LIBRARY BY Esi Taylor (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: LIBRARY BY Esi Taylor (Completed)

Unread post by Ngaia » July 5th, 2020, 4:00 pm

LIBRARY - 13

By Esi Taylor







Zualtei a awm ve miau avang in inthunun hram hram in class lam kan pan a, Irenei leh Tommy chungchang hriatchian a chak thu a sawi siam siam leh ta nghal a. Engmah hre ve hek lo le!!



Class ah kan lut a, sir a rawn lut zui mail bawk en Zamzami pawn engmah min zawt hman lo, min en leh tawp thin.



Tommy khan ka thusawi te kha engtiangin nge a dawnsawn ang? Irenei thil min hrilh chungchang kha ani pawn alo hre reng tawh zawk nge? Kan pahnihin innei kan tumlo veve ti in min hrilh a, mahse vawiin a Irenei awm dan ah kha chuan Tommy kha a duh hmel emem bawk si a, bak ah min tihel zet leh intihtheih hmel zet in Irenei pawh kha a awm reng bawk anih kha?



Khang thil zozai vang te khan alawm Tommy hi ka rin theih loh?



Min umzui reng chung in ka hmuh laia hmeichhe dangin an si reng kha a ngaipawimawh leh chuang miah lo a, nia enge ka beisei vak?




Khati kha chuan hnaih ka duhlo tih a hrethiam ve tawh anga a tha viau ang chu!



Class ka neih tawh loh avangin haw tumin ka bag ka ak tha a "vawiin chu ka lo nghak lo mai ang che"



"Ummm enteh Issa!"



"Zam engmah min zawt rih suh, zan ah kan sawi dun dawnnia"



"Umm anih bye.. Lo cry lo la" ka nui nghak hak!!



"Cry dawn lo nasa" ti hliai in ka chhuahsan a, nidang ah chuan class ka neih loh pawhin ka lo nghak mai thin a, vawiin chu khang ka mi hmuhpeih loh ber te hmuh palh kha ka hlau ngawih ngawih.




Class atangin ka chhuak a, kan class hi Third floor a awm anih avangin step ah ka chhukthla hlawk hlawk a, midang an awm ve nawk avangin a reh lemlo hle.




"Baby!! " first floor ka thleng thla tep, Tommy aw ka hriat avangin ka ding chiang hle



Hmanhmawh zet hian ka hnung ah a rawn kal a, "khatiangin min zing ah min ko suh ka tih kha" ka lo ti nghal hluk




"I hming in ka au che a i hrethei lo anihkha" chhang lovin ka chhuk san a, min zui nghal vat



"In class bul ah ka lo din reng kha min hmu miah lo mi? "




"Hmu lo"



"I van kal chak emem, ka rawn um nghal che pawn ka umpha maithei miah lo che" a hmel ka en zuai a, alo nui sang



"Ka hmanhmawh a"




"I haw thei tawh a mi? "



"Aw"



"Zamzami i nghak dawn lo a mi? "



Ground floor kan thlengthla chiah, ding dat in amah chu ka en a "nghak dawn lo, anih phawt! " ka kal chu min rawn zui leh rang hle





"I thin ala rim ami? "


Ka chhang duh lo



"Baby"rum zet hian ka melh a, a hre lo der hmiah




Chak zet in ka kal hlawk hlawk a, min zui char char bawk si




"Engtia thlem nge i duh? "




"Ka thin a rim lo"



"Ngatinge min biak duh siloh"




"Ka be peih lo che"




"Engtik ah nge min biak peih ang" ka ding leh nghal chawt



"Tomm engmah hi i hrethiam lo ami? Ngatinge engmah thleng lo anga i awm reng theih zawk a, kan inthen.. "




"Sawi tawh suh ka tih kha" thaw hak in ka kal zawm leh a,




"Baby"



"Sorry!! "




"Thinrim tawh lo la"



"Min be ve laa"


Campus kan chhuahsan a, min biakna chu engmah ka chhang duh lo, mahse min zui char char tho!



"Apawi lo tihian ka zui kual char char che anga, i nin hun ah min be mai ang" ka melh nghal kawk a, min lo nuih suk zui. A palian si a awmdan naupangchhia lutuk chuan ka nuih a ti zawk mahse ka nui duh miah lo.




Kawngpui sir ah ding in taxi ka chang a, engmah sawilovin alo ding ve run tho.




Taxi ka phar a. Ka lut fel chiah a rawn thu lut ve nghal run anih chu, phawk zet hian ka en a driver bul ah kan hostel awmna a hrilh nghal zat bawk.

Ka be tawh lo a, min be bik lo, ahnung ah kan pahnih chauh a kan thut avangin amah hlat thei ang ber in ka thu a,min thuthnaih a tum buai biklo.




Taxi chu anlo phar ding a, ahnung ah nu upa tawh lam hi a rawn thu lut a, lawm hmel zet hian min si chet in a rawn tawlh nghal hmiah. Ka kut phah a rawn chelh a, laksawn ka tum chu a chelh nghet mai bawk si, rum zet hian ka melh a, engmah thleng lo ang in hma lam a en hmiah.




Ka chet vak chuan kan bul a rawn thu nu khan a hriatthiam ka hlau bawk si, ka kut zungtang kar ah a kut tang a rawn rawlh lut a, ka tang zui ta biklo.




Thlifim in glass down kar atangin ka hmai leh sam a rawn chhem heuh heuh a, ka bul a thu mipa vang hian ka thla amuang riau bawksi, lehlam zawng tak chuan a romantic in a nuam veng veng.




Hostel bul ah kan chhuk a, min zui ve zel gate bul ah kan ding ran a,



"Lo luh chu i tum lo tiraw"



"Umm i phalloh chuan lut lo ang"



"Anih let tawh rawh"



"Lawk!! Irenei thu lo sawi avang khan ka tihpalh, khatiang thu i hnen a arawn sawi kha ka ring bik miah lo "



"Atha lawm"



"Kan inkar ah engmah a awmlo tak tak min ring tur in ka duh che"



"Rin che maw? "



"Unmm min ring rawh! Chance min pe leh la, kan inkar tih tawp chu sawi tawh suh.. Nangmah avang hian hmalam pan duhna ka neih phah a.... "



"I rintlak tih lantir la"



"Ka ti ang!! Tihnat che ka duhlo takzet, apawi ka ti lutuk"



"Atha lawm mahse i rintlak tak tak tih ti lang phawt rawh! Min ngaihsak zia ti lang la hmeichhe dang an awmlo tih pawh finfiah rawh, enge i tih i buai em , min hruai hman loh pawhin sawi thin la chuan ka ring thei maithei che" thaw hak in a rawn nui suk a



"Ka ti ang, ka ti vek dawn alawm chuan nui tawh rawh "




"Maw?"




"I thinrim hnu khan i tum hmel char char min la hmuh a!" A chal a ti chuar nanga , a thil sawi hi ka awih theilo zawk,




"Ka nui peih lo"


"Nui la please, i nui hmel ka hmuh loh chuan nuam ka ti lo"




"Ka nuih a za lo" ka ti leh hmuk




"Anih hetah hian ka fawp dawn che nia"



"I mawl a mi? "



"Umm mawl min tih chuan a nimai" a dar a san leh uk a,



"Let rawh"



"Ka call i lo chhang tawh angem? "




"Umm ka peih chuan"



"I peih chuan chauh in maw? " ahmel lan dan nuihzathlak lutuk chuan min ti nui nghal hak, a rawn nui ve hawk mai



"Ka let dawn lut rawh".




"Umm bye" ti sap in gate ah ka lut a, mak tak maiin ka zang nghal hawk . Ngatinge hepa nen a kan inkar hi chinfel a har emem bik mai le?



"College ka thleng chiah" ka inbual zo ka message dawn a vang chuan mak ti zet hian "enge i tih leh? " tiin ka reply nghal vat



"Aw... Taxi in ka thlah che sia motor ka la leh" ka nui chhuak nghal hawk mai, nge taxi ah khan arawn chuan ve vel ni.




"In ka thleng chiah"


"Ka inbual zo chiah"


"Dinner ka ei dawn i ei tawh em? "


"Ka ei tawh a, i puar em? "


"Lehkha i zir dawn em?


"Jimm alo kal a"


"Chhuah pui ah min sawm a, mahse ka lo kal chak zawk! "





I thiltih te min hrilh la min ngaihsak zia ti lang rawh ka tih vang khan Message min rawn thawn zing in a thil tih engkim min rawn hrilh char char!!! Tha deuh vin ka reply ve zel a, a hlimawm riau lehnghal.




Assignment tih ka neih avangin dawhkan ah ka bur chawt a, Zamzami pawh chuti tho, awmdun deng chungin kan inbe khat hle.



Laptop ah ka type lut mawlh mawlh, ka zawh meuh chuan dar12 a ri thuak tawh, Zamzami pawh mutchhuah hmel zet hian a ham bui bui a, naktuk a submit nghal rumrum tur nilo mahse "vawiin a tihtir naktuk a tih ah khek suh" tih ang deuh khan tih nghal zungzung zel hi kan tihdan than ve reng a ni.




Ka phone ka en chuan Tommy message chu ka open hmasa ber



"Jimm a haw chiah a"



"I la zo lo mi"



"Ka mu dawnnia"


"I van zo har".



"Ka lo nghak che"



Ka chhiar zo chu ka nui nghak hak, "ka zo e" ka reply vat a, a thleng hman engem tih vel chauh ah a call a rawn lut nghal zat.



"Ummm"



"I ti zo tawh maw? " a rawn ti thawp sup a, a mah hmuh lo mah ila a aw atang pawh hian a hmel awmdan tur pa lutuk tak mai hi ka mitthla thin



"Zo chiahh"



"Umm mu nghal rawh aww.. Zing ah i tho thei lo mai ang" ka nui chhuak nghal hak, amak lutuk min ngaihsakna tlemte a a tihlan ringawt pawh hian keimah hi ka phurin ka hlim emem ringawt thin




"Umm nangpawh muttui le"



"Kan mood a va fuh deuh ve" Zamzamina rawn ti lang lang a, lei ka chhuah khum nghek ringawt.



................


Tommy chu ngaihsak angin ka awm duhlo a, mahse athiam angtawk in min ngaihsak hle thung. Chance ka pek chu bawhpelh tumlo ang hrim hian a awm a, a thiltih engkim min hrilh thlap thlap a, khawi ah pawh chhuak dawn se a ahmuh tur te nen lam sawiin ka phalna min dil zel bawk thin.



Kan inkar tawp tur a ka thuthlukna siam chu keimah ngeiin ka bawhchhia chu ani ta ngawt mai. Ka duh emem khan min umzui char char a, engtin nge ka hnawl luih tang tang theih bik reng ang ni.



"Mate i mu tawh em? " Uchristy'n minlo call ve tehmial. Message hmang hi chuan kan inbe ve zeuh zeuh thin a, call tak hi chuan kan inbe khat khawp mai



"Mu tep enge ni ta? "



"Naktuk ah Aizawl ka rawn ve dawn a, i Uhlutea rualin "



"Animaw? " phur zet hian ka ti hliai a, an inkar a tha leh tawh anih ka ring nghal mai. Uhlutea hi civil hospital ah doctor ho programme pawimawh tak avangin a arawn kal dawn a, Uchristy rawn kalve tur pawh chu amak hranlo



"Ummm min bazarpui angchu tiraw? "



"Tehreng mai" ka ti nghal zat,ka lo phur ve em em tawp. Mahni monu nimaitur te nen a inpawh taka awm te chu tupawn nuam an ti ang ka ring.


.....


"Saturday ah chauh kan inhmuh theih ka ring"


"Anih I u mama alo chhuak angem? "


"Ka hrelo, chhuak lo ang mahse Uhlutea chuan tlawh hrim hrim chu a tum tho ang, kan kal dawnnia"



"Naaa.. Ka zak, in monu hual a tel phei chuan"



"Aho lutuk!! Nangpawh kan monu hual tho inihkha"



"Ni tak e Christy ai chuan min ngaina ang che" ala ti zui, kan nui dun nghal hawk hawk ,



"Hey beautiful! " kan hawi chhuak nghal zat a, Tomm an kan bul arawn thleng chawpchilh ve nghal



"Hey handsome! " nui miah lovin ka lo ti ve nghal zat, anui hawk thung.



Ka bul ah a rawn thu a, ngaihsak emem ang leh kan inkar a tha tawh ang in ka awm duh miah lo a, mahse then tumna erawh ka nei tawh biklo.




"Chuan library hi in favourite place ani hiallo maw? "




"Nih tir ka duh lo, kal ziah angai hi a hneawm! " Zamzami a rawn ti nghal hlak a, kan nui tawp. Nia library a kan kal chuan lehkhazir angaih vang ani zel, thil nuam tak chu a nilo chiang alawm.



"In ril a tam em? " rang zet in ka lu ka thing a



"Coffee in duh em? "



"Kan thil eina ala reilo lutuk"



"Ummm" tihpahin a tho lawk a, reilo te hnu ah lehkhabu keng chungin a rawn let a, ka bul ah bawk rawn thu in a bih ve nghal char char.




"Class inei lo mi? "



Min chhanglovin ka bu nghut a



"I nei chiang lutuk"



"Naaa"



"Nge dawt i sawi a"



"Naa.. Nangchu i bul a awm ka duh zawk a lawm" ka melh nghal khui a, hmui phun in "sorry! " a ti sup




"Nidang ah chuan class off ngawt tawh suh ang che"

"Chuan tun tum chu min hrethiam tihna a ni em? " beisei hmel zet hian min en a, anuihzathlak thei tawp



"Umm awm mai rawh"



"Yeass.. Lehkhabu hi tha deuh vin ka chhiar ang" nui chhuak duhlovin ka heh ka pet fan fan a, alan dan naupangchhi zet leh zeilo thei lutuk te hi ka duh ngawih ngawih.



"Class ahun leh tep tawh kan kal mai dawnmi? " A sana bun lai bih pahin Zamzamin arawn ti ru sap a, buk nghut pahin Tommy ka en a. Alo chhiar tui lutuk.



