MY DILEMMA 18+ (completed) by paperrings

Episode nei ho a hlawm a dahkhawmna
Paperrings
Posts: 18
Joined: January 15th, 2020, 5:32 pm

MY DILEMMA 18+ (completed) by paperrings

Unread post by Paperrings » July 1st, 2020, 9:48 pm

MY DILEMMA



#prologue
#paperrings


IMG_20200701_214429_compress14.jpg
IMG_20200701_214429_compress14.jpg (49.97 KiB) Viewed 37099 times

Party boruak hot zet leh music ri dup dup karah chuan ka rilru hahna te paih bo tum ni awm fahranin ka su ve nghawng nghawng a. Ka zia phah deuhin ka hre ve tlat. Ka kawrfual dum hak, a awm zau lam mah mah leh ka mal pawh khuh zo tha thum lo kara ka taksa lo lang chu ka kiang vela mipa awm hnai ho chuan hmuhnawm tin an thlir dauh dauh tih ka hre ve kar bawk.


Chau hnep khawpa ka intheh thilh hnu chuan ka bag ka dahna lam panin beer kengin ka kal a. Ka phone ka check a, missed call a lo awm nual, ka nu hnen atang deuh vek a ni . Message a lo hnutchhiah a 'Lo haw vat teh, Ruatdika pawh a zahawm tawh lutuk' tih vel. Ka nui hak a, ka zah ve hran hleinem.


Ka bag chu la in pawn lam ka pan a. Kawngka ka pel chiah ka mi hmuh vang chuan ka phu deuh zawk , Ruatdika chu a jeep bulah kut kuangkuah thana dingin min lo melh ran mai a. Engah mah ngai lo awm anga awmin kal pelh ka tum a, ka banah a lo man bet chat.



Rum zeta melhin 'Min thlah teh' ka ti hmak a. 'Motor ah hian lut rawh' a lo ti hmuk thung a.



'Min hrethiam la. I nupui em pawh ka la ni lova, i thu thua awm tur ka ni lovin ka hria' tifuh inti zetin a kut chu thin thlak ka tum a, a chelh nghet telh telh thung.




Engmah sawi tawh lo chuan passenger side kawngka chu hawngin min nam lut a ni ber. Thinrim zetin ka insawh tau nghawng nghawng a. Driver side a thu lutin chak zetin min tlan chhuah pui nghal a.



'Hetia min nawr luih hian ka haw telh telh che tih i hre lovem ni? ' thaw hawk pahin ka tichhuak sap a. Min chhan tum ang pawha awm lovin hmalam a en ngur mai a, ka thin a rim telh telh lehnghal.



'Ka hua che, ka haw lutuk che' ka ti mawlh mawlh a. Min rawn en zawk a, inthiamlo hmel niawm tak ka hmu a. Mahse ka hmu sual a ni ang, he mihring hian mit lainat hauh lovang le.


Ka damchhung hian hmangaih pakhat chauh ka la nei a, inkawp rem theihloh chhan lian tak nei mah ila midang neih san ka la ngaihtuah ngai lo . He mihring, Remruatdika hian engkim a rawn tichhe ta vek anih hi!





My Dilemma

Chapter - 1

#paperrings



Tleirawl nun zawi leh fel tak ka ni thin a, thian pawh ka kawm tam em em lo. Kum 6 ka nihin ka nu leh ka pa an inthen a, ka pa hian nupui dang a nei tawh a fa pawh pathum lai an nei tawh nghe nghe. Ka nu hian rei tak chu min tul pui ve a, sawrkar hna pangngai tak a thawk a kan nufa chauhin kan khawsa bawk a kan harsa hran lo.


Cl 9 ka nih dawn kum hian Synod Higher Secondary School ah written ka zu pe ve a, ka tling hlauh mai a . A school a that piah lamah kan veng nen a inhnaih bawk nen ka lawm rilru viau a.


Class kan tan chho ve mawp mawp a, thian kawm ngheh ve deuh pahnih ka nei a, Ruby leh Zonuni te an ni. Kan pathum chuan kan inzui reng zel, school lamah nen in lamah nen, thian dang kan kawm meuh lo.



School week a lo thleng a, tah chuan tih tak zeta star ka nei ve ta kha a ni a. Hruaisanga, kan senior a ni a. Basketball leh Football ah a tel ve ve a, kan house a inang lo nangin ka tan ru kher asin. Amah a sangin, ngo hmeltha lam a ni bawk a, star tu a nei nual mai. Ka thiante chuan ka duh tih hrilh an tum a, a luck bawk si nen min duh ve dawn chuang lo tiin hrilh lo turin ka khap a, ka zak buai vel duh lo law law.



Rei vak loah ngaihzawng a neih thu kan hre zui ta reng a. School campus chhungah an inzui kual reng zel a, a bialnu chu function neuh neuhah hian a zai thin a, a chhelo bawk nen an inhmeh viau. An thudun lai te hi ka hmu fo va, ka thik ve thin khawp mai mahse ka rilru ti na turin ka engmah a ni bawk si lo, chutiang mai pawh ni lovin Hruaisanga phei chuan min hre ve hauh lo lehnghal.



Min ngaizawng tu te pawh an awm ve neuh neuh a, mahse tumah ka rilru pek ka tum ngai lo. Ka hmel hi a chhe bik lova, pianah pawh ka nu ka chhun a, ka dik ve zaih reuh lehnghal a. Schoola mipa chhelo ve deuh deuh ho pawn min be ve nasa thin, ka thiante chuan duh ve mai tur ten min han nawr thin a. Mahse Hruaisanga chu ka lo nghak rilru ve deuh tawp. Zonuni phei chuan â hi min ti thei ngawih ngawih, engah mah ka ngai ngai lo thung.



Cl 10 kan ni ve tawh a, Hruaisanga pawh cl 12 a ni ve chiah. A bialnu nen khan an lo inthen leh daih tawh chu lo niin, ka be ngam chuang der lova.



Nikhat chu Ruby hi phur tawkin classroomah a rawn tlan lut a, thaw hlawp hlawpin min rawn beng nawk nawk a. Zonuni nen hawi phawk hra in 'Eng nge ,eng nge' kan lo ti ve chul bawk a.



A hawi kual leh te te a, rawn kun hniamin zawi te hian ''Hruaisangan a star che'' a ti sap a. Zonuni a te chiam a, ka ngawi reng thung. Ka awih loh lutuk vang a ni ang, mahse ka thin te chu a phu dup dup tho.



''Awihawm loh emai'' dawt anih hlau tak chung siin ka phun chhuak sap a. ''Ania lawm mawle.. Tui in turin cooler ka pan a, an thianho in an lo ding a i hming an sawi ri ka hria a ka ngaithla ru alawm'' Ruby chuan a ti leh zat zat a. ''Rinpuii chu bem tawh mai rawh, sawtiang naupang biak zahna chhan tur a awm lo an tia. Biak ka tumin ka lai zel alawm, zaninah whatsapp ah biak kan tum chhin ang e Hruaian a lo tia'' a tih leh takah chuan ka thaw hawk a ''Keimah lo Rinpuii te chu an tam alawm'' ka la ti hram a.


Zonuni pawn ''Ni e'' a lo ti chuai ve raih a. Ruby chuan Zonuni khawn fawk pahin, '' In â dun emai, zanin chu lo nghak tawp mai rawh'' a ti ta ringawt a.



Zanah chuan phurna leh zamna in ka khat a, ka eng tih mah a tui thei lo. Study table chu ka bawh vel mai mai a, lehkhabu pawh ka phawrh lo hrim hrim. A khat tawkin ka phone chu ka melh zeuh zeuh a, message lo lut a awm apiangin phur tawkin ka en nghal vat zel a. Hruaisanga hnen atangin engmah a rawn thleng thei si lo.


Dar 9 a ri tawh a, ka down vek. Ruby in chanchin min rawn zawt a ''Keimah ka ni lo ang ka tih kha'' tih ka thawn let a. Ka mu ta daih a, ka lo beisei rilruk em vang a ni ang, ka rilru a na riau lehnghal. Ngaihtuah tawh loh ka tum pawn theih ngawt hek loh le, ka let ka let a engtin tin emaw ka muhil ve ta hram a.



Zing ka harh a, ka inphihfai hnua phone ka check chuan ka tum loh deuh ka hmu ta. ''I muhil tawh ami'' tih zawng hi a ni a, a dp ka en a, Hruaisanga ngei a ni! Dar 11 vela a lo thawn a ni a, ka muhil daih tawh chutiangah te chuan. Tuna han reply leh dawnin a rem tawh chiah si lo, ui tawk leh lawm rilru deuh chuan message chu ka en leh ringawt thin a.



Schoola thiante nen kan inhmuh chuan ka hrilh ve a, an phur dun kher mai. ''Reply hrim hrim tur che lawm'' Ruby chuan a ti sek sek a, Zonunin ''Tikhan a duh tak tak che chuan zanin ah a lo be leh mai ang che'' lo ti ve khauh thung a.




Zanah chuan nghah ka nei rilru bawk a ka phi leh cheng tawh.

'Lehkha i zir em' message ka hmu chiah chu lawmin ka zuang lo chauh 'Zir love' tiin ka reply a. Ho te te sawiin chumi zan chuan kan meng ta reng a.



Kar khat vel kan inbiak hnu pawhin min la bem ta lo. A tawngkam atangin a zei bik lo tih ka hria a, kei lah ngaihzawng ka la nei ngai eih si lo. Ruby in nangman bem tawp rawh min tia ka duh der si lo nen.



Nikhat kan thianho lunch break a canteena thil kan lo ei lai hian Hruaisanga te thianho hi an rawn lut hlawl a, min rawn melhin a rawn nui suk a, Zonuni ka sik vak lehnghal. Kan piaha dawhkan awlah chuan an thu a, ka thil ei lai pawh ka ei chhunzawm tha ngam lo. ''Chhuk ang u'' ka ti sap a, kan tho a an dawhkan kan kalpelh lai chuan Hruaia thianpa pakhat hian min lo au a. ''Rinpui, banah kan lo nghak ang cheu haw ho ang u aw'' a rawn ti lawng lawng a, ka zak bawk si nen chhan pawh chhang mumal loin ka tlan chhuak daih.



Tlai chu an thianho leh kan thianho kan haw hova, a hnung berah Hruaisanga nen kan kal dun a. Ka lai bawk si nen sawi tur vak pawh ka hrelo, tichuan ni awm in kan awm ve ta ringawt a. Tlaiah kan haw dun ta ziah a.


Kum chanve kan lo inngaizawng tling ve ta reng mai, ka nu ka zah avangin kan inah erawh ka la len tir duh lo thung a. A felin a kum phu lovin a puitling bawk a, tihtauh der te hi nuam ka ti thei tawp a. Sports a hnehsawh bakah lehkha a thiam thei em em bawk a. Ka tih chhiat hlauvin zir tur te min hrilh reng a, question te min lo study sak thul. Zanah te hian ka zir peih vak loh zan pawn darkar 2 tal zir la chumi zawhah ka rawn be dawn che nia te a ti thlap zel a, ka zirlaiah pawh hma ka sawn phah viau.



Ka nu awmdan danglam riau chu ka hai miah lo. Ngaihzawng a nei ve tih ka hria a, mahse ka sawisel duh lo. Hei chen min tul pui a, pasal hi nei ngei ngei turin ka duh zawk a, a chhan chu keipawn pasal ka neih hun te a la thleng ve ang a amah chauha awm tur chuan kalsan ka hreh dawn lutuk.



Mi pakhat hi a lo leng ta zauh zauhva, ka nu ai chuan a upat hret ka ring. Keimah nen tak chuan kan inbe hnem hran lo nain mi fel tak chu a niin ka hria.


December kan chuang kai a, Christmas chawlh a ni nghal mai dawn a Hruaisanga nen kan inhmuh ngun theih tawh dawn loh vang erawh chuan chawlh chu ka huphurh ru deuh va. School a Advance Christmas kan hman tlai chuan haw tlang lovin kan leng kawi a, ka lunglen tur thu te chu ka sawi ve sep sep a. '' Lungngai suh kan inhmu zeuh zeuh dawn alawm. Bakah tun chawlh te hi inthlahdah nan hmang miah lo la, tha deuhai zir chuan exam dawnah i ko a rit lo a ni mai. Inhmu lo char char tur pawh kan ni hleinem'' tia min hnemin min fawp zeuh a, a puitling thei bik ngawt mai.



Urlawk zan te chu Ruby te inah kan hmang ho ve a , Hruaisanga pawh a lo kal a kawn chei en tur ten kan chhuak dun a. Kohhran inkhawm a theih anga tam ka kal a, engtin tin emaw chawlh pawh chu a lo zo ve ta mai a.



