My Handsome Doctor BY Melz Hrahsel

[Ngaia]

Chapter-13

"Tete heihi i ta a ni em, tu lo dawn nge" inchung a ka inbual zo ka inthlak chu a min rawn au tuarh tuarh a, ka sam ka chhem ro a eng he hu ah mah ka ngai lo a chhan pawh a tih fo thin dan a nih vang ani.

"Hey khu khu lo en teh" kawngka a rawn hawng rawk a, a sawi zawh ah a khar leh nghal nal nal, eng thil tak chu thleng leh ang maw, hmanhmawh lem lo takin ka kawr fual chu ka ha a, inhnuai ah ka chhuk nghal thuai a.

"Heihi lo en teh" chhuah tak chuan ice cream bucket nen chuan a lo thu niah a.

"Tete heihi i order a mi" min rawn en chho ha a, thil awmzia ka man pha tawh lo hrim hrim, eng ti tih a helai hum a ice cream bucket thum lai awm chu nge a nih pawh ka hrethiam lo.

"Aih" ka chhuk a, delevery boy chu ka pan hnai a.

"Ughh min hrethiam la hetiang kan order lo min hai a ni lo maw" ngaihna hrelo zet chuan ka zawt a.

"Mahse ka van ring lo, kha pa khan he lai hi a sawi chiang viau bawk sia" hawi deuh ha in min chhang a.

"Mahse helai hmunah hian mipa kan awm hleinem" Kimkim'n a rawn tih zawm nghal pat bawk.

"A nih engzat man nge" kan mamawh tho a nih vang chuan ka ti a.

"A man an pe vek tawh,hei hi min sign sak la a tawk mai" regester chu a rawn keng hnai va a, ka sign a, a kal leh nghal thuai a.

Ice cream bucket chu la in choka lamah kan keng phei a, fridge ah chuan kan hun lut nghal thuai a,choka chair ah Kimkim i nen chuan kan thu a, ka ngaihtuah let a.

"Hey zanin khan eng thil chiah nge thleng a" Dawhkan a grape piai thlak pah in dawhkan bawh ha hian Kimkim i chuan min en a.

"Eng maw" phawk fe hian ka en a.

"Zanin hian thil tam fe chu a thleng a nih hmel, Khapa khan a lo thlah che a, chuta karah ice cream bucket kan dawn leh ringawt bawk a, zep i chei chiang ti rawh" a grape ei pah in dilchhut mitmeng zetin zim zet hian min la melh zui.

"Zanin ah, ehe heihi Davin a lo thawn a ni chiang lutuk" dawhkan ben thak pah chuan ka ti a.

"Zia awm teh, hepa hi i star riau mai kei chuan Doctor lo kha chu ka pawm dawn hauh lo a nia aw" fiamthu vel tak chuan a nui a.

Kimkim i hi thudik ka hrilh a hun tawh tak tak niin ka hria, thawk ka la hak a, ka hrilh a ngem nge hrilh lo ang ka sawi duh ang ngem aw mahse zep neih chu ka duh chiah silo, a tha e, ka thaw chhuak hawk a.

"Kim, thil pakhat ka sawi dawn a mahse mak i ti lutuk lo ang tih leh i au miah lo ang tih min tiam la" a mita en kar chuan a ti a.

A thla bak a, a grape chu a kaih leh hmaih a "chung te chu i sawi tur a zir a ni mai lawm".

"Ih maw, Davin a hmanzan a i sawm leh Kan doctor i sawi fo hi thuhmun an nia"

"Maw" a ngawi dat a, a rawn te chhuak chiam chiam mai, a grape ei lai a vawr hmiah a, a ke a per zawt zawt lehnghal eng thil tak chu nge maw a ngaihtuah chu, a tho a, ka lamah rawn phei in ka chair chu a kuai her nawk a, chair vawnban ah a kut pahnih a rawn nem in chiang fe hian min en a.

"Thian i dawt i sawi miah lo tiraw"

"Khatin awm suh ka awm i ti nuam lo a ni"

"Heihi a ropui lutuk" sitting room lamah a phei a, couch ah chuan kawi zetin a tlu nghal chawrh.

"I thiannu hi hahdam tak in ka thi thei tawh ang, a chhan i hria em kawppui tha tak i neih tawh dawn a vangin" a rawn thu chhuak leh hlawl a, a chezia chu ka nuih a ti za ngei mai.

Sitting room lamah ka phei a, a bulah chuan ka thu a.

Ka thut thlak rual chiah in ka phone a rawn ri ral ral a ka phawrh nghal thuai a Davin a lo ni, ka pick nghal thuai a.

Davin:khawnge i awm.

Tetei:in ah mawle...kimkim lah kan thu sawi hriat tumin ka phone a lo ngaitha ru nasa mai.

Davin:min lo hruai teh.

Tetei:eng nge i sawi awmzia, khawi ah maw.

Davin:Night club ah ka awm a, ka ka rui a car ka khalh ngamlo a lawm.

Tetei:i chhiahhlawh ka ni lo,taxi ko ve la a ni mai lawm.

Davin:ka car kher in ka haw duh, kan in ah va kal la chuan ka car va la rawh.

Tetei:i driver ka ni lo e a.

Davin:i lo kal dawn lo maw.

Tetei:aw dawn lo.

Davin:a nih chuan ka ban ang che.

Tetei:a tha i in awmna min lo thawn rawh

Phone a dah nghal vat a.

"Kim. Min kalpui rawh aw" ka en phei ha a.

"Teuh lo mai hei te chu i buaina tur a lawm le ka lo inrawlh ve na tur a awm hleinem i buaina tur a nia" a kal nghal nal nal lehnghal a.

"Zanin ah kan chhuak dawn nia i tih kha" a rawn hawi let ha a.

"Kha chu chhuah pui tur i nei tih ka hriat hma a nia, tunah chuan i nei tawh a lawm, enteh thiani, thian hnawksak nih te chu ka duh bik lo"

"Nih khawi pawisa lo la teh, taxi hman na tur" cheng 500 hi a phawrh a, ka la a, ka chhuak nghal thuai a.

Min van han ti hah zozai thin tak em aw, assistant pawh a nei ve reng a emaw uber driver te pawh koh mai tur a nia, mi tih buai hi nuam a ti ve hrim hrim, ka hawi kual a taxi lah a vang ropui mai bawk si.

Pakhat chu a ding ve thei hram, ka lut a hmanhmawh zet in night club lam chu ka pan nghal thuai a, traffic a la zam zui lehnghal a hmanhmawh tehreng nen.

Ka taxi atangin ka chhuk a, hmanhmawh takin night club lam panin ka tlan ngal hlawk hlawk a, ka hmanhmawh lutuk chu tih ngaihna pawh ka hrelo ka call a, a la thei bawk silo phone en chung chuan khawlai ah ka kal a engtin emaw ka thleng ve thei hram.

Night club ka thleng a ka hawi kual a, Davin ka hmu lo an phe suau suau a ka theih ang ang chu ka zawt kual a tumah hmu ang in an insawi lo, engvang teh hrep a kal pawh chu nge ka nih ka engmah ni silo hi engvang a ngaihsak em em teh chei nge ka nih pawh ka hrethiam lo e a.

Ka tan a pawimaw a ni lem lo mahse min pui a puih ka ngaih na lai ah chuan ka puih ve a ngai a ni chu chu ka tih tur reng a ni bawk.

Ka kal thuk zel a, VIP section lam a ruih hmel zet a a lo thu chu ka hmu a, ka pan phei nghal thuai a.

"Hey Davin i tha em" a lo nui sak a.

"I lo thleng tlai hle mai" a lo nui sak a,sana a en zauh a ka rin aiin a rui lo a ti der zawk a mawn chu ka ti hman hial.

"Ti rawh tho la haw ang" ka kai tho thuai a, a kal pawh a pai eih lo hrim hrim hepa hian a ti der chiang a lawm min tih buai hi nuam a ti ve hrim hrim.

"I kal theih reng hi" rum zet chuan ka melh a, a nui suk a ka kut ah kai in pawn ah min chhuah pui nghal thuai a.

"Khawnge ka car chu" a rawn hawi phei a.

"Ihh taxi in kalo kal" a rawn in her a,min rawn melh ran ran a, min rawn pan hnai chat chat a ka lo hnung tawlh ve nghal zat bawk ding duh miah lo in min rawn pan chhunzawm leh a ka lo tawlh hnung a, bang ah ka bet chawt tawh.

ka chil ka lem khalh a a mit ah tak chuan ka en ran a,a kut lehlam chu rawn phar chhuak in ka hnung a bang chu a nem a, ka sa pup pup a ka thin a phu dawt sawt bawk.

"Eng nge tih i tum a"

A nui sak a, a rawn kun hniam a "ka car ah ka haw duh, ka phone phawrh rawh"

"Khawi ah nge a awm" hlau tih hriat tak chuan ka ti a.

"Ka ipte ah, phawrh rawh" a ipte ka zen a, a phone chu ka phawrh sak a, kan inkar chep zet ah chuan ka ban ka rawlh chho a phone chu a hmai bul ah ka keng lang va a.

"Tichuan Ka contact list ah khan Deep a number kha hmet chhuak rawh"

"Ihh,, i password ka hrelo" ka chil ka lem khalh a.

"190372" a sawi zawh rualin ka type a.

"Kha kha la rawh a in ring a nia" hlauthawng tih hriat tak chuan ka ti pe a, a nui sak a phone a la a, a in thiar fihlim nghal thuai.

A thawh rual rual in thawk ka la nghal hawk a, ka rit phur chawk hawk ni mai hian ka in hria a phone hmang lai chu ka en reng a, hepa nen hian kan in eng emaw duh a ni, mahse engvang ngawt chuan nge mawnle, ka ngaihtuah na kha ka awih thei lo zawk.

A phone hman zawng in a sam chu thli in a chhem heuh heuh a, a thawmhnaw lah chu a inhmeh em em mai bawk si, a kut lemlam in a ipte a zen a, thle ngaih hian ka lo en a, zan thla eng hnuai ah chuan a lang tha zual ngei mai.

"Nghal lawk ang aw" a phone dah rual chuan a ti sap a.

"Tinge hetah min koh kher a" ka lo en a.

"Timah mawle" nui sak a hnuailam a en a.

"Tawhsan va nghak ang hmiang" kan piah deuh lawk a thutna awm chu a kawk a, kan bu nghat a kan in zui hnak hnak a.

"I lo kal tak tak ka ring maih lo a" min rawn en zauh a,a nui sak a.

"Ka lo kal loh ten ka hna chan ka duh hleinem" kan pahnih chuan kan ti ti a, zawhna te min zawt a in ngaihtak a kan awm dun vawi khat na a ni hial ang.

"Tete, thil ka sawi ang nga ngaih loh lamah min ngaih sak lo la" ka lo nuih sak a.

"I hmeltha ka ti, mahse tlem chuan i te deuh tep" nui sak hian a ti a.

"Ka hria lawm, mi pawn hmeltha chu min ti ziah alawm, nang pawh i hmaltha alawm chuan i pa tawp" ka sawi tum miah loh ka sawi "ughh ka sawi awmzia chu nang pawh i chhe zawk zawk lo ka tihna" ka nui lui sak a ka tider tih a hriat tho chu ka ring.

Car a lo thleng a, car lamah phei in a seat hnung chu a hawng a.

"Kalo kal lo mai ang" ka la thu tlat a.

"File pawimawh ka kawl a naktuk a mi tur ka zin chhuak daih dawn bawk si a, naktuk ah hospital ah tehlut la ka duh a lawm, lut rawh"

"I zin dawn maw" phawk fe hian ka melh a.

"Umm," a lo kal hnai a, ka kutah a kai a car ah min luh tir nghal thuai a, hetiang car manto ah hian vawi khat mah kala chuang ngai miah lo, a chhung vel te chu a nuam takzet ka phone a lo ri ral a, notification a lo ni ka en thuai a ka thil hmuh chuan min thawng ngei mai.

Davin a leh Sasha i te inthen thu leh ngaihzawng a neih san thu hi a lo ni, a thlalak erawh a lang lo mahse he ka bul a thu Davin a ngei hi a ni tih ka hai lo a chhan chu khanu kha nitin deuh thaw Davin a hmu turin hospital ah a lo kal thin vang a ni.

Text thenkhat pawh ka dawn Kimkim i vek a ni.

Chhelo te a chu eng nge a an.

I lo haw dawn tawh em.

Tha deuh in aw.

Tih vel te a ni, ka en a ka nui suk ringawt.

"Eng nge nuihzat thlak awm" ka phu nasa lutuk chu ka phone ka thlauh tep.

"Engmah a nilo" ka phone a rawn pawt tla nghal pawp.

"Tu hmeichhe phone mah hi ka la check ngai lo a mahse hei chu ka check duh a ni" a en kual vel a, a hmet eng a "umm sazupui maw" a nui suk a ka wallpaper a sazupui lem awm chu a en a.

"Lo la rawh" ka ban a, mahse a lo in veng hman hlauh.

"Engvang in"

"Ka phone a nih kha eng nge i lak ve ringawt, awmdan mawi i hre lo kher mai hei vang hi a ni ngei ang Sasha i pawn a then che"

Ka sawi rualin a ngawi nghal hmak a, a mood a in thlak nghal vek ka sawi loh tawp tur ka sawi tih ka hria ka hai lo,ka phone chu a kut atang in ka la a, ka ak nghal hmak.

