KEIDAO BY AMY CCK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: KEIDAO BY AMY CCK (Completed)

Unread post by Ngaia » June 7th, 2020, 8:41 pm

LAST CHAPTER - 31 💕 by Amy Cck ( Dream Girl)









* LAWMSANGZUALA POV *









Min hnung chhawn a Ruatfeli mu tawm kak chu a hnung lam atang in a kawngah ka ban rawlh lut in ka taksa si chat in ka pawt hnai a. A ni erawh a muhil a nih ka ring a thaw sak sak thung. A pa in hruai kir leh tum viau mahse ka hnial ve tlat a, engkim kan sawi fel hma chu ka haw tir thei lo.









" I rilru a hah ti raw? " A nghawng a hmai phum vang vang a ka thaw chhuak suai suai chu a rawn tawng avang chuan nui suk in ka kuah nghet sauh.









" Ih.... Buaina thlen belh che ka duh loh vang a kal bo thlang ka ni tih i hre thiam ti raw? " A rawn ti leh sap .









" Ka hria a lawm! " Ka ti sup chu a thaw chhuak hak. A din hmun engkim a in hre chiang in ka lakah pawh a in thlahrun phah ti ka hria. A hnung lamah mindang in an sawi na zawng zawng a hria a, chu hming chhiatnaah chuan midang hnuh luh a duh lo vang a ni tih pawh ka hria. Mahse ti tawp chuan ka tlan chhiat tir thei lo.









Midang chuan an rinthu leh an thil hmuh tlem te vang in hmeichhe ni khua lo leh nung ho tak ang in sawi mahse chu mi let thawk a ni tih kei chuan ka hre chiang miau. Hmeichhe tuarchhel leh midang rilru tih nat hlau tak , a mah aia midang ngaihtuah hmasa thin hmeichhia, midang nun tih chhiat ai chuan a ma hringnun ngei thap zawk duh hmeichhia a ni miau. Chu tiang hmeichhe tan chuan kei pawn eng pawh ka huam . A chhan chu chu tiang mihriang chu khawvelah hian an vang tawh em a, ka hmuh chhun hi ka chhuah phal hauh lo ang.









" A nih chuan engtin nge i tih dawn? Ka pa thu sawi kha i hria ti raw? I nu leh pa te rawn haw hun ah a rang lam a palai hmel a hmuh loh chuan nang leh kei hian awm dun duh mah i la kan thei dawn miah lo a nia! " A rawn ti leh sap .










" Ka hria! Ka ngaihtuah fel vek ang! Chuvang chuan i rilru ti hah ve duh suh. Ka rua hman ang a thil a thleng theih lo a nih chuan plan B kan hmang tawh mai ang chu! " Nui suk pa a ti in a shirt hak chhungah ka zen lut nghal thut chu a rawn talh aih.









" Enge plan B chu? " Ti leh ka kut pawh chhuah a tum chu a tang ve fat fat.









" Plan B chu vawin a I thil lo tih tum ang te kha! " Ti sup in a beng ka seh sak zeuh chu rak that in sir zawng hian min rawn melh nghal ha.









" Kan tlan bo ang maw? " A rawn ti ha chu lu ka bu nghut.









" I duh em? " Ti sup a ka melh run chu ka ban a vawnna kut chu a rawn thlah riai riai a, a hmelah chuan a duh nge duh lo ka chhiar thiam lo.









" Ti nge? Kei nen a tlan bo chu i duh lo maw? Vawin pawh khan i tum tho in ka hre sia! " Lawm lo hmel pu deuh chuan ka ti sup. Tawi te a min rawn nuih sen sen in a mut dan chu a siam rem nghal vat. Ka lam rawn hawiin ka awm zawn tang chuan min rawn melh nghal kalh bawk.









" Duh e! Ka duh lutuk! Ka pa in a phal loh chuan kan pahnih leh kan naute nen tuman min hriat loh na ah kal daih i la! Mahse i duh tak tak pawh ka ring lo. Hetah college principal ni in hna i nei a. I sawi ve mai mai chiang! " A tawng dan chu a mah leh a mah a in be buai kual vel a ang mah zawk avang chuan ka nui chhuak hawk.