Kum thar lamah phei chuan zirtirtute an tang bawk nen naupang ho rilruah pawh lehkha zir chu a tla na ve tawh lutuk a. Mipa harh zual bengchheng leh ri luai luai thin ang te pawh kha an thawm a zia ve ta khawp mai.


Board exam chu ka tan hmasa zawk a, ka zawh hnu lawka a zo ve thuai a. Chawlh dang ai ngawt chuan rilru a hahdamin kan inhmu ngun zawk bawk a. Result a chhuak a, 1st ah ka pass a. A ni chu ka rin ang ngeiin Dist ah a pass bawk a.


Pass lawmna nei turin kan pahnihin a rukin kan dine out ve ngei a, phur tawkin ka kal a. Mahse kan inhmuh rual chuan a hmelah dik lo a awm tih ka hre thei nghal. A sawi mai ka ring a zawt lovin ka ngaichang a, ka awm pawh a nuam lo ru ang reng viau.


Min thlah haw a, kan inpiah deuhah a bike a hung a. Kan ding ngawi vang vang a.



''Rinpui... ''a thaw chhuak hak a. ''Inthen ta ila i la na viau ang em? ''



''Tinge chutiang te i sawi a'' hlauhthawnna in ka khat nghal vek a, ka lung a chhe ringawt bawk. Kan inngaihzawnna a rei ve deuh tawh chung hian inhauh zeuh tih loh chu a hranpaa inthen vawi khat mah kan la nei lova, sawi pawh kan sawi ri ngai lo kha ania.



''Tap suh, ka sawi ve mai mai anih kha'' tiin min rawn kuah a. Ka lo nam ve tang tang a, a mai maiin a sawi dawn lo tih ka hria. ''Min then i tum anih kha, tinge ? '' Ka sawi zui thei lo ka tap chhuak tiau a. ''Ka tihpalh . Then che ka tum lo tak tak'' tiin ka lu a chul heuh heuh a. "Mahse nangmah hian min then i duh ka ring" a ti leh khauh va.


Ka hawi chhuak zawk a "Eng vangin maw? " ka ti ha a. "I rinawm lo ami, sawn i thlak nge.. Sawiteh"


"Chutiang a ni lo" a nui chhuak hak a, a nuih a za lo tih erawh ka chiang em em thung. "Ka pa leh i nu inneih an tum" a rawn ti leh sup a, ka nghing dawt thei. A hmel ka en a, dawt sawi hmel a pu si lo. Sawi tur reng ka hre lo, a thusawi khan min thawng em em si a.





CHAPTER - 2
#paperrings




Hruaisanga nu hi nikum hmasa khan a boral a, a pa leh a nau hmeichhia nen an khawsa ho mek. A pa hi HBC ah Associate Professor a ni a, a nau nen chuan kan kum a in rual thung.


Hruaisanga chuan dawt a sawi lo tih chianna turin a tuk tlaiah chuan zanriah lo ei tur kan neih thu ka nu in a sawi a. Ka phur lo takzet. Pa Rama hi Hruaisanga pa a ni ang tih reng rin ngaihna ka lo hre ngai lo.


Zanriah kil laiin inneih an duh thu leh ka rem tih leh tih loh te min zawt a. Ka aw e liam vel ve mai mai a, mumalin chaw pawh chu ka ei thei der lo.


Pa Rama haw hnu chuan ka roomah ka nu a rawn lut a. "Tei, pasal ka neih chu i phallo viau em ni? " a ti dam dap , inthiamloh nain ka khat nghal. "Ka phal lutuk alawm nu, min thawng deuh va chu vang mai mai anih kha" ka ti vat a. Min kuah a, awm dan tur pawh ka hre lo ka rilru chu a hah ve ngawih ngawih.


Ka ngaihzawng hmasa ber leh awmchhun, ka hma hun ka ngaihtuah ve chang pawha ka pasal tur anga ka ngaihtuah thin chu ka unaupa a ni mai dawn chu a ni si a!



Hruaisanga nena kan inhmuh leh hmasak ber chuan in ruk mai a duh thu a sawi a. Ka ngaihtuah vang vang a, ka ngamlo. "In ru ringawt ila kan chhungte an na dawn lutuk asin. Ka nu pawh hian hlim a phu lutuk, keimah vanga a hlimna chhe vek tur hi ka ngai ngam lo" ka ti sap a.




"Anih leh kei, kei hi engtin nge ka awm ve ang. Min ngaihtuah ve lo tihna maw? " Hruaisanga chuan a lo ti ram hmak a, a thinrim tih ka hria.



Keipawn inthen chu ka duh bik miah lo. Kum 16 chauh ka ni a, Hruaisanga lah 18 , in ru ta ila kan la naupang si chhungte chawmhlawm mai kan la ni a ka ngaihtuah thui ngam lo. Ka nu rilru nat dan tur te ka ngaihtuah a ka thei thlawt lo.




"Ngawih mai hi kan pahnih tana tha ber tur niin ka hria" ka ti sap a, "Ka nu hian kan inzawmna hi a la hre lo va, hre lo law law se ka duh bawk" ka ti leh a.



Hruaisanga pa chuan engkim a lo hre sa vek a, min kalsan turin a lo hrilh diam tawh. "Anih chuan i thu tlukna ah hian inchhir ngai suh ang che" tiin min kalsan a, ka chelh ngam lova , chelh thei pawh ka ni hek lo.



Zonuni te inah ka kawi a, ka tap nasa lutuk a thil awmzia pawh ka sawi lawk thei lo . Ka awm thip lutuk chu tih reh tumin ka thaw kawk kawk a, ka chum dawt dawt a awmzia a awm theilo. Ka thaw a chham mai dawnin ka hria a, ka tap tawp thei si lo.


Zonuni chuan mangang zetin min buaipuia, "Hahdam tum teh , Rinpui hahdam rawh" a ti mawlh mawlh a. Rei tawk fang chutia ka buai hnu chuan ka chau hnawk a, ka mittui a la tla zawih zawih reng a mahse tap chhuak tur ka awm tawh lo . Zonuni khumah chuan ka mu ngawi ta reng a.


"A van pawi tak e aw. Mahse i tuar chhuak thei em em ang tih ka hria, thu tlukna dik i siam tih hria la inti chak hram hram rawh aw" tiin Zonuni chuan min hnem mawlh mawlh a.



Thil thleng reng reng chu ka mang hriat riai ruai vek mai. Ka nu te inneih ni te kha engtin nge hun ka hman pawh ka chiang ve ta lo, ka nui lui hleithei lova inneih inkhawm bak kha chu ka awm bo hmak a Hruaisanga te inah kan insawn lut a, chung zawng zawng boruakah chuan hmelhriat ang pawn kan awm lo.



Anih na takah chuan ka ngai em em a, a hma anga duat taka min kuah a min fawh leh te ka thlahlel em em a. A rem tawh loh chu thuhran ni se, melh pawh min melh duh tawh lova , ka rualin chaw a ei duh hek lo. A chhuak bo reng a, ina a awm chhunah roomah a tawm bo bawk a.


A nau, Daphne nen chuan kan inbe zeuh zeuh va, mahse kan inkawm tam chuang lo. Ka nu leh pa te chuan min duat viau mah se ka hlim hlawl lo a ni ber.



Ka rin ang ngeiin Hruaisanga chuan college chu phaia luh a dil ta ngei a, an lo phalsak bawk a. Hyderabad ah admission a ti a, a kal liam nghal vang vang a phone ah takngial pawh min la rawn be duh chuang lo.


Class 11 admission chu school ngaiah bawk ka ti leh a, arts ka la a. Kan thianho chuan section khatah kan in admit dial a, tlemin school kan tan hnu chuan ka khawharna te pawh a zia chho ta deuh. Mahse school a kan sulhnu zawng zawng te chu han theihnghilh mai sen a ni lo, kawi tin chu kan inzui thinna hmun vek a ni ber a, ka ngai vawng vawng zel.



* * *




College ka kal ve dawn ta reng mai! Zonuni nen PUC Education dept ah admission kan ti dun a, Ruby erawh a subj duh naa a tlin loh avangin college dangah admission a ti thung.



Heng chhung zawng hian Hruaisanga chu vawi khat te mah a rawn haw lo!



Ka nu hian amah vanga lo haw duh loa ngaiin hrehawm a tih thu ka bulah a sawi thin a. Engtin vak nge ka lo sawipui chuan ang ni, kan inkar thu engmah ka hrilh thei si lo. Sawi pawh ni ila awmzia a awm chuang hlei lova.



Min biak duh miau loh vang chuan a chanchin hi rinhlelhawm loh thei ang ber turin Daphne ka zawt zueh zeuh thin a. Khuta a zirpui Kimkimi nen an inngaizawng tih min hrilh zan phei chuan ka tap tlaivar zak anih kha.



Daphne nen hian kan luhna a inang a. Kan period neih dan a inmil chuan scooty a nei bawk a, rualin ka kal a, ka haw ve leh mai zel bawk a. A inmil loh chang chuan Zonunin min phur thin thung.



College kan luh atang a la rei vak lo, tlai khat kan haw chu Daphne in scooty garage a a dah luh chhungin inchhungah ka lo luh san a. Sitting rooma min hnungchhawn zawnga mi lo thu ka hmuh rual chuan ka ding chawt a, ka thin a phu nghal dup dup bawk . Hnung lam atang pawhin tunge anih ka hai miau lo.


Daphne rawn lutin a rawn hmuh ve rual chuan a khek tuar a "Awi, u i lo haw elaw" tiin a va kuah nghal chul a. Ka dinna ngaia dingin ka lo melh vawng vawng.


"I lo haw dawn te chuan sawi lawk tur alawm, chah duh che ka ngah nen" Daphne chuan ti tau aw deuh reuh hian a han ti a, Hruaisanga chu a lo nui hawk thung a. A nui ri mai mai pawh chuan ka tiril a fan a, ka mur sung sung thei.


"Class kan tan leh hma Kimkimin haw a rawt thut mawle, sawi lawkna hun em em pawh a awm lo a" a ti nghut a, ka lo na vawng vawng thung. Lo haw duh ngai eih lo kha a ngaihzawngin a sawm chuan a rang a rangin an lo haw nghal a, a tha tho e.



Ngawi rengin ka room ka pan san ta ringawt a. Keiin ngaihzawng chu sawi loh tu mipa mah ka ngaihven eih lo laiin awlsam takin duh dang neiin a hlim nghal chu a ni si a. Min biak duh phah tal em ang chu maw.




Ka pa te dept ah zirtirtu thar awm lawm nan an dept zirtirtu ho kan ina zanriah kil an tum thu a sawi lawk tawh a, Daphne nen pawh chawhhmeh te kan lei haw teuh kha a ni a. Rawngbawl tur a tam tham vangin rooma tawm reng thei ka ni lova, ka zu chhuk chuan Hruaisanga chu a lo awm tawh lo hlauh a. Ka bawl tan mawp mawp a, Daphne in min lo pui nghal thuai a.



Ka naupan tet atang rawng hi ka bawl thang a, ka nu in min zirtir piah lamah keimahin cooking book te ka lo lei thul. Ka len deuh hnuah youtube atang te in ka inzir belh bawk a, Masterchef tih ang reng cooking show lampang ka en nasa bawk nen eisiam hi chu ka thiam ve pangngai a, ka nu pawh hian min chhuan ve na pakhat a ni awm e.



Ka nu hna atang a lo haw chuan kan lo bawl zo ti tih tawh a, ka pa te ho pawh an lo thleng thuai a. Ka nu chuan a lo chiau au nghal vat vat a. Tu ber maw kan thil tihkhawm chhan chu tiin a lo nuih var var a.


"Keimah hi ka nia, Remruatdika ka ni e" mahnininrintawk hmel taka ti nghut ri ka hriat rual chuan ka va hawi phei ve zawk a, a naupan hmel zawk zawk hran lo va a hmel tak run lah chu ka ngainat chi a ni hek lo.





Chapter - 3

#paperrings


Hruaisanga lo haw atangin kar khat a liam tawh a. Mahse chhunah class ka kal a, zan lamah a chhuah ziah bawk avangin kan inhmu tam lem lova , biak phei chu kan inbe ngai miah lo bawk.



Kan room hi a inep chiah a, a inkarah thlang lam balcony chhuahna tur kawngka a awm a. Kan room tukverh ve ve atang a chhuah thlak theih. Zan reiah balcony a a ding vung vung chu ka hmu thin a, biak chak em em chung siin ka en liam tawp zel. Eng tiang chiahin nge min la huat ka hre lo va, mahse ngaihzawng a neih tawh ber chuan heti em em a kan inkar a chhiat rei hi ka ring lo kha a ni a, ka ring sual a ni ang e.