"Ughhh Davin ka sawi tum pawh a nilo" in thiamlo zet chuan ka ti a, sasha i nen an inthen vangin a rilru a na ang nga min lo call a ni ngei ang mahse heti hian ka ti bawk si.

Min chhang lo, rei vaklo hnu ah a in chu kan thleng a, basement atangin kan lut chho a elevator ah pawh chuan kan inbe lo, ka melh chho zeuh a, hawi pawh a lo hawi lo kan sir ah deep a awm ve bawk.

A appartment kan thleng a, inchhung a zui luh zel na chi niin ka ngai lo chuvang in kawngka bulah chuan min rawn pek hun ka nghak ran a rei vaklo a lut vang vang a File chu min rawn pe a.

"Deep tetei hi va thlah rawh"

"Ka tha" ka lo chhang a.

"Zan a rei tawh, tun ang hun ah nangmah a haw a tha lo, a hma thil thleng ang kha a thleng nawn leh palh ang"kawngka a khar leh nghal thuai a.

Inhnai ah chhuk in car ah chuan ka lut a, in lam pan in kan in khalh phei a, nghal thuai a hma a thil thleng a tih kha eng a sawi tum na nge ni ang.

Khami zan pawngsual ka tawh tep zan kha, nilo a ni thei lo min chhan tu hi Davin a maw ka awih thei lo a ni te chu Doctor a nia khalai ah a kal hauh lo ang bakah hmelhriat ngai loh phui duh tur chi niin ka hrelo.

Nge ka pa kha a hre zawk ni ang, ka ngaihtuah na chu kal thuai tak a ni ringawt, car darthlalang phen atang in khawlai chu ka en ran a.

Davin a hi lo ni lo pawh nise a sawi dan hmang ah kha chu tunge a nih chu a hre chiang khawp alawm le, engpawh chu nise ka zawh ngei a ngai a ni, ka phone dawn nge mahse khatiang thu kha ka sawi tawh si a, call ngam na chi zia zang a ni tawh lo.

Car chu muangchang in a ding a zal zal a,in kan thleng tih ka hre nghal mai bawk kawngka hawng in inchhung ah in ngaihtuah nasa ngang in ka lut a.

[Ngaia]

Chapter-14

In chhung ka luh rual rual in Kimkim i a rawn tlan hlawk hlawk a, ka lo nuih sak a inchung ah kan in zui chho nghal hnawk hnawk a.

Ka inthlak a ka pyjama suit chu ha in mut chu ka inpeih tawh ngang mai, khumah kimkim i a thu a, a sir ah ka thu ve thuai bawk.

"Te, thil thalo deuh hrilh tur che ka nei a" thawk a la hak a, a mangan hmel takzet.

"Umm sawi la eng thil nge" a kut ka vuan a.

"Ih..ka pa an sawn dawn a naktuk ah kan chhuak nghal ang" a kun lap a.

Engtin nge ka awm tak ang, ka lo in nghah ruk ve na em em te chhungkua chuan min kalsan dawn a ni si a, a van hahthlak thin tak em in dang nei turin hlawh takngial pawh ka la la bawk silo, engtin nge ka awm zel tak ang mahse ka thian tha ber hi tih lungaih ka duh lo.

"Maw a va rang teh thut ve" hamhaih angreng tak si chuan ka ti a, mahse ka mangan na erawh tih lan ka duh lo.

"Nia, ka pa in nichin lawk khan min lo call a, a ni pawn a hre deuh thut a, mahse tete ka ngaihtuah e mai che khawi ah nge i awm tak ang le, in luah turin pawisa pek lawk tur i nei lo tih ka hre chiang a nia aw" a kut chu a vuan a.

"Lungai suh ka tha alawm, ka thian pakhat in room luah pui tur a duh a lawm" dawt ka sawi lo a nih chuan, nasa tak in a rilru a hah leh dawn tih ka hai lo chuvangin engmah hrilh loh hi a tha ber ang, Pathian zar ah ka tha mai ang tih chu ka innghah na ani.

"Chu ti maw, mahse ka ngai dawn lutuk che" min rawn kuah nghal thlawp a,a mittui a tla tih ka hai lo, kei pawh ka luangai takzet a ni ka neih chhun ngawih ngawih in min kalsan dawn chu a ni si a, ka tet te atang tawh a ka thian kawm ngeih em em leh ka thuruk engkim ka hrilh thin a ni.

"Hey ka tha a lawm" a hnungah muangchang chuan ka tuai that that a.

"Sangtei kan phone mai dawn a mi, nge Davin a zawk" ka mit ah tak a en a.

"Nilo nilo, awm na tur ka nei ka tha min ngaihtuah suh ka tha alawm"

"E tak e, heihi Sangpuia present kha a nia ka laksak daih che kha, i hmuh duh hrim hrim takin" a rawn phawrh a.

"Eng nge a nih i rin"

"Ka hrethiam lo" thawk ka la hak a, ka thaw chhuak leh hak a, diktak chuan ka hlauthawng deuh a ni muangchang in a tawn na ribbon chu ka phelh zal zal a, ka hawng chu bawm nalh tak leh lian lo tak mai hi a lo awm a.

Muangchang in ka hawng a zunbun hi a lo ni, lehkha pakhat a lo awm tel bawk.

TETE, i lakah thil tamtak tihsual ka nei tih ka hria mahse min ngaidam hram rawh, i unaunu nen hian kan inkar ah eng thil mah a thleng lo, inneih ni khan ka hamhaih em a ngaihtuah na mumal ka pu lo a ni, he zungbun hi min lo pawm sak hram rawh.
SANGPUIA

Tih hi a lo inziak a, mak ka ti lutuk chu kimkimi ka en ha ringawt.

"Engmah sawi suh Sangpuia hi chu maw a ti ve mai mai a nih hi, hetiang mihring rilru nghet lo hi chu engtik ah mah hmangaih ngai suh, khatiang thil kha a thleng nawn leh lo ang tih pawh i sawi thei chuang ami" thutak fe chuan min melh a.

"Ihh, diktak chuan ka hrethiam lo a ni, Sangpuia hi ka lo duh chuan ka hria, ka hmangaih lutuk mahse ka ring thei tawh thlawt lo a ni, a vawi khat na mai a ni tawh bawk silo ka duh mahse hlauhthawn na in ka khat a ni, lo nei pawh ni ila hahdam tak in ka awm theih ka ring chuang lo" ka tho a, tukverh lam ah chuan ka phei a, thla eng no nghalh mai chu ka thlir a.

Kimkim i a ding a, ka awmna lamah chuan a rawn phei a, ka kawngah min rawn kuah in ka darah a khabe chu a rawn nghat a.

"Thian i thu tawp chu ka siam lo ang, a chhan chu i nun zawng zawng a thu neih ka duh loh vang in mahse thil pakhat chauh ka zawt ang che, rinna tello hmangaih na chu eng hmangaih na nge ni ngai"

Thawk ka la hak a, diktak chuan ka rilru hi a insual vel mai niin ka hria, ka chhia leh tha hriat na chuan a pawm thei lo mahse ka thinlung hi a lo nem leh thin, engvang nge ka hrelo mahse hmeichhia te hi zawng an lo a a nih hi.

Ka mit ka chhing a,Sangpuia nen a kan in tawn dan leh kan in zui dan vel te ngaihtuah kir ka tum a, mahse ka thei ta reng reng lo ka mit chhin a piang in Sangpuia nilo in Davin a ka hmu hlauh zawk.

Zanin a kan hun hman dan leh kan awm dan te, ka hmuh hmasak ber leh ka chhung a a chet dan min ngaihtuah zia ka ngaihtuah chhuak zawk hlauh.

"Eng nge i ngaihtuah a" min rawn melh zauh pah chuan a ti a.

"Davin" zawi sap hian ka tia, ka tum miah loh in ka sawi chhuak leh ringawt tawh.

"Hei nang hi zanin ah eng thil nge thleng chuah" min kuah na a phelh a ka hma ah tak chuan a rawn ding chat a.

"I hre duh tak tak a mi" min chhang lo in a bu nghat a, kan thusawi vel chu ka hrilh a kan hun hman dan leh ka tih thinrim dan zawng zawng nen lam in, ka sawi zo chu kan reh thiap mai ngaihtuah nei ni awm takin kan pahih chuan kan ngawi dawn vang vang a.

Ka inrin hma in Kimkim in a kut a rawn beng thak a, ka phu deuh zawk "thil pakhat chiah ka zawt ang che"

"Davin a hi chhelo i ti tiraw" ka bu nghat a "a nih tunah khan amah i ngaihtuah tiraw" ka bu leh nghat a.

"Yesss,, fuh lutuk" ti fuh in tih hmel zet in a nui nghal var var.

"Eng nge maw i hriat le"

"Nang hian Davin a hi i duh chiang a lawm,dik em" min rawn nek deuh tat a.

"Teuh lo mai, a ni te chu thian ang chaih in,nilo ka thian pawh a ni pha lo" ka kut ka kuang kuah hmaih.

"Thian i min ring rawh, a ni pawn a duh ang che, chuti ni lo se zanin ah pawh tinge a koh kher ang che"

"File min pe ka tih kha" pawnlam ka en hmak a.

"Umm mahse driver a nei reng a lawm ti nge a rawn thawn mai loh, chu mai ni lo in a driver chu tinge a koh mai loh nang ko lo che in" a mithmul san zauh pah chuan a la ti zui.

"Naaa nang hi thil i ngaihtuah thui lutuk" a banah ka beng fiam dat a.

"Davin a hi i duh tih i inhria, mahse i duh tih i pawm duh lo a nih kha, ka kal dawn kan insiam teh ang, naktuk thawh hma a ngai dawn bawk si" min bye bye a, room atangin phur zet in a chhuak nghal hmak.

Henu hi chu aw, ka van ngaina tak em kan inhmuh hmasak ber kha ka la hre reng class 8 kan zir lai kha a ni a, kei lut thar mai ka ni a mipa sual thenkhat ho in min chhaih kha min lo chhan in mipa thenkhat ho kha a sual let a hliam an tuar zawk hlauh kha a nia, a thian te tan ui reng a nei bawk si lo.

Tukverh ah chuan ka dak a, ka ngaihtuah na a kal thuai ngei mai Kimkim i thusawi chu ka ngaihtuah let leh a, a dik na lai tamtak a awm a ni tih ka hria mahse hmeichhe thenkhat ang a va tih huam tum chi ka nive lem lo.

Ka phone a lo ri ral ral a, ka en a text a lo ni tukverh khar in khum a ka phone dah lam ka pan a, khumah thu in ka en a Davin a lo ni.

Davin:i mu tawh em.

Tetei:mu lo e.

Davin:muttui aw.

Tetei:umm nangpawh le, chuan zanin ka thu sawi kha ka tihpalh liau liau a nih kha aw.

Davin:chutiang a rilru te ka nilo muttui.

Tetei:muttui le.

Ka phone chu hum in thawk ka la hak a.

*********
Next morning
*********

"Tete tho rawh kan kal dawn" min rawn sawi nawk nawk a, zawi zetin ka meng diar diar a, ka hmai lukham ah ka la thukru hram.

"Tho teh tete, kan thlawhna chhuah a hun dawn" ka hrechhuak zawk a, ka tho chhuak nghal hlawl.

"Kim, dar engzat nge ri tawh a" phak angreng tak leh sam ar bawm chhup chuan ka ti a.

"Dar 9 a pel tawh"

"Maw, engtin nge thawh ka hai theih zawk a" ka khum atangin ka tho nghal a, ka inthlak nghal sawk sawk.

"Lawk min lo nghak ka lo thlah ang che" ka sam ka zial nawk nawk a, ka kilh bawk.

"Tete, min lo thlah lo zawk rawh" ka hma ding ran chuan ka ti a.

"Timaw" ban phar ha chuan ka ti a.

"Ih tihian a tha zawk, ka kal dawn a i hmel ka hmuh chuan ka tap palh ang, chuan min hriat kha chutiang a tap chi ka nilo, bakah duty i tlai ang" a nui sak a.

"I ti tak tak maw" a bu nghat a.

Ka pan phei a ka kuah nghal thlawp a "ka ngai dawn lutuk che in thlen ve leh ah min lo call rawh aw" kuah vawng vawng pah chuan ka ti a.

"Umm lutuk e, chuan in hi chahbi a neitunu hnen ah kan pe leh tawh a vawin tlai ah midang a luah tir ka ring"

"Ole, inhnuai thleng chu ka lo thlah ang che" kan in zui thla leh hnak hnak a, kawngka kan thleng a, a tawp nan ka kuah leh a ka mittui chu tla lo turin ka thunun hram hram ani, car ah a lut a an lan chhung zawng chu ka thlir a.

Ka tlai dawn takngial chaw pawh ka ei mumal leh dawn lo a nih hi, choka ah phei in juice no khat ka in pawp a, ka insiam sawk sawk a ka bag leh file chu la in ka chhuak nghal thuai a.

Rei vaklo hnu ah thaw hlawp hlawp in hospital ka thleng ve thei hram, locker awmna lam ka pan a ka kawr thlak in uniform chu ka ha a, thawk ka la hak a, file chu keng in reception counter lamah ka dah phei nghal thuai a.

Surgery depatment ah chuan ka chho nghal thuai a.

"I lo thleng ta maw" shelly chu a lo nui sang a.

"Umm ka tlai em" ka nuih sang a.

