ERES MI VIDA BY Hmuaktei fanai (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: ERES MI VIDA BY Hmuaktei fanai (Completed)

Unread post by Ngaia » July 12th, 2020, 1:51 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜







Chapter-19






"Nute" kati tham chhal a.






Min thawng lutuk. Kan inbiak hnuhnun ber ka ngaihtuah chhuak a khatah pawh khan a chauh hmel ngawih ngawih anihkha.






Ka phone a chhiat avangin ka be zawm thei lo va tunah ka biak theih veleh tiang chanchin hi ka dawng nghal bawk a.






Hlauhthawnnain min ṭham a ka nu anga chan ve mai hlauhnain ka khat nghal vek.






"Bawihte hlauthawng lutuk mah ta che. A khawsik a reh fel hleih theih loh vang alawm" a rawn ti dam dap. Ka hlauhthawnna a reh phah der lo. Karhla atanga inngaihtuah nat zia hi chu inhriatthiam ve tho ka ring.







Ka pa buaipui turin a bulah ka awm thei lo va ka rilru a hreawm ngawih ngawih zawk.






"Nute ka pa chu abiak theih em"







"Nachhawknain an jection a amuhil chiah" ngaihthlak nuam fahranin a rawn ti leh.






Sawi mai tur pawh ka hre lo hlauhthawnna ka pa chan hlauhnain min tuam hlup hlup.






"Nute ka rawn haw mai dawn ami" ka ti chhuak sep. Haw mai ka duh tak tak. Ka pa bula awma enkawltu nih ka duhnain min tur nghal ut ut.






"Chutiangin ngaihtuah mah ta che doctor tha tak tak an awm a an enkawl anga atha leh mai dawn alawm. Chuan kan awm bawk a rawn ngaihtuah duh miah suh hahdam deuhin awm rawh" a rawn ti duah.






Ka pa natna khum a a awmlaiin engtin nge hahdam takin ka awm theih ang. Heta ṭangin tih theih ka nei bawk si lo nen ka pik hluah hluah zawk.






"Nute ṭha deuhin min lo enkawlsak rawh aw"






"Lungngai mah ta che. Tha deuhin lehkha zir la rawn haw lam kha chu ngaihtuah tawh miah suh aw" a rawn ti dam nghal thluam.






"Anih a harh hunah min rawn biaktir rawh aw" kati leh hram.






Nutei nen kan inbiakna kan ti tawp a khumah ka thalthla nghal hnawk.






Midang phone hman dilin chanchin tekha lo han zawt vat ila tha tur ania. Ngaihtuahna hmang tlem ka inti hnuhnawh a ka inthiam lo hle bawk.






"Aw Lalpa ka pa chauh hi ka neihchhun ani tawh a min laksak tawh lo hram ang che. Khawngaihin min tihdamsak rawh" maimichhingin ka phunchhuak sep sep a ka bekah muttui a lum thla nghal pap.






Ka kawchhung aṭangin lungchhiatna, mahni inkhawngaihna in min rawn ṭham a ka mittui a luang nghal zung zung. Ṭahchhuah ka hlauh avangin ka hmui ka pet fan fan.






Ka room kawngkhar rawn kik kauh kauh riah ka harhchhuak zawk. Ka mittui hruhul zung zungin khum atangin ka tho chhuak a kawngka lam ka pan nghal zat.






Kawngka ka hawng rawk rawk a, ka rualpui tur vel hmeichhia leh a nu leh pa niawm tak leh kan warden anlo ding a. Ka hmel siamremin ka nuih nghal var var.






"Hello... I roommate tur ka nia" a rawn ti var.






"Hello" ka ti lawi rat.






"Kimkimi ka nia" tihpahin a kut arawn lekchhuak a ka vuan nghal vat.






"Oh Sawmtei chuan welcome"






Ka ding sawn deuh a an rawn penlut ve nghal zat a.






A thawmhnaw an remfel zung zunga keipawn ka pui ve tho.






"Tha deuhin lehkha zir rawh u aw" an kal dawnin a pa zawkin kan pahnih min melh tawnin a rawn ti sup a nuih var var chungin kalo bu nghat nghat.






Ka lu chunga kut nghatin ngainat awm deuhin min rawn nuih let a eng emaw zawng takin ka thla amuang deuh huai thei.






Kimkimi a nu leh pa thlah turin pawn lamah a zui chhuak a ka chhuak veta lem lo.






A rawn luhlehin khumah kalo ṭhu ran a, a aw a rawn thian kharh kharh a alam ka hawi nghal vat.






"So ṭhian kan nih ka beisei" ngainatawm deuh tehian min nuih var var.






"Tehreng" kalo ti vat. Mahse sawi chhunzawm tur avang kan vawikhat inhmuhna chiah ani bawk si.






"Sawm thil ei ang" ka darah a rawn beng a ka phu zawk thei ka melh nghal haw. Ka ngaihtuahnaah kalo cheng leh veng veng anih hmel alo luhlai pawh ka hre lo hrim hrim.






"Enge i ngaihtuah a kalo luhlai pawh i hre miah lo"






"Aaaa engvak pawh ngaihtuah lo" ka ti bah niai.






"Hmmm ka ril atam a hei ei ang u." Eitur pawm bawr liaiin ka khumah a rawn thuthla a. A thil ken ho ka study table adah nghal zat bawk.






Kimkimi nen ka inhmelhriattir a an titi zui nghal barh barh. Faktei hi chu a tawng duh a abula awm anawm tel bawk avang hian nel pawh a awl. Tunah ka roommate nen pawh an titi dun thei nghal ania.






Tawng duh lo deuha sawi tur chu ka ni bik lo mahse ka thil tawnin a zir lo em bawka ka tawng chak thlawt lo. Ka pa ka ngaihtuah tlut tlut chubak ka rilruah engdang mah alut thei hlawl lo.






Eitur kan siam mawlh mawlh laiin ka phone a rawn ri a ka dahna lam ka pan nghal vat.







Ka la kang nghal zat a ka nutei ani. Ka pa a harh tawh anih ka ring. A harh huna min biaktir tur khan ka chah anihkha.






"Umm nute ka pa chu a harh tawh ami"







"Aw hei a harh deuh chiah a ahmel hmuh pawh anuam tawh lutuk" a rawn ti lang lang.






"Phone kan pe ange be rawh aw" a rawn tihzawm leh zat.






"Mambawih" a rawn ti zuai raih. A aw atang pawn a chauh hmel ngawih ngawih.






"Pa" kati tiau. Ka mittui ahnai nghal kuar.







"I ziaawm tawh em"






"Aw hei ka ziaawm lutuk e min rawn ngaihtuah reng reng suh ka tha lutuk ania" a rawn tidam thlap. A aw ka hriat ringawt pawh hian ka tah achhuak em em ringawt.







Ka mittui ka kutah a rawn far a Faktei te thutna lam ka hawi nghal vat a min ngaihsak lo hlauh.






Ka thutna atanga tho chhuakin bathroom lam ka pan ta daih an hmuh lai a ka tah mai ka hlau.







"Pa ka phone a chhia a ka rawn be mai thei lo che aa chuan ka lei thar a"







"Engtin nge i tihchhiat"






"Ka tlukpui a" kati sep.







"Fimkhur tur aw. Tlu khut khut rual pawh i nih tawh loh kha mawle" anui ri ka hre thei. Ka nui ve hak.






"Min rawn ngaihtuah lutuk lo la ka tha lutuk ania i zirlai chauh ngaihtuah tur aw" dam raihin a rawn tih zawm leh zat.






"Aw le pa lo dam vat vat rawh aw chuan ka hmangaih ber che"






"Keipawn ka fanu hi ka hmangaih ber"







Ka pa nen kan inbiak zawhin ka hmai ka phih thuak thuak a bathroom atangin ka penchhuak nghal vat. Ka pa aw ka hre thei a ka thawveng deuh sawt.






Faktei leh Kimkimi pawh thil ei pahin anlo nui tlawrh tlawrh.






An thutna lam ka pan a ka thu thla ve chiah tihin msg tone a rawn ri leh khauh a. Ka phone lekkangin ka en nghal vat a no hlang atangin ani.






Video alo awm vang eng video tak ni ang maw. A dp ka check a thlalak engmah a hmang lo a hming takngial pawh a dah lo hrim hrim.






Video ka download a ka play chhin chu ka meng nghal kawk kawk. Engtin nge heihi a thlen theih. Adrian leh Nan-i an infawp ngawng ngawng anihchu. Nan-i Adrian malchungah athu a au dur dur ri pawh a hriat theih vek.






Ka phone chhuatah ka thlauhthla nghal tawp. Ka kawchhung atangin ka sa chhuak nghal pup pup a ka tawt vek bawk.







Engvangin nge dawt min hrilh. An bula a kal dawn loh thu kha min hrilh sia. Ngati nge a kal leh talh.






Ka thunun theih anilo tih ka hria mahse ngati nge a kal duh anihchuan dawt min hrilh kher. Tha deuhin a sawi thei mai lo mi.






"Sawm ngati nge" Faktein min rawn nghawk a ka phu nghal zawk.







"Tinge thlarau hmu ang mai alawm i nih i dang vek ania" hlauhthawm hmel deuhin a rawn ti leh zat. Tawng pawh ka tawng chhuak thei lo. Ka hmui charbeh ang tlat hian a awm engmah ka sawi chhuak thei lo.






"Swmte" tihpahin min rawn thing nawk a ka harhchhuak zawk.






Ka phone chhuata ka thlauh lam ka melh a hrethiamin ka phone a lakang nghal vat. Kimkimi lam ka hawi a hlauhthawn hmel deuhin min lo en haw.






"Heihi engtin nge anih theih" Faktein a rawn tichhuak hawk.






"Lo nghak rawh a rawn thawntu che hi ka hria" tih leh a thutna atanga dinchhuah a rual nghal. Ka chawmawlh vek.







Adrian leh Nan-i infawp khan ka thluak chhung aluh ngut ngut.






Khatiang thil kha engtin nge a thlen theih. Keihi phatsan ka ni tihna ami.






"Lalfakmawi engtia min tih nge i tum" kawngka lamah an rawn ri phei buan buan a ka hawi chhuak nghal vat.






Faktein Siami kan room-ah a pawhin a rawn pawt lut dawr dawr.






"Video kha khawi atanga i neih nge" Siami melh rawm rawmin Faktein a ti fiak ṭhak.






"I hriat kher a tul lo ve eee" Siami zawkin zam loh hmel fahranin ala ti ham ham.






"Ka la nem theih lai hian sawi vat mai rawh" Faktei bawkin sehchilh nawk nawkin a rawn ti leh a. Siami a nui chhuak hak.






Faktei hmel ka en a a thinrim hmel ngawih ngawih. A kut a hum tlat bawk. Siami a melh danah a dawhtheihna a pan tawh hmel viau.






Inrawlh tumna pawh ka nei lo. Tum pawh nita tehreng ila engmah ka sawi chhuak thei chuang lovang tih a chiang vek.






"I sawi lovang maw" tihleh a ban a vai nghal fua a. Siami bekah a richawrh a ahawi nghal dawrh.






"Lalfakmawi kut min thlak a maw" tihpahin a sam hnawk nuai kar atangin Faktei amelh nghal rawm rawm.





"Sawi rawh" ati vin leh tuarh. Kimkim lam ka hawi a nuam lo tih hmel deuhin a che sek.






"Sawi nghal rawh Lalsiammawi" tihleh a chhipsam a tham a rual nghal a ka ding chhuak nghal zawk.






"Fakte" ka ti dek dek chu "lo inrawlh suh" a rawn tiram hmarh.






"Lalfakmawi ana ania min thlah rawh" Siami'n a rawn tichhuak ṭuau. A hmel ka en a amittui a tlingpam tawh.






"I sawihma chu ka thlah lovang che" ati ram leh hmarh.






"Aw ka sawi dawn min thlah rawh" a tap titih der.






Faktein aṭhamna athlah a a inhnit chhuak nghal hlap hlap.






"Unan-i min lo thawn. Sawmtei hi thawn chhawng leh turin min ti a chuan Sawmtei no pawh unani min pek tho" a rawn ti chhuak ṭuau.






"Chuan khawnge i u techu tunah an awm"





"Poinisuk-ah ati. Rooftop-ah"






"Mi sual mi nasa unau. Chhuak vat rawh ka petzung tuarh mai ang che" Faktein ati hlak a. Siami hlauh hmel fein kan room atangin a chhuak nghal nal nal.






A kawngdawmin a sam hui chho pap a thaw chhuak hawkin ka lam a rawn hawi a min rawn nuih sak.






"Khawimaw i phone min lo pe" tihleh a kut ka lam a rawn phar chhuah a rual nghal.





"Angai leh lo" leh lawi si chuan.






"Engtin nge i tih ang"






"Ka hre bik lo" ka ti sep.






Thawchhuak leh hakin chunglam amelh deuh deuh vang vang a. A awmdan ang ang kalo thlir ve tawp.






Tihdan tur lo hre ta pawh ni ila hostel atangin ka chhuak thei chuang lo. Bakah va kal chilh ta ila ka hmuh duh miah loh kha aia nasa zawk pawh ka hmu mai thei. Ka hlauthawng kual vel vek. Ka pik ngawih ngawih.






"Chhuah rukna ka hria insiam rawh ka kalpui ang che" a rawn tichhuak hluai.






Kan room aṭangin a chhuak zui nghal a, ka dinna ngaiah kala ding reng. Awmdan tur pawh ka thiam lo.






Kal ka duhna leh ka duh lohna a inzat reng. Hei aia na zawk hian ka let ang tih ka hlau ber.






"Sawmte insiam la" ka sir lam atangin kimkimi'n inthlahrun hmel deuhin a rawn ti a alam ka hawi nghal vat. Nuih pawh ka nui lui thei thlawt lo. Mak min lo ti anih pawn pawi kati seng tawh lo.






"Ngati nge ila insiam loh" Faktei a rawn thlengthla leh der tawh. Ka khap fak fak ringawt.






"Insiam ta che min man chhuak miah lovang" tihpahin ka thawmhnaw bawm lam a pan nghal zat.






Muangchangin Faktei dinna lam ka pan phei chhet chhet a athawmhnaw phawrh chhuah sa ang ang ka inbel liam ve tawp. Ka ngaihtuahna Adrian khawsak dan khan a chhuahsan lo hrim hrim.






"Inti pachang ta che" tihpahin ka samah a rawn chul nghal hauh hauh. Ṭhianṭha ka awmna hmun apianga ka tawng thei hi mi vannei tak ka ni.






"Kimkim lo awm mai rawh aw kan vaia kan chhuah vek chuan min manchhuah ahlauhawm sia" Faktei bawkin Kimkimi lam hawiin ati zui leh zat.






"Kal ang le" tihpahin ka kutah a rawn chelh a min nuih var var. Keive atih ang angin ka awm tawp.







Pb kan thlengthla a taxi pharin kan kal duhna lam kan sawia kan tlanchhuak nghal.






Ka zam ani enge ka va hmuh ang. Ka hlauthawng tel bawk.






Faktein ka kutah a rawn chelh nghal vat.







Kan kalna tur kan hnaih telh telh a ka thin aphu rang tawlh tawlh. Hlauthawnna hlirin min tuam hlup hlup ani ber.






Taxi a dinga Faktein chuan man a pe nghal vat. Hotel chhunglam kan pan ding nghal.






Ka kut thlah lovin a chelh ngar ngar. Min kaih ang angin ka kual ve tawp tawp hi ani ber.






Rooftop lam kan pan chhoh phei chuan ka thawk asak vek tawh. Let leh mai ka duh rum rum.






Kan thlen chhohin ka hawi kual nghal a Adrian hmel hmuh tur a awm lo. Anlo kalsawn hman anih ka ring.






Ka rilru hahna min tawmpui niawm takin thli a thaw vuk vuk reng bawk.






"Khawnge maw an awm le" Faktein a rawn ti sep. Hmuh tur an awm lo reng reng.






Kan dinna aṭanga hla vak lo sir lam deuh atangin thawm a rawn chhuak hak a ka hawi nghal dawrh.






Chulam pan chuan Faktein min kai phei nghal dawr dawr. Ka thin a phu rang tulh tulh bawk.






Ka ding dat a Faktei a rawn hawi let vat.






"Tinge"






"Haw leh zawk mai ang ka hmu ngam lo" kati lawi rat.






"A theih loh helai kan thleng tawh kan fiah angai" a rawn ti hlak a. Min kai kal nghal dawr dawr.






An dinkhawm lutna karah min kai lut nghal nawk nawk.






Mi din tlemna lai deuh a ka thil hmuh avangin chhuatah ka ṭhuthla nghal hnawk. Ka thawk a chham mai dawnin ka hria.






Adrian couch ah athu a Nan-i Adrian kuahchialin a ṭhu bawk. Ruih nei tih hriat zetin an meng phi chiai a chuan Nani'n a fawp bawk a.





Zomuanpuia'n dan tumna nei lovin a tukhum a vuanin a fawp let nghal tawn tawn anihchu. Engtin nge a theih zawk.





Ka thut mekna hmun hi rawn chim sela thuk taka pil vawn vawn ka chak ber.





Hetiang hmuh ka hlauh vanga let leh duh kha ka nia mahse ka hmu ta tho. A aia na a ka awm kha ka hlau tel bawk a ka awm ta tho bawk.





Sawifiah thiam phak bakin ka awmchhung a na. Ka ṭham nghal tawk tawk. Ka mittui a hul hlauh thung.





Faktei rawn ṭhuthlain ka kut a rawn hum nghal vang vang.






An ri leh hak a ka hawichhuak nghal dawrh.






Nani'n glass a azu ken în zauhin Adrian fawh leh tuma a hnaichilh rualin Faktei ding chhuak nghal zawkin "û" a ti fiak nghal ṭhak.





