THE SECRET (MIZO HORROR STORY) FULL VERSION

Episode nei ho a hlawm a dahkhawmna
Hluhlutei
Posts: 430
Joined: January 12th, 2017, 8:44 pm

THE SECRET (MIZO HORROR STORY) FULL VERSION

Unread post by Hluhlutei » June 28th, 2020, 2:09 pm

THE SECRET


HLUTEI JOCUND PACHUAU


Full version a nih vâng nge ka edit tha ngun khawp mai, vawi 6 vel ka edit hnu ah ka dah thei hrâm,hawrawp kim lo a awm nual ka ring, ka mit hi a chak lo lutuk a in hriatthiamna ka rawn dil nghâl e.


Pic a mipa changtupa ni nghâl bawk hi instgram lamah khân mpa_chhakchhuak tiin a in dah e, nula ho khân in lo chhuizui duh tâkin... 😂😂 a thlalâk ka duh² a ka suasam pawh phal taka min hman tîr vângin lawmthu ka sawi nghâl e.


Chuan changtu te hming hi ka phuah a ni lo a, changtunu hming leh ka hming a in an vang hian keimah angin lo ngaihbel lo hram ru aw. 😂
PicsArt_06-21-10.jpg
PicsArt_06-21-10.jpg (38.85 KiB) Viewed 9025 times

Vawiin chu khua a thiâng țha bawk a, Picnic tûr chu ka phûr viau lo, mahse tu emaw akal ve dâwn tih ka hriat khân ka phûr thar leh hnuhnawh a, Sèntei lah chu a nguai ropui mai sia, Thla hmasa ațang tawh khân a mizia hi a dik tawh lo, A star deuh pakhat kan school ami in min ngaizâwng tlat a, mahse ka duh lo nasa, keichuan duh rûk deuh ka nei thung, vawi tam tak țawngkam na tak taka ka hauh hnû ah a reh zui ve mai a, mahse Sentei chuan min be țha duh lo riau te hian ka hria, tûn hnai pawh khân kan in hauh phah nghe nghe, Aizawl private higher leh high school in kawp pakhatah Pawl 12 kan zir dûn mèk a, Kan subject lâk a in ang a, kan țhu dûn bawk, Unau ang mai kan ni, unau amaw min ti tak tak tu tepawh kan tawng fo, Sèntei hi Mihlim thei tak leh harh țha ve tak a ni a, mahse a zak zumin a țawng tlèm hlè thung, Kan duhzâwng a in angin kan in mil phiân,kan mizia erawh a in ang lo khawp mai, kan pahnih hian kan inkâwm deuh chawt a, an inah pawh chaw ka ei fo, vânduai thlak takin a nu leh pa te hian an boral san tawh a, a û mipa nèn A nutei te inhnuaiah an khawsa dûn thin, A û mipa hi kan school ah Zirtîrtu hnâ a thawk mèk a, mahse Class 10 leh 9 chauh a zirtîr țhin nachungin an in a chaw ka ei tawh chuan ka ți dèk zel, ka zah ru viau, amah palian in a țawng tlèm em em a, a țûl tâwpah lo chuan min be ngai zen zen lo, Kan school ami techuan an star thei hlawm tawp, keipawn zèp lo chuan ka duh ru ve hlè, ala upa zawk zawk lo bawk a, a student lo zawk tepawn kan zah ru viau tho, a țawngkam dam thlup mahse a vuak nâ an ti thei khawp mai, Sentei nèn chuan an in thlâu viau a, Kum 5 vèlin an in thlau in ka hria, Ka duh ru viau e ti lo chuan ka tilang ngâi chuang lo, a mizia cool lutuk leh țawng tlèm zet hi ka zah ru viau a, ka duhna tizual tu a ni leh daih thung.



An unau hi an in pawh a, Unau dang ka neih ve loh vângin an unau chu ka awt thei hlè, A û mipa chu Jacob Lalhmachhuana a ni a, Sir Chhuantea kan ti mai țhin, mahse an in a chaw ka ei chuan Uchhuante tiin ka ko thung, Sentei chu Lalrinnungi a ni a, a koh duat nân Sente an ti țhin, tûn thlengin a pu hlen ta a nih ber chu.



Ka hming chu Lalruathlui ka ni a, Hlute min ti mai țhin, Kum 18 ka hmang ve mèk a, Nula lian lutuk ka ni lo a, ka khal mawi tâwk ve viau, ka sam hi a kir deuh chhap a, a sei lutuk lo bawk, Aizawla awm tih takah ka ngo ve viau, Ka pa hi Doctor a ni a, Ka nu pawh nurse tho a ni, Keimah chiah fa min nei a ka duh leh mamawh chu ka nei thei zèl, mi hausa fanu chu ni mahila incheina sâng lutuk ang hi ka inbel ngai lo,bâkah ka mizia hi a nû lutuk lo bawk nen, incheina ka ngaina hran lo khawp mai, țhian ka nei lo a, Sentei hi ka țhian neih chhun a ni deuh mai, Chuvâng ania ka âtchilh bur, Ngaihzâwng ka la nei ngai lo a, kan pahnih chuan kan hlim tâwk thei viau, ka nu leh pate pawn Sentei chu an duhsak a, UChhuantea thlengin an duhsak em em bawk, a chhan chu Sentei te unau chu mifel ti a an veng tepawn an sawi țhin a ni a, lehkha an thiam theiin kohhran leh khawtlângah pawh an in hmang a, a tlâwm ngâi pâwl an ni, Sentei chuan Sport lam a ti thei hle a, A zaithiam hle bawk, lâm pawh a ti thei tho, Drama thlengin, a talent ngah lutuk chu ka awt țhin, kei erawh chu lehkha thiam thei fâl tak ka ni lo a, Talent sawi tham lah ka nei hek lo, Hmelțha min ti tu te chu ka tawng ve țhin tho a, mahse ka ngei vek, ka duh loh zâwng te bulah chuan keitè ang hlar ka ni țhin, Chapo chu ka inti phal chiah lo na a, mahse mahni induh ve larh chi ka ni thung, Mahse Sentei te unau lakah erawh ka induh ngai lo, Sentei chu a luck viau a, ngaizâwng tu pawh angah, A sângin a ngo a, a hmèl ai mah chuan a pian nalh leh nungchang mawi lutuk hi mipa ho hîp tu niin ka hria, Mahse a mipa duh rûk ve em em Class 12 ami tho Science Subject la zîng ami Nunpuia chuan min ngaizâwng tlat pek a, Chu chu Sentei chuan a hriatin ka rin aiin a tuarna zèk a, kan inhauh phah fo, in haw hlen erawh kan ni lo, Mahse min be țha duh lo tial tial a, Nunpuia vâng a nih chu ka ring thei tawh lo, thildang ami zia inthlâk thutah hian a awm ka ring.



A nutei te chhûngkua nèn tuirial lama Picnic tûr an ni a, min sawm tel ve nghe nghe, mahse Sentei awmdân vâng hian ka hnial țèp a ni,rilru hah reng hi a ang ka ti, ka zawh lahin exam tûr ka huphurh deuh a a ti mai zel a, ka âwih lo ru viau na a ka zawt thui vak duh lo,tunlai kan inkâr boruak vâng hian min hrilh țha duh lo ah ka ngai mai, ka puihna ngèn se chu ka puih hreh dâwn loh nèn.




Vawiin min rawn bia pawh a áw ațang chuan a phûr viau lo tih ka hria, ka khawngaih viau na a, mahse ka ngei lek lek, a țhian țhaber ka ni ve a, a rilru hahna engmah min hrilh duh loh chu ka ngei ru viau, Vawiin chu ka zâwt chhuak tawh khawp ang, tih rilru pu in ka insiam sawk sawk a, a hmunah chaw ei an siam dawn avângin tiffin erawh pai lo mahila Ei tûr ka pai nual, Dungaree hnuai ah t shirt vâr ka hâ a, lukhum hmakawh avâr ka khum bawk, sneaker var ka bun leh a, Rucksack lian zet ka ak bawk, ka phûr viau na a Sentei Aw ki zuai raih ka hriat khân ka down vek.




Hmanhmawh takin ka chhuak a, Pâwna ka mi hmuh vâng chuan ka ding dat, UChhuantea chu a bike nghèng chuan phone alo bih ngur ngur a, ka pèn thâwm a hriat veleh chuan a rawn hawi chhuak ve vat.



"Matei chu patea te car ah a chuang tawh a"


A ti ringawt a, T shirt pâr deuh chhak hi ahâ a, Kekawr bûl aha leh tawp, inchei vak lo mahse a hmelțha tho a, a lang fai vung mai, mipa ah chuan a ngo tih tûr chi a ni,ngo hluak erawh a ni lo, khabe hmul tlèm a nei bawk.


"I rualin ka kal dâwn maw?"


Ka lo ti deuh hâ a, a bu nghauh, a bike chu tinungin ka zâwn ah chuan arawn inturn a, a ding vûng tawh, keipawh chu ka chuang ve nghâl mai a, ani rual khera kal chu ka duh lo sin le? Sawi tûr avâng dawn sia.



"Boihte lo la ding rû"


Ka nu âw a ni, UChhuantea tlân chhuak tûr chu a ding leh dat a, ka nu chu hmanhmawh takin arawn tlân chhuak nghâl bawk.



"I kekawrte i ken theihnghilh, tui inchèng dawn sia, hâkthlâk i ken loh chuan"


Tihpahin ka kawrte dum chu arawn keng lang vû anih chu, ka zak lutuk chu awm ngaihna pawh ka hre lo, ka hmâi tehi arawn sa nghâl up up thei nia.


"Thukru ve deuh tache"


Ha sehchilh rap chuan ka lo ti nghâl sar sar a, ala nui uar uar duh lek chauh, rang tak chuan ka kekawrte chu la in ka rucksack ah chuan ka thun rawk rawk a, Unchhuantea hian a hmu ve vek awm sia, ka nu hi chu a ti ang lo thei ngawt mai.


"A thûk laiah tekhân chèng vak vak lo la, Mî ai bak bak a rei tekhân i chèng ange, I chhuah ve tawh hi chuan ngaihtuah hi i na thei sia, Chhuante hauh reng a ngai nia, I Uchhuantea hi nghet deuhin vuan la, tlân chak sû aw a hnaih tho kha"




A ti nghâl mawlh mawlh a, an fa neih chhun ka nih vâng hian min ngaihtuah fâl bîk țhin,


"Awle, ka lo vèng dawn nia"


UChhuantea chuan alo ti ve mai a, Ka nu hian ka star tih a hre leh nghâl, nui rah rah pah chuan min mitmei zauh a, rum lutuk in ka nu chu ka melh vak ringawt.




Ka nû in fîmkhur tûra min chah lawm lawm hnû ah chuan kan tlân chhuak ve thei hrâm alawm, ka ngâwi ngal reng a, Kan sir a nih mai bâkah ka lo duh rûk ve em em kha a ni bawk sia, A phurh hi nuam pawh ka ti chiah lo, a țawng duh lo si, bâkah ka țang țung reng a, vawn pawh ka vuan țha ngam lo, la thui lo viau mahse ka na vek thei nia, tiang chuan tui chèng tûr pawh ka awm lo ang.





Ngaizèl kan pelh hnû chuan tlèmin ka vuan ngam ve deuh tawh, khua a lum bawk a, thli thâw techu a lum uap churh mai, kawr bân bûl ka ha bawk sia, ka thû vek dâwn nih hi.



"Ka kawngah khân vuan rawh, ka tlân chak dâwn ania"


A rawn tih chuan hreh zetin ka vuan ve mai a, a tlân muang ka lo ti rilru rèngahh....chak zet chuan a tlân zui nghâl a, hlauh a hnèkin nuam ka ti phian, bâkah ka ring tâwk ve em bawk a ni, Kawng a țha a , a reh deuh ruih bawk sia, A romantic ru riau ka ti, in ngaizâwng tepawh kan ang e a, ka ngaihtuah na ho lutuk vâng chuan ka nui ru tet tet ringawt.


"Tun țum exam tûr chu itih țhat i in ring em?"



Rei fè kan tlân hnû chuan a rawn ti chhuak ve hlawl a,


"Ka hre lo le, pass na khawp chu ka chhân ve theih mai ka in ring"



Pângâi tak chuan ka lo ti ve mai a, mahse kan pahnih chauh kan nih vâng nge ka âw techu a khûr țèp nia.


"Enge tih i tum deuh?"



"Journalist nih ka duh a"


A taksa che dat ațang chuan a nui tih ka hria,


"I pa doctor a nia, i nu nurse a ni bawk a, Doctor emaw nurse inih ka lo ring a"



Ka nui ve sak,


"Ka tuina zâwng a ni ve lo"


Ka tih chuan min chhâng tawh lo, Falkawn kan thleng a, Muallungthû kan thleng leh,a khaw tâwpah chuan pèng hi a awm a, tah chuan a tlân thla zèl a, ka la kal ngai miah lo na a, mahse Sign board a Tuirial tih lo in ziak ka hmuh chuan tuirial kal kawng ani tih ka hre nghâl mai, UChhuantea hian bialnu a nei an tih chu ka hria a, mahse a bialnu âwm ka hmu ngai miah lo, Sentei ka zâwt ngam chiah bawk si lo, min chhaih leh anga, Ka ngaihven tih a hriat vaih chuan UChhuantea hi a hrilh vek dawn tih ka hre sa.




Lei thui vak lo kan zawh chuan a hnuaia lui lo luang cham dûlh chu ka hmu nghâl bawk, mî an lo awm ve nual a, ka rin aiin an tam lèm lo khawp mai.




UChhuantea chuan a bike chu Waiting shed hnuaiah chuan a dah a, lui panna tlèma kawng a bim bauh deuh vângin a tlân thla ngam lo aniang, ka rucksack chu min khâi sak a, a hnungah chuan ka zui thla ve det det mai, ka nu lian vak lo sa bawk nèn a pèn hlâwk ve angreng sia, ka ûm dâwr dâwr mai.




Kan awm dân chu in ngaizâwng kan ang ka tih èm vângin ka lâi leh ringawt tawh.




Lui kan thleng thla chu Pa Mathana ( Sentei nutei pasal) te chhûngkua an fa te mipa naupang pahnih leh an nu Nu Hmingmawii (Sentei Nutei) te chu an lo chèng bârh bârh tawh a, nuam an tih hmèl khawp mai.



Sentei erawh, A kam vèlah chuan a melh ngai melhin alo țhu ngâwi reng a, UChhuantea chuan ka rucksack chu an car ah min dah sak a, keipawh Sentei awmna lam chu ka pan ve nghâl vat, a bulah chuan nui sângin ka țhu thlâ a, min lo nuih lui sak, a nui peih vak lo tih ka hre mai, Hmeichhe hlim thei tak țhin kha heti taka mit khap kâr leka a danglam thei hi mak ka ti tâwp thei lo.



"Ti nge i a awm dân hi? Rilru hahna i neih chuan min hrilh rawh, ka lungawi lo ania"



Hâu deuh ti tih chuan ka ti a, thâwk a'n la halh a, min hrilh châk tih ka hria, mahse engemaw sawi theih lohna chhan lian tak a neih ngèi ka ring.


Uluk takin a hmèl chu ka enkar a,


"Nakinah ka hrilh ang che, Mahse tûmâ bulah sawi suh aw"



Min rawn en a, a mit meng ațang chuan hlauh a nei tih ka hria,


"Tehrèng"


Ka lo ti nghâl vat,


"Tui ah khuan chèng ve ila"


Nui var var hian arawn ti a, tlèmin a pângai deuh tawh aniang.


"Awle, ka va inthlâk lawk"



Tihpahin Car lam chu ka pan vat a, Ka Dungaree hnuai ah chuan kekawr bûl ka ha tho a, ka in phelh vat, ka t shirt hâk pawh chu phelh tawh lèm lo in ka pheikhawk chu ka phelh sawk sawk a, Rang takin tui ah chuan ka chèng ve nghál vat a.




