Let it be By Abella Ralte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Let it be By Abella Ralte (Completed)

Unread post by Ngaia » June 28th, 2020, 2:04 pm

npe42q00.jpg
npe42q00.jpg (26.63 KiB) Viewed 29879 times
kan han ti ve leh rawih chu a nia, heihi chu what if ka zawh hma chuan nikhat danah zel kan update thung ang



story pakhat ka chhiar ngaihnawm deuh a vangin heihi ka ziak ve leh thawr a(chumi zul zui deuh hlek chuan), ngaihnawm in tih ve ngei ka beisei, ka sawi tawh ang khan ka story ho ah hian a chang tu te hi an hreawm char char a, an nuam ve dawn chiah a, a tawp daih zel a. chuvangin heihi chu tlemin kan ti dang ve leh deuh tawh ang



Bung - 1



Ka Luna lutuk avang chuan ka harh hlawl a, ka awmna chu ka hai thelh a, sana ka en nghal vat a, zinglam dar li a ri chiah a, ka awmna hmun chu ka room ani lo tih ka hre nghal a , mahse ka in ngaihtuah harh nghal vat a, ka inlet tha thei lo,ka luak lah chu ala chhuak em em zui a, ka tih ngai lo hang takin nizan khan beer ka in ve teuh mai a, ka zo lo a ni. Ka nui sak a.




Vawiin hi ka pasal neihni tur a ni a, chuvangin nizan lamah kan party a, zu hi ka in ngai vak pawh a ni lo a, mahse nizan kha chu thian ten min ti lui ve deuh tlat a, nulat thlah nan kan in ve a ni. Thian te han tihah chuan han sawi tham em em phei chu an awm chuang lo a.




Vawiinah hian pasal ka nei dawm!! Ka nui sak a, ka pasal tur Johny a ka ngaihtuah a, ka nuisak a, Johnya hi tangval to ve tak ani a, lu zo ve vawh a, hmel fai vang mai ani a, min care in min duat em em a, kan pahnih tan a future hi a dah pawimawh em em a, luna bur chuan ka tho a, inphih harh ka duh ani,, bathroom kawngka ka pawt dawn chiah tih chuan thawm ka hria a, nula leh tlangval tawm thawm ani,





Hmeichhe aw ka hriat than em em hian, “hmanhmawh rawh a lo harh a nge” a ti sa sa a, a aw atang chuan Helen I aw ani tih ka hre nghal a, tu nge maw alo tawmpui ni, a ni ber kher ka nuih a za, Heleni hian mipa a ngaihtuah awm ka hre ngai lo. kal mai ka tum lai tak chuan mipa aw ri ka hriat a vang chuan ka ding chawt a




“a harh teuh lo ang, nizan khan a in teuh lawm, ani zu in ngai lo te chu a harh mai mai lo ang” a ti a, an nui dun zui hak hak a, an thaw deuh huam huam awk sia, ka rap lutuk, ka vawt nghal vekin ka hria, ka luna pawh ka hre tawh lo reng reng. Ka pasal tur, vawiin a ka neih tur Johny L Sailo aw ngei a ni, ka rilru nat leh nat loh pawh ka hrelo, ka a huih ani mai, kalsawn daih chu ka duh mahse chhuat chuan min man bet emaw tih mai tur hian ka kal thei lo reng reng, ka ding mawl tawp a.





“Naute te tan hian a tha lo a ngem le” heleni chuan thaw pah ham ham chuan ati leh sawr sawr a





“a pawi lo turah ka ngai, chuvang lawm a hnung lam atang ka tih” ala ti zui, ka va han ten ber mai em, dimte in ka kalsawn a, an thawm chu ka ngaithla theilo, khumah chuan ka mu a, ka luna chu a rawn let leh a, a na ut ut mai ani. inneih kan tum lai renngin heleni pawhin kan inkar zawng zawng a hre vek a, engtin nge anih theih. He khawvel han mak zia hi!!!!!!





Ngai ka la awh theilo, mak tihna hriathhiam lohna in ka la khat tlat, engtin nge a nih theih le, an pahnih hian minlo bum char char tihna, engtin nge ka hriat loh theih? Midang hian an hria angem le…… thawk ka la kawk a, ka mutna bula tui chu la inb, ka in nghal khawlh khawl a



Johny nen hian kum 3 vel lai kan inzui tawh a, amah vang in ka career pawh ka give up vek a tih theih deuh thaw a,





Amelia Zosangi ka ni a, Model ka ni a, ka nalh ve tawk a, ka nu leh pa in Model eizawnna hi an duh loh avangin kan in ka chhuahsan hmak a, chhuahsan han tihah kan in e tha tawh lo ani er a, kan awm tlang lo hrim hrim a, ka tuina tak ani ve thin, modelling ka luhchilh tirh pawhin ka lar nghal em em a, chuvang tak chuan Mizorama Agency tha bawl Sailo Agency hian min la ta reng a, heleni ta he Angency a mi tho ani a, lar tan ve mek, top class chu a ni loa.





Kei hi nula awmnem awm te si hi, ka thu hi ka duh ve reuh a, ka mawl ve reuh phian bawk a, mahse he ka zia tak hi Johnya chuan ka duh a ti thin a, mahse he ka zia vang tak hian bumin ka lo awm reng ani, duh tawkin min bum a, min hmang a, chuvang zawk chuan a ni ngei ang Johnya pawhin ka duh ani a tih ni.





Johnya duhdan angin kan Contract period pawh la ral lo mahse Modelling Job lamah ka in lan tam tawh lo hle ,a lian thamah chuan Heleni hi inlan se, ani chu pasal nei mai tur a ni lo a, kan siam lar a ngai tiin ka hna tur pawh a pe hial a thin a ni, a tir lamah chuan ka ui deu viau na in Johny nen kan pahnih tan leh kan chhungkaw din tur tan a that zawk ka rin vang ani.




He mi bumhmang pa hian kkei rilru thianghlim lutuk kha min bumin, ka modeling hna thleng a ngaipawimawh zo lo khawpin min dawi a vek a, a duh ang angin a uite ang maiin a thu kha ka lo awih thin a ni.




Ka ngaihtuana avang chuan ka thaw hawk a, thinrim lutuk leh mawl in tihna lutuk a vangin ka awm ka dawm vang vang a, ka mittui luang lo tla tur chu duh lovin ka khap per sak a.





Engtin nge a tih theih zawk le???




Kum 20 mi lek ka la ni, model ang a ka lanna hmasaber chu, ka vawikhat lanna atangin mi duh ka hlawh viau aniang Mizoramah na na na chuan ka lar ve hle a, a kum leh maiah Sailo Agency hian Contract min sign pui nghal a, mahse ka rin ang chuan thil a kal lo, Agency neitupa Johny nen kan in ngaizawng chho a, a tir lamah te khan project pawh ka nei chho a, ka lar chho ve dawn chiah kha a ni a, ram pawn lam project te pawh kan zawng ve hman a, mahse Johnya hian amah pui turin min duh deuh tlat a vang leh project te tham neuh neuh chauh la tur a min tih avang chauhin ka career pawhin hma a sawn lo a, a sawnlo mai ni lo in a hniam char char a, tumah phei chuan public hma ah chuan ka in lan tawh ngai lo a model ang chuan.




Tunah chuan mmin min hriat danah pawh Johnya bialnu Model thin kha tih bakin mi pawhin min hre tawh lo ang, thian thenkhat leh ka pu ngei pawhin a chhan min zawt hial a, model hna kha I duh ve viau si a, nga ti nge I va ti tha leh peih si lo ve min ti hial a.




Engkim kalsan a, kalo thlan ve hian ka hnung lamah minlo bum char char a ni si a maw, rapthlak ka ti lutuk, ka rilru chu a na tho ang ka hre lo, mahse ka thinrimna chuan min uai rit zawk a, ka thinrimna chu a lian zawk mah a ni, ka tho lawk a, keimah chuan ka haw ta daih a.




In ka thlen chuan dar 6 pawh ala ri lo a, message ka hnutchhiah a, en pawh a en tawp lo ang, ti khan an mu zui leh a nga, min hre chang teuh lo ang.




Shower ah chuan ka ding a, tui vawt zet chua ka in phuh harh tir a, ka dai sawng sawngin ka hria a, duh tawkin hmanhmawh miah lo chuan ka inbual a, ka harh kawk a, ka thinrim lutuk pawh tunah chuan a zia deuh chuan ka hria.




Robe chu ka ha tawp a, ka pen chhuak a, khumah chuan kan thu ren rawn a, mahse ka thu thei chuang lo, mawl hi ka va ha in ti take m, amal te te in he agency ka zawm atangin ka chhui let char char a, ka lung a awi thei mawlh lo, mawl ka in ti bawk sin en.





Ka pa hi IRS a ni a, tunah chuan Delhi ah an awm a, Mizoramah kan awm ngai loh avangin Mizo nunphung leh awmdan ka hrelo bawk nen Mizoramah college ka kal a, ka pa ka dil ngial hnu ah a phal ve chauh kha a ni a. chutah Modelling hi ka tet lai atanga kalo chak ve a ni tawh a, ka dream ber a ni thin.





Final year ka nih dawn kum hian Model hunt an neih na ah ka tel ve a, winner ka ni ta nghe nghe a, k apian hi a chhe vak bik lo a, 5 .7 lai a sang ka ni a, mipa in a lian tur lai a lian a, a te tur lai a te an tih ang deuhkhan kawng fek rat ka nei bawk a,ka hmel erawh a tha lutuk pawhin ka hre lo a, ka hmai hi a sawl lek lek a, tin duh aiin ka hmui a chhah a, ka meng lian hle bawk, thiante hian ka mitmeng lian kel kawl hi min fiam nan an hmang thin a. Ka pian vangte pawh a ni maithei ka kum ai hian ka lang upa daih a.






Ka nu leh pa pawhin modelling lam chu ti lo turin min ti nasa mahse ka tum tawh chu ti ve tlat mi ka ni a, thu ka awih teh chiam lem lo. College pawh kal mumal lo chuan ka Modelling lam chu ka ti ve ta a, ka pa ten phal lo viau mahse ka pu erawh chuan minlo phur puiin ka duhlam ti turin min lo ti ve bawk si nen ka ti lui ve ta tlat a.




Ka pu hi Aizawl mi hlun leh challang, mi hausa hmasa ani a, ka pa pa ani, ka pa hi a fapa mal neih chhun ani bawk a keini unau lah pahnih chiah kan la ni zui a, min duat em em a, kei hi a upa zawk ka ni a, ka pu phei chuan min duat khawp mai a, I pi vanglai I chhun min tia, min chhuang khawp mai a. ka pu chu Pu Challiana ani a, ram leh inhmun tam tak a nei a, bazar hmun leh lunlai ani bawk a, a luahman pawh ala hnem ngawt ang chu, real estate business lam abuaipui a, upa viau tawh mahse a viak a la tha a.





Ka eizawnna te avangin ka pu bulah chuan ka awm lo a, ka lo sawi lo tak, ka pi hi a thi tawh a, keimahin ka pu flat nuam tak pakhat chu ka luah a, mahse ka pu chu ka tlawh awl lo a, bakah min rawn chang reng bawk a, kan in hmu ngun a, ka thutlukna min pawmpui avang chuan keipawhin ka nu leh pa ka hnial ngam ani. He t aka kal lui hi ka pa chuan min ha wkhawp a, min be tawh ngai lo a, ka nu erawh chuan min la be reng a, vawikhat chu chawlh hmangin an lo kal a, tah pawh chuan ka pa chuan minla ei lo khawp mai.





Johny nen hian kan lo inngaizawng ve ta bawk nen, ka nun chu nuam tak ani a, mahse ka lo atzia leh mawlzia chu amal te te In ka han ngaihtuah a, engtin nge hemi te pahnih hian min lo hmang tangkai char char ani tih ka lo hriat loh le.






Khatia model hunt a winner ka nih khan ka lar ve hle a, fakna leh magazine kawmah te ka han lang tan a, fashion show tinah khan ka tel lohna a awmlo, chutah Sailo agency nen contract kan han ziak a, kei lar tan tir tan kha chuan kum khat a nuai 10 chu tam ve deuh mai ani a, chutah pawn lam endorsement dang dang keima pualin ka ti thei bawk ang tih a ni a.





Ka awm tirh pawhin Aizawl FC hian season khat a tan model ah min hmang a, Mizoram pawn lam project te pawh kan zawng mek bawk a, chung lai chuan Heleni hian kan Agency a rawn join ve chiah a, a hmel te hi chu a tha ver reuh na in chu ti lutuk chuan a lar lo a, kei aiina tawi bawk a, a zei teh chiam lo model ni ve mawl tawp anng chi kha ani berin ka hria.





Min rawn kawm nghal chat a, ka ngaihtuah let leh engtik lai mai pawh khan kan bulah a awm ni maiin ka hria a… oh F*** she was there all along ka ti chhuak sap a, ka thinrim lutuk chuan ka kut ka hum ruh tang mai a.







Ka thin ti rim zualtu em em chu he Johnya hian min va lo brainwash nasa em em ve tih hi ani, kan han in ngaizawng chho kha inneihna lam ngawt min sawipui tan a, tin model ang ni loin agency nei tu ang a I train angai min ti a, project neih tam ai chuan tiin agency tan ka thawk mahse, model ka nihn apawh ka theih nghilh tep tawh anih hi, thla ruk lai chu in lanna ka nei miah loh tih te ka ngaihtuah a, ka thinrim lutuk chu ka khur ngat ngat thei, ka va mawl em ka ti chhuak sap a.





Chutah Heleni aiawhin ka inlan ve bawk tih te ka ngaihtuah zel a, Johny sawi dan chuan Heleni hi a lu a zo reuh a, a in vawng bawk sia, kan agency Model pangngai ni turin chher a ngai a ti a, chuvangin midang keimah min rawih duh ngawih ngawih te pawh Heleni hi ka lo pe thin a, Johny thurawn angina, tin hnamdang an awm ve dawn phei chuan kei hian a ai ka awh fo thin a, chuvang chuan tunah chuan ahma ai chuan lar tawh tak chu a ni.





Inneih pawh hi ka la inpeih chiah lo, mahse Johnyan hetia innei lo a inzui reng ai chuan tiina that zawk thu min hrilh a, tuman an hre dawn chuang lo a, Court ah ka n innei mai anga, engmah buaipui pawh a ngailo, kan thiante pawh kan sawm lo angnga, kan phanihin kan kal dawn nia a ti a. Tin ka la inpeih loh chuan awm tlan kher pawh a ngai rih lo a ti a, chuvanga keipawhin inneih remti ka ni a.




Heng zawng zawng hi Heleni chuan a hre ve vek a, Nizan party pawh ama rawt chhuah hi ani zawk a, kan Agency a mi tlemte thian tha zual ten en chaun a ni kan party ni, Lodge kha kan book tawp a, haw peih lo an riak a, keini pawh kan riak ve kha a ni a. tin kan inneih tur hi kann agency a thawk dang te pawhin an hre lo a, kan thian tha zual tak tak chauhin an hria ani.


Mihring lo in thup theih zia hi a va mak ngai em!!! Heleni pawh ka thiantha ber ni awmin min kawm chawt a, vawi duai lo ka inah pawh a lo riak a, ka ngaihtuahna avang ringawt pawh chuan ka luak a chhuak ut ut thei…. Ka rei min va han lo nuihzat nasa dawn em.



ng tin nge ka awm ang???????????, dar 7 vel thleng chu engmah rilru mumal pawh pu theiin ka awm lo, kan inneih register kha dar 11 daih ani a, ka hmanhamwh tehchiam lo



Mizoramah chuan kan lar ve riau a, Johnya phei chu hrelo an awm lo ang chu, kan pahnihin kan inkawp tih pawh miin an hre vek a, Heleni lo lan hnu hian kan pathum hian kan in kawp tama, engtin nge min thikmiah lo ang khan a awm theih zawk le, kei ni ila ka thei hauh lo ang.







Ka ngaisang zawk phian a , chutih rualin Heleni hi a tum ruh a, Model amah ai a lar leh hlun erawh an la tam, a kal kawng erawh chu thui tak ani, Tin Johnya te nen hian Yarcaud ah schhol an kal ho thin tih ka hria a chuvang a he agency pawh rawn zawm ve hi ani a. an kal ho tih a, Heleni te sr daih erawh chu ani a.






