Let it be By Abella Ralte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Let it be By Abella Ralte (Completed)

Unread post by Ngaia » June 28th, 2020, 2:09 pm

Bung - 19




Ka ngaihtuahna buai nuaih a vang chuan awmdan tur pawh ka hre lo a, engkim chu ka mang hriat deuh riau ruau tawh a, sponge chu ka ban a, ka la tha thei der lo a, Muansangpuia chuan sponge chu a rawn an a, khawi keiman kalo nawt ang che a ti a.



Tui vawt a han in chiah chu nuam ka ti, muansangpuia chuan min nawt a, amah pawh a in nawt ve nghal a, a phuan te chu kalo khawih a, kalo tibuai chhen a.



Awm mai mai teh, nawi lutuk a ti hluk a, ka rilru a na leh ta, ka hnuk a ulh dawn ta mai, shhh tih pah chuan min kuah vat a, a taksa chu ka feel nghal vang vang a, rang zet hian a in la hrang a, min tleuh sawk sawk a, amah pawh a in tleuh nghal a, bathrobe chuan min rawn tuam hlawk a, a tih ang ang chuan kalo awm tawp a.



Ka thawmhnaw hak tur chu khumah a lo dah sa diam a, amah pawh inbuaipui lo chuan keimah ngawt chu min buai pui a, kekawrte min hak tir lai chuan ka lo in hup ve tat tat a, a nui huk a, hengte chu ka hmuh hnu vek a lawm, zak duh suh a ti a, hneh zet hian ka kut chu aman bet a, min hak tir a.




Ka mut kawr min hak tir leh hnu chuan khumah ka mu thla nghal tawp a, I sam a tih ri chu ka hre chang chang chauh a, mut hahdam ka chak ber tawh.





A ni pawh a in thlak zung zung a, khuma ka lo mu kawi niah chu min siam tha a, hair dryer chuan ka sam a chhem ro leh vek anih chu, mak ka ti zawk, a khawih vel chu a dam dup mai a, a hnehsawh kher mai, nuam tiin ka lo chhing diar diar a.




“tiang hian Dr. Msi sam i tih ro sakk thin a mi?” ka thusawi chu nakinah pawi kala ti dawn tih ka hre tho a, mahse ka pawisa thei tawh lo, ruih lai chuan duh loh loh kan sawi chhuak thin an tih hi a lo dik chiah ani.





A nui hawk a, “a ni chuan kan pahnih inkarah eng nge rawn tel vena a neih” a ti a, a mi chhan danah chuan ka lung a awi thei lo a, ka lo tum bar bar a, ka lu chu ka ti che sek a.





“lo che sek suh, ka ti kang mai ang che, ka zo tep,” a ti a, ka tum bar chu min rawn thlek zawk a, anui duh lek chauh a.




“ok, ka nupui luhlul te, nangma sam chiah ka la ti ro, chuan tun hi ka vawikhat tihna ani bawk aw” a ti sup a





“chu ti si va zei si ve, ka awih lo, Dr. Msi nen khan in innei dawn mi”kan ti leh daih a, a nui chhuak huk a




“a nuihzatthlakna ka hre lo, in innei dawn an ti” ka ti leh tan tan a





Hair dryer chu a dah sawn , ka mut dan a siam rem a, a hma khan khum vangtan zawngin ka mu a, ka lu khum pawnlamah min dah tir kha ani a.




“ka nupui i ni a, i ni reng bawk ang” a ti a, min siam tha mawlh mawlh a..... mahse min chhandan chuan ka lung a ti awi chuang miah lo, tawng leh tur in ka zawi lutuk tawh a, ka ngawi mai zawk ani.





Zing ka harh chuan ka la hai deuh bur a, mahse luna ka nei lo hlauh, ka mutna bul chu ka dap vat a, alo ruak huai tawh a, ka mu tha a,, ka chhing vang vang a, zahna avangin ka sen chhuak nghal awp awp a.





Nizana thil thleng zawng zawng kha ka mitthla ah a mal te te in a rawn lang zut zut a, ruih lutuk avangin engmah hrelo in lo awm law law ila a tha tur, a tawng duh tawk leh a zawi tawk lek khan ka rui a ni si a.




Ka in sik vak vak a, ka va han zak tak, tiang hi tawng ve tawh in awm chuan a zahthlak zia chu zingah a hriat chauh a nia, la tawng ve lo tan pawh a tih chi miah tih kan lo rawn ang che u, free advice a nih chu hehe




Ka mut a siam tha, a kal sawn tur kha , a kutah ka chelh a “min kalsan suh, ka bulah mu rawh” ka lo ti a, min en a nui suk a “ka kalsawn dawnlo, ka in thlak dawn a lawm” a ti a





“min kalsan daih dawn emaw ka ti a” uar fahran hian ka ti a




“kalsan che chu I duhlo mi, min haw hle emaw ka ti a” a ti sup a




“hua che ka hua che, mahse ka haw lo che” ka chhan dan nawi lutuk vang chuan a nui huk a.




A in thlak zawh chuan a rawn mu a, boxer a ha tawp a, a bul hnai chetah min kuai phei a, ka samah dim zet hian a a zut a, a fawp zeuh a, mutthilh tum rawh aw a ti a, ka lo lungni lo kher mai. A ai a tam ka duh.





Keimah zawk chuan ka fawp hmasa anih chu, min chhang lawk lo a, a awm tawp a, a in kheng khawng deuh luh bawk sia, duh tawk ve mai tur ka nih laiin a, a aia uar chuan in la zei faharnin kan fawp leh a nih kha, a thaw hawk a, min rawn fawp let ta buan buan a.




A kut chuan ka hnute a rawn dap nghal chat a, phur zet hian ka lo insiam rem harh harh a, ka aw ri chhuak hur hmel lutuk te kha, tunah hian ka va han zak tak.




A in la hrang vat a, ka lo kuah let chang chang a “mutthilh tum ang, ka in chhhir leh na tur ka ti thei tawh lo” a ti sup a. “a ho lutuk” ka lo la ti tlat zui,



Min thlem, min fawp, ka mutthlih lai pawh ka hre lo, ka ngaihtuah let hian ka la hre vek si a, Msi chung changte kha ka sawi chhuak sia, ka thikzia a hre tawh ngei ang chu, mi a tak chu ka va ni em.






Lawmthu hrilh tur ka neih pawh kha nizan khan ka hre chang tawh reng reng lo te chu ka zak a, engpawh nise harhfim Karin ka hrilh ang nga, a lawmawm zawk daih ang tiin ka in hnem ta ngawt a






Ka tho chhuak peih lawk lo a, dar 7 pelhah chuan ka tho chhuak a,




Zawi te te hian ka kal a, dik ta chuan a lo awm hlauh chuan ka zak dawn lutuk a, chuvang chuan dim thei ang berin ka chhuk a, choka lam ka phei dawn chuan muansangpuia phone hmang ri chuan min ti ding chawt a, a awm chuan ka hmu duh rih lo, dim thei ang berin ka let leh mai aniang chu.






Kal tum a ka pen lai tak chuan a thusawi ri ka hriat avang chuan ka dingchawt a





“Mali hriatthiam tum raw, engkima fel tep tawh a, lo n ghak hram hram rawh” a ti thawp sat a, kan chung chang a sawina tih ka hre nghal, ka hnim nghal ruih a, mi tawng ngaihthlak ruk hi a tha lo tih hre tho mah ila, ka kalsawn thei der lo a.




Ka ke chu chuat nen a in char bet emaw tih m ai tur a ni.





“ka pu pawh a zia awm chho tawh a, kum thar lamah chuan a fel vek ang, ka tiam che, i rilru hahna tur a awm lo” a ti leh sup sup a, a aw ri chu a hretu tan chuan ngaihthlak a nuam dap dap khawp a ang chu mahse ka tan chuan tek tla ang mai ani




Ka taksa zawng zawng a fan chhuak vek a, ka luhai deuh bur pawh awm tawh lo, ka fim kar a, ka taksa chu ana ngut ngutin ka hria a.




Ka ngaithla zel ngam tawhlo, dim theii ang berin kalo kalna lamah chuan ka let leh hna hna , khumah chuan ka thu thla hnawk a.




Ka mittui luang ngiai ngiai pawh chu ka hru buai peih lo, kan in kar a fel ve tawh dawn emaw ka ti a, ka lo lawm ru ve tawh em em a, mahse ani chuan ka ngaihtuahna ang alo pu miah lo a. kei chuan ka duhin amah ah hian ka zawr hneh em em a, nupa tak tak ni tur pawhin ka in peih a, mahse ani chu a lo la pangngai reng anih chu, na ka ti lutuk, mi hmanagih leh duh neih hi thil hreawm tak anih zia ka chiangta.





Nizanah khan keima laka a inthlahrun vanagin min khawih duhlo emaw ka lo ti a, min lo mamawh miah hleinem mawle, Msi tan a lo inserh thianghlim reng zawk ani, ka rum chhuak hak a, na ka va ti tak, duh loh nih leh hnawl nih hi a va lo na em




Johnyan min bum tih ka hriat kha chuan ka thin a rim ringawt , natna a awm ve lo, mahse Muansangpuia min phatsanna chu na ka ti lutuk, taksa, rilru leh thlarau thlengin a khawih niin ka hria a.




Engnge kei hian ka ngaihtuah , min phatsan maw??? Zahthlak zawkin, min phatsan tur pawn kan inkarah engmah a awm lo, kan in mamawh tawn a, kan in hmang tangkai a, kan in mamawhna a zo tep tawh a, kan in then leh mai dawn a lawm .




Darkar chhanve lai ka in ngaihtuah hnu chuan ka rilru ka siam fel, ka hmachhawn ang.






Inhnuaiah chuan ka chhuk a, ka thawm pawh ka dimlo, Muansangpuia chu a lo la chholo tih chu ka hre tho a, ka chhuk a ni tih a hriat theih nan leh, phone a lo la hmang anih pawn a lo in siam rem theih nan thawm ka dim duh lo lui ve tlat a.





Choka ka va lut chu “good morning” a rawn ti var a, a hmel chu hmuh a hahdamin a nuam tak zet a




“good morning, nizan ka tihbuai lutuk avang che in sorry” ka ti zang vah a, mak tih hmel zet hian a rawn hawi a, mahse a in siam tha leh vat a. zak cheih cheih turah min lo ngai ani mai thei e.




“ka nupui buiaipui te chu ka nuam tih zawng tak a lawm” a ti a, a nui suk a





“duh aiin ka lo lem hnem deuh a lawm le” ka ti phar phar a, a lu a lo bu ringawt a





A eisiam lai puih ka tum chuan min lo hnial , dawhkan kha lo kil mai rawh, ka peih tawh a, kan ei nghal dawn nia a tia, thutthleng chu ka pawt chhuak nghat zat a, ka thu a, a che vel chu ka lo en reng a.





“nimin chu min surprise chiang khawp mai, Nghaktei khan a sawi a, ka lawm lutuk aw” ka ti a, pawmloh ka tum deuh kha ania, mahse a nupui ka nih ang a, amah ka hriat reng nan leh ka tan a in sengso ve hrim hrim kha ka duh ve hrim hrim, ka hlawh ve a ni mai tiin ka rilru ka thlak leh hnuhnawh a






“ka nupui tan te chuan lawmthu sawi a ngai lo, nghaktei erawh a buai viau a, lawmthu i la hrilh dawn nia, show ah han introduce hman a duh sia, a buai teh mai ania, siama nen an buaipui char char” a tia, a thusawi a vang chuan mak tiin ka lo ang pam , min hmuh chuan a nui suk duh chauh a.




Ka awmdan insangmar teuh chu a hreawm ka ti , mahse lemchan ka in practice a nih hi tiiin ka in fuih char char a”





Mualpho lo chuan ka tling tla ve hram a.





Office atang chuan tih tur chhuan lamin Ozmi agency lam chu ka pan a, Dawrpuia awm ani a, kan awmna atang pawhin a hla lo a, ka va thlen chuan thawktu ho chu an lo ding deuh suau a, ka lai zawk, kan in chibai sap sap hlawm a.





Nghaktei chuan in ti thei fa hian an sumdawnna chu min lo hrilh fiah zung zung a account bu leh order bute, advertisement an hmuh te leh staffing pattern te chu min hrilhfiah zung zung a, a sawi tui bawk sia, ka thuawi lai chu hmuhnawm ti zet hian ka lo en dauh dauh a.



“nang hi ka tawng i ngaithla miah lo ania” lungawi lo fe hian a ti a, ka nui hak hak a





“ngaithla lo, khatiang hre turin ka lo kal lo, ka rawn tlawh ve hrim hrim che , bakah lawmthu sawi turin ka lo kal a” ka ti a





“keimah zawk hian ania lawmthu sawi tur ni, i zarah hna ka neih phah a”





“ka zarah hna i chan tho a lawm”




“Kan in draw anih chu lawmthu inhrilh tur chuang kan awm lo” kati sap a






Room te chu ka fang kual a, an chei dan a nuamin a lo changkang si a, nuam tak ani, thawmhnaw an dahna hmun phei chu a cool ruih mai a, darthlalang an rem dan te, rawng an hnawih te, leh cabinet awmdan zawng zawng mai chu duhthusam a ni ringawt mai.





Heihi ka ta chu a ni si a, mak ka ti, johny zarah Agency ka nei ve thei ang ka lo tih thin chu, ka pasal zarah ka thawh hah leh uaipui tel miah lo in ka nei a ni si a, .....aaaa mahse ka phu ve tho ka ti ta ngawt a, mahse engkim tawpna chu ka lawm em em a ni tih hi ani.





Johnya chuan tih takzeta ngaihdam min dil avanga ka ning chuan tha takin ka bia a, inneih lam thu ngawt a sawi a, Christmas hma ngei a inneih a duh a, kei pawhin ka aw ve ta ngawt mai a.





Muansangpuia nen pawh tha tak chuan alang ah chuan kan inbia a, ka khum min tawmpui a tum bik lova, ka pu ka tlawh zing dup a, Muansangpuia pu pawh kan tlawh zeuh zeuh a, min ngaina khawp leh nghal a, putar fel tak ani a, a tupa hi a chhuang hle tih a hriat a, tin chumai bakah Muansangpuia chanchin ka hriat ngai loh min hrilh teuh bawk a, Muansangpuian a pu thu a awih chhan emem leh a zah emem chhan chu a pu enkawl hi a lo ni a, a pa hi a thi hma a, a nu hian pasal dang nei lehin a pu hnenah hiana nu in a kalsan a, anu nen chuan an in pawhlo mai ni lovin an in be ngai lo ani awm e, chuvang chu ani ngei ang a chanchin a sawi ngai miah loh ni.





Heleni pawh a damtha tawh a, damdawiin pawh a chhuahsan na a rei ve tawh a, office pawh a rawn ka l tawh a, Johnya chuan rawn zawm tawh lo mai se a tha I ti zawk em tiin min rawn a, kei erawh chuan chutianga a han thlauthla leh si chu ka lo ngei khawp mai a, mahse a contract chu hmang zo se tiin ka lo rawn ve a.