" Kum khat em pawh ka la awm lohna hi ka ngai viau lo mai thei zawk. Rei lo te chiah ka la hnaih mahse ka kal San theih tawh loh awm chhun chu nang chiah hi! Ka hun tam zawk chu ram dangah awm in hna ka thawk a. Chutah chuan thian leh hmel hriat tam tak pawh ka nei a. In thleng in kan mamawh zawng zawng a awm vek zawk hial ang! " Dam dup a melh chung chuan ka ti sup chu a hmel ah hlim hmel a rawn lang ve deuh.









" Ummm.... ! " Ti sap a min kuah bet thak tu chu ka kuah let hlu hlu a. Ka sawi ang kha a thleng lo ang tih ka sawi thei hek lo.



*



*


" I huh phurh viau chuan i lo kal ve kher a ngai lo a nia! " In siam malh malh in a khat tawk in rilru kam tu nei ang mai a a thaw leh hak thin chu ka lam hawi a kuai her in ka ti sup. A sam sei hniang chu a chhip ah vial khawm vek in kawr fual hring dal nalh zet a hah bawk. A lan dan chu hmuh a nuam in a hahdam viau leh nghal.









" Dawt sawi loh chuan ka huphurh lutuk! Sawi ai pawh in ka huphurh zawk. Mahse nang pawn ka pa hmaah min din pui thei a nih chuan kei pawn I tan tih ve ngei ka duh. " Ka awm zawn atang a min melh chho kiau in a rawn nui lui sak chu nuih let suk in ka kuah bet nghal hlun.









" Rei kan awm lo ang tih ka tiam a che! " A chhip a khabe nghat dat in ka ti sup. Ka nu leh pa zin an rawn thleng tawh a. Ka pa in min hmuh duh avang in kan kal dawn chu a nia. Vawin hian thu thlukna pawh kan siam ngei a ngai bawk ang.









Motor chhungah pawh chuan awm hle hle thei lo in a che sek a. Glass a down hnu lawkah a up leh thul. " Duati! Hahdam rawh! " Ti sup in a kut ka va hum beh sak nghal hmuk chu min rawn nuih luih sak. A hma in ka nu leh pa in an lo va hmuh tawh thu ka hria a, kha vang pawh khan a huphurh zual ngei bawk ang tih ka chiang.









In kan thleng a, kan nula in kawngka min lo hawn a kan lut zui nghal zat. Sitting room ah ka nu leh pa lo thu chu pan in an hmel atang chuan an lawm loh zia lah a lang chiang ngang bawk.









" Lo thu ru! " Ka pa chuan a ti nghal sup chu couch pakhatah chuan kan thu thla ve nghal a. Kan piah ah ka nu pawh a thu ve ran bawk.









" Enge phone a I rawn sawi kha? " Ka pa chuan a rawn ti sup. Ruatfeli zam tih hriat zet a ka kut a vuan chu melh in hahdam tur in ka hrilh nghal sup.









" Ruatfeli hian ka fa a pai a, chuan ka nupui ni tur in ka ru! " Ka tih sup rual in ka biang a ri nghal chawrh. Ruatfeli chu hlauthawng lutuk in a rak that a. Ka nu in ka pa a lo dang bet nghal vat thung.









" Zah na te i nei ve a nih chuan he hmeichhia hi an inah dah let leh ang che. I hna ah a mah vang hian buaina i nei hrep tawh a. Lecturer leh professor senior ho lung pawh i tih awi tawh lo chu ti chung chuan nupui a neih i la tum a maw? I nu leh pa hian kan rem ti ngai lo ang chuvang chuan a rang lam in dah let ang che! " Ka pa hrisel tha tawh lo tih hriat zet thinrim tawng khur dur dur chu en in ka ner lui sawk.









" Chu chu a thleng thei lo. Ka duh a ka nei tawh a nih chuan nang nin in lo duh loh vang a haw tir leh mai ka tum hauh lo. Nang ni vang hrep hian ka ka chan tep zawk a sin. In thu thlukna la tur a rawn kal ni lo in ka hrilh hre mai zawk cheu! " Ka ti let ve thawt chu ka pa in thinrim zet in min beng leh chawrh. Chu mi rual in ruatfeli mangang leh hlau thawng chu a thutna atang a ding nghal at a rang zet in a banah ka vuan nghal chawt.









" Ti khan in ngaihdan chu a chiang viau in ka hria. " Nui lui suk a tiin ka ding chhuak ve nghal ruai ruai. Ka bul a mittui tling pam a min lo en tu chu melh in ka nui nghal suk. Ruatfeli ban ka vawnna tang teuh atang chuan hreawm a ti tih lah ka hre chiang viau.









