BAD vs BAD BY Dee Gigi (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 14893
Joined: April 30th, 2016, 4:07 pm

Re: BAD vs BAD BY Dee Gigi (Completed)

Unread post by Ngaia » July 12th, 2020, 1:39 pm

CHAPTER-19




WRITER:::🌺DEE GIGI🌺




"🌺🦋I am fortunate that i have found you in my life, to be with me, hold me and embrace me whenever I'm about to fall down...🦋🌺"





"Babe, prada coatsuit hi chu khua a lum sia ka ha lo mai ang...."



Bathroom atanga va chhuah pah chuan closet room lamah chuan ka va lut a, "Anih Saint Laurent kha ha la...smart tak a inchei tur"



"A lum alawm le...ka lu ana deuh lehnghal, thawveng deuh a kal ka duh..."



Balenciaga shirt la chhuak pah chuan "Heihi ha la, office kal loh kha chu ti tawh miah suh, i kal lo zing tawh lutuk"



"Ka lu na kha alo chhuak leh alawm..."



Ka en vang vang a, na hmel pawh pu mang silo "Va kal mai rawh,i intiam vek tawh kha aw!!"



"Engmah tihtur a awm chuanglo!! Sign ringawt ani mai,, "



Naupang school kal tur,kal peihlo innawr lui hi kan ang deuh ber in ka hria, "Kal la ani mai.I kal lo zing tawh lutuk, president ve si..." Chhuah san pah chuan ka ti a, ka closet lamah ka kawr hak tur ka thlang zui bawk.




Rei ngial a insiam hnu a alo chhuak chu ka thil tih lai ka tawp chut pah in "Tikhan law kal i tum?!!"



"A pawi ami?? Mark Zuckerberg te pawh heti mai mai hian lawm an kal..."



Balenciaga shirt var chu a ha va ngei, Givenchy short pants dum leh Balenciaga tho sneaker var nen... chutah shade a vuah!! Chumai anilo, cap var ala khum zui!!! A sang tha a, a inhmeh viau mahse office kal nan em chuan....



Confi fe hian ala ding zui,a phone a bih ngur bawk.
"Mark chu ini ami a? I staff te ho inchei parh theih theih nen...a neitu ber hetia han inchei..."



"A pawilo, ninawm..Ka kal, an cheh lutuk mak hmeichhe ho tak hi chu..."



Ka chhan zui hma in a chhuak nal nal, ka thaw hap bawk.



Chhunah chuan Lexi leh Auxi an lo leng a, auxi duhawm sawt zia hi...Argh, nia...fa ka awhna chu ala bo thei dawn chuanglo anih hi...ngai kan awh atanga thla 4 lai a liam ve leh ta.



Auxi chuan "Aunty, khawnge max a awm?" Kan uipa chuam , duatlai.


"Inkawt velah a awm ang, nizanah daryl an mutpui a tum leh pek a, ka thinrim hlur ania, a sava veh na lamah sam leh will pot a tikeh thul..."



"Min pe ru kan ti kan ti a, daryl an a phal leh tlat lo anih kha..." Lexi in alo ti ve bawk,


"Kan fapa ve ang ani mai a, kan ui ve tho sia lawm.." cheese cake ei pah chuan ka ti a,



"Ni ve tho mai, aa...Daryl naupan lai min ti hrechhuak , ka putea hi a mangang thei teh mai ania, ramdanga an zin dawn in jet chhungah a han luhpui thin chu e...Snowy tih a neih lai kha ania, daryl lah a luhlul bawk si a, kha a ui kha chuan ram hrang hrang mi pawimawh ho a hmu hnem ve khawp ang le, an zinna apiangah a hruai miau si a.."





Ka nui hak hak a, "A tih tawh chu ti bur, a ngaihna a awm ngailo...Max hi a duat ropui si a, sam leh will in an hauh chang pawn anmahni zawk a vin hrep zel mai..."




"Tunlai tak hi chu a zaidam ka lo ti zawk asin..."



"Nia, a thinchhiat leh mi vin a chin kha a sim ta deuh.."




Lu ka bu nghat nghat, a ni chiah, min vin vak ngai tawhlo.Argh, min care tan ve deuh ka ti mai, min hnial tawng tawng te a sim a, zai a dawh ta deuh.



...........................................................



Tlai a Daryl alo haw chu a mit a sen rum mai, "Ka lu a na ..." Couch ah a thu nghal hnawk bawk, amit a chhing vang vang .