Ka ngai em em reng zel a, amah ngaihtuah lova muthilh zan ka nei ngai hek lo . Eng nge a tih ve mek ang, chaw a ei tha ang em le, lehkha te a la zir tha zel ang chu maw, tih ngaihtuah reng rengin hun ka hmang thin.



Tunah , ka hnaih maiah a awm ta a. A hminga unau kan nih ve na hian kan inkar ah daidana bang sang tak siam mah se, chu bang su tlang theilo a min siam tu chu a luhlulna leh min huatna chu a ni pakhat bawk.


Tun hma anga thil thleng leh thei kha a ni tawh lo tih chu kan hre ve ve, he ti leh lutuka hrehawm ti tura min siam lo thei hi a ni bawk a. Ka natna belhchhah zawnga a awm ngar ngar thung hi chu hriatthiam a har ve a ni.




Zan khat , ka muhil deuh siar siar tawh chu ka room kawngka ri rakin min tiharh a. Hruaisanga lo lut ka hmuh rual chuan ka harh kawk mai. Ka mit ka nuai chat chat a "Inbe lawk ang" a ti nghut ri vang chuan ka mumang a ni lo tih ka hriatchian phah bawk.


Balcony ah a chhuak phei a, ka zui ve nghal zat. Tun hi kha zan, inchhir lo tura min tih zan atanga min biak lehna hmasa ber a ni a. Mumang a la ang cheu mai.



"Ka tihpalh aw, engkima ka mawhpuh vek vang chein" thaw chhuak hawk pahin a ti sup a, sawi har a tih hmel kher mai.



"Eng vangin nge ngaihdam min dil a? " ka lo ti ve thung a, a chhan ka hre lo tak zet.




"I hriat loh thil tam tak a awm a. Anihna takah chuan kei hi demawm zawk ka ni"



A thil sawi awmzia chu ka hrethiam lo tulh tulh. Min rawn hnaih a, mahni inringtawk lo tih hriat zet hian min rawn kuah de de a. Dan ka tum lo tih a hriat rual chuan nghet zeta min kuah betin ka chalah a hmui in a rawn tawk zeuh a. Ka lo tap chhuak hawk!




"I sual lutuk, tinge hetiang a rei hrehawm taka min siam a"
tah ka duh lo, mahse ka mittui ka dang zo thlawt lo.




"Ka ngai lutuk che a mahse nang chuan awlsam takin ngaihzawng dang i nei leh mai a, kei zawk hi thinrim... " ka sawi so hman lo ka tawng laklawh lai chuan a hmuiin ka ka chu a rawn khar chip hmak anih chu! Ka hamhaih vek a, a tirah chuan chhan let mai na chang pawh ka hrelo.



Ngen ngawl zeta min fawpin , a lei chuan ka ka chhung chu zei takin a hawl kual a. Zan tam tak ka lo suangtuah thin leh, thleng leh se ka tih em em thin chu a takin tunah a lan tir mek a. Mak tihnaa khat chung leh ka mittui la luang ngiai ngiai karah chuan duhthawh takin ka chhang let ve ta a.



A kutin zei taka ka tshirt rawn zen paha ka hnute a rawn tham tawk tawk laite chuan dan tumna reng ka nei lo. Ka mut dawn reng reng hian bra ka phel daih zel avangin ka hnute lawng chu thaw chhuak ham ham pahin a a hrawm na tawlh tawlh a, nuam tihna in min fan chiai chiai avangin ka lo rum chhuak ve hak hak bawk!




A kut chu sawn thlain min la fawp reng chung chuan ka hmeichhiatna chu ka kekawr chhanah a tuai kual vel a, eng dang mah ka ngaihtuah thei tawh lo, ka mamawh em em mai tih lo chu! Ka kekawr chhung zena ka m*wn a duhtawka a sawngbawl takah phei chuan ka taksa chu ka control rual lohin a rawn khur dar dar a, ka zawi ta hnawk a. Ka la duh belh cheu bawk!



Ka hmeichhiatna a khawih lai titawp a a kut a la chhuak tur chu ka lo dang tawk tawk anih chu! Rapthlak hian!



"Rinpui, inngaihtuah chiang rawh i duh tak tak em ni" tih pahin min thing nawk a. Ka harh chhuak zawk bawk.
Eng thil nge ka tih zawh chiah kha? Zahna in min tuam mup mup a, Hruaisanga chu melh pawh ka melh ngam tawh lo. Min hmusit ngawt ang le.


Ka tawlh hnung dat a "Ka... ka... " sawi tur pawh ka hre hlawl lo, ka sa pup pup a ka lung a chhe leh nghal em em mai bawk. Tinge ka tah belh em em mai ni.



Kawngka chu hawng rawpin ka tlan lut nghal a, ka rooma ka luh leh hma chiahin hnung lam atangin min rawn kuah bet thlawp a. Tal chhuah ka tum a a theih loh, min kuah nghet lutuk.



"I hmel ka hmu duh lo, min kal tir rawh" ka aw chu a ri chhuak chang chang a ni ber.




"Aih . Engkim hi kalsanin a hma ang khan awm leh ang"



A thusawi chuan min thawng lutuk tlat. Kan dinhmun ngaihtuah mai pawhin, chumi piah lamah ngaihzawng a nei lehnghal.



"Eng nge in tih mek kha in hria em" Pa Rama awin thinrim taka a rawn ti thum chher chher ri kan hre chiah chu ka phu dawrh a, Hruaisangan rang zetin min thlah bawk. "Pa , i hmuh ang hi a ni lo" Hruaia chuan a ti ve tak ngial a, phat ngaihna vak a awm tlat lo.




Pa Rama hmel chu ka en tha ngam lo, a aw atang ringawt pawh a thinrim zia ka hai si lo. "Hruaisang, engmah a thleng chhunzawm tur ani lo. A chiang em? Eng nge ka tih tur chu i hriat kha" ti hmukin a kal sawn nghal a. 'Bawiha' tih bakin ka hriatah a la ko ngai hauh lova, tuna a koh dan khan a thinrim zia a tichiang em em mai si.



Hruaisanga chu rilru buai hmel em em hian a sam a tham khawm tawk a , "Mu phawt rawh, naktukah thil awmzia ka hrilh ang che" a ti sup. Ka lo bu nghat a, roomah ka luh san a ka mu nghal naa ka muhil thei tawh lo chiang teh e. Ka awm dan avanga ka inzahpuina leh, Pa Rama thinrim ka hmachhawn duh tawh loh na te nen ka inngaihtuah tlaivar ta deuh zak.



Kimkimi nen an ni reng a, tunah pawh an lo haw dun a. Engtiangin nge an lo khawsak thin ang tih pawh hriat loh lehnghal! Awlsam takin ka lo inpe hman tep lehnghal a, atthlak hian. Min va hmusit dawn tak. Ka nu in tun thlengin engmah a la hre ve lo zel chu a ni a, ka pa thinrim khan engkim lo hrilh ta vek se engtin nge ni ang? Rilru hah avangin ka hui leh pap pap thin bawk a.



Zinga Hruaisanga hmel ka hmuh chuan a mu tha bik vak lo tih ka hre nghal thei. En rei ngam loin ka kalsawn vat.




Tukthuan kil lai chuan hawi pawh ka hawi chhuak ngam lo, ka bar mawp mawp a ka ei tui lo chiang teh e. Class kal tuin Zonunin min lo sawm a, rang zetin ka zui thuai. Nizan lama thil thleng ho chu ka hrilh thuak thuak a, a vai erawh chuan ka hrilh ngam lo, keimah ka inzahpui lutuk miau a.



"A van mak dawn ve aw. Bakah, Hruaia te pafa inbiak dan vel te ama awm dan hrim hrim te chu mak ka ti. Inbe chiang leh ula a tha ang" Zonuni chuan a ti nghat a . "Ni e.. Mahse han inbiak leh vel pawh ka be ngam tawh lo . Ka pa hmuh lai ngat phei chuan" tiin ka chhang a.




Ka awm chu a nuamlo nileng leh ta tho. Chawhnu lamah Hruaisanga message ka dawng hlawl a, kan ban hun tur min rawn zawt a. Ka lo hrilh ve mai a. Bana min lo nghak tur leh , aman min rawn lam tur thu a rawn thawn leh chuan sawi dun tur kan nei bawk nen ka hnial duh ta bik lo.




Kan college bul hnai ami Food Style restaurant ah kan lut a, ka riltam lo ka ti nain "Thil i ei mumal lo tih ka hre reng" a ti tlat a. "Ei zo phawt la thil hrilh tur che ka nei" a hmel tak runah chuan a rilru buai hmel ni awm tak hi ka hmu thei a. Zawhna siam buai duh lovin ka ei hmawk hmawk phawt a, ka ei zawhah chuan "Sawi tawh rawh le" ka ti nghal var a.



Thil sawi tum, sawi hreh hmel pu deuh tak hian min melh vawng vawng phawt a. " I mi hriat ang hi ka ni lova, ka pa phei hi chu a ni lo lehzual" tiin bul a tan a.


"Ka nu boral atanga rei vak loah ka pa in ngaihzawng a nei nghal kha hriatthiam chu a har viau a, mahse a khawhar hnem ve anih dawn hi tiin ka han ngaithiam hram ka han tum a ka nu lungphun a duh nghal ta rum rum mai khan ka lung a ti awi ta lo ve hle a... " A ngawi dat a, hun kal tawh a ngaihtuah let tih hriat takin a nui hak a, a nuih erawh a za lo hle tih ka hre thung.



" Ka pa ngaihzawng chu tunge anih ka hrechhuak thuai a, a fanu nen kan school kalna a inang tih ka hriat rual chuan ka pa in nupui a neih mai lohna tur kawng nia ka hriat chu ka ti ve ta nghal mai a. Lalrinpuii chu ka va ngaizawng der a, a niin awlsam takin min lo duh ve mai bawk a"


Ka thu hriat chuan min ti khawng awt thei! Dawt sawi hmel lah a pu der mai si lo! Tawng ka han tum a, ka aw ri chhuak tur a lawi pawh a awm lo ka tap nghal tep a ni leh ber tawh.




"Tichuan ka tum dan lo lutukin ka duh aiin ka rilru ka lo pe thuk che a, ka vei ta bur che anih kha"



"Sawi tawh suh! " ka aw pawh a chhuak ve thei ta deuh. Ka ding a , kal nghal ka tum chu min pawt ding chawt a.



"Ka thusawi hi i ngaithla zo lo anih chuan tun ai hian i la buai dawn. Engkim hi hre vek law law teh" a ti leh nghut a. Ka hrethiam tawh lo, a sawi leh tur chu engpawh nise ka ngaithla ngam tawh lova , lo ngaithla ta tehreng pawh ni ila awmzia a awm tawh dawn chuangin ka hre hek lo.



"Ka kal duh" ka ti zawi leh sap a. "Ka pa laka i him nan hian ka thusawi hi i ngaihthlak zawh a ngai" a tih leh takah chuan a ngaihna hrelo zet hian ka rum chhuak hawk a. Hemi te pafa hian ka lakah eng chiah nge an duh ni?



Link:
BBcode:
HTML:
Hide post links
Show post links

Paperrings
Posts: 18
Joined: January 15th, 2020, 5:32 pm

Unread post by Paperrings » July 1st, 2020, 10:00 pm

CHAPTER - 4



#paperrings





"In pafa buainaah chuan ka tel ve duh love, ka awm awmin ka awm mai ang" tia kal leh ka tum chu min sawi nawk a . " Â viau suh, i nu hi chu a hmangaih a a tina phal lo pawh a ni thei. Mahse nang erawh chu engtiang chiahin nge a tih duh ang che ka ring thiam lo hial zawk" thinrim insum hmel tak hian a ti hrawk a.


"Sawi fiah la" ka ti ta sap a.



Kan thu tha leh te te phawt a, a sawi chhunzawm ta a. "Ka pa in kan inkar thu a hriatchhuah veleh bansan tur chein min ti nghal a, ka rin sa reng kha a ni a. Ka rilru ka pe thuk telh telh che nen khan ka rilru chu a hah ve reng mai. Ka pa tihbuai nan leh a nupui neih tur tih khaw tlai ve nan hrim hrim a ngaizawng che kha ka ni si a. Lo duh miah lo che ila chuan thil kha a awlsam mai tur.




"Ka pa in nupui neih a tum thu min hrilh zan chuan lungawi lovin nang hi ka bansan bik loh tur thu ka sawi ve hmak a. Kan inhnial nasa viau. A zanlehah nangmah nen zanriah kan kil dun ta kha a ni a, ka tih ngaihna hre lovin inruk puiah ka sawm che a, min lo hnial ta bawk a.






