LOVE MAZE (18+) (THE MAFIA SWEETHEART parallel universe) BY Hluhlutei

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LOVE MAZE (18+) (THE MAFIA SWEETHEART parallel universe) BY Hluhlutei

Unread post by Ngaia » July 23rd, 2020, 11:08 pm

Hmanhmawh takin Hospital lam chu kan pan nghâl a, Griffin kut chu ka thlah lo, ka tawngtai mawlh mawlh reng bawk,




_______________



Hospital kan thleng chu Doctor leh nurse techuan an lo buaipui nghâl sap sap hlawm a, Markie pawh ka bulah ala awm ve reng, biak pawh kan la in be mumal hman lo.





A chhûng ah luh ve an phal ve loh vângin pawn lamah chuan kan lo nghâk tawp a, Ka zawi hnawk thei, ka thâ te hi arawn khûr der der in ka hria, ka maimichhîng vang vang a, Markie chu ka bulah alo thu ngawi ve reng tih ka hre chhuak thut.


Mengkâwk pahin a hmêl chu ka en vat a,



"Engthil nge i tih kha? Markie nang hian"



Thâwk ka la hawk a, ka sawi chhunzawm thei tawh lo, inthiam lo hmel zet hian a meng khup zûl zûl mai,


"Davika ka duh vâng a ni lo, khatah khan in awm dawn tih ka hre lawk bîk lo, enge in tih a? "




Rum zet chuan ka melh a, ka chhâng peih lo, ka in kuangkuah san hmak, Griffin chu a tha angem le? A hliam kha thihpui tham chu a ni lo tih ka hria, mahse ana viau ang, ka pum lah chu a ri ruk ruk reng lehnghal.



"Nang hi Putea ini dawn a, chuvâng alawm tah khân kan kal"




Min rawn en zawk tih ka hria, mahse ka hre lo der hmak,


"Iti tak tak lo tiraw? "



A rawn ti deuh hluk a, a lungâwi vak lo tih ka hre mai.


"Ka rai mawla, fiamthu thawhna hun a nia mi? "



Vîn zet chuan ka ti tuar a, Midang lo awm ve ho chuan min rawn en thap.


"Khawngaihin hospital ah hi chuan thâwm dîm hrâm hrâm ru aw"




Nurse pakhatin arawn tih tâkah chuan Markie chuan min rawn nghawk deuh sawk a, ka lo hre lo der hmak.


"Davika, misual tak anih hi, kan chunga athil tih zawng zawng tekha i theihnghilh vek tawh ami? "



"Theihnghilh lo, Markie kei hian ka hmangaih tawh, chuvangin a kawng dâl zawngin awm tawh suh, khawngaihin"




Ka ti chuai raih a, a kut chu ka vawn sak bawk, mahse a lungâwi lo hmel chu ala ngai reng tho, ka nu chanchin tekha a hre ve âwm si lo a, hrilh ka châk viau na a ahun chiahin ka hre bawk si lo.



"Griffin hi sual hlê mahse min hmangaih tih ka hria a, ka pasal a ni bawk, ani chauh hian kan unau hi min enkawl thei, ka phatsan thei lo, nangpawh a kawng dâlin awm tawh suh aw"




A ngawi vang vang a, ka unaupa luhlul zia ka hria, thinrima tih luih aiin a rilru hneh a ngai zawk thin.


"Misual tak chu a ni lo lawm"


Hnuailam en ngar pah hian a rawn ti chhuak hlawl a, nui var var pahin ka kuah nghâl thlawp.




___________


Rei deuh hnû chuan cabin lamah an dah lut ve thei hrâm a, mahse ala harh chhuak lo thung, Markie chu a haw tawh a, eng engemaw nepnawi min lei chu ka ei pah reng bawk, tinge maw a harh chhuah har tawh em em le?


Kawngkhâr ri rak ka hriat rual chuan ka hawi chhuak vat a, Dixie leh Griffin pa an rawn inzui lût hlawl mai, rang tak chuan ka ding chhuak vat.