Christmas a hnai tawh a, kar khat chauhin in dang tawh a, hna ah pawh kan inthlahdul deuh a, Model ang a chhawr ho phei chu kan contract tawpna tur a nih avangin kan in la awl ve deuh tawh a, kei ni lo midang pawhin awm chhunzawm an tum awm ka hre lo a, Johnya pawh a rilru a hah thei khawp maia, Advertisement lamah phei chuan hna thar a hmu tawhlo hrim hrim a, a hmel thu that danah chuan a rilru a hah ve thawkhatah ka ngai a. kumdangah chuan kum tawp lamah te chuan advertisement kan hmu tam lutuk a, kan buai thin kha ani zawk a.




ni e, a tan a rilru hahthlak ngawt ang, hmasawn lo zawngin, a hnung tawlh zawngin a kal tlat a, hetiang chuan engtia rei nge a function theih ang a sawi theih bik loha,





Heleni hmelah pawh zahna leh inthiamlohna hmuh tur a awm lo a. Johny nen Lunch eiin kan chhuak zeuh zeuh a, a hmel a mawilo thei khawp a, mahse tawngkam chhia erawh kala tawng miah lo thung a, mahse kan thawhpui te hnenah chuan dawtin a in pha marin kei mah hi min sawi chhe char char a, min hrilh leh vek tho a, mahse kha kha chu ka rin lawk a ni a, engah mah ka ngai duh chuang lo a.




tunkar chiah kan kal tawh dawn a, Christmas leh kumthar inkarah kan kal leh hlek a nga, keini chu kan bamg tawh dawn a, Johnya bulah chuan ka ban tur thu ka la sawi lo a, ani chuan contract extend leh turah min ngai vek tawh a, mahse ka tum der si lo a.




dar 11 a ri tawh a, Currypot restaurantah ka thu van tawh a, Johnya pawhin marriage register office a thlen tawh ngei ka ring a, ka nui var var tawh a.


ka phone kala chhuak a, ka bul ah chuan ka dah a, Johnya mi nghah theih loh zia kha ka hr eve reng a, dar 11 a rik tawh chuan a za et et tawhin ka ringa, a chhuah hun ka en chuan thleng daih tawh tur chu a ni a.






minute sawmin dar 11 a pel tawh ang tihah chuan ka phone chu a rawn ri a, tunge minlo call tih ka hriatchian em avangin ka nui sak a, ka plan kal tluang lutuk chu ka nuih te lam lam a za zawk a. Mahse Johnya men immeihna lam chu ka plan ah a tel ve miah lo thung a, a tulna vang zawk leh amahin min nawr na sat em avang chauh a aw ti ve mai kha ka ni a.




phone ri chu a reh a, a rawn call leh har hian ak ring lo a, ani hi chu mi thil ti ve kher kher a ni a, mahse amah nen kan inneih dawn ni kha chuan khatianga hun rei kha ka nghak a, kala nghak chhuak zo lo a, chu mai nilovin min thulh san zawk kha ani a, mahse khami ni khan a lo kal ang tih ka hlau hnuhnawh kher mai, Muansangpuia hi ka tawng dawn hauh si lo.




Muansangpuia ka ngaihtuah chhuah takah chuan ka mittui a hnai kuar a, ka ngaih ang hian min ngai ve lo mai ni lo in, ani chuan inthen hun a nghakhlel hle kha a ni si a, mahse keiin tangkaipuina chhete tal ka lo nei ve a, ka lawm tho tho tiin ka in hnem a….




Ka phone a rawn rik leh takah chuan ka la ta vat a, hah hmel tak hian “hello” ka ti hap a, thawk ka la ham ham a




“ilo thleng dawn tawh em, hei ka awm tawh a” Johnya chuan a ti a, a aw a dawhtheihlohna lo lang chu thup tum hle mahse ka hrethiam vek tho.




“ka tho tlai lutuk a, chaw ka ei hman lo a, hei cyurrypot ah ka inhnawh puar lawk dawn a” ka ti a





“lo awm rawh, ka rawn hruai ang che” a ti a, phone chu a dah nghal a.

Ads click ve ngai lo te pawhin i click ve tawh hram hram ang u. Kan ads click man a chanve (50%) ngawtin a hniam avangin mi pakhat click leh pawh kan thlahlel em em a, vawi khat click theuh ila chuan a hma a mi ang zat kha kan lut leh thei ngei ang. Khawngaihin kan story i chhiar manah ads hi min lo click sa ve hram ta che, ads click lo hi chuan rei tak story hi kan post thei dawn si lo a, story chhiar zel i duh anih chuan click hi i tih ve ngei turah i ngai dawn nia



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:09 pm

Bung – 20





Ka nui var var a, ka ei tur duh chu ka chah nghal a.



Minute nga baka nih pawh ka ring lo, a rawn thleng nghal a, aduh zawng a lam ve nghal a





A duhzawng a chah zawh chuan “Bawihi min phatsan ta emaw ka tia, ka hlauthawng hman lutuk a sin, I tello chuan ka dam zo lo ang
“ a tia




“nangman min phatsan ang khan maw?” ka ti ha a.





Min en kar a, ka hmelah chuan thinrim tak tak hmel a hmuh loh avang chuan a thaw huai a “sawi tawh suh, a let tam takin ka duat ang che” ati a.




“ei zo ila, kal vat ang aw” a ti a, ummm tiin ka chhang ringawt a. kan ei tur chah a rawn thlen avangin ani pawh a ngaiw rih a, kan ei tan chiah tih chuan, kan table lam panin muansangpuia a rawn phei thauh thauh a, min rawn nuih sak a, kei pawhin ka lo nuih let a, johnya hmelah chuan zawhna tam tak leh hriatthiam lohna a lang pawlh nawk a, ka en a, ka nuih sak a.





“kalo tlai em?, min lo nghak rei tawh em?” a rawn ti a, ka chhan hma chuan Johnya chuan “sir nangmah maw, nga ti nge” a ti hu a.




“ka nupui nen hian kan chhuak dun dawn a, ka rawn lam” a ti a, a hmelah chuan ti el hmel emaw engmah alang chuang lo a, ka bulah chuan a rawn thla veleh nghal a.



Johnya hmel chu rapthlak khawpin a danglam a, a sen tawn tawn a, tawng a tum a, a bah deuh nawk a, a lu a thing nak a, hmuhnawm ti zet hian ka lo en a, ka nui sang bawk a, chutah harh chhuak thut ni awm hian





“engmaw I sawi kha” a ti nawk nawk a, khawngaihthlak hian.




“ka nupui, Amelia hi ka rawn lam dawn” chang beng bawng hian a ti a.




Johnya chu a ding hluai a, ka lo zap vat a, a thu tha leh a “ka thu hriat hi a dike m bawihi, I fiamthu ti raw” a rawn ti a, ka lu kalo thing na na min hmuh chuan a ner nawk a, ahmel chu hmuh a hahthlak piah lam ani, boruak tlachham hmel te pawh a pu deuh rauh a.




“I hresual lo, Ka pasal ani, kan in neihni I hre duh em?” ka tia, a chhanna pawh nghak lo chuan “ni 28. Oct. 20..kha a nia” ka tia, ahmel chu ka en reng a.





A ngawi reng a, ngaihtuah chhuak thut ni awm tak hian “kan inneih ni tur kha ni maw?”



“obviously”ka lo ti var a,”mahse Johny in thiamlo duh suh, I lakah hian lawmthu sawi tur tam tak ka nei zawk,nangmah vangin ka hmangaih ber, ka psal ka tawn phah si a” tih pah chuan Muansangpuia kut chu ka va hum a, ka khur ru der der, hmangaih tih tawngkam kha ka tum lawk vanga sawi pawh ka ni bik lo, mahse ka thinlung chhungril ber atang a rawn ri chhuak a ni a, a tak em avangin keimah ka zam zawk ani.





Engtin nge a nih theih Johnya chuana tia, min chhang pawh ani lo, amah leh amah a in bia ang zawk a. chutah lo hawi chhuakin min en a, “chuvang ani maw, I lo confi em em” a rawn ti chhuak hrawih a, a aw ah chuan natna leh manganna a in pawlh nawk a.





“I ngaih dan dan le” ka tia, Muansangpuia chuan min rawn kai a, a ding hluai bawk a “kal tawh ila Bawihi,” ati a, ka tho nghal zat a, ka bag ka lak lai chuan muangsangpuia chuan



“johny heihi hre reng rawh, ka nupui chungah hian thil diklo in tih leh chuan ka ngawi mai mai dawn hauh lo ania, Heleni pawh khan lo hre rawh se, ka dawh mai mai hauh tawh lo ang” a ti a, ka lo nui var var a, a banah chuan ka vuana kan chhuak ta daih a.





Kawngkhar kan thleng tawh tih chuan muansangpuia chuan “bill kha” a rawn ti a





“a lo pe ve mai ang chu”ka ti a, ka nui hak a, kan thutna lam chu ka va en phei leh hram a, Johnya chu lungtum ang mai hian a lo thu a, a che hauhlo, ka en rei duhlo ka hawi san nghal daih a, Muansangpuia motor ah chuan ka lut ta vat a





A hnungah chuan a rawn thu lut ve zat a, ka kut chu rawn la in, a fawp vang vang a, ka lo mur nghal chuaih a.




“I che tha tak zet ani, ka chhuang lutuk che” a ti a




“awmlo la chu ka thei miah lo ang” ka ti sap sap a





“teuhlo, kei chuan engmah tih ka nei hlei nem” a ti a, nghet zet a ka kut a vawnna chuan min ti thlamuang takzet a.





“lenkawi I duh em?” a ti a,




“duh lo e, office ah min drop mai rawh, I buai awm nen nen” ka ti a





“meeting ka cancel tawh a lawm, buai tawh em em lo” ati a





“office ah let leh ka ngai, ka bansan tawh dawn sia, tih fel tur ka ngah dawn em mai” ka tih chuan min hnial tawh bik lo a.





Office ka thlen chuan Johnya motor pawh ala awm lo a, thawvneg zet chuan ka lut a, ka tih tur tul an gang ka tih zawh hnu ah chuan Johnya alo haw tawh em tiin a assistant ka zawt a, rooma a awm thu min lo hrilh a, amah hmu tur chuan ka chho ta a




Kawngka chu ka kik karh karh a, lo lut rawh a tih hnu chuan kalut a, ka hmel a hmuh chuan a insangmar nghal teuh a.




A hmaah chuan thu rawh min tih hun pawh nghaklo chuan ka thu a



“kan contract period a zo tep tawh a, ka thawk dawn tawh lo tih ka hrilh duh che a” ka ti a, min en vung vung a, angawi reng bawk si a, a nuamlo duh ve lutuk a.




“ka hria alawm, Ozim Agency saw I ta ani tih pawh ka hre tawh a lawm, I awm ka ring tawhlo hrim hrim”





“a that chu”




“ Contract la zo chiah lo mahse, I lo kal a ngai tawh lo ang, chuan Amelia I awih emaw awih lo emaw, I chungah hian thil nasa tak ka ti sual a, pawi ka ti takzet ani” a ti a, a hmelah chuan a ti mai mai lo tih alang vek a, vuak hrep hmelte a pu deuh reuhin ka hria a.



“theihnghilh daih tawh ang khang kha chu, nang pawh nun thar in nung la, mi tha tak I tawng vat mai n ang” ka tia , ka rilru tak tak in ka sawi bawk a, ani pawh a bu nghut a.




“ka lo a ngawt mai, nang ang mi tha ka kal tir che chu a ni si a, ka nu khan min hau fo thin a, mahse ka lo hre tha duh ngailo a” pawi tih hnmel zet hian a ti hap a.




Sawi tur pawh ka hr eve lo a, ka lo ngawi reng a “I rilru I thlak a, ilolet leh duh anih chuan ka awm reng ang aw Amelia, hun tha nei leh ila, I phu ang chiah a duat che ngaihsak che ka duh ani” a tih chuan ka lo nui a




“engkim hi kan thatna tuir zawkin a lo thleng a lawm” ka ti ta ringawt a. min chhan a tum lai chuan kawngka a rawn ri karh karh a, “lo lut rawh” ati ta zawk a.



Heleni chu a rawn lut a, min hmuh chuan a phu deuh zawk a, mahse a in siam rem vat a, nuih deuh sawng hian a rawn lut a





“in in romeo and Juliet lai ka rawn ti buai ani maw?” tih pah chuan dawhkan a rawn nen ar a




“I sawi duh sawila, I chhuak thei ang, eng ni I duh” Johnya chuan a ti hluk a, kei pawh chu chhuah ve mai awm tak ania, awm nuam ka ti tlat, ka thu lui vet lat a, bakah chhuak turin min ti bik chuang lo a.




“Amelia, he dawhkan hi kan lo hmangtangkai thin teh mai ania” nui sawng hian a la rawn ti zui a,.




“nia hei kan lo sawi mek a” nui duh miahlo hian ka ti a




“zak lo lutuk, hmeichhe mawl leh inno zet ang a awm mai mai kha I inhmeh tawk lek, mature games hi ikhelh ve chi ani love” a la tawn ti zui, zahna leh inhmuhchhuahna chu ala nei lo ve khawp mai.



“I sawi duh sawila, chhuak nghal rawh” Johnya chuan a ti leh hluk a





“ka contract hi renew leh ka duh a” ati a, zamna pakhatmah a hmelah chuan lang lo a. Johnyana chhan hma chuan, heleni chuan min rawn en a




“nangmah vang mai mai a tlusawp turah chuan min ngai hauh suh, khang thil thleng te mai mai kha chu kumtharah chuan an sawi duh tawh hauh lo ang” a ti a, chhan tuma ka ang zuau chu min rawn zap a. “hepa hi neih I tum a nih chuan a phatsan leh tho ang che, kei pawhin ka duh duh a ka tih kawi theih ani a, midangin an rawn ti leh tho ang, free advice”a tia, a nui hak hak a, a tho a, hmanhmawhna nei maih lo hian a chhuak a, kawngka a hawn chuan a rawn hawi let leh a.





“lo in romea and Juliet chhunzawm ru, nakinah kalo kal tha mai ang” a ti a, kawngaka chu dim zet hian a khar a, a pen ri thlap thlap a.




Jonya nen chuan mak ti lutuk hian kan en reng a, kawngka a in khar fel hnu pawh chuan ka ho hian kan en a .




“a va rapthlak em, eng thilah nge ka in barh luh tak le” Johnya chuan a ti chhuak hraih a, ka khawngaih ve kher mai, engang pawhin ka tan sual mahse, ka tan thatna tam tak anei ve tho a, tunah phei chuan huat aiin khawngaihna ka nei lian zawk .



Mi in kan chunga thil an tihsual avanga kan tan a an thatna theihnghil sak vek hi tha ka tih zawng a ni ngai lo hrim hrim a.



“Amelia, I rawn kal a ngai tawh lo ang, I hlawh pawh a full in ka rawn thun ang, tunah chuan min lova chhuahsan phawt mai rawh, mahni chauh a awm ka duh” a ti a, a chauh hmel kher mai.





