Alpha:1995 BY Melz Hrahsel (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Alpha:1995 BY Melz Hrahsel (Completed)

Unread post by Ngaia » June 28th, 2020, 2:19 pm

Chapter-25

°Eros's Pov°

"Jade in ngaihzawng a nei reng reng lo. Jason Smith te chu Gay a lawm, a mipat pui Walter Graham nen a innei a lawm nikum mai khan. Fa hmeichhia an la a, Jade i nu in a awm thin bawk" min zui pah in Donovan chuan a ti a. Ka penhouse pan in kan kal mek a ni.

"I sawi chu a dik tih i chiang a maw"

"Za ah za in ka chiang, Jade in Jason Smith tih hepa bak hi hriat a nei lo, daily newspaper ah journalist a ni bawk. Thlalak keng meuh in Rodrick an a zawt a lawm"

Chuan...chian a ni ta e.Jade in bialpa a nei lo e.

Ka thinlung chu lawmna in a rawn luah nghal vek. Ka phur in ka hahdam huai mai- deal thar ka hmuh ai mah in ka lawm zawk, beiseina leh rinna thar hlak ka nei tawh.

Mahse sual ka in ti, a chhan pawh Jade nen buaina kan neih reng vang a ni. A kiangah ka awm chuan thil awmang lo tak tak ka ti a,mumal ka nei hleithei lo ka haihawt vek zel mahse a chang chuan ka hlauthawng thin. A chungah ka tha thlawt lo, ka vin tuarh tuarh reng a rapthlak tak tak in ka ko a, a lakah ka nunrawng bawk si. Mahse a lak a ka tlaktlum theih nan ka theih tawp chu ka chhuah ve thin.

Tunah chuan a rilru a na in min haw ngei ang. Tuin nge ti lo ang, mi â ti in ka ko a mi mawl leh mi chawih ti ten ka ko bawk, khang thil kha engin nge min sawi chhuah tir pawh ka hrelo. Ngaihzawng a nei tih ka hriat phei kha chuan ka thinur lutuk ringawt, mipa dang nen an awmdun tur ka ngaihtuah phei kha chuan min ti â lo chauh.

A nihna takah chuan, a lak a che mawi lo leh nilo tak a ti hmasa tu zawk ka ni, ka rileu sukthlek hi ka thunun thei thlawt lo. A kiang a ka awm hi chuan ka ngaihdan hi a inkawkalh nuiah zel.

Hmeichhe bathroom ah pawh khan thil atthlak tak ka ti leh bawk, kawngka ka ti chhia a nia.Jade khan a ti dik chahbi dang la turin manager kha ka call thei reng, engvangin nge ka ngaihtuah chhuah miah loh le hrep tak a ka rilru sukthlek hian min thunun mah mah a ni a ngai ang chiah in, chu chuan min ti hlau tlat.

Khatia a thil tawrh zawng zawng thup a tum phei kha chuan ka thinlung a ti kehsawm a ni. A tap a, a mit lah chu a bui in a sen ram bawk, paper towel a lo la keng rang zui.

Dang leh derthawng zetin a ding reng a, kawngka ka tlawh hawng chiah kha chu a meng nghal kawk a ka huau in min en ringawt, a kal mai ang tih chu ka hlau a ni.

Khatih hunlai tak khan, engkim a tha vek tih a thlamuan ka chak takzet. Amah chu va kuah chawt a thlamuang taka awm tur a hrilh ka chak a ni. Venhim ka duh a, khang a natna zawng zawng kha phurh sak ka chak a ni hrep tak a

Aw, ka ngaihtuah a ni.. nasa takin, amah nen a awm te chu nuam ka ti. A nihna tak a sawi chuan engtik lai pawh in a kiangah aw ka duh a ni, ka rilru ah a awm reng. Zing ka thawh rual chiah in mitthla ah a lang a, ka mut dawn thlengin ka lo ngaihtuah thin.

Hengtiang hian tunhma in ka la awm ngailo, chuan he feeling hi ka hrethiam lo takzet,chu chuan min ti hlauthawng thin.

"A nguai takzet. Min ngaidam thei miah lo ang" ka aw te chu a khur ru vel zu nia. Ka living room sofa ah thu in ka zi mar vel a center table ah ka ke ka hlang ar ar bawk.

"Inrem pui tum takin thil ti la" Rod Brent chuan thurawn min pe a.

"Hmmm, idea tha tak a ni. Rod, car thar ka lei mai dawn a mawnle aw te ka tia emaw thil danglam deuh" car tar pek chu thil tha tak ni in ka hria,a khalh dan te pawh a la zir ve bawk ang chu. An chhungkua in la hruai chhuak i la a tha ang- park, biakin, movie theatre emaw khawi hmun pawh an duh na apiangah.

"Car maw, a mah mah lutuk emai" Donovan chuan a rawn hnial hram.

"A nih a wardrobe thar hlakin kan siam mai dawn a mi, Jade hian a mamaw viau a nia" Rod chu a nui hak a.

Rod chu lungawi loh hmel fe in ka melh a "a nuihzatthlak loh"

"Tihpalh boss, ka nuih a za thut a" a dar a san ak a " tlereuh lam te hi eng nge a an lunghlu te hi, lunghlu hi hmeichhe thian tha ber a ni an tih thin kha"

Donovan in a lu a thing nak " ka ring chiah lo, kan Jade i chu a ni lo ang. Hmeichhe dang i sawi ho nen chuan an inang lo, thilpek duh huam chi a ni ve lo thil manto tak tak hian a ngaidam na i lei hauh lo ang"

"A nih eng chu nge tha a i rin, pangpar leh chocolate maw, a old fashion tawh emai"

"Tinge a nih loh ang, Jade hi nula old fashion tak a nih hi, a duh ngei a ni tih i hriat te pe zawk rawh, nautelem te, lukham te, music box te leh thlalak frame na te pawh"

"A duh chu a hria alawm" nui var var chuan ka ti a.



°Jade's Pov°

"DEE, tho teh Dee meng teh" ka unau nu Sahphire chuan ka room kawngka ring zetin a rawn kik ri dawt dawt a. Ka mit chu zawi zet a meng in ka dawhkan sir a alarm chu ka off a, dar 7 a ri der tawh mai.ka rum nghut, sunday a ni a ka chawlh hahdam ve ni a ni. Duat sual ang mai a zawi zetin leh ka duh duh ang a awm turin khumah chuan ka awm a.

"Dee..hmanhmawh, I boss a awm a nia"

Ka meng nghal kawk.

Eros hetah a awm maw, ka thu hriat kha a dik reng em, Eros a hetah a awm, sunday ah

Hmnhmawh tak a tho in kawngka ka hawng nghal vat, thawh phan chu nei tawh lo tak ka ni.

"Dee..thawh nan hun i van hmang rei em em" ka bedroom kawngka ka hawn rual rual in a rawn ti nghal tuarh.

"Eng thil nge i sawi kha...ka boss hetah a awm maw"

"Aw..inhnuai ah ka nu nen an awm...chuan thil a lo keng a...hmm...tuihmel deuh, pancake, strawberry syrup leh cream tam tawk nen"

"Maw...Lalpa leh...AW LALPA LEH...engthil nge maw a lo tih le sunday a nih hi mawle"

"Ka hrelo. Hmanhmawh la a ni mai, tha em..inhnuaiah ka lo nghak ang che. Pancake khu ka ei nghal dawn chiang a lawm tunah ngei hian" a sawi zawh rualin a chhuak nghal hmak.

Hmanhmawh zetin bathroom ah ka tlan lut a,ka ha ka nawt nghal zawt zawt a chhuak in towel ka la nghal thuai..bathroom ah lut leh in ka samlem la turin ka rawn chhuak leh nghal...ka hmai ka phih a, hmanhmawh takin ka inbual nghal pawr pawr, minute 10 bak ka inbual hman lo.

Hmanhmawh zetin inhnuai ah ka tlan thla hlawk hlawk a, living room ka melh nghal chat mahse a ni erawh a lo awm tawh hauh lo mai.

khawnge amah chu... tukverh lam ka hawi a, kan in kawt a Eros a Bugati Veyron in park chu ka la hmu bawk si. Choka lam atangin ka nu aw ka hia a, mipa aw thum takin a zawm nghal zat bawk.

Choka lam pan nghal in counter table hnunagah Eros a coffee in ka va be zui nghal zat, a t-shir var plain leh a worn out jeans nen chuan a lang tha takzet, a sam pawh a la huh chap mai. Saphire a lo ti ti nasa mai otaku characters te a sawi a, Eros pawh a nui ve hak hak.

Saphire chuan pancakes chu a ei mial mial bawk, ka nu pawh stove bulah a ding a rawng a bawl mek.

"Hi" an thusawi chawlh det lai chuan ka va ti a.

An 3 in min rawn en nghal thawt. Ka thin a phi nghal dawt dawt a ka chhuak nghal vek , Eros a kan in ah rawn kal a ka chhungte a rawn hmu vek chu ka zak tlat.

"Jade, enteh Eros hian eng nge a lo ken" Ka nu in pancake chu min hmuh a "i duh ber, pancakes starawberry tharlam tak nen"

ka nu hian Eros ti in a ko mai, tunah chuan an in pawh tawh takzet

"A tui khawp mai. Eros ang billionaire hian pancakes tui tak an siam thiam hi ka awih thei lo" Saphire chuan a ti a.

ka duh thei lo,Saphire hian Eros zu han ti a, a hming hmasa a koh chu eng hu ah nge a ngaih a, in hnaih zual phah nan maw

"Saph" ka en a, Saphire hi chuan a rawng pawrh pawrh a eng eng nge a sawi tih pawh hi a hre leh tawh thin lo.

Eros a nui sak, "eisiam dan hrang hrang ka thiam a lawm. College ka zirlai daih tawh atangin rawng ka bawl thin a, niam ka ti bawk"

"Wow...eng nge i siam thiam ber" Saphire in a zawt a.

"Buffalo chicken wings. Ka chhungte leh thiante hian an ngaina a, a tui lutuk chu an ti ve thin"

"Chu pawh chu kan ei chhin thei turah ngai ang...Jade hian buffalo chicken wings chu a duh lutuk, a duh ber te zing a mi a ni"

"Tak tak maw,ka la hre ngai miah lo" a mit in min rawn melh nghal. A mitmeng atang chuan a nuih a zat hmel " a lehpek ah ka lo keng ang"

"Nilo....nilo...ngai pawimawh duh suh, a nih a takah chuan, chaw chu chi hrang hrang duh ka nei teuh mai- carbonar,sushi,ramen leh a dang tamtak pawh" ka mitko ka zan zauh in ka va signal a, ka chungchang hi a hrilh zo takngial dawn. Nakin ah chuan ka samlem vuah pawh hi a la sawi chhuak mai ang tih ka hlauthawng a ni.

"Mahse..buffalo chicken wings chu a duh ber a lawm, tak tak...tiraw nu"ka nu chhan beisei tak in a la ti zui.

"Dik e" ka nu in min rawn signal zauh a. va be vat rawh

"Ka be thei che a ngem...ka sawi awmiza chuh...."a ka chu signal tih hriat takin amah en chua muang chap in ka bu a.

"Tehreng mai" A tho a living room lamah kan in zui phei nghal.

"Eng nge hetah i rawn tih" ka awm hrang ta maw tih rual rual in ka zawt nghal zat.

"Pancakes ka lo ken che"

"Engvangin"

"Inrem na thilpek" min chhang a.

Ka thaw chhuak hak a "i ngaihtuah vak a ngai lo"

"Timaw...pancakes te chu i ngainat em kha"

"Aw..mahse khawngaih...keimah a awm ka duh, ngaihtuah turin"

"Eng thil ngaihtuah turin maw" rum nghut in a sam a tuai zauh "ban chu ngaihtuah miah suh ang che, ka remti lo"

"Ka duh a nih phawt chuan min dang thei lo"

"Ka thei tih i hria Jade" thawk a la kawk a, a kawng a dawm ringawt.

"Oh...nang te chuan theih loh i nei hleinem. Keimah in min awm tir rawh. Heta awm tur hi i nilo"

"Tinge ka nih lo. Hmuh che ka duh a lawm, i la nguai reng em tih hre tur pawn"

"Tunah chuan min hmu ta alawm, chuan tunah i kal thei tawh ang"

"Jade, khawngaih takin ka tihpalh. Ka tiam a che, khatiang kha a thleng leh tawh lo ang engkim ka ti vek ang...engkim ka tih awmzia chu min ngaihdam na tur a nih phawt chuan"

"Tak tak maw"

"Tak tak, min ngaihdam hma chu ka beidawng dawn lo"

Ka ngaihdam hma chu a beidawng dawn lo tih ka chiang.

"Ole" ka kut kuangkuah in ka hawi sang vah a "hmm...buffalo chicken wings ka duh...tunah"

"Aw" ring zet in a rawn ti chhuak.

Dawr ah kal in mamawh tur te kan lam khawm nghal a,a thil siam ti mawi tu a tan red wine a lei tel bawk.

Zing dar 11 a ri tep tawh...kan choka ah rawng a bawl a,a sirah a assistant angin ka lo awm ve reng a che vel en ringawt pawhin a themthiam tih a hriat.

Lunch chu ka rualin a ei a, a hahdamthalak a tih hmel khawp mai ka nu leh Saphire lah a fiamthu thawh ah an nui leh hak thin. Engkim a hrilh hi a ni ringawt, thil satliah te te a sawipui a, Sahphire i hmeichhe thu ho te te pawh a ngaihthlak sak vek, ka nu pawn hollywood celebity lam te a sawi pui bawk..kan thil tih engkim ah chuan a phur vek ni ber in ka hria.