Ka lehkhabu chhiar lai dah pah chuan ka va thut hnaih nghal a, "I lu na kha alo chhuak leh tak tak ami? Dr Ferguson ka call ang aw?"



Ka va kuah nghal ngiai, kan accident atang khan hetiang a lu nat thut thut chang hi a nei ta fo, "Yep.."


Ka phone chu la in Dr.Ferguson ka call ta nghal a, alo thlen hma chuan maids ho in a damdawi an lo siamsak nghal thuai thuai bawk, ka awm ah a hmai a phum a, a sam buang uk kak nem hlap chu ka zut siau siau thung.



"Alo thleng tep ang...damdawi hi ei phawt la..."


"A puakkeh dawn in ka hria...a na ngut ngut mai.."


Lainat zet chuan ka en a, a sa vek lehnghal, argh...ka lu a na a tih khan lo awih hle hle tur ania aw....



Dr Ferguson chuan Daryl pang chu dek pah in "A ziaawm ve leh mai ang, accident affect kha anih hi...a hlauhthawn awm hran lo, damdawi ka chawh ho hi ei reng sela, chuan in ti hah suh se, a awmzia chu a thluak hman vak a ngailo, a lu alo na leh ani mai..."



Ka bu nghat nghat, Daryl chu kawr ha lo in khumah a mu vang vang, lu ka lo bu nghat nghat, dinner a ei tur ka ken chhoh sak a, alo la tho harh peihlo.



"Babe...darling..."



Ka va ti sap sap a, lo meng deuh pah chuan "Ka ei peihlo....ka mut a chhuak rih,nang pawh lo mu tawh rawh..."



"Engemaw tal ei la..."



"Nope...vat! Ka bulah lo mu tawh rawh.."




Maids ho chu la thla mai tur in ka ti a, a bulah ka in thawlh ve nghal sat sat.



Lo tho kang pah in khum bula jug a tui chu a thli chhuak a, ka dul a ka kut pahnih dah pah chuan chunglam ka en vang vang a, "Daryl, fa hi adopt ve mai ang..."



A thil in lai chu a phuh thawt in ka hria, "I duh ami?" A khuh deuh hak hak pah, "Aw...daryl, nu leh pa nih kan duh ani lawm ni?? "




"I duh te chuan ka duh reng mai...nia, nu leh pa nih chu kan duh a, mahse kan thisen ngei pu thei dawnlo mahse nang hi ka nupui i nih chhung chuan pawi ka tilo.I kiangah chuan chhungkaw hlim tak kan din thei tho dawn ani tih ka hria..."



Min lo fawp zauh, "Ka lawm lutuk daryl...ka hmangaih che..." Ka ti sap, a nui suk a, "Sawi ka tum deuh thin a mahse i rawn sawichhuak ta thut khan min shock alawm" nui deuh pah chuan alo ti ve bawk.



"Pasal tha ber ini" nui hak in a hmui a ti pawrh zauh a, "Mu mai teh, ka lu na i tizual.Samkir deuh kan fa chu ni ve thei ngei se..."



"Hmela...a mak thei..."



"Nge, nang pawh i sam a kir leh tawh hi...red queen"




"Hmela!!" Red queen tih ka huat zia hi a ngaihna a awmlo ang! A chal ah chuan ka duk chawrh, "A na hmeli!! Ka lu a hai ka ti ani lawm ni..." Lukham a a chal dawm pah in a mu nghal, "Oh..oh...sorry, a na em? Sorry tak tak..." Ka ti nghal Chung,ka in thiam lo deuh.



Ka va buaipui tur tak chu ka hnungah alo beng chawrh a "Hahhah...phuba!! Red queen!"


"Van phakar e, hmela!! " A hnungah ka chum vak vak, kan nui dun hawk hawk bawk.



Ni e, ka pasal duh tak hi a kianga awm ka kham thei ngailo ang, ka chhiat lai ber leh fa hial hrin sak theilo ka nih tawh hnu pawh a duat tak a min la pawm tu hi tu hmeichhia in nge kalsan phal teh lul ang le!??



...............


Daryl chuan a hmai ka awmah a phum leh kak tawh, a sam chul hliau hliau pah in ka pa (daryl pa) ka be pah "Nia... adoption lam hi kan ti ve mai ang kan ti a...enge in ngaihdan le? Ka nu pawh kha lo rawn pah kan duh hrim hrim a..."



"In duhdan chu kan pawmpui vek che u...bawihi, keini chu min Ngaihtuah suh u, nupa in ni a, in thu thu alawm....Tu thar kan neih hun chu lo zin ve ngei pawh a ngai dawn anih chu mawle...kan hmu ve chak alawm..."



