Alpha:1995 BY Melz Hrahsel (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: Alpha:1995 BY Melz Hrahsel (Completed)

Unread post by Ngaia » June 28th, 2020, 2:22 pm

Chapter-37

°Eros's Pov°

Shower ka mamawh, shower vawt tak mai ka taksa sa lutuk ti dai thei tu tur ka mamawh. Hrep tak a. Heta tang hian ka chhuah a ngai, zahna atanga ka in chhanhim theih nan ka kalsawn a ngai

Anchhia ka in lawh mawlh mawlh mai. Ka taksa leh ka mipat na lah chuan Jade i min khawih na chu chhanlet a chak ngawih ngawih, ka in control theih na hi ka hlauh tlat zel. Ka taksa leh tihrawl zawng zawng hi phurin a tap lo chauh.

Ka mipatna Jade in a tawk hi ka awih thei lo, a la hum chat zui a. Ka wallet ni in a ring a zui a van mawl reuh tak.

Chhuanlam siam in bathroom lamah ka kal nghal hmak a. Rei ngial chu ka ding tawh in thunun hram ka tum. Room a ka luh rualin vawi 50 push up ka ti ringawt, ka hmai ka phih a ka kam te ka thuah ringawt.

Heihi ka ti thei a ni. Ka tih ngei a ngai zanin ah a ni lo a nih chuan engtik ah mah a ni tawh lo ang

Thawk ka la hawk a. Ka chakna zawng zawng sawm khawm in Jade i ka ngaihdan diktak chu hrilh ka duh a ni. Ka thusawi tur zawng zawng pawh ka ngaihtuah lawk vek tawh. Ka na si se ka duh tih chu hrilh ka duh, amah lah hi ka lo suangtuah leh veng veng thin.

Bathroom atang a chhuak in living room lam chu ka pan phei zel a. Ka thil hmuh chuan min thawng ngang mai Joseph Nevin chuan ka hmun luah in ka thutna ah a lo thu chat zu nia. Jade in midang a biak chu sawi loh ka lo let tih takngial pawh a ngaihtuah lo chuan min ti lungni lo.

Ka thik a, ka thinrim em em bawk. A awmah chuan tham a tukverh a paih chhuah chu ka chak a ni. Ka ti thei tih pawh ka hria, mahse Jade in min haw ngei dawn tih ka hai lo. In thunun hram ka tum a.

"Jade" lo kal rawh tih nan ka huai a mahse lo nghak lawk turin min signal hlauh. Min ti hrilhhai zual, min ti na a ka thik em em bawk.

Nevin chuan ngeiawm zet in min rawn melh zawk a Jade i a be leh nghal hmak. Jade i kut a vawn lah chu ka hmu lo ang tih hlauh hmel fahran in a la ti lang deuh ha zui.

Ka in seh ruh a, ka kut ka hum ruh ran ran bawk. Ka thluak a ti buai riau, sawpa saw vawi 100 vel thah dan ka ngaihtuah a ni. A nui hmel tenawm zet saw hnek chawrh a dahbo hmak ka duh.

Living room atang a hla deuh zawkah ka kal a Jade leh Nevin erawh ka en char char. Engtia rei chiah se saw mi tenawm sawn a kut a vawn tih ka hre duh.

Kob in ka darah a rawn beng thak "thah tum nei hmel i pu alawm le. Puih i ngai em" a nui suk a "lo en la a tha ber ang. Saw doctor sawn Jade i tan eng emaw tak tih a tum a ang"

Ka ipte zan tap in Kobe chu ka en a.

"Ka kal a nge. Naktuk zingkar ah Greece ah ka kal a ngai a. Mahse karleh ah ka lo kir ang"

"Ole. Nute Elisa i kha min lo biak rawh aw" Jade i melh reng chungin ka ti a.

"Tehreng" a nui hak a "sawpa chungchang a puih i ngai a nih chuan min lo hrilh vat ang che. Pasific ocean ah kan paih daih dawn nia. A nuihzatthlak ngawt ang"

Nui hawk in a hnungah ka beng thak a "i a tak tak a nih hi. Nuihzatthlak a ni lo"

"Nuih tir che ka duh mai a nia. Mak i tih hmel lutuk"

Ka rum nghut a "ka finna sawnu sawn a ti bo zo"

"Hmangaihna hian chuti chuan mi a ti thin. I hmangaih takzet tih ka hmu thei. Ka lawmpui khawp mai che a tawpah chuan hmangaihna i ring ve ta a nia"

Bu nghat in ka lu ka hiat ringawt.

"Ka kal a ngai tawh. Karleh ah kan inhmu dawn nia" Kobe in a chhuah rual chuan a ti a.

*****

Living room a Jade nen a kan awmdun meuh chuan zanlai a ri dawn der tawh. Couch ah kan thu a. Donovan leh Doctor pawh an haw tawh a Jade i nu lah a hah deuh vangin a chawl hahdam tawh, chutiang bawkin Saphir pawh.

"Engthil nge i sawi duh chu ni a" a pheikhawk sang phelh mawlh mawlh pah in a ti a "pawi i tih loh ka beisei. Ka ke a na lutuk a"

"Ka lo en ang" a hma a thingthi chungin a ke chu ka la kang a "kan ti a nge"

"A tha alawm ka ti thei"

"Khawngaih in" ngen deuh takin ka ti a. Min en a, a bu nghat ringawt.

A pheikhawk chu phelh sak in a sirah chuan ka dah a, a sirah chuan thu kang in a ka ke chu ka la kang a " ka lo massage ang che"

"Aih..nilo" min hnial a "a zahthlak emai"

"Zahthlak. I pasal ka ni mai dawn alawm Jade. Kar3 hnu ah. Engmah zahna tur i nei hleinem" a ke chu ka massage sak a. Hrep a, ke leh ke zungtang nalhtak a nei a ni. A vun chu a nem in a mam han mai.

"Ka maw i ti leh tam. Inneih na lem mai mai a nih hi" in siamrem in lukham a kham tha a "a zia deuh tan e.uhmm ti lai kha..khalai kha..umm...a nah" a nui sak a.

Ka taksa a danglam leh nghak vek tawh. Mipa ti phur thei tak hmeichhia a ni. Rum nghut in, in thunun hram ka tum a.

"Ka mut i ti chhuak" a ti sap a.

"Nilo..Jade kan inbiak phawt a ngai" muangchang in ka kai tho a.

"Naktuk ah kan inbe mai thei lo a mi. Zanlai a tih der tawh hi" a chauh hmel tawh khawp mai.

"Eng emaw hrilh ngei ngei tur che ka nei. Ka sawi chhuah ngei ngei a ngai" a kut chu la in nghet takin ka vuan a.

A thu tha a, min en kar bawk. Men hram chu a tum ve nasa khawp mai.

A khawng vek a,a mitah ka en char char ringawt. Darkar 1 mai liam ta a ka thusawi tur ka lo in puahchah te chu ka thluak atangin a bo nghal vek. Ka duh leh hmangaih zia sawi nan engtin tan nge bul ka tan tak ang, nichin mai kha chuan ka hre vek asin mawle. Mahse tunah chuan engmah ka hre tawh lo ka thluak hi a in block vek ni in ka hria. Hrep tak a, hetiang hian tunhma in ka la awm ngai lo.

"Eng nge ni a Eros"

"Ka...ka.."

"I en maw" min zawt a, zawhna nei tih hriat takin a mitko a san zauh.

"Ka hmai.."

"Maw"

Ka thlanfim in min bual nghal zawih zawih. Ka kut a khur a...chuvangin Jade i kut pawh nghet takin ka chelh phah.

"I tha maw" ka kut chu a hum ve ran bawk.

Ka bu ngat a, thu ngai chiah chu sawi nawn leh ka tum a "ka hma..."

"Eng thil nge maw sawi i tum le.ka hrethiam lo a nia" ding in ka kut a hnawl sawn nghal hmak "zan a rei tawh. I haw a hun tawh a nia Eros hma takah i thawh a ngai thin kha"

Hrep tak a. Engvangin nge a hnenah hian ka sawi theih miah loh. Engvang a ka tan harsa bik em em nge maw a nih chu le

"Khawngaih in Jade.. min ngaithla teh he thil hi ka hrilh ngei che a ngai. Tunah"

"Ka ngaithla, eng nge ni a"

Ka phone chu ka ipte atangin ka phawrh a. Ka thu sawi duh chu ka type chhuak in phone chu ka pe a.

Ka thil chhut chu en in min rawn melh leh a. Tunah chuan a harh chiang tawh kher mai.

"Min hmangaih a maw" awih loh hmel zetin min zawt a.

Bu nghat in ka nuih sak a."Aw. Diktak, riltak leh atthlak takin"



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:22 pm

Chapter-38

°Jade's Pov°

Min hmangaih a maw

Eros chu min khap lo in ka en tlawk tlawk ringawt. Mumang ramah a cheng ta nge ni a, a ngaihtuah na zawk a sawi chhuak. Zan a rei tawh bawk nen ka lu te hi a hai muai muai tawh mai. Ka thil chhiar kha a dik ngei em nge ni a ka duh lutuk na lamah ka hmu sual zawk.

"Jade. Min en reng kha dutawk la eng emaw sawi teh" Eros chuan ril raih hian a rawn ti chhuak a, ka lu bulah phengphehlep an tlawk kual chiai chiai in ka hria. Muangchang a lo phei in min rawn kuah a, ka thinglung hi lawmna in a khat nghal vawng vawng.

Ka mit in a kawrkilh chung ber chu ka melh ringawt. A kawr chu phelh a, a awm lum thar thar te chu khawihsak ka chak a. A nghawng ah te chuan rum ham ham pah a fawh sak te ka chak a ni. Lawmna leh phurna sawi theih loh hian min luahkhat a ni ber mai. Chung ka rilru te chu thunun nan ka hmui hnuai chu ka pet nghal zauh.

"Ka hmangaih lutuk che Jade. Ka tihpalh..ka..ka zam em a ka sawi chhuak lawk thei lo a ni...he...hetiang thu hi tun hma in hmeichhe lakah ka la sawi ngai lo" min en reng a. Keipawn a mit ah tak ka en ve kar bawk.