Johnya hi a puitling ang reng a, tin hei hi a pa sumdawnna ani a, an chhungkaw sumdawnna chu fashion lam a ni a, Johnya hian tumnei ran in, class XII a zawh velah fashion lam zirin ti hian sumdawnna hi a enkawl chho ta ani, a thiam bawk a, a sumdawng mi bawk a, a tha pawl tak pawh ani reng a, tin Designing school an nei bawk a, Mizoramah chuan lar ve tak an ni a, District khawpui dangah in extend te a tum ve mek bawk a, chuvang ania inneih pawh a hmanhmawh ni.








Ka han ngaihtuah a, ti tak mai a min neih a duh chhan hi eng nge niang ka hre thei lo, ka nu leh pa lakah ka tlatlumlo tih te chu a hre ve vek si a, ka pa te an lo kal pawh khan Johnya nen khan min ei lo lutuk a, biak pawh minbe lo kha ani si a.







Min neih a duh chhan awm ang ka hrethiam lo, ka sawi ang khan ka pa chu Sorkar hna thawkve pangngai kha ani mai, an hausa teh lua lo a, mahse ka pu erawh chu a hausa khawp thung tih ka hria mahse a nite chu ka pu a nia. …. Hausa mahse han hnemhnan pui tur vak a ni tehchaim si loa, a ro ka khawm dawn tihna pawh ni hlei lo.







Chaw ka eikham meuh chuan tihdan tur ka ngaihtuah chhuak vek tawh, engmah hre lo angina ka awm a nga, inneihna pawh ka kal tlangpui ang an pahnih remruatna leh awmdan ka hre duh tlat. Eng nge keimahah hian an duh ni reng reng.





Ka tho chhuak hliai a, “in rindan ang ngawt hi chuan min va bum dawn lo rua em, hre rawh u, a hma ang mai mai kha chu ka ni tawh lo ang, ka hloh tawh zawng zawng hi nangni pahnih hian min pe kir bawk ang” tiin ka phun chhuak sap a, ka kut chu ka hum ngawt ngawt a......



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:04 pm

Bung - 2



Ka tho chhuak hliai a, “in rindan ang ngawt hi chuan min va bum dawn lo rua em, hre rawh u, a hma ang mai mai kha chu ka ni tawh lo ang, k ahloh tawh zawng zawng hi nangni pahnih hian min pe kir bawk ang” tiin ka phun chhuak sap a, ka kut chu ka hum ngawt ngawt a…..




Lawmna pakhat erawh ka nei, kan la mudun lo hlauh lo, hetiang kawnagh chuan ka inveng ve tlat , bakah min ti lui ngai lem lo, min lo mamawh vak lo hrim hrim , heleni a nei alawm, ngatan nge min tih tawh ang… tunah nau a la pai leh nghal




Engtin nge modeling career a nei dawn chauh a, nau a pai phei chuan engtin mah a thei hauh lo ang, bakah Agenncy a contract sign dawn khan naupai kha pha loh bur a ni a, khatiang dan bawhchhiat chuan a hremna penalty eng eng emaw a ngai …







mahse chungte chu eng nge ka lo ngaihtuah ve ni, ka buain a pawh a nilo, ka Agency pawh a ni hek lo. Ka ta emaw kalo ti hman pek a mawni….




A hrim hrimah an in duh a nih chuan nga ti n ge kan in kar pawh a chinfel mail oh, tunah nau a pai a ni a, inneih kan la tum deuh deuh a, innei tai la, an la inkawp zel dawn chu a ni awmsia, lakah hian eng nge an duh ang le??? An ka han tia, eng nge Johnya hian a duh ang le????





Chu zawhna ka chhan theih hauh lo chu ka inzawt a. rilru natna lam a lang lo, thinrimna lehh phua lak duhna chauh chuan ka hringnun chu a luah a.




Ka phone a rik chuan ka en vat a, Johnya a lo ni n gei a, ka nui suk a





“hello” pangngai thei ang ber chuan ka ti a



“babe khawnge I awm daih, I roomah kalo kal a, a lo ruak vek sia” a rawn ti a




“ka haw daih lawm, kalo kaitho duh ta lo che a nih kha” ka ti a, engtin tak vawiinn kan inneih tur chungchang sawi ang maw tiin ka ngai chang ran a




“ok a that chu mahse engmah sawi lo in kal daih tawh suh, vawiin kha tlai suh aw, kan pahnih tan ni pawimawh a nih kha” a rawn ti a, mak tihna avangin ka lo ang pama, ka hmel a hmu theilo chu ka lawm kher mai, min hmuse chu mak a ti dawn em mai





“awle duhtak, ka tlai lo ang, keimahin k alo kal mai ang, minlo lamkual angai lo” ka ti a





Phone kan dah hnu chuan ka ding reng a, eng gam e chiah nge maw ka lakah hian a play le, min la nei dawn tho chu ani si a, ka nui sak a… lets play the game ka ti sap a




Inneihna duhawm tak chu ka neih pui hauh lo a, tin ka nei bawk a nga, a rin ang chuan ka awm lo ang chu tiin ka in she ruh sauh sauh a. Heleni pawh hi eng ang mihring nge maw a nih le, a fa paina pa in nupui a nei dawn a, abuai miah lo chu a mak ka ti…….




Ka insiam , pawnfen zuih khup hnuai thleng ka feng a, crop top var chu kan ha va ngei a, sling ag dum ka ak bawk a. A hma in vawiin ni a hak tur chu ka lo nei diam tawh a, mahse tunah chuan hak tumna ka nei lo, hak chhan tlakah pawh ka ngai lo a, darthlalang ah chuan ka in en a, ka inchei dam simpe zet chuan min ti lungawi khawp mai a, mahse hmeichhe pasal nei tur, inneihni a hak atan chuan a mak deuh a ni, ka ngaihtuahna avang chuan ka nui sak a.





Ka in peih hnu chuan ka motor chu ka nghak reng a, a khalh tu keimah chan bik deuh a ni a, ka assistant ang deuh a nih mai chum hmeichhia ani nghakte tiin ka ko mai thin a, he agency ka zawm tirh atang a min kaihruai tu ber a ni a, kan in pawh ve viau a, motor a khalh thiam bawk a remchang hle a , amahin scooty a nei bawk a, motor ken a rem loh pawn scooty in kan kal mai zel a, ka engkim hi a ni ve reuh a. thingtlang a tanga rawn awm, naute chawm a ni a, ahna ah a rinawm bawk a, ka ngaina a, tin min zah der thiam ve em em bawk hi ka ngainatna chhan ani.





Model ni mah ila, he agency chu an sumdawn thiamna em em chu modeling hna ngawr ngawr kan khawih lo a, office hna pawimawh leh tul kan thawk tel vek bawk a, chu vang chuan office hi nitin kan kal ve reng erawh angai ani.





A hmun ka thlen chuan minute sawm lai a la awm a, register office kawtah chuan ka lo thu a, pawnah chuan mi an awm tam vak lo a, mi pakhat palian zet mai hi phone bia in a tei kual char char a, ka ngaihtuahna ka kawm nasat em avang chuan tunge anih pawh ka lo en hlei lo a, a palian hle a, Johnya hi Mizo ah chuan palian ve tak a ni a, mahse hepa hi chu a la lian daih zawk a, a sang a, a pian lah chu analh phian a, mahse johny angin a ngo ve lo, eng nge maw ka ngaihtuah a, ani nen te ka lo compare ni. ka hriat tawh hnu a ang lutuk tlat





Phone be pah chuan min hnungchhawn zawng chuan a ding reng a, chutah a kut a vai chiam a, ka lam a rawn hawi a, phone chauh angaihtauh tih hriat zet hian akal kual a, a thusawi ri ka hriat chuan mak ka ti lutuk a, a thusawi chu “tupawh ani mai, hmeichhia pangngai ve deuh kha ni se a tawk mai, in register vat ila ni mai” a ti a, mak kalo ti hle a,….. tunge a nih ka hrechhuak chiah kan home Minister chhelo zet kha anih saw… tunge a hming kha….. ka ngaihtuah nghal char char a,….




A ni pawh nupui nei turin a lo kal a ni ve ngei ang, a landanah chuan a hmeichhia chu a lo turn up lo a ni chiang mai, ka phone ri chuan ka ngaihtuahna chu a hruai kawi ta daih a, ka bag chu ka zen ruk ruk a, Johnya alo ni




“Babe I thleng tawh em” a rawn ti a, a thaw pah hlap hlap bawk a, a aw ah chuan manganna a ri tel deuhin ka hria a.





“aw thleng daih tawh, ilo thleng dawn tawh em”ka ti nghal var a, tawng pangngai tum chuan ka theih tawp chu ka chhuah ni berin ka hria, ka aw atag chuan engmah a danglam a ni tih a hre lo ang chu.





“babe engtin nge ka sawi ang, Agency ah buaina kan tawk thut a, vawiin atan chuan register chu kan tih theih loh hmel tlat a rawn ti a,





Ka rindan ani deuh tho , min thawng lutuk lo, mahse “eng nge thleng “ ka ti chhuak ve hram a





“heleni a tlu sual palh a lawm mawle” a rawn ti a, ka ner nghal deuh sawk a, lemchan pawh chu a va thiam em ka ti rilru a





Ka in ngaihtuah harh a, “a va zia lo ve, a na viau em” ka ti hap a, ka hmel erawh chu ka siam chhe nasa ngang mai a.





“na lutuk lo e, hei Faith hospital ah kan in dah lut tawh a,” a ti a, a aw ah chuan kan inneihna a tih buai avanga pawi tihna ai chuan, heleni a ngaihtuahna chu a ti lang tam zawkin ka hria.




“a that hlauh chu, eng tin nge a in tih nat reng reng a” ka ti a





“ step a rap sual a lawm maw le, a zia lokhawp mai, ka staff a ni a, ka ngaihtuah angai ve bawk sia, I hre thiam ti raw babe” a ti a’





“tehreng mai, a tul ve lawm” ka ti a,




Phone ka dah hnu pawh chuan Ka thu reng a, Heleni khan a tilui chiang lutuk, engtin nge step a rahsual theih ang, rai lai lehnghal. Kan inneihna a duh lo ani chiang lutuk, ka plan zawng zawng a fail vek ni maiin ka hria, ka lunghnur kher mai.





“Tu pawh a ni mai ka tih chu” ti hluk ri chuan ka ngaihtuahna ram atang chuan min ti harh a, ka hma a ding, vei ngauh ngauh chu ka en reng a, a hmel ah chuan engmah a hriatthiam theih loh a. ka hre chhuak ta ahming pawh Muansangpuia ani.




Ka ngaihtuahna a vang chuan ka nui sak a, ka sam chu ka huih pawk a, ka tho a, ka piah deuh a ding chu ka pan phei a





“Pu Muansang, ka lo ti buai lawk mai che, I phone be ri kha ka lo hre deuh a” ka ti a, min chhang lo chuan min en deuh ruh a, nel awm loh fahran hian “sawi ta che eng nge a” a ti leh hmuk a. nichin kha chuan ka zam miah lo kha ani a, mahse ka zam ta tlat





“Amelia ka nia, hmeichhia I hrim hrim I mamawh ni khan I sawi a, keimah hi ka awm e” a ti a




A ngawih vang vang hnu chuan a “I chiang maw” a ti a




“chiang tehreng mai, kan dinhmun a in ang fu a ni” ka ti zui zat a, a chak chu a ti chuar deuha, a phone a tang chuan mi a bia a, ka lo nghak reng a





“Thlenga lo kal lawk ta che” a ti a, a awmna a hla vak lo nianga, thlenga a tih ni awm tak chu a lo thleng vat a




“sir eng nge ni ta” a ti a





“Midang chu I hmu em” a ti a, a ni chuan zam hmel fe hian “ka be mek e” a ti a

.


“Tunah khan henu hi han chhui chiang zuai zuia la, midang chu be rih lo mai rawh a ti a,





A va khirh reuh a, hmeichhe dang tu pawh a ni mai tiin a buai a, tunah lem a in la fimkhur ve leh viau lawi si a. ka ei lo ang reng khawp a. mahse mammawh tu zawk ka ni a, kei hian ka dawhtheih a ngai tiin ka in sehruh ve tlata, phuba lak duhna hi chuan zah pawh min ti hrethei lo a nih hi.






Chhui ka nga lo, “Amelia ka nia, model ka ni, tin ka pa chu LAlrinsanga IRS a ni a ka pu chu I hria ang Chalkhuma ani, chuan Sailo Agency ah ka thawk mek bawk” ka ti a




“han fiah rawh le” a ti a, thlenga chu hla deuh hlek ah a kal sawn hlek a, rei vaklo hnu ah chuan a lo let , Pu Muansanga chu a a bekbawr deuh sar sar a, ka lo en reng a. reilo te ah “kal ang le I va ti fel ang hmiang” a ti a, ka zui nghal vat a







Hun kan duh rei lo hle a, minute 15 vel hnu ah chuan kan inneih certificate chu ka hum ran tawh a. vawiin ni 28. Oct a ni a a, ka Pasal ka neih ni a ni ta ngei e, mahse Mopa erawh a dang ta thung.





“motor I lo keng em” a ti a,



“aw keng e”



“haw tir rawh, ka rualin I haw dawn nia” a ti a



“awkhe” tih pah chuan phone ka ban nghal zat a




A motor hnungah chuan kan pahnih chuan kan thu ran a




“ka nupui I ni tawh a, ka inah I rawn in suan luh a ngai ang” ati a, hnial tumna ka nei lo




“awkhe, mahse kan inneih thu hi thla thum tal chu zep rih ka duh a”




“done, mahse thlaruk hnu ah chuan ka puan chhuah ngei ngei a ngai thung ang” a ti a



“thlathum chhung ka duh tawk”



“a that chu” a ti a kan ngawi dun rauh rauh a, Pu muansanga hi ala naupang bawk a, alar hle a, tin sumdawngmi a ni a, politica a khelh hma pawhin a lar tawh a, kum 33 bak a lo la nilo chu mak ka ti hle a, ka rindan chuan kum 40 a pelh tawh ka lo ring deuh a, Minister lai te a ni bawk si a.





Secretariatah chuan a chhuk dawn a”ti hian Driverin tlaiah a lo lam leh mai dawn che nia, keima in pangngai ah ka la cheng rih a, Quarter pawh ka luah tho, mahse tunah chuan keima in lamah kan awm tam ang” a ti




Ka lo bu nghat a, a chhuk chu ka en reng a, ka pasal an ni ta ngawt mai chu nia, mak ka ti, mak kala yti dawn chauh




Ka in awmna ka hrilh a, kan thleng a, ka chhuk dawn chuan “Madam dar 5 ah I inpeih hman a ngem” a ti a, ka san ka en zeuh a”ka lo tum daw nia” ka ti a, ka chhuk ve ta nghal a




Ka in chhung ka lut chiah chu ka au vak vak a, ka lawm ani, Johnya neih ai chuan ka lawm zawk tho tho, mahse min hrechhuak hauh tur a ni lo thung ang. An va han chak dawn lo em, ka hnung lamah min bei a, ka chanpual min laksak mai bakah min la thlim nasa em em zui, they played with my life and they have pay the price tih pah chuan ka nui ta sak a.




Inbual ka tum zet na a, ka insiam hmasa ta zawk a, ken tam ka tum lem lo a, ka mamawh zual tak tak chauh ka pack khawm a, ka thlan a tla ve bat bat a. ka zawh chuan verandah ah chhuakin ka thu thlan dai a, lawm avangin ka nui sak a.





Heleni kha tlu lui tih ka thinlung hian chiang takin a hria ani, kan han inneih dawn tak tak ah chuan a phal leh lo an ngei ang, Johny a pawh eng ang mihring nge maw a nih le, a nupui neih ni aiin a staff in tin a palh a angaihtuah zawk ania, hlutna ka va han nei lo em ka ti a, ka rilru chu a na zawk a.





Johnya min phatsan vang a na pawh ka ni lo, min bum dan leh ka mawl lutuk vanga na ka ni zawk mah, ka va han fing dawn tawh tak em.