Kan hlim tlâng bawk a, a kal te zîngah chuan kan thâwm a ring berin ka hria, UChhuantea erawh a chèng ve lo, A ko tlângah lo țhu in phone a hmang mial mial a, a bialnu a bia tih ka hre mai, an in hau a niang a thinrim hmèl dân ațang sâwn, Ka en vung vung lai chuan min rawn en ve thut a, ka hawisawn rang ngang mai.



"A û hi i star deuhin ka hria"



Sentei chuan nui var var hian arawn ti ru deuh sar sar a,


"I mawl e a"


Ka lo ti hlar ringawt, âwih loh hmèl zet hian a nui hak a, rum zetin ka melh lèt vak ringawt.


"Mi â ka ni bîk lo aw, i awm dân ațang hian ka hre ve vek"


Ala ti zui, a tawng ring sia a kâ ka hup sak vat, Nu Hmingmawii ten an hre lo hlauh chu ka lawm ru ngei mai.





Rei fè kan inchiah hnû chuan an sawhchiar siam sa an ken chu kan ei a, țhian te bula ei ka ni bawk a ka ei tui phian, Kan in a U Ramtei siam chu ni se ka ei leh mang miah lo ang.




Dar hnih lai a rîk hnû chuan UChhuantea pawh Ben a leh Boihpuia (a nutei fa) te nèn chuan an chèng ve a, Pa Mathana leh Nu Hmingmawii techuan eirawng bâwl an țan thung, Engmah kan tih ve an phalloh vângin Sentei nèn pawh chuan kan chèng veleh a, A thûk laiah ka la kal palh zui, UChhuantea'n min rawn kâi hman lo se chu ka tlâk ka in ring hial, Sentei lah chuan "ehh..." Alo ti hman hrâm, UChhuantea chu a nui mai a, kei erawh chuan ka melh rum ngang mai, mahse a rûk tak chuan ka lâwm ru viau thung.




Dar 3 a rîk chuan UChhuantea chu A bialnu a dam țhalo tih an rawn hrilh a, a rang a rangin a haw nghâl, ka down vek.




Sentei chu a èk a chhuak a inthiarna tûr zawngin vau kamah chuan kan kal thla dûn a, keipawh ka zun a chhuak khawp mai.



Mi an lo awm pheuh pheuh țhin vângin kan kal thla thui zèl a, kan in nghahna pawh kan hmu pha tawh lo, Tlèma lui luan tam deuhna bul hnim laiah chuan Sentei chu a in thiar a, ka lo vèng rân bawk, kan kal thui vâng nge a reh țhuap a, sava chiap neuh neuh leh tui luang rî bâk hriattûr a awm mang lo.



"Sen, I rilru hahna chu min hrilh tawh la, Nunpuia vâng anih chuan ilakah hian ka lungâwi lo viau ang, khatiang mipa lèrh lutuk kha chu theihnghilh hmak rawh"



A èk lai lai chuan ka lo ti mawlh mawlh a, dik tak chuan ka hriat châk èm vângin vawiin pawh khân min kam deuh țûn reng mai.


"Lawk, ka zo țèp, saw lai deuh ah sawn kan sawi dawn nia"



A rawn tih chuan ka ngawi leh mai a,


"E taka, UChhuantea te hi inneih an tum hnâi ami?"



"Teuh lo mai, Zèp lo chuan a û bialnu hi ka ngainat zawng a ni lo, a inhnawih dum thei si, in ngaizâwng daih ula ka ti"



Ka nui hak a, ka lawm ru viau.


"A tih chî loh emai a, bâkah min duh âwm lo emai"



"Awi i hre lo anih kha, A û hian fel a tih thû che a sawi tawh alawm, i duh ami ka tia, ka tân chuan a naupang lutuk,bâkah ka phû lo emai a ti tlat che a"



Ka lâwm lutuk chu ka zuang lo chauh, Ka hawilèt chu ka hnung maiah alo ding tawh, ka awmdân vâng chuan a nui hak a, Lui thûk lam chu pan in kan ti ti dûn bawrh bawrh a, A û chanchin hlîr kan sawi, A bialnu in a lerhsan thû asawi phei chuan UChhuantea ka khawngaih lutuk chu ka lo na ve ut ut mai.



"Tah hian țhû ang"


Tih leh țhut a rual nghâl a, lui thûk khauh lai ah berkher, mahse hnial tawh lo chuan țhut pahin lui ah chuan ka kè chu ka chiah ve mai a.



"A châng chuan thih daih te hi ka châk țhin, school hi nuam pawh ka ti tawh lo, kan in pawh saw nuam ka ti lo, mahse Ka tello in i awm theih ka ring bawk si lo a, thi ta ila i țap nasa viau angem?"


A rawn nui țhâw a, ka thinrim nghâl țûn mai,


"Mawli, fiamthû na chî pawh a ni lo"


Ka lo ti hlar a,ka awkî pawh a ring țha bawk a, lui dung vèlah chuan a khâwk rum rum theiin ka hria, UChhuantea chanchin kan sawi a ta lângin ka zun chhuak pawh ka lo Theihnghilh daih nia.


"Ka va zung ve lawk"


Tih leh thawh ka rual nghâl a,


"Tui ah khân zung ve la, keichu ka zung ru char char"


Nui har har chung chuan a rawn ti lâng lâng a, ka lo nui hak ringawt, tlèma hnim lai deuh ah chuan ka zung ve mai a, thil ri bâwrh ka hriat rual chuan Sentei țè țhat rî ka hre zui nghâl, Ka la zung zo bawk si lo, Sentei a tla palh anih ka ring,LALPA LEHH.....!!!!... tui hleuh a thiam lo.


Hmanhmawh takin ka kekawr ka pawt chho sawk sawk a, ka tlân phei chu ka thil hmuh chuan min ti ding chawt, Sentei chu tui ah alo tla a nih chu, ka buai nghâl vek a, Mau ka zawng, ka hmu mai si lo, chhan tuma zunathlâk ve mai ka tum lai chuan tunge tih pawh ka hriat loh hian ka hnunglam ațang hian ka hmûiah ahup ta tlat anih chu, palian ve pângâi tak a nih ka ring, ka che thei lo.



Sentei in ham buai lai chu tâl ve bat bat chung chuan ka thlîr tawp a, Reifè a in ham buai hnu chuan a rawn zal riai riai a, Engkim a pawi zo ta, ka mit hmuh lai ngèiin ka thiannu, ka unaunu anga ka en chu tui ah chuan a pil riai riai anih chu, ka taksa chu arawn zawi hnawk, Chupa pawh chu ka hmuh hmâ in a tlân chhe nghâl daih, khawilamah nge a tlán ka hre lo, ngaihtuah pawh ka ngaihtuah zui thei tawh lo.



"Tui tla an awm anih khu"




An rawn ri nak nak hlawm a, an țawng techu ka hre hla dû tawh, lei ah chuan ka let thla nghâl tawp, midang ho an rawn tlân khâwm nak nak hlawm a, Sentei chu lâk chhuah tumin tlangvâl țhenkhat chu tui ah chuan an zuangthla nghâl sup sup mai, kei erawh ka khaw hmuh a thim mup a, an țawng techu ka hre ruai ruai chauh, min biak pawh chuan ka chhâng thei lo, ka â chhû mai.



"Awi LalPa ka duh thei lo Sente"



Tih tuar tuar rî chu Nu Hmingmawii a ni tih ka hria, Nula lo awm ve ho techuan min rawn buaipui sap sap hlawm a, ka taksa chu a zawi vek, Sentei tui ațanga an la chhuak lai chu ka thlîr tlawk tlawk a.



"Amar a awm tawh lo"


An tih rî ka hriat chuan ka mit nghâl sulh mai, Ka khaw hmuh chu a rawn thim mup a, ka lû ri dawt chu ka hriat hnuhnun ber a ni.




ONE WEEK LATER







JACOB LALHMACHHUANA




Ka nau boralna pawh kârkhat lai a liam ta,mi chunga thleng tura ka lo dah țhin kha ka chungah ngèi pawh a thleng ve ta mai chu ni sia, ka khua a har ngawih ngawih reng a, a thih dân teh thut kha pawm harsa ka la ti reng, Hmeichhe harh fîm ve ve pahnih An ni a, Ngati nge Hlutei khân țanpui tû a auh loh? A chhan thei lo anih pawn țanpui tû a âu miah lo a, midang sawi dan chuan kil khatah alo ding ngâwi reng ani âwm e, ka nau boral ațang khân rilru fîm ka hmang thei lo, kan chhûngte khaw dang dang ațanga lo kal buaipui ka ngai bawk nèn, ka buai thei lutuk a ngaihtuah na fîm pawh ka hmang thei lo anih kha.



Mahse vawiin chu nimin lamah min țîn san tawh avângin ka khuma mu zâl mai mai pah chuan an chètsual dân chu ka ngaihtuah lèt nauh nauh a, Sarahi dam lo der buaipui tûra ka haw kha ka inchhîr takzet a ni, tûn thlengin ka la biak loh phah, Ka nau nèn hian in kawm ngaih tak kan ni a, ka chhûngkaw neihchhun liau liau a ni bawk, vèng chhûng mite pawn min tawrhpui thiâm khawp a, min khawngaih hlawm hle, ka tawrh chu râpthlâk an ti a, mal taka kalsan ka ni chu min lainat hlawm kher mai, kei ngei pawn hrehawm ka ti, mipa mah ni ila intih pachan ahar khawp mai, ka ngaihtuah na chu vâk kual vâk kual mahse zawhna ngâi bawk ka inzawt leh țhin.



Tinge Hlutei khân tûmah țanpuitu a koh miah loh le? Hmeichhe fing ve tak a ni tih ka hria a, ka nau che sual lai kha lo hmû pawh ni se chî ai mai mai rual a ni tawh lo, ka nau nèn hian an inrual chiah a, nulâ tih tur chu a ni ve tawh, ka nau ruang awm ni chauh khan arawn kal lehnghâl a, a țap nasa hle, ani pawn a tuar khawp mai, thil awmzia zawt chiang turpawn School ka țhulh rei deuh vângin ka hmu leh tawh bawk si lo, Engemaw chhan țha tak a awm ka ring,


Kâr hmasa mai pawh khân nasa takin an inhau a, Matei chu a țap nghe nghe, țhiandûn intih buaina a nih mai bâkah hmeichhe buaina a inrawlh ka tum lèm lo a, ka ngaihsak vak lo kha nia, Engemaw an inkârah hian inhuat rûkna te hi alo awm a ni lo maw le.



Ka ngaihtuahna chu a dik dawn lo in ka hria, Nutei te inah chuan ka chho ta ringawt a.




"Nute?"



Pate Mathana chiah alo awm,


"Chhuante, enge ni?"


Patea chuan phâwk deuh hrû hian alo ti a, Patea hi sawipui mai mai chhin ila ka ngaihtuah na âtthlâk lutuk hi min tih reh sak ka ring tlat.


"Pate, A hun lo viau na a, Engemaw sawi pui che ka duh a"


"Țhu la"


Tihpahin sofa ah chuan min nem țhû a, ka bulah chuan arawn țhu ve nghâl bawk, Patea hi ka nutei pasal ve mai ni mahse pa anga kan en a ni a, Nutei pawh ka nu ang chiah a ni, Nutei hi ka nu unaunu neih chhun liau liau a ni a, ka pa te lam erawh Aizawl district a awm an nih loh vângin kan pawh lutuk lo, mahse min rawn ngaihtuah ve reng tho, bâkah, ka nu leh ka pa hian unau pianpui pakhat ve ve chiah an lo nei a, Aizawlah ngat phei hi chuan Chhûngte sawi tûr em em kan nei lo, Nutei chiah hi a ni mai.



"Pate, I lo ngaihtuah ve ngai em? Matei boral dân teh thut kha, Hmeichhe harh fîm naupang chhe zawk zawk tawh lo ve ve an ni a, Matei kha tui ah a tla anih chuan a in ham buai chhûng khân Hlutei khân a țanpui thei lo anih pawh in țanpui tû a au ngei ngei tûrah ka ngai, mahse chutiang chu a ti lo, Chhan engemaw a awm i ring ve em? Ka ngaihtuahna hi a âtthlâk tih ka hria mahse ngaihțhat lohna engemaw ka nei tlat a"




Patea chu a ngâwi vang vang a, thil tam tak ngaihtuah țeuh hmèl a pu, Ka thusawi vâng khân min hau dâwn anih ka ring nghâl hmak, Achhan chu Hlutei hi an ngaina a, ka ngaihtuah na hi min pawmpui ve hauh dawn lo tih ka hrechiang.


"Keipawn ka lo ngaihtuah ve țhin alawm, mak ka lo ti ve khawp asin, Hlutei hian huatna a nei anga Sentei kha a nemthla ta daih amawni le te ka lo ti țhin a, chuan thudik a ni em phei chu ka hre lo a, a sawi tu pawh kha ka hre tawh lo, lui a lo hmu ve țhenkhat tekhân an inhau nasa khawp mai an tia"


Mak ti zetin Patea chu ka en a, ka rin loh lam daih a a țawng chhuah vâng chuan mak ka ti a, thinrimna in ka khat bawk.





LALRUATHLUI (HLUTEI)




Car chhûng ațang chuan pawn ațanga thli vawt tak rawn thaw lût heuh heuh chu ka hîp lût vang vang a, ruah hmî tla seng seng pawh thlî in a rawn theh lût er er mai, ka maimitchhîn zâwng chuan Sentei ringawt ka mitthlâ ah a châm a, ka mittui rawn hnâm țiam țiam chu ka khap lèt fak fak ringawt.



"Boihte, In ti hah duh reng reng suh, Exam a hnai tawh si a, țha deuhin lehkha zir tum zâwk rawh"



Ka nû min hnem na chu ka tân chuan engmah lo mai a ni, UChhuantea te hian engtin nge ka lakah FIR an theh luh theih zâwk le? Ni lo....dem tûr ka ni lo, ka thiâmloh liau liau a ni, Police ho hmâ ah erawh engmah ka sawi duh ta lo, khâ ka thil tawn kha tûmah ka la hrilh lo a, Sentei tui a a tlâk țum a min vuan beta ka kâ min hup sak tû kha, sawi pawh ni ila tûmân min âwih sak dawn lo tih ka chiâng, rilru hahna engemaw a neih thu pawh engmah ka sawi lo, Ka țhianțha ber ka nu leh pa tih loh a ka engkim ni țhîn kha ka hmuh lai ngeiin a boral a, Chhan thei lo a ka awm kha ka thiamloh a ni.




Social media lamah Sentei boral dán chu Zoram mipui ngaihven leh ti ti tam ber a ni a, Keimah min demna thû post leh comments a awm țeuh bawk, Zèp lo chuan an țawngkam hman bawlhhlawh leh râpthlâk lutuk chuan dam ve pawh min ti châk lo țhin, WhatsApp, Facebook, Instagram ah thlengin Sentei hre ngai hlei lo leh Amah hmusita ti hrehawm țhin tu te ngèi pawn Sentei kawm ngaih ber ang zia zângin post an siam luai luai a, keimah min demna țawngkam a tel ngei ngei bawk, Ka rilru na lutuk in Social media ka lo khawih ve țhin zawng zawng techu ka ti tâwp vek a, ka tân chuan hriat a hrehawm ve em a ni.



A boral na a mawhphur tû ah min dah vek bawk, Kârkhat chhûng khân ka inkhung tawh a, lehkha zir chu sawi loh mut pawh ka mu țha thei lo, chaw pawh ka ei ngai lo, tui takngial pawh lem harsa ka ti, ka chau ngawih ngawih a, tûmah ka hmu peih lo a ni tawp, mi zawng zawng ngaih ah chuan tual thattû ka ni.




In kan thlen chuan ka room lamah ka tlang nghâl a, Khumah chuan ka bawk thlawp, UChhuantea te tal chuan min hriatthiam ka lo beisei a, ka dem lo, mahse ka rilru a na èm a ni.