"Tomm class kan la nei a"



"E ummm.. " rang zet hian a lehkhabu a khup nghal thawk a. A ding zui nghal zat.




Keini pawh kan indahfel nghal zung zung a, class bul thleng in min thlah leh thlap a, kan luhhnu ah a kal ve leh chiah



"Hmeli Tommy nen khan inni chiang lutukk, i pha vel a ka chiang aw" Zualtein arawn ti nghek



"Shhh! " tih pahin ka bul ah ka pawt thu nghal rawk rawk a. Min zawt ngun tawh lutuk a, kan inhauh buai lai vel alo ni bawk nen kan inngaihzawn loh thu ka sawi mai zel kha ania.



"Nge i zep kher a" lungawi lo zet hian a ti leh hmarh hmarh a



"Sorry ala reilo lutuk bak ah midangin an hriat ka hlau alawm"



"Awiii Tommy awmdan ah hian a hriat vek alawm.. A care hmel che si! Awiiii in inhmeh tawp"



"Sawi miah suh ang che"



"Enteh Hmangaihi te ho sawn an star ropui sia maw hmanni pawn in nih leh nihloh min zawt a ka hrelo ka ti tawp, mi pawn an ringhlel ve tho che u niang"



"Anni lo ti tlat rawh i hria em? "



"Umm mahse awiii!! enteh a fel em? A zei awm sia.. Apa reuh sia maw!! Remruati nen khan anni lo tihna mi? " atih zawm leh nghal char char, hmeichhe dang nen suihzawm tur an tam lutuk hi abuaithlak.



Zualtei lah in zawhna chhan senlo min zawh zawm char char a, Maam arawn lut hlauh ka lawm zia chu pui tak a ni.



..........



Saturday ah Uhlutea hmu tur in ka ni te in ah ka kal a, a rawn thlen atangin a buai char char a. Kan inhmu ve thei dawn chiah karleh ah pawh kartawp lam ah chauh a haw thei ang. Uchristy nen pawh bazar kan tum lawksa vek tawh bawk.




"Ilo kal khat lutuk riak ve ang che" Maryn min hmuh rual in alo ti nghal zat, ka ni lah in riak turin min ti bawk a. Ka hnial hneh nganglo Zamzami ka hrilh lah chuan alo phallo nasa mai, ka khawngaih reuh.




"Mama chu... "



"Umm chawhnu lam ah kan kal dawnnia" aphone a khawihlai en reng pahin min chhang



"That chu!! Chawmhma chu bazar ang aw"



"Yeass!! Ka lo kal ve dawn" phur zet in Maryn a rawn ti nghal zat a.



"Bazar angai ami? " Uhlutean a tih chuan ka tum khum nghal nghek


"I phakar thil minlei tur pawh ka hual sa vek" arawn nui hawk a.



"Duh i ngah si"



"I sual!! Kan inhmuh khat em hi bak ah Uchristy pawh ka tiam vek tawh"



"Engmaw!! " a rawn thu tha nghal zat a. A phone en lai dahthla meuhvin min en




"Kan bazar dawnnia ka ti vek tawh! "



"Umm atha lawm i duh chuan va bazar pui la pawisa ka pe dawn che nia"




"I lo kal ve loh in" ka ti nghal nghek



"Ka lo kal ve in ka peih hleinem"



"I van sual ve tak, i bialnu leh i nau care na pawh i neilo"



"Ka nau ka care che aw.. Ka bialnu pawh ka care"



"I care loh tawp hi"



"Ka bialnu ani tawh lo ka tihkha"



"Maw? Taktak maw in inthen hlen tawh tak tak ami? " a bulah ah ka thu phei nghal rawk rawk, anui suk duh chauh mawle.



Uchristy'n Mary nen min rawn hruai a, a motor a ken dan ah Uhlutea nen Lunglei atangin an rawn kal ruallo tih ka hre mai.



Mahse alan dan ah inthen ang pawn a awm ve miahlo, Uhlutea alo kal ve dawn lo tih ka hrilh pawn "a hah ve em alawm" hriatthiam hmel zet in a ti tho.




Uchristy chu mi hausa nula tih tak ah thil manto zet zet a lei teuh a , a inthuamna, a engkim mai chu branded vek, Mary nen pawh an inhmu tawh a, Mary pawn anel, min duat dun ropui bawk mai sia. Tlangval ho pawn min enzui char char zel, a chhelo ve em bawk a.




Mary nen Nike sneaker man to lutuk min leisak a tum chu kan hnial tang tang a, Uhlutean min hauh dawn vang a ni.


Mahse Hotel changkang zet ah thil tui leh manto zet zet min ei pui a, bill min rawn pek chuan kan pathum chauhvin cheng sangsarih man zet kan ei ral. To ti hmel pawh a pu miah lo, kan duh belh leh belh loh min zawt zawk. Chututih a hnek in Tips ah cheng 500 ala dah tel hram.




Ka ni te in thleng min thlah leh thlap, in chhung ah arawn lut ve a, ka ni nen inhre sa anni bawk a nel zet in an inbe nghal a, Mary lah in kan thil ei tui zia vel alo sawi ve char char.



Uhlutea nen an inbiak avangin room ah kan luhsan a, Mama hmu tur a kan la kal dawn avangin inthlak lovin khum ah kan mu dun a



"U enteh Uhlutea nen hian innei vat se tiraw?" Ati sek, a fel in min duat ropui mai sia kan monu nitur in kan duh dun emem hi ani ringawt.





Tommy an inhmuh aduh thu min rawn hrilh chu Mama hmuh kan tum tih ka hrilh nghal vat a, "ka lo kal ve chak!!" A rawn ti vel, ka nui nghak hak mai, Uhlutea hian hria se pawi ka tilo a, mahse Mama kher chu ka hrilh ngam rih teuhlo.




..........

Uchristy haw hnu ah ka ni hovin Mama hmu tur in Durtlang kan pan a, ka nu in eitur leh vitamin vel pe tur amin tih avangin Uhlutea nen damdawi dawr ah damdawi te kan lei leh a, Mama hi chuan engmah a mamawh hi a sawi ngai silo a, ka nu in atih ang ang hi a ni deuh tawp mai.



Zamzami lo kal ve tur in ka sawm a, i ni te ho an awmsia ka zak rih a ti vel tlat anihchu.




ATC ah rei awmlovin kan let a, ka ni te in kan thlen hnu ah Tommy ka haw tawh thu leh ka ni te in a ka riah tur thu message in ka hrilh nghal vat a. A buai nge message a hmu mai theilo.



ATC a Mama leh Uhlutea te nen a kan thlalak ho chu whatsapp status ah ka hmang a, Zamzamin a rawn seen rang hle.




Min rawn call nghal zat, inbual mai theilovin rei zet kan inbe leh rih a "zanin bak riakchhuak suh anih loh chuan ka riahchhuah san ve char char ang che" a rawn ti chiam.




Ka phone charge in ka inbual san a, ka inbual zawh in Tommy message a awm beiseiin ka phone ka check nghal vat a, ka message ala hmu miah lo. Mahse ka status erawh a seen kalh tawh.



Mak ka ti ru viau nang in a buai anih ka ring, ka charge zawm leh a, chaw eikham ah pawh Tommy message reng reng ka la dawng lo.



Ka message chu a open tawh reng a, mahse min reply miahlo!!! Hepa hi enge ahriat le!! Lungawilo ru zet in ka phone ka dah tau nghawng nghawng a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 5th, 2020, 4:00 pm

LIBRARY - 14
BY ESI TAYLOR








Mary nen a pindan ah kan awm dun a, Uhlutea chu hna lam buaipuiin a laptop a thut chilh run reng thung, Mary tawng siam siam chu ka nuih pui leh hak thin a. Tommy awmdan avang khan ka rilru erawh a khingbai ru viau thung.




"Mate i thiante an lo kal a" ka ni chu pindan kawngka ah arawn dak a



"Maw tumaw keimah maw nge Mary" ka ti nghal haw



"Aw nangmah ngei mai kha"



Rangzet hian ka thu chhuak a, tu ka thiante nge ka lo anga rin dan engmah ka nei thiam miah lo.



Ka ni lah chu a kal zui leh daih a, khum atangin ka tho chhuak a, ka sliper ka bun sawk sawk a, ka sam ka tuai mam nghal thuak thuak



"Ehe!! U Ujimmy kha alo kal aniang a" rang zet in Mary pawh a rawn thu chhuak ve nghal zat



"Animaw? " ti hliai in pindan kan chhuahsan a



"I lo mu der elaw? " common room a kan luh rualin Zamzami alo ti nghal lawng lawng.



Mak ti zet in "ehe!! " ka ti nghal hluai a, engtin nge tun ang zan ah te a rawn kal theih.



"Surprise chiang viau lo maw" a nui var var a. Mak ka ti telh telh thung.



Kawngkapui atanga Tommy rawn pen lut ka hmuh leh lek phei chuan ka thlawk chhuak lo chauh,



"In pahnih hian inlo kal maw? " ka ti vat a



"Ummm" ka bul ah rawn kal hnai in zawi zetin ka beng bul ah "min rawn sawm lui tlat a" a tih zawm leh nghal zat.




"I inpark fel thei maw? " ka ni in Tommy ahmuh rualin a lo ti vat a, "ummm" a ti sup.



Chiang zet hian min en run a, ka thinrim khum duh tehreng nen ka ni te awmlai chuan a tihchi chiah bawk si lo



"Tehhlawl che u chuan " ka ti ringawt.



Mary lah a lo phur leh nasa "Ujimmy alo kal ve nange" alo ti nghal vat



.......



Choka ah bawk inkawm in eitur kan siam a, Tommy chu a tawng leh mang chuang miah lo na in ka bul ah min si lek lek in a awm char char thung.




"Zam riak ve nghal daih la"



"Nia lo riak ve daih rawh ka khum a zau lutuk" maryn alo ti nghal vat, a ngawi vang vang a "nia " a ti nghal hliai , a awlsam thei ania.




Mary kai tho lawp in "warden minlo call pui teh" ati vut a, varanda lam ah an inzui chhuak daih bawk.



.....



"I ni in a hau che ngem? "



"Ngatimaw? " phawk zet hian ka en a



"Aw ka lo leng sia" za zet in ka nui chhuak nghal hawk.



"Chu ai chuan keiman ka hau chak zawk che" mit ti zim sun hian min en



"Umm min hau rawh"



"Naa.... Misual ngatinge ka message hmu reng a min reply duh loh vel"




"Chhun ah khan i U nen ka hmu dun che u a, i U tih ka hre lo a, ka thik alawm"



"Naaa.. Nanghi min ring miah lo mi? " ka ti nghal nghek



"Nangpawh U mipa pahnih lai i nei tih ka hre lo lawm, mipa dang chu ka thik vek... U mipa dang i la nei em an thlalak nen min lo hmuh nghal law law teh"



Chhanglovin ka nuih leh rih phawt. A awm dan hi a inhmeh lo thei thlawt, mahse a lawmawm tawp thung.




"Chuan i thik sia engtin?"



"I status ah i rawn hmang leh a, a U nen pawh an inpawh hmel hle mai ka tia ka thin a rim lutuk a, Zamzami hnen ah ka va kal tawp a"




"Awiii nanghi chu aw... "



"E i thianpa maw? " choka ah Uhlutea a rawn lut a, fridge a tui vawt chu lachhuak in no ah a thli nghal zat a



"Umm U heihi ka thianpa Tommy a fel tehmai nia" Tommy chu arawn nui suk a, min tizim sun in min en



"Umm lo duat viau rawh aw ka nau hi" phawk zet in Uhlutea ka en a, Uhlutea lah chu nui suk in Tommy dar a beng thak a, a chhuak zui nghal daih



"Enge maw a hriat lee? " ka ti nghal sap




"Ka enkawl tha viau ang che" Tommy lah in arawn ti sup bawk a, ka biang a sa nghal hat hat. Uhlutea fin zia emem hi, kan lo thudun pawh anilo a, ka bialpa tih a rawn hre nghal chat tho ania.



Zamzami leh Mary an rawn lut a, inpawh zet in an rawn nui lut hak hak, thil eiin ka hlim tlang ta viau.



Zamzami a riah ve nghal dawn avangin Tommy thlah tur in pawn ah ka zui chhuak a, pawn kan chhuak chiah a ka kut a rawn vuan nghal chat.



Alam ah min kuai hnai a


"Ka ni in min hmu ang" ka ti nghal ruai



"I hlauthawng thei si"



"A hlauhawm a lawm"



"Kan in ah hruai che ka duh ania"




"Maw... Ngatinge? Engvangin" ka ti nghal zung zung,




"An hmu chak che"



"I daw peih"



"Engvangin nge dawt ka sawi anga"



"Chupawh nise ka duh lo"




"Engvangin"



"Ala hma lutuk chhungte inhmuh sak tur chuan"



"Hey" ka hma ah a rawn ding a "keichuan a hma ka tilo, engkim hi min hriatpui la ka duh... Thlah leh che ka tum tawhlo chuvangin ka engkim hi hrechiang la ka duh" chupawh nise Tomyy pa hmel hi ka hlauh zawng tak ania ka zam dawn lutuk.




"Min ring tawh em? "



"Ka ring reng che nangman anih kha min ringlo"



"No... Baby... Ka ringche mahse i lak ah hi chuan ka thikthu hi ka thunun phak bak in a chhia"



"Anih" ka hmui ka ti pawrh tarh a, kun hniam in a rawn fawp zauh a. Ka tawlhhnung nghal dawrh a, a nui hawk thung




"Hey i bei den thei emai aw... "




"Engmah ka hlau ve lo"



"Chupawh nise keiman ka hlau a lawm" ka ti chiam a, a awm ah ka chum dawt a, ka awm dan chuan a nuih a ti za hle thung.


.......


Sunday chawhnu ah Uchristy ka ni te in ah arawn leng a, Uhlutea chuan a um e lem vaklo, mahse innel vek tawh sa kan ni bawk a nuamlo a tih hmel chuang loh.



Zana riak tur a min tih leh avangin Zamzami nen hostel ah thawmhnaw la tur in kan kal a, Tommy pawh abuai avangin zing a kan inbiak bak kha kan la inbe leh miah lo.