An pahnihin an rawn hawichhuak nghal dawrh.





Adrian rawn ding chhuak nghal zawkin chhuata ka ṭhu nuai min rawn pan a tum Nani'n abanah aman bet nghal tlat.






An pahnih chezia ka melh ngar ngar. Chetsawn tumna pawh ka nei lo, tum pawh ni ila ka theih pawh ka ring lo.






Nani'n a vawn behna a phihthla hlawk a ka ṭhutna lam panin a rawn pen phei nghal pawk pawk.





"Fakte ka haw duh" ka ti bah nghal nawk nawk.






Faktein min rawn kai tho a ka kaihza tha a sai nghal dar dar. Ka ding ngil thei mai lo Faktei ka ngheng nghal rawk rawk.






Min rawn hnaihchilh hma a helai hmun hi chhuahsan thuai thuai ka duh. Min rawn khawih ka duh lo bur. A hlauhin ka hlau zawk animah.






In tichak luiin Faktei ka kai chhuak nghal hlawk hlawk.






"Booboo" hawilet tumna ka nei lo.






"Fakte hmanhmawhin helai hi chhuahsan vat ang" khawngaih hmel deuhin min thlir ngawih ngawih chu ka nuih sak. Eng vanga nui nge ka nih pawh ka hre lo. Ka rilru na lutuk lanchhuahtir dan thiam bawk silo hi ka puakdarh thei mai dawnin ka hria.






Building kan chhuahsan a taxi lo tlan phar dingin ka lut nghal rawk rawk.






Faktei rawn thulut ve tur chiah Zomuanpuia'n a rawn au a hawilet atum chiah abanah ka pawt nghal dawrh.






Chiai zetin ka melh a a hrethiam ani chek ang chu a û kohna pawh ngaihsak lovin a rawn thulut nghal zat.






Kan tlanchhuak chiah tihin Faktei lama tawlh phei sat satin a awm ka ngheng a ka inhnit chhuak nghal hlawp hlawp.






Ka natna zawng zawng a rawn inmung khawm tup tup a ka âwm rawn tawn tlang tum ang maiin a inhnawh khawm tlat.






Ka awm ka chum dawt dawt ka thaw thei lo mai dawnin ka hria. Ka mittui ka biangah a luang zawih zawih a ka khaw hmuh a phe vek bawk.






Driver in mak min tih hmel deuhin front mirror atangin min rawn melh leh zauh zauh. Chupawh ngai pawimawh seng tawh lo.






Faktei pawh nghak thei lovin kan room ka pan ding nghal a. Khuma mu kawm chalin ka tap khur nghal dar dar.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:51 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜






Chapter-20







Ka booboo chhuata a thunuai ka hmuh khan ka harhchhuak chiah.







Tlaia hostel a ka dah khan ka kal loh tur thu ka hrilh kha ania. Helai hmuna ka awmchhan hi dem tur tumah an awm lo ka thiam loh chiah ani. Ka insum theih loh vang.






Ka tal hoh laklawh avangin awlsam taka insiam that hi ka thei ngang lo. Kalo khawsak tawh thindante ka thisenin a ṭhanhnan tawh avang hian sim mai ka tan a harsa tawh.






Ka ṭhut mekna atangin ka ding chhuak nghal a,ka booboo lam ka pan tur Nani'n ka banah a rawn chelh chu ka phihthla nghal lawp.






Booboo ṭhutna lampanin ka pen phei pawk pawk a hmel chiai fahranin min eng reng. A hmel atangin a rilru ka tina tih ka hria thiamthu sawi tur pakhat mah ka nei lo. Min ngaihdam theih nan a ka theih tawp chhuah bak.






Ka hnaih telh telh a chiai zetin Faktei a ban nghal rawk rawk. A mitah natna min huatna ka hmu thei. Faktein a tung tho a, Faktei kaiin a pen pui nghal hlawk hlawk.






Ka kohzuina pawh ngaihsak miah lovin taxi-ah a thulut nghal hmak.






Ka dinna atangin an tlanliam tur tih theih nei si lovin ka thlir ta reng. Ka bul hnai a dustbin ding ka pet leng nghal lawp.






Engtin nge hetah ka awm tih ahriat theih. Chuan Faktei nen an rawn kal bawk a. Ka kawchhung a so bulh bulh thei. Ka in haw hlur bawk.






Zanin atan chuan kaltir mai zawk athat ka ring. Ka umzui a ahma a ka inlan anih chuan ahma aiin athin ka tirim zual ngei bawk ang tih ka chiang.






Ka sam tuai chho puatin ka thaw chhuak hawk hawk. Helai hmunah hian kal lo ila ka booboo ka tina lo tur. Siamthat theih ani tawh si lo. Ka pik hluah hluah.







Ka ṭhiante awmna lam ka pan chho leh a, Nan-i nui uarh uarh ka hmu nghal zat. A awmna lam pan phei pawk pawkin a kawrawmah ka ṭham ding nghal lawp.A mitmeng a hlauhna nen min en nghal dawrh.






"Video kha i thawn ani em" kati hriam hrak.






A mitmeng a hlauhna kha nuam tihna in a rawn inthlak dawrh. Ka ṭhamna phihthla hlawkin min rawn nuih sak.






Sawichhuak kher lo mahse a hmel landan aṭang hian atih ani tih ka hre nghal.






"Enge ka sawi kha" nuilui leh sakin a rawn ti nghal zat.






"Inrawlh lo turin ka hrilh che" kati chang nghal fak.






"Heihi i hria em kei lo chuan an ti lungawi zo tak tak lo che" tihleh ka kap a rawn tham nghal salh.






A kut phihthla hlawkin a nghawnga rek chungin bang lamah ka nawr phei nghal dawt dawt. A ring ulh tliah rawp ka chak hlur.





"Mi...mi...min thlah rawh" a rawn tibah nghal nawk nawk. Ka banah a rawn ham a ka rum nghut.






Ka rek na thawkhat bawka ahmel asen vek tawh. A mittui atlingpam bawk.






" Thlah rawh" hnunglam atangin mipa aw in a rawn ti teng chhuai a.





Ka thlah a chhuata ṭhuthla nghal hnawkin a nghawng dawmin a khuh chhuak nghal bawrh bawrh. Khawngaihna chhete mah ka nei lo. A thil tih pawizia ka hriattir duhna mai chauh anih hi.






Mipa chu ni phei se ka chhir zui dawt tawh zawk ang. Hmeichhia ani hi lawm hle zawk rawh se.






Kan dinna hmun aṭanga pensawn ka tum chiah ka hnunglam atangin min kuai her nghal lawpin ka bekah a ri zui nghal chawrh. Ka bek dawmin ka pai deuh dat a. Ka lu thing nghutin ka hawi chhuak vut.






Tunge min hnektu hi a nih pawh ka hre hrep lo ve mahse ka thinrim lai a kut min thlak hi a inchhir dawn ani tawp.






Hepa hmang hian ka kaw chhung sa pup pup hi ka bengdai thei ang chu. Ka ngaihtuahna avanga nui sukin alam panin ka pen phei mawp mawp a, a hrawka rekin ka thatawpin a hnarah ka hnek sak nghal chawrh. A hnar atangin thisen a chhuak nghal bawk.






A hrawk ka rehna tha ka pe na zual a a ang nghal hlawi hlawi.






Nuih sukin ka rehna ka thlah a ka pensawn leh tur chiah ka kawr hnunglam a min rawn tham chu inher vutin a dulah ka thlawh nghal chawrh a leiah a awp thla nghal rawp rawp.






A rum chhuak tuah tuah chu kuai zangthalin ka thut bet a a hmaiah ka hnek sak nghal chawrh chawrh.






"Bawiha a tawk" Ka kut ka lek chhuak leh chiah Ruatdika'n a rawn ti nghut.






Ka thutna atanga thoin a pumah bawk ka chhir zui leh dawt a a ka atangin thisen a chhak chhuak nghal that that.





Couch lo awm hmasa ber panin ka thuthla a. Ka i pik hluah hluah.







Ka booboo hlauthawng leh chiai lutuk a min melhna ka mitthla a ka thawk ati sak ṭalh. Whiskey bur awmhnai ber banin glass ah ka thli chhuak a ka thawk khat nghal pawp.





Min ngaihdam theih nan engthil nge ka tih ang. Ama tawk a luhlul ve reuh tak kha ani bawk a ka chungah a lungawi mai mai dawn lo tih ka hre tho.






Min ngaihdam theihna tur anih phawt chuan engkim kati vek ang. Ka kaltir ngawt thei lo.






Hmeichhia inzawmna nghet tak siampui thei ngai lo kha tunah hmeichhe tereuhte pakhat vangin ka thluak abuai vek chu ani sia.






Whiskey pawh ka lem hnem thawkhat viau. Ka rui thei chuang der lo. Ka fim tulh tulh a ka ipik ngawih ngawih zawk.






Hotel chhuahsanin ka bike dahna lam ka pan nghal vut a chuangkaiin ka dawk chhuak nghal zawk.






Booboo te hostel lan theihna chinah ka ding ta reng. Amah hmuh ka duhna in min tur ut ut mahse tuna tan chuan ka ngam rih ngang bawk si lo.






Ka tawn tawn ka tawng mai ang tichungin ka bike atangin ka chhuk a an hostel lam panin ka pen nghal pawk pawk.






"Nangkha hetah enge i tih" gate ka lawnliam chiah security in ka hmaia light a chhun chungin a rawn ti a.






Light inhliah tumin ka kut ka lek chhuak a min rawn pan zui zat.






"Helaiah tun angah enge i rawn tih dawn" a rawn ti chang nghal fak chu ka nuih suk.






"Ka nau hmu turin kalo kal" ka jacket ipte zenin ka ti sam et.






"Tun angah hmuh a hun tawh lo haw rawh" tihpahin a inher a. Thu min pe kual vel chu ka ngaithei bau lo.






Luhlul chhuahin booboo te room lam panin ka pen pawk pawk a. Ka hnungah a light nen min rawn um zui nghal zat.






Kik buai duh loin ka hawng nghal tawp. Faktei leh hmeichhe pakhat an rawn hawi phawk nghal hra a. Khumah booboo amu kawm chal thung. A mit a chhing tlat a mahse ala muhil lo tih ka hria.






"U hetah engtin nge ilo luh theih" chiai fe in Faktein a rawn ti nghal zat a. Nuih sukin booboo mutna lam ka pan a. Khum ka thlen hmain Faktein min dang nghal chat.






"I khawih ka phal lo" tihpahin khum hmaah a ban pharin a ding reuh anih chu.






"Chuan haw rawh security te ka koh hma hian" ati zui leh zat.






"Reilote chiah"






"A theih loh" ati vin nghal ṭhat.







"Lalfakmawi i û ka nih hi i hria em" ka ti chang fak.






"Aw ka hrechiang mah mah chuan i laktlak loh takzet bawk. Hmeichhe pakhatah pawh lungawi thei lo. I duh leh Nan-i bulah khan va tawlh hrut hrut la ti nia. Sawmtei pawh hi ka ṭhian ani ve tho" a rawn ti vin nghal tuarh.






Ka sam tuai chho puatin ka nuih suk a nem sawn dawrhin booboo khumah ka ṭhuthla nghal zat a.






"Booboo" a banah ka tuai nghal hauh hauh. A rawn mengchhuak diar diar a min hmu thut chu a ṭhu chhuak nghal zawt.






A bana ka vawnna a phihthla sawk a bangkil lamah a tawlh phei zui dawrh.






"I kut tenawm khan min khawih suh" ban leh ka tum chiah tihin a rawn ti tuarh. A mitah min huatna chauh lo chu hmuh tur a awm lo.






"Booboo ka thiam loh" ka ti hman chauh "chutiang engmah ka ngaithla duh lo" ti vin leh tuarhin a beng a hup a a lu a thing zui nawk nawk. A mittui a tlingpam bawk.






A awmdan ka hmuh hian ka inthiam lohna a zual tulh tulh a, keimah ka inhaw hlur bawk. Thutiama ka din ngheh theih loh avangin nep ka inti hle bawk.






"Fakte chhuah tir rawh" chiai zetin a ti nghal ruai ruai a. Ka khawih tak ngial pawh a duh lo. Chu chuan min ti tawt vek bawk.





Kawngka lamah an rawn ri rawk rawk a security pahnih leh warden an rawn inzui lut nghal a.






Ka ṭhutna lam security pakhat zawkin rawn pan pheiin ka kawrawmah a rawn ṭham chu ka nuih hawk. A ve khanglang hian. Tereuhte si hi.






Booboo lam ka hawi leh a a mit a chhing tlat.






"Tho rawh" security in rawn ti chhuak hrawkin ka chhipsamah a rawn ṭham leh a. Ka dawhtheihna a pan tawh viau bawk.






"Û engtin mah ti suh" Faktei a dinna aṭanga rawn pen pheiin hmel chiai zetin a rawn ti lawi rat. Min hrechiang bawk a chiai tur reng pawh ani.






Ka kut hum ruh ngawt ngawtin ka ding chhuak a kawngka lamah min nawr phei nghal nawk nawk.






Zanin atan chuan hetah hian tawk rih rawh se. Booboo hmuh a kutthawh hi nuam katih loh bawk avangin ka insum hram hram ani ber.






Tawt ṭunin gate aṭangin ka pen chhuak a. Ka phone phawrh chhuakin call ka tum leh ut ut a. Ka khawih takngial pawh duh lo khan min biak duh ka rin loh avangin ka ṭhulh leh ta zawk.






Naktukah an college ah kan kal dawn tho avangin chutah chuan biakna hun ka zawng tawh mai ang chu.






Min ngaihdam theih hma chu min ngaihdam theih nan ka bei dawn ani tawp.






Rei fe ka din hnuin inlam panin muangchangin ka inkhalh chhuak ta chauh.






Ka pa azinchhuah lai ani bawk a tlem chuan inlampan pawh ka phur ve deuh.






In a kan awm tlan tawh phawt chuan hmaisen inhmuh lohlai kan neih ngai loh avang hian riahboah ka tlak fo.






Ka harh hlawl a ni alang uarh tawh. Bawk khup thawkin ka thaw chhuak ham ham a nizan thil thlengin min luhchilh leh ngut ngut tawh.






Ka phone ka ban a dar zat ka en zui vut. A tlai tawh lam hret.






Nizan ka mut hnu khan ka muhil thei ta mai lo kha ania. Khawvar dawn lamah ka chhing sek chauh.






Min chhan beisei vak lo chungin booboo morning wish ka thawn leh ta hram.






Khum atanga tho chhuakin bathroom lam pan nghal zat a. Mitmen anuam lo ṭun a kalu ana deuh ngut ngut bawk. Nizan khan ka lem hnem thawkhat viau bawk a ni.







Tuivawtin ka inphuhtir sar sar a ka harh hawk.






Boxer nen ka pen chhuak a ka thawmhnaw bawm ka pan nghal vut a.
Thawmhnaw ka inthawlh mawlh mawlh a ka wallet ban leh vutin inhnuai lam ka pan zui zat.






"Bawiha engmah i ei dawn lo ami" choka atanga rawn penchhuah pahin ka nu in a rawn ti lang lang a.






"Nu ka tlai tawh"






"Thil ei lova chhuah leh tawp thin hi a tha lo asin" a rawn ti leh hluai.






Nuih sakin pawnlam ka pan nghal vut.






"Bawiha i va tlai ve" phone ka pick rualin lehlam atangin Ruatdika'n a rawn ti zui lawng lawng.






"Ka rawn chhuak dawn chiah e"kati zui sup.






"I camera kha kan rin kha aw i rawn theihnghilh ange"






"Theihnghilh lo" kati bung vut.







Min lo nghahna hmun ka thlenin kalchhuak tura an tih ho anlo kim vek tawh. Keimah min lo la nghak ngat ngat hlawm anih hmel.






Nilengin college hran hranah kalin thla kan la dawn ka peih viau lo. MSU hruaituten min thlang miau si hnial theih ni hek lo.






Freshers day a hnai tawh a tuna kan lak kual tur pawh annual magazine ami tur. Keilo cameraman tha hi an hmu lo anih ka ring ta bur.






Ka booboo hmuhna tur hun ka insiam theih hram beisei phawt ang.






Ka ril atam vangin ka thin a thip hlur tawh. Chaw ei lo khan ka chhuak miau a. Thil eina hun ka neih mai ka ring kha a nia hun chu awm lo tak ani.






Class la neilaite nghah chhung nen college pakhatah pawh kan rei zek zel.






Booboo te college chiah kan hmabak tawh. Ahmel hmuh ka chak rualin nizan thil thleng avang khan ka hreh tlat lawi.






Min hmu ta se engtin nge min lo dawnsawn ang chu ringawt chuan ka ngaihtuahna aluah tluk tluk.






College campus ah kan tlanlut a college student senior thenkhatin min lo dawngsawng nghal thuai a.






Thlalakna remlai tur deuh hmunah an inko khawm zung zung a mahse ka booboo ber alo la chhuak ve thei lo. Class anei laklawh turah ka dah ve thawr.






"Kan kim em" hmeichhe pakhatin a rawn ti lawng lawng a.






"Sawmtei alo la chhuak velo" tihpahin ka nau hian min melh nghal rawm rawm anihchu. Kalo nuih suk thung.






Hmeichhe ho tak hi chu pakhat chunga thil tih sual hlek pawh an inhuatpui vek zel chu ani sia. A tha vekah ngai mai ang.






Ka booboo kan dinkhawmna lampana a lehkhabu khung tha mawlh mawlh pah a a rawn phei ka hmuh rualin ka camera lek kangin a pentin ka click sak nghal mial mial.






Nidang zawng aiin a hmeltha zual. A sam tivial dan a thawmhnaw engkim a inhmeh vek. Ka mitah chuan engtik lai pawn atha ber reng zel miau. A hmel hmuh anuam a thar sar bawk.






