Let it be By Abella Ralte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Let it be By Abella Ralte (Completed)

Unread post by Ngaia » June 28th, 2020, 2:07 pm

Bung – 13




“Congrats” ka ti sap , ka nui chhuak hak a




A kut chu a l a, a tuai vat vat a, a meng rum al a, nuih sawh zet hian ka en a.





Tu pawh mai chuan Heleni Lakme Fashion weeka a in lan tur chu an sawi duh theuh mai a, a then in an lawmpui a, a thenin mak an ti bawk a, kan agency ah chuan mak tihna a tam zawk a, thil fishy tak a awm chu an ring thiam nghal mai a.





Kum a tawp dawn hnai tawh a, kan hma lawka Model tha thlanna a awm dawn a, chu mi hma in, show chi hrang hrang leh event lian tham a awm nual avangin tu pawh mai chu kan buai a, chu lamah chuan kan rilru kan pe vek a, kan agency pawh a lian ber chu ni lo mah ila, abuai pawh leh in tih lar tum pawlah chuan kan awm hrim hrim a.





Keipawh ka duh ang ka nei hman lo ang tih hlau takin ka buai vat vat a, Thangtei phei chu buai vet vet tak a ni.





Muansangpuia nen kan awm dun a, chaw ei kan peih tawh a, mahse a la hma kan tih avangin TV hma ah kan thu dun ve teh mial a, tunlai phei chu a buai em avangin kan in hmu khat a, zan hnih khat riak chhuakin a buai ve reng reng a, bakah TV en dun chu kan tih dun tam loh pawl tak a ni ve reng reng a.





Ka phone ri avang chuan ka tho a, choka lamah daih ka dah avangin ka kal vat a, Nghaktei a lo ni a, ani nen hian nitin in hmu kan ni a, a tul fe ah lo chuan in a ka awm hnu hian min be ngai lo a




“nghakte?” ka ti var a




“kan rin ang chiah ani e, ka duh ang ka nei kim e” a rawn ti a.




“I ti thei ang tih ka chiang a lawm, nang nge nge” ka nui hak hak a,




“message ah a kim chang rawn thawn ka duh viau na in, fimkhur a ngai tlat, kan phone pawh hi a him lo thei” a ti a




“a pawi lo naktuk lamah kan in hmu tho turah ngai ang” ka ti a, ka nui var var a, Muansangpuia chuan zawhna mitmeng deuh hian min lo en reng a





Ka hrilh ve nil nial a, mahse a kim chang erawh chuan ka sawi ta lo a, bakah a tan ngaihthlak a ninawm thei a, a ho pawh a lo ti thei a, Lakme Fashion weekin kan agency an rawn approach chhan chu kan shooting vang kha ani a, mahse ka hriat miah loh in meeting a rukin an nei a, ka meeting kohna pawh ka hmu lo a, ka lo decline reng a lo ni a, ka hre miah lo a, chutah hHeleni an han offer zui leh a ni awm a, an offer tih ah kan agency in an kawhhmuhin an nawr lui ve deuh a ni awm e, Pi Zorini pawh an hmin ti tih mai a.






Francisa pawhin min rawn call a, I ti uihawm lutuk khatiang lo hnar min ti a, ka sawi fiah peih ta lo kha ani a.




Muansangpuia chuan I ngawih reng chhan ka hre chak ngawt mai a tih chuan ka lo nui var var a, a sam a va tuai zauh pah chuan “ila hre vat mai dawn a lawm” ka ti a,





Hneh sawh zet hian a lamah min pawt phei dawrh a, a chetdan mak lutuk avang chuan ka lo in ring hman lo a





“min naupang chhe chei viau suh” a ti a, ka hmui ah chuan a rawn nawr nghal a , kei lahin hnial hauh lo in a mi fawhna chu ka lo chhang let vat a






Rang zet hian a tho vut a, min kaitho ve nghal zat a “chaw ei vat ang” a ti a nui suk a, kan zanlam hun hman dan tur chu a lang chiang viau in ka hria.





Tupawh mai chu kan buai em em vek a, thlakhat emaw awrh chauh a awm tawh a, a ni (day) phei chuan a tling tawh lo zawk a nih chu, zirlai thar an la teuh bawk nen hna thawh tur a lo tam bawk nen kan buai ve hle a.





Kei pawh advertisement neuh neuh ka hmu ve nual a, mahse Johnya min assign chin leh min pek chin chu lar lo te te mahse agency tan a hlawk tur zel tho ani a, hnial hauh lo in ka ti zel a, Nghaktei phei chu a thinrim deuh a.





“nang hi lar I tum tawh lo em ni” a ti hial a, mahse ka tum lo a ni bik lo, he agency nen hian kumin chhung contract kan la nei a, hlawh tam tak min pe ve a, chutia duh duh a han hnar mai theih a ni bik lo a, kan lan duh lohna chu kan sawi thei teh meuh mai mahse dik tak a sawi chuan ka duh loh chi hlir a ni a, mahse ngawi reng a tuar chhuah vat vat a, tih zawh vat vat hi ka duh ber a.






Interview ka hmachhawn ve reng a, interview ka neih a paing hian a hnu lawkah Heleni interview hi a lo awm ve hman ziah zel bawk tih kan sawi tel hram a nge.





Johnyan min koh avangin inchung lamah ka chho a, kik lem lo chuan ka lut ve nghal zat a





“in in peih tawh em” a lo ti mawl tawp a





“in peih thawkhat tawh e” ka ti a, a bu nghat a. thu la tih pah chuan thutna chu a kawk zauh a





“zanin chu chu ka nu leh pa inneih anniversary a ni a” a ti leh bauh a




“chuan?” ka lo ti var a




“kan pahnih a kan kal chu a ngai ang” a ti leh sup a, ka lo ner sak a, ka peih lo zep lo ah chuan




“office banah hian kan tlang mai dawn emawni ka ti deuh a” a ti leh a, “a th a lawm” ka ti bak a, a bak engmah ka chhang buai peih lo a





Ka tho vat a, ka chhuak ta daih a




Heleni rawn lut tur nen kan in tawk a… a mi melhna na zet chu ngatan mah ngai hauh lo in ka pel a, kawngka chu dim fahran lo chuan ka khar a, ka thinrimah an ngaih kha ka duh a, rilru nuam hian ka awm tir dawn bik lo reng reng

_________________________




Amelia chhuak chu ka en zui reng a, ahma khan engtin nge ka lo hriat thiam loh pawh ka in hre lo a, hetiang em em a nalh leh it awm hi ani tih ka hre lo, tunlai chu in cheina leh a zia engkima danglam a nula puitling ani tih a hriat hliah hliah a, mipa tan chu a nalh zia hmuh hmaih chi a ni lo





A hma pawhin a nalh ka ti tho a, amahse tun a ng hian ka lo la en ngai miah lo, a chhuak chu hmuh nawm ti zetin ka en zui reng a, Heleni lo lut tur nen an in tawk a, ka ner deuh nawk a, tunlai chu Heleni hi ka ning tlat a chhan pawh ka hre lo, ka ten deuh rauh a.





“hmuhnawm I va ti ve” a rawn ti el deuh salh a



Tih thinrim chi a ni rih lo tih ka hriat avangin ka lo nui deuh sak a” I tha em?” ka ti ta zawk a






“ka that leh that loh hi I hre duh tak tak pawn ka ring lo” a ti deuh nghalh a, a hmel chu ka en a, a lem riau hian ka hre tawh a, kum thar vat vat se, thawnbo vat vat ka duh tawh, Amelia hi neih vat vat ka duh, tunlai a awm dan hian ka awm a ti nuamlo, ka thu chu la awih tho mahse a hmelah hian zamlohna ni dang a ka la hmuh ngai loh ka hmu tlat a ni, ani hi chan thei ka ni reng reng lo.





“engnge I ngaihtuah daih daih, ka biak che chu” a rawn ti teng hlar a, Heleni lam reng reng ka lo ngaihtuah lo a, tunlai chu a raino nen a bula awm anuam fahran lo a






“sorry, eng maw I sawi” ka ti vat a





“ka ngaih a ngam lo, award kha ka dawng lo ang tih ka hlau, min ngaihsak thalo bawk si” a ti a






“bawihte vawi tam min ring rawh ka tic he a ni lawm ni ka ti fel vek mai ang” ka ti a






“nang hi ka ring tak tak lo che, I hma bak I sial lo a ti hmarh hmarh a






“I tawng fimkhur deuh teh, nangmah vang vek selin a ni engkim hi ka tih ni”ka ti hmak a





“nga ti nge Amelia hi neih I la tum reng tho si” a ti a






“I hriat vek kha, kan duh angin kan control thei nang, award I dawn zawhah te chuan neih pawh ka tum tawh bik nang, kan pahnihin kan kal bo rih a nga chawlh kan la daih ang chu” ka ytia, ka mitmeng chiang zet a min en chuan nuam ka ti lo deuh a






“ duh aiin ka lang chak ang tih ka hlau, thla thum a tlin tawh hi chuan a lang zawt zawt zel an ti sia” a ti leh a, a dul la lang miahlo lam chu a chul heuh heuh a, henu hi ka fa chu pai lo se ka hmu peih tawh thlawt lo a ni, zaninah Amelia ka hruai dawn tih hre phei se chuan a sa ngawt ang chu.






“hlau thawng suh, engkim a tha leh vek mai dawn a lawm” ka ti leh ngawt a, a ni pawhin min awih a niang chu a ngawi ve tar eng a, chhuak vat vat se ka ti kher mai.






Dar nga rik hma deuh chuan Muansangpuia ka text a, ka haw tlai tur thu leh chaw ka ei nghal tur thu ka hrilh a, ok tiin that akin min rawn chhang ve mai a, muansangpuia ka ngaihtuah zawng ringawt pawn nuam ka ti, ka hlim. A mi ngaihsakna leh care na zawng zawngte hi kumtam Johnya nen kan inzui a ka la dawn loh a nit lat, mi pa fel tak anih loh chuan lerh tak a ni tal ang chu






Johnya nen chuan kan chhuak rual a, siama chu ka hrilh sa avangin haw dawnah bak ka be tawh dawn lo a. an in kan thlen chuan mi pawh an la tam lutuk lo a, a nu leh pa chu ka hmu var a, Nu Ngutein min hmu chuan fanu lawm ang zet hian min lo kuah nghal chang chang a, ka gift ken te pek pah chuan ka wish nghal a,



Nu ngurtei hi chu engtik lai pawh a min lawm tu a ni a, apa erawh hi chu ka nel lo, midangin an be buai chu ka lawm ah a tla hlauh a,





“in chungah kan chho dawn em ni?” Johny an a tih chuan rang zet hian “hetah ka lo awm ang, nu Ngurtei nen hian kan ti ti laklawh” ka tia, a nu pawh chuan rang zet hian “nia, kan in hmu khat si” a lo ti ve var a.





A ni nen a fal awm tumna ka nei hauh lo, tunlai a awm dan, min it hmel zet a min melh te hi ka hai hauh si lo a, a lak atang hla takah zel ani ka awm dawn ni.





Hmelhriat dang dang an lo kal a, nuam ka ti ve hle a, a thenin chaw an ei a, kei erawh chuan Johnya chu ka la nghak deuh a, ka rin aiin a rei phian a.





Hunserh an hmang zo a, zaithiam tak tak zai kan ngaithla a, Model nalh tak tak pawh ka hmu nual a, a then an lo lam bawk a, Johnya an lam ve ila min tih chuan ka peih lo a, Nu ngurtei chuan kan pahnih chuan min rawn koh tir a, khual chhawn awmna bulk an va thlen chuan Muansangpuia leh Dr. Msi chu ka hmu nghal zat a, Msi a ban a ka ta ani ti mai awm a, fet zet a kuah na chu ka hmu nghat zat a, a kuah han ti ila, a uai ani zawk ma hang chu.





An ni pahnih hmuh ka beisei loh lutuk avang chuan second tlemte chu ka buai deuh nak a, Johnya chuan min rawn nghawk zauh a, ka kut chu ka phar chhuak nghal vat a, Muansangpuia ka chibai lai chuan min chibaina nghet churh mai chuan ka tiril a fan nghal zat a






“ka nupui hual Amelia” Johnya chuan a ti zat a, muansangpuia ner deuh sak chu ka hmu reng a, ka vawt deuh sung sungin ka hria.





Lawmthu an in hrilh nel nual hlawmin ka hria, an thusawi ber pawh ka hre tawh lo.






Kan let leh chuan kan thutna ngai lam a thu lo in, Bar counter lam ah chuan ka kal a, Counter hi bathlar ah an siam a, wine an dah chu ka va in ta teuh a, Johnya chuan mak tih hmel zet hian min lo en reng a, ka pawisa der si lo a.




“tunlai chu zu lam hi I in ta zeuh zeuh mai” tiin min rawn khap hlak a





“I duh ve em” no chawi kang zauh pah chuan ka ti a, a lu a thing mat mat a





Kan av luh leh pawh chuan Muansangpuia ka va hmu nghal zat a, an thutna piah deuhah thutna kan rem ve a, duh duh sawi hun aniang chu a hman a piang mai chuan thu an sawi ni maiin ka hria a, bakah muansangpuia te pahnih chuan min ti khawr zo a, ka in thlahdul thei lo a, ka insang mar teuh a, ka awm dan chu nuam pawh ka ti lo, sana ka en a Dar 9 pawh ala ri si lo, haw vat vat ka chak a.






Msi chuan a tawng kar lak hlekah muansangpuia chu a va nek emaw, a va khawih chu ti reng reng a chuan a awm a, hmuh nuam ka ti lo,ka thawk a sak tlat, inchhung chu nuam ka ti lo a.





Johnya bulah chuan “ka va chhuak harh lawk ange” ka ti a , a mi chhan na pawh ngaithla tawh chuang lo chuan ka tho nghal vat a, inhnung lam zawl zau nuam zet lamah chuan ka chhuak ta daih a, thlasik a ni tawh a, pawn boruak vawt var chuan min ti harh sawng sawng a





Mi pawh an lo awm ve nial a, an lo chei nalh bawk nen hmuh anuam tak zet a, inchhung a Muansagpuia te in lem vel hmuh reng ai chuan a nuam zawk, a mit meng chang zet maiin min melh na kha awm ti nuamlo vek tham a ni.





A kilt him chinah chuan ka ding vang vang a, midang awm vet e pawhin minrawn hmuh phak tawh lo ang, thawk la in ka ding vang vang a





“I tha em” rawn ti tu a vang chuan ka hawi sawn vat a, Johnya a ni a






“tha e, ka vak harh mai mai, nga tinge I lo chhuah duh” ka ti a, ka hnungah chuan a rawn ding a, ka kawngah chuan a rawn kuah a, ka tim sawk thei, rang zet a thin thlak pah chuan ka lamah ka in her a






“mi an awm ve saw” ka ti vat a





“min hmu phak teuh lo mai” ati a,





“lut ang” ka tih chuan ka kal tur chu min dang deuh a





“tunlai chu I dang riau mai” a ti leh a, ka han en chho chu min lo fawp nghal zata, ka hmui a dek chiah chu ka luak a chhuak lutuk, ka vawt vekin ka hria, rang zet hian ka thle sawn vat a, ka thle sawn tur chu a kut chuan a lo dang nghal zat a, thawm chhuah chi a ni si lo a, kan in do ngat ngat a.






