan mangtha lo che a kal ka tum hman a mahse ka nun a mi pawimawh ber hrilh lo a kal chu ka thei ngang lo. Tun din hmun a ka awm chhan leh ka nun pangai ta hi nang mah vang liau liau a ni miau sia! " Zawi sap a ka ti chu a hmel a rawn chang nghal tawlh tawlh.









" Engtia rei? " Bung deuh ngut chuan a ti hmuk.









" Ka hre lo, a rei ang. Ka rawn let tawh kher lo mai thei;" Ka ti zawi sap.









" Khawi hmunah nge? " A aw a thinrimna rawn lang chu ka hre lo der lui hram.









" Chu Chu ka hrilh thei lo che! " Ka ti sap Chu a rawn nui ro hawk.









" Tlan bo I tum a maw? Hun ka la pe tam tawk lo che em ni? " A aw rawl ring leh khauh lutuk vang chuan cafe a chawl ve ho pawh chu an lo hawi thup.









" In ngaihtuah i duh thu i sawi a ka rem ti mai. Be lo tur che leh i hmuh a rawn in lan lo tur che a min hrilh pawn ka tih nat em che avang in harsa ti viau mah i la ka la rem ti a. Mahse tunah kal bo I tum thu awl sam tak in min sawi khum a nia. Lalruatfel ka lakah hian i nun rawng mah mah i ti ve lo maw? " A rawn ti chhuak hrawk chu ka in hum ruh ngat ngat.









" Ka..... I hre thiam lo a ni! " Ka ti chhuak halh chu kan in kar a dawnkan chu A beng ri nghal chawrh.









" Hriat thiam pawh ka duh lo. I sawi avang a awm a awm lo thei i ni lo. Ka lak atang hian i kal bo thei lo! I hria em? Tum buai duh suh! " Seh chilh zet a a rawn ti chhur chhur chu mittui tling pam in ka melh tawp.









" Ka kal a ngai a lawm! Kei ber ka bo chuan engkim a fel duak mai ang! " Ka ti chhuak tiau.
Lawmsanga thu ngawi ngul chu en duh lo in ka ding a kal sawn mai ka tum chu a thu rawn sawi vang chuan ka nghil dup. Ka thinphu lah chu a rang nghal dawt dawt leh nghal.









" Nang mah ngeiin i sawi hun ka nghak a mahse a tawp thleng in min hriat tir i duh lo a. I pum chhung a ka fa nen khan khawiah mah ka tlan bo tir lul lo ang cheu! " A ti sup chu ka taksa chu a tang nghal teuh. A hria maw? Ka rai tih a hria maw? Engtin nge a nih theih?









πŸ’•πŸ’•πŸ’• a story hi boring in ti tawh em?? πŸ˜†πŸ˜†πŸ’•πŸ’•πŸ’•

Link:
BBcode:
HTML:
Hide post links
Show post links

Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 7th, 2020, 8:38 pm

CHAPTER - 29 πŸ’• by Amy Cck ( Dream Girl)









" Nang hi.... I lo hre reng a maw? " Ti sap in phawk lutuk in ka melh a, a lu bu nghut in a bawp lian leh hrawl zet chu a khaw kherh nghal run. Ka din ngai a ding reng chung chuan ka ngaihtuahna chu thil chi hrang hrang in a rawn luh chilh nghal mup mup bawk.









" Eng tik in nge i hriat? " Ti chhuak sap in Lawmsangzuala chu ka melh ngar a, a hre reng a nih chuan ti nge hre lo ang a a awm char char tih nen lam ka ngaihtuah nghal vek.









" Thu rawh! I pum chhungah khan ka fa a awm mek a mahse kei hian ka hre tlai ber a nia, I chungah hian ka lawm vak ring suh! Accident i tawh ni khan ka hre daih tawh mahse nang chuan min hrilh i la tum lo cheu a nia! " A rawn ti hmuk chu thawk chhuak hak in ka thutnaah bawk chuan ka thu thla leh dat.









" Hrilh che chu ka tum thin a mahse... Mahse han sawi mai dan tur ka hre lo a ni! Eng pawh ni se chu chu a pawimawh ber lo, ka naute vang pawh hian he lai a awm hi ka duh ber lo bawk. "









" Chu chu i sawi tur a ni chiah em? " A rawn ti sup chu ka thaw hak.









" I din hmun ang ah hi chuan a ranglam a ka bul rawn pan tur i ni lawm ni? Mahse hla takah min kal san I rilruk zawk a maw? Huhh.... Lalruatfel eng ang hmeichhia nge i nih hrep! " A aw chang tha zet chuan a rawn ti chhuak bawl chu ka in hum ruh nghek.









" Kei mah chiah ka in ngaihtuah thei tawh lo. Kei chuan eng thil pawh ka tuar thei mai ang mahse ka pum a mi hi chuan kei mah vang a midang mit mei tha lo leh tawngkam na leh mawi lo tak tak a dawn ka phal lo. " Ka ti chhuak hap.










" Ka phal hi i ring bik em ni? Kan pahnih in kan ngaihtuah thei! " A rawn ti hmuk chu za lo zet in ka nui chhuak hak.









" A pawi ka ti tunah rih chuan risk ka la thei lo. Nang hian kei leh naute vang hian mualphona leh i thil nei te i chan ka duh lo! Chuvang chuan kawng awlsam zawk thlang in ka kal bo dawn! " Ka ti let sap.









" I tan hian eng pawh ka huam tih hi eng tin nge ka rin tir thei ang che? I tan a ka thil tih hi a la tawk lo zawk em ni? " A rawn ti chhuak sup. A aw atang pawh chuan a thu tak in ka thu saawi vang khan a lawm lo tih ka hre chiang viau bawk!









" Tun chu a dang lam a sin! Kei leh i chhungkua ah duh thlang tur in ti ta che i la? " Seh chilh zet chuan ka ti fak. Lawmsangzuala hmel buai deuh nawk chu en in ka nui lui sak.









" A harsa ti raw? Chu vang chuan min kal tir mai rawh! Min lo nghak lawk rawh tih thu sawi i tum a nih chuan sawi buai duh suh! Ka nghak dawn lo che ka rilru ka siam fel tawh. " Ti chhuak halh in ka ding a ka hma zawn a Lawmsangzuala thu ngawi ngul chu a tawp nan tiin ka nuih luih sak a cafe chhuah san chuan ka kal nghal.









Dawr pawn ka thlen rual in ka biang a lum thla nghal pap. " A hun lo e mai! " Ti hlak in ka kut hnung lam chuan ka bian ka tuai nghal thak. Taxi rawn tlan chu phar ding in ka kut nghal vat a. Taxi atang chuan glass hlang vek phen a mipa thu kun ngur chu ka hmuh theih hun thleng ka thlir ta ngawt.









A hma kha chuan kal san hlen tak tak ka tum miah lo. Ka hmangaih in a bul a awm ka thlahlel em em miau. Mahse kan in ah Lawmsangzuala nu le pa ngei rawn kal in an fapa kal san a chhuah za len tur in min rawn ngen miau. Min vo lo a tawngkam mawi lo pawh an hmang hek lo. Lawmsangzuala pa , a hmel en reng reng pawh a damlo leh chak vak tawh lo tih hriat ngawih ngawih in ka hmaah thingthi in a fapa nun atang a chhuak tur in min ngen a. Sawi tur leh chhan dan tur hre lo in ka melh ngawt ngawt ringawt.