Muang changing ka inbuala, ka harh sawng sawngin ka hria a, Pu Muansanga chu ka han ngaihtuah a ka nui suk a, min hmelhtha an tih ang ai chuan ka hmu tha lo a, mahse a palian in a pa em em ni maiin ka hria.





Eng dinhmunah tak ding ve ang maw, a nite chuan a duh phawt chuan nupui a hmuh zawh dawn tehreng nen, mak ka ti hle, mnakianh a chhan chu ka la hre mai ang chu





Muansangpuia Driver chuan min rawn lam chuan ka lo inpeih vek tawh a, Bolero in a rawn kal a, mahse bungrua ka nei vak lo tih a hmuh chuan mak a ti hmel deuh a, min zawt chuang lo a, a fel hmel riauin ka hria a, inbe lemlo chuan a load mawlh mawlh a, quarterah a nih loh chuan khawnge a awm ang le, kala hre miah lo.






“khawi vengah nge a awm a” ka ti a




“MZU road ah ani a, kawng a peng deuh a, a veng area tak pawh ka hrelo, Tanhrilh hian a huam mai thei” a ti a, ka lo bu nghat a, eng dangmah sawi tawhlo chuan kan tlan ta char char a, vaivakawn kan pelh chinah chuan traffic jam a awm tawhloh bakah, kan tlan tluang hle a,






MZU thlen hma deuh chuan kan peng a, kan penna atang chuan private compound tih hriat theih hian fencing a lo awm kual nghal a, an humhalh tha hle tih a hriat mai a, internal road te lutuk lo, concrete roah ah chuan kan tlan zel a, minute 10 vel kan tlan leh huan in a lo lang a, ramhnuai a kal te pahw kan ang zawk mahin ka hria,






Ka rin lo hang takin in chu a ropui lem lo a, Conceret chawng hnih a ni tawp a, a design chu a simple hle a, han kikawi engnge maw a awm lo. Gate chu a rawn in hawng tual tual a, Pu Muansangpuia chu tualah a lo aw, kan lut chu min lo en reng a, in bualzo chauh a ni tih hriat deuh hian a sam alo hun hlap a,.




Ka zam deuh niang, ka sa deuh a pap , ka chhuk tur chu ngawi rengin kawngka min lo hawn sak a,




“lut ila, a tlai tawh sia” a ti a, ka hawi kual nasa lutuk chu min hmu aniang, “nakinah duh tawkin I la fang kual dawn nia” a ti a,






Ka lo nui hak hak a, “a hmun chu a nuam hle mai, hetiamng a awm tih pawh kalo hrelo ka ti a






“a lawm awm e, tah hian ka hahdam ber a, ka cheng tam ber” a ti a




Inchhung kan lut chu a nuam reuh khawp a, dawhkanah chuan chawhmeh vel a lo in chap darh niah a, laklawh deuh a kalsan a ni tih a hriat hle a, awmpui awmang hmel ka hmu lo a.






I room tur ka kawh hmuh ang che nga, I duh leh hahdam la, hei chawhmeh ka o siam ek a, I duh leh minlo pui ve dawn nia” a ti a. mak ti in ka meng phar awk a “ohh..” ka ti hman chiah a






“awmpui ka neilo, tah hi chuan keimah a awm ka duh a, pawnlamah erawh saw chuan security pathum an awm , chhun zan zawmin an awm a hlauhawm lo hang” ati a.






Ka room tur chu kawngka min hawnska thlap a, ka lut a, ani erawh chu a chhuk thla leh nghak dah a, a zau nuam tha hle a, mamawh ang engkim chu a awm kim vek a, thutchawlhna tur pawh sofa dup nawm hmel faharn a in hung bawk a, Verandah hran anei a, ka va chhuak nghal vat a, ka thil hmuh avang chuan ka khek raih a




A inkha ka hmuh ropui loh tehlul nen chuan a thlang lamah chuan Swimming pool lian pangngai taka lo awm a,, a thim deuh tawh avangin light a lo eng chhiai bawk a, pool hual vel chuan grass a in phah chhuak vek bawk a, tin tennis court a lo awm bawk a, bulding pakhat lian vak lo a ding bawk a. God ka fang chak tawh tak zet.







Kawngka an rawn kik takah chuan ka chhawn vat a, ka lut nghal bawk a, ka bag khaiin tlangval keimah ang rual vel tur hi a rawn lut a, masam khawiah ge ka dah ang a, a ti a, kei chuan ti khan dah tawp rawh ka ti a.







“rem pui I ngai em” a ti leh



“ngai lo e, ka lawm e” ka tih chuan a chhuak nghal a



A tam hranlo bawk a, ka rem zo thuai a, mahni a in enkalw thang ka ni bawk a, ka tan chuan thil hahthlak ani lem lo




Dawr 7 a ri dawn hnai tawh a, ka ril pawh a tam lek lek tawh a,





“I va lo chhuk hma ve” a ti thawp sat a





‘ka in rem zo chiah a, I bawl zo tawh ami”





“azo tawh e, I duh hunah kan ei thei” a t ii leh a, dawhkan ah amah ep chuan ka thu thla nghal zat a






“tam lo e, ka bawlpui hman ta si lo che a”ka ti a





“lungngai suh, ka hnehsawh lutuk” ati , a nui suk a, a nui ka vawikhat hmuhna






Ka rin aiin ka chaw ie pawh a tui daih, ti ti pahin kan ei a, boruak chu a reh duk mai bawk s a, kei zarkawt a awm, engtik lai pawh a motor thawm hriattur awm leh bengcheng a awm thang tan chuan tun boruak nawmzia chu engmah hian a sawi fiah zo awm lo e.






In hnunglamah walk pahin I ti ti mai mai ang hmiang a tih chuan lawm takin ka zui nghal vat a





“ Tunah chuan ka nupui ni tawh a, nupui tih tur chin I tih ngei chu ka phut ang” a ti a, ka lo en kar a, a hmelah chuan engmah a hriat theih lo a, kalo bu ta rimngawt a, eng nge a sawi tum niang le, mutdun lam a sawi chhan em ni? Ani nen a mutdun ka ngaihtuah zawng ringawt chuan ka lungphu a rang nghal zaih zaih a, ka sen ta tawn tawn a





“I ngaihtuahna ang kha chu I duh a nih loh chuan ka phut lo che” a rawn ti a, a nui sak a, a nui hmel chu a tha em em zui, a mitmeng rum deuh al te kha a nuih zawng chuan a bo vek a, a hmel a ngainat awm kher mai, hmeltha ka ti..





“Engvanga kha lai a lo awm kha nge I nih”




“nangmah ang tho khan pasal neih ka tum a”





“Mr. Sailo maw” mak ka ti deuh a, ka lo meng phar awk a, mahse a awm tho e, a assistant kha min chhui tir vek ang chu, chungte chu hriat a har hauh lo ang





“ni e, nang zawk”




“keipawh nupui neih ka ngai a, nang ang lo takin ka pu vang ania, kan tlawh vat a ngai ang, alawm ngawt ang” a ti a, a pu a sawi lai chuan a hmel chu a dam thlup a, ahmangaih hle a nih ka ring ringawt a.





“kan inneihna hi thup rih ang kan ti maw ka ti a”




“ka pu chauhin a hria ang, lungngai suh” a tih chuan mak deuhin ka ring nghal thlap. Pool kal hual chuan kan walk pah zel a, ka kut a rawn hum chuan ka hik deuh mupin ka hria, a kut lum ham ham chu ka hrechiang lutuk tlat, ka tek sawk a ni maiin ka hria, ani pawhin a kut tiche mai lo chuan ka kut chu a hum vang vang a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:04 pm

Bung – 3




“ka pu chauhin a hria ang, lungngai suh” a tih chuan mak deuhin ka ring nghal thlap. Pool kal hual chuan kan walk pah zel a, ka kut a rawn hum chuan ka hik deuh mupin ka hria, a kut lum ham ham chu ka hrechiang lutuk tlat, ka tek sawk a ni maiin ka hria, ani pawhin a kut tic he mai lo chuan ka kut chu a hum vang vang a.



Ka en chho a, a sang hle ka chhoh en deuh ha a, a ni pawhin min lo en kar a, ka mit chu ka la hmasa ta zawk a, ka kut a human chu ka hre rauh rauh a.




Min hrilh duh em a tih chuan ka hrilh dawn nge dawn lo tih ka ngaihtuah a, mak deuh mai in ka thinlung hian a ring nghal thlap, a tlangpui chu ka hrilh ve nghal thuak thuak a, a changin ka kut a hum nghet deuh a, a mitmeng a min ngaihtuahna leh min khawngaihna lo lang chu hmuh thelh chi rual a ni lo, chu chuan min ti thlamuang emm em a.




“an mahni ti chhe vek turin min duh em” a ti a, a aw ah chuan a tih tak zia pawh ka hre thei nghal a




“duh lo e, keimah ngeiin ka hloh tawh chu ka la let leh ang, ka nu leh pa te min tuithlar khawp a ka lo dream ve pawh theihnghilhin min siam a, ka lla let leh vek ang” ka ti a, ka sawi nasa awk a, ka thawk te chu a chham deuh a, ka hnungah chuan min lo beng thek thek a.



“ka lawm e”ka ti sep a



“ka nupui tan te chuan” a ti a, ka va en chhoh chuan min lo siai zeuh bawk a, ka awm chu a nuam veng veng mai a ni.




Kan lut tawh dawn mi a tih chuan ka lo hnial bik o a, ka room kawngkhar thleng chu min thlah a, good night a ti sup a, kei pawhin nite nite ka lo ti let ve a, ka lut a, kawngka ka khar nghal a, kawngka ngheng chuan ka awm ka dawm a, ka va hlim tehreng em….





Ka awmdan chu a nuam veng veng a, khumah chuan ka mu a, ka phone pawh ka khawih peih lo a, Johnya khan vawikhatmah min lo call ta reng reng lo a, a thei hi kan ti khawp a, alang a mawi ah tal min lo call ve ka beisei te kha a ni ve sia, mahse a hnai lo mai, mimawl engmah pawh hrethiam loh ah min la ngai cheu ani tih ka hre thei, minlo ngai mai mai teh se.




Ka mutui kher mai, ka harh chuan zing dar 6 a lo ri tawh a, dar 5 velah hian ka harh tlangpui thin a, ka muttui hle a ni tih ka hrethei, tin ka thla amuang bawk. Ka tho a, ka inti fai vat vat a, walk hlk ka duh a vang chuan ka chhuk thla ta nghal a, pawn ka chhuak chu muansangpuia walk zo lo let turn en kan in tawkk a.



“morning, Gym I hmang duh em” a ti a



“morning , a awm a mi” ka zawhna chu ka sawi zawh rual chiah chuan ka mawlzia ka hre chhuak nghal, awmlo se engtin nge maw min zawh ang le.



“awm e, keipawh ka zo chiah, ka va hruai ang che” a ti a, ka zui ve ta nghal a,




Kekawr bul a ha a, Tshirt Body fit zaih mai, banbul a ha a, a sneaker bun chu a chhah that vang nge a lang lian zualin ka hria a, a taksa ah chuan thau chhia han sawi tur a awm lo reng reng, a ban te chu thahrui an ngah tih ahriat hle mai a, a hah vang nge a sen deuh tal bbawk a, a lang hang zual, mahse lang Pa tak ani. chhelo kan tih ang zawng zawng hi a nei kim vekin ka hria. A dar hlai hlap mai leh a kawg fek rat te chu …aa alang nalh vel vek a ni mai, a thlan deuh hlap awk a, a thlan rim leh a ma rim in pawlh te chu rimtui ka ti, tiang ka vawikhat hriatna





Gym kan thleng a, te fel nalh mai, mamawh ang chi chu a kimvek , ka lawmkher mai, a tir khan walk chauh ka ti thei dawn annih hi ka lo ti rilru kha ani a, duhthusam thlap an awm chuan min ti lawm,ka taksa ka enkawl uluk leh ka inlak fit angai si a, remchang hi kan ti khawp a.




Hman dan tur k athiam loh ho chu ka zawt a, minute 10 vel chu min awmpui a, min kalsan ta a, ka duh tawkin ka han in stretched kual a, mahni tawkah ka hah ve hle a,



Ka let leh chuan eirawng alo bawl dawn mek a,


“a nuam em”


“num khawp mai , I va bawl hma ve” a ti a



“dar 8 ah ka ei thin, ei rual thei ila ka duh bawk” alo ti a



“ awle, ka han in tleuh thuak age” ka ti a, ka tlan chho ta ngha zai zai a




Ka in shower thuak thuak a, minute 15 bak ka hmang lo , ka chhuk thlak chuan a lo la inpeih bik lo a, ka pui ve nghal char char a, ei siamah chuan ka buai hran lo, mahnia awm thang ka ni a, engkimm keimahin ka in ngaihtuah vek thin hrim hrim a, mahse kei aiin a ni chu a zei daih zawk




“motor pakhat hi I hmang dawn nia” a tih chuan tul ka lo ti l a, keipawhi n ka n ei ve reng tho a




“ngai lo ka motor ka hmang mai ang” ka ti a




“a that ka ring lo, ka motorin I kal anga, lam leh pawh duh leh in nghah tir lo in, khawchhungah chuan I motor I hmang mai dawn nia” a tih chuan hnial chi zel a ni lo tih ka hrethiam a,



“awle” ka ti tha ve mai a




Chaw ei hma chuan a in thlak leh vek a, in peih sa diamin chaw a ei a, kei erawh ka hmanhmawh lutuk loh avang chuan ka inthlak ve nghla lo a, a chaw ei lai chuan ka ngaihven ru reng a, kan in e tam lem lo, chaw chu bowl te tak te khat bak a ei lo ang, sa pawh a ei tam lo, thlai hrng leh salad erawh a ei tam hle thung a, kalo chik ru ve kar a, a duh zawng hriat chu ka tih ve tur a nit lat.




A kal liam chu ka en reng a, dar 8:40 ah a chhuak a, ka thlah ve thlap kha , a kal liam hnu chuan room ah ka tan chho vat a, ka phone ri tawp chiah chu ka hre hman a, a rawn rik leh takah chuan ka la nghal vat a, nghaktei a lo ni a.




“motor a mi ka rawn ken ang” engmah ka la hrilh lo tih ka hre chhuak chiah




“scooty in lo keng mai rawh, chuan office ah lo kal tlang la kan in hmu mai dawn nia” ka ti a




Hmanhmawh vak lo chuan ka insiam a, tih tur a awm em em lo bawk a, kal hma ila a that ka ring deuh a.




Ka insiam lai chuan ka in ngaihtuah a, ka chung a thil thleng chu ka lawm letling phian a, ka vanduai vannei ka in ti, mahse muansangpuia eng ang mi nge a nih ka hre chiang lo a, lo lawm chiam tur erawh a ni rih lo.




Misual tak chu a ni lo phawt a, tin a in enlawl dan hi ka duh chi tak, a ni ang te chuan a duh duh a neih theih dawn tehreng nen, mahse hetia mahni a eirawng a han inawlt eleh a han in enkawl vek te chu ka ngaihsan chi tak ani, mi fit tha leh in uluk hi ka ngaihsan zawng a ni a, tiang kawngah chuan Johnya hi ka hau zing hle a, duh aiin a in uluk lo a, ei leh in pawh a in control lo, Zarda ei te a ching chho a, ka ten zawng tak a ni a, mi pangngai ang a lang vai chhe rim nan rum rum hi ka ten




Vai ram a awm a, seilian ka ni awk a, heng Gutkha leh zarda lam hi chu slum a awm leh labour ho bakin an ei ngai si lo a, Mizorama ka awm hnu pawh a mak ka tih er ani, nula nalh deuh deuh te kha an ei rim nam rum rum zel a, mak ka lo ti thei khawp a, ka nu hnenah pawh ka sawi hial a, mahse ka awm rei deuh hnu hian ngaiah ka neih chho ta mai mai zawk a. Heleni pawh a changkang lo ka tihna chu hetiang rim chi hrang hrang hi anam leh rum rum thin a.




Offcice kawtah chuan ka chhuk tharh a, ka thleng hma phian a, nidangah chuan hnaite e ti lo hian dar 10 ai hma ah ka thlen ngai mang lo a.