Thawm a rawn awm takah chuan kan hawi rual dun thawt a.






Muansangpuia chu kan hnung maiah a lo ding tauh lurh a, ahmel chu a nelawm loh kher mai






“chhunzawm ru, kboruak thianghlim ka dawng mai mai” a ti a, a in her vut a, a kal ta daih a, a chetdan mak zet chu kan en ringawt a, harh chhuak zawkin kei pawh ka la san ta nghal daih a, Johny nen minute khat lek awm dun pawh ka peih hauh lo





Johnya pawhin min rawn zui nghal vat bawk a, ka thu a, programme lam pawh ka ngaihven chuang lo, ka phone chu ka ban nghal zat a.



Muansangpuia message a lo awm a, ka en nghal vat a “pawnah ka nghak che” tih ani tawp a, khawng e Msi pawh kha a awm ang ka hawi vel a ka hmumiah lo, mahse ka chhuah chuan Johny an min zui ngei awm si a, a buaithlak zo vek dawn. Ka thu deuh ren rawn a.





Johnya chu eng neg emaw sawiin a tawng in min be reng a, eng nge a sawi pawh ka hre hlawm lo a, ka um e liam ve mai mai a. A pa in a rawn koh takah chuan a kal vat a, chu lai rem chang chu la in ka tho ta vat a, nu ngurtei bulah chuan ka haw tur thu ka hrilh a, ka pu a nuam vak lo a, Johnya min lo hrilh sak mai ka ti a, kawngka thlengin min thlah a.





Pawn ka va thlen chuan dawhtheihna tla chham zet hian Muansangpuia chu a lo vei tawn chhen a, a san a lo en chhen bawk a, min hmuh chuan a ding vat a, motor kawngka chu a lo hawng nghat vat a, ka thu lut nghal a, na zet hian a rawn khar a, kala phu nghek zui.




A tlan muang lem lo khawp mai, min be miah lo a, kei pawhin ka be bik lo a, ahmelah chuan to haw tur ang maiin buaina bak a lang lo a, engnge a buain aka hrethiam lo, khawnge msi kha awm tak pawh ka hre lo a, ka zawt chak viau na in, zawhna zawh ngam hmel pawh a pu lo.






Kan in kan thlen chuan a break chu a hmet chik tuarh a, security pawh a lo tlan chhuak nghat vat a



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:07 pm

Bung – 14



A chetdan mak ka tih em avang chuan tan mai na chang pawh ka lo hre lo a, inchhungah chuan min pawt lut, hnuk lut a ni hrim a, a chetdan chu security chuan mak a ti ve ngawtin ka ring.




inchhung kan lut chiah chu “min thlah rawh” ka ti a, ka kut laksawn ka tum chu min chelh nghet kher mai.




awm mai mai rawh a ti hluk a, a room lamah min chhoh pui a, ka lo tang ve bawk nen kan in pawt nasa mai a, mahse ka hneh lo nasa




“eng nge I hriat a” ka ti tuarh a




room kan thlen chuan min thlah ta chauh a, amah lah chu ka hma ah chuan a ding tauh lurh a, a hmel chu a nelawm loh ngang mai a, mahse ka melh let ve tlat a.




“kha mihring tenawm zet kha engvang a zui leh nge I nih” a ti nghat a




A va han ho ber mai em, ani ang palainpui thinrim nan chuan ho ka ti lutuk a, ka lo nui chhuak ani ngei ang



“a eng kha nge nuihzat tur awm a” a ti leh hmuk a




“nangpawh ngati nge I kal? kei pawh I kal chhan ang chiah kha ani mai a, a nu leh pa te pawh ka hmelhriat an ni tho a” ka ti a





“an ni vangin I kal lo tih chu chiang takin I hria” a ti a




ka thaw halh a, ka thinrm zawng zawng pawh a reh vekin ka hria, a ho ka ti lutuk a.






‘ka nupu I ni a, khapa in a khawih vel che kha ka duhlo ani, chu chu hre reng ang che” a ti hluk a, ka hnungah min nam zui dat dat a, bathroom lamah chuan min nawr a “va in bual fai vek ang che” a ti leh a.



a chet dan nuihzatthlak lutuk a vang chuan a nula rawn hruai , a mah uai bet rengtu kha kalo mangnghilh daih a, bakah han sawi a thik ang alan kha ka duhlo deuh a.





a awmdanah chuan Johnya kha a thik niberin ka hria a.





zan lama hmangaihna kan chen pawhin a uar mah mah in ka hria a, nuam erawh ka ti leh hle a, a chetdan min dim vaklo leh a in sawi thinrim chawp te chuan min ti phur zawk mahin ka hria a, nasa ve tik tek tak chu ka ni.




kan boruak erawh a hma ang thlapin a nuam ,a bula awm a la nuam reng a, kei pawh hna ah ka buai vet vet tawh hle a, programme dawng leh event neuh neuh a awm a, in lan ve chhen a ngai bawk nen, Muansangpuia a zin lai a ni hlauh chu a lawmawm zawk, in lmah ngaihtuah ngai a awm lo a.





ka pu hnen lamah ka insawn a, Siama erawhin min la hruai vek zel tho a, ka mamawh hun apiangah ka hmang mai a, Johnya an duh ai a min hnaih chu ka hne lek lek a.





Thazual award sem zan ani a, sawmna ka dawn angin ka kal ve dawn a, Johny an kalpui min beisei ngei ka rin avangin Francisa ka book lawk vek tawh a, hetiang vel a kal hi nuam ka tih chi a ni em em lo a, mahse kan hna nen a inkaihhnawih anih bakah lar duh chuan a ngai ve si a.





Hemi zan hian kawr sen hlar mai , khup chung chiah a chhing ka ha a, a thui a mawl a, ka taksa rem zaih tur a thui a ni a, a nghawng chu a hnung leh hmalamah zau takin a in hawng a, ban tawite a nei a, a kawngah kawnghren sinte gold colour a in vuah phei tawp a, ka ha chu ka lang simple in k apian a ti lang chiang a, nalh ka in ti ve hle a.




Francisan min rawn lam chuan ka lo in peih vek tawh a, a tlai deuh avangin thupha a chawi luam a, kal hma vak kha ka duh chuang lo a.




kan va thlen chuan Red carpetah an lo awm nual tawh a, keini pawh kan pahnihn in lan ve nghal turin min rawn ti a, kan va in pose dun ve a, Amelia chauh an tih avangin keimahin ka in pose leh a, thuawih tak chuan ka in pose ve a.





kal ka tum chuan Photographer pakhat chuan “Amelia in pahnih khan leh lawk please” a rawn ti a, Francisa peih tawh lo hmel lutuk chu ka nuih a za zawk.





helam helam tiin min ko nuai nuai a, ka hmingin min ko a, zaithiam leh midang te pawh an awm ve a, kan piah maiah Heleni kawrfual puk em em mai ha in a lo thleng ve chiah bawk a.




ka hmu lo der a, Francisa chu uar thei ang berin ka kuah ve a, Photographer zawng zawng deuh thaw chuan keimahni min buaipuin ka hria, Heleni chu reilo te chu a in pose ve a, mahse a kal leh mai a, min melh deuh rawm rawm chu ka hmu reng a. Johnya nen an kal tlan ka rin tehreng nen. mahse kalo buaina tur a awm lo a.





chu ti taka photographer hoin min buiapui chu Nghaktei hnathawh a ni tih ka hrethiam a, zanin a tan chuan ka lansarh ber hi a tul tak zet a.




thla kan la zo chu Francisa chu a thaw huai a, Model nih hi a va lo hahthlak em em ve nui suk pah chuan a ti fiamthu a, kan luh hma deuh chuan interview na hmun a lo awm chu niin, kan kal pelh leh ngei a ngai sia, Heleni eng eng emaw an lo zawt mek a, kawr design tu tih vel a lo sawi mekin ka hria.






crew zinga pakhat chuan “saw Amelia te” a tih ri chu ka hre reng a, Heleni kawmtunu in heleni tawng zawh pawh nghak mumal lo chuan “kan lawm lutuk e, Amelia te an lo thleng ve chiah a” a tih zawm zat a, Francisa chu a ner sak a, a peih tawh loh hmel kher mai.





kan va ding ve leh a, zawhna min zawt nasa in Francisa nen chuan perfect couple kan nih thu te leh tunlai chu in in zui tam riau tih vel an han sawi, comment hmasa vel a, ka lo nui nasa mai a, tha tak chuan kan ding tluan ve thei hram a. Muansangpuian a lo hmuh loh hram ka beisei. ka ngaihtuahna chu duh lo in ka ner nawka , lo hmu pawh ni se ngatan mah a ti tawp nang tih chu ka rilru ah a awm zui nghal zat a, ka hnual rawih thei.






Award sem kar lakah zaithiam zai nalh tak tak leh lam nalh tak tak kan en reng bawk a, programme chu a rei ngaihtuahin a ninawm loh a, mit leh beng a tlai em em a.






kan programme reng reng chu a fel faiin, hnawk a awm lo a, a dik thlap mai a, a organizer te an fakawm ngawt mai, mizo te kanlo changkan tawhzia pawh a ti langin ka hria,





ka zaithiam duh em em mai, Feli fanai in Lungrun tih a rawn sa ta ngei mai a, he hla hi Mizo hla ah chuan nalh ka tih ve ber a ni a, a satu a zaithiamin a hmeltha bawk a, a khamawm thawt loh.





“I va duh awm ve” Francisa chuan a rawn ti sar sar a




“duh lutuk” uar zet hian ka lo ti hap a





“kei chu a satu nu khi ka duh daih zawk” a lo ti leh a





“keipawh ka duh ve ve , a hla leh a satu nu” ka ti a,





dar 11 ah chuan programme a zo ve hram a, haw dawn ah chuan hmelhriat neuh neuh kan hmu ve leh bawk nen kan rei ta phian a,





“naktuk zan chu min len chhuah pui hman angem” ka ti a




“nang berin I tih te chuan kan hnial ngam nang” a ti a, ngei awm viau suh ka ti hlak a.





A tuk office ka kal chu nizan lam review hi a ni ringawt mai a, Heleni kawr hak mak zia chu kan sawi sep sep hlawm a





Hlimawmi chuan “in in hmeh lutuk ania” a rawn ti a




kalo hawi a he a, “keimah maw ka ti he haw




“ ni ang chu, nizan insata ah I lut lo mi, in Pahnih thlalak hlir a lawm news le” a ti a, mak ti zet hian ka lut vat a, a lo ni tak tak a, ka nui sak a, couple in hmeh ber kan lo nih chu .. mak hian, ka nui ringawt, an duh duh lo sawi ve mai mai teh se ka ti a, comment ka en thlak chuan …. henu hi model mibum hmang kha nimaw tih ka zu hmu a, ka sa deuh zak a, mahse ka insum leh vat a.




account chu ka check nghal a, ka rin ang chiahin fake account a lo ni ngei a.





engah mah ngaih han tum lo mah ila, kan chhiatna lam leh thil thalo lam hi chu ngaihthah chu a har ve, ka mood off tur chu control hram hram ka tum a.




“I va inngaihtuah nasa ve” nghaktein a tih chuan, ka en chho a, ka nui sak a




“I peih tawh a mi” ka ti sap a




“peih tawh e, phone ah khan engkim a awm vek a, a hmun I thlen hma chu on chu suh ang che” a ti sar sar a




kan nui dun var var a, “Winner winner chicken dinner” ka ti sap a.



zanriah eikham chuan thu muang lo in francisa chu ka be nghal a, ani pawh a lo inpeih tawh a, min rawn lam nghal a, kan chhuak ta nghal a, ka phone erawh inah ka dah thung a




“khawnge kan kal ang” a tih chuan zemabawk lamah kal mai mai ila, chuan WB road lamah kan kual anga ka ti a.




ramhlun kan thlen chuan ka nghaktei phone min pek kha ka on nghal a, thlalak awm ho chu ka en thuak thuak a, duh ang thal a tha ni ngei e.




number chu ka hmet chhuak a, ka thawn mawlh mawlh a, a in delivered ta maw tih ah chuan phone chu ka off leh nghal hmak a, ka ka tha than a. tukverh atanga thli thaw lo chhuak chu ka in chhem tir game chu a in tan chiah ka ti rilru sap sap a.





zan hun nuam tak kan hmang thei chu lawmawm ka tih thu Francisa ka hrilh chuan ka chalah min pen keuh a, dar 10 dawnah chauh ka pute in chu kan thleng a, motor atangin ka chhuk a, thingpui in tur a ka sawm chuan sana a bih zeuh a “ka tlai lutuk ang, hna thah tur tlem ka la nei bawk sia” a ti a, keipawhin ka nawrlui duh bik lo a, lawmthu ka hrilh a, a nui var var a,





lo kal hnai teh a tih chuan Driver seat lamah chuan ka phei vat a “eng nge ni a” ka ti a,





“tuma hriat chi a nilo, lo hrih ru ang che” a ti a, ka zu kun hniam vat a





“mangtha aw” a ti a, ka hawi hai let ling zawk, a thil sawi ho lutuk chu, ka nui hawk hawk a, a in turn nghal vut a, a kal liam tur chu ka thlir reng a, a fiamthu duh lutuk leh ngeiawm si lo chu ka ngaihtuah a, ka nui var var a, Verandah chin ka ka thlen chuan hlim thla a rawn lang thut a, ka te chhuak thelh a, ka tawlh hnung dawrh a, eng chin a rawn thlen chuan Muansangpuia chu a rawn pen chhuak thauh thauh a






Ka thaw huai a “min ti hlau a lawm, I awm tih ka hre lo a” ka ti a, ka awm ka dawm vang vang a, a hmel landan chu a nelawm loh kher mai, min en ngur a,





“engtin nge ka awm tih I hriat reng ang, khapa bak kha chuan I ngaihtuahna a luah lo tih a hriat reng a lawm” a ti hmak a, Francisa a sawina a ni tih ka hrethiam nghal mai a.