Ka ding a, ka bu nghat a, amah chu ka en a, hreawm ti hmel a pu hluah hluah a, khati chen a rei ka lo kawp ve tawh mipa ani a, ka engkim kha ani thin a, theih nise ka hnem ngei ang mahse hnemna chhan tur ka nei tawh hauh silo, ngawi reng chuan ka chhuahsan ta zawk a,




Tunah chuan ka chhuahsan fel thei ta bawk a, ka bungrua vel chu ka lakhawm zung zung a, naktuk kal ngai tawh lo in inla chhuak fel law law ila ka duh a, Siama ka call nghal a, bungraw thiar a ngai a, midang lo hruai rawh ka ti nghal a.




Thahwpuite chu an ngui nghiai a, an awmdan tur chiang bawk si lo, kei ka kal tawh dawn lo nen, model dang la awm te lah chuan an awmdan tur an sawi thei tawh bawk si lo a, an chi ai vek a ni mai.



Hlupuii chuan “Amelia, I awm talk ha chuan kan thla ala muanga, amhse I awm loh phei chuan engtin nge kan awm ang le, mahni a hna han lak dawn chuan kan lo ti lo thang laklawh tawh bawk si” a rawn ti a, midangin an lo hnem laih laih a.





“tumah lungngai suh u, Nghaktei sawi ang khan Agency dang pawh a awm tho na in, a tul a nih chuan Kan agency a awm reng a, Staff duh ang chu nei vek tawh tho mah ila, tihdan a awm zel ang ka ring mahse Nghaktei in lo be zel dawn nia” ka ti ta tawp a.




Dik tak chuan ka khawngaih ve hlawm a ni, khilai Agency staff strength pawh ka hre chuang miah lo, mahse tunah chuan kha thu kha hriat an mamawh berin ka hria a, ka sawi chhuak tawp a, pawi tihna pawh ka nei chuang lo a.




An hmel a hahdam huai hmel chu hmuh anuam ka ti, Siama te an lo thlen chuan ka bungrua chu min load pui zung zung a, rtei tak kalo thawk ve tawh bawk a, bungrua pawh ka ngah ve thawkhat a.



Ozim lamah ka in dah chho ta vek a, nghaktei ka hrilh lawk tawh avangin min lo hmuak a, a naute ho nen ka bungrua chu kan thiar lut nghal zung zung a







January thla tawp lam ani tawh a, a vawt vin tha tak tak hle a, Mizoram pawh a vawt an tih tehreng nen, Delhi phei chu vawt tak a ni a, ka nu in min rawn kaihthawh avangin ka in ti harh hram hram a, dar 7:30 chauh ala ni a, Breakfast kan ei dawn der tawh a, kapa hi office a kal hma thin avangin kan ei hma thin a.




Peih lo zet chuan ka chhuk thla a, ka nu chuan thutna min lo kawhhmuh sawk sawk a, ka pa erawh chuanmin en ngur ringawt a, kappa hian minla be tha peih vak lo a, ka dem lem lo, a fanu thu awihlo leh tihmawh zet kha ka ni ve a.





Ka nu chuan ka ei duh zawng tak lemon rice a lo siam a, ka tet lai chuan ka duh thei lutuk a, chu chu ka nu pawhin a hre reng a niang chu tunlai thil ka ei theilo bawk nen minlo siam sak ve ngei aniang, ka pa chuan puri sobji a lo ei thung a, soji ah arsa curry a hmang a.





Ka tawng peih lo, thutna ka rem ve nghal a, ka ei tan dawn chiah tih chuan ka pa chuan a sobji chu a suak chhuak a, a rim chuan ka hnar a rawn verh zar a, ka thil ei tuina areh vek a, ka luak a chhuak ut ut a, mahse ka insum hram hram a, ka pa mood off tawh nak a laiin, insum hram hram ka ngai a.






Ka ei hlei theilo, ka ti lui hram hram ani. Tumah kan tawng lo a, kan boruak chu a rit hle mai bawk si a





“I damlo anih kha, roomah han mu chawl mai rawh”ka nu chuan a rawn ti a, lawm zet hian ka thochhuak vat a, ka room lamah chuan ka kal ta nghala




Bathroom ah ka lut a, ka luak hlei thei chuang si lo a, chau zet hian khumah chuan ka mu a. ka mit ka chhing vang vang a, Muansangpuia bawk ka mitthla ah a lo lang leh nghal a, ka ngai vawng vawng a, tunah te hian engnge a tih ang???? Khawiah nge a awm ang??? Min ngaihtuah ve a ngem le….. min ngaihtuah hauh lo ang, a lawm zawk hle in ka ring. Zalenna anei tawh si a.





Delhi ah hian kar khat chiah chiah ka awm tawh a, ka nu pawh hrilh lawk lovin ka chhuk kha ani a, hrilh lawk chuan ka pa alo hrilh kawi leh anga, a buai leh nuaih ang tih ka hlauh vang ani a.





Ka thlen hlim chuan ka nu chu an mak a lo ti khawp a, zan lai a thleng ka ni bawk si a, ka pa pawh a rawn tho chhuak a,min hmuh chuan a lut leh nghal daih a, pawi ka ti chuang lo, a fanu ka ni a, min haw rei thei dawnlo tih ka hr eve tho a, ka ngaipawimawh duh lo a.




Ka nau chu hmundangah a awm a, ka nau hi PhD ti lai ani a, Mumbai lamah a awm a, alo haw khat khawp a, kei ka zu ha wthla chu ka nu hi a lawm em em a, mahse keimah ka hlim lo hem avang chuan min tih hlim tuma abaui ka hmuh chuan ka khawngaih zawk a.


Delhi ka chhuk hma hian ka pu bulah ka awm tam a, ka pu hnenah ka chhuk chhan engkim ka hrilha, ka pu chuan amah Muansangpuai nen sawi dun phawt ula, kha tlangval khan a hmangaih khawp che kha min tih chuan ka lu ka thing ringawt a. mahse ka pu chuan min hnial zui lo, I duh danin han awm phawt la, I duh tak chu nangmah ngeiin zawng chhuak la atha ber a ti.





Muansangpuia nen kan inneih chung chang vel leh engkim mai chu zep rih turin ka hrilh a, ani chuan I duh ang tak chuan ti rawh puitling I ni tawh a, kei kalo inrawlhna tur a awm lo e a ti a, putar fel tak chu a va ni tak em, hei vang hian lawm ka pu hi ka hmangaih em em …




Ka nu a rawn luh chuan ka ngaihtuahna ram atang chuan ka harh chhuak a, ka pang a rawn dek vat a



“I khua chu a sik si lo a, awmhmun thlak I ngeih lo anih dawn hi”a ti a



“ni e nu min ngaihtuah suh” ka lo ti var a




“I cher lutuk pawh hi a tha lo, I peih chuan insiam la, va in en tir teh ang” a ti a




“nu ka tha leh mai ang, ka peih lo e” ka ti a, nute bul ani bawk a, ka pangchang nghar nghar khawp a





“chutiang ringawt a tha lo, I pa in lo in entir rawh se” ati a tih chuan hnial chi anilo tih ka hre thiam vat a, ka pa hi a in rawlh khat ve a, bakah ka nu hian a hlau thiam em em a, chuvang chuan ka nu tan harsatn aka siam sak duh lo.




Peih lo zet chuan ka tho chhuak a, ka insiam ta malh malh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:09 pm

Bung – 21





Ka nu nen chuan kan chhuak ta a, AIMS damdawiin ah kan chhungkaw doctor hi a awm a, chumi hnenah chuan kan kal a.





Appointment nei sa kan nih avang leh kan family Doctor a nih avangin nghah rei angailo hlauh a, Doctor chuan ka awmdan leh natdan vel chu min zawt a, ka sawi mawlh mawlh a, a khat tawkin zawhna min zawt pah bawk a,





a tawpah chuan pregnancy test kit min ranw pe a, ka nu mak ti hmel kha ka theihghilh theilo, kei pawhin mak ka ti a, a ngailo ang ka tih pawh chuan va ti phawtla a tih tlat avang chuan ka la a, Bathroom ah chuan ka lut a.






Raina chance ka neih awm ka hre lo a, damdawi ka ei tha bawk a, tin kan mutdun lohna a rei tawh lutuk, thil theih a ni lo.





Ka test zo a, ka in ha tha nghal a, ka test result pawh ka en lo a, ka hak that zawh chuan test kit ka dah chu ka zu la a, ka meng phawk ngang mai a, ka thin a phu nasa lutuk ringawt, rin sen pahnih chiang em em hian a alo awm kalh a.





Ka lu te chu a hai muai muai a, ka luak a rawn chhuak nghal ut ut a, ka thawk te chu a sak nghal vek a, mak ka ti lutuk, lawm tur nge lawm loh tur pawh ka hrelo, boruak khamlo ang mai hian thawk ka la kawk kawk a.






Ka nu chuang kawngka chu rawng bengin “bawihte i tha em? I va rei ve” a rawn ti a.




Ka insiam tha sawk sawk a, ka chhuak ta nghal vat a,




Ka test kit ken chu min laksak vat a, a en chu a meng phawk ngang mai a, thutthlengah chuan a thu thla hnawk a, ngawi rengin test kit chu dawhkanah chuan a dah a, a en ngai a en reng a.





Sawi tur reng reng ka hre lo, khawiah emaw bo daih thei ila ka ti lutuk, kan nufa chuan min shock dan chu na tak ani a, mahse min shock dan erawh a in ang lo thung.





Doctor chun test kit chu a en a”miss Amelia, ka rindan reng ani a, Congrats” a tih chuan ka nui ringawt a, chhandan tur pawh ka l hrethiam rih lo, ka la a muih a.






“engtin nge a nih theih” ka nu chuan ka hriat theih che che hian a ti a. chhandan tur reng ka hre lo a.





Doctor chuan damdawi min chawh mawlh mawlh a, ei tur leh tur loh a sawi nual bawk a, lehkha ah chuan a ziak a, kei chuan a thusawi engmah chu ka hre bar lo.




Ka naupai chu thlahnih lai alo ni tawh zui, engtin nge ka hriat loh theih le, ka lu ka thing nawk nawk a. mahni chauh a awm a, tah nghek emaw in ngaihtuah ka mamawh ber rih tunah chuan.





Pawn kan chhuak chu ngawi rengin ka nu chuan ka lehkha chu a la a “tah hian lo thu rawh, keiman ka va lei a nge” a ti a, ka tang der peih lo, AIMS a damdawi lei tur a chuhhelh a ngaih zia leh mihring tamzia chu buru tak ani a, lo ngah mai chu ka thlang ta zawk a.





Ka ngaihtuahna chu a bing mup mup a, eng ber nge ngaihtuah tur pawh ka hre lo. Reilo te maw ka tih chhungin ka nu chu a lo let a, sana ka en chuan minute 40 lai ka lo th reng tawh a, khang hun chhung khan ka ngaihtuah na ah engmah a lang lo. Ka thu mawl ve tawp ni maiin ka hria.




Kawngah chuan ka nu nen kan in be miah lo a, a en ngai a en tlawk tlawk ka hmuh chuan zahna hreawm tihna in ka khat a, eng nge ka sawi tak ang??? Thudik sawi tur nge pawh ka la hre thiam lo.





In kan thleng chu ka room lam ka pan nghal a, ka nu chuan min lo zui vat a.




“Nu, mahni chiah a awm rih ka va duh ve” ka ti a, hrethiam takin min chhuahsan a, ka nu hmel ka en chuan ka en rei ngamlo, tap tur hmel insum a ang ka ti ber a, nu leh pa te tan chuan an fanu te rai, pasal nei si lo chu rapthlak tak tur ani.





Khumah chuan ka mu thlawrh a, tah ka tum a, mahse ka tap thei hauh lo, ka mang vek a, rilru lem ka pu lo.




Ka tho a, thhawmhnaw hak nuam ka in bel a, ka mu leh vat a, ka dul chu ka khawih a, tah hian Muansangpuia fa chu a lo awm reng si a, ka plan lawk loh thil a ni, rai hian tel vena a nei hauh lo.





Ka hrilh a ngem??? Ka hre biklo, mahse tunah rih chuan ka hriilh loo ang, ka haw hnuah pawh kar a liam tawh mahse minla rawn be miah lo, hriat a phu ka ti lo. Mahse zep hlen theih erawh ani dawn lo, in then hma a hrilh erawh ka duhlo, naute vang hian min neih a tum reu reu ang. In thenna ti fel phawt ila.






Ka nu leh pa te hi eng tin nge niang le? ka ngaihtuahna chu a buai map a, ka pa in a hriat hunah engtin tak ngai ang maw... ka huphurh lutuk....




A tawpah chuan ka thu chhuak hlawl a, blanket chu thlawh hlim a, ka nu hmuh ngei ka duh a, ka khawngaih mahni hmasial takin ka awmbo san hmak a, hria duh a ngah dawn dawn nen.





Ka va chhuah chuan ka nu chu a lo thu a, alo in dawm kun ngaih a, min hmuh chuan za lo deuh hian a lo ni sak a.




“ti nge ilo thawhchhuah duh, mu lum rih ta che i chau ang” dam dap hian a ti a. a hmel erawh a ngui ngang mai a, a upa ta sawt hian ka hria a, ka khawngaih kher mai, a bul ah chuan ka thu thla a.





“nu....” a bak ka sawi theilo, ka mittui a dir zung zung a, minlo kuah vat a...a ni pawh a insum theihna a kehchhia ani ngei ang, a tap khur dar dar a.





Eng nge maw chen ka tah hnu chuan ka in tap thawl deuh a, ka in la kiang a “nu min ngaidam rawh” ka ti a





“bawihte ngaihdam i ngai hlei nem, i sawi duh chu sawi vek rawh” a ti a.




“nu tunah chuan engmah ka sawi thei rih lo, kan in ti thiamlo a, chuvangin ka rawn chhuk san a, hrilh pawh kala duh rih lo a” ka ti a





“i hmangaih a mi” a tih chuan ka lu ka lo bu nghat a.




“chak takin awm ang che, naute tan rilru hah a awm a tha lo a nia” ati a.




Ka nu mi hriatthiam na ngah lutuk hi chu ka va zak si em.





Dar 10 ah chuan ka mu fel than tawh a, ka nu nen kan inbiak hnu khan ka zang hawk a, engkim hrilh theih ka chak em em a, mahse ka la inpeih si lo a.




Ka huphurh ber chu ka pa a ni a, mahse ka nu in a lohrilh thiam a niang min hau lo a, mahse naute pa erawh min zawt a, ka nu in min lo chhan zung zung a.





Kapa chu a lungawilo hle a “kha Johny a, mi tlaktlai lo kha a mi?” a ti a




“ni lo” ti chauhin ka chhang ngam a, ka pa hmel a thaw huai ka hmuh chuan keipawh ka thawl ve deuh hawk a. ka pa chuan i pu pawh hi a ti lutuk deuh, i duh dan dan hian a awm tir che a, rawn in rawlh suh se, a tisual zo vek tawh che a nih hi a tih chuan nuamlo ka ti khawp a, ka pu an hrilh tawh tih ka hrethiam a, ani pui rauh hian Muansangpuia a lo hrilh ang tih ka hlau kher mai.