Naktûkah school kal ngei ngei tûrin ka pa in min ti bawk si, ka huphurh viau na a ka pa thû ka hnial ngam bawk si lo.




Ka hmai phih tûr a bathrooma ka lût chu Bathroom dârthlalang a thil lo inziak ka hmuh chuan ka phu zawk, kawngkhâr bulah chuan dingin dârthlalang a thil inziak chu ka en vang vang a, Rawngsen hian " Dâwih zep nu" tih hi alo inziak kuau mai, kan inah mi an lo lût ru anga, an lo ziak a nih dâwn hi tiin ka ti fai mai a, ka hmai chu ka phih nghâl mawlh mawlh bawk.




Ka hmai ka phih zo chu ka inthlâk sawk sawk a, khumah chuan ka mu lehnghâl thlawp, Sentei bawk chu ka rilru ah arawn lût leh tawh, ka ngai takzet a ni, ka ngai ngawih ngawih, ka mittui pawh chu rawn tla in ka țap leh tawp a, tih theih ka va han nei lo tak, ka inhaw ngawih ngawih a ni, nèp ka in ti a, Keimah leh keimah chu ka indem mawlh mawlh ringawt, a sâwt tawh si lo, Hetia țah tawp hi ka tih theih chu a ni mai.



_______ ____________



School kal tûr chuan peih lo zetin ka insiam a, peih lo viau mahila țan a ngai tawh si, school chawlh rei lutuk a chî loh bâkah Ka pa thû ka hnial ngam teuh lo.





Ka pa chuan a hna kal pahin school thleng chu min thlah a, Kal lamah chuan beidawng mai lo tûrin leh țhian thar ka chhar leh vat theih nân inti hlim tûrin min fuih ve mawlh mawlh a, ka rilru ah a lût lo, ka âw liam ve mai mai tawp mai ni, Ka nu leh ka pa pawn lui a kan thil tawn vèl kha engmah min zâwt lo a, mahse engtin tin emaw min rinhlelh deuhna chu an neih ka ring tho , engmah sawichhuak lo tûrin Police station a kan kal dawn khân ka pa in min ti a, Buaina a punlun zèl a hlauh vâng a ni, keipawh chuan ka sawi lo ve mai, Sawi chhuah ka tum lo a ka duh hek lo, bâkah tûmân min âwih sak dawn lo tih ka chiâng, ka insawi thiâm tumna ah min ngaihsak leh tho ang, midang ngaih ah chuan Tualthattu ka ni tho,Mi hausa fanu ka nih vânga Jail pawh tâng lo angah min ngai hlawm vek bawk,





Class room ka lût chu Ka luh hmâ a thâwm nei luai luai kha an lo reh thap hlawm a, Min en hrek hrek pah hian an in hrilh ru zui sar sar hlawm bawk.



Muangchângin Sentei nèn kan țhutna țhinna ah chuan țhû in tukverh lam chu ka hawi vang vang a, a țhutna ruak hiai ka hmuh chuan ka lung a chhe leh mai dawn, ka mittui chu arawn far fap a, midangin min hmuh ka hlauh èm vângin a rûk chuan ka inhru zauh zauh ringawt.



Tûmah be lo chuan ka țhu ngawi reng a, min biak pawh an tum bîk chuang lo, Class lâk lai techuan țha takin ka ngaihtuah thei a ka lawm ru hlè, Ka zirlaiah chauh ka rilru ka pek ka duh tawh.





Chhûn chawlh a nih chuan school canteen lamah ka tlân phei a ka ril alo țâm ve tawh bawk nèn, canteen a thawk Pi Manuni kan tih țhin chuan min lo be siam siam a,


"In inkawm ngaih țhin nen a pawi tak tak a ni"



Ka nui lui sak ringawt, ka eitûr min siamsak chu châwiin a fâl deuh lam chu ka pan a, Tu emaw kè ka chhuih vâng chuan ka tlu bawk nghâl thlawp mai, ka eitûr chawi chu a baw ta vek a, Ka tlûk na lamah ka kut ka beng pilh leh nghâl.


"Oppss....Sorry...ka lo hmu lo che a"



Ka hawi chhuak chu Lindai te țhian ho an lo ni, muangchâng chuan ka inbeng kâng a, Nu Manuni chuan min lo buaipui nghâl vat bawk, Ka form pawnfèn ah ala kai deuh zui.



"Luci, Kan schoolah hian Tualthattu a awm an ti nia"



Ka kal tûr chu ka ding dat a, ka inhûm ruh nasa khawp mai, mahse ka țawng thei lo, ka țawng chhuah chuan ka țap leh mai ang tih ka hlau.


"Ka hre ve tho, a lâr alawm, Mizoramah chuan hre lo pawh an awm nâng, Celeb kan lo kawl reng anih hi"



Luci chuan chiang fek fawk hian a ti a, Canteen a awm ve ho te chu an lo nui dar dar hlawm mai, ka rilru na lutuk chu Ka tlânchhuak nghâl vang vang a, Ka mittui kâr ațang chuan kawng techu ka hmu phè ruai mai, ka mittui hru mawlh mawlh pah chuan classroom lamah ka lèt leh ta daih a, Khâng ho kha Sentei damlai pawha ti duh dah tute kha an nia, a boral tâk hnû hian amah ngaihsak ber angin an lang hlawm a, tenawm hlawm lutuk, Lindai phei kha chuan A ti duhdah fâl, ka hre chiâng a ni.



Classroom ka lût chu Ka țhutna ah chuan engemaw hi alo inziak nuai a, ka enchiâng chu ka inseh ruh nasa ngèi mai.


Tualthattu, thi ve daih rawh, țhiante thattu inih kha, tih te hi alo inziak nuai hlawm a, chhiar pawh ka chhiar zo ngam lo, ka rucksack chu la in classroom atanga chhuah ka tum chu ka ding leh dat.


UChhuantea rawn lût nèn chuan kan intâwk chiah, a hmèl ațang chuan min hua tih ka hria, demna pakhatmah ka nei lo,



"Khawnge kal i tum, tlânbo i tum ani maw?"



Nèm fahran lo a arawn tih chuan chhân ngaihna ka hre lo, ka chil ka lem khalh a, a hmèl chu ka en ngawih ngawih ringawt.


"Sir ihh...ka..."


"Chhuanlam siam tum suh"


Awki sâng lek leka arawn tih chuan ka ngàwi chiâng kher mai, ngâwirengin ka țhut na ah chuan ka țhu leh mai a,min en ngur ngur reng vâng chuan chèt pawh ka che ngam lo.



"Nu leh pa hausa tak i nei a jail i tân kha ka ring lo rèng a ni"



Elhsèn țawngkam lek lek hian arawn ti a, Midangin min tih hrehawm sa tawh tehrèng nèn, ka rucksack ka mal chunga ka dah chu na zet hian ka țhâm tlawk tlawk ringawt.



"In pe mai rawh,i ngawih reng vâng khân thudik ka hre lo tûrah i lo ngâi ange"



A hmèl chu ka en kâwk a, ka chhânna pawh nghâk lo in a chhuak leh nghâl hmak nia,




Reilo tè ah Lindai te țhian ho pawh chu an rawn lût zui ve nghâl a, Sentei chu school ah chuan a lâr ve em thin vângin School hmeichhe țhenkhat hian an thîk thei hlè a, Lindai te țhian ho phei chuan an thîk zual, Bully kan tih țhin in tih duh dahna ang hi Sentei chuan a tâwk nasa thei khawp mai, Vawikhat phei chu keimân Lindai hi ka kèk tawh nghe nghe, Sentei chu dawhthei tak leh rilru dâwih ve tak mai a ni a, a mizia hi a nû zèn reuh bawk, kei ve thung chu ka rilru a huaiin ka thinchhia a, hetianga ka țhianțha ber an ti hi keichuan ka enliam ve thei ngai lo, Sentei pawh khân min khap ngun thei khawp mai, mahse tûnah chuan ka mizia a inthlâk hlawk tawh.



"Engtin nge ila awm ve reng ngam zawk le, keichu ni ila ka inti hlum ve nghâl daih ang"



Lindai chuan chiang kelkawla min en chung hian a ti anih chu, râpthlâk ka ti a, chhânlèt ngaihna pawh ka hre lo, zam hmèl pu map lo a min nuih sâwng reng lai chuan ka en tlawk tlawk ringawt.




"Luci chhuak daih ang u, Break ala ni tho, Tualthattu bul hnâia awm ka duh teuh lo mai"



Ngeiawm zet hian a ti leh a, an in zui chhuak leh dam dam hlawm mai, ka thaw chhuak hak a, dawhkân bawh chuan ka țap leh tawp ringawt.



Lindai sawi ang khân ka lo intihlum ve zâwk lo a ni, Thi daih ila anuam zâwk daih ang, hetiang reng anih dawn chuan dam pawh ka châk lo, Sentei khân alo tuar nasa thei ngawt ang, thâwm ri rak ka hriat rual chuan ka tâwp hmak a.



Rang tak chuan ka hawi chhuak vat,tûmah phei chu ka hmu lo, Mahse White board a thil lo inziak ka hmuh chuan ka meng kâwk thei.


'Mi mâwlnu ngawi reng lo khân i thiâm thû sawi ve tache"



Tih hi alo inziak kuau a, tû tih nge ni ang? Han rin ngaihna pawh ka hre lo, mak ti zet chuan ka en tlawk tlawk a, Ka classmate te zîng ami a ni maithei ni, tinge maw an sual hlawm em em le? lem chang vek an nih hi, ka mittui chu ka hru sawk sawk a, Dâr arawn ri nghâl ral ral mai.



White board a thil inziak pawh chu ka ti reh tawh lèm lo, tukverh lam chu ka hawi daih a, ka pum pawh a rawn ri rak rak mai, mahse thil ei châkna pawh ka nei tawh lo.



Midang an rawn luh sup sup tâkah chuan Ka insiam țha ve vat a, Thil mak deuh chu, White board a thil inziak kha alo awm tawh miah lo, mak ka tih rual rualin ka thin a rim ru hlè, Ka rilru tihbuai an tum anih ngèi hi, Tunge anih ka hriat chhuah hun chu an châk lo viau ang.




__________




Class bânah chuan ka nu in min rawn lam vethung a, Ka nu chu a tih dân ngai tè bawkin a bazaar leh tawh a niang a rangkachak țhi lei man to a tih thû chu min hrilh pah suam suam a, ngawi rengin ka lo ngaithla tawp, to ti ti mahse a lei tho sia, keipawh thawmhnaw min lei nual, mahse min tih hlim phah ve em em chuang lo.



Schoola ka thil tawn techu ka nu leh pa rilru hah ka hlauh vângin engmah ka sawi lo, Chaw pawh ei mumal lo in ka room ah chuan ka mu leh tawp a, phone ka khawih ngai lo a, in ngaihtuah ngut ngut leh lehkha zir chu ka hnâ a ni mai.




_________ 2 WEEKS LATER________



Hun a kal zèl a, kâr hnih lai a liam veleh ta, Sentei chu amah a chesual anih thû chiang takin Police techuan thu chhuah an siam a, mahse midang chuan ka pa tham lungâwi hlawmah an ngai vek, Schoolah pawh bully ka tâwk reng a, UChhuantea lah in min ti buai âwllo, ka nun chu hremhmun nèn a danglam lo ti ila ka sawi sual lo ang.


Chaw ka ei thei lo a, lehkha pawh ka zir thei tawh lo, Sentei thlâ an hmuh țhin thû sawi a awm zeuh zeuh reng a, mahse ka âwih lo, thlahrâng tih vèl hi ka ring lo mai ni lo in ka țhianțha ber thlâ a hrân chu ka ring phallo a ni tawp.


Vawiin ka school kal chu nidang aiin a hrehawm zual, karhnih liam ta maia zîngtin deuh thâw ka hmuh țhin ka dawhkâna Thu râpthlâk tak tak lo inziak chu ka bag ka dah hnan hmiah, min ti hrehawm tâwk viau a, mahse an la duhtâwk maithei lo chu nih hi.



Ka chanchin chhe pui pui a ansawi na chu ka hre lo der hmak a, engkim theihnghilh a nun bul țan țhat ka duh tawh, mahse ka thei kher angem ka hre lo.


Vawiin chu Lindai ka hmu lo, mahse midang ti ti thâwm ațangin Lindai chu an inchung chhâwng hnih ațangin atla thlâ a, ala harh chhuak lo a ni âwm e, A nunna chân lo mahse ana viau an ti, ka lakah sual viau mahse ka khawngaih ru phiân.




Lunch break chuan canteen ah kal hmasa lo in bathroom lam ka pan a, ka zun a chhuak tawh bawk nèn,



Ka zung zo dâwn tih chuan ka piah a awm te thil sawi vâng chuan ka chhuak lawk lo, ka bengverh zâwng tak a ni.



"Lindai kha tu emaw in a ti buai an tia, keichu Sentei thlarau anih ka ring"



Luci âw a ni, ka âwih lo lutuk chu ka lo ner sak a, ka ngâithla zawm peih tawh lo, Bathroom ațanga ka chhuah chuan an lo ding khâwm laih a, Luci dâwt sawi an lo ngâithla chu ni âwm sia tiin ka nui ru tet tet mai.



"Hey... Tualthattu lo ding teh"



Ka ding dat a, ka hawilèt chu Luci ka hnung lawkah alo ding tawh, ka samah chuan a rawn kèk lawp a, ka râk nghâl țhat, ka lu lei a thîp nghâl vawng vawng thei.



"Nangmâ tih hi a ni tiraw?"



Khawih lèt ve ka tum chu midang chuan ka bânah min lo man bet a, phone camera in Pakhat chuan video nge Thlâ a la pângai pawh ka hre lo, a phone camera chuan min lo tin rân mai.



"I thusawi awmzia ka hre lo"


Ka lo ti ve hmak a, min kehna chu a thlah tawh, mahse midang ho chuan min la man bet reng tho, hmeichhia hlîr an ni lehnghâl, an râpthlâk ka ti takzet a ni.



"Sentei kha i thah tiraw? Chuan Lindai pawh hi nangmâ namthlâk a ni lo maw? Nang hi tunge inih?"



A awkî chu a ring viau, ka nui hak a, ka nuih zat vâng erawh a ni lo, ka thinrim lutuk awm ngaihna hre lo ka ni zawk.


"Ni e, Sentei kha ka thah ania, chuan Lindai kha ka namthlâk a ni bawk, in lawm tawh em? Min kal tîr rawh u"



Ring zet chuan ka ti tuar a, ka sawi zo chu ka thaw kâwk kâwk thei.



"Enge tah khân in tih a?"



Kan hawi țhap a, UChhuantea alo ni, Min man tu techuan min thlah vat a, rang tak chuan an inthiâr fihlim nghâl vat.


A hmèl pawh en ngam lo in hnuailam ka en daih a, min rawn pan tih ka hriat chuan ka tawlh hnung dat.


"Hmeichhe luhlul tak ini, tinge maw i ngawih reng le?"



A ti deuh sup a, ka lo inhûm ruh ngat ngat ringawt,


"Ka ril a țâm tawh a, Ka kal tawh ange Sir"



Aw khûr deuh dat dat tihpah chuan ka tlân phut a, Ka nèl tawh loh sa tehrèng nèn min hua tih ka hriat ațang phei kha chuan hmuh pawh ka duh tawh lo, UChhuantea hi ka duh ve deuh si a, chutiang tihlanna hun ka nei lo chu sawi loh, a hria ang tih mawlh ka hlâu.



Canteen ah chuan midang ho lo kal tam hmâ in ka inhnawh puar mawlh mawlh a, mahse an lo lût hman tho, ka thil ei a tâwp vek.