"Enge a dinhmun? "



"A tha e, a ngaihtuah awm tawh loh"



Ka lo ti vat a, Dixie chu Griffin bulah chuan kalin a insût ri nghâl hraih a, a tah khum vel nia, a thi dawn pawh ni hlei lo, hênû tak hi chu âw, tinge actress a nih loh le?



"Nikhua a hre lo a, a tha itia maw? Nang hi a nupui tak tak ini em? "



Min ânkhum lai tak chuan Ka nu pawh arawn lût ve nghal a, mahse ka be lem lo,



"Nau i pai tih ka lo hria a"




Ka nu chuan arawn ti sap a, engtin nge an hriat le? Dixie hian a hrilh pawh a ni maithei ni.



"A dik alawm"



Ka lo ti sap ringawt.


______________

An awm rei lo kher mai, ka nu chuan ei tur tuihnai tak tak min pe teuh a, haw viau mahila ka ei châk tho sia, ka la lo phal teuh lo.




Dar 10pm a ri ta, Griffin lah chu a harh har tawh ngei mai, Kawngkhar chu tu emaw hian arawn kik leh karh karh a,


Kio a rawn lût hlawl mai, arawn nui lût var var a, kei erawh ka nui ve lêm lo.



"Engtin nge hetah? "



"Engemaw sawi pui tur che ka nei a"


Zâng vaha rawn tih pah hian ka bulah chuan arawn thu thla ve nghâl a, Dik tak chuan Kio hmuh hi a hrehawm ka ti, a thil phût kha ka ti puitling thei ta si lo a.



"Kio, ih... Eng lo"



"Inthiam lo duh suh Davika, ka hrethiam che lawm"



Dam thlup hian a ti a, ka ngawi leh mai, mi fing tak a ni a, ka sawi tum pawh alo man nghãl mai, a kawr chung ipte atang chuan pendrive te tak tê hi arawn phawrh a, ka hma ah chuan arawn dah nghal bawk, ngun tak chuan ka lo en ve kiau a.



"Hei hi enge? "



"Tah hian I pasal Griffin Johnson tual lo thah tawh te video leh a thuruk a awm nual, police hnênah i report anih chuan an man nghâl ang"




Kio chu ka en kâwk thei, engtin nge heng zawng zawng hi a neih theih le? Mahse a mak vak chuang lo, mifing tak a ni a, a neih dân ah chuan buai lo phawt ila, Ka pasal, ka fa lo piang mai tûr pa hi ka report thei teuh lo,



"Ka thei lo Kio, nangmân ti mai rawh"



"Davika kei hian dân ka bawhchhe tawh a, bâkah nangmah ngeiin i report hi a tha zawk"



"Ka ti dawn lo, hetiang sawi tur ringawta i rawn kal dawn anih chuan chhuak leh zawk rawh"



Ka lo ti hmak, Ka pasal a ni a ka hmangaih bawk, mi fel tak a ni lo tih ka hria, mahsa Jail runthima damchhûng tâng tura thawn liam chu ka duh lo, ka thei lo bawk.




"Davika, i pasal hian mi tam tak a that tawh a, thah tur pawh ala nei teuh , an thisen mawh hi i phur ngam dawn ami?"



Ka chhâng lo, zawhna chhân harsa tak a ni, thâwk ka la hawk a,



"Kio kei hian ka ti thei lo"


Thinrim insûm zet chuan ka ti a,


"Engvângin maw?"



"A chhan chu kei hian Griffin fa hi ka pai alawm"




Vîn zeta ka tih hnu chuan min en vang vang a, a mit mengah chuan natna ka hmu thei, A rilru nat chhan erawh min duh vâng em em pawh a ni lo tih ka hria, ka mittui arawn tling nghâl pam a, thâwk la hawk pahin ka khap lêt fak fak ringawt.



"Ka thei lo, Kio ka tihpalh takzet a ni, ka hmangaih tawh in ka hria"



Tap âw tiau chuan ka ti a, engmah a sawi tawh lo, a melh ngai chu a melh ngar ngar a.


"Kal tawh rawh,i thusawi kha hre lo angin ka lo awm dawn nia"


Tihpahin a pendrive min pek chu ka pe lêt a, mahse ala duh lo, ka thinrim lek lek a ni.