Ka lawm em vangin ka mittui a parawl tiau thei, fa ka neih theih sak tawh dawn lo ani tih hrereng chung a heti tak a min la hmangaih tu pasal a chhungte ka nei hi ka vannei takzet!!



"Pa...ka lawm ...ka lawm takzet..."



Ka nu zawk chuan phone chu alo la a "Bawihi, mipa nge hmeichhia ni ang le? An 2 in la ve ve mai ula, awi...ka nghakhlel tawh emai..."



"Tak tak maw?? Tehreng mai, nu...nia, mipa leh hmeichhia chuan a tha ka ti...Daryl lah a lu na kha alo chhuak leh a, a muhil daih tawh si a..."



"Bawiha chu a lu a na leh viau tawh ami? A pawi tak tak ani...Black Jack ho tak hi chu aw...eng pawh nise nang pawh ila dam chiang mang silo a, i tai na kha a ziaawm tawh tiraw? In enkawl uluk viau ru aw..."



"Um...a ziaawm tawh, nang ni pawh in enkawl tha ru awm..ka pa leh tiana ka han hrilh ve ange...kan phur dun tawh ve angreng si a, karleh lam ah hi chuan kan ti tawh mai ang chu kan lo ti deuh a..."



"Awle,awle...keini pawh kan lo phei ve nghal ang, pi ka ni ve tawh dawn ta...Daryl lah kha ala thinchhe viau em? Awi, pa anih hnu chuan insum ve deuh tawh rawh se aw..."


Ka nui hak hak a "A fel tawh lutuk...min vin pawh a ching tawhlo...Hmeli min la tih nulh nulh hi chu ala ching a, "



"Hmela kha iti ve mai zel dawn nia...a hahthlak ani..."



"Anih leh aw ..ka pa te chu ka han be ve ange"



"Awle, muttui le..."



"Nangni pawh..."




Phone ka hang-up hnu chuan Tiana ka be ve lehnghal, alo la mu lo anih hi...



"Tiana, i va mengrei ve...i chau ange..."



"Nilo e,...aa...hei, i pa nen inkhel kan en a,zanrei ah te ilo call thut bawk nen enge ni ta?"




"Nia...aa...rem in ti chiah a ngem chu ka hrelo a...mahse hetia fa te ka neih theih tawh dawn loh rau rau chuan adoption tih lam hi kan ngaihtuah deuh a..."



"Chu...pi leh pu kan ni ve tawh dawn ani maw? Avan phurawm ve le...i pa lah zin thei reng ani tawh silo, in lo zin ho dial dial mai a ngai ang, kan hmu ve chak alawm"



"Ani maw?? Avan lawmawm tak...ka pa pawh kha lo hrilh rawh aw...tu thar a nei dawn a,daryl nu leh pa pawn min pawm pui vek tawh a..."




"Awle,awle ka lo hrilh ang...a van nuam dawn tak em...ka tu thar tur te chu hmuh vat ka chak ani.."



...............



"Daryl gonzalez!!! Hmela!!"



Ka hair conditioner ai ah hair dryer gel alo dah!! Bathroom atang chuan thinrim em em in ka chhuak a, "Happy april fool!!'



"Tuman april fool ah happy an telh ngailo!! I mi min prank dan hian tu mipa mah in an nupui te an ti ngai heklo, ka sam a chhiat tawh tawh nen, a ro belhchhah vek hi!!"



Min ngaihsak loh hmel zet in "Nang pawn ka hair gel ai ah i lotion ilo dah vek tawh kha a, sam hmang ve ve in kan in battle ani mai...insiam rawh, St.Mary homeless ah dar 10 a thlen tur anih kha"




"Ka sam hi en ta che, a...a ro vek dawn anih hi...argh"




"Happy april fool ka tih chu, i ninawm"



"I ninawm fe zawk...."




"Nang fe kha!"




"Kal mai teh, samkir ro puk luih...misual emaw an ti che anga, adopt an phal pawh ka ring leh ta lo rum rum mai, lo kal lo mai ta che"




Ka melh rawm rawm a, hair dryer bur chuan ka vawm vak!! "I chawh viau ang,!" Ka ti zui hram bawk,



"A va mak e!! Kut min thlak loh leh i bulhnai a thil awm hmang a min vawm hi ching viau suh!!"



.....................................



Tum bur in ka sam chu ka bawk tawm vek a, fendi skirt ka fenh a ,top ka ha bawk, heel dum nen.