Chaw eikham velah ka pu chu ka be vat a, ka pu aw dam dupin min rawn hnem chuan ka thla a muang huai huai a, ka nau pawhin min lo bia a, min rawn fiam ne nghe nghe a.





Ka mut lah chu a chhuak der lo a,ka pum chu ka lo chul leh thin a, tah hian naute a awm tih ka ngaihtuah ringawt pawn mak tihna leh lawmn ain pawlh nawkin ka awm a.




Ka phone a rik chuan ka en vat a, Nghaktei a lo ni a, ka hnuai rawih thei, muansangpuia call ka beisei lai a ni si a, ka rai tak avang mai chuan min rawn ngaihsak ka phut ni berin ka hria




“aw nghakte” ka ti vat a





“ka rawn e hma theilo che a” a rawn ti luam a.....






Kan dah hnu chuan Nghaktei te ang mi rintlak ka nei leh zel hi ka lawm em em a, engkim a kutah a awm vek a, ka haw thla dawn tih ka hrat atang khan ka in rawlh lo law law, amahin engkim a buai pui a, mahse weekly accounts erawh min rawn update zel turin ka ti thung a.





Thil hralh leh lei chung changah chuan min rawn buailo turin ka ti a, eng nge maw chen i kutah a awm a la ngai dawn si a, chuvangin tlawm ngai tlang law law rawh ka ti a.





Ka kal dawn chuan ka hrilh ve thuak thuak a, Muansangpuia nen kan inkar a tha vak lo a, ka awmn apawh lo hrilh suh ka ti a, mak a ti deuh a, mahse ka hrilh ve thuak thuak a, Nghaktei chuan chutia i tih tlat chuan ni mai e, mahse hepa hian hai rual lohin a atchilh che a, in pahnih a in in sawifel a ngai anih chu kan lo in rawlna tur pawh a awm lo a ti a.




Mahse Mali nen an chung chang ka sawi chuan a awih ve thei lo a, mahse kalo in rawlh lo ang a ti a, ti chuan ngaihtha takin ka haw san a. ka chhuk hma pawhin hna ah chuan ka kal tawh lo hrim hrim, thil dang tih fel leh buaipui tur ka ngah lutuk a.







Muansangpuia Ukil in min lo biak tal ka ring a, mahse ala buai deuh a niang tun thlengin chanchin engmah ka hre lo a.






Tunlai hian Mizoram ram ri ah buaina awm a, a buai viauin ka ring a, hah pawh a hah ngawt ang ..... mahse care tu doctor a neih that em kha maw ka ti rilru leh a.





Khatia Johnya ka nun a nalh tak leh ka duhthusam ang ngei a ka thin thlak hnu kha chuan ka lungawi tawh a, Muansangpuia nen kan inkar pawh a tha chho viau a, mahse khum erawh kan la in tawmlo tluang zel a, a hman ik chuan inah a awm deuh reng a.





mahse kum tawp chho a ni a buaina neuh neuh a ngah ve a, zan lamah pawh tlai tawh lamah kan in hmu chauh zel a, ani pawh in theih tawpin kan inkar siam that a tum ve in ka hria a, ka rilru sak tlat pawh a nem ve deuh tawh a.





A haw tlai tur leh a programme zawng zawng enkgkim min hrilh a, a tlai dawn pawhin min rawn be thlap thlap zel a, a theih tawkin ka pu a ngaihtuah bawk a , kei pawhin a pu ka ngaihtuahin ka tlawh deuh reng bawk a. kan boruak chu nuam tak a ni a.





New year eve a nia, Muansangpuia nen pawh kan pahnih chuah a hman theih turin programme kan duang ve a, kan in kawtlai vel te chu ka chei ve nasa mai a, i hah lutuk ang a tih pawn ka duh tlat a, engkim bul kan tan that lehna tur niin ka ngai ve a, ka ngai pawimawh em em a, kan kawt chu Romantic thei ang bein ka chei ve a.




Ka bazaar zo in ah ka haw a, ka in fel zung zung a, door bell a rawn ri a, ka phu nasa kher mai, ka awm chhung hian door bell ri hi ka hre khat em a ni.



Chahbi kan nei a, kan hawng mai zel a, inleng kan nei ngai bawk si lo a, chhan nachang pawh ka hre lawk lo a. chutah ka harhchhuak thut a, kawngkhar lam chu ka pan vat a, vawikhat a lo ri leh hman a, a awm tho e, Nghaktei a ni ngei ang, min rawn surprise a tum anih ka ring deuh a,





Hmanhmawh zet leh phur deuh hian ka hawng a, ka rin loh lutukin Msi nen kan in hmachhawn ta ran a, tawng mai nachang pawh ka hrelo, ka beisei loh lutuk a ni bawk nen ka hamhaih vek a lawm.





“ka lo lut thei a ngem” a rawn ti tham sap a, ka harh zawk mai, lut tur a sawmna chang pawh ka hre lo a.





“oh lo ut rawh” ka nui lui sang a, a luhna turin kawngka chu ka hawng zau nghal bawk a. kan in hi duh duh kal theihna tur a ni lo hrim hrim a, Security te pawhin Msi chu an hre tha ani ngei ang, a lo luh theih mai danah.






Muang changin in chhungah chuan a pen lut a, hmun tin mai chu hmuh hmaih hlau ni awm tak hian a en kual a





“helamah hian lo thu ta che” tiin sitting room lamah chuan ka kawhmuh a, confi zet hian a lut a.





Thu rawh tiin thutna chu ka kawh hmuh a, a hmel awmdan atang chuan a ngaihtuahna tur aw ang a hriat theih miah lo a, keimah chu ka zam hle a ni tih kan sawi tel hrim hrim a nge. Lo chhan dan tur ka hre mai lo a ni, ka beisei lohh lutuk thil a nih avang chuan.






“i hmuh ang hian Muansangpuia a awm lo a” ka ti a, dik tak chuan kan inkar hi eng tiang chen chiah a thui nge a hriat ka hre i lo a, awmdan tur ka hre lo in, ka lai takzet a.






“ka hria lawm, ala buai lutuk, nangmah hmuh tum che in ka lo kal zawk mah a” a ti a






“oh ... a ni maw?? Englam thilah nge ni a” ka tia




“in inneih chhan ber chu i hriat angin a zo tawh si a, Muansangpuia tan in then han awi kha a nuam chiah si lova” a tia , a aw chu a nghet charh mai a, a nem lo a, a pawr hek lo a, a chet dan confi lutuk chu kalo it ru kher mai.






“ka......” engmah ka sawi thei o, ka rinloh lampang daih a ni a, ka hamhaih zo vek a, ka riat ral ta mai mai a.





“i hre tho a nga, a ni nen kan inkar chu, inneih dawn khan ka buai deuh avangin ka hman si lo a, nang i lo awm remchang hlauh a, kan lawmzia mai chu....i chungah hian kan alwm tak zet a ni” ka thu hriat chu mak ka ti lutuk a, an pahnih remruatna vek a ni tih chu ka hre ve chiah, a hria ang tih ri ngaihna ka hre lo.





A hma pawhin kan in hmu fo a, vawikhatmah hre awm pawhin a awm lo a, an va han nung thiam em em ve le ka ti rilru a.




“ni e, kan lo sawi tawh a lawm, mahse hei kan la buai dun em a” ka ti ta rngawt a, ka kut chu ka lo hum nasa lutuk a, athlan dap tawh a.





“mipa te chu i hria lawm, thilfrr han sawi dawt hi an thiam thin lo a. kalo kal tih pawh hi hre lo se ka duh a” a tih chuan ka lo bu nghat a, Msi chuan kei chu min haw awm pawhin alang chuang lo a, mahse ka awm thiam chuang lo , ka che sek a, ka thu nghet thlawt lo.




“a pu pawhin damlam a pan ve zel tawh a, tihian tlang thang miah loin in in then fel a nga, i tan pawh hlawkna tam tak i nei a lawm ti raw, Agency te pawh a pe che a” a ti ta deuh deuh a, ka bing mup mup tawh, a sawi duh sawi zo se chhuak vat vat se tih bak duh ka nei lo.




Chhan enah pawh ka en lo, “ i sawi zo tawh chuan, tih tur ka nei a” ka ti ta ringawt a






Min en kar a “a rang lam chuan i chhuak ang ti raw? A ni chuan inthen kha a rawt lawk duhlo mai thei a, miin an hriat tam hma hian” a ti leh a





“ni e, kan lo sawi dun dawn nia, keimah lamah chuan theihlohna a awm lo e, lo lungngai suh” ka ti leh a.





A tho a, kawngka lamah chuan ka zui phei dat dat a, a hhuah dawn chuan a rawn hawi let a, “tak a, zanin pawh kha a rawn haw hma thei lo ang, programme pawimawh lutuk kan nei a, tih palh aw” a rawn ti leh a, kalo nui ringawt tawh, ka tawng chhuak ngam tawh lo, ka tawng chuan ka aw a chhuak thei dawnlo tih ka hre chiang.




Motor ri ka hriat tawp hma chuan chet pawh ka che ngamlo, a kal liam fel a, motor tlan ri ka hriat tawp chinah chiah chuan hall a sofa kan dah chungah chuan ka thu thla hnawk a.




Ka thil tawn chu rapthlak ka tiin, zahthlak ka ti lutuk, ni e Msi khan a sawi dik chiah, ka tih tur ka zo tawh a, ti nge inthen kha ka lo sawi vat loh. Kei mimawl leh pek hian kan inkar siam that te kan tum a, chu mai niloin nupui tak ang a awm theih kha ka lo in beisei ve a, ka zak lutuk chu ka tim sawk thei.



Johnya leh heleni khan min bum char char a, mi inkarah ka lo awm a, tunah lah hetiang bawk, ka mittui chu a rawn tla zawih a theih tawpin ka in control a. ka tho a, ka room lamah ka chho a, ka thil tih laklawh lai chu tihzawm tumna pawh ka nei tawh lo, a lo haw dawn lo bawk a. khumah chuan ka mu thla nghal tawp a.





Hman atanga ka thil duh loh ber mahni inkhawngaihna chu ka nei dawn a, ka in control vat a, ka thinlung hi chu ka control thei tur a ni, ka hmachhawn ang, hei hi ka vanduai bik vang ani lo, ka kawng k athlan dik loh vang ani tiin ka in sang phek a.




Mahse zep rual lohin Muansangpuia nun atang a kal vang vang tur a ka inngaihtuah ringawt pawh hlauhna hian min tham er er a.





Mahse kan pahnih khan kan hrechiang, kan inneih chhan kha kan in mamawh tawh vang, kan in used ve ve. Chu chu a tawk mai lo em ni??? enga ti nge kalo hmangaih hman, midang ta ani tih hre reng chung khan a zunah ka lo uai a, a tang belh nawmzia te kha ka lo tem ni. a telloa khawsak zir chu ka tan chuan thil huphurh awm tak ani.





Mahse Muansangpuia pawh bumtu tho, kha nu khan a hria tih a sawi ngai lo a, an inneihna ka dal tih pawh a sawi ngai hek lo.




Mipa ho han tenawm ber mai zia hi, an tenawm bial mum vek anih hi.





Ka thu chhuak hlawla, “ni e, ka hmachhawn ang, hei leh chen buaina tlansan lo in ka hmachhawn ang” ka ti chhuak sap sap a.





Dar nga ri tawh a, engmah a la rawn sawilo, ka thinlung chuan alo haw tur a ngaihna ka nei deuh a, choka lamah ka chhuk thla a, tih tur ber hre lo chuan ka vei kual sek a.




Ka phone a rik chuan rang zet hian ka la a, Muansangpuia ani a ka pick up velah chuan “Amelia pawi ka ti lutuk, emergency a awm tlat mai, ka rawn haw hma thei dawnlo, paiw ka ti lutuk “ a rawn tih chuan, mangang lutuk hian ka nui chhuak hawk a, ka aw a manganna ri chu a hrethiam vek ang





“i hrethiam ti raw Amelia, naktuk zanah kan ti mai dawn nia” a ti a





“ok” ka ti tawi tak a, mahse ka chhandan bul lutuk chu ka duh leh lo a “a pawi reng reng lo”ka ti ta zawk a.





Phone kan dah hnu chuan ka nui chhuak hak a, khatiang ka hriat vek tawh hnu ah pawh khan ka la beisei ru fan a, mahse thudik chuan tek ang maiin min deng chhuak nghal vek a, kei hi ka kal ngei tur ani tih hi.




Chu m zan la la chuan ka bungraw tlem nen ka pu chhuan lamin ka insawn ta a, ani pawhin in rawn tlawh fo a, ka awm thiam ve bawk a, lungawi lohna emaw, natna ka ne tih a hre bik pawhin ka hre lo.





Kum a thar a, ani pawh a buai char char a, a zin deuh reng bawk a, ramri a ralmuang vaklo a ti ringawt a, ka zawt thui duh bik bawk lo a, ti chuan ka in ti fel zung zung a, a zin laiin ka bungrua ka ken luh ho, ka ta tak tak ka va la leh a, a lehkha tur leh inthenna lehkha sign sa vek chu ka dah nghal a.





Ka lehkha ah chuan min lo be buai lo tur leh, min be duh anih chuan Ukil kal tlang a min be mai turin ka chah a, lawmthu ka sawi nual bawk a, a awm loh lai a kal a tul avanga pawi ka tih thu ka ziak tel bawk a.




Ka chhuah dawn chuan ka room chu ka en vang vang, ka lungchhe tur chu duh lovin ka chhuak ta vat a, kan tlan liam dawn chuan inlam chu ka va en leh zeuh a, Mangtha aw ka ti sep a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:09 pm

Bung – 22




Ka chhuah dawn chuan ka room chu ka en vang vang, ka lungchhe tur chu duh lovin ka chhuak ta vat a, kan tlan liam dawn chuan inlam chu ka va en leh zeuh a, Mangtha aw ka ti sep a.





Nghaktei chu engkim ka hrilh a, mahse Msi thilsawi kha chu a zavai chuan ka hrilh lo thung a, ka sawi tawh ang khan Nghaktei chuan amah nen sawifel turin min rawn a, mahse ka hmu thei tawh lo, mi inneihna tur dal a awm reng kha ka thei lo ani, bakah mihring ka ni ve a, ka chapona pawhin a tlin bik lo ani.






Ka rai tih ka hriat atang chuan mahni a inngaihtuah ngut ngut te ka sim ta deuh a, keima tan ka nung tahw lo a, naute tan ka nung tawh tihh ka hria a.





Zan mut mawlh mai hi a hreawm thin, Muansangpuia ka ngaihtuah lo thei thin si lo a, vawikhat mah min lo be lo hi chu mak ka ti ve deuh a, mahse vui tur ka ni lo tiin ka in hnem leh a, kan pahnih inzawmn aah feelings in tel vena pakhat mah a neilo.





Ka nu leh pa chuan min ngaihsakin min duat em em a, ka pa pawh ka chungah thin ur hle mahse nau ka pai tawh miau avangin min hauin min zilh tawh hran loa, ei leh in tur tha tha min ngaihtuah sak reng a, tlak chham reng ka nei lo, hmangaihna thlengin.





