My Handsome Doctor BY Melz Hrahsel

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

My Handsome Doctor BY Melz Hrahsel

Unread post by Ngaia » June 28th, 2020, 2:29 pm

x8e2jgcm.jpg
x8e2jgcm.jpg (23.22 KiB) Viewed 21602 times
Story hi in copy duh a nih pawn a link nen chauh aw.

http://www.storyfb.com
.
A link nen a share dan
http://storyfb.com/viewtopic.php?f=2&t=917
A share dan tur nen lam a kan in kawh hmuh chunga pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved


Chapter-1

☆Tetei's Pov☆

Prologue

"Nu min kalsan suh engtin nge intello in ka awm ang" kanu thlan kotlangah chuan ka tap char char a, khawvel a ka neih chhun ngawih ngawih ani tawh.

Kanu hian naupang te a nih in min pai a, kapa in a neih leh duh loh vangin min tulpui a tichuan tun a ka chenpui mek kapa nen hian thisen inzawmna pakhat mah kan neilo, Delhi a awm kan ni a kapa hna vang a awm kan ni.

Kanu ruang chu Mizoram lamah thawn an tum a, mahse ka phal tlat loh avangin heta phum ka dil ani kapa hian min duat ve hlei na chu thisen zawm nilo ta chu in thlahrun leh in lakhran chang erawh ka ngah ve hle.

Hun a liam zel a, kanu thlanah chuan kapa pawh a kal khat tial tial a kanu thih atang a thla 6 lekah nupui dang a nei leh a, chu nu chu nuthlawi niin kei ai a upa fanu a nei nghe nghe mahse ka vannei a min en hrang ngei em em lo a chang chuan min en hrang ve zauh thin mahse kanu in a thih hma khan ba tamtak a nei a, chu mai bakah mi pawisa nasa takin kan puk bawk chu chu amah enkawl nan ani.

Kei kanu leh kapa ka unaunu nen zawng zawng thisen zawm na ka neilo, min enhrang zauh chang nei thin mahse pianpui leh thisen zawm pawh nilo min enkawl duh hi ka tan chuan a tawk lutuk ani, kanu ba rulh nan rim taka thawk in ka pe ve zel thin.

☆Present Day☆

Ka phone alo ri ral ral a, ka pick nghal thuai a ka thianu sangtei leh kimkimi te an lo ni.

Tetei: hello ka buai a nia eng nge.

Sangtei:ka hria naktuk a pasal nei dawn tih vang mai a in khung thianghlim kher a ngai ami.

Tetei:chutiang lam ani lo ka buai tak tak a nia, a hrim hrim in min lo pui ve ta che u.

Sangtei:man in hlan in zo tawh em.

Tetei:tunah zan dar 10 a ri tawh dawn a zo tawh em em ang chu inlengte pawh an haw zo duak tawh alawm.

Sangtei:tha lutuk lo chhuak vat rawh gate bulah kan nghak che party tur.

Tetei:ziawm teh naktuk mai a pasal nei tur ka nih hi.

Sangtei:sawi sawi a ngailo lo kal mai teh. Phone a dah zui nghal hmak.

Henu tak hi chu aw a thawveng ve bawk sia ka kallo a nih chuan min tihtauh khum leh ngei ang, naktuk maiah pasal ka nei tawh dawn a party na a kal chu tih awm lo tak ani mahse ka thian ten min sawm miau bawk si.

Inhnuaiah chuan ka chhuk thla hnawk hnawk a, kanu leh kapa buai zet mai bulah chuan ka phei a, ka u pawh a lo buai nasa ngang mai.

"Pa thil sawipui lawk che ka duh a"thutna ah chuan thu in kapa chu ke en ha a.

Dawhkan a thinpui no dawm pahin leh man la dawng velo te chu a thiar hrang a "aw han sawi la"

"Ih pa ka ka thianten leng chhuak lawk turin min rawn sawm a eng nge i ngaihdan" ka kut hmer zauh pah chuan ka en ran a.

"Zan a van rei tawh ve aw, mahse reilo la aw naktuk atan i thawh hma a ngaih kha" a sawi zawh rualin ka tho tharh a.

"Umm 12 hma chuan kalo haw ang" inchung lamah ka tlan chho nghal hlawk hlawk a, ka jeans chu ka in thawlh zawt zawt a ka t-shirt chu ha in a chungah jacket chu ka ha a, ka converse chu bun in gate lam chu ka pan nghal hnawk hnawk a.

"Ilo chhuak thei hram maw" kimkim i alo nui then nghal thaw.

"Dawn lawm ni khawnge kan kal dawn" gate pawn a chhuah pah chuan kati a.

"Bachelor party"car kawngka hawn pah chuan a hawi sang vah a.

Kimkim i hmeichhe hot tak mai ani a, a pian a nalhin a hlaitling em em bawk nula fel tak ani a mahse zu han in zeuh erawh a hreh lem lo, chutiang chiah in Sangtei pawh ani tho mahse kanu hian zu in ngai lo tur leh tullo a hlimhlawp na a kal tamlo turin min ti fo a chutiang a nun chu ka duh bawk, kimkim i chuan sam dum hlap mai leh mitmeng uk ram mai a nei a mi in tha an ti thei hle nghe nghe keipawn tha chu kati ve thin, Sangtei erawh kimkim i ang em chuan sang lo mahse a tha kar mai Apa hi vai niin anu hi mizo a ni a unaupa pakhat a nei bawk an khawsathei in a neinung hle bawk.

Sangtei hian min hrilh fo thin a, anu vang chuan hnam dang neih a duh loh thu a sawi bawk a chhan pawh a dinhmun a lawklawh em thin vang ani mizo a inti ngam bawk silo a vai a inti phal bik chiah bawk silo, chuta karah apa hi ringlo mi muslim ala ni zui, anu nen biakin a an inkhawm te hi a hau fo leh nghal a an chhungkua chu a buai nuaih a ni ber mai, Kristian chhungkua a piang seilian lo na na na chu kohhran ningkhawng a hriat loh chang a tam khawp.

"Bachelor maw, tiang te chu ka duh lo bakah tun ang ah an nei ngai ami" thle bak chuan ka ti a.

"A hma in kan neih lo kha lut mai teh"min pawt lut nghal zawt.

"Heihi tu car nge a" ka en kual dan dan a, a seat leh a wheel te a chhung in chei dan zawng zawngte en chuan a man a tlawm zawk zawk lo khawp ang le.

"Kapa ta mawle"kimkimi chuan atih zawm nghal zat.

"Chuan khawnge kan kal dawn"

"Kitty Su ah bawihte"

"Maw, chutiang te chu bill kan nei dawn ami a, bakah tiang vel hi ka duhlo ka tih kha" ka phone en malh malh pah chuan ka ti a.

"Enteh bawihi ka hrethiam theilo che engvang a Sangpuia hi neih tum nge i nih a phu hlawl lo che"

"Sangpuia te chu a fel alawm" bung deuh nghat chuan ka ti a.

Diktak chuan Sangpui a hi a fel khawp mai, ka tan enkim min tihsak thin mahse a hnaah hian a buai thei em a hmuh na hun pawh ka nei mang ngailo, Doctor niin India ram a hospital tha ber pawl ah chuan a thawk a min chawm zo tu tur ngei niin ka hria, kapa te bul a awm a tihbuai reng ai chuan hmangaih ber pasal a neih a christian chhingkaw tha tak din hi ka duh ani.

Kanu sawi ang in a bulphum a dik loh chuan siam that leh a har thin tih chu ka theihnghilh ngailo, theihnghilh pawh ka duhlo.

Car a muang tial tial a kan kal tumna kan thleng tih ka hre ve thei mai, car atang chuan chhukin club chhungah chuan kan lut a, bar table hmah chuan ka thu ran a mahse zu erawh in ka tumlo, ka tum ngai heklo ang, valentine night a ni a mi zawng zawngin hmaikawr kan vuah vek a tumah hriat theih an nilo, hmeichhia a nu a pa in an thu dun fir fer a naupang hmel zet leh mi nu leh pa tih hai rual loh thlengin kan in pel suau suau mai.

Sangtei leh Kimkimi chuan zu chu an han tlak deuh pap pap a, an kai tawh nasa ngang mai.

"Zanin hian inchawi ah min cho em" bu deuh hnak chuan a ti a.

"Eng in chawina maw" nuihza lek lekin ka melh a.

"In rawh"zu no min pek pah chuan a ti a, kalo hnar nghal thuai bawk diktak chuan ruihhlo kan khawih na chhan ber hi chu keimahni hi ani tih hi ka pawm dan ani, tu pawhin min thlem mahse kan duh miau loh chuan kan tlu chuanglo, chuvangin in keimah ni vek kani.

"Sangte ka sawi kha" hnawl sawn pah chuan kati a.

"A nih a dang inchawi na kan sawi ang"

"Sawi la"

"Sawlai a thu sawi i hmu em, lampui a i sawm theih chuan i duh ber min dil dawn a nia, nih loh chuan"a mithmul san zauh pah chuan ati a.

"Ka pasal neih hma zanah mipa dang lampui turin min ti ami" nui sak in kati a.

Aw tih na a lu a bu nghat a, phawk na reng reng chu eng khaw sawi sek sek lo in ka va phei ve ringawt, ka kut pahnih chu ti pir va in amah leh keimah chu ka in kawk tawn vel a, ka thaw hak a, a lamah chuan ka phei nghal thuai a.

"Min lo hrethiam lawk" tlangval sang leh hlaitling zet mai, leh sambu tha zet an kawk pa ngei chu kava bia a, vai a ni em eng mi nge a nih tih pawh chu ka ngaihtuah lo, ka thiante in tihtheih khum fiam vel chu ka chak angreng hle thung.

"Aw" min rawn en ha a, a mitmeng chu a fiah in a hring kak mai, a hmui lah sen chak bawk amah a thu a nih vangin kawppui a neilo turah ka ngai ve tawp, a mitah chuan ka en reng a, a hmel pangai erawh ka hmu theilo mahse a chhe zawk zawk lo tih ka hria.