Kan office pawh lut lo in, johny office ka lut nghal a, ani hi chu a thleng hma thin ziah a, akah a motor a awm tawh tlat, ki hmasa lo chuan awm leh awmloh ka ngaichang deuh a, kawngka tlem a a in hawn sa deuh avang chuan a chhuak an ih te ka ring deuh a




“Bawihte lungngai reng reng suh, ka lo cover leh vek ang che nidang a kan tih loh dan pawh a ni lo” Johnya aw ri ani, mi tawng lo ngaihthlak ruk chu a tha lo viau na chu, ka ngaihthlak a tul tlat.




Heleni ani ngei ang, an lo in hnem vel ni awm tak ani.



Johnya bawk chuan “inneih lam kha chu buai suh , a ni te chuan ka sawi ang ang a pawm leh tho ang, tun dinhmunah chuan naute leh nangmah kha in pawimawh ber” a ti a



Ka ner sak a, mahse an mi ngaih ang ngawt ka ni tawh dawn lo tur hi ka lawmna chu a ni.




Phone an dah ta ani ngei ang a reh ta vang vang a, chutah pawnah chuan thawm neiin kawngka chu ka kik ri nnghal a, min chhan na pawh nghak lo chuan ka lut nghal zat a




“babe I va hma ve” a hmel ah chuan tun ang hun a min hmu chu mak ti hmel a pu ve deuh a.




“nia, nimin lam in buai sia, chanchin ka lo ngaichang pah a” ka ti tha ve mai , a hma a thutna awmah chuan ka thu thla nghal zat a



“babe I hrethiam tiraw” a ti ro halh a, ahmelah chuan tlemin a zam ve deuh tih chu a lang reng a




“hrethiam tehreng mai, engnge a an tawh”



“a tha e, angaihtuah awm loh e, mahse a ke chu a hmang theilo ve deuh reng ang” a ti a




“a zia lo hle mai, engtin nge maw a chet sual re re le”




“ka rawn kal hma deuh chiah khan room atangin hian a chhuak a, a te ri ka hria a, ka va chhuah chuan step ah a lo in rap sual a lo ni a” a ti a, thil ka hrethiam ta uar mai, Johnya kal tur chu duh lovin amah leh amah a in ti na lui a ni tih chu ka hrethiam nghal vek a.




“remchang hmasa berah kan ti dawn nia” a ti a,ka lo bu ve nghat a, ka hma a thu, kalo duh ve em em thin chu ka en a, a hmel chu a mature lo a, anaupang chhia ka ti thar ta riau a, a eng hi nge k alo duh chha le tih chu ka in zawt hial a, ka rilruah Muansangpuia a lo lang a, a ni nen chuan tehkhin chi an ni lo, naupang leh puitling ang vel an ni. chutia ka lo tehkhin ve ringawt chu ka zak hnuhnawh kher mai.




“hetia a nat takah chuan natuk zan show ah chuan nangman a ai I awh leh mai a ngai dawn ani” a rawn ti leh ta chiah a,




“aih ka duh tawh lo ka tih kha, a hma in last ka tih tawh kha, ka tan pawh a hlauhawm”ka ti ve ta tlat a, hetia a ai ka awh hi ka duh tawh bik lo a. ka hnial a vang chuan mak a ti ve deuh a niang a meng phar awk a, nidang ang chu nise ka lo inthiam lo leh ngawt ang chu, mahse tunah chuan ka danglam tawh tlat a, ani ngaihdan care na chhan tur ka nei tawh lo a.




“Babe ka rilru buai sa tawh nak a laiin ti khan ti teh suh”




“a hma in ka sawi tawh, a tawp nan ka tih tawh kha, a theih dawn loh chuan sawi mai la, keimah min recommend mai rawh



“a theih loh tih I hriat kha” a ti chang rat a.



“nge a theih lohna”



“babe ka lakah i thinrim a mi, nge i hriat a” a ti ta hliai a



“Thinrimna chen te pawh a awm ve bawk ang chu” ka ti hmak a.




“Sorry babe, ka staff te an buai chuan ka buaina a nia” tih pah chuan a thaw halh a, ka hmel a hmuh chuan nuamlo ti hmel deuh hian “cammon babe, Heleni te chu ka nau ang a nia” a ti leh hluai a, kan thusawi lai chu ning tih hriat deuh hian a kut chu a ti che sek bawk a. Mahse ka theng ka thawngah a kal tawh thak lo




“Heleni ai awh chuan ka inlan tawh dawn lo” ka ti ta hmak a, mangang deuh hian a tho chhuak a, ka bulah chuan dingin ka sam chu a rawn zut a, ka ten lutuk , ka lo insangmar nghal teuh thei.




“Tunchiah , a tawp nan heihi heleni tan a pawimawh tih i hriat kha”




“Keimah min recommend mai thei a lawm, in thup ngai lovin ka ti thei vek ang” ka tih chuan a hmelah chuan insum theihna a nei tlem tawh tih a hriat lutuk, mahse ka hrethiam duhlo der tlat a, chutia a han awm vel chu hmuh nuam ka ti, a hma khan ka hnunglamah vawi engzat nge min lo nuihzat tawh ang le.




“nang chu a theih loh, a neitu ang i ni tawh a, Model ang a i awm hi ka phal tawh lo, kan innei thuai dawn a, kan Agency Model tha tak kan chher chhuah a ngai ngei ngei, bakah Heleni hi kumin kum tawp a Model tha a thlan chhuah ah a hming a lan ngei ngei a ngai, chu mai ani lo winner a nih a ngai.... chu chu kan agency tan a tha, tunchiah a ni tawh mai” a ti a




“ok. Tunchiah a tak tak a, a abak chu ka duh tawh lo ang” ka ti ta a, a hmel hlim nghal sawt sawt ka hmuh chuan ka ten kher mai




“ok babe inneih hun pawh kan sawi tha vat dawn nia, chuan Nagaland a thawn tur ho design kha lo en fel ang che aw” min ti nghal a, kal tawh turin min duh tih a hriat hle a, kei pawh fimkhur zetin ka thoo a, ka chhuak ve ta nghal a.



Kan room kak thlen chuan nghaktei pawh a lo thleng tawh a



“ka lo call hman tep che lawm” a lo ti a, ka nui sang ringawt a



“taka nghakte tunah ka awmna ka sawn lawk a, min sawm a ngai lo ang chuvangin office lo kal tlang zia tawh rawh” ka ti a


“nga ti nge? Khawiah maw? Nang hi i rilru na hi awm loh loh hian i lo awm a nge” he nu hi chuan min ngaihtuah ve chiang a lawm,




“nakinah ka hrilh fiah vek ang che, taka nghakte engpawh tawk ila ka tan i ding ngam a ngem” ka tih chuan min en vat a, ka hmel ah ka tih tak zia chu hria in



“Amelia he Agency i join atangin i tan char char a lawm ka din le, min ring thei ang” a ti a, ka ring nghal thlapp, hetia min chhan hi ka ring reng reng a, confirm nan ka zawt ve hrim hrim a ni.




“a nih chuan naktukah hian Heleni ai ka awh leh dawn a, tah chuan ka nihna tak ka reveal tawh dawn” ka tih chuan mak tiin a meng phar awk a, a nui ta var var a.




“kan naute chu alo puitling tawh ani maw, puitling game chu khel dun ila ani mai alawm” a ti a, rem chu kan ruat dun ta malh malh a.




Naktuk zan show hi a pawimawh riau a, Tanishiq jewellery brand Mizoramah an rawn in hawng dawn a, chumi show na a an master piece Ocean Blue lunghlu awrh tur ani, ka phur tawh lutuk hi ka za zek zek tawh a.




Nileng chuan Nagaland lama kal tur deisgn chu ka endik leh vek a, bakah programme neih hrang hrang ka en chhuak leh vek a, lunch pawh ei mumal hman lo chuan ka buai char char a, nghaktei pawh pawn lamah naktuk zan lam tur atan a in buatsaih ngal char char bawk a, a buai ve tawh khawp ang chu.


Hetiang hian he Agency ah hian neitu ni ang hrim a thahnem ngaiin ka lo thawk tawh thin kha ania, ka tha ka va ui tak,.....a tha vek e, ka hlawh ka hmu tho a lawm, a tlem chhe lem lo bawk a, keimah pawhin ka hman sen ik loh hi tiin ka in hnem pah a.




Dik tak chuan advertisement ah ringawt pawh hian ka idea kan hmang tam a, he Agency tan hian ka thawh hlawk ve thawkhat tih hi ka hrechiang a, mahse khang hun lai khan nei tu chan ka in chan a, chu chu johnya pawhin min fuih dan ani a, Modelling hi chu ti tlem la, Agency manage hi mi en pui zawk la, nakin lawkah chuah duh eng ang mah la, model i ni reng thei dawn lo a, tiin min fuih nan a hmang thin kha ani a.




Camera hma a confi tak mai han in post vel nuam ka tihna pawh ka lo theihnghilh hman tep zawk a nih hi




Ka buai em em lai chuan Johnya inkhalh chhuak chu ka hmu reng a, a kalna tur ka hriat a vangin ka hnar chu ka ti arh, ka hawisan vat a, ka rliru tih nat pawh hi an phu lo. Mahse tlawm intihna erawh ka nei nasa, mahse ka naupan tet a tang a nu leh zirtirna tha tak hnuai a seilian ka ni awk a, thinrim han control ve hi chu ka harsat lo




Ka pasal thar pawh ngaihtuah lek lo chuan ni chu ka hmang liam a, dar nga rik dawn chuan Driver ka call ta chauh a, Driver nen chuan kan in lam pan chuan kan tlan chhuak a, kan in ka ti em ni, kei hi ka ngaih a ngam sarh tawh, zan khat lek ka la riahna in chu ka in ang maiah ka ngai tawh a nia, ka in ang mai ni lo, kan in tiin ka ngaihtuah a ni a, mak pawh ka in ti zawk hle a.





Naktuk zan lo thleng tur mawlh chu ka nghakhlel tawh a, thil a kal sual tur a ni lo, ...a kal sual theilo hrim hrim, mi reng reng hian thil tha lo lam chu kan ngaihven vek, a bik takin entertainment lam mi te phei chu an chanchin tha lo lam hi chhuah nuam an ti riau tih ka hr eve kar, chuvanng chuan a kalsual thei lo hrim hrim.





Johny tan chuan naktuk zan show hi a pawimawh em em a, phailam company an ni a, pawisa sen pawh an in huam mai bak a, in hmelhriat nan a tul a, lo biakthat leh lo welcome that kha angai em em ani, a hma pawhin he hun hi kan sep rawtui nasa tawh a nih kha.



Ni e, a pawimawh em a awm, phailam nen a contact neih that laklawh tawh chan a in kahpuk chaw chho zut tawh ani a, in extend pawh a awlsam zaih tawh thin

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:05 pm

ka reh rei hle mai, ka lo ngai tawh lutuk che u a, zanin chu ngaihdam dil nan thui tawkin kan dah ange.... tun a tang chuan kan regular thei ve deuh tawh ang chu.... Edit pah zeuh zeuhin inlo chhiar mai dawn nia



Bung - 4



In kan thlen chuan Muansangpuia chu a lo la haw lo a ni ngei ang, a motor pawh ka hmu lo a, ka inthlak sawk sawk a, eirawng bawl turin ka chhuk thla nghal a, eirawngbawl chu ngailo se ka walk chak ang reng khawp mai a.



In chu a lo fel fai thlup mmai, chhuat pawh nawh fai hlarh a ni, he in inrelbawl dan hi kala hre tlem hle mai, Driver chahbi dah a rawn lut chu ka lo bia a



“Siama chhunah hian an ti fai ami” tih pah chuan chhuat chu ka kawk a



“aw, chhunah helai tifai tu pahnih an rawn duty ziah a lawm, dar li ah an haw thin” a ti a



“thingpui i duh em” ka ti ta daih a



“duh lo, eirawng awl te ka la ngai ve ang, ka awlni a nia” a ti mai a



“khawiah nge i chen a”



“hemi compound piahah sawn pu hian kan awmna tur nuam deuhin a sa a lawm, naupan tet atangin pute chhungkaw tan hian ka nu leh pa te an thawh avangin kan wm a lawm, tah chuan hei security ho pawh an cheng ve vek a lawm” a ti a,


“oh anih chu , a va rem ve” ka ti ta ringawt a, muansangpuia in enkawl dan leh inrelbawl dan chu a fel faiin ka duh chi tak a ni.



Chaw chu ahming tak meuh meuh chauhin ka chum a, keiin atta ka ei duh zawk bawk si a, ani in a eitlem tih ka hre ve kar a, ka chum tam lo khawp mai, alo haw hun a in tur grape juice fresh zet maiin ka her lawk sa diam a, Fridge ah ka dah vawt nghal bawk a.




Salad leh fruits chu ka chan mawlh mawlh a, kei hi salad hi tui ka ti ve vak lo a, fruits lam ka ei asa zawk a, mahse Muansangpuia kha chuan salad kha a ei nasa khawp mai



Maite pum lian lo te te chu ka steam awk a, a hmin tepin ka ring a, ka inpeih thawkhat tawh ani.



Dar 6 velah chuan a lo thleng ve mai a, a rawn luh chuan kalo chevel chu min hmuhin mak ti hmel a pu deuh a



“Nupui neih chu a va nuam ve” a rawnti lut nghal a, a hmel chu a hah dam hmel hluah hluah a




“ilo thleng thei maw? I chau em” ka lo ti ve var a




“chau lo e, kan meeting rei deuh a lawm le” a ti a, dining chiar chu pawt chhuakin a thu zui nghal a,




“kha in raw hi i hah awmsia” tiin juice chu ka pe nghal a, ka ta tur ka thli chhuak ve nghal a, a epah chuan ka thu a




“thanks, ilo hah viau ani maw, in haw tlai nen” a ti a,



“ Buai lo e” ka ti tha ve mai a, ka haw hun te lo hriat chat chat, engkim an report vek aniang chu ka ti mai a



Juice a in zawh chuan ka tho a, “ei rel ka peih tawh a, han inthlak la” ka ti a



Sana a bih zeuh a “Dar 7 ah kan ei dawnmiang, ka timing deuh a nia” a ti a



“a tha lawm, pawnah ka lo va chhuak thawveng a nge” ka ti a



Ka ngaih ang ai daihin kan pahnih boruak chu anuam ka ti, kan awmvel dan chu a romantic riau hian ka hria a, arrange marriage hi alo nawm phian dawn hi ka tih phah hial a




Chaw kan ei lai chuan naktuk zan programme tur ka hrilha, ka haw tlai tur thu leh ka in lamah ka riak mai dawn mi ka tih chuan a phal lo a, tlai hle pawh ni la heihi i in a ni tawh a, a ti dap dap a



“taka natuk zanah chuan Heleni ai ka awh leh dawn a, a tawpna tur a ni tawh ang” ka tih chuan min rawn en a, a nui sak a, hrethiam zet hian amit chu a ti sang uk a, kan nui dun ralh ralh a,



“ka nupui thar te reuh hian eng nge a tih ang chu ka hre chak tawh khawp mai” a ti a



“i hre mai ang” ka ti a, ka nuii var var a, maite steam chu a thlengah ka dah sak nghal zat a


“ka nupui te reuh hian min duat khawlo dawn tlat” a ti a, min fiamna ani tih hriaiin ka nui ve var var a.





He inah hian hmeichhia ka la hruai lut ngai miah lo a, mahse tunah chuan ka room piah maiah hmeichhia, chu pawh ka nupui leh nghal a mu ve a ni a, muhil theilo chuan ka in let sek a, henu hi ka hre lutuk tlat, model hunt ah a in lan tirh lai pawh khan ka hria chhelo ka ti hle , Mizo nula ah a tluk tur an vang khawp ang, a sang tha in, amah a cher lutuk lo a, itawm kan tih ang chi hi a ni a.



A hnu ah pawh a lar chho viau a, a reh ta daih kha ani a, Sailo agency neiutupa nen an inngaizawng tih chu ka hre ve reng a, khatia inneih register na a min lo aproached pawh khan ka hre reng a, ka han hre duh lo der vel kha ani a.


Ni e kei hian ka pu ka hmangaih em em avang chauh a nupui neih tum ka ni, ka pu in ka kal hma ngei hian nei rawh min ti si a, bakah ka pu hian a sumdawnna leh ro zawng zawng ka kutah a dah vek a, mahse nupui i nei ngei tur a ni tiin min intiam tir a, heti hian Cancer natna in a tlakbuak leh si avang a nupui neilo thei lo dinhmunah ka ding ta ani.