Kei ang hmeichhia mualpho hrep tawh leh hnung lam a miin an sawi zui luih luih in an fapa neih chhun in zawmna ka neih pui a nih chuan a mualpho dan leh nghawng a neih dan tur an sawi phei chuan sawi ngaihna ka hre lo. Kei ngei pawn ka fapa hnaih tu atan kei ang hmeichhia hi ka duh pui kher lo ang. Chu tah tawngkam chhia leh mawi lo tak in min ti lo in a ngen in min ngen miau.









Ka pa rual pui in ka hmaah thingthi meuh in min ngen a, kan zavai a that zawk nan ka bo hi a tha ber ni ta in ka hre bawk. Lawmsangzuala rilru tih buai sak pawh ka duh hek lo. A chhungkua kei mah vang a kal san tur in ka ngen ngam thlawt lo a ni ber. An fapa neih chhun leh an in nghahna ber a ni ve miau a.









Ka phone rawn nghawr der der chu ka mittui hru hul in ka la nghal vat a. Hmingtei nu ni in hmingtei a harh tawh thu min rawn hrilh chu lawm lutuk in damdawiin lamah ka kal ve vat tur thu ka hrilh nghal. Taxi driver bulah damdawiin lam pan tur in ka hrilh a, ka lawm rual rual in a hmel hmuh ka hreh tak zet. A naute kei mah vang in a chan tih a hriat hnu phei chuan min haw let tawh zawk mai thei.









Damdawiin chu ka thleng a, Hmingtei awmna room chu ka pan nghal vat a, room ka luh rual in a chhungte pawh an lo awm ve laih. An hmel atang chuan an lawm tih lah hai rual an ni lo.









" E... Ruatfel i lo thleng maw? Hei... I thiannu hian a rawn harh tirh phat atang in i hming a lam hmasa ber a nia! " Hmingtei nu chuan min hmuh rual in a lo ti vat a ka pan hnai ve nghal vat bawk. Khumah thu awn deuh riai leh dawl dang zet in Hmingtei chu a lo mu a, min hmuh rual in tawi te in a rawn nui sak a kei pawh chuan ka nuih let ve sak.









" Min ti mangang hman lutuk i hria em? " A bul ka thlen rual in ka ti sap. A lu an la tuam bar a, a ban leh taksa dang pawh an la tuam var lak bawk. Doctor in awm luih luih a phal loh avang in an chhuak then vat a. Hmingtei nu damdawi leh thil dang mamawh lei tur a a chhuah hlan in ka lo awm pui tur thu ka hrilh ve ta vat.









" Ih.... Hming! I nau pai kha.... " In thiam lo lutuk a ti chhuak halh in sawi chhuah hreh zet in ka thaw nghal hak.









" I thiam loh a ni lo a nia. Ka... Ka ti tla a! " A rawn ti zuai raih chu phawk lutuk in ka melh nghal vat. Mak ka ti bawk si chu sawi tur mai pawh ka hre lo.









" Nang mah chiah ka hrilh che a nia! Henry an a fa ah a pawm duh si lo, ka rilru hah leh tih ngaihna hre lo khan ka ti ta tawp a ni. Ka chhungten an hriat ka hlau bawk nen! " A rawn ti nawn leh sap chu a kut ka vawn sak vat.









" A pawi ka tih pui lutuk che! I rilru a buai viau ang;" Ka ti let sap. Han hnem vak ngaihna chu ka hre lo mahse a tuar dan tur ka hriatthiam pui tak zet. Kei ngei pawn Lawmsangzuala nen kan in kar a buai tak tak kha chuan ka nau pai lai paih ve daih kha ka ngaihtuah hman a nih kha. Mahse kei chu ka vannei a harsatna ka tawh hian mal tak in ka awm ngai lo miau.









Hmingtei nu a rawn let takah chuan kei pawh haw tum in ka chhuak a, he lai ka thlen tawh takah chuan tiin ka nu ka han hmuh leh hram bawk. Kei ni pawh that lam aiin zual lam kan pan zel a, ka nu lah harhfim aiin engmah hre lo a awm lai a ngah zawk bawk. Oxygen hman a thawk tir a nih bakah a chang chuan han buai deuh laih lah kan nei thul. Ka pa in a chang chuan a riah pui ve thin a. Ka chhungkaw bil liau liau a kan awm leh theih hun ni mahse kan awm dan chuan duh thu a sam chiah lo a ni ber.




*



*



" Pa kei mah zawk ka riak hreh lo a nia! " Ka pa in siam mawlh mawlh chu khum mawng lam a ding in ka ti sap. Ka nu damdawiin lamah riah pui a tum ve a, dik tak chuan an in then tawh bawk nen mi dang tawngthei leh kam tam deuh ho hian an sawi leh zauh thin a hreawm a tih ka hlau a ni ber.









" Lo awm zawk rawh! I bungruah i la siam zawh loh te kha lo siam beuh beuh la, kal dawn a tih vut vut chu i in theihnghilh nuai mai ang! " Ka lam rawn hawi a a ti sup chu tawi te in ka nui sak. Naktuk tuk leh mai hi ka kal hun a ni tawh a. A hnai tulh tulh a ka huphurh tulh tulh leh nghal.









Kawngka thleng ka pa ka thlah a, ruah lah chu a sur tak viau leh nghal. Ka pa ka thlah Liam hnu in thu thleng seiah puan nuam sin a mu in TV ka en kual a, ka phone ka khawih a ni mah zawh.









Ka phone ka hmeh malh malh lai chuan call a rawn lut hlawl. Chiang tak in ka phone screen ah chuan Lawmsangzuala hming a in ziak bawk. A rawn call ziah a ka la ngai lo, min hmuh a tum pawn ka peh hel hram hram a, ka hmu a ka hnaih leh a nih chuan ka kal san thei lo ang tih ka hlau a ni ber.









Ka phone chu a rawn call zel avang chuan switch off in ka dah ta hmak a, TV chu en in ka lo muthlu deuh nge kawngka kik ri ka hriat avang chuan ka harh hlawl. Ruah lah chu zan a rei tulh tulh a a sur nasa tulh tulh a maw ni. Doorbell rawn ri nawn sek vang chuan ka mutna atang a tho in kawngka pui lam chu ka pan nghal ta vat.









" Tun ang hunah tu nge? " Tih leh kawngka ka pawt hawng chu Lawmsangzuala nen kan in hma tawn nghal run. A jacket leh a thawmhnaw hak zawng zawng huh vek chung in a lo ding run chu sawi mai tur pawh hre lo in ka melh haw ringawt.









" Ti nge ka call i chhan duh loh? " A rawn ti sup chu mawl ti lutuk in ka melh ka hau.









" Haw rawh! I dam lo ang! " Tih leh kawngka nem khar ka tum chu a ban lian zet a rawn dang in a taksa rihna zawng zawng a min delh ang mai hian ka darah a rawn bei thla thlawp chu ka pai nak a mahse kawngkaah ka in vuan ding hman hram.









" I rih a nia! " Ti hlak a nem sawn ka tum chu ka kawngah a kut rawn rawlh lut in a lamah min pawt hnaih zual sauh leh nghal. Chuan a rui a nih ka ring nghal hmiah. A thil in rim chuan ka pum a ti let nghal bulh bulh leh nghal.









" Nang hi...... Nang te reuh hi ka ngai che! " A sam huh vawt thlur a ka nghawng rawn nawk na zual sauh a ti sup in a rum nghal tuah tuah chu thawk ip vak in ka taksa a tang nghal vek.









