Alpha:1995 BY Melz Hrahsel (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Alpha:1995 BY Melz Hrahsel (Completed)

Unread post by Ngaia » June 28th, 2020, 2:23 pm

Chapter-43


°Jade's Pov°

"Eros a hi mi tha tak a nia i vannei mai mai a ni. Zion i thukru pawh hi i lakah a thinrim miah lo a nia" ka nu chuan a ti a.

"Nia. Mipa tha tak a ni, chuvang chuan alawm ka hmangaih ni. Mahse midang erawh in an hre velo. Mi sual leh zahnghaihna neilo, lumna pakhat pah nei lo leh chapo tak ang vekin an la ngai a ni"

"Jade a ni tih ka hria alawm" Saphire chuan min ti chhang ve thuai.

"Hmm...a ni thin a lawm. Mahse a nazawngin a ni biklo"

"Nangmah vangin a inthlak alawm. Awlsam takin a hmangaih che a nia" a phone hmeh met malh malh in Saphire in a lo ti ve leh.

Ka nui hak a "a ni pawhin a ti ve tho"

"Engpawh nise. Jospeh in facebook ah min tawn bia a. Nupui hual nen kan an inbe tha leh a. Thlaleh ah an innei dawn"

"Oh. Thil tha tak a nih chu...a tan ngat phei chuan"

"Nia" Saphire in a dar san ak in min chhang a "engpawh nise Jade. Joseph a hnen a Eros a vang a biru i ni tih ka hrilh kha pawi ka ti. Hmanah bar a in inhmuh tawh thu leh eng emaw a thleng a, amah i huat phah a i tlanbo phah tih kha ka hrilh vek a"

"Saph. Ti nawn tawh hlek suh ang che. Tihsual a nih kha"

"Nia. Ka tihpalh"

"A tha e Saph lungngai suh"



***Markos Petrakis's Mansion. 6pm, the night before Eros's and Jade's wedding day***


°Eros's Pov°

"Heta hi an awm e" Chloe in a lo ti tuarh a.

Ka thin a phu dawt dawt a phur vang leh zam vang a ni ka kut a thlan dap bawk. Engtin nge ka awm chiah pawh ka hrethiam lo ka taksa hi a zeng ni berin ka hria.

"Shh...Chloe hahdam rawh. Midang zawng pawh i ti hahdam zawk ang. Mi tih hlauthawng zawng a khawsak hi a fuh lo a nia. A biktak in Zion" ka nu Nina Petrakis chuan kan hahdam zawk theih nan a han ti a. Living room lian tak ah Victorian sofa ah kan thu mek a ni.

Iñigo leh ka pa in martini an in dun a. Kei erawh sofa sir ah ka thu ran. Ka hlauthawng a ni zawhna tamtak ka bengah hian a ri nawn tluk tluk mai.

Zion hian a pa ang in engtin nge min pawm theih ang

New York hi nuam ti lo ta se Georgia nen chuan a in thlamuan hleih ropui bawk si

A la tu nu leh pa te nilo in engtin nge ka chungah a in nghah theih ang

Engtin nge ni ang

Oh lalpa leh. Helai hmunah hian Jade hi awm ve se ka ti khawp mai. Nasa takin min pui leh ngei awm si a. Ka thlamuan phah sawt zawk bawk ang.

Mahse a ni chuan zanin ah hian eng thil nge thleng tih pakhat mah hriat a neilo. Ka nu in hrilh lo turin min ti a. A hrechhuak a nih chuan hahdam tak in a awm hle hle thei dawn lo tih ka hria. Naktuk kan inneih ni a ni tawh a tha tak a mut a ngai a ni. Lehlam ah. Ka nu rin dan chuan inneih hma zan a mo tur leh mo neitu tur inhmuh hian vanduai na a thlen duh a ti. Mahse ka awih chuang lo.

Jade. Aw heng thil zawng zawng vang hian nuamlo a ti tawh em em a. Zion midang a pe mai kha a inchhir em em a vawi duai lo ngaihdam min dil char char bawk.

"Nangmah in dem kha duhtawk rawh Jade. Hreawm i ti mai mai zawk ang chuan hreawm tak a i awm hi ka duh lo" tiin tukin zing a ka call khan ka ti a. He thil thleng hi chu court ah pawn kan tifel thei "he thil hi court ah kan kalpui a nih chuan hnehna kan chang ngei ang. Khatin hunlai khan i nun a hahthlak em a. I pa i chan a, i thian i chan a chuta karah nau i pai bawk nen. Lehlam ah i la naupang ropui bawk si" ka ti zui a.