Nizan avang khan mumal lo deuh a ka hmuh kha ka ring deuh kha ania. Tuna ka hmuh dan rilru hahna nei lo ang tak a awm hian min ti hamhaih lam hret zawk.






Min rawn hmuh rualin a ding nghal dat. Ka camera ka la thla riai a ka en vawng vawng.






A mitah natna ka hmu thei mahse rei lote chhungin huatnain a rawn thlak nghal.






"Sawm helamah" ka nau bawkin auh pahin a ban a vai zauh a. Min melh rawm rawmin min kalpel hmaka Faktei bulah athu thla nghal thak.






"Le inrem ru"





An inrem sat sat hlawm a booboo chauh ka melh ngur thung. Min en duh der lo leh nghal.






Ka camera lek kangin an inrem chhunga a chetphung zawng zawng ka click sak mial mial a. A thiante lam hawi anui sen sen ka hmuh rualin ka hahdam nghal veng veng.






Sawmtei POV

Zomuanpuia hmel ka hmuh ringawt pawh hian ka tawt lutuk hi ka puak darh thei mai dawnin ka hria mahse tihlan ka tum lo bur.






Min phatsantu lakah hian ka natna aiin huatna lanchhuahtir ka thlang zawk.






Helai hi tlawm tak a ka lanna tur hmun ani lo. Hmeichhe chak tak engah mah ngai lotu angin min hmu se ka duh ber.






Ka room ah chuan ka natna lanchhuahtirin awm ngaihna ka hre lo pawh ani thei mahse a hmuh lai chuan natna ka ti lang dawn lo. Chutiang chuan kati lul lovang.






A morning wish pawh kha ka seen sak duh lo kha ania. Engmah thleng lo ang hlauh a min la rawn wish ngam tekha a zak lo hi kati ngawih ngawih zawk.






Hmalam hun chu ka sawi thei lo tunah rih hichuan ka nem thei lo bur.






"U Adrian" siami'n koh paha pan mai atum chu Faktein a melh nghal hrawk a a penlai a ding nghal chawt.






Nizana Faktei a chunga a chetdan avang khan a hlau tih ka hria. Tukin zing atangin kan inhmuh fuh pawn min hel dan a zawng ngar ngar reng.





A phu tawk reng a hmu kati zawk. An unau chetdan kha a nasat thlak lutuk.






Mahse lehlam zawng chuan ka lawm tho. Khang video tekha min rawn thawn lo tase Zomuanpuia khawsak dan tenawm zet kha ka hre ngai dawn lo ania.






Canteen lamah a inzuithla tliar tliar a,class kan neih tawh bawk si loh avangin hostel pan mai Faktei nen kan tum nghal a.






"Nangni pahnih kha canteen lamah aw"kan senior te zing a tawng duh lo berin a rawn ti chhum hmuk.






Hostel pan luih talhna chi ani tawh lo. Peih lo fahranin canteen lamah kan inzui lut dun hnak hnak.






Zomuanpuia hmel ka hmuh chak loh vang ani pakhat bawk. Awm lo se chu thil ei ho hrehna chhan tur ka nei lo.






Anlo ṭhutna lam kan pan a awllaiah kan ṭhuthla nghal thak. Mahse Zomuanpuia hmel hmuh tur a awm lo.






A awm lohin a hmel hmuh ka chak a. A hmel ka hmuh leh chiahin thil thleng khan a hlim chhawn angin min ṭham a huatnain ka khat leh lawi bawk si. Ka awmdan pawh hi ka hrethiam tawh hrep lo.





Tunah pawh thawveng awm zawk tak ka nihlaiin ka pik ṭun zawk ani sia. Engmah insawifiah tumna tal pawh a nei miah lo hian min tina ngawih ngawih bawk.






A thiam loh anih tih ka hre tho mahse ka lungawi nan tal a thiam loh anih thu sawi se ngaihdam min dil se ka la ti fan. Chung chu sawi loh tunah pawh abo leh hmak thei ania.






Kha nu kha kei aia a thlang zawk anihchuan keiin sawi ve theih engmah ka nei lo. Na chung chung pawh a pawmthiam zir tawp bak tih theih dang ka nei lo.






"Adrian khawnge i kal leh vang vang a i ril tam thu i sawi reng sia i bo leh daih bawk si" ka hnung lawkah Zomuanpuia ading tih hriat zetin kan senior in nui sangin a ti lang lang a.






A kal daih tawh amaw ka tia hetah alo la awm reng a. Ka awmdan a dik lo leh nghal vek tawh.






Kan hmalam a rawn pen pheiin ka ep chiahah a rawn ṭhuthla zui nghal zat.






Ka awm chhung ami a che nghal dawt dawt. Ka pik leh ṭun tawh.






Ka eitur chiah ngaihtuahin ka ei liam tawp tawp. A tui leh tui loh pawh ka hre lo ka dawlh zawt zawt ani ber.






"I hak ang ei muang rawh" Zomuanpuia'n a rawn tih rualin ka kuh chhuak nghal bawrh bawrh.






Faktein ka hnungah a rawn chum nghal dat dat a. Zomuanpuia'n tui thli chhuak vutin min rawn pe a ban pawh ban lovin Faktei hma a inhung sa ka la a tui ken dawhkanah a dah thla nghal riai riai.






Ka hawichhuak a min lo melh ngur. Rei pawh en duh lovin Faktei tawng barh barh lam ka hawisan daih.






"Fakte kan kal thei tawh ngem senior tekha zawt teh" a beng bulah ka ti sep a. Hetia kan ṭhut tlan reng chuan mumal nei thei lovin ka awm mai ka hlau. Ka awm ati nuam lo hlui.






"Senior kan kal thei tawh angem Sawmtei hi a nuamsam vak lova" senior te thutna lam hawiin a ti zui nghal zat. Zomuanpuia lam ka hawi a hriatthiam har zetin min lo en reng.






"Umm lo zu chhuk ru" kan senior in a rawn ti ve mai bawk a.






Ka ding rawk rawk a ka bag ak ṭha in Faktei pawh nghak lovin pawnlam panin ka chhuak zui nal nal.






Pawn ka thleng chiah a canteen chhungah khan boruak kham khawp dawng lo ang maiin ka awm dawmin ka thaw chhuak nghal kawk kawk.






"Sawmte" ka hawi chhuak a Usangliana ka lampanin aban vai lauh lauhin a rawn pen phei ka hmu nghal zat.





Usangliana lam pana pen ka tum a mahse ka tha neih ten min phatsan vek. Chhunglam atangin natna a rawn inmung khawm a ka taksa rawn tawndarh vek tum ang maiin ka chhung atang hian ka na vek bawk.






Ka kutah ka mittui a rawn far nghal kauh a. Pen luih ka tum a ka thei thlawt lo. Helai hmuna mualpho ka hlau ve tho mahse ka tha neih ve zawng zawngin min phatsan vek.






Ka dinna bul a rawn thlenga mittui tlingpamin ka melh nghal kiau.






"Sawmte i ṭha em" ka dar tawn tawn a dawmin a ti nghal sawk sawk.





A kawnga kuahin a awmah hmai ka phum a ka mittui a dir nghal zung zung.






"Booboo"






A aw ka hriat rual chiahin ka awmchhung a che nghal dawt ka hmui hnuailam ka pet nghal fan fan.






"Zosanglian hetah enge i rawn tih dawn" a ti khauh fur. Ka mit ka chhing nghal sawk. Kut a thawh mai hlauhnain ka khat nghal vek.






"Ka nau hi hmu turin kalo kal mawle" a ti sam et.






Nui chhuak hawkin usangliana ka kuahlai min pawt hrang nghal nawlh a akut hum ruhin a lek uai tawh chu an inkarah ka ding nghal vat.





"I khawih anih chuan engtikah mah ka ngaidam ngai lovang che" a awmah ka kutzungchalin ka kawk sawk sawk a. Ka duh ang pawn ka aw a chhuak hlei thei lo.






"Nang ang misual ngawhngawl lutuk hi kan mamawh lo che i hria em" Usangliana'n a ti zui zat bawk.






Ngawi ngula a kut hum ruh ngawt ngawtin min melh ngur.






"Sawmte kal ang" tihpahin usangliana'n ka ban rekah a rawn vuan a.






"Zosanglian thlah nghal rawh" a tihchhuah ṭhawt rualin usangliana a pai nghal dat.






"Zomuanpui" pan leh atum rualin ka ti ṭhawt a a ding nghal chawt.






"Helai hmun hi i suahsual rawngbawlna hmun tur ami?I duh duh sawi sa theiah i in ngai ami" ka thinrim lutuk avangin ka duh ang pawn ka ṭawng chhuak thei lo.






"Misual insiamṭhat tumna pawh nei lo midang tihnat chiah thiam" sehchilh nawk nawkin ka ti chhuak a.






Ka lam a rawn hawi a, amitah natna a lang chhuak nghal zut zut.






Keipawh ṭawnghnem chu ka inti ve tho mahse a phu tawk chiah a hmu anihkha.






Usangliana lam ka pan a kaithoin a ṭhat leh ṭhat loh ka zawt a. A ṭhat thuin min chhang sup.






Khawihlet ve a tum miah lo hi a puitling kati tak zet.






Usangliana ban a vuanin hmalam panin ka pen phui nghal hlawk hlawk.






"Booboo"






A lam ka hawilet a a hmel a chiai vek. Mahse tunah hrih chuan let tumna ka nei lo.





"Booboo ka hmangaih che"








Awi ka mizoṭawng thiamna hian ava daih lo ṭhin tak. Uar deuh a an chezia sawi ve ka tum pawh hian a mang duak zel.....A uar tur awmlaia inrin ka ziah uar thiam bawk siloh kha chu uar deuhin lo chhiar mai ru🙈🙈😂😂

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:51 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜






Chapter-21






A thu rawn sawi chhuah avangin ka ding nghal dawt. Ka thawk ka hip let nghal kawk a. Usanglian kawrbanah ka ṭham ngawt ngawt bawk.






Keihi min hmangaih a maw. Min hmangaih anih chuan engvangin nge nizan khan khatianga a khawsak si. Ngati nge ka rilru a tihnat. Zawhna a rawn lut nghal zut zut.






Min hmangaih chuan ka hlimna tur a ngaihtuah zawk tur ani dawn lawm ni. Mahse ngati nge a thutiam bawhchhiain ka nat pui vawng vawngna tur a a khawsak.





Nge ka ngaihdam a phut vangin ka lawm nan min hmangaih thu a sawi chhuak zawk. Engmah hi ka hrethiam tawh lo.






Tunah hrih hi chuan engmah mumalin ka ngaihtuah thei lo.






Usangliana kuta vuanin luhlul chhuahin hmalam ka panlui ta tho.





"Booboo" a rawn ti tham leh ṭuak a, ngaihtuah zui duh lovin hmalam panin ka pen nghal hlawk hlawk.






Usangliana'n gate thleng min thlah a. Biak pawh be mumal lovin kan room lam ka pan ding nghal a khumah ka bawk thla nghal hnawk.






Min hmu turin a rawn kala mahse kan boruak kha ti tehnuaih anih avang khan ngaihsak pawh ka ngaihsak thei lo ania. Ka inthlahrung ve tho chungin min hriatthiam tho ka ring.






Adrian hi ka duh tawh lo tihna pawh ani chuang lo ka duh lutuk zawk vangin ka na a mahse tunah hrih hichuan hun ka mamawh.






Faktein min rawn zui lut nghal a ngaihsak pawh ka ngaihsak thei lo. Tumah ka be chak lo ani tawp. Mahse min hrethiam dawn tho tih ka hria.






Ka khuma rawn thuthlain ka samah a rawn chul nghal hauh hauh a chu chuan ka mittui a ko nghal ngawt pek.






Min duattu min ngaihsaktu an awm tih ka hriat hian ka no thar leh vekin ka hria.







Ka mutdan siamremin Faktei lam hawiin ka mu kawm chal a min lo nuih nghal sen sen. A ni hi awm lo se keimahin engtin nge ka tih ang. Ka tan hian a hlu ngawih ngawih ani tawp mai.






Vanlali min hriatchhuahtir a ka ngai thar nghal nghal vawng vawng. Ka bulah awm ve thei se chu ka thlavang hauhtu ber kha ani dawn tih ka chiang.






"Fakte engtin nge ka tih ang" kati chhuak sep.






"Ka hrethiam bik lo. Enge i thinlungin a duh dan kha zawm tawp rawh"





Ka mut dan thlakin chunglam melh ngarin ka thaw chhuak leh hak.






Ka rilru a buai vek. Ngaihdam ka duhna leh duh lohna a inzat reng. Mahse rilru siam mai dan tur ka hre lo.






Ngaidam ta ila khatiang khan min chet khum leh lo ang tih pawh ngaihtuah tham fe. Hmeichhe lawm laklawh tawh hichuan an sim thei tak tak chuang lo.






"Ka han inthlak ve ange aw" Faktein a rawn ti hluai a alam ka hawi nghal vat. A awm ve tih pawh kalo hre leh tawh pek lo.





"Lo chhuk leh rawh aw" ka nuih lui var var.






Bu nghatin kan room atangin a chhuak ta nghal.






Kimkimi alo la haw velo thung. A chhuak anih te ka ring deuh. Mahse pawi pawh ka ti hran lo tunah tak hichuan mahni a awm ka mamawh ber.






A rawn luh tirh atangin boruak ka nei nghal hak a hreawm chu ati ve mai thei kan la inhrechiang em em bawk si lo. Mahse a awmdan leh chetziaah min hrethiam fu tho chuan ka hria.





Khum atanga tho chhuakin ka bag ka ban a ka pa kala be leh miah lo tih ka hre chhuak. Zomuanpuia vangin mumal nei thei lovin ka awm kha ania. Ka pa ka ngaihsak loh phah avangin ka inthiam lo hlur.






"Mambawih" lehlam atangin ka pa in a rawn ti lang lang. A aw ka hriat rualin ka ngai thar nghal vawng vawng. Ka biak hnuhnun ber ai kha chuan a aw pawh ngaihthlak a nuam tawh zawk.






"Pa enge i an tawh a" kati chhuak sep.






"Ka tha tawh lutuk e. Min ngaihtuah suh ka khawsik pawh a awm tawh lo ania" a rawn ti dam thluam. Ka thaw chhuak nghal siai siai.






"Pa ka buai lutuk a ka rawn be hman lo che a tihpalh lutuk aw"






"Ngaihtuah ka ngai hleinem i zirlaiah i rilru pe la ka lawm animai. Keipawh ka chhuak thei tep tawh ang. I riru rawn tihah suh aw i nutei te an awm a" a rawn tileh duah.






Ka nutei awm lo ta se a buaithlak tur zia ka ngaihtuah a alo awm hi ka pa ka tan hian ava hlu ngawih ngawih tak.






"Pa ka dah ang aw kan intifai ve tawh ange"






"Aw le"






Ka phone khumah ka dahthla a ka mamawh ho lakhawm zung zungin bathroom lam ka pan nghal zat.






Zomuanpuia nizan a khawsak dan te leh vawiin a thusawite ka ngaihtuahnaah arawn lut leh nghal zat. Ka thawk ati sak leh vek tawh.






Rei pawh ngaihtuah duh lovin lu ka thing nghal nawk a.






Bathroom atanga ka chhuahin Kimkimi pawh alo awm tawh. Faktei alo awm tel bawk.







"Sawm zanah cheraw inzir leh dawn kha aw" Faktein a rawn ti nghal hluai a.






Ka bu nghat. Mahni a awm a in ngaihtuah ngut ngut ai chuan rilru lak penna tur awm kha ka duh zawk.






Dinner ei zawhin college aditorium lamah kan inzui chho dat dat hlawm a. college week a hlat tawh loh avangin kan zir ngawrh viau.






Stage chei tur an awm ve bawk avangin kan thawm pawh a zawi fahran lo khawp mai. Hetia midang bula ka awmlai tal pawh a Zomuanpuia ka ngaihtuah lo hi ka lawm zawk. Mahni a ka awm chuan ka thluak aluh tluk tluk a mittui bawk a hnai leh nge nge thin.






Midang bula ka awm hian ka tha animai. Ngaihtuah kual chiam chiam hian sawtna anei lo rilru pik lehzualna bak a thlen lo.







TIME SKIP...........
College week kan hmang zo a Zomuanpuia nen kan inbiak loh na chin pawh kar aliam tawh.






Ka ngai a enge a tih thin ang, hmeichhe dang bulah a awm angem tih hi ngaihtuah loh ni pawh ka nei lo.






Kan college a an rawn kal ni kha ka hmuh hnuhnun ber leh kan inbiak hnuhnun ber. A reh hian a reh hmak.






Min hmangaih thu khami ni khan a sawi a. A chunga ka lungawi lo chung pawh khan min hmangaih anihchuan min umzuiin min rawn biak thin ka ring a mahse a reh hmak.






Min biak emaw min hmu tur tala alo kal kha ka ring thin bawk a mahse beisei bo.






Hmeichhe dang anunah ala lut tawhah ka dah nghet hmak. Keipawn hmalam ka pan angai mahse a harsa lam hret ani.







Mipa inzawmna ka siampui hmasak ber leh ka rilru zawng zawng ka pek hmasak ber ani bawk.






Ka ngaih changin mumal nei lovin ka tap a, a aw hriat ka chak a min kuah hlu hlu se ka ti thin mahse beisei theih pawhin a awm ngai lo.






"Sawm" Faktein thopang aw zet hian a rawn ti hnawk ṭuak a.





"I muhil thei lo ami" ati zui leh zat a. Ka inzep buai peih lo ka lu ka bu nghat a. Ka biang ka khawih a a huh niai.






Ka hmalam melh ngar ngarin ka mit ka khap fak fak.