JACOB LALHMACHHUAN (Chhuantea)




Ka rilru hah leh tâwt lutuk intih thawvèn nân school building chungah chuan Beer ka in mai mai a, cane 3 ka intawh, ka rui tawh viau, rûi chhia erawh ka ni lo, khua lah chu a dur khup lehnghâl,, kohhran leh khawtlângah ka theih tâwkin ka in hmang ve a, kan unau hian ka hriat chinah tû pawi mah kan sawi âwm ka hre lo, ka nau phei chu tûpawn an ngaina, mahse mumal lo taka aboral erawh in ka rilru a ti dam thei mawlh lo a ni, mipa nèp ber ang in ka tih ngai miah loh pawh ka tih phah a, Nèp ka in ti a, mahse inchhîrin awmzia a nei lo tih erawh ka hrechiang viau.

Ka ngaihtuah chiang a, A țhiannu Hlutei, keipawh ina țhâ ka lo tih rûk ve em em kha ka ring hlel chu ka ti phallo mahse rinhlelh tûrin a awm tlat, tûpawn an dem a, mahse engtin mah a chhâng lèt ngai lo, a ngawih reng vâng hian ka hua a, thiam thu sawi tûr a nei lo nge a sawi duh lo zawk? A tîr kha chuan ka ringhlel ve alawm, Tupawn an ringhlel vek, mahse ka ngaihtuah țha leh a, khati khawpa in kâwm a, inhuatna pawh nei lo khân a thah ngawt nachhan tûr ka hre lo,inhau ve fo mahse an inhaw tak tak thei lo tih hrechiâng tu ka ni, zan tin ka mumangah Sentei chu ka hmu ziah a, Hlutei hian thiamlohna a neih loh thû a sawi ziah bawk, kha ta țang khân ka ringhlel tawh lo a, mumang mai mai mahse ni se ka rilru a thlâk danglam chiâng khawp mai, engemaw in phûm rû a awm ka ring tlat a ni, ka rilru buai nuaih ka hrehawm ti lutuk chu thâwk ka'n la leh rih țhin, eng ber hi nge rin tûr pawh ka hrethiám tawh lo.




Ka phone WhatsApp message tone a rawn ri tlang tlang a, peih lo zet chuan ka en vat, Ka bialnu hlui vawi tam tak min phatsan tawh tu Sarah i a nih ka ring,henû lah hian ka ngaihsak leh Beiseiin Sentei thlarau in a tih buai thû chhuanlam in min rawn be sek lehnghâl, dâwt bâk va ni suh, ka âwih lo nasa mai, Students te atang pawn sawi a awm zauh zauh țhin, mahse ka âwih lo, fiah chiah sela chu an hlauh hi a ho viau ang.





Ka phone ka en chu Sarah i a ni lo, Ka number hriat ngai pawh a ni lo, Video pakhat hi min rawn thawn a, download nghâl vat.



Video ah chuan Hlutei students țhenkhat in an lo man bet lai hi alang, nichina ka va hmuh dân ang chiah kha, an awm dân erawh ka va hmu hman lo kha a nia,


"Ni e, Sentei kha ka thah a ni a, Lindai kha ka namthlâk a ni bawk, in lawm tawh em? Min kal tîr rawh u"



Tiin Hlutei chuan awki sâng zeta ati lai hi alo ni a,chulai tè chauh chu a ni, ka kawchhûng rawn sa chho but but chu bengdaih tumin ka thaw deuh hrâwk a, ka hmai ka tuai puat, tlèmin ka lo kâi tawh deuh nèn ka thin a thawk thut ni berin ka hria, ka tho phut a, Canteen lam pan chuan ka tlân thla nghâl vat.




Canteen a Hlutei thil lo ei tiam tiam ka va hmuh chuan huatna in ka khat nghâl a, thinrim zet chuan ka lût nghâl bawk, students ho chuan min hlauh hmel zet hian min lo en țhap hlawm a, Hlutei hmâ ah chuan dingin a thil eina thlèng chu ka paih thlâk sak lawp a, mak tih hmèl zet hian min en deuh hâ mai, ka thinrim hmèl chu a hrethiám a ni chèk aniang a mengkhup deuh zâl zâl a, mit meng fîm kâk hian min enkar mai, a hmèl ațang chuan min hlauh zia ka hmu thiam vek, a ban rèkah chuan vuanin Canteen ațang chuan ka hruai chhuak dâwr dâwr a, engmah a sawi lo, ka tih ang ang chuan a awm deuh tawp a ni mai.




Patea'n ka bike a hman vângin a car min ken tîr hlauh a, car ah chuan ngâwirengin ka nam lût rawk rawk a, engtin nge ka tih dawn pawh ka hre chuang lo.



Keipawh chu chuang lût ve in hmanhmawh tak chuan ka in khalh chhuak zui a, khawi ah nge ka kal pui ang ka hre lo, kan in lam chu ka pan pui ta ringawt a.




Kan in kan thlen thleng pawh chuan ala ngâwi renga, a rûkin a țap tih erawh ka hre reng, kan inah chuan hruailûtin kawngkhâr ka kalh nghâl bawk, alo kun lap, ka phone chu phawrhin video ka dawn chu ka play khum a, mak tih hmèl zet hian min en hâ mai.



"Enge thudik sawi rawh, ka ngaihdam theih che i ring em ni? Nge ni a mi hausa fanu inih vâng khân hremna i pumpelh thei angah i lo in ngai zâwk"


Ka ti ta zèk a, a mittui arawn tling kiau mai,


"Țawng ta che, i țawng thei lo mi?"


Tihpah chuan ka pan hnâi a, a tawlh hnung dat,


"Uchhuante, ka tih a ni lo, khawngaihin min ring rawh"



A rawn ti zâwi sap a, ka nui hak.


"Dawt sawi suh, itih a ni tih i sawi zawh chiah hi mawle"


Ka'n ti leh hrâwk a, mittui tlingpam chuan min enkiau a, Ruah a rawn sûr ve chiah bawk nèn, ka awm dân a dik thei tawh lo.


"Ka tih a ni lo"

Ka mita enkar pah chuan a ti leh sap a, mahse ka ring lo, ka thinrim laklawh tawh bawk nèn, ka tih ngaihna hre tawh lo chuan a hmûiah chuan ka'n fâwp ta ringawt a, min dang lo, min chhânglèt lo bawk, alo dawh mâwl tawp, mak a ti pawh a ni maithei ni.



Ka lo thinrim sa bawk nèn ka duhthâw tial tial a, ka thisen arawn lum țan in ka hria, a tâl deuh laih a, ka âwmah chuan min nam ve țang țang mai, mahse a kut chu lo man sakin ka fâwp lui ta zèl tho a,


Kan in len hleih mai bâkah hmeichhe âwm nèm zawk na na na chuan min hneh lo kher mai, Ka rilru sual rawn chhuakin a thawmhnaw chu phelh luih sak ka tum ta a, min sual lèt ve bat bat mai, a form kamis hâk chu ka pawtthlèr nghe nghe in ka hria, țhutthlèng ah chuan hnehsawh zetin ka bawhthlû a, min la sual lèt ve țang țang tho.



"Uchhuante khawngaihin ti suh, ka la thianghlim a nia"


Țap aw țiau hian arawn ti khûr hlak hlak a, mahse ngahmah ka ngai lo,

"Dawt i sawi, ka khawih che hian nuam iti tih ka hre vek, kei hi min duh tih ka hria lawm, țang der vèl lo mai teh"

Ka lo ti lèt hmak a, râpthlâk min tih hmèl zet hian min en hâ mai, ahah avângin a thaw deuh hak hak a, a mittui a rawn luang ngiai ngiai bawk, a uniform hâk chu ka phelh luih sak zèl tho a, a țang tawh lo, a pawnfen ka phelh tûr chu alo pawt lèt ve chat chat a, ka rin aiin a chau chhe har zèk, keimah zâwk hi ka chau mai dâwn in ka hria, chutia kan insual buai lai chuan choka a kan thlèng dah chu arawn ri rum rum a, ka tâwp chiang kher mai.



Miin min enthlâ anih ringin ka tho vat a, Choka lam ka pan chu engmah ka hmu lo, bèl tla pawh ka hmu chuang lo, mak ka ti ru viau, Common room lama Hlutei Saruak lek lek a lo awm ka hmuh chuan ka in ngaihtuah harh chiang kher mai, alo țap feih feih a, ka rilru a buai nuaih, ka hmâi ka tuai puat a, engthil nge tih ka tum kha? Ka âwih thei lo, ka vei tawn sek a, tûn maia ka thil tih tum kha thil zahthlâk leh tenawm tak a ni tih ka hria, ka in ten ngawih ngawih ka tawngkam te, ka zak lutuk chu awm ngaihna pawh ka hre lo.




Hlutei chu muangchâng a rawn tho in a uniform chu aha țha mial mial a, en pawh ka en ngam lo, ka lo hnungchhawn vat, engtin nge tiang khân ka awm theih zâwk le? Ngaihtuah pawh ka ngaihtuah lèt ngam lo, mipa tenawm tak niin ka in hria, ka in ten ngawih ngawih.




LARUATHLUI (Hlutei)




Ka tha khûr nasa lutuk chu ka form kamis pawh ka kilh țha thei lo, UChhuantea chèt dân chu mak ka ti takzet, engmah ti lo mahse a tih duhna rilru hrim hrim pawh kha ka hua, hetiang mî hi anih ka rin loh vânga zui fâl ka ni a, Ka duh tih hre mahse a nau angin min en amaw ka lo tia, ka lo ring sual tak zet, a rawn hawi vut a, ka lo tawlh hnung dat, tûnah chuan hlauh tak tè in ka hlau tawh.


"Ka...rui....deuh a..."


A rawn ti bah nuk a, ka ring a ni, Zu rim niin ka hria anam deuh huam huam mai, ka ngaihtuah zawng chuan chhîng sawk pahin ka hmûi chu ka hup a, ka luak te a chhuak hlûi thei.


A hmèl buai nak chu ka hmuh hmaih hauh lo, a inthiam lo tih ka hria, thinrim viau pawh ka peih lo, ka chau ngawih ngawih, mahni chauh a awm ka thlahlel takzet a ni.


"Ka thlah ang che aw"



Dam thlup a arawn tih chuan ka bu nghauh a, Ka uniform a pawhthlèr na ka dâr țet chu ka hup reng bawk, Ka chhûngten min zâwt ta se engtin nge ka chhân ang? UChhuantea thil tih tum kha ka sawi vaih chuan ka nu leh pa hi an ngawi lo ang, mahse hremna hmu tûr em chuan ka phal bawk si lo, Kan in ngaizâwng lo a, Ngaihzâwng angin vawikhat mah min be ngai lo, Ni e, hmelțha min tih thû kha chu Sentei khân min hrilh tawh a, mahse khami vâng khân ka zuam tûrin a awm ngai lo, a mizia hi ka zah em em zawk, mahse nichin a chèt dân ațang khân tlèmin ka hmuh dân a dang deuh.




Ka Uniform dâr țet chu ka hup țât țât chu arawn en vang vang a, A chhuak mai dawn maw ka tih laiin a room lamah chuan a lût leh a, jacket chhah lutuk lo hian min rawn khuh a, min din hnaih ringawt pawn ka lo îp ru zawk zawk mai, ka tha khûr ala reh lo bawk nèn.



"Kal ang le"



Damthlup chuan a ti zâwi sup a, ngâwi reng chuan ka zui chhuak ve mai.




__________




Kan in lamah haw tlang lo in schoolah kan lèt leh a, ka bag techu min lâk sak vek, a inthiam lo tih ka hria, Mahse engmah kan sawi lo, kan inbe eih lo bawk.



Ruahsûr buan buan hnuaiah chuan muangchângin a tlân a, Car dârthlalanga ruahtui luang chu ka thlîr tlawk tlawk ringawt, boruak chu a uâp churh a, kan awm dân chu a hrehawm tih piah lam a ni, tûmah rèng țawng kan tum lo.



"Nichin ka awm dân kha ka zak takzet a ni"


A rawn ti chhuak hlawl a, a hmèl chu ka en vat, kawngpui lam chu uluk takin alo en thung, ka chhâng lo, chhân dân tûr ka hre tlat lo alawm.



"I ngawih reng khân engmah a fel dâwn lo ania, tûnah engkim min hrilh rawh Hlute, a û ka ni a, ka nau boral dân diktak ka hriat chu ka phû lo viau ami?"



Thâwk ala hawk a, ka khawngaih let ling zawk, keimah ringawt ka lo inngaihtuah a tin ni,


"Ih...diktak chuan Sentei khân rilru hahna a nei țhin a"



Harsa tizet chuan ka ti a, car chu kawngsîr rem laiah chuan a ti ding dat, chiang zet hian min rawn en a.


"Engah chuan? Eng rilru hahna nge a neih?"

"Ka hre lo"


Ka ti leh tawp a, a bâk engmah ka sawi thei tawh lo, ka ngawih reng tâkah chuan ani pawn min zawh luih a tum tawh lo niang a in khalh chhuak zui veleh nghâl mai a.



Kan in kan thlen chuan a ding dat a, ruah lah chu a sûr nasa bawk si, seat hnunga ka bag chu muangchângin ka la a, UChhuantea erawh in a melh ngai a melh ngur ngur reng thung, ngawirengin a jacket min hâk tîr chu ka pe a.



"Ha rih rawh, i khum lût mai dawn nia"



Min en miah lo chuan alo ti a, ruah a sûr duh reuh bawk nèn, ka hnial ta bîk lo, ka chhuak tûr car kawngkhâr ka hawng chiah tih chuan ka banah hian arawn vuan thut a, ka phu zawk nghe nghe, rang zetin ka en vat a.



Min en vung vung ringawt, a mita ka en rei hian ka zâm tlat zel, ka hawisawn ta daih a,


"Muttui le"


A ti sup a, min thlah leh mai, ka chhâng lo, ngâwi reng chuan ka chhuak nghâl daih, khua alo thim mup tawh,inchhûng ka tlân luh chuan thâwk ka la hawk thei, a mi uap na lutuk khân ka thâwk ati buai vek, tinge a bula ka awm hian ka zâm em em zèl le?



"Iva bâng tlâi ve?"




Ka nu a ni,


"Nia, Ruahin min dang a, UChhuantea'n min rawn thlah a a jacket ka rawn hâwn ringawt"



Nui lui sak pah chuan ka ti a, ka rin aiin ka âw a pângai.


"I u Chhuantea nèn chuan in inbia ami?"



Ka nu ngaih tha lo hmel chu ka hmuhhmaih lo chiang kher mai.


"Aw...min huatna a nei hleinèm"



In ring tâwk tak chuan ka lo ti ve a,


"Boihte keichuan hnaih lo la țhâ ka ti, Tlangvâl fel tak a ni a, a nau boralna vângin i lakah FIR hial a theh lût tawh a, in hnîm hnaih loh hi a țha zâwk"



Ka ngawi vang vang a, ka chhâng lo, ka room lam chu muangchâng chuan ka pan hnak hnak ringawt.



KAN HRÂNG ȚAN TAWH ANG....


A HRÂNG HAR IN TI MAITHEI A MAHSE CHHIAR NGAM LO CHHIAR CHÂK SI TE TÂN CHHIAR KÂN MAI A AWLSAM NÂN A HRÂN NA LAI HI KA RAWN KHÂIKHÂWM DEUH BÎK DAWN A NI.



Khumah chuan ka mu zawi hnawk a, ka thil tawn techu ka ngaihtuah lèt vang vang a, Uchhuantea chu haw viau tûra ka in ngaih laiin ka haw thei miah lo, kei hian ka lo duh takzet pawh aniang, in ngaihzawnna lampang engmah awm lo mahse kan inkârah hian engemaw chu a awm ve ngèi alawm, a jacket a perfume rim nam ham ham chu ka hnîm vang vang a, ka awm dân hi zahthlâk ka ti, ngaihzâwng ka la neih ngai loh vângin tumah ka la fâwp ngai lo a, tumân min la fawp ngai hek lo, Uchhuantea chu ka tân chuan a hmasa ber a ni a, a zei ka ti, ka awm dân hi hria se chu zaktheilo min ti ngawt ang.