"Ka lampui thei che em"english chuan ka ti a min tih hmel zet chuan min en reng a,nula in lampuiah ala sawm lo ani ngei ang kan mitmeng chu in thawng fuhin kan in melh reng a.

"Ughh aw tehreng mai" a tho chhuak a, a din phei chuan ka rin aiin ala sang zui, lamtual lamah chuan kan in zui phei a, a lut lehlam chu ka kawngah vuangin lehlam in ka kut a chelh a, music nalh zet a ri riai riai a, muangchangin kan insawi dun ral ral a.

********

"Tete tho rawh a tlai tawh a nia" ka u in a rawn ti chiah chu ka harh chiang ngang mai, ka khum atang chuan khap fakin ka thu nghal zawt.

"Dar engzat nge"

"Dar 7 a ri deuh chiah" ka tho chhuak a bathroom ah ka tlan luh zawm nghal zat.

Ka ha ka nawt nghal zawt zawt a, ka hmai ka phih nghal zawt zawt bawk, lalpa leh nizan khan duh ai tlaiah ka haw a mut ka khamlo deuh a ni van zia lo tak em aw inneih dar 10 a ni a tiang chuan ka tlai taknial dawn.

"Khawnge ka nu te" inthlak sawk sawk chuan kati a.

"Inhnuaiah an awm, i thawh daih tawh ka ring a kalo en duhlo che a" a thusawi pawh ngaithla mumal lo in inhnuai ah ka tlan thla hlawk hlawk a chaw pawh ei hman tawh lo in ka tlan chhuak nghal hmak.

Salon lam ka pan nghal thuai a, hmanhmawh zetin ka insiam sawk sawk a, dar 9:30 a rik meuh chuan ka inepeih tawh at at khawp mai.

Vawiin ni hian Sangpuia nupui ka ni tawh dawn a nia, ka awih theilo hial zawk car alo thleng a ka mokawr nen chuan ka lut nghal thuai a.

Biakin thlen rualin dar a ri ral ral a, thawk la hak in biakin ah chuan ka pen lut zal zal a, ka unaunu leh ka thiante pahnih chu bride mate kawr ha in maicham ah an lo ding diam tawh, kapa in ka kut chu a la a min kaikuah tir nghal thuai a, ka lut ka chhing vang vang a inchhungah chuan ka pen lut ta zal zal a.

Mipui an lo ding thap a, ka pasal ni mai tur Lalramsanga Sangpuia chu maicham ah alo ding ran tawh ka hmuh rualin ka nui nghal sen sen a hetiang hun thleng dur hian ka nghak nei tawh khawp mai, kapa in a hmaah chuan min hruai phei a, in hmatawn chuan kan ding ran a.

Inneih tir tu in thu vel a sawi kual a, inneih kan tan a ni nghal der.

"He inneih na hi a remloh na hria kan awm em, kan awm a nih chuan sawi ila kan awm lo a nih chuan kumkhua a kan sawi a rem leh tawhlo ang" tiin a hawi kual a, a ngawi deuh vang vang a.

"Awle kan awmlo....." a sawi zawh hma in ka unaunu chuan ban alo phar ha a, ha hawi phei ngal zawt eng nge a tih tak hi.

"Eng nge a" zawi sap chuan kati a, thawk a la hak a, min en eih lo.

"Eng nge i tih ka tih chu, eng nge awmzia" ka hrilhai ngang mai engvang a hetiang a ti hi nge a nih.

"Unaunu pawi kati lutuk mahse hetiang thil hi ka zep reng theilo ani" ring deuh lang chuan a ti a, hlauthawn na in ka khat chhuak nghal vek.

"Eng nge i sawi awmzia" aw khur deuh hlak hlak chuan kati a.

"Ka unaunu hi dankhat na a pasal nei tur hian a tlin lo ani, ani hian fa alo tih tlak tawh mai bakah mipa dang a pasal neih hma zan in a awmpui ani, chuan chu a fa lo tih tlak tawh pawh chu Sangpuia fa hi a nilo,in duh a nih chuan a fiah na thlalak pawh ka nei nizan a mipa dang nen a an awmdun lai" a sawi zawh rualin mipui an phun nghal mur mur.

"Ka u fiamthu lo teh eng nge maw i sawi le" ka bing mum mum a rilru mumal pawh ka pu hleithei lo.

"A nih Sangpui nang henu hi tiang chung hian ila pawm thei ang ngem"

Ani chua ngawireng a, a en ngai a en nghal tlawk tlawk "theilo, he inneih na hi ka duhlo" maicham atangchuan a chhuak nghal nal nal, thil awmzia engmah ka hrethiam tawh lo engvang a hetiang ti hi nge a nih, mipa mutpui chu sawi loh nula thianghlim diktak kani.

Kanu in inneih hma a mipat hmeichhiatna hmang ngei reng reng lo tur leh pasal te tan a in serh thianghlim reng turin min chah a chutiang tur chuan ka in veng uluk bawk, rai maw mipa dang mutpui maw eng thil chiah nge thleng hi.

Mipui ho an tho suau a, biakin an chhuahsan nghal mur mur, ka mittui dan rual lohin a rawn sur nghal zawih zawih a ka kawr var mawi zet mai nen chhuatah chuan ka thu nghal hnawk a, lungchhe tak a tah bak engmah tih theih ka neilo.

"Rem rem eng nge i tih, hetiang mi ka nilo tih chu i hriat kha" in hnit hlawp hlawp chuan kati a, a nui sak a biakin a chhuahsan zui nghal pat a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:29 pm

Chapter-2

"Sangpui min ring rawh hetiang mi ka nilo tih i hriat kha" mittui tla zawih zawih in Sangpui a kut chu ka vuan a.

"Tete hetiang mi hi i nih kalo ring lo asin" kun nghat chuan a tih zawm nghal zat a.

Ka kawr var mawi tak pawh chu ka tlan kual nasat em vangin a hmawr zawng zawng pawh a bial deuh niaih a,mahse chutiang ngaihtuah hmanin ka khawsa lo.

"Min ring lo ami min hrechiang ani lawm ni" ka muttui a luang zawih zawih a ka hmai chei na pawh ka ngaihtuah thei tawhlo, ka thiante lah khawnge an awm pawh ka hre tawhlo.

"Ka hrechiang che emaw kalo ti a, kalo hrechiang lo che a nih hi lehkhabu ang chiah in a kawm atang a teh chi ngawt zawng ilo nilo a nih hi" a ban chu a tling thla nawk a, a car ah lutin a tlan nghal nal nal.

Chhuatah chuan ka thingthi hnawk a, ka hma leh ka bul velah tute nge awm tih pawh ka ngaihsak hman tawhlo.

"Te tho rawh" kim kim in min lo kai a, ka bulah an engtik in nge an lo then pawh ka hrelo, engmah sawi theilo chuan ka tap zawih zawih a min kai tho nghal vat bawk.

"Lo kal rawh ka hruai haw ang che"ka zawi vek a engmah ka ngaihtuah theilo, ka ban lehlem ve ve ah ka thian ten min chelh a taxi ah chuan min thut tir a, in lam min pan pui nghal nal nal.

Reilo te hnuah in kan thleng a, engmah ti thei dinhmunah ka dinglo inchhungah in sut hraih hraih chuan ka room ka pan ding nghal nal nal.

Ka thiante pawh ka be peih tawhlo khumah chuan ka bawk thlawp a ka tap nghal zawih zawih, engtin nge hetiang hi ka chungah a thlen theih zawk.

"Te inthlak rawh" ka thiante room atang chuan an chhuak nghal thuai.

In sut hraih hraih in, ka mo kawr lian zet chu ka phelh hna hna a, ka khumah uluk fe chuan ka rem fel a, ka pheikhawk bun te pawh chu ka thlak nghal thuai bawk.

Remremi ka room ah a lo lut a ngeiawm zet a nui nghal var var bawk, a kut lehlam chuan a kawng a dawm a lehlam in kawngka biang a vuan bawk.

"Tinge hetiang thil hi i tih" a hma a ding ran chung chuan kati a.

"Engmaw nangma tih vek alawm"

"Nilo min hrechiang engvang nge"ka hmaah pheiin a dar chu ka vua ran a.

"Sawi rawh engvang nge" ka sawi nawk nawk a.

"Ni e ka tih ani" a ban a vai thla nghal hnawk.

"Sangpuia hi ka ta ani, ni e nang nen chuan in in tawng hmasa ngei mai kan intawng ve kha chuan in inneih tur thu sawi ani tawh engtin nge ka tih chuang ang, ani ka neih theih nan khatia ka tih kha a ngai ani" hawi sang vah chuan a ti a.

"Hetiang mi i nih hi ka ringlo asin le" beidawng zet in bang chu ka ngheng rawp a.

Lo chhuk vat rawh kapa in a hmu duh che, a chhuak leh nghal nal nal.

Huphur tak si chuan inhnuai lamah chuan ka chhuk a, kapa chu thutna ah thuin kanu a sirah a awm bawk Ka u chu choka ah awm in thleng a lo hru fai mawlh mawlh a in thlahrung takin thutna ah chuan ka thu a.

"Tete i naupan tet atangin ka enkawl che a ka hrechianh thawkhat che chuan ka hria mahse engtin nge hetiang hi i tih theih" thinrim zet chuan a ti a.

"Pa ka min hrechiang alawm hetiang kati theilo, heng zawng zawng hi ka u..."

"Ka u a, i u chu puh tum eih lo mai teh i buaina nih hi eng nge i u hming i lam ve, kha chen kan enkawl che a heihi maw min chhan let na chu, rin ang chu ilo nilo kher mai hmeichhe nasa tak i ni i nu ang chiah in"

Ka nu hming a lam chu ka thin a rim zual nghal sauh "Kanu chu eng nge i rawn sawi, nangmah ani lawm ni nupui sun lai thlem thlu a khawsak pui chu" ka thinrim lutuk chu ka thusawi tur pawh ka inveng hman lo, ka tum loh zet chu ka sawi hman hlauh.