"Fakte engtin nge ka tih ang min ti â thei mai dawnin ka hria" alam hawi pahin ka ti chhuak ṭiau.






"Ngati nge min biak duh tawh loh. Min hmu tur pawn alo kal duh tawh lo va"






"Ka ngaihdam theih loh avang khan min haw tawh aniang tiraw"





Faktein min rawn kuah nghal thakin ka hnung a chul hauh hauh. Chu chuan ka ṭah ati chhuak zual sauh. Ka inhnit hlawp hlawp.





"Tap tawh suh le naktukah i hmelchhe vek ang bang tawh la" ka hnung chul hauh hauh pahin a rawn tidam thluam.






Faktein min kuahna a phelh a khumah ka mukawm chial a. Ka ṭah nasat lutuk avangin ka biang a thip hlur a chuan ka hnar a ping vek bawk.





"Muhil tawh rawh le kalo veng ang che. Naktukah ka û chu kan hau hrep dawn nia" tihpahin ka samah a rawn chul nghal hauh hauh.






A ṭawngkam naupangchhia lutuk avangin mittui tlingpam chungin ka nui chhuak hak a. Ani pawh anui ve tho.






Ka muthilh theih thlawt loh avangin khum aṭanga ṭhu chhuakin Faktei lam ka hawi nghal zat. A muhil alo thaw sak sak a ka nuih hak. Mut hi chu a duh ve ngawt mai.






Bathroom lamah ka lut a shower herh hawin a hnuaiah ka ṭhu a. Zomuanpuia bawkin ka ngaihtuahna zawng zawng a luah leh ngut ngut tawh.






Ka kawrban pawtthla tawkin ka sehbet a ka ṭap khur ngawt ngawt.






Reife shower a ka inphutir hnuin ka off a beng nghengin ka ṭhu thla ngiai. Vawt tih avangin ka khur a ka inkuangkuah chial bawk.






Khum lam ka pan a ka tah leh chuan Faktei ka tih harh ka hlauh avangin ka thu ta ngat ngat.






"Sawm i awm em" bathroom kawngkhar inkik dawt dawtah ka meng chhuak siar siar. Men a harsa lam hret ka mit a thial urh. Inthing harhin ka thutna atangin ka tho a kawngka lam ka pan nghal zat.






"Ehe tinge a i hmel chu?i thawmhnaw leh i sam a hnawng chuap bawk si" mangan hmel zetin a rawn ti chul.






Kimkimi nen chiai hmel zet a kawngka bula an ding reng chu nuih luiin ka kalpel nghal zat.






Khum bulah ka ding Faktein min rawn panin ka chal a rawn dek nghal zat.






"I khua asik anih hi...i hmui a duk vek bawk si" a rawn ti leh hluai.






"Kimkim nachhawkna lo laksak rawh" tihleh ka thawmhnaw dahna pan a rual nghal.






Kimkimi'n damdawi min rawn pe a ka ei nghal thuai.






Faktein ka thawmhnaw hak tur a rawn phawrh chhuah inthawlh zung zungin khumah ka inthawlh nghal kak. Ka chau ngawih ngawih. Chuan ka awmdan hi nep ka inti bawk mahse enge ka tih chuan ang.






"Muhil vang vang la i zia mai ang" Faktei bawkin a rawn ti leh sep a. Ka mit ka chhing nghal riai riai.






Haw daih mai te ka chak rum rum. Helai hmun hi nuam kati tawh thlawt lo. Ka pa in min kaltir kher kher tehi ka haw thar rum rum.






Aizawlah college kha zawm ila hetiang hi ka tuar dawn silo. Mahse awmzia engmah a awm tawh lo a thleng tur ang ang a thleng zo vek tawh.






Ṭawng lawng lawng ri ah ka harh a Faktei leh Kimkimi anlo insiam mawlh mawlh tawh.






Ka aw ka thian kharh kharh a an pahnihin an rawn hawi rual nghal zat.






"I zia awm deuh tawh em" Faktein min raawn pan phei pahin a ti nghal zat a. Ka lu ka bu nghat.






Ka lu ala na a ka mitmen anuam lo viau bawk mahse sawilan a tihbuai kher ka tum lo. Min buaipui nasa tawh lutuk ka tan a inthlahrun awm zozai tawh.






"Vawiin i kal thei angem" a rawn ti leh zat. Ka bo hu vawiin enge tih tur awm. Zawhna mitmengin ka en nghal hu.






"I hre tawh lo animaw freshers day anih hi" a rawn ti hluai. Ka hre tawh reng reng hleinem ka chawmawlh zo vek tawh anih hi.






"Umm peih ang" kati lawi rat.







"I kal peih loh pawn hetah hostel ah kan awmpui thei tho che ania"






"Peih ang ka zia alawm." Ka hetih vanga an nin anlo ṭhulh ve phah zel kha ka duh lo. Faktei phei chu ahma aṭanga a kal chak thu a sawi reng tawh kha ania. Keimah vanga an ṭhulh ka duh lo bur.






"Umm nihchuan chhelo tawkin ka chei daawn che Zomuanpuia mit pawn zawrh zawrh na turin" a rawn ti hluai a kan nui chhuak vek. Faktei bula awm hichu a hahdamthlak thin. Nuih loh pawh hi tum ila kan nui leh nge nge thin.







Puanchei ka bih a top var sar simple zet ka ha bawk a. pencil heel tlema min tilang sang ve deuh tur metal color smart zet ka inthawlh leh tawp bawk.






Bag lian vak lo phawrhin ka mamawh tur ho ka khung khawm nghal zung zung a ka inpeih nghal der.






Darthlalang hmaah ka ding a nalh ka inti ve viau. Nizan ka ṭahna vanga ka mit bui alang deuh hlek tih mai loh chu.






Ka sam leh ka hmai Faktein a cheidan zawng zawng hian min min ti confi em em ani tawp. Make up min bel tlurh si lo hian ka lang thar deuh sar.






"Aw le kal ang ule Zomuanpuia hawi lawl lawl turin va siam ang ule" Faktei bawkin a rawn ti leh lang lang a. Kan in en a kan nui chhuak leh vek.






A chhungte pawh hian an ngaih viau hi ka ring thin over ni miah si lova mi nuih tirdan hi a thiam tlat. Mood tidiktu hi ani ringawt. Ka tawng lovang tih hi ka hlau.






A hmun kan thlenin pawnlam a lo ṭhu khawm lut lut tawk pawh anla awm tho mai.






Ka ṭhiante hian ka kal theih an rin loh avang khan kan senior tepawn min nghak lo kha an nia. An ṭhulut vek tawhin ka ring. Mahse pawnlam a awm anla tam dan aṭang hian tlai chhe deuh chu kan ni bik lo anih hi.





Kan lut tur kawngka bula duty ten min lo check nghal thuai a.






"Bomb te inlo pai palh thei a" duty zinga pakhatin uang thuang deuhin a rawn ti luam a. A bula duty tepawh an nui vek, keini pawh chuti tho.






A hmel aṭang hian kawm anuam viauin ka ring. A hlim hmel sar mai bawk sia.






Kan penlut a hnunglam a ṭhu te ka hmuh rualin ka ding nghal dat.






Faktein ka hnunglam aṭangin min rawn nem dat a kala ding ta fan.






Enge tih melhin min rawn melh nghal. Ka hawina lam a en a athaw chhuak hak.






Zomuanpuia leh a ṭhianpa chuan Nan-i Zomuanpuia kut chelh ranin insi chialin an ṭhu bawk.





Min rawn hmu velo anih ka ring. Nani'n a vawnna pawh ngaihsak awm lo fahranin ngaihtuah muk hmel fe in hmalam a melh ngar.





A thawmhnaw hak zawng zawng nen ka hmukim leh hman vek tawh.





Kamis var sar a taksa phuar lam mah a ha a smart pants dum aha leh tawp bawk. Belt sinte hrengin, a pheikhawk dumtle hlarh zawng zawng nen ṭhu chung pawn a chhe lo fai vek.





Nidanga a thawmhnaw hak ṭhin nen chuan a inpersan lutuk mahse a inhmeh vel vek eng pawh ha se. Ka mitah chuan ani aia ṭha an awm tawh pawh ka ring lo.






Faktei ka hmalam a rawn dingin min rawn nghawk zauh a harhchhuak zawkin ka insiamṭha nghal vat.






Zomuanpuia te hma a usher dingin min rawn hui zauh a, chumi rual chuan kan lam a rawn hawi nghal a kan mit leh mit a intawng nghal chat. Nani'n a vawnna a phihthla nghal sawk bawk.





Sawtiang hmelpu sawn ka hmuh ka beisei lo. A hmel anguai nghiai. Sawtiang hmel sawn hmuh ka duh loh ka awm a ti nuam lo.En rei duh lovin ka hawisawn ta vat.






Usher bawkin min rawn hui leh zauh zauh a Faktein ka kut a kaichungin min pen phei pui nghal hlawk hlawk. Kimkimi'n ka hnungah min rawn zui bawk.





Zomuanpuia te ṭhutna bula la awl min kawh hmuh nghal zat a. Ka ṭhuthla hreh ngawih ngawih.





Faktei inla zei fahranin hmalamah min pawt pheiin Zomuanpuia bulah min nem ṭhu nghal zat. Ṭanna hman a awm lo. Ka sir chiahah a rawn ṭhu thla nghal zat bawk. Nan-i min rawn en chungin a ner nghal nawng nawng. Henu hmel hi hmuh pawh ka peih lo ka luak ati chhuak nghulh thei.






Insawn dawnin an ṭhu khat vek tawh bawk si. Faktei lam ka hawi a min en duh der lo lehnghal ka ngei reuh lutuk.






Nuam pawn ka ṭhu lo ka ṭang ṭung. Ka malchungah ka kut ka hum kawp ngat ngat. Hahdam pawn hun ka hman theih ka ring lo.






Nan-i bawkin Zomuanpuia kut chelh leh atum rualin akut alo vai per nghal nawlh.






Ka malchunga ka kut ka hum ruh ngat ngat.





"Sawm saw senior in a rawn hui che nia" Faktein min rawn nghawk zauhin a rawn ti sar sar.





Senior dinna lam ka hawi phei a hmui phun zawng zawng nen alam a kal turin min rawn hui zauh zauh.





"Ka va kal ang" tihleh thawh ka rual nghal a Zomuanpuia a rawn hawi nghal dawrh. Melh pawh melh duh lovin ka ṭhutnaah ka bag ka dahthla a kan senior dinna lam ka pan phei nghal zat.






Ka pen phei pahin ka thaw chhuak nghal siai siai. Reilote kan ṭhut dun chhung pawh khan ka ṭang lutuk kha ka hah hman vek.






"I lam thei ang tiraw" hmanhmawh hmel deuhin a rawn ti nghal chawt.






"Senior englam nge"






"Mizo lam, iti theiin ka ring. Saint Anthony's ami hmeichhe lam tur kha practice naah a ke ruh atina deuh aniang hospital an panpui a. Midang han tihawm an awm si lova" a rawn ti duah. Zir pawh ka zir silo tunah techuan ṭha tak pawn kati thei dawn amawnle. Thei lo tih tawl ka hreh ve tho bawk si.






"Lo kal rawh inngaihtuahna hun a awm tawh lo i lampui tur pa nen in ti dun dawn nia. Perform hma hun ala awm nual" tihpah a pensawn mai a tum nghal a.






"Senior ka bag kan la lawk ange ka rei lovang" tihleh kan ṭhutna lampan a inher ka rual nghal.






Kan ṭhutna lampanin ka pen phei nghal hlawk hlawk a. Zomuanpuia'n min lo melh ngur. Ka awm ati nuam lo hle bawk. Min melh ngar ngar tawh hi chuan ka awmchhung ami hi a phu rang ve ziah.






"Fakte ka lam dawn aniang senior khan tuna kal nghal turin min tia" abula kunthlain kati sar sar a. A rawn nui chhuak nghal vur vur.






"Ka ring reng a, ṭha deuhin aw" tihpahin a kutzungpui a rawn tipir nghal vah.






Ka bag lak kan pahin Zomuanpuia lam ka hawi a hriatthiam har zetin min melh ngur. A hmai a khem neng nung tih ka hmu chiang ve chiah bawk. A insual leh tawh anih ka ring.






Senior min nghahna lampanin ka let leh nghal hlawk hlawk. Ka hmanhmawh luatah ka inchhuih phei khut khut zui.






Senior nen room ruak lamah kan inzui lut a. Ka lampui tur pa alo inzir lauh lauh.






Min hmuh veleh ngainat awm deuhin min nuih nghal var var. A hmel aṭha phian leh nghal mahse kei ai chuan a û deuh zawkin ka ring.






Min han tih pui naw naw a rin ai chuan a awlsam phian mahse ka zam ve det zirna hun ṭha nei lo va va dinchhuah kha. Ka confi dawn thlawt lo.






Hmar âm min bihtir a kawrchei min haktir bawk. Ka pheikhawk nen lam chi ni hek lo ka bun tur an zawng leh chuk chuk a. Rin aiin a hautak zek. Inring lawk sa ni ila a harsat dawn loh nen.






"Stage in pan a hun aw" hmeichhe pakhat kawngka a rawn dakin a rawn ti zauh.






"Ṭha deuhin aw" ka lampui tur pa in a rawn ti zauh a nui var varin stage lam kan pan nghal zat.






Stage ah kan lawnkai a an rawn au nghal dur dur. Ka zam lutuk hi ka khur thei. Ka lampui tur pain ka kut a rawn vuan nghal vat a alam hawiin ka nuih nghal var var.






Zomuanpuia te ṭhutna lam ka melh phei rum ulin min melh ding ngar. En rei duh lovin Sawmtei te lam ka hawi a an ṭhutna aṭanga ban rawn vai lauh lauhin a rawn nui nghal var var.






Kan lam zo thlan hluamin room lam kan pan dun a. Chair lo awm hmasa berah ṭhuthlain ka thaw nghal hle hle. Zirna hun nei vak lo pawn keima tawkah ka ti ṭha thawkhat chuan ka hria.






"I lam thiam hle mai. Tep ter deuhah pawh ṭha deuhin i lam chhuak thei ania" ka lam pui pa ka bula din pahin a rawn ti nghal zat.






"Ka lawm nangmah vang liau liau" tihpahin ka nuih nghal var var.






"Lawmsanga ka nia nang enge i hming ve" tihpahin a kut a rawn phar chhuak nghal zat a.






"Sawmtei" melh chho kiauin a kut ka vuan nghal vat.






Room kawngkhar a rawn intheh hawng ṭhuaia kan hawi rual nghal dawrh. Zomuanpuia thinrim hmel zetin a rawn pen lut nghal zat a.





Ka lampuipa in ka kut a vawnah a mit a fu nghal chat bawk.






Hmel chang rutin kan lampanin a rawn pen phei pawk pawk a. Lawmsanga min vawnna phihthla hlawkin a bekah a hneksak nghal ṭhuai. Ka ṭe chhuak nghal ṭhat.





Lawmsanga chhuatah athal thla nghal tawp a. Ka ṭhutna aṭanga dingchhuakin kaihthawh mai ka tum chu ka banrekah rawn hmer chawtin min hnuk chhuak nghal dawr dawr.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:51 pm

ERES MI VIDA(You are my life)18+







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜






Chapter-22






"Enge i hriat a min thlah nghal rawh" Ka banrek a hmerna ana mah mah.






"Ka sawi i hria em" kati nghal tuarh. Pawnlamah awm an awm vak lo. Vin chiam mahila tuman an hrepha dawn chuang lo.






"Ngawi rengin min zui mai rawh" a ti bung vut a.






"I duh duh a i pawh kual tur pawh ka ni ami"






"Helai hmuna mualpho i duh loh chuan ngawi rawh" seh chilh nawk nawkin a rawn ti a.






A hnuhin min hnuk hi ani hrim. Tha kan in ngah hleih lutuk avangin ka tan ṭan ngaihna a awm lo hrim hrim. A duh duh a min tihkual atum vel hi ka thin a rim hlur bawk.






Hmun reh lai deuh kan thlenin min vawnna ka phihthlanghal sawk. A vawnna lai a sen nghal hlur thei. Ka tuai zui nghal hauh hauh a.






"Khapa kha tunge"a rawn ti chang fak a ka hawi chhuak nghal dawrh.





"I hriat angai lo" ka tilet hlar.






"I mipa kawp thar tihna ami" a rawn ti leh hmuk chu a mit a melh letin pawisak neih loh hmel zetin ka nuih lui sak.






"I hriat ve zel chhan tur a awm lo, chuan nang ang ka ni lo bawk" kati let leh sak.






"Malsawmkim tunge khapa kha" a rawn ti vin ṭhawt a ka phu zui dawrh.






A thinrim tih hriat ngawih ngawihin a a mit a sen vek a a bek a pawng ṭawlh ṭawlh bawk.






"Aw ka bialpa thar anihkha" ka sawi zawh rualin ka inchhir nghal. Kha kha ka sawi tum pawh a nilo. Ka rilru a lo lut hma sa sa ka sawi chhuak ve tawp.






Dustbin awmhnai ber a chhir keh rawp a a ka phu dawrh bawk.






Thinrim hmel sen vekin ka dinna lam a rawn pan phei pawk pawk a ka tawlh hnung nghal dat dat thung.






Bangin min lo dan takah chuan tawlhsawn ngaihna a awm tawh lo.






Ka bul a rawn thleng phei chawp chilh nghal. A awmdan hi ka hlau ve tho. Ka tiril a khur dar dar bawk mahse hlau ang a lan ka tum lo bur. A mitah tak ka en let ve kar.






"Kha kar khat chhung lek khan i nunah mipa thar ilo seng lut hman a. A ropui e" a nui ro hawk. Mahse ahmelah a nuih aza lo tih alang vek.