Ka ngaihtuahna ațang chuan harh chhuakin ka inbual a, zanriah ei pawh ka châk lo, room ah chuan lehkha ka zir mai mai a, mahse ka rilru ah erawh a lût thei lo, Uchhuantea awm dân ringawt chu ka mitthlâ ah arawn châm leh thin, ka inthing nawk a, heti ringawt chuan engmah ka zir thiam lo ang.





Ka mu leh ta tawp a, Sana ka en chu dar 8 alo pèl âwrh chauh, mahse mak tak maiin mut chhuak hian min rawn zèm chiai chiai a, ka lo chau ve bawk nèn ka mu nghâl tawp.






Ka harh chu ruah hi alo sûr cherh cherh a, Ka tukverh kawngkhâr lah chu alo in vaw ri nasa mai, țèk atla chuai chuai a,kâwl lah chu a phe nasa ngang mai, current ala awm lo zui, mahse hetiang lam hi ka hlau ve vak ngai lo, ka tho a tukverh chu ka khâr leh mai a, ka khum bul dawkâna emergency light chu ka on leh tawp, ka mu leh nghâl hmak a.



Ka room lah chu namèn lo hian avawt leh nghâl, thlasik khawvawh lai ang maiin ka thaw khu deuh hlat hlat a, mak ka tiin thil awm dân chu ka hrethiâm lo takzet, ka khûr nasa bawk si, ka puan chuan in khuh tumin ka'n pawt deuh a, mahse alo sak țung mai, chek tlak pah chuan ka'n pawt leh pawp a, ka inkhuh thei ta, khawlum lai a ni a, ka puansin pawh a chhah lo hlè, ka tukverh lam hawi a ka inher tûr chu thil vawt deuh nuak hi ka si palh a, ka phu chiang ngang mai, Ka harh kâwk in ka hria, Ka harh chiân hnû chuan ka bulah hian mu ve an awm tih ka hre nghâl bawk, Ka puansin lai chuan a in khuh hlûn a, tunge ni ang? Rin ngaihna ka hre lo, Ka nu emaw pa emaw an ni lo phawt a, Min awmpui tu Nula URamtei a awm loh lai a ni bawk, Ka ngaihtuahna a vahkual chiâm lai chuan thil pakhat ka ngaihtuah chhuak thut, Sentei thlâ kha, hlauhna in min rawn tuam nghâl a, nichina vawt tî a khûr ru dar dar kha ka thlan fîm arawn tla țiam țiam mai, ka thâu ah min man a, ka che ngam tawh lo, ka tiril a khûr nasa hlè bawk.



Che lo chuan a mu ve reng a, keipawh ka che ngam tawh lo, ka hlâu tawh takzet a ni, Thlarau leh Thlahrâng vel hi ka la tawn loh mai bâkah an awm ka ring lo a, hlauh en ah pawh ka en ngai lo, Mahse tûna ka bula mu ve hi chu Sentei thlâ tih ka chiâng a ni, A rawn che deuh hrut a, ka khûr nasa tial tial bawk.



"Hlute....."


A âw chu lei hnuai ațanga rawn chhuak ang mai hian a ril raih mai, Ka țim sung sung thei, ka ei lo chiang asin, ka lungphu rî techu ka hrethei hial a ni, a âw chu zâwi hlè mahse ka bengah chuan a ring țha lutuk, a khâwk rum rum hian ka hria.



A inkhuhna chu muangchâng hian arawn hawng a, ka rilru chuan ka țawngțai mawlh mawlh tawp, en loh ka tum pawn ka en lo thei lo, zèm ât vek ang mai hian ka awm, âu ka tum a, ka âw a chhuak thei bawk si lo, ka che thei hlek lo lehnghâl, ka hlau lutuk chu ka țap țeuh tawh.



Puansin lai chu a rawn in hawng ta vek mai, Ka reii...!!!!...Sentei chu Damlai hmèl pu lo tih hriat zet hian a hmèl chu a dáng vâr pap a, a huh hlap bawk, a chêr êm êm lehnghâl, a mit chu a sen deuh rûm a, kan in en ta rân mai, min la nuih ver ver zui, hlauhna chuan ka kawchhûng hi min fan chhuak vekin ka hria, thih dan daih tepawh ka duh rum rum mai, mahse ka harh fîm kar mai bawk si, maimitchhîn ka tum lahin ka thei dèr lo, Thlarau sual te hian thil tih theihna mak tak an lo nei anih dâwn hi, ka in control thei lo a, ka ngaihtuahna erawh a fîm vek, ka âw a chhuak thei lo, ka inhnît hlap hlap a, Sentei nèn chuan hmai insi țèp in kan awm bawk nèn, Ka rilru natna leh taksak natna vâng ni lo in hlauh avângin ka thi ngèi dawn anih hi, ka thâwk abuai vek a, ka che thei bawk si lo.



Mak tak maiin ka en reng lai chuan a ral tial tial anih chu, ka thaw chhuak hawk a, ka kâ ka chîp thei lo, Khûr hlawk hlawk chung chuan ka room ațangin ka tlân chhuak nghâl a, Engtik laiin nge ka chèt theih pawh ka hre lo.




Ka nu leh pa room chu ka chûm dawt dawt a, Ka nu chuan rawn hawng vatin ngaih țhat loh hmèl zet hian min en a, ka kuah thlawp, ka țap nghâl char char a, thil thleng techu sawi duh hlè mahila ka sawi thei lo, ka kâ hi a khawng vek.



Ka nu leh ka pa chuan rei fè min buaipui hnû in thil thleng techu ka sawi thei hrâm a, ka hlauhna erawh ala reh lo, ka la khûr nasa ngang mai, ka pa chuan ka mumang țha lo ah min ngaihsak a, ka nu erawh chuan ka sawi chu a ring nghâl hmak, ka pa in min ring lo chu ka ngei lek lek a ni, mahse a tawng ve lo tu tân chuan âwih chu a harsa ve alawm.





Ka nu leh pa te bulah chuan ka mu ve leh ta tawp a, mahse chhîn khat mah chhîng lo in ka tlaivâr țhak, thâwm ri hlekah ka phu dâwrh dâwrh a, mahse khawvar dâwnah chuan ka muhîl ve hrâm.




__________




Ka pa in school țhulh a rem tih tlat loh vângin Mut kham lo zet chuan ka kal ve leh mai a, Final Exam a hnaih tawh avângin Pawimawh min hrilh ho bâk kan zir tawh lo, lehkha min zirtîr mu mal tawh lo a ni ber ang chu, mahse zirtur erawh min pe hnem khawp mai.




Classroom a ka țhut ngawih reng lai chuan Lindai harh chhuah tawh thû te an sawi sap sap hlawm a, an sawi ka ngaihthlâk zèl dânah phei chuan Lindai chu Sentei thlâ in a tihbuai vânga inchung ațanga tla thlâ angin an sawi hial, a hmâ kha chuan ka âwih lo nasa mai a, mahse tûnah chuan ka âwih hmak tawh.




School bânah chuan Lindai Hospital awmna a kal ngèi chu ka tum ru a, Zèp lo chuan ka ngei ru viau na a, Sentei a hmuh dân ka hre ve châk èm a ni, Sentei hian engvânga Lindai nèn min ti buai tlat nge a nih ka hre lo, Engemaw min hrilh duh a nei a nih ka ring, Film ah tepawh mitthi tawh ten An damlaia an thil tih zawh loh te an thih san hian an thlarau chu avâk vai ta țhin an tih kha ka ring ve tawp a, film mai mai mahse ni se chhawr tangkaina alo awm ve zèl mai, Sentei thlâ in min rawn tlawh nachhan pawh kha Chhan țha tak a neih ngèi ka ring tlat a ni, hlâu viau mahila ka țhiannu dikna chu hailan ka tum ruh hlè, Sentei kha chesual palh ni lo in Thah anih ka ring nghet hmiah tawh, Uchhuantea hrilh hlân mawlh ka nghâkhlel.



Lunch break chuan zah pawh dâwn lo in Office lam ka pan nghâl a, Uchhuantea chu pâwnah alo awm hlauh,



"Sir"


Min rawn en chuan mak ti hmèl a pu deuh,


"Thil hrilh duh che ka nei a, a pawimawh"


Min chhânna pawh nghâk hman lo in School building chung lam pan chuan hmanhmawh zetin ka kâi chho nghâl hlawk hlawk a.


Inchungah chuan hrilh hai hmèl zet hian min enhû a, A jacket min hâk haw tîr chu ka pe a, Ka ko fâl chu mak ti viau mahse a âwm tho, Nimin lawkah min pawngsual a tum a, tûnah keimah zâwkin ka ko fâl leh chu nia, mahse hlauhna ka nei lo, a duh vâng rèng a ni bîk lo tih ka hriat chian mai bâkah, min tur tû hi ana èm a ni.





"Sawi duh i nei ami?"


A hmèl chu ka enkar a, vawiin hian engkim ka sawi vek tawh ang, engmah ka zèp tawh dâwn lo.

"Uchhuante Sentei kha chesual ni lo in thah a ni"


Ka zâm lutuk chu ka chil ka lem khalh a, mak ti hmèl a pu, mahse rei a ni lo.


"Ka hria, Chuan enge?"


A rawn ti leh nghut a,


"Ih...thudik tak Police bulah pawh ka sawi loh ka hrilh che anga, min ring tûr pawn ka ti lo ang che, mahse thudik hi i hriat ve ngei a ngai a ni, mi chuan engtin pawn min lo sawi se pawi ka ti lo, mahse thil hre lo lutuk a i awm hi ka hmu thei ngang tawh lo a ni"



Ka mittui arawn tling leh ringawt tawh.


"Peh hèl kual duah lo khân i sawi tum tak chu sawi tache"


Dawh theih loh hmèl zet hian arawn ti a,thâwk ka la hawk.


"Diktak chuan...Sentei a tlâk lai khân keichu ka zung a, thil ri bâwrh leh Sentei țè țhat rî ka hriat rual khân ka tho nghâl vat a, ani chu tui ah alo tla reng tawh, mau ka zawng a ka hmu mai bawk si lo, tui hleuh thiam ka ni lo a, mahse ka chhan theih mai in ringin zuan luh ve tawp ka tum lai chuan mipakhat hian ka hnunglam ațangin min rawn man bet a, ka hmui a hup nghâl bawk, Chuan Sentei chu..."



Ka sawi chhunzawm thei tawh lo, ka țap chhuak hak a, Thlâ lai a liam dâwn tawh a mî pawn an sawi hat hat tawh lo, mahse keichuan nimin maia thil thleng ang mai khân ka la hrechiâng èm a, pângai taka sawichhuah pawh ka la thei lo.


"Ngati nge tûnah chauh irawn sawi chhuah chauh a? , ka rin che i beisei em ni?"



A hmèl chu ka en vat a, a lo dur khup mai, mahse ka hlâu bîk lo, a chhan chu thudik ka sawi tlat, nizân ka thil tawn erawh sawi chhuah tumna ka nei lèm lo.



"Min ring lo mahla thudik a ni tlat sia, âwih turin ka ti lui lo che"


Ka lo ti ve hmak a, a ngâwi leh vang vang mai.


"Anih engtin nge hmâ kan lâk ang? Chu pâ chu i hmu thei bawk si lo a"



A țawng tawh dâwn lo amaw ka tih hnû ah arawn ti zuai ruih a, ni e, beisei chu a bo khawp mai.


"Ka hre lo, Sentei chauh khân ahria, amah chauhin a sawi thei ang"



Ka tih chuan lungâwi lo tih hriat zet hian min rawn en rum ngang mai.


"I mawl ami?"

Arawn ti nghut a, ka ngâwi hmak, A tân chuan a âtthlâk viau ang.


"Min ring tawp rawh, zawn chhuah ngèi ka lo tum Ange"


Ka tih chuan thâwk ala hawk a, ka hriat chhuah a beisei vak lo tih a hmel ațang chuan ka hre mai.


"I zirlaiah i rilru pe zâwk rawh, ka lo chhui ru chhin dawn nia"


A ti ve mai a, mahse Lindai chu tlawh ka tum tho, engtin nge tiang reng chung hian lehkha țha takin ka zir theih ang? A tân kawng a ping viau ang, keimân ka chhui chhuah loh chuan Uchhuantea hi chuan a chhui chhuak lo tawp ang.




LINDAI THIL TAWN VE THUNG.




AUTHOR POV angin ka rawn dah mai ange, a awlsam zawk nan.



Lindai School bâng chu tlai dang ang bawkin a mut pahin phone a khawih hmasa leh te te a, Facebook group pakhata Sentei thih dân mûmal lo tak A hrechiang tu pawh ni hlei lo ina a post chu in la hre fahran chuan a comment a, a țhiannu a nih thû te, a thî kha a tuar zia te chuan a comment duah a, midang ho chuan hrechiang châkin an rawn reply sup sup mai, Chutia a hre ber a ni ta chu nuam ati phiân lehnghâl a, A țhian țha ber âwm ang zia zângin a ui thû lah chu a sawi châm chî lehnghâl a.





Zanriah te an eikham hnû chuan Lindai chu a kawr pho vèl seng tûrin inchung lamah chuan a chho a, Thil țhalo a tawng dâwn tih rèng hre lo in ngaihțha zet chuan a zâi chho rât rât mai.



Arsi a pe tuar a, inchung a nih vâng nge thlî atamin boruak a thiâng kûk a, inchunga thli fîm thaw heuh heuh chu Lindai chuan ngaihțha zet hian a hîp lût vang vang a, Zâi rât rât pah chuan puan pho chu a seng mial mial bawk.



Chutia a seng mawlh mawlh lai chuan an in chunga an dah sintex lian tak phèna hmeichhe pakhat huh zawr hnuang mai, T shirt vâr leh kekawr bûl dum ha sam dum hlap sei zet ,vun vâr dâng lep ngâwi renga lo ding reng a hmuh chuan a phu deuh zawk a, chutia an inchunga ngâwi renga alo din ve reng vâng chuan a thinrim hlè.



"Tunge inih a min ti phu chiâng lutuk"


Lungâwi lo tih hriat zet hian Lindai chuan ati bak deuh hlar a, Mahse chûnu lah chuan a țawng chu hria ang pawn a awm lo, a din ngâi chuan a ding reng a, Lindai huat tâwk a tling leh em em tawh.



"Hey...i beng a chhèt ami?"


A aia awki ring deuh zâwka atih pawh chuan a adin ngâiin ala ding reng tho, Lindai ngaih chu a țha tawh zân lo, mi pângâi a nih a ring tawh lo a, hlauh rûkna deuh a nei tlat tawh, Chûnu pawh chu muangchâng hian arawn in her ta, Lindai'n chu nû hmèl a hmu chiah chu a țè țhat a, a khûr nghâl zawih zawih bawk, a hmuh chu tûdang ni lo in Sèntei a ni, a sam huh hnuang tla deuh chhap kâr atang chuan a mit meng lian zet hian rum em em chuan a rawn melh a,a cherin a vun tepawh a khawk țhen tèu tuau mai, a kâ leh hnâr ațang chuan thisen tak țha zet hi arawn luang chhuak nguah nguah a, a rimchhe em em lehnghâl.



Lindai hlâu lutuk chu țawng pawh a țawng thei lo, a ding khawng reng ringawt, chutah hlauh tawh sâ nâk alaiin Sentei thlarau chuan chak zet hian Lindai chu a tlân hual anih chu.


"Min pui rawh"



Sentei'n aw khûr hlawk hlawk a atih chuan Lindai chuan a thusawi pawh a ngaithla thei tawh lo, a hlau lutuk chu tlânchhiat a tum na lamah in rap piâl palh in, an in chung ațang chuan a tla ta mai a ni.


LALRUATHLUI (Hlutei)




School bân chuan Taxi hmangin Greenwood hospital bawngkâwn lam chu hmanhmawh takin ka pan a, Lindai khân Sentei thlâ a hmu ve anih ngat chuan engemaw hriat a nei ngèi dawn tih ka chiâng a ni.