"Lalrinsang i van han zaklo che ve mawle,khati khan i nu i tawng khum a maw, i nu hi ngaihdam dil rawh"

"Ngaihdam dil ngai khawp a ka awm ka hrelo,tin kanu hi nu lepchiah ani bawk heklo" in hnit faih faih chuan ka ti a, ka aw pawh a khur der der nghe nghe.

"A tha e a nih chuan he in atang hian chhuak rawh nang hian zahna bak engmah min thlen lo" sehchilh nak chuan a ti a.

"Mahse pa tiang chuan khawnge a kal ang" min chhan ni awm takin choka lam atangin min hmusit tih hriat tak si chuan Remrem'n min rawn melh a, ka van haw tak em ka thiam thu sawi hian engmah awmzia a neilo.

"Tunah chhuak turin kati lo naktuk ah a chhuak ang"

"Nilo kapa zanin ah ka chhuak ang" ka roomah ka chho a,ka kawr thenkhat chu ka pack mawlh mawlh a kanu hriatreng na ka neih chhun kan pahnih a kan thlalak dun chu ka tuai a, ka bag ah ka khung mawlh mawlh bawk tunah khawnge ka kal ang he vairamah hian tumah hriat ka nei silo engtin nge ni ang mahse hetah chuan ka awm thei tawh silo.

Ka in pack zo a, inhnuaiah ka in khai thla hnak hnak a, ka nu leh pa te chu an roomah an lo awm daih tawh Remremi chu kawngka bulah a lo ding a, a kut kuah than in kawngka biang chu a ngheng a.

"Te i kal tak tak dawn ami, kapa in a thinrim vangin a sawi a nih kha" an hriat tur ngei chuan a han ti der vel a, engtin mah ka chhang lo a chhan pawh ani khing hian awmzia a neilo tih ka hria.

Kawngka lam chu ka pan hnak hnak a "lo kir tawh hlek suh ang che" min rawn pan hnaiin ka bengbul ah min rawn ti sar sar a.

Ngawireng chuan ka chhuak a, kawngka a khar nghal hmak, khua lah a la vawt var a chhun lam chu lum angreng viau mahse zanlam chu a la vawt ver tho mai kanu nen a kha chen kan lo chen dun na chu ka chhuahsan dawn a ni mai si a.

Kanu engtin nge ka khawsak zui zel ang le, ka mittui ka hru leh zauh a, thlan tur dang ka neilo Kimkimi chu call in thil engkim ka hrilh a, zanin chauh tal chu an inah ka riak ang nga naktuk a ka awm dan tur chu ni chhuakin a hrilh mai ang tih beisei na chu ka nei a.

Zan dar 11 a ri tawh a, tun ang zanrei a hmeichhe bag lian tak nen a kal hnak hnak chu vai ho pawh chuan min en hrek hrek hlawm mai, ka sir a auto chu phar in kimkimi te in lam pan nghal thuai tumin ka lut vat a.

Minute 10 zet kan tlan tawh a kan la thleng lo kan kal hla tial tial a, mi pawh an tlem tial tial tawh ka ngaih a thali tan a hlauhna in min rawn man nghal zat ka mittui chu a tla tawh lo kher mai, ka hawi kual hrek hrek a, a reh em em mai bawk si.

Auto a ti ding thut a, hmalam ah ka bu nghal lawp.

"Kapi a diklo deuh a ni ang, kan check lawk ang nge" auto atangin a chhuak a, a hnuai vel te chu a bih nghal dan dan a.

Ka phone ka en malh malh lai chuan ka sirah mi pahnih an lo ding ka hmu chiah chu ka phu nasa lutuk chu ka phone pawh ka tlauh nghal zawt.

"Eng...eng nge in duh" khur hlak hlak chuan a ti a.

"Nangmah hi mawle"vai aw thum zetin tih char char pahin ka banah chuan a rawn man chat a, auto atangin min pawt chhuak nghal lawp a.

"Min thlah rawh tunge i nih i va zaklo ve, min pui ru" ka au rualin ka hmui a hup a, hnim buk lamah min kai lut nghal dawr dawr a, ka tal chiam chiam a mahse a chak em a kei a tha chuan ka hneh lo nasa ngang mai.

Chhuatah chuan min bawhbet nghal ruak ruak mai.

"Nilo ka duhlo min tanpui ru" a au chiam chiam a, ka kutah min chelh a ka taksa chu khuh na kawr chu a ban a pawt thler nghal thawt a, ka hlau lutuk chu ka khur nghal dawr dawr.

"Nu min pui rawh" ka mit ka chhing a ring zetin ka au chhuak nghal hawm a, ka chung a vai palian zet chu tu emaw hian a rawn tham tho nghal zawk a chhuatah pet tlu in a hnek nghal zawt.

Misualpa chuan hnek a tum ve na a, insual a thiam em a an khawih fuh theih mang lo, an zing a palian ber a sawisak lai chuan midang pahnih chu an lo tlanbo hmanhmawh hman, min rawn chhan tu pa chu hnek tumin a ban a mahse a ni chuan a banah man sakin thingthi hnawkin a nem a, a awmah a khup in a nghawk zui nghal zawk a, a hnar a thi a a tlanchhe nghal hlawk hlawk bawk.

Ka kawr tet hiang chu ham khawm velin ka mittui tla par mai chu ka hru zauh a engmah tih ngaihna pawh hrelo in ka hma a insual te bul kil khatah chuan ka thu ran a.

"I tha em" mizo tawng diktak mai a min rawn bia chu ka thaw huai hian ka hria.

"Ka tha umm" ka kawr tet hniang chu ka hliah tumin ka in hliah deuh tat tat a.

"Eng heng hengah nangmah in i tih zan a rei tawh tehreng nen" a jacket chu hlip in ka darah chuan a rawn bat a, ka en chho ha a, lukhum hma kawk a khum a, a hnar leh a hmui chu a tuam tlat bawk tunge a nih ka hrelo mahse a hnenah lawmthu sawi ka ba ani.

"Min ngaihtuah suh ka tha" muangchang in ka tho a, a hma ah chuan ka ding ran a, kan ding dun chiah chu a hlaitling in a sang ngei mai a awm ka chen phak awrh chauh jeans kekawr a ha a, pheikhawk pum bun in t-shirt navy blue a dum a rang deuh chu a ha bawk.

"Khawnge i awm kava thlah ang che"

"Ngailo ka lawm e ka in ngaihtuah thei" ka saw zawh rualin ka pum a rawn ri nghal rawk rawk a, ka hup nghal thuai, a ni chu a nui deuh hak thawm ka hre zui nghal pat tukin atangin apple pum khat bak kalo ei lo hrim hrim ka thil tawn zozai vang khan ani ngei ang chaw ka eilo tih pawh kalo hre tawhlo.

"Lo kal rawh" a bike ah chuan lawn in a hnung chu ka chuan theih nan a dawh ha a.

"Mahse ka thawmhnaw hi" phone a hmet zauh zauh a, rei lote ah mi pakhat hi rawn thlengin kan bulah chuan a lo ding vah a, delevery boy ni awm tak ani.

"In chhen sawi la heihi ava dah mai ang"

"Maw, ih aw" ka thiannu kimkimi te in address chu ka hrilh a, bag chu la in a kal leh nghal thuai.

"Inah min dah dawn ami" in thlahrung angreng tak chuan ka ti a.

"Umm a hmasa in ka hrai puar phawt ang che" ka hmui chu ka pet zauh a, in thlahrung tak chungin a bike ah chuan ka lawn a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:29 pm

Chapter-3

Bike hnungah chuan ka chuang a, khawpui lun lam kan pan zel a, a bike hnungah chuangin thliin ka hmai a chhem a chhem heuh heuh a, nghet takin a kawngah ka kuah a, a rim pa hrak mai chu ka hip vang vang a.

Engtik a mipa ka khawih pahnih na ani a pakhatna chu Sangpui a ani ka ngaihzawng neih hmasak ber leh a hnuhnung ber tur a kalo suangtuah a ni a mahse hetiang hi a ni bawk si.

Ka hmaiah ka sam lahin a rawn sar sek a, ka kutin ka huai thei bawk silo ka lu chu ka thing ka thing ringawt, ka mittui a lo hnam tiam tiam a, la in hrut hraih hraih bawk, ka dar rawn vawt thut leh zang huai mai chu ka hrethei a, ka hriat rualin ka au chhuak nghal tuarh.

"Ding rawh ding rawh" a hnungah chuan ka beng nghal dawt dawt.

"Eng nge" kawngsir ah a bike chu a dah nghal thuai a.

Ka chhuk a hmanhmawh takin kan tlan tawhna lamah chuan ka tlan phei hlawk hlawk a, a jacket min haktir ka dar atang a tla liam ngei mai chu va chhar in ka beng fai thak thak a.

"Eng thil teh hrep nge ti ni a i inhriat a" thinrim zetin ka awmna lamah chuan a rawn phei a.

"Ih,,,heihi i ta a nia ka ti tla palh a"

"Hei vang hian maw" mak tih hmel zetin min en a, ka bu nghat ringawt.

"Lo kal rawh" bike lam pan chuan a kal nghal nal nal a, a fel chu a fel viau na a mi nelawm zawk zawk chu a ni chiah lo a nih dawn hi kati rilru a, bike hnungah chuan ka zui phei hnak hnak a, a ding chawt a kalo ding ve nghal chaw.

Ka lam chu muangchang in a rawn hawi a, ka kut atangin a jacket chu a la a, ka darah a ngai ang chiah chuan min bah sak a, a kilh na thenkhat chu a kilh bawk, engmah sawi chuanglo in bike ah chuan a lawn a, ngawirengin ka lawn ve nghal hmak.

Rei vaklo kan hlan hnuah khaw chhung lun lam kan pan nghal zet a, restaurant kawtah chuan a ding a, a bike a park tha a inchhung lamah chuan kan inzui phei nghal dat dat a.

Dawhkan lo awm hmasa berah kan thu a, ka tuiin hal tawh bawk nen dawhkan a tui awm chu no hnih nawt mai ka in zo nghal vek.