" Ka thinrimin ka duh duh kha ka sawi tak nain then hlen che kha ka la tum reng reng lo. Mahse ina ka haw kha ka pain min kova, kan pahnih thlalak tam tak a lo kawl that min hmuh ta a, khami zan ka haw hma lawka kan thil sawi dunna te ngei pawh a tel lehnghal! Nangmah zui ru tur chea mi a tirh thu leh , a thu ka hnial a a zahna tur ka thlen anih phawt chuan nang hi a dah that tur thu chein min vau ta a ni. Ka pa hmel lan dan atang khan a ti duh tak tak mai dawn tih ka chiang viau a, i nunna dah kham kha ka ngam ta ngang lova. Ka duh vang pawh ni lovin phaiah min dah ta hmak a, rei tak haw lo tura thupek ka ni bawk. "






Chung thu a sawi lai chuan mak ti takin ka lo ngaithla a. Awih loh ngawt theih a ni bawk si lo. Pa Raman chutiang mizia a lo pu te, ka nunna pawh lak mai a hreh loh thu ka hriatna te chuan min ti tim sung sung thei hial!





"Chung thu chu eng atana sawi nge i nih" ka tichhuak thei ta hram a .




"Nizana ka pa thil sawi kha i hre lo vem ni? Warning anih kha! Kan pahnih hian a rinhlelh tur zawnga kan awm zui anih chuan engtiangin nge hma a lak dawn ka hre lo . Ngaihzawng ka nei tih a hriat vang mai maia ka lo haw pawh remti kha a ni a" a ti leh charh charh a.






Ka ngaihtuah vang vang pawh hian thil thleng tak tak atan chuan awih har ka la ti fan mai. Ka nu pawh ka lainat ngawih ngawih. Kum tam tak hnuah rilru pek a , a hnaih ngam leh pasal atan hial a neih tak hian a fanu hi min tihnat pawh a hreh lova, rilru chhe tak a pu chu a ni si a. Amah ka hrilh ngam dawn hauh si lo!




"Min haw viau ang tih pawh ka hria. Mahse ka awmbo chhung zawng zawng khan ka ngai thei lutuk che a.. "



"Sawi tur pawimawh i neih tawh loh chuan haw ang" ka lo ti hmak a.



"Rinpui.. "




"Ka ngaithla tam tawk tawh viau e. Tun atan chuan a hma anga inhmelhriat loh tawp anga kan awm thin kha, khatianga awm leh kha a tha ber anih chu" ka rilru tak takin ka sawi. Mahse saw inah sawn thlamuang takin ka awm leh tawh ngai dawn lo tih erawh ka chiang em em thung.





Thil chu pangngai takin a kal chho leh mawp mawp a. Rei tak chu hlauthawng reng rengin hun ka hmang a, zan ka mu tha thei lova chaw pawh ka ei tha thei hek lo. Mi zinga ka awmin ka nui lui hram hram a, Zonunin thil awmzia min zawh pawn hrilh turin huaisenna ka nei lo.






Hruaisanga pawh a chhuk leh dawn hnai tawh a, ka thla a muang tan deuh. Han chhuk fel law law se, inchhung boruak rit lutuk leh tawt up up te chu a zia ve maiin ka ring. Shillong lamah tal college sawn dil kha ka tum ve hman deuh a, mahse amah chauha ka nu han dah kha ka ngaih a ngam leh ta hlawl lo. Ka awm danin a zir chuan engkim a zia chhoh leh mai beiseiin tawrh hram hram ka tum ta zawk a.






Hruaisanga leh Kimkimi te pawh Hyderabad lam panin an liam fel ta a, lawm tur nge lungngaih tur pawh ka hrethiam tawh lo. Ka hahdam phah em pawh ka hre chuang lo bawk.





Thil engkim chu pangngai leh vek turin ka beisei hman a , ka tisual chiang hle thung!





Tlai khat chu ka pa in zanriah lo ei tur thian pakhat a rawn hruai haw tur thu a sawi a, nidangah pawh rawn hruai haw a nei zeuh zeuh a, thil pangngai a ni.




A thian rawn hruai haw chu tunge anih chiang takin ka la hria , Remruatdika kha a ni!




Kan ina chaw an rawn eikhawm zan kha ka la hre reng mai. Ka che vel engkim kha a mitmeng fiah kak leh rum tak si khan min melh reng mai a, ka zam chhe lek lek bawk. Ka ngaihbel mai mai emaw tia inthlahdul ka tum pawhin kan mit intawng fuh fo leh, amah hnungchhawn zawnga ka awm chang pawha ka hnung lam za mar mar thin chuan min en reng tih a tichiang em em bawk si a, awm nuamlo takin khami zan an awm chhung kha chu ka hmang ral anih kha.




Tunah pawh a hmel ka hmu chiah hi eng emaw hian min tham er er a, ka awm a nuamlo nghal nghulh bawk.






Thleng ka sil zo rooma chhoh tlang ka tum chu sitting roomah chuan an lo thu thap a. "Rinpui lo thu lawk la, thil sawi ngai a awm kha" tiin ka pa chuan min lo au a. 'Eng thil nge sawi ngai chu le?' ti rilru nauh nauh in nuam ti zan lo chung chuan ka thu ve ta than a.





"Nu i, mak pawh i ti viau maithei a. Mahse nakina a thawn lutuk loh nen che sawi lawk kan duh si a. Hei, Rinpuii hi naupang en mai maiin kan lo la en lai hian a lo nula ve ta a ni ang e, Ruatdika nen hian inneih an tum hnai anih hi maw" a ti charh charh a! Ka nuin mak tih hmel takin min rawn en vat a, a ni ai mahin mak ka la ti zawk!






"Ka pa eng nge.. "





"Palai an rawn intirh hmain i nu hi hrilh lawk thain ka hre deuh mawle" tih pahin ka pa chuan min rawn melh a, a mit menga warning lo lang chu ka hmuh hmaih hauh lo bawk.





"Min va thawng teh thut ve mawle, ngaihzawng i nei tih pawh ka lo hre lo va " ka nu chuan a ti zawi sap a. "Keipawh.. " Daphne pawn a lo ti ve niah niah a.






Ka rilru chu a buai nuaih mai. Tunah hian ka pa thusawi hi eng mah ka hriatpui lo tih sawi ta ila buaina lian zawk a thleng thei a, ngawi mai mai ta ila ka duh miah loh mipa hi pasala ka neih a ngai maithei bawk si.






"Nu Hriat, a thawng viau ang che tih chu ka ring a. Puii pawh la naupang viau mah se nupui nei rual ka ni ve tawh lutuk nen, min hrethiam dawn nia" Ruatdika chuan a rawn ti sup a. Rûm zetin ka va melh a, min lo nuih sak thung. Engtin nge ka remtihna tel hauh lova hetiang ruahmanna an lo siam theih, tenawm lutuk .






Ruatdika haw tur chu ka pain "Rinpui, va thlah ta che sawi dun tur te pawh in nei ang chu" nui sang hian a lo ti hmanhmawh a, ka haw takzet.






Gate pawna a jeep bulah chuan dingin "Eng vangin ka chungah hetiang hi in tih? " ka ti ram hmak a. Ka aw chu ngaihthlak a nuam fahran lovang tih ka hria.





"Kan inhmangaih a, kan innei dawn a ni mai a. Eng dang vak nge ni ang" nui chhuak hak hian min chhang a.






"Eng maw? Hmangaih a? In hmangaih chu sawi loh tun hi kan vawi hnih inhmuhna chauh a ni a, engtin nge chutiang chu i sawi theih? " ka ti tuar a, thinrimna vangin ka khur thei hial.






Kum 18 chiah ka la ni a. Ka mipa hnaih ve awmchhun nen inlaichinna siam chhunzawm thei lovin kan tawp a ngai a. A dawt leh chu ka mi hriatchian loh leh a hmel ringawt pawh ka ngainat loh pasal a neih maw!?





"Kal bo la, min rawn hmu leh tawh suh" tia inher hmakin ka kal nghal nal nal a. "Kan inhmu leh vat dawn nia" a la rawn ti ham ham zui.






Inchhung ka lut chu ka pa chauh a lo awm tawh a. Ka khur chhe titih ringawt. Ka han insangmar a, engah mah ngai lo anga lan tumin inchung lam ka pan hmak a.


"Rinpui"



Ka kal lui zel tho va.



"Min hai der tum hlek suh aw. Bakah thil thleng thei chu Hruaisangan a hrilh vek tawh chein ka ring, ka thin tirim suh ang che"




A thusawi te chuan mi rap takzet.




"I pa in a tanpui theih che i ring anih pawhin i tisual hle a ni ang. He ruahmanna hi i pa nen ngeia kan siam dun a ni a, i tihbuai a duh lo ania. I nu chu i hrilh lo tur chiang saah ka ngai a"





Ka ding duh lo lui ngat a, room ka lut chiah chu boruak ka hip lut hrawk a, kawngka nghengin chhuatah ka thu sawp nghal niaih a. Hetiang thil tawng bik tur hian eng nge ka tihsual? Nun pangngai tak zawha hlim taka awm ve te pawh ka duh asin.





Ka nu leh pa te inthen hian thil hrethiam rual ka ni ve tawh a. Ka thian thenkhatten ka hrehawm tih dan tur hrethiam pha si lovin zawhna mawl mang tak tak min zawh an ching a, thian pawh rei tak ka kawm duh loh phah ta reng a.





Hmeichhe naupang na na na chuan pa te chu nu te aiin kan lo ngaina zawk tlangpuia . Ka nu bul zawka ka awm miau avangin ka pa ka ngai ve thei em em a, mahse rei vak loah nupui a neih zui tak mai avang khan ka tlawh tam zui ta lo. Ka nu chuan ka pa hnena ka va len thinte kha phalloh a nei ngai lova, han riah mai changte ka nei thin.





Nupui a neih hnu erawh chuan a nupui mitmenga hnawk min tihna leh min ngainat loh zia a lan tir thin te kha naupang mai mah ni ila ka hai miau si lova. Ka tleirawl chhova, tlawh lo tawp chu ka ni lo. Mahse ka kal khat tial tial thung.




Chutiang chu ni mah se ka pa em kha chu ka laka hetiang rilru chhia pu duh tur angin ka lo ngai ngai lo hrim hrim a. Ka pa (Pa Rama) thil sawi khan min thawng takzet bawk. Ka tihbuai a duh lova, chuvangin pasal min neih tir mai a lo remti ve anih chu! Hah! A nupuiin a dawi hneh tawh viau a ni mahna.



Ka phone ka la chhuak a, tum lawk em em pawh ni loin Hruaisanga number ka dial ta ringawt a. Rei pawh a ring hmain a lo pick nghal thuai a, mak ka ti viau.




"Hello.. Hello Rinpui nangmah i ni em. Ka tawng i hre thei em? " a ti mawlh mawlh a. Ka tap chhuak hawk.



"Tinge a, eng nge thleng sawi teh. Min ti mangang a nia "



Zan ina thil thleng te chu tap chung chuan ka theih ang angin ka sawi ta mial mial a, ka tah nasat avanga ka sawi hleihtheih loh lai te chuan thinrim tak hian a lo rum leh hak thin a. Ka sawi zawh hnu chuan ka thaw chhuak ta ham ham a.




"Tih theih pahnih i nei anih chu" a ti ta sup a.



"Tlanbo emaw... a hma a ka zawh tawh tho che kha; kei min neih"


A thusawi chuan min deng dawt mai!

Link:
BBcode:
HTML:
Hide post links
Show post links

Paperrings
Posts: 18
Joined: January 15th, 2020, 5:32 pm

Unread post by Paperrings » July 1st, 2020, 10:13 pm

CHAPTER - 5



#paperrings




Inngaihtuahna hun mumal pawh ka neih hmain palai hmel kan hmu nghal zat a, inneih ni tur an ruat fel nghal vek bawk! He ti rum rum a thil a kal zel anih chuan thla khat hnuah pasal ka nei mai dawn chu a ni si a.





Ruby'n min lo call hlawl a , ka pick chiah chu a tawng nghal char char. Pasal ka neih tur thu ka hrilh loh vanga a lungawi loh thu te a rawn phun pui mawlh mawlh bawk a. Tumah ka hrilh hleinem ka tih pawhin a lungawi thei meuh lo. Kan college kalna a hrang bawk nen kan inbe khat ta hrim hrim a.





"Awi , engtin nge Sir Ruatdika nen in lo inngaihzawn hman reng reng a .. Bakah i lo zei awm hi ka tia" tiin a nui hak hak a.






"Eng ngee" ka lo ti chiam.