Traffic jam a awm lutuk loh vângin Hospital pawh kan thleng vat a, Driver chu min lo nghâk reng tûrin ka ti a, alo fel phiân, min lo nghah tûr thû a sawi chuan hmanhmawh takin ka lût chho ve a, an sawi dân chuan Cabin ah a awm a ni âwm e.




Inchungah chuan hmanhmawh takin ka chho a, Cabin kawngkhâr pakhat a Linda Lalnunsangi, Mission vèng, tih lo inziak ka hmuh chuan muangchângin ka kik karh karh a, mahse tûmân min chhâng lo.



A bula nurse lo țhu chu ka zâwt tawp a.


"A muhil aniang va lût tawp rawh"



Awlsam zet hian alo ti ve mai,

"Awmpui a nei lo mi?"


"Nei e, a nu kha a ril a țâm a, a inhnawh puar ve lawk a nih kha"


Alo ti leh mai a, mahse a mutthilh laia va kal chu ka tân awmzia a awm thui vak dawn lo, lo harh pawh ni se ka zâwt chhuak thei kher ange maw.



Inthlahrung leh inthiam lo ru deuh chung chuan ka lût ta dèk dèk a, mahse ka thil hmuh chuan min ti phu chiang ngei mai, Lindai chu khap miah lo hian inchunglam hi a melh kuau a, lukham techu a tla nuai mai, thil dik lo a awm tih ka hre nghâl, hmanhmawh takin ka tlân lût, Lindai chu ka âu a, a biangah techuan ka bèng nawk nawk bawk, mahse a zawi vek a, a meng kuau reng lehnghâl, a taksa a vawt ngel bawk, a ni thei lo....hei hii...ka tawlh hnung dâwrh a, rang takin ka tlân chhuak zui nghâl bawk.



Nurse chu ko in ka tlân luh pui nghâl a, Nurse chuan a mar techu a dek a, a hmèl ațang chuan thil diklo a awm tih ka hre mai, Hmanhmawh takin Doctor tepawh an rawn tlân lût sap sap a, a nu pawh a rawn tlân lût nghâl bawk.



Kei erawh kil khatah ka lo ding ngâwi reng ringawt,


"A pawi ka ti khawp mai ka pi"


Doctor in a ti chuai ruih rî chu ka bengah chuan a ri nawn tluk tluk mai, chhuat ah chuan ka tlu hnawk a, a nu chu țap nghâl hawm hawm bawk, kei erawh ka buai mup mai, engthil teh hrep nge thleng hi ka hrethiám tawh lo.




_________



Nithum hnû ah Lindai chu thah a ni tih Police ten an confirm tawh a, mahse tû thah nge an hre lo, lukhama a thâwk chham thleng hup hlum a ni
an ti, keipawh rinhlelh pâwlah ka tel leh ta, Police station ah chuan Lindai ka va hmuh dân techu ka sawi a, fin fiahna an neih loh vângin min man lo bawk, Lindai ruang ka hmuh vâng khân ka mu thei ngai lo a, a ruang awm nî pawn ka kal duh lo.



Mahse chû aia hrehawm zâwk chu schoolah chuan ahmâ aia nasa in intih duh dahna chu ka tuar ta ngat ngat a,Sentei leh Lindai thihna chuan kan school pawh a nghawng nasa hlè a, final exam hnâi tawh hlè mahse Zirtîr tute pawh an hnual rawih tih a hriat khawp mai.


A ni tèlin intih duh dahna chu ka tuar chho a, a châng leh an theitui in laiin min theh thûl, a țhen phei chuan min râp hial, kei hi tu emaw ânchhe dawng angah te min ngai a, tinge ka la dam ve reng le tiin Pathian chu ka dem țhin, kum 18 mi lek tawrh atân chuan ahrehawm takzet a ni, ka nu leh pa hausak vâng maia jail tâng lo ah min ngai tâwk lah an bo lo, Thi daih ila ka bul ami te hi an hlim zâwk ang tih te thleng chuan ka ngaihtuah a, ka nun hi ka ning tawh takzet a ni.




Classroom a ka lût chu ka ka hnunglam ațang hian tu emaw hian min kèk dâk âwrh mai, râk țhat pahin ka hnunglam chu ka hawi vat a, Luci leh a țhian te bawk, ka bân tawn tawnah chuan min man betin bangah chuan min nawr bet a, ka classmate techuan An eitûr ei bâng chuan min vawm a nih chu, min nuih a, Tualthattu tiin min ko reng bawk, ka țap a, mahse țanpuitu erawh ka âu lo, âu pawh ni ila tumân min țanpui dâwn lo tih ka chiang.


"Nang hi ramhuai nge inih dâwithiam zawk?"


An thusawi techu thu râpthlâk tak tak hlîr a ni, ka lo maimitchhîng tawp a, Ka țah pawh a chhuak tawh lo, ka thinrim takzet, thinrim tih piah lam a ni.


"In lakah hian enge ka tihsual? Min thlah rawh u"



Ka thinrim ang hû in ka awkî erawh a sâng lo hlè, ka chauh lutuk vâng pawh a ni maithei ni.



"Engtin nge tiang khân zâm map lo in ila awm ngam zawk a?....nang hian Sentei kha i that a, Lindai pawh kha nangma thah a ni, Mi hausa fanu chu khawi jail ah mah a tâng lo ang, mi â kan ni bîk lo"




Luci chuan thinrim zet hian min ti ta zèk a, an rilru tûr ka hrethiám vek, mahse thil tisual tu ka ni lo, engmah tihsual ka nei lo.




"Engthil nge in tih kha?"



Kawngkhâr lam chu rang takin kan hawi țhap hlawm a, Uchhuantea chu thinrim hmèl zet hian alo ding reng mai, min vuan tu tepawh chuan rangzetin min thlah ve mai a, chhuatah chuan ka țhu hnawk thei.



"Sir, tual thattû a nih hi, Dan chung lèng a ni tih kan hre ve vek alawm, Dân in hremna a pe thei lo anih chuan kei ni hian kan pe thei"



Kan class CR chuan thinrim zet hian arawn ti a,


"Tûmah dân chunga lèng an awm lo, Ani hian tihsual a nei lo, Chuvângin tibuai tawh suh u"



Uchhuantea bawk chuan thinrim zet hian alo ti a, Engmah thu chiâng hre si lo a mipa ho lo thinrim ve em em chu ka haw lutuk, mâwl ka ti bawk, hmeichhe rilru ang lek zu pû a mawle.



"Sir in inkârah hian engemaw a awm a ni lawm ni? Lindai khân a sawi alawm"



Kan class a țawng thei fâl Hlima chuan arawn ti zâwrh zâwrh a, Uchhuantea insûm thei lo chuan Hlima kawr âwmah chuan a țhâm kâng lawp a, an in tihbuai luih luih na kârah chuan school form hâ thî deuh phung mai, Chèr lam dâng bel, Lindai țhutna a lo țhu ve reng ka hmuh chuan ka phu chiâng ngèi mai, midang chuan an hmu ve lo, Min rawn nuih var var a, Lindai a ni tih hai rual a ni lo, a kâ ațang chuan thisen arawn chhuak nguah nguah bawk, ka hlau lutuk chu kil khatah chuan ka tawm ngat ngat a,ka thâu ah min man in ka khûr hlawk hlawk thei, min la rawn kâwk zui in ka hria, ka hrawkah hnawh tu awm ang mai hian ka thaw țha thei lo, ka hrawk chu ka dawm a, thâwk ka la kâwk kâwk thei, ka en reng ngam tawh loh vângin ka maimitchhîng ta tawp a, mahse Ka beng bulah hian an rawn phun ri leh ta ser ser mai,


"Thi ve daih rawh Hlute"



A rawn ti ser ser a, ka insûm zo tawh lo chu ka âu chhuak ta vak a, An thil tih lai pawh chu an tâwp chat mai, phâwk hrû hian min rawn en hlawm a, țawng ka tum ka thei lo.





_______JACOB LALHMACHHUANA______




Chutia kan ențhap lai chuan Hlutei chu a tlân chhuak ta phut a, a awm dân chuan ngaih ti tha zân lo mahse ka ham haih èm vângin ûm zui tumna ka nei lèm lo.


Student zînga pakhat ka reh mèk chu ka thlah lawk a,

"Tûn chinah chuan khatiang kha hriatleh ka duh tawh lo"




Ka tih zawh chuan ka chhuak leh mai a, Ka ngaihtuah chiâng a, Hlutei khân khatiâng kha alo tawrh fo tawh ka ring, ka lak ațang ngèi pawn, engvânga Lindai chu va hmuh tum reng reng nge maw a nih le? Hènû hian ka lakah zèp a nei tih ka hria, min hrilh nachhan tûr a nei lèm lo na a, mahse hriat ve ngèi ka duh, eng buaina chiah hi nge a tawh hi hriat ve ka duh a ni, Lidai boral na leh Ka nau boral na khân in zawmna a neih ngèi ka ring tlat bawk.





In ngaihtuah chut chut chunga office lam ka pan lai chuan naupang ho chu hmanhmawh takin pawn lamah chuan an tlân chhuak sup sup hlawm a, Office atanga Sir Tluanga teho hmanhmawh taka an tlân chhuak lai pawh ka hmu, ka ngaih chu a țha tawh lo kher mai, class 9 zîng ami pakhat min tlân pèl tûr chu ka pawt ding chawt a.



"Enge thleng a?"



"Sir ihh...khaaa...Class 12 Ami pakhat kha inchungah a awm a, zuan thlâk a tum an tiin ka hria"



Bah nuai hian a ti a, rang takin inchung lamah chuan ka tlân chho nghâl hlawk hlawk a.



Inchung ka thleng chu ka rin ang ngèiin Hlutei chu a hmâwr takah alo ding vâng mai, hmanhmawh takin ka pan phei a,



"Rawn kal hnâi suh"



Alo ti vîn nghâl tuar mai, ka ding chat a, a hmèl atang chuan rilru fîm a pu tawh lo tih ka hria.



"Hlute, lo chhuk rawh enge i duh?"



Kan Principal Sir Khûma chuan arawn ti a, kei erawh chuan thlèm ngaihna ka hre lo.



"Engmah duh ka nei lo Sir, nangni hian enge ka lakah induh, kei hi tual thattû ka ni lo"



Țap hlap hlap chung hian a ti a, A hnuaiah chuan School naupang leh Zirtîrtu dang te ho chu an lo awm ve țhap bawk, Sir Khûma nen inchungah chuan kan awm ve thung.




"Khatiâng khân lemchang vèl lo mai teh, tual thattû ini tih kan hre vek, i ngam anih chuan rawn zuangthla ta che"




Tiin studenta zîng ami chu a rawn âu lâng lâng a, tû ber nge rawn tawng kan hre thei bawk si lo.


"Lo ngâwi rih rawh u"



Ka'n ti vîn tuar a, mahse awmzia a nei vak lo niin alang.


"I unaunu thattu a nih kha, tinge alamah i țan tlat a?"



An rawn ti leh ta, Ka thinrim lutuk chu hlap chawrh chawrh mai ka duh tawh.



"A thah a ni lo, ka unaunu kha midang thah a ni, Hlutei thah hi a ni lo"



Ka theih tâwpa ring chuan ka ti a, Sir Khûma chuan ka dârah a rawn bèng thlup thlup mai.



"Lo ngâwi rih rawh u"



Sir Khûma pawh chuan a ti ve a,


"Ka that lo, tûmah ka that lo"




Țap chung chuan a ti leh tuar tuar a, Tlèma a in rah sual palh vaih chuan a tla vang vang dawn tih ka hriat avângin a chèt deuh chuan ka mawng alo za uai uai thei.





"Lem chang nu, i zuang thla tak tak ngam lo tih kan hre vek"




An rawn țan leh ta,


"In vai khân duhtâwk tawh rawh u"




Ka aw râwl tâwp chuan ka ti a, Mahse țawngkam chhe tak takin an la țawngkhum tho nia.


"Hetiang chuan a dik dawn lo, Naupang ho khu ka zu beng dâi ange"



Sir Khûma chuan tih vut pahin a tlân thla nghâl a, Hlutei chu ka en ngawih ngawih tawp, Ka nau ka chân tawh a, Ani leh zèl chân chu ka tum tawh lo.


"Lindai pawh kha nangma thah a ni"



An rawn ti leh ta,


"Ka tih a ni lo, kei hian tûmah ka that lo, Nangni ho khân lo hre rawh u, kei hi ka la dam ve reng chhan min zawt fo țhin tiraw? Ka hre lo, mahse ka la dam ve reng hi ka duh vâng a ni bîk lo"



Ring zeta a tih chuan ka phu zawk thei.


"Rawn chhuk rawh inbia ang"


"Ni lo, Uchhuante nangpawn min ring lo tih ka hria"




Min enkar paha arawn tih chuan Hmânni a pawngsual ka tum lai kha ka hre chhuak uai uai mai.


"Nangni ho hian ka tawrhna te, ka mittui te hi in hmu ve thei lo em ni? Mihring mihrinna awmzia hi in hre ve lo ami? In mihring pui hnenah hian tinge heti taka in nunrâwn theih a?"



A țap ta hlap hlap a, ka khawngaih lutuk chu kuah vawng vawng mai ka duh.



"Duhtâwk tawh hrâm rawh u,ngati nge Tualthattu tiin min koh reng? Min ti hrehawm tâwk tawh viau lo mi? Kei hi a tuar ber tu ka ni a sin, Nang ni pawh kha in en lèt rawh u, Sentei chungah khân in țha ngai lo, a thawh rimna leh a talent te kha in thîk a ni lawm ni? "



Thinrim zeta a tih lèt leh tâkah chuan an ngâwi ta țhap hlawm a,


"Ka hre lo, Tualthattu kha ka hre lo, nangni pawn in hre lo, Mahse vawiin ni hian hei hi chu in hria, tunge min that tû tih hi, nang ni ho hian min that a ni"



A ti tuar a, Zuanthlâk a tum tih ka hai lo hmanhmawh takin ka tlân phei a, a zuangthla ta, a ban rèkah tak chuan ka vuan hman hrâm, an lo au tuar a, a kut chu a nâl èm vângin ka vuan pial țep a ni.



"Ni lo, khawngaihin ti suh"



Țap hlap hlap chung hian a ti a, mahse ka thâ zawng zawng hmang chuan ka vuan reng tho, min țanpui tu tûr rawn thlen hmâ chu ka chelh theih ka in ring, mahse ka bân hi ana lutuk.



A meng san râm a, a hnâr hmâwr a tâi tèk bawk.


"Ni lo, Ka kal tîr dawn lo che"


Thei leh thei lo chuan ka ti a, pawi tih hmèl zet hian a țap chhuak hak mai.


"Uchhuante ka laka i rilru put hmang hi ka hria lawm, i nau angin min en țhin a ka lawm takzet, mahse a hrehawm èm a ni, min ngaidam rawh"



Țap țiau hian arawn ti leh tawh, a bân ka chelhna ka kut chu phelh a tum nia mawle.


"Ni lo, ti suh"


Hlâuthâwng zet chuan ka ti a, mahse ka thusawi chu hria ang pawn a awm lo.


"Ka kal tîr dawn lo che, ka kiangah awm rawh, Lehkha i zir char char anga,engtikah emaw kan la awm dun ang, fa tam deuh kan nei anga, i châk ve lo mi?"



Min en vang vang a, tlèmin a rilru a nèm deuh tawh tih ka hria, kan in en vang vang lai chuan midang ho pawh chu rawn thleng chho in Hlutei chu kan pawt chho ta nghâl a.




___________ LALRUATHLUI (Hlutei)



Reifè che thei lo a Ka țhut ngawih reng hnû chuan Ka nu leh Ka pa pawh an rawn lang ve hlawl mai, ka nu chuan hmanhmawh taka min rawn pan in nghet zet hian min kuah nghâl vat a, ka dam huai huai mai.