"Tlai lo e, nichin lawk khan Doctor Davin'n a rawn call a ka laptop kha min lo charge lawk rawh a tia, i va ti lawk mai dawn a mi"

"Tehreng mai" ka kal nghal thuai a, dawhkan a Davin a laptop awm chu la in charge chu ka zawng nghal thuai a.

Khawi ah chuan nge maw a dahthat ni ka drawer zawng zawng chu ka hawng a ka hmuzo lo ka hawi kual a, a tawpah dawhkan sir a file pawl hnuaiah ka hmu hram. Kawngka a rawn in hawng rak a ka hawi let nghal thuai a.

Sasha Hernandez a lo ni, a van chhelo chiang em tiang em em hian ka la hmu chiang ngai lo, a sam dum hlap leh a mitmeng fiah kak te chu sawi loh a leng, a kut tin sei sang mai chu tin hnawihsan duk deuh hi a hnawih a kawr sen dang leh jeans kekawr a ha a, booth a bun bawk, in ti thei kan ti dawn nge in chhuang vah mah hian a rawn pen lut a.

"Miss min lo ngaidam la, Dr. Davin chu a awm lo a" polite tak chuan ka lo chhang a.

"Chu chu ka hriat loh ring duh suh" min rawn pan hnai a.

"Amah chu ka biak duh a ni lo, nang hi i ni" Davin a tawhkan phen a chair ah chuan a thu a.

"Miss eng nge i mamawh chu ni a" computer dawhkan a dah pah chuan ka tih zui nghal pat a.

A rawn tho leh a ka hma ah tak chuan a rawn ding chat a, chiang fe hian min en a "Davin a nen hian engtiang tak in nge in lo in kungkaih tawh" thu zep tit tet mi chu a nih loh hmel khawp mai.

"Maw, eng nge i sawi awmzia" ka en kar a.

"Thup tum hlek suh hmeichhia thil zep tit tet mi ka nilo a chuvangin tlang takin ka sawi ang, Davin a hi lo hmu tawh suh ani hi ka pasal hual a ni a hmeichhe dang in an chhai vel hi ka duh chiam lo, i hriatthiam mai ka ring a biktak in nangni ang hmeichhia sum duh vang a hetiang mipa ngaizawng thin tu chu" ka bul a kalkual vel pah chuan a ti piap piap a.

"Min ngaidam teh kapi Davin a hi vawi te khat mah hetiang zawng hian ka melh ngai lo, hriat sual i nei a ni ngei ang"

"Hriat sual aw" a nui lui hak a, a purse a zen rak rak a dawhkan ah thlalak thenkhan chu a rawn theh darh nghal chuai a, ka en chiah chu min thawn chiang ngei mai Davin a nen a kan pahnih thlalak vek a lo ni, nizan a kan thlalak te leh a hma a mi te pawh a lo ni, mi a lo thlithai reng tih hriat chu sawi ngaihna pawh ka hrelo.

"Hei hi" phawk fe chuan ka en a, ka thlalak la ken lai chu a rawn pawt thla pawp a, dawhkan a mi nen chuan a ak leh nghal hmiah.

"Ni e i hrethiam tawh em he zungbun hi en rawh" a kut chu a rawn phar chhuak ha a "hei hi Davin'n min pek a ni inneih pui ah min la sawm chiah lo mahse kan innei tep tawh tih hi lo vawng ang che"

"A tha a lawm, Davin a nen hian kan inkar ah eng thil mah a thleng lo" hawi chhuak vah chuan ka ti a,a ang zuau a, kawngka an rawm hawng a, a thusawi lai a tawp nghal hmak.

"Lo kal ru meeting kan tan dawn a nia" hnathawk pakhat in tih chu a chhuak nghal hmak a, thawk ka la hak a, meeting room lamah chuan ka phei ve nghal thuai a.

Khawi lai ber nge a nih ka hre miah lo, ka van han a tak floor 10 chuang a awm a khawi ah ber nge meeting room pawh chu a awm ang, ka hawi deuh ha ha a mi tamzawk kal deuh sup sup na lam chu ka pan ve tawp.

Elevator lam pan in inhnuai lam ah kan chhuk a, mi kal na lam zui chuan ka kal ve hnak hnak a, thawk thar te mah ni ila head of depatment ber a zin bo si a vangin a hnuai a nurse thenkhat te chu tel turin min ti a, diktak chuan tiang meeting vel a tel ve thei hi ka nilo nurse an tel ngai lo hrim hrim.

Meeting room chu ka thleng ve thei hram, kawngka ka hawng chu ka tim ngang mai, min lo en thap lehhngal a Sangpuia'n min hmu chu mak a ti ve ni ngei tur a ni phawk fe hian min lo melh a, mahse ka ngai pawimawh duh lem lo thawk ka la hak a, ka nurse pui ho awmna lamah chuan ka phei ve nghal thuai a.

Sasha i chuan rum fe in min lo melh bawk, ka mit ka la sawn duh bik lo helai hmunah hian dan lo ang a awm pawh ka ni bik em hleinem mawle ka ti rilru ve a.

Meeting kan tan a, kan thupui ber erawh hospital in theh lar zel nan a advertisement model tur thlen leh a kalphung vel a ni, idea tamtak an sawi a, thenkhat in actress te an sawi lang bawk kil khat ah chuan ka lo ding ngawi ve reng a.

"Hey nichin khan eng nge thleng a" shelly in a rawn ti sar sar a.

"Eng thil maw" a ngaihna hrelo zet chuan ka ti a.

"Dr.Davin a cabin ah khan mawle, in thawm a tha lutuk a lawm pawn a tang pawn" a rawn ti leh sap a.

"Engmah a nilo" a sawi chu ka hrethiam mai mahse chutiang a sawi zuah zuah ching ka ni ve lem lo.

"Ka hmuh ni atang che khan ka ngaina nghal che a, chuvangin thian tha tak kan nih pawh ka beisei Dr, Davin nen hian in in melh dan hi ka hai bawk lo, mahse ka duhsak vang che in ka hrilh ang che, Sasha i saw chu in tih thiam loh pui duh suh mi rapthlak lutuk a nih saw, Davin nen an in ngaihzawn hma hian Model lar tak pakhat nen an in ngaizawng a chupa chuan a lo kawp a, a nun zawng zawng a ti chhe vek a nia, a huat chu tih chhiat a ni nghal mai"

A thusawi chu uluk fe in ka ngaithla a.

"Sasha Hernandez saw maw"

A lu a bu nghat a "lutuk e, model lar leh chhelo zet mai, he hospital chief executive director fanu mal neih chhun leh Hospital ambasador a nih saw,khawvel hi chu a fair lo ve deuh a lawm tiraw" a nui sak a.

Sasah i hi chu ka hre ve tawh thin, mahse hetiang em em hi a ni ang tih ka lo ring pha ngailo, mahse keipawh mihring ve tho a lawm ka nih Davin a nen chuan in ngaihzawn pawh kan in ngaizawng em lo a tikhan min ti der tawh a nia, ngaihven zel i la engtin tak awm ang maw.

"Ka thian tha ber te zing ami ni rawh aw" min rawn nek nak a, kalo nuih sak a.

"Tehreng mai nangpawh, chuan i thurawn kha ka lawm e" ka nuih let ve sak a.

Sasha i a rawn ding thut a, a ruk a kan titi rei luat ah meeting pawh kan lo ngaihsak tawh lo 'kei chuan model hranpa neih a ngai in ka hrelo,kan hospital ah mipa zahpui awm loh tak tak an awm a lawm, kei chuan Davin hi tha in ka hria' in chhuang vel tak chuan a lo ti a.

Umm he thil hi ka sawi ka ring ngai lo, mahse ka sawi ang Sasha i thusawi chu ka tawmpui, Davin a chu mipa chhelo tak a ni a model dang vak a ngai in ka hre lo.

'Ambasador chu Sasha i kan nei sa a, chuan pair dang awm leh bawk se la a tha ngawt ang chu' Doctor pakhat chuan a rawn ti leh a.

Sasha i bawk a lo ding leh a 'ka thian pakhat model tamtak ai a chhelo leh nalh zawk a awm a lawm min ring ru, chuan mipa ah hi chuan Davin leh Sangpuia an tha ang' a nui sak a.

Sangpuia chuan a pawm lo ngam dawn lo hrim hrim, Diktak chuan sangpuia pawh hi mipa chhelo ve tak chu a ni a lawm Modeling agency lampang pawn an sawm ve fo reng a ni.

'Awle, a nih chuan Dr.Davin a hian a pawm thei em ang chu a ni hi a zin bawk si a engtin nge ni dawn' director zing a mi chuan a lo ti chhuak a.

"Ka pawm e" kawngka a rawn in hawng rawp a Davin chuan rawn luh pah in a rawn ti lut a.

Phawk fe hian ka lo en a, a zin kha a ni si a, engtik in nge a lo haw hman, min rawn melh zawk a, a hawi sawn leh nghal hmak, rei fe kan meeting a kan zawh hnu ah kan chhuak darh sang sang a.

Kawngka ka pen chhuak chiah a, tu emaw hian paper hi ka kutah a rawn hmet bet chat a, ka lo hum nghal vat a ka hawi let lo Davin'n min lo kalpel zuai a, amah a nih ka ring nghal chawt.

Lehkha chu ka en a, Davin a ni tak ka hlim lutuk chu ka khi sen sen mai.

'Tunah ka cabin ah lo kal nghal rawh, Davin'

Tih hi a inziak a, paper chu ak tha in muang chang lo in Davin a cabin lam chu ka pan zui nghal nal nal a.

[Ngaia]

Chapter-15


Davin a cabin lam pan in ka phei chat chat a, ka lehkha ah chu ka ak tha a, eng thil pawimawh tak nge maw sawi a tum leh tak chu,eng tin nge maw a lo lang theih hrim hrim chu a a zin dawn ti ve si a, tiang em em a han zin rei loh chu tukin ah a chhuak a tunah dar 5 a ri a, a awmzia takah chuan darkar12 chhungin a tihtur a ti zo hman vek tih na a nia.

Thawk ka la hak a, a cabin ah ka lut a, chair ah thu in haw turin a in siam nghal sawk sawk a.

"Min lo a mi Sir" a hma ah chuan ka ding a.

"Ka laptop hi lo charge rawh ka ti si a" min en ran a, ni dawn tak Sasha i nen kan buai lai khan ka chhuak zui a ka theihnghilh daih kha a nia, van zia lo thin tak.

"Ughh ka theihnghilh daih a" ka hmui ka pet zauh a.

"Ka room ah hian keimah lo lut an awm a mi" dawhkan vel a thil rem that pah in a ti a, diktak chuan an awm chiang a lawm mahse tunge lut tih ka sawi thei lo sawi chiah i la chu tunge eng vang nge tih vel buaina leh zawhna tamtak a awm dawn tih ka hria ka hai bik lo.

"Ughh keimah" ka hmui ka liak leh hlep a.

"Ka dawhkan a thil hi khawih sawn tawh suh aw" dam tap chuan a ti a, ka lo bu nghat a.

"I duty zo tawh tiraw, va inthlak rawh sawtah min va kalpui lawk ta che"

"Khawi ah maw" phawk fe hian ka en a.

"Darkar chanve hnu ah loby ah kan inhmu dawn a nia" min chhuahsan nghal hmak lehnghal.

Hepa hi hetia mi thu pek vel hi nuam a ti hle a ni maw, engvang a hetia min pawt kual reng hi nge maw a nih teh hrep le, in awm na tur te pawh ka zawn a la ngai dawn a sin mawle van hahthlak thin tak aw.

Pawi lo, ka locker awmna lam ka pan a ka uniform chu thlak in ka kawr par deuh chiai leh jeans chu ka ha a converse ka bun a, ka bag ka ak tap bawk, tunah chuan khawi lam a nurse street girl chiah chiah ka ni mai.

Ka sam sang tak a ka tawn chu ka phelh a, ka purse la chhuak in ka lip plum chu ka in hnawih a, looby lam ka pan thla nghal thuai a.

Lobby ka thleng a tumah hmuh tur an awm lo ka hma mah mah a ni ngei ang, ka phur lutuk zawk nge pawh ka hrelo, mahse engvang in nge ka phur teh ngawt ang.

Ka kal kual a ka phone ka phawrh a, earphone la chhuak in hla ka ngaithla a, ka mit ka chhing a, thutna ah chuan ka thu nghal thuai a, darkar chanve ral nan minute6 chiah a awm tawh Davin a lah a lo lang thei lo.

Ka mit ka chhing leh a, ka thutna bul chu a thim deuh khap a ka bu ah mi an lo thu tih chu sawi loh in ka hre nghal.

"Davin i van rei em em ve" en miah lo in ka earphone ka pawt thla a, ka hawi phei nghal ha a.

"Sangpui nang maw" Davin a aw zawng a lo ni lo, hnuailam a hawi a, a nui sak a.

"I tum loh deih zawk min hmu a ni aw" a nui sak a "Eng nge zanin i tih dawn"

Ka phone leh earphone vel chu ka bag ah ka khung thuai a "engmah ti lo ang ka duty zan a nia, tinge" ka en ha a.

"Zanriah ei dun i la ka ti a" ka ding nghal zawt a, hman eng ang mah ila ka ei pui dawn lo hrim hrim ka thinlung a ti na tawh a, a ti na leh tawh dawn lo hrim hrim.