"Tenawm" thil tenawm tak melhin min melh.






Ka sa ve phat. Ani pawh hi enge anihchuan bik.






"Nangpawh enge i nih bik. Thutiamah pawh ding nghet thei lo. Hmeichhe rawp, i hmeichhe hmuh tawh phawt chu i mutpui thei zel ang chu. Khatianga min ti tur khan enge i nih bik" ka tilet nghal tawn tawn. Ka sawi hnem bawk a ka thawchhuak nghal kawk kawk.






"Hmeichhe rawp ka nihzia chu ka hmuh tir dawn che ami" ngeiawm fahran a nui sukin min rawn pan a.





Bangah a taksain min nawr bet nghal hmak a a ka tan chetsawn ngaihna a awm lo.






A sam ah ka ṭham a nemsawn ka tum bawk. Nemsawn ngaihna a awm lo tha kan in ngah hleih lutuk.






A sam ka ṭhamna ka kut hnunglamah a herh nghal nawk a, ana nghal zawk thei. Ka mittui a tling nghal pam bawk.






Ka hmui a fawh tumin a rawn kun hniam a ka kut chet theih lamin ka hmui ka hup nghal vat a. A thaw chhuak nghal hrawih.






Min thlah thut a leiah ka ṭhu thla nghal hnawk. Ka ban a herhna anat lutuk avangin ka mittui ka kutah a far nghal kauh a.






Ka ṭhutna bul bang a rawn chhir zui leh zawt mit ka chhing nghal sawk.






Thawk zin hmel ve in a thaw ri sawk sawk a. Luhlul chhuahin alam hawi tumna pawh ka nei lo.






Rawn ṭhu hniamin a kut lek chhuakin min rawn ban a tum a rum lutuk a melhin a kut ka vaithla nghal lawp. Tihngaihna hriat loh hmel fe in a thaw chhuak leh hrawih a.






"Booboo" a aw khauh fur kha a dam thlap tawh.






Ka hawichhuak a mitmeng dam raihin min lo melh reng.






Min rawn ban leh a ka lama rawn ṭhu hnaiin min rawn kuah a. A kuah ang angin ka awm tawp.






Ka chhipah a rawn fawp nghal vang vang a ka hnungah a chul hauh hauh bawk.






"Sorry a thleng tawh ngai lovang" a rawn ti zui sup.






"I thinchhe lutuk min tihnat pawh i hreh lo" ka ti sep a.






"Ka hria a thleng tawh ngai lovang" a rawn ti dam raih.






Ka biang tawn tawn a rawn dawmin min kuai dak deuh a amitah ka en nghal kiau.






Rawn kun hniamin ka chalah a chal a rawn nghat a ka mit ka chhing nghal chial.






Ka kut rawn vuanin a awm zawnah a nghat a.






"Mipa dang bula ka hmuh che hian hemi chhung ami hi a tawt vek zel, awmdan phung min hlauh tir ṭhin bawk." a rawn ti tham chhal a.






"Booboo meng rawh le" kala meng chuang lo.






"Ka mitah hian en teh" tihpahin ka mitah a rawn fawp zauh.






Ka meng chhuak riai riai a min lo nuih suk.







"Ka mitah hian chiang deuhin en rawh"







"Ka tan enge i nih chu i hmu thei ang" a rawn ti zawi ruih a.







A sawi ang tak takin amitah min hmangaihna leh min care na ka hmu thei.






"I tan engkim kati vek ang engpawh ka tih ngai dawn se i tan anih chuan kati vek ang,i duh ang apiang kati vek ang"






"Ka tih theih apiang chu chu i hria tiraw" a rawn ti dam raih a. Ka bu nghat nghat.






Tuna a thusawi kha ati ngei ang tih ka chiang. A mitah alang chhuak vek.






"Ka kiangah i awm reng bawk ang tiraw" amitah inrin tawk lohna alang chhuak zut zut. Engtin nge ka kalsan phal ang. Keipawn a kianga awm reng ka duh chu aia duh dang engmah ka nei lo.






Ka bula a awm hian ka kim ngawih ngawih a hlimna min thlentu ani bawk. Hmeichhe dang min pansan ang tih ka hlau ngawih ngawih zawk.






"Ka awm ang" kati chhuak sep. Nalh fahranin a rawn kiai suk.






A thusawi a awmdan zawng zawng tehi ka luanliam pui em em vek. Tunah hian ka hlim ngawih ngawih.






"Chuan hmanzan avang khan ka tihpalh ka thiam loh ani. A thlen nawn tawh ngai lovang" inthiam loh hmel fe in a rawn ti leh sup.






Ka sawichhuah kher ngai lovin ka ngaidam vek tawh. Min phatsan pawh tum se keihian ka ûm zui reng zawk ang tih hi ka chiang. A tel lova hun hman ka duh lo.






"Ka hmangaih che" a mitmeng dam raih a min en reng chungin a rawn ti thuk ruih a.






"Keipawn" kati chhuak sep.






A mitah hlimna a rawn lang nghal zut zut.






"Booboo min hmangaih thu sawi rawh i aw ngei hriat ka duh" ati tham chhal.






"Ka hmangaih che"






"Chu aia nasa chuan ka hmangaih che. Engtik lai pawn ka hmangaih reng ang che"






A aw rikchhuah dan leh a chetzia zawng zawngah hian ka pil vawng vawng. Ka thinlung zawng zawngin ka hlim ka hlimna hi engmahin a khum zawh pawh ka ring lo.






"Le tho rawh le kan kal a hunin ka hria" tihpahin a thochhuak a min pawt ding nghal zat.






"Kan lut leh dawn ami"






A lu a thing nghut.






"A nih khawnge kan kal dawn?"






"Ruatdika room ah kan in date leh ang" a rawn ti sup.






Kan kal hmasak a kan awmdan ka mitthla a ka biang asa nghal hat hat. Chuan ka thin a phu rang zaih zaih bawk.






"I ninawm" tih hlak pahin a hnungah ka chum dawt a a rawn nui chhuak nghal hawk hawk.






"Inthlak ka ngai heng hi ka thawmhnaw pawh ani lo chuan ka bag pawh ka kalsan bawk a"






"Umm kan let dawn alawm" ati sam et.







Min pawh chhuahna room ah kan let a tumah anlo awm lo hlauh ka thaw huai thei.






Ka thawmhnaw thlehfel thanin chair ah alo awm a. Ka bag a chungah anlo dah thlap bawk.






"Lova chhuak la ka inthlak lawk anga" ka ti hap.






"Ka awm duh alawm"






"Mi an lokal anga sin bakah ka zak ve tho alawm"






A nui chhuak nghal hawk hawk.







"Rei lo la Ruatdika kalo va hmu ang" tihleh penchhuah a rual nghal.






Kawngka kalh sawk sawkin ka let phei leh a. Ka thawmhnaw dahna bula dingin ka awm ka dawm a ka thaw chhuak siai siai. A ṭawngkam khat lek pawh hian min ti pangngai lo zo vek zel hahthlak.







Ka thawmhnaw hak lai ka hlip sawk sawk a chair a ka thawmhnaw awm ban zatin ka inthawlh nghal sawk sawk bawk.






Ka bag lain kawngka lam ka pan a ka hawng nghal rawk rawk a.






Adrian kawngka kik tumin a kut a lek uaih ka hmu nghal zat. Ka hawn tawh si avangin ka chalah ala rawn kuk hram anihchu.







Ka chal tuai nauh nauhin ka melh nghal rawm rawm chu a rawn nui suk.






Ka banreka rawn chelhin a bike dahna lam kan pan a. Muangchangin kan tlan chhuak ta nghal.






Faktei te hrilh ve nachang ka hre miah lo min zawng hrim hrim. Pawi lo a hmun kan thlen hunah ka phone tawh mai ang.






"Faktei ka hrilh si lo min zawng ngei ngei ang" bike atanga chhuk in ka ti nghal hluai.






"Ka hrilh" a rawn ti sam et. A hrilh chuan atha nihchu min lo zawn khan a buaithlak dawn sia.






Ruatdika room ah kan inzuilut a Adrian khumah a ṭhu thla thak a kei ka ding khawng auh.






"Lo ṭhu rawh" tihpahin a ṭhutna bul a beng nghal thak thak a.






"A....aaa tihian a ṭha" ka tibah nawk nawk.







A nui chhuak nghal hawk.






"Min hlau tihna maw" a rawn ti leh sup.







"A teuh lo" uar fahranin ka ti hlar a.






"Lo thu la" dam thluamin a rawn ti leh.







"Ka ril a ṭam alawm"






"Rilṭam tihrehdan ka thiam ania" tihpahin a mit a rawn siai zauh a.






"I hur" kati let hlar. A nuih ka tiza ting amaw tih mai tur.






"Anih lo ṭhu la eitur kan ngaihtuah ange" a ṭhutna aṭangin a rawn ding chhuak nghal zat.






Min rawn pan phei a ka tawlh nghal dat dat. A kut a rawn lek chhuak a ka awm kalo hup nghal vat.






"Zakzum reuh lutuk" tihpahin a nui hak a ka dar a rawn vuanin khum lamah min nem phei nghal dat dat.






"Lo ṭhu rawh aw kalo let leh vat ang" tihleh room atanga chhuah a rual nghal.






Ka awm ka hupna lathlain ka thawchhuak nghal ham ham. Min tih laih nasat hman zia kha. Ka awmdan a dik lo vek hman alawm.






Ka pheikhawk phelh sat satin khumah ka ke ka hlang nghal than a. Ka bag banin ka phone ka phawrh a kalo nghah chhungin games kalo khel tawh mai ang chu kawm tur pawh an awm chuang lo.






"I va ṭang awm ve" ka beng bulah a rawn ti sar sar a ka phu nghal dawrh. Ka phone khumah ka thehthla tawp bawk.






"Hrep hian" ati nghal hluk.






"Enge khatia thawm nei lova ilo luh min tidik lo zo vek alawm" ka ri let hlar a. Ka thin a phu dup dup thei ka phu nasa lutuk kha. Alo luh lai pawh ka hre miah lo ania.






"Sorry" tih sup pahin a beng a pawt zauh.






"Ei ang le i ril a ṭam kha" a rawn tih zawm leh nghal zat.






A eitur lei ho a rawn phawrh a ka pum a ri nghal rawk rawk. Tukin zing khan breakfast tak ngial pawh ka ei lo kha ania ka ril a ṭam lutuk hi ani tawp.






"I hak ang ei muang deuh rawh"






Hmuam ṭun in alam ka hawi a nui sukin ka hmuia kai a rawn tuai fai nghal zat a. Ka hmuam hnem lutuk a nuih takngial pawh ka thei lo.





Ka ei hnem tehreng nen Adrian ve eng tham mah a ei lo hrim hrim. A ril a ṭam ve vak lo anih ka ring ve tawp.






"Ka puar lutuk" ka kawrchhanah ka dul ka zut ka zut mai. Ka puar mah mah ani a hahthlak thei zawk.






"Zingah engmah i ei lo ami" min melh ngurin a rawn ti sup. Ka bu nghat.






"Thil ei loh mai mai chin loh tur i pum a ṭha lo vat mai ang" rawn tih sup pahin ka chalah a rawn kuk leh fawk. Amak ve ziah ka chalah hian a kuk ve ziah.






Ka hmui ka ti pawrh khum tarh a rawn awmhnai thutin a rawn fawp nghal chat.






Ka tukhum a vuanin uar zetin min rawn fawp nghal tawn tawn. In siam rem ve vatin ka fawp let ve nghal zat a. A rum chhuak nghut.





Min chawikang nawlhin amalchungah amah hmachhawn zawngin min nghatthla nghal zat a.






Ka kawr chhunga rawn zenlutin ka dul a chul kual nghal hauh hauh.





A kut sawn chhoin ka bra chhanah ka hn*ute a hrawm nghal tawn tawn a ka thaw chhuak nghal hak.





Ka tukhum sam a rawn ṭhamin min fawp tawn tawn bawk.






A kut ka hnunglama sawn pheiin zei zetin ka bra kilhna a hmet pelh a a thawlthla nghal hnawk.





A kut lawngin ka hn*te a tham a a rum chhuak nghal dur dur.





Ka hmui a fawhna thlahin hmanhmawh zetin ka kawr ka awm lamah a hlim chho nghal tawk.





A ka chhung sa ṭha zetin ka hn*te a hmuam rualin ka eu nghal awrh a ka thaw chhuak nghal ham ham.






Min chawikang leh nawlhin ka puan bih lai a pawthla hrawk a. Ka short hak a pawt leh hrawk a a ri nghal ṭhawt. Panty nen chauh ka awm tawh.






A belt phelh rawk rawkin a kekawr chawpin a hnawl tawmthla nghal tawk. A che hmanhmawh lutuk chu kalo nuih hak.






A malchungah min nghatthla nghal zat a hnuailam aṭangin a mipatnain min do run. Panty nen chauh ka nih tawh avangin a sa huam pawh ka feel thei. Ka tai bawr aza nghal uai uai.





Ka hmuiah rawn fawp leh tawn tawnin ka hn*te a hrawm tel nawk nawk bawk.






Min pawm reng chungin khumah a muthla a ka khel bawr a rawn vuanin ka mawngbawr a sawi che a, a thaw chhuak nghal hawk hawk.






Keipawh ka bang bik chuang lo nawmnain min tuam hlup hlup. Aia thui zawk kal chaknain ka ngaihtuahna a rawn luhchilh a. Ka taksa chhunga lut tur a ngen hial chakna ka nei bawk.







Min chawikang leh nawlhin khumah min leh thal a ka panty chhunga rawn zenlutin ka hmeichhiatna a tuaikual nghal nawk nawk. Ka thawk a chham thei mai dawnin ka hria. Ka awmbawrah a rawn inhnawh khawm ut ut.






A kut ka panty chhunga aṭanga lachhuakin ka hn*ute bawk a rawn hum leh nghal zat.






*******CENSOR CENSOR********





A ban lukhamin ka thaw chhuak hle hle. A lama min pawt hnaiin ka kawngah a rawn kuah nghal zat bawk.





"Ka mut a chhuak kan muhil lawk dawn mi niang" a aw aṭang pawn a mut a chhuah hmel ngawih ngawih.






"Umm" kati chhuak sep a.






Nichin kan khawsak dan ka ngaihtuah a ka biang asa leh hat hat tawh.






Ka tih ngai miah loh tura ka dah pawh Adrian bula ka awm chuan a thleng vek zel.





Mahse min nawrlui ngai miah lo hi mipa diktak anihna zawk. Tawp hun tur a hre bawk. Mipa ṭhenkhat hichuan hmeichhia hi nawm chen nan bak an hmang ngai lo.





Nupui a an neih duh tur ni miah lo pawh an khawih chhe tho zel. An rapthlak ngawt mai.






Adrian thawk rik sak sak danah a muhil tawh anih ka ring. Che sat satin a lam ka hawi a.






A hmai khem neng nung ka khawih kual dan dan a.






Ngati nge maw insual hi a bansan theih miah loh le. A bansan theihna tur hian eng thil nge ka tih ang.






A past life engmah ka hriatpui lo mahse insual nun hi a thisenin a ṭhan hnan tawh niin ka hria. Sim thei hlauh se ka ti ngawt mai.






A sim theihna tur anih phawt chuan keihian ka theih tawp ka chhuah dawn. A nu leh pa tan pawh a fapa ṭha tak in nghahna tlak anih theihna tur pawhin. Ka tih theih a tam lovang tihchu ka hria mahse Pathian ka lamah aṭan phawt chuan ka ti thei em em ang tih ka hre thung.






A biang ka khawih kual dun dunna ka kut a rawn hum chat a.





"Min khawih reng techuan ka muhil thei nang" a rawn ti sup a.






"Adrian"






"Hmm"






"I awmdan hi Pathian lawm zawng anilo tih i hria em"





"Umm" Pathian duh zawng ani lo tih a hria mahse a bansan chuang bawk si lova.






"I ṭawngṭai ngai em" a rawn men chhuak diar diar thutak zetin kalo melh thung. A mit a khap fak a. A ṭawngṭai ngai lo atihna ani tih ka hrethiam.






"I khawsak ṭhin danah thuneihna ka nei lo tih chu ka hria mahse i awmdan zawng zawng tehi bansan thei la ka ti ngawt mai" ngawi ngulin min en ngur.






"Keipawh hi hmeichhe fel famkim ka ni bik lo. Mahse kei aiin i sual hretin ka hria" nui chungin ka ti sep a. A nui nghawr dat. Ka hnarah a rawn piai a a kut ka vaithla nghal a anui leh suk.






"Uain hi nuihzatbûra mi siamtu a ni a, zupui hi insual bûng bûngna a ni; Chumi buma awmte chu an fing lo a ni.(Thufingte 20:1) Bible in mifing lo atih te zingah i tel tih i hria em?" Ngaihtuah muk hmel deuhin banglam a melh ngur a keiin a hmel ka melh kiau thung.






"Pathianin kan vanglai chen a phal mahse kan vanglai kan chendan ang zelin rorelsakin kan awm dawn. Chuan tuna i nundan ang hian aṭha lama rorelsak inih chu i in beisei lovang tiraw"






"Kan vanglai a Pathian hre reng turin Bible chuan min hrilh a sin. I tum phawt chuan i insiamṭha thei ang tih ka chiang. Tumna a awm chuan kawng a awm an tihkha." A sama chul hauh hauhin ka ti zui leh zat a mahse awmzia awm vak hmel pawhin ka hre lo. Mahse ka theihtawp ka chhuah zel tho vang.






"Tun tut tut a inthlak thleng dawrh turin ka beisei lo che a harsa ang tih ka hria mahse zawi muangin kan kal bek bek anga chuan i bulah i kut vuanin ka ding zel bawk anga chu chu kan tum chhin thei ang tiraw" beisei nei nei zetin ka melh kiau a.