"Mahse chu chu a nunrawn thlak em mai. He thil hi court a hnuh luh ka duh lo. Phychological tak a thlir pawn Zion hi a tawp a tuar tu ber a ni dawn"

"I ti dik. Chu thil chu a thlen ka duh biklo"

"Sana hi herh kir leh a Zion hi neih kir leh ka duh a ni Eros"

"Ka hria duhtak. Keipawn ka duh alawm nasa takin"

"Zion a adopt tu te hian an hmangaih em em a. a ni pawn in a hmangaih ve bawk"

"Nia" ka thaw chhuak hak a "Zion hi a lak atanga kan la hrang a nih chuan a ngaihna a hre miah lo ang"

"Hlimlo tak a awm turin ka duh lo. Eng thil nge kan tih tak ang" min zawt a.

"A nihna takah chuan idea ka nei. Nizan ah kapa nen kan sawi dun a. Hei hi tih dan tha ber ni turah kan ngai. Zion a tan leh kan tan, a la tu nu leh pa te tan pawh"

"Tak tak maw" a aw atangin beisei a nei tih ka hria "eng thil nge ni a"

Jade i hnenah ka plan te chu ka hrilh a. Thil thleng zawng zawng ah chuan beisei na a nei thar tih ka hria.

"Min ring rawh duhtak. Tha em"

"Tehreng mai. Ka ring che Eros. Ka hmangaih che"

"A ai nasa in ka hmangaih che naute. Hahdam tak in vawin hun hmang rawh. Kan inneih zan thleng pawn hahdam tak in i awm thei ang"

"Tak tak maw. Inneih ceremony ah nilo in inneih zanah maw"

"Hahah. Aw. Inneih zan ah pawh" ka nui hak a.

"Mipa naupang ang mai i ni Mr. Petrakis" ka nui ve hak bawk. Mahse thil thleng zawng zawng vang hian ka hahdam hleithei lo a ni.

---------------

Vawin ah Philedelphia ah business pawimawh lutuk nei tur in ka kal thut a. Ka pa in Georgia ah lawyer a thawn tawh tih min hrilh tum in min rawn ko a.

"Muangchang a kan tih a tha in ka hria ka pa"

"Hun hi rangkachak a ni, ka fapa. Tinge kan khawhral ang. I fapa i duh a chutiang bawk in Jade pawn, kan vawi in kan duh. Chuvangin kan nghah rei vak hi a fuh lo ang. Lehlem ah Jade i tan inneih thilpek tha tak a ni mai lawm. A hlim ngawt ang"

"Thil dik a nilo. I hma i sial lutuk. He thil thleng hi Jade in a buaipui theih turin ti rawh . I buaina tur a awmlo"

"Hrep a che Eros. Ka tupa a nih hi. Ka dikna hi ka hrechiang. I pa ka nih hi hrep tak a che" thinrim takin ka pa in a ti chhum hmuk mai.

"Ka tihpalh ka pa. Thil thleng zawng zawng hian min ti chau zo a ni"

"Zion hi i inneih na hmunah awm ve se a tha ang. Engtiang in nge i ngaih dawn chu ka hrelo mahse a lo thlang len hun a thlalak leh video a en hun ah engvangin nge a nu leh pa inneih thlalak ah a lan ve loh ti a ngaihtuah loh nan"

Ngawireng a awm ka thlang tha zawk. Ka pa inhnial pui chu lung a in chhut ang vel a ni. Tumah in an la hneh ngai lo. Lehlam ah a dik tih ka hre bawk.

"He case hneh thei tur hian change tha tak kan nei a ni ka fapa"

"Ka hria pa. Mahse tumah an na lo tih chian a ngai a biktak in Zion"

"Ole. Tehreng mai"

--------

Ka nu bengcheng chiam chuan a suangtuah na ram atangin min kai harh nghal zawk.

"O lalpa ka hmu e" ka nu chuan a lo ti nghal chel chul a "a van duhawm tak em"

"Nu...hahdam teh. Tha tak a kan awm a ngai i tih kha, chuan nang ber in i hre zui leh silo a" Chloe chuan a lo ti thuai.

"Shh...hetah an awm ve reng hi" ka pa ding in kawngka pui lam chu a pan ding nghal thuai a.

Kawngka pui inhawng atangin Mr. Leh Mrs Gonzales ten ka fapa chu an lo pawm lut bawk. Zion chu a pa chuan a pawm a. Ka pa body guard ten an lo hruai thlap bawk.

Zion ka hmuh rual rual in lawm a vang in ka thin hi a phu nghal dawp dawp. Celling vel en kal chuan a hawi ha ha a, painting, light, leh mipui te chu a en bawk. Ka pa in a lo lawm a. Hawi let leh in a pa chu a kuah leh nghal thuai.

"Lo lut ru. Lo lut ru" ka pa in a lo lawm a. Inchhung lamah a hruai lut a. Mahse Zion erawh a melh hmaih thei lo.