"Sangpui duhtawk tawh rawh, i tan ka thinlung ah hian hmun a awm tawh lo kei aiin ka unau nu i thlang a ni lawm ni" ka thinrim na in min rawn hneh nghal zawk.

Ka kut chu la in a chelh a, ka hawi sawn deuh hmak "Ka hria mahse mi tupawh hian second change chu kan phu a lawm tiraw,ka ngai che a nia tete" a rawn kun hniam a ka beng bul set ah chuan a rawn kun hniam a "i rilru i thlak chuan ka awm reng a nia" ka dar zawn phei hawi pah in a nui sak a.

"Sawi Davin a pawh a lo kal saw"

Ka hawi phei a, Davin a chuan ralkhat atangin min rawn en reng ka hmuh rual rual in ka kut chu ka phih thla nghal hnawk a, Davin a lam hawi in ka inher a, ka lo nuih sang a, nuih pawh a nui eih lo eng thil tak emaw ngaihtuah hmel hi a pu a, a thinrim hmel em em lehnghal a, Sangpui a chuan min rawn din hnaih tih ka hria a chhan pawh a kawr ban in ka kawrban khuh lo chin a tawk pawh chu ka hre thei.

Davin a alo kal hnai a, ka kut ah vuan in min kal pui nghal nal nal a, min la hmer vak vak zui.

"Hey ka ban a na a nia" a kut chu ka vuan a mahse ka thusawi hria ang pawn a lang lo, Sangpuia lam ka hawi let a, a kekawr ipte zen in a lo nui suk lehnghal.

Davin a hi hetiang hian vawi khat mah a la awm ngai lo hrim hrim eng thil chiah nge a ngaihtuah pawh ka hrethiam lo e a, a car bulah chuan min din pui a ka kut a thlah a.

"Car ah lut rawh" bawng ngat hian a ti a, a thusawi zawm loh chi a ni lo, eng thil chiah nge maw a ngaihtuah chu, ani pawh a rawn lut a engine ti nung in chak zet in a tlan nghal fua a.

Kawngpui ngil lai kan thleng phei chu kan thlawk hi a ni ringawt, ka hlau lutuk tawh ka naupan laiin car accident ka tawk tawh a khata tang khan car chak tak a khalh ah hian ka chuang ngam tawh lo hrim hrim.

"Davin khawnge min hruai dawn" ka hawi phei a, min chhang lo in kawngpui chu a en ngar ngar.

"Khawnge kan kal dawn ka tih chu min chhang rawh" a ai chak in a khalh zel a.

"Davin khalh muang rawh" hlauhthawn na in min rawn man tan a ka awm hle hle thei tawh lo, car seat belt chu ka kut pahnih in nget takin ka man a ka thlan fim a tla a ka chil ka lem khalh a.

"Davin ka hlau a nia, duhtawk rawh" a beng a chhu ngawng tlat lehnghal.

"Khawngaih in ka duh lo ka hlau min chhuak tir rawh, car ti ding rawh, Nu ka hlau" ka hmai ka hup a, car a ti ding chawt a, hmalam ah ka kun nghal lawp a, ka thaw chhuak nghal hawk.

Min rawn en, hmanhmawh zetin car atangin a chhuak a ka awmna seat lam kawngka a rawn hawng a, ka hmai hup na ka la thla a ka kut a lo phuh hlap mai ka mittui a ni tih ka hai lo, ka in hnit faih faih a.

"Hey,,,i tha em" ka dar a min rawn vuan pah chuan a ti a.

"Min kalsan rawh" ka nam sawn nawk a, ka seat belt ka phelh a, car atangin ka chhuak nghal nal nal.

Min rawn zui a min rawn man ding nghal chat a, ka kutah vuanin min kai let a "min thlah rawh" in hnit faih faih hian ka ti a mahse a luhlul a chhuah leh tlat tawh.

"Tete ka tihpalh" zawi sap hian a ti a, ka in hnit faih faih a ka mittui chu ka hru leh hlap a.

"Min thlah rawh" ka bag ken laiin a kut chu ka vaw chawrh a, engah mah a ngai duh lo ka vuak na chu na ti ang pawn a lang lo a sen deuh hlar tih erawh ka hmuh hmaih lo, ka bag pawh chu lei ah a tla nghal tawp a.

"Ka tihpalh a nih kha" a ti nawn leh sap a.

"Khati khawp khan min ti hlauthawng ang nga ngaihdam min dil leh ang maw, Eng ang chiah in nge ka hlauh i hria em ka thi dawn a maw ka ti hman a sin, mahse eng nge sawt ang tiang i bul a sawi hian nang te chuan midang ngaihsak na chang i hre hleinem i duh ang a awm turin mi tupawh i nawr lui thin a lawm" ka mittui ka kut lehlam a hruk zauh pah chuan ka ti a.

Ka kut a phih zawt a, nghat zetin min kuah nghal thlawp "min thlah rawh" ka tal fan fan a engah mah a ngai duh lo "min thah nghal rawh,i sual lutuk" ka tal a mahse a chak lutuk, kei a tha chuan chatuan pawh in ka hneh dawn chuang lo.

"Ka ngaihsak che,engtik lai pawh in" zawi sapin ka beng bul ah a rawn ti sap a, ka sap chu duat takin a chul heuh heuh a.

"Khatiang tak khan i hlauh ka ring lo mawle" a ti nawn leh sap a, a in thiamlo tak tak tih ka hai lo, min kuah chu a thlah a ka darah a kut pahnih in min vuan a min rawn chhuak en ha a.

"Ka tetlai in car accident ka tawk tawh alawm" ka hmai chu ka nuai leh nang nang a.

"Nang te hi tinge maw rawmawl pai na chang i hriat miah loh chu le" a kekawr ipte atangin rawmawl chu a rawn phawrh a, ka hmai a mittii vel chu a hru thuai a.

"Ka ti bo zel a, ka pai peih lo alawm, a hrim hrim in i zaklo lutuk eng nge min kuah ringawt" a nui suk a a rawmawl a ka mittut chu a hru zo a, a ak tha leh nghal thuai a.

"Eng nge helai ah hian min hruai a" a mitah ka chho en ha a.

"Ice cream ei turin"a nui suk a.

"Maw, ice cream i duh lo a ni lawm ni, a hrisel lo i tih kha"

"Umm nia ka ngaihtuah chiang a thil hrisel vaklo te pawh ei zauh zauh a ngai a lawm, chaw tha ei reng te chuan kan chak leh lutuk palh ang" a sawi zawngin a chal a ti chuar a, a bu nghat nghat a.

"Tihian lo awm la" kan paih lawk a dawr ah chuan a phei a, ice cream dawn a ni, kan awmna hmun vel chu ka lo en chiang miah lo.

Kan awmna lei dawh atang chuan ni tla turin kan hnuai a tui luang cham dup mai chu a en eng phut a, a mawi takzet a ni, thli a rawn thaw heuh heuh a, ka mit ka chhing vang vang a.

"Ka rei em" ka hawi let vat a.

"Aih rei lo e" ka lo nuih sak a.

"Ka ice cream ei hmasak ber tur" pakhat min rawn pek pah chuan a ti a.

"I ti tak tak maw, ka sawi awmzia chu naupang tamtak nun a hlimawm lei ber chu ice cream ei hi a ni a sin, i naupan laiin i ei ngai lo maw" mak ti fe hian ka melh a, aw a tih nan a bu zauh a.

"I chan nasa hle mai" a nui suk ringawt a, a ice cream chu a ei thaih thaih a.

"A tui em" phur fe chuan ka lo ti a.

A lu a bu nghat a " lutuk tlat" a ei nghal mial mial a, naupang ice cream ei ngai lo ka vawi khat hmuh na a ni, vawi hnih ka ei a, a ni chu a lo ei zo diam tawh.

A car ngheng in ni tla tur chu kan thlir dun a "tete sangpuia nen hian in la in kawp a mi" a rawn ti chhuak phawng a, a thusawi chu mak ka ti ngei mai, diktak chuan hetiang hi Davin a nen berkher chuan kan sawi dun ka lo ring ngai lo hrim hrim.

"Aih tinge a" ka hawi phei ha a.

"Timah mawle, nichin khan ka hmu dun si chu a, in inkar ah thil pawi a then phah ka hlau deuh a"

"Hey vel a che a" a kut in a ve nghawk fiam zauh a, ka hawi phei a ka rin ai tak in a lo thutak lehnghal a.

"Sangpuia chung chang chu ti nge min zawh teh thut a" ka hma lam en pah chuan ka ti a.

"Ka hre chiang chak deuh mai mai mawle"

Thawk ka la hak a "awle, ice cream te min lei bawk sia ka hrilh ang che Sangpuia nen hian kan inneih tep tih in ka unau nen min lo bum tih ka hrechhuak a,chuan i hriat zel dan kha a ni mai, ngaihdam chu min dil leh a" ka dar san ak pah chuan ka ti a, ka sawi zo chu engmah sawi lo in a ngai vang vang a kei pawh chutiang tho.

"A nih ngaihdam i tum em" rei ngial hnu ah a rawn ti chhuak nghal phawng.

"Aaa, ka hrelo tum vak lo pawh a ni maithei ka hrethiam chiah lo" thawk ka la hak a "Sangpuia chanchin zawt turin hetah hian min hruai a maw" ka en phei ha a.

"Nilo e, thil pek che ka duh a" ka hma ah chuan a rawn ding a.

"Eng thil maw" phawk fe hian ka melh a.

"Thil ropui vak chu a ni lo, office staff ho pawh thil eng eng emaw ka hawn hlawm a ka zin lawm nan" a nui sak a.

"Eng thil maw" ka en chho ha a, a kut chu a rawn pharh ha a, thi hi a lo ni love locket nalh zet mai hi a ni a, a hnunglam ah ka hming lam tawi Tetei tih hi a in chhu bawk a.

"Mahse hei chu a man a to hmel e, thil man to ka in bel ngai lo a nia aw"

"Ti bo lo ang" a nui sak a, min rawn kuah ti tih in ka nghawng zawnah a kut a dah a, thi chu min awrh tir a,min awrh zawh tir zawh in a hma a awm dan ngai chiah in car chu a ngheng leh a.

"Ka lawm, a nalh takzet" ka nuih sak a.

"I inhmeh ka ring sa a lawm,ka hmuh rual rual khan" min rawn chhuk en ha a.

"Meeting na ah khan i lo thleng leh hman zia i zin emaw ka ti si a" dilchhut zet chuan ka en ha a.

"Umm nia, ka ching fel zawk a ka lo let leh vat a nih kha, meeting kha a pawimawh bawk si a" a kekawr ipte zen tap pah chuan a ti a.

"Nia, kha model kan lo kawl reng tih pawh kan hriat phah a lawm" ka nui chhak hak a.

"In pa te chu kan tluk nang" min rawn fiam let zauh a, mahse in pa tih kher chu a, kan ngawi vang vang a.

"Davin" zawi sap hian ka ti chhuak a.

"Umm" a mit chhing pah chuan a ti a.

A van han duhawm tak em aw, a sam chu thli in a chhem zawngin a che siau siau a, a mit khur thuk dak te chuan min a la takzet, a kamis ban lah a kir ah a thlep chhing bawk a kawr in a khuh loh chin a ban vel chu a thisen zam vel a in pan tiak bawk.

"Ka ngaina che" a rawn meng a, min rawn en phei ha a, chiang fe in ka lo melh a mit khap lek lo chuan min en ve bawk.

"Keipawn ka ngaina che lawm" a kut chu ka nghawngah rawn nghat in a rawn kun hniam deuh a.

"Davin" ka thin phu a rang lutuk tawh ringawt.

"Umm" tham tiak hian a ti a.

"Haw tawh ang, a tlai tawh emai" a nui sak a, a kut la sawn in ka kalsawn nghal thuai a, ka hahdam sawng sawng in ka hria pawt chat lo i la chu thil tha lo zawk a thleng lo ang tih pawh ka sawi theilo.

Car kawngka a hawng a, ka thu lut nghal thuai a, ka purse chu a rawn hum tan a, ka mal chungah a rawn dah a, ka thlauh tih ka lo inhre leh tawp pek lo ka haihawilt lutuk hi chu a zia lo deuh chu a nia, car ah a lut a in lam panin kan in khalh phei dat dat a.

[Ngaia]

Chapter-16

In ka thleng chu ka thawmhnaw zawng zawng pawn ah a lo awm vek, ka tlai deuh a ni zanin ah khawi ah nge ka riah tak ang.

Davin a in thleng ka in thlah tir lo chu a tihzai khawp mai, in thlah tir ngat i la chuan ka thawmhnaw helai a awm nuaih hi a hmu ang nga a buai leh chung ngei ang.

Bungraw tam ka nei lo, inchhung ah midang an awm tawh a va luh ngawt na chi a ni tawh lo, zanin chauh chu riah na tur ka zawn a ngai a ni.

Ka thawmhnaw bag pahnih chu la in ka mittui chu ka hru zauh a, tiang em em hian ka in la khawngaih ngai lo ka bag chu ka khai a, zan thim tawh tak ah chuan ka kal chat chat a, lehlam in ka thawmhnaw ka ak a lehlam in luggage ka hnuk hnak hnak bawk.