"Muhil ang" ti hmukin a mit a chhing nghal hmak anihchu. Mahse beidawn ka tum lo. Bei la bei nawn rawh tih anihkha ka hlawhtlin hma chu ka bei fan fan dawn.





Ka kawnga kuah nghet sauhin alamah min pawt hnai a. Keipawn ka kuah let ve vat.






Ka phone ri ral ralin min tiharh a tlem kalo chhing ve sek anih ka ring.






Adrian lam ka en a ala muttui hmel viau. Min kuahna dahsawn sakin ka phone ka ban nghal vat a.






"Aw nute"






"Bawihte" rawn tih ṭuau pahin a insut nghal hraih.






"Nute enge thleng?"






"Bawihte i pa" sawi chhunzawm theih lovin a insut leh hraih. Hlauthawnna in min man nghal. Ka thin a phu nghal dawt dawt. Ka kut a khur nghal dar dar bawk.






"Nute ka pa chungah enge thleng" chiai zetin ka ti nghal ruai.







"Bawihte i pa in min kalsan tawh"







"Nute sawi chiang rawh ka pa chu khawnge a kal" ka ti tuarh.






"Bawihte i pa chu natna awm tawh lohna hmunah i nu hnenah a kal tawh"






Ka phone ka thlauh nghal bawl.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:52 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜






Chapter-23






Ka mittui a baw nghal zawih. Ka pain min kalsan leh tawh. Tunah chuan keimah chiah ka ni tawh dawn. Neih engmah ka nei tawh lo.



Awm ngaihna ka hre lo. Engkim mai hi a tawp duk vek.



Engtin nge min kalsan ngawt theih. Ka biak hnuhnun ber pawn aṭhat thu min hrilh anihkha mahse ka nu ang thovin min kalsan leh tawh.



Ngati nge khawvel hi ka tan a nunrawn bik em em. Ka nu min laksak duh tawk mai lovin ka pa leh zel pawh min chhuhsak leh a maw.



Ka hmai ka hup thawk a ka ṭap khur nghal dar dar. Natna nasa lutuk sawithiam phak bakin min tuam hlup hlup a. Ka â thei mai dawnin ka hria.



"Booboo i ṭha em?Ngati nge i ṭah?" hnunglam aṭangin Adriana'n thophang aw zetin a ti rawn tham ṭuak a.



Chhan pawh ka chhang thei lo. Ka taksa a khur a. Ka kawchhunga awm zawng zawng hian min rawn tawn tlang an tum ang mai hian ka taksa chhung ana ngut ngut.



"Booboo" chiai hmel zetin a rawn ti ruai a.



Alamah min pawt hnai a kuah rawk rawkin ka inhnit chhuak nghal hlawp hlawp.



"Sawi rawh le" a rawn tidam leh thluam a. Ka phone riin a chhunzawm nghal zat bawk.



Chhang tur ka awm miau loh avangin ka phone a ban a a be zui nghal sup.



"Aw le ka hrethiam e...ka rawn hruaithla ang" ati zui leh sup a.



"Booboo" tihpahin min rawn sawi a che tur ka awm lo. Ka khaw hmuh a fiah lo tulh tulh a ka tha neih ve zawng zawngin min phatsan vek a mit ka chhing zui nghal riai riai.



Ka harhin kani te inah kalo awm tawh. Ka lu ka chet a Adrian maimichhingin ka mutna bulah alo ṭhu ran. Ka kut a chelh tlat bawk.



Natna ngai bawkin min rawn tuam a. Theih nise muthilh hlen ve daih mai ka chak ngawih ngawih.



Ka pa tel lovin engtin nge ka nun ka hman zawm tawh ang. Ka neihchhun tak meuh meuh ani tawh a sin. Ngati nge ka chungah tiang hi a thlen bik.



Ka nu pumchhung a ka awmlai ata vanduai tur a ruat bik em ni ka nih. Ka lung a awi thei thlawt lo.



Thihna hi chu a van tawp chiang tak em. Beisei zawm tur pakhat mah a awm tawh lo. Ka pa hi ka damchhungin ka hmu tawh dawn lo ania.



Ka pa nen a kan hmalam hun ka suangtuah ve zawng zawng tekha boruakah an thamral vek.



"Pa i fanu hi min ngaihtuah miah lo ami...ngati nge keimah a awm turin min kalsan. I tel lovin engtin nge hun ka hman tawh ang" chung zawhna chu ka rilruin ka inzawt mawlh mawlh a. Mahse chhanna ka hmu ngai dawn lo.



"Booboo i ṭha tiraw" ka kut chelh reng chungin a rawn ti sup a. Chunglam ka melh ngar ngar. Chhang tur pawn ka ṭawng chhuak thei lo ka hrawkah a inhnawh tlat.



"Kan inpeih e kan kal thei" khum bula dingin ka niin a rawn ti sep a. A hmel en turin a lam ka hawi a ahmelah min lainatna ka hmu thei. Ni e min la lainat ve ang chu. A vahnu ka nia chuan ka pa hi a û ani ve tho bawk a.



"Sawmi i tho chhuak thei ang tiraw" tihpahin khumah a rawn ṭhuthla a ka sam a rawn chul zui nghal heuh heuh a.



Ka maimichhing sawk a ka bekah ka mittui a lumthla leh nghal pap.



"Nu sîn ka rawn zui ve cheu in rem ti em??" Adrian-a'n inthlahrun hmel dekin ka ni a zawt sup a.



"Min rawn zui lo mai rawh" ka niin a ti chang nghal fak.



Adrian a thaw chhuak hawk a. Ka niin a phal miau loh chuan keichuan tih theih ka nei lo.



Ka duhdan chuan ka kut vuan turin ka bulah awm reng se ka duh a mahse ka niin a rem ti miau silo.



Khum aṭangin Adrian-a'n min tung tho va ka lu ahai nghal muai muai a ka khaw hmuh a phe vek bawk.



Ka thil tawn rapthlak lutuk hian min ṭhawng mah mah a ka taksa hian azo meuh lo tih ka hre thei. Mahse ka intih chak luih angai.



TIME SKIP......
Kan in kan thlenga mipui lo awm mup mup ka hmuh rualin atak anihzia ati chiang zual.



Inchhung ka pen luh thleng pawn min tihderna ni sela ka tifan. Ka mumang mai mai ni se kati bawk. Mahse ka pa khuma nunna nei tawh lova hmel dang lep a amu ka hmuh ka hmuh rualin ka mumang anih loh zia a chiang tulh tulh.



Ka nutein min kuah chungin a ṭap rawng rawng a. Keive ṭap tur ka awm lo ka chawmawlh vek. Ka melh ngai ka melh ngawt ngawt.



Min khawngaihna leh min lainat hmel deuhin ka piin min thlir ngawih ngawih chu ka nuih sak. Enge ka nuihchhan pawh ka hre bik lo. Ka â ruai ni berin ka hria.



Ka pa hmel ka en a natna hlirin min luhkhung nghal ngut ngut. A biang tawn tawn dawmin ka kunhniam a a chalah ka chal ka nghatthla dat a ka mittui a far nghal kauh.



"Pa i fanu hi min khawngaih miah lo ami. Tunah kalo thleng ve chauh a min lo hmuah dan hi ka duh lo" ka phun chhuak nghal sep sep.



"Pa tho rawh. I fanu hi vawikhat pawh min hmangaih thu i sawi tawh dawn lova maw. Ngati nge i muthilh char char" ka pa dar tawn tawn a vuanin ka sawi nawk nawk a mahse min chhang tur a awm tawh lo.



"Nute ngati nge ka pa hian min chhan duh loh" ka nutei lam hawiin ka ti chhuak ṭiau a.


"Bawihte" min lainat hmel zet a min enin ka samah a chul nghal hauh hauh a. A mittui a hru zauh zauh bawk.



"Ngati nge tuman ka pa hi in kaihthawh duh miah lo. Mut hi aning tawh ang kaitho rawh u" ka ti chhuak tuarh tuarh a. Ka hawikual a tuman engmah tih an tum chuang lo.



Ka nutein min kuah bet a ka inhnit chhuak nghal hlawp hlawp.


Kuang an rawn zawn lut a ka nutei min kuahna aṭangin ka inla hrang nghal vat a ka pa ka kuahbet nghal tlat. Sawtiang a an khung saw ka phal reng reng lo. Ka bula awm ala duh. Ka pa hi a rawn harhchhuak leh dawn tih ka hria. A fanu hi engtikah mah min kalsan dawn lo.



Ka nutein min pawhsawn a tum a ka pa ka kuah bet tlat thung. Mittui kar aṭangin ka bula ding ho ka thlir kual a an mitah min lainatna a lang chhuak zut zut.



"Khawngaihin, ka pa in khatiang a awm kha a duh lo...khawngaihin" ngenna nen ka ti chhuak ṭiau.



Ka nutei leh ka pi in min pawm bet a. Awrawl tawpin ka ṭap chhuak nghal rawng rawng.



"Ka phal lo" ka ti chhuak tuarh tuarh chung pawn tuman min ngaithla duh lo.



"Ka phal lo. Kha tah khan khung suh u. Ka bula awm ala duh" mangang leh chiai lutukin ka ti leh tuarh mahse awmzia a awm chuang lo. Kapa kuanga an dah tih theih nei bawk si lovin ka thlir tlawk tlawk.



Sawifiah thiam bakin natna in min tuam a mumal engmah nei lovin ka â ruai.



Ka ṭap nasa lutuk bawk si avangin ka taksa a chau a ka zawi nghal hnawk.



Chhuat a ka ṭhuthla hnawk chu ka nutein min rawn kuah vat a.



"Bawihte i ṭha em i harh em??" min sawi nghal nawk nawk a . Mumal ka nei thei chuang lo.



Ka mit ka chhing riai riai a a reh nghal hmuk.



Ka harh lehin anlo zai tluk tluk tawh. Ka lu ka kan a ka nutei ka kut vuanin alo muthlu lawp lawp a.



Keimahni vangin mutmu pawh a tuah thei lo tih ka hria a ka inthlahrung em em bawk.



"Nute" ti chhuak sepin ka kut ka chet zauh a. A rawn meng nghal zawt.



"I lo harh tawh animaw. I zia deuh em" hambai baiin a rawn ti tham chhal a. Nui sekin ka bu zauh.



"Bawihte i hriat tur thil a awm a" a rawn ti leh sep a.



A hmel ka en nghal vat.



"I pa khan" sawi hreh hmel deuhin a tawp leh rih a. Keiin kalo tur sek sek thung.



"I pa khan a dah bo chhan che hi i hria em" ngaihtuah muk hmel zetin a rawn ti a. Ka lu ka thing ringawt.



Ka pa hian min dah bo chhan anei amaw. Ka hmalam hun a thlir ngawr ngawr vang ni lovin. Eng thil nge ni ang.



"Nute sawi rawh. Ka hre vek duh" min vawnna kut ka ti che dat a a thaw chhuak hak.



"I pa khan a natna chungchang kha hriattir che kha a duh ngai lova" a thaw chhuak nghal hak a. Ka nutei ka melh ngar thung. Sawi hreh hmel deuhin a a hawi kual a ka kut hum nghet sauhin a hmui hnuailam a pet fan.



"A na tuar lai kha i hmuh a duh lo bawk a"



"A kâl kha a function tawh lo ve ve a chuan thlak ngam ani tawh lo bawk a. A hun tawp nghah tawp mai lohkha chu tih theih a awm ngang lo" ka kut a vawnna thlahin ahmai a hup zui nghal a.



Khang hun chhung zawng zawng pawh khan keihian ka pa chikna chang ka lo hre miah lo va. Chuan anatna zual zel kha ka hriat a duh loh vangin Shillong ah min tir liam bawk a.



Ka pa lakah ka inthiam lo va nep ka inti hle bawk. Min mamawh ngawih ngawih chung pawn ka lak aṭangin a inla hrang hram hram zawk chu ani sia. A fanu ni tlakah pawh ka in ngai lo.



Ka awm bosan chhung kha rei nilo mahse ka tel lovin alo fight a. Kan pahnih a kan awmdun hun chhung zawng pawh khan ka hriatchhuah hlauin a thup bawk anga. Keimah ka inthiam lova ka pa awmdan chikna chang ka hre lo kha ka inthiam lo ngawih ngawih.



"Nute engtin nge ka tih ang" kati chhuak ṭiau.



"Bawihte i pa khan a ngaihtuah lutuk che asin. A kal dawn thlenga a sawi hnuhnun ber chu i hming ani asin" ka sam a chul hauh hauhin a ti sep sep a.



Chunglam melhin ka thaw kawk kawk a ka mittui a luang ngiai ngiai bawk.



Tunah chuan fahrah diktak ka ni ta. Nu leh pa ti a sawi tur he khawvelah hian ka nei tawh lo. Fahrah nun tem tur hian kala indah chhin ngai lo mahse ka tem dawn ta tho a.



Ka mangang a ka chiai bawk. Engtin nge ka hmalam hun ka hman zel ang. Tunah hrih hichuan keimaha pen turin huaisenna ka nei thlawt lo. Hlauhna hlirin min tuam bawk a.



TIME SKIP........


Ka pa boral aṭangin karthum aliam tawh a ka ni pawn min letsan leh tawh bawk. Ka pa boral tih ka hriat ni ang maiin keimahah nghawng ala nei lian em em thung. Thil ka ei hlei thei lova mutmu ka tuah thei hek lo. Vanlali'n min awmpui chawt bawk a. Mahse zirlai ve tho anih miau avangin tukin lamah min hawsan tawh thung.



Ka tal talin ka tal ve nawk nawk tawp. Ka pi leh pu ka nutei tepawn ka awmdan ang angin min enliam zel. Ka zan mu ka ṭhan harh changa ka pa zawng kual ruai a ka ṭah chhuah rawng rawng chang lah a tam. Ka nutein min buaipui chawt hi ani ber. Kum naupangtein thihna kut vawtin ka nu leh pa lak aṭangin min pawt hrang a. Tawrh dan ka thiam lo chu ani ber e.



Awmdan phung hlauh vek khawp a ka talbuai changin ka piin ka lu chunga kut nghatin ṭap zawih zawih chungin ka tan min ṭawngtaisak ṭhin.



Thil ka ei theih loh avangin ka taksa a chau ngawih ngawih bawk a. Kan inlam a awm ka duh viau a mahse ka pi leh puin an remtih loh avangin an în lamah ka insawn phei a. Nitinin ka nu leh pa thlan tlawh loh ni ka nei ngai lo.



Ka chhungte hriat lova ka thlanmual kal mumal nei lova min pawm haw lawp lawp chang lah atam. Ka inti chak thei lo chu ani ber e.



Ka zirna chhunzawm tawh lo va awm tawp ka tum a mahse ka pu in a rem ti tlat lo. Chuan vawiin tlai lamah Shillong lam ka pan leh tawh dawn bawk a.



Ka pa boral ka hriat ni aṭangin Adrian nen kan inbe mumal thei lo va . Min tihbuai a hlauh vanga min be mumal lo ni turah ka ngai a mahse a chanchin Faktein min rawn hrilh chu zu a in nasa a atal bawraw hle tih hi ani.



Adrian chanchin ka hriat zawng zawng nen hian ka chau zo vek tawh. Enge a chhan ka zawh lahin a hriat loh thu chiahin min chhang. Thil thleng a awm ka ring ta bur bawk.



"Bawihte kal a hun ania" room kawngka kik kauh kauhin ka pi in a rawn ti lang lang a.



"Aw pi kalo chhuak dawn" ka mittui hru thuak thuakin room aṭangin ka pen chhuak nghal zat a.



Inhnuai lamah kan inzuithla dat dat a. Ka pi banah ka chelh tlat chu min nuih var varin ka kut a chul hauh hauh. Ka hahdam sawng sawngin ka hria.



Pawnlamah kan inzui chhuak nghal a. Ka nutei leh kapu anlo ding vang tawh.



Ka pu leh ka nutein sumo stand thleng min thlah dawn a. Ka nu leh pa thlan tlawh hmasak ka duh avangin kan chhuak hma dawn a.



"Bawihte a thim zawnga thil thlir loh tur aw. I tan kan awm tih hria la ṭha takin lehkha zir ang che. I nu leh pa fanu chhuan tak i nih theihna turin. Chuan thu awih em em rawh aw" ka piin min kuah vang vangin ati dam thluam a.



Min kuahna phelhsakin ka pi biang tawn tawn a dawmin ka nuih var var a. A mitah min lainatna leh khawngaihna a inpawlh nawk.



Car lam panin ka ṭhulut nghalthak a. Ka nutei leh ka pu rawn ṭhulut vein kan tlan chhuak ta nghal. Glass down in ka dak chhuak a ka pi lan theih chhung ka ban ka vai lap lap a.



Ka pu bulah tawlh hnaiin a bana kuahin a darah ka lu ka nghat a mit ka chhing nghal chial. A ban ka kuahna ka kut a rawn beng nghal thuk thuk chu ka ṭhen sak. Ka pi leh pu bul tluk a hahdamna hi ka nei ngai lovang.



"Bawihte kan thleng ania" ka puin ka biangah a rawn chul hauh hauh a phak chuapin ka meng chhuak diar diar. Ka muṭhat theih ngai loh avangin kalo chhing sek hman anih ka ring.



"Pu, nute keimahin ka kal thei angem" ka nutei leh ka pu melh tawnin ka ti chhuak sep a. Anlo rem ti ve mai bawk a.



Car aṭangin ka penchhuak a. Ka nu leh pa thlan ka hnaih tual tual a kalsan hrehnain min luhchilh nghal a.



Thlan hmaah ka ṭhingṭhi thla a ka pangpar ken ka dah nghal zat bawk a.



"Nu, pa ka kal tawh dawn asin. Ka ngai ngawt ang che u" mittui tlingpamin ka phun chhuak sep sep a.