Daryl hi chuan tlereuh a ngaina lemlo, mahse sana leh coatsuit ah erawh pawisa a ren lo khawp.A coatsuit pawh luxury brand hlir ani.Kei erawh bracelet, necklace , earrings tih luklak hi ka uar, lei pawh ka lei nasa reng a.




St.Mary Motherless home kawtah chuan car chu a ding dat a, Homeless kha a ti ve ngawt a, alo hrechiang leh awzawng lo anih hi, fa kan adopt dawn ni ah ber kher kan inhau leh pek a!!



Sister Elizabeth mi hang,hmel zaidam hmel tak, mitmu zau kiau mai chuan min nuih sang a, "Lo lut rawh u, Mr and mrs gonzalez....kan lo nghak reng tawh che u lawm, zingah khan Mr Tristan kha alo kal a, in lo kal tur thu hi alo sawi tawh tak asin"



Daryl chuan nui zeuh pah a chibai in "Kan phur tawh khawp mai..."



"Nia, sister, mipa leh hmeichhia kan duh a..."


"Oh, min lo zui rawh u...."




..............................



"Heihi hmani lawk khan kan building kawtah an lo dah ringawt a, mak kan ti viau asin...Pathian thil pek ani ang tiin kan la lut ta ngawt a..."



Chu hmeichhe naupang sam uk siau, kum 3 mi lek a upa,mitmu pawh uk ram mai , naupang te zing a infiam ve chu kan en vang vang a, ka nuih sang bawk, "A hming enge ni le??"



"A hming lem atan Esther kan ti a...a fel hle bawk asin..."



Daryl chu ka en chho ha a,lu alo bu nghat."Sister,heihi kan fanu tur ngei chu ania nge...Pathian in alo kawl tir chhung che u ani ang...." Ka tawngkam thiam ve ber ber chu ka hmang ve bawk asin, daryl in min lo nghawk vak!!



"A va han lawmawm tak em...Pathian chu fak in awm rawh se, chhungkaw thar a nei dawn ta anih chu..."


Mipa nausen sam uk buang kir chiat chuan kan lung a dum nghal bawk!! Kan sawi tawh kha, sam kir ngei kan duh a, tunah kan duhzawng tak kan hmu leh ta...




............................


Kan haw kawngah chuan kan fapa thar, a hming atana Dazel Gonzalez kan tih ngei mai kum 1 lek mi chu ka pawm a, Backseat ah kan thu bawk, Daryl chuan kan fanu Roxyl gonzalez chu pawm in kalkawng vel a kan thilhmuh chu a awmzia a hrilh pah zel,.naupang ngaina mi tih tak ah an in awm thiam fu...



Court velah adoption atana pawimawh thil zawng zawng a PA chuan alo tifel zung zung bawk.



"Hei le...kan in thar chu..."



Roxyl chuan zuang pah in "Daddy, family picnic kan nei a ngem?? School a ka thianten an chhungkua a picnic an neih thu an sawi thin a, chutiang chu kan ti ve ang tiraw? "



An in ngaina nghal ka tih kha, daddy pawh ati chat mai lawm, maids ho chuan Dazel chu an lo chhaih pah, Daryl chuan "Princess, chiang sa mawle..I room thar tur pawh kan siam tir vek tawh ania... Disney princesses ho ang khan..."



"Ani maw?? Dad!!"



"Chumi hma chuan helai a ding nu hi red queen han ti phawt teh le..."


Roxyl chuan min lo en ha a "Mommy min ti rawh ati sia...red queen ka ti ang maw? Red queen..."



"Hmela!!" Roxyl chu a pawm kang a, nui hawk hawk pah in a tlanphei nghal, Dazel pawm chungin ka um ve bawk!!



Roxyl room tur ah kan lut thap, bang vel an lo chei mek, Roxyl chuan "Wow...Daddy, a van nuam dawn tak!!"




"Le, family tour te pawh kan nei anga...chuan i thian thar tur carmelia leh auxi te pawh i hmelhriat ve ang...Zanin ah dinner an lo ei hlawm dawn ania...I nau hi han kiss teh le..."



Dazel bianga lo dawm pah chuan alo kiss vak, dazel chuan min lo en a, roxyl chu a en leh a, a tap ta mai!!




"In pafa vang vek!!" Kan buai ta chul ta,maids ho pawh an nui pah, daryl chuan "Engtin nge niang?? Argh, ka hria...i hnute kha pe rawh..."



"I â ami?? Tah vangin tunge an hnute pe ngai??"



