Alpha:1995 BY Melz Hrahsel (Completed)

[Ngaia]

Chapter-31

°Jade's Pov°

"Oppss" mi pakhat ka su rawh a, thil vawt tak mai ka awm atangin ka kawngah a luang lut nghal zawih zawih. Ka gown ka en a, ka gown ka vat a wine sen in a ti val kalh mai.

"I thiam loh a nih kha. Min rawn su hmasa tu a lawm i nih" hmeichhe aw nep tak in a tia, a nui zui nghal hawk hawk.

Ka hawi chho a Kendra Parker i a lo ni, min nuih a. Mahse a mit ah en erawh in thil dang daih a sawi tlat.

"Ka tihpalh ka hmu lo che a ni" ngaihdam dil pah in ka gown val chu ka en a. Min ti thlaphang ngang mai a chhan pawh he gown hi a man a to em em chu thu hran signature designe a la ni zui bawk si. Engtin nge a val hi ka tih reh theih ang aw

"Kha ai a nasa kha i la phu hmeli. Nerd tak ang a nung in Eros a hneh theih nan plan tha tak i lo siam reng si a Ha..Trick nalh tak a ni" ngeiawm leh mi tihel vei tak in a nui sak nghe nghe "Cinderella ang mai ah i in ngai ang chu tiraw he in thlak danlamna khingbai tak vang hian. Billionaire naupang tak nei nih i tum a mahse engmah a la danglam lo, ninawm leh kawm kar sazu te bak engmah i ni chuanglo, kawr label to tak tak khan engmah a thlak danglam lo" ka lu chhip atang a ka ke ler chu a en vel a, a ner nang lehnghal "Eros a i neih hian vanneih na i tawng bua ah i lo in ngai hman a nge. Nang chu a ning thuai ang che, chuan ka kiangah bawk a rawn kir leh dawn"

Engmah sawi lo ngaihsak loh chu ka tum der a. Kendra Parker i te an hmeichhia hi chuan duhtawk ni an nei lo tih ka hria, ka hnial a nih chuan a zualkai mai mai zawk ang.

"I thurawn vangin ka lawm e. Muttui" nui lui sakin ka kalsan nghal nal nal.

Eros chu ka zawng nghal thuai a, ka awmna atang a hla angreng takah chuan a lo ding a. A tuxedo dum nen chuan a vang lang pa chiang ker em, Stella Valientie nen an inbia a, a kut in Eros a kai bawk. Midang pawh chu ka en kual a, an nui hak hak hlawm Eros lah chuan Stella kut a vuan a. Ka hmuh rual rual in ka thik nghal em em ringawt.

Thik tur hian thuneihan ka neilo. Kan inhualna hi a tak a ni tlat lo. A thinlung ka nei hek lo. Engtin emaw tak min ngai tih ka hria chuan keipawn mi special takah ka ngai mahse hmangaihna erawh a nilo. Chiang takin hmangaihna leh romance lam a buaipui lo tih a sawi tawh bawk, chuvang in ka nat loh nan a lak atang a engmah beisei loh hi ka tan chuan a tha ber. Nat nawn leh ka duh tawh lo, hnawl nih ka duh hek lo Joseph a tih ang chiah khan. Joseph..ni e...tukin hi an inneih tur ni kha a ni. Tunah chuan an innei fel vel tawh ngei ang...chuan honeymoon pawn a nupui thar nen an hman tan tawh ka ring bawk

Chloe hmu turin hmeichhe awmkhawmna lam chu ka pan a. Tun mai khan a pasal thar nen an honeymoon atangin an rawn kir leh chiah a ni Iñigo Monterio. Kan inhual nà min hman pui turin a ni nghe nghe, a kawrfual sen nen chuan a lang tha takzet.

"Ti nge i kawr kha"

"Eros a ex Kendra Parker i ka su palh a"

"Hmm...i kawrah khan wine a leih zawk a ni lo maw. Eros i nei hi a thik che a niang"

"Ka ring. I unau pa ka nei hi hmeichhe tamtak chuan min thik ngei ang"

Nui hawk hawk pahin a lu a bu nghat a. "Dik chiah, engpawh nise Iñigo nen hian chunglam ah khian kan in nghat a, Gown chuang ka nei alawm. A thar hlak a la nia, in inhual lawmpui nan a ka phek ve che ah i ngai mai dawn nia"

Chloe nen a room ah chuan kan chho a, a gown min pek chu a nalh ngei mai mermaid designe a la ni zui. Stone, gems leh puan nalh tak hmang a chei a ni, ka tawk chiah chiah lehnghal. Ka kawng fek pawh a ti lang chiang zual zauh bawk, min ti lang sexy khawp.

Chloe in ka sam chu ka chhip ah bawk in, makeup te min hnawih tha a, eyeshadow tak zawk min hnawih a mascara pawh min hnawih tha bawk. Ka lipstick pawh a sen chu hru reh in a ai no zawk a hnawih bawk.

"Hei le. I lang duhawm lutuk, Eros an a hmuh hunah che chuan a in chhuih khawt maithei a ni" Chloe chuan phur hmel takin a ti sat sat bawk.

Keipawh ka phur lutuk. Engtiang tak in nge hengtiang gown ka ha hi Eros chuan a ngaih ang tih ka hre chak a ni, Chloe tih dan takah a in chhuih khawt ka beisei. Ka ngaihtuah zawng ringawt pawn ka nui ver ver mai, engvang nge tih erawh ka hrelo mahse Eros hi tih hlim ka duh a, a mitah hmuh a mawi tak a lang ka duh.

Minute 20 a liam hnu ah Chloe nen Ballroom lamah chuan kan phei a. Eros a chu ka hmu chak tawh takzet, mahse keimah zawk mak ti ah ka tang tlat. Stella i nen chuan lamtual ah an lo lam dun a, a kut in a kuah a music romantic nen taksa in si chet in an lam dun bawk. An nui a an inbe bawk.

Rang takin balcony lamah ka kal nghal nal nal keimah a awm ka duh a ni. Eros leh Stella i hmuh dun chu ka thinrim a ka thik em em bawk, an pahnih chuan an lungawi hmel hliah hliah, chutiang chiah in midang pawh. An nalh dun em em a, an inhmeh bawk, a khawsa a sang dun in an thiam kawm te pawh chutiang bawk. Chloe pawh Eros leh Stella hi an chhung ten an inneih an ring ti in a sawi tak bawk kha mawle.

Ka in bengdaih theih nan thawk ka la hawk hawk a. A chungah pawh ka thinrim, ka chungah pawh tiam in chu mai anilo kan awmna hmun thleng pawh hian ka thin a rim tawh kan dinhmun pawh hi ka hrethiam tawh lo. In hmangaih der kan ngai a, hlim tak a awm der kan ngai a, ka hne zozai tawh.

Eros ang hi engtin nge ka neih theih ang tih ka ngaihtuah, hetiang inneih deal nen ngat phei hi chuan. Hmeichhe dang a date loh pawn ngaihzawng emaw hmei dang a nei reng tho ang, aw ni e. A tlangval lai nun chu a hmang reng dawn tho, khum kan intawm dawn lo ngat phei chuan chiang sa. Taksa in tawk miah lo a kum1 awm chu a thei dawn lo hrim hrim, a chhan chu mipa thisen lum ngah tak a ni tlat.

Kan inneih na hi a tak tak a ni emaw min hmangaih a nih loh chuan ka in pumpek bik dawn lo hrim hrim

Engkim hi Eros a tan chuan sumdawnna vek. Mr. Klein Burgmann a, German Marine International Shipping Company a chief ni mek min in hmelhriat tir pawh kha ka la hre reng.

"I nupui hual chu a hmeltha khawp mai Mr Petrakis, hetiang tak hian inneih i hmanhmawh hi tuin nge ring thei ang aw" Me Bugermann a nui hak hak.

"Ka lawm e Mr Burgmann, kan inneih hunah pawh min lo tal pui ngei kan beisei dawn a nia" ka kawngah kuah in min in ti tu angreng takin a lamah min la kai hnai dawrh zui.

"Ka lo kal ang, contract pawh ka lo keng nghal dawn nia"

"Tha lutuk. Sign ka lo inring dawn a nia" Eros in a chhang a.

Thaw chhuak hawk in ka nui lui ve zak bawk.

Eros lah phur hmel zetin a nui a, zin sen in min melh bawk. A business ah a lung a awi chuan tiang hian a meng ve ziah, Deal lian tak a neih theih dawn chuan engmah tih a hnial hleinem. A tum ber a ni a.

"Jade"

Saphire in a rawn ti chu ka mumang ram atangin ka harh nghal zawk. Thli vawt tak min chhem tu hawisan in a lam chu ka hawi a. A Aquamarine gown leh a sam buang te chuan a ti lang nalh khawp mai. Elsa Frozen ami te pawh min ti hrechhuak.

"Enteh tunge heta awm hi" Saph in a ti a.

A nuih sak a balcony kawngah ah a la ding reng. Phur hmel takin a la nui sang zui lehnghal.

"Tumaw" ka chhang a.

Balcony a alo ding ka hmu chiah chu mak ka ti lutuk ka huau in ka en ringawt. Ka mitvai a ni em tih fiah nan vawi tamtak ka mit ka khap a. A ni chu ma hmaah a ding.

Sang tak leh khabe ruh ki van mai leh mitla tak. Tunah chuan a lang dang zar tawh mai, a khirh hmel in a hma ai in a cher deuh zawk bawk a sam buang tang te chu light in a en zawngin a tle sar mai. A duhawm lutuk ringawt, a mitmeng dum fiah kak chu a khap sak sak bawk.

Eng nge hetah a rawn tih, tukin hi an inneih ni a ni si a

A mit in ka lu chhiap atanga ka ke ler thleng chuan min en a. A rawn hawi chho a a mitah tak ka lo en kar bawk. A nui sak a "Ginger"

"Joseph" thaw chhuak hak chuan a ti sap a.


"In pahnih in ka kalsan mai ang che u. Kobe kha lampui ka intiam tawh sia" Saphire chu a sawi zawh rualin a kal nghal nal nal.

Joseph nen midang ho chu kan thlir reng a. Mahse a lak atangin ka mit ka la sawn hleithei tlat lo. A ni pawh chuan min rawn en leh a dilchhut hmel zetin min en bawk.

Kum4 hnuah pawh a la danglam miah lo. Mipa chhelo tak leh sam buang thang nei, mitmeng nalh tak nei kha a la ni reng. Ka sawi mipa chu ka ngaihsang em em thin kha a ni a, mahse tunah chuan a hma ai fe in mahni in rintawkna a ngah hmel a, a zahawm zawt bawk.

A kut a rawn dawh ha a, ka ban ve nghal thuai. Chu veleh min kai hnai hawk a, min kuah nghal vawng vawng.

Thawk pawh ka thaw tha thei lo, hmeichhe kum 18 mi ni tha leh ang mai ka ni.

"Ka ngai lutuk che" fiak kak chuan a ti a, rawn kun hniam zauh in ka biangah a fawp zauh.