Ka va en a min rawn en ve chiah mai chu sawi tur kan hrelo a kan in nuih ringawt, engtin nge hetiang hi a thlen theih ka hre lo. Kha mi nunrawng, mi thuhnuai leh chaldelh ching, mi ngaihtuahna nei lo Eros Petrakis nen kha chuan inang lo tak an ni..ka hre tawh..tunah chuan chiang takin..ramhuai a nilo, mi thianghlim zawk a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:19 pm

Chapter-26

°Jade's Pov°

"Wow ha nalh tak a ni, brace tello khan i lang tha khawp mai, Dee" Saphire chuan a ti a, living room ah thu in a korean film duh ber Boys Over Flowers a en mek bawk.

"Vuah a nuam lo em a lawm metal hi ka ngaina thlawt lo. A rit ka ti dawn nge ka sawi thiam lo" ka nuih sang a, ka brace ka dah bo ta chu ka hahdam huai in ka hria.

"Awww...i nuih khan i duhawm lutuk"

"Ohhh...ka lawm e Saph" center table ah chuan ka bag dah in hahdam takin chair ah ka thu ar ar bawk.

"Thu hran daih, nichin lawk khan Joseph nen kan in chat asin"

"Tak tak maw" ka thin a rawn phu nghal dawp, ka hmuh tawp ber pawh kum 4 a liam tawh amah ka ngaihtuah hian eng emaw ka rilru ah chambang a awm tlat zel. Ka tan theihnghilh hi ka harsa a ni, ka thian tha ber a ni a, ka unau pa leh thurawn min pe tu a ni.

Mahse nizan a ka munang atangin Prince Charming ka lo ngaihtuah dan a inthlak daih. Ka lalfapa sam rawng chu a buang atangin a dumah a in thlak daih a, a taksa leh a lian in a chak sawt bawk. A awm pawh chu a fiah in a thunei aw em em bawk.

A chhan erawh ka hria Eros a vang a ni.

Amah hi ka ngaina lo thei lo, tunge ngaina lo ang nitin deuhthaw ka hmu a. A hmeltha in a confi em em bawk si, a fing a hna a thawk rim em em bawk, mi a ngaihtuah in fiamthu a duh hle nghe nghe...aw ni e, fiamthu nuihzatthlak tak tak te a tawh reng a engtik ah emaw chuan nuih nasat luat vangin ka la thih thei hial ang. Kan awmdun phei chuan mipa dang hlak ang a ni, eng emaw tak inzawmna chu kan nei in ka hria...chu thil chuan kan pahnih ve ve pawn ka hrethiam in ka hria.

MAHSE..Eros chu tawp chin a nei tlat. Hmangaihna leh romance lam a ring lo a. Amah leh Keimah kumkhua a awmdun chu ngaintuah zawng ringawt pawn...NAH..

Vawi tamtak ngaina lo turin ka in ti ve fo a chhan pawh a tawpah ka na dawn tih ka hriat vang a ni. Mahse ka thinlung hian a ngaithla duh silo,ka tum nasa lutuk mahse thil theih loh a ni. Greek pathian ang mai a ni.

keimah chauh hi mihring chu ka ni

Mahse ka chuan ka emotion hi ka thunun thei, hahdam tak a awm a theih nan leh a nui lai tihbuai ka hlauh vang a ni. Keimah ka in ti mualpho duh lo, a chhan pawh keimah ang hmeichhia hi a ngaizawng in nupuiah ngat phei chuan a nei duh hauh lo ang tih ka hria, a sercetary, a thian leh a mamawh thenkhat tihsak ti tur ang chauh in ani min en.

Aw...min ngaihtuah a lawm, ka hre thei tlat...mahse. a awmzia hriat tur a awm ka duh lo a tan chuan awmzia a nei ve tlat lo a ni.

Mahni in tih zah leh ka duh tawh lo, Joseph a nen ka awm ang chiah khan. Min hmangaih chu ka ring ve thin, a chhan chu a sweet em a ni,min ngaihtuah in a ngainat awm bawk si. A kiangah ka awm chuan lalfanu ni mai in ka inhre thin. A thiante ka in hmelhriat tir a, min kuah zauh in ka biang an fawp zauh bawk, ka homework min tih pui a chutiang bawk in inchhung chet te pawh. A lakah hian ka luangliam em a ka khawvel te hi a vir zawt zawt ni mai in ka hria, kang thil zawng zawng kha thleng chhung khan a khawsak zia kha ka hre sual a ni. A ni chuan nau en in min lo en reng si a, min duh ni a ka lo in ring te kha ka lo van mawl tak.

Khatiang thil thleng a thlen nawn leh kha ka duh lo a ni, a rilru put hmang a puan hun ka ngah zawk a ngai a ni mai a nih loh pawn sawi kher lo a kawr dang deuh a lantir te pawh, zahthlak dang ka hmachhawn leh hma a ka lo in chhan lawk nan.

"Eng nge a an" Saph chu ka zawt a, a that leh that loh chu ka dil chhut khawp mai.

"Doctor a ni der tawh a Canada ah hna thawk turin a kal bawk a"

"Oh... a va ropui ve, a suangtuahna chu a ti hlawhtling ta maw"

"Aw...i number min zawt nawn leh a mahse tun thlengin ka la pe lo, i thupek ang in..tha em"

"Tha e, engvangin nge a number chu a zawh che a"

"Dee, thian tha tak alawm i nih...a nihna takah chuan in pahnih inkar a thilthleng kha sawi fel a duh a niang hun kaltawh a mi kha"

Ka thaw chhuak hawk "aw mahse min hnawl a lawm, thil pangai lo chu a ni chuang lo..mahse min hnawl kha ka zak em a ni, kiss tur kha ka nilo. Kan awmdun tawp ber kha chu hriatreng na hlimawm tak a ni lo chiang a lawm. Ka chak chu sana herh let leh a khang ka chet dan zawng zawng te kha thai reh vek hi a ni.

"Hetah New York ah hian thla 6 kal ta khan a awm a ti a a bialnu nen, hmuh che a in beisei lutuk lai in i number i hmu si lo a"

"Bialnu maw"

"Aw...bialnu ni e chuan an inhual tawh nghe nghe"

"Maw" ka thinlung a na nghal zawk a, ka lu chu a vir muai muai ni mai in ka hria Jospeh an nupui hual a nei, Nilo

Min van thawng chiang kher em, Joseph a ni tih hi ka awih thei lo. Ka Jospeh khan nupui hual a nei a chuan an in nei mai dawn, ka mittui a rawn tling nghal pam mai.

"A nupui hual pawh chu Doctor a nia, Canada ah an thawk dun a hospital inang ah. A thlalak pawh ka hmu, a hmeltha reuh lutuk chuan ring chhin teh, nangmah ang chiah in Ginger red sam a nei mawle" a sawi zawm leh a "an inneih na chu kar hnih hnu ah Canada ah an nei dawn a. Kal turin min duh a"

He thil hi ka ti thei lo ang, Oh Lalpa, min pui teh. Ka khawvel hi a keh chhia a khuarkhurum mawng nei lo ah ka tla ta ni mai in ka hria, mi ti kehsawm vek a thawk pawh ka thaw tha theilo ....Oh, ka thaw tha theilo tak tak a nia, natna chuan min fan nghal vek, ka tlu chhe mai dawn ni in ka hria

"Dee, i tha em. I dang vek a nia"

"Aw..ka tha, min hrethiam rawh" ka room lamah ka tlan chho nghal hlawk hlawk a, zankhua in ka tap nghal char char.




°Eros's Pov°

Jade i chungah hian eng thil diklo nge thleng, a damlo em ni ang hetiang a a awmna hi kar khat a ni tawh

Nun awmze neilo,hriatthiam theih loh, a beidawnthlak bawk si.

Amah ti nuam lo riau tu an awm em tih ka zawt a,a chhungte thi an awm nge ni a an damlo zawk, buaina a nei zawk em ni ang ti in mahse aih tiin min chhang. Nizan lamah a mu tha lo tih chauh a sawi.

Hlim taka siam ka duh, a mut ti tui tu atan bawnghnute box 2 ka lei sak a, chutih rualin a author duh ber John Green lehkhabu zawng zawng chu ka lei sak vek bawk, chuan Donovan hnenah Buffalo Chicken wings thawn turin ka ti bawk.nizanah an kawngka bulah ka ding reng a, a chhang duh ber leh ice cream duh ber Haagen-Daz ice cream ka keng bawk.

"Eng thil diklo nge a chungah hian thleng" Donovan ka Land Rover kalh tu chu ka zawt a.

"PMS a nei a niang"

"Maw"

"PMS Pre Menstrual syndrome. Hmeichhia chuan thla tih an nei a lawm"

"Aw..ka hria lawm Chloe pawn a nei. A mood awlsam taki a in thlak thin, a thinchhia in a chiai nghek zel mahse Jade hi chu a nih ka ring tlat lo. Hetiang hian a la awm ngai tlat lo"

"Eng emas tak chuan a ti buai chiang a lawm" Donovan chuan a ti a.

"Ka rin dan chiah. Min la hrilh ka beisei hetiang a a awm hi ka hmu thei lo" rum chhuak nghut in ka thu ngawireng a, pawnlam a mipui leh motor te chu ka en a ni.

****Later, Iñigo Monterio leh Chloe Petrakis te an in nei ta a

"Engtik ah nge nupui neih ve i tum a" ka ni pasal Raymond chuan a ti a.

"Nupui nei vat ang che, kan business ro khawm zel tu tur kan mamawh a nia" ka pa Markos Petrakis chuan a ti a.

"Stella kha i lo hmu em, a lang tha takzet. Hmalak a hun viau lo maw Eros. Engtik nge i neih dawn, i tumlo a nih chuan hmalam pan rawh" weeding reception a kan ka pahin ka nu in a ti sar sar bawk.

"Sophia nen kan inneih khan i kum ang vel tho hi a lawm ka nih" Iñigo a pu. Enrique Monterio chuan a ti a.

"Aw ni e...eng thil nge i ka nghah fo, i hmeichhe hmangaih tak i hmu a nih chuan nei mai la ti nia" Sophia chuan a rawn ti ve bawk.

"Eros, Taylo hmu turin ka duh che, pasal a la nei lo a. Date tur te pawn in chhuak dun thei ang chu" Cassendra, ka cousin in a lofe leh zel bawk. Reception ah a thian hmeichhia zawng zawng min hmelhriat tir vek a-Selena,Miley,Vannesa, Ariana leh a dang te.

"Ka unau nu hi neih i rirluk a nih chuan han ti la, tun atang hian i tan thei ang. Mipa hi in bultan hmasa bawk tur kan nia aw" Xander Valiente in a ti a.

Nui then sak a " min ngaihtuah lo mai teh" Ka whiskey chu tlak pap in bar ka chhuahsan nghal nal nal.

Xander Valiente hi ka ngaina lo, Stella i u a la ni zui. An chhungkaw sumdawnna hi ama thuhnuai a awm vek a ni, mipa smart tak a nih rualin a rilru a lian em em bawk chuan chhanna reng rengah aih tih thumal a hmang mang ngailo. Chuvangin hetiang mi hi ka thawhpui thei lo a ni, hnehtu nih a duh reng a chhan chu mi a en dan vang a ni. Kum1 kal ta khan a nupui hual in a tlanbo san a, an inneih hma kar 1 chauh la awmah a ni, a ni ang a nunrawng kha tawn leh a hlauh vang a ni.

Mi zawng zawng in nupui nei tur a min nawr luai luai hi ka hne. Chloe in pasal a neih vang mai a ka neih ve ringawt na chhan tur ka hrelo. hrep tak a, ka nun hi nuam ka ti a, zawnglai nih hi nuam ka ti bawk

Thil dang sawipui tur mi zawn ka ngai a ni. Tunah ngei hian, ka pi ka hmu zui nghal pat Karina Anderson; dawhkan ah amah chauhin a lo thu a mi lam chu a lo en ve mek.

"Hi Pi, lam i duh em"

"Nakin lamah le, i pa nen nichin lawk khan kan lam dun tawh a, ka ke a na tlat tawh. Tunah han en la i nu nen an lam leh tawh saw, an duhawm in an in hmangaih tih a hriat hliah hliah"

Ka nui sak "nia.. khang buaina zawng zawng an kal pelh hnu a ka nu nen an awm dun ta chu ka lawm khawp mai"

"Eros, engtik ah nge nupui i neih ve dawn, i nupui nei lai leh i fa nei lai te ka thih hma ngei hian hmuh ka duh a ni, min ti hlim khawp ang"

O lalpa, hetah lehzel chuan ni tawh lo

"Keimah maw ka pi, hei ai a rei fe hi i la dam a ngaih hmel khawp mai, tunah hrih chuan ka nupui tur a duh ka la hmu hrih lo" ka fiam zauh a. Jade i ka lam pan a alo kal ka hmu zui nghal zat, business phone a keng bawk.

"Eng nge ni a Jade"

"Ka tibuai che a pawi ka ti Mr Petrakis, mahse phone call pawimawh tak Germany atangin i dawng tlat mai, business deal chungchang ah a nia"

"Oh..ka lo la a nge" Phone chi ka la a, party zawm ve turin ka signal zauh bawk. A la nguai ngiai mai, a awmdan chuan ka ngaih a ti tha thei lo.

"Ja..Das its Eros Petrakis"

"Hallo, herr Petrakis. Dies ist der Finanzverantwortlichen der German Marine International Shipping Company, Klein Bergmann" ka biak pa chuan a rawn ti a.