"I duh duh order rawh" ka hmah chuan a thu a, menu ka en mial mial bawk mahse engmah order tur ka hrelo, a chhan pawh hetiang restaurant changkang ah hian vawikhat mah ka la kal ngailo a ni, a chhung chu a nuam in a changkang em em a hnim nalh tak tak a chei niin light changchang chi an khai siau a, bang velah te chuan lamziak hrang, kawlum, fur, thlasik ti lang thei tu lemziak te an dah bawk.

"Ka duh pawh ka hrelo" menu bih nauh nauh pah chuan a ti a, kan bulah waiter chu alo kal a.

"In dawr a eitur tui ber kha lo la mai rawh" menu chu a en a, waiter a bu nghat a, a kal nghal hmak bawk, a phone alo ri ral ral a pick turin a chhuak nghal hmak.

He restaurant hi ka kal chak em em na thin kha a ni a, mahse ka tum loh mi nen kan kaldun lawi bawk si tupawh chu nise lawmthusawi ka ba ani, kan eitur chah alo thleng a lo ei san mai ka tum a mahse a mawi chiah lo ang tiin ka fork ken kang tawh chu ka dahthla leh zal zal a.

Phone pawh chu a van han hmang rei em em ve mawle, phone, phone, khawinge ka phone kha ni dawn tak e, ka ipte vel ka zen rawk rawk a ka hmuzo lo ka han ngaihtuah zui a ni dawn tak nichin a auto a ka thlauh kha ka chhar leh tawh lo hrim hrim, van zia lo tak vanduai bawk nen ka lo haihawt ve leh hnuhnawh a kei tak hi chu aw.

Ka pum a rawm ri rawk rawk a, ka riltam zia chu a ani lah chu phone a la hmang char char a mawn chu le, pawilo kalo ei san ang nga kalo nghak mai ang kati rilru a, ka ei nghal hlawp hlawp a, a tui zia chu tui tak ani sawi theih loh khawpin a tui alawm le, eizawh nan minute tam a ngailo kher mai ka hmui a sause kai deuh niah te chu dawhkan a tisue paper awm chuan ka hru fai a.

Waiter ka bulah a rawn ding a, thleng vel a rawn seng nghal zawk zawk bawk.

"Ughh, thil kalo zawt che ka kalpui pa helai a ka bul a thu kha pawnah sawn a la awm mial em i hre lo maw" waiter chu ka en ran a.

"Tu i thutpui maw"

"Kha lukhum khum mask vuah tlat sang deuh kha"

"Aw, nichin khan i ei man a pe sawk sawk a bike in a kal leh ta a nih kha"

A thusawi ka hriat rualin ka tlan chhuak hnal hnawk hnawk a, khawngka ah chhuah zawm in pawnah chuan ka ding ran a, ka hawi kual a tumah ka hmulo, a bike park that na lam ka en a tumah ka hmu chuanglo a bike pawh alo awm tawh lo, ka dar chu ka khawih a a jacket chu kalo la ha reng tih ka hre miah lo.

A jacket pawh la hman lo a kal nghal ngai chu eng thil pawimawh tak ni ang maw, lawmthu takngial pawh ka hrilh hman silo, mi thenkhat te hi chu khawvar arsi ang mai an ni a reilo te lo langin mawi takin an eng a mahse hmu chian hma in an bo leh nghal thuai zel mai si, tunge a nih emaw a hmel taknial pawh ka hmu silo, hmu leh pawh ni ila ka hre tawh hauh lo ang le.

A jacket ipte chu ka zen tap a, eng emaw in min chhun zawk a ka kut ka phaw leh nghal zawk muangchangin ka zen lut leh a ka phawrh chu ball pen gold rawng hi alo ni, a nipe khan min lo chhun ni ngei tur ani.

Ka thil hmuh chu mak kati angreng khawp mai a chhan pawh street boy ve hmel tak leh jacket punck tak mai a ball pen manto chi lo awm chu a inhmeh teh chiam lo ani.

Hotel chhung chu ka haw let a sana ka en a dar 12 alo hnai kuar tawh, helai chu helai hmun chu khawpui tih tak ah reh hunlai hi a nei tak tak lo dawr tamtak tlaivar a inhawng an awm reng bawk, ka awmna restaurant atangin kimkimi te in a hla vaklo bawk nen ke chuan ka phei hnak hnak a.

Kimkimi te in ka thleng a,doorbell ka hmet a min rawn hawn nghal thuai.

"Awi eng nge maw a awmzia le, khawnge i kal kawi a em em a, ka ngaihtuah zia che hi nang aiin i thawmhnaw a lo la theng hmasa zui lehnghal a" chhang lo in zawi zet chuan couch lam chu ka pan a.

"Hey tinge min chhan miah lo a" zawi hnawkin ka mu a.

"Min chhang teh eng nge awmzia lawk chuan heihi eng nge mipa jacket a ni tiraw,hey eng nge sawi teh" ka iacket chu a en kual dan dan a.

"Ka chau takzet" ka thaw chhuak hawk a.

"E tak e lo kal rawh i room turah ka nu te pawh ka hrilh vek tawh, mahse an mu tawh a min lo zui rawh,i thawmhnaw pawh ka rem fel vek tawh a nia" ka room tur ni awm tak lamah chuan kan phei dun hnak hnak a.

"Eng thil chiah nge thleng a" khumah chuan ka thu hnawk a, ka hah tawh takzet ani, jacket chu hlipin khumah chuan ka dah a.

"Tinge i kawr kha a thler nung a, eng thil nge thleng a" mangan hmel zet chuan min en a.

"Tawhsual ka tawk tep a, mahse hlauthawng suh ma tha e" thawk la kain ka nui hak a.

"Eng thil maw thleng a" ka kut chu la in a hum a ka sirah a rawn thu ve nghal thuai a, engkim thil thleng zawng zawng chu ka hrilh niap niap a.

Uluk takin a lo ngaithla bawk.

"A nih chupa chu i hmu miah lo ami" hmun dang hawi sawn miah lo in hmuhnawm ti zetin min en a.

"Umm a hmai ka hmu theilo alawm, ka hmuh leh ngei ka beisei ani, khatiang mi tha tak kha a hnenah lawmthu sawi ka ngai ani" kimkimi kut hum let ve pah chuan ka ti a.

"Sangpuia nen khan in in hmu leh miah lo a mi, diktak chuan maw ka lawmpui letling zawk che sangtei tih dan takin a phu hlawl lo che, khatiang mi tenawm leh lutuk mai i unaunu pawh saw ka ngei hrim hrim khatiang dawt hlang hlak khawi atangin nge maw a hria le" thinrim deuh tak chuan ati hlak hlak a.

"Ih thil ka hrilh ang che mahse tumah hrilh lo la, khang zawng zawng kha a tih vek alawm Sangpuia nen hian an lo in kawp reng a" thaw chhuak hak chungin ka mittui a far zauh a.

"Maw, engtin nge"phawk fe chuan a meng nghel kawk kawk a, kan ngawi dun dat a ka muttui ka hru fap fap bawk.

A tho phut a, ka ku vawn na a thlah nghal hnawk a "tho rawh,kal ang"

Ka en chho ha a "eng nge maw i sawi awmzia le,khawiah maw kan kal dawn"

"I u sawisa turin mawle, sawtiang mi tenawm saw chu he khawvelah hian awm lo law law sela a tan chuan a tha zawk,kan va kal teh rang" ka tho a, a chhuah tum chu ka banah ka vuan nghal tang.

"Kim, buaina min siam zawk dawn asin bakah thinrim lai a thil tih buan buan hian kawngro a sulo ka tih kha" ka bet tang chuan a ti a.

A kawng chu a kut lehlam in a dawm a, a thaw chhuak hak a "ka hrethiam theilo che, hetiang thlen tawh hnuah pawh hetiang ngaih dan hi i la nei a maw" a thaw chhuak leh hak a.

"Umm nei cheu e, eng nge sawtna a neih chuan Sangpuia pawh a thiam lo ve tho alawm, a ni chang a ni lo an pahnih zawk in an ni, bakah hetiang buaina neih hi ka duhlo,ka kham tawh lutuk"

"Chuan a nih hetiang mite lakah hian i tlanchhe dawm a maw" ka darah a kut pahnih a rawn nghat a chiang fein min en a "Tete ka hrilh ang che buaina hi tunah i hmachhawn lo a nih chuan maw engtik ah emaw i hmachhawn a ngai dawn tho tho, a lo umphak che a i rilru a hliam leh hma ngeiin nangman hma chhawn zawk rawh" min en kar chuan a ti a.

Ka hmui ka liak zauh a, "nilo hetah hian tawp rawh se buaina dang neih ka duh tawh lo bakah ka chau tawh lutuk Kim"

"Awle a nih tui deuh in mu rawh" room atang chuan kawngkhar lam a pan a

A rawn hawi let leh a "i rilru i thlak leh a nih chuan min hrilh vat rawh ka awm reng a nia" a nui sak a, a chhuak nghal nalh a.

Khumah chuan thu in ka bawk thlawp a, nasa zet a tah ka tum tehreng nen ka mittui erawh a chhuak hleithei lo, ka sir a jacket ka hak haw ngawt chu ka en a zanin khan ani hi awmlo ta se chuan khawilai ah emaw thi ruang in ka let reng tawh a nih loh vek pawh in ka neih chhun ka thianghlimna chu ka hlauh tawh ngei ang.

"Jacket neitupa tunge maw i nih le" zawi sap in kati sap a, a ball pen chu ka khawih niap niap bawk, misual a hnek lai te leh min chhan lai te chu ka ngaihtuah zui a, a hunlai kha chuan ka van hlauthawng nasa tak em.

Kawngka lo in hawng atang a, pardar thli in alo chem thawt herh herh lam chu ka hawi phei a, chu thli chuan room zawng zawng a ti vawt fai vek tawh kawngka lamah chuan phei in tukver chu ka khar vat a, ka in thlak sawk sawk a, khum a jacket awm chu ka piah a chair ah chuan ka thlep tha a,khum ah chuan naktuk a ni tharin hun tha zawk min pek beisei in ka mu ta a.