"Kio tinge ka pasal hi i huat em em a? Police ini tih hre tho mahila chhan dang a awm tiraw?"



Min rawn en vang vang a, a thinrim hle tih a mit meng sen rûm atang chuan ka hre thei.


"Ila hre reng em? Ka u, police nangmah hmangaih em em thin tu kha"


Ka bu nghauh a, Jeter kha ka mitthlâ ah arawn lang uai uai mai, ani kha police tha tak a ni, min hmangaih bawk, keichu ka la naupan êm vang khan hmangaihna awmzia pawh ka la man pha lo kha nia,mahse pasal atan neih mai pawh pawi ka ti lo, ka duh ve em em vang a ni lo a, kan unaua min enkawl a tiam vâng a ni, mahse vanduaithlâk takin misual kut tuarin a thi ta anih kha, mifel leh rilru tha tak a ni a, ka la naupanga engmah ka hrethiam lo chung pawh khan min enkawl thiam a, ka thianghlimna min laksak tum zawng pawn a awm ngai lo, lehkha tepawh min zirtir lâwp lâwp thin anih kha.


"Engati nge Jeter chu i rawn sawi chhuah a? "



"Jeter thattû kha ka hrechhuak tawh a"



Kio chu ka enkâwk a,

"Tu chu? Tunge? "


Ka lo ti deuh chûl a,



"I pasal, Griffin Johnson hi mawle"



Ka ngawi chiang kher mai, Ani thei lo, Kio hmel chu ka enkar a, dawt sawi hmel a pu hauh si lo, mahse engtin nge Griffin chuan a thah theih? A hresual palh a nih ka ring, ni lo, thil ni thei lo tawp chu a ni chuang lo.


"Kio, I hresual a nih ka ring"




"Ni lo Davika, a tha e, ka tihpalh a ni, ka kal ange"



Tihpah chuan a chhuak nghâl vut a, Pendrive lah chu a keng tello lehnghâl,ka ngaihtuahna pawh ka kawm hmâ hauhin Griffin chu arawn rûm ta tuah tuah a, Rang takin Pendrive chu ka la a, Ka bag ah ka thun hmak.



Griffin chu rang takin ka pan hnâi a,


"I tha em? Na te ila nei em? Doctor ka ko dawn em ni?"



Ka'n ti nghâl zung zung a, tui chu la in ka in tîr nghal vat, meng mang lo chuan arawn in ve mai a, thisen a hlauh hnem vâng nge ka hmu dâng bul mai.



Khuh khurh khurh pah hian a rawn meng sur sur a, a hmel erawh a tha uchuak reng tho.


"Tunge inih?"




A rawn ti deuh hû mai, mak ka ti lutuk chu sawi mai tûr pawh ka hre lo.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 23rd, 2020, 11:08 pm

Ka châwl rei tawh viau a min lo hrethiam ru aw, Hun thâwl ka mamawh ve deuh a tin ni, story tâwp dawn tawh lamah ka rawn that chhe zuai a ni e...






Griffin hmêl dur khup chu ka enkar a, arawn nui chhuak hawk mai, râk thawt pahin a nâk chu a dawm pah vawng vawng a, a awm dân chu ka hrethiam lo takzet.



"Ka hriatna ka hlauh tak tak tûrah i ngai amaw? "



Nuihza insûm zet hian arawn ti a, ka thinrim lutuk tih ngaihna hre lo chuan rum zetin ka melh kâwk ringawt,


"I â mi? Min ti hlauthâwng hman alawm"




Vîn zet chuan ka ti a, thinrim zetin a bulah chuan ka thu thla nghâl bawk, nui nasa viau mahse a châu hmêl erawh hai rual a ni lo.



"Na te ila nei em? "



"Nei lo, mahse ka lû hi a rit deuh bûr mai"



Ka nuih sak a, a inhmeh lo ka ti takzet a ni, Griffin hi ana ve thei dawn lo emaw ka lo tia, ka lo â takzet a ni, mihring ve tho a ni reng sia, Ka hlim viau na a Jeter vâng khan ka chhûngrilah erawh nuam lo tihna lian tak ka nei ru reng thung.