" Awm tha teh! Lawmsangzual ding ngil teh ka tih chuuu! " Tal sawn tum a tan lak phah chuan ka ti ta vak. A taksa a lian bawk nen a huh thlurh bawk si chu rit tak a ni tawp. Puan sin a ka mut avang khan ka in ha lum lem lo bawk nen pawn lam a boruak vawt rawn kut bakah min del bettu taksa huh zawr hneh lutuk vang hian ka khur ve der der hial.









" Ai! Ka duh lo, kawngka min khar khum palh ang. " Ti hmuk a min kuah bet zual sauh chu beidawng lutuk in mit ka chhing sawk.













" Ka ti lo ang! I thil in rim hian ka luak a ti chhuak a nia! Vat in.... " Ka ti let vak chu thaw chhuak hawk in a ding mar deuh a, kawngka ka khar khum chu a hlau nge rawn vuan chawt in a rawn pen lut nghal zat a nih chu. Ti hi chuan rui chhia a ang leh tawh der lo leh nghal.









" Enge i lo tih dawn? Min ti huh vek leh nghal! " In chhung lam a pan chu a hnung a zui in ka ti nghal hlak. In chhung a rahna a piang chu a huh thlurh thlurh zel bawk. Sitting room luhna bul a ding in ka lam a rawn hawi vut a, mit khap lo lek in ka chhip atang a ka ke ler thleng chuan min melh chhuak dap a, a mit chu ka awm bawr zawnah a tawp chawt.









Hnuai lam ka melh chu rang zet in ka kut chuan ka awm ka hlih nghal. A taksa huh in min delh vang khan ka kawr fual pan lam hak nuam deuh chu a lo lang tlang ti tih chu ni in.. Tunlai chu ka hnute tang mar na lutuk vang in bra ka awm mai mai chuan ka hah peih ngai lo bawk nen ka hnute hm*r thla pawh lang chiang tak a ni.









" Hmela min en suh! " Ti hlak in ka kal pel nghal hlak hlak a sofa chung a thu in ka puan lo sin chuan ka in khuh nghal vat chu mipa nui ri suk ka hre zawm zat.









" Haw leh nghal rawh! Ka pa a lo haw chuan i chak lo ang! " Ti nghek a ka melh rawm chu a hmui ti sawi zauh in in chhung chu a hawi kual thuak thuak a ka lam bawk a rawn hawi chu enge i zawn tih melh in ka lo melh thung.









" Damdawiin i nu a riah pui dawn tih i nu doctor ngei in min hrilh a, a rawn haw chu ka ring lo! " Ti sup in min melh run chu ka ner nang. Hmela mai mai chu chumi hre sa in a ni chiang a lo kal.









" Chu pawh ni se haw rawh! " Ka la ti hram chu lawm lo tih hriat zet hian min melh run a nih chu.









" Ka riak dawn! " A ti hmuk chu ka thu tung at.









" maw? A theih ngawt loh!" Ka ti vak chu a ner nghal nawk.









" Ka riak dawn! I hmuh ang in ruah a sur nasa a, ka rui bawk, ti chung hian min haw luih tir duh chu ka ring lo! " Ti sup in ka lam pan a a rawn pen nghal pawk pawk chu rap lutuk in ka melh nghek.









" I rawn in khalh thlen ang khan in khalh haw leh rawh. I in pawh a hlat tawh loh kha! " Ka lam a rawn pan hnai zel chu ka lo ti nghal chul. Riah maw? A chi hian a chi loh. Zingah ka pa rawn let ta se, chu loh ah a chi loh a ni tawp.









" Nope! Riah ka tum nghet bur. " A rawn ti sup chu ka meng phi ruai.









" I thawmhnaw pawh a huh vek kha! " Ka ti thla ta ngawt chu a thawmhnaw hak en in hnuai lam a melh nghal run.









" In thlakna min pe la! " A rawn ti sup chu ka ner nang.









" Teuh lo! " Ka ti hlak chu ner sawk in ka bul couch ah chuan a rawn thu thla nghal dawt a, a jacket hak hnawm chup nen ka rak that. Min si chet in a la rawn awm leh nghal a nih chu.









" A vawt a nia aw! Tho rawh! " Ka tih pawh chuan a hre lo der hmak a nih chu.









" Ole... Ka room ah ka sawr fu vek ang che! Tho rawh sofa I ti huh vek dawn! " Ding thak in a ban lian leh rit nulh ah chuan ka pawt nghal tawng tawng. Nuih za in sum hmel lutuk a min melh in a thut ngai a a la thu run chu chhut lawlh ka chak zia chu pui tak.









" Min sawr fu thei chiah ang maw? " Tih sup pah chuan a rawn ding vut chu ka melh chho haw leh lawi si. Thaw hak in a kut chu ka thlah a thu thleng a ka puan sin kha pawm khawm taiin ka kal nghal hlak hlak chu ka hnung a thawm atang chuan min zui ve zel tih lah chiang reng.









Ka haw luih tir theih ka ring lo bur chu Lalchhani room ah riak se zing karah ka haw tirah ka ti rilru ta ngawt. Ka room ah kan in zui lut a, dar 10 a lo ri reng tawh leh nghal.









" A va tawk it at ve! " Ka room chhung kan luh rual a hawi kual chuan a ti sup. Kei erawh a mah hlat thei ang ber in ka awm thung.









" Lo hnai suh! Ka ti tak tak.... I thil in rim khan ka luak a ti chhuak! " Ka lam a rawn pen hnai chu ka ti nghal vak. Chal ti chuar tup chuan a rawn pen hnai tawh chu a ding leh chawt a. A thaw nghal hawk.










" Khaw nge bathroom? " A ti sup chu ka bathroom awmna lam ka mit mei vat. Bu nghut in a pan nghal nul nul chu ka en zui tawp. Ti nge kha tiang rim leh zel ka huat? A hma kha chuan ka in duh ve thin reng sia. Bathroom kawngka a khar rik dawt rual in nasa lutuk in thawk ka la nghal. Bang bul a ka suitcase ka tung chu khum hnuaiah ka rawlh lut nghal vat bawk.









A ni pui hian eng emaw tih a tum tak in ka thukru a ni ber. Ka phone chu ka on a ka pa in a rawn call avang chuan ka chhang vat a, thu thleng a ka lo mutthilh a hlauh vang in min rawn phone lek chu ni in. Lawmsangzuala rawn kal lo se chuan ka muhil tak tak mai thei. Ka mut dawn a kawngka leh tukverh kalh tha tur a min chah in kan in biakna a ti tawp nghal ta zat.









Bathroom kawngka chhung lam a rawn in kik kauh kauh vang chuan kan hnaiin " Enge? " Ka ti nghal vak. Chhung lamah mipa phun bul bul ka hre zawm nghal.









"Ka thawmhnaw a huh vek sia towel ven tur min pe la! " In thla hrung aw thawp sup a a rawn ti chu ka nuih a zal deuh bawk si. A ri lo in ka nui sak.









" Bathroom chhungah khan suk fai sa ka dah kha! " Ka tih pawh chuan a hmuh loh thu zu sawi tlat nia. A rui vang a nih loh vek pawn a mit a del thut a ni ngei ang. A in ang a bathroom lian pawh a ni tawp si lo.









