Alpha:1995 BY Melz Hrahsel (Completed)

[Ngaia]

7pu4mbry.jpg (24.14 KiB) Viewed 21441 times

Alpha:1995 Aka The Girl he never notice.
Translated by Melz(Msi Hrahsel)


http://www.storyfb.com
.
A link nen a share dan
http://storyfb.com/viewtopic.php?f=2&t=917
A share dan tur nen lam a kan in kawh hmuh chunga pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved

Chapter-1

*Ka ALPHA chu a mah ni mah se, kei erawh a OMEGA nih ka duh*
***********

°Jade's Pov°

"Good morning Mrs Chang, nizan lam i mu tui bawk maw" ka hna thawh na nu chu nui sakin ka bia a,Mrs Grace Chang i hi kum 65 ngawt a upa a ni tawh a ka ngaihtuah deuh na chhan pawh lu na a neih thin vang in zan ah a mut theih loh thin vang a ni.

Mrs.Chang hi hian coffee shop lian lo te mai Manhattan, New York ah a nei a kan chhungkaw ei tur chhang leh butter vel kan lei na thin ber a ni nghe nghe, Thawhtan a tang a Zirtawp thleng zing dar 8:00 a tang a zan dar 8:00 theng casher ang in ka thawk ve thin.

Thawk tu tamtak a nei lo bawk nen nileng in ka buai ve thei hle, chang leh waitress hna te ka thawk a, a chang in coffee ka siam leh lawp lawp thin mahse ka phun nawi ngai lo a chhan pawh Mrs.Chang i hian min duhsak em vang leh ka chung a a that em vang zawk a ni, ka hlawh chu a tam zawk zawk lo mahse nitin a kan chhungkaw ei khawp leh bill vel pek tur khawp erawh ka hlawh chhuak ve.

"Hi Jade, aw mu tui e nizan chu a ka lu na a chhuak miah lo a,tukin pawh ka zangkhai sawt mai" min en pah in a nui sak a.

"A va lawmawm ve aw, doctor chuan eng nge a sawi a" ka leader bag hlui tawh tak mai dah thlak pah in ka tarmit vuah lai chu ka la thla a, a lense chu ka hrui fai niap niap bawk.

"A tha vek e, luna satliah mai mai a lawm, thil hlauthawn awm vak a ni lo"

A tawp a tawp a ka thusawi a ngaithla chu ka hahdam sawt in ka hria, vawi duai lo doctor hmu turin ka ti a mahse a duh ngai lo a chhan pawh hospital hi a hlauh tlat vang a ni,medical clinic te syringes leh doctor pawh tiam in, a naupan lai thil thleng vang niin a sawi.

"George a nupui pawh in nizan ah naute tha takin a neih kha"

"Tak tak maw, an van lawmpui awm tak, kum nga ngawt mai an beih hnu ah an nei ve thei hram a nia, hmeichhia a ni ang chu tiraw dik em" phur zet chuan ka zawt sat sat a.

"Umm, ni e, engpawh chu ni se vawin ah a rawn kal theih ka ring lo a, a hmun awl chu i lo luah leh mai a ni ang chu tiraw"

Oh. Chumi awmzia chu hna pahnih ka thawh kawp a ngai dawn tih na a ni maw, van hahthlak leh dawn em.

"Ole, buaina a awm lo, ka lo buaipui thei mai ang"ka nui sak a ka kawr fual uk chu ka zut mam vel a, a nihna tak ah chuan he thawmnaw hi ka ngaina a ni hak hi nuam ka ti bawk, ka pi bul a khawsa ka ni a chu mi chu ka thawmhnaw hak ah pawh hian a lang chhuak thin bawk.

Dar 8 a ri der tawh a Coffee shop hawn hun a ni tawh mahse khawi ah nge hnathawk dang Suzzane leh Kurt te hi an awm ang le tun thleng a lo la kal loh chuh. Suzzane hi kan waitress a ni a order lek leh sem kual hi a hna ber a ni, tin Kurt hian dawhkan a ti fai a chumi rual in chhuat leh bathroom pawh a ti fai tel thin.

Bathroom lamah ka phei a kawngka ka hawng chiah chu, Kurt leh Suzzane te chu bathroom ah an lo awm reng chu ni in, an lo in ngaizawng reng tih ka hre ve chiah kawngka an la kalh lo leh nghal a.

Min hmuh rualin ka ban ah Kurt in min rawn man nghal chawt a "Nang hi, Mrs.Chang hrih miah suh ang che a nih loh chuan i kut ruh ka ti tliak ang" ka hnung ah ka kut chu a nam bet ran a ka mittui ka biangah a rawn luang nghal vat a chhan pawh ka kut nat em vang a ni.

"Aih sawi lo ang,ka tiam e, min kal tir rawh khawngaih in" men tiau chuan a ti a, a tawp ah chuan min kal tir ve hram.

"A tha hre reng ang che" rum fe in mi rawn melh pah chuan a ti a.

Ka kut chu ka tuai that that a, a na takzet a ni a sen tawn mai.

"Tunah chuan nang zawng hmelchhe nu helai hmun ah hian kan mamawh lo che" nui hawr hawr in Suzzane i chuan min en a bathroom a tangin min nam chhuak nghal lawp.

An van sual dun tak,khatiang a min kauh kher pawh kha a ngai lo hming ka nei ve reng,an thawm vek te chu ka hriat loh nan ka in la hrang nghal vat, an ni bul a awm tam loh kha ka zir a ngai a ni, he hna hi ka mamawh a ka chhung te ka kutah an in nghat bawk, lehlam ah chuan Mrs, Chang i erawh mi tha tak a ni.

"Jade choka ah ka awm a nia aw, puih i ngaih chuan min lo ko la"

"Tehreng mai Mrs.Chang" apron dum chu awrh in customer nei turin ka in peih tawh khawp mai bar counter lam ah phei in electronic cash register leh coffee machine chu ka on nghal a.

Engtin nge coffee an siam thin tih chu George an mi zirtin bawk a ka thiam ve khawp mai, coffee dawr a ka thawh tirh kum chhung zawng khan coffee art work leh espresso tui tak mai siam dan te pawh min hrilh tel a chu mai nilo in barista siam dan leh a tui dan pawh ka hre hle bawk.

Dawhkan ka tih fel mek lai chuan customer hmasa ber te chu an lo lut a mipa pahnih lo lut te chuan suit dum ha ve ve in tarmit dum an bun a movie pakhat "Man in black" tih te pawh kha min hriat chhuah tir hial.

Ka hma a mipa sang zet mai ding chu ka en reng a, a mah chu lo lut hmasa zawk ni in a hnung a lo lut pa ai chuan a la naupan hmel zawk, kawngka hma ah ding in inchhung vel chu an melh kual a, a ding reng a, sang tak, thlemtu hmeltha tak ang mai leh leh pian nalh tak a ni.

Ka khawng nghal vek, ka thil tih lai ka chawl a ka taksa zawng zawng hi a zeng vek ni ber in ka hria eng thil emaw a mah a awm ka hriat si loh chuan min ti buai in min zem tlat a ni, mi lar tak hmel te pawh a pu a lawm.

Movie star em ni,nge model zawk nge celebrity ni zawk ang em aw, sport lam pawh a ti ve thin ngei ang ka rin na chhan pawh a pian en reng reng pawn infiam mi pian zaih a lawm.

A tarmit dum chuan a mit a hliah tlat a, eng thil nge a en ber tih chu hriat theih pawh a ni lo, mahse min en lo tih erawh chiang tak in ka hria,a hawi her leh amah a rin rintawk na te chuan a chawi hliah hliah, thil ti thei tak leh mi hausa tak a ni ngei ang.

Eng thil emaw mi pakhat pa hnen ah chuan a hrilh sar sar a,a thut duh na lam chu pan in room lai takah chuan an thu a.

Pen ka la a,order slip plate ka keng a,an duh te zawt turin an awmna lam chu ka pan nghal thuai.

"Good Morning eng nge in order duh le sir" an hma ah chuan ding in ka nui sak a, C#1 tiin ka slip ah chuan ka ziak a, customer number one tih lamtawi a ni.

"Good Morning espresso leb cafe latte kan lo duh ang" a upa zawk chuan a tarmit dum chu phelh in min rawn nuih sak a.

Order ka ziah lai chuan ka kut te a khur vel zu nia,eng vang nge ka hre lo, mipa la naupan hmel zawk awm vang pawh hi a ni mah na,mi pawimawh tak ni awm in a lang a hmai ah chuan niin a chhun deuh vangin a en phat lehnghal a, a biang leh a khabe ruh vel te leh a hmui te chu luhlul hmel zetin a ti che kual vel a.

A chezia vel chuan min ti zam takzet a ni, mahse a ni erawh in min ngaihsak teh chiam lo a chhan pawh phone hmang a a buai em vang a ni a tawng chhuak chu ngaithla lo thei ka ni lo, a aw ki chu a fiah in a tuk raih a, chak leh zangkai tak leh felfai takin a tawng fak fak bawk.

"Thil dang a la awm em sir" min be tu en ta lo chuan chu pa bawk chu ka en leh a.

"Khang zawng kha a ni e miss" a upa zawk chuan min chhang a,a bu nghat a ka kalsawn nghal thuai.

Minute nga ral hnu ah coffee chu peih in ka ve dah a,tlangval naupang hmel zawk bawk chu ka en leh tawh a hmeltha tak tak a ni, tun hma in ka la hmu ngai miah lo tih ka chiang, a tarmit dum chu phelh in en i la hmuh tawh na pawh ka lo nei ve thei tho bawk ka ti rilru a, ka en reng a espersso zawk chu a la a, a in nghal thuai bawk.

Customer thenkhat an lo lut a,order la leh coffee siam in ka buai leh tan tawh khawp mai mahse room lai tak a thu mipa pahnih erawh ka lo mitsir ru zeuh leh thin, an ni chu ngaisak lo a ka hna hi ka ngaihtuah a ngai a ni.

Rei vak lo hnu a hmeichhe pahnih chu lo lut in chung mipa te bulah chuan an phei a an nui deuh hawr hawr lehnghal,mipa la naupan hmel zawk chuan eng emaw a hrilh a chu nu chu a ner nang mai, hmeichhia chu dawr a tangin a chhuak nghal nghawng nghawng in sawi fiah chu a ngai ve viau ang le, kha nu lah kha a hmel ah a lungawi lo tih hriat reng reng, a hawihawm lo takzet a ni.

Mipa pahnih te chu bill pawh min zawt lo in an chhuak nghal nal nal a,dawhkan lamah ka phei a espresso no delh bet ran a dollar 100 note an lo dah ka hmu chu ka meng nghal kawk mai.

Engtin, dollar za maw ka awih thei lo coffee tip a tan chuan a tam mah mah a ni.

Zing ah Suzzane leh Kurt ten an rawn phone in an dam loh thu an rawn sawi bawk nen Mrs.Chang i nen chuan dawrah kan awm dun nileng zawk a, an dam that nen khawi ah emaw an awm dun leh tho ang,casher regester ah chuan ka ai a awh a, a bak zawng chu keiman ka khawih vek thung customer te chu a rang thei ang ber a an duh pek zel ka tum a tichhuan service muang tih vel ah complain an neih loh ka beisei.

Ka haw hma in, dawhkan ka ti fai a chhuat leh bathroom chhuat ka nawt fai vek bawk, a chau tawh takzet mahse thlan tur dang ka nei lo.

Coffe shop atanga ka haw chu 8:30 a lo pel der tawh South Bronx lam a kal tur bus ah chuan ka chuang, bedroom pakhat awm appartment ah chuan kan chhungin kan awm a ni, ka thut rual in burger bus stop bul a ka lei chu ka ei niap niap a, ka ei zo chu in ka haw pawh chuan ka chak sawt in ka hria.

"Nu han ring chhin teh, tip tha hnem tak mai vawin chu ka dawng a mipa hausa tak pahnih in bill a tan dollar za ngawt mai min pe a"

"Maw, chu chu a tam mah mah a ni" ka nu Ruby Collins chu a meng nghal kawk.

"Aw, keipawn ka ring thei lo, Mrs Chang i bill chu pek ka tum a mahse ka nei thei ang a ti a"

"Awww, a van duhawm ve"

"Tehreg mai a ni ang hnathawh na ka nei hi ka vannei takzet a ni" a sam ka tawn tam reng chu phelh in, ka kawng thleng ngawt a sei chu samkhuh in ka khuih a.

"Eng nge Hannah i chu a an a" kan thenawm te naute ka nu in a awm thin chung chang chu ka zawt a.

"A duhawm lutuk ringawt, mahse a rit tawh lutuk a ka enkawl zui zel theih pawh ka ring vak tawh lo" a pum chul pah chuan a ti a,ka nu hian mild coronary heart disease a nei a thla ruk kal ta mai a tang khan a ni, a physician chuan hna thawk tam lo a hahda tur in a ti a ni.

"A nih chuan nau awm chu chawlh san tawh rawh,hna thawk turin ka duh lo che a hrisel na hlauthawn awm a awm hi ka duh lo, lungai suh hna te pawh ka neih ve hi weekends ah pawh ka thawk ang nga pawisa chu kan nei mai ang kan in manage thei em em ang"

"Kan tan rim takin i thawk a lawm Jade ka tihpalh lutuk hetiang tak a i tawrh a ngai hi"

"Nu khatiang khan sawi tawh suh ka hmangaih che a lawm nang leh sapphire pawh tha takin ka enkawl ang, ka pa hnenah pawh ka tiam kha" ka nu chu men tiau in ka kuah a.

Ka pa hi chuap cancer stage 4 in a boral a kum 2 kal ta khan a ni, kha tih hun lai khan kum 18 bak ka la ni lo a ni chu manufacturing company a thawk thin a ni bawk, kapa thih khum kha ka nu leh ka tan kha kum kha kum hreawm ber a ni, kan nunna a tan kan bei a kan saving tlem neih chhun leh kan cottage lian vak lo te pawh kan chan a, a chhan pawh ka pa damdawi man ah a ni, khang hun kha mang chhia ang mai a ni mahse khatiang dinhmun a kan din lai pawh khan ka pa chu pa tha tak a ni reng a amah zawk khan min hnem thin, chak leh huaisen takin a awm a, a hlim in a nui reng thung pa a nih leh pasal a nih na ang tak in a awm reng tho, ti nge mi tha lo tak tak an dam lai a mi tha tak tak hi an boral mai le te ka ti rum rum thin.

Ka pa ka chan ni khan kan khawvel chu a keh sawm vek a ni a chhan pawh a mah a kan in nghah nasat em vang a ni.

"Eng nge dik lo awm a" ka unaunu Saphire i chu bedroom ah a lo lut a, ka nu nen a kan in kuah a hmu chu a hlauthawng deuh ni ngei tur a ni.

"Engmah ni lo e,ka pa kan ngai a kan lo in kuah ve mai mai a nia" ka nau kum15 mi en chung in ha lang tha chuan ka nui a .

"Oh, thil dik lo a theng e maw ka ti hman tep a, engpawh chu nise Jade i tan news ka nei a nia"

"Eng thil chu maw"

"Darkar liam ta mai khan Joseph nen kan in chat a"

"Joseph a maw"

"Yep, a mah i hmangaih awm chhun kha"

"Maw"

"I facebook account te min zawt a, chuan social media account i neih loh thu ka sawi a, i phone number min zawt leh a"

"A nih i pe em"

"Aih, tumah i number pek i phal lo a ni lawm ni dik em"

"Dik e"

"Mahse a phone number min pe a,engtik hun ah pawh i lo call thei ang ka lo nghak ang che a ti"

Ka thaw chhuak hawk a Joseph a maw.

Ka hmuh hnuhnun ber pawh kum 2 a liam tawh, biak pawh kan in be ngai tawh lo kan in biak na zawng zawng chu ka ti tawp vek tawh kha a ni a

Nilo,a ni chu ka hmachhawn thei lo ang a hriat thin hmeichhia kha ka ni tawh lo ka danglam tawh,nasa takin ka danglam tawh Jade i hlui kha chu a liam tawh, a thi tawh a phum in a awm tawh a ni.

Lungaih na leh mangan na chuan ka chhungril ah min rawn man nghal chem chem a.



Chapter-2

°Eros's Pov°

"Hi..umm..Gretchen ka nia" nula pawnfen dum chhing zet leh kawr grey rawng ha chuan a rawn ti a, a nawng vel ah thi a awrh de chiai bawk a mimeng vel in min han sawm kual vel a, a mithmul chhah zet a min en pah in a khap sak sak bawk.

"Summer ka nia" a bul a ding chuan a ha var tak lang tha a nuih pah in min rawn melh a, a hmui hnawih sen lutuk chu a rawn puak chhuak dawn hial in ka hria.

"Aw" Donovan chuan a en a, an duh te a zawt a.

"Ummm...he ta lo zawm ve chu hi pawi in ti em"

Donovan a hawi kual vat a, dawhkan awl ho vel chu a en kual a, a hrawk thian khar in a nui sak a "dawhkan awl chu a la tam hi maw le"

Hmeichhe pahnih chu an sen nghal tan tan a, an nui chhuak hak a min rawn melh zak zak bawk.

"A nihna tak ah chuan ummm...in hmelhriat tir na te min han nei ve u la" summer ti a an koh zawk chuan a kawng vel te chu a han ti che kual vel a,a kawng fek deuh rat te chu tih lan tum leh in ti vei vel takin a han awm kual vel a.

"Ole, Bone ka nia" Donovan chuan a han in hmelhriat tir pah in an fiam kual hlak a, mitko san ak in Donovan lam ka hawi phei zawk, kei erawh phone ka la hmang reng thung ka executive secretary hnen ah thil tih dan tur vel ka hrilh a ni.

Hmeichhe pahnih chu an in en a,an dar an san ak a.

"Umm..a ni ti tunge hei hi a hming"min rawn kawh pah in hmeichhe pakhat chuan a ti a.

"Stark, Tony Stark"

Iron Man hming a sawi ka hriat rual in ka coffee in lai ka hak hman tep.

"I ti tak tak lo ti raw, Iron Man chu a ni thei lo ang"

"Eng pawh chu ni se" hmui hnawih sen zawk chuan min rawn melh a,a mit meng chu ui note duhawm tak hmu ang mai a ni.

"Umm, nakin lam ah kan la leng chhuak ho ang chu tiin kan lo ngaihtuah a,mall a te kal in emaw movie en dun te pawh a nih loh pawn bar ah te kal in a hnu zel ah thil tete te pawh kan la ti ang chu"

"Kan buai lutuk nula te u,hna thawh tur kan ngah lutuk tlat chutiang tih pui na tur chu in hun kan nei lo" polite tak in Donovan chuan an sawmna chu a hnawl a.

"Oh..a van boring awm ve"

"Umm ole, in sawifiah na khingbai tak ani, i boss phei kha chuan a ngaihsak loh viau kha ka hre mai" hmeichhe pakhat zawk chuan naupang chhia takin a ke a per dat a.

Ka kham tawh lutuk,ka phone ka off a nula ke per zawk chu ka en ran a "awww, hetiang a in hriat thiam miah loh thil in sawi hi a van duhawm tak em, khang thil i sawi chhuah chak em em te kha mipat na hi a ni dik em chuan khang thu lawi lo kha i ka atangin phuh chhuak tawh suh".

Min en a , a thiannu chu a en rawn leh a register awm na lam chu an melh leh a thinrim hmel tak chuan ka melh a, coffee shop a tang in nur zet in an chhuak tau nghal nghawng nghawng mai.

Donovan Grand, ka personal driver leh bodyguard a ni a tukin a ka Bugati Veyron min khalh sak tu a ni, a chhan pawh nizan lam a zu ka in nasat em vang in ka pentawng a car khalh thei dinhmun ah ka ding lo, ka thiante party na ah ka kal a mipui an phe mur mur a ramsa khawsa te pawh kan ang mah zawk,hrep tak a, nizan ah ka appartment ah hmeichhia ka hruai haw a, hmeichhia naran chu a ni lo model lar tak Kendra Packer a ni.

Ka appartment a hmeichhia ka hruai luh hma hian ka date hmasa ziah thin kha a ni a,mahse nizan a Kendra Packer in min rawn biak a tang khan ka lak a tangin a kal hrang duh tawh miau si lo a,min vuan chawt reng mai bawk si. Han sawisel na tur kha ka hre miau bawk si lo a chhan pawh a hot in a chhelo takzet a ni, party na a kal mipa ho zawng zawng kha chuan an duh vek in ka ring, mipa man beh nan a hmeichhe power han hman vel chu thiam tak a ni a confi em em mai bawk si, kha vang te pawh kha a nih mah na min chan theih tak.

Khumah lah chuan duhthusam in a zei, position tin ah leh sawisel bo a ni, edge of esctasy tih lehkhabu a inziak ang deuh chiah a an che vel phei chu bawn tak a ni mipa on vel dan chu a thiam khawp mai, a chezia te khan mipa chu min ti a vek thei ang, hrep tak a, khang zawng zawng kha engtin nge a thiam zawk.