____________



Griffin pawn natna dang em em a neih lo bawk a amah a hrisel that êm vangin kan chhuak leh nghâl vat.




Griffin hian Jeter kha a lo that tak tak angem le? Ni lo, a that tih chu chiang sa lo ni ta se, engvângin nge a thah ang le? Ka hrethiam lo takzet a ni.



"Enge a? Thil thleng a awm ami? "



Ka ngaihtuahna atang chuan ka harh zawk a, Griffin chu ka hnungah alo ding reng tawh,


"Aih... Awm lo e... Ka chau deuh mai mai"



Bah niai chuan ka lo ti vat a,


"Chawl hahdam rawh, hna thawh tur ka nei a"



Tihpaha chhuah a tum chu ka en vang vang a, ka zawt tawp mai dawn amawni le? Zawt ta ila, khawi atanga ka hriat nge tih kha min zawt ngei awm sia, mahse ka hriat loh chuan ka â thei mai ang.



"Griffin"


A rawn hawi lêt vut a,


"A ngai leh lo.... Hehe"


Tihpahin Love sign Kpop ho in an uar em em angin ka kut chu ka dah khum a, a en vung vung mai.


"Enge awmzia? "



"Ka thinlung a nih hi"


Ka lo ti vat, a nui hawk a, min rawn pan hnâiin ka chalah chuan a fâwp zauh a, min bye bye pahin a chhuak leh nghâl daih.


Thâwk ka la hak a, ka zawt ngam thlâwt lo, bâkah ngaih loh lamah a ngai palh ang tih ka hlau, engpawh ni se chawlh hah dam ka mamwh.




Khumah chuan zawi zetin ka mu thla hnawk a, ka hâm bai bai mai, Griffin rawn lêt leh hma chu mu hem hem ila ni mai.


GRIFFIN JOHNSON




"Boss khawngaihin tiang hi chu ti suh"



"Ni lo Kevin, nang hi he khawvêla ka mi rin awmchhun ini a, engemaw lo tâwk palh ta ila, nangma kutah hian engkim hlan ka duh a ni, ka nupui leh ka fa lo piang tur hi thlah thlam lo bawk ang che"


A vawi khat nan Griffin Johnson hian thih ka hlau a, Ka nupui leh ka fa lo piang tur hi kalsan ka hlau bawk,


"Ni lo, ka thei lo, Ila naupanga hma hun êng tak ila nei alawm"



"I hriat kha, Mafia lû ber reng reng an dam rei ngai lo"


Kevin hrehawm ti hmêl chu ka khawngaih, ka unaupa ang maia ka en a ni a, ani chauh hi ka rin ngam ti ila ka sawi sual lo ang, Kei hi min report tawh tih ka hria a, Police ho lo thlen hun chiah ka nghâk tawh, Jeter Evangalista Cyr thihna vânga man ka ni dawn, ni e, ka thah alawm, ka thah ngei a ni, phat buai ka tum lêm lo, fin fiahna an neih loh hnu ah min chhuah leh mai dawn tih ka hria, ka thah ani emaw ni lo emaw, ka kâ ka âng lo anga, engkim a fel a ni mai.



Kevin nen kan ruahmanna kan sawi dun mawlh mawlh lai chuan Maid pakhat hi arawn lût hlawl a.


"Master, police an lo kal"




Kevin chuan min rawn en zawk a, a hlauthâwng ru deuh tih ka hre mai, ka ding hluai a, Inhnuai lamah chuan ka chhuk thla nghâl vat, ka nupui Davika leh Police pathum lo in hmachhawn rân chu ka zu fin vat a.



Davika chuan thlaphân hmel zet hian min rawn pan vat.


"Enge awmzia?"



Min enkar chuan a ti deuh sar sar a, engmah sawi lo in a kutah chuan nghet zet hian ka vuan nghâl vat.


"Griffin Johnson nang hi Jeter Evangalista thihna a mawhphur tu a puh ini vângin thuzawh fiah che kan ngai a ni"



An ho tu ber ni awm tak chuan a ti a, ka nui suk ringawt,


"Griffin"



Davika chuan a ti zawi sap a, a biang tawn tawnah chuan ka vuan vat, hmeichhia ve tho a ni bawk a, a phîlî buai nghâl vek.