Ka samah chuan duat zet hian min chûl hliau hliau bawk,

"Bawihte, nâ te i nei em? I hlâuthâwng viau ang tiraw?"


Țap țeuh hian a ti a, ka mittui a luang ngiai ngiai a, mahse țah erawh ka țap èm lo, țap tûr ka awm tawh lo a ni ber zâwk.




Kan school chu a buai sâwt ta hle mai, keimah váng tih ka hai lo, Sentei thlá lah avahkual reng thû an sawi châm chî reng a, Luci pawh khân hmuh a nei aniang a khawsik a reh thei lo an ti.



Hèng buaina te hian min ti cháu takzet tawh, zan in chu ka huaisenna zawng zawng sáwmkhâwmin ka roomah ka mu leh ngat a, ka nu chuan an bula mu tûrin min duh viau na a, ka luhlul ka chhuah ve tlat, bâk ah Sentei khân ka lakah engemaw sawi duh a neih ka ring tlat a ni, zep lo chuan ka hlau alawm, mahse heng buaina te hi ka ning tawh em a ni, chuvângin hlau mai lo a a thusawi tûr chu ngaihthlâk ngei ka duh tawh, ka mut theih mai loh vángin ka phone techu ka'n khawih ve ngial a, WhatsApp pawh ka install leh tawh, Ka rin loh deuhin Uchhuantea chuan min rawn bia a, message tam tak zîngah chuan ka chhâng hmasa ber.




"I țha em? "



Tih zawng hi arawn sawi a, thu thlum tak min fah lêm lo mahse ka tàn chuan a lawmawm tâwk tawh lutuk tlat.

"Aw, ka țha e"


Tih zawng chuan ka chhâng ve leh a, sawi tûr chu ka ngah, inchunga kan awm laia a thusawi kha zawh chiân ka châk et et a, mahse bul țan dân tur ka hre lo, bâkah ka zak tlat.


"Tui deuhin mu rawh aw"



Arawn ti leh ringawt a, ka ner sak ringawt, min bem dâwn maw ka lo tia.


"Awle nangpawh muttui le"


Ka ti ve ta ringawt a, Sana ka en chu dar 10 alo pêl hret tawh, ka phone chu dahin ka mu meng kar reng a, hlauhawm arawn thleng dâwn tih ka hriat lâwk vâng nge ka mut lah chu a chhuak lo nasa mai.


Ka ngaihtuah ka ngaihtuah a, huaisen hi ka inti khawp a, mahse thudik tak ka hriat duhna hian min nawr nasa êm a ni, bâkah hetiang renga awm chu ka ning ve tawh, ka beidawng a ni tawp, Sentei vânga ka tawrhna chu phû ka inti hliah hliah, mahse Lindai thihna leh zêla min mawhpuh hi ka hrethiam thei lo, ni e, an rinhlelh tûr chuan ka awm a ni mahna, mahse ka tih a ni miau si lo a, a châng chuan keimâ tih anga in sawi tawp te hi ka duh rum rum zêl.



JACOB LALHMACHHUANA




Office ah chuan midang ho chu an ti ti mawlh mawlh reng a, nizân ka mumang vângin ka ngaihtuahna a kal thui khawp mai.



Matei ka hmu a, lungngaih hmêl zet hian a lo țap bawk, achhan zawh ka tum hmâ in a bo leh daih, ka hnunga min rawn bêng thâwr ka hriat rual chuan ka phu chiâng ngang mai.


Miss Ruattei a ni, mak tih hmêl fê hian min lo en a,


"Ngati nge mahni a ilo in ngaihtuah vung vung a? "



"Engmah a ni lo"


Ka lo ti liam ve mai a, ka bulah chuan arawn țhu thla ve nghâl vat.


"Tûnlai kan boruak chu naupang ho pawn lehkha an zir thei lo, en teh ka sawi hi nuam ka ti chiah lo a mahse Naupang ho hian i nau Sentei an hmuh țhin thû an sawi fo mai a, enge i ngaih ve dan? Midang pawh hi an ngaih a țha zân tawh lo hlawm a"




Ka ngáwi vang vang phawt a, chhân ngaihna ka hre lo, ka zak hlê bawk, ka nau in kan school boruak a ti chhia leh midang ati râl țî chu zak takzet , zan khat chu a thlânah thinrim zetin midang tibuai tawh lo tûr leh a kalna tûr hmuna kal bo vat tûrin ka ti tawh nghê nghê.


"Tih dân tûr avâng êm a ni, a zahthlâk ka ti hlê mai"



Ka darah chuan min rawn vuan a, min nuih lui sak mai, Zêp lo chuan Miss Ruattei hian ka lakah beisei a nei țhin tih ka hria, mahse ka hmeichhe duhzâwng a nih loh vângin a beisei turin ka awm ngai lo.



"Lungngâi lo la, Pathian in engkim a hria lawm, min țanpui thei em em ang"


Dam thlap hian a ti a, ka chhâng tawh lo, zêp lo chuan Pathian auh reng pawh hi ka ning, ka tân hian a awm ve tawh lo niang, mahse ka rilru erawh tûma bulah ka sawi ngai lo.



LALRUATHLUI (Hlutei)

Nizân khân Sentei chu arawn kal ka rin tehrêng nên arawn kal miah lo, mahse mak tak maiin ka mumangah arawn in lâr a, ka bulah chuan rawn mu ve in a țap nasa hlê bawk, a hmél pawh a dam laia a hmélthat ai khân ka hmu tha zâwk, lungchhe em em hian min lo țah khum a,


"Sente, tinge, tu in nge hetiang hian ti che? "


Tiin ka lo zâwt a,


"Hlute ka ngai lutuk che, A û pawh ka ngai lutuk, mahse maw a û khán a kiangah ka awm ve reng tih a hre thei lo, kal bo tûrin min ti a, A û chuan mi zawng zawng ka tih thlabâr avângin min hua a, zû te a in phah, Hlute ka duh vâng a ni bîk lo, min pui tu tûr ka zawng mai a ni, nanglah in min hlâu zêl bawk si a"


Țap hlap hlap hian alo ti a, ka khawngaih lutuk chu ka kuah tawp, keipawh ka țap tho, mahse ka hriat duh ber ka zawh hmâ in a bo leh daih kha nia.


Bathroom ah chuan theitui a min leih na ka form kawr bân a kâi chu ka sil mial mial a, light lah chu a phe zawk zawk lehnghâl, kan school bathroom hi chhûn êngah pawh a thim khup zêl a, light hman ngei ngei a ngai țhin, ka rilru no rawn chhuak thutin ka mittui a far fap a, zuan thlâk ka tumna pawh kha an tân chuan engmah a ni lo aniang, mahse engmah ka sawi peih tawh lo, ngâwi renga tuar tawp hi a ni mai, final exam hi zo se school dangah ka insawn daih ang.



Bathroom dârthlalanga ka in en chiah chu ka hnunga lo ding reng vâng chuan âu tuar pahin ka hawi lêt vat a.



Sentei a ni, a dâng vâr pap a, a mit menglian zet chuan min melh kur a, a huh vek bawk, a sam dum hlap chu a huh pûr a, a hmai a hliah țhen deuh bawk, a hmai vâr pap khi deuh tuâr chu a sam tla chhap kâr ațang chuan ka hmu thei, ka khûr nasa lutuk, âu leh vak ka tum, mahse ka thei lo, ka che thei lo, ka ding khawng ta reng a, bathroom kawngkhâr chu amahin a rawn in khâr țhuai mai, ka phu nasa lutuk chu ka kâng lawp in ka hria, zun ka cheh thei nia, bathroom lah chu a rimchhe lutuk, ka sawi fiah thiám phâk bâkin a rimchhia.



Hlauh tawh sa nâk alaiin Sentei ngêi chuan chak zet hmuh chiân theih si loh hian min tlân hual a nih chu.


"Duhtâwk rawh, tinge hetia min tih? "


Ka ti chhuak hawk a, a tlân kual lai chu a tâwp chat, chiangzet hian min en kuau a chutia kan in en reng lai chuan a hmêl chu a rawn pangâi tial tial a, mihring dam lai hmêl ang chiah arawn pu ta.

"Sente"


Ka ti chhuak sap a, a hmêlah chuan lungngaihna hlîr ka hmu, a ngâwi ngal mai.


"Ka ngai lutuk che"


Țap chung chuan ka ti leh sap a, mahse min la chhâng lo.


"I chunga hetianga ti tû hi min hrilh rawh, khawngaihin, tunge tinâ che?"



Țap chung chuan ka ti leh a, amah ber a pângai tawh avângin ka hlauhna a reh vek tawh.


"Hlute, kei hi vawi tam tak pâwngsual ka ni, hrilh che ka tum ngun lutuk, mahse ka sawi ngam ngang lo a ni, ani chuan a duh hun hunah min pawngsual a, Ka lo dawh tawp zel, min pawngsual hmasak ber tum khân video in a lo cover a, chu chu min vo nân hmangin a duh duh hunah min khawih ta țhin a ni, Chuan Lindai pawh kha damdawiina a awm lai khân ka hrilh ta vek a, Mahse a mâwl lutuk, message hmangin alo vo țhin a, chuan a thih phah ta a ni"


"Tunge chu chu? "



"Ihh.... Pa.... Patea"


Ka ding mar thei tawh lo chu chhuatah chuan ka tlu hnawk a,


"Anih chuan lui a i tlâk țum pawh khân amah khân min lo dang reng a ni maw? "


Thei leh thei lo chuan ka ti a, mak ka tiin ka thinrim lutuk chu awm ngaihna pawh ka hre lo.


"Khatia kan kal fâl ta daih kha a ngaih a țha lo aniang, min rawn zui ru a, ka inrin hmâ in lui ah khân min namthlâ a, chuan nangpawh i hnunglam ațang khân a rawn hup ta che a ni"




Thâwk ka la hawk a, bathroom kawngkhâr chu an rawn chûm ri țhuai țhuai mai, ka hminga min kauh na techu ka hre hla dû tawh, mit khap kâr lekah Sentei pawh chu a bo ta daih a, Bathroom kawngkhar chu Uchhuantea chuan a rawn hawng țhuai a, ka kalh miah lo, Sentei khân a kalh pawh a ni maithei a ni, phâwk hrû hian min en kur mai, min rawn pan hnâiin ka biangah chuan arawn dawm a.


"I țha em? "


Tihpah chuan min thlêk kual ruai a, thil pakhat ka theihnghilh, kei hian zun ka cheh,


"Min hnaih suh"


Aw khûr deuh dar dar chuan ka ti chhuak sap a, midang ho pawh bathroom kawngkhâr khat in an lo dâk țhap mai.


"Khawi ka pawm ang che"


Ati dam thlup a, ka thâ khûr ala reh bawk si lo.


"Ni lo, min khawih suh"


Țap âw lek lek hian ka ti a, mahse ngahmah a ngâi lo, zo zet hian min pawm kâng nawlh mai, ka zak lutuk chu ka țap tawp, a hre vek âwm sia.






Reifê khuma ka mut hnu chuan ka zia deuh, Uchhuantea khân ka nu leh pa hrilhin kan in lam min pan pui tâ kha nia, hnathawka an chhuah ve ve vângin Uchhuantea chuan an lo thlen hmâ chu ngawi rengin min lo nghah pui a, Uchhuantea chu thil awmzia hrilh ka duh viau na ka țawng ngam lo, ka zak êm a ni, a hmêl pawh ka ențha ngam lo.




"Enge bathroom ah khân i hmuh a?"


A mipa zâwk na na na chu arawn țawng chhuak hmasa ta nge nge a, mahse chhânna pêk a har țalh țalh khawp mai, chhân tuma ka àn zuau lai chuan Ka nu chu arawn lût hlawl a, ka ngawi leh ta daih.


"Boihte, ngati nge thil țhalo hlîr hian a ûm zui reng mai che le? "


Ka nu chuan thâwk la hawk pah hian a ti a, Uchhuantea nen chuan kan in melh hrek hrek ringawt.


"Chhuante, a fâl a biak lawk che ka duh"



Ka nu in a tih tâkah chuan an in zui chhuak nghâl a, kei erawh ka khumah chuan ngâwi rengin Sentei thu min hrilh chu ka ngaihtuah lêt vang vang thung, engtin nge ka tih ang? Police ho bulah sawi ta ila finfiahna ka nei dêr bawk si lo, Ka ngaihtuah chian pauh leh ka thin a rim a, mahse tih ngaihna ka hre lo, ka sawichhuak anih vaih chuan keimah bawkin ka tuar leh dawn, engtin nge fing takin rem ka ruat theih ang? Uchhuantea chauh hi min pui thei tû awmchhun a ni, keimah mai chuan engmah ka ti thei dawn lo.



Rei fê hnu ah ka nu chu arawn lût leh a, Uchhuantea erawh ka hmu tawh lo.



"Nu khawnge Uchhuantea kha? "



"A haw tawh, School dangah insawn vat tûrin principal in a ti che nih chu"


Ka nu chuan lungâwi loh hmêl zet hian a ti a, ni e, kei hi mi zawng zawng tân hnawksak ka ni, Principal chuan keimah vângin a school hmingchhiat a hlau a ni ngêi ang,ka hrethiam lutuk, mahse ka rilru erawh ana, hnawhchhuah nên a danglam lo.


"Exam hnaih tawh tawh nên an ti mak ka ti khawp mai, nangmah vângin i classmate ten lehkha an zir theih loh phah te atia"



A ti leh a, kei erawh ka lo ngâwi reng thung, sawi tûr ka hre lo, ka rilru ana takzet a ni.


"Diktak chuan Nangleh i Uchhuantea hi inngaizâwng angin an sawi che a, chumi vâng chu a ni pakhat"


Ka nu chu ka en kâwk a,


"Thudik lo anih chu"


Ka lo ti vat,


"Nia, ka hria lawm, mahse in hmu tam tawh lo ula in in ngaizawng lo tih an âwih ve mai ang"




Ani thei lo, Uchhuantea chu ka hmuh a ngai, a tello in engmah ka ti thei lo, a puihna ka mamawh asin, tûpawn engtin pawn lo sawi mahse pawi tihna ka nei lo, Sentei phubâ kha ka lâk hma chu ka awm a nuam thei dawn lo.




"Nu Uchhuantea chu thil hrilh tur pawimawh deuh ka nei asin"



Ka'n ti deuh nâng nâng a,


"Boihte i â lutuk, amah vângin hnawhchhuah inih hi"



"Aih chu chu ka ngaipawimawh thei rih lo, ka hmuh ngei angai lawm"



Ka nu chu a thaw hak a, min chhâng tawh lo in ka samah chuan a tuai hliau hliau ringawt.


------------------



Zanah chuan ka nu leh pa an awm lo hlauh, Nitei pasal dam lo an tlawh avângin Uramtei nen chiah kan awm a, ani chuan a roomah phone a hmang daih, chu chu remchângah la in ka chhuak ru ta zâl zâl a.




Kawngpui ka thlen thlâk chuan Taxi ka hmuh hmasak ber chu ka lo phar ding vat, Uchhuantea te vêng lam chu ka pan pui ta nghâl a, kan in hlat lem lo na a kê a kal nân erawh chuan a hla ve tho.




Ka phone ațang chuan ka call mawlh mawlh a, mahse min chhâng lo, a ring quit zêl nia, reilo tê ah an in pawh chu ka thleng ve mai a, mahse alo in kalh .




Pâwnah chuan ka lo nghâk rân reng a, a rawn hâwng har bawk si, Message chu ka thawn ta ringawt a.


*I inah ka awm, thil pawimawh deuh sawi pui tur che ka nei a lo haw vat rawh*



Tiin ka text a, a in delivered, mahse min reply lo, ka nu khân alo țawngkhum na deuh amaw ka ti hial a ni.