Kan chhungkua hi sumdawng chhungkua kan ni a, dawr hrang hrang kan enkawl bakah Hotel kan nei a, tunah chuan mizoram pawn lamah pawh mizo tamna hmunah chuan kan nei vek tawh bawk a, heng Shillong, guwahati, Kolkata, Bangalore ah te kan nei a, tunah hian Delhi lamah neih tumin hma kan la leh mek a, keini aia Sumdawnna lian nei chu an awm kher lo ang. Thawmhnaw lam thlengin kan ti ve vek a ni.


Hmeichhe kawm chu ka ngah viau a, mahse hmeichhia hi ka ka rin theih tawh miau loh avangin ngaihzawng nghet erawh ka nei lem lo thung. Ka kawp lawr ve duat a, hetia politics lama ka zuan luh tak avang hian chu pawh chu ka ti hlei thei tawh lo a, hmingchhiatna neih kha a theih tawh tlat loh.



Ka pu duh dan ang vek a politics ah pawh lut ka n i a, ka tui lem lo, mahse Mizoram dinhmun en hi chuan ka lut hi chu ka tisual vak lo, he politics tuinu hi siam that a chakawm ka ti, chuvang in tunhnaiah phei chuan hmeichhia kawp ka nei miah lo a.



Ka assistant rinawm em em mai thlenga hnenah keimah min rawn zar ve reng tu Doctor kha aneih tlak angem tiin ka rawn a, ani pawhin a tha ang a ti, Lalmalsawmi ani a, an chhungkua an zahawm a, ka nupui han ni tur a tan pawh tha tak a ni, a ni hian min zar na a rei ve tawh a, mahse chu ti takin ka lo hre chiang bik lo a, an chhungkua vel bak, mimal tak a inhriat chianna kan la nei lo a. Mali hi kan inpuiah pawh a lo riak zauh zauh tawh tho a.



Mahse khami ni khan Tun thut thut ah maw.? Chu pawh register ringawt maw? hun ka mamawh, ka hlauthawng, ka nu ten hre ve se a ti ani awm a, kha kha Thlengan a lo ngaithei lo nasa, phone a dah san hmak ani awm e. Thlenga hi chuan min tan ve chiang a lawm, ka tan mi rinawm ani bawk a, chutah Amelia khan ti khan min rawn dawr a, ka hmuh phat klhan tu nge a nih ka hre nghal vek, eng nge a chungah thleng mak ka ti hle a.


A chanchin leh a thil tawn min hrilh chuan ka khawngaih reuh hle a, a la naupangin career bright tak a nei a, a hmangaih viau anih ka ring, tih chhiat sak vek i duh em ka tih khan, amah ngeiin a ti dawn tih a sawi, ka ring thlap., lo inrawlh vak ka tum lo, mahse mah tak maiin he hmeichhia hi venhim duhna ka nei tlat, Thlenga hnenah khan amah vengtu bik ruat turin leh a thil tih engkim min hre vek turin ka chah thlap bawk a.


Kka room piaha mu ka nupui chhelo zet mu avang chuan ka in let sek a, ka nupui a ni a, venhim chu ka tih tur a ni tiin ngaihtuah mah ila, chhan dang engemaw kla hriatthiam loh venhim duhna awm zawk tih chu ka hre tho a.




Naktuk zanah programme a nei dawn tih a sawi khan ka lo hre vek tawh, min hrilh duh pawh ka ring lemlo kha ani a, min ring ve hle ni turah ka ngai tawp, Zarkawt a kan Studio an hmang dawn tih pawh ka hria, keipawh tel ve turin min sawm a, tel ka tumlo kha ani a, mahse tunah chuan ka tel ngei ang, a chetla vel pawh hmuh ka chak a lawm





Heleni assistant chuan in cheina room ah min hruai a, Johny a pawh pawn lamah chuan a vei tawn sek a, a chang leh a rawn lut a, a hmelah chuan a nervous in ka tisual ang tih a hlau aniang chu. Bakah tun tum chu ka hnial ve nasa si a, a hlauthawng pawh ani mahna



Kawrfual kerek tleng, silk hring duk nalh zet mai ka ha a, ka hak tur taka duan ani bawk a, ka inhmeh hle a, kawr nghawng neilo ani a, a dar ah bana sinte a awm a, ka nghawngah chuan thi Tanishq ho design ngei, diamond nalh tak taka chei Thi chu ka awrh bawk a, ka ngo bawk a, ka inhmeh hle tih keimah pawhin ka hria, ka sam chu tawn ka duh viauna in an phal lo a, a hmalam chu an kilh bo vek thung a, ka hnung lamah ka sam chu a uai thla nghiang a.


Bracelet nalh zet mai ka bun bawk a, vawiin a tana ka tel chhan chu thi leh bracelet vang hi a ni tih min hrilh mawlh mawlh reng a, Aizawl branch neitu nu pawh ka inchei zo a lo lut chu a rawn lungawi khawp a, Pu Johny, Heleni min kawhhmuh chu ka lawm kher mai, a in bel langsar nalh lutuk ka lawm kher mai ti chhuak ve hial a, Johnya chuan a tha ber zel a lawm ka kawh hmuh che u ati a, ka lo ner sawk a, ka hmai khuhna chu hawn daih hi kan chak khawp a.



Pawnlamah chuan programme an tan tawh a, thwm pawh a tha hle a, branch thar hawng tur, in fak duh an ni bawk a, an sawm zau in chanchin bu mi lam pawh an tam khawp tih ngkatei min hrilh a.



Ngaktei chu a rawn lut a, “a hun tep aw, engkim a tha vek e” tih pahin min rawn siai zauh a, ka lo nui sak a, kan pahnih chuan kan lungawi dun kher mai.


Ka kal a hun dawn tih min hrillh chuan ka ding chhuak nghal a, ka mask chu ka vuah tha mawlh mawlh a, mipui hma a ka in lan lohna a rei ve tawh bawk a, ka zam hle a, mahse tun hi zam hun a ni lo, nangmah i ni lo Heleni i ni tiin ka in fuih a, light eng ah chuan ka chhuak a, ka chhuak chiah chu thawm a reh nghal duk mai a, ka Diamond awrh te chu center of attraction chang tur an ni bawk a, light chuan keimah chiah min en a, chu pawh ka hmai chhun lo zelin, Johnya remruatna a ni ngei ang chu.



Ka chhuak chiah chu ka zamna zawng zawng a reh nghal vek a, music rem chuan stage hmalam chu panin ka ban chu lang thei tur ber chuan ka han inthehthil vel a, thlalakna a de nasa khermai, ka in her let tur in Muansangpuia tlar hmasa ber a lo thu chu ka hmu nghal a, ka thin chu a phu nasa kher mai, mahse ka in control vat a.


Minute thumn chhung chauh hun ka nei ani a, minute thum rei ber niin ka hria, stage hma ah chuan a sir zawnga dingin ka kut bracelet ka bunna chuamn ka dar khawihin, ka mawng chu ka ti pauh lah a, ka hmai erawh thlalak rem thei tur ang berin mipui lam ka hawi thung a, ka thi a lan theih nan ka hawisang deuh vah a, thlalakna ri char char chuan min ti confi kher mai.



“Khi khi Heleni a nilo” rawn ti tuar ri mipui thu khawp ngawi thuap karah chuan a ri ring kher mai,



“a ni lo, hetiang em em in a sang lo” a rawn ti leh , chutia rawn sawi tupa chu ka en a, Camera awrh danah Camera man anih ka ring a, a hmel chu ka hmuh ngai pawh ka hre lo a, mipui an thum ta huk a, kei chu awm tawp a. Mi zi nuai nuai karah a thenin i mask kha pelh rawh tih te thawm a awm nasa ngang mai a, keilah awmngaihna hre lo ber niawmin ka ding a tlat tawh bawk si nen,




rang zet hian Johny chu stage hnung atangin a rawn pen chhuak a, ka darah min rawn kuah a, min kal sawn pui a tum lai tak chuan pi zorini chuan “Mask kha phelh rawh” a rawn ti a, stage ah chuan a rawn lawn chho ve nghal bawk a, Tanishq lama an hotu ni awm tak vai pa pakhat pawh chu a bula mi te chuan an bekbawr a, a hmelah chuan a thinrim hle tih a hriat bawk a



kal luih kan tum chu ka banah min rawn pawt a. “mi zawng zawng hma ah hian i mask kha i phelh dawn nge keimahin ka pawtthla dawn”a rawn ti leh a, muang changin ka hawi chhuak a, ka a mask chu ka phelh a, Johnya chuan min lo dang tak na in ka lo phelh fel vek hman tawh tlat.


An e dual a, a thenin Amelia a nih khi an tih ri te thawm dang a tam mai, chulai boruak chu ka ti chhe ta vek a ni hrim a, Johnya thinrim lutuk chu a hmelah pawh a lang a. Pi zorini chuan “Johny heng hi engnge a awmzia” a ti chang fal a,




Johnya chuan hnung lamah kan in be dawn nia tih pah chuan min kuah chhuak a, minkuah chhuak nilo in min hnuk chhuak zawk te pawh a ang, ka thlan a sa phat phat mai a, kha vaipa leh Pi Zorin chu an rawn lut nghal a, Johny chu an rawn chhuahchhal nasa in an thinrim zia leh zanin prohgramme chhe vek avang hian i chawi ang an rawn ti a, Johny hmai pawh a sen vek tawh, ni e man chhuah a in ring miau lo a, lungawi fahranin kei ka lo thu a.




“i thawmhnaw kha phelh la chhuak nghal rawh” a rawn ti chang fal a, Pi zorini chetdan chu ka dem hauh lo, ka chan ni se ka nasa ve ngawt ang, miau ang chang in dressing room lam ka pan a, nghaktein min lo zui lut vat a, kan in nuih sak a, ka inthlak zung zung a, pawn lama buaina chu ka ngaih tawh der lo a, Johnya chu a duh duh in lo in sawi fel ve tawh rawh se. Ka buaina ani lo, lungawi takin ka khi sak a.




“i hming chu a chhe ve deuh dawn anih kha” nghaktei chuan a lo ti a



“ka duh dan chiah anih kha, ropui taka ka come back theilo anih chuan heti zawng tal a ka come back hi a ngai a lawm, chuan ka duhdan chiah ani bawk” a ti a.



Ka phone ri char char chu ka ngaihven peih lo a, ka inthlak zawh chuan ngaktei chuan “ ala chhuah chi loh ang, mi an tam lutuk, an chang thup che” a ti a kan nui sak a. Ka phone ri chhen chu ka ngaihtuah ta zawk a



Heleni a lo ni a “zawngi engtin nge i tih theih zawk a, i tih luih ani, johnya nen in inneih loh avangin i thinrim a, ka chunga phuba lak i tum anih kha” a rawn ti a, a rawn au ring kher mai.



“in sum rawh i hrilselna atan a tha lo ang nge” ka lo ti a, a rawn krak ring khawp mai, ka ngaithla peih lo a, ka phone chu ka beng a tang chuan ka dahthla ta daih a.



Nghatei chuan “phone kha chu en rih duh suh” a rawn ti a, ka hrethiam nghal a, en tumna pawh ka nei lo



Engtin nge kan haw ang tih ka ngaihtuah lai chuan kan awmna room chu a rawn in hawng a, Siama kha a lo dak a, ka lawmzia mai chu ka ding nghal a, nghaktei pawhin engmah min zawt lo in min zui nghal a, siama chu kan zuia , pawn kan chhuak chiah a, Mipa lian deuh deuh pathum hian min rawn din hual ngal a, siam chuan min rawn kai nghal bawk a, motor awmna thleng chuan min hruai a, kan lut vat a, nghaktei chuan zawhna mit meng tak hian min en a, ka lo hrethiam duhlo der tlat a.



Siama hnenah chuan nghaktei hi drop phawt ang Kulikawnah an awm a, ka ti a, an awmna hmun te ka hrilh a .



“naktuk ah ka lo lam dawn che nge?” nghaktei chuan a ti


“a ngailo ang, office ah kan in hmu dawn nia” ka ti tha ve mai a.



Ngaktei kan drop hnu chuan ngawi rengin kan tlan char char a, siama chu ka zawt duh viau na a, mahse muansangpuia zawh chu ka duh ta zawk a, siama te chu a hnuai thawk an ni a, han inpawh vak kha alo duh lo takin ka ti.



Engtin nge maw min rawn ngaihtuahna changte a hriat zawk ni.



In kan thlen chuan a ni pawh alo thleng tawh tih ka hre thei nghal mai a, inchhung ka lut nghal vat a, alo la inthlak bik lo a , minlo nghak a nih ka ring ve ngawt a.



“i che tha hle mai” a rawn ti a, a nui suk a, a eng ber a sawina nge ka hrethiam lo, ka in man chhuah tir kha nge stage a ka han chetla vel chu.. amah bawk chuan



“stage a i hah chetla vel kha nia ka tih, lo thu rawh, hei thei tui in ang” a ti a



A bulah chuan ka thu thla ve nghal a, no min pek chu ka ban nghal zat a



“ka lawm e, ka tih lohna a lo rei ve tawh si a, ka zam tep a lawm”



“a hma ang tho kha i la ni” a tih chuan mak tiin ka lo meng phar awk a, ka nui hawk hawk a, a bula ka awm vang nge ka hahdam hluah hluah in ka in hria


Muansangpuia bawk chuan “ khatianga ang i in man chhiah tir erawh mak ka lo ti deuh a, i hming a chhe vek dawn a sin”



“ka hria lawm, mahse tihdan dang a vang riau a”



“rem i ruat tha ang tih ka ring a, ka ngaihtuah lo che” min tih chuan mahni ah inrintawkna nasa tak m in siam a.



“ ka lawm e” ka ti sap a, sawi tur hre tawh lo chuan kan ngawi ta reng a, kan boruak chu a inthlak ta daih a, a hma a hahdam taka awm kha ka zam thar ta riau mai a, ka zam lutuk chuan ka aw ka thian a, a la ri chhuak tha thei lo zui. Kan chho tawh a nge tih pah chuan ka tho a, ka kal te chu min en zui reng a, ka zam hle ringawt mai a, room ka lut chiah chu thawk ka la nghal hawk hawk a.



Kei hi ka dik miah lo, hepa hi ka duh a ni chiang mai, ani thei lo thil thleng thei a ni lo a, ani te chuan hmangaih a nei a lawm ka lo duh ve tur a ni lo.



Tui chen ka chak viau an in a ham tawh si lo a, miutur chuan ka insiam ta zawk a, ka inbual thuak a, ka phone pawh ka la check hman lo a, message a tam ngawt ang chu



Johnya miss call tam tak alo awm a, Heleni cal ka hmu bawk a, henu hian zanin ah khan min rawn cal a, min vin vak kha ani a, khatiangin vawikhatmah min be ngai lo a, mahse a naupai vangin a in ti thei deuh nge niang khati tak a min rawn tih ngam, ka ngei kher mai.



Johnya chu ka call back vat a



“khawnge i awm daih, inah ka lo kal a”



“in a awmna chi ah ka ngailo deuh a, ka chhuak daih nih hi”



“khawi ah nge i awm”



“ka hrilh thei lo che” ka tih chuan a rum hak a, thinrim lo turin a in sum nasa viau in ka ring a, nidang chu nise a thinrim ka hlau hle awm si a, mahse ka hrelo der ve hmak tawh



“naktuk chu hma deuhah lo kal la” a ti tawi tak a


“awle ka lo tum dawn nia”


Phone chu khumah ka theh thla a, lotion ka inhnawih nghal mawlh mawlh a.



Mu pahi chuan ka phone chu ka en thuak thuak a, nghaktei ah chuan ka lutr vat a, mi min sawidan vel min hrilh a, instagram velah lut lo turin min rawn ti bawk a, ka like tawp ka nui sak a,




Hman a Amelia i kha ka ni tawh tlat lo , tunah chuan ka dang tawh, Insta ka lut a, ka enkual thuak thuak a, ka chanchin hlir chu ka zu hmu nghal a, zanina ka mask phelh lai vel te chu an lo chiang ngang mai si a, thenkhatah phei chuan min lo la tag zui, a va zia lo tak, ka nui sak a. mi min sawi chhiatna bak hmuh tur vak erawh a awm lo thung



Heleni lamtang ni awm takin a ziah ni awm tak chu ka en a, an thu ziah dan chu ka ka ner sak a.