Ka ni te in a kan let leh chuan Uchristy alo haw ve dawn chiah, thlah turin ka ni arawn chhuak a, Uhlutea chu inchhung ah zu awm tlat a mawle, a duhna ah chuan a sualthiam ve thei thlawt.



Zanriah kan eikham a, ka ni leh pa Zuia te inkhawm turin an chhuak a, Uhlutea pindan ah a inkhung daih a,Mary leh kei leh Zamzami chauh kan ni bawk a, kan ri lenglawng mai.






"I phone a ri in ka hria" Maryn a tih avangin sofa chung a ka phone dah chu ka en nghal vat a, alo thim chiah



Tommy anih ringin ka en nghal vat a, ka no la hriat loh a ni. A pawimawh chuan minlo call leh mai ang ti rilru chung in sofa ah bawk ka dahthla leh a, Mary zai lawng lawng Zamzamin diklo zet zet a part alo pek sak chu za zet in ka nuih a



Ka phone bawk a rik leh avangin tho chhuak in choka lam ka pan pui a, an pahnih bul a ka awm chuan an bengchheng lutuk a, tawng ka hre thei dawnlo.



"Hello!! "



"Isabella"



"Umm tunge aw? " Tommy aw a ang viau na in amah nise chuan ka hming a min koh ka ring lo.



"Pawn ah ka awm a"



"Maw" ka ti nghal nghek



"Lo chhuak lawk la"



"Hostel ah ka awm lo tunge aw"




"Ka hria lawm i ni te in bul ah ka awm lo chhuak lawk ka lo nghak che"



"Maw? " a dah nghal daih anih chu. Tunge niang le? Ka ni te in ah ka riak tih nen lam a hriat chuan min hrechiang hle tihna. Nitak!! Jimmy hian min rawn fiam ani chiang mai.




Mary te lo nui bawk bawk chu kalpel in kawngkapui lam ka pan nghal zat a



"I chhuak dawn mi? " Zamzamin alo tih pawh chuan



"Ka rei lo ang" mit ka siai zauh a, ka chhuak zui nghal.




Pawn ah ka chhuak a, gate bul a mipa ruangam chu ka hmu nghal zat. Pawn light in a en phak chiah loh avangin ka hmu chiang theilo thung.




"Hey tunge? " tihpahin ka pan nghal zat a , a san em avangin Jimmy anih ka ring bur




Gate bul ka thlen rualin "lo lut mai ta che" ka ti nghal vat a, chupa chu a rawn inher a, mask avuah!! Jimmy a ni miahlo!!




"Tunge i nih? " ka ti hman chauh a, hnung lam atangin mi pakhatin hneh zet in ka hmui a rawn hup nghal chawt anih chu.




Ka nghawng ah na zet in arawn rek leh nghal nawk nawk!!




Tal chhuah tum in ka ke ka leng chiam a, ka hneh lo nasa lutuk!!!


Ka hmui a hup hneh bawk si, min rek bet tlat bawk thawk pawh ka thaw hlei thei lo!!



Gate pawn a awm zawk chu a rawn lut a, a hmel chu hriat tum in ka en tawk tawk a, mask a vuah bak ah a thim a vangin ka hrethei der silo. Chemte lian vak lo hi ka hmai bul ah a rawn lek kang vu a,ka hlau lutuk chu ka thaw chhuak tawh pawn ka hre lo, ka thlan in min bual nghal vek




"I hmui ka hup na hi kan thlah dawn a, i chet vaih chuan ka vit nghal ang che" thum zet in a rawn ti chher chher a, ka dul zawn ah a rawn tin nghal siah!!



ka hmui hup tu chuan min thlah a, min thlah rualin ka tha te chu an zawi nghal vek, ka khup te hi an sai dar dar mai.




"Ngaithla rawh! " nelawm loh zet hian chemte a min tin tupa chuan a ti hmuk a, chhang tur pawn ka aw a chhuak theilo.




"Thih i duh loh chuan ngaihzawng lo neih vel hi bansan ang che" mak ti lutuk leh angaihna hre lo lutuk hian ka en a. Tute nge annih? Engvanga hetiang a min rawn ti nge annih? Eng ang buaina rapthlak nge ni ngai?




"I hria em? " a rawn ti leh hrawk!!!



Mangang zet hian ka bu nghut a, hetiang hi ka mumang atan pawh ka duh lo, film leh thawnthu a tel atan pawh ka duh lo.




"Min that suh" ka ti bah nawk a, ka taksa khur nasa lutuk chu ka thunun theih phakbak ani.




"Ngaihzawng lo neih a, lo lerh kual vel hi lo bansan la kan that lo ang che.. Kan en thla reng che" a aw chu ka aw hriat tawh zawng zawng ah ala rapthlak ber !!!




Ka hnung a mi zawk chuan ka hmui Leh hnar bawr vel chu hneh lutuk mai hian puan in a rawn hup leh hmiah!!





Ka hmai bawr vel chu a hit nghal mup!!




Tal chhuah tum in ka kut leh ke tih chet ka tum a, ka che theilo!!!!




Ka taksa engmah hi an che theilo!!




Ka thi ngei dawn e!!! Lei a ka tluk thuai lai pawh chu chiang zet in ka la hria. Ka taksa peng tin chu an hit zawk zawk a, ka thaw nge thaw lo pawh ka hre tawhlo.




Mi pahnih gate a an chhuak lai te chu ka la hmu ruai ruai a, thei leh thei lovin in lam chu ka melh tawk tawk a...


A thim ta hmukk!!!


............................................




TOMMY ZOSANGLIANA P. O. V




Assignment leh project tihtur ka neih nual avangin nileng in laptop hma ah ka bur chawt a.



Hetiang emem a thahnem ka ngaih hi a la awm lo, ka pa sumdawnna leh a ro te hi neihsak tumna ka neih miau loh avangin Isabella nuamsa taka ka dah theih dan tur awm chhun chu tha taka lehkhazir hi ani tih ka hrechiang viau.



Ka mit thip hlur avangin laptop chu ka thawhsan a, tho chhuak in tui vawt zet ka in khawlh khawlh a.



Vawiin chu kan inbe tlem hle mai, min lo ngaihtuah ve angem? Nui suk in ka phone ka ban a, ka call nghal zat, a pickup thei miahlo!!




Sana ka en a dar9 ala ri lo, mutnan chuan ala hma hle si a, Zamzami nen inkawm in a phone ri pawh a hrelo ani ngei ang.




Ka call a hmuh hun ah min rawn be mai ang ti rilru chung in laptop bawk ka thutchilh leh a




Ka phone a rik chuan rang lutuk in ka la nghal zat, ka beisei loh zawk Zamzami, mak ka ti viau na in ka baby boss hian a phone a hmansak ani ngei ang.




"Ummm" ka ti sup a



"Tommy! " a aw chu a zawi rawih rawih viau



"Aw... Zamzam enge ni ta"



"Isabella MS Hospital ah a awm? "



"Maw? " rang lutuk hian ka ding chhuak nghal zawk




"Zamzam enge thleng? " ka chahbi la in ka tlanchhuak nghal zat




"Pawn ah alo tlu reng a...... Hei a la harh lo"



"Ka rawn kal" rang lutuk in ka dawk chhuak a, enge thleng? Pawnah alo tlu a maw? Lalpa khawngaihin eng thil thalo mah thlenglo hram rawh se...


Hetiang emem hlauthawng hian ka la awm ngailo!!!




Ka speed asang bawk a minute20 ah ka thleng, hospital kawt a Zamzami leh Mary lo ding ka hmuh chuan ka pan nghal vat.




"Khawi ah nge? " tih leh hospital casualty lam pan ka rual nghal



"Khatah anilo, cabin ah an lut fel tawh! " tih pahin min Zamzamin min kai let a, rang zet in cabin awmna kan pan nghal zat.




Khum a Isabella lo mu dang bel ka hmuh chuan ka na nghal ngut ngut, rang zet hian ka pan hnai a, a U leh doctor an in be mawlh mawlh a, ani te nupa bak ah ka la hmuh ngailoh an awm nawk avangin ka inthlahrung viau.




Mahse Khum a hmeichhe mu chuan min ti a vek , ka ngaihtuahna a mumal lo a, Pathian ka auhloh na chin pawh ka hriat tawh loh hnu ah "Lalpa tidam hram rawh" ka ti rilru mawlh mawlh.





"E i va fel ve" mit bui lak in a ni in alo ti sap a, ka bu nghut.




"Hey a Uhlutea hian ngaihtuahawm anilo a ti a, arawn harh tep ang" a ti leh a, a U hlutea chu ka en a, doctor a ni bawk a, a enkawl tha tawk ang tih ka hria, ka thaw a veng deuh huai.





"Lo kal rawh helam ah" cabin kawngka bul lam a thuttleng ah Zamzami nen kan thu dun a, ani pawh a hmel a phelhphang a, a chi ai viau tih a hai theih bik loh.




Police pathum cabin ah an rawn lut a, police case maw? Engthil tehhrep nge thleng? Ka in humruh nghal nghek!!!



"Enge thil thlen dan! "



"Amak lutuk" a thaw hak a "Mary te nen kan pathum in kan zai ho a, phone a hmang a, chuan pawn ah a chhuak zui a.... Nangmah hmuturin a rawn chhuak emaw ka tia.... Rin aiin a rei ta sia,nangmah a hmutur ah kan ngaih avang khan enthlak tum che u in Mary nen hian kan va chhuak a, kan hmu mai lo lehnghal chuan gate bul ah khan alo tlu reng a"






"Chuan police ho hi engvanga rawn kal nge? Engvanga tlu nge?"




"Tomm ka hrethiam lo, a ngawng ah reh na hnuhma a awm a, hnimhlum vanga sawtia awm saw ani bawk"



"Enga!!! Enge awmzia" ka ti chhuak nghal hrawk!!




A damloh vang a tlu ni ah ka lo ngai hman a!!!! Engthil nge thleng tehhrep!!



"Ka hlauthawng lutuk!!! Tu tih nge ni ang? A pawi emai" a mittui a tling piau a, thil thleng chuan a thawng takzet tih a hriat.




Kei erawh ka rilru a buai nghal mup mup, tu tih nge? Engvang nge? Khum a Isabella mu chu ka en a, ka in humruh nghal nghek!!




Tu pawh chuan engvang pawh in lo ti se, nuamsa tak chuan a awm bik hauh lo ang!!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 5th, 2020, 4:00 pm

LIBRARY - 15
BY ESI TAYLOR







ISABELLA P. O. V







Ka hrawk ro huam huam chu ka hriat leh hmasak ber a ni. Chau zet in ka mengchhuak a, LALPA ka lawm e keihi ka la thi lo. Hlauhna in min tuam leh nghal hlawp hlawp a,



khawi ah nge ka awm !!





"Mate i na i nei em?" Uhlutea aw ka hriat chuan ka hahdam huai, ka him ta




Tawng ka tum a, ka dang a ro lutuk



"Awi bawihte i lo harh maw?" Mittui tling piau a min lo en tu ka nu ka hmuh chuan ka tah a chhuak nghal hluah hluah




"Tui" ka ti sap a, tlem te te hian ka kâ ah tui min tulh a. Ka him ta ni a ka inhriat na chuan min ti dam ni ber in ka hria.



..........


Police form ha mi pahnih ka cabin a an rawn luh lai chuan khum ah ka thu a, a hma pawn min biak antum tawh a. Hlauhna nen a ka la buai deuh nuai avangin Uhlutean kir rih tur in a ti ta tawp kha ania. Tun ah chuan ka thla a muang viau tawh.




Ka hriat ang ang te ka sawi a, ngaihzawng nei lo tur a min tihna te nen lam ka sawi vek. Mak ti zet in ka nu leh pa in min en a, hetiang khawp a rawng a che duh tur a ruk a min ngaizawngtu an awm lah ka ringthiam der silo!!




Police te chu Uhlutea leh ka pa in an zui chhuak a, "mate hlau tawh reng reng suh an man thuai mai ang" ka nu in a ti sap a ka lu ah a rawn fawp zauh. Mahse ka nu hmel phelh phang chuan a hlauthawng hle tih min hrilh tho.




Tommy leh Zamzami bak ah Jimm te an rawn lut a


"Hey" hlim zet in ka ti nghal hliai




Tommy chuan a pangpar bawr ken chu ka nu a pe vut a, ka khum sir ah a rawn thu thla nghal vut.




"Na i nei em? " a tih chuan ka lu ka thing nar nar a , ka hlauhthawnna tih loh chu na dang ka nei hran lo.




"In van fel tak e aw.. In awmpui char char a thla hi in ti muang emai" pangpar chu khawi tha in ka khum sir ah a rawn hung a.



Ka harhchhuah hma a tang tawh in an pathum hian an awm char char a, chaw ei leh zan riak tur in an haw hram ti ila ka sawi sual lo ang.




Tommy hmel pa zet chu ka en a, ka hmangaih ngawih ngawih!! A theih ang tawk leh thiam lo chung chung pawh a min ngaihtuah em thin a vang te hian ka hlim takzet.




Mahse!! Khapa khan Tommy nen kan inkar hi a hria!! Ngaihzawng neilo tur in min ti!! Tunge khapa kha!! Tommy tan pawh hian nakin zel ah a la pawi thei angem?



.........



Hostel a lut rih lo tur a min tih avangin ka thawmhnaw lachhuak in ka ni te in ah ka awm a, police ten min khawihtu kha an la manchhuak miau lo, min khawih nawn leh an hlauh tawh em avang in keipawn ka hnial bik lo.







Uhlutea pawh a haw thei lawk lo a, doctor alo ni bawk nen ka thlamuan pui viau.




Karhnih zet class ka kal loh hnu ah kal tur in ka insiam a, Tomman min lo hruai dawn avangin ka hmanhmawh lemlo.