"Hi. Nina Petrakis ka nia" ka nu chuan in thunun a tum hram hram bawk. Zion a hnung chu a tuai a. Chloe leh Iñigo te a in hmelhriat tir zawh ah keimah chauh ka awm ta "chuan hei hi ka fapa Eros...Zion a pa"

Mrs. Gonzales chu a meng nghal kawk. A mitah hlauhna ka hmu a ni. Zion chu ka la bo mai ang tih a hlauthawng ni in ka hria.

"Tlai lam chibai u" chu zawng chu a sawi. Ka fapa chauh chu ke melh char char.

"Hi umm...Edna Gonzales ka nia...chuan hei hi ka pasal Roberto"

Ka mittui tla lo tur a thunun chu a har ngang mai. Ka mittui chu a rukin ka hru zauh a eng thil nge ka chungah thleng ka hrelo. Mrs Gonzales chu ka kuah a. A pasal ka kuah leh a Zion pawh ka kuah tel nghal. "Ka lawm e. Ka lawm takzet. Kan sawmna in pawm vangin ka lawm takzet"

"Kan tihtur ve reng alawm. Zion hi a chhungkaw diktak te lak a dahbo hi kan duh bik hleinem" Roberto Gonzales chuan a ti a. Zion chuan min en kar in min rawn ban a. Ka lo la nghal thuai.

A hmasa ber atan ka fapa chu tawk in ka pawm a ni. Zion. Ka fapa. Kuah nghal vawng vawng in a chalah ka fawp a. Ka tap chiang...mahse ti lang lo turin ka in veng ve bawk.

Zion lah chuan min lo en kar lehnghal a. A kut rawn phar chhuak in ka mittui tla chu a kut tetak te in a hru zauh a "Tawp tawh suh Apa"

Ka thinlung hi lawmna in a khat a ni ber mai. Zion in ka pa tiin min ko a nia. Mr. Leh Mrs. Gonzales ka va en a min lo nuih var var mai.

"I nu leh pa kan hmu dawn ti in ka hrilh a. A hrethiam nghal vek mai naupang fing tak a ni Mr. Petrakis" Mrs. Gonzales in a lo ti thuai.

Oh lalpa

"Ka lawm e" tih chauh chu ka zawt theih awmchhun a ni. Ka hlimna hi a luangliam a ni ber. Zion a la tu te nupa mi fel tak an lo ni chu a lawmawm kher mai. Mr. Gonzales hi bus driver a ni a. Mrs Edna Gonzales hi chu inlam ah a awm thin.

Zion chu kuah leh in min kuah ve ran a. "I helicopter ah ka la chuang thei a ngem Apa"

Ka nui sak a "tehreng mai ka fapa. Kan chuang ho dawn nia keimah leh anu te nen" mipa naupang danglam tak a ni.

Ka fapa ka pawm tih hi ka la ringhlel fan mai. Ka thisen leh ka ril a rah ngei lehnghal. A la naupang em a, kut tetakte leh ban tereuh te a nei a. Venhim ka duh a ni. Him takin awm se ka duh O lalpa ka hmangaih a ni. Jade in han pawm ve se aw tih ka ngaihtuah. Hlimna sawifiah theih loh in a khat ve ngai ang.

Ka nu leh Chloe chu ka sirah an rawn ding a. Zion a hnung leh a ke vel te chu duat tak in an lo chul ve bawk. Keimah vang chiah in an hlim tih ka hria.

"Hi Zion. I pi ka nia" ka nu in a ti a. Zion a chu biak nel deuh a tum a "i ta maw"

Zion chuan ka nu a en a. Chloe a melh phei leh a.

"Hello. I ni Chloe ka nia" Chloe chu a in siam chhe zauh a. Zion a nuih ka ring a. Mahse a nui hauh lo.

"Engtik ah emaw la bazar pui che in toys tamtawk kan la lei dawn a nia. I duh apiang a ni mai"

"Nu. Duat sual tum suh" ka lo ti vat a.

"Lungngai duh duhtak. Chutiang a thleng lo ang" ka nu in a ti sap a.

Eng emaw ri deuh tiar ri kan hria a. Ri lo chhuah na lam chu kan haw phei nghal thuai. Kapa chuan remote controll car lem a lo hum reng chu ni in.

"I duh em" Zion chu en in ka pa chuan a ti a.

"Aw Sir"

"Apu ti in min ko rawh. Zion, tha em"

"Ole Apu"

A hnu ah Zion nen chuan kan in bihruk siak a. X.box te kan khel dun a. Chumi hnuah khumah thawnthu ka chhiar sak bawk. A nu leh pa te ne mikhual room ah chuan kan in nghah tir a.