“kan leng chhuak mai mai a” bah deuh nawk nawk hian ka ti a,






“Romeo and Juliet dik tak in nih kha” a ti leh hmuk a, ka chhang buai peih lo a, kawngka ka hawng tur chu min pawt let dawrh a





“insiam la haw ang” a ti a, kawngka ka hawng zui nghal a, ka pu pawh a lo thu chhuak ve a




“Bawihi khawnge I kal? Ti nge I phone I ken loh” a ti a




“ka teikual mai mai mawle, duh aiin ka lo rei deuh a” ka ti a





“in pa a lo haw a, a mangang nasa teh a sin” a ti a





“kan in hmu lawm’ tha takin ka ti ve mai a







“taka pu kan zu haw thla ange, a ni hi riak chhuak chi a ni vak si lova” ka tih lai tak chuan Muansangpuia pawh a rawn lut ve chiah a, room ah insiam turin ka luh san ta daih a.





Ka va chhuah leh chuan nan lo ti ti tui ngang mai a, muansangpuia hmelah chuan nichin maiah a thinrim tih a hriat leh tawh miah lo a, a insum thei hi kan ti khawp a





“I inpeih tawh mi babe” a ti a, a ding nghal a





Kan in mangtha fel hnu chuan kan chhuak a, ka ngawi reng a, a ni pawh a ngawi reng a, kan boruak nuamlo lutuk chu tih reh tum chuan



“ti nge I lo haw thut a, buaina a awm em ni” ka ti a





Min chhang dawn tawh lo emaw ka tih hnu chuan “ka ngai che a” a ti hmuk a, ka rin loh lam daih a min chhan a vang chuan ka hawi hai let ling ta phian a.





“nang lah chu I lo lerh kual mai mai a” a rawn ti leh hluk a, a aw khakna rawn lang chhuak chu ka hai hauh lo , ka tim sawk thei.





“kan tei kual satliah mai mai mawle” ka ti hap a





“hetiang chuan ka awm loh ah pawh In pui lamah I chho tawh lo ang” a ti a




A phone a rawn rik takah chuan ka chhan a ngai ta lo hlauh a, dash board a awm ani a,




“min lo pe lawk mai” ati a





Ka ban ve nghal mai a , Mali tih inziak chu ka hmu a, ka kut chu phone in a kang ta emmaw tih mai tur a rangin phone chu ka pe a,kan awmna a in hnaih em avang leh a tawng a zawih hran loh avanginn





“ka thawmhnaw thenkhat hi ka hmu mai lova, I bag ah khan kan khung emaw ni le” a rawn ti lar lar a.





“kalo en dawn nia” a ti hmuk a, min melh zeuh chu ka hmu reng a, mahse ka en duh thak lova. Phone chu a dah a, dashboard ah chuan a theh phei lawp a.






“kha kha maw hna thil a I zin chu, Honeymoon in hmang a ni maw” ka insum thei thlawt tawh lo, ka sawi chhuah loh chuan ka a thei tak ngial dawnin ka hria a.




“ ani chung chang khatiangin sawi suh” a rawn ti hmuk a, ka thin a sa ve phat mai a,





“ka thei lo a maw? Nangin i duh duh i zinkual pui a, i mutpui theih laiin keiin ka tih ve chu sual ani a maw? Nupui anga awm tur a min duh chuan, nang pawh paal angin awm ta che” ka ti a, ka thusawi tawp lam phei chu ka au a ni hrim tawh a, engtin nge huaisenna leh chakna ka neih zawk pawh ka hre lo, thik thu hian mihring a tih huaisen theih zia ka hriat phah.






Motor chu a break tuarh a, ka hmalamah ka lu chu ka va tauh deuh a, ka thin a phu nasa lutuk





“i tha em” a rawn ti a, ka sam a rawn huihna kut chu ka paih sawn vat a




“min thihtir i tum em ni? i duh leh tlan liam law law ta che” ka ti nghal bawrh bawrh a, ka tawng nasa bawk a, a tawp lamah phei chuan ka thawk a chham deuh hial a, ka va en phei chu, a lo nui suk a, chung te chuan ka thin a ti rim hlei hlei a.




“nasa reuh lutuk” a ti hluk a, a tlan tan leh ta nghal a, ka ngawi hmak a, a ni pawh a ngawi run a.





In kan thlenn chuan ka chhuk vat a, ani pawh a rawn chhuak nghal vut , kawngka kalhna chu dimlo fahran chuan ka hawlh nawk nawk a, ka khur nasa lutuk chuan ka hawlh fuh hlei thei lo a, ka kut atang chuan chahbi chu a rawn pawtthla a, amah chuan a hawng a, a hawn velah ka lut vat a, a bulah hian minute khat lek pawh ka awm bellh a nih chuan ka insum thei lo ang, ka haw lutuk, khanu nen khan an zin dun a, khum pawh an in tawm ngei dawn tih ka chiang a ni.




Step ah chuan ka tlan chho dar dar a, ka hnung maiah chuan a rawn kal ve zel a, chungte chuan ka thin a ti rim zual a.





Ka room a ka lut tur chu min pawt let hrawk a, kan room ti ila, a room lamah chuan min nawr lut nawk nawk a, ka thawmhnaw tam zawk pawh helamah ka la phei deuh vek tawh a, mahse ka thinrim em a vangin keimah a awm ka mamawh in ka hria a.





Khumah chuan min nem thu deuh hnawk a, ka zam duh tawh bik lova, Msi nen an zin dun tih ka ngaihtuah ringawt pawn, ka rilru ana lutuk,min vit deuh nget nget ni maiin ka hria a. kan inneih chhan ngaihtuah turin ka in fuih ru char char a.





“ngai em em che in ka lo haw a, surprise che tumin ka rawn kal a, mahse mipa dang fawpin nangman min surprise zawk ania” a ti ngal ngal a, ka sa ve phat a, Francisa khan min fawp hauhlo, mahse insawifiah erawh ka tum hauh lo.





“nangin i duh duh i zin pui theih rualin, kei lo awm mai mai turin min beisei bik chu a dik hauh lo ang” ka ti a, ka en let ve ngal a.




“kan pahnih inkar a ni a, a ni chu rawn sawi tel e miah suh, a ni nen chuan in in ang lo lutuk” a ti vin tuarh a, ka phu dawrh a, chu ti taka tawngkam vin a la hman loh avang chuan a tawngkam vin hman chu mak ka ti kher mai.




“chu ti chu nang pawhin tu nge k a kawp a, ka chhuahpui ilo ngaih ven a tul lo ang” ka ti ve hmak a





Min chhang lo a, a ngawi run a, ka ngei tawk a tling em em a, “ka duh duh ka kawp ang, ka nun a ni, ka pasal tak tak pawh i nilo” ka ti leh nghek a





A hma zawng pawhin ngawih ka chuh hram hram a, Msi chung chang ka sawi lang ngai hauh lo a, sawi lang ngam turin alakah engmah niin ka in hre lova, mahse tunah chuan a ti lutuk ve deuh a ni. Msi hlauh phei chu ka thik hluah hluah, lo thik awm reng ka ni tih ka hriat chuan ka tah a chhuak ut ut a.





Ka tah chhuah loh nan ka beih fe a ngai a, ka tho a, room dang a ka in sawn mai loh chuan kei hi ka a thei tak ngial dawn.





“khawiah mah i kal dawn lo” tih pah chuan khumah chuan min pawt let a, mn dim lo kher mai, khum chu dup em lo se chu ka tlu na ve khawp ang.





“ka nupui i ni a, i ni zel bawk ang, a tawk ka tih hma chu i ni bawk ang” tih pah chuan dim lo zet hian ka kawr hak chu a rawn pawtthler kawk a, lo dan ngaihna pawh ka hre lo, ka rin loh dan lutuk a achet a vanng chuan mak ka ti a, ka phawk a, tin a chet dan chu a rapthlak tak zet bawk a, ramsa te tih awm tawk leh a ni a tih ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:07 pm

Bung – 15




“ka nupui i ni a, i ni zel bawk ang, a tawk ka tih hma chu i ni bawk ang” tih pah chuan dim lo zet hian ka kawr hak chu a rawn pawtthler kawk a, lo dan ngaihna pawh ka hre lo, ka rin loh dan lutuk a achet a vanng chuan mak ka ti a, ka phawk a, tin a chet dan chu a rapthlak tak zet bawk a, ramsa te tih awm tawk leh a ni a tih ni.





“ramsa bawlhhlawh pa” ka ti tuarh a, a rum nghut a, min chhang tawh lo a, a thawmhnaw chu chhuatah a paih darh nuaih a, ka theih tawpin lo do let ve mah ila, a ni chak lutuk leh thinrim khaw hmu lo chu ka hneh der lo a,






Min hneh lak chiah chuan ka au chhuak thawt a, ka mittui a rawn baw zawih a, tiang a ka chung a chet duh hi ka lo ring ngai lova, ka na takzet, ramsa ang chiah a ni , a duh a tih zawh chuan a tho hmak a, a chhuak zui daih a, en pawh ka en peih lo ... ka haw lutuk che ka ti chhuak sep a.





Darkkar khat vel che lova ka mut hnu chuan ka tho dawn a, ka taksa peng tin chu na lo lai a awm mang lo, ka pen zwng chuan ka ner deuh sak a, mizo upa in hmeichhe awmnem an tih awmzia chu hei ngei hi a ni tih ka hre chiang ta, kan va lo chak lo tehlul em.






Tuilum sa ver vawr chuan ka in tleuh a, shower hnuaiah chuan ka ding reng a, ka mittui chu a dir zung zung a.





A chetdan raw va tak ka mitthla ah a rawn lang a, ka lu chu ka thing nawk nawk a, hriatchhuah rih loh ka duh zawk.





Ka muhil mang lova, ani pawh a rawn let tawh lova, khawi roomah nge a riah ang, nge a kal chhuak pawh ka hre lo, motor chhuak thawm ka hriat loh avangin a chhuak lo turah ka ngai deuh a, mahse bathroom ah ka awm lai pawhin a chhuak thei tho bawk a.






Ka in let sek a, ka tih tur ka zo tep tawh a, Johnya pawh ka nun atangin ka thingthla fel tep tawh a, chuvangin ka tuar chhuak tur a ni. heihi ka thutlukna ani tawp mai.





Ka pu hnenah awm ila a tha zawk a ngem tih chu ka ngaihtuah deuh a mahse buaina hi tlanchhiatan aiin hma chhawn ila, a fel hma zawk tih chu ka hre ve kar a, a rin loh dan deuhin ka awm ang, tha takin ka be bawk ang tih chu ka thutlukna ani.






Ka lo muhil sek a niang chu, Pi mawii rawn lutin min ti harh a, ka lo harh tih a hmuh chuan



“ka ti harh che law, pawi lutuk, pu in min rawn ko hma a, a ni chu a chhuak tawh, i dam thalo tih a sawi a” tih pah chuan chhuat a thawmhnaw darh nuaih chu a ti fel zung zung a.





“ka zia tawh lutuk e, lo kal hma a ngai lo a sin” ka ti a





“i ril a tam tawh ngawt ang, ei tur ka zu la ang aw” a ti a, a chhuak nghal vat a, sana chu ka en a, Dar riat a lo ri tawh a.




Thawh tum a ka in beng kang chu ka ner sawk a, ka ban vel chu a na riau a, ka en chuan a lo duk thluah leh nghal a, naktuk zan programme tur ka rilru ah a lo awm nghal a, ka thawmhnaw hak tur zawng zawng nen, a va han in rem dawn lo tehreng em.



Pi mawii chu ei tur chawiin a rawn chho a, nuamlo a tih ka hauh avang chuan ka ei ve hram hram a, bakah in tih chak ka mamawh tlat.





Ka tho tur chu min lo pui vat bawk a.






Ka in chet zal hnu chuan ka zia ta deuh hlek a, dar 11 velah chuan ka chhuak ta chuah a, naktuk zan programme tur a ni tawh bawk si a, vawiin ah tih tur kan nei nual a.





Ka thlen chuan nghaktei chuan min rawn pan vat a, a hmel a hlim sarh bawk a




“message chuan a thawk tha bawk aniang, Pu chu a mood a off ngang mai a, Pu room atangin Heleni tap teuhin a lo chhuak an ti” a lo ti nghal var a.




“kha kha ni mai” ka ti a, ka nui var var a, Muansangpuia a vang a hnehna ka chan leh ka hlawhtlinna a ka lawmna hi tih bo ka tum teuh lo.




“i ban te kha nga ti nge, i chungah eng nge thleng a” a rawn ti leh nghal var a





“ka tlusual palh a lawm le, mahse ka na lo e” ka ti vat a, a chek tlak tlak a




“a va hun lo ve aw” a ti a




“pawi hlei nem, engmah lanna tur a nei ve chuang lo va” ka ti a, Nghaktei chu a rawn khek vak a, engtin nge ka theihnghil theih zawk a, thildang kalo ngaituah nasa lutuk ani, naktuk zanah Model of the year lawmman i hlan dawn tak sin, nizan ah min rawn hrilh a Chairman in a ti a, ka lo meng phar awk a.





Programme lam ka lo ngaihtuah miah lo a, bakah chanvo ka neih phei chu ka ring lo hrim hrim a, johnya tih nge niang heleni remruatna vek zawk aw, fimkhur ka ngai viau tih erawh ka hre chiang thung.





Johnyan min koh avangin ka chho vat a, a room ka thlen chuan a hmel chu a tla dawkin ka hria a, ka ngaihbel nge pawh ka hre loo, nidang a ka tih fo thin angin





“i dam tha lo mi, I va chauh hmel ve” ka ti a





“ka tha lawm, naktuk zan programme tur velah hian kan buai leh deuh a lawm le” thu rawh min tih nan a kut a zap a.





“programme ah i lan kha i hria em” a ti a





“nghaktein min lo hrilh zo chauh a, mak ka ti deuh a, nga ti nge mawni le?” ka ti sap a





“ka hre biklo, kan chairman khan a rilru a thlak thut a ni awm e” a ti a, a kut chuan dawhkan pen chu a la a, a dah leh a, awm mai mai theilo ang hian a awm a.




“a lawmawm lamah ka ngai mai aniang chu; ti raw” ka ti a





“lawmawm tehreng e, tiangte chu kei pawhin ka la beisei pha hlei nem, a hma chuan pi zorinni kha a nia hlan tur” a ti a





“ka va changsang ve” ka ti sep a





“message minlo thawn tu hi nangmah i ni em?” a rawn ti leh a





“eng maw. Message te chu ka thawn reng zel che lawm” ka ti a, ka hawi buai deuh nak a





“a ni lo ang, a ni chu a ni theilo” zawi sep hian a ti a, ka hriat phak a ring lo nge ni, mahse ka hre pha tho a, keimah pawh min en chuang lo a, ahmel ka en chuan khawngaihna deuh ka nei a, mahse chu chu duh lovin ka lu chu ka thing nawk a, ka tho ta nghal daih a,





Ka khawngaih pawh a phu lo, min ngaihtuah tu chuan ka awmdan atang leh ka landan atang pawh ka dam thalo tih an hre thei mai a, ani erawh chuan vawikhat pawh min zawt hauh lo a nia. Ka chhuak tur chu min enzui reng tih pawh ka hria, confi zet chuan ka chhuak ta daih a, kawngka chu dim zet hian ka khar leh nghal a, ka nui chhuak var var a.