Thlanbul a tawlh hnaiin ka kuah a ka mittui a far nghal kauh.



"Nu, pa in fanu bula hun hman hi chu inla chak ve ang tiraw. Van aṭang khan min lo thlir reng ang tiraw. Intan theih tawp ka chhuah ang" van lam ka hawi a ka bekah ka mittui a luang ngiai ngiai bawk a. Theih nise an bula kal ve ka duh.



Ka nu in min kalsan hma mahse ka pa tal ka kianga ala awmchhung kha chuan ka thla amuang em em a. An tel lova khawvel hmachhawn tur chuan ka huaisen tawk thlawt lo. Mahse chu chu keimah a ka tih angai tho bawk si.



Ka nu leh pa thlan fawp vang vangin ka thawhsan a. Ka awmrei chuan ka dik lo leh mai dawna ka hriat avangin ka kalsan vat angai.



Sumo stand kan thlenga bungrua em em hlan tur ka neih loh avangin ka seat ah ka ṭhulut nghal thak a.



Ka pu leh ka nutei lam hawiin ban ka vai lauh lauh a. Ka ṭahchhuak insum lutuk bawk si avangin ka hrawk ana ngut ngut bawk.



Shillong ka pan hmasak zawk ka ngaihtuah a khatah kha chuan ka pa min thlah turin ala tel a. Ngaihtuah thui duh lovin ka lu ka thing nawk nawk a. Ka bag aṭangin earphone la chhuakin ka phone ka connect a Natalie Taylor hla Surrender ka ngaithla vang vang a.



Zan tlan anih tawh ṭhin avangin khaw hawi atawi duh ang reng.



Sumo glass up in ka ngheng a ka maimichhing chial a. Ka ngaihtuahnaah min ti hnual thei thil engmah dah ka duh lo. Chak taka hmalam ka pan angai.



Ka hmalam pannah hian chauh chang neiin tlu ṭhin mahila ni ila ka tho leh anga huaisen takin ka tumram thleng turin ka kal zel ang.



Ka phone vibrate chur churah ka harh a. Ka hawi kual thuak a Shillong kan tlanlut der tawh kalo muttui viau anih ka ring. Ham bai baiin ka phone ka lek kang nghal vat a Adrian a ni.



"Booboo kalo hmuak che aw" phone ka pick rualin a rawn ti dam raih a. A aw ka hria a ka ngaih a zual nghal veng veng.



Mahse ka chhuk tur thu hi engtin nge a hriat zawk le. Ka hrilh miah si lo.



Ka ngaihtuahnaah Faktei a rawn lut zui zat a. Ka chhuk dawn zan khan kan inbe tak e, a hrilh pawh ani mai thei.



"Umm" ka ti sep a.



"Ka ngai tawh che" a ti dam leh raih a chu chuan ka mittui a ko leh ngawt pek. Min ngaihsakna aw ka hriat chiah hian ka zuau leh zo vek.



"Keipawh" ka ti lawi rat a. A thaw hawk riin a zawm nghal zat bawk.



"Kan lo thleng ṭep. Kan lo thlen veleh kalo be leh ang che" min chhanna pawh nghak lovin ka phone ka hmet tawp nghal a. Adrian, ka nutei, ka pi leh pu kala nei a. Anni an awm phawt chuan engkim ka pal tlang thei em em ang.



Ka nu leh pa pawn in dawmkun tlawk tlawk a ka awm hi an duh ngai lovang tih ka chiang.



Kei aia vanduai zawk pawh an awm ang. Keichuan min hmangaihtute kala nei tal alawm. Pathianin nu leh pa min pe a mahse a hun atihah min laksak leh a. Ka chunga a remruat zawng zawng hi ka ṭhatna tur vek a ni tih ka pawm thiam angai. Ka duhdan ang vekin he khawvel hi a inher lo tih ka hriat tel angai bawk.



Sumo a ding dat a, kawngka hawngin ka pen chhuak nghal zat a. Ka phone lekkangin Adrian no ah ka call zui nghala. Rei pawh a ring hmain a pick zui zat a.




"Kan lo thleng tawh a khawnge i awm"



"I hnunglam kha lo hawi la" a rawn ti sup a. Inher riai riaiin ka hawi kual a ka dinna aṭanga hla vak lovah ban vai lauh lauh a ading ka hmu zui zat.



Ka phone ti tawpin ka bag ah ka hnawhlut rawk rawk a. A lampanin ka tlan nghal a a bul ka thlen rualin ka kuah nghal rawk rawk bawk. Ka chhip a a khabe nghatin a thaw chhuak ham ham a.



"Ka naute hian min ngai tawh viau ami" ka lu ka bu nghat nghat a anui chhuak hawk.



Ka kuahna ti thawl deuhin a hmel en thei turin ka dak deuh ha a. A hmai duk thleh thluah ka hmu nghal zat.



"I insualna ami" ka kut lekchhuakin ka khawih kual dun dun a. A bu nghut.




"Insual hi sim tawh la ka ti ngawt mai. Keimah vang tal pawhin" ka tizui sep a. Ngaihtuah muk hmel fein min melh ngur thung.




"Ka ril aṭam"




"Umm kan ei dawn nia" ti supin minkuahna a phelh a ka kut a hum zui nghal vang vang.



"Vawiin chu ka bulah awm rawh aw." Awm suh pawh min ti se ka awm thovang. Hostel a luh nghal a khawhar deuh a awm kha ka chak thlawt lo.




Nuih var varin ka lu ka bu nghat nghat a. A bike dahna lam min panpui nghal a.



A chuangkai a ka ṭhutna tur beng thuk thukin a nui suk. Nuih var varin ka lawnkai nghal zat a. A kawng a kuahin a hnunglum nuam zetah ka bei nghal vang vang. Hmalam aṭangin ka kut a rawn hum a. Ka hahdam sawng sawng thei.




"Khawiah nge kan kal dawn" hnunglam aṭangin ka ti lang lang a.




"Thil ei turin" tihpahin ka chal a rawn tauh nghal dat. Hetiang hi a ching ve ngawt mai.




Pb kan pan tho sia khawiah nge min eipui a tum pawh ka hre lo.




A bike ati ding dat a chhukthla nghalin ka hawi kual thuak thuak a.



"Tahkhan lo awm rawh kan park lawk ange" tihleh tlan chhuah a rual lehnghal a.




A inhun fel chhungin ka nutei biain ka thlen tawh thu leh kan tluan thu ka hrilh a. Min ngaihtuah ve sia engmah ka sawi loh chuan an rilru ka tih hah ka hlau ve tho. Zana ka biak leh tur thu sawiin kan inbiakna kan ti tawp a.



"KFC ei ang aw." tihpahin ka darah a rawn kuah a ka phu dawrh chu a rum nghut.



Kan inzui lut dat dat a.



"Sawtah sawn lova ṭhu rawh ka rawn order ang" a kil lam ṭhutna a kawk zauh a. Chulam pan chuan ka pen phei nghal that that a.



Rei pawh ka ṭhut hmain eitur nen alo let leh der tawh.



Eitur ka hmuh rualin ka pum ari nghal rawk rawk. Ka pum ka dawm vat a Adrian lam ka hawi a alo nui suk chu ka melh nghal rawm rawm.



Kawng lakah engmah ka ei loh avangin ka ril aṭam lutuk ani tawp.



"Tinge i ei ve loh" ka melh nghal ha.



"I thil ei ka hmuh hian ka puar" ati sam et. A puar leh ka ei vek anga ni mai. Kei ka ril aṭam thung alawm.



"Khawnge kal i duh" kan thil eina hmun aṭanga kan chhuah rualin a rawn ti dam thluam a. Pa leh fa leng kual turte pawh kan ang mah zawkin ka hria. Ani alian si kei ka lian zawk zawk bawk silo. Ka kut a hum deuh run bawk si.



"Wadrs lake" tihpahin ka nuih nghal var var.



"I thu ang zelin le pi ber" a banah ka chum nghal ṭawlh a anui chhuak nghal hawk hawk.



Phul chungah a ṭhu thla a ahma a beng thuk thuk a ka ṭhuthla ve nghal zat a. Ka awm zawna min kuah hlu hluin ka darah khabe a nghat zui zat bawk.



"Adrian"



"Umm" thatchhiat hmel zetin a rawn ti sup.



"Insual tehi bansan tawh la ka ti" hmalam thlir vang vangin ka ti sep.



A ngawih vang vang hnuin a rawn thaw chhuak hawk a.



"Kan tum dawn nia" a ti liam puat. Hetianga atih pawh hian a tum tak tak ngai lo. Mahse nawr sek sektu nih ka duh chuang lo. Ka sawi sek chuan a nin ka hlau ve tho. Mahse zawi zawiin a rilru hi hmin ka tum dawn tho.



Ka phone a ri a ka bag hai rawk rawkin ka la chhuak a.



"Aw nî" ka bengbula lakangin kati zui sep.



"Hostel lut hmasa lovin helamah rawn haw phawt ang che" order fe in a rawn ti hlak a phone a daih zui nghal daih.



Ka phone melh haw in ka thaw chhuak hak. An inlama kal hi ka chak thlawt lo. Ka ni nen kan inmil thei ngang bawk silo.




"Ka niin an bula haw hmasa turin min duh a" ka phone ka bag a thun pahin ka tizui sep a.



"Umm kan haw rual thei tihna nihchu" tihpahin a nui zui suk.




"Adrian"




"Hmm"




"Faktein min hrilh a a chhan ka hre thei angem" beisei nei zat a hawiletin a mitah tak ka melh kiau a.



"Ka sawi peih lo" ti hmukin min kuahna a phelh a ading zui nghal hmak.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2020, 1:52 pm

ERES MI VIDA(You are my life)







Ka story chhiar tura ilo luh avangin ka lawm eee🥰🥰🥰
I PURPLE YOU💜💜💜💜💜💜💜








Chapter-24 Last chapter







Nawrluih ka tum hran lo. A hun atih hunah chuan min la hrilh ve mahna. Mahse hetiang ngawt a khawsa ṭhin hi chu a ṭha hi ka va tilo tak em.



A hmel ka en hian ka rilru ati na a, zu a in nasa tih a hmelah alang vek bawk.



Ka ding chhuak ve nghal a. A kut a vuanin ka nuih nghal var var.



"Kan haw tawh mai dawn ami. Ka chau reuh lutuk a" ka ti zui sep a.



Wards lake kan chhuahsan a, Neigrihms lam ka pan a. Mut hahdam vang vang pawh ka chak ve lutuk.



Ka pa boralna khan sawifiah thiam bakin min nghawng a. Ka mu mumal lova thil ka ei mumal bawk siloh avang khan ka taksa hi a chau ngawih ngawih ani ber.



"Zanah ka rawn hmu ang che" ti hmukin a inkalh chhuak leh nghal daih anihchu. Hamhaih deuhin a tlan liam tur ka thlir tawp. Engmah sawi vena hun pawh ka nei lo hrim hrim ania.



Ngati teh thut nge mawn le. A pawisawi ka neih awm ka hre bawk silo. Nge ka thil zawh avang khan alawm lo zawk.



Ka lu thing nawkin ka inher a ka ni te inlam ka pan zui nghal a.



Inchhung ka pen lut a ka ni te nulain mi lo lawm nghal chul a. A fel ve ngawt mai. Ka ni leh a pasal an awm lo thung.



Heta haw hmasa tur khan min ti sia tunah ka ni ber alo awm leh chuang bawk silo.



Living room lam ka pan a ka ṭhufel chiah tihin kawngka lamah thawm a rawn awm a ka hawi nghal zat. Ka ni inkhai bawr lukin a rawn penlut a. Ka bag dahthlain alam ka pan a athil khai lai ho ka khaipui nghal sawk sawk a.



"I lo thleng sia mizo chawhmeh pangngai siamin chaw pangngai kan ei ang chu ka ti deuh a" ani leh nilo angin a rawn ti dam thlap a. Mak ti deuhin ka ni hmel ka en nghal haw chu min lo nuih sak.



A piangthar nge mawnle. Heti teh thut a min lo duat hi ka va bang bo ve.



Choka lamah kan inzui lut a an nulain kan thil khai vel a dah fel nghal zung zunga. Ka ni nen kan chhuahsan zui leh nghal a.



"Kha i cherin i dawldang lutuk ei tih ṭhat i ngai ania" a rawn ti zui leh luam a. Kalo nuih var var thung. Min haw tawh lo tepawh anih ka ring.



"I chau awm sia va intifai la i mu hahdam dawn nia"



"Awle" tihpahin ka room hman ṭhin lam ka pan a.



"Khalam chu Shida a awm a i ulawmi hman ṭhin room lam saw hmang mai rawh" Ulawmi room hman lam a kawk zauh a. Bu nghatin room lam ka pan a. Ulawmi awmlai ang chiahin ala felfai thlap.



Khumah ka bag dahthlain ka mu nghal hnawk a. Ka phone ban lehin ka pa thlalak ka neih ho ka enkual a ka ngai vawng vawng. Min kalsan hi awih harsa kala ti.



"Pa, ka ngai lutuk che. I fanu hian kala mamawh bawk che a sin. Keimah a ke pen tur chuan ka huaisen tawk lo. Ka bulah lo kir leh thei la ka van ti tak em" ka phone chhana ka pa hmai ka chul kual dan dan a. Ka mittui a tlingpam bawk.



"He khawvel thildang zawng aiin ka mamawh che a sin" ka ṭahchhuak lutuk avangin ka hrawk chhung ana ngut ngut.



Vanduai bik intihna bawkin min luhchilh a, ka mittui ka bekah aluangthla ngiai ngiai. Hruk pawh ka tum buai peih lo. Ka tawt up up a ka â thei mai dawnin ka hria.



Ka awm ka ṭham tawk a. Ka thawchhuak thei dawn lo takngialin ka hria. Mihring thlirna tlang aṭang chuan ka nun hi ava awhawm lo tak em.



Ka hmalam hun ka thlir chang hian ka mangang takzet a ni.



Khum aṭangin ka chhuk a chhuat a ṭhingṭhiin ka kut suih zawmin ka ṭawngtai a. Pathian a tlukluh tawp loh chu tih theih dang ka nei lo. Pathian tel lo chuan ka paltlang zo lo ang.



Ka mittui tuai hul sawk sawkin bathroom lamah intifai turin ka lut nghal a. Lehkha ṭha takin ka zir anga fel takin ka nun hman chhoh zel hi ka tum tlat ang. Chu chu ka nu leh pa duhdan pawh ani dawn tih ka hria.



Ka nun ka uluk loh chuan nu leh pa nei tawh lo ka nih avang hian sawi ka kai hma dawn tih ka hria. Chuvang tak chuan Pathian a rinna nghat tlat chunga ke ka pen zel angai.



Bathroom ka chhuahsan a ka thawmhnaw thlakfelin khumah ka mu nghal thak a. Reilote tal pawh ka chhin zawk loh chuan ka mit a kham ṭun a. Ka taksa hian mut hahdam vang vang a mamawh tih ka hre bawk.



"Sawmte" ka dara sawi dat dattu an awm. Ka meng chhuak diar diar a khuma ṭhu chungin ka niin min lo nuih var var.



"Dinner ei phawt ila i mu leh zawk dawn nia" tihpahin khum aṭangin a ding chhuak zui a.



Ka blanket sinlai theh hlimin ka ṭhu chhuak ve vat a.



Zi mar ar arin ka ham zui bai bai a. Engmah ngaihtuah miah lova reilote chhung tui taka ka mu thei kha ka lawm tawk lutuk.



Room aṭangin ka pen chhuak a eitur dawhkanah kani te nulain alo rem dal tawh. Mizo chawhmeh vek ala ni zui bawk a. Chuan an dinner ei hun ai hmain min eipui cheu bawk. Ka ni hian a vahnu ka nihna angin min ngaihtuah ve tak tak anih ka ring tawh.



Ka hawikual thuak a a pasal hmuh tur a awm miah lo. Hospital lamah ala awm anih ka ring.



"Sawmte ei ṭeuh rawh aw. I dang liplep lutuk thil ei ṭha hle rawh tikha chuan dam lo mai tur hmel i pu alawm" dawhkan lam rawn pan pahin ka niin a rawn tiphur surh a. A ṭawngkam a chang fak lo pawh hian min tihahdam tawk lutuk.



Ka thlentirha min rawn biak kha chuan angai tete khan kan inhrawn leh mawp mawp dawn amaw ka ti hman kha ania. Mahse hei ka thlengthla teh cheng a alo dam thlap bawk sia. Reitak a awh turah ngai ila.



Chair pawt chhuakin ka ṭhuthla zui nghal a. Adrian nen kan thil ei dun bak kha engmah kala ei leh ta miah lo ania. Kan chawhmeh ka hmuh ringawt pawh hian ka pum a ri nghal rawk rawk.



"A tui i tih zawng tura ka rin ho ka siam anih hi...i duh zawng anni em?" a rawn ti dam thluam a.



Min ngaihsakna aw ka hriat hian ka mittui a ko leh ngawt pek. Mahse chaw eilaia ṭah ka duh lo bur. Ka mittui khap let sak sakin a tui thuin ka chhang a.



Ka pa boral aṭanga chaw pangngai taka ka ei leh hmasak ber ani hial ang.



Kan eina sengfel ka tum a ka ni bawkin a phal leh tlat lo. Titur an awm ati deuh tlat a tihluih theih pawh anilo. Hetiang reng hi ka ni nen kan inkar hi nei thei se kati takzet.



Ka ni nen living room lama ṭhuin ka pa chanchin kan sawi zui luam a. An naupang lai chanchin nuihzatthlak vel a sawilai phei chuan ka nui nasa lutuk. A thusawi chhungah ka cheng ve nimaiin ka hria.