"Lo in enkawl tha la, engmah a thleng lo ang"


Tihpahin a hmui ah chuan ka fawp zauh a,


"Ni lo Griffin, ila dam tha bawk si lo"



"Ka tha, engtin mah ka awm dawn lo"



A ngawi leh mai a, a mittui arawn tling pam mai, a chalah chuan ka fawp zauh a, Police te chuan ka kutah chuan kawl min rawn bun tîr nghâl vat, Davika chuan chesawn miah lo hian min en char char a, hawi pawh ka hawi let lo.





_______________



DAVIKA POV




Chaw pawh ka ei thei lo, ka rilru hah lutuk chu ka vei tawn sek a, Amber ka call vangin ani pawh a rawn lêng a, kan in hmuh lohna arei tawh bawk nen sawi tûr a ngah khawp mai, kei erawh Griffin ringawt ka rilru ah a awm.



"Lungngai lo la, Griffin hnâ chu tual thah a nia, hetiang hi duh lo hle mahla ila hmachhawn zêl a ngai dawn nia"


"Ka hria lawm"


Ka lo ti chuai raih ringawt, ka hah ngut ngut mai, Engmah chanchin ka la hre bawk si lo, Va kal ve mai pawh duh viau mahila enge ka va sawi chuan ang? Ka rilru a buai takzet a ni.



____________


Amber haw hnu chuan ka phone ka bag atanga lâk chhuah ka tum chu pendrive kha alo la awm reng mai, ka en vang vang a, thâwk ka la hawk ringawt.



Maid pakhat chu arawn tlân lut dawr dawr a.


"Mrs Johnson Police an lo kal teuh mai"



Ka thil ken lai chu khumah dahin hmanhmawh tak chuan ka tlân thla nghâl a, A sawi ang ngei chuan an lo kal tam khawp mai, enge thleng hi le?


"In in hi dap phalna kan hmu a, khawngaihin inlo hrethiam dawn nia"



An hotu deuh ber chuan a ti a, a tih zawh rual chuan an inthen darh nghal sup sup mai, eng chiah hi nge thleng le? Griffin chu atha angem? Hliam a nei bawk si a, ka va han khawngaih tak.


Common roomah chuan ka thu hnawk a, thil thlen dân hi a rang teh thut lutuk a awm dan tur pawh ka hre lo, Griffin chu be thei tal ila ka ti ngawt mai.






Rei fê hnu ah chuan engmah sawi tawh lo in an chhuak sup sup hlawm a, maid ho chu an chêt hnawk na vêl ti fai turin ka ti nghâl vat.


Ni lo !...ka duh thei lo!!!...ka thil dah kha, hmanhmawh takin inchung lamah chuan ka tlân chho a, khuma ka pendrive dah kha alo awm tawh lo, lei ah chuan ka tlu nghâl hnawk thei.




Griffin tual that lai leh an thuruk tam tak a awm si a, Police ho khan an hmu anih vaih chuan, ni lo, Ka tap chhuak nghal hawk thei, khai hlum tur anih loh pawn damchhûng a tâng dawn.


A ni thei lo, Griffin,


________________




Kevin duh lo chung Police station lama min hruai turin ngen tak tê a ka ngen hnu ah min hruai duh ve hrâm a, Kan lût chiah chu tih hmasak ber tur pawh ka hre ve lo, Griffin chu ka zawng mawl tawp a, Kevin chuan police pakhat chu a be nghâl zung zung a.



"Davika he lamah lo kal rawh"



Hmanhmawh takin ka zui nghâl vat a, room pakhatah min luh tîr in darthlalang chhûng lamah chuan Griffin chu alo thu a, ka hmu thut chu ka phu zawk thei.



Thinrim hmêl zet hian min enkur bawk, a thinrim chhan tak pawh ka ring thiam nghâl mai,


Hlauthâwng ru zet chuan ka thu thla dê dê a, rum zeta min melh pah chuan a kut a hûm ruh nasa mai.