Mahse ka muhil hleithei tlat lo, ka chhungril ah ka na a mahse ka tap chhuak thei silo ka thinlung hi a tap ani ka awmah ka kut chu ka nghat a, ka thi ka awih fuh chuan ka tawp nghal chat, Sangpui'n ka birthday present a min pek kha ani a tunah chuan lehpek awm tawh lo turin kan tawp si.

Khumah chuan ka thu a thawk ka la hak a, tap nghek ila ka rilru tawt pawh hi a zia zawk ang mahse ka thei silo, hei tluk a hrehawm hi a awm leh tawh lo ang, ka thi khawih mial mial chuan kan hun kal tawh te chhui kir niap niap a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:30 pm

Chapter-4

☆Dr.Davin lalrinmuana's Pov☆

Vawin hian International airport atangin Delhi ah ka tum a, kapa Hungary Budapest a awm ka tlawh ani kapa awmna hi ka pian ka seilen na ram ani kanu hi Mizo niin kapa hi Hungarian a ni a, a tawi zawngin thlahpawlh ka ni. Kanu leh kapa hi Delhi a in tawng an ni a chuta tanga in zui chho a innei ta an ni, kanu te lam pawh khawsa thei ve tak an ni nghe nghe Mizoram ah hian kum 5 mi ka nih bak chu ka la kal leh lo.

Doctor zir a, hospital lian tak a thawh hi ka dream a ni a tichuan India ah hian ka thawk ta ani, he hospital ah hian kum 2 deuh awrh ka la thawk a mahse surgery department head of surgery ka ni der tawh.

Christian chhungkua a seilian kani lo a, Kapa hi Athiest ani nghe nghe chuvangin keipawh ka inkhawm vak chu ring duh suh su, kapa hi company lian tak mai Beta Corporation a chairman ni lai ani a, u nau pahnih niin a nau zawk ka ni, ka duh zawng apiang chu ka nei thei vek ti ila ka sawi sual lo ang.

Ka taksa ka ulukin zirtin ka workout thin a, tlangval hlaitling leh luck zet mai kani tih hi chu sawi ngailo a keimah a bet sa ani, ka hmeichhe duh tawh chu khawih lo in ka chhuah ngailo tlangval zuan zang tak leh mahni inring tawk tak mai niin tunah hian New Delhi ah ka khawsa mek ani.

Eng vang a Delhi a thawh duh kher nge ka nih, a chhan chu India ram ka thawh na hospital ah ngei hian kapa damlo kha enkawl dam a ni a chu vang chuan a ni pakhat bawk.

Kan hospital ah hian mi rethei tan hmun a awmlo ti ila kan sawi sual lo ang, India ram a hospital tha ber pawl ani a VIP bak kan enkawl ngai lo, a awmzia ber ah chuan an nunna hi an lei ani.

Ka appartment ah pawh tlang lo in Hospital lamah chuan ka kal nghal thuai a, Taxi ka phar a ka spect chu ka vuah a, khua a la vawh deuh ver a vangin ka overcoat ka ban a ka ban chu ka ha tha sawk sawk a, taxi ah thu lutin ka phone ka en nghal thuai a.

48 misscall leh 26 text message a lo awm hman thlawh na ah khan phone ka en lo bawk hrim hrim ani.

Ka phone alo ri ral ral a, ka bialnu Sasha Hernendez ani, ani hi Indian model lar zet mai ani a chhelo leh duhawm tak ani, a pa hi sumdawng hausa tak mai ani a an lak atangin puihna tamtak kan dawn a keipawn ka hlawkpui thin hle.

"Deer, i lo thleng tawh em ka ngai tawh che a nia" no zetin a rawn ti a.

"Kalo thleng chiah" pawnlam a dah pah chuan ka chhang a.

"Appartment ah kalo awm ang aw, surprise ka nei a nia" phur sarh chuan a ti a.

"Office ah ka thlang ang, ka buai rih" phone ka dah nghal hmak a.

Pawnlam chu ka en a, kawvel hi chu a van buai neih nuaih tak em mahni hna buai theuh buai puiin nitin kan phu suau suau chu a ni si a, mi hausa in mi rethei an rap bet a an tan dam chhuah na takngial pawh awmlo khawpin an nek chep si mi, chung mi rethei te chan ai chhuhsak leh tum tawk an bo bik bawk silo a, mi hausa tan chuan thih theih lo tluk hial ani tawh.

Thla hmasa a mi ka zai te pawh kha an pa lung thlak nan nuaih 70 lai a ngai a chu pawh darkar 24 chhung ngeiin mahse pawisa an nei em a thi lo in a dam chhuak a nih kha, vawin news a ka hmuh erawh hritlang damdawi lei na neih loh vang thi an awm lawi bawk si thil rapthlak tak zawng a van ni em aw.

Hospital building kawtah chuan ka ding a, ka luggage chu hnuk chhuakin building kawtah chuan ka ding ran a luggage chu hnuk dat dat in building chhungah chuan ka lut phei a.

"Chibai Doctor i lo thleng thei maw"

"Aw Deep ka luggage hi ka appartment ah lo thawn rawh aw, hna ah ka buai rih deuh dawn a nia" ka assistant chu ka ti a, helai hospital ah chuan department tin a chief te hian assistant pakhat theuh kan nei thin a ani hi ka chutiang chu ani.

"Eng nge hmanni ami kha a an tawh a" file chu min rawn pek zawm a chamber lamah chuan ka chho nghal thuai a, file en pah in thil pawimawh vel chu ka hrilh chho nal nal bawk.

"Dr. Helai a lo kal chu i tan pawn a hahthlak awm teh lul nen tinge chawlh i lak mai loh a" ka luggage khai hnak hnak pah chuan min lo zui dawt dawt a.

"Deep ka hna te hi ka tlansan thei tawh nang lo a ni, a tuah tawh si a bakah ka hna ah ka in pumpek tih i hriat kha" ka office zawnah chuan ka ding ran a.

Kaw kawngka handle chu ka vuan a, ka hawi let leh nghal thuai a "e tak e, Surgery department in serve nurse kan mamawh vel thu kha advertisement lo buaipui rawh aw, hospital lam pawh in thuchhuah an siam tep tawh ang" a bu nghat a, a kal nghal thuai a.

Kawngka ka hawn rualin ka bialnu Sasha i chu duhawm zetin a lo nui sang a, ka pan phei a dawhkan ah file dah zuiin a lamah chuan ka pen hnai a, duhthawh zetin a hmuiah chuan ka fawp nghal tawn tawn a.

Chawi kang lawp in dawhkan ah ka nghat a, a malpui chu ka chul a ka tham a, a kutin ka samah a tham a ka lam ah ka kai hnai a, a hmui thlum tui zet mai chu ka vawp tawn tawn a a nghawng ah chuan kal thla zelin ka fawp kual vel a, mahse hna leh mimal nun thlir hrang thiam tak kani a hetiang a han chet vek hi ka duh ngailo chuvangin a in la sawn nghal thuai.

"Duhtak ti nge min ngai lo ami" dawhkan atang a rawn chhukin min rawn kuah leh a tum a, kalo dang nghal thuai.

"Tunah chuan hnawthawh na ah ka awm hrih hi bawihte tun ah hrih lo aw, hun ramchang zawl a la awm em ang chu tiraw" a sam vel chu mam sak pah chuan ka ti a.

"Umm tehreng mai i pa chu a tha zel maw" ka mawng rawn tham deuh zauh pah chuan a ti a, min tih zauthau a tum tih ka hria mahse ka insum hram hram.

"Tha tehreng e, engtik ah nge Milan atangin ilo kir reng reng thla 1 i la cham dawn ani lawm ni" a lak atangin kalsawn in ka over coat hak lai chu ka phelh a coat rack a ka khai ka Doctor coat nen ka hak thleng thuai a.

"Ka ngai tawh che alawm, kan cancel leh a chuvangin hmanhmawh takin kalo haw nghal dawn alawm, ka nu leh pa ten zanriah eipui ah an duh che a engtik ah nge i hman ang" dawhkan bawh deuh ran chuan ka che lai min en reng a.

"Hun remchang a la awm mai ang chu, tunah chuan va haw phawt rawh" a khape ah ka tuai zauh a, a hmuiah fawp in ka chamber atangin a chhuak nghal thuai a.

Ka dawhkan ah chuan thu in file pawimawh vel ka ching fel kual a, kan hna hi a chang chuan a hahthlak chang leh a hrehawm chang a tam ngang mai miin lawmthu min hrilh mawlh mawlh lai in min tah khum hawm hawm lah bo lo.

Ka ward fang hun a ni tih ka hriat vangin ka Stethoscope chu la in inhnuai lamah chuan ka chhuk a nurse pakhat in ka hnungah min zui hnawk hnawk bawk.

Ka ward ka fang zuai zuai a, an tha thawk khat bawk nen ka tlai tawh bawk si ka over coat chu ha in ka hospital atangin ka chhuak nghal thuai a.

Taxi phar in inah ka lut nghal zat a.

Rei ngial ka tlan hnuah ka appartment ka thleng ve hram ka van chau tak em, ka fridge chu hawngin juice chu ka in khalh khalh a, chaw mumal in inah ka ei ngailo bawk nen dawhkan a apple pakhat leh balhla chu la in ka ei ringawt.

Ka room ah ka lut a, ka coat hlip in khumah ka theh tla nghal thawk Doctor chu kani na a mipa thenkhat ang a thawmhnaw indawt a rem thlap ang chi kani lem lo.

Shower ah chuan lutin ka in phuh sang sang a, phuan zetin sahbawn ka in hnawih a rei lo te hnu ah inbual zo in ka bath rob chu ka ha a, ka khum bul a thutthleng awmah chuan thu in darthlalang phen atangin India ram khawpui buai tak leh ri mur mur chu ka thir reng a, ka zu no la kang in zu ka thli karh karh a, ka tlak nghal pap a ka thli nawn leh a kawpui en pahin muang changin ka in khalh khalh bawk.