A tawp a tawp a ka fapa ka hmu thei chu ka hlim a ni. Mipa naupang damlam tak a ni a ka hmangaih bawk. Tunah chuan pa nih awmzia diktak ka hre ta. Hlimna sawi sen loh tuman an sawifiah theih loh tur khawp chu ka neih phah a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:23 pm

Chapter-44

°Jade's Pov°

"I lang tha lutuk Jade" mittui tliang piau in ka nu chuan a ti a. "Inneih maicham a hruai tur che in i pa awm ve se ka van ti em"

"Nu. Vawi3 lai i sawi tawh a nia. Khawngaih in tap tawh suh. Inneih ni a nih hi"

"Ka tihpalh. Ka emotional leh thin. Kan inneih ni kha ka la hre reng chuan tunah oa fanu in pasal a nei ve dawn ta reng chu a nia" kan mood tih chhiat loh nan a nui sak a. A rawmawl chuan a mittui a hru leh zauh thin. Limo var chhungah chuang in St. Petrack's Cathedral. Eros a nen a kan in kutsuih na tur lam chu kan pan mek a ni.

Inneih kawr nalh leh manto tak ka ha a. Pheikhawk sang silver rawng ka bun bawk. A sam chu bawk kang in lunghlu atang a siam tiara ka khum a. Ka makeup te chu la mit hring chawih tur takin nalh taka hnawih vek a ni.

Ka nu thlamuan nan a kut chu ka vuan a. Pa zam tih ka hria. Chutih rualin a hlim a, kei chu kan in ka chhuahsan mai tur erawh ka hnual ve deuh. Amah leh Saphire te ka ngai dawn em a ni. Vawi tamtak emational tak a awm lo turin ka ti a. Min chan dawn lo, chuta karah fapa a nei tawh dawn bawk. Eros a nen an tan leh Saphire te tan kan awm reng dawn.

Min kuah a, ka biangah a chuk zauh a "ka hmangaih che. Ka vantirhkoh naute. Eros a i tawng hi i pa pawh a hlim ve ngei ang. Kan hmu theilo a ni mahna mahse a thlaruai chu biakin chhungah hian a awm ve ngei ka ring. I kiangah ding in maicham thleng a lo hruai ve ngei ang che"

"Ka hria Nu" ka chhang a. Ka tan pawh ka mittui thunun tum chu a har khawp mai.

Inneih tan a nih hma minute 15 ah biakin kan thleng tawh a. Biakin luhna kawngka hma takah ka chuan na Limo chu a ding ran bawk. Ka nu chu car atang a chhuak in kei chuan ka kal hun tur ka lo nghak ve ran bawk.

Ka zam takzet a ni. Ka kut leh ka ke zawng zawng te hi a khur dar dar mai. Chutih rualin ka hlim a ka phur tawh bawk, Eros a ka nei thei tur ka la ring theilo. Ni e Eros. Ka mipa hmangaih tak mai, sawifiah theih loh tur khawpa min hmangaih let ve tu pa ngei mai chu.

Keimah tawkah ka rilru a buai ve hle. Thil tamtak ka ngaihtuah. A biktak in Eros leh Zion te. Ka ngaihtuah na kal ding lutuk vangin ka chuan na Limo kawngka chu Eros a nu Nina Petrakis in a lo hawng tih reng ka hrelo.

"Ka lawm e. Mrs. Petrakis"

"Nilo...nilo..nilo.. tun atang chuan ka nu tiin min ko tawh ang che. Tha tiraw"

Ka lawm na hi a luangliam ni berin ka hria "ka lawm e. Nu"

A nui sak a min kuah nghal a "Jade. I zam tih ka hria chutih rualin a phur ang nga i hlim bawk ang...ka thil hrilh tur che hi sawi hun a ni chiah chuan ka hre biklo. Mahse. Eng thil emaw pawimawh tak hrilh duh che ka nei a ni"

O lalpa leh. Ka thin a phu nghal dawt dawt a. Eng thil diklo nge thleng thil awmang lo tak tak ka ngaihtuah chhuak nghal chuai chuai mai Eros a chungah eng nge thleng. A lo kal lo zawk em ni ang

"Markos in aw a tih...mahse Chloe chuan sawi lo turin min ti thung a. Chutih rualin Eros pawn hrilh lo tur che in min ti zet na chu tukin ah Aw ti in min chhang leh a. A ngaihna ka hrelo mahse...ka rin dan chuan ka hrilh ngei che a ngai a ni. In inneih hma ngei hian"

"Eng thil nge a"

"Englo a nia" thawk la vang vang in a thaw chhuak leh hak a "Zion mawle"

"Zion. Eng thil nge a chungah thleng. A tha em" tunah chuan ka hlauthawng tawh kher mai. Ka naute chungah thleng a awm a nih chuan ka thi thei mai ang.

"Hetah a awm"

Ka meng nghal kawk a, ka thluak hnathawh te chu a chawl nghal dup mai. Ka mittui a rawn hnam chhuak nghal tiam tiam a. A biang ah a luan hma in ka hru hman zauh. Min thawng lutuk a thawk lak dan pawh ka theihnghilh hman tep a ni. Ka thin phu pawh a rang ngang mai. Ka hlim takzet a hmuh hlan ka nghakhlel tawh a ni.