"Laneya pawh khan a ti thin alawm!! Ti mai rawh!!"



"Anih, min lo en su..."



Room lehlamah ka luhpui nghal, a tap a bang thei ta hauhlo! Ka top hak lai chu hlim in hnute chu ka fawh tir ve ta tawp...ka thaw hawk mai...ka vawikhatna!!



A tap a bang ta mai chu mak ka ti zawk hial,hnute tui ka nei awm tawp silo a...Dazel mitmu dum kak chu ka en a, a sam lo kir chiat nen, ka hnute hmang ngei a ka chawm ve theih tur fapa ka nei ve dawn ta...lalpa...i remruat dan hi mak tih chang nei mahila engkim hi kan tan a tha tur,kan sual chhuah thiam phawt chuan kan tan a malsawmna zel alo ni....







Daryl nu leh pa pawh an lo thleng ve ta, Carmelia leh auxi an lo leng phei bawk.Kitchen ah Roxyl te eitur siam in ka buai a, Daryl in ka nu leh pa bulah awm in Dazel alo buaipui bawk.



Chhungkaw thar ka nei ve ta, kan hlim a,tumah kan mamawh heklo.....



To be continue



Chapter 20 nen ka lo up ang ka ti zet na a, damlo buaipui lai kan ni bawk nen ka thei ta hauhlo mai,in mi hriatthiam na ka ngen tak meuh ani...Naktuk ah ka lo up leh mai ang....Ka pu hi ka han buaipui rih ange...a sei lo deuh anih pawn min lo hrethiam mai ru aw... Sorry 🌺🦋😢😢


🍒♥️Gigi Dee 🍒♥️
🌹🌹



Link:
BBcode:
HTML:
Hide post links
Show post links

Ngaia
Site Admin
Posts: 14893
Joined: April 30th, 2016, 4:07 pm

Unread post by Ngaia » July 12th, 2020, 1:39 pm

🖤🖤BAD vs BAD 🖤🖤




CHAPTER-20




WRITER::DEE GIGI




(Daryl te chu i mangtha tawh mai ang u aw...🦋An ngaihawm dawn hle mai, an mahni vangin ka thil tih tur tul zawng zawng pawh ka tih loh phah a,type chhung lah a rei duh zek bawk si, an inhau ri ka beng ah a cham ziah lehnghal😆😆Mahse tunah chuan fa te an nei ve ta bawk a, hlim tak in an awm kumkhua tur ah ngai ila, GOODBYE #DARYL_GONZALEZ and #REBECCA_WINSLER )




"We've been through this such a long long time just to let our love bloom out🌺♥️And you heal the broken heart, makes me lay down in your arms..."




"Roxyl.... Breakfast?? "



Daryl chuan min lo en a, "Vawiin chu school kal lo mai rawh se...Nizan vang khan a hah ve deuh ani ang...Dazel pawh ala mut tho hi..."



Nizan ah dar 10 thleng vel an in um loh leh an in bihruk sial pek alawm mawle..."Test an nei dawn sin.."



"Ho e,, lehkha zir chauh hi a nilo, tha viau mah se a ai a pawimawh zawk tamtak a awm"



"Enge a pawimawh zawk chu sawi la...hre leh awm tawp silo , tawng duah lo khan i hna ah va kal vat la ani mai...Baby...Roxyl??"



"Momma....Daddy nen shark lift a kal kan tum asin..." A mit alo nuai thla niap niap, va pawm pah in "Le... breakfast hi ei la, grandpa leh grandma an lo len dawn kha...aw, vawiin chu kal lo mai rawh.Mahse shark lift a kal pawh a ngailo, in va chesual palh ang..."



Daryl chuan "Becky!! Hna ah ka kal dawn hi..." Argh, ka lo theihnghilh leh thin, kawngka bul thleng ka va thlah a, a biangah ka kiss zauh, "Lo haw hma rawh aw...ka nu leh pa an lo kal dawn kha..."




"Okay, Dazel lo thawh hunah min lo video call..." A sawi zawh hma in "Okay,okay...kal rawh, i tlai ange..."



"Ka sawi zawh hun te nghak ve phawt thin la!!"




"I ninawm! I sawi tur ka hre vek tho alawm,nitin a i tihdan ziah!"




"I sam anih chu a..." A kal zui hnu hnu chu ka melh rawm rawm, ka sam hmang a min chhaih a chin lutuk a vangin Roxyl ka hauh apiang in "Samkir nu!!" Min tih phah ziah tawh!