"Hlute"



Ka phu chiang lutuk, rang lutukin ka hnunglam ka hawi a, Pa Mathana chuan mak tih hmêl zet hian min lo en hau mai, Ka thiannu Sentei leh Lindai thattû a ni tih ka hria, mahse pângâi taka awm ka tum, ka chhûngrilah erawh ka hlau hlê thung.


"Enge hetah itih a? Tûn ang zânah? "


"Nia... Aaa... Kaaa.. Uchhuantea hmuh lawk ka duh a"


Ka ti bah niai a, a nui suk mai.


"E... A nutei thawmhnaw zawrh tûr a lâkpui alawm, hetah lo nghâk rawh, an lo la thleng har deuh ang"




Ka khûr ru der der a, mahse zân ala rei lo bawk a, engtin mah ka awm êm lo ang chu maw, Bawihpuia te an awm tho a, naupang hmuh lai chuan min tina duh bîk hauh lo ang tih rilru pu chungin an in lamah chuan ka zui chho ve mai a.




Ka rin ang ngeiin Bawihpuia tepawh an lo la meng hlauh, Pa Mathana chuan in la fel fahran hian thingpui techu min lum sak a, a rûk tak chuan a hnunglam atang sâwn khawn thlûk chawrh mai ka duh tawh, mahse chutianga ka tih mai loh nân chuan ka insûm nasa hle.



Bawihpuia te lemziah chu ka lo enpui mai mai a, Pa Mathana pawh chu pângai takin ka ti ti pui thei, ka nu leh pa hriat loh hlâna kal ka nih thû techu ka sawi a, țawng mawlh mawlh pahin a thingpui min pêk chu ka la vat.


"Ka va inthiar lawk ange"



Tihpah chuan a tho a bathroom lam chu a pan daih, zan in hian a nihna zawng zawng hi Uchhuantea ka hrilh vek ang, min ring emaw ring lo emaw ka pawisa lo, a hriat ve ngêi a ngai a ni tawp mai ni.



Ka phone message tone chu a rawn ri tlek a, Uchhuantea anih ringin ka en vat, mahse ka number hriat ngai a ni lo, mahse ka open ta tho a.



*Thingpui kha in miah suh, damdawi pawlh anih kha, leih bua la, in ang deuhin i awm dawn nia*



Tih hi alo in ziak a, ka hawikual vak vak ringawt, tu tih nge ka hre lo, mahse Rin chu ka nei, Sentei a ni, rang takin thingpui chu tukverh ah chuan ka leih bua a, ka țhu fel chiah tih chuan Pa Mathana pawh arawn lêt leh tawh, Dar 8 a ri ta, Uchhuantea techu rawn hawng har ka ti tawh takzet, a damdawi min pêk lah chu a thawh dân ka hre dêr si lo, mahse mutchhuak ang takin lem chu ka'n chang ta ringawt a.



"Pa Mathan, ka mut a chhuak dawn țan a, ka haw mai dawn mawni le"




"Tikhân lo muhîl la, an lo thlen hunah Chhuantea chuan a thlah leh mai ang che"



A tih chuan ka nui ru sak a, ka lemchan chu a fu dâwn riau a hriatna ka nei.



Țhutthlêngah chuan muthlu der ang tak hian ka awm a, Bawihpuia te mu tûra a tih rî techu ka hre vek, mahse ka la muthlu der ngat ngat tho.




Reilotê ah min rawn pawm kâng nawlhin pawn lamah chuan min chhuahpuiin ka hria, hetia lem ka chan reng chuan kei hi ka dinhmun a hlauhawm țan tih ka hria, step a min chhuk pui lai chuan ka tâl phut a, min thlauh dawt, nâ pawh sawi lo in ka tho leh nghâl a, mahse ka khêl arawn na zawk thei, ka tlân thei lo, tlân luih ka tum chu ka hnunglam ațang chuan nghet zet hian min kuah bet a, ka hmûi a hup leh tawh, ka theih tâwpin ka tâl a,kawng techu a reh țhuap bawk si.




An inhnuai ber thim khupa min luhpui tûr chu Pa Mathana chu a lêng lawp a, lei ah chuan a tla ri thlawrh, a khawih tû erawh ka hmu thei lo, mahse... Ka hre thei.



"Sente"



Ka ti sap a, kei erawh lei ah chuan ka bawk thlawp, Mahse Pa Mathana chu ana vak lo niang ka kê ah chuan min rawn pawt leh dâwrh a, mahse ka hmûi erawh a hup thei tawh bîk lo.



"Min tanpui rû.... "



Tiin ka âu vak vak a, Motor rî ka hriat phei chuan ka âu ring zual sauh, Mahse tûmân ka âu ri chu an hre lo aniang Pa Mathana chuan inhnuai thim lai ah chuan min pawt lût ta tho a, inchhûngah chuan min pawt lûtin kawngkhâr a khâr ri țhuai pawh ka hre thei, mahse a thim êm a engmah ka hmu chiang thei lo, Ka âu pah reng tho.



Ka hmâi ah chuan min bêng țhuai a, min bawh bet ûl bawk si ka hlâu lutuk chu ka țap tawp a, a taksa chu a rih êm vângin thâwk pawh ka thaw țha thei lo, ka kâ ah chuan min rawn hup leh a, a thâ a chakin kei lah ka nuamsam lo sa bawk nên ka châu takzet tawh, ka rilru chuan ka țawngțai mawlh mawlh a, ka taksa chu a zal țan tawh in ka hria, ka rilru erawh a fîm kur bawk si.


A kutah chuan ka seh sak vak a, râk țhawt pahin min bêng leh țhuai mai, anâ ka ti lutuk, ka lû te hi a hai vek thei nia, ka biang chu namên lo hian a thîp vawng vawng bawk.



Thâwk leh khatah kawngkhâr chu arawn ri țhuai a, current a in on nghâl bawk, Ka hmuh hmasak ber chu Uchhuantea a ni, Nu Hmingmawiin nên chuan an phâwk dûn hrâ mai.



"Pate, engtin nge Hlutei kha tih ilo tum a? "



Uchhuantea chuan min rawn pan pah hian a ti a, kei erawh ka țawng thei tawh lo, ka lâwm lutuk chu Pathian hnênah lâwmthû ka sawi mawlh mawlh ringawt.



"Mathan, engthil nge maw i tih le? "



Nu Hmingmawii pawh chuan țap âw lek lek hian arawn ti a, Uchhuantea chuan min kâi tho nghâl vat, engmah sawi tawh lo chuan a âwmah bei thlawpin ka țap ta hliam hliam a, engtin nge min ngaih ang tih ka ngaihtuah tawh lo, ka lâwm êm a ni.



"Lalthankhûm engthil nge i tih hi? "




Nu Hmingmawii chuan awki sâng zet hian a ti leh a, mahse Pa Mathana erawh a ngâwi tlat, hetianga a ngawi reng dawn anih chuan keimân ka sawi mai angai, Uchhuantea min kuahna ațang chuan ka tâl thlâ a.



"Thudik ka hriat vângin hetiang hian min ti anih hi"



Ka lo ti a, Uchhuantea leh Nu Hmingmawii chuan mak tih hmêl zet hian min en dûn kar mai.



"Eng thudik maw? "



Uchhuantea chuan alo ti hâ a,


"Ni e, he thudik hi hrilh che ka duh vângin zan in pawh hian ka nu te hriat loh hlânin ka rawn kal tawp a"



"Peh hêl lo in sawi vat rawh"


Nu Hmingmawii chuan alo ti hlar a,


"Sentei leh Lindai that tû kha tû dang ni lo in Pa Mathana hi a ni"


Ka mittui arawn luang thla nghâl zâwih a,


"Dâwt a nih chu, Sentei kha ka fanu ang chiahin ka en a, thahna chhan tûr ka nei lo"



Alo ti ve vat a, ka nui hak, kei min tih dân ațang hian engkim a chiang tawh sia, ala pha ngam cheu nia.


"Lo ngâwi rih rawh"


Uchhuantea chuan inseh chilh rap hian Pa Mathana chu rum zeta enchung hian ati hrâwk a.


"Nang hian Sentei kha i pâwngsual țhin a, Video a la in amah vo nân i hmang țhin a nih kha, tichuan i duh hun hunah i pâwngsual ta țhin a, Midang bulah asawi anih chuan a video tih leak out ah i vo thin a nih kha, a nun kha nang hian hrehmhmunah i siam a sin, zahna châng i hre miah lo mi?"



Tap chung chuan ka ti ta tâwn tâwn a, Pa Mathana hlâu thâwng hmêl chuan ka thusawi chu a dik zia a ti chiâng viau in ka hria.


"Dawt... Nu i... Dawt vek a sawi"


Arawn ti bah ta nuai a, Uchhuantea insûm zo lo chuan a kawr âwmah thâmin a rêk ta nawk nawk a,bawhbeti a hnek nghâl thuai thuai mai, Nu Hmingmawii nên chuan kan lo dang vat, Pa Mathana chu a sen nghâl țâwn țâwn thei nia, a kâ arawn thî sung bawk.



"I that mai dâwn asin"



Nu Hmingmawii chuan țap chung chuan alo ti ve bawk a, Harsa tih hmêl zet hian a thlah ve mai,


"Engtin nge i theih zawk? Sentei khân apa angin a ngâi țhin che sin"



Tiin Nu Hmingmawii chuan An pa chu a țah khum a, Uchhuantea erawh chuan ngâwi reng hian Pa Mathana chu a melh ngur a, a in hûm ruh nasa hlê bawk, Ka nu Chu message in Uchhuantea te in ah Police rawn tîr tûr in ka ti a, Uchhuantea kut in hûm ruh nasat lutuk vânga a thisen zâm rawn pâwng țawlh țawlh chu ka en reng, vawn sak ka châk lutuk, mahse ka ngam lo.



Țhenawm khawvêng ho pawh kan thâwm hria in an rawn lût sap sap hlawm a, police ho pawn Pa Mathana chu an rawn hruai ta, tlangvâl tha za fâl techuan khawih rawn mai tepawh an duh a, mahse police in an hruai tâk daih vâng chuan
Țhut hmunah an thinrim thû techu an in hrilh mawlh mawlh hlawm a.


Kei erawh Uchhuantea bulah chuan ngâwi rengin ka țhu ve a, ani pawh a ngâwi reng a, a melh ngai a melh ngur ngur mai, a kut mawlh chu a hûm ruh nasa, ka huaisenna zawng zawng sâwmkhâwmin a kutah chuan ka vawn sak dê dê a, a rawn phu zuk mai, min rawn en vut a, ka lo nuih lui sak ringawt.



"I biang chu a duk deuh anih kha"


Arawn ti sup a, a duk lai ni âwma ka rin chu ka hup nghâl zâl zâl mai,


"Mi â tak ka ni, engtin nge ka hriat loh theih le? "


A thaw chhuak hawk a, a rilru ana viau ang.


"Keipawn ka hre hleinem, vawiin khân Sentei khân min hrilh alawm"


Min rawn en vut a, âwih lo ngam chiah si lo, awih chiah lo deuhin a awm in ka hria, mahse engmah a sawi lo.


"Chhuante"



Kan awmna ah chuan hmeichhe pakhat hmelțha leh hleitling zet mai hi arawn kal ve a, a bialnu a nih ka ring, kan hmâ ah tak arawn din vâng chuan Uchhuantea kut ka vawnna chu ka thlah dê dê a, mahse ka rin loh lutukin ka kut chu a rawn man nghet churh anih chu, mak ka tih êm vângin a hmêl chu ka en vat a, min en lo in chu nû chu alo melh ngur thung.



"In chanchin ka lo hria a"



A ti leh sap a,


"I hmuh ang hi ni mai"



Alo ti hmuk ringawt, ka inthiam lo viau na a a rûk tak chuan ka hlim veng veng mai.

__________________

Pa Mathana reifê an dâwp hnû ah a in puang ta hrâm a, damchhúng tâng tùrin jail rûn thimah mahni inthiâm lohna nên a awm ta, Sentei leh Lindai thlâ pawn min ti buai tawh lo, ka nun chu a pângâi chho țan tawh khawp mai.




School dangah chuan ka insawn ta ngêi a, min lo duh hlawm phiân, exam pawh țha takin ka pass ve a, Uchhuantea pawh zirtîrtu hnâ thawk tawh lo in hna țha tak a thawk tawh a, khâ thil a thlen ațang khân kan inbe chho a, in ngâizâwng chu kan ni mai, mahse Ka nu hian kan inhmuh hi a rem ti vak lo a, mahse zan in ka birthday ah chuan ka bialpa anga hmelhriat tîr ka tum tawh.




Dârthlalang hmâ ah chuan en in nalh ka inti ve hlê, mak deuh maiin Luci nên khân kan inkawmngaih ta phiân a, amah hian min chei vek bawk, make-up lam tih vêl hi ka ngaina lo nasa, bâkah tûna ka thawmhnaw hâk te hi ka pian a hnulama ka vawikhat hâk ve na a ni, ka pa tak ngial pawn " Ti kha chuan fanu ka nei ve tih ka in hre chiah" a ti ve hial anih kha.



Kawrfual pawdal simple tak ka khûp chung thlenga fual chu ka hâ a, a bân a bûl viau bawk, pheikhawk sâng ka bun thiam loh vângin pheikhawk flat ka nu in min thlan sak chu ka bun a, țhi simple tak ka awrh bawk.



"Alo thleng ania, pâwnah lo nghâk rawh"


Hlima chuan arawn ti lût lûng lûng a, Luci nen chuan kan in en a, kan in nuih hak ringawt.




Pawn lamah chuan rang takin ka tlân chhuak a, Uchhuantea chu a sana bih zuk zuk chung hian alo ding reng, a incheina chu a inhmeh phiân, ka bialpa a ni mai hi âwih harsa ka la ti reng.


Ka âw chu ka thiân kharh a, arawn hawi vut, nui suk pah hian min rawn pan a, a lâi ve deuh tih ka hre mai, keipawh chuti tho.


"I inpeih em? "


"Lawkin"


A rawn ti a, boruak chu hîp lût vakin a thaw chhuak leh ham ham a, ka lo nuih hak ringawt.


"An thin lo rim viau ta se ka zak ngawt ang"



A ti sup a,


"Lungngâi suh, khawvêl tâwp thleng pawn ka zui zél tho ang che"


Ka tih chuan arawn nui hak a, keipawh ka nui tho, zâm ru tak chung chuan kan in kâi lût a, kan lût chiah chu thâwm alo țha khawp mai.



Mak ka tih deuh chu ka nu leh ka pa chu mak ti hmêl pawn an awm lo nia, min âu phûr phûr ah an țang lehnghâl.



"Surprise"


Ka beng bula rawn ti sup tû chu ka en hâ a,


"I nu leh ipa te nên hian kan in be fel vek tawh"


A rawn ti sup a, ka ngei viau na a ka hlim bawk si, a âwmah chuan ka chûm vak a, ngahmah a ngâi lo aniang nui sun sun pah hian alamah chuan min pawt hnâi a, Ka nu leh pa leh midang pawh kan zah zo tawh lo, nghet zet chuan kan inkuah vang vang ringawt.


"Min fâwp dâwn nange? "



Ka tih chuan a chil arawn hâk khurh khurh a, ka lo nui hak.


"Ka châk viau na a, i nu leh pa hmuh lai em em chuan ka ngam bîk lo"


A tih chuan ka nuih nasa ngang mai, kan in hmangaih thû in hrilh ngai lo mahila chêt zia in kan lantîr a, kan mitmeng ațangin kan inhrethiam tawn țhin, thianghlim takin kan in kawp a, Pathian duh loh khawp ramrî kan pêl ngai lo, Uchhuantea hi ka mipa hriat tawh ah chuan ala insûm thei ber, min ti lui ngat se chu ka hmangaihna vâng hian ka hnial ka in ring lo, mahse ramrî kan pelh hmâ in a inthiar fihlim vat țhin, hei hi nia ka hmangaih zual nachhan pakhat chu.








THE END



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)