Ka mipa naupang kha a tawpah chuan ka kut ngei in ka kawih thei dawn ta. Nghet takin ka kuah ngei ang. Lalpa. He hun hi entia rei nge ka lo nghah tawh. Zantin, nitin in, midang ka enkawl tir vang khan mutmu pawh ka tuah tha thei thin lo.

Vawi tamtak. A tha a ngem eng nge a tih ve ang tih ka ngaihtuah thin a. Chaw a ei tawh a ngem, a inbual a ngem, a dam em tih te. Zawhna tamtak chhan awm silo ka nei a. A la tu te khan an hmangaih a ngem, an ngaihsak tawk a ngem tih te zantin ka ngaihtiah thin.

"Hetah a awm maw" ka thu hriat chu a dik reng em tih fiah nan ka zawt leh sak a.

"Aw. A la tu nu leh pa te kha kan sawm ve a. Chuan Zion a la tu Gonzales te nupa hi mi tha tak an ni. Kan dinhmun hi an hrethiam a. Zion hi a hring tu nu leh pa te lak a lakhran lutuk leh inneih na a a kalo tur hi tha an ti lo a nizan khan kan inah an rawn thleng chiah a ni. Tunah kan bulah an awm"

"O lalpa khawnge a awm" kawngka atang chuan ka hawi zak zak a. Khawiah nge a awm tih hmuh ka duh a ni. Car tukverh a lian lo nen pawnlam ka hmu zau thei lo. Limo atanga chhuak in ka fapa chu ka zawng mai dawn em ni tih te ka ngaihtuah hman.

"Hahdam rawh Jade hetah a awm" ka nu Nina chuan car kawngka chu a hawng zau a. Ka hriat sa tawh nu valai tak chuan mipa naupang hi a lo pawm a. Ka mipa naupang duhawm tak Zion.

Zion a hetiang tak a hnai a ka hmu hi ka awih thei lo. A lang duhawm ngei mai tuxido dum leh a sam dum uk kharh te chuan a pa a chhun takzet. Eros a chiah chiah a ni.

O ka naute.

Ka mittui a rawn tla nghal zawih zawih a. Ka makeup a ti chhia em tih pawh ka ngaihtuah tawh lo. Zion ka hmu hi ka hlim em a ni. Nghet tak a kuah a vawh vawng vawng ka van chak em. Engkim a tha vek dawn a ti tih te hrilh a ka kalsan vang a ngaihdam dil te pawh ka duh. Engkim sawifiah vek te leh a tan leh kan tan buaina engmah a awmlo tih te chu hrilh ka chak takzet.

Mrs. Gonzales leh Zion te chu ka chuan na Limo chhuang a ka hma ah an thu a. Mipa naupang na na na chuan car chung vel te chu a en kual nasa khawp mai celling te, car seat te chu en in a hawi ha ha mai. A hnuah min rawn en a.

"Oh Jade i mittui tih tlak kha duhtawk rawh le" ka nu Nina chuan a ti a. Ka hnungah zawimuang in ka hnung a tuai that that bawk.

"Duhtak a tha vek e. Tap suh in inneih ni a nih hi" Mrs Gonzales chuan a lo ti ve bawk.

"Jade. Hei hi Edna a ni, Edna Gonzales, Zion a nu. Edna hei hi ka fanu ni mai tur Jade. Zion a...ughh...hring tu nu"

"Hello Jade. A tawpah chuan kan inhmu ta e" Mrs Gonzales in a kut a rawn phar va a. Ka chibai a. Zion chu ka en tawp thei lo a ni ber mai. A lang tha takzet, a duhawm in a nalh bawk si.

"Hi" tih chiah chu ka sawi theih awm chhun a ni.

"Chuan he naupang duhawm tak hi Zion a ni" A lu a vuan chungin a ti a"Zion. Jade bulah sawn va kal rawh i nu a nih saw"

"A nu maw" a ngaihna hriat loh hmel zet in Mrs Gonzales chu a en kar a.

"Aw. I nu ni e, i nu leh pa hmu turin alawm hetah hian kan kal ka tih kha. Nizan ah i pa Eros kan hmu tawh a...chuan tunah hei hi i nu Jade a nih hi"

"Oh tihpalh. Ka theihnghilh a" a tih pah in a chal chu a beng thek a. Mrs Gonzales en chuan a nui var var bawk.

Ka nu Nina chuan Zion a chezia chu a lo nuih hak a. "Lo kal rawh le Zion. Naupang fel i nih kha, i nu Jade hi kuah rawh le"

Zion chuan min en kar a, muangchang in min rawn pan hnai a. A kut tetakte chuan ka kawngah a kuah ve ran bawk. Ka malchung ah ka thut tir thuai a nghet takin ka kuah nghal vawng vawng. Ka mittui lah dan rual loh in a tla nghal zawih zawih.