" Nang mah ngeiin rawn en la! " Tih sup in lock chu a rawn hawng khup a, thaw hak in ka lut ve ta ngawt. A mah pawh en lem lo a kal pel in ka towel thlehna lam ka pan a, towel pakhat la a a lam ka hawi chu ka ding khawng awt.









" Hmela min tih der a ni maw? " Tih leh ka towel ken kai chuan ka vawm nghal vak. Bathroom kawngka lock na hmet ri khap in min a rawn sak uk chu thinrim vang in ka in seh ruh nghek. Towel var a lo veng reng sia. Chuan sir lamah a thawmhnaw huh vek kha a lo zar ve thlap bawk.









" Lo kal hnai suh! Lawmsangzual tah khan ding rawh ka tih chu! " Ka lam a rawn pan hnai zel avang chuan ti chhuak chul in tlan chhiatna ka zawng nghal ruai.









" Duati bathroom chhung hi ka pen hnih khat bak a zau a nih loh hi! " Tlan chhiat tum a ka awm chu hnung lam atang ka dul a a ban hrawl zet rawn rawlh lut in a ti sup a, ka taksa chu kang nghal nawlh in ka hriat leh meuh chuan bathroom bang hit thler ah min nem bet der tawh.









" Ti nge ka call i chhan duh lo! " Ti thum dut tu chu ka melh chho vah a, nichin a mit meng nuih zal hmel kha an awm tawh lo. A mit meng chu a sen deuh a, a thim khup bawk. Bathroom light min hliah zawng a a din vang chuan a hmel chu a thim tel khup bawk.









" Kal sawn teh;" Ka ti hlak chu min hnaih rawh tih nen thu hmun a ni. Thawmhnaw a ha lo a, a awm sek phiar fat leh six pack te , a V shape a mah ti lang pazual Tu ka tih thin khuh lo chiah chiah in a towel a veng bawk chu a lang sexy in a pa hluah hluah a ni tawp.









" Duati ka zawhna kha? " Ti sup in ka mal in kar, ka hmeichhiatna zawnah chuan a khup in min rawn nawr salh chu bathroom bang ngheng dat in ka thaw chhuak hak. Lawmsangzuala pa lutuk a a nui hmel ka hmu zui nghal zat bawk.









" Ka chhang duh lo a ni ve mai! I kal sawn loh chuan ka au vak ang! " Ka ti nghal vak chu a nuih a zat hmel ngang mai.









" Tunah.... Hetah hian i au ang maw? Tum chhin la, ruah leh thli hian an khuh hneh viau ka ring! Ti thawp sup in ka mal atang chuan ka kawr fual hak chu a rawn hnawl tawm chho riai riai a, a kut tang sei thlurh chuan ka mal chu a rawn thai chho tel ve zel bawk chu ka thin a phu nghal dawt dawt.









" Ti nge? I duh leh vak na nge? " Ti sup in a khup ka kap zawn a mi chuan a rawn nawr na zual sauh a, a kut a ka kawr fual a rawn nawr tawm chho zel chu rang zet in ka mut chuan ka kawr fual tlang a vuan in ka tang nghal tlat.









" Duh tawk teh! Eng thil pawh ngaihtuah la tunah hian engmah ti suh! " Ti sap a Lawmsangzuala ka melh chho chu ka in chhir nghal. A mit meng thuk leh thim khup a a beisei leh a tih tum ka hriat chian lutuk vang a ni mah zawk. Chuan kei hian ka hnar thei dawn lo, chu chu a mah pawn a hre chiang.









" Tawp mai tur in bul ka tan ngai lo tih i hriat kha! Chuan ka tan der tawh in k hria! " Ti thawp sup in ka mal leh lam chu ka in rin hma in a pawt kau hrut a, ka kut a ka lo in dan na leh ka tha ve chu engah mah a ngai lo.









" Ka ngai lutuk che! I hria em? Ka ngai che ka tih chu! " Ka dar a a chal rawn nghat a ti sup in a kut chuan min zut kual ruai a, a towel ven chhan a a mipatna rawn che tual tual pawh ka hre thei.









" Nang pawn min ngai tih ka hria! A dik em? " Ka nghawng zawnah rawn ti lum hawk in a kut leh lam chu ka bek atang a thai thla riak riak in ka hmuiah a rawn tawp chawt a ka thaw chhuak hak.









" Sawi teh! Bawihte min ngai ve a ni tih vawi khat chiah min hrilh ve rawh! Ka ngaihtuahna mai a nih lo tih ka hre duh! " Ti chhuak hrawk in a kut a ka mal a zut kual ruai chu ka panty chhungah a Zen lut nghal hmuk chu ip chawiin ka tukhum chuan bang ka nawr nghal vak.









" Lawmsang.... " Ka ti tham chel chu ka nghawng ah a chal sa vung vung a min nawr in a rawn thaw lum hawk.









" Min ngai ve! Chu chu a dik em? " Ti leh sup in a hmui lum ham ham chuan ka nghawng vel chu a fawp kual ruai a, hnuai lamah a kut chu muang chang in ka panty chhungah a chet nghal bawk. Ka ngai ve a lawm, a mah au in ka ngai zawk hial ang. Zan in chiah, naktuk tuk leh mai ah ka kal bo tawh dawn, tuman an hre dawn lo bawk.









Lawmsangzuala ngei pawh ka kal bo tur thu ka hrilh a a ni tak erawh ka Pa leh kei lo chuan kan hre lo. Chuan tun hi khawvel a ka mipa duh leh hmangaih ber nen kan hun hnu hnung hman dun tur a nih chuan engvang in nge ka Hnar bik ang. Ka thla hlel ve em em leh nghal.










" Sawi teh! Vawi khat chiah min ngai a ni tih? " Ngen ngawl lutuk a rawn ti sup in ka hmui zawnah chuan a rawn thaw lum ham ham. Nichin a a thil in rim ka ngai theih lohna te kha khawnge an awm zawh tak pawh ka hre nek lo. Ka taksa hnuai lam a a thil tih vang nge ka rilru chu a ral riai riai a ni ber.










" Ummm....." Ka ti sap chu a kut chet chawl in a mit meng hlim nung sawr chuan min melh nghal run chu ka nui sak.









" Sawi nawn leh rawh!" Ring ngam chiah lo hmel pu a a rawn ti chu ka nui chhuak hak.









" Lawmsangzuala ka ngai che! Kei leh kan naute hian kan ngai lutuk che! " Ka tih vak rual in ka hmui a rawn khar chilh nghal hmiah. Bang a min nawr bet chuan uar leh duh thaw zet chuan min fawp tawn tawn a, a lei lum leh thap hrak a ka hmui nawr kau in min fawp tawn tawn chu chhan let loh phal chi a ni lo. A tawp nan a sul hnu hi mipa dang in an nawh reh ka phal ngai dawn tawh lo ang chiah in sulhnu hnut chhiah ve ka duh bawk.









" Tawp tur in min ti mah la ka thei tawh lo tih i hria em? " Ti sup in ka kawr a rawn nawr tawm chho tawk chu lo in siam rem in ka nui zui hak.









" Tawp suh! " Ka ti sap chu a then suk in min fawp leh nghal tawn tawh. Ka kut chuan a dul sek phiar fat a zut thla in a towel ven chhungah ka Zen lut a, zal in hi a tawp na tak tak a ni ang! Chu erawh kei chiah in ka hre thung!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 15546
Joined: April 30th, 2016, 4:07 pm

Unread post by Ngaia » June 7th, 2020, 8:39 pm

CHAPTER - 30 πŸ’• by Amy Cck ( Dream Girl)









* LAWMSANGZUALA pov *









" I duhawm lutuk! " A mit meng phi chiai leh sexy zet a melh a ti sup in a panty chhung a ka kut chuan a hmeichhiatna chu ka nuai sak nawk nawk a, a nuam ti awm ngaihna hre lo chu a mal a rawn chip leh chawi chawi thin mahse awlsam tak in ka bawp hmang in ka nawr kau sak leh vat tho.