Roxyl hi chu a harh chi ani reuh bawk a, ka nu leh pa nen pawh an in ngaina nghal hle, lehkha zir hi a peih bau lo bawk!! Daryl nen library ah thawm reh deuh a an awm tawh chuan card an lo khel leh nge nge zel!!


Dazel in a thei leh theilo a "Momma" a rawn ti thin phei hi chu ka hlim takzet!!



Carmelia leh Auxi hi Roxyl aiin an upa deuh hlek a, an nau en ve mai, Royal Academic ah vek an lut bawk, a te ber e tilo hian a sual thiam ber lehnghal! Nuih hi a ti za thin ania, Matteo hi a ngaina fal bik nalh! Roxyl mak ve na chu ama in tihpalh ah emaw a thiante nen a an inhauh chang pawn tap bik ah a tang duh ngailo!! Alo nuih then zel ani awm e, huis...Daryl ang a childhood memories nei nuihzatthlak chi anih reuh dawn hi..





A sam uk ngil siau chu Daryl in a amah cheitu tur a a rawih Mrs Mills chuan a phiar kak sak a, kawrfual nu hnap hak te hi kum 4 mi lek si a duh awzawnglo! Shirt leh kekawr hlir!!



.......................................................................................







"Argh....ka ning!! Mu ang u, a ninawm!"



Halloween atan kan in kan chei mek, Daryl nin tawk alo tling leh viau tawh mahse Roxyl in nuam ati miau si ale...


"Va mu rawh!! Mai lem siam chauh ani tawh..."



"Hetiang a ramhuai in a han chhuah tum...Roxyl, mu ang.."



"Daddy, naktuk zan hi ani tawh ania....Spring heel jack lemah ka insiam anga, ka zuang dawn..."




"Na...nang te pawh chu...Khawi, Dazel kha ka lo pawm ang...Tikhan lo chei mai ru, ramhuai diktak ang a nun in tum anih chuan Willington a masion ah khan Dazel nen kan insawn mai ang...Ramhuai hi ka ngaina lo"



Ka melh zui vak, Roxyl lah in nui iar iar pah in "Roar..." Alo tih khum pah, Dazel chu thiam leh thiam lo in alo pawm ve ngei, "A mut lai khan a thenbawm ah va muttir vat rawh, i tiharh palh ange.."



"Ka hria..." Step an chho vel chauh tih ah Dazel tap thawm ka hre nghal!!



Ka va tlanchho vat a, Daryl chuan alo thlem ve nasa , "Vat...Becky, ...engtin nge ni dawn? Ka muttir tur tak kha alo harh a..." A buai chung mai.




Va pawm pah in "Roxyl lo va hruai chho rawh, buaina thlen chauh thiam"




"Ka tum reng vang ani bik ami?! Lo mut ve mai tur che u lawm...Ramhuai in lawm lutuk man anih kha"




Benchhen na chi ni heklo, ka melh rawm rawm ringawt...Dazel chu reiloteah a mu hil ve nghal chiai chiai a, a thenbawm , Daryl an a Prada ho hnen atanga a bik liau liau a a order ah chuan ka muttir nghal bawk.



Khumah chuan ngawi reng in ka mu a, Daryl alo lut ve deuh chiah "Roxyl chu a room ah i thlah tawh ami?"



"Aw...Tukverh kha hawng teh, a lum emai..."



Ni e, lum hi a tuar thei miahlo! Vawt hi chu a tuar thei deuh zawk.Tukverh hawng pah chuan "Tunlai i hna a tluang em? Mr Someheirth nen a in trade chu a fel thei dawn em??"



Lo dak ve pah chuan "Tluang thawkhat....Matteo te ho nen kan in join vek a, matteo tihfel tur in ka dah, Empire meeting leh construct vel ka en pui daih"




Thli alo thaw hat hat, october thla en ber tum ala ni zui, "Thla eng hi a mawi tiraw..."



Min lo en zauh a, ". Nia, a mawi alawm...."



Daryl nen a kan zia pakhat chu thu ngai hi rei tak kan khel ngailo, kan inhauh pawn kan in hau thinrim rei tak tak lo a, in tih tauh khum pawh kan ching vak tawhlo, nu leh pa kan ni ve tawh a , kan fate tan a entawn tlak tak a awm ve kan duh tawh ani.




"Fire wood camping hi engtik ah nge kan neih ang? Bereton Forest nawm lai tak ani bawk a, karleh ah hian nei ang u hmiang? Lexi leh chelsy pawh khan an duh thu min hrilh tawh a, Laneya hi ka la be pawp theilo a..."