Mahse chuti chung chung pawh chuan ka nun chu a famkim chuang lo, ruak a awm a, hringnun hi ho k ati a, damchhan tur hi a awmlo hian kan hre khawp , mahse tunah chuan ka pum a naute avangin hmalam pan ka chak leh phah a, ni e, hmangaiher fa pai ka ni bawk a, ka hlim, naute chauh hi ka damchhan tur ani tawhin ka hria a.






Ka pu in min rawn zeuh zeuh a, ka tupa chu eng nge a an a rawn ti thin a, engtin nge tupa ani dawn a i rin ringawt ka tih chuan, ka hria ani, a dik ngei ang a tia, kan in chawi nghe nghe a.






Ka nu nen chuan choka lamah kan awm a, kan ti tip ah a, Johnya nen kan chan chin leh minlo kawp dan te chu ka hrilh ve malh malh a, ka nu pawh a chek tlak tlak a. ka nu chuan fel viau mahse amah khan ka bei thei lo, a fell eh lutuk kha ani mai thei a ti a, ka nu sawi dan chu a nih hmel phian ka ti a.






Johnya sawi takah chuan min rawn e zeuh zeuh a, Whatsap ah, ka peih changing ka chhang a, mahse ka chhan loh a tam zawk, biak kha tulna ka hre lo.




A inchhir ve tak tak nge, ka hre lo, ngaihdam hi min dil awl lo a, a hneawm lek lek thin.






Ka phone arawn ri a, a ri khat ve a, zanlamah chuan ngei ngeiin nghaktein min rawn be ziah a, report tlangpui ka ngaithla thin a, Muansangpuia chanchin erawh kan sawi lang ngai hauh lo thung.






Ka tho tur chu ka nu chuan “lo thu mai rawh, keiman ka va la ange” a tia, a tho nghal daih a






Ka phone min rawn pek chuan ka en vat a Nghaktei a lo ni a, chhunlamah min biak ngai loh avangin ka hlauthawng deuh a, ka pick up ta vat a.






“kan lalfapa chu eng nge a an” a rawn ti var a, a aw chu hriat anuamin a zangkhai bawk a, ka hlauhthawnna pawh a reh chawp chilh ve nghal bawk a.






“nang pawh chu ka pu ang mai, lal fanu zawk pawh ani mai thei” ka lo ti a





“tak takag muansangpui a rawn kal a, min zawt nasa mai, mahse nangmah nen in be mai turin ka lo hrilh a” a ti a





Ka thinphute pawh a danglam vek thei




“i ti tha lutuk, engmah i hre lo” ka ti vat a




‘ni e, engmah ka hre lo” a rawn ti sap a, kan inbiak zawh chuan ka nu chu ka pui leh nghal a.





Tlailamah hian kan colony parkah kan kal thin a, ka nu hian min walk pui ziah a, engkimm in tih pui vek ti ila ka n sawi sual lo ang. Keimahin ka awm hman meuh lo a, mahse ka lawm zawk.




Zanlamh erawh nasa takin Muansangpuia ka ngai, mahse ka ngaihtuahna a alo lan veleh Dr Msi nen an thlalak dun, abial fanna a mi chu ka hmu vat zel a, ka ngaihtuah zui duh tawh thin lo a.





Instagram atang a ka hmuh a ni a, ka hmuh atang chuan Instagram pawh ka luh ngam tawh loh phah. Ka mood a ti off tlat.




Ka chak tha bawk a, insawisel na em em ka nei hran lo a, a chang zeuh a luak chhuak ani mai, chu pawh midang naupai ngaihtuah chuan ho tak a ni, ka doctor pawhin i taksa a fit bawk i tha lutuk, naute pawh a tha e min ti a, mahse in entir erawh kan peih nufa viau thung.




Ka nau a rawn haw a, nit hum lek chawlh a nei a, kei ka awm bawk nen, a rawn haw ve chak a, min hmu chu a hlim khawp mai a, i pum chu a va lian tawh ve min ti ringawt a, awihawm loh lutuk a, ala lang lo reng reng, ka chum awk a, kan in hmu khat ve a, kan in ngai ve a, kan in kawm deuh chawt a.

Tlaikhat chu nghaktein min rawn bia a ka sawi tawh angin, buaina a nei a nih loh chuan min rawn be ngai lova,




“news kha i lo hre ve em?” a rawn ti nghal thawr a,




“hre nang ka lo ti vat a” ka hlauthawng hman khawp a, Muansangpuia leh Msi lam a nih ka ring nghal a, ka lo in sangmar nghal teuh a.





“johnya khan Agency kha a zuar a” a rawn ti a, a aw ah chuan a phurin nuam a ti hle tih a hriat a, keipawh ka thaw huai thei a, a zawrh avanga thaw huai ni lovin, Muansangpuia lampang anih loh vang chuan ka lawm ani. Dik tak chuan an mahni vangin social media pawh ka khawih ngam loh phah vek a ni si a.





“oh... ani maw? Nga ti nge le” ka ti hluai a





“a chhan tak phei chu ka hre lo a, mahse tunah hian a loss loh chuan ngai angin a kal char char ka ring a” a rawn ti hap a





“tan han la deuh se, chungte chu a la reilo a, hralhna tham em em chu a ni lo a sin le” ka lo ti vang vang a.




“ni tho mai, mahse a hlut lai a hralh kha a tha ve tho a” a ti a, sawi belh tur vak ka lo hria pui lo a, a rilru chuan ka khawngaih deuh a, a tawp lamah phei kha chuan ka haw tawh em em lo zawk kha ani si a. ka chhan lawk loh avang chuan





“chu aia la mak zawk chu maw, Dr Msi khan a lei dawn an ti, tunlai hi Heleni nen an zui an hmu zauh zauh, chu mai bakah Dr. Msi hi a va leng thin a” ati leh a, chu erawh zawng mak ka ti ve thlawt , sorkar Doctor ani a, ani in han lei daih chu





“va mak awm ve le” ka ti chuai raih a





“loo chho vat vat tawh la, inpa hi ka nin bakah ka khawngaih ve a” a tih chuan ka ner sak a




“ka nute bulah hian ka la awm tui riau mai, engtin nge mawni dawn le” ka ti a.





“hna ah pawh hian kan mamawh tho che, dik tak chuan endorsement lam hi kan hmu tha ve a, kar leh ah hian Tourism Deppt ho nen shooting kan nei dawn a, designing lam min khawih tel tir bawk si nen, keimahh ringawt hi chuan ka in ring tawklo” uar zet hian a rawn ti leh a.






A rintlak zi a, leh amah aia tha an awm bik lohh thu te, bakah inzirnan a that thu te in kalo hnem ve a, kan dah thei tawk a.






Kan in be zo chu ka thu hnawk a, Johnya chu ka ngaihtuah vang vang a, thudik hriat ka chak riau a, ka phone dawn uk a, mahse ka phone chuan min rawn be leh char char a nga, beiseina ka siam sak pal hang tih ka hlau deuh a, ka be ta lo zawk a, Dr Msi leh Heleni te inkawm ngai hlei lo, engtin nge tun a tak a an in kawm le,???? thil tha lam chu a nih ka ring miah lo.






Muansangpuia pawhin engtin nge kawm a phal reng reng le, Heleni, ka lak a achetdan avang khan a haw ve viau emaw kha ka ti a, mahse mipa te chu an finzia leh an duh na ah chuan pawisak an neih loh zia ka hre ve tlat tawh, emaw Dr Msi zun in a phaur nasa tawh lutuk a niang chu, ka ngaituahna chu duh locin, ka tho a, inhnuai lamah ka chhuk a, ka nu ei siam chu ka pui ta vat a.





Tih tur em em ka nei lo a, ka hman changing fashion lam ka zir zeuh zeuh a, chu pawh ka nu in a hriat chuan min hau zel a, a eisiam na leh a chet na ah ka pui deuh ber a, ka chhawr tangkai lutuk , tunah chuan ei rel pawh kak thiam ve tawh lutuk, mahse ka nu chu ka la tluuklo a niang, ka pa in ka eisiam hi a hre chat chat zel.





Zankhat chua Muansangpuian min rawn be teh hlawl a, ka nu nen TV kan en lai ani a, ka pa erawh study roomah a awm ve thung a.





Muansangpuia ani tih ka hriat chuan a vibrate ch ka hmet tawp vat a, ka thin lah chu a phu nasa ngang mai a, ka in ringhmann lo, an thlawk chhuak dawn emaw ni tih mai tur a ni, ka dawm vang vang a. a ri tawp hnu ah chauh thawk ka la ngam a, a ring chhung khan ka thaw tha ngam lo.





Reilo te ah a rawn ri leh a, a vibrate char char a, ka nu chuan “la t ache” atih chun rang zet hian ka hmet zawi leh daih a, a rik tawp vel ah ka silent vat a.




“Amah a mi?” ka nu in a tih chuan nasa zet hian ka phu a, TV a en reng emaw ka ti a, ka chetdan engkim chu a hmu vek a ni ngei ang.




Chhang cuang lovin ka ngawi reng a “a vawikhat rawn biakna che a ni ti raw?” ka nu chuan a ti leh a, “engtin nge i hriat” ka ti hu a, ka zawhna mawl zia leh awmze neih loh zia chu ka zak hnuhnawh kher mai, ka nu chuan mawl min ti ngawt ang




“i nu a lawm ka nih bawihte” ati dam thliam a.




“Be t ache, khatia tlan chhiat san ringawt kha awmzia a awmlo” a ti a, min en reng a, ka nu chuan min hmutlang vek nimaiin ka hria, ka en rei ngam lo a, ka hawi sawn ta daih a.





“ Biak tawh loh ka thlang zawk” ka ti sap a





“naute vang pawn in in be lo thei dawn lo, hei thlakhat dawn i awm tawh a, chuvangin sawifel kha a tha hrim hrim, ipa phei chuan Mizo dan a ngaipawimawh si a, sawn man dil a sawi a sawi tawh, i pu in in rawn haw chhoh hunah a tih vang mai mai in a la ngawi a nih hi” a ti a





“nge sawn man chu? hriattir hrim hrim pawh ka duh loh lai a, pawisa lo va dil, naute chawmna na na na chu ka thawkchhuak ve awm em mai” ka ti hmarh hmarh a, ka nu va en chuan alo nui tha a





“ni e, i thawkchhuak em em ang kha kha chu, mahse sawn man erawh chu maw, hmeichhia in fa nei lo a, nau a pai hian , a fa paina hnenah khan, palai kalin hei in fa kan pai e an va ti a nga, sawn man pawis an va dil anga, an fa paitu kha mipa in an neih duh chuan sawnman chu pe lo in, kan fa hi tih fahrah kan phal lo e, an ti a nga, sawn man chu an pe duh lo ang, ti chuan palai te kalin an in sawi fel a nga. Chu chu mizo dan ani a” a ti ta duah a.





“chutiang pawisa tlemte va dil hmingchhiat mai mai ka duh teuh lo e a’ ka ti hmarh hmarh a, ka nu chuan a lu a thing a, a nui ringawt a



“kan sawi ve duah a, i hrethiam tak tak chuang lo ang, mipa in sawnm man an pek duh loh zahthlak zia te, mipa tan sawn man thin duhloh zahthlak zia phei chu ka sawi buai peih tawh lo e a” a ti hlak a.




“ ho em mai, bakah sawn pawh ani lo......” ka thilsawi atthlak zia ka hriat chhuah meuh chuan kalo sawi zo vek tawh si a, ka nu mitmeng a zawhna tam tak awm chu hrethiam duhlo derin, ka mu dawn ka ti a, ka thawhsan ta daih a, ka kal min enzui reng tih pawh ka hria, mahse awm hlek ila chu minzawt ngei ngei dawn a, ka awm rei ngam lo ani.


-------------------------------------



April thla ani tawh a, khua pawh anuam chho viau tawh a, ka pum pawh a puar lang ve tawh hle a, thawmhnaw hak tur mang ka nei tawh lo a, bakah ka thawmhnaw neih ho h rai lai hak chi ani lo, ka in kengthla tam lo hrim hrim a, heta awm sa ho lah a rei tawh hlawm a, ka tan a te lam vek an ni tawh a, ka school kalpui thin Asha Rani nen kan Bazar a, Abience mall ah kan kal a, ka chhuah lohna a rei tawh a, han vah thaw ven vel chu a nuam ka ti hle a, Asha nen hian kan in kawm ngeih a, a ni chu IAS nih tumin a la in zir tauh tauh a. Ka nau pai ka hrilh khan mak a ti hle a, kan inah a rawn kal nghal vat reng a.




Vawiin pawh hi buai viau mahse min bazaar pui turin hun a in siam hram hram a, kei pawhin a hman hun kalo chang ve bawk a, vawiin ni na na na chu thildang in tih buai tir kan tum lo.




Ambience mall atangin mall dang dangah kan kal kual a Movie en kan chak viau na in hun nei kan in ti si lo a, lei tur ngah kan in ti si a, kawrfual lam ka lei nasa a, tin winter dress an lo sale bawk a vangin tum loh deuh deuh ka lei nual a.





Dar 6 a rik chuan haw ka duh viau na in Ashai chuan perfume ka mamawh ati a, kan han zawng leh rih a, a duhtui bawk sia, a thlang ei zek a, ka ning deuh chuan Ahsa ka thawmhnaw thar ami pakhat hi ka va ha teh ang tiin toilet lamah ka va kal san daih a.




Kawrfual dum ban bul, Puan nalh zet mai ka lei chu ka ha chhin chak hrim hrim a, thawmhnaw thar ka nei khat bawk a, ka nghak thei thlawt lo, tun a ka hak lai ka T shirt mar teng tung hi ka ha ning tawh reng reng a. ka han in en a, nalh ka ti hle a, mahse ka duh ai chuan alo chhing deuh a, k akhup chen vel ni se ka duh a, a nih loh chuan ka pa in min haul eh ngei ang, ka khup chung a ni a, rei ngia ka in en hnu chuan ka chhuak a, Ashai pawh a lo la in thlang nasa, perfume epakhat lek lei tur a han en rei em em chu a mak thin a nia.


Thu chungin ka lo nghak a, ka nu in min rawn bia a


“bawihi in va rei tawh ve, chaw ei tur pawh alo thleng tawh , kan ei hma dawn ka tih kha, ti nge i pa thin a rim a nge” a raw tih chuan ka in thiamlo kher mai.



“kan lo thleng tep” ka ti ta ngawt a




Nitak, nimin khan ka nu in a sawi tawh a, ka pa in mkhual chaw ei pui tur, sorkar mi pawimawh a nei dawn a tih tak kha maw, ka nu pawhin chawhmeh tur chi hrang hrang a lei teuh a, ka lo ngai pawimawh lo a, Ashai chu ka va hrilh a, a hmanhmawh ve phah a niang chu sawm vel a dahhran zinga mi pakhat chu a la ta a.




Kan in thleng min thlah a, gate ah chuan tlan lut lo in, ka lo peng lo mai ang a ti a, kan in bye bye lauh lauh a.