"Jade min hre thei em"

Ka khaw hmuh hi a fiah zanlo in ka hria. Engmah pangai takin ka ngaihtuah thei tlat lo. Rilru phawklek na nen a inpawlh tlat a ni, hlimna avangin ka luangliam ni mai in ka hria. Mahse chutih rualin hlauhna leh zahna ka nei bawk.

Tawlh hnung zal zal in kalsawn mai ka tum a ka kal hma hauh in Eros an ka kawngah tak min lo man chat. A awm si chetin ka hnung zawng in min kai hnai hrawk a, a kutin ka kawngah min kuah ran bawk. Ka nghawng bul a thaw lum ham ham ka hriat rualin Eros a ni tih ka hre nghal mai, a lawm phu dap dap ngheng turin min kuah nghet sauh bawk.

Electric in a man ang mi ka ni. Ka lu chhip atang a ka ke ler thleng in hriatna duhawm takin min fan chhuak nghal vek "Eros"

"Jade. Tunah min chhan kher a ngai lo ang. Ka nawr lui miah lo che a nia. Ka thinlung tawt lutuk atang a sawi chhuah hi ka duh mai a ni, ka hmangaih takzet che tih hi" zawi sap a a tih pah in ka taksa no lai te chu a rawn fawp zauh zauh bawk. A aw chhuak thawm leh ril raih te chuan min nghawng ngei mai.

"Eros min hmangaih thei lo ang...tunah ni lo" a ban ka kawng a min kuah tu ngei chu ka vuan ran a.

"A tlai tawh lutuk duhtak...i lakah hian ka luangliam lutuk tlat tawh. Ka hmangaihna ah che hian chamhlen ka duh a ni, tunah leh kumkhua in"

"Mahse eng emaw i hriat ngei ngei tur a awm asin"

"A nih chuan kan sawi dun mai a niang chu. Engkim kan ti fel thei alawm bul than tha leh turin"

"Eros..he thil hi i hrechhuak a nih chuan min hua ang tih ka hlauthawng a ni"

"Nilo Jade..ka haw ngai lo ang che...ka hmangaih na che ni a nasa em a ni. He khawvel a engmah hian nang hi min huat tir thei lo ang che duhtak"

"Tiam em"

"Aw tiam e"

Ka thaw huai in ka hria. Ka buai tawh lo ang, inher in a lam chu ka hawi ran a. Ka kut phar chhuak in a nghawng ah chuan ka kuah ran a. Ka ke chhip in ka ding ran, a hmui sirah ka han fawp zauh bawk.

Rawn kun hniam in ka hmai si chet a min melh pah in a hmui a siam rem a. Nem dap leh zawimuang in min fawp dep dep a, chutih rualin ka khabe leh biang te pawh a fawp leh zeuh thin bawk. Beisei nei tih hriat takin min fawp hlap hlap bawk.

Ka hik chhuak vek a, ka ke lawng a vur tlang rap ang vel ka ni. A ram lah chu a leather te, mipa in kah chi rimtui leh a gel hman rim te inpawlh chuan ei chakawm khawpin a ti rimtui. A thur, a kha leh a thlum te ka tem chhuak vek ni berin ka hria ka sawi fiah thiam lo zawk.

Ka taksa chu muangchang a chul in ka hawng hnunglam ah chuan a kut a nghat ran a. Ka tlanbo san a hlau ni awm tak a ni, rang takin kan taksa a insi a ran bawk.

Duhthawh takin min kiss vawng vawng a, a lan dan chuan naktuk a kalbo tur ang mai ka ni. Ka kup a zawi vek a, amah chu ka rinchhan tawp a ni tawh.

"Ka..hmangaih...che" kan in kiss lai chuan ka phun sap a.

Eros chu thawk la zauh in min thlah a.

"Eng thil maw i sawi" min en reng chungin a ti a.

Ka en chho ha a, ka hmui hnuailam ka pet zauh bawk. Ka hmui chu kan in kiss na vangin a na deuh thei nia.

"Ka...umm" ka ngawi dat a. Ka hmai a rawn sa leh hem hem a. Ka hmai a tai tih ka hrethiam mai.

"Min hmangaih tih i sawi tiraw. Han sawi nawn leh teh duhtak. Khawvel a mipa hlim ber ka nih theih nan" a kutin ka hmai a dawm ran a, a kutzungpui in duat takin ka biang chu a chul bawk.

Bu nghat in nghet takin ka kuah nghal vat.

"Oh Jade ka hmangaih lutuk che"

"Kepawn ka hmangaih che Eros nasa takin" ka mittui chu ka biangah a rawn luang nghal zawih zawih a. Engvang a tap nge ka nih erawh ka hre hauh lo min hmangaih ve vang hian ka lawm na a luangliam ni mai in ka hria. Mahse chutih rualin ka hlauthawng bawk engtin nge ni ang

"Duhtak min ti hlim ngei mai" duhthawh zet a min fawh pah in min pawm nghal nawlh a, couch lam pan in a thu a, kei lah min pawm ran bawk. Min fawp leh a, ka hmui, ka nghawng leh ka khabe te. "Shh..tap suh ka hmangaih" ka mittui tla a kut a hruk zauh pah in a rawn ti sap "i tap lai hi hmuh ka duh lo. I hlim loh chuan ka hlim bik reng reng lo a nia"

"Ka...ka hlim reng alawm"

"Engtiang tak a hlim nge ka nih i hrelo zawk ang, duhtak. Min hmangaih ve tih ka hriat nghet phei hi chuan famkim ta vek ni mai in ka hria, ka famkim loh na chu i rawn ti famkim chiah a ni, min ti famkim a ni Jade" nui sak in a meng set set bawk.

"Oh Eros, chu ngaihdan chiah chu ka pe ve asin" a biangah ka kut a vuan in a hmui hnuailam chu ka kut zungpui in ka nui zauh, a hmui lum ther ther chu ka hriat duh vang a ni.

Ka kut zungpui inhlei deuh mai chu a lo fawp zauh a " ka nungchang leh mizia tha lem lo tak a chang chang a rawn lang thin pawh hi maw"

"Aw..nangmah a awm engkin hi ka duh a ni Eros. A chang chuan mihring leh sakawlh chanve ang in i awm thin...ka tan chuan mipa diktak i ni reng tho"

"Mihring leh sakawlh chanve maw. Min fakder tihna a mi" ka nui hak a. A kutin ka kawng a dawm ran "ka nihna ang ang a min pawm hi ka lawm. Aw, tihsual tamtak ka nei chuan...a chang in chu chu a ti na thin che tih ka hre bawk. Mipa sawisel bo chu ka ni biklo mahse an zing a pakhat nih chu ka tum ang. I tan, ka hmangaih"

Duhthawh zet chuan min fawp nawn leh a. Couch ah chuan min mut in ka nghawng leh khabe te chu a kiss leh a.

"Eros engtik atang khan nge min lo hmangaih" a sam a tham ranin ka zawt a.

"Engtik a tang chiah in nge ka hre biklo. Mahse ka rin dan chuan ka hmuh ni atang che khan a ni in ka hria" couch ah ka sirah chuan a rawn mu ve a. A kut dinglam chu ka kham ran bawk.

"Coffee shop kawtah khan maw"

"Aw..ka hmuh che khan boom a ni mai. Tornado in min su ni mai in ka hria. I engkim khan mak min tih tir a ni ber. I thatna, i danglamna leh i persionality chak tak te khan. Chutih rualin a mitmeng hring nghalh in thinrim zet a min melh te pawh kha...hrep tak a..ngaihtuah ber tur pawh ka hrelo alawm. Ka hmangaih takzet che Jade"

"Hmm...chuan i lanchhuah tir dan kha a nuhzatthlak khawp mai. Ni chhuah hma a ka hna in report turin min ti a chuan i la hria em zanlai a ni tep tawh tih ah coffee siam turin min rawn koh kha. Min tuar nasat tir khawp mai"

"Ka tihpalh takzet duhtak. Khatih lai khan...sakawlh â tak ka ni. I lak a ka feeling te kha haider ka tum vang a nia. I coffee chauh ka duh tih kha in rin tir ka tum a, mahse ka tang rei thei ta lo a nih hi. Nitin in ka hmangaihna che hi a chak zel si a, ka nun hi nangmah ngaihtuah reng reng in a khawlo zo tawh a, ka mumal thei silo, ka ngaihtuah na a mumal thei bawk hek lo, thawk pawh ka la tha theilo a ni ber mai. Ka nunah hian ka mamawh che a ni Jade nasa takin. I tello chuan engmah ka ni lo"

"Oh Eros...chutiang chiah chuan keipawh ka awm asin" a lamah tawlh phei sat sat in nghet takin ka kuah a.

"Tak tak maw"

"Tehreng mai"

Nui sakin a in siam rem zauh a. A hmel chu a rawn inthlak nghal thuai " a nih Joseph Nevin kha engtin nge. I hmangaih em"

Thil thleng zawng zawng vang hian ka buai zo Joseph maw "aw..mahse ka unau pa ang chiah in...ka thian ang pawh in"

"I chiang chiah maw"

"Tehreng mai chiang takin" ka chhang a "Joseph chu i thik a mi"

Ngaithla tha duhlo ni awm takin a awm vel.

"Eros. Joseph hi i thik a tulna a awmlo. Ka hmangaih che a, nangmah chiah" a sam chu ka tuai a. A sam khawih hi nuam ka ti, a buk in a nem em em bawk.

"Ka tha zawng leh chhe zawng pawh min duh a ni tiraw. Dik em"

"Tehreng mai"

Bu nghat in ka mawngbawr ah chuan ka vuan a "ka hun kaltawh ah thil thalo tak lo ti tawh pawh ni i la maw...min la ngaidam thei tho ang maw"

"Hmm..hun kaltawh chu a liam tawh alawm. Tun hun hi a lawm pawimawh zawk"

"Oh Jade...naute, duhtak....ka hmangaih che nasa takin" min fawh pahin a bal vel te chu a chul bawk "thil eng emaw hrilh ta che i la i thinrim lo ang tiraw, dik em"

"Eng thil maw"

"He in chungchang hi"

"Eng nge he in chungchang chu"

Min en a naupang chhia angreng tak in a nui vur vur a. Tha chhuak in couch ah chuan a thu a, ka ke la kangin a malchungah a dan ran bawk "a nihna takah chuan he in hi i nu in a dawng miah lo. Nitin a hah tak a hna i tawh thin tih ziaawm nan a ka lei che u a nia. Tanpuina diktak a ni dik em"

A ngaihna ber hrelo in ka bing mum mum ringawt, eng thil nge a sawi chiah tih hriatthiam nan hun ka la ve det mai Maw. He in hi min lei sak a maw. Ka lo rin dan chuan....O lalpa

Tihel tak in ka nuih sak a, na zet in a pumah ka pet deuh chawrh a, a na bawk a niang chhuat ah a thingthi thla nghal hnawk.