A biangah ka fawp a. A chal ah fawp leh in a naupang rim rimtui zet chu ka hnim vang vang bawk. Ka hmangaihna zawng zawng neitu a ni.

"Ka ngai lutuk che ka naute. Ka hmangaih lutuk che. Ka tihpalh a ni...ka tihpalh takzet...ka naute duhtak" kuah vawng vawng pah in a bengbul ah ka hrilhru sap a. Kaltir chu ka phal tawh ngang lo. Ka kiangah hian awm se ka duh engtiklai pawh in. Amah hi enkawl ka duh a ka tihsual tawh zawng zawng te kha siam that ka duh a ni...a biktak in ka kalsan vang khan.

"Jade...jade..jade" ka nu Nina in a rawn ti ka hriat rual in Zion an ka kuah ngheh lutuk vang a a tal chu ka hre zui nghal pat "zawimuang khan aw. I ti hlau a nia"

"Oh ka tihpalh" a sam chu ka tuai mam sak thuai a. "Hi Zion i nu Jade ka nia" ka mittui tla reng mai chu thunun tum in ka insum hram hram bawk.

"Ka hria. A nu leh Apa in min hrilh" hnual deuh tak chuan min melh a.

"A tir atang kha kan fa lak a ni tih kan hrilh ve fo thin a. Nakin ah a lo liang zel ang nga kan fa hrin a nih loh na hi a hrechhuak tho tho dawn tih kan hriat vang a ni. Keini chu filipinos kan ni si a. Tunah hrih chuan engmah a la hrethiam lo a la naupang bawk nen. A hriat chhun chu kan hmangaih tih chauh hi a ni. Kan hrin kan fa ang chiah in a la in ngai a ni" Mrs Gonzales chuan a ti a.

Zion a biang chu ka tuai a. A kut leh a ban tereuhte te nen. Sawisel bo a ni "ka lawm e Mrs Gonzales Zion a i enkawl that vang hian"

"Keipawh ka lawm e. Jade chuan Edna tiin min ko rawh" nelawm tak in a nui sak a "naupang fel tak a ni. Ani kan nei hi chu kan lawm takzet"

"Nakin lamah hun tamzawk kan la hman dun ka beisei" Zion a en pah chuan ka ti a. Ka mo kawr cheina vel chu a lo khalh niap niap a. A pearl leh diamonds ho vel chu a chhiar ni mai in ka hria.

"Ni e.Gerogia ah in lo kal duh a ni pawn engtik lai pawn kan lo lawm reng chu nia"

"Ka lawm e" Zion kuah pah chuan ka ti a.

Kan chuan na Limo kawngka a rawn in hawng a Eros a pa Markos Petrakis a ni. Aw fiah kak hian " kan mo neitu tur hi dawhthei lo tak a ni. Minute 5 a ral hma a i lo chhuak lo a nih chuan amah in a rawn huai ang che tih sawi turin min rawn tir a nia"

"Awi karei leh. Eros a chu a van dawhthei lo tak ve mawle. Lungngai suh Jade ka lo buaipui ang" ka nu Nina in a tih pah in a mit min siai zauh a. "Makeup hnawih nawn leh deuh i ngai a nih kha. Hetah hian makeup artist lo nghak mai rawh"

"Ka lawm e" ka chhang a ka mittui chambang vel hruk leh pah in ka ti zui a.

Zion chu ka kuah leh a. Edna nen an kal hma in a biangah chuan ka fawp a. Min kuah let in ka biangah a fawp ve nghal zauh "i nalh lutuk A nu"

Ka nu ti a min han ko chiah phei chu ka thinlung hi a tuiral nghal zawih zawih a ni. Hetiang chuan ka awm reng theilo ang. Car a ka awm fal rual rual in ka tap chhuak nghal hawm hawm a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:24 pm

Chapter-45

°Eros's Pov°

Ka zam lutuk hi ka puakkeh mai dawn in ka hria. Ka kut khur pawh chu ka control thei lo. Ka zam a ka phur bawk a ni. He ni lo thlen hun hi rei tak ka lo nghak tawh. Jade i chu a tawpah chuan ka nupui ani thei dawn ta tak tak e.

Ka kekawr ipte chu zen in ka rawmawl chu ka la chhuak a. Ka nghawng leh ral huh dap chu ka hru a ni. Ka zam lutuk chu ka thlan huh dup tawh ka lung phu dup dup te pawh chu ka thunun thei tawh lo. Ka hrawk te chu a ro hulh a thawk la vang vang in hahdam ka tum hram hram bawk.

Ka sawi duh hi ka sawi chhuak thei lo mai ang tih ka hlauthawng a ni. Nizan a ka thusawi tur ka zirlawk te pawh kha ka theihnghilh vek tawh in ka hria.

Oh lalpa

Mipa confi tak ka ni a keimah pawh ka in thunun viau thei thin. Mipui tamtak hma a thu sei tak tak ka sawi pawn ka zam ngai eih lo. Global Conferrence ah te, international seminars te, enterpreneurship discussion leh debate ah te pawh vawi duai lo ka lo tel tawh. Tawng hrang hrang lehnghal in.