"Office lam ah aw sir" Donovan chuan ka ngaihtuah na a tangin min hruai chhuak nghal zawk.

"Yup" passenger seat ah chuan ka thu a, ka hlim veng veng hian ka hria.

A chhan pawh khang espresso tui tak vang kha niin ka hria, ka espresso in tawh zawng zawng ah a la tui ber hial ang.

Coffee shop ka office kawng a awm chu ka chhinchhiah kar a, an coffee siam mawlh kha in leh hun ka nghakhlel a ni, ka pentawng chu ka ngei tak tak a ni ka lu a hai deuh muai muai mai ka mit lah chu a la sen rum let ta nghal a.

"Coffee shop ah khan naktuk ah min drop leh rawh aw"

"Awle, sir" motor side glass a Donovan a nui suk chu ka hmu thei, coffee kha tui a ti ve ni ngei tur a ni.

Donovan hi kum 40 a hnaih ve tawh a, kickboxing champion te pawh a lo ni ve tawh nghe nghe Exuctive protection leh Bodyguard training te pawh a train chhuak vek bawk, an chhungkua hrim hrim hi kan mansion ah hman a tang tawh in an thawk thin a, ka naupan deuh lai phei chuan a tello in khawi ah mah ka chhuak ngai lo,chu tih hun lai chuan tleirawl mai a la ni kan in zui na ni khua a rei tawh khawp mai ka u ang chiah in ka en bawk.

Ka thian tha ber bul a awm thin a ni Inigo Monterio,Donovan hian min hre chiang em em a ka chhungte ai mah pawn ka chanchin a hre hnem zawk ang, a mah chauh hi school ka kal lai a chhaih nawmnah ka tawk tih hre tu a ni, 4grade kan nih lai a ni nghe nghe kei ai a upa te chuan min ti buai in min chhiah reng a, a chhan pawh multi-billionaire company properties leh ro luah tu tur ka nih vang a ni,ka naupan deuh lai chuan ka cher em em a ka sang bawk si nen hmawlh te kal thei ka ang ber.

Donovan hian kan in basement a ka tap lai min hmu fuh a ka ngui em em a khang min ti duhdah tu te ho vang khan school kal ka hreh a ni,chhungkaw hausa tak a ka pian a vangin ka nu leh pa leh keimah pawh ka in haw hliah hliah thin.

Saturday chawhnu lam ni khat chu ka nu leh pa te Hawaii ah vocation nei turin an kal a,Donovan chuan kickboxing min zirtir a, engtin nge kick tur tih te leh mi hnek dan tur te,chu mai ni lo in self-defence te pawh min zirtir bawk.Chuta tang chuan sport lamah hian ka tui ve tan a ni,sport a a tha ber ni turin tumruh na ka neih phah nasa hle bawk.A tawp ah chuan ka taksa te ti chak in ka ti hrawl te ka siam chho a kar tawp a piang in training min pe ta ziah a kan kiang ah ka thian the ber Inigo Monterio in a zir ve thin bawk.

School vel ah pawh chuan ka confi tawh em em a,kan class a mipa awm zawg zawng chu ka hneh vek tawh dawn tih ka hria mi thenkhat chuan min la chhaih zauh an la ching tho,Donovan erawh in ka kickboxing thiam te chu miin min ti hmasa a nih loh chuan hmang ngai miah lo turin min hrilh thung, mahse Dexter an group a leader ber chuan min la ti buai reng a, ka mawng ah te na zet in min pet a ka dawhtheih na in a tlin tawh lo, a awm ah ka tham nghal chat a na zet in a hmai ah ka hnek nghal chawrh chawrh a chhuat ah tlu nghal thlawp a, rang zet in a rawn tho chhuak a min rawn khawih let a tum a, mahse ka rang em a ka hmai ah ka lo pet nghal zawt a, a hmui a thi a a hnar ruah pawh a tliak nghal.

Khami ni a tang khan vawi khat mah min ti buai ngai tawh lo, min kalh pelh ringawt pawh chu an hlau tawh min tih thinrim leh an hlau em em bawk, mahse khami ni khan principal office ah min hruai a chutiang bawkin ka nu leh pa te pawh an lo kal bawk, ka classmate te chuan Dexter in min chhaih ziah tih te an sawi a, hnar ruh tliak khawp in lo sual mah i la principal chuan min khawngaih a min ngaidam ta zawk a ni.

Tleirawl ka rawn chuang kai a, Donovan erawh ka kiang ah a awm reng thung, atthlak tak in ka in la hrang a ka thian te nen bar a zu ka in lai te min hmu thin a, drug te ka ti chhin a, mipat hmeichhiat na ah tlan nasa in ka hriat ngai loh pawh ka mitpui mai thin, club hrang hrang ah ka kal lawr reng a midang nen a kan awm dun lai chu min hmu reng bawk, khang hun chhung zawng kha engkim ka la hre vek a khang hnawm hnawk a tang a min hruai chhuak tu kha a mah a ni.

Ka puitling chho zel a, thil tamtak min hrilh a min zirtir a ka chhungte pawh ka huat zual phah zawt zawt bawk.Bodyguard a nih a tang a a zir chhuah te leh Security training school a an zir te pawh min hrilh thin. Silai leh hriam hrei tamtak ka hman dan ka thiam nal phah em em a tactic leh bomb chungchang leh a dang te pawh tiam in.A ni hi ka partner in crime a ni,ka unaupa leh ka thian a ni bawk, kan pahnih in Car leh bike te in speed tawp tawp in kan tlan thin, chu mai a la ni lo sport hlauhawm tak tak volcano bungee jumping te kan ti thin Heli-skiing te tuifawn sang pui pui a surfing tih te leh puk mak pui pui a luh te leh a dang tam tak te pawh, engkim ah kan in thurual em em a, adventure lam a tui tak leh hlauh nei lo kan ni.

Mahse ka chhung te chuan mi inang lo tak ah min ngai a, mi fing tak, confident ngah tak leh thil ti thei tak, a tum a chiang,mipa sawisel bo ka ni an ti ka chungah beisei na an nei sang em em bawk, kan thlah tu te dang ang chiah in a, an ni pawh kha an hunlai chuan mipa ropui tak vek an ni.

Ka piang chhuak chiah tih in mipa tha ber ni turin min enkawl nghal a, engtik ah emaw Petrakis ro luah tu tur ka la nih dawn vang a ni tutor tha ber min rawih sak a school tha ber ah kal in English tih loh tawng tamtak Greek ,Portuguese ,Spanish,French,Hindi, Filipono leh Mandarin Chinese te ka thiam bawk.

Bussiness Administration ah kum 22 mi niin Harvard University a tangin kum2 kal ta khan ka graduated a kan chhungkaw sumdawn na The Petrakis International Holding Corporation ka enkawl nghal char char a ni, Multi billion shipping company kan ni, Executive Vice Presedent hna tunah hian ka chelh mak bawk.

Ka hnathawk te leh ka college kal pui te chuan ka tha ber ka la phawk chhuak zolo zawk in an hria, a chhan chu mi tumruh tak ka ni tih an hriat vang a ni, ka them thiam em em a,ka in ring tawk a sawisel bo ka ni an that na tur a ka tih a ni tih an hre bawk.

Kan khawvel hi zawng in tihsiak na a khat a ni, shark riltam ang mai a koham bussiness man tamtak an kat nuk vang a ni kan Organization tih chhiat tum phet tum an awm bawk kan tlu chhe lai hmuh hi an chak ber a ni.

Mahse chutiang a thleng dawn lo, kan company hi ka tlak chhiat tir dawn loh vang a ni hna thawk sang chuang kawvel hmun hrang hrang a mi te hi keimah ni ah an in nghat a ni, an chhungkaw chawm in an thawk a kan tla chhia a nih chuan hlawh an hmui thei lo ang nga, bonus a awm lo ang nga incentive a awm bawk hek lo ang chumi vang ringawt pawh chuan ka tlak chhiat tir thei lo a ni.

Offfice building a ka luh rualin guard chuan min lo lawm a, ka lu ka bu zauh a lobby lam ah kal in ka private elevator ka pan ding nghal nalh a, hna thawk tam tak an in pel suau suau a, a then an lo thleng chiah a thenkhat in elevator in hawn hun an nghak ran bawk, elevator a ka lut chiah chu mipui beng chheng leh tawng ri mur mur chu a reh nghal dak,biakin a mahni chauh a kal ang mai ka ni, a reh em vang chuan pawisa thir thlauh ri pawh ka hre thei hial in ka ring, hnathawk chu an awmna ah an lo ding thap a, min en ran hlawm a an hmel ah chuan hlauthawn na leh mangan na ka hmu a ni.

"Good Morning Mr. Petrakis"

"Good morning Sir"

"Ni hman nuam le Sir"

Mi tupawh chuan a ngai ang in min lo lawm a,ka lu ka bu zauh a office elevator atang chuan ka chhuak a,ka office lam ka pan ding nghal nal nal, Donovan chu ka hnungah a ding bawk.

Nula pawnfen dum chhing tak feng leh kawr thawl lam ha thi awrh deuh chiai hmui sen tak a hnawih chuan min lo nuih sang a.

"Good Morning Mr.Petrakis, Viviene West ka nia i personal assistant tur ka ni" a mit chu a khap sak sak a.

Amah chu ka en a ka kut phar chhuak in ka office kawngka chu ka ban nghal a, ka lut nghal thuai.

"Miss West mei alh ang mai a lawm i nih le" Donovan in a tih chu ka hre zui nghal pat a.

[Ngaia]

Chapter-3

°Jade's Pov°

"Lawk,khawngaih in lo nghak lawk" ring fe in ka au nghal tuarh tuarh a bus stop lam ah kan tlan phei nghal hlawk hlawk, mahse driver in ka tawng a hre thei lo kawng khar a la khar hmak zui.

"Nilo" ka thaw hlawp hlawp a, ka kawng ka dawm a ka thawk a tawp hial dawn in ka hria beidawng zet in ka rum chhuak hak,bus lah chu a la tlan daih zui ka thlen teuh ther ther nen.Tunah chuan bus dang nghah leh nan munite 15 lai a ngai tawh, ka hna ah ka tlai tak ngial dawn tun hma in ka la tlai ngai hauh lo a sin mawle, nizan lam kha ka hah bawk nen ka lo mu tui deuh a ni alarm set ka theihnghilh bawk si.

Ka bag atang in ka phone ka phawrh a Mrs Chang i text in ka tlai tur thu ka hrilh a,ka phone contact number chu ka scroll thla zar zar a Joseph a number pawh ka scroll pel hmak,nizan khan a number hi ka save a mahse biak tum na engmah ka nei chuang lo.

Josepth Nevin hi New Jersey a kan thenawm a ni a, biang sum a nei chak bawk a hlaitling in a in ring zo em em a sam buang thang a nei bawk, Brad Pitt tleirawl lai a ni ringawt, a hmelthat na piah lam ah a smart in a hawih hawm em em a, a huaisen in mi khawngaihna ngah tak a ni.

Ka tan ngat phei chuan ka mi hmuh tawh a zawng a ngilnei ber a ni hial ang,mipa a ka duh zawng zawng chu amah ah hian a awm vek hial ang, sawisel bo a ni, ka lalfapa duhawm tak,knight huaisen tak,ka dream boy leh ka tan mi dik tak a ni.

Ka thian tha ber ni in kan thlang lian chho a, thurawn min pe tu a ni, min venghim tu leh ka ngaihzawng, a nihna takah chuan kan in ngaizawng tih a hrelo, a hriat loh in ka lo bialpa ve em em tawp, A ni nen a in neih a kumkhua a a lalin a hlim tak a chen dun chu ka dream a ni, hmangaihna tawp thei lo te leh thlamuan na te, hlimna tam tak te nen.

Aw, ka van a tak em,hmangaihna vangin ka a vek a ni kum tam tak ka hmangaih tawh a ngaihzawng nih ka tum ruh em em bawk,chu tih rual in, ka pasal la ni tur pawn ka suangtuah thin engkim ah ka tan a hmasa ber ni se ka duh a ni, ka fawh hmasak ber, ka hmangaih hmasa ber,ka bialpa hmasa ber leh ka mipa mutpui hmasa ber.

Mahse Joseph a erawh in a nau en in min en thung,a kal na a piang ah ka zui thin khawi hmun ah pawh kal se, amah chauh chu mipa ka zui nasat awm chhun a ni ,chu chuan ka u ang in min ngaih tir chang a nei thin, ka unau pa a nih thu a sawi reng thin a chhan pawh kei ai in kum 5 in a upa zawk a ni, mahse u nau ang in kum kua chuan kan awm loh ka beisei.

Kan in hmuh hnuhnun ber kha kan nun hlui ka hriat chhuah leh duh tawh miah loh a ni, a zahthlak takzet,kum 2 kal ta khan a ni nghe nghe.Kum 18 mi ka ni a high school a tang a graduated hlim ka ni,ka pa hrisel na dinhmun kha nasa takin a tla hniam a damdawi a enkawl na pawh in awmzia a nei hlei thei tawh lo, kan engkim kan chan vek, kan car, kan saving, chutiang zel in kan in pawh, mahse vanneih thlak tak in kan in lei tu thar khan in thar luah tur kan hmuh hma kar 2 vel awm min la phal sak a, a retheih thlak takzet a ni mahse nghet tak a ka awm a ngai tih ka hria ka chhungkaw tan,a biktak in ka pa tan, a tan beih a beisei tur a la awm tih hriat tir ka duh a ni.

Joseph a chu ka tan a awm reng a, chhel leh chak tak a awm turin min fuih thin huaisen tak a awm in Pathian kutah engkim nghat turin min ti thin, nurse a nih thleng pawh khan ka pa natna chungchang fiah zawk in min hrilh a, a lan chhuah dan te,damdawi chungchang te leh enkawl dan tur thleng in.Ka hriat thiam loh engkim nen lam tiam in.

Khami ni khan Couch ah kan thu dun a, Ka pa chungchang kan sawi a,a kutin min rawn kuah in muangchang in ka Ginger sam sei tak mai chu a khawih niap niap a,kan awm dun tawh chuan ka sam hi a khawih ngei ngei , chuvang chuan a ran vulh hmingah pawh 'Ginger' tih a phuah nghe nghe, nalh a lo ti viau pawh a ni mahna.

A taksa lumna chu chhim ve in a awm ah ka lu ka nghat a,in a awm ni mai in ka in hre nghal vawng vawng, min kuah a piang in tiang hian ka ngai thin, a lungphu ri chu ka ngaithla a, a rawn phu leh dap thin ka tan chuan music nalh tak nen danglam na a awm chuang lo,ka ngaihtuah na a vak thui a, a rim pa hrak te ka hnim vang vang a, rim tui tak a ni. Ka kut in a ban chak tak mai chu ka vuan a chiang takin a hmai ah ka en bawk a che zia zawng zawng hian min phuar ni mai hian ka hria.

A mit ah ka en a, a rilru sukthlek engtin nge a awm ve tiin ka ngai chang reng bawk finfiah na then khat ka lak a a rilru put hmang ti lang thei tu tur leh eng tiang takin nge min hmuh ve tih hriat na tur ka zawng a ni,phur na nasa tak min pe a mahse a mitmeng ah erawh engmah ka hre thei lo.

Min rawn chhuk en a, keipawn ka lo melh kar, a chal a ti chuar zauh a ka lo nuih ver ver , a hawi sawn leh nghal thuai a, a tih thin dan ngai in min nuih sak ringawt a ni a mahse ka thinlung tih tuiral nan chuan a tawk lutuk ringawt.

"Ka naute a nih hi,lung ngai suh engkim hi a fel vek mai ang Pathian hian kan phurh zawh loh nghawng kawl min bah tir ngai lo a nia" Ka kut a vuan a, zawimuang in a hmer a chu chuan phur na min pe sauh sauh a.

Ka thut dan ka siam tha a,ka en chho a ka kut chu phar chhuak in a biang ka dawm sak a, a hmai vun mam tak pawh chu ka hre thei.

"Ka lawm e Lalpa, nang ang min pek a vang hian ka lawm a ni, tunah chuan i tel lo a nun hi ka tan a harsa tawh lutuk Joseph" zawimuang in a hmui ah chuan ka han fawp a.

Joseph pawh a lo in dang hman lo, thinrim tih hriat tak chuan min nam sawn nghal dawrh "Ginger, eng thil nge ti ni a i in hriat a,hetiang ngaihtuah tur chuan i la naupang lutuk"

Ka zak lutuk chu hnuai lam ka en nghal tlawk tlawk "eng vang in,i duh lo a mi"

A rilru suhthlek a in thlak nghal vat a,a lungawi lo tih a hmel ah a lang chhuak nghal vek "hun a la tam lutuk, thang lian tur hian hmanhmawh lutuk teh suh"

Hnawl ka ni,eng vang in nge hetiang hi ka chungah a tih, a mit a ka en in ka hmu thin a ni si a,eng vang in nge pumpelh a tum eng vang a a ngaihdan leh rilru put hmang zep tlat nge a nih,eng vang in nge min hnung chhawn leh ni.

"Eng thil nge i sawi, ka puitling daih tawh kum 18 ka ni tawh min en rawh naupang chhia mai ka nih tawh loh ni" ka tho chhuak nghal hlawl a,lungawi loh hmel zetin ka melh a, ka hnute lian tak mai hi a en kan bik lo tih ka hria, kawr senno mar lak leh jeans ka ha miau a lawm.

"Ooo a nih chuan i upa tawk tawh ni in i ngai a maw, i birthday hnuhnun ber pawh khan barbie lem ka lei che kha, theih nghilh suh"

Signal ka hmu tih ka hre ve tlat "chu chu nangma buaina a nih chu, puiting ka ni tawh tih hi i pawm duh tlat lo a lawm" ka mittui a rawn hnam tiam tiam a, ka in ti mualpho takzet a ni, naupang ang a min la ngai tlat hi ka hua a ni.

A rawn ding a ka kut a la a "shhh...tap suh ka hmangaih, ka hria a lawm i nula tawh tih ka hria,keimah nen a han in kawm vel pawh i thiam tawh a lawm"

"Ka hua che Joseph" ka nam dat a, ka kut erawh a thlah duh lo.

"I hmeltha lutuk Ginger,kan in zui a nih chuan mipa tamtak in min itsik ngei ang, mahse engtik ah emaw i hmangaih diktak i la tawng ngei ang, a ni chuan a enkawl che ang nga i tan a awm reng bawk ang"

"Tumah midang ka duh lo,ka duh chu nangmah chauh i ni min hriat thiam tum ta che ka hmangaih che lawm, nangmah, nangmah, nangmah kha" ka kut zung chal in a awm ah chuan ka kawk sawk sawk a, ka mittui ka biangah a rawn luang nghal zawih zawih, engmah ka ngaihsak thei tawh lo ka rilru ka zawi chhuah bak engmah ka hre lo.

"Ginger, min lo ngaithla teh, ka kal dawm tun weekend hian"

"Maw" eng thil nge a sawi hi, a thu sawi hi ka hre sual chu a ni em lo ang chu maw.

"South Africa ah medical mission zawm turin ka kal dawn"

"Maw" ka taksa a hik chhuak nghak vek, vur tui a in chiah ang mai ka ni, a kal bo dawn a maw.

"Eng tiang chiah in nge he thil hi ka duh tih i hria ti raw, ka tum ber kha a ni, an na tawrh na te chu damdawi hmang a tuam hlawm hi ka duh a ni, a biktak in damlo na zual te, he tiang a mi ka tanpui hian ka hlim phah thin a, an tan a awm ka duh a ni"

"Eng tiang a rei tur nge ka hre lo, thla khat emaw"

A lu a thing nak a "kum 1 pawh a ni maithei"

Ka khawvel chu a keh chhe nghal vek,ka thil hriat hi ka awih thei lo South Africa ah tun weekend ah a kal tawh dawn a nia,Joseph hi mi khawngaih thei tak a ni a chu vang a ngaina pawh chu ka ni chiah bawk, nurse a zir na chhan pawh mi tanpui nan a hman a duh vang a ni, midang nen a awm ho nuam a ti a, inbiak te,mi thlamuan te leh an natna theih nghilh thak khawp ten a kawm thin,mahse South Africa ah a kal dawn.

Khami ni a tang khan kan in hmu leh tawh lo.Ka pa bulah ka awm deuh chawt a ka kalsan ngai lo, Joseph lah a trip na tur vel buaipui in a buai em em thin bawk, mahse a kal dawn chuan min mangtha na lehkha thawn erawh a hnutchhiah theihnghilh chuang lo a ni.