Dawhkan a ka laptop dah notification a lo ri ral a kan hospital webside lam atangin a lo ni, thutna ah chuan thu in ka noti chu ka click zauh a.

DOCTOR SANGPUIA TE INNEIH NA CHU THULH A NI A, A NUPUI NEIH TURIN MIPA DANG A LO MUTPUI A VANG IN tiin lian zet hian a lo inziak kalh a, ka zu ka lem khalh a ka nui sak ringawt.

Hei vang chiah hian alawm nupui ka neih vat duh loh ni, nula te chu infiam na ang chauh a lawm an nih, a nupu tur pawh chu hmeichhe lepchiah tak zawng a nih dawn hi kati rilru a.

A nupui tur hi kala hmu ngai hauh lo a thlalak chu en chiang ngial ka tum a mahse a hnunglam zawng chauh a a thlalak an lo la dah pek bawk si, ka buaina pawh va ni chei suh kati leh hnuhnawh a.

Zan a la rei teh chiam lo bawk nen, in tih thawven deuh chu ka ngai ani kati rilru a hah hle e tilo chuan, ka thawmhnaw bag chu la kangin ka jeans dum leh t-shirt navy blue a a dum deuh a rang chu ka ha a, jacket ha in pheikhawk pum ka bun tap a hmaikawr vuah in cap ka khum a, ka chahbi chu la in inhnuai lobby lamah ka chhuk nghal thuai a.

Ka parking lot ah chhukin ka bike awmna lam ka pan a ka in khalh chhuak nghal thuai a, a chang chuan Doctor kawr ha reng lo a thawveng tak a awm hi ka chak ve thin vangin heti hian ka ti fo nghe nghe, tin Doctor ka ni e tilo chuan hetiang a awm hi nuam ka ti takzet ani.

Kawng ah ka tlan zel a, khaw pawn deuh ka tlan chu nula a kar a mizo aw ngei maiin a "min chhan ru" ti a alo au thawm ka hriat rualin ka bike ti dingin ka chhuk nghal thuai a, vai lian zet zet pathum in an lo hual tuau tuau lehnghal, ka sawisak hrep hnuah chuan an kal ve mai, a bul sir a phone chu a na a nih ringin ka chhar a ka kekawr ipte ah ka ak nghal thuai a, a riltam bawk nen ka khawngaih angreng khawp mai.

Mahse nula mahni a zan a vak dek dek chu khawi ah vak hian mitha a nih ka ring hauh lo, tahwmhnaw a la keng zui nula khawlo tak chu a ni ngei ang ka mizo pui a la ni zui, hetiang zan a vah de de te chu a hlauhawm tih hrelo tur em a mawl turah chuan ka ngailo mahse a mawl zia tihlan nan ka hma ah a ding ran hi, ka buaipui zawh hnu in restaurant ah ka hruai nghal thuai a.

Ka tihtur a lawm ka mizo pui tanpui chu ka tihtur ani mahse hetiang mi hian a ni mizo hming ti chhe thin chu mawilo tak a khawsak an hreh der silo, ka phone a rawn ri a hospital lam a tangin a ni hna hmanhmawh thlak tak a awm a vangin a eiman ka dah sak sawk a hospital lam panin ka tlan leh nghal thuai a.

"Doctor ilo theng tha maw" ka thlen rual rual in emergency room lamah chuan ka lut phei nghal thuai a.

"Eng buaina nge awm a" kal pah chuan a ti a.

"Kan patian kha a rawn luak leh nghek mai a,a ngaihna pawh kan hrelo i enkawl lai a ni si a" mangang zetin Mina i kan sister chuan min zui hlawk hlawk pahin a ti a.

"Kawi maw report" ka hmuh rualin ka ding nghal chawt, a report chu a thalo takzet a rilpui ah hnai nasa tak a awm a, a puak keh hma a zai ngei a ngai ani zai vat a nih loh chuan a thi thei hial ang.

"Mina khawnge staff ho hi an bo duak a" ka haw kual a tumah midang an awmlo hospital tilo chuan a reh duak mai.

"Health Minister fanu kha an rawn hruai a, an vaiin hmuak turin an kal vek keimah hi counter nghak turin min ti a,doctor dang ka bia a tumah an lo kal hman silo a a hmanhmawh thlak bawk nen kalo call tawp che a nih kha, i shif chu a zo tih hre reng mah ila"

Ka ding chawt a, ka awih theilo zawk hetah damlo thi lek lekin a mu a Minister fanu hritlang satliah vang mai maiin an vaiin an kal lawi si, Eng ang hospital administration nge ni ngai, ka haw let thuai a.

"Mina hun a awmlo tunah OT ah min nawr luh pui rawh"

"Sir mahse Minister in Damdawiin hi alo endik nghal dawn a engmah ti lo turin min ti si a,bakah a zai nan hian Nuaih 5 deposit phawt a ngai an tia"

"Mina enteh tunah kan tilo a nih chuan a tlai tawh ang, mawhphurhna ka la vek ang tirawh le" ka tih luih tlat vang chuan min hnial biklo, damlo chu la in OT ah kan nawr lut nghal thuai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:30 pm

Chapter-5

☆Tetei's Pov☆

Zingkar a nizung in ka hmai a rawn en chu ka zi mar mar a, nisa lak atangin ka hmai chu ka kutin ka hliah thuai bawk a, ka mut a chhuak takzet ani a van hahthlak thin tak em nizan ah kan lo mu haw ni ila a tha tur a nia ka kawr tet hnuang nen chuan kalo la mu reng lehta nghal a.

Ka zawi lutuk chu lukham in ka hmai ka khuh a, lukham phenah chuan ka mit ka khap vak vak ringawt, vawin chu hna zawng a ka chhuah a ngai takzet tawh.

Khum atanga tho chhuakin ham bai bai pahin ka room tukverh chu ka hawng a, villa lian tak a cheng kan ni bawk a, vai ram tawp tak e tilo chuan boruak a thiang nuam phian mai, kan hnuailam a bazar erawh zing atangin a lun leh tawh viau nghe nghe.

La lu chu hian nauh nauh in, bathroom ah ka lut a, shower chu herh haw in ka in phih tir sang sang a, shower gel in chulh pah in darthlalang ah chuan ka in en a, ka ngaihtuah na ah remremi a rawn lut zawk a, ngaihtuah zui lo thei kani lo.

Engtin nge hetiang hi a tih theih ka hrethiam lo Sangpui a pawh hian ngaihdam min dil chu ni tase ka ngaidam ngei ang unau hlim tak leh nupui tha tak nih kan duh na chu ka beisei a la ni fan tho.

Ka taksa a rawn sa zawk a ka tawlh sawn nghal dawrh ka phu nasa lutuk chu sawi ngaihna pawh ka hrelo temperature adjust na chu kalo tawk niin ka shower chu duh aiin a sa, ka mood a off zual ngang mai ka thinrim chu ka inbual sawk sawk a ka chhuak nghal hmak.

"Shower chhe lutuk"ka dah tau hmak a, pawnah chhuakin ka kawr fual sendang leh vans chu ka bun a lipglose leh keybrow tlem ka inhnawih a inhnuai lamah chuan ka chhuk chat chat a.

"Hey, lo kal rawh kan lo nghak reng tawh che a" nui san sang in kimkim i chuan min lo ti a, anu leh apa an lo awm bawk.

Ka nui sak a thutthleng pawt tawlh in dawhkan hmaah chuan ka thu a.

"Nizan i thei lo ami, i bui chak mai" kimkimi nu pi muani chuan a ti a, ka lo bu nghat a, diltak chuan ka mutha lo chiang alawm, ka haw pawh in 12 a hnai thuak tawh a kala mu theilo zui bawk nen.

An ei siamtu ten eitur an lo chhawp mawlh mawlh a, kanu damlai kha chuan tun ang hun hi chhungkaw tan a Pathian hnen a tawngtai na hun leh lawm thu sawi na ni a kan hman thin a ni a, chutiang chu chhunzawm zel ka duh ani.

Ka hmah ka kut suih in ka tawngtai a.

'Lalpa i hriat angin hmeichhe chak lo tak mai ka ni a, tunah chenna tur neilo leh belh tur neilo in ka awm tih i hria mahse nang in min tanpui dawn tih ka hriat avagin ka vui lo ka chhungte nangin dam na leh hriselna tha te pe in venghim ang che Isua hmingin ka dil e Amen'

"Eng nge i tih a" Pu Manika Kimkim i pa chuan thinrim hmel zetin min rawn melh a, a ngaihna hrelo zetin ka lo melh let ve nghal ha a.

"Diklo a awm ami" ka hawi kual hrak hrak a, kan boruak chu ka chhui thiam tawh kher lo mai.

Chaw chu ngawireng in kan ei a, inbiak pawh kan inbe ngailo kan chhungkua nen chuan inang lo tak kan ni, chaw kan ei lai chuan kan ti ti a chhungkua in ka thil tawn vel te sawiin hlim takin kan nui ho dar dar thin kha a ni a, mahse helai chu a reh tlawk tlawk mai ani.

Chhungkaw nuam lo tak zawng ani, hausak na hi engmah alo ni lo chutiang bawkin chhunkaw hlim nei tur hian nu la pa te hian mawhphurhna sang tak an nei bawk, nu leh pa inhau reng emaw nu ang reng mai te chhungkaw pa buaina siam reng leh fate khawm ngam loh khawp a in hmuam up te, fate ngaihsak hman lek lo a rosum ringawt zawk ngaihtuah a chhuahsan reng mai te hi chhungkaw kehchhiat na bul an ni, kanu thusawi ka hriat reng chu chhungkaw nuam nei tur hian nu hi kan pawimawh zual hle tih hi ani, kanu kha chuan chhungkaw hlimtak kan nih loh hlauin min awmpui hnem a kan in chul nel a khawi hmunah pawh kan inzui chawt thin, fiamthu te thawh in kan nui dun a ka thian tha ber ani.