"Ja ich wartete auf Ihnen Anruf"

"Es tut mir leid. Ihnem mitzuteilen, Sir. Wir können Ihnen nicht das Projekt"

"Warum" Ka thlan fim chu ka hnungah a luang zawih zawih mai. He project hi ka chan theilo, ka thei lo a ni mai. Deal lian tak a ni cargo ship 10 lai buatsaih tur a nia. He project hi ka chan ngei a ngai, a awlsam zawng emaw a harsa zawng pawn.

****one hour later***

Keimah in bar ah ka thu a. Whiskey ka in bawk party chu keimah chauh in ka lawm a ni...aw..German Marine Company in ka thusawi chu an lo ngaihtuah dawn a ka hlim a ni mahse min tibuai tlat.

Nichin lawk a Mr Bergamann nen kan inbiak dan kha ka chiang.

"Board of director ho in project hi hlan che i phu vaklo an ti a Mr Petrakis, an ni nen a business khawih ho tur chuan i la naupang deuh in an hria. Contract hun chhung hi i zawm tah thei lo ang tih an hlau a, tunhma in business man naupang tak tak te nen buaina an lo nei tawh a. An project pek kha mawhphurhna a la tha duh miah lo a, hun chhungin a project kha a zo lo a, a hmanrua te pawh an tih chhiat vak phah a. Chuta tang chuan business man naupang tak rin hi board members ho hian an harsat tlat tawh"

"Mr.Bergmann, business khawvelah hian ka hmingtha alawm. Engtiang takin nge ka hna ka thawh tih hre turin ka background i check vek thei ang"

"Ka hria, Mr Petrakis director ho pawn an hria, mahse policy thar an hmang tawh a business man naupang tak te nen deal neih tawh lo tur an tia"

Thawk ka la vang vang a, ka rilru inru in ka ngaihtuah ran bawk-kan in kaihhruaina te, kan ruahmanna te engtin nge board members ho chu ka hnen theih ang.

Jade i ka va hmu a, ka cousin Paul nen lamtual ah an lo la lam dun zui, mak tak mai in a la lam thiam phian, mak pawh ka ti.

Engthil nge ka chungah thleng ka hrelo, ka thusawi tawp ber phei kha chu "A nihna takah chuan Mr Bergmann nupui ka nei thuai dawn"

Mr. Bergmann a nui hak thawm ka hre zui "a nih tak chu, tunah chuan board members ho chuan i thusawi chu an ngaithla tawh chiang khawp ang chu Mr Petrakis. In inhual tih thu chu ka lo hrilh hlawm dawn a nia"

Minute 20 a liam a, call ka dawng leh nghal pat Mr Bergmann a ni " Board ho in i thusawi chu an ngaihtuah tawh a, Mr Petrakis a rang lamin nupui chu nei ang che tichuan hemi chungchang hi kan sawi leh dawn a nia, contract hun chhung te pawh"




German Translation

Eros : " Aw, hei hi Eros Petrakis a ni"

Klein Bergmann: "hello Mr Petrakis. Hei hi Klein Bergmann, German Marine International Shipping Company Finance Offer a ni"

Eros: "aw, i lo cal hun ka lo chang reng a"

Klein Bergmann: "he thil ka hrilh ngai che hi pawi ka ti Sir, mahse project kha kan pe thei lo ang che"

Eros: : "engvang in"




Note

Translation lehin leh tawng zawng zawng hi phuahchawm ni lo in Germany tawng tak tak a ni e aw, ka phuah emaw in lo ti a nge, German tawng ka thiam lo hrim hrim 😄😄

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:19 pm

Chapter-27

°Jade's Pov°

Wedding reception ah chuan Eros a cousin Paul nen kan lam dun a, champaing te pawh ka in bawk. Ka luna pawh a zia deuh sawtin ka hria Joseph a chu theihnghilh a zankhua a hlimtak a awm ka duh a ni.

Min hmangaih lo...min hmangaih thlawt lo a ni. A unau nu leh a thian ang bakin min en lo hrim hrim amah chu theihnghilh a hmalam pan ka ngai.

Ni e, tupui ah hian sangha pakhat chauh a awm hleinem. Ka la naupang a, Joseph a kha neih ka la inring lo hrim hrim midang pawh nise mahse, tun thleng pawn ka la inpeih chuang lo. Ka zirna ka la zo lo a, chuta karah nitin mamawh kan nei reng a, bill leh ka nu enkawl na te nen chuvangin hna thawh ka ngai. Lehlam ah Saphire pawh college a kal thuai dawn a, pawisa tam zawk ka khawl a ngai a ni, ka nu in hetiang in a dawng hi ka lawm ngei mai. In luahman kan chawi ngai tawh lo tur ringawt pawh hian hah a ti dam

tunge pasal chu mamawh reng reng? Kei chu ka ni hauh lo

Waiter hnen atangin champaign ka lam belh a. Eros chu ka hnungah a lo ding reng chu ni in.

"Nuam i ti chu ka lawm hle mai"

Ka hawi let nghal thuai. A tuxedo nen chuan a van lang pa lehzual tak em, a nui sak bawk.

"Nia..inneih na hmun te hi a nuam em alawm, fairy tale ang mai a ni" ka thil ken lai chu a chanve in kalh pah in ka chhang a. Uluk fe in ka chhip atanga ka ke ler thleng chuan min en a, engvang a ti nge a nih ka ngaihtuah a ni. Satin kawr nawinawk rawng ka ha a, pheikhawk silver rawng ka bun bawk.

"Zanin hian i lang tha kher mai"

Ka mitko ka san zauh, eng thil nge a sawi hi ka awih thei lo zawk "ka..ka lawm e" ka zak deuh tlat heng thil thleng vang pawh hi a nih ka ring. Ka landan an sawi vel hian ka awm a ti nuam lo riau.

"I brace chu i la phelh tawh a ni maw"

"Umm...aw..Sunday khan ka phelh a"

Nui sak in ngun fe in min en vang vang a " khatiang khan nui reng ang che, i nuih hian i duhawm lutuk"

in fak na dang leh maw ka sa nghal pup pup mai, tunah erawh zah vang a ni.

Ka kut a rawn vuan a, ka phu nasa kher mai. Ka champaign ken chu min la chhuh daih zui.

"Hey..ka ta nih kha"

"Tunah chuan ni tawh lo,zanin atang chuan i in hnem tawh lutuk" ka campaign in lai chu a tlak zo nghal vek.

Min la en reng a mi a, ka thu hriat hi a dik em...engkim ka hriat pawlh vek tawh..a sawi ang khan ka rui tawh mah mah a ni maithei.

Ka kut chu man nghat sauh in lamtual lamah chuan min kai phei nghal hrawk a. Ka tih hmasak ber chu a kut atang a tal chhuah hmasak ber hi a ni,mahse a sawt lo a chak em a ni "lo kal rawh, lam dun ang"

"Ka theilo, ka ke a na tawh hrih" Zankhua deuhthaw in Paul a nen kan lam a ka chau tawh em a ni.

A hmui chu engtin emaw tak a ti che zauh a ka chhanna vang chu a nih ka ring.

"Ole, vawikhat chauh aw" ka hrilh a.

A nui sak a, lamtual lamah min hruai phei nghal thuai. Chutihlai tak chuan music chu a ri riai riai in light zawng zawng an dim nghal vek mai.

Ka zak lutuk chu lamtual laiah tak ka ding ringawt. Nilo, hei hi ka ti theilo..a ni nen kher kher chuan nilo ka ngaihtuahna chuan aih ti a chhang turin min lo ti thuai. Mahse ka taksa chuan a hnial lo, kutbeng thawm leh phur tak a au te chuan ka thluak an ti nuai vek.

Mahse a tlai lutuk tawh, ka kawngah vuan in min kai hnai a, a awm si chet in ka ding bawk, thawk pawh ka thaw tha hleithei tawh lo.

"Hahdam rawh" ke bengbulah chuan a ti sar sar a. A thawk lum huam chuan ka beng chu a ti lum pap mai.

Ka thin a phu dawt dawt mai. Ka thinphu ri pawh chu ka hre thiam hial nia mawle.

A hnuah chuan tlemin ka hahdam ve deuh, a taksa lumna chuan min ti hahdam zual, a lut lum nuam taka min kuah phei kha chuan kei ai a hahdam hi an awm lo hial ang tih tur a ni.

Kan pahnih in music rem chuan kan in sawi a, kan lung a phu rual dup dup a. Lam lamah harsatna ke neih lo avangin lampui nuam tak ka nih pawh ka beisei.




°Eros's Pov°

**monday***

"Maw, German contract kha i hlauh maw" a ngaihna hrelo zetin Jade chuan a ti a, a hmui a pet zauh bawk. Ka desk hmaah chuan a thu ran a, a notepad leh pen a keng ran nghe nghe.

"Aw" ka espresso in zauh pahin ka chhang a. Ka chair hnung nghen pahin Jade chu ka en vang vang a, a nawmsam loh hmel khawp mai.

"Projact kha kan chan theilo, project pui tham tak a nih kha, cargo 10 lai a ni lehnghal" pawm lo tih hriat takin a lu a thing a. He project atan hian a thawk rim ve em bawk a ni, ka thusawi tur te min ziahpui a, supplier ho te a lo buaipui a, kan finance officer te nen estimate tur te pawh kan siam ho bawk.

"Ka chang ngei ang"

"A hma in Japaness Contract a nia, tunah heihi a ni leh a. Eng thil nge thleng tih pawy ka hre tawh lo e a, an rilru thlak dang khawng a awm lo a mi"

Ka pen chu chhut chat chat pah in "awm te chu awm e"

"A awm maw" a meng nghal kawk, beiseina leh phurna chu a mitmeng ah ka hmu thei.

"Aw..heng buaina hi ka chingfel vek thei..min puih phawt chuan"

"Tak tak maw" inhuam tak chuan min en a "tehreng mai, engpawh ka ti vek ang he project nei tur hian ka pui ngei ang che ka thei tih i hria"

Thawk ka la hrawk a, he thil ka sawi vang hian a thinrim ngei ang"engpawh maw"

"Engpawh" confi tak chuan min chhang a.

"A point tak a sawi chuan min neih a ngai"

A meng nghal kawk a, ka huau in min en ringawt. A hmel zawng zawng a dang chhuak vek bawk, a hnuah a rawn nui chhuak hak a "dawt sawi lo mai teh"

"Aih..ka sawi lo" sehchilh nak a sawi pahin ti takzet in ke melh bawk.

"Ka hrethiam lo" harsa tih hmel takin min en a.

"Ka thusawi an pawm duh loh na chhan chu ka naupang mai bakah nupui ka la neih loh vang a ni. An company policy ah chuan nupui nei lo reng reng project an pe thiang lo, a chhan pawh tunhma a an lo tihsual tawh vang a ni"

"Mi thiam tak a lawm i nih, business tha takin i enkawl a client ho lahin an sawisel ngai hek lo che. Chu chu business khawvel a mi zawng zawng in an hre vek ang chu"

"Ka lawm, mahse chu chu an ngaituah tlat lo. An policy hi an strick em em ringawt, nupui ka nei a nih chuan he project hi min pek ngei an intiam a ni. A rang thei ang ber in a ngai bawk, chuti lo chu contract hi an hnukdawk vek ang"

"An va ti awm lo ve"

"Ka hria, mahse hei chauh hi contract ka chan loh nan a ka tih theih awmchhun a ni"

"Chuan nei tur che in min duh maw"

"Aw kan inneih a nih chuan heng deal buaina hi kan chingfel thei ang. A vaiin kan khawih anga, kan duhdan in engkim kan ti thei tawh ang nge kan thuhnuaiah a awm vek bawk ang. Chuan client ho pawn an ring sawt tawh bawk ang che"

"Tinge keimah kher"

"Tinge i nih loh ang, nang ai a min hrechiang an awm hleinem. Ka nu ai mah pawn min hrechiang ang chu"

"Engtin nge Stella Valiente kha a nih loh pawn midang i date ho kha"

A chhan chu i kiangah awm ka duh vang a ni, midang ni lo in. Chu thu chu sawi ka duh mahse chu chu idea tha tak a nih ka ring lo. Ka ti hlau mai mai zawk ang.

"Nilo...he inneih na hi a nghet a nilo, remchang lei na mai a ni, business deal ang in. Hmeichhe dangin chu chu an hrethiam dawn lo, he contract hi uluk leh ngaihtuahna tamtak seng chung a siam tur a ni, chuan hlih leh theih a ni bawk ang"

"Maw..ka ring thei lo. Nei tur che i duh duh a i tih kawih theih Robot ka nilo, Mr Petrakis inneihna hi ka tan chuan a pawimawh, hmangaihna diktak atang a chhuak rinna leh inzahtawnna atanga chhuak a ni tur a ni...business contract mai mai a nilo"

Pawm lo takin a lu a thing a " he deal ah hian min pui dawn tih i sawi zo chiah sia. Engpawh ka ti ang i tih kha, hre reng rawh"

"Aw..mahse inneih te chu...a mah mah deuh ni, i hmeichhe hmangaih tal chu i nei ve bawk ang chu"

"Tumah hmangaih ka nei hleinem. I nei ami" midang hmangaih a neih ngei chu ka ring chu chuan min ti sa zak bawk. Ka thisen zam zawng zawng pawh chuan a thil vek ni ber in ka hria.

Rei vaklo a ngawi vang vang a, a ngaihtuah a ni hrep tak a engvang a aw ti in emaw aih ti a min chhang vat lo nge a nih. Ka rindan hian min tihlum thei takngial dawn.

"Aih" rei ngial hnuah a rawn ti chhuak phawng.