°Eros's Pov°

Ka car chu coffee shop kawt ah chuan ka park a,he tiang reng reng hian coffee ka lo buai pui ngai lo, kha espresso tui tak mai he dawr a mi ka in hma kha chuan, a tui takzet a ni,a simply em em mai bawk si khatiang reng a tui kha ka la tem chhin ngai lo.

Donovan nen chuan nimin lam a kan in ang chiah chiah coffee chu kan order nawn leh a, mahse ka espresso ka in chiah chu ka hrilh hai angreng khawp mai,coffee chei mawi nan a thinlung lem cream a an ziah vel chiai chu a awm tawh hauh lo.

"He thil hi nimin a kan in ang khan a tui tawh miah lo" ka in nawn leh a, ka nawr sawn nghal hmak.

"Tak tak maw, ka coffee hi chu nimin a mi ang tho khan a la tui in ka hria"

"Ka ta chu a ni lo,ka ngaina lo hei chu"

Ka Barista chu Donovan chuan a en a "nimin ah kha chuan midang in a siam tak kha, khami vang kha a ni maithei a sin"

Ka barista chu ka en a, Donovan ka en leh a "tu maw"

"I lo en miah lo a ni maw, hmeichhe pakhat engkim ti vek tu, amah chauh a awm kha, i hria lo a mi"

"Aih hre tawh lo"

"Hmeichhe pakhat , tarmit vuah leh kawr fual ti deuh dalh mai ha kha"

"Ka hre tawh miah lo"

"Engpawh chu ni se,kha nu kha a siam tu chu a ni ngei a lawm"

Ka bu nghat a waitress chu ka ko a.

"He tiang hi a dang ka duh, chuan kha tarmit vuah nu siam ngei kha a ni tih chiang bawk la"

"Ka tihpalh sir, a ni kha chu a lo la kal lo a" waitress chuan a dar sak ak chuan min chhang a.

Ka bu nghat a, a kal ve leh nghal mai.

"I zo tawh em, kal ang" ka tho tharh a, Donovan in min chhan na pawh ka nghak lo, coffee chu a lo la in "Car ah ka lo nghak ang che"

Coffee dawr ka hawng a,pawn a ka pen chhuah pah in ka email vel chu ka check a, ti emaw nen kan in su nghal chawrh.

"Owww"

"Oppss" lei a a tluk thlak hma in chu middle age nula chu ka lo dawm nghal vat a,ka kut lehlam chauh in a kawng tetak te ah chuan zawimuang in ka dawm a,a duhawm in a ria reuh em em a chu mai ni lo in a nem em em bawk "i tha maw"

Ka nghawng ah a kut pahnih in a chelh a, a tluk mai loh nan min ring chhan a ni, a hlauthawng deuh tih chu ka hre thei.

Ka awm si chet in a rawn bei a,zawimuang chuan min rawn en chho ha a middle age nula a ni lo tih ka hmu chiang chu min thawng angreng khawp mai, nula naupang tak kum 18 bawr vel ni awm a ni, a hmel lah a tunlai in a nu em em mai bawk si,thli in a sam thawleng te chu a biang no chek ah a rawn chhem phei a, a hmui hnawng chep leh no nalh em em mai pawh chu ka hmuh hmaih lo,a tamrim lian tak phen ah chuan mit hring fiah nalh tak a nei bawk emeralds lunghlu ang mai a ni, a lang duhawm takzet, a mit chuan tu emaw min hriat chhuah tir nghal zawk.

"Aw, ka tha e,ka tihpalh a ni sir....ka tha e"

"I chiang chiah maw,i derthawng hmel lutuk a nia" ka thlah a,a tawlh hnung nghal thuai.

"Aw, a nihna tak ah chuan i rin ai daih in ka chak zawk ang, kan thil hmuh te hian a chang chuan min bum ve chawk a nia"

Ka en ran a "chu chu rin a harsa hle mai,i ria lutuk tlat, ka kut zungtang pahnih lek pawn i ruh ka ti tliak thei ang chu, chak hmel chu i pu teh chiam lo"

Thawk la hak in min tih el deuh tak chuan min nuih a "min fakder na ah ka lawm e Sir, tun ah chuan ka kal a ngai hna ah ka tlai takngial dawn" a in her a coffee dawr kawngka lam chu a pan a.

"Keipawh ka lawm e" a hnung a tang chuan ka ti a "i tha tih chu i chiang chiah maw" ka au nawn leh a.

A rawn let phei a, ka hma ah chuan a ke a per kual ta nghek nghek mai, chutiah ka hma ah a zuang kual leh chiam chiam a, a che zia chuan min ti hrilh hai takzet, a kut te chu a phar kual a, a ban rek vel te chu a ti che kual bawk , a kiu te a ti thlep thul "i hmu em,engmah ruh tliak leh pelh ka nei lo, ka tha"

A che zia vel chuan ka nuih a ti za angreng khawp mai,nula nuihzatthlak tak a ni "ole, pawi sawi lo ka nih chu, a lehpek ah chuan fimkhur takin i kal kawng en tawh ang che"

Min rawn en a,a hmui a pet zauh a min chhang lo in a kal nghal hmak a.

"Engkim a tha vek maw" Donovan chuan coffee dawr atang a rawn chhuah pah chuan min rawn zawt a.

"Aw, ti rawh kal ang" ka nula kal na lam en reng chu duhtawk in car ah chuan ka lut a.

"Nimin a kan coffee in tur siam tu kha" Donovan in car a kan luh rual chuan a ti a.

"Umm ka hria a lawm" car chu zawimuang in ka khalh chhuak a.

"Tukin a i coffee duhthusam i in lo chu a pawi khawp mai sir"

"Nia pawi khawp mai" ka rum nghat a, ngawireng in ka car chu ka khalh a, kha mitmeng lunghlui hring ang mai a nalh kha ka ngaihtuah let a ka tiang reng khan hmeichhe mitmeng nalh ka la hmu ngai lo, minute 5 awrh ka khalh ang tih vel ah car ka ti ding a ka in turn let leh nghal thut.

"Khawnge kan kal dawn sir" Donovan chuan a ti a.

"Ka rin dan chuan kha coffee kha ka mamawh takzet a ni" ka chhang a.


Chapter-4

°Jade's Pov°

"Hey Jade,Romeo a lo kir e chuan coffee siam turin a duh bawk che aw" ka hnung ah Suzanne in ka hnung a a rawn ti chu ka phu nasa lutuk in ka bawnghnute bottle ken lai ka thlauh hman tep.

"Romeo, tu maw"

"Kha pa kha, Abercrombie model ang deuh kha"

"A tu ber sawi" Suzanne chu ka zawt a,mahse ka zawh zo hma in a lo kal sawn hman diam tawh.Choka ah ka awm a pancakes vel siam na tur ah Mrs Chang ka pui a ni.

Choka atang in ka chhuak a,customer ho chu ka en kual nghal vat.Chuan ka hmu ta,tukin zing a ka tauh pa ngei mai chu, i chak lo min ti tu ngei mai kha.

A kal liam kha ka hmu chiang si a,engvang a lo let leh nge a nih tih chu ka ngaihtuah deuh.Engpawh chu ni se ka ngaihsak lo chuan a ni ngei saw Suzanne in Romeo a tih ngei kha a ni tih ka hria.

Diktak chuan, sawi pa saw ka ngainat zawng a ni lo, mi chal delh ching tak leh ngaihdam dil na chang hre lo a ni amah a in dah sang em em ringawt,mi tu emaw tan chuan mi pawimawh tak te chu a lo ni pawh a ni mahna. A nihna takah chuan a thiam loh zawk a ni, engvang in nge maw midang kha ka lo tauh zawk loh le a mah kher kher.

Ka tlai tawh em vang khan ka hmanhmawh em a ni,chiang tak in ka la hria nimin a kan customer kha a ni bawk.Coffee shop atang khan chak zet in a lo chhuak a, tu nge khawngah kal ve tih pawh en na chang a hre lo a nih kha. A phone ringawt a en a ngil tak in a kal dawn emaw tih lai in ka lam panin a rawn kual thut a pumpelh na hman ka nei tawh lo hrim hrim.

Ka hmai chu bang a tauh chawrh ang mai in ka awm ah ka tauh a,a taksa lum na chuan min vawng lum ve nghal thuai bawk a kut nungchang mawi lo zet in min la khawih zui,mahse a rim pa hrak mai kha phur takin ka hip seng seng pangpar rimtui tak te leh sazuk atang a an lak thin hrik rimtui rim te leh coffee rim te a nam chak bawk. Kan en chho chiah mai kha chu arsi an de chiai chiai in ka hria, mipa duhawm tak a ni, a hlaitling a,a taksa leh sa tha talh mai te chu a nghet chat mai, a sam dum hlap mai chu a tle siau a,a hmai chu ni eng in a en phat bawk,a silver mitmeng mawi tak chuan min ti tuiral zawih zawih a ni ber.

Chu chu ka hmuh hmasak ber a ka ngaihdan a ni,lalfapa chu a ni lo maithei mahse misual chu a ni chiang a lawm.

Gentleman tak in ka thlat leh that loh min zawt a mahse a in dah san na a lo lang nghal thuai, a ngaihdam min dil hun ka lo nghak a, a chhan pawh a thiam loh a nih vang a ni mahse ngaihdam min dil chu teuh lo.

Chuan 'derdep' leh 'chak lo' tiin min la ko ta zui a,ka thinur takzet a ni, thlem chuan a lo dik mahna mahse a rin ang em em a chak lo erawh ka ni bik lo,ka cher na chhan pawh ka san zawng vang a ni ft5'8 ka ni a pound 120 a rit ka ni.

Ka hmuh dan chuan Kurt leh Suzanne ang mai a mi tih duhdah ching a ni.

Order slip chu la in thu in ziak chu ka chhiar a 'coffee, espresso no khat' a mah chu ka va en a,Romeo,yup;a nih te pawh a ni ta ve ang Romeo chu.

A lan dan a tang chuan mi hausa turu tak ni awm a ni,a suit hak te chu a ta tur dik tak ni awm a ni, celebrities leh mi chal lang tak tak ho hak ang chi a la ha zui, a man pawh a tlem zawk zawk lo khawp ang,ka thla khat hlawh ai pawn a man a tam zawk ka ring.

Chuan, Suzanne in a sawi ang chiah in,Abercrombie mipa model ang chiah a ni an zing a mi a ni tak tak a mawn chu aw ka ti rum rum, a chhan pawh business chungchang vel ah phone a hmang reng bawk si a ni.

Second rei lo te chhung chu ka en vang vang a,a hmai pian hmang vel chu ka en chiang a ni mah tak mai in mi hip na a nei tlat leh nghal a, mahse a nungchang a mawi lo takzet, ramhuai ang chiah.In ring lo zet in a mit leh ka mit chu a in tawng chat a, ka en lai kher kher a min lo hmu fuh chu min nghawng dawt mai ka zak nghal chem chem. Ka hawi sawn nghal hmak a an sir a customer ho chu ka en ta ringawt.

°Eros's Pov°

"Ka duh a ni"

Donovan chu a khuh kharh a min rawn en ha a "eng nge i sawi awmzia sir, i duh a maw,tunah i duh a maw"

"Aw, ka duh nitin a ka coffee in tur siam tur in" coffee chu tlem ka in khalh a,ropui lutuk tui tak a ni ringawt.

"I sawi awmzia chu i hire dawn tih na maw"

"Eng vang in nge ka tih loh ang" overconfident takin ka chhang a "ka offer hi a hnial dawn lo tih ka chiang,hei hi ka coffee in tawh a zawng a tui ber a ni, hmeichhe mak tak a ni.

"Dawi thiam ang mai a ni" Donovan chuan min nuih vur vur lehnghal.

"Dawi thiam chu ni lo e,a dangdai zawk mawle"

A rawn nui leh a, a bu a bu nghat a "aw,chu chu ka sawi tum a ni Sir Dangdai tak"

Coffee ka in zo a,nula lunghlu ang mai a mit meng mawi awmna lamah chuan ka phei a,bar counter ah chuan a mah chauh in a lo awm.

"Kha le, i coffee man" dollar 100 chu pe in a hmel awm dan chu uluk fe in ka lo en a,mahse ka en tih a haider ve tlat, a nihna takah chuan a zak niin ka hria tukin zing a thil thleng palh vang pawh kha a ni mahna.

"In bill chu dollar 5 chauh a lawm sir" order slip en pah chuan min chhang a.

"I change neih hi ka bawhpelh suh"

A tawpah chuan min en ve hram, a mit chu darthlalang leh tlereuh ang mai in a tle siau lehnghal, lunghlu mitmeng dangdai tak a nei a ni, a mitmeng hi ka theihnghilh thei lo a awmdan zawng zawng pawh, mahse khawi hmun ah leh khawi lai ah nge tih pawh ka hre chuang lo.

"Ka lawm e sir mahse ka la lo a nge" ka pawisa kir dawhkan a dah pah chuan a ti a.

"Jade" a name plate chu ka chhiar a "i hming chu i inhmeh khawp mai, mit meng hring nghalh nen lam in.Chuan khawi a cheng nge i nih Jade"

"Umm..ka hrilh thei lo ang che Sir,ka address hi tumah ka pe thei lo, ka sa him nan" a dar a san hak a, a kut tang vel te chu a ti che a.

Ka nuih a ti ka reuh khawp mai,a lak a thirim ta mai chu in a nuihzatthlak zia ka hmu ta zawk a ni, khawi a tang a lo kal nge a nih tih ka zawt mai a ni si a, chu mi ai ah chuan a phili ta zawk a nia "Serial killer ka ni lo,chu chu i ngaihdan a nih chuan ka zawh na chhan che chu hriat chian che ka chak vang a nia, a hma in kan in hmu tawh lo maw"

A lu a thing nak a "aih, ka ring lo khawvel hrang hlak ve ve ah kan cheng a lawm"

Eng nge a sawi awmzia chu ka hria, ni e khawvel hrang hlak ah kan cheng ka thian kawm thin te,ka kal thin na hmun te, parties leh event hrang hrang ka kal thin na te chu a tan thil hrang hlak a ni.

"Min lo hrethiam teh, tih tur tamtak ka la nei"

"Lawk" a kut chu ka thu in ka va vuan ringawt a.

A kut chu a la sawn rang kher mai,khatia ka khawih kha duh lo a ni ngei ang

"Ka tan thawk rawh"

A ding nghal chawt a, min en kar a "maw"

"Ka tan thawk rawh, i tih tur awm chhun chu nitin a coffee min siam a ni mai, in tih luih na leh hnathaw avang a rilru hah awm miah lo in"

"Min tihder vel mai mai a ni, tiraw"

"Aih, tihder kual vel lo e"

A thle bak a, a kut vel te chu a en niap niap a, a in ngaihtuah ni awm tak a ni, min rawn en leh ha a "ka...ka thei lo"

"Eng vang in nge i theih loh"

"Ka hna thawh na nu hi ka kalsan thei lo, ka tan a tha em em a chhungkua ang chiah in min en a ni, lehlam ah; nagaihtuah chiang hlei lo a thuthluk na siam ka duh lo"

"Aih, tun a min chhang nghal turin ka ti lo che, zanin lam ah lo nghaihtuah la naktuk zing ah i thuthlukna chu min hrilh dawn nia, turna engmah awm lo in"

A thaw chhuak hak a "ka chhan na chu a ngai a ni reng tho ang ka thei lo"

"Heta i hlawh let hnih hi a pe ang che"

Thawk la in a ip chaih a, a meng nghal kawk bawk a chal a hiat neuh neuh a, a hmai a hup vang vang a "aih, ka thei lo takzet Sir, ka hna tawh hi nuam ka ti a, ka hna thawh na nu hi ka kalsan thei lo min mamawh a ni, min hrethiam thei em ka buai teh mai a nia"

"A let thum in, ka offer tawp ber a tan"

A lu a thing a, min rawn en in a nui saih a chutiang tak a a hmeltha mai chu mak ka ti hial zawk, a nui te chu a in hmeh bik hliah hliah "aih, mahse i offer vangin ka lawm e"

Ka phur na zawng zawng chuan min kalsan zui nghal vek, van tha lo ve, mahse a coffee siam erawh kha chu ka duh takzet a ni.

[Ngaia]

Chapter-5

°Jade's Pov°

"Maw, a thi a maw"

"Aw,aw na chhawk na a ei hnem lutuk a, overdose in a thi a ni" George a ka thawhpui pa chuan hna thawk tur a ka chhuah hma chiah chuan min rawn call a.

Ka lung phu chu a rang ngang mai,thil thleng zawng zawng vang pawh chuan ka hik chhuak nghal vek a, ka kut pawh a khur nghal hlawk hlawk.

"Nilo, ka ring thei lo,nimin te kha chuan a la that em kha i chiang chiah maw" thil thleng chu ka ring thei lo a ni, Mrs Chang i chu a thi thei lo, a ni chu a theih loh khawngaih in.

"Umm,Ricky'n a finfiah hnu ah a min rawn hrilh a.Rawn hrih tur che in min ti a in coffee shop pawh khar lailawk a ngai ang, kar2 chhung vel chu a nih ka ring"

Ricky hi a mah a awm a ni a, Mrs Chang hian fa ang mai in a en thin, fanu hlir a nei a pasal an nei vek tawh nghe nghe.

"O lalpa leh, ka rin phak bak a ni" ka thil hriat chu ka awih hlei thei lo, a kal tih hi ka la pawm thei lo mang chhia ang mai a ni.

Ka tan chuan a run thlak takzet, Mrs Chang i hi ka tan chuan nu ang mai a ni a sin, hmeichhe tha tak leh nu fel tak a ni a, ka hlawh pawh tha tak in min pe thin a, ka van ngai dawn teh lul em.

"Nia, a theng teh thut bawk a lawm mawle,engpawh chu ni se, Ricky hian coffee shop chu a enkawl chhunzawm ka ring"

"Ricky...a ni thei lo" ka au chhuak nghal tuarh a.

"Haha, i ngaihtuah ka hria"

Ti nge maw Ricky ber kher pawh chu, ti nge a fa te dang an nih loh, a ni hi chuan mipat hmeichhiat na bak ngaihtuah a nei lo,coffee shop a kan in hmuh tawp ber pawh khan customer tamtak awm lai in ka mawng ah a la beng zui, Suzanne i lak ah phei chuan a sual leh zual, a awm ah te tham in a fawh te a tum thin nghe nghe, ka dam kaw chhuak thei ang ngem tih pawh ka hre tawh lo, tun ah phei chuan ka boss a la ni dawn zui hna dang ka zawn vat a ngai a ni.

Darkar khat liam hnu chuan, hna thar zawn ka rilruk tan a, coffee shop ah chuan ka thawk thei tawh lo ang tunah chuan Mrs Chang i chu a boral tawh a Ricky a ka boss a ni tawh dawn a nia.

Internet vel ah chuan hna a awm leh awm loh chu ka en kual a, ka qualification phak tawk zel ka en bawk, ka resume copy thenkhat chu companies lian vak lo ho ah te chuan ka theh lut a,beiseina leh tawngtaina nen min la hauh se ka ti ngei mai, hna hi kan chhungkaw tan a pawimawh takzet a ni.

A tawp a tawp ah bakery chuan min lo la hram, mahse hlawh chu a tlem tham em a ka pawm duh ta chuang lo.

Hlawh tam zawk na ka mamawh a ni,mahse chu chu ka qualified lo a chhan chu experiance ka nei tlem bawk em a ni.Company tam tak in college graduates an duh a mahse kei chuan high school ka pass tawk a ni, engtik khawtik ah mah college ka kal dawn lo.

*******

Kar khat ngawt mai hna ka zawng tawh a, beisei na pawh ka nei mang tawh lo ka nu leh Saphire te lah ka kutah an in nghat bawk si, hna ka mamawh takzet a ni a rang thei ang ber in, in luah man pek kan ngai a,kan nitin mamawh lei nan te chu mai ni lo in keima mamawh te pawh, lehlam ah ka nu lung natna enkawl na tur damdawi a ngai bawk.

Sunday newspaper chu ka la a,hna dang la dil tur a awm ka beisei a ni,dinning table bawh in ka thu a hna zawng zawng chu ka en kual a, ka thawh thei tur ni a ka rin ho chu ka chhinchhiah nalh nalh bawk, Sahpire chu ka hma ah a rawn thu a, a tho ve chiah ni a Kigurumi lem chuang pyjamas pawh a la ha animie hi a ngaina in cosplay lampang pawh a lawm em em bawk.

"Hi,Dee entertainment section ka en dawn a nia" newspaper chu a la a.

"Tehreng mai" en pawh en lo chuan ka chhang a.

"A van tha lo ve nupui a nei daih mawle, ka hmangaih a sin ka len hun te pawh min lo nghah tur a nia,Beihati ka hua che, engvangin nge ka bialpa min ruk sak"

Ka unau nu en chuan ka nui a, newspaper in ka hmai chu a hliah tlat a.