Mahse tunah engtin nge ni ta, tawngkam khat pawh a inbiak chu sawi lo an in melh hrek hrek ringawt hausak na hi engmah a nilo tih ka hre chiang khawp, engkim nei mahse chhungkaw hlimna thlen tu Pathian an nei miau silo a ni, an chhungkua ang neih ai chuan mahni a awm pawh hi kei chuan ka thlang zawk.

Chaw ei sawk sawk in ka room ah ka kal leh nghal hmak a, hna zawng turin kal vat a duh ani.

Ka bag lian lo te chu la in, ka purse chu ka ak a, lip plam chu ka ak a ka phone ka ti bo khanglang a pawisa neih lo tehreng nen ka van ngei tak.

Ka khum chu ka thlep tha mawlh mawlh a kawngka a rawn in kik dawt dawt a, kimkim alo dak ha a, alo lut nghal thuai.

"Khawnge i kal dawn a" khum a rawn thut pah chuan a ti a.

"Aw hna zawn ka tum deuh a" ka nui sak a.

"Te khangtiang kha ti tawh suh aw" ka kut rawn dawm pah chuan a ti a, a awmzia ka hrelo ngang mai.

"Eng maw" kalo ti ha a.

"Tukin chaw ei na a i tih ang kha mawle" a thaw chhuak hak a.

"Tawngtai kha maw, tinge a"

"Ih, kapa hian ama sakhua lo sakhaw dang reng reng chanchin leh tih dan a tih hi rem ati lo bur a, kanu nen pawh hian a ruk ten kan tawngtai thin vawikhat pawh ka nu nen kan tawngtai lai min man a kanu a sawisak vak phah alawm" a mittui a tla zauh a.

"Kimkim chu chu engvang a min hrilh vat lo nge i nih a, chutiang a nih chuan tinge in chhuahsan miah loh a" a kut vuan let ve pah chuan a ti a.

"Ni ngawt asin, mahse kan khawsa nuan laklawh tawh a bakah eng nge maw kan han thawh ang le"

"Kim, kan Pathian hian maw amah vang a tuar ngam te chu a phatsan bik ngai hleinem"

"Ka awt thei lutuk che asin, in chhungkua ah hetiang hi i tawk a i hmangaih berin a kalsan che a engmah neilo a i awm lai pawh hian engvang a hlim reng thei bik nge i nih le" a mittui a hru zauh a.

"Ka rinchhan lalpa hian min ensan ngai hleinem, lungaih chang chu ka ngah alawm mahse a lakah chuan ka in nghat tlat a ka tluk hmain min dawm kang leh thin ani, hmachhawn rawh hlau suh i duh ber chu um rawh amah vang a i tuar a nih chuan maw, a tuar tir biklo ang che"

"Te, kapa hi ka hlau em ani" min kuah a, a tap hawm hawm a.

"Sual chu engang in lian mahse a tawpah a tlawm ngei ngei, hlau suh i lamah ka tan reng dawn alawm" ka samah chuan chul heuh heuh in a mittui chu ka hruk sak a.

"A nih ka ti khawtlai lutuk ang che" a tho a, a mittui chu a hru fai a chhuah tumin a inher nghal thuai a.

"Te, tuma hnenah sawi suh aw" rawn hawi let ha chuan a ti a, ka nuh sak a kalo bu nghat a.

A chhuah rualin sana ka en a, a lo tlai angreng tawh khawp mai hmanhmawh takin ka chhuak nghal hlawk hlawk a.

Darkar 9 chuang ka vei tawh a mahse tumah in min la chhawr duhlo, hmeichhia a kar a mizo nula chu hnathawk ah min duh vaklo ni ngei tur ani, ka dang zawng zawng pawh a ro vek tawh, ka hah thawh takzet ani khawlai a set ah chuan ka thu a, mi lah buai zet in an vak reng bawk si.

Ka vak nasa tawh lutuk chu ka tlan hlap thei zu nia, nia sat loh tehreng nen ka hawi kual ha ha a, night club hma a waitress hna ruak chu ka hmu vuh nghal zak, hetiang tih chu a fuh ber ang ngem aw kati rilru a mahse duhthlang thei dinhmun ah pawh ka dinglo.

Inchhung lamah chuan ka pen lut nghal thuai a, an manager lo bia in thawh ka dil deuh nghal rawih a, thawk tu an mamawh hmel a ni viau ang chu ihe lo in min pawm nghal chat a.

Ka thaw huai in ka hria in lamah haw thuai in kimkim i bawk in min lo hmuak a.

"Hna chu i hmu ta em"

Ka bu nghat a "umm"

"Tha lutuk, e taka heihi i phone tiraw miin an rawn dah a" ka phone chu a keng va a.

"Maw" ka pawt thla nghal hlawk a.

"Hei hi tuin nge rawn dah a" phawk fe chuan ka meng a, a ngaihna hrelo zetin min en a.

"Tinge a" mak tih hmel zet in min en a, aw a mak reng ani he phone hi kati bo a, a awmna hre tu awmchhun chu khapa kha ani.

"Engtik in nge alo dah a"

"Tunah lawk khan" ka tho zawk a inhnuai ah ka tlan thla nghal hlawk hlawk a, ka hmuh phak ngei ka beisei lawmthu sawi ka ba takzet ani, kawtah chuan ka hawi a mi pakhat kawr sen ha tlan liam chiah chu ka hmu hman zuai a biak hman ani lo.

"Hei eng nge diklo awm" min lo zui chhuak ve chu ni in.

"A hmel i hmu hman em, eng hmel nge a put chuan lawmthu te i sawi em khawi a awm nge a nih" kimkim i a darah vawn pah chuan thaw hlawp hlawp in ka zawt a.

"Delevery boy in alawm rawn dah" a hmel atangin a nuih a za tih ka hre nghal.

"Maw, sawi vat ta che" ka ti tuarh a.

A nui chhuak nghal hawk hawk a "tinge a, i star chiang mai tiraw" a nuih zawm leh nghal hawk hawk.

"Chutiang engmah a awmlo" thinrim deuh takin ka ti hmuk a inchhung ah ka lut zui nghal hmak a, kimkimi nui hawk hawk thawm chu ka hre zui nghal zat a.

"Hey min lo nghak teh" ka hnungah a rawn tlan nghal hlawk hlawk a, a nui hawk hawk bawk titau rilru deuh chingin roomah kan in zui chho hnawk hnawk a, ka room thlengin min rawn zui chho nghal thuai.

"Ka fiamthu a nih kha" khumah ka bag chu dahin, tukver vel ka hawng khawtang a, boruak chu a zang deuh hawkin ka hria.

"Hey he jacket hi tinge i la kawl reng a" ten hmel deuh a khai der der pahin chair a ka dah chu alo en kual vel a.

"Hey khatin ti suh" ka pawlh thlak sak nghal hlawk.

"Eh..eh..eh" no vel zet leh nuih sun sun hian min melh a, ka hawi sawn a ka ngaihsak lo der vel hmak a jacket chu thlep tha in ka closet ah ka thlep nghal hmak

"Hey duat, a ruk tak chuan i ngaihtuah chiang ani tiraw" a nui nghal hawk hawk a, khumah ka thu ve nghal thuai a.

"Teh ka chhuak lawk dawn a kalo haw tlai maithei a nia, ka nu te kha lo hrilh rawh i riiltam chuan ei siam tu kha lo hrilh la" a tho thak a.

"I nu te chu hrilh ve mai la" ka dak chho ha a.

"Ka call tlang theilo a lawm,ka kal aw, e chuan engamh tih lo tum tawh hlek suh ang che a hma ang i ilo insu emaw inchhung ilo tifai leh a nih chuan ka thin a rim viau ang, hria maw, bye" a kut chu phar chhuak ha in no zetin a nui sen sen a, a chhuak nghal thuai.

Khumah zawi zetin ka tlu nghal hnawk a, ka van han chau zozi tak em, ka piah lawk a ka phone chu alo ri ral ral a, zawi zetin ka ban a ka man nghet lo bawk nen chhuat ah ka thlauh nghal chawrh.

"sh*t" ka ti sap a, ka hmai chu hup thak in a in ring ral hma chuan ka chhar leh nghal thuai a.

Phone screen ka en rual rual chuan ka sa chhuak nghal pup pup hian ka hria, ka thinphu chu a chawl dup a ka meng nghal kawk kawk bawk thaw tha theilo ni tak takin thawk lak hrawh pahin phone screen a Sanpuia hming inziak kah mai chu ka en a.

Ka kut a khur dar dar a, engmah ka ngaihtuah hleithei tawh lo, ka chilh ka lem khalh a, ka hlauthawng a ni ka lak hma in a in ring ral thak, ka call let duh ang ngem eng nge a sawi duh min rawn deu sawh dawn em ni ka hrethiam pha tawh lo, ka phone chu ka en tlawk tlawk ringawt.

Ka check kual a misscall 21 lai a lo awm, Sangpui a leh Remremi vek an ni, message a awm a ka hawng leh nghat thuai a.

Remremi: khawnge i awm.

Remremi:khawi hmunah pawh awm mahla lo haw tawh suh.

Thawk ka la hak a, a tawp berah Sangpuia text a lo awm,nizan lam ami daih tawh niin a lang.

Sangpuia:tinge phone i lak theih loh.

Ka chhiar zawh rualin phone a rawn ril leh nghal zat a, Sangpuia bawk ani thawk ka la hawk a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 28th, 2020, 2:30 pm

Chapter-6

☆Dr. Davin's Pov☆

"Doctor khatah eng nge i tih" O.T kawngka rawn in hawng pahin Chief of Department in a rawn ti chu ka inzai na ken lai chhuatah ka thlauh nghal tawp.

Ka mask phelh lo in an awmna lamah chuan ka hawi phei a sister mina i erawh a hlauthawng tih ka hai lo, zam na chhete mah neilo in ka hawi phei ha a, hlauh na chhet pawh ka neilo a chhan pawh min ban dawn lo tih hi ka hrechiang em ani, kapa hian he hospital ah hian a invest hnem lutuk tlat.