"I hrelo ami? Kan college ah te chuan student hmeichhia zawng zawng deuh thawin kan star rawn alawm" a nui leh uar uar a. Engtin nge khatiang hmel ngainatawm loh lutuk leh rilru chhe zet si kha an lo star theih? "A lo thawhna a la rei vak lo chung hian kan hre vek alawm. A man si, chhelo si, fel si,pian nalh si.. Si hlir nimai. I vannei tawp " a tih zawm leh zat a, ka lo nui hak thung.






"A lo thawh tirh khan amah hre sa tu ten ngaihzawng nghet a nei an tia, nangmah i ni ang tih rin ngaihna reng ka lo hre lova" a ti leh niah niah a. Mak ka ti.






Chutiang hunah te chuan a vawi khat nan kan inhmu vel chiah kha a ni si a, ngaihzawng nghet a nei tia an sawi thei anih chuan midang kawp lai a nei a ni awm si a. Chu ti si engvanga min nei duh nge a nih ang? A dinhmun zawng zawng te ka ngaihtuah a, amah neih chaka phe buai tam tak an awm ngei awm si a, kei, amah haw em em tu hi engvanga min neih duh nge anih le?







Ruby nen kan inbiak zawh hnu chuan ka insiam sawk sawk a. Zan ni tawh mah se chhungte hrilh lovin Zonuni te in lam panin ka chhuak ru ta zal zal a.






Zonuni chuan a rooma min hruai lut nghalin thil awmzia min zawt a. Sawi vek ka duh rualin han sawi tan mai dan tur pawh ka hre lo, bakah ka thil hrilh avangin buaina te tawk ta se.. Min ngaihtuah dawn lutuk bawk nen thil awmzia dik tak chu ka hrilh ang em tiin ka inngaihtuah buai ve hle mai. "Pasal neih hi ka la ngam chiah lo aniang" ka ti ta ringawt a.





Min en vang vang a "Ka bulah lehzel dawt i sawi ang maw? " a ti ta sap a. Ka mit ka chhing vang vang a, ka thaw chhuak hak bawk. Ni e, ka thian tha ber hi dawt ka hrilh mek a, atthlak zetin a awih ka ring ve mai lehnghal!






"Hruaisanga i duh zia leh amah avanga mipa dang pawh i ngaihsak ngai miah loh te hi a hrechiang tu ka ni a. Pasal nei duh nghal tut tut tur phei chu i ni lo lehzual. I move on duh vang nge, thil dang vang zawk? "





Ka mittui a rawn tla nghal ringawt. Hetiang thil hmachhawn tur hian ka chak tawk lo mai ni lovin, ka nem mah mah bawk.




"Han sawi mai tur pawh ka hre lo. A harsa anih hi" ka ti sap a. "Umm a pawilo. Kinah i theih veleh min hrilh dawn nia" a ti ta nghat a.





Zonuni chuan min thlah haw a tum zet a. Inngaihtuah harh paha kea haw mai mai ka duh thu ka hrilh a. Veng thenawm mai kan ni a, kan inhlat viau lo nachungin tun ang zan rei tawh a keimaha ka haw chu a phal lo viau dawn a, mahse ka ngaihtuahawm loh thu hrilhin ka kal lui ta zawk a.





Footpath ah chuan ka kal chhet chhet a, ka inngaihtuah nasa leh tawh hle. Tun dinhmunah Hruaisanga nena inruk a, mualpho chu thil tih chi ah ka ngai tawh lo. 'Pasal nei mai tur a ni a, a unaupa hrawn nen an inru daih' tia mi min sawi tur chu ka duh miah loh pasala neih ngawt ai chuan a la thlanawm zawk fan maithei, mahse ka nu zak ngawih ngawiha siam leh Kimkimi rilru na lutuk tur ka ngaihtuah a ka ngai ngam lo.





Tlanbo chu tum ta ila, khawia pawisa in nge ka tlanbo ang. Mizoramah mai te hi chuan inzawn hmuh a awlsam dawn lutuk. A aia hlaa kalna tur ka nei der si lo. Ka pa in ka tihbuai a duh lova, ka pan ngam hauh lovang bakah ka ten lutuk tlat. A fanu hi min lo hmangaihna chhete mah a nei lo a ni awm si a!





Chutia nasa taka ka inngaihtuah lai chuan ka hnung lamah hian thawm ka hre thut a ka phu nasa kher mai! Rang takin ka hawi let zawk a, engmah ka hmu lo. Hlauhna in min tuam nghal mup mup a ka theih anga chakin ka tlan ta chiam a.





Min man bet chawt tu a awm a, au chhuah ka tum rual chuan ka ka rawn hup bet hmakin kawng peng thim deuh ruihna lampangah min kal luih pui ta a. Ka tal chiam a, a palian in a chak si a a sawt tam lo hle. Hlauhna vangin ka khur zawih zawih a, mangang em em in tanpui tu tur zawngin ka meng kual ruai mai.






Hmun reh leh engin a chhun phak vak lohna hmun kan thlen chuan min dinpui ta chawt a. " Ka thlah dawn che a mah se tlanchhiat emaw au i tum anih chuan ka that nghal ang che" a ti hriam hraih a, ka lu ka bu nghat a. Min thlah rual chuan hlau tak chungin ka hawi let a, palian tak mai thawmhnaw dum veka inthuam hi a ni a, mask a vuah avangin a hmel erawh ka hmu theilo.






Chemte rawn phawrh chhuakin ka hrawk zawnah min rawn tin a, ka thaw te chu a tawp vek mai hian ka hre hial!
"Eng eng.. Eng nge ka lakah hian i duh? " ka aw chu a ri chhuak chang chang chauh a ni.






"Tihnat che ka duh bik lo, chuvangin uluk takin ka thusawi hi ngaithla ang che" a ngawi dat a, ka ngaithla tih a ka hrilh a a sawi chhunzawm leh a.





"Nang hian i chunga thil thleng hrim hrim, i pasal neih chhan tur te leh zanin a thil thleng ngei pawh tel hian , tu bulah pawh i sawi chhuak anih chuan ka dah that che a ngai dawn. Tin, thu awih la, pasal chu nei mai rawh. I himna tur a ni. Thu i awih lova, kalbo emaw, police pun tumna rilru te i lo pu anih hlauh pawhin engmah i tih hman hmain awlsam takin ka that hman ang che, i hrethiam em" a thu sawi mal tin chuan min deng dawt dawt a, ka khurh nasat em avang erawh chuan ka tawng chhuak mai thei lo lehngal.





"Haw tawh rawh. Ka thusawi erawh hi chu hre reng la" a ti leh hmuk a.






Tlanchhiat nal nal ka duh a, mahse kal pawh ka kal chak hleithei der lo thung. In ka thleng dawn hnai a, ka thla a muang tan dawn chauh tihin gate pawnah chuan Pa Rama lo ding reng ka va hmu ta a. Ka hlauhna te chu thinrimnain a rawn thlak nghal vek thei.




Va pan hnaiin "Eng nge ka tihsual a ka lakah heti em em a i nun rawn a" ka ti nghal hrawk a.






"E khai! Insum teh. Nang chuan eng mah tisual love, Bawiha tihsual vangin mawhphurhna i lak a ngai ta mai zawk anih hi" nui hak hak chungin a sawi thei anih chu!





"Eng mah kan inkarah a awm tawh hleinem. I duh phawt chuan hmun hla takah ka kalbo mai ang, ka nun erawh hi chu min tihchhiat sak lo hram rawh" tiin ka ngen ta ngawih ngawih a.





"A tha khawp ang chu.. Mahse maw, ka ring zo tlat lo che a ni. Engtin tin emaw Bawiha nen inzawmna in lo nei leh tho ang, chuan ka mualpho bawk ang a" a ti leh nghat a. "Anih chuan Hruaisanga zawk nupui nei turin ti ta mai che, a ni te chuan ngaihzawng a neih reng hi" thinrim avanga aw khur dar dar chungin ka sawi a.





A rawn nui leh hawk hawk a, a nui ri te chuan mi rap tak zet zet. " Â viau thin teh suh. Ka fapa hi tun ang kum lekah nupui a neih mai ka phal hleinem. Tha taka lehkha zir a, hna tha deuh a neih phawt te a la ngai alawm" nui sang chungin a ti zui leh a. "Mi tenawmpa, engtin nge ka nu hian i mizia a hriat miah loh theih" ti sakin inchhung lam ka pansan ta hlawk hlawk a.





Ka thin a rim ngawih ngawih a, ka hlau bawk. Duh lo eng ang mah ila duhthlan tur pakhat chauh ka nei tawh tih ka hria ; kei hian mi tenawm tak pakhat kha pasalah ka nei dawn!

Link:
BBcode:
HTML:
Hide post links
Show post links

Paperrings
Posts: 18
Joined: January 15th, 2020, 5:32 pm

Unread post by Paperrings » July 1st, 2020, 10:24 pm

CHAPTER - 6




#paperrings





Inbuatsaihna a kal chho mawp mawp a, inneihna tur pawh ni thum chiahin a dang ta!




Ruatdika te chhungkua hi mi awmthei ve tak chhungkua an ni tih Ruby in min hrilh a. A pa sumdawng hausa tak niin, a nu doctor a ni thung a. An unau hi pali an ni a, amah a upa ber dawttu niin tunah pawh an inah cheng ve loin ama pualin in hrang a nei nghe nghe.




Aizawlah pawh chhungkaw lar ber pawl leh khawsa thei tak mai an nih piah lamah, amah Ruatdika hian hna tha tak a chelh bawk nen hmeichhe tam takin an hel rawn a. Chutih lai karah, hmeichhe naran ve mai, naupang tak leh college la kal tan ek ek chauh hi nupuia neih a tum thu a darh chiah chu social media-ah sawi a hlawh hle a ni awm e.





Hmeichhe nasa ve tak leh engkim inphal mai, gold digger dik tak tiin min sawi nasa anih chu! Ruby in hetiang thil min hrilh tirh kha chuan ka la na viau dawn a, mahse ka duh vanga hetiang thil hi thleng anih bik miau loh avangin ka care duh ta lo law law zawk a.






Ruatdika chu kan in lamah a rawn lang fova. Min biak chang te chuan mawi hnaiah ka chhang ve mai mai thin a, chutih rualin a hmel chu tlem thei ang berin hmu ila tih ka duhthusam a ni. Ni lo! Hmu tawh miahlo pawh ni ila pawi ka ti hlek lo!






Chaw leh thil dang hrim hrim ka ei mumal loh avangin cher tawh sa nen weight ka loss nual zui a, ka dang deuh lap bawk. Ruatdika chuan hrethiam ni awm takin eitur tha leh chakna pai tam lampang chi te hi min rawn ken fova, a thil rawn ken engmah ka ei duh ngai miahlo thung .





'Intih thawven i duh em? 'Ruby message a ni.



'Hre lo'



'Lo insiam rawh, nalh tawkkkin. I nu ka lo dil ang hmanhmawh la ka lo thleng nghal a ni mai'





Phur vak lo chungin ka insiam ta thova. Kha zan, vauna ka tawh zan atang khan zan lamah khawi ah mah ka chhuak ngai ta miah lo va. Ka ngam lo a ni ber mai. Mahse pasal ka neih hmain a tawp nan han intihthawven ve reng reng te pawh a tha tho ve.






Ruby chuan ka chhungte chu a dil thiam zar zar bawk a haw har lo tura min hrilhin kal an phal ve mai bawk a. "I thawmhnaw hak chu aw.. " ka nu erawh chuan a ti zui deuh vang vang thung , ngaipawimawh duh lo luiin kan inzui chhuak ta daih a.







"Khawnge kan kal dawn a? " Ruby scooty a lawn pah chuan ka zawt a. "Ka thianpa in party a throw a, nuam dawn lutuk" tiin a tlan chhuak nghal.






In changkang leh kawtzawl zau nuam tak nei kawtah chuan kan ding dat a. An thenawmte pawhin an ngaithei em em dawn em ni tih tur khawpin thawm chu a ring ve hret. In chhung kan lut a, rin ai daihin mi an lo tam bawk. Midang ngaihsak thei hmel pawh pu tawh lo tur khawpa rui an tam hle.





Ruby in intur min rawn pek chu eng nge pawina a awm dawn em ni tia ngaihtuahin ka lo ban ve zat a. Ka tih ngai loh thil mah ni se zanin hi chuan pawi tihna ka nei ta lo viau mai.






Party boruak hot zet leh music ri dup dup karah chuan ka rilru hahna te paih bo tum ni awm fahranin ka su ve nghawng nghawng a. Ka zia phah deuhin ka hre ve tlat. Ka kawrfual dum hak, a awm zau lam mah mah leh ka mal pawh khuh zo tha thum lo kara ka taksa lo lang chu ka kiang vela mipa awm hnai ho chuan hmuhnawm tin an thlir dauh dauh tih ka hre ve kar bawk.