Khang thil ka tawh vang a ta lang khan kan inkar pawh sawichhuah kher ngai lovin ka chhungten an hre ta vek. Mahse mak tak maiin tuman Tomma thatloh na an sawi ngai miah lo. Mahse an ka nu leh pa te chuan an ngaihnat hmel viau chuang loh




"Zamzami bul ah awm tlat ang che, class room ani emaw wash room ah pawh nangmah in kalsuh ang che chuan khawi ah pawh nangmah in i awm tur nilo"




"Ummm ka hria lawm " ka ti sap a, khathu kha motor a kan chuan dun hnu ringawt ah pawh vawi 4 a sawina. hnehsawh zet a steering a herh kawi lai te chu chik zet in ka en a,




"Chuan. "




"Chuan"



"I mi hriatchian pawh nise abik in mipa ah keimah chauh min ring ang che"



"Yeass boss! "




"I intiam em? "




"Tiam sak che"



......


Campus ah kan tlan lut a, parking area a Zamzami leh Jimm lo ding dun ka hmuh chuan rang zet a dakchhuak in ka kut ka vai khum chiam a.



"Fimkhur la" ka bul a mi lah chuan a ti nghal nghut.




"Hi Issa hmuh i nuam ee" Jimm pawn arawn ti nghal vat a, pawn chhuah a thiante nen a awm bak bak a hlimawm a awm chuang lo ang.



Police case anih miau avangin ka chanchin chu hre tawk an awm ve nuk a, zawhna chhan nuam lo zet zet ka dawng nawlh nawlh bawk, mahse ka bul ah Zamzami a awm char char a, aman min chhan khalh zung zung chang a tam, ka vannei viau.



"Hey pretty! " Irenei chu ka bul ah Arawn thu thla a, mi confi tih tak ah hian engkim Mai hi a ti zei in a hnehsawh viau zel.




"I tha tawh chu ka van lawm tak, vawi tamtak rawn tlawh che hi ka tum a, Tommy khan a rual a kal tur in min rawn sawm nasa thin a, mahse ka buai lutuk a min hrethiam rawh aw" min ngaihtuah hmel zet in a ti sap a, a thu min hrilh tel tum pawh ka man chiang kher mai




"A pawi hleinem"



"Tommy bul ah pangpar ka rawn thawn kha a sawi em? "



"Maw? " phawk lutuk mai hian ka en nghal haw




"Daisy i duh ka ring a, ka rawn thawn kha! " ka sa nghal pup, nitin deuhthaw Tomm khan pangpar bawr nalh zet zet chu min rawn ken thin, Rose ani tlangpui. Mahse vawikhat kha daisy a rawn keng a, ka lawm viau bawk anih kha. He nu rawn thawn hi maw??





"Daisy kha maw ka duh alawm ka lawm khawp mai" nui sang in ka ti let a, mahse ka chhungril erawh sawifiah thiamloh nat na leh thinrimna a in hlawm kual tup tup.




"I duh ka ring reng a ni.. Tommy hi chuan hmeichhe duh zawng hi a hre thlawt lo! " a nui har har a, ka beng bul ah zawi zet hian "ka duh zawngpawh a hre thin lo, i duh zawng phei chu a hre lo nasa" a rawn ti leh sup





"Ka duhzawng vekin a sin a awm thin" amah en chungin zawi zet in ka ti sap a, "wow ka awih chiah lo" a hmel a chang nghal tawlh tawlh tho.




Kan lam pan a Remruati rawn phei chu kan en a "huizz saw pawh!! Nang leh Remruati hi chu ka en liam thei viau che u ania" nui har har chung in a tho a, a kal chu ka en zui a, ka awmdan hi ka sawifiah thiamlo.




Thamlo leh zahloh tak a tawngkhum ka tawk zing ta lutuk te, ka lungphu anih dan tur bak bak a phu zing lutuk thin te, natna sawifiah thiam phak bak a na ka neih thin te hi Tommy ka nun a ka seng luh hnu ah vek anni.




Mipa vanga ka hmeichhiatpui nen a buai hi ka thil duh loh leh zah ber te zing a mi a ni thin ,tun ah hetiang ang dinhmun ah ka ding leh ta fo si a.




"I tha maw? " Zamzamin ka dar a rawn khawih chuan ka harhchhuak leh zawk




"Ummm" tih pahin ka bu nghat a, Remruati pawhin kan bul a rawn thleng chawpchilh ve nghal zat.




Nelawm zet in ani pawh a tawng siam siam a, mahse a kar lak a midang te hriatthiam veloh tur thil zeh tel erawh a thiam hle tho mai.



Haw kawng tluan chuan Tommy chu ka be lo a, min biak pawn aw leh aih bak in ka chhang lo!! Ka be peih thlawt lo.


Ka ni te in kan thlen chuan "bye " tih pahin ka chhuk nghal vut a, Irenei leh Remruati lak ah min phatsan rinna ka nei lo, mahse Irenei pangpar min rawn pe leh engmah a sawilo kha ka ngaithiam thlawt lo.



"Lut turin min sawm dawn em? " a rawn tih chuan "dawn rihlo" ka ti hmuk a, ka luh san daih.




Inthlak turin room ah ka lut a, muangchang zet in ka inthlak Uhlutea leh ka pa an haw tawh a, Ka nu in minla awmpui thung.




Lunglei lama class kal mai tura min tih na chu ka theih ang tawk in ka hnial a, ka ni te nupa in minlo chhanin an bul ah ka him tur thu an lo sawi ve bawk nen, min hruai let lo hram kha a nia. Ka fimkhur viau angai tawh hrim hrim.




Inthlak zo room a tanga ka chhuak chu choka atanga Tommy aw lo chhuak ka hriat avang in rang zet in choka ah ka lut a, ka ni nen anlo titi nasa mai.



"Ehe i haw nange" ka ti nghal nghek



"Thingpui i duh ve em?" Ka ni in alo ti nghal vat a, ka lu ka thin khum a, ngei ru zet in Tommy bul ah ka thu thla a ala nui suk zui lehnghal.




Mary rawn haw chu arawn tawng lang lang a, ka ni a kal sawn chiah a "enge i haw loh a?" Ka ti nghal nghek



"I tum bur anih kha"



Ka melhrum nghal nghek



"Ka tum lo"



"I tum tun ah pawh khan"



"Ka duh leh ka tum ang"



"Ehe Utommy!!! U thingpui ka duh ve e" Maryn a rawn ti nghal zat zat a, siamsak turin ka tho a, alo lut chu a thawven thlak huai



"I u damlo hi i duat em?"



"Duat rapthlakk"



"Ka dam tawh" ka ti leh hmuk a



"I hmel kha dam pawh i ang lo" Maryn a tih chuan "dikchiah" Tomm lahin alo ti nghal vat. An nui dun nghal hak mai




"I u thinrim hi a den em? "



"Maw? " ka lo ti nghal nghek eng ang zawhna nge ni ngai!!




"A thinrim ka la hmu miah lo" maryn lah in min en chungin alo ti nghal vat, nia a la hmulo reng ang ka fel ve emm




"Ka bul ah chauh a thinrim bur bur zel ani maw"



"Maw??" Rum zet a Tomm melh pah in ka ti leh nghal nghal nghek a, Mary nuih alo za zual sauh.


.........


Pawnlang taka Tommy nen inzui chu ngamloh ruk na riau ka nei tawh a, kha zana chemtea min tin tu khan ngaihzawng nei lo tur in chiang takin min hrilh!!




Engvang nge???



Ka nei lui anih chuan min enthlak reng thu kha a sawi bawk!! Min hrechiang emem tu a ni! Hostela awmlovin ka ni te in ah ka awm tih pawh chiang tak in a hria, tun ah pawh hian min enthla mek maithei?



Rang zet in ka thu chhuak hlawl a



"Ngatinge? " ka bul a mu Maryn a rawn tih sap chuan "engmah muhil rawh" ka ti thuai a



Hlauhna in ka thau ah min man a, ka hmulthi an ding sung sung mai.



"Ka lo kuah ang che" ka ngaihtuahna hria ni awm tak hian min pawt mu a, ka kawng ah arawn kuah a, ka nu bula va insawn mai ka tum ru uk kha ania, min thlamuan ve a tum na chu ka hahdampui huai tho.




............


Thla khat aliam a, engkim mai chu an pangai leh ta vek a. Nitin Tomman class kal turin min hruai thin a, min thlah leh ziah bawk a. College ah lah Zamzami nen kan inzui leh char char a , engthu leh hla mah hriat zui tur awm lovin a reh hmuk a, police te takngial pawh in eng mah chhui chhuah anla nei lo.




Engtianga rei pawh nise Pu Hruaitea (inspector) khan a chhui chhuah ngei tur thu min tiam a nihkha. Mak tak maiin ka ring thlap, hlauhthawnna ten min kiansan tan a, ka nun pawh a pangai leh viau mai.




"Phone khawih reng suh"



"Hmmm games ka khel lawm"



"Chupawh nise.. "




"Naaa" ka ti nghal nghek a, ka coffee in lai chu ka in zawm a, a lo dai duk!! Games ka lo khelh san rei deuh a ni



"Min ngaihsak lo" min melh run a, ka nuih hak thung, naupangchhia thei lutuk




"Anih" tih pahin ka phone chu ka bag chhung ah ka thun a,



A hma a min hruai tawhna hmun ah tho khan kan kal a, boruak nuam lutuk chuan min ti zang hawk!!! Ka bul a mipa min hmangaih ngawih ngawih tu nen leh ngat phei chuan engkim hi ka hmu tha vel vek.




"Kan kal dawn mi? "




"Naaa" a rawn nui suk



"I ni in alo ngaihtuah leh dawn teh mai che nia"


."ummm" ka haw har deuh chuan min call chhen zel, la haw peihlo zet in ka bag chu ka ak a,




"Ka pua ang che"



"Teuhlo lutuk"



"Engvangin"



"Ka duhlo hrim hrim! " ka hma a ding luah pa chu ka kal pel a, ka ban ah rang zet a rawn chelh in min pawt let leh hmiahh



"Hey ka duh lo nasa" ring zet in ka ti nghal nghek a



"I duh loh chhan han sawi teh! " ti thawp sup in a chal in ka chal a rawn tauh tir dat.



Kan in en hnaih lutuk vang nge ka thin a phu nghal dawt dawt



"Ka duh lo ve tawp a ni mai... Min thlauh ang.. Bak ah... "



"Enge bakah" a rawn ti leh sup a, ka biang a sa vek



"Inpuak hrim hrim hi ka hua" ti chiam in ka in la hrang vut a, ka thinphu dat dat chu dawm chung in ka chhuk nghal hlawk hlawk, a nui ri hawk pawh ka hria.






In kan thlen chuan kawt ah Mary alo awm sa avangin a tlan let leh nghal a



"I nu in haw har min ti em? " ka ti nghal vat, min ngaihtuah lutuk hi min hauh phah tawp thin a, ka dem biklo




Nui vur vur in a lu a bu nghut a, a thing leh nar nar bawk enge awmzia?




"Engtihna nge" gate khar that leh pahin ka ti hliai a



"Ti tho ti lo tho tihna anih kha"



"I van mumal lo tak"




Inchhunga luh kan tum chu gate ri rawk kan hriat avangin kan hawi let leh nghal vut




"Au Mary" kan thenawm a mipa naupang kum7 mi lek chu gate hawn tum in alo buai hle



"Ehe... Mampui" ti hliai in gate chu Maryn a va hawn sak a



"Heihi i u kha pek tur" lehkha phek var hi a rawn lek kang va a



"Maw keimah maw?" Mak ti zet in ka pan ve nghal



"Saw... " kawngpui lam chu a kawk a "a awm tawh miah lo"




"Tumaw?" Tih pahin kawngpui chu ka thlir a, nu upa lam tawh bak tumah ka hmu lo




"Heihi pe rawh a tia"



"Tunge le? " tih pahin ka laksak a, angaihna ka hrelo



"Einchhh helai tlangval ho lung i dum aniang" Mary lah in ngaihsam zet in alo ti ve bawk



"Ngawi mai teh aw" ka ti nghal hlukk




"Love letter dawng bik siah... Mampui lo leng rawh aw " mipa naupang chu a pawm kang nawlh a, inchhung lam an pan nghal zat.




Ngaihtha zan lo vin gate chu ka khar tha leh a



Lehkhaphek vawi hnih thleh tawp chu ka pawt pharh a



"WARNING KA PEK TAWH CHE KHA!! KHAPA NEN KHAN HMUHDUN CHE U KA DUH TAWH LO. TUPAWH I NGAIHZAWNG APIANG TE DINHMUN TUR CHU THIHNA"




Ka pai nghal khawt khawt ka tlu lo chauh. Ka kut khur nasa lutuk avangin lehkha pawh ka thlauh a, inchhung alut tur takngial pawn ka pen tha theilo. Hlauhna namenlovin min tuam nghal hlup hlup a ,he mihring hian min hrechiang takzet a ni!!!




Tunge a nih?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 5th, 2020, 4:01 pm

LIBRARY - 16
BY ESI TAYLOR









(KA BUAI NEN KA EDIT HMAN LO A, TYPING MISTAKE A AWM NUAI MAITHEI, INFEL KHA LO HMUHKAN HRAM HRAM RU AW... 😍😁)





Ka lungphu nasa lutuk chu ka thunun theih phakbak daih a ni, engtin nge ka tih dawn? Ka ke sai hlawk hlawk chu pen sawn pui ka tum a, a harsa kher mai!




"U lo lut la" Mary chu mittui parawl kiau chung hian ka melh a, kan awmna a inhnaih viau lem lo a, ka mittui tling chu arawn hmu thei kher in ka ringlo




"Ngati nge a? " ka taksa awmdan mumal lo zet chu a hmu nge ni rang zet hian min rawn pan a



Kun hniam in ka lehkha thlauh chu ka chhar a, pangai thei ang ber a lan tum mah ila ka taksa khur dar dar chu ka thunun hlei thei lo.



"Ngatinge tu lehkha nge a?"



"Engmah a nilo" ti hliai in a banbul ka vawn sak a, ka ngheng nghal rawk rawk



"I van damloh hmel emem! "



"Ka pum a rawn na thut a" amah rinchhan chung in room ah kan lut a, kan thenawm naupang khan a rawn auh lang lang avangin min chhuah san leh nghal vat bawk




Khum tlang sir ah ka thu a, ka bag pawh angai ngai in ka la ak vek, lehkha phek chu nghet zet in ka keng a, ka taksa apangai deuh thleng in thawk ka la nghal kawk kawk.