Min ban a nih vaih chuan kapa hian he hospital share 100 a 25 hi a hnukdawk nghal ani mai. Rum zetin min rawn melh a an tum dan lo a kalo chet vang ani tih ka hai ther te lo.

"Dr. Davin min rawn zui rawh, Doctor dang in an zai zawm mai ang" diktak chuan minister leh media ho hi awm lo se chuan an thinrim khawp ang chu le.

Ka surgery suit leh ka inthuam na chu lathla in Chief bulah ka phei nghal thuai a, Minister pawh a haw ve chiah nghe nghe, kawngka ka kik karh karh a ka lut zui nghal pat.

A chair ngheng dar dar in dawhkan hma ah chuan a lo thu a thinrim zetin min lo melh nghal khang khang zui a hmah chuan ka ding ran a.

"Eng thil chiah nge i tih vawin ah tumah khawih lo tur tiin nizan ah thuchhuah kan siam ani lawm ni"

"Sir min ngaidam rawh mahse ka tih lo a nih chuan ka damlo kha a thi mai dawn ani" khun deuh zauh chuan ka en a.

"Chu chu ilo buai na tur a awmlo Dr. Hetiang thil hi i vawikhat tih na a ni tawh lo lehnghal engvang a hetia khawsa reng hi nge i nih" dawhkan chum pawp pah chuan a ti a.

"Kha nau khan hun dang a nghak thei tawh lo" ka zam duh eih biklo.

"I awki kha san suh, ani kan fee a pe em"

"Aih pelo"

"A nih chuan engvang a zai ngem nge i nih, hmanni ah pawh pawisa pelo in mi i discharge ringawt tawh bawk, heihi theihnghilh ngai suh helai hospital ah hi chuan mi an pawisa neih dan a zir a enkawl na pek an ni thin, hetiang thil hi a thleng leh a nih chuan hna atang hian ka chawlh tir ang che"

Thu kam khat pawh sawi lo in ka office lam ka pan nghal nal nal, ka awih theilo zawk khati khan engtin nge a tih theih mi harsa te hian dam an phu velo tihna a mi ka awih thei lo zawk, eng ang hospital teh hrep chu nge mawnle mahse hmun dangah ka thawk thei silo a chhan pawh he hospital ah hian facilities leh engkim tha tak a awm a mi tanpui ka duh a nih chuan he hospital hian nasa takin min pui thei tih ka hria.

Ka kamis kawn chu phelh in ka kiu ah ka thlep chho a, ka room ah lutin tui bottle chu a tui chu chawl miah lo in ka in nghal dawk dawk a, ka in zawh in ka thaw chhuak nghal hawk.

Ka kamis kilh chu button khat ka phelh a, ka revolving chair ah chuan dak ha in ka thu a, ka phone alo ri ral ral a ka pick nghal thuai a, kanu a lo ni.

Ka nu: Davin news kha i lo en em.

Davin:eng news maw.

Ka nu:i hre miah lo a maw, hospital diktak ah i thawk ka tih kha i en loh chuan en vat rawh.

Phone a dah a, ka hma a laptop chu ka hmet mial mial in ka en nghal thuai a, ka awih theilo zawk hial zawk news ah chuan emergency tak a mi ka zai vangin hospital chu an lawm thu leh he hospital ah hian mi tupawh an hmun a awm mi lian leh mi te en hran an nilo tih vel ani, ka hming a tha a ka lawm mahse loh theih loh vang a hetiang ti hi an ni tih ka hre chiang khawp, khang media ho kha awmlo se chu anti hauh lo ang le.

Ka laptop chu ka kai khum a,ka mit chhing in ka hmai ka hup vang vang a.

"Duhtak i la buai viau em" kawngka in hawng rual a hmeichhe aw in a rawn tih chuan ka meng nghal zawk a.

Sasha i a ni, ka lo nuih sak a.

"Duat i van chauh hmel ve" ka thutna pan in a rawn kal a, ka balchung ah chuan a rawn thu chat a, kalo kuah nghal thuai bawk.

"Kan hna chu hetiang reng hi alawm, bawihte" a hmuiah chuan dim tein ka fawp a, min lo chhang let nghal thuai a, a malpui chu zawi muang in ka tham a, ka zen thui zel bawk.

Ka kut lemlam in a kawngah ka vuan a, ka pawt hnawi hrawk bawk a rum nghat a ka samah tham in ka min kuah a, ka hmai chu a nghawng zawn ah te leh a awm bawr velah te chuan ka hmai ka nawr kual vel a.

Ka pawm kang lawp a, min dawr tu te ho nen a kan in kawm thin na lamah chuan pawm phei in couch ah chuan ka mut a, a chungah lawn in duhthawh takin ka fawp a.

"Bawihte duhtawk ang aw" ka hnathawh na hmun a ni si a.

"Mahse deer" min rawn kuah a tum a, mahse kalo dang thuai a.

"Eng nge mamawh i neih leh tak a" a kawr pawh mar sak chuan ka ti a, min rawn thut hnaih sat sat a.

"Engtin nge mamawh ka nei tih i hriat a" a nui sak a.

"Mamawh i neih te chuan i heti ziah alawm, eng nge i mamawh a"

"Kawr nalh tih deuh mai hmanni ah ka nei a"

"Ka pawisa chu ka phawrh nghal thuai a" phur zetin a la nghal thuai.

"Kha khan a daih maw"

"Umm" a bu nghat a, mipa mak tak chu ka van ni ve tak em, hah takin thawk thin mah ila ka thil duh ah chuan pawisa ka ren ngailo, ka hmangaih te tan pawn ka ren ngai chhete lo.

Phur zetin a chhuak nghal vat a, ka kawrhma chu ka kilh tha a, kawngka a rawn in hawng rak a Sangpuia a ni.

"Khanu kha tu nge a" kawngka lam en ha pah chuan a ti a.

"Tu nilo e Sasha mawle"

"Engtik a tan khan nge" a nui suk a.

Sangpui a hi ENT ah Head of department in a thu ve bawk a, thian in kawm ngei tak chu ni lo mah ila kan inhaw teh chiam chuang lo hmanni lawk khan nupui a nei tep a mahse a nupui tur in midang a lo chetsual pui bawk nen an thut leh ta kha a ni a.

Hmeichhe khawlo lutuk hi chu a buaithlak thin teh e, mipa lam hi an thunun thei phian lehnghal a buaithlak lam chu ani.

"I nupui neih tur chu a bam bawk sia a" ka fiam zauh chak tlat.

"Nia mawle, nang pawh hi ti ve thuai rawh" kan nui dun hawk hawk a.

"File kha" dawhkan lamah chuan pheiin file chu ka la a, ka pe a, a chhuak leh nghal thuai bawk.

Ka nun ah hian hmeichhia hian hun pawimawh an chang tak tak theilo, nupui leh ngaihzawng nghet ka neih duh loh na chhan pawh hetiang vel ah hian ka buai peih lo ani, hun ka nei thlawt lo bakah hmangaihna hi a awm tak tak pawh ka ring ngailo, mihring rilru hruai pen na ni vel ah ka ngai.

Sana ka en a, a tlai tawh angreng ngei mai, zanin ka off night a ni bawk a haw hma pawh ni ila engmah tih tur ka nei chuanglo, ka over coat chu la in car chahbi dawhkan a ka dah chu ka la a, ka over coat ipte ah ka phone chu ka khung nghal thuai bawk eng emaw ka khawih fuh a ka phawrh chu pen chhin hi a lo ni.

Ka ball pen chhin a ni, khaw nge ka dah tak kha pen kha a to asin mawle ka pa in China a zin tum a min lo hawn nuaih 5 man lai kha a nia sin mawle khawiah tak chuan nge maw ka dah chu.

Haihawt lutuk pawh hi.

Inhnuai lamah chhuk in lobby a car ka park chu ka la chhuak nghal thuai a, ka car la chhuakin appartment lam ka pan nghal nal nal a hla ring zet a play pah in ka in khalh phei zal zal a.

Nula pakhat car hmaah a rawn tlan a ka ding nghal chawt, mawl lutuk eng nge maw a hriat chu le.

"Eng thil nge i hriat a" thinrim zetin car atangin ka chhuak nghal thuai.

"Kawng en ta che mawle" in beng fai thawk thawk pah in a la ti deuh deuh.

"Tu nge motor hma a rawn tlan phei tu zawk kha, traffic signal te hi i en thiam lo ami" car hma a ding pah chuan ka ti a, kal leh nghal mai ka tum a.

Min rawn vuan chat a "ngaihdam min dil rawh" rum zet in min ka melh zui.

"Engvangin" hawi sang vah chuan ka ti a, hmuh tawh na ka nei thal a ka hriat chu a.

Mizo a la ni zui zaklo leh lutuk mai.

"Min sut vangin"

"Tu nge lo in barh tu zawk kha, tho la kal vat rawh" thawh a tum a, a tu leh nghal hnawk a, ka thu niam nghal vat a, a ke ka en chu alo duk raih mai, a pelh deuh ni ngei tur ani.

"Ka ke khawih suh" ka kut a huai sawn nghal hmak a.

"A pelh a nih hi, vur in kan dep deuh ang nga a zia mai ang lo kal rawh" kan piah lawk a ice cream dawrah chuan hruaiin a bai phei chat chat a vur pack ka lei sak a, ka deh sak nghal thuai a.

"Tikhan a zia mai ang" dawhkan a a haw na tur pawisa dah pah in pawn ah chuan ka chhuak a ka haw nghal nal nal bawk.

Ka car ka park a lobby atangin elevator in ka appatment ah ka chho a, dinner tur engmah ka lei lo tih ka hrechhuak zawk ka room ah lut phei in ka kamis chu phelh in ka t-shirt leh pajymas chu ka ha a,dinner tur ka order nghal thuai bawk.

Rei vaklo hnuah doorbell alo ri ral ral a, ka dinner chah ngei ani, ka la a choka ah juice chu la in, sitting room ah thu in TV en pah chuan pizza leh juice chu ka ei niap niap a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)