"OUCH...Duhawm te, a na hle mai"

"Hmmp...i hmu dik em. Ka hua che Mr.Petrakis. Goodnight" kawngka pui lam pan in kal mai ka tum a, ka banah vuan in chhuat ah min pawt thu ve nghal hnawk a. Ka chung ah rawn mu ve nghal in min delh nghal hmak. "Min delh lo teh" tal deuh pah chuan ka ti a.

"Nilo..i in bengdaih hma chu tahhian i awm ang...i thinrim hi chuan zawhte kawlh ang mai i ni"

"Engtin nge he in hi i lei theih zawk. Ka nu in Raffle draw ah a dawn ang ten min la ngaih tir zui a"

"Thlan tur dang ka nei hleinem. Pangai tak in hrilh che ni ila he in hi i pawm dawn lo tih ka hre ve tho alawm"

"Kalsawn teh naupang hausa pa. Ka hua che"

"Naupang hausa tiin min ko suh. Ka duh lo"

"Huh..zawhte kawlh tiin min ko hmasa a nih kha"

"Duhtak. I ni miau sia lawm, hmelchhe hmeltha leh duhawm thinrimna a khat zawhte kawlhsen tak. Nangmah min hmangaih zual tir a nia"

"Ugh.. tho teh...i rit lutuk a nia" thawh tum in ka nem tang tang mahse a rit lutuk tlat. Mahse a tho chhuak ve nghal thuai.

"Ole ka tihpalh. Ka diklo a ni khawngaih in min ngaidam thei a ngem... ka hmangaih che a nun nuam taka nung tur in ka duh vang che a ni"

"I ngaihzawng te in leisak hi i tih dan phung hrim hrim a mi ni a"

"Aih...teuh lo mai. Hei hi hmeichhe tan a in ka lei sak vawikhat na a ni...ka sawi awmzia chu i tan...chuan ka bialnu pawh i ni chiah hleinem"

"Ni lo chiang e"

"Mahse chu chu kan siamtha thei ang chu" mit en kar pahin a nui suk a, a mihmul a la ti phu euh euh lehnghal.

"Oh..ka hua che"

"Nilo..min haw lo duhtak"

"Hmmp"

"Eng thil in nge i thinrim na chu ti ziaawm thei ang nge. Mercedes Benz a mi..."

"Ha. Chuan ka nu in a rin theih nan supermarket a a dawn ang bawk in i ti leh a nga maw"

"Aw chu chu idea tha tak a ni. Duhtak, pawisa a awm chuan engkim hi a lei vek theih zel mai" ka biang ah pawt zauh in ka nghawng vel chu a rawn fawp thla leh a. A samah lah nghet zetin ka lo tham sak hmiah.

"Hmangaihna hi lei theih a ni lo Eros. Engzat a tam pawisa pawn a lei zo lo"

"Ka hria duhtak. Ka fiamthu mai mai a nih kha, duhtak. Ka inah phei i la, naktuk zingah pancakes leh strawberry syrup te leh cream te ka siam sak ang che" ka nghawng a fawh mawlh mawlh pah chuan a ti a, a thawk pawh a lum ham ham mai.

"Chu chu ngaihdan tha tak a nih ka ringlo"

Eros a nen a kan inbiak sar sar lai tak a ka nu aw kan hriat rual chuan chhuat atangin kan tho chhuak nghal thuai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:22 pm

Chapter-39

°Eros's Pov°

Jade i nu in chhuat a kan awm lai min rawn man chu chinghne sa seh tum tal vel ang mai ka ni. An living room ah hmangaihna zauthau tak kan chen dun ni ah a ngai ngei ang, chhuat ah ngei hian.

Mahse zahna erawh ka nei miah lo.

Engvangin nge ka zah ang. Jade hi ka bialnu a ni tlat, ka nupui hual a ni a, ka nupui a ni thuai dawn bawk, ka nupui duhtak leh ka fa te nu tur. Ka hmangaih a min hmangaih bawk. Chu chu ka chung a thil thleng diktak a ni, kan chungah

Aw. Jade hian min hmangaih hetiang tak a hmeichhe danglam hian min hmangaih thei hi ka awih lo zawk. Khawvel pumpui nenah a ni hi ka hmeichhia a nih zia leh a ta ka nih zia hi hrilh ka chak a ni, chuta karah kan in hmangaih em em bawk.

"Oh nu" A sam tuai mam that that pah in a kawr chuar vel a siam nghal sawk sawk.

"Jade. Eros hi i room hmuh rawh. Helai living room chhuat ah chuan nilo" Mrs. Collins chuan ringhlel zetin min la melh zui.

"Ah..umm" Jade in a lo ti a.

"Ka tihpalh" a fanu chung a ka chet dan vangin ngaidam ka dil a ni. Mahse ka sawi zawh hma hauh in min lo pawt chat hman.

"Nilo e in thiam lo lutuk suh. Hmangaihna in a ken tel pakhat alawm"

"Ka lawm e Miss Collins" hei chauh hi ka sawi theih awmchhun a ni.

"Keipawh le. Ka nu ti a min ko a nih chuan ka lawm zual khawp ang. Nakin lawk ah ka chhungkua ah lo lut in ka fapa i ni mai tawh dawn alawm"

Nui sakin ka nu a nihna angin ka kuah zauh a "in chhungkua a min pawm tur chu ka lawm ngei mai Mrs...ka sawi awmzia chu Nu...ka tiam a che Jade leh a chhungkua hi tha takin ka enkawl ang. Ka sawi awmzia chu kan chhungkua"

"Ka lawm e. Tunah chuan ka kalsawn phawt ang che u" inchung lam a pan leh nghal nal nal.

"Muttui Nu" Jade in a sawi pahin min rawn kuah a. Nghet tak a kuah let in a chalah ka fawp zauh.

"Engpawh chu nise Eros" Jade i nu chu ding dat in a rawn hawi kir a "in vang hian ka lawm e"

Oh a lo hre vek a ni maw

***

"I nu thusawi i hriat kha. I room ah chuan kal ang hmiang" kan awm fal rual chiah in Jade bengah chuan ka hrilhru sar sar a.

"I mumangah le"

"I ti dik. Ka mumang ah chuan a awm reng a ni. Kan pahnih in khumah ruak a awmdun vel chu engtik lai pawh a ka suangtuah na a ni"

"Eros...nghak deuh i la"

"Ka nghak thei tawh lo" rum nghut in a hmuiah ka fawp a, a nghawng leh a bengbul vel te chu ka fawp bawk.

"Kan inneih hma in kar3 chuah a awm tawh alawm" min hrilhru sap a.

"Kar thum chu a la rei emai duhtak. Tunah hian i tan hmangaihna hlan che ka duh asin"

"Shh...i tawng zawi deuh thei em" a kut tetakte a ka hmui hup pah in a ti sap a "i kal a hun tawh. Naktuk hi tuesday a nia i kickboxing thian te lo kal hun. Zingkar ah i hre reng em"

A kut chu la in ka fawp zauh a "nah...an hrethiam mai ang. Tunah chuan ka tan i pawimawh ber alawm" ka sawi lai in ka hmuiah chuan min rawn fawp zauh a.

"I room ah chuan kal i la duhtak. I nu a lo chhuk leh a nge"

"Aih...ka room ah kal ta ila eng thil nge thlen dawn tih chu kan hriat ve ve kha"

"A nih chuan thleng mai se la"

"Eros...i duhtawk thei em. Aih ka tia lawm"

"Ole..a tha alawm duhtak. I sawi apiang a ni mai ka hmangaih" chhang in choka lamah ka hruai phei a.

"Eng nge choka ah kan tih dawn"

"A nih. Ka kal hma a uluk deuh a fawh che ka duh. Hun thawl kan mamawh a ni duhtak"

"Choka ah maw"

"I duhthlan na. Bedroom ah nge choka ah"

"Oh lalpa leh Eros bad boy diktak i ni"

"Nia...ka nia lawm chuan ka pawm bawk"

Ka kutah nghet tak a kuah in duhtawh zet in ka fawp nghal tawn tawn. A awm nem takin ka awm chah zet a rawn nek bawk.

"Ka hmangaih che Jade" fawh mawlh mawlh pahin ka ti sap a.

"Keipawn ka hmangaih che Eros" nui sakin min fawp ve nghal tawn tawn bawk.

Zanlai a ni a a tlai tawh bawk nen Jade i te in chu phal lo zetin ka chhuahsan a.

*******

"Muangchang in naute....tha lutuk. Tunah, a gears kha thlak la"

"Tiang hian maw" A Mercedez Benz khalh ka zirtir chu min zawt a.

"Aw bawihte. I ti tha lutuk a nia. Ka chhuang lutuk che" a biangah ka va fawp zauh a.

A accelerator a pump na thut a car chu a chak nghal thut mai.

"sh*t. Ti muang rawh" ka au nghal tuarh a.

"Ka thei lo" a rawn au let ve nghal a.

"Hrep tak a. Brake kha rap rawh, brake kha rap rawh ka tih chu"

A handbrake ka pawt a thing kan sut hma hauh in car a ding nghal hrawk "eng thil diklo nge i chungah thleng a. Engvangin nge a break kha i rah loh, atthlak lutuk"

Thinrim hmel zetin a meng a " tunah chuan â tiin min ko leh ta a maw.hmm. hetiang khalh hi ka zir duhlo ka tih mawlh mawlh kha. Mahse i ngai pawimawh lo, he car hi min leisak in khalh dan tur min zirtir leh a. Chuan eng nge i hria em...i la ngai reng, in la thu, mi thunun tum, mahni in duhtawk tak kha i la ni reng"

Oh lalpa tunah chuan ka ti thinrim ta. Eng thil hrep nge, ka theihnghilh a ni...ka vin leh nghek tawh. Ka hlauthawng a ni, oh lalpa min ti hlauthawng takzet.