Ka mittui a tla a, kawng pawh ka hmu hleithei tawh lo ka in chhuih khawt a, hmalam ah ka eu zawk a ka luggage ka bawh a, a ri nghal rawp.

ka en chu ka luggage alo keh lehnghal a van zia lo tak em aw, pawisa neih tawh loh tehreng nen mahse a chhe nasa lo hlauh.

Vanneih thlak tak a ni,ka theih ang ang chuan ka hnuk hnak hnak a ka phone a rawn ti rang rang a ka alarm set a lo ni ka duty hun ka hai loh nan ka set a ni.

Sana ka en vat a dar 7 rik nan minute5 bak a awm tawh lo dar 7 atang in ka duty a ni bawk si mahse heng thil zo zai nen a kal chu thil tih chi ber a ni ang ngem ka hrethiam lo,mahse thlan tur dang ka nei lo ruah lah chu sur tum in khawpui a la ri dur dur lehnghal a helai ah hian ka bungrua hi ka hnutchhiah thei lo, ruah in a nan lo a nih vek chuan a bo nghal a ni mai.

He khawpui ah hi chuan bo thei lo pawh a awm lo, rangkachak atang a thirfian te thleng pawn an duh vek.

Pawi lo kal tawp mai ang, auto chu phar in ka hospital lam awmna ka pan nghal vang vang a diktak chuan hospital awm na atang hian kan awmna hi a hla ve bawk em a ni.

Kan awm na, awm na ka nei reng reng a mawn le, mi in a awm ka ni a chutah lah heti hian mi vak raw lai ka ni der tawh hotel a riah na man daih khawp pawisa ka nei bawk hek lo, hlawh ka la la miau si lo a ni.

Rei vak lo ah hospital awmna ka thleng a, ka bang leh luggage chu hnuk hnak hnak in elevator lam ka pan chhoh pui a.

Guard ho room ah ka phei tlang nghal pat a, hetiang nen hi chuan helai hmunah hian hna ka thawk thei lo ang nurse ho awm na hmun ah ka keng thei bawk hek lo, a chhan pawh Sasha i kid te leh min haw em em tu thenkhan in fiamthu thawh nan a min hman mai hi ka duh loh vang a ni.

Engmah nei lo ka ni tih ka hai lo, mahse hmuhsit awm leh kutdawh ang a awm chu ka duh bik thak hlei nem.

Guard ho room ah ka lut phei a, zanin a duty tur Putar kum 55 ral kai tawh lampang dam dap mai hi a lo duty a, vannei tak ka ni a chhan pawh hepa hi a fel in a tlawmngai em em a, min duhsak em em bawk a hming pawh ka hre lo Ka pu tiin ka ko mai thin, pa lian tak a ni lo na chu thinlung lian tak a neih ka ring tlat a ni.

"Chibai ka pu" ka nuih sang a, chair atangin a rawn hawi phei ha a, nui sang in min lo en ve bawk,a bul lawk a chair chuang awm ah chuan ka thu a ka thawnhnaw leh bungrua vel te chu ka hung lut a.

"Aw chibai le nula, hei hi eng tih na nge" ka bungrua a en a, min rawn en leh a, mak a tih hmel angreng khawp mai.

"Ughh, ka pu buaina chhe te ka tawk a zanin chauh chu heng vel hi hetah hian ka lo dah mai ang chu, pawi i tih loh chuan naktuk ah chuan ka la leh thuai ang" ka hmui ka pet zauh a,rei vak lo chu a ngawi dat a, min rawn en a.

"Ole, a tha a lawm, mahse coffee min siam a ngai ang aw" nui sang in a rawn ti chu ka thaw huai in ka hria.

"Tehreng mai ka lawm lutuk ringawt, naktuk ah ka la chhuak ngei ngei ang, ka va inthlak lawk ang nga coffee chu ka lo ken ang che" ka chhuak a kawngka ka khar nghal thuai a.

Ka thaw huai in ka hria, naktuk khua var se la ka hlawh advance in ka dil ang nga in lian vak lo pawh luah hawh tur a awm ngei ka beisei naktuk chhun ah duty ka nei lo bawk nen, kan hospital ah chuan zan a kan duty tuk ah hian kan awl thin a keipawh awl tur ka ni.

Ka locker awmna lam ka pan a ka nurse uniform ka in bel a, ka sam chu hlawm tawp tawp in ka beng hnuai ah ham khawm in dul zet chuan ka tawn bawk a, sam tawn hi ka ngaina lo mahse buai lai a sam in min lo zar sek mai hi a ninawm bawk em a ni.

Coffee machine ka on a, coffee keng in ka guard room lam ka pan phei nghal thuai a.

"Hey aw i coffee tur chu" nui sang hian ka ti lut a.

"Nula ti hian lo awm lawk ta che ka va in thiar lawk ang nge aw" a tho a, a chhuak nghal thuai a.

Nurse duty na lamah ka kal a ngai tawh takzet a sin mawle sana chu ka en zauh a, 7 leh a chanve a ri takngial dawn, chair hnungah chuan ding in chair nghenchhan ka vuan a CCTV monitor vel te chu ka en kual a.

Ka sana ka en leh a, a rei mah mah tawh a ni a coffee pawh a dai takngial dawn, monitir chu ka en leh a Camera number 1 a thil phe zeuh chuan ka mit a la nghal zak mai.

Ka en nawn leh a, mihring ngei a ni doctor duty tur hetah tumah kal an ngaih na chhan a awmlo a chhan pawh OT a nih vang a ni, zan zan ah mahni chauh in tumah in mi an zai ngai lo, tu nge ni ang rukru ni chiah mai rukru bak a ni miah lo ang.

Ka tho phut a, guard room atangin ka chhuak rawk a OT room number 12 na lam ka pan ve ringawt, corridor lah chu a thim ruih a light dim zet hian a eng ruai bawk a reh em em a tumah vei vak ang awm lo.

Kawng chanve ka kal chu ka ding nghal zawk eng vang a kal nge ka nih, ka hnungah tu emaw hian min zui tlat in ka hre tawh, kawngka a awm khep khup a ka hawi let zawk a, tumah lah chu ka hmu lo hlauh na in min rawn man nghal chat a ka chil ka lem khalh a ka than fim a rawn tla nghal pat.

Tunan ka awmdan ka tehkin ber chu ramhuai film a ni, ni e hetiang hi film tamtak en tur a awm a lawm nurse pakhat damdawi in a duty amah chauh in room inkar ah a ding a tu emaw in a hnung ah a zui a tichuan, tichuan a hnu leh zel ah thisen a baw nuaih a tuman a awmna an hre tawh ngailo,film taktak ah chutiang chu a awm a lawm.

A nih loh pawn an at phah a, engvang a keimah a kal nge maw ka nih reng reng ti nge ka pu kha ka nghah mai lo, ka van a tak mahse tun a chutiang ngaihtuah chu eng nge a sawt na awm, helai lai then hnu ah chu tiang ngaihtuah chhuah chauh chu a mahse helai thleng thleng ka kal tawh a lawm ka hna in a ken tel thil a ni heihi ka hna in a ken tel a ni a ka thlah thei lo awle.

Thawk ka la hak a, ka kut ka hum ruh a ka piah deuh a chhuat nawh na awm chu ka ban vat a, mihring a nih ngat chuan hei hian ka vaw tlu nghal tawp ang, ni e mi kut thlak chu ka duh dan a ni lo mahse ka him na ka ngaihtuah hmasak ber a ngai ve tlat, ramhuai a nih thung chuan ka tawngtai tawh mai ang.

Ka kut pahnih in chhuat nawh na chu ka hum a, OT room corridor dawp a awm lam ka pan a, hnung lam ka haw a ka thil ken chuan ka hma zawn ah ka lek khawng va bawk.

Thawk ka la hak a,ka kut veilam in kawngka chu ka hawng da da a ka kut lemah in chhuat nawh na chu la hum ran bawk, min khawih rual a vuak nghal thuai a ni mai.

Room chhungah ka lut a, tumah ka hmu lo ka hawi kual deuh a, a thim vek a tumah hmuh tur an awm lo current on na ka ban a ka hmu fuh hlei thei lo ka kut chu nghet fe hian ka hum a tumah an awm lo ka mit vai a ni ngei ang, ka thil ken chu chhuat ah ka dah thla a thawk ka la hawk a chhuah leh nghal mai ka tum a.

Ka hnung atangin min rawn kuah lawp a, ka hmui a rawn hup nghal chawt a,ka tal nghal chiam chiam a mahse a chak lutuk pa lian tak a ni tih ka hria min kai phei zel a.

Engtin tin emaw ka hmui a hup na chu ka phih thla thei hram mahse min la kuah nghet em em tho "min pui ru" ka tal chiam chiam a "tal suh" bawng nghut in a la ti zui.

"Nang mi tenawm min thlah rawh, misual a mi i nih nge rukru zawk engtin nge min tih i tum min pawngsual bik lo ang, min thlah rawh nge ka taksa peng hi hralh i tum zawk a mi, min pui ru" ka au chiam chiam a ka hmui a rawn up leh nghal chawt a.

Ka ban fuh theih theih chu ka la a, a lu ah ka chhu pawp pawp a, min thlah a kawngka lam ka pan a ka banah min rawn man leh nghal chawt a min pawt let leh nghal lawp a, ka banah vuan in min hnuk hrawk hrawk a "min thlah rawh, tual thah hmang a mi i nih, awm in awm em min pui ru,mihring chu i ni chiang a lawm" min kai hnung zel a thawk leh khat ah light a rawn eng pawp a.

Ka en chiang chiah chu ka awih thei lo zawk "Davin" ka au nghal tuarh a, phawk fe in ka en a.

"Tu ah nge min ngaih a" ka kut a la vuan reng.

"Ihh, ihhh nang hetah engtin, ngawi teh eng thil chiah nge i tih" ringhlel fahran chuan ka ti a, min chhang lo ka kut vawn na a thlah a chhuat a ka thlauh chhuat nawh na chu ka la lawk a ka tin ran ran a.

"Eng nge maw i tih le" ka hma ah a ding vang a.

"Nang hi dan phal loh thil ti thin i ni tiraw, chuvang a ni maw helai hmunah hian i awm sawi rawh" posi la ran chungin ka tin a, min rawn pan hnai a ka hnung tawlh thuai "hey..hey ding rawh ka vua che a ni mai aw" a rawn la kal zawm zel lehnghal "ding rawh ka vaw dawn che nia aw" ka hmawlh a rawn man a, a pawt hlawk a, a paih tla nghal hmak bang si chet chuan min dang bet a.

"Min pawngsual dawn a mi" ka chil ka lem khalh a.

A nui hak a "chutiang tih tum hmel ka pu a mi" ka tal vel na ah ka sam zawng zawng pawh ka tawn na a tla hmak, a la phir em em zui.

Sawi tur ber ka hrelo ka zak inthiam lo bawk si ka ngai reng ringawt, ka en chho ha a, a chal atangin thisen a rawn hnam tiam tiam a ka vuak na kha a ni tih ka hai lo.

"Lo kal teh" nam sawn in a kutah chuan ka kai a, min lo zui ve mai bawk Nula lian lo te in Mipa lian tak ka kai kal ve khang lang zui.

"Hetah hian thu rawh" Inzai ho mut na thin ah chuan thu tur in ka ti a, engmah sawi lo in a thu ve mai bawk.

"Eng nge maw i hriat le" a thui na tur leh damdawi thenkhat ka la khawm mawlh mawlh a.

"I chal kha a thi a" zawn mawlh mawlh pah chuan ka ti a.

A kut in a khawih a "nang te hi thisen min chhuah a maw"

"Ka lo thui ang che" ka duhtawk ka la khawm tih ah chuan a awmna lam ah ka phei a.

"Nang te hi i rapawm reuh tlat, mi tih nat pawi i ti lo reng reng" damdawi chu lapua ah hnawih in ka pem ka hru fai a, a thut na a sang bawk nen a mah lah chuti bawk thu e ti lo chuan ka han ban tang tang a.

"Ka tihpalh a nih kha, bakah i thiam bik lo khatia hnunglam a tang a min man lo khan sawi that ve mai tur a lawm mawle" thui tum in ka ban a mahse a thut na a sang mah mah a ni, kan piah lawk a thutna atangin a chhuk a, ka kawngah min rawn vuan a.

"Hei eng nge i tih dawn" min chawi nawlh a Inzai na khumah chuan min hlang kang a, min rawn hnaih sat a, a rawn kun hniam a "ti khan thui rawh a nuam zawk ang" lei ka thu a, a ni chhuat ah a ding a ka thui thuai a, ka tuam vat bawk.

"Nula nangmah a mi" Guard pa in a rawn ti chu ka thaw huai mai.

"Aw ka pu" ka sawi rual rual in ka hmui a hup a, light a off a damdawi leh inzai na hmanrua vel an dah na room lam ah min kai phei nghal hmak, hepa chezia hian ka ngaih a ti tha hauh tawh lo, thil tih ruk chu a nei chiang a lawm.

"Awm in awm em" Guard pa chuan light in a rawn en kual pap pap a, ka hmui lah a hup tlat lehnghal, hepa hi ka ngaina tih ka hria a fel bawk mahse dan pha loh thil a ti a nih ngai chuan hum ka tum lo, a kal na chhan a sawi duh bawk silo.

Ka sir a inzai na hmanrua awm chu ka kut in ka hai thla a, chhuat ah a tla ri nghal chhuai kan lam pan in a rawn kal phei zel a.