"WARNING KA PEK TAWH CHE KHA!! KHAPA NEN KHAN HMUHDUN CHE U KA DUH TAWH LO. TUPAWH I NGAIHZAWNG APIANG TE DINHMUN TUR CHU THIHNA"



Ka chhiar nawn ka chhiar nawn a, ka chhiar apiangin ka chhungril hi a tek nawn sawk sawk tho.



Tupawh ka ngaihzawng apiang te chu thihna kotlang ah an awm tih na maw? Tun hma pawh in ngaihzawng ka nei thin, hetiang a min ti tu hi tumah an la awm ngailo, ngatinge tun ah Tommy nen a nih hun ah kher hian!!




Keimah min ngaizawng nilovin Tommy then tur a min duh avangin min vo tih na ani thei angem? Remruati nge Irene?




Ka rilru buai leh mangang lutuk chuan ka bek chhung a ti na ngut ngut a, anni pahnih chuan min millo mahse hetiang emem an ti duh lo ang!!




"Ehe mate! " ka ni tawng thawm ah chuan peih lo zet in ka meng chhuak a, ka mit thip ram leh ka hrawk ro zet chu a hreawm hle lehnghal



"Ka tui in ahal" ka ti sap a, "i la inthlak bawk si lo a" tih pah in ka chal a rawn khawih a "ehe!! I sa vur mai" a tih nghal zat.




Damdawi leh tui min pek chu ka ei nghal vat a, Zawi zet in ka mu tha a, ka la inthlak ta chuang lo.



Tommy dinhmun hi hlauhthawn awm ah ka dah em? Ka ni te ka hrilh angem? Tunge ka hrilh ang? Tomm hi ka then mai dawn mi? Mahse...



Muhil deuh reuh, mu nghet chiah silo, hlau thawng emem in zankhua in ka awm a, ka khawsik pawh a reh fel theilo. A hreawm zia chu ka sawi thiamlo zawk.


"U chaw i ei peih em? " Maryn a rawn tih lai pawh chuan ka mu meng kar



"Peih chiah lo" ka ti sap a, ka en ngai ka en char char



Tomma bul ah chhungkaw thil vanga class ka kalloh tur thu ka hrilh a, amah hi hnaih loh ka duh ber rih. Then tawp chu ka zuam biklo, mahse tun ah chuan ka hnaih rihloh a tha zawk.



Maryn hospital a min kalpui tum viau mahse ka rilru vang zawk tih ka chian em avangin ka hnial a, in a min awmpui tur in ka ti tawp thung.




Mahni a in a awm chu ka zuam lo ani lah in class chawlh lah chu alo phur emem bawk a, a nuihzatthlak zawk thin.

..........


Rilru bet lo zetin Mary tawng siam siam chu ka ngaithla a, a nui leh hak thin, ka rilru ah erawh thil dang daih a awm thung. Ngaihtuah tur a tam lutuk a, ngaihtuah tur ber pawh ka hrethiam lo zawk.




"Uhlutean min lo call a, lo duat rawh min tia" Mary chu en in ka nui nghal hak



"Keichu min lo be ve miah lo"



"A rilru ano sia a tap palh ang a ti che a, a call duh lo che"




"Ve khang lang a che aw" ka ti nghal nghek, ka nau daih a ni chung hian a in la nula in a che puitling leh khak reuh thin.




Zamzami class bunk meuh in a rawn kal a, keimah vanga class a off anih chuan min ngaihtuah ve tak zet tih na a nimai.





"Tomm nen a kan inkar hi tupawn zawt che se kan inthen tawh ang in sawi rawh aw.. Nangpawh Mary"



Mak ti zet hian min en dun nghal kawk!!



Zamzami chuan a hrethiam aniang chu "umm lutuk" a ti leh sap a, Mary erawh a bangbo hmel ngang mai.





Mi te hian kan inthen ang in ngai vek sela tichuan min vau tu ngei pawh hi engemaw chen police ten an chhui chhuah hma zawng ka bum thei mahna le.




Ka hlau ngawih ngawih alawm mahse Tommy then chu ka ngaihtuah ngam chuanglo. Thiamlo tak chunga min ngaihsak na zawng zawng te hlimna min pek zawng zawng ang te hmeichhe dang a pek ka phallo.





"Ka lo kal dawn "amah ka ngaihtuah lai takin a message ka dawng chu ka nui nghal suk



"Vawiin chu kan buai lutuk a" alo kal anih chuan min enthla tu an awm anih chuan an hmu ngei ang



"Naaa... Ka ngai che sin"




"Keimah fe"




"Nih naktuk ah class i rawn kal angem? "




"Maithei ka hrilh leh ang che"




"Ka hmu chak che"



"Zan ah leng miah suh ang che"




"Okay my baby boss, in ah ka awm char char ang" a message ka chhiar zo chu ka nui nghal suk, thu te hi a awih ve thei sia





............


Pa Zuia hna kal tur chu college ah ka inthlah kawi tir a, Tomman min hruai tum viau mahse fimkhur ka duh em avangin chhuanlam hrang hrang hmang in ka hnial a, engtik thleng nge ka hnial luih theih ang ka hre bik lo.




College ah pawh fimkhur ala ngai cheu tho, tunge tih ka hriat miau loh avangin mi zawng zawng laka ka fimkhur angai, abik in Irenei leh Remruati!!





"Hey ka zawn nasat zia che hi!" Ka bul ah a rawn thu a, class ka off avangin engtik lai pawh a pumpelh reng hi a har viau



"Class i neilo mi?"



"Umm.. I ril a tam em?" Ka lu ka thin khum a, "keimah a tam" a ti leh mauh.



Canteen lam panin kan inzui leh ta nge nge a, engkim hi hrilh vek zawk ila a tha in ka hria!! Pu hruaitea hnen ah lehkha ka dawn kha ka pe tawh a, lak let leh a Tommy hi chhiar tir ve ka duh. Ahma kha chuan hrilh ka duhlo zawk a, ka rilru ka thlak leh.





Eitur min chah kep lui talh tho, mak tak maiin a bul ah hi chuan ka thla a muang viau thin, min thlamuanna thu a sawi chiam ngai miah lo chung hian a bul ah hi chuan ka him hliah hliah hian ka hre thin.




"I tha zel maw? " Remruati ka hmu chu ka meng phar deuh awk na in ka insiamrem thuai tho, Jimm nen kan bul ah an rawn thu a, ka ringhlelh te zinga a tel ve miau avangin ka in sangmar nghal teuh.





"Kan van inhmu khat ve" Remruati bawk



"Nia tiraw? " ka ti ve sap a, a awmdan chu a confi emem bawk si a, ka hrethiam tehnuai bik lo.




"Tomm in pahnih hian rawn kal ve ula"



Angaihna hrelo zet in Remruati chu ka en a



"Ka hrelo, a peih leh peih lo" Tomm lah in a ti bul hmuk




"Karleh thursday khi ka birthday ania, sihhmuia kan huan ah lawm kan tum a, Zamzam ka sawm ve che aw"




"Ahhh" ka ti bahnawk a, ka kal chak loh na ber te zinga a mi a ni nghal.




"Yeass Zamzami a tel dawn chuan ka peih" Jimm lahin a rawn ti thuai bawk a



Tomm chuan engmah a sawi ve lo.


...............




"Ngatinge" ti hmuk tu pa hmel chang run chu inthiamlo zet hian ka en a




"Chutiang anilo, minlo hruai dawn alawm" ka ti bah nawk




"Chutiang anilo maw" ati leh hmuk a, nuih tlawn deuh titih hian ka nuih a, min melh run thung




"Ka hruai i duh lo a, ka thlah i duh bawk si lo"




"Chutiang ka duh loh vang anilo, ka ni in min ngaihtuah lutuk a.... "




"Ka bul ah i him i ring lo ami? "




"Tomm amak ee aww" ka ban ka phar hliai a,




"Anih chuan lut rawh" a motor kawngka chu ka luh theihna tur in a hawng a, a hmel chang run avangin ka hnial ngam bik lo.




Steering ngheh hmel zet a vawnna kut ah te chuan a thisen zam a lang pawng tawlh tawlh, a lungawi lo hle tihna.




"Tomm"



"Umm" hma lam a en ngur a, min melh duh lo hrim hrim,




"Thinrim lo teh"



"Umm"




"Hey!! ".



"Sawi fiah rawh".a ti leh hmuk




Ka thiamloh a ni, hrilh tlang vek tawh tur ka nia, lehkha ka lak kir hun kha ka nghah vang vek. Min hruai a tum a, min thlah a tum pawh in ka hnial a, achang chuan chhuanlam awihawm loh zet zet ka siam thin. College ah lah ka pehhel hram hram thin cheu.




"Ihhh... Hmanni a kan len hnuhnun ber kha i la hria em? " a mah chu ka en a, min chhanglovin a bu nghut, ka lak a athinrim a alungawiloh viau chang pawh hian a in thunun nasa thin tih ka hria, heivang hian ka fak hle bawk.




"I haw hnu khan lehkha ka dawng a, kha misual hnen atang khan" kawngsir ah a ding thut a, ka bu nghal lawp





"Engmaw engtin? " min hnaih nghal rawk rawk





"Nangmah hi ka hnaih theilo che... Ih... Ka hnaih apiang te chu an thi ang a ti... " ka ti bah nawk nawk a, ka mittui a tling nghal piau





"Heyy" a kutphah hlai zet chuan ka hmai a rawn dawm a




"Chuvang ania... Ka pehhel che... Englo min enthla reng tih a sawi tawh a.. Ihh inthen ka duhlo aa mahse i nat ka hlau tho" ka mittui chu a rawn luang thla pap a, min kuah bet nghal rawk rawk




"Hlau suh... Ka awm alawm! Ka venghim dawn che tunge tih pawh kan hrechhuak ang" chhanglovin ka bu nghat a




"Mahse min hrilh vat tur i nia sin"




"Ka.. Ka hlauthawng a"




"Apawilo, apawilo.. Mahse min hrilh zel tawh angche"



Ka chal dim zet in arawn fawp a, mi in min hmuh ka hlauh avangin ka in la hrang leh nghal vut




"Lehkha chu... "




"Kha police inspector khan a kawl, ka la let anga ka hrilh ang che ka ti hrim hrim a"




"Umm hmuh ka duh ang" a ti sup a, "sorry baby ka ti hlauthawng che a" ka kut chu nghet zet in a hmer nghal vang vang




"I chhungten lehkha chungchang an hria em? " ka lu ka thing nghal nawk a



"Then tur che a min tih ka hlau a" a kut a hmer na chu a ti nghet zual leh sauh.




"Tuman min then lovang, chuan i na leh tawh ngai dawnlo min ring tiraw? "




"Ummm" ka ti tiau a, ka mittui a tlak leh ringawt ka hlau hle, abul ah hian ka thla a muang, tuman min thenhrang suh se ka phallo.





Ka ni te in kan thlen pawh in inchhunga ka luh hnu ah a tlan haw ve leh chauh.




Ka ngen nasat em avangin min hruaiturin a rawn kal tawh ngailova, min thlah tawh hek lo!! Remruati birthday lawmna ah pawh ka kal lova, kal tur in min ti lui miah lo a, amah pawh a kal bik chuang lo.



.......



"Hey Tomma nen chuan in inthen tak tak lo tiraw? "




"Shhhh then lo" ka bula mi te ka melhkual nghal ruai a, khawi hmunah pawh fimkhur angai ta chu a hahthlak takzet ani tawp mai.



"Ummm anih i tha hrim hrim em? "





"Umm tha ve tho"




"Iehkha lam te"




"Ngaihtuah tur tam lutuk avang hian ka a tep" zawi zet in dawhkan ka bawh a, ka nun hi ngatinge a buai emem mai ni.




"Nizan ka mumang ah i u Mama ka lo hmu a"




"Ani maw"




"Ummm.... Ka hmu khat e"




"Ehhh... Tun Saturday hian alo kal dawn i lo leng thei"




"Yeasss leng dawn chiang" a phur lutuk chu ka awih lo zawk,



"Hey! " rang zet in kan hawichhuak nghal vat a, Remruati hmel rum deuh ul chu kan hmu nghal zat





"Hey" ti let hmuk in lehkhabu ka bih san a, ka hnaih ah awmlo hram se ka duh zawk




"Ka lo thu ve" chhanlet hma hauh vin ka hma ah a rawn thu thla nghal.




Ngaihsak lem lovin lehkhabu ka chhiar san a Zamzami pawh chuti tho




"Enteh" a rawn tih hluai avangin ka en nghal vat




"Tommy nen kan inhriat hnu hian kumtin ka birthday kan lawm ho ziah thin...." Rum zet hian min melh a "kumin tih loh" a ti chang leh fak




"Ohhh ava zia lo ve" dar chhin ak in ka ti hliai a




"Rawn kallo turin i ti tiraw?"



"Ti lo"



"Dawt sawi suh, Jimm takngial pawh arawn kallo"




"Keimah vang i tihna mi?"




"Ani miau sia lawm, nangkha chu rawn kallo mahla pawi ka ti viau lo" a hmel rum ul chu ka nuih sang a, mi mah buai tawh naklaiin a lo belhchhah ve ziah lehnghal.



"Keimah vang anihpawh ka lo hre hleinem"




"An peihloh vang zawk anilo maw?" Zamzamin a rawn ti ve khauh, Remruatin rum zet hian a melh nghal rawm rawm a




"Hmeichhe pahnih anlan dan chu beramno ang mai an chhungril chinghnia nisi example ngei chu inlo nihhi" min nuih sang chungin confi zet a dingin a chhuak zui nghal nal nal





"Amah nihna chiah a sawi anihkha" Zamzamin a rawn ti nghal hmuk a




"A ho lutuk"




"Ka insum theilo tep tep thin" a kut a hum ruh nghek chu min hmuh a, ka nuih tawp.