"I a tawh takzet a nih hi Saph" min chhang chuang lo in a newspaper ken lai chu a en ran a, newspaper a bussiness page ka en chiah chu ka nui lai ka tawp nghal hmak, mipa hausa tak tak awm khawm thlalak ka hmuh chuan ka mit a la zar, an zing a pakhat chuan ka mit a la zual ngei mai a lang tha takzet a ni, ka en chiang a, ka hre ta Romeo kha a ni.

Newspaper chu ka la lawk a, chiang fe chuan ka en a.

"Hey, ka la en zo lo a nia" Sahpire chuan min rawn chuh pui leh nghal thuai a ka pawt let leh a, newspaper chu a thler nghal duai.

"En rawh eng thil nge i tih hi" newspaper chu ka theih ang ang ka zawm khawm a, chuan a article te pawh chu ka theih ang ang in ka zawm khawm bawk.

"Ka thiam loh a ni lo,min rawn chuh a nih kha"

"Aw, ka thiam loh a nih helai page hi ka mamawh takzet a ni"

"Engvang in" Saphire chuan a ngaihna hrelo zet chuan min en a.

"He pa hi i hmu em, hei hi coffee shop ah kan customer a ni a"Romeo a hmel chu ka highlighter pen chuan ka kawk va a.

"Wow...a hot khawp mai,ka bialpa ang chiah a ni Adam Levine. Ka u, ka len hun ah coffee shop ah thawk ve turin min hrilh nawn leh rawh aw"

Article chu ka theih ang ang chhiar ka tum a,mahse a thler nasa em a chhiar hleih theih pawh a nilo "O lalpa, Billionaire a nih hi Petrakis khavel huap a shipping line lian ber te zing a mi nei tu a ni" ring fe in Saphire chuan a rawn ti a.

"Billionaire,Whoa..a tawp a tawp ah chuan mi dik tak chu kan hmu ta, Coffe dawr ah chuan i ai ka thawk thei ang ngem,Ricky chuan a hre chhuak miah lo ang" a ti zui nghal pat a.

"Thutak leh Saph, he pa hian kar kalta khan hna min offer a,nitin a coffee siam turin, a sawi dan chuan coffee dawr a ka hlawh let thum ka pe ang che a tia"

"Mawww...tak tak maw" Saph chu a meng nghal kawk "coffee siam turin maw, coffee no engzat chiah nge ni khat ah a in thin a"

Ka mithmul ka san zauh a "i van nuihzatthlak tak,engpawh chu ni se offer chu ka ngaihsak lem lo a"

"I ti a maw, i smart viau e maw ka tia"

Ka hmui chu ka pet zauh a "Billionare a ni tih ka hre lo a lawm,a ti mai mai a nih ka ring a bakah ka ngaina lo hrim hrim,mi chaldelh a ching si chaklo leh mahni in enkawl theilo buaipui ngai min la ti zui,lehlam ah; Mrs Chang i hi tiang in a boral thut ka ring lo a"

"Umm..chu chu rin phak bak a ni, chutiang chuan a sawi a nih chuan mi chapo tak chu a nih dawn chu"

"Min ring rawh...hepa hi chu"

"Mahse he mi chapo hian hna a offer che a lawm, mi sual lutuk chu a ni chuang lo ang"

Ka dar san ak in chhang lem lo chuan advertisement chu ka en a.

"Dee, hna khatia zawn ai chuan ti nge a bulah chuan i kal miah lo, i vanneih na hi en chhin ta che, offer pawh kha a la ngai reng maithei a sin ngaihtuah la a let thum a pe dawn che a nia, thil ropui tak a ni, i kut atang hian pit chhuah tir suh"

"Ka ring chiah lo"

"Engvang in"

"A offer chu ka hnawl tawh a lawm"

Saph chuan min en a"tih chhin ringawt chu a pawi na a awm lo,chu chu nangman min hrilh ziah kha 'i hlawhtlin hma chu bei la bei nawn rawh' kan hringnun a kan motto a nih kha,ti nge i hlauh tlat a mawhphurh na tha tak a nia lawm"

"Ka hre lo,idea tha tak a nih ka ring lo han thawh dun vel chuh, amah ah khan eng emaw ka sawi fiah theih si lo min ti hahdam lo tu riau hi a awm tlat a ni"

"Hmm..eng nge a nih chu ka hria a lawm, a hming ah mi hip riau na an tia" a nui hak a,min chhaih pah chuan min rawn nuih vel a.

"Aih,chutiang a nilo"

"A nia lawm,haider vel suh a chhiat loh em hi"

"Duhtawk rawh Saph"

"Joseph a i la hmangaih reng tih min hrilh miah suh, a ni mi"

'Ka hre lo, ka hre lo takzet' keimah leh keimah chu ka in bia a.

Ka nau fuih na nen, Petrakis Office Building Manhattan a awm hma ah chuan ka ding ran a, Mr Petrakis emaw Romeo pawh ni se hmuh chu ka chak phur zawk zawk lo ngei mai, beisei na reng ka nei tawh lo.

Interview turin office building sir ah chuan ka lut a, mahse ka hlawhchham chiang hle mai Human Resources Supervisior min interview tu chuan hna chu ka qualified lo a ti a ni.College graduate a ngai a lo ni.

Keimah chuan ka chhuak chat chat a.Petrakis Office building chu ka en leh a ka vanneih na chu en chhin ka duh a ni hna zawn pawh chu ka beidawng rum rum tawh.

Guard pakhat office building kawt a mi lam chu ka pan a,pa upa lam tak ni in kum 60 bawr vel chu a ni tawh ngei ang khawi ah nge Mrs Petrakis chu ka ka hmuh theih ang tih ka zawt a ka biak a ngai takzet Petrakis International Holding Company nei tu fapa ngei kha.

A nihna takah chuan ka a let der ni in ka hria, Romeo hming chu sawi mai ka tum a, kan theihnghilh tak tlat pek chu a.

"Aaa..i sawi awmzia chu,president maw big boss ti in kan ko mai thin a"

"Aw..aw, a nei tu fapa hi mawle, a ni ti raw"

"Aw tehreng mai, Receptionist lobby a mi hnen ah sawn big boss nen appointment i nei tih sawi la"

Guard hnen ah chuan Mr Petrakis emaw big boss pawh chu lo ni se appointment ka nei lo tih chu hrilh ka tum a, mahse ka hun neih chhun hi bawhpelh ka duh lo a ni min hmu a nih chuan min la hre ve mahna.

"Ka tihpalh a ni Miss Collins, Mr.Petrakis a secretary chuan vawin ah appointment i nei lo tih a sawi a"

"Mahse min hria a lawm, min hmu tawh a tu nge ka nih a hria a lawm khawngaihin lo hrilh la, Jade i coffee shop a mi kha hetah hmu tur che in a lo kal tih sawi la chuan a offer kha ka pawm tih min lo hrilh sak bawk la"

"Ka ring chiah lo miss.Hetah hian kalphung pangai tak zawm ngei ngei tur kan nei a i hmu duh tak tak a nih chuan appointment i neih phawt a ngai" lobby a mi receptionist chuan bung deuh ngut chuan a ti a, mi chimlim leh in vawng tak a nih ka ring kum 40 vel chu a kai tawh hrim hrim ang.

"Minute 5 lek biak ka duh a ni mai, khawngaihin min pui rawh"

"Ka tihpalh, miss he form hi fill up rawh big boss nen appointment neih i duh chuan" form chu ka tan a rawn phawrh a "kan en sak ang che, i vannei hle mai kar hnih hnu ah appointment chu i nei thei dawn e,appointment chan hi a har lutuk a buai bawk si a, chuta karah a zin chhuak reng bawk nen"

"Khawngaihin ma'am, Mr.Petrakis chu hmuh ka ngai takzet a ni tih leh dam chungchang thu a ni, kar hmasa khan hna min offer a,kan chhungkaw ei bel ber ka ni bawk si ka pa hi chuap cancer vangin ka chat tawh a,ka nu lah lung tha lo niin a damlo reng bawk si a enkawlna hi kan chawl a nih hlauh chuan eng thil nge thleng ang,khawngaih takin min pui rawh, hna ka mamawh a ni" receptionist chu ka ngen tawp tawh, nu a nih ve tho ka ring, chuvangin min hrethiam em em ang.

"Tak tak maw, keipawn ka pasal chuap cancer vangin kum kalta mai khan ka chan a,i natna chu ka hriatthiam pui che a lawm" min khawngaih hmel zet chuan min en a,a pasal chungchang leh a damloh dan te chu a sawi a kan nunhlui zawng zawng te pawh chu min hrilh a "he hi tih thin dan chu a ni maih lo a,mahse ole Mr.Petrakis hmu tur chuan ka pui ang che a nihna takah chuan a secretary hi ka pasal a u nau nu a ni a, vawin a hmuh tir tur che in ka lo ti dawn nia"

"Aw, ka lawm e...ka lawm takzet a ni " ka hlim lutuk chu zuan tawr tawr mai ka duh hial.

Minuter 20 meuh a liam hnu chuan Mr.Petrakis a secretary hma ah chuan ka ding ta ran a, a mit te chu laser beam ang mai a ni, uluk fe chuan min en a ka lu chhip atang a ka ke ler theng in vawi khat mai pawh min en lo.

"Mr.Petrakis chuan a hre lo che chuan Jade Collins pawh a hre lo, a sawi dan in tumah tun hnai ah hna a offer lo, chuan coffee shop ah a kal ngai lo hrim"

"I chiang chiah maw, kar hmasa mai khan hna min offer a lawm,min hmu leh se chuan min hrechhuak leh em em ang" min ti beidawng takzet a ni,engtin nge a hna min offer chu awlsam takin a theihnghilh theih zawk, keimah leh ka coffee pawh.

"Lung ngai lo la, ka pui thei mahna che loungh area ah sawn lo va nghak la"

Darkar6 zet a liam tawh, loungh area lian takah chuan keimah in Mr.Petrakis a office bulah chuan ka awm ran a,vawi tam tak ka muthlu tawh room hahdam thlak tak a ni a air conditioner an on bawk nen, chu ta karah chiar te chu tluk zal nan a duhthusam a ni,TV lian zet mai chu bangah a awm bawk a, magazine hrang hrang center table ah chuan a awm bawk bar counter chu a sirah a awm a,coffee machine te awm in fridge khat tlat in cake leh chhang a awm bawk.

Sana chu ka en zauh a dar 5 a ri der tawh, ka tarmit chu la tha in ka mit chu ka nuai nak nak a, film pathum zet TV a rawn chhuak ka en zo tawh a coffee leh chhang ka in tawh bawk, ka puar em em ringawt,ka ding a ka han zi mar kual vel a, intercome a rawn ri tlat a secretary in a chhang ka hre zui nghal pat a.

"Miss Collins tunah Mr.Petrakis chuan a hmu duh che"

Ka kawr vel chu zut mam thuak thuak in ka bag chu ka la a,rang takin waiting room a tang chuan secretary awmna lam chu ka pan a.

A tawp ah chuan Mr.Petrakis chu ka hmu ve dawn ta hram e,a hna kha tunah thawh nghal ka duh ka ti ang ka hlawh chu eng pawh lo ni se a let thum e maw hnih pawh, ka hlawh hmasa ai in a tlem dawn loh chuan a tha a ni mai ka chhungkaw tan hna hi ka mamawh takzet a ni tih a hriatthiam ngei ka ring.

"I hmuh duh na chhan han sawi ang che,an chhungkua in an chhuak dawn a, a hmanhmawh a nia"

"Aw kei pawh"

"Minute 5 chiah i nei a nia, hre reng rawh"

"Ole, ka lawm lutuk"

Mr.Petrakis a office chhungah chuan zawimuang in ka lut a,rawng dum leh uk in room lian tak chu a luah khat deuh vek, a zavai chuan awmze nei tak a chei a ni a, ropui na, sum leh pai tamtak leh thu neih na te a en tir bawk mi ropui tak rorel na hmun ang mai a ni.

Dawhkan lian pui mai hnung a chair atang chuan pa hmeltha tak mai chuan in her pah in min rawn en a,Romeo a nen khan an inang khawp mai mahse a upa deuh zawk, ka mit chu vawi tam tak ka khap sak sak a, chhuat ah chuan ka ding khawng reng ringawt.He thil hi ka awih thei lo, mi diklo zawk ka hmu em ni.

"Hello, Mrs Collins"

Ropui lutuk, a ni hi Romeo kha a ni lo mahse a pa a ni tih ka hria eng thil nge ka tih tak ang.

"Ah..ummm...hi Good Afternoon Sir" ka khup chu ka zak lutuk a in khawng hlawk hlawk, a thisen zam te pawh chu a rawn pawng dawt dawt in ka hria ka zak takzet a ni.

"Good Afternoon thu rawh" a chair hnung ngheng ar ar pah in uluk fe in ka lu chhip a tang a ka ke ler thleng chuan min en a, a thil hmuh chu a duh chiah lo a ni maithei.

"Umm" a dawhkan hma a chair ah chuan ka thu a, a dawhkan name plate a hming in ziak chu ka en nghal vat a.

Markos Petrakis

President, Petrakis International Holding Corporation.

"Eng thil nge ka tih sak ang che miss Collins" a sana a en zauh a.

A aw thum bul bul chuan a la ti zui, ka aw ka thian kharh a "ka tihpalh Sir, Mr Petrakis thil hriat sual palh a awm a ni ngei ang i fapa hmuh a nia ka tum zawk, nangmah ni lo in"

A chal a ti chuar zauh a, a hmui a ti che zauh bawk "a nih chu Eros a office chu chhawng chung berah a lawm a awm"

Aw.Eros, Eros Petrakis Romeo hming ngei chu a ni.

"Chuan tuin nge ka office hi rawn kawh hmuh che" dil chhut zet chuan min en a.

Ka taksa chu a rawn vawt chhuak rawih rawih in ka hria, hlauhna in min rawn man a ka zam em em bawk,Guard in big boss hmu turin min tir tih chu hrilh ka duh a ni mahse ka ngawi ta reng zawk, Mr.Petrakis a nungchang engmah ka hre lo a security guard pawh chu information dik lo a pek vang in a kawp pawp lo ang tih tuin nge sawi thei.

"A nihna takah chuan, ka thiam loh hulhual a ni Sir ka....ka kal a nge, i hun min pek a vangin ka lawm a Sir" ka kut zungtang te chu ka zak lutuk in ka khalh niap niap a, ka kut phah chu ka kawr ah ka hru ka hru ringawt.

A bu nghat a "hmuh i nuam khawp mai, miss Collins"

Rang lutuk in ka in her a,hmanhmawh zet in office atang chuan chhuak nghal ka duh a ni ka zak lutuk ringawt,mahse ka ke khur nasa lutuk vang chuan ka kal chak hlei thei lo ka hmanhmawh bawk nen ka ke ka rap thlep nawk a chhuat ah hmai vaw chawrh in ka tlu nghal thuai.

"I tha maw miss Collins" Mr Petrakis in a rawn ti thawm chu ka hre nghal pat.

"Aw ka tha" ka thingthi ran a,ka hmai zawng zawng a sen chhuak vek, ka in ti mualpho lutuk ringawt.

Pawi lutuk, ka tarmit chhuat ah a la tla daih zui.

Han en hram ka tum na chu engmah ka hmu fiah thei lo, carpet lah chu a dum a ni bawk nen ka tarmit tello chuan engmah ka hmu tha thei lo.

Office dawr kawngka a rawn in hawng a,tu emaw chu a rawn lut nghal thuai a mahse ka hmu tha theilo engkim a phe vek mipa a ni tih chiah ka hre thei, eng emaw keh ri ruam ka hre zui nghal pat a ka tarmit a ni tih ka hai lo, awi karei leh ka tarmit a chhe ta engkim a tawp vek tawh, ka ti rilru a.

"Karei leh, eng thil nge thleng a" ka aw hriat than tak mai in thinrim awki tih hriat tak hian a rawn ti a, Romeo aw ngei a ni.

"Ah...ka ta" ka en chho nghal ha a, chhuat ah ka la thu sawp nuaih reng.

Ka mit zawng zawng a phe vek a, mahse ka hma ah a thinthi tih erawh ka hmu thei ruai ka hmuh duh pa Eros Petrakis ngei mai chu.

"Jade, hetah eng nge i tih"

Min la hria chu ka thaw huai in ka hria, rilru tawngtai na nen lawmthu ka sawi mawlh mawlh a ni.



Chapter-6

°Eros's Pov°

A hmui hmai vel te chu ka en kual a,a biang leh a hnar te pawh chu uluk zawkin ka en bawk.A van han hmeltha teh lul em a fresh in a pianken hmelthat na tih a hriat ngawih ngawih makeup engmah a la hmang miah lo zui.

A mit veilam chu ka en a, a hnu ah dinglam chu ka en leh a, a mitmeng lunghlui hring iang khawp a mawi chuan ka ngaihtuah na duh aiin a kal thui tir thin, magnet min hip bet tlat tu ang mai a ni ka mit chuan a hmui sen no chak chu ka en a, hrep tak a; ka duh ai thui ka ngaihtuah dawn tlat chuvang chuan ka tawlh hnung nghal thuai a.

Ka hria a ni,ka hre takzet a lawm.A mit,a hmui leh a hmel zawng zawng pawh.

Nilo, amah chu a ni thei lo;duh ai in a awlsam mah mah a ni, nihna hran hrak a nei ani vur khal, meialh, oil leh tui ang chiah a in hmu rem lo a ni; mahse a chung zawng zawng chuan a duhawm na a ti zual sauh zawk, tu emaw ber chuan chhuang tak a nu te hnen a hruai haw kan duh ang chi kha a ni hmeichhe dang ang lo takin a koham ve lo bawk.

"Engkim a tha vek maw" Markos Petrakis ka pa chuan a rawn ti a, kan bulah chuan a rawn thu thla ve nghal a, a chezia vel chuan naupang te kan nih lai a ka unau nu Chloe nen min infiam pui thin te pawh kha ka hre chhuak rum rum.

Ka tho chhuak a,ka taksa vel chu ka han sang mar a "aw tehreng mai, Jade a nih hi" ka mit sir a Jade i en zauh pah chuan ka chhang a,hmanhmawh tak a kai tho in a bag leader chhuat a awm pawh chu ka chhar sak nghal thuai.

"Collins i tha maw" a lu a bu nghat a "nangmah hmu tur che in a lo kal a,eng thil nge thleng ka hre lo keimah min rawn hmu leh daih bawk si a"

Min hmu turin a rawn kal a maw.

A chhan chu ka hrethiam mai, a rawn kal ngei ka ring bawk.

Coffee shop khawt ah notice lian pui, dawr chu kar hnih chhung khar lailawk tur manager i thlak thil thu ah tih a in tar kuau a lawm, building security guard pawh in kha nu kha drug overdose vangin a thi tih min hrilh bawk.

Jade i chuan a hna thawh na nu an ngaih pawimawh tehreng nen ka tawrhpui angreng khawp mai, khang ka offer zawng zawng pawh kha a rinawm em vangin a hnawl a ni si a mahse tunah chuan a hna thawh na nu a boral tawh a ka offer chu a pawm ngei ngei dawn tih ka chiang.

Office ah hmuh ka lo in beisei ru ve reng a, ka assistant thar hnen ah pawh tih dan tur ka lo hrilh lawk diam tawh nghe nghe,bakah ka tihtuar tamtak ka thulh phah a chhan pawh he nula pakhat Jade tih hmingpu hian appointment a chan loh ka hlauh vang a ni.

A coffee kha ka ngai ngawih ngawih,khang thil simple tak tak te khan min hneh em a ni chu mai bakah phur na nasa tak min pe bawk eng thil nge ka chungah thleng dawn tih ka hre lo mahse zing tin a coffee siam kha in ka duh a ni, khang coffee te khan chakna min pe in min ti harh sawt in ka hria.

Ka pa chu a dawhkan lam ah phei leh in, envilope var hi a dawhkan pawhdawh a tang chuan a rawn phawrh ,Jade i chu a bag ka pe a min zah der nan a lu chu a bu nghat a; a awmna hmunah chuan zeng ang maiin a ding khawng reng a, a kut hmalam ah a dah ran bawh; kindergarden naupang ho in twinkle twinkle little star tih class a sak an tum te pawh a ang.

Ka pa awmna lamah chuan ka phei a, a hnungah chuan phei in ka kekawr ipte zen tap chuan ka ding a " eng thil nge thleng sawi teh kan hnathawk te chu kan tihbuai ring duh suh, kan company tan a mi pawimawh ber ber te a lawm an nih,khang buaina hote vang a hnathawk chan chu ka duh hleinem"

"Thil hriat sual a awm ka ring chiah lo, Jade hian a thiam loh a ni tih a pawm a"

Awih chiah lo chung chuan ka lu ka bu nghat a, uluk zawkin a dar atang chuan ka en a,a lang nuihzat thlak takzet, a awmna ngaihah chuan ding in office vel te chu uluk fe in a en kual a, a bul vel a awm te chuan hmun hran daih ah a hruai ni awm tak a ni.