Ka in khai bawr luk a, ka hlim bawk a, rit pawh ka ti lo a, ka kut leh lam leh lamah chuan ka khai a, kan door bell chu ka hmet a, ka nu chuan a rawn hawng vat a, choka a tangin a rawn chhuak tih hriat deuh hian fianpui a rawn keng bawk a, ka thil khai a hmuh chuan “ehe bawihi, nga ti em em nge khawi” alo ti sawk sawk a, ka thil khai chu min laksak vat a.




“duh aiin kan rei alawm le, Asha i khan lei tur a lo ngah ve lutuk a......” ka thil sawi lai chu ka tawp chawt a, hall ah chuan Muansangpuia leh ka pa an lo thu chu rapthlak ti lutuk hian ka melh ngawt ngawt a, kei ai mahin muansangpuia hmel a mak tihna chu nasa zawkmah mai thei.




A tho hluai a, “Bawihi nga ti nge i dul kha, i rai ami” a rawn ti chhuak hluai a. ka nu fian thlauh ri bawl avang chuan ka harh chhuak zawk a, ka hawi sawn a, ka nu fian thlauh chu ka char vat a, ka pa chu ka va melh zawk a, amitmeng buai nak chu k a zu hmu a.





Ka tha akhur nasa lutuk, k athil khailai chu a tlak mai loh nan ka tha ka hman ve a ngai a, ka nu chuan “hetah dah rih mai ang, a tam em mai tih pahin thutna awlah chuan a dah a, mi ang maiin ka ding khawng reng a, ka nu chuan ka thil khailai chu min rawn lak sak a, Muansangpuia chuan a rawn laksak vat a, a dah tha a, ka chiang lo nuaih a, ka awmna te chu a vir deuh muai muai te hian ka hria a.




“Bawihi.....” Muansangpuia chuan arawn ti leh ...





“chhuak nghal rawh” ka ti tuarh a, ka insum hman lo, engvanga kha thu kha sawi chhuak nge ka nih pawh ka hrelo a, ka leh chen kha min ngaih ven lo a, tun a tak a.





Ka nu chuan min lo khap vat a, “ bawihte khatiangin mi an ti ngailo, thu hahdam phawt rawh i chau ang” min ti a, min thuttir a, ka nu min tih ang ang chuan ka awm tawp a, tui chu ka ban vat a, in tih harh vat vat ka ngai ani.




Muansangpuia chu a ding ul a, a hmelah chuan mak tihna hlirin a khat ve tho, mahse ka en rei duh lo a, ka pa chuan aw a rawn thian kharh a “ a awm zia chu nangni pahnih hi..... kan fanu sawn paina hi nangmah i ni tihna a mi” ka pa chuan ban charh hian a ti a. Muansangpuia chu thu turi a zap a, sawn tih a lam rik chuan ka lo tim sawk a.





Ka pa meuh pawh a ham haih ve tlat, pa inring tawk tak leh confi tak, che buai ve mai mai ngailo ani, chutia a han tawng ta mai chu mak ka ti a, keimah vang ani leh nghal a, ka lo zak ru kher mai.
“Ka pu, naute pa chu ka ni ngei a, mahse sawn chu a ni lo” a ti charh charh a, a tawngkam hman chu a ulukin sawisual a hlau hle tih ka hre thei a, ka nu lo thaw hak ri te, ka pa hamhaih hmel te engkim mai chuan ka mang a ti ang, awmngaihna ka hre lo, ka sa hut hut a, ka awmna hmun atang chuan pilbo daih theih tluk a chak ka nei lo tunah tak chuan.




Chawhmeh kan hmui rum rum rim a rawn nam tak chukah chuan ka nu chuan “awkhai ka thil kan lai” a ti a, choka lamah chuan a tlan lut ta vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:10 pm

Bung - 23




Chawhmeh kan hmui rum rum rim a rawn nam tak chukah chuan ka nu chuan “awkhai ka thil kan lai” a ti a, choka lamah chuan a tlan lut ta vat a.





Ka nu chhuah hnu ah chuan thawm a reh duk a, ka rooma kal vat vat ka chak ber a, mahse ka pa ka hlau si a, ka che sawn ngam rih lo a.





“sawifiah ru le, eng nge in awmzia, Amelia nang pawh thu tha rawh” a rawn ti a, ka mizia pangngai dik tak kha a lo let leh tawh a ni ngei ang.






Ka insiam tha vat a, ka zam takzet a, Muansangpuia chu ka va en a, a vawikhatnan a hmelah zam hmel ka va hmu a, ka nuih te a ti za deuh reuh a.





“Ka pu, min ngaidam teh u, Amelia nen hian kan innei a, nikum October thla khan, mi hriat a rem chiah si lo a, a ruk thei ang berin kan innei ta tawp a, in ai awhin ka pu erawh chuan min hriatpui a” a ti charh charh a.





Ka pa chuan mak tih hmel deuh hian “ka pa in a hre vek a maw” a ti a, Muansapuia chuan “aw, hria e” a ti leh a, ka pa chuan min rawn en a “Ka fanu chu i ni si amaw... tiang em em a min han thawng a, min han ti thirim thin hi chu” a ti a, mahse a awmdan leh hmel atang chuan tun tum chu a thin ka ti rimlo tih ka hrethiam ve kar, chu chuan muansangpuia hlut tur zia min ngaihtuah tir a.





“ka awm loh laiin a lo kal daih a, inthenna lehkha a dah ringawt a, ka biakin ala duh bawk si lo a, ti hian chhuanlam siamin in inah ka rawn kal ta ringawt anih hi” a ti leh a




“Kan Amelia hi chu enkawl a hahthlak a nia aw” a ti a, a aw zangkhai ta vak chu ngaihthlak a nuamin ka awm a ti nuam sawt a.





Ka pa tawng dan chu ngei viau mah la, ka thinrimna ka ti lang thei der si lo a.




Ka nu chuan ka pa bulah chuan “Chaw kan ei phawt dawn em ni?” in thlahrung dek hian a rawn ti a, ka pa chuan sana a en zeuh a “ei tawh ila a ni mai a lawm” a ti a, a tho vat a, Muansangpuia pawh a tho ve nghal a, ak nu chuan kalna tur chu a lo hrilh zauh a.





“kei chu ka ei peih tawh lo aw, ka chho dawn” ka ti a, ka nu chuan min en zui vang vang a, “buaithlak thei thin a nia” a ti sap a, ka bungrua ka khai chho tur chu ka pa chuan “khai suh, ti khan chhho rawh, nakinah kan lo dah chho mai ang” a ti a, ngawi rengin thutthlengah chuan ka dah let leh a.




Ka room ka thleng chiah chu thawk pangngaiin ka thaw ve ngam chiah, ka insum nasa leh hlauthawng lutuk khan min ti chauh zo, chaw ei chakna pawh ka neilo, tunah leh phei chuan Muansangpuia nen a chaw ei dun chu ka peih miah lo, dawhkan khat a chaw kil dun pawn ka duh lo.




Ka thawmhnaw thar ho chu hak chhin ka duh tehreng nen, ka pa vang vek a ni, inhnuaiah ka chhuk leh peih tawh teuh lo mai.




Bathroom ah chuan ka lut nghal vat a, shower hnuaiah chuan ka ding vang vang a, tui vawt chuan ka in phuh tir a, ka kaw chhung sa huam huam pawh chu a dai sawng sawng in ka hria a, Muansangpuia haw leh hma chu chhuk ka tum tawh lo.





Sawi dun tur kan neih ka hre lo a, tin amah hmu turin ka la in peih lo, khang thla thum chhung khan vawi khat chiah min biak a tum a, whatsap ah min biakna chu en pawh en lo in ka delete zel thung a, tun a tak a, eng nge a duh ang??? Delhi alo kal remchan vang mai mai ani.





Ka pum chu ka khawih zauh a, Naute i pa alo kal a sin ka ti sep sep a. ka thinlung a





Ka inbual zawh chuan cotton kawr fual, ka nu min pek chu ka ha a, ka room verandah zimte ah chuan ka thu chhuak a, ka ngaihtuahna fimlo zet chu tih fim tumin ka bei a, a harsa lam deuh chu a ni, minlo tlawh dawn anih pawhin min hrilh lawk ve tal se, ka rilru a lo inpeih mahna le, heti teh thut a rawn kal reng reng, ka ngaihdan a ni lo.




Rei tawk fang ka thut hnu chuan ka lut a, TV chu ka on a, mut kala peih loh avang chuan chair ah ka thu a, en tur bik pawh ka hrelo a, ka hmet kual ka hmet kual a, ka lo muthlu ani ngei ang kawngka in hawng thawm ka hriat chuan ka harh zawk a, ka remote ken lai chu ka thlauh daih leh nghal a,





Muansangpuia chu ka bazaar bag khai tun chung chuan a lo lut a, a nui suk a, mi ang maiin ka lo en reng a, a nui hmel pa lutuk leh a hmal tha lutuk te chu ala ngai reng, mahse a lo cher ta deuh a, a zun ngahna pawh a la ngai reng thung.





Thutna awlah chuan a thu a, a bag khai chu chhuatah a nghat a.




A chevel chu ka en reng ringawt a, mawl min ti ngawt ang chu. Chutah ka awm dan chu ka hre chhuak thut a “eng nge ilo tih, ka room atang hian chhuak nghal rawh” ka ti a, a nui sun sun ringawt a, ngun zet hian min en a, ka zm lek lek a, engmah lah chu a sawi der si lo a.




Ka zamna leh ka aw khur tur thup tum tak chuan “khawngaihin i chhuak thei a ngem?” ka ti a.





“Bawihi ka ngai lutuk che” tih pah chuan ka bul chetah chuan a rawn thu a, ka tan tawlhsawn leh ngaihna awmlo khawp a hnaiah a rawn thu a.





“min ngai aniang chu hei ka awmloh atangin thla thum dawn a ni tawh a lawm” ka ti a, ka sawi duh loh pui ka sawi avang chuan ka inchhir leh nghal zat a.





A thaw hawk a “Amelia tha deuhin in bia ang” a ti a




“sawi tur ka nei tawh lo e, in thenna lehkha kha ti fel vat la” a ti a





“then leh tur che in ka nei lo che, tunah phei chuan ka tum lo leh zual” tih pah chuan ka dul chu a rawn chul a, rang zet hian a kut chu ka ben thlak sak a, “sorry” a ti sup a.





Ka tho tur chu min pawt thu leh vat a “ka nu leh pa te ngaih a tha lo ang” ka ti a





“khalam kha chu ngaihtuah suh, in be rawh u an tih vangin ka lo chho ngam anih hi” a ti a, min nem thu leh a, tang ve viau mah ila, tha ah ka hneh ngang si lo va, thuawih awm deuh chuan ka thu thla leh a.





“Amelia, i lakah khan ka lo sual viau em ni? min haw viau em ni? ka fa lo piang tur hi ka hriat chak ve i ring lo em ni? a ti a, a aw ah chu na a tihzia a lang reng a, ka lo ip chawih a, mahni inthiamlohna in min rawn tuam a, mahse Msi ka ngaihtuahna ah a rawn lang a, ka thin a rim leh sawt a.




“i mamawh tak ka pe che a lawm” ka ti a, ka insiam rem a, a ni pawhin hrethiam takin tlemin min thut hlat ve ta deuh a.




A thaw hawk a, min en ngawih ngawih a, a kut chuan min rawn an a tum a, rang zet hian a la let leh vat a “Ka mamawh chu maw Amelia, nangmah hi i ni, nangmah chauh, i tello chuan ka khawvel hi a kim tawhlo a ni” a ti a.





“kha leh chen kha i awm thei a lawm, naute vang mai mai a ni” ka ti hlar a, ka rilru tak pawh a ni a, kha leh chen kha min ngaihsak lovin a awm thei a, tunah ka rai tih a hriat tak avang maiin, ka va haw kher em!!!!!!




Ka ding hluai a, rang zet hian a rawn ding chhuak ve nghal a, ka biang tawn tawnah chuan a vuan a, a mah en tur chuan min kuai her chho a, ka melh duhlo lui tlat a “Bawihi min han en teh?” a ti hrawk a, kei pawh chuan ka en ve mai a, a mitmengah chuan khawharna leh min mamawhna awm chu ka hmu in ka hria, ka tawng hma chuan amah vek chuan




“ka kalsan ngai lovang che, hahdam phawt la, pangngai taka kan inbiak theih hunah kan in be dawn nia, tin, i tello in haw chhoh ka tum lo ania” a ti hmak a, ka chalah chuan a rawn fawp vang vang a engmah sawi tawh lovin vung zet hian ka room atang chuan a chhuak a.





A chetdan teh thut avang chuan ka hamhaih lutuk a, chet zuina chang pawh ka hre lo a, ka en reng ringawt a, minute engzat a re nge ka ding ka hre lo, Muansangpuia chhuah hnuah pawh chuan ka la pangngai thei lo a, khmlam pan chuan ka phei a, ka thu thla hnawk a.





Vawiin lama ka vei chauh tehreng nen, ka hahzia pawh ka hre chang tawh lo a, engkim khan min thawng thut thut vek a bakah Muansangpuia hmuh kha ka inring lawk lo hrim hrim a.





Ka nu in min rawn koh takah chuan peih lo zetin ka chhuk thla a, an sawi tur ka hriat chian em avangin k a peih lo lawks a em em a, vawiin a tan chuan eng han ngaihtuah thei pawh ka ni tawh lo.





Peih lo tawkin ka nu thutna min kawhmuhah chuan ka thu a, ka zam ve det ....




“khatiang thil liantham lutuk te nga ti kan bulah i zep ni” ka pa chuan a ti fak fak a, mahse a aw ri ah chuan thinrimna erawh a lang tello hlauh a, chu chuan ka awm a ti nuam deuh a, ka nu chu ka bulah a rawn thu phei vat a, ka kut chu la in a hum hauh hauh a.





“pa apawi ka ti khawp mai” ka ti sap a





‘engpawh nise, thil thleng tawh a ni a, khalam kha chu sawi lo ila, mahse kha Muangsanga pawh mumal lo zetin i rawn kalsan ringawt a, khatiang kha awm dan tur a ni lo, harsatna in nei a nih pawhin puitling takin in sawi dun tur a ni, tunah pawh a rualin i haw tur a ni, nau i pai tawh lehnghal a” a ti a, a tho nghal thar a, ka lu kalo bu ringawt a, a bak engmah ka sawi ngam der si lo a.





“i nu nen khan lo sawi ru, hna thawh tur tlem ka nei” a ti a , study room lam chu a pan nghal vat a. kawngkhar a in khar fel ta maw tihah chuan kan nufa chuan kan inthlahdul nghal a, ka nu chuan a lu chu a rawn chul hliau hliau a, ka hlauhna leh ka zamna te pawh a reh sawng sawngin ka hria a.

Ka nu chuan “bawihte, i pa ngaihdan tur te hi ngaihtuah ve ta che, fa pahnih chiah kan nei che u a, hmeichhia zawk leh nghal i ni a , i duh ang hian i kal tlang nasa tawh a, min ti hrih hai zing em mai” a tih chuan zakin ka ip chawih a




“Nu.....” ka ti thei tawk a, ka hrawk a hnawhtu awm avang chuan ka tawng chhuak theilo, mahse ka nu zawk chuan ka kut chu a rawn hum nghet sauh a, chu chuan thlamuanna tam tak min pe a.