Thinrim in ngei viau mahila a thusawi leh awmdan ngeiawm zet zet te khing let zel tur chuan hun ka neilo, buaina dang ka ngah lutuk. Amah chauh pawh ala nilo Irenei pawh ala tel buaina leh haw tu ngah ber ka ni hiallo maw?



...........


"Ka pa in hmuh che a duh a"



"Immm" hupphurh zetin ka bu nghat a, a chhungte min hmuh tir atumna hi a rei tawh a buaina kan tawk zel mai pawh a



"Hmu ve ngeila ka duh a, hlauhtur engmah a awm lo".




"I awm dawn a, ka hlau hleinem" ka biang ah na zet in arawn piai a




"I ti awmlo thei emai aw" ka ti hluk a, kan bul hnai a awm te nui vur vur chu zak zet in ka en kual nghal ruai




"I hlauhthawn viau hian i duhawm tel tlat zel"




"Hmela "




"Wow wow wow" Jimm nui varvar ka hmuh chuan ka biang a sa nghal hat hat..ka bul ah a rawn thu nghal




"Nula vawiin chu thlah che ka duh"



"Enga!!" Tommy aw nelawm loh zia mai chu



"Hey thianpa i nupui em pawh ala nilo" Jimm lahhi a nghal thei bawk si




"Hey atawk aw..min thlah dawnnia"




"Maw?" Lungawi loh hmel zet hian Tomman min en nghal run a, ka hrelo der tawp, a thikthu a chhe si




"Yeass...chuan i thilei man pawh hi pek ka duh"




"Hey" zawi zet in ka ti hliai a, Tommy hmel mawlh chu a nuihzatthlak zawk



"Keiman ka pe dawn" a rawn ti leh hmuk




"No.. Thianpa i ei man pawh ka lo peksak nghal nghe nghe ang che" vawiin chu Jimm pawh hian enge maw a hriat ni.





"Ka duhlo" Tomman a ti hmuk a




"Anih Issa i duhtawkin ei rawh aw"




"Nanghi! "Tomm leh bawk




"Issa ka thianpa hi chu ngaipawimawh duh lem suh aww... " angaihna hrelo lutuk in ka nuih tawp.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 5th, 2020, 4:01 pm

LIBRARY - 17
BY Esi Taylor







Kan thil ei chhungin Tomm chu a tawng leh tawh lo hrim hrim, Jimm leh zel a thik chu ngaihdan nilo zet in ka nuih ka nuih a, Jimm lah a nghal thiam ve bawk si.




Kan pahnih in thil engemaw sawiin kan nui dun a, Tomm hmel lan dan chu a nuihzathlak zawk.




"Chuan dar engzat ah nge i ban ang?"



"Vawiin chu chawhnu lam class ka nei full a"




"Last ka neilo a, ka lo nghak ang che Tomm min haw san ang che" Tomm chu ka en a chhan pawh a chhang lo hrim hrim.



"Hey ka thianpa hmel hi i hmu em? " Jimm chu ka beng bul ah a rawn phun sup a ,



"I sual lutuk!" Ka lo ti ve sap.



"Hetiang hmel pu hian ka la hmu ngai lo, ka hmuh chak theih zia leh nuam ka tih zia hi"




"I van sual tak e aw" ka nui hak hak a




"Enge a?" Tomman a rawn tih hmuk chuan ka lu ka thin khum nawk nawk a, ka nuih erawh a za ve thlawt.





"Kan kal hmasa mai ang, Issa i ei man ka pe aw chuan..... Tomm?"




."angailo" pakhat lah chuan a ti leh hmuk, Jimm chu nuihzat hmel zet hian a kalsawn a, ka nuihza lutuk chu ka insum tang tang




"Ka ei zo "


Min chhanglo




"Kan kal dawn mi?"



Chiang zet hian min melh run a ka nui chhuak leh hak chu inchhir lutuk in ka hmui ka hup a,




"Sual ve si" a rawn ti hmuk




"Kal ang class ka tlai palh ang" ka din avangin a rawn ding a,



"chuan"




ka bag ak tha mawlh mawlh pah in "Chuan enge? " a aw ki ang chiah a hniam in ka ti ve sup





"Jimm chu i inthlah haw tir dawn mi? "




"Umm a tum miau sia" ngaihpawimawh loh hmel zet in ka chhang liam puat a, ka kal chu min rawn zui ve nghal zat.




"Anih... " canteen a tangin kan chhuak fel chiah



"Aww"




"In deh tir miah suh"




"A atthlak eemai aw" awihlo zet in ka ti hliai


"Ka ti tak tak a lawm"



"Umm anih min dek lo hrim hrim ang! "



"Ummm" a lung a awi ve ta niang chu kan class pan in kan inzui a, engmah a sawi tawh bik lo.



.........


Tommy pa ka hmuh dawn avangin ka thawmhnaw chu vawi 3 ngawt ka thlak tawh! Ka zam ngawih ngawih hi ani tawp mai.




"Inchei buai pawh angailo" Tomm lah khan a ti sam et bawk si, a ngaih awlsam angin ka ngai ve thei der lo.




Pa duhkhirh tak, fel em em angin ka lo ralkhat hriat ve thin a, minister hial lo ni tawh ani bawk nen, ka bialpa pa angin ka hmu dawn chu ania, a zamawm ve thlawt.




"I nalh lutuk ania" Mary chuan a ti sap a,




"Ka confi theilo" ka ti hliai in, thawmhnaw khum a ka dah hnawk niai chu ka en kual leh a




"Hey tikhan a tha tawk" Zamzamin min pawt ding nghal nawk




"Ka awmdan hi i hre thiam lo zawk ang"




"Ka hrethiam lutuk che hi ka lo hah vek"




"Vanlalzam! " ka ti nghal nghek.



............


Ka fimkhur em avangin class kan kal hmasa phawt a, mahse engthil dang mah in ka rilru a luah thei thlawt lo!!




"Hey zam! "




'Enge? "



Mitkhap miahlo hian sir thil explain mawlh mawlh chu a ngaithla leh kar tawh.



"Vanlalzam! "




"I ninawm! "




"Ka thin a la phu char char ania"




"I kut kha hum ruh nghek rawh" rum zet hian ka melh a, ka biakna chu hre zui awm pawh hian a awm lo, a thil ngaihthlak ah chiah a rilru a pe.




"Naktuk ah Mama chu alo kal dawn aa"




"Dar engzat ah nge?" Min en nghal kawk,




Hmmm!! Henu maimai hi ka chhang duh tawh biklo



"Hmeli!!" A rawn ti zawi sup.


.........




Parking area a mi an tlem lai takin Tomm nen an in panin kan inphur chhuak a, tun tut tut a a chhungte hmuh hi ka duhdan nilo mahse ka hnial zo bik ngang lo a ni.




Building nalh lutuk gate ah kan tlan lut a, kawtzawl zau zet ah chuan grass a in phah chhuak vek a, awmze nei zet in a sir ah plant an ching bawk , engkim mai chu enkawl uluk tak anni tih hriat zet hian an thar sur mai bawk si.




Garrage ah tlanlut in a in park fel a, an in ka hmu chiah chu ka zam zual takzet,




"Lo chhuak la" ka thutna bul kawngka chu a rawn pawt hawng a



"Ka zam!" Nui suk in a kut chu ka vawn theih turin a rawn dah a, nghet zet in ka lo chelh sak nghal vat.




"Hlauhawm ber chu keimah hi ka nia" ka nuih tawp




"Min ring em? " ti sup in ka chhip ah a rawn fawp vang vang a, ka bu nghal nghut.




"Kal ang aw" ka kut a rawn vuan a, ka zam lutuk chu tlem in a zia deuh.




.......



Hmeichhe pakhat in Kawngkhar lian tha zet arawn hawn rualin Tommy min chelh na ban chu ka thing thla a,




"Lo lut rawh u! " nuisang in min en a, a nelawm hmel takzet




Ka nuih let sang a, Tomm erawh chuan engtin mah a ti let lo!




"I pa chu common room ah a thu a"



Chhang ta chuang lovin min en a "kal ang le" a rawn ti dam leh dap lawi




An inchhung chu Jimm te in ang tho, a mawi pawh ani satliah lo, a pui ngawih ngawih!!





"Ee Isabella maw? " Tommy pa chuan min hmuh rualin alo ti nghal,




"Umm Isabella ka nia " ka sen nghal tawn tawn maithei, kan inchibai a, ka rin ai tak in anelawm phian mai.




"Lo thu rawh u" a kawhna ,a thutna ep ah kan thu thla a,




"I lo len hun hi kan nghakhlel khawp a,i damlo tih te ka lo hria a enge i an tawh?"



"Ka dam tha tawh lutuk!" Thudang sawi belh tur ka hrelo lutuk chu ka nui sang tawp Tomm lah a ngawi ngul bawk si





"Ehe.... Tommy Isabella chu avan hmeltha ve" nutling inchei nalh zet hian min rawn chibai a "ka van lawm" chunu hriat phak lek tur chuan ka ti hliai a




"Tommy nu ka nia" amah bawk




"Awi ani maw? " ka ti leh hliai a, ka bul ah a rawn thu a, eng eng emaw sawiin kan inkawm thei ta phian ka lawm zia chu.



"Kan eitur kan siam dawn mi! " Tommy nu in atih chuan phur zet hian ka ding nghal thuai a,




"Duhtak Choka lam ah kan lo va che ange! " a pasal chu duh hmel zet hian a en a , an inngeih hmel ngawih ngawih




"Ni e, Isabella i duh duh dan in awm ve bawrh bawrh la, inthlahrunna tur a awm lo ania!"





"Tehreng mai" nui sang in Tommy nu chu ka zui a, Tommy leh a pa inbe zui pawh chu ka ngaihven lem tawh lo.




Choka ah nichin a kawngka minlo hawn tu kha alo awm a, min hmuh rual in a lo nui leh sang




"Pitei anihhi" Tomma nu in atih chuan ka chibai a,




"Enge kan siam ang, enge i ei duh? "




"In duh duh animai engpawh ka eithei vek! "




"A that nasat chu, cheese cake ka siam a i duh zawng a ni em? "




"Wow ka ngainat ber a lawm"




"Animaw kan va inang ve" hlim hmel zet in a ti ve hliai mai.





"Nu..... " F-i aw ka hriat avangin ka khawng lo chauh, min ngaina lo tih ka hria chuvangin hmuh ka chak viau lem lo.




"Ehe... I va lo let hma ve" A nu bul a min hmu chu mak tih hmel zet hian a ding khawng lah a, keipawn mak ti lutuk in Irenei rawng lang ve hlawl chu ka lo en ve bawk.





"I u Tomma thiannu anihhi, ani hi Tomma nau a nia" Tommy nu chu en in ka nui tawi tak a, anni pahnih hi tun a hmuh ka duhlo a sin





"Awiiii... Nu Lawmsang i cake bake ka ei chak lutuk a... Ehe Isabella! "





"Irene ilo hria elaw ava tihzia ve"




"Hria ang chu Tomma bul ah hian hmuh tur a tam ve a" ngeiawm zet min melh in a nui sawng a, an lalna rama hmachhawn chu ka zam takzet.




"Lo thu rawh u... " phur zet hian Nu Lawmsangi (Tommy nu) chu a che zui a, ka hlim ve na te kha sawmi te pahnih sawn an rawn tichhe vek.





Cake chu kan eiturin ka zai a, Irenei a tawng siam siam reng a, Tommy te in a atlangnel zia min hriattir a tum tih ka hailo. Ngaihpawimawh loh hmel zet in ka che zui a, Tomm lo kal se ti lutuk in ka thlek ka thlek tho.




"Heihi Tommy te va pe ang" Nu Lawmsangin a tih chuan hlim zet hian tray chu ka chawi kang nghal vat a, Irenei hmel hlim sawng saw ka hmu peihlo ve em a ni.





"Keiman ka lo pe dawn ami? " Irenei chu a rawn ding chhuak nghal zawt




"Angailo.. Lo ei rawh u" Nu Lawmsangin a tih chuan ka lawm zia chu




Tomma choka a rawn lut tur nen kan intawk a "hey ka lo pe dawn che" ka hmu chu ka thla a muang nghal huai




"Ummmm khawi" ka tray ken lai min laksak a tum leh nghal vut




"Hey i pa pe phawt ang"




"Ka lo keng ang"




"Angailo" Ka ti nghut, a ti awmang lo thei si.



...........



"Tommy lo kal ru inkawm ang u" Irenein arawn ti lawng lawng anih chu




"Inchung lam ah chho ang hmiang" Irenei thusawi chu hrelo ang in alang hmiah, rang zet hian ka bu nghal nghut




"Han enkual vel tak rawh u, pangpar i ngainat phei chuan ka hahpui ve teh ania" Nu Lawmsangin a rawn ti nghal vat a,





Phur hmel zet in ka zui chho a, mahse ka mood erawh Irenei vang phiangsen khan a fuh thlawt tawh lo thung.




A pindan ah min hruai lut a, engkim chu arawng thim lam vek a ni a, a fai tha hle bawk, a nuam khup mai





"Baby" chhang lovin balcony ah ka chhuak a, khawthlir a nuam kher lehnghal





"Sorry! " ti sup in ka bul ah min si chet in a rawn ding a, ka ngawih reng avangin thawk a la hawk a





"Sorry baby...! " room chhung ah bawk ka luh san a, min rawn zui ve nghal vat.




Amah ngaihtuah loh hmel zet in thlang lam couch chung a laptop chu la in ka thu thla a, ka on nghal zat




"Baby"




"Password? "




"Isabella" a rawn ti sup




a password a ka hming hmang chu mak ti in lawm ru viau mah ila tilang duh lovin ka hming chu ka chhu lut a!




ka thlalak a rawn lang nghal kulh!!!




Ka bul a a din run avangin mak ti zet in ka hawi chho nghal haw a, arawn la nui suk zui!!



"Nanghi! "



Rang zet hian ka bul ah a rawn thu a, "ka hmuh loh chang che in ka en thin, Laptop hi ka kuah lo chauh zel! " ka nui nghal hak.