Ka nghawng chu ka dawm a,ka chau takzet a ni, ka mut te pawh a chhuak nileng in New Zeland a kan sumdawn na thar tur chungchang ah plan khirh tak tak ka siam a, chumi piah lam ah Japan a kan shipyard buaipui tak vak loh pawh chu ka ngaihtuah tel a ngai a ni,ka pa nen chuan siam that leh kan duh a mahse buaina pakhat chu board members te leh director te chuan an duh tlat lo a ni,ka bussiness plan vawi duai lo ka present tawh a mahse tun thleng in kan la ti hlei thei lo a chhan pawh kan investor ho hian chan an hlau em a ni.

Ka rim tawngkhawng em a ni, board members ho nen conference hall ah kan in hnial reng mai bawk si, vawin tlai dar 1 a tang khan ka la awm char char board meeting kaihruai tu ber ka ni bawk si.

"Kha le, Japan a kan shipyard a kan in nghah na tawp ber plan chu" envelope chu a keng va a, envelop chhung ah chuan sawi chhuah mai mai loh tur document pawimawh tak a awm tih ka hria "va present rawh, a tam zawk in an la duh lo fo a nih chuan thlan tur dang kan nei tawh lo, kan resort tawp ber a nia, he kan major project hlauh tur hian risk kan la thei lo ang, uluk tak a zir chiang tur in ka duh che a ni ka fapa he project ah hi chuan i lak ah ka in nghat thui a nia he contract hi a thi tep tawh a nia, sign la seal chhu la ni 5 ral hma in thawn ang che"

"Tehreng mai, ka ti beidawng lo ang che plan tha tak keipawn ka siam a lawm, ka lo en nawn leh hrim hrim bawk ang nga" envelope chu ka la a nghet takin ka hum a.

"Ole, chuan zanin ah kan in hmu dawn a nia"

Ka lu ka bu nghat a kal leh nghal mai ka tum a.

"I nu in i bialnu thar i lo hruai dawn a tia" a thusawi ka hriat rual in ka ding chawt a, ka en leh nghat ha a.

"Aw, ka nu chuan Kendra hi hmuh a duh a" Kendra hi ka bialnu a ni lo tih hrilh ka duh, ka thian satliah mai a ni mahse ka pa chuan a hrethiam hauh lo ang.

Kapa chuan min rawn en a, a hmui chu a ti che zauh a "Time Squard Electronic screen a mi hmeichhia kha a ni em, kawr sen pan deuh ha kha"

Ka haw sawn nghal hmak a, hmun dang ka en nghal hmak a thusawi chu ngaihsak loh luih ka tum a "aw,ka kal a ngai tawh nakinah kan inhmu dawn a nia" ka pa hian Kendra Packer date vel hi a duh chiah lo niin ka hria, Model lar tak a ni a mipa tamtak ngaihzawng a nei tawh bawk, mipa satliah chu a ni hauh lo mipa hausa tak tak vek ang ni. A ngaihzawng hnuhnung ber pawh kum 50 mi Itallian Billionaire a ni.

Kendra hi hnawl a har takzet a ni, eng nge a duh a hria a, a tumah a chiang bawk mipa hausa tak tak te han lem kual vel chu thiam tak a ni, chuan tunah min duh bawk. Tun kar ah ringawt pawh ka appartment ah vawi 3 ngawt mai a rawn riak tawh zanlai ah rin loh takin a rawn lang thut thut zel a sawm luh tawp loh chu tih theih ka nei lo, a tang kawk tlat bawk nen.

"Ka rualin lo kal rawh" en pawh en lo chuan Jade chu ka bia a, chhuat a tarmit tla chu ka chhar bawk ka pa room atanga chhuakin a secretary lam ka pan ding nghal nal nal a.

"Faye, Messenger kha he tarmit hi Optometrist Clinic ah va dah tir rawh, siam that tir nghal ang che a rang thei ang berin tun darkar ah ngei hian siam rawh se chuan ka office ah i rawn dah tir leh dawn a nia"

"Awle, Sir"

Elevator ah chuan ka phei nghal a,Jade chuan min rawn zui tih ka hria a rim nu hnap mai ka hre tlat a ni, ka rilru chu a buai takzet; project liantham zawk chu ka ngaihtuah a ni kawng dang ka zawn a ngai board members ho remtihna ka neih ngei a ngai a ni, ngaihtuah rawh, ngaihtuah rawh, keimah leh keimah chu ka in nawr tet tet a.

Elevator kawngka chu ka khar a, Jade chuan min lo zui tawh hauh lo khawi ah chuan nge maw a lo kalbo hman ang chu ka ri rilru a.

[Ngaia]

Chapter-7

°Jade's Pov°

"Mr.Petrakis...Mr.Petrakis..." khawnge a awm tak.

A rual a kal tur in min ti a,a rual a kal pawh ka tum mahse a kal chak em a ka um pha lo a ni,engmah ka hmu chiang tha thei silo khawiah nge a kal ka hre tawh miah lo.

A tawp a tawp ah kawngka pakhat ka dap fuh hram, hawn ka rilru nghal vat office a nih hlauh takin ka ti a ni.

A kaihna chu zawimuang in ka vuan a, zau zet chuan ka hawng a, kawngka luhna ah chuan ka ding a room chhung vel chu ka en kual a eng thil chiah nge awm tih chu hriat ka duh a ni engkim chu a var vek ni mai in ka hria.

Tui thli karh karh ri ka hria a, mipa pali bang bul ah ding chung a an inbe lai chu ka hmu bawk.

"Japan ah chuan ka vote dawn lo hrim hrim, pa leh a fapa chu an in chhung khawp mai, ka vote dawn lo a ni tawp a chhan pawh gold bar shipyard hnuai a awm vang a ni"

Ka thinphu a rawn rang dawt dawt a, ka lum nghal pup pup, a ruk te chuan ka khur dar dar mipa bathroom ah ka awm em lo ang chu a.

Ka kal hma chiah chuan an zing a pakhat chuan min rawn hmu fuh nghal chat a.

"Hey, nula eng nge helai ah hian i tih, hei chu mipa awm na a nia" pakhat chu ring fe hian a rawn ti a.

"Eng thil nge i rawn tih" pakhat chuan a rawn ti leh nghal tuarh a.

"Ka tihpalh, ka tihpalh lutuk sir tihpalh" an zing ah chuan ngaihdam ka dil mawlh mawlh a rang zet in ka chhuak nghal hmak, buaina a tang a kalbo tur chuan tlan lek lek khawp a chak chuan ka kal a.

Tu emaw hian nghet takin ka ban a rawn man nghal chat a.

"Khawnge i lo kal hman, min zui reng a maw ka tia sin"

Eros Petrakis ka hmuh rual rual chuan ka hmai chuan a sa nghal hem hem, a rim pa hrak mai chu ka hip vang vang a, oh ni lo ni tawh lo.

Ka tawlh hnung nghal thuai, a chhan pawh a taka in min khawih na atang a in lak hran chu ka duh a ni.

"Ih..ka..ka tarmit tello chuan ka hmu chiang thei miah lo a, ka hlauh che a lawm"

"I hmu chiang thei lo tih min hrilh tur che a lawm" sehchilh nak a ti chung chuan a rum nghat a, envelope chhuat a tla chu a chhar a "lo kal rawh"

Elevator lamah chuan kan phei nghal thuai a,tunah chuan ka hnungah a kal tlat a elevator ka luh thleng pawn min nghak nghak a.

"Chuan, engvang a min hmu duh nge i nih" elevator kawngka in khar rual chuan min zawt a.

"I hna min offer kha pawm ka duh a Mr.Petrakis" in thlahrung ang reng tak chuan ka ti a.

A ngai reng a, ding chungin min en ringawt mi mak ve tak chu a ni ka lu chhip a tang a ka ke ler thleng chuan a en a, min en ringawt pawh chuan ka mur chem chem thei in ka hria.

Ka biang a rawn sa hem hem a, min en chik lutuk chu ka zak chem chem mai ka leather bag chu nghet tak a vuan in ka hmalam ah ka pawm ran a, ka taksa chu ka hliah deuh tat tat bawk.

"Tunah i CV i lo keng em" a tawpah chuan min chhang ve thei hram.

"Aw Sir"

"I qualified em han en i la" chhum deuh hum chuan a ti a, elevator kawngka a rawn in hawng a ka hma ah chuan a ka kal a.

Qualified maw, a coffee girl ni tur chuan ka qualified ka ring ve tlat. Ka coffee kha a ngaihna a lawm, ka hre ve tlat.

Ka ke chu a khur ru deuh hlak hlak a, min hnawl leh ang tih chu ka hlauthawng a ni hna hi ka mamawh takzet eng hna pawh, Mr. Petrakis in min rawn chhan hma chuan ka rilru in ka tawngtai char char.

"Engkim a tha vek em, miss collins"

"Aw..awle sir" ka lu ka bu nghat a.

A office a kan lut tur chiah chu nu hmeichhe pakhat nen kan in tawk a, a la naupang hmel khawp mai, a sam buang thang mai te chuan a ti hmeltha lutuk ringawt, a suite hak te chuan a pian fuh tak chu a chei khawp mai a professional in a chhe lo takzet a ni.

"Good afternoon Mr.Petrakis" chu nu chuan aw duhawm em em in a rawn ti chhuak tiak a.

"Tunah chuan i kal thei tawh ang, Miss Leach" a chhang let nghal thuai a.

"Awle Mr.Petrakis" en pawh min en eih lo chuan a ti a, min hmu a ngem aw ka ti rilru a awm dan vel ah kha chuan hmuh theih loh ang mai ka ni.A secretary chu a ni chiah a mawn le te ka ti rum rum.

Office chhungah kan lut a, a lian kher mai furniture dum leh var vek an hmang bawk eng thil chiah nge room chhungah chuan awm tih hriat chian ka chak a ni,mahse engmah ka hmu fiah thei lo.

"Thu rawh miss Collins"

A executive dawhkan dum hnung a chair ah chuan a ni chu a lo thu diam tawh, chair chu a ngheng awr awr a ka thut hun a nghak a ni.

Ka thu nghal thuai a,ka leather bag atang chuan envelope uk chu ka phawrh chhuak a, ka CV chu pek tum in ka ban ha a mahse keimah a hriat na awm chuan tawp turin min rawn ti nghal chat.

"I chanchin chu min han hrilh ta che Miss Collins"

Thawk ka la vang vang a ka thaw chhuak leh nghal hak a, ka chungchang min zawh hi chuan ka chiai tlat zel thil chhuanawm sawi tur ka nei lo chiang bawk em a ni,ka chanchin zawi lo a interview dan a awm tawh lo a mawn le, sawi chhuah ka duh lo mahse duhthlan tur ka nei lo ka dam khawchhuah theih nan he hna hi ka mamawh a ni, eng ang a thil duhawm lo pawh thleng mahse ka sawi ngei a ngai.

"Tunah chuan i tan thei tawh ang"

"Umm ahh...Jade Collins ka ni a kum 20 na ka hmang mek bawk" ka kut phah zawng zawng a thlan vek tawh, ka kawr fual uk par hak ah chuan ka kut chu ka hru ka hru a,ka zam takzet a ni.

"Sawi zel rawh Miss Collins"

"New Jersey ah ka piang a, kum hnih kalta khan South Bronx ah ka pa chuap cancer vang a a boral vangin kan in sawn leh a, ka nu leh ka unaunu nen kan cheng ta reng a ni, chuan ka nu hian nau awm in a inhlawh ve thin a cardiologist in hna rim thawk lo turin a ti a, a chhan pawh a lung natna vang a ni.Ka nau Saphire hi kum 15 mi niin tunah hian high school a kal mek a ni"

"I zirna lam leh i experiance te han sawi leh la"

"New Jersey Princeton High School a tangin high school ka graduate a, ka pa a thih khan engkim ka hlauh vek a, kan saving leh ka tution fee tur college a chhun a tan a ka tih zawng zawng te pawh tiam in, Arts and Designe course lak ka rilruk a, mahse khang thil a thlen hnu khan engkim ti tawp vekin coffee dawrah ka thawk ta a ni"

"A nih chuan kum 2 zen zawn chu coffee shop ah khan i thawk tawh tihna a ni maw"

"Umm, aih kum khat chiah ka la thawk" ka lung chu a rawn phu dawt dawt a, kawngaih in min zawh chhunzawm tawh suh khawngaih in.

"A nih chuan eng thil chiah nge i tih coffee dawr a i thawh hma chuan"

A zawhna chu ka tan chhan harsa tak ka ni, mahse thlan tur dang ka nei lo, mahse dawt chu ka sawi thei tho a lawm

"Ka...ka pi bulah ka cheng a,amah in a awm a chuan, chuan midang awmpui tu tur a mamawh a ni" dawt ka hrilh mahse a dik na chen chu a awm tho.

"Coffee dawrah i thawk leh nghal si a, khawi tangin nge coffee tui tak siam kha i zir a"

"Barista, kan dawr a thawk George a lak a tangin, chuan a chei dan leh a art designe pawh min zirtir bawk a ka zir tirh chuan nuam ka ti khawp mai a chhan chu art leh designe lam ah ka tui em vang a ni. A ni chu kan buai theih em vangin ka pui ve ziah a, chuan coffee siam dan te min zirtir bawk a, a tihdan tur leh a kalphung zawng zawng te pawh min hrilh vek bawk"

Coffee shop hi nuam ka ti takzet a ni,dawr te, coffee te George leh Mrs Chang i pawh tiam in, sana ka en zawk a minute 20 a ral der tawh, ka en a ka thusawi a ngaithla reng reng lo tih ka hmu ve chiah.

"Mr.Petrakis...Mr.Petrakis" zawi sap chuan ka ti a.

Eng thil nge thleng chiah, a meng tawh lo reng reng, mi la ngaithla reng nge a muthlu tih ka hriat a ngai a ni.

"Mr.Petrakis" ka au leh a,mahse min chhang chuang lo.

Kawngka rawn kik thawm ka hre zui nghal pat a, ka ngaihsak lo tlat a mahse a rawn kik nawn leh a, thawm dim takin kawngka hawn tum chuan ka phei tham tham a, in chhuih palh hlau tak chuan ka pen da da a.

"Hi, Mr.Petrkis kha a awm em aw" mipa messenge uniform ha chuan a rawn ti a.

"Aw, tahsawn a awm" a dawhkan lam chu ka kutin ka kawk va a.

"Oh,..a muhil a nih saw engpawh chu nise Tom ka nia, Dr. Davis a clinic a tangin, he tarmit hi helai hmun ah hian delever turin min ti a, i ta a nih ka ring" zawi sap chuan a ti sar sar a.

"Aw, ka ta ni e" zawi sap chuan ka ti let ve a,ka tarmit chhia an siam tha leh chu ka hlim veng veng mai a thar hlak lehnghal "ka lawm e"

"Keipawh le, ka kal a nge"

Messenger chu a kal thuai a, tarmit case chu ka hawng a.wow, a hma a mi ang chiah kha a ni ka duh lutuk, ka bun nghal thuai a, ka lawm e lalpa tunah chuan engkim ka hmu fuh leh thei ta.

A office chhung chu ke en kual a,room lian tak a ni a pa room nen chuan a in tiat vel ka ring mahse a chei na leh furniture vel chu a tunlai deuh zawk a dum leh var vek a la ni zui,ka en kual zel a, ka bul vel a thil nalh tak tak awm chuan min thawng kher mai, thil manto tak tak leather couch te, chair leh dawhkan designe dangdai tak tak te, bookselve leh glass cabinet nalh tak te a awm a, a chhungah trophy, chhinchhiah na leh thlalak te awards te a awm teuh bawk. Darthlalang bang lian tak phen atang chuan New York skyscraper ropui tak a hmuh theih bawk.

Dawhkan hnug a thu lam zawk chu ka hawi leh a ka nuihza lutuk chu insum a har ngei mai,ka kut lehlam in ka hmui chu ka nuih chhuah loh nan ka hum ran a.

Billionaire ropui tak Eros Petrakis chu a chair ah a muthlu a nia ka ring thei lo, engti zawng tak emaw chuan a hah ve hle a ni ngei ang a nih loh chuan ka chanchin sawi hi a lo hna viau pawh a ni mahna, engpawh chu lo ni teh se a.

A taksa ruangam chu uluk fe in ka en a, a hmai a niin a chhun pah a thil hlim lang pawh chu a reh lo reh tawh, a ai uluk zawk chuan ka en da da a, a sam dum hlap leh tam zet mai te chuan a ti lang mak in mi a hip takzet a ni, a chalsam thenkhat a chal ah a rawn tla deuh nalh chuan ka mit a la nghal zar, a samah chuan ka tuai chho dawn a mawn chu aw ka ti rilru a, mahse ka theilo, chutiang ka ti a nih chuan ka thi nghal a ni mai ngawireng chuan ka en ta zawk a, en ringawt pawn a luhlul hmel takzet chutih rual in mi nghet tak leh tha hrui nghah tak a ni tih a hriat bawk.

A thawh theih tak mial in tiin bengchang ka siam lui vel a, ka zuang nghek nghek a ka thutna te chu ka hnuk kual a,a dawhkan te ka beng ri thul a thutna te pawh chu pawh sawn ka rilru hman hial,mahse thawh chu khawi lamah, a mu nghet sauh emaw tih tur a ni.

"Mr.Petrakis tho teh, kawngaihtak in, ka sawi zo vek tawh a nia. Mr.Petrakis"

Na zet in ka thaw chhuak hawk a, a tlawm thlak takzet a ni eng emaw ka hre chhuak zawk.

Ka aw ka thian te te a, engtik lai pawh a ka hla duh tawp theih loh 'i will always love you' tih chu ring zetin ka sa ta al al a.

Ka zai rei telh telh a, a thunawn ka sa chiah phei chu ka tui tawh lutuk ringawt ka thinlung zawng zawng in ka sa tawh, Mr.Petrakis chu a rawn che talh talh a.

"Miss Collins i zai kha duhtawk teh,ka hired tawh che" meng mang lo chuan a rawn ti chhuak hram a.



CHAPTER-8

°Eros's Pov°

Eng thil nge thleng, in a kang e maw ka ti hman dawn hial alawm a zai ri chu ngaihthlak a nuam lo in beng a ti hahdam zawk zawk lo kher mai, lu na ka neih phah dawn hial in ka hria zaithiam tak nih tum ai chuan coffee siam ah khan rilru pe hle hle se aw.

Ka tum vang reng pawh ni lo in ka interview laiin ka la mutthluk san daih leh ta nghal a,nizan lam ka mu tha lo bawk nen ka chau takzet ka lu te hi a rit bur mai,khang ka phur na leh tha tho na zawng zawng te pawh kan a kaw tawpah min tan tir zawk maiin ka hre tawh chutiang kar a han mut vel chu ka dah hmasa ber thei lo a ni, ka rilru a kap tlat a, min phuar tung ni mai hian ka hria min controll vek tawh.

Jade Collins i chu ka en a, a pawisawi loh hmel takzet a ni, biakin a puithiam ang maiin mawle ka hma ah a ding ran a, a mizia leh a awmdan leh chuan min thawng in min ti hlim takzet a ni.

"Min hired maw" a rawn ti sap a, a kut pahnih chuan a hmui a hup a phawk fe in a meng bawk, a lunghlu hring mitmeng chu a nalh takzet, min aikhaih ni mai hian ka hria.

"Aw, naktuk zing atangin i lo thawk dawn a nia" muk angreng tak leh thu nei tih hriat takin ka chhang a.

"Yes, yes, yeeesss, ka lawm takzet a ni Mr Petrakis,min chhanchhuak tu i ni eng tiang takin nge he thil hi ka tan leh kan chhungkaw tan a pawimawh tih i hrethiam pha lo zawk ang"

A rawn kal hnai a, ka kut a phar a ka hma ah chuan hlim zetin a zuang at at a, mak ti fe in ka en ringawt eng thil chiah chu nge maw a tih le, engtin nge heng thil thleng zawng zawng hi kan buaipui ang aw ka ti rilru nauh nauh a.

A dawnsawn dan vel chuan min aikhai hman hial a lawm, hmeichhe naupang a birthday a ballons leh naute lem dawng ang mai a ni, a rilru ah hian eng thil chiah nge awm, engmah ngaihthat loh na a nei lo a rilru a awm ang hian a khawsa chhuak tawp zel mai a nuihzatthlak ka ti dawn nge a mawl ka ti dawn ni, a personality hi ka duh tlat, a simple a, a nihna lo ang a lan a tum hek lo ka hmeichhe hmuh thin ho nen chuan danglam tak a ni.