" Kan fapa pawh i lo nih hrep loh hi. Kha hmeichhia kha i dah let hma chu he inah hian rawn lut tawh ngai suh! Ka sawi awm zia chu i hria em? " Ka pa thinrim thaw ri hrawk hrawk chu ka melh let ngur.









" Bawiha pa! " Ka nu chuan a lo ti vat a mahse ka pa hmel erawh a lam chhin eih lo.









" Nang pawh naupang te siin i luhlul ngawt mai. Tlawm tak in ka fapa kal san tur che hian ka ngen che a aia upa zah zo lek lo in i lo luhkhung ngam a ni. Tenawm lutuk! Hmeichhe zahna tla chham lutuk, i chawr chhuahna hi kan hre lo emaw i ti a nge! I chanchin hi kan hre vek a sin, zahawmna nei lo hmeichhia ... "









" Hrep chuan! Duh tawk rawh! " Ti chhuak thawt in ka pa thu sawi lai chu thinrim zet in ka vin tuar. Ka pian atang a vawi khat nan ka pa aw rawl vin a ka biak hmasak berna a ni bawk a ka nu leh pa pawn an hmelah mak an tih zia a lang nghal kawk kawk. Ka ti tawp lo a ni chuan ka pa hian Ruatfeli a tawngkhum danah a in sum kher in ka ring lo. Pawngsual a tawk tih thleng in a hre ve miau a Ruatfelin a nat phah ngei dawn bawk.









" I pa zahna pawh i nei zo tawh lo chu a nih kha! Hre tawh Lawmsangzual hmeichhe tha lo chu chhungkaw pawt darh tu an ni. Chu chu tunah a thleng mek bawk! " Ka pa chuan rilru nat hmel zet a min en in a ti sup.









" Ni lo, tun tum chu i dik lo ka pa! Tun thil thlengah hian a ni hian in hnam hnawihna a nei hauh lo. Nang mah i ni! Chuan he hmeichhe kut hi thlah tumna ka nei si lo a, he in atang hian ka chhuak ang. Lo in enkawl tha ang che! " Ti hmuk in Ruatfeli chu ka chhuah pui nghal hmak.









Hnung lamah ka nu min ko ri leh ka pa thinrim inhro sa chu ngai pawimawh duh lo in kan in chu kan chhuah san a, kan motor bul kan thlen rual in na zet in motor ke ka chhuih nghal chawrh. Min rawn miah lo a Manoi nen kan in hual tih an sawi pawn thinrim viau mah i la in sum hram hram in ka in thiar fihlim a. Kha tiang mai a ka awm leh tur ah an ngai a nih chuan an ring sual viau ang.









" I tha em? " Ka bul ah Ruatfeli chu ding in a rawn ti sap. Van lam hawi a thaw chhuak hawk hawk in in bengdaih hram ka tum a mahse a harsa viau.









" Kei chu ka tha i tha zawk em? " Dam deuh zawk chuan ka ti let sup. A hmel atang a tha lo tih erawh ka hmuh sak thung. Ka chhungte atang ngeiin an duh loh zia an sawi a hria a, ka pa tawngkam phei kha chu kei pawh in ka nat pui a nih chuan Ruatfeli phei chuan a la na viau ang tih lah ka chiang.









" Umm! Plan A chu kan hlawh chham ta sia engtin nge kan tih tak ang? " A rawn ti rual in hre thiam lo zet in ka melh ta ngur.









" Thil thleng vang khan i rilru a na miah lo tih sawi suh. I na tih ka hmuh vek hi! " Ka ti sup chu tawi te a rawn nui sak in a kut chuan ka biang chu a rawn khawih nghal vat a. A chet dan vang chuan ka ding khawng ngur ringawt.









" A na viau em? " A rawn ti sap chu ka pa in min benna kha a tihna tih ka hre thiam nghal mai chu lu ka thing ngut ngut.










" Dik tak chuan kha tiang tawngkam dawng tur khan ka lo in ring sa a, tun tumah pawh i pa kha ka haw thei lo. A thu sawi a dik zia chu i hriat kha nang pawn, ka luhlul em vang in an phal lo chung i bulah ka awm a , chuan a dang pawh kha, mahse kei mah vang a kut a thlak che avang khan hreawm ka ti! " A rawn ti sap a, a kut chuan ka biang chu a khawih reng bawk.