"Mahse i sual! " ka ti leh nghek a, ka malchunga Laptop chu la sawn in couch sir ah a dah a, min kuah bet nghal hmiah.




"Ka pa nen a in inhmuh kha ka duh ber a midang chu ka lo ngaihtuah miahlo a, Ireni lo kal turhi ka hre miah lo" ka lungawiloh chhan a hre ve tal a azia e




"I sual tho!"




"Anih engtin nge ka fel ang han sawi la!"




"Ngatinge i nu kha i biak miah loh a, a biak che pawn i chhang bawk silo!" Min kuah na chu ti nghet in thawk a la leh ham ham a




"Ka nu anilo!"



"Maw?" Rang zet in ka in la hrang nghal vut




Min kuah bet leh a, "ka thaw theilo" ka ti nghal chul mai




Ka dar tawn tawn a vuan chung in chiang zet hian min en a



"Ka nuhrawn anih kha, ka nu chu a thi tawh!"


"Ka hrelo a avan pawi" inthiamlo zet hian ka ti hliai a




"A pawilo a rei tawh alawm"




"Mahse..."




"Chuvangin ka nuhrawn khu chu ka ngaina lem lo, nangmah chauh hi ka ngaina che.. Ka neihchhun inihhi aw..chuvangin Inthen chu i sawi ri thei lo"





"Ummm"




"I intiam em?"




"Ka intiam alawm, then che ka duh biklo"





"Engpawh thleng se min hrilh turin ka duh che, kan pahnih in kan hmachhawn zel ang, nangmah vangin ka dam anihhi aw"




"Ummm! " keimah zawk in ka kuah a, anui nghal hawk. Nghet zet hian min kuah let a, he pa hi ka hmangaih takzet!!



...................



Inhnuai lam ah kan chhuk dun a, nu Lawmsangin min hmuh rualin "enge ang itih" alo ti nghal var, a pangpar ho ka en ta silo a "ka duh hlawm khawp mai an mawi lutuk" ka ti thla ve ngawt ringawt.





"Isabella chaw ei ve nghal la, keipawh ka ei dawn a " a nui sawng te chu ka eilo lutuk mah mah




"Ni e, i ei ve nghal tur ah ka ngai ringawt a" nu Lawmsangi bawk, Tommy pa kha chu ka hmu leh tawh lo.




"Ka ei rihlo ang, ka ni te ka hrilh si lo a"




"Anih la haw bik suh aw i awm hian a nuam ve aaa" Irenei bawk




"Ni e ala hma lawm" F-in a rawn ti ve sap a, tawi te hian a nui a, min lawm vaklo tih a hmel ah a lang reng mai.




"Nu Lawmsang ka phei mai ang" ka ti sap a, Irenei te pahnih hlim hmel zet a lo nui sawng chu melh pawh ka melh peih lo , chaw ka ei tak tak an hlau ngawt zawk ang!




"Chuti maw? Nidang ah chawei turin lo kal leh rawh aw" F-i ang lo takin a nu hi chu a fel phian bawk si





Room ah khan ka phone ka theihnghilh vangin la tur in Tommy a chho a




"Lo leng leh ngei ngei rawh aw... I hmanhmawh bawk si" Nu Lawmsangin a ti mawlh mawlh a,ka laka athat miau avangin ka nel viau mai.



Choka atanga an rawn auh avangin min mangtha mawlh mawlh chungin min kal san a,



"Nia mi in a awm hi chuan inthlahrun a na duh ngawt ang tiraw F!" rang zet in Irenei chu ka en nghal kawk




"Engmaw?" Ka ti nghal nghut

"Awi ilo hre pha mi? F-i ania ka biak" anui leh sawng, ka kut ka hum ruh nghek a, ka in thunun hram hram





"Mi thenkhat te hi chu thingtlang atangin khawpui ah chhungte bel in an rawn awm a, an in la changkang ve phian zel sia, mipa pawisa ngah deuh te hma a saruaka awm te hi an zak ngai miah lo chutiang an sawi chu i hre ve tawh em F?" Min en kar chungin a sawi zar zar





"Kan hma a mi hi chutiang chu ani ve angem le F" ati leh fak





"Chutiang mi chu i hriat hlauh chuan minlo hrilh ve teh aw" ka ti chang fak a




"Chutiang mi chu i lo ni mial em?" Ka sa chhuak vek tawh, Tommy te inchhung ni kher lo se chuan sawnu saw ka kek hrep tawh ang.




" Mi thenkhat mi bialpa te lo ngaizawng talh an awm thin an tia i hre ngai em F?" Amah en kur chung in ka ti ve salh a, F-i chu nichin atang khan a tawng ve tawh lo





"Mi bialpa chhuhsak hrat" min ti nghek anih chu




"A duhlo che tih pawm rawh nang chu ni ila ka zak ngawt ang" ka ti chang leh fak a, a ding nghal hluai




"Hmeli lehh nang hi maw tuman an duh lo ang che i hmel te kha en rawh! "




"I hmel ziahchawp tam zet aikha chuan ka induh zawk"




Rang zet hian min rawn pan a, hlauhthawn hmel zet a "Irene? " F-in a rawn tih ruai pawh chu hre awm in a awm tawh lo.





Min khawih hmasa se insual ka chak hluah hluah ve tho, khawih hmasa tu nih erawh ka tum lo.





Ka hma ah a rawn ding a, min khawih mai chu a hreh ve deuh nge rum zet hian min melh khui a,ngaihpawimawh loh hmel zet in ka nuih sang





"Enge a Irene?" Ka bul ah Tommy a rawn ding a, kan lo in en nasa deuh nge a rawn kallai reng ka hrelo




"Engmah a nilo chawei turin ka sawm ve a" awihlo lutuk hian ka nuih tawp.




"Kal ila! " ka phone min pek pahin a ti sup a, ka bu nghal nghut.




"Tomm rawn let har suh aw" Irenein ala rawn ti lawng lawng, chhang let lovin ka kut ah min kai a, pawn kan chhuak chu ka thaw nghal ham ham




"Ngatinge? " min ngaihtuah hmel zet in a ti sup a, lu thing nawk nawk in "ka tha" ka ti sap a, Irenei nen a kan awmdan tehhrep kha mawi ka tih bik loh avangin hrilh tumna ka nei lo.




"I ni in rei alo ti tawh che angem le? "




"Ti lovang" tihian Irenei bul ah a let leh anga, engtinnge Irenin alo lem kual leh ang? Ngaihtha lo zet in ka awm leh char char dawn anih hi.



..............



Ka ni te inbul ah a ding a, hreh zet hian kawngka ka hawng a "Tomm i let nghal angem? " ka ti sap



"Let nghallo ang"



"Maw? "




"Lut ang" a chhuak vut chu mak ti zet in ka zui chhuak a, gate a hawng a inchhung lam a pan chu ka zui nghal dawr dawr





"Lo leng rawhhh u" nui thaw chung in Maryn alo ti nghal vat a




"Insiam rawh lee"


"Maw? "




"I u te nen hian kan dine out ang, i nu dil ang" Tomm chu ka en nghal kawk, phur zet hian Mary a rawn ding chhuak nghal zat a




Mary nen kan nih avangin ka ni pawh in alo phal ve mai bawk a, Irenei bul ah a let tawh dawn lo tih ka hriat vang pawn ka hlim ngawih ngawih.



.........

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 5th, 2020, 4:01 pm

LIBRARY - 18
BY ESI TAYLOR










"U i muhil em? "



"Hil lo! "



"Anih chuan enteh... " peihlo zet hian ka mengchhuak a, muthilh hma ka duh chang pawh hian a sawitur a ngah thei lutuk hi kan mengrei leh nge nge thin.




Vawiin tlai a Tomm te hotel a kan thil ei lai kan pahnih a thla min lak ruk sak chu min hmuh a




"In inhmeh reuh lutuk! " phur zet hian a ti hliai a



Keipawn kan inhmeh ka ti ngawih ngawih.




"Bialpa ka neih ve hun ah chuan Utommy anghi ka zawng ve ang, pa bawk si, fel bawk si, hausa bawk si! " ati leh nghal zat zat, hethu hi a sawi ngun tawh ania.




"Ngaihzawng neih kha chu la ngaihtuah lo mai rawh aw"




"Ka neih chuan ka hrilh dawn che lawm..! " thawveng zet in a ti leh ham ham, chhang lovin ka nuih san tawp




"Ee.. Chuan in inhmeh ee.. Bak ah he thlalak hi a fuh ve thlawtt U Ig story ah ka hmang dawn? "




"Hey a teuh lo lutuk" ka ti nghal nghek




"Anih whatsapp status ah tal"




"A tullo, mi in an zawh che pawn inthen tawh ang in min sawi rawh ka ti kha"




"Ka sawi alawm hmanni pawh Uhlutea nen kan inbia a, ngaihzawng i neilo ka ti, pitei hi a strict sia a hauh che ka hlau a"




"Ka chhungte bul ah chuan zep kher angailo a, mahse pawilo min ngaihtuah loh phah zawk ang"




"Anih engtik ah nge in inneih ang? " a zawhna avang chuan ka meng phar deuh awk!! Inneih maw? Chu kher chu ka la ngaihtuah ngai miah lo.




"Ngaihtuah a hun rih lo emai muhil rawh"




Tomm leh kei, engtik ah emaw kan la inneih ve ngei angem le? Pasal a tan ka duh chiah em? Ka duh ngei alawm.




Mary nen thil ei tur in min hruai chhuak a, min ngaihtuah emem a, engkim ah khan sawisel tur eih pawh ka hrelo, hotel a kan awm lai ngei pawh khan nula chhelo leh nalh taktak hmuh tur an tam tehlul nen a mit kha keimah ah chauh a fu ngar ngar a, inringtawk takin ka awm thei bawk a.




Bak ah Irenei an in ah a awm tih ka hre kur a, chu chuan ka rilru a tinuam lo takzet tihkha sawichhuak lo mahila hrethiam niawm tak in hotel a ariah tur thu a sawi leh zat bawk a, rilru nawmloh na tur pakhat mah ka nei ta lo.


..............


"Kawt ah ka awm a nia"



"Lo lut ve mai la"



"Min lo hruai rawh ka zak"



"I van chhe tak! "



"Min rawn hruai nghal rawh" rang zet in pawn ah ka chhuak a, kawngka bul ah alo la nui vur vur zui



"Vanlalzam tun a taka zah kual angai mi" ka ti nghal nghek a , ka hmui min hup sak nghal ruai




"I hmelchhia ngawi maimai rawh" a ti sup a, Mama a awm hi chuan a lai thei lutuk hi sawi ngaihna vak pawh ka hrelo.



Inchhung a kan luh rual in "i lo leng elaw?" Maman a lo ti nghal zat a, pindan ah rang zet in ka luhsan nghal , a duh ang angin lo be vel teh se.




Ka chhuah leh chuan Mama bul ah Tomm alo thu run a nih chu, mak ti lutuk in ka en a , alo kal dawn tih pawh a sawi lo.



Hospital a ka awmlai khan an inhmu fo tawh a, tui zet in an inkawm a hmuh pawh min hmu lo.




Rang zet in choka ah ka tlanlut nghal ruai



"Tommy saw engtikin nge arawn kal a!"



"Ka rualin" Zamzami lah in alo ti sam et




"Hmeli engvangin nge i sawi loh a?"




"Ve che sawi na hman pawh a awmloh kha"




"Awiiiii" ka ti nghal ruai. Kan inngaizawng tih a hretawh tho ang mahse ka la zak reng tho.




"A ho e.. Makpa interview ni mailawm!" Mary lah chu.



Choka atanga chhuak ngam tawh heklo kitchen Island zawi zet a bawh in ka thu a, "where r u? " Tommy message chu "hetah " tih tawp in ka reply



"Where?" Min hmuh mai loh chuan nuamlo a ti dawn tho bawk si, keipawh hi dawihzep viau na hun pawh a nilo, Mama pawn a hre vek tawh mawl lutuk.




Choka atanga chhuak pheiin ka va pawh a


"I lo kal alaw?" Ka ti sap a, Mama nen min en rual nghal thawt.




"Umm nichin deuh tawh khan ka hmu miah lo che a"



"Niaa.. Ihh!"




"Choka ah ava biru anihkha!" Mama chu ka en nghal kawk, ka sa chhuak vek, ava han sual maimai tak. Anni pahnih lah chu an la nui dun hawk hawk zui.




Ka ni hovin eitur kan siam a,Pa Zuia leh Mama bul ah Tomm pawh a awm ve chawt a, enge an sawi hre lo mahila an inkawm tui ve hmel viau tho mai, hreawm a ti bik emlo ang chu .





KFC ang deuh a ka ni arsa kan ei pahin
"Wow a van tui tak ka siam ani hi ka awih theilo zawk" Maryn a rawn tih hliai chuan kan vaiin kan nui vek




"I siam ang ah kan pawm mai ang" Pa Zuian a rawn ti khauh a, ner nang nang chungin "ka siampui ve tho" a ti leh sap




Ka bul ah Tomm a thu a,Tommy bul ah Mama a thu ve bawk a, eng eng emaw sawiin an tawng dun reng a, an inkawmngeih hmel viau hi, vawiin chu Tomm nen pawh kan inbe khat viau mai.




Chawei nghal tura an tih tlat avangin eirawng kan bawl vat a, Mama a luh leh nghal angaih avangin kan hmanhmawh viau bawk.




"Hey !!" Nui vur vur in ka bul ah a rawn ding a



"Enge !"



"Ka hrilh duh che angem aw! "




"Vanlalzam! " ka tomato chan lai chawl meuhvin ka en, a hlim hmel emem lehnghal a




"Hey i u in ka no min dil! "



"Maw! " ti nghek in ka dingchhuak nghal vut a, rang zet in min nem thu leh rawk rawk anihchu.




"Tak tak a mi? "



"Mi in an hria ange? " nui vur vur chungin a hawi kual nghal ruai a, Mama chu lehh!!



"Vawiin chu i rawn kal hlawhtling viau eee"




"Heivang hian lawm ka rawn kal reng! "




"I nasa reuh lutuk aw"



"Tumaw nasa? " Tommy chu kan pahnih in ka en a, "engmah" Zamzamin a rawn ti nghek!! Ka nuih tawp




Ka bul ah rawn kal hnai in a rawn kun hniam vut a, ka chal a rawn fawp zauh anih chu!