"Khatah khan tu nge awm" light in a rawn en a, chhan ka tum a Davin an ka kut a rawn man a, ka hmui a hup tlat bawk.

Light a eng pap a, a lo hnai zel tih ka hria, kawngka a rawn khaih ri rak rak a, thinrim fe a Davin a chuan min melh a.

Kawngka in hawn rual chiah in ka hmui a hup na a kut la thla in nghat takin ka kawngah min chelh a ka hmui ah min rawn fawp nghal chat a, ka thin phu a rang a, ka awm hmun ah ka meng nghal kawk ringawt, ka khawng vek ni ber hian ka hria.

Min thlah a, putar an min hmu chu a lo nui then thaw mai, "nangni ang rual kan nih lai chuan hetia hian mi hmuh loh ah kan in hmu ru ziah a lawm, pawi ti su engmah ka hmu lo ah ngai ru, e nula chuan i bungrua kha i bag pakhat kha a keh a i hriat loh tak in" a sawi zawh ah a kal a engmah ka sawi theilo ka awm hun ah ka ding khawng a ka en ngai ka en tawp ringawt.

"Eng bungrua nge a sawi a" Davin'n a rawn ti a ka melh ngai ka melh a, ka lu ka bu ringawt, ka phone a rawn ti a, ka harh chhuak nghal zawk.

"Eng thil nge i tih a" ka nam nghal pawp.

"Khatia ka tih loh ten min man chhuak mai dawn a sin chhuanlam tur dang i nei chuang a mi" zam map lo in a la ti zui.

"Eng thil chiah nge i tih sawi teh"

"I bag engvangin nge guard room ah a awm"

"Ka zawhna chhang hmasa rawh" ka lo ti vat a.

"Nilo nangmah" ka in tal awk laklawh tawh ka sawi ngai a ngai, thawk ka la hak a ka chanchin vel te chu ka hrilh ta vek a, kan ngawi vang vang a thawk a la hak a thu pakhat chiah a rawn sawi chhuak "min lo zui rawh"

A sawi rualin a chhuak nghal hmak a, a hnungah ka zui nghal hnawk hnawk a, guard room lam min pan pui a.

"Hey Davin eng nge tih i tum"

"Tete, nangmah chauh in hmeichhia leh nghal helai hmun ah hian ka hnutchhiah thei lo che a ni, ka in ah room chuang ka nei a i duh phawt chuan i awm ve thei ang" kawngka hma ah chuan kan ding dun ran a.

"Hmeichhia leh mipa chen dun chu a chi dawm a mi, ka thian tha tak i ni tih chu ka hria mahse a thlawn chuan ka awm tawp thei bik lo ang bakin i appartment lian lutuk te kha chu engtin nge a luah tawp na man ka neih ang room luah tur te chu ka hmu ve mai ang" diktak chuan ka in thlahrung ve a ni.

"Nula a kar a Mizo leh nghal chuan i hmuh mai beisei suh, hei hi khawpui lian tak a nih hi mi bum hreh lo leh tual thah hreh miah lo an kat nuk tih hre reng rawh in liah man ah i buai a nih chuan i pek a ngai lo ang, zanin chu lo riak phawt la emaw i in ben bel hma chu i in luah tur i neih hunah i chhuak mai dawn a lawm" thlan tur dang ka neilo, bakah hetiang zan rei tawh ang engtin nge ka awm chuan ang.

"Ole" ka nuih sak a, room ah chuan kal in luggage leh bag chu min khai sak a inhnuai ah kan chhuk nghal thuai a, car ah bag kan hlang a, a in lam min pan pui nghal thuai a, ka duty hun pawh a lo liam der tawh.

Kan kal kawng ah chuan ruah a tla sep sep a, mahse sur nasa erawh ka nilo, hetiang thil hi ka beisei phak bak a ni, ka mit ka chhing a Pathian hnen ah zanin a riah na tur min pek vangin lawmthu ka sawi a.

Ngawireng in car ah chuan kan thu a, nichin thil kha ka ngaihtuah chhuak nghal zawk "Davin" sawi sap hian ka ti a.

"Umm" kawng en reng in min chhang a.

"Nichin khan tinge guard hmuh kha i hlauh em em a" ka hmui ka pet zauh a.

"Zanin khan a rukin mi zai ka tum a, min hmuh tak si ah chuan ka thei ta lo a nih kha"

"Tinge a ruk kher in"

"I van dil chhut reuh tak, thil a nihna tak ka hrilh ang che zanin a zai ka tum kha mi rethei tak a ni a in zai na tur pawisa a nei lo a ni, a ruk a ka tih mai loh chuan a thi dawn si a, ka tih theih reng ah ngawireng in ka awm thei lo a ni, kan hospital chu i hriat chian kha" a thaw chhuak hak a "chuan min ring tawh em" min rawn en a, a nui sak a.

"Umm" ka lu ka bu nghat a, ka ngaihdan a in sawh sawn hlak ta mai, nichin mai kha chuan a ruk a thil tih hmang misual leh pawisa duh ah ka ngai a mahse vantirkoh ang mai a ni zawk.

Lehlam ah chuan he hospital hian mi hausa an duhsak an tih chu ka hre tawh a mahse hetiang em em chu a nih ka ring ngai lo, ngaihtuah na vak thui fe in kawng a ruah sur sar sar chu ka en reng a.

[Ngaia]

Chapter-17

Zin ka tho chu ka zi ar ar a, nizan chu ka mu tui takzet ka khum atang in ka mit chu ka meng sar sar a, ka awm na room chu ka awih lo hian zawk hetiang reng a room zau hi ka la hmu ngai lo, Kan a room zawng zawng belh khawm ai pawh khan a lian daih zawk ka ring.

Nizan ka chau lutuk a engmah pawh ka lo en chiang lo chu niin, khum chu a lai tak ah in hung in ka hma ah parda nalh leh manto zet a in zar a, darthlalang kawngkhar balcony chhuah phei na tur chu lian zet a awm bawk ka sir a light chu off in bathroom lam ah ka phei nghal thuai a.

Shower in ka in phuh tir sang sang a ka inbual zawh ah ka sam chhem ro in ka over top hoodie leh kekawr bul chhing ve tak mai chu ka ha a,in a ka awm chuan ka awm duh dah thei em bawk a ni.

Sana ka en a, ka tho hma ngang mai ka mut ngai loh na a ka mut na a nih vang a ni ngei ang, mu thui viau thin mahse ila ka mut na ngai lo a ka mut chuan ka tho hma ve ziah, dar 5 pawh a la ri lo, thawm dim tak in room a tangin ka chhuak a.

Ka hmuh chu ka awih thei lo zawk bang ah chuan lemziak nalh tak tak a lo in tar chiai a, chhuat lah chu a hnum em em mai lehnghal a thutna fai leh thianghlim em em mai sitting room ah a in hung a, center carpet chung ah darthlalang dawhkan tlawm hmel zawk zawk lo tak mai a in hung tel bawk, choka ni awm ang lamah ka phei risk ve tawp a, ka kal fuh ve hram.

Coffe chu ka siam mawlh mawlh a, Rawng ka bawl mawlh mawlh bawk, Davin a coffee tur chu choka dawhkan ah chuan ka dah a, hetia dah hi a chi a ngem ka hrethiam lo a dai hman ngei ang nge nia a room ah ka va pe mai dawn.

Chu chu ngaihdan tha tak a ni, coffee chu tray a chawi in Davin a room lam ka pan phei nghal thuai a, a lo mu a nih chuan kaih thawh hi thil chi ber a ni a ngem ka hrelo, nizan khan a mu har angreng bawk si a.

Pawilo a la mut pawn a mutna bul ah ka dah mai ang, ka ti rilru a, kawngka chu kik ka tum a mahse a in kalh lo tih ka hria a bakah ka kawngka kik thawm ah a harh ka hlau bawk si nen muangchang chuan ka lut ta zawk a.

Room ka luh rualin khum chu ka en a, Davin a reng ka hmu lo khum lah felfai tak in a lo in siam sa vek a, lalpa leh a room chu engkim hi a felfai ngawih ngawih a engkim hmun diktak ah a awm vek mai, mahni a cheng chu hetiang in lian tak leh bungrua zozai hi engtin nge hetiang a fai hian a enkawl theih zawk ang aw ka ti nang nang a.

Mahse eng vang in nge a theih loh ang, a man a enkawl a ngai hauh hleinem in ti fai tu tamtak koh mai theih an awm reng a lawm ka ti leh rilru a.

Amah ka hmu bawk si lo chu tray nen chuan ka chhuak nghal thuai a, zing zing ah khawi ah tak chuan kal ni maw, zawimuang in kawngka ka khar zal zal a dim zet in choka lam ah ka phei dan dan a.

"Eng nge ka room ah khan i tih" ka hnung lam a tanga a rawn ti thut mai chu, ka phu nasa lutuk hi ka thlawk lo chauh ka thil ken chhuat ah ka thlauh nghal bawl.

"I tha em" mi rawn pan hnai nghal thuai a, chhuat a coffee no leh tray tla chu chhang miah lo in ka chhar a, vanneih thlak tak in a keh lo hlauh.

"Ughh ka tha" ka hawi let a.

Davin a chuan kawr ha lo hian ka hma ah a lo ding ran mai, a nghawng ah towel var a bat a, kekawr bul dum a ha bawk, pheikhawk pum a bun a, a thlan in a awm leh a hmai vel te chu a ti huh hlap a, a nghawng atang in thlan chu a awm khuar leh a six pack vel ah chuan a luang thla a, a ban sek talh leh thisen zam lang hrak te leh a kawng fek rat mai te leh a sam thenkhat a taksa thlan in a char te chu min khap miah lo in ka en ran ran ringawt,mahse buaina pakhat erawh nizan a ka vuak na chu a la tuam bar mai.

A chal a ti chuar zauh a "eng nge ka room ah khan" min en kar a.

Ka mit ka chhing nghal zawk "ti nge kawr i hak loh a"

A nui hak a "exar ka la a lawm"

"Chupawh ni se"

"Ka tih dan than a nia, a pawi vak chuang a mi" a tih dan that chu ti nge ka lo huat ve ngawt ka van a tak nizan lawk a a chhar chawp mai bawk ka ni chei si lo, a hrim hrim in ka mit hi eng nge ka chhin ve ringawt kawr ha lo a an awm ngam chuan eng nge maw ka en ngam loh bik ang le, tiin ka in seh ruh a, ka mit chu zawimuang hian ka meng a.

"Ihh,, coffee lo pek che ka tum a, i duh ang chini tel lo" ka nui zak a, ka tum leh nghal hmak, a taksa chu en loh hram ka tum a mahse ka hma tak a ding a ni bawk si nen hmuh kan chu a har ngei mai.

"Ihh kawr i ha thei ang ngem" hawi sawn deuh chuan a ti a, engmah a sawi lo ngawireng in min rawn pan hnai a, ka tawlb hnung zel a ti nge maw tiang hian a tih zaih mai chu heng a che zia hian ka awm a ti nuam thei lo.

Dawhkan ngheng chuan ka ding ran a, rawn kun hniam in muangchang in a kut chu a phar a ka lam panin a rawn phar a, tih ngaihna ka hrelo chu ka mit ka ching ringawt, ka nghak deuh vang vang a mahse min tawk miah lo, muang chang in ka mit ka meng a, ka hma ah apple a lo ei tuam tuam lehnghal ka sir ka en vat a apple basket ka hmu nghal thuai a, ka thaw nghal hawk.

A hnar a len vat vat a "chu eng rim nge" boruak vel ah hian a hnar a len that that a, a apple ei lai a kut veilam in a keng bawk.

"Awi ka thil chhuan" ka hnam kiang lawp a choka lamah ka tlan phei nghal hlawk hlawk, ka thil ken coffe no leh tray pawh choka ka thlen rual rual in thleng sil na ah ka teh nghal tawp.

Karei a van zia lo tak ka thil kan zawng zawng a uk khawro vek, a bel nen lam a ut vek van zia lo tak hmanhmawh zet in gas ka off a thleng sil na ah ka suan phei a tui ka herh haw chu a ri nghal sawr sawr, eng thil nge ka siam tih pawh ka mitthla thei tawh lo meihawl rawh ang vel ka ni, van zia lo thin tak.

Chhuah ah zawi zet in ka thu nghal hnawk a, ka ke tun in ka kun ngiai a, kha kha chawhmeh lei sa awm chhun mawle a dang la awm leh chu thei thenkhat leh jam a ni ringawt chhangthawp tlem nen chuan changthawp tih vel hi ka ngaina thlawt lo bawk, ka a thei takngial dawn.

Davin a vang vek, khati khan khawsa in ka rilru hruai peng lo se chuan ka ti kang miah lo ang mawle, ka ke chu ka per chiam chiam a, ka kut pahnih in ka hmai ka hup bawk.

"Nawrh a chhuat a tal ching kan la awm a ni maw" Davin a aw ka hriat rualin ka tho chhuak nghal zawk a.

"Ughh engtik in nge i inthlak hman a, eng nge hetah i lo tih dawn" a lo in thlak diam tawh, jeans kekawr a ha a t-shirt a hma a kawrkilh awm ban half a ha bawk hetiang a a inchei hi ka vawi khat hmuh na a ni engtik lai pawn a pawn kamis a hak loh pawn coat a ha reng thin kha a nia.

Thutna ah chuan a thu a "khawi i rawng bawl chu" min en chho ha a, awi engtin nge ka tih tak ang.