" A nih chuan ka bulah, ka kiangah hian awm tlat la, ka thu thlukna hi ka ti sual lo tih an hmuh theih nan nang leh i pum chhung a mi nen hian chhungkaw hlim tak min din pui rawh! " Ka ti sup chu nui sen sen in lu a rawn bu nghat nghat.









" Lut ang le! " Motor kawngka pawt hawng in ka ti sup. Ka thu thlukna hian ka in chhir dawn lo, hreawm pawh ka ti tur a ni hek lo. Ka fa a pai tih hre reng a kal bo tir ka nu leh pa in an tum avang pawh khan ka lawm hek lo.









" Ih... Hmingtei hmuh kawi ka duh a, ka nu pawh! Damdawiinah kal kawi i la! " Ka lam rawn hawi in a ti sap chu lu bu nghut in damdawiin lam ka pan nghal. Tih tur pawimawh dang ka neih avang in ka lut kawi ve ta lo a, inah a rawn haw tlang tur thu a sawi chuan ka pawm sak ve mai a. Ka kal naah hian ka rei dawn em ka hre lo miau!









Papuia te inah tlang in, Papuia pa chu Pa ang a zawn ka rilruk a ni ber . Ka pa in kan in neih rem a ti lo a kan in zawmna a ti tawp zawk a nih chuan hei hi kkawng awm chhun a ni miau. Ruatfeli pa in palai hmel a beisei bawk a, Papuia pa in min rem tih sak a nih chuan engkim a fel ah a ngaih theih dawn a, a lo rem ti lo a nih erawh chuan he hmun hi chhuah san ka pawi ti hauh lo thung.









__________________________________________________









* LALRUATFELI POV *









Doorbell ri tluk tluk vang chuan ka harh hlawl a, khum bul a sana ka en chu dar 7 a lo ri tep. Tun ang hun ah tu nge lo kal tur ka ngaihtuah ngial pawn ka hre lo. Lawmsangan kawngka a hawn loh danah a zing walk a rawn la let lo a nih ka ring.









Khum atang a tho chhuak in room chu ka chhuah san a, tunlai ka mut duh dan chu pui tak a ni. A hma pawn ka duh reng thin a mahse tunlai hi ka duh leh zual in ei leh ka thei viau leh nghal.









Kawngka ka hawn rual a ka mi hmuh vang chuan ka meng nghal kawk. Chuan ka lo hawng kher kher kha ka in chhir ta rum rum. Lawmsanga nu nen kan in hma tawn nghal ran chu chet ngaihna pawh ka hre lo.









" Ka fapa a awm em? " A rawn ti chang bal chu harh chhuak zawk in lu ka thing nghal vat.










" Lo lut la! " Ka tih rual in a rawn pen lut nghal chu huphurh ru zet in a hnungah ka zui a chhuat lai ah a din mauh avang in ka thu ngam bik teuh chu ka ding ve at.









" Lawmsanga a awm lo chu a fuh zawkah ngai ang! Nang hian ka fapa hi kal san I la tum cheu na nge? Engkim i hmu a , nang vang hian a pa nen an in zawmna hial a chhia a chuti chung chuan zak miah lo in a in ah i la cheng a maw? " A rawn ti fak fak chu chhan vak ngaihna ka hre lo. Eng ang pawn min an khum in tawng mahse Lawmsangzuala nu a nihna a bo si lo a ngawih ka thlang a ni ber.









" Englo! Ka tum a engkim chu kal san ka tum a mahse ka thei ngang lo a ni. Khawngaih in min hre thiam hram rawh. " Ka ti let hap chu a nui ro hak.









" I la tum tawk lo a nih chu! Ka fapa hian nang mahah hian enge a hmuh chu ka hre ve a sin. I la naupang in, hmeichhe nalh lo zawk zawk i ni lo bawk a. Chutah mipa lakah awm dan leh an ngaihsak theih dan tur che in i khawsa thiam bawk si. I nun hlui vang in i lainat awm in ka fapa in a hnaih leh zual na tur che in nau I la pai zui a! Hmeichhe naupang te si hi mipa han chhai thlu tur chuan i fing reuh phian a! " A rawn ti chu ka in seh ruh nghal vak.









" I la naupang bawk i pum a naute chu kan lo en kawl ang. Chuvang chuan nang chu nula ang in leng leh rawh! " A rawn ti kha fak chu chhan ngaihna pawh ka hre lo.