"Naute tihpalh shh...shh...ka hmangaih che duhtak. I â miah lo a nia, car ka sawina zawk hi a ni" a ngawih theih nan a hmuiah chuan ka fawp a.

"Tak tak maw. I thiamthu i sawi mai mai a nih kha naupang hausa te"

"Jade" ka en a. Naupang hausa ti a min koh thin hi ka hua tih a hria. Mahse min chhiah vel hi nuam a ti ve hrim hrim.

"Chuan ka malpui kha khawih suh" hnuailam en pah chuan a ti a. "Eng thil nge i lo ngaih. Ka ngaihtuahna ka hlauh maw. Ka malpui chu i la tawk reng a nia"

"Ug oh" ka nui sak a "tak tak maw"

A bu nghat a, a meng deuh ralh bawk.

Ole. Ka thiam loh a ni e.

_________

New York hotel hmun hrang hrang ah dinner kan ei dun thin a. A chang leh McDonalds emaw Dim restaurents ah te. Movie kan en ziah a, a author duh ber John Green ziah The fault in our star tih ngei mai khs. Movie theater ah pawh kuah in ka fawp zauh bawk. Amah nen a awmho hi nuam ka ti takzet, hlim tak a a awm hian min ti hlim ve bawk.

Jade hi ka hmangaih, amah a engkim hi. Aw, ka hmeichhe hmuh tawh a zawng a hmeltha ber a ni hial ang, ka nun pum hian hetiang ang a hmeltha hi ka la hmu ngailo... a danglam hle bawk. Amah hi min ti famkim tu diktak ka ti lo thei lo

UFC fight en tur ten ka hruai a. Mahse hmuhnawm chu a tih hmel loh kher mai. A thuthmun ah a tawm leh chaih chaih thin thisen chhuak vel chu a rap ni ngei tur a ni. Amusement park ah te ka hruai a, lapaw chini te ei in popcorn te kan ei bawk. Hun nuam tak kan hmang dun a. A nui a fimthu a thawh thin bawk.

Chumi zan chuan Jade in a room min hmuh tir a. A simple in hmeichhe room diktak a ni, lilack, a senno leh, a var ten a chei chiai a. Parda nalh tak zar in bangah rose lem leh thuziak te a tar bawk. A khum lu bul a dawhkan te ah alarm clock a awm a, espersso no a awm tel bawk a. Christmass a min pek ang deuh kha a ni, mahse a ta chu a rawng a dang thung.

"Ka no ang i nei ve maw"

"Aw. In hriatreng nan"

"Hriatreng nan. Ngatan" a khum a mut pah in a bedsheet leh a lukham rim te chu ka hnim vang vang a. A rimtu ngei mai, vanram a kal ang mai ka ni. A rim a fresh in a cool takzet, jasmine rim te pawh a nam.

"Hmm...thil tamtak ah...nangmah pawh" min chhang a.

Nui sak in,a khumah chuan ka mu vei vang vang. A room zawng zawng chu Jade i rim a nam chem chem mai. In a haw ang mai ka ni, ka tan chuan, a ni hi ka in a ni.

A dressing table hma ah thu in darthlalang ah a in en a. A contact lense a phelh mawlh mawlh.

"Jade. Ka nute Claudia in laser eye surgery dawr kum1 kalta khan a nei asin. I duh chuan surgery appointment kan siam dawn nia, surgeon tha tak tak te pawh an awm a. I ngaihdan dan a ni mai...ka sawi ve mai a nia Naute"

"Aw. Ka ti ve ngei a tha ang. Kan inneih hnu ah aw"

"Ni lo e ka hmangaih. Honey moon zawh ah aw" fiam deuh zauh in ka zawt a. "Lo kal teh" khum ben thak thak pah in ka en a.

"Eros. Kan inneih hma in ni3 chauh a lawm awm tawh"

"I ngaihtuah na a van hmul reuh tak. Ka duhtak, ka kiss duh mai che a nia" a hmai tai sen sen en pah in ka fiam zauh a.




Bonus

--Exclusive Interview with Eros Petrakis--



"I chungchang min han hrilh teh le. Mr Petrakis"
-eng nge hei hi. Hna interview nge newspaper interview zawk.



"Eng nge i rawng duh ber"
-a dum, a pawl, a var.

"Eng nge i thuruk lian ber"
-tak tak maw. Chu chu ka chhan che i ring ami.


"Jade Collins i hmuh hmasa ber hian eng thil nge i rilru ah lo awm hmasa ber"
-mi tha tak a nih ka ring nghal. Diktak a chhang zel tur che in min duh em.



"Eng nge Jade Collins hi i duhna chhan"
-engkim. Amah hian min ti famkim a ni.



"Christmass tree hma ah Jade i tan eng thil nge i dah"
-chahbi Car thar atan....in thar nen, kan in thar.



"I ngaihdan in. Jade i taksa lai ah hian eng nge nalh ber ang"
-Playboy magazine atan a thehluh i tum chu a ni em lo maw.




"Eng nge Jade i chin thalo ber"
-a kut zungtang khalh. A ti cute zual bawk.



"Date in neih in emaw nei dawn ta la, Jade hian eng kawr nge ha se i duh"
-newspaper a tan a ni lo ni a hriatna ka nei tlat.




"In inneih na lo thleng mai tur hi i phur em"
-phur lutuk ringawt. Ka nghak thei tawh lo.



"Eng nge i Suprehero duh ber"
-hmmm...Iron Man. Ka thian tamtak hian Tony Stark nen kan inang an ti thin a.



"Eng nge i movie duh ber"
-Lord of the ring. A lehkhabu series ka chhiar bakah a movie pawh ka en nasa.




"Eng thil thalo nge school i kal lai in i tih ve thin"
-ka hre chiah tawh lo. Insual niang.




"Eng nge i chin than tha lo ber"
-zawhna tha zawk min zawh tur i neilo a mi. Company run tur ka neih hi, ka hun i khawhral.




"Joseph Nevin chungchang ah hian eng nge sawi tur i neih"
-khapa kha mi awmze neilo tak a ni. A hming kha sawi chhuak tawh suh ang che u. Nih loh chuan ka chhuak ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:22 pm

Chapter-40

°Jade's Pov°

"Ka tihpalh Eros hetiang thil hi ka chung a i thinrim loh dan tur berin engtin nge ka sawi ang ka hrethiam lo" nghet tak a kuah pah in a awmah ka bei vang vang a. "Ka hlauthawng a ni. Min ngaidam thei tawh hauh lo ang, mahse ka hrilh ngei che a ngai, risk ka lak a ngai a ni" a thin phu dap dap leh a thaw dep dep thawm chu ka ngaithla a, ka beng atan chuan rimawi ang mai a ni. A awm sek zet chu khawih tham tham in ka kuah zui leh a. Ka hawi chho a,a muhil a nih ngei ka ring.

Ka alarm clock sana ka en a. Zing dar2 bak a la ri hauh lo, darkar2 chuang ngawt mai kan chhungkua te, thian te, chu mai bakah kan experiance, kan thil duh leh duh lo, kan movie en duh zawng leh nuihza te thawh in kan ti ti char char. Eros hian fiamthu hi a ngaina a, kei ngei pawh min fiam reng thin, ka nui lai hmuh hi nuam a ti em em bawk.

Muangchang leh amah tih tawh hlau tak chuan khum atang a tho tham tham in bathroom lam ka pan nghal thuai a. Ka thawmhnaw hak min phuar tlat tu ka jeans leh bouse te chu hak nuam zawk tur pyjamas in ka thlak a. Muangchang a phei lem tham tham in khuma in rawlh pah in Eros chu ka kuah leh a.

Eros an min hmangaih tih leh tunah ngei pawh ka kiangah a awm hi ka awih thei lo, ka khumah tui tak in a la muhil zui. Mipa mahni thuduh tak leh mi thuhnuai a kun duh ngailo, mahni tawk a kei ka ni in ti, min thunun tum tlat mipa, amah Pathian ang mai a in ngai leh ni zawng zawng a hua emaw tih tir khawp a mize nei. Ka college kal pui te pawn an nel miah loh leh, meidil atang a lo kal tur khawm hial a mawi ramhuai thinlung ang pu hian min hmangaih a nia.

Ka chhungril tak in Eros hi ka hriachiang a. Mi in an sawi thin ang zawng zawng mipa hi a ni biklo tih ka hria. Mi khawngaih thei tak a ni. Petrakis chhungkaw chawisang tu leh hetiang dinhmun an thlen theih na chhan pakhat hi amah vang liau liau a ni. Sumdawnna hautak tak a enkawl a, khawvel hmun hrang hrang ah hnatawh tamtak a nei bawk. Mi tamzawk tan a that theih nan mi tawrhhlelhawm leh mi khawngaihna neilo ang a awm a tul chang a awm thin.

A ban kham a ka mut thlak leh hma chiah in a hmuah chuan ka fawp zauh a. Ka hmangaih a ni, amah chan tur a ka in ngaihtuah ringawt pawn ka na thei.

Nizan khan bar ah kan inhmu daih tawh tih a sawi chhiak a. Eng thil nge ka hak a,eng tin nge ka sam rawng a awm a, eng thil nge ka sawi tih thleng in. A awmdan leh ka lam dan zawng zawng pawh a la sawi vek thei.

A ngai te in nizan khan dawt ka sawi a ni.

Ka rindan chuan kan inneih hma ngei hian thudik ka sawi a ngai. Eng thil pawh thleng dawn mahse ka pawm ngam mai a tul a ni. Ka rum nghat a,kan inneih hma in ni 2 chiah a awm tawh. Ka la hrilh ngei a ngai a ni, ham bai bai in a ka mut a rawn chhuak zui nghal pat a.

▪︎▪︎▪︎▪︎▪︎

Toothpase rim leh sahbawn rim nam chak chuan min kai tho nghal zak a. Muangchang a meng siar siar in Eros chuan min lo en reng tawh. Fresh takin a sam te chu a la huh hlap a, a inbual zo chiah a ni ngei ang. A kawng a towel lian lo te a veng bak chu a taksa khuh tu thil dang engmah a awmlo.

"Tho rawh. Mutduh te" nui sak in ka hmuiah min rawn kiss zauh a, ka ha ka la nawh loh ka hrechhuak nghal zawk

Ka lo rinring hman lo. Ka meng nghal kawk a ka theihna zawng zawng sawm khawm in ka nem pawp a. Ka nem sawn rual in ka thu nghal at.