"Hei ka address" ka called card chu ka pe a "Dar 5 ah chuan ka appartment lo thleng thin tawh ang che, hna ngai pawimawh lo leh tlai ching ho hi ka ngaithei vak lo a nia"

Ka called card chu a kut pahnih a chelh in a keng ran a, a en a "Ka lo awm ang Mr.Petrakis, ka tlai miah lo ang" hlim leh phur hmel zet chuan a nui sen sen a, a ha var tak a lang tha bawk.

"Ole kan ti fel tawh chuan i kal thei tawh ang, Mis Collins" bawng deuh nghat chuan ka thlah a, chutih rual in a personality khan min tihlim khawp mai, mahse chu chu a lakah tih lan erawh ka duh lo.

Kum ka tling chhoh atang khan, ka rilru sukthlek thunun ka zir tan a, eng pawh ngaihtuah mah i la ka ti lang ngai lo luhlul tak huaisen tak,chu mai nilo in ka rilru sukthlek chu nghet takin ka thunun bawk.Multinational corporation ka enkawl mek a, hnathawk sang chuang ka kutah an in nghat a chutiang chiah in ka chhungkua pawh, chuvangin ka chak loh na pakhat pawh a lang chhuak zauh a nih chuan min el tu ten remchangah an rawn hmang nghal chat ang, business khawvel ah chuan company tan a ralthuam chu keimah chauh hi ka ni.

A dawhkan a envelope chu ka melh a,ka hawng a, document awm chu ka la chhuak a ka pa plan vel chu ka enkual a.

Mahse kan hawi chhuak leh chu Jade i a lo la awm reng, ka hma ah chuan ding in inches khat pawn a lo la che sawn lo ni ngei tur a ni, a kut zungtang chu a khalh niap niap a.

"I kal thei tawh ka tih kha" bung nghut leh vin lek lek chuan ka ti a, tihthaih deuh ka tum a ni kan inkarah hian ramri kham a ngai tih ka hria.

"Umm..ah"

"Zawhna i nei a mi, nge hriatthiam loh i nei zawk"

"Umm..ih Mr.Petrakis engzat nge ka hlawh tur ni ang" zam deuh tak chuan min zawt a, a aw te pawh a khur lek lek in ka hria.

"Ka sawi tawh kha, Miss Collins coffee dawr a i hlawh let thum ka pe ang che ka tih kha, ti chuan a tha em"

A lu a bu nghat a, a thawng angreng hle tih ka hria a nui ver ver a, a hlim takzet a ni.

"Hriat fiah loh dang a la awm ami"

"Umm...aih sir ka lawm takzet Mr.Petrakis" a hma ang chiah in a kut zawngtang vel chu a khalh neuh neuh a,a chin tha a nih ngei ka ring.

Ka lu ka bu nghat a, a kut chuan kal rawh tih nan ka hui sawn a, ka office atang chuan zawi da te hian a chhuak a, kawngka vawnna chu a vuan a mahse rawn hawi let leh in min rawn el leh ha a.

"Mr.Petrakis, ka buaina tur chu a ni miah lo tih ka hria a, mahse mipa thenkhat bathroom a an ti ti ka hre ru a,Japan a shipyard chu pawm an tum a mahse chu chu an share i tih pun sak chauh in a ni ang an tia"

"Maw" ka thutna atangin ka ding nghal hluai a, a thusaw chuan min thawng ngei mai "i chiang chiah maw"

"Aw, an zawi zel dan chuan shipyard i vawnghim duh na chhan chu a hnuai a gold bar thuhruk a awm vang an ti bawk a"

"Hrep tak a, chung zawng rual duham mimawl ho tak chu" thinrim tak chuan ka rum nghat a, kan company him nan leh kan kal zel nan kei chuan engtik lai pawh in shipyard hi vengkim ka tum a nia, an ni chuan an share tih pun dan ringawt an lo buaipui a maw, hmel ho chuh.

"Umm khang zawng kha a nia ka hriat chu, chun...chuan..chuan..kan kal tawh a nge" ran zetin a inher a, a chhuak nghal thuai a.

Tlai lam a ni tawh a, Kendra i leh ka chhung te nen New York a hotel changkang ber pawl ah dinner nei in kan kal a, he hmun ka ngainat na chhan pawh hi khawvel huap a seafood tha leh tui an siam thin vang a ni.

Ka rin dan chuan Kendra i kan chhungkua han hmelhriat tir vel chu ngaihdan tha tak niin ka hrelo.

Ka chhungte nel vel lah chu an tum em em mai bawk sia,thiam takin a ti ti pui siam siam a fashion show te a sawi pui a,signature bag te, pheikhawk te, kawr te tlereuh te leh pawisa te chu a ti ti duh ber a ni, jet leh car brand a hre ropui mai mai bawk si a awm dan ah hi chuan nghet tak a min ngaizawng ang mai kan ni.

Heng buaina hi tlansan ka duh a ni, a thil tum ka hria, inneih maicham thleng a min hnuh luh a tum a ni.

"Party na ah kan in tawng a, ka mit a in tawn rual chiah khan ka tan a mipa diktak a ni tih ka hre nghal chat a" Ka kut chu a vuan a "Eros hi a duhawm takzet, a romantic in min care em em mai bawk si"

"Wow, i chanchin sawi hi ka unau pa a ni chiah maw" ka nau Chloe chuan Kendra chu a en ha a.

"Chloe duhtawk rawh" Ka nu in Chloe chu a en a "i unaupa pawh hi a romantic ve tho ang chu, i pa ang chiah in"

"Inigo Monterio kha ka hmu thal a ka hriat chu a" dawt chiang tak ka sawi, Inigo hming ka sawi rual in Chloe hian a ngaihsak nghal dawn tih ka hria, chu chu ka duh a chhan pawh ka chanchin an han sawi vel hi ka duh chiah lo, a bialpa hlui a ni a, a kum 16 piancham ah khan an inthen bawk chu chu kum 4 kal ta khan a ni.

"Tak tak, dawt min hrilh chiang tiraw" Chloe chu a hlauthawng nghal, a hmel zawng zawng pawh a dang nghal vek.

"Aih a lo kal a lawm, a hnungah kan a awm a lawm" kan en chhin vel a, nakin lam ah min la haw dawn tih ka chiang.

In her vah in Inigo a hnung a ding ni awm a ka sawi chu en a tum a, thinrim zet in a rawn hawi let a' hmela' a rawn ti chhuak hram.

"Chloe, kha chu tawngkam tha lo a nih kha,nula tan phei chuan khatiang sawi kha a mawi lo" ka pa Markos Petrakis chuan ka unau nu Chloe chu a hau a.

"Maw engmah chutiang ka sawi lo e a" Chloe in a mitko san zauh pah chuan ka pa a chhang a.

"Ohhh,, in chhungkua hi in duhawm khawp mai, Eros an Chloe an fiam vel kha hmuh a nuam khawp mai" Kendra chuan min rawn kuah pah in a han ti a "Eros, ka tanpui thei tlat lo che, eng emaw i hnen a sawi duh ka nei a helai hmun ah tunah ngei hian, a pawimawh lutuk a" a mit chu dawhkan a napkin chuan a hru zauh a.

"Eng thil maw, i tha maw" a awmzia ka hrethiam lo takzet,ka thin a phu dawt dawt a engvang a han tap teh hrep nge maw a nih le, eng thil chiah nge min hrilh pawh chu a tum.

Ka nu chu ka en a, ka pa leh Chloe pawh ka melh a an dang bel lehnghal, Kendra i thusawi tur chu ka nghak thap a.

"Helai hmun a in chhungkaw ho nen a awm hi nuam ka ti takzet, chuan ka sawi tur hi sawi chhuah ngei ka duh bawk"

"Kendra eng thil nge sawi tum chu ni a" Lemchan thiam lalnu ang mai a lem a chan nghek hma hian sawi vat vat chi zawk a ni.

Thawk a la vang vang a,a mittui a rawn tla leh nghal thuai "Eros, he thu hi ka vawi khat sawi na tur a ni, chuan mipa dang lakah ka la sawi ngai bawk hek lo mahse i hnenah sawi ka duh, nangmah chiah, chuan in chhungkua hian he ka thusawi tur hi hre tur in ka duh che u a ni" a chawl dat a, kan chhungkua ho chu a en kual a,min rawn en leh a muanchang leh lamchang tih hriat takin "Ka hmangaih che Eros, Ka hmangaih takzet che ka thinlung zawng zawng in"

Ka wine in lai chu ka phuh hman tep, min hmangaih a maw hrep tak a, sex kan hmang atang khan hmangaihna hi kan in remsiamna ah a tel lo hrim hrim, a line a pel tlat sex chauh hi kan in kawp na chhan a ni rilru sukthek leh hetiang feeling hi kan sawi thleng lo hrim hrim, chuan eng thil teh hrep nge a ngaihtuah ni min hmangaih tiin ka chhungte bulah a la in puang ta leh nghal a, eng thil chiah nge tih a tum hi.

"Eng maw, engmaw i sawi a"

"Ka hmangaih che, chu chu i tan engmah a nilo tihna em ni, nang chauh hi i ni hetiang thu ka hrilh awmchhun" Kendra chuan a mit a ti zim san a, a mithmul vel te pawh ngui ni awm fahran in a ti kual kawi vel bawk.

A nihna takah chuan, min ngai nep mah mah in ka hria, chutiang chiah in ka chhung te pawh kan ngaihtuah chu a in an vek ka ring ka ring dan chuan ka rai a ti ka lo ring hman tawh a mahse vanneih tak takin a ti lo hlauh min ti hlau hman hial a lawm.

"Chuan, eng nge sawi tur in min duh a" ka zawt a.

"Ka lak a i rilru put hmang hi ka tan pawm la ka duh a ni kei in ka pawm ang chiah hian, min han hrilh teh duhtak,min hmangaih em" a aw chhuak te chu zawhte naute miau ri ang mai a no a ni.

A mitah chuan chiang fak in ka en a "aih" seh chilh nak chuan ka chhang a.

[Ngaia]

ALPHA:1995


CHAPTER-9

°Jade's Pov°

"Wow, ka lawmpui a che sis i ti thei ta e" Mr.Petrakis a hnuaiah ka thawk dawn tih ka sawi rual in ka nau chuan a ti zui nghal pat a.

"Nia, thil theng hi ka la awih thei lo, vawi tamtak ka in sik tawh a tawp a tawpah chuan hna thar ka nei ve ta" Couch ah ka bag chu ka dah a, ka sam lem vuah chu ka phelh bawk ka ginger sam chu samkhuih in ka khuih a.

"A offer ngai kha a pe che em" phur zet chuan tiin phawk fe chuan min melh a.

"Yep,dawn lawm ni mipa zahawm tak a ni" a nau beng bul ah chuan ka va ti sap a, ka thil tawn lawmawm zet chu ka hrilh sar sar a.

"Aw, aw ni chiah e" Saph phur lutuk chu a rak chiam chiam a ka lo au ve nghal chiam bawk, kan zuang zawk zawk bawk naupang chhia ang mai kan ni, ka kut lehlam chu chelh in kan zuang leh chiam chiam a min rawn kuah a kan hlim lutuk chu kan in controll hleithei lo,vanneih na ka tawng baw ta a nih hi.

"Eng thil nge thleng a" ka nu in bedroom atangin a rawn chhuak "eng thu thar lawmawm nge awm a"

"Oh ka nu,i awih loh hial zawk ang Jade hi Billionaire in a chhawr dawn a nia"

"Maw Billionaire maw" ka nu chu a meng nghal kawk "tunge"

"Eros Petrakis mawle nu, an chhungkua chuan shipping company lian tak an nei a lawm" ka nu Ruby Collins chu ka hrilh a.

"O lalpa, Markos Petrakis fapa kha a ni lawm ni,an hausa in an lar takzet asin"

"I hria a maw nu"

"Tehreng mai, an chhungkua hi khawvel ah chuan a hausa ber te zing a mi leh mi lian tak an ni alawm, vawi duai lo Forbs Magazine nen an thawk dun tawh bawk thuthang thenkhat ka hriat atang phei chuan Eros Petrakis hi thawhpui nuam zawk zawk a ni miah lo ang, thil a duh uluk em em a hnathawh na hmun ah chuan sakawlh ang mai a ni an ti thin, chuan a strick em em bawk, a pa ang chiah a hna atchilh a ni"

"Umm, chu chu a dik ka ring mi tawng mawh tak a ni, a dan ngai chiah in a thil tih tum chin hriat a har bawk si, a nui lai pawh vawikhat mah ka la hmu lo reng reng, a office ah pawh va kal mah la sumdawnna leh pawisa bak a sawipui chuang lo ang che" Eros Petrakis a chungchang ka sawi chu ka ngaihtuah let a, ring zet in ka nui chhuak nghal hawk hawk.

"Eng nge nuihzatthlak awm a" ka chezia vangin Saph chu a lo hawi hai nasa mai.

"Kan interview laiin a muthlu nia mawle"

"A va mak e, tinge a" ka nu in min rawn zawt vat.

Ka dar ka san ak a, ka nuihza chu insum theilo ka nui leh nghal hawk hawk.

"Eng nge nuihzatthlak awm a" ka chezia vangin Saph chu a lo hawi hai nasa mai.

"Kan interview laiin a muthlu nia mawle"

"A va mak e, tinge a" ka nu in min rawn zawt vat.

Ka dar ka san ak a, ka nuihza chu insum theilo ka nui leh nghal hawk hawk.

"I chanchin vel a ngaithla peih chiah lo a niang" thil thleng ka sawi atang chuan Saph chuan a lo zeldin nasa kher mai, min rawn en a min rawn nuih ve nghal zat.

"Ka ring dan chuan a hah tawngkawng a ni maithei a ni, kaih thawh ka tum a mahse a mu tui lutuk a, mahse ka khaihthawh hram chu ka la tum a ka pa ka tih thin dan ang chiah khan"

"Oh nilo, Jade i zai tih chu min hrilh suh, 'i will always love you haaaaa' i sa a maw" Saph chu za zetin a nuih zawm nghal char char.

"O lalpa Jade, eng vangin nge chutiang chuan i tih a" ka nu in a rawn ti a.

"Thlan tur dang ka nei hleinem, ka kaithawh loh chuan a muhil tlang daih a nga sin, darkar 6 zet interview nei tur khan ka nghak tawh sia lawm"

"Sis, ka rin phak bak i ni, ka ngaisang khawp mai che i tha ber mai hahahaaaa, chuan i aw tial mawi zet khan i kaitho a maw"

Ka hmai a rawn sen tawn tawn, ka thil tih chu ka zak leh hnuhnawh a ni, Eros Petrakis khan ka a emaw a ti ngei ang, van zia lo tak.

"Umm, chuan tunah hian ka thil tih vangin ka inchhir mek" pubs a rui chung a zai thin karoke singer ang vel in ka zai tih ka hria, mahse music hi ka hmangaih a ni, chuan zai hi nuam ka ti bawk mahse music hian min hmangaih let ve chiah lo chu a ni.

Zing tih shower a inbual chungin ka school kal hma in ka zai thin a, ka aw teng tial vel leh ka zai thawm chuan ka pa a kaitho a, a alarm clock ka nih ber mai kan chhung in fiamthu thawh nan te min hmang thin, khatiang hunlai ah khan let leh ka chak a ni,nitin in kapa in ka school ah min thah a a hnu in a hna thawk turin a kal leh thin.

"Mahse i fimkhur hle a ngai ang Jade, Eros Petrakis te ang mipa nen a thawh ho chu thil awlsam a ni miah lo ang a in ti thuneitu thiam in a mit a sang em em dawn a nia, i dawhtheih hle a ngai ang.

"Ka hria alawm, chu chu keipawn ka lo ngaihtuah a sang leh ropui viau in a in ngai a ni maithei mahse a nihna takah chuan mi hawihawmlo leh mi chaldelh ching tak niin ka hria, coffee shop atang reng pawh khan ka hre mai" engkim coffee shop khawt a thleng kha ka la hre vek, ngaihdam min dil lo a, a tihsual a ni tih a pawm duh heklo chuan a office ah lah chhumbung hmuk in min la kaltir zui a.

"Mahse coffee shop a i hlawh let 3 ngawt a pe dawn che alawm" Saph chuan a rawn ti zauh a "chu chu pawisa tamtak a ni, he pawisa hi pawm mai mai teh Dee"

"Chu chu a tam hle mai, eng thil chiah nge i hna tur chu ni a" ka nu chuan ringhlel angreng tak chuan min zawt a.

"Aw nu, ahh ka thawh tur chu....ih amah englo"

"A eng maw, i thlarau ramhuai hnenah i hralh tih min hrilh miah suh" ring zetin ka nu in a rawn ti chhuak nghal tuarh a.

"Maw, eng chu nge maw i sawi le nu, thlarau hralh maw teuh lo mai"

"Coffee siam sak turin a lawm a hire a" Saph chuan a rawn ti vat a.

"Coffee siam turin maw, chuan a secretary i ni tihna ami"

"A nihna takah chuan nilo,a coffee in tur ka siam ringawt dawn alawm"

"Maw, ka hrethiam hauh lo, secretary emaw personal assistant chutiang siam sak tu tur chu a nei tih ka hre chiang khawp mai, engvangin nge khatiang pawisa tam lutuk kha pek che an tum, thil ni thei a nilo"

"Nu in bengdai teh, eng thil nge thleng tih chu ka hrilh ang che"

Ka nu hnenah chuan engkim chu ka hrilh vek a, Mr Petrkis in kan coffee shop an lo tlawh dan te leh a hnu a thil thleng zel dan te chu ka hrilh ta vek a "chuan kha zawng kha ni e"

"I coffee chu tui a ti takzet a ni maw, tu midang mah in chutiang chuan an ti ve hauh lo ang engang a hausa pawh nise engtik nge hna chu i tan dawn a"

"Naktuk ah, dar5 a rik chuan a appartment ah lo awm tawh turin min duh a"

"A hma hle mai, tinge a appartment ah kher a office ah i thawk ang chu ka lo ti asin" ka nu chuan zawhna min zawt hnem mah mah a ni, a dilchhut in a hlauthawng a ni.

Ka nu chu ka en a "A thawh ve leh ah a in ve thin bawk ang chu"

"Wow, billionaire zing tho hma maw" Saph chu a rawn nui hak a "a hmeltha lutuk bawk, chuan a hot em em bawk zingtin exar a lak thin ka ring push up te, sit up te leh a dang te pawh"

Ka dar ka san ak a " Lalfapa a ni lo Saph"

"Ka pawm lo, lalpafa pawn famkim loh na te chu an nei ve tho a lawm, tumah famkim an awm hleinem Dee"

"Ole,engpawh chu ni teh se a"

"A hnenah engtia rei nge i thawh dawn" ka nu chuan zawhna min la zawh chhunzawm reng.

Ka nu chuan a ring hleithei lo "a nih i hna chu engtia han sawi fiah chi nge, in tifai tu maw"

"Ummm...aaa ka hre chiah lo"

"Coffee shop ah khan casher hna i thawk a, khatiang tho kha i thawh ka lo ring a"

Ka nu awmna lamah chuan ka phei a, chair ah a ni chu a thu bawk, chair vawn ban ah chuan thu in ka kuah a "nu, engpawh nise pawi ka ti lo,kan pawisa hmuh tur chauh ka ngaihtuah a ni, kan kham khawp ai tam a nih leh kan khawl zel dawn a lawm, in tifai tu ka ni dawn a nih pawn pawi ka ti lo, hna zahawm tak tho a lawm a nih"

Ka thusawi chu a dik a ni tih ka hria, ka nu enkawl nan hian pawisa duh khawp kan nei lo a chutiang bawkin in luah man te pawh kan nitin mamawh chaw leh thil hrang hrang lei na tur te, Saph leh ka nu tan a thawmhnaw thar lei te pawh ka duh chu mai a la nilo restaurant a vawi khat tak zanriah han ei ho te chu ka chak ve a ni, pawisa tamzawk ka neih chuan ka college kal na tur te pawh ka khawl ang nga online a zir zawm in hna ka thawk reng thei bawk ang.

"I ngilnei hle mai Jade, nang ang fanu ka nei hi vannei ka inti takzet a ni, kan chhungkaw enkawl hna ka tih tur zawk chu i ko ah a tla ta si, hei chauh hi ka puih ve theih na che a ni si a" ka nu chu a mittui a rawn tla nghal zawih zawih, a chhan pawh kan tan a thil tamtak ti thei lo a a in ngaih vang a ni, a awmdan hi ka en san thei biklo.

"Shhh nu, khawngaih in tap tawh suh, nang leh Saphire hi ka hmangaih che u lawm ka, nangni enkawl hi ka tan phurrit a ni reng reng lo, hlauthawng suh ka ti thei lutuk ang ka hna tha takin ka thawk ang nga ka coffee hmangin Mr Peteakis chu hlimtak in ka siam ang, nu khawngaih in bang tawh teh i hrisel na atan pawn a tha lo a nia, tunah hna thar ka hmu a, kan hlim tur zawk alawm, ni lawm ni" ka nu bengbul ah chuan ka ti sar sar a, a biang a mittui luang te hruk na tur chu Saphire in tissue paper mi rawn pe bawk.