"Kei.. keipawn ka ngai che alawm"

Hahdam hmel takin a nui sak a ngeht takin min kuah bawk. Muangchangin a kawngah kuahin a awmah chuan ka bei nghal hle hle.

Ka rilru a nem hman tep, mahse tap lo turin ka in ti kauh ve hram hram bawk. Ka mittui leh ka rilru puthmanga in pawlh a, khang hun chhung zawng a ka ngaihna mittui te, ka first love ka chan avanga ka rilru na mittui te leh, hetiang tak a ka nun a chawh buai vang a thinrim na mittui te a ni.

Balcony tawp ah chuan kan phei dun a.

"Ka ti dik chiah. Tha takin i lo thang lian ang ka tih che kha"

Ka hmai a sen vek tih ka hria, zah vang a ni. Ka hmai chu oven a hem ang mai a ni. Min kuah na atang a kal sawn in balcony vawnban ka ngheng a.

"I lang tha kher mai Ginger. Nang ang reng a hmeltha hi ka la hmu ngai lo" uluk fe in ka hmai a en a, muangchangin ka hmui a en zui nghal. A ngai em em nghal ringawt "Pasal i nei dawn maw" tihtak angreng tak in a ti sap.

"Aw" zawi sapin ka chhang a. Kan inhual na zungbun chu ka kawih melh melh bawk "tukin ah i neih ang chiah khan"

A in seh ruh a "ka nei lo"

"I nei lo maw" mak ka ti lutuk chu ka taksa a hik chhuak nghal vek.karei leh nupui a nei lo maw. Ka thinlung chu a inthlak nghal vek, lawmna, nguina, thinrim na te a ni. Ka hrethiam lo A ni lakah hian hun remchang dang kan lo zawk reng tihna em ni

"Ni tlemte liamta khan ka then a. Inneih hi ka kaltlang pui thei lo a ni"

"Tinge..engtin nge i theih zawk"

"A chhan chu khang zawng zawng....Rose ka bum a, keimah ngei pawh" ransa na tuar ang mai in a rum nghut.

"Eng nge i sawi awmzia. Ka hrethiam miah lo"

"Tunah hian sawi pawh ni ila i hrethiam chuang lo ang Ginger" sehchilh nak in min chhang.

Ka bu nghat ringawt. Kum4 kal ta a a thil tih chu ka mitthla ah a rawn lang zawk, a thuruk hrilh turin min ring zolo a ni ngei ang "pawi ka ti lutuk hnawksak tih ka tum lo, puih che ka duh mai a ni"

"Nilo... nuam ti lo duh suh. I lakah ka thinrim lo, ka chungah ka thinrim a ni. Ka rilru diktak ka rinawm pui thei lo kha ka thinrim a ni" ka hma ah a rawn ding a, a kut chuan duat takin ka biang a vuan a "Ginger thudik min han hrilh teh, a ni hi i hmangaih reng reng em"

A ngawi vang vang ringawt. Joseph a zawhna hi engtin nge ka chhan dawn ka hrelo, Eros ka hmangaih tih hi ka hrilh mai dawn em ni mahse a ni chuan min hmangaih let ve silo. Nge ni a Eros a nen a kan inneih na chhan hi sumdawnna thil mai a ni a, kum tlemte bak a daih dawn lo tih hi ka hrilh mai zawk dawn.

"Tehreng mai. Eng zawhna nge maw min zawh le" hlim hmel tak in a nui nghal. A kut chu a thlak thla nghal hnawk a , a lu a thing na na "i â ka nih hi, mi â tak ka ni"

A ngahna hrelo zet in ka en ringawt "Joseph i ni lo tih chu i hria alawm, mi â ni la chu engtin nge i tum ber Doctor hi i nih theih ang"

"HA...kha suangtuahna tih puitlin ka duh vang khan ka hmeichhe hmangaih ber ka chan a nih hi" a dar san ak chu a ti tla hnawk a, a mit a dark circle awm raih pawh chu ka hmuh hmaih lo a rilru a hah hmel lutuk tlat.

"Eng nge i sawi awmzia. A ni chu nei tur i nia sin"

A lu a thing leh a "Rose chungchang ka sawi lo. Mi pakhat chungchang a ni ka sawi, ka hmangaih em em mai..ka nun pumpui in a ni hial ang, mahse a pa hnenah a thinlung ti kehsawm lo turin ka tiam si a"

"Eng thil nge i sawi" a thin a phu nghal dawt dawt.

"Sawi hian awmzia a neilo tih chu ka hria Ginger, kum4 in ka tlai a ni. I pasal hual nen hian in hlim hle tih ka hmu thei, a ni chu ka el pha lo hrim hrim. A hausa em em a, a nunah engkim a nei e i mamawh apiang chu a pe vek thei ang che. A thil neih engmah hi ka awt lo..mahse nangmah a neih vang che hian ka thik a ni"

Maw ka meng nghal kawk. Ka ding tawl ringawt, a thusawi chuan min thawng takzet.

"Min hmangaih tih i sawi a mi"

Thawk pawh ka la tha thei dawn hleinem mawle "aw. Ka hmuh tirh atang che a tun thleng hian. Ka hmangaih tawp thei lo che a ni"

Ka dang a awk vek tawh mai mai chuan a he thu a sawi hun hi kum4 kalta khan ka nghak tawh. Mahse tunah kan inhual party na ah min hrilh chauh a maw engtin nge a theih zawk

Ka thinrim takzet tawh. Tun hun a ka tihtur tha ber hi ka ti dawn a ni, ka pan hnai a na zetin a hmaiah ka beng nghal pawp.

"Ouch..hei hi engvang nge" Joseph chu mak ti in a meng nghal kawk. Ka beng chu mak a ti ngang mai, a biang a tuai that that ringawt.

"Kha kha kum4 kal ta a hrilhhai tak a min siam vang a nih kha. Tinge min hmangaih tih kha min hrilh loh, ka thinlung i ti na a i nau ka nihna ang chauh a min ngaihsak ni in ka in ngai a sin. In thiamlo takin min siam a, khatia ka kiss vang che khan tenawm leh rilru put hmang diklo tak ang in ka in ngai hman asin. Khang thil thleng vang khan kum1 dawn chu ka muthat theih loh phah tih te hi i hre reng reng ami"

"Min ring rawh Ginger. Kha in kiss vang khan ka mu tha thei biklo asin, a hmui tui tak te kha ka zuangtuah zantin thin. I pa hnen a ka thutiam bawhchhia a ka rilru put hmang kha hrilh che ka tum a. Kan in hmangaih tih kha a hria a ti na lo tur che in a hnenah intiam turin min ti bawk si, khatih hun khan hrilh na na tur che hun remchang ka dap reng a. I pa a damlo a South Africa ah ka kal a ngai leh bawk si. Khatiang thil ka sawi vang khan i rileu tih buai leh zual ka hlauh vang a ni"

Ka chil ka lem hrawk a, a mitah tak ka en ran a "chupawh nise ka na tho"

"Ka tihpalh takzet a ni" rum ngut in a ipte a zen tap bawk "i tan a tha ber tur na a ka hriat angin ka ti tawp mai a ni. Khatih hunlai khan i la naupang em a kum18 chuah i ni a kei lah 23 bak ka la ni lo"

Ka ngawi nghal hmai a. Khang hun chhung zawng kha ka tan chuan hun tihbaiawm tak a ni, ramhuai ang mai in min tihthaih hi a ni ber. Ka mittui chu ka biangah a rawn luang ngiai ngiai a.

"Kum4 chhung khan ka beidawn em em a, a chhan pawh kapa leh nang ka chan vang che u khan a ni"

"Ginger khawngaih in. Ka tap lai hi ka hmu thei lo a nia, ka tihpalh, ka tihpalh takzet a ni. Khawngaih takin min ngaidam rawh" a kut phawrh in ka biang ah dawm a, ka mittui chu a kutin a hru bawk. Ka ngawngah vuan in a lamah min kai hnai hrawk a, ka hahdam siai siai mai, a hnungah muangchangin a chul heuh heuh bawk.

Mumang ang mai a ni, a hahdam thlak in a thlamuan thlak takzet. Ka in bengdai tial tial a ka mut te pawh a chhuak riai riai tan.

"Hrep tak chuan a, eng thil teh hrep nge thleng hi" mipa aw in fiah, vin leh hriam tak in a rawn ti chu ka harh nghal zawk.

Ka hawi phei a Eros chu balcony tukverh zawnah a lo ding reng. Thinrim tih hriat takin min en ran ran a.

[Ngaia]

Chapter-32

°Eros's Pov°

Tualthah hi sual chu ni lo ngat se chuan hepa hi tunah hian ka that nghal ang

Jade in mipa dang a kuah ka hmuh rual rual in thinrmna in ka mit a ti der ngal vek. A hahdam hmel em em lehnghal, a hlim hmel in a thla a muan hmel ngawih ngawih. Hetiang em em hi chuan tumah an in pumpek thei biklo ang, hepa bul a a awm ang chiah hian.

Ka thin a phu dawp dawp a, ka thisen hi thikna leh thinrim na in a fan chhuak nghal vek. Chupa hmai chu hnek chawrh pahin chuat ah tlu pawp se, zahngaihna neilo khawp a sawisak ka chak a ni. Helai hmun a that ngei pawh hi ka duh rum rum.

Tuman....TUMAHIN ka Jade i hi an tawk tur a ni lo

"Hrep tak a, hetah hian eng thil nge thleng hrep a"

Jade chu a hmel atang pawn mak a ti tih ka hria. A hmai ah tak light a chhun ang a ni, chupa bul atang chuan a tawlh sawn nghal hmak. A thaw dep dep a, a mitmeng atang chuan a hlau hle tih a hriat. Ni e min hrechiang em a ni, hetiang dinhmun ah hian engthil nge ka tih theih a hrechiang.

"Eros hahdam rawh, i rin ang kha engmah a thleng lo" hniam leh sin rat in a rawn ti chhuak.

"Tunge bum i tum a Jade"

HA. Balcony a hmun thim lai ber an thlang chat a maw, a tawpah tak lehnghal. Katchat leh hnah zam thenkhan te, khawnvar ten an hliah deuh bawk.Hrep tak a an rilru zawng zawng in an inbia a, minute tam fe ka en tawh tih an ngaihsak hauh lo. Zawng phiang sen leh Ginger ti in a lo la ko leh ta nghal a.

Ka hrethiam e- CHIANG LEH FIAH takin.

Chuan hei vang chiah hian a ni maw Ginger ti a koh kha a duh loh. Amah in ngainat tir chu a tum hle mai maw, Hepa hi chu a tan a nunah a pawimawh tih chu sawi ngai lo a chiang sa a ni hrep tak a engvang in nge midang nen an in hmangaih tih chu min hrilh miah loh.

O lalpa leh au khum chiam ka va chak kher vele, thing nawk nawk a hrem ka duh.

An lam panin ka kal a Jade in min rawn pan ve bawk. Balcony lai takah kan in tawk nghal chat, eng thil nge tih a tum ka hria hepa bula ka kal tur hi min lo dan a tum a ni. Ropui lutuk, venhim a tum vel a ni maw.