Ka aw ka thian kharh a, ka tie chu ka adjust zauh bawk. A chhanna chu a hahdamthlak khawp mai "a nih a hnu, eng nge buaina awm"

"Eng nge buaina a. I ruahmanna kha a atthlak em a ni"

Dawhkan chu ka bawh phei a " ka nupui i nih chuan engtiang tak in nge hlawkna i chan dawn ngaihtuah rawh. Jade, in nuam tak i nei ang nga-car,thawmhnaw nalh tak tak, tlereuh leh thla hlawh tamtham tak. Chuan, deal tawpah hian pawisa tamtham tak i la thei bawk ang, ngaihtuah la hna i duh pawn i duh duh a ni mai"

"Hna, i sawifiah dan hmang chu hmeichhe hip tumna a va ang ve"

"Ka tihpalh, khatiang zawng a sawi kha ka nilo"

"A nih engtia rei chiah nge kan inneih ngai dawn a"

"Kum khat. Chumi hnu ah ka lawyer in inthenna lehkha a lo siam ang chuan million5 i dawng bawk ang"

"Million5 maw"

"Aw, million5 chuan hemi chhung zawng zawng leh kan inthen hnu a midang i neih thleng chu i thla bi tlawh pawh i la reng thei ang. Hna i thawh hah a ngai miah lo a nia Jade, he hna hi i thawh chuan in chhungkaw tan pawisa mamawh zat i nei thei ang nge i nau college zirna tur pawh i buaipui hah a ngai lo ang"

"He thil hi i ruahman lawk vek a ni maw"

"Ka tihpalh mahse Aw" ka lu ka bu nghat a.

A rilru a insual nasa hle tih a mit atangin ka hmu thei. A hrilhhai hmel in thuthlukna siam harsa a tih hmel khawp mai.

"Engtin nge i chhung leh thian ten an sawi, i mit ka la tih hi an awih thei miah lo ang, i hmeichhe kawp thin nen kan inang lo nasa mai bawk si"

"I diklo, kei chuan ka hma a ding hmeichhia hi hmeichhe chhelo leh hmeltha tak a ni ka ti. Chuan, nangmah in dah hniam tawh suh, intivei tak a awm vel i duh lo mai a ni"

"Hmeltha min tia maw"

"Tehreng mai, tha ka ri reng che alawm"

Zam tih hriat takin a zungtang a khalh leh niap niap tawh. A chin than a sim theih miah loh a ni, a hmai a sen nghal vek a...a tai tek mai.

"Ka lawm e...kan...kan mudun dawn em..ka sawi awmzia chu..."

"Aw, Inneih na tak tak tur alawm kan nih Jade, kum khat chhung"

"Engtin nge in hmangaih miah lo in a tak a nih theih ang"

Ka rum chhuak ngut "hmangaihna hi ka ringlo a ni. Chu chu ka pe thei lo che, a remchang vang a innei mai kan ni, he thil hi chu buaina,hlauhna leh natna mai a ni"

"Keimah ai ah i bialnu chu i khumah i hruai mai thei lo a mi. Expert ka ni si lova"

"Hmangaihna a expert ka mamawh lo. Ka nupui ni a ka khum min tawm turin ka duh che a ni mai, mahse hlauthawng suh. Ka nawr lui lo ang che, min rin theih nan hun ka pe ang che, i inphei hun ka nghak ang"

"Engtia rei maw"

"Ka sawi theilo, nangmah ah innghat"

"Maw..ka rai a ngai a mi"

"Rai lo ang. Min ring mai rawh fa neih te chuan kan dinhmun a ti buaithlak mai mai"

A lu chu a hriat ringawt, a ngaihna a hrelo takzet.

"Min nei rawh Jade, ka tiam a che i inchhir lo ang"

Thawk a la vang vang a, a ngawi dat bawk a ngaihtuah zawk ah a bu det ringawt.

"Aw i tihna a mi"

"Umm..aih..ughh...aw..mahse"

"A tha, i thusawi i thlak thei tawh dawn lo a nia aw, thlak dawn em"

"A nih chuan...ughhh...aih mahse"

"Ole, kan innei vat dawn nia a rang lamin"

A thaw chhuak hawk "a rang lamin maw, eng nge i hlauthawn a"

"Deal kha mawle. German contract deal hi kan closed tir vat a ngai midang ho in an rawn inchhuh sup sup hma hian"

"Oh.."

"Tuman kan in remsiam na hi an hre lo tih chian ang che. Mipui hmuhah chuan nupa tak tak ang a kan awm a ngai dawn a nia, midangin an hriatchhuah theih nan risk kan la thiang lo ang, a biktak in German Shipping Company ho lakah"

Ka kutphah in a biang a dawm a, a bu nghat bawk.

"Kan inhual thu hi zanin ah kan chhungte lakah kan puang dawn nia. An tan special dinner siam sak i la a tha ang" ka wallet la chhuak in ka credit card ka la chhuak a, ka va pe phei nghal thuai.

"Hei hi ngatan" min en chungin credit card chu a la a.

"Zanin a hak tur thawmna thar i lei ang chu. Va bazar rawh, i sam siam tir la i hmai i chei bawk dawn nia. Mrs Wilson hneah vawin a i hmun ruak chu lo hnawh khat mai turin ka hrilh tawh"

Kum 1 inneih chu Jade tan hian a hlawkthlak khawp ang. German contract kha ka khar ang nga an project ka ti hlawhtling bawk ang, chuan chiang takin hemi hnuah hi chuan client dang dawr tum ho in an tibuai thei tawh lo ang.

Remchang leh chu Jade in ka khum min tawmpui tur hi a ni kum1 lehnghal- ka ngaihtuah reng pawh hi a reh thei mial mahna, chutiang bawkin amah pawh. Inneih reception a kan lamdun lai pawh khan engtiang takin nge ka kuah kha nuam a tih ka hria. A taksa ka khawih emaw a rim ringawt ka hriat pawn thawk ka la tha theilo, ngaihven lo tur chuan a nasa mah mah tawh a ni amah hi ka duh tlat tawh chuan amah neih hi ka tum ber a ni. Chu chu ka nghak reng thei tawh lo ang.

"Mahse. Mr Petrakis"

"Eros...Eros tiin min ko tawh rawh"

"Umm...Eros"

"Aw..Jade" ka nuih sak a.

"Pawi i tih loh chuan ih....inneih na chungchang ah hian sawi duh tlem ka nei ve a"

"Ole, tehreng mai. Eng nge ni han sawi la" Pawisa tamzawk a duh a ngem aw, nge ni a car thar leh in thar zawk..umm engpawh a duh duh a ni mai.

"Ka room hran tur ka duh ve...i kiang a mut chu ka thei lo ang"

Maw, eng thil nge a sawi hi ka ngaihtuahna kal thui lai chu a tawp hmak mai. Vur a theh ang chiah in ka hik chhuak nghal vek a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:20 pm

Chapter-28

°Jade's Pov°

"Jade, eng surprise nge ni a" Walter Graham,kan thenawm Jason a thian chuan Manhattan a salon lar berah a ka pen luh rual rual in min lo lawm a "eng thil in nge helai te lo hruai thleng che a"

"I puihna ka mamawh a ni Walter"

"Aaa, i sam tan i duh a mi, nge ni a i ginger red hair kha dum i duh zawk..nilo..nilo..duhtak chutiang chu ngaihtuah miah suh ang che, ka phallo a nia a chhan chu i sam kha i inhmeh lutuk"

"Nilo, min chei danglam ka mamawh mai a nia"

"Eng nge in chei danglam i tih awmzia chu" mak tih hmel takin a mitko a san ak a.

Ka luchhip atang a ka ke lerh chu uluk fe in min en a.

"I sawi awmzia chu...Oh Lalpa, spiderman leh superman te ang in maw" phur zetin in min en a, a meng phawk nasa mai a hmui chu a kut pahnih in a hup bawk.

Ka nui sak a " ka rin dan chuan..keimah tak tak hi ka lantir a hun tawh in ka hria"

A tawpah chuan ka nunhlui te paih in hmalam ka pan ve thei dawn ta e. Hlau reng a awm kha ka duh tawh lo, rah tha engmah a chhuah lo tih ka chiang tawh. Chhel tak a awm in thilthleng tak tak hi ka hmachhawn a ngai a ni, ka nunhlui chu ka thlak thei lo tih ka hria mahse ka hun kaltur chu ka hun lo la awm tur hi chu ka siam thei ani- a ai tha leh beiseiawm zawkin.

Lehlam ah, Eros ka neih chuan ka landan ka tih danglam nan samlem ka vuah thin tih a hrechhuak nghal vek dawn, chuan zawhna a ngah khawp ang...eng vang nge...eng vang nge..a tih reng ka ring.

Tunah keimah tak tak a hmuh hi a tha zawk a ni, inneih hma ngei hian nakin a hriatchhuah ai chuan a tha zawk. A ti hrilhhai a nga, ka bumah ngai in ka chungah a thinrim ngei pawh ka ring.

Keimah tak tak min hmuh hunah chuan min nei duh reng em tih a chiang mai ang chu.

Mahse a pawm a nih erawh chuan thlantur dang ka neilo. A offer chu ka pawm a ngai a ni.

Tun a ka dinhmun thlir chuan a sawmna hi nawl ngat i la chuan khawvel a mi a ber ka ni hial ang. A nupui a ka channa hlawh thla tin ka nei ang nga chuta karah million5 ka dawng bawk dawn a nia, chuta chhap ah ka hlawh lak lai hi pasal ka neih hma chu ka la char char thei bawk dawm a nia.

Duham, gold digger, hmani hmasaial, pawisa duh ti pawhin min lo sawi mahse ka pawisa lo. Ka chhungkua keimah ah a innghat tlat,ka nu thin hi a tha lo zual zel a, a damdawi man leh in enkawlna kan hlamchhiah thei lo a ni. Kawng lehlam ah Saph in college a kal mai dawn a, a tution fee tur pawisa ka mamawh dawn bakah ka la tem chhin loh thil hi tem chhin turin ka duh a ni. College tha tak a kal a, physical therapis nih a suangtuahna chu tih hlawhtlinsak ka duh a ni, naupanh fingvar tak a ni a a degree zawh hi a phu bawk.

Aw ni e, hahdam tak a nun chu ka dream a nih na chin pawh a awm ve. Rilru hah reng reng a awm hi ka kham tawh, buaina leh phurrit te pawh hi kiang se ka duh. Kapa thih atang khan rileu hahna in min kiansan hleithei lo, ka tan thil awlsam tak a nilo. Engtin nge chawei tur dang kan hmuh leh theih ang tih reng rengin ka buai thin a, bill ka pek reng a ngai a,kan in enkawlna leh Saphire hmanral ringawt leh thil dang dang te pawh.

"Ohh..in thlak danglam na hi nuam ka ti. Mawi takin ka siam ngei ang che duhtak, ka phur tawh khawp mai" Walter chuan a ti a.

"Ka lawm e" nuih sak pahin chair ah ka thu ve vat bawk.

"Zaninah date i nei dawn a mi"

"Aw" ka chhang a. Walter a hnenah date ka nei dawn tih han hrilh chu ka zak deuh tlat, mipa hmuh emaw tih hlim vel hian ka chhuak nghailo tih a hrechiang. Ka nihna thlak ka duh tlat chu zawhna a ngah phian ka ring nen min zawt lo hlauh.

"Wow, a ni chu i ngaina takzet a ni maw. Mipa vannei chu tunge a"

"Umm..ka boss"

"I boss, Mi ropui Eros Petrakis a maw" a nui chhuak nghal hawk hawk "ka hria a ni, kha boss chhelo tak mit kha i la tih ka hria. I hria alawm, zingtin lam tur che in a rawn kal ziah lehnghal a. Tin, pancakes leh buffalo wings te a lo ken che a nia....awww, i lakah hian a luangliam takzet a ni"

"Nilo...i rin ang kha a nilo" ka hmai a tai vek tawh, mahse ka nui lui sak a. Eros a nen a kan in kuangkaih dan chu sawi lo ila ka buai thui lo zawk a ni mai, chuvangin ka ngai reng a.

"Tunah chuan, a nun nghawr nghing dawt thei turin i mawina tak tak chu han pho lang ila. Ka huau leh mit meng pawk chhuak lek lek a en tur che in kan siam che a nge, dar engzat nge in inhmuh dawn a"

"Dar 7 ah"

"Hmm" A sana a en zauh a "ole, kawr i nei em pheikhawk sang nen"

"Ugg..nei chiah lo mahse credit card ka nei a"

"Wow...i bialpa chu mi eng emaw tak a nih chu. Tirawh, bazar hmasa ang, zanin tlai chu i fairy goodmother ka lo ni ang Cinderella ah kan siam che a nge"

Dakar hnih a liam a, bazar pawh kan zo tawh. Lace dum taksa mil thlap leh ka kawng fek ti lang nalh tur chu ka lei a, a ban pawh a pan lutuk chu ka kut a langtlang vek thei mahse a dum chu a sexy viau bawk si a ni. Chutih lai in pheikhawk sang inches4 ngawt mai a sang chu ka lei tel bawk.

Salon ah kir leh in kan in chei tan ta a .

"Hmm...eyebrow cream dum hman tawh suh ang che, i mithmul rawng tak i hliah daih alawm. A dum vek tawh a nia"

"Nia...kum4 chuang zet chu ka hmang tawh alawm"

"Lungai suh, Walter hian i makeup hman tur chu rawng chu a hrilh ang che. Chuan makeup hman dan tur te pawh"

Walter chuan ka sam leh ka hmai a chei zo a, dar6 ah in ka thleng der tawh ka nu leh Saphire erawh in ah an awm lo. Ka nu in bible study a nei turin in a chhuak a Saphire chu school ah a la awm bawk.