Johny POV



Amelia chhuak tur chu ka en a, a nalh ani, a pain dik thlap leh zei hawi lutuk leh a thianghlim lutuk te kha, engtin nge ka lo hmuh theih loh zawk le, kha nu hur herh lutuk khan ka mit a ti del a ni ber mai. Thlalak mawlh chu ka mittha ah a rawn lang, ka thutna chair chu ka ngheng chawrh a, ka mit ka chhing vang vang a, mahse chu thlalak bawk chu ka mitthla ah a rawn lang leh a.





Engtin nge engkim ka tihsak vek leh amah avang a Amelia ka bumna zawng zawngte khatiang lek a min rulh le, ka fa a la pai leh nghal a... mahse ka fa pawh ani thei dawn em ni? mahse ka fa chu a ni ang, paternity test pawh ti ang a tih kha, ka fa ni turah chuan han ngai phawt ila.





Thlalak ah chuan Heleni Floria hotel a lut lai te, room kawngka rawn hawnsak tu leh engkim mai chu a nihdan angin chiang takin a lang a, a chhuah hun dar zat thlengin alang vek mai bawk si a.





Zankhua in ka mu lo a, Heleni chu rehhlum mai te ka chak rum rum a, kan inbiakna min thamlo lutuk te kha
Ka zawh tirh chuan a pha nasa lutuk a, a dawtsawi thiamzia kha turu tak ani, ala tap zui vel a, mahse thlalak kan hmuh chiah chu phung hmu ang maiin a hmel chu a phawk a, amittui pawh zu han tla tawh hauh lo a.





“ka sawifiah thei” a ti bah nawk nawk a




“sawifiah a ngai tawh em ni, khuma in mudun lai hi i hmu duh em ni” ka ti tuar a





“min ngaidam rawh, ka tisual ani, award ka dawnglo ang tih ka hlau lutuk a, tikhan ka ti ta mai ani” a ti a, ka va han ten ber mai em, a hnute lian pawng ulh mai te chu ka ten lamah a kal zo vek tawh .





“kha Award kha i dawng ang tih ka tiam che a ni lawm ni, ti nge min rin ve mai loh” ka ti a, a ding ngawi reng a.





“i tan engkim ka ti a, Amelia chan ai zawng zawng ka pe che a, thank God Amelia ka chan teuh zia hi, a tlai hma in i nihna dik tak ka hre chhuak hlauh a” ka ti a, Heleni hmel chu hmuh theih khawp a rapthlakin a rawn inthlak danglam vek a.




Hmeichhe nunnem leh awm nem te, chaklo zet a nihna alang lo reng reng, dawithiam pitar ang mai ani.





“Amelia chu i nei a nga maw? Kei leh naute min kalsan hian Amelia chu i pan a nga maw?” a rawn ti a, a hmel ah chuan zam hmel a pu miah lo.




“minlo la ngaidam thei te a nih ngai chuan ka ti ngei ang, a rang thei ang berin ka nei bawk ang” ka ti ve ngat a




“nang ang mi neo lutuk leh rintlak loh hi tunge ring reng ang che, ka rin loh vang chiah che lawm ka duh ang a hma ka lak, naktuk zanah hian award hi ka dawng bawk ang, nangmah vang nilovin keimah vang liau liau ani bawk ang” tih pa chuan dawhkanah a rawn thu a,





Tawng ka tum chu a kut chuan min lo zap a ”i hre duh maw? Ka duhna ah chuan engmah pawisak ka neilo tih i hriat kha, nanghi ka mamawh che Amelia lak atang pawhin ka la hrang che a, chutiang chiah chuan Judge te kha tih lawm an ngai a, nangmah ka tih ang chiahin ka ti leh mai a lawm, thil nuam tak a ni leh nghal. I lo hriat mai mai a tan, pakhat ni lovin pahnih mawle” a ti a







A kal chhuak chu ka en reng a, a va rapthlakk em.. tiang em em khan lem a lo chang thiam ang tih ka ring lo, sawnu hur herh zet vang sawn maw midang nun ka lo tih nat le, Amelia hian tihnat a phu hlawl lo.





Ka duat tawh ngawt ang, min run luihnan ti niaam fahranin Francisa a han kawp der vel a, tunah chuan engkim siam that leh tumin ka theih tawp ka chhuah ang.




Ka thil neih hlu tak , a bo hma a ka hriat chhuah a vang chuan ka thaw deuh huai a.




Mahse Ka fa lo piang tur chu engtin nge ka tak ang ???? Heleni hi haw eng ang mah ila, ka la biak that emaw ka la tlawm deuh chu a ngai dawn ani, a ni hi pawisak a nei si lova, a lo tit la leh duh tak takin a nia ka rin ni.




Ka fa tal chu ka hum him tur a ni!!!!!!!









Johny room atang ka chhuak chu ka lungawi thawkhat hle mai a, mahse engkim tawpna tur tak tak chu naktuk zanah chauh ani, lo en reng rawh u eng nge ka tih theih chu in hria ang chu ka ti nghat a.



Nghaktei chu a lo buai hle mai a, “nga ti nge iva buai ve” ka ti a,



“i kawr hak tur ka ngaihtuah a nih hi, a vang mai sia maw” a ti a, ka ban chu ka en zauh a, ka nghawng lam pawh ala duk nual tho a




“ngaihtuah buai duhlo mai rawh, a thup thei maiin ka ring, tak a min chei tu tur kha va bia la, han zawt hrim hrim la” ka tih chuan a che nghal vat vat a.




Tupawh mai chu mahni buai buaiin kan buai a, nghaktei nen pawh kan in hmu zui tawh lo.




Tlailam haw a hun chuan ka huphurh ngang mai a, ka pu hnen a haw mai ka duh ut ut a, mahse ni thei emin ka hre bawk si lo va, huphurh zet chuan Muansangpuia in lam chu ka pan a, ka haw kawng tluanin ka insang mar teuh mai a.





In ka thlen chuan ka thaw huai a, a chhan chu a motor a lo la ding lo tlat a, Pi mawii alo la haw lo a, eirawng a lo bawl a, a tihzia hi kan ti khawp mai a, vawiin lam ka che buai hah deuh nen ka chau ve riau a.




Chaw ka ei kham fel hnu ah chuah a haw ve ta chauh a, mu tur chuan ka insiam nghal a, mut tam ka mamawh naktuk lamah chuan nilengin kan buai dawn a, beauty sleep ka mamawh tlat, mahse damdawi tello chuan ka mu thei dawn miah lo, in ngaihtuahhna hun ka neih ik chuan nizan lampang boruak in min chim buai dawn tlat, damdawi chu ka hmawm zauh a.




Ka muttui bawk aniang zingah bak ka harh ta miah lo a, ka room ah ka mu a, ka harh vak mai a... ka tho a, ka in ti fai zung zung a, walk turin ka la inpeih chiah loh avangin ka inbual ta nghal daih a, pawnlam chu ka thlir hmasa te te a, Muansangpuia motor awm ka hmuh chuan ka insangmar nghal teuh bawk a.





A tho tawh ngeiin ka ring a, kei aiin a tho hma ziah a, zinglamah hna thawk nasa tih ka hria a, a chhuak thawm ka room ah ka tawm tlat a, ka phone ka khawih mai mai a, Dar 7 dawnah chuan a chhuak ta chauh a, a chhuak tur chu ka en reng a, motor-a a luh dawn chuan ka room lam a rawn melh zeuh a, rang zet hian ka a il nghal zuk a, minn hmu ngei ang le, ka biangte chu a sa hat hat a.





Ka insiam ve nghal zung zung a, ka pu tlawh kawi pah a ngaih avangin ka hmanhmawh tawh ang reng a, siama hnenah zann programme vel leh, hall bul hnai vel a lo oawm rengturin ka chah lawk diam bawk a, ka pu bulah chuan rei ka awm hman tawh loh avangin ka chhuak vat a.





Dar 9 hma deuhin ka thleng hram a, tuk dang ang chu nise an lo reh thap ang chu, mahse vawiin chu kan tan ni pawimawh pakhat, kan lo nghah fak ve a ni a, a awm tho e.




Zofahion ho bag siam chhuah fak lar sak tur ka neih bawk avangin keipawh ka awl mai mai bik lo a, Heleni erawh chu award dawnng thei dinhmun a dingte a ni bawk a, North east view ho in an hmang thung a, thikna eih keimah ah hian a awm lo, a in la princess leh lutuk tur chu ka nuih a za lawk.





Mak deuh mai chu Heleni hi Model ni ve si hi a thawmhnaw duh zawng leh type hi a thlang zut zut a, a hmel hi a ngai pawimawh ber zel a, hei vang hi a ni mmai thei, a hmangtu te hian an hmang nawn lo tlang pui bawk a. Heleni chung chang kan sawi teh duah chu.






Kan agency a model chu an chuang lo vek ti ila kan sawi sual lo ang, kei erawh ka ngen angin ka awl ve thung dawn a, mahse Zofash in an bag siam khai tur erawh chuan min ti tlat a, ka peih lo viau na in, Johnyan min tih luih deuh avangin ka pawm ve hram a. zanin chu Audience ang a inlan bak ka peih tlat lo.





Midang hi chu an thawmhnaw hak tur siam that ngai lai leh ha chhin reng rengin an buai a, buai tak tak karah chuan Heleni a rawn lang hlawl a, a rawn in la show queen leh pek khawp a





“hey Guys ka lo thleng” a rawn ti lut ham ham a,






Johnya hian a duhsak tih an hria a, an be chhe ngai lo a, an lo be chel chul hlawm ,an chevel lem lutuk a vang chuan ka nui sak a, saw dinhmunah sawn a hma in ka lo ding ve tawh thin a, a va lo han ho tak...... a hlutna reng reng ka hre lo, keimah hi kemah ka nih chauhin ka hlu tih hi vawn kar a tha ber.




“Amelia, zanin chu prize i sem dawn a ni maw? I va chang sang ve” a rawn ti lar lar a, a aw ri a ti elna awm chu ka hriat hmaih hauh lo a




“nia, nangin i dawn chuan ropui takin ka pe ang che, ropui thei ang berin” ka ti a





“keini aia tha an tam em mai, keini te chuan kan dawng pha lo ang” a ti hlang hlang a, amen dan vel nuam ti lutuk chu, a hmuhnawm.




“i dawng ang, i phu bawk alawm, i dawh peih tlauh tlauh bawk a” ka ti a, a mitmeng inthlak zawk leh makti hmel chu ka hmu hman a, ka tawngkam awmzia chu a hrethiam tih chiang takin ka hria a, ka nui sawng a.



A in ngaihtuah harrh a niang chu “Model nih chuan dawh theih ngai deuh a sin” a rawn ti let ve zat a, a hmel erawh nuam ti hmel a pu tawh lo deuh a, a chhuak ta vat a.





A thenin kei chu Heleni hian a dawn ka ring, Lakme fashion week ah te khan a kal dawn sia, bakah kumin chu hna angah em a, a phu tih te, a thenin Amelia rawn active hma la chu nangman dawng la ka ti a sin le an rawnti ve bawk a.





Hlim takn lunch ei hma thleng chu kan in buaitsaih hlawm a, lunch pawh chhuak lovin office ah kan ei vek a, ei tur a hlawmin kan order a, lunch ei lai pawh chuan kan ri mam mam a, hmei chhe awm khawm kan ni bawk a, tawng kan in chuh hi a ni hrim a.





Delivery boy rawn lut kan hmuh chuan kan lo en deuh thap a, kan ngawi diak a, a rawn lai lut em em lehnghal a.




“tu nge Amelia hi le” a rawn ti a




“keimah”ka ti vat a




“he ii thil tur” a ti a, bawm hi min rawn pe a, engmah ka chah bawk si lo a




“min hai ani mai em le, engmah ka chah si lova” ka ti a, a phone chu a en nuap nuap a,




“a dik ang ka ring, Amelia, Sailo Agency tih ania, Local delivery ania” a tih chuan lawm takin ka lo la a.





Ka thiante ho chuan hawng turin min lo tur chhenn a, anmahni ang bawkin ka hawng chak, a chhunga awm ka hre chak a, tu minn lo thawn nge ka hre chak bawk a, Francisa ka ngaihtuah chhuak zawk a, ka nui ta var var a, hepa hi chu a fel a nia, thian nih hi a tlin ngawt mai.




Ka hawng rak rak a, a bawm chu a len ang hu in a rit lo a, ka hawng chiah chu ka phu zawk a, a chhunga awm ka la chhuak chiah chu an lo khek raih hlawm a.




Lily par var sin te te leh rose par var thianghimm zet mai bawr tha leih lawih tak mai hi ani a, a rim chu a rawn nam chhuak nghal hak a, a tawnna a tag awm chu ka en vat a, Muansangpuia signature sinte hian alo awm a, sorry tih te mai hi a lo inziak bawk a.




Ka in rin hma in ka mittui chu a rawn tla dawn ta mai, ka thiante an awm ve bawk sia, ka khap kir sak sak a,





Nuam awm bik ve tiin min fiam laih laih a, pangpar chu ka la a, ka hnim vang vang a, ka fawp zauh a, ka mittui a hnam sawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:08 pm

Bung – 16





Nuam awm bik ve tiin min fiam laih laih a, pangpar chu ka la a, ka hnim vang vang a, ka fawp zauh a, ka mittui erawh a hnam sawk thung a.





Kan zavai mai chuan kan tih tur theuh leh kan hmabak theuh tiin kan buai em em theuh a, Nghaktei chuan min vil ran a, ka kawr hak tur chu dark gold colour, beads awm sep sep , royal zet mai a ni a, a fual a ni a, mermaid cut in nalh zet maiin a in cut chhuak a, ka mawngbawr pawh a ti langsarin a ti lang lian hle a, ka kawng fek rat lang chiang thei ang ber turin a kawng erawh a te hle thung a






Ka tan pawh a tawt lam mah mah emawni tih tur a ni, a nnghawng V zau tak, ban nei lo a, a dar tawn tawnah a in tawn tawm tawp a, ka nghawng leh ban vel duk deuh thluah hliah tur chuan foundation chhah tha tak kan hmang bawk a, a hliah zo vek lo na chu, a zia tawh lutuk, hnai takah anih lem loh chuan a lang tawh mang lo a.







Touch up tih ala nngai dawn a, ka hmui erawh kan la hnawih lo a, ka thil ei chhungin Nghaktei alo chei ve dawn thung a, ani pawh nidang ang lo takin make up in bel a duh ve teh tlat a, thil ka ei lai chuan ka phone a lo ri a, ka en vat a, Francisa a lo ni a







“hello” zangkhai vah hian ka ti a, ka aw ah chuan ka helh hawlh deuh tih a hrethiam mai thei ani, keimahah phurna nasa tak a awm tawh ani.