"Griffin ih... Ka"



"Thudik a ni em? "


"Griffin ka tum reng vâng a ni lo, paih ka tum a, ka lo theihnghilh daih a"



"Khawi atanga i neih nge? "


Ka ngâwi chiang kher mai, ka sawi ang nge sawi lo ang? Hnuailam melh ngar ngar pah chuan ka rilru chu ka kâwm mial mial a.


"Davika ka zawhna chu chhâng rawh"



Ka la chhâng thei chuang lo, ka la ngawi ngat ngat reng ringawt, ka kut rawn khûr dar dar chu nghet zet chuan ka hûm ngat ngat a.


"A tha e, a hun tawh a niang"



Beidawn hmêl zet hian arawn ti chuai ruih a, ka hawi chhuak nghal vat, Griffin hmêl chu chiang zet chuan ka enkâwk a.


"A hun tawh a niang, tha deuhin lo in enkawl la,Kan fa lo piang tur kha ka hmuh ve hman dâwn loh vângin ka tihpalh a ni"



"Griffin"


Vîn zet chuan ka ti tuar a, ka lungphu arang a, ka taksa chu a rawn khûr nghâl zawih zawih thei Griffin hmêl chu ka en tlawk tlawk ringawt.


"Hun a zo e"


An rawn tih lâng lâng tâkah chuan Griffin chu an rawn hruai sawn nghâl daih a,


"Ni lo, Griffin khawngaihin la kal suh, sawi tûr ka la ngah asin"



Dârthlalang chu ka chûm dawt dawt a, Kevin chuan min rawn buaipui nghâl vat, He thil ti tu hi Kio a ni tih ka hre chiang, a khawngaihna ka dîl ngei a ngai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 23rd, 2020, 11:08 pm

Ka story ho lam tak in lo chhiar ve duh vângin ka lawm em em e.... 😊😊😇😇😇😇








Jail atanga kan haw chu Kio chenna a kal buai ngai hauh lo in In ah alo awm reng nia, ka thian ni mahse ka ngei zo vek tawh, mahse a thil tih hi chu a âwm lo chuang lo, ka hrethiam tho mai.



"I inah lo kal ka tum a"



Sofa atang chuan rawn tho in min rawn pan vat a,


"I sawi tur ka hre vek Davika, min ngên duh suh, case ka file tawh a, ka khing dawn a ni"



"Kio"


Ngên ngâwl zet chuan ka ti a, thâwk la hawk pahin akekawr ipte chu a zen a, a rawn nui var var mai.


"Davika i mizia danglam ta lutuk hi hrehawm ka ti, a hma kha chuan cho pawh ka cho ngai miah lo che kha nia"



Min rawn en vut a, nui lui sak pahin hnuailam ka melh daih, Balcony lam chu ka pan a, min rawn zui ve nghâl vat, Kevin a'n a hmu hman lo hlauh chu a tih zia hle mai, Hmû chu ni se buaina a awm dawn tih ka hre nghal.


"Ila hria em? Kan in hmuh hmasak ber ni a min chhan tum kha"



A ha rual thât mai lang khawp chuan arawn nui a, amah vânga mi panga vel ka sawisak hrep tum kha ka mitthlâ ah arawn lang uai uai mai.


"Davika ka chunga i thil tih tam tak tekha ka theihnghilh lo, keimah vânga Teacher ten an hauh ziah che pawh ka la hre ve reng alawm, mahse tun ami hi chu a danglam a ni, ka unaupa, ka ngaih em em nunna la tu kha a ni tlat a, i hmangaih tih ka hria lawm, mahse ka ngaidam thei bik lo a ni, mahse ilaka ka bâ tam tak te rulh lêt nan nangleh i fa lo piang tur te hi enkawl che u ka duh a ni"




A thusawi chuan min ti tap mai dawn in ka hria, ka mittui rawn tling nghâl tiam tiam chu ka khap lêt fak fak a, keimah a paltlang ka hreh êm a ni, Tawn hriat ka la nei lo a, Griffin tello chuan ka fa enkawl dan pawh ka thiam lo ang, ka mawl bawk si.