Mahse tinge Jade...ka tim tlat. A lak a ka rilru put hman ka sawi dawn a piang hian ka dang a awk a ka hrawk te hi a ro hulh zel mai. A chhan ni ber a ka hriat chu a mit vang hi a ni. A lunghlu hring mit nalh tak mai a rawn de set set thin hian engkim min ti bahlah vek zel.

Aw thian kharh in St.Petrick Cathedral chung chu ka en a. Neo-Gothic style ni in United State a Roman Catholic cathedral ah chuan a lian pawl tak a ni ang. New York ah a awm bawk.

"Naupan thlak lutuk Dude" ka thianpa Kobe Latsis chuan a rawn ti sap a.

Ka bu nghat a Iñigo. Tristan leh Xander te chu ka en a. An ni hi ka thian tur te an nia, maicham hma ah ka sirah chuan an ding ve ran bawk.

Iñigo lak chuan thumps up sign min lo la pe zauh lehnghal a. Tuna a ka awmdan hi chu ani chuan a hrechiang tawh ngawt ang a chuan chu ka nau nen an inneih khan a paltlang ve tawh tlat a ni. Chloe nen.

Ka first cousin Tristan. Tristan Latsis leh a unaupa chanve Kobe te chuan dar san ak in min rawn en a. A hmel chu a dur khup mai. Inneihna hi nuam a ti lo a. Thutiam leh inneihna hi a duh tlat lo a hma a ka awm dan ang chiah khan. Bakah a naupan lai a thil thleng vang a ni pakhat bawk. A lu chu a persional trainner nen an tlanbo a kum5 lek a la nih lai lehnghal in. A hmeichhe rin ber a hlauh phah ani. A rawn kal dawn lo emaw ka ti hman thleh. Nizan a New Zealand atanga a rawn thlen kha chuan min thawng ve khawp. A sumdawnna vang a lo kal a ni deuh bawk.

Xander Valiente hi ka naupan lai atanga k
a thian kawm a ni ve a. Business thil a ka elpui ber a ni, lehlam ah ka thian a ni ve bawk. Thian tha tak, persional thil a ka thian ni lo in business thil a ka thian. A unau nu ka nei lo hi chu a lungnilo ve khawp mai. Mahse a hrethiam ve vat thung a chhan pawh ngaihzawng duhawm tak Jade ka nei miau a ni. Xender hi nupui nei mai tur a ni tawh a mahse kar hmasa khan a nupui hual in a tlanbo san daih a an thulh leh a ni.

Ka mit chu Ziona chungah a fu nghal chat mai. Maicham pan a rawn kal in zungbun dah na lukham chu a rawn keng bawk. A tuxedo dum nen chuan a lang tha takzet. Mipa naupang hmeltha tak a ni, a len hun ah nula tamtak in an umzui ngei ang tih hi ka ring tlat.

Kan inneih na a Zion a lo kal ve chu ka hlim lutuk hi sawi chhuah dan ber tur pawh ka hrelo. Jade i pawn a tawpah chuan ka hmu ve ta. Kuah leh fawp lo chuan a kaltir miah lo ang tih ka chiang. A chhan pawh kan fapa a ni miau a kan inneih na a alo kal ve pawh hi tihtur diktak a ni. Mr. Leh Mrs Gonzales te nupa chungah lawmthu sawi sen loh ka ba a ni. Zion hi kan duh duh hun ah kan hmu thei ang mahse thil pakhat a awm thung a an lak atangin kan la bo tur a ni lo, a hming tawp kan thlak tur a ni hek lo. An fapa a ni a, kan ta a ni tawh lo tih chu Mr. Roberto Gonzales a thusawi a ni. Pa tawh khirh ve tak a ni, zion a tan hian thih tha in a tang bawk.

Mahse ka fapa a ni. Ka ril a rah ka thisen zawm. Jade i nen kan kiangah a awm tur a ni. A nu leh pa diktak kan ni bawk. Tihdan tur tha tak dang ka ngaihtuah chhuak thuai ang

Hmeichhe naupang duhawm tak tak pahnih in pangpar bucket an rawn chawi a. Maicham lam rawn pan pah in an rose par mal chu an rawn theh deuh that that bawk. Naupang pakhat zawk chuan a kawrfual chu rap sual in chhuat ah a tlu nghal thlawrh mai, tah tum in a men deuh piau hman. Mahse Zion chu a lamah phei vat in hmeichhe naupang chu a kai tho ve nghal thuai. A chezia chuan kei mai nilo mipui ho pawh chu a thawng ngei mai. Ka chhuang takzet a ni, kum naupang te ni mahse gentleman diktak a ni.