" Ka thei lo! Naute hi ka duh a chuan i fapa pawh ka duh ! A nin min kal san hmasa a nih loh chuan kei chuan hlat ka tum lo... " Ka ti let tawng chu a huat hmel ngang mai.









" Nangnu hi.. " Ti leh min ben a tum chu mit ka chhing hman tawh. Mahse ka biang emaw engmah na ka hriat loh vang chuan ka meng riai riai a Lawmsangan a lo dang chu ni in.









" Enge tih i tum hi! Kei kut min thlak kha a tawk viau lo maw? Ka fa pai mek tu kut thlak tur hian chanvo i nei hauh lo! " Lawmsangzuala aw chang bawl chu hriat a nuam viau lo.









" A chal tlai reuh em a nih kha. Nang pawh hi i chungah hian ka lawm hauh lo, i pa damdawiin ah a awm lai in nupui neih i tum a maw? Kan fapa i nih hi! " Lawmsangzuala nu vin tuar chu in chhungah a khawk nghal tuar. Chuan enge a sawi kha damdawiin ah a pa a awm a maw!









" Ka hria a lawm! Chu leh ka nupui neihna tur hian in zawmna a neih ka hre hauh lo. Nang mah ni ngei a nih kha tiang din hmun cho chuak Tu! " Awlsam zet a Lawmsangzualan a ti chu ka hauh in ka en.









" I pa rilru i ti na a sin, kei pawh min ti na! I Nu leh pa kan la dam reng lai in pa i zawng a, enge i ngaihtuah? " Lawmsangzuala nu chuan a ti zuai raih.









" In pawm duh tlat loh chuan tih theih ka nei bik lo. Thu ho lam I sawi ai chuan min haw san rawh!" A ti chang bawl chu sawi mai tur hre lo in a in sut faih. Kei tak pawn hreawm ka ti mahse tih theih ka nei bik lo. In hnuk kir tur in ka kal thui in Lawmsangzuala rilru tih nat belh ka duh lo!









" Ka fapa i nih hi! Engpawh ni se i pa chu rawn hmu ve rawh! " Ti hap a in her in a chhuak chu ngawi reng a ding in ka en a, Lawmsangzuala rilru pawh a na tih ka hria. Ka lakah erawh na lo ang in a awm lui ngar ngar thin.









Lawmsangzuala room lam a a lut chu a hnungah ka um zui nghal dawr dawr. Room a thlen rual in a shirt a hlim thawk a, a walk zo taksa thlan zawng zawng leh a thinrim hmel thleng chuan a in hmeh em em vek.









" Sawi dun i la;" Tim dai a ka ti chu ka lam a rawn hawi vut.









" Duati ka rilru tih phir tum lo teh! Tunah tlawm zawk a ka tang a nih chuan nang leh naute hi an pawm mai lo ang cheu. Ka sawi ang hian awm la, min ring tawp rawh! Chi chu i ti thei a ngem? " A rawn ti sup chu thaw hak in lu ka bu nghat.









" Good! Chuan eitur lo va siam la hna kal ka ngai a nia! Kan in neih hma hian buaipui fel ka duh dawn a! " Then suk a a rawn ti chu a rilru tih hahdam nan ka nui ve sak. Kar thar mai hian kan in nei dawn. Hria erawh an tam lem lo, kan din hmun in a zir loh mai bak ah mi tam tak sawm a in neih buat saih theih kan ni lo miau!




*



*




" Honey I mut a chhuak tawh em? " Min ngaihtuahna aw lutuk a rawn ti sup tu chu en in lu ka thing vat. Couch ah thu in Lawmsangzuala dar ngheng in hma lam center table ah chuan ka ke ka thluang zar a, TV ah movie ka en dar dar lai in a ni chuan laptop ah a hna a khawih mawlh mawlh thung.









" Ka zo tep a nia! Kan vantirhkoh ve thung hi Apa hmu tur in thla tlem te chiah a ngai tawh bawk a! " Ti sup in ka pum puar ve ak tawh chu a kut lian leh lum thur thur chuan a rawn khawih chu ka nui hak. Tunah chuan nupa dik tak kan ni tawh, Papuia nu leh pa in Lawmsanga nu leh pa ai an awh a, rei nghak lo in kan in nei fel vat a, mi tam tak kan sawm lem lo na chung in kan chung chang erawh a darh chak viau.