"Ihh buaina pakhat a awm a" ka nui lui hak a.

"Eng chu maw" min zim sen leh dil chhut hmel zet in min en a.

"Ihh maw, ihh englo a nia, tukin chu thei thenkhat chaw ah ring mai la" ka hmui ka pet zauh a.

"Timaw" a miko a san zauh a.

"A hrisel zawk a bakah i pian te a lo nalh a i vun te a lo hrisel zawk nan, ihh nangpawn i sawi ziah kha chaw tha ei hnem tur i tih kha, tiraw dik em" in thlahring fe chuan ka ti a, ka kut a rukin ka hum ruh bawk.

"Eng thil chiah nge choka ah hian thleng a" ngaih tha lo fe in min la melh zui, thil diklo hi a man chak lutuk ringawt, thawk ka la hak a.

"Ka rawng bawl a nia"

"Chuan"

"A kang vek" hawi vah leh chuan ka ti chhuak phawng a.

"Rawng i in ti bawl thiam ve hle bawk sia" dawhkan a a kut dah pah chuan a khabe a dawm a "i lo thiam vak lo a mi, eng nge i hliah tut tut a"

"Engmah a nilo" ka tih rual in ka rawn tho a, thleng sil na a bel kang bang chu phawk fe hian a en a.

"A dang siam leh ka tum a, mahse chawhmeh lei sa i nei miah lo a" ka kut chu a rukin ka hum zawt zawt.

A lu a bu nghat nghat a, min rawn en a "in i ti kang lo a lawmawm zawk"

"I thinrim lo maw" phawk fe hian ka en.

"Umm, ka choka a bel ti kang tu hmeichhe awmchhun i la ni" a nui sak a "eitur kan order ang nge"

"Ka siam thei reng a lawm"

"A tai tawh emai siam sa a awl zawk" phone a hmang a, eng eng emaw a sawi a, a then phei chu chaw hming pawh a ang lo.

Thutthleng chu pawlt tawh in ka thu a, ka pum a rawn ri deuh rak a, Davin an a hria ang tih ka hlau lutuk chu ka melh leh zauh thin nizan ah chaw ka ei miah lo a awm ve tak chu a ni.

Rei vaklo hnuah kan thil order a lo thleng a, kan ei nghal thuai a, Thleng leh hnawk thenkhat ka thian fai a, Davin a erawh a insiam nghal thuai thung a rawn chhuk chu chiang tak hian ka en a ka hmuh hmaih lo kamis pawl duk raih leh kekwer dum ha in a in bilh lut tap a, a banah coat a bang liam bawk a ban han smart zaih zaih tak ka ti rilru nang nang.

Ka en nasa lutuk ka thil tih lai ka theihnghilh leh der tawh ka bel sil tur khir ut dum thut mai chu ka en a, sil fai theih zai zang a ni tawh lo, thawk la la hak a ka sir a bawlhhlawh bawm ah la paih nghal hmak sana ka en zauh a dar 10 a lo ri leh der tawh.

Heti mai a ka awm chuan vawin ni hi a rei ngawt ang chuvang in tih tur dang ka zawn a ngai a ni, Bathroom ah ka lut a Davin an a kawr suk tur vel a dah chu muangchang in ka suk sak a machine a thuai mai chu thawmhnaw a uiawm em vangin ka kut in ka suk sak hram hram a ni.

Ka su zuai zuai a, dryer ah ka khung nghal thuai a, engtin chuan nge maw heng te hi a tih ni amah in a insu vek tih na a ni ngei ang, hetiang in lian lutuk a mahni chauh a awm chu eng nge maw a awmzia khawi ah nge a nu te pawh chu an awm vek ka ti rilru a ni.

Thawmhnaw ka suk a zo a Davin a room ah lut in a dah na ber ka hre hlawm bawk silo a khumah thleh that in ka dah sak a, a room lehlam chiah ah lehkha chhiar na pindan a awm a ka luh rual rual chuan ka meng nghal kawk mai diktak chuan hetiang em em a mimal lehkhabu ngah hi ka la hmu ngai lo.

A room a luh a duh vak lo nen choka lam ah phei in ice cream chu plate ah ka thur chhuak a, fridge lah pahnih ngawt a la nei zui ka hawn loh zawk chu hawn ka tum a mahse a in kalh tlat, a kalh chuan khawih a pal lo tih na mahse ka inhlei na in min rawn belh nghal zat a eng nge a chhungah awm ang tih ka hre chak zek zek, a phen a chahbi in khai ka hmu chu ka nui sak a.

Fridge ka hawng a, karei leh ka thilh hmuh chu ka awih lo hial zawk zu chi hrang hrang hi a lo rin rem tuarh lehnghal 50 chuang vel chu a ni hrim hrim,zu a in ngai ka hre miah si lo a ka ti nang nang a, mahse tuin nge hria ka dar ka san ak a, fridge ka khar a ka ice cream la in sitting room ah ka phei a.

Hahdam zet in couch ah ka thu ar ar a, TV ka en mial mial bawk, minute 5 awrh ka en ang tih awm vel ah ka phone a rawn in ring ral ral a, Davin a ni ka pick nghal thuai

Davin:ka room ah khan file kawm pawl ka theihnghilh daih min lo ken lawk ta che.

A dah leh nghal hmak a, van ninawm tak ka en tui ve dawn chiah a sin mawle zawi zetin ka tho a TV off in Davin a room lamah ka kal chat chat a, a side table a file pawl chu ka hmu nghal thuai, eng file nge ni ang ka hre chak leh tlat ka hawng a, a damlo enkawl ho profile a ni.

Ka lo buai na tur a awm hleinem, kal mai ka tum a mahse file a tang in thlalak chu a rawn tla chhuak nalh a, a khup zawngin a tla a muangchang in ka chhar a ka en chu mak ka ti tawp thei lo ka nu thlalak a ni engtin nge Davin an ka nu thlalak a neih zawk, ka nu file chu zawng in file chu ka keu chiam a mahse engmah hmuh ka nei lo pakhat mah a hming takngial pawh a awm lo mahse engtin nge a awm theih ka in ngaihtuah buai ngei mai.

Ka phone a rawn in ring leh a Davin bawk a ni.

Davin:i hmu em.

Tetei:umm, nakin ah thil zawh che ka duh aw.

Davin:ti hian sawi la.

"Aih, hmai chhan ah a ngai, nih ka lo pe ang che.

Thawk ka la hak a, ka sam chu huai mam nawk nawk in ka kekawr bul chhing zet chu thlak in jeans kekawr dum chu ka ha a.

Hmanhmawh zet in hospital lam ka pan nghal nal nal.

"Hey vawin i off a maw ka ni" nui sang in Guard duty pakhat chuan a rawn ti a.

"Ni e mawle,file hi dah lawk a ngai a" inchhung ah ka lut nghal thuai a.

Muangchang lo in Davin a room lam ka pan nghal nal nal a, luh mai ka tum kawngka ka hawng chu ka thil hmuh in min thawng ngang mai, ka meng nghal kawk.

Davin a chu ding in Sasha i dawhkan ah a thu a duhtawh zet in an lo in fawp mial mial, a mal leh a kekawr te rawng zawng zawng pawh a lang vek kawr chhing tak a ha bawk a ni.

Ka taksa a sa chhuak nghal vek a, ka bing nghal mup mup ka kawngka khawih na kut chu ka thlak zawi nghal hnawk a, file chu hum in ka ding ngawr ngawr ringawt.

Ka thil hmuh kha ka awih thei lo zawk, Sasha i nen kan an inthen tawh a ni lawm ni, beisei nei takin min siam a, beisei na atangin beidawn na mai maw ka chan tawh ni, zawi takin ka kal hnak hnak a reception counter lamah chuan file chu ka dah nghal thuai a.

Ding lutuk in ka haw nghal nal nal, ka tan hmun awm ve ah ka lo ngai a ka van a tak em, a ni ang Model lar tak pawh kherh tlu thei chuan eng vang in nge kei teh lul hi chaw tak khuk a min khuk pui teh lul ang le, ka van a tak em a thang ah min awk hman tep a lawm.

Ka mittui chu ka hru phei zauh zauh bawk a.

[Ngaia]

Chapter-18

☆Dr. Davin Pov☆

Hospital ka thlen rual rual in ka room lamah luh nghal thuai ka tum a mahse Sangpui'n min rawn au a ka ding nghal chat.

"Davin inbe lawk ang" ka hma a ding chung chuan a ti a.

"I duh chu hetah hian sawi rawh ka buai lutuk" induh ve deuh lah chuan ka chhang a ka biak a tul na chhan hi ka hre hauh lo.

"Warning hi ka pe ngun viau tawh che in ka hria" ri deuh khang khang in an rawn ti deuh kher a ka chhang lem lo.

"Buaina i nei a mi" hawi sawn deuh hmak pah chuan ka chhang ve ngat a.

"Tetei nen nizan ah in awm dun tih ka hria, Tetei hi ka ta a nih hi lo chhaih buai tawh suh nangni ang hmeichhe kawp mai mai ching ho hi chuan an ni ang hi tibuai lo ngam ru"

"Kei ni ang maw" ka nui lui hak a "nang ni ang hi engtin nge an sawi ve, tetei nen hian kan in ngaizawng lo mahse a hnen a ka rilru put hmang erawh ka thup lo, bansan ka tum bawk hek lo"

"Chu vang chu a ni mahna tete'n ka hnen ah i chanchin engmah a sawi ngai lo, a ngai pawimawh vak lo che tih chiang reng" hawi sang vah in min chhang a.

"Tetei chu i be ngai lo hrim hrim zawk a ni lo maw, min lo hrethiam lawk la ka buai rih tlat mai" kal nghal mai ka tum a "tetei hi a zei khawp a nia" ngeiawm zet chuan a ti hak a ka thin in a tuar ngang tawh lo.

"Eng thil maw i sawi a" a kawr awm ah chuan ka tham a ka hnek nghak chawrh a, min rawn hnek let ve bawk.

Ka duai bik lo, ka hnek let ve leh a chhuat ah a tlu nghal chawrh, ka heh chu a run lum deuh pap a, a thi ser ser tih ka hai bik lo Sangpui a pawh a hnar a thi ve tho nghe nghe, a rawn tho leh a ka kawr awm ah rawn tham in rum fe hian min melh a.

"Nang ni kha duhtawk nghal rawh u" vin zet in ka director in a rawn tih rualin kan hawi phei nghal zawt.

"Tunah ka office ah lo phei nghal ru" a kut chu ka paih tla nghal hnawk a, ka kawr ka pawt mar a Director awmna lam chu ka pan phei nghal thuai a.

Office chhungah chuan kan pahnih in kan ding ran a.

"Eng thil chiah nge ti ni a in in hriat a, he hospital a department head ve ve si in nau te entawn tlakin awm ta che u, engtin nge hetiang hian in khawsak theih tun hi a vawi khat thlen na a ni a, ka ngaidam hram ang che u, a lehpek ah chuan in hna in a tuar tawh ang"

"Sir, ka thiam loh ni lo, Davin a hian min khawih hmasa a ni" in thiam vel vei tak in a la ti zui.

"Davin chu chu a dik em" thutak fe in min en a.

"Mipa ka nih na ang in ka thiam loh a thiam ka sawi ve lo ang, ka khawih hmasa ngei a lawm" kut hum ruh ran chuan ka ti a.

"Davin, Sangpuia hi ngaihdam dil rawh"

"Ngaihdam dil ngai khawm a ka khawsak ka hre lo" ka chhuak nghal hmak a, kawngka hawng in ka room lam pa pan ding nghal nal nal, ka kamis kawrkilh chu ka phelh thawl bawk.

Ka room ka thleng a, ka chiar ah ka thu nghal thuai, hrep tak a, mi tenawm leh lutuk mai khatiang thu kha sawi lo ni se khatiang khan ka sawsa lo ang, dawhkan ka hnek nghal thuai a, a hmui thi chu ka rawmawl la in ka hru nghal vat.

"Diklo a awm a mi" kawngka atang in a rawn ti chu Sasha i a ni tih ka hai lo.

"Eng nge hetah i lo tih dawn" chair hner ar ar pah in ka chhang a.

"Ka ngai che a" ka lam pan in a rawn kal a, ka malchung ah chuan a rawn thu nghal chat.

"Kal rawh" ka tho a, dawhkan hma ah ka phei a tukverh ah chuan ka dak ha a, ka rilru a hah emaw ka thin tawt chang hi chuan keimah a awm hi ka duh thin.

Sasha i a rawn kal hnai a, ka kawngah zawimuang in a rawn kuah a , ka taksa si chet in min rawn kuah a ka hnungah a bei nghal vat a, ka hawi let a ka hmui ah min rawn fawp nghal chat a, ka hnial lem lo diktak chuan hetiang chu mipa mizia a bet tel ve reng a lawm a nih, mipa reng reng hmeichhe chhelo ve tak in min han thlem da da hi chuan tluk loh hi har ve deuh mai a nia.

A dinhmun leh hun in a zir te chuan hetiang a vawi hnih khat in fawh te hi chu engah mah kan ngai lo, kei a kar a sakaw mi lo leh lutuk ngat tan phei chuan thial harsa a ni lo.

Ka chawi nawlh a, ka dawhkan ah ka phei pui a duhtawh zet in ka fawp nghal tawn tawn a kawr chhing zet chhan ah a malpui chu ka tham a, ka kut lehlam a kuah nghet sauh sauh pah in lehlam in a sam ka tham tawn tawn bawk a.