Rang takin ka room ah ka chho a, ka inthlak hnu ah ka pheikhawk sang chu ka bun a.ka contact lense chu pawhdawh atanga la in ka vuah nghal thuai bawk.

Ka landan chu ka hma a darthlalang lianah chuan ka en a. Jade, nula old fashion ve tak, tarmit vuah thin leh sam dum hlap lakah kha chuan ka dar zar tawh mai. Nula ninawm tak ang a min hre tu kha chuan min hmu se keimah ka ni tih a awih tawh hauh lo ang, ka ginger sam sen ka kawng thleng dalh nen ngat phei hi chuan.

Heihi keimah tak tak chu ka ni

Dar7 a hnaih meuh chuan ka inpeih tawh khawp mai. Mahse ka zam takzet, ka kut a khur a, ka khup lah a khur der der bawk tuin nge hetiang a thlen hi beisei ang le.




°Eros's Pov°

Ka sana ka en a, dar7 a ri der tawh. Ka Bugatti Veyron chu hawngin ka pen chhuak a, ka dinner jacket chu pawt thla in Collins chhungkua te chhenna in kawtah chuan ka ding ran a.

Jade in kan inneih na chungchang ah khan chiang takin a sawi a, min nei ang nga mahse kan mu dun lo ang ti in. A rin dan chuan, inchhung a kan awm dan German ho in an hmu dawn chuang lo a ti tlat a, chuta karah ka bialnu mutpui zawk turin min la ti zui.

A ngaihna ka hrelo takzet, engmah pawi a ti miah lo. Ka rin dan hi a dik chiah keimah ah hian a bet thlawt lo, a boss ang chiah in min hmu ani mai, a dang a awmlo.

Mut dun loh a rawt chu han hnial ngial ka duh na chu mi â zawk tih ka duh biklo tiang buaina a thlen apiang hian a tlawm zawk ka la ni ziah lehnghal a, hmeichhe rilru lian tak a ni a, a thinrim a so sang thei ropui bawk si. Tiang khawp a sa thei chu tinge meial ang mai in a sam hi a sen loh ka ti rilru hial thin.

Minute2 a liam a tuman kawngka an rawn hawng lo tinge maw a rei em em le, kawiah chuan nge an awm vek

Doorbell ka hmet leh a, kawngka a rawn in hawng ta khap mai.

Ka hma a hmeichhe ding ka hma hmu chiah chu ka huau leh mitmu chhuak tep kawpin ka en ringawt.

"Ginger" zawi sap in ka ti a.

Ginger chu ka en tlawk tlawk a, tawng pawh ka tawng chhuak thei lo.

Vawi tamtak ka mit ka khap a, a tak tak a ni nge ka mitthla mai mai zawk tih fiah ka duh vang a ni. Mahse ka mit ka men apiangin a ngai reng, ka hma ah dingin a nui sen sen a. A lang chhelo ngei mai, a mitmu hring nghalh leh a ginger sam sen nalh tak chuan a ti lang tha lehzual. A hmel lah chu Greek ho hmangaihna pathian nu ang mai a tha a ni.

Sawisel bo diktak a ni. Engtiang tak a hmeltha leh nalh nge a nih tih hi khawvel a en tawngkam mah hian a sawifiah thei lo ang.

Ka hlim dawn nge ka thinrim dawn pawh ka hrelo, ka rilru put hmang pawh hi a inpawlh nuaih mai. A rilru sukthlek chu a insual but but bawk, engtin nge ka awm pawh ka hre tawh lo. Kum4 a liam meuh chuan, a tawpah ka zawnghmu ta hram e, amah zawn kha kalo beidawng hman tawh asin.

Aw..ka pawm thlap New York hmun hrang hrangah ka zawng kual a, kum 1 lai chu a ni ang ka hmuh atang khan, Mall, park, supermarket,biakin, school leh hmun tinrengah ka zawng kual a. Chu mai ni lo in social media hrang hrangah ka zawng kual bawk, mahse ka zawng hmu theilo. Club a kal tumah khan an hre bawk silo a kalpui ngei pawh khan a hre chuanglo, a hming diktak ka hre bawk silo ka hriat zawng zawng chu Ginger tih chauh a ni.

Chuan tunah, ka hma ah a awm a, a lang tha in a fuh thlawt mai bawk si. Nui sen sen a ka hma a ding ngei mai hi ka suangtuah thin ngei hmeichhia kha a ni.

MAHSE---khawnge Jade.

Ka tawlh hnung a, thenawm hnaivai vel chu ka en kual a, a ngaihna ka hrelo takzet.

Ka kalna hi dik reng em, kawtthler hi a dik meuh maw. Mahse, hei hi Jade i te in a ni ngei in ka hre bawk si khawiah nge a ni hi a kal, henu hi Jade nen in kungkaihna a nei em ni ang

Ginger hmuh leh chu nuam ka ti takzet a ni, mahse khawiah teh hrep nge Jade i hi a awm. Amah hmuh pawh chu ka hlauthawng zo vek tawh.

"I tha maw, thlahrang hmu ang mai a lawm i nih" Ginger chuan a ti a, kawngka chu ka luh theih nan a hawng zau bawk.

Inchhungah ka lut a, inchhung bungrual vel, TV, dawhkan, thutthleng leh frames zawng zawng te pawh chu Jade i te in chiah chiah a ni.

"Tinge hetah i awm"

Kawngka a khar a, inchhungah min rawn zui lut nghat."Maw..ka chenna a nih hi"

Ka mitko san zauh in ka en a Ginger i hetah a cheng maw, Jade nen, Saphire nen a nu pawh tiam in

A ha var sar lan chuan a nui sang a. A san chu a darah uai siau in a kut chu a bawngbawr bulah a thlak thla bawk.

"Min hre tawh lo a mi"

A hmai en pah in a taksa dang chu ka en kual a. Hei chu ka ta tur ngei a ni tih rilru ka pu deuh tlat tawh, ka lu te chu a rit bur tawh in ka hria. Ka thin lah a phu dawt dawt bawk, a hmeltha in a chhelo em a ni.

"Aw...hre tehreng mai" amah ringawt chu ka en tawh. He ka danglam na hi ka thup reng theih ka ringlo, ka zawh ngei a ngai "khawnge i awm daih, engmah sawi lo in i bo hmak bawk si"

A ngaihna hriat loh hmel zetin a mitko a san zauh a "Chawhnu chawl turin min ti a, i credit card min pe in zanin ka hak tur lei turin leh insiam turin min tih kha"

"Maw" second rei vaklo chu ka thluak a chawl dup hman.

A hanbag chu la in eng emaw a rawn la chhuak a "engpawh nise, hei i credit card. Ka lawm e, lungai suh chanel dawr zawng zawng ka lei lo a nia. He kawr leh pheikhawk bak hi ka lei lo"

Jade maw.

"Mrs.Wilson khan Dubai a kan supplier kha email a thawn ta em"

O lalpa leh, Jade a nih hi, sawifiah theih lo khawpin a chhelo alawm le, ka hma a ding hi Ginger ni lo in Jade maw a nih mahse an inang hle mai

Ka thluak chu a fim theih na ka mit ka chhing vang vang a,ka mumang nge a tak tak tih ka ngaihtuah a ni. Hetiang hi a thleng thei lo Ginger hi Jade a ni theilo, mahse a hmel, a sam, a mit engkim mai hi...Ginger a ni.

Jade hi Ginger a nia, Ginger hi Jade a ni mi pakhat an ni chiang a lawm ka ring sual thei lo.

he thil thleng hi zankhat a thlengah chuan a mah mah tawh a ni, a hmasa ber ah Ginger ka hmuh thut vangin min thawng em em a, a pahnihna ah Ginger hi Jade a ni tih ka hre leh a, lalpa leh heart attack ka nei mai dawn

Ka mit chuan a lu chhip atang in a ke ler chu ka en leh thin.

Jade i a ni chiang alawm.

"Tinge i sam dum kha engtin nge i tih, i sam kha i dye a mi"

"OH..Aih,umm...ka pianpui samsen a nih hi"

Amah ka hriatchhuah ai in mak ka la ti zawk "khang hun chhung zawng khan sam lem i lo vuah char char maw"

"Aih...a zawng zawng chuan ni bik lo e, ka chhuah dawn chauh in" dang awk ti tih in min chhang a.

Hrep tak a, sam lem a vuah a maw.

Ka thin a rawn rim nghal pat,...nilo..nasa takin leh sawi theih loh khawpin. Min phatsan ni mai in ka inhria, kum2 ka bulah a thawk tawh a samlem a lo vuaj char2 a maw.

Ka thinrim na chu thunun hram ka tum a, ka taksa chu degree 100 vel a ni hial ang, thinrim takin ka melh a, a mitah tak ka en bawk engtin nge dawt min hrilh theih zawk Ginger chuan a ti mahse Jade chuan a ti hauh lo ang ka Jade chuan

Hrep tak a, ka theihnghilh Jade hi Ginger a ni tak e.

"Tinge samlem chu i vuah, tinge i inthup" seh chilh nak chuan ka ti a.

"Ughh..umm" hnungtawlh pah in a ti a.

"Mi tu emaw lak atangin i biru a mi FBI ho Wanted i ni a mi" a mit en reng in ka zawt a, a ni chu a ngawi ta reng a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:20 pm

Chapter-29

°Eros's Pov°

"Teuh lo mai.eng nge maw i sawi awmzia le" Jade in min chhang a.

Ka rilru a kal thui hman ngei mai. Mipa thenkhat in tibuai in pawngsual an tum vang em ni ang, nilo, nilo tu emaw that in an pawisa a laksak vek zawk a niang. Mahse Jade chuan tiang chuan a ti miah lo ang, Oh ni e. Loan a puk ang nga a rul thei lo a tlanbo zawk a niang.

Tu emaw a hluah vang in a tlanbo a ni ngei ang. Chutiang thil a thleng a nih chuan a hlauhna leh buaina a tangin ka chhanchhuak ngei ang, ka tanpui ang a ka venghim bawk ang.

"Jade thudik min hrilh rawh, i damloh vangin chemotheraphy i la mek a mi"

"Damlo maw, aih.."aw fiah sin deuh takin min chhang a.

"A nih chuan sawifiah rawh tunah. Kha samlem phenah khan eng emaw chu a awm ngei ang, i sawifiah hma chu khawiah mah kan kal dawn lo" sofa a thut pah chuan ka zawt a.

"Samlem vuah vang a dik lohna a awm hilem. Tunlai ah te chuan a hmei a pa in a ching tawh a lawm"

"Ka pawm mahse, thil mawina han chhut pawn i sam sen kha a mawi takzet alawm. I sam rawng ang nei tur khan nula taktak in pawisa an seng asin"

Thawk la in a lu a thing nak a.

"Engvang nge...mi mit lak i duh lo ni ah te min ngaih tir a nia"

A ngawi vang vang a "aw" a rawn ti chhuak phawng.

"Maw"

"Ka sam ka hliah na chhan chu mi mit lak ka duh loh vang ani. Chuan tarmit lian pui leh kawr fual hnek hnek ka hak te pawh khan chhan an nei vek"

"Mahse i mawina tak tak i hliah alawm i sam sen mawi tak te pawh kha tel in"

"Ka sam sen hi ka tan chuan a tha lo alawm. Mipui ho mit ka lak phah a, a biktak in mipa ho. Ka kalna apiangah min en zui reng bawk si"

"A chhan chu i nalh em alawm"

A kut a khalh leh niap niap tawh. A zam deuh chang a a tihdan thin a ni, a khur der der in min chhang a "grade ka kal laiin ka sam vang hian chhaih nawmnah ka tawk thin a. High school ka zir a, hmeichhe ho in min hua a tawngkam mawilo tak tak in min ankhum thin. Mipa ho lah in chuti bawkin, chuan ka buaina tih reh samlem vuah ka thlang ta zawk a kawr mawi lo tak tak te ka hah phah bawk, mahse buaina atangin ka him a mi in min chhaih reng ta biklo a ni"

"A va sual thlak ve" engtin nge chutiang zawng zawng chu a tuar theih zawk tih ka ngaihtuah a ni. Ka thin a rawn rim nghal zawk, chung amah tibuai thin ho chu engtik ah emaw ka la zawng hmu ang nga an phu tawk ka la pe ngei ang. A mal te te in, a chung a an thil tih man chu an la hmu ang.

"Nia, mahse hun kaltawh chu kaltawh a nia. Ngaihtuah zui na chhan tur a awm tawh hleinem"

"Mahse i na a lawm Jade"

"Nia..mahse a zawng zawng chuan nilo e" khawngaih thla la zet chuan a nui sak a "keimah tak tak hi thukru lo a lanchhuah ka remti ta a ni, ka in thup reng thei dawn chuanglo a biktak in tunah phei chuan kan innei thuai dawn si a. Ka phatsan che ni mai in ka inhria, midang leh keimah ngei pawh"

"Thil tha tak i ti a ni"

"Ka thuruk hi tunah emaw nakin ah pawh hriat chhuah a la ni ngei ngei dawn tho tih ka hria a"

"Aw..ni e, i natna chu ka hriatthiam pui che alawm. In chhaih nawmnah hreawm zia chu keipawn ka hria alawm, a chhan pawh naupang hausa tak a ka pian vang a ni. Chu chu i suangtuah thiam em, naupang chhaih nawmnah leh tih duhdah hian an taksa chauh pawh nilo rilru lam thlengin a nghawng thei a an nun pawn a tuar phah hle tih ka chiang. Chuan nangmah pawh chutiang chiah chuan a thleng, i hmelthat leh, finna te, i theihna leh mawina te vangin an tibuai che a ni"

"Kei chuan tawngkam a in chhaih nawmna ka tawk nasa bik. Nuihzatbur ang mai leh ti ti siam tu ang mai ka ni, an tawp ngai lo hrim hrim"

"I thatna an thik che a nih chu, i sam rawng chu engpawh ni se i hmeltha tho tho, a sen emaw a dum pawh nise. Chu chu nangmah a bet tlat a ni"

"Ka lawm e" a nui leh sak a, ka tuiral nghal zawih zawih mai. "Ka in sawifiah na hi i pawm ngei ka beisei"

"Umm..ka rin dan chuan kei hian" a hma daih khan sawi ka duh tawh.