“Engmah ngaihtuah hah suh tunah chuan engkim a tha vek tawh, Mi fel tak anih kha, a hmangaih hle che tih ka hre thei ania, chuvangin tun tum cu i pa thu awih ang che aw” min tlawn ah ti tih chuan a ti a, ka nu chu ka en a, ka khawngaih kher mai.




Kei hian a rilru hi vawi tam tak ka ti na in ka ti lungngai tawh a, ka pa lak atangin chhan ka ngai fo a, zahna hlirin ka khat a, tun tumah pawh hian fanu thu awih chu ka ni dawnlo leh ngeiin ka hria a,



“mahse nu, ka nei duh tawh hlei nem...” ka duh ang pawh ka sawi zo ngam tawhlo, ka ngawi ta daih a



“Ka hria lawm bawihte, i duh anih kha, nasa takin, mahse i chapo na khan khua a huh tir lo ang che tih ka hlau” a ti a.



Ka nu chuan “i pa in home minister in min ti ti pui duh a, office lamah nilo, in inah chaw ka lo ei thei a ngem a ti tih min hrilh khan mak ka lo ti deuh a, mahse nangmah vang vek a lo ni zawk a, i pa pawhin ahre lawk bik si lo a, mak a tih khawp kha, mahse tun tum chu i pa i ti thinrim lo hlauh a , ka lawm a, a hrilh chu hai deuh viau mahse” a ti a, ka nui ringawt a





Ka nu nen chuan rei tak kan ti ti a, kan in nneih dan leh Johnya te min tih dan te ka hrilh ve vek a, a chek tlak tlak a, pathian hi chu a vat ha take m... kan tawngtaina a chhang anih chu. Johnya kha chu ka duh theilo a ti a, ka nu chuan dik tak chuan Muansanga kha chu a pu pawh kan hmelhriat that ani a, mi tha an ni bakah a mah kha a palian a, makpa a tan a iai awm loh tak ani bawk a, tin a la rin tlak em em a, a ni hi chuan sum vangin a uaipui dawnlo che tih ka chiang a, Johnya kha chuan kan chhungkaw hausakna ti ila, i pu hausakna kha a hre kar a, kha kha ka duhlo na tizual tu ani a tih chuan mak ka lo ti khawp a...





Mahse nu, ka pu ania hausa keimah nilovin ka ti hap a, ka nu chu a nui mai a, ila a em a, i la hrethiam lo ani, puitlingte chuan kan hrethiam mai zel a tih chuan keipawhin engmah ka zawh zawm duh lo a .





Ka nu in ka haw chhan min zawh chuan chhan har ka la tit ho a, dawt sawi kan tum ngial a, mahse hmangaih taka min en kiau tu leh min duattu ngawih ngawih ani tih hre chung chuan dawt ka hrilh thei lo a ni. nu ka sawi thei lo ani, kala inpeih lo ka tih chuan engmah min zawt zui duh tawh bik lo a.





A tukah chuan nilengin ka awm a nuam lo , a lo kal a ngem? Kal lo a ngem?.. ka awm hle hle thei loa, ka nu in hahdam tur a min hrilh pawhin ka hahdam hlei thei lo a.




min lo call bawk si lo te chu ka thin a ti rim hlur tawh a, khati khawp khan ti ti pui duh lovin kalo in duh kual a, mahse tunah amah beiseiin ka buai le hem em si a, ka awmdan hi keimah ngei pawhin ka in hrethiam tawh biklo



beisei deuh rauh, beisei chaih si lova awm hreawm zia chu, ka thil ei engmah pawh a tui nek tawh lo a, tlailam a nih chuan ka bidawng deuh tawh a, ka room lamah chuan ka chho tau ti tih ringawt a, ka awmdan mak lutuk chu kei ngei pawhin ka inngei, ka rai vangah k ain puh ringawt dawn a, mahse ani lo tih chu kachiang viau thung si.



Ka lo muhil sek a niang chu min en rengtu an awm ang mai hian ka harh hlawla, hlauhna in min man ngal a, ka th chhuak vat a,



“keimah,hlau suh” Muansangpuian a awn tih chuan ka thaw veng huai a,




“eng nge hetah i tih” ka ti a, ka thophang nen ka mood a fuh teh chiam lo a





“i mu rein gat ngat hle mai, chaw ei a hun tep tawh a” a ti a, ka zawhna pawh chu min chhang hlei lo a, sana chu ka en vat a, dar 7 a lo ri tep tawh a.



Ka thu chhuak tur chu min lo pui vat a, puih ka ngaih lo enn, ngawi reng bathroom ah ka lut a, muansangpuia minkhawina a vang a, a vawnna lai ka kut sa hap hap chu ka tuai nauh nauh a.




Ka va chhuah leh chuan a lo thu fel at tawh a




‘i ril a tam tawh em” a ti sup a, kalu kalo thing a ka hmai chu ka hru hul nghal thuak thuak a, tha tak biak fel a kal tir vat a tha a ka rin avangin chhuak tur pawhin ka hrilh lo law law a, hrilh pawh ni ila, a chhuak dawn chuang lo a.




A hma zawnah chiah chuan ka thu thla ve a, ka che vl chu hmuh hmaih hlau niawm tak hian min en reng a, ka lai deuh tat tat a




“Bawihi, in bia ang aw” a ti a, aw chu a ngen ngawl ngeng ngawng hle bawk a




“um” ka ti ringawt a.





“ka rualin ilo haw ang ti raw” a ti a, rang zet hian ka lu ka lo thing a, a thaw hawk a.



“ anih chuan hetah ka awm ve reng dawn anih chu, i tello chuan haw ka tum si lova” a ti leh nghut a, a thut hmun chu a siam rem sauh sauh bawk a.




“in then ka duh ka tih kha” k ati leh nghal tawng a, min en reng a, keimah bawk chuan “ nangpawn nupui i nei duh ang” ka ti leh a





Mangang tih ngaihna hriat loh hmel deuh hian min en reng a, a lu a thing mat mat a “Nupui ka nei tawh a lawm, eng nge k atih ang ka hruai haw theih nan che” a ti leh a





“engmah tih theih i nei lo” ka ti sap a, ka tah a chhuak ut ut a, ka tawng tawp lam phei chu a ri tha thei lo, ni e ka duh ber min pe thei miau lo a, rilru na reng reng a awm leh tur chuan ka zui haw thei lo a ni.




Ka bulah chuan arawn thleng phei nghal rawp a, dim zet hian min kuai ding a, a mah en turin min kai chho a




“ka eng hi nge i duhh lo, nga ti nge min kalsan? Min han en teh, i tello chuan engmah ka ni lo, Amelia ka hmangaih che, min hnar lul suh’ a ti a, a kut chuan ka hmai a rawn khawih lawr dan dan a, a thusawi vangte, ami tawhna vangte leh mak tih lutuk na avang te in ka khur dar dar a.




Hmui phu dar dar hian “eng maw i sawi kha” ka ti a.








“ka hmangaih che Amelia, ka hmangaih che” a tawp lam chu a sawi mumal tawh lo , ka kuah thlawp a, nghet zet hian min vuan let a, a rum chhuak hawk a, min rawn fawp nghal bawrh bawrh a, a mi fawhdan chu a riltam em vangin ka thawk a chham lek lek a, mahse ka lo hnar phal lo a.




Muansangpuian min hmangaih.....




Chu thu ringawt chuan min fan a, ka beisei loh leh ka rin loh em em ani a, ka thinlung chu lawmna in a luang liam zawih zawih a ni ber a, khum ah chuan min pawm phei a, ka hnailo reng reng a.




“ka hmangaih zia che hi i hriat ka ring a, ka ti lang ve viau pawhin ka hria a’ a ti, ka samah min zut heuh heuh a.





A khabe kual khawih nauh nauh pah chuan “Muansangpui, keipawn ka hmangaih che a sin” ka tih chuan ka sam a chulna chawl meuhin min thlir a, harh chhuak thut ni awm tak hian in pawm nawk nawk a




“sawi leh rawh, min ko leh te” a ti a, a aw te chu a khur ve hialin ka hria a.



“ka hmangaih che a sin, nasa takin’ uar thei ang ber chuan ka ti a, a che hrut a, thu in hmun a chang tawh lo........

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:10 pm

Bung – 24



“ka hmangaih che a sin, nasa takin’ uar thei ang ber chuan ka ti a, a che hrut a, thu in hmun a chang tawh lo........




Ka nu in chaw ei tur a min rawn koh takah chuan kan chhuk vat a, ka pheikhai pawh a zang ta, ka hlim ani tawp mai, khawvel te chu ka tan a eng thar leh a, nun hian awmzia a nei thar leh tehian ka hria a.




Ka nu in min hmuh chuan engkim aman thiam vek aniang chu a nui var var a.




Chaw kan ei lai chuan ka pa in “naktuk tuk leh ah in haw ang” a tih chuan mak ti deuh hian ka lo en a, Muansangpuia chu a lo bu nghat a.





Ka nu nen chuan kan ngawi reng a, chu ti mai a hma a haw tur chuan ka la in ring lo a, mahse ka hnial ngam chuang lo a, Muansangpuia leh ka pa chu an ti ti bawrh bawrh a, ka nu nen erawh ngawi rengin chaw kan ei thung a, ka chaw ei pawh a tui kher mai , ka ei tui ber tum a la ni hial ang chu.





Ka nu nen hmun kan tih fel lai chuan “Nu ka la haw chho duh rih lo a sin, ka la awm duh” pang chang zet hian ka ti a





“ i awm rei tawh bawk alawm, bakah i pasal hi awm ve reng thei ani lo a , ramin a mamawh alawm” a ti a




“amahin haw chho rih mai se” ka ti ve leh a, mahse chu chu ka rilru tak ani em tih pawh ka hre bik lo.



“a chi loh, pasal te tel lovin mahni inah an awm reng ngai lo, nau neih dawnah kan lo chho ang” a tih chuan ka hlim ve ta deuh a.




Ka nu leh pa chuan min mutsan vat a, dar 9 chauh ala ni a, nidangah chuan TV te enin kan la thu muang thin a, mahse zanin chu ti ti na hun min pe ve deuh nge ni, an inthiar fihlim vat a.




Ka bul chet ah a rawn thu a, ka kut chu a vuan nghal chat a





“thil ka zawt thei che ange,?” a rawn tih chuan ka lo bu nghat a




“nga ti nge engmah sawi lo a min kalsan daih” a ti a, thawk kala ham ham ,a ka kut a chelhna laksawn ka tum chuan a hum nghet sauh a.




“Dr. Msi nen in in karah eng nge awm?” ka ti let vat a, mak ti deuh hian min en let a, a chal a ti chuar tap a




“Mali chuan kan in karah eng nge tel ve na a neih?” min ti let a, a in sangmar deuh a ka hriat avang chuan kalo insangmar ve ngal teuh a, hlauhthawnna in min rawn tuam nghal a.




“a chhan chu keimah vang a inneilo in ni ang a ka hriat avangin” ka tih chuan a nui chhuak hawk a.




“chu ngaihdan atthlak lutuk chu engvanga nei nge i nih” a rawn ti chhuak a




“in in biakna ka lo hria a, phone a in in biakna kha” ka ti a





Ngaihtuah let niawm tak hian a ngawi vung vung a



“eng tik a kan inbiakna nge le, eng nge kan sawi” min ti let ha a, kan inbiak dan chu ka nuih a za ang reng , zawhna kan in zawt a, zawhna bawkin kan in chhang let leh a





“kha ka ruih viau tukah khan a nia, choka a kalo chhukin in in be thawm ka hria a, nghak hram hram tur a i tih velte leh ka pu a tha chho tawh a, engkim a fel vek ang i tih vel kha” ka tih chuan





“kha kha maw?” tiin anui chhuak hawk hawk a,




“mi tawng ngaihthlak ruk hi thil tha lo tak ani a, ngaithla zo law law tal la chu i hre tur, nakin zelah pawh ngaihdan diklo i neih loh nan kan sawi fel law law ang, chuan sawi zui tawh lo bawk ila” a tih chuan ka lo bu nghat nghat a “ ni e, atha a lawm” ka ti a






“Msi te chhung leh kan chhungkua hi kan in hre tha hle tih chu i hria anga, tunah pawh tlawm ngaiin ka pu a enkawl a, amah hi ka ring ber bawk si a, ti hian ka pu a enkawl avangin clinic pawh hawng thei lo in a awm , khami zing khan ka pu a tha tawh tho si a, chuvangin midang zawng mai la min ti a, chuvangin la nghak rih deuh turin ka ngen a nih kha” a tih chuan ka thaw huai a.





“mahse amah kha neih i tum tho si a” ka ti a, ka aw ah chuan think a chiang takin a lang tel a






“Mali hi chu i thik a ngai lo ang Amelia, ka sawi tawh ang khan kan in zui nasa a, mahse chutiang lam nilovin, mahse ka pu khan a damloh zual khan nupui nei turin min ti a, kawp ngheh lai kalo nei bik si oa, Mali hi kan hriat that te a ni bawk a, nei turin min nawr a lawm le; bakah ka neih chuan ka duh angin kala awm zui thei dawn a, a chhan chu kan inkarah engmmah a awm miau lova” a tih chuan ka hrethiam ta vek a, lungawi takin kan in kuah hle hle a.






Chu tah hre chhuak thutin “ ngati nge min rawn zawn vat loh” ka ti a





Thawk a la ham ham a, “nangte reuhin min tih mangan zia leh buai zia i hre lo anih kha ati sup a.




“i mangang lo a niang, vawi khatmah min rawn be hlei nem” ti tau deuh chuan ka ti hmarh hmarh a......





Min rawn kuah nawk nawk a, “kan lo mawl dun ngawt mai, kan lo in hrem rei mah mah ani” a ti a, ka lo en ha a, a nui ringawt a,keipawh ka nui ve ta ringawt a.






“Johnya kha i hmangaih emaw ka ti a, hlauthawng reng reng in ka lo awm a, khatia phuba lak duhna i neih te pawh i thik thu vang a nih ka ring a, ka a lo chauh zel a sin” a ti sup sup a, a hmel chu ka en chho a, ka khawngaih khawp a, hreawm a tih zia chu a sawi zawng pawhin a hriat a.





“ka hmangaih lo, ka hmangaih ngai reng reng lo” uar zet hian ka lo ti a.





“ka la awih theilo zawk, kalo haw i lo awm si lo, lehkha ilo dah ka hmuh phei chuan ka hlauthawng lutuk, i pu ka va hmu nghal a, hun i mamawh a, hun pe rih rawh min ti a, harsa ka ti a sin” a ti a






“ohh.... ka pu chuan a sawi miah lo” ka ti a






“sawi lo ang, mipa leh mipa angin kan in bia a, Nghaktei pawh ka be buai nasa, ka lakah i thinrim a nih ka ring hran lo a, mahse Johny vanga i rilru buai anih ka ring a.. ka lo a ngawt mai” a ti a, thawk a la halh halh a.