"Va mu hahdam tawh la. I hmel en khan hahdam i mamawh ngawih ngawih tih alang vek ania....i patea chu kalo nghak mai ang" kan titi reng dawn amaw tihlaiin a rawn ti hluai a. Mahse pawi ka tilo zawk mut kha kala kham chuang miah lo. Tunah pawh mu mahila awlsam deuhin ka muhil leh thei nghal dawn tih ka hre mai ka taksa awmdan aṭang hian.



Tho ṭaih ṭaihin ka ni ka mangṭha a room lam ka pan ta nghal a.



Khuma ka ṭhut vang vang hnuin bathroom lamah inphihfai turin ka lut a. Adrian nen kan la inbe leh miah lo tih ka ngaihtuah a. Zanah ka rawn hmu ang che ti si kha tun thlengin alo la lang miah lo bawk a. Buaina a tawh loh hram ka beisei. Min thlah a kan inthlah dan lah kha a pangngai viau bawk silo.



Bathroom aṭanga chhuakin khumah ka inthawlh nghal kak a. Ka pa ngaihna bawkin min rawn zem leh chiai chiai a ka mittui bawk a hnai leh tawh. Ka tlat fal apiang hian heti hi ka ni ziah tawh dawn chu ani sia. Engtikah mah heng natna hian min kiansan ve theih pawh hi ka ring tawh lo.



Theih nise ka pa tawrh ai zawng zawng kha tawrh chhawk thei ila ka ti chuan keimah a mal taka awm turin min kalsan lo bawk anga. Mahse tunah awmzia a awm tawh chuang bawk silo.



Keiaiin an vannei zawk. Ka nu nen an awmdun thei tawh anga an khua ahar tawh miah lovang. Mahse an kalsan tak an fanu ve thung hian ka ngai a, ka khua ahar bawk. An bula awm ve chaknain min luahkhat vek bawk.



Ka bengbula phun ri sawr sawr avangin chiang lo ruaiin ka harh a. Ka blanket sinlai pawt ṭha sauh sauh a muthilh leh mai ka tum chu ka bianga rawn fawp kual dun dun an awm avangin phihthawh nawk angin ka harh nghal kawk. Thawhphan awm eih lovin ka ni pasal nen kan inmelh nghal run.



Ka ni pasal min bawh runin ka ban a chul kual a ka hmui a fawh tum a a rawn kun hniam chu ka theihtawp a nain a bengah ka sehsak a arum chhuak hrawih.



"Zawngchhenu" ṭawngrin hlau si sehchilh nawk nawka ti chhuakin ka biangah a beng nghal sawk a. Ka biang athip a a sa nghal ham ham bawk. Ka hmui a thip nghal zawk bawk.



"I lo kal leh hi ka lawm zia i hrethiam pha lovang. I ni ka khawihlai reng pawn ka ngaihtuah ṭhin che" rum dur dur chungin a rawn ti a. Ka kawrchhung zenluh atum chu ka tal ve phat a. A duh ang hi thlentir ka tum lo bur ani tawp.



Min melh dan ṭhin zawng zawng avang khan ka ngaina ngai lo mahse hetianga tenawm hian ka chungah rilru a put ka ring ngai lo.



Ka tha neih zawng zawng sawmkhawmin ka tal phat phat a mahse thaah ka hneh ngang lo.



Tho chhuak thutin ka samah a rawn ṭham a kum aṭangin min hnukthla a chhuatah min ṭhutbet a. Ka shirt haklai a rawn pawtthler a hlauhnain min ṭham a ka tiril a khur nghal dar dar.



A banah leh ka theih na lailaiah ka ham a. Ka kut tawn tawn man betin ka kawr a pawhthlerin a rawn ṭawn khawm a ka kut chet ngaihna a awm tawh.



Au chhuah ka tum chu ka kâ a hnawh nghal hmak bawk. Hlauhnain min tuam a ka bekah ka mittui a luangthla ngiai ngiai a.



Ka ke ka leng leh phat a chu pawh a khup tawn tawnin ka malah a do bet nghal vek bawk.



Ka kut a phuar khawm vek bawk si avangin ka tan chet ngaihna a awm tawh lo. Ka mal a do behna ana nghal ngut ngut bawk.



Ka bra chhanah ka hnute hrawm tawn tawnin a rum chhuak dur dur a. Ka kekawr kawng a rawn vuan nghal chat a ka theihtawp chhuahin ka kawngbawr ka chet a. A zenlut thei mai bik lo.



"Nang fahrah hmangaihtu pawh nei lo ka duh ka hmuhhma chu ka kalsan dawn lo che" tichhuak hrawkin ka kekawr chhungah a zenlut nghal a. Ka ṭap khur nghal dar dar. Hlauhna nasa lutukin min tuam nghal hlup hlup bawk. Ka au chhuah theih bawk siloh avangin ka beidawng hluah hluah tawh.



Hetiang hi ka chunga thleng turin ka duh lo. Ka hmelma chunga thleng tur pawn ka duh chuang lo.



Heng hi ka chungah a thleng dawn tih hre lawk ila ka ni te în hi ka pan miah lo tur.



Ka tha neih zawng zawng sawmkhawmin ka tal leh phat a. A duh anga a chet mai theih bik loh avangin ka biangah a beng leh sawk a. Patling kut tawrh chu ana tihpiahlam ani.



Ka bek tawn tawn a dawmin ka lu a chawikang deuh a. Chhuat charah ka tukhum a sawh dawt a ka zawi nghal hnawk a che tur ka awm tawh lo. Ka mitmeng avai nghal ruai a.




A duh ang ati hlawhtling anih chuan dam chakna ka nei tawh lovang.



Ka awmna room kawngka khik dat dat thawmah a chelai a tawp nghal hmak a.



"Sawmte" ka ni aw a ni. Ka kâ ahnawh avangin ka chhang thei silo.



Kik satliah pawh niloin a chumin a rawn chum dawt dawt a ka hmingin min ko bawk mahse chhang tur ka awm lo.



"Booboo i awm em" tihleh kawngka ri chawrh a rual nghal a.



Ka ni pasal min ṭhut bet mek a rawn phih tho nghal nawk a. A nghawng a rekin a hnek chawrh chawrh riin a zawm nghal zat bawk.



"Awi ka duh thei lo" ka niin mangang deuh a tichhuak ruaiin min rawn pan nghal a. Khuma blanket pawtthlain min khuh nghal sawk sawk bawk.




Ka tukhum chhuat char a min tauh tir avangin ka vai ruai a engmah ka hre mumal thei lo. Chhuat aṭangin ka kang lawp a. Ka hminga min ko mawlh mawlh chu ka hriat hnuhnun ber ani.





Chiang lo ruaiin ka meng chhuak a. Ka meng hlei thei der lo. Mit ka chhing leh sawk a tlemin men a nuam ta deuh. Ka lu kan ka tum a ka ti hlei thei der lo.





Ka kut ka chet zauh a. Ka ni a rawn hawi chhuak vat a. Hahdam huai hmel a pu nghal.





"I harh tawh maw" amitah lawmna leh hlauhthawnna ala inpawlh nuk. Ka mit ka khap fak fak a. Rawn kunhniamin ka chal a fawp nghal vang vang a. Inla hrang lehin a thaw chhuak nghal siai siai.




"Min muthilh san rei lutuk a" ti chhuak sepin ka kuta chelh nghet sauh sauh a.





A mitmeng a sen rum a a hmelah hian a chau ngawih ngawih tih alang bawk.






"Doctor ka va ko ange aw" tihleh aṭhutna aṭanga thochhuakin kawngka lam a pan nghal a.





Adrian hmuh ka chak a mahse ka ni nen a kan inkar ṭha thung si hi ka hlim veng veng. Engmahin a tihchhiat theih tawh loh nise ka ti bawk.




Kawngka ri rawk lam ka melh vat a ka ni leh doctor an rawn inzuilut nghal a.





Doctor in hmelhmuh nuam zetin min nuih nghal var var a. Ka ni khum bula ding ka kut a vuan leh chawt tawh.





"I ṭha lutuk ania hlauhthawn tur a awm miah lo, i chhuak thei vat ang" ngaihthlak nuam zetin a rawn ti a ka thaw chhuak nghal siai siai.





Doctor in min chhuahsan hnuin ka ni khumah a rawn ṭhu thla a ka samah a chul zui nghal hauh hauh.





"Khawnge Adrian?" ka ti lawi rat a. Ka aw pawh a chhuak hlei thei lo.





"In lamah a chawl hahdam ve lawk anihkha" a ti dam thluam a.





"I nutei pawh vawiinah alo thlengthla ang" ati zui leh zat a. Ka thaw chhuak hak. Ka chanchin a hriat rualin a mangang dawn lutuk tih ka hria. Tu tepawh mai hi ka tibuai vek zel anih hi. Ka inthlahrung ngawih ngawih bawk.





"Ni" a mit a melh kiauin ka ti sep a. Ka lam hawiin a nui nghal var var. A nui hmel phenah hian a rilru natna a lang tel bawk.





"Bawihte pawi kati takzet ani. Kha mi lawilopa khan i chungah tiang rilru hi a pu ang tih ka ring pha lo" a mit a khap fak fak a. A rilru ana tih ka hria. A pasal khan a vahnu chungah thil ṭha lo tak a thlen tir a chu bakah a pasal a hmangaih kha anih ve tho avangin a awmdan hi ka hriatthiam pui lutuk.





"Ni pawi ka ti lutuk" min vawnna kut sawi dat datin kati chhuak sep a. A mittui hru zauhin min nuih var var.





"I thiam loh ani hleinem....keimah zawk hi thiam lo zawk chu ka ni. Ka pasalin a enhniam theihna tur chein i chunga ka khawsak ṭhin avang khan pawi ka ti lutuk zawk" inthiam loh hmel fe in a rawn ti a. Ka nuih var var chu ka samah a chul nghal hauh hauh.





"Chuan khapa kha jail bang a zut dawn. Rei tak chhung an suspend bawk a" harsa tih hmel zetin a rawn ti hrawih a. Ka ni hi ka khawngaih takzet. A fahnu leh a pasal inkara a din angai a.





"Chuan" chawl datin a thawchhuak hak a kalo melh kiau thung.




"Inṭhenna ka tifel tawh bawk a" ati zui sep. Helai hmunah hian lehkha zir turin kal lo ila heng zawng zawng hi a thleng awm si lo. Khapa kha ka haw ve tho khatianga ka chunga a chet avang khan mahse ka ni hmel ka hmuh hian hreawm kati tel tho bawk.





"Adrian chu kan bia ange. A awmpui char char che a a chau lutuk ka hlauh avangin ka tir haw ta anihkha" tihpahin a phone a hmet nghal mual mual a.





A phone a benga nawr betin a tho zui nghal zat bawk. Chunglam melhin ka khap fak fak a.





Helai hmuna ka chunga thil thleng zawng zawng te ka ngaihtuahnaah a rawn lut dawt zut zut a.





Hlimna leh harsatna ka awm chhung reilote hian ka tawn zat a in ang reng ang.




Pathianin ka hmalam hun atan chhel ka zir na tura heng zawng zawng hi min pe nge tih hi ka ngaihtuahna luahtu ber ani.





Pathian hnên ata thil ṭha kan hmu a, thil ṭha lo pawh kan hmu lo vang em ni?




Thil ṭha leh ṭha loh pawh Pathian hian kan tawn a phal vek. He khawvela thil ṭha zawng zawng hi ka ta vek tur ani kher lo tih hi ka chiang em em bawk.





Thil ṭha zawng zawng ka ta ni se Pathian ka hre kher angem. Heng harsatna tehi Pathianin amah ka hnaih zualna tura a hmanrua ani tih hi ka hrethiam thar bawk.





Kawngka a rawn ri rawk a Adrian a rawn lang zui nghal zat.





Ka lam rawn pan phei pawk pawk a. Rawn kunhniamin min rawn kuah nghal vang vang a.





Min kuahna thlahin ka biang tawn tawnah a rawn dawm a ka chalah a fawp nghal vang vang bawk. A mitah lawmna a lang chhuak zut zut bawk.





Ka thukhum a vuanin ka chalah a chal rawn nghatthla datin a thaw chhuak ham ham a. Ka mit ka chhing nghal chial a.




"I rawn harh chhuah leh avangin ka lawm e. Ka chan tawh dawn che amaw ka ti hman a" harsa tih hmel fein a ti chhuak hrawih a.





"I bulah ka awm reng anga ka venghim tlat dawn che chu chu ka thu tiam anih chu"





"I nat ka phal lo bawk anga. Nitin i nui hmel chiah hmuh ka duh. Chumi a thlen theihna tur chuan ka theih tawp ka chhuah ang" a rawn ti ril ruih a. A thusawi zawng zawng hian min ti hlim veng veng. A sawi ang khian ati vek bawk ang tih ka hria.





"Adrian" ka mittui a far nghal kauh.




"Umm booboo sawi rawh"




"Kan pahnih hian eng harsatna pawh kan paltlang zel ang tiraw. Chuan min kalsan ngai lo bawk anga" ka ti tiau a.





Ka khabe a dawmin min kuai dak a ka mit a fawp zauhin ka hmuiah a fawp nghal vang vang a.





"Ka hmangaih che. Engtikah mah i kut ka thlah ngai lovang" hlimna avangin ka mittui a luang zung zung bawk.





"Ka hmangaih che" ka let ve sep a. Nui sukin ka kut ala kang a a fawp nghal vang vang.







TIME SKIP.........




"Bawihte i tlai dawn ania" living room lam aṭangin ka niin a rawn ti lang lang a. Ka hman tawh thu a chhangin room aṭangin ka pen chhuak nghal vat a.





"I nalh lutuk" nui var varin a kutzungpui a rawn tipir vah a ka nui chhuak nghal hak.





Ka ni nen kan cheng dun tawh a. Hostel ah pawh ka awm angai tawh lo bawk a. Ka niin min hmangaihna zawng zawng lanchhuahtirin min duat em em reng a keipawn min hmangaih ang tho hian ka hmangaih ve bawk.





Ka nutein a khat tawkin min rawn tlawh zauh zauh ṭhin a. Ka pi leh pu erawh tarlam annih tawh avangin kan inhmu ngai ta mang lo thung. Mahse phone kaltlangin kan inbe reng tho.





Vanlali leh Faktei ka tan an awm reng bawk a ka tan chuan ka ṭhian ni lovin ka laizawn ang mai anni.





"Ni ka kal aw" tihpahin kawngka lam ka pan a.





"Rawn haw tlai lo ula aw chuan nuam deuhin inhmang dawn nia" a rawn ti leh lang lang a. Ka ban vai zauhin in ka chhuahsan a. Kawtah Adriana'n car ngheng ar arin min lo nghak reng tawh. Sawta ding reng lo sawn rawn luh ve mai awm.





"I nalh lutuk" ka beng bul a ti sar sarin ka kawngah a kut a rawlh lut nghal zat a. Ka chhipah a fawp nghal vang vang bawk.





Tunah tak hichuan khawvela hmeichhe vannei ber niin ka inhria min hmangaihtute hlirin min hual vel a. Hei aia hlimna tur hi a awm tawh chuang pawn ka hre lo.





Adriana'n a nundan siamṭhat tumin theih tawp a chhuah a chu chuan min tihlim ber bawk. A zavaiin vawi lehkhatah insiamṭhat vek a harsa ang tih ka hriatpuia mahse zawi zawiin kan kal bek bek a engtikah emaw chuan a tumna hi a hlawhtling ang tih ka chiang bawk.





"Booboo ka hmangaih che. Ka nunna ka engkim i ni. I tan ka theih tawp ka chhuah zel ang" ka hmuiah a rawn fawp vang vanga. A kawnga kuah letin ka fawp let ve zat a.





Car kawngkhar ka luhna turin a hawng a nuih var varin ka ṭhulut nghal zat a.





Rawn ṭhulut ve nghalin kan dinner eina tur lampanin a inkhalh chhuak nghal a.





Glass down in van lama arsi lang pe tuar ka thlir vang vang a.





"Nu, pa in fanu hi tunah hian ka hlim lutuk....Ka ngai lutuk bawk che u" ka rilruin ka nu leh pa ka be mawlh mawlh a.





"Glass up ang aw hritlang i kai palh ang" Adriana'n a rawn tih vut rualin a lam ka hawi nghal vat a. Ka kut rawn banin a hum zui vang vang a.





"Ka hmangaih che" a ti ril ruih a.






"Keipawn" ka ti let ve sep.






Tuna ka hlimna zawng zawng hi khawvel sum zawng zawng pawn a leisen loh tur a ni.





Pathian hre reng chunga nun hmangte an inchhir ngai lo. Harsatna tawpkhawk pawh lo thleng ṭhin mahse a chakna ringin an paltlang zel ang.







A TAWP TA













Ka tum loh deuhin ka complete ta thut. Ka story hmasa ber ani chung hian ka tluang thlawt lo ani. Ka tum leh ka duhdan ang pawn ka ziak chhuak hlei thei lo harsatna alo awm ve zel aa. A hmasa berin problem awm avangin ka delete a tunah pawh tum loh deuh a ka tih tawp angai leh ta bawk a. Ka suangtuah ang pawn ka ziak chhuak hlei thei lo hi a hreawm ka ti tawp. Ka ṭah a chhuak zawk.





Min lo chhiarsaktu zawng zawng in zavai chungah ka thinlung tak takin ka lawm lutuk. Induh angin a ngaihnawm tawk lovang tih pawh ka hria mahse chuti chung chung chuan ka beisei phak lova chhiartu ka nei ve hi ka hlim ani tawp.





A lehpekah chuan hmasawnna ṭha tak ka neih beisei tawh ila.... Story thar nen inhmuh leh vat kan tum dawn nia....




KA LAWM E.....




I PURPLE YOU ALL
💜💜💜💜💜💜💜

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)