A in balance hman lo a ni chek ang chu mahse chhuat ah a tluk hma in a ding ngil leh hman a, a towel ven lai chu chhuat ah a tla nghal nalh a. Man hman turin a che rang tlat lo.

Min thawng ngang mai. Ka meng nghal kawk a, a famkim in ka hmu nghal vek, ka hma ah tak chuan ruakin a ding ta teu mai. O lalpa leh. Hepa hi a chhelo..chuan..a lian bawk.

Ka mit ka la sawn thei tlat tawh lo....ka duh theilo, mi thianghlim te ngaihdamna dil in ka thil en lai chu ka en reng tho. A dul hnuai deuh a kutchuk lo lang kalh pawh chu ka hmuh hmaih hauh lo.

"Jade" chhuat a towel chhar pah in a veng tha nghal sawk sawk a. A hmai leh taksa zawng zawng a sen nghal hlar mai, a zak hle tih ka hre thei.

"Ka..tihpalh...ka..ka" chhuanlan tur zawng in nuih loh hram ka tum bawk. Ka nui ring lutuk tur ven nan ka kutin ka hmui ka hup ta ringawt.

"Eng thil diklo nge i chungah thleng a, min nam sawn a maw" a ri seh ruh tun a. A kawng a dawm vah bawk.

"Shhh...tawng zawi deuh la. Ka tihpalh ka la inring lo a alawm. Ka ha ka la brush bawk silo, tikhan min rawn kiss bawk sia"

Rum nghut in a lu a thing a" chumi vang chauh chuan min nem sawn a maw"

"Ka tihpalh Eros. Min kiss lai a fresh tak a awm ka duh ve tho alawm"

Ka lamah rawn pen hnai in khum a rawn thu a "lo kal teh" a kut in min kai hnai nghal hrawk. Tunah chuan a balchung ah ka thu ran tawh, a kut lian leh lum tak in ka hnugzang vel te chu a chul kual a. Engtiang takin nge haider ka tum tih chu Pathian chauh in a hria ang.

"Jade. Ka tan chuan i fresh reng alawm. I pianpu rimtui na hi ka ngaina. Hmeichhe tan ngat phei chuan, ka hmeichhe tan" zawi sap a ti chungin ka nghawng zawn vel chu a hmai in a nawr kual a "hmmm" ka nghawng chu fawp in, ka awm ah te chuan a chhuakthla zel bawk.

Ka kawrkilh na chu a muangchang in a phelh a, mahse a malchhung atang chuan ka kalsawn nghal nalh a...bathroom lam ka pan nghal thuai "Eros...vawin ah Georgia ah kal ka duh"

"Georgia ah. Eng ti turin. I pi leh i ni te chu Anna i te chu nizan ah an lo thlen daih tawh kha"

Ka bu nghat a. A ti dik. Ka ni leh ka pi te an lo thleng tawh a New York a hotel manto ber te zing ami ah an thleng a, an khawsak na man zawng zawng a la pek sak vek zui "tu...tu emaw tlawh duh ka nei a"

"Tumaw" awlsam takin a rawn ti chhuak a.

"Ka hmelhriat...tu emaw...ka tan a mi pawimwh"

"OH. Georgia ah midang hmelhriat i nei tih i sawi miah lo a"

"Ka..aw...umm..ka theihnghilh a. Tukin hian ka kal ang, ka inbual a nge zing dar 8 bus ka nan a ngai si"

Eros chu rawn tho in min rawn pan hnai a "duhtak. Georgia ah chuan ka hruai ang che, nangmah chauh a bus a kal chu ka remti lo. Khawiah pawh ka dawn mah la i kiangah ka kal ve zel ang, ka tel ve na chin a awm alawm. Ka kiangah nangpawh i lo kal ve ziah kha, mimal thil ah emaw business thil pawh nise"

Bu nghat in ka nui sak a "tunah kan kal nghal a ngai ang"

"Tehreng mai. Helicopter ka lo buaipui ang. Mahse ka hmas in ka kiss duh che...uluk deuh in" min kuah nghal at in duhthawh zet in min fawp nghal tawn tawn a.



°Eros's Pov°

Jade chu a ngawireng a. A zam em em mai bawk si. A kut lah chu a vawt thler mai, helicopter leh thlawhna a hlau ti dawn i la a chuang ziah bawk si. Eng in nge chutiang tak chuan ti hlauthawng tih ka ngaihtuah a ni.

"I tha maw. I mangan nasat hmel lutuk a nia"

A nu nghat a, a mawi tawkah a nui ve sak a "ka tha"

Nuih let ve sak in a kut chu la in ka in kaihkhuah tir a.

Inneih na tur zirchhin na ang mai a ni. Ka phur lutuk tawh ringawt, ka nun pumpui a Jade i neih chu ka nghakhlel tawh ngei mai. Bultan that leh na ang mai a ni, lehkhabu thar tawpna awmlo ang mai. Nun thar, kei leh Jade i tan, kan fa tur te tan.

A theih a nih chuan. Fapa neih ngei ka duh a ni Petrakis thlah chhawng zel a tan. Ka dawt leh a Petrakis chhungkaw sumdawn na enkawl tu tur. Ka fa tur chu mi chak tak leh business training tha ber dawng a ni tur a ni. Ka nu leh pa min zirtir ang chiah in.

Ni e. Fanu neih pawh ka duh a nu ang chiah a duhawm. Jade i te chi inchhung ah tlan kual in inchung leh inhnuai ah te tlan kual sek se la. Hna atanga ka lo haw rual in hlim tak leh nui sang a min lo lawm hun tur te chu ka nghakhlel a ni. Chhungkaw thar din tluk a chak ka nei lo ang mai a ni. Jade hi ka hmangaih, hmangaihna diktak a ni. A tello a nun hman chu ka suangtuah ngam lo zawk.

Georgia kan thlen rualin car in min lo hmuak a kan tum ram a min hruai tu tur a ni. Mahse chumi ai ah Jade chuan cab lak a duh tlat, inhnial buai ka duh lo. Sakawr emaw bicycle leh pawn kal i la ka pawi ti lo. Ka awm dun chhung leh kan tum ram kan thlen chuan ka duhtawk.

Cab la in kalkawng vel chu a kawhhmuh zel a. West Augusta a middle class chhungkaw khawsak na hmun tih hriat tak mai hmun kan thlen chuan minute30 lai a lo liam tawh.

"I hmelhriat te chu hetahhian maw an chen" Jade i kut khal melh melh chu ka zawt a. A awm a nawm loh hmel tawh takzet. A hmel lan dan chu hriatthiam theih pawh a ni lo, a hlauthawng a, a zam bawk. Mahse a hnu mai ah phur lutuk ang mai in a hmel a nung leh sar lawi.

Cottage var lian lo tak kawtah car chu a ding a. Huan lianlo tak leh pangpar huan te a awm a bermudagrass chu in hmalam ah a zam chho deuh chiah bawk. Chu mai ni lo in pal var in a in hun chhuak leh dap a.

Cab kan hman man pe in kan chhuak nghal thuai a.

Jade in min luhpui ta mai lo a thutthleng in sir deuh a awmve a min han thutpui teh daih chuan min tawng angreng viau. Kan kalna a tui tham em vangin a hah deuh a nih ka ring thla ve ringawt. Thiang lian tak hlim in thutthleng chanve vel chu a rawn hliah thim deuh khap tawh a, vawh pawh a vawt ve deuh tan tawh. Boruak lah chu a fresh in a rim pawh a ti ngei mai.

"Inchhungah kan lut dawn lo a mi" minute 10 ngawt mai a ral hnu chuan ka ti chhuak a.

"Aih" in lah chu a la thlir char char. A lan dan chuan nghah a ngei a ni...eng emaw a nih loh pawn tu emaw. Ka sana ka en zauh a, zing dar 10:30 a ri der tawh.

Engvang a inchhung a lut lo nge kan nih leh cottage a lo nghak mai lo nge kan nih tih zawh ka tum lai tak in kawngka chu Filipino pa pakhat valai ve angreng tak si hian a rawn hawng. Plastic ball lian lo te hi a rawn keng chhuak bawk.

Kawngka atang bawk in Filipino nu pakhat lo chhuak leh in mipa naupang kum 3 emaw 4 vel awm chu a lo pawm chhuak a. Kawr pawl leh kekawrbul uk a ha bawk.

He naupang nu leh pa hi an ni ngei ang. Mahse naupang nu en chiang pauh leh a danglam na ka hmu zual, a chhan chu thlahpawlh rawng lek lek kai in a sam chu a dum uk kharh mai.

Jade ka va en thuai a. A hmel lan dan chuan min thawng kher mai. A hlim hmel takzet, aw..a hlim takzet a ni. Ka nui a, chutih rualin a biangah a mittui a luang ngiai bawk.

Eng thil nge thleng

Nupa te lam chu ka en leh a. An ni pawh an hlim ngei mai, mipa naupang chu a pa lamah tlan phei in ball chu a um a. A zuang deuh zak zak lehnghal.

Mipa naupang tu emaw min hriatchhuah tir tlat. Tun hma in ka hmu tawh a ka ngaih tlat pek chu. Mahse khawi hmun ah nge tih leh engtin nge tih erawh ka hre tawh lo.

Sam dum uk kharh mai. Mit inang- ka thutna atang chuan grey deuh lek lek te pawn a lang chuan a vun rawng te.

Tunhma in ka hmu tawh chiang a ni. Thlalakah nge Video ah.

O lalpa leh. He nupang hian ka tetlai min ti hrechhuak zawk. A ni ang kum ka nih lai a ka thlalak ka hmuh nen khan an inang lutuk tlat.

Ka thin a phu nghal dawp dawp. Ka ngaihtuah na chuan min ti damlo thei takngial dawn. Ka tasa awm dan pawh chu ka sawifiah thiam tawh lo, ka awm vel te chu a tawt vek a. Ka thlan fim in min bual nghal zawih zawih bawk.