"In duh dan dan ani mai, tak a...Becky, kan inneih anniversary hi...kan theihnghilh dun daih ania..."



Ka en ha, "Ni chiah... September thla kha ani tak..."




"Kan anniversary hmasa ber pawh kan theihnghilh ania...kan upa ve ta hle mai" nui chung chuan alo ti a, nuih let pah in ka nghawk zauh, "Dazel leh Roxyl kan buaipuina lamah kan inhau khat ta deuh bawk a, a nuam ve mai mai alawm..."



Min lo kuah hnai a, "Kan anniversary aiawh in hun kan hmang tha dawn mi niang??"



"Tan la..." Ka nui zeuh,




Ka mit ah tak chuan min en a, thla eng chauh chu eng awmchhun ani.Ka nuih sang a, lai deuh hlek hian Daryl chuan ka dar 2 ah a kut alo dah ve ve a, "Ka nupui duhtak, kan inhmuh hmasak ber tum kha ila hria em? Kan inhau nghal anih kha...chutiang chiah chuan kum kha leh chen kan hmang chho a, tunah nang kum 25 ini a, kei 27....ka tan chuan kum 10 lai ral tawh mahse khang hun te kha ka ngaihtuah let changa ka nuihna ti tam ber tu te anni a...ka..ka nupui i nih vang hian ka lawm takzet ani...Thanks bae..."



Min lo fawp vang vang , lungchim zet in a tukhum ah ka chelh a, a rim pa hrak lo nam chem chem te leh a taksa sa hat hat te, mipa zawng zawng a famkim ber ,ka pasal ni bawk Daryl Gonzalez kha ani miau alawm le...



"Daryl...ka pasal i nih vang hian ka lawm ve takzet tho ania...i hria a, harsat na tamtak lak ata min chhanhimtu ini a, Greg Leiner te, Edward te... hmeichhe sual tak ni thin kha nangmah vangin khawvel eng mawi tak hmuh thiamna ka nei ve ta...Daryl...sawi dan tur pawh ka hrelo, kei hmeichhe laktlak loh tak hi mi mithmuh a hmeichhe tha tak ah nangmah hian min siamchhuak ani...."





Kan hnar leh hnar a in si chet, kan in ngaihzawn tirh a kan awmdan ang mai khan kan awm leh in ka hria, a nuam tih piahlam ani....



"Inchungah va chho ang hmiang? Dazel hi a harh ka ringlo..."



"Enge kan tih anga? "



"Tihtur ka hria alawm..."



Hrethiam lo zet in ka en a, a phur hmel fu...Inchung kan chho chu a reh ruih a, "Enge kan tih dawn..."


A phone ah chuan Music alo play ri riai riai, nuisang in min lo en a, lets make love alo play bawk, ka hma a lo thingthi pah in a vawikhatna atan "Will we dance away the night? Sweetheart?"




"Oh..daryl..."




"Hetiang a kan lam dun loh na pawh hi a rei ve tawh alawm..."



Nuisang in thla eng hnuai ah chuan muangchangin kan lam dun a, nightdress ve ve kan ha bawk.



Let's make love all alone
Hold on tight
Just don't let go


Don't you know what you doin to me?
I'm fall in love with you
Look in my eyes
Let's get lost tonight,until all our strength is gone
.....🌺♥️🦋




"Roxyl, insiam rawh...i insiam zo tawh em? Daddy kan va hmuh dawn kha.."



Khumah kul muk zet a thu chungin games alo khel ngar ngar, "Mommy....ka kal peihlo....ka khel laklawh lutuk..."



"Het, a theih loh...Daddy te nen Amusement park ah kan kal dawn...Dazel an siam zo tawh angem aw...i insiam zawh chuan lo kal rawh le..."



"Mom.."



"Vat vat...lo kal rawh..."


Tum bar in min lo zui thla hna hna, Dazel chu baby sitter Fendi ah an lo thuttir thlap tawh, car ah chuan kan luh pui a, Kawrfual var leh shade ka vuah, ka sam ka thlah kir chhap bawk.


Roxyl chu a hma ah a thu a, a hnungah kei leh dazel..driver in car a khalh bawk.


Vawiin hian Daryl te nen Amusement park ah kan kal dawn a, A office ah a awm avangin kan va lam pah dawn ani.


Roxyl hi mak reuh tak ani, hetiang park vel hi a ngaina hauhlo! Daryl pawh chutiang tho...Kei tak hi chuan nuam ka tih zawng tak ani!!