Ti hian a lo in ziak a


“he model, chuai tawh lam hi rawn in lan leh a duh vangin em ni hetiang a tih? Tih thupui hmang ngeiin Heleni thlavang hauh tak chuan a chhe thei ang berin a lo inziak a”


Ka ngaipawimawh lo pawh ti ila,. a zahthlak chu ka ti ve tho a, mahse kha lo kha kawngdang a awm miau si lo a, hetiang harsatna hi larnan hman ka tum tur a ni tiin ka infuih sauh sauh thung a.




Ka mit kan chhing chu Muansangpuian min en reng kha ka mitthla ah a cham a, a hmel dam thlup phen a tih har hmelzet kha, mahse hai rual lohin a nupui ka nih ang chuan min ngaihtuah tih ka hria, tin a der a ni lo bawk.




Zanin a vang khan lawmthu ka la hrilh maih lo, ka sawi ngei chu a ngai ang, a naute kha awm lo se khalai hmun atang khan engtin nge ka chhuah ang, abuaithlak ve ngawt ang, bakah Pi Zorini te thinrimhmel ka pumpelh thei kha ka lawm, heng sumdawng mi hi chu an duh na ah chuan an fel theih zia leh an rapthlak theih zia hrechiang tu hi ka ni ve tlat a, ka hmachhawn peih lo a ni.




Bakah an rilru ka tina ve bawk si a, programme zawng zawng a buai phah vek si a, sum leh pai pawh an chan nasa khawpin ka ring.



Ka phone chu dahin ka mit ka chhing ta nghal daih a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:05 pm

Bung – 5






Dar 9 ah chuan office ah ka awm vang tawh a, Nghaktei erawh chu alo la thleng lo a, kan room ah pawh lut lo chuan Johnya a room chu pan ding nghal a.



Kik pah chuan ka lut zui a, Johnya chu rilru hah hmel zet hian a lo ding a, thlang lam tulverh chu a lo en run a, ka aw ka then karh karh hnu chuan a lo hawi ve chauh a



“good morning” ka ti chuai raih a


“morning, I va hma ve “ a ti leh mai a. ka ne ne ral ta vel mai mai a.



“ka lawm lo khawp mai, nizan thil thlengah kha”


“ka lawm bikin I ring a mi, miin engtin nge min ngaih tih te” ka ti ve hluai a


“kan agency hi mi in engtin nge min rin ngam tawh ang, Pi Zorini kha kan chungah a lungawi lo a, anni hi ti lawm lo thei kan ni lo, nakum Tanishq ho in all india level show an neihna ah Mizoram atangin Model pakhat an duh a, kan Agency ni ngei se ka tih laiin I fimkhur loh vangin ka chan thei, bakah nizan programme sen so thenkhat min chawi tir an tum bawk, ti lawmlo thei ka ni bawk si lo, nang hian engkim i ti buai vek” a tih chuan mak ka tih lutuk avang chuan ka lo ang pam ringawt a.


Keimah lam min ngaihtuahna pakhatmah a lang lo reng reng, a agency a hmingchhiat a vang chuah a thinrim leh heleni exposure chance tur awmlo a a hriat avang chauhin a ni a thinrim ni, thin rim lutuk vangin ka kut chu ka hum ngat ngat a.



Ka ngawi reng tih a hriat chuan a in thiam lo leh deuh a niang, ka lam a rawn hawi a “nang chu I Model career ang a a lo pawi ta a nih pawn, kan innei thuai tawh dawn tho a, kan inneih hnu chuan Model anga lan zel kha ka rem ti vak lo sa hrim hrim a” a ti a, kan inneihna chu hmatheh ah leh excuse ah a la hmang ve tang vang a



A va han inngaihlu tak em…. Kan inneihna avang zelin engkim hi a hmatheh zel a, engtin nge ka lo hriatthiam loh le. Kalo ngaihlu ve em em a, he Agency hi ka ta ang mai a en khan ka lo awm ve thin a, ka nuiih lam lam te a za zawk 



“keimah vang eng nge a nih na, a hma pawhin ka duh lo min man chhuak palh se ka ti ka ti a “ka ti ve a



“nang hi manchhuah kha I duh a mi le???” zawhna mitmeng taka min en pah chuan a ti hluai a



“ka hmingchhiat chu engvangin nge ka duh a nga”




“sorry, Babe ka rilru a buai deuh hlek a ni” tih pahin sana chu a en vut a, a thil tum chu ka hrethiam mai, Heleni bula kal a tum ani ngei ang



“press conference ko ila, nangma idea ti I nih ang in I sawi a ngai ang” hnial chi hauh lo hian a tic hang fal a



Ka sa ve ta phat mai “a teuh lo mai” ka ti tuarh a



Kalam pan chuan a rawn kal , min rawn kuah a tumna kut chu ka lo vai kiang a “Babe tun chauh amawh phur mai rawh, ka chan nasa dawn lutuk, bakah Heleni tan ahmingchhiat thlak lutuk ang, kum tawp a Model award an sem ah a lang lo palh ang tih a hlauhawm” a rawn ti leh a, chu pawh heleni tan bawk ani leh, ka thin a rim ve takzet tawh a


“A ni ringawt pawh chu” uar fahran chuan ka ti a



“babe ka sawi zing tawh lutuk, min sawi nawn tir tawh suh, a ni hi kan chher a ngai tih chu I hriat kha, kan opahnih tan, Family tan” a rawn ti leh a, ka nuih pawh a za tawh zawk, ka ngaihtuahna ka hmang zung zung a.



“Naktuk chu zing dar 11 ah I and PR hal ah press conference kan ko ang” a tih leh chuan ka hnial duh ta lo a



Damdawiinah ka kal dawn, ilo kal ve duh em a tih chuan nrang takin ka zui a, kan damlo chuan minhmu se engtin nge a awm ka hre chak lutuk


Johnya alo hmuh chuan a nuisang a, a hnung ah keiin ka zui a, ka hmel a hmu chiah chu a hlim hmel chu thinrimna in a rawn thlak nghal a.



A khum bul thut na ah chuan a mah hnaih thei ang berin ka thu a, ka nuih sang a, “eng nge I an, ka ngaihtuah lutuk che a” ka tih chuan a hmel chu thinrim puakkeh tur ang mai a ni.



“Johny engvangin nge henu hi ilo hruai ve” a ti tuarh a, a nupui hual ka la ni ve reng tih chu a theihnghilh nge ni, Johnya erawh inveng takinka bulah chuan a thu a, awm lo ila chu an inkuah ngeiin ka ring.


“ka pasal hual ka rawn zui ve chu sual ani mi, nizan lam kha chu ka tan a pawi ber zawk a nih kha, hmingchhia chu nang nilovin kei, chu pawh ka duhthlan vang ani lo” aw nem thei ang berin ka ti a, Johny an ka hmel a hmuh theih loh avang chuan Heleni en chuan ngei awm fe hian ka hmel chu ka han siam a, ka nui sawng bawk a.



Thinrim lutuk insum tih hriat zet hian hmmmm a ti chhuak a, a thinrim hmel chu ka lo en reng a,


“Johny min lo va chhuahsan mai teh u, keimah a awm ka duh” a ti thlawt a, kei chuan rang zet hian



“la awm rawh, kei kalo han chho ang , tih tur ka ngah ang reng sia” tih pah chuan chelh hman miah lovin ka chhuak ta nghal a, ka nui chhuak var var thung a,



Pawn ka thlen velah scarf in ka in khuh a, Sunglass ka bun nghal bawk a, nizan thil a vang khan miin min hmuh hi ka duh vak lo a, Nghaktei chu pawnah a lo ding reng tawh a, scooty ah chuan ka lawn nghal a, damdawiin a lo kal tlang tur khan ka hrilh sa diam tawh a



Kan thlen chuan nghaktei chuan “chuan engtin ngeni ta zel, keimah lam chu a fel documents pawh ka kawl vek tawh e, Head nurse khu ka hmlhriat hnai tak a lo ni hlauh a” phur zet hian a ti nghal bawrh bawrh a.



“a that nasat chu, naktuk ah press conference a awm dawn a, tah chuan ka kal ang” ka ti a, kan thawhpui nu Masangi chu hmanhmawh deuh hian alo tlan lut a



“Amelia Kan Agency press statement kha ilo hmu tawh em” a rawn ti a, a hmelah chuan thil tha tak a thleng lemlo tih pawh a hriat nghal a



Ka lu kalo thing ahmuh chuan aphone chu a rawn phawrh a, min entir ta nghal a…..



Ka ten lutuk, Johnya hian mi a emaw min ti ani ngei ang



“sailo Agency chuan he thil thleng hi pawi a ti a, ngaihdam a dil, chutih rualin kan hriatpuina ni miah lo a hetiang lo ti tu Model lakah hian hremna pawh kan pe ngei ang, Kan hnuai a thawk mah nise model ang in kan agency hming chuan a in lan pawh kan phal rih lo ang etc etc,” in sawi thiamna hrang hrang leh kei chu dim hauh lo a min neksawrna a lang chiang hle a, ka phone chu ka ban ziau na in nghaktei chuan minlo khap hman hlauh a.




Ni e, ka phone pawh an phu lo, tiang chung hian engtin nge press conference koh a, ka thiamloh a nih zia sawi tur a min la tur luih ngam le, hei hi ka limit a pel tawh.



“Nghakte engkim I peih vek tawh chuan naktuk press conference zawh a sarh nghal turin ilo arrange dawn nia” ka ti sap a, alo bu nghat a”ka nuam tih zawng tak” a ti a.



Instagramah ka lut a, thenkhat comments te chu ka chhiar thuak thuak a, a tam zawk chuan min ngei ti ila kan sawi sual lo ang, a lar tawh si lo a, in tih lar leh a tum dan hi a thing, a career a ti tawp blah blah a tam mai, chhiar peih chhung chu keimah min diriamna ani. Mahse ka nui sak a, min diriam tu te hi nakin lawk a min khawngaih em em tur an ni tih chu ka hrechiang tlat. Thudik an hriat loh vang mai mai ani


“khatiang kah en en suh” a rawn ti hluk a


Nuisangin nghaktei chu ka en a “a nuam ka ti” ka ti sap a, a nui ta var var a




Johny POV

Heleni thinrim ang thawm chu ka ngaithla reng a, ani hi ka ngaihzawng hlui ani a, keimah vanga Modelling pawh ti chho a ni, ka thlah thlam thiang hauh lo, tunah phei chuan ka fa pai leh nghal.



“Johny my dear kha nu khan a ti lui chiang lutuk, in hriat tir kha tum hrim hrim” thinrim lutukin a ti a


“Bawihte insum rawh, naute tan pawh thinrim lutuk kha a tha lo hrim hrim, a tih luih chu a ni lo a lawm, tih luih na chang pawh a hre lo” ka ti a



“a hmel kha I hmulo a nih kha, pawi tihna an nei lo, min hmusit lutuk, bakah lawm hmel a pu”



“I thinrim lutuk a nih kha , ka hria lawm Amelia chuan chutiang a ti hauh lo ang, tunah pawh press conference ah a sawi dawnlawm”


“pet chhuah vang vang ka duh” ala ti hmarh hmarh a


“dawh hram harm rawh, kan la mamawh si anih hi”


“I ti ve ziah nang pawh hi, I duh a nih kha, kha nu kha, sawi tha rawh, a tul chuan naute pawh ka ti tla mai ang” ati zui hmarh hmarh a, chu zawng ka ti hauh lo ang



“nau tih tlak kha vawikhatmah sawi tawh suh, nangmah vang vekin leh Kum tawp model award i dawn loh hlau in anih hi engkim ka tih ni” ka ti a, Heleni mu bem mai chu ka khawngaih tak zet a, a lu chul ka tum chu duh loin a hawisan a, ka thaw hak a



“ka hmangaih che tih I hria a lawm” ka ti a


“A hre khawp ang khanu khan, ka hmingchhiat man hi chu a pe ve khawp ang, nang hi neih che a duh a, mahse a nei ngai lo ang che” a tih chuan ka en reng a



“a hma pawhin nangma ai a lo in lan fo tawh , tun tum chu ka duh tawhlo a ti ve a, a tawp nan tiin ka nawr lu ive bawk a lawm le, mahse naktuk ah mipui hma ah ngaihdam a dil turin ka hmin leh hram kha, ka hriatpuina tel lo a, ama thu a lo ti ve ang a sawi turin ka ti leh diam tawh” ka tih chuan Heleni pawh a lungawi ve ta deuh aniang, a nuisak a.



Heleni hi chhelo viau mahse Model ni turin a fit em em lo, a zei hran vak lo a, mahse tunah chuan lar ve tawh tak ani, hei lar a la vawrh chho zel hi ka tum a, tunah pawh award han dawng se, phailamah training tur angin kal se, nau neih zawhah lo haw se, hmingchhe miah loin a awm theih dan tur ka ruat fel vek tawh a, a pawimawh ber chu award dawn ani tawp mai, chu chu a career tan a pawimawh em em a ni.





Press mi chu beisei aia tam an awm a, ka bula Johnya a thu ve bawk a, an tan chiah chu zawhna min rawn zawt nghal sup sup a, pakhat ka hriat chian em em chu


“I lar tawh si lo a, Heleni lar chho mek hi I thik deuh em ni” tih chu kabengah chuana ri ring ber a,


“Press mi lo kal zawng zawngte leh Zoram mi puite, min ngaidam turin ka duh che u a, ni e project ka nei tawh ngai si lo a, khatia Heleni damdawiin awm lai tak kha remchang la in keima thu in rem ka lo ruat ve ngawt mai a, min hre chhuak leh ta si a, ngaihdam ka dil tak meuh meuh ani” ka ti ta a.



Johnyan mak ti hmel tak a min en chu ka hre lo der a, chu bak engmah ka sawi tawh lo a, Johnya chuan mipui henah ngaihdam a dil ve bawk kei pawh hrem ngai ka nih thu te a sawi a, min thup mawina pakhatmah a nei lo, mahse pawi ka ti hauh lo, a tih tur awm rengah ka ngai.



Zawhna awm te chu a duh dan danin a chhang a engtin nge a chhan pawh ka hre tawh lo, ka ngaithla peih lo, mi thinrim hma a thut reng chu hreawm ka ti, atheni an phone in an livengei tihhriat lutukin hnai tak tak ah min lo tin bawk nen a luhai thlak kher mai




Kan chhuah hnu chuan Johnya hnenah chuan “ ka haw nghal mai dawn, office a rawn let leh chi pawh ka ni lo” ka ti sap a



Min hrethiamawm tak hian “Babe a pawi hle mai, mahse kan pahnih tan vek a nia” a ti a, a hmel a min khawngaihan der tak mai chu ka en rei peih lo thung a.



In ka thlen chuan ka mu ka hadam sawng sawng a, tuma chimbuai phak a ka awmlo ringawt pawh chuan min ti hahdam sawng sawng a.



Nghaktei in min rawn cal a, ka ti zo chiah a tih chuan ka nui var var a. ka phone ka off nghal daih a.



Ka phone pakhat zawk ka lei thar chu ka on nghal thung a, heihi chu nghaktei chiahin a hre thung a



Video pakhat leak out chung chang chu an lo khel leh luih luih tawh a, Whatsap lamah pawh a darh tawh ngeiin ka ring a, chu video fiah zetah chuan Johny an



““a hma pawhin nangma ai a lo in lan fo tawh , tun tum chu ka duh tawhlo a ti ve a, a tawp nan tiin ka nawrluive bawk a lawm le, mahse naktuk ah mipui hma ah ngaihdam a dil turin ka hminleh hram kha, ka hriatpuina tel lo a, ama thu a lo ti ve ang a sawi turin ka ti leh diam tawh” a tih chu a voicenen chiang tak a lo lak tih hriat hlauh hluah a, ka tum aiin a chiang zawk daih ani.