Tunhma in kan inhmu tawh tih chu hrilh leh ka duh khawp mai, New York bar ah kum4 kal ta ngei khan. Ginger kha amah ngei a ni, phirpui a nei a nih ngawt loh chuan, nilo...Jade hian phir a neilo tih ka chiang, tinge min hriat tak miah loh tih ka ngaihtuah a ni.

"Kan sawi zo tawh in ka hria, kal i la" a nui sak a.

"Ruhro te hi i thawmhnaw bawmah i la dah reng lo maw" ka fiam zauh a " min la hrilh loh eng emaw a awm ka la ring tlat, tunah min hrilh vat la a that ka ring. Engpawn nise ka la zawng chhuak tho ang"

"Awm lo. Min rinhlelh leh enfiah vel te hi duhtawk phawt teh"

"Nia.. i sam sen hmuh hi ngaiah ka neih a ngai tawh dawn a nih hi"

"Aw. Tunah chuan keimah tak tak hlir i hmu tawh ang"

"Tha lutuk, khang sam nalh leh i hmeltha tak te kha i thuhruk reng ka phal dawn lo" ka riru a awm reng mai chu ka zawt lo thei tawh lo "Tunhma in kan inhmu tawh em"

Mak a tih hmel ngang mai. A kut suih at in ngaihtuah nei tih hriat takin ka meng a " aih..ka ring chiah lo tinge"

"Tunhma a ka hmuh thin hmeichhia nen in inang em a. Ginger sam nei in a mit a hring nghalh a nangmah ang chiah in"

"Tunge a hming"

"Ginger"

"Oh" min en lo in a hawi sawn hmak "Sam sen ho hi chu Ginger an ti tlangpui alawm, kan high school ah pawh sam sen pa5 ngawt an awm alawm Ginger ti in an ko vek lehnghal"

"Nia...i ti dik ang"

"Kan kal thei tawh ang chu tiraw Mr Petrakis. Kan tlai dawn tlat" din pah in dawhkan a a dah a bag chu a keng leh a.

"Aw..Mr Petrakis ti a min koh kha duhtawk tawh rawh, ka nupui hual i nih tawh kha" kal inring takin ka tho chhuak ve nghal thuai.

"Tihpalh ka theihnghilh a" a nui sak a.

"Ka hming sawi hi chinthan ah neih tum la. Tun atang chuan i sawi fo a ngai tawh dawn a nia"

"Ole...Eros..eros..eros..eros...eros"

Nui sakin amah chu ka en a. A mitmeng nalh tak chu ka en a, a darah chhuak leh in a awmbawr ah ka mit a tawp chat bawk. A hmeltha takzet a ni.

A lam panin ka pen hnai a, mahse a lo hnung tawlh ve nghal vat. Eng thil nge ka ngaihtuah tih a hria ni awm tak a ni.

"Lo kal rawh Jade"

"Timaw"

"Eng emaw sawi duh ka nei"

"A nih chuan sawi la, ka awmna atang hian ka hre thei che alawm" a sawi pah chuan a tawlh hnung leh dat.

"Hun kan paih mai mai, lo kal teh"

"Aih..ka ti dawn lo" chiang vakin min chhang a. Room chu a en kual a, tlanchhiat na tur a zawng tih ka hria.

"Eng thil diklo nge i chungah thlang a, ka seh dawn hleinem che" a awmdan vel chuan nuih te pawh a ti za "eng emaw i tan ka nei alawm"

"Maw" ka lam a lo kal hnaih chu a la tim deuh tho.

Ka kekawr ipte chu zen in velvet box sen ka phawrh chhuak a.

"Hei le" box chu hawngin a zungbun chu ka entir a. 18 carat diamond platinum zingbun a ni.

"Oh" ka huau in a en a, a mit a khap nghek nghek ringawt.

Ka lamah pen hnai in a kut veilam chu ka la kang a " thinthi in ka propose kher che i duh em"

"Aih. Inneih na lem mai a nia lawm, lamchan zawng zawng chu tih a tulna a awm hleinem" min en kar a, a hmeltha tak chu ka en lo thei lo.

"Chu chu i duh dan maw. Chutiang chu lo ni pawh nise zungbun hi chu a nihna tur takah tal chuan ka bun tir ve ang che chu" ka sawi zawh rualin leh aih ti a min chhan hma hauh in kungbun chu ka tin ran a.

A zungbun chu ka rawlh lut zal zal a. Ka buntir ta chu ka hahdam sawng sawng in ka hria, ka kut chu ka hmui zawnah la kangin fawh ka rilruk a.

"Min neih duh angem, Jade i hnawl dawn chu tih chu chiang tho mah i la"

"Eros...he thil chungchang hi chu kan remtih vek tawh kha..kan contract kha bawhchhiat ka tum hlinem"

Hrep tak a, engkim hi a ngai kawi vek amawn le. Aw ti a min chhan pawh chu eng nge a harsat viau na

A kawngah vuan in ka lamah ka kai hnai hrawk a.

"Eng thil nge i tih a"

"Shh..hahdam rawh. Hetiang a awm hi ngaiah neih tum phawt mai rawh, innei tak tak ang a kan lan a ngai a nia" a taksa nem tak ka vuan chuan phurna leh thatho na min pe nghal thuai.

"A nih hei hi eng nge, tih chhin na maw"

"Aw..nula fing tak i ni" ka nui sak a.

"Min thlah teh Eros khawngahin"

"Ka ti ngei ang, Lesson Number1 zawh ah hian"

"Hengtiang hian kan inkuah thin ang" awm si chat chuan ka kuah a, min kuah let theih nan a ka tih a ni.

"Hmeichhe fel tak i ni" min kuah tih ka hriat rual chiah chuan ka lo ti thuai "hmu em ABC ang mai a awl a ni, a dawt leh"

"Lawk. Lesson1 zawh ah min kaltir ang i tih kha" a sawisel deuh a.

"Lesson1 chu a la ni reng, hahdam rawh"

A hahdam deuh telh telh in ka hria "heting hian min khawih tur a ni" ka kut chu an a sam ka tuai a, thuai thla zel in a hnungzang atangin a kawng chu ka vuan a "a tak tak ang turin aw. Kan in hmangaih tih an rin theih nan"

"Oh..ole" ka tihdan zulzui in a rawn ti ve zel bawk. A kut ka awm leh ka dul vel chu a chul a, ka mipat na chu a kaitho chiang ngang mai. Ka taksa chu a alh ni mai in ka hria, ka sa pup pup mai.

Ka insum thei tawh lo ang. Chakna in min luahkhat a amah ka duhna bak engmah hriat ka nei tawh lo. A hmaiah en in a biangah ka fawp zauh a, a mitah fawp leh in a hnar leh ka hnar chu a insi ta set a..mahse min dan thut.

"Lawk. Hei hi lesson1 a la ni tho a mi"

"Aw" ka lu chu siamrem in ka hmui chu fawh ka tum a, inches 1 vel chauh a ni tawh ang tih ah min nam sawn nghal hmak.

"Ka rindan chuan hetiang lesson hi thi tha tak a nih ka ring lo"

"Engvang chuan maw"

"Ti der mai mai kan nia, hei chu a chipchiar mah mah a ni"

"Tinge. Min hmangaih ang tih i hlauthawng a mi" ka fiah zauh a.

"Keimah, hlauhthawnna maw, teuh lo mai"

"A nih chuan eng nge buaina tur awm. Ti rawh, lesson chu chhunzawm i la, kan zir hmasak a ngai a nia"

"Tihpalh zirtirtu, lesson dang chu theihnghilh rawh. I subject hi a ninawm tlat" a sam tuai mam zauh in kawngka vawnban chu a vuan ta ran a.




°Jade Pov°

"Khawnge Jade" Mrs Nina Petrakis chuan Petrakis Mansion a kan luh rual chiah in Eros a hrilh ru sar sar a.

"I hmaah a awm reng kha Nu" Eros a nui hak a.

"Jade i sawi awmzia chu.. Jade, nangmah i ni tak tak maw. I lang duhawm khawp a" a ngaihna hrelo zet chuan ka biangah min rawn fawp a "ka tihpalh duhtak, ka hre mai lo che lawm"

Petrakis chhungkaw ho chuan mak ti hmel zet in min en ha hlawm mai, ka landan chu uluk fe in min en hlawm a. Ka lu chhip atanga ka ke ler thlengin min en a, an mit an khap leh sawk sawk thin. Jade tak tak ka ni tih hi an ring thei thlawt lo.

Ka hmai a sa hem hem a, ka zak ru riau. Oh, kaw lianpui awm sela luh deih ka chak a ni.

"Eng nge i sam dum chungah khan thleng a" Eros a cousin Cassendra chuan min lo zawt a "i sam kha i dye a mi"

"Aih..um..."

"Case. Hei chu a pianpui sam a nia, a hma khan samlem a vuah mai a lawm, chhan tha tak vangin. Chuan zawhna dang zawh belh tawh suh u" Eros chuan zawhna min lo zawt reng tur lakah min lo chhan hman hram. Ka kiangah a ding reng chu ka lawm ngang mai, buaina tamtak ka tawk tur lakah mupui ang mai in min humhim a ni.

"I pianken mawina hi sawisel bo a ni, langsar tak a awm i duh lo mai a ni" Eros a pi Mrs, Karina Anderson chuan a lo ti ve bawk.

"Ka lawm e Mrs Anderson"

"I mawi lutuk, Eros an a kiang ah awm tlat tur a a duhna chhan che hi ka ringhlel lo e. I mawina thuruk hi a lo hre reng a nih hi, awi leh a vannei hle mai" Paul in a ti sap bawk.

"Tunah chuan a in tih tatu em em na chhan che chu ka hrethiam ta. I coffee nen lam pawh" Mr. Markos a nui sak a Eros a kut a ka kai lai chu a en zauh bawk.

"I hmu em Nina, ka ti dik chiah. An inkarah hian eng emaw chu a thleng chiah a alawm" Mrs Anderson in phur zetin a ti ve bawk.

"Nia...an rilru sukthlek te chu an thup zeng bik ta lo a nih hi" Mr Petrakis in a lo chhang thuai.

"In in hmangaih takzet a nih chuan tinge in feeling chu i thup reng zawk a" Claudia Mrs Petrakis a unau nu chuan a lo ti ve bawk "a dik em duhtak" a pasal Raymond a melh zeuh a.

"A dik chiah. Khawvel zawng zawng hi in hriattir vek tur a ni" a lo chhang ve vat bawk.

Eros chuan min en reng a, ka zak lutuk chu ka hmai a sen tawn tawn mai. A nuih a za tih chu a hmui atangin ka hmu thiam vek, kan awmdan vel hi nuam a ti tih ka hrethiam mai.

"A zahthlak emai" Eros ka hrilhru sar sar a, midang lak atang a min hruai hrangin balcony lamah kan kal nghal nal nal.

"Hahdam rawh" ka hmai bul setah chuan min be sar sar a, a taksa lumna leh a rim pa hrak pawh chu ka hre thei. Ka thluak chu a in let tup tup in ka hria, uluk takin min en a, a mit a la sawn eih lo. Ka tawlh hnung nghal thuai, ka thin lah chu a la phu nasa em em zui. Amah a engkim chuan ka tisa hi a ti khur a ni.

"Ka theilo, ka ke a khur nasa lutuk" ka inrin hma in ka rilru ka sawi chhuak phawng mai. Ka tawng tam lutuk loh nan ka hmui chu ka pet zauh bawk.

"Aw i thei alawm" a kutin ka sam chu a chul zauh a, min khawih dan vel hi ka dang thei tlat lo. Min en a, a nui sak bawk " ka hrilh che kha, a tam thei ang ber kan tih chhin a ngai alawm. Tichuan i thiam vat mai ang min khawih leh min kiss te pawh"

Ka en kar a, a mitmeng atang chuan a hlim tih ka hre mai. A nuih a zat hmel lutuk.

"Khatiang khan min en rawh"

"Engtiang in maw"

"Khatiang khan, khatiang a min en khan i itawm lutuk"

Itawm maw ka thin a phu dup dup mai hahdam rawh Jade ngaihtuah rawh keimah leh keimah chu ka in hrilh a.

Ka aw ka thian kharh a, thawk ka la hrawk bawk " ka hrethiam lo. Min hrilh mai thei lo a mi"

A nui sak a "Ah, i hrethiam lo maw. Tunah kha chuan lo kal la min rawn kiss rawh tih hmel i pu alawm"

"Maw, min lo hrethiam teh"

"Eng nge a nih i hria em. Grade school ka kal lai a ka zawhte te pawh kha min ti hrechhuak alawm. In mitmeng a inang chiah chiah a"

"Nia, a ham ngei che ka beisei"

A hmel landan a inthlak nghal hmak. A mitko chu ti chuar zauh in, a mitmeng nelh a nuihmel pawh a inthlak nghal vek.

"A tia lawm. Mahse hetiang thil hi ti ve mah ila nang chuan min ham lo ngei ka beisei" ka kawngah vuan in min kai hnai hrawk a. A taksa si chet in min chelh bawk, kalsawn ka tum a, mahse a chak em a ka chesawn thei lo.