Ka towel ven chhung a a kut lum ham ham leh nem thep chuan ka mipatna chu a hra*t ve reng bawk . A kawr fual hak pan zet chhanah chuan a hnute hmur chu a rawn kawh lah a, a hmeichhiatna a ka kut tang ka rawlh luh rual in a rawn rum chhuak dar dar ri chuan thil dang reng min ngaihtuah tir thei tawh lo.









A hmui no chek a fawp tawn tawn in a mal in karah chuan ka kut chu in and out in ka chet nghal zawt zawt a, ka nghawng a rawn uai ti tih in tal sawn tum ang maiin a taksa chu a chet leh iak thin. A taksa rawn khur der der in ka fawh reng lai chuan a rum chhuak dar dar a, a taksa a rawn zawi hnak rual in ka kut pawh chu a la chhuak ve nghal ruai ruai.









" Enge a an? " Thaw halh halh a ka taksa leh bathroom bang rin chhan a Ruatfeli ding chu melh chhuk in ka ti sup chu hah hmel zet in a rawn nui sak. A mit meng phi chiai leh vam ham chuan beisei nei zet in min melh ralh a, a biang tai tek te leh a hmui duh thawh zet a ka fawhna avang a hnawm chap te chuan an ti lang duhawm zual sauh bawk.









" A chhe hran lo! " Tawi te a nui sak in chimawm zet a min rawn melh chu ka run ngei mai. Rum nghut a a hnute rawn kawh lah ka tham salh chu rak that in ka awm ah a rawn beng ri nghal thlarh.









" Kut hi min thlak hmasa ziah mai a, zan in chu hremna hmuh in ring rawh! " Ti sup in nhi duh miah lo a ka melh chhuk run chu a hnar zum ve sat ti kir vak in a rawn ner nghal nang.









" Heii.... Hei.... Lawmsangzual enge tih i tum? Ka ben nat loh em che kha! " A hma zawn a ka thu thla hniam ruai ruai a hmuh tak ah chuan hlau thawng lutuk in a rawn ti nghal chul. Mahse in thiar fihlim erawh ka tum tawh hauh lo. A panty tun lawk a thil thleng vang a hnawm chap chu pawt thla hrawk in a kawr fual hak ka hlim sak thawk a chu mi rual in a khel a tham tawm sak in a taksa chu ka vuan bet nghal hmiah bawk.









A hmeichhiatna zawnah thaw chhuak ham ham in ka hmui chu ka nawr sak tawk a, ip chawi a phak leh phak lo a ka sam a rawn tham in min nem sawn tum mahse chhe te pawn ka chhe sawk lo. A hmeichhiatna hnawm chap a ka hmai phum in ka l*i chuan ka hrut kual nawk nawk a, ka sam a tham a ka hming a rawn lam leh sap thin te chuan min ti phur zual sauh bawk.









Ka hmui leh l*i hmang a a hmeichhiatna sawng bawl reng chung chuan ka kut leh lam chuan a bawp mam han a zut chho in a bawp pakhat zawk chu ka chawi kang hlek a, ka dar a nghat in ka tan chet awlsam zual tur in ka siam rem a ni mah zawk.









Engtia rei nge he taksa ka thlak hlelh leh ngaih em em hi ka khawih tawh loh. A hma a zing, chhun, zan, eng tik lai pawh a ka hmuh theih a awm reng thin kha tu emaw in a la bo hmak ang maiin rei tak hmu lo leh khawih thei lo in ka awm a , tunah ka hmaah ka khawih phak ngeiah a awm a, he chance hi bawh pelh ka tum hrep lo. A hmeichhiatna a thuk zet a ka l*i ka luh tir lai te chu dak ar ar in a thaw chhuak halh halh a, in sum chu thil theih loh ang vel a ni.









A hma zawn a ka din chhuah hlut rual in ka pawm kang nghal nawlh a, a aw sexy zet leh hriat nuam zet a nui chhuak hak in ka nghawngah a rawn kuah bet nghal vat a chumi rual in a bawp pahnih chuan ka khelah a rawn kherh bet nghal bawk! Ka towel ven chu rem lo zet a pawt thla hrawk in ka mipatna khawng vek tawh chu hnuai lam atang chuan ka th*n ut nghal ruai ruai bawk.









* sensor😝 *









Khum chungah a taksa nel thep ka nghah thlak rual in a taksa chungah chuan ka bawh bet nghal run a, a hmui kau tiar leh fawh nuam zet chu keih tawn tawn in a ka chhung sa hiamah chuan ka l*i ka chet kual ruai bawk. Hnuai lamah ka mipatna chu a taksa chhung sa hiamah a lut reng bawk nen thaw halh halh in a taksa chu a kan leh iak iak thin.









" Ka hmangaih che! " A hmui si reng chung a ti sup in ka che rang nghal sauh a, a taksa chhung a ka tlak lai a a hmel awmdan duhawm zia chu tuman an hmuh ve ka phal hauh lo tih ka chiang. Ka hmeichhia, ka ta chiah leh ka engkim a nih a, a tan chuan eng pawh ka chan ngam. Ka chhungkua thleng in!









" A vawt tan in ka hria! " Ti sap a ka taksa rawn nawk hnai nar nar tu chu kuah nghal hlun in khum sir lam a kan puan hnawl tawm tak vek chu pawt hnai tuah tuah in ka khuh nghal hlun bawk. Ruah pawh a sur tak tawh em em lo. Mut ti nuam tawk chiah a tla cherh cherh in thli a thaw vuk vuk thung.









" Nghet deuh in min kuah rawh! " Rawn ti tham chel in a mah zawk chu a rawn hnaih zual sauh a. A taksa sa vur vang chuan ka in beng kang nghal hlawk.









" I dam lo em ni? " Ti sup a ka kiu a in beng kang in Ruatfeli chu ka melh chhuk run a, a rawn nui sak ringawt.









" A vawt ka tih kha! Min kuah la ka dam mai ang! " A rawn ti tham chel chu ka phun nghal hluk. A kut chuan a hmai vel chu ka khawih kual a, a pang a sa in a taksa pawh chu sa tha tak a ni.









" Khaw nge damdawi i dah! " Ka ti nghal hmuk chu khum mawng lam drower ah a awm thu a sawi ve sap. Tho chhuak vat in damdawi chu ka zawng nghal ruk ruk a, khum a ka let leh tur chu a kiu pahnih a in nem kang in min lo melh ve reng tu vang chuan ka then suk. A sam thur sang leh biang tai tek vang khian ka nui lo thei lo.









Damdawi a ei zawh chuan mut that tir in a bulah chuan ka in thawlh ve nghal hlun a. A taksa sa hal vek mah se vawt a tih miau avang in ka kuah khawm vek tho.









" Ti nge i lo kal a? " Ka awm zawn atang chuan min rawn melh chho in a ti sap chu ka nuih suk.