Media lamah mawi lo tak taka kan chung chang post a awm fo bak ah college ah pawh kan thang mawi lem lo viau. Mahse Lawmsangzualan engah mah ngai lo a hma lam pan tur in min fuih fo a, class pawh kal lo in 3 sem leh 4 sem chu ka exam a, in lamah ka tang ve bawk nen ka la pass ve zel a. 5 sem erawh ka nau neih thlaah kan exam dawn avang in ka ba dawn a nih hmel.









Lawmsangan a hna a chhun zawm char char a, mahse a nu leh pa erawh vawi khat mah kan hmu leh tawh lo a. Engmah thleng lo ang in awm mah i la kan rilru erawh a kam ru reng thung.









" Mambawih tunah damdawiin lamah in nupa in rawn kal u la a va tha ve! " ka phone rawn ri ka lak rual in ka pa in a rawn ti a, ka bul lawkah ka pasal in hna a khawih mawlh mawlh chu ka melh zawk a min lo en ve chiah bawk.









" Pa ti nge? " Ka ti let sap chu thu rawn sawi chuan min thawng tak zet. Ka ngawih tak reng vang chuan Lawmsangan ka phone chu min rawn lak sak vat a, tunah khan ka pa in mihring kan in chan zo ta lo a rawn ti a nih chu! A awm zia chu ka nu..... Ka mittui chu a rawn luang thla pap a, Lawmsangan phone be mawlh mawlh chu ka melh ta ngawt.









" Honey! In siam ang i pa te in lamah kan lo va awm a ngai a nia! " Lawmsangzuala chuan dam dup a tiin ka thu khawng at chu min kai tho a room lam min pan pui nghal ngawt bawk. Ka tawng lo a, ka tap bawk hek lo, Lawmsangan ka thawmhnaw min thlak sak lai te chuan ka a vek a ni ber. Ka nau pai thla riatna a ni ve tawh a, ka pum pawh a puar ve lak tawh bawk si chu zan rei a han chhuak tur chuan ka rit mah mah tawh bawk.









" Ngati teh thut nge? Nimin lawk pawh khan a la tha vek sia! " Motor a thu chuan ka ti chhuak sap. Lasangzualan ka kut chu rawn hum in min thlamuan mawlh mawlh a, ka nu din hmun chu that lam a pan lutuk lo na chung in a bangai reng avang khan ngaiah ka lo nei hman a mahse tunah a boral tih ka hriat tak thutah chuan min nghawng dan chu a na viau tho.









Ka pa in ah ruang a lut a, zan men in naktuk chawhnu lamah vui liam tur a ni bawk. Ka nau ken a rit tawh bawk nen room nen ka kar tawn chhen a, ruang ka kil chuan ka tap bang thei bawk si lo, ka kil loh a nih chuan ka nu hun hnu hnung tih ka hre ve bawk si, ka hun tawn chu a hreawm tak zet a ni ber.



*


*


" Ei lui hram hram rawh! I taksa in a tuar lutuk a nia! " Ka thleng rawn nawr hnai a ti sup tu chu melh in ka nui sak. Tunlai ka awm dan chu ka nau neih tur seh sam nge ka nuam lo nileng thak zel. Thla tawp lam ka neih hun tur a an sawi a nih avang in ka la in ring chiah lo bawk si chu Lawmsangzuala rilru ti hah ka duh loh avang in ka sawi duh lem lo.









" Ih... Nimin ah hna i kal lai khan i nu leh pa an rawn kal a! " Lawmsangzuala en chuan ka ti sap. A fian ken dah thla in min rawn melh nghal run.















" Eng thil nge an rawn sawi leh hrep a! Buaina an rawn thlen che a nih chuan...." Lawm lo aw lutuk a a ti chu lu ka thing nghal vat.









" Ih! An bul a cheng tur in min duh a! I hriat kha i pa hriselna tha lo nen chu mi chung chang vel chu! " Ka ti leh sap chu a thaw nghal hawk.









" Tunah rih chuan kan la in peih tlang chiah pawn ka hre lo! " A ti hmuk chu ka ner nang.










" A tha ka lo ti a sin! Eng thil pawh lo thleng tawh mahse in rem leh bak a thil hlu hi a awm lo a, midang in min sawi dan pawh a dang lam dawn a, in chhungkaw ti darh tu ah min puh te hi hreawm ka ti!