“can you be my date tonight” a rawn ti a, a la nui hawk hawk zui a





“yes sir” ka ti a







Minlo pick up na hmun tur vel chu ka hrilh zung zung a, kan dah ta a, hun erawh kan la ngah a, kan thiante dang ho erawh office atangin an chhuak tawh hlawm a, an ni chu show a in lan tur an n ih avangin a hmunah an in chei dawn a, chuvang a hman hmawh an ni.






Office ah chuan Nghaktei leh kei bakah min cheitu te chauh kana wm tawh a,Johnya pawh a buai a niang vawiin lamah hmuh pawh ka la hmu lo a, ka thil ei lai chu a tui leh tui loh pawh ka hre lo, mahse ka mamawh tih ka hriat avang chuahin ka ei a ni. bakah programme a tam a, kan rei dawn tih ka hre sa a, ril tam ka hlau a ni.







Nghaktei pawh nalh zetin a chei a, kei min khawih ve leh thung a, ka hmui ah velvet red ka hnawih hlar bawk a, a smudge loh nan water proof a hnawih hnan leh thlak a, darthlalangah ka in en chuan ka lung a awi tak zet a, ka han in her vel a, han sawi zelna tur em em ka nei lo a, nghaktei chuan ka nalh thu min lo hrilh ve char char bawk a, ka confi tawh hle a,







Hun kan la nei deuh bawk a, kan la thu muang a, programme kha dar 7 a atangin a in tan dawn a, mahse red carpet zawhte kan duh ve dawn avang chuan kal hma tho chu kan ngai a.







Rei pawh kan la thut hma chuan Francisa pawh a lo thleng a, min hmu chu a ding chawt a, min en deuh ngar ngar a, nelawm zet hian a rawn nui chhuak ta var var a “wow wow, the new Amelia” a rawn ti a







“fakna angah ka ngai ang, ka lawm e” ka ti a, ti el zet hian ka nuih a






“tawng thei ve reuh bbawk sia, kan kal nghal dawn a mi” a tih chuan ka bag chu ka la a, ka in peih tih pah chuan ka zui chhuak ta nghal a.






“heihi lawm ka duh em em chhan che chu” Francisa chuan a ti a, a chek tlak tlak a







“eng chu maw” ka ti a , ka hawi buai deuh nak a






“nghah i ngai lo thin hi maw” a rawn ti a.






“hun a awm a lawm, chu mi mil chuan ka kal mai” in ti thei fahran chuan ka ti a, a motor hmalam kawngka chu ka hawng nghal a, ka mawlzia hi Nghaktei ka hre chang tawh lo reng reng, lawk tih pahin ka phone ka phawh nghal rak rak a







Rei pawh a ring hma chuan a rawn la a”eu eu kan va intheihnghilh hma ve” a rawn ti a , a nui har har a







“hei ka theihnghilh loh che hi” ka ti var a.






“Siama nen kan lo in be vek tawh a lawm, kei chu min ngaihtuah suh, i driver ka chhawm mai” a rawn ti vei phar phar a, henu hi chu a va han ngaihtuah kim tak.







Kan tlan chhuak ta nghal a, traffic a zam ve deuh bawk nen kan thleng hma ta lutuk lo a, mahse minute 15 vel zan chu kan la nei a. Red carpet kan phei lai chuan Francisa chuan “hetiang hi lawm ka nin thin chu” a ti hluk a, a anah chuan ka vuan a “keinin nuam kan ti lawm” ka ti a.







“hmeichhe ho hi chu in mak ve ngawt mai” a ti bai bai a







“nangpawh nuam tih tum rawh, i eizawnna lam tho a nia” ka ti chuan a phun leh hluk a, midangin min rawn tih buai avangin kan sawi chhunzawm tawh lo a.







Red carpeta thla kan lak lai chuan, an thum deuh huk a, kan piah maiah chuan Muansangpuia te rawn kal chu Red Carpet a ding ve tur chuan an lo ko hi alo ni a, Dr Msi nen chuan an rawn in pose ve a, ka hnual nghal rawih rawih thei.







Ka hmelah tih lan loh hram hram ka tum a, ka nui lui ta sang a, thlalatu pakhat chuan Amelia a nalh lutuk, tlemin pu Francsia kha hnaih deuh teh..... Pu Francis, kuah deuh teh.... a tam mai, ka mitsir erawh chuan muansangpuia te kalliam tur chu ka hmu reng a.







Thlalak pahnih khat bakah a in pose pawhin ka hre lo, a kal ve tur thu hi ka hre miah lo a, tuman an sawi bawk lo a, mak ka ti deuh a. Hall lam pan a kan kal lai chuan francisa chuan “Pu Muansanga hi chu a fel ngawt mai, zanin programme pawh hi an chhungkaw sponsor a lawm, khual zahawm tur a ni awm e” a ti a, oh ka ti sap a.







Sawi leh tur ka haihchham , ka awmdan te chu a ni deuh nghulh a, nuam ka tihna pawh a bo vek, mahse zanin hi ka tan chuan a pawimawh tawpkhawk a ni bawk si a, ka in hnem hram hram a ni.







“Mali nen pawh khan an innei ve tep tawh ang, an............” a tih chuan ka khuh chhuak thawt a, francisa chuan it ha em tiin min rawn ngaihtuah vat a, ka khuh nasa lutuk, receptionist chuan tui in tur min lo pe vat a, Francisa chuan ka hnung a lo chul hauh hauh a, ka khuh pawh a zia ta e, tui chu ka in leh a, tui ka pellet tut chu kan paih deuh a Muansangpuia ding runin min lo melh ngur chu ka hmu a, ka hawi let vat a, Francisa lamah chuan ka tawlh rawk a, min lo kuah vat a.







A tul aia tamin francisa chu ka ngheng hnai a, ka thate chu a khur deuh dar dar a, a mitmeng chang lutuk khan ka awm a ti nuamlo, min rawn entlang vek a tum nimai awm hian ka hmu a.






“nang hi i tha miah lo” a rawn ti a





“ka tha lawm, lut vat ila, kan thu hahdam daih dawn nia” ka tih chuan min luhpui ta vat a.






Kan card ken chu kan pe a, kan thutna tur chu minlo kawhhmuh vat a, a ding lam pang, tlar hmalam pahnihna ah chuan kan thu a, stage pawh a lang chiang tawk a, a nuam ngawt ang, midang pawh an lo thleng nual tawh a, Muansangpuia te an lo luh chuan thawm a reh deuh duk a, veilam pang hmasa ber sofa ah chuan an thu a.






An chibai deuh sap sap chu enrei duh loin ka hawi sawn ta vat a.






Compere pawh a rawn ding chhuak tawh a, programme tan tlai hlek anih tur thu te a rawn puang a, Mizoamah chuan ani aia zei leh aw nalh chu an vang khawp a, Mahlui Hlawndo ani a, Model pian zaih mai chhelo zet a nei a, a chhiat loh tawh teh reng a thluak a tha in, aw nalh tak a la nei zui bawk a, a chevel reng reng hi a zei vel vek ti ila kan sawi sual lo ang.






Muansangpuia te chu en loh pawh tum ila, ka lo en leh thin a, vawikhat phei chu a rawn hawi chho ve a, kan mit a in tawng a, ka tek chhawk ni berin ka hria, hawi sawn nachang pawh ka hre lo a, amah zawk chu a hawi sawn a, ka hmai te chu a sa hut hut a.





Compere chuan thil chi hrang hrang a rawn puang a, a thil sawi erawh ka hre mumal lo, lawm thu sawina hrang hrang a nei ni maiin ka hria.







Programme pawh kan tan chho a, a tan nan Live a che zei ze Zaui a rawn zai a, boruak a rawn siam nghal leh hle a, a Dance Crew te an zei bawk nen mitthla lo chauhin ka lo en a,







Francisa chuan min rawn nghawk zauh a “i mitmu kha a pawng vek a lawm”a ti a, a la nui sawng zui a, ka ngei zia chu. Zaui a han che tak tak chu Munsangpuia te pawh ka theihnghilh vek thei.






Thusawi ngaihthlakna kan nei leh a, mi inhmelhriattirna an nei a, Central lam atangin pawhin Fashion lama mi pawimawh an rawn kal nual a, thusawina hun erawh an pe lo a. Muansangpuia pawh an din tir bawk a, lawmthu thiam takin an han hrilh a, Msi hming an rawn lam tel ve chuan ka thin a phu dup thei, a thiannu a rawn tel thei a tiin an mention deuh ngei a.






Chairman chuan thil eng eng emaw a rawn sawi , Mizote fashion lama hma kan sawn nasat zia leh model te pawg pawn lama in expose nachang an hria leh expose thei khawp a quality tha kan nei zel te hi a lawmawm tiin Heleni hming leh ka hming a rawn lam tel chuan ka lo ip chawih a, ka lo zak khawp mai.






Fashion show thawhkhatna an rawn tan a, Feli fanai in MZU Virthli a hit zet mai a perform taw hla ngei mai, Rita malsawmi sak hmang khan bul a rawn tan a, mipui thawm chu a ring tha teh e






A sakhming hriat ngai loh
A tuanna hriat ngai loh
Lamtluangah kan in tawng
Hriat ngailoh zun zam chuan
Hrui ang min phuar ta.......



Tiin bul a rawn tan a, Model nalh tak tak an lo pen chhuak bawk a, hmuhnawm tak hi a ni ringawt a, Heleni pawh in la show stopper tawkin a rawn in lan a, ani chu a ngai te te in amawng pauh zet chua rawn chhuanh leh tawr tawrh khawp mai a.





Minute 20 chhung an performed a, mahse a reilo hi ka lo ti lutuk a, Francisa pawhin hmuhnawm a ti aniang, sho chhung zawngin kan tawng miah lo a.






Lam thiam an rawn in show veleh thung a, an thiam bawk a, an rual bawk si keini ang lam thiam vaklo tan chuan bawn tak hi a nil eh ringawt mai a, Francisa chuan min rawn hrilh ru sar sar a





“min ngaihsak ve deuh teh” a rawn tih chuan ka nghawk vak a.






“kan kal chhan a nih hi, tiang hmuh hi a khat a nia, awm tha mai mai rawh” ka ti hluk a, a nuih ala za em em zui.






Dar 10 thleng chuan chhuak miah lo in kan thu thei mawle, show ropui tak chu a ni e, hei vang hi a ni ngei ang greatest show in Mizoram an lo tih fiamthu thin, Audience ang a han awm takah chuan a lo nuam tak zet a ni.







Kum dangah chuan kal mah ila, show ah kan kal loh leh back stage ah midang buai puiin ka buai thin a, a feel ve hman ngai lo reng reng, zanin zet zawng a zawng zawngin show ah ka rilru ka pe a.






Agency leh designer thar, Ozim kut chhuak chuan mit a la hle a, an ni hi a hma in ka hre ngailo , thla hmasa atang mai a awm thar an ni awm e, an kut chhuak leh an model te pawh kala hmu ngai lo a, mahse an special zia chu zanina khan a hriat hle , an class a, bakah Mizo zia phawk tur thawmhnaw an nei tha ka ti a.







Kimkima a in lan zo chiah tih chuan Compere chu a rawn ding chhuak a, tunah chuan zanina kan show a pawimawh er tila kan sawi sual lo a, Model of the year puanna hun kan nei dawn anga, ti atang a bul tannin tawngkam nalh chuan Model of the year hlut zia a rawn sawi chho a , chutah keimah lawman hlan tur a min sawm chuan ka ding chhuak vat a.






Chhuah awlsam nalai a thu ka ni bawk a, buaina awm lo in ka chhuak a, ka ding chhuak chiah chuan big screen ah ka thlalak nalh zet zet Tanishq ho tan a kan shoot, ho kha an rawn tilang a, Video a ni ngei ang tawng ri a tel a, compere aw erawh ani lo.






“Amelia hi Mizo model hlawhtling ber kan ti thei ang, State pawn lam a barnd lar te nen an thawk ho a, brand pangngai leh changtlung tak ; chu mai niloin midangte tan pawh kawng a la hawn zel a, amah vang hian kan model pakhat Heleni pawh a in lan theih phah a” kalo ner sawk a, a chiang leh lutuk a, ka lo inthlahrung a. Stage ka thleng chho tawh a, Big screen a la in play miau avangin, Compere bulah a laiah chuan ka ding ve a. Muansangpuian ngun zet a min lo en chu ka hmu zawk a, mahse ka hawi sawn vat a, Johnya hmel, makti hel zet pawh ka hmu a, ka nui ta sang a.








“Lakme fashion week atan pawh amah hi an rawn sawm vang vang a, amah lam rem chan lohna vang nge a decline ta zawk a, state pawn lam thleng pawh a, kan model te kawng hawn sak tu kan ti lo thei lo ang” a rawn ti fan raih a, ka thlalak hrang hrang chu a lang chuai chuai bawk a.






Hei chu kan plan ah khan a tel miah lo a, nghaktei thil tih dan chu a lutuk deuh, kalo zak zawk a, bakah he show ah hian thu na kan nei ve hauh lo a, he naute hian engtin nge maw a lo tih tir le.... ka thulak a ti buai map mai a.







Video a tawp chuan compere chuan zei zet hian min fak leh bawk a, Model of the year hlutna a sawi chhun zawm a, pawisa faiin 3 lakhs a keng tel tih a sawi bbawk a.







“he award hi a hlut tham em a vangin, Miss Amelia in amah mai a hlan chu a uih awm, zanin kan sho neih theih nan a tangkai em emm , kan minister ni bawk, Pu Muansanga kha khawngaihin lo chho tel se” a ti nghal zat a, Muansangpuia pawh a tho chhuak nghal vat a, in thazo zet hian a pawn pen chho thauh thauh a, kut beng ri pawh a ring tha hluah hluah khawp mai.







Heleni chu stage hmalamah a thu tawh a, a hmel tense lutuk chu ka zu hmu thei a, ka khawngaih zawk, a dawngtu tur puan a nih hma chuan a chiang bik tlat si lo a.






Muansangpuia chuan min nuih suk a, kei pawhin ka lo nuih let ve var var a, compere in envelope chu min pe a, a kal sawn ta a, kan pahnih chuan kan ding a, a hma a zam miah lo kha, Muansagpuia ka bula a din ve reng vanag chuan ka khur ta dar dar a.







Lawmthu ka sawi hnu ah, envelope chu ka hawng a, “model of the Year winner chu” ka ti a, Muansangpuai chu ka pe ta daih a, a lo ban vat a






“ka kutah hian a awm reng tawh mai a, in hre chak tawh em” an ti leh phawt a, aw an lo ti dual dual a






“he award hlu tak leh zahawm tak dawngtu chu Miss Helen Lalrinpuii ani” a tih chuan au thawm a ring kher mai, Heleni lawm hmel ka hmuh chuan ka lo lawmpui ve tak zet a, a ding chhuak vat a, a bula dingten an kuah sak sap a, alo chho thei lawk lo a.