" Ka ngaih vang che in! " Ka ti let sup chu a rawn nui hak a ka awm a lum zui hak. A ni te chuan a ngai thu tak leh tawp nang. Zan tin, a hma ang chiah khan an in gate bulah ding in a room light thim hma chu ka awm thin. A room light a thim ve leh ka in khalh haw ve chauh zel bawk.









A hma kha chuan a nun sim a, kawng dik a zawh ka duh vang in ka veng thin kha a nia. Mahse tun tum chu kei mah zawk ka awm theih loh vang in. A hmel hmu thei lo mah i la a room tal ka la hmu thei a, a room tukverh zawn a a hlimthla ka hmuh ringawt pawh in ka hlim em em kha a nia. Patling than kin tawh in a hlim pui tur atan chuan ho viau mahse ka hlim pui miau si.









" Tunah min la ngai em? " A rawn ti sap chu ka nui nghawr dawt.









" Ummm..... Ka ngai em em reng che. Chuvang chuan ka hlatah awm tawh suh! Ka hria min nghak thei lo tih, chuan he lai a mi pawh hi ka in nghah tir reng thei hek lo! " Ti sup in a pum la thep han nakin lawk a rawn la puar ve pang tur chu ka tawk zauh.









" Kar lehah ka nu leh pa te an rawn let dawn! Chuan engkim ka hrilh a nga ka ti fel bawk ang. Eng tik lai pawn I kiangah ka awm reng tawh ang! Chu mi thleng tal chu min nghak thei ang ti raw? " Ti sup a ka melh chhuk chu eng emaw ngaihtuah buai hmel a pu deuh. Mahse a hmel chu rawn siam tha vat in nui sang in lu a rawn bu nghat.









Hahdam zet chuan ka thaw chhuak nghal suai suai. Kar khat chiah, chu bak chu min nghak tur in ka ti lo ang. Ka nu leh pa bulah engkim hrilh in ka fa a pai thu leh nupui atan neih ka duh thu ka hrilh ang. An pawm emaw pawm lo emaw ka hrilh hriat chuan ka duh tawk ang. An pawm ta lo a nih chuan an ni thlah in Ruatfeli ka fa lo piang tur hi ka vuan tawh thung ang.



*



*



" Heii.... Tho tawh rawh ka pa lo haw hma in haw I ngai a nia! " Ka taksa rawn sawi dat dat a ti tu vang chuan zi mar tuah tuah in ka meng chhuak a Ruatfeli hmel nung sar ka hmuh tak ah chuan ka nui suk.










" Kha tiang a nuihna hun a ni lo. I thawm hnaw pawh ka spin a ka zar ro vek tawh in ha rawh! " Ti zui hlak a kal sawn in tukverh parda hlai zet chu a pawt nghal vat a, ni zung in khum chungah min rawn chhun nghal zat chu ka ner sawk.









" Vat in! " Ka thawh mai loh vang nge kawng dawm at a tiin min melh zui ram chu thu chhuak in ka ding nghal thawk chu a rak that a sir lam a hawi nghal daih chu ka in en a ka nui suk. Mipa chuan zing tin tiang hi kan tawng thin miau.









" Hei.... Lawmsangzual in ha la in hnuaiah ka lo zu awm ang! " Ti leh kawngka lam pan a rual chu a lam ah ka pen zui nghal pawk pawk. Ka um zui tih hria ang hrim in rang zet a tlan in room kawngka pawh hawn a chhuah a rual nghal chu nui chhuak hawk in bathroom lam ka pan san ta ngawt.









Ruatfeli te in atang a ka chhuah meuh chuan ka tlai vuk tawh. Kar thar atang in college pawh semester thar kan kal tan leh tawh dawn a. Hna ka zawm kum a buaina leh mualphona awm zo zai avang hian tan lak leh zual a ngai a. Hming chhe rih viau mah i la result kan neih that phawt chuan kan hming chhiatna kha a khuh thei dawn miau a.









Kar tir lam khan ka nu leh pa pawh an zin leh a mahse an cham rei dawn lo. Kar leh lamah rawn let leh nghal tur in an in sawi a. Manoi chan chin kha tiang nuai a nih mai piah lamah jail a tan hial a vang hian ka nu hmai pawh ka lakah a uang lem lo khawp bawk.



*



*



" Ka chhuak hman lo a nia. Sawi tur i neih chuan sawi vat rawh;" Ka phone rawn ri ka lak rual in ka ti nghal tawng. Papuia lawm lo rum nghut ri ka hre zawm zat. Ni min Ruatfeli te in atang a ka chhuah hnu in ni leng in hna ka khawih a, ka khawih zawh loh vawin a khawih zawh ngei ngei ka duh avang in ka buai viau.









" Let za mah che chuan! Tunah khaw nge ka awm i hre duh em? " A rawn ti sup chu ka chair nghen dawt in mit ka chhing sawk.









" I awmna hre kher tur in ka bialnu i ni a mi? " Ka ti hmuk chu a rawn nui hawk.










" Zawnga! Fiamthu mood ah ka cheng lo a nia. Ka dah dawn! " Ka ti hman tawh chu a thu rawn sawi vang chuan ka thutna atang chuan ka ding nghal vut.









" Engmaw i sawi kha? " Ka ti nghal thawt.











" Ka sawi chu hna vang in Lengpuiah ka kal a, ka rawn haw kawngah Ruatfeli ka tawk, i hre lo tak tak maw? A ni hi in kah chhuah te chu a tum a ni lo maw? In lo in ti thiam leh tawh lo zawk nge;" A rawn ti lawng lawng chu che chhuak nghal in ka kaar chhung ban in ka chhuak nghal.









" Thiana, lo va um zui la ka rawn chhuak nghal. I rin ang thil a thleng a nih chuan a chhuah loh nan lo chelh rih tur in ka duh che. Ka rawn thlen hma zawng! " Tih sup in motor chhungah ka thu lut a ka tlan chhuak zui nghal.









Engvang a a kal bo pawh chu ring ringawt nge ka nih? Engkim kan sawi fel vek tawh si a, nge ni a a ni hian kal bo tum reng chung in min lo bum zawk. Motor khalh pah chuan Ruatfeli no ah chuan ka call nghal char char a mahse a chhang thei hauh lo leh nghal. Busy a in tih char char hnuah a in switch off nghal hmak chu motor hma lamah na zet in ka phone ka thei nghal thawt.









" Ka rawn thleng tep! " Darkar fe ka tlan tawh. Papuia phone call ka lak rual chuan ka ti nghal sup.









" Hahdam deuh khan rawn khalh la, hei... Ka bulah a awm tawh! Ka rawn tlan let mek a kawngah kan in tawk dawn nia! " Papuian a rawn ti sup chu ka thaw nghal hawk.









" Awle! " Tih sup in tlem in ka speed ka hniam a, ka thin erawh a rim ngaiin a rim reng thung. Min tlan bo san a duh tal chuan engvang a kal tir mai lo nge ka nih! Hrep hian!





*




" Khaw nge a awm? " Kawng sir rem lai a ka motor ti ding in chhak lam dawr pawn a Papuia lo ding chu pan zui nghal in ka ti sup.









" Motor ah! A uanupa nen khan a nia, a fal a a awm laiin ka rawn hruai let thuai! " Nui suk a a ti chu ka nuih suk. Papuian a hruai luih lai a Ruatfeli tal chhuah tum hmel ka ngaihtuah daih thung.









" I chungah bat ka ngah khawp mai! " ka ti ta sup .