Naute a rawn piang a nga tiang in nghir ngho na a a rawn pian ai chuan kei chuan an bul a chen chu ka pawi ti miah lo! " Ka ti hlak chu a tum deuh bur a nih chu.









" Honey! Kha lam kha chu kan sawi lo thei em? " A rawn ti sup chu ka thaw hak. Ka pum lah chu a nuam lo tan viau leh nghal.









" Lawmsang!"









" Sawi tawh lo teh, kum khua a in huat lam ka ngaihtuah bik lo mahse vawi khat min rawn koh naah mei khup nghal zul zul chu a tlawm thlak ka ti deuh mai a ni! " A rawn ti hmuk chu ka chhang hlei thei tawh lo.









" Chulam a ni lo.... " Ka ti bah nak chu min en lem lo in a thleng a thil chu a ei chhun zawm mawlh mawlh a nih chu.









" Na... Lawmsangzual.... Ka tui bawm a keh in ka hria! Nau ka nei dawn! " Na ti ner deuh nang chuan ka vin that. Lawmsangzuala rawn meng phawk lutuk chu ngei zet a melh in dawhkan rin chhan chuan ka in nem kang a. Min rawn pan vat in min pawn kang nawlh a, kei erawh ka neih ka lo in ring lo nen kan che buai a ni ta ber.





*



" Heiii!!! Duati i lo harh tawh a? " Ti sup a mit ka men rual in ka chal a min fawp ti chu ka nui sak. Cabin hranah min lo dah lut tawh a nih hmel. Ka hawi kual chu kan piah deuh a Lasangzuala nu pawh a lo awm chuan naute a pawm bawk.









" Hmeichhia i nei a! Te tak te duhawm deuh leh nang mah ang mai a mut duh! " Lawmsangzuala chuan mit meng nung sawr sawr a min melh chuan a ti leh sup chu ka nui ve sak. Ka bulah naute chu rawn mut in hnute ka pe nghal vat a. Lawmsangan a ko ah ka ngai tawp a. Tlai lam in kan theih hnu in midang ka pa leh Puia, Papuia leh Hmingtei te pawh an rawn thleng a.









Lawmsanga nu erawh inah Lawmsangzuala pa chiah a awm avang in a haw lo thei lo. Zanah Hmingtein min riah pui dawn thung. Papuian nau ka vei chhung a a thianpa awm dan vel a sawi chu kan nui sak hlawm ngei mai. A mah lah chu a nui tha duh der lo leh nghal. A fanu chu a thlir ngawih ngawih a, tha hi a tih hmel bik ngawih ngawih ni ber in ka hria.









Damdawiin a kan chhuah ni in Lawmsangzuala nu leh pa te chenna lamah kan tlang a. Damdawiinah ka sawi pui nasa bawk nen min pawm pui ve ta nge nge. Nau ka neih tir atang in Lawmsangzuala nu in min buaipui nasa a, ngaihdam min dil a ka ngai dam mai. Engkimah khan to dik bik vek lo mahse an fapa hma khua an ngaih vangah ka ngai sak hmiah a.









A pa hrisel na avang hrim hrim pawh hian inhuat rei viau a tha hek lo. Kum 20 lekah ka fa hmasa ber ka nei a, ka zei lo in ka che reng reng chu ka khawr ngawih ngawih a ni ber. Lawmsangzuala nu phei chu awm lo se ka buai ngawt ang. Ka pasal lah hi kei mah ang tho. Kei ai chuan nau a lawm a mahse a zei lo hi chu ka ti ve thlawt.









Mi te ang in vannei ve kher lo mah i la Pathian in ka hma hun a lo duan dan chu thawnthu lungngaih thlak a ni vek bik lo tih ka hre chhuak a. Hmeichhia chu mualpho hma leh hmingchhe hma tak kan ni a, kan nun chhiatna pawh ho te a ni. Mahse mipa pakhat vang in kei chuan ka nun zawng zawng ka thlak dang lam a. Lawmsangzuala hi lo hre lo i la chuan tunah pawh hian tenawm tak in ka la khawsa mai thei. Tunah erawh ka nunah hmun pawimawh ber a luah tawh thung!







_______________________THE END___________________







💕💕 Min hau chak fe fe chu in awm ka ring🤣🤣🤣 story thar nen in hmuh leh vek beisei ang u aw hmeltha ho😍😍 ka tih thin fo ang in last chapter a ni bawk a cmt rawn pe sap sap ve u la🤭🤭 💕💕



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)