"Hey! " mangan zet in ka ti ruai a, Zamzami nui hak hak in achhuak zui hmak!




"I ti awmlo thei emai aw" lungawilo fe in ka ti nghut a, ngaipawimawh lo zet hian a thutna tur a pawtchhuak a, min si lek lek in a rawn thu thla nghal




"Ka ngai che lawm! ".



"Min hmuh reng hi! "




"Ka hmuh che pawn ka ngai tho che lawm"




"Chupawh nise! " ka ti leh hliai a, hepa hi chu a van buaithlak thei tak




"Hlauthawng suh, Zamzami chauhvin min hmu" ka melh nghal kawk



"Zamzami hmuh pawh ka duh lo" ka ti nghal nghek, ka duh aiin ka tawng ring ka hmui ka hup leh nghal chawt. Min la nuih zui!!



...........



Exam a hnaih leh tawh avangin Zamzami nen library ah kan bur leh chawt tawh a, Tommy nen pawh kan inhmu tam lo viau mahse kan inbe nasa em em thung.




"Van ninawm tak! " ti nuah nuah chungin a bag a hai rawk rawk a, ngaihsak lem lovin ka thil ziah lai ka ziak char char thung.




"Hey! " ka ban ah min rawn nghawk sawk a



"I phone zawk anihchu! "




"Animaw? " ti hliai in ka phone chu ka en a, ka ni maw? Tun ang hun ah te




"Umm ni ka lo haw har lo ang! " ka ti nghal zung zung



"Tun ah lo haw nghal la mate! "



"Maw? Ngatinge? "



"Lo haw phawt la! "




"Ummm" ngaihtha zan lovin ka phone ka dah a




"Ka haw angai! "



"Ngatinge? " kei aiin mak a tih hmel zawk




"Ka hre biklo a hmanhmawhthlak aniang! "



"Kal rawh ka lo dahlet mai ang"



"Umm ka lo bia ang che" hmanhmawh zetin ka chhuak a, tun anghun a haw tur a min ti chu a ngaihthat thlak viau lemlo tlat reng a ni.



"Hey i hmanhmawh a mi? I kal hlawk hlawk a! "




"Hi Jimm! "



"Ehhh ding ve tal la"



"Ka haw angai Tomm kha lo hrilh rawh aw"




"Ngatinge? "




"Thil te te! " anui nghal hawk



"Ka va thlah ang che"



"Class i neilo mi? "




"Nei tho e" ding chawtin amah ka en a, "class ah va awm zawk mai teh aw"




"Lo kal rawh" ka kut a rawn chelh lawk a, min kalpui nghal dawr dawr anihchu. Hnial ngaihna reng reng zu awm lo a.



........


"Ka lo haw? " inchhung ka luh rual in ka ti lawng lawng a, alo reh thap



Pindan a ka lut tur leh Mary rawn chhuak tur chu kan intawk thut a, kan phu nasa dun ngang mai.




"Khawnge midang, ka ni hi? "




"I nu te an va hmuak! "




"Maw? Khawi ah anlo kal a mi? " ka ti nghal nghek




"Ee... I hrelo mi? Pitei pum a na a, an rawn hruai! "




"Maw? " hlauthawng zet in ka ti nghek a ka nu chu a pum ana maw? Heta rawn hruai ngai khawp khawp in




"Ummm helicopter in an rawn hruai"




"Awileh" ka phone phawrhin ka nu ka call nghal zata , ka van mawl tak damlo in engtin nge min chhan ang!




"Uhlutea alo kal ang tiraw?" Tih pahin Uhlutea number ka hmet chhuak leh nghal zung zung a, ka hlauthawng lutuk hi ka khur vek!




"Mate!"



"U khawnge in awm? Ngatinge ka nu chu?" Ka ti nghal ruai




"Hei hospital ah kan in admit fel chiahh"




"U ngatinge a na viau em? A thi dawn em?" Ka mittui a tling khat vek tawh




"Thi dawnlo e a ngaihtuah awm miah lo ania"



"Ka rawn kal nghal dawn!"




"Ummm" phone ka off a "kal ang" tih pahin ka tlanchhuak lehnghal chu a ni der.




Hlauhthawnna in min tuam hlup hlup a, na viau lo se helai emergency lutuk in an rawn thleng dawn bawk silo.


.......



Ka nu awmna cabin chu ka tlan lut deuh rawk rawk a, anlo hawi nghal thap




oxygen an hip tir a, a dâng deuh lap bawksi, chubak ah a thawk dan pawh chu a pangailo, na a tih hmel takzet.




A bul ah ka thu a, ka ni in min thlamuan a, mahse ka nu na tuar hmel ka hmuh chhung chuan ka thla a amuang thei chuang lo ang.




Darkar khat vel chauh kan la thu ang tih ah Tommy leh Zamzami an rawn lut hlawl a, eitur an rawn keng bawr nasa emem lehnghal. Inthiamlo zet in ka lo en ha a, tumah hi ka hrilh miah lo, engtin nge an hriat zawk ni!!





"In va fel tak e aw! " ka ni in alo ti thuai a, Mary lah in "ka ril a tam tawh lutuk" alo ti ve bawk.




Tommy hmel ka hmu chu mak takin ka hahdam sawng sawng, ka bul ah lo thu se a dar ah ka lu nghat ila, tichuan ka thla a muang hliah hliah bawk ang, mahse a tih chi loh nasa mai bawk si.




Kan cabin awmna chu lian tha pangai tak ani bawk a, tumah kan indip buai lemlo. Uhlutea doctor alo ni tho bawk nen engkim a man a buaipui zung zung zel bawk a, ka nu pawh a mutui ta aniang chu a thawk lak dan pawh a pangai viau.




"Naktuk ah test result a chhuak anga, anatna tak kan hriat chuan a dam nghal mai ang" ka ni in a ti sap a, chuchu ka beisei takzet.



Pum nuamlo a nei zeuh zeuh thin a, kal tha lo ani sa bawk, school a awm lai in a na leh thut a, hospital a an hruai hnu in helam ah emergency lutuk a rawn hruai ani leh a, a na tawk viau tihna a ni.





Ka pa a rawn kal ve nghal a rem loh avangin naktuk ah ani pawh arawn kal ang.




Uhlutea chu doctor a nih vang nge chi ai hmel a pu ve lo a, engkim chu a ti dam dap vek a, ka nu chu a tha deuh anih te ka ring bawk a chuvangin ka hlauthawng lutuk kha chu a reh ta deuh.




Tommy te haw dawn chuan ka zui chhuak ve nghal zat a, "i riahpui dawn em? "




"Immmm"




"Riahpui i ngaih chuan ka hman reng ania aw! " Zamzamin a tihchuan ka bu nghat a, riahpui pawh ka la ngai ngeiin ka ring .





"Ka lo kalleh ang,Zamzami ka va thlah phawt anga! "



"A theih dawn mi? Angai kherlo ania"




"Theih dan a awm mai ang, hlauthawng lo la aw! " a ti sup a, ka kut a rawn chelhbet leh hmiah tawh, tun tum chu ka ngai ve bawk nen a kut pawh ka dahthlak sak lo.




"I ril atam em? " ka lu ka thing vut a



"Nakin ah a tam dawn a sin enge i eiduh ka lo keng ang"



"Engmah a ngailo"



"Angai ka tia lawm" ka melh chho ha a! Ka nuih leh tawp tawh,




"Anih i duh duh animai! " .




"Umm riltam in awm miah suh, i nu chu a tha leh vat mai ang" a ti leh sup a, thu tawi te hi sawi thin mahse min thlamuan nan chuan a tawk viau lawi bawk si.



..........



Ka ni leh kei bak ah Uhlutea'n ka nu kan riah pui a, tlaivar kher angailo bawk nen a hahthlak chuang lemlo. Uhlutea a awm ve kur avangin Tomm chu rawn kal kher lo tur in ka ti ta tawp.




Mahse , a rawn kal tho!!.




"I ril a tam ang" atia, eitur min pe turin a rawn kal a, a let leh nghal tho. A va han fel ve chiang tak!!




Class kal turin min ti mahse ka nu awmpui charchar ka duh avangin ka kal ta lo a, exam a hnai a class a pawimawh viau nachungin ka nu ka ngaipawimawh zawk lo theilo.




Uhlutea leh ka ni te ho an phe buai char char a, keichu cabin ah ka awm deuh tawp a, a hahthlak lemloh khawp mai.




Ka nu test result kan hria chu kan thaw huai mai, cancer emaw natna rapthlak deuh anih ka hlau lutuk kha ka tawngtai char char a, a kal a tha lo tih chu kan hriat sa ani a, a chuap a tui tlem tling awm chu an siak sak nghal a, Uhlutea ber in a tha atih avangin ka thawveng huai mai.






Ka pa a rawn thleng a, ka nu leh pa te hi ka lo ngai lutuk takzet anihhi, ka pa bul ah ka awm chawt a. Ka kalsan phallo, ani pawn min ngai tih ka hre tho, min hmuh loh hlekin min lam a, ka nu ai pawh in min ngaizawk in ka hre thin.




Riahpui a duh avangin kan hawsan a, Uhlutea chuan a chenchilh tawp hi ani ringawt.


.......

Hma zet ah thovin ka inbual a, class kal ka duh tawh avangin ka kal hma in ka nu tlawh leh phawt ka duh bawk si.




Tommy pawh min hruai turin a rawn kal hma kher mai, hrilh nawn leh pawh hi angailo, vawikhat thil ka sawi tawh chu a hre reng zel, min tih hlawhtlin sak ziah bawk.





"Nizan i mutui em? "




"Tui lutuk nang? " ka en nghal thuai a, a motor khalh lai chauh ngaihtuah niawm tak hian hmalam a en ngur thung




"Mutui lutuk ve tho, ka mumang ah ka hmu che a! "


"Animaw engtin? "




"Ka sawi duhlo"




"Hey sawi vat rawh engtin nge min hmuh!" Hre chak zet in ka ti leh hliai




"Kan lo innei a! "




"Maw? " ka ti nghal nghek , arawn nui hawk thung




"Innei mai ila, tun ah hian i pa ka dil nghal mai dawn!"




"Sawilo.mai teh"




"Engvangin min nei duh lo a mi?"




"Hey tikhan min sawm suh, inneih kan duh hun tak tak ah chuan Marry you tih hla kha i sa anga, chuan....." A rawn nui chhuak leh hawk




"Chuan sawi rawh i duh duh.."




"Min nuih aiah ka sawi tawh lo ang" ka ti nghut a. A nuih a za zual sauh.




Hospital kan thlen chuan ka nu pawh a tawng ve peih tawh a, ka lawm dan chu.



"I rawn hruai a i va ti lawmawm ve aw" ka pa in Tommy bula a tih chuan , "chutia mi?" An ti sup ah!!





Mahse ka nu nen a kan inkawm chhung zawng ka pa nen anlo inkawm ve tho, Uhlutea erawh a chau deuh nge kan awm chhung zawng a rawn tho chhuak lo, ka lawm zia chu pui tak a ni.


..........



"I u in tlai ah ka rawn chhuak ang a tia tlai ah i nu tlawh ang aw" Zamzami chu ka melh nghal khui mai.





"A. Ni. Maw? "




"Ummm" lehkhabu ala bih tlat




"Min hrilh ve miahlo... Engtianga thui nge in kal tawh a! "




Min chhanglovin lehkhabu a chhiar lui tlat




"Vanlalzam... Sawi nghal rawh zep i nei bik dawn elaw? " ka lehkhabu ken lai chu dawhkan ah ka nghat thla a, a dar ah ka tham nghal nawk.




A rawn rak thawt a, lehkhabu chhiar ve dang ho an rawn hawi nghal thup




"Hey i ti zahthlak thei lutuk" tawng rin hlau lutuk in a rawn ti sap a




"Sawi mai rawh" ka lo ti ve thung




"Engtianga thui mah i u hian min bem pawh a tumlo" ka nui chhuak nghal hawk




"Mahse alo chhuak dawn tihpawh ka hriat loh laiin i hriat bik si chu" uar zet in ka ti leh hluai a




Engchen tak thleng dun ang maw?




'Isabella i nu chu enge a an? " ka mi hmuh peihloh ber te zinga mi ka hmu leh ta




"Atha tawh lutuk" ka ti tha ve mai bawk, engtinnge Irenei hian ka nu chungchang alo hriat leh theih zawk?




"Ava lawmawm ve aww, naktuk ah Tommy rualin ka rawn kan ve ang, enge eitheih deuh bik te anei em? "





"Engmah a ngailo e! "




"Tommy ruala lo kal chu pawi itilo ang tiraw? " a tan leh dawn e! Mood fuhloh sa tawh naklaiin, Tomm te in a kan inhnial hrep hnu khan vanneihthlak takin kan inhmu leh ta lo kha a nia



"I peih phawt te chuan! "




"Ka peih alawm i nu chu lo dam vat turin duhsakna ka hlan e" hawisang vah hian a pen sawn a, ka melhrum nghek ringawt, tihtheih ka neilo thin lutuk hi ka thin a rim zawk.





"Henu hneawm dan hi chu aw! " Zamzamin a rawn ti nghal nghek a, hmun fal zet ah tumah venthawn tur awm lo se, duhtawk a inhnial a, insual te pawh ka chak rum rum tawh mai.





"Ka nu leh pa te awmlai chuan i bialpa kha rawn hruai tawh suh aw.. " Uhlutea message ka chhiar zo chu ka khawng nghal vek in ka hria!!!




(In comments te hi ka chhiar vek thin a, in duh ang leh ngaihnawm tih zawng a kawihher ve zel hi ka tum a, mahse in duhdan hi a in ang lo thei hlawm bawk siii 😆😆😆😆 athenin phut zawk zawk na awm ve deuh te in duh laiin a then in misual awm miahlo se an duh zawk bawk a!!!! A buaithlak thei khawp mai!!! Engpawh nise ka lawm emem vek ee)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)