Jade lam ka hawi a, min lo en reng tih ka hre ve chiah "i hria a mi. Saw naupang saw...mipa naupang sawi i hria a mi"

A bu nghat a "aw. Zion a nih saw"

"Zion" ka hrilhhai takzet "amah nen inzawn na in nei a mi"

Ngawireng in a hawi sawn deuh hmak a. A kut a khalh leh niap niap tawh, mittui biang a luang ngiai chung a min rawn en chuan "ka tihpalh Eros...ka tihpalh lutuk"

"Jade eng thil diklo nge thleng. Min hrilh rawh" ka kut pahnih in a biang chu ka dawm a.

"Zion...Zion hi kan fapa a ni" insut hrah hrah leh bah deuh nak hian a rawn ti chhuak sap a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:23 pm

Chapter-41

°Jade's Pov°

***Flashback

"Hi tunge i hming"

Awi ni tawh lo. Ka sir bar counter a thu chu ka haider lui char char a. Ka hming min zawt reng hi ka hne lutuk tawh takzet. Khuai ang mai a ni, min ti thinrim tur a min lo zarbuai ang mai mawle. A chang leh intur min lei a tum a, min lampui a tum leh thul. Eng thil tak nge a duh tih erawh hrilh nawn ngai lo in ka chiang min mutpui bak va ni suh

Ka kawr sen hak leh pheikhawk sang bun chu ka en thla a. Ka ta pawh a nilo zanin tlai a ka thiannu kawr hi a ni. A hming chu Liv. Kar kalta mai a party kan neih na a intawng ve chauh kan ni a, ka thian tha ber a ni nghel der tawh. Hmeichhe chakna ngah tak, duhawm leh hlauhawm bawk si a ni. Buaina leh mangan na a nunah a nei ve ngai bawk silo. Zalen na a nei a, a duh duh ti tu a zalenna a ni.

Liv hi tun hun a ka mihring mamawh ber a ni. Kapa thih atang in kar3 ngawt a liam tawh a tun thleng in ka la tuar a ni. Kapa ka channa hian nasa tak in min nghawng a. Liv hian min chhanchhuak a ni, ka natna leh buaina theihnghilh thei tur khawp in min pui a, ka phurrit min chhawk tu a ni, ka ti lo thei lo.

Kapa thih khan ka nu leh Saphire pawn an tuar em em a, a hamhaih em em bawk. An tap an bang thei lo a, thlan ah an kal reng a, chaw an ei mumal lo in an mu tha bawk silo. Kapa ang mai a kan damloh kha ka hlau thin. An mahni thlamuan chungin ka ngaihtuah zui ve zel a. An kiang a ka awm chuan chel tak in ka awm lui thin, tichuan chak tak a awm ve in thih ve an chak na te chu ka paihbo sak ve fo.

Ka nun beidawng lutuk chu in tihhlum te pawh ka tum ve hman hian. Mahse chutiang a thlen hma chuan ka buai em em a ka pa vuina tur te buaipui in thenrual tha te ka lo lawm a. Ka pa college kal pui leh a thian te nen. Khatih hunlai khan ka chawmawl vek a ni ber. In tihhlum pawh ka ngaihtuah ta lo. Ka mittui tla erawh ka thup thei chuang reng reng lo. Ka tan hahdam na tur a awm lo a...tuman min ngaihsak hek lo... ka natna an hre lo a...ka that zui leh theih na tumah an awm heklo.

Ka nu leh Saphire pawh an ziaawm chho hret hret a. Keipawh ka ziaawm chho ve zel in ngai ka awh chho ve tial tial a. An mani ka ngaihtuah em vangin ka mamawh takngial pawh buaipui na hun ka nei ngailo. Ka nu in bible study kal in hna te a zawng a, mahse a thian ten an pui a hna hmuh nan hun a mamawh rei lem lo.

Saphire pawh an school ah project leh assignment ti in a buai zui a. Cosplay contest ah te tel ve in a chak ve fo nghe nghe. A Otaku thiante ho nen a awm te chu nuam a ti ve thei hle. Kar tin an inkawm thin nghe nghe. A ni pawh a thiante puihna a zarah ziaawm lam a pan chho ve tial tial a.

Mahse engtin nge kei ve hi. Tuman ka natna hi min pui lo a. Vanduaithlak takin ka thian tha ve ber grade school kan lai atang a ka kawm lah an chhungkua in Philippines ah an pem daih bawk si.

Chuan ni e Joseph. Ka natna leh mangan na zawng zawng min ngaihthlak sak thin thu pawh a kalo bo a. Oh. Joseph...ka mamawh ber lai che khan khawiah nge i awm

Thaw chhuak hak in ka no a zu tlem la awm chu ka tlak khalh a. A ka bawk nen ka nur deuh sak. Mahse ka duh a ni.

Aw ni e zu leh damdawi hi ka duh. Liv in zu min in pui ni atang ngat phei kha chuan ka duh zual, zantin kan in dun a. Ka damdawi a ni a, ka hahdamna leh ka vanram a ni. Ka natna lo tawh zawng zawng te a ti bo vek a. Ka in tihhlum duh na zawng zawng te pawh a la kiang a ni.

Ka nu leh Saphire an that chhuah hnu in vawikhat chu ka na leh mal ngawih ngawih ni a inhriat na ka nei leh thut a. Eng nge a chhan ka hre biklo, mahse a lo thleng ve tawp. In lam pan turin bus ah ka chuang a ka tap chhuak nghal hlawp hlawp a. Bus a chuang zawng zawng lah chuan a ngaihna hrelo in min en ran hlawm. Driver pawh chuan a bus khalh a ti ding ringawt.

"Eng thil nge thleng" passengers zawng zawng chuan min zawt luai luai a.

"Ka pa ka chan. Ka pa a thi" mumal nei lo in ka tap nghek nghek a. Ka pa a thi tih hre hlim hlawl ang mai ka ni. Ka pawm thei lo....ka pawm thei ngang lo a ni. Ka pa a boral ta mai hi ka mumang a ni hial lo maw ti ten ka ngaihtuah hial thin.

Ka in bengdaih hun min nghak a. Lo chuang ve thenkhat pawh chuan min tuarpui thiam khawp mai. A then erawh in an hna leh appointment ah an tlai mai hlau in an complain luai luai thung. Social worker chu lo chuang tel ve hlauh in min thlamuan ta a. Ka mittui zawng zawng chu a hru hul a ni.

Khami ni khan, ka pa thlan ah hun ka hmang nileng zak a. Zanah party na ah kal in Liv hi ka tawng ta a ni.

"A dang min lo pe leh la khawngaih in" bartender hnenah chuan ka ti a.

"Tehreng mai miss" a bu nghat a. Ka zu tur chu a siam zui nghal a, ka hma ah a lo dah leh nan hun a hmang rei lo.

No chu en vang vang a tlak pap ka tum lai in tu emaw hian min rawn bia a.

"Dar engzat nge"

Ka phu zawk a. Mipa aw fiah kak in chutia min rawn bia chu ka zawng zawk a ni ber. Engmah ngaihtuah lem lo in zawi zet in a sana chu ka en a.

"Aaaa" hrep a ka zu ken lai in ka kawr ka leih huh nghal vek.

"Oppss ka thiamloh a ni lo a nia. Nula" chu pa chuan min chhang a. Ka rin ai daih in a naupan hmel. Kei ai a a upat na a tam lo khawp ang. Sam dum uk kharh leh hmuihmul tam vaklo a nei a. The Last Samurai tih film a Tom Cruise a landan te pawh ka min ti hrechhuak.

"Min lo zawh vang a thlauh ka nih kha. A hrim hrim in sana te chu i bun ve reng kha mawle" tissue paper counter dawhkan a mi chu la in ka inhru fai nghal sawk sawk a.

Tissue paper dang dil belh in. Min pe a. Chuta karah zu no 10 ngawt mai in order sak phei chuh min thawng ngang mai. Bartender chuan ka hma ah a rawn dah a.

"Min hrai ruih i tum a mi"

"Tinge. Hei hi i duh a ni lawm ni" a nui sak a.

"Aih..aw mahse hei chu a tam mah mah a ni. I pawisa i khawhral mai a ni a vai chuan ka inzo thei lo tawp ang"

"Lungngai suh ka pui ang che"

"Ole kan in dun dawn nia" ka thaw hak a. No chu a inzat chiah in ka then phak a.

"Cool" no a en a "tunge i hming"

Hei le a ti leh ta e, ka hming min zawt leh ta. Zo no10 zet min lei hnu ah ka hrilh duh a ring a ni mahna. A tisual chiang khawp mai

"Hmm...i duh dan dan in engpawh in min ko mai rawh" dar san ak in ka chhang a.

"Oh...chu chu hming pangai a ni lo. Engpawh tih hming hi tunhma in ka la hre ngailo"

"A nuihzatthlak loh...ka sawi awmzia chu i duh duh hming in min ko thei ang" luhlul zet in ka chhang a.

"Chuan. I hming min hrilh dawn lo maw. Tinge ni a, FBI wanted i nia mi. Nge thil i ru zawk"

Maw ka pian tirh a ta tu thil mah ka la ru chhin ngai lo "a nuihzatthlak loh"

A nui hak a "ole Red ti in ka ko dawn che nia"

"Red" ka hmui ka pet zauh a. Red ti a koh hi ka hua. Grade school a hmeichhe ho khan Red ti a ko in fiamthu thawh nan min hmang thin.

"Aw. A chhan chu Lady in red i ni tlat alawm. Kawr sen, pheikhawk sen, sam sen"

Ka inchei na chu ka en leh a. Hetiang a inchei hi Liv i idea vek a ni, nula nalh tak ang a lang turin heng a thawmhnaw hi min hak tir a. Mahse kei chuan lam leh zu in tur mai a kal ka ni.

"Ginger alawm...ka sawi awmzia chu ka sam rawng chu Ginger red a ni" ka dar a sam awm chu ka dar hnuangah ka huai a.

"Ginger...i inhmeh khawp mai. Ginger ti in ka ko ang che"

Ginger. Joseph a bakin Ginger ti in min ko ngailo. Tunah hian sawifiah thiam phak bakin ka ngai a ni chuan ka thinlung hian a la kalsan thei lo ka mamawh lai tak che hian khawnge i awm

Chupa chu hnai fe ah ka en a. Worn out jeans a ha a, kawr dum leh leather jacket uk a ha bawk. A lan dan chuan mipa chhelo leh natna neilo ang mai a ni. Eng thil nge ka chungah hian thleng ka hrelo, mahse Joseph a mi hriatchhuah tir tlat.