" Sawi lo teh! Vawi eng zat nge min puih tawh? Ka tih theih tawk a nih ve hi! Kal ang khaw lum nen a thinchhe lutuk a ka chhuak tawp a nih hi! " A rawn ti let sup chu ka ner sawk.









" A rai a! Rai no lai chuan an thinchhe thin A ni lawm ni? " A motor dah na lam pan A kan in zui phei chu fiamthu deuh chuan ka ti let sup.









" Hre bik nang! Rai lo mahse A thinchhe ve hrim hrim in ka hria! " A rawn ti ve sup chu kan nui chhuak hawk. A sawi sual lem lo, Ruatfeli chu hmeichhe zaidam a ni hran lo mahse ka hmeichhe hmuh tawh zawng zawng a ka duh ber leh ka hmangaih awm chhun a nihna a bo chuang lo.









Kan hma a motor passenger seat lam a hmeichhe thu tum bar ka hmuh rual in ka thaw chhuak hawk. Papuian a motor lock a hawn rual in kawngka ka pawt hawng nghal rawp a, Ruatfeli hmai min hmuh avang a dang var nghal pap chu melh run in a banah vuan in motor atang chuan ka pawt chhuak nghal dawr dawr.









" Phawts u! " Papuian a ban rawn lek a a ti sup chu lu buk khum nghut in Ka motor dahna lamah chuan Ruatfeli chu ka kai phei nghal dawr dawr. Ka vawnna chu thin thlak tum in a bei ve nasa mahse a sawt lem lo viau.









_____________________________________________________









* LALRUATFELI POV *









" Chhuah tum buai duh suh! " Motor kawngka pawt hawng a min nem lut rawk a a rawn ti chhuak thawt chu ka meng phawk hra. Na zet a motor kawngka rawn nem khar dawp in motor chu a rawn kal hual nghal pawk pawk a, motor hma lam hla deuh tak ah Papuia lah chuan min lo la thlir mai mai a nih chu! He mi te thian dun hi enge an hriat?









Ngawi ngul a motor ti nung in a tlan chhuak a, ka flight ka nang lo tak ngial dawn. Dar 2 ka flight a nih bakah airport ah Puian min lo la nghak reng hial mai thei. A nih loh pawn min zawng in a lo buai viau mai thei bawk! Ka phone rawn ri chu la in ka chhang vat a, Puian min hmuh mai loh avang in min ngaihtuah tak tak.









" Aw.... Puia . . . Englo... " Ka ti hman chiah ka phone chu min rawn phih thlak sak hlawk a vang in ka rak that. Rum zet a Lawmsangzuala lam ka hawi chu min rawn en ve run chung in ka phone chu motor khalh reng chung chuan tukverh ah a theh chhuak daih a nih chu!









" Eng... Eng thil nge i tih kha? Ka phone i paih a maw? " Mak ti bawk si thinrim bawk si chuan ka rak tuar. Lawmsangzuala lah chuan hre lo ang hmak in a motor khal lai chu a chhun zawm ngur leh nghal.









" Lawmsangzual enge i hriat a? " A tawng duh bawk si lo chu motor chhung khawk rum rum chuan ka ti vak. Motor A tih ding nghal dawt chu hma lamah ka nu lawp a mahse Lawmsangzuala ban in min rawn dang hman hram a ka in sawhna bik lo.









" Chu chu ka zawh tur tak zawk che! Eng thil nge min tlan chhiat San tur khawp in i chungah ka tih hrep? " A rawn ti let thawt chu ka phu nghal chiam leh nghal.









" Sawi ta che? Ni rei lo te chiah min nghak tur in ka ti che! Chu chu a harsa viau em ni? " A rawn ti chhuak leh thawt a, a sawi zawh rual in motor stearing a chum nghal chawrh chu ka thin a phu nasa lutuk a ka thawk thleng in a ti sak vek.









" Aw! A harsa lutuk! Thil thleng thei lo tur chiangsa ngat phei chu! " Ka ti chang ve fak.









" Enge i sawi tum? " A rawn ti hmuk chu za lo zet in ka nui chhuak hak.









" Ka sawi chu beiseina awm de nei lo vang a ka hun khawh ral ka duh lo. " Ka ti nawn leh nghek chu ka sawi awm zia a hriat loh hmel kher leh nghal.









" Enteh Lawmsang! Kei hi hmeichhia ka ni a, kum 20 chiah! chu mai pawh ni lo in mualpho a hming hliau hrep tawh. Tunah lah ka pum chhungah hian naute ka pai mek bawk a, kei leh ka naute tan hian he ta hian mualpho leh midang en hniamna bak kan hlawl dawn lo.









Hmanni lawk a hmeichhe inzuar a video duk dak lo zet hmang a mualpho hrep tawh in sawn a lo pai reng a! Chu tiang tawngkam ka naute hian a hriat ka phal lo! Kei chu kei ka ni a mahse ka naute pawi sawi lo, a lo pian chhuah phat atang a midang in an hmuhsit nghal na hmun tur ah hian ka awm duh lo! " Ka tawng tir lam chu pangai viau mahse a tawp lam chu ring tak a sawi in ka mittui te chu ka hriat loh kar in ka biangah an rawn dir zawih zawih bawk.









" Chhuanlam siam hlek suh! Tu nge sawn a ni tih sawi? Kei hian ka duh loh thu ka sawi em? Nang leh naute hi ka en kawl ang cheu tih ka sawi kha? " A rawn ti chang bawl chu ka mittui hru thak in ka nui zui hak.









" Engtin? Kar lehah i nu leh pa an rawn haw a nga an bulah an thu thlukna i zawt ang maw? Tum buai duh suh, a sawt chuang lo ang. Ka bulah, kan inah ngei lo kal in an fapa neih chhun thlah a kal bo san tur in thing thi meuh in min rawn dil a sin! Ka pa hmaah a fanu hi an fapa tan a that tawk loh vang in min pawt hrang tur in an ngen a, ka pa hrilh hai hmel kha ka theihnghilh thei kher lo ang!









I nu leh pa pawh ka dem lo, kei pawh ni i la ka fapa tan kei ang hmeichhia hi ka duh pui bik kher lo ang. Kei mah vang a I mualpho pawh ka duh hek lo, chu vang chuan ka tlai hma hian airport ah min dah let leh rawh! " Ka kut pahnih a ka hmai hup thak in ka ti chhuak hak.









Ka thiam tawk chuan ka ngaihtuah ve a, ka theih ang a thui in kan vai a hma hun ka ngaihtuah ve bawk. Chuan kan vai a kan that na a tan ka kal bo hi a tha ber in ka la hre tho miau. Nu ka nih na ang in ka ngaihtuah a, fanu ka nih ang leh tu emaw hmeichhe hmangaih ka nih ang in ka bo hi a tha ber miau.









" A tha e! I duh ang in i kal hmasa bawk a kei pawh ka duh ang in ka kal ang! He thil hi i cho chhuah a ni tih hria ang che! " Ti chhuak hmuk in motor hma a a phone chu a la nghal vat a, a chet dan chu ka thlir mawl tawp. Ni e.... Mipa fing leh thil hrethiam hma tak a ni a ka din hmun pawh hi a hrethiam em em ang.









" Aw Papui! Tun lawk khan nupui ka ru zo chiah a, ka nupui chhungte an lo mang an lutuk loh nan i lo buaipui a ngai !" Lawmsangzuala tawng zawi sup vang chuan ka hawi nghal dawr. A mit meng ti zim sun a min rawn melh in mit hmul min la kan khum uk a nih chu!