"Ni e nu, i tan kan awm alawm, kan hmangaih lutuk bawk che i hna pawh bang la kan enkawl tawh ang che, tunhma zawng zawngin min enkawl a tunah chuan kan enkawl ve hun che a ni tawh" Saphire chuan min rawn kuah ve a "hey ti nge in tah, kan lawm zawk tur a lawm pizza order i la chuan ka treat ni chiah che u"

"Tak tak maw, pawisa i nei a mi"

"Ahh, aih, tunah chuan i pe hrih ang,chuan ka tiam ang che u karleh ah chuan ka pe ngei ngei ang, cosplay contest zawh ah aw ni ang, Yuna lem ah ka in chei dawn alawm" Saph chuan a zahzel ah a hmui a pet a pet ringawt, chu mi hnu ah a lu a hiat leh nauh nauh bawk.

Ka lu ka thing zauh a,ka nuih sak a cosplay ah chuan a chak dawn em tih pawh hriat hma a chutia an sawi vel chu a naupan chhiat thlak ngawih ngawih.

A tuk zingah ka tho Eros Petrakis a appartment ah chuan dar 5 rik hma chuan ka theng tawh.

Guard full load ho lobby a ka kalpel tawh hnu ah min luh tir ve hram,mipa suit dum ha chuan min hruai a The Walking Death film a Rick Grimes a ang mai kha a ni, uluk fe chuan min en a ka leather booth uk leh ka kawr hring loose tak cherry lem chuang leh ka bag lian lo te ah nen lam chuan a hmuh hmaih ka ring lo, min en dan chu planet dang atang a rawn kal ni awm vel kal ni, ka nuih saih a min nuih let ve zauh bawk min hnung chhawn a, a kal leh nghal thuai a che mawi lo ngei mai.

Nu upa lam chuan penhouse kawngka a rawn hawng a,amah leh amah chu min in hmelhriat tur in Doris Kelly a nih thu a sawi bawk, kum 50 a pelh tep tawh ka ring, pasal nei lo a ni a Irish mi a ni bawk Eros Petrakis a in zawng zawng hi a enkawl niin a sawi bawk.

Eros Petrakis a penhouse chu Fifth Avenew, Upper East Side New York a awm a ni, in chhawng 58 ngawt mai chu Petrakis chhungkaw ta a ni bawk penhouse bik hi 58, 57, 56 ah a awm a,appartment tin hian room 16 theuh an nei a en-suit bedroom 5 leh bathroom 6 pawh chhiar tel in, chu mai nilo in terrace 4 nalh tak tak Manhattan hmun tin atang pawh a ang ut thei tur khawp in a hual bawk.A living room chung te chu ft23 ngawt a sang a ni nghe nghe, kawngka lian tak tak te leh archetacture designe nalh tak tak ten a chei a. Private elevator pathumte chuan pen house floor bik te chu a pawh bawk, floor tin in guest suit hrang hlak a nei a staff resedence hrang hlak an nei bawk, full equipped gym leh theater room te, library leh music room leh thil dang dang te a nei hrang theuh bawk

Pen house a ka lut chiah chu sawi tur ber pawh ka hrelo,a mawi takzet pawn lam atang a en aiin a chhung a la ropui zawk.

Rawng dum leh uk te chuan in chhung chu a chei hliah hliah, sofa dum chu a nalh in thut a hahdam hmel takzet a ni, an carpet uk phah lah chu a fai em em bawk si rah pawh a in thlahrunawm zawk ka booth chuan ka rap bal mai ang tih ka hlau a ni, a furniture te chu a hnum in a manto hmel hlawm khawp mai ka khawih a nih chuan ka kut zungtan khawih na thla a lang kalh ngei ang.

Doris chuan choka min kawhhmuh a, min thawng ngang mai, a lian em em a an hmanrua te lah chu a manto ber chi vek an hmang bawk, fridge lian tak leh gas te oven ringawt pawh chu inchen 30 dawn lai a lian a ni, warming drawer te leh double espresso machine te chu kitchen cabinet ah nalh takina in hung bawk choka cabinet zawng zawng chu stainless steel hmang vek a siam a ni.

"I duh em" Doris chu a nui saih a.

"Aw lutuk, he choka lian lutuk hi mi pakhat chauh tan a nih hi ka awih theih lo hial zawk"

"Nia,hei te chu mihausa ho zalenna a lawm"

"A vannei hle mai, kan chhungkua in appartment lian lo te ah kan cheng a, kan choka pawh on-fourth size vel bak a nih ka ringlo"

"Tak tak maw, he building pumpui hi Petrakis chhungkaw ta vek a lawm, Mr Eros hian a duh phawt chuan floor 58 zawng zawng pawh hi a luah vek thei ang"

"Wow, he in ngaihtuah chuan kan in chu sazu chenna ang mai a ni"

Doris chuan min en a , a nui sak a "nakin ah kan inhmu leh dawn a nia, staff residence ah ka va kir leh ang nge choka zawng zawng hi i hmang vek thei ang, coffe box chu coffee machine hnuai cabinet ah khan a awm kha aw"

"Oh, ka lawm lutuk e Miss Kelly"

"Doris tiin min ko mai rawh"

"Ahh umm ole Doris, thu hran daih, Mr Petrakis hi a tho tawh em le aw" ka san chu ka en zauh a, dar 5:15 a ri der tawh.

"Hmm ka ring chiah lo"

"Engtin nge coffee hi a duh hun ka hriat theih ang"

"I hre em em ang, room tinah hian intercom a awm vek a,choka ah hian lo awm tawp la a lo ko mai ang che, ka kal tawh a nge"

"Ole, kan inhmu leh dawn nia" a kal a, keimah chauh chuan ka awm cabinet te chu ka en kual a, coffee hrang hrang chu a lo awm teuh mai manto leh ramdang atang a lak luh vek a ni, a mur leh a powder te pawh a awm bawk ka lu ka thing nak a ka bag chu ka zen rak rak a,coffee bag A-zip lock chu ka phawrh chhuak a, Mrs Changi coffee dawr a kan hman thin ang chiah chu ka keng a ni, nimin a ka haw hma khan supplier hnen atangin ka lei a ni.

Darkar khat a kal tawh,choka ah la awm reng in Mr.Petrakis a min lo koh hun chu ka nghak reng a ka sana ka en leh a dar 6:15 a ri tawh, khawi ah nge a awm, khumah a la awm reng a mawn chu aw ka ti rilru a.

Darkar khat a liam leh a mahse engmah chanchin ka la hre chuang lo.

Awi leh, ka mut a chhuak lutuk ringawt, engtik ah nge maw min lo koh a tum le, tukin zing dar 3 ah ka tho a ka mit ka meng hleithei tawh lo.

Ka sana chu minute sawm dan zelah ka en a,ka mit ka meng thei tawh lo ka thutna ah ka mu nghal tawp tawh, counter dawhkan bawh chuan ka mu a.

Mumang ka lo nei, mipa pakhat hian ka hmai bul setah hian min lo en a, a rim chu hmul ziah na cream rim te,sahbawn leh perfume rim te a nam bawk, hmm....mipa rimtui tak a ni, a mitmeng chu a pa in a zauthau takzet a ni ka kawr chu muangchang in a phelh a.

Rang tawkin ka mit ka meng nghal kawk a khapa ngei kha ka hma ah alo awm, ka mumang a mi tlangval ngei Eros Petrakis ngei mai in min lo en reng chu niin a mitmeng atang in a thinrim hle tih a hriat bawk.

"Khawnge ka coffee chu Miss Collins, vawi 3 lai intercom atangin ka ko tawh che hnathawh na a mutthluk ching ka duh vaklo a nia" bawng nghut in Eros Petrakis chuan a ti a.



CHAPTER-10


°Eros's Pov°

Mai mai a,ka malpui a min rawn pet pah chuan ka ti chhuak hak a ka balance ka hlauh a chhuat ah ka tlu nghal chawrh.

Naupang leh, ka tumpui hi tun hnai lawk a Mushin Mixed Martial Art champion lo ni tawh a nia, Dick Reed a ni, a thiam takzet a ni, thiam tak a ni, Donovan in tukin a ka partnet turin a rawn sawm a ni.

Kickboxing hi stand-up combat sport a ni, self defence a tan ka zir a ni sport lam ka tui vang leh fitness lampang ka duh vang a ti ka ni bawk,Donovan ka mentor hi kickboxing champion lo ni tawh a ni bawk engkim a ni hian min hrilh vek bawk.

Kickboxing ah hian experiance ka nei lo a championship ngat phei chu tawn hriat engmah ka neilo, ka nun ah hian a ai dah pawimawh ka ngah em a ni professional kickboxer hetia han sawm vel hi ka duhtawk viau, kar khat ah vawi3 kan in tum thin a zingah kan in sawizawi thin bawk.

Ka thu a, muangchang chuan ka tho chhuak a ka tumpui chu en in chet hun remchang lai ka chang a, a hmaiah chuan ka han ban zauh a, vawi khat mai nilo in ka ban nawn leh a, a thinrim hma chuan ka ti a ni min rawn attack a tum a mahse ka lo in dang hman hlauh, lo inring leh vat in min rawn veh tham tham a min rawn zuan a, a balance a hlauh a chhuat ah a tlu thla nghal rawk.

Muangchang in bang a sana intar chu ka en a, ka coffee in hun dar 7 a ri tawh ka tumpui pa chu ka en a, a lungawi loh hmel ngei mai min khawih let an tum ve tehreng nen mahse nieng ang mai a chak leh rangin ka che a, min man hman lo a ni.

Minute 15 a ral a, bedroom ah chuan ka kawr ka phelh a, inbual turin ka inpeih tawh ngei mai, ka 84 inch internet TV, CCTV in connect bawk chu ka en a Building zawng zawng a hmuh vek theih.

Jade i choka a a awm lai pawh chu ka hmu, amah chauh chuan a thu a, a mut a chhuah hmel ngei mai a chhan pawh a lu a bu leh lawp thin ka nui sak a bathroom lamah ka luhsan nghal thuai.

Ka towel veng chu phelh in shower ka in phuh tir sang sang a, ka taksa a tui vawt takin a phuh seng seng chu ka hahdam huai huai mai.

Jade building a a rawn lut lai chu ka mitthla leh a, ka mit chu a la nghal zak, amah ah hian engthil nge amah ah hian ka hmuh ka hrelo ka en apiang hian ka hlim veng veng zel.

Lobby hnunglam ah chuan a lo luh lai pawh khan ka awm reng Dick Reed kickboxer nen kan inbe mek a ni, min hmu miah lo a chhan pawh security guard nen chuan an in biak laklawh em vang a ni, a hlauhthawn hmel ngei mai sazupui khawngaihthlak tak chinghnia lian pui pui in an hual ni awm a ni.

Head security Rod Brent chu ka call vat a "i thil zawh kha duhtawk rawh,nula kha i ti hlau a lawm, kal tir rawh, tunah"

Jade chu Rod in penhouse ah chuan a hruai lut a.

Nizan ah vanneih thlak takin kan mu hma thei hram, kan chhungkaw chaw ei khawm kha ka nu lu nat vangin kan haw hma hlauh a mahse a chhuanlam mai mai a ni tih ka hria, Kendra i nen a kan inkar a thil theng chu a hrethiam ni ngei tur a ni.

Kendra i rilru chu ka ti na tih ka hria,mahse engkim a hrechiang hmangaihna a tluk luh hi kan in remsiam na ah a tel lo hrim hrim, zawhna min zawt a ka rilru diktak ka hrilh a ni mai.

Aih, ka tih rual chiah a Kendra i hmel awmdan kha ka la theihnghilh lo, dang nghal vekin a chiai nghal thuai, a tah a chhuah hmel ngawih ngawih, mahse a aw a thian a sang vah in a rawn hawi leh nghal tho a in siam tha leh nghal thuai, nui lui tih hriat takin a nui leh sang a advertisement a a nuih dan ang chiah in a ni.

"A tha e Eros, min la hmangaih thuai ang tunhnai ah a nih loh pawn nakin lawkah a ni ang" zamna chhet mah nei lo leh in ringtawk tak chuan a ti a, a mithmul chhah tak nen min rawn melh ran bawk.

Keimah leh keimah chu i diklo a ni ka in ti, a thusawi kha hnial tur chu ka ni miah lo mahse khatiang thu sawi zui kha ka duh chiah lo.

Kendra chu inah ka tlah a, ka hmangaih lo tih hi thudik a ni chuvangin ka chung a a khawsazia chu a nghawng vak ka ring lo, vangvat ang mai keimah ah a bet tlat a mahse khata tang erawh kha chuan a thinchhe tawh kher mai.

Ka lak atang a beisei a neih tam hma hian ka tawpsan vat kha a ngai a ni, kan inkar chungchang ah kan ramri kham a bawh pelh a ni, level sang zawk a thlen theih nan ka ti tumruh sauh te pawh a chang chuan a ang zawk.

"Kendra, midang te nen a inhmuh ho vel hi kan duhtawk a tha in ka hria, kan kawng hi hrang tawh se a tha ang"

"Engvangin, midang i mamawh pe tu che an awm a mi, HA, mipa hian min la hnawl ngailo Eros ka hnawl zawk thin a sin keimah hi ti tawp zawk tur ka ni nangmah nilo in hre reng rawh" Car atang chuan a chhuak a, na zetin car kawngka a khar nghal thuai.

Hrep a, kapa car a sin mawle ka ha chu ka seh ruh a, a kal nghal nal nal.

Tunah chuan a thinrim takzet tawh, mahse a tha hetiang hian a tha zawk tunah chuan keimah in min awm tir thei tawh ang chu.

Jade chu TV screen atangin ka la en reng, a muhil der tawh a hah hmel takzet a ni amah en reng chung chuan ka t-shirt leh kekawr chu ka ha sawk sawk a.

Aw, ka khawngaih khawp mai, hna a lo kal turin hma takah a tho a ni ngei ang mahse chu chu a hna a ni miau a hlawh tha tak ka pe dawn bawk a lawm, hna hi hlut tur a ni malsawm na leh kan tih tur reng a ni chuvang in kan theuleu pui mai mai tur a nilo.

Ka ban a sana chu ka en a dar8 a ri der tawh room atang a chhuak in choka lam ka pan ding nghal thuai a, Jade i chu ngawireng in a lo mu a, a ban chu kham in counter a bawh bawk.

Rei lo te chhung chu ka thlir vang vang a, a mut lai a a hmel awmdan vel chu uluk takin ka en bawk ka hun kal tawh te pawh ka ngaihtuah chhuak rum rum hman a ni.

Nilo, hetah hian ka awm thei lo ang.

Fridge chu hawng in artui leh sausage chu ka la a, ka breakfast tur chu keiman ka siam thin, chutiang bawkin a chang chuan dinner pawh ka siam bawk, fridge hawng a ka chaw duh duh lak chu ka zalen na a ni bawk, mipa lian tak leh riltam thei tak a ni lehlam ah chuan eng thil nge ka ei thin tih hi ka hre chiang bawk chu chu fit tak leh hrisel tak a ka awm reng theih na a ka tih makmawh a ni.

Chhang thenkhat chu ka ur lum a artu leh sausage chu ka kang bawk, chaw chu dawhkan ah ka dah a ka breakfast chu peih a ni tawh, ka coffee pawh chu ka beisei nghal a ni, ka thawh veleh ah coffee in ka lo in beisei tehreng nen.

Jade chu ka en a, a ni chu a la muhil reng a la mu tui em em zui, ti harh tur chuan ka pan hnai a, camera tha tak a muangchang a zoom ang mai hian ka en a.

"Khawnge ka coffee Miss Collins intercom atangin vawi 3 ngawt ka ko tawh che" dawt ka sawi chiang khawp " hnathawh lai a mutthluk ching hi ka duh vak lo a nia"

A rawn meng nghal kawk mai, a hlauthawng in ka thawng takzet tih a hmelah a lang chhuak nghal vek thu ngil nghal thuai in a mit chu a nuai nang nang a, a sam te huai mam thuak thuak in a kawr te a chul mam bawk.

"Ka...ka tihpalh lutuk Mr.Petrakis ka ti leh tawh miah lo ang, ka tiam e"

"I thusawi chu i zawm ngei tur a ni ang, a chhan chu i muthlu lai ka man leh che a nih chuan chiang takin ka ban nghal ang che"

"Umm...ka ti tawh lo ang Sir ka chiang e" a zak lutuk a sen chhuak nghal vek.

Ka lu bu nghat in choka chair ah chuan ka thu a "ka coffee ka duh tunah"

"Aw...awle sir" min chhan rual in coffee machine lamah a tlan phei nghal rawk rawk.

Ka coffee nghah pah in ka breakfast chu ka ei mial mial a minute thum hnu velah Jade in ka coffee chu ka hma ah a rawn dah nghal thuai, coffee rim chu a tui in a hmel pawh a mawi ngei mai min ti hahdam nghal sawng sawng in ka hria.





°Jade's Pov°

"Thu rawh"

Huh, eng thil nge a sawi hi "aggg engmaw sir" ka zawt nawn leh a ka thu hriat chu a sual lo tih ka hriat duh vang a ni.

"Thu rawh ka ti" a rawn sawi leh a,ka hma a thutthleng chu a kawk a, ka pa in thu rawh a tih thin chu ka hre chhuak nghal zawk, uite thu rawh min ti ang vel a ni, thil min hrilh emaw min hauh dawn in a ti thin.

Ui thuawih tak angin a hma ah chuan ka thu thin.

"Ei rawh" chhang pahnih awm na plate chu ka lamah a rawn nawr phei a chutiang bawkin sausage pawh.

Ui emaw zawhte te ang mai chuan min ngai a mawn le, a smart in school tha tak atang a in zir chhuak chu a nih ngei ka ring mahse khang nungchang mawi a zir te kha khawnge a dah zawh.

"Aih, ka lawm ka...ka ril a tam lo breakfast ka ei tawh"

A fork leh spoon chu a dah thla nghal thuai, min rawn en a "engtik velin nge i ei"

"Umm dar 3:30 bawr velah"

"Dar 8:30 a rik der tawh hi Miss Collins, tawng lo khan ei mai mai rawh" seh chilh nak a tih pah in a breakfast a ei zawm leh nghal mial mial.

Spoon leh fork chu muangchang in ka lek kang a, boss nen a chaw kan ei dun chu nuam ka ti teh chiam lo chaw chu ke en a, hmmm, a rim atang ringawt pawhin a tui tih a hriat ka pum a rawn ti nghal rawk rawk.

A van zahthlak thei tak, ka hna thawh hmasak ber ni ah ka muthlu lai Mr.Petrakis in min man nghal a nia, Doris pawh chu tinge maw brakfast a siam lai hian min kaihthawh miah loh le ka ti rilru a.

Rang zet in breakfast chu ka ei a, ka ril a lo tam reng tih ka hre miah lo min lo en reng tih ka hriatchhuah meuh chuan a chanve lai ka lo ei tawh, a coffee chu tlem a in zauh a, rang takin amah chu ka en zauh a, a plate ka en leh a, a lo ruak vek tawh.

A van atthlak tak, engvangin nge breakfast hi ka boss nen kan ei reng reng ni.

"I ei tlem lutuk,khavang kha nih kha i cher em em pum ruak chung chuan i hna tha takin i thawk thei nang" awi karei leh, min lo en reng a ni maw khawlai ranvulh a ei bang nawi ei ang mai a lawm ka nih le.

Ngawireng a awm bak chu tih theih ka neilo, a chhan chu ka boss a ni tlat, chuan a khawngaihna vanga awm ve mai ka ni hna hi ka mamawh takzet ka chhungkua riltam a ka dah loh nan,mahse hei chauh...hei chauh hi ka duh chu a ni.

Jade in bengdai rawh...thawk la rawh...keimah leh keimah chu ka in ti a.

A rawn ding hluai mai chu min thawng ngei mai "i ei zawh tawh chuan, i kal thei tawh ang"

Maw, ka zo tawh maw ka mithmul chu ka san ak a.

"Naktuk zing a i mutthluk tawh loh nan zanin ah mu hma tawh ang che"

"Uggg, awle Sir"

A lu a bu nghat a, rang takin a kal nghal in choka ah keimah chuan min kalsan a.

[Ngaia]

CHAPTER-11


°Jade's Pov°

Eros Petrakis a coffee nula pawh thla6 ngawt mai ka lo ni ve ta.

Ka nitin hun han dan chu-zing dar3 ah mumang nen ka tho a, shower in min ti harh thin breakfast 3:30 ah ka ei a, bus station hnai ber pan turin dar4 ah ka chhuak thin, tichuang dar 5 ah a in ka thleng ngei ngei bawk.