Tunah chuan min pek ang chiah in dawng let ve tawh ang ka ti sap a, ngaktei ka cal nghal a,



“ilo hmu em” a rawn ti nghal thawr a


“hmuchiang e, thanks mahse engtin nge I lo neih hman” ka ti a



“min zawt duh suh, kan card a tha rih anih hi” a rawn nui hak hak a “chuan next” a rawn ti zui leh zat a



“a rai ngei tih proofna documents kanmamawh ang, tun a tan nilo, nakin a tan”ka ti zui leh a



“a theih mai ang” ati awlsam thliam a, ka ring tawk bawk, a theih loh tur hi chu a sawi ngai lem lo a ni.



“an hriat chhuah hunah che I hlau em” ka tih chuan anui leh hak hak a,



“min ban anga ni mai lawm” a rawn ti awlsam et a, naute chawmlai nei ani a, ka ngaihtuah ve deuh a.


Muansangpuia alo haw chuan swimmng pool atangin ka let leh chiah a, hunawl ka nei bawk a tiin vawiin chu ka lo inla thawveng ve a



Motor atang a lo chhuk chu ka lo nghak a, a lo nui suk a, a hmeltha kher mai



“I va haw hma ve” ka ti sap a


“ka nupui thil tihdan te reuh kha lawm a phu in ka hria a” a rawn tih chuan ka nui sak a


Eirawng kan bawl dun malh malh a, press conference a thil thlengte chu ka hrilh ve a, a ni pawhin ngun takin alo ngai thla a.


Chawi ei kham chuan I walk ang hmiang ati a, ka lo aw ve mai a, a rual zel chuan kan kal a, keimah hi ka dik tlat lo, ka insang mar teuh a, a tir lam ka awm ang khan ka awm thei tawh lo, min uap tlat tawh



“I tha meuh em” a tih chuan kalo nui ringawt a, “engkim a tha leh vek mai ang” a ti



“ni e, tha vek ang” ka lo tilet ve sap a



“hna thawh tur ka nei a, kan let tawh dawn mi” a ti a ka lo bu nghat a



“tak in naktuk chu ka pu kan tlawh dawn mi, min nghakhlel tawh sia” a tih chuan ka hman theih tur thu in ka lo hrilh ve nghal a.



Room ah chuan ka meng reng a, dar 9 chauh a la ri a, ka phone chu ka on chhin a, ka nu misscall ka hmunghal a, ka nu chuan min ngaihtuah ngawt ang chu, ka nu hi chuan min be reng reng thin a nia, ala hma bawk a, ala mu dawn lo hrim hrim ka call nghal a



Min ngaihtuah zia chu ka hre thei nghal, ka hnem zui mawlh mawlh a, Video kha alo la hmu ve si lo a, ka hrilhfiah chuan a thla amuang huai a, bawihi khapa kha I neih a tan chuan ka ngaih a ngam thei lo a rawn ti a, ni e a dik nu tan chuan rin a har tawh dawn em a sin, ka neih loh tur thu ka hrilh chuan a lawm hmel khawp a. I pa pawhin angaihtuah lutuk che a, phone rawh min ti ve sek a atih chuan ka nui sak a, ka pa ani maiu a lawm ka ti rilru a.,



Nu leh pa te hi chuan engang pawhin min haw mahse an fate hi chu an thlahthlam thei tak tak chuang lo a, heihi ka hre ve kar a, a bik takin kei phei hi chu thuawihna reng reng hi ka nei ngailo, ka duh ang hlirin ka kal a, ka pu chuan I pa zia chiah chiah min ti thin a.



Mizorama college kal an phal lo chung chung kan kal lui a, chutah Modelling lamah kalin an duh loh kan ngaizawng leh a, ka pa tan hi chuan ka ngeiawm ve thlawt. Mahse tunah chuan an lawm zawng hlirin ka awm ve tawh tur a ni ka ti zui sap a.



Johnya cal erawh ka cal back duh ta lo a, Johnya ngaihtuah ka tum pawn ka thei lo, Muansangpuia hlir ka mitthla ah a awm a, he pa hi ka duh takzet ani tih ka pha lo, hmeichhe tan chuan duhthu sam ani, a hma in hmeichhia a kawp lawr zut tih pawh ka hria, mahse hetia Minister a nih atang hi chuan hmeichhia kawp sawi tur ka hre miah lo.



Ka ngaihtuahna vang chuan ka thu chhuak hluai a, ni e khanu kha tu nge niang le. Muansangpuia neih tum kha, thikna in min rawn tuam nghal hlawp hawlp thei a nih chu… Tu nge ni ta ang le khanu kha, Muansangpuia hian a hmangaih viau anih ka ring…



Ka mu thla leh riai riai a.



Zing dar 10 ah chuan office ka thleng a, Johnya call kha ka la duh miah lo a, whatsapp pawh ka check duh ta miah lo kha ani a, chuvang chuan ka room lamah ka lut ta nghal daih a, ka in enfel nghal mawlh mawlha, ka ring sual lo khawp mai, Johnya chuan min rawn ko nghal a, peih lo zet chuan ka chho a, inchung lamah ani hi a awm a.




Kawngka alo in hawn sa avangin kik lo chuan ka lut ve tawp a, dawhtheihna a nei tlem tih hriat fahranin a lo ding rum ula, hlau awm deuh chuan ka va lut de de a, “khawiah hrep nge I awm bo a”



Ka ngawi reng a, ka kut a ka phone humlai chu rawn phih thla tawpin, heng te hi ngatan nge I tih a ti tuarh a, mak ti awm deuh hian a chet dan chu ka en reng a, ani chuan ka shocked lutuk emaw ka hlau lutuk emaw a ti ngei ang, hmahse kei chuan hmuhnawm ka ti zawk ani.



“ I tih tir vek ti raw” a ti a, kei hah chuanhrelo der thei ang berin



“eng maw? I duh ang thlapin engkim ka sawi vek a, nge ni leh ta” ka ti ve hliai a.


A kut chu a vai thuak a, a hmai chu a huih pawp a, a rilru chu a hah takzet tih a hriat hle a



A thu thla hnawk a, “ni e, I tih ani lo ang. Tu nge a ti tu niang le” a ti a, a phone chu a bannghal zat a, kei chu ngawi rengin ti dei hian ka lo thu a, a che vel chu hmuh hmaih ka nei ang tih hlau takin ka en kar a.



“Rina I lo zawng chhuak tawh em, kha video theh darh tu kha” a ti a… lehlama mi tawng chu ka hre thei lo a, an in be mawlh mawlh a, a biak hi Johnya rin ve em em, Rinawma a ni a, Nghaktei chuan Rinmawla y ti thin a, Mi phakar deuh mai, pute tih lawm thiam tak, engmah ti peih lem lo tawngkam tha hluak mai ani a,, ka nui sak a …. A ni khan a hre chhuak awm lo em mai ka ti rilru a.




Phone a dah zo, engngemaw sawi a tum leh lai tak chuan a phone a rawn ri leh a. ka hmu hman Heleni ani, a lak loh ka ring a, mahse a la ta tho a.



“aw hei Amelia nen pawh kan lo sawi dun mek a” tiin bul an tan a, min hnung chawn a, ka en thina tiang mihring Man lo lutuk leh mahni duh ang pawh tan ngam lo, ka bialpa lo ni tawh thin leh ka lo neih tum ve hi, ka ngainep ngawih ngawih. Engtin nge a hma khan a nihna hi ka lo hmu thiam ngai lo ani.



“vawiinah Heleni alo chhuak dawn a, kan zu hruai dawn mi niang” a tih chuan ka ngaihtuahna ram atang chuan ka harh kawk a, a hming chauhin min sawm ve thin ka hre thiam ve tho a.




“ka hmuh chak loh ang bawkin ani pawhin min hmu chak vak bik lo ang” hnar ti arh hak pah chuan ka ti a, Johnya chu a lo ner sak a,



“Babe hriatthiam tum rawh, a tan chuan a zahthlak ve dawn em a” ati a


“ka tan hian a zahthlak loh bik em ni?” ka tih chuan, inthaim lo hmel ve deuh hian min en a mahse “nang te chuan min nei a lawm” a ti a, minen vang vang a, ka nui lui ta sak a.



Ka dawhkan chu ka kut tang chuan ka tlir zaih zaih a, tih tur ka ngah si, mahse han tih tan ber tur ka hre lo a, bakah Tlailamah muangsangpuia pu bulah kan kal dawn leh nghal vei nen, huphurh tak te in ka huphurh a.



Zinglamah lah khan pangngai thei ang ber a awm tumin tan ka la nasa mahse a sawt lo khawp mai, kak chevel pawh a khawr tut a, ani pawhin ka boruak danglam chu a hrethiam ve a niang chu a ngawi ngul bawk a., tang teuhin kan in bye bye liam thei hram kha ani a.



A hmel pa leh cool lutuk, rin tlak em em si kha ka mitthla ah chuana cham ta reng a.


Ngaktei chuan “nanghi khawiah chiah nge I awm” rawn ti leh a



Ka nui ringawt a, “tukin pawh amngnghilh vngin ka rawn pengkawi hram a” zawhna mit meng zet chuan min en a



“nakinah ka la hrilh vek ang che, ka ngaihtuah awm loh ania” ka tih chuan min zawt zui duh bik lo a.



Johnya a rawn let leh chuan hmanhmawh zetin kan room a rawn pan a, a hmel chu a nelawm vak lo a, thinrim hmel a pu lek lek a, kan lo en deuh thap a.



“Amelia ka room ah chho lawk ang” a ti a, zawhna zawh let chi hmel a pu lo a, ka tho vat a, nghaktein min ngaihtauh zet a min en reng chu ka chhiatkhum zeuh a, ka zui chho ta dat dat a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:05 pm

Bung - 6





“Amelia ka room ah chho lawk ang” a ti a, zawhna zawh let chi hmel a pu lo a, ka tho vat a, nghaktein min ngaihtauh zet a min en reng chu ka chhiatkhum zeuh a, ka zui chho ta dat dat a.




Room kan luh chuan “Thu rawh” a ti hmuk a, ngawi rengin ka thu a




“heleni chu a chhuak thei em?” ka ti a





“aw chhuak thei e,naktukah a rawn kal thei ang” ati tha ve mai a



“I hriat ang khan Pi zorini te kha an thinrimkhawp a, kan la indawr mek a, mahse Tanishq a an pu ber hmanni a lo kal ve khan deal a rawn nei a”





“nge ni ta” ka lo ti vat a



“nangmah kha NE Banner a tan hman che an duh a, shooting pawh hetah tih ani ang a” ka lo lawm khawp mai a





engmah ka sawi ve hma chuan “mahse lo hnial turin ka duh che a, pasal ka nei dawn si a, Heleni ta tur tho ani bawk a, a ni hian ti se, I ti a nga” a ti a, a hmelah chaun zahna pakhatmah alang lo a, chik taka ka en pawhin in thiamlohna a awm hauh lo



“keimah personally a min duh a nih chuan ngaihdam dilna ni pah fawmin kan ti mai ang chu”ka ti ve hmak a





“ka sawi tawh kha, mipui hma a inlan tawh lo turin ka duh che a lawm”



“a nih chuan hnial mai la”





“kan hnial tawp chuan a thiamlo zawk kan ni a min sue thei tlat sia” a ti hap a “Nga ti nge tunlai hi min hnial reng a” a ti chhuak ta hluaia min en reng a



Ka chhan dawn lai tak chuan kawngka kik ri kan hre ta si a, ka chhang ta lo law law a, Pi Zorini chu chu a rawn lut a, min hmuh chuan a hmel chu a la mawi lutuk lo mahse nimin ai chuan hmuh nuam tak ani tawh




Johny chuan a lo welcome vat a, a hmelah chuan a lawm hlawl lo tih ahriat reng sa





“thut pawh ka thu rei lo ang, in video pawh ka lo hmu a, in sumdawnna chu in lo duh uluk lo hle mai” a ti a, kei lah chu mi fel ber niawm takin ka ngawi kar a, Johnya chu a thawk hak a “a zia lo khawp mai….” Pi Zorini chuan a rawn khap a. “I thiamthu sawi ngaithla tur a lo kal ka ni lo, kan pu ten Amelia hi an duh avang zawk chauh a nem kan ni, kan duh ang chuan in ti thei dawn em tih hre turin ka kalo kal ani” a ti ta hmak a, Johny tan pawh han sawi zui ngaihna vang tur tak a ni.





Kei chuan “Ni e keimah lamah chuan harsatna ka nei lo e, ka in peih reng” ka lo ti vat a, Johnya chu ka en duh lo lui tlat a, a thinrim teh ang chu, mahse eng nge tih theih a neih chuang, a hlauhber Pi Zorini ber a bulah a awm a.



“heleni zawk in hmang thei a ngem, I hriat angin inneih kan tum hnai chho a” Johnya chuan a lo ti vat a, pi zorini chuan nem fahran lo chuan “an duh chu Heleni ni lovin, Amelia ani,” a ti chang fal a chutah “Harsatna in neih chuan ka kal dawn” a ti a , a tho ta hmak a, Johny chuan “nei lo e kan ti fel dawn nia” a ti ta vat a, he mihring hi chuan in phahhniam hunte, tlawm hunte a va han hre thei tak em, ka ten zawk.





An pahniha in be tur chuan ka chhuahsan a, ka nui chhuak var var a, ka tum loh dan tak athil a in her a vang chuan ka alwm hle a. Phone ri chu ka en vat a, number tawp ani, zang vah hian ka la a, lehlam a tang aw thum tha zet rawn tawng chhuak ri chuan ka thil tih lai chawl meuhin a tawng chu min ngaihthlak tir a, Muansanga number hi ka lo nei miahlo tih ka hre chiah




Tlailam chaw eina tur min rawn remind a lo ni a, kan in be zo vat a, ngaktei hnenah thil thleng chu ka report thuak thuak a, min lawmpui ve khawp a.




Ka chaw eina pawh a nuam ka ti a, kan haw tlai lo, Dar 8 ah chuan in kan thleng fel leh vek tawh a, Muansanga pu hi Pu. Ngurchungnunga ani a, pa lar tak ani a, keipawhin ka hria, mi harsa leh rethie tan a luangchhuak nasa thin a, chuvang taka keipawhin hria ka ni, a damlo chu ka rin ai takin a lo chau lo a, enkawl uluk tih a hriat hle a, an ti ti ka ngaihthlak atang kha chuan muansanga tan chua a engkim a ni ber hmel khawp mai, ka zawt chak viau na in, ka zawt ta lo mai.




“taka Tanishiq ho khan shooting neih an duh a keimah kher min duh a, eng nge maw I ti te a ni lo maw” ka yti a



“ti lo e” mtiin min chhang tawp a, ka en deuh vang vanga



“ka theih chin chinah keimah tih ka duh, nangmah vanga lar ka duh miah lo ania” ka ti leh sep a




“ka hria alawm, I la lar chhuak leh em em ang ka ring tawk che a ti sup a” ka kut chu a rawn vuan a, ka lo sa nghal pawp pawp thei. In kan thlen thleng chuan kan tawng tawh lo a, mahse ka kut a chelh chu a thlah hauh lo.





“tui ka cheng zuai a nga, ka mu nghal ang” ka tih chuan “lo zawm ve che ila pawi I ti em” a ti sup a, ka lu ka lo thing a



A tir lam a kan boruak cool deuh kha ka ngai, tunah chuan keimah ka dik lo a, ka tang teuh a , nuam ka ti lo.




“nak tukah ka zin dawn a” a rawn ti a




“khawiah maw? Teh thut chuan”




“a hma a programme awmsa tawh ani a, Delhi meeting kan nei dawn a, kar khat lai ka cham mai thei” a ti leh a



“a nih chu tluang deuhin in nei dawn nia” ka ti a, min chhan na pawh nghak lo chuan ka hleuh kual pap pap a





Dar kar khat dawn kan chen hnu chuan “chhuak tawh ang hmiang, hriltlang I kai ang” ati a, kei pawh thuawih takin ka chhuak a, kan room ve ve kan pan dawn chuan kan inmangtha tawp a





Mu theilo chuan ka let ka let a, Muansangpuia taksa nalh lutuk leh enkawl uluk lutuk tih hriat tak khan ka ngaihtuahna a ti buai, han khawih vel anuam ngawtin ka ring a, ka nagihtauhna a vang chuan zak lutukin ka sen awp awp a, ka insik vak a, Johny a pawh hetiang hian vawikhat mah ka la ngaihtuah ngai lo.