Maicham a Zion a rawn thlen rual in ka lo pawm kang a ka kuah nghal vawng vawng. A thutna a a thut hma in a chal ah ka fawp zauh bawk.

Music a rawn tawp a. Mi zawng zawng chu hlim zet in a din suau a nui var var hlawm in biakin luhna lam chu ka hawi phei ha a.

Ka thin a rawn phu nghal dawt dawt a. Jade i ka hmu tur chu ka phur rual rual in ka zam a ni.

God Gave Me You tih hla rawn in play riai riai pah in biakin kawngka pui chu zawimuang hian a rawn inhawng a.

Jade i ka hmu chiah mai chu. Ka chhungril ah hian ka tural zawih zawih a ni ber.

A hmeltha ngang mai. Thawmhnaw var sar a ha a, a ding ran bawk sawi tur ber pawh ka hrelo. Ka thawk a chham mai dawn in ka hria.

Ka mit a in tawng rual chiah in kan in nuih sak a. Maicham pan a a rawn kal chhung zawng chuan ka mit ka la sawn eih lo. Vantirhkoh ang mai a ni...vantirhkoh hmeltha tak, Pathian in ka nun hmanpui atan a min pek ngei mai.

Mipa vannei tak chu ka van ni chiang em, hetiang ang nupui a ka nei tur hi. Ka tan ngat phei chuan khawvel hi awmze nei zawk a siam tu a ni. Ka nun a alo luh tang hian ka nun hi a famkim chiah.

A dangdai bawk si, a nuhzatthlak in a che chhe thei si. Chuta karah ka hmeichhe hmuh tawh a zawng a la duhawm ber a ni. A kiangah ka awm a nih chuan engmah hi ka ning ngai lo.

Ka nun a ka hmangaih ber chu amah a ni a. Chutih rualin ka thian tha tak a ni bawk.

"I lang tha lutuk" hmui phun hian ka ti sap a. Ka lak atangin a awmna a hla vak tawh lo. A nui hak a, duhawm em em in a rawn nui bawk, hetiang em em a hmeichhe nuih inhmeh hi ka la hmu ngailo. Rawlthar ang mai in hmai sen khawp in a nui hmel hian min ti lai zu nia.

A kut chu ka lo la a, nghet takin min chelh nghal. A kut chu a vawt in a khur deuh dar dar in ka hria.

"Hi"sawi sapin a ti a "ka zam lutuk"

"A tha vek duhtak....a tha vek." Ka hrilhru sap a, hahdam takin awm se ka duh. Nghet lehzual in a kut ka chelh a maicham lam pan chuan ka hruai a.

Inneih ceremony chu minute 45 dawn vel a ni. A tawpah chuan kan inneih thusawi a hun ta.

Eros:
Jade. Vawin ni atang hian ka nun pum a hun hmanpui tur che ka duh a. Ka hmagaihna che hi i ring thei ang, a chhan chu a tak a nih vang a ni. I pasal rinawm tak ni turin ka intiam a i beisei na,i dream, i tumram te tih puitlin pui tur che in i kiangah ka awm reng ang. He ka thutiam hi i tan engtik lai pawnin a awm reng ang.

I tlu a nih chuan ka lo dawm ngei ang che. I tap a nih pawn ka thlamuan che a nga, i hlim ni pawn i hlimna ka tawmpui ang che. Ka thil neih engkim leh keimah nen lam hian i ta ka ni. Tun atanga a kumkua in

Jade:
Eros. Ka nun a ka thian tha ber i ni a. I thutiam chu ka zah a, min fuih tu a ni, i thusawi engkim zah sak che in i kiangah ka awm ve reng ang. Ka kawng te hi a awlsam reng lo thei, chutih hunah pawh chuan i kiangah awm in ka kalsan ngai lo ang che. Kan awm dun phawt chuan kan duhthusawm te hi kan ti puitling thei ngei ang.

Kan in hmangaihna vang a kan tihtur te ka pawm a, ka nun a thil pawimawh ber i ni zel ang. Ka thinphu hi a tawp hma hi chuan ka hmangaih reng ang che. Chu chu ka thutiam a ni.

A hnu rei vaklo ah puitiam chuan "i nupui i fawp thei tawh ang" a rawn ti a.

Jade i hmai khuh na hawn rual in ka kuah nghal chat a. A hmeltha takzet. A nihna takah chuan ka nunpum hian hetiang em em a hmeichhe hmeltha hi ka la hmu ngailo. Ka nupui a ni ta mai hi ka ring thei lo a ni...ka hmeichhia ka ngaihsak ngai miah loh kha.

A kawngah ka kuah a, muangchang in a hmuiah chuan ka fawp a. Kan inneih na nemnghen nan chuan duhtawh takin ka fawp bawk. Hei hi kan thutiam tih ngheh na a ni bawk, kan in hmangaihna, kan tihtur, leh kan nun pum in in zahtawn takin ka nung dun ang tih nemngheh na a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)