" Awiawm loh! Khawi mawh phone kha! " Tih leh a lam a awn hnai in a phone ka ban chu hneh zet in ka kut a rawn man bet nghal hmuk leh nghal. Phone atang chuan Lalrinpuia nui ri pawh ka hre thei. He mi te thian din chimawm zia hi, an kum phu lo in an chimawm ni mai in ka hria..









" Kha zawng kha! Ti khan kan in ru a Papuian i chhungte a lo hrilh a nga, engkim a fel! " Phone a tih tawp rual a ka lam rawn hawi a rawn ti sup in ti fuh in ti zet in a then nghal suk chu thei ngat i la chuan a tukhum bu lawp hian ka beng ang!









" I a zo tawh a nih kha! " Ka ti chhuak halh chu a pawm ve lo nge a ner nawk.









" A dik ang! Nang chan che ai chuan mi a ang mai a ka theih chinah che chuan chelh hram zel che ka duh! " A rawn ti let hmuk chu chhan ngaihna ka hre lo.









Ngawi reng in motor a khalh a, kei erawh ka rilru hah lutuk chu ka thaw leh vak thin. " He tiang hian tumah an in ru ngawt ngai lo! Nang mah chauh in in ruk i duh a, hei chu kidnap a ni hi! " Lawmsangzuala lam hawi chuan ka ti vak.









" I duh duh in ngai rawh! In ruk i duh lo a in neih nghal i duh pawn awlsam zet in court ah kan kal thei, thian ka ngah a lawm. Boruak daih deuh hun ah kan in kut suih leh mai a nga! " Awlsam lutuk a a rawn ti sup chu sawi tur hre lo in ban ka phar hliai ringawt.









" Ka thawmhnaw te.... "









" Kan inah i mamawh zawng zawng a awm kim vek tih chu i hre chiang ber in ka ring! Phone thleng in! " A rawn ti sup chu sawi tur pawh ka hre lo. A in ka chhuak san khan engmah ka keng chhuak lo miau, phone min lei sak thleng khan ka hnut chhiah a nih kha!









Kawtah motor ti ding in a chhuak zui nghal a, ka thutna lam a rawn pawt hawng a min melh danah chhuah loh ngam chi hi a ni lo. Ka kut a rawn vuan in in lam pan chuan min kai phei a, tunah chuan ka nutei awmna lam pan a thlawhna a thu tur ka ni tawh. Mahse pasal ka um a ni zawk hawt a!









In chhung kan luh rual in Lawmsangzuala kut thing thla hnawk in room lam ka pan san nal nal. Ka hnung lamah min nuih ri pawh ka hria. Ni e.... Nui rawh se, engkim a duh ang in a kal tir bik a. Kei in kan that tlanna tur ka ngaihtuah a, a nin kan awm dun dan tur. Mipa hi an rilru a lo puitling har tak tak a nih dawn hi!





*











" Duati harh ve tawh la! I pa a lo kal a nia! " Ka beng bul a rawn phun sup tu vang chuan ka taksa ka ti che dat mahse ka meng thei lo, vawiin ah nisen sa hnuaiah Lengpuiah ka va leng hi a ni ringawt, khaw lum lutuk leh Lawmsangzuala nen kan in hnial nasa lutuk kha ka chauh pui a ni ngei ang!









" I pa chu i hmuh duh leh vak na nge? " Hmui lum ham ham a ka nghawng leh beng vel nul thuak thuak a a rawn ti nawn leh chu ka thu tung nghal awt.









" Ka pa! " Tih leh khum atang zuan thawh ka rual nghal. Lawmsangzuala nui suk a a chhuak chu hnung lamah ka um zui nghal zat a, sitting room a ka pa lo thu run pawh ka hmu ve nghal. Zingah te kha chuan kan han in thlah Liam nasat nen tunah kan in hmu leh nghal chu nuih tur nge thinrim tur pawh ka hre lo!









" Pu. Lawmsang a tlai chhiat hma leh midang in an hriat tam hma in ka fanu hi tawn hruai let ka tum chu a nia! " Kan hma ah ka pa chu thu in a ti sup chu Lawmsangzualan ka kut a rawn hum nghal hmuk.









" Hruai let leh mai mai tur a nupui ru rual chu ka ni tawh chiah lo! Ka thil tihah hian ka thu tak viau a sin! " Lawmsangzuala tawng thum dut chu a fiah in a thu tak zia pawh a hriat. Ka pa chuan min rawn melh vung vung a kei pawn sawi tur ka ham haih vek. Mu tho hlim in ka meng phak chiap in ka ring hial.









" Ka fanu hi kum 20 lek a la ni a, a din hmun leh a thil tawh tam tak avang hian tun tut tut a pasal neih chu a mawi chiah lo a ni! Chuvang chuan midang hriat hma in engmah thleng lo ang in ka hruai haw zawk a nge! " Ka pa chuan a ti dam leh dup. Lawmsangzuala lah chu a nui suk duh chauh leh nghal.









" Ruatfeli hian ka fa a pai mek a! A tan chuan kan in neih vat hi a fuh zawk ka ring. A mah hrim hrim i veng thawng a nih chuan kha lam kha chu kei chuan ka ngai pawimawh lo. Ka duh ber chu ka fa leh a nu hi ka bulah awm se tih zawng a ni! " Lawmsangzuala chuan ti sup in ka pa a melh let ve run a. Tleirawl mai mai leh tlangval la naupang tak a ni tawh lo bawk nen zam hmel pawh zu pu miah lo a. Kei mah zawk hi ka lo zam vek zawk.









" Ka fanu chung chang engkim i hria a I pawi ti lo bawk a. Mahse i chhungte hian i rilru an tawm pui ve si lo che a ni. Ka fanu hi i nupui ang a I ru a nih chuan palai hmel pawh kan beisei tur a ni a mahse i nu leh pa in palai an tirh duh miau loh chuan ka fanu tan hian a tlawm thak viau dawn tih i hre ve chuan ka ring a. Chu thil chu engtia buai pui nge i tum? Ka fanu neih chhun ve liau liau a ni a, man nei lo a hetia a awm chu ka rem ti hauh dawn lo a nia! " Ka pa chuan a rawn ti let sup.









Kei chuan an sawi awm zia hi ka man chiah lo. Mahse Lawmsangzuala chhungten palai an tirh duh loh chuan ka luhkhung tihna a ni mai a nga, hmeichhe zak thei lo tak, mahni zirtirtu te luhkhung a nau la pai zui ang in ka thang ngei ang. Chu chu ka pa sawi awm zia a nih ngei pawh ka ring.









Lawmsangzuala kut chu hmer let vak in rilru mang ang ru zet chuan ka melh a, min rawn melh ve run in a ni erawh a mit meng chu sawi lo a awm dan engmah a dang lam chhin hauh lo. A mit meng chuan hahdam tur a min hrilh in a mah ring tur in min hrilh ni mai in ka hria!









πŸ’•πŸ’•πŸ’•πŸ€£πŸ€£πŸ€£ a tawp thei lo nui tawp mai ang🀣🀣 a type tirh in last chapter ni tur in ka rua hman a mahse ka story ho hi ka cut zung zung thiam tlat thin lo. Ti beuh beuh i la a tawp ve mai angπŸ˜†πŸ˜† nang ni aiin a tawp hi ka chak zawk a nia phun reng reng suπŸ§πŸ€£πŸ€£πŸ’•πŸ’•πŸ’•

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: Google Adsense [Bot] and 17 guests