Stage ah a rawn chho a, a kawrfual hak fual leh lutuk chu a rawn buaipui chho viau bawk a, a lo thlen chuan min rawn kuah a, kei pawhin ka lo kuah let vat a, a nui sawng a, a ding fel chiah tih chuan hmanhamwh hmel zet hian stage ah chairman a rawn tlan chho hlawk hlawk a, mipui an thum nghal huk bawk a.






Johny hmel chi ai zet leh buai nawk chu ka hmu a, Heleni pawh a nui hmel hmuh tur a awm tawh lo, hlauthawng hmel a pu tawh zawk a.







Chairma chuan”a pawi ka ti khawp mai, thil duhawm lo thleng a awm tlat mai a, model of the year hi uluk takin kan tlang thin a, a zahawm bawk a, Miss Heleni hi disqualified a ngai tlat mai a, nichin deuh maiah khan a proofna lehkha pawh kan hmu a” a rawn ti chu mipui an phu mur mur a, heleni pawh a chiai lutuk , a assistant a rawn tlan chho vat a bawk a







Chairman chuan zawite hian a ssiatant hnenah chuan back stage lamah va kal pui mai rawh, a ti a, A assistant chuan Heleni chu a kuah phei a, alo tang deuh to a, mahse an inkuah lut thei hram a.






“minlo hrethiam lawk ula, Compere hian stage rawn chang leh se” a tih chuan mit meiin back stage lama kal turin min ti a, ka zui lut a, Muansangpuia erawh chu a thutna lamah a let a.





Compere chuan a thawm nei tha ber tur Gnie a request chhunzawm nghal zat a, thawm pawh a tha nghal hle a.






Back stage ka lut chiah chu Heleni chuan khur hlawk hlawk hian min rawn pan a, ka sam a rawn tham pah chuan “nang ramhuainu hian eng nge i tih” a ti a, security ho chuan min lo pawt then vat a, sofa ah chuan a thut tir nawk nawk a.







Chairman chuan midang kha lo va insawn lawk mai ru a ti a, model dang ho pawh an chhuak sap sap a, hruaitu dang pahnih hmeichhia ve ve an rawn lut bawk a, Johnya pawh a rawn lut ve a.






Heleni chuan thawk a la kawk kawk a, “ nang hian ka chungah eng nge i tih, hre rawh ka that dawn che” a ti tuar tuar a, a thirim lutuk vang nge a tawng ring tha thei lo a, kei chu angel nunnem ang mai hian kalo ding zum za a.






“insum rawh, i zia leh mai ang” ka lo ti ve chiah chu a rawn tho chhuak leh nghal a, Johnya chuan a lo dang bet vat a, chairman chuan “Helen insum rawh, kan dan leh dun chu i hre sa vek a, engkim i data pawh kan rawn dil a, hei tunah thla thum mi nau ilo pai reng a, kan danah a theih loh tih engkim kan ziak a, dis-qualify theih a ni kan ti bawk a” tiin a Heleni medical record ngei mai chu a rawn lek chhuak a.






A dang nghal sawp sawp a, kei mah chu min enin nang ti nawk nawkin, min kawk a, Pi Mercy chuan “Helen, Amelia hian engmah tih a nei lo,award hlan tur chauh che a nih hi” tiin a lo khak fak bawk a.






Johnya an “insum rih teh” a tih chuan thinrim lutuk chuan a tal buan buan a, a rawn ding chhuak a, haw lutuk mitmeng hian min rawn en a, a pum chu na ti awm deuh hian a dawm a, chu tah a assistant chuan




“thisen...” a rawn ti a, Heleni pawh na ti awm deuh hian a tai chu a dawm a






“Johny buaipui vat rawh, nau a chhiat dawn aniang” ka lo ti vat a






Amulance ka call nghal a, Johnya pawh a che nghal vat a, Heleni tlu tur awn riai riai chu a lo kauh vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:08 pm

Bung – 17





kan buai vut vut a, pawnlam mi in min rawn chim buai hma in kan chhuak hman hlauh a, programme lam kan hre chang tawh lo, Johnya pawh a chi ai buai vek nge, engmah tihna chang pawh a hre lo a, keimah ber chu ka buai leh ta em em a.





Chairman te ho an chhuak hman hlauh chu a lawmawm zawk, a nih loh chuan a zahthlak dawn lutuk a





Francisa erawh damdawiin kan thlen hnuah ka va cal a, chanchin ka va hrilh thuak thuak a, Model of the Year a tan pawh Rinhlui an thlang a, a ni khan a phu ngawih ngawih ka ti reng bawk a.






Heleni khan nau a lo chhiat a, damdawiin kan thlenpui kha chuan a nih tur ang a ni vek tawh a, Nurse fel takin doctor gown min rawn pe hlauh a, ka lawmzia chu, ka thawmhnaw hak nen chuan helai a han awm chu anuam teh chiam lo a.





thil eng eng emaw zawh leh tih tur a awm avangin hmeichhia ka nih angin keimah zawk ka lut a, Heleni dul chu shape wear hian mar lutukin a lo in hreng a, tunmai nilo, a hma pawhin a lo inhreng tawh thin a ni ngei ang tiin doctorin min hrilh a, thla thum ai pawhin a lo lian tawh zawk a, ani erawh chuan nikhua a hre lo a.






ka va chhuah chuan theatre kawtah Johnya chu a lo vei tawn chhen a, min hmuh chuan min rawn pan vat a, naute eng nge a an? a rawn ti vat a






“A pawi khawp mai, an chhan hman talo a nih kha” ka ti a, a hmel chu a shock ve deuh a, mahse a in siam tha vat a, nghaktei pawhin min rawn zawm ve tawh a, ka thla a muang deuh tawh. Johny bulah chuan kal mai kan duh thu ka hrilh a, a ni pawhin min lo dang lo bawk a, kan chhuak ta a.






nghaktei kan thlah hmasa a, nghaktei chuan kan thu bulb al leh back stage a thil thleng zawng zawng a hriat loh avang chuan ka hrilh ve thuak thuak a. a chek tlak tlak a.




“I chuan I thawk tha thlawt” ka ti a






“ka tih chakna a rei tawh em ani” a ti vat a “tak a, lehkha ho pawh kha ka ti chhuak tawh a, in thup kha tul ka ti lem lo a, ka sawi chhuak vek mai a, ti khan an nih na dik tak hriat chhuah a ni tawh bawk a, kan fel a ni mai” a ti a







keipawhin a tha mai ka ti a, hriat loh der reng zawngin minj zuam mah mah a, mahse nau chhait erawh kha chu kan plan ah a tel hauh lo a, mahse doctor sawi hmang khan a dul a lo hreng nasa thei lutuk leh a over work ve deuh vang kha a ni tho a, ka buaina tur a awm lo e.







johny phoncall a lo kal a, ka pick up vat a “Amelia; nge awmzia , hei I nau thil tih hi I hriat pui em?” a rawn ti a, a aw chu a pawr hauh lo a, a hniam ruih maiin ka hria a, nghaktei chu ka va melh zeuh a.





“eng nge ni leh ta a?” ka ti vat a






“I mail hack chung chang leh, Lakme fashion week chung chang vel a, signature lem tih vel hi” a rawn ti a






“thudik tak a sawi mai a nih chu, tah chuan buaina a awm em?” ka ti a, a thaw hawk a, phone chu ka hmet hmlum hmak a, ka nui sak a, nghaktei nen chuan kan in en a, kan nui var var a. tiang kha chuan Johnya Agency chuan rin a hlawh leh ngai pawhin ka ring tawh lo.







“nuam ka ti em mai, ka tih chakna a rei tawh lutuk a” nghaktei chuan a ti hlak a.





nghaktei kan drop zawh chuan kan in lam panin kan kal nghal a, haw chu a huphurh tho mai, muansangpuia hmuh a peih lo ani. mumal takin an la in hmu lo a, zanin kha chiang deuh a an in hmuh kha ani mai a, kha lah kha mi zingah a ni a, rilru ang pawhin a awm theih loh a, ka huphurh nen ka inngaihtuah chhungin kan thleng der a, zanlam a ni a traffic Jam te a awm lo bawk a, kan thleng hma ani.





Muansangpuia motor ka hmuh chuan ka insangmar nghal teuh a, ka peih lo kher mai, Nurse in doctor coat min hak tir kha ka ha tlang ta zel a, muang changin ka chhuk a, inlam chu ka pan a, thawm dim thei ang berin ka lut a, Hall ah chaun Muansangpuia chu a lo awm a, zanin a athawmhnaw hak ngai a la ha a, a thlenna la rei bik lo aniang.







ilo thleng thei maw? a rawn ti vat a, a aw atang chuan a lawm leh lawm loh pawh a hriat theih loh a, lawman awki emaw lawmlohna awki ang kha a lang hauh lo a






“thleng thei tawk e, I thlenna a rei tawh em?” ka ti a, ka aw chu pangngai tak a a rik theih nan ka insum nasa hle a, mahse ka duh aiin a la chang tho mai.






“rei ve tawh tho, Zanin chu I che tha khawp mai” a nui ta suk a, choka lam pan chuan ka kal a, ka kal pah chuan “ chu ti maw? ka lawm e “ka ti a, tul hlei lo ah tui ka in ta ringawt a.






“ka chho dawn”ka ti a, min chhan na pawh ngaihtuah lo in, ka in her a, step ah chuan ka kal chho zai zai a, ka hnungah min rawn zui tih chu ka hre reng a. ka hnung zang chu a za mer mer a.






ka hawi let duh chuang lo a, kawngka ka hawng a, min rawn zui lut ve zel a, thawk ka la ham ham a, ka pangngai theih nan ka insum a, ka hawi let ta chauh a, kan in hmachhawn ta ran a, ka duh aia hnaiah alo la ding zui mahse ka tawlh let duh tawh bik lo a




“I hmuh ang hian ka chau riau a, mahni a awm ka duh rih” ka ti hmak a,





min en deuh run a, a palian sia, hlauahwm tham tak a ni a.




A ban a vai thuak a, vung zet hian a chhuak a, a awmdan mak lutuk avang chuan chet mai nachang pawh ka hre lo a, a kal tak daih avang chuan nuam ka tih phah chuang miah lo thung.







Ka duhdan takah chuan ngaihdam te min dil se emaw tha te te in min sawipui se ka duh ani. Hetia awm hi hreawm ka ti. Mahse min be ta cheng a, awmdan ka hre leh si lo.









Ka mu than a, ka phone chu ka en kual a, Heleni chanchin tha lam reng reng hmuh tur a awm lo a, mahse vanneih thlak zetin a nau chhiat thu kha a lang miah lo a….. a lawmawm ka ti








An disqualify chhan pawh an in rinsiak luai luai a, an sawi chiang miau lo a, midang tan chuan hriat ve mai a har ngawt ang chu ..






Nghaktei documents tih leak out pawh sawi hat tham a ni a, Lakme fashion week chung chang a min lo bum dan chu chiang zetin a lang a, ka email thleng an lo check dan leh an thil delete vek thu te, engkim documents nen chiang takin a awm vek a, nghaktei lo thawhrim dank a hmuh chuan ka lawm hle a, ka thla pawh a muang huai huai a.






tunlai khawvelah mi rinawm rintlak chat hi an vang tawh si a, chuvang chuan Nghaktei te ang ka nei hi ka lawm hle a ni.







Muansangpuia vang chuan ka rilru nuamlo deuh mahse, hman a ta tawh ka lo nghah ve ngar ngar a lo thleng chu ka lungawi thawkhat hle a, Johnya pawh ala in hmuchhuak lo cheu anih chuan ani pawh hei ai a nasa hian kala chinglet ang chu.



















office thlen hlan ka nghakhlel tawh kher mai, Muansangpuia nen kan boruak pawh ahma ang lutuk kha chu a ni tawh lo a, polite zetin kan in be dun a, in biak loh tawp ai chuan a nuam tawh tho tho , ka pu tlawhkawi a ngaih avangin ka tlai deuh a.





kan floor a mi ho pawh anlo thleng kim deuh vek tawh a, ka va luh chuan an ti tin a chu ka ngaithla veleh nghal a, insta en pahin thil thleng vel kha an lo review a, Newspaper lian kan neihah pawh a headline ah a chuang deuh vek tih vel an lo sawi a, kei ka boruak dik loh lutuk avangin engmah kalo chhiar leh pek lo a.





Heleni rai thu chu an lo sawi sep sep bawk a, thil hi a lo zep tak tak theih loh a nih hi, a nawlpuiin hrelo mahse keimahni chhungah chuan hrelo an awm tawh kher lo ang.



A tan chuan dinchhuah leh chu a har ve talh tawhin ka ring a.





Johnya assistant a rawn luh chuan kan lo ngawi thap a, kei leh Nghaktei chu Pu in a ko che u a ti a, a chhuak leh nghal a.





kan ngawi thap chu kan phu leh mur mur a, an hawi phawk hra hlawm a, kei pawhin mak ka ti deuh a, nimin lama kan inbiak khan engmah Johnya khan a sawi si lo a, Heleni pawh a tha, damdawiin atangin a chhuak tawh tih a sawi kha ania. ka bangbo ve deuh hlek a, nghaktei ka va en chuan mak ti awm leh zam hmel a pu hauh lo a.




“chho ila” tih leh kal a rual nghal a, kei pawhin ngawi rengin ka zui a.




A thutna ah pawh thu lovin a lo ding a, kan lut chu min en reng a, ngawi rengin kan ding a. a tawng hma chu engmah sawi ka tum bik lova, nghaktei pawh a ngawi ngal a.





thu rawh u pawh min ti lo a, keini pawh thut kan tum bik lo a.




Documents chu kan hma ah a rawn theh thla a, a hmel ah chuan thinrim insum tum tih hriat ngwih ngawih hian, a insang mar teuh a.




Ka mail an lo check leh an delete tawhna, kan hmuh leh leh na vel ani a, tin screenshot print out a awm tel a, a rawn lanchhuah tanna chu Nghatei tih chiang takin a lang bawk a, kei pawhin hemi documents tak chu ka vawikhat hmuhna ani vet ho a, makti hmel erawh ka pu duh hran lo a.




“sawifiah rawh u” a rawn ti a, a aw pawh chu a chang tha beng bawng hle a, hman ang kha chu ni se, ka chi ai leh vek tawh ang chu





Nghaktei chuan “sawifiah tur a awm em ni, a lang chiang viau a nih khu, Amelia mail in lo hawn sak a, information zawng zawng in delete a, tin numer diklo in dah bawk a, chuvanga message pawh dawng ngailo a ni a” a ti hmakk a, a hmelah chuan zam hmel a lang lo.






A te reuh sia, a huaisen lutuk chu mak ka lo ti zawk a, henu tereuh hi ka rin ang a lo ni dawnlo tawp mai ka ti rilru a.