"Eros..ka sawifiah ang"

"Eng sawifiah maw. In inkuah lai ka hmu che u alawm, hrep tak a. Inneih pawh kan la innei em lo a min bum nghal der chu a nia" sehchilh nak in ka thinrim na chu ka hmui atang ngei in ka sawi chhuak phawng mai. Ka ti na em tih chu tun dinhmun ah hian ka ngaihtuah lo hrim hrim, ka thinrim a ka thik hle bawk a ani mai.

"Maw" hmelma melh in Jade in min melh ran.

"I mi melh dan kha a over mah mah"

"Hey mihring, thil i ngaihtuah thui mah mah a ni. Ni em Ginger"

Ka kut phar chhuak in cupa chu ka kut zungchal in ka kawk nghal "lo ngawi rawh. Ka be lo che"

Ginger ti in Jade hi a ko a maw, chu chuan min ti thinrim zual zauh. A hmai a hnek chu ka van chak tehreng em vele. Chupa lamah chuan ka pen phei a, Mahee Jade in min lo dang hman hlauh.

"Eros...a ni hi khawih tum hauh suh" Jade in thinrim hmel leh dem tih hriat takin min melh lehnghal "Joseph nen hian naupan lai thian mai kan ni"

Ka awmna hmunah ka ding khawng nghal vek.

Joseph, a thusawi ka hriat kha a dik em. Joseph tih a sawi chiang alawm He pa hming hi Jospeh maw ni a

Chupa chu ka en a Jade ka melh leh bawk, chupa bawk chu ka melh leh eng thil teh hrep nge hetah hian thleng, Joseph chu a ni thei lo. A chhan chu keimah hi Joseph ka ni

Jade banah man in a mit takah ka en a "Nilo Jade. A ni hi Joseph a ni lo, i Joseph chu ka ni Pathian hming in. Ngaihtuah teh kan pahnih in kum4 kalta khan kan inhmuh kha bar ah"

Mak tih hmel zetin min en a "eng thil nge maw i sawi le. Tunhma in bar ah ka la hmu ngailo che, Eng ngati nge chu chu i ring tlat a"

"A chhan chu thudik a nih vang a ni. Joseph a diktak a ni lo"

"Ni e Joseph a nia lawm. Ka nun pum hian amah ka hria"

"A dik alawm Mr Petrakis, Dr Joseph Nevin ka ni e" min chibai tumin a ban a rawn dawh ha a mahse ka hrelo lui der hmak "umm...min lo hrethiam lawk, mi call tur ka nei tlat mai" a zahzel ah khuh kharh in a kal nghal nal nal.

Ngawireng in Jade nen kan ding dun vang vang a, kan mitah ka inen char char a, rei fe hnuah a hawi sawn hmak.

Ka hrethiam lo. Ka tluak a hriatna awm te hian hna a thawk thei lo ni ber in ka hria. Tunhma in bar ah kan inhmu tawh tih chu engtia hrelo thei nge a nih tih ka ngaihtuah a ni, a bul a Joseph diktak ka nih lai khan khawi khawlvelah nge he Joseph a hi a lo awm zawk chu le.

Bar a kan inbiak na kha engkim ka la hre vek

"Ginger...i inhmeh khawp mai, Ginger ti in ka ko ang che"

"aw Ginger..ka duh e" nui sak in a bu nghat a "chuan tunge i hming ve"

"hmm...tumna tha tak a ni..ka hming tak ka hrilh dawn lo che, i duh duh min ko mai rawh"

"ole..umm..Joseph ti in ka ko ang che"

Chumi zan vek chuan a hnu deuh ah

"Joseph ka hmangaih che...min kalsan suh"

***

Eng thil nge thleng tih hriat tumin ka ka chal ka hiat ringawt.

Ka hre sual lo chiang lutuk Jade hi Ginger ngei kha a ni.

Khami zan a a lamdan te kha ka la theihnghilh lo, a rui em em lehnghal. Eng emaw buaina theihngilh duh a nei chiang tih ka hria, a pa thih vang pawh a ni maithei a nih loh pawn a thinlung keh chhiat vangin.

Dik chiah.. a thinglung a na a ni. Chiang takin kha pa vang ngei kha a ni Dr. Joseph Nevin.

Zawng sen Khami zan khan Joseph ah min ngai a ni maw.

"Dawt i sawi" ka en ran a "khami zan kha i la hre reng tih ka hria"

"Eng thil nge i sawi hi ka hrethiam lo" sehchilh nalh in min chhang a. A thinrim em em bawk.

"Khami zan khan Joseph ah min ngai a nih kha...min hmang a ni" ka thinrim na ka thunun hleithei lo.

"Khawngaih in duhtawk rawh. I hmeichhe sawi chu ka ni lo, ka la hmu ngai lo che tun hma in, vawi khat mah" thinrim vangin a hmui a ti pan hlak mai.

"Dawt i sawi. Dawt i sawi tih ka hria Jade emaw Ginger..engpawh chu i hming lo ni mahse" balcony sir a chhukna awmna chuan chhuk in pool area ah ka chhuak a. Ka chapo na chuan min ti na a ni, min phatsan vang in ka na bawk. Kal bo ka duh a lak atang leh he inhualna party atang hian.

"Khawnge i kal dawn" balcony atang in min rawn au a.

"Hremhmun ah" ka ding a, hawi chhoh pah in ka chhang a, kailawn sang berah ding in kei khawlai ah ka ding ran bawk.

"I kal mai thei lo ang..khawngaih tak in"

Thawk la vang vang in ka en a. A van lang hmeltha teh lul em, mi thlem tu angel ang mai a ni. Mipa dang nen ka ngaihtuah dun ringawt pawn min ti â takngial dawn.

Engvang in nge min ngainat miah loh hrep tak a

Ka lu thing nak in ka theih ang a rangin ka kalsan nghal nal nal. Parking area ah ka kal a, khawnge ka car hi a awm. Hetiang em em hian ka nunah ka la hrehawm ngai lo.

Car ah lut in chak takin ka khalh a...kal tum na pawh ka neilo, thinur na in ka mit a ti del a ni. Zanin ah hian ka thi angem tih pawh ka ngaihsak hek lo. Ka Bugatti Veyron chu speed chak thei ang berin ka khalh a, thlawk ang khawp a chakin ka khalh a.


Note

Zanin chu ka lo dah tam thei lo a min lo hrethiam mai ru. Inbual pawh a la inbual lo, a thar dah loh ngawt ka hreh si a ka type chin chin ka lo dah tawp mai a ni e

[Ngaia]

Chapter-33

°Jade's Pov°

Ka rliru a hah a ni. Eng thil nge ka tih dawn ka hrelo. Eros hi ka chungah a thinrim takzet. Joseph an min kuah lai a la hmu zui bawk si.

Eros hian Joseph hi a thik takzet.

Thaw chhuak hawk in balcony ah ka ding reng a. Eng thil nge a buaina chu ni a Joseph nen chuan kan in kuah mai a ni thian ang in. Thiante chu an in kuah ve bawk ang chu Eros hian a ti mah mah a ni. Engmah sawifiah na hun pawh min pe eih lo,ka bum a nih a ring nghal em em ringawt.

A chungah pawh khatiang thu a sawi vang khan ka thinrim ve tho kan la innei em lo a min bum nghal der a nia

Ka bum a maw tak tak maw kan inhual na hi a tak pawh a ni lo, chutiang bawkin nakin lawk a kan inneih na tur pawh. Min thik turin dikna a neilo. Ka bialpa pawh a ni hleinem kan ti der mai a ni tih hi a theihnghilh a ni ngei ang.

Ani kha eng nge a nih bik Stella i nen an awm dun chawt a. An pahnih in an lam a nuam an tih em tak kha mawle inhual zawk ni awm tak a ni. Tenkhan chuan an inhual zawk emaw te pawh an ti hial ta ve ang. Ka thik vangin ka sa leh hem hem tawh.

Eros hi tunah khawnge a awm ang

Ka hlauthawng takzet. Thil thalo a tih loh hram ka beisei. A thinrim in car a khalh chak thei em em bawk si chu chuan min ti hlauthawng zual. A chungah thil eng emaw a thleng a nih chuan ka in ngaidam thei hauh lo ang. Ka hmangaih a tih nat ka duhlo.

Ka rindan chuan Eros a hnenah ka hmangaih takzet tih hi ka hrilh a ngai a ni, Joseph a nilo in, chuan a thik tawh lo ang. Mahse engtin nge ni ta ang, hmangaihna leh romance a ring lo a, a tan chuan a atthlak dawn lutuk. OH LALPA Joseph a bul a ka thil tawn ang kha thlen nawn tir leh ka duh tawh lo. A zahthlak takzet hnawlna dang chu ka dawl tawh lo ang min ti chhe leh vek a ni mai.

Grand ballroom ah chuan ka lut phei a.

"Dee" ka pen luh rualin Saphire in min lo au vat a "Joseph kha a kal tawh a nia"

"A kal maw" min ti hrilhhai zual. Joseph kha biak a Eros an a tihdan vang te khan ngaihdam dil ka duh asin. Lehlamah, tihfel tur dang ka la nei bawk si. Thil tamtak zawh duh ka nei, inhualna te hi a hnukdawk dawn em tih te pawh.

Joseph hi ka thian a ni a naupan lai thian lehnghal ka unau pa ang mai a ni bawk. Thenawm kan ni a kan thanglian dun bawk. Amah theihnghilh hi ka tan chuan a harsa a ni khang thil thleng te pawh kha tiam in. Tuna ka nihna hi amah vang a ni bawk. Ka nunah hian mi pawimawh tak a ni ka nu leh Saphire te pawn kan chhungkaw mi ang chiah in an en bawk.

Aw. Min hmangaih ti a inpuang kha keipawn mak ka ti khang hun chhung zawng zawng khan a lo zep a nia. Mahse khatiang sawi tur khan a in duhtawk viau a ni mahna. Khang kum4 kalta khan lo inpuang se tunah hian engkim hi a danglam vek ang. Ka nun hi tiang hian a harsa em em lo tur, chuan khang thil thleng vang a ka buaina tawh te kha a nasa lutuk bawk lo ang.

Chutiang chu thleng ngat se chuan Eros hi ka tawng miah lo ang. Kan kawng hi a in su palh hauh lo ang a chhan pawh coffee shop ah khan ka thawk awm silo a, chu bakah ka in hliahkhuh nan khang thawmhnaw te kha ka ha miah lo ang.

Saphire in aw fik ralh a min lo bia chuan min ti harh chhuak zawk.

"Aw. Naktuk ah kan inbe dawn a nia a tia. Ka nu in Joseph a naktuk a dinner ei pui turin kan inah a sawm bawk a"

"Oh" tunah chuan buaina ka tawk leh chiah. Eros chuan a duh hauh lo ang le.

"Tinge Joseph chu a kal nghal vat a. Eng thil nge thleng" Saph in darthlalang hma a din pah in a sam a siam tha mawlh mawlh.