Umm..heihi ka hna duh tak a ni, thil awlsam tak a pawisa tamtak lakluh hi coffee billionaire tan a siam ngei mai hi.

Mr.Petrakis hian zingtin coffee a in ngei ngei a mahse a in hun erawh a inang vek thin lo.

A tlangpui thu in, dar5 ah a tho a, a coffee chu study room ah ka va pe thin chu chu a hna a thawh ngawrh laiin a ni leh zual, room a ka luh lah in min lo la en ngai miah lo lehnghal a, a changin a breakfast ei rual ten a in a.

A chang chuan a inti fai vek a, a suite leh engkim nen office a kal hma ten a in bawk.

A changin a rawn bawl lai ten a in a, a chang leh a breakfast chief cook in a siam a nghah pah in a in bawk, mahse a mood fuh leh fuh loh ah te pawh a in nghat ve in ka hria, a chang chuan breakfast ei miah lo a coffee chauh in a hna a kal chang te pawh a nei.

A chang chuan Doris in min rawn bia a hna a kal a ngaih loh thu te min hrilh thin, a chhan ber pawh Mr.Petrakis a awm dawn loh vang a ni, ni khat te, karkhat te a thang bo a, conference nei in state hranah te a kal thin,chumi a nih loh pawh ram hran ah business deal nei tan a kal thin bawk.

Chuan kei erawh chu a tan hnawksak lo leh hmuh theih lo ang mai awm chu ka tum a, a coffee ka siam zawh hnu ah leh inchhung thil eng eng emaw a Doris ka phawih pui hnu ah staff resident ah chuan kan awm daih thin, Mr.Petrakis in min ko khawm a nih loh chuan amah chu kan hmu ngai meuh lo, in a a awm ve chuan a kawng dal lo thei tur ang berin kan awm thin.

Nitin in staff resident ah chuan hun ka hmang thin a,Eros Petrakis chungchang pawh ka hriat hnem phah hle, a duh zawng leh duh loh zawng te, a mood leh a tih dan than te,amah a tha lawm zawng leh chhe lam zawng thleng in, chu mai a la nilo, a ngaihzawngte, a chhungkua te an sawmdawn na chen in ka hriat phah a ni, a chang chuan ka duh ai hian min hrilh hnem mah mah zawk thin.

Thil uluk leh duhtui tak a ni, a appartment a chei duh dan leh leh a arranged dan te chu ta karah a faiin bal leh paw pawh a awm ngai eih lo, a vaiin a ni vek, bengchheng a ngaithei lo a chuvangin a in chhung pawh chu biakin ruak ang mai a ni, a reh ngawih ngawih.

Hna atchilh mi tak a ni ve bawk, Doris hnen atang a ka hriat dan in a hun tam zawk hnathawh nan a hmang a ni, zankhua ten a study room ah chair a thu ten a muhil a, a lo harh in a thawk leh mai thin a ni awm e.

"Engvangin nge a thawh rim em em ka hrethiam lo, a hausa thawkhat tawh viau sia, a nu leh pa te pawh khawvel te an fang chhuak a, a unau nu Chloe lah a thian te nen a party loh leh a bazar reng mai bawk si, a hna te kalsan a han zawm ve chang te chu neih ve thin awm a ni" Doris chuan a ti a.

"Nia mawle, a hna thawh chhan hi chu sawi chhuah loh a thup chi te pawh a ni mahna, chuvang chuan a niang tumah pawh a pawh vak loh ni"

"Hmmm...i dik maithei a ni, Donovana sawi ka hriat dan in Scientists ho pawh an damdawi siam leh an thil zirna ah te pawh fund a pe thin niin a sawi"

"Tak tak maw" chu thu thar chuan min tawng nghal dawt mai.

"Umm...a thil phal khawp mai"

Hnathawk ho hi kawm an nuam in an hna hi an tui hmel hlawm takzet, an hlawh a tha thawkhat viau a ni tih ka chiang mai, Staff resedent area building a awm ah hian mi pa6 ngawt mai an cheng a, Doris tiam loh in.

Eugene leh Kate Park te hi nula valai ve tak tak an ni a, Eugene hi chief a ni a Kate hi chuan Doris i appartment chei vel ah a pui thin staff resedent area a cheng an ni bawk.appartment enkawl tu dang te chu Authur,Jim,Charlotte leh Almira te an ni.

Tukin zing dar8 khan ka hna chu ka zo tawh mahse staff resident ah ka la awm char char, a chhan chu building a hight speed internet hi ka hman duh vang ani. Dar dar 3 thleng ka awm tawh.

Facebook, twitter leh instagram khawih nan erawh a nilo.

Ka hlawh ka lak hmasak ber rual kan New York a college pakhat ah online in Business Administration 36 months ngawt mai chu ka zir zawm a, thla 5 kal daih tawh atang khan ka ti tawh he college hian mi ngaihthiam na an ngah em em a, hnathawk chung a zirlai zir pawh an remti bawk.

Doris hian min rawn call a, bus ah ka la chuang a ni.

"Jade khawnge i awm, Mr.Petrakis hian a coffee a duh a nia tunah"

"Maw" ka sana chu ka en a, dar 4:15 chauh a la ri "a la hma em hi"

"Nizan khan Russia atangin mood fuh lo zetin a rawn haw a,a coffee chungchang min zawt nghal a, i lo la thleng bawk si lo a, kalo siam tawp a."

Mr.Petrakis chu karkhat lai a thang bo a,Doris khan Russia ah business deal pawimawh lutuk nei turin a kal a tih tak kha, chuti na na na chu ka tia chawlh hahdam nan hun te ka hmang a zing ah pawh ka tho hma ngailo.

"A duh em"

Doris i thaw chhuak hak chu phone atangin ka hre thei "teuh lo mai, tlemte a in chhin a, a nawr sawn nghal hmak, a tihdan ngai chiah in nem lem lo zetin a tawng bawk a"

Lalramhuai leh.

"Hmanhmawh rawh, aw, a lo nghak che a nia"

"Bus ah ka chuang mek a minute15 hnu ah ka lo theng ang"

"A that chu, ka lo hrilh ang"

Dar 4:30 a ri chiah chiah tih in a appartment ka thleng hman hram.

"Mr.Petrakis chuan coffee chu bedroom ah min rawn pe mai rawh se a ti che nih chu" kawngka a rawn hawn rual in Doris chuan a rawn tih zawm nghal zat a.

"Ohh, ughh ka pe a nge" ka khur ru nghal der der zu nia mawle, bedroom ah a awm tih ka ngaihtuah ringawt pawh ka zam lawk, kan pahnih a kan awm fal phei chuan karei, mipa tupawh ni se a fal a awmdun pui hi ka duh lo bedroom ah nghat phei chuan.

Minute5 hnu ah a bedroom kawngka chu ka kik karh karh a, min chhang lo, doorknob chu zawi muang in ka hawng a.

Kawngka a inhawng rual chuan ka bih dak dak a.

Room light te chu a dim lutuk ringawt, mahse engkim chu a hmuh vek theih tho room lian tak a ni tih pawh ka hria grey rawng in room zawng zawng chu a luah a, a interior designe pawh a tunlai in mipa duh chi tak a ni, chhuat atanga celling thleng mai chuan class tukverh lian tak a awm a,khawpui chu a lang ut bawk.

Kawngka ka hawng zau a ka lut nghal thuai, Mr.Petrakis chu a khum lian takah lukham leh a puansin nen a lo mu duai bawk.

Ka ke a rawn khur nghal der der a, ka meng nghal kawk, lalpa leh ruakin a awm chiang mai.

Thin thi in tui tak in a la mu siai siai zui, ka lamah chuan a rawn in her a chutih rualin a ban chu rawn dah phei in a ke pawh kang va chungin a siam rem bawk, a blanket lat chuan a mawngtam a khuh chiah chiah a, a hnungzang, a malpui leh a ke te chu a lang bawk.

Ka kut chu a khur tih ka hria, no leh a hun na thleng te chu a ri der der tawh.

"Uggg umm Good Morning Mr.Petrakis, i...i coffee"

A rawn tho a, blanket chu a hlim a.

Chhuat a no leh a hun na plate tla keh dar chuai thawm ka hria a, a ri thangkhawk chuan room a luah khat nghal vek a.




Chapter-12

°Eros's Pov°

Hrep tak a, kha mihring khan ka deal kha a hnawl vel a maw engtin nge a tih tir tu ka hriat loh theih ang, Federal Cabinet Minister bialnu a ni mek tih ka hai hauh lo.

Kan inremsiam na chu Shipbuilding chungchang niin Russia sawrkar in an pawm vek tawh lehnghal a, ka lo ruahman dan chuan hmun thum ah ka siam ang ka lo ti a nia Western,Northern leh Eastern lai takah chu pawh dun atang a kum2 lo awm turah buaipui ka tum a nia.

Petrakis International Holdings Company hian he project hi an duh a ni.Project hi ka duh takzet,Russia sawrkar nen a kan inzawmna tur a nih vang hrim hrim pawn tih hlawhtlin ka duh a ni.

Mahse kha mihring nu,Kendra Parker i khan engkim a ti khawlo vek tupawh mai kha project chang tur khan rim takin an thawk vek a,hmun hrang hrang ah pawh sawm vek ka chak a ni tunah ngei hian.

Tuna a bialpa ni mek hi, Russian Minister pawimawh tak a ni a, ka thian tha tak a ni bawk Shipyard project pawh hi thla5 kal ta a min sawihmuh pui zawk tu kha a ni, a sawi dan chuan khawvel a Shipyard tha ber tur khawp a lian sak chu kan company tan pawn hmingthat na a nih dawn bakah min duhsak vang a ni bawk, min duhsak em em na chhan pakhat pawh kan rinawmna te, kan tuarchhelna te,kan hna thawh kalphung leh kan designe nalh tak tak te vang a ni, chumi lo leh ah chuan; kan in thian that na te vang a ni bawk

Mahse kha Minister ngaihtuahna kha a inthlak thut a, kha project min hlan kha a duh leh ta lo tlat a ni a rilru zau tak thin kha a te ta thut a ka lak atanga kalbo emaw min pumpelh a tum tlat leh ta nghal a, kan chang 100/101% ngawt mai a project chan theih na tur chu 0% ah a in let nghal thawk.

Engtin emaw tak Kendra i a inrawlh tih hnial rual loh in a chiang.Min rawn nuih sak in sang vah leh mi chaldelh vel takin Russian Minister ho nen party kan neih na ah khan a hawi vel a, a bialpa banah vuan in eng emaw a bengah a hrilh ru sar sar a, a bialpa lah chuan a thu a kawi a ngil in a zawm vek tih ka chiang khawp mai.

Bar ah kei chu awm in nula thenkhat ho no ka dawm pui a, Kendra chu ka hnungah a ding reng tih ka hria.

"Chuan, mi ropui leh thil tithei Eros Petrakis chu hetah hian maw a lo awm a"aw sin deuh set chuan a rawn ti a.

"Kendra" inher in inring rawh ti tih hriat takin ka melh a, hmeichhe mak tak leh mumal nei lo a chiai chiam ching mi a ni, a ngaihdan mipui hmuh tur a inlan lah pawi a ti hek lo.

Thla6 kal ta khan ka residential building ah a lo lut a, ka security guard ho in an rawn luh tir hma chuan a au nghek nghek a bengcheng a siam chiam chiam bawk, ka guard zawng zawng a beng vek a Rod Brend ka head of security pawh tiam in.

Kendra i ka building a rawn luh tir lo turin ka guard ho ka ti a, mahse a hnawksak zawngin a khawsa a,min au reng a office ah te a rawn la kal thul,mipui awmna zing ah min ti mualpho a ka hming chanchin bu phek hma a lang thei tur khawpin scandal liantham a siam bawk,thu diklo leh thuthang tamtak a awm phah a thenkhat in tihtakzet a in ngaizawng ah min ngai a thenkhat phei chuan kan inhual hial ang in an sawi bawk.

AIH tih thumal hi a hrethiam lo a ni ngei ang.

"Mi hriatthiam na neilo falak chimawm i nih hi Eros, thil tenawm ni awm hrim in min hnawl vel a maw hetiang a min ti hi inchhir ngawih ngawih tur in ka siam dawn che a lawm" aw thawp set in a ti a, min hrilhru ni awm hrim hian, a mit in rum zetin min en bawk.

"He inbeih na i hriat miah loh hi a la zo lo a nia, hmanrual leh hriamhrei erawh a tello, mahse i la chak reng reng lo tih hria ang che"

"Tak tak in, HA,tun hun ah chuan a la ni lo, Shipyard agrement hi i chang chuang lo ang i hna thawh dan hi ka hrechiang,kha project kha i duh tih ka hria, chinghne riltam ang mai i ni"

Ngaihsak lem lo takin ka mithmul ka san zauh " Kendra, hmeichhe naupang khawngaihthlak tak i ni, i â deuh niin ka ngai a mahse a ni lo tunah chuan ka lo rin ai daih in a let sang chuangin i â zawk tih ka pawm e, engvangin nge naunawi school ah i kal that leh loh ang i tawngkam hman dan vel kha zir that leh i ngai a nih kha a biktak in zir law law teh, AW tih thumal te pawh" aw, tih thumal hi a hman ngun ber a ni, a biktak in khumah.

"Hmela" a in seh ruh a,a hawi sawn nghal hmak.

Ka han en zauh a, kal tumin a lo in her mek.

"Eros" min rawn koh chu ka hre nawn leh a, ka lak atangin a kalsawn hman tep tawh min ngaihsak ni awm takin ka banah chuan ka rawn vuan a, tah aw deuh tiau hian "ka tihpalh...ka ngai em che a ni, ka la hmangaih reng che a sin Eros, nasa takin, khawngaihtak in inbia i la thil sawi dun ang shipyard project chang tur hian ka pui thei che a nia"

Ka en a, ka dawlh hnung dah a, inphah hnuai tak chuan min vuan a "min lo hrethiam lawk, ka beisei a la bo lo ve,shipyard project kha ka duh mahse lehlam ah i lo tang a, rangkachak dawhsan ah pawh min dah dawn mahla ka mamawh lo e"

Ka kalsan nghal hmak, a hmel chu a zah vangin a sen tan tan mai.

***********

Khumah ka mu a, ka duhdan in ka mu hleithei lo lehlam ah chuan ka ning a ni, Russian project ka ngaihtuah reng bawk si.

Karkar lai ka kalbo tawh a,ka office ah hna thawh tur tamzet in min lo nghak tih ka hria, appointment, leh deal thar te nen.

New York hi ka ngai a ni, ka tan chuan in a ni bawk, ka chhungte ka ngai a ni, ka office te, ka appartmet reh leh hahdamthlak tak te kha chung zawng ai chuan ka coffee kha ka ngai a ni.

Doris i ka mut hma a coffee min lo lak tur a ka tih kha ka hria, Jade i espresso ang a tui turin ka lo beisei a mahse min ti hrilhai takzet a ni, Jade i coffee ang in a tui ve lo.

Jade i heta awm tur hian ka duh a ni, a coffee ka in chuan ka mut tui phah mahna.



°Jade's Pov°

"Karei leh hrep tak a, hetah eng nge i tih a" Mr.Petrakis chuan thinrim zet in min rawn en a, chhum bung hmuk in min la be zui.

Ka dinna ah chian ka ding ngawr ngawr ringawt, ka taksa zawng zawng chu zeng ang mai a ni ka khur deuh hlak hlak lehnghal a ka hlauthawng em em bawk, ka boss chuan min thah mai in ring ni awm takin min en bawk.

O lalpa leh, ka a takzet a ni, ruakin a awm a maw ka ti hman a mahse boxer a lo ha reng ka hma ah ruak a an ding tur ka suangtuah zawng ringawt pawn lungphu chawlin ka thi mai dawn in ka hria.

"Pawi lutuk, kal la coffee dang min va lak rawh, zeilo lutuk mai, heta tang hian chhuak nghal vat rawh"

Ka khua a sik dawn takngial in ka hria, a thusawi chu ka sawi nawn leh ringawt "co...coffee dang ka va lak ang che, ka...ka tihpalh a ni sir, ka â in ka zei lo takzet"

"I â ka tih loh kha" lungawi zan lo chuan a ti a.

Chhuat ah chuan thingthi in, coffee no keh chhuat ami chu ka chhar khawm a diktak chuan ka mangang a ni, heng no leh a hunna zawng zawng leh china atang lakluh vek a ni a a man a to dawn tih ka chiang,engtin nge heng zawng zawng hi ka pek theih ang ka pawisa chuangliam lah chu ka college tution fee atan ka hmang thin bawk ni nen.

"Christ a tihtur a nih kha, khawih suh"

Duhawm loh angreng tak hian a rawn ti chhuak a, ka aw ka hriat rual chuan ka phu deuh zawk nghe nghe,chhuat ah ka chhar khawm sa chu dah leh in ka tho nghal vat a .

"Tunah chuan i â takzet tawh" nelawm loh zetin a rawn ti chhuak chhar chhar a, a ding a ka lam pan chuan a rawn kal hnai a.

Ka hlau lutuk a ka mit ka chhing nghal thuai, Mr Petrakis hian ka chhungah thil rapthlak tak tak a ni thei tih ka hriat vang a ni.

Lalpa min pui teh,ka nghawngah a hmer dawn a ni ngei ang nge ka ban ruh a ti tliak ang, nge ni a min beng zawk dawn eng nge a tih ang.

Ka kut a rawn vuan chiah mai chu ka meng nghal kawk ka en a, ka kut chu uluk takin a lo en reng.

"Enrawh eng thil nge i tih hi,i kut i ti pem a nih hi" rum deuh nghat chuan a ti a, min khawngaihna aw ki erawh a awm chuang lo.

Oh, ka kut chu a thi zur zur mai, pakhat, pahnih, pathum, pathum ngawt mai a la kak zui, a na pawh ka hre zui nghal pat.

Ka hlauthawng nghal a thisen hi ka hlau a ni,ka pa min hriat chhuah tir engtik lai pawn thisen an pe thin kha a ni a.

Ka lu a rawn hai chem chem a, ka chiang lo tan riau lehnghal.

"Lo kal rawh" a aw chuan ka thil ngaihtuah a ti tawp nghal chat thinrim angreng tak chuan bathroom lamah min hruai phei a.

Amah zui mai loh chu tih theih ka neilo, hnial tur chuan chakna nei in ka inhre lo ka kut chu a thi zur zur a chhuat ah chuan a far phei char char bawk.

Tui chu a herh haw a, ka kut chu tui lum lo chhuak chuan a sil fai bawk, naupang ang mai chuan min hau a.

"I chhung teh thleng leh darthlalang keh te khawih ngai lo tur che in an hrilh ngai lo che a mi"

"Tinge i ngaih hi a sam em em a"

"Vawikhat mah darthlalang keh khawih tawh suh ang che,tha em"

"Engmah ngaihtuah hmasa lo hian i che nghal tawp zel mai"

"Heta tang hian zir chhuah i neih ka beisei"

Blah....blah....blah....blah O lalpa leh, a ni hi ka boss a ni, ka pa ni lo in.

Eng emaw la tur chuan a chhuak a, rei vak lo hnu ah rawn kir leh in, cotton, plaster leh a tuam na tur te damdawi hnawih tur te a rawn keng bawk.

Paper towel chuan ka kut chu a hru hul a "ughhh...a tha lawm,ka ti thei pem satliah mai a nih hi" ka kut chu ka la sawn a, mahse a kut lian zetin a ban a rawn man nghal chat.

"Naupang ang mai a khawsak hi duhtawk teh, pem satliah mai a nih loh hi"

Hnial tur chuan ka chak tawk lo tih ka hria, chuvangin hnial chu ka duhtawk a ni, bathtub tlangah chuan min thut tir a, amah chu ka en chho ha a ka mit chuan a V line abs chu a en kan hauh lo, awi karei leh.

Ka chil chu khal zet in ka lem hrawk a, ka hma ah chuan thingthi in ka kut bawk chu a buaipui a ka thinlung a sawi nghing nghal dawt a ka tha a rawn khur dar dar bawk, ka kut kak atang a current chu rawn lut a ka taksa zawng zawng shock vek ang ka ni.

A kut chu a nem takzet a ni,ka kut chu uluk takin a sil a, a tuam bawk cutih lai vek chuan a taksa mawi zet chu ka lo en reng bawk kawr a hak loh phei chuan a lang pa zual ngawih ngawih a nihna takah chuan a chhelo thlawt a ni.

Thawk la vang vang in ka thaw chhuak hak a, bandage chuan ka kut chu a tuam a, thawh ka tum lai in ka malpui chu a rawn vuan chat a.

Ka thawk a rawn pik nghal vek a, ka hlauthawng nghal vek "aih nilo, khawngaih in ti suh"

"Hrep tak a, i khup pawh i ti kak a lawm" a rawn ti chhuak a.