Chau hnep khawpa ka intheh thilh hnu chuan ka bag ka dahna lam panin beer kengin ka kal a. Ka phone ka check a, missed call a lo awm nual, ka nu hnen atang deuh vek a ni . Message a lo hnutchhiah a 'Lo haw vat teh, Ruatdika pawh a zahawm tawh lutuk' tih vel. Ka nui hak a, ka zah ve hran hleinem.






Ka bag chu la in pawn lam ka pan a. Kawngka ka pel chiah ka mi hmuh vang chuan ka phu deuh zawk , Ruatdika chu a jeep bulah kut kuangkuah thana dingin min lo melh ran mai a. Engah mah ngai lo awm anga awmin kal pelh ka tum a, ka banah a lo man bet chat.






Rum zeta melhin ''Min thlah teh'' ka ti hmak a. ''Motor ah hian lut rawh'' a lo ti hmuk thung a.






''Min hrethiam la. I nupui em pawh ka la ni lova, i thu thua awm tur ka ni lovin ka hria'' tifuh inti zetin a kut chu thin thlak ka tum a, a chelh nghet telh telh thung.







Engmah sawi tawh lo chuan passenger side kawngka chu hawngin min nam lut a ni ber. Thinrim zetin ka insawh tau nghawng nghawng a. Driver side a thu lutin chak zetin min tlan chhuah pui nghal a.






''Hetia min nawr luih hian ka haw telh telh che tih i hre lovem ni? '' thaw hawk pahin ka tichhuak sap a. Min chhan tum ang pawha awm lovin hmalam a en ngur mai a, ka thin a rim telh telh lehnghal.





''Ka hua che, ka haw lutuk che'' ka ti mawlh mawlh a. Min rawn en zawk a, inthiamlo hmel niawm tak ka hmu a. Mahse ka hmu sual a ni ang, he mihring hian mit lainat hauh lovang le.





Ka damchhung hian hmangaih pakhat chauh ka la nei a, inkawp rem theihloh chhan lian tak nei mah ila midang neih san ka la ngaihtuah ngai lo . He mihring, Remruatdika hian engkim a rawn tichhe ta vek anih hi!






"Thi daih ila a that dawn hi" ka ti sap a.





Motor chu tiding chawtin sterring wheel chu a chum bur a, ka phu chiang lutuk! "Eng maw i sawi kha" a aw ah chuan a thinrim tih hai rual a ni lo. Ka insang mar a, hlau lo anga lan tum ruh tak chung chuan "Hetia in duh duha min tih kual ai chuan thi daih ila a nuam zawk ang ka ti anih chu" ka ti ve leh hmak a, ka rin aiin ka aw a chhuak pangngai phian.






"Thil thleng zawng zawng hi, nang nupuia neih che thiamin, ka duhdan leh ruahmanna a ni bik hleinem" a ti hrawk a. "Anih chuan min nei suh" tiin kawngka chu ka hawng rawp a, motor atanga chhuakin ka kal hmawk hmawk a.









Hnung lam atanga min rawn kuah thlawp a, a taksa lumna in min rawn ur ham ham rual chuan mak tak maiin ka thla a muang huai a, ka awmdan chu duh lo zetin ka ner sak bawk.








"Eng nge tia i inhriat a? " ka aw chu duh aiin a nem hrat . A lam hawiin min kuai her lawp a, duhthawh zetin min fawp anih chu!








A tirah chuan chet mai na chang hre lovin ka ding zum reng ringawt a. Ka ngawngah a kut pakhat a a thamin, a kut lehlam chuan ka kawngah nghet zetin a vuan bawk a. Dim lo zeta min fawp nawk nawk kha tunah chuan dam raihin min fawp leh daih tawh!







Ka ka chhungah a lei chu zei zeta rawn nawr lutin ngen ngawl takin min fawp ngawng ngawng a, ka beer in ve vang nge ka hre lo nuam tihna in min fan chiai chiai bawk! Ka chhan let ve rual chuan a aia duhthawh leh nasa zawkin min hrawm nawk nawk a, a ni pawh phurna in a khat tih ka hre thei.







"Nupa kan nih hnuah pawh hetiang zela kan inrem theih hi beisei ang aw" a ti sup ri ah chuan ka harh chhuak kawk! Ka awmdan avanga inzahpui leh mahni inhaw zetin ka ke ka per dat a. "Min rawn zui hlek suh ang che" tiin chak zetin ka kalsan nal nal a, a nui hawk ri ka hriat rual chuan min hmuhsit dan tur ngaihtuahin keimah chu ka inhaw leh zual.




* * *




Naktuk hi ka pasal neih hun a lo ni ta der mai!




Ka khumah chuan thuin balcony-a Hruaisanga dinna thin chu ka thlir veuh veuh a. Zanlai a pel tawh a, motor veivak thawm pawh hriat tur a awm meuh tawh lo. Hruaisanga chu inneih hmang tur pawhin a rawn haw ta lova, anihna takah chuan a ngam lo tih ka hria.







Tunah te hian min ngaihtuah ve ang em le? Awlsam tak chuan min theihnghilh thei dawn bik hauh lova. Thla khat liam ta mai pawh khan inneih puiah min la sawm kha a ni a, tunah midang ka neihsan dawn chu a ni si a!




Whatsappah ka lut a , a last seen check ka va tum chu a lo la online ve tho. Biak ka tum zet a, ka ngam ta ngang lo. A rilru ka hliam belh thei lovang tiin phone chu ka dah thla riai riai a.






Ka room kawngka a ri rak a, ka va hawi phei chu rin loh zetin Pa Rama hi a rawn lut a. Ngai pawimawh lo ang a lan tum takin pawn lam ka thlir san leh nghal hmak.





A aw a thian kharh a. "Thil tam tak rawn sawi ka tumlo. Mahse hei hi chu hria la, pasal i neih theih nan hian ka inseng nasa viau ania. Ruatdikan a hna thawh lai hi a hmuh ngei theihnan pawisa tam tak ka seng tih ka hrilh duh mai mai che, a niin neih che a remtih theih nan a ni si a, contract felfai tak kan sign dun bawk. Chuvangin thil atthlak tak engmah ti suh ang che" a ti nghat a.





Hei ngei hi a lo nih dawn hi! Engvangin nge Ruatdika hian min neih duh tih ka hre ta chiah mai, ka rin ang ngeiin a lo tenawm viau bawk. Hna tha tak a neih theihnan chuan a hriat ngai miahloh hmeichhia nupuia neih a pawisa lo anih chu!





"Lungngai lutuk suh. Kum khat vel in inneih hnuah Bawiha tibuai lo tura i intiam theih chuan in inthen ka phalsak ang che u. Mahse fa te neia inneih hlen in duh tak leh a tha hlei hlei a ni mai"






Fa neih a, a ni nena inneih hlen maw? Hnai lo mai! A tha e, kum khat kan innei ang a, kan inthen bawk zui bawk ang!





"Mu tawh rawh. Naktukah hmel tha taka i lan a ngai dawn si a, tah a mit tih bui vel phei chu a chi loh viau ang" a ti zui leh ngam anih chu. "I sawi tur a awm lo, chhuak tawh rawh" ka ti ta hmak a. Ka hlau buai vel peih tawh lo.





Inneih dar rawn ri ral ral te chuan suangtuahna ramah min hruai lut a. Vawiin hi Hruaisanga nena kan inneihni ni se, tuna mokawr var thianghlim tak ka hak te hi Hruaisanga tan vek ni ta zawk se tih te in.





Mahse Remruatdika nen hian Pa Rama phal nain lo inthen leh ta tehreng pawh ni ila, kum naupang tea nuthlawi niin Hruaia hnenah chuan ka let ngam tawh dawn lo hrim hrim. Vauna engmah pawh tawk zui lo ta tehreng ila, nula tha tak tak an tam dawn a, Kimkimi pawh tiamin. Kei chu engah mah min ngai tawh hauhlo bawk ang.




Inneihna chu ka rin phak bakin a ropui lehnghal. Ka hmelhriatte chuan vannei min ti tih ka hria a, vanduai ngawih ngawihin ka inhre thung.





Hmeichhe tam tak mitmengah chuan min itsikna niawm tak hi ka hmu thei a, ka dinhmunah hian ding ta zawk se an han lungawi dawn bik loh tehlul nen aw ka ti rilru rauh rauh.





Inneihna ah chuan ka pa tak tak pawh a rawn inlan ve a, a rawn kal ngam chu mak ka ti hial zawk. Hlim taka awm tura duhsakna min hlan lai te chuan a thinlung tenawm zet si avangin ka chhungril a rûm vawng vawng thung. Pa Rama te chu ka pahrawn mai a ni a, ka lakah rilru chhe tak pawh lo pu se awm tihna chen ka nei. Ka pa dik tak ina ka chunga hetiang thil a ti ve duh erawh hi chu a mi den dan a dang bik kher mai.




Mi te chuan hlim viau turah min ngai ngei ang. Mahse ka hlim loh zia chu ka kianga ding mek, mo thiana ka hman Zodini hian a hrechiang ang a. Tin, hla tak a awm, ka hmuh phak loh leh beisei phak tawh ngai loh tur ; ka hmangaih hmasa ber Lalhruaisanga khan ka chhungril rûm vawng vawng hi min hriatthiam pui ngei bawk ang le.





"Inngaihtuah nasa lutuk suh, i kiangah ka awm hi" ka beng bula zawi supa rawn sawi ri ka hriat rual chuan ka suangtuahna atangin ka harh chhuak zawk a. A hmel rûm zet thin nena inhmeh lo hial khawpa mawi hian min lo nuih sak a.

Link:
BBcode:
HTML:
Hide post links
Show post links

Paperrings
Posts: 18
Joined: January 15th, 2020, 5:32 pm

Unread post by Paperrings » July 1st, 2020, 10:37 pm

CHAPTER - 7



#paperrings




Zan reh lam a ni tawh a, thenrual te pawh an tin deuh vek tawh. Ruatdika chu amah chauha khawsa a ni bawk nen, hotel a riah chhuah tih vel rawtna pawh a awm lem lo. Tum pawh ni se ka hnial tho vin ka ring, lawi that zan midang anga hmang tur pawh kan ni ve lem chuang lo a.





Zonuni chu Ruatdika best Liansanga nen haw turin an chhuak rual a. Room lian takah chuan kan pahnih chauhin kan awm ta ran mai.






Vawiin hi he ina ka vawi khat kalna chauh a la ni ve tho a, bakah ka chenpui tur nen hian kan innel hran lo nen ka thla chu a muang fahran lo a ni. Ka chenpui... ni e, ka pasal han tih mai awm a ni viau naa, ka khawr deuh tlat. Tin, nupa dik tak kan niin ka hre chiah lo bawk.






"Hrehawm tih hmel deuh khan awm suh. I in anih tawh hi. " a rawn tih tak ngutah chuan ka lo in hum ruh nasat zia ka hrechhuak a, ka zak lek lek.





"Va intifai hmasa rawh" a ti leh sup a. Ka in la khawm zung zung a, bathroomah chuan ka lut ta vat a. Rei zet bath tub ah chuan inchiah a, tawm bo ka duh viau nangin bathroom ka hman zawh hun a nghak awm si a, ka intleuh zuai zuai a ka chhuak ta vat zawk a.





Tshirt thawl hnek hnawk hain boxer ka ha leh tawp a. Ka tih than dana ka bra phelh ka tum leh chiah chu keimaha mu tur ka ni lo tih ka hrechhuak thut a, ka kut ka dah thla leh ta riai riai a. Ngaia neih a va har dawn ve le.





A inbual zo bathroom atanga a rawn chhuah lai chuan khum tlanga thu in ka lo melh reng a. A pian nalh lutuk chu mak ka ti hial. A kawngah towel a veng a, a abs nalh lutuk leh a taksa inphut mawi tak mai chu mizo mipaah ka la hmu ngai lo.




"Ka hmuhnawm viau em ni" nuih za insum hmel taka a rawn tih tak sup ah chuan zah avangin ka sa ap ap thei.





"Ih , englo... Khawiah nge ka mut ang? Ka sawi awmzia chu.. ih" ka ti niah niah a, a bula mut ka hreh tih ka sawi lang ngam chiah si lova.







A mit meng tak run chuan min melh leh ran tawh mai. "Nupa kan ni a, khum khatah kan mu ang" ti hmukin a inthlakna tur a la chhuak mual mual a. "Mahse.. " ka sawi zui ngam chiah si lo.