"Keimah leh amah..." ka rilru tawt tih reh nan ka thaw chhuak hawk a "kan inbiak na a kal tluang lutuk lo a"

"Naktuk ah in sawi chhunzawm thei ang chu. Amah nen a buaina in neih te pawh in sawi fel thei tawh mahna"

"Nia..ka beisei...umm Saph engtin nge Joseph khan pasal ka nei dawn tih a hriat. I hrilh a mi"

"Aih teuh lo mai. Newspaper ah a hmu a. Facebook a nizan khan min rawn bia a a lo kal dawn tih min hrilh a. I pawi tih loh ka ring a, a chhan pawh kan chhungkua ang mai a nia. Pawi i ti lo tiraw dik em"

"Aih..nilo..pawi ti lo e" a rilru tih hahdam nan chuan ka ti a. Zan nuam tak a hmang a chu chu tih chhiat sak ka duh lo a ni. Eros a cousin Kobe Latsis nen an inkawm char char nghe nghe. An inrem hle pawn ka hria. Kobe hian a duh ru deuh in ka hria. Saphire hnen ah a ngaihzawng a neih hma in a zirlai hi zo phawt tur a ka hrilh a ngai a ni. Keimah ang tur hian ka duh lo, tun thlengin ka college degree zo turin ka la bei a nia.

Dar 11 a ri tawh a keimah in ka la thu a. Saphire chu Kobe nen an lam dun a ka nu lah a thian thar te dawhkan dang kil in a kawm bawk. Ka sana pawh vawi10 chuang ka en tawh. Darkar1 a liam tawh bawk nen. Mi thenkhat hi chuan dawt ka sawi tih an ring tawh ngei ang, business chungchang ah mi a bia ka ti ringawt.

Ka rui deuh tawh, champaigne ka in nasa tawh em a ni. Tiang hi ka tih a ngai a ni ka pangai leh theih nan leh ka rilru a dik theih nan. Eros vang in ka hlauthawng takzet. Ka text a khawnge a awm tih ka zawt a, vawi duai lo ka call tawh bawk mahse min chhang lo.

Khawnge a awm. A lo kir leh a ngem

Tho in balcony lam ka pan a. Boruak thianghim ka mamawh a ni.Music ring lutuk hian ka lu a ni na chu bakah a hmun hian min ti zalen lo lutuk. Mi thenkhat balcony ah an awm a chuvangin pool area ah ka chhuk a keimah a awm ka duh vang a ni.

Koi sangha ho dil lian lo tak a an awm chu ka en a. 20 bawr vel chu an ni ang serthlum rawng, a dum leh a var te an ni. Ka en tui lutuk a min lo be tu an awm tih pawh ka hre lo.

"Mawi lutuk"

Ka hawi phei vat a Eros in min lo en reng mai.

"Nia.. an mawi alawm" ka in kuangkuah nghal thak.

"Nangmah alawm ka tih che" min la en char char. A mitmeg te chu a thuk rat mai.

"Oh" ka hmai a rawn sa pup pup a ka biang a tai tih ka hre nghal mai. Ka lawm lutuk ka phun sep a sangha zawk chu ka en leh ta a. Eros a lo kir leh chu ka hahdam huai mai a him bawk.

Thil thalo thleng tur a kalo suangtuah vak vak kha ka lo van â tak. A chung a thil thleng thei te ka lo zeldin nghek nghek a- car accident, khamah car in a lum a niang tih te, thisen in a bual nghek ang a nikhaw hrelo in a awm a ni ang te a ka ti thul, tu emaw in thi lek lek in an chhar ang a emergency room ah an admit ta a mi aw ti ten ka ngaihtuah hman. Oh lalpa leh, ka rilru a buai hman tep a ni.

"I la hmangaih reng a mi"

A zawhna chuan min thawng ngang mai. Joseph chiah maw a lo la ngaihtuah.

"Aih" reng zetin ka chhang nghal "Joseph hi ka bialpa a ni ngai lo hrim hrim...ka..ka star mai zawk a ni. Mahse tunah chuan a ni tawh lo. Ka thian tha tak a ni"

Thin tawt tih hriat takin a nui sak. Urhsun zetin min melh a, a mitin chik fe in min melh bawk.

Ka thin a phu dawt dawt a, ka thisen zam te hi a rawn pawng pawp pawp in ka hria...min en dan hi ka hre chiang a lawm.

Ka lamah rawn phei in ka hma ah tak a ding a. A lemchan dawt leh atan a ka lo rin lawk dan chiah a ni. Ka lu hai nguai nguai chu thunun hram ka tum a.

A kut phar chhuak in ka pan a rawn tawk a. A kut zungtang in muangchangin a chul a. Ka nghawng ah chul chho leh in ka biang a khawih leh.

Ka inti khauh sauh sauh a. A kut atang a taksa lumna rawn chhuak chuan ka taksa a fan chhuak vek tawh. Ka mit pawh ka la sawn theilo.

A kut lehlam in min kai hnawi hrawk a. Ka thaw chhuak nghal hak.

"Eros min kaltir rawh" a ban chu phelh ka tum deuh a min kaltir ka duh a ni. Ama lak a ka chakna te chu thunun ka tum a. Hlauhawmtak a ni thei a, ven zawh loh khawp leh zawngchhang na a chhuak thei tlat.

"Min kiss rawh Jade" ka bengbulah a rawn ti sap.

"Aih"

"Khawngaih in vawikhat kiss chauh, thatak in ti la ka kaltir ang che" a kut khing hnih in min kuah tawh, nghet tak in min chelh. Ka taksa lian lo tak pawh a taksa chak takah a bet vek tawh.

"Tiam em"

"Tiam e...ka rilru zawng zawng in"

Oh lalpa. Ka kiss hma chu min thlak a tum lo takzet a nih hi.

Hawi chu ha in ka theih ang a sangin ka ding a, a hmuiah chuan ka kiss zauh.

"Bumhmang" min en a "kha kha kiss a ni lo"

"Kiss a nih kha. Tunah min kaltir tawh rawh" ka tal leh faih faih.

"Kiss ka tia lawm. In kiss tak tak, khatia chuk mai nilo in"

Rum nghat in a ai uar zawk in ka fawp a. Min fawp let ve nghal thuai, a lei te chuan ka hmui te a hawl kual a. A ai uarin min fawp leh nghal tawn tawn a. Awi leh a hmui chu a lum in a tui takzet.

Ka rin leh beisei ai uarin min fawp a. A kutin ka hnung a chul a, ka kawng leh ka khel te pawh.

Ka biangah fawp leh in..ka khape pawh. Ka nghawngah a fawp thla leh a, ka thawk pawh a rang lutuk tawh. Heng a thawk lum huam te hian min ti khur zo tawh, ka taksa chhungril zawng zawng a sa chhuak nghal vek. Ka khawvel hi a puak ni berin ka hria.

Ka kutin ka kuah let a. A khup pawh a zawi tawh min thlah a nih chuan ka tlu nghal tawp ngei ang.

"Eros" a sam a tham pah chuan ka ti chhuak nghal hawk.

"Hmm" rawn ti sap in ka hmui a fawp leh a. Muangchang in, a kut lehlam in ka awm vel a chul bawk.

Ka thaw hlawp hlawp a, ka gown chhanah ka mawngbawr vel chu a tham a.

"Jade min dang rawh. Kan thei lo...hetah chuan" min kiss pah in a ti a. A lei te chuan a hmui a kawl kual bawk.

"Khawiah" ka awm hle hle thei tawh lo. Tun dinhmun ah chuan amah hi ka duh takzet tawh.

Ka thlarau leh ka taksa chu khawvel dang a kal ang mai ka ni. Tu emaw in min rawn au nghal chiam.

"Jade, Jade khatah khan i awm em. Saphire nen kan haw dawn a nia" ka nu in min rawn ti harh zawk.

"Nula ho awmna ah khan a awm a ni maitei" mipa aw ka hriat than tak chuan a lo ti a. Donovan a lo ni.

Oh lalpa. Ka nu. Kalsawn ka tuman lam Eros ka nam sawk a ka balance ka hlauh nghal.

"Jade fimkhur rawh" Eros an ka kut a man pah in a rawn ti zui nghal zat.

Ka lawm e lalpa.

Mahse ka uai nasat em vangin Eros pawh a in balance hman lo, pai nawk nawk in a balance a hlauh zui a kan pahnih in dilah chuan kan tla lut nghal pawp a.

[Ngaia]

Chapter-34

°Eros's Pov°

Kan inhual lawmna zan chu zan nuam angreng takah a chang hlauh pek.

Kan tlak rual a Jade i au te tuarh chu Donovan leh Ruby in an hria ni ngei tur a ni. Lo kal vatin Koi sangha ho nen keini lah kan lo awm nuaih.

Saphire leh Kobe an lo thleng vat a min hmuh rual in an la nui hawk hawk lehnghal kan thlak na tui lah hi a vawt ngang mai. Mahse kawr zawng zawng nen an rawn zuang lut zui ve nghal pawp a min thawng angreng khawp mai.

Tleirawl thenkhat lah in zawm in an rawn zuang lut ve zel bawk. Grand ballroom a party chu pool area ah kan sawn hmak mai. Zanlai ni tawh mahse mi lah chu an lam a, an zai a, an nui a, a then in zu an lo in mek bawk.

Chumi hnuah Jade la thlah a. Car atang a a chhuah hma in kiss ka tum leh. Mahse a duh tlat lo.

"Eng nge diklo"

"Eros khawngaih in tuman min en loh hi"

"Chuan"

A hmui sir a pet zauh a "kan ti der mai tih hi theihnghilh fo lo teh"

A malpui a a kut dah chu va ban in ka fawp zauh a " ka ti der lo. Ka fawh che apiang che leh ka khawih zawng zawng che hi ka tihna chhan chu ka duh vang che a ni"

"Chu chu engvang nge tih ka ngaihtuah" a kut a la sawn nghal hmak a, a in kuah than.

"Nangmah a bet tel vang mawle. Ka hma...ka duh che a"

Karei leh. Hmangaih tih ka sawi hman tep alawm le. Ka thil sawi tur hi ka fimkhur a ngai a ni. Jade bul a ka awm hi chuan ka â deuh tlat zel. Nilo, a ni hi ka hmangaih thei lo. Ka thawngkam ah hmangaih tih hi a tel ve lo.

"Duh maw" min zawt a.

"Aw. Ka duh che. Ka duh reng che kan inhmuh tir atang a tun thleng in" a darah ka kut nghat in ka lamah ka kai hnai a.

A hmui a pet leh zauh "Nilo. Chu chu thil rin harsa tak a ni Mr.Petrakis" a kut chu paih thla in a in la hrang nghal nalh.