Sialsuk tlangah shooting kan nei a, Muansangpuia zinna pwh ni 2 lai a liam tawh a, a awm loh chuan in chu a ruak ngawih ngawih a, ni lo keimah zawk hi ka ruak ngawih ngawih zawk ani, a thlen hlima min lo biak bak chu min be tawh lo a, keipawhin ka be bik lo a. a hming chauh a ka pasal kha a ni a, han biakna chhan tur ka nei lo ve em em bawk a ni…..





Shooting tawp ber na tur ani tawh a, ka kawr chu thlak a ngai a, ahma tawh vak loh avang chuan kan ti zung zung a, nikhat a sialsuk a mi chu zawh hram an duh bwk si nen kan hmanhmawh tawh hle a, ka in post tan leh chiah tih chuan ka thak deuh ta sep sep a, a thak dan lah chu a kang emaw tih mai tur ani, a sa deuh hut hut bawka, ka lo che sek aniang chu Camera man chuan min rawn khak ta hial a, ka inthiam lo ang reng si nen ka tuar ta ngawt ngawt a, shooting rei ber chu a va ni em.





Kan zo chiah chu “ka thak nasa lutuk ka kawr hak hi a dik lo ani” tiin ka au tuar h a, an lo kal khawm nghal sap sap a, nghaktei chuan dressing roomah min kai nghal vat a, min chei tunu a rawn ;lut ve bawk a, ka kawr an han phelh chiah chu a lo sen tuak mia , ka kawrin a khuh chin chu sen vek, a na in a sa hut hut a, tui chuan min han hru thuak thuak a, an hruk zawngte chuan a pilh vek emaw tih mai tur a nasa in a thip a.





Pi zorini chu a rawn lut vat a, min hmuh chuan a chek tlak tlak a, ka kawr chu a en nghal thuak thuak a, ka rei thil eng nge maw chu an spray chiang ani, nangni hi eng nge diklo a, buaina hi in kengtel ziah mai a ti hmarh hmarh a. a chhuak ta nghal daih a, ka ngei angreng khawp a, mahse ka demlo a thiamlo hmasa zawk ka ni tlat a.





Mahse hriat chhuah ka nei, ni e chhan awmlo in he thil hi an ti lo tawp ang, a ti tu pawh ka hre nghal mai. An va han rapthlak tak e aw…, nghaktei nen chuan kan in enralh mitmengah chuan a hrethiam tih ka hre nghal





Hmanhamwh takin kan tlan haw a, Casualty kan lut ta ngal a, Doctor min en chu a chek tlak tlak a, hmacha thak tawk tak kan na anih hi” a ti a, dam dawi min pe nghal a, hnawih chi pawh min hnawih nghal mawlh mawlh a.



Ngaktei nen kan hawna lam a in ang lo chu ka lawm teh e, ka tum ai hma in a hrechhuak ang tih ka hlau a ni.





Siama chuan vaivakawnah min lo nghak tawh a, kan haw vat a, room ka lut chiah chu ka tah a chhuak kher mai, dan ruallohin ka mittui a rawn tla a, ,mal in tih na leh mahni inkhawngaihna chuan ka khat a. Muansangpuian min call teh tlat a, ka mittui chu ka hru sawk sawk a, ka aw chu a zangkhai thei ang ber turin a ki ka ti sang a



Ka aw a hriat chuan a thaw hrawih a “I thamiah lo” a rawn ti nghal tawng a, a aw ah chuan min ngaihtuah zia a der mai anilo tih pka pawm nghal thlap




“ka tha lawm, in meeting chu in tluang em” ka ti vat a,



“tluang ani mai e, nilengin kan meeting a vawiin pawh, vawiin lam shooting na ah eng nge thleng” a ti thawp sat a, a aw cool ruih mai leh ril ruih mai chuan min ti zam a, ka khur deuh dar dar a.



Dawt han sawi kual na chi niin ka hre lo a “shooting chu tha engkim a tluang vek, mahs ka thawmhnaw haka chilli a kai niang hei ka taksa a kang vek a”ka ti a, a chek tlak tlak a, video calla rawn request nghal a, a accept tur chu ka zam ang reng khawp a.



A hmel ka hmuh ringawt pawh chuan min thlamuan nghal hluah hluah a,



“khawimaw kalo en chhin” a rawn tih chuan a theih lai lai chu ka en tir a



“God, an va chak dawn lo em,” a ti chhuak raih a



Rei inbe tawh lovin kan dah a, ka mu theilo chu ka inlet sek a, ka delhna a piang chu a na ka ti a, ka tal tlaivatr deuh thaw in ka hria, nachhawkna ei lo phei ila chu a na ngawt a.



Han ah pawh kal ka tum lo , ngaktei ka chah a, damdawi hnawih tur chu thei leh theilo hian ka hnawih a, ka inkhawngaih reuh lutuk, ka nu ka ngaih ber tum a la ni ang chu … heleni min rawn call tih ka hmuh chuan ka ner sak a



“nimin lam shooting eng nge I an” arawn ti lar lar a, a aw ah chuan hnehtu a nih zia lan tir a rawn tum ani ber a, a zangkhai vah vahin mei a nei tik tek hle a,



“engkim a tha e, nang eng nge I an” pangngai tak chuan ka ti a, ka aw ah chuan ka thinrimna a lang ang tih chu ka hlauh ber a ni.





“vawiin I rawn kal si lo a, kei ka lo join ve leh chiah a, nimin lamah harsatna ilo tawk ani awm a” muang chang fan raih hian a rawn ti a . Ka nui sak a “I fel e, min rawn ngaihtuah a,ka tha e. mahse hei ka chawlh theih phah thung a zia khawpmai, nuam deuhin le’ tih pah chuan ka dah ngahl a, a nui zui ri chu ka hre reng a. …





Tu nui rei rei kan ti ang chu ka ti sap a,





Ka phone ri bawk chuan min ti buai leh a, ngahktei a lo ni a, ka la vat a “khawnge I awm a, nangmah ngaihtuah em em in a awm a, I in kawtah ka awm e” a rawn ti a, ka ngawi deuh vang vang a, ring tawk hian police ka pun hma leh I pu ka biak hma hian sawi nghal rawh a rawn ti leh nghal bawrh bawrh a, kanui ta vak a,





“ok boss, vaivakawnah, zotlang pengah khan lo awm rawh, phone number ka lo thawn ang che in lo in be dawn nia” ka ti ta a.





Kawtah chuan ka lo nghak a, an lo lut lai chu ka lo thlir reng a, a hmel a mak tihna leh hawibuai hmel hmuh chu nuam ka ti hle a, motor din chian hma hma chuan a rawn zuang thla ti tih a.





“God, nangnu hi sawi fiah nghal rawh” tih pah chuan min rawn kuah nghal a, ka na lai takah chuan a rawn tawh fuh kher a , mangang tawk hian “sorry a ti leh ruai a” kan nui dun ta hawk hawk a, inchhungah ka hruai lut a, ka roomlamah ka chhoh pui nghal a.



“ilo kal ta sa sa, ka hnung lam ho hi han hnawih teh” tih pah chuan ointment chu ka pe nghal zat a.



Kawrfual lian hnek hnawk hak nuam tak ka ha a, a zia ber , ka kawrfual an hlim chu “ka rin aiin a nasa daih, an hre khawp ang’ ati ngal ngal a.



“le sawi rawh, nang hian khawi lam lasi tlangval nge I char fuh le” a ti nghal a, dim te te in ka hnung chu a hnawih a,




“nakianh vurin min dep la a tha ang, ka sa nasa lutuk a” tiin , a mi zawhna chu ka haider lui a, ka fiam chak vet lat , a rawn ding chhuak hluai a




“nang nu hi engtik laiinnge heng sual thiamna zawng zawng hi I lo zir tak a” a ti a , thu tur chuan ka zap a




“ka hrilh vek ang che hmanhmawh suh” ka ti a, in ti fai u Pi mawii te an lo thleng tawh a ni ngei ang room chu a rawn hawng ta hlauh a, ka chhang hman ta lo a, pi mawii chuan eng nge I an tiin min rawn zawt ve bawrh bawrh a, a fanu inhnuai lamah a awm thu a sawi a.





Kan room I tih fai zawh chuan thingpui in tur min lo siam lawk mai ta che ka tih chuan, a fanu chu a au vat a.





Keini thian dun erawh chuan nimin lam a thil thleng chu kan sawi dun a, kei ai mahin nghaktei chu a thinrim hle a, tin Helenin nau a pai ngei tih proof na document chu a neih fel tawh thu chu min hrilh a, heihi kan ti leak out mai dawn em ni a tih chuan a la hun lo, la nghak rih ang, tunah chuan pawi an la ti lutuk lo palh ang ka ti nghat a.





Thingpui kan han in zawh chaun dar hnih a lo ri tawh a, pi mawii te nufa pawhin pawnlam an ti fai a niang, an thawm hriat tur a awm tawh lo a, ngahktei chuan min zawt leh dawn tho tih hria in ka hrem rei duh ta bik lo a,.





“Johny nen inneih kan tumni kha I la hria ti raw, khami ni khan ka kal kha, Heleni tluk sual ni kha” ka tih chuan a lo bu nghat a, “ka hria alawm, khami ni atang khan nang hi I bo ta char char a” a lu a dawm a , a mah vek chuan “God nang hian midang I nei tih sawi suh, khawi lam putar ngei neih” a ti hliai a, a awmdan chuan ka nuih a tiza lutuk, hmuhnawm ti deuhin ka lo en a.





“nang hi I phuba lak duhna lutuk ah putar hausa I neih chuan aw” a ti a, min chum a tum, a hlau leh si kan lo nui bawk bawk a.





“keimah a mi min hmuh duh” ti ri kan hriat chuan kan hawi rual dun thuawt a, kan thawm ring lutukin kawngka in hawng ri pawh kan hre miah lo, Muansangpuia chu a lo pen lut thauh thauh a.



Nghaktei chu mak ti zet hian a lo en reng a …



“Muansangpuia ka nia, Ameliai pasal, nghaktei I ni ang maw” tih pah chuan a kut chu a phar a, Nghaktei pawh harh chhuakin “aw ni e sir… ihhhh” tih nawk nawk pah chuan a kut chu a lo phar ve a. khumah chuan a rawn thu thla nghal a , I tha em tih pah chuan ka chalah chuan a rawn fawp vang vang a, a chetdan chuan min thawng lutuk ka hamhaih zo vek, min fawp tih lemah a hmui chuan ka chal chu a rawn dek zeuh chauh ani, Nghaktei awm vanga ti a ni tih hre mah ila, ka lairil thlengin a fan chhuak vekin ka hria



“Nga ti nge I lo haw, ila cham dawn maw ka ti a “



“I damlo tih ka hriat khan kalo haw nghal, kan inbiak zawh khan ticket ka la nghal a lawm”




“a ngai lo a sin, ka na lutuk hlei nem”



“ka nupui damlo buaipui chu ka chak ber a lawm” a ti a, ka va in thlak lawk a nge tiina chhuak ta a



A chhuak fel chiah ta maw tih chuan Nghaktei chu a khek vak a, a ka chu a hup leh vat a, a chet dan chu a nuih zathlak kher mai, Muansanga pawhin a te thawm kha a hre phak ngei ang le


“ti khan I lawm tawh em” ka ti a, ka nui var var


“lawm lutuk, mahse engtin nge”



“khami ni innei tur a kan kalni khan kan in tawng a, kan innei mai a lawm”ka ti sam et a



“in in neih dan chu engpawhni se, ka lawm e, hei vang hian ni maw ilo confi tak em em a ti hliai a”



“Ni lo e, min phatsan tih ka hriat zan khan mawle” ka ti


“ka kal tawh ange, ka lawm tawh e, ka thuhriat hi ka zep thei lo ang tih ka hlau” ati amin fiam pah a.


Nghaktei haw tur chu Muansangpuia pawhin a rawn thlah hman thlap a, a kal liam hnu chuan room ah kan chho a, ka rooma ah chuan min zui lut a, keipawhin mak ka ti lem lo.



“khaw maw ka lo en chin” a ti a, khumah ka lo mu fel at tawh a






“ka hnung, ka mal leh hmalam vel hi a nia” tiin hlim duhlo chuan kalo riat nawi a, ka rilru putzia chu hrethiam tak maiin





“Amelia I pasal ka nia lawm, I zavai hian ka la hmu vek dawn che, zah in awmzia anei lo” a tih chuan ka sa hut hut a, a kut chuan ka kawrfual chu a hlim chho a, ka mal a hmuh chuan a chek tlak tlak a, a hlim san zel takah chuan thlil thleng ze; tur chu ngaingam lo in ka mit ka chhing ta ringawt a.




Ka pum chu a khawih zai zai a, ani pawh awm dan a dik lo ve tho in ka hria, a kut te chu a khur ve dar dar a, ka pum chu khawihin ka kawr chu a pawt thla a, a kut a laksawn hnu chuan ka thaw ngam ve chauhin ka hria, ka zak lutuk.





“ I meng thei tawh ang” a tih chuan ka meng chhuak a, hnai set sawtah min lo en reng a, a phun sup a, eng nge a sawi pawh ka hre lo, a rawn kun hniam zel a, min fawp dawn ngeiin ka hria, ka ngai ngam lo, a hmuiin ka hmui a rawn dek chuan ka pum hian current chak takin min man ni mai awm hian ka tek chhuai a, maung te te a min fawhna chu ka lo chhan let ve vat a.




Min fawhna avang chuan ka lu te chu a hai chiai ni maiin ka hria a, ka hmai bulah chuan a thaw ham ham a, harsa tih hmel fe hian a in la hrang a,




“Doctor kan ko ange” a ti a, phone hmang tur chuan Verandah ah chuan a chhuak a, ka en reng a, ka tha khur zaih zaih chu a reh mai theilo,ka thaw a sa phat phat, a hmui min fawh na nuam lutuk kha, khatiang em em khan in fawh anuam ang tih ka ring ngailo. Ka hmui chu ka khawih a, zahna avang leh min fawhna zun zam la zo lo avang chuan ka khur dar dar a. vawi tam Johnya nen pawh kan lo infawp ve tawh, hetiang a nuam ani tih ka hre lo, Johnya min fawhna chu ka ngaihtuah a, ka rap lutuk, ka vawt nghal vek thei.





Muansangpuia chuan min duat tak zet a, ka room ah a mu ve tawp a, ka khum ah erawh mu lo in, sofa cm bed kan hun ah chuan a mu mai a, Nurse in min vil reng bawk a, a ngai lo ka ti chung chung ka thusawi a ngaithla duh tlat si lo a, ka nu in min lo be reng bawk a, Muansangpuia pawhin tha tak be tur leh kan hman velah kan tlawh dawn nia tih chu min tiam bawk a, ka chhungte nen kan boruak a that leh chu a duh tih a hriat tak zet a.






Nithum hnu ah chuan kei pawh ka tha tawh a, hna ah erawh kal a phal lo thung a, Zinglamah hian a ni kar danin interview a neih thin avangin minister Bunglow ah dar 6 ah chuan a thu ziah a, a kal ni hi chuan a office tlang nghal a, mahse a lo haw hma thina. A bula awm chu zep rual lohin nuam ka ti a, ka thlahlel em em a, ni… he pa hi ka duh tih chiang takin ka hre tawh, tumah kala duh ngai loh ang in ani ka duh ni.





Ka dam loh atang chuan kan in pawh zualin, a rintlak zia leh innghahna tlak a nihzia chu ka hre deuh deuh a, nitin hian ka duh zual telh telh ni maiin ka hria a, johnya pawhin min be zeuh zeuh a, min ngaihtuah vanga min bia ai mahin hna lamah a ni zawk mah thin a.




Inrinni tlai ani a, keimahin chaw ka ei a, Muansangpuia chuan zan lam programme a neih avangin a lo haw tlai tur thu a sawi a, tui ka chen zawh chuan ka intleuh thuak thuak a, ka mu ta daih a, Ig ah ka lut nghal a…. eng eng news emaw a update ka en chu ka phu nasa kher mai, ka pasal ngei chu a ni si, Ka pasal tiin ka ngaihtuah em ni ?????. heihi a mi le programme a tih chu.. mahse eng programme nge a sawi hlei nem kei khan official turah ka lo ngai ngawt kha ani a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)