FIRE WOOD CAMPING NIGHT::



THE LAST MOMENTS OF BAD vs BAD



Mei kan tuah alh pup a, kan thu bial laih bawk.Naupang ho erawh in Nut an lo rawh thung.


Daryl chuan thing nawi chu a tihtur hrelo in mei ah a rawh leh tawp tawp zel a, kan titi pah Dazel chu Chelsy in a pawm bawk.



"Rawh tawh suh....Zankhua min daih lo ange..." Ka ti hap a,



"Austin an ava fawm leh mai dawn lawm...a tam em hi..."



Austin chuan "Keimah ngawt min tir leh suh u...ka hlau ve tho ania, a reh si..."



"Dawih e,mipa ve si..." Daryl in alo ti hluk




"Halloween night ah kilkhat a thu chungin headphones hlauh vangin ka vuah ve lo tal...."


"Hmela!"



An in umkawi leh ta, kan lo nuih hak hak,Harden chuan "Dazel hi ava mu duh reuh e, Dean nen an in an dawn hi..."



"An la inkawm ngeih tur ah ngai ang, mipa ve ve an ni bawk a, Auxi lah a lian uaih tawh bik si..." Laneya in alo ti zung zung, kg 59 lai ani tawh henu hi...kei ai a thau tawh, ka lawm a tling tawk em em ringawt mai ni...



Matteo chuan "Roxyl te hi ka duh reuh ber mai, an teacher nu thusawi kha...A thianten an hauh rawn laiin alo nuih then kha...Carmelia hi chu a dawih lutuk a alo tap leh ringawt zel a..."




"Heihi a patil ang tih ania ka hlauh, daryl bulah car lem alo ngen pek a, Mercedes baby car alo lei sak pek alawm...An in chhun fuh khawp..."




Kan nui ho hawk hawk, "Mommy!! Aunty!! Roxyl thingkung atang a tla ania...!!"



Ka meng phawk vak, kan va tlan phei nghal, ka hlauthawng lutuk chu ka khur vek thei, Roxyl chu ka pawm vat a, "Bawihte...a na em? Khawi lai nge na? Khawi lai nge i sawh??"



Lexi chuan '"First aid box kha...Austin, car ah va la rawh..."



Roxyl chuan meng phawk kar pah in "Mommy, pine saw lawh ka tum a...ka tla sual palh alawm..mahse a na miahlo mawle..."



Ala nui ang sen sen zui!! God...he nau tak hi chu aw...Daryl chuan alo pawm ve nghal, kan thaw huai hlawm.



"Princess...khatiang a thingkung lawn kha chin tawh loh tur aw...i mommy pawh hi a hma in serthlum kungah a lawn a, a ke sawh rawp khawp in a tla tawh ania...."



Ka melh leh vak, Roxyl a nui hak hak bawk, Matteo chuan "I daddy thu kha i awih zel chuan nakinah mi bawn tak ila ni dawn ania..."




"Heh, carmelia pawh a nu ang chiah in a dawih tan saw aw...kan college kal lai ang mai"..



Laneya in alo chum taih taih nghal, kan nui vak vak hlawm bawk, kan nunhlui te sawiin kan titi pah hlawm a, a ngaihawm a, a lunglen thlak bawk.



Nia , daryl nen a college kan kal lai kha chuan laneya in Bad vs Bad min tih thin kha a thleng dik zel ka ti mai, kan inhnial reng a mahse a tawp ah hmangaih na ah kan tlu lut dun ta a, Bad to Love....
Ka pasal hmangaih tak ni tur in a tirah indona kan lo buatsaih ani ringwt!!



THE END...




GOODBYE ALL♥️♥️


ZIAH DAN TUR A VANG TA RAIH MAI A, CHHUNZAWM DUH VIAU MAHILA KA HRE TAWHLO...MAHSE HEMI ZAWH HIAN STORY THAR MAK DANGLAM TAK KA LO UP ANG, IN LO CHANG THEUH DAWN NIA😆😘♥️🦋



AWIHAWM LOH PAWH IN TI MAITHEI A,MAHSE MAGIC WORLD LAMAH KAN LUT ANG, FANTASTIC ADVENTURE LAMPANG ANG IN♥️♥️



ANIH LOH PAWN LOVE STORY ZAWK NGE KA TIH LEH DAWN?



IN NGAIHDAN CHU COMMENT LAMAH AW...🦋🦋


🍒♥️Gigi Dee 🍒♥️
🌹🌹

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
CLICK KHA THEIHNGHILH LO ANG U AW!!
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 36 guests