"Kio Griffin tello chuan engmah ka ni lo"



Hnuailam chu melhin ka kut chu ka sik niap niap a, case hi la lêt leh se ka ti, mahse a khawngaihna dîl pawh ka ngam lo, ka awm dân hi a laklawh kual vêl vek.


"Ka tihpalh a ni, Loh theihloh vânga i chhûngkua ka tih chhiat sak che hi min dem mawlh mawlh rawh, Mahse Davika , Griffin Johnson tello pawn khâng hun hrehawm tam tak tekha ilo paltlang tawh a, tunah pawh i thei leh em em ang, hmeichhe chak tak inih kha"



Mittui tling kiau chuan ka nui lui sak a, ni e, a tello khân ka lo paltlang hnem ve tawh alawm, mahse ka nuna arawn lan hnu ah chuan amah ah ka lo in nghat tawh lutuk a, mahni a ke pên pawh ka thiam tawh lo.


"A harsa ka ti takzet a ni"



Ka âw chu a rawn chhuak chê chê chauh,ka tah chhuah mai loh nan ka hmui hnuailam chu ka pet fan fan ringawt.




-------------------------




Ka rilru hah lutuk chu engmah ka ei tui lo, ka luak te hi a chhuak ut ut reng mai, mahni tê chuan ka mu reng a, mutthilh a har talh talh khawp mai.




3 DAYS LATER





Vawiin hi Court ah Griffin a in lan hun kha a ni ta, a thawmhnaw hâk tûr techu ka ken sak a, kan chak dawn lo tih hre reng chunga insiam chu a phûrawm loh kher mai, a rûkin ka tap reng a, mahse midang hmuh lai erawh chuan ka ti tap lem lo.



Kevin nen chuan kan in phur leh a, ani pawh a tawng tlêm tawh sa nâkalaiin a tawng duh loh phah a, a ngawi reng ringawt.



Court chhûngah chuan ka thu rân tawh a, Kevin erawh chuan ka thawmhnaw ken chu Griffin ava pe thung, kei erawh chuan ngawi rengin ka lo nghâk tawp ringawt.



Ka naute hian apa chak lo lai a hmuh a ngai chu ni sia, ka mittui tla chu a rûk in ka hru zauh zauh reng a.


Griffin kawl bun chunga police in an rawn hruai lai chu khawdang hawi miah lo chuan ka en a, ka tah lohnan ka insûm nasa hlê bawk.



Ani erawh chuan ngawi rengin a en ngai a en kar reng a, Griffin chan chhe taka a awm ka hmu chuan min tina takzet a ni,





Kan tan ta, Griffin chu tupawn tual thattu tiin an dem luai luai a, ani chu a ngawi reng, mahse ka hriat chhuah chu, a thah tawh ho kha tûmah mifel tak an awm lo a, chhûngte tan pawh mi hnawksak tak tak deuh vek an lo ni thung, Mahse Jeter erawh tum rêng vang a thah a ni lo tih a sawi, a that tum pa zawk amaw tiin amah zawk a kâh palh thû tasawi ve tlat, mahse chu zawng chu a sawi.


"Finfiahna te leh Griffin Johnson in puanna atangin kum 60 chhûng tâng tura tih a ni, rorêlna tih tâwp a ni e"



Ka mit nghâl sulh mai, muangchâng chuan ka in bengkâng riai riai a, dârkâr chanve lai hmuh min phalsak bawk, ka ding tha thei lo, thutthlêngah chuan ka thu leh hnawk a, Griffin chuan min rawn kaihthawh a tum ûk a, mahse kawl a bun mai piah lamah police pahnih in an lo dang zêl bawk si, Markie leh Amber techu rawn lût hlawlin min kuah chhuak dûn ta top a, thâ ka nei lo, ka tap thei bawk si lo, ka na vêl vek ni mai hian ka hria.


Markie chu kuahin ka tap chhuak hawk a, ka hnungah chuan dam zet hian min bêng thak thak mai, ka unaupa awm khauh zet ka nghen tâkah chuan tlêmin ka thlâ a muang ve deuh.