“I tih a ni tih phat I tum miah lo a maw?” Johnya chuan pawt zet hian a ti a, kei mi rawn en in “tah hian tel vena I nei em Amelia”a rawn tic hang leh fak a





“ka thawm darh tih a lang reng a lawm, engah nge ka phat ang, dawt a ni tlat si lo a, Amelia erawh I hmer tel a ngai lo ang” a ti a, a en kar mai a, Johnya pawh a hawihai zawkin ka hria,




“Nghaktei tih a nih chuan ka tih a ni vek mai” ka lo ti ve a.


“eng nge In hriat a” a ti thawt a






“in thil tih a ni a, kan dikna kan hailing ve mai a ni, min chhartu pawh ni mahla diklo taka min tih theihna dan in nei lo” Nghaktei chuan a ti a, kei erawh ka lo ngawi reng thung a.





Mit khap kar lek chhungin Johnya chu a rawn thleng phei a, nghaktei chu a sawi nawk nawk , mahse a thlah leh vat a





“I ngam chuan min khawih la, mi mail lo tih chingpen vangin ka report ang che” a ti a





“ka bban thei reng che tih I hria em, I thil chhuah hi dawt ani tiin pha la, ila thawk zawm zel thei ang” a rawn ti leh hrawk a.




Nghaktei chu a lo nui hul hak a “’ban ngai lovin, ka ang nghal hei ka banna lehkha pawh ka rawn keng tel a lawm” a ti a, dawhkanah chuan a banna lehkha a va dah a, kei chu Nghaktei chetdan mak lutuk leh remruat fel lutuk avang chuan chet ngaihna pawh ka hrelo a.





Johnya pawh a ding rum ula , sawi tur a neilo nge a ngawi duk a





Nghaktei bawk chuan “Dawt hi chuan ke a nei lo a, a tlu nge nge zel, sumdawng mi phei chu maw rinawm tur” a ti a, a in her a, a chhuak hmak a




Rang zet hian ka zui ve a



“amelia lo la ding lawk teh” a tih chuan ka ding a, ka va en phei a, nghaktei a chhuak fel ta tih chuan “eng nge sawi dun tur kan la neih, I mi bumna zawng zawng leh ka chunga I chet duh dan mak pui pui ka hre vek tawh a, ….. taka chuan fa in chan chu pawi ka tih pui khawp mai che” ka ti a,






A ner sawk a “Amelia khang zawng zawng kha ka bum lo che, kan innei thuai dawn ka tih vangin inlan tawh lo la ka duh vang a lawm, ka hmangaih che “ a rawn ti a, ka va han ten ber mai em, engyin nge a hmui bawlhhlawh sawn ka hmangaih che tih thumal a la saw ngam zawk le.





A zahtheih loh lutu avang ringawt pawh sawn hrual mum nawk nawk tlak ani.






“inneihna chu a thleng ngai lo ang tih I hrethiam ti raw” ka ti hmak a, min rawn pan nghal ruak a, kei kalo tawlhsawn vat a.






“engkim ka siam tha vek ang, nang chuan min chhuahsan ve suh, He Agency hi I tello chuan a awm thei lo ang” a tit ham tuak a , a aw a manganna lo lang chu ka hai lo






“chungte chu a hma khan I hre vek a lawm, granted a lak chi ka ni bik hlei nem, Contract period a tawp thleng erawh chu ka awm a ngai a, ka awm ang” ka ti a, ka chhuak ta hmak a.





Johnya an min enreng tih pawh ka hria,mahse ka hawi let duh bik thak lo a.











Johny POV



Amelia chhuak chu ka en a, ka chhe vek a ni ber mia, kan hmingchhe nasa tawh si a, official takin Helenin ka fa a chhiat tih sawilo mahse an hre fur tawh a, tin Amelia chunga kan chetdan kha mi zawng zawngin an hre tawh bawk si a, kan Agency kalzel dan tur hi hriattiam ani tawh lo, tun din hmunah chuan tumahin min ring lo ang.




Amelia assistant ber lah kha ka hmin theih mai ka ring a , mahse ka hmin thei lo tih ka chiang tawh mai si a, kalzel dan tur pawh ngaihtuah tham tak ani tawh.





He agency hi ka engkim a ni a, ka tha leh zung zawng zawng ka lo senna, chu ti maiin ka tluk chhiat tir thei lo ang. Amelia te zawng a fel a,a rilru a thianghlima ka hmin leh thei mai ang, henu hi ka mamawh tlat ani. ka theih tawp ka chhuah ang, vau pawh ngai se ka vau mai tur ani.





Ka phone ri avang chuan ka ngaihtuahna ram atangin ka in thing harh a, Heleni alo la ni zui, ka va ten ber mai em, engtin nge a taksa a hralh theih? Mahse eng nge a pawisak ang a sawi ang khan ka bulah pawh a taksa a hralh tho a lawm.





Ka lak loh chuan a rawn ti leh char char dawn tih ka hria a, ka la ta hram a




“eng nge ni sawi rawh, min rawn be tawh suh ka ti a ni lawm ni” a rawn ti a.






“Johny min ngaidam mawlh teh, I tello chuan ka nung thei lo ang, ka mamawh lutuk che” a rawn ti a, ka nuih a za zawk, ka thiam theih ang tawkin min be tawhlo turin ka ti a, a tawpah chuan





“Amelia I neih duh chuan min mamawh ngei ang, chu tih hunah chuan min rawn pan ngei ang tih chiang” a ti a, phone chu a dah a.




Henu han rapthlak zia hi chu a duh a neih theihna na anih dawn phawt chuan eng hamnrua pawh a hmang hreh hauh lo anih hi.





Nau a chhiatte kha leh lamah chuan a vanneih thlak zawk, mahse ka ui ve thlawt, ka naute vang khan engkim ka ti a, lo piang chhuak se ka duh mahse Heleni khan nau apai tih hre reng chung khan engtin nge khatiang khan a lo in hren mar nitin theih zawk?





Naute awm ta lo khan ka nun a ti hreawm ngaiwh ngaiwh a, naute kha min karnan hmang lo se chu Amelia hi ka nei ngei ang, mahse hmeichhe nasa tawh laklawh lakah kalo in tal awk zo a, engkim a khawlo zo ta vek a nih hi.




Mahse Amelia chu ka nei ngei tur ani, engtin kawng pawhin ka nei tur a ni tawp, a ni nen lo a hringnun hman ka suangtuah ngai hauh lo.






Kan room ka let leh chuan Nghaktei chu a lo insiam mek a, a bungrua vel a lo la khawm a,, midang ho pawh chuan keini dinhmun pawh hi a hriat loh rei tak pawh kan awm thei lo ang, tiang ang a hming chhia chuan tuman an ring tawh lo ang, hna thawh tur an hmulo thuai a nga, kan hna keini pawhin kan chan ngei ang le an ti nghui nghuai hlawm a.





An tan tih theih engmah ka nei si lo a, thenkhat hi chu chhungkaw chawm lehh support tu berte an ni ve a, ngghaktei tak pawh hi engtin nge a awm ang ka ngaihtuah pui a ngai dawn ani, a tul leh Muansangpuia ka ngen ve mai ang chu ka ti rilru a






Kan thiante chu ka khawngaih hlawm kher mai.





Nghaktei chuan “ tumah lungngai miah suh u, kei pawh hmanni a Agency tharah khan ka thawk nghal dawn a, tun hun hi alo thleng dawn tih ka hre sa a, ka lo inbuatsaih lawk diam tawh a, chuvangin min ngaihtuah su, tin min mamawh chuan min lo hrilh a nga, kan insawn vek dawn nia a tia.





Lawmpuina kan hlan sap sap hlawm a, keimah tak pawhin thinlung takin ka lawmpi a, ka thaw pawh a veng huai a.






Nghaktei thlah nan chuan thingpui kan inkhawm hlawm a, nghaktei thlah tur ber lah chu a lawm ber berah a tang a, hna thar kan lawm nghal a ni mai ka treat vek ang che u a ti hlawm a.





Muanawmi, kan designer chuan “nghakte min lo sawipui ve teh a, rilru nuamlo deuh a awm ai chuan insawn ve vat mai chu ka duh, kan tan thlakhat lek pawh hlawh nei lo ila kan buai dawn sia” a rawn ti a.



Nghakte chuan “a neitunu hi dil ula ani mai lawm” a ti a, min kawk a, min en thup bawksia, kei lah ka lo hawi hai ngang mai awk a.





“fiamthu thin lo teh” ka ti hluk a, kan thiante pawh chuan awih tur nge awih loh tur an hrethiam biklo nge, an hawi kaul hrek hrek a, ngaktei chu a tho nulh a





“ka kal dawn, ka office thar tur lamah tih fel tur ka nei ang, a nei tunu kha in dil dawn nia” a ti a, chelh hman lek lo chuan a chhak daih a. kan vai mai chuan kan hawi a theuh a, an hriat chhin bak ka hre der silo a, henu hian ka lakah thup a nei chiang lutuk.





A thawh dawn ka kut a lehkha a rawn hmehbel nawk nawk chu hre chhuak ka en vat a, kan thiante ho chuan nghakhlel zet hian min lo en thap hlawm a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:08 pm

Bung – 18





Lehkha chu ka chhiar a, mak ti leh lawm bawk si, awmdan pawh ka thiamlo, ka mittui a hnai kuar a.






"ka nupui duh tak, i tan a ka thil pek che hi lawm takin min pawm sak ngei ang che, Ozmi Agency"





Muansanga signature a lo awm kalh a.






Muanawmi chuan lehkha chu lak tumin a rawn pawt a, kalo khup vat a, ka ak ta daih a, eng nge ni an ti laih laih a.. ka nui ringawt a.





Nghaktei kha sawi pui ula, kei min sawipui a ngailo, a thu thu ni mai ka ti a, ka tho a, ka thil eina vel ka dah fel nghal a..





Ita tihna a mi an rawn tih chuan ka nui rah rah ringawt a, an khek chul a.






Awmdan pawh ka thiamlo, nghaktei biak phawt ka duh a.






Nghaktei lo buai theih dan tur kha, hei vanghi a ni ngei ang ka documents leh signature te min dil a, ka adhar, id engkim mai, mak kha ka ti deuh a, mahse engmah kha ka zawt zui talo kha a nia, muansangpuia nen an lo plan vek a ni ngei ang.






Nghaktei ka call loh nan ka insum hram hram a.




Ka haw dawn chuan Johnyan min bia a, minlo nghak lawk rawh a ti a, kalo nghak a, midang erawh an haw deuh duak tawh a.




Francisan min rawn be hlauh a, tlai tawh viau mahse dinner min ei pui la a rawn ti a, Floria glamour ah mai a nih bawk avangin ka lo aw ve nghal a, bakah min sawm ngailo a, min sawm chhun a lo hnial kha ka duh lem lo a ni.




Sana ka en sek a, dar nga pel duai tawh si a, ka hmanhmawh ru tawh hle a, Francisa hnenah khan lam ka ngaih loh thu ka hrilh tawh si a, min lo nghah rei ka hlau a , dar 6 ah chuan kan ti tak na in ka hmanhmawh ru tawh hle a, bakah mi an awm tawh mang si lova, a room lama hank al chilh em chu ka ti bik si lo a, ka awm hle hle thei tawh lo, ka vei tawn chhen a.
Francisa ka call leh a, a ring rei hman lo, a lo pick up nghal vat a




“I thuh leh tih min hrilh miah suh” a rawn ti nghal lar lar a.




“ni lo e, hei office ah ka la awm a, Johnyan minlo nghak lawk teh a tia, hei ka la nghak a, inbiak a duh deuh a niang, ka rawn hrilh mai mai che” ka ti a





“oh ka hrethiam e, kalo chho mai dawn mi hei ka hman tawh tho a” a ti a





“ngailo ang, chanchin ka rawn hrilh che” ka ti a.





Phone ka dah fel deuh chiah tih chuan a rawn lang ve hram a





“ka hmanhmawh deuh tawh a, Francisan pawnah min nghak a” kalo ti nghal tawng a.




“dinner ei chhuahh pui a sawm che ka lo tum a sin, mahse I engage tawhh a nih hmel” a ti a.





“nia, ka hman lo” ka ti ram hmak a, ka sana ka bih deuh sek bawk a





“Amelia, ngaihdam dil che ka duh a, ka tihsual siam that leh theih ni lo mahse, I chan loh tak zawng zawng kha pek let leh che ka duh a” a ti a




“hm chu vang mai ami chuan maw minlo biak duh a, I hriat duh chuan ka hrilh ang che, ngaihdam I ngaihna pawh ka hre lo, lawmthu hrilh hial che hi ka duh zawk a sin, ka mit min tih var sak a” ka ti ve sak a, ka tawngkam ka duhtui peih lem lo , tawngkam tha leh awmdan mawi an hre lo em mai





“ka thiamlo tih chu ka pawm thlap, a theih chuan Christmas hma in in nei ila, innei phawt ila, engkim ka siam tha vek ang” a la rawn ti ngam mawle, ka lo ner sawk a, mahse ka insum leh vat a.





“chu zawng chu mi I sawi duh?” ka lo ti hmak a,




“nunrawng viau lo teh, I in hmeh ve lo a nia Amelia” a ti a





“a chang chuan hetia awm te hi a ngai ve thin”





“kan inneihna chu I cancel lo ti raw?” a rawn ti leh a, ka nui tawp, chhan en ah ka pawh ak ruat tawh lo,





Johnya bawk chuan “hun ila mamawh hrih a nih kha, zanin ah thil kan sawi dun ang chu ka ti deuh a” a ti zuai raih a




Johnya chhuak chu ka en reng a, eng ang a mawl ah nge min ngaih le? Nge a lo in ngai hlu lutuk zawk le, engtin nge kala neih duhin a rin reng reng ni…… ka ngaihtuahna avang chuan ka nui sak a…. tha lutuk ka ti sap a





Ka in chei tha leh mawlh mawlh a, Dine out tur chuan ka thawmhnaw hian a zir chiah lo chuan ka hria, ka thawmhnaw office a ka dah chu tlai tawh hnuhnawhah chuan ka han hai leh, kawrfual hring duk tak deuh mai, kum hnih liam ta vl a mi chu ka hai chhuak nawlh a, ka duh ai chuan a chhing deuh a, mahse tuna ka inthuamna ai cuan a lang zia awm zawka ka hriat avang chuan ka ha ta zawk a, ka in chei tha leh thuak thuak a, hmahmawh zet chhuan ka chhuak a.





Kalna tur ka nei sa si lo a, dar 6 a ri tawh bawk nen ka hmanhmawh ru kher mai, Siama ka lo haw tir hman chu a pawi tak tak, minlo nghak tur khan lo ti mai mai ila, a lo tha zawk tur a nia, in a haw a chawte lo zu ei tur leh ka haw tlai deuh tur thu ka hrilh a, ka kal tir ta mai kha a ni a.