"Khatin tal suh, min en reng a nia"

Inchhung lam a mipui ding ho chu ka en a, an inbia a tuman min ngaihsak lo.

"Min thlah teh" thupe aw tak leh thinrim tih hriat takin a ka melh a.

"Ka ti ang, lesson 2 hi zo phawt i la" nunrawng mitmeng takin min en bawk.

"Ka sawi tawh kha, i lesson hi ka zo fel tawh..."ka sawi zawh rual chiah in ka hmuiah min rawn fawp nghal chat.

Min fawh vang chuan ka khawng vek ni mai in ka hria ka thin a phu dawt dawt a. A hmui chu a lum nuam in a tui takzet...drug ang mai a ni, a rim, a tui dan, ka taksa a deh dan, chuang zawng zawng inpawlh chuan tunge ka nih min in theihnghilh vek tawh...ka hming takngial pawh ka hrelo khawp a ka awm chuan min ti hrilhhai kher mai.

A hma a min kiss dan nen kha chuan danglam tak a ni. He kiss hi chuan taksa chhungril zawng zawng nen min fan chhuak vek mai. Ka hmui a fawh dan vel te chuan ka taksa a ti sa vawng vawng thei hial a ni.

Muangchang in ka fawp let a, a hmui te chu a duh ang thal a a fawh theih nan ka siam rem zel bawk min fawh dan chu a muang in a dam dep bawk.

"Strawberry" mi rawn fawp zawh hnuah zawi sap chuan a ti a.

"Maw" ka mit meng in a mitah tak en turin ka hawi chho a. eng thil nge a sawi min lo en reng tih ka hmu ve chiah.

"I hmui. Strawberry ang mai a tui a ni"

"Oh..lip glose a nia"

Ka nghawngah hian ka kut hi a in char vek tawh ni mai in ka hria. Din ngil ka tum ngial pawn ka taksa a zawi vek tawh.

Oh lalpa, tunah hian min thlah a nih vaih chuan chhuat ah hian ka thlu nghal thuai a ni mai

Muangchangin ka in thunun a, ka kut pawh ka la sawn thei hram. Ka tawlh hnung nghal thuai.

Engtin nge min kiss kha ka chhanlet theih zawk. Tunah chuan buaina thutak ka tawk dawn e, amah ah hian ka luangliam tawh takzet nitin in a zual telh telh mai bawk si

"He thil theng vang hian nuam i tih ngei ka beisei, Mr Petrakis. Chuan kei erawh ka nilo"

"Chuan Mr Petrakis tih ah bawk an tlah hnung leh ta maw. Kan hrilh nawn leh ang che Miss collins, he thil hi i pawm a ngai, hnungtawlh tur chuan a tlai tawh mah mah"

"Nilo. Ka hnungtawlh lo" Ka hnungtawlh lo takzet tih chu ka hrilh duh a chhan pawh pawisa hi kan chhungkaw tan ka mamawh a ni.

"A nih a hnu eng nge i buaina chu. Inkawp tak tak a awm hi kan plan a nih kha, inhual tur kan nih hi, zungbun pawh i pun vang tawh kha"

Ka zungtang a lunghlu zungbun chu ka en a. Kalsawn ka tumna lamah Petrakis chhungkaw chenna ah ka pen lut hlauh, tumah erawh in an ngaihsak lo. Zungbun lah chu a nalh in a man a to tih a hriat hliah hliah, ka bun pawh chu ka zak zawk a chhan pawh innei tak tak kan ni silo. He zungpun hi chu hmanrua pakhat mai a ni a hmangaihna lantir na a ni lo, hmangaihna der diktak a ni.

"Engkim hi a lutuk mah mah tawh, hetiang a pawm tur hi chuan hun ka mamawh a ni"

"Tihpalh duhtak. Mahse hun kan ngah tlat lo" neiawm zetin a la nui zui.

Beidawng angreng takin ka nui sak a. Ka tun dinhmun hi ka haw takzet, engtin nge hetiang zawng zawng hi a tak a ni tih ka rin theih ang, inhualna, inneihna, hmangaihna leh romance te..kumkhua a hlimtak a chendun te nen. Mahse ka mo nei tu erawh lalfapa sawsel bo a ni tlat lo, hmangaihna a ring lo a, flairytales leh kumkhua in an chengdun ta tih vel nghat phei chu ringlo tak a ni. Romance tih hi amah ah hian a awm ve thlawt lo, khawl ang mai a ni, nge ni a robot emaw alien planet dang atanga lo kal ni awm zawk a ni..nilo..alien chu a ni leh thei lo aline pawn hmangaih te chu an nei ve ang chu.

"Jade, min neih hi thil thalo zawk zawk a ni lo ang. Ka tiam a che, misual tak ka ni hleinem"

Aw i nia lawm, ramhuai misual tak. Tu hmeichhia pawhin kalsan har an ti bawk ang

"Ka hria...nangmah vangin ka hlauthawng lo"

"Aw. A va hahdamthlak ve, ka tiam a che engkim hi muangchangin a kal ang, thlamuang takin aw"

"Ole"

"Eros, khatah in lo awm alaw" Paul in ka hnung atanga a ti thawm chu ka hre zui nghal pat.

Eros a bu nghat a Paul a kal nghal thuai.

"Lo kal rawh inchhungah lut ang. I tan surprise ka nei a nia"

Inchhungah min hruai lut a, living room ah min hruai phei in sofa ah min thut tir nghal thuai. A ko khawm a, an lo ding khawm tiai bawk.

"I mit chhing rawh Jade" Paul in a tih pah in a nui nghal hawk hawk a, midang pawh chutiang chiah in.

"Timaw" Eros ka zawt a.

"Surprise a nia, ti rawh le i mit chhing rawh" ka bulah rawn thut pah in ka kut a rawn vuan a. Ka taksa chu current man ang mai in a hik leh mem mem tawh, Ka rin dan chian Eros hi a dik a ni. Min tawh apiang hian ka suangtuahna a danglam hlak zel.

Ka mit ka chhing a "sawm atang in number chhiar la i chhiar zawh ah i meng dawn nia"

Number chu ka chhiar thla a.

Hmeichhe hi an au tuarh a. Ka mit ka hawn rual rual in ka nu leh ka nau ka hmu zui nghal pat, ka hmu chu mak ka ti angreng khawp mai.

"Nu...Saph.." ka tho a ka va kuah nghal pat. Kan awmdan vang in a then chuan kut an beng a, a then an lo au chel chul bawk.

"I lang tha lutuk Jade, i kawr atanga i rawn chhuak ta chu ka lawm khawp mai"

"Ka lawm e nu. Bible study ah i kal ka lo ring a"

"Kal e, ka haw hma alawm"

Ka nu incheina chu ka en a, Satin kawr leh ka pheikhawk sang inches2 vel chu a lo bun bawk, Chloe te inneih a ka bun kha a ni nghe nghe. Makeup light angreng takin a in hnawih a, a lang simple in a lang mawi khawp mai.

"Tukin zingah Eros in zanriah kil ho turin min lo sawm a, Donovan in min rawn lam alawm"

Eros ka en a, min lo nuih sen sen mai. Hmui phun in ka lawm e ka ti sap a. Saphire ka melh a, cosplay kawr nalh tak leh samlem a vuah bawk, a lang nalh takzet, lalfanu ang mai a ni.

Eros in ka hnung a rawn kuah rualin ka nu ka kuah chu ka thlah nghal thuai.

"Jade" a rawn ti a.

Eng thil nge thleng ka hrelo, mahse a kutah ka lo awm der tawh. Hmeichhe ho lah chu phur zetin an lo nui hak hak bawk.

"I surprise vangin ka lawm e" a bengbulah ka ti sap a.

A rawn kun hniam a,ka biangah a rawn fawp zauh " i tan chuan engpawh a ni mai. Thu chu puan a hun tawh e" zawi sapin a ti bawk.

Room a awm ho chu ka en kual a, chik zetin min lo en hlawm. Hlim hmel leh phur zetin min en hlawm bawk, Eros nen chuan kan inkar ah eng emaw a thleng tih tih chu ring se ka duh takzet, chutiang a nih chuan kan hlawhtling a ni mai.

Ka nu leh Saphire pawh an lo nui sak mai. A mit a en pawn an hlim tih a hriat mai, Eros an min kuah chu mak an ti tih ka hre mai. Mipa bul a ka awm min hmuh vawikhatna a ni, Eros nen hian kan thutak takzet tawh tih hi an pawm ngei chu a ngai ang.

Eros in a aw a thian kharh a, kan lam an rawn hawi nghal vek mai.

"In vaiin chibai u le. Zanin hi kei leh jade tan chuan hun pawimawh tak a ni, helai hmun a kan sawm na chhan che u chu kei ni hi" ka kut chu ka in a fawp zauh a "kan in hual a ni"

"whoa"

"Eng thil nge a sawi hi"

"tak tak maw"

"wow hi a ni tawp"

"oh, in chungah ka lawm khawp mai"

ka lawmpui lutuk che u"

Mi ho chu an tawng sup sup mai, mahse an vai chuan an hlim tih ka hria.

Pakhat te te in min kuah a, kan inneih na turah min lawmpui a ni. Ka zungbun te chu ka hmuh a, a nalh an ti hlawm ngang mai.

Ka nu leh Saphire chu a tawp berah an rawn kal a.

"Chuan heta kan awmna chhan hi chu in inhualna lawmpui turin maw"

"Aw nu, in lung khan hetiang thil vel hi a dawnsawn thiam ka beisei"

"Tehreng mai, ka lung hi a derthawng em em hleinem"

"Ka lawm e"

"I pa in hetia hlim taka i awm hi hmu ve che sela ka ti kher mai"

"A awm alawm nu, hetah engtik lai pawn a awm reng kan kiangah" ka nu mittui tla tur chu ka lo dang ve thuai bawk.

Ka nu in a lu a bu nghat a, a insum tih ka hre thei.

"I zep thei khawp mai Dee. Engtia rei chiah nge Eros nen hian in inkawp tawh a" Saph chuan a ti a.

"A la rei vaklo"

"I hmangaih takzet a nih ka ring i ninna tak tak pawh i hrilh a nia" Saph a nui karh karh.

"Nia keipawn ka ring"

"Ka hlim khawp mai Dee. Engtiang takin nge hmangaihna hi a awm ang aw ka ti, keipawh ka lalfapa ka tawn thuai ka beisei. Hmangaihna diktak hi engtin nge a awm ka hre chak a ni" Saph in min kuah a.

"Engtik ah emaw chuan i la tawng ve mahna. Tunah chuan kum 17 chiah i la nih hi"

"Thla reilo te ah 18 ka tling tawh dawn" a nui leh hak a "awwww Joseph tih loh kha tumah i ngaihtuah thei tawh lo ah kalo ngai a, hetia i awm hi ka hlim khawp mai"

"Shh...a hming kha sawi lang suh. Hetah chuan nilo" ka hrlh ru sap a.

"Tihpalh Dee" a rawn ti ve sar sar bawk.
"Tunge kawr pawl a hma a kawrkilh awm ha saw"

"Kobe Lastis, Eros Cousin. Tinge"

"Min lo en reng a nia aw, ka hmu"

"Oh....i ngaihtuahna a nih chu Saph" a ti sap a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:20 pm

Chapter-30

°Eros's Pov°

Kan inneih ni tur pawh ruahman vek a ni tawh, nimahse eng in emaw min la mawlh tlat a ni.

Jade hi Ginger ngei kha a ni chu chu ka hre sual thei lo. Mahse engtin nge min hriat miah loh theih zawk, amnesia a vei zawk em ni ang nge ni a post-concussion syndrome zawk, phirpui a nei zawk em ni ang aw.

Chu chu thil theih a ni lo. Thudik ka hriatchhuah hma chu ka chawl mai mai dawn lo, chu chu tunah a ni bawk ang

Jade i chu Cassendra i nen an inbe lai ka hmu chiah bawk. An lam panin ka kal nghal thuai a.

"Haw i inpeih tawh em Ginger"

Jade chuan min rawn en nghal haw mai. A hmel landan a inthlak nghal vek "Ah..aw tehreng mai, minute tlem lawk aw"

"Awww...a van cute ve. Ginger ti in i ko maw" Cassendra chuan a ti a. "Keipawn ka bialpa hmasa ber kha dreamboat tiin ka ko thin a, chuan sugar lips tiin min ko let bawk....nuhzatthlak lutuk ka bialpa pahnihna phei chuan ui naute tiin min ko mawle. Ka duh loh vang in thla khat hnuah kan inthen nghal, chuan ka bialpa pathumna pawn varakte tiin min ko thin.."

Jade i sirah ka thu a, a hmui no chek mai ka hmu ngat phei chu fawh bak ka rilru ah a awm theilo. A hmui hmuailam chu peh sak in, min hnial miah dawn lo tih ka hre bawk.

Caseendra i lam hawi in a thusawi a ngaithla mial mial a. A kawng tetakte ah ka kut dinglam in ka kuah a, ka lam hnaih ah ka kai hrawk bawk. A kut la in ka hum sak nghal vang vang.

Celebrity, fashion, leh lehkhabu te an sawi dun a. Kei erawh Jade i ah chuan ka rilru zawng zawng ka pe vek. Ka hawi sawn theilo a chhan pawh a chhelo em a ni, amah en chu ka hlimpui em em ringawt. A engpawh chuan min hip hi a ni ringawt.