A sawi zawm zel a, “Mali kha ilo thik ang tih rin ngaihna pawh ka hrelo, min en danah khan min duhna i nei ve deuh chuan ka hre thin a, mahse ka ringngam chiah si lo a, chutah Francisa i han kawp leh a ka hriat kha chuan ka a lo chauh ani, chu pawh Johnya vang vek a i kawpah ka ngai a, min tih rethieh zia hi i hria em Amelia?” a ti a, min hrawm nawk nawk a,






“min ti na a nia” ka ti hlar a, remchang a la in





“nga ti ve Msi kha hmun tinah khan i hruai ve zel” ka ti a, a nui hawk hawk a





“ka hruai zel lo, ka sawi tawh ang khan Fashion lamah a tui ve a, chuvang chuan remchanna a lei ve a, keiin ani kalpui kha ka lo hnial bik lova, ka pu vangin ka ti buai em em a” a ti a






“ngati nge iva lo kal har si ve” ka ti leh a






“lo kal va pawh ka duh a, hun pek che pawh kha a tul ka ti bawk a, i hriat angin ramri ah buaina a awm si a, keimah lam han inngaihtuah thei kha ka ni lova, i hrelo maithei a, Aizawlah ka awm tlem em em a, ka zin chhuak reng bawk a, hun ka neih velah kalo kal nghal ani” ati leh a.





Ka awih thlap, a thusawi zawng zawng kha ka awih nghal vek.




Msi kan in a lo kal a min tih dan erawh kha chu ka hrilh duh ta em lo a, a tul tawhin ka hrelo a, ka hriat duh chu ka hre ve tawj a, apawimawh ber min hmangaih tawh tlat a, han sawi vel kha tul ka ti lo a.






Dar 10 pelh deuh hretah chuan a haw , riak turin ka nu pawhin a sawm viau tak na in, a haw ta tho a.




____________________________________________________





Tunah chuan Aizawl a kan inah kan awm leh vang tawh a, ka hlim bawk a, kan in te chu a nuam ka ti thar em em a, Delhi a kan awm lai khan Muansangpuian min in check up pui leh a, ka nu ten en kan pathumin kan kal ho vek a, Bungrua ka ngah lo bawk a, kan haw bawr lem lo a






Ka haw dawn chuan ka nu in min ui hle a ni tih ka hre thei a, ka khawngaih ru khawp a, mahse kan inkar fel ta chu an lawm hle a, ka pa leh Muansangpuia pawh an ti ti dun reng a, an thusawi erawh min hrilh lo a, kei pawhin ka zawt bik lova





Ka pu bulah kan in report vek tawh a, Muansangpuia pu pawh kan hmu a, ka rai tih a hriat chuan a lawm hle a, a ni pawh a lo tha tawh hle a, a duh duhna ah a kal kual thei tawh a, “ka tupa awm tur hian ka chak a ngai” a ti vek sek bawk a






Nghaktei erawh ka la hmu lo a, phone ah chuan kan in be reng tho a, Office lamah kal tur a min ngen chhen a vangin kei pawhin vawiin chu kal ve ka tum tawh a, Muansagpuia chuan a phal lutuk lo na in, chhuak harh turin min duhpui ve tho si a, indim la tiin min chah thlap a.





Nghaktei hi ka rai tih ka la hrilh lova, kala sawi lo tak, kan inneih thu pawh an hre vek tawh a, pawn chuah pawh ka huphurh phah vek tawh a.






Nidang ang bawkin Muansangpuia chu a chhuak hma leh fe a, ka naupai la puar viau lo mah ila, ka in dim deuh a vangin ka tho hma vak duh lo va, dar 7 velah ka tho chhauh a, chu pawh akal tur thlah ka duh vang ani.






Ka in peih vek tawh a , ala hma avangin TV ka en mai mai a, ka hringnun lo inthlak dangta daih chu mak ka ti a, ka mumang ani ang tih te a hlau a, nu leh pa thu ka awih lo nen Pasal tha tak, ka hmangaih em em leh min hmangaih tu ka han nei te, chumai bakah tlangval satliah pawh nilo lehnghal, tlangval to ber ti ila ka sawi sual lo ang. Ka vannei ka ti em em a, tunah nau ka han pail eh a, hei bak bak chu a awm thei dawn em ni ka ti hial a.






Muansangpuia erawh chu a hma ai mahin abuai emaw tih mai tur a ni a, mahse a hun neih ang ang chu ka tan a hmang vek a, han vuina tur ka nei hranlo, ka hman velah kan zin dawn nia, kan pahnih chauhin a tih chuan ka dul chu ka kawk a,






“ni tak, mahse vawikhatmah chawlh hmangin kan la zin dun lo a, hruai che hi chu ka bat ani” ati a.






Office ka thlen chuan min han hmu chiah chu an au tuar tuar am a tam zawk hmeichhia an ni bawk a, a bengchheng khawp mai a, minkuah chul bawk a, chutiang em em a min han ngaihlu chu ka lawm em em a, ka hnukte pawh a ulh thei zawk ani.





Kan thawm hria in nghaktei chu a rawn chhuak vat a, min hmu thut chu rang zet hian min pan a, min kuah chawt a, chutah rang lutukin min thlah leh a, ka dul chu a khawih nghal a





“oh mu goddd..... i raiiiii” ring zet hian a ti a, midang khan an lo notice miah lo a, bakah kawrfual lian hnekhnawk ka ha, an zavai chuan min lawmpui liam liam a, Nghaktei chuan thingpui in phawt ang u a ti a, a ko nghal a.





Thil min zawt nasa hlawm lutuk a, chhan tur ber pawh ka hre lo a, kan ri luai luai mai a, kan tawng pawh kan inngaihthlak sak lem hlei lo a, hei hi hmeichhe awmkhawm dan ve a ni a.





“kei chu a bengchheng lutuk, ka a dawn” rawn ti hlawi hlawi ri ka hriat chuan ka hawi phei vat a, kil khatah chuan Laldavidi an tih ni ngei tur chu a lo thu tum bar a, Nghaktei min hrilh tawh a, Designer thar a tan a lak thar ani a, Nghaktei chuan a rawn fak khawp a





“ehe hei chu, Kan designer thar chu a ni maw, Amelia ka nia” tiin ka va be nghal vat a






Ka lam pan chuan a rawn kal phei nghawng nghawng a “ ka rin aiin a takah i nalh daih zawk” ti hlawi hlawi chuan min chi bbai a.







Chawhma lam chu kan phawklek vek bawk nen inkawm nan kan hmang liam a.






Chawhnu lam erawh nghaktei nen ka roomah kan in khung a, hma alo sawn nasa em em a, bul tan chuah kan ni a, loss a kan awm ka ring a, mahse nghaktei zarah leh thawktu fel tak tak zarah profit tlem a zawng chu kan lo nei a, bungrua leh material neih thar ho nen phei chuan hlawkna a awm ve fe ani.






“Nghakte i hlawh hi ti nge midang aia i tih san loh’ ka ti a





“a sang tawk reng a lawm, nge ka lak san bik ang” ati a




“ti sang rawh” ka ti ve leh a




“kan la mamawh lo, ka hlawh hi kan la kham tawk a lawm” a ti a




“i hah tawh ang, chawl rih ang, thingpuui kan siam a nge” a ti a, a tho zui nghal a





Thingpui siam rek rek pah chuan “ka rawn hrilh duh lo che a, Dr Msi khan a lei ta niang Johny Agency pawh an tang khawp mai, Heleni pawh a phu leh nasa tawh mai” a ti a





“a va lawmawm ve, Heleni chu ka lawmpui khawp mai, nun thar a din thei chu” ka lo ti tha ve mai a





Nghaktei chuan a hnar a ti arh hak a, kalo nui hak a “i sual lutuk” ka lo ti hlak a






“nunthar a din pawhin ka hrelo a, a zia ala ngai reng, fakna kan hmuh tawh sa pakhat pawh min chhuhsak leh a lawm, chhuhsak han tihah , min ruaitu te khan an rilru an rawn thlak a, a hnu ah anmahni an ruai tih ka hre leh a” a ti a, a chek tlak tlak a






“a va mak em em ve, kalo khawngaih hman viau a sin le” ka ti hak a







“ti teh suh, ala zamlo em em a sin, min chek sawlhna chance ahmuh phawt hi chuan a hhmaih ngailo, thla hmasa summer show awmah pawh kan in bakkaih lo chauh a lawm, ka insum thei hram a, Laldavid-i pawh hi hlawh tam zawkin a lo sawm ani awm a, a ni lah chu keimahni ah a bet nghet ropui si a, a zir chhuahna a tha bawk a, a lar riau a” a ti leh a







Ka thu hriat chu mak ka ti kher mai, khatiang ang a mualphona nasa a tawh tawh hnu ah pawh thil sual tih la duh tlat mai chu, ka ngaihdan chuan hlawhtling tur chuan taihmak leh dikna ahi a pawimawh berin ka hre thin a, thu diko chu a tlo lo tih pawh hriat ve awm tak a nih vei nen. Mahse an nun a ni a, kalo worry tur erawh a awm hran lo.






Muansangpuian min lo lam haw a, kalo nghak a ni mah zakwk ang chu, tunah chuan kan inneihna pawh kan zep tawh lo bawk a, venthawn tur awm lo a han awm chu a nuam ve reng a, Muansangpuia te in puiah chaw kan ei dawn a, kan tlang nghal a.






Muansangpuia pu (Ka pu han tih ve mai hi ka la thiam chiah lo a) chu a lo lawm thiam leh pek khawp mai a, kan tum aia rei kan awm a, a hriselna a tha sawt zel a, Msi pawhin a enkawl tawh lo a, pawi ka ti vak lo, hmuh ka chak vak lo hrim hrim a.





Tunah chuan in thup buai a ngai tawh lo a, a motor pawh thlak lo in office a a hman thin chuan kan haw a, Driver a neih tho avangin , a hnungah chuan kan chuang dun a, ka kut chu a hum vang vang a, min hmer salh pah chuan





“haw vat vat ka chak a nia” a ti sup a, ka va en phei chuan a lo nui suk a, a thusawi chuan thildang awmzia a nei chiang lutuk a, Driver a awm ve reng si a, ka zak deuh a, ka mitei chuan ka hau a, a nui thaw ringaw a






A izak lo lutuk tih leh a mal ah chum ka rual a, ka ngawi dun ta reng a, mahse a kut chuan min kalsan lo. Tawnglo mah ila ngawi rengin thu kan sawi dun a, kan hmelah chuan lungawina bak hmuh tur a awm lo.






Kan haw chuan a tlai duai tawh a, in kan thlen chuan ka chau ve deuh ruai thei a.




ka rai puar hi ka in sawisel lem lo a, mahse nileng a khatia han chhuah takah chuan a chauh thlak ve hnawp. Ka rai hma te kha chuan hetiang mai maiin min ti chauh thei lo kha a ni a.





Ka inthlak nghal a, inbual ka duh avangin ka in la khaw nghal zung zung a, in tihfai vat vat a, mut va chu ka chak ber tawh a, Muansangpuia lo in thlak ve mawlh mawlh chu mak ti deuh hian ka va en a, a lo nui thaw a “Naute ka bual dawn a” a ti a, a towel ken lai chuan ka vawm nghal zat a.




A lo man a, khumah chuan a vawm nawk a, zo zet hian min pawm a, bathroom ah chuan min pawm lut ta nghal a, ka tal vak ngam si lo va, ka duhlo ka ti tuarh tuarh a, ka dul puar ve deuh tawh nen ka nalh dawn lo lutuk hian ka hria a, a bul a inbual kha ka duh lo a ni.




Tub a dim fahran a min nghah pah chuan “ a hma pawhin ka bual tawh tho che a, tun a taka duh loh” a ti a.




“ka zak a lawm, ka dulte hi a kiar tawh a, ka nalh dawn lo em a sin” uar zet hian ka lo ti hlap hlap a, a ni reng bawk a, ka zak tak tak a.




Min din tir a, a in tuamna chu min lak sak a, ka dul chu a chul hauh hauh a “Sexy ka ti daih zawk” ti sup pah chuan ka dulpah chuan a rawn fawp a, kalo ip chawih a, a lu chu nam sawn tumin tan ka lo la ve thung a.






A lo hawi chhuak chiah chu , ka thaw hawk a, a hmelah chuan chakna nasa lutuk ka hmu thei a, a sen tan tan in ka hria a, min rawn fawp nghal zat a, kei lahin lo hnar a hnekin, uar zet hian ka lo fawp let tawn tawn a. harsa tih hmel zet hian a in la hrang a, ka dul chu a chul hauh hauh a, ka mitah tak chuan min en kar a “naute ka bual vat vat ang che, i nu hi ka duat chak tawh a nia” tih pah chuan ka dul chu a zut dalh dalh a.





A mi khawihna lungrun lutuk a vang chuan ka mur uaih uiah a, ka dulkiar avang a ka pian mawi lo deuh pawh chu ka hre chang tawh lo a.




Tuiah chuan min thut pui a, a hma ah min thut tir a, ka ngheng ar ar a, tui lum deuh pap a, sa lutuk lo a in chiah kan ni bawk a, a nuamin a hah dam thlak kher mai.






Sahbawn phuan chu ka khal nauh nauh a, ka mit ka chhing diar diar a, ka hnute a rawn khawih chuan ka lo te that a




“ninhlei suh aw” ka ti a




“a har em a ni, insum hi harsa ka ti, i hnute hi a hma aiin a kawh ania” a ti a, a aw a mak tihna chu hairual a ni lo.





“ka rai tlat a lawm, rai chuan ani thin a lawm” ka tih chuan mak tih hmel deuh hian mi en a, mahse min khawihna chu a chawlsan duh hauh lo a





“lo che sek chu, i chet sek chuan in bual tur kan awm lo ang’ a ti thawp sat a




Ka nui var var a, sahbawn phuan chuan a hmai ah ka val chul a, a phu zawk a



“harhna dawmdawi a nih kha” ka ti a, ka lo nuih vak vak a.




“i sual manah na tawkin ka nawt ang che” tih leh loofah chuan na zetin min nawt tak tak a, a mi khawhna za ka tih bawk avang chuan ka khek vak vak a.





Bathroom ah chuan kan pahnih hlim nui thawm chu a khawk rum rum a, hetiang khawvel hi ka mumangah pawh ka la mang ngailo, ka harh chhuak thut a nga, ka mang lam a lo ni ang tih ka hlau ber.




Ka lo chet sek avang chuan “che sek chu, ka nawt duh che lawm, naute ka bual dawn” th leh ka dul vel chu sahawn phuan a rawn chul a rual a,




“naute hi bual rual pawh a la ni lo” ka ti tau nghar nghar a




“in la itawm vel teh suh, ka tuar zo lo tep a nia” tih sup pah chuan a hnute chu a rawn hrawm nak nak a, keilah ka lo thaw hak a.




Ka kut hlei chuan a mipatna a va deh chuan ka la sawn rang teh a, min la nuih zat em em zui.




Kan in tleuh fai vat vat a, robe chu ka ha nghal a, ka chhuak a, ani pawhin min rawn zui ve leh nghal a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)