"I bulah kan awm reng alawm, engmah hlauh tûr a awm lo"




Amber chuan a ti ve bawk a, ni e, min hmangaih tu chu an lo awm ve zêl alawm.



____________




Tuipui fâwn hlup hlup chu in si miah lo in kan thlîr dun reng a, tûmah reng tawng kan tum lo, In sîk an phal bawk si lo, Griffin hmêl chu ka en thin, kuah ka châk a, a awm khauh tha zet nghêng a tah hawm hawm ka châk lutuk, mahse police tam takin min thlîr thup bawk si, ana ka ti in hrehawm ka ti takzet a ni, ka mittui tla chu ka hru zauh zauh reng a, Darkâr chanve chauh hun kan nei tih hre mahila sawi hmasak ber tûr ka hre lo, hun lah hi a kal zêl bawk si a.



"I tah reng chuan engtin nge ngaih ngam takin ka kalsan theih ang che"



A hmêl chu ka en a, a mit meng paw râm chuan min lo en kar mai, a chhîng deuh sur bawk, a hrâwk chu a che ralh a, hrehawm a tih zia thup tum viau mahse a chhûngril taka a tawrh nat zia chu ka hmu tlang vek tho, chu chuan min tina zual a ni.



"Davika ka sual man chu ka tuar tawh a, nangleh ka fa leh zêl hi chuan nghawng nei lo se ka duh, kan fa tân khan chak taka i a awm angai"



Ka tap chhuak hak a, min en ngawih ngawih ringawt, a kut arawn phar chhuak ûk a, a dahthla leh rang ngei mai.



"Ka hria, huaisen takin i dik lohna i pawm ngam a, ka chhuang lutuk che, mahse i tello a awm erawh a harsa ka ti viau ang"



Tap tiau chuan ka ti a, thâwk ala halh mai.


"Hmeichhe huaisen tak ini a, i tuar a chhel zia pawh ka hria, chuvângin chak takin awm rawh, ka hmangaih che tih hre reng la"



Ni e, kum khua atân min kalsan dawn pawh a ni hleinêm,chak takin ka awm tûr a ni ka thei ngei bawk ang, ka mittui techu hru hulin thâwk ka la hak a.


"Ka lo nghâk reng ang che, mahse ilo chhuah hunah chuan keichu ka tar tawh âwm sia"



Kan nui dûn hak a,


"Pitar hmeltha leh sexy zet hmuh chu ka châk viau ang"




Ka nui sak a, a nui hmêl phena lungngaihna chuan ka hlimna a ti famkim thei lo, ka insûm thei tawh lo chu lehlam hawiin ka mittui rawn luang chu ka hru sawk a.



"Hun a tâwp e"



An rawn tih lâng lâng tâkah chuan kan hnunglam chu kan hawi rual thap, Griffin chu î hê lo in an rawn hruai nghâl ta mai, ka ding hluai a, Griffin chu ka ûm nghâl vat.


"Lawkin ding lawk teh u"



Ka sawi chu hre lo ang maiin an kal pui nia, ni lo, a ni thei lo.




Hmanhmawk takin ka tlân phei a,



"Griffin"



Tap chunga ka tih chuan an rawn hawi thap mai, midang pawh ngai pawimawh tawh lo in Griffin chu ka kuah thlawp a, min kuah lêt ve pawh a châk viau ang, mahse kawl an bun tîr vangin kuah pawh min kuah let ve thei lo.



"Griffin"


Engmah ka sawi thei lo, midang pawh chuan min dan an tum chuang lo, a biang tawn tawnah chuan vuan in ka dingdi hlîp a a hmui ah chuan ka fâwp vang vang a, min rawn chhânglet rang ngang mai.




Kan inthlah hnu chuan car lamah chuan an nem lût ta rawk rawk a, lei ah chuan ka thu hnawk thei, Markie chuan min rawn kuah a, an tlân liam lai chu ka thlîr tlawk tlawk ringawt.








THE END




Tikhân an hmâwr ka rawn bâwk leh ta hrâm a, in duhthu a sâm lo viau in ka ring, mahse ka theih tâwk hi a tlêm ve êm a ni.


Ka rawn hrâng leh vat ang.... 😆😆😆😆

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)