Ka chal ka ti chuar zauh a "timaw"

"Kan inhmuh dan kha thil duhawm pawh a ni lo. Kan inhmuh ni kha hre reng rawh. Coffee dawr kawtah a nih kha"

"Tehreng mai. Angel van atanga lo chhuk ang chiah i ni, duhawm, hmeltha, leh ngaihzawnawm tak"

"Min lo hrethiam teh chak loh hmel min tih kha"

"Ka tia lawm"

"Aw i ti. Chuan ka lakah advantage lak i tum mai a ni"

"Ka tia lawm...ka" ka meng nghal kawk eng thil chiah nge a sawi hi

"I hnen a hnathawk tur a min sawm kha han ngaihtuah teh dar5 a i in ka lo thlen hman loh hlau in zing dar3 ah te ka tho thin asin. Ka hna chan kha ka hlau em a, Hnathawk tlai ching ka duhlo i ti khanglang bawk si"

"Oh kha thil kha maw" thil dang daih ka lo ngaihtuah a sin mawle. Jade nen khumah saruak lek lek in kan lo awmdun mawle. Amah a in tu lut tur hian ka in tur lui zawk ni mai in ka hria.

"Chu chauh pawh a la ni lo. Min vin a mi â ti in min ko a, chhawih ti leh tawngkam na tak tak dangin min tawng khum bawk. I la hria em, no ka tih keh palh pawh khan dawt i sawi a. Ming Dynasty Chiness no hlu tak i ti bawk. I hnenah ka thawk lo a nih chuan Jail a khungah te min la vo zui, lalpa leh. Chuan khang hun chhung zawng khan min duh i tia maw, thil awihawm loh lutuk a ni"

Khang thil thleng vang khan ka zak chem chem mai. A chungah khan ka lo nunrawng awm hle mai "Shh...ole ka pawm e. I chungah ka nunrawng thei khawp mai, ka tihpalh lutuk, duhtak. Min hip na te laka ka in thunun theih nan khang chauh kha tih theih ka neih chhun a ni"

"Oh..tak tak maw Eros ka chungah advantage i la a nih kha"

A ropui e. Tunah chuan ka ti thinrim takzet tawh. Thudik ka sawi mai a ni, amah ka ngaihdan, chuan tunah a rilru a danglam vek tawh ang chu. Pawm hi harsa ka ti, mahse thudik a ni. A lakah advantage ka la a ni. Tun thlengin, inneih na lem nen tiam in.

"Kha vang khan alawm i laka ka rilru puthhmang ka sawi tak ni. Ka duh che a dawt a lem chan hi tih tawp ka duh tawh. He kan inhual na lem leh inneih na hi a takah thlak ang hmiang. Min duh ve tih ka hria Jade. Chuti nilo se khatiang khan min kiss hauh lo ang"

A mitko a san zauh a " ka rui deuh a ni. Zu hnathawh vek a nih kha. Mipa in min fawh na te chu ka chhang let vek thei alawm"

"Dawt i sawi leh tawh a nia. Ka duh ai nasa daih che hian min duh a ni, duhtak. Engtiang tak in nge ka kuah che i ngaih leh ka kiss i beisei ka hriat nawn tir dawn che a mi"

"Ughh..aih ka lawm e. Thil eng emaw hmehbel i tum tlat Mr Petrakis. Mipa dang i ka ngaihtuah pawh a ni maithei asin"

sh*t Min tih thinrim dan leh mi thik tir dan chu a va hre reuh ve mawle "i ngaihtuah a mi"

"Vawt ka ti tawh tlat. Ka kal a nge Goodnight" Car kawngkhar a hawng tumin a ban dah a.

"Hrep tak a. Jade min chhang rawh min kiss kai khan kha doctor pa kha kha i suangtuah char char a mi" a vun nem takah chuan ka va vuan chat.

"Min thlah teh. Min ti na a nia"

"A nih chuan min chhang rawh" sehchilh nakin ka ti a.

"Aih...nilo...teuhlo mai. Ka tihpalh. Khatiang thil ka sawi kha ka dik zanlo a ni ngei ang"

Ka bu nghat a, ka thlah nghal.

"Inbiak kan ngai takzet a ni. Nakinah ka lo bia ang che"

A bu nghat a car atangin a chhuak nghal thuai a.



°Jade's Pov°

Ding dong

"Kan hawng a nge nu" Ka au a. Dorbell ring zet ri ka hriat rualin kawngka ka pan nghal thuai.

Pangpar dawr atanga lo kal mipa a ni. Pangpar senno bawr nalh tak mai a rawn keng a.

"Miss Jade Collins i tan ma'am" Delevery man in a ti a.

"Ka lawm e. Jade Collins chu ka nia" Slip chu sign in pangpar chu ka la a.

Rose chu ka hnim vang vang a hmm.. a fresh kher mai. Rose senno hi nalh ka ti ka ni hman a ti nuam ngei ang.

Ka phone a rawn in ring a. Ka kekawr bul atangin ka la chhuak thuai a ka chhang nghal vat.

Eros a lo ni.

"Ka ngai che" a rawn ti sap a.

"Min ngai der tawh maw"

"Aw. Chuan i coffee pawh"

"Siam tur in min duh a mi. I office ah ka lo kal ang..umm..minute 20 hnu velah ka lo thleng ang" ka sana check zauh pahin ka chhang a. Eros a hnuai ka loh na chen pawh kar1 lai a ni tawh. Inah awm in inchhungkhur hna ka thawk a, nitin in ka zirlai te ka zir bawk. Eros a bul a ka thawh lai kha ka ngai office pawh tiam in.

"Ka duh..mahse office ah ka awm rih lo a"

"Ah..business meeting bawk a mi"

"Aw. Philadelphia ah. Zanin ah ka lo hmuh theih che ka ringlo"

"Ole a tha e"

"Ka tan a tha ve hleinem. Ka kiangah hian awm la ka tia sin ka ngai takzet che" a aw chhuak te chu a ril raih mai "min ngai ve em"

"Umm...aw..tehreng mai"

A nui hak thawm ka hre zui "min tihlim ngei mai duhtak. Inbiak kan ngai takzet a ni. Kan inneih hma a engkim sawifiah vek hi tha in ka hria"

"Tehreng mai. Naktuk zanah kan inhmu dawn a nia"

"Awle. Naktuk zanah ka kal a ngai tawh Jade. Investor hetah hian a awm sia"

"Ole...engpawh chu nise pangpar vang khan ka lawm e. Engtin nge pangpar senno ka duh tih i hriat a"

"Pangpar a senno maw. Vawin ah chutiang ka lo thawn reng reng lo che"

Uh-oh...pangpar a note chu ka la thuai. Oh lalpa leh Joseph a lak atangin a ni.

"Ughh...naktukah kan inhmu dawn nia bye" hmanhmawh zet a ti in phone ka dah nghal hmak.

Joseph a note chu ka chhiar chiang a.

Ginger

Ka tihpalh

Zanin ah hmuh ngei che ka lo beisei ang

love

Joseph

Zanin tlaiah. Eros a min lei ngei mai kawr chu ka ha a. Amah hi ka kawr thlang tu a ni reng bawk thin. Kawrvar chhing lampang a ni a ka taksa pawh a rem thlap mai. Pheikhawk silver rawng chu a inhmeh turin ka bun bawk.

Ka Ginger sam chu ka khuih mam a. Makeup tak ve takin ka inhnawih bawk.

Contact lense ka vuah laiin doorbell a rawn ri nghal tlat a. Joseph a ni tawh ngei ang. Hmanhmawh takin hnawihsen sen ka inhnawih a, ka bedroom atangin ka chhuak nghal thuai.

Ka nu leh Joseph te pawh living room ah an ti ti mek bawk.

"Hi" ka lo lawm a.

"Wow...i van nalh kher em Ginger" Joseph in min kuah pah in ka biangah a rawn fawp zauh.

"Ka lawm e" ka chhang a "Engpawh nise rose vang khan ka lawm e. Ka duh khawp mai" living room center table a ka rose dawn ka khawi tak lam chu ka kawk va a.

"Keipawh ka lawm e. Rose senno i duh tih hi ka la hre reng alawm" Joseph a nui sak a, a biangsum pawh a lang chak mai. Ka nuih let ve sak a, a hma aiin a lang tha zual sawt sawt mai.

"Ka kalsan ang che u. Dinner ei turin ka han inthlak a nge" kalsawn pah in ka nu in a ti ve bawk.

Ka zak deuh a ni Joseph han hmuh leh chu nizan a thil thleng tawh hnu ah phei kha chuan. Eros a chetdan vang khan ka zak a ni. Eros a chetdan kha a atthlak takzet, Joseph a lah a thik em em bawk si.

"Nizan kha ka tihpalh lutuk"

"A tha vek alawm. Pasal hual nasa tak a hauh tlat tu che an awm tih ka hre lo bawk a ni"

"Keipawn ka hre biklo"

Joseph a nui hawk hawk a ka nui ve nghal hak hak.

"Mahse mi tha tak a nia. I la hrechiang ve mai ang"

"Ni maw. Mahse hriatchiang ka chak vak lem lo. Ka nula ka lak atangin a ru daih che a nia" a nui sak a.

"Joseph khawngaih in. Pasal ka neih tep tawh hi"

"Aw ka hria. Mahse i rilru i thlak a nih chuan i tan ka awm reng tih hi hrilh che ka duh a"

"Joseph"

"Ka hmangaih che Ginger. Ka thinlung zawng zawng in. He Petrakis a hian i rilru a la ti na dawn a nia aw. Hmanzan a a van dan che khan min ti thinrim. Amah nei tur hian ka ti thei lo che. A ti na ngei ang che"

"Eros a chutiang mi a ni lo. Min hmu dun kha min thik mai a ni"

Nui sakin a lu a thing a " i tan a tha lo. Min ring rawh. I mit meng teh hepa hi mi nunrawng leh lainatna neilo a nih hi. Ama chungchang article vawin khan ka chhiar a. A hnuai a thawk te leh a college kalpui te pawn an hua a nia"

"Joseph khawngaih in. I ngaihthat lohna chu ka hrethiam mahse Eros hi ka hrechiang. Khatiang mi kha a ni lo"

"Ka ring lo a ni Ginger. I tan pasal tha tak a ni ngai lo ang. Intihsiakna tamtak i hmachhawn a ngai ang hmeichhe ho hian a pawisa duh in an umzui reng dawn a nia. A nun hi ka hria. Khawvel hmun rang rang a hmei a nei thluah ang"

Eros a chungchang hetiang a Joseph in a sawi hi ka awih thei lo. Mipa rilru tha tak a ni a, midang te that loh na a sawi duh ngai lo kha a nia.

"Joseph a ni chu ka nei dawn. Ka rilru hi i thlak thei lo ang"

"Engvang in. I hmangaih takzet tih i chiang maw nge ni a, a thatna, a nundan leh a pawisa hian i mit a ti del zawk"

Ka thin a rim zak mai. Oh lalpa tunah chuan Joseph hi ka ngaina tawh lo khawp mai "Khatiang thil kha engtin nge ka bulah i sawi theih Joseph"

"Ka tihpalh Jade" a lu a thing nak "Hetiang hmeichhia hi i ni lo tih ka hria. Nundan sang tak a nun ching hmeichhia i ni lo alawm i ngaina lo bawk. Thil simple tak i ngaina a in chhungkaw tan a pawisa i neih chuan i duhtawk mai thin"

Ka ngawi deuh vang vang a. A ti dik a ni. Eros a ka neih na chhan hi pawisa vang a ni. Ka chhungkaw hmahun ka sial duh vang a ni Oh lalpa leh. Gold digger diktak ni in ka inhria.

"I hmangaih em"

Ka bu nghat a. Thudik a ni tlat. Eros hi ka duh takzet chu chu nitin in a zual zel bawk.

"Min hmangaih a maw ka tia" a ding tharh a, a nui sak bawk "i duh engkim chu ka pe thei ang che Ginger. Nangmah leh i chhungte pawh ka pui thei ang che u. Kan pahnih tak pawisa kan nei alawm hlim takin ka siam ang che. Engtiang takin nge ka hmangaih che tih fiah nan hun min pe rawh"

"Joseph. Ka thusawi i hrelo a mi. Ka hmangaih ka tia lawm chu chu engmah in a ti danglam thei lo. Kar3 hnuah Eros nen kan innei dawn. A hma a ka lo ngaihdan che kha chu a tawp tawh. Nizan a ka chunga a thinrim zia te kha ka ngaihtuah asin. A rindan vang a a thinrim zia te kha a kalsawn hnu thleng pawh khan min ti hrehawm asin. Ka hlauthawng a, a chungah thil eng emaw thleng ngat se chuan ka in ngaidam thei lo ang. Ka hmangaih takzet a ni"

Joseph in a lu a thing nak a. A hnen a ka thusawi chu a awih duh tlat lo. A rum nghut "nilo..i hmangaih lo. Lalpa..he thil hi ka pawm thei lo, hremhmun ang mai in min ti hrehawm"

A biang a mittui rawn luang ka hmu zui nghal pat a. Ka duh thei lo a tap a nia.

"Joseph. Khawngaih in tap lo teh. Tihnat che ka duh lo mahse thudik hi ka hrilh che a ngai a ni" a banah chuan vuan in ka tuai that that a.

Min kuah nghal thut a ka hnui ah min rawn kiss nghal thuai.

"Joesph nilo"

"Ka hmagaih che Ginger. Khawngaih in ka ta ni rawh" ka kawngah nghet takin min kuah a, a lamah min pawt hnai dawrh bawk.

Na zetin ka nam a mahse min man nghet lutuk tlat "Jospeh duhtawk rawh"

"Min hmangaih a ni Ginger. Min hmangaih tih min hrilh rawh"

"Aw ka hmangaih che mahse ka thian ang chauh in...ka unaupa ang in. Min thlah rawh a nih loh chuan ka au dawn a nia"

Doorbell ring zetin a rawn ri tlang a ka lawm e. Doorbell in min chhan hram.

Joseph an min thlah rualin kawngka lam ka pan nghal nal nal. Saphire a nih ka ring, cheerleading team ho in an practice vangin school a lo la bang loh vang a ni.

Mahse khawnga ka hawng chiah mai chuan min thawng ngang mai. Saphire a ni hauh lo. A kut lehlam in rose senno bouquet a keng a lehlam in wine a lo hum ran bawk.

Eros ngei a ni. Mit khap miah lo in ka en char char ta ringawt a.

[Ngaia]

Chapter-35

°Eros's Pov°

Philadelphia ah zanin hun hman chu ka tum na a mahse investor ho nen a kan meeting chu ka pawt tawi ta zawk a ni. Keima organize ngei mai dinner party ah pawh ka kallo bawk.

Tukin a Jade i thusawi khan ka rilru a kap tlat pek Pangpar vang hian ka lawm e. Engtin nge rose senno ka duh tih i hriat

Vawin ah pangpar ka thawn lo hrim hrim. Rose senno ngat phei chu, a senno a duh tih pawh ka hre lo hrim hrim hrep tak a

Mi pakhat chiah pangpar thawn tur chu rin ka nei. Amah hre tu leh kei ai mah a hrechiang tu. Kha doctor kha.

Jade i thusawi chu tape record play ang mai in ka rilru ah a ri tluk tluk mai Joseph hi ka bialpa a ni ngei lo hrim hrim. Amah i ka star mai a ni. Mahse tunah chuan engtin mah ka ngai tawh lo. Ka thian tah tak a ni a ani mai

Engtiang takin star nasa ang maw tih ka ngaihtuah. Ka lu thing nak in thawk ka la vang vang a. A thusawi vang ngawt hian engkim ka awih vek dawn lo ka thinrim loh nan a sawi mai a ang tlat.

Kha doctor lah kha chhe zawk zawk a ni silo. Disney film a The boy next door tih a mi te pawh kha a ang, a sam a la buang zui a, hmeichhe ho rilru hruaipen nan a an hman ang mai a ni. A thatna a hmeichhe tamtak an tlu lut ang mai hian. Jade i ngei pawh tiam in.

Hmanzan a an inkuah ka hmu phei kha chu ka thinrim zia ka sawi thei lo zawk. Mipa dang banah thlamuang takin a awm a nia. Ka kickboxing skills a han sawisak vek kha ka chak a ni.

Jade nen kan inkar ah kha doctor kha a lo tlazep a ni. Jade i nun atang a nuai bo leh thai reh hmak a ngai.

Donovan a hnenah Dr. Joseph Nevin a chinchin lo chhui chiang turin ka ti a. A theih ang a tam a chungchang ka duh. Jade i leh a chhungte nen rei tak New Jersey ah thenawm an ni tawh tih ka hrechhuak a. An inhnaih khawp mai, a biktak in Jade nen.

Joseph Nevin in college leh a medical exam a zawh khan South Africa ah medical mission ah in volunteer in a kal a. Thla tlem a ral ang tih in Canda ah scholarship programe hmangin a zir chhunzawm leh a. Medical board exam a pass hnu in school affiliated hospital ah a thawk leh a ni. Rose ti a an koh mai thin Dr.Marry Rose Hotchkins nen an inhual a. Nimin khan an inneih ni tur a ruat a ni. Mahse an inneih na a cancel thut a, a chhungte pawn mak an ti hle a lo ni.

**

Business contract te hmanhmawh takin ka sign sawk sawk a, kan inbiak na pawh ka ti tawi vek. Dar7 a New York thleng hman tur a ka chhuah hman loh ka hlau a ni. Zanin tlai hian surprise thut ka duh.

Patrakis residential building chungah helicopter a ding rual in ka chhuak a ka room lam ka pan ding nghal thuai a. Ka kawr phelh in ka in bualfai sawk sawk a. Ka zawh chuan dar6 a lo ri der tawh.

Ka kawr hak tur ka thlan chhung a rei zek mai. Ka wardrobe zawng zawng ka en kual a, ka closet zawng zawng ka hawng bawk. Formal, semi formal, Casual, Semi casual leh ka thawmhnaw manto ber ber thlengin ka en chhuak vek.

Eng thil nge ka hak ang tih buai in ka hringnun ah hian ka la buai ngai lo. A hun leh hmun a zir a ka ban fuh fuh ka la a ka ha mawih zel. Thawmhnaw thlan a buai vak hi hun paih na ah ka ngai.

Mahse tunah minute 10 a chuang tawh tun thlengin eng nge ka hak dawn ka la hrelo. Jade i mit lak ka duh a, min en vawng vawng se tih hi ka duh ber a ni. A lalfapa leh knight ropui ang mai in.

Ka hrechiang lo hle tih ka hria.

Mahse ka duh turin ka duh. Nilo duh satliah ni lo in. Duh tih chu ka laka awm tur a ka duhna sawi nan a la pawnlang mah mah.

Ka lakah hian luangliam ngawih ngawih se ka duh, ka tello a a awm thei ang tur khawpin. A mipa diktak ang in min hmu se ka duh a, a kiang a chatuan a awm tur leh kalsan ngai lo tur khawp in min ngai se ka duh a ni. A buaina a tanga chhanchhuak tu leh hlimni leh lungngaih ber lai kalsan ngai lo tu ang in.

A tun hun leh nakin hun a mi pawimawh ber nih ka duh. Ni e. A hmalam hunah. Kum1 chhung Jade i tello a kum khat hnu a chen chu ngaihtuah pawh ka ngaihtuah ngam lo. Contract a zawh hunah amah ka channa chuan ka thlung a ti na ngei ang.

Amah a thil awm zawng zawng hi ka duh a, nitin hian ka ngai zual zel bawk. A kiang a ka awm hma chu darkar, minute leh second maltin te hi ka chhiar thin.

A dik alawm. Hetiang hian hmeichhia vangin ka la buai ngai lo mahse Jade. Ka sawifiah thiam lo. Ka khawvel hian a bulah vir a duh ni mai in ka hria. Eng thuthlukna pawh siam mah ila amah nen a inzawm vek a ni. Ka hmalam hun a ka plan te pawh tiam in. Amah nen hian kan inzawm tlat a ni.

Oh lalpa. Ka tum loh dan deuh in ka khawsa thin, thil buaithlak deuh chu. Amah a ka rilru put hmang hi nitin hian a nasa telh telh. A zual zel mai.

Hmanzan khan ka hmangaih che ka van ti teuh kher em hrep tak a

Rum nghut in ka wardrobe ka en ringawt. Ka towel ka veng nghet sauh a. Thil thleng zawng zawng hi a vir nguai nguai in ka hria ka chiang lo vel vek. Cannon ball a ka lu a chhut chawrh ang vel a ni.

Jade hi ka hmangaih a i maithei a ni. Hetiang ang hian hmeichhia tunhma in ka la buaipui ngai lo, a thleng ngai lo hrim hrim. Min kap tlat tu ang mai a ni. Ka nun zawng zawng a khawih buai vek. Oh lalpa. Jade hi ka hmangaih em ni

Rum nghut in stool ah chuan ka thu a. Ka suangtuahna chuan min thawng zawk.

Lalpa. Aw. Jade i ka hmangaih chiang a ni. Ka hmangaih... ka hmangaih takzet

A engkim hian min ti a zo. Hmangaih na vangin ka â ani chuan ka rilru kuai peng tu a ni bawk. Mi hruaipeng tu duhawm tak leh a tello a ka awm theih miah loh tur.

Ka chak lo a ni...amah lak a ka feeling hi ka beih let a ngai. Hun a zir a ni, in surrender na hun a ni. Diktak a pawm a beihlet chu a tawk tawh, hriat loh der tlat te pawh a hun tawh lo. Ka ti lo a nih chuan ka nun pum in ka na ang nga ka hlim ngai lo ang.

Zanin hian amah ka ngaihdan diktak chu ka hrilh dawn a ni. Ka hmangaih a ni min lo hmangaih let ve ta lo a nih pawn ka beidawng dawn lo, ka hmangaihna min chhan let theih nan engkim ka ti vek ang. Ka nghak ang, ka neih hma zawng zawng chu a ni mai. Ka beidawng dawn lo

Rum nghat in ka closet ka melh leh a. A tawpah chuan kawr ban tluan a hma a kawrkilh awm, a pawl muk rawng chu ka la chhuak a, navy jeans kekawr ka la chhuak bawk. Ka t-shirt chu ka kiu thlengin ka thlep a, ka kawr kawrkilh chhak ber ka phelh bawk.

Dar7 a ri a Jade i te in kawngka bulah ka ding ran tawh. Ka hmangaih tih thu hrilh chu ka chak zek zek tawh, chutih rualin ka zam em em bawk. A duh lo ang nga a ngui vek ang tih erawh ka hlauthawng ve det. Ni e, zanin hian ka hrilh a ngai a ni. Engtin pawn lo ngai dawn pawh nise. Ka sawi chhuak ngei ngei a ngai.

Ka rilru put ang tho hi a lo pu ve lo ang tih tunge hria. Chutiang chu a nih hlauh phei chuan khawvel a mipa vannei ber ka ni hial ang. Beiseina neih bakah leh a engzawng a thlir hram hram ka ngai.

Rose senno ka lei a. A pangpar duh ber tih a sawi tak kha..umm..champaigne pawh ka keng. Kan in hmangaihna lawm nan...umm..chutiang chu a thlen ka beisei.

Hmangaihna leh romance hi ka ring ngai lo. Mahse Jade ka tawn atang hian ka ngaihdan leh hmuhdan hi a inthlak vekin ka hria. Thinlung lem tur te ka suangtuah a, pangpar, candlelight, dinner, poetry chuan Shakespeare pawh. O LALPA.

Doorbell ka hmel a, Jade in a rawn hawng nghal thuai. Engvang a thawk la hlawp hlawp nge a nih tih ka ngaihtuah phawk fe in min melh a. A hmel lah chu a dang vek bawk a hnawihsen inhnawih lah chu a pherh deuh nuaih bawk eng thil nge thleng

"Surprise" nuih sak pah in a rose senno bouquet chu ka pe a.

"Oh..hetah nang maw" a khuh kharh a, a nui sak bawk "ka lawm e" Bouquet chu la in a hnim vang vang.

"Chuan Champagne pawh"

"Champagne. Eng emaw lawm tur kan nei a mi"

"Aw duhtak. Nei chiang e" ka kuah a, a biangah ka fawp nghal zauh " ka ngai che. Lehlam ah, kan inbiak lawk a ngai"

"Eng chungchang"

"Kan future" ka test zauh a.

Nui sakin nghet tak chuan min kuah a ka kalsan a hlau ni awm hrim a ni. Amah min duh zual tir bakah ka hmangaih chu thlahlel ngawih ngawih in min inhriat tir. Nakin lawk a ka thusawi pui tur pawh eng zawng a thlir lo theilo in min siam.

Thil eng emaw phe deuh zauh chu ka mit sirin ka hmu a, ka en chuang chu. Mip sam buang, nizan a ka thah chak pa ngei mai. Kha Dr. Joseph Nevin a kha.

"Eng thil teh hrep nge hetah a tih a" Jade ka zawt a. Ka awki chu ka thup hram. Ka thinrim lutuk hi ka alh pup pup ni mai in ka hria.

Min kuahna a thlah a "Kanu in nizan ah dinner ei turin a sawm a. A hma a kan tih thin dan in. New Jersey ah khan kan in thenawm thin a chhungkhat ang chiah kan ni"

Living room lamah min hruai phei a, chu doctor pa lo din na ah chuan. Induh tawk tak a min lo nuih vel chu a hmai a hnek chung a tih reh sak chak ngei mai.

Kan pan hnai zel a, a hmui a lipstick sen kai chu ka hmu nghal nalh, a sen lehnghal. Jade i lipstick inhnawih chu en in doctor pa hmui a khai chu ka en leh a. zawng phiangsen leh ka luh hma khan an lo in kiss chiang mai.

Ka thin a rim tawh lutuk tlat. Ka thinur in ka thik takzet.

In thenawm an nia chhungkhat ang chiah in an awm a maw, hah, dawt min hrilh a mi. Chuti chung chuan an in kiss tho a nia

"Eros. Joseph hi hmu tha leh la ka duh...ka naupan lai thian..Joseph, hi hi Eros ka pasal hual"

Ka bu nghat a, a bu ve nghat bawk.

"Ah..min hrethiam lawk. Choka ah chawei kan peih tawh em tih ka va en lawk a nge. Hahdam deuh khan lo inkawm ru"

"Ole" "tehreng mai" Doctor nen chuan a rualin kan chhang a.

Ka champaigne lei chu la in choka lakah a phei thuai.

A kal chiah tih ah thinrim zetin Doctor chu ka melh a "ka nula i fawp a maw"

Nui sakin a hmui sir a liak zauh a, a hmui hnuai a tui leh zauh "umm...tui lutuk. Strawberry hi ka ngaina"

Zawnga Ka van that chak em ve le, a biktak in tunah "a lak atang hian inthiar fihlim ang che" Sehchilh nak in ka ti a, ka kut a hum ruh ran bawk " tun tum hi ka warning na che a ni. I ramri i pel leh a nih chuan i mangchhia a zawng a chhe ber tur khawpin ka awm ang"

"Whoa..Mr.Hotshot. Min ti hlau chhete lo Jade hi ka nula a ni"

"I buaina tur lam i pan a nia tlangval. I nupui hual lak atang a tlanbo in ka nupui hual min ruk sak i tum maw" chil per sak tur khawp a na in ka sawi chhuak.

"Thil hrang vak a ni hleinem. Nangpawh Stella Valiente tih hmingpui nei tur i ni lawm ni" thinrim hmel fe in min melh let ve nghal.

"Thil hriat sual i nei a ni. Mi thu lawilo sawi mai mai a i beng chhi lo in thil tak tak i chhiar ve thin ka lo rin tehreng nen. I fing fe emaw ka lo tia...mahse nilo. Doctor mawl tak i ni i nu leh pa chu ka khawngaih khawp mai" ke en a. A thinrim tih ka hria.

Ka hmai ah ka inrin loh lai takin a rawn hnek nghal chawrh a. Hrep tak a, a lo kal lai ka hmu hauh lo. Ka balance hlauh a couch ah ka tlu nghal pawp. Ka tho chhuak leh nghal thuai. Ka khabe chu a na ve det, muangchang a vuanin ka ti che a.

"Insual i duh a maw. Huh hetah chuan ni lo. Pawnah kan ti thei alawm. Jade leh a chhungte hi zahder an ngai alawm le" ka ding a ka nam sawn nghal pawp.

Min rawn hnek leh a tum a. Mahse a kut ka lo man hman hlauh in a khabe ah tak chho zawngin ka hnek nghal chawrh.

Chhuatah a tlu thlawp a. A hmui chu a nuai a thisen a kutah a kai nghal "sh*t" muangchangin a rawn ding a. Center table a rose senno chu a khawina vase chawpin a chawi ta nalh mai.

"Nilo..tlangval ti miah suh"

Vase chuan min rawn vawm a tum a mahse Jade i a lo thleng hman hlauh.

"Hi umm...chawei peih a ni. Dinner ei tawh ang u hmiang" Nui sakin a rawn ti a. Doctor vase ken pawh a hmu nghal thuai, amah en ha chungin a zawt a "eng nge vase nen khan tih i tum a"

"Ah..umm Rose leh vase te hi ka hlut em a ni. An mawi lutuk" Nevin chu a khuh kharh a, center table ah a dah leh nghal.

Nui sakin ka lu ka bu nghat nghat a. Nevin a ti thinrim zual.

Doorbell a rawn ri tlang a, Sahphire leh leh ka cousin Kobe an rawn lut rual nghal chat.

"I date tak tak a mi a" Kobe ka hrilhru sar sar a "naupang mai alawm a la nih" min chhang a.

"Tun thla ah 18 a tling dawn. A pa ang mai a khawsak hi sim rawh aw" Kobe in ka hnung a rawn beng thak lehnghal.

"Ti la lo la ti tap bawk suh ang che"

"Relex Bro. Min hriatchian kha mipa tha tak alawm ka nih" a la nui thaw lehnghal.

"Chuti maw" rinhlelh hmel fe in ka en a "ka ti tak tak. Amah hi i buaipui dawn a nih chuan min in remsiam pui a ngai ang"

"Ka hria Bro. Ka ti ang. Kum20 ka nih tawh hi kum10 mi lek ni lo in"

Jade i nu chu kawrsen ha in a tawp a tawpah a rawn chhuk ve thei hram. A lang dang khawp mai. A lang mawi in amah a ang lo hial. Makeup a inhnawih lehnghal, engvang nge aw tih ka ngaihtuah mai mai.

Chuan ka hrethiam zui nghal mai. Doorbell a rawn ri leh tlang a mikhual hnuhnung ber a rawn thleng chiah. Donovan ngei a lo ni.

[Ngaia]

Chapter-36

*Mature Content*

°Jade's Pov°

"Tinge i hmui kha, a thi a nia aw" Dinning table lam a kal pahin ka zawt a. A vun deuh rualin a kak bawk.

A rawmawl ka chhuak in a hup zauh a "ka hahchiau na lamah ka seh kak palh a nih hi"

"Tak tak maw" dawt a sawi tih rinna ka nei tlat "i that ka beisei"

"Ka tha" ka kutah a rawn vuan a " Jade ka tihpalh. Eng thil nge ka chungah khan thleng ka hrelo khatiang a kiss tur che kha ka nilo. Ka hmangaih che a ka chan dawn che ni a ka ngaihtuah phei hi chuan min ti na a ni"

Khatia min kiss kha a thinrim thlak takzet. Mahse awlsam takin ka thinglung a tuiral thin. Thian tha tak a ni a unaupa ang mai in. Ka mamawh apianga ka tetlai a awm thi a ani ka naupan kai atang tawh in. In kiss vang ringawt khan ka haw thei lo, a chhan chu min hmangaih vang a ni.

Eros khawnge a awm tih ngaihtuah in ka hawi kual a. A cousin Kobe nen an lo ti ti dun reng mai.

Joseph chu biak fal ka duh vangin choka lamah ka hruai hrang a. Biak ka ngai takzet "Joseph. Hmeichhia a hma a i hriat thin leh nangmah atchilh tlat tu che kha ka ni tawh lo. Ka thang lian tawh. A hma a ka lo ngahdan che kha chu hun kaltawh a ni. Eros hi ka hmangaih a ka nei dawn bawk"

Thinrim mitmeng takin a melh leh nghal zat "a ni hi ka neih tir thei lo ang che. I tan a mi tha ani lo. A nundan, a thiltihtheihna leh a pawisa hian i mit a ti del ani" thaw chhuak hak in a lu a thuai thuak a "Ginger i mit meng teh. Setana mihring tisa a rawn chang a nih saw. I nun hi a ti rethei vek ang"

"Khatiang khan Eros a chungchang sawi tawh suh" a thusawi lai ka pawt chat deuh hmak. Eros a chungchang hetiang hian a sawi reng a nih chuan ka haw telh telh ang. Eros hi ka hmangaih a, a chungchang hetiang a sawi hian min ti na a ni "Eros hi mipa tha tak a ni. Ramhuai ang mai a engtia sawi thei nge i nih a. Setana ti te chuan i la ko zui a...khatia ko tur khan dikna i nei bik lo. I hrechiang lo hrim hrim"

"Ka hrechiang" sehchilh nak in a rawn ti chhuak a.

"Aih..i hre lo"

Nui vei hakin a lu a bu nghat a "tehreng mai ka hria alawm. Convent a i bihruk na chhan pawh kha amah hi a ni lawm ni"

"Maw" Joseph an hetiang thu a ka atang nei a a sawi chuak hi ka awih thei lo.

"Hrelo der suh. Jade. I thuruk te kha ka hria a nia" min tihel vel takin a nui sak a. Hnai satah min rawn en a, zawi sap hian "Mahse min tibuai tu chu...khang kum chhung zawng i bihruk san pa kha engvang a neih tum nge i nih tlat tih hi"

"Thil awmze neilo a nih chu i sawi Joseph"

"Sawi lo e" a nui hak "i thuruk hi a hre reng reng em duhtak..awle..ka ring hauh lo"

"Duhtawk rawh. Engthil nge i sawi hi ka hre lo" ka rilru a danglam zawk. Khang hun kaltawh a ka tawrh na te ka hriatchhuah apiang hian ka thinlung hi a kehsawm thin. Natna thuk tak keimah ah hian a beh tir tlat a. Khang hriatreng na te kha theihnghilh ka chak ber te zing a mi a ni.

"Ginger. Ngaihthah suh. Eng thil chiah nge thleng tih ka hria chuan tihsual dang i neih leh na tur lakah ven che ka duh a ni. I nunhlui a thil diklo thleng siamtha turin i kiangah ka awm reng" ka kutah vuan in min en ran a " amah hi i tih dikloh chu a ni. I nun pumpui hi hetiang ramhuai nen nan hian i hmang ang maw"

"Duhtawk rawh. Khatiang thil kha ngaihthlak ka duh tawh lo, keimah in min awmtir rawh" a chungah ka thinrim takzet tawh. Ngawi hmak turin ka duh min ti thinrim takzet. Ka nunah rawn inrawlh buai a tum a ni " hei hi ka nun a ni. Eng thil nge dik a diklo tih mi hrilh a ngai lo ang. Diklo a awm a nih pawn nangmah i a tuar tu tur i ni chuang hleinem. Nangmah hi ka nun atang a kalbo duh tu zawk kha i ni"

"Ginger. Duhtak puih che ka duh a ni"

"Aih.. min tanpui miah lo. Engkim i ti chingpen vek. Thil a kal dik dawn chauh tih ah ka nun ah lo inlan leh in min hmangaih tih mi rawn hrilh leh ringawt a...a mah mah lutuk tawh. Ka mamawh lai che khan khawnge i awm. Chu chuan ramhuai ah a siam lo bik che a mi. Ka nun a ka mamawh lai chiah che in i kalbo a nih kha"

Rum nghut in a ipte a zen tap a " chuvang chuan alawm hetah ka awm. I tan ka lo kir, ka kalsan che kha ka tihsual a ni tih ka pawm bawk. Hlim takin kan awmdun ang Ginger hun min pe rawh. Engtiang tak in nge ka hmangaih che tih fiah nan hun min pe rawh. Min hmangaih let ve thin kha. I la hre reng em hun hlimawm tak kan hman dun thin lai te kha. Khang hun kha i thaibo thei lo, kan hlim thin zia te kha ngaihtuah rawh"

"Ka...ka lu a na dawn tlat" ka chal chu tuai that that in a ngaihna ka hre lo khawp.

"Ka thusawi kha ngaihtuah ang che..kan chungchang te" ka sam a rawn tuai pah in ka bengbulah min rawn hrilh sap a.

"Engkim a tha vek maw"

Eros a aw kan hriat rual in Joseph nen kan phu nghal zawk. Ka en phei nghal thuai a, choka luhna kawngkha zawnah a lo ding ran. Min en reng a. A thil hmun chu a duhdan a ni vaklo tih a hmel atangin ka hre nghal mai.

Engtia rei tak tahsawn lo ding tawh ang maw. Joseph a nen a kan ti ti kha engtiang a thui nge a lo hriat ang.

"Aw" Joseph a bu atang a kalsawn in Eros a awmna lam ka pan nghal vat. A kut lo phar va in min lo lawm a, ka va kuah rualin ngeht takin min kuah let a ka chalah a fawp nghal zauh.

"An nghak reng che a nia" choka atang in mi hruai chhuak a.

Joseph leh Eros a inkar ah chuan ka thu ran mai.

Eros chu ka pasal hual tak tak ang mai in a khawsa a. Eng nge ka eiduh min zawh chu sawi loh a eitur lak hma hauh in ka thlengah ka eitur chu a rawn dah nghal zat zat. Kaikuang kawr zawng zawng pawh min kheh sak vek a, ei nuam tawk turin a zai leh vek chu mi rualin no ah champaigne a rawn thli leh nghal zat.

Tumah in ka plate min khawih pui hi ka duh ngailo mahse Eros chu nilo. Thil pangai ve reng leh a tihtur ang thlap a ni. Kan chawei te chu in ei tawm kan ang ber. Tui tak a ka ei lai in chaw chu ka thlengah a rawn dah leh a. Purunvar awm zawng zawng te chu thlang chhuak in Eros a thlengah ka dah phei zel bawk. Purunvar hi ka ngaina lo tih a hria. Mahse a ni chuan a ngaina angreng khawp.

Dessert nen lam kan intawm zel a. Ka chocolate almond ice cream chu a ei ve thaih thaih bawk.

"A lehpek ah chuan thleng pakhat in hman tawm tawh ula a tha ang" ka nu in fiamthu deuh takin a rawn ti zauh.

Kobe leh Saphire pawh an ti ti tui nasa mai. Lehkha bu chungchang te sawi in a hnu ah movie lam te an sawi kai a The Maze Runner

"Lehkhabu pa4 chu ka chhiar zo tawh...ka tap nasa thei em em bawk si...min that rawh a tih lai ngat phei kha chuh..Thomas khan thlan tur dang a nei silo a...Teresa pawh khan a"

"Shhh...duhtawk rawh..i ti khawlo zo dawn" Kobe in a lo pawt chat thuai.

Kan vaiin kan nui hak hak a. Joseph chuan volunteer a a kal lai te a sawi a. Canada a schoolarship a hmuh dan te. Engpawh nise a chungah ka la thinrim tho mahse a duhthusam ber doctor nih a ti hlawhtling ta chu ka lawmpui tho.

"Engtin nge Rose nen khan in intawn" Saphire chuan chhan na beisei takin a zawt a.

Saphire zawhna vangin Joseph chu a tim angreng khawp mai.

"Thunge Rose chu" Kobe in a lo ti vat.

"Joseph a nupui hual hlui. An inneih hma ni in an inthen a, chu chu tun Saturday liamta mai kha a ni"

"Ugh..a van rapthlak ve" Kobe in a chhang a.

"Aw. Ti teh Joseph Rose chungchang chu han sawi la" Phur sawrh in Saphire in a ti a. Dawhkan hnuai a a ke pet pawp chu ka van chak tak mahse ka khawih fuh thei der lo. Duhtawk rawh tih melh in ka va melh a, mahse a hriatthiam lo hmel khawp mai.

"Saphire. Khatiang chungchang Joseph a tan a sawi leh kha a nawm i ring a mi. Rose nen chuan an inthen tawh, chumi vang chuan a la na hle bawk ang" Joseph an nuam a tih deuh nan ka nu in a lo ti ve thuai.

"A tha alawm Mrs Collins. A tha vek"Joseph in a chhang a "a nihna takah chuan Rose nen chuan hospital ah kan intawng a. Cancer damlo ho kan enkawl dun leh a, kan inhre chiang chho zel a. Chutiang vel chuan a intan" min rawn en in a khuh kharh a. A thlan fim in a bual tih ka hmu thei. Uluk takin a thusawi lah kan ngaithla bawk si "a fin leh hmelthat em vang khan ka mit a la lutuk a. Ginger sam sei tak leh mitmeng hring nghal a nei a. A sangin a pian a nalh em em bawk. A awmdan leh a pianhmang te chuan Jade min ti hrechhuak thin"

Eros a rawn khuh kharh a, tui a awm leh awm loh min rawn zawt nghat. A hnungah ka tuai that that a "i tha maw".

"Aw..aw..ka tha"

Joseph in a chanchin a sawi chhunzawm a "Rose chu hmeichhe zir sang tak a ni a. A fing bakah hmeichhe chak tak a ni bawk. Canada ah child abuse chungchang ah campaigne te a nei thin. Cancer chungchang ah awarness te a nei thin. Child trafficking, sex education, women right chungchang te a zirtir thin"

"Wow. Rilru a khawih khawp mai" Saphire chuan a ti a "i hmeichhe duhzawng tak a nih chu Joseph"

"Aw.. nia chu chu kan college luhpui ho ngaihdan pawh a ni"

"Hmm...tum inang in nei a. In nun a innag bawk, rim tak a hnawh a mipui tanpui te pawh. A thu hrim ah i in in mil viau in ka hria. Mahse engtin nge then duh na pe che a"

"Saphire" ka lo khap vat a. A chang hi chuan a tawng tam mah mah thin.

"I zawh miah loh tur a awm a nia aw Saph" ka nu in a lo hau ve vat bawk.

"Ka tihpalh Joseph"

"A tha e. Hlauthawng duh suh, ngaihtuah zawng sawi chhuah te hi a tha ve a nia"

Donovan in ka nu a ngainat zia leh hriatchian a chak zia a sawi a. Saphire nen ka nu chu lenchhuah pui ah min dil bawk.

Aw. Saphire nen chuan kan pawm thlap. Kan lawmpui khawp mai.

Kapa boral atangin kum4 lai a liam tawh a. Hlimna zawng a hmalam pan chu a tan a hun ve tawhkhat tawh. Donovan hi a tan a mi diktak a ni tih ka hre bawk. A ngaihsak rualin, a fel in a rinawm em em bawk. Mi tha tak chu a ni.

Living room lamah phei in kan ti ti chhunzawm zel a. Mahse Eros erawh a ngawi reng. Couch ang chuan thu dun in a ban in min kuah a ka banah te chuan a kut zungtang a dap kual in ka hnungah te a chul a,ka kawr lace chhan ah min chul bawk. Ka en a min lo en ve nghal thuai, a tisa chakna mitmeng chu ka hmuhhmaih lo.

Ka thutna chu siam tha in ka lamah ka tawlh phei a. A kawnga kuah pahin a awmah ka bei bawk.

Ka dul a a wallet in min rawn do chuan min ti buai tlat. Min ti hahdam thei thlawt lo. Mahse amah kuah lo thei ka ni tawh lo.

Eros ka en chho a. Min lo la melh char char mai.

"Eros. I wallet hi lehlam ah khan ak mai teh. Ka dul a do tlat a nia" hrilhruk sap pahin a wallet chu ka khawih zauh a.

Zawi dap hian a rum ngut a "min ring rawh duhtak. I thil khawih kha ka wallet a ni lo"

Rei vaklo chhung chu a ngaihna ka hrelo kher mai. Eng nge a sawi awmzia hi ni ang. Chuan eng emaw ka ngaihtuah chhuak thut "Oh lalpa leh" ka meng nghal kawk a.