"Aw Ginger...ka duh lutuk" ka nuih let sak a "chuan tunge i hming"

"Tumdan tha tak a ni. Ka hming diktak ka hrilh dawn biklo che" a no a tlak pap a "i duhdan in min ko ve thei ang"

"Oh..umm Joseph tiin ka ko ang che" in thiamlo deuh angreng tak in ka ti a.

"Joseph...ka hming tak nen chuan a in perhsan khawm mai" a ngai dat a. Ngaihtuah nei tih hriat takin a awm bawk "mahse...aw, ka tan chuan a tha tawk viau mai e"

"Chuan Africa chu eng nge a an" chupa chu ka zawt a. Joseph a biak in ka la be char char. ka joseph a

"Huh...engtin nge South Africa ah ka kal i hriat a"

"Umm..ka rin dan"

"Ole....a nuam khawp mai. Botswana ah kan chhungkua in kan zin a vocation hmang in. Kum5 emaw 6 kal ta vel khan a niang. Safari camp, Moremi Game Reserve ah hun nuam tak kan hmang bawk "

Kan hma a no awm dal mai chu kan in tan a. Darkar a liam meuh chuan kan in zo deuh vek tawh. Kan inkawm a, kan nui a, kan in fiam a, kan in kawih a kan lam bawk. Tuin nge bul tan hmasa tih ka hrelo mahse kan hriat chuan kan lo in kiss der tawh.

Ka rui em a, a banah zawi takin ka uai deuh hnap mai. Min thlah a nih chuan chhuat ah hian ka tlu ngei dawn tih ka hria. Engtik lai pawn min kuah a, ka biangah min fawp a, ka khbe leh ka nghawngah te. Ka taksa chu engtin emaw tak hian a danglam teh tlat mai.

"Ginger khawnge i thian te a tlai tawh a nia"

"Ka hrelo..." ka aw a khur deuh tlat. Khawiah nge Liv chu a awm tih ka ngaihsak lo. A kiang a awm hi ka duh a ni ka Joseph a nenah

"Ka hruai haw ang che. I rui tawh emai"

"Ka rui lo. No3 chiah alawm ka la in" meng sar sar in ka en a "Joseph ka hmangaih che...khawngaih in min kalsan suh"

"Duhtak. He thil ka sawi hi pawi ka ti mahse mi i vawikhat hmuh na ah ka hmangaih che ti ringawt su" a irfiak ak a.

"Tinge i duh lo mi. Ka hmangaih che tih hi i ringlo a ni maw. Tunah chuan nula ka nih tawh hi" ka lungngai thut a, ka tap ti tih nghal ringawt.

"Shh...duhtak. tap suh. Tehreng mai nula i ni tawh alawm" ka hmuiah a rawn fawp vawng vawng a. Ka kawng atangin ka mawngbawr te chu a tham a. Ka malpui pawh a zut thla zel "ti rawh. Haw a hun tawh a nia"

"Aih. Ka haw duh lo. I bulah awm ka duh alawm" ka ngen a. Min kiss beisei takin ka dak ha bawk "min han kiss leh teh khawngaih in"

"I chiang a maw" a phalna la deuh ti tih chuan min zawt a.

"Aw. Khawngaih takin"

Tuhthawh tak a min fawp tawn tawn in a lei lum thar te chu ka ka ah a hawl kual a. Ka nghawngah fawp in ka biangah te a fawp kual a "hrep tak a...i nalh lutuk" zawi deuh tak in a ti sup a "ka duh che nasa takin. Min duh ve tih hi an sawi teh Ginger"

Eng thil nge a sawi tih pawh hi ka hre mumal tawh lo. Ka taksa hi kang ang mai in a sa up up tawh. Eng thil pawh ti dawn mahse chhunzawm se ka duh. A rim pa hrak te, a kut lum thar thar leh min kiss te hian min hrai rui a ni.

"Aw...ka duh che...dawp miah suh"

Engtin tak che bar room chung berah ah khan kan lawn tih pawh ka hre tawh lo. Min pawm nge min hnawk pawh ka hrelo, ka hriat awmchhung chu kan in kiss tih chauh a ni. Ka kawr a phelh in tih pawh ka ngai pawimawh lo. Engtin nge a tih tih te nen.

Ka bra phelh a ka awm vel a tham lai te chuan ka thaw chhuak hak a. Hawi sawn ka tum a mahse a ran lutuk tlat. Ka kawngah chuan chul in min fawp leh nghal tawn tawn a

"Hahdam rawh" zawi sup hian a ti a, a aw chu ril raih mai.

Muangchang in ka hnungzang a chul a min fawp leh in ka ngawngah a fawp leh bawk. Ka beng bul te chu fawp kual in ka awm a tham lai te chuan ka rum chhuak hak a. A taksa a sawisak lai te chuan ka tan rum chhuak lo tur a insum a har takzet a ni.

A kut lehlam in ka lu chu a vuan ran a. A bulah min pawt hnai in a taksa si chet chuan min pawm a. Ka awm a tham a, a dang zel pawh ka tasa chu meialh in a kan hluah hluah ang in a sa a ni ber. Ka thin a phu dawt dawt bawk.

Khumah chuan min mut leh in duhthawh zet chuan min fawp leh a. Tho deuh thut in a kekawr a la a. A wallet atangin eng emaw hi a phawrh a. Ruak nghal ngat hian a rawn kir a. Ka zah loh nan ka mit ka la sawn nghal thuai a.

A ngai ang chiah a duhtawh chuan min rawn fawp leh a. A taksa lum thar thar ka thawh lai te chuan ka khur dar dar hian ka hria.

A taksa a thip nghel zawk a. Ka tap chhuak nghal hak bawk. A chawl a min rawn en a "i virgin a maw"

Ka bu nghat a "aw khawngaih in tawp suh aw"

******

Vartian ah ka tho a. Ka sil thum lehnghal. Ka mit a kham thum bakah a lu a na em em bawk. Ka contact lense phelh lo in ka mu tih ka hrechhuak nghal zawk.

Room chu ka en kual a ka duh theilo. Khawiah nge ka awm

Ka thu chhuak nghal hawl a ruakin ka awm tih ka hre zui nghal zat o lalpa leh eng thil nge thleng. Hlauthawn na in min rawn hneh nghal vek.

Tu emaw ka bul a che deuh hraih ka hriat rualin ka sir lam chu ka hawi phei a. Nizan bar a Joseph a ang a ka kawm pa ngei kha a lo ni.

Nilo. Joseph a nilo...midang daih a ni. Ka lalpa. Nizan ah ka hriat ngai miah loh ka mutpui a maw

Ka hlauthawng a ka zak a. Bawlhhlawh leh tenawm ka in ti hle nghe nghe...engthil nge ka tih ang.

Ka ngaihtuah na a lo lang hmasa ber chu tlanbo a ka nihna thup a ni...tichuan ka ti ta a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:23 pm

Chapter-42

°Eros's Pov°

"Zion. Kan fapa" a ngaihna hrelo zet in ka mitko ka san ak a.

Eng thil teh hrep nge a sawi hi a ngaihna ka hre miah lo. Ka hrethiam lo takzet. Ka thu hriat hi a dik reng em tih ka ngaihtuah. Fapa kan nei tih a sawi a mi.

Jade chu ka en leh vung vung a. A thusawi hian min ti buai a ni. A kut chu ka vuan nghet em em ringawt. A thi sawi hi a sawifiah hma chuan thlah ka tum lo.

A bu nghat a. A mittui a biangah a luang zawih zawih bawk. "Ka tihpalh Eros dawt ka sawi vangin..ka..ih..Ginger ka ni tih i hriatchhuah vaih chuan min huat ka hlau a...chuta karah fa kan nei bawk si".

Ka meng nghal kawk a ka awih hleithei lo. Eng tin chiah nge ka ngaih tih pawh ka hrethiam lo. Tek in min deng zawng ang mai hi ka ni ber.

Aw. Kan inhual dawn zan a a tarmit bial leh a kawt fual hnek hnek te leh a sam lem a phelh khan Ginger a ni tih ka hrechhuak a. Ka zawt a fiah ka tum a mahse a pawm duh hauh lo. Mahse tunah a pawm leh hnuhnawh a maw mak ka ti hranpa lo e. Nimahse, fapa kan nei tih ka hrechhuak zawk hi a ni. Eng emaw ka rilru hruai peng tlat tu a awm tlat.

Ka vawn na thlah in ka tho chhuak a. Kawngpui lehlam a mipa naupang. Labrador retriever amah ang tiai vel nen a an infiam chu ka en ran a.

Ka fapa. Saw naupang saw ka fapa a ni

Ka fapa ka en reng a ni tih hi ka awih hleithei lo. Ka thisen ka ril a rah ka fa ngei a ni.

Ka hrethiam thei lo...ka thuak pawh hi a mang tlat...engmah ka hre thei tlat lo. Ka lu ka thing a ka rilru vak kual nasa lutuk chu thunun ka tum a ni.

Jade chu ka en leh a. A kut khal niap niap in a mittui a la tla reng bawk. A zam deuh apianga a tih thin dan a ni. A lang cute takzet ka ti thin mahse tunah chuan min ti thinur takzet a ni.

"Fapa kan nei maw. Engtin nge a thlen"

Ngaihtuah ngah hmel zetin min rawn en a "i hre tawh lo maw. Bar a kan inhmuh zan khan kan mutdun kha"

Ka hmui ka pet zauh a "tehreng mai ka hria alawm. Mahse ka fimkhur em a. Invenna ka hmang alawm" a sam ka tuai zauh a. Ka thinrim na chu thunun hram hram ka tum bawk.

Min en reng a. A mitah chuan a na tih ka hre thei a ni "nang chauh hi ka mipa mutpui awmchhun i ni ka nun pumpui hian"

Mipa nen a an awmdun chu ka la ring cheu tho. Hun kaltawh. Tun hun leh hun lo la awm tur ah pawh. Min ti chau zo tawh. Chu thu a ka atang ngei a a rawn sawi chhuak chuan min ti hlau a ni.