"Hlauthawng suh. Hmeichhe duh lo chung mutpui lui duh tur khawpa hur ka ni lo" a rawn ti ta sup a. A thil sawi dan teh tawp avang chuan ka nui chhuak hak a. Lungawi hmel vak lo hian ka thut lohna lamah a rawn mu a, rilru nuam lo deuh takin ka inthawlh ve ta than a.





Ka rin aiin ka mu tha ta phian mai. Ka harh chuan khua a la var chiang lutuk lova, ka inlet thawk a Ruatdika erawh a la mut tui hmel hle thung. Uluk zetin ka melh ta vawng vawng a, a hmel pa zet a a hnar zum lam lek lek mawilo chuang hauh si lo invuah dik thlup te, a mithmul chhah tak leh a hmui sexy zet te. A hmui hmul leh khabe hmul uluk taka ziah a ni tih a hriat . Awi, eng thil nge ka ngaihtuah hi tiin ka in beng lawlh a!





A rawn che tual tual a, zawi muanga rawn mengin a mit a khap fak fak a. "I va harh hma ve a" a rawn ti thum dut a. "Umm nia ka harh ve chiah" ka lo ti thuai a. "Muhil leh rawh, vawiin te chu kan awm hahdam mai mai thei alawm" tiin blanket chuan min rawn khuh tha sawt sawt a, puan chhanah chuan min rawn kuah than bawk a, ka zam chhe nghal der mai.





A muhil lehnghal niin ka hria, kei chu ka meng ta reng thung a. Khawvar chian hnu chuan Ruatdika tihharh hlau zetin ka tho chhuak tham tham a. Ka inphihfai hnu chuan ka ril a tam deuh avangin choka lamah eitur zawng turin ka chhuak phei a.





Coffee ka siam a, cookies lo awm remchang chu la chhuakin ka ei mial mial a. A lo tho ve ta thuai a. "Tuk in chu ka rawng bawl lai min lo en mai mai rawh aw" a ti vei sup a. "Hey, min hmusit em mai" ka tih chuan a nui hak a "Teuh lo mai. I rawngbawl thiam zia te chu ka hre vek tawh , ka ei hnem theih em kha. Mahse hetah rawng i la bawl ngai si lova, i chet khawr lutuk loh nan ka ti mai mai mawle" a ti dam ta thlap a.




"Nih leh kan pahnihin bawl dun tal ang" tiin ka la hnial hram a.




Tukthuan ei pah chuan kan titi ve mawlh mawlh a. College kal chhunzawm zel ka la duh chhan min zawh chuan graduate a hna zawn te ka duh ve thu ka sawi a.





"Graduate hrim hrim i duh te chuan Ignou atang pawn i zo thei alawm, hna chu i thawh a ngai kher lo a" a ti hmuk a. "Chutiang ka duh bik lo" ka lo ti hlar a. "Rai ta la, class i kal chhunzawm ngam dawn em ni? " a tih chuan rûm zeta melhin "Ka rai dawn bawk leuh" ka sawi zawh rual chuan lei ka chhuah khum zeuh a, "Kan la hria ang chu" a ti duh chauh a. Ka va khawng chak tak!





* * *




Kan inneih atangin thla khat chu a liam ve ta der mai.





Rin phak bakin Ruatdika chuan min duat a, a zaidam em em bawk. Khum kan la intawm char char a, vawi khat mah min la nawr lui miah lo.





Ka lo rindan kha chuan thinchhe em em tur leh, ka thu pawh ngaichang hlek lova duh duh dana min khawsak khum kha ka ring a ni a. Chumi letling hlawk chuan a awm thung. Thil ho tham te te ah pawh min rawn ve thlap thap. Ka duh angin class ka kal chhunzawm zel min la phalsak a.



Vawi khat kha chu "Kan college ah rawn insawn mai la a tha ang mawle" a ti ve ngial a, ka duh loh thu ka hrilh hnuah a sawi leh tawh lo.






Zan a ni a, kawngah keimaha ka kal hnek hnek lai hian power supply a tawp thut a ni ngei ang, ka kiang vel chu a rawn thim mup a. Ka kal chhunzawm leh chiah chu mipa zai ri ret ret ka hre thut mai a, ka khawng awt thei. Ka hawi kual vel a tumah ka hmu lo.






Zai ri chu a lo hnai tial tial a mihring hmel hmuh tur reng an la awm chuang si lo. Ka beng hupin ka thu hnawk a, ka thawm hriat chu a reh thei der bawk si lova .





Thawk leh khatah tha chak tawk hian min pawt tho lawp a, ka te thawt a. Pa Rama a ni! Min rek nawk nawk a "I hlim ngai dawn lo, hlim taka i awm hi ka phal lo hrim hrim" tiin min rek nghet tawlh tawlh a, mangang takin ka tal chiam a ka thaw a chham dawn takngial.





"Puii, harh teh.. Puii Puii" tia min ko mawlh mawlh ri ka hriat chuan ka harh chhuak hlawl a, Ruatdika hmel ka hmu chiah chu thaw hlawp hlawp hian ka kuah thlawp a. Kalo thlan huh hman vek . "Mangchhia mai mai anih kha hahdam rawh" tiin ka hnungah a chul heuh heuh a.





He mihring ang chhungah hian engvangin nge hahdamna ka hmuh tlat ni ?!! Haw em em tur ka nih laiin ka ngaina telh telh thung si a!






"Thla khat a liam tawh a, thla sawm pakhat dang a ral leh chuan min then ang tiraw? " ka ti zawi sap a, atthlak zetin ka rilru a na ringawt bawk!





"Engvangin nge ka then ringawt ang che? " a lo ti hmuk a.






"Ka pa khan a sawi a, in inremsiam danah chuan kum khat hnuah min then thei ang tih a ni a... "







A lo nui hak a, a lam hawiin min kuai dak a "Eng inremsiamna nge i sawi chu ka hre hauh lo. Ka nupui i ni tawh a, then tumna che ka nei lo. A chiang em? " dawt sawi hmel a pu miah lova, Pa Rama khan contract an sign tih a sawi ngei bawk si.






Pa Rama thu sawi te kha dawt lo ni ta zawk pawh nise engvangin nge Ruatdika hian min neih duh ang? Hna chu a lo pe tak tak nge ni dawn nge, chutiang pawh lo ni se min then a duh lo tih a sawi bawk si a. Ka hrethiam tehnuaih ta love.






"Mu leh tawh rawh le, naktuk class kal i ngaih dawn kha" a aw a min ngaihtuahna lo lang chhuak chuan ka lung a ti chhe leh lek lek hial! Ka rilru no leh nem lutuk hi ka la chhiat phah khawp ang le.





Zirtawpni a lo thlen hian kan inneih tirh vel kha chuan hrehawm ka ti tan hle thin kha ania. A chhan chu weekend pum hian ka bulah Ruatdikan hun a hmang ral thak thin a! Thil hi a mak zo ta a ni ang e, weekend ka nghakhlel ta viau mai si a!




Zirtawpni chawhnu lam, dept in CCA programme kan neih laiin Ruatdika call ka dawng a, kan awmkhawmna atanga kalsawnin call chu ka chhang thuai a.




"Puii... Hei ka pa hna pawimawhah amah a damsam si lova, Champhai lamah zan hnih vel riaka ka kal a ngai thut mai . College atangin insiam turin ka haw dawn a, ka lo hrilh zuai che" a tawng dan atang pawh chuan a hmanhmawh tih ka hria a, chutih rualin kar tawp ka lo nghahhlelh ve na zawng zawng te kha awmzia a awm ta lo tih hriain ka ngui nghal nghuai thei.





"Umm, tluang deuhin i kal dawn nia " ka ti sap a.





"Lo kal ve mai la, tunah ka rawn lam kawi che ang a" Ka nui hak a, chawp leh chilhin ka thinrimna te a reh nghal duak.





"I hna chu tha deuhin han hlen la,min ngaihtuah suh"





"Hmm min ngai lo a ni maw kal ve pawh i duh loh a" ti vel ve hmak reuh a.




"Lo haw thuai thuai la nimai" ka ti sap a, dik tak chuan ka ngai ve dawn reng.






In ka thleng chu a ruak huai hian ka inhre thei. Mahni tea zan hun hman pawh chu ka huphurh ru viau mai bawk. Chaw ka ei chak lo bawk a, noodles ka chhum ta ringawt a.




Ka mu tur chu rei tak ka tih tawh loh danin ka bra ka phelh a, zalen hawk hian ka inhre reuh a. Ruatdika ka bula a mut kha chuan min khawih ngai pawh ni tawp si lo kha ka bra phelhin ka mu hreh tlat lawi . Khumah chuan ka let ka let a, ka muhil mai thei lo , mal riaua inhriatna ka nei tlat te chu Ruatdika awm loh vang a ni tih ka hria.




A tuk nilengin min rawn biak beiseiin ka lo awm ve char char a, message takngial pawh a rawn thawn lo. Eng vanga beisei tlat nge ka nih ka inhre lova, min ngai ve dawn nia ka lo inhriatna te kha ka ngaihtuahna mai mai a ni tih ka chiang. Ka kianga awm a thlahlel emaw ka lo tih thinte kha lemchanna mai niin ka hre bawk a, ka zak ngawih ngawih. Min neih chhan kha ka lo theihnghilh leh palh a ni.




Zonunin kdrama en tur min hrilh 'Arthdal Chronicles' netflix series chu mut pahin ka en vel mai mai a, ka en tui ta phian a. A hmuhnawmin a dangdai a, kdrama dangah hetiang lampang hi ka la en fuh ngai miah lo. Mit kham urh khawpa ka en hnu chuan laptop chu off in ka muhil zui thuai a.





Kawngka ri rak leh mihring kal vel thawm chu ka mang hriat deuh ruai ruai a, khum rawn hniam sut ah chuan ka harh kawk mai. Keimahin ka awm tih ka hriat chhuah rualin hlauhnain min tuam nghal mup a, ngam leh ngam loa ka hawi chhuak chu ka te chhuak teuh kher mai.



"Nang maw? " ka tichhuak thei hram a, ka thin te chu a la phu dup dup hial.




"Umm . Ka ti hlauthawng viau che elaw" inthiam loh hmel takin Ruatdika chuan a lo ti sup a.




"Aw... Naktukah i lo haw dawn emaw ka tia, thlarau i ni maw te ka ti hman alawm" ka ti deuh ngal ngal a, a lo nui hak a ka tum khum ve leh hmak.





"Ka naute hi a lo titau vel a ni maw.. Ka ngai lutuk che a ka theih veleh ka lo haw nghal thuai thuai alawm" tiin min rawn kuah thun a. "Nih chu a " ka lo ti hmak a, mahse ka lungawi loh ve na te kha chu a reh tial tial thung.




"Kawngka kalh lovin i lo awm a" a ti nghut a, hawi chhuak zawkin "A ni maw? " ka ti deuh ha a. "Umm. Thil tha lo te pawh a thleng palh thei asin, fimkhur tawh la aw" min kuahna thlah riai riai pah chuan a ti a, khum atanga thawh tum niawm takin a insiam rem a.



Keimah zawkin ka va kuah leh thlawp , "Kalsawn suh" ka ti zawi sap a. "Inbual lawk ka duh deuh a" tia thawh a tum chu ka kuah nghet leh sauh va. Mak a ti deuh tih ka hria, hetiang hian ka la awm ngai tlat lova.




Ka inbeng kang deuhva, a kawr ngawnga vuanin a inrin hmain ka han fawp anih chu! Ka awm dan avanga mak a tihna ai a nasa mahin keimah leh keimah pawh mak ka inti zawk!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Paperrings
Posts: 18
Joined: January 15th, 2020, 5:32 pm

Unread post by Paperrings » July 1st, 2020, 10:55 pm

CHAPTER - 8





#paperrings





A hamhaih chhung a rei lo. Duhthawh taka min fawp letin a rum chhuak hawk a, a lei hmangin ka ka chhung chu zei zet hian a hawl kual a ka thiam ang angin ka lo chhang let ve zel bawk a.





A kut in ka taksa hmun tin mai a chul kual lai chuan nawmna nasa zetin min fan a. Ka tshirt hak lai chu a pawt hlim pawp a, ka hnute lawng chu a mit meng ti zim sunin a melh ta reng a. Ka lo ip chawih thei.






"Mawi lutuk" a tih sup rualin a ka lum thar thar chuan ka hnute lehlam zawk chu a rawn hmuam nghal a, a kutin lehlam a tham bawk a. A leiin zei zeta ka hnute hmur a liah kual takah phei chuan ka taksa chu ka lo er ngawng ngawng a. Min khawihna apiang mai chu a sa hat hat vek maiin ka hre hial.