Ka hmui in a nghawng vel chu ka nawr kual a, a perfume rimtui zet pawh ka hre thei, a rawn rum deuh hak hak bawk, harh chhuak zawk ang mai hian ka ding nghal chawt.

"Tinge i duhtawk a" ka hnawngah a kut pahnih a min rawn kuah pah chuan a ti a.

"Sasha kal tawh rawh, hetah chuan nilo"

"Zanin ah kan inhmu ang tih min tiam phawt la, chuan kan ka kal ang"

"Ole" dawhkan a tangin a chhuk a,a sam tuai mam thuak thuak in lipstick a in hnawih tha a, a chhuak nghal thuai.

Eng thil nge ka tih pawh ka hrethiam tawh lo, Tetei ka rilru a awm reng chungin midang ka awmpui a nia, ka a zo tawh ni ber hian ka hria khatiang a khawsa tur kha nilo tih pawh ka hai lo mahse mipa ka nihna ang in han insum hi a har thin a ni.

Kawngka a rawn in kik dawt dawt a, a hnu lawk ah nurse pakhat hi a rawn lut a.

"Sir, hei i phone aw, chuan file chu hei" file pawl chu min rawn pe a, a awmzia ka hre thiam hauh lo ka phone ka thlauh lai ka hre lo a tin he file hi ka chah a ni bawk hek lo, engvang a min rawn pe ringawt nge a nih hei chu in ah ka dah kha a ni si a.

"Hei hi tu in nge rawn dah" file lak pah chuan ka ti a.

"Nurse Tetei niin ka hria" ka meng nghal kawk.

"A lo kal na a rei tawh em"

"Nichin deuh lawk khan, lo luh a tum a lut lo in a rawn dah leh zawk a" ka ngaihtuahna a kal thui nghal ngei mai, nichin lawk a nih chuan min hmu ngei ang a van han zia lo tehreng em ve aw, a ni tih lung ngaih kha ka duh miah lo a sin, dahkan ah ka file chu ka teh tla nghal thlawp a Tetei hmuh hman tumin ka tlan chhuak nghal hlawk hlawk.

Elevator hman ka tum a, chu pawh a lo chhoh hun ka nghak hman lo step ah chuan ka tlan tla hlawk hlawk a, hospital tual zawl ka thleng a ka zawng nghal thuai, zawn nan hun ka duh rei lo taxi a a lut tur chu ka hmu a, auh mai ka tum a mahse Sangpui a ka hmuh rual in ka tawp chiang khawp mai.

Taxi ah thlah in a thlir liam a, ralkhat atangin ka en reng ka en tih a hre hauh lo, Sangpuia lah in min rawn hmu chiang khawp mai tih ka hai lo chuan min hmuh tak vang a min tih el tum a ni tih ka hai bawk hek lo, min rawn en a ngeiawm zet chuan a rawn hawi bawk.

Helai hmun ah hian ka din a tul na chhang pakhat mah a awm lo, eng vang a ngaihtuah teh chiam nge ka nih a nihna tak ah chuan ka ngaihzawng pawh a ni em lo chuvangin a nun a inrawlh theih na dan pakhat mah ka nei lo.

In seh ruh tun chungin ka room lamah ka chho a, ka coat la in ka ha a, ka car chahbi ka la a haw nghal hmak ka duh a ni hetiang neih nuah chuan ka rilru a kal dik thei tawh lo ang.

Lobby ah ka chhuk a ka car la chhuak in chak zet in ka in khalh chhuak nghal nal nal a, kalkawng vel ah chuan tetei ka zawng a ka hmu zo lo in ah ka thleng nghal thuai a.

Appartment ka lut chu in a lo reh khap mai, tetei hmel reng hmuh tur a awmlo in lah chu a lo thiam thiap mai bawk si choka lamah ka phei a hmuh tur a awmlo, a room ka en a chutiang bawk in bathroom a ka insuk tur dah zawng zawng pawh a lo su fai vek mai bawk si, ka roomah ka chho a ka kawr vel lah felfai tak in ka khumah a lo in thlep thlap.

Ka call a, call a la thei lo, ka call nawn leh pawh in call a chhang thei lo, ka ngaihtuah takzet a ni, ka room a dawhkan a ka zu dah chu la in no khat pap chu ka tlak nghal dawk a, ka thli leh a ka tlak leh nghal dawk.

door bell a rawn ri a hmanhmawh zet in ka tlan tla nghal hlawk hlawk a, Tetei a nih ngei ka beisei vangin ka hawng nghal thuai a, kan hospital a tangin a ni.

"Sir hei hi naktuk advertisement shoot vel chungchang kha a nia" min rawn pe a, ka la a, a kal leh nghal thuai bawk.

Couch ah ka thu a, ka nghal vat a, mahse engmah ka ngaihtuah thei lo a chhan pawh Tetei vang a ni hetiang reng reng hian hmeichhe pakhat hi ka la buaipui ngai lo, bakah tiang em em hian ka hringnun an la chawk buai ngai lo.

Hmeichhia ka awmpui leh ka kawpte reng reng ka tan a hlawk na tur an nih loh chuan ka kawp ngai lo, mahse henu te reuh hian ka hringnun hi a chawk buai vek a ni.

Tun hma a ka tih ngai miah loh tih ka chhing thar a, ka ei ngai loh ka ei a chu mai pawh a nilo ka in a nula lut hmasa ber a ni, hmeichhia ka kawp te reng reng ka in ah ka luh tuir ngai lo mahse henu hi ka chenpui chu a ni ta mai sia, hlawkna ka neih chu sawi loh ka chawi belh zawk hial ang.

Ka coat chu hlip in chhuat ah ka theh tawp a, ka kawr kilh phelh in awm lang vekin ka mu a, ka pheikhawk pawh ka phelh vek, hahdam tak a awm hi ka thlahlel ve thin a ni, henu ka hmuh hian ka hahdam viau bawk, a pian leh a mizia zawng zawng hi engmah ka type a nilo, chu mai nilo in kawng tinreng ah kan in mil lo mahse min hneh em a ni.

Zawi zetin couch ah chuan ka thu a.

*********

"Davin, hey" hmeichhe kut tih hriat takin mang hriat riai riai a min rawn sawi ka hriat rual in ka harh chhuak nghal zawk.

Ka hawi vat a tetei a lo ni "tete"

"Ti nge i thawmhnaw te chu" a chhar khawm nghauh nghauh a, ka bul ah a rawn dah khawm ngham thuai.

"Tetei vawin kha.."

"Rawng kan bawl ang nge" ka sawi zawh hma hauh in min rawn pawt chhum nghal hmak a choka lamah a phei nghal nal nal, a mit lah chu a la bui chek lehnghal a, a tap a ni a ngem ka hrethiam lo.

Ka inthlak a, inhnuai lam ah ka chhuk nghal thuai a choka lamah phei in chawei dawhkan ah ka thu a, bel a zen rak rak a mahse a thaw chhuak hawk.

"Davin" zawi sap hian a rawn ti chhuak a.

"Umm" phur deuh surh chuan ka ti a, inbe mang lo a awm chu a hahthlak em a ni.

"Engmah chawhmeh lei sa kan nei lo" a rawn ti chhuak phawng a, ni dawn tak haw hun ab ka bazar ang ka ti a nia, mahse hetiang teh nuaih a thlen vang hian ka theihnghilh hmin der a ni.

Ka car chahbi ka la "lo kal rawh" kawngkhar bul a ding ran pan chuan ka ti a.

"Khawi ah maw" ham haih zet in min en ha.

"Chawhmeh lui tur in mawle"

"Nangmah in kal mai rawh" hawi sawn deuh hmak in a la ti zui.

"Chawhmeh chungchang engmah ka hrelo,nangmah in kal la buaina i tawk lo ang tih a sawi theih loh" en phei pah chuan ka ti a.

"Ka chesual ngei dawn tih i hre bik a mi" min cho ni awm tak in a rawn ti let khang lehnghal.

"Tete min rawn zui mai rawh, ka ngaihtuah mai che a ni" room ah a chho nghal hmak, hrep tak chuan hetiang hian hmeichhe hma ah thil ka la ngen ngai lo, tunah a duh lo chung ka ngen a nia, keimah leh keimah pawh hi ka in ringhlel rum rum tawh.

Rei vaklo hnu ah bag nen rawn chhuk hnak hnak a, kawrfual par a dar pahnih nei hi a rawn ha chhuak a, a pan pakhat chu a darah awm in palhat chu a darah a chuar in a liam deuh bawk, a sam chu a thlah hniang a pheikhawk dum in kai a bun bawk, a hmeltha in a van duhawm tak em, a kawr lah chuan a khup a la khuh chiah chiah zui.

Kawngka ka hawn a, min be mang lo in inhnuai parking lot lam kan pan dun a elevator ah te chuan min rawn mit sir hrek hrek thin tih ka hria mahse hria ang in ka awm duh lo.

Car awmna kan thleng a ngawireng in car ah a lut zui nghal pat a, kan in khalh chhuak nghal thuai,car a kan chuan chhung zawngin a ngawi reng a kawng sir vel a en char char mai bawk si eng thil ber nge a ngaihtuah tih pawh hriat a hat kher mai, a ruk chuan ka mit sir leh rak thin.

Car kawngka atang a thli lo lut chuan a sam chu a chhem leng siau siau a, a hmai zar tu chu a khat tawk in a huai sawn reng bawk.

A phone a rawn ri a, ka beng a verh ngei mai a la chhuak a ka lo mitsir hmanhmawh, Sangpuia tih a phone screen a inziak chu ka hmuh hmaih hauh lo, ka en tih a hria a ni ngei ang nge min veng thawng zawk min rawn mit sir zauh a, a hmet tawp a, a ngai ang chiah in a awm leh nghal hmak.

Hmeichhia hi chu hriatthiam an har a ni, belhchian tum pauh leh an danglam zia a lang chiang ni ber in ka hria, chumi chu a mizia a ni e tih ber theih pawn an khawsa thei hlawm lo, a biktak in Tetei te ang mahni thinrim na pawh sawi lang duh lo chi ngat phei chu.

Dawr kan thleng a,car ka park fel a inchhungah kan lut nghal thuai a, Tetei cart chu ka nawr sak a, a hnungah ka zui hnak hnak bawk a duh chu ngawi reng in a khung hmak hmak a, a mamawh leh ka mamawh pawh a kim thawkhat viau damdawi in a ka ward tlawh min zui te pawh kha ka hre chhuak rum rum hial a pawm mawle.

"Davin eng nge i duh ve" rawn hawi let pah chuan a ti a.

"Mamawh ka nei vaklo a kim thawkhat viau a lawm"

"Nih chuan haw vat ang" a hawi sawn leh nghal hmak a, biak ka duh mahse amah hian a duh ve em tih ka hre lo,counter lamah kan phei a kan check nghal mawlh mawlh a.

"Davin" ka hnung atang a min rawn beng tu lam chu ka hawi nghal thuai.

"George" nui sang chuan ka ti a, George a hi kan tleirawl leh college kan kal lai zawng zawng a ka kawm thin kha a ni a,tunah india a rawn lut leh a tang hian vawi khat mah kan la in be leh lo hrim hrim, a chhan pawh a biak pawh na ka neih ber kha khawnge ka dah ka hre tawh lo, khatih hunlai kha chuan a rei ve tawh deuh bawk a ni, hmun hrang hrang ah ka zin kual a paper lian lo te pakhat inziah na lo vawng that reng chu a har ve thin a ni.

"Eng nge heng ah te i tih a, bazar te chu i ngaina ngai lo a ni maw" tetei a melh zak a.

"Hei hi tu nge a nang pui hi" ka kut ah a rawn beng fiam zauh a, tetei chuan polite tak in a lo nuih sang a, mahse kan thil lei rem fel in a buai em a, an inbe zui em em lo.

"Ka thiannu a nih hi" a nui sak a.

"Min lo tihpui aw" fiamthu tihtak fe hian ka hriat tham tur lek hian a rawn la ti sap lehnghal a, a nui vur vur a engmah sawi lo in a kal leh nghal nal nal.

Kan in lei sawk sawk a in ah rawng kan bawl nghal thuai bawk, kan ei lai pawh in kan inbe lo reng reng, hmanhmawh takin thleng a sil hmawk hmawk a hmanhmawh zet in a room lamah a kal hmak.

Couch ah ka thu a, ka tablet chu khawih mial mial in kan hospital webside te ka en kual bawk.

Hmanhmawh takin tetei a rawn chhuk nghal thuai a, a in chei em em mai bawk si ni dang a a tih ngai loh angin makeup a la hmang deuh viau lehnghal a, kawr sen lar tite leh pheikhawk sang ar a la bun zui.

"Khawnge i kal dawn" ka en ha a.

"Party turin" ka ding nghal zawt.

"Party maw, a ngai lo kal lo ang" in ta tu fe in ka ti a, a hawi sawn leh hmak.

"I duh duh a i controll tur i chhiah hlawh ka nilo" chhuah luih a tum a, a banah ka man nghal chawt.

"Chhuak suh ka tih chu, hmeichhia zan a chhuah dawk dawk hi thil mawi a nilo"

"Ka thiante nen kan in hmu dawn, i lo buai na tur a awm lo" a ban chu a thin tla hnawk a, a chhuak nghal hmak a.