Taxi ka hmu ve ta hlauh a, hnaite mah nise, ke a kal nan chuan in chei nen a nuam chiah lo a.





Ka thlen chuan minute sawmin ka tlai tawh a, ka tlai chhe lutuk lo e.




Taxi atanga ka chhuk chuan ka insiam tha mawlh mawlh a, Francisa chuan min rawn pan vat a



“kalna tur I neih loh chuan min lo hruai rawh tih mai tur a lawm” a ti a




“kalo thlen tho hi” tih pahin a kut min pek chu ka lo ban vat a





Kan chho nghal a, an restaurant ah min luhpui dawn emaw ka tih chuan a chung berah min hruai chho a,




“nga ti nge” ka ti a




“hun thawl I mamawh in ka hria a, tuma chim buai theih loh turin; tah hian a tha zawkin ka hria a” a ti a




“ka lawm e” ka ti a





“ka ngaihtuah che a, phone I la thei bawk si lo a, kalo mangang hman alawm” a ti a





“ka in thlak leh rih mawle, a hun takah ka lo thleng lo a, a zia lo hle mai” ka ti a, a hmun kan thleng chu a lo nuam ngang mia a, special tak a chei a ni tih a hriat hle mai a. dawhkan pakhat hniam chen chawn a lo in hung a, sofa a awm bawk a, big screen a lo in hung leh tawp a, eng chu cool deuh raih hian a lo eng bawk a, a hahdam thlak hmel hluah hluah a.







Thut a chakawm hliah hliah a,





“a va nawm hmel em em, I chei danglam tir vek em ni” ka ti a





“aw zanin a tan bik liau liau a ka chei tir a nih hi” ati a, mak ti hmel takin ka meng bial pam a, min nuih ringawt a





Katan a a cheitir ni lo tih ka hria, plan lawk se chuan min hrilh ngei ang , he pa pui rauh hi thawnthu enge maw tak zawng a neih ngei dawn hi ka ti rilru a.






Ka bag chu dawhkanah ka dah a, ka thu thla nghl hnak a, vawiin lamah thil chi hrang hrang ka tawng a, hahdam ve pawh ka phu hliah hliahin ka hria.



Ka bulah chuan a rawn thu thla ve nghal zat a, “Johnya nen eng nge in boruak” a ti a





“a tha ni mai, ti khan a thil tih man chu hmu ve rawh se” pawisak nieh loh hmel zet chuan ka ti ve a.





A nui hak a, tu in tur min rawn pe a, ka lo ban vat a





“that’s my girl” a ti sap a kan nui dun hak hak a




“I ril a tam tawh em” a ti a



Ka lu ka lo thing vat a




“in tur lamte hi’ ka ti a, a nui var var a




“tehreng mai pi ber, mahse buaipui ngai hauh suh ang che” a ti a



Waiter chu a ko vat a, intur la tur chuan a hrilh a





No chawiin a lo et leh vat a, white wine min pe a, Francisa tan chuan whisky a pe thung a, white wine pawh kala in chhin lo hrim hrim a, in ve pawh chu a chakawm reng reng e.





Francisa chuan kan bula waiter ding reng hnenah chuan dawhkanah hian rawn chhawp mai rawhh, kan in buaipui ve ang, chaw kan ei duh hunah kanlo hrilh ang che, music kha ka duh ho kha play awk la, display erawh angai lo ang a tih chuan waiter chu a nui a, awle sir a ti a, a kal kiang ta vat a




Hepa hian min ti ti pui duh chiang lutuk.


Chicken popcorn chu a ei a, in tur chu ka lem hlek hlek a, ani pawh chu ti tho




Wine mai maim ah nise, nokhat ka in chuan ka kai derin ka in hria a, kei hi chu ka rui hma ve hrim hrim reng reng a.




Francisa chuan “Amelia zanin ka bula I awm thei chu ka lawm hle mai, kum dangah chuann keimahin ka hmang thin a” a ti sap a, a mit meng a tawrhna lo lang chu thup a tum lem lo






“I tan ka awm ve thei chu ka lawm hle mai, mahse tih theih ka nei tlem e” ka ti sap a.




“ilo awm ve tawp hian ka lawm a ni tawp mai” a ti sup a, mipa si, hetianga ahan awm chu a khawngiahthlak ka ti, a kut chu ka va ban a, ka hmer sak a, a nui suk a.





Wine chu min thlit belh sak a, ngawi rengin kalo ban a “ka rin aiin a strong reuh “ ka ti a




“wine lam chi reng reng hi chu I tan chuan a strong vek ang” tiin min fiam a.




“Amelia, I che tha takzet, khatiang taka tih chhiat tum tu che kha chu khatiang kha an phu” a ti sap a





“ka malw vang a lawm, a tir atang khan fing ve ila chu hetiang hian min ti teuh lo ang, k athiam loh a lawm”




“hei tak hi lawm I thatna em em chu” a ti sap a






“ka lawm e, chuan zanin hunk an hman chhan hi?: ka ti a





“hahdam kan mamawh ve ve a” a ti a





A sawi duhlo chung chu zawt lui duh bik lo a, lam ang a tih chuan kan lam dun a. lam a thiam zek a, kan hlim dun ta phian a, dar te chu a kal duak duak mai a.




Chaw kan eikham chuan kan thutna kan sawn sauh sauh a,kan zai dun vak vak a, Francisa thil min hrilh avang chuan tih hlim hram hram ka tum a, kum 6 liam ta ah khan a bialnu, a nupui tur a ni zawk ang chu; chu chuan alo thih san a, ti chuan kumtin a birthday ah ti hian amahin a lo hmang thin a .




Keimah leh Lucy; chu chu a hming a nia, inzia a in ang lutuk a, ka ngaina nghla che min ti a, keipawhin mak ka ti ve deuh reng a, ti taka min ngaina ve ringawt kha.



Lucy thih a tang chuan ti hian kum tin Lucy Birthday chu amahin alo hmang thin a ni a, hetia zanin a min sawm ve chu ka lawm hle mai a. kan tui ta phian sia, ka haw tlai ka ring deuh a, Francisa an min thlah a tum tlat dawn tih ka hriat avangin ka pu ula riah mai ka duh deuh a.





Ka phone chu phawrhin Muansangpuia chu ka text a, ka phone chu ag ah ka thun leh nghla daih a.




Kan zai nasa lutuk a, ka hah vek tawh, Shallow kha kan sa dun ngei a, kan zai riauin ka hriaa, Francisa pawh chuan sa tha leh ang kan record a nge a ti a, kei lah chu a phur phur ah kalo tang a.





Duh aiin ka in hnem tawhin kak hria, ka ninhlei lutuk chuan Francisa whicky in lai no khat chu kan tlak pawp a, min rawn laksak rang teh e.





Kan in chuh a, kan in umzui nasa mai a.




Uluk zawkin kan thu tha a, Francisa chuan a track chu a hmet chhuak a.



Tell me somethin', girl
Are you happy in this modern world?
Or do you need more?
Is there somethin' else you're searchin' for?




I'm falling
In all the good times I find myself
Longin' for change
And in the bad times I fear myself





Tell me something, boy
Aren't you tired tryin' to fill that void?
Or do you need more?
Ain't it hard keeping it so hardcore?
I'm falling




In all the good times I find myself
Longing for a change
And in the bad times I fear myself
I'm off the deep end, watch as I dive in
I'll never meet the ground



Crash through the surface, where they can't hurt us
We're far from the shallow now
In the shallow, shallow
In the shallow, shallow
In the shallow, shallow
We're far from…



Kan sa tluan ta thak a, nuam kan ti phian a.





Wash room hman ka duh avangin ka tho a, mahse ka lo rui lutuk deuh a niang, ka thu thla leh nghal chawrh a, Francisa lahin minlo nuih char char a.





Minlo pui vat a, washroom lamah min kuah phei nawk nawk a, waiter pakhat chu a duty reng tho a, puih in ngai em a tih chuan kan lawm e a ngai lo e, tiin ka lo chhang zung zung a.




Kan let leh chuanka thu thla hnawk a, waiter chuan mimbu tui fresh zet mai min rawn pe a, kalo in khawlh khawlh a,





“chu I phone a mi, a vibrate char char” francisa chuan ti a, ka ag chu min pe phei , hai pawh ka hai tha thei lo






Francisa chuan nui hawk hawk pah hian nasa reuh lutuk tih hluk pahin ka bag chu min pawhthla sak a, ka phone ri pawh a tawp chiah a, ka phone erawh a la chhuak ta tho a.




Ka phone pawh a ri leh nghal a, ka en vat a muansangpuia minlo call ani tih ka hmu thei a, ka hmu phe deuh ruai a.




“hello”




“khawiah nge I awm tunah khan, ka lo hruai dawn che” a rawn ti vin tuar a ka chhan hma chuan “I rui elaw” a la rawn ti zui a.





“ka duh duh na ah kaaaaa........awm ang” ka ti bah nawk nawk a, a rum ri hak ri chu ka hre reng a, ka nui hak a. phone chu ka hmet hlum a,

Thutthleng ah chuan ka phone chu ka thehthla a, ka nui har har a, eng nge ka nuih pawh ka hre lo.





Ka phone a rik leh chuan francisa zawk chuan a la a, hello a tih hma hma chuan muansangpuia chuan “khawnge i awm, ka rawn kal nghal” a rawn ti a, a aw a chuan dawhtheihna a tla chham tawh hle tih a hriat a.





Francisa chuan phone chu loud speaker ah a dah a, hmui phun hian tunge a rawn ti a, ka nui ringawt a





“hello, Amelia chu a lak lawh deuh a” Francisa chuan a ti a.




“Francis, khawnge in awm, ka rawn hruai dawn a tlai atw lutuk” nem deuh zawk hian a rawn ti a.





“Pu Muansang nangmah a law?” a aw a mak tihna chu hai rual a nni lo, ni e a mmak ve dawn em a sin, vawikhat pawh a ni nen kan in hria angin ka awm hauh si lova.





“hei floria ah kana wm, kan lo nghak ang che” a ti a





“nge awmzia Amelia?”





“thawnthu sei tak ani” ka ti bah nawk nawk a, sawi fiah dan tur pawh ka hre ik chuang lo. Ka bulaha rawn thu a, ka zawi awk nen ka lo ngheng ar ar a, “ka in tam viau pawh ka hre si lo a, rin aiin ka kai daih” ka ti a





“i in tamlo khawp mai, mahse nangma tan chuan atam deuh chu a nih kha” a ti a, anui hawk hawk a.





Thawm a awm chuan kan hawi rual thawih a, Muansangpuia chu a hmu phe ruai a, hlauhna ka nei lo re re, kalo la nuih zui a.





Min pawt tho lawp a, ka lu hai bawk nen ka pai nawk a, ka tlu tur min rawn kuah nghal zat a. Francisan lo puih a tum chuan a lo dang a”ka uaipui thei, tiang em em a rui a siam te chu” a ti hluk a, Francisa erawh chu anui ringawt a.





“ka la haw peih lo ka tih kha”ka ti nuah nuah a.






Min kalpui pah chuan “ngawi hmak rawh, nasa reuh lutuk” a ti a.






“i sual sual nen, i chhe si”ka ti a, namsawn ka tum ve a, mahse ka che vel chuan amah ah chuan effect a neilo reng reng , Lift ah chuan min luh pui a, Francisa a rawn lut ve nghal zat a






“ka buaipui thei” Muansangpuia chuan a ti a.





“Francis hepa rual hian ka haw duh lo, min thlah rawh, misual a nih hi” ka ti nawk nawk a.








Francisa pawh anui tawp, ka awmdan nawi lutuk chu , a ngaihna ka awm thlawt lo.






“Amelia, i ngaihtuah awm lo ang maw?” Francisa chuan a ti a





“i lo ngaihtuah angai lo ang, zu i in pui leh nghal” a lo ti hluk a, Motorah chuan min thuttir nawk nawk a.






“ka kalpui ania, ka ngaihtuah tur a lawm” a ti a, Mipa te pahnih in melh ran chu ka en a, ka nuih a za laklawh a, ka lo nui chhuak ta a, an rawn hawi rual thawt a, Muansangpuia chuan mitmeng ti zim sun hian hian min rawn melh a, a thaw hawk a, motorah chuan a rawn lut a.






In chu kan thleng hma kher mai, ka duh aia hma in kan thleng ka bu deuh lak lak a, Muansangpuia chek tlak chu ka hre hei a, ka thutn alam chu a rawn hawng a, min kai chhuak a.






Chahbi chu Security lamah chuan a theh phei a, ani chuan a lo dawng a, hrethiam takin kawngka a hawng a, Muansangpuia chuan zo zet hian min pawm a, tan tumna pawh ka nei lo a, a nghawngah chuan kalo kuah nghet sauh sauh a , a rum nghut a, ka la nui ang tak ver ver a. Naktuk lamah ka zahna tur lam reng ka hre chang tawhlo.





A room ah chuan min pawm lut a





“ka duhlo, he room ah hian ka awm duh lo” ka ti a, ka aw chu a bah nawk nawk bawk a a rum nghut a, ka room lamah chuan min pawm phei a.





Ka tawng chhen a, ka duh duh ka sawi a, engahmah a ngai lo, min din tir a, ka ang ang chuan ka awm tawp a, ka kut chuan ka lo vai kiang ve tak na in, a engah mah a thawk lo tih a hriat khawp mai a.





Ka kawr hak zipper a rawn phelh chuan ka lo te that a “min khawih suh, misualpa, ramhuai i nih kha” kalo ti tawn tawn a, ka rui lutuk chu tunah tak chuan ka thin a rim lutuk






Ka hmai tawn tawnah a vuan a, amah en turin min kuai dak chho a “Amelia, min ringrawh engtinmah ka ti l ang che” a ti a, a mitmeng tak ngel ngawl leh thutak zet chuan min hip bet tlat emaw tih mai turin ka hawisawn theilo.





Muangchangin ka kawr hnung zipper chu a phelh a, lo dan tumna pawh ka neilo. Ka kawr chu ka ke lamah chuan ka tla thla ta hnak a.





Ka hnung chu a rawn dap rak rak a, ka bra kilhna chu a hmet phelh a, muang chang hian a la thla a.





Ka hnute a hmuh chuan a thaw hawk a, min pawm lawk a, Bathroomah chuan min luh pui a, Bathtub ah chuan min nghat a, tui chu a herh haw nghal a, tui vawt a ni bawk a, ka harh nghal kawkin ka hria , a ni chu chhuakin a kawr leh a thawmhnaw hak chu a phelh zung zung a, min rawn zawm ve leh nghal a.






Ka ngaihtuahna uai nuaih a vang chuan awmdan tur pawh ka hre lo a, engkim chu ka mang hriat deuh riau ruau tawh a, sponge chu ka an a, ka la tha thei der lo a, Muansangpuia chuan sponge chu a rawn an a, khawi keman kalo nawt ang che a ti a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)