Ka boxer phelh tuma a rawn ban lai te chuan dan tumna ka nei hauh lo! Ka panty pawt thla leh hrawkin a hmai chu ka mal inkarah a rawn phum nghal chat a. A lei hmanga ka hmeichhiatna duhtawka a sawngbawl meuh chuan ka thaw tha thei lo hial! A thil tih lai tawp chawta min rawn melh lai chuan meng phelh phung hian ka lo en let ve kar a, ka mitmeng chuan tawp tura ka duh loh zia a lantir vek ngei ang.





"I huh vek a.. " ka lo sa nghal ap ap. "Duhawm reuh lutuk " ti leh supin a kut zungtang chu ka hmeichhiatna chhungah a thun tl*m pawk a, ka then nghal chawk mai.






Inthiamloh hmel taka min rawn enin "I la thianghlim maw?" a ti thum hak a. "Aw.. Mahse tawp turin ka duh lo che" ka thil sawi chu kei ngei pawhin awih harsa ka ti. Mahse ka pasal hi ka thianghlimna hlan pawi ka ti tawh lo.






A thawmhnaw a phelh lai te chuan ka lo pui ve a! Tlema tawlh hniamin ka mal inkarah bawk chuan a hmai a rawn phum leh a, a lei sa ham hamin ka m*wn duhtawka a liah leh takah chuan engdang mah ka ngaihtuah thei tawh lo, Remruatdika chauh lo chu!






Lukham pakhat chu lain ka kawng zawnah min kam kang deuh va. Ka kiu in ka taksa chunglam chu doin ka lo in nem kang ve hlek bawk a, a mip*tna khawng vek tawh chuan dim tak hian min rawn zawm ta a.





A tir lamah chuan na ka tih em avangin ka inhum ruh tang tang a, mahse a nat chhung a rei lo. Na chu nawmna in a rawn thlak tak chinah chuan ka theih ang angin ka lo pui ve a, nawmna v**rtawp kan thlen dun takah chuan rûm chhuak hakin ka taksa a khur dar dar a, Ruatdika pawh ka bulah rawn let thla hlawlin a thaw ve hawk a.





Ka chalah rawn fawp zauhin min kuah ta hle hle a. Eng chen a rei nge chutiang chuan kan awm ka hre lo. Ka hahdam tak hnu chuan min pawm kangin bathroomah min luhpui a, bathtub ah chuan inchiahin a v*wrtawp min la thlenpui leh hram !




*





Kan nupa inkar boruak chu a inthlak hlawk a, a nuam zual em em hi a ni mai. Min duat sa viau chung khan min la duat belh lehzual a, ka sual phah vekin ka inhre hial.





Ka la naupang chhia ve viau nen, mood swing te hi ka nei nasa ve thei tawp a. Chungah te chuan hrethiam takin min dawh a, min thlem heuh heuh peih zel thin. Ka pangchang zual a, tihtauh der te hi nuam ka thin viau.






Nupa nun chungchangah pawh min hrethiam em em a, ka peih vak loh changte hian min nawr lui ngai miah lo. Ti hian min hrilh bawk a "Hmeichhia zawk pawh ni la mamawh leh chak changte i nei ve fo dawn a. Chung hunah te chuan i mamawhna tilang hreh ngai suh, thil zahthlakah pawh ngai lo la. Mipa in kan duh chang chauhva sex hi hman tur a ni lo hrim hrim, hmeichhia pawhin in duhkhawp in hmu ve ngei ngei tur a ni. Pakhat zawk chauhin nawmna a hmuhna ah nupa a hlim theih ngai loh" tiin.







Ho te te a inhnial changte chu nei ve thin mah ila ka naupan chhiat zia hriain a tlawm zawka tan a hreh lo fova. Nasa taka inhauh kan nei zui ngai lo.






Nun a hlim chuan kan taksa pawhin a lo ngeih nge nge tih ka hrechiang. Ka hriselin ka vun pawh a nung sar a, weight ka gain hret erawh ka duh viau lo. Mahse Ruatdika hian in diet tih vel hi a phal hauh lo thung. Thlai hring lampang leh thei ei hnem a, exercise lak mai tur a tiziah a, chaw ka ei tlem tuk te chuan min melh rum ve thei lutuk.






Hun chu a kal zung zung nimaiin ka hria. 1st semester exam kan tan a, lehkha zir nasa turin min fuih reng a. Exam base in lehkha hi zir thin suh, in course a tel ang ang hi chu hre bel rawh a ti reng a. Kei lahin "Ka thiam vek hman tawh dawnlo, bakah ka zir vek peih dawn lo hrim hrim.. Mawhh" tia meng no deuh tak chunga ka thlem heuh heuh hi chuan question min study sak leh nge nge zel.





Kan exam zawh ni chuan college ah min rawn lam a, exam zawh lawm nan intithawveng pahin kan college bul lawka Lalat Park ah min hruai a. A hmun a thawvengin a reh a, a hmain kal na chang ka lo hre ngai lova a nuam ve reuh phian mai.






Intihhlimna awm ho tih ve ka tum apiang chu naupang chauh luh phal an lo tih zel avangin ka tum deuh bar tawh a, min nuih nasa ngei mai. Car leh bike lem khalh tih vel chu ka ti ta hlawm ringawt a, rin aiin nuam ka ti leh sia ka te chel chul a.






Park kan chhuahsan chuan khua a lo tlai deuh ruih tawh a. "Zanin chu i nu te in lamah chaw kan ei dawn a" a ti nghut a, ka nu ngai tawh viau mah ila Pa Rama hmel ka hmuh chak loh em avangin ka phur teh chiam lo.





Ka nu hmel ka hmu chiah chu ka rilru a na zawk thei. A hmel a tla kuam a, a cher in zan a mu tha lo tih a hriat hliah hliah. "Nu tinge i dam tha lo ami" tiin ka zawt nghal a, a that leh that loh hre tur pawha ka tlawh ngai loh avangin ka inthiamlo ru nghal teuh bawk.






"Kei chu dam e. I pa hi tunlai chu a tha lo reuh lutuk a, zan te ka meng hah ve deuh mai mai mawle. Karleh lam hian inentir turin phai lam pan te kan rilruk a, an chawlh lai tak te a lo ni bawk a" tiin min nuih deuh sang a, ka lainat zual sawt.





Inenkawl tha tur te in ka chah ve mawlh mawlh a, ngaih tha lo deuh chungin ka haw san ta kha a ni a.





Kan chawlh atanga rei vak loah chuan ka period a tlai ta tlat mai a, ka hlauthawng ringawt bawk. Ruatdika kal chhuah veleh Zonuni ka call a, ka hrilh rual rual chuan pregnancy test kit leiin a rawn kal nghal vang vang.





Ka test thuai a, a negative! Ka rilru put hmang teh hrep pawh chu ka inhrethiam lo ve!





Zonuni chuan "I down viau em? " tiin min zawt a. Ka inngaihtuah vang vang a "A... Chutiang pawh a ni lo, indanna ka ei char char a ka rai kha ka ring vak lo deuh hrim hrim a" ka ti hliai a.






Min en vang vang a, ka kutah vuanin a chul heuh heuh a. "Umm i hlauthawng anih kha. Ih maw in inneih dawn leh inneih vel bawr thleng kha chuan i hlim lo si a, in inthen vat ka ring kha a ni a. Mahse tun hnai i awm dan hi ka rin phak bak a ni tawp. Kan inkawmna a rei ve ta viau a, Hruaisanga nena in inngaihzawn lai te pawh khan hetiang em em hian i hlim ngai miah lo. In pa hi i hmangaihin ka hria" a ti dam dap a, a thusawi chuan min tawng em em thung.






Sawi dikna chen a nei teh meuh mai. Ni e, ka hlim lutuk tlat. Mahse... ka hmangaih ang maw? Awih lo lutukin ka nui hak a "Ka hmangaihin i hria maw? " tiin ka zawt leh ngat a.






Zonuni chu a lo bu nghat a. "Hlauthawng suh ka tih kha. Ruatdika pawhin a hmangaih em em chein ka ring. Fa nei phei ula chu tun aiin in hlim lehzual ngei ang" a ti leh a.





A haw hnu pawh chuan ka inngaihtuah zui ta reng a. Fa neih te chu ka chak ta hial a! Ka pills lei sa zawng zawng te chu ka va phawrh sawk sawk a, bawlhhlawh bawmah ka paih ta vek a.





Ka test zan la la chuan ka period zui nghal a, Zonuni ka va hrilh chu kan nui nasa dun ngei mai.





Chawlh pawh chu kar loah a zo leh ta mai a. Class kan tan leh na tur tukah chuan ka peih lo lutuk chu ka mu lui tlat a, Ruatdika chuan "Ka naute tho rawh le" tiin min tung tho lui a. "Vawiin chu kal lo mai ang... mawh" ka la ti ve tang tang a.





"Ka hna tih khaihlak i tum tihna em ni" nui hak paha min zawh lai chuan a hnute hmur tereuh te chu ka lo khal niap niap a. "Khatia i tih chhunzawm zel chuan ka l* hrep mai tur che nia aw" min melh ngur chungin a ti thum dut a.






Lei chhuah khum zeuhin ka tawlh sawn vat a. Min rawn man bet rang lutuk! Khumah chuan min bawh betin "Semester bul tanna tha tak anih dawn hi" ti supin ka thawmhnaw hak lai chu awlsam zetin a hlip ta daih a!






Nawmna nasa lutukin min fan a, ka zawi tak hnawkah chuan zo zet hian min pawm kang leh nawlh a. "Inbual zuai ang, khatianga class i kal chuan t*h zawh hlim i ni tih miin an hre palh ang" a ti hluk a. A frank thei lutuk chu ka nuih a za kher mai.







Hruaisanga te an exam zo ve chiah thung a, rawn haw an tum thu min rawn hrilh tum chuan ka ngaihtuahna a lo luah tawhloh zia ka hriatchhuah phah !






Pasal ka neih atanga rei tak chhung kha chu Hruaisanga ngai tak chunga zan hun hman ral chang ka la nei thin kha a ni a. Tunah chuan ka pasal kiangah ka hlim em em a, lo haw ta pawh nise ka thinlung hi a danglam phahin ka ring tawh lo hial !






Ni khat chu Ruby hian min lo be hlawl a, class bana an ina kal kawi turin min rawn chah a, thil pawimawh tak min sawipui tur neiin a rawn insawi si a banah chuan ka va thlawh ta a.





Kan inhmu chiah chu a tih thin dan ang bawkin a lo tawng leh nghal char char, a fiam thu hlut bawk a ka nui nasa leh hman kher mai. Rei vak lo hnuah chuan a thutak sawt ta viau mai a "Rinpui.. tunlai in nupa inkar a la tha zel maw ? " rilrua vei neih hmel deuh tak hian min zawt a.





"Umm tha zel a ni mai, tinge a ? " tiin ka zawt let thung a.





"Sir Ruatdika nen in inneih tur thu ka hriat tirha ka rawn biak nghal che kha i la hria em? "




"La hria e. "





"Khata ka thil sawi pawh kha i la hria ang tiraw ? "





Ka lo bu leh nghat a. Ruatdikan ngaihzawng nghet a neih thu leh a ngaihzawng chu keimah ka lo nih reng avanga mak a tih thu te a rawn sawi kha a ni a, keimah ka ni lo tih ka chiang em em thung anih kha!




"Khami chungchang kha in inneih hma zan khan ka hriat belh a. A ngaihzawng kha nangmah i lo ni lo tih te.. "






Ruby chu ka va melh zawk a, hrehawm tih hmel tak hian min lo en ve ran a.





"A ngaihzawng nen chuan an la inkawp reng an ti a, innei mai tawh tur in nih avangin ka hrilh hreh che a. In inneih hnu khan ka rin dan lo tak maia in nupa in inngeih em avang khan an thusawi chu dawt mai anih ringin ka ngawi ta zawk a, mahse.. " a ngawi dat a, ka thin te chu a phu dup dup tawh.






"Eng lo ania, nimin khan kan class ami Sir Ruatdika hre hnai deuh tu pakhatin thil a sawi lai ka hre ru a. Ih... A ngaihzawng khan nau a pai thei lova, chuvangin nang hi nupui atan a nei ta che tih vel. Fapa in neih huna then che a tum a tih ten a sawi a"




Ruby thusawi chuan min deng dawt mai. Dawt a sawi dawn lo tih ka chiang si a, ka rilru na lutuk chu ka puak keh mai dawnin ka inhre hial a! Hetiang em em hian ka rilru a la na ngai lo , ka tap chhuak thei miah lo thung!





Ruatdika min neih chhan dik tak ka hre ta a, ka thinlung a ti kehsawm vek thung si!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)