Ka kutin a hnungzang chu hnuailam zawng leh chunglam zawng te chu ka chul a. A nem in a mam han mai, silk ni mai in ka kut chuan a hria. A ip deuh tih ka hre thei mahse a hahdam vat thung, ka lamah ka kai hnai a, a nghawngah chuan ka hmai phum in a rim nu hnam mai chu ka hnim vang vang bawk , ka dawh reng thei tawh dawnlo. A nghawngah chuan ka fawp zauh a, vawikhat mai ni lo in ka fawp nawn sek nghe nghe, ka in controll thei tawh thlawt lo a hmui ah chuan fawp in ka lei in a ka hawl kual vel bawk.

Ka pum a rawn na deuh zawk. Ka en chiang chu Jade in ka pum ah a kiu in min lo do chu ni in "oh Cass. Ka rindan chuan ka duhlai a hi a mut a chhuak hle tawh a niang" mi rawn enin ka biang a biai zauh a "Dik em duhtak"

"Dik e... i sawi engpawh a ni mai Ginger" ka biang ka tuai that that a. Mipa naupang cake ei chak deuh ka in tehkhin ber.

"Kan kal a ngai tawh a nia" Jade in a champagne chu a tlak pap a, a ding nghal zat.

Car awmna lam panin kan kal a, kan lut nghal thuai "Ginger ti khan min ko tawh hlek suh" seh chilh nak in a tin zawm nghal pat.

"Engvang chuan maw, Ginger sam sen nalh tak i nei alawm. Chuan i inhmeh em em bawk" a sam nem tak chu ka kutin ka khawih niap niap bawk.

Ka in la hrang nghal thuai " Ti tawh suh..khatiang khan min ko tawh miah suh, ka duh lo hrim hrim"


"Tinge"

"Ka duhlo ka tia lawm"

"Jade. Ginger ti a koh i duh loh na chhan hi eng emaw tak chu a awm ngei ang"

"Engkim hi ka hrilhfiah vek kher che a ngai a mi"

"Aih...mahse ka hre chiang chak tlat, Ginger ti a ko tu che ka hriatchhuah tir che a mi, a biktak in bar a i tawn tlangval te pawh"

"Bar..min hrethiam teh Mr. Petrakis, bar a kal vel ka ti ve ngailo"

Ka thu hriat hi ka awih thei lo zawk Ginger chu a ni lo tak tak a mawn le

Kan inbiak na hi chhunzawm reng chi ni in ka hre tawh lo. A chauh hmel takzet tawh, Mr. Petrakis ti a min koh chuan a chau hle anih loh pawn a thinrim tihna a ni mai.

"Ole a tha e, chu chu i duhdan maw. Ginger ti chuan ka ko tawh lo ang che"

"Chu tak chu a ni ka duh" Sehchilh nakin min chhang hmak, a kun hniam a a kut zungtang a khal leh niap niap tawh. "Ka...ka tipalh ka rilru a inthlak thut alawm mawle"

"Hei hi samsen ho tihdan reng a mi engtin nge khang kum chhung zawng khan ka persional assistant ni tur a i in thunun theih zawk a. Hun chu nei la ka hmai ah hian eng emaw i theh duh ngei ka ring"

"Nilo e. Sam sen zawng zawng an thin a chhe vek lo. Ka thinrim hluai a ka reh leh mai zel alawm tunah leh tunhma thleng pawn"

"I thinrim chu a reh leh tawh maw..hmm..chu chu hriat reng a ngai a nih chu" nui sakin ka mit zir in ka melh zauh bawk "ka pum hi a la na reng a nia, i kiu kut thlak a na reuh khawp mai"

"Oh...tihpalh tih ka sawi dawn miah lo a nia Mr Petrakis, i phu ngawih ngawih"

Ka nui chhuak nghal hawk hawk "Oh lalpa leh,zahngaihna te chu nei la. Nupui zaidam deuh neih ka tum asin mawle"

"Nupui zaidam deuh chuan a ti chhe zawk ang che, tu emaw lei a hnuk hniam tu tur che i mamawh"

"O lalpa leh. Keima chungchang pawh ka hriat belh nual mai, nang neih che chu mi i thawng reng dawn ni in a lang, rollercoster a chuan ang mai a ni"

***************
NEXT MORNING.

Jade chu an inah ka va lam a. Samlem a vuah tawh lo che ka lawm kher mai, a Ginger sam lah chuan a kawng a vaw hnap mai bawk si.

Mahse a tarmit leh a thawmhnaw erawh a la kalsan thei lo. A nihna takah chuan a inchei na hi ka ngaihsak tehchiam lo nuam a tih chuan a tha a ni mai. Mahse mihring na nihna ang in thil thleng hi ka en liam mai thei biklo, midang thil tih hian tupawh min nghawng vek. Tumah hi ka ngaihsak em em lem chuang lo mahse Jade chu a ni lo, tumah in a zahna an thlen ka remtih loh ang bawk in an nuihzat leh tih nat ka rimti bawk hek lo.

Ka office chhungah ka awm a. Kan inneih contract ka Jade in a sign mek bawk, hmanhmawh takin paper phek5 lai chu a chhiar puat puat a. Copy 3 chu a sign der tawh, a vai hian a chhiar em ang chu a.

"Naktuk ah i bank account tur kan hawng dawn nia, chuan i hlawh tur thla thar a kar hmasa berah i la zat zat thei bawk ang"

"Ka lawm e" min rawn melh zauh a, contract a sign leh nghal mawlh mawlh.

"Hna thawk vak turin ka beisei chuang lo che a nia. I online zirlai ah khan i riru pe rawh, party, event, leh ka zinna velah min telpui la ka duh a ni mai. Heta i hmun chu Mrs Wilson in a lo luah mai ang, Kan administrative officer ho in an buaipui ve bawk dawn a, an tih theih ngei pawh ka ring"

"I ngaihdan a nih chuan, keipawn ka pui thei reng a nia, coffee siam ringawt chu ka tan ka hneawm dawn emai"

"Teuh lo mai Jade. Chutiang chu ka remti hauh lo, ka nipui i ni dawn a i hna chu ka in enkawl a ni" ka mamawh te pawh tih zauh ka chak ngei mai mahse ti hauthawng tam lo i la a fuh zawk ang.

"Oh"

"Chanchinpu ho pawh ka be tawh a naktuk ah kan inhual thu hi an puang ang"

"Chutiang a ngai kher a mi" envelope a contract kung mawlh mawlh pahin min chhang a.

"Tehreng mai. Kan inhual na hi mi zawng zawng in an awih a ngai alawm, tun Saturday hian kan thian leh chhungkua te leh ka college kal pui ho ka sawm khawm dawn a. Nangpawn sawm ve ang che, kan inhual na hi ropui takin kan lawm dawn nia"

"Inneih na lem a nih chhung chuan a tangkai na vak ka hrelo"

"Jade. Ka lak atanghian tupawn hetiang hi an beisei dawn, kan lak atang...chu chu kan thlen tir a ngai"

"Awlsam tak chuan ka rin theih mai pawh ka ringlo. Kum2 ngawt mai ka boss i nia ka pasal ni tur a kan suangtuah ringawt che chu a awlsam miah lo. Ka mumanga pasal nei tur ni mai in ka inhria"

Ka thaw chhuak hawk a "eng thil nge i ngaihtuah a. Mi satliah mai ka nih hi, mi pangai mai"

Min en a,ngaihtiah a ngah hle tih ka hre thei. A hmui chu a kutin a nui zauh a "mi pangai chu ni e, aw mahse mi satliah chu ka nilo"

Ka ding a, a lam panin ka kal hnai a. A kut vuan in ka kai tho nghal thuai " ka ni tih ka chian sak ang che"

A nui sak a, a bu nghat bawk.

"Tirawh kal ang"

"Khawiah" min chhang a.

"Bazar turin ka hruai ang che"

"Bazar"

"Aw pheikhawk, thawmhnaw, bag, gown, underwear, tlereuh leh i duh apiang a ni mai"

Mak a tih hmel ngang mai, a hmui pet zauh in a kut a khalh leh niap niap tawh "nautelem ang mai a min chei i tum a mi"

"Nautelem ang ni lo e mahse nula special tak ang zawkin, ka nupui ni mai tur. Sawi tur sang a la awm em"

"Umm..uggg. aih"

"Nih chuan kal i la"

Manhattan Fifth Avenew ah kan kal a, dawr hrang hrang ah kan lut kual a Chanel, Armani, Louis Vuittion, Gucci, Versace leh a dang te.

Jade in kawr hrang hrang a ha kual chu hmuhnawm thlir in ka lo thlir leh veng veng tawh, designe hran hran te. Cocktail leh gown an ha ngat phei chu sawifiah theih loh khawpin a nalh. Chutiang bawk thawmhnaw dang pawh. Pheikhawk sang a bun chhin nual a, a vai leh chuan a chen nalh tak chuan a chawih em em zel bawk si.

Ka rilru vang ringawtin ka thlan dup tawh. Kawr sexy tak tak a ha chhin a, a kawng lah chu a fek mawi em em mai bawk nen. A kawr hak chu nalh ka ti em tih min hmuhtir tum in ka hma ah kawng dawm in a vir kual chhen bawk si, amah pawh chuan nuam a ti hle tih ka hria, chutiang chiah in keipawh. Ka taksa chu kawr phelh vekin ka khum, ka sofa, bathtub leh ka choka a awm ang hial in ka mitthla thei zu nia.

Hrep tak a, eng thil diklo nge maw thleng le


Engagement party- Grand Ballroom of St.Regis New York


Jade chu a kawrfual dalh, evening gown off shoulder nen chuan lang nalh tak a ni. A taksa chu a rem thlap mai, a awm leh a kawng vel ah te chuan nalh takin a bet thlap bawk.

A bek sam vel chu a hnungah kilh phei in rualkhai leh nalh takin a kawng an tawk siau nghe nghe. Silk ang mai a nem a ni.

Jade chu an inah ka va lam a, an in step a a lo chhuak ka hmuh rual chiah chuan a mawi lutuk chu mak ka ti zawk. Engtiang tak a nalh nge a nih tih chu eng tawngkam mah hian a sawifiah zo in ka ringlo, ka dang pawh a awk vek ni mai hian ka hria, lalfanu, lasi, angel ang mai a ni.

"Ka dress hi nalh i ti em Eros"

"Aw..i lang nalh lutuk Jade" Ka fawp zauh a "i tan eng emaw ka nei a nia"

"Eng nge ni a"

Velvet box dum chu ka hawng a. Emerald thi a hmuh rual rual chuan a meng nghal kawk.

"A nalh lutuk a to hmel ropui si"

Thi ka awrh tih a, a nui sak bawk. A lang nalh lehzual khawp mai.

"I mitmeng nen a inhmeh lutuk"

"Aw..tak tak maw ka lawm e" sawp sapin a ti a.

Party na ah chuan Stella Valiente chu a chhungte nen a rawn thleng hmasa ber an ni, ka lo lawm thuai.

"Hello Stella hmuh leh che chu a nuam khawp mai"

"Khawnge i secretary" sehchilh nak in min chhang nghal.

"Ngaihdan ka nei miah lo. Mahse Mrs Wilson chu ka sawm ngei kha, khawiah emaw hian a awm ka ring"

"Hmm...min neih kha i tum emaw ka lo ti hman a. I ti ngei ang tih kha nangmah leh midang khan min rin tir tlat a, mahse i secretary nen zawk maw. Ka chungte chuan an ring a nia. Kum chuang ka nghak tawh Eros, kum chuang. He thil hi chu ka nun a in tih mualphona lian ber a la ni, he thil hi ka theihnghilh ngai lo ang".

"Aw..ka lawm e Stella. I dawmdawi i ei em aw, nge ni a i ril a tam zawk. Engpawh ni se, chaw te kha ei la ding te pawh a awm kha" min vawn na kut hu ka thing tha a midang ho ka be nghal hmak. A ni erawh in min en reng tih ka hai lo mahse ka haider lui ve tlat.

Tlai angreng takah Kendra Parker a lo thleng a. A bialpa thar nen an ni, ka thian tha tak a la ni zui. Chuck Harris UFC champion lai ni in ka kum let2 vel a upa a ni.

"I nupui hual chu a innocent hmel khawp mai, virgin ang mai in. Khumah i duhthusam a pe thei che a ngem tih ka ngaihtuah" A nui vei hawk hawk.

Hmel i leh tinge maw ka thiante zing ami hi a lo ngaihzawn ve hman ziah.

"Tehreng mai. Chu chu ka neih chhan pawh ani"

A thinrim hmel ngang mai, mahse nuih luih hram chu a tum ve "good luck" a inher a, a bialpa awmna lam a pan ding nghal thuai.

Jade chu mi hnenah ka in hmelhriat tir a. Ka thian, ka chhungkua, ka classmate, ka college kalpui te leh midang te. A hlim hmel takzet, mi zawng zawng chu nui sangin a chibai vek a. A nute Annie NUN leh a pi te min in hmelhriat tir ve bawk.

Jade nen ballroom ah chuan kan lam dun a. Music rik ang zelin kan in sawi dalh dalh bawk, ka taksa in a tawh vel chu nuam a ti ve tih ka hre thei. Ka mitah min en a, kan lung a phu rial dap dap bawk, ka thisen zam a thisen te chu luite ang mai in an luang ri hawr hawr ni mai hian ka hria.

A tawpah music a reh a, ka kawngah vuan in a ai hnaiah ka kuah bet a duhthawh zetin a hmuiah ka fawp nghal tawn tawn.

Mi zawng zawng chuan kut an beng dur dur a, an au chel chul bawk mahse ka tan chuan tupui rehtak a awm ang mai ka ni zawk. Eng dang vang a nilo, ka nupui tur Jade Collins chuan min tih hlim em vang ani.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)