"Hmeichhe hawihawm tak i ni tih ka hria alawm Jade. Chutah chuan zawhna ka neilo. A ni chu a ni mai" ka lu ka thing nak a. Ka in seh chilh tun bawk. Ka kut ka hum ruh a "lalpa leh. Engvang a fa kan nei tih hi min hrilh lo nge i nih"

Khang hun chhung zawng khan ka lak atangin a thukru char char a maw. Eng chuan in nge maw tur le ka ti, min tih nat a duh zawk em ni ang, nge ni a tuar turin min duh. Ka tih ai tam kha thleng se a ti zawk tih a em ni pawh ka hrethiam nek lo.

"Tunge i nih ka hrelo alawm" a aw a khur hlak a "i hming tak ka hre silo a "

"Aw mawi lutuk. Khami zan khan Joseph Nevin ah min ngai tak a nih kha mawle" ka sawi chhuak ta nge nge. Ka na takzet. Min hmang mai mai ni in ka in ngai.

"Maw"

Ka thinrim na hi ka thunun thei lo a ka hliah thei tawh bawk heklo. A na em tih pawh ka ngaihtuah tawh bawk lo "kan in kiss lai te khan amah chauh i ngaihtuah a ni tiraw, ka khawih lai che leh sawifiah theih loh tur khawp a kan mutdun lai te pawh khan a ni ang chu tiraw"

"Nilo. Eros i diklo"

"Ka ni e Jade. A dik tih i hria. Dawt i sawi kha duhtawk rawh"

Rei angreng tak a ngawi dap a. Hlauhthawn hmel zet in min en bawk. A tawpah chuan a pawm ve hram. Chu chuan min ti na zual a ni "ka...ka rindan chuan i dik ang. Ka tihpalh..ka...ka la naupang em a min ti khawlo vek a ni ber Jo..."

"Duhtawk rawh. Kha hming hnaisai lo kha sawi chhuak tawh suh" hrep tak a. Hmangaihna min chenpui lai khan mipa dang a lo ngaihtuah a maw. Chuti chung chuan a ni saw kan fapa a la ti zui a maw.

Thinrim na leh thika in ka khat a. Thei ni ngat se chuan kha mihring kha a rilru ngaihtuahna atang hian ka paih lo nghal hmak ang. Amah a suangtuah tih ka ngaihtuah ringawt pawh hian atthlak khawp in min ti khawlo zo dawn.

Min en a. A bu nghat a naupang thu awih thei tak ang a ni.

Naupang chu ka en leh a. Ka fapa Zion chu.

Ka lakah chuan a te ngei mai. A kum ang rual vel ka nih a ka awm dan chiah a ni. Petrakis taksa pianphung chu a taksa lian lo te ah chuan a lang ve ran a. Sam dum uk kharh. Mitmeng grey rawng leh vun uk eng kharh te an ni.

Zion chuan plactic ball chu a kick a. Ui hmai ah tak chuan a fuh a. A bauh tuarh a ui chu a thinrim ti tih nghel ta mai. Zion bulah chuan va tlan a chhanhim ka duh a ni. Mahse a kiang a ding pa chuan a pawm kang a. Awm si chat a in pawm in hlim tak in an nui hak hak bawk.

Saw pa saw ka awt takzet a ni. Zion in a ngaihsak in an hlim dun em em lehnghal Eng thil nge thleng. Amah infiam pui tu tur chu keimah ni, kuah tur leh a kiang a hlim tak a nui tur chu keimah ngei ka ni. Ka fapa a ni A. Kan kiangah a awm tur a ni. PETRAKIS a ni tlat.

Chemte a vih zawk ang hian ka na ngawih ngawih. Ka chhungril ah hian ka na vawng vawng a ni ber. Engtin tak nge tunah hian ka awm tih pawh ka sawifiah thiam lo. Ka rilru a phawklek ru tlat a ka khawvel chu a bo dawn ni tlat in ka hria.

Ka puitlin atang hian ka tap ngai tawh lo. Mahse tunah tak chuan ka thinrim tih ziaawm nan ring tak a tap hawm hawm mai te chu ka chak vek tawh ka na a ka beidawng takzet. Ka lak atangin tu emaw in min ruk sak ni berin ka hria. Thil hlu tak, sum in a lei theih loh khawp a hlu leh a tello a ka awm theih loh. Ka nun a mi pakhat. Nilo pakhat mai a nilo. Ka nun zawng zawng a ni zawk.

"Tinge Jade" muang leh zawi dap hian ka ti sup a "engvang in nge min hrilh loh"

"Ka sawi kha. Tunge i nih ka hrelo a ni. Chuan kami ni khan bar a ka hmuh ngei kha i ni in ka hria a...khami ni"

"Khawiah maw. Jade ka at hma hian min han hrilh vat teh"

"No ka thlauh ni khan. Ming Dynasty no lem kha"

"Maw. Karei leh. Kum 2 kal ta khan maw"

"Ka tihpalh" a kut khal leh niap niap in min en a. "Ka hmuh vawikhat na che a ka feeling neih ang chiah kha ka nei tlat a. Mahse ka haider tlat. Mahse i dul hnuai deuh a kutchut awm ka hmuh khan nangmah i ni tih ka chiang ngam leh chiah a ni"

"Chuvang chuan a mi ka kiang a hnatawh kha i duh loh"

"A nih na chen chu a awm. Bakah i sual si. Ka hlau che a lawm. Keimah tak tak hi i hrechhuak a nih chuan. Zion pawh i hrechhuak a nga" a mit a nuai zauh a min en a " min kaltir ka ring lo a. I tawp lo a nga. Jail ah min khung ngei i tum ka ring "

Thawk ka la vang vang a. Jail ah pawh teuh lo mai. A tan a tanin tur chu ka penhouse chauh kha a ni ang. Ka khum lian tak te kha.

Zion chu ka en a. Ball a la bet reng a a kick a. A hnungah ui chu a awm bawk.

"Eng thil nge thleng. Engvang a adoption ti nge i nih" ka thinrim chu ka kut a khur dar dar thei nia. ka aw erawh ka thinrim zia thunun ka duh vangin ka thup hram hram a ni. Kan fapa midang a enkawl tir na chhan hi chhuanlam tha tak dang ka nei ngei a ngai ang.

"Thlan tur dang ka neilo a ni. Zion ka neih hian ka la naupang em a...kum18 chauh ka la ni. Kumkhat lai depression ka nei a. Zanin ka tap a. Ka pa thlanah kal ziah in ka rai hi ka mangang em em bawk. Ka hlau a. Tunge i nih ka hre bawk silo. Ka nu lah ka chungah a thinrim em em bawk. Tunge ka fa pai na ti a min zawh in chhan ngaihna ka hre hek lo. Ka down em em a ka beidawng em a ni" thawk la hak in a sawi chhunzawm leh a "ka ni leh ka pi bul a convent ah ka nu in min thawn a. Ka depression te min pui in ka rai lai te chuan min enkawl vek a ni"

A thusawi ka hriat ngat phei chuan ka thinlung hi a na ngawih ngawih. A chunga mawhphur tu hi ka ni ve tih ka hria. A natna te amah chauh in a tuar a. Kha zan a kan chetdan mai ngei khan a la ni zui.

"A tuk zanah kha bar ah khan ka va kal leh a. Zantin deuhthaw ka kal ang. Ka zawng reng che a. Ka hmuh tak si loh ah che khan private investigator te ka ruai a. Mahse engmah hriat belh kan nei lo. Tumah in i thian leh nangmah kha an hrelo che a ni"

"Khalai hmunah khan ka vawi1 kal na a nia. Lehlam ah ka thiannu Liv kha homosexual a ni tawh thin a. Zanlam ah chuah hmeichhia ang in a inchei thin a"

"Tawh thin i tih chu enge awmzia"

"Ka hmuh che kar khan Liv chu a thi a"

"Maw"

"Ni rei tak chhung a bo a. A taksa chu ramhnuai ah an chhar a. Thah a nih na chhan chu a mipa date khan hmeichhia emaw a lo tih vang a nia. A hrechhuak leh sia a thinrim vel a niang"

"Oh.. chu chuan i natna a belhchhah dawn a nih chu"

"Khatih hunlai kha chuan ka a tawh ni berin ka in hria"

A kutka chelh a. A natna te chu ka hriatthiam sak a ni. A natna tawrh zawng zawng hi a hahthlak dawn tih ka hre chiang a ni. A nun tih hreawm leh zual ka duh lo. Ka hmangaih a. Amah a tha lai chauh ni lo in a mah a chhe lai ber pawh hi ka pawm a ni.

Ka awm ngheng chaih in ka kawngah a kutin a kuah a "ka tihpalh"

"Shhh...i tuar nasa tawh lutuk. I nat belh ka phal tawh lo. Ka enkawl tawh ang che"

A lu a bu nghat tih ka hre thei "ka lawm e..ughh...kan la innei dawn tho em"

"Tehreng mai. Ka fapa ka chan tawh a nang lehzel ka chan leh che chuan ka a kehchhe vek a ni mai. Chutiang chu thleng turin ka duh lo. Engtik ah mah"

A lu ah duat tak a chul in a hmuiah ka fawp vawng vawng a "ka hmangaih lutuk che Jade. Eng thil pawh thleng mahse. I kiangah hian ka awm reng ang. Kumkua leh engtik lai pawn"

"Oh Eros" zawi deuh tak hian a ti sap a min fawp let ve nghal a " zion saw a hlim hmel tiraw"

"Aw. Ni e"

A nui sen sen a "ka lawm e Eros. Tunah chuan rilru nuam takin ka awm thei tawh ang"


***11pm Markos Petrakis's Mansion***

"Eng thil hrep nge kan la ngei tur a ni. Rang takin. Ka tupa a ni" ka pa Markos Petrakis chu a study room ah chuan a awm hle hle thei lo a vei kual sek mai.

"Pa...uluk leh zawimang in kan ti tur a ni" ka pa in bengdaih theih nan chuan awndam duam chuan ka ti a.

"Jade leh Zion enkawl tu te pawh kan venthawn a ngai alawm" ka nu Nina Petrakis in a rawn ti a. Ka pa chu bengdaih hram kan tum a ni.

"Nilo Nina. Patrakis a ni tlat, kan tupa hmasa ber, kan thlah kal zel leh kan chhungkaw sumdawnna zawng zawng rochun tu tur. A chhungkua kan ni a kan kiangah a awm tur a ni. Engti pawh in a kawi emaw a ngil zawng pawn kan la ngei ngei tur a